/rgya gar skad du/ AR+Ya bud+d+ha hr-i 13a @#/ /da yaM nA ma d+ha ra Ni/ bod skad du/ 'phags pa sangs rgyas kyi snying po zhes bya ba'i gzungs/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa'i dus gcig na/ bcom ldan 'das rgya mtsho'i 'gram gyi skyed mos tshal na sangs rgyas kyi spyod yul gyi shing ljon pa kun nas seng ge'i khri la bzhugs te/ lha'i 'khor gyis kun nas bskor cing mdun gyis bltas te chos ston to/ /de nas bcom ldan 'das kyis dbang phyug chen po/ dka' thub bzang po la sogs pa gnas gtsang ma'i ris kyi lha'i bu rnams la bka' stsal pa/ lha'i bu dag/ de'i phyir legs par rab tu nyon la yid la zungs shing dang bshad do/ /de bzhin gshegs pa phyi ma'i dus na/ 'khor bzhi bsdu ba dang / rjes su gzung ba dang / kun tu rjes su gzung ba dang / khyad par du 'gro bar bya ba dang / don thams cad dang / chos thams cad dang ldan pa yongs su rdzogs par bya ba dang / theg pa chen po la yang dag par zhugs pa rnams rnam pa thams cad du khyad par thob par bya ba'i phyir sangs rgyas kyi snying po zhes bya ba'i gzungs kyi chos kyi rnam grangs ston to/ /'chad do/ /de khyed kyis zungs la da ltar dang / nga yongs su mya ngan las 'das nas phyi ma'i dus na theg pa chen po la yang 13b dag par zhugs pa'i 'khor rnam pa bzhi rnams la ston cig/ shod cig/ yal bar mi dor bar nges par bstan par bya/ bsgrag par bya'o/ /ji tsam du phongs par gyur pa rnams dang / sgrib pa dang ldan pa rnams la de bzhin gshegs pa'i gsung bskyang zhing nges par bstan par bya/ bsgrag par bya'o/ /gsol pa/ bcom ldan 'das/ de bzhin du bgyi ste/ de bzhin gshegs pas ji skad bka' stsal pa de bzhin du 'tshal lo/ /de bzhin gshegs pa'i bka' bzhin 'di nan tan gyis yongs su rdzogs par bgyi'o/ /bcom ldan 'das kyis bka' stsal pa/ lha'i bu dag/ sangs rgyas kyi snying po zhes bya ba'i chos kyi rnam grangs gang zhe na/ tad+ya thA/ a ma le/ nirma le/ sarba A kA ra ar+tha pa ri prAp+te/ a sa man+ta sarba ku na A kA re t+r+ya d+h+we/ a saM ga a nA pr-i ti/ sa man+ta da sha de sha/ pa ri pUr+Na dz+nyA ni/ sarba a saM ga daR+sha na prAp+te/ sarba d+harma ma bi sha ta pa ri pUr+Ne/ sarba A kA ra/ a saM ga sa ma ni te/ sa man+tA a thA ti ha ta dzet+r+ya d+h+wa da sha su/ dik+Shu pa ri prap+ta ar+the/ shAn+ta/ phra shAn+ta/ u pa shAn+ta/ sa ma shAn+ta/ bi mo k+Sha a nu prAp+te/ su pra ti bud+d+ha d+ha rmA d+hA tu/ a t+yan+ta su ni sri te/ sarba A kA ra ni sa sa rA Na/ a na pa she Sha pA rang te/ bi pra muk+ta/ a saM yo ga bi pra yo ga s+thi te d+harma te/ ga ga na sa ma/ pra kr-i ti pa ri shud+d+ha/ nirma le/ a sa man+ta/ t+r+ya d+h+wa a nu ga ta/ su prAp+te pUrbAn+ta/ a pa ran+ta/ ma d+h+ya t+r+ya d+h+wa sa man+ta a 14a @#/ /nu prap+te/ a na ba she Sha/ pa ri dz+nyA pra ha na/ b+ha ba na/ sa k+ShAd kri ya par ma pa rang+ga te/ ya thA bA di ta thA kA ri/ sarba A kA ra sam pan+ne/ sarba A kA ra ma hA/ mai tri mahA ka ru NA/ s+r+ba A kA rA sa mas gra ha a nu prAp+te/ lha'i bu dag /'di ni sangs rgyas kyi snying po zhes bya ba'i gzungs kyi chos kyi rnam grangs te/ theg pa chen po la yang dag par zhugs pa'i 'khor bzhi po las rigs kyi bu'am/ rigs kyi bu mo gang la la zhig gis lus la thogs sam/ legs par kha ton du byas te 'dzin pa des dman pa'i sems su mi bya ste/ de bzhin gshegs pa ji lta ba bzhin du de dag gi spyi gtsug gi steng gi mtshams su gnas par 'gyur ro/ /kha cig ni nges par sangs rgyas mthong bar 'gyur ro/ /kha cig ni thos par 'gyur/ kha cig ni chos ston par 'gyur/ kha cig ni gzungs mi brjed par 'gyur/ slob pa lam la gnas pa rnams ni lam gyi rgyun mi 'chad cing chos ston pa rgyun mi chad par 'gyur/ kun tu 'dzin pa mi brjed par yang 'gyur/ skye ba gcig gis thogs pa grub par 'gyur/ de dag dang ldan na thos pa rgya mtsho thams cad kyi gzungs thob par 'gyur/ mi skye ba'i chos la bzod pa thob par 'gyur ba nas sangs rgyas kyi rnam par thar pa sgrib pa med pa dang / yongs su rdzogs pa'i bar du rjes su thob par 'gyur ro// 14b khyed kyis tshe 'di la nga'i bstan pa'i dgongs pa khong du chud par bya'o/ /rigs kyi bu'am/ rigs kyi bu mo de dag la yang nges par bstan par bya zhing bsgrag par bya'o/ /yal bar mi 'dor/ phyi ba shol mi bya/ brjod par mi bya'o/ /gsol pa/ bcom ldan 'das/ de bzhin du bsgrub par bgyi'o/ /bcom ldan 'das/ sangs rgyas kyi snying po zhes bgyi ba'i gzungs kyi chos kyi rnam grangs 'di slad ma'i dus na 'khor bzhi rnams la phyi bshol ma mchis pa dang / mi bskyud par bstan par bgyi/ bshad par bgyi'o/ /rigs kyi bu 'am/ rigs kyi bu mo de dag la yang nges par bstan par bgyi zhing bsgrag par bgyi'o/ /des na de bzhin gshegs pa'i bka' lung dang mthun par 'gyur/ bdag cag gis de bzhin gshegs pa'i dam pa'i chos yongs su bzung par 'gyur/ rigs kyi bu'am/ rigs kyi bu mo de dag la yang don chen po dang / phan pa'i dngos po chen por 'gyur lags so/ /bcom ldan 'das kyis bka' stsal pa/ lha'i bu dag/ de'i phyir ji skad smras pa de bzhin gyis shig/ 'di ni khyed la rjes su bstan pa'o/ /bcom ldan 'das kyis de skad ces bka' stsal nas/ dbang phyug chen po/ dka' thub bzang po la sogs pa gnas gtsang ma'i ris kyi lha'i bu rnams dang / thams cad dang ldan pa'i 'khor de yi rangs te/ bcom ldan 'das kyis gsungs pa la 15a @#/ /mngon par bstod do/ /'phags pa sangs rgyas kyi snying po zhes bya ba'i gzungs rdzogs so// //rgya gar gyi mkhan po dzin mi tra dang / dA na shI la dang / zhu chen gyi lots+tsha ba ban+de ye shes sdes bsgyur cing zhus te/ skad gsar bcad kyis kyang bcos nas gtan la phabs/ |