H516

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H516</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H516&coll=lhasa">see text in Tibetan script</a></table>504a<br><font size=+1>


//rgya gar skad du/ mahA sa ha sra bra mard na sU tra/ bod skad du/ stong chen mo rab tu 'joms pa zhes bya ba'i mdo/ </font><hr>504b<br><font size=+1>


sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na/ bya rgod phung po'i ri'i lho phyogs kyi ngos sangs rgyas kyi spyod yul shing ljon pa rab tu snang ba'i nags tshogs na dge slong gi dge 'dun chen po stong nyis brgya lnga bcu la/ 'di lta ste/ tshe dang ldan pa shA ri'i bu dang / tshe dang ldan pa maung+gal gyi bu chen po dang / tshe dang ldan pa 'od srung chen po dang / tshe dang ldan pa ga ya 'od srung dang / tshe dang ldan pa chu klung 'od srung dang / tshe dang ldan pa cang shes kauN+Di n+ya dang / tshe dang ldan pa dga' byed dang / tshe dang ldan pa kA t+ya'i bu chen po dang / tshe dang ldan pa bak+ku la dang / tshe dang ldan pa rlangs pa dang / tshe dang ldan pa gsus po che dang / tshe dang ldan pa ngag dbang dang / tshe dang ldan pa rta thul dang / tshe dang ldan pa rab 'byor dang / tshe dang ldan pa lag bzang dang / tshe dang ldan pa ma 'gags pa dang / tshe dang ldan pa lteng rgyas 'od srung dang / tshe dang ldan pa nam gru nas tshe dang ldan pa kun dga' bo'i bar de la sogs pa'i dge slong stong nyis brgya lnga bcu'i dge slong gi dge 'dun chen po dag dang thabs gcig tu bzhugs so/ /de'i tshe bcom ldan 'das dge slong gi dge 'dun dang bcas pa la lus 'phags mo'i bu yul ma ga d+hA'i rgyal po ma </font><hr>505a<br><font size=+1>


@#/ /skyes dgras na bza' dang / bshos dang / gzims cha dang / bsnyun gyi gsos sman dang / yo byad rnams kyis bkur bstir byas/ bla mar byas| bsti stang du byas/ mchod par byas so/ /yang de'i tshe sa yang cher g.yos par gyur/ sprin 'dus pa chen po'ang byung / dus ma yin pa'i rlung dang / ser ba chen po dang / sprin chen po las char pa chen po'ang 'bab par gyur/ 'brug kyang di ri ri zer/ glog kyang byung / phyogs bcu'ang 'khrugs par gyur to/ /mun pa mun nag chen po'ang byung ste skar ma rnams kyang mi snang / nyi ma dang / zla ba rnams kyang 'od dang mi ldan par gyur te lhan ner ma yin lhang der ma yin zhing 'od mi gsal bar gyur to/ /de nas yangs pa can gyi grong khyer chen por 'jigs pa de dag byung ba dang / yangs pa can gyi li tsa bI kha cig gis grong gzhan dang / grong khyer gang yin pa de dag gdon 'byung pos btab par gyur/ grong gi gzhon nu rnams dang / rtsis mkhan rnams dang / blon po dang / blon po chen po dang / 'khor na gnas pa dang / bran pho dang / bran mo dang / las byed pa dang / mngag pa dang / g.yog kha cig kyang gdon 'byung pos btab par gyur/ yul yangs </font><hr>505b<br><font size=+1>


pa can gyi ljongs kun gyi dge slong dang / dge slong ma dang / dge bsnyen dang / dge bsnyen ma rnams kyang 'jigs skrag dngangs te skyi bung zhes byed nas kha gnam du bltas te du 'bod cing sangs rgyas dang / chos dang / dge 'dun la phyag 'tshal/ bram ze dang / khyim bdag gang dag sangs rgyas kyi bstan pa la mngon par ma dad pa'i bram ze dang| khyim bdag de dag kha cig ni tshangs pa la phyag 'tshal/ kha cig ni brgya byin la/ kha cig ni 'jig rten skyong ba rnams la phyag 'tshal/ kha cig ni dbang phyug chen po dang / nor bu bzang po dang / gang ba bzang po dang / 'phrog ma dang / nyi ma dang / zla ba dang / gza' dang / skar ma dang / ri dang / nags tshogs dang / sman dang| shing ljon pa dang / klung dang / lteng ka dang / mtshe'u dang / rdzing bu dang / rdzing dang / mchod rten gyi gnas na gnas pa dag la phyag 'tshal zhing bdag cag 'di 'dra ba'i gnod pas 'jigs pa'i gnas nas ji ltar thar bar 'gyur snyam du sems shing 'khod pa dag bcom ldan 'das kyis mi las 'phags pa'i spyan rnam par dag pas gzigs so/ /de nas bcom ldan 'das kyis rdzu 'phrul mngon par 'du mdzad pa mngon par 'du mdzad pas stong gsum gyi stong chen po'i </font><hr>506a<br><font size=+1>


@#/ /'jig rten gyi khams dbyangs kyis go bar gyur nas lha dang / mi dang / lha ma yin du bcas pa'i 'jig rten dad par gyur te 'dus par gyur pa rnam pa de lta bu'i rdzu 'phrul mngon par 'du mdzad pa/ mngon par 'du mdzad do/ /de nas mi mdzad kyi bdag po tshangs pa dang / tshangs ris kyi lha rnams dang / lha rnams kyi dbang po brgya byin dang / sum cu rtsa gsum gyi lha rnams dang / rgyal po chen po bzhi dang / rgyal chen bzhi'i ris kyi lha rnams dang / gnod sbyin gyi sde dpon nyi shu rtsa brgyad dang / gnod sbyin chen po stobs po che sum cu rtsa gnyis dang / 'phrog ma bu dang bcas 'khor dang bcas pa kha dog 'phags pa dag nub mo 'das pa dang / dag pa lta bu'i bya rgod phung po'i ri la bdag gi kha dog dang mthus snang ba chen pos snang bar byas te bcom ldan 'das ga la ba der dong nas phyin pa dang / bcom ldan 'das kyi zhabs la mgo bos phyag btsal te phyogs gcig tu 'khod nas tshig gcig dbyangs gcig ngag gcig tu bcom ldan 'das la tshigs su bcad de mngon par bstod pa/ shin tu 'bar ba'i gser dang 'dra/ /zla ba nya ba'i 'od dang mtshungs/ /dpal ldan rnam thos bu bzhin brtan/ /rin chen </font><hr>506b<br><font size=+1>


rnams kyis 'byung gnas legs/ /seng+ge glang chen 'dra ba'i 'gros/ /glang chen myos pa bzhin du gnon/ /gser gyi ri bo dang yang mtshungs/ /dzam+bu gling gi gser rgyan 'dra| |skar ma rnams kyis yongs bskor ba'i/ /nam mkha'i zla ba dri med bzhin/ /nyan thos dge 'dun rnams kyi dbus/ /mtshan rnams kyis ni brgyan par gyur/ /lha dang bcas pa'i 'jig rten 'di/ /thub pa la ni skyabs su mchi/ /mi rnams la ni phan pa'i phyir/ /srung ba dus su nye bar gnas/ /sangs rgyas snga mas bshad pa yi/ /stong chen rab 'joms mdo sde 'di/ /khor khor yug ri mtha'i bar/ /mtshams gcod pa yi dam pa lags/ /phyag 'tshal skyes bu dpa' khyod la/ /phyag 'tshal skyes bu mchog khyod la| |chos kyi rgyal po thub chen la/ /thal mo sbyar te phyag 'tshal lo/ /de nas bcom ldan 'das kyis yud tsam cig cang mi gsung bar dgongs nas rgyal po chen po dag la bka' stsal pa/ rgyal po chen po dag /gang khyed kyi 'khor nga'i 'khor la 'tshe bar sems pa de ni tshul ma yin no/ /de ci'i phyir zhe na/ mi'i 'jig rten 'dir sangs rgyas byung ba dang / chos legs par gsungs pa dang / dge 'dun legs pa sgrub pa de la sa bon 'di btab na sangs rgyas bcom ldan 'das rnams dang / rang sangs rgyas </font><hr>507a<br><font size=+1>


@#/ /rnams dang / dgra bcom pa rnams dang / nyan thos rnams 'jig rten du 'byung bar 'gyur/ de la 'jig rten de dag gis dge ba'i rtsa ba bskyed nas lha'i ris sum cu rtsa gnyis las lha'i ris gang yang rung ba dag tu skye bar 'gyur/ rgyal po dag kyang dmag rnam bzhi dang ldan pa nas gling bzhi la dbang ba'i 'khor los bsgyur ba'i rgyal por 'gyur ro/ /rgya mtsho la thug pa'i sa'i dkyil 'khor chen por chos kyi rgyal srid byed par 'gyur te de dag la'ang bu dpa' ba/ rtul phod pa| yan lag mchog gi gzugs dang ldan pa/ tshan po che'i stobs kyi shugs bdog pa/ pha rol gyi sde rab tu 'joms pa/ rin po che sna bdun dang ldan pa stong 'byung bar 'gyur ro/ /de bas na 'jig rten 'dir rnam pa 'di lta bu 'byung bar 'gyur bar khyed snying las chung dus gnas pas gnas par gyis shig /de nas rgyal po chen po rnam thos kyi bu stan las langs te bla gos phrag pa gcig tu gzar nas pus mo g.yas pa'i lha nga sa la btsugs te bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /bcom ldan 'das/ bdag cag la grong dang / skyed mos tshal dang / gzhal med khang dang / </font><hr>507b<br><font size=+1>


khang pa brtsegs pa dang / bsil khang dang / sgo khang dang / rta babs dang / skar khung dang / dar gyi lda ldi bzang zhing mdzes pa rnam pa sna tshogs dang ldan pa dang / dril bu dang / mu tig gi dra bas yongs su bskor ba dang / pog phor nas bdug pas bdugs pa dang / me tog gis gtor ba'i khyim dang / gnas dang / khang pa chen po dag mchis te der bdag cag bud med brgya phrag stong dag gis yongs su bskor cing 'dod pa'i yon tan lnga tshangs par spyod pa dang ldan par gyur nas gnas te/ btsun pa bcom ldan 'das bdag cag rab tu myos pas bag ma mchis par gnas pas gnas pa na 'khor zas dang / skom tshol du phyogs bcu kun tu 'byer zhing skyes pa dang / bud med dang / khye'u dang / bu mo dang / btsas ma thag pa dang / dud 'gro'i skye gnas su gtogs pa'i srog chags rnams kyi mdangs 'phrog/ 'tshe bar bgyid/ bgegs bgyid/ 'gum par bgyid/ gsod par bgyid/ srog dang bral bar bgyid de btsun pa bcom ldan 'das kyi spyan sngar bdag cag gis 'khor bzhi'i mdun du bdag cag gi 'khor gyi tshul gyi mtshan ma bstan par bgyi'o/ /gang gi 'khor gyi gdon byung ba der rgyal po chen po de'i gzugs mchod rten dang bcas pa chen po bgyis te nad pas rgyal po chen po </font><hr>508a<br><font size=+1>


@#/ /de'i ming nas dbyung zhing dri sna tshogs kyis rang gi lag nas bdug par 'gyi'o/ /des sa la me tog bsil ma bkram ste zhugs mar bsal mchod rten de la mchod par bgyi'o/ /btsun pa bcom ldan 'das/ bdag gi 'khor gnod sbyin gyi gdon gyis btab pa'i tshul gyi mtshan ma ni 'di lta bu lags te/ phyi phyir rjod \?\ cing 'jigs par 'gyur/ /smra bar bgyid cing khro bar 'gyur/ /de ni gnyid kyang log par 'gyur/ /yang na shin tu na bar 'gyur/ /rtag tu gyen du blta bar 'gyur/ /skar ma dag la snyegs par bgyid/ /nub mo shin tu dga' bar 'gyur/ /rtag tu 'dar zhing sgra 'byin te/ /de la sngags kyi tshig mchis kyi/ /'jig rten mgon po bdag la gson/ /s+yAd ya the dan/ sid+d+he su sid+d+he/ sa twe a re/ a re Na/ ba le/ mahA ba le/ dzam+b+he/ dzi Ti le/ a kha ne/ ma kha ne/ kha kha ni/ kha raT+Te| khar rga le/ ha ri ping+ga le/ ti ming+gi le ti ming+gi le/ ti ming+gi li ni mang+ga le swA hA/ bdag gi sngags kyi tshig rnams grub par gyur cig /rgyal po chen po rnam thos kyi bu'i ming dang / stobs dang / dbang phyug dang / byin gyis bdag dge bar gyur cig swAhA/ de nas rgyal po chen po yul 'khor srung stan las langs te bla </font><hr>508b<br><font size=+1>


gos phrag pa gcig tu gzar nas pus mo g.yas pa'i lha nga sa la btsugs te bcom ldan 'das ga la ba de logs su thal mo sbyar nas bcom ldan 'das la 'di skad ces gsol to| |bcom ldan 'das/ bdag gi 'khor dri za'i gdon gyis btab pa'i tshul gyis mtshan ma ni 'di lta bu lags te/ glu len cing ni bro rdung ste/ /rgyan rnams la yang dga' bar bgyid/ /brkam pa ma mchis mang par smra/ /rgod par bgyid cing khro bar 'gyur/ /skom par 'gyur la mig dmar te/ /rtag tu rims kyis 'debs par bgyid/ /mig kyang 'byed par mi bgyid de/ /rgyab kyis phyogs shing nyal bar bgyid/ /de la sngags kyi tshig mchis kyi/ /'jig rten mgon po bdag la gson/ s+yAd ya the dan \?\/ a khe/ na khe/ bi na khe/ ban+d+he/ ba rAng+ge/ tsa pa le/ ba khe/ ba kha ne/ ba kha ne/ a bi ni/ na lo ni/ ba hu le/ b+ha khe/ b+ha gnad le/ ba she ba sha brti ni swAhA| rgyal po chen po yul 'khor srung gi ming dang / stobs dang / dbang phyug dang / byin gyis bdag gdon thams cad las thar bar gyur cig swAhA/ de nas rgyal po chen po 'phags skyes po stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te bcom ldan 'das ga la ba der logs </font><hr>509a<br><font size=+1>


@#/ /su thal mo sbyar nas bcom ldan 'das nyid la phyag 'tshal zhing 'di skad ces gsol to/ /bcom ldan 'das/ bdag gi 'khor yi dwags grul bum gyis zin pa'i tshul gyis mtshan ma ni 'di lta bu lags te/ shin tu skom pas 'debs par gyur/ /g.yeng bas btab cing blta bar 'gyur/ /bzhin yang dmar por gda' bar 'gyur/ /bskums nas sa la nyal bar 'gyur/ /kha dog ngan cing lus kyang skem/ /skra dang se mo ring ba ste/ /dri ma can la dri mi bda'/ /brdzun dang kyal pa smra bar bgyid/ /de la sngags kyi tshig mchis kyi/ /'jig rten mgon po bdag la gson/ /s+yAd ya the dan/ kha kha kha mi/ kha la ne/ kha la mi/ kha rA li/ kha ra li/ ka ra khe/ ka shi ne/ ka ra Te/ kA li/ kA mi ni/ bi ba la/ bi d+he ya sha ni sa pa ba te/ sha ma sha ma ni swAhA/ rgyal po chen po 'phags skyes po'i ming dang / stobs dang / dbang phyug dang / byin gyis bdag gi gdon dang / gnod pa thams cad zhi bar gyur cig swAhA/ de nas rgyal po chen po mig mi bzang stan las langs te bla gos phrag pa gcig tu gzar nas pus mo g.yas pa'i lha nga sa la btsugs te bcom ldan 'das ga la ba de logs su thal mo sbyar nas bcom ldan </font><hr>509b<br><font size=+1>


'das nyid la phyag 'tshal zhing 'di skad ces gsol to/ /bcom ldan 'das/ bdag gi 'khor klu 'dab bzang gi gdon gyis btab pa'i tshul gyi mtshan ma ni 'di lta bu lags te/ skyigs bus 'debs shing dbugs kyang 'byin/ /de bzhin dbugs kyang grang bar 'gyur/ /rdul zhing dbu ba kha chu 'byung / /phyi phyir gnyid kyang log par 'gyur/ /kha dog ldan zhing dpa' ba ste/ /de bzhin 'dar zhing rgyug par 'gyur/ /sen mo dag kyang ston par bgyid/ /dog sar mchis shing ngu bar bgyid/ /de la sngags kyi tshig mchis kyi/ /'jig rten mgon po bdag la gson/ /s+yAd ya the dan/ kra ka mi/ kra ga ma ni/ kra ga se/ kru gra she/ kra kra/ sha mi/ kru shru mi kru shru mi/ kruk+ke/ krug klu ma/ kru ge /a ga le/ nA ga le/ sa ma ga le/ ku hu me/ gu me/ a la ke/ ka lu ke/ ka la ma le/ ga la le/ i ri mi re/ d+hi re/ a ru ga ba ti swAhA/ rgyal po chen po mig mi bzang gi ming dang / stobs dang / byin gyis bdag dge bar gyur cig swAhA/ de nas bcom ldan 'das kyis de'i tshe 'khor thams cad mdun du seng ge'i sgra bsgrags pa/ nga ni stobs bcu dang ldan zhing mi 'jigs pa bzhis 'jigs pa med pa ste 'khor gyi nang du seng ge sgra khyu mchog lta bu rgya chen po yang dag par bsgrags </font><hr>510a<br><font size=+1>


@#/ /so| |tshangs pa'i 'khor lo bskor ro/ /sde dang mthu dang bzhon bcas pa'i/ /bdud kyang gcig gis rab tu btul/ /sems can thams cad bsrung ba'i phyir/ /rig sngags thams cad nga la nyon/ /s+yAd ya the dan/ a sang ge/ khaD+ga ba te/ ba la ba te/ ba la ni r+g+ho She/ shU re/ shU ra d+ha re badz+ra sa me/ badz+ra ga me/ badz+ra d+ha re/ stam+b+he/ dzaM b+he/ dr-i D+ha sA re/ bi ra dze/ bi g+ho She/ ba rA gra prAp+te/ a ra Ne/ a ra Ne d+harma yuk+te/ di shi bi g+hu Sh+Te swAhA/ de bzhin gshegs pa'i mtshan dang / stobs dang / dbang phyug dang / byin gyis bdag dge bar gyur cig swAhA/ phyogs bzhi'i 'jig rten skyong ba dag /sangs rgyas kyi ni gsung thos nas/ /'jigs dang skrag dang dngangs gyur te/ /thal mo sbyar nas 'khod par gyur/ /'byung po'i tshogs ni lhags pa rnams/ /sdangs 'khrugs rod rod por gyur nas/ /phyogs bcur rab tu 'byer byed cing / /sgra bo che yang sgrogs par byed/ /rgyal po chen pos de shes nas/ /gsang ba gsum ni yang dag smra/ /kye ma rig sngags rig sngags che| |stong chen rab tu 'joms byed pa/ /sangs rgyas kyis ni gsungs pa de/ /thos nas 'byung po skrag gyur te/ /dper na rab tu 'bar me dang / /til mar ngar btags </font><hr>510b<br><font size=+1>


ral gri bzhin/ /go'u tams ni rab bshad pa'i/ /rig sngags spu gri'i so dang 'dra/ /drang srong tshig ni legs bshad pa/ /de la gang zhig ma dad na/ /de yi bu yi thu bo ni/ / tshangs pa'i zhags pas med par 'gyur/ /me ni rab tu 'bar byas la/ /bla dang 'og dang phyogs bzhir yang / /sbyin sreg gi ni chus gtor te/ /nas dang yungs kar blangs nas su/ /mar gyi snying po dang sbyar nas/ /me yi nang du blug par bya/ /legs par gsungs pa 'di thos nas/ /gal te myur du mi gtong na/ /thams cad 'bar bar 'gyur ba ni| |mar dang yungs kar mer blugs bzhin/ /gnod sbyin chad pas bsdigs nas su/ /de dag bde ba mi rnyed de/ /de yi rtsib logs g.yas par ni/ /'bras chen nad kyang 'byung bar 'gyur/ /gnod sbyin nad kyis btab pa na/ /sha bkra'i nad kyis btab par 'gyur/ /lcang lo can gyi pho brang du/ /gzhan yang 'gro bar mi 'gyur ro/ /lus ngan grogs dang ldan pa yi/ /khyim yang mthong bar mi 'gyur te/ /'byung po mang po tshogs pa na/ /stan yang thob par mi 'gyur ro/ /gnod sbyin dag gi dkyil 'khor du/ /zas skom dang yang 'bral bar 'gyur/ /stong chen rab 'joms mdo sde la/ /gnod sbyin gang dag mi phyogs pa/ /de la rdo rje 'chang khros te/ /spyi bo dag ni 'gems par 'gyur/ /spu gri'i so ni rtsub mo yis/ /de </font><hr>511a<br><font size=+1>


@#/ /yi lce ni gcod par 'gyur/ /mtshon cha shin tu rnon po yis/ /de yi sna dang rna ba gcod/ /'khor la spu gri'i so 'dra bas/ /klad pa rab tu gshags par byed/ / tho ba lcags kyis dkris pa yis/ /de yi snying yang 'joms par byed/ /rnag dang khrag ni dron mo dag /de yi kha nas 'dzag par gyur/ /rig sngags zhags pa'i chad pa yis/ /rtag tu 'khor bar 'gro ba na/ /'khor ba gnod sbyin dkyil 'khor du/ /de nyid du ni 'khor bar 'gyur/ /rgyal po chen po dpal ldan pa/ /phyogs bzhi dag tu song gyur nas/ /chos kyi go cha bgos gyur te/ /bzang po'i khri la 'dug pa ni/ /shar phyogs na ni yul 'khor srung / /lho phyogs na ni 'phags skyes po/ /nub phyogs na ni mig mi bzang / /byang phyogs na ni lus ngan po/ /dpal dang gzi brjid 'bar ba yi/ /rgyal po dag ni phyin pa dang / /de tshe ston pa thams cad mkhyen/ /bar snang gnas la rab tu 'phags/ /tshangs pas sprul pa'i gzhal med khang / /de ni rdo rje'i gdan la zhugs/ /de nas tshangs dang tshangs chen rnams/ /thal mo sbyar 'khod phyag 'tshal lo/ /dpal ldan gser gyi ri bo 'dra/ /gser gyi mchod sdong dang yang mtshungs/ /me tog pad+ma bzhin du rgyas/ /sA la'i rgyal bo bzhin du rgyas/ /nyi ma dang 'dra zla nya la/ /skar ma rnams kyis yongs bskor bzhin/ /thub sku </font><hr>511b<br><font size=+1>


gser gyi kha dog la/ /mtshan rnams kyis ni yongs su bskor/ /'jig rten mes po tshangs pa yis/ /'jig rten sgron ma bstod byas te/ /'jig rten mgon po'i spyan sngar ni/ /'jig rten skye la 'di skad smras/ /'jig rten skyong gi 'khor rnams kyis/ /rjes su bstan pa ma thob ste/ /gang phyir 'di las sangs rgyas dang / /rang sangs rgyas dag 'byung 'gyur zhing / /'di las nyan thos rnams kyang ste/ /lha rnams dag kyang skye bar 'gyur/ /rig byed yan lag drug mthar phyin/ /bram ze rnams kyang skye bar 'gyur/ /drang srong skal pa chen po dang / /dge slong bram ze 'di las skye/ /khyed cag snying las chung byed pa/ /mi yi skye dgu gnod par 'gyur/ /tshangs pa yi ni tshig thos nas/ /'jig rten skyong gi tshig smras pa/ /tshangs pa chen po de bzhin no| |thub pa chen po de bzhin no/ /bdag gis ri rab bsgul byas shing / /sa yang rab tu bzlog byas la/ /rgya mtsho la ni thug pa rnams/ /rnam par sbyang ba nyid du bya/ /zhags pa dam po ma nyams pas/ /nyi ma zla ba rlung rnams dang / /skar ma dag ni thams cad kyang / /bdag gis su ni bcing bar bya/ /gang dag rab tu sdang byed cing / 'jig rten la ni phan mi byed/ /de dag la ni thams cad du/ /phyogs kyang snang bar mi bya'o/ /'jig rten lha dang bcas pa de/ /'byung bo rnams kyi phyir smod de/ /'byung po mi yi skye dgu la/ /gnod par byed cing 'tshe </font><hr>512a<br><font size=+1>


@#/ /bar byed/ /gang dag sngags dang sman rnams dang / /rig sngags las ni 'da' byed pa/ /'di la sngags kyi dam pa ni/ /pha rol gnon pa ston par byed/ /rig sngags las ni 'da' ba'i 'khor/ /kun tu chad pas bsdigs byas te/ /'jig rten mgon po'i spyan sngar ni/ /yang dag par yang brjod par bgyid/ /gang gis 'byung po'i dkyil 'khor du/ /'di bshad pa ni mi nyan pa/ /de dag chad pa bshad par bya/ /tshangs pas sprul pa'i mdo sde 'o/ /sangs rgyas zhabs la phyag btsal te/ /phan tshun du ni bltas byas la/ / bai DUR+Ya dang gser dang dngul/ /mu tig rnams dang shel dag dang / /spug dang rdo yi snying po dang / /rin chen bdun gyis brgyan pa yi/ /rtsibs stong kha dog gser 'dra ba'i/ /shing rta rnam ba bzhi byas pa/ /bzo rnams kun dang ldan pa ste/ /rdzu 'phrul gyis ni mkha' la 'gro /rgyal po dag ni der bzhugs nas/ /'byung po'i dkyil 'khor nyid du dong / /sa ni gser gyi phye ma dang / /me tog dag gis bkang byas nas/ /mgul bar ltung dang skud pa dang / /zhags pa dag kyang gdags byos la/ /phyogs kyi sa ni ji snyed pa'i/ /'byung po thams cad khrid shog ces/ /gnod sbyin gyi ni sde dpon kun/ /phyogs bzhi dag tu dgye ba byas/ /stong chen rab tu 'joms pa yi/ /mdo sde yi ni dam pa 'di/ /tshangs pa'i 'jig </font><hr>512b<br><font size=+1>


rten bar du byung / /lha rnams kun gyi rnam par bsams/ /stong chen po yi lus kyis su/ /gnod sbyin dang ni srin po btul/ /lus ngan po yi tshig thos nas/ /gnod sbyin gyi ni sde dpon dag| phyogs bzhi dag tu song nas su/ /gsang ba po la drag tu bsgo/ /thub pa 'byung po nyi shu brgyad/ /dri za las byung gdon gyi rnams/ /shar phyogs cha ni 'khod pa dag /mdo sde'i zhags pas de dag kun/ /bcing ba lnga yis bsdams pa yi/ /'byung po mang po nga la nyon/ /thub pa 'byung po nyi shu brgyad/ /grul bum las byung gdon gyi rigs/ /lho phyogs cha 'dir 'khod pa dag /mdo sde'i zhags pas de dag kun/ /bcing ba lnga yis bsdams pa yi/ /'byung po mang po nga la nyon/ /thub pa 'byung po nyi shu brgyad/ /klu las gdon du gyur pa rnams/ /nub phyogs cha 'dir 'khod pa dang / /mdo sde'i zhags pas de dag kun/ /bcing ba lnga yis bsdams pa yi/ /'byung po mang po nga la nyon/ /thub pa 'byung po nyi shu brgyad/ /gnod sbyin las ni gdon gyur pa/ /byang phyogs cha 'dir 'khod pa dag /mdo sde'i zhags pas de dag kun/ /bcing ba lnga yis bsdams pa yi/ /'byung po mang po nga la nyon/ /lus ngan po yi bu thu bo/ /kun tu rgyal ba mi la zhon/ /de yi drung na 'khod pa yi/ /gnod sbyin bye ba drug cu dag /bcing ba rnam pa lngas bsdams nas/ /mdo sde'i </font><hr>513a<br><font size=+1>


@#/ /zhags pas kun tu drangs/ /de nyid kyi ni bu gnyis pa/ /skyed pa po zhes rnam grags pa/ /de yi drung na 'khod pa yi/ /gnod sbyin bye ba drug cu dag /bcing ba rnam pa lngas bsdams nas/ /mdo sde'i zhags pas kun tu drangs/ /de nyid kyi ni bu gsum pa/ /de yi ming ni gdon po che/ /de yi drung na 'khod pa yi/ /gnod sbyin bye ba drug cu rnams/ / bcing ba rnam pa lngas bsdams nas/ /mdo sde'i zhags pas kun tu drangs/ /de nyid kyi ni bu bzhi pa/ /de yi ming ni bum pa'i lto/ /de yi drung na 'khod pa yi/ /gnod sbyin bye ba drug cu rnams/ /bcing ba rnam pa lngas bsdams nas/ /mdo sde'i zhags pas kun tu drangs/ /dbang phyug chen po lha chen po/ /lag bzhi pa la stobs po che/ /de yi drung na 'khod pa yi/ /gnod sbyin bye ba drug cu rnams/ /bcing ba rnam pa lngas bsdams nas/ /mdo sde'i zhags pas kun tu drangs/ /'byung po 'joms pa'i ri la ni/ /'byung po thams cad lhags nas su/ /rig sngags thams cad 'byung ba'i gnas/ /rig sngags 'di ni kun tu bsams/ /chad pa mi bzad drag po ste/ /gang phyir sangs rgyas kun gyis gsungs/ /go'u ta ma la gus par ni/ /thams cad de la skyabs su song / /g.yo med bar ni rjes zhugs shig /thams cad med par gyur ta re/ /de nas thang cig tsam gyis </font><hr>513b<br><font size=+1>


ni| |'byung po mang po thams cad lhags/ /ri rnams dang ni g.yang sa dang / /rgya mtsho dang ni mtsho rnams dang / /klung dang 'bab chu lu ma dang / /dbang klong dag na gang 'khod dang / /skye \?\ mos tshal dang gzhal med khang / /kun dga' dang ni nags rnams dang / /mchod rten gnas dang grong gi gnas/ /ljon shing drung na gang gnas dang / /grong khyer sgo na gang gnas dang| |grong rdal dang ni ljongs rnams dang / /rgyal po'i pho brang sgo rnams dang / /gzhal med khang na gang gnas dang / /dkyil 'khor dag dang dur khrod dang / /de bzhin lha khang rnams dang ni| |mtshams dang sho gam gnas rnams dang / /khang stong dang ni grams dang / /gnod sbyin gang rnams bla 'og dang / /phyogs bzhi dang ni mtshams rnams nas/ /gnod sbyin bye ba stong rnams ni/ /rig sngags zhags pas bkug pa rnams/ /rdza rnga dag ni brdungs nas su/ /la las rnga zlum dag ni brdung / /pi wang gling bu 'khar ba'i rnga/ /stobs che rnams ni sgra 'byin te/ /rol mo'i dbyangs sgra sna tshogs dang / /glu dang gar rnams byas nas su/ /dpang po zla ba chu lha dang / /b+ha ra dwa dza skye dgu bdag /mi ldan pa dang kun tu lta/ /mngon shes gangs can rdzogs pa dang / /tsan+dan dang ni 'dod mchog dang / /mgul ba mdzes dang mgul nges dang / /skye dgu'i bla mar gyur pa dang / /lha las byung ba'i ma ldan dang / </font><hr>514a<br><font size=+1>


@#/ /dri za sna tshogs sde dang ni/ /mi rgyal rgyal ba khyu mchog dang / /de bzhin phud bu lnga zhes bya/ /g.yer ma dang ni nyi zer dang / /nya lcibs dang ni rab gri bu/ /kun gyi bshes dang grags 'dzin dang / /'brog gnas dang ni yid bzang dang / /khab sna dang ni ri sul kha/ /lnga 'dzin dang ni khab bzang dag /sde dag dpung dang bzhon par bcas/ /lha dang klu dang dri za dang / /gnod sbyin srin po lha ma yin/ /nyin gsum pa yi smyo byed dang / /de bzhin bzhi pa'i rims dag dang / /'jig rten 'tshe ba gang yin pa/ /gnod sbyin srin po ma rungs rnams/ /phyogs bzhi nas ni bkug nas su/ /bcing ba lnga yis bsdams pa rnams/ /'jig rten mgon po'i spyan snga ru// thal sbyar 'khod nas 'di skad smras/ /phyag 'tshal skyes bu dpa' khyod la/ /phyag 'tshal skyes bu mchog khyod la/ /thal mo sbyar nas phyag 'tshal lo/ /chos rgyal khyod la phyag 'tshal lo/ /de dag gi ni mdun rgyug pa/ /'byung po gnod sbyin lus po che/ /lag pa bzhi pa ma rungs pa/ /rkang mang dang ni rkang gcig pa/ /rkang bzhi pa dang rkang gnyis pa/ /rkang pa sgreng la spyi'u tshugs dang / /lus mang mgo bo gcig pa dang / /lus gcig pa la \?\ mgo bzhi pa/ /mig mang po la lus phyed dang / /mig gcig lto ni bcu </font><hr>514b<br><font size=+1>


gnyis dang / /bong bu rnga mo glang chen mgo /lag pa bsgreng la mgo btud dang / /mtshon cha'i so dang mtshon cha'i lag /mtshon cha'i rkang pa srin po'i rnams/ /zangs kyi skra dang zangs kyi so/ /zangs kyi mig dang zangs kyi lag /zangs kyi tho ba'i rkang pa dang / /zangs kyi sna dang zangs kyi kha/\?\ rkang lag kun tu 'bar ba dang / /mi yi lus su gnas pa rnams/ /sgur zhar wa ba gsum yod pa/ /mig mi sdug la kha glal ba/ /chu srin stag gi gzugs dang ni/ /gzugs mi sdug dang kha ral po/ /mchu 'phyangs po dang so yon po/ /rab tu gtum po khro gnyer can/ /gsus po che dang bum rna bo/ /rna 'phyangs pa dang rna ba med/ /lag ring dang ni rna ba ring / /sna yi rtse dang la rtse ring / /lus skam lus ni ring ba dang / /skra ring rab tu brgyan pa dang / /rkang pa mid pa phra ba dang / /dri nga ba dang bum lto bo/ /yan lag chu srin 'dra ba dang / /gtun shing tho ba 'dra ba'i lto/ /gnam lto bo la rna bo che/ /gyen du brdzes skra rab tu dmar/ /mgo bo che la gzhu mgrin po/ /skam po sgur po bum lto bo/ /ri rab rtse mo bsgul nas su/ /me 'dag gi ni char pa 'bebs/ /ljon shing ri dang rdo ba dang / /sprin \?\ gyi tshogs kyi mdog 'dra ba/ /dung dang rnga chen rdza rnga dang / /grul bum rnga phran rnams kyi sgra/ /'jigs pa'i sgra ni rab tu 'byin/ /mid po che la bong bu'i sgra/ /nag po ser po sngon po dang / /dmar ser </font><hr>515a<br><font size=+1>


@#/ /me ltar dmar ser dang| /kha pa 'dra'i spu dang ral gri'i sgra/ /dmar po khrag gis bskus pa rnams/ /mi ro dag ni khyer nas su/ /za bzhin du ni rnam par rgyug /so rnon lag pa dmar po dang / /mchu ni khrag gis bskus pa dang / /lus phyed dag ni zos pa dang / /mkhal ma snying dang nang khrol gyis/ /snyim pa shin tu bkang ba dang / /byis pa dag ni za bzhin du/ /mer mer po dang srog chags kyis/ /rkang lag rnams kyi stobs kyang 'phrog /keng rus kyi ni lus kyis su/ /skye bo mang po skrag par byed/ /khrag gis rab tu bkang ba yis/ /mi yi pags pa thogs nas su/ /mi bzad dug gis kun bskus te/ /phyogs phyogs dag tu rnam par rgyug /grong khyer rnams kyi sgo dag dang / /khyim nas khyim du rnam par 'thor/ /rlung dang bad kan mkhris pa rnams/ /phyogs bzhi dag tu 'khrug par byed/ /de ltar de na rgyal po yi/ /gdon dang 'jigs pa chen po rnams/ /lhags pa de dag thams cad kyang / /rig sngags zhags pas rab tu bsdams/ /phyag 'tshal skyes bu dpa' khyod la/ /phyag 'tshal skyes bu mchog skyod \?\ la/ /thal mo sbyar nas phyag 'tshal lo/ /chos rgyal khyod la phyag 'tshal lo/ /grong khyer grong dang yul 'khor dang / /pho brang 'khor na rgyu ba ni/ /gnod sbyin ma </font><hr>515b<br><font size=+1>


rungs mdangs 'phrog pa/ /snying rje med cing khrag 'thung ba/ /lus chen 'jigs pa chen po ste/ /stobs po che la sgra yang che/ /mgrin bcu po la mig stong po/ /gdon chen mig ni dmar po rnams/ /'khor ni mang po rnams btang ste/ /lag na mtshon thogs rab tu 'jigs/ /sbrul gyi zhags pa thogs pa dang / /lag bzhi lag na sgron ma thogs/ /lag na mtshon dang dbyig pa thogs/ /rdo rje ma dung rtse lag par thogs/ /rab tu drag pa'i dmag brgal nas/ /phyogs kun tu ni skrag par byed/ /sdang ba'i gnas na 'khod pa yi/ /gsang ba po ni dad kun kyang| |mi yi 'jig rten 'di dag tu/ /skyes pa bud med gzhan yang 'dzin/ /sha khrag dron mor bcas pa la/ /rnam par 'khrul cing 'dod pa'i gzugs/ /seng ge dang ni stag dang rta/ ma he ba lang bong bu rnga/ /glang po che yi gzugs 'dra ba/ /dom dang gzig dang spyang ki dang / /khyi dang wa dang ra dag dang / /byi la byi ba spre'u'i gzugs/ /bse dang phag dang sre mong dang // nya dang rus spal dag gi gzugs/ /kha cig dag ni sram gyi gzugs/ /khwa dang 'ug pa khu byug dang / /bya rgod khra dang nya mid bcas/ /rma bya dang pa thi bya dang / /khrung khrung dang ni bya rnams dang| |kha cig bya gag gzugs rnams su/ /gnod sbyin rnams ni mi yis mthong \?\/ /'dab bzang bya yi tshul gyis kyang / /skye bo mang po skrag par byed/ /kha cig mi yi mgo can la/ /lus </font><hr>516a<br><font size=+1>


@#/ /ni bya gag bong bu 'dra/ /kha cig mtshon gyis rab tu 'tshe/ /lus dang bral ba dag tu snang / /rnam par 'khrugs shing 'dod la mos/ /rgyu ma'i phreng bas kun tu dkris/ /rtse gsum mdung gis rab 'debs shing / /srog chags rnams la gnod bar byed/ /mi bzad gdug pa'i dbugs 'byin cing / /skye dgu 'di dag skrag par byed| |srog chags rgyud ni ji snyed par/ /sna tshogs kyi ni gzugs su snang / /kha cig dag ni ri yang thogs/ /la la ral gri 'khor lo thogs/ /grangs ni brgya phrag stong rnams te| |dbyug pas bsdigs shing kha drag po/ /mig phyung ba la bzhin mi sdug /srin po so ni rno ba dang / /sna dang rna ba bcad pa dang / /lce spyang gdong ni gnyer ma can/ /rkang lag dang ni btubs pa dang / /mgo bo bcad pa'i srin po rnams/ /skabs ni rab tu tshol bar byed/ /sdig pa can rnams mdangs kyang 'phrog /mi dag gi ni lus rnams la/ /rab tu phra ba'i gdon du snang / /spu yi bar dang gnad rnams dang / /de bzhin rma yi kha rnams su/ /lhags pa de dag thams cad kyang / /rig sngags zhags pas rab tu drangs/ /phyag 'tshal skyes bu dpa' khyod la/ /phyag 'tshal skyes bu mchog khyod la/ /thal mo sbyar nas phyag 'tshal lo/ /chos rgyal khyod la phyag 'tshal lo/ /ri yi rgyal po ri rab dang / /de bzhin </font><hr>516b<br><font size=+1>


khor khor yug dang / /bya rgod phung po gshol mda' 'dzin/ /spos ngad ldang dang gangs kyi ri/ /sna tshogs brtsegs dang paN+Da pA/ /na la dA yi ri gnyis dang / /dpal gyi ri yi rtse mo ni/ /gang dag shin tu mthor 'phags dang / /ri po de dag kun la yang / /lha dang drang srong gang gnas pa/ /de dag thams cad mi dga' zhing / /'jigs pa'i yid kyi mya ngan byed/ /bye ba stong gi lha dag dang / /bye ba phrag brgya'i lha rnams dang / /lha yi bu mo skal chen dag /thal mo rab tu sbyor bar byed/ /thags bzang ris dang sgra gcan dang| |sim par byed pa'ang der phyin to/ /lha min bye ba phrag stong dang / /lha min bye ba phrag brgya dang / /de dag bu mo 'phrul ldan pa/ /mang po kun kyang thal mo sbyor/ /rab tu gnas dang rgya mtsho dang / /klu yi rgyal po gzi can dang / /klu yi rgyal po ma dros dang / /dga' bo nye dga' gnyis dag dang / /rdo rje blo gros pak+shu dang / /gang+gA dga' bo sin+d+hu mtsho/ /bya yi rgyal po 'dab bzang dang / /rgya mtsho chen po 'khrug byed dang / /stong phrag bye ba'i klu yi rnams/ /bye ba brgya yi klu dag dang / /de dag bu mo skal chen rnams/ /thal mo rab tu sbyor bar byed/ /nyi ma zla ba gnyis ka yang / /skar ma'i 'khor gyis yongs su bskor/ /gser gyi me tog yan lag na/ /ma ga d+hA na 'jigs byed pa/ /gso ba'i mtha' na </font><hr>517a<br><font size=+1>


@#/ /mi thod can/ /ko sa la na rab tu dkar/ /bzang po'i yul na kha spu can/ /gyad kyi yul na grags pa 'dzin/ /lnga 'dzin pa na skrag byed pa/ /rta skye ba na mig dmar gnas/ /srung byed pa na ser skya ste/ /sems pa na ni mig ser po/ /be'u la na bum pa'i lto/ /dga' ba'i yul na ring por skyes/ /ba lang 'dzin na rab tu 
// dung yul na ni nyi ma'i grogs/ /ljongs chen rnams kyi gnod sbyin ni/ /brjod pa bcu drug de dag dang / /lag na rdo rje gnod sbyin che/ /chos skyong rab tu dkar ba dang / /ser skya rab mdzes khyab 'jug pa/ /bum lto gsus pa zlum po dang / /chu srin bden pa 'chang ba dang / /lnga ldan rgyal ba khyu mchog dang / /gnod sbyin chen po dbang phyug che/ / lag pa bzhi can stobs po che/ /sde pa rab tu 'dul ba ni/ /mthu bo che la stobs po che/ /gshin rje gshin rje'i pho nya dang / /bdud rnams sde dang bcas pa dang / /gnod sbyin bye ba'i g.yog 'chang ba/ /gnod sbyin de ming 'phrog po yin/ /sha ri ta ni sder bcas dang / /ri yi bu mo gnod sbyin ma/ /gzi brjid chen mo 'jigs pa'i gzugs/ / 'phrog ma zhes kyang grags pa dang / /gdol pa \?\ mo ni gtum po dang / /bu rnams lnga brgyas bskor ba dang / /mi rdung nag mo karka te/ /pad+ma dang ni pad+ma can/ /me tog so dang sa </font><hr>517b<br><font size=+1>


ga dang / /srin mo bong bu'i rna can dang / /tsan+dan dang ni khyab 'jug len/ /seng ge ser skya dmar ser po/ /glang po klu yi so can dang / /ri bshes drag po'i mche ba can/ /srin po so bzang yod pa dang / /tshangs pa len dang khyab 'jug len/ /gnod sbyin ha la ha la dang / /gnod sbyin rnam pa'i mchu can dag /mdung dang mda' gzhu kun thogs shing / /mi rta ba lang ri dwags rnams/ /za zhing 'tshe ba de dag ni/ /phyogs rnams kun tu rgyug cing 'dong / /sa 'di rab tu g.yo bar byed/ /nags tshal rnams kyang rab tu skems/ /ri rnams kun nas g.yo bar byed/ /skye dgu 'di dag 'tshe byed cing / /phan tshun nas ni 'du ba dag /rig sngags kyis ni drangs nas lhags/ /phyag 'tshal skyes bu dpa' khyod la/ /phyag 'tshal skyes bu mchog khyod la/ /thal mo sbyar nas phyag 'tshal lo/ /chos rgyal khyod la phyag 'tshal lo/ /'jig rten mgon po'i spyan snga ru/ /de dag lhags par gyur pa dang / /de nas rgyal po rnam thos bus/ /'jig rten mgon la 'di skad gsol/ /bdag gi phyogs cha byang phyogs su/ /rgyal po'i gnas su sprul pa ni/ /lcang lor ldan pa yid du mchi/ /de bas bdag ni lcang lo'i bdag /rgyal po'i pho brang lcang lo can/ /lha rnams kun gyis bsam par gyur/ /phyir shin tu mthon po can/ /rin chen kun gyis brgyan pa lags/ /'phang du </font><hr>518a<br><font size=+1>


@#/ /dpag tshad bcu drug ste/ /gser gyi rgyu las bgyis pa lags/ /phyogs bzhi lcog ni re re la'ang / /gnod sbyin rdo rje 'chang ba dag /kun nas rab tu gnas par gyur/ /lag na mtshon cha legs par sprul/ /rgyal po'i pho brang de yi sgo/ /bzhi po gtod par bgyid pa ni/ /gcig ni gser las bgyis pa'i sgo/ /gnyis pa dngul las bgyis pa ste/ /gsum pa shel gyi sgo mo lags/ /bzhi pa gser gyis rnam par spras/ /grong khyer de yi nang dag na/ /skyed mos tshal gyis me tog rgyas/ /de yi nang na gzhal med khang / /rin chen bdun rgyu sna tshogs mchis/ /rin chen sna tshogs ljon shing can/ /bya phran sna tshogs skad kyang 'byin/ /me tog sna tshogs legs par bkram/ /sna tshogs spos kyis byugs pa lags/ /gnod sbyin mo ni 'joms pa dang / /glu dang rol mos rab tu brgyan/ /dpal gyi dam pa nyams su myong / /der ni 'byung po'i dkyil 'khor der/ /gang dag 'khor zhing mchis pa dag /rnam pa'i mchog kun ldan pa ste/ /chos 'tshal ba dang chos spyod pa/ /srog chags rnams la 'tshe mi bgyid/ / zas dang skom gyis mi brel te/ /skye dgu mi bzad gzhan dag ni/ /longs spyod chen po tshol bgyid cing / /phyogs bzhi kun tu rnam par lta/ /grong khyer sgo yi gom yo dang / /bza' </font><hr>518b<br><font size=+1>


shing rab nags tshal na/ /gnod sbyin srin po 'byung po'i tshogs/ /bye ba stong phrag brgya mchis pa/ /de dag thams cad mdo sde yi/ /zhags pas drangs te brlag par bgyi/ /rgyal po'i pho brang dbus na ni/ /chos kyi rgyal po'i gnas gyur pa/ /bsil ba'i rdzing bus bskor ba ste/ /tsan+dan nags kyi 'khor ba lags/ /kun nas dpag tshad drug cu ste/ /khang pa brtsegs ma sprul pa dag /gcig ni gser las bgyis pa ste/ /gnyis ni dngul las bgyid pa lags/ /gsum pa bai DUR+Ya las bgyis/ /bzhi pa gtsang dang shel gyi rgyu/ / lnga pa mu tig dmar po ste/ /drug pa rdo yi snying po lags/ /bdun pa spug las bgyis pa ste/ /brgyad pa rin chen bdun las bgyis/ /bud med stong phrag brgya dag kyang / /de dag re re kun na gnas/ /lhab lhub sna tshogs mchog dag dang / /cha byad sna tshogs mang pos brgyan/ /glu dang rol mo sna tshogs dang / /bzo yi gnas la mkhas pa mchis/ / de lta'i rab tu dga' ba yis/ /bde zhing tshim pa'i yid gyur cing / /de na bdag ni dgun skyems dang / /'dod pa dag gis rab myos pas/ /bdag gi 'khor rnams 'phyan bgyid cing| |phyogs bcu dag tu 'jigs pa skyed/ /bud med dag dang skyes pa dang / /de bzhin khye'u bu mo dang / /mngal na gnas pa'ang 'jigs par bgyid/ /dud 'gro'i skye gnas </font><hr>519a<br><font size=+1>


@#/ /gtogs la'ang 'tshe/ /skar ma dag dang nyi zla dang / /gtum pa'i gza' rnams gnod par bgyid/ /lo tog sa bon 'bras bu dang / /me tog sman dang zas skom dang / /mi rnams kyi ni dpal 'phrog cing / /mthon po rnams kyang dma' bar bgyid/ /'jig rten dag na nongs pa rnams/ /dmag dang 'thab mo shar gnyer dang| |tshig gam zhig gam bsad phye ba/ /de kun 'byung po'i rnam par gyur/ /sbed cing ston par bgyid pa dang / /bzlog par bgyid cing rgod par bgyid/ /'jigs par bgyid cing lta bar bgyid/ /dgrar 'gyur ba yang ston par bgyid/ /sdig pa'i rmi lam mthong bar bgyid/ /nyal ba dag la gnod par bgyid/ /sgo nas se gol sgra phyung zhing / /mi snyan brjod de za bar bgyid/ /mdza' bo gnyen bshes gzugs dag tu/ /gda' zhing bka' mchid smra bar bgyid/ /bu mo sdug gu'i gzugs dag tu/ /'dod la spyod pa dga' bar bgyid/ /nyi ma skar ma'i gzugs dang ni/ /zla ba'i gzugs su gda' bar bgyid/ /rlung dang skar mda' lce gzugs su/ /tshe la gnod par de dag gda'/ /skar mda'i tshogs dang 'dra ba dag /'jigs par bgyid pa wa dang khyir/ /rnam par sprul nas ljon shing dang / /mchod rten dag ni gnas na gda'/ /skyes pa gzhon nu'i 
 </font><hr>519b<br><font size=+1>


mdzes pa/ /'bar zhing shing rta'i sgra yang 'byin/ /gnas rnams dang ni shul dag tu/ /rnam pa sna tshogs rjes kyang ston/ /grong khyer dag dang khyim rnams kyi/ /sgo yang gnod sbyin de dag 'byed/ /srog dang lus kyang blangs bgyid cing / /lam ngan kun tu skor bar bgyid/ /rnam pa sna tshogs gzugs dag dang / /rnam pa sna tshogs sgra rnams dang / / rnam pa sna tshogs nad kyis rnams/ /lus la na ba gnas par ston/ /nad rnams kun gyi mtshan nyid kyang / /phyin ci log tu ston par bgyid/ /ji snyed 'jig rten rang bzhin dag |thams cad log par de dag ston/ /rig sngags zhags pas drangs pas na/ /de dag kun kyang 'dir mchis so/ /de nas rgyal po rnam thos bu/ /langs te thal mo rab sbyar nas/ /zhabs la 'khor lo'i mtshan mnga' ba/ /gser gyi mchod sdong 'bar ba bzhin/ /'jig rten snang bar mdzad pa po/ /thub pa chen po me dang 'dra/ /gnod sbyin gsang sngags mi bzad can/ /stong phrag drug cu rtsa bzhi dag /byang gi phyogs cha'i phyogs na gnas/ /byang phyogs dag tu gnod par bgyi/ /'jig rten mgon po'i spyan sngar ni/ /de dag chad pa bdag gis bshad/ /s+yad ya the dan/ khang+ge khang+ge/ khang+ga gar+b+he/ bi tsik+Sha Ne tsakra/ rA dza ne/ tsan+d+re/ tsa ba \?\ le/ pA tA khe/ b+hI ma ba da ba ti/ kha ra gre b+h+raM ku </font><hr>520a<br><font size=+1>


@#/ /Ti la ka rA gre /e kA k+Shi/ par ga ba ti/ sA raM ga ba ti/ mArga ba ti/ tsi tra ba ti/ tsi tra kAn+ti/ bdag byang phyogs su dge bar gyur cig swAhA/ tshangs pa dang ni brgya byin dang / /'jig rten skyong dang dbang phyug che/ /gnod sbyin sde dpon thams cad dang / /'phrog ma bu dang bcas pa yang / /bdag gi me tog spos dag dang // sbyin sreg 'di ni blang bar gyis/ /de dag gi ni brtson 'grus dang / /gzi brjid dbang phyug stobs kyis kyang / /nad rnams thams cad bcom par gyur/ /bdag 
 pa dang / gnod pa thams cad las dge bar gyur cig /phyag 'tshal skyes bu dpa' khyod la/ /phyag 'tshal skyes bu mchog khyod la/ /thal mo sbyar nas phyag 'tshal lo| |chos rgyal khyod la phyag 'tshal lo/ /rgyal chen yul 'khor srung ba yang / /langs te thal mo sbyar btud nas/ /me tog tshogs ltar rgyas gyur cig /ka la ping ka'i sgra dbyangs can/ /khu byug dang ni rma bya'i sgra/ /rnga dang 'brug gi sgra sgrogs pa/ /thub chen gnod sbyin srin po dang / /dri za stong phrag drug cu bzhi/ /shar gyi phyogs cha'i phyogs na gnas/ /shar phyogs pa la gnod par byed/ /'jig rten mgon gyi spyan sngar ni/ /de dag chad pa bdag gis bshad/ /s+yAd ya the dan/ d+hA ra Ni d+hA ra Ni/ pra </font><hr>520b<br><font size=+1>


d+hA \?\ na sa na b+hany+dza ni/ pra b+hany+dza ni bi d+ha ma ni/ kim pu ru She/ sha ka le/ sA ra the/ sA ra ba ti/ shU la d+ha re/ shU la d+hAri Ni/ shud+d+he tsa ra Ne/ g+ho Sha ba ti/ shA rA gre/ shAn+te/ bdag shar phyogs su dge bar gyur cig swAhA/ tshangs pa de bzhi brgya byin dang / /'jig rten skyong dang dbang phyug che/ /gnod sbyin sde dpon thams cad dang / /'phrog ma bu dang bcas pa yang| |bdag gi me tog spos dag dang / /sbyin sreg 'di ni blang bar gyis/ /de dag gi ni brtson 'grus dang / /gzi brjid dbang phyug stobs kyis kyang / /nad rnams thams cad bcom bar gyur/ /bdag 'jigs pa thams cad dang / gnod pa thams cad las dge bar gyur cig swA hA/ phyag 'tshal skyes bu dpa' khyod la/ /phyag 'tshal skyes bu mchog khyod la/ /thal mo sbyar te phyag 'tshal lo/ /chos rgyal khyod la phyag 'tshal lo/ /rgyal po chen po 'phags skyes kyang / /thal mo sbyar te de nas langs/ /thams cad mkhyen pa thams cad gzigs/ /smra ba thams cad rab 'joms pa/ /the tshom thams cad gcod mdzad pa/ /'jig rten thams cad rnam 'dren pa/ /grul bum yi dwags srul po dag / stong phrag drug cu rtsa bzhi rnams/ /lho yi phyogs cha'i phyogs na gnas/ /de nas byung la gnod par bgyid/ /'jig rten mgon po'i spyan sngar ni/ /de dag chad pa bdag gis </font><hr>521a<br><font size=+1>


@#/ /bshad/ /s+yAd ye the dan/ shAn+ti/ shA ra ba ti/ kAn+ti/ kA ra ba ti/ kiM ka ra si/ kiM ka ra ti/ ki ka si ki ri Ni/ kiM ra te/ kiM ba te/ d+ha ra Ni/ bar+d+ha ni/ b+hU mi/ d+hA r-i Ni/ hi ma ba ti/ dz+yo tiSh+tsa ra Ne/ mA lA gre/ bdag lho phyogs su dge bar gyur cig swA hA/ tshangs \?\ pa dang ni brgya byin dang / /'jig rten skyong dang dbang phyug che// gnod sbyin sde dpon thams cad dang / /'phrog ma bu dang bcas pa yang / /bdag gi me tog spos dag dang / /sbyin sreg 'di ni blang bar bgyi/ /de dag gis ni brtson 'grus dang / /gzi brjid dbang phyug stobs kyis kyang / /nad rnams thams cad bcom par gyur/ /bdag 'jigs pa thams cad dang / gnod pa thams cad las dge bar gyur cig swA hA/ phyag 'tshal skyes bu dpa' khyod la/ /phyag 'tshal skyes bu mchog khyod la/ /thal mo sbyar te phyag 'tshal lo/ /chos rgyal khyod la phyag 'tshal lo| |rgyal po mig mi bzang ba yang / /thal mo sbyar ba byas nas langs/ /sprin chen seng ge chen po pa/ /che ba'i che ba rgya mtsho che/ /gsung ba chen po dpa' chen po/ /g.yul chen rab tu 'joms mdzad pa/ /klu dang 'dab bzang gsang ba po/ /stong phrag drug cu rtsa bzhi dag /nub kyi phyogs cha'i phyogs na gnas/ /de nas byung la gnod par bgyid// </font><hr>521b<br><font size=+1>


'jig rten mgon po'i spyan sngar ni/ /de dag chad pa bdag gis bshad/ /s+yAd ya the dan/ d+ha rmi ba rA gre/ ba la pa te/ ba li ni/ bi shi ge /bi tsa shi /sA ga re/ khA rI/ ka pa li| tsaN+Da li/ ki ri Ni/ nI rany+dza ne/ bi d+hA ra Ni/ ba l+la ma hi/ a tsa le/ bdag nub phyogs su dge bar gyur cig swA hA/ tshangs pa dang ni brgya byin dang / /'jig rten skyong dang dbang phyug che/ /gnod sbyin sde dpon thams cad dang / /'phrog ma bu dang bcas pa yang / /bdag gi me tog spos dag dang / /sbyin sreg 'di ni blang bar bgyis/ /de dag gi ni brtson 'grus dang / /gzi brjid dbang phyug stobs kyis kyang / /nad rnams thams cad bcom par gyur/ /bdag 'jigs pa dang / gnod pa thams cad las dge bar gyur cig swA hA/ phyag 'tshal skyes bu dpa' khyod la/ /phyag 'tshal skyes bu mchog khyod la/ /thal mo sbyar te phyag 'tshal lo/ /chos rgyal khyod la phyag 'tshal lo| |de nas tshangs pa tshangs chen yang / /thal mo sbyar ba byas nas langs/ /tshangs pas bkrus pa dag pa po/ /rig byed kun gyi pha rol phyin/ /skye bo dga' mdzad sman pa'i rje/ /'jig rten thams cad gso mdzad pa/ /gnod sbyin srin po gang gi rnams/ /phyogs dang phyogs mtshams gnas pa dang / /sa yi 'og dang bar dang steng // </font><hr>522a<br><font size=+1>


@#/ /nam mkha' dag la gnas pa'i gdon/ /'jig rten mgon gyi spyan sngar ni/ /de dag chad pa bdag gis bshad/ /s+yAd ya the dan/ brah+me/ brah+ma g+ho She/ brah+ma swa re/ badz+re badz+ra g+ho She/ badz+ra d+ha re/ s+thi te sA re/ a tsa le/ a ra Ne/ i Sha ni/ a rA Ni te/ shU re/ ba rA gra /prA p+te/ sA ga ra pa te/ bdag phyogs thams cad du dge bar gyur cig swA hA/ tshangs pa dang ni brgya byin dang / /'jig rten skyong dang dbang phyug che/ /gnod sbyin sde dpon thams cad dang / /'phrog ma bu dang bcas pa yang / /bdag gi me tog spos dag dang / /spyin sreg 'di ni blang bar bgyis/ /de dag gi ni brtson 'grus dang / /gzi brjid dbang phyug stobs kyis kyang / / nad rnams thams cad bcom par gyur/ /bdag 'jigs pa dang / gnod pa thams cad las dge bar gyur cig swA hA/ rlung las gyur dang mkhris las gyur/ /bad kan las gyur 'dus las gyur/ /nad rnams thams cad bcom par gyur/ /bdag 'jigs pa dang / gnod pa thams cad las dge bar gyur cig swA hA/ phyag 'tshal skyes bu dpa' khyod la/ /phyag 'tshal skyes bu mchog khyod la/ /thal mo sbyar te phyag 'tshal lo/ /chos rgyal khyod la phyag 'tshal lo/ /de nas bcom ldan 'das </font><hr>522b<br><font size=+1>


'di snyam du dgongs te sangs rgyas bcom ldan 'das rnams ni rgyal srid gcig gi phyir 'jig rten du byung ba ma yin/ sangs rgyas bcom ldan 'das rnams ni grong khyer dang / grong rdal dang / ljongs dang / grong dang / khyim nas sems can gcig gi bar gyi don gyi phyir 'jig rten du byung ba ma yin gyi/ 'jig rten lha dang bcas pa/ bdud dang bcas pa/ tshangs pa dang bcas pa/ dge sbyong dang / bram zer bcas pa'i skye dgu dang / lha dang / mi dang / lha ma yin du bcas pa'i don du sangs rgyas bcom ldan 'das rnams 'jig rten du byung ste/ de ni/ dper na/ sman pa mkhas pa'i mchog tu phyin pa/ gso ba la brtson pa/ sman pas shes par bya ba/ shin tu bslabs pa rgyal po gcig gi don du byung ba ma yin/ yul gcig gi don du byung ba ma yin pa nas sems can gcig gyi don gyi bar du byung ba ma yin pa dang 'dra'o/ /de ci'i phyir zhe na| phyogs gang na sangs rgyas bcom ldan 'das bzhugs pa'i phyogs de dag tu mi rnams dang / mi ma yin pa dag kyang rnam par 'tshe bar mi bya bar sems kyi/ nga'ang yangs pa can gyi grong khyer chen po ga la ba der song ba dang / yangs pa can gyi grong khyer chen po'i skye bo'i tshogs phal po che'i don kyang byas par 'gyur/ sangs rgyas kyi </font><hr>523a<br><font size=+1>


@#/ /mdzad pa'ang byas par 'gyur ro snyam du dgongs te/ de nas bcom ldan 'das snga dro'i dus kyi tshe chos gos dang / sham thabs man bas nas lhung bzed bsnams te dge slong stong nyis brgya lnga bcu dang thabs gcig tu bya rgod phung po'i ri las shod du gshegs pa dang / mi mjed kyi bdag po tshangs pas lha'i gdugs lnga brgya tsam blangs te bcom ldan 'das la g.yas rol nas phul lo/ /phul nas bcom ldan 'das la rdul yab kyis g.yob cing 'dug par gyur to// lha rnams kyi dbang po brgya byin gyis kyang gdugs lnga brgya tsam blangs te bcom ldan 'das la g.yon rol nas phul lo/ /phul nas bcom ldan 'das la rdul yab kyis g.yob cing 'dug par gyur to/ /rgyal po chen po bzhis kyang re re zhing lha'i gdugs lnga brgya tsam blangs te bcom ldan 'das la snam logs nas bcom ldan 'das la rdul yab kyis g.yob cing 'dug par gyur ro/ /lha'i bu dbang phyug chen po dang / gnod sbyin gyi sde dpon chen po nyi shu rtsa brgyad dang / gnod sbyin mthu bo che sum cu rtsa gnyis dang / 'phrog ma'i bu lnga brgya 'khor dang bcas pas kyang so so nas lha'i gdugs dag blangs te/ nyan thos rnams la bul nas rdul yab </font><hr>523b<br><font size=+1>


kyis g.yob cing 'dug par gyur to/ /de lta bu'i grags pa dang / bkur sti dang / brnyas par bya ba brnyes nas bcom ldan 'das dge slong gi dge 'dun dang thabs gcig tu bya rgod phung po'i ri las shod du babs te yangs pa can gyi grong khyer chen po ga la ba der gshegs pa dang / yangs pa can gyi lits+tsha pI rnams kyis bcom ldan 'das shin tu mdzes pa/ dad par 'os pa/ dbang po zhi ba/ thugs zhi ba/ dbang po dul ba/ thugs dul ba/ dul ba dang / zhi gnas kyi dam pa'i pha rol tu phyin pa brnyes pa/ dbang po dben zhing khugs pa/ glang po chen po lta bu shin tu dul ba/ mtsho ltar dwangs shing rnyog pa med la rnam par gsal ba/ skyes bu chen po'i mtshan sum cu rtsa gnyis kyis sku legs par brgyan pa/ dpe byad bzang po brgyad cus shin tu brgyan pa/ shing sA la'i rgyal po ltar de bzhin gshegs pa'i sku rnam par spras pa/ nyi ma ltar 'od zer gyi dra ba kun tu 'gyed pa/ mtshan mo mun pa'i nang na ri bo'i spo la me'i phung po rab tu 'bar ba dang 'dra zhing bcom ldan 'das gser gyi ri bo chen po dam pa ltar lham me/ lhan ne/ lhang nge rgyang ring po nas gnas der gshegs pa mthong ngo / /mthong ma thag tu yangs pa can gyi lits+tsha bI rnams bcom ldan 'das la sems dad par gyur nas sems </font><hr>524a<br><font size=+1>


@#/ /dad par gyur pa de dag bcom ldan 'das yangs pa can gyi grong khyer chen por lam gang nas gshegs pa'i lam de phyags shing chag chag 'debs/ byi dor byed/ me tog 'thor/ dar gyi lda ldi dang / dril bu dang / gdugs dang / rgyal mtshan dang / ba dan sna tshogs kyis brgyan te bdug spos sna tshogs kyis gdugs nas bcom ldan 'das ga la ba der dong ste phyin pa dang / bcom ldan 'das kyi zhabs la mgo bos phyag btsal lo/ /de nas bcom ldan 'das kyi phyag gi mthil 'khor lo rtsibs stong dang ldan pa'i ri mo can/ me tog pad+ma'i snying po ltar 'jam pa/ sngon legs par spyad pa'i mtshan gyis brgyan pa/ gzhon sha chags shing 'jam pa/ nyi ma'i 'od zer bas lhag pa'i 'od dang ldan pa/ 'od zer brgya phrag mang po kun tu 'phro ba/ dri ma med pa'i phyag gis lits+tsha pI dag gi mgo la byugs te rjes su bstan pa mdzad do/ /de nas bcom ldan 'das yangs pa can gyi grong khyer chen po'i nang du gshegs nas nam gyi gung thun la sgo skyes kyi gzhi zhabs kyis mnan nas phyogs bzhir gzigs te/ phyag gser gyi mdog can brkyang nas na bza' bla gos gsol te bka' stsal pa/ phyi ma'i dus na dge slong ngam/ dge slong </font><hr>524b<br><font size=+1>


ma 'am/ dge bsnyen nam/ dge bsnyen ma'am/ gang su yang rung ba dag de bzhin gshegs pa'i sku gdung ring bsrel yungs 'bru tsam la mchod pa byed pa dang / stong chen po rab tu 'joms pa'i rig sngags kyi rgyal mo gdon thams cad las thar bar byed pa'i chos kyi rnam grangs de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi bye ma snyed kyi sangs rgyas kyi phyag rgya 'di 'dzin cing 'chang ba dang / klog cing ston pa dang / kun chub par byed pa la yams nad dang| 'jigs pa dang / 'tshe ba dang / nad 'go ba dang / 'khrugs pa dang / 'thab pa dang / rtsod pa dang / 'ching ba dang / kha mchu dang / shags dang / tha na phra ma dang| sdig pa mi dge ba'i sdug bsngal ba'i las kyis mi tshugs shing 'tshe bar byed pa thams cad kyis mi thub par 'gyur ro/ /de skad ces bka' stsal pa dang / bcom ldan 'das la mi mjed kyi bdag po tshangs pas 'di skad ces gsol to/ /btsun pa bcom ldan 'das/ stong chen po rab tu 'joms pa zhes bya ba'i gsang sngags kyi rgyal mo gdon thams cad las thar bar bgyid pa'i chos kyi rnam grangs de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi bye ma </font><hr>525a<br><font size=+1>


@#/ /snyed rnams kyis sangs rgyas kyi phyag rgya de gang lags de skad ces gsol pa dang / bcom ldan 'das kyis mi mjed kyi bdag po tshangs pa la 'di skad ces bka' stsal to/ /tshangs pa/ de'i phyir khyod legs par rab tu nyon la yid la zungs shig dang ngas khyod la bshad do/ /btsun pa/ de bzhin no zhes gsol nas mi mjed kyi bdag po tshangs pa bcom ldan 'das kyi ltar mnyan pa dang / de la bcom ldan 'das kyis 'di skad ces bka' stsal to/ /s+yAd ya the dan| a tsa le/ ma tsa le/ sA ra ma tsa le/ pra kri te bar+Ne pra kr-i ti nir+g+ho She/ sa man+ta mu khe/ s+thi re s+thA ba re bi g+huSh+Te/ shap+te pra ga la Ni/ pA rang+ga me sA rA su te sA rang+ga ba te ba le mahA ba le mahA nir+b+hA se swA hA/ de la 'di skad ces bya ste/ lus su gtogs pa dran pa dang / zhi gnas dang / lhag mthong dang / ting nge 'dzin gsum dang / rdzu 'phrul gyi rkang pa bzhi dang / yang dag par spong ba bzhi dang / dran pa nye bar gzhag pa bzhi dang / bsam gtan bzhi dang / 'phags pa'i bden pa bzhi dang / dbang po lnga dang / stobs lnga dang / rjes su dran pa drug dang / byang chub kyi yan lag bdun dang / 'phags pa'i lam yan lag brgyad pa dang / mthar gyis gnas pa'i </font><hr>525b<br><font size=+1>


snyoms par 'jug pa dgu dang / de bzhin gshegs pa'i stobs bcu dang / rnam par grol ba'i skye mched bcu gcig dang / rten cing 'brel par 'byung ba yan lag bcu gnyis dang / rnam pa bcu gnyis dang ldan pa'i chos kyi 'khor lo dang / dbugs dbyung ba dang / rdub \?\ pa rjes su dran pa bcu drug dang / sangs rgyas kyi chos ma 'dres pa bco brgyad dang / yi ge \?\ bzhi bcu rtsa gnyis te tshangs pa/ de ni stong chen po rab tu 'joms pa zhes bya ba'i rig sngags kyi rgyal mo gdon thams cad las thar bar byed pa'i mdo/ de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi bye ma snyed rnams kyi sangs rgyas kyi phyag rgya ste sangs rgyas bsgrubs pa'o/ /chos bsgrubs pa'o/ /dge 'dun bsgrubs pa'o/ /tshangs pa bsgrubs pa'o/ /dbang po bsgrubs pa'o/ /'jig rten skyong ba bsgrubs pa'o/ /dbang phyug bsgrubs pa'o/ /bden pa bsgrubs pa'o/ /lam bsgrubs pa'o/ /rten cing 'brel par 'byung ba bsgrubs pa'o/ /zla ba bsgrubs pa'o/ /nyi ma bsgrubs pa'o/ /gza' bsgrubs pa'o/ /rgyu skar bsgrubs pa'o| |s+yAd ya the dan/ sA le ka si ni/ bi d+ha ra Ni ba rA gra /sA re A maR+Sha Ni/ a mo g+ha ba ti/ sa tsa ne kA la/ na ka li/ kA shi ka pa ti/ b+ha ra Ni/ b+ha ra ka sha khe/ sa man+ta prAp+te/ </font><hr>526a<br><font size=+1>


@#/ /sa ra prAp+te/ stam+b+ha ne/ stam+b+ha na prAp+te/ badz+ra d+ha re swA hA/ de nas bcom ldan 'das kyis de'i tshe tshigs su bcad pa 'di dag bka' stsal to/ /'jig rten 'di 'am gang dag 'das pa dang / /mtho ris dag na rin chen mchog yod pa/ /de bzhin gshegs pa lha yi lhar gyur pa/ /mi yi mchog dang 'dir ni mtshungs pa med/ / de bas 'dir ni rin chen mchog tu gsungs/ /bden pa de yis 'dir ni dge bar shog /zad pa chags bral bdud rtsi 'dus ma byas/ /shes pas shAkya thub des rab tu phye| |bdud rtsi zhi ba 'dus byas ma yin pa/ /chos de dang ni mtshungs pa gang yang med/ /de bas 'di ni rin chen mchog tu gsungs/ /bden pa de yis 'di ni dge bar shog / mchog tu gang 'dod tshul bzhin rab bstan pa/ /ston pa'i rnal 'byor bla med rtag sgrub pa/ /rdo rje lta bu'i mi gnyis lam mthong ba/ /ting 'dzin de dang mnyam pa yod ma yin| |de bas 'di ni rin chen mchog tu gsungs/ /bden pa de yis 'dir ni dge bar shog /gang zag chen po brgyad po rab bsngags shing / /gang zag zung bzhir brjod pa de dag ni/ /drang srong chen po gang zag mtshungs med pa/ /bde bar gshegs pas sbyin pa'i gnas zhes gsungs/ /de la byin na 'bras bu cher gyur te/ /zhing rab gshin la </font><hr>526b<br><font size=+1>


sa bon btab pa bzhin/ /'di ni dge 'dun rin chen mchog tu gsungs/ /bden pa de yis 'dir ni dge bar shog /gang dag brtan pa'i yid kyis rab brtson zhing / /gau ta ma'i bstan la 'jug byed pa/ /de dag thob nas bdud rtsi 'jug thob ste/ /mun pa bsal nas mya ngan 'das thob pa/ /de bas dge 'dun rin chen mchog tu gsungs/ / bden pa de yis 'dir ni dge bar shog /lta ba 'di la sbyar ma thag tu ni/ /'jig tshogs lta dang tshul khrims brtul zhugs dang / /the tshom dang ni nyon mongs gsum po dag /cig car spangs te 'phags pa'i bden mthong ba/ /des na dge 'dun rin chen mchog tu gsungs/ /bden pa de yis 'dir ni dge bar shog /lus sam ngag gam 'on te yid kyis kyang| |sdig pa rnam gsum nam yang mi byed cing / /glo bur byas na'ang 'chab par mi byed la/ /de ltar de dag lta bas 'dzin mi byed/ /de bas dge 'dun rin chen mchog tu gsungs/ /bden pa de yis 'di ni dge bar shog /ji ltar dbang po'i sdong po sar btsugs pa/ /phyogs bzhi'i rlung rnams kyis ni mi g.yo ltar/ /'phags pa'i lam gyi dam pa mthong ba yi/ /gang zag 'phags pa'i dge 'dun de bzhin no/ /des na dge 'dun rin chen mchog tu gsungs/ /bden pa de yis 'dir ni dge bar shog /shes rab zab mo shin </font><hr>527a<br><font size=+1>


@#/ /tu bstan pa yi/ /'phags pa'i bden pa su dag rnam sgom zhing / /lus kyang sbyin par yid la byas pa ni/ /de dag 'jigs pa brgyad dang phrad mi 'gyur/ /des na dge 'dun rin chen mchog tu gsungs/ /bden pa de yis 'dir ni dge bar shog /ji ltar me ni rlung gis rab gtor ba/ /lag tu blangs te bgrang du med pa nyid/ /de ltar kun tu sbyor ba rab btang ba/ /sangs rgyas sras rnams bstan du med par 'gro /des na dge 'dun rin chen mchog tu gsungs/ /bden pa de yis 'dir ni dge bar shog /sems can gang dag 'gro dang mi 'gro ba/ /de dag thams cad 'dir ni bder gyur cig /ston mchog lha dang mis ni mchod 'os pa/ /sangs rgyas phyag 'tshal deng 'dir dge bar shog /sems can gang dag 'gro dang mi 'gro ba/ /de dag thams cad 'dir ni bder gyur cig /zhi ba chags bral lha mis mchod 'os pa/ /chos la phyag 'tshal deng 'dir dge bar shog /sems can gang dag 'gro dang mi 'gro ba/ /de dag thams cad 'dir ni bder gyur cig /tshogs kyi dam pa lha mis mchod 'os pa/ /dge 'dun phyag 'tshal deng 'dir dge bar shog /sems can gang dag 'gro dang mi 'gro ba/ /de dag thams cad 'dir ni bder gyur cig /'byung po gang dag 'dir ni lhags gyur te/ / </font><hr>527b<br><font size=+1>


sa 'am 'on te bar snang 'khod pa dag /skye dgu rnams la rtag tu byams byed shog /nyin dang mtshan du chos kyang spyod par shog /'di ni rgyal ba dgra rgyal bden gang gis/ /shin tu bden pa gsung zhing rdzun med pa/ /bden pa de yis 'dir ni dge bar shog /de kun 'jigs pa che las thar gyur cig swA hA/ s+yAd ya the dan/ d+hi re d+hi d+hi re/ pa la nir+g+ho She/ pa li sa re/ sA ra ba te/ stu ti pra stu ti prAp+te/ A ra be/ a ra nir+g+ho She/ A ra ba ti/ a ts+yu te/ ba la ba te/ shU ra prAp+te/ sA rang+ga me/ suR+Ya ba le/ suR+Ya nir+g+ho She swA hA/ tshangs pa/ stong chen po rab tu 'joms pa zhes bya ba'i rig sngags kyi rgyal mo gdon thams cad las rab tu thar bar byed pa 'di ni de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi bye ma snyed kyi sangs rgyas kyi phyag rgya'o/ /sangs rgyas kyi gnas so/ /chos kyi gnas so/ /dge 'dun gyi gnas so/ /tshangs pa'i gnas so/ /dbang po'i gnas so/ /'jig rten skyong ba'i gnas so/ /dbang phyug gi gnas so/ /drang srong chen po'i gnas so/ /'byung po'i gnas so/ /mig gi gnas so/ /rgyu'i gnas so/ /phyogs kyi gnas so/ /bstan pa'i gnas so/ /sangs rgyas rnams kyis mngon par rdzogs par sangs rgyas pa'o/ /nyan thos rnams kyis reg pa'o/ /tshangs pas byin gyis brlabs pa'o// </font><hr>528a<br><font size=+1>


@#/ /dbang pos rab tu bsngags pa'o/ /'jig rten skyong ba rnams kyis mchod pa'o/ /dbang phyug gis phyag byas pa'o/ /lha thams cad kyis kun tu mchod pa'o/ /rnal 'byor spyod pa rnams kyis bsngags pa'o/ /mkhas pa rnams mngon par dga' bar gyur pa'o/ /drang srong rnams kyis rab tu bsngags pa'o/ /tshangs pa rnams kyis rab tu brgyan pa'o/ /lha rnams kyis mngon par bstod pa'o/ /khrus byed pa rnams kyis bsang pa'o/ /rigs bzhi'i 'jig rten gyis dga' bar byas pa'o/ / sangs rgyas thams cad kyi spyod yul lo/ /rang sangs rgyas rnams kyi skyed mos tshal lo/ /drang srong rnams kyi gnas so/ /nyan thos rnams kyi mya ngan las 'das pa'o/ / rnal 'byor spyod pa rnams kyis gnas so/ /byang chub kyi phyogs kyi chos rnams kyi 'byung gnas so/ /nyon mongs pa rnams 'joms pa'o/ /bag la nyal gyi zug rngu rnams 'byin pa'o| |'phags pa'i lam kun tu ston pa'o/ /thar pa'i sgo rnams 'byed pa'o/ /'jig tshogs la lta ba rnams 'jig par byed pa'o/ /nga rgyal gyi ri rab tu bsnyil bar byed pa'o| |'khor ba'i rgya mtsho skems pa'o/ /'khor ba'i rgya mtshor lhung ba'i sems can thams cad sgrol ba'o/ /bdud kyi zhags pa gcod pa'o/ /bdud kyi 'khor skrag par </font><hr>528b<br><font size=+1>


byed pa'o/ /bdud kyi mchil ma 'dor ba'o/ /nyon mongs pa'i g.yul las sgrol ba'o/ /mya ngan las 'das pa'i grong khyer du 'jug pa'o/ /'khor ba'i khyim nas 'byung bar byed pa'o/ / s+yAd ya the dan/ khaD+ge khaD+ge/ khaD+ge g+ho She/ u sho d+ha ne/ sA ra thi/ pra b+he de/ bi bu la pra b+he/ sang kar+Tha Ni/ bi kar+tha Ni/ bi sha gra ba te/ shud+ha sA d+ha ni/ ba ru Na ba te/ bA sa/ be bi b+hu She Ne| bi sang ga me/ pa shu pa ti/ puSh+pa gar+b+he/ bdag dang / sems can thams cad 'jigs pa dang / nye bar 'tshe ba dang / ngal ba thams cad las bde legs su gyur cig swA hA/ stong chen po rab tu 'joms pa zhes bya ba'i rig sngags kyi rgyal mo gdon thams cad las thar bar byed pa'i mdo sde 'di ni de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi bye ma snyed kyi sangs rgyas kyi phyag rgya ste/ 'dis ni lha dang / mi dang / lha ma yin du bcas pa'i 'jig rten phyag rgyas btab pa ste mya ngan las 'das pa'i grong khyer bla na med par zhugs so/ /de'i don gyi phyir sngon mngon par rdzogs par sangs rgyas pa'i yang dag par rdzogs pa'i sangs rgyas dang / rang sangs rgyas rnams dang / nyan thos rnams dang / pha ma dang / sbyin gnas dang / bla ma lta bu rnams la bsnyen bkur to/ /tshangs par spyod pa spyad do/ /tshul khrims bsrungs so/ /sbyin pa </font><hr>529a<br><font size=+1>


@#/ /byin no/ /snying rje'i pha rol tu phyin pa yongs su bskangs so/ /byang chub thob par bsgrubs so/ /bdud pham par byas so/ /de nas mi mjed kyi bdag po tshangs pa dang / lha rnams kyi dbang po brgya byin dang / rgyal po chen po bzhi dag gis skad cig blo gros gcig dang / dbyangs gcig gis bcom ldan 'das la phyag btsal nas gsol pa/ kye ma rig sngags rig sngags che/ /stong chen rab tu 'joms byed pa/ /sangs rgyas phyag rgya de yis ni/ /phyogs bzhi'i sems can thams cad bsrungs/ /phyag rgya gang gis btab gyur na/ /'byung po thams cad skrag bgyid pa/ /stong chen rab tu 'joms pa'i mdo/ /phyag rgya bdag cag stsal bar bgyi/ /mi gang rab tu sdang ba dang / /bstan pa 'di la ma dad pa/ /de dag tshangs pas sprul pa yi/ /rig sngags chad pas gcad par bgyi/ /brgya byin gyis ni spyi bos blangs/ /'jig rten skyong bas rgyas btab bo/ /s+yAd ya the da na/ ka ling+ge/ ba ra de/ dzau tA gre/ dzA ma ni/ siM ha ba de/ sA rA gra prap+te/ haM sa gA mi ni/ mA li ni/ hu le si hu le si hu le si hu le me/ ha ha ma/ ha ha ma/ su da ni/ pa rA gra ba ti/ hasti ne/ ne ba ra mi ta/ tsaN+Da le/ tsa ra me/ tsa rA me tsa rA re swA hA/ stong chen mo rab tu 'joms pa zhes bya ba rig sngags kyi rgyal po 'di bshad pa'i tshe stong gsum gyi </font><hr>529b<br><font size=+1>


stong chen po'i 'jig rten gyi khams 'di rnam pa drug tu g.yos/ rab tu g.yos/ kun tu g.yos/ kun tu rab tu g.yos/ phyogs bzhi'i gnod sbyin dang / srin po sha za ba rnams kyis sgra skad drag po phyung ba/ kye ma'o sdug bsngal kye ma'o brlag /bdag cag 'byung po'i tshogs phung ngo / /'byung po'i tshogs ni rab tu phrang / /bdag cag rtag tu dbang gis khrid/ /srog chags 'byung po thams cad ni/ /de ring dgrar bcas dbang med do/ /de dag sa la 'khod nas ni/ /zhum zhing rnam par zhum gyur nas/ /'gre zhing ldog par rab tu byed/ /de nas bcom ldan 'das kyis sa gzhi rdo rjer mngon par sprul pa dang / de dag kyang phyogs bzhir byer ro/ /de nas rgyal po chen po bzhis phyogs bzhir me lce'i phung po chen po mngon par sprul pa dang / de dag nam mkha' la rgyug go /de nas mi mjed kyi bdag po tshangs pas nam mkha' lcags su mngon par sprul pa dang / de dag shing ta la bdun tsam nas nam mkha' la kun tu rgyug go /de nas lha rnams kyi dbang po brgya byin gyis ral gri dang / mda' dang / mdung thung dang / mdung dang / mda' bo che dang / shing ljon pa dang / ri'i char mngon par phab bo/ /de'i tshe gnod sbyin lnga stong mi mjed kyi 'jig rten gyi khams kun nas 'dus pa rnams rig sngags kyi dmod pas </font><hr>530a<br><font size=+1>


@#/ /bcom ste/ rims nad kyis btab nas myos te rmya zhing bcom ldan 'das kyi zhabs gnyis la gtugs te gsol pa/ dge sbyong gau ta ma ni 
 can thams cad la phan pa dang / thugs brtse ba can lags kyi/ dge sbyong gau ta mas bdag cag bskyab tu gsol/ de nas bcom ldan 'das kyis gsang ba pa'i bdag po de dag la byams pas khyab pa mdzad nas bslab pa'i gzhi 'dzin du btsud do/ /bdag cag phyag rgya spong gyur na/ /ma bsad pa yi 'gro gang dang / /pha bsad pa yi 'gro gang dang / /dgra bcom pa yang gsod gang dang / /dge 'dun dbyen bgyid 'gro gang dang / /rdzogs sangs rgyas la sdang sems kyis/ /sku mtshal phyung ba bgyis pa yis// 'gro ba gang lags der mchi'o/ /ardza ka yi dog pa ltar/ /mgo ni tshal pa bdun 'gas shing / /gnod sbyin nad kyis btab pa dang / /bdag lus sha bkra 'byung bar shog |gang 'di rgyal bas gsungs pa'i mdo/ /stong chen rab tu 'joms pa yi/ /rig sngags rgyal las 'gal bgyis na/ /bdag cag 'dod bzhin mi 'gyur ro/ / de'i tshe grong khyer chen po yangs pa can na yams kyi nad dang / 'jigs pa dang / gnod pa dang / nad 'go ba dang / 'khrug pa thams cad rgyun chad par gyur to/ /gnod sbyin </font><hr>530b<br><font size=+1>


dang| srin po dang / mi dang / mi ma yin pa rnams kyang rang rang gi spyod yul las 'das so/ /ngang pa dang / ne tso dang / ri skegs dang / khu byug dang / rma bya dang / ngur pa dang / shang shang te'u dang / bya'i tshogs rnams kyang sgra snyan pa 'byin no/ /mi 'am ci rnams ni lha'i bu mo bzhin du lus la gnod pa med do/ /rin po che'i cha byad rnams kyang ma dkrol bar 'khrol lo/ /rnga bo che dang / dung dang / rdza rnga dang / rnga bran dang / pi wang dang / gling bu rnams kyang ji ltar gnas su bkod pa bzhin du sgra byung ngo / /bal po se'u dang / bil ba dang / skyu ru ra dang / n+ya gro d+ha dang / byang chub kyi shing dang / spre'u gnas dang / blak+Sha dang / u dum bA ra dang / sA la dang / ta ma la'i shing ljon pa rnams kyang dri rab tu 'byin no| |lha brgya stong dag gis kyang a la la zhes bya ba'i sgra phyung ste bar snang la me tog gi char mngon par phab bo/ /mi ma yin pa'i dri dag kyang 'jig rten du byung ngo / /de nas rgyal po chen po bzhis thal mo sbyar te bcom ldan 'das la 'di skad ces gsol to/ /btsun pa bcom ldan 'das/ gang la la zhig gis bslab pa'i gzhi yongs su bzung ste gos ngur smrig bgos nas stong chen po rab tu 'joms pa'i mdo sde'i rgyal po gdon thams cad las thar bar byed pa/ sangs rgyas kyi phyag rgya'i chos kyi rnam grangs 'di blangs shing </font><hr>531a<br><font size=+1>


@#/ /gzung ste bklags shing bshad la kun chub par bgyis shing yi ger bris nas mdud pa bor te 'chad na/ de la yams kyi nad dang / 'jigs pa dang| gnod pa dang / nad 'go ba dang / 'khrug pa dang / khrag khrug dang / 'thab mo dang / bcing ba dang / rtsod pa dang / 'gyed pa nas phra ma'i bar gyi sdig pa mi dge ba'i chos rnams kyis mi tshugs par 'gyur lags so/ /rnam par 'tshe ba thams cad las rgyal bar 'gyur lags so/ /yul 'khor mtshams gcad par 'tshal ba/ khrus bgyis pa/ zas dkar gsum 'tshal ba/ zas ngan pa rnam pa lnga spangs pa/ mi'i bslab pa'i gzhi thams cad yongs su bzung ba/ sems can thams cad la sems snyoms pa/ shin tu brgyan pa/ gos dang / rgyan dang ldan pa des grong dang / grong khyer dang / grong rdal dang / yul 'khor dang / sum mdo dang / khyim rnams nyal nyil gyi phung po ma mchis par bgyid te rgyal po'i pho brang 'khor gyi dbus kyi dog sa rnams su me tog sil ma bkram la spos sna tshogs kyis rab tu bdug par bgyi'o/ / phyogs bzhir bu mo shin tu khrus bgyis pas brgyan pa lag na mtshon thogs pa bzhi dang / dril bu bzhi dang / rin po che'i snod bzhi bzhag go /snga dro'i dus kyi tshe gdugs </font><hr>531b<br><font size=+1>


shar ba dang / rig sngags bklags par bgyi ste mdo ste bzlas shing bklag par bgyi'o/ /yi ger bris te mchod rten chen po dang / shing ljon pa chen po dang / rgyal mtshan chen po'i rtse mo la bstod de btags la me tog sna tshogs dang / spos sna tshogs dag gis dgung zla phyed kyi bar du mchod par bgyi'o/ /gdugs re re zhing rig sngags lan re bklag par bgyi'o/ /de ltar na yul 'khor yongs su thar bar 'gyur ro/ /de ltar grong dang / grong khyer dang / grong rdal dang / ljongs dang / yul 'khor dang / pho brang 'khor dang / gnas dang| gtsug lag khang dang / khyim dang / zhing dang / las khang dang / shing ljon pa dang / 'bras bu dang / ne'u sing dang / kun dga' ra ba dang / gnag lhas dang / 
 lhas rnams nyal nyil ma mchis par bgyis te seng ldeng dang / rgya shug gi zhugs bltams la dog sa la me tog sil ma bkram ste sgo khang g.yas g.yon nas dri sna tshogs kyis bdugs la sa bon thams cad mar gyis bskus te phyogs bzhir gtor bar bgyi/ chab sgor tshon skud sna tshogs bre bar bgyi'o/ /dud 'gro'i skye gnas su gyur pa dag ni bton la slar yang gzud par bgyi'o/ /rig sngags kyang bklag par bgyi'o/ /yi ger bris sam/ mdud pa mdud de mthon po'i khar btags la mchod par bgyi'o/ /nad pa'i </font><hr>532a<br><font size=+1>


@#/ /mdun du sangs rgyas kyi sku gzugs sam/ sangs rgyas kyi ring bsrel lam/ tshangs pa'i gzugs sam/ brgya byin gyi gzugs sam/ rgyal po chen po bzhi'i gzugs khri'um/ za ma tog gi steng du bzhag ste phyag rgya bzhi bgyis la bzhag par bgyi'o/ /me tog sna tshogs dang / spos sna tshogs dang / tshangs pa dang / brgya byin dang| rgyal po chen po bzhi dang / dbang phyug chen po dang / gnod sbyin gyi sde dpon dang / gnod sbyin stobs po che dang / 'phrog ma la sogs pa'i ming gis dkon mchog gsum la mchod par bgyi'o/ /de rnams kyi stobs dang / dbang phyug dang / byin gyis bdag dge bar gyur cig /bdag la srung ba gyis shig /nad thams cad las thar bar gyur cig /nad pa'i zas dang / skom dang / sman rnams kyang rig sngags 'dis btab te stsal bar bgyi'o/ /rdzogs sangs rnam par sangs rgyas tshe/ /'jig rten skyong bas phyogs bzhi nas/ /snod bzhi dag ni blangs nas su/ /bde bar gshegs la phul ba dang / /mthu yis gcig tu sprul mdzad pa/ /lha yi snod mchog de dang ni/ /bdud rtsi 'dra ba'i sman gyi rnams/ /ston pa'i phyag na bsnams gyur pa/ /bden pa'i tshig ni de dag gis/ /sman rnams bdud rtsir gyur par shog /de bzhin lha mo 'phrog ma yis// </font><hr>532b<br><font size=+1>


lha rdzas dge ba a ru ra/ /blangs nas ston la rab phul ba/ /bdud rtsi 'dra ba'i sman gyi rnams/ /bden pa'i tshig ni 'di dag gis/ /nad pa rnams kyi nad sel cig /nyes pa thams cad 'phrog byed pa/ /sman rnams bdud rtsir gyur par shog /sangs rgyas rnam gzigs gzi brjid dang / /gtsug tor can gyi stobs rnams dang / /thams cad skyob kyi bden tshig dang / /log dad sel gyi ting 'dzin dang / /gser zhes bya ba'i ye shes dang / /'od srung gi ni rdzu 'phrul dang / /shAkya seng ge'i mthu rnams kyis/ /sman rnams bdud rtsir gyur par shog /nad pa shar phyogs kha bstan la/ /sman rnams nye bar stsal bar bgyi/ /de yi tshe na rig sngags 'di/ /lag mthil bzhag ste bklag par bgyi| |s+yAd ya the da na/ kha Te/ kha Te/ kha Te/ kha Te bi kha Te/ bi ma le/ bi lam be/ ba le/ ba la ba ti/ tsan+d+re/ tsa ra Ne/ a mr-i ta nir+g+ho She swA hA/ rlung las gyur dang mkhris las gyur/ /bad kan las gyur 'dus las gyur/ /nad rnams thams cad rab bcom ste/ /bdag la rtag tu dge bar shog /byad dang / ro langs dang ldan pa'i las 
 la skyes pa'am/ bud med gdugs zhag gcig smyung ba bgyis pa/ rab tu khrus bgyis pa/ shin tu brgyan pa des dog sa la me tog sil ma bkram ste spos sna tshogs kyis </font><hr>533a<br><font size=+1>


@#/ /bdugs la seng ldeng dang / rgya shugs rigs gnyis kyi zhugs bus te sa bon thams cad phyogs bzhir gtor bar bgyi'o/ /zhugs kyi nang du'ang gtor bar bgyi'o/ /rtsa ba thams cad dang / me tog thams cad tshon skud sna tshogs la brgyus te ral gri'am/ mdung rtse gsum pa'am/ mdung ngam/ mda' la gdags par bgyi'o/ /spos chab sna tshogs sbyar te bum pa chen po'i nang du blugs la gang byad stems kyis phog pa de skud pa des bcings te bum pa'i chab kyis bkru bar bgyi/ skud pa'ang ral gris bcad de zhugs kyis nang du dor ro/ /stong chen po rab tu 'joms pa'i mdo sde 'di'ang brjod par bgyi'o/ /gang dag sangs rgyas rang sangs rgyas/ /sangs rgyas rnams kyi nyan thos dang / /tshangs dbang dang ni 'jig rten skyong / /gnod sbyin sde dpon dbang phyug dang / /de bzhin gnod sbyin stobs chen dang| |'phrog ma bu dang bcas pa dang / /de dag mthu dang gzi brjid kyis/ /ro langs las rnams chad gyur cig /rdo rjes rin chen phug pa dang / /me yis bud shing sreg pa dang / /rlung gis sprin ni 'thor ba dang / /nyi mas nags tshal skems byed pa/ /bden pa'i tshig ni de dag gis/ /byad stems las rnams tshig par shog / </font><hr>533b<br><font size=+1>


spos dang me tog sna tshogs kyis/ /sdig pa thams cad nges par bsal/ /tad+ya thA/ hu me hu me/ ka kha li/ ka kha li/ kha ra le/ dzu hwi ni/ dza ba le/ ha rA gre/ ha ri Ni shA ba ri| shAn+ti/ shAn+ti swA hA/ b+hA ba ni swA hA/ pra d+hA ba ni swA hA/ gAn d+ha ra b+he swA hA/ pra lang gi ni swA hA/ sarba kA khor kr-i ta betA rats+tshe \?\ da ni swA hA/ lha thams cad kyi gsang sngags 'di dag gis bdag gi byad 
 dag ro langs dang / sman dang / sngags dang / dug dang / dug sbyar ma rnams bcad do/ /bshig go /pham par byas so/ /pha rol pham par byas so swA hA/ lba ba dang / shu ba dang / smyo ba dang / 'bras dang / 'brum bu dang / rkom po dang / dug 'thungs pa las thar bar 'tshal ba/ shin tu khrus bgyis pa| shin tu brgyan pa/ stan pa bzang po'i steng du mchis te rig sngags 'di brjod par bgyi'o/ /sangs rgyas kun gyi gzi brjid dang / /rang rgyal dag gi gzi brjid dang // dgra bcom dag gis mthu dag dang / /gsang sngags 'dzin pa thams cad dang / /shA ri'i bu yi shes rab dang / /maung+gal bu yi rdzu 'phrul dang / /ma 'gags pa yi mig dang ni| |'od srung sbyangs pa'i yon tan dang / /kauN+Di n+yas sngar thob dang / /kun dga' bo yi thos pa dang / /tshangs pa yi ni byams pa dang / /brgya byin gyi ni dbang rnams dang / /'jig </font><hr>534a<br><font size=+1>


@#/ /rten skyong ba'i yul rnams dang / /dbang phyug chen po'i stobs dag dang / /sde dpon rnams kyi mthu dag dang / /'phrog ma'i gzi brjid rdzu 'phrul dang| |de dag rnams kyi mthu dang gzis/ /bdag gis dug ni dug med shog /dug med dug rnams 'jigs byed pa/ /gsang sngags tshig rnams de lags so/ /s+yAd ya the dan| ha ri ke shi na ki li/ e he re/ a ma re/ aN+Da re/ paN+Da re/ ka Ta ke /ke yU re/ ha se ha se ha se/ kha se kha se kha se/ kha raM ge /ma ru ga ha Ne swA hA/ mu mu k+Shu swA hA/ hi le swA hA/ mu le swA hA/ 'bras dang rma dang shu ba dang / /g.yan pa dang ni 'brum bu dang / /lhog pa dang g.ya' ba ni/ /bdun pa lags te rab tu bcom/ /'dod chags zhe sdang gti mug rnams/ /de dag 'jig rten dug gsum ste/ /bcom ldan sangs rgyas dug mi mnga'/ /sangs rgyas gzi yis dug bcom mo/ /'dod chags zhe sdang gti mug rnams/ /de dag 'jig rten dug gsum te/ /bcom ldan chos ni dug mi mnga'/ /chos kyi gzi yis dug bcom mo/ /'dod chags zhe sdang gti mug rnams/ /de dag 'jig rten dug gsum ste/ /bcom ldan dge 'dun dug mi mnga'/ /dge 'dun gzi yis dug bcom mo/ /sa ni dug gi ma yin te/ /sa ni dug gi pha yang yin/ /bden </font><hr>534b<br><font size=+1>


pa'i bden tshig de dag gis/ /bdag ni dug ni dug med shog /dug ni sa yi nang du song / /gang ba'i snod du dug song zhig swA hA/ /de nas khrag khrug dang / 'thab pa dang / rtsod pa dang| 'gyed pa dang / pha rol gyi dmag tshogs dang / dgra rnams las rgyal bar 'tshal bas thog mar mchod rten chen po la mchod pa bgyi'o/ /stong chen po rab tu 
 pa'i rig sngags kyi rgyal mo 'di'ang brjod par bgyi'o/ /sangs rgyas kyis ni bdud pham mdzad/ /chos ma yin ni chos kyis so/ /dge 'dun gyis ni mu stegs pham/ /dbang pos lha min pham par gyur/ /lha min rnams kyis zla ba pham/ /nam mkha' lding gis rgya mtsho'o/ /me yis shing rnams pham par gyur/ /chus ni me yang pham par 'gyur/ / rlung gi sprin rnams rab tu pham/ /rdo rje yis ni rin chen phug /lha rnams bden par rab tu gsungs/ /sa yang bden par gnas pa lags/ /sangs rgyas dang ni chos kyang bden/ /bden pa rgyal gyur brdzun ma lags/ /s+yAd ya the dan/ a mr-i te/ a gra puSh+pe/ ba hu pha le/ ni bA ra Ni/ sarba ar+tha sA d+ha ni/ a pa rA dzi te/ ba ra Te d+ha ra Ni/ gu h+yA ba ra te| gau ta me/ gu gu ma ti/ dzam+b+ha ni swA hA/ pra dzam+b+ha ni swA hA/ ba la pra b+hany+dza ni swA hA/ dza ye swA hA/ bi dza ye swA hA/ dza ya bi dza ye swA hA/ phyir rgol ba ni kun las rgyal/ /sdig pa 
 </font><hr>535a<br><font size=+1>


@#/ /cad rab tu pham swA hA/ de nas ston pa kun mkhyen gyis/ /tshigs su bcad pa 'di dag gsungs/ /mi 'khrugs pa dang snang mdzad spyan ras 
 kyi dbang / /rin chen 'od 'phro ri rab mu khyud 'od dpag med/ /rdo rje rnams kyi mtshan rnams rtag tu bzung na ni/ /'jigs par 'gyur ba ma yin non par mi 'gyur ro/ /gang gis mthu stobs chen po brgyad po 'di dag gi /mtshan rnams rjes su gzung ba'i phyir ni rab brjod cing / /kun tu bskyab pa byas na de yi lus la ni/ /me dang dug dang mtshon gyis tshugs par mi 'gyur ro/ /gal te de la gnod pa byed pa nye bar gnas/ /gshed mas mtshon rnams kyis ni gdab par gzas pa las/ /spyan ras gzigs kyi dbang po rjes su dran na ni/ /mtshon cha de dag dum bu dum bur chag cing 'brul/ /gal te mtshon cha rnams ni thogs par gyur na yang / /lag pa chag nas sa la rab tu ltung bar 'gyur// de yi lus la cung zad 'bab par mi 'gyur te/ /sngan chad byas pa gang yin pa ni ma gtogs so/ /lha rnams kyis mthun par tshigs su bcad pa 'di dag gsol to/ /sangs rgyas spyod yul mtha' yas khyod la phyag 'tshal lo/ /bden pa rab ston thub pa khyod la phyag 'tshal lo/ /deng ni bden pa rnams la gnas nas mchi bar bgyi/ /bdag gi las </font><hr>535b<br><font size=+1>


rnams thams cad 'bras bur bcas gyur cig /de nas tshangs pa tshangs chen gyis/ /langs te thal mo sbyar btud nas/ /stong chen rab tu 'joms byed pa/ /legs par 
 pa'i 
 sngags 'di/ /byis pa rnams la phan bgyid pa/ /rig sngags bdag gis brjod par bgyi/ /gang gis dang por 'dzam gling du/ /rig sngags rab tu ston mdzad pa/ / chos kyi rgyal po snang mdzad pa/ /sangs rgyas dpal la phyag 'tshal lo/ /khyad par 'phags pa'i chos rnams dang / /tshogs kyi dam pa dge 'dun dang / /sangs rgyas zhabs la phyag 'tshal nas/ /tshangs pas 'di skad tshig gsol to/ /gang dag sangs rgyas rang sangs rgyas/ /sangs rgyas kyi ni nyan thos dang / /drang srong dang ni 'jig rten skyong / /lha rnams ji snyed mchis pa dag /de kun mi yi 'jig rten na/ /'di las skyes pa sha stag go /thub chen mngal la 'tshal ba yi/ /gnod sbyin srin po 'di na mchis/ /rgyal po rnams kyis mthong mi nus/ /bstan par yang ni mi nus so/ /gang la bu ni mi 'chags dang / /gang gi mngal ni mi gnas dang / /skyes pa bud med 'du ba ni/ /dbang po rnams ni myos par bgyid/ /mer mer po dang nur nur po/ /bu yi sa bon ma rung bgyid/ /gang yang mngal ni thur du gyur/ /sha ma mi 'byung gnod bgyid pa/ /de rnams kyi ni ming brjod kyi/ /'jig rten </font><hr>536a<br><font size=+1>


@#/ /mgon po bdag la gson/ /'jam pa po dang ri dwags rgyal/ /skem byed brjed byed khu tshur can/ /ma mo dang ni dza mi ka /'dod pa can dang nam gru dang| |srul po dang ni ma dga' byed/ /bya dang gnya' ba'i lag can dang / /bzhin rgyan dang ni mig 'phyang ba/ /de dag thams cad sa la rgyu/ /gdon rnams bco lnga de dag ni| |byis pa rnams la 'jigs par bgyid/ /ji ltar byis pa 'dzin pa yis/ /mtshan dang gzugs kyang brjod par bgyi/ /'jam pa pos ni zin gyur na/ /mig ni rab tu 'gyur bar bgyid/ /ri dwags rgyal gyis zin gyur na/ /skyugs pa mi bzad skyug par 'gyur/ /skem byed kyis ni zin gyur na/ /skem byed pas ni byis ba 'gul/ / brjed byed kyis ni zin gyur na/ /'gre zhing de ltar sgra yang 'byin/ /dbu ba dang ni kha chu 'dzag /khu tshur can gyis rab zin na/ /khu tshur 'chang zhing 'byed par bgyid/ / ma mo yis ni zin gyur na/ /rgod cing de bzhin sgra yang 'byin/ /dza mi kas ni rab zin na/ /nu zho nu bar mngon mi dga'/ /'dod pa can gyis rab zin na/ /mal na gnyid log du \?\ bar 'gyur/ /nam grus rab tu zin gyur na/ /lce la sos ni 'cha' bar bgyid/ /srul pos rab tu zin gyur na/ /ku co 'don cing sgra yang 'byin/ /ma dga' byed </font><hr>536b<br><font size=+1>


pas zin gyur na/ /rnam pa sna tshogs gzugs su 'gyur/ /bya yis rab tu zin gyur na/ /mnam pa'i dri ni 'byung bar 'gyur/ /gnya' lag can gyis zin gyur na/ /mgul pa rab tu 'gag par 'gyur/ /bzhin rgyan gyis ni zin gyur na/ /rims kyis btab cing 'khru bar 'gyur/ /mig 'phyang bas ni zin gyur na/ /skyigs bu dang ni sngam pa 'byung / /byis pa ji ltar skrag bgyid pa/ /de yi gzugs ni brjod par bgyi/ /'jam pa po ni ba lang gzugs/ /ri dgas rgyal po ri dgas 'dra/ /skem byed pa ni gzhon nu'i gzugs/ / brjed byed pa ni wa 'dra 'o/ /khu tshur can ni bya rog gzugs/ /ma mo de ni mi yi gzugs/ /dza mi ka ni rta yi gzugs/ /'dod pa can ni rdo rje'i gzugs/ /nam gru khyi yi gzugs kyis te/ /srul po phag gi gzugs kyis so/ /ma dga' byed pa byi la'i gzugs/ /bya ni 'dab chags gzugs kyis so/ /gnya' lag can ni bya gag gzugs/ /bzhin rgyan 'ug pa'i gzugs su te/ /mig 'phyang ba ni pha wang gzugs/ /'di dag byis pa skrag par bgyid/ /'di dag bu 'phrog ma rungs pa/ /byis pa rnams la 'jigs bgyid pa/ / mdo sde'i zhags pas drangs nas ni/ /'di dag shin tu dgug par bgyid/ /gnod sbyin sde dpon chen po ni/ /dri za tsan+dan zhes bgyi ba/ /yi ge phyag rgya de stsal de/ /song la gdon </font><hr>537a<br><font size=+1>


@#/ /ni drag po pa/ /bco lnga de dag khug cig ces/ /pho nyar yang ni btang bar bgyi/ /de dag rnams ni skad cig gis/ /bcing ba lnga yi bcing bzhin bkug de nas 'jig rten mgon po la/ /tshangs chen thal sbyar 'di skad gsol/ /srog chags sa bon 'jig bgyid pa/ /'byung po 'di dag rnams lhags te/ /mgon po yi ni spyan snga ru/ /'di dag chad pas bshad par bgyid/ /bud med gang dag bu mi 'tshal/ /gang zhig btsas pa 'dzin 'tshal bas/ /tshes brgyad dang ni bcu bzhi la/ / bslab gzung dam chos skyabs mchis la/ /mchod rten legs par mchod par bgyi/ /khrus bgyis shin tu brgyan nas \?\ ni/ /sa gzhir yungs kar gtor nas su/ /me tog spos kyis brgyan par bgyi/ /sna lnga'i tshon gyi skud pas ni/ /khor yug tu ni bskor bar bgyi/ /nam phyed bar du mchis nas ni/ /spyi bor yungs kar bzhag nas su| |tshangs pas rab tu byas pa te/ /tshangs pas sprul ces brjod par bgyi/ /lo grangs bcu gnyis bar du ni/ /gzhon nu rnams la phan bgyid pa/ /tshangs pas sprul pa'i mdo sde yi/ /rig sngags 'di la gang gdang \?\ ba/ /ardza ka yi dog pa bzhin/ /mgo bo tshal pa bdun du 'gas/ /s+yAd ya the dan/ aM ge /baM ge /baM gi ni/ b+ha ba ne/ i nan+de/ </font><hr>537b<br><font size=+1>


bi nan+de/ sa la ri/ gi ri gi ri/ sha ba ri/ ga ru Ni/ sha ru Ni/ gi ri/ ga ba re/ lo tsa ni/ ro Sha ni/ la sa ne/ ro tsa ne/ a la b+he/ a ga ne/ a la b+he/ ta la b+he/ pra kaR+Sha Ni swA hA/ mngal na bde bar gnas gyur cig /dbang po yang dag 'phel bar shog /mngal na 'dug pa bder gyur cig /btsas pa 'jig par ma gyur cig /mngal na bde bar gnas gyur cig /dus bzhin du ni 'byung bar shog /tshon skud sna tshogs rnams dang ni/ /yungs kar 'bru ni ma grugs pa/ /de dag bsrung bar gsungs pa ste/ /byis pa ring du 'tsho bar shog /de nas ston pa kun mkhyen gyis/ /rig pa'i sngags ni 'di dag gsungs/ /mngal na 'dug pa bsrung bar shog /byis pa rnams ni bder gyur cig /s+yAd ya the dan/ bo d+hi bo d+hi/ mahA bo d+hi/ b+ho d+ha a nu ma te/ pha li ni/ ba hu pha le/ shik+Sha shik+Sha/ sA ra ba te/ sA+e ra ba te/ sA ga li/ du rA sa de/ du rA ga me/ shU ra prap+te/ shU ra ba te/ b+ha ge/ b+ha gA b+ha ge /b+hA gi ni ni bA ra Ni swA hA/ de nas gdon ni bco lnga po/ /rtag tu khrag la 'thung rnams kyis/ /'jig rten mgon la phyag btsal te/ /thal mo sbyar nas 'di skad gsol/ /grong ngam khyim mam grong khyer ram/ /gang na legs par gsungs pa yi/ /mdo sde 'di ni bzhugs pa der/ /byis pa rnams ni 'chi mi 'gyur/ /thub chen khyod ni </font><hr>538a<br><font size=+1>


@#/ /ji bzhin du/ /rjes su mthun par 'jug par bgyi/ /sangs rgyas bcom ldan 'das la phyag 'tshal lo/ /tshangs pa la phyag 'tshal lo/ /gsang 
 kyi tshig rnams grub par gyur cig /grub par gyur cig /rig sngags kyis sgrol bar gyur cig /tshangs pas bsam par gyur cig swA hA/ de nas rgyal po chen po rnam thos kyi bus bla gos phrag pa gcig tu gzar nas thal mo sbyar te bcom ldan 'das la phyag btsal nas 'di skad ces gsol to/ /btsun pa bcom ldan 'das/ nyan thos gang la la stong chen po rab tu 'joms pa'i mdo sde 'di 'dzin tam/ 'chang ngam| ston tam/ klog gam/ kun chub par bgyid pa des mang du thos pa la brtson par bgyi'o/ / mchod rten mchod pa la brtson par bgyi'o/ /tshes brgyad dang / bcu bzhi dang / bco lnga'i dus su mchod rten la mchod pa rgya chen po bgyis nas rig sngags bklag par bgyi'o/ /tshes brgyad kyi tshe ni rgyal po chen po bzhi'i skyes bu dag rgyal po chen po rnams kyi mdun na de la sems par bgyid/ ming nas kyang 'don par bgyid do/ /tshes bcu bzhi'i tshe ni rgyal po chen po bzhi po dag nyid mdun na sems par bgyid/ ming nas kyang 'don par bgyid do/ /tshes bco lnga'i tshe ni rgyal po chen po dag nyid sems par bgyid </font><hr>538b<br><font size=+1>


cing ming nas kyang gdon par bgyid de/ bcom ldan 'das kyi nyan thos gang stong chen po rab tu 'joms pa'i mdo sde 'di len pa dang / 'chang ba dang / ston pa dang / klog pa dang| kun chub par bgyid pa de ni srog chags 'byung po thams cad la snying brtse zhing phan par bgyid lags so/ /btsun pa bcom ldan 'das/ bdag cag rgyal po chen po bzhis kyang de la gos dang / zas dang / mal cha dang / stan dang / na ba'i gsos sman dang / yo byad rnams kyis mi brel bar bgyi'o/ /sems can thams cad kyang bsti stang bgyid par 'gyur ro/ /rgyal po dang / blon po dag gis kyang bla mar bgyi ba dang / rim gro bgyi ba dang / mchod par bgyid par 'gyur ro/ /gzhan mu stegs can dang / dge sbyong dang / bram ze dang / spyod pa can dang / kun tu rgyu dang / mdza' ba dang / mi mdza' ba dag gi nang du mchis kyang mchod par 'gyur ro/ /rigs kyi bu'am/ rigs kyi bu mo dad pa des gtsang mar bgyis te/ lus gtsang ba dang / gos dang / rgyan dang / mal cha dang / stan dang / yo byad khyad par can gtsang mar bgyi/ yul ngan pa rnyed par mi bgyid/ yul ngan pa'i mdza' bo dang bsten par mi bgyi/ yul ngan pa na gnas pa la bsngags par mi bgyi'o/ /gang 'byung po'i gdon gyis zin pa'i mdun du stong </font><hr>539a<br><font size=+1>


@#/ /chen po rab tu 'joms pa'i mdo sde 'di dran par gyur na de la rgyal po chen po bzhi po dag nyid srung ba dang / skyob pa dang / sbed par bgyid par 'gyur ro| |btsun pa bcom ldan 'das/ de ltar na stong chen po rab tu 'joms pa'i mdo sde 'di mthu che ste/ gang gis rang gi khyim du mtshan gcig gam/ nyin gcig kyang rung yang dag par bsams na/ de la lo gcig gi bar du mi ma lags pas glags rnyed par mi 'gyur ro/ /'byung po'i tshogs thams cad kyis phyag bgyi ba'i 'os su 'gyur ba lags so/ /gang stong chen po rab tu 'joms pa'i mdo sde 'di 'chang ba de 'tshal na/ rgyal po chen po bzhi'ang bzhin ston par 'gyur na/ gnod sbyin dang / srin po dang / phal pa gzhan lta smos kyang ci 'tshal/ de ci'i phyir zhe na/ sems can rnams la sman pa'i slad du 'jig rten la gang su dag rig sngags bgyid pa de dag pas gsang sngags kyis tshig 'di dag rab mchog /gtso bo/ khyad par du 'phags pa/ dam pa/ zab pa/ rgya che ba/ tshad ma mchis pa/ 'jug par dka' ba/ thun mong ma lags pa'i slad du ste| 'di ni chos kyi phyag rgya lags so/ /de nas dbang po mig stong po/ /lha yi rgyal po bde sogs khyod/ /thal mo sbyar te phyag btsal nas/ /'jig rten mgon la 'di skad </font><hr>539b<br><font size=+1>


gsol/ /'jig rten kun la phan bgyid pa/ /rig sngags 'di ni legs par gsungs/ /gsang sngags sman dang ldan pa yi/ /rig sngags bdag gi brjod par bgyi/ /shing sha me tog a pa mArga dang / /ka ta k+Sha yi 'bras bu a ga ru/ /rdo dreg dang ni mi dA btsod rnams dang / /su ka rI dang dzA ya marga ti/ /pa ri be la sa ra bI rA dang / /sA ma ka dang puspa rgya spos dang / /tsan+dan a brta ka ru rta dang / /sder mo lo ma ka Ta mA ra dang / /pri yang ku dang 'bu gsug smig bcud dang / /yungs kar dag dang ldong ros rnams dang ni/ /shing tsha shu dag gur gum shing kun dang / /lo ma dag dang ldan pa'i brna kaM /de dag sbyar te reng bur bgyis pa ni/ /gdon rnams kun las grol bar bgyid pa ste/ /'byung po dag ni kun gyi 'gyur ba la/ /mig la de yis bskus pa bgyid na ni/ /de nas 'byung po rdo rje dang / /gnam lcags mda' yis zin las thar/ /ljon shing che dang de bzhin du/ /mchod rten che la bskus bgyid na/ /gang gis gnas de mthong ba de/ /'byung po la ni 'jigs ma mchis/ /der ni 'byung po mi gnas te/ /gnod byed gzhan yang ma lags so/ /rnga chen dung dang rdza rnga dang| |rnga bran dag la'ang bskus na ni/ /de dag sgra ni gar grags par/ /'byung po'i dkyil 'khor skrag par 'gyur/ /grong du rgyu ba'i bya rnams kyi/ /'dab ma dag la bskus na ni/ / </font><hr>540a<br><font size=+1>


@#/ /yul dang phyogs ni gzhan dag tu/ /bya de gang du mchis pa der/ /'byung po rnams ni mi gnas te/ /gnod byed gzhan yang ma lags so/ /chu mig mtsho dang lteng ka 'am/ /gang dang gang du bor yang rung / /de ni dpag tshad khor yug tu/ /bde ba dang ni zhi bar 'gyur/ /pha rol dmag tshogs nang mchis te/ /mtshon cha dag ni 'bab pa ni/ /gnas rnams kun tu byugs bgyis na/ /bde blag du ni thar bar 'gyur/ /lba ba dang ni gzhang nad dang / /me dbal dang ni 'bras byung dang / /gdug pas zin dang dug 'thungs pas/ /'thungs sam byugs na thar bar 'gyur/ /lus la de yis byugs na ni/ /byad stems thams cad gcod par bgyi/ /rtsod pa rnams las thar bar 'gyur/ /rgyal po'i gyod las thar bar 'gyur/ /ma grub pa yang grub par 'gyur/ /dbul po las ni phyug por 'gyur/ /bu ma mchis pa bu rnyed 'gyur/ /nor ma mchis pa nor rnyed 'gyur/ /rig sngags 'chang gnas bar du yang / /'dis ni gsang sngags grub par bgyid/ /dud 'gro'i skye gnas gyur pa dang / /ljon shing rnams kyi 'bras bu dang / /rig sngags 'chang ba thob la yang / /'di ni zhi ba'i las dge byed/ /'di la gsang sngags tshig mchis te/ /dper na dbang po'i tshig bzhin no/ /s+yAd </font><hr>540b<br><font size=+1>


ya thed na/ a kra me/ bi kra me/ b+hu ta g+ho She b+hu taM ga me/ da ha ni d+ha d+ha re/ d+ha ra ba re/ da d+hi ni/ ni khu me/ khu khu me/ kha kha kha kha/ sA raM ga me/ tsan+d+re/ tsa pa le/ hi li me/ ha le/ hA rA Ni swA hA/ phyogs thams cad nas bdag gi sdig pa thams cad zhi bar gyur cig swA hA/ de nas tshangs pa dbang po dang / /'jig rten skyong dang dbang phyug che/ /gnod sbyin sde dpon thams cad dang / /'phrog ma bu dang bcas pa yang / /thal mo dag ni rab sbyar nas/ /sgra skad gcig tu 'di skad gsol/ /nyi ma stong ltar gsal ba po/ /zla ba nya ltar 'od gsal ba/ /lha mir bcas pa'i 'jig rten na/ /khyod dang 'dra ba yong ma mchis/ /legs bsam legs par sbyar na ni/ /gnod sbyin srin po rnams 'joms pa/ /rgyal srid thar bgyid ces bgyi ba/ /rig sngags rgyal srid rab sbyor ba/ /stong chen gyi ni 'jig rten na/ /bsrung ba'i mdo sde dam pa lags/ /phyag 'tshal skyes bu dpa' khyod la/ /phyag 'tshal skyes bu mchog khyod la/ /thal mo sbyar te phyag btsal nas/ /de nyid du ni mi snang gyur/ /de nas bcom ldan 'das nub kha'i dus kyi tshe nang du yang dag 'jog las bzhengs nas dge slong rnams la bka' stsal pa/ dge slong dag /stong chen po rab tu 'joms pa zhes bya ba'i mdo sde longs shig /chongs shig /lhogs shig /ston cig /kun chub </font><hr>541a<br><font size=+1>


@#/ /par gyis shig /de lha dang bcas pa'i 'jig rten la yun ring po'i don dang / phan pa dang / bde ba dang / bde ba la reg par gnas par 'gyur ro/ /dge slong dag /nga'i dge slong gang la la zhig gis stong chen po rab tu 'joms pa'i mdo sde 'dis shing skam po la skud pas bcings na de la lo ma dang / me tog dang / 'bras bu rnams skye bar 'gyur na/ rnam par shes pa dang bcas pa'i lus la lta smos kyang ci dgos te/ sngon gyi las kyi rnam par smin pa ni ma gtogs so/ /de skad ces bka' stsal pa dang / bcom ldan 'das la dge slong de dag gis 'di skad ces gsol to/ /btsun pa bcom ldan 'das kyis mdo sde chen po lnga gsungs pa de dag ni/ 'di lta ste/ stong chen po rab tu 'joms pa dang / rma bya chen mo dang / bsil pa'i tshal chen mo dang / so sor 'brang ba chen mo dang / gsang sngags kyi rjes su 'brang ba chen mo lags te/ btsun pa bcom ldan 'das kyis de dag zas rnam pa lnga yongs su spongs la chongs shig ces kyang bka' stsal la/ zas bsod snyoms la brten te rab tu byung zhig ces kyang gsungs na/ bcom ldan 'das zas rnam pa lnga dang ma 'dres pa'i bsod snyoms ni nyung / 'di ltar zas rnam pa lnga dang 'dres pa de ni mang lags na/ btsun pa bcom ldan 'das/ de la bdag </font><hr>541b<br><font size=+1>


cag gis ji ltar nan tan du bgyi/ de skad ces gsol pa dang / bcom ldan 'das kyis dge slong de dag la 'di skad ces bka' stsal to/ /dge slong dag /de nyid kyi phyir su stong chen po rab tu 'joms pa'i mdo sde 'chang ba des/ rma med pa'i nor bu'i gzungs zhes bya ba de bdag nyid bsrung bar bya ba'i phyir chongs shig /des bsod snyoms len pa'i tshe zas la mi mthun pa med pa'i 'du shes bskyed par bya'o/ /zas rnam pa lnga dang 'dres pa'i bsod snyoms la'ang zas rnam pa lnga dang ma 'dres pa'i 'du shes bskyed par bya/ 'dus byas thams cad la mi rtag pa'i 'du shes dang / mi rtag pa la sdug bsngal ba'i 'du shes dang / sdug bsngal ba la bdag med pa'i 'du shes bskyed par bya'o/ /zas rnam pa lnga po dag ga la yod/ zas rnam pa lnga po su'i yin/ su zhig zas rnam pa lnga po za/ sems can dmigs su med do/ /de la zas rnam pa lnga dang 'dres na tshes brgyad dang / bcu bzhi dang / bco lnga la bdag bsrung ba byas te/ rgyal rigs kyi bu mo legs par bkrus pa/ shin tu brgyan pa/ nyin zhag gcig zas bcad pa bslab pa'i gnas lnga bzung ba/ skud pa dmar po bzhi sgril du 'khal du bcug la gsang 'dzin pa'i rig sngags dran par byas te/ skud pa de mdud pa mdud la skud pa de mtshon gsar pa bcad de </font><hr>542a<br><font size=+1>


@#/ /bsregs la rin po che'i snod dam/ lcags kyi snod kyang rung chus khong ste/ me tog gis khyab par khroms la bdug pa sna tshogs kyis gdugs te/ snod kyi nang nas skud pa de slar 'byor te ma byung bar du rig sngags 'di brjod par bya'o/ /de'ang lag pa la bcings la tshig 'di skad brjod do/ /bram ze rnams kyis bslus nas su/ /shAkya seng ge skyob pa la/ /dpal sbas kyis ni dug can gyi/ /bsod snyoms dag ni phul ba dang / /de las de ni blangs nas su/ /ston pas dug ni bsad nas gsol/ /bden pa'i tshig ni 'di yis su/ /zas ni bdud rtsir 'gyur bar shog /rnam par gzigs pa lha gang dang / /gtsug tor can dang kun skyob dang / /log par dad pa sel ba la| /stobs chen lha gang dad pa dang / /gser dang dpal ldan 'od srung dang / /shAkya yi ni seng ge la/ /rab dad lha yi dbang po dang / /tshangs dbang sum cu'i dbang phyug dang / /'jig rten skyong ba bzhi dag dang / /nor bu bzang dang dbang phyug che/ /srin mo nag mo chen mo dang / /de bzhin gdol ma gtum mo dag /me tog dang ni bdug pa dang| /bdag gi sbyin sreg 'di bzhes shig /de dag tshim zhing mchod gyur nas/ /bdag gis kha zas byang bar mdzod/ /zas lnga dag dang 'dres pa yang / /bdag la ma 'dres </font><hr>542b<br><font size=+1>


mdzad du gsol/ /kha zas lnga dang 'dres pa yang / /zas de kun ni bza' bar bgyi/ /sa bon dag gis tshogs kun la/ /sa yi bcud ni zhugs pa yi/ /kha zas 'dres pa thams cad kyang / /bdag la ma 'dres mdzad du gsol/ /ji ltar skud pa bcad bsregs pa/ /de lta bu yang slar 'byor pa/ /de ltar zas rnams 'dres pa yang / /ma 'dres par yang bdag la mdzod/ /s+yAd ya the da na/ kha kha me/ kha kha kha kha/ khu khu me/ shi me shi me/ shi hu me/ shi me/ shi me/ swa sti swa sti swa sti swa sti/ ma ma shAn+te/ shA rA gre/ kha zas lnga dang 'dres pa yang| |ji ltar ma 'dres zas bzhin du/ /gang gis ji ltar skud bsregs pa/ /de 'dra'i bden pa mdzad du gsol/ /s+yAd ya the dan/ ka la ka/ ka la le/ ba la ni/ ka ru ta/ A la ye/ mag+ne /saM krA ma Na \?\ swA hA/ sangs rgyas rnam par gzigs dang gtsug tor can/ /bde gshegs kun skyob sangs rgyas log par dad sel dang / /gser thub 'od srung shAkya thub pa gau ta ma bsnyengs pa mi mnga' ba la skyabs su mchi bar bgyi/ /mi mchog bdun po de dag gi ni sku rnams la/ /me tog dag dang spos rnams kyis ni mchod par bgyi/ /lus dang ngag dang rab \?\ tu dang ba'i sems kyis ni/ /de dag rnams la skyabs su nye bar mchi bar bgyi/ /sangs rgyas rdzu 'phrul che dang ldan pa de dag la/ /lha gang mngon par rab tu dang ba yod pa yi/ /lha </font><hr>543a<br><font size=+1>


@#/ /de mgu zhing yid ni rab tu dgar gyur nas/ /rab tu dang ba'i yid kyis bdag la bsrung du gsol/ /bcom ldan 'das kyis de skad ces bka' stsal nas| dge slong de dag yi rangs te/ bcom ldan 'das kyis gsungs pa la mngon par bstod do/ /'phags pa stong chen po rab tu 'joms pa zhes bya ba'i mdo rdzogs so// // rgya gar gyi mkhan po shI len+d+ra bo d+hi dang / dz+nyA na sid+d+hi dang / shAkya pra b+ha dang / zhus chen gyi lo tsA ba ban+de ye shes sdes bsgyur cing zhus te skad gsar bcad kyis kyang bcos nas gtan la phab pa/ /slar yang lo tsA ba gzhon nu dpal gyis chos rje chag lo'i rgya dpe dang bstun nas zhus dag par bgyis so// // </font><hr>

</table>