/rgya gar skad du/ A R+Ya sarba bud+d+ha ang+ga ba ti mA ma d+hA ra NI/ bod skad du/ 'phags pa sangs rgyas thams cad kyi yan lag dar ldan pa zhes bya ba'i gzungs/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa'i dus gcig na/ bcom ldan 'das gang+gA'i klung chen po'i 'gram na/ 'jig rten skyong ba bzhi dang thabs cig tu bzhugs te/ de'i tshe bcom ldan 'das kyis rnam thos kyi bu la sogs pa rgyal po chen po bzhi la 'di skad ces bka' stsal to/ /rgyal po chen po dag skyes pa dang / bud med dang / khye'u dang / bu mo rnams la 'jigs pa chen po bzhi po 'di dag 'byung ngo / /bzhi gang zhe na/ 'di lta ste/ rga ba dang / na ba dang / rgud pa dang / 'chi ba'o/ /de la yang 'jigs pa chen po gcig ste/ 'di ltar 'chi bdag gi 'jigs pa chen po ste/ brtsam pa med pa/ gnyen po med pa/ rtag tu phyi bzhin 'brang ba'o/ /rgyal po chen po dag de la 'jigs pa chen po gcig po de'i gnyen po ngas 'dir brjod par bya'o/ /de nas bcom ldan 'das la rgyal po chen po bzhis 'di skad 15b ces gsol to/ /bcom ldan 'das/ gang gi slad du bcom ldan 'das kyis srog rab tu stsal bas skyed bu rjes su gzung ba 'di ni/ deng bdag cag gi rnyed ba legs par rnyed do/ /de nas bcom ldan 'das shar phyogs su thugs mngon du phyogs te bzhugs nas/ se go la gyi sgras de bzhin gshegs pa thams cad la bskul te/ 'di skad ces/ de bzhin gshegs pa dgra bcom pa yang dag par rdzogs pa'i sangs rgyas gang su dag/ sems can rnams la thugs brtse ba'i slad du bla na med pa yang dag par rdzogs pa'i byang chub tu mngon par rdzogs par sangs rgyas pa de dag bdag gi grogs mdzod cig /des na bdag 'dir sangs rgyas thams cad kyi byin gyis rlabs kyis byin gyis brlabs nas sems can thams cad kyi dus ma yin par 'chi ba rab tu bzlog par bgyi'o/ /sngon ma bskor ba'i chos kyi 'khor lo gnyis pa yang bskor bar bgyi'o zhes gsungs so/ /de bzhin du lho dang / nub dang / byang dang / steng dang / 'og gi de bzhin gshegs pa thams cad la bskul te/ 'di skad ces/ de bzhin gshegs pa dgra bcom pa yang dag par rdzogs pa'i sangs rgyas gang su dag/ sems can rnams la thugs brtse ba'i don du bla na med pa yang dag par rdzogs pa'i byang chub mngon par rdzogs bar sangs rgyas pa de dag bdag gi grogs mdzod cig ces gsung ngo / /de bzhin du phyogs mtshams rnams su yang / 'di skad ces/ gang gi 16a @#/ /phyir 'di dag tshe dang / stobs dang / kha dog dang ldan pa yongs su 'grub cing / dus ma yin par 'chi ba'i 'jigs pa 'byung bar mi 'gyur bar sangs rgyas thams cad bdag gi grogs mdzod cig ces gsungs so/ /de nas phyogs bcu'i sa'i khams ji snyed sangs rgyas kyi spyan la snang bar gyur pa de snyed kyi 'jig rten gyi khams dag sangs rgyas bcom ldan 'das kyis til gyi gang bu bzhin du gang ste/ de dag gis de bzhin gshegs pa'i grogs mdzad par zhal gyis bzhes nas de bzhin gshegs pa de dag thams cad 'di skad ces gsung ngo / /tad+ya thA/ tsa lA tsa la tsa le/ bi na ti/ swa sti ke/ tsakra ang+ga ti/ pra sha man+tu/ sarba ro ga a na tre/ kuN+Te kuN+Te/ mahA kuN+Te/ tsa re tsa re re/ he ma gi ri/ he ma gau ri/ he ma gau ri/ he ma ni shun+ti/ he ma si si/ kau ra be kau rab be/ he ku ra re/ ku ra re/ ku ma ti/ bi Sha sa ma Ni/ shi Shu bi/ tsa le tsa le/ bi tsa le| mA bi la m+ba hu mu hu mu swA hA/ gsang ba pa'i bdag po ji snyed pa thams cad kyang de bzhin gshegs pa thams cad dang nye bar 'dug nas/ de dag gis smras pa/ hUM hUM si si swA hA| de skad ces bka' stsal pa dang / de bzhin gshegs pa thams cad mi snang bar gyur to/ /de nas bcom ldan 'das la rgyal po chen po rnam thos kyi bus 'di skad 16b ces gsol to/ /bcom ldan 'das/ bdag gis kyang de bzhin gshegs pa'i byin gyis brlabs kyis bsrung bar bgyi'o/ /dus ma lags par 'gum pa las bzlog par bgyi'o/ tad+ya thA/ shwe te shwe te shwe te/ le li li/ 'phags skyes pos kyang smras pa/ mA ta d+he mA tang+ge/ mA tang+gi ni/ shU mA shU mU/ yul 'khor srung gis kyang smras pa/ tsa re tsa re re swA hA mig mi bzang gis kyang smras pa/ ba lam bi pa/ bcom ldan 'das kyis 'di skad ces bka' stsal to/ /rgyal po chen po dag gang la la zhig sangs rgyas thams cad kyis gzigs pa'i rig sngags 'di nyin re la lan re 'don na rigs kyi bu'am/ rigs kyi bu mo de la ston pa'i 'du shes bskyed par bya'o/ /rigs kyi bu'am/ rigs kyi bu mo de ngan song gsum du 'gro bar mi 'gyur ro/ /'dis sems can thams cad kyi srog la phan btags par 'gyur ro/ /gang zhig sems can thams cad kyi don du nyin gcig bzhin du tshig tu 'don pa dang / gang yang 'di klog pa de la dus ma yin par 'chi ba'i 'jigs ba med do/ /de'i lus la nad ngan pa 'byung bar mi 'gyur ro/ /chus 'chi ba'i dus byed par mi 'gyur ro| |mes ma yin/ mtshon gyis ma yin/ dug gis ma yin/ lce 'bab bas ma yin no/ /gang la la rgyal pa'i bu dag rig sngags 'don pa'i sa phyogs de sangs rgyas dang 17a @#/ /byang chub sems dpa' thams cad kyis dgongs par rig par bya'o/ /yi ger 'dri ba'am/ yi ger 'drir 'jug pa des sangs rgyas bcom ldan 'das la rim gro bya ba thams cad kyis bsti stang byas par 'gyur ro/ /de ci'i phyir zhen/ sems can rnams la rim gro byed pa ni sangs rgyas la rim gro byed pa yin no zhes de bzhin gshegs pa rnams gsung ba'i phyir ro/ /su zhig gis 'di bris nas yan lag la btags na de'i yan lag thams cad bsrung bar 'gyur ro/ /bcom ldan 'das kyis de skad ces bka' stsal nas rgyal po chen po bzhi dang / thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa sangs rgyas thams cad kyi yan lag dang ldan pa zhes bya ba'i gzungs rdzogs so// // rgya gar gyi mkhan po ji na mi tra dang / dA na shI la dang / zhus chen gyi lo ts+tsha pa ban+de ye shes sdes bsgyur cing zhus te skad gsar bcad kyis kyang bcos nas gtan la phab pa'o// // |