H514

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H514</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H514&coll=lhasa">see text in Tibetan script</a></table>215b<br><font size=+1>


//rgya gar skad du/ AR+Ya su bar+Na pra b+hA sa ut+ta ma sU tra in+d+ra rA dzA nA ma mahA yA na sU tra/ bod skad du/ 'phags pa gser 'od dam pa mdo sde'i dbang po'i rgyal po zhes bya ba theg pa chen po'i mdo/ /bam po dang po/ 'das pa dang / ma byon pa dang / da ltar byung ba'i sangs rgyas dang / byang chub sems dpa' dang / rang sangs rgyas dang / 'phags pa nyan thos thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab bya rgod phung po'i ri'i zom/ shin tu rnam par dag pa chos kyi dbyings zab mo/ de bzhin gshegs pa rnams kyi spyod yul dam pa na/ dge slong gi dge 'dun chen po dge slong dgu khri brgyad stong dang thabs gcig tu bzhugs pa thams cad kyang dgra bcom pa chen po/ glang po'i rgyal po ltar shin tu dul ba/ zag pa zad pa/ nyon mongs pa med pa/ sems shin tu rnam par grol ba/ shes rab shin tu rnam par grol ba/ bya ba byas pa/ khur bor ba/ bdag gi don rjes su thob pa/ srid </font><hr>216a<br><font size=+1>


@#/ /par sbyor ba yongs su bcad pa/ dbang phyug dam pa'i mchog thob pa/ tshul khrims rnam par dag pa la rab tu gnas pa/ thabs dang / shes rab kyis yongs su bkod pa/ rnam par grol ba brgyad mngon du gyur cing / pha rol gyi mthar phyin par gyur pa la/ 'di lta ste/ tshe dang ldan pa kun shes kauN+Di n+ya dang / tshe dang ldan pa rta thul dang / tshe dang ldan pa rlangs pa dang / tshe dang ldan pa ming chen dang / tshe dang ldan pa bzang po dang / tshe dang ldan pa 'od srung chen po dang / tshe dang ldan pa steng rgyas 'od srung dang / tshe dang ldan pa ga yA 'od srung dang / tshe dang ldan pa chu bo 'od srung dang / tshe dang ldan pa shA ri'i bu dang / tshe dang ldan pa maud gal gyi bu chen po dang / dga' bo dang / 'di dag la sogs pa nyan thos chen po rnams phyi dro'i dus kyi tshe/ so so nas nang du yang dag par 'jog pa las langs te/ bcom ldan 'das ga la ba der dong nas bcom ldan 'das kyi zhabs la spyi bos phyag btsal te/ lan gsum bskor ba byas nas phyogs gcig tu 'khod do/ /gzhan yang / byang chub sems dpa' sems dpa' chen po bye ba brgya stong dang yang thabs gcig ste/ de dag kyang klu'i rgyal po ltar dpal dang / gzi brjid chen por ldan pas kun tu grags pa/ sbyin pa dang / tshul </font><hr>216b<br><font size=+1>


khrims rnam par dag pa rtag tu srung bar mos pa dang / bzod pa dang / brtson 'grus bskal pa grangs med par spyad pa/ bsam gtan kun las 'das pa'i dran pa mngon du gyur pa/ shes rab kyi sgo rnam par phye ba/ thabs mkhas pa shin tu bsgrubs pa/ dbang dam pas rnam par rol cing mngon par shes pa dam pa brnyes pa/ gzungs chen po thob pa| spobs pa mi zad pa/ nyon mongs pa dang / kun nas nyon mongs pa thams cad spangs pas myur du rnam pa thams cad mkhyen pa'i ye shes thob cing bdud dang / phyir rgol ba'i dpung 'joms pa/ chos kyi rnga chen po rdung bas mu stegs can thams cad 'dul zhing sems rnam par dang ba bskyed par byed pa/ dam pa'i chos kyi 'khor lo bskor nas lha dang mi rnams sgrol bar byed pa/ phyogs bcu'i sangs rgyas kyi zhing thams cad brgyan par byed pa/ 'gro ba drug na gnas pa rnams la phan dam pa 'dogs pa/ ye shes chen po phun sum tshogs pa/ bzod pa chen po dang ldan pa/ byams pa dang ldan pa/ snying rje chen po'i sems la gnas pa/ mthu chen po brtan pa dang ldan pa/ sangs rgyas thams cad la bsnyen bkur byas pa/ yongs su mya ngan las mi 'da' zhing ma 'ongs pa'i mtha' klas pas gnas par yi dam chen po 'chang ba/ sangs rgyas mang po </font><hr>217a<br><font size=+1>


@#/ /la rgyu rnam par dag pa bskyed pa/ dus gsum gyi chos mi skye bar bzod pa thob pa/ nyan thos dang / rang sangs rgyas kyis spyod yul las shin tu 'das pa| thabs mkhas pa chen pos 'jig rten 'dren pa sten pa chen pos bstan pa'i chos zab mo dgongs pa 'grel ba la mkhas pa/ stong pa nyid mngon du gyur pas the tshom yongs su chad par gyur pa la/ 'di lta ste/ byang chub sems dpa' thogs pa med par chos kyi 'khor lo bskor ba dang / byang chub sems dpa' rtag par chos kyi 'khor lo bskor bar sems bskyed pa dang / byang chub sems dpa' rtag tu brtson pa dang / byang chub sems dpa' mi gtong brtson pa dang / byang chub sems dpa' byams pa dang / byang chub sems dpa' 'jam dpal dang / byang chub sems dpa' kun tu spyan ras gzigs dbang phyug dang / byang chub sems dpa' gzungs kyi dbang phyug rgyal po dang| byang chub sems dpa' spobs pa chen pos bkod pa'i rgyal po dang / byang chub sems dpa' lhun po'i rgyal po dang / byang chub sems dpa' rgya mtsho zab mo'i rgyal po dang / byang chub sems dpa' rin po che'i tog dang / byang chub sems dpa' rin po che'i tog chen po dang / byang chub sems dpa'i sa'i snying po dang / byang </font><hr>217b<br><font size=+1>


chub sems dpa' nam mkha'i snying po dang / byang chub sems dpa' lag na rin chen dbang phyug dang / byang chub sems dpa' lag na rdo rje dang / byang chub sems dpa' dga' ba'i stobs dang / byang chub sems dpa' chos chen mthu dang / byang chub sems dpa' shin tu 'od bkod dang / byang chub sems dpa' gser 'od chen pos bkod dang| byang chub sems dpa' tshul khrims rnam dag dang / byang chub sems dpa' rtag tu ting nge 'dzin dang / byang chub sems dpa' shin tu rnam dag blo gros dang / byang chub sems dpa' brtson 'grus brtan dang / byang chub sems dpa' sems nam mkha' bzhin dang / byang chub sems dpa' smon lam chen po mi gtong ba dang / byang chub sems dpa' sman sbyin dang / byang chub sems dpa' nyon mongs nad sel dang / byang chub sems dpa' sman pa'i rgyal po dang / byang chub sems dpa' dga' bas mtho ba'i rgyal po dang / byang chub sems dpa' lung bstan mchog thob dang / /byang chub sems dpa' sprin chen rnam dag 'od dang / byang chub sems dpa' sprin chen chos 'dzin dang / byang chub sems dpa' sprin chen grags dga' dang / byang chub sems dpa' sprin chen grags pa mtha' med ston dang / byang </font><hr>218a<br><font size=+1>


@#/ /chub sems dpa' sprin chen seng+ge'i sgra dang / byang chub sems dpa' sprin chen khyu mchog sgra dang / byang chub sems dpa' sprin chen bkra shis dang / byang chub sems dpa' sprin chen rin chen dpal dang / byang chub sems dpa' sprin chen nyi ma'i snying po dang / byang chub sems dpa' sprin chen zla ba'i snying po dang / byang chub sems dpa' sprin chen skar ma'i 'od dang / byang chub sems dpa' sprin chen me'i 'od dang / byang chub sems dpa' sprin chen glog gi 'od dang / byang chub sems dpa' sprin chen 'brug sgra dang / byang chub sems dpa' sprin chen shes rab kun tu 'char ba dang / byang chub sems dpa' sprin chen rnam dag chang pa'i rgyal po dang / byang chub sems dpa' sprin chen me tog shing rgyal dang / byang chub sems dpa' sprin chen ut+pa la'i dri dang / byang chub sems dpa' sprin chen rin po che tsan+dan dri bsil sku dang / byang chub sems dpa' sprin chen mun sel dang / byang chub sems dpa' sprin chen rab rib sel ba la sogs pa byang chub sems dpa' sems dpa' chen po tshad med grangs med pa rnams so so nas phyi dro'i dus kyi tshe/ nang du yang dag par 'jog pa las langs te/ bcom ldan 'das ga </font><hr>218b<br><font size=+1>


la ba der song nas bcom ldan 'das kyi zhabs la spyi bos phyag btsal te lan gsum bskor ba byas nas phyogs gcig tu 'khod do/ /de nas yang li tsa byi gzhon nu rnams la/ 'di lta ste| gzhon nu seng+ge'i 'od dang / gzhon nu seng+ge'i blo gros dang / gzhon nu chos sbyin dang / gzhon nu dbang po sbyin dang / gzhon nu 'od chen dang / gzhon nu dpal chen dang / gzhon nu sangs rgyas skyong dang / gzhon nu chos skyong dang / gzhon nu dge 'dun skyong dang / gzhon nu rdo rje skyong dang / gzhon nu nam mkha'i skyong dang / gzhon nu nam mkha' 
 dang| rin chen snying po gzhon nu dang / bkra shis mchog gi snying po gzhon nu la sogs pa lnga 'bum brgyad stong de dag kyang bla na med pa yang dag par rdzogs pa'i byang chub la bde bar gnas pa/ theg pa chen po la rab tu mos pa de dag so so nas phyi dro'i dus kyi tshe bcom ldan 'das ga la ba der lhags nas bcom ldan 'das kyi zhabs la spyi bor phyag btsal te lan gsum bskor ba byas nas phyogs gcig tu 'khod do/ /gzhan yang lha'i sras po la/ 'di lta ste/ lha'i sras po dga' ba mthong ba dang / lha'i sras po rab dga' dang / lha'i sras po nyi 'od dang / lha'i sras po zla ba'i gtsug phud dang / lha'i sras po shes rab gsal dang / lha'i sras po nam mkha' rnam dag shes rab dang / lha'i sras po nyon mongs </font><hr>219a<br><font size=+1>


@#/ /sel dang / lha'i sras po bkra shis dang / de dag la sogs pa lha'i sras po bzhi khri nyis stong yang theg pa chen po bsrung ba dang / yang dag pa'i chos rjes su 'dzin cing rgyun mi 'chad par smon lam chen po btab pa de dag thams cad kyang phyi dro'i dus kyi tshe bcom ldan 'das ga la ba der lhags nas bcom ldan 'das kyi 
 la spyi bos phyag btsal te lan gsum bskor ba byas nas phyogs gcig tu 'khod do/ /gzhan yang / klu'i rgyal po la/ 'di lta ste/ klu'i rgyal po pad+ma dang / klu'i rgyal po e la'i 'dab ma dang / klu'i rgyal po stobs chen dang / klu'i rgyal po sgra chen dang / klu'i rgyal po rba rlabs chung dang / klu'i rgyal po klung 'dzin dang / klu'i rgyal po gser gdong dang / klu'i rgyal po gzi can la sogs pa klu'i rgyal po nyi khri brgyad stong po de dag kyang theg pa chen po'i chos 'chang zhing 'dzin par mos pa dang / yongs su rgyas pa dang / bsrung bar sems bskyed pa sha stag ste/ de dag thams cad kyang so so nas phyi dro'i dus kyi tshe bcom ldan 'das ga la ba der lhags nas bcom ldan 'das kyi zhabs la spyi bos phyag btsal te lan gsum bskor ba byas nas phyogs gcig tu 'khod do/ /gzhan yang / gnod sbyin gyi rgyal po rnam thos kyi bu la sogs pa sum khri drug stong la/ 'di lta ste/ </font><hr>219b<br><font size=+1>


gnod sbyin a mra dang / gnod sbyin a mra 'chang dang / gnod sbyin pad+ma'i 'od kyi snying po dang / gnod sbyin pad+ma'i gdong dang / gnod sbyin khro gnyer can dang / gnod sbyin 'jigs pa chen po ston dang / gnod sbyin sa g.yo byed dang / gnod sbyin zas 'phrog la sogs pa'i gnod sbyin de dag kyang de bzhin gshegs pa'i chos yang dag pa la dad cing bsrung ba la brtson pa sha stag ste/ de dag thams cad kyang phyi dro'i dus kyi tshe bcom ldan 'das ga la ba der lhags nas bcom ldan 'das kyi zhabs la spyi bos phyag btsal te lan gsum bskor ba byas nas phyogs gcig tu 'khod do/ /gzhan yang / nam mkha' lding gi rgyal po spos kyi glang po che mthu stobs rgyal po la sogs pa bzhi khri dgu stong dang / gzhan yang / dri za dang| lha ma yin dang / mi 'am ci dang / lto 'phye chen po la sogs pa dang / ri dang / nags tshal dang / chu bo dang / rgya mtsho'i lha'i drang srong rnams dang / rgyal po chen po dang / de'i 'khor dang / btsun mo dang / sras dang / rigs kyi bu dang / rigs kyi bu mo dang / lha dang / mi la sogs pa de thams cad bla na med pa'i theg pa chen po 'di klog cing 'don pa dang / 'chang zhing 'dzin pa dang / 'dri ba dang / rgyas par byed pa dang / bsrung zhing skyob par smon lam yongs su 'debs pa de dag thams cad kyang phyi dro'i dus kyi </font><hr>220a<br><font size=+1>


@#/ /tshe bcom ldan 'das ga la ba der lhags te bcom ldan 'das kyi zhabs la spyi bos phyag btsal nas lan gsum bskor ba byas te phyogs gcig tu 'khod do/ /de ltar nyan thos dang / byang chub sems dpa' dang / lha dang / mi dang / lha ma yin dang / nam mkha' lding la sogs pa sde brgyad po de dag sprin bzhin du 'dus pa sems rtse gcig tu byas nas thal mo sbyar te mig mi 'dzums pas bcom ldan 'das kyi zhal tu blta zhing dam pa'i chos bstan par mos pas gsol ba 'debs so/ /de nas bcom ldan 'das kyi phyi dro'i dus kyi tshe ting nge 'dzin las bzhengs te 'khor 'dus pa mang po la gzigs nas tshigs su bcad pa 'di dag gsungs so/ /mdo sde'i  \?\ dbang po ste/ /mnyan na shin tu zab pa dang / /yongs su brtags na zab pa nyid/ /gser 'od dam pa 'di 'chad do/ /phyogs bzhir sangs rgyas rnams kyis ni/ / byin gyis rlabs kyis byin brlabs pa/ /mi 'khrugs pas ni shar phyogs su/ /rin chen tog gis lho phyogs su/ /'od dpag med kyis nub phyogs su/ /rnga sgra yis ni byang phyogs su/ /sdig pa thams cad gzhig pa'i phyir/ /bshad pa dam pa bkra shis pa/ /sdig pa'i las rnams zad byed pa/ /bde ba thams cad sbyin byed pa/ /sdug </font><hr>220b<br><font size=+1>


bsngal thams cad 'jig byed pa/ /thams cad mkhyen pa nyid kyi gzhi/ /dpal kun gyis ni legs par brgyan/ /byin gyis brlabs te brjod par bya/ /sems can gang dag dbang po nyams/ /tshe zad pa dang tshe nyams dang / /phun sum tshogs min gang chags dang / /lha rnams rgyab kyis phyogs pa dang / /mdza' sdug skye bo sdang ba dang / /bram ze la 
 gtses pa dang / /phan tshun mthun pa ma yin dang / /nor 'gribs bas ni gnod pa dang / /mya ngan ngal dang gnod pa dang / /'jigs pa dang ni phongs pa dang / /gza' dang rgyu skar byed stems dang / /mi bzad gdon gyis nyen pa dang / /mya ngan ngal las byung ba yi/ /rmi lam sdig pa mthong na yang / /de ni rab khrus gtsang ma yin/ /mdo sde'i dam pa mnyan par bya/ /gang dag yid dge sems dwang zhing / /gos gtsang rnams kyis rab brgyan te/ /zab mo sangs rgyas spyod yul ba/ /mdo 'di nyan par byed na ni/ /mdo sde 'di yi gzi brjid kyis/ /srog chags kun gyi gnod pa dag /shin tu mi bzad 'di 'dra ba/ /de dag rtag tu zhi bar 'gyur/ /'jig rten skyong ba bdag nyid dang / /blon po'i tshogs kyi dbang phyug bcas/ /gnod sbyin bye ba du ma yis/ /de dag la ni srung bar byed/ /lha mo chen mo dbyangs can dang / /nai rany+dza nar gnas pa dang / /'byung po'i ma mo 'phrog ma </font><hr>221a<br><font size=+1>


@#/ /dang| |sa yi lha mo brtan ma dang / /tshangs pa'i dbang dang lha dbang dang / /klu dbang mthu chen rnams dang ni/ /mi 'am ci dbang lha min dbang / / de bzhin nam mkha' lding dbang rnams/ /sde dang stobs dang bzhon pa dang / /bcas te de dag der lhags nas/ /nyin dang mtshan mo mi g.yel bar/ /de dag la ni srung bar byed/ /zab mo sangs rgyas spyod yul ba/ /sangs rgyas kun gyi gsang ba ste/ /bskal pa bye bar rnyed dka' ba/ /mdo 'di rab tu bshad par bya/ /gang dag mdo 'di nyan pa dang / /gang dag gzhan la thos byed dang / /gang dag rjes su yi rang dang / /gang dag mchod par byed pa rnams/ /de dang lha dang klu dag dang / /mi dang mi 'am ci dag dang / /lha min gnod sbyin du ma yis/ /bskal ba bye bar mchod par 'gyur/ /srog chags bsod nams byed pa rnams/ /de dag bsod nams phung po ni/ /mtha' yas grangs kyang med pa dang / /bsam gyis mi khyab skye bar 'gyur/ /phyogs bcu'i rdzogs pa'i sangs rgyas dang / /de bzhin zab mor spyod pa yi/ /byang chub sems dpa' rnams kyis kyang / /rab tu gzung bar 'gyur ba yin/ /gtsang ma'i gos rnams rab bgos la/ /dri zhim pa yi gos 'chang zhing / /byams pa'i sems ni nyer </font><hr>221b<br><font size=+1>


gzhag nas/ /g.yel ba med par mchod par byas/ /rang gi sems ni dri med cing / /rgya che bar yang rab byed la/ /sems kyang shin tu dwang byed kyi/ /mdo sde dam pa mnyan par gyis| |gang dag mdo 'di nyan pa ni/ /de dag mi nang legs par 'ongs/ /mi yi srid pa legs par thob/ /'tsho ba bde bas 'tsho bar 'gyur/ /gang gi rna ba'i bu gar yang / / bshad pa 'di ni grags 'gyur ba/ /de dag dge rtsa sbyangs pa ste/ /sangs rgyas mang pos rab tu bsngags/ /gser 'od dam pa mdo sde'i dbang po'i rgyal po las/ gleng gzhi'i le'u zhes bya ba ste dang po'o// //de'i tshe de'i dus na rgyal po'i khab kyi gong khyer chen po na/ byang chub sems dpa' sems dpa' chen po mdzes pa'i tog ces bya ba| sngon gyi rgyal ba la lhag par bya ba byas pa/ dge ba'i rtsa ba bskyed pa/ sangs rgyas bye ba khrag khrig brgya stong phrag mang po la rim gror byas pa zhig gnas pa de 'di snyam du sems te rgyu gang dang / rkyen gang gis bcom ldan 'das shAkya thub pa/ 'di lta ste/ lo brgyad cu zhig thub ste 'di ltar sku tshe thung snyam nas de'ang 'di snyam du sems te/ bcom ldan 'das kyis kyang / 'di skad du/ rgyu gnyis dang / rkyen gnyis kyis tshe ring bar 'gyur te gnyis gang zhe na/ 'di lta ste/ srog gcod pa spangs pa dang / / </font><hr>222a<br><font size=+1>


@#/ /kha zas rab tu sbyin pa'o zhes gsungs te/ bcom ldan 'das shAkya thub pa ni bskal pa bye ba khrag khrig brgya stong grangs med pa mang po nas srog gcod pa spangs par gyur pa nas dge ba bcu'i las kyi lam gyi bar du yang dag par blangs te gnas par gyur/ kha zas kyang phyi nang gi dngos po rnams sems can dag la yongs su btang ste cher na rang gi lus kyi sha dang / khrag dang / rus pa dang / rkang gis kyang sems can ltogs pa rnams tshim par mdzad na zas gzhan gyis lta ci smos snyam mo/ /de nas skyes bu dam pa des/ sangs rgyas la song ba'i yid la byed pa dag las 'di lta bu'i tshul gyis bsam pa 'di dag sems pa na/ de'i khyim yangs shing rgya che ba/ /bai DUR+Ya sngon po las grub pa/ lha'i rin po che du mas spras pa/ de bzhin gshegs pas kha dog bsgyur ba/ lha rdzas las 'das pa'i spos kyis khyab par gyur to/ /khyim de'i phyogs bzhi nas lha'i rin po che'i khri bzhi byung bar gyur te khri de dag las kyang lha'i ras bcos bu rin po che'i phrugs rnams bting ba dag byung bar gyur to/ /khri de dag las kyang lha'i me tog pad+ma rin po che du mas spras pa/ de bzhin gshegs pas kha dog bsgyur ba dag byung ngo / /pad+ma de dag las kyang sangs rgyas </font><hr>222b<br><font size=+1>


bcom ldan 'das bzhi byung bar gyur to/ /shar phyogs nas ni de bzhin gshegs pa mi 'khrugs pa byung / lho phyogs nas ni de bzhin gshegs pa rin chen tog byung / nub phyogs nas ni de bzhin gshegs pa tshe dpag med byung / byang phyogs nas ni de bzhin gshegs pa rnga sgra byung ste/ seng+ge'i khri de dag las sangs rgyas bcom ldan 'das de dag byung ma thag tu de nas de'i tshe rgyal po'i khab kyi grong khyer chen po snang ba chen pos khyab par gyur to/ /stong gsum gyi stong chen po'i 'jig rten gyi khams gyi bar dang / phyogs bcu kun tu 'jig rten gyi khams gang gA'i klung gi bye ma snyed kyi bar dag snang bas khyab par gyur/ lha'i me tog dag gi char yang bab/ lha'i sil snyan dag gi sgra'ang byung ngo / /sangs rgyas kyi mthus stong gsum gyi stong chen po'i 'jig rten gyi khams 'dir sems can thams cad lha'i bde ba dang ldan par gyur te/ sems can dbang po ma tshang ba rnams ni dbang po thams cad dang ldan par gyur/ sems can dmus long dag ni mig gis gzugs rnams mthong / sems can 'on pa dag ni rna bas sgra rnams thos/ sems can smyon pa rnams ni dran pa so sor rnyed/ sems can sems rnam par g.yangs pa dag ni sems rnam par mi g.yeng bar gyur/ sems can </font><hr>223a<br><font size=+1>


@#/ /sgren mo rnams ni gos bskal \?\ par gyur/ sems can bkres pa dag ni lto 'grangs par gyur/ sems can skom pa dag ni skom pa dang bral bar gyur| |sems can nad kyis btab pa dag ni nad dang bral bar gyur/ sems can lus kyi dbang po nyams pa dag ni dbang po rnams tshong \?\ bar gyur te/ 'jig rten du ngo mtshar rmad du byung ba'i chos rnams rgya cher byung bar gyur to/ /de nas byang chub sems dpa' mdzes pa'i tog gis sangs rgyas bcom ldan 'das de dag mthong nas ngo mtshar rmad du gyur te/ de \?\ tshim zhing mgu la yi rangs shing rab tu dga' ste dga' ba dang / yid bde ba skyes nas sangs rgyas bcom ldan 'das de dag ga la ba de logs su thal mo sbyar ba btud nas sangs rgyas bcom ldan 'das de dag rnams las rjes su dran la bcom ldan 'das shAkya thub pa'i yon tan rjes su dran zhing bcom ldan 'das shAkya thub pa'i sku tshe'i tshad la the tshom za bar gyur te/ bcom ldan 'das shAkya thub pa 'di ltar lo brgyad cu zhig thub ste sku tshe thung ba 'di ji lta bu/ 'di ji zhig snyam du bsam pa de sems shing 'dug par gyur to/ /de nas sangs rgyas bcom ldan 'das de dag dgongs shing mkhyen bzhin du byang chub sems dpa' mdzes pa'i tog de la 'di </font><hr>223b<br><font size=+1>


skad ces bka' stsal to/ /rigs kyi bu/ khyod 'di snyam du bcom ldan 'das shAkya thub pa 'di ltar sku tshe thung ngo snyam du ma sems shig /de ci'i phyir zhe na/ rigs kyi bu/ de bzhin gshegs pa dgra bcom pa yang dag par rdzogs pa'i sangs rgyas ma gtogs par lha dang bcas pa| bdud dang bcas pa/ tshangs pa dang bcas pa/ dge sbyong dang / bram ze'i skye dgu dang bcas pa'i 'jig rten na lha dang / mi dang / lha ma yin du bcas pa na/ bcom ldan 'das de bzhin gshegs pa shAkya thub pa'i sku tshe'i tshad gyi mtha' phyi ma'i mtha'i mu'i bar du'ang rtogs par nus pa nged kyis su yang ma mthong ngo / /sangs rgyas bcom ldan 'das de dag gis de bzhin gshegs pa'i sku tshe'i tshad bshad pa brjod ma thag tu de nas de'i mod la sangs rgyas kyi mthus lha'i bu 'dod pa na spyod pa rnams dang / gzugs na spyod pa rnams dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po'i bar dag dang / byang chub sems dpa' bye ba khrag khrig brgya stong phrag du mas 'dus nas/ byang chub sems dpa' mdzes pa'i tog gi khyim der lhags so/ /de nas de bzhin gshegs pa de dag gis thams cad dang ldan pa'i 'khor de la bcom ldan 'das shAkya thub pa'i sku tshe'i tshad </font><hr>224a<br><font size=+1>


@#/ /bshad pa tshigs su bcad de mdor bka' stsal pa/ rgya mtsho'i chu rnams thams cad kyi/ /thigs pa dag ni bgrang bar nus/ /shAkya thub pa'i sku tshe'i tshad/ /sus kyang bgrang bar mi nus so/ /ri rab rnams ni thams cad kyang / /phra rab rdul brlags bgrang bar nus/ /shAkya thub pa'i sku tshe'i tshad/ /sus kyang bgrang bar mi nus so/ /sa la gang dag yod pa yi/ /rab tu phra rdul ji snyed pa/ /thams cad bgrang bar nus srid kyi/ /rgyal ba'i sku tshe'i tshad mi nus/ /gal te la las nam mkha' la/ /sna 'ga' zhig gis dpag 'dod kyang / /shAkya thub pa'i sku tshe'i tshad/ /sus kyang bgrang bar mi nus so/ /rdzogs pa'i sangs rgyas 'di srid bzhugs// bskal pa dag ni 'di snyed cig /bskal pa bye ba brgya dag ces/ /grangs ni rnyed par mi rung ngo / /gang phyir de yi byed rgyu gnyis/ /rgyu yang rnam pa gnyis gsungs te/ /gzhan la 'tshe ba spangs pa dang / /kha zas mang po byin pa ste/ /de phyir bdag nyid chen po de'i/ /sku tshe'i tshad ni mi rnyed do/ /bskal pa 'di snyed cig ce 'am/ /grangs med pa yang de bzhin te/ /de bas the tshom med par 'gyur/ /the tshom cung zad ma za zhig /rgyal ba'i sku tshe'i tha ma yi/ /grangs ni gang du'ang mi dmigs so/ /de nas byang chub sems </font><hr>224b<br><font size=+1>


dpa' mdzes pa'i tog gis bcom ldan 'das shAkya thub pa'i sku tshe'i tshad bshad pa de thos nas/ sangs rgyas bcom ldan 'das de dag la 'di skad ces gsol to/ /ji ltar na bcom ldan 'das shAkya thub pa de bzhin gshegs pas des ltar sku tshe'i tshad thung bar bstan par gyur ces de skad gsol pa dang / sangs rgyas bcom ldan 'das de dag gis byang chub sems dpa' mdzes pa'i tog la 'di skad ces bka' stsal to/ /bcom ldan 'das shAkya thub pa de bzhin gshegs pa de ni snyigs ma rnam pa lnga yi 'jig rten du skye dgu'i tshe'i tshad lo brgya thub pa'i dus su bltams nas/ sems can mos pa dman pa/ dge ba'i rtsa ba dang / dad pa chung ba'i sems can de dag bdag tu lta ba dang / sems can du lta ba dang / srog tu lta ba dang / gso bar lta ba dang / gang zag tu lta ba dang / log par lta ba dang / bdag dang / bdag gir 'dzin pa dag dang / rtag pa dang / chad par lta ba la sogs pa'i byis pa so so'i skye bo rnams la phan 'dogs pa dang / gzhan yang / mu stegs can rnams la yang dag pa'i lta ba bskyed pas myur du bla na med pa'i byang chub thob par bya ba'i phyir de bzhin gshegs pa shAkya thub pa des sku tshe'i tshad thung ba bstan to/ /gzhan yang / rigs kyi bu/ de bzhin gshegs pa de mya ngan las </font><hr>225a<br><font size=+1>


@#/ /'da' ba bstan pas sems can rnams de la dkon pa dang / phrad par dka' ba'i 'du shes dang / /mya ngan dang / sdug bsngal gyi 'du shes la sogs pa bskyed pas sangs rgyas bcom ldan 'das kyis gsungs pa'i mdo 'di dag myur du 'dzin pa dang / 'chang ba dang / klog pa dang / kun chub par byed pa dang / gzhan dag la'ang rgya cher yang dag par ston pa la skur pa 'debs pa med par 'gyur bas de'i phyir de bzhin gshegs pas sku tshe thung bar bstan to/ /de'ang de bzhin gshegs pa rtag tu bzhugs shing mya ngan las mi 'da' na/ sems can rnams gus pa med pa dang / phrad par dka' ba'i 'du shes kyang mi bskyed pas de bzhin gshegs pas 
 pa'i mdo zab mo dag 'dzin cing klog pa dang / kun chub par byed pa dang / gzhan dag la'ang rgya cher yang dag par ston par mi byed do/ /de ci'i phyir zhe na/ de ni bcom ldan 'das rtag tu 'jig rten na bzhugs par 'dzin pa'i phyir ro/ /rigs kyi bu/ dper na/ gang la la zhig pha ma la nor bu rin po che rgyas pa mang du yod pa mthong nas| nor de la dkon pa dang / ngo mtshar gyi 'du shes mi bskyed do/ /de ci'i phyir zhe na/ pha ma'i nor rdzas de la rtag tu yod pa'i 'du shes skye ba'i phyir ro/ /de bzhin </font><hr>225b<br><font size=+1>


du bcom ldan 'das rtag tu mya ngan las mi 'da' na de la dkon pa dang / phrad par dka' ba'i 'du shes mi 'byung ba'i phyir ro/ /rigs kyi bu/ gzhan yang / dper na/ gang la la zhig pha ma dbul zhing nor dang mi ldan pa zhig de rgyal po 'am/ blon po chen po zhig gi gnas su phyin te/ de dag gi bang mdzod dang / nor dang / rin po che la sogs pa mang po rgyas pa mthong na de dkon pa dang / rnyed par dka' ba'i 'du shes skye ste dbul po de nor btsal ba'i thabs bsgrub pa la brtson par byed do/ /de ni dbul ba dang / phongs pa spangs te bde ba dang / 'byor pa bsgrub par 'dod pa'i phyir ro/ /rigs kyi bu/ de bzhin du de bzhin gshegs pa mya ngan las 'da' ba mthong na de dkon pa dang / phrad par dka' ba dang| mya ngan dang / sdug bsngal gyi 'du shes kyang skyed cing bcom ldan 'das de bzhin gshegs pa 'jig rten du 'byung ba'ang bskal pa grangs med pa na lan 'ga' zhig 'byung ste/ ji ltar u dum bA ra'i me tog brgya lam na yang 'ga' zhig 'byung ba bzhin pas sems can rnams de la dkon pa dang / phrad par dka' ba'i 'du shes bskyed cing bcom ldan 'das de la gus pa skye bar 'gyur/ zhal nas gsungs pa'i mdo rnams la'ang bden pa'i 'du shes dang / yongs su gzung ba'i 'du shes bskyed </font><hr>226a<br><font size=+1>


@#/ /cing skur pa 'debs par mi byed do/ /rigs kyi bu/ de lta bas na de bzhin gshegs pa rgyu de dang / rkyen de'i phyir 'jig rten na yun ring du mi 
 shing myur du mya ngan las 'da' bar mdzad pas de bzhin gshegs pa rnams ni thabs mkhas pa phun sum tshogs pa de lta bus sems can rnams yongs su smin par mdzad do| |de nas de bzhin gshegs pa bzhi po de dag kyang mi snang bar gyur to/ /de nas byang chub sems dpa' sems dpa' chen po mdzes pa'i tog dang / byang chub 
 dpa' brgya stong tshad med pa dang / gzhan yang / srog chags bye ba brgya stong tshad med pa dang thabs gcig tu bya rgod kyi phung po'i ri ga la ba der song ste/ bcom ldan 'das shAkya thub pa de bzhin gshegs pa'i zhabs la spyi bos phyag btsal te phyogs gcig tu 'khod do/ /de nas byang chub sems dpa' mdzes pa'i tog gis ji lta bur gyur pa de dag gsol nas/ de bzhin gshegs pa de bzhi'ang bya rgod kyi phung po'i ri la bcom ldan 'das shAkya thub pa bzhugs par byon nas phyogs so so'i gdan gyi steng na bzhugs te 'khor gyi byang chub sems dpa' la bka' stsal pa/ rigs kyi bu/ song la/ bcom ldan 'das shAkya thub pa la gnod pa dang / nyam nga </font><hr>226b<br><font size=+1>


ba chung ngam/ bskyod pa yang ngam/ bde ba la rig par gnas sam zhes gsol cig /gzhan yang / bcom ldan 'das de bzhin gshegs pa shAkya thub pa la gser 'od dam pa mdo sde'i dbang po shin tu zab pa 'di sems can thams cad la phan pa dang / mu ge'i yang ba yongs su bsal te/ thams cad bde ba dang ldan pa'i phyir 'di bstan pa legs te rjes su dgyes pa mdzad do zhes kyang gsol cig /de nas so so'i zhabs 'bring nas mchis pa'i byang chub sems dpa' de dag gis bcom ldan 'das shAkya thub pa ga la ba der song ste phyin nas bcom ldan 'das kyi zhabs la spyi bos phyag btsal te bcom ldan 'das bzhi po de dag gis ji skad bka' stsal pa de bzhin du gsol to/ /de nas bcom ldan 'das shAkya thub pa de bzhin gshegs pa dgra bcom pa yang dag par rdzogs pa'i sangs rgyas kyis/ byang chub sems dpa' de dag la legs so zhes bka' stsal te legs so/ /legs so/ /de bzhin gshegs pa bzhis kyang sems can thams cad la phan pa dang / bde ba'i don du dam pa'i chos 'di bshad par nga la bskul ba mdzad pas de'i tshe bcom ldan 'das kyis tshigs su bcad pa 'di dag gsungs so/ /bya rgod phung po'i ri la nga bzhugs te/ /mdo sde rin chen 'di ni 'chad mdzad kyang / /skye bo mang </font><hr>227a<br><font size=+1>


@#/ /po de dag bsgral ba'i phyir/ /yongs su mya ngan 'da' ba'ang ston pa mdzad/ /byis pa lta ba log par gyur pa rnams/ /nga yi bstan la mos par mi byed pa/ /de dag kun tu bsgral ba'i don gyi phyir/ /yongs su mya ngan 'da' ba'ang ston mdzad do/ /de nas de'i tshe 'khor der slob dpon lung ston pa bram ze kauN+Din+ya zhes bya ba dang / bram ze stong phag du mas bcom ldan 'das la mchod pa byas te de bzhin gshegs pa yongs su mya ngan las 'da' ba chen po'i sgra thos nas 'phral du ngus te bcom ldan 'das kyi zhabs gnyis la gtugs nas bcom ldan 'das la gsol pa/ gal te/ bcom ldan 'das/ sems can thams cad la thugs brtse ba/ thugs rje chen po dang ldan pa/ phan par bzhed pa/ sems can thams cad la pha ma lta bu mi mnyam pa dang mnyam par gyur pa/ zla ba lta bu snang ba mdzad pa/ shes rab dang / ye shes chen po'i nyi ma shar ba lta bu lags shing / gal te khyod sems can thams cad la sgra gcan zin bzhin du gzigs na/ bdag la dam pa gcig stsal du gsol/ bcom ldan 'das cang mi gsung bar gyur to/ /de nas sangs rgyas kyi mthus 'khor der lits+tsha bI gzhon nu sems can thams cad kyi mthong na dga' </font><hr>227b<br><font size=+1>


ba zhes bya ba de spobs pa skyes nas slob dpon lung ston pa bram ze kauN+Di n+ya la 'di skad ces smras so/ /ci bram ze chen po/ khyod bcom ldan 'das la dam pa gcig gsol lam| bdag gis khyod la dam pa sbyin no/ /bram zes smras pa/ lits+tsha bI gzhon nu bdag ni bcom ldan 'das la mchod pa dang / ring bsrel gyi phyi ma dgos pa'i phyir/ bcom ldan 'das kyi ring bsrel yungs 'bru tsam la brten par 'dod do/ /ring bsrel yungs 'bru tsam de ma brjed par mchod na sum cu rtsa gsum pa'i lha rnams kyi bdag po 'ba' zhig thob ces grag go /kye lits+tsha bI gzhon nu/ gser 'od dam pa'i mdo nyan thos dang / rang sangs rgyas thams cad kyis shes par dka' ba/ khong du chud par dka' ba de lta bu'i mtshan nyid dang / yon tan dang ldan pa gser 'od dam pa'i mdo 'chad ces grag gi nyon cig /kye lits+tsha bI gzhon nu/ gser 'od dam pa'i mdo ni de ltar shes par dka' zhing rtogs par dka' bas na kho bo cag mtha' 'khob kyi gling gi bram ze rnams ni gang bcangs nas sems can rnams myur du sum cu rtsa gsum pa'i bdag po thob par 'gyur ba'i ring bsrel yungs 'bru tsam za ma tog gi nang du bcug la bcangs kyang rung ngo / /kye lits+tsha bI gzhon nu/ khyod ci/ de bzhin gshegs pa </font><hr>228a<br><font size=+1>


@#/ /la ring bsrel yungs 'bru tsam gsol nas ring bsrel za ma tog gi nang du bcug ste bcangs pas sems can rnams sum cu rtsa gsum pa'i bdag po thob par mi 'dod dam/ kye lits+tsha bI gzhon nu/ kho bos ni dam pa de lta bu gsol to/ /de nas lits+tsha bI gzhon nu sems can thams cad kyis mthong na dga' bas slob dpon lung ston pa bram ze kauN+Di n+ya la tshigs su bcad pa dag gis slar smras pa/ /nam zhig gang+gA'i chu rgyun la/ /me tog rnams ni skye ba dang / /bya rog dmar por 'gyur pa dang / /khu byug dung mdog 'dra 'gyur dang / /'dzam bur ta la'i 'bru chags dang / /bra gor a mra'i dog pa chags/ /de yi tshe na yungs 'bru tsam/ /ring bsrel du ni stsal bar 'gyur/ /nam zhig rus sbal spu rnams las/ /gos su legs par btags gyur te/ /dgun gyi grang ba sel byed pa/ /de tshe ring bsrel yod par 'gyur/ /nam zhig sbrang bu'i rkang lag las/ /yang thog legs par byas gyur te/ /brtan cing rab tu mi g.yo na/ /de tshe ring bsrel yod par 'gyur/ /nam zhig srin bu pad ma kun/ /so ni dkar por skyes gyur te/ /rno zhing chen por gyur pa na/ /de tshe ring bsrel yod par 'gyur/ /mtho ris su ni 'dzeg pa'i phyir/ /nam zhig ri </font><hr>228b<br><font size=+1>


bong rna rnams las/ /skas ni legs par byas gyur pa/ /de tshe ring bsrel yod par gyur/ /nam zhig skas der rab 'dzegs te/ /byi bas zla ba za ba dang / /sgra gcan la yang gnod byed pa/ /de tshe ring bsrel yod par 'gyur/ /grong na rgyu ba'i sbrang bu yis/ /nam zhig rdza ma'i chang 'thungs te/ /khyim na gnas par byed 'gyur ba/ /de tshe ring bsrel yod par 'gyur| |nam zhig bong bu bder 'gyur la/ /mchu dmar bim pa 'drar gyur cing / /glu gar rnams la mkhas gyur pa/ /de tshe ring bsrel yod par 'gyur/ /nam zhig 'ug pa bya rog rnams/ /dben par song nas rtse ba dang / /phan tshun mthun par 'gyur ba na/ /de tshe ring bsrel yod par 'gyur/ /pa la sha yi lo ma rnams/ /rin chen sna gsum gdugs gyur te/ /char 'bab skyabs su nam 'gyur ba/ /de tshe ring bsrel yod par 'gyur/ /nam zhig rgya mtsho'i gru bo che/ /'khrul 'khor dang ni g.yor mor gcas/ / thang la phyung ste 'gro ba na/ /de tshe ring bsrel yod par 'gyur/ /nam zhig bya ni 'ug pa rnams/ /ri bo spos kyi ngad ldang ba/ /mchu la thogs te 'gro 'gyur ba/ /de tshe ring bsrel yod par 'gyur/ /slob dpon lung ston pa bram ze kauN+Di n+yas tshigs su bcad pa 'di dag thos nas/ lits+tsha bI gzhon nu 'jig rten thams cad kyis mthong na dga' ba la tshigs </font><hr>229a<br><font size=+1>


@#/ /su bcad pa dag gis slar smras pa/ legs so legs so gzhon nu mchog /rgyal ba'i sras po tshig po che/ /dpa' zhing thabs la mkhas ldan pa/ / lung bstan pa ni dam pa thob/ /'jig rten mgon po skyob pa po/ /de bzhin gshegs pa'i che ba nyid/ /bsam gyis mi khyab go rims bzhin/ /gzhon nus bdag la mnyan par gyis/ /sangs rgyas yul ni bsam mi khyab/ /de bzhin gshegs rnams mtshungs pa med/ /sangs rgyas thams cad rtag tu zhi/ /sangs rgyas thams cad yang dag 'byung // sangs rgyas thams cad kha dog mtshungs/ /'di ni sangs rgyas chos nyid yin/ /bcom ldan de ni bcos ma min/ /de bzhin gshegs pa ma skyes te/ /rdo rje lta bur sra ba'i sku| |sprul pa'i sku ni ston par mdzad/ /drang srong chen po'i ring bsrel ni/ /yung 'bru tsam zhes bya ba med/ /sku la rus pa khrag med na/ /ring bsrel yod par ga la 'gyur// sems can rnams la phan pa'i phyir/ /thabs kyis ring bsrel bzhag par mdzad/ /rdzogs pa'i sangs rgyas chos kyi sku/ /de bzhin gshegs pa chos kyi dbyings/ /chos ston mdzad pa ci 'dra pa/ /bcom ldan 'das kyi sku de 'dra/ /bdag gis 'dis thos shes nas ni/ /bdag gis dam pa gsol bar byas/ /de nyid kho na lung bstan phyir// </font><hr>229b<br><font size=+1>


gtam gleng ba ni bdag gis byas/ /de nas lha'i bu sum khri nyis stong gis de bzhin gshegs pa'i sku tshe'i tshad bstan pa zab mo de lta bu 'di thos nas thams cad kyang bla na med pa yang dag par rdzogs pa'i byang chub tu sems bskyed de/ de dag yid kyis kun tu rtog pa rab dga' nas sgra skad mthun par tshigs su bcad pa 'di dag smras so/ /sangs rgyas mya ngan yongs mi 'da'/ /chos kyang nub par mi 'gyur te/ /sems can yongs su smin mdzad phyir/ /yongs su mya ngan 'da' ba ston/ /sangs rgyas bcom ldan bsam mi khyab/ /de bzhin gshegs pa rtag pa'i sku/ /sems can rnams la phan bya'i phyir/ /bkod pa rnam pa sna tshogs ston/ /de nas byang chub sems dpa' sems dpa' chen po mdzes pa'i tog gis sangs rgyas bcom ldan 'das de dag dang / skyes bu dam pa de gnyis las bcom ldan 'das shAkya thub pa'i sku tshe'i tshad bstan pa thos nas stan las langs te thal mo sbyar bar btud nas 'di skad ces gsol to/ /bcom ldan 'das/ de ltar sangs rgyas bcom ldan 'das de dag mya ngan las mi 'da' la/ ring bsrel 'jig rten du bzhag pa'ang ma mchis na/ ci'i slad du mdo sde dag las sangs rgyas mya ngan las 'da' zhing ring bsrel 'jig rten du bzhag pa la lha dang / mi gus pa dang bcas/ bkur </font><hr>230a<br><font size=+1>


@#/ /sti dang bcas pas 'das pa'i sangs rgyas bcom ldan 'das rnams kyi ring bsrel 'jig rten du bzhag pa la lha dang / mir bcas pa'i 'jig rten gyi mchod pa byas na/ bsod nams dpag tu med pa 'thob bo zhes kyang gsungs la/ da 'dir ni de dag med do zhes kyang gsungs pa de ji lta bu lags/ bcom ldan 'das/ thugs brtse bas rnam par dbye zhing bshad par gsol/ de nas bcom ldan 'das kyis byang chub sems dpa' mdzes pa'i tog la sogs pa'i 'khor 'dus pa de dag la bka' stsal pa/ bcom ldan 'das mya ngan las 'das te ring bsrel 'jig rten du bzhag ces gsungs pa'ang dgongs pa'i don du bstan par shes par bya'o/ /rigs kyi bu/ byang chub sems dpa' sems dpa' chen po chos 'di bcus de bzhin gshegs pa dgra bcom pa yang dag par rdzogs pa'i sangs rgyas kyis yang dag pa dang / bden pa'i tshul du mya ngan las 'das pa chen po yod par gsungs par shes par bya'o/ /bcu gang zhe na/ 'di lta ste/ de bzhin gshegs pa rnams kyis nyon mongs pa'i sgrib pa dang / shes bya'i sgrib pa yongs su spangs pas mya ngan las 'das pa zhes bya ba dang / de bzhin gshegs pa </font><hr>230b<br><font size=+1>


rnams kyi gang zag la bdag med pa dang / chos la bdag med par mngon du mkhyen pas mya ngan las 'das pa zhes bya ba dang / lus kyi gnas dang / chos kyi gnas su gyur pas mya ngan 'das pa zhes bya ba dang / sems can rnams 'dul bar mdzad pa lhun gyis grub pa'i phyir mya ngan las 'das pa zhes bya ba dang / yang dag pa nyid mngon du gyur pas mtshan nyid tha dad pa med pas chos kyi skur mnyam pa'i phyir mya ngan las 'das pa zhes bya ba dang / 'khor ba dang / mya ngan las 'das pa'i rang bzhin gnyis su med par mngon du gzigs pas mya ngan las 'das pa zhes bya ba dang / chos thams cad kyi ngo bo nyid rtogs pas rnam par dag pa mngon du gyur pa'i phyir mya ngan las 'das pa zhes bya ba dang / chos thams cad skye ba dang / 'jig pa med pa'i sgrub pa la mkhas pas mya ngan las 'das pa zhes bya ba dang / de bzhin nyid dang / chos kyi dbyings yang dag pa'i mtha' mnyam pa'i ye shes thob pa'i phyir mya ngan las 'das pa zhes bya ba dang / chos thams cad kyi de bzhin nyid dang / mya ngan las 'da' ba'i de bzhin nyid la bye brag med par mkhyen pas mya ngan las 'das pa zhes bya'o/ /gzhan yang / rigs kyi bu/ byang chub sems dpa' sems dpa' chen po chos 'di bcus </font><hr>231a<br><font size=+1>


@#/ /ni de bzhin gshegs pa dgra bcom pa yang dag par rdzogs pa'i sangs rgyas kyi yang dag pa dang / bden pa'i tshul du mya ngan las 'da' ba chen po yod par gsungs so/ /bcu gang zhe na/ 'di lta ste/ nyon mongs pa thams cad kyi gzhi ni mos pa dang / 'dod pa ste gang mos pa las 'dod pa skye'o/ / sangs rgyas bcom ldan 'das rnams ni mos pa dang / 'dod pa las bral ba'i phyir mya ngan las 'das pa zhes bya ba dang / de bzhin gshegs pa rnams ni mos pa dang / 'dod pa thams cad dang bral nas chos gang yang mi len pa'i phyir gzung ba med pa dang / 'gro ba dang / 'ong ba dang / len pa med pa ste de'i phyir mya ngan las 'das pa zhes bya ba dang / 'gro ba dang / 'ong ba dang / blang bar bya ba med pa de ni chos kyi sku ste skye ba dang / 'gog pa med pa'o/ /skye ba dang / 'gog pa med pa de nyid la mya ngan las 'das pa zhes bya ba dang / skye ba dang / 'gog pa med pa de tshig gis mi brjod pa tshig gi lam chad pa'i phyir mya ngan las 'das pa zhes bya ba dang / bdag dang / gang zag med cing skye ba dang / 'gag pa'i chos tsam la gnas 'pho ba thob pa'i phyir mya ngan las 'das pa zhes bya ba dang / nyon </font><hr>231b<br><font size=+1>


mongs pa dang / nye ba'i nyon mongs pa dag glo bur nyid du gzigs shing gang chos nyid de ni gnas pa ste 'gro ba dang / 'ong ba med par sangs rgyas bcom ldan 'das kyis mngon du gyur pa'i phyir mya ngan las 'das pa zhes bya ba dang / yang dag pa ni bden pa ste de las gzhan pa ni brdzun pa'o/ /gang bden pa nyid ni yang dag pa ste yang dag pa nyid ni de bzhin gshegs pa nyid pas de la mya ngan las 'das pa zhes bya ba dang / yang dag pa'i mtha' nyid ni spros pa med pa/ de bzhin gshegs pa nyag cig gis yang dag pa'i mtha' mngon du gyur cing spros pa nye bar zhi ba de nyid la mya ngan las 'das pa zhes bya ba dang / mi skye ba ni bden pa/ skye ba ni brdzun pa yin pas na byis pa so so'i skye bo rnams ni 'khor ba'i 'dam du bying ba/ de bzhin gshegs pa'i sku ni bden pa yang dag pa ma yin pa med pa'i phyir mya ngan las 'das pa zhes bya ba dang / yang dag pa ma yin pa'i chos ni rkyen las skye ba yang dag pa'i bden pa'i chos ni rkyen gyis bskyed pa ma yin pa/ de bzhin gshegs pa'i chos kyi sku'ang yang dag pa bden pa nyid yin pas de la mya ngan las 'das pa zhes bya'o/ /gzhan yang / rigs kyi bu/ byang chub sems dpa' sems dpa' chen po chos rnam pa 'di bcus ni/ de </font><hr>232a<br><font size=+1>


@#/ /bzhin gshegs pa dgra bcom pa yang dag par rdzogs pa'i sangs rgyas rnams kyi yang dag pa dang / bden pa'i tshul rtogs pas mya ngan las 'das pa chen por shes par 'gyur ro/ /bcu gang zhe na/ 'di lta ste/ de bzhin gshegs pa sbyin pa dang / sbyin pa'i 'bras bu la bdag dang / bdag gir bya ba med par rab tu shes pas sbyin pa de dang / de'i 'bras bu log pa'i rnam par rtog pa yongs su spangs pas mya ngan las 'das pa zhes bya ba dang / de bzhin gshegs pas tshul khrims dang / tshul khrims kyi 'bras bu la bdag dang / bdag gir bya ba med par rab tu shes pas tshul khrims de dang / de'i 'bras bu la log pa'i rnam par rtog pa yongs su spangs pas mya ngan las 'das pa zhes bya ba dang / de bzhin gshegs pas bzod pa dang / bzod pa'i 'bras bu la bdag dang / bdag gir bya ba med par rab tu shes pas bzod pa de dang / de'i 'bras bu la log pa'i rnam par rtog pa yongs su spangs pas mya ngan las 'das pa zhes bya ba dang / de bzhin gshegs pas brtson 'grus dang / brtson 'grus kyi 'bras bu la bdag dang / bdag gir bya ba med par rab tu shes pas brtson 'grus de dang / de'i 'bras bu la log pa'i </font><hr>232b<br><font size=+1>


rnam par rtog pa yongs su spangs pas mya ngan las 'das pa zhes bya ba dang / de bzhin gshegs pas bsam gtan dang / bsam gtan gyi 'bras bu la bdag dang / bdag gir bya ba med par rab tu shes pas bsam gtan de dang / de'i 'bras bu la log pa'i rnam par rtog pa yongs su spangs pas mya ngan las 'das pa zhes bya ba dang / de bzhin gshegs pas shes rab dang / shes rab kyi 'bras bu la bdag dang / bdag gir bya ba med par rab tu shes pas shes rab de dang / de'i 'bras bu la log pa'i rnam par rtog pa yongs su spangs pas mya ngan las 'das pa zhes bya ba dang / de bzhin gshegs pa rnams kyis sems can dang / sems can med par rab tu mkhyen pa dang / chos thams cad kyi rang bzhin med pa la log pa'i rnam par rtog pa yongs su spangs pas mya ngan las 'das pa zhes bya ba dang / gang sred pa'i bdag nyid can ni tshor ba la nan tan byed do/ /tshor ba la nan tan byed pa'i dbang gis sdug bsngal rnam pa sna tshogs myong bar 'gyur ro/ /de bzhin gshegs pa rnams ni bdag gir 'dzin pa yongs su bcad cing tshor ba mi mnga' bas mya ngan las 'das pa zhes bya ba dang / 'dus byas kyi chos thams cad ni bgrang zhing dpag tu yod la/ 'dus ma byas kyi chos ni bgrang zhing dpag pa thams cad dang bral ba </font><hr>233a<br><font size=+1>


@#/ /ste sangs rgyas kyis 'dus byas kyi chos spangs shing 'dus ma byas kyi chos mngon du mdzad de/ bgrang ba dang / dpag pa mi mnga' bas de'i phyir mya ngan las 'das pa zhes bya ba dang / de bzhin gshegs pas sems can dang / chos kyi rang bzhin kun stong pa dang / stong pa de las gzhan pa'ang yod pa ma yin pa dang / stong pa'i rang bzhin de nyid yang dag pa'i chos kyi sku yin pas de'i phyir de la mya ngan las 'das pa zhes bya ste/ rigs kyi bu/ chos bcu po de dag gis ni mya ngan las 'das pa zhes bya'o/ /gzhan yang / rigs kyi bu/ de bzhin gshegs pa mya ngan las mi 'da' ba de 'ba' zhig ngo mtshar che ba ma yin gyi/ gzhan yang ngo mtshar du bya ba'i chos rnam pa bcu yod pa de ni de bzhin gshegs pa rnams kyi spyod pa'o/ /bcu gang zhe na/ 'di lta ste/ 'khor ba ni skyon dang ldan pa mya ngan las 'das pa ni zhi zhing dben pa yin na 'khor ba dang / mya ngan las 'das pa de gnyis mnyam par mkhyen pas 'khor ba la'ang mi gnas/ mya ngan las 'das pa la'ang mi bzhugs shing gang sems can rnams kyi don la mi skyo ba de ni de bzhin gshegs pa rnams kyi spyod pa'o/ /de bzhin gshegs pas byis pa so so'i skye bo phyin ci log tu spyod pa dang / nyon mongs </font><hr>233b<br><font size=+1>


ba sna tshogs kyis glags par gzigs kyang 'di dag rnam par grol bar bya'o snyam du mi dgongs mod kyi/ sngon gyi thugs rje dang / dge ba'i rtsa ba'i mthus sems can 'di dag so so'i dbang po dang / rang bzhin dang / bsam pa ci la mos pa rtog pa mi mnga' bar lhun gyis grub pa'i tshul gyis phyi ma'i mthar thug pa med par phan 'dogs shing ston pa de ni de bzhin gshegs pa rnams kyi spyod pa'o/ /de bzhin gshegs pas sems can rnams la gsung rab yan lag bcu gnyis rgyas par bstan pas phan gdags so snyam du mi dgongs mod kyi/ sngon gyi thugs rje dang / dge ba'i rtsa ba'i mthus sems can 'di dag la phyi ma'i mthar thug pa med par chos rgyas par ston pa de ni de bzhin gshegs pa 
 kyi spyod pa'o/ /de bzhin gshegs pa grong dang / grong khyer dang / grong 'dab tu gshegs shing rgyal po dang / blon po dang / bram ze dang / rgyal rigs dang / rje'u rigs dang / dmangs rigs la sogs pa'i khyim du bsod snyoms blang ngo snyam du mi dgongs mod kyi/ sngon gyi sku dang / gsung dang / thugs kyi spyod pa la goms pa'i mthus lhun gyis grub par bsod snyoms la gshegs shing phan pa'i don mdzad pa de ni de bzhin gshegs pa rnams kyi spyod pa'o/ /de bzhin gshegs pa'i sku la sbrebs pa dang / skyems pa'ang </font><hr>234a<br><font size=+1>


@#/ /mi mnga'/ bshang gci dang / sku nyam chung ba'ang mi mnga' bar bsod snyoms len par snang yang de la gsol ba'ang med/ de'i rnam par rtog pa'ang mi mnga' mod kyi/ sems can la phan gdags pa'i phyir bsod snyoms gsol bar yang snang ba de ni de bzhin gshegs pa'i spyod pa lhun gyis grub pa'o/ /gang de bzhin gshegs pas sems can 'di dag gi dbang po rab dang / 'bring dang / tha ma ji lta ba bzhin du chos bstan to snyam du mi dgongs mod kyi/ sangs rgyas bcom ldan 'das kyis so so'i dbang po dang / snod ji lta ba yin pa rtog pa mi mnga' ba rab tu mkhyen cing de dag la chos ston pa de ni de bzhin gshegs pa rnams kyi spyod pa'o/ /de bzhin gshegs pas sems can 'di dag ni gus pa med pa rtag tu tshig rtsub pos ngan du smra ba yin pas 'di dag dang lhan cig mi smra'o/ /sems can 'di dag ni nga la rtag tu gus par byed pa bstod cing snyan par smra ba yin pas 'di dag dang lhan cig smra bar bya'o zhes de bzhin gshegs pa mi dgongs te/ byams pa dang / thugs rjes mnyam par dgongs shing gnyis su med pa de ni de bzhin gshegs pa rnams kyi spyod pa'o/ /sangs rgyas bcom ldan 'das rnams la byams sdang dang / nga rgyal dang / 'dod pa dang / </font><hr>234b<br><font size=+1>


ser sna la sogs pa'i nyon mongs pa mi mnga' mod kyi/ de bzhin gshegs pa ni rtag par dben pa la dgyes shing 'du 'dzi thams cad spangs te 'dod pa chung ba la bsngags pa mdzad pa de ni de bzhin gshegs pa rnams kyi spyod pa'o/ /de bzhin gshegs pa ni chos 'ga' tsam yang mi mkhyen pa 'am/ thugs su ma chud pa mi mnga' ba dang / gnas 
 cad du me long lta bu'i ye shes mngon du gyur pas rnam par mi rtog mod kyi/ de bzhin gshegs pas sems can 'di dag gi las dang / spyod pa la gzigs nas de dag gi bsam pa dang mthun par sbyor bas thabs kyis 'dren cing 'khor ba las sgrol ba de ni de bzhin gshegs pa rnams kyi spyod pa'o/ /de bzhin gshegs pas sems can gang dag phyug cing dar ba gzigs na'ang dgyes pa mi skye/ rgud pa dang / dma' ba gzigs na'ang thugs ngan mi mdzad mod kyi/ de bzhin gshegs pa sems can de dag yang dag pa'i spyod pa sgrub pa gzigs nas thogs pa med pa'i thugs rje chen pos skyob bar mdzad do/ /sems can la la log par spyod pa gzigs na'ang chags pa med pa'i thugs rje chen pos skyob cing 'dzin pa de ni de bzhin gshegs pa rnams kyi spyod pa'o/ /rigs kyi bu/ 'di ni de bzhin gshegs pa dgra bcom pa yang dag par rdzogs pa'i sangs rgyas rnams </font><hr>235a<br><font size=+1>


@#/ /kyi yang dag pa'i spyod pa mtha' med par bstan pa dang / mya ngan las 'das pa yang dag pa'i bden pa'i mtshan nyid du shes par gyis shig /skabs gzhan dag tu mya ngan las 'da' ba dang / ring bsrel 'jig rten du bzhag ces bya ba de ni thabs mkhas pa bstan pa ste/ sems can rnams kyis mchod pa dang / rim gro byed pa de dag kyang de bzhin gshegs pa'i thugs rje dang / dge ba'i rtsa ba'i mthu yin par blta bar bya'o/ /de la gang zhig mchod pa dang / rim gro byed pa de ni ma 'ongs pa'i dus na mi khom pa brgyad yongs su spangs te de bzhin gshegs pa rnams dang phrad cing dge ba'i bshes gnyen dang ldan pa dang / byang chub kyi sems mi gtong ba dang / bsod nams dpag tu med pa 'phel ba dang / 'khor ba las myur du 'da' zhing 'khor ba'i 'ching bas glags par mi 'gyur ba'i spyod pa dam pa 'di yin pas khyod kyis nan tan du bsgrub cing g.yel ba med par bya'o/ /de nas byang chub sems dpa' mdzes pa'i tog gis bcom ldan 'das mya ngan las mi 'da' ba'i don dang / bzod pa zab mo bstan pa bcom ldan 'das la mngon du thos nas thal mo sbyar ba btud de 'di skad ces gsol to/ /deng gzod bdag gis de bzhin gshegs pa ston pa chen po mya ngan las mi </font><hr>235b<br><font size=+1>


'da' ba dang / ring bsrel 'jig rten du bzhug cing sems can rnams la phan pa rgya cher mdzad pa 'di 'tshal bar gyur nas lus dang / sems dga' zhing rangs pa ngo mtshar du gyur to| |de bzhin gshegs pa'i sku tshe'i tshad 'di bstan pa na grangs med dpag tu med cing mtha' yas pa'i sems can de dag thams cad bla na med pa yang dag par rdzogs pa'i byang chub tu sems skyes so/ /de bzhin gshegs pa de dag kyang mi snang bar gyur nas byang chub sems dpa' mdzes pa'i tog kyang stan las langs nas bcom ldan 'das kyi zhabs la phyag btsal te slar yang rang gi gnas de nyid du 'dug go /gser 'od dam pa mdo sde'i dbang po'i rgyal po las/ de bzhin gshegs pa'i sku tshe'i tshad bstan pa zhes bya ba'i le'u ste gnyis pa'o// //de nas byang chub sems dpa' sems dpa' chen po nam mkha'i snying po 'khor 'dus pa de'i nang nas stan las langs te bla gos phrag pa gcig tu gzar nas pus mo g.yas pa'i lha nga sa la btsugs te thal mo sbyar nas bcom ldan 'das kyi zhabs la phyag btsal te gser dang / rin po che'i me tog dang / rin po che'i rgyal mtshan dang / gdugs dam pas mchod pa byas nas bcom ldan 'das la 'di skad ces gsol to/ /byang chub sems dpa' sems dpa' chen po de bzhin </font><hr>236a<br><font size=+1>


@#/ /gshegs pa rnams kyi dgongs pa shin tu zab pa de tshul bzhin ji ltar bsgrub par bgyi zhes gsol pa dang / bcom ldan 'das kyis bka' stsal pa| rigs kyi bu/ legs par rab tu nyon la yid la zungs shig dang / khyod la de'i don rnam par phye ste bstan par bya'o/ /rigs kyi bu/ de bzhin gshegs pa thams cad la sku rnam pa gsum mnga' ste/ gsum gang zhe na/ sprul pa'i sku dang / longs spyod rdzogs pa'i sku dang / chos kyi sku'o/ /'di lta bu'i sku gsum lhun gyis grub pas bla na med pa yang dag par rdzogs pa'i byang chub 'dzin te/ gang gis de mngon du gyur pa rnams 'khor ba las 'byung bar byed do/ /de la ji ltar na byang chub sems dpas sprul pa'i sku shes par bya zhe na/ rigs kyi bu/ de ni de bzhin gshegs pa sngon sa rnam par sbyong ba'i dus na skye bo thams cad kyi phyir chos rnam pa sna tshogs sgrub bo/ / de ltar spyod pa sbyangs pas rnal 'byor gyi mthar phyin pa yin no/ /rnal 'byor de'i stobs kyis dbang chen po thob bo/ /dbang chen po'i mthus skye bo'i bsam pa ji lta ba dang / spyod pa ji lta ba dang / khams ji lta ba bzhin du thams cad mngon du gyur nas dus la mi gzhes/ dus la mi 'da'/ gnas dang mthun pa/ dus dang </font><hr>236b<br><font size=+1>


mthun pa/ spyod pa dang mthun pa/ chos bshad pa dang yang mthun par sku rnam pa sna tshogs ston pa de ni sprul pa'i sku zhes bya'o/ /rigs kyi bu/ ji ltar na byang chub sems dpas longs spyod rdzogs pa'i sku shes par bya zhe na/ de bzhin gshegs pa thams cad kyis byang chub sems dpa' rnams la thogs pa med par thob par bya ba'i phyir don dam pa'i bden pa ston te 'khor ba dang / mya ngan las 'das pa ro gcig pa nyid du shes par bya ba dang / 'jig tshogs la lta ba bsal nas sems can 'jigs par gyur pa 
 dga' bar bya ba dang / sangs rgyas kyi chos rnams mtha' yas pa'i rgyur gyur pas bden pa nyid dang / de bzhin nyid dang / de bzhin nyid kyi ye shes dang mthun par sngon gyi smon lam gyi mthus sku de ston par 'gyur te mtshan sum cu rtsa gnyis dang / dpe byad bzang po brgyad cus brgyan pa/ 'od sku la 'khor ba grub pa de ni longs spyod rdzogs pa'i sku zhes bya'o| |rigs kyi bu/ de la ji ltar na byang chub sems dpa' sems dpa' chen pos chos kyi sku shes par bya zhe na/ nyon mongs pa'i sgrib pa thams cad dang bral ba/ dge ba'i chos thams cad rdzogs pa'i phyir de kho na nyid dang / yang dag pa'i ye shes nyid tsam du gnas pa de ni chos kyi sku zhes bya'o/ /sku snga ma de gnyis ni btags pa tsam mo/ / </font><hr>237a<br><font size=+1>


@#/ /chos kyi sku ni mang dag pa ste sku de gnyis kyi gzhi byed do/ /de ci'i phyir zhe na/ chos kyi sku de bzhin nyid dang / rnam par mi rtog pa'i ye shes las gud na sangs rgyas kyi chos gang yang med pa'i phyir ro/ /de bzhin gshegs pa rnams ni ye shes phun sum tshogs pa/ nyon mongs pa thams cad spangs pa'i mthar phyin pa ste| sangs rgyas kyi sa rnam par dag pa brnyes pa'i phyir chos kyi de kho na nyid dang / yang dag pa'i ye shes kyis sangs rgyas kyi chos rnams yongs su 'dzin to/ /gzhan yang / rigs kyi bu/ sangs rgyas thams cad ni bdag dang / gzhan gyi don gyi mthar phyin pa ste de la chos kyi de bzhin nyid kyis ni bdag gi don mdzad/ de bzhin nyid kyi ye shes kyis ni gzhan gyi don mdzad do/ /bdag dang / gzhan la phan pa'i don mdzad pa la dbang brnyes pa'i phyir mdzad \?\ pa mtha' yas pa sna tshogs lhun gyis grub bo/ /de bas na sangs rgyas thams cad kyi chos dpag tu med pa mtha' yas pa rnam pa mang po khyad par du bstan to/ /rigs kyi bu/ dper na/ rnam par rtog pa'i sems la brten nas nyon mongs pa rnam pa mang po dang / las rnam pa mang po dang / 'bras bu rnam pa mang po ston pa de bzhin du chos kyi chos nyid dang / de bzhin nyid kyi ye shes </font><hr>237b<br><font size=+1>


la brten nas/ sangs rgyas kyi chos rnam pa sna tshogs dang / rang sangs rgyas kyi chos rnam pa sna tshogs dang / nyan thos kyi chos rnam pa sna tshogs mang po ston to/ /chos kyi de bzhin nyid dang / de bzhin nyid kyi ye shes la brten nas sangs rgyas thams cad kyi chos la dbang phun sum tshogs pa brnyes pa de ni dam pa dpag par dka' ba yin no/ /dper na/ nam mkha' la ri mo bris te rgyan du byas pa de ni dpag par dka' ba yin no/ /de bzhin du yang dag pa'i chos dang / yang dag pa'i ye shes la brten nas sangs rgyas kyi chos rnams bsgrub pa'ang dpag par dka' ba yin no/ /rigs kyi bu/ ji ltar na chos kyi de bzhin nyid dang / de bzhin nyid kyi ye shes rnam par rtog pa mi mnga' zhing / phrin las la mnga' brnyes pa yin zhe na/ rigs kyi bu/ dper na/ de bzhin gshegs pa mya ngan las 'das kyang smon lam la mnga' brnyes pas phrin las kyi rnam pa thams cad kyang mdzad de de bzhin nyid dang / de bzhin nyid kyi ye shes kyis don thams cad grub par mnga' mdzad pa'ang de bzhin no/ /gzhan yang / byang chub sems dpa' sems dpa' chen po ting nge 'dzin du snyoms par zhugs pa las sngon gyi smon lam gyi dbang gis bsam gtan de las bzhengs te don dang / phrin las thams cad mdzad </font><hr>238a<br><font size=+1>


@#/ /pa ltar chos rnam pa gnyis kyang rnam par rtog pa med par don thams cad mdzad pa la mnga' brnyes pa'o/ /rigs kyi bu/ dper na/ nyi ma dang / zla ba la'ang rnam par rtog pa med/ chu dang / me long la'ang rnam par rtog pa med/ snang ba la'ang rnam par rtog pa med mod kyi/ gsum 'dus pa las gzugs brnyan 'byung ngo / /de bzhin du chos kyi de bzhin nyid dang / de bzhin nyid kyi ye shes la'ang rnam pa rtog pa med mod kyi/ smon lam gyi dbang gis sems can skal ba can dag la longs spyod rdzogs pa'i sku dang / sprul pa'i sku'ang nyi zla'i gzugs brnyan bzhin rgyu dang / rkyen 'dus pa la byung ngo / /rigs kyi bu/ gzhan yang / dper na/ tshad med grangs med pa'i chu dang / me long dag ni snang ba la brten nas stong pa'i gzugs brnyan mtshan nyid tha dad pa dag snang ngo / /stong pa zhes bya ba ni mtshan nyid med pa'o/ /rigs kyi bu| de bzhin du longs spyod rdzogs pa'i sku dang / sprul pa'i sku ni 'khor rnams la chos kyi sku'i gzugs brnyan ston par smon lam gyi dbang gis sku de gnyis snang ste mtshan sna tshogs su snang na'ang chos kyi sku'i mtshan nyid tha dad pa med do/ /rigs kyi bu/ sku de gnyis la gnas te sangs rgyas bcom ldan 'das rnams phung </font><hr>238b<br><font size=+1>


po'i lhag ma dang bcas pa'i mya ngan las 'das pa zhes gsung ngo / /chos kyi sku las dgongs te phung po'i lhag ma med pa'i mya ngan las 'das pa zhes gsungs so/ /de ci'i phyir zhe na| der ni chos thams cad zad pa'i mthar gyur pa'i phyir sku 'di gsum la brten nas sangs rgyas bcom ldan 'das rnams mi gnas pa'i mya ngan las 'das pa la gnas pa zhes bshad do/ /sku gnyis po ni mya ngan las 'das pa zhes mi gsung ste chos kyi sku las gzhan pa'i sangs rgyas med pa'i phyir ro/ /ci'i phyir sku gnyis po la mya ngan las 'das pa zhes mi bya zhe na/ sku de gnyis ni yang dag pa ma yin pa btags pa tsam pas skad cig tu skye zhing 'gag pa rtag par mi gnas pa dang / yang dang yang du 'byung bas ma nges pa ltar chos kyi sku ni de lta ma yin no/ /bam po gnyis pa// //de'i phyir sku de gnyis ni mya ngan las 'das pa zhes mi bya'o/ /chos kyi sku'ang de dang mi gnyis pa'i phyir mya ngan las 'das pa la gnas pa ma yin bas sku de gsum las brten te mi gnas pa'i phyir mya ngan las 'das pa zhes gsung ngo / /rigs kyi bu/ de la byis pa so so'i skye bo rnams ni mtshan nyid gsum gyi phyir 'ching pa dang / sgrib pa yod pas sku gsum las ring du gyur to/ /gsum gang zhe na/ kun brtags pa'i mtshan nyid dang / gzhan gyi </font><hr>239a<br><font size=+1>


@#/ /dbang gi mtshan nyid dang / yongs su grub pa'i mtshan nyid do/ /mtshan nyid de rnams shes pa dang / 'gog pa dang / dag par ma gyur pa de'i phyir sku gsum ma thob bo/ /de lta bu'i mtshan nyid gsum shes pa dang / 'gog pa dang / rnam par byang bar gyur pas sangs rgyas bcom ldan 'das rnams sku gsum yongs su rdzogs par gyur to/ /rigs kyi bu/ byis pa so so'i skye bo rnams kyis rnam par shes pa gsum ma spangs pa'i phyir sku gsum las ring du gyur to/ /gsum gang zhe na| dngos po la 'jug pa'i rnam par shes pa dang / kun gzhi la gnas pa'i yid dang / kun gzhi'i rnam par shes pa'o/ /lam sbyong ba dag la gnas pas 'jug pa'i rnam par shes pa sbyong ngo / /gcod pa'i lam la gnas pas kun gzhi la gnas pa'i yid sbyong ngo / /mchog tu rgyal ba'i lam la gnas pas kun gzhi'i rnam par shes pa sbyangs so/ /'jug pa'i rnam par shes pa sbyangs na sprul pa'i sku mngon du 'gyur ro/ /kun gzhi la gnas pa'i yid sbyangs pas longs spyod rdzogs pa'i sku ston to/ /kun gzhi'i rnam par shes pa sbyangs pas ni chos kyi sku 'thob ste de ltar na de bzhin gshegs pa thams cad sku gsum lhun gyis grub pa zhes bya'o/ / </font><hr>239b<br><font size=+1>


rigs kyi bu/ sangs rgyas thams cad kyi sprul pa'i sku ni sangs rgyas thams cad dang spyod pa mthun pa'o/ /longs spyod rdzogs pa'i sku ni sangs rgyas thams cad dang dgongs ba mthun pa'o/ /chos kyi sku ni sangs rgyas thams cad dang sku mthun pa'o/ /rigs kyi bu/ sangs rgyas kyi sprul pa'i sku ni so so'i skye bo'i yid dang mthun par rnam pa mang pos mtshan ma sna tshogs ston pa'i phyir mang po zhes bya'o/ /longs spyod rdzogs pa'i sku ni 'khor rnams kyi bsam pa gcig pas mtshan nyid gcig pa'i phyir mtshan nyid gcig ces bya'o/ /chos kyi sku ni mtshan ma sna tshogs las yang dag par 'das pa mtshan mar bzung ba'i spyod yul ma yin pa ste de bas na gcig pa'ang ma yin/ tha dad pa'ang ma yin pa zhes bya'o/ /rigs kyi bu/ sprul pa'i sku ni longs spyod rdzogs pa'i sku la brten te mngon par snang ngo / /longs spyod rdzogs pa'i sku ni chos kyi sku la brten te mngon par snang ngo / /chos kyi sku ni yang dag pa ste ci la'ang mi gnas pa'o/ /rigs kyi bu/ sku de gsum ni rtag par bshad pa'i rnam grangs kyang yod/ mi rtag par bshad pa'i rnam grangs kyang yod do/ /sprul pa'i sku ni thabs mkhas pas gnas thams cad du dmigs pa ji lta ba bzhin du rgyun mi 'chad par chos kyi 'khor lo bskor ba'i </font><hr>240a<br><font size=+1>


@#/ /phyir rtag pa zhes bya'o/ /de gzhir ma gyur pas mdzad pa chen po phun sum tshogs pa mngon du mi ston pa'i phyir mi rtag pa zhes bya'o/ /longs spyod rdzogs pa'i sku ni thog ma med pa'i dus nas rgyun mi 'chad cing sangs rgyas thams cad kyi chos ma 'dres pas yongs su 'dzin cing sdud pa'i phyir sems can zad pa med pas spyod pa'ang mi zad de de'i phyir rtag pa zhes bya'o/ /de'ang gzhir ma gyur pa'i phyir mdzad pa chen po phun sum tshogs pa mngon du mi ston par mi rtag pa zhes bya'o| |chos kyi sku ni 'du byed kyi chos ma yin pa mtshan ma tha dad pa med pa rtsa ba dang / gzhir gyur pa'i phyir nam mkha' ji lta ba bzhin pas de ni rtag pa zhes bya'o| |rigs kyi bu/ rnam par mi rtog pa'i ye shes las gud na 'phags pa'i ye shes med do/ /de bzhin nyid kyi chos nyid las kyang lhag pa'i spyod yul med do| |de ni chos kyi de bzhin nyid dang / ye shes kyi de bzhin nyid dang / de bzhin nyid de gnyis kyi de bzhin nyid ni gcig pa'ang ma yin tha dad pa'ang ma yin pas de'i phyir chos kyi sku ni ye shes rnam par dag pa dang / spangs pa rnam par dag pa gnyis kyi phyir chos kyi sku ni rnam par dag pa phun sum tshogs pa zhes bya'o/ /rigs </font><hr>240b<br><font size=+1>


kyi bu| gzhan yang / sku 'di gsum dbye ba la'ang rnam pa bzhi ste/ sprul pa'i sku yin la longs spyod rdzogs pa'i sku ma yin pa'ang yod/ longs spyod rdzogs pa'i sku yin la sprul pa'i sku ma yin pa'ang yod/ sprul pa'i sku yin la longs spyod rdzogs pa'i sku yin pa'ang yod/ /sprul pa'i sku'ang ma yin la longs spyod rdzogs pa'i sku'ang ma yin pa'o/ /sprul pa'i sku yin la longs spyod rdzogs pa'i sku ma yin pa gang zhe na/ de bzhin gshegs pa rnams mya ngan las 'das su zin kyang smon lam gyi dbang gis skal pa ji lta ba bzhin phan 'dogs pa ni sprul pa'i sku zhes bya'o/ /longs spyod rdzogs pa'i sku yin la sprul pa'i sku ma yin pa gang zhe na/ sa'i snga rol pa'i sku'o/ /sprul pa'i sku'ang yin la longs spyod rdzogs pa'i sku'ang yin pa de gang zhe na/ lhag ma dang bcas pa'i mya ngan las 'das pa'i sku'o/ /sprul pa'i sku'ang ma yin la longs spyod rdzogs pa'i sku'ang ma yin pa de ni chos kyi sku'o/ /rigs kyi bu/ chos kyi sku de ni chos gnyis su med pa mngon du gyur pa'o/ /gnyis gang zhe na/ chos kyi sku de la mtshan nyid dang / mtshan nyid kyi gzhi gnyi ga med pa ste yod pa'ang ma yin/ med pa'ang ma yin/ gcig pa'ang ma yin/ tha dad pa'ang ma yin/ bgrang ba'ang ma </font><hr>241a<br><font size=+1>


@#/ /yin| bgrang bar mi bya ba'ang ma yin/ snang ba'ang ma yin/ mun pa'ang ma yin pa ste de lta bu'i de bzhin nyid kyi ye shes la mtshan nyid dang / mtshan nyid kyi gzhir yang mi dmigs/ yod pa dang / med par yang mi dmigs/ gcig pa dang tha dad par yang mi dmigs/ bgrang bar yang mi dmigs bgrang bar mi bya bar yang mi dmigs/ /snang ba dang / mun par yang mi dmigs pa ste 'di ltar spyod yul rnam par dag pa dang / ye shes rnam par dag pa de dbyer med pa| bar mtshams med pa/ 'gog pa dang lam gyi gzhir gyur pa ste de'i phyir na chos kyi sku de ni de bzhin gshegs pa'i mdzad pa sna tshogs mngon du gyur pa'o/ /rigs kyi bu| sku 'di ni rgyu dang / rkyen dang / spyod yul dang / gnas dang / 'bras bu dag gzhi nyid la brten pa bsam gyis mi khyab pa ste don de mngon par shes na sku de nyid theg pa chen po'o/ /de nyid de bzhin gshegs pa'i ngo bo nyid do/ /de bzhin gshegs pa'i snying po ste sku de la brten nas sems dang po bskyed pa dang / sa yongs su sbyong ba'i sems mngon par 'byung ste sa las phyir mi ldog pa'i sems kyang mngon du 'gyur ba dang / skye ba gcig gis thogs pa la gnas pa'i sems dang </font><hr>241b<br><font size=+1>


rdo rje lta bu'i ting nge 'dzin dang / de bzhin gshegs pa'i dgongs pa'ang mngon par 'byung / de bzhin gshegs pa'i dam pa'i chos tshad med grangs med pa thams cad kyang mngon du 'byung bar 'gyur ro/ /chos kyi sku la brten nas bsam gyis mi khyab pa'i ting nge 'dzin chen po'ang mngon du 'byung bar 'gyur ro/ /chos kyi sku 'di la brten nas ye shes chen po thams cad kyang snang bar 'gyur ro/ /de lta bas na sku gnyis ni ting nge 'dzin dang / ye shes la brten nas 'byung bar 'gyur ro/ /chos kyi sku 'di ni rang gi ngo bo nyid la brten nas rtag pa zhes bya'o/ /bdag ces bya'o/ /ting nge 'dzin chen po la brten pas na bde ba zhes bya'o/ /ye shes chen po la brten pas na rnam par dag pa zhes bya ste de'i phyir de bzhin gshegs pa rtag par bde ba dang / rnam par dag pa la mnga' brnyes shing bzhugs pa'o/ /ting nge 'dzin chen po la brten nas dpa' bar 'gro ba'i ting nge 'dzin la sogs pa'i ting nge 'dzin thams cad dang / chos dran pa nye bar gzhag pa la sogs pa dran pa nye bar gzhag pa thams cad dang / byams pa chen po dang / snying rje chen po dang / gzungs thams cad dang / mngon par shes pa thams cad dang / dbang thams cad dang / mnyam pa nyid </font><hr>242a<br><font size=+1>


@#/ /kyi chos thams cad 'dzin pa la sogs pa sangs rgyas kyi chos thams cad mngon par 'byung ngo / /ye shes chen po la brten pas ni stobs bcu dang / mi 'jigs pa bzhi dang / so sor yang dag par rig pa bzhi la sogs pa ma 'dres pa'i chos brgya brgyad cu dang / rmad du byung ba'i chos thams cad dang / bsam gyis mi khyab pa'i chos thams cad mngon du 'gyur ro/ /'di lta ste/ dper na/ yid bzhin gyi nor bu rin po che las brten nas rin po che rnam pa sna tshogs tshad med grangs med pa thams cad snang bar 'gyur ro/ /de bzhin du ting nge 'dzin chen po'i rin po che dang / ye shes chen po'i rin po che la brten nas sangs rgyas thams cad kyi dam pa'i chos rnam pa sna tshogs grangs med tshad med pa mngon du 'byung bar 'gyur ro/ /rigs kyi bu/ de ltar na chos kyi sku dang / ting nge 'dzin dang / ye shes ni mtshan ma thams cad las yang dag par 'das pa/ mtshan mas mi gos pa/ rnam par mi rtog pa/ rtag pa'ang ma yin/ chad pa'ang ma yin pa ste de ni dbu ma'i lam sgrub pa zhes bya'o/ /rnam par rtog pa yod par snang yang ngo bo nyid la ni rnam par rtog pa'ang med/ gsum du bgrang ba'ang yod mod kyi/ dngos po gsum </font><hr>242b<br><font size=+1>


du'ang med do/ /'phel ba dang / 'grib pa med pa de ni rmi lam dang / sgyu ma lta bu ste gzung ba'ang med 'dzin pa'ang med do/ /chos kyi ngo bo'i de bzhin nyid ni rnam par grol ba'i gnas te 'chi bdag gi spyod yul las yang dag par 'das pa/ 'khor ba'i mun pa las mngon du rgal ba/ skye bo thams cad kyis bsgrub par mi nus pa/ mthar phyin par mi nus pa/ sangs rgyas dang / byang chub sems dpa' thams cad kyis bzhugs par bya ba'i gnas so/ /rigs kyi bu/ dper na/ gang la la zhig gser 'dod de gnas kun tu btsal ba las gser gyi sbram bu rnyed nas sbram bu de zhib tu btags te snying po bzhu zhing sbyangs nas rnam par byang bar gyur pa dang / gser de gdu bu la sogs pa rgyan rnam pa sna tshogs yid bzhin du bsgyur te spyad kyang gser gyi rang bzhin nyid ni mi 'gyur ro/ /rigs kyi bu/ gzhan yang / rigs kyi bu'am/ rigs kyi bu mo gang 'jig rten gyi dge ba spyod par mos pa des de bzhin gshegs pa'am/ de bzhin gshegs pa'i 'khor de dag mthong ste nye bar bsnyen nas de la 'di skad ces gsol to/ /bcom ldan 'das/ dge ba ni gang / mi dge ba ni gang / yang dag pa'i bsgrub pa gang bgyis pas rnam par dag pa'i spyod pa thob par 'gyur/ sangs rgyas </font><hr>243a<br><font size=+1>


@#/ /bcom ldan 'das rnams dang / de'i 'khor dag gis 'di skad ces 'dri ba la 'di snyam du dgongs te/ rigs kyi bu dang / rigs kyi bu mo 'di dag ni dam pa'i chos nyan par mos pa dang / rnam par byang bar 'dod pa ste/ 'di dag la yang dag pa'i chos bstan te snyam mo/ /de thos nas kyang tshul bzhin yid la bya ste nan tan gyis bsam pa skyes shing brtson par gyur pa'i mthus/ le lo'i sgrib pa dang / sdig pa mi dge ba'i chos thams cad bsal te/ bslab pa'i gnas thams cad la rab tu gus par gnas shing sems bying ba dang / rgod pa bsal te sa dang po la 'jug go/ /sa dang po'i sems la brten nas sems can mang po'i don la brtson pa'i sgrib pa spangs pas sa gnyis pa la 'jug go /sa de las nyon mongs pa'i sgrib pa spangs nas sa gsum pa la 'jug go/ /sa de las sems rnam par sbyong ba la sgrib pa spangs nas sa bzhi pa la 'jug go/ /sa de las thabs mkhas pa'i sgrib pa spangs nas sa lnga pa la 'jug go/ /sa de las don dam pa dang / kun rdzob du dmigs pa'i sgrib pa spangs nas sa drug pa la 'jug go/ /sa de las mtshan ma dang / spyod pa la dmigs pa'i sgrib pa spangs nas sa bdun pa la 'jug go / </font><hr>243b<br><font size=+1>


sa de las mtshan mo 'gog par yang mi dmigs pa'i sgrib pa spangs nas sa brgyad pa la 'jug go /sa de las mtshan mang \?\ skye bar mi dmigs pa'i sgrib pa spangs nas sa dgu pa la 'jug go/ /sa de las drug pa mngon par shes pa'i sgrib pa spangs nas sa bcu pa la 'jug go/ /sa de las shes bya'i sgrib pa dang / kun gzhi'i rnam par shes pa spangs nas de bzhin gshegs pa'i sa la 'jug go /de bzhin gshegs pa'i sa ni rnam par dag pa gsum gyi phyir rab tu rnam par dag pa zhes bya'o/ /gsum gang zhe na| 'di lta ste/ nyon mongs pa rnam par dag pa dang / sdug bsngal rnam par dag pa dang / mtshan ma rnam par dag pa ste ji ltar gser bzang po bzhu zhing btul te sbyangs pa la rdul dang / dri mas phyir mi gos shing rang bzhin rnam par dag pa'i gser nyid du snang ste gser gyi dngos po rnam par dag pa'ang med par gyur pa ma yin pa bzhin no| |dper na/ chu rnyog pa can dwangs te rnam par dwangs nas chu'i rang bzhin nyid gsal bar gyur pa yin gyi/ chu de nyid med par gyur pa'ang ma yin no/ /de bzhin du chos kyi sku'ang nyon mongs pa dang / sdug bsngal sna tshogs 'dus pa spangs nas bag chags ma lus par bsal te sangs rgyas kyi ngo bo nyid rnam par dag pa nyid snang </font><hr>244a<br><font size=+1>


@#/ /bar gyur pa yin gyi/ dngos po med par gyur pa nyid ni ma yin no/ /yang dper na/ nam mkha' la du ba dang / sprin dang / rdul dang / na bun gyis bsgribs pa de med par gyur na nam mkha'i khams de rnam par dag par gyur pa yin gyi/ nam mkha' de nyid med par gyur pa ni ma yin no/ /de bzhin du chos kyi sku nyon mongs pa thams cad zad pa'i phyir rnam par dag pa zhes bya yi/ sku de nyid med par gyur pa ni ma yin no/ /gzhan yang / dper na/ 'ga' zhig gnyid log pa'i rmi lam na chu chen pos khyer nas/ lus dang / rkang lag bskyod de lus dang / sems 'bad pa dang bcas pas pha rol gyi 'gram du phyin pa rmi'o/ /rmi lam de las sad pa dang / chu dang / phan tshun gyi 'gram tha dad pa yod pa mthong ba med kyang / sems nyid med pa ni ma yin no/ /'khor bar rnam par rtog pa zad pa'ang blo rnam par dag pa ste sangs rgyas pa de med pa'ang ma yin no/ /de bzhin du chos kyi dbyings la rnam par rtog pa thams cad mi skye ba'i phyir rnam par dag pa zhes bya ste sangs rgyas rnams kyi yang dag pa'i sku ni med pa ma yin no/ /gzhan yang / rigs kyi bu/ chos kyi sku ni nyon mongs pa'i sgrib pa rnam par dag par longs spyod rdzogs pa'i </font><hr>244b<br><font size=+1>


sku snang bar 'gyur ro/ /las kyi sgrib pa rnam par dag pas sprul pa'i sku snang par 'gyur ro/ /ye shes kyi sgrib pa rnam par dag pas chos kyi sku snang bar 'gyur ro/ /dper na nam mkha' stong pa la brten nas glog 'byung / glog la brten te 'od snang ngo / /de bzhin du chos kyi sku la brten te longs spyod rdzogs pa'i skur snang ngo / /longs spyod rdzogs pa'i sku la brten te sprul pa'i sku snang ngo / /de la rang bzhin rnam par dag pa'i phyir chos kyi skur snang ngo / /ye shes rnam par dag pas longs spyod rdzogs pa'i skur snang ngo / / ting nge 'dzin rnam par dag pas sprul pa'i skur snang ngo / /de gsum rnam par dag pa ni chos kyi de bzhin nyid dang / gzhan ma yin pa'i de bzhin nyid dang / ro gcig pa'i de bzhin nyid dang / rnam par grol ba'i de bzhin nyid dang / mtha' klas pa'i de bzhin nyid kyi phyir sangs rgyas thams cad ni sku tha mi dad do/ /rigs kyi bu'am/ rigs kyi bu mo gang de bzhin gshegs pa ni bdag gi ston pa chen po'o zhes smra zhing mos pa de ni de bzhin gshegs pa'i sku gnyis su med par bsam pa thag pa nas shes pa yin no/ /rigs kyi bu/ de'i phyir spyod yul thams cad la yang dag pa ma yin pa'i rtog pa yongs su bsal bas chos de dag la mtshan nyid gnyis su med pa dang / </font><hr>245a<br><font size=+1>


@#/ /rnam par rtog pa med pa dang / 'phags pa rnams kyis bsgrub par bya ba de la ji lta ji ltar gnyis su med pa'i tshul gyis yang dag par bsgrubs pas de lta de ltar sgrib pa thams cad sbyong bar 'gyur ro/ /ji tsam du sgrib pa byang bar gyur pa de tsam du chos kyi de bzhin nyid dang / de bzhin nyid kyi ye shes rnam par dag pa mchog thob par 'gyur ro/ /ji tsam du chos kyi dbyings dang / de bzhin nyid dang / yang dag pa'i ye shes rnam par dag pa de bzhin du dbang phun sum tshogs pa thams cad kyang 'dzin cing yongs su rdzogs par 'gyur ro/ /sgrib pa thams cad kyang sbyong bar 'gyur ro/ /sgrib pa thams cad rnam par dag pa'i phyir de ni yang dag pa nyid dang / de bzhin nyid dang / yang dag pa'i ye shes dang / bden pa'i mtshan nyid du mthong ba de ni yang dag pa zhes bya/ 'phags pa'i gzigs pa zhes bya/ yang dag pa bden pa'i tshul du sangs rgyas mthong ba zhes bya'o/ /de ci'i phyir zhe na/ tshul bzhin du chos nyid mthong ba'i phyir sangs rgyas rnams kyis kyang de bzhin gshegs pa thams cad mngon du gzigs pa zhes bya'o/ /de ci'i phyir zhe na/ nyan thos dang / rang sangs rgyas ni khams gsum las mngon par 'byung zhing yang dag pa'i </font><hr>245b<br><font size=+1>


mtha' la gzhol bas 'phags pa'i gang zag de lta bus mthong bar mi nus so/ /de ma mthong bas byis pa so so'i skye bo rnams ni thams cad kyang phyin ci log gis bslad pa dang / log/ pa'i rnam par rtog pas shes par mi nus te/ dper na/ shin tu mthu chung ba'i ri bong gi rkyal gyis rgya mtsho mi rgal ba bzhin du byis pa so so'i skye bo'i shes pas chos kyi de bzhin nyid mngon par shes par mi nus so/ /'on kyang de bzhin gshegs pa rnam par rtog pa med bar chos thams cad la dbang chen po brnyes pa/ rnam par dag pa'i ye shes zab mo dang ldan pa rnams kyi rang gi spyod yul yin te/ gzhan dang thun mong du ma gyur pa'o/ /de'i phyir sangs rgyas bcom ldan 'das rnams ni bskal pa tshad med grangs med par sku dang srog mi phangs par dka' ba spyod pas shin tu mchog dam pa/ bla na med pa/ bsam gyis mi khyab pa/ tshig dang / brjod pa'i spyod yul las 'das pa/ shin tu zhi ba/ 'jigs pa thams cad dang bral ba'i sku de brnyes par gyur to/ /rigs kyi bu/ de lta bu'i chos kyi chos nyid shes shing mthong ba ni skye ba dang / rga ba dang / na ba dang / 'chi ba med par yun ring du 'tsho ba'o/ /gnyid kyis log pa dang / bkres pa dang / skom pa med par sems rtag par ting nge 'dzin du gnas te g.yo zhing spros pa med pa'o/ /gang zhig de bzhin gshegs </font><hr>246a<br><font size=+1>


@#/ /pa la spros pa dang bcas pa'i sems bskyed na des ni de bzhin gshegs pa mthong bar mi 'gyur ro/ /gang zhig de bzhin gshegs pa rnams kyis bshad pa 'di ni phan pa dang bcas pa ste sus mdo 'di thos pa des gcan gzan dang / yi dwags ma rungs pa dang / skye bo mi bgrungs pa rnams dang yang phrad par mi 'gyur ro// chos 'di thos pa'i 'bras bu rnam par smin pa'ang zad par mi 'gyur ro/ /de bzhin gshegs pa rnams ni lung du mi ston pa dang / yul thams cad la mkhyen par bzhed pa'i dgongs pa mi mnga'/ 'khor ba dang / mya ngan las 'das pa la dgongs pa tha dad pa mi mnga' 'o/ /de bzhin gshegs pa la ma brtags pa'i lung ston pa mi mnga' 'o// sangs rgyas bcom ldan 'das rnams ni spyod lam rnam pa bzhir ye shes kyis ma bzung ba med do/ /chos thams cad la thugs rjes ma zin pa med do/ /sems can thams cad la phan pa dang / bde bas ma bzung ba med do/ /rigs kyi bu'am/ rigs kyi bu mo gang la las gser 'od dam pa'i mdo sde 'di thos te mos na de sems can dmyal ba dang / dud 'gro dang / yi dwags dang / lha ma yin gyi gnas su nam yang mi ltung ngo / /rtag tu lha dang / mi'i gnas su skye ste dman par mi skye ba dang / rtag tu sangs </font><hr>246b<br><font size=+1>


rgyas bcom ldan 'das la bsnyen bkur byed cing / dam pa'i chos nyan cing 'dzin pa dang / sangs rgyas kyi zhing rnam par dag pa dag tu skye bar yang 'gyur te de ni chos shin tu zab mo 'di thos pa'i phyir ro/ /rigs kyi bu'am/ rigs kyi bu mo de dag ni de bzhin gshegs pas bla na med pa yang dag par rdzogs pa'i byang chub las phyir mi ldog par yang mkhyen cing lung yang ston to/ /gang rigs kyi bu'am/ rigs kyi bu mo la las shin tu zab mo dam pa'i chos 'di rna lam du lan cig thos na yang de ni de bzhin gshegs pa la dbang za bar mi 'gyur/ dam pa'i chos la mi dmod/ 'phags pa rnams la mi brnyas/ skye dgu thams cad kyi dge ba'i rtsa ba ma skyes pa ni skyes par byed/ dge ba'i rtsa ba skyes pa rnams ni 'phel ba dang / yongs su smin par byed cing / 'jig rten gyi khams na sems can ji snyed pa de dag pha rol tu phyin pa'i spyod pa stobs par byed do/ /de nas byang chub sems dpa' nam mkha'i snying po dang / brgya byin dang / tshangs pa dang / rgyal po chen po bzhi la sogs pa'i lha rnams stan las langs te bla gos phrag pa gcig tu byas te thal mo sbyar ba btud nas shin tu gus pa dang bcas pas bcom ldan 'das kyi zhabs la sbyi bos phyag btsal nas bcom ldan 'das la 'di skad ces gsol to/ /gser 'od dam pa mdo </font><hr>247a<br><font size=+1>


@#/ /sde'i dbang po'i rgyal po 'di 'chad pa'i gnas de dang / yul de dag tu phan pa'i yon tan 'di bzhi 'byung bar 'gyur ro/ /bzhi gang zhe na yul der rgyal po pha rol po'i dgra dang / dpung dar ba yis mi tshugs pa dang / nad thams cad bsal cing tshe ring ba dang / bkra shis shing bde bas yang dag pa'i chos ston par byed do/ /btsun mo dang / slas dang / sras dang / sras mo dang / blon po rnams kyang 'dum zhing rtsod pa med pa dang / gcam bu dang / sgyus 'tsho ba spangs pa'i rgyal pos gnang zhing bkur bar 'gyur ba dang / dge sbyong dang / bram ze la sogs pa dam pa'i chos spyod cing nad med pa dang / bde bas glo bur du 'chi ba med pa dang / bsod nams kyi tshogs thams cad sgrub cing yongs su 'dzin pa dang / gang dus thams cad du 'byung ba chen po bzhi mi 'phrod pa med pa dang / rtag par lha rnams kyis srung zhing skyob pa dang / byams pa dang / snying rje mnyam pas gnod pa med pa dang / 'tshe ba'i sems med pa dang / sems can rnams dkon mchog gsum la skyabs su 'gro zhing byang chub sems dpa'i spyod pa sgrub par smon lam 'debs so/ /bcom ldan 'das/ bdag cag kyang rtag tu mdo sde 'di rgyas par bgyi ba'i slad du mdo sde 'di su 'dzin pa'i </font><hr>247b<br><font size=+1>


gang zag de'i gnas su mchi zhing phan gdags par bgyi'o zhes gsol pa dang / bcom ldan 'das kyis legs so zhes bka' stsal te/ legs so/ /legs so/ /rigs kyi bu/ de ltar de bzhin du khyed kyis kyang mdo sde'i rgyal po dam pa 'di 'jig rten na yun ring du gnas par bya ba'i phyir spel ba dang / rgyas par bya ba la brtson par gyis shig /gser 'od dam pa mdo sde'i dbang po'i rgyal po las/ sku gsum rnam par dbye ba'i le'u ste gsum pa'o// //de nas byang chub sems dpa' mdzes pa'i tog gnyid log pa'i rmi lam na gser gyi rnga kun tu snang ba/ dper na/ nyi ma'i dkyil 'khor 'dra ba zhig mthong ngo / /phyogs thams cad na'ang sangs rgyas bcom ldan 'das grangs med dpag tu med pa dag rin po che'i shing drung na rin po che'i bai DUR+Ya'i khri rnams la bzhugs shing 'khor brgya stong du mas yongs su bskor te mdun gyis bltas nas chos ston pa mthong ngo / /de na'ang skyes bu bram ze'i gzugs lta bu zhig rnga de rdung ba mthong ste rnga'i sgra de las bstan pa'i tshigs su bcad pa 'di lta bu dag byung ba thos so/ /de nas byang chub sems dpa' mdzes pa'i tog sad ma thag tu bstan pa'i tshigs su bcad pa 'di dag rjes su dran no/ /rjes su dran nas kyang de'i mtshan mo zad pa dang / rgyal po'i khab kyi grong khyer chen po nas byung ste srog </font><hr>248a<br><font size=+1>


@#/ /chags stong prag du ma dang lhan cig tu bya rgod phung po'i ri ga la ba dang / bcom ldan 'das ga la ba der song ste phyin nas bcom ldan 'das kyi 
 la mgo bos phyag btsal te bcom ldan 'das la lan gsum bskor ba byas nas phyogs gcig tu 'dug go/ /phyogs gcig tu 'dug nas byang chub sems dpa' mdzes pa'i tog gis bcom ldan 'das ga la ba de logs su thal mo sbyar ba btud nas rmi lam na rnga'i sgra las tshigs su bcad pa gang dag thos pa de dag gsol to/ /nub cig g.yel ba med par yang / /bdag gi rmi lam rmis pa ni/ /mdzes pa'i rnga chen mthong ba ste/ /thams cad du ni gser gyi 'od/ /nyi ma ji lta bzhin du 'bar/ / kun tu rnam par lhang nge ste/ /phyogs bcu rnams su snang bar gyur/ /kun tu rin chen shing drung na/ /rin chen baiDUR+Ya dag gi /khri la sangs rgyas rnams bzhugs te/ /brgya stong phrag ni du ma yi/ /'khor dbus mdun gyis bltas pa mthong / /bram ze'i gzugs ni 'dra ba zhig/ /rnga chen rab tu brdung ba mthong / /de yis de la brdungs pa dang / /tshigs su bcad pa 'di dag byung / /gser 'od dam pa'i rnga chen sgra yis ni/ /stong gsum 'jig rten 'jig rten gsum 'di na/ /ngan song sdug bsngal gshin rje'i sdug bsngal </font><hr>248b<br><font size=+1>


dang| |dbul ba'i sdug bsngal sdug bsngal zhi bar shog /rnga bo che yi sgra skad 'di yis ni/ /'jig rten rmongs pa thams cad zhi gyur cig /ji ltar thub dbang 'jigs med 'jigs zhi ltar/ /sems can 'jigs med 'jigs dang bral bar shog /ji ltar 'khor bar kun mkhyen thub dbang po/ /'phags pa'i yon tan kun dang ldan pa ltar/ /skye dgu ting 'dzin byang chub yan lag gi /yon tan ldan zhing yon tan rgya mtshor gyur/ /rnga bo che yi sgra skad 'di yis ni/ /sems can thams cad tshangs pa'i sgra ldan gyur/ /sangs rgyas byang chub dam pa mchog reg shog /chos kyi 'khor lo dge ba bskor gyur cig /bskal pa bsam gyis mi khyab bzhugs par shog /'gro la phan phyir chos kyang ston gyur cig /nyon mongs 'joms gyur sdug bsngal sel bar shog /'dod chags zhe sdang gti mug zhi gyur cig /sems can gang dag ngan song sar gnas te/ /rus pa'i lus la me lce rab 'bar ba/ /de dag rnga chen bsgrags pa thos gyur cig /sdug bsngal thams cad rab tu zhi gyur nas/ /sangs rgyas phyag 'tshal lo zhes tshig thos shog /sems can kun gyi tshe rabs brgya dag dang / /tshe rabs stong phrag bye ba skye dran shog /thub pa'i dbang po rtag tu dran gyur cig /de dag gis ni rgya chen gsung thos shog /rnga bo che yi sgra skad 'di yis ni/ /sangs rgyas rnams dang rtag tu 'grogs rnyed gyur/ / </font><hr>249a<br><font size=+1>


@#/ /sdig pa'i las rnams rnam par spong bar shog /bya ba dge ba rnams ni spyod gyur cig /mi dang lha dang srog chags thams cad kyi/ /de dag bsam dang smon lam gang yin pa/ /rnga bo che yi sgra skad 'di yis ni/ /de dag rnams kyi re kun rdzogs gyur cig /sems can gang dag sems dmyal mi bzad skyes/ /lus la me lce kun tu rab tu 'bar/ /skyabs med mya ngan bcas shing yongs 'khyam pa/ /me rnams de dag rab tu zhi bar shog /sems dmyal yi dwags mi yi 'jig rten na/ /sems can sdug bsngal mi bzad drag po gang / /rnga bo che yi sgra skad 'di yis ni/ /de dag rnams kyis sdug bsngal kun zhi shog /rten med dpung gnyen med pa dang / /skyabs med par ni gyur pa dag /de rnams la ni skyob pa dang / /dpung gnyen rten mchog bdag gyur cig /sangs rgyas rkang gnyis dam pa dag /thugs brtse thugs rje ldan pa'i thugs/ /gang dag phyogs bcu'i 'jig rten na/ /bzhugs pa bdag la dgongs su gsol/ /bdag gis sngon chad sdig pa'i las/ /shin tu mi bzad gang bgyis pa/ /stobs bcu'i spyan sngar bdag mchis te/ /de dag thams cad bshags par bgyi/ /pha ma dag tu mi 'dzin dang / /sangs rgyas rnams su mi 'dzin dang / /dge ba dag tu mi 'dzin dang / /sdig pa bdag gis gang bgyis </font><hr>249b<br><font size=+1>


dang| |phyug pa'i rgyags pas dregs pa dang / /rigs dang longs spyod rgyags pa dang / /gzhon pa'i rgyags pas dregs pa yis/ /bdag gis sdig pa gang bgyis dang / /nyes bsams nyes par smras pa dang / /nyes par bgyis pa'i las rnams dang / /nyes pa'i dmigs su ma bltas pas/ /bdag gis sdig pa gang bgyis dang / /byis pa'i blo yi 'jug pa dang / / mi shes mun pa'i sems dang ni/ /sdig pa'i grogs po'i dbang gyur dang / /nyon mongs rnam par 'khrug sems dang / /rtsed mo dga' ba'i dbang nyid dang / /mya ngan dang ni nad dbang dang| |nor gyis mi chog nyes pa yis/ /bdag gis sdig pa gang bgyis dang / /'phags min skye bo 'dre ba dang / /phrag dog ser sna'i rgyu dang ni/ /g.yo dang dbul ba'i nyes pa yis/ / bdag gis sdig pa gang bgyis dang / /phongs pa byung ba'i dus kyi tshe/ /'dod pa rnams kyi 'jigs rgyu dang / /phyug po ma yin gyur pa yis/ /bdag gis sdig pa gang bgyis dang / / g.yo ba'i sems kyi dbang nyid dang / /'dod dang khro ba'i dbang dag dang / /bkres dang skom gyis nyen pa yis/ /bdag gis sdig pa gang bgyis dang / /bza' ba dag dang btung ba dang / bud med sgyu dang gos kyi phyir/ /nyon mongs gdung ba sna tshogs kyis/ /bdag gis sdig pa gang bgyis dang / /lus dang ngag dang yid kyis sdig /nyes par spyad pa rnam gsum bsags </font><hr>250a<br><font size=+1>


@#/ /'di 'dra'i tshul gyis gang bgyis pa/ /de dag thams cad bdag 'chags so/ /sangs rgyas rnams dang chos rnams dang / /de bzhin nyan thos rnams la yang / /gus pa ma lags gang bgyis pa/ /de dag thams cad bdag 'chags so/ /gang yang rang sangs rgyas rnams dang / /byang chub sems dpa' rnams la yang / / gus pa ma lags bgyis pa rnams/ /de dag thams cad bdag 'chags so/ /dam chos smra ba rnams la yang / /gus pa ma lags bgyis pa dang / /chos la'ang gus pa ma bgyis pa/ /de dag thams cad bdag 'chags so/ /bdag gis rtag tu mi shes pas/ /dam pa'i chos ni spangs pa dang / /pha ma rnams la ma gus pa/ /de dag thams cad bdag 'chags so/ /blun pa dang ni byis pa dang / /'dod chags zhe sdang gti mug dang / /nga rgyal dregs pas bsgribs bgyis pa/ /de dag thams cad bdag 'chags so// bdag ni phyogs bcu'i 'jig rten du/ /stobs bcu rnams la mchod par shog /bdag ni phyogs bcur sems can rnams/ /sdug bsngal kun las 'don gyur cig sems can bsam gyis mi khyab kun/ /sa bcu dag la 'god par shog /sa bcu dag la gnas nas kyang / /thams cad de bzhin gshegs gyur cig /ji srid sdug </font><hr>250b<br><font size=+1>


bsngal rgya mtsho las/ /de kun thar bgyid nus srid du/ /sems can re re'i phyir yang ni/ /bskal pa bye bar spyod par shog /gser 'od dam pa zhes bgyi ba/ /las rnams thams cad byang byed pa/ /zab mo dag ni ston pa 'di/ /sems can de dag ston gyur cig /gang gis bskal pa stong rnams su/ /sdig pa shin tu mi bzad bgyis/ /lan gcig rab tu bshags pa yis/ /de dag thams cad byang bar 'gyur/ /gang gis las kyi sgrib pa rnams/ /myur du yang dag zad 'gyur ba/ /gser 'od dam pa dge ba yis/ / bshags \?\ pa 'di dag bshags nas ni/ /rin chen 'byung gnas mchog bcu po/ /sa bcu la ni gnas par shog /sangs rgyas yon tan snang gyur cig /srid pa'i mtsho las sgrol bar shog /sangs rgyas rgya mtsho chu bo dang / /yon tan rgya mtsho \?\ zab mo de/ /sangs rgyas yon tan bsam yas kyis/ /thams cad mkhyen tu rdzogs par shog /ting 'dzin brgya phrag stong rnams dang / /gzungs rnams bsam gyis mi khyab dang / /dbang stobs byang chub yan lag gi /stobs bcu dam par 'gyur bar shog /dgongs pa'i thugs kyis sangs rgyas rnams/ /bdag la rnam par gzigs su gsol/ /thugs rjer ldan pa'i thugs kyis ni/ /nongs par rab tu gzung du gsol/ /bdag gis bskal pa brgya rnams su// </font><hr>251a<br><font size=+1>


@#/ /sngon chad sdig pa gang bgyis pa/ /de phyir bdag ni mya ngan sems/ /phongs dang mya ngan 'jigs pas gzir/ /sdig pa'i las la 'jigs par bgyid/ /yid ni rtag tu dman par gyur/ /gang dang gang du 'gro bgyid pa/ /bdag ni gang du'ang dga' ma mchis/ /sangs rgyas thams cad thugs rjer ldan/ /'gro ba kun gyi 'jigs sel bas/ /nongs pa rab tu gzung du gsol/ /'jigs pa dag las bdag thar mdzod/ /bdag gi nyon mongs las rnams kyi/ /dri ma de bzhin gshegs pas sol// sangs rgyas rnams kyis bdag la ni/ /thugs rje'i chu yis bkru bar gsol/ /sdig pa thams cad bshags par bgyi/ /sngon chad bdag gis gang bgyis dang / /da ltar bdag gis sdig pa gang / /de dag thams cad bdag 'chags so/ /nongs par bgyis pa'i las rnams kun/ /slan chad mi bgyi bsdams par bgyi/ /bdag gis nongs par bgyis pa gang // sdig de bcab bar mi bgyi 'o/ /lus kyi las ni rnam gsum dang / /ngag gi rnam pa bzhi dag dang / /yid kyi rnam pa gsum po rnams/ /de dag thams cad bdag 'chags so// lus kyi bgyis dang ngag gi las/ /yid kyi rnam par bsams pa dang / /las rnams bcu po bgyis pa dag /de dag thams cad bdag 'chags so/ /mi dge las bcu spangs nas su// </font><hr>251b<br><font size=+1>


dge ba bcu po bsten bgyis la/ /sa bcu la ni bdag gnas shing / /stobs bcu mchog tu gyur par shog /bdag gi sdig pa'i las gang dag /mi 'dod 'bras bu thob bgyid pa// sangs rgyas spyan sngar mchis nas su/ /de dag thams cad bshags par bgyi/ /'dzam bu'i gling 'dir gang dag dang / /'jig rten khams ni gzhan dag tu/ /gang rnams dge ba'i las bgyid pa/ /de dag kun la yi rang ngo / /lus dang ngag dang yid kyis kyang / /bdag gi bsod nams gang bsgrubs pa/ /bdag ni dge ba'i rtsa pa des/ /byang chub mchog la reg par shog /srid 'gro nyam ngar byis pa'i blo yis ni/ /shin tu mi bzad sdig pa gang bgyis pa/ /stobs bcu mi mnyam spyan sngar mchis nas ni/ /sdig pa de kun so sor bshags par bgyi/ /skye ba nyams nga srid pa nyam nga dang / /'jig rten nyam nga g.yo sems nyam nga bar/ /lus kyi spyod pa nyam nga sna tshogs kyis/ /bdag gis sdig pa gang bsags de 'chags so/ /byis pa blun byas nyon mongs nyam nga dang / /sdig pa'i grogs dang phrad pa nyam nga dang / /srid pa nyam nga 'dod chags nyam nga dang / /zhe sdang gti mug mun pa nyam nga dang / /ngal ba'i nyam nga dus kyis nyam nga dang / /bsod nams bsgrubs pa nyam nga dag gis kyang / /rgyal ba mi mnyam mngon sum mchis nas ni/ /sdig pa de </font><hr>252a<br><font size=+1>


@#/ /kun so sor bshags par bgyi/ /sangs rgyas gser mdog ri snang ri rab 'dra/ /yon tan rgya mtsho 'dra la phyag 'tshal lo/ /rgyal ba de dag rnams la skyabs su mchi/ /rgyal ba de dag rnams la mgos phyag 'tshal/ /gser mdog gser ni dri ma med pa'i gser gyi 'od/ /dri med rnam dag bai DUR+Ya yi yan lag spyan/ / sangs rgyas nyi ma dpal gzi grags 'bar 'byung ba'i gnas/ /thugs rje'i 'od zer dag gis mun pa'i mun nag bsal/ /yan lag rab tu dri med rab bzang rnam par mdzes/ /sangs rgyas nyi ma yan lag dri med gser 'dras khyab/ /nyon mongs med gdungs yid can 'bar pa'i me 'dra la/ /thub pa zla ba'i 'od zer dra bas tshim par mdzad| |mtshan mchog sum cu gnyis kyis dbang po yan lag mdzes/ /dpe byad bzang po dag gis yan lag rnam par mdzes/ /dpal gzi bsod nams 'bar 'khrungs 'od zer dra ba yis/ /'jig rten gsum na mun khrod nyi ma bzhin du bzhugs/ /dri med rgya chen kha dog sna tshogs bai DUR+Ya/ /skya rengs dmar dang dngul dang shel bzhin yan lag dmar| |'od zer dra ba rnam pa sna tshogs legs brgyan pa/ /thub chen khyed ni nyi ma bzhin du de yis mdzes/ /mya ngan 'khrugs pa'i 'chi chu rga ba'i rba rlabs can/ /'khor ba'i klung </font><hr>252b<br><font size=+1>


chen phongs pa'i chu bor lhung ba la/ /sdug bsngal rgya mtsho mchog tu rtsub cing shugs drag pa/ /bde gshegs nyi ma'i 'od zer mang po rnams kyis bskams/ /yan lag gser gyi ma dag \?\ tu rnam par snang / /ye shes 'byung gnas 'jig rten gsum kun mchog /rab mdzes mtshan gyis yan lag rnam spras pa/ /sangs rgyas gser sku 'bar la phyag 'tshal lo/ /ji ltar rgya mtsho'i chu ni dpag med dang / /ji ltar sa la sa rdul mtha' yas dang / /ji ltar ri rab rdo mtha' mtshungs med dang / /ji ltar nam mkha'i mtha' ma mtha' yas pa| /de bzhin sangs rgyas yon tan mtha' yas te/ /sems can kun gyis shes par mi nus so/ /bskal pa du mar gzhal zhing bsams kyang ni/ /yon tan mtha' ma shes par mi nus so/ /sku ni skra yi rtse mo'i tshad tsam dang / /rdor bcas rir bcas rgya mtshor bcas pa ni/ /bskal par bgrangs na shes par nus kyang srid/ /sangs rgyas yon tan shes par mi nus so/ /yon tan kha dog snyan dang grags pa dang / /dge ba'i mtshan gyis brgyan pa'i sku lus dang / /dpe byad bzang po brgyad cus brgyan pa yis/ /sems can thams cad de 'drar gyur par shog /bdag ni dge ba'i las rnams 'di dag gis/ /'jig rten mi ring sangs rgyas 'gyur bar shog /'gro la phan phyir chos kyang </font><hr>253a<br><font size=+1>


@#/ /ston gyur cig /sems can sdug bsngal mang gzir thar byed shog /stobs bcas sder bcas bdud las rgyal gyur cig /chos kyi 'khor lo dge ba bskor bar shog /bskal pa bsam gyis mi khyab gnas gyur cig /bdud rtsi'i chu yis sems can tshim byed shog /ji ltar sngon gyi rgyal bas rdzogs pa ltar/ /pha rol phyin drug bla med rdzogs par shog /nyon mongs bcom zhing sdug bsngal sel gyur cig /'dod chags zhe sdang gti mug zhi byed shog /tshe rabs brgya dang tshe rabs bye ba stong / /bdag ni rtag tu tshe rabs dran par shog /thub pa'i dbang po rtag tu dran gyur cig /de dag rnams kyi gsung rgya che thos shog /bdag gi dge ba'i las rnams 'di dag gis/ /rtag tu sangs rgyas 'grogs pa rnyed par shog /sdig pa'i las rnams rnam par spong gyur cig /dge ba'i 'byung gnas dge rnams spyod par shog /zhing rnams kun na srog 
 thams cad kyang / /'jig rten dag na sdug bsngal kun zhir gyur/ /sems can dbang po ma tshang yan lag nyams/ /de kun de ring dbang po tshang bar shog /gang dag nad btab nyam chung lus nyams dang \?\/phyogs bcu dag na skyabs med gyur pa rnams/ /de kun myur du nad las thar gyur cig /nad med stobs dang dbang po rnyed par shog / </font><hr>253b<br><font size=+1>


gang dag rgyal po chom rkun dgras bsdigs bsad thug dang / /sdug bsngal rnam pa sna tshogs brgya yis phongs gyur pa/ /sems can nyam thag gyur cing sdug bsngal de dag kun/ / 'jigs mchog mi bzad brgya po de las thar gyur cig /gang dag brdegs shing bcings pas bcings gzir pa/ /phongs pa sna tshogs dag na gnas gyur cing / /nyon mongs stong phrag du mas bkrugs nas kyang / /'jigs pa mi bzad mya ngan sna tshogs rnyed/ /de dag thams cad bcings las grol gyur cig /brdegs pa dag ni brdegs las thar bar shog /bsad pa rnams kyang srog dang ldan gyur cig /phongs gyur thams cad 'jigs pa med par shog /sems can gang dag bkres sred skom gyis gzir/ /de dag zas skom sna tshogs rnyed par shog /long bas gzugs rnams sna tshogs mthong gyur cig /'on pas yid 'ong sgra rnams thos par shog /gcer bu rnams kyis sna tshogs gos rnyed gyur/ /sems can dbul pos gter rnams rnyed par shog /nor 'bru rin chen sna tshogs mang po yis/ /sems can thams cad bde dang ldan par shog/ gang yang sdug bsngal tshor bar gnod ma gyur| |sems can thams cad blta na sdug pa dang / /gzugs bzang mdzes shing tshul du shis par shog /rtag tu bde ba du ma gsog gyur cig /yid kyi zas skom rab 'byor </font><hr>254a<br><font size=+1>


@#/ /bsod nams dag /bsams ma thag tu de dag grub gyur cig /rdza rnga cang te'u pi wang sgra snyan dang / /chu mig mtsho dang rdzing bu lteng ka dag /gser gyi pad+ma ut+pal 'dab ma can/ /zas skom gos nor mu tig nor bu dbyig /rgyan gser rin chen sna tshogs baiDUR+Ya/ /de dag bsams ma thag tu grub gyur cig /'jig rten gang na'ang sdug bsngal sgra ma byung / /sems can gcig kyang mi 'phrod mthong ma gyur/ /de dag thams cad kha dog rgya chen dang / /phan tshun du ni 'od byed gyur par shog/ mi yis 'jig rten phun sum tshogs gang yod/ /de dag bsams par skye bar de dag gyur/ /bsams pa thams cad bsams ma thag tu yang / /bsod nams 'bras bu yongs su rdzogs par shog /spos dang phreng ba dag dang byug pa dang / /gos dang phye ma me tog sna tshogs dang / /ljon shing dag las dus gsum 'bab par shog /sems can de dag len cing dgar gyur cing / /de bzhin gshegs pa bsam yas thams cad dang / /rdzogs pa'i byang chub sems dpa' nyan thos dang / /rdul bral dri med brtan pa'i chos la yang| |phyogs bcu rnams su mchod pa byed par shog /'gro ba dman pa thams cad spong gyur cig /mi khom brgyad po dag las 'das par shog /dal ba'i rgyal po dam pa </font><hr>254b<br><font size=+1>


mchog thob gyur/ /rtag tu sangs rgyas 'grogs pa thob par shog /rtag tu mthon po'i rigs su skye bar shog /nor dang 'bru yi mdzod rnams 'byor gyur cig /snyan dang grags dang gzug dang kha dog gis/ /bskal pa du mar legs par brgyan par shog /bud med thams cad rtag tu phor gyur te/ /dpa' zhing rtul phod mkhas shing gsal bar shog /de kun rtag tu byang chub phyir spyod gyur/ /pha rol phyin pa drug la spyod par shog /phyogs bcu dag na rin chen shing dbang drung / /sangs rgyas bde bzhugs rin chen bai DUR+Ya'i/ /khri la bzhugs pa dag ni mthong gyur cig /chos bstan pa yang de dag thos par shog /bdag gis sdig pa'i las rnams bsgrubs pa ni/ /srid pa nyam ngar sngon chad gang bsgrubs pa/ /sdig las gang dag mi 'dod 'bras thob pa/ /de dag thams cad ma lus zad gyur cig /sems can gang dag srid par bcings gnas kun/ /'khor ba'i zhags pa'i thag pas dam bcings pa/ /shes rab lag gis bcings pa khrol bar shog /sdug bsngal rnams las thar gyur thob gyur cig /sems can gang dag 'dzam bu'i gling 'di dang / /gang dag 'jig rten khams ni gzhan rnams na/ / bsod nams sna tshogs zab mo rnams byed pa/ /de dag kun la rjes su yi rang ngo / /lus dang ngag dang yid kyis sgrubs pa yi/ /bdag gis rjes su yi rang bsod nams des/ /bdag gi smon </font><hr>255a<br><font size=+1>


@#/ /grub 'bras bu yod par shog /byang chub rdul bral bla med thob gyur cig /gang dag rtag dwang dri ma bral ba dang / /dri med yid kyis phyag 'tshal bstod pa dang| |yongs su bsngo ba'i brjod pa 'di yis ni/ /bskal pa drug cur ngan song spong bar gyur/ /tshigs su bcad pa brjod pa 'di dag gis/ /skyes pa bud med bram ze rgyal rigs las| |thal sbyar 'dug ste rgyal ba gang bsten pa/ /tshe rabs kun tu skye ba dran par 'gyur/ /yan lag dbang po kun gyis yan lag brgyan/ /bsod nams yon tan sna tshogs rnams dang ldan/ /mi dbang rgyal pos rtag tu de mchod de/ /de dang de dag tu ni de 'drar 'gyur/ /gang dag rna ba'i bu gar bshags pa 'di ni grags 'gyur ba/ /de dag sangs rgyas gcig gis gan nas dge ba byas ma yin/ /gnyis la ma yin bzhi la ma yin lnga min bcu la min/ /de ltar sangs rgyas stong gi gan nas dge ba byas pa yin| de'i tshe bcom ldan 'das kyis tshigs su bcad pa de dag gsan nas/ byang chub sems dpa' mdzes pa'i tog la 'di skad ces bka' stsal to/ /legs so/ / legs so/ /rigs kyi bu/ khyod kyi rmi lam na/ gser gyi rnga las de bzhin gshegs pa'i yang dag pa'i yon tan la bsngags pa dang / sdig pa bshags pa 'di </font><hr>255b<br><font size=+1>


dag gang gis thos pa de dag thams cad bsod nams kyi phung po rgya chen po dang ldan pa dang / skye bo mang po la phan pa dang / bde bas tshim par byed de/ sgrib pa thams cad byang bar 'gyur bar shes par gyis shig 'di lta bu'i spyod pa khyad par can dang ldan pa 'di dag ni thams cad kyang sngon 'das pa'i dus na de bzhin gshegs pa dag la bstod pa dang / smon lam rgya chen po btab pa'i rgyu dang / de bzhin gshegs pa'i byin gyis brlabs kyis de dag thos par gyur pa yin no zhes bka' stsal nas/ de n+sa 'khor 'dus pa de dag thams cad bcom ldan 'das kyis gsungs pa la mngon par bstod do/ /gser 'od dam pa mdo sde'i dbang po'i rgyal po las/ rmi lam na bshags pa'i le'u ste bzhi pa'o// // de nas bcom ldan 'das yang dag par rnam par dbye ba la bzhugs te/ shin tu zab mo mchog tu gyur pa'i ting nge 'dzin la snyoms par zhugs ma thag tu sku'i ba spu'i bu ga dag nas 'od zer kha dog rnam pa sna tshogs brgya stong tshad med pa byung bas/ sangs rgyas kyi zhing thams cad 'od de'i nang du snang bar gyur pa ni/ phyogs bcu'i gang+gA'i klung gi bye ma snyed kyis kyang dpe dang / tshad kyis bskrun par mi nus so/ /snyigs ma lnga'i 'jig rten gyi khams 'od zer des snang bar gyur pa'i sems can de dag mi dge ba bcu'i las kyi lam dang </font><hr>256a<br><font size=+1>


@#/ /mtshams med pa lnga byed pa dang / dkon mchog gsum la skur pa 'debs pa dang / bla ma dang / gnyen pa la sri zhu chung ba dang / slob dpon dang / bram ze la bkur sti mi byed pa rnams sems can dmyal ba dang / dud 'gro dang / yi dwags kyi gnas su ltung bar 'gyur ba de dag gi gnas su 'od des reg ma thag tu bde ba so sor myong bar gyur to| |gang gis 'od de mthong ba dang / 'od de'i mthus thams cad bde zhing nyams dga' ba dang / kha dog dang / dbyibs legs pa'i mchog thob pas mtshan phun sum tshogs pa dang / bsod nams dang / ye shes kyi tshogs kyi rgyan dang ldan pas de bzhin gshegs pa rnams mthong bar gyur to/ /de nas brgya byin lha'i dbang po lha'i tshogs mang po dang / gang gA'i lha mo la sogs te/ 'khor 'dus pa de dag ya mtshan du gyur pa'i 'od des bskul nas/ bcom ldan 'das ga la ba der dong ste phyin nas bcom ldan 'das la lan gsum bskor ba byas te phyogs gcig tu 'khod do/ /de nas tshe dang ldan pa shA ra dwa ti'i bu stan las langs te bla gos phrag pa gcig tu gzar nas pus mo g.yas pa'i lha nga sa la btsugs te| bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das/ rigs kyi bu 'am/ rigs kyi bu mo nyan </font><hr>256b<br><font size=+1>


thos kyi theg pa la yang dag par zhugs pa 'am/ rang sangs rgyas kyi theg pa la yang dag par zhugs pa'am/ theg pa chen po la yang dag par zhugs pa'am/ sems can gzhan dag kyang rung ste| bla na med pa yang dag par rdzogs pa'i byang chub mngon par rdzogs par 'tshang rgya bar 'tshal bas/ las kyi sgrib pa rnams ji ltar so sor bshags par bgyi/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu/ 'di la rigs kyi bu'am/ rigs kyi bu mo nyan thos kyi theg pa la yang dag par zhugs pa'am/ rang sangs rgyas kyi theg pa la yang dag par zhugs pa'am/ theg pa chen po la yang dag par zhugs pa'am/ sems can gzhan dag kyang rung ste/ bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas nyin lan gsum mtshan lan gsum du/ bla gos phrag pa gcig tu gzar nas pus mo g.yas pa'i lha nga sa la gtsugs te/ thal mo sbyar nas tshig 'di skad du/ skye bo mang po la sman pa dang / skye bo mang po la bde ba dang / 'jig rten gsum la thugs brtse ba dang / skye bo phal po che dang / lha dang / mi rnams kyi don dang / sman pa dang / bde ba'i slad du sangs rgyas bcom ldan 'das gang dag da lta na/ phyogs bcu'i 'jig rten na bla na med pa yang dag par </font><hr>257a<br><font size=+1>


@#/ /rdzogs pa'i byang chub mngon par rdzogs par sangs rgyas nas/ chos kyi 'khor lo rab tu bskor ba/ chos kyi 'khor lo rab tu ston pa/ chos kyi tshul rab tu 'dzin pa/ chos kyi sbyin pa rab tu mdzad pa/ chos kyi sgron ma rab tu 'bar bar mdzad pa/ chos kyi char rab tu 'bebs pa/ chos kyi rnga rab tu brdung ba/ chos kyi rnga bo che rab tu brdung ba| chos kyi dung rab tu 'bud pa/ chos kyi srog shing rab tu sgreng ba/ sems can thams cad la chos kyi sbyin pas tshim par mdzad pa/ nyam bag tu spyod du 'dzud pa'i sangs rgyas bcom ldan 'das de dag la phyag 'tshal lo/ /bam po gsum pa/ /sangs rgyas bcom ldan 'das mchod pa'i gnas/ phyag bgyi ba'i gnas/ ri mo bgyi ba'i gnas/ mkhyen par gyur pa| spyan du gyur pa/ dpang du gyur pa/ tshad mar gyur pa/ mkhyen pa dang ldan pa/ gzigs pa dang ldan pa de dag la bdag mgo dang / ngag dang / yid kyis phyag 'tshal lo/ /thog ma dang| tha ma ma mchis pa'i 'khor ba na 'khor ba'i tshe/ bdag 'dod chags kyis gzir ba'am/ zhe sdang gis gzir ba 'am/ gti mug gis gzir ba'i lus dang / ngag dang / yid kyis las kyi sgrib pa gang mngon par 'dus bgyis pa/ sangs rgyas su ma 'tshal ba dang / chos su ma 'tshal ba dang / dge 'dun du ma 'tshal ba dang / dge ba dang / mi dge bar ma 'tshal </font><hr>257b<br><font size=+1>


ba dang / de bzhin gshegs pa la ngan sems kyis khrag phyung ba dang / chos spangs pa dang / dge 'dun gyi dbyen bgyis pa dang / dge slong dgra bcom pa bkum pa dang / pha ma bkum pa dang| lus kyi rnam pa gsum/ ngag gi rnam pa bzhi/ yid kyi rnam pa gsum ste/ mi dge ba bcu'i las kyi lam bgyis pa dang / bgyid du stsal ba dang / bgyid pa la rjes su yi rang ba dang| sems can kha cig la ngag rtsub po smras pa dang / skur pa btab pa dang / srang la g.yo bgyis pa dang / gzhal ba la g.yo bgyis pa dang / 'gro ba drug tu 'khor bar 'khor ba na/ pha ma mi dga' bar bgyis pa dang / gang zag gi'am/ mchod rten gyi'am/ dge 'dun gyi'am/ phyogs bzhi'i dge slong gi dge 'dun gyi nor brkus pa dang / ji ltar bslab pa'i gzhi bcas pa rnams kyi 'dul ba dang 'gal bar bgyis pa dang / mkhan po dang / slob dpon gyis bsgo ba ma mnyan pa dang / nyan thos kyi theg pa la yang dag par zhugs pa'am| rang sangs rgyas kyi theg pa la yang dag par zhugs pa'am/ theg pa chen po la yang dag par zhugs pa'am/ de las gzhan pa'i sems can rnams la mi snyan par bgyis pa dang| spyos pa dang / brdegs pa dang / de dag la tha ba dang / zhe sdang bskyed pa dang / phrag dog dang / ser sna las byung ba'i sems kyis/ sangs rgyas bcom ldan 'das rnams </font><hr>258a<br><font size=+1>


@#/ /la tshig rtsub po smras pa dang / dam pa'i chos la chos ma lags zhes bgyis pa dang / chos ma lags pa la dam pa'i chos legs zhes bgyis pa de dag sangs rgyas bcom ldan 'das mkhyen par gyur pa/ spyan du gyur pa/ dbang du gyur pa/ tshad mar gyur pa/ mkhyen pa dang ldan pa/ gzigs pa dang ldan pa de dag gi spyan sngar so sor 'chags so/ /mthol lo/ /mi 'chab bo/ /slan chad kyang mi bgyid do/ /bdag las kyi sgrib pa gang gis bsgribs te/ sems can dmyal ba dang / dud 'gro'i skye gnas dang| yi dwags kyi yul dang / lha ma yin gyi tshogs kyi nang du mchi bar 'gyur ba dang / sangs rgyas dang / chos dang / dge 'dun mnyes par bgyid par mi 'gyur ba dang / mi khom pa rnams su skye bar 'gyur ba'i las de lus 'di nyid la rnam par smin te gzhan du mi myong bar shog cig /de yang sangs rgyas bcom ldan 'das mkhyen par gyur pa/ spyan du gyur pa| dpang du gyur pa/ tshad mar gyur pa/ mkhyen pa dang ldan pa/ gzigs pa dang ldan pa de dag gi spyan sngar so sor 'chags so/ /mthol lo/ /mi 'chab bo/ / slan chad kyang mi bgyid do/ /ji ltar sngon gyi byang chub sems dpa' sems dpa' chen po de dag sngon byang chub kyi phyir spyod pa na/ las kyi sgrib pa rnams so sor bshags pa dang / ma </font><hr>258b<br><font size=+1>


bcabs \?\ pa de bzhin du bdag kyang las kyi sgrib pa rnams so sor bshags so/ /mthol lo/ /mi 'chab bo/ /slan chad kyang mi bgyid do/ /ji ltar ma 'ongs pa'i dus kyi byang chub sems dpa' sems dpa' chen po de dag byang chub sems dpa'i spyad pa spyod pa na/ las kyi sgrib pa rnams so sor bshags par 'gyur ba dang / mi 'chab par 'gyur ba de bzhin du/ bdag kyang las kyi sgrib pa so sor bshags so/ /mthol lo/ /mi 'chab po/ /slan chad kyang mi bgyid do/ /ji ltar da ltar phyogs bcu'i 'jigs rten na/ byang chub sems dpa' sems dpa' chen po dag byang chub kyi phyir spyod pa na/ las kyi sgrib pa rnams so sor bshags pa dang / mthol zhing mi 'chab pa de bzhin du bdag kyang las kyi sgrib pa rnams so sor bshags so/ /mthol lo/ / mi 'chab bo/ /slan chad kyang mi bgyid do/ /ji ltar 'das pa dang / ma 'ongs pa dang / da ltar byung ba'i byang chub sems dpa' sems dpa' chen po dag byang chub sems dpa'i spyad pa spyod pa na/ las kyi sgrib pa rnams so sor bshags pa dang / so sor bshags par 'gyur ba de bzhin du/ bdag kyang las kyi sgrib pa rnams so sor bshags so/ /mthol lo| mi 'chab bo/ /slan chad kyang mi bgyid do zhes brjod par bya'o/ /shA ri'i bu/ de lta bas na/ rigs kyi bu'am/ rigs kyi bu mo/ chos thams cad la sgrib pa med pa </font><hr>259a<br><font size=+1>


@#/ /rnam par dag pa thob par 'dod pas/ 'di bzhin du las kyi sgrib pa rnams so sor bshags par bya'o/ /mi bcab par bya'o/ /phyin chad kyang mi bya'o| |su/ rgyal rigs kyi rigs shing sA la chen po lta bu phyug pa/ nor che ba/ longs spyod che ba/ sa le sbram dang / nor dang / yo byad mang ba/ shin tu skyid pa/ bzhon pa chen po la zhon pa rnams kyi nang du skye bar 'dod pa des kyang 'di bzhin du las kyi sgrib pa rnams so sor bshags par bya'o/ /mi bcab par bya'o/ /phyin chad kyang mi bgyi'o/ /su/ bram ze'i rigs shing sA la chen po lta bu rnams dang / khyim bdag gi rigs shing sA la chen po lta bu phyug pa/ nor che ba/ longs spyod che ba/ sa le sbram dang / nor dang / yo byad mang ba/ shin tu skyid pa/ bzhon pa chen po la zhon pa rnams kyi nang du skye bar 'dod pa des kyang 'di bzhin du/ las kyi sgrib pa rnams so sor bshags par bya'o/ /mi bcab par bya'o/ / phyin chad kyang mi bya'o/ /su/ rgyal chen bzhi'i ris kyi lha rnams kyi brtul zhugs dang mtshungs par skye bar 'dod pa des kyang 'di bzhin du las kyi sgrib pa rnams so sor bshags par bya'o/ /mi bcab par bya'o/ /phyin chad kyang mi bya'o/ /su/ sum cu rtsa gsum pa'i lha rnams kyi brtul zhugs dang mtshungs par skye bar 'dod pa des kyang 'di bzhin du </font><hr>259b<br><font size=+1>


las kyi sgrib pa rnams so sor bshags par bya'o/ /mi bcab par bya'o/ /phyin chad kyang mi bya'o/ /de bzhin du/ su/ 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don pa dang / tshangs pa kun 'khor dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che dang / sems can 'du shes med pa dang / gya nom snang ba dang / shin tu mthong ba dang / mi che ba dang / mi gdung ba dang / 'og min gyi lha rnams kyi brtul zhugs dang mtshungs par skye bar 'dod pa des kyang 'di bzhin du las kyi sgrib pa rnams so sor bshags par bya'o/ /mi bcab bar bya'o/ /phyin chad kyang mi bya'o/ /su/ gzugs med pa nam mkha' mtha' yas skye mched du nye bar 'gro ba rnams dang / rnam shes mtha' yas skye mched du nye bar 'gro ba rnams dang / ci'ang med pa'i skye mched du nye bar 'gro ba rnams dang / 'du shes med 'du shes med min skye mched du nye bar 'gro ba'i lha rnams kyi brtul zhugs dang mtshungs par skye bar 'dod pa des kyang 'di bzhin du las kyi sgrib pa rnams so sor bshags par bya'o/ /mi bcab par bya'o/ /phyin chad kyang mi bya'o/ /su/ rgyun tu zhugs pa'i 'bras bu dang / lan gcig </font><hr>260a<br><font size=+1>


@#/ /phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid mngon sum du byed par 'dod pa des kyang / 'di bzhin du las kyi sgrib pa rnams so sor bshags par bya'o/ /mi bcab par bya'o/ /phyin chad kyang mi bya'o/ /su/ rig pa gsum mam/ mngon par shes pa drug gam/ stobs rnams sam/ dbang po rnams sam/ nyan thos kyi pha rol tu phyin pa 'am/ nyan thos dbang che bar grags pa 'am/ rang byang chub mngon sum du byed par 'dod pa des kyang / 'di bzhin du las kyi sgrib pa rnams so sor bshags par bya'o/ /mi bcab par bya'o/ /phyin chad kyang mi bya'o/ /su/ thams cad mkhyen pa'i ye shes dang / rnam par dag pa'i ye shes dang| bsam gyis mi khyab 
 ye shes dang / mtshungs pa med pa'i ye shes dang / yang dag par rdzogs pa'i sangs rgyas kyi ye shes mngon par bsgrub par 'dod pa des kyang| 'di bzhin du las kyi sgrib pa rnams so sor bshags par bya'o/ /mi bcab par bya'o/ /phyin chad kyang mi bya'o/ /de ci'i phyir zhe na/ shA ri'i bu/ de bzhin gshegs pas chos thams cad ni rten cing 'brel par 'byung ba'o zhes gsungs pa'i phyir te/ rgyu dang / rkyen gzhan dang / gzhan gyis gzhan skye'o/ /gzhan 'gog go /de la 'das pa'i chos </font><hr>260b<br><font size=+1>


gang yin pa de dag ni 'gags pa/ zad pa dang bral ba/ rnam par gyur pa ste/ de dag la'ang las kyi sgrib ba cung zad kyang med do/ /de ltar na 'du byed pa gang yin pa rnams kyang med pa las byung ba ste/ de dag la'ang las kyi sgrib pa cung zad kyang med do/ /de ci'i phyir zhe na/ shA ri'i bu/ de bzhin gshegs pas chos thams cad ni stong pa/ sems can med pa/ srog med pa/ gang zag med pa/ ma skyes pa/ ma 'gags pa/ 'dus ma byas pa zhes gsungs pa'i phyir ro/ /shA ri'i bu/ chos thams cad bdag las byung ba yang bdag kyang yod pa ma yin no/ /shA ri'i bu/ rigs kyi bu 'am/ rigs kyi bu mo gang la la zhig /'di lta ste/ sems can med pa'i mtha'i chos kyi tshul 'di la 'jug pa 'di ni las kyi sgrib pa rgyun gcod pa zhes bya ba ste/ shA ri'i bu/ 'di ni so sor bshags pa'o/ /de nas yang bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das/ rigs kyi bu 'am/ rigs kyi bu mo nyan thos kyi theg pa la yang dag par zhugs pa'am/ rang sangs rgyas kyi theg pa la yang dag par zhugs pa'am/ theg pa chen po la yang dag par zhugs pa'am/ sems can gzhan dag kyang rung ste/ bla na med pa yang dag par rdzogs pa'i byang chub tu mngon par rdzogs par 'tshang rgya par 'tshal bas ji ltar dge ba'i rtsa ba rnams la rjes </font><hr>261a<br><font size=+1>


@#/ /su yi rang bar bgyi/ de skad ces gsol ba dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu/ 'di la rigs kyi bu 'am/ rigs kyi bu mo nyin lan gsum mtshan lan gsum du bla gos phrag pa gcig tu gzar la pus mo g.yas pa'i lha nga sa la btsugs te thal mo sbyar nas/ tshig 'di skad du/ phyogs bcu'i 'jig rten na sems can gang su dag sbyin pa las byung ba'i bsod nams bgyi ba'i dngos po dang / tshul khrims las byung ba dang \?\/ bsgom pa las byung ba'i bsod nams bgyi ba'i dngos po mngon par 'dus bgyis pa de dag thams cad la'ang rjes su yi rang ba'i mchog gis rjes su yi rang ngo / /rjes su yi rang ba dam pa dang / gtso bo dang / khyad par can dang / rab dang / phul dang / gya nom pa dang / bla ma dang / bla na med pa dang / ltag na med pa dang / mnyam pa med pa dang / mi mnyam pa dang / mnyam pas rjes su yi rang ngo / /phyogs bcu'i 'jig rten gyis khams na sems can gang su dag sbyin pa las byung ba'i bsod nams bgyi ba'i dngos po dang| tshul khrims las byung ba dang / bsgom pa las byung ba'i bsod nams bgyi ba'i dngos po mngon par 'du bgyid par 'gyur ba de dag thams cad la'ang rjes su yi </font><hr>261b<br><font size=+1>


rang ba'i mchog gis rjes su yi rang ba nas/ rjes su yi rang ba mi mnyam pa dang / mnyam pa'i bar gyis rjes su yi rang ngo / /phyogs bcu'i 'jig rten na sems can gang su dag sbyin pa las byung ba'i bsod nams bgyi ba'i dngos po dang / tshul khrims las byung ba dang / bsgom pa las byung ba'i bsod nams bgyi ba'i dngos po mngon par 'du bgyid pa de dag thams cad la'ang rjes su yi rang ba'i mchog gis rjes su yi rang ba nas/ rjes su yi rang ba mi mnyam pa dang / mnyam pa'i bar gyis rjes su yi rang ngo / /byang chub sems dpa' gang dag da ltar na sems dang po bskyed pa de dag gi dang po byang chub tu sems bskyed pa dang ldan pa'i dge ba'i rtsa ba gang lags pa dang / byang chub sems dpa' bskal pa brgyas 'byung ba rnams kyi bsod nams kyi phung po gang lags pa dang / byang chub sems dpa' mi skye ba'i chos la bzod pa thob pa rnams kyi bsod nams kyi phung po gang lags pa dang| phyir mi ldog pa rnams kyi bsod nams kyi phung po gang lags pa dang / byang chub sems dpa' skye ba gcig gis thogs pa rnams kyi bsod nams kyi phung po gang lags pa de dag thams cad la'ang rjes su yi rang ba'i mchog gis rjes su yi rang ba nas/ rjes su yi rang ba mi mnyam pa dang / mnyam pa'i bar gyis rjes su yi rang ngo / /byang chub sems dpa' </font><hr>262a<br><font size=+1>


@#/ /sems dpa' chen po de dag sngon byang chub sems dpa'i spyad pa spyod pa na/ pha rol tu phyin pa drug dang ldan pa'i dge ba'i rtsa ba mngon par 'dus bgyis pa gang lags pa de dag thams cad la'ang rjes su yi rang ba'i mchog gis rjes su yi rang ngo / /rjes su yi rang ba dam pa dang / gtso bo dang / khyad par can dang / rab dang / phul dang / gya nom pa dang / bla ma dang / bla na med pa dang / ltag na med pa dang / mnyam pa med pa dang / mi mnyam pa dang / mnyam pas rjes su yi rang ngo / /ma 'ongs pa'i dus kyi byang chub sems dpa' sems dpa' chen po de dag byang chub kyi phyir spyad pa spyod pa na/ pha rol tu phyin pa drug dang ldan pa'i bsod nams kyi phung po mngon par 'du bgyid par 'gyur pa gang lags pa de dag thams cad la'ang rjes su yi rang ba'i mchog gis rjes su yi rang ngo / /rjes su yi rang ba dam pa dang / gtso bo dang / khyad par can dang / rab dang / phul dang / gya nom pa dang / bla ma dang / bla na med pa dang / ltag na med pa dang / mnyam pa med pa dang / mi mnyam pa dang / mnyam pas rjes su yi rang ngo / /byang chub sems dpa' sems dpa' chen po gang dag da ltar phyogs bcu'i 'jig rten na byang chub kyi phyir spyad pa spyod pa na/ </font><hr>262b<br><font size=+1>


de dag pha rol tu phyin pa drug dang ldan pa'i bsod nams kyi phung po mngon par 'du bgyid pa gang lags pa de dag thams cad la'ang rjes su yi rang ba'i mchog gis rjes su yi rang ngo| |rjes su yi rang ba dam pa dang / gtso bo dang / khyad par can dang / rab dang / phul dang / gya nom pa dang / bla ma dang / bla na med pa dang / ltag na med pa dang / mnyam pa med pa dang| mi mnyam pa dang / mnyam pas rjes su yi rang ngo / /skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang| lha dang / mi rnams kyi don dang / sman pa dang / bde ba'i slad du/ sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis bla na med pa yang dag par rdzogs pa'i byang chub tu mngon par rdzogs par sangs rgyas nas chos kyi 'khor lo rab tu bskor ba/ chos kyi 'khor lo rab tu bstan pa/ chos kyi tshul rab tu gzung ba| chos kyi char rab tu phab pa/ chos kyi char rab tu btang ba/ chos kyi rnga rab tu brdungs pa/ chos kyi rnga bo che brdungs pa/ chos kyi dung bus pa/ chos kyi srog shing bsgreng ba/ chos kyi sgron me 'bar bar mdzad pa/ sems can thams cad la chos kyi sbyin pas tshim par mdzad pa/ nyam bag tu spyod tu 'dzud pa gang lags pa de/ de la nyan thos kyi </font><hr>263a<br><font size=+1>


@#/ /theg pa'am/ rang sangs rgyas kyi theg pa'am/ byang chub sems dpa'i theg pa'am/ de las gzhan pa'i sems can rnams kyis dge ba'i rtsa ba bskyed pa gang lags pa de dag thams cad la'ang rjes su yi rang ba'i mchog gis rjes su yi rang bas na/ rjes su yi rang ba mi mnyam pa dang / mnyam pa'i bar gyis rjes su yi rang ngo| |skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang / mi rnams kyi don dang / sman pa dang / bde ba'i slad du ma 'ongs pa'i dus kyi sangs rgyas bcom ldan 'das/ de dag bla na med pa yang dag par rdzogs pa'i byang chub tu mngon par rdzogs par sangs rgyas nas / chos kyi 'khor lo bskor bar 'gyur ba'i bar dag gang lags pa dang / de la nyan thos kyi theg pa pa'am/ rang sangs rgyas kyi theg pa pa'am/ byang chub sems dpa'i theg pa pa'am/ de las gzhan pa'i sems can gang dag dge ba'i rtsa ba bskyed par 'gyur ba gang lags pa/ de dag thams cad la'ang rjes su yi rang ba'i mchog gis rjes su yi rang ba nas/ rjes su yi rang ba mi mnyam pa dang / mnyam pa'i bar gyis rjes su yi rang ngo / /skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po </font><hr>263b<br><font size=+1>


che dang / lha dang / mi rnams kyi don dang / sman pa dang / bde ba'i slad du da ltar phyogs bcu'i 'jig rten na/ sangs rgyas bcom ldan 'das rnams bla na med pa yang dag par rdzogs pa'i byang chub mngon par rdzogs par sangs rgyas nas/ chos kyi 'khor lo rab tu bskor ba/ chos kyi 'khor lo rab tu ston pa/ chos kyi tshul rab tu 'dzin pa/ chos kyi char rab tu 'bebs pa/ chos kyi char rab tu gtong bar/ chos kyi sbyin pa mdzad pa/ chos kyi 'khor lo rab tu ston pa/ chos kyi rnga brdung ba/ chos kyi rnga bo che brdung ba/ chos kyi dung 'bud pa/ chos kyi srog shing bsgreng ba/ sems can thams cad la chos kyi sbyin pas tshim par mdzad pa/ nyam bag tu spyod du 'dzud pa gang lags pa dang / de la nyan thos kyi theg pa pa'am/ rang sangs rgyas kyi theg pa pa'am/ byang chub sems dpa'i theg pa pa'am/ de las gzhan pa'i sems can de dag dge ba'i rtsa ba bskyed pa gang lags pa de dag thams cad la'ang rjes su yi rang ba'i mchog gis rjes su yi rang ba nas/ rjes su yi rang ba mi mnyam pa dang / mnyam pa'i bar gyis rjes su yi rang ngo zhes brjod par bya'o/ /shA ri'i bu/ 'di ni rjes su yi rang ba'i bsod nams kyi phung po'o/ /rigs kyi bu'am/ rigs kyi bu mo rjes su yi rang ba'i bsod nams kyi phung po 'dis rjes su yi rang na/ bsod nams kyi phung po mang po grangs med dpag tu med </font><hr>264a<br><font size=+1>


@#/ /pa bskyed do/ /shA ri'i bu/ stong gsum gyi stong chen po'i 'jig rten gyi khams gyi sems can nas/ 'jig rten gyi khams gang gA'i klung gi bye ma snyed kyi sems can ji snyed pa de dag thams cad dgra bcom pa/ zag pa zad par gyur la/ rigs kyi bu'am/ rigs kyi bu mo gang la la zhig gis de dag la ji srid 'tsho'i bar du/ gos dang / zas dang / na ba'i gsos sman dang / yo byad rnams kyi bsnyen bkur byas pa bas/ gang zhig rjes su yi rang ba 'dis rjes su yi rang na/ de ni de bas bsod nams ches mang du grangs med dpag tu med pa skyed do/ /shA ri'i bu/ de lta bas na/ rigs kyi bu 'am/ rigs kyi bu mo bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ rjes su yi rang ba 'dis rjes su yi rang bar bya'o/ /bud med skyes pa'i dngos po thob par 'dod cing / bud med kyi dbang po brje bar 'dod pas kyang / rjes su yi rang ba 'dis rjes su yi rang bar bya'o/ /de skad ces bka' stsal pa dang / bcom ldan 'das la tshe dang ldan pa shA ri'i bus 'di skad ces gsol to// bcom ldan 'das/ ma 'ongs pa'i byang chub sems dpa' sems dpa' chen po rnams la snang ba bgyis par 'gyur ba dang / da ltar byung ba'i byang chub sems dpa' </font><hr>264b<br><font size=+1>


rnams kyis mos pa bskyed par 'gyur ba'i bskul ba'i phung po'ang bshad du gsol/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu/ 'di la rigs kyi bu 'am/ rigs kyi bu mo nyan thos kyi theg pa la yang dag par zhugs pa'am/ rang sangs rgyas kyi theg pa la yang dag par zhugs pa'am/ theg pa chen po la yang dag par zhugs pa'am/ sems can gzhan dag kyang rung ste/ bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ nyin lan gsum mtshan lan gsum du bla gos phrag pa gcig tu gzar la pus mo g.yas pa'i lha nga sa la btsugs te thal mo sbyar nas/ tshig 'di skad du/ sangs rgyas bcom ldan 'das gang dag da ltar phyogs bcu'i 'jig rten gyi khams na/ bla na med pa yang dag par rdzogs pa'i byang chub mngon par rdzogs par sangs rgyas pa de dag la phyag 'tshal lo/ /sangs rgyas bcom ldan 'das de dag la phyag 'tshal nas chos kyi 'khor lo rab tu bskor bar bskul gyi/ sangs rgyas bcom ldan 'das de dag gis skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang / mi </font><hr>265a<br><font size=+1>


@#/ /rnams kyi don dang / sman pa dang / bde ba'i slad du chos kyi 'khor lo rab tu bskor du gsol/ chos kyi 'khor lo rab tu bstan du gsol/ chos kyi tshul rab tu gzung du gsol/ chos kyi sbyin pa mdzad du gsol/ chos kyi sgron ma 'bar bar mdzad du gsol/ chos kyi char dbab tu gsol/ chos kyi char gtang du gsol/ chos kyi rnga rdung du gsol/ chos kyis rnga bo che rdung du gsol/ chos kyi dung 'bud du gsol/ chos kyi srog shing bsgreng du gsol zhes brjod par bya'o/ /shA ri'i bu/ gzhan yang / rigs kyi bu 'am/ rigs kyi bu mo nyan thos kyi theg pa la yang dag par zhugs pa 'am/ rang sangs rgyas kyi theg pa la yang dag par zhugs pa 'am/ theg pa chen po la yang dag par zhugs pa 'am/ sems can gzhan dag kyang rung ste/ nyin lan gsum mtshan lan gsum du bla gos phrag pa gcig tu gzar nas pus mo g.yas pa'i lha nga sa la btsugs te thal mo sbyar nas/ tshig 'di skad du/ sangs rgyas bcom ldan 'das gang dag da lta na phyogs bcu'i 'jig rten gyi khams na sku tshe'i 'du byed btang ba'i sangs rgyas bcom ldan 'das de dag la phyag 'tshal lo/ /sangs rgyas bcom ldan 'das de dag la phyag 'tshal nas gsol ba 'debs kyi/ sangs rgyas </font><hr>265b<br><font size=+1>


bcom ldan 'das de dag skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang / mi rnams kyi don dang / sman pa dang / bde ba'i slad du/ chos kyi 'khor lo ni rab tu bskor/ chos kyi sgron me ni rab tu 'bar bar mdzad/ chos kyi char ni rab tu 'bebs/ chos kyi char ni rab tu gtong / chos kyi rnga ni rab tu brdung / chos kyi rnga bo che ni rab tu brdung / chos kyi dung ni rab tu 'bud/ chos kyi srog shing ni rab tu bsgreng / chos kyi sgron ma ni mched par mdzad/ sems can thams cad la chos kyi sbyin pas ni tshim par mdzad/ nyam bag tu spyod du 'dzud cing re zhig bzhugs su gsol/ gsol ba btab pa'i phung po 'di'ang bla na med pa yang dag par rdzogs pa'i byang chub tu yongs su bsngos te ji ltar bla na med pa yang dag par rdzogs pa'i byang chub tu yongs su bsngo ba de bzhin du 'di yongs su bsngo'o zhes brjod par bya'o| /shA ri'i bu/ 'di ni gsol ba gdab pa'i phung po ste/ rigs kyi bu 'am/ rigs kyi bu mo gsol ba gdab pa'i phung po 'dis gsol ba 'debs na/ bsod nams mang po grangs med dpag tu med pa bskyed do/ /shA ri'i bu/ rigs kyi bu 'am/ rigs kyi bu mo gang la la zhig gis stong gsum gyi stong chen po'i 'jig rten gyi khams ji snyed </font><hr>266a<br><font size=+1>


@#/ /pa de dag rin po che sna bdun gyis bkang ste/ de bzhin gshegs pa rnams la dbul ba phul ba bas/ gang gis de bzhin gshegs pa de dag la chos kyi 'khor lo bskor bar bskul na/ de ni de bsod nams ches mang du grangs med dpag tu med pa skyed do/ /shA ri'i bu/ stong gsum gyi stong chen po'i 'jig rten gyi khams lta zhog ste/ shA ri'i bu 'jig rten gyi khams gang gA'i klung gi bye ma snyed dang mnyam pa ji snyed pa de dag rigs kyi bu 'am/ rigs kyi bu mo gang la la zhig gis/ rin po che sna bdun gyis bkang ste de bzhin gshegs pa rnams la dbul ba phul ba bas gang gis de bzhin gshegs pa de dag la gsol ba btab na/ de ni de bas bsod nams ches mang du grangs med dpag tu med pa bskyed do/ /de ci'i phyir zhe na/ shA ri'i bu/ ngas sngon byang chub sems dpa'i spyad pa spyod pa na/ de bzhin gshegs pa rnams la chos kyi 'khor lo bskor bar gsol ba btab ste/ dge ba'i rtsa ba des na nga \?\ la lha'i dbang po brgya byin dang / mi mjed kyi bdag po tshangs pas| bcom ldan 'das/ skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang / mi rnams kyi don </font><hr>266b<br><font size=+1>


dang / sman pa dang / bde ba'i slad du chos kyi 'khor lo rab tu bskor bar gsol zhes chos kyi 'khor lo rab tu bskor bar gsol ba btab bo/ /shA ri'i bu/ ngas sngon/ byang chub kyi phyir spyad pa spyod pa na/ de bzhin gshegs pa rnams la ring du bzhugs pa gsol te/ dge ba'i rtsa ba de ni nga mi 'jigs pa bzhi dang / de bzhin gshegs pa'i stobs bcu dang / sangs rgyas kyi chos ma 'dres pa bco brgyad dang / so so yang dag par rig pa bzhi dang / byams pa chen po dang / snying rje chen po dang / yongs su mya ngan las 'das pa thob ste/ nga'i dam pa'i chos kyang yun ring du gnas par 'gyur ro/ /de skad ces bka' stsal pa dang / bcom ldan 'das la tshe dang ldan pa shA ri'i bus yang 'di skad ces gsol to/ /bcom ldan 'das/ rigs kyi bu'am/ rigs kyi bu mo nyan thos kyi theg pa la yang dag par zhugs pa'am/ rang sangs rgyas kyi theg pa la yang dag par zhugs pa 'am/ theg pa chen po la yang dag par zhugs pa 'am/ sems can gzhan dag kyang rung ste/ bla na med pa yang dag par rdzogs pa'i byang chub mngon par rdzogs par 'tshang rgya bar 'tshal bas/ thams cad mkhyen pa nyid du 'gyur bar bgyi ba'i slad du/ dge ba'i rtsa ba rnams ji ltar yongs su bsngo bar bgyi/ de skad ces gsol </font><hr>267a<br><font size=+1>


@#/ /pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu/ 'di la rigs kyi bu 'am/ rigs kyi bu mo nyan thos kyi theg pa la yang dag par zhugs pa 'am/ rang sangs rgyas kyi theg pa la yang dag par zhugs pa 'am/ theg pa chen po la yang dag par zhugs pa 'am/ sems can gzhan dag kyang rung ste/ bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ nyin lan gsum mtshan lan gsum du tshig 'di skad ces/ thog ma dang / tha ma ma mchis pa'i 'khor ba na 'khor ba'i tshe/ bdag gis dge ba'i rtsa ba mngon par 'dus bgyis par gyur pa/ sangs rgyas sam/ chos sam/ dge 'dun nam/ gang phrag \?\ gam/ tha na dud 'gro'i skye gnas su song ba rnams sam/ sems can gzhan dag kyang rung ste/ zan chang gcig tsam stsal bar gyur pa dang / 'chags pa gang lags pa dang / gsol ba gdab pa gang lags pa dang / skyabs su mchi ba gang lags pa dang / bslab pa'i gzhi dang ldan pa'i dge ba'i rtsa ba gang lags pa dang / so sor 'chags pa dang ldan pa'i dge ba'i rtsa ba gang lags pa dang / rjes su yi rang ba dang ldan pa'i bsod nams bgyi ba'i dngos po gang lags pa dang / gsol </font><hr>267b<br><font size=+1>


ba gdab pa dang ldan pa'i dge ba'i rtsa ba gang lags pa de dag thams cad gcig tu bsdus/ gzhal bzlums te sems dul zhing rnam par grol ba dang / gzung ba ma mchis pas sems can thams cad la stsal to/ /ji ltar dge ba'i rtsa ba rnams sems can rnams la btang bar bgyi ba/ sangs rgyas bcom ldan 'das rnams kyis/ sangs rgyas kyi ye shes chags pa mi mnga' bas ji ltar mkhyen pa de lta bus bdag gis dge ba'i rtsa ba de btang ste/ sems can thams cad lag na rin po che dang ldan par gyur cig /nam mkha' mdzod dang / longs spyod zad mi shes pa dang / bsod nams zad mi shes pa dang / chos zad mi shes pa dang / ye shes zad mi shes pa dang / spobs pa zad mi shes pa dang / bla na me pa yang dag par rdzogs pa'i byang chub mngon par rdzogs par byang chub pa dang / thams cad mkhyen pa'i ye shes thob par gyur cig /bdag gis dge ba'i rtsa ba 'di sems can thams cad la stsal pa las byung ba'i bsod nams gang yin pa de dag thams cad gcig tu bsdus/ gzhal zlums te bla na med pa yang dag par rdzogs pa'i byang chub tu yongs su bsngo'o/ /dge ba'i rtsa ba 'dis bdag dang / sems can thams cad bla na med pa yang dag par rdzogs pa'i byang chub mngon par 'tshang rgya bar gyur cig /thams cad </font><hr>268a<br><font size=+1>


@#/ /mkhyen pa'i ye shes kyang thob par gyur cig /ji ltar sngon gyi byang chub sems dpa' sems dpa' chen po de dag gis byang chub kyi phyir spyod pa na/ de thams cad mkhyen pa nyid du 'gyur bar bgyi ba'i slad du dge ba'i rtsa ba rnams yongs su bsngos pa de bzhin du/ bdag gis kyang thams cad mkhyen pa nyid du 'gyur bar bgyi ba'i slad du dge ba'i rtsa ba rnams yongs su bsngo'o/ /dge ba'i rtsa ba 'dis bdag dang / sems can thams cad bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /thams cad mkhyen pa'i ye shes kyang thob par gyur cig /ji ltar ma 'ongs pa'i dus kyi byang chub sems dpa' sems dpa' chen po de dag gis byang chub gyi phyir spyod pa ni/ thams cad mkhyen pa nyid du 'gyur bar bgyi ba'i slad du dge ba'i rtsa ba rnams yongs bsngo bar 'gyur ba de bzhin du bdag gis kyang thams cad mkhyen pa nyid du 'gyur bar bgyi ba'i slad du dge ba'i rtsa ba rnams yongs su bsngo'o/ /dge ba'i rtsa ba 'dis bdag dang / sems can thams cad bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /thams cad mkhyen pa'i ye shes kyang </font><hr>268b<br><font size=+1>


thob par gyur cig /ji ltar de lta na da ltar byung ba'i byang chub sems dpa' sems dpa' chen po de dag gis byang chub kyi phyir spyod pa na/ thams cad mkhyen pa nyid du 'gyur bar bgyi ba'i slad du dge ba'i rtsa ba rnams yongs su bsngos pa de bzhin du bdag gis kyang thams cad mkhyen pa nyid du 'gyur bar bgyi ba'i slad du dge ba'i rtsa ba rnams yongs su bsngo'o/ /dge ba'i rtsa ba 'dis bdag dang / sems can thams cad bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /thams cad mkhyen pa'i ye shes kyang thob par gyur cig /ji ltar bcom ldan 'das de bzhin gshegs pa shAkya thub pa des byang chub kyi snying po la bzhugs te/ sangs rgyas kyi ting nge 'dzin bsam gyis mi khyab pa/ dri ma med pa/ shin tu dkar ba la zhugs nas bdud sdig can bcom ste/ shes par bgyi ba dang / blta bar bgyi ba dang / rtogs par bgyi ba dang / mngon par rdzogs par byang chub par bgyi ba gang ci'ang rung ste/ de thams cad nam gyi tho rangs skya rang 'char kar skad cig gcig dang ldan pa'i shes rab kyis bdud rtsi brnyes te/ 'chi ba med par 'gro ba'i lam mngon par sangs rgyas pa de bzhin du bdag dang / sems can thams cad kyang bla na med pa yang dag par rdzogs pa'i byang chub mngon par rdzogs par 'tshang </font><hr>269a<br><font size=+1>


@#/ /rgya bar gyur cig /thams cad mkhyen pa'i ye shes kyang thob par gyur cig /ji ltar bcom ldan 'das de bzhin gshegs pa 'od dpag med dang / 'od mchog dang / 'od dge dang / bsod nams 'od dang / mi 'khrugs pa dang / seng ge dang / 'od zer brgya pa dang / 'od zer mtho dang / 'od kyi dra ba can dang / rin chen 'od 'phro dang / 'od 'bar dang / snang ba'i rgyal po dang / shin tu brgyan dang / rin chen me tog dang / chos kyi rgyal mtshan dang / yan lag mchog ces bya ba'i de bzhin gshegs pa dgra bcom pa yang dag par rdzogs pa'i sangs rgyas de dag dang / sangs rgyas bcom ldan 'das gzhan dag gis bla na med pa yang dag par rdzogs pa'i byang chub mngon par rdzogs par sangs rgyas nas ji tsam du skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang / mi rnams kyi don dang / sman pa dang / bde ba'i slad du chos kyi 'khor lo rab tu bskor ba de bzhin du bdag dang / sems can thams cad kyang bla na med pa yang dag par rdzogs pa'i byang chub mngon par rdzogs par sangs rgyas nas skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal </font><hr>269b<br><font size=+1>


po che dang / lha dang / mi rnams kyi don dang / sman pa dang / bde ba'i slad du chos kyi 'khor lo rab tu bskor bar shog cig ces brjod par bya'o/ /shA ri'i bu/ 'di ni yongs su bsngo ba'i phung po ste/ bsod nams kyi phung po snga mas yongs su bsngo ba'i phung po 'di'i brgya'i char yang nye bar mi 'gro ba nas/ dpe'i bar du yang mi bzod do/ /shA ri'i bu/ rigs kyi bu'am/ rigs kyi bu mo gang la la zhig mdo sde 'di len tam/ kun chub par byed dam/ 'dzin tam/ klog gam/ gzhan dag la'ang rgya cher yang dag par rab tu ston na de'i bsod nams kyi phung po de bas ches mang du grangs med dpag tu med pa bskyed do/ /shA ri'i bu/ stong gsum gyi stong chen po'i 'jig rten gyi khams kyi sems can ji snyed yod pa de dag thams cad snga phyi med par mi lus thob par gyur la/ de dag snga phyi med par mi'i lus thob nas kyang rang byang chub thob par gyur te/ de dag la rigs kyi bu'am/ rigs kyi bu mo gang la la zhig gis bsti stang dang / phud dud du bya ba'i phyir gos dang / zas dang / mal cha dang / na ba'i gsos sman dang / yo byad rnams kyis ji srid 'tsho'i bar du bsnyen bkur byas/ rim gro bya ba la lan gcig tsam yang rin po che'i phung po ri rab tsam gyi rin po che rnams yongs su zad par byas la/ yongs su mya ngan las </font><hr>270a<br><font size=+1>


@#/ /'das nas kyang de dag gi mchod rten rin po che sna bdun te/ gser dang / dngul dang / mu tig dang / bai DUR+Ya dang / shel dang / spug dang / mu tig dmar po las 'phang du dpag tshad bcu pa byas te/ de dag la gdugs dang / rgyal mtshan dang / ba dan dang / ba dan phra mo rnams kyis mchod pa byas na/ shA ri'i bu| de ji snyam du sems/ rigs kyi bu 'am/ rigs kyi bu mo de gzhi de las bsod nams mang du skyed dam/ gsol pa/ bcom ldan 'das/ mang lags so/ /bde bar gshegs pa/ mang lags so/ /bka' stsal pa/ shA ri'i bu/ rigs kyi bu 'am/ rigs kyi bu mo gang mdo 'di 'dzin tam/ kun chub par byed dam/ 'don par byed dam| klog gam/ skye bo mang po la yang dag par rab tu ston tam/ bla na med pa yang dag par rdzogs pa'i byang chub tu smon lam 'debs na/ de ni de bas bsod nams ches mang du bskyed do/ /bsod nams kyi phung po snga mas bsod nams kyi phung po 'di'i brgya'i char yang nye bar mi 'gro ba nas dpe'i bar du'ang mi bzod do/ /de ci'i phyir zhe na/ shA ri'i bu/ 'di ltar rigs kyi bu 'am/ rigs kyi bu mo sgrub pa 'di la gnas nas/ phyogs bcu'i 'jig rten gyi khams kyi sangs rgyas bcom ldan 'das rnams la </font><hr>270b<br><font size=+1>


chos kyi 'khor lo bskor bar bskul ba'i phyir ro/ /shA ri'i bu/ sbyin pa rnams kyi nang na/ 'di lta ste/ chos kyi sbyin pa mchog ces ngas bshad do/ /de nas 'khor de las srog chags khri stan las langs te/ so so nas bla gos phrag pa gcig tu gzar nas pus mo g.yas pa'i lha pas la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das/ bdag cag gis mdo 'di gzung bar bgyi'o/ /gzhan dag la'ang rgya cher yang dag par bstan par bgyi'o/ /bsgrub pa la gnas par bgyi'o/ /de ci'i slad \?\ du zhe na/ bcom ldan 'das/ bdag cag ni dge ba'i chos de lta bu dag gis bla na med pa yang dag par rdzogs pa'i byang chub mngon par rdzogs par 'tshang rgya bar 'gyur zhing don du gnyer ba lags so/ /de nas lha'i dbang po brgya byin gyis bcom ldan 'das dang / chos kyi rnam grangs 'di la lha'i me tog man dA ra bas mngon par gtor to/ /mngon par gtor nas kyang tshig 'di skad ces/ bcom ldan 'das/ chos kyi rnam grangs 'di ni byang chub sems dpa' rnams kyi dge ba'i rtsa ba bskrun pa dang / las kyi sgrib pa rgyun gcod ba'i gces spras bgyid pa lags so/ /bcom ldan 'das kyis bka' stsal </font><hr>271a<br><font size=+1>


@#/ /pa/ de de bzhin no/ /kau shi ka /de de bzhin te/ de ci'i phyir zhe na/ lha'i dbang po/ ngas mngon par shes te/ 'di nas bskal pa grangs med pa'i yang ches grangs med par gyur pa na/ de bzhin gshegs pa dgra bcom pa yang dag par rdzogs pa'i sangs rgyas 'od zer gyi phung po chen po zhes bya ba/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom ldan 'das 'jig rten du byung ngo / /lha'i dbang po/ de bzhin gshegs pa dgra bcom pa yang dag par rdzogs pa'i sangs rgyas 'od zer gyi phung po chen po de'i sku tshe'i tshad ni lo bye ba phrag drug cu thub par gyur to/ /de'i nyan thos thog mar 'dus pa ni/ bye ba phrag 'bum yod de/ thams cad kyang dgra bcom pa/ zag pa zad pa/ sha stag go /de'i nyan thos 'dus pa gnyis pa ni bye ba phrag dgu bcu rtsa brgyad yod de/ thams cad kyang dgra bcom pa/ zag pa zad pa sha stag go /de'i nyan thos 'dus pa gsum pa ni bye ba brgya stong phrag dgu bcu rtsa dgu yod de/ thams cad kyang dgra bcom pa/ zag pa zad pa sha stag go /lha'i dbang po/ de nas </font><hr>271b<br><font size=+1>


de bzhin gshegs pa dgra bcom pa yang dag par rdzogs pa'i sangs rgyas 'od zer gyi phung po chen po de lha dang bcas pa'i 'jig rten dang / tshangs pa dang bcas pa dang / dge sbyong dang / bram zer bcas pa'i skye dgu'i don gyi phyir rgyu'o/ /lha'i dbang po/ de'i tshe bud med gang gA'i lha mo zhes bya ba zhig 'khor 'dus pa de nyid kyi nang du 'dus par gyur te 'dug pa des chos kyi rnam grangs 'di bcom ldan 'das de bzhin gshegs pa 'od zer gyi phung po chen po las mngon sum du gzung / kun chub par byas/ blangs nas skye bo mang po la yang dag par bstan te/ bla na med pa yang dag par rdzogs pa'i byang chub la yang dag par zhugs par gyur to/ /de de nas shi 'phos nas bud med kyi lus spangs te skyes pa'i dbang po thob nas rtag par rgyun tu lha dang / mi rnams kyi nang du skyes te/ lan brgyad khri bzhi stong du 'khor los bsgyur ba'i rgyal po byas nas/ de bzhin gshegs pa rin chen 'od 'phro zhes bya bar gyur te/ /kau shi ka /'di nas shar phyogs na sangs rgyas kyi zhing bye ba stong phrag brgya na chos ston te ngas da ltar na'ang mthong ngo / /ko'u shi ka /su dag /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin </font><hr>272a<br><font size=+1>


@#/ /chen 'od 'phro de'i mtshan thos pa de dag thams cad yongs su mya ngan las 'das par nges par 'gyur ro/ /bud med gang la la zhig gis de bzhin gshegs pa dgra bcom pa yang dag par rdzogs pa'i sangs rgyas rin chen 'od 'phro de'i mtshan thos sam/ 'chi kar yang mngon sum du byed na de nyid de'i bud med kyi lus kyi tha ma yin no/ /rigs kyi bu/ gser 'od dam pa'i mdo sde'i dbang po 'di'i phan yon rnam pa sna tshogs 'byung bar 'gyur te/ byang chub kyi dge ba'i chos rnams yongs su rgyas par 'gyur ba dang / las kyi sgrib pa'i rgyun thams cad gcod par 'gyur ro/ /yang dge slong ngam/ dge slong ma'am/ dge bsnyen nam/ dge bsnyen ma gang la la zhig gis gser 'od dam pa mdo sde'i dbang po 'di 'chad cing ston pa'i gnas dang / yul 'khor der phan yon rnam pa 'di bzhi 'byung bar 'gyur ro/ /bzhi gang zhe na/ yul de'i rgyal po nad med cing gnod pa thams cad dang bral bar 'gyur ba dang / tshe ring zhing bar chad mi 'byung ba dang / dgra dang / pha rol gyi dmag tshogs kyis 'joms par mi 'gyur ba dang / bde ba la longs spyod cing dam pa'i chos yongs su rgyas par byed pa de ni/ mi'i rgyal po de la brgya byin dang / tshangs pa dang / 'jig rten skyong ba bzhi dang / </font><hr>272b<br><font size=+1>


gnod sbyin gyi bdag po la sogs pas yongs su bsrungs pa'i phyir ro/ /de nas bcom ldan 'das kyis lha'i 'khor de dag la/ rigs kyi bu dag /de de lta yin nam zhes bka' stsal pa dang / de nas brgya byin dang / tshangs pa la sogs pa tshad med pa'i 'khor de dag so so nas tshig 'di skad ces gsol to/ /de de lta lags so/ /bcom ldan 'das yul 'khor gang du mdo sde'i dbang po 'di klog cing 'don pa dang / ston pa de'i rgyal po dang / yul 'khor der mchis te/ de la bdag cag gis rtag tu bsrung ba dang / lhan cig gnas par bgyis te/ rgyal po de'i phas kyi dgra dang / gnod pa dang / bar chad dang / nad dang / mya ngan la sogs pa thams cad ma mchis par bgyi'o/ /tshe ring ba dang / bde ba dang / bkra shis su ldan zhing bsams pa thams cad 'grub pas/ rtag pas sems dga' bar yang bgyi'o/ /rgyal po'i 'khor de'i dmag rnams kyang dpa' zhing brtul phod par bgyi'o/ /de skad ces gsol pa dang / bcom ldan 'das kyis legs so zhes bka' stsal to/ /legs so/ /legs so/ /rigs kyi bu dag /ji skad smras pa de bzhin du sgrubs shig dang / rgyal po de chos bzhin du spyod pas/ de'i 'bangs rnams kyang rgyal po bzhin chos bzhin spyod par 'gyur ro/ /de la khyed kyis mthu dang / kha </font><hr>273a<br><font size=+1>


@#/ /dog phun sum tshogs pas bstang zhing phan pa dam pas gnas dang / 'khor la sogs pa 'od can du gyis shig /de nas brgya byin dang / tshangs pa la sogs pas kyang bcom ldan 'das kyis ji skad bka' stsal pa bzhin du bgyi'o zhes gsol to/ /de nas bcom ldan 'das kyis bka' stsal pa/ gang mdo sde'i dbang po 'di ston pa dang / rgyas par byed pa'i gnas dang / yul der rgyal po'i blon po rnams la phan yon rnam pa 'di bzhi 'byung bar 'gyur te/ bzhi gang zhe na/ gcig la gcig gus shing mdza' ba'i sems su 'gyur pa dang / rtag tu rgyal pos gnang zhing dge sbyong dang / bram ze dang / rgyal phran la sogs pas btsun par 'dzin pa dang / dam pa'i chos don du gnyer zhing khe dang grags pa mi tshol bas grags pa chen po phyogs su rgyas shing kun gyis bstod pa dang / tshe ring zhing bde bar longs spyod pa ste/ bzhi po de dag go /gzhan yang / dam pa'i chos 'di ston pa'i yul de'i dge sbyong dang / bram ze rnams la phan yon 'di bzhi 'byung ste/ bzhi gang zhe na/ gos dang / bsod snyoms dang / mal cha dang / sman la sogs pas phongs par mi 'gyur ba dang / de dag kun kyang klog pa dang / 'don pa'i bsam pas sems bde bar 'gyur ba dang / ri dang / </font><hr>273b<br><font size=+1>


nags tshal la sogs par bde bar gnas par 'gyur ba dang / gang brnag par bya ba'i bsam pa de yongs su rdzogs par 'gyur ba dang bzhi po da dag go /gzhan yang / mdo 'di 'don pa'i yul de'i skye bo de dag nad med cing bde ba 'phel ba dang / nor dang / yo byad dang / rin po che la sogs pa bsgrub pa myung du 'grub cing / bsod nams 'phel ba la sogs te phan yon rnam pa de dag dang ldan par 'gyur ro/ /de nas brgya byin dang / tshangs pa dang / rgyal po chen po bzhi la sogs pa'i 'khor de dag gis 'di skad ces gsol to/ /bcom ldan 'das/ don zab mo ston pa'i mdo sde 'di ji srid 'jig rten na gnas kyi bar du byang chub kyi phyogs kyi chos sum cu rtsa bdun gyi chos rnams kyang gnas par 'gyur ro/ /mdo sde 'di nam mi bzhugs par gyur pa'i dus der/ dam pa'i chos rnams kyang med par 'gyur ro zhes gsol pa dang / bcom ldan 'das kyis bka' stsal pa/ de de lta'o/ /rigs kyi bu dag /de lta bas na khyod kyis gser 'od dam pa'i mdo 'di las tha na tshig gcig gam/ tshigs su bcad pa gcig gam/ le'u gcig gam/ sde tshang bar yang rung ste/ yang dag par gdon par bya/ bzung bar bya/ bsam par bya/ yongs su bsgrub par bya'o/ /sems can mang po'i yun gyi don dang / phan </font><hr>274a<br><font size=+1>


@#/ /pa dang / bde ba'i phyir kun la ston cing rgyas par byed na/ de bsod nams kyi phung po tshad med pa dang ldan par 'gyur ro zhes bka' stsal pa dang / bcom ldan 'das kyis gsungs pa la mngon par bstod do/ /gser 'od dam pa mdo sde'i dbang po'i rgyal po las/ las kyi sgrib pa rgyun gcod pa zhes bya ba'i le'u ste lnga pa'o// //bam po bzhi pa/ de nas byang chub sems dpa' sems dpa' chen po blo gros mi zad pa stan las langs te bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la rin po che sna tshogs kyi me tog gi gdugs dang / me tog gi phur mas mchod nas/ bcom ldan 'das la 'di skad ces gsol to/ /bcom ldan 'das/ byang chub kyi sems byang chub kyi sems zhes bgyi ba/ bcom ldan 'das/ ji tsam gyis na byang chub sems dpa' byang chub kyi sems dang ldan pa lags/ bcom ldan 'das/ byang chub kyi sems gang lags/ bcom ldan 'das/ byang chub la ni sems sam/ byang chub sems dpa' ma dmigs/ mi dmigs/ dmigs par yang mi 'gyur ro/ /byang chub las gud </font><hr>274b<br><font size=+1>


na'ang byang chub kyi sems mi dmigs te byang chub ni brjod du ma mchis/ sems ni gzugs ma mchis/ bstan du ma mchis/ thogs pa ma mchis/ rnam par rig pa ma mchis shing / sems par yang mi dmigs na/ bcom ldan 'das/ ji ltar na chos 'di dag gi don rtogs par bgyi/ bcom ldan 'das kyis bka' stsal pa/ rigs kyi bu/ 'di la byang chub ni brda 'am/ gdags pa'am/ tha snyad du mi dmigs shing / byang chub las gud na byang chub kyi sems kyang mi dmigs la/ byang chub ni brjod du med/ sems ni gzugs med/ bstan du med/ thogs pa med/ rnam par rig pa med/ sems dpa' yang mi dmigs so/ /de ci'i phyir zhe na/ byang chub ni brjod du med pa ste/ byang chub ji lta bar sems kyang de bzhin no/ /sems ji lta bar byang chub kyang de bzhin no/ /byang chub dang / sems ji lta bar sems dpa' rnams kyang de bzhin no/ /sems dpa' rnams ji lta bar 'das pa dang / ma 'ongs pa dang / da ltar byung ba'i chos thams cad kyang de bzhin no/ /rigs kyi bu/ de ltar na byang chub sems dpa' sems dpa' chen po byang chub sems dpa'i ming thob bo/ /chos thams cad kyi rjes su song ba'i sems de ni/ byang chub kyi sems zhes bya'o/ /byang chub ni 'das pa dang / ma </font><hr>275a<br><font size=+1>


@#/ /'ongs pa dang / da ltar byung ba yang ma yin te sems kyang de bzhin no/ /chos thams cad mi dmigs pa'i phyir 'di la ci'ang rnyed pa med do/ byang chub kyang med/ byang chub tu gdags pa'ang med/ sems can yang med/ sems can du gdags pa'ang med/ nyan thos kyang med/ nyan thos su gdags pa'ang med/ rang sangs rgyas kyang med/ rang sangs rgyas su gdags pa'ang med/ byang chub sems dpa' yang med/ byang chub sems dpar gdags pa'ang med/ sangs rgyas kyang med/ sangs rgyas su gdags pa'ang med/ 'dus byas kyang med/ 'dus byas su gdags pa'ang med/ 'dus ma byas kyang med/ 'dus ma byas su gdags pa'ang mi dmigs dmigs par mi 'gyur pa'o/ /rigs kyi bu/ 'on kyang / dper na/ ri rab kyi tshul du dge ba'i rtsa ba thams cad kyis yang dag par 'phags pa'i sems dang po bskyed de/ de la rgyu ni sbyin pa'i pha rol tu phyin pa'o/ /sems bskyed pa gnyis pa ni chos thams cad kyi bya ba'i gnas kyi tshul gyis sa lta bur blta ste/ de la rgyu ni tshul khrims kyi pha rol tu phyin pa'o/ /sems bskyed pa gsum pa ni 'jigs pa med pa dang / bag tshab med pa dang / skrag pa med pa'i tshul gyis ri dwags kyi </font><hr>275b<br><font size=+1>


rgyal po seng+ge ral pa can gyi rtsal lta bur blta ste/ de la rgyu ni bzod pa'i pha rol tu phyin pa'o/ /sems bskyed pa bzhi pa ni phyir mi ldog pa'i tshul gyis sred med kyi bu'i mthu dang| stobs dang / shugs dang / brtson 'grus dang / brtul ba lta bur blta ste/ de la rgyu ni brtson 'grus kyi pha rol tu phyin pa'o/ /sems bskyed pa lnga pa ni bsod 
 kyis chog mi shes pa'i tshul gyis dge ba sna tshogs kyis yang dag par 'phags pa lta bur blta ste/ de la rgyu ni bsam gtan gyi pha rol tu phyin pa'o/ /sems bskyed pa drug pa ni mun pa mun nag chen po sel ba'i tshul gyis nyi ma'i dkyil 'khor 'od gsal ba lta bur blta ste/ de la rgyu ni shes rab kyi pha rol tu phyin pa'o/ /sems bskyed pa bdun pa ni/ ded dpon mdzod chen pos phyug pa lta bur 'khor ba'i 'brog dgon pa las sgrol pa'i tshul gyis bsam pa thams cad yongs su rdzogs par byed pas de la legs par brgyan pa lta bur blta ste/ de la rgyu ni thabs mkhas pa'i pha rol tu phyin pa'o/ /sems bskyed pa brgyad pa ni zla ba nya'i dkyil 'khor rnam par dag pa'i dpe'i tshul gyis sgrib pa thams cad rnam par dag par yongs su rdzogs par byed pa lta bur blta ste/ de la rgyu ni smon lam gyi pha rol tu phyin pa'o/ /sems bskyed pa dgu pa ni/ sangs rgyas kyi </font><hr>276a<br><font size=+1>


@#/ /zhing yongs su dag pa'i yon tan gyi rgyan bkod pa thams cad kyi dkyil 'khor gyi tshul gyis bsam pa thams cad yongs su rdzogs par byed pa lta bur blta ste/ de la rgyu ni stobs kyi pha rol tu phyin pa'o/ /sems bskyed pa bcu pa ni yon tan dang / ye shes dang / chos thams cad la dbang bsgyur par dbang \?\ bskur ba thob pas 'khor los bsgyur ba'i mtshan gyi dpe'i tshul gyis nam mkha' dang mtshungs pa lta bur blta ste/ de la rgyu ni ye shes kyi pha rol tu phyin pa'o/ /rigs kyi bu/ byang chub sems dpa' rnams kyi sems bskyed pa ni bcu po 'di dag yin te/ 'di dag dang ldan pas byang chub sems dpa' zhes bya'o/ /don dam par na 'di la byang chub kyang med/ byang chub sems dpa' yang med/ byang chub kyi sems kyang med do/ /rigs kyi bu/ de la byang chub sems dpa' rnams kyi sbyin pa'i pha rol tu phyin pa'i sngon du 'gro ba'i chos rnam pa bcu ste/ bcu gang zhe na/ 'di lta ste/ dad pa'i dbang po sngon du 'gro ba dang / bsam pa sngon du 'gro ba dang / lhag pa'i bsam pa sngon du 'gro ba dang / pha rol tu phyin pa sngon du 'gro ba dang / byams pa chen po sngon du 'gro ba dang / snying rje chen po sngon du 'gro ba dang / </font><hr>276b<br><font size=+1>


sems can gyi rten sngon du 'gro ba dang / bsdu ba'i dngos po sngon du 'gro ba dang / sangs rgyas kyi chos 'dod pa sngon du 'gro ba dang / thams cad mkhyen pa'i ye shes 'dod pa sngon du 'gro ba ste/ rigs kyi bu/ byang chub sems dpa' rnams kyi sbyin pa'i pha rol tu phyin pa 'di'i sngon du 'gro ba'i chos rnam pa bcu'o/ /rigs kyi bu/ de la byang chub sems dpa' rnams kyi tshul khrims kyi pha rol tu phyin pa'i sngon du 'gro ba'i chos rnam pa bcu ste/ bcu gang zhe na/ 'di lta ste/ lus kyi las yongs su dag pa sngon du 'gro ba dang / dag gi las yongs su dag pa sngon du 'gro ba dang / yid kyi las yongs su dag pa sngon du 'gro ba dang / rnam par mi 'tshe ba sngon du 'gro ba dang / ngan song thams cad rnam par spong ba sngon du 'gro ba dang / mi khom pa brgyad rnam par spong ba sngon du 'gro ba dang / nyan thos dang / rang sangs rgyas kyi sa las 'da' ba sngon du 'gro ba dang / sangs rgyas kyi yon tan la dgod pa sngon du 'gro ba dang / bsam pa yongs su rdzogs pa sngon du 'gro ba dang / smon lam yongs su rdzogs pa sngon du 'gro ba ste/ rigs kyi bu/ byang chub sems dpa' rnams kyi tshul khrims kyi pha rol tu phyin pa'i sngon du 'gro ba'i chos rnam pa 'di bcu'o/ /rigs kyi bu/ de la byang chub sems dpa' </font><hr>277a<br><font size=+1>


@#/ /rnams kyi bzod pa'i pha rol tu phyin pa'i sngon du 'gro ba'i chos rnam pa bcu ste/ bcu gang zhe na/ 'di lta ste/ rjes su chags pa spong ba sngon bu 'gro ba dang / khong khro ba spong ba sngon du 'gro ba dang / lus la mi lta ba sngon du 'gro ba dang / srog la yid mi rton pa sngon du 'gro ba dang / mos pa sngon du 'gro ba dang / sems can yongs su smin par bya ba sngon du 'gro ba dang / byams pa'i stobs sngon du 'gro ba dang / zab mo'i chos la bzod pa sngon du 'gro ba dang / rgya chen po la mos pa sngon du 'gro ba dang / mi shes pa bsal ba sngon du 'gro ba ste/ rigs kyi bu/ byang chub sems dpa' rnams kyi bzod pa'i pha rol tu phyin pa'i sngon du 'gro ba'i chos rnam pa bcu'o/ /rigs kyi bu/ de la byang chub sems dpa' rnams kyi brtson 'grus gyi pha rol tu phyin pa'i sngon du 'gro ba'i chos rnam pa bcu ste/ bcu gang zhe na/ 'di lta ste/ sems can thams cad kyi bya ba ci yod snyam pa sngon du 'gro ba dang / dge ba'i lus dang / dag dang / yid mngon par bsgrub pa la rjes su yi rang ba sngon du 'gro ba dang / zhum pa med pa sngon du 'gro ba dang / phyir mi ldog pa'i sa la bsdu ba thob par bya ba sngon du 'gro ba dang / yang dag pa'i stsol ba sngon du 'gro ba dang / dran pa nye bar gzhag pa sngon du 'gro </font><hr>277b<br><font size=+1>


ba dang / nyon mongs pa'i dgra 'dul ba sngon du 'gro ba dang / chos thams cad kyis dben pa sngon du 'gro ba dang / sems can yongs su smin par bya ba sngon du 'gro ba dang / thams cad mkhyen pa'i ye shes yang dag par sgrub pa sngon du 'gro ba ste/ rigs kyi bu/ byang chub sems dpa' rnams kyi brtson 'grus kyi pha rol tu phyin pa'i sngon du 'gro ba'i chos rnam pa bcu'o/ /rigs kyi bu/ de la byang chub sems dpa' rnams kyi bsam gtan gyi pha rol tu phyin pa'i sngan du 'gro ba'i chos rnam pa bcu ste/ bcu gang zhe na/ 'di lta ste/ dge ba'i chos la gnas pa sngon du 'gro ba dang / ting nge 'dzin sngon du 'gro ba dang / snyoms par 'jug pa sngon du 'gro ba dang / yang dag par rdzogs pa'i byang chub sngon du 'gro ba dang / bsam gtan dang / rnam par thar pa sngon du 'gro ba dang / ting nge 'dzin gyi dbang po sngon du 'gro ba dang / ting nge 'dzin gyi stobs sngon du 'gro ba dang / sems can thams cad kyi nyon mongs pa spong ba sngon du 'gro ba dang / ting nge 'dzin gyi phung po yongs su rdzogs par byed pa sngon du 'gro ba dang / dam pa'i chos yongs su bsrung ba sngon du 'gro ba ste/ rigs kyi bu/ byang chub sems dpa' rnams kyi bsam gtan gyi pha rol tu phyin pa'i sngon du 'gro ba'i chos rnam pa bcu'o/ /rigs kyi bu/ de la byang chub sems dpa' rnams kyi </font><hr>278a<br><font size=+1>


@#/ /shes rab kyi pha rol tu phyin pa'i sngon du 'gro ba'i chos rnam pa bcu ste/ bcu gang zhe na/ 'di lta ste/ phung po la mkhas pa sngon du 'gro ba dang / khams la mkhas pa sngon du 'gro ba dang / skye mched la mkhas pa sngon du 'gro ba dang / rten cing 'brel bar 'byung ba la mkhas pa sngon du 'gro ba dang / bden pa la mkhas pa sngon du 'gro ba dang / lta bar gyur pa thams cad bsal ba sngon du 'gro ba dang / shes rab kyi dbang po sngon du 'gro ba dang / mi skye ba'i chos la bzod pa sngon du 'gro ba dang / sangs rgyas kyi chos thams cad yongs su rdzogs par bya ba sngon du 'gro ba dang / sgrib pa med pa'i ye shes mthong ba sngon du 'gro ba ste/ rigs kyi bu/ byang chub sems dpa' rnams kyi shes rab kyi pha rol tu phyin pa'i sngon du 'gro ba'i chos rnam pa bcu'o/ /rigs kyi bu/ de la byang chub sems dpa' rnams kyi thabs la mkhas pa'i pha rol tu phyin pa'i sngon du 'gro ba'i chos rnam pa bcu ste/ bcu gang zhe na/ 'di lta ste/ sems can gyi bsam pa dang / spyod pa la 'jug pa sngon du 'gro ba dang / sems can gyi rten sngon du 'gro ba dang / byams pa dang / snying rje chen po sngon du 'gro ba dang / sems can yongs su smin par bya ba la mi skyo ba sngon du 'gro ba dang / sangs rgyas kyi chos thams cad la 'jug pa sngon </font><hr>278b<br><font size=+1>


du 'gro ba dang / khyad par gyi ye shes mthong ba khong du chud pa sngon du 'gro ba dang / pha rol tu phyin pa yongs su byang bar bya ba dang / yongs su smin par bya ba sngon du 'gro ba dang / dngos po ji lta ba bzhin du yongs su rtogs pa sngon du 'gro ba dang / sems kyi stobs nye bar bsgrub pa sngon du 'gro ba dang / phyir mi ldog pa'i sa yongs su thob par byed pa sngon du 'gro ba ste/ rigs kyi bu/ byang chub sems dpa' rnams kyi thabs mkhas pa'i pha rol tu phyin pa'i sngon du 'gro ba'i chos rnam pa bcu'o/ /rigs kyi bu/ de la byang chub sems dpa' rnams kyi smon lam gyi pha rol tu phyin pa'i sngon du 'gro ba'i chos rnam pa bcu ste/ bcu gang zhe na/ 'di lta ste/ sems can thams cad kyi sems kyi spyod pa thibs po nye bar rgyu ba shes pa sngon du 'gro ba dang / sems can thams cad kyi nyon mongs pa'i thibs po nye bar rgyu ba shes pa sngon du 'gro ba dang / sems can thams cad kyi dbang po thibs po nye bar rgyu ba shes pa sngon du 'gro ba dang / sems can thams cad kyi bsam pa dang / mos pa thibs po nye bar rgyu ba shes pa sngon du 'gro ba dang / sems can thams cad kyi bsam pa dang / lhag pa'i bsam pa dang / mos pa thibs po nye bar rgyu ba shes pa sngon du 'gro ba dang / 'jig rten gyi khams tha dad pa dang / khams gsum gyi thibs po nye bar rgyu ba </font><hr>279a<br><font size=+1>


@#/ /shes pa sngon du 'gro ba dang / sems can thams cad kyi bsam pa dang / bag la nyal gyi thibs po nye bar rgyu ba shes pa sngon du 'gro ba dang / sems can thams cad kyi 'chi 'pho ba dang / skye ba thibs po nye bar rgyu ba shes pa sngon du 'gro ba dang / sems can thams cad kyi phung po gsum du rnam par gzhag pa thibs po nye bar rgyu ba shes pa sngon du 'gro ba dang / dbang po mi skyo ba'i sems can yongs su smin par bya ba shes pa sngon du 'gro ba ste/ rigs kyi bu/ byang chub sems dpa' rnams kyi smon lam gyi pha rol tu phyin pa'i sngon du 'gro ba'i chos rnam pa bcu'o/ /rigs kyi bu/ de la byang chub sems dpa' rnams kyi stobs kyi pha rol tu phyin pa'i sngon du 'gro ba'i chos rnam pa bcu ste/ bcu gang zhe na/ 'di lta ste/ chos thams cad gzod ma nas byung ba med pa sngon du 'gro ba dang / chos thams cad gzod ma nas mtshan nyid med pa sngon du 'gro ba dang / chos thams cad gzod ma nas skye ba med pa sngon du 'gro ba dang / chos thams cad gzod ma nas yod pa ma yin pa 'di la sngon du 'gro ba dang / chos thams cad gzod ma nas chags pa med pa sngon du 'gro ba dang / chos thams cad 'jug pa med pa sngon du 'gro ba dang / chos thams cad ldog pa med pa sngon du 'gro ba dang / chos </font><hr>279b<br><font size=+1>


thams cad dngos po med pa'i ngo bo nyid sngon du 'gro ba dang / chos thams cad kyi thog ma dang / bar ma dang / tha ma mnyam pa nyid sngon du 'gro ba dang / chos thams cad kyi de bzhin nyid la 'jug pa'i rtog pa dang / rnam par rtog pa med pa sngon du 'gro ba ste/ rigs kyi bu/ byang chub sems dpa' rnams kyi stobs kyi pha rol tu phyin pa 'di'i sngon du 'gro ba'i chos rnam pa bcu'o/ /rigs kyi bu/ de la byang chub sems dpa' rnams kyi ye shes kyi pha rol tu phyin pa sngon du 'gro ba'i chos rnam pa bcu ste/ bcu gang zhe na/ 'di lta ste/ chos thams cad rnam par dbye ba la shin tu rnam par brtags pa sngon du 'gro ba dang / dkar po'i chos shin tu yongs su rdzogs pa sngon du 'gro ba dang / byang chub kyi tshogs bsags pa dpag tu med pa sngon du 'gro ba dang / bsod nams dang / ye shes kyi tshogs chen po yongs su bzung ba sngon du 'gro ba dang / snying rje chen po yangs pa khong du chud par bya ba sngon du 'gro ba dang / 'jig rten gyi khams rnam par dbye ba'i rim pa shes pa sngon du 'gro ba dang / sems can gyi khams dang / nyon mongs pa'i spyod pa la 'jug pa sngon du 'gro ba dang / de bzhin gshegs pa'i spyod yul la 'jug cing rjes su 'gro ba shes pa yid la byed pa sngon du 'gro ba dang / stobs bcu </font><hr>280a<br><font size=+1>


@#/ /dang / mi 'jigs pa dang / sangs rgyas kyi chos ma 'dres pa la lhag par dmigs shing kun shes par bya ba sngon du 'gro ba dang / rnam pa thams cad kyi mchog dang ldan pa thams cad mkhyen pa'i ye shes la dbang bskur ba'i sa thob pa sngon du 'gro ba ste/ rigs kyi bu/ byang chub sems dpa' rnams kyi ye shes kyi pha rol tu phyin ba'i sngon du 'gro ba'i chos rnam pa bcu'o/ /de la pha rol tu phyin pa'i don gang zhe na/ spyod pa'i khyad par yongs su rdzogs par byed pa'i don ni pha rol tu phyin pa'i don no| |ye shes zab cing rgya che ba yongs su rdzogs par byed pa'i don ni pha rol tu phyin pa'i don no/ /'dus byas dang / 'dus ma byas la chags pa med pa'i don ni pha rol tu phyin pa'i don no/ /'khor ba'i nyes pa ji lta ba bzhin du rtogs pa'i don ni pha rol tu phyin pa'i don no/ /skye bo mi mkhas pa rnams khong du chud par byed pa'i don ni pha rol tu phyin pa'i don no/ /chos kyi mdzod zad mi shes pa yang dag par ston pa'i don ni pha rol tu phyin pa'i don no/ /sgrib pa med pa'i rnam par thar pa yongs su rdzogs par byed pa'i don ni pha rol tu phyin pa'i don no/ /sems can gyi khams rab tu shes par bya ba'i don ni pha rol tu phyin pa'i don no/ /sbyin pa mnyam pa nyid rjes su rtogs pa'i </font><hr>280b<br><font size=+1>


don ni pha rol tu phyin pa'i don no/ /tshul khrims mnyam pa nyid yongs su rdzogs par byed pa'i don ni pha rol tu phyin pa'i don no/ /bzod pa mnyam pa nyid yongs su rdzogs par byed pa'i don ni pha rol tu phyin pa'i don no/ /brtson 'grus mnyam pa nyid yongs su rdzogs par byed pa'i don ni pha rol tu phyin pa'i don no/ /bsam gtan mnyam pa nyid yongs su rdzogs par byed pa'i don ni pha rol tu phyin pa'i don no/ /shes rab kyi pha rol tu phyin pa la mkhas pa yongs su rdzogs par byed pa'i don ni pha rol tu phyin pa'i don no/ /chos thams cad rab tu shes par byed pa'i don ni pha rol tu phyin pa'i don no/ /mi skye ba'i chos la bzod pa yongs su rdzogs par byed pa'i don ni pha rol tu phyin pa'i don no/ /phyir mi ldog pa'i sa yang dag par thob par byed pa'i don ni pha rol tu phyin pa'i don no/ /sangs rgyas kyi zhing yongs su sbyang ba'i don ni pha rol tu phyin pa'i don no/ /sems can thams cad yongs su smin par byed pa'i don ni pha rol tu phyin pa'i don no/ /byang chub kyi snying po la sangs rgyas kyi ye shes yongs su rdzogs par bya ba'i don ni pha rol tu phyin pa'i don no/ /bdud thams cad gdul bar bya ba'i don ni/ pha rol tu phyin pa'i don no/ /'khor ba dang / mya ngan las 'das pa gnyis su med </font><hr>281a<br><font size=+1>


@#/ /par ston cing grol ba'i don ni pha rol tu phyin pa'i don no/ /yon tan thams cad kyi pha rol tu 'gro ba'i don ni pha rol tu phyin pa'i don no/ /phas kyi rgol ba thams cad tshar gcod pa'i don ni pha rol tu phyin pa'i don no/ /stobs bcu dang / mi 'jigs pa dang / sangs rgyas kyi chos ma 'dres pa bco brgyad yongs su rdzogs par byed pa'i don ni pha rol tu phyin pa'i don no/ /sangs rgyas kyi chos thams cad yongs su rdzogs par bya ba'i don ni pha rol tu phyin pa'i don no/ /bla na med pa yang dag par rdzogs pa'i byang chub tu mngon par rdzogs par byang chub par byed pa'i don ni pha rol tu phyin pa'i don no/ /chos kyi 'khor lo rnam pa bcu gnyis su bskor ba'i don ni pha rol tu phyin pa'i don no/ /rigs kyi bu/ de la byang chub sems dpa' sems dpa' chen po'i byang chub sems dpa'i sa dang po'i snga ltas ni stong gsum gyi stong chen po'i 'jig rten gyi khams gter bye ba khrag khrig brgya stong gis yongs su gang bar mthong ngo / /rigs kyi bu/ de la byang chub sems dpa' sems dpa' chen po'i byang chub sems dpa'i sa gnyis pa'i snga ltas ni gang stong gsum gyi stong chen po'i 'jig rten gyi khams lag mthil lta bur gyur pa la </font><hr>281b<br><font size=+1>


rin po che bye ba khrag khrig brgya stong du mas legs par brgyan par mthong ngo / /rigs kyi bu/ de la byang chub sems dpa' sems dpa' chen po'i byang chub sems dpa'i sa gsum pa'i snga ltas ni bdag nyid dpa' zhing lag cha dang / go cha sra ba thogs nas phas kyi rgol ba thams cad 'dul bar mthong ngo / /rigs kyi bu/ de la byang chub sems dpa' sems dpa' chen po'i byang chub sems dpa'i sa bzhi pa'i snga ltas ni phyogs bzhi nas rlung gi dkyil 'khor bzhis thams cad dang ldan pa'i sa'i dkyil 'khor chen po la me tog sna tshogs kyis mngon du 'thor bar mthong ngo / /rigs kyi bu/ de la byang chub sems dpa' sems dpa' chen po'i byang chub sems dpa'i sa lnga pa'i snga ltas ni rgyan thams cad kyis brgyan pa'i bud med kyis mgo la me tog tsam pa ka'i phreng ba 'dogs par mthong ngo / /rigs kyi bu/ de la byang chub sems dpa' sems dpa' chen po'i byang chub sems dpa'i sa drug pa'i snga ltas ni rdzing them skas bzhi dang ldan pa/ gser gyi bye ma bdal ba/ rnyog pa med zhing dwang la yan lag brgyad dang ldan pa'i chus yongs su gang ba/ me tog ut+pa la dang / ku mu da dang / pad+ma dkar pos brgyan pa'i chu mthong ste de la bdag nyid rtse dga' zhing yongs su spyod par mthong ngo / /rigs </font><hr>282a<br><font size=+1>


@#/ /kyi bu/ de la byang chub sems dpa' sems dpa' chen po'i byang chub sems dpa'i sa bdun pa'i snga ltas ni phyogs g.yas g.yon gnyis na sems can dmyal ba'i g.yang sa mthong ste de nas bdag nyid ma rmas mnyams par slar ldog pa mthong ngo / /rigs kyi bu/ de la byang chub sems dpa' sems dpa' chen po'i byang chub sems dpa'i sa brgyad pa'i snga ltas ni phrag pa gnyis na ri dwags kyi rgyal po seng+ge ral pa can cod pan thogs pa gcan gzan phra mo thams cad skrag par byed cing 'dug par mthong ngo / /rigs kyi bu/ de la byang chub sems dpa' sems dpa' chen po'i byang chub sems dpa'i sa dgu pa'i snga ltas ni 'khor los bsgyur ba'i rgyal por mthong ste skye bo bye ba khrag khrig brgya stong phrag du mas yongs su bskor cing mdun gyis bltas la mgo bo'i steng na rin po che sna tshogs kyis spras pa'i gdugs dkar po 'dzin pa mthong ngo / /rigs kyi bu/ de la byang chub sems dpa' sems dpa' chen po'i byang chub sems dpa'i sa bcu pa'i snga ltas ni/ de bzhin gshegs pa'i sku mthong ste kha dog gser lta bu'i 'od 'dom gang ba/ tshangs pa bye ba khrag khrig brgya stong phrag du mas yongs su bskor cing mdun gyis bltas nas chos ston par mthong ste/ rigs kyi bu/ </font><hr>282b<br><font size=+1>


bcu po 'di dag ni byang chub sems dpa' sems dpa' chen po rnams kyi byang chub sems dpa'i sa bcu po'i snga ltas yin no/ /de la rigs kyi bu/ ci'i phyir sa dang po la rab tu dga' ba zhes bya zhe na/ de ni thog mar 'jig rten las 'das pa'i sems sngon ma thob pa de mngon du gyur te don chen po'i bsam pa phun sum tshogs pa'i phyir rab tu dga' ba chen po skye bas sa dang po la rab tu dga' ba zhes bya'o/ /ltung ba phra mo'i dri ma dang / tshul khrims kyi nyes pa thams cad rnam par dag pa'i phyir sa gnyis pa ni dri ma med pa zhes bya'o/ /tshad med pa'i ye shes dang / ting nge 'dzin gyi 'od snang ba de bskyod par mi nus shing gang gis kyang zil gyis mi gnon pa dang / thos pa 'dzin pa'i gzungs la gnas pa'i phyir sa gsum pa ni 'od byed pa zhes bya'o/ /shes rab kyi mes nyon mongs pa thams cad sreg cing byang chub kyi phyogs kyi chos bsgoms pa'i me'i 'od 'phro ba cher gyur pas sa bzhi pa ni 'od 'phro ba zhes bya'o/ /de bsgom pa'i thabs dang / mchog gi ye shes la dbang bsgyur bar dka' ba dang / mthong ba dang / bsgoms pas spangs pa'i nyon mongs pa thul bar dka' ba thul ba'i phyir sa lnga pa shin tu sbyang bar dka' ba zhes bya'o/ /'du byed kyi chos bar chad med pa mngon du </font><hr>283a<br><font size=+1>


@#/ /gyur te mtshan ma med pa yid la byed pa thams cad mngon du byed pas sa drug pa la mngon sum pa zhes bya'o/ /zag pa med pa'i chos rnams la bar chad med cing mtshan ma med pa yid la byed pas rnam par grol ba'i ting nge 'dzin la rgyun ring du bsgoms pas sa de rnam par dag cing thogs pa med pa'i phyir sa bdun pa ni ring du song ba zhes bya 'o/ /mtshan ma med pa'i yid la byed pa bsgoms pa la dbang thob ste nyon mongs pa rnams kyis g.yo bar mi nus pas na sa brgyad pa ni g.yo ba zhes bya'o/ / rnam pa thams cad du chos ston pa la dbang du gyur pas kha na ma tho ba med cing blo gros shin tu yangs pa thogs pa med pa thob pa'i phyir sa dgu pa ni legs pa'i blo gros zhes bya'o/ /chos kyi sku nam mkha' lta bu la ye shes chen po'i sprin lta bus khyab par 'gebs pa'i phyir sa bcu ba ni chos kyi sprin ces bya'o/ /de la rigs kyi bu/ /chos dang| gang zag la mtshan ma can du mngon par zhen pa'i rmongs pa dang / 'khor ba dang / ngan song gi nyon mongs pas 'jigs pa'i rmongs pa dang / rmongs pa 'di gnyis kyis sa dang po la sgrib po/ /ltung ba phra mo'i 'khrul pa la rmongs pa dang / las dang / spyod pa sna tshogs mngon par skyed pa'i rmongs pa dang / rmongs pa 'di gnyis </font><hr>283b<br><font size=+1>


kyis sa gnyis pa la sgrib bo/ /ma thob pa thob par 'dod pa'i rmongs pa dang / gzungs dam pa'i mchog thob pa la rmongs pa dang / rmongs pa 'di gnyis kyis sa gsum pa la sgrib bo/ /mnyam par gzhag pa'i ro'i dga' ba la sred pa'i rmongs pa dang / chos rnam par dag pa la sred pa'i rmongs pa dang / rmongs pa 'di gnyis kyis sa bzhi pa la sgrib bo/ /'khor ba la shin tu skyo ba'i rmongs pa dang / mya ngan las 'das pa la mngon par gzhol ba'i rmongs pa dang / rmongs pa 'di gnyis kyis sa lnga pa la sgrib bo/ /'du byed kyi rgyu ba mngon du gyur pa'i rmongs pa dang / mtshan ma sbom po mngon du gyur pa'i rmongs pa dang / rmongs pa 'di gnyis kyis sa drug pa la sgrib bo/ /mtshan ma phra mo mngon du gyur pa'i rmongs pa dang / mtshan ma med pa'i yid la byed pa'i rmongs pa dang / rmongs pa 'di gnyis kyis sa bdun pa la sgrib bo/ /mtshan ma med pa la ched du rtsol ba'i rmongs pa dang| mtshan mar 'dzin pa la dbang thob pa'i rmongs pa dang / rmongs pa 'di gnyis kyis sa brgyad pa la sgrib bo/ /gang chos ston pa tshad med pa dang / tshig dang / yi ge tshad med pa la mkhas par ma gyur pa'i rmongs pa dang / spobs pa la dbang ma thob pa'i rmongs pa dang / rmongs pa 'di gnyis kyis sa dgu pa la sgrib bo/ /mngon par </font><hr>284a<br><font size=+1>


@#/ /shes pa chen po la dbang sgyur ba ma thob pa'i rmongs pa dang / don dang / las gsang ba phra mo la mkhas par ma gyur pa'i rmongs pa dang / rmongs pa 'di gnyis kyis sa bcu pa la sgrib bo/ /spyod yul shin tu phra ba thams cad la shes bya'i sgrib pa'i rmongs pa dang / nyon mongs pa shin tu phra ba'i gnas ngan len la rmongs pa dang / rmongs pa 'di gnyis kyis sangs rgyas kyi sa la sgrib bo/ /rigs kyi bu/ de la byang chub sems dpa'i sa dang po la gnas pa'i byang chub sems dpa' ni sbyin pa'i pha rol tu phyin pa gnon to/ /byang chub sems dpa'i sa gnyis pa la ni tshul khrims kyi pha rol tu phyin pa gnon to/ /sa gsum pa la ni bzod pa'i pha rol tu phyin pa gnon to/ /sa bzhi pa la ni brtson 'grus kyi pha rol tu phyin pa gnon to/ /sa lnga pa la ni bsam gtan gyi pha rol tu phyin pa gnon to/ /sa drug pa la ni shes rab kyi pha rol tu phyin pa gnon to/ /sa bdun pa la ni thabs mkhas pa'i pha rol phyin pa gnon to/ /sa brgyad pa la ni smon lam gyi pha rol tu phyin pa gnon to/ /sa dgu pa la ni stobs kyi pha rol tu phyin pa gnon to/ /sa bcu pa la ni ye shes kyi pha rol tu phyin pa gnon to/ /rigs kyi bu/ de la byang chub sems dpa' sems dpa' chen po'i sems </font><hr>284b<br><font size=+1>


bskyed pa dang po ni rin po che yang dag par 'phags pa'i ting nge 'dzin gyis yongs su bzung ste skye'o/ /sems bskyed pa gnyis pa ni gnas pa med pa'i ting 'dzin gyis yongs su bzung ste skye'o/ /sems bskyed pa gsum pa ni rab tu mi g.yo ba'i ting nge 'dzin gyis yongs su bzung ste skye'o/ /sems bskyed pa bzhi pa ni phyir mi ldog pa'i ting nge 'dzin gyis yongs su bzung ste skye'o/ /sems bskyed pa lnga pa ni rin po che'i me tog gi ting nge 'dzin gyis yongs su bzung ste skye'o/ /sems bskyed pa drug pa ni nyi ma'i 'od kyi gzi brjid kyi ting nge 'dzin gyis yongs su bzung ste skye'o/ /sems bskyed pa bdun pa ni don thams cad grub pa'i ting nge 'dzin gyis yongs su bzung ste skye'o/ /sems bskyed pa brgyad pa ni da ltar gyi sangs rgyas mngon sum du bzhugs pa'i ting nge 'dzin gyis yongs su bzung ste skye'o/ /sems bskyed pa dgu pa ni ye shes sgron ma'i ting nge 'dzin gyis yongs su bzung ste skye'o/ /sems bskyed pa bcu pa ni dpa' bar 'gro ba'i ting nge 'dzin gyis yongs su bzung nas skye ste/ rigs kyi bu/ 'di dag ni byang chub sems dpa' sems dpa' chen po rnams kyis sems bskyed pa bcu pa'o/ /rigs kyi bu/ de la byang chub sems dpa' sems dpa' chen po'i byang chub sems dpa'i sa dang po las khyad </font><hr>285a<br><font size=+1>


@#/ /par gyi byin gyis brlabs pa zhes bya ba'i 
 'di skye ste gzungs la/ tad+ya thA/ pUr+Na ma nor the/ du hu du hu du hu/ yA bta sUR+Ya/ a ba b+hA sa tA/ yA pad tsan+d+ra dau dat+te/ dA pa da ra kA mAn \?\/ daN+Da pa ri hA ram ku ru swAhA/ rigs kyi bu/ gzungs 'di ni gang gA'i klung gcig gis bye ma snyed las 'das pa'i sangs rgyas bcom ldan 'das rnams kyis sa dang po'i byang chub sems dpa' srung ba'i phyir gsungs te/ su zhig gzungs sngags 'di 'don cing 'dzin na 'jigs pa thams cad las grol bar 'gyur ba ni/ 'di lta ste/ stag dang / seng ge la sogs pa gcan gzan ma rungs pa'i rigs dang / yi dwags thams cad dang / mi dang / mi ma yin pa la sogs te dgra dang / rkun po dang / gza' dang / nyon mongs pa rnams dang / sgrib pa rnam pa lnga las rnam par grol te sa dang po rjes su dran par 'gyur ro/ /rigs kyi bu| byang chub sems dpa' sems dpa' chen po sa gnyis pa la gzhan gyis mi thub pa zhes bya ba'i gzungs 'di skye'o/ /gzungs la/ tad+ya thA/ ut+to li/ tsi ri tsi ri/ ut+to rA/ to ra NaM/ shan+to/ shan+to/ at+to li/ hu lu hu lu swA hA/ rigs kyi bu/ gzungs 'di ni gang gA'i klung gnyis kyi bye ma snyed las 'das pa'i sangs rgyas bcom </font><hr>285b<br><font size=+1>


ldan 'das rnams kyis sa gnyis pa'i byang chub sems dpa' bsrung ba'i phyir gsungs so/ /gang la la zhig gzungs sngags 'di klog cing 'dzin na 'jigs pa thams cad las rnam par grol te de gcan gzan ma rungs pa dang / yi dwags ma rungs pa dang / mi dang / mi ma yin pa la sogs pas gtse ba dang / pha rol gyi dgra dang / gza' dang| nyon mongs pa dang / sdug bsngal pa dang / sgrib pa rnam pa lnga las rnam par grol te sa gnyis pa rjes su dran par 'gyur ro/ /rigs kyi bu/ sa gsum pa la gnas pa'i byang chub sems dpa' sems dpa' chen po la rab tu gnas pa zhes bya ba'i gzungs 'di skye'o/ /gzungs la/ tad+ya thA/ daN+Thi ke /baN+Thi ke /ka ra Thi/ kaur Thi/ kai yU re dan+ti li swAhA/ /rigs kyi bu/ gzungs 'di ni gang gA'i klung gsum gyi bye ma snyed las 'das pa'i sangs rgyas bcom ldan 'das rnams kyis sa gsum pa'i byang chub sems dpa' bsrung ba'i phyir gsungs te su gzungs sngags 'di 'chang ba dang / 'don pa de 'jigs pa thams cad dang / gcan gzan ma rungs pa dang / gdon ma rungs pa dang / mi dang / mi ma yin pa la sogs pas gtse ba dang / gza' dang / pha rol gyi dgra dang / sdug bsngal rnam pa sna tshogs dang / sgrib pa rnam pa lnga las rnam par grol te sa gsum pa rjes su dran </font><hr>286a<br><font size=+1>


@#/ /par 'gyur ro/ /rigs kyi bu/ sa bzhi pa la gnas pa'i byang chub sems dpa' sems dpa' chen po la gdul dka' ba zhes bya ba'i gzungs 'di skye'o/ /gzungs la/ tad+ya thA/ shi ri shi ri/ di mi di mi ni/ da ri da ri Ni/ shi ri shi ri Ni/ bi shA lA/ bi shA la/ pa sha pa sha ni/ ban+d+ha ni ye swahA/ /rigs kyi bu/ gzungs 'di ni gang gA'i klung bzhi'i bye ma snyed las 'das pa'i sangs rgyas bcom ldan 'das rnams kyis \?\ bzhi pa'i byang chub sems dpa' bsrung ba'i phyir gsungs te sus gzungs sngags 'di 'don pa dang / 'chang ba de 'jigs pa thams cad dang / gcan gzan khro bo dang / yi dwags ma rungs pa dang / mi dang / mi ma yin pa la sogs te pha rol gyi dgra dang / sdug bsngal mang pos gtse ba dang / gza' dang / sgrib pa rnam pa lnga las kyang rnam par grol te sa bzhi pa la rjes su dran par 'gyur ro/ /rigs kyi bu/ sa lnga pa la gnas pa'i byang chub sems dpa' sems dpa' chen po la yon tan sna tshogs kyis bkod pa ces bya ba'i gzungs 'di skye'o/ /gzungs la/ tad+ya thA/ ha ri ha ri Ni/ tsi ri tsi ri Ni/ ka ri mA Ni/ sang ka ri mA Ni/ sam b+ha sa ni/ dzam b+ha ni/ stam b+ha ni/ mo ha ni/ swa yam+duk+ke swAhA/ rigs kyi bu/ gzungs 'di ni gang gA'i </font><hr>286b<br><font size=+1>


klung lnga'i bye ma snyed las 'das pa'i sangs rgyas bcom ldan 'das rnams kyis sa lnga pa la gnas pa'i byang chub sems dpa' bsrung ba'i phyir gsungs te sus gzungs sngags 'di 'don cing 'chang na 'jigs pa thams cad dang / gcan gzan khro bo dang / yi dwags ma rungs pa dang / mi dang / mi ma yin pa la sogs te pha rol po'i dgra dang / sdug bsngal rnam pa sna tshogs kyis gtse ba dang / gza' dang / sgrib pa rnam pa lnga las rnam par grol te sa lnga pa rjes su dran par 'gyur ro/ /rigs kyi bu/ sa drug pa la gnas pa'i byang chub sems dpa' sems dpa' chen po la ye shes kyi dkyil 'khor sgron ma zhes bya ba'i gzungs 'di skye'o/ /gzungs la/ tad+ya thA/ bi to ri bi to ri/ ma ri Ni/ ki li ki li| bid+ho ha na ti/ lu lu lu lu/ tsu lu tsu lu/ to lu ba to lu ba/ sha sha/ shats+tsha/ pa ri sha swa sti/ sarba satwa nA na/ sid d+h+ya na tu mA ma/ man+d+ra pa dA ni swA hA/ rigs kyi bu/ gzungs 'di ni gang gA'i klung drug gi bye ma snyed las 'das pa'i sangs rgyas bcom ldan 'das rnams kyis sa drug pa la gnas pa'i byang chub sems dpa' bsrung ba'i phyir gsungs te sus gzungs sngags 'di 'don cing 'chang na 'jigs pa thams cad dang / gcan gzan khro bo dang / yi dwags ma rungs pa dang / mi dang / mi ma yin pa la </font><hr>287a<br><font size=+1>


@#/ /sogs te pha rol gyi dgra dang / sdug bsngal rnam pa sna tshogs kyis gtse ba dang / gza' dang / sgrib pa rnam pa lnga las kyang rnam par grol te sa drug pa rjes su dran par 'gyur ro/ /rigs kyi bu/ sa bdun pa la gnas pa'i byang chub sems dpa' sems dpa' chen po la khyad par du 'phags pa zhes bya ba'i gzungs 'di skye'o/ /gzungs la/ tad+ya thA/ dza ha dza ha ru/ dza ha dza ha dza ha ru/ bai lu ke /bai lu le/ a mri ta g+ha Ne/ pa ru sha Ne/ bai ru ti ke /ba ru bat+te/ bi d+hi he ke / bind bi li ni/ a mr-i lu ti kai b+hai dzu yu/ b+hai dzu yu swAhA/ rigs kyi bu/ gzungs 'di ni gang gA'i klung bdun gyi bye ma snyed las 'das pa'i sangs rgyas bcom ldan 'das rnams kyis sa bdun pa la gnas pa'i byang chub sems dpa' bsrung ba'i phyir gsungs te sus gzungs sngags 'di 'don cing 'chang na 'jigs pa thams cad dang / gcan gzan khro bo dang / yi dwags ma rungs pa dang / mi dang / mi ma yin pa la sogs te pha rol gyi dgra dang / sdug bsngal rnam pa sna tshogs kyis gtse ba dang / gza' dang| sgrib pa rnam pa lnga las kyang rnam par grol te sa bdun pa rjes su dran par 'gyur ro/ /rigs kyi bu/ sa brgyad pa la gnas pa'i byang chub sems dpa' sems dpa' </font><hr>287b<br><font size=+1>


chen po la rnyog pa med pa'i rtog pa zhes bya ba'i gzungs 'di skye'o/ /gzungs la/ tad+ya thA/ shi ri shi ri/ shi ri Ni/ mi te mi te/ ka re ka re/ he ru he ru/ tsu ru tsu ru/ ban d+ha ni swAhA/ rigs kyi bu/ gzungs 'di ni gang gA'i klung brgyad kyi bye ma snyed las 'das pa'i sangs rgyas bcom ldan 'das rnams kyis sa brgyad pa la gnas pa'i byang chub sems dpa' bsrung ba'i phyir gsungs te sus gzungs sngags 'di 'don cing 'chang na 'jigs pa thams cad dang / gcan gzan khro bo dang / yi dwags ma rungs pa dang / mi dang / mi ma yin pa las sogs pa ste pha rol gyi dgra dang / sdug bsngal rnam pa sna tshogs kyis gtse pa dang / gza' dang / sgrib pa rnam pa lnga las kyang rnam par grol te sa brgyad pa rjes su dran par 'gyur ro/ /rigs kyi bu| sa dgu pa la gnas pa'i byang chub sems dpa' sems dpa' chen po la sgo mtha' yas pa'i rgyun zhes bya ba'i gzungs 'di skye'o/ /gzungs la/ tad+ya thA/ ha ri tsaN+Da li ke/ / ku la mA b+ha te/ to ra shi pa ta pa ta si/ shi ri shi ri/ ga shi ri/ ga bi shi ri/ swasti sarba satwa nan swAhA/ rigs kyi bu/ gzungs 'di ni gang gA'i klung dgu'i bye ma snyed las 'das pa'i sangs rgyas bcom ldan 'das rnams kyis sa dgu pa la gnas pa'i byang chub sems dpa' bsrung ba'i phyir gsungs te sus gzungs sngags 'di 'don cing 'chang na 'jigs </font><hr>288a<br><font size=+1>


@#/ /pa thams cad dang / gcan gzan khro bo dang / yi dwags ma rungs pa dang / mi dang / mi ma yin pa las sogs te pha rol gyi dgra dang / sdug bsngal rnam pa sna tshogs kyis gtse ba dang / gza' dang / sgrib pa rnam pa lnga las kyang rnam par grol te sa dgu pa rjes su dran par 'gyur ro/ /rigs kyi bu/ sa bcu pa la gnas pa'i byang chub sems dpa' sems dpa' chen po la zad mi shes pa'i za ma tog ces bya ba'i gzungs 'di skye ste/ gzungs la/ ta d+ya thA/ sid+d+hi su sid+d+hi/ mo ca \?\ ni/ mok+Sha ni/ bi muk+te/ a ma le/ bi ma le/ da ma le/ mAng+ga le/ hi ra N+ya gar+b+he/ rat+na gar+b+he/ sa man+ta b+ha dre/ sarba ar+thA/ sa d+ha ni/ ma na si/ mahA ma na si/ ang+b+hu te/ a t+yad+b+hu te/ a ra dze/ bi ra dze/ a ts+yu te/ a mr-i te/ a ra dze/ bi ra dze/ brah+me brah+ma/ sA re pU ra Ni pU ra Na/ ma no ra the swAhA/ rigs kyi bu/ gzungs 'di ni bkra shis pa dang / spyi bo nas dbang bskur ba ste gang+gA'i klung bcu'i bye ma snyed las 'das pa'i sangs rgyas bcom ldan 'das rnams kyis sa bcu pa la gnas pa'i byang chub sems dpa' sems dpa' chen po bsrung ba'i phyir gsungs te sus gzungs sngags 'di 'don cing 'chang na 'jigs pa thams cad dang / gcan gzan khro bo dang / yi dwags ma rungs pa dang / mi dang / mi ma yin pa </font><hr>288b<br><font size=+1>


las sogs te pha rol gyi dgra dang / sdug bsngal rnam pa sna tshogs kyis gtse pa dang / gza' dang / gdug pa can thams cad dang / sgrib pa rnam pa lnga la sogs pa las rnam par grol te sa bcu pa rjes su dran par 'gyur ro/ /de nas byang chub sems dpa' sems dpa' chen po seng+ge'i tog gi 'od zer snang ba thogs pa med pa zhes bya bas bcom ldan 'das kyis gzungs 'di dag bshad pa thos nas stan las langs te bla gos prag \?\ pa gcig tu gzar nas pus mo g.yas pa'i lha nga sa la btsugs te thal mo sbyar ba btud nas zhabs la phyag btsal te tshigs su bcad pa 'dis bstod do/ /zab mo mtshan nyid med chos la/ /skye bo shes pa nyams pa rnams/ /bcom ldan nyag gcig sgrol mdzad pas/ / dpe med khyod la phyag 'tshal lo/ /de bzhin gshegs pa'i shes rab spyan/ /chos kyi mtshan nyid gcig mi gzigs/ /yang dag chos kyi spyan gyis ni/ /kun tu gsal ba bsam mi khyab/ /chos 'ga'ang skye ba med pa ste/ /'gog par yang ni mi 'gyur ro/ /de ltar mnyam par gzigs pa na/ /bla med gnas su bzhugs par gyur/ /'khor ba dag kyang mi 'jig la/ /mya ngan 'das la'ang mi bzhugs shing / /mtha' gnyis la ni mi gnas te/ /de phyir mya ngan las 'da' ba brnyes/ /dag dang ma dag phyogs la yang / /rnam </font><hr>289a<br><font size=+1>


@#/ /par dbye ba med pa'i phyir/ /bcom ldan ro gcig mkhyen pas na/ /rnam dag pa yi mtshog brnyes so/ /bcom ldan 'das kyi tshad med skus/ /tshig gcig ston pa med par yang / /'khor mang 'di dag thams cad la/ /chos kyi char gyis tshim par mdzad/ /sems can 'di dag thams cad kyi/ /mtshan nyid rnam par gzigs med kyang / /nyon mongs sdug bsngal thams cad las/ /bcom ldan rtag tu skyob par mdzad/ /bde dang sdug bsngal rtag mi rtag /bdag dang bdag med la sogs dang / /gcig dang tha dad ma yin dang / / skye ba med dang 'gog med pa'i/ /de 'dra'i don gyi rnam pa la/ /rnam par dbye zhing ston par mdzad/ /dper na brag cha stong par ni/ /de don sangs rgyas rnams kyis mkhyen/ / chos kyi dbyings ni dbyer med pas/ /theg pa mi mthun gzhan med de/ /sems can rnams ni bsgral ba'i phyir/ /gsum du rnam par dbye ba mdzad/ /de nas tshangs pa'i rgyal po dbang phyug chen po stan las langs te bla gos phrag pa gcig tu gzar nas pus mo g.yas pa'i lha nga sa la btsugs te thal mo sbyar ba btud nas bcom ldan 'das kyi zhabs la mgo bos phyag btsal te bcom ldan 'das la 'di skad ces gsol to/ /gser 'od dam pa mdo sde'i rgyal po 'di shin tu dkon zhing dpag par dka' ba thog mar </font><hr>289b<br><font size=+1>


yang dge ba/ bar du'ang dge ba/ tha mar yang dge ba/ tshig 'bru bzang po/ ma 'dres pa/ yongs su rdzogs pa/ sangs rgyas kyi chos thams cad phun sum tshogs par mdzad pa 'di gang zhig 'chang ba dang / 'dzin pa de sangs rgyas bcom ldan 'das rnams kyis mdzad pa gzo ba lags so/ /de skad ces gsol pa dang / bcom ldan 'das kyis bka' stsal pa/ rigs kyi bu/ ji skad smras pa de bzhin te/ rigs kyi bu/ gang mdo 'di nyan par byed pa ni bla na med pa yang dag par rdzogs pa'i byang chub las phyir mi ldog par 'gyur ro/ /de ci'i phyir zhe na/ rigs kyi bu/ 'dis ni sa las phyir mi ldog pa'i byang chub sems dpa' rnams kyi dge ba'i rtsa ba mchog tu smin pa byed pa dang / chos kyi phyag rgya dam pa yin pa dang / mdo sde kun gyi rgyal por gyur pa ste de'i phyir mnyan pa dang / gzung ba dang / bklag pa dang / gdon par bya'o/ /de'ang rigs kyi bu/ dge ba'i rtsa ba ma bskyed pa dang / dge ba'i rtsa ba yongs su ma smin pa dang / sangs rgyas mang po la bsnyen bkur ma byas pa'i sems can de dag gis ni dam pa'i chos 'di mnyan par mi nus so/ /rigs kyi bu/ chos kyi rnam grangs 'di thos pa tsam gyis rigs kyi bu 'am/ rigs kyi bu mo dag lhag pa'i bsam pa yongs su dag cing </font><hr>290a<br><font size=+1>


@#/ /sangs rgyas mthong ba dang mi 'bral bar 'gyur ro/ /dam pa'i chos mnyan pa dang mi 'bral bar 'gyur ro/ /dge 'dun la bsnyen bkur byed pa dang mi 'bral bar 'gyur ro/ /rgya mtsho'i phyag rgya mi zad pa mngon par bsgrub pa'i gzungs dang mi 'bral bar 'gyur/ sems can gyi bsam pa dang / spyod pa dang / sgra la 'jug pa'i gzungs dang mi 'bral bar 'gyur/ nyi ma'i tog snang ba'i gzungs dang mi 'bral bar 'gyur/ zla ba'i tog snang ba'i gzungs dang mi 'bral bar 'gyur/ kun nas ldang ba thams cad rnam par gnon pa bsgrubs pa'i gzungs dang mi 'bral bar 'gyur/ rdo rje ltar sra zhing brtan pa'i ri rnam par 'joms pa'i gzungs dang mi 'bral bar 'gyur/ brjod du med pa'i don bstan pa la yang dag par gzhol ba'i gzungs dang mi 'bral bar 'gyur/ tshig dang / spyod pa dang / sgra thams cad la 'jug pa'i gzungs dang mi 'bral bar 'gyur/ nam mkha'i dkyil 'khor dri ma med pa bsgrub pa'i phyag rgyas btab pa'i gzungs dang mi 'bral bar 'gyur/ sangs rgyas kyi sku mtha' yas pa yongs su rdzogs pa bsgrub pa'i gzungs dang mi 'bral bar 'gyur ro/ /lha'i bu gzungs 'di dag thob pas byang chub sems dpa' rnams phyogs </font><hr>290b<br><font size=+1>


bcu'i sangs rgyas kyi zhing rnams su sangs rgyas kyi sku mngon par sprul nas chos ston to/ /chos nyid las kyang mi g.yo la/ 'gro ba 'ang med/ 'ong ba 'ang med do/ /sems can rnams yongs su smin par byed kyang sems can du dmigs pa'ang med do/ /chos ston kyang yi ge mnyam pa nyid las g.yo ba med do/ /'chi 'pho ba dang / skye ba ston kyang 'pho ba 'ang med/ skye ba 'ang med do/ /chos thams cad la rnam par rtag pa med pa'i phyir 'du byed rnams gang du 'ang 'gro bar mi 'gyur/ gang nas kyang 'ong bar yang mi 'gyur ro/ /chos kyi rnam grangs 'di bshad pa na byang chub sems dpa' sum stong gis mi skye ba'i chos la bzod pa thob par gyur to/ /byang chub sems dpa' tshad med pa rnams kyis ni byang chub kyi sems las ni phyir mi ldog par gyur to/ /dge slong dang / dge slong tshad med pa rnams kyis ni chos la chos kyi mig rnam par dag pa thob bo/ /sems can tshad med pa rnams kyis ni bla na med pa yang dag par rdzogs pa'i byang chub tu sems bskyed par gyur pa dang / de nas de'i tshe bcom ldan 'das kyis tshigs su bcad pa 'di dag gsungs so/ /'khor ba'i rgyun gcod dam chos 'di/ /zab cing phra la blta dka' ste/ /'dod pas bsgribs pa'i dmus yong dag /de ma mthong bas sdug bsngal len/ /de nas 'khor 'dus pa de dag stan las langs te bcom ldan </font><hr>291a<br><font size=+1>


@#/ /ldan 'das kyi zhabs la spyi bos phyag btsal nas 'di skad ces gsol to/ /bcom ldan 'das/ gser 'od dam pa mdo sde'i dbang po'i rgyal po 'di klog cing 'don pa dang / ston cing gnas pa der bdag cag thams cad mchis nas chos ston pa'i 'khor du bgyis te de la phan pa dang / bde ba stsal cing lus dang / sems bde bar bgyi'o/ /bdag cag gis sems rtse gcig tu gyur par mchod par bgyi'o/ /nyan pa'i 'khor rnams kyang bde bas tshim par bgyi'o/ /rgyal po'i yul der yang pha rol gyi dgra'i 'jigs pa dang / 'tshe ba dang / mu ge ya nga bas sdug bsngal ba ma mchis pa dang / skye bo mang pos rgyas shing yongs su dar bar bgyi'o/ /chos 'di bshad pa'i gnas kyi dkyil 'khor 'di lha dang / mi dang / lha ma yin la sogs pa thams cad dang / sems can thams cad kyis mi brdzi zhing gtsang mar bgyi'o/ /de ci'i slad du zhe na/ chos 'di bshad pa'i gnas 'di ni mchod rten lags pa'i slad du gdugs dang / rgyal mtshan dang / me tog dang / bdug pa dang / lhab lhub kyis yongs su mchod par bgyi'o/ /bdag cag gis kyang rtag tu bsrung zhing bskyabs te nyams pa ma mchis par bgyi'o/ /de nas bcom ldan 'das kyis 'khor 'dus </font><hr>291b<br><font size=+1>


ba de dag la bka' stsal pa/ rigs kyi bu/ khyed kyis mdo sde dam pa 'di sgrub pa la brtson par gyis shig dang / dam pa'i chos 'di 'jig rten 'dir yun ring du gnas par 'gyur ro// gser 'od dam pa mdo sde'i dbang po'i rgyal po las/ sa rnam par sbyong ba zhes bya ba'i le'u ste drug pa'o// //bam po lnga pa/ de nas bcom ldan 'das kyis rigs kyi lha mo byang chub yang dag par bsdus pa la 'di skad ces bka' stsal to/ /rigs kyi lha mo/ de'i tshe de'i dus na rgyal po gser gyi lag pa'i dbang po zhes bya ba des de bzhin gshegs pa thams cad la bstod pa pad+mo'i 'byung gnas 'dis 'das pa dang / ma 'ongs pa dang / da ltar byung ba'i sangs rgyas bcom ldan 'das rnams la mngon par bstod do/ /rgyal ba gang dag sngar 'gyur gang byung dang / /phyogs bcu'i 'jig rten dag na'ang gang 'tsho ba/ /rgyal ba de dag rnams la phyag bgyi'o/ /rgyal ba de dag kun la bdag gis bstod/ /thub dbang zhi zhing rab zhi rnam par dag /sku ni gser gyi mdog tu rab tu gda'/ /dbyangs rnams kun pas sangs rgyas gsungs snyan te/ /tshangs pa'i gsungs dbyangs rab tu bsgrags pa'i gsung / /bung ba rma bya ut+pal sngon po'i dbu/ /mthon mthing lcang lo bya ni tsa sha 'dra/ /kha ba dung ltar rab tu dkar ba'i tshems/ /rtag tu gser ltar rnam par mdzes par gda'/ /spyan ni ring zhing </font><hr>292a<br><font size=+1>


@#/ /mthon mthing dri ma med/ /ut+pal sngon po rab tu rgyas pa 'dra/ /ljags ni che zhing leb la pad+ma'i mdog /pad+ma 'drar snang pad+ma'i ze ba 'dra/ /zhal gyi mdzod spu pad rtsa dung dang 'dra/ /bai DUR+Ya yi mdog 'dra g.yas su 'khyil/ /thub pa'i sku ni zla ba phra 'dra zhing / /zla ba zad 'dra spyan bkrag bung ba bzhin/ /zhal mtho shangs ni rtag tu lhang nge ste/ /'jam zhing sa yi gser ltar kha dog bzang / /rtag par rgyun tu rgyal ba thams cad kyi/ /ro mchog 'jam zhing dam pa mchog rab 'phags/ /spu yi bu ga nas ni re ro skyes/ /spu rnams skyes pa g.yas su 'khyil ba ste/ /mthon mthing 'dra bar 'tsher zhing lcang lo can/ /rma bya'i mgrin sdug 'dra bar sngo la mdzes/ /bltams ma thag tu sku yis snang bar bgyis/ /phyogs bcu'i 'jig rten dag ni thams cad gang / /'jig rten gsum na sdug bsngal mtha' yas zhi/ /bde ba kun gyis sems can rnams kyang tshim/ /sems dmyal 'gro dang dud 'gror 'gro ba dang / /yi dwags lha gnas mi yi gnas rnams su/ /sems can de dag thams cad bde bas tshim/ /ngan song 'gro ba rnams ni thams cad zhi/ /kha dog bzang ba gser dang 'dra ba'i 'od/ /btso ma'i gser ltar rab tu snang ba'i sku/ /bder gshegs zla ba rab tu dri med zhal/ /'dzum zhing rnam mdzes shin tu dri med zhal/ /gzhon nu btsas </font><hr>292b<br><font size=+1>


'drar sku lus yan lag 'jam/ /seng+ge 'dra bar rtsal gyis gnon pa'i mchog /phyag ring phyag ni rab tu ring ba ste/ /sA la'i lcug ma rlung gis bskyod pa bzhin/ /'dom gang 'od 'bar 'od zer rab tu gtong / /nyi ma stong ltar rab tu lhang nge'o/ /thub pa'i dbang po sku mchog dri ma med/ /zhing rnams mtha' yas thams cad rab tu snang / /sangs rgyas 'od ni rnam par lhang nge bas/ /zhing rnams mtha' yas brgya stong rnams su yang / /mtshan byad zla ba nyi ma mang po dag /de dag thams cad 'od ni med par 'gyur/ /sangs rgyas nyi ma 'jig rten sgron ma ste/ /sangs rgya nyi ma brgya phrag stong rnams ni/ /zhing rnams mtha' yas stong phrag brgya dag na/ /de bzhin gshegs pa'i nyi ma sems can mthong / bsod nams stong phrag brgya dang ldan pa'i sku/ /yon tan kun gyis rab tu brgyan pa'i sku/ /glang chen dbang po'i sna 'dra rgyal ba'i sku/ /phyag dang zhabs 'od rab mdzes dri ma med| |sa yi steng gi rdul dang mtshungs 'dra snyed/ /phra ba'i rdul snyed sangs rgyas gang 'das dang / /gang dag phra ba'i rdul snyed 'byung ba dang / /gang dag phra ba'i rdul snyed bzhugs pa yi| |rgyal ba de dag la ni rab dwang ba'i/ /ngag yid lus kyis me tog dbul ba dang / /spos rnams dbul dang bsngags pa brgya dag dang / /dge ba'i sems kyis kyang ni phyag </font><hr>293a<br><font size=+1>


@#/ /'tshal lo/ /rgyal ba'i yon tan gang dag dge gyur pa/ /snying po mchog rab sna tshogs du ma ste/ /bdag gis bskal pa stong du lce brgya yis/ / sangs rgyas yon tan brjod par mi nus so/ /rgyal ba gcig gi yon tan rnams kyang ni/ /lce stong gis kyang cung zad brjod mi nus/ /bdag gis rgyal ba dag ni thams cad kyi/ /yon tan gcig rgyas brjod par ga la nus/ /lhar bcas 'jig rten thams cad mtshor gyur te/ /srid pa'i rtse mo man chad chus gang ba/ /skra yis rtse mos dpag par nus srid kyi/ /bde gshegs rnams kyi yon tan gcig la min/ /lus dang ngag dang yid rab dwang ba yis/ /rgyal ba kun la bdag gis bsngags bstod pas// bdag gis bsod nams 'bras bu mchog bsags gang / /des ni sems can rgyal ba reg gyur cig /de ltar rgyal pos sangs rgyas rnams bstod nas/ /rgyal po 'di ltar smon lam 'debs pa ni/ /ma 'ongs bskal pa mtha' yas rnams su yang / /gang dang gang du bdag ni skye ba na/ /rmi lam du ni 'di 'dra'i rda mthong zhing / /der ni bshags pa 'di 'dra thos par shog /rgyal bstod pad+ma 'byung rgyal 'di 'dra ba/ /tshe rabs de dang der ni rnyed gyur cig /sangs rgyas yon tan mtha' yas mtshungs med </font><hr>293b<br><font size=+1>


dang| |gang yang bskal pa stong du rnyed dka' ba/ /de dag rmi lam na yang thos par shog /nyin gyur tshe yang de dag ston gyur cig /sems can sdug bsngal mtsho las thar byed shog |pha rol phyin pa drug po rdzogs bgyis nas/ /phyin chad byang chub bla med thob par shog /bdag gi zhing ni 'gran zla med gyur cig /rnga phul rnam par smin pa'i 'bras bu dang / /rgyal ba thams cad la yang bstod pa'i rgyus/ /shAkya thub dbang mngon du mthong bar shog /der ni bdag gis lung bstan thob gyur cig /gser gyi lag pa'i dbang dang gser gyi 'od/ /bdag gi khye'u ni gang yin 'di gnyis kyang / /der ni bu pho de dag gnyi ga yang / /byang chub bla med lung bstan thob par shog /sems can gang dag gnas med rten med cing| |skyabs dang bral nas phongs par gyur pa dang / /de dag la yang ma 'ongs dus rnams na/ /skyob dang dpung gnyen skyabs dang rten gyur shog /sdug bsngal kun 'byung zad par byed gyur cig /bde ba kun gyi 'byung gnas gyur par shog /sngon mtha' 'das pa de dag ji srid pa/ /ma 'ongs bskal par byang chub spyod gyur cig /gser 'od dam pa yi ni bshags pa yis/ /bdag gi sdig pa'i rgya mtsho skems par shog /bdag gi las kyi rgya mtsho zad gyur cig /bdag gi nyon mongs rgya mtsho chad par shog /bdag gi bsod </font><hr>294a<br><font size=+1>


@#/ /nams rgya mtsho rdzogs gyur cig /ye shes dri med snang ba dam pa yis/ /bdag gi ye shes rgya mtsho rnam dag shog /yon tan kun gyi rgya mtshor 'gyur bar shog /byang chub yon tan yon tan rin chen rdzogs/ /gser 'od dam pa'i bshags pa'i stobs kyis ni/ /bdag gi bsod nams rab tu snang bar shog /bdag gi byang chub snang ba rnam dag gyur/ /ye shes dri med snang ba dam pa yis/ /bdag gi lus kyi 'od ni snang bar shog /bsod nams snang ba lhang nger bya ba'i phyir/ /'jig rten gsum na khyad par 'phags gyur cig /bsod nams stobs dang rtag tu ldan par shog /sdug bsngal rgya mtsho las ni sgrol ba dang / /bde ba kun gyi rgya mtsho 'dra ba yis/ /ma 'ongs bskal par byang chub spyad par bgyi/ /'jig rten gsum na sngon mthar ji snyed gshegs/ /de dag zhing ni rgyal ba thams cad kyi/ /yon tan mtha' yas khyad 'phags ci 'dra ba// yon tan mtha' yas rnams kyis bdag gi zhing / /ma 'ongs dus na de 'drar 'gyur bar shog /mdzes pa'i tog gis shes par byos/ /rgyal po gser gyi lag dbang gis// sngon tshe smon lam 'di btab ste/ /de nyid da ltar khyod yin no/ /sngon gyi dus kyi bu gnyis ni/ /gser gyi lag dang gser gyi 'od/ /de nyid dngul tog dngul 'od ces/ / </font><hr>294b<br><font size=+1>


ngas ni de tshe lung bstan to/ /'khor mang de dag 'di thos nas/ /kun gyis byang chub sems bskyed pa/ /da ltar ma 'ongs dus dag tu/ /rtag par bshags pa 'di byed shog /gser 'od dam pa mdo sde'i dbang po'i rgyal po las/ 'das pa dang / ma 'ongs pa dang / da ltar byung ba'i yang dag par rdzogs pa'i sangs rgyas kyi zhing thams cad la bstod pa'i le'u zhes bya ste bdun pa'o// //de nas bcom ldan 'das kyis 'khor de'i nang nas/ byang chub sems dpa' sems dpa' chen po bde bar gnas pa la 'di skad ces bka' stsal to| |rigs kyi bu/ gser can zhes bya ba'i gzungs 'di/ gang rigs kyi bu'am/ rigs kyi bu mo gang la las 'das pa dang / ma 'ongs pa dang / da ltar gyi sangs rgyas thams cad mngon du mchod cing bkur sti byed par 'dod pas gzungs 'di 'chang zhing gzung bar bya'o/ /de ci'i phyir zhe na/ gzungs 'di 'das pa dang / ma 'ongs pa dang / da ltar gyi sangs rgyas bcom ldan 'das rnams kyi yum yin pa'i phyir gzungs 'di 'dzin pa'i bsod nams kyi tshogs rgya cher 'phel bar 'gyur ro/ /'das pa'i sangs rgyas bcom ldan 'das dpag tu med pa dag la dge ba'i rtsa ba bskyed pa rnams kyis 'dzin cing 'chang bar 'gyur ro/ /tshul khrims rnam par dag pa ma nyams shing skyon med pa rnams kyis chos kyi rnam grangs shin tu zab mo </font><hr>295a<br><font size=+1>


@#/ /'di la 'jug nus par 'gyur ro/ /de nas bcom ldan 'das kyis bka' stsal pa/ gzungs sngags bsgrub pa'i cho ga ni sngar sangs rgyas bcom ldan 'das dang / byang chub sems dpa'i mtshan 'di dag brjod cing sems rtse gcig pas phyag 'tshal la de nas sngags 'di gdon par bya'o/ /phyogs bcu'i sangs rgyas thams cad la phyag 'tshal lo/ /byang chub sems dpa' sems dpa' chen po rnams la phyag 'tshal lo/ /nyan thos dang / rang sangs rgyas dang / 'phags pa thams cad la phyag 'tshal lo| |sangs rgyas shAkya thub pa la phyag 'tshal lo/ /shar phyogs kyi sangs rgyas mi 'khrug pa la phyag 'tshal lo/ /lho phyogs kyi sangs rgyas rin po che'i tog la phyag 'tshal lo// nub phyogs kyi sangs rgyas 'od dpag med la phyag 'tshal lo/ /byang phyogs kyi sangs rgyas rnga sgra'i rgyal po la phyag 'tshal lo/ /steng gi phyogs kyi sangs rgyas yang pa'i dpal la phyag 'tshal lo/ /'og gi phyogs kyi sangs rgyas snang ba dam pa'i dpal la phyag 'tshal lo/ /sangs rgyas rin chen snying po la phyag 'tshal lo/ /sangs rgyas kun tu 'od la phyag 'tshal lo/ /sangs rgyas kun tu snang ba la phyag 'tshal lo/ /sangs rgyas spos mchog brtsegs pa'i rgyal po la phyag 'tshal lo/ /sangs rgyas pad+ma dam pa la phyag 'tshal </font><hr>295b<br><font size=+1>


lo| |sangs rgyas mnyam par gzigs la phyag 'tshal lo/ /sangs rgyas rin chen gtsug tor can la phyag 'tshal lo/ /sangs rgyas rin chen bla ma la phyag 'tshal lo/ / sangs rgyas rin chen 'od la phyag 'tshal lo/ /sangs rgyas dri med 'od snang la phyag 'tshal lo/ /sangs rgyas spobs pas bkod par dgongs pa la phyag 'tshal lo// sangs rgyas zla 'od rnam dag grags pa'i tog gi rgyal po la phyag 'tshal lo/ /sangs rgyas phyag 'tshal lo/ /sangs rgyas me tog 'od bkod la phyag 'tshal lo/ /sangs rgyas 'od snang rgyal po la phyag 'tshal lo/ /sangs rgyas dge 'od dri ma med par grags pa'i rgyal po la phyag 'tshal lo/ /sangs rgyas spyan ras gzigs dbang mi 'jigs pa la phyag 'tshal lo// sangs rgyas 'jigs med grags pa la phyag 'tshal lo/ /sangs rgyas rab mchog rgyal po la phyag 'tshal lo/ /byang chub sems dpa' sems dpa' chen po spyan ras gzigs dbang phyug la phyag 'tshal lo/ /byang chub sems dpa' sems dpa' chen po sa'i snying po la phyag 'tshal lo/ /byang chub sems dpa' sems dpa' chen po nam mkha'i snying po la phyag 'tshal lo/ /byang chub sems dpa' sems dpa' chen po 'jam dpal la phyag 'tshal lo/ /byang chub sems dpa' sems dpa' </font><hr>296a<br><font size=+1>


@#/ /chen po phyag na rdo rje la phyag 'tshal lo/ /byang chub sems dpa' sems dpa' chen po kun tu bzang po la phyag 'tshal lo/ /byang chub sems dpa' sems dpa' chen po blo gros mi zad pa la phyag 'tshal lo/ /byang chub sems dpa' sems dpa' chen po mthu chen thob pa la phyag 'tshal lo/ /byang chub sems dpa' sems dpa' chen po byams pa la phyag 'tshal lo/ /byang chub sems dpa' sems dpa' chen po legs pa'i blo gros la phyag 'tshal lo/ /de dag la phyag 'tshal nas gzungs 'di gdon par bya'o/ /na mo rat+na tra yA ya/ tad+ya thA/ ku Ti ku Ti ni/ i mi ri to/ ko Sha Ni/ i mi ri Ni/ i ri swAhA/ de nas bcom ldan 'das kyi byang chub sems dpa' bde bar gnas pa la bka' stsal pa/ gzungs 'di ni dus gsum gyi sangs rgyas rnams kyi yum yin pa'i phyir rigs kyi bu 'am/ rigs kyi bu mo gang la la zhig gis gzungs 'di 'chang zhing 'dzin na bsod nams kyi tshogs tshad med dpag tu med pa dag 'phel bar 'gyur ro/ /grangs med pa'i sangs rgyas rnams la bkur sti dang / mchod pa dang| rim gro dang / bsngags par byas par 'gyur ro/ /sangs rgyas de rnams kyis kyang bla na med pa yang dag par rdzogs pa'i byang chub tu de la lung ston par 'gyur ro/ /bde </font><hr>296b<br><font size=+1>


bar gnas pa/ gang zhig gzungs sngags 'di 'chang ba des gos dang / bsod snyoms dang / rin po che dang / mang du thos shing mkhas pa dang / nad med cing tshe ring ba la sogs pa yid bzhin du 'thob ste bsod nams shin tu mang du 'phel lo/ /ci dang / ci 'dod pa de dang / de dag thams cad 'grub par 'gyur ro/ /bde bar gnas pa/ sngags 'di 'chang zhing 'dzin na bla na med pa yang dag par rdzogs pa'i byang chub ma thob kyi bar du rtag par byang chub sems dpa' gser gyi grong khyer ri bo dang / byang chub sems dpa' byams pa dang / byang chub sems dpa' rgya mtsho dang / byang chub sems dpa' kun tu spyan ras gzigs dbang phyug dang / byang chub sems dpa' 'jam dpal dang / byang chub sems dpa' ping ga la chen po la sogs pa dang lhan cig tu gnas te byang chub sems dpa' rnams kyis srung bar byed do/ /bde bar gnas pa/ gzungs 'di sgrub pa'i cho ga ni 'di yin par shes par rig par bya'o/ /thog mar bzlas brjod khri rtsa brgyad tshang bar bzlas pas bsnyen par bya'o/ /de nas khang pa dben pa'i nang du dkyil 'khor byas te tshes bcu drug gi nyin par khrus byas te gos sar pa gyon te bdug pa dang / me tog dang / zhal zas sna mang po la sogs pas mchod par bya zhing dkyil 'khor gyi nang du zhugs nas </font><hr>297a<br><font size=+1>


@#/ /thog mar sngar smos pa'i sangs rgyas dang / byang chub sems dpa' rnams kyi mtshan nas brjod de gus par phyag 'tshal zhing sdig pa bshags nas pus mo g.yas pa'i lha nga sa la btsugs te sngags de stong rtsa brgyad tshang bar bzla'o/ /de nas lus bsrang ste 'dug nas ci 'dod pa de bsam par bya'o/ /de nas nyi ma ma shar bar dkyil 'khor gyi nang du kha zas gtsang ma za gcig tu bza' bar bya'o/ /de nas zhag bco lnga lon pa dang gzod dkyil 'khor de nas byung bar byas te mi de ni bsod nams dang \?\/ gzi brjid kyi mthu bsam gyis mi khyab pa dang ldan zhing bsam pa thams cad yongs su rdzogs par 'gyur ro/ /gal te bsams pa ma grub na'ang dkyil 'khor der zhugs na bsam pa yongs su rdzogs par 'gyur bas de phyin chad kyang rtag par rjes su dran par bya'o/ /gser 'od dam pa mdo sde'i dbang po'i rgyal po las/ gser can zhes bya ba'i gzungs te le'u brgyad pa'o// //de nas bcom ldan 'das kyis gzungs de gsungs nas/ gzhan yang / byang chub sems dpa' sems dpa' chen po dang / lha dang / mi la sogs pa'i 'khor 'dus pa de dag la phan pa dang / bde ba'i phyir don dam pa'i bden pa stong pa'i </font><hr>297b<br><font size=+1>


mtshan nyid de bstan pa'i phyir de'i tshe tshigs su bcad pa 'di dag gsungs so/ /bsam gyis mi khyab mdo rnams gzhan dag tu/ /stong pa'i chos rnams rab tu rgyas bshad de| |de lta bas na mdo mchog dam pa 'dir/ /stong pa'i chos rnams mdo tsam bshad par bya/ /sems can blo chung rnam par mi shes pas/ /chos rnams thams cad shes par mi nus te/ /de lta bas na mdo mchog dam pa 'dir/ /stong pa'i chos rnams mdo tsam rab tu bshad/ /sems can kun gyis ci nas shes 'gyur dang / /sems can 'byung bya'i phyir ni snying rje'i dbang / /thabs dang tshul dang rgyu gzhan rnams kyis ni/ /mdo mchog dam pa dbang po 'di bshad do/ /lus 'di grong khyim stong pa ji bzhin te/ /dbang po rnams ni dmag dang chom rkun 'dra/ /de dag thams cad grong gcig gnas mod kyi/ /de dag phan tshun rnam par mi shes so/ /mig gi dbang po gzugs gyur rnams la rgyug /rna ba'i dbang po sgra la rnam par dpyod/ /sna yi dbang po sna tshogs dri rnams 'phrog /lce yi dbang po rtag tu ro la rgyug /lus kyi dbang po reg pa dag la rgyug /yid kyi dbang po chos rnams rnam par dpyod/ /dbang po drug po 'di dag phan tshun du/ /rang rang yul la rab tu 'jug par byed/ /sems ni sgyu ma lta bur g.yo ba yin/ /dbang po drug ni yul la rnam dpyod de/ /ji </font><hr>298a<br><font size=+1>


@#/ /ltar mi zhig grong stong rgyug pa dang / /dmag dang chom rkun dag dang gnas pa bzhin/ /ji ltar bya zhig yul drug gnas bcas shing / /dbang po'i spyod yul dag kyang rab shes pa/ /de ltar sems ni yul drug gnas bcas te/ /dbang po'i spyod yul rnams kyang rab tu shes/ /gzugs dang sgra dang de bzhin dri rnams dang / / ro dang reg bya de bzhin spyod yul chos/ /sems ni dbang po drug po thams cad la/ /dbang por zhugs pa bya bzhin g.yo bar 'gyur/ /dbang po gang dang gang du gnas bcas pa// dbang po de ni shes pa bdag nyid byed/ /lus ni g.yo ba med cing byed pa med/ /snying po med cing rkyen las byung ba yin/ /yang dag ma yin yongs su rtog las byung / /grong stong las kyi 'khrul 'khor 'dra bar gnas/ /sa dang me dang chu dang rlung rnams ni/ /grong gzhan gnas de phyogs dang phyogs na gnas/ /dper na sbrul gdug gnas gcig ji bzhin te/ /rtag tu phan tshun mthun pa ma yin bzhin/ /khams kyi sbrul rnams bzhi po de dag kyang / /gnyis ni steng 'gro gnyis ni thur du 'gro /phyogs dang phyogs mtshams rnams su gnyis gnyis te/ /khams sbrul de dag thams cad 'jigs par 'gyur/ /sa yi sbrul dang chu yi sbrul dag dang / /'di gnyis 'og tu zad par 'gyur </font><hr>298b<br><font size=+1>


ba yin/ /me yi sbrul dang rlung gi sbrul dag dang / /'di gnyis steng gi nam mkhar 'gro ba yin/ /ji ltar sngon chad byas pa'i las rnams kyis/ /sems dang rnam shes kun tu gnas nas dong / /lha dang mi dang ngan song gsum dag tu/ /ji ltar byas pa'i las kyis srid par skye/ /bad kan rlung dang mkhris pa zad gyur na/ /lus ni gcin dang ngan skyugs rnams kyis gang| |mngon par mi dga' srin bu'i phung por gyur/ /dur khrod dag na 'thor ba shing bzhin gyur/ /lha mo khyod ni chos 'di rnams la ltos/ /'di la sems can gang zag gang zhig yod/ /chos rnams 'di dag thams cad stong pa ste/ /ma rig pa yi rkyen las byung ba yin/ /'byung ba chen po 'di dag che 'byung min/ /ma byung ba las byung zhing mi 'byung ste/ /gang gi phyir ni 'byung ba mi 'byung ba/ /de phyir 'byung ba che zhes ngas brjod do/ /yod pa min zhing nam yang yod min la/ /ma rig pa yi rkyen las 'byung ba yin/ /ma rig 'di ni yod pa ma yin te/ /de bas ngas ni ma rig 'di bshad de/ /'du byed rnam shes ming dang gzugs bcas dang / /skye mched drug dang reg dang tshor ba dang / /sred dang len dang de bzhin srid pa dang / /skye dang rga shi mya ngan gnod pa rnams/ /'khor ba'i sdug bsngal bsam gyis mi khyab pa/ /'khor ba'i 'khor lo ji ltar gnas pa dag /ma byung ba las byung dang </font><hr>299a<br><font size=+1>


@#/ /mi 'byung dang / /tshul bzhin ma yin sems kyis rnam dpyad dang / /bdag gi lta bar gyur pa gcad par bgyis/ /ye shes ral gris nyon mongs rgya mo brtol/ /phung po'i gnas la stong par gyur par ltos/ /byang chub yon tan rgya chen reg par gyis/ /ngas ni bdud rtsi'i grong khyer sgo yang phye/ /bdud rtsi'i khu ba'i snod kyang kun tu bstan/ /ngas ni bdud rtsi'i grong khyer gnas der 'jug /ngas ni bdud rtsi'i khu bas bdag tshim byas/ /ngas ni chos kyi rnga chen dam pa brdungs/ /ngas ni chos kyi dung gi mchog kyang bus/ /ngas ni chos kyi sgron ma mchog 'bar byas/ /ngas ni chos kyi char pa dam pa phab/ /ngas ni nyon mongs dgra tshogs rnams las rgyal/ /ngas ni chos kyi rgyal mtshan dam pa bsgreng / /srid pa'i mtsho las sems can rab tu bsgral/ /ngas ni ngan song gsum gyi lam rnams bkag /sems can nyon mongs me yis gdungs gyur pa/ /rten med gyur cing dpung gnyen med pa dag /srog chags nyon mongs mes gdungs zhi byas nas/ /bdud rtsi'i khu ba bsil bas tshim par byas/ /gang phyir bskal pa du mar sngon chad ngas/ / 'dren pa bsam gyis mi khyab mchod pa byas/ /chos kyi sku de yongs su tshol ba na/ /brtul zhugs brtan pas byang chub phyir spyad de/ /lag pa dang ni mig dang rkang pa dang / /yan lag mchog </font><hr>299b<br><font size=+1>


dang bu sdug bu mo dang / /nor dbyig nor bu mu tig rgyan dang gser/ /bai DUR+Ya dang rin chen sna tshogs btang / /stong gsum shing ljon thams cad dang / /rtswa dang rtswa rnams thams cad dang // nags tshal dag dang sa las ni/ /'khrungs pa thams cad gcad gtubs te/ /de dag thams cad phyer brlags nas/ /rab tu phra ba'i rdul 'drar byas/ /nam mkha'i dkyil 'khor ji tsam par/ /phye ma'i phung po spungs nas ni/ /'di la cha gsum dbye bar nus/ /sa la rdul ni yod pa rnams/ /stong gsum dag ni thams cad kyi/ /rdul khams bsam gyis mi khyab pa/ / sems can kun gyi shes pa gang / /de ni sems can gcig gir gyur/ /shes pa de yis rdul rnams kyi/ /phye ma bgrang bar byed na ni/ /sems can kun las rab 'phags pa/ /ye shes rab ldan mi rnams kyis/ /thams cad bgrang bar nus srid kyi/ /rgyal ba'i mkhyen pa mi nus so/ /thub pa chen po'i ye shes gang / /skad cig cig la 'jug pa yang / /bskal pa bye ba du mar ni/ /gang du 'ang bgrang bar mi nus so/ /gser 'od dam pa mdo sde'i dbang po'i rgyal po las/ stong pa nyid kyi le'u zhes bya ste dgu pa'o// //de nas lha mo rin chen 'od 'phros chos bstan pa shin tu zab mo de thos nas dga' ba dang / rangs pa skyes te 'khor 'dus pa de'i nang nas stan las langs te bla gos phrag pa </font><hr>300a<br><font size=+1>


@#/ /gcig tu gzar nas pus mo g.yas pa'i lha nga sa la btsugs te bcom ldan 'das ga la ba de logs su thal mo sbyar ba btud nas bstan pa zab mo 'di la ji ltar rnal 'byor du bya ba zhu ba'i phyir bcom ldan 'das la tshigs su bcad de gsol pa/ /rgyal ba rkang gnyis gtso lags te/ /'jig rten kun tu snang mdzad pa/ / byang chub spyod pa yang dag tshul/ /bdag la thugs rjes bshad du gsol/ /rigs kyi lha mo la bka' stsal pa/ khyod la the tsom ci yod pa/ /'dri ba'i don de zhus shig dang| |rnam par phye ste bshad par bya/ /de nas yang rigs kyi lha mos bcom ldan 'das la gsol pa/ bdag dang gzhan la phan gdags phyir/ /byang chub sems dpa' rnams kyis ni/ /'khor dang mya ngan 'das bral ba'i/ /byang chub spyod pa ji ltar spyad/ /de nas bcom ldan 'das kyis rigs kyi lha mo la 'di skad ces bka' stsal to/ / lha mo/ chos kyi dbyings la gnas te byang chub kyi spyod pa spyad pas ni mnyam pa nyid la nan tan du bya'o/ /de skad ces bka' stsal pa dang rigs kyi lha mos bcom ldan 'das la 'di skad ces gsol to/ /btsun pa bcom ldan 'das/ ji ltar na chos kyi dbyings la gnas te byang chub kyi spyad pa spyod cing mnyam pa nyid la nan tan du bgyi ba lags/ bka' </font><hr>300b<br><font size=+1>


stsal pa/ lha mo/ de ni phung po lnga la chos kyi dbyings su 'dogs te chos kyi dbyings ni phung po lnga nyid do/ /phung po lnga'ang brjod du med pa/ phung po lnga ma yin pa'ang brjod du med pa ste| de la chos kyi dbyings de nyid phung po lnga yin na ni chad par 'gyur ro/ /gal te phung po lnga las gzhan par 'dod na ni rtag par 'gyur te mtshan ma gnyis dang bral ba/ mtha' gnyis la mi gnas pa/ bltar med pa/ blta bar bya ba las 'das pa/ ming dang / mtshan ma med pa de ni chos kyi dbyings zhes brjod do/ /rigs kyi lha mo/ phung po lnga las chos kyi dbyings su ji ltar gdags zhe na/ phung po lnga de ni rgyu dang / rkyen gyis ma bskyed pa ste/ de'ang gal te rgyu dang / rkyen las skye ba zhig yin na ni skyes zin pa skye 'am/ mi skye ba skye zhes bya/ gal te skyes zin pa skye na ni rgyu dang / rkyen kyang mi dgos pa'i rigs so/ /gal te ma skyes pa skye na ni skye ba dmigs su med pa'i phyir ro/ /de ci'i phyir zhe na/ gang ma skyes pa'i chos rnams ni yod pa ma yin pa nyid pas ming med pa/ mtshan ma med pa/ gzhal ba dang / dpag pa dang / dper bya bas mi brjod pa ste rgyu dang / rkyen gyis bskyed par bya ba ma yin no| |rigs kyi lha mo/ dper na/ rnga'i sgra ni shing dang / ko ba dang / lag pa la brten te sgra 'byung mod kyi/ rnga'i sgra de ni 'das pa'ang stong / ma 'ongs pa'ang stong / da ltar byung ba'ang </font><hr>301a<br><font size=+1>


@#/ /stong ste/ rnga'i sgra de ni shing las kyang ma byung / ko ba dang / lag pa las kyang ma byung / dus gsum gyis ma bskyed pas mi skye ba ste gang mi skye ba de ni mi 'gog pa'o/ /gang mi 'gog pa de ni gang nas kyang ma 'ongs pa'o/ /gang nas kyang ma 'ongs pa de ni gang du'ang mi 'gro ba'o/ /gang du'ang mi 'gro ba de ni rtag pa dang / chad pa ma yin pas gcig pa'ang ma yin/ tha dad pa'ang ma yin pa'o/ /de ci'i phyir zhe na/ gal te gcig pa yin na chos kyi dbyings dang tha mi dad pas 'o na ni byis pa so so'i skye bo rnams kyis kyang don dam pa'i bden pa mngon du gyur pas mya ngan las 'das pa'i bde ba dam pa thob par 'gyur ba zhig na de lta ma yin pas de gcig pa ma yin no/ / gal te tha dad pa yin na ni sangs rgyas dang / byang chub sems dpa' rnams kyi spyod pa'ang / mtshan ma de nyid 'dzin pa yin pas rnam par grol bar yang mi 'gyur zhing nyon mongs pa'i 'ching ba dang ma bral bas de bla na med pa yang dag par rdzogs pa'i byang chub tu mngon par 'tshang mi rgya'o/ /de ci'i phyir zhe na/ 'phags pa rnams ni 'du byed dang / 'du byed ma yin pa yang dag pa'i ngo bor gcig pa'i phyir tha dad pa ma yin no/ /de bas na phung po lnga de ni yod pa'ang ma yin/ med pa'ang ma yin/ rgyu dang / </font><hr>301b<br><font size=+1>


rkyen gyis bskyed pa'ang ma yin/ rgyu dang / rkyen med pas bskyed pa'ang ma yin pa/ tshig gis thog tu mi phebs pa/ ming dang / mtshan ma med pa/ rgyu dang / rkyen med pa/ dpes bstan du med pa/ thog ma dang / tha mar dben pa/ rang gi ngang \?\gis stong pa ste de ni 'phags pa rnams kyis mkhyen par bya ba yin gyi/ gzhan du spyod yul du ma gyur pa'o/ /de bas na phung po lnga la chos kyi dbyings su ston to/ /gzhan yang / rigs kyi lha mo/ gang rigs kyi bu 'am/ rigs kyi bu mo gang la la zhig gis bla na med pa yang dag par rdzogs pa'i byang chub don dam pa dang / kun rdzob gzhan dang / gzhan ma yin par 'dod pa de ni dpag par dka' ba ste 'phags pa dang / ma rabs kyi spyod yul ni gcig pa dang / tha dad pa'i rang bzhin ma yin te/ kun rdzob kyang ma spangs/ don dam pa dang yang bral bar ma gyur pa de ni chos kyi dbyings la gnas shing byang chub sems dpa'i spyad pa spyod pa'o/ /de'i tshe bcom ldan 'das kyis de skad ces bka' stsal pa dang / rigs kyi lha mo de rab tu dga' ba dang / yid bde ba skyes nas stan las langs te bla gos phrag pa gcig tu gzar nas pus mo g.yas pa'i lha nga sa la btsugs te thal mo sbyar ba btud de spyi bos phyag btsal nas bcom ldan 'das la 'di skad ces gsol to/ /bcom ldan 'das/ ji ltar </font><hr>302a<br><font size=+1>


@#/ /bcom ldan 'das kyis bka' stsal pa'i byang chub sems dpa'i spyod pa de la bdag gis bslab par 'tshal lo/ /de nas mi mjed kyi bdag po tshangs pa chen po 'khor 'dus pa de'i nang na 'dug pas rigs kyi lha mo rin chen 'od 'phro la 'di skad ces dris so/ /lha mo/ byang chub sems dpa'i spyod pa shin tu bsgrub par dka' ba 'di khyod ji ltar spyod pas de la dbang thob par 'gyur/ de nas rigs kyi lha mos tshangs pa chen po la 'di skad ces smras so/ /tshangs pa'i rgyal po chen po/ ji ltar bcom ldan 'das kyis gsungs pa'i don de shin tu zab pas so so'i skye bo thams cad kyis de'i don mi shes te 'phags pa rnams kyi spyod yul bas mchog tu phra ba shes par dka' ba'o/ /bdag ni chos 'di la brten te bde bar gnas pa thob bo/ /gal te tshig de bden pa lta na snyigs ma lnga'i 'jig rten gyi khams 'di dag ni tshad med grangs med dpag tu med pa'i sems can de dag thams cad gser gyi kha dog can du gyur te mtshan sum cu rtsa gnyis dang ldan pa/ skyes ba 'ang ma yin/ bud med kyang ma yin pa sha stag tu gyur te rin po che'i pad+ma la 'dug cing bde ba tshad med pa la longs spyod pa dang / lha'i me tog mchog gi char 'bab cing </font><hr>302b<br><font size=+1>


lha'i sil snyan dang / rol mo ma dkrol bar rang byung pa'i mchod pa de lta bu dang ldan par shog cig ces smras ma thag tu snyigs ma lnga'i 'jig rten gyi khams thams cad na sems can ji snyed 'khod pa de dag thams cad gser gyi kha dog can/ skyes bu chen po'i mtshan dang ldan pa/ skyes pa 'ang ma yin/ bud med kyang ma yin par gyur nas rin po che'i pad+ma la 'dug cing bde ba tshad med pas longs spyod par gyur pa ni ji ltar gzhan 'phrul dbang byed lha'i gzhal med khang pa na ngan 'gro thams cad med cing rin po che'i ljon shing sna tshogs bres pa/ rin po che sna bdun gyi pad+mas 'jig rten gyi khams khyab par byas pa/ rin po che sna bdun dang / lha'i me tog gi char bab pa/ lha'i rol mo sna tshogs kyis longs spyod par gnas pa bzhin du gyur to/ /de nas rigs kyi lha mo rin chen 'od 'phro 'ang bud med kyi lus las tshangs pa'i lus su bsgyur cing 'dug go /byang chub sems dpa' rin chen 'od 'phro la tshangs pa'i rgyal pos 'di skad ces smras so/ /btsun pa/ khyod ji ltar byang chub sems dpa'i spyad pa spyod/ smras pa/ tshangs pa'i rgyal po chen po/ chu'i zla ba byang chub kyi spyad pa spyod pa bzhin bdag kyang byang chub kyi spyad pa spyod do/ /rmi lam byang chub kyi spyad pa spyod pa bzhin bdag kyang byang chub kyi spyad pa spyod do/ /smig rgyu byang chub kyi spyad pa spyod pa </font><hr>303a<br><font size=+1>


@#/ /bzhin bdag kyang byang chub kyi spyad pa spyod do/ /sgra brnyan byang chub kyi spyad pa spyod pa bzhin bdag kyang byang chub kyi spyad pa spyod do/ /de skad ces bshad pa tshangs pa chen pos thos nas byang chub sems dpa' la 'di skad ces smras so/ /btsun pa/ khyod don gang la gnas te tshig de skad ces smra/ lha mos smras pa/ tshangs pa'i rgyal po/ chos gang yang bden pa'i mtshan nyid du ma grub cing rgyu dang / rkyen la brten nas grub pa'i phyir ro/ /tshangs pa'i rgyal pos smras pa/ gal te de lta na so so'i skye bo thams cad kyang bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba'i rigs so/ /smras pa/ skyes bu khyod/ ci'i phyir de skad ces smra/ byis pa 'ang gzhan/ mkhas pa 'ang gzhan/ byang chub kyang gzhan/ byang chub ma yin pa 'ang gzhan/ rnam par grol pa 'ang gzhan/ rnam par grol ba ma yin pa 'ang gzhan ma yin mod kyi/ tshangs pa chen po| chos de dag thams cad ni chos kyi dbyings su mnyam pa nyid do/ /de so so ma yin pa/ yang dag par dbyer med pa/ bar mtshams med pa/ 'phel ba dang / 'grib pa med pa la mngon par chags shing 'dzin to/ /tshangs pa'i rgyal po/ dper na/ sgyu ma mkhan dang / de'i slob ma sgyu ma sprul pa la mkhas shing byang bar gyur ba zhig gis lam gyi bzhi mdor/ sa dang / bye ma </font><hr>303b<br><font size=+1>


dang| shing dang / rtswa dang / lo ma la sogs pa gnas gcig tu bsdus te sgyu ma sprul pa/ 'di lta ste/ rta dang / glang po che'i tshogs dang / dmag dang / shing rta la sogs pa'i tshogs dang / rin po che sna bdun gyi phung po dang / bang ba dang / mdzod la sogs pa rnam pa sna tshogs kun la ston to/ /de la sems can byis pa blun po mi shes pa'i rang bzhin can dag gis mthong na sgyu ma sprul par mi shes te/ rta dang / glang po che la sogs pa mthong ba dang / thos pa 'di dag ni yang dag par yod pa yin te gzhan ni brdzun pa snyam du sems shing phyis kyang de la zhib tu rtog par mi byed do/ /de la mkhas pa shes pa'i rang bzhin can rnams ni de lta ma yin te sgyu ma sprul pa yin par shes nas thos pa dang / mthong ba de dag la 'di snyam du sems te rta dang / glang po che la sogs pa bdag gis mthong ba 'di ni yang dag pa ma yin pa sgyu ma sprul pas 'gro ba'i mig slu bar byed pa ste rta dang / glang po che dang / bang mdzod la sogs pa 'di dag ni der snang ba tsam du zad de bdag gis mthong ba dang / thos pa bzhin du bden pa ma yin par yang 'dzin la phyis zhib tu brtags na 'ang brdzun pa slu ba'i chos su shes so/ /de lta bas na mkhas pa rnams kyis ni chos 'di dag thams cad ni yang dag pa ma yin pa'i rang bzhin du rtogs te ji ltar mthong ba dang / thos pa 'ang </font><hr>304a<br><font size=+1>


@#/ /yang kun rdzob tsam du de dag gi don mtshon pa dang / tshig gi tha snyad la brten nas yang dag pa'i don shes par bya ba tsam du zad kyi don dam pa ni de lta ma yin no snyam mo/ /yang tshangs pa chen po/ byis pa so so'i skye po 'phags pa 'jig rten las 'das pa'i shes rab kyi mig ma thob pa rnams kyis ni chos 'di dag thams cad kyi de bzhin nyid brjod du med par yang mi shes la/ gang mthong ba dang / thos pa dang / 'du byed dang / 'du byed ma yin pa'i chos rnams ji ltar brtags pa ltar bden pa nyid du mngon par zhen te chos rnams kyi de bzhin nyid brjod du med pa don dam pa'i tshul de shes par mi nus so/ /de la 'phags pa rnams kyis ni gang gzigs shing gsan pa dang / 'du byed dang / 'du byed ma yin pa'i chos rnams kyi mthu dang / las ji lta bu yin pa de la bden pa'o zhes mngon par mi zhen te 'du byed kyi chos kyang mi bden pa/ 'du byed kyi ma yin pa'i chos kyang mi bden pa/ yang dag pa ma yin pa'i rtog pas brtags pa tsam du 'du byed dang / 'du byed ma yin pa'i mtshan nyid kyang ming tsam du zad pa/ bden pa'i rang bzhin du mi grub pa ste 'phags pa rnams kyis kun rdzob kyi tha snyad la brten nas yang dag pa bden pa'i don de ston par byed do/ /de bzhin du tshangs pa chen po/ gang 'phags pa rnams ni 'phags </font><hr>304b<br><font size=+1>


pa'i ye shes dang / 'phags pa'i gzigs pas chos rnams kyi de bzhin nyid brjod du med pa bzhin 'du byed dang / 'du byed ma yin pa'i chos kyang de bzhin du lta ste kun rdzob tu ming dang / mtshan ma sna tshogs la brten nas gzhan la ston par byed do/ /de nas yang byang chub sems dpa' rin chen 'od 'phro la tshangs pa chen pos 'di skad ces smras so/ /sems can ji snyed cig gis chos zab mo 'di lta bu rtogs shing shes par nus/ smras pa/ tshangs pa chen po/ gang sprul pa mang po'i sems dang / sems las byung bas chos zab mo 'di yang dag par shes par gyur pa de snyed kyis shes so/ /tshangs pa'i rgyal pos smras pa/ sprul pa de dag nyid kyang rang bzhin yod pa ma yin na de dag gi sems dang / sems las byung ba gang nas skye bar 'gyur/ smras pa/ gang chos kyi dbyings yod pa 'ang ma yin med pa 'ang ma yin par yang dag par shes pa de dag gis zab mo de'i don shes par nus so/ /de nas tshangs pa chen pos bcom ldan 'das la 'di skad ces gsol to/ /bcom ldan 'das byang chub sems dpa' rin chen 'od 'phro 'di ni bsam gyis mi khyab pa ste chos kyi gzhung zab mo 'di la mkhas pa lags so/ /bcom ldan 'das kyis bka' stsal pa/ de de bzhin te/ tshangs pa chen po/ de ji ltar khyod kyis smras pa de bzhin no/ /byang chub sems dpa' rin chen 'od 'phro 'dis khyod la ji skad bstan pa bzhin du nan tan du sgrubs shig dang / mi skye </font><hr>305a<br><font size=+1>


@#/ /ba'i chos la bzod pa thob par 'gyur ro/ /de nas lha'i rgyal po tshangs pa chen po dang / gzhan yang / tshangs pa'i 'khor de dag stan las langs te bla gos phrag pa gcig tu gzar nas pus mo g.yas pa'i lha nga sa la btsugs te thal mo sbyar bas byang chub sems dpa' rin chen 'od 'phro'i rkang pa gnyis la spyi bos phyag btsal te tshig 'di skad ces smras so/ /deng skyes bu chen po khyed dang phrad cing bdag cag gis dam pa'i chos 'di lta bu thos bar gyur pa ngo mtshar che lags so/ /de nas bcom ldan 'das kyis tshangs pa chen po la bka' stsal pa/ byang chub sems dpa' rin chen 'od 'phro 'di ma 'ongs pa'i dus na rin po che'i dpal gyi snying po zhes bya ba/ de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang / mi rnams kyi ston pa| sangs rgyas bcom ldan 'das su 'gyur ro zhes bka' stsal to/ /de skad ces bka' stsal pa de'i tshe byang chub sems dpa' khri phrag sum stong gis bla na med pa yang dag par rdzogs pa'i byang chub las phyir mi ldog par gyur to/ /lha'i bu khri phrag brgyad stong dang / rgyal po dang / blon po la sogs pa tshad med grangs med pa rnams kyis rdul med rdul dang </font><hr>305b<br><font size=+1>


bral ba'i chos la chos kyi mig rnam par dag par gyur to/ /de nas 'khor 'dus pa de'i nang nas dge slong khri phrag lnga bcu byang chub sems dpa'i spyad pa spyod pa/ byang chub kyi sems las phyir mi ldog par sems pa de dag kyang byang chub sems dpa' rin chen 'od 'phros chos bstan pa 'di thos nas byang chub kyi sems phyir zhing brtan pa dang / bsam gyis mi khyab ba bla na med pa'i smon lam yongs su rdzogs nas kyang byang chub tu sems bskyed de so so nas rang rang gi gos gyon pa phud de/ byang chub sems dpa' la gsol nas bla na med pa'i mchog dam pa'i sems bskyed de/ smon lam 'di skad ces gsol to/ /bdag cag gi dge ba'i rtsa ba ci mchis pa de dag thams cad bla na med pa yang dag par rdzogs pa'i byang chub tu yongs su bsngo'o zhes smon lam btab bo/ /tshangs pa chen po/ dge slong de dag gis bsod nams de la brten nas ji skad smras pa bzhin nan tan du bsgrubs nas bskal pa chen po dgu bcu 'das pa na 'khor ba las yongs su 'das ba'i shes pa skyes par gyur to/ /de nas bcom ldan 'das kyis dge slong de dag la bka' stsal pa/ dge slong dag /khyed bskal pa grangs med pa sum cu 'das pa'i 'og tu bla na med pa'i sangs rgyas su gyur te bskal pa'i ming ni rgyal bar dka' ba'i 'od kyi rgyal po zhes bya ba/ yul gyi ming ni dri ma med pa'i </font><hr>306a<br><font size=+1>


@#/ /'od ces bya bar dus cig tu kun kyang bla na med pa yang dag par rdzogs pa'i byang chub tu mngon par rdzogs par 'tshang rgya ste de dag kun kyang mtshan smon lam rnam par bkod pa'i rgyal po zhes bya ba/ yon tan gyi mtshan bcu yongs su rdzogs par 'gyur ro zhes lung bstan to/ /gzhan yang / tshangs pa chen po/ gser 'od dam pa mdo sde'i dbang po'i rgyal po gang nyan pa dang / 'dzin pa de dag gi mthu dang / gzi brjid chen po dang ldan par 'gyur te/ dper na/ gang la la zhig gis thabs dang mi ldan pas pha rol tu phyin pa drug bskal pa chen po brgyad stong du spyod pa bas/ gang rigs kyi bu'am/ rigs kyi bu mo gang la la zhig gis gser 'od dam pa'i mdo sde'i dbang po'i rgyal po 'di glegs bam du bris te zla ba phyed phyed cing sems rtse gcig tu byas te klog cing 'don na/ bsod nams kyi phung po 'di la bsod nams kyi phung bo snga ma des brgya'i char yang nye bar mi phong pa nas grangs su bgrang ba dang / dper bsgrun par yang mi bzod do/ /tshangs pa chen po/ de lta bas na khyed kyis rtag tu yid la bya zhing nan tan du bsgrub pa dang / gzung zhing gzhan la 'ang yang dag par rgya cher bstan par bya'o/ /de ci'i phyir zhe na/ sngon 'das pa'i dus na nga byang chub sems dpa'i spyad pa spyod pa'i tshe ji ltar skyes bu dpa' bo </font><hr>306b<br><font size=+1>


g.yul ngor lus dang / srog la mi lta ba bzhin du ngas kyang mdo sde'i dbang po'i rgyal po 'di gzung zhing 'dzin pa dang / klog cing 'don pa dang / gzhan la 'ang rgya cher yang dag par ston pa la thogs pa med par gyur to/ /tshangs pa chen po/ dper na/ 'khor los bsgyur ba'i rgyal po nam 'jig rten na gnas kyi bar rin po che sna bdun yang med par yang mi 'gyur ro/ / gal te rgyal po mi bzhugs na rin po che sna bdun yang mod la med par 'gyur ro/ /tshangs pa chen po/ de ltar de bzhin du gser 'od dam pa mdo sde'i dbang po'i rgyal po 'di 'jig rten na gnas kyi bar du bla na med pa'i chos rin po che thams cad kyang nub par mi 'gyur ro/ /mdo sde'i dbang po 'di nam med pa na gzhan dag kyang nub par 'gyur ro/ /de lta bas na mdo sde'i rgyal po 'di sems rtse gcig tu byas te mnyan pa dang / gzung ba dang / klog pa dang / gzhan dag la'ang rgya cher bshad pa dang / yi ger 'drir 'jug pa dang / lus dang / srog la mi blta bas ngal ba dang / dub pa khyad du gsod cing brtson 'grus kyi pha rol tu phyin pa la spyad par bya ste bsod nams kyi nang na mchog yin par nga'i 'khor rnams kyis kyang de bzhin du bslab cing nan tan du bya'o// de nas tshangs pa'i rgyal po chen po la sogs te tshangs ba'i 'khor grangs med ba dang / brgya byin lha'i dbang po dang / rgyal po chen po bzhi dang / gzhan yang / gnod sbyin gyi dbang po la sogs pa de dag thams </font><hr>307a<br><font size=+1>


@#/ /cad stan las langs te bla gos phrag pa gcig tu gzar nas pus mo g.yas pa'i lha nga sa la btsugs te thal mo sbyar ba btud nas bcom ldan 'das la 'di skad ces gsol to/ /bcom ldan 'das/ bdag gis kyang gser 'od dam pa mdo sde'i dbang po'i rgyal po 'di bsrung ba dang / yongs su rgyas par bgyi'o/ /chos 'di ston pa'i tshe bgegs dang / bar chad kun bsal te dge bar 'gyur ba dang / kha dog dang / mthu yongs su rdzogs par 'gyur ba dang / spobs pa thogs pa med pa dang / lus dang| sems bde bar 'gyur ba dang / de'i 'khor rnams kyang bde ba nyams su myong ba dang / gang na gnas pa'i yul 'khor de'ang mu ge dang / dgra'i 'jigs pa dang / mi ma yin pas 'tshe ba zhig mchis na 'ang bdag cag lha'i 'khor gyis yongs su bsrungs pas de dag bde zhing skyid pa dang / gnod pa rnams ma 'byung bar gyur na/ de dag kyang bdag cag lha'i mthu lags par 'tshal bar bgyi 'o/ /gang la la zhig mdo sde 'di la mchod cing rim gro bgyid na de la bdag cag gis sangs rgyas bcom ldan 'das dang 'dra bar mchod cing rim gro bgyid do/ /de nas bcom ldan 'das kyis lha'i rgyal po tshangs pa chen po la sogs te tshangs pa'i 'khor de dag dang / rgyal po chen po bzhi dang / gnod sbyin gyi dbang po </font><hr>307b<br><font size=+1>


las sogs pa rnams la legs so zhes bka' stsal to/ /legs so/ /legs so/ /rigs kyi bu/ khyod kyis dam pa'i chos zab mo 'di 'ang thos/ mdo sde'i dbang po 'di dang 'di 'dzin pa dang / bsrung ba dang / bskyab pa'i sems bskyed pa des bsod nams kyi khyad par tshad med pa dang ldan pas myur du bla na med pa yang dag par rdzogs pa'i byang chub mngon par rdzogs par 'tshang rgya'o// bcom ldan 'das kyis de skad ces bka' stsal nas tshangs pa'i rgyal po la sogs pa bcom ldan 'das kyis gsungs pa la mngon par bstod do/ /gser 'od dam pa mdo sde'i dbang po'i rgyal po las/ stong pa nyid la brten nas bsam pa yongs su rdzogs pa zhes bya ba'i le'u ste bcu pa'o// //de nas rgyal po chen po rnam thos kyi bu dang / rgyal po chen po yul 'khor srung dang / rgyal po chen po 'phags skyes po dang / rgyal po chen po mig mi bzang stan las langs te bla gos phrag pa gcig tu bgos nas pus mo g.yas pa'i lha nga sa la btsugs te bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /btsun pa bcom ldan 'das/ gser 'od dam pa mdo sde'i dbang po'i rgyal po 'di ni de bzhin gshegs pa thams cad kyis gsungs pa/ de bzhin gshegs pa thams cad kyis gzigs pa/ de bzhin gshegs pa thams cad kyis dgongs pa/ byang chub sems dpa'i 
 </font><hr>308a<br><font size=+1>


@#/ /thams cad kyis yongs su bzung ba/ lha'i tshogs thams cad kyis phyag bgyis pa/ lha'i tshogs thams cad kyis mchod pa/ lha'i dbang po'i tshogs thams cad kyis mngon par bstod pa/ 'jig rten skyong ba thams cad kyis mchod cing bsngags te rjed pas rab tu bkur ba/ lha'i khang khyim thams cad snang bar bgyis pa/ sems can thams cad la mchog tu bde ba thams cad rab tu sbyin par bgyid pa/ sems can dmyal ba dang / dud 'gro'i skye gnas dang / gshin rje'i 'jig rten gyi sdug bsngal thams cad skems pa/ 'jigs pa thams cad kyi rgyun gcod pa/ pha rol gyi dmag tshogs thams cad rab tu zlog pa/ mu ge'i yang ba thams cad rab tu zhi bar bgyid pa/ nad kyi yang ba thams cad rab tu zhi bar bgyid pa/ gza'i gnod pa thams cad sel ba/ mchog tu zhi bar bgyid pa/ mya ngan dang / nyon mongs pa thams cad rab tu zhi bar bgyid pa/ gnod pa rnam pa sna tshogs rab tu zhi bar bgyid pa/ gnod pa 'bum rab tu 'joms par bgyid pa lags so/ /btsun pa bcom ldan 'das/ gser 'od dam pa mdo sde'i dbang po'i rgyal po 'di 'khor gyi nang du rgya cher yang dag par rab tu bshad na chos mnyan pa bdud rtsi'i khu ba 'dis bdag cag rgyal po chen po dpung dang g.yog tu bcas pa bzhi'i lha'i lus 'di gzi byin chen pos rnam par 'phel bar 'gyur ro/ /bdag </font><hr>308b<br><font size=+1>


cag gi lus la brtson pa dang / stobs dang / mthu'ang bskyed par 'gyur/ gzi brjid dang / dpal dang / phun sum tshogs pa'ang bdag cag gi lus la 'jug par 'gyur te/ btsun pa bcom ldan 'das/ bdag cag rgyal po bzhi ni che ba dang ldan pa/ chos smra ba/ chos kyi rgyal po lags te/ btsun pa bcom ldan 'das/ bdag cag ni chos kyis lha dang / klu dang / gnod sbyin dang| lha ma yin dang / nam mkha' lding dang / dri za dang / mi 'am ci dang / lto 'phye chen po rnams kyi rgyal po bgyi'o/ /'byung po'i tshogs mi bzad pa/ snying rje ma mchis pa/ gzhan gyi gzi byin 'phrog pa rnams bzlog par bgyi'o/ /btsun pa bcom ldan 'das/ bdag cag rgyal po chen po bzhi/ gnod sbyin gyi sde dpon chen po nyi shu rtsa brgyad dang / gnod sbyin 'bum phrag du ma dang lhan cig tu rtag par rgyun tu lha'i mig rnam par dag pa/ mi'i las 'das pas 'dzam bu'i gling thams cad la blta bar bgyi/ bsrung bar bgyi/ yongs su bskyang bar bgyi ste/ / btsun pa bcom ldan 'das/ de'i slad du bdag cag rgyal po chen po bzhi 'jig rten skyong ba zhes ming du chags so/ /btsun pa bcom ldan 'das/ gang su dag 'dzam bu'i gling 'dir pha rol gyi dmag tshogs kyis yul 'joms par 'gyur ram/ mu ge'i ya nga ba 'am/ nad kyi ya nga ba 'am/ gnod pa sna tshogs brgya dang / gnod pa stong dang / gnod pa 'bum dag gis </font><hr>309a<br><font size=+1>


@#/ /gtses par gyur na/ btsun pa bcom ldan 'das/ bdag cag rgyal po chen po bzhis gser 'od dam pa mdo sde'i dbang po'i rgyal po 'di 'dzin pa'i dge slong chos smra ba de dag la bskul bar bgyi'o/ /btsun pa bcom ldan 'das/ nam bdag cag rgyal po chen po bzhis rdzu 'phrul dang / byin gyis brlabs kyis dge slong chos smra ba de dag la bskul ba na/ yul gang dang / gang du mchi bar gser 'od dam pa mdo sde'i dbang po'i rgyal po 'di yul de dag tu rgya cher yang dag par ston par 'gyur te/ gang gnod pa sna tshogs brgya dang / gnod pa sna tshogs stong yul du 'byung ba 'di lta bu 'di dag rab tu zhi bar 'gyur ro/ /btsun pa bcom ldan 'das/ mi'i rgyal po gang gis yul du mdo sde'i dbang po 'dzin pa'i dge slong chos smra ba de dag mchi bar 'gyur ba'i yul de dag tu gser 'od dam ba mdo sde'i dbang po'i rgyal po 'di'ang bsnyen par 'gyur ro/ /btsun pa bcom ldan 'das/ nam mi'i rgyal pos gser 'od dam pa mdo sde'i dbang po'i rgyal po 'di mnyan te de thos nas mdo sde'i dbang po 'di 'dzin pa'i dge slong de dag phyir rgol ba thams cad las kun tu srung bar bgyid/ yongs su bskyab pa dang / yongs su 'dzin pa dang / yongs su skyong bar bgyid na/ btsun pa bcom ldan 'das/ bdag cag rgyal po chen po bzhis mi'i rgyal po de'i yul thams cad na gnas pa'i </font><hr>309b<br><font size=+1>


sems can rnams kun tu bsrung bar bgyi/ yongs su bskyab pa dang / yongs su gzung ba dang / yongs su bskyang ba dang / zhi ba dang / bde legs su 'gyur bar bgyi'o/ /btsun pa bcom ldan 'das/ mi'i rgyal pos nam dge slong ngam/ dge slong ma 'am/ dge bsnyen nam/ dge bsnyen ma mdo sde'i dbang po 'dzin pa la bde bar sbyar ba thams cad kyis bde bar bgyid na/ btsun pa bcom ldan 'das/ bdag cag rgyal po bzhis mi'i rgyal po de'i yul thams cad na gnas pa'i sems can rnams la bde ba'i yo byad thams cad kyis bde ba dang / yo byad thams cad phun sum tshogs par bgyi'o/ /btsun pa bcom ldan 'das/ nam mi'i rgyal pos dge slong ngam/ dge slong ma 'am/ dge bsnyen nam/ dge bsnyen ma mdo sde'i dbang po 'di 'dzin pa la bsti stang du bgyid/ bla mar bgyid/ rim gro bgyid cing mchod na/ btsun pa bcom ldan 'das/ bdag cag rgyal po chen po bzhis mi'i rgyal po chen po de la rgyal po thams cad pas ches bsti stang du bgyi/ ches bla mar bgyi/ ches rim gror bgyi/ ches mchod par bgyi ste yul thams cad du'ang rab tu bsngags par bgyi'o/ /gser 'od dam pa mdo sde'i dbang po'i rgyal po las/ rgyal po chen po bzhis lha dang / mi la rnam par blta ba zhes bya ba ste le'u bcu gcig pa'o// //bam po drug pa/ de nas bcom ldan 'das kyis rgyal po chen po bzhi la legs so zhes bya ba byin te/ rgyal po chen po dag legs so/ /legs so/ / </font><hr>310a<br><font size=+1>


@#/ /rgyal po chen po khyed yang legs so/ /legs so/ /'di lta ste/ khyed ni sngon gyi rgyal ba la lhag par bya ba byas pa/ dge ba'i rtsa ba rnams bskyed pa/ sangs rgyas bye ba khrag khrig 'bum phrag mang po la bsnyen bkur byas pa/ chos dang ldan pa/ chos smra ba/ chos kyi rgyal po/ chos kyis lha dang / mi rnams kyi rgyal po byed pa'o/ /'di lta ste/ khyed ni yun ring por sems can thams cad la phan pa'i sems dang ldan pa/ bde ba dang / byams pa'i sems dang ldan pa/ sems can thams cad la phan pa dang / bde bar bya ba'i lhag pa'i bsam pa la zhugs pa/ mi phan pa thams cad 'gog pa/ sems can thams cad la bde ba thams cad nye bar bsgrub par brtson pa yin te/ rgyal po chen po/ khyed bzhis mi'i rgyal po gser 'od dam pa mdo sde'i dbang po'i rgyal po 'di la mchod pa dang / rim gro byed par brtson pa de dag la kun tu bsrung bar gyis shig /yongs su bskyab pa dang / yongs su gzung ba dang / yongs su bskyang ba dang / zhi ba dang / bde legs su 'gyur bar gyis shig /de nas rgyal po chen po dpung dang / g.yog dang / gnod sbyin 'bum phrag du ma dang bcas pa khyed bzhis 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi chos kyi tshul kun tu bsrung bar 'gyur ro/ /yongs su bskyang ba dang / yongs su gzung bar yang 'gyur ro/ /des </font><hr>310b<br><font size=+1>


na rgyal po chen po dpung dang / g.yog dang / gnod sbyin 'bum phrag du ma dang bcas pa khyed bzhis lha dang / lha ma yin du g.yul 'gyed pa na rgyal bar 'gyur ro/ /lha ma yin rnams pham par 'gyur ro/ /'di ltar gser 'od dam pa mdo sde'i dbang po'i rgyal po pha rol gyi dmag tshogs thams cad 'dul bar byed pa 'di'i phyir dge slong ngam/ dge slong ma 'am/ dge bsnyen nam/ dge bsnyen ma mdo sde'i dbang po 'dzin pa de dag la kun tu bsrung bar gyis shig /yongs su bskyab pa dang / yongs su gzung ba dang / yongs su bskyang ba dang / zhi ba dang / bde legs su 'gyur bar gyis shig |de nas rgyal po chen po rnam thos kyi bu dang / rgyal po chen po yul 'khor srung dang / rgyal po chen po 'phags skyes po dang / rgyal po chen po mig mi bzang stan las langs te bla gos phrag pa gcig tu bgos nas pus mo g.yas pa'i lha nga sa la btsugs te bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /btsun pa bcom ldan 'das/ ma 'ongs pa'i dus na gser 'od dam pa mdo sde'i dbang po rgyal po 'di grong ngam/ grong khyer ram/ grong rdal lam/ ljongs sam/ yul 'khor ram/ rgyal po'i pho brang 'khor gang du spyod par 'gyur ba dang / mi'i rgyal po gang dang / gang gi yul du spyod par 'gyur ba dang / btsun pa bcom ldan 'das/ mi'i rgyal por 'gyur ba gang la la zhig lha'i dbang po'i dam tshig rgyal po'i bstan </font><hr>311a<br><font size=+1>


@#/ /bcos 'dis rgyal po bgyid cing rtag par rgyun tu gser 'od dam pa mdo sde'i dbang po'i rgyal po 'di nyan tam/ rim gro bgyid dam/ mchod pa bgyid ngam/ dge slong ngam/ dge slong ma 'am/ dge bsnyen nam/ dge bsnyen ma 'am/ mdo sde'i dbang po'i rgyal po 'dzin pa de dag la'ang bsti stang du bgyid/ btsun par bgyid/ rim gror bgyid cing mchod de rtag par rgyun tu gser 'od dam pa mdo sde'i dbang po'i rgyal po nyan na chos mnyan pa'i chu bo'i chu chos bdud rtsi'i khu ba 'dis bdag cag rgyal po chen po dpung dang g.yog tu bcas pa bzhi dang / gnod sbyin 'bum phrag du ma'i lha'i lus 'di dag gzi byin chen po rnam par 'phel bar 'gyur ro/ /bdag cag la brtson 'grus dang / mthu dang / stobs chen por yang bgyid par 'gyur/ bdag cag gi gzi byin dang / dpal dang / phun sum tshogs pa'ang rnam par 'phel bar 'gyur ro/ /btsun pa bcom ldan 'das/ bdag cag rgyal po chen po bzhi dpung dang g.yog tu bcas pa/ gnod sbyin 'bum phrag du ma dang lus ltar mi gda' bar bgyis te da ltar dang / ma 'ongs pa'i dus na grong ngam/ grong khyer ram/ grong rdal lam/ yul 'khor ram/ pho brang 'khor gang na gser 'od dam pa mdo sde'i dbang po'i rgyal po 'di spyod par 'gyur ba de dag tu mchi bar bgyi'o/ /mi'i rgyal po gser 'od dam pa mdo sde'i dbang po'i rgyal po 'di nyan pa </font><hr>311b<br><font size=+1>


dang| rim gro bgyid pa dang / mchod pa bgyid pa de dag la kun tu bsrung bar bgyi'o/ /yongs su bskyab pa dang / yongs su gzung ba dang / yongs su bskyang ba dang / chad pa spang ba dang / zhi ba dang / bde legs su 'gyur bar bgyi'o/ /rgyal po'i pho brang 'khor de dag dang / yul 'khor de dag dang / yul de dag kyang kun tu bsrung bar bgyi'o/ /yongs su bskyab pa dang / yongs su gzung ba dang / yongs su bskyang ba dang / chad pa spang ba dang / zhi ba dang / bde legs su 'gyur bar bgyi'o/ /yul de dag kyang 'jigs pa dang / gnod pa dang / 'khrugs pa thams cad las yongs su thar bar bgyi'o// pha rol gyi dmag tshogs rnams kyang slar bzlog par bgyi'o/ /mi'i rgyal po gang la la gser 'od dam pa mdo sde'i dbang po'i rgyal po 'di nyan pa dang / rim gro bgyid pa dang / mchod pa bgyid ba de'i dgra zla 'dab nye ba'i rgyal po gzhan zhig mchis la/ btsun pa bcom ldan 'das/ nam dgra zla 'dab nye ba de'i rgyal po de 'di snyam du bdag dpung gi tshogs yan lag bzhi pa dang lhan cig tu yul der song ste yul de rnam par gzhig go snyam du sems bskyed na/ btsun pa bcom ldan 'das/ de'i tshe de'i dus na gser 'od dam pa mdo sde'i dbang po'i rgyal po 'di'i gzi brjid kyi mthus dgra zla 'dab nye ba'i rgyal po de rgyal po gzhan dag dang g.yul 'gyed par 'gyur/ rang gi yul du phyin na'ang yul 'khrug par 'gyur/ rgyal po'i 'khrug pa mi bzad pa'ang 'byung bar 'gyur/ </font><hr>312a<br><font size=+1>


@#/ /yul du gza' dang / nad kyang 'byung bar 'gyur/ yul du brel ba sna tshogs brgya dag kyang 'byung bar 'gyur ro/ /btsun pa bcom ldan 'das/ nam dgra zla 'dab nye ba'i rgyal po de rang gi yul du phyin na gnod pa sna tshogs brgya dang / brel ba sna tshogs brgya 'di lta bu 'byung ngo / /btsun pa bcom ldan 'das/ dgra zla 'dab nye ba'i rgyal po de yan lag bzhi pa'i dmag bsogs te pha rol gyi dmag tshogs su mchi ba'i slad du rang gi yul nas byung ste dpung gi tshogs yan lag bzhi pa dang lhan cig tu yul der mchi 'tshal ba dang / gang na gser 'od dam pa mdo sde'i dbang po'i rgyal po 'di gnas pa'i yul de rnam par gzhig par 'tshal bar 'gyur na/ btsun pa bcom ldan 'das/ bdag cag rgyal po chen po bzhi dpung dang g.yog tu bcas pa dang / gnod sbyin 'bum phrag du ma dang lhan cig tu lus mi gda' bar bgyis te der mchi bar bgyi'o/ /pha rol gyi dmag tshogs de shul tu zhugs pa las kyang de nyid nas ldog par bgyi'o/ /brel ba sna tshogs brgya dag kyang nye bar bsgrub par bgyi'o/ /bgegs kyang bgyi'o/ /'di lta ste/ yul der pha rol gyi dmag tshogs de mchi bar yang mi nus na yul gzhig par bgyid pa lta ga la 'gyur/ de nas bcom ldan 'das kyis rgyal po chen po bzhi po de dag la legs so zhes bya ba byin te/ rgyal po chen po dag legs so/ /legs so/ /rgyal </font><hr>312b<br><font size=+1>


po chen po dag khyed yang legs so/ /khyed bskal ba grangs med pa bye ba khrag khrig 'bum phrag du mar yang dag par bsgrubs pa/ bla na med pa yang dag par rdzogs pa'i byang chub 'di'i phyir mi'i rgyal po gser 'od dam pa mdo sde'i dbang po'i rgyal po 'di nyan pa dang / rim gro byed pa dang / mchod pa byed pa de dag la kun tu srung bar gyis shig /yongs su bskyab pa dang / yongs su gzung ba dang / yongs su bskyang ba dang / chad pa spangs pa dang / zhi ba dang / bde legs su 'gyur bar gyis shig /rgyal po'i pho brang 'khor de dag dang / grong khyer de dag dang / yul 'khor de dag dang / yul de dag kyang kun tu srungs shig /yongs su bskyab pa dang / yongs su gzung ba dang / yongs su bskyang ba dang / chad pa spang ba dang / zhi ba dang / bde legs su 'gyur bar gyis shig /yul de dag kyang 'jigs pa dang / gnod pa dang / 'khrug pa thams cad las yongs su thar bar gyis shig /pha rol gyi dmag tshogs rnams kyang zlog par gyis shig /dzam+bu'i gling thams cad na gnas pa'i mi'i rgyal po de dag mi 'thab pa dang / 'tshang mi 'dru ba dang / mi rtsod pa dang / mi 'gyed par bya ba la spro bar gyis shig /rgyal po chen po dpung dang g.yog tu bcas pa khyed bzhis dzam+bu'i gling 'dir nam grong khyer brgyad khri bzhi stong de dag na rgyal po brgyad khri bzhi stong po de dag rang rang gi yul la mngon par dga' ba dang / rgyal srid kyi dbang phyug des </font><hr>313a<br><font size=+1>


@#/ /mngon par dga' ba dang / rang gi nor gyi phung pos phan tshun rnam par mi 'tshe ba dang / phan tshun rnam par 'tshe ba mi skyed pa dang / rang gis ji ltar sngon gyi las bsags pas rgyal po thob pa'i rang gi rgyal srid kyi dbang phyug gis dga' ba dang / phan tshun du yul 'jig par mi byed pa dang / yul gzhig pa'i phyir pha rol gyis mi gnod pa dang / nam dzam+bu'i gling 'dir grong khyer brgyad khri bzhi stong de dag na rgyal po brgyad khri bzhi stong de dag nang phan tshun du byams pa'i sems su 'gyur/ byams pa'i sems dang| phan pa'i sems su 'gyur te phan tshun du mi 'thab/ 'tshang mi 'dru/ mi rtsod mi 'gyed par rang rang gi yul dag na dga' bar 'gyur na de'i phyir rgyal po chen po dpung dang g.yog tu bcas pas khyed bzhis dzam+bu'i gling 'di rgyas par 'gyur/ lo legs par 'gyur/ nyams dga' bar 'gyur/ skye bo dang / mi mang pos gang bar 'gyur/ sa'ang byin can du 'gyur/ dus dang| zla ba dang / zla ba phyed pa dang / lo khyud kor thams cad kyang yang dag pa'i dus dang ldan par 'gyur/ gza' dang / rgyu skar dang / zla ba dang / nyi ma'ang nyin mtshan du legs par rgyu bar 'gyur/ char pa'i rgyun kyang sa la dus dus su 'bab par 'gyur/ 'dzam bu'i gling thams cad na gnas pa'i sems can rnams kyang nor dang 'bru thams cad 'byor par 'gyur/ </font><hr>313b<br><font size=+1>


longs spyod che ba dang / ser sna med par 'gyur/ gtong ba dang ldan par 'gyur/ dge ba bcu'i las kyi lam dang ldan par 'gyur/ phal cher bde 'gro mtho ris kyi 'jig rten du skye bar 'gyur/ lha'i khang khyim rnams kyang lha dang / lha'i bu rnams kyis gang bar 'gyur ro/ /rgyal po chen po dag /gang la la zhig mi'i rgyal por 'gyur la gser 'od dam pa mdo sde'i dbang po'i rgyal po 'di nyan par gyur te rim gro byas/ mchod pa byas/ dge slong ngam/ dge slong ma'am/ dge bsnyen nam/ dge bsnyen ma mdo sde'i dbang po 'dzin pa de dag la'ang bsti stang du byed/ bla mar byed/ rim gror byed/ mchod par byed cing rgyal po chen po khyed bzhi dpung dang g.yog tu bcas par gnod sbyin 'bum phrag du ma la snying brtse ba'i phyir rtag par rgyun tu gser 'od dam pa mdo sde'i dbang po 'di nyan na/ chos mnyan pa'i chu klung / chos bdud rtsi'i khu ba 'dis khyed cag gis lus 'di dag tshim par 'gyur ro/ /khyed kyi lha'i lus 'di dag gi gzi byin chen po'ang rnam par 'phel lo/ /khyed kyi brtson 'grus dang / mthu dang / stobs kyang skyed do/ /khyed kyi gzi brjid dang / dpal dang / phun sum tshogs pa'ang rnam par 'phel bar 'gyur ro/ /mi'i rgyal po des de bzhin gshegs pa dgra bcom pa yang dag par rdzogs pa'i sangs rgyas shAkya thub pa nga la'ang mchod pa bsam gyi mi khyab pa rgya chen po yangs pa byas par 'gyur ro/ /mi'i rgyal po des 'das pa dang / ma 'ongs pa </font><hr>314a<br><font size=+1>


@#/ /dang / da ltar byung ba'i de bzhin gshegs pa bye ba khrag khrig 'bum phrag du ma la'ang yo byad bsam gyis mi khyab pa/ rgya che ba/ yangs pa thams cad kyis mchod pa byas par 'gyur ro/ /des na mi'i rgyal po chen po de la bsrung ba chen po byas par 'gyur ro/ /de nas mi'i rgyal po de la kun tu bsrung ba dang / yongs su bskyab pa dang / yongs su gzung ba dang / yongs su bskyang ba dang / chad pa spang ba dang / zhi ba dang / bde legs su 'gyur ba byas par 'gyur ro/ /btsun mo dam pa dang / rgyal bu rnams dang / btsun mo'i 'khor thams cad dang / rgyal po'i pho brang 'khor thams cad kyang bsrung ba chen po byas par 'gyur ro/ /yongs su bskyab pa dang / yongs su gzung ba dang / yongs su bskyang ba dang / chad pa spang ba dang / zhi ba dang / bde legs su 'gyur ba byas par 'gyur ro/ /rgyal po'i pho brang 'khor na gnas pa'i lha thams cad kyang ches gzi byin dang ldan pa dang / ches stobs dang ldan pa dang / bde ba dang / yid bde ba bsam gyis mi khyab pa dang ldan par 'gyur/ dga' ba sna tshogs myong bar 'gyur/ grong khyer de dag dang / yul 'khor de dag kyang kun tu bsrung bar 'gyur/ yongs su bskyangs par 'gyur/ gnod pa med par 'gyur/ dgra med par 'gyur/ pha rol gyi dmag tshogs thams cad kyis mi brdzi ba dang / gnod pa med pa dang / 'khrug pa med par 'gyur ro/ /de skad ces bka' stsal pa dang / bcom ldan 'das </font><hr>314b<br><font size=+1>


la rgyal po chen po rnam thos kyi bu dang / rgyal po chen po yul 'khor srung dang / rgyal po chen po 'phags skyes po dang / rgyal po chen po mig mi bzang dang / de dag gis 'di skad ces gsol to/ / btsun pa bcom ldan 'das/ mi'i rgyal po gang la la zhig gis gser 'od dam pa mdo sde'i dbang po'i rgyal po 'di'ang nyan 'tshal bar gyur/ bdag nyid la'ang bsrung ba chen po bgyid 'tshal bar gyur/ btsun mo dam pa dang / rgyal bu rnams dang / rgyal po'i bu mo rnams dang / btsun mo'i 'khor gyi tshogs rnams la'ang bsrung ba chen po bgyid 'tshal bar gyur/ rgyal po'i pho brang 'khor de dag thams cad la'ang zhi ba dang / bde legs su 'gyur ba chen po bsam gyis mi khyab pa/ mchog tu khyad par du 'phags pa/ bla na med pa bgyid 'tshal bar gyur/ tshe 'di nyid la bdag gis rgyal srid kyi dbang phyug chen po bsam gyis mi khyab pa rnam par 'phel bar bgyid 'tshal bar gyur/ rgyal po nyid bsam gyis mi khyab pa dang ldan par gyur/ bsod nams kyi phung po dpag tu ma mchis pa'ang yongs su 'dzin 'tshal bar gyur/ bdag gi yul thams cad kyang kun tu bsrung 'tshal bar gyur/ yongs su bskyang 'tshal bar gyur/ rang gi yul na gnod pa ma mchis pa dang / dgra ma mchis pa dang / pha rol gyi dmag tshogs kyis mi brdzi ba dang / nad 'go ba ma mchis pa dang / 'khrug pa ma mchis par bgyid 'tshal bar gyur na/ btsun pa bcom ldan 'das/ mi'i rgyal po </font><hr>315a<br><font size=+1>


@#/ /des g.yeng ba ma mchis pa'i sems dang / gus pa dang bcas pa dang / rim gro dang bcas pas gser 'od dam pa mdo sde'i dbang po'i rgyal po 'di bsti stang du bgyis te mnyan par bgyi'o/ /gser 'od dam pa mdo sde'i dbang po'i rgyal po 'di mnyan pa'i slad du mi'i rgyal po des rgyal po'i pho brang khyad par du 'phags par mchi bar bgyi'o/ /der mchis nas kyang rgyal po'i pho brang spos chab sna tshogs kyis chag chag btab cing / me tog sil ma sna tshogs dgram par bgyi'o/ /spos chab sna tshogs kyis chag chag btab pa der chos kyi khri mthon po rgyan sna tshogs kyis legs par brgyan pa bsham par bgyi'o/ /phyogs der gdugs dang / rgyal mtshan dang / ba dan sna tshogs kyis legs par brgyan par bgyi'o/ /mi'i rgyal po des lus bkru bar bgyi'o/ /gos dri rab tu bda' ba/ gos sar pa/ mdzes pa bgos \?\ nas/ rgyan sna tshogs kyis brgyan par bgyi'o/ /bdag gis stan rab tu dma' ba gding bar bgyis te stan de la mchis nas rgyal po'i rgyags pas dregs par mi bgyi'o/ /dar rgyal srid kyi dbang phyug la chags par mi bgyi'o/ /rgyags pa dang / nga rgyal dang / dregs pa thams cad rnam par spangs pa'i sems kyis gser 'od dam pa mdo sde'i dbang po'i rgyal po 'di mnyan par bgyi'o/ /dge slong chos smra ba de la'ang ston par 'du </font><hr>315b<br><font size=+1>


shes bskyed par bgyi'o/ /mi'i rgyal po des de'i tshe de'i dus na btsun mo dam pa dang / rgyal bu rnams dang / rgyal po'i bu mo rnams dang / btsun mo'i 'khor gyi tshogs rnams la sdug pa dang / phan pas blta bar bgyi'o/ /btsun mo dam pa rnams dang / rgyal bu rnams dang / rgyal po'i bu mo rnams la tshig snyan par smra bar bgyi'o/ /btsun mo'i 'khor gyi tshogs thams cad la'ang tshig snyan par smra bar bgyi'o/ /chos mnyan pa'i phyir mchod pa rnam pa sna tshogs sbyor du stsal bar bgyi'o/ /dga' ba bsam gyis mi khyab cing mtshungs pa ma mchis pas bdag tshim par bgyi'o/ /dga' ba dang / bde ba bsam gyis mi khyab pas bde bar bgyi'o/ /dbang po bde bar bgyi'o/ /bdag nyid don chen po thob par bsam par bgyi'o/ /bdag dga' ba chen pos dga' bar bgyi'o/ /rab tu dga' ba chen po bskyed nas chos smra ba bsu bar bgyi'o/ /de skad ces gsol pa dang / bcom ldan 'das kyis rgyal po chen po bzhi la 'di skad ces bka' stsal to/ / rgyal po chen po dag /de'i tshe de'i dus na mi'i rgyal po des gos thams cad dkar po sar pa mdzes par bgo bar bya'o/ /spud pa dang / rgyan sna tshogs kyis bdag legs par brgyan par bgyi'o/ /gdugs dkar po 'di gzung bar bgyi'o/ /rgyal po'i mthu chen po dang / rgyal po'i bkod pa chen pos bkra shis tha dad pa sna tshogs thogs te rgyal po'i pho brang de nas byung la </font><hr>316a<br><font size=+1>


@#/ /chos smra ba de bsu ba'i phyir der 'gro bar 'gyur ro/ /de ci'i phyir zhe na/ mi'i rgyal pos der gom pa ji snyed bor ba de snyed kyi bskal ba bye ba khrag khrig 'bum phrag dag gis 'khor ba phyir bsnyil bar 'gyur/ de snyed kyi 'khor los bsgyur ba'i rgyal rigs bye ba khrag khrig 'bum phrag thob par 'gyur/ der gom pa de snyed bor ba de snyed du tshe 'di la rgyal srid kyi dbang phyug chen po bsam gyis mi khyab pa 'phel bar 'gyur/ bskal pa bye ba khrag khrig 'bum phrag du mar gnas yangs shing rgya che ba lha'i gzhal med khang rin po che sna bdun las byas pa dag thob par 'gyur/ mi rnams kyi rgyal rigs dang / lha'i rgya che zhing rgya che ba 'bum phrag du ma thob par 'gyur/ skye bar thams cad du dbang phyug chen po thob par 'gyur/ tshe ring bar 'gyur/ yun ring du 'tsho bar 'gyur/ spobs pa dang ldan par 'gyur/ tshig gzung bar 'os par 'gyur/ grags pa dang ldan par 'gyur/ brjod pa shin tu rgya cher bar 'gyur/ bsngags par 'os par 'gyur/ lha dang / mi dang / lha ma yin du bcas pa'i 'jig rten la phan par 'gyur/ lha dang / mi rnams kyi bde ba rgya che zhing rgya che ba thob par 'gyur/ stobs che bar 'gyur/ tshan po che chen po'i stobs kyi shugs dang ldan zhing gzugs bzang bar 'gyur/ mdzes pa dang / blta na sdug pa dang / kha dog bzang po rgyas </font><hr>316b<br><font size=+1>


pa mchog tu ldan par 'gyur/ skye ba thams cad du de bzhin gshegs pa dang phrad par 'gyur/ dge ba'i bshes gnyen rnams rnyed par 'gyur/ bsod nams kyi phung po dpag tu med pa yongs su gzung bar 'gyur te rgyal po chen po dag/ yon tan gyi phan yon 'di lta bu dag mthong nas mi'i rgyal po des dpag tshad tsam du chos smra ba bsu bar bya/ dpag tshad brgya dang / dpag tshad stong du'ang bsu bar bya/ chos smra ba de la ston par 'du shes bskyed par bya'o/ /yang 'di snyam du de bzhin gshegs pa dgra bcom pa yang dag par rdzogs pa'i sangs rgyas shAkya thub pa deng bdag gi rgyal po pho brang 'dir 'jug par 'gyur ro/ /deng de bzhin gshegs pa dgra bcom pa yang dag par rdzogs pa'i sangs rgyas shAkya thub pa bdag gi rgyal po'i pho brang 'dir bshos gsol bar 'gyur ro// deng bdag gis de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i chos 'jig rten thams cad dang mi mthun pa mnyan par bgyi'o/ /deng bdag gis chos mnyan par 'dis bla na med pa yang dag par rdzogs pa'i byang chub las phyir mi ldog par bgyi'o/ /deng bdag gis de bzhin gshegs pa bye ba khrag khrig 'bum phrag du ma mnyes par byas par 'gyur ro/ /deng bdag gis 'das pa dang / ma byon pa dang / da ltar byung ba'i sangs rgyas bcom ldan 'das rnams la mchod pa chen po bsam gyis mi khyab pa yangs shing rgya che ba byas par </font><hr>317a<br><font size=+1>


@#/ /'gyur ro/ /deng bdag gis sems can dmyal ba dang / dud 'gro'i skye gnas dang / gshin rje'i 'jig rten dag gi sdug bsngal thams cad shin tu rgyun chad par 'gyur ro/ /deng bdag gis tshangs pa'i dbang po'i rgyal po nyid kyi lus bye ba khrag khrig 'bum phrag du ma thob pa dag gis dge ba'i rtsa ba'i sa bon bskyed par 'gyur ro/ /deng bdag gis brgya byin nyid kyi lus bye ba khrag khrig 'bum phrag du ma thob bdag gi dge ba'i rtsa ba'i sa bon bskyed par 'gyur ro/ /deng bdag gis 'khor los bsgyur ba'i rgyal po nyid kyi lus bye ba khrag khrig 'bum phrag du ma thob pa dag gi dge ba'i rtsa ba'i sa bon bskyed par 'gyur ro/ /deng bdag gis bskal pa bye ba khrag khrig 'bum phrag du mar 'khor ba las yongs su thar bar byas par 'gyur ro/ /deng bdag gis bsod nams kyi phung po dpag tu med pa bla na med pa yangs shing rgya che ba bsam gyis mi khyab pa yongs su gzung bar 'gyur ro/ /deng bdag gis btsun mo'i 'khor gyi tshogs thams cad la bsrung ba chen po byas par 'gyur ro/ /deng bdag gis rgyal po'i pho brang 'khor 'dir zhi ba dang / bde legs su 'gyur ba bsam gyis mi khyab pa mchog tu khyad par du 'phags pa bla na med pa byas par 'gyur ro/ /deng bdag gis yul 'di dag thams cad kun tu bsrungs bar 'gyur ro/ /yongs su bskyangs pa dang / gnod pa med pa dang / dgra med pa dang / pha rol gyi </font><hr>317b<br><font size=+1>


dmag tshogs thams cad kyis mi brdzi ba dang / nad 'go ba med pa dang / 'khrug pa med par 'gyur ro snyam du sems bskyed par bya'o/ /rgyal po chen po dag/ dge slong ngam/ dge slong ma 'am/ dge bsnyen nam/ dge snyen ma gser 'od dam pa mdo sde'i dbang po'i rgyal po 'di 'dzin pa de dag la mi'i rgyal po de dam pa'i chos la gus pa de lta bus bsti stang du byed/ bla mar byed/ rim gror byed/ mchod par byed cing rgyal po chen po khyed bzhi dpung dang g.yog du bcas pa dang / lha'i tshogs de dag dang / gnod sbyin 'bum phrag du ma dag la shas kyi dam pa byin na mi'i rgyal po de bsod nams mngon par 'du byed pa dang / dge ba mngon par 'du byed pa de dang / tshe 'di'i lus kyi rgyal srid kyi dbang phyug chen po bsam gyis mi khyab pa des rnam par 'phel bar 'gyur/ tshe 'di la rgyal ba'i gzi brjid chen po bsam gyis mi khyab pa dang ldan par 'gyur ro/ /dpal dang / phun sum tshogs pa dang / gzi brjid kyis kyang brgyan par 'gyur ro// phyir rgol ba thams cad dang / dgra thams cad chos dang mthun par shin tu tshar chod par 'gyur ro/ /de skad ces bka' stsal pa dang / bcom ldan 'das la rgyal po chen po bzhi po de dag gis 'di skad ces gsol to/ /btsun pa bcom ldan 'das/ gang la la zhig mi'i rgyal por gyur la de chos la gus pa de lta bus gser 'od dam pa mdo sde'i dbang po'i rgyal po nyan la/ dge slong </font><hr>318a<br><font size=+1>


@#/ /ngam/ dge slong ma 'am/ dge bsnyen nam/ dge bsnyen ma mdo sde'i dbang po 'dzin pa de dag la'ang bsti stang du bgyid/ bla mar bgyid/ rim gror bgyid/ mchod par bgyid cing rgyal po chen po bdag cag gi slad du rgyal po'i pho brang de shin tu dag par phyag dar bgyid/ spos chab sna tshogs kyis chag chag legs par 'debs la bdag cag rgyal po chen po bzhi dang lhan cig thun mong du chos mnyan pa de dag nyan cing bdag dang / lha thams cad kyi slad du dge ba'i rtsa ba'i shas cung zad gcig sbyin par bgyid na/ btsun pa bcom ldan 'das/ dge slong chos smra ba de chos kyi stan la mchis ma thag tu mi'i rgyal po des bdag cag rgyal po chen po bzhi'i don gyi slad du spos sna tshogs kyis bdug par bgyi'o/ / btsun pa bcom ldan 'das/ gser 'od dam pa mdo sde'i dbang po'i rgyal po de la mchod pa'i slad du bdug pas bdugs ma thag tu spos sna tshogs rnams las spos dang / bdug pa sna tshogs kyi 'khri shing dag 'byung bar 'gyur te de dag skad cig thang cig yud tsam de la rgyal po chen po bdag cag bzhi'i rang rang gi khang pa'i steng gi bar snang la spos dang / bdug pa sna tshogs kyi 'khri shing dag gi gdugs rnams su gnas par 'gyur ro/ /spos dri rgya chen po'ang mnam par 'gyur/ gser gyi kha dog lta bu'i snang ba 'byung </font><hr>318b<br><font size=+1>


bar 'gyur zhing snang ba des bdag cag gi khang pa rnams kyang snang ba bgyis par 'gyur ro/ /btsun pa bcom ldan 'das/ spos dang / bdug pa sna tshogs kyi 'khri shing dag skad cig thang cig yud tsam de la mi mjed kyi bdag po tshangs pa dang / lha rnams kyi dbang po brgya byin dang / lha mo chen mo dbyangs can ma dang / lha mo chen mo brtan ma dang / gnod sbyin gyi sde dpon chen po yang dag shes dang / gnod sbyin gyi sde dpon chen po nyi shu rtsa brgyad dang / lha'i bu dbang phyug chen po dang / gnod sbyin gyi sde dpon chen po lag na rdo rje dang / gnod sbyin gyi sde dpon chen po nor bu bzang dang / 'phrog ma'i bu lnga brgya 'khor dang ldan pa dang / klu'i rgyal po chen po ma dros pa dang / klu'i rgyal po chen po rgya mtsho dang / de dag rang rang gi khang pa'i steng gi bar snang la byung ste spos dang / bdug pa sna tshogs kyis 'khri shing gdugs rnams su gnas par 'gyur/ spos dri sna tshogs rgya chen po'ang mnam par 'gyur/ khang pa rnams kyi nang du gser du snang bar 'byung bar 'gyur zhing snang ba des gnas thams cad snang bar bgyis par 'gyur ro/ /de skad ces gsol pa dang / bcom ldan 'das kyis rgyal po chen po bzhi la 'di skad ces bka' stsal to| |rgyal po chen po dag /rgyal po chen po khyed bzhi'i rang rang gi khang pa rnams kyi steng gi bar snang la spos dang / bdug pa sna tshogs kyi 'khri shing de dag gdugs rnams su gnas par ma </font><hr>319a<br><font size=+1>


@#/ /zad do/ /de ci'i phyir zhe na/ rgyal po chen po dag /mi'i rgyal po des gser 'od dam pa mdo sde'i dbang po'i rgyal po 'di la mchod pa'i phyir spos sna tshogs de dag gis bdugs ma thag tu lag na pog \?\ snod gcig thogs pa de las spos dang / bdug pa sna tshogs kyis 'khri shing rnams 'byung bar 'gyur te de dag skad cig thang cig yud tsam de la stong gsum gyi stong chen po'i 'jig rten gyi khams 'di dag thams cad na gang na zla ba bye ba phrag brgya dang / nyi ma bye ba phrag brgya dang / rgya mtsho chen po bye ba phrag brgya dang / ri'i rgyal po ri rab bye ba phrag brgya dang / ri'i rgyal po khor yug dang / khor yug chen po bye ba phrag brgya dang / gling chen po bzhi pa'i 'jig rten gyi khams bye ba phrag brgya dang / rgyal chen bzhi'i ris kyi lha bye ba phrag brgya dang / sum cu rtsa gsum bye ba phrag brgya nas/ 'du shes med/ 'du shes med min du nye bar song ba'i bar gyi lha bye ba phrag brgya dang / stong gsum gyi stong chen po'i 'jig rten gyi khams de dag thams cad du sum cu rtsa gsum gyi lha'i ris bye ba phrag brgya po thams cad na lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po'i tshogs rnams kyis rang rang gi khang pa dag gi steng gi bar snang la spos dang / </font><hr>319b<br><font size=+1>


bdug pa sna tshogs kyi 'khri shing de dag gdugs rnams su gnas par 'gyur/ spos kyi dri rgya chen po'ang mnam par 'gyur/ lha'i khang pa rnams su gser gyi kha dog lta bu'i snang ba'ang 'byung bar 'gyur zhing snang ba des kyang lha'i khang pa rnams snang bar byas par 'gyur ro/ /rgyal po chen po dag /'di ltar stong gsum gyi stong chen po'i 'jig rten gyi khams na lha'i khang pa thams cad kyi steng gi bar snang la spos dang / bdug pa'i 'khri shing de dag gdugs rnams su gnas pa de bzhin du/ gser 'od dam pa mdo sde'i dbang po'i rgyal po 'di la mchod pa'i phyir mi'i rgyal po des spos sna tshogs de dag gis bdugs ma thag tu gser 'od dam pa mdo sde'i dbang po'i rgyal po 'di'i gzi brjid kyi mthus spos dang / bdug pa sna tshogs kyi 'khri shing dag 'byung bar 'gyur te de dag skad cig thang cig yud tsam de la kun tu phyogs bcu'i 'jig rten gyi khams du ma gang gA'i klung gi bye ma snyed dag gi sangs rgyas kyi zhing bye ba khrag khrig 'bum phrag 
 su de bzhin gshegs pa bye ba khrag khrig 'bum phrag du ma gang gA'i klung gi bye ma snyed de dag gi bar snang la spos dang / bdug pa sna tshogs kyi 'khri shing rnams su gnas par 'gyur/ de dag kyang sangs rgyas bye ba khrag khrig 'bum phrag du ma la spos dang / bdug pa sna tshogs rgya che zhing rgya che ba mnam par 'gyur/ gser gyi kha dog lta bu'i snang ba 'byung bar 'gyur </font><hr>320a<br><font size=+1>


@#/ /zhing snang ba des kyang sangs rgyas kyi zhing bye ba khrag khrig 'bum phrag du ma gang gA'i klung gi bye ma snyed dag snang ba byas par 'gyur ro/ /rgyal po chen po dag |chos 'phrul chen po de lta bu de dag byung ma thag tu de bzhin gshegs pa bye ba khrag khrig 'bum phrag du ma gang gA'i klung gi bye ma snyed dag na chos smra ba de la dgongs par 'gyur te/ skyes bu dam pa legs so/ /legs so/ /skyes bu dam pa/ khyod gser 'od dam pa mdo sde'i dbang po'i rgyal po'i tshul 'di lta bu/ zab mo'i don 'di lta bu/ zab mor snang ba 'di lta bu/ yon tan bsam gyis mi khyab pa dang ldan pa 'di lta bu 'di rgya cher yang dag par rab tu 'chad par 'dod pa khyod yang legs so/ /legs so zhes bya ba sbyin par 'gyur ro| |su tha na gser 'od dam pa mdo sde'i dbang po'i rgyal po 'di nyan pa'i sems can de dag kyang dag ba'i rtsa ba ngan ngon dang ldan par mi 'gyur na gang dag 'dzin pa dang / 'chang ba dang / 'chad pa dang / klog pa dang / kun chub par byed pa dang / 'khor la rgya cher yang dag par rab tu ston pa lta smos kyang ci dgos te/ de ci'i phyir zhe na/ skyes bu dam pa/ gser 'od dam pa mdo sde'i dbang po'i rgyal po 'di thos ma thag tu byang chub sems dpa' bye ba khrag khrig 'bum phrag du ma bla na med pa yang dag par rdzogs pa'i byang chub las phyir mi ldog par 'gyur </font><hr>320b<br><font size=+1>


ba'i phyir ro/ /de nas phyogs bcu kun tu sangs rgyas kyi zhing bye ba khrag khrig 'bum phrag du ma gang gA'i klung gi bye ma snyed dag na de bzhin gshegs pa bye ba khrag khrig 'bum phrag du ma rang rang gi sangs rgyas kyi zhing na bzhugs pa dag gis de'i tshe de'i dus na tshig mthun pa dang / ngag mthun pa dang / sgra skad mthun pas dge slong chos smra ba chos kyi khri stan la 'dug pa de la 'di skad ces bka' stsal to/ /skyes bu dam pa/ khyod ma 'ongs pa'i dus na byang chub kyi snying por 'gro bar 'gyur/ skyes bu dam pa/ khyod byang chub kyi snying po mchog dam par song ste shing gi rgyal po'i drung du 'dug nas 'jig rten gsum po thams cad las khyad par du 'phags pa sems can thams cad las rab tu 'das pa'i brtul zhugs dang / dka' thub spyod pa'i stobs bskyed pa'i byin gyis brlabs dka' ba spyod pa bye ba khrag khrig 'bum phrag du ma dag ston par 'gyur/ skyes bu dam pa/ khyod byang chub kyi snying po la legs par brgyan par byed par 'gyur/ skyas bu dam pa/ khyod stong gsum gyi stong chen po'i 'jig rten gyi khams thams cad yongs su skyob par 'gyur/ skyes bu dam pa/ khyod shing gi rgyal po'i drung du 'dug ste bdud kyi sde bsam gyis mi khyab pa/ gzugs rab tu 'jigs 'jigs ltar 'dug pa/ mi sdug pa ston pa/ gzugs mi sdug pa sna tshogs dag las rgyal bar 'gyur/ skyes bu dam pa/ </font><hr>321a<br><font size=+1>


@#/ /khyod byang chub kyi snying po mchog dam par song ste bla na med pa yang dag par rdzogs pa'i byang chub dpe med par rab tu zhi ba/ rdul dang bral ba/ zab mo mngon par rdzogs par 'tshang rgya bar 'gyur/ skyes bu dam pa/ khyod rdo rje'i gdan snying po brtan pa la 'dug ste chos kyi 'khor lo rgyal ba thams cad kyis mngon par bstod pa/ mchog tu zab pa/ bla na med pa rnam pa bcu gnyis rab tu bskor bar 'gyur/ skyes bu dam pa/ khyod chos kyi rnga chen po bla na med pa brdung bar 'gyur/ skyes bu dam pa/ khyod chos kyi dung bla na med pa 'bud par 'gyur/ skyes bu dam pa/ khyod chos kyi rgyal mtshan chen po bsgreng bar 'gyur/ skyes bu dam pa/ khyod chos kyi sgron ma bla na med pa 'bar bar byed par 'gyur/ skyes bu dam pa| khyod chos kyi char bla na med pa 'bebs par 'gyur/ skyes bu dam pa/ khyod nyon mongs pa'i dgra 'bum phrag du ma las rgyal bar 'gyur/ skyes bu dam pa/ khyod sems can bye ba khrag khrig 'bum phrag du ma shin tu 'jigs su rung ba 'jigs pa chen po'i rgya mtsho las sgrol bar 'gyur/ skyes bu dam pa/ khyod sems can bye ba khrag khrig 'bum phrag du ma dag 'khor ba'i 'khor lo las yongs su thar par byed par 'gyur/ skyes bu dam pa/ khyod sangs rgyas bye ba khrag khrig 'bum phrag du ma dag mnyes par byed par 'gyur ro zhes gsung bar 'gyur ro/ /de skad ces </font><hr>321b<br><font size=+1>


bka' stsal pa dang / bcom ldan 'das la rgyal po chen po bzhi po de dag gi 'di skad ces gsol to/ /btsun pa bcom ldan 'das/ mi'i rgyal po gser 'od dam pa mdo sde'i dbang po'i rgyal po'i yon tan tshe 'di dang / ma 'ongs pa na 'byung ba 'di lta bu 'di dag mthong ba/ sangs rgyas 'bum phrag du ma la dge ba'i rtsa ba skyed pa/ bsod nams kyi phung po dpag tu ma mchis pa yongs su 'dzin pa mthong nas snying brtse ba'i slad du/ btsun pa bcom ldan 'das/ bdag cag rgyal po chen po bzhi dpung dang g.yog tu bcas pa dang / gnod sbyin 'bum phrag du ma rang rang gi khang pa na mchis pa dag spos dang / bdug pa sna tshogs kyi 'khri shing dag gi gdugs kyis bskul ma thag tu lus mi gda' bar bgyis te/ mi'i rgyal po de'i khang pa brtsegs pa phyag dar ma mchis pa legs par phyag dar bgyis pa/ spos chab sna tshogs kyi chag chag legs par btab pa/ rgyan sna tshogs kyis legs par brgyan pa'i rgyal po'i pho brang ga la ba der chos mnyan pa'i slad du mchis par bgyi'o/ /mi mjed kyi bdag po tshangs pa dang / lha rnams kyi dbang po brgya byin dang / lha mo chen po dbyangs can ma dang / lha mo chen po dpal dang / sa'i lha mo brtan ma dang / gnod sbyin gyi sde dpon chen po yang dag shes dang / gnod sbyin gyi sde dpon chen po nyi shu rtsa brgyad dang / lha'i bu dbang phyug chen po dang / gnod sbyin gyi sde dpon chen po lag na rdo rje dang / gnod sbyin gyi sde dpon chen po nor bu </font><hr>322a<br><font size=+1>


@#/ /bzang dang / 'phrog ma'i bu lnga brgya'i 'khor can dang / klu'i rgyal po ma dros pa dang / klu'i rgyal po rgya mtsho dang / lha bye ba khrag khrig 'bum phrag du ma dag lus mi gda' bar bgyis te/ mi'i rgyal po de'i pho brang rgyan sna tshogs kyis brgyan pa de ga la ba dang / chos smra ba de'i chos kyi khri mthon po rgyan sna tshogs kyis legs par brgyan pa/ me tog bkram pa'i sa la bshams par gyur pa ga la ba der chos mnyan pa'i slad du mchis par 'gyur ro/ /btsun pa bcom ldan 'das/ bdag cag rgyal po chen po bzhi dpung dang g.yog tu bcas pa| gnod sbyin 'bum phrag du ma de dag thams cad mthun par bgyis te mi'i rgyal po dge ba'i grogs bgyid pa/ dge ba thob par bgyid pa/ bla na med pa/ chos kyi sbyin pa chen po sbyin pa de la chos kyi bdud rtsi'i khu ba 'dis tshim par gyur ma thag tu mi'i rgyal po de la kun tu bsrung bar bgyi'o/ /yongs su bskyab pa dang / yongs su gzung ba dang / yongs su bskyang ba dang| zhi ba dang / bde legs su 'gyur bar bgyi'o/ /mi'i rgyal po'i pho brang de dang / grong khyer de dang / yul de'ang kun tu bsrung bar bgyi'o/ /yongs su bskyab pa dang / yongs su gzung ba dang| yongs su bskyang ba dang / zhi ba dang / bde legs su 'gyur bar bgyi'o/ /chad pa spang bar yang bgyi'o/ /yul der yang 'jigs pa dang / gnod pa dang / nad 'go ba dang / 'khrug pa thams cad </font><hr>322b<br><font size=+1>


las yongs su thar par bgyi'o/ /btsun pa bcom ldan 'das/ gang la la zhig mi'i rgyal por gyur te mi'i rgyal po de'i yul du gser 'od dam pa mdo sde'i dbang po'i rgyal po 'di byung la/ btsun pa bcom ldan 'das/ mi'i rgyal po de dge slong ngam/ dge slong ma 'am/ dge bsnyen nam/ dge bsnyen ma gser 'od dam pa mdo sde'i dbang po'i rgyal po 'di 'dzin pa dag la bsti stang du mi bgyid/ bla mar mi bgyid/ rim gror mi bgyid/ mchod par mi bgyid na bdag cag rgyal po chen po bzhi dang / gnod sbyin bye ba khrag khrig 'bum phrag du ma la chos mnyan pa 'di dang| chos bdud rtsi'i khu ba 'dis tshim par mi bgyid/ rim gror mi bgyid/ lha'i lus 'di dag gi gzi byin yang rnam par 'phel bar mi bgyid/ bdag cag gi brtson 'grus dang / mthu dang / stobs kyang mi skyed/ bdag cag gi lus la gzi brjid dang / dpal dang / phun sum tshogs pa'ang rnam par 'phel bar mi bgyid pa lags so/ /btsun pa bcom ldan 'das/ bdag cag rgyal po chen po bzhi dpung dang g.yog tu bcas pa dang / gnod sbyin bye ba khrag khrig 'bum phrag du ma dag gis yul de yal bar dor bar bgyi'o/ /btsun pa bcom ldan 'das/ bdag cag gis yul de yal bar bor na yul na gnas pa'i lha'i tshogs thams cad kyis kyang yul de yal bar 'dor bar 'gyur ro/ /btsun pa bcom ldan 'das/ lha rnams kyis yul de yal </font><hr>323a<br><font size=+1>


@#/ /bar bor na yul der yul rnam par 'khrug pa sna tshogs 'byung bar 'gyur/ rgyal po'i 'khrug pa mi bzad pa dag 'byung bar 'gyur/ yul na gnas pa'i sems can thams cad kyang 'thab pa skye ba dang / 'tshang 'dru ba skye ba dang / rtsod pa skye bar 'gyur/ dngogs pa dang / 'gyed par 'gyur ba dang / gza' dang / nad rnam pa sna tshogs yul du 'byung bar 'gyur/ phyogs tha dad pa nas skar mda' ltung bar 'gyur/ gza' dang / rgyu skar rnams kyang phan tshun mi mthun par gda' bar 'gyur/ dgung zla 'char ba na nyi ma lta bur gda' bar 'gyur/ zla ba'i gza' dang / nyi ma'i gza' 'byung bar 'gyur/ nyi ma dang / zla ba nam mkha' la gnas pa'ang rtag par rgyun tu sgra gcan gyi gnod pa dang ldan par 'gyur/ dus dus su nam mkha' la 'ja'i kha dog lta bu 'khyil bar 'gyur/ sa'ang g.yo bar 'gyur/ sa la gnas pa'i khron pa'ang sgra 'byin pa grag par 'gyur/ yul du rlung drag po ldang bar 'gyur/ char pa drag po 'bab bar 'gyur/ yul du mu ge'i yang ba 'byung ba 'gyur/ pha rol gyi dmag tshogs kyis yul 'joms par 'gyur/ yul de phung bar 'gyur/ sems can de dag kyang nyon mongs pa mang bar 'gyur/ yul de nyams mi dga' bar 'gyur ro/ /btsun pa bcom ldan 'das/ bdag cag rgyal po chen po bzhi dpung dang g.yog tu bcas pa dang / gnod sbyin 'bum phrag du ma dang / yul na </font><hr>323b<br><font size=+1>


gnas pa'i lha dang / klu rnams kyis yul de yal bar bor na yul der 'di lta bu'i gnod pa rnam pa sna tshogs brgya dang / gnod pa stong 'byung bar 'gyur ro/ /btsun pa bcom ldan 'das/ gang yul zhig mi'i rgyal por gyur la de bdag nyid la kun tu bsrung ba chen po bgyid 'tshal bar 'gyur/ rgyal po'i bde ba sna tshogs yun ring por myong bar 'tshal bar gyur/ bde ba thams cad bstabs pa'i sems kyis rgyal po nyid bgyid 'tshal bar gyur/ yul na gnas pa'i sems can thams cad bde bar bgyid 'tshal bar 'gyur/ pha rol gyi dmag tshogs thams cad pham par bgyid 'tshal bar gyur/ yul thams cad yun ring du yongs su skyong 'tshal bar 'gyur/ chos kyi rgyal po nyid bgyid 'tshal bar gyur/ rang gi yul yang 'jigs pa dang / gnod pa dang / nad 'go ba dang| 'khrug pa thams cad las yongs su thar par bgyid 'tshal bar gyur na/ btsun pa bcom ldan 'das/ mi'i rgyal po des gdon mi 'tshal bar gser 'od dam pa mdo sde'i dbang po'i rgyal po mnyan par bgyi/ dge slong ngam/ dge slong ma'am/ dge bsnyen nam/ dge bsnyen ma mdo sde'i dbang po 'dzin pa de dag la'ang bsti stang du bgyi/ bla mar bgyi/ rim gror bgyi/ mchod par bgyi/ bdag cag rgyal po chen po bzhi dpung dang g.yog tu bcas pa rnams kyang chos mnyan pa'i dge ba'i rtsa ba bsags pa 'di dang / chos bdud rtsi'i khu ba 'dis tshim par bgyi/ bdag </font><hr>324a<br><font size=+1>


@#/ /cag gi lha'i lus 'di dag gi gzi byin chen po'ang rnam par 'phel bar bgyi'o/ /de ci'i phyir zhe na/ btsun pa bcom ldan 'das/ mi'i rgyal po des gdon mi 'tshal bar gser 'od dam pa mdo sde'i dbang po'i rgyal po 'di mnyan par bgyi ste/ btsun pa bcom ldan 'das/ tshangs pa'i dbang pos 'jig rten dang / 'jig rten las 'das pa'i bstan bcos rnam pa sna tshogs ji snyed pa bstan pa dag dang / lha'i dbang po brgya byin gyis bstan bcos rnam pa sna tshogs ji snyed pa bstan pa dag dang / drang srong mngon par shes pa lnga can rnam pa sna tshogs dag gis sems can dag gi don gyi slad du 'jig rten pa dang / 'jig rten las 'das pa'i bstan bcos rnam pa sna tshogs ji snyed bstan pa dag pas ches mchog ches khyad par du 'phags pa gser 'od dam pa mdo sde'i dbang po'i rgyal po 'di ni/ btsun pa bcom ldan 'das/ tshangs pa'i dbang po 'bum phrag de dag dang / brgya byin bye ba khrag khrig 'bum phrag du ma dang / drang srong mngon par shes pa lnga can bye ba khrag khrig 'bum phrag du ma thams cad pas ches mchog ches khyad par du 'phags pa de bzhin gshegs pas sems can rnams kyi don gyi slad du rgya cher yang dag par rab tu bshad pa lags so/ /ci nas kyang 'dzam bu'i gling thams cad na gnas pa'i mi rnams kyi rgyal pos rgyal po nyid bgyi ba dang / ci nas </font><hr>324b<br><font size=+1>


sems can thams cad bde bar 'gyur ba dang / ci nas rang gi yul kun tu bsrungs bar 'gyur ba dang / yongs su bskyangs par 'gyur ba dang / ci nas yul thams cad na gnod pa dang / dgra ma mchis par 'gyur ba dang / ci nas pha rol gyi dmag tshogs rnams pham ste phyir phyogs par 'gyur ba dang / ci nas yul de dag na nad 'go ba ma mchis shing 'khrug pa ma mchis par 'gyur ba dang / ci nas yul thams cad chos kyis 'khrug pa ma mchis shing mi brdzi bar 'gyur ba dang / ci nas mi'i rgyal po de dag gis rang rang gi yul rnams su chos kyi sgron ma chen po 'bar bar bgyis shing snang bar bgyis par 'gyur ba dang / ci nas lha'i khang khyim thams cad lha dag dang / lha'i bu rnams kyis gang bar 'gyur ba dang / ci nas bdag cag rgyal po bzhi dpung dang g.yog tu bcas pa dang / gnod sbyin 'bum phrag du ma dang / 'dzam bu'i gling na gnas pa'i lha'i tshogs thams cad tshim pa dang / rim gror bgyid par 'gyur ba dang / ci nas bdag cag gi lha'i lus 'di dag gzi brjid chen pos rnam par 'phel bar 'gyur ba dang / ci nas bdag gi lus la brtson 'grus dang / stobs dang / mthu chen po bskyed par 'gyur ba dang / ci nas bdag cag gi lus la gzi brjid dang / dpal dang / phun sum tshogs pa rab tu 'jug par 'gyur ba dang / ci nas dzam+bu'i gling thams cad du lo legs shing nyams dga' la skye bo dang / </font><hr>325a<br><font size=+1>


@#/ /mi mang pos gang bar 'gyur ba dang / ci nas dzam+bu'i gling thams cad na gnas pa'i sems can rnams bde bar 'gyur ba dang / dga' ba sna tshogs myong bar 'gyur ba dang / ci nas sems can thams cad bskal pa bye ba khrag khrig 'bum phrag du mar lha dang / mi'i bde ba rgya che zhing rgya che ba dag myong bar 'gyur ba dang / sangs rgyas bcom ldan 'das rnams dang lhan cig gnas par 'gyur ba dang / ma 'ongs pa'i dus na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de dag thams cad da lta na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis tshangs pa'i dbang po bya ba khrag khrig 'bum phrag dag pas ches 'phags pa'i thugs rje chen po'i stobs dang ldan pa'i byin gyis brlabs dang / brgya byin bye ba khrag khrig 'bum phrag dag gis lha'i shes pa bas ches 'phags pa'i de bzhin gshegs pa'i mkhyen pa bla na med pa dang / drang srong mngon par shes pa lnga can rnam pa sna tshogs kyi tshogs bye ba khrag khrig 'bum phrag du ma thams cad pas ches 'phags pa'i byin gyis brlabs kyis de bzhin gshegs pa dgra bcom pa yang dag par rdzogs pa'i sangs rgyas kyis sems can thams cad kyi don gyi don du gser </font><hr>325b<br><font size=+1>


'od dam pa mdo sde'i dbang po'i rgyal po 'di dzam+bu'i gling 'dir rgya cher yang dag par rab tu bshad do/ /mi'i rgyal po'i dgos pa dang / rgyal po'i bstan bcos dang / rgyal po'i bgyi ba gang dag dzam+bu'i gling thams cad na mchis pa dang / gang dag gis sems can 'di dag thams cad bde bar 'gyur ba de dag thams cad bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis gser 'od dam pa mdo sde'i dbang po'i rgyal po 'dir nye bar bstan/ yongs su brjod/ yang dag par rab tu bshad do/ /btsun pa bcom ldan 'das/ rgyu de dang / rkyen des mi'i rgyal po des gdon mi 'tshal bar gser 'od dam pa mdo sde'i dbang po'i rgyal po 'di gus par mnyan par bgyi/ gus par rim gro bgyi/ mchod par bgyi'o/ /de skad ces gsol pa dang / bcom ldan 'das kyis rgyal po chen po bzhi la 'di skad ces bka' stsal to/ /de'i phyir rgyal po chen po khyed bzhi dpung dang g.yog tu bcas pas gdon mi za bar mi'i rgyal po gser 'od dam pa mdo sde'i dbang po'i rgyal po 'di nyan pa dang / rim gro byed pa dang / mchod pa byed pa de dag kun tu bsrung ba'i phyir spro ba rgya cher gyis shig / rgyal po chen po dag /dge slong ngam/ dge slong ma 'am/ dge bsnyen nam/ dge bsnyen ma mdo sde'i dbang po'i rgyal po 'di 'dzin pa de dag kyang sangs rgyas kyi mdzad pa 'dzin du chug cig/ </font><hr>326a<br><font size=+1>


@#/ /dang| de dag lha dang / mi dang / lha ma yin du bcas pa'i 'jig rten 'di la sangs rgyas kyi mdzad pa byed par 'gyur/ gser 'od dam pa mdo sde'i dbang po'i rgyal po 'di rgya cher yang dag par rab tu 'chad par 'gyur te/ rgyal po chen po khyed bzhis/ ci nas mdo sde'i dbang po 'di 'dzin pa'i dge slong ngam/ dge slong ma 'am/ dge bsnyen nam/ dge bsnyen ma bsrung ba dang / gnod pa med pa dang / nad med pa dang / 'khrug pa med pa dang / sems bde bar 'gro zhing gser 'od dam pa mdo sde'i dbang po'i rgyal po 'di yang dag par rab tu ston par 'gyur bar dge slong ngam/ dge slong ma 'am/ dge bsnyen nam/ dge bsnyen ma mdo sde'i dbang po 'dzin pa de dag kun tu bsrung bar bya/ yongs su bskyab pa dang / yongs su gzung ba dang / yongs su bskyang ba dang / zhi ba dang / bde legs su 'gyur bar bya'o/ /de nas rgyal po chen po rnam thos kyi bu stan las langs te 'di skad ces gsol to/ /bcom ldan 'das/ bdag cag la yid bzhin gyi nor bu zhes bgyi ba'i gzungs mchis pa 'di sems can gang la la dag 'dzin cing 'chang bar mos pa de la bsod nams dpag tu ma mchis par 'gyur ba dang / rtag tu de la bdag gis bsrung zhing bskyabs pas de'i sdug bsngal thams cad bsal te bde bar gnas par bgyi'o/ /bsod nams dang / ye </font><hr>326b<br><font size=+1>


shes kyi tshogs kyang bskyed par bgyi'o/ /gang gzungs sngags 'di 'dzin par 'dod pas lus bsrung ba'i phyir sngags 'di sngar brjod par bgyi'o/ /na mo bai shra ba NA ya/ mahA rA dzA ya/ tad+ya thA/ ra ra ra ra/ ku no ku no/ khu no khu no/ ru no ru no/ sa ba sa ba/ ka ra ka ra/ mahA bi kA raM/ mahA bi kA raM/ mahA kA la/ mahA rA dza/ rak+Sha rak+Sha tu mAM/ sarba satwA nAny+tsa swAhA/ bcom ldan 'das/ sngags 'di skud pa dkar po la sngags lan re bzlas shing mdud pa lan re bor te de ltar lan bdun byas nas dpung pa la btags na don de nges par 'grub par 'gyur ro/ /de nas khang pa dben pa'i nang du khrus byas la gos gtsang ma gyon te spos gu gul dang / tsan+dan dang / ga bur dang / du ru ska dang / a ga ru dang / spos dkar po las sogs pa 'di dag cha mnyam par sbyar ba'i spos kyis mchod cing sngags 'di bzlas pas rgyal po chen po rnam thos kyi bu spyan drang bar bya'o/ /na mo bai shra ba NA ya/ mahA d+hA na dA ya/ tsaN+De shwa rwa ya/ A kaR+Sha/ a pa ra dzi ta/ tsaN+De shwa rwa/ pa ra ma/ ka ru Ni ka/ sarba satwa/ hi ta tsin+t+ra/ ma ma d+hA na bar+d+ho/ paR+Ye sha swa yaM/ A kaR+Sha ya swAhA/ /sngags 'di lan bdun bzlas pa'i 'og tu rtsa ba'i sngags bzlas par bya'o/ /sngags 'di 'don pa'i dus su dkon mchog gsum dang / rgyal po chen po rnam thos kyi bu la sngar phyag 'tshal bar bya'o/ /rgyal po chen po rnam thos kyi bu ni sems can thams cad kyi bsam pa skong zhing </font><hr>327a<br><font size=+1>


@#/ /nor sbyin pas sems can thams cad bde bar mdzad pa'i phyir yid bzhin gyi nor bu zhes bya ba'i sngags 'di bzlas na sems can de dag yid bzhin du bde ba rnyed par 'gyur ro/ /de nas lha'i rgyal po rnam thos kyi bus bcom ldan 'das kyi spyan sngar yid bzhin gyi nor bu zhes bgyi ba'i sngags kyi snying po 'di smras so/ /na mo rat+na tra yA ya/ na mo bai shra ba NA ya| mahA rA dza ya/ tad+ya thA/ si mi si mi/ su mu su mu/ tsaN+Da tsaN+Da/ tsa ra tsa ra/ sa ra sa ra/ ka ra ka ra/ ki li ki li/ ku ru ku ru/ mu ru mu ru/ tsu ru tsu ru/ saM dA ya/ At+ma n+laM/ ni ta t+yan/ an+d+har+d+hA tu swA hA/ na mo bai shra ba NA ya swAhA/ d+hA na dA ya swAhA/ na mo ra tha pa ri pU ra ya swAhA/ sngags 'di sngar lan stong bzlas pa'i 'og tu khang pa dben pa'i nang du lci bas dkyil 'khor chung ngu zhig byas te bshos ci dang / ci 'byor pas mchod par bya'o/ /spos dam pa bsregs pa'i du ba'i rgyun mi 'chad par bya zhing nyin mtshan du sems rtse gcig pas sngags kyi snying po 'di bdag nyid kyis thos pa tsam du bzlas pa byas na de nas rgyal po chen po rnam thos kyi bu'i sras dzi nar sha b+ha zhes bya ba gzhon nu'i gzugs kyis de'i gan du mchis te nga'i yab la ci zhig gsol zhes dri bar byed do/ /de nas bdag ni dkon mchog gsum la mchod pa'i phyir nor zhig gsol gyi stsol cig ces smos shig /de nas sras dzi nar sha b+has </font><hr>327b<br><font size=+1>


yab la gsol pa/ skyes bu dam pa zhig dkon mchog gsum la mchod pa'i phyir nor zhig gsol lo zhes gsol ba dang / yab kyis khyod myur du song la nyin gcig bzhin du kar sha pa Ni brgya brgya byin cig ces bka' stsal to/ /de nas sngags sgrub pa des ltas de lta bu mthong nas don de grub par shes te gnas dben par bdag gcig bu spos bsregs la nyal khar sngas su dri'i za ma tog gcig bzhag ste nyal bar bya'o/ /de phyin chad nang gcig bzhin du za ma tog de'i nang nas nor ci 'byung ba las nor de de'i nyin bar dkon mchog gsum la mchod pa'i yo byad me tog dang / spos dang / zhal zas la sogs par sbyar ba dang / brel zhing phongs pa rnams la'ang sbyin zhing zad par bya'o/ /sems can thams cad la byams par bsam mo/ /khro ba dang / 'tsho ba'i bsam pa bskyed na de nyams par 'gyur bas khro ba'i sems mi skye bar rtag tu bsrung bar bgyi'o/ /de nas yang sngags 'di 'dzin pa des nyin gcig bzhin du lha'i rgyal po rnam thos kyi bu dang / gzhan yang sras dang / sras mo'i 'khor du bcas pa la rtag par bsam zhing bstod pa dang / bsngags pa bya'o/ /rtag par dge ba bcu'i las kyi lam gyis gtong zhing lha la sogs pa rnams kyi mthu dang| bsod nams mngon par 'phel par 'gyur ba dang / dge ba rgyas pa dang / bla na med pa'i byang chub kyang thob par 'gyur ro/ /lha de dag gis de ltar byed pa de mthong nas kun dga' zhing mgu rangs </font><hr>328a<br><font size=+1>


@#/ /pas 'ong zhing de la bsrung ba dang / skyob par byed do/ /sngags mkhan de nyid kyang tshe lo dpag tu med par gnas shing ngan song gsum yongs su spong ba dang / bgegs dang / bar chad thams cad kyang med par 'gyur ro/ /yid bzhin gyi nor bu 'di dag dang / gter gzhan dag kyang thob par 'gyur ro/ /rdzu 'phrul la dbang sgyur zhing bsams pa thams cad kyang grub par 'gyur ro/ /gal te longs spyod can du 'dod na'ang yid bzhin du grub pa dang / bya dang / gcan gzan gyi skad thams cad kyang shes par 'gyur ro/ /bcom ldan 'das/ sngags sgrub pa des bdag mthong bar 'tshal na tshes brgyad dam/ tshes bco lnga'i nyin par ras dkar po la bcom ldan 'das kyi sku gzugs ka pi ta dang sbyar ba'i mtshon rtsis rgyan sna tshogs kyis brgyan pa/ ri mo mkhan gso sbyong yan lag brgyad dang ldan pas sangs rgyas kyi g.yon phyogs su ni dpal gyi lha mo'i gzugs bri/ sangs rgyas kyi g.yas phyogs su ni rgyal po chen po rnam thos kyi bu bdag bu smad dang / 'khor du bcas par bris te gnas der bkram nas me tog sna tshogs dang / dri sna tshogs mang po dang / mar me dam pa dang / zhal zas bda' ba sna tshogs kyis nyin mtshan rgyun mi 'chad par mchod par bya'o/ /sngags 'di zlos pas sems mi g.yeng bar bya zhing rgyal po chen po rnam thos kyi bu spyan drang ba'i sngags 'di bzlas par bya'o/ /na maH shrI kaN+ThA ya/ bud+d+ha ya/ </font><hr>328b<br><font size=+1>


na mo bai shra ba NA ya/ yak+Sha rA dzA ya/ mahA rA dzA ya/ a ti rA dzA ya/ na maHshrI mahA de byai/ tad+ya thA/ ta ra ta ra/ tu ru tu ru/ ba ra ba ra/ su shud+ho su shud+ho/ ha na ha na/ ma ni ka na ka/ badz+re bai DUR+Ya/ muk+ti ka/ a laM kriM ta sha rI rA ya/ sarba satwA hi ta kA ma/ be shra ba NA shrI ya de bI pra b+ha ya/ e hi e hi/ mA bi lam+ba/ g+hU r+Na g+hUr+Na/ pa ra s+ya pa ra s+ya/ da dA hi ma mA/ daR+sha na kA ma s+ya/ daR+sha naM/ ma ma ma na/ pra la ha dA ya swA hA/ bcom ldan 'das/ bdag gis sngags zlos pa de dang / mchod pa rgya chen po mthong nas bdag byams pa dang / dga' pa'i bsam pa skyes nas bdag de'i mdun du byis pa gzhon nu'i gzugs sam/ yang na rgan po 'am/ dge slong gi gzugs su byas te bdag lag na yid bzhin gyi nor bu gser gyi snod dang bcas pa thogs te dkyil 'khor gyi nang du zhugs nas lus kyi gus pa ston cing sangs rgyas kyi mtshan gcig tu brjod de sngags mkhan de la 'di skad ces smra'o/ /khyod ci dang / ci slong ba de dag thams cad grub par bya ste/ nags tshal dben par 'gro 'dod pa 'am/ nor bu rin po che 'dod pa'am/ mi mang po'i yid du 'ong bar 'dod pa'am/ gser dang / dngul la sogs pa'i nor 'dod pa'am/ sngags gzhan sgrub pa'i dngos grub 'dod pa 'am/ rdzu \?\ 'phrul dang / mngon par shes pa dang / tshe ring bar 'dod pa dang / sman bcud kyis len 'dod pa la sogs pa thams cad bsam pa bzhin du grub par bya'o/ /bdag gis dngos po de dag la sogs </font><hr>329a<br><font size=+1>


@#/ /pa mdo tsam zhig smos par zad kyi/ de ma yin pa gzhan zhig 'dod pa na'ang thams cad bsam pa bzhin du yongs su grub par bya ste rin po che'i gter mi zad pa dang| bsod nams tshad med pa dang ldan par 'gyur ro/ /dper na/ nyi zla 'di sa la ltung bar 'gyur ba dang / sa chen po 'di gzhan du 'gyur ba'i dus ni yod kyang srid kyi/ bden pa'i tshig 'di ni nam yang slu bar mi 'gyur bas rtag tu bde ba dang / yid bzhin du skyid pa longs spyod pa thob par 'gyur ro/ /gzhan yang / bcom ldan 'das mdo sde'i dbang po'i rgyal po 'di gang zhig 'dzin cing 'chang ba dang / klog cing 'don pa'ang rung sngags 'di sgrub pa'ang rung ste tshegs chung ngus myur du grub par 'gyur ro/ /bcom ldan 'das/ bdag gis sems can dbul zhing phongs pa'i sdug bsngal gyis nyen pa rnams kyi ched du sngags 'di bshad pas de phyug cing bde ba'i mchog dang / phun sum tshogs pa tshe gcig tu 'byor par 'gyur ro/ /bdag gis kyang de yongs su bsrung zhing bskyab pa'i phyir rjes su 'brang zhing gnod pa dang / 'tshe ba thams cad ma mchis par bgyi'o/ /gzhan yang / gser 'od dam pa mdo sde'i dbang po'i rgyal po de 'dzin cing rgyas par byed pa dang / sngags 'di 'chang ba'i gang zag de gom pa brgya tshun chad 'od kyi snang bar byas te bdag gi 'khor gnod sbyin stong rnams kyis kyang rtag tu de'i g.yog tu bsgo zhing </font><hr>329b<br><font size=+1>


mngag gzhug yid bzhin du byed du gzhug go /bdag gi bden pa'i tshig 'di slu ba med par yang bcom ldan 'das kyis dgongs su gsol/ de nas rgyal po chen po rnam thos kyis bus sngags de skad ces smras pa dang / bcom ldan 'das kyis legs so/ /legs so zhes bka' stsal to/ /rgyal po chen po/ khyod kyis sems can thams cad sred pas gdungs pa'i sdug bsngal gyi dra ba thams cad bral bas phyug cing bde bar bya ba'i phyir sngags 'di smras pa dang / gzhan yang / mdo sde 'di 'jig rten du yongs su rgyas par bya ba'i phyir sngags 'di bshad pa ni legs so/ /legs so/ /de nas rgyal po chen po bzhi stan las langs te bla gos phrag pa gcig tu gzar nas pus mo g.yas pa'i lha nga sa la btsugs te thal mo sbyar ba btud nas zhabs gnyis la spyi bo'i phyag btsal te de'i tshe mngon sum du tshul dang mthun pa'i tshigs su bcad pa 'di dag gis bcom ldan 'das la mngon par bstod do/ /rgyal ba zla ba dri ma med pa'i sku/ /rgyal ba nyi ma 'od zer stong gi 'od/ /rgyal ba pad+ma dri ma med pa'i spyan/ /rgyal ba me tog pad rtsa rdul med tshems/ /rgyal ba'i yon tan rgya mtsho lta bu ste/ /rin po che ni du ma'i 'byung gnas gyur/ /rgyal ba rgya mtsho ye shes chu yis gang| |ting 'dzin brgya phrag stong gis kun tu gang / /rgyal ba'i zhabs ni 'khor los bris 'dra ste/ /khor yug mu khyud de bzhin rtsib ma stong / /phyag dang zhabs ni dra bas sbras pa ste/ </font><hr>330a<br><font size=+1>


@#/ /zhabs kyi dra ba ngang pa'i dbang po bzhin/ /gser gyi ri bo lta bur rab tu gda'/ /rgyal dbang dri med gser gyi ri dbang rgyal/ /yon tan thams cad ri dbang 'dra ba ste/ /sangs rgyas ri dbang rgyal la phyag 'tshal lo/ /de bzhin gshegs pa'i zla ba chu zla 'dra/ /nam mkha' dang yang mtshungs shing 'dra ba ste/ /sgyu ma smig rgyu lta bur chags med pa/ /rgyal ba dri ma med la phyag 'tshal lo/ /de nas bcom ldan 'das kyis rgyal po chen po bzhi la tshigs su bcad de bka' stsal pa/ stobs bcu dag gis gser 'od dam pa yi/ /mdo sde dbang po'i rgyal po rab mchog 'di/ /'jig rten skyong ba khyed cag rnams kyis ni/ /brtson 'grus rab tu brtan pas bskyang bar bya/ /'di ltar mdo sde dkon mchog zab mo 'di/ /sems can kun la bde ba sbyin byed pa/ /sems can rnams la phan dang bde ba'i phyir/ /'dzam bu'i gling 'dir yun ring gnas par 'gyur/ /'di ltar stong gsum gyi ni stong chen gyi/ /'jig rten dag na ngan song sdug bsngal dang / /sems can dmyal ba'i sems can rnams kyi ni/ /sdug bsngal thams cad zhi bar byed pa yin/ /'dzam gling 'di na 'dzam gling gnas pa yi/ /rgyal po gang dag yin pa thams cad kyis/ /rab </font><hr>330b<br><font size=+1>


tu dga' ba chen po bskyed nas ni/ /chos rnams kyis ni yul dag bskyang bar gyis/ /gang gis 'dzam bu'i gling 'dir bde ba dang / /shin tu lo legs nyams kyang dga' 'gyur zhing / 'dzam bu'i gling ni thams cad dag na yang / /sems can thams cad bde bar 'gyur bar gyis/ /'di ni mi yi dbang po gang rnams ni/ /yul la dga' dang bdag bde dga' ba dang / /rgyal srid rnam par 'byor pa dga' ba des/ /mdo sde'i dbang po 'di ni mnyan par bya/ /mdo sde'i dbang po mchog tu dge bar byed/ /pha rol dgra ni yang dag zad par byed/ /pha rol dmag tshogs zlog byed dge bar byed/ /mchog tu 'jigs pas phongs pa sel bar byed/ /dper na rin chen shing ljon rab mdzes pa| |yon tan kun 'byung khyim na yod pa ltar/ /rgyal po yon tan 'dod pa rnams kyis kyang / /mdo sde'i dbang po'i mchog 'di de ltar blta/ /dper na chu grang skom pa sel byed pas/ tsha bas nyam thag tshe ni rnyed par ltar/ /yon tan dag gis skom pa'i rgyal po la/ /mdo sde'i dbang po'i mchog 'di de bzhin no/ /dper na rin chen thams cad 'byung ba'i gnas/ /rin chen snod ni lag mthil yod pa ltar/ /mi yi dbang po'i tshogs la gser 'od mchog /mdo sde'i dbang po'i mchog 'di de bzhin no/ /'di </font><hr>331a<br><font size=+1>


@#/ /ni lha mi tshogs kyis mngon mchod pa/ /mdo sde'i dbang po lha dbang phyag byas pas/ /'jig rten skyong ba rdzu 'phrul chen po pa/ /bzhi po dag gis kun tu bsrungs pa yin/ /phyogs bcu dag na sangs rgyas rnams kyis kyang / /mdo sde'i dbang po 'di ni rtag tu dgongs/ /mdo sde'i dbang po 'di ni bshad pa na| /sangs rgyas rnams kyis legs zhes brjod pa byin/ /gnod sbyin bye ba stong phrag brgya rnams kyis/ /phyogs bcu dag tu yul yang srung bar byed/ /rab tu dga' zhing rab tu mgu sems kyis/ /mdo sde'i dbang po 'di ni nyan par byed/ /'dzam bu'i gling na gnas par gyur pa yi/ /lha yi tshogs rnams bsam gyis mi khyab pa| |lha tshogs de dag kun kyang rab dga' bas/ /mdo sde'i dbang po 'di ni nyan par byed/ /chos rnams mnyan par bya ba 'di yis ni/ /gzi brjid dang ni 
 dang brtson 'grus thob/ /gzi byin chen po yis ni lha yi lus/ /shin tu rgyas shing rnam par 'phel bar 'gyur/ /de nas rgyal po chen po bzhis bcom ldan 'das la tshigs su bcad pa 'di lta bu 'di dag thos pa dang / ngo mtshar du gyur/ rmad du byung bar gyur/ dga' bar gyur te/ de dag chos kyi shugs kyis yud tsam zhig tu ngus </font><hr>331b<br><font size=+1>


nas mchi ma phyis te/ de dag lus 'phar yan lag kun 'dar zhing dga' ba dang / bde ba dang / yid bde ba bsam gyis mi khyab pa dang ldan par gyur nas/ yang bcom ldan 'das la lha'i me tog man dA ra ba dag gis gtor/ mngon par gtor to/ /mngon par gtor nas kyang stan rnams las langs te bla gos phrag pa gcig tu bgos nas pus mo g.yas pa'i lha nga sa la btsugs te bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /btsun pa bcom ldan 'das/ bdag cag rgyal po chen po bzhi rgyal po chen po re re la yang gnod sbyin lnga brgya lnga brgya dag /chos smra ba de la bsrung pa dang / yongs su bskyang ba'i slad du rtag tu dge slong chos smra ba'i slad bzhin 'brang bar bgyi'o/ /gal te mdo sde 'di las tshig gi don 'ga' zhig brjed par gyur na'ang bdag cag gis de la dran pa dang / mi brjed pa'i mchog gi gzungs chos kyi rnam grangs yongs su rdzogs par bgyi'o/ /mdo sde'i dbang po 'di dag gang na bzhugs pa'i gnas de dag gi sems can rnams kyis yongs su rgyas par byed pas/ nam yang nub par mi 'gyur ro/ /de nas bcom ldan 'das kyis 'khor 'dus pa de dag la chos kyi rnam grangs 'di bshad pa'i tshe/ sems can de </font><hr>332a<br><font size=+1>


@#/ /dag gis ye shes dang / spobs pa dang / bsod nams kyi tshogs tshad med pa thob pas/ nyon mongs pa spangs pa'i bde ba dang ldan te/ bstan bcos thams cad la mkhas shing 'khor ba yongs su spangs te/ bla na med pa yang dag par rdzogs pa'i byang chub las phyir mi ldog pa myur du thob par 'gyur ro/ /gser 'od dam pa mdo sde'i dbang po'i rgyal po las/ rgyal po chen po bzhis yul 'khor yongs su skyong ba'i le'u zhes bya ba ste bcu gnyis pa'o// //bam po bdun pa/ de nas bcom ldan 'das kyis tshe dang ldan pa shA radwa ti'i bu la bka' stsal pa/ shA radwa ti'i bu/ 'di lta ste/ chags pa med pa'i gzungs zhes bya ba'i chos kyi rnam grangs 'di ni/ byang chub sems dpa' chos thams cad la bsgoms pa rnams kyi ma dang / byang chub sems dpa'i sngon gyi spyod pa dang / byang chub sems dpa' rnams kyi yongs su 'dzin pa yin no/ /de skad ces bka' stsal pa dang / bcom ldan 'das la tshe dang ldan pa shA radwa ti'i bus 'di skad ces gsol to/ /bcom ldan 'das/ gzungs ni yul na mi gnas/ phyogs na mi gnas pa lags na/ bcom ldan 'das/ gzungs gzungs zhes bgyi ba'i gzungs kyi tshig gi don de gang lags/ de skad ces </font><hr>332b<br><font size=+1>


gsol pa dang / bcom ldan 'das kyis tshe dang ldan pa shA radwa ti'i bu la 'di skad ces bka' stsal to/ /shA radwa ti'i bu/ ji ltar khyod theg pa chen po la gnas pa dang / theg pa chen po la mos pa dang / theg pa chen po la lhag par bya ba byas pa yin na/ shA radwa ti'i bu/ ji ltar khyod gzungs ni yul na mi gnas/ phyogs na mi gnas shing| chos kyang ma yin/ chos ma yin pa'ang yin/ 'das pa'ang ma yin/ ma 'ongs pa'ang ma yin/ da ltar byung ba'ang ma yin/ dngos po can yang ma yin/ dngos po med pa can yang ma yin/ rkyen las byung ba'ang ma yin/ rkyen med pa las byung ba'ang ma yin/ 'gro ba las byung ba'ang ma yin/ 'gro ba med pa las byung ba'ang ma yin/ chos gang gi skye ba'ang ma yin/ 'gog pa'ang ma yin par chos ston mod kyi/ byang chub sems dpa' rnams la phan par bya ba'i phyir/ 'di lta ste/ sangs rgyas kyi yon tan dang / sangs rgyas kyi tshul khrims dang / sangs rgyas kyi bslab pa dang / sangs rgyas kyi dgongs pa dang / sangs rgyas 'byung ba/ 'di lta ste/ chags pa med pa'i gzungs zhes bya ba'i chos kyi rnam grangs sgrub pa'i lam gyi rig pa dang / stobs kyi gnas 'dri ba legs so/ /legs so/ /de skad ces bka' stsal pa dang / bcom ldan 'das la tshe dang ldan pa/ </font><hr>333a<br><font size=+1>


@#/ /shA radwa ti'i bus 'di skad ces gsol to/ /bcom ldan 'das/ 'di lta ste/ gzungs thob pas gang la gnas na/ byang chub sems dpa' bla na med pa yang dag par rdzogs pa'i byang chub las phyir mi ldog par 'gyur ba dang / yang dag par dam bcas par 'gyur ba dang / rten med pa'i chos kyi rang bzhin gyi spobs pa can gyi slob dpon dang / lam la shin tu gnas par 'gyur ba'i gzungs kyi chos kyi rnam grangs bshad du gsol/ bde bar gshegs pa| bstan du gsol/ de skad ces gsol pa dang / bcom ldan 'das kyis tshe dang ldan pa shA radwa ti'i bu la 'di skad ces bka' stsal to/ /shA radwa ti'i bu/ legs so| |legs so/ /shA radwa ti'i bu/ de de bzhin te/ gzungs thob pa'i byang chub sems dpa' de la sangs rgyas nyid du brjod par bya ste/ shA radwa ti'i bu/ gang la la gzungs thob pa'i byang chub sems dpa' la bkur stir byed pa dang / bla mar byed pa dang / rim gror byed pa dang / mchod par byed pa des/ sangs rgyas la bkur stir byas par 'gyur ro/ /shA radwa ti'i bu/ gang la la gzungs 'di nyan par byed pa dang / gang dag gzungs 'di 'chang bar byed pa dang / gang dag mos par </font><hr>333b<br><font size=+1>


byed pa de rnams la byang chub kyi sems dang ma bral bas/ sangs rgyas la ji ltar mchod pa de bzhin du 'gyur ro/ /shA radwa ti'i bu/ gzungs de ni 'di yin te/ tad+ya thA/ san+d+ha ra Ni| ud d+hA ra Ni/ su saM pra tiSh+Thi te/ su nA ya/ su pra tiSh+Thi te/ bi dza ya la/ sat+t+ya pra ti dz+nyA/ su a ro hA/ dz+nyA na pra ti/ ut+pa da ni/ a ba nA ba ni/ a b+hi Shiny+tsa ni/ a b+hi bya hA ra/ shu b+ha ba ti/ su niH shri ta| ba hu gu b+ha/ a b+hi ba dA swAhA// //shA radwa ti'i bu/ chags pa med pa'i gzungs kyi tshig 'di byang chub sems dpa' gang gis shin tu gnas pa dang / 
 par gzung ba byas nas 'chang bar byed pa de la bskal pa'am/ bskal pa bas lhag pa'am/ bskal pa stong ngam/ bskal pa brgya phrag stong du'ang smon lam zad par mi 'gyur la/ de'i lus la mtshon gyis chugs par mi 'gyur te/ dug gis ma yin zhing sprul gyis tshugs par mi 'gyur ro/ /de ci'i phyir zhe na/ shA radwa ti'i bu/ chags pa med pa'i gzungs 'di ni 'das pa'i sangs rgyas rnams kyi yum/ ma 'ongs pa'i sangs rgyas rnams kyi yum/ da ltar byung ba'i sangs rgyas rnams kyi yum ste/ 'di lta ste/ chags pa med pa'i gzungs zhes bya ba'i chos kyi rnam grangs yin no/ /shA radwa ti'i bu/ gang dag gis stong gsum gyi stong chen po'i 'jig rten gyi khams grangs med pa </font><hr>334a<br><font size=+1>


@#/ /phrag bcu rin po che sna bdun gyis bkang ste/ sangs rgyas bcom ldan 'das rnams la yon du phul zhing sangs rgyas bcom ldan 'das rnams la bskal pa grangs med par na bza' dang / zhal zas gya nom par bzhugs par byed pa bas/ gang dag gis chags pa med pa'i gzungs kyi chos kyi rnam grangs 'di las tshig gcig tsam 'dzin par byed pa'i sems can de dag de bas ches bsod nams mang du skyed par 'gyur ro/ /de ci'i phyir zhe na/ tshe dang ldan pa shA radwa ti'i bu/ 'di la chags pa med pa'i gzungs kyi chos kyi rnam grangs 'di ni/ sangs rgyas thams cad kyi yum yin no/ /gser 'od dam pa mdo sde'i dbang po'i rgyal po las| chags pa med pa'i gzungs zhes bya ba'i le'u ste bcu gsum pa'o// //de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ khyod kyis glog thams cad zlog pa/ so sor 'brang ba sngon gyi yang dag par rdzogs pa'i sangs rgyas rnams kyis gsungs pa/ nga yang da ltar 'chad kyi zungs shig /kun dga' bo/ shar phyogs na 'ong ba zhes bya ba'i glog yod/ kun dga' bo/ lho phyogs na skang brgya pa zhes bya ba'i glog yod/ kun dga' bo/ </font><hr>334b<br><font size=+1>


nub phyogs na 'od nyams pa zhes bya ba'i glog yod/ kun dga' bo/ byang phyogs na rgyun gyi bdag po zhes bya ba'i glog yod/ kun dga' bo/ gang la la glog 'di rnams kyi ming shes pa dang / phyogs rnam par gnas pa shes pa de la glog gi 'jigs pa thams cad mi 'byung bar shes par bya'o/ /glog gi ming 'di dag yi ger bris te/ gnas gang dag tu bzhag pa'i gnas de dag tu glog thams cad mi 'bab bo/ /de nas bcom ldan 'das kyis de'i tshe/ drA bi Da'i sngags kyi tshig 'di dag bka' stsal to/ /tad+ya thA/ ni mi ni mi/ ni min d+ha ri/ 'jig rten gsum snang bar byed pa/ lag na rtse gsum las phyogs 'dir glog thams cad la srungs shig /srungs shig swAhA/ yang de'i tshe byang chub sems dpa' sems dpa' chen po 'phags pa spyan ras gzigs dbang phyug 'khor de nyid du 'dus par gyur te 'dug pa des bcom ldan 'das la 'di skad ces gsol to/ /bcom ldan 'das/ bdag cag gis kyang chos kyi rnam grangs 'di la/ drA bi Da'i gsang sngags kyi tshigs rnams brjod par bgyi'o/ /tad+ya thA/ ka Te bi ka Te/ ni ka Te/ pra t+ya r+thi ke/ pra t+ya mi tre/ shud+d+he/ muk+te/ bi ma le/ pra b+ha sA re/ aN+Da re/ paN+Da re/ shwe te/ paN+Da ra bA si ni/ ha ri kaN+ka ri/ ka pi li/ piM ga la/ ak+Shi da d+hi mu </font><hr>335a<br><font size=+1>


@#/ /khi| dus ma yin par 'chi ba thams cad las bdag la srungs shig /srungs shig /'phags pa spyan ras gzigs dbang phyug gi gzi brjid kyis| bdag dus ma yin par 'chi ba thams cad mthong bar ma gyur cig swAhA/ de nas gsang ba pa'i bdag po lag na rdo rjes/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das/ bdag gis kyang chos kyi rnam grangs 'di la gzungs kyi tshig rnams brjod par bgyi'o/ /tad+ya thA/ mu ni mu ni/ mu nin d+ha ri mu ni/ ma ti ma ti/ su ma ti/ mahA ma ti/ hA hA hA hA/ khyod la sdig pa med kyi ma 'jigs shig ces lag na rdo rjes smras kyis drA bi Da swAhA/ bcom ldan 'das/ bdag gi bsrung ba gzhan gyis mi thub pa 'di su'i snying la 'dzin tam/ yi ger bris pa de bdag gis rtag par rgyun du 'jigs pa thams cad las bsrung bar bgyi'o/ /dus ma lags par 'gum pa thams cad las thar bar bgyi'o/ /de nas mi mjed kyi bdag po tshangs pas/ bcom ldan 'das la 'di skad ces gsol to/ /bcom ldan 'das/ bdag gis kyang sems can rnams kyi don dang / phan pa dang / bde ba bskyed pa'i slad </font><hr>335b<br><font size=+1>


du| chos kyi rnam grangs 'di la gzugs kyi gsang sngags kyi tshig rnams brjod par bgyi'o/ /tad+ya thA/ hi li mi li/ tsi li swAhA/ prah+ma pU re swAhA/ brah+ma swa re swAhA/ brah+ma bi su gar+b+he/ puSh+pa saM sta re swAhA/ bcom ldan 'das/ 'di ni bdag gi bsrung ba tshangs pa'i chad pa zhes bgyi ba ste/ dus ma lags par 'gum pa thams cad las yongs su skyob pa/ sdig pa thams cad las rab tu zhi bar bgyid pa lags so/ /de nas lha'i dbang po brgya byin gyis bcom ldan 'das ga la bde logs su thal mo sbyar ba btud de| bcom ldan 'das la 'di skad ces gsol to/ /bcom ldan 'das/ bdag gis kyang chos kyi rnam grangs 'di la gzungs kyi gsang sngags kyi tshig rnams brjod par bgyi'o/ /tad+ya thA/ ni ba rA Ne/ ban+d+ha mA dan+te ma ti ti/ ti ti gau rI/ gan+d+ha ri/ tsaN+Da li/ mA tang+gi/ par+Na le| hi na ma d+h+ya ma d+ha ri Ni ma la ni/ da la mad de/ tsakra bA krA+ai/ sha ba ri/ sha ba ri swAhA/ btsun pa bcom ldan 'das/ 'di ni bdag gi rig sngags rdo rje'i lce 'bebs pa zhes bgyi ste/ 'jigs pa thams cad las thar bar bgyid pa/ dus ma lags par 'gum pa thams cad yongs su skyob pa lags so/ /de nas rgyal po chen po yul 'khor srung dang / 'phags skyes po dang / mig mi bzang dang / </font><hr>336a<br><font size=+1>


@#/ /rgyal po chen po rnam thos kyi bus/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das/ bdag cag gis kyang skye bo mang po la phan pa dang / skye bo mang po la bde ba dang / 'jig rten la snying brtse ba'i slad du chos kyi rnam grangs 'di la gzungs kyi gsang sngags kyi tshig rnams brjod par bgyi'o/ /tad+ya thA/ puSh+pe su puSh+pe/ d+hu ma pa ri hA re/ AR+Ya pu sha ste/ shAn+ti/ ni rmuk+te/ mang+ga l+ya/ hi ra N+ya gar+b+he stu ste/ sta bi te swAhA/ btsun pa bcom ldan 'das/ 'di ni rgyal po chen po bzhi po bdag cag gi bsrung pa 'jigs pa ma mchis pa zhes bgyi ste/ 'jigs pa thams cad las mi 'jigs par bgyid pa/ tsha skyong ba dus ma lags par 'gum pa thams cad las yongs su skyob pa lags so/ / de nas klu'i rgyal po rgya mtsho dang / klu'i rgyal po glog 'od dang / klu'i rgyal po ma dros pa dang / klu'i rgyal po glog lce dang / klu'i rgyal po 'od zer brgya pas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das/ bdag cag gi bsrung ba chen/ </font><hr>336b<br><font size=+1>


po yid bzhin gyi nor bu zhes bgyi ba/ glog thams cad zlog pa/ dus ma lags par 'gum pa thams cad sel ba/ dug rnams mi gdug par bgyid pa/ gshed byed dang byad stems dang / ro langs dang / bkra mi shis pa'i 'jigs pa zhi bar bgyid pa mchis na/ bcom ldan 'das/ bdag cag klu'i skye gnas 'di nas dbyung ba dang / se sna spang ba'i slad du thugs brtse bar dgongs te bzhes su gsol/ de ci'i phyir zhe na/ bcom ldan 'das/ bdag cag klu rnams ni ser sna can te/ sems ser snas bskor ba lags so/ /tad+ya thA/ AR+Ya dze/ a ma ri/ a mr-i te/ ak+Sha ye/ a b+hi ye/ pu N+yai/ baR+Ya ba te/ sarba pA paM/ pra sha ma nI ye swAhA/ AR+Ya pu \?\ sau \?\ pA kI ye swAhA/ btsun pa bcom ldan 'das/ gsang sngags kyi tshig 'di dag skyes pa'am/ bud med gang la la lce la 'don dam/ yi ger bris pa de la glog gi 'jig pa thams cad ma mchis par rig par bya'o/ /rtsa ba'i dug gam/ mche ba'i dug gam/ dbyig dug gam/ gang dag /gzhan yang / yan lag las byung ba'i dug de dag gis de 'gum pa'i dus bgyid par mi 'gyur ro/ /bdag 'jigs pa thams cad dang / gnod pa thams cad las bde legs su gyur cig /de nas bcom ldan 'das kyis brgya byin dang / tshangs pa </font><hr>337a<br><font size=+1>


@#/ /dang| 'jig rten skyong ba dang / klu'i dbang po de dag la legs so zhes bya ba gnang ste/ bzhin bzang dag /khyed skye bo mang po la phan pa dang / skye bo mang po la bde ba'i phyir zhugs te/ chos kyi rnam grangs 'di rjes su yongs su bzung ba'i phyir drA bi Da'i gsang sngags kyi tshig rnams bshad pa legs so/ /legs so/ /phyogs rnams ni gnyid log pa dang / myos pa dang / rab tu myos pa rnams bsrung bar 'gyur ro/ /bcom ldan 'das kyis de skad ces bka' stsal nas/ dge slong de dag dang / brgya byin dang / tshangs pa dang / 'jig rten skyong ba de dag dang / klu'i bdag po de dag dang / lha dang / mi dang / lha ma yin dang / dri zar bcas pa'i 'jig rten yi rangs te bcom ldan 'das kyis gsungs pa la mngon par bstod do// //gser 'od dam pa mdo sde'i dbang po'i rgyal po las/ yid bzhin gyi nor bu'i gzungs kyi le'u zhes bya ste bcu bzhi pa'o// //de nas lha mo chen mo dbyangs can gyis bla gos phrag pa gcig tu bgos te/ pus mo g.yas pa'i lha nga sa la gtsugs nas/ bcom ldan 'das ga la ba de logs su thal mo sbyar ba btud de/ bcom ldan 'das la </font><hr>337b<br><font size=+1>


'di skad ces gsol to/ /btsun pa bcom ldan 'das/ lha mo chen mo dbyangs can bdag gis kyang / dge slong chos smra ba de'i tshig brgyan pa'i slad du spobs pa nye bar bsgrub par bgyi/ gzungs kyang stsal bar bgyi/ nges pa'i tshig gis brjod pa kun tu gzhag par bgyi/ dge slong chos smra ba de la shes pa'i snang ba chen po bgyi/ gser 'od dam pa mdo sde'i dbang po'i rgyal po 'di las tshig 'ga' 'am/ yi ge gang yang rung ba dag cig yongs su nyams par gyur tam/ bskyud na bdag gis dge slong chos smra ba de'i nges pa'i sgra dang / tshig dang / yi ge thams cad bsgrub par bgyi'o/ /ci nas sangs rgyas bcom ldan 'das 'bum phrag dag la dge ba'i rtsa ba bskrun pa'i sems can de dag gi don gyi slad du/ gser 'od dam pa mdo sde'i dbang po'i rgyal po 'di dzam+bu'i gling na yun ring du gnas shing myur du nub par mi 'gyur ba dang / sems can du ma dag gis gser 'od dam pa mdo sde'i dbang po'i rgyal po 'di thos nas shes rab rno ba bsam gyis mi khyab par 'gyur ba dang / shes rab kyi phung po bsam gyis mi khyab pa thob par 'gyur ba dang / tshe 'di la tshe phun sum tshogs pa rab tu thob par 'gyur ba dang / srog la phan gdags pa dang / bsod nams kyi phung po dpag tu ma </font><hr>338a<br><font size=+1>


@#/ /mchis par rab tu 'dzin par 'gyur ba dang / thabs sna tshogs rab tu 'tshal par 'gyur ba dang / bstan bcos thams cad la rab tu mkhas par 'gyur ba dang / bzo'i bgyi ba sna tshogs phun sum tshogs pa thob par 'gyur ba dang / bskyud pa ma mchis par bgyi ba'i slad du/ de la gzungs kyang stsal bar bgyi'o/ /dge slong chos smra ba de dang / sems can chos nyan pa de dag gi don gyi slad du sngags dang / sman dang ldan pa'i khrus kyi las brjod par bgyi ste/ gza' dang / rgyu skar dang / skye ba dang / 'chi 'pho ba'i gnod pa dang / 'thab pa dang / rnyog pa dang / 'khrug long dang / khrag khrug dang / rmi lam ngan pa dang / log 'dren gyi gnod pa thams cad dang / byad dang / ro langs thams cad rab tu zhi bar 'gyur/ gang gis mkhas pa dag khrus bgyid du stsal ba'i sman dang / sngags ni| 'di dag ste/ shu dag gi wang spr-i ka dang / /sha mya sha myi shI ri shA/ /in+d+ra hasta skal ba che/ /dzA ma shing tsha a ga ru/ /shi ri bista sra rtsi pog /gu gul ra sa sha la ki |rdo dreg lo ma rgya spos dang / /tsan+dan dang ni ldong ros dang / /gi wang dang bcas ru rta dang / /gur gum gla sgang yungs kar dang / /dbyi mong sug smel na la dang / / </font><hr>338b<br><font size=+1>


na ga ge sar u shi ra/ /'di dag cha ni mnyam bgyis nas/ /skar ma rgyal la btags par bgyi/ /phye ma la ni sngags tshig 'di/ /lan brgya mngon par gdab par bgyi// tad+ya thA/ su te kr-i te/ ka ma ta li/ na le dza na ka ra te/ haM ka ra te/ in+d+ra dza li ni/ shaM ka ra dri pa shad dri/ a brta ka /se ken ku tra ku/ ka bi la/ ka bi la ma ti/ shI la ma ti| shI la ma ti/ san+d+hi/ d+hu d+hu ma ba ti/ shi ri shi ri/ sad t+ya s+thi ta swAhA/ lci bas dkyil 'khor bgyis nas ni/ /me tog sil ma dgram par bgyi/ /gser gyi snod dang dngul snod du/ /mngar ba'i khu ba gzhag par bgyi/ /skyes bu go cha bgos pa ni/ /bzhi zhig der yang gzhag par bgyi/ /rab tu brgyan pa'i bu mo bzhi/ /bum pa thogs pa gzhag par bgyi/ /rtag tu gu gul bdug par bgyi/ /sil snyan sna lnga bgyid du stsal/ /gdugs dang rgyal mtshan ba dan gyis/ /lha mo de ni legs par brgyan/ /bar bar dag tu me long gzhag /mda' dang mdung rtse sna sprad gzhag /de nas mtshams kyang bcad par bgyi/ /de yi 'og tu dgos pa brtsam/ /sngags kyi las ni 'di dag gis// mtshams gcad pa yang brtsam par bgyi/ /sAd+ya the di na/ a ka ra ke /na ya ne/ hi le mi le/ gi le/ khi khi le swAhA/ de nas bcom ldan 'das kyi snam logs su khrus </font><hr>339a<br><font size=+1>


@#/ /bgyis nas sngags 'di bzlas brjod bgyis na khrus kyis zhi bar sbyar ro/ /tad+ya thA/ sa ga De/ bi ga De/ bi ga ta ba ti swAhA/ phyogs bzhi dag na gang gnas pa'i/ /rgyu skar dag gis tshe srungs shig /btsas pa'i skar ma'i gnod pa dang / /phung po'i las kyi 'jigs 'byung dang / /'byung po'i khams rnams 'khrugs bgyid pa/ /'jigs pa mi bzad zhi gyur cig /tad+ya thA/ sa me bi sha me swAhA/ sa ga Da/ bi ga De swAhA/ bi ga De ba te swAhA/ sA ga ra saM bud+d+hA ya swAhA/ skan+d+ha mA tA ya swAhA/ nI la kat+thA ya swAhA/ a pa ra dzi ta/ biR+Ya ya swAhA/ hI ma ban+d+ha saM bud+d+ha ya swAhA/ a ni bi la bak+t+rA ya swAhA/ na mo b+ha ga ba te/ prah+mA Ne/ na ma swa ra swa t+yai/ mahA de byai sad+d+h+yan+tu maM/ man+t+ra pa dA/ ta ra tu bi tsitaM/ prah+ma nu ma nu t+ya swAhA/ dge slong chos smra ba de la bsrung ba dang / chos mnyan pa de dag dang / yi ger 'dri ba de dag gi don gyi slad du/ khrus kyi las 'dis bdag nyid der mchi bar bgyi'o/ /lha'i tshogs thams cad dang lhan cig tu grong ngam/ grong khyer ram/ grong rdal lam/ gtsug lag khang der nad thams cad rab tu zhi bar bgyi'o/ /ci nas dge slong ngam/ dge slong ma'am/ dge bsnyen nam/ dge bsnyen ma mdo sde'i dbang po 'dzin pa de dag gi srog la phan gdags par </font><hr>339b<br><font size=+1>


'gyur ba dang / 'khor ba las 'byung ba thob par 'gyur ba dang / bla na med pa yang dag par rdzogs pa'i byang chub las phyir mi ldog par 'gyur ba dang / myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba dang / gza' pa \?\ dang / 'thab pa dang / rnyog pa dang / btsas pa'i skar ma'i gnod pa dang / rmi lam ngan pa dang / log 'dren gyi gnod pa thams cad dang / byad dang / ro langs thams cad rab tu zhi bar bgyi'o/ /de nas bcom ldan 'das kyis lha mo dbyangs can la/ lha mo chen mo dbyangs can khyod| skye bo mang po la phan pa dang / skye bo mang po la bde ba'i phyir zhugs te khyod kyi sngags dang / sman dang ldan pa'i tshigs 'di 'dra ba bshad pa ni legs so/ /legs so zhes bya ba byin te/ lha mo chen mo dbyangs can gyis bcom ldan 'das kyi zhabs la phyag btsal te phyogs gcig tu 'dug go /de nas slob dpon lung ston pa bram ze kauN+Di n+yas lha mo dbyangs can de bkug go /lha mo chen mo dbyangs can mchod 'os dka' thub che/ /'jig rten kun tu rnam grangs mchog sbyin yon tan che/ /rtser gnas mdzes ma dUr ba rtswa yis gos bskus pa/ /dUr ba'i rtswa yi gos gyon spang pa gcig gis gnas/ /lha rnams thams cad lhags nas 'di skad tshig smras te/ /sems can rnams la </font><hr>340a<br><font size=+1>


@#/ /dge ba'i tshig shod lce khrol mdzod/ /s+yad ya the da na/ mu re/ tsi re/ a ba dze/ a ba dza ba ti/ hing+gu le/ ming+gu le/ ping+ga la ba ti/ mung+ga She/ ma ri ts+yai/ swa ma ti/ da sha ma ti/ a gri ta ma grI/ ta ra tsi/ ta ra tsa ba ti/ tsi ri tsi ri/ shi ri mi ri/ ma ri ts+yai/ pra na bri ye/ lo ka dz+yeSh+The/ lo ka shreSh+The/ lo ka pre ya/ sid+d+hi pra te/ b+hI ma mu khi| shu tsi tsa ri/ a pra ti ha te/ a pra ti ha ta bud+d+hi/ na mu tsi/ mahA na mu tsi/ mahA de byi/ pra ti grI hA/ na maska rA na/ bdag gi blo thogs pa med par gyur cig /bstan bcos dang / tshigs su bcad pa'i rgyu dang / sde snod dang / snyan dngags la sogs pa la/ bdag gi rig sngags dngos grub tu gyur cig /tad+ya thA/ mahA pra b+ha be/ hi li hi li/ mi li mi li/ bcom ldan 'das ma lha mo dbyangs can gyi mthus bdag rnam par rgyal bar gyur cig /kA ra te/ ke yU re/ ke yU ra ma te/ hi li mi li/ hi li mi li/ sangs rgyas kyi bden pa dang / chos kyi bden pa dang / dge 'dun gyi bden pa dang / dbang po'i bden pa dang / chu lha'i bden pas lha mo chen mo dgug par bya'o| |gang dag 'jig rten na bden pa smra ba de dag gi bden pa dang / bden pa'i tshig gis lha mo chen mo dbyangs can dgug par bgyi'o/ /tad+ya thA/ hi li mi li/ hi </font><hr>340b<br><font size=+1>


li mi li/ hi li mi li/ bdag rnam par rgyal bar gyur cig /bcom ldan 'das ma lha mo chen mo dbyangs can la phyag 'tshal lo/ /bdag la gsang sngags kyi tshig rnams grub par gyur cig swAhA/ de nas lha mo chen mo dbyangs can gyi gsang sngags kyi tshig de dag smras nas/ yang bram ze kauN+Di n+ya la 'di skad ces smras so/ /skyes bu chen po/ khyod sems can thams cad la spobs pa dam pa dang / rdzu 'phrul dang / mngon par shes pa dang / shes rab che ba dang / nor dang / dbyig la sogs pa sbyin pas phan 
 shing myur du bla na med pa'i byang chub thob par byed pa legs so/ /legs so/ /mdo sde 'di 'dzin pa'i cho ga bstan pa'i phyir tshigs su bcad pa 'di dag smras so/ /gzungs 'di dang por su 'don pas/ /dkon mchog gsum la phyag btsal te/ /'khrul pa med par bzlas byas na/ /dngos grub dam pa thob par 'gyur/ /sangs rgyas rnams dang dam chos dang / /byang chub rang rgyal nyan thos dang / /tshangs pa dang ni brgya byin dang / /rgyal chen bzhi la phyag 'tshal zhing / /rtag tu tshangs par spyod pa dang / /rim gro gus par bsam byas te/ /zhi la dben pa'i gnas su ni/ /sgra bskyed gzungs dang bstod pa brjod/ /ji snyed sangs rgyas lha klu la/ /mchod pa rgya chen bsham par bya/ /skye bo'i </font><hr>341a<br><font size=+1>


@#/ /rigs ni mang po la/ /snying rje'i sems kyang bskyed par bya/ /bcom ldan gser mdog mtshan rab can/ /rtse gcig sems kyis bsam bya zhing // bcom ldan gsung rab dam chos kyis/ /dbang po so sor nges mdzad pa'i/ /de yi tshig don legs bsams te/ /stong nyid bsgrub la'ang gnas par byos/ /bcom ldan thams cad mngon sum du/ /rtse gcig sems kyis bsam byas na/ /ting nge 'dzin dang ye shes dang / /gzugs mchog dam pa thob par 'gyur/ /bcom ldan dpal mgur gsung chos kyis/ /dam pa'i dbyangs des 'khor rnams 'dul/ /ljags kyis stong gsum khebs mdzad cing / /so sor ci rigs ya mtshan ston// de lta'i gsung mchog dam pa la/ /rtag par bsam zhing 'jigs pa spongs/ /bsam mi khyab pa'i ljags mtshan 'di/ /smon lam rgya chen dbang gis brnyes/ /chos rnams med par ston mdzad pa/ /ji ltar mkha' la ma chags bzhin/ /sangs rgyas ljags mtshan gsung sgra la/ /de bsams smon lam tshad med 'grub/ /gang zhig dbyangs can mngon mchod dam/ /yang na slob mas man ngag bzhin/ /lung bzhin chos de gang sgrub pa/ /bkur sti mchog rnams thob par 'gyur/ /gang zhig ye </font><hr>341b<br><font size=+1>


shes \?\ grub \?\ ba'ang / /rtse gcig sems kyis chos 'di zungs/ /bsod nams ye shes tshogs 'phel zhing / /nges par 'grub la yid gnyis spongs/ /gang zhig nor sgrub nor dang ldan/ /khe dang grags pa'ang de bzhin 'grub/ /'byung bar 'dod pa'ang rnam grol bar/ /nges par 'grub pas yid gnyis spongs/ /yon tan mang po tshad med dang| |bsam pa bzhin du kun grub pas/ /'di la tshul bzhin gang gnas pa/ /nges par 'grub pas yid gnyis spongs/ /dben par gtsang ma'i gos gyon te/ /dkyil 'khor ci ran byas pa der/ /bum pa rgyas pa bzhi bzhag ste/ /dus bzhin me tog bdug pas mchod/ /ba dan gdugs dang lnga lngi bre/ /phye ma byug pas rgyas par brgyan// sangs rgyas dang ni dbyangs can mchod/ /lha de mthong 'dod mthong bar 'gyur/ /dbyangs can lha mo de mdun du/ /zhag bdun gsum du bzlas brjod de/ /gal te lha de ma mthong na/ /bsam pa brtan pas zhag dgur bzlas/ /de yi nub mo'ang ma mthong na/ /gzhan du shis pa'i gnas btsal te/ /tshul bzhin lha mo'i gzugs bris la/ / mchod cing bzlas brjod rgyun mi gcod/ /bdag dang gzhan don tshad med la/ /nyin mtshan rgyun tu brtson bskyed de/ /de yi 'bras bu gzhan la stobs/ /des ni bsam </font><hr>342a<br><font size=+1>


@#/ /pa 'grub par 'gyur/ /de ste'ang bsam pa ma grub na/ /zla ba gsum dang drug dang dgu/ /yang na brtson pas lor bzlas na/ /mngon shes drug la sogs pa'ang thob/ /de nas bram ze kauN+Di n+yas 'di skad ces bshad pa thos nas dga' ba dang / rangs pa tshad med pa skyes te/ 'khor 'dus pa de dag la 'di skad ces smras so/ /lha dang / mi la sogs pa'i 'khor thams cad kyis sems ma g.yeng bar bdag la nyon cig dang / bdag gis kun rdzob kyi bden pa la brten te dbyangs can lha mo mchog la bstod pa'i phyir chigs su bcad de smra bar bgyi'o/ /phyag 'tshal lha mo mthu chen la/ /'jig rten khams 'dir dbang brnyes par| |sngon gyi drang srong gis bshad pas/ /de phyir bdag gis khyod la bstod/ /dpal ldan thugs ni bde ba dang / /thos 'dzin mdzes ldan grags ldan pa/ / 'jig rten 'di skyed yum yang yin/ /rtag tu dpal la brtson chen spyod/ /g.yul gyi gnas las rtag tu rgyal/ /snying rje bzod la dul bas bskyed/ /gshin rje'i sring mor lung ston cing / /rtag tu dar gos sngon po mnabs/ /mdzes dang mi mdzes kun sten cing / /sbyan mig sus mthong dwang ba skyed/ /spyod pa tshad med 'jig </font><hr>342b<br><font size=+1>


rten 'das/ /skyabs su su 'ongs rjes su 'dzin/ /bar 'ga' ri dang brag la gnas/ /bar 'ga' phug dang chu bo'i 'gram/ /yang na ljon sdong nags rnams su/ /gnas de dag ni lha mo'i rten/ /ji ltar ri brag mi rnams kyis/ /rma bya'i mdongs las gdugs byas shing / /rtag tu lha mo de mchod na/ /thams cad dus su 'jig rten skyob/ /stag dang seng ges 'khor byas shing / /bya dang phyugs dang de la brten/ /dri chen sgra dag mngon bsgrags pas/ /bin d+hu'i ri la'ang grags par gyur/ /phyag na tri shUl thor tshugs dbu| |yang na nyi zla'i ru mtshon bsnams/ /zla ba mar ngo'i bcu gcig gam/ /dag yi dus su mchod par bya/ /g.yul 'gyed dus su thugs brtse bas/ /'jig rten kun la gzigs pa'i phyir/ /lha mo ba su'i gzugs ston pas/ /lha mo'i mchog de dpe med pa'o/ /phyugs rdzi rgan mo'i gzugs ston cing / /lha dag 'thab pa'ang rtag tu rgyal| |yun ring 'jig rten bde bar gnas/ /bar 'ga' khros shing bar 'ga' zhi/ /bram zer smra zhing chos bzhi dang / /rdzu 'phrul gsang sngags kun la mkhas/ /drang srong lha mi dbang brnyos pas/ /sa chen 'di dang sa bon byed/ /lha mo 'du ba'i dus su yang / /rgya mtsho ltad bzhin nges par 'du/ /gnod sbyin klu la sogs rnams </font><hr>343a<br><font size=+1>


@#/ /kyis| |kun gyi gtso byed 'dul bar nus/ /mo rnams kun gyi tshangs spyod mchog /'jig rten gtso sbyin bdag la dgongs/ /rgyal bo'i gnas na'ang pad+ma bzhin/ /chu bo la yang gru dang gzings/ /zla ba nya bzhin zhal yang rgyas/ /mang du thos ldan rten yang byed/ /ri bo'i rtse bzhin spobs pa 'phags/ /bsam pas gling dang rab kyang ston/ /lha min la sogs lha rnams kyis/ /kun gyis yon tan bstod cing bsngags/ /spyan stong brgya byin lha rgyal yang / /gus pa'i sems kyis zhal du blta/ /sems can gang dag ci 'dod pa/ /de kun bsam pa myur du skong / /blo myur thos pa 'dzin pa yang / /sa chen 'di gnas kun gyi mchog /phyogs bcu'i 'jig rten khams dag tu/ /rtag tu sgron chen snang byed bzhin/ /bya dang gcan zan ri dwags kyi'ang / /kun gyis bsam pa yongs su skong / /bud med kyi mchog ri po bzhin/ /drang srong 'jig rten ri gnas bzhin/ /lha mo gzhon bzhin 'dod dang bral/ /mi mjed bdag bzhin bden par smra/ /'jig rten mthun par gzugs ston cing| |'dod khams bar gyi lha gnas su'ang / /khyod ni lha mo'i gtso yin pas/ /de las mchog pa'i sems can med/ /gal te g.yul dang 'jigs pa'i gnas// </font><hr>343b<br><font size=+1>


me yi dong du lhung gyur tam/ /chu bo g.yang sa mi rgod las/ /'jigs pa de las sgrol bar mdzad/ /rgyal po'i chad pas bcings pa yang / /yang na dgra yis bsad par yang| |rtse gcig sems ni ma g.yos na/ /sdug bsngal dag las thar bar 'gyur/ /dge dang mi dge kun las skyob/ /byams dang snying rjes mdun na gnas/ /de phyir bdag ni sems btud de/ /phyag 'tshal lha mo chen mo la'o/ /de nas yang slob dpon lung ston pa bram ze kauN+Di n+yas lha mo chen mo dbyangs can la tshigs su bcad pa 'di dag gis mngon par bstod do/ /'byung po'i tshogs rnams thams cad nga la nyan par gyis/ /lha dang dri za lha dbang bcas pa'i 'jig rten na/ /bud med dam pa lha mo mchog gis rab gang yin/ /lha mo dam pa mchog tu mdzes pa'i zhal la bstod/ /yon tan rnam pa sna tshogs bsags pas yan lag brgyan/ /dbyangs can zhes bya spyan ni yangs shing bsod nams 'bar/ /dri med ye shes yon tan rnams kyis rnam par brgyan/ /rin chen sna tshogs tha dad lta bur blta ba'i phyir/ /mchog rab dag gi yon tan khyad par de bstod do/ /dam pa mchog gi dngos grub byed pa dang / /yang dag bsngags pa yon tan byed pa dang / /dri med mchog dang pad+ma 'bar ba dang / </font><hr>344a<br><font size=+1>


@#/ /mig mchog dang ni mig gi dam pa dang / /dge ba'i gnas dang dge ba mthong ba dang / /yon tan bsam mi khyab pas brgyan pa dang / /zla ba dang 'dra dri ma med 'od dang / /ye shes 'byung gnas dran pa dam pa dang / /seng+ge mchog dang mi la zhon pa dang / /lag pa brgyad rnams kyis ni brgyan pa dang / /mda' gzhu mdung dang ral gri dgra sta dang / /be con lcags kyu 'khor lo zhags pa bsnams/ /zla ba nya ba lta bur snang ba'i zhal/ /yid du 'ong ba'i dag dang dbyangs snyan dang / /shes rab zab mo dang ni ldan pa dang / /dgos mchog sgrub byed sems can dam pa dang / /lha dang lha min dbang pos mchod pa dang / /lha dang lha min tshogs kun gnas brjod dang / /'byung po'i tshogs kyi gnas rtag mchod pa'i phyir/ /swAhA/ bdag cag lha mi 'di la phyag bya'o/ /bdag la yon tan khyad par kun stsol cig / dgos pa kun tu bdag la dngos grub stsol/ /dgra rnams khrod na bdag la rtag tu srungs/ /yi ge rdzogs shing tshig rgyas 'di dag ni/ /nang par langs nas gtsang mar brjod par bya/ /bsam pa dang ni nor 'bru thams cad rnyed/ /dngos grub dge ba rgya chen thob par 'gyur/ /de nas bcom ldan 'das kyis bram ze kauN+Di n+ya la </font><hr>344b<br><font size=+1>


legs so zhes bka' stsal te/ khyod kyis sems can la phan pa dang / bde ba'i phyir lha mo dbyangs can la bstod pa dang / dngos grub dam pa slong bas bsod nams tshad med pa dang ldan par 'gyur ro// //bam po brgyad pa/ de nas slob dpon lung ston pa bram ze kauN+Di n+ya sa bstod pa dang / gsang sngags kyi tshig gis lha mo chen mo dbyangs can la gsol nas/ yang 'khor de dag la smras pa/ skyes bu khyod kyis lha mo dbyangs can spyan drang ba dang / de'i thugs rjes bskyab cing / tshe 'di nyid la spobs pa thogs pa med pa dang / thos pa 'dzin cing shes rab chen po dang ldan par 'gyur ba dang / gtsug lag thams cad la mkhas shing / tshig sbyor ba'i rgyan la gsal zhing thogs pa med pa grub par 'dod pas/ bsam pa de des shing gus pa'i sems kyis lha mo dbyangs can spyan drang ba'i tshig 'di brjod par bya'o/ /sangs rgyas la phyag 'tshal lo| |chos la phyag 'tshal lo/ /dge 'dun la phyag 'tshal lo/ /byang chub sems dpa' dang / nyan thos dang / rang sangs rgyas thams cad la sogs pa dang / 'das pa dang / ma 'ongs pa dang / da ltar bzhugs pa'i 'phags pa thams cad la phyag 'tshal lo/ /phyogs bcu'i sangs rgyas bcom ldan 'das yang dag par bden </font><hr>345a<br><font size=+1>


@#/ /pa'i gsung la gnas pa/ so so'i dbang po dang mthun par bden pa ston pa la mi slu bar gsung ba/ bskal pa bye ba tshad med par yang dag par bden pa'i tshig rtag tu ston cing gsung pa de dag la rjes su yi rang ngo / /bden pa gsung bas ljags yangs la ring ba bkram ste dzam+bu'i gling dang / rgyal chen bzhi dang / stong gcig dang / stong gnyis dang / stong gsum gyi 'jig rten gyi khams 'di dang / phyogs bcu'i 'jig rten gyi khams tshad med pa thams cad rgyas par 'gengs shing / nyon mongs pa'i gdung ba thams cad sel ba'i sangs rgyas bcom ldan 'das thams cad la lus btud de phyag 'tshal lo/ /ljags kyi mtshan dam pa de 'dra ba dang / bdag spobs pa tshad med pa dang ldan par gyur cig /phyag 'tshal bcom ldan dbyangs can mchog /byang chub chen po dbyangs can mchog /'phags pa rang rgyal dbyangs can mchog /zung bzhi ya brgyad dbyangs can mchog /bden pa bzhi gsung dbyangs can mchog /yang dag gzigs pa dbyangs can mchog /drang srong tshangs 'khor dbyangs can mchog /lha mo u ma dbyangs can mchog /skem byed lha yang dbyangs can mchog /gzi can </font><hr>345b<br><font size=+1>


klu yang dbyangs can mchog /mtshan mo lha mo dbyangs can mchog /rgyal chen bzhi po dbyangs can mchog /bde gnas lha sras dbyangs can mchog /rdo rje gsang bdag dbyangs can mchog /khyab 'jug lha yang dbyangs can mchog /lha mo be ma dbyangs can mchog /tshogs bdag lha yang dbyangs can mchog /dpal gyi lha mo dbyangs can mchog /dpal gyi blo gros dbyangs can mchog /hi ri tshig 'chang dbyangs can mchog /ma mo kun mchog dbyangs can mchog /'phrog ma mo yang dbyangs can mchog /gnod sbyin kun kyang dbyangs can mchog /phyogs bcu'i rgyal po dbyangs can mchog /bdag la las mchog kun gyis stobs/ /mtha' med dbyangs can mchog thob mdzod/ /slu med pa la phyag 'tshal lo/ /rnam par grol la phyag 'tshal lo/ /'dod chags bral la phyag 'tshal lo/ /bcings pa bcad la phyag 'tshal lo/ /rnam dag sems la phyag 'tshal lo/ /'od snang mdzad la phyag 'tshal lo/ /bden tshig gsung la phyag 'tshal lo/ /rdul dang bral la phyag 'tshal lo// don dam gnas la phyag 'tshal lo/ /'khor mang gtso la phyag 'tshal lo/ /dbyangs can lha la phyag 'tshal lo/ /bdag ni tshig la thogs med mdzod/ /bdag gis bsam </font><hr>346a<br><font size=+1>


@#/ /pa ci mchis pa/ /thams cad myur du grub par mdzod/ /nad med rtag tu bde ba dang / /tshe ring ba yang thob par shog /rig pa'i gnas la mkhas pa dang / /byang chub lam la brtson pa dang / /skye bo kun la phan mang mdzod/ /re ba thams cad myur du skongs/ /bdag gi yang dag bden tshig dang / / bdag gis mi slu tshig smras pa/ /dbyangs can lha mo mchog gis ni/ /bdag gi don de grub par mdzod/ /lha mo 'dir ni gshegs par gsol/ /bdag gi tshig la thogs med mdzod/ /lus dang ngag dang myur zhugs shing / /yid myur spobs pa rdzogs par mdzod/ /bdag gi lce yi dbang po la/ /bde gshegs spobs pa ldan par mdzod/ /tshig gi gzi brjid mthu des ni/ /sems can thams cad 'dul bar mdzod/ /bdag gis tshig ni ci smras pa/ /don de thams cad grub par shog /tshig la thams cad gus bskyed cing / /byed pa thams cad chud ma gzon/ /nam zhig bdag gi spobs 'dod pa/ /don de grub par ma gyur na/ /lha mo khyod kyi bden tshig ni/ /thams cad brdzun pa nyid du 'gyur/ /mtshams med lnga yi sdig bgyis pa/ /sangs rgyas bkas ni 'dul bar 'gyur/ /gang yang dgra </font><hr>346b<br><font size=+1>


bcom pa dag dang / /byas pa gzo ba'i tshig rnams dang / /shA ri'i bu dang maud gal dang / /bcom ldan 'khor gyi gtso bo ste/ /de la sogs pa'i bden tshig kyang / /thams cad bdag la grub par shog /sangs rgyas nyan thos 'khor rnams dang / /bdag gis deng 'dir spyan drang gi/ /bdag gi re ba bskang ba'i phyir/ /thams cad myur du gshegs par mdzod/ /yang dag bden pa'i tshig gsol pa/ /thams cad slu ba med par shog /srid pa'i rtse mo man chad dang / /gtsang ma'i gnas ni thams cad dang| |tshangs pa tshangs chen mdun 'don dang / /tshangs pa'i rgyal 'khor thams cad dang / /stong gsum 'khor ba'i bar dag dang / /mi mjed 'jig rten gtso bo dang| |de dang de yi 'khor rnams dang / /de kun deng 'dir spyan drangs te/ /thugs rjes bdag la dgongs mdzad cing / /brtse ba kun gyis gzung bar mdzod/ / gzhan 'phrul dbang byed lha dag dang / /gzhan yang 'phrul dga'i lha dag dang / /byams pa mngon par 'tshang rgya'i gnas/ /dga' ldan gnas kyi lha rnams dang / /'thang bral gyi ni lha rnams dang / /sum cu rtsa gsum lha rnams dang / /rgyal chen bzhi yi lha rnams dang / /gzhan yang lha 'khor thams cad dang / /sa chu me rlung lha dag </font><hr>347a<br><font size=+1>


@#/ /dang| |ri rab lhun la gnas pa dang / /chu bdun ri bo lha rnams dang / /de kun 'khor dang bcas pa dang / /zur phud lnga can nor rgyas dang| |nyi zla gza' dang rgyu skar dang / /de la sogs pa'i lha rnams dang / /'jig rten bde bar mdzad pa'i gnas/ /de la sogs pa'i lha thams cad/ /sdig pa'i las la ma mos pha/ /sangs rgyas la gus 'byung ba'i ma/ /bu rab gzhon la byams pa dang / /lha dang klu dang gnod sbyin rnams/ /dri za dang ni lha ma yin/ /gzhan yang mi'am ci dag dang / /lto 'phye che la sogs pa rnams/ /kun kyang bcom ldan mthu yis ni/ /bdag gis deng 'dir spyan drangs te/ /thugs rjes brtse ba'i dgongs pa yis/ /bdag la thogs med spobs pa bskyed/ /lha dang mi rnams thams cad kyi/ /gzhan gyi sems rig mkhyen pa rnams/ /kun gyi mthu yis byin brlabs shing / /bdag la spobs pa'i mchog stsol cig /ji snyed nam mkha' mtha' gtugs shing / /chos kyi dbyings kyi mtha' klas pa'i/ /sems can de dag thams cad kyis/ /bdag la spobs pa'i mchog stsol cig /de nas dbyangs can lha mo la bram ze kauN+Di n+yas de skad ces gsol pa dang / lha mos skyes bu chen </font><hr>347b<br><font size=+1>


po de la dge'o zhes smras te/ gang rigs kyi bu'am/ rigs kyi bu mo gang la la zhig gis tshigs su bcad pas bstod pa dang / gsang sngags kyi tshig de dag 'chang zhing 'dzin pa dang / dkon mchog gsum la skyabs su song ste/ sems 'dun pas rjes su dmigs shing ci 'dod pa'i don cho ga bzhin du bsgrubs na chud za bar mi 'gyur ro/ / gzhan yang / gser 'od dam pa mdo sde'i dbang po'i rgyal po shin tu phra zhing zab pa 'di 'dzin pa dang / 'chang ba dang / klog pa dang / 'don pa de bsam pa thams cad myur du 'grub par 'gyur te/ sems g.yeng bas byas pa ni ma gtogs so/ /de skad smras pa dang / bram ze kauN+Di n+ya rab tu dga' ba dang / yid bde ba skyes te thal mo sbyar ba byas nas rjes su 'dzin to/ /de nas bcom ldan 'das kyis lha mo dbyangs can la legs so zhes bka' stsal te/ lha mo/ khyod kyis dam pa'i chos 'di yongs su srung zhing yongs su rgyas par bya ba dang / mdo sde 'di 'dzin pa'i sems can thams cad la chos 'di lta bu bstan pas bde ba dang / bsod nams dang / spobs pa tshad med pa 'phel bar 'gyur te/ gang sems bskyed pa rnams kyang myur du bla na med pa yang dag par rdzogs pa'i byang chub thob par byas pa legs so/ /legs so/ /gser 'od </font><hr>348a<br><font size=+1>


@#/ /dam pa mdo sde'i dbang po'i rgyal po las/ lha mo dbyangs can gyi le'u zhes bya ste bco lnga pa'o// //de nas bcom ldan 'das la lha mo chen mo dpal gyis 'di skad ces gsol to/ /btsun pa bcom ldan 'das/ lha mo chen mo dpal bdag gis ci nas kyang / chos smra ba'i dge slong de yo byad thams cad phun sum tshogs par 'gyur ba dang / brel phongs pa ma mchis pa thob par 'gyur ba dang / sems brtas pa thob par 'gyur ba dang / sems bde bar gdugs mtshan bas par 'gyur ba dang / gser 'od dam pa mdo sde'i dbang po'i rgyal po 'di las tshig dang / yi ge rnam pa tha dad pa dag chub par 'gyur ba dang| rnam par rtog par 'gyur ba dang / yang dag par brjod par 'gyur ba dang / sangs rgyas 'bum phrag dag la dge ba'i rtsa ba bskrun pa'i sems can de dag gi don gyi slad du/ gser 'od dam pa mdo sde'i dbang po'i rgyal po 'di '+dzam+bu'i gling du yun ring du gnas par 'gyur zhing / myur du nub par mi 'gyur ba dang / sems can rnams kyang gser 'od dam pa mdo sde'i dbang po'i rgyal po 'di nyan par 'gyur ba dang / bskal pa bye ba khrag khrig 'bum phrag du mar lha dang / mi'i </font><hr>348b<br><font size=+1>


bde ba myong bar 'gyur ba dang / mu ge ma mchis par 'gyur ba dang / lo legs par 'gyur ba dang / sems can rnams kyang bde bar sbyar ba thams cad kyis bde bar 'gyur \?\ ba dang / de bzhin gshegs pa dang 'grogs par 'gyur ba dang / ma 'ongs pa'i dus na bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba dang / sems can dmyal ba dang / dud 'gro'i skye gnas dang / gshin rje'i 'jig rten gyi sdug bsngal thams cad shin tu rgyun chad par 'gyur ba/ 'di lta ste/ gos dang / zas dang / mal cha dang / stan dang / na ba'i gsos sman dang / sman zong dang / yo byad dang / 'tshog chas kyi bye brag gzhan dag gis kyang dge slong chos smra ba de spro par bgyi'o/ /de bzhin gshegs pa dgra bcom pa yang dag par rdzogs pa'i sangs rgyas rin chen me tog yon tan rgya mtsho bai DUR+Ya dang / gser gyi ri kha dog bzang po gser du snang ba'i dpal zhes bya ba de la/ lha mo chen mo dpal gyis dge ba'i rtsa ba bskyed de/ des da ltar phyogs gang dang / gang du sems pa dang / phyogs gang dang / gang du lta ba dang / phyogs gang dang / gang du 'gro ba'i phyogs de dang / der sems can bye ba khrag khrig 'bum phrag du ma dag bde bar sbyar ba thams cad </font><hr>349a<br><font size=+1>


@#/ /kyis bde bar 'gyur/ /zas dang / skom dang / nor dang / 'bru dang / 'gron bu dang / gser dang / nor bu dang / mu tig dang / bai DUR+Ya dang / dung dang / man shel dang / byu ru dang / dngul dang / sa le spram dang / yo byad gzhan dag gis kyang mi phongs par 'gyur/ sems can de dag yo byad thams cad 'byor par 'gyur ro/ /lha mo chen mo dpal gyi mthus de bzhin gshegs pa de la mchod par bya/ /spos dang / me tog dang / bdug pa yang \?\ dbul bar bya/ lha mo chen mo dpal gyi ming nas lan gsum brjod cing / de la spos dang / bdug pa dang / me tog kyang byin la ro sna tshogs kyang byin na de'i 'bru'i phung po chen po rnam par 'phel bar 'gyur ro/ /de la 'di skad ces bya ste/ sa la sa yi bcud dag rnam par 'phel/ /lha rnams rtag tu rab tu dga' bar 'gyur/ /'bras bu lo tog ldum sdong ljon shing rnams/ /lo tog shin tu sna tshogs rnams kyang bskyed/ /gser 'od dam pa mdo sde'i dbang po'i rgyal po'i ming brjod pa'i sems can de dag la lha mo chen mo dpal ni sems par 'gyur/ /de dag la dpal chen por byed par 'gyur ro/ /de nas bcom ldan 'das kyis dpal lha mo chen mo la legs </font><hr>349b<br><font size=+1>


so zhes bka' stsal te/ legs so/ /legs so/ /lha mo/ khyod kyis sngon byas pa rjes su dran pas/ de bzhin gshegs pa la mchod pa dang / sems can tshad med pa rnams la phan pa dang / bde bas phan 'dogs shing mdo sde 'di'ang yongs su rgyas par byed pa'i bsod nams zad mi shes pa dang ldan par 'gyur ro/ /gser 'od dam pa mdo sde'i dbang po'i rgyal po las/ lha mo dpal gyi le'u zhes bya ste bcu drug pa'o// //de nas lha mo dpal chen mos bcom ldan 'das la 'di skad ces gsol to/ /bcom ldan 'das/ 'di nas byang phyogs su mi ring ba zhig na/ lha'i rgyal po rnam thos kyi bu'i pho brang lcang lo can gyi 'khor na skyed mos tshal dam pa bsod nams kyi me tog 'od ces bya ba na/ rin po che sna bdun las byas pa'i khang bzang pad+ma dam pa gser gyi rgyal mtshan zhes bya ba na bdag gnas te/ mi gang la la zhig 'bru'i phung po spel bar 'dod pa des/ rang gi khyim phyag dar legs par bya/ khrus legs par bya/ gos dkar po gtsang ma bgo bar bya/ gos rab tu dri zhim par bgo bar bya'o/ /de bzhin gshegs pa dgra bcom pa yang dag par rdzogs pa'i sangs rgyas rin chen me tog yon tan rgya mtsho bai DUR+Ya dang / gser gyi ri kha dog bzang po gser du snang ba'i dpal </font><hr>350a<br><font size=+1>


@#/ /de la phyag 'tshal zhing mtshan nas kyang lan gsum brjod/ lha mo chen mo dpal gyi lag nas/ de bzhin gshegs pa la mchod pa byed/ me tog dang / bdug pa dang / spos kyang 'bul/ ro bro ba sna tshogs kyang 'bul/ gser 'od dam pa mdo sde'i dbang po'i rgyal po'i ming yang lan gsum brjod/ bden pa'i tshig kyang brjod/ lha mo chen mo dpal la yang mchos cing me tog dang / bdug pa'ang 'bul/ ro bro ba sna tshogs kyang 'bul na/ gser 'od dam pa mdo sde'i dbang po'i rgyal po 'di'i mthus/ de'i tshe lha mo chen mo dpal khyim de la sems par 'gyur/ de'i 'bru'i phung po chen po'ang 'phel par 'gyur ro/ /lha mo chen mo dpal dgug par 'dod pa des rig pa'i gsang sngags 'di dag dran par bya'o/ /'das pa dang / ma 'ongs pa dang / da ltar byung ba'i sangs rgyas thams cad la phyag 'tshal lo| |sangs rgyas dang / byang chub sems dpa' thams cad la phyag 'tshal lo/ /bcom ldan 'das de bzhin gshegs pa rin chen gtsug tor can la phyag 'tshal lo// bcom ldan 'das de bzhin gshegs pa dri ma med par 'bar ba'i rin chen 'od zer snang ba'i tog la phyag 'tshal lo/ /de bzhin gshegs pa dzam+bu'i gser gyi rgyal </font><hr>350b<br><font size=+1>


mtshan gser du snang ba la phyag 'tshal lo/ /de bzhin gshegs pa gser du snang ba'i snying po la phyag 'tshal lo/ /de bzhin gshegs pa nyi ma brgya'i 'od snang ba'i snying po la phyag 'tshal lo/ /de bzhin gshegs pa gser ri rin chen 'byung gnas gdugs brtsegs la phyag 'tshal lo/ /de bzhin gshegs pa gser gyi me tog 'bar ba'i 'od zer gyi tog la phyag 'tshal lo/ /de bzhin gshegs pa sgrol ma chen po la phyag 'tshal lo/ /de bzhin gshegs pa rin chen tog la phyag 'tshal lo/ /shar phyogs kyi de bzhin gshegs pa mi 'khrugs pa la phyag 'tshal lo/ /lho phyogs kyi de bzhin gshegs pa rin chen tog la phyag 'tshal lo/ /nub phyogs kyi de bzhin gshegs pa tshe dpag med la phyag 'tshal lo/ /byang phyogs kyi de bzhin gshegs pa rnga sgra la phyag 'tshal lo/ /byang chub sems dpa' byams pa la phyag 'tshal lo/ /byang chub sems dpa' mdzes pa'i tog la phyag 'tshal lo/ /byang chub sems dpa' gser 'od dam pa la phyag 'tshal lo/ /byang chub sems dpa' gser gyi snying po la phyag 'tshal lo/ /byang chub sems dpa' rtag tu du la phyag 'tshal lo/ /byang chub sems dpa' chos 'phags la phyag 'tshal lo/ /byang chub sems dpa' rab gnas la </font><hr>351a<br><font size=+1>


@#/ /phyag 'tshal lo/ /de dag la phyag 'tshal nas rig pa 'di dag la sbyor bar bya ste/ rig sngags 'di bdag la 'byor bar gyur cig /s+yang ya the dan/ pra ti pur+NA tsa re/ sa man+ta daR+sha Ne/ mahA bi hA ra ga ti/ sa man+t+ra/ bi mA na ga te/ mahA kAR+Ya/ pra ti pra ba Ni satwA/ ar+tha sa man+tA nu/ pra pU re/ a yA na d+harmA tA| mahA b+ho gi ni/ mahA mai tri/ u pa sang hi te/ hi tai Shi/ sang gr-i hI te/ sa mar thA nu bA la ne swA hA/ 'di dag ni spyi bo nas dbang bskur ba'i chos nyid kyis gsang sngags kyi tshig gcig tu de kho na yang dag par grub par sbyin pa mi slu ba'i don gyi tshig ste/ sems can bar ma la spyod pa rnams dge ba'i rtsa ba kha na ma tho ba med par dag gis/ lo bdun du 'don cing 'dzin pa dag yan lag brgyad pa'i bsnyen par gnas pa la bsnyen te bdag dang / sems can kun thams cad mkhyen pa'i ye shes yongs su rdzogs par bya ba'i phyir snga dro dang / phyi dro sangs rgyas thams cad la me tog dang / spos rnams kyis mchod nas des bdag gis bsam pa 'di 'byor par gyur cig /myur du 'byor par gyur cig /gtsug lag khang dang / dgon pa'i gnas kyang rung ste/ khyim de shin tu gtsang mar byas la/ </font><hr>351b<br><font size=+1>


lci bas dkyil 'khor byas te/ spos dang / bdug pa'ang dbul bar bya/ stan gtsang ma'ang gding bar bya'o/ /sa la me tog gi sil ma bkram ste bsngad par bya'o/ / de nas skad cig de nyid la lha mo chen mo dpal 'ongs nas der gnas par 'gyur ro/ /de phyin chad khyim mam/ grong ngam/ grong khyer ram/ grong rdal lam/ gtsug lag khang dam| dgon pa'i gnas su nam yang brel cing phongs pa med par 'gyur ro/ /'gron bu dang / gser dang / rin po che dang / nor dang / 'bru dang / yo byad thams cad 'byor pa dang / bde bar sbyar ba thams cad kyis bde bar 'gyur ro/ /dge ba'i rtsa ba gang dag byed pa de dag thams cad las lha mo chen mo dpal la shes kyi mchog sbyin par bya ste/ de nas de ji srid 'tsho'i bar du de na gnas par 'gyur/ 'phang bar mi 'gyur/ de dag gi bsam pa thams cad yongs su rdzogs par 'gyur ro/ / gser 'od dam pa mdo sde'i dbang po'i rgyal po las/ lha mo chen mo dpal gyis nor yongs su spel ba'i le'u zhes bya ba ste bcu bdun pa'o// //de nas bcom ldan 'das la sa'i lha mo brtan mas 'di skad ces gsol to/ /btsun pa bcom ldan 'das/ gser 'od dam pa mdo sde'i dbang po'i rgyal po 'di da ltar dang / </font><hr>352a<br><font size=+1>


@#/ /ma 'ongs pa'i dus na/ grong ngam/ grong khyer ram/ grong rdal lam/ ljongs sam/ dgon pa'i phyogs sam/ ri'i sman ljongs sam/ pho brang 'khor gang du gnas par 'gyur ba'i grong ngam/ grong khyer ram/ grong rdal lam/ ljongs sam/ dgon pa'i phyogs sam/ ri'i sman ljongs sam/ pho brang 'khor der| btsun pa bcom ldan 'das/ sa'i lha mo brtan ma bdag mchi bar bgyi'o/ /btsun pa bcom ldan 'das/ gang na gser 'od dam pa mdo sde'i dbang po'i rgyal po 'di rgya cher yang dag par rab tu 'chad par 'gyur ba dang / sa phyogs gang dang / gang na dge slong chos smra ba de'i chos kyi khri shom par 'gyur ba dang| gang dang / gang du chos smra bstan la mchis nas/ gser 'od dam pa mdo sde'i dbang po'i rgyal po 'di rgya cher yang dag par rab tu bstan par 'gyur ba der/ btsun pa bcom ldan 'das/ sa'i lha mo brtan ma bdag sa phyogs de dang / de dag tu mchi bar bgyi'o/ /lus mi gda' bar chos kyi khri'i 'og logs su mchis te/ yan lag gi dam pa mgos dge slong chos smra ba de'i rkang mthil nas brten par bgyi'o/ /bdag kyang chos mnyan pa dang / chos bdud rtsi'i khu ba </font><hr>352b<br><font size=+1>


'dis tshim par bgyi/ yang dag par rim gror bgyi/ yang dag par mchod par bgyi'o/ /bdag tshim par gyur/ rim gro bgyis ba bgyis par gyur rab tu dga' bar gyur nas| sa'i phung po dpag tshad stong phrag drug cu rtsa brgyad po 'di nas/ sa'i gzhi rdo rje la thug pa'i bar du sa'i bcud kyis rnam par 'phel bar bgyi/ yang dag par rim gro bgyi/ yongs su rdzogs par bgyi'o/ /steng du'ang rgya mtsho'i mtha' la thug pa'i sa'i dkyil 'khor 'di sa'i bcud kyi snum gyis brlan par bgyi'o/ /sa chen po 'di rab tu gzi byin dang ldan par bgyi'o/ /de nas dzam+bu'i gling 'dir rtswa dang / shing gel pa dang / sman dang / nags tshal sna tshogs rnams gzi byin dang rab tu ldan par 'khrung bar 'gyur/ kun dga' ra ba dang / nags tshal dang / shing ljon pa thams cad dang / lo ma dang / me tog dang / 'bras bu dang / me tog rnam pa sna tshogs pa thams cad kyang rab tu gzi byin dang ldan par bgyi/ dri dang rab tu ldan pa dang / snum dang rab tu ldan pa dang / ro zhim por 'gyur/ blta na rab tu sdug pa dang / rab tu che bar 'gyur ro/ /sems can de dag kyang btung ba dang / bza' ba rnam pa sna tshogs pa de dag 'tshal nas/ tshe dang / stobs dang / kha dog dang / dbang po rnams rnam par </font><hr>353a<br><font size=+1>


@#/ /'phel bar 'gyur ro/ /gzi byin dang / stobs dang / kha dog dang / gzugs dang rab tu ldan par gyur nas kyang / sa la mchis pa'i dgos pa rnam pa sna tshogs tha dad pa 'bum phrag du ma dag bgyid par 'gyur/ brtson par 'gyur/ 'bad par 'gyur/ stobs su bgyi ba'i las rnams bgyid par 'gyur ro// btsun pa bcom ldan 'das/ rgyu des dzam+bu'i gling thams cad zhi bar 'gyur ba dang / lo legs pa dang / rgyas ba dang / nyams dga' bar 'gyur/ skye bo dang / mi mang pos gang bar 'gyur/ dzam+bu'i gling gi sems can thams cad bde bar 'gyur/ dga' ba rnam pa sna tshogs myong bar 'gyur/ sems can de dag gzi byin dang / stobs dang| kha dog dang / gzugs dang ldan par 'gyur ro/ /gser 'od dam pa mdo sde'i dbang po'i rgyal po 'di'i slad du dge slong ngam/ dge slong ma'am/ dge bsnyen nam/ dge bsnyen ma mdo sde'i dbang po 'dzin pa de dag chos kyi khri stan la mchis pa'i gan du mchi bar 'gyur/ mchis nas kyang sems rab tu dang bas sems can thams cad kyi don dang / phan pa dang / bde ba dang / gser 'ong dam pa mdo sde'i dbang po'i rgyal po 'di rgya cher yang dag par rab tu bshad par bgyi ba'i slad du chos smra </font><hr>353b<br><font size=+1>


bde dag la gsol ba 'debs par 'gyur ro/ /de ci'i slad du zhe na/ btsun pa bcom ldan 'das/ gser 'od dam pa mdo sde'i dbang po'i rgyal po 'di rab tu bshad pa na sa'i lha mo brtan ma bdag g.yog dang bcas te/ rab tu gzi byin dang ldan pa dang / rab tu stobs dang ldan par 'gyur ro/ /bdag cag gi lus la stobs dang / brtson 'grus dang / mthu chen po bskyed par 'gyur/ bdag cag gi lus la gzi byin dang / dpal dang / phun sum tshogs pa'ang 'jug par 'gyur ro/ /btsun pa bcom ldan 'das/ sa'i lha mo brtan ma bdag chos bdud rtsi'i khu ba 'dis tshim par gyur/ gzi byin dang / stobs dang / brtson 'grus dang / mthu dang / shugs chen po thob par gyur na/ sa chen po dpag tshad stong phrag bdun pa'i '+dzam+bu'i gling 'di sa'i bcud chen pos rnam par 'phel bar 'gyur ro/ /sa chen po gzi byin dang rab tu ldan par 'gyur ro/ /btsun pa bcom ldan 'das/ sa la brten pa'i sems can 'di dag thams cad kyang 'phel zhing rgyas la yangs par 'gyur/ rgya chen por yang 'gyur ro/ /sa la gnas pa'i sems can de dag chen por gyur nas kyang / longs spyod dang / yongs su spyod pa sna tshogs la spyod par 'gyur/ bde ba dag </font><hr>354a<br><font size=+1>


@#/ /kyang myong bar 'gyur ro/ /de dag thams cad bza' ba dang / btung ba dang / bca' ba rnam pa sna tshogs dang / gos dang / mal cha dang / stan dang| gnas dang / khang pa dang / gzhal med khang dang / skyed mos tshal dang / chu bo dang / rdzing dang / chu mig dang / mtshe'u dang / mtsho dang / lteng ka dang / 'di lta bu'i yo byad bde ba rnam pa sna tshogs la gnas pa sa las 'byung ba sa la brten pa 'di dag la spyod par 'gyur ro/ /btsun pa bcom ldan 'das/ rgyu des na sems can de dag thams cad kyis bdag la byas pa gzo bar bgyi'o/ /gdon mi 'tshal bar gser 'od dam pa mdo sde'i dbang po'i rgyal po 'di bsti stang du bgyis te/ mnyan par bgyi/ bkur stir bgyi/ bla mar bgyi/ rim gror bgyi/ mchod par bgyi'o/ /btsun pa bcom ldan 'das/ gang gi tshe sems can de dag chos smra ba de'i gan du mchi ba'i slad du/ rigs tha dad pa dang / khyim tha dad pa dag nas byung ste mchis nas/ gser 'od dam pa mdo sde'i dbang po'i rgyal po 'di nyan par gyur la/ thos nas kyang rang rang gi rigs dang / khyim dang / grong dang / grong rdal tha dad pa dag tu zhugs nas/ rang rang gi </font><hr>354b<br><font size=+1>


khyim na gnas pa dag phan tshun du/ 'di skad ces/ bdag cag gis de ring chos mnyan pa zab mo thos so/ /de ring bdag cag gis bsod nams kyi phung po bsam gyis mi khyab pa yongs su bzung ngo / /bdag cag gis chos mnyan pa des de bzhin gshegs pa bye ba khrag khrig 'bum phrag du ma dag mnyes par byas so/ /deng bdag cag gis chos mnyan pa 'dis sems can dmyal ba las yongs su thar ro/ /dud 'gro'i skye gnas dang / gshin rje'i 'jig rten dang / yi dwags kyi yul las yongs su thar te/ deng bdag cag gis chos mnyan pa 'dis ma 'ongs pa'i dus na/ tshe rabs 'bum phrag du mar lha dang / mi'i skye ba yongs su bzung bar 'gyur ro zhes gtam zer bar 'gyur ro/ /khyim tha dad pa gnas par 'gyur ba de dag sems can gzhan dag la/ gser 'od dam pa mdo sde'i dbang po'i rgyal po 'di las tha na dpe gcig tsam brjod dam/ gser 'od dam pa mdo sde'i dbang po'i rgyal po 'di las tha na le'u gcig gam/ sngon byung ba gcig gam/ tha na byang chub sems dpa'i ming ngam| de bzhin gshegs pa'i mtshan gcig gam/ tha na tshig bzhi pa'i tshigs su bcad pa gcig gam/ tshig gcig gis sems can gzhan dag la thos par </font><hr>355a<br><font size=+1>


@#/ /bgyid dam/ tha na gser 'od dam pa mdo sde'i dbang po'i rgyal po 'di'i mtshan gzhan dag la rab tu ston tam/ btsun pa bcom ldan 'das/ gang dang / gang na sems can rnam pa tha dad pa de dag phyogs rnam pa tha dad pa dag tu mdo sde'i gtan tshigs rnam pa sna tshogs 'di lta bu 'di dag gcig la gcig brjod dam/ thos par bgyid dam/ gtam rgyud brjod na/ btsun pa bcom ldan 'das/ phyogs de dag thams cad shin tu gzi byin dang ldan pa dang / shin tu snum par 'gyur ro/ /sa phyogs de dang / de dag tu sems can de dag thams cad kyi phyir sa'i bcud rnam pa sna tshogs dang / yo byad thams cad rgyas par skye bar 'gyur ro/ /rnam par 'phel bar 'gyur/ shin tu rgyas par 'gyur/ sems can de dag thams cad kyang bde bar 'gyur ro/ /nor che ba dang / longs spyod che ba dang / sbyin pa la mos par 'gyur/ dkon mchog gsum la mngon par dad par 'gyur ro/ /de skad ces gsol pa dang / bcom ldan 'das kyi sa'i lha mo brtan ma la 'di skad ces bka' stsal to/ /sa'i lha mo/ sems can gang la la dag gser 'od dam pa mdo sde'i dbang po'i rgyal po 'di las tha na tshig gcig nyan </font><hr>355b<br><font size=+1>


na| de dag mi'i 'jig rten 'di nas shi 'phos nas sum cu rtsa gsum gyi lha'i ris kyi nang du lha'i ris gang yang rung ba zhig tu skye bar 'gyur ro/ /sa'i lha mo/ sems can gang la la dag gser 'od dam pa mdo sde'i dbang po'i rgyal po 'di dag la mchod pa'i phyir gnas de dag legs par brgyan par byed dam/ tha na gdugs gcig gam / ba dan gcig gam/ ras bcos bu gcig gis g.yogs na/ sa'i lha mo/ rtag tu brgyan pa'i gnas de dag 'dod pa na spyod pa'i lha'i ris bdun po de dag tu lha'i rin po che sna bdun gyis gzhal med khang rgyan thams cad kyis legs par brgyan pa dag tu gnas par 'gyur ro/ /gang gi tshe sems can de dag mi'i 'jig rten 'di nas shi 'phos te/ rin po che sna bdun gyi gzhal med khang de dag tu skye ba de'i tshe/ sa'i lha mo/ rin po che sna bdun gyi gzhal med khang re rer yang lan bdun bdun du skye bar 'gyur ro/ /lha'i bde ba bsam gyis mi khyab pa dag kyang myong bar 'gyur ro/ /de skad ces bka' stsal pa dang / bcom ldan 'das la sa'i lha mo brtan mas 'di skad ces gsol to/ /btsun pa bcom ldan 'das/ des na sa'i lha mo brtan ma bdag dge slong chos smra ba chos kyi khri stan la mchis pa de'i tshe chos </font><hr>356a<br><font size=+1>


@#/ /kyi ston gyi 'og logs kyi sa phyogs de dang / de dag tu gnas par bgyi'o/ /ci nas kyang sangs rgyas 'bum phrag dag la dge ba'i rtsa ba bskrun pa'i sems can de dag gi don gyi slad du gser 'od dam pa mdo sde'i dbang po'i rgyal po 'di dzam+bu'i gling du gnas shing myur du nub par mi 'gyur ba dang / sems can rnams kyang gser 'od dam pa mdo sde'i dbang po'i rgyal po 'di nyan par 'gyur ba dang / ma 'ongs pa'i dus na bskal pa bye ba khrag khrig 'bum phrag du mar lha dang / mi'i bde ba bsam gyis mi khyab pa myong bar 'gyur ba dang / de bzhin gshegs pa dang 'grogs par 'gyur ba dang / ma 'ongs pa'i dus na bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba dang / sems can dmyal ba dang / dud 'gro'i skye gnas dang / gshin rje'i 'jig rten gyi sdug bsngal thams cad shin tu rgyun chad par 'gyur bar lus mi gda' bar bgyis te/ dge slong chos smra ba de'i rkang pa yan lag gi dam pa mgo bos brten par bgyi'o/ /de nas sa'i lha mo brtan mas 'di skad ces gsol to/ /bcom ldan 'das/ bdag la sngags </font><hr>356b<br><font size=+1>


kyi snying po zhig mchis pa 'di lha dang / mi thams cad la phan pa dang / bde bar 'gyur ba ste/ gang skyes pa'am/ bud med dam/ 'khor bzhi po gang la la zhig gis bdag mngon sum du mthong bar 'dod pa dang / nor dang / nor bu rin po che dang / dbyig la sogs pa 'dod pa dang / sman bzang pos tshe ring zhing nad med par 'dod pa dang| phas kyi dgra thams cad dang \?\/ phyir rgol ba thams cad 'jil bar 'dod na/ gnas dben par dkyil 'khor byas te khrus byas gos sar pa bgos te/ rtswa bting ba'i steng du 'dug nas sku gzugs ring bsrel can gyi mdun nam/ mchod rten ring bsrel can gyi mdun du me tog dang / bdug pa dang / zhal zas sna tshogs kyis mchod de skar ma rgyal dang sbyar ba'i tshes brgyad la sems rtse gcig gis gzungs sngags 'di bzlas pas spyan drangs par 'gyur te/ sngags la/ tad+ya thA/ tsi li tsi li| tsu ru tsu ru/ ku ru ku ru/ ku Tu ku Tu/ to Tu to Tu/ ba ha ba ha/ ba ri she/ ba ri she swAhA/ bcom ldan 'das/ 'khor bzhi po gang la la zhig gis bdag spyan drang ba'i phyir sngags kyi tshig 'di brgya rtsa brgyad bzlas na/ bdag de'i gan du mchi bar bgyi'o/ /gzhan yang / bcom ldan 'das/ sems can gang la la zhig bdag dang </font><hr>357a<br><font size=+1>


@#/ /mjal zhing smra bar 'tshal na/ cho ga snga ma'i tshul du bshams te sngags 'di bzlas par bya'o/ /tad+ya \?\ thA/ any+tsa ni kya li k+Sha ni/ shi shi d+ha ri| ha ha/ hi hi/ ku ru ba re swAhA/ bcom ldan 'das/ sngags kyi tshig 'di brgya rtsa brgyad bzlas te sngags snga ma bzlas pa byas na de'i mdun du lus bstan te nges par bsam pa rdzogs par bgyi'o/ /gang sngags 'di zlos par 'dod pas/ sngar lus bsrung ba'i phyir sngags 'di brjod do/ /tad+ya thA/ shi ri shi ri/ bA sha ka ti/ ta ti/ kuT+Ti/ pU ta/ pU te ri/ pU te ri Ti Te/ ba Ti ku ku Ti/ ka ba tsi li swAhA/ bcom ldan 'das/ gzungs sngags 'di sgrub pa'i tshe tshon skud sna lnga la sngags lan re gdab cing mdud pa re re bcing ngo / /de 'dra ba lan nyi shu rtsa gcig bzlas te dpung pa g.yon pa la btags na/ 'jigs pa thams cad bsal te lus bsrungs par 'gyur ro/ /sems mi g.yeng bar sngags 'di bzlas na/ bsam pa thams cad 'grub par 'gyur ro/ /bdag gi tshig 'di mi slu bar ni sangs rgyas dkon mchog dang / chos dkon mchog dang / dge 'dun dkon mchog rnams bdag la mngon du gzigs shing dgongs par gsol/ /de nas bcom ldan </font><hr>357b<br><font size=+1>


'das kyis sa'i lha mo brtan ma la legs so zhes bka' stsal to/ /gang khyod kyis bden pa'i sngags kyi tshig 'dis mdo sde'i dbang po 'di dang / chos smra ba de la bsrung ba byas pa de ni legs so/ /legs so/ /de'i phyir khyod kyang \?\bsod nams kyi tshogs dpag tu med pa dang ldan par 'gyur ro/ /gser 'od dam pa mdo sde'i dbang po'i rgyal po las/ sa'i lha mo brtan ma'i le'u zhes bya ste bco brgyad pa'o// //de nas gnod sbyin gyi sde dpon chen po yang dag shes gnod sbyin gyi sde dpon chen po nyi shu rtsa brgyad dang lhan cig tu stan las langs te bla gos phrag pa gcig tu bgos nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /btsun pa bcom ldan 'das/ da ltar dang / ma 'ongs pa'i dus na/ gser 'od dam pa mdo sde'i dbang po'i rgyal po 'di grong ngam/ grong khyer ram/ grong rdal lam/ ljongs sam/ dgon pa'i phyogs sam/ ri'i sman ljongs sam / pho brang 'khor gang du 'byung bar 'gyur bar der/ btsun pa bcom ldan 'das/ gnod sbyin gyi sde dpon chen po yang dag shes bdag gnod sbyin gyi sde dpon chen po </font><hr>358a<br><font size=+1>


@#/ /nyi shu rtsa brgyad po de dag dang lhan cig tu grong ngam/ grong khyer ram/ grong rdal lam/ ljongs sam/ dgon pa'i phyogs sam/ ri'i sman ljongs sam/ pho brang 'khor der mchi bar bgyi'o/ /lus mi gda' bar bgyi ste/ dge slong chos smra ba de la bsrung bar bgyi'o/ /yongs su bskyab pa dang / yongs su gzung ba dang / yongs su bskyang ba dang / chad pa spang ba dang / zhi ba dang / bde legs su 'gyur bar bgyi'o/ /skyes pa'am/ bud med dam/ khye'u'am bu mo chos nyan pa de dag thams cad dang / gang su dag gser 'od dam pa mdo sde'i dbang po'i rgyal po 'di las tha na tshig bzhi pa'i tshigs su bcad pa gcig nyan pa dang / tha na tshig gcig gam/ tha na gser 'od dam pa mdo sde'i dbang po'i rgyal po 'di las byang chub sems dpa'i ming gcig gam/ de bzhin 
 pa'i mtshan cig tsam thos par gyur te gzung ba dang / tha na gser 'od dam pa mdo sde'i dbang po'i rgyal po 'di'i ming thos par 'gyur te/ gzung ba de thams cad kun tu bsrung bar bgyi'o/ /yongs su bskyab pa dang / yongs su gzung ba dang / yongs su bskyang ba dang / zhi ba dang / bde legs su 'gyur bar bgyi'o/ /rigs </font><hr>358b<br><font size=+1>


de dag dang / khyim de dag dang / grong de dag dang / grong khyer de dag dang / grong rdal de dag dang / dgon pa de dag dang / pho brang 'khor de dag kyang kun tu bsrung bar bgyi'o/ /yongs su bskyab pa dang / yongs su gzung ba dang / yongs su bskyang ba dang / chad pa spang ba dang / zhi ba dang / bde legs su 'gyur bar bgyi'o/ /btsun pa bcom ldan 'das/ rgyu gang gis bdag gnod sbyin gyi sde dpon chen po yang dag shes zhes ming du chags par gyur ce na/ 'di ni btsun pa bcom ldan 'das nyid kyis mngon sum lags te/ btsun pa bcom ldan 'das/ bdag gis chos thams cad 'tshal to/ /chos thams cad yongs su 'tshal to/ /chos thams cad khong du chud do/ /chos thams cad ji snyed pa dang / chos thams cad ji lta ba dang / chos thams cad gnas pa gang lags pa dang / chos thams cad gang dag lags pa dang / chos thams cad kyi rigs gang dag lags pa dang / btsun pa bcom ldan 'das/ chos thams cad bdag la mngon sum mo/ /btsun pa bcom ldan 'das/ chos thams cad la bdag gi ye shes snang ba bsam gyis mi khyab bo/ /ye shes kyi gsal ba bsam gyis mi khyab bo/ /ye shes kyi rgyu ba bsam gyis </font><hr>359a<br><font size=+1>


@#/ /mi khyab bo/ /ye shes kyi phung po bsam gyis mi khyab bo/ /btsun pa bcom ldan 'das/ chos thams cad la bdag gi ye shes kyi yul 'jug pa bsam gyis mi khyab bo/ /btsun pa bcom ldan 'das/ ji ltar bdag chos thams cad yang dag par 'tshal ba dang / yang dag par yongs su brtags pa dang / yang dag pa yongs su 'tshal ba dang / yang dag par rnam par blta ba dang / yang dag par khong du chud pa'i rgyu des na/ btsun pa bcom ldan 'das/ bdag gnod sbyin gyi sde dpon chen po yang dag shes zhes ming du chags so/ /btsun pa bcom ldan 'das/ bdag gis dge slong chos smra ba de'i tshig brgyan par bgyi ba'i slad du spobs pa nye bar sgrub par bgyi'o/ /ci nas dge slong chos smra ba de'i lus mi ngal bar 'gyur ba dang / lus kyi dbang po bde bar 'gyur ba dang / rab tu dga' ba skye bar 'gyur ba dang / gang gi slad du sangs rgyas 'bum phrag dag la dge ba'i rtsa ba bskrun pa'i sems can rnams kyi don gyi slad du gser 'od dam pa mdo sde'i dbang po'i rgyal po 'di dzam+bu'i gling du yun ring du gnas shing myur du nub par mi 'gyur ba dang / sems can rnams kyang gser 'od </font><hr>359b<br><font size=+1>


dam pa mdo sde'i dbang po'i rgyal po 'di nyan par 'gyur ba dang / ye shes kyi phung po bsam gyis mi khyab pa thob par 'gyur ba dang / shes rab dang ldan par 'gyur ba dang / bsod nams kyi phung po rab tu 'dzin par 'gyur ba dang / ma 'ongs pa'i dus na bskal pa bye ba khrag khrig 'bum phrag du mar lha dang / mi'i bde ba bsam gyis mi khyab pa dag myong bar 'gyur ba dang / de bzhin gshegs pa dang 'grogs par 'gyur ba dang / ma 'ongs pa'i dus na bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba dang / sems can dmyal ba dang / dud 'gro'i skye gnas dang / gshin rje'i 'jig rten gyi sdug bsngal thams cad rab tu zhi bar bgyi ba'i slad du de'i spu'i bu ga rnams su gzi byin stsal bar bgyi'o/ /de'i lus la mthu dang / stobs dang / brtson 'grus chen po bskyed par bgyi'o/ /de'i ye shes kyi snang ba bsam gyis mi khyab par bgyi'o/ /de'i dran pa khong du chud par bgyi'o/ /de cher spro bar bgyi'o/ /de nas gnod sbyin gyi sde dpon chen po yang dag shes kyis 'di skad ces gsol to/ /bcom ldan 'das/ bdag la gzungs sngags shig mchis pa 'di sems can thams cad la phan pa dang / </font><hr>360a<br><font size=+1>


@#/ /snying brtse ba'i phyir bcom ldan 'das kyi spyan sngar bdag nyid kyis sngags 'di 'don par bgyi'o/ /sngags la/ na mo bud+d+ha ya/ na mo d+harmA ya/ na maHsaM g+hA ya/ na mo brah+ma ya/ na mo in+d+ra ya/ na maHtsa tu ra NAM/ mahA rA dzA nAn/ tad+ya thA/ hi li hi li/ mi li mi li/ gau ri/ mahA gau ri/ san+d+ha ri/ / mahA gan+d+ha ri/ dri mi Di/ mahA dri mi Di/ daN+Da khu khun+ta/ ha ha ha ha/ hi hi hi hi/ hu hu hu hu/ ha lo d+ha me/ gu d+ha me/ tsa tsa tsa tsa/ tsi tsi tsi tsi/ tsu tsu tsu tsu/ tsaN+De shwa ra/ shi kha ra/ shi kha ra/ ut+ti Sh+Thi he b+ha ga bAn/ saM bid dz+nyA ya swAhA/ gang la la zhig gis rig sngags 'di 'chang zhing 'dzin na bdag gis de la 'tsho ba'i yo byad bsod snyoms dang / gos dang / me tog dang / 'bras bu dang / nor dang / rin po che la sogs pa thams cad stsal bar bgyi'o/ /gang la la zhig bu pho mo smos pa dang / bran pho dang / bran mo dang / gser dang / dngul dang / rin po che dang / rgyan la sogs pa'i yo byad 'dod na'ang bdag gis de la yid bzhin du so sor stsal bar bgyi'o/ /rig sngags 'di'i mthu dang / gzi brjid chen po dang ldan pa'i phyir gang gsang sngags 'di zlos pa'i tshe/ bdag myur du de'i gan </font><hr>360b<br><font size=+1>


du mchis te ci'ang thogs pa med par 'grub par bgyi'o/ /gsang sngags 'di sgrub pa'i cho ga ni/ thog mar gnod sbyin gyi bdag po chen po yang dag shes kyis gzugs/ srid chags bzhi pa'am/ lnga pa lag na dgra sta thogs pa bris pa'i mdun du dkyil 'khor gru bzhir byas pa'i grwa bzhir sbrang rtsi'am/ bu ram chus gang ba'i bum pa bzhi zhogs la/ byug pa dang / phye ma dang / bdug pa bsreg cing me tog gi phreng bas kyang mchod par bgyi'o/ /yang dkyil 'khor de'i mdun du sbyin sreg gi thab khung brkos pa la dud pa med pa'i nang du mar dang / yungs kar du bsres la/ sngags lan re bzlas shing thab de'i nang du sbyin sreg bya'o/ / de ltar lan brgya rtsa brgyad bsregs pa dang / bdag de la lus mngon par ston te/ khyod ci 'dod ces dri bar bya'o/ /de nas sngags grub pa des kyang ci 'dod pa de la smos shig dang / ci 'dod pa de thams cad sbyin par byed do/ /gang gser dngul 'dod pa dang / gter tshol bar 'dod pa dang / lha'i drang srong 'dod pa'ang 'grub ste nam mkha' la 'gro'o/ /gzhan yang / lha'i mig dang / pha rol gyi sems shes pa la sogs pa'i mngon par shes pa thams cad kyang thob par byed </font><hr>361a<br><font size=+1>


@#/ /do| |sems can thams cad la yid bzhin du dbang bsgyur zhing nyon mongs pa thams cad kyi rgyun bcad de rnam par grol ba thob par 'gyur ro| |de nas bcom ldan 'das kyis gnod spyin gyi sde dpon chen po yang dag shes la legs so zhes bka' stsal te legs so/ /legs so/ /gang khyod kyis sems can thams cad la phan zhing bde ba dang / dam pa'i chos 'di yongs su bsrung ba'i phyir gsang sngags kyi tshig 'di smras pas bsod nams dpag tu med pa 'phel bar 'gyur ro/ /gser 'od dam pa mdo sde'i dbang po'i rgyal po las/ gnod sbyin gyi dbang po yang dag shes kyi le'u zhes bya ste bcu dgu pa'o// //de nas sa'i lha mo brtan ma zhes bya ba de 'khor mang po de'i nang na 'dug pa stan las langs te/ bcom ldan 'das kyi zhabs la mgo bos phyag btsal nas /thal mo sbyar ba btud de 'di skad ces gsol to/ /bcom ldan 'das/ gang yul 'khor na mi'i rgyal po byed pas yang dag pa'i chos mi spyod na/ yul gyi srid 'dzin cing sems can mang po la bde ba dang / rang gi lus rgyal thabs mthon po'i sa na yun ring por gnas </font><hr>361b<br><font size=+1>


par mi 'gyur bas/ bcom ldan 'das/ thugs rje dang ldan pas rgyal po'i bstan bcos yang dag pas yul gyi srid ji ltar 'dzin pa bshad par gsol/ de thos pas mi'i rgyal po rnams chos de lta bus 'jig rten skyong zhing rgyal thabs dam pa la yun ring du gnas pas bde bar 'gyur ba dang / yul 'khor gyi skye bo de dag thams cad kyang yongs su bde par 'gyur ro/ /de nas bcom ldan 'das kyis 'khor mang po'i tshogs kyi nang na sa'i lha mo la 'di skad ces bka' stsal to/ /sa'i lha mo| khyod de'i phyir shin tu legs par nyon cig /sngon byung ba 'das pa'i dus na rgyal po stobs kyi dbang po'i tog ces bya ba la bu mdzes pa'i tog ces bya ba de| spyi bo nas dbang bskur nas ring por ma lon pa zhig na/ yab mchog gi rgyal po dbang po'i tog las blangs pa/ rgyal po'i bstan bcos lha'i dbang po'i dam tshig ces bya ba zhig yod de/ ngas rgyal po'i bstan bcos lha'i dbang po'i dam tshig des lo nyi khri'i bar du rgyal po nyid byas par gyur te tha na sems kyi skad cig gcig tsam gyis tshod kyang sngon chos ma yin pa'i phyogs 'ga' zhig la gnas par ma shes so/ /bu| rgyal po'i bstan bcos lha'i dbang po'i dam tshig </font><hr>362a<br><font size=+1>


@#/ /ces bya ba de gang zhe na/ de nas/ rigs kyi lha mo/ de'i tshe de'i dus na rgyal po stobs kyi dbang po'i tog ces bya bas bu rgyal po mdzes pa'i tog la rgyal po'i bstan bcos lha'i dbang po'i dam tshig ces bya ba tshigs su bcad pa 'di dag gis rgya cher yang dag par rab tu bstan to/ /sems can kun la phan byed pa/ /the tshom thams cad gcod pa po/ /nyes byas thams cad 'jig byed pa/ /rgyal po'i bstan bcos bshad par bya/ /rgyal po thams cad so so nas/ /dga' ba'i sems su 'gyur byos la/ /lha yi dbang po'i dam tshig kun/ /thal mo sbyar te nyan par byos/ /rdo rje'i 'byung gnas ri dbang 'dir/ /lha yi dbang po 'dus pa na/ /tshangs dbang la ni dri ba'i phyir/ /'jig rten skyong ba rnams kyang langs/ /khyod ni lha gtso tshangs pa ste/ /khyod ni lha rnams dbang phyug lags/ /khyod ni bdag cag the tshom gcod/ /bdag cag dogs pa bcad du gsol/ /mir skyes pa yi rgyal po la/ /ji lta bur ni lha zhes bgyi| |gang gis rgyus na rgyal po la/ /lha sras zhes ni bgyi bar 'gyur/ /gal te lha ni ji lta bur/ /mi yi 'jig rten 'dir skyes shing / /mi bdag gyur te </font><hr>362b<br><font size=+1>


mi rnams la/ /rgyal po nyid ni bgyid par 'gyur/ /'jig rten skyong bas tshangs dbang la/ /de skad yongs su dris pa dang / /lha yi gtso bo tshangs pa des/ /'jig rten skyong la 'di skad smras/ /de ltar 'jig rten skyong rnams kyis/ /de ltar bdag la dris pas na/ /sems can kun la phan pa'i phyir/ /bstan bcos dam pa kho bos bstan/ /mi yi gnas su skyes pa ni/ /rgyal po rnams kyi skye bo dang / /rgyu gang gis na yul rnams su/ /rgyal bor 'gyur ba bshad par bya/ /lha dbang rnams kyi byin brlabs kyi/ /ma yi rum du 'jug gyur te/ /lha yis sngar ni byin brlabs nas/ /phyi nas mngal du 'jug par 'gyur/ /mi yi 'jig rten skyes kyang ni/ /mi yi dbang por gyur ba yin/ /lha las skyes par gyur pas na/ /de ni lha yi sras zhes bya/ /khyod ni lha kun bu yin zhes/ /sum cu rtsa gsum lha dbang gis/ /rgyal po'i skal ba byin nas ni/ /mi rnams la ni dbang por sprul/ /nyes par byas pa rnams 'gog pa/ /chos ma yin pa gzhig pa dang / /sems can legs byed dgod pa dang| |lha yi gnas su dgye ba'i phyir/ /mi yi dbang po mi shas dang / /lha yis shas dang dri za'i shas/ /gdol pa'i shas dang srin shas kyis/ /nyes par byed </font><hr>363a<br><font size=+1>


@#/ /pa zlog par byed/ /legs par bya ba byed rnams la/ /mi yi dbang po pha ma'i shas/ /rnam smin 'bras bu bstan pa'i phyir/ /lha yi rgyal por byin gyis brlabs/ /tshe 'di legs par byas pa dang / /nyes pa byas pa'i las rnams kyi/ /rnam smin 'bras bu bstan pa'i phyir/ /lha yis rgyal por byin gyis brlabs/ /yul ni nye byas gnas pa dag /gang tshe rgyal pos yal bor zhing / /sdig pa can gyi skye bo la/ /mthun pa'i chad pas mi gcod cing / /nyes par byed pa yal bor ba/ /de tshe chos min shin tu 'phel/ /'thab mo dang ni g.yo rnams kyang / /yul 'khor der ni phyi phyir 'byung / /sum cu rtsa gsum khang pa na// lha yi dbang po 'khrug par 'gyur/ /yul na nyes byed gnas pa dag /gang tshe rgyal pos yal bor ba/ /de tshe g.yo ni mi bzad pa/ /drag po rnams kyis yul 'joms 'gyur/ /pha rol dmag tshogs lhags nas su/ /yul 'khor de ni rnam par 'jig /longs spyod rnams dang rigs kyang 'jig /gang gi nor bsags yod pa yang / /g.yo byed rnam pa mang po yis/ /phan tshun du ni 'phrog par 'gyur/ /bya ba gang gis rgyal po nyid/ /bya ba de ni mi byed na/ /glang chen dbang </font><hr>363b<br><font size=+1>


pos gling \?\ bu bzhin/ /rang gi yul 'khor rnam par 'jig /ma rungs pa yi rlung ldang zhing / /ma rungs pa yi char pa 'bab/ /nyi ma dang ni zla ba dang / /gza' dang rgyu skar ma rungs 'gyur/ /rgyal pos yal bar bor na der/ /sa bon lo tog me tog 'bras/ /legs par smin par mi 'gyur zhing / /mu ge dag kyang 'byung bar 'gyur/ /yul na nyes byed gnas pa dag /gang tshe rgyal pos yal por na/ /de tshe lha rnams khang pa na/ /yid ni dga' bar mi 'gyur ro/ /lha rgyal dbang po de dag kun/ /rgyal de chos dang mi ldan de/ /chos min phyogs la gnas pa'o zhes/ /phan tshun du ni smra bar 'gyur/ /rgyal 'dis ring por mi thogs par/ /lha rnams 'khrug par byed par 'gyur/ / lha rnams rab tu 'khrugs pas nas/ /de yi yul ni rnam par 'jig /yul du chos min 'byung gyur zhing / /mtshon chas kyang ni 'jig par 'gyur/ /g.yon rnams dang ni 'thab mo dang / /nad kyang kun tu 'byung bar 'gyur/ /lha dbang rnams ni rab khros shing / /lha rnams kyis kyang yal bar 'dor/ /yul 'khor de ni 'jig par 'gyur/ /rgyal po de ni mya ngan rnyed/ /spun nam yang na bu yang rung / /sdug pa rnams dang bral bar 'gyur/ /sdug pa'i chung ma dang yang 'bral/ /yang na </font><hr>364a<br><font size=+1>


@#/ /bu mo 'chi bar 'gyur/ /skar ma dag kyang ltung bar 'gyur/ /de bzhin nyi ma 'dra ba 'byung / /pha rol gyi ni dmag tshogs dang / / mu ge shin tu 'byung bar 'gyur/ /de yis glang po phangs pa dang / /blon po phangs pa 'chi bar 'gyur/ /de yi 'og tu rnga mo ni/ /phangs pa dag ni 'chi bar 'gyur// khyim dang longs spyod nor rnams kyang / /phan tshun du ni 'phrog par 'gyur/ /yul yul du ni mtshon cha yis/ /phan tshun du ni 'debs par 'gyur/ /'thab mo dag dang rtsod dang g.yo/ /yul rnams su ni 'byung bar 'gyur/ /yul 'khor du ni gdon 'jug cing / /mi bzad pa yi nad kyang 'byung / /de yi 'og tu sbyin gnas kyang| |chos dang ldan pa ma yin 'gyur/ /de yi 'khor dang blon po yang / /chos dang ldan pa ma yin 'gyur/ /chos dang mi ldan skye bo la/ /de yi 'og tu mchod byed 'gyur/ /chos dang ldan pa'i sems can la/ /rtag tu chad pas gcod par 'gyur/ /chos dang mi ldan skye bo bkur/ /chos ldan chad pas bcad pas na/ / der ni chu dang rgyu skar rlung / /rnam gsum rnam par 'khrug par 'gyur/ /chos min skye bo bzung bas na/ /dam chos ro yi snying po mdangs/ /sems can </font><hr>364b<br><font size=+1>


mdangs dang sa yi bcud/ /dngos po rnam gsum rnam par 'jig /skye bo ngan pa rab bkur cing / /skye bo dam ba smad pas na/ /'chi dang lce 'bab mu ge dang / /rnam pa gsum ni der 'byung 'gyur/ /'bras bu lo tog ro dang mdangs/ /de yi 'og tu med par 'gyur/ /sems can nad pa mang po dag /yul rnams su ni 'byung bar 'gyur/ /mngar zhing che ba'i 'bras bu dag /yul rnams na ni yod pa yang / /kha ba dang ni tsha ba dang / /chung ba dag ni nyid du 'gyur/ /rtse dang dgod dang dga' ba dang| |sngon chad dga' ba'i dngos po dag /dga' ba nyams shing mi dga' 'gyur/ /nyon mongs brgya yis rnam par 'khrugs/ /lo tog rnams dang 'bras bu yi/ / snum dngos khu ba zad pas na/ /lus dang khams dang dbang po la/ /de ltar tshim par mi 'gyur ro/ /sems can rnams ni mdog ngan cing / /mthu chung shin tu rid par 'gyur/ /kha zas mang po zos kyang ni/ /tshim par 'gyur ba ma yin no/ /stobs dang mthu dang brtson 'grus kyang / /de yi 'og tu med par 'gyur/ /sems can brtson 'grus nyams pa dag /yul rnams su ni 'byung bar 'gyur/ /sna tshogs nad kyis gzir ba yi/ /sems can nad mang 'byung bar 'gyur/ /srin po sna </font><hr>365a<br><font size=+1>


@#/ /tshogs las gyur ba'i/ /gza' dang rgyu skar 'byung bar 'gyur/ /chos min phyogs la rab gnas te/ /rgyal po chos dang mi ldan pas// 'jig rten gsum gyi dkyil 'khor na/ /khams gsum rnam par 'jig par 'gyur/ /gang tshe rgyal po phyogs gnas te/ /nyes byed yal bar 'dor ba'i tshe/ / 'di 'dra'i nyes pa du ma dag /yul rnams su ni 'byung bar 'gyur/ /lha dbang rnams kyis dgos gang phyir/ /rgyal po byin gyis brlabs pa yi/ /rgyal po nyid ni mi byed cing / /nyes byed \?\ yal bar 'dor na ni/ /legs par byas pas sems can rnams/ /lha yi gnas su lhar yang skye/ /nyes par byas pas yi dwags dang| |sems can dmyal dang dud 'gror skye/ /gang tshe rgyal po'i yul rnams na/ /nyes byed yal bar 'dor ba'i tshe/ /sum cu rtsa gsum lha gnas nas/ /nyes par byas pas ltung bar 'gyur/ /rgyal po nyid ni mi byed na/ /de ni bu yang ma yin la/ /lha yi rgyal po pha rnams kyi/ /gnas la nyes dang bcas par 'gyur/ / g.yo ni shin tu mi bzad pas/ /gang tshe yul 'khor 'jig 'gyur ba/ /de phyir lha yi dbang rnams kyis/ /mi'i gnas rgyal po byin gyis brlabs/ /nyes </font><hr>365b<br><font size=+1>


par byas pa zhi bya'i phyir/ /legs par byed la 'jud pa ste/ /tshe 'di la ni sems can la/ /yul gyi chos kyi don gyi phyir/ /rnam smin skyed pa rgyal po yin/ /legs byas dang ni nyes byas kyi/ /las kyi rnam par smin pa'i 'bras/ /rnam pa tha dad bstan pa'i phyir/ /byed pa gang yin rgyal por brjod/ /bdag gi don dang gzhan don dang / / yul gyi chos kyi don gyi phyir/ /lha tshogs rnams kyi byin gyis brlabs/ /lha rnams dag kyang rjes yi rang / /yul 'khor dag na skye bo ni/ /sdig can g.yon can 'dul ba dang / /yul gyi don gyi chos kyi phyir/ /srog kyang rgyal srid rnams kyang btab/ /chos ma yin pa bzod byed cing / /shes bzhin yal bar 'dor ba ni/ /yul na 'jigs pa mi bzad pa/ /de 'dra gzhan ni yod ma yin/ /ji ltar g.yo rnams 'byung ba la/ /g.yo byed chad par ma bcad na/ /yul du shin tu mi bzad pa'i/ / g.yo rnams phyir ni 'byung bar 'gyur/ /glang chen rnams kyis rdzing chen bzhin/ /yul 'khor de ni rnam par 'jig /lha dbang rnams kyang 'khrug par 'gyur/ /lha yi gnas ni rnam par 'jig /yul du dngos po thams cad ni/ /ma rungs par yang 'gyur bas na/ /de phyir sdig pa byed pa rnams/ /nyes pa'i rim bzhin gdul bar </font><hr>366a<br><font size=+1>


@#/ /bya| |chos kyi yul 'khor bskyang ba bya/ /chos ma yin pa spyad mi bya/ /srog kyang yongs su gtang bya zhing / /nyes mgon bya bar mi bya'o// skye bo gnyen dang skye bo gzhan/ /yul 'khor skye bo thams cad la/ /rgyal pos phyogs kyang gcig bya yi/ /phyogs su lhung bar gyur ta re/ /rgyal po chos dang ldan pa yi| |grags pa 'jig rten gsum gang ste/ sum cu rtsa gsum gnas rnams na/ /lha yi dbang po dgar gyur te/ /dzam+bu'i gling na nged kyi bu/ /'di ltar chos ldan rgyal po yin/ /chos kyi yul 'khor der bstan nas/ /legs par 'byung la skye bo bkod/ /rgyal po de ni legs byed pas/ /skye bo dag ni 'dir 'gyed de/ / lha dang lha yi bu rnams kyis/ /lha gnas gang bar byed snyam mo/ /chos kyi yul 'khor der bstan nas/ /rgyal po rnams ni rab tu dga'/ /lha dbang rab tu dwang gyur pas/ /mi yi rgyal po de la srung / /nyi zla dang ni de bzhin du/ /rgyu skar legs par rgyu bar 'gyur/ /rlung yang dus su ldang 'gyur zhing / /char yang dus su 'bab par 'gyur/ /lha gnas rnams dang de bzhin du/ /yul 'khor rnams su lo legs byed/ /lha dang lha yi bu rnams kyis/ /lha yi gnas rnams gang bar byed/ /de </font><hr>366b<br><font size=+1>


lta bas na rgyal po yis/ /bdag gi phangs pa'i srog btang gi /gang gis 'jig rten bde 'gyur ba/ /dkon mchog chos ni mi btang ste/ /yon tan rnams kyis gang brgyan pa/ /chos dang ldan pa bsten par bya/ /rang gi skye bos rtag dga' ba/ /rtag par sdig pa rnam par spongs/ /chos kyi yul 'khor bskyang bar bya/ /chos kyang yang dag bstan par bya/ /legs par byed la sems can dgod/ /nyes byed las ni bzlog par bya/ /gang tshe sdig pa byed pa rnams/ /tshul bzhin gdul bar byed pa'i tshe| |yul 'khor du ni lo legs shing / /rgyal po gzi brjid ldan par 'gyur/ /rgyal po grags dang ldan 'gyur zhing / /skye dgu rnams kyang bde bar skyong / /gser 'od dam pa mdo sde'i dbang po'i rgyal po las/ rgyal po'i bstan bcos lha'i dbang po'i dam tshig ces bya ba'i le'u ste nyi shu pa'o// //bam po dgu pa/ de nas de'i tshe bcom ldan 'das kyis tshigs su bcad pa 'di dag bka' stsal to/ /gang che 'khor los bsgyur ba'i rgyal por 'gyur/ /de tshe rgya mtshor bcas pa'i sa rnams dang / /gling bzhir rin chen gang bar bcas pa yang / /sngon gyi rgyal ba dag la ngas phul lo/ /chos kyi sku de yongs su btsal ba'i phyir/ /gang sngon yid </font><hr>367a<br><font size=+1>


@#/ /du 'ong zhing phangs pa yi/ /dngos po de dag ngas ni ma btang med/ /bskal pa du mar phangs pa'i srog kyang btang / /ji ltar sngon gyi bskal pa bsam yas na/ /rin chen gtsug tor can gyi bde bar gshegs/ /mya ngan 'das pa'i bde bar gshegs pa de'i/ /bstan la legs byung zhes bya'i rgyal po byung / /de ni gling bzhi'i dbang phyug 'khor los bsgyur/ /rgya mtshor thug pa'i sa la rab tu ston/ /rgyal dbang gsung phyir rgyal po'i pho brang na/ /de tshe rgyal po dam pa gnyid kyis log /rmi lam du ni sangs rgyas yon tan thos/ /chos smra rin chen sogs pa gnyid dkyil na/ /rnam pa lhang nger mdo sde'i rgyal po 'di/ / rab tu 'chad cing 'dug ba mthong bar 'gyur/ /rgyal po de ni gnyid kyis log las sad/ /de yi lus kun dga' bas khyab par gyur/ /mgu nas rgyal po khab nas sngon byung ste/ /nyan thos dge 'dun mchog gi gnas su song / /rgyal ba'i nyan thos rnams la mchod byed cing / /'phags pa'i dge 'dun 'di ni rin chen sogs/ /yon tan ldan pa'i dge slong gang yod ces/ /chos smra rin chen sogs pa kun tu dris/ /de yi tshe na rin chen sogs pa ni/ /phug </font><hr>367b<br><font size=+1>


gzhan zhig gi nang na 'dug gyur te/ /mdo sde'i rgyal po 'di ni rnam sems la/ /kha ton byed cing bde bar rab tu 'dug /dge slong chos smra rin chen sogs pa de/ /phun sum gzi brjid dpal gyis rab 'bar zhing / /phug gzhan zhig gi nang na 'dug gyur pa/ /de yi tshe na rgyal po de la bstan/ /'di na chos smra rin chen sogs pa 'di/ /rgyal po'i spyod yul zab mo 'dzin pa ste/ /gser 'od dam pa zhes ni bya ba yi/ /mdo sde'i dbang po'i rgyal po rtag tu ston/ /rin chen sogs pa'i rkang la phyag btsal te/ /rgyal po legs par byung bas 'di skad smras/ /gser 'od dam pa mdo sde'i dbang po'i rgyal/ /zla ba nya ba'i zhal 'dra bshad du gsol/ /rgyal po legs par byung ba de nyid la| |rin chen sogs pas khas ni blangs pas na/ /stong gsum pa yi 'jig rten thams cad du/ /lha rnams thams cad rab tu dga' bar gyur/ /de tshe mi yi dbang po sa phyogs ni/ /gtsang zhing mchog tu khyad par 'phags pa der/ /rin chen chu dang spos chus chag chag btab/ /me tog sil ma bkram ste khri bshams nas/ /rgyal pos khri de gdugs dang rgyal mtshan dang / /dar yug stong phrag du mas legs par brgyan/ /rgyal pos khri der tsan+dan dam pa dag /rnam pa sna tshogs rnams kyang mngon par </font><hr>368a<br><font size=+1>


@#/ /gtor/ /lha dang klu dang lha min mi 'am ci/ /gnod sbyin dbang dang gnod sbyin lto 'phye ches/ /lha yi me tog man dA ra ba'i char/ /khri de la ni mngon par rab tu phab/ /chos 'dod lha ni bye ba khrag khrig stong / /bsam gyis mi khyab gang dag lhags gyur pa/ /rin chen sogs pa mngon par byung ba na// sa la me tog dag gis mngon par 'thor/ /chos smra rin chen sogs pa de nyid kyang / /shin tu lus bkrus gtsang ma'i gos bgos te/ /khri der nye bar song bar byas nas ni/ /thal mo sbyar ba byas te phyag kyang btsal/ /lha dbang dang ni lha dang lha mo rnams/ /bar snang 'dus nas me tog man dA ra'i/ /char pa 'bebs shing sil snyan brgya stong phrag /bsam gyis mi khyab pa dag rab tu sgrogs/ /rin chen sogs pa dge slong chos smra des/ /phyogs bcu dag gi sangs rgyas bye ba stong / bsam gyis mi khyab pa dag dran byas nas/ /de ni mngon par 'dzegs te 'dug par gyur/ /sems can kun la snying brtse bskyed nas ni/ /snying rje'i sems kyang yang dag bskyed byas te/ /rgyal po legs par byung ba de la ni/ /de yi tshe na mdo sde 'di bstan te/ /rgyal po thal mo sbyar byas 'dug nas su/ /tshig gcig gis ni </font><hr>368b<br><font size=+1>


rjes su yi rang ste/ /chos kyi shugs kyis mig nas mchi ma byung / /de yi lus la dga' bas khyab par gyur/ /mdo sde 'di las chod pa bya ba'i phyir/ /de tshe rgyal po legs par byung ba yis/ /yid bzhin nor bu rin chen rgyal po blangs/ /sems can rnams phyir smon lam btab pa ni/ /rin chen bdun dang ldan pa'i rgyan rnams dang / /gang yang 'dzam bu'i gling 'dir sems can rnams/ /bde bar 'gyur ba'i nor bu rin po che'i/ /char pa de ring 'dzam bu'i gling du phob/ /de yi tshe na rin chen sna bdun dang / / dpung rgyan dang ni do shal rna cha mchog /de bzhin zas dang skom dang gos rnams kyang / /gling bzhi dag tu rab tu bab par gyur/ /rgyal po legs par byung bas 'dzam gling du| |rin chen char pa bab pa de mthong nas/ /gling bzhi rin chen gang bar bcas pa ni/ /rin chen gtsug tor can gyi bstan la phul/ /de bzhin gshegs pa shAkya thub pa nga| |rgyal po legs par byung zhes bya bar gyur/ /gling bzhi dag na rin chen gang bcas kyi/ /sa 'di de tshe nga yis yongs su btang / /gang gis rgyal po legs par byung de la/ /de tshe mdo sde 'di ni rab bstan pa/ /rin chen sogs pa chos smra dge slong de/ /de bzhin gshegs pa mi 'khrugs der gyur to/ /ngas gang de tshe mdo sde 'di thos </font><hr>369a<br><font size=+1>


@#/ /shing| |tshig gcig gis ni rjes su yi rang ste/ /ngas ni dge ba'i las ni de nyid dang / /chos nyan pa dang rjes su yi rang bas/ /gser gyi mdog dang bsod nams brgya yi mtshan/ /blta na sdug cing mig tu mngon mdzes la/ /lha stong bye ba rab tu dga' byed pa/ /skye bos mthong na dga' lus rtag tu thob| |bskal pa de ni bye ba brgya stong phrag /dgu bcu rtsa dgu 'khor los bsgyur rgyal gyur/ /bskal pa brgya stong du ma mang por yang / /ngas ni khams kyi rgyal po myong bar 'gyur/ /bskal pa bsam gyis mi khyab brgya byin gyur/ /tshangs pa'i dbang po yid bzhin de yin no/ /gang dag tshad ni nam yang yod min pa'i/ / stobs bcu dpag med ngas ni mnyes par byas/ /ngas gang mdo thos rjes su yi rang ba/ /bsod nams phung po de ltar tshad med mang / /bsam pa ji bzhin ngas ni byang chub thob/ /chos \?\ sku dam pa yang ni ngas thob bo/ /gser 'od dam pa mdo sde'i dbang po'i rgyal po las/ legs par byung ba'i le'u zhes bya ste nyi shu rtsa gcig pa'o// //dpal ldan lha mo/ rigs kyi bu'am/ rigs kyi bu mo dad pa gang la la zhig 'das pa dang / ma 'ongs dang / da ltar byung ba'i </font><hr>369b<br><font size=+1>


sangs rgyas bcom ldan 'das rnams la/ yo byad thams cad kyis mchod pa chen po shin tu rgyas shing rgya che ba bsam gyis mi khyab pa byed par 'dod cing 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi sangs rgyas kyi spyod yul zab mo yongs su shes par 'dod pa des/ gtsug lag khang ngam/ dgon pa'i phyogs kyang rung ste gang na gser 'od dam pa mdo sde'i dbang po'i rgyal po 'di rgya cher yang dag par rab tu ston pa'i sa phyogs der des gdon mi za bar g.yeng ba med pa'i sems kyis rna ba blags te/ gser 'od dam pa mdo sde'i dbang po'i rgyal po 'di mnyan par bya'o/ /de nas bcom ldan 'das kyis don 'di nyid 'khor la rgya cher brjod pa'i phyir de'i tshe tshigs su bcad pa 'di dag bka' stsal to/ /gang zhig sangs rgyas thams cad la/ /bsam yas mchod pa byed 'dod cing / / sangs rgyas kun gyi spyod yul ba/ /zab mo rab tu shes 'dod pa/ /gtsug lag khang ngam gnas khang ngam/ /gang na gser 'od dam pa yi/ /mdo sde'i dam pa 'di ston pa| |sa phyogs der ni 'gro bar bya/ /mdo 'di bsam gyis mi khyab ste/ /yon tan rgya mtsho mtha' yas pas/ /sdug bsngal rgya mtsho du ma las/ /sems can thams </font><hr>370a<br><font size=+1>


@#/ /cad thar bar byed/ /mdo sde yi ni thog ma dang / /dbus dang de bzhin mtha' ma mthong / /mdo sde dbang po rab zab ste/ /'di la dpe ni yod ma yin| |gang gA dang ni sa rnams dang / /rgya mtsho dang ni nam mkha' la/ /gnas pa'i rdul ni gang yang rung / /dper bya bar ni mi nus so/ /chos kyi dbyings la 'jug pa yis| |de yi tshe na 'jug par bya/ /chos kyi bdag nyid mchod rten ni/ /zab mor rab bstan gang yin pa/ /mchod rten de yi dbus na ni/ /rgyal ba shAkya thub pa mthong / / yid du 'ong ba'i dbyangs kyis su/ /mdo sde 'di ni rab tu ston/ /grangs med bsam gyis mi khyab pa'i/ /bskal pa bye ba ji snyed par/ /lha dag dang ni mi rnams kyi| |bde ba dag ni rjes su myong / /gang zhig mdo sde 'di nyan pa/ /de ltar bdag gi bsod nams kyi/ /phung po bsam yas bsgrub snyam du/ /de tshe des ni de ltar shes/ /mes gang 'obs kyis bskor ba yis/ /dpag tshad brgya dag 'da' byed cing / /tshor ba drag po bzod byas nas/ /mdo sde nyan par gang nus pa/ /gtsug lag khang ngam gnas khang du/ /zhugs nas de ma thag tu ni/ /sdig pa rnams ni med par 'gyur/ /rmi ngan mtshan nyid thams cad dang / /gza' dang rgyu skar gnod </font><hr>370b<br><font size=+1>


pa dang / /byad dang gdon ni mi bzad kyang / /zhugs nas de ma thag tu ni/ /thams cad gzhan du phyogs par 'gyur/ /klu yi rgyal po rnams kyis ni/ /rmi lam bstan pa ci 'dra ba/ /der ni pad+ma 'dra ba'i khri/ /de lta bu yang bshams par bya/ /khri de la ni 'dug nas su/ /mdo sde 'di ni rab tu bstan/ /yi ger bris pa bklag par bya/ / de bzhin yongs su chub par bya/ /khri de la ni babs nas su/ /yul gzhan song bar gyur na yang / /khri de la ni yod pa yi/ /cho 'phrul rnams kyang snang bar 'gyur/ /chos smra ba yi gzugs su yang / /des na res 'ga' snang bar gyur/ /res 'ga' sangs rgyas gzugs su ste/ /res 'ga' byang chub sems dpa' yang / /res 'ga' kun tu bzang po dang / /de bzhin 'jam dpal gzugs su te/ /res 'ga' byams pa'i gzugs su yang / /khri de la ni snang bar 'gyur/ /res 'ga' 'od ni 'ba' zhig snang| |res dga' lha rnams snang bar 'gyur/ /yud tsam zhig ni der snang nas/ /de nas mi snang bar yang 'gyur/ /sangs rgyas mthong na bsngags par 'gyur/ /thams cad du yang grub par byed/ /dpal yon bkra shis phun sum tshogs/ /mtshan ma sangs rgyas sprul pa yin/ /rgyal dang dpal dang grags par byed/ /phyir rgol ba yang </font><hr>371a<br><font size=+1>


@#/ /zlog par byed/ /pha rol dgra tshogs rab tu 'joms/ /g.yul du dgra rnams phung bar byed/ /rmi ngan thams cad zhi bar byed/ /sdig pa thams cad rab tu 'jig /sdig pa thams cad rab zhi byed/ /g.yul 'gyed pa na rgyal bar byed/ /dzam+bu'i gling 'dir thams cad du/ /grags pas rab tu gang bar 'gyur/ /de yi dgra rnams thams cad ni/ /shin tu pham pa nyid du 'gyur/ /rtag tu dgra ni choms par 'gyur/ /sdig pa thams cad rnam par spangs/ /g.yul ngo'i gdong las rnam par rgyal/ /dgra dang bral zhing mchog tu dga'/ /tshangs dbang sum cu rtsa gsum dbang / /de bzhin 'jig rten skyong rnams dang / /lag na rdo rje gnod sbyin dbang / /rgyal ba khyu mchog yang dag shes/ /klu yi rgyal po ma dros dang / /de bzhin du ni rgya mtsho dang / /mi 'am ci dbang lha min dbang / /de bzhin nam mkha' lding dbang pos/ /de dag la ni sogs pa dang / /lha rnams de dag thams cad kyang / /chos kyi mchod rten bsam yas la/ /rtag tu mchod pa byed par 'gyur/ /zhe sar bcas pa'i sems can rnams/ /mthong nas shin tu dga' bar 'gyur/ /lha yi dbang po mchog de </font><hr>371b<br><font size=+1>


dag |thams cad 'di snyam sems par 'gyur/ /lha rnams de dag thams cad kyang / /phan tshun du ni smre byed pa/ /bsod nams dpal dang gzi brjid dag /bsags pa de dag kun la bltos/ /gang dag mdo sde zab mo 'di/ /nyan pa'i don du 'dir lhags pa/ /mi de dag ni rab sbyangs pa'i/ /dge ba'i rtsa bas 'dir lhags so/ / dad pa bsam gyis mi khyab pas/ /chos kyi mchod rten gus dang bcas/ /de dag 'jig rten snying rjer ldan/ /de dag sems can phan byed pas/ /de dag zab mo'i chos rnams kyi/ /dam pa'i chos kyi ro yi snod/ /chos kyi dbyings la 'jug pa yi/ /de dag rab tu 'jug pa yin/ /gang dag gser 'od dam pa'i mdo/ /dge ba dam pa 'di nyan pas/ /de dag sngon chad sangs rgyas ni/ /brgya stong rnams la mchod pa yin/ /dge ba'i rtsa ba 'di yis ni/ /mdo 'di nyan pa de dag la/ /lha dbang rgyal po kun dang ni/ /dbyangs can dang ni de bzhin du/ /dpal ldan rnam thos bu dang ni/ /de bzhin rgyal po bzhi rnams dang / /gnod sbyin brgya phrag stong po dag / stobs chen rdzu 'phrul ldan rnams kyis/ /phyogs bzhi dag ni kun nas kyang / /srung ba shin tu byed par 'gyur/ /dbang po zla ba gshin rje dang / /rlung dang chu lha </font><hr>372a<br><font size=+1>


@#/ /nyid dang ni/ /skem byed 'jug sel dbyangs can dang / /bsreg bya za dang skye dgu dang / /stobs chen pha rol gnon byed pa/ /'jig rten skyong ba de kun kyang / /nyin mtshan g.yel ba med par ni/ /de dag rnams la srung bar byed/ /stobs chen gnod sbyin dbang gnyis dang / /sred med bu dang dbang phyug che/ /yang dag shes la sogs pa dag /gzhan yang nyi shu rtsa brgyad dang / /gnod sbyin brgya phrag stong po dag /stobs chen rdzu 'phrul ldan rnams kyis| |'jigs shing skrag pa thams cad las/ /de dag la ni srung bar byed/ /lag na rdo rje gnod sbyin dbang / /gnod sbyin dag ni lnga brgya dang / /byang chub sems dpa' thams cad kyang / /de dag la ni srung bar byed/ /gnod sbyin dbang po nor bu bzang / /de bzhin gang ba bzang po dang / /ji 'jigs dang ni 'phrog \?\ gnas dang / /dmar ser dang ni ser skya dang / /gnod sbyin dbang po re re yang / /gnod sbyin lnga brgya dag gis ni/ /gang dag mdo sde 'di thos pas/ /de dag rnams la srung byed 'gyur/ /dri za sna tshogs sde dang ni/ /rgyal ba khyu mchog rgyal ba'i rgyal/ /nor bu'i mgul dang nges mgrin dang / /de bzhin char pa'i bdag </font><hr>372b<br><font size=+1>


bo dang / /kham po che dang nag po dang / /de bzhin gser 'dra'i skra dang ni/ /lngas rtsen dang ni ra rkang dang / /de bzhin skal ba chen po dang / /yur ba can dang chos skyong dang / spre'u dang de bzhin 'khri byed dang / /khab kyi spu dang gnyen bshes dang / /de bzhin rin chen skra dang ni/ /yul chen can dang khyim med dang / /'dod pa'i mchog dang tsan+dan dang / /mthu bo che dang gangs can dang / /bde ba'i ri nyid de bzhin te/ /stobs chen pha rol gnon byed pa/ /rdzu 'phrul ldan pa de kun kyang / /gang dag mdo sde 'di dga' ba/ /de dag la ni srung bar byed/ /klu yi dbang po ma dros dang / /de bzhin du ni rgya mtsho dang / /e la'i 'dab dang btang bzung dang / /dga' bo nye dga' gnyi ga dang / /klu ni brgya phrag stong po dag /stobs chen rdzu 'phrul ldan pa rnams/ /'jigs shing skrag pa thams cad las/ /de dag la ni srung bar byed/ / stobs chen sgra gcan mi gtong dang / /thag bzangs ris dang bde mchog dang / /rab sim byed dang phrag rtsub dang / /de bzhin lha min dbang gzhan dang / /lha min brgya phrag stong po dag /stobs chen rdzu 'phrul ldan rnams kyis/ /'jigs skrag byung bar gyur pa las/ /de dag la ni srung bar 'gyur/ /'byung po'i ma mo </font><hr>373a<br><font size=+1>


@#/ /'phrog ma ni/ /lnga brgya'i bu dang bcas pa yang / /'dug dang nyal dang ra ro'i tshe/ /de dag la ni srung bar byed/ /gdol pa mo dang gtum mo dang / /de bzhin gnod sbyin gtum mo dang / /dung can dang ni so brtsegs dang / /sems can kun gyi gzi 'phrog ma/ /stobs chen pha rol gnon byed pa| |rdzu 'phrul ldan pa de kun kyang / /phyogs bzhi dag ni kun nas su/ /de dag rnams la srung bar byed/ /dbyangs can dag la sogs pa rnams/ /lha mo bsam gyis mi khyab dang / /dpal la sogs pa de bzhin du/ /lha mo dag ni thams cad dang / /sa yi lha mo nyid dang ni/ /lo thog 'bras bu nags lha dang / / kun dga' shing ljon mchod rten la/ /gnas pa dag dang rlung lha dang / /lha rnams de dag thams cad 'dir/ /rab tu dga' ba'i sems kyis ni/ /gang dag mdo sde 'di dga' ba/ /de dag rnams la srung bar byed/ /tshe dang mdog dang stobs rnams la/ /sems can rnams ni sbyor bar byed/ /dpal dang bsod nams gzi brjid kyi/ /phun sum tshogs pas rtag tu brgyan/ /gza' dang rgyu skar gnod pa dag /de dag thams cad zhi bar byed/ /rgud dang sdig dang rmi ngan pa/ / </font><hr>373b<br><font size=+1>


de dag thams cad zhi bar byed/ /zab cing stobs chen ldan pa yi/ /sa yi lha mo nyid kyang ni/ /gser gyi 'od kyi dam pa yi/ /mdo sde'i dbang po'i ro yis tshim/ /dpag tshad dag ni brgya yi phrag /stong phrag drug cu rtsa brgyad nas/ /rdo rje'i gdan la thug bar du/ /sa yi bcud ni rab tu 'phel/ /dpag tshad brgyar ni tshang ba yi/ /'og tu sa yi bcud song ste/ /de ni phyir yang log nas su/ /sa yi steng dag snum par byed/ /mdo sde mnyan pa'i stobs kyis ni/ /lha rnams de dag thams cad kyang / /gser gyi 'od ni dam pa yi/ /mdo sde'i dbang po'i ros tshim 'gyur/ /gzi byin ldan par rab 'gyur zhing / /de bzhin rab tu stobs ldan 'gyur/ /bde bar 'gyur zhing tshim par 'gyur/ /dzam+bu'i gling 'di thams cad na/ /'bras bu lo thog nags lha rnams/ /sna tshogs ro yis tshim 'gyur zhing / / shin tu rab tu dga' bar 'gyur/ /mdo 'di'i ro yis tshim gyur nas/ /'bras bu rnams dang lo thog dang / /me tog rnam pa sna tshogs dang / /'bras bu shing ljon sna tshogs kyang / /kun nas rab tu skye bar byed/ /'bras bu shing ljon thams cad kyang / /kun dga' dag dang nags tshal rnams/ /me tog rab tu 'chag byed cing / / </font><hr>374a<br><font size=+1>


@#/ /sna tshogs dri ni rab tu 'byin/ /me tog rnam pa sna tshogs dang / /'bras bu sna tshogs ldan pa yi/ /rtswa dang nags tshal thams cad dag /sa yi steng na skye bar byed/ /dzam+bu'i gling 'di thams cad na/ /klu yi bu mo bsam mi khyab/ /rab tu dga' ba'i sems gyur nas/ /rdzing bu'i drung du nyer song ste/ /rdzing bu rnams ni thams cad du/ /ku mu da dang pad+ma dang / /ut+pa la dang de bzhin du/ /pad+ma dkar po sna tshogs skye/ /nam mkha' la ni du ba dang / /sprin gyi dra ba med cing dag |mun pa dang ni rdul med cing / /phyogs rnams rab tu 'od gsal lo/ /nyi ma 'od zer stong ldan yang / /'od zer dra bas 'od kyang 'gyed/ /snang ba dag ni zab mo yis/ /rab tu dga' ba 'char bar 'gyur/ /dbang po nyi ma lha yi bu/ /dzam+bu'i gling gi gser gyi ni/ /gzhal med khang na 'dug pa yang / /mdo sde 'dis ni rab tu tshim/ /dbang po nyi ma rab dga' nas/ /dzam+bu'i gling du 'char byed cing / /'od zer mtha' yas dra ba yis/ /kun nas rab tu snang bar byed| |de ni shar ba tsam gyis kyang / /'od zer dra ba rab gtong zhing / /rdzing bu sna tshogs khengs pa yi/ /pad+ma dag ni kha yang 'byed/ /dzam+bu'i gling ni thams </font><hr>374b<br><font size=+1>


cad du/ /lo thog 'bras bu sman sna tshogs/ /yang dag yongs su smin byed cing / /sa rnams thams cad sim par byed/ /zla ba dang ni nyi ma yang / /de tshe khyad 'phags snang bar 'gyur/ /rgyu skar yang dag 'byung 'gyur zhing / /rlung yang de bzhin ldan bar 'gyur/ /dzam+bu'i gling ni thams cad du/ /kun tu lo yang legs 'gyur te/ /gang na mdo sde 'di yod pa/ /yul 'khor de ni khyad par 'phags/ /gser 'od dam pa mdo sde'i dbang po'i rgyal po las/ gnod sbyin gyi gnas zhes bya ba kun tu srung ba'i le'u ste nyi shu rtsa gnyis pa'o// //de skad ces bka' stsal pa dang / bcom ldan 'das la rigs kyi lha mo byang chub yang dag par sdud pas/ 'di skad ces gsol to/ /btsun pa bcom ldan 'das/ 'bar ba'i khyad par gyi gzi brjid kyi rgyal po la sogs pa lha'i bu khri po dag rgyu gang dang / rkyen gang dang / dge ba'i rtsa ba sbyangs pa ci 'dra ba dang / gang bgyis shing bsags pas skyes bu dam pa gsum po 'di dag byang chub tu lung bstan pa thos nas da ltar sum cu rtsa gsum gyi gnas nas lhags te bcom ldan 'das la chos nyan pa'i slad du mchis te/ 'di lta ste/ byang chub sems dpa' mdzes pa'i tog skyes bu dam pa 'di ma 'ongs pa'i </font><hr>375a<br><font size=+1>


@#/ /dus na bskal pa bgrang ba las 'das pa/ grangs ma mchis pa/ bye ba khrag khrig 'bum phrag du ma 'das pa na 'jig rten gyi khams gser du snang ba zhes bya bar bla na med pa yang dag par rdzogs pa'i byang chub tu mngon par 'tshang rgya ste/ de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang| mi rnams kyi ston pa/ sangs rgyas bcom ldan 'das gser dang / rin po che'i 'byung gnas gdugs brtsegs zhes bya ba 'jig rten du 'byung ngo / /ji tsam na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser dang / rin po che'i 'byung gnas gdugs brtsegs de yongs su mya ngan las 'das nas dam pa'i chos nub ste de'i bstan pa yong ye thams cad du nub par gyur pa na/ khye'u dngul gyi tog 'di de bzhin gshegs pa de'i mtshams sbyor zhing 'jig rten gyi khams rdul med pa'i rgyal mtshan de nyid du de bzhin gshegs pa dgra bcom pa yang dag par rdzogs pa'i sangs rgyas </font><hr>375b<br><font size=+1>


gser dzam+bu'i gser gyi rgyal mtshan gyi 'od ces bya ba 'jig rten du 'byung ngo / /ji tsam na de bzhin gshegs pa dgra bcom pa yang dag par rdzogs pa'i sangs rgyas gser dzam+bu'i gser gyi rgyal mtshan gyi 'od de yongs su mya ngan las 'das nas de'i bstan pa yong ye thams cad du nub pa'i bar du gyur pa na/ khye'u dngul gyi 'od de bzhin gshegs pa de'i mtshams sbyor zhing 'jig rten gyi khams rdul dang bral ba'i rgyal mtshan de nyid du bla na med pa yang dag par rdzogs pa'i byang chub tu mngon par rdzogs par 'tshang rgya ste/ de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom ldan 'das gser brgya'i 'od zer du snang ba'i snying po zhes bya ba 'jig rten du 'byung ngo zhes de dag thams cad bcom ldan 'das kyis de ltar bla na med pa yang dag par rdzogs pa'i byang chub tu lung bstan to/ /de nas bcom ldan 'das la rigs kyi lha mo byang chub yang dag par bsdus pa 'di skad ces gsol to/ /btsun pa bcom ldan 'das/ 'bar ba'i khyad par gyi gzi </font><hr>376a<br><font size=+1>


@#/ /brjid kyi rgyal po la sogs pa lha'i bu khri bo de dag ni de tsam du byang chub sems dpa'i spyod pa rlabs po cher yang ma gyur/ sngon pha rol tu phyin pa drug po dag la spyad skad kyang mi gda'/ rkang pa dang / mig dang / lag pa dang / yan lag gi dam pa mgo dang / bu dang / chung ma dang / bu mo phangs pa dag sngon yongs su btang skad kyang mi gda'/ nor dang / 'bru dang / 'gron bu dang / gser dang / nor bu dang / mu tig dang / bai DUR+Ya dang / dung dang / man shel dang / byu ru dang / dngul dang / sa le sbram dang / rin po che rnams sngon yongs su btang skad kyang mi gda'/ bza' ba dang / btung ba dang / bzhon pa dang / gos dang / mal cha dang / stan dang / khang khyim dang / gzhal med khang dang / kun dga' ra ba dang / rdzing bu dang / lteng ka dag sngon yongs su btang skad kyang mi gda'/ glang po che dang / ba lang dang / rta pho rgod dang / bran pho dang / bran mo sna tshogs sngon yongs su btang skad kyang mi gda'/ 'di lta ste/ byang chub sems dpa' bye ba khrag khrig 'bum phrag grangs ma mchis pa du ma de dag ni sangs rgyas bcom ldan 'das rnams las de bzhin gshegs pa'i ming du lung bstan pa ma </font><hr>376b<br><font size=+1>


thob kyi bar du sngon bskal pa bye ba khrag khrig 'bum phrag grangs ma mchis pa du ma nas de dag ni de bzhin gshegs pa bye ba khrag khrig 'bum phrag grangs ma mchis pa du ma dag la mchod pa sna tshogs tha dad pa 'bum phrag bsam gyis mi khyab pa du ma dag dang / yo byad thams cad kyis mchod par bgyis/ yongs su gtang bar bgyi ba'i dngos po thams cad kyang yongs su btang / lag pa dang / rkang pa dang / mig dang / yan lag gi dam pa mgo dang / bu dang / chung ma dang / bu mo phangs pa yongs su gtang bar bgyi ba rnams kyang yongs su btang / nor dang / 'bru dang / 'gron bu dang / gser dang / nor bu dang / mu tig dang / bai DUR+Ya dang / dung dang / man shel dang| byu ru dang / dngul dang / sa le sbram rnams yongs su gtang bar bgyi ba rnams kyang yongs su btang / bza' ba dang / btung ba dang / bzhon pa dang / gos dang / mal cha dang / stan dang / khang khyim dang / gzhal med khang dang / kun dga' ra ba dang / skyed mos tshal dang / rdzing bu dang / lteng ka dang / glang po che dang / ba lang dang / rta pho rgod dang / bran pho dang / bran mo yongs su gtang bar bgyi ba rnams kyang yongs su btang zhing rim gyis pha rol tu phyin pa drug po thams cad yongs su rdzogs par </font><hr>377a<br><font size=+1>


@#/ /bgyid/ rim gyis pha rol tu phyin pa drug po dag rdzogs par bgyis nas bde ba 'bum phrag mang po'ang 'byor par 'gyur na/ btsun pa bcom ldan 'das/ rgyu gang dang / rkyen gang dang / dge ba'i rtsa ba sbyangs pa ci 'dra ba zhig gis 'bar ba'i khyad par gyi gzi brjid kyi rgyal po la sogs pa lha'i bu khri po 'di dag bcom ldan 'das la chos nyan pa'i slad du mchis pa 'di dag bcom ldan 'das kyis 'di ltar ma 'ongs pa'i dus na bskal pa bye ba khrag khrig 'bum phrag grangs med pa du ma na 'jig rten gyi khams sA la'i dbang po mthong po'i rgyal mtshan dang ldan pa zhes bya ba de nyid du rigs dang / rus gcig pa dang / ming gcig tu rim gyis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur te rab tu dang ba'i zhal ut+pa la'i dri brtsegs pa zhes bya ba sangs rgyas khri 'jig rten du 'byung ste/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom ldan 'das su 'gyur ro zhes da ltar bla na med pa yang dag par rdzogs pa'i byang chub tu lung bstan pa lags/ de skad ces </font><hr>377b<br><font size=+1>


gsol pa dang / bcom ldan 'das kyis rigs kyi lha mo byang chub yang dag par bsdus pa la 'di skad ces bka' stsal to/ /rigs kyi lha mo/ 'bar ba'i khyad par gyi gzi brjid kyi rgyal po la sogs pa lha'i bu khri po 'di dag gang byas shing bsags bas chos mnyan pa'i phyir da ltar sum cu rtsa gsum gyi gnas nas 'dir lhags pa de'i dge ba'i rtsa ba sbyangs pa yod/ de'i rgyu yod/ de'i byed rgyu yod de/ rigs kyi lha mo/ skyes bu dam pa 'di gsum gyis byang chub tu lung bstan pa 'di thos nas thos ma thag tu gser 'od dam pa mdo sde'i dbang po'i rgyal po 'di las shin tu ri mor byed cing dga' ba dang / dang ba thob par gyur to/ /de tsam du bai DUR+Ya dri ma med pa ltar yongs su dag pa'i sems dang ldan par gyur to/ /dri ma med la shin tu rgya che zhing rgyas pa'i nam mkha' ltar zab pa'i sems rab tu dwang ba dang ldan par gyur to/ /bsod nams kyi phung po dpag tu med pa yongs su bzung ba dang ldan par gyur to/ /rigs kyi lha mo/ 'bar ba'i khyad par gyi gzi brjid kyi rgyal po la sogs pa lha'i bu khri po 'di dag de tsam du gser 'od dam pa mdo sde'i dbang po'i rgyal po 'di thos ma thag tu lhag par ri mor byed pa dang / rab tu dwang ba thob par gyur to/ /de tsam du bai DUR+Ya dri ma med pa ltar </font><hr>378a<br><font size=+1>


@#/ /yongs su dag pa'i sems dang ldan par gyur te de'i phyir lung bstan pas rjes su ston to/ /rigs kyi lha mo/ chos mnyan pa'i dge ba'i rtsa ba bsags pa 'di dang / sngon gyi smon lam gyi stobs kyis 'bar ba'i khyad par gyi gzi brjid kyi rgyal po la sogs pa lha'i bu khri po 'di dag /da ltar bla na med pa yang dag par rdzogs pa'i byang chub tu lung bstan to/ /gser 'od dam pa mdo sde'i dbang po'i rgyal po las/ lha'i bu stong phrag bcu lung bstan pa zhes bya ba'i le'u ste nyi shu rtsa gsum pa'o// //rigs kyi lha mo/ sngon gyi smon lam de dag gang zhe na/ rigs kyi lha mo/ sngon byung ba 'das pa'i dus na bskal pa grangs med pa'i ches grangs med pa/ rgyas pa/ bsam gyis mi khyab pa/ tshad med par gyur pa de'i tshe de'i dus na de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom ldan 'das rin chen gtsug tor can zhes bya ba 'jig rten du byung ngo / /rigs kyi lha mo/ de'i tshe de'i dus na de bzhin gshegs pa dgra </font><hr>378b<br><font size=+1>


com pa yang dag par rdzogs pa'i sangs rgyas rin chen gtsug tor can de yongs su mya ngan las 'das nas dam pa'i chos nub par gyur te dam pa'i chos ltar bcos par gyur pa na rgyal po lha'i dbang phyug 'od ces bya ba/ chos can chos kyi rgyal po/ chos kyis rgyal srid skyong gi /chos ma yin pas ma yin te yul thams cad na gnas pa'i sems can rnams kyi pha mar gyur pa lta bu zhig byung ngo / /rigs kyi lha mo/ de'i tshe de'i dus na rgyal po lha'i dbang phyug 'od kyi yul du tshong dpon ral pa 'dzin ces bya ba/ sman pa gso bar byed pa khams la mchog tu mkhas pa/ tshe'i rig byed yan lag brgyad kyi rgyud dang ldan pa zhig byung bar gyur to/ /kye rigs kyi lha mo/ de'i tshe de'i dus na tshong dpon ral pa 'dzin ces bya ba de'i tshong dpon gyi bu chu 'bebs zhes bya ba/ gzugs bzang ba/ mdzes pa/ lta na sdug pa/ kha dog bzang po/ rgyas pa/ mchog dang ldan pa/ bstan bcos sna tshogs la mkhas pa/ bstan bcos thams cad rtogs par khong du chud pa/ yi ge dang / grangs dang / lag rtsis dang / rtsis rnams shin tu bslabs par gyur pa zhig byung ngo / /rigs kyi lha mo/ de'i tshe de'i dus na rgyal po lha'i dbang phyug 'od de'i yul de na sems can 'bum phrag du ma nad sna tshogs kyis btab par gyur cing / nad sna tshogs kyis yongs su gzir te sdug bsngal mi </font><hr>379a<br><font size=+1>


@#/ /bzad pa/ rtsub pa/ drag po yid du mi 'ong ba'i tshor ba rnams myong bar gyur to/ /rigs kyi lha mo/ de'i tshe de'i dus na tshong dpon gyi bu chu 'bebs de sems can nad sna tshogs kyis btab pa/ nad sna tshogs kyis gzir ba 'bum phrag du ma de dag gi don gyi phyir snying rje chen po sems skyes par gyur to// sems can 'bum phrag du ma de dag ni nang sna tshogs kyis btab cing nad sna tshogs kyis yongs su gzir te de ltar sdug bsngal mi bzad pa/ rtsub pa/ drag po yid du mi 'ong ba'i tshor ba rnams myong la/ bdag gi pha tshong dpon ral pa 'dzin sman pa gso bar byed pa/ khams la mchog tu mkhas pa/ tshe'i rig byed yan lag brgyad kyi rgyud dang ldan pa 'di ni rgas/ 'khogs/ gtugs/ lam du zhugs/ na tshod rjes su thob/ 'khar ba la brten cing 'dar te grong dang / grong khyer dang / grong rdal dang| ljongs dang / yul 'khor dang / rgyal po'i pho brang 'khor rnams su 'gro bar mi nus na sems can nad sna tshogs kyis btab pa/ nad sna tshogs kyis gzir ba| 'bum phrag du ma de dag nad sna tshogs las yongs su thar bar bya ba'i phyir bdag nyid bdag gi pha ral pa 'dzin gyi nang du song la/ nad kyi phyir khams </font><hr>379b<br><font size=+1>


la mkhas par bya ba yongs su dris te khams la mkhas par bya ba dris pa des bdag grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor rnams su 'gro bar bya'o/ /song nas kyang sems can nad sna tshogs kyis btab pa/ nad sna tshogs kyis gzir ba/ 'bum phrag du ma dag nad sna tshogs las yongs su thar bar bya'o snyam nas rigs kyi lha mo/ de'i tshe de'i dus na tshogs dpon gyi bu chu 'bebs rang gi pha ral pa 'dzin gal ba der song ste phyin nas rang gi pha ral pa 'dzin gyi rkang pa la mgo bos phyag btsal te thal mo sbyar nas phyogs gcig tu 'dug go /phyogs gcig tu 'dug nas kyang tshong dpon gyi bu chu 'bebs kyis rang gi pha ral pa 'dzin la tshigs su bcad pa 'di dag gis khams la mkhas par bya ba dris pa/ ji ltar dbang po 'jig 'gyur zhing / /khams rnams kyang ni yongs su 'gyur/ /gang gi dus na lus can la/ /nad kyi rigs rnams 'byung bar 'gyur/ /dus dang dus min zas zos pa/ /ji lta bur ni bde bar 'gyur/ /rang gi lus kyi nang du ni| |lus kyi mi la gnod mi 'gyur/ /rlung las gyur dang mkhris gyur dang / /'dus las gyur dang bad kan gyur/ /nad rnams zhi bar bgyi slad du/ /ji lta bur ni gso </font><hr>380a<br><font size=+1>


@#/ /par bgyi/ /gang gis mi la gnod gyur pas/ /rlung ni gang gi dus na g.yo/ /gang gi dus na mkhris pa g.yo/ /bad kan gang gis dus na g.yo// de nas tshong dpon ral pa 'dzin gyis tshong dpon gyi bu chu 'bebs la tshigs su bcad pa 'di dag gis khams la mkhas par bya ba rnam par bstan to/ /zla gsum dbyar te zla gsum ston du shes/ /gsum ni dgun te gsum ni dpyid yin no/ /de ltar zla ba'i go rims dus ni drug /lo gcig la ni zla ba bcu gnyis 'dod/ /gsum gsum du ni tshigs rnams sdud par shes/ /zla ba gnyis gnyis shing ni dus su bstan/ /zas dang skom ni de ltar 'jug par 'gyur/ /sman pa dang ni khams dang dus kyang bstan/ /dbang po dang ni khams rnams de dag kyang / /lo gcig nang gi tshigs tshigs yongs su 'gyur/ /dbang po dag ni yongs su 'gyur ba na/ /lus can rnams la sna tshogs nad kyang 'byung / /de nyid la ni sman pas zla gsum bzhi/ /tshigs kyi bar dang dus drug rnams dang ni/ /khams drug mkhas par bya ba shes par bya/ /zas skom sman rnams go rims ji bzhin te/ /rlung gi shas che'i nad ni dbyar na ldang / /ston du gyur pa na ni mkhris pa g.yo/ /dgun gyi dus </font><hr>380b<br><font size=+1>


su de bzhin 'dus pa ste/ /bad kan shas che'i nad ni dpyid ldang ngo / /dbyar ni snum dro lan tshwa skyur ba'i ro/ /ston ni mngar dang snum dang bsil bag go /dgun ni mngar dang skyur dang snum pa ste/ /dbyid kyi dus na rtsu ba ro tsha ba 'o/ /bad kan che ba zos ma thag tu ldang / /mkhris pa che ba 'ju ba'i dus na ldang / /rlung shas che ba zhu ma thag tu ldang / /khams gsum g.yo ba de ni de lta 'o/ /rlung gi bdag nyid la ni bcud kyis gso/ /bkru sman gyis ni mkhris pa bsal bar bya/ /'dus pa la ni gsum dang mthun ldan pa/ /bad kan tshigs su bab na skyugs sman gtang / /rlung shas che dang mkhris dang 'dus pa dang / /bad kan shas che'i tshigs rnams shes par bya/ /dus gang khams gang lus ni gang yin pa/ /de yi sman dang bza' btung bsten par bya/ /de nas tshong dpon gyi bu chu 'bebs kyis khams la mkhas par bya ba 'di lta bu de tsam zhig yongs su dris ba des tshe'i rig byed kyi yan lag brgyad po thams cad khong du chud par gyur to/ /rigs kyi lha mo/ de'i tshe \?\ de'i dus na tshong dpon gyi bu chu 'bebs rgyal po lha'i dbang phyug 'od kyi yul na grong dang| grong khyer dang / grong rdal dang / ljongs dang / yul 'khor dang / rgyal po'i pho brang 'khor thams cad du song nas sems can nad sna tshogs kyis btab pa/ nad sna tshogs kyis </font><hr>381a<br><font size=+1>


@#/ /gzir ba 'bum phrag du ma de dag la kho bo ni sman pa'o/ /kho bo ni sman pa'o zhes bdag nyid kyis khas 'ches te kho bos khyed rnams nad sna tshogs las yongs su thar bar bya'o zhes dbugs phyung ngo / /rigs kyi lha mo/ tshong dpon gyi bu chu 'bebs kyis 'di lta bu'i tshig brjod pa de thos ma thag tu srog chags 'bum phrag du ma de dag thams cad rab tu dga' ba chen po skyes par gyur to/ /dbugs phyin pa rnyed nas kyang dga' ba dang / bde ba dang / yid bde ba bsam gyis mi khyab pa dang ldan par gyur to/ /de'i tshe de'i dus na sems can nad sna tshogs kyis btab pa/ nad sna tshogs kyis gzir ba 'bum phrag du ma de dag nad sna tshogs las yongs su thar te nad med par gyur to/ /nad med par gyur nas kyang snga mkho bzhin du mthu dang / stobs dang / brtson 'grus dang ldan par gyur to/ /de'i tshe de'i dus na sems can nad sna tshogs kyis btab pa nad sna tshogs kyis gzir ba/ 'bum phrag du ma de dag gi nang nas gang su dag nad drag pos btab pa de dag thams cad tshong dpon gyi bu chu 'bebs ga la ba der dong nas </font><hr>381b<br><font size=+1>


phyin pa dang / sems can nad sna tshogs kyi btab pa/ nad sna tshogs kyis gzir ba/ 'bum phrag du ma de dag la tshong dpon gyi bu chu 'bebs kyis sman dpyad gang ci bstan pa des sems can de dag thams cad kyi nad thams cad rab tu zhi bar byas so/ /nad med pa dang / nad nyung bar gyur nas kyang snga mkho bzhin du mthu dang| stobs dang / brtson 'grus dang ldan par gyur to/ /rigs kyi lha mo/ de'i tshe de'i dus na rgyal po lha'i dbang phyug 'od kyi yul na grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor thams cad na sems can nad sna tshogs kyis btab pa/ nad sna tshogs kyis gzir ba 'bum phrag du ma de dag thams cad tshong dpon gyi bu chu 'bebs kyis nad sna tshogs las yongs su thar bar byas par gyur to/ /gser 'od dam pa mdo sde'i dbang po'i rgyal po las/ nad thams cad rab tu zhi bar byas pa'i le'u zhes bya ste nyi shu rtsa bzhi pa'o// //rigs kyi lha mo/ gzhan yang / rgyal po lha'i dbang phyug 'od kyi yul du tshong dpon gyi bu chu 'bebs kyis sems can thams cad nad med par byas nas nyung zhing snga mkho bzhin du spro pa dang / </font><hr>382a<br><font size=+1>


@#/ /ldan pa'i lus su gyur to/ /rgyal po lha'i dbang phyug 'od kyi yul na sems can thams cad dga' zhing rtse la dga' mgur spyod de sbyin pa dag kyang sbyin par byed/ bsod nams dag kyang byed de tshong dpon gyi bu chu 'bebs la'ang tshong dpon gyi khye'u chu 'bebs rgyal bar gyur cig / rgyal bar gyur cig /sman pa'i rgyal po/ sems can thams cad kyi nad gso ba/ mngon sum du byang chub sems dpar nges pa/ tshe'i rig byed yan lag brgyad pa thams cad rtogs pa zhes mngon par 'du byed do/ /rigs kyi lha mo/ tshong dpon gyi khye'u chu 'bebs de la chung ma chu'i pad+ma'i snying po zhes bya ba zhig yod de/ rigs kyi lha mo/ chu'i pad+ma'i snying po de la khye'u gnyis yod de/ gcig gi ming ni chu'i gos zhes bya/ gcig gi ming ni chu'i snying po zhes bya'o/ / rigs kyi lha mo/ de nas tshong dpon gyi bu chu 'bebs kyis khye'u de gnyis dang lhan cig tu mthar gyis grong dang / grong khyer dang / grong rdal dang / ljongs dang / yul 'khor dang rgyal po'i pho brang 'khor rnams su 'gro'o/ /rigs kyi lha mo/ de nas dus gzhan zhig na tshong dpon gyi bu chu 'bebs 'brog khong khong </font><hr>382b<br><font size=+1>


zhig tu phyin to/ /de nas 'brog khong khong der sha za ba'i khyi dang / spyang ki dang / wa dang / khwa dang / bya dag 'brog khong khong na rdzing zhig yod pa ga la ba der rgyug pa mthong nas de 'di snyam du sems te ci'i phyir sha za ba'i khyi dang / sbyang ki nas/ bya'i bar 'di dag phyogs 'dir rgyug snyam mo/ /de nas yang 'di snyam du sems te bdag khyi dang / spyang ki dang / wa dang / khwa dang / bya rnams phyogs gang du rgyug pa'i phyogs der 'gro bar bya'o snyam mo/ /rigs kyi lha mo// de nas tshong dpon gyi bu chu 'bebs mthar gyis rgyu zhing song song nas 'brog khong khong na rdzing zhig ga la yod pa der phyin to/ /rdzing chen po de na nya khri zhig gnas te des der nya brgya phrag mang po zhig chu dang bral bar mthong nas des de la snying rje ba'i sems skyes pa dang / de na lha mo shing las lus phyed tsam phyung ba zhig mthong ste lha mo des tshong dpon gyi bu chu 'bebs la 'di skad ces smras so/ /rigs kyi bu legs so/ /legs so/ /gang gi phyir chu 'bebs zhes bya ba khyod kyis nya 'di rnams la chu byin cig /rnam pa gnyis kyi phyir chu 'bebs zhes bya ste gang chu 'bebs pa dang / gang chu sbyin pa'o/ /de bas na rang </font><hr>383a<br><font size=+1>


@#/ /gi ming dang mthun par bya ba byos shig /chu 'bebs kyis slar smras pa/ lha mo/ nya 'di dag la ji snyed cig mchis/ lha mos smras pa nya khri tha ma pa'o/ /rigs kyi lha mo/ de nas tshong dpon gyi bu chu 'bebs cher mchog tu snying rje ba'i sems skyes so/ /rigs kyi lha mo/ de'i tshe 'brog khong khong na yod pa'i rdzing bu chen po de na chu'i lhag ma cung zad tsam zhig lus te de nas nya khri 'chi ba'i sgor zhugs shing chu dang bral ba de dag rgyug cing rnam par rgyug go /rigs kyi lha mo/ de nas tshong dpon gyi khye'u chu 'bebs kyis phyogs bzhir rgyugs pa dang / nya khri po de dag tshong dpon gyi khye'u chu 'bebs gang du 'gro ba'i phyogs de logs su chu 'bebs la snying rje rje ltar ba lta'o/ /rigs kyi lha mo/ de nas tshong dpon gyi khye'u chu 'bebs kyis phyogs bzhir brgyugs te chu btsal kyang der chu ma snyed nas phyogs bzhir bltas pa dang / des ha cang yang thag mi 
 ba zhig na shing ljon pa chen po mang po zhig mthong nas shing ljon pa de dag la 'dzegs te shing gi yal ga rnams bcad nas shing gi yal ga de dag khyer te rdzing chen po ga la ba der song ste </font><hr>383b<br><font size=+1>


phyin pa dang / shing gi yal ga de rnams kyis nya khri po de dag la shin tu bsil ba'i gri ba mar byas so/ /\?\ kyi lha mo/ de nas tshong dpon gyi khye'u chu 'bebs rdzing der chu 'bab pa tshol te gang nas chu 'bab ces de phyogs bzhir brgyugs pa dang chu ma rnyed nas der myur ba myur bar chu'i rgyun de nyid kyi srol du song ste/ rigs kyi lha mo/ 'brog khong khong na yod pa'i rdzing der chu 'bab pa zhes bya ba'i chu klu \?\ chen bo de las der chu 'bab pa'i klung de'ang de'i tshe sdig pa can gyi sems can zhig gis nya khri po de dag gi phyir ci nas kyang nya de dag la chu 'bab par mi 'gyur bu de lta bu'i phyogs kyi grog po chen por klung de phab \?\ bo/ /des de mthong nas kyang bsam pa/ klung 'di ni skye bo stong gis kyang srol de nyid du dbab par mi nus na bdag gis lta dbab par ga la nus snyam nas de phyir log go /rigs kyi lha mo/ de nas tshong dpon gyi khye'u chu 'bebs rangs pa rings par rgyal po lha'i dbang phyug 'od ga la ba der song ste phyin nas rgyal po lha'i dbang phyug 'od kyi rkang pa la ma go bos mchod de phyogs gcig tu 'dug nas de dag rgyus kyis smras te bdag gis lha'i chags 'og tu grong dang / grong khyer dang / grong rdal thams </font><hr>384a<br><font size=+1>


@#/ /cad du sems can rnams kyi nad kyi rgyun ni bkum na gnas che ge mo zhes bgyi ba zhig 'brog khong khong na yod ces bgyi ba'i rdzing zhig mchis pa de na nya khri zhig gnas pa chab dang bral nas gdugs kyis gdugs shing mchis te ji ltar mi rnams la stsal ba ltar ci nas dud 'gro'i skye gnas su gyur pa/ de dag la'ang srog stsol bar 'tshal na lhas glang po che nyi shu zhig bdag la stsal du gsol/ rgyal po lha'i dbang phyug 'od kyis sman pa'i rgyal po la glang po che nyi shu zhig byin cig ces blon po rnams la bsgo'o/ /blon po rnams kyis smras pa/ sems can chen po / glang po che'i lhas ga la ba der song la glang po che nyi shu khrid de sems can rnams la phan gdags pa dang / bde ba gyis shig /rigs kyi lha mo/ de nas tshong dpon gyi khye'u chu 'bebs rang gi bu chu'i gos dang / chu'i snying po dang lhan cig tu glang po che nyi shu khrid nas glang po che'i rdzi bo las ba lang gi rkyal pa brgya blangs te slar log nas chu 'bab ces bya ba'i chu klung chen po gang du bab pa der song ste rkyal pa de dag chus bkang nas glang po che'i </font><hr>384b<br><font size=+1>


rgyab tu chu bkal te myur ba myur bar 'brog khong khong na yod pa'i rdzing ga la ba der song nas phyin pa dang / chu de glang po che'i steng nas phab ste phyogs bzhi nas rdzing bu chus bkang nas phyogs bzhir 'gro ba dang / tshong dpon gyi khye'u chu 'bebs gang dang / gang du 'gro ba de dang / de logs su nya khri po de dag rgyug go /rigs kyi lha mo/ de nas tshong dpon gyi khye'u chu 'bebs 'di snyam du sems te ci'i phyir nya khri po 'di dag bdag ga la ba de logs su rgyug snyam mo/ /de'ang 'di snyam du sems te nya khri po 'di dag ni bkres pa'i mes yongs su nyen nas bdag la bza' ba slong du nges kyi/ bdag gis kha zas sbyin par bya'o snyam mo/ /rigs kyi lha mo/ de nas tshong dpon gyi khye'u chu 'bebs kyis rang gi bu chu'i gos la 'di skad ces smras so/ /bu/ glang po che thams cad kyi nang nas mgyogs pa'i mchog la zhon te bdag cag gi khyim du myur ba myur bar song ste mes po tshong dpon la/ kye mes po/ chu 'bebs kyi mchid nas khyim 'di na pha ma dang / spun dang / sring mo dang / bran pho dang / bran mo dang / las bgyid pa rnams kyi kha zas sbyar ba gang ci mchis pa thams cad gcig tu bsdus te chu'i gos glang po che la zhon pa'i lag tu myur bar rdzongs </font><hr>385a<br><font size=+1>


@#/ /shig ces mchi'o zhes de skad gyis shig /de nas khye'u chu'i gos glang po che de la zhon nas myur ba myur bar rgyug cing rab tu rgyug ste rang gi khyim ga la ba der song nas phyin pa dang de dag rgyus kyis zhib tu smras te de nas khye'u chu'i gos kyis sngar smos pa'i kha zas sbyar ba de thams cad glang po che'i rgyab du bkal nas glang po che de la zhon te 'brog khong khong na yod pa'i rdzing ga la ba dar dong ba dang / chu 'bebs kyis rang gi bu chu'i gos mthong nas dga' mgu ste bu las zan blangs nas phrul te rdzing der gtor nas nya khri po de dag tshim par byas nas 'di snyam du bdag gis dus gzhan zhig na dgon pa'i gnas shig na dge slong theg pa chen po klog pa las thos na/ su 'chi ba'i dus kyi tshe de bzhin gshegs pa rin chen gtsug tor can gyi mtshan thos pa de bde 'gro mtho ris kyi 'jig rten du skye'o zhes thos kyi/ bdag gis nya de dag la rten cing 'brel bar 'byung ba'i chos zab mo'ang bshad la de bzhin gshegs pa dgra bcom pa yang dag par rdzogs pa'i sangs rgyas rin chen gtsug tor de'i mtshan kyang bsgrags par bya'o snyam mo// </font><hr>385b<br><font size=+1>


de'i tshe na dzam+bu'i gling 'di na sems can rnams kyi lta ba gnyis gyur te kha cig ni theg pa chen po la mngon par dad do/ /kha cig ni smod do/ /de nas tshong dpon gyi khye'u chu 'bebs kyis de'i tshe rdzing bu der rkang pa gnyis ka'i pus mo nub tsam du 'bogs te bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen gtsug tor can de la phyag 'tshal lo zhes ched du brjod pa de skad du ched du brjod do/ /de bzhin gshegs pa rin chen gtsug tor can sngon byang chub sems dpa' spyad pa spyod pa na phyogs bcu dag na gang su dag 'chi ba'i dus kyi tshe nga'i ming thos pa de dag de nas shi 'phos nas sum cu rtsa gsum gyi lha rnams dang skal ba mnyam par skye bar gyur cig ces smon lam de skad btab po/ /de nas tshong dpon gyi khye'u chu 'bebs kyis dud 'gro'i skye gnas su gyur pa de dag la chos 'di bshad de/ 'di lta ste/ 'di yod pa'i phyir 'di 'byung / 'di skyes pas 'di skye ba ste/ 'di lta ste/ ma rig pa'i rkyen gyis 'du byed rnams/ 'du byed kyi rkyen gyis rnam par shes pa/ rnam par shes pa'i rkyen gyis ming dang / gzugs/ ming dang / gzugs kyi </font><hr>386a<br><font size=+1>


@#/ /rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrugs pa rnams 'byung bar 'gyur te/ de ltar sdug bsngal gyi phung po chen po 'ba' zhig po 'di dag 'byung bar 'gyur ro/ /'di lta ste/ ma rig pa 'gags pas 'du byed rnams 'gag par 'gyur ba nas/ de ltar sdug bsngal gyi phung po chen po 'ba' zhig po 'di'ang 'gag par 'gyur ro zhes bya ba'i bar du'o/ /rigs kyi lha mo/ de ltar de'i tshe de'i dus na tshong dpon gyi bu chu 'bebs kyis dud 'gro'i skye gnas su gyur pa de dag la chos dang ldan pa'i gtam 'di brjod nas rang gi bu chu'i gos dang / chu'i snying po dang lhan cig tu rang gi khyim du phyin pa'i bar  \?\ de nas dus gzhan zhig na tshong dpon gyi khye'u chu 'bebs dus ston chen po zos nas chang gis ra ro ste mal na nyal ba dang / de'i tshe de'i dus na </font><hr>386b<br><font size=+1>


ltas chen po byung bar gyur te mtshan mo de 'das pa dang / nya khri po de dag 'chi ba'i dus byas par gyur nas sum cu rtsa gsum gyi lha rnams dang \?\ skal ba mnyam par skyes so/ /skyes ma thag tu de dag 'di lta bu'i tshul gyis sems kyi rnam par rtog pa skyes te bdag cag dge ba'i las kyi rgyu gang gis sum cu rtsa gsum gyi lha rnams kyi nang 'dir skyes snyam mo/ /de dag yang 'di snyam du sems te bdag cag dzam+bu'i gling de na nya khrir gyur te bdag cag dud 'gro'i skye gnas su gyur pa las tshong dpon gyi khye'u chu 'bebs kyis chu mang po dang / kha zas kyi mchog gis tshim par byas te bdag cag la rten cing 'brel par 'byung ba zab mo'i chos kyang bstan/ de bzhin gshegs pa dgra bcom pa yang dag par rdzogs pa'i sangs rgyas rin chen gtsug tor can gyi mtshan kyang bsgrags pas dge ba'i chos kyi rgyu de dang / rkyen des bdag cag lha rnams kyi nang 'dir skyes kyi/ bdag cag tshong dpon gyi khye'u chu 'bebs ga la ba der song ste phyin nas de la mchod par bya'o snyam nas de nas lha'i bu khri po de dag sum cu rtsa gsum gyi lha rnams kyi nang nas mi snang bar gyur nas tshong dpon </font><hr>387a<br><font size=+1>


@#/ /gyi bu chu 'bebs kyi khyim du lhags te de'i tshe tshong dpon gyi khye'u chu 'bebs mal na nyal zhing 'dug pa de la lha'i bu de dag gis mu tig gi se mo do khri ni mgo'i thad kar bzhag /mu tig gi se mo do khri ni rkang pa'i drung du bzhag /mu tig gi se mo do khri ni g.yas logs su bzhag/ mu tig gi se mo do khri ni g.yon logs su bzhag ste pus mo nub tsam du me tog man dA ra ba'i char chen po yang phab/ lha'i sil snyan rnams kyang dkrol/ nas des dzam+bu'i gling pa thams cad kyang sad/ tshong dpon gyi bu chu 'bebs kyang sad do/ /de nas lha'i bu khri po de dag nam mkha' la dong ste lha'i bu de dag rgyal po lha'i dbang phyug 'od kyi yul gyi gnas dang / gnas gzhan dag tu'ang me tog man dA ra ba'i char 'bebs shing nags khong khong na yod pa'i rdzing chen po ga la ba der dong nas de dag gis rdzing chen po der me tog man dA ra ba'i char chen po mngon par phab ste de nyid du mi snang bar gyur nas slar yang lha'i gnas su dong ste de nas 'dod pa'i yon tan lnga po dag gis dga' zhing rtse ste dga' mgur spyod cing dpal dang / skal ba bzang po </font><hr>387b<br><font size=+1>


chen po dag kyang myong ngo / /dzam+bu'i gling du nam langs pa dang de nas rgyal po chen po lha'i dbang phyug 'od kyis skar mkhan dang / blon po chen po rnams la smras pa/ ci'i phyir mdangs sum ltas 'di dag byung / de dag gis smras pa/ lha/ mkhyen par mdzad du gsol/ tshong dpon gyi khye'u chu 'bebs kyi khyim du mu tig gi se mo do bzhi khri'i char bab cing me tog man dA ra ba'i char yang phab bo zhes byas pa dang / khyed dong la tshong dpon gyi bu chu 'bebs la snyan pa'i tshig gis phos \?\ shig /de nas skar mkhan dang / blon po chen po rnams chu 'bebs kyi khyim ga la ba der dong ste phyin nas tshong dpon gyi bu chu 'bebs la 'di skad ces smras so/ /rgyal po lha'i dbang phyug 'od khyod la 'bod do/ /de nas tshong dpon gyi khye'u chu 'bebs blon po rnams dang lhan cig tu rgyal po lha'i dbang phyug 'od ga la ba der song pa dang / rgyal pos smras pa/ chu 'bebs/ mdangs sum de 'dra ba'i ltas byung ba 'di ci'i ltas shes sam/ de nas tshong dpon gyi khye'u chu 'bebs kyis rgyal po lha'i dbang phyug 'od la 'di skad ces smras so/ /lha/ bdag gis 'tshal te nya khri po de dag gum par gyur du nges so/ / </font><hr>388a<br><font size=+1>


@#/ /rgyal pos smras pa/ ji ltar shes/ chu 'bebs kyis smras pa/ lha/ chu'i gos rdzing der nya khri po de dag gum mam/ ma gum bltar stsal to/ /rgyal pos smras pa/ de ltar gyis shig /de nas tshong dpon gyi bu chu 'bebs kyis khye'u chu'i gos la 'di skad ces smras so/ /'brog khong khong na yod pa'i rdzing gi nya khri po de dag shi'am/ ma shi ltos shig /de nas khye'u chu'i gos myur ba myur bar 'brog khong khong na yod pa'i rdzing chen po ga la ba der song ba dang / nya khri po de dag shi ba'i dus byas par gyur cing me tog man dA ra ba'i char chen po bab pa'ang mthong nas slar logs te pha la smras pa/ nya rnams gum par gyur to/ /de nas tshong dpon gyi bu chu 'bebs kyis khye'u chu'i gos la tshig de thos pa dang / rgyal po lha'i dbang phyug 'od ga la ba der song nas \?\ de dag rgyus nas zhib tu smras te/ lha/ mkhyen par mdzad du gsol/ nya khri po de dag thams cad ni gum par gyur nas sum cu rtsa gsum gyi lha rnams kyi nang du skyes te de dag bdag gis mthus mdang sum de lta bu'i dge ba'i ltas de dag byung ste bdag gi khyim du'ang mu tig gi se mo do bzhi khri dang / lha'i \?\ </font><hr>388b<br><font size=+1>


me tog man dA ra ba'i char yang phab po/ de nas rgyal po de dga' zhing mgu zhing dga' ste yi rangs par gyur to/ /de nas bcom ldan 'das kyis rigs kyi lha mo byang chub yang \?\ dag par bsdus pa la 'di skad ces bka' stsal to/ /rigs kyi lha mo/ de'i tshe de'i dus na rgyal po lha'i dbang phyug 'od ces bya bar gyur pa de gzhan zhig yin \?\ snyam du khyod sems na de de ltar mi blta'o/ /de ci'i phyir zhe na/ shAkya lag na be con can de'i tshe de'i dus na rgyal po lha'i dbang phyug 'od ces bya bar gyur \?\ to| |rigs kyi lha mo/ de'i tshe de'i dus na tshong dpon ral pa 'dzin ces bya bar gyur pa de gzhan zhig yin snyam du khyod sems na de de ltar mi blta'o/ /de ci'i phyir zhe na/ rgyal po zas gtsang ma de'i tshe de'i dus na tshong dpon ral pa 'dzin ces bya bar gyur to/ /rigs kyi lha mo/ de'i tshe de'i dus na tshong dpon gyi bu chu 
 zhes bya bar gyur pa de gzhan zhig yin snyam du khyod sems na de de ltar mi blta'o/ /de ci'i phyir zhe na/ de'i tshe de'i dus na nga tshong dpon ral pa 'dzin gyi bu chu 
 zhes bya bar gyur to/ /rigs kyi lha mo/ de'i tshe de'i dus na chung ma chu'i pad+ma'i snying po zhes bya bar gyur pa de gzhan zhig yin snyam du khyod sems na de de ltar mi blta'o/ / </font><hr>389a<br><font size=+1>


@#/ /de ci'i phyir zhe na/ shAkya'i bu mo sa 'tsho ma de'i tshe de'i dus na tshong dpon gyi bu chu 'bebs kyi chung ma chu'i pad+ma'i snying po zhes bya bar gyur to| |sgra gcan zin ni de'i tshe de'i dus na khye'u chu'i gos zhes bya bar gyur to/ /kun dga' bo ni de'i tshe de'i dus na khye'u chu'i snying po zhes bya bar gyur to/ /rigs kyi lha mo| |de'i tshe de'i dus na nya khri por gyur pa de dag gzhan zhig yin snyam du khyod sems na de de ltar mi blta'o/ /de ci'i phyir zhe na/ 'bar ba'i khyad par gyi gzi brjid kyi rgyal po la sogs pa lha'i bu khri po 'di dag de'i tshe de'i dus na nya khrir gyur to/ /gang dag ngas chu dang / kha zas kyi mchog gis tshim par byas shing| rten cing 'brel par 'byung ba'i zab mo'i chos kyang bstan/ de bzhin gshegs pa dgra bcom pa yang dag par rdzogs pa'i sangs rgyas rin chen gtsug tor can gyi mtshan yang bsgrags pa ste dge ba'i las kyi rgyu des nga'i gan du 'dir lhags te des na de ltar bla na med pa yang dag par rdzogs pa'i byang chub tu lung bstan te rab tu dga' ba dang / rab tu dang ba dang / mchog tu dga' ba dang / gus par chos mnyan pas thams cad lung bstan pa thob par bya ba'i </font><hr>389b<br><font size=+1>


ming thob par gyur to/ /rigs kyi lha mo/ de'i tshe de'i dus na shing gi lha mor gyur pa de gzhan zhig yin snyam du khyod sems na de de ltar mi blta'o/ /de ci'i phyir zhe na/ rigs kyi lha mo/ khyod de'i tshe de'i dus na shing gi lha mor gyur to/ /rigs kyi lha mo/ rnam grangs 'dis na 'khor ba na 'khor ba'i tshengs ji ltar sems can mang po byang chub tu yongs su smin par byas te de dag thams cad bla na med pa yang dag par rdzogs pa'i byang chub tu lung bstan pa'i sa thob par 'gyur bar rig par bya'o/ /gser 'od dam pa mdo sde'i dbang po'i rgyal po las/ chu 'bebs kyis gdul bya'i nya'i sngon byung ba'i le'u zhes bya ste nyi shu rtsa lnga pa'o// //bam po bcu pa \?\/rigs kyi lha mo/ gzhan yang / byang chub sems dpa' ni gzhan la phan pa'i phyir lus kyang yongs su gtong ngo / /de ji lta zhe na/ dri ma med cing shin tu rgyas pa'i yon tan rnam pa sna tshogs brgya'i 'od zer snang ba dang / lha yul du rnam par 'phro ba thogs pa med pa'i ye shes mthong ba dang / stobs kyis pha rol gnon pa'i bcom ldan 'das dge slong stong gis yongs su bskor te yul lnga len gyi ljongs su ljongs rgyu zhing gshegs nas nags sna tshogs zhig tu byon pa dang / des der sngo zhing 'jam la mthing kar 'dug pa'i spang gi ngos la me tog dri zhim pa rnam pa sna tshogs kyis rab tu brgyan pa'i sa phyogs shig </font><hr>390a<br><font size=+1>


@#/ /gzigs so/ /gzigs nas kyang bcom ldan 'das kyis tshe dang ldan pa kun dga' bo la bka' stsal pa/ kun dga' bo/ sa phyogs 'di ni mdzes pa ste 'di na gtam gyi gnas kyi mtshan ma yod kyi/ da de bzhin gshegs pa'i gdan things shig /de nas des bcom ldan 'das kyi bka' bzhin du gtan bting ngo| |gdan bting nas kyang bcom ldan 'das la 'di skad ces gsol to/ /gdan bting lags na bcom ldan gtso bo mchog /mi la mchog stsol dam pa srid bcings dkrol/ /bzhugs te mi la sman slad mthar bgyid kyi/ /bka' mchid dam pa bdud rtsi gsung du gsol/ /de nas bcom ldan 'das gdan de la bzhugs nas dge slong rnams la bka' stsal pa/ dge slong dag /khyed bya dka' ba byed pa'i byang chub sems dpa'i rus pa rnams blta bar 'dod dam/ de skad ces bka' stsal pa dang / bcom ldan 'das la dge slong dag gis 'di skad ces gsol to/ /drang srong dam pa sems can mchog gi snying po pa/ /bzod dang brtson 'grus che la zhi dang dul dga' zhing / /blo gros dran dga' yon tan dpag med gnas gyur gyi/ /rus pa bdag cag blta ba'i dus lags de legs shod/ /de nas </font><hr>390b<br><font size=+1>


bcom ldan 'das kyis zhabs kyi mthil 'khor lo rtsibs stong gi ri mo can dang / me tog ka ma la gsar du kha bye ba ltar 'jam pa'i phyag gis sa'i ngos la brdabs te bsnun ma thar \?\ tu sa rnam pa drug tu g.yos te nor bu dang / gser dang / dngul las byas pa'i mchod rten zhig de nas byung ngo / /de nas bcom ldan 'das kyis tshe dang ldan pa kun dga' bo la \?\ bka' stsal pa/ kun dga' bo/ mchod rten 'di phye zhig /de nas tshe dang ldan pa kun dga' bos bcom ldan 'das kyi ltar mnyan nas mchod rten de phye ba dang / des der gser gyi \?\ 'phro ba can gyi nor bu dang / mu tig gis khebs par g.yogs pa'i gser gyi za ma tog gcig mthong ngo / /mthong nas kyang bcom ldan 'das la 'di skad ces gsol to/ /bcom \?\ ldan 'das/ gser gyi za ma tog dag cig mchis so/ /bcom ldan 'das kyis bka' stsal pa/ za ma tog bdun po 'di dag thams cad phye zhig /de bzhin du thams cad kha phye ba \?\ des der rus pa'i kha dog kha ba dang / me tog ku mu da 'dra ba dag gcig mthong ngo / /mthong nas kyang bcom ldan 'das la 'di skad ces gsol to/ /bcom ldan 'das/ rus pa \?\ dag gcig gda'o/ /bcom ldan 'das kyis bka' stsal pa/ kun dga' bo/ skyes bu chen po'i rus pa rnams khyer te shog /de nas tshe dang ldan pa kun dga' bos rus \?\ </font><hr>391a<br><font size=+1>


@#/ /dag blangs te sangs rgyas bcom ldan 'das la phul ba dang / bcom ldan 'das kyis rus pa rnams dge 'dun gyi mdun du bsnams te phyag bzhes nas bka' stsal pa/ rus pa 'di dag yon tan mchog rab tshogs ldan blo gros mchog /dul dang bsam gtan bzod pa spro ba grags mchog dam pa ste/ / blo gros ldan rnams phyir zhing rtag tu byang chub 'di la ni/ /spro brtan mos dang blo gros mchog tu sbyin la dga' bar byas/ /de nas bcom ldan 'das kyis dge slong rnams la bka' stsal pa/ dge slong dag /byang chub sems dpa'i rus pa tshul khrims dang / yon tan gyis yongs su bsgos pa/ mchog tu mthong bar dka' ba/ bsod nams kyi zhing du gyur pa rnams la phyag tshol cig /de nas dge slong de dag gis thal mo sbyar te 'dun pa'i yid kyis rus pa rnams la phyag btsal to/ /de nas tshe dang ldan pa kun dga' bos thal mo sbyar te bcom ldan 'das la 'di skad ces gsol to/ /bcom ldan 'das/ de bzhin gshegs pa ni 'jig rten thams cad las mngon par 'phags pa sems can thams cad kyi phyag bgyis pa lags na ji ltar de bzhin gshegs pa nyid rus pa 'di dag la phyag bzhes/ de nas </font><hr>391b<br><font size=+1>


bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo/ rus pa 'di dag gis nga 'di ltar myur du bla na med pa yang dag par rdzogs pa'i byang chub tu mngon par rdzogs par sangs rgyas so/ /kun dga' bo/ sngon byung ba 'das pa'i dus rgyal po shing rta chen po zhes bya ba bzhon pa dang / stobs du ma dang ldan pa/ thogs pa med pa'i stobs kyis pha rol gnon pa zhig byung ste de la bu lha gzhon nu dang 'dra ba gsum zhig yod de sgra chen po dang / lha chen po dang / snying stobs chen po'o/ /de nas rgyal po chen po rtse ba'i phyir skyed mos tshal gyi sar byung ba dang / gzhon nu de dag skyed mos tshal de'i yon tan la chags shing me tog 'dod pas phan tshun du rgyu ste nags khrod chen po bcu gnyis su zhugs so/ /de nas rgyal po'i bu dag dong ba dang / gzhon nu'i rim gro pa rnams kyang rgyal bus bskrad nas phan tshun du dong ste kun tu bsrungs pa'i skyed mos tshal chen po'i nags khrod bcu gnyis su zhugs so/ /de nas sgra chen pos nu bo gnyis la smras pa/ kho bo'i snying la 'jigs pas non na 'dir bdag cag gcan gzan gyis bsad du 'ong gi tshur shog /lha chen pos smras pa/ bdag la 'jigs pa / </font><hr>392a<br><font size=+1>


@#/ /ni ma mchis na skye bo sdug pa dang bral ba snyam bgyid pa'i snying du gyur to/ /snying stobs chen pos smras pa/ thub pas bsngags pa'i 
 khrod dben pa 'dir/ /bdag ni mi 'jigs mya ngan ma mchis kyi/ /shin tu rgyas mchog don chen rnyed snyam ste/ /bdag gi snying 'di rab tu dga' bar gyur// de nas rgyal bu gzhon nu de dag nags khrod bcu gnyis po de dag gi khrod du rgyu ba na stag mo bu byung nas zhag drug gam/ zhag bdun zhig lon par gyur la bu lngas bskor te bkres shing skom pas nyams su smad nas lus shin tu nyam chung bar gyur pa de 'dra ba zhig mthong ngo / /mthong nas kyang sgra chen pos smras pa| kye ma'o/ nyon mongs ma 'di bu byung nas zhag drug gam/ zhag bdun zhig lon par gyur la de ltar zas ma rnyed pas yang na ni rang gi bu la za bar 'gyur/ yang na ni bkres pas 'chi ba'i dus byed par 'gyur ro/ /snying stobs chen pos smras pa/ nyon mongs ma 'di'i zas ci/ sgra chen pos smras pa/ 'dir gang sha sar pa dang / khrag dron mo yod na de ni stag dang / dom dang / dred dang / seng ge rnams kyi zas yin no zhes zer ro/ /lha chen pos smras pa/ 'dir nyon mongs </font><hr>392b<br><font size=+1>


ma 'di bkres pa dang / skom pa dang ldan pa'i lus su gyur pas srog gi lhag ma cung zad gcig lus te rab tu nyam chung ba 'dis gnas 'dir zas skom tshol ni mi nus na 'di'i srog yongs su bsrung ba'i phyir su zhig rang gi lus yongs su gtong bar byed par 'gyur zhig gu /sgra chen pos smras pa/ kye/ rang gi lus yongs su btang ba ni bya dka' ba'o/ /snying stobs chen pos smras pa/ bdag cag lta bu srog dang / lus la mngon par chags pa blo chung ba rnams la ni tshul 'di bya dka' ba lags kyi/ gzhan lus yongs su gtong ba la zhugs pa/ gzhan la phan par brtson pa'i skyes bu dam pa rnams la ni bya dka' ba ma lags so/ / yang| brtse ba'i snying rje las byung 'phags pa'i sems can dag /lha yul dang ni sa 'dir rang lus rnyed snyam ste/ /gzhan gyi srog phyir mthun pa'i dga' ba'i yid kyis ni/ /'gyur ba med par 'dir ni rnam pa brgya yis gtse/ /de nas rgyal bu gzhon nu de shin tu mi dga' ste stag mo de la mig mi 'dzums par ring zhig tu bltas nas song ngo / /de nas snying stobs chen po 'di snyam du sems te da ni bdag gis lus 'di yongs su btang ba'i dus la bab bo/ /de ci'i phyir zhe na/ 'jig cing 'gyes </font><hr>393a<br><font size=+1>


@#/ /pa'i chos can mthar 'byed mthar ngan pa/ /rnag can lus 'di zas dang skom dang mal cha dang / /bzhon pa 'os pa chen po dag gis ring bsrungs kyang / /sngar med rang gi rang bzhin mi 'dor byas don med/ /yang na thams cad du mi gtsang bar gyur pas na de'i 'tsho ba med kyi| de bdag gis de las bzang po'i las la sbyar bar bya'o/ /de'i phyir bdag skye ba dang / 'chi ba'i rgya mtsho las bsgral ba'i gru bo che lta bur 'gyur ro/ / yang| snying po med lus dbu ba 'dra la srin bu brgyas gang byas pa chud gzon pa/ /'bras dang 'dra ba'i srid pa brgya ldan gcin dang phyi sas gang ba 'di btang ste/ /mya ngan med cing 'gyur med phung med dri med bsam gtan la sogs yon tan gyis/ /kun tu gang ba'i chos sku yon tan brgyas gang rdul dang bral ba thob par bya/ /de snying rje chen po mchog dang ldan pa'i snying du gyur pas de ltar btul nas khyed gnyis gshegs su gsol/ bdag ni rang gi bgyi ba zhig gi slad du nags khrod chen po bcu gnyis su 'jug go zhes de gnyis bskrad do/ /de nas rgyal pu gzhon nu snying stobs chen po nags 'dab de nas slar log </font><hr>393b<br><font size=+1>


ste stag gi gnas su song nas nags kyi yal ga la gos gzar te/ bdag ni 'gro la phan \?\ phyir byang chub mtshungs pa med pa zhi ba thob 'dod de/ gzhan gyis btang bar dka' ba'i lus ni blo gros 'gyur ba med pa'i snying rjes sbyin/ /bdag gis skyon med byang chub ring med rgyal sras rnams kyis gnyer ba thob par shog |bdag gis srid ba'i rgya mtsho rab tu 'jigs las 'jig rten gsum po bsgral bar bya/ zhes smon lam btab bo/ /de nas snying stobs chen pos stag mo'i mdun du nyal ba dang / de nas byams pa dang ldan pa'i byang chub sems dpa' la stag mos ci'ang ma byas so/ /de nas byang chub sems dpas/ kye ma'o/ 'di ni nyam chung pas mi nus so snyam nas langs te/ snying brtse ba'i blo gros kyis mtshon cha btsal na gang nas kyang mtshon cha ma rnyed nas de nas 'od ma'i yal ga lo brgya lon pa sra ba zhig blangs te bdag gis mgul ba bcad nas stag mo'i mdun du 'gyel to/ /byang chub sems dpa' 'gyel ma thag tu chu'i dbus su son pa'i gru rlung gis bskyod pa bzhin du sa 'di rnam pa drug tu g.yos so/ /nyi ma'ang sgra gcan gyis zin pa bzhin du 'od zer rnams kyis mdzes pa med </font><hr>394a<br><font size=+1>


@#/ /do| |lha'i spos dang / phye ma dang 'dres pa'i me tog gi char yang bab bo/ /de nas lha zhig gis ngo mtshar du gyur pa'i yid kyis byang chub sems dpa' la bstod pa/ blo gros bzang po khyod 'dir ji ltar thugs rjes sems can rnams khyab ste/ /mi yi dbang po rab tu dgyes pas ji ltar sku 'di btang bas na/ /skye ba dang ni 'chi ba'i don dang bral ba zhi ba'i gnas kyi mchog /zhi ba gtsang ma khyod kyis 'dir ni tshegs med ring por mi thogs brnyes/ de nas stag mo des byang chub sems dpa'i lus khrag gis sbags pa la bltas nas yud tsam gyis sha dang / khrag med par rus pa tsam zhig lus par byas so/ /de nas sgra chen pos sa g.yos pa de la bsams nas lha chen po la 'di skad ces smras so/ /ji ltar phyogs bcur rgya mtsho mthar thug rgya mtshor bcas pa yi/ /sa 'di rab tu g.yos shing nyi ma'ang 'od ni med gyur la/ /me tog char pa 'bab cing kho po'i yid kyang 'khrugs pas na/ /da gzod bdag gi nu bos rang gi lus ni btang yang dag /lha chen pos smras pa/ de ni ji ltar snying rje'i tshig smra la/ /bkres dang ldan zhing sdug bsngal brgyas gtses pa/ /shin </font><hr>394b<br><font size=+1>


tu nyam chung rang gi bu la yang / /za bar chas la lta bas bdag kyang dogs/ /de nas rgyal bu gzhon nu de gnyis rab tu mya ngan gyis non nas mchi mas mig gang ste lam de nyid la slar log nas stag mo'i drung du phyin pa dang / gos thams cad ni 'od ma'i yal ga dag la gzar/ rus pa rnams ni bye zhing bral/ khrag ni rdzab du gyur| skra ni phyogs dang / phyogs mtshams su 'thor ba mthong ngo / /mthong nas kyang brgyal te rus pa'i steng du 'gyel nas ring zhig lon pa dang / 'du shes rnyed de langs nas lag pa bsgreng ste nyam thag pa'i sgra phyung ngo / /kye ma'o nu bo sdug pa dang ni rgyal po dang / /de bzhin du ni bu la rab tu gdung ba'i ma/ /pad+ma 'dra ba'i mig ring khyod kyis gar bzhag ces/ /ma ni bdag cag la yang tha chung 'dri bar 'gyur/ /kye ma bdag cag gnyis ni sa phyogs 'di nyid du/ /shi na legs kyi gson pa de lta ma yin no/ /snying stobs chen po med par gyur pas bdag cag la/ /pha ma dag gis ji ltar lto ba ster bar 'gyur/ /de nas rgyal bu gzhon nu de gnyis snying rje rje'i skad du rnam pa mang por dus nas dong ngo / /de nas rgyal bu gzhon nu'i rim gro pa rnams kyang gzhon nu tshol zhing phyogs dang / phyogs mtshams su rgyug pa dang / gcig </font><hr>395a<br><font size=+1>


@#/ /gis gcig mthong nas/ gzhon nu ga re/ gzhon nu ga re zhes 'dri'o/ /de'i tshe btsun mo mal na nyal ba'i rmi lam na sdug pa dang bral bar rmis pa la/ 'di lta ste/ nu ma gnyis bcad pa dang / so phyung ba dang / thi ba'i phrug gu skrag pa gsum zhig rnyed pa las gcig khras khyer bar rmis so/ /de nas btsun mo sa g.yos pas snying dngangs te mod la sad nas sems pa la zhugs te/ 'byung po'i rten ma rgya mtsho'i gos can 'di ni kun tu rab g.yo ci zhig gu/ /nyi ma'i 'od zer med par gyur pas nga yi snying la mya ngan 'gyur ba ston/ /nga yi lus ni zhum zhing mig kyang g.yo la rang gi nu ma bcad rmis pa/ /nga yi bu rnams nags khrod 'dir ni rtser dong ba la dge bar 'gyur ram kye/ /de nas de snyam du bsams pa dang / bran mo'ang snying myos te 'ongs nas btsun mo la smras pa/ jo mo/ gzhon nu'i rim gro pa dag gzhon nu tshol zhing mchis na jo bo stor ces gda'o/ /de skad ces thos ma thag tu btsun mo'i snying 'dar zhing mig dang / gdong mchi mas gang ste rgyal po'i gan du song nas smras pa/ lha/ bdag gi bu sdug pa stor ces thos so/ /rgyal po'ang snying 'dar zhing shin tu myos te/ kyi hud/ bdag gi bu sdug pa dang bral </font><hr>395b<br><font size=+1>


ba lta zhes smras so/ /de nas rgyal pos btsun mo dbugs dbyung ba'i phyir/ nga gzhon nu btsal ba la nan tan du byed kyi bzang mo/ mya ngan ma byed cig /der gzhon nu tshol ba la zhugs pa dang / skye bo'i tshogs dag rong rong por gyur to/ /de nas ring po ma lon par rgyal pos rgyal bu gzhon nu gnyis rgyang ring po nas 'ong ba mthong ngo / /mthong nas kyang smras pa/ gzhon nu de dag ni 'ong na thams cad ni ma yin te/ kyi hud/ bu dang bral ba zhes bya ba ni sdug bsngal pa'o/ /ji ltar bu dang bral bar gyur na yid ni mi bde ba mi rnams bu rnyed pa ni de ltar dga' ba ma yin no/ /'jig rten na ni gang dag bu med pa dang shi ba'am/ /mi rnams gang dag bu gson de dag bde ba yin nam ci/ /de nas btsun mo shin tu mya ngan gyis non nas rnga mo gnad du bsnun pa bzhin du shin tu mi bzad pa'i sgra byung ngo / /de ltar bu gsum dag ni g.yog gi tshogs bcas te/ /me tog rnams kyis gang ba'i nag khrod zhugs pa las/ /bdag gi bu dge tha chung 'ongs par ma gyur na/ /bdag gi snying dang 'dra ba'i tha chung de ga re/ /de nas de gnyis lhags pa dang / rgyal pos bu la dris pa/ khye'u tha chung ga re zhes gzhon nu gnyis la dris pa dang / de nas mya ngan gyis nyam thag cing mig mchi mas gang ste rkan dang / </font><hr>396a<br><font size=+1>


@#/ /mchu dang / kha dang / so bskams nas cang mi zer ro/ /btsun mos smras pa/ kho mo'i bu sdug tha chung de ga re/ kho mo'i snying 'di gsal thug gyur cing / /lus ni mi bzad rab tu gzir gyur te/ /kho mo'i dran pa nyams gyur myur du smros/ /de nas gzhon nu de gnyis kyis ji ltar gyur pa de zhib tu smras so/ /de thos ma thag tu rgyal po dang / btsun mo myos bar gyur te myos pa sangs nas snying rje rje'i skad du ngu zhing phyogs der dong ngo / /de nas rgyal po dang / btsun mos rus pa de dag sha dang / khrag dang / rgyus pa med cing / skra phyogs dang / phyogs mtshams su 'thor ba mthong nas shing rlung gis btab pa bzhin du 'gyel to/ /de nas mdun na 'don pa dang / blon po de dag de ltar gyur pa de mthong nas/ chu dang / ri ma la ya'i tsan+dan gyi lde gus rgyal po dang / btsun mo'i lus sim par byas so/ /de nas ring zhig lon pa dang 'du shes rnyed nas rgyal po langs te snying rje rje'i skad du 'bod pa/ kyi hud bu sdug yid 'ong mthong dga' ba/ /'chi bdag dbang du ci phyir myur du song / /'chi bdag ci phyir nga la sngar ma 'ongs/ /de la sdug bsngal 'di las gzhan mi 'byung / /btsun mo'ang myos </font><hr>396b<br><font size=+1>


pa las sangs nas/ skra zhig cing lag pa gnyis kyis brang la brdungs te nya thang la phyung ba bzhin du sa'i steng du 'gre ldog cing ma he be'u stor ba dang / rnga mo rde'u stor ba bzhin du snying rje rje'i skad du ngu'o/ /kyi hud sdug cing gces pa'i bu ni pad+ma 'di/ /su yis sa yi steng du bshig nas rab tu gtor/ /yid 'ong mig ldan zla 'dra'i bzhin can bdag gi bu/ /bdag gi dgra bo gang gi de ring sa 'dir bcom/ /kyi hud sa 'dir bu mchog bsad mthong ba/ /lus 'di ci phyir de ring zhig ma gyur/ / sdug bsngal 'di 'dra mthong yang ma gas pa/ /bdag gi snying 'di lcags ni yin yang dag /de ring rmi lam du ni bdag gi nu ma 'ga' zhig gis ni ral gris bcad/ /so yang phyung bas de ring bdag gi bu sdug de ni myur du ma rung gyur/ /bdag gis thi ba'i phru gu gsum zhig rnyed pa gcig 'dir ji ltar khras khyer bzhin/ /bdag ni bu gsum dag gis bskor ba las kyang gcig ni de ring 'chi bdag khyer/ /kyi hud sdig pa can gyi rmi lam de yi 'bras bu grub pa ni 'di yin no/ /de nas rgyal po dang btsun mo snying rje rje'i skad du rnam pa mang po smre zhing rgyan thams cad bkrol nas/ skye bo'i tshogs chen po dang lhan cig tu bu'i rus pa la mchod pa byas nas </font><hr>397a<br><font size=+1>


@#/ /gzhon nu'i rus pa rnams sa phyogs 'dir bzhag go/ kun dga' bo/ de'i tshe de'i dus na rgyal bu gzhon nu snying stobs chen po zhes bya bar gyur pa de gzhan zhig yin snyam du khyod sems na de de ltar mi lta'o/ /de ci'i phyir zhe na/ nga nyid de'i tshe de'i dus na rgyal bu gzhon nu snying stobs chen po zhes bya bar gyur to/ /kun dga' bo/ 'dod chags dang / zhe sdang dang / gti mug las yongs su ma grol ba de'i tshe'ang sems can dmyal ba la sogs pa'i sdug bsngal las ngas 'gro ba mtha' dag la phan btags nas skyon thams cad dang bral te yang dag par rdzogs par sangs rgyas pa da ltar lta smos kyang ci dgos/ de ltar sems can re re'i phyir yang sems can dmyal ba rnams su bskal par gnas par spro zhing skye bo'i 'khor ba las rnam par grol lo/ /sems can gyi snying pos shin tu bya dka' ba rnam pa sna tshogs du mas 'gro ba mtha' dag la phan btags so/ /de nas bcom ldan 'das kyis de'i tshe tshigs su bcad pa 'di dag bka' stsal to/ /byang chub mchog 'di yongs su tshol ba na/ /bskal ba mang por ngas ni lus btang ste/ /ji </font><hr>397b<br><font size=+1>


ltar rgyal po dang ni rgyal bur gyur/ /de ltar ngas ni lus rnams yongs su btang / /sngon gyi tshe rabs rnams ni rjes dran te/ /shing rta chen po zhes bya'i rgyal po byung| |de la bu ni gtong ba che ldan pa/ /snying stobs che zhes bya ba dam pa yod/ /de la phu bo dag ni gnyis yod de/ /ming ni sgra chen po dang lha chen po/ /spun tshogs de dag nags tshal khrod du dong / /de dag stag mo bkres pas gzir ba mthong / /de la sems can mchog de snying rje skyes/ /stag mo 'di ni bkres skom gzir bas na/ /bdag bu de dag za bar 'gyur 'ong gi/ /de ltar bdag lus da ni btang bar bya/ /shing rta che la bu ni snying stobs che/ /stag mo bkres mthong stag phrug rnams/ /thar bar bya phyir snying rje yis/ /ri ngos gzar ba mchongs pa dang / /sa ni ri dang bcas su g.yos/ /bya tshogs rnam mang rnam par 'thor/ / ri dwags tshogs skrag 'jig rten 'di/ /mun pas thibs por gnas par gyur/ /de yi phu po sgra chen dang / /de bzhin lha chen de gnyis kyis/ /nags tshogs chen po der bltas na/ /snying stobs chen po ma rnyed nas/ /shin tu mya ngan zug rngu'i snying / /dran med nags kyi nang na rgyu/ /nu po de ni yongs tshol zhing / / </font><hr>398a<br><font size=+1>


@#/ /gdong la mchi zag nags khrod rgyu/ /sgra chen de bzhin lha chen po/ /rgyal bu gzhon nu de dag gnyis/ /stag mo nyam chung gar nyal ba/ /der ni nye bar song ba dang / /stag mo dang ni stag phug gi/ /stag gi mchu la khrag chags mthong / /skra dang rus pa cung zad cig /sa la rnam par 'thor ba mthong / /de yi khrag gi thigs pa ni/ /nyung zhig sa la yod par gyur/ /rgyal po'i bu ni de gnyis kyis| |khrag chags pa yi sa de mthong / /rab tu brgya la te sa 'di la/ /'gyel nas yid ni nyams par gyur/ /lus rnams la ni rdul gyi gos| |dran dbang nyams shing sems kyang myos/ /de dag gi ni 'khor rnams kyang / /snying rjer ngu zhing mya ngan non/ /de dag chus ni rab 'thor zhing / /lag pa bsgreng ste du zhing gnas/ /de ni 'gyel ma thag tu yang / /btsun mo gces mchog bskyed pa'i ma/ /bud med dag ni lnga brgya dang / /pho brang nang na der 'dug ba/ /nu sor gnyis ka'i rtse mo nas/ /'o ma khrag tu 'byung zhing 'dzag /de yi lus dang yan lag </font><hr>398b<br><font size=+1>


kun| |khab kyis btsags pa bzhin du tsha/ /snying ni rab tu mya ngan gang / /bu bral mya ngan drag mangs phog /rgyal po'i gan du nyer song ste/ /mya ngan rab \?\ gdung yid mi dga'/ /snying rje'i sgra yis rab du zhing / /rgyal po shing rta che la smras/ /mi dbang rgyal po bdag la gson/ /bdag lus mya ngan ma yis tshig / bdag gi nu sor rtse gnyis nas/ /'o ma khrag tu rab tu 'byung / /bdag lus khab kyis btsags bzhin tsha/ /bdag gi snying yang gsal thug /ji ltar sdug pa'i bu rnams ni/ /phyin chad mi mthong 'di 'dra'i ltas/ /bdag gi bu rnams de ltar 'tshal/ /thugs rje mdzod de bdag srog stsol/ /de rin bdag gi rmi lam na/ /thi ba'i phru gu gsum rnyed na/ /bdag gi thi ba'i phru gu ni/ /sdug cing yid 'ong gang lags pa/ /der ni khra mchis bdag gi ni/ / thi ba phru gu da khras 'tshal/ /bdag gi rmi lam 'di 'dra yi/ /mya ngan snying 'dir rab tu zhugs/ /sems ni mya ngan rab gdungs pas/ /bdag ni ring por mi thogs 'gum/ /bdag gi bu rnams de ltar 'tshal/ /thugs rjes ldan pa bdag srog rtsol/ /de skad smras nas btsun mo mchog /brgyal nas sa </font><hr>399a<br><font size=+1>


@#/ /der 'gyel bar 'gyur/ /dran pa'i dbang po rnam par nyams/ /sems kyang stor cing dran pa med/ /btsun mo'i 'khor tshogs thams cad kyang / /snying rje'i skad kyi rab tu du/ /btsun mo dam pa brgyal gyur te/ /sa la 'gyel ba mthong nas ni/ /de ma thag tu rgyal dbang ste/ /bu dang bral ba'i mya ngan non/ /blon po dang ni 'khor rnams kyang / /gzhon nu rnams ni btsal phyir dong / /grong khyer kun gyi skye bo dag /tha dad khyim nas byung zhing 'khod/ /du zhing gdong nas mchi ma zag /lam kar snying stobs che de 'dri/ /gson tam 'on te shi'am ci/ /snying stobs chen po de gar song / / bdag cag de ring mthong zhig gam/ /yid 'ong sems can mthong re dga'/ /de ring mi snyan thos gyur cing / /yun ring mya ngan mi bzad rlung / /sgra mi phyin cing rgyu mtha' yas/ /drag po'i sgra bcas ldang zhig gam/ /rgyal po shing rta che langs te/ /mya ngan non cing ngu bzhin du/ /btsun mo dam pa sar 'gyel la/ /bdag nyid chu yi rgyun kyang 'thor/ /ji srid dran rnyed ldan 'gyur ba/ /de srid du ni chu yis gtor/ /bdag bu gum mam gson </font><hr>399b<br><font size=+1>


zhig ces/ /zhum pa'i yid kyis 'dri bar byed/ /rgyal po shing rta chen po yis/ /btsun mo'i mchog la 'di skad smras/ /blon po dag dang 'khor rnams kyang| |gzhon nu rnams ni chos phyir dong / /khyod ni rab tu yid zhum zhing / /rtag tu mya ngan snying ma byed/ /de ltar shing rta chen po yis/ /btsun mo dam pa spro bsrings te/ /rgyal po'i pho brang nang nas byung / /mya ngan non cing ngu bzhin du/ /blon po'i tshogs kyis yongs bskor te/ /yid ni rab zhum lus kyang zhan/ srog chags brgya phrag mang po yang / /ngu zhing mchi ma zag bzhin rgyug /rgyal bu rnams ni btsal ba'i phyir/ /grong khyer gyi ni m+ch+go nas byung / /rgyal po byung ba mthong nas ni/ /rgyal po'i phyi bzhin kun tu 'brang / /rgyal po shing rta chen po ni/ /grong khyer nas byung de ma thag /sdug pa'i bu ni blta ba'i phyir/ / rgod pa'i mig gis phyogs su bltas/ /mgo bregs yan lag khrag spags shing / /lus la rdul gyis gos gyur la/ /gdong la mchi zag ngu bzhin du/ /'ong ba'i mi zhig mthong nas ni/ /shing rta chen po'i snying la yang / /rab tu mi bzad mya ngan gnas/ /ngu zhing gdong la mchi ma zag /lag pa bsgreng ste ngu zhing 'dug/ </font><hr>400a<br><font size=+1>


@#/ /de nas blon po gzhan zhig ni/ /rgyang ring myur du rings par 'ongs/ /'ongs nas mi dbang rgyal po ni/ /shing rta che la 'di skad smras/ /mi dbang thugs ngan ma mdzad cig /khyod sras yid du 'ong bar mchis/ /ring po mi thogs khyod kyi gan 'dir ni/ /sras mchog yid 'ong mchi ba khyod kyis gzigs/ /rgyal po yud tsam lam du zhugs pa dang / /de nas blon po chen po gnyis pa 'ongs/ /rdul chags dri ma can gyi gos gyon cing / /mchi ma'i gdong gis rgyal la 'di skad smras/ /rgyal po chen po khyod kyi sras gnyis ni/ /mya ngan me yis rab tu gdungs shing gnas/ / rgyal po khyod kyi sras mchog gcig mi gda'/ /snying stobs chen po mi rtag nyid kyis zin/ /stag mo bu byung ring por ma lon pa/ /rang gi bu rnams za bar 'dod par mthong / /de dag la ni gzhon nu sems can chos/ /snying rje chen po ldan pas sems bskyed nas/ /byang chub de ni smon lam che btab pa/ / sems can thams cad bdag gis dgrol bar bya/ /byang chub zab mo rgya chen 'dod pa la/ /ma 'ongs pa na bdag gis reg par bya/ /sems can </font><hr>400b<br><font size=+1>


chen po ri ngos gzar nas mchongs/ /stag mo bkres pas non pa de langs te/ /yud tsam gyis ni lus la sha med byas/ /rgyal po'i bu ni rus pa nyi tshe lus/ /ma rungs pa yi tshig ni de thos nas/ /rgyal po shing rta chen po brgyal gyur te/ /sa la 'gyel nas sems kyang stor bar gyur/ /mya ngan me ni shin tu mi bzad 'bar/ /'khor dang blon pos snying rje'i skad kyis ni/ /ngu zhing mya ngan non bzhin de dag kyang / /chus 'thor lag pa bsgreng ste rab tu ngu / /blon po gsum pas rgyal la smras pa ni/ /bdag gis de ring gzhon nu gnyis po dag /nags chen de na rab tu brgyal gyur te/ /sa la 'gyel te sems kyang stor mthong nas/ dran pa rnyed de langs kyi bar du ni/ /bdag cag rnams kyis chab kyis rab tu gtor/ /phyogs bzhi dag nas kun nas 'bar bar mthong / /yud tsam 'greng nas slar yang sa la 'gyel/ /snying rje'i skad kyis smre sngags rab tu 'don/ /rtag par lag pa bsgreng ste gnas nas ni/ /nu bo de yi bsngags pa rab tu brjod/ /rgyal po de ni rab tu sems zhum zhing / /bu dang phra bas na non nas sems kyang 'khrugs/ /mya ngan rab tu gdungs shing smre sngags 'don/ /rgyal </font><hr>401a<br><font size=+1>


@#/ /po de ni 'di snyam yongs su sems/ /bdag bu sdug cing yid 'ong gcig po ni/ /sems can chen po mi rtag nyid kyis zin/ /bdag gi bu ni gnyis po de dag kyang / /mya ngan me yis srog ni zad 'ong gi /'di ltar bdag nyid myur du deng song la/ /mthong na dga' ba'i bu dag blta bar bya/ / bzhon pa mgyogs pas rgyal po'i pho brang gi/ /rgyal po'i khab tu myur du bkri bar bya/ /de dag rnams ni skyed pa'i ma yi snying / /mya ngan me yis gang bar 'gyur du 'ongs/ /bu gnyis mthong nas zhi ba thob gyur to/ /srog dang bral bar 'gyur ba ma yin no/ /rgyal po blon po'i tshogs kyis yongs bskor nas/ /glang chen zhon te bu rnams blta phyir song / /bu gnyis snying rje'i skad kyis rab du zhing / /nub bo'i ming 'bod lam nas 'ong ba mthong / /rgyal pos bu de gnyis ni khrid nas su/ /rab tu du zhing khyim du song nas ni/ /de yis skyen par la gor myur du yang / /btsun mo la ni rang gi bu rnams bstan/ /shAkya thub pa de bzhin gshegs pa dang / /sngon gyi rgyal po shing rta chen po yi/ /bu de snying stobs chen po mchog gyur cing / /gang gis stag mo bde bar byas pa yin/ /rgyal po'i dbang po dam pa zas gtsang ni/ /shing rta che zhes bya ba'i rgyal por </font><hr>401b<br><font size=+1>


por gyur/ /btsun mo'ang btsun mo dam pa sgyu 'phrul gyur/ /sgra chen po ni byams par gyur pa yin/ /rgyal po lha chen po yang de bzhin du/ /de ni 'jam dpal gzhon nur gyur pa yin| |stag mor gyur pa skye dgu'i bdag mo che/ /stag phrug dag ni dge slong lnga por gyur/ /de nas rgyal po shing rta chen po dang / btsun mos snying rje bar smre sngags rnam pa mang po bton nas rgyan thams cad bkrol te skye bo'i tshogs chen po dang lhan cig tu bu'i rus pa la mchod pa byas nas snying stobs chen po de'i rus pa 'di dag phyogs 'di nyid du bzhag ste rin po che sna bdun gyi mchod rten 'di byas so/ /snying stobs chen po 'dis stag mo la lus yongs su btang nas lus yongs su btang ba 'dis phyi ma ma 'ongs pa'i dus na bskal pa bgrang ba las shin tu 'das pa rnams su'ang sems can rnams la sangs rgyas kyi mdzad pa bya'o zhes smon lam de skad btab bo/ /bstan pa 'di bshad pa na lha dang / mir bcas pa'i skye dgu'i sems can grangs med pa dpag tu med pa yang dag par rdzogs pa'i byang chub tu sems bskyed do/ /mchod rten 'di 'dir bstan pa'i rgyu ni 'di yin no/ /rkyen ni 'di yin no/ /mchod rten de'ang sangs rgyas kyi byin gyis brlabs kyis sa de nyid kyi nang na zhugs so/ /gser 'od dam pa mdo sde'i dbang po'i rgyal po las/ stag mo la lus yongs su btang ba'i le'u zhes bya ste nyi shu rtsa drug pa'o// // </font><hr>402a<br><font size=+1>


@#/ /de nas byang chub sems dpa' 'bum phrag du ma de dag de bzhin gshegs pa gser dang / rin po che'i 'byung gnas gdugs brtsegs ga la ba der song ste phyin nas bcom ldan 'das de bzhin gshegs pa gser dang / rin po che'i 'byung gnas gdugs brtsegs kyi zhabs la mgo bos phyag btsal te phyogs gcig tu 'khod do/ /phyogs gcig tu 'khod nas kyang byang chub sems dpa' brgya stong phrag du ma de dag gis thal mo sbyar te de bzhin gshegs pa gser dang| rin po che'i 'byung gnas gdugs brtsegs de la tshigs su bcad pa 'di dag gis mngon par bstod do/ /rgyal ba'i sku mdog gtso ma'i gser 'dra ste/ / sku lus gser gyi mdog tu rnam par gda'/ /gser gyi ri dbang lta bur gser gyi mdog /thub pa pad+ma dkar po'i gser mdog can/ /bzang po'i mtshan gyis sku lus rnam par brgyan/ /dpe byad bzang po sna tshogs sku lus spras/ /gser gyi 'od ltar mdzes pa rnam par 'bar/ /shin tu dri med zhi ba ri dbang 'dra/ /tshangs pa'i sku dang sgra snyan tshangs pa'i dbyangs/ /seng ge'i sgra dang 'brug sgra bsgrags pa'i dbyangs/ /yan lag drug cu'i sgra bsgrags dri med sgra/ /rgyal dbyangs rma bya </font><hr>402b<br><font size=+1>


ka la ping ka'i sgra/ /shin tu dri med dri bral gzi 'od mdzes/ /rgyal ba bsod nams brgya yi mtshan gyis brgyan/ /mkhyen pa'i rgya mtsho dri med dri bral mchog /rgyal ba yon tan kun ldan ri rab 'dra/ /sems can rnams la phan par thugs brtse'i mchog /'jig rten dag na ba de ba sbyin pa'i mchog /rgyal ba dam pa'i don rnams ston pa ste| |mya ngan 'das pa'i bde la 'dzud pa lags/ /'chi ba med pa'i bde ba gsol ba ste/ /rgyal ba bdud rtsi'i chos ni rab tu ston/ /'chi ba med pa'i grong khyer 'dzud pa ste/ /bde ba kun gyi 'byung gnas bde ba'i gnas/ /rgyal ba 'gro ba'i sdug bsngal thar bar mdzad/ /sdug bsngal rgya mtsho las ni skye dgu sgrol/ /zhi ba'i lam la skye dgu rab tu 'dzud/ /skye dgu rnams la bde ba kun stsol ba/ /khyod la dpe ni bgyi bar mi nus te/ /ji snyed 'dren pa'i ye shes yon tan mtsho/ /srog chags kun la khyod kyi thugs rje dang / /byams pa'i stobs dang thabs dang brtson 'grus dang / /khyod kyi yon tan ye shes rgya mtsho las/ /bskal pa bye ba stong phrag mang por yang // yon tan thigs pa gcig tsam rab bstan pa/ /lhar bcas 'gro ba'i nang na nus ma mchis/ /yon tan mtsho las yon tan thigs blangs te/ /de ltar bdag gis mdor </font><hr>403a<br><font size=+1>


@#/ /bsdus cung zad bshad/ /bdag gis bsod nams gang bsags de yis ni/ /sems can de dag byang chub mchog reg \?\ shog /gser 'od dam pa mdo sde'i dbang po'i rgyal po las/ byang chub sems dpa' thams cad kyis bstod pa'i le'u zhes bya ste nyi shu rtsa bdun pa'o// //de nas byang chub sems dpa' mdzes pa'i tog stan las langs te bla gos phrag pa gcig tu gzar nas pus mo g.yas pa'i lha nga sa la btsugs te bcom ldan 'das ga la ba de logs su thal mo sbyar ba btud nas tshigs su bcad pa 'di dag gis bcom ldan 'das la mngon par bstod do/ /thub dbang khyod ni bsod nams brgya pa'i mtshan/ /dpal stong mdzes pa'i yon tan rnams kyis brgyan/ /kha dog rgya chen mchog tu zhi ba ston/ /nyi ma stong ltar 'od ni rnam par 'phro/ /'od zer du ma 'bar bas 'od kyis khyab/ /kha dog sna tshogs gang bas rin chen 'dra/ /sngon po dkar po ser po baiDUR+Ya/ /zangs dang skya reng shel gyi 'od lta bus/ /rdo rje ri dbang ri rab thal mdzad cing / /zhing rnams bye ba du mar snang mdzad de/ /sdug bsngal mi bzad drag po zhi bar mdzad/ /bde ba'i mchog gis sems can tshim par </font><hr>403b<br><font size=+1>


mdzad/ /mdog dang dbang po gsal ba blta na mdzes/ /gzugs bltas mi ngoms skye bos blta na dga'/ /rma bya'i mdog 'dra'i dbu skra rnam par mdzes/ /bung ba mang pos gang ba'i 'od dang 'dra/ /thugs rjes rnam dag yon tan rnams kyis brgyan/ /ting 'dzin byams pa bsod nams dam pa bsags/ /dpe byad bzang dang kha dog sna tshogs ldan| |ting 'dzin byang chub yan lag yon tan brgyan/ /khyod ni rab tu tshim mdzad phan pa mdzad/ /bde mdzad bde ba kun gyi 'byung gnas 'byung / /yon tan zab mo sna tshogs rnams kyis brgyan/ /zhing rnams bye ba dag tu lhang nge ste/ /me yi 'od ltar 'od zer rnams kyis mdzes/ /ji ltar nam mkha'i nyi dkyil rdzogs pa bzhin/ /ri rab lta bur yon tan kun ldan par/ /'jig rten khams rnams kun tu rab tu gda'/ /ba zho ku mu da dang zla 'dra zhing / /kha ba'i mdog dang dkar po bzang 'dra ba'i// tshems kyi phreng bas khyod kyi zhal mdzes pa/ /ngang pa'i rgyal pos bar snang ji bzhin no/ /khyod kyi zhi zhal mtshan gnas zla ba 'dra/ /g.yas su 'khyil cing khong chud 'dra ba lags/ /bai DUR+Ya 'dra'i spu 'od dkar rnams kyis/ /nam mkha'i dkyil na nyi ma lta bur mdzes/ /gser 'od dam pa mdo sde'i dbang po'i rgyal po las/ de bzhin </font><hr>404a<br><font size=+1>


@#/ /gshegs pa thams cad la bstod pa'i le'u zhes bya ste nyi shu rtsa brgyad pa'o// //de nas rigs kyi lha mo byang chub yang dag par bsdus pas de'i tshe tshigs su bcad pa 'di dag gis bcom ldan 'das la bstod pa/ rnam par dag pa'i chos la spobs pa'i blo mnga' pa/ /las ngan lam dang bral pa'i bdag nyid blo mnga' zhing / /srid dang srid min mkhyen pa'i rnam dag blo mnga' ba/ /sangs rgyas rnam dag blo mnga' ba la phyag 'tshal lo/ /kye ma'o kye ma'o sangs rgyas gzi brjid mtha' yas te/ /kye ma'o kye ma'o rgya mtsho dang ni ri rab 'dra/ /kye ma'o kye ma'o sangs rgyas spyod yul mtha' yas te/ /u dum bA ra'i me tog bzhin du shin tu dkon/ /sems can dag ni thams cad rjes su gzung slad du/ /gang gis mdo sde dam pa 'di 'dra rab gsungs pa/ /mi dbang nyi ma shAkya'i dbang po'i rigs kyi tog /kye ma'o kye ma'o de bzhin gshegs pa thugs rje ldan/ /de bzhin gshegs pa shAkya thub pa dbang po zhi/ /zhi ba dam pa zhi pa'i grong khyer rab tu zhugs/ /ting 'dzin zab cing zhi la rdul dang bral ba ni/ /rgyal ba sangs rgyas spyod yul der yang rab tu zhugs/ /de ltar nyan thos rnams kyi lus ni stong pa ste// </font><hr>404b<br><font size=+1>


rkang gnyis dam pa rnams kyi gnas pa'ang stong pa lags/ /chos rnams de dag thams cad rang bzhin stong lags na/ /sems can rnams ni stong pa'i bdag nyid ma 'tshal to/ /rtag par khor yug tu ni rgyal ba dran par bgyid/ /rgyal ba mthong bar yang ni rtag tu mya ngan bgyid/ /rdzogs pa'i sangs rgyas nyi ma mthong bar bgyi slad du| |rtag par yang ni smon lam rab tu 'debs par bgyid/ /bdag ni rtag tu dog sar pus mo btsugs nas su/ /rgyal ba'i gzugs kyis skom pas rab tu mya ngan sems/ /'dren pa'i slad du snying rje'i skad kyis du bar bgyid/ /bdag ni bde bar gshegs pa mthong bar rab tu skom/ /mya ngan me yis kun tu rab tu 'bar bar gyur| |mthong ba'i chu bsil bdag la rtag par stsal du gsol/ /bdag nyid khyod kyi gzugs la blta bas rab tu skom/ /thugs rje'i chab kyis bdag la rab tu tshim par mdzad/ /'dren pa khyod ni bdag la thugs rjer mdzad du gsol/ /zhi ba'i gzugs mthong ba ni bdag la stsal du gsol/ /khyod ni lha dang bcas pa'i 'gro ba'i  \?\ pa ste/ /'di ltar nyan thos rnams kyi lus ni stong pa lags/ /sems can thams cad dag ni rmi lam rang bzhin te/ /nam mkha' 'dra zhing nam mkha'i ngo bo nyid </font><hr>405a<br><font size=+1>


@#/ /kyang lags/ /sgyu ma smig rgyu dang ni chu yi zla ba 'dra/ /'dren pa khyed kyi ston pa tshe dang ldan pa lags/ /de nas bcom ldan 'das gdan las \?\ bzhengs te tshangs pa'i sgra skad kyis bka' stsal pa/ rigs kyi lha mo/ khyod legs so/ /legs so/ /khyod yang legs so/ /bcom ldan 'das kyis de skad ces bka' stsal nas/ rigs kyi lha mo byang chub yang dag par bsdus pa dang / lha mo chen po dbyangs can la sogs pa'i lha'i bu mo de dag thams cad dang / lha mo chen mo dpal la sogs pa lha mo'i tshogs de dag thams cad dang / rnam thos kyi bu la sogs pa'i rgyal po de dag thams cad dang / thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rangs te bcom ldan 'das kyis gsungs pa la mngon par bstod do// 'phags pa gser 'od dam pa mdo sde'i dbang po'i rgyal po las/ mjug sdud kyi le'u zhes bya ste nyi shu rtsa dgu pa'o// //'phags pa gser 'od dam pa mdo sde'i dbang po'i rgyal po zhes bya ba theg pa chen po'i mdo rdzogs so// //rgya gar gyi paN+Di ta dzi na mi tra dang / shI len+d+ra bo d+hi dang / zhus </font><hr>405b<br><font size=+1>


chen gyi lots+tsha ba ban d+he ye shes sdes zhus te skad gsar bcad kyis bcos nas gtan la phab pa'o// </font><hr>

</table>