H53

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H53</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H53&coll=lhasa">see text in Tibetan script</a></table>268a<br><font size=+1>


rgya gar skad du/ AR+Ya da sha d+harma ka nA ma ma hA yA na sU tra/ bod skad du/ 'phags pa chos bcu pa zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod phung po'i ri la dge slong lnga brgya tsam gyi dge slong gi dge 'dun chen po dang / byang chub sems dpa' sems dpa' chen po rab tu mang po dang thabs cig tu bzhugs te/ de'i tshe byang chub sems dpa' sems dpa' chen </font><hr>268b<br><font size=+1>


po dge ba dri med rnam dag rin chen zla 'od rgyal po zhes bya ba 'khor de nyid du 'dus par gyur te 'dug go /de nas byang chub sems dpa' sems dpa' chen po dge ba dri med rnam dag rin chen zla 'od rgyal po stan las langs te bla gos phrag pa gcig tu gzar nas pus mo g.yas pa'i lha nga pad+ma'i snying po la btsugs te bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /gal te zhus nas zhu ba lung bstan pa'i slad du bcom ldan 'das kyis bdag la skabs phye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig las brtsams te zhu lags so/ / de skad ces gsol pa dang / bcom ldan 'das kyis byang chub sems dpa' sems dpa' chen po dge ba dri med rnam dag rin chen zla 'od rgyal po la 'di skad ces bka' stsal to| |rigs kyi bu/ de bzhin gshegs pas khyod la rtag tu skabs phye'i/ ci dang ci 'dod pa dris shig dang / ngas dris pa de dang de nyid kyi lung bstan pas khyod kyi sems rangs par bya'o/ /de skad ces bka' stsal pa dang / bcom ldan 'das la byang chub sems dpa' sems dpa' chen po dge ba dri med rnam dag rin chen zla 'od rgyal </font><hr>269a<br><font size=+1>


@#/ /pos 'di skad ces gsol to/ /bcom ldan 'das/ dge slong theg pa chen po la yang dag par zhugs pa dge slong theg pa chen po la yang dag par zhugs pa zhes bgyi ba bcom ldan 'das/ ji tsam gyis na/ dge slong theg pa chen po la yang dag par zhugs pa lags/ de bzhin gshegs pas ji ltar theg pa chen po la yang dag par zhugs pa lags par 'dogs par mdzad/ don gang gis na/ theg pa chen po 'di la theg pa chen po zhes bgyi lags / de skad ces gsol pa dang / bcom ldan 'das kyis byang chub sems dpa' sems dpa' chen po dge ba dri med rnam dag rin chen zla 'od rgyal po la legs so/ /zhes bya ba byin te/ rigs kyi bu/ khyod kyi lhag par g.yo ba ni/ bzang ba yin/ yongs su dpyad pa yang bzang ba yin/ dris pa lung bstan pa la spobs pa yang bzang ba yin te| rigs kyi bu/ khyod 'di lta ste/ skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams la phan pa dang / bde ba'i phyir zhugs te/ khyod de bzhin gshegs pa la don de lta bu yongs su dri bar sems pa ni/ legs so/ /legs so/ /rigs kyi bu/ de'i phyir legs </font><hr>269b<br><font size=+1>


par rab tu nyon la yid la zungs shig dang bshad par bya'o/ /byang chub sems dpa' sems dpa' chen po dge ba dri med rnam dag rin chen zla 'od rgyal pos bcom ldan 'das la legs so/ /zhes gsol to/ bcom ldan 'das kyi ltar mnyan pa dang / bcom ldan 'das kyis 'di skad ces bka' stsal to/ /rigs kyi bu/ byang chub sems dpa' chos bcu dang ldan na/ theg pa chen po la yang dag par zhugs pa yin te/ bcu gang zhe na/ 'di lta ste/ dad pa dang ldan pa yin/ nan tan snying por byed pa yin/ rigs phun sum tshogs pa yin/ byang chub kyi sems 'dod pa yin/ chos 'dod pa yin/ chos la nye bar rtog par byed pa yin/ chos kyi rjes su mthun pa'i chos la zhugs pa yin/ nga rgyal dang che ba'i nga rgyal dang bral ba yin/ dgongs te gsungs pa rtogs par bya ba la mkhas pa yin/ nyan thos dang rang sangs rgyas dang ldan pa'i theg pas yongs su mya ngan las 'da' bar mi 'dod pa yin no/ /gsol pa/ bcom ldan 'das/ ji ltar na/ byang chub sems dpa' dad pa dang ldan pa lags/ bcom ldan 'das kyis bka' stsal pa| rigs kyi bu/ 'di la byang chub sems dpa' sems dpa' chen po ni/ rang bzhin gyis g.yo med cing sgyu med la drang zhing drang po'i rang bzhin can yin te/ de ni/ de </font><hr>270a<br><font size=+1>


@#/ /bzhin gshegs pa dgra bcom pa yang dag par rdzogs pa'i sangs rgyas rnams kyi byang chub la yang mngon par yid ches/ de bzhin gshegs pa rnams kyi ye shes skad cig gcig la dus gsum dang ldan pa la yang mngon par yid ches/ de bzhin gshegs pa'i snying po rga ba med pa dang / 'chi ba med pa dang / zad pa med pa dang / 'gog pa med pa dang / chad pa med pa la yang mngon par yid ches/ yang dag pa'i mtha' dang / chos kyi dbyings dang / thams cad shes pa nyid dang / rnam pa thams cad mkhyen pa nyid dang / stobs rnams dang / mi 'jigs pa rnams dang / sangs rgyas kyi chos ma 'dres pa rnams la yang mngon par yid ches/ de bzhin gshegs pa rnams kyi dbu'i gtsug tor bltar mi mthong ba la yang mngon par yid ches/ de bzhin gshegs pa rnams kyi skyes bu chen po'i mtshan sum cu rtsa gnyis kyi rgyan dang / dpe byad bzang po brgyad cu phun sum tshogs pa dang / 'od 'dom gang ba nyid la yang mngon par yid ches/ nyan thos kyis bshad pa'am/ rang sangs rgyas kyis bshad pa'am/ byang chub sems dpas bshad pa'am/ de las gzhan pa drang srong chen po dag gis smras pa legs par </font><hr>270b<br><font size=+1>


bshad pa la yang mngon par yid ches/ 'jig rten 'di dang 'jig rten pha rol la yang mngon par yid ches/ dge sbyong dang bram ze yang dag par song ba rnams dang / yang dag par zhugs pa dag la yang mngon par yid ches/ dge ba'i las kyi rnam par smin par 'dod pa dang / dga' ba dang / yid du 'on bas lha rnams kyi nang du lha'i dbang po'am/ mi rnams kyi nang du mi'i dbang por 'gyur ba'i 'bras bu la yang mngon par yid ches/ mi dge ba'i las rnam par smin pa'i 'bras bu sems can dmyal ba dang / dud 'gro dang / yi dwags rnams kyi nang du mi 'dod pa dang / mi sdug pa dang / mi dga' ba dang / yid du mi 'ong ba dang / mi bzad pa dang / drag pa dang / rtsub pa dang / tsha bar 'gyur ba la yang mngon par yid ches so/ /de de ltar mngon par yid ches pas chos gsum spangs pa yin te/ gsum gang zhe na/ 'di lta ste/ nem nur dang / yid gnyis dang / the tshom mo/ /rigs kyi bu/ de ni/ byang chub sems dpa' dad pas rjes su 'brang ba zhes bya ste/ rigs kyi bu/ de ltar na byang chub sems dpa' dad pa dang ldan pa yin no/ /de nas de'i tshe bcom ldan 'das kyis tshigs su bcad pa 'di dag bka' stsal to/ /dad pa theg pa mchog yin te/ /des ni 'dren rnams nges bar byung / /de </font><hr>271a<br><font size=+1>


@#/ /phyir blo gros ldan pa'i mis/ /dad pas rjes 'brang nyid la brten/ /'jig rten dag na dad pa mchog /dad ldan rnam par nyams pa med// de lta bas na mkhas pa'i mis/ /dad pas rjes su 'brang ba bsten/ /dad pa med pa'i mi la ni/ /dkar po'i chos rnams mi skye ste/ /me yis sa bon tshig rnams la/ /myu gu sngon po ji bzhin no/ /rigs kyi bu/ ji ltar na/ byang chub sems dpa' nan tan snying por byed pa yin zhe na/ rigs kyi bu/ 'di la byang chub sems dpa' skra dang kha spu bregs te gos dur smrig dag bgos nas dad pas khyim nas khyim med par legs pa kho nar rab tu byung ngo / /rab tu byung nas kyang nyan thos kyi bslab pa dang / cho ga dang / sbyod yul dang / kun tu spyod pa dag la yang slob par byed/ rang sangs rgyas kyi bslab pa dang / cho ga dang / spyod yul dang / kun sbyod pa dag la yang slob par byed do/ /de de ltar slob pas lus dang / ngag dang / sems dang ldan pa'i gnas ngan len dag thams cad kyi thams cad rnam pa thams cad kyi thams cad du spangs pa yin no/ /de la lus dang ldan pa'i gnas ngan len gang zhe na/ 'di lta ste/ srog gcod pa dang / ma byin par len pa dang / mi tshangs par spyod pa dang / </font><hr>271b<br><font size=+1>


dbyig pa dang / mtshan cha dang / bong ba dang / lag pa dag gis gzhan la gnod par byed pa dang / lag pa rgod pa dang / rkang pa rgod pa dang / rgyug pa dang / dgyu \?\ ba dang / mchong ba dang / mgyogs par 'gro ba dang / rkyal ba ste/ de ni/ lus dang ldan pa'i gnas ngan len zhes bya'o/ /de la ngag gi gnas ngan len gang zhe na/ 'di lta ste| brdzun du smra ba dang / phra ma dang / ngag rtsub po dang / tshig kyal pa dang / nyes par smra ba brjod pa dang / mdo sde zab mo zab mo dag spong bar byed pa dang / mkhan po dang / slob dpon dang / bla ma lta bu rnams dang / tshangs pa mtshungs par spyod pa rnams la mi snyan pa rjod par byed pa ste/ de dag ni/ ngag gi gnas ngan len zhes bya'o| |de la yid kyi gnas ngan len gang zhe na/ 'di lta ste/ brnab sems dang / gnod sems dang / log par lta ba dang / phrag dog dang / ser sna dang / rnyed pa 'dod pa dang / grags pa 'dod pa dang / shes kyi khe 'dod pa dang / rigs kyi rgyags pa dang / gzugs kyis rgyags pa dang / lang tshos rgyags pa dang / nad med pas rgyags pa dang / gson pas rgyags pa dang / mang du thos pas rgyags pa dang / bsgoms pas rgyags pa dang / 'dod pa'i rnam par rtog pa dang / gnod </font><hr>272a<br><font size=+1>


@#/ /sems kyi rnam par rtog pa dang / rnam par 'tsho ba'i rnam par rtog pa dang / nye du'i rnam par rtog pa dang / yul gyi rnam par rtog pa dang chos gos dang / bsod snyoms dang / mal cha dang / stan dang / na ba'i gsos sman dang / yo byad kyi rnam par rtog pa dang / gnas la lhag par zhen pa dang / bzhon pa la lhag par zhen pa dang / mal chal lhag par zhen pa dang / btung ba la lhag par zhen pa dang / bza' ba pa la lhag par zhen pa dang / che ba'i bdag nyid la lhag par zhen pa dang / chung ma dang / bu dang / bu mo dang / thong gshol dang / zhing las dang / bran dang / bran mo dang / las mi dang / zho shas 'tsho ba dang / mdza' bshes dang / gros grogs dang / nye du dang / snag gi gnyen mtshams dag la lhag par zhen pa dang / nor dang / 'bru dang / mdzod dang / bang pa dag la lhag par zhen pa dang / 'tsho ba'i yo byad rnam pa sna tshogs kyi bar dag la lhag par zhen pa ste/ de de ltar lhag par zhen pas ji skad smras pa'i \?\ dngos po de dag las dngos po gang yang rung ba dag chung zos pa na mya ban dang / smre sngags 'don pa dang / sdug bsngal ba dang / yid mi bde ba dang / 'khrug </font><hr>272b<br><font size=+1>


pa dag 'byung par 'gyur zhing / de ltar de'i yid sred pa'i rlan gyis yongs su brlan pas srid par nying mtshams sbyor bar 'gyur ba ste/ rigs kyi bu/ mdor na/ yid kyi las kyi 'khrul 'khor gyis 'phangs nas 'khor ba'i 'khor lor yongs su 'khyams par 'gyur pa de ni/ yid kyi gnas ngan len zhes bya'o/ /de de ltar lus dang / ngag dang / sems kyi gnas ngan len dang bral bas na/ mkhan po la ston pa'i 'du shes bskyed pa dang / slob dpon la mkhan po'i 'du shes bskyed pa dang / tshangs pa mtshungs par spyod pa rgan rabs dang / pha ma dang / gsar bu rnams la zhes dang bcas pa dang / gus pa dang bcas par 'gyur zhing / de gcig pu dben par gnas nas 'di snyam du sems te/ 'di ltar bdag sems can thams cad bsgral ba'i phyir brtson pa dang / sems can thams cad dgrol ba'i phyir brtson pa dang / sems can thams cad dul ba dang zhi ba la dgod pa'i phyir brtson par byed pa na/ bdag nyid ma dul ba dang / ma zhi ba dang / ma bsrungs pa dang / ma btul ba ni/ bdag gi cha ma yin pas bdag gis ci nas kyang bdag mthong ba tsam gyis sems can rnams 'dul ba 'gyur ba dang / de bzhin gshegs pa rnams kyi bka' bzhin byed par 'gyur </font><hr>273a<br><font size=+1>


@#/ /pa dang / lha dang / klu dang / gnod sbyin dang / dri za la sogs pa dag yid rangs par 'gyur ba de ltar bya zhing de ltar bsgrub par bya/ de ltar brtson 'grus brtsams par bya'o/ /snyam du sems te/ rigs kyi bu/ de ni/ byang chub sems dpa'i ngo tshar shes pa yin no/ /de yang 'di snyam du sems te/ bdag la khyim pa'am rab tu byung ba 'ga' yang 'di lta ste/ tshul khrims nyams pa kun tu spyod pa'am/ lta ba nyams pa kun tu spyod pa'am/ 'tsho ba nyams pa kun tu spyod pa'am| cho ga nyams pa kun tu spyod pa'am/ sbyod yul nyams pa kun tu spyod pa'am/ nyams pa kun tu sbyod pa gang yang rung ba dag gis kun tu gleng bar mi 'gyur bar bya'o/ /snyam du sems te/ da de ltar khrel yod par gyur pa na nyin lan gsum mtshan lan gsum tshul khrims la so sor rtog par byed do/ /de tshul khrims yongs su dag pas 'gyod pa med cing / de sgrib pa med la lam gyi rgyun bcad de/ de bzhin gshegs pa'i chos 'dul ba la nye bar rten cing gnas bar byed do/ /rigs kyi bu/ de ni/ byang chub sems dpa'i khrel yod pa zhes bya ste/ rigs kyi bu/ de ltar na/ byang chub sems dpa' nan tan snying por byed pa yin no/ /de nas de'i tshe </font><hr>273b<br><font size=+1>


bcom ldan 'das kyis tshigs su bcad pa 'di dag bka' stsal to/ /rdzogs sangs rgyas dang sangs rgyas kyi/ /nyan thos nan tan snying por byed/ /de phyir nan tan thob bya'i phyir shes rab can gyis rtag brtson gyis/ /nan tan la ni 'jigs med pa'i/ /byang chub sems dpa' shes rab che/ /sangs rgyas kun gyis bsten pa yi/ /byang chub rdul med rtogs par 'gyur/ /rigs kyi bu/ de la ji ltar na/ byang chub sems dpa' rigs phun sum tshogs pa yin zhe na/ rigs kyi bu/ 'di la byang chub sems dpa' rang bzhin gyis 'dod chags dang / zhe sdang dang / gti mug chung ba dang / phrag dog med pa dang / ser sna med pa dang / g.yo med pa dang / rgyu med pa yin/ mi rtsub pa dang / mi brlang ba dang / mi rgod pa dang / ma khengs pa yin/ mi cor zhing mu cor mi smra ba yin/ drang ba dang mnyen pa yin/ des pa dang 'grogs na bde ba yin/ rang bzhin gyis mchod pa dang / rim gro bya ba rgya chen po dag la sems 'jug pa dang / longs spyod dang / 'tsho ba'i yo byad yod cing bdog pa dag gzhan dag la 'ged pa'i ngang tshul can yin/ lag pa dang / rkang pa dang / mig dang / yan lag gi dam pa mgo shin tu dang zhing gsal ba yin/ des de bzhin gshegs </font><hr>274a<br><font size=+1>


@#/ /pa'am| de bzhin gshegs pa'i nyan thos dag mthong ma thag kho nar dad pa dang / dang pa thob par 'gyur zhing / de dad pa dang dang ba des rigs phun sum tshogs par 'gyur ba ste/ rigs kyi bu/ de ltar na/ byang chub sems dpa' rigs phun sum tshogs pa yin no/ /de nas de'i tshe bcom ldan 'das kyis tshigs su bcad pa 'di dag bka' stsal to/ /du ba las ni mer shes shing / /chu skyar las ni chur shes ltar/ /blo ldan byang chub sems dpa' yi/ /rigs ni mtshan ma rnams las shes/ /mi rtsub brlang ba ma yin la/ /g.yo dang rgyu ni rnam spangs shing / /sems can kun la rab dang ba/ /de ni byang chub sems dpa' yi ni// rigs kyi bu/ de la ji ltar na/ byang chub sems dpa' byang chub kyi sems 'dod pa yin zhe na/ rigs kyi bu/ 'di la byang chub sems dpa' rigs la gnas shing byang chub kyi sems bskyed pa'i tshe de bzhin gshegs pa'am/ de bzhin gshegs pa'i nyan thos kyis yang dag par bskul ba dang / yang dag par skyo ba bskyed ba dang / yang dag par 'dzin du 'jug pa dang / bla na med pa yang dag par rdzogs pa'i byang chub tu sems bskyed par byed na/ de ni/ byang chub sems kyi 'dod </font><hr>274b<br><font size=+1>


pa'i rgyu dang po yin no/ /gzhan yang byang chub dang byang chub kyi sems kyi bsngags pa brjod pa thos nas bla na med pa yang dag par rdzogs pa'i byang chub tu sems bskyed par byed na| de ni/ byang chub kyi sems 'dod pa'i rgyu gnyis pa yin no/ /gzhan yang sems can skyob pa med pa dang / skyabs med pa dang / gnas med pa dang / dpung gnyen med pa dang / gling med pa dag mthong na/ bdag sems can 'di dag gi skyob pa dang / skyabs dang / gnas dang / dbung gnyen dang / gling du gyur cig ces snying rje'i sems nye bar bzhag nas rgyu de dang / rkyen de dang / gzhi des bla na med pa yang dag par rdzogs pa'i byang chub tu sems bskyed par byed na/ de ni/ byang chub kyi sems 'dod pa'i rgyu gsum pa yin no/ /gzhan yang de bzhin gshegs pa'i rnam pa thams cad yongs su rdzogs pa mthong na dga' ba skyed par byed/ mchog tu dga' ba skyed par byed/ sems shin tu sbyangs pa skyed par byed/ sems spro ba skyed par byed cing / de rgyu de dang / rkyen de dang / gzhi des bla na med pa yang dag par rdzogs pa'i byang chub tu sems bskyed par byed na/ de ni/ byang chub kyi sems 'dod pa'i rgyu bzhi pa yin no/ /gzhan yang sems can rnams la phan pa dang / bde ba kho na'i don du sbyin pa sbyin </font><hr>275a<br><font size=+1>


@#/ /par byed/ tshul khrims srung bar byed/ bzod pa sgom par byed/ brtson 'grus rtsom par byed/ bsam gtan la mnyam par gzhog par byed/ shes rab sgom par byed pa yin te/ de la ji ltar na sbyin pa sbyin par byed pa yin zhe na/ zas 'dod pa rnams la zas dang / skom 'dod pa rnams la skom dang / bzhon pa 'dod pa rnams la bzhon pa dang / mal cha 'dod pa rnams la mal cha dang / gos 'dod pa rnams la gos dang / gdu bu dang / dbung rgyan dang / rna cha gdub kor dang / rgyan dod pa rnams la rgyan sbyin par byed pa yin te/ rigs kyi bu/ mdor na/ rang gi sha dag gis kyang sems can rnams la phan 'dogs par byed de/ de ltar sbyin pa sbyin par byed do/ /sbyin pa de yang bla na med pa yang dag par rdzogs pa'i byang chub tu yongs su bsngo bar byed la sbyin pa des kyang rlom sems su mi byed do/ /de la ji ltar na/ tshul khrims srung bar byed pa yin zhe na/ de lus kyis legs par bsdams pa dang / ngag gis legs par bsdams pa dang / yid kyis legs par bsdams pa dang / de lus kyi nyes par spyod pa thams cad kyi thams cad rnam pa thams cad kyi thams cad du yongs </font><hr>275b<br><font size=+1>


su spong bar byed pa dang / ngag gi nyes par spyod pa dang / yid kyi nyes par spyod pa thams cad kyi thams cad rnam pa thams cad kyi thams cad du yongs su spong bar byed la/ tshul khrims ma nyams pa dang / ma ral ba dang / ma 'dres pa dang / nag nog tu ma gyur bar srung bar byed de/ de ltar tshul khrims srung bar byed do/ /tshul khrims de yang bla na med pa yang dag par rdzogs pa'i byang chub tu yongs su bsngo bar byed la/ tshul khrims des kyang rlom sems su mi byed do/ /de la ji ltar na bzod pa sgom par byed pa yin zhe na/ de la khyim na gnas pa'am/ rab tu byung ba dag gis spyod sam/ brgyad bkag gam/ brdegs sam/ btsogs sam/ bcings sam/ go rar bcug gam/ bzhugs sam/ rnam par gtses na yang bzod par byed/ dang du len par byed de/ de ltar bzod pa sgom par byed do/ /bzod pa de yang bla na med pa yang dag par rdzogs pa'i byang chub tu yongs su bsngo bar byed la/ bzod pa des kyang rlom sems su mi byed do/ /de la ji ltar na/ brtson 'grus rtsom par byed pa yin zhe na| de 'di snyam du sems te/ 'di lta ste/ dper na/ nam mkha'i khams mtha' yas mu med pa de bzhin du sems can gyi khams kyang mtha' yas mu med pa yin </font><hr>276a<br><font size=+1>


@#/ /pas| de dag bdag gcig pu gnyis su med pas phung po lhag ma med pa'i mya ngan las 'das pa'i dbyings su dgod par bya'o/ /snyam du sems te/ de rgyu de dang / rkyen de dang / gzhi des brtson 'grus rtsom par byed cing / de lus kyi tshor ba la lus dang ldan pa'i dran pas nye bar rtog par byed do/ / de tshor ba la nye bar rtog pa la brtson par byed pa na sems la sems kyi rjes su lta zhing gnas pa dang / chos la chos kyi rjes su lta ba la yang brtson par byed do/ / de de ltar dran pa nye bar gzhag pa na sdig pa mi dge ba'i chos ma skyes pa rnams mi bskyed pa'i phyir 'dun pa skyed/ 'bad par byed/ brtson 'grus rtsom/ sems rab tu 'dzin cing / yang dag par rab tu 'jog par byed do/ /sdig pa mi dge ba'i chos skyes pa rnams spang ba'i phyir 'dun pa skyed/ 'bad par byed/ brtson 'grus rtsom/ sems rab tu 'dzin cing yang dag par rab tu 'jog par byed do/ /dge ba'i chos ma skyes pa rnams bskyed pa'i phyir 'dun pa skyed/ 'bad par byed/ brtson 'grus rtsom/ sems rab tu 'dzin cing yang dag par rab tu 'jog par byed do/ /dge ba'i chos skyes pa rnams gnas pa dang / phyir zhing 'byung ba dang / </font><hr>276b<br><font size=+1>


nyams par mi 'gyur ba dang / brjod par mi 'gyur ba dang / yongs su rdzogs par bya ba'i phyir 'dun pa skyed/ 'bad par byed/ brtson 'grus rtsom/ sems rab tu 'dzin cing yang dag par rab tu 'jog par byed do/ /de de ltar brtson 'grus brtsams pa na rdzu 'phrul gyi rkang pa dang po sgom par byed do/ /de bzhin du rdzu 'phrul gyi rkang pa gnyis pa dang / gsum pa dang / bzhi pa yang sgom par byed do/ /de de ltar rdzu 'phrul gyi rkang pa yongs su grub pas bskal pa'am bskal pa las lhag par gnas shing / de bskal pa'am bskal pa las lhag par brtson 'grus kyi pha rol tu phyin pa yongs su rdzogs par byed do/ /de ltar brtson 'grus rtsom par byed do/ /brtson 'grus de yang bla na med pa yang dag par rdzogs pa'i byang chub tu yongs su bsngo bar byed la/ brtson 'grus des kyang rlom sems su mi byed do/ /de la ji ltar na/ bsam gtan la mnyam par 'jog par byed pa yin zhe na/ 'dod chags dang bral ba la mi gnas pa dang / 'gog pa la mi gnas pa dang / rnam par spangs par yongs su ma bsngos pa dang / nang la mi gnas pa dang / phyi rol la mi gnas pa dang / gzugs la mi gnas pa dang / tshor ba la mi gnas pa dang / 'du shes la mi gnas pa dang / </font><hr>277a<br><font size=+1>


@#/ /'du byed la mi gnas pa dang / rnam par shes pa la mi gnas pa dang / 'dod pa'i khams la mi gnas pa dang / gzugs kyi khams la mi gnas pa dang / gzugs med pa'i khams la mi gnas pa dang / stong pa nyid la mi gnas pa dang / mtshan ma med pa la mi gnas pa dang / smon pa med pa la mi gnas pa dang / 'jig rten 'di la mi gnas pa dang / 'jig rten pha rol la mi gnas pa dang / gzugs la mi gnas pa dang / sgra la mi gnas pa dang / dri la mi gnas pa dang / ro la mi gnas pa dang / reg la mi gnas pa dang / chos la mi gnas pa dang / sbyin pa la mi gnas pa dang / tshul khrims la mi gnas pa dang / bzod pa la mi gnas pa dang / brtson 'grus la mi gnas pa dang / bsam gtan la mi gnas pa dang / shes rab la mi gnas pa yin no| |rigs kyi bu/ mdor na/ chags pa thams cad spangs nas mi gnas par bsam gtan byed de/ de ltar bsam gtan la bsam gtan du byed do// bsam gtan de yang bla na med pa yang dag par rdzogs pa'i byang chub tu yongs su bsngo bar byed la/ bsam gtan des kyang rlom sems su mi byed do/ /rigs </font><hr>277b<br><font size=+1>


kyi bu| de la ji ltar na shes rab sgom par byed pa yin zhe na/ de 'di snyam du sems te/ sems can gyi khams su med pa dag yongs su mya ngan las bzlas byang sems can gang yang yongs su mya ngan las 'das pa med do/ /de ci'i phyir zhe na/ bcom ldan 'das kyis chos thams cad ni/ bdag med pa'o/ /chos thams cad ni| sems can med pa'o/ /chos thams cad ni/ gang zag med pa'o/ /zhes gsungs pa'i phyir ro/ /snyam ste/ de ltar shes rab sgom par byed do/ /shes rab de yang bla na med pa yang dag par rdzogs pa'i byang chub tu yongs su bsngo bar byed la/ shes rab des kyang rlom sems su mi byed do/ /rigs kyi bu/ de ltar na/ byang chub sems dpa' byang chub kyi sems 'dod pa yin no/ /de nas de'i tshe bcom ldan 'das kyis tshigs su bcad pa 'di dag bka' stsal to/ /nor bu rin chen rang bzhin gyis/ /'od 'bar 'byung gnas nyid na 'dug /byi dor byas na de bas ni/ /nyis 'gyur gyis kyang mdzes pa ltar/ /de bzhin rigs dang ldan pa yang // byang chub sems ni chol byed do/ /mtha' gnyis rnam par dag pa yi/ /spyod yul du ni bdud mi 'ong / /rigs kyi bu/ de la ji ltar na/ byang chub sems dpa' chos </font><hr>278a<br><font size=+1>


@#/ /'dod pa yin zhe na/ rigs kyi bu/ 'di la byang chub sems dpa' rang bzhin gyis chos don du gnyer ba dang / chos 'dod pa dang / chos la dga' ba dang / chos kyi kun dga' la sbyor ba'i rjes su brtson pa yin te/ des dge sbyong ngam/ bram ze'am/ bkres pas nyen cing zas 'dod pa gzhan dag mthong na/ des de dag la ldam ldum mam/ sngo rngad dam/ bza' bca' ci bdog cing yod pa dag sbyin par byed cing de 'jig rten gyi 'tsho ba dang / yo byad 'di lta ste/ rtsa ba dang / 'bras bu dang / sdong bu la sogs pa gang dag yin pa de dag kyang bsags shing sems can rnams la sbyin par byed pa dang / de dam pa'i chos 'dzin pa rnams kyi drung du song ste gus par smra ba dang / phyag bya ba dang / mngon par ldan ba dang / thal mo sbyar ba dang / gus par bya ba'i las dag byas nas zhe sa dang bcas/ gus pa dang bcas pa'i tshul bzhin du dri ba 'dri bar byed cing / de'i 'og tu de la dam pa'i chos 'dzin pa de yang ji ltar dri ba dris pa bzhin du lan 'debs par byed la/ de yang dam pa'i chos 'dzin pa de la ston par 'du shes skyed par byed/ dge ba'i bshes gnyen du 'du shes skyed par byed/ 'khor ba'i rgya mtsho las </font><hr>278b<br><font size=+1>


sgrol bar byed par 'du shes skyed par byed/ mkhan por 'du sems skyed par byed/ slob dpon du 'du shes skyed par byed/ bdag yun ring po nas 'khor ba'i dgon par 'khyams ba tshol bar byed pa yin no/ /snyam du tshol bar byed pa yin par 'du shes skyed par byed/ bdag yun ring po nas gti mug gis bsgribs shing gnyid log pa'i gnyid sad par byed pa yin no/ /zhes sad par byed pa yin par 'du shes skyed par byed/ bdag 'khor ba'i rgya mtsho'i 'dam du bying ba'i 'byin par byed pa yin no| |zhes 'byin par byed pa yin par 'du shes skyed par byed/ bdag lam ngan par zhugs pa la lam bzang po ston par byed pa yin no/ /zhes lam ston par byed pa yin par 'du shes skyed par byed/ bdag 'khor ba'i brtson rar bcings pa 'grol ba yin no/ /zhes 'grol bar byed pa yin par 'du shes skyed par byed/ bdag yun ring po nas nyam thag pa'i sman pa dam pa yin no/ /zhes sman pa yin par 'du shes skyed par byed/ bdag 'dod chags kyi med dang / zhe sdang gi me dang / gti mug gi mes kun tu 'bar bar gyur pa rab tu zhi bar byed pa yin no/ /zhes char sprin yin par 'du shes skyed par byed cing / de chos kyi rgyu dang / chos kyi gzhi dang / chos </font><hr>279a<br><font size=+1>


@#/ /kyi ched kyi phyir tsha ba yang khyad du gsod/ grang ba dang / rlung dang / nyi ma dang / sha sbrang dang / sbrang bu mchu ring dang / sdig sprul gyis reg pa yang khyad du gsod/ bkres pa yang khyad du gsod/ skom pa yang khyad du gsod la/ gzhan bde ba dag mthong na yang 'dod pa'i sems skyed par mi byed par de 'di snyam du sems te/ bdag la dam pa'i chos mnyan pa'i snang ba 'cha bas na/ bdag ni/ 'jig rten na bde ba yin no/ /snyam du sems te/ de rgyu de dang / rkyen de dang / gzhi des mya ngan mi byed/ smre sngags mi 'don cing sdug bsngal ba dang / yid mi bde ba'i sems khyed par mi byed la/ de mya ngan dang / smre sngags 'don pa dang / sdug bsngal ba dang / yid mi bde ba dang bral bas bdag de bzhin gshegs pas gsungs pa'i chos tshig gcig tsam gyi phyir yang bskal pa'am/ bskal pa las lhag par sems can dmyal ba chen po mnar med par gnas par spro'o/ /snyam pa de lta bu'i sems skye bar 'gyur zhing / de de ltar yid yongs su skyo ba med pas na/ sgri ma mi dgos pa kho nar rnam pa thams cad mkhyen pa nyid yang dag par sgrub par byed cing / sangs rgyas </font><hr>279b<br><font size=+1>


kyi chos ma thob pa rnams kyang thob par byed pa yin te/ rigs kyi bu/ de ltar na/ byang chub sems dpa' chos 'dod pa yin no/ /de nas de'i tshe bcom ldan 'das kyis tshig su bcad pa 'di dag bka' stsal to/ /rgyal ba'i sras po shes rab che/ /chos 'dod par ni gyur pa rnams/ /dam chos yongs su tshol ba na/ /skyo ba skyed par mi byed do/ / gus pas dam chos yongs tshol ba'o/ rgyal ba'i thugs las skyes pa rnams/ /sems kyis 'dzin par byed pa dang / /nan tan gyis ni sgrub pa yin/ /rigs kyi bu/ de la ji ltar na/ byang chub sems dpa' chos la nye bar rtog par byed pa yin zhe na/ rigs kyi bu/ 'di la byang chub sems dpa' 'di ltar nye bar rtog par byed/ chos thams cad ni/ byis pa so so'i skye bo kun tu rmongs par byed pa'i phyir sgyu ma lta bu'o/ /chos thams cad ni/ yod pa ma yin pa'i phyir rmi lam lta bu'o/ /chos thams cad ni/ dngos po med pa'i phyir chu zla lta bu'o/ /chos thams cad ni/ sems can med pa'i phyir mig yor lta bu'o/ /chos thams cad ni/ yang dag pa ma yin pa kun brtags pa'i phyir gzugs brnyan lta bu'o/ /chos thams cad ni/ byung nas 'jig cing 'du ba'i phyir brag ca lta bu'o/ /chos thams cad ni/ rten cing 'brel bar 'byung ba yin pa'i phyir byung </font><hr>280a<br><font size=+1>


@#/ /nas 'jig cing 'ju ba yin no/ /chos thams cad ni/ de bzhin nyid la yang dag par gzhol ba'i phyir ma skyes pa yin no/ /chos thams cad ni| ma skyes pa'i phyir ma 'gag pa yin no/ /chos thams cad ni/ byed pa po med pa'i phyir bcos ma ma yin no/ /chos thams cad ni/ gos pa med pa'i phyir nam mkha' lta bu yin no/ /chos thams cad ni/ rang bzhin gyis kun tu 'bar ba ma yin pa'i phyir zhi ba yin no/ /chos thams cad ni/ rang bzhin gyis kun nas nyon mongs pa can ma yin pa'i phyir gzod ma nas yongs su dag pa yin no/ /chos thams cad ni/ dri ma thams cad dang bral ba'i phyir dri ma med pa yin no/ /chos thams cad ni/ nyon mongs pa dang bral ba'i phyir gzod ma nas yongs su mya ngan las 'das pa yin no/ /chos thams cad ni/ nges par snang ba ma yin pa'i phyir gzugs can ma yin no/ /chos thams cad ni/ lus med pa'i phyir rnam par shes pa'i yul las yang dag par 'das pa yin no/ /chos thams cad ni/ gnas yang dag par bcom pa'i phyir mi gnas pa yin no/ /chos thams cad ni/ rjes su chags pa dang khong khro ba spangs pa'i phyir rnam par shes par bya ba ma yin no/ /chos </font><hr>280b<br><font size=+1>


thams cad ni/ nyon mongs pa'i spyod yul las yang dag par 'das pa'i phyir gnas med pa yin no/ /chos thams cad ni/ thabs la mkhas pa'i rig pa dang bral ba'i phyir sbrul gdug pa lta bu yin no/ /chos thams cad ni/ snying po med pa'i phyir chu shing gi sdong po lta bu yin no/ /chos thams cad ni/ rang bzhin gyis nyam chung ba'i phyir lbu ba rdos pa lta bu yin no/ /zhes nye bar rtog par byed pa yin te/ rigs kyi bu/ de ltar na/ byang chub sems dpa' chos la nye bar rtog par byed pa yin no/ /de nas de'i tshe bcom ldan 'das kyis tshigs su bcad pa 'di dag bka' stsal to/ /chos kun sgyu ma lta bu ste/ /byis pa rnams kyi sems rmongs byed/ /yang dag ma yin rmi 'dra bar/ /de ltar ltos shig dge slong dag /chos rnams chu zla lta bu ste/ /mig yor gyis ni kun nas bslangs/ /chos rnams gzugs brnyan lta bur ni/ /mkhas pa su zhig rtog mi byed/ /rigs kyi bu/ de la ji ltar na/ byang chub sems dpa' chos kyi rjes su mthun pa'i chos la zhugs pa yin zhe na/ rigs kyi bu/ 'di la byang chub sems dpa' gzugs mi rtag go /zhes yang dag par rjes su lta zhing / gzugs la 'dod chags dang bral ba'i phyir chos kyi dbyings mngon sum du mi byed </font><hr>281a<br><font size=+1>


@#/ /par chos kyi dbyings kyi 'khor gyi chos rnams yang dag pa'i shes rab kyis legs par rtogs par byed cing / de dag gi mtshan ma rnams dang / legs par bshad pa rnams dang / legs par mtshan btab pa rnams legs par zin par byed la/ mtshan ma dang / legs par bshad pa dang / legs par mtshan btab pa dang / legs par bzung ba de dag la de'i chos kyi dbyings kyi lam rtsol ba med pa kho nar 'jug pa dang / de bzhin du tshor ba dang / 'du shes dang / 'du byed dang / rnam par shes pa mi rtag go / zhes yang dag par rjes su lta zhing / rnam par shes pa la 'dod chags dang bral ba'i phyir chos kyi dbyings mngon sum du mi byed par chos kyi dbyings kyi 'khor gyi chos rnams yang dag pa'i shes rab kyis legs par rtogs par byed cing / de dag gi mtshan ma dang / legs par bshad pa dang / legs par mtshan btab pa de dag legs par zin par byed la/ mtshan ma dang / legs par bshad pa dang / legs par mtshan btab pa legs par bzung ba de dag la de'i chos kyi dbyings kyi lam rtsol ba med pa kho nar 'jug pa dang / mi rtag pa la ji lta </font><hr>281b<br><font size=+1>


lta ba bzhin du sdug bsngal ba dang / stong pa dang / bdag med pa la yang de bzhin te/ de gzugs bdag med de/ /zhes yang dag par rjes su lta zhing / gzugs bdag med do| |zhes yang dag par rjes su lta ba na/ gzugs kyis mi skrag mi dngang zhing dngang bar mi 'gyur ro/ /de ci'i phyir zhe na/ gzugs ni/ yang dag pa ma yin pa'i yongs su rtog pas kun nas bslangs pa yin la/ des de yang yang dag pa ji lta ba bzhin du shes pa'i phyir ro/ /de bzhin du tshor ba dang / 'du shes dang / 'du byed dang / rnam par shes pa bdag med do/ /zhes yang dag par rjes su lta zhing / rnam par shes pa bdag med do/ /zhes yang dag par rjes su lta ba na/ rnam par shes pas mi skrag mi dngang zhing dngang bar mi 'gyur ro/ /de ci'i phyir zhe na/ rnam par shes pa ni/ yang dag pa ma yin pa yongs su rtog pas kun nas bslangs pa yin la| des de yang yang dag pa ji lta ba bzhin du shes pa'i phyir ro/ /rigs kyi bu/ 'di lta ste/ dper na/ sgyu ma mkhan nam sgyu ma mkhan gyi slob ma mkhas pa zhig gis skye bo phal po che'i mdun du sgyu mar byas pa rnam pa sna tshogs 'di lta ste/ glang po che'i tshogs sam/ rta'i tshogs sam/ shing rta'i tshogs sam/ dpung bu </font><hr>282a<br><font size=+1>


@#/ /chung gi tshogs dag mngon par sprul te bstan par gyur na/ skyes bu mkhas pa'i rang bzhin can ni/ de mthong na mi skrag mi dngang zhing dngang par mi 'gyur ro/ /de ci'i phyir zhe na/ des de ni/ sgyu mar byas pa ste/ yang dag pa ma yin pa dang / yod pa ma yin pa dang / rdzun pa dang / slu bar byed pa'i chos yin par rig cing kun tu shes pa'i phyir ro/ /rigs kyi bu/ de bzhin du byang chub sems dpa' yang gzugs bdag med do/ /zhes yang dag par rjes su lta ba na/ mi skrag mi dngang zhing dngang bar mi 'gyur ro/ /de ci'i phyir zhe na/ gzugs ni/ yang dag pa ma yin pa yongs su rtog pas kun nas bslangs pa yin la/ des de yang yang dag pa ji lta ba bzhin du shas pa'i phyir ro/ /de bzhin du tshor ba dang / 'du shes dang / 'du byed dang / rnam par shes pa bdag med do/ /zhes yang dag par rjes su lta ba na/ rnam par shes pas mi skrag mi dngang zhing dngang bar mi 'gyur ro/ /de ci'i phyir zhe na/ rnam par shes pa ni/ yang dag pa ma yin pa yongs su rtog pas kun nas bslangs pa yin la/ des de yang yang dag pa ji lta ba bzhin du shes pa'i phyir ro/ /de nas bcom </font><hr>282b<br><font size=+1>


ldan 'das la byang chub sems dpa' sems dpa' chen po dge ba dri med rnam dag rin chen zla 'od rgyal pos 'di skad ces gsol to/ /bcom ldan 'das/ ji ltar na| byang chub sems dpa' gzugs mi rtag par yang dag par rjes su lta zhing gzugs la 'dod chags dang bral ba'i slad du chos kyi dbyings mngon sum du mi bgyid par chos kyi dbyings kyi 'khor gyi chos rnams yang dag pa'i shes rab kyis legs par rtogs par bgyid pa lags/ de skad ces gsol pa dang / bcom ldan 'das kyis byang chub sems dpa' sems dpa' chen po dge ba dri med rnam dag rin chen zla 'od rgyal po la 'di skad ces bka' stsal to/ /rigs kyi bu/ 'di ni/ skyes bu mkhas pa la dpes bshad pas don kun shes par 'gyur bas na/ de'i phyir dpe brjod par bya'i/ nyon cig /rigs kyi bu/ 'di lta ste/ dper na/ shes rab dang ldan pa'i rang bzhin can gyi mi la la zhig dug spyod par gyur na/ de dus dus su byi dor byed/ sbed par byed/ nor du byed/ bdag gir byed cing yo byad rnam pa sna tshogs dag tu 'tshong bar byed kyi/ de za bar ni/ mi byed do/ /de ci'i phyir zhe na/ gzhi 'dis bdag gi srog gi bar chad du 'gyur du 'ong ngo / /snyam du sems pa'i phyir </font><hr>283a<br><font size=+1>


@#/ /ro| |rigs kyi bu/ de bzhin du byang chub sems dpa' yang mya ngan las 'das bar sems pa dang / mya ngan las 'das pa la gzhol ba dang / mya ngan las 'das pa la 'bab pa dang / mya ngan las 'das pa la bab par byed mod kyi/ mya ngan las 'das pa de mngon sum du ni/ mi byed do/ /de ci'i phyir zhe na/ gzhi 'dis bdag kyang byang chub las ldog par gyur du 'ong ngo / /snyam du sems pa'i phyir ro/ /rigs kyi bu/ 'di lta ste/ dper na/ shes rab dang ldan pa'i rang bzhin can gyi mi la la zhig me spyod par gyur na/ de dus dus su me de la bkur stir byed/ bla mar byed/ ri mor byed/ mchod par byed/ legs par rim gro byed kyang de 'di snyam du bdag gis me 'di la bkur stir byas/ bla mar byas/ ri mor byas/ mchod par byas/ legs par rim gro byas mod kyi/ 'di la lag pa gnyis kyis ni/ gzung bar mi bya'o/ /snyam du sems so/ /de ci'i phyir zhe na/ gzhi 'dis bdag la lus kyi sdug bsngal dang / sems kyi yid mi bde ba 'byung bar 'gyur du 'ong ngo / /snyam du sems pa'i phyir ro/ /rigs kyi bu/ de bzhin du byang chub sems dpa' yang mya ngan las 'das pa la sems pa </font><hr>283b<br><font size=+1>


dang / mya ngan las 'das pa la gzhol ba dang / mya ngan las 'das pa la 'bab pa dang / mya ngan las 'das pa la bab par byed mod kyi/ mya ngan las 'das pa de mngon sum du ni/ mi byed do/ /de ci'i phyir zhe na/ gzhi 'dis bdag byang chub las ldog par 'gyur du 'ong ngo / /snyam du sems pa'i phyir ro/ /de skad ces bka' stsal pa dang / bcom ldan 'das la byang chub sems dpa' sems dpa' chen po dge ba dri med rnam dag rin chen zla 'od rgyal pos 'di skad ces gsol to/ /bcom ldan 'das| bdag gis bcom ldan 'das kyis gsungs pa'i don 'tshal ba ltar na/ byang chub sems dpas ni/ 'khor ba kho nar gnas par bgyi ba lags so/ / bcom ldan 'das kyis bka' stsal pa/ rigs kyi bu/ de de bzhin no/ /ji skad smras pa de bzhin te/ byang chub sems dpas ni/ 'khor ba kho nar gnas par bya ba yin no/ /gsol pa/ bcom ldan 'das/ ji ltar na/ byang chub sems dpa' 'khor ba na 'khor ba'i tshe 'khor ba'i skyon rnams kyis mi gos pa lags / bcom ldan 'das kyis bka' stsal pa/ rigs kyi bu/ de'i phyir dpe brjod par bya'i/ nyon cig /rigs kyi bu/ 'di lta ste/ dper na/ sprul 'dzin pa'i mi gsang </font><hr>284a<br><font size=+1>


@#/ /sngags dang / sman gyi stobs bskyed pa chen po dang ldan pa ni/ sbrul gdug pa dag dang lhan cig rtse zhing dga' la dga' mgur spyod par byed kyang gzhi des de'i srog gi bar chad byed par yang mi 'gyur ro/ /de ci'i phyir zhe na/ 'di lta ste/ shes rab dang / thabs dang / rig pa'i gsang sngags dang| sman gyi stobs bskyed pa'i phyir ro/ /de skad ces bka' stsal pa dang / bcom ldan 'das la byang chub sems dpa' sems dpa' chen po dge ba dri med rnam dag rin chen zla 'od chen pos 'di skad ces gsol to/ /bcom ldan 'das/ de ltar na/ byang chub sems dpa' sems dpa' chen po dag mya ngan las 'das pa de yang mngon sum du mi bgyid la/ 'khor ba'i skyon de dag gis kyang mi gos pa ni/ bcom ldan 'das/ ngo mtshar lags so/ /bde bar gshegs pa/ ngo mtshar lags so/ /bcom ldan 'das/ shin tu ngo mtshar lags so/ /bde bar gshegs pa/ shin tu ngo mtshar lags so/ /bcom ldan 'das/ bdag byang chub sems dpa' de dag la skyabs su mchi lags so/ /bcom ldan 'das/ sems can gang dag chos kyi rnam grangs 'di thos nas tha na sems dang ba </font><hr>284b<br><font size=+1>


gcig tsam rnyed par gyur pa de dag ni/ dge ba'i rtsa ba ngan ngon dang ldan pa ma lags so/ /bcom ldan 'das/ rigs kyi bu dang / rigs kyi bu mo gang dag chos bstan pa 'di bshad pa ni nyan par bgyid pa de dag ni/ bla na med pa yang dag par rdzogs pa'i byang chub tu lung bstan par 'gyur ba lags so/ /bcom ldan 'das kyis bka' stsal pa/ rigs kyi bu/ de de bzhin no/ /ji skad smras pa de bzhin te/ rigs kyi bu dang / rigs kyi bu mo gang dag chos bstan pa 'di bshad pa na nyan par byed pa de dag ni/ bla na med pa yang dag par rdzogs pa'i byang chub tu lung bstan par 'gyur ba yin no/ /chos bstan pa 'di bshad pa na dge slong lnga brgya po de dag len pa med par zag pa rnams las sems rnam par grol bar gyur nas sems rnam par grol ba de dag stan las langs te bla gos phrag pa gcig tu gzar nas pus mo g.yas pa'i lha nga sa la bcugs te bcom ldan 'das ga la ba de logs su thal mo sbyar ba dag btud nas bcom ldan 'das la 'di skad ces gsol to/ /bcom ldan 'das/ byang chub sems dpa' sems dpa' chen po rnams ni/ phyag bgyi bar 'os pa lags so/ /bde bar gshegs pa/ byang chub sems dpa' sems </font><hr>285a<br><font size=+1>


@#/ /dpa' chen po rnams ni/ phyag bgyi bar 'os pa lags so/ /bcom ldan 'das kyis bka' stsal pa/ dge slong dag /de de bzhin te| ji skad smras pa de de bzhin no/ /de nas de'i tshe bcom ldan 'das kyis tshigs su bcad pa 'di dag bka' stsal to/ /grags chen thabs la mkhas pa dang / /shes rab khyad par 'phags pa yis/ /nyan thos rnams kyis dag las/ /yang dag 'das par gyur pa dang / /phung po skye 'jig zad 'gyur par/ /yang dag ji bzhin shes gyur kyang / /'gro ba nyam thag 'di mthong nas/ /mya ngan 'da' bar mi 'gro ba'i/ /shes rab che rnams phyag bya'i 'os/ /'jigs pa med rnams phyag bya'i 'os/ / spyan yangs ldan rnams phyag bya'i 'os/ /rgyal ba'i sras rnams phyag bya'i 'os/ /rigs kyi bu/ de ltar na/ byang chub sems dpa' chos kyi rjes su mthun pa'i chos la zhugs pa yin no/ /rigs kyi bu/ de la ji ltar na/ byang chub sems dpa' nga rgyal dang / che ba'i nga rgyal dang bral ba yin zhe na/ rigs kyi bu/ 'di la nga rgyal zhes bya ba ni/ bdag ni/ gzhan dag dang rigs dang / rus dang / gzugs dang / 'gron bu dang / gser dang / nor dang / yo byad gang yang rung </font><hr>285b<br><font size=+1>


pa dag gam/ glang po che'i tshogs sam/ rta pa'i tshogs sam/ shing rta'i tshogs sam/ dpung bu chung gi tshogs dag mi mtshungs so/ /snyam du 'gran par byed cing / de ltar sems mngon par mtho bar byed pa gang yin pa ste/ de ni/ nga rgyal zhes bya'o/ /che ba'i nga rgyal zhes bya ba ni/ bdag ni/ gzhan dag pas rigs dang / rus dang / gzugs dang / 'gron bu dang / gser dang / nor dang / 'bru phun sum tshogs pa dag gam/ glang po che'i tshogs sam/ rta pa'i tshogs sam/ shing rta'i tshogs sam/ dpung bu chung gi tshogs dag gis khyad par du 'phags pa yin no/ /snyam du sems la/ de ltar sems khengs shing mi 'dud pa gang yin pa ste/ de ni/ che ba'i nga rgyal zhes bya'o/ /byang chub sems dpa' ni/ de dag dang bral bas na/ de'i phyir nga rgyal dang / che ba'i nga rgyal dang bral ba zhes bya'o| |de nas de'i tshe bcom ldan 'das kyis tshigs su bcad pa 'di dag bka' stsal to/ /nga rgyal che ba'i nga rgyal bral zhing rtag tu byams pa'i sems/ /snying rje'i yid dang ldan zhing 'gro ba dag la bag yod pa'i/ /sems dpa' gtso bo yangs pa 'di ni bsod snyoms spyod byed cing / /lha dang mi rnams dag la phan pa rjod par byed pa </font><hr>286a<br><font size=+1>


@#/ /yin| /bam po gnyis pa ste/ tha ma/ rigs kyi bu/ de la ji ltar na/ byang chub sems dpa' dgongs te gsungs pa rtogs par bya ba la mkhas pa yin zhe na/ rigs kyi bu/ 'di la byang chub sems dpa' de bzhin gshegs pas dgongs te gsungs pa'i mdo sde zab mo gang dag yin pa de dag la sgra ji bzhin kho nar mngon par zhen par mi byed pa yin te/ de la de bzhin gshegs pas dgongs te gsungs pa de dag kyang gang zhe na/ 'di lta ste/ de bzhin gshegs pas nyan thos rnams bla na med pa yang dag par rdzogs pa'i byang chub tu lung bstan to/ /zhes gsungs pa ni/ de ltar mi blta'o/ /kun dga' bo/ nga ni/ ro rgyab na'o/ /zhes gsungs pa yang de ltar mi blta'o/ /nga ni/ rgas 'khogs te ga tugs pa yin gyi/ nga'i bsnyen bkur ba tshol cig ces gsungs pa yang de ltar mi blta'o/ /mau dgal gyi bu/ khyod song la sman pa'i rgyal po 'tsho byed gyi gan nas sman longs shig dang bza' bar bya'o/ /zhes gsungs pa yang de ltar mi blta'o/ /de bzhin gshegs pa ni/ gzhan mu stegs can spyod pa pa dang / kun tu rgyu dag dang lhan cig tu tshigs gis rtsod par byed do/ /zhes </font><hr>286b<br><font size=+1>


gsungs pa yang de ltar mi blta'o/ /de bzhin gshegs pa'i zhabs la seng ldeng gi tshal ba zug go /zhes gsungs pa yang de ltar mi blta'o/ /skyes bu dam pa ma yin pa lhas byin ni/ yun ring po nas de bzhin gshegs pa'i gshed ma dang / gcugs can dang / phyir rgol ba dang / dgra bor gyur pa yin no/ /zhes gsungs pa yang de ltar mi blta'o/ /de bzhin gshegs pa bsod snyoms kyi phyir bram ze'i grong sA la can du ji ltar lhung bzed bkrus pas zhugs pa bzhin du phyir byung ngo / /zhes gsungs pa yang de ltar mi blta'o/ /bram ze'i bu mo dregs mas shing gi gzhong bu lto bar bcings te de bzhin gshegs pa la skur ba btab bo/ /zhes gsungs pa yang de ltar mi blta'o/ /de bzhin gshegs pa nyon mongs med kyi ljongs su dbyar gnas par zhal gyis bzhes pa na zla ba gsum du rta chas kyi nas dag gsol to| |zhes gsungs pa yang de ltar mi blta'o/ /de skad ces bka' stsal pa dang / bcom ldan 'das la byang chub sems dpa' sems dpa' chen po dge ba dri med rnam dag rin chen zla 'od rgyal pos 'di skad ces gsol to/ /bcom ldan 'das/ de bzhin gshegs pas nyan thos rnams bla na med pa yang dag par rdzogs pa'i </font><hr>287a<br><font size=+1>


@#/ /byang chub tu lung bstan pa de ji ltar blta bar bgyi lags/ bcom ldan 'das kyis bka' stsal pa/ rigs kyi bu/ ngas nyan thos rnams bla na med pa yang dag par rdzogs pa'i byang chub tu lung bstan pa gang yin pa de ni/ rigs las brtags te lung bstan to/ /gsol pa/ bcom ldan 'das| nyan thos zag pa zad pa/ srid par kun tu sbyor bya nag dag par rgyun chad pa dag la rigs mchis su lags kyang ji ltar bla na med pa yang dag par rdzogs pa'i byang chub mngon par rdzogs par 'tshang rgya bar 'gyur lags/ bcom ldan 'das kyis bka' stsal pa/ rigs kyi bu/ de'i phyir dpe nyon cig/ rigs kyi bu/ 'di lta ste/ dper na/ rgyal po rgyal rigs spyi bo nas dbang bskur ba zhig la bu zhig bdog par gyur la de yang bzo'i gnas thams cad slob par byed cing de dbang po rtul la dbang po mi rno ba zhig yin pas/ de phyis bslab par bya ba gang yin pa de ni/ sngar slob par byed la/ sngar bslab par bya ba gang yin pa de ni/ phyis slob par byed na/ rigs kyi bu/ 'di ji snyam du sems/ de gzhi des rgyal po'i bu ma yin no/ /zhes brjod par bya ba yin snyam mam/ gsol </font><hr>287b<br><font size=+1>


pa| bcom ldan 'das/ de ni/ ma lags so/ /bde bar gshegs pa/ de ni/ ma lags te/ de ni/ rgyal po'i bu zhes bgyi lags so/ /bcom ldan 'das kyis bka' stsal pa| rigs kyi bu/ de bzhin du rigs dang ldan pa'i byang chub sems dpa' dbang po rtul po yang sgom pa'i lam gyis sngar nyon mongs pa rnams zad par byed cing / phyis bla na med pa yang dag par rdzogs pa'i byang chub mngon par rdzogs par 'tshang rgya bar byed na/ rigs kyi bu/ 'di ji snyam du sems/ de gzhi des mngon par rdzogs par 'tshang mi rgya'o/ /zhes bya snyam mam/ gsol pa/ bcom ldan 'das/ bdag gis gang 'dod chen po ma gtogs par mngon par rdzogs par 'tshang mi rgya'o/ /zhes de skad mchi ba'i sems can de ni/ lha dang bcas pa dang / bdud dang bcas pa dang / dge sbyong dang bram zer bcas pa'i skye rgu dang / lha dang / mi dang / lha ma yin du bcas pa'i 'jig rten na yang dag par rjes su ma mthong lags so/ /bcom ldan 'das kyis bka' stsal pa/ rigs kyi bu/ dpe gzhan yang nyon cig / rigs kyi bu/ 'di ji snyam du sems/ byang chub sems dpa' sa bcu la gnas pa nyon mongs pa'i sgrib pa zad nas byang chub kyi snying po la 'jug gam/ 'on te ma zad </font><hr>288a<br><font size=+1>


@#/ /pas 'jug snyam mam/ gsol pa/ bcom ldan 'das/ bas nas mchis lags so/ /bde bar gshegs pa/ bas nas mchis lags so/ /bcom ldan 'das kyis bka' stsal pa/ rigs kyi bu/ 'di ji snyam du sems/ de gzhi des mngon par rdzogs par 'tshang mi rgya snyam mam/ gsol pa| bcom ldan 'das/ mngon par rdzogs par 'tshang rgya lags so/ /bde bar gshegs pa/ mngon par rdzogs par 'tshang rgya lags so/ /bcom ldan 'das kyis bka' stsal pa/ rigs kyi bu/ 'di la yang de dang 'dra bar blta bar bya'o/ /gsol pa/ bcom ldan 'das/ kun dga' bo/ nga ni/ ro rgyab na'o/ /zhes gsungs pa de ji ltar blta par bgyi lags/ bcom ldan 'das kyis bka' stsal pa/ rigs kyi bu/ ngas phyi ma'i skye bo de bzhin gshegs pa'i sku rdo rje ltar sra ba yang sku ro rgyab snyung na/ gzhan dag lta smos kyang ci dgos snyam du sems pa la thugs brtse bas de skad gsungs pa yin na/ de la mi blun po kha cig /de bzhin gshegs pa'i sku ro rgya ba stung zhe'o/ /zhes sgra ji bzhin kho nar 'dzin par byed de/ de dag ni/ rang yang nyams par byas la/ gzhan yang nyams par byed pa </font><hr>288b<br><font size=+1>


yin te/ de bzhin gshegs pas de la dgongs nas de skad ces gsungs so/ /gsol pa/ bcom ldan 'das/ nga ni/ rgas 'khogs te gtugs pa yin gyi/ nga'i bsnyen bkur ba tshol cig ces gsungs pa de ji ltar blta bar bgyi lags/ bcom ldan 'das kyis bka' stsal pa/ rigs kyi bu/ de yang ngas phyi ma'i skye bo rnams la thugs brtse bas nga'i nyan thos rgas 'khogs te gtugs pa gang dag gi lus la bsnyen bkur ba dgos pa dag 'byung bar 'gyur ba de dag de bzhin gshegs pas rjes su ma gnang ngo / /zhes phongs par mi 'gyur bar bya ba'i phyir de skad ces gsungs te/ de bzhin gshegs pas de las dgongs nas de skad gsungs pa yin na| de la mi blun po kha cig /de bzhin gshegs pa bgres 'khogs te gtugs so/ /zhes sgra ji bzhin kho nar 'dzin par byed de/ de dag kyang rang yang nyams par byas la gzhan yang nyams par byed pa yin no/ /gsol pa/ bcom ldan 'das/ mau dgal gyi bu khyod song la sman pa'i rgyal po 'tsho byed kyi gan nas sman longs shig dang bza' bar bya'o/ /zhes gsungs pa de ji ltar blta bar bgyi lags/ bcom ldan 'das kyis bka' stsal pa/ rigs kyi bu/ de yang ngas phyi ma'i skye bo rnams la </font><hr>289a<br><font size=+1>


@#/ /thugs brtsebs nga'i nyan thos gang dag la sman dgos pa dag 'byung bar 'gyur ba de dag de bzhin gshegs pas rjes su ma gnang ngo / zhes phongs par mi 'gyur bar bya ba'i phyir de skad gsungs te/ de bzhin gshegs pas de las dgongs nas de skad gsungs pa yin na/ de la mi blun po kha cig sman pa'i rgyal po 'tsho byed kyi dge slong mau dgal gyi bu la zhes med pa dang / gus par bgrims pa med pa ma yin par bstan cing dris na/ yang rings pa rings pa kho nar snyun gyi gsos sman bstan pa las na/ de bzhin gshegs pa ni/ sku la snyun mnga' ba yin no/ /snyam pa dang / de bzhin gshegs pa'i sku de la yang nyes dmigs dag snang ste/ chos mthong ba rnams la yang de lta bu'i bag med pa dag 'byung bar 'gyur na/ so so'i skye bo dag la lta smos kyang ci dgos zhes sgra ji bzhin kho nar 'dzin par byed de/ de dag kyang rang yang nyams par byas la gzhan yang nyams par byed pa yin no/ /gsol pa/ bcom ldan 'das/ de bzhin gshegs pa ni| gzhan mu stegs can spyod pa pa dang / kun tu rgyu dag dang lhan cig tu tshig gis rtsod par byed do/ /zhes gang gsungs pa de ji ltar blta bar bgyi lags/ </font><hr>289b<br><font size=+1>


bcom ldan 'das kyis bka' stsal pa/ rigs kyi bu/ de yang ngas phyi ma'i skye bo dag de bzhin gshegs pa nyid la yang dgra bo dang / phyir rgol ba dag yod na/ bdag cag la lta smos kyang ci dgos snyam du sems pa dag la thugs brtse bas de skad gsungs pa yin na/ de la mi blun po de dag de bzhin gshegs pa la yang dgra bo dang / phyir rgol ba dag yod do/ /zhes sgra ji bzhin kho nar 'dzin par byed de/ rigs kyi bu/ 'khor los bsgyur ba'i rgyal po dge ba'i rtsa ba chung ngu dang ldan pa la yang dgra bo dang / phyir rgol ba dag med na/ de bzhin gshegs pa bsod nams kyi chu bo chen po dang ldan pa la lta smos kyang ci dgos/ gsol pa/ bcom ldan 'das/ de bzhin gshegs pa'i zhabs la seng ldeng gi tshal pa zug go /zhes gsungs pa de ji ltar blta bar bgyi lags/ bcom ldan 'das kyis bka' stsal pa/ rigs kyi bu /de bzhin gshegs pa ni| las bdag gir bya ba nyi ston par mdzad de/ de bzhin gshegs pa nyid la yang sngon byas pa'i las dag yod na/ gzhan dag la lta smos kyang ci dgos zhes rgyu de dang / rkyen de dang / gzhi des sdig pa'i las la mi dga' zhing dga' bar mi 'gyur ba'i don gyi dbang de gzigs pas na/ de bzhin gshegs pa las </font><hr>290a<br><font size=+1>


@#/ /bdag gir bya ba nyid ston par mdzad pa yin na/ de la mi blun po de dag de bzhin gshegs pa'i zhabs la seng ldeng gi tshal pa zug go /zhes sgra ji bzhin kho nar 'dzin par byed do/ /gsol pa/ bcom ldan 'das/ skyes bu dam pa ma yin pa lhas byin ni/ yun ring po nas de bzhin gshegs pa'i gshed ma dang / gcugs can dang / phyir rgol ba dang / dgra bor gyur pa yin no/ /zhes gsungs pa de ji ltar blta bar bgyi lags/ bcom ldan 'das kyis bka' stsal pa/ rigs kyi bu/ gal te skyes bu dam pa lhas byin med par gyur na/ de bzhin gshegs pa la sangs rgyas kyi che ba'i bdag nyid gcig kyang yod par mi mngon te/ rigs kyi bu/ gang gi phyir skyes bu dam pa lhas byin gyis de bzhin gshegs pa la rtsod pa dang / sgrun pa dang / phyir rgol ba dag bstan pa de'i phyir de bzhin gshegs pa la sangs rgyas kyi che ba'i bdag nyid dag yod par mngon no/ /rigs kyi bu/ rgyal po'i tshig gis skyes bu dam pa lhas byin 'dis de bzhin gshegs pa rnam par gzhom par bya'o/ /snyam nas grong bar gyi dbus nas de bzhin gshegs pa la glang po che nor skyong rbad par gyur pa gang yin pa de / </font><hr>290b<br><font size=+1>


de bzhin gshegs pas btul cing rnam par btul nas dul bar mdzad de/ skye bo phal po ches de mthong nas ngo mtshar du 'dzin cing rmad du byung bar bzung ste/ dkon mchog gsum po 'di lta ste/ sangs rgyas dkon mchog dang / chos dkon mchog dang / dge 'dun dkon mchog la skyabs su dong ste/ de yang skyes bu dam pa lhas byin gyi skyes bu'i rtsal yin par blta bar bya'o/ /de la blun po de dag ni/ kye ma lhas byin ni/ de bzhin gshegs pa'i gshed ma dang / gcugs can dang / phyir rgol ba yin no| |zhes sgra ji bzhin kho nar 'dzin par byed do/ /de bzhin du de bzhin gshegs pa byang chub sems dpa' gyur pa na tshe rabs lnga brgyar skyes bu dam pa lhas byin ni / gnod pa byas pa gang yin pa de yang byang chub sems dpa'i yon tan thams cad bstan par bya ba'i phyir byas pa yin na/ de lta mi blun po kha cig /kye ma lhas byin ni/ de bzhin gshegs pa'i gshed ma dang / gcugs can dang / phyir rgol ba yin no/ /zhas sgra ji bzhin kho nar 'dzin te/ de dag ni/ gzhi des lus zhig nas sems can dmyal ba dang / dud 'gro dang / yi dwags rnams su skye bar 'gyur ro/ /de ci'i phyir zhe na/ 'di ltas skyes bu dam pa lhas byin ni/ tshogs shin tu bsags pa/ dge </font><hr>291a<br><font size=+1>


@#/ /ba'i rtsa ba shin tu bsags pa/ rgyal ba du ma la lhag par bya ba byas pa/ dge ba'i rtsa ba bskyed pa/ theg pa chen po la yang dag par zhugs pa/ byang chub chen po la gzhol ba/ byang chub chen po la 'bab pa/ byang chub chen po la bab pa/ bla na med pa yang dag par rdzogs pa'i byang chub tu nye ba yin pas na| de la snang \?\ ba'i sems bskyed pa de dag ni/ lus zhig nas sems can dmyal ba dang / dud 'gro'i skye gnas dang / yi dwags rnams su skye bar 'gyur ba'i phyir ro| |gsol pa| bcom ldan 'das/ de bzhin gshegs pa bsod snyoms kyi phyir bram ze'i grong sA la can du ji ltar lhung bzed bkrus pas zhugs pa bzhin du phyir byung ngo / /zhes gsungs pa de ji ltar blta bar bgyi lags/ bcom ldan 'das kyis bka' stsal pa/ rigs kyi bu/ de yang ngas phyi ma'i skye bo rnams la bltas te de lta bu bstan to/ /de ci'i phyir zhe na/ rigs kyi bu/ de bzhin gshegs pa la las kyi sgrib pa cung zad kyang med pa'i phyir te/ 'on kyang de bzhin gshegs pas phyi ma'i skye bo rnams la bltas nas de lta bu bstan te/ dge slong bsod snyoms pa kha cig bsod snyoms kyi phyir grong dang / grong khyer dang / grong rdal dang / ljongs </font><hr>291b<br><font size=+1>


dang / yul 'khor dang / rgyal po'i pho brang 'khor dag tu zhugs pa'i tshe bdag nyid bsod nams chung bas bsod snyoms ma rnyed pa na/ de dag de'i tshe de bzhin gshegs pa yid la byas nas 'di skad ces de bzhin gshegs pa dge ba'i rtsa ba'i tshogs thams cad yongs su rdzogs pa de nyid kyang ji ltar lhung bzed bkrus pas zhugs pa bzhin du phyir byung na/ bdag cag dge ba'i rtsa ba chung ngu dang ldan pa rnams lta smos kyang ci dgos te/ bsod snyoms ma rnyed pa 'dis bdag cag yongs su gdung bar mi bya'o/ / zhes brjod par 'gyur ba'i don gyi dbang 'di gzigs pas/ de bzhin gshegs pa bsod snyoms kyi phyir bram ze'i grong sA la can du ji ltar lhung bzed bkrus pas zhugs pa bzhin du phyir byung bar \?\ bstan to/ /gzhan yang bdud sdig can gyis bram ze dang / khyim bdag rnams byin gyis brlabs pas na/ de ltar bsod snyoms mi ster to/ / zhes zer na/ de yang de ltar mi blta'o/ /de ci'i phyir zhe na/ bdud sdig can gyis de bzhin gshegs pa'i bsod snyoms kyi bar chad byed par mi nus pa'i phyir te/ 'on kyang de bzhin gshegs pa'i byin gyi rlabs kyis bdud sdig can gyis bram ze dang / khyim bdag rnams kun tu byin gyis brlabs pa yin gyi/ de bzhin gshegs pa </font><hr>292a<br><font size=+1>


@#/ /la ni/ las kyi sgrib pa cung zad kyang med de/ sems can de dag nyid yongs su smin par bya ba'i phyir de bzhin gshegs pas thabs la mkhas pa de lta bur ston par mdzad do/ /de bzhin gshegs pas zhal zas bcad cing chad pa de na bdud dang / bdud kyi ris kyi lha dang / lha'i bu gzhan dag kyang dge sbyong go'u ta ma dang / nyan thos dag yid mi bde bar mi 'dug gam zhes de bzhin gshegs pa nyan thos kyi dge 'dun dang bcas pa'i thugs la sems par byed| de dag nyin mtshan du de bzhin gshegs pa nyan thos kyi dge 'dun dang bcas pa'i thugs la sems kyis sems par byed pa na/ thugs kyi gnas gcig tsam la yang mtho ba med cing dma' ba med la/ sngon ji lta ba bzhin du phyis kyang de bzhin/ phyis ji lta ba bzhin du sngon yang de bzhin te/ yid mi bde ba med par yang dag par rjes su mthong nas de'i tshe na lha'i bu bdun khri 'dus par gyur pa dag gis de bzhin gshegs pa la rab tu btud pa dang / de bzhin gshegs pas kyang de dag la ci nas kyang de dag thams cad chos rnams la chos kyi mig rnam par dag par 'gyur pa de lta de ltar chos bshad de/ de ltar na/ de bzhin gshegs </font><hr>292b<br><font size=+1>


pa phyi \?\ ma'i skye bo la gzigs pa yin gyi/ de bzhin gshegs pa la las kyi sgrib pa yod pa ni/ ma yin no/ /gsol pa/ bcom ldan 'das/ bram ze'i bu mo dregs mas shing gi gzhong bu lto bar bcings te de bzhin gshegs pa la skur ba btab bo/ /zhes gsungs pa de ji ltar blta bar bgyi lags/ bcom ldan 'das kyis bka' stsal pa| rigs kyi bu/ de bzhin gshegs pa la ni/ las kyi sgrib pa'i nyes pa med de/ de bzhin gshegs pas bram ze'i bu mo dregs ma 'jig rten gyi khams gang+gA'i klung gi bye ma snyed du 'phang bar yang spyod mod kyi/ de bzhin gshegs pas thabs la mkhas pas las kyi bya ba bstan te/ nga'i bstan pa 'di la rab tu byung ba la skur pa btab pa dag 'byung bar 'gyur ba de dag yang dag pa ma yin pa'i skur pas skur bar 'gyur bas de dag 'gyod pa can du gyur pa'i tshe de dag skur ba btab pa na 'di skad du/ de bzhin gshegs pa dkar po'i chos thams cad dang ldan pa des kyang re zhig mngon sum du skur ba brnyes par gyur na/ bdag cag gis lta ci'i phyir mi rnyed ces zer zhing / de dag de'i tshe na skur pa de zil gyis mnan nas tshangs par spyod pa yongs su dag pa yongs su byang ba spyod par 'gyur ba dang / nyams par mi 'gyur bar bya ba'i phyir ro/ /bram ze'i </font><hr>293a<br><font size=+1>


@#/ /bu mo dregs ma ni/ re zhig sdig pa'i las kun tu rgyas pa yin pas rmi lam na yang de bzhin gshegs pa la skur pa 'debs par byed pa yin te/ shi 'phos nas kyang sems can dmyal bar 'gro bar 'gyur ro/ /rigs kyi bu/ gal te de bzhin gshegs pas de kun tu srung bar spyod do/ /zhes mkhyen par gyur na ni/ de kun tu srung bar yang mdzad de/ de ci'i phyir zhe na/ de bzhin gshegs pas sems can 'ga' yang yongs su ma btang ba'i phyir ro| |gsol pa/ bcom ldan 'das/ de bzhin gshegs pa nyon mongs med kyi ljongs su dbyar gnas par zhal gyis bzhes pa na zla ba gsum du lta chas kyi nas dag gsol to/ /zhes gsungs pa de ji ltar blta bar bgyi lags/ bcom ldan 'das kyis bka' stsal pa/ rigs kyi bu/ ngas bram ze dang / khyim bdag de dag de bzhin gshegs pa spyan drang bar mi sems par shes te/ shes bzhin du de bzhin gshegs pa der dbyar gnas so/ /de ci'i phyir zhe na/ de bzhin gshegs pa dge slong gi dge 'dun dang bcas par zla ba gsum gyi bar du gang dag gi rta chas gsol ba'i rta lnga brgya po de dag thams cad ni/ byang chub sems dpa'i theg pa pa </font><hr>293b<br><font size=+1>


sngon gyi rgyal pa la bsnyen bkur byas pa sha stag yin te/ de dag sdig pa'i grogs po'i dbang du song nas sdig pa'i las byas pas las des de dag dud 'gro'i skye gnas su skyes te/ rta lnga brgya bo de dag gi nang na rta cang shes gang yin pa de ni/ byang chub sems dpa' nyi ma'i snying po zhes bya ba smon lam gyi dbang gis bsam bzhin du der skyes pa yin la/ rta lnga brgya po de dag kyang byang chub sems dpa' nyi ma'i snying po de nyid kyis byang chub yang dag par 'dzin du bcug pa yin pas/ de dag yongs su smin par bya ba'i phyir der skyes te/ rta cang shes de nyid kyi mthus rta lnga brgya po de dag thams cad kyis sngon gyi tshe rabs rjes su dran par gyur cing / de dag gi byang chub kyi sems de yang mngon du gyur pa'i phyir te/ rigs kyi bu/ de lta bas na/ de bzhin gshegs pa rta lnga brgya po de dag la thugs brtse ba'i phyir dbyar der gnas so/ /des na rta cang shes kyi chas kyi nas gang dag yin pa de dag las phyed ni/ de bzhin gshegs pa la 'bul lo/ /rta lnga brgya po de dag gi chas kyi nas gang dag yin pa de dag las phyed ni/ dge slong lnga brgya po de dag la 'bul zhing / rta cang shes de rta'i skad des rta lnga brgya po de dag sdig pa 'chags su bcug cing / sangs rgyas la sogs pa dge </font><hr>294a<br><font size=+1>


@#/ /slong lnga brgya po dag la phyag 'tshal du yang bcug go /rigs kyi bu/ de nas zla ba gsum po de dag 'das nas rta lnga brgya po de dag shi 'phos te dga' ldan gyi lha rnams dang skal pa mnyam par skyes nas lhar gyur pa de dag gis yang de bzhin gshegs pa la bkur stir byas/ bla mar byas/ ri mor byas/ mchod par byas pa dang / de bzhin gshegs pas kyang de dag la ci nas kyang bla na med pa yang dag par rdzogs pa'i byang chub tu nges par 'gyur ba de lta de ltar chos bstan to/ /rta lnga brgya po de dag 'dul zhing 'tsho bar byed pa'i rta rdzi gang yin pa de yang de bzhin gshegs pas rang sangs rgyas rab tu sems dul zhes bya bar 'gyur ro/ /zhes lung bstan to/ /rigs kyi bu/ de lta mod kyi/ de bzhin gshegs pa'i zhal zas gang yin pa de la ni/ mi bsod pa cung zad kyang med de/ rigs kyi bu/ gal te de bzhin gshegs pas shing dang / bod ba dang / gseg ma dang / gyo mo la sogs pa yongs su longs spyad par gyur na yang shing dang / bong ba dang / gseg ma dang / gyo mo la sogs pa de dag gi ro de lta bu dang / ro bro ba'i mchog gang dag yin pa de lta bu dag ni/ stong gsum gyi </font><hr>294b<br><font size=+1>


stong chen po'i 'jig rten gyi khams na yang med do/ /de ci'i phyir zhe na/ 'di ltar de bzhin gshegs pas skyes bu chen po'i mtshan ro bro ba'i mchog dang ldan pa zhes bya ba brnyes pa'i phyir te/ rigs kyi bu/ de'i phyir rnam grangs des na/ khyod kyis 'di ltar blta ste/ de bzhin gshegs pa'i zhal zas thams cad ni / bsod pa yin par rig par bya'o/ /rigs kyi bu/ gzhan yang dge slong kun dga' bo 'di snyam du/ de bzhin gshegs pas 'khor los bsgyur ba'i rgyal srid spangs nas rta chas kyi nas dag gsol bar mdzad pa lta zhes snying rje bar gyur pa dang / de bzhin gshegs pas de'i sems la rnam par gzigs nas kun dga' bo| |'di ci'i ro yin shes sam zhes nas kyi 'bru gcig byin pa dang / des de zos nas ngo mtshar du 'dzin par gyur te nga la 'di skad ces/ bcom ldan 'das/ bdag ni| rgyal po'i khyim du skyes shing rgyal po'i khyim du legs par rgyas pa lags na/ bdag gis ro 'di lta bu ni/ sngon chad ma myong lags so/ /zhes zer te/ de'i byin gyis tshe dang ldan pa kun dga' bo zas mi za bar dga' ba dang / bde bas zhag bdun 'das par gyur to/ /rigs kyi bu/ de'i phyir rnam grangs des kyang khyod kyis 'di </font><hr>295a<br><font size=+1>


@#/ /ltar blta ste/ de bzhin gshegs pa ni/ gang la yang las kyi sgrib pa mi mnga' ba yin par rig par bya ste/ sems can gang dag dge sbyong dang / bram ze tshul khrims dang ldan pa dag mgron du gnyer la zas 'bul gar mi byed pa de dag gis ji skad smras pa de bzhin byed pa nyid kun tu bstan par bya ba'i phyir las kyi rgyud de lta bu nye bar ston par mdzad do/ /rigs kyi bu/ gang gis de bzhin gshegs pa spyan drangs la zhal zas ma gsol ba de yang de bzhin gshegs pas log par ltung bar mi 'gyur ba'i chos su lung bstan pa'i de bzhin gshegs pa rnams kyi de bzhin gshegs pa'i che ba'i bdag nyid kyi khyad par la ltos| rigs kyi bu/ gzhan yang de bzhin gshegs pa dang thabs cig tu dbyar zla ba gsum gnas par khas blangs pa'i dge slong lnga brgya po gang dag yin pa de dag las dge slong bzhi bcu ni/ 'dod chags spyod pa dang / sdug pa'i mtshan ma la spyod pa yin pas gal te de'i tshe na de dag gis zas bsod pa dag zos par gyur na 'dod chags dang ldan pa'i rnam par rtog pa shin tu shas chen po dag skye bar 'gyur ba zhig na/ de dag gis zas ngan pa zos pa des 'dod chags dang ldan </font><hr>295b<br><font size=+1>


pa'i rnam par rtog pa de dag sra ba mor gyur nas de dag gis zhag bdun gyis dgra bcom pa nyid mngon du byas so/ /rigs kyi bu/ de lta bas na/ gang gis de bzhin gshegs pa rnams kyis gsungs pa nges par rtogs pa des ni/ legs pa kho nar nges par rtogs pa yin te/ rigs kyi bu/ de lta bas na/ byang chub sems dpa' dgongs te gsungs pa rtogs par bya ba la mkhas pa yin no/ /de nas de'i tshe bcom ldan 'das kyis tshigs su bcad pa 'di dag bka' stsal to/ /byang chub sems dpa' snying rje'i bdag |bkri don gsungs pa gang yin dang / /des don gsungs pa gang yin pa/ /legs pa kho nar rtogs par byed/ /brtan pa dgongs la mkhas gyur pa/ /nying mtshams sbyor ba spangs pa rnams/ /rdzogs pa'i sangs rgyas grags ldan gyis/ /gsungs pa khong du chud pa yin/ /rigs kyi bu/ de la ji ltar na/ byang chub sems dpa' nyan thos dang / rang sangs rgyas dang ldan pa'i theg pas yongs su mya ngan las 'da' bar mi 'dod pa yin zhe na/ rigs kyi bu/ 'di la byang chub sems dpa' ni/ sems can dmyal ba'i sdug bsngal dag| gam/ dud 'gro'i sdug bsngal dag gam/ yid dwags kyi sdug bsngal dag gis kun tu gdungs zhing tsha bar gyur kyang nyan thos dang </font><hr>296a<br><font size=+1>


@#/ /rang sangs rgyas dang ldan pa'i theg pas mya ngan las 'da' bar 'dod pa mi skyed cing / e ma'o/ /kye ma bdag len pa med par zag pa rnams las sems rnam par grol bar gyur cig /ces don nyung ngur mi byed de/ bya ba nyung ngur mi byed cing / don nyung ba nyid dang / bya ba nyung ba nyid la brtson par mi byed kyi/ de ni/ sems can rnams kyi dge ba'i las bya ba dag la grogs su 'gyur zhing / sems can de dag kyang bla na med pa yang dag par rdzogs pa'i byang chub yang dag par 'dzin du 'jug /yang dag par gzengs bstod/ yang dag par dga' bar byed de/ rigs kyi bu/ de ltar na/ byang chub sems dpa' nyan thos dang / rang sangs rgyas dang ldan pa'i theg pas yongs su mya ngan las 'da' bar mi 'dod pa yin no/ /de nas de'i tshe bcom ldan 'das kyis tshigs su bcad pa 'di dag bka' stsal to/ /snying rje'i bdag nyid can dag ni/ /ri 'dra'i sems kyis spyod byed la/ /sems can don la mi skyo zhing / /byang chub las ni phyir mi ldog /byang chub sems dpa' sems can la/ /phan par 'dod pas skyo mi byed/ /sems can gzhan la phan pa'i phyir/ /bag med pa yang </font><hr>296b<br><font size=+1>


mi byed do/ /de nas bcom ldan 'das la byang chub sems dpa' sems dpa' chen po dge ba dri med rnam dag rin chen zla 'od rgyal pos 'di skad ces gsol to/ /bcom ldan 'das/ byang chub sems dpa' chos gang dag dang ldan na theg pa chen po la yang dag par zhugs pa lags pa'i chos bcu po de dag ni/ bcom ldan 'das kyis bka' stsal lags na/ don gang gis ni/ theg pa chen po 'di la theg pa chen po zhes bgyi ba de ni/ bcom ldan 'das kyis bka' ma stsal lags so/ /de skad ces gsol pa dang / bcom ldan 'das kyis byang chub sems dpa' sems dpa' chen po dge ba dri med rnam dag rin chen zla 'od rgyal po la 'di skad ces bka' stsal to/ / rigs kyi bu/ de'i phyir de khyod nyid la 'dri'i/ khyod kyis ji ltar bzod pa bzhin du lan thob cig /rigs kyi bu/ 'di ji snyam du sems/ 'khor los bsgyur ba'i rgyal po dpung gi tshogs yan lag bzhi dang ldan cig tu lam gang nas 'gro ba'i lam de ji skad brjod par bya snyam/ gsol pa/ bcom ldan 'das/ de ni/ rgyal po'i gshegs shul zhes brjod par bgyi lags so/ /shul po che zhes brjod par bgyi/ shul bde ba zhes brjod par bgyi/ shul bzang po zhes brjod par bgyi/ zhe 'gras </font><hr>297a<br><font size=+1>


@#/ /pa ma mchis pa'i shul zhes brjod par bgyi/ 'khrug long ma mchis pa'i shul zhes brjod par bgyi lags so/ /bcom ldan 'das kyis bka' stsal pa/ rigs kyi bu/ de bzhin du de bzhin gshegs pa dgra bcom pa yang dag par rdzogs pa'i sangs rgyas theg pa gang gis gshegs pa'i theg pa de la yang theg pa chen po zhes bya'o/ /theg pa mchog ces bya/ theg pa rab ces bya/ theg pa rab mchog ces bya/ theg pa thub bo zhes bya/ theg pa gtso bo zhes bya/ theg pa bla na med pa zhes bya/ theg pa gong na med pa zhes bya/ theg pa mnyam pa med pa zhes bya/ theg pa mi mnyam pa med pa zhes bya/ theg pa mi mnyam pa dang mnyam pa zhes bya ste/ rigs kyi bu/ de'i phyir theg pa chen po 'di la theg pa chen po zhes bya'o/ /gsol pa/ bcom ldan 'das/ theg pa chen po ni/ bzang ba lags so// bde bar gshegs pa/ theg pa chen po ni/ bzang ba lags so/ /de nas bdud sdig can 'di snyam du sems te/ dge sbyong go'u ta ma ni/ bdag gi bdud kyi yul las yang dag par 'das shing / gzhan dag kyang yang dag par 'da' bar byed pa yin gyi/ bdag dpung gi tshogs yan lag bzhi dang bcas te dge sbyong go'u </font><hr>297b<br><font size=+1>


ta ma de dang / chos kyi rnam grangs de la mtho ba tsam du 'gro bar bya'o/ /snyam mo/ /de nas bdud sdig can dpung gi tshogs yan lag bzhi dang bcas pa go gyon nas rgyal po'i khab kyi grong khyer chen po ga la ba dang / bya rgod kyi phung po'i rig ga la ba de legs su song ba dang / byang chub sems dpa' sems dpa' chen po dge ba dri med rnam dag rin chen zla 'od rgyal pos bdud sdig can dpung gi tshogs yan lag bzhi dang bcas pa bcom ldan 'das la mtho ba tsam pa dang / chos kyi rnam grangs 'di nub par bya ba'i bsam pas 'ong bar mthong ngo / /mthong nas kyang rdzu 'phrul mngon par 'du bya ba 'di lta bu mngon par 'du byas te ji lta bu'i rdzu 'phrul mngon par 'du bya ba mngon par 'du byas pas/ bdud sdig can dpung gi tshogs yan lag bzhi dang bcas pa rgyal po'i khab kyi grong khyer chen pos song nas lam po che dang / lam srang gi bzhi mdo dang / sum mdo dag tu sgra sgrog par byed/ dbyangs rjod par byed cing 'di skad ces/ rgyal po'i khab kyi mi khyed cag shes par gyis shig / de bzhin gshegs pa dgra bcom pa yang dag par rdzogs pa'i sangs rgyas de ni/ bya rgod kyi phung po'i ri la 'khor bzhi po dge slong dang / dge slong ma dang / dge </font><hr>298a<br><font size=+1>


@#/ /bsnyen dang / dge bsnyen ma rnams dang / gzhan ma stegs can rnams la tshangs par spyod pa thog mar dge ba/ bar du dge ba / tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba'i chos ston par mdzad/ rab tu ston par mdzad kyi/ de'i phyir khyed cag kyang dam pa'i chos mnyan pa'i phyir de bzhin gshegs pa'i spyan sngar dengs shig dang / des khyed cag la yun ring po'i don dang / phan pa dang / bde bar 'gyur ro/ /zhes kyang rjes su bsgrags so/ /de nas rgyal po'i khab kyi rgyal rigs dang / bram ze dang / khyim bdag dang / grong rdal gyi mi dang / yul gyi mi rnams bdud sdig can gyis bskul pa na/ me tog dang / bdug pa dang / spos dang / me tog phreng dang / byug pa dang / phye ma dang| na bza' dang / gdugs dang / rgyal mtshan dang / ba dang dag thogs te rgyal po'i khab kyi grong khyer chen po nas byung nas bya rgod kyi phung po'i ri ga la ba dang / bcom ldan 'das ga la ba der dong ste ltags nas bcom ldan 'das kyi zhabs gnyis la mgo bos phyag 'tshal te bcom ldan 'das la phyag byas/ bla </font><hr>298b<br><font size=+1>


mang byas/ ri mor byas/ mchod pa byas nas phyogs gcig tu 'khod do/ /bdud sdig can yang dpung gi tshogs yan lag bzhi dang bcas par rgyal po'i khab kyi grong khyer chen po nas byung nas bya rgod kyi phung po'i ri ga la ba dang / bcom ldan 'das ga la ba der song ste phyin pa dang / lha'i me tog man+dA ra ba dag mngon par sprul nas bcom ldan 'das la gtor/ mngon par rab tu gtor to/ /bcom ldan 'das la gtor/ mngon par gtor/ mngon par rab tu gtor na sa dpung gi tshogs yan lag bzhi dang lhan cig tu phyogs gcig tu 'dug go /de nas byang chub sems dpa' sems dpa' chen po dge ba dri med rnam dag rin chen zla 'od rgyal pos 'dud sdig can phyogs gcig tu 'dug pa la 'di skad ces smras so/ /sdig can/ khyod dpung gi tshogs yan lag bzhi dang bcas te bcom ldan 'das kyi spyan sngar ci la 'ongs/ bdud kyis smras pa/ bcom ldan 'das la mtho btsam pa dang / chos kyi rnam grangs 'di la bar chad bya ba'i bsam pas 'ongs so/ /byang chub sems dpa' dge ba dri med rnam dag rin chen zla 'od rgyal pos smras pa/ sdig can/ de bzhin gshegs pa la mtho btsam pa dang / chos kyi rnam grangs 'di'i bar chad byas pas khyod la ci bya/ sdig </font><hr>299a<br><font size=+1>


@#/ /can| khyod la de yun ring por don med pa dang / gnod pa dang / sdug bsngal bar mi 'gyur bar khyod kyis bcom ldan 'das kyi spyan sngar nyes pa la nyes par shogs shig /de nas bdud sdig can gyis byang chub sems dpa' sems dpa' chen po dge ba dri med rnam dag rin chen zla 'od rgyal po las rjes su mthun pa'i gdams ngag rjes su bstan pa de thos nas stan las langs te bla gos phrag pa gcig la gzar nas pus mo g.yas pa'i lha nga sa la btsugs te bcom ldan 'das kyi zhabs la btugs nas bcom ldan 'das kyi spyan sngar bcom ldan 'das/ byis pa/ rmongs pa/ mi gsal ba/ mi mkhas pa bdag gi tshod ma 'tshal ba bdag gis bcom ldan 'das la zhe sdang gi sems bskyed pa dang / mdo sde 'di lta bu la bar chad bgyi par 'tshal pa/ bcom ldan 'das/ nongs pa la nongs par bshags par 'tshal lo/ /bde bar gshegs pa/ nongs pa la nongs par bshags par 'tshal zhing slan chad kyang sdom par 'tshal lags na/ bcom ldan 'das kyis bdag gi nongs sa pa la nongs par bshags pa de legs par rjes su gzung bar gsol zhes nyes pa la nyes </font><hr>299b<br><font size=+1>


pa'i sgo nas bshags pa dang / bcom ldan 'das kyis bka' stsal pa/ sdig can/ 'di lta ste/ rigs kyi bu'am/ rigs kyi bu mo nyes pa byung na/ rnam par dag par lta ba dang / nyes pa la nyes par lta ba na 'chags par byed/ sbyor bar byed cing phyin chad kyang sdom par byed na/ 'phags pas legs par gsungs pa'i chos 'dul ba 'di 'phel bar 'gyur ro/ /de nas 'dud sdig can sta las langs te bcom ldan 'das kyi spyan sngar 'dug nas bcom ldan 'das la 'di skad ces gsol to/ /bcom ldan 'das kyis ngag rtsub po ni/ thams cad kyi thabs rnam pa thams cad kyi thams cad du mi dge ba'i las kyi lam du gdags pa ma mdzad lags sam/ bcom ldan 'das kyis bka' stsal pa/ sdig can/ de de bzhin no/ /bdud kyis gsol pa/ bcom ldan 'das/ de lta lags na/ bcom ldan 'das/ chos kyi mnga' bdag ci'i slad du bdag la sdig can zhes bgyi ba'i sgras kun tu rjod par mdzad lags/ bcom ldan 'das kyis bka' stsal pa/ sdig can/ de'i phyir 'di ni/ skyes bu mkhas pa la la bshad pa'i don dpes kun shes par 'gyur ba dag yod pas dpe nyon cig /sdig can/ 'di lta ste/ dper na/ tshong dpon nam khyim bdag phyug pa/ nor </font><hr>300a<br><font size=+1>


@#/ /mang ba| longs spyod che ba zhig la bu sdug pa/ 'dod pa/ dga' ba/ yid du 'ong ba/ mthong na mi mthun pa med pa gcig pu zhig bdog par gyur cing / de yang de dang 'brel ba'i 'tsho bas 'tsho bar gyur la/ de'i bu gcig pa de yang gdul dka' ba dang / bcos dka' ba dang / g.yo rgyu can zhig yin par gyur nas tshong dpon nam/ khyim bdag des bu gcig pa de 'di lta ste/ nyes pa de las bzlog par bya ba'i phyir lag pas kyang rdeg par byed/ dbyig pa dang / khu tshur dang / brdeg pa gang yang rung ba dag gis kyang rdeg par byed cing / ngag rtsub po dag gis kyang sdigs par byed na/ sdig can/ 'di ji snyam du sems| tshong dpon nam/ khyim bdag de bu gcig pa de la khro ba dang / 'khrug pa dang / sdang ba dang / rngam pa'i bsam pas rdeg par byed pa yin snyam mam/ bdud kyis gsol pa/ bcom ldan 'das/ de lta ma lags so/ /bde bar gshegs pa/ de lta ma lags te/ bcom ldan 'das/ de ni/ de la sman par bgyi pa'i slad du rdeg lags so/ /bcom ldan 'das kyis bka' stsal pa/ sdig can/ de bzhin du de bzhin gshegs pa sems can thams cad kyi bsam pa </font><hr>300b<br><font size=+1>


dang / bag la nyal mkhyen pa yang sems can ngag rtsub pos 'dul ba rnams ni/ ngag rtsub pos 'dul bar mdzad do/ /sems can sma dbab pas 'dul ba rnams ni/ sma dbab pas 'dul bar mdzad do/ /sems can bsdu bas 'dul ba rnams ni/ bsdu bas 'dul bar mdzad do/ /sems can gzugs kyis 'dul ba rnams ni/ gzugs kyis 'dul bar mdzad do/ /sems can sgra dang / dri dang / ro dang / reg bya dang / chos kyis 'dul ba rnams ni/ sgra dang / dri dang / ro dang / reg bya dang / chos kyis 'dul bar mdzad do/ /de nas bdud sdig can dga' ba dang / mgu ba dang / yid rangs pa dang / mchog tu yid rangs pa dang / rab tu dga' ba dang / dga' ba dang / yid bde ba skyes nas yang bcom ldan 'das kyi zhabs la yang mgo bos gtugs nas bcom ldan 'das la 'di skad ces gsol to/ /bcom ldan 'das/ grong ngam/ grong khyer ram/ grong rdal lam/ ljongs sam/ ljongs kyi phyogs gang na chos kyi rnam grangs 'di klog gam/ 'chang ba der bdag kyang chos mnyan pa dang / chos kyi rnam grangs 'di bsrung zhing / bskyab pa dang / spa ba dang / chos smra ba de la yang sman gdags pa'i slad du mchi bar bgyi lags so/ /de la sba </font><hr>301a<br><font size=+1>


@#/ /ltas ni/ 'di dag lags par rig par bgyi ste/ de'i 'khor zhi ba dang / gnyid dang / rmugs pa dang bral ba dang / de la chos nyan ba rgya chen po rgya chen po dag 'byung bar 'gyur ba dang / 'dzin pa dang / 'chang ba dang / klog pa dang / 'chad pa dag gis de'i lus dub par mi 'gyur ba dang / sems kyang ngal bar mi 'gyur ba dang / ji lta ji ltar chos kyi rnam grangs 'di klog pa dang / ston pa dang / gzhan dag la rgya cher yang dag par ston par bgyid pa de lta de ltar de'i sems dga' ba dang / mchog tu dga' ba dang / gzengs mtho ba nyid du yang 'gyur lags so/ /de nas gzhan mu stegs can spyod pa pa dang / kun tu rgyu gang dag 'khor der 'dus par gyur pa de dag gis bdud kyi bshad pa 'di thos nas de bzhin gshegs pa la dad pa dang / dga' ba dang / mchog tu dga' ba thob par 'gyur to/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das/ rgyu gang dang / rkyen gang gis chos kyi rnam grangs 'di bshad pa la gzhan mu stegs can spyod pa pa dang / kun tu rgyu 'di dag gis dang ba dang / dga' ba dang / mchog tu dga' ba thob par </font><hr>301b<br><font size=+1>


gyur lags/ bcom ldan 'das kyis bka' stsal pa/ kun dga' bo/ sngon byung ba 'das pa'i dus na rgyal po'i khab 'di nyid dang / bya rgod kyi phung po'i ri 'di nyid du de bzhin gshegs pa dgra bcom pa yang dag par rdzogs pa'i sangs rgyas rab kyi rtsal gyis rnam par gnon pa zhes bya ba zhig byung bas chos kyi rnam grangs 'di nyid bshad do/ /des chos kyi rnam grangs 'di bshad pa na yang gzhan mu stegs can spyod pa pa dang / kun tu rgyu mtho btsam pa'i bsam pa can dag lhags te/ lhags pa de dag gis chos kyi rnam grangs 'di thos nas legs so/ /legs par gsungs so/ /zhes bya ba'i tshig ni/ brjod kyi/ de bzhin gshegs pa de la sems dang pa dang / dga' ba dang / mchog tu dga' ba ni/ ma thob bo/ /de dag rgyu de dang / rkyen des bskal pa drug cu rtsa brgyad kyi bar du lha dang / mi rnams su skyes pa ma gtogs par nam yang sems can dmyal ba rnams dang / dud 'gro rnams dang / yi dwags rnams su ma skyes so/ /de dag de bzhin gshegs pa la sems dang ba dang / dga' ba dang / mchog tu dga' ba ma thob pas ni/ tshe rabs gzhan de dang de dag tu dge ba'i bshes gnyen dang 'bral bar gyur to/ /kun dga' bo/ de'i tshe de'i dus na gzhan mu stegs </font><hr>302a<br><font size=+1>


@#/ /can spyod pa pa dang / kun tu rgyur gyur pa de dag gzhan dag cig yin snyam du khyod nem nur dang / yid gnyis dang / the tshom za bar gyur na/ kun dga' bo/ khyod kyis de ltar mi blta'o/ /de ci'i phyir zhe na/ rigs kyi bu 'di dag nyid de'i tshe de'i dus na gzhan mu stegs can spyod pa pa dang / kun tu rgyu de dag tu gyur pa'i phyir ro/ /kun dga' bo/ 'di dag ni/ de bzhin gshegs pa la sems dang ba skyes shing dga' ba yang skyes/ mchog tu dga' ba yang skyes pas/ de bzhin gshegs pas 'di dag bla na med pa yang dag par rdzogs pa'i byang chub tu lung ston par yang mdzad do/ /de nas gzhan mu stegs can spyod pa pa dang / kun tu rgyu de dag lung bstan pa'i mod la skyes pa'i dang pa dang / dga' ba dang / mchog tu dga' ba de nyid kyis mi skye ba'i chos la bzod pa thob par gyur to/ /chos kyi rnam grangs 'di bshad pa na srog chags khri nyis stong chos rnams la chos kyi mig rdul med cing dri ma dang bral ba rnam par dag go /sngon sems ma bskyed pa'i srog chags nyi khris ni/ bla na med pa yang dag par rdzogs pa'i byang chub tu sems bskyed do/ /de nas bcom ldan 'das la tshe dang ldan </font><hr>302b<br><font size=+1>


pa kun dga' bos 'di skad ces gsol to/ /bcom ldan 'das/ rigs kyi bu'am/ rigs kyi bu mo gang chos kyi rnam grangs 'di 'dzin pa dang / 'chang ba dang / klog pa dang / gzhan dag la yang rgya cher yang dag par ston par bgyid pa de bsod nams ji tsam zhig bskyed par 'gyur lags/ bcom ldan 'das kyis bka' stsal pa/ kun dga' bo/ rigs kyi bu'am rigs kyi bu mo gang la la zhig gis sems can gyi khams ma lus pa thams cad bla na med pa yang dag par rdzogs pa'i byang chub la bkod pa de bas ni/ rigs kyi bu'am rigs kyi bu mo gzhan gang zhig chos kyi rnam grangs 'di 'dzin pa dang / 'chang ba dang / klog pa dang / gzhan dag la rgya cher yang dag par ston par byed pa de bsod nams ches grangs med pa dang / ches mang du bskyed do/ /de ci'i phyir zhe na/ kun dga' bo/ 'di ltar chos kyi rnam grangs 'di ni/ thams cad mkhyen pa'i ye shes 'dren par byed pa yin pa'i phyir ro/ /kun dga' bos gsol pa/ bcom ldan 'das/ rigs kyi bu'am rigs kyi bu mo gang zhig chos kyi rnam grangs 'di dang / chos smra ba de la sdang ba'i sems skyed par bgyid na/ bcom ldan 'das/ rigs kyi bu'am rigs kyi bu mo de bsod nams ma lags pa ji tsam zhig bskyed par 'gyur lags/ bcom </font><hr>303a<br><font size=+1>


@#/ /ldan 'das kyis bka' stsal pa/ kun dga' bo/ rigs kyi bu'am/ rigs kyi bu mo gang la la zhig gis sems can thams cad kyi mig phyung bar gyur pa de bas ni/ rigs kyi bu'am rigs kyi bu mo gang gis chos kyi rnam grangs 'di dang / chos smra ba de la zhe sdang ba'i sems skyed par byed pa de bsod nams ma yin pa ches grangs med pa dang / ches mang du bskyed par 'gyur ro/ /de ci'i phyir zhe na/ kun dga' bo/ 'di ltar chos kyi rnam grangs 'di ni/ sems can thams cad kyi snang bar gyur pa yin pa'i phyir ro/ /kun dga' bos gsol pa/ bcom ldan 'das/ chos kyi rnam grangs 'di ni/ ma dad pa rnams kyi mdun du brjod par mi bgyi lags so/ /de ci'i slad du zhe na/ bcom ldan 'das/ sems can thams cad kyis chos kyis 'phongs par gyur pa'i sug las bgyis nas lus zhig ste gum pa'i 'og tu sems can dmyal ba rnams su skye bar mi 'gyur bar rjes su bsrung bar bgyi 'tshal ba'i slad du'o/ /bcom ldan 'das kyis bka' stsal pa/ kun dga' bo/ chos kyi rnam grangs 'di ni/ de dag gi mdun du brjod par bya ba kho na yin no/ /de ci'i phyir zhe na/ kun dga' bo/ de ni/ skyes bu dam pa ma yin pa de dag gi bla na </font><hr>303b<br><font size=+1>


med pa yang dag par rdzogs pa'i byang chub kyi rgyur 'gyur ba yin pa'i phyir ro/ /kun dga' bos gsol pa/ bcom ldan 'das/ chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo/ de'i phyir khyod kyis chos kyi rnam grangs 'di chos bcu pa zhes bya bar zungs shig /byang chub sems dpa' dge ba dri med rnam dag rin chen zla 'od rgyal pos zhus pa zhes bya bar zungs shig /bcom ldan 'das kyis de skad ces bka' stsal nas tshe dang ldan pa kun dga' bo dang / byang chub sems dpa' sems dpa' chen po dge ba dri med rnam dag rin chen zla 'od rgyal po dang / dge slong de dag dang / byang chub sems dpa' de dag dang / thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rang ste bcom ldan 'das kyis gsungs pa la mngon par bstod do/ /'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ chos bcu pa'i le'u ste dgu pa rdzogs so// // rgya gar gyi mkhan po dzi na mi tra dang / su ren+d+ra bo d+hi dang / zhu chen gyi lo tsA ba ban+d+he ye shes sde la sogs pas bsgyur cing zhus te gtan la phab pa/ </font><hr>

</table>