H465

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H465</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H465&coll=lhasa">see text in Tibetan script</a></table>362a<br><font size=+1>


//rgya gar skad du/ AR+Ya a tsa la ma hA kro d+ha rA dza sarba ta thA ga ta s+ya ba lA pa ri mi ta bI ra ba na ya b+hA Shi to nA ma kalpa/ bod skad du/ de bzhin gshegs pa thams cad kyi khro bo'i rgyal po mi g.yo ba de'i stobs dpag tu med pa rtul phod pa 'dul bar gsungs pa zhes bya ba'i rtog pa/ rje btsun 'phags pa spyan ras gzigs dbang phyug la phyag 'tshal lo/ /'di skad bdag gis thos pa dus gcig na/ bcom ldan 'das rlung la bzhugs te rin po che sna tshogs bkod pa rin po che'i gzhal </font><hr>362b<br><font size=+1>


yas khang bye ba grangs med pa du mas bkod cing yongs su bskor ba/ bsam gyis mi khyab cing grangs med pa'i de bzhin gshegs pa'i bsod nams las 'khrungs pa'i byang chub sems dpa'i seng+ge'i khri bshams pa rin po ches spras pa/ 'jig rten gyi khams grangs med pa rnam par snang bar byed pa/ rin po che sna tshogs kyi lcags ris yongs su bskor cing shin tu yid 'phrog pa/ steng du rin po che sna tshogs kyis spras pa'i rin po che'i bla bres nam mkha'i khams go 'byed par snang bar byed pa/ bsam gyis mi khyab pa'i pad+ma'i rgyal po rin po che sna bdun gyi rgyu las yang dag par byung ba/ sems can thams cad kyi bsam pa sna tshogs yongs su dga' bar byed pa/ 'od zer chen po phul du byung ba gsal bar byed cing mun nag thams cad rab tu dang bar byed pa/ byang chub sems dpa' thams cad kyi ye shes las 'khrungs pa'i seng+ge'i khri bsam gyis mi khyab pa bye ba du mas yongs su bskor ba/ byang chub sems dpa' grangs med pas yongs su bskor ba/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po la sogs pa du mas yongs su bskor ba der bcom ldan 'das bzhugs nas chos ston to/ /'di lta ste/ 'phags pa spyan ras gzigs dbang phyug dang / 'jam dpal dang / kun tu bzang po dang / byams </font><hr>363a<br><font size=+1>


@#/ /pa dang / sgrib pa thams cad rnam par sel ba dang / zhi ba'i blo gros dang / sna tshogs bkod pa dang / nam mkha' me tog 'chang dang / nam mkha'i snying po dang / shin tu rnam dag dang / phyag na rdo rje la sogs pa byang chub sems dpa' chen pos yongs su bskor ba/ nyan thos bye ba phrag tu ma 'di lta ste/ shA ri'i bu dang / mau gal dang / rta thul dang / 'od srung la sogs pas yongs su bskor ba/ grags chen snyan pa chen po brgya byin dang / tshangs pa dang / khyab 'jug dang / lus ngan po la sogs pas yongs su bskor zhing / bcom ldan 'das thugs rje chen po dang ldan pa'i thugs kyis chos ston pa 'di lta ste/ gsang sngags kyi tshul la 'jug pa la sogs pa'i chos kyi rnam grangs gang thos par byed pa'i byang chub sems dpa' de dag dang / nyan thos de dag dang / thams cad dang ldan pa'i 'khor de dag dang / bsam gyis mi khyab pa'i sems can gyi khams kyi bsam pa sna tshogs la dgos pa sna tshogs kyi spyod lam gyis zhugs shing rdzu 'phrul gyi cho 'phrul rnams mdzad do/ /bsam gyis mi khyab pa'i sangs rgyas rnams bsnyen bkur dang / yongs su mnyes par mdzad do/ /sangs rgyas kyi rdzu 'phrul gyi cho 'phrul du ma rnams kyang gzigs so/ /sangs rgyas kyi sprul pa du ma yang mngon par sprul pa mdzad </font><hr>363b<br><font size=+1>


do| |bkod pa chen po yang bskyed par mdzad do/ /mdor na thabs gnag dang gang gis sems can gyi don du gzigs pa de dang de mdzad do/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa des 'khor chen po rnams la gzigs nas byang chub sems dpa' sems dpa' chen po phyag na rdo rje la bka' stsal pa/ lag na rdo rje/ bdag gis sna tshogs du ma'i gsung gi 'khor lo'i dkyil 'khor rnam par phyung ste tshig dang yi ge du ma bkod pa/ sems can sna tshogs mgu bar byed pa/ phyag rgya dang sngags sna tshogs kyis rnam par mtshan par gyur pa/ 'gro ba sna tshogs kyi khyad par brjod pa/ sdug bsngal sna tshogs rab tu zhi bar byed pa/ dbang phyug du ma dang ldan zhing yid 'phrog pa'i yi ge gcig dang / stong phrag brgyad dang / grangs med pa dang / bye ba phrag gsum dang / rjes 'jug dang / ring po dang / thung ngu dang / nga ro dang / gsal byed kyi mtshan mas mtshan pa/ de bzhin gshegs pa'i chos kyi dbyings byang chub sems dpa'i sa bcu la sogs pa'i dbye ba dang / nyan thos dang / rang sangs rgyas dang / 'jig rten pa'i mngon par shes pa lnga dang / lha'i gnas la sogs pa'i dbye ba dang / mi'i 'gro ba dang / yi dwags dang / dud 'gro'i 'gro ba la thug par phye zhing bcad pa </font><hr>364a<br><font size=+1>


@#/ /rnams gang bdag gis sems can rnams la phan pa'i bsam pa bye ba phrag grangs med pa bdun cu rtsa bdun gyis sems can rnams kyi don du gsungs pa yin no/ /de yang gzhi dang me tog gi snying pos brgyan pa'i 'jig rten gyi khams 'dir dar bar 'gyur ro/ /gsang ba pa'i bdag po/ bye ba phrag grangs med pa bdun cu rtsa bdun po de rnams kun gyi nang nas byang chub sems dpa' chen po 'phags pa spyan ras gzigs dbang phyug dang / phyag na rdo rje dang / 'jam dpal la sogs pa'i byang chub sems dpa' rnams la bdag gis thabs sna tshogs kyi cho ga'i sgo bstan to/ /gsang ba pa'i bdag po/ de rnams la ni/ mngag gzhug dang / mngag gzhug ma dang / pho nya dang / pho nya mo la sogs pa de rnams kyi phyag rgya dang / sngags dang / rtog pa'i cho ga yang rgyas par bstan to/ /las sna tshogs dang ldan pa'i sgrub pa'i thabs kyang bstan te/ sgrub thabs sna tshogs yang dag ldan/ /ras ris cho ga rnam par bstan/ /yang na las kyi cho ga dbye/ /gang du stobs chen gsang ba'i las/ /sbyin sreg dag ni bdag gis bstan/ /lhag ma de bzhin yul gnas gzhan/ /de nas ma lus me thab dang / /de bzhin zhi ba rgyas pa dang / /dbang du bya dang mngon spyod dang / /de nas </font><hr>364b<br><font size=+1>


dus kyi khyad par dang / /dkyil 'khor yang ni de bzhin bstan/ /phyag rgya dag kyang ma lus par/ /sa bon dang ni mtshan ma dang / /gsang ba yi ni sngags nyid dang / /rigs kyi mtshan ma de bzhin sku/ /ma lus pa yi dbyings dang yang / /de lta bu la sogs pa'i las/ /de dag thams cad bdag gis bstan/ /mi g.yo zhes bya'i rtog pa ni/ /de ni slar yang bdag gis bshad/ /dag pa'i sems dpa' blo ldan gyis/ /sngags pas gang zhig bsgrub bya yi/ /bsam gyis mi khyab sna tshogs las/ /gsang sngags kyi ni sgrub thabs shig / rtog pa 'di ru mdor bsdus nas/ /de yi cho ga yang dag bshad/ /yang dag rdzogs sangs rgyas bsnyen cing / /bsgrubs pas go 'phang thob par 'gyur/ /de bzhin gshegs pa'i sras kyi mchog /chos zhes bya ba skye bar 'gyur/ /sangs rgyas zhing ni ma lus par/ /de ni kun tu dag par 'gyur/ /rtag par rgyun du rnam rtog med/ /nam mkha' yi ni lam la gnas| |gzugs can lus la brten nas su/ /sems can bye brag thugs su chud/ /sems can zhi ba gdul dka' dang / /bgegs chen dang ni log par 'dren/ /de rnams gdul bar bya ba'i phyir/ /rdzogs sangs rgyas kyis rtag tu sprul/ /mtshan ni mi g.yo zhes bsgrags pa/ /khro bo 'phags pa stobs po che/ /dpal ldan gdul dka' 'dul </font><hr>365a<br><font size=+1>


@#/ /mdzad pa/ /sangs rgyas rnams kyi sras kyi sras/ /de 'dir rgyal mchog rnams dang ni/ /de bzhin rgyal sras kyis rtag par/ /phyag 'tshal tshangs pa la sogs dang / /lus can thams cad kun tu mchod/ /sangs rgyas rnams ni byas pa gzo/ /de bzhin du ni sangs rgyas sras/ /'di kun smon lam yongs rdzogs shing / /bsam gyis mi khyab ye shes rdzogs/ /mi g.yo zhes bya'i sa thob pas/ /mi g.yo 'di yang de yi mtshan/ /bdud rnams kun gyis mi g.yo bas/ /brtan pa'i ye shes dri med bzang / /rtog pa'i rgyal po rdzu 'phrul che/ /bshad kyi bu khyod tshur nyon cig /sangs rgyas kun gyis byin gyis brlabs/ /chos kyi dbyings su rab gzhol bas| |rtag tu tshe dang nad med mchog /dngos grub myur du stsol mdzad pa/ /rtag tu bgegs rnams sel byed cing / /de bzhin bdud rnams rab tu 'joms/ /sems can rnams ni bde ba'i phyir/ /rtog pa 'di ni rab tu bshad/ /de nas byang chub sems dpa' sems dpa' chen po de dag dang / thams cad dang ldan pa'i 'khor de dag mgrin gcig gi ngag gis gsol pa/ sems can thams cad kyi don dang bdag cag la thugs brtse ba bskyed de/ bcom ldan 'das bshad du gsol/ bde bar </font><hr>365b<br><font size=+1>


gshegs pa bshad du gsol/ de skad ces gsol pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas gsol ba btab pa de mkhyen nas gzhi dang snying po me tog gis brgyan pa'i 'jig rten gyi khams 'di 'od zer chen pos snang bar byas nas dpal gyi be'u las byung ba zhes bya ba'i 'od zer phyung ste/ 'od zer bye ba khrag khrig brgya stong du ma grangs med pas yongs su bskor ba byas nas gzhi dang snying po me tog gis rgyan pa'i 'jig rten gyi khams 'di nas bzung ste ji srid brjod du med pa'i yang brjod du med pa'i sangs rgyas kyi zhing rdul phra rab dang mnyam pa'i 'jig rten gyi khams nas nam mkha'i khams kyi mthas gtugs pa'i bar du de khyab nas g.yas phyogs nas bskor te/ de bzhin du byang phyogs dang / nub dang / lho dang / shar gyi phyogs dang / phyogs bcu'i 'jig rten gyi khams kyi bar du khebs par byas so/ /'jig rten gyi khams de rnams na bzhugs pa'i byang chub sems dpa' de thams cad kyis tshigs su bcad pa 'di smras so/ /shAkya mgon po rdzogs sangs rgyas/ /gzi brjid chen po gang bzhugs pa/ /chos kyi dbyings las byung ba yi/ /rgyal ba'i sras po thams cad gshegs/ /de ru dri med dam chos nyon/ </font><hr>366a<br><font size=+1>


@#/ /gsang sngags spyod pa'i tshul dge ba/ /gang thos 'jig rten mgon pos ni/ /byang chub 'dus ma byas pa brnyes/ /de nas 'od chen po des tshigs su bcad pa 'di thos nas slar log ste bcom ldan 'das kyi dpal be'u nyid du zhugs par gyur to/ /de nas byang chub sems dpa' chen po de rnams rang rang gi 'jig rten gyi khams nas khro bo'i mthus bcom ldan 'das shAkya thub pa ga la ba der lhags so/ /de nas bcom ldan 'das shAkya thub pas thams cad dang ldan pa'i 'khor rnams kyi sems rtse gcig par mkhyen nas slar yang rdo rje bsgyings pa sreg pa'i me lce kun tu 'byung ba zhes bya ba'i ting nge 'dzin la snyoms par zhugs so/ /bcom ldan 'das snyoms par zhugs ma thag tu stong gsum gyi stong chen po'i 'jig rten gyi khams 'di rnam pa drug tu g.yos so/ /rab tu g.yos so| |kun tu rab tu g.yos so/ /'gul/ rab tu 'gul/ kun tu rab tu 'gul/ ldeg/ rab tu ldeg/ kun tu rab tu ldeg/ 'khrugs/ rab tu 'khrugs/ kun tu rab tu 'khrugs/ 'ur 'ur/ rab tu 'ur 'ur/ kun tu rab tu 'ur 'ur/ chem chem/ rab tu chem chem/ kun tu rab tu chem chem/ 'jig rten du snang ba chen po </font><hr>366b<br><font size=+1>


byung bar gyur to/ /gzhan yang bsam gyis mi khyab pa'i cho 'phrul mthong ngo / /snyoms par zhugs pa 'di ni/ de bzhin gshegs pa thams cad kyi bsam pa yongs su rdzogs par byed pa/ bdud thams cad rab tu 'joms par byed pa/ sems can thams cad kyi bsam pa yongs su rdzogs par byed pa/ chos kyi dbyings grangs med par sems can gyi khams rnam par grol bar byed pa/ de bzhin gshegs pa thams cad kyi stong pa nyid kyi rang bzhin gyi ting nge 'dzin rnam par rtog pa med pa'i ye shes kyi me yang dag par byung ba/ byang chub sems dpa' thams cad kyi byang chub kyi snying po nye bar ston pa/ sna tshogs pa'i gsung gi 'khor lo'i dkyil 'khor rab tu bsgrubs pa/ byang chub sems dpa' rnams kyi yab/ sems can nyon mongs pa'i mun nag tu ltung ba thams cad kyi snang bar gyur pa/ ngan song dang ngan 'gror lhung ba thams cad kyi ded dpon/ sdug bsngal bas nyam thag pa rnams bde bar gyur pa/ mdor na sems can rnams kyi sdug bsngal gang dang gang ldan pa de dang der rab tu zhi bar byed pa'i gsang sngags kyi rgyal po khro bo chen po'i rgyal po'i snying po 'di sems can thams cad la phan pa dang bde ba'i phyir ro/ /na maHsarbA shA pa ri pU ra ke b+h+yaH/sarba ta thA ga te b+h+yaH/ sarba thA haM/ bcom </font><hr>367a<br><font size=+1>


@#/ /ldan 'das kyis khro bo'i rgyal po chen po'i snying po 'di gsungs ma thag tu gzhi dang snying po me tog gis brgyan pa'i 'jig rten gyi khams 'di'i bdud kyi gnas thams cad dang / bdud kyi ris kyi sems can gang yin pa de dag thams cad mog mog por byas te/ sems can sdug bsngal ba rnams ni/ bde ba thams cad dang ldan par byed pa'i snang ba mdzad de/ sems can thams cad kyi bsam pa yongs su rdzogs par byas nas ma lus pa'i srid pa'i bdag po'i sa gzhi rab tu 'gul bar gyur to/ /gzhan yang 'jig rten du bsam gyis mi khyab pa'i ngo mtshar rab tu byung bar gyur to/ /de nas bcom ldan 'das shAkya thub pas gsang ba'i bdag po phyag na rdo rje la 'di skad ces bka' stsal to/ /lag na rdo rje/ 'di ni/ khro bo'i rgyal po de bzhin gshegs pa'i snying po mchog gi de kho na nyid/ stong nyid 'di las gzhan dag byung / /chos kyi dbyings kyi bdag nyid de/ /'di las rgyal ba byung ba mthong / /'di ru rgyal ba thams cad bzhugs/ /srid pa'i khams ni 'di las sprul/ /'das pa'i sangs rgyas thams cad dang / /ma byon pa de de bzhin gzhan/ /thams cad 'di las yang dag byung / /nam mkha' lta bu dri ma med/ /spros pa thams cad rnam par </font><hr>367b<br><font size=+1>


bral| |ngag gi spyod yul rnam par spangs/ /rtag par spros pa med pa nyid/ /nam mkha' lta bur gnas pa yin/ /tha snyad mngon du byas nas ni/ /gsang sngags zhes su brjod pa yin/ /tha snyad kyang ni rtog pa ste/ /de nyid du ni brjod pa med/ /tha snyad la ni brten nas su/ /skyob pas de nyid gsungs pa yin/ /sems can med de sgyu ma bzhin/ / yid kyis bsgom par bya ba yin/ /la lar sgyu ma ji bzhin du/ /rang bzhin med par yang 'gyur te/ /stong nyid de yi rang bzhin du/ /tha snyad rnams ni rtogs par bya/ /de ltar gsang sngags mgon po 'di/ /rang bzhin med par mnyam par mdzes/ /'dod pa'i don rnams stsol ba yang / /thams cad kyang ni rdzogs par byed/ /de nas byang chub sems dpa' sems dpa' chen po kun tu bzang po la sogs pa thams cad dang ldan pa'i 'khor dang / tshangs pa dang / dbang po la sogs pa rnams shin tu ngo mtshar rmad du gyur cing snying po rnams spangs te/ de thams cad bcom ldan 'das shAkya thub pa la bltas nas tshig 'di dag mgrin gcig gi ngag gis gsol pa/ bcom ldan 'das/ bdag cag gis sngon cha \?\ ma thos pa'i chos kyi 'khor lo 'di bskor ba bcom ldan 'das/ ngo mtshar to/ /bde bar gshegs pa/ ngo mtshar to/ /bcom ldan 'das/ bdag cag mchog tu bde ba dang </font><hr>368a<br><font size=+1>


@#/ /ldan par 'gyur ro/ /bcom ldan 'das/ 'di ni/ bsam gyis mi khyab pa lags so/ /bcom ldan 'das/ 'di ni/ nyan thos thams cad dang / rang sangs rgyas rnams kyi spyod yul ma lags so/ /bcom ldan 'das/ 'di ni/ bdud sdig can rnams dang / bgegs kyi gzugs can thams cad kyis 'gem par mi nus lags so/ /bcom ldan 'das/ 'di ni/ sems can thams cad kyi don yod pa'i yid bzhin gyi nor bu lags so/ /bcom ldan 'das/ 'di ni/ mngon par 'dod pa'i don skong ba lags so/ /bcom ldan 'das/ 'di ni/ de bzhin gshegs pa'i bstan pa dang / sems can rnams kyi srung ma lags so/ /bcom ldan 'das 'di ni| srin po dang grul bum la sogs pa thams cad kyis 'da' bar mi nus pa lags so/ /de skad ces gsol pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas/ byang chub sems dpa' chen po de dag dang / lha la sogs pa'i 'khor de rnams la legs so zhes bya ba byin te/ gtsug lag legs so legs so/ /slar yang gtsug lag nges par legs so/ /de ltar gtsug lag 'di'i tshig brjod pa mdzes pa de bzhin du </font><hr>368b<br><font size=+1>


yin no| |'on kyang gtsug lag gi bstan pa srung bar byed pa'i 'khor bo'i rgyal po chen po'i snying po'i gzhung 'di bdag gis gti mug gi mun pas g.yogs pa'i sems can sdug bsngal ba rnams la bltas nas gsungs te/ 'di ni nyan par ma nus pa'i/ /go 'phang rdzogs sangs rgyas kyis gsungs/ /de rnams the tshom phyir bdag gis/ / ye shes sgron me yang dag par/ /byis pa sdug bsngal yang dag khengs/ /sa gzhi steng ni 'di na gnas/ /tshul 'di rab tu mi shes pas/ /khyim gyi bcings ba dam pos bcings/ / de nas bcom ldan 'das la gsang ba'i bdag po lag na rdo rjes mig gnyis 'bru tshugs su bltas nas 'di skad ces gsol to/ /bcom ldan 'das/ ngo mtshar to/ /bde bar gshegs pa/ ngo mtshar to/ /bcom ldan 'das/ 'di ni/ mthu che lags so/ /bcom ldan 'das/ khro bo'i rgyal po de'i snying po'i gzi brjid dang mthu ni/ bdag gis mi bzod lags so/ /bcom ldan 'das/ khro bo'i rgyal po'i snying po 'di ni/ gdul dka' 'dul ba lags so/ /bcom ldan 'das shAkya thub pas bka' stsal pa/ gsang ba'i bdag po/ 'di ni/ ji skad du smras pa de bzhin no/ /'on kyang gsang ba'i bdag po/ bdag ni/ gsang sngags kyi rgyal po 'di'i mthus nyon mongs pa thams cad dang bdud ji </font><hr>369a<br><font size=+1>


@#/ /snyed las rgyal lo/ /gsang ba pa'i bdag po/ gang yang bdag gis 'jig rten gyi khams na 'dod pa tha dad pa sna tshogs kyis sems can rnams dga' bar byed pa'i gsung gi 'khor lo'i dkyil 'khor 'jig rten gyi khams sna tshogs pa'i bsam pa tha dad pa rnams la bstan pa de rnams ni/ 'di'i byin gyi rlabs kyis bdag gis bstan to/ /gang yang gsang ba'i bdag po/ byang chub sems dpa' chen po dbang thang thams cad thob pa'i ye shes kyi stobs rtul phod pa brnyes pa 'di yang snying po'i byin gyi rlabs kyis yin no/ /gcig tu sems can don rab brtson/ /sa gzhi la ni rnam par bzhugs/ /sems can rnams la phan 'dod pas| |sprul pa rnams kyang 'gyed par mdzad/ /mchod cing mnyes par rtag tu ni/ /rgyal ba zhing na yang dag bzhugs/ /ji srid phyogs rnams gnas kyi bar/ /rtag par rgyun du mchod 'gyur ba'i/ /sangs rgyas kun ni mnyam pa ru/ /byang chub ces bya 'di la bzhugs/ /rang bzhin med pa'i chos rnams ni/ /skye ba dang ni 'gag pa yin| |tha snyad la ni brten nas su/ /gang zhig sgyu ma bzhin du gsungs/ /sgyu ma stong pa nyid yin ltar/ /chos rnams mtshan nyid de bzhin no/ /'on kyang gsang ba'i </font><hr>369b<br><font size=+1>


bdag po/ bdag gis bskal pa grangs med pa bye ba khrag khrig brgya stong phrag grangs med kyi bskal pa snyed du sems can sna tshogs kyi lus blangs nas sdug bsngal spyad de mgo dang / lag pa dang / rkang pa dang / mig dang / yan lag gi mchog dang / chung ma dang / bu dang / bu mo dang / glang po dang / rta dang / shing rta la sogs pa dang / gzhan yang phyi rol gyi dngos po rnams yongs su btang ste pha rol tu phyin pa drug yongs su rdzogs nas bsam gyis mi khyab pa'i 'jig rten gyi khams sna tshogs pa rnams kyi tshul gyis bsam pa sna tshogs dang / 'dod pa sna tshogs pa la sgra dbyangs dang / tshig dang /yi ge bstan cing spyod lam sna tshogs kyi mtshan ma'i cha byad dang / dbyibs kyi khyad par can gyis bdag gis sems can rnams kyi don byas shing / gang byang chub kyi snying por bdud bzhi bcom pa de thams cad gsang sngags kyi rgyal po 'di'i mthus byas so/ /'di ni| sangs rgyas rnams 'phel bar byed pa/ bdud las kyang rgyal bar byed pa/ bstan pa thams cad kyi don yod par byed pa/ gzhan yang sna tshogs ma lus pa'i bgegs las kyang rgyal bar byed pa ste/ 'di las gnyis pa gzhan yod min/ /sangs rgyas rnams kyis mi 'gyur sngags/ /de bas snying gar bzhag nas kyang / /ji ltar bde bar </font><hr>370a<br><font size=+1>


@#/ /rnam par gnas/ /sdang bar byed pa'i bgegs kyang med/ /glags tshol gzhan yang yod ma yin/ /rtag tu dgra yi 'jigs pa med/ /rkun la sogs pa'i 'jigs pa'ang med/ /'jigs pa kun las rnam par grol/ /de yi snying gar gnas bsgoms pas/ /bdag ni yun ring bsgral ba ru/ /'khor ba'i rgya mtsho 'jigs pa las/ /rdzogs sangs rgyas kyis bsngags pa'i gtso/ /go 'phang bdag gis ji ltar 'thob/ /bdag gis ci yang thob med par/ /tshul 'di las ni rnam spyod nas/ /de 'dir mi 'gyur thob par bya/ /sangs rgyas nyid kyis rgyas pa thob/ /rdzogs sangs rgyas kyis gsungs pa yi/ /gsang sngags sgrub thabs bsten par bya| |de nas yid bzhin nor bu'i 'od/ /sku ni 'di ru thob par 'gyur/ /gang zhig tshul 'dir gnas pa yi/ /de rnams kyi ni dngos grub phyir/ /gang tshe sngags pas mnyam bzhag pas/ /de bas ma brnyes pa'ang 'thob/ /'dis ni mi phyed pa yang 'byed/ /mi rgyal ba las ma lus rgyal/ /stobs chen gsang sngags bzlas pa yis/ / rdzogs sangs go 'phang sbyin par byed/ /dran dang rtog dang sems pa yi/ /sngags rig gang du song gyur pa/ /me ni 'bar ba ji lta bar/ /sngags pa gsal bar </font><hr>370b<br><font size=+1>


mthong par 'gyur/ /gang tshe gsang sngags rgyal po bsten/ /de las 'bras med ci yang med/ /gsang sngags stobs chen dran pa ni/ /las ni 'dod pa byed par 'gyur/ / sngags kyi mgon po ma lus pa/ /'di ni myur du 'grub par 'gyur/ /gang tshe gsang sngags 'bras 'dod pas/ /'dir ni the tshom mi bya 'o/ /de nas byang chub sems dpa' de dag dang / thams cad dang ldan pa'i 'khor de dag ngo mtshar ba'i snying po ma spangs par sgra skad gcig tu dung ba'i dbyangs kyis gsol pa/ e ma'o sangs rgyas bsam mi khyab| |sems can don rnams thugs su chud/ /rtog pa med pa'i rang bzhin yang / /bsam mi khyab pa'i go 'phang shod/ /gang zhig 'chad par byed pa'i mi/ /de yis ngan 'gro rnam par bcad/ /gang gis lag tu chud pa ltar/ /de yis dngos grub lag mthil gnas/ /'jigs pa med cing nga yir med/ /dogs pa thams cad rnam par spangs| |zad par sa la bzhugs nas su/ /sems can la ni ma bsam byed/ /gsang sngags rgyal po skyob pa yis/ /bdag cag thams cad skyob par byed/ /'dod pa'i don ni byed 'dod pas/ /gsungs pa yid kyis sgom par byed/ /de nas thams cad dang ldan pa'i 'khor 'di dag tshig 'di brjod nas de ma thag tu cang mi smra ba </font><hr>371a<br><font size=+1>


@#/ /gyur to| |de nas thams cad ngo mtshar du gyur te spyan rgyas shing shAkya'i rigs dga' ba la gsol ba 'debs pa'i tshig gi nus pa med do/ /de nas nam mkhar gnas pa'i byang chub sems dpas ngo mtshar 'di thos nas bcom ldan 'das shAkya thub pa la steng gi nam mkha' la sna tshogs pa'i me tog gis snyim pa bkang ste bcom ldan 'das la tshigs su bcad pas mngon par bstod pa/ rtag tu dag cing dri med pa/ /rtag par rgyun du rtog pa med/ /rtag tu rtog pa med par bzhugs/ /dpa' bo chen po phyag 'tshal bstod/ /khyod kyis chos kun g.yo ba med/ /thams cad legs sbyar spyod yul bas/ /rtag tu g.yo ba med mkhyen pas/ /spros dang bral la phyag 'tshal bstod/ /sems can rnams la phan 'dod pas/ /spyod pa spyad pa gsungs pa ste/ /dag pa rnams ni yang dag 'byung / /dag pa'i sems dpa' phyag 'tshal bstod/ /ji ltar nam mkha' bzhin du dag /rdul phran thams cad rnam par spangs/ /de ltar mgon khyod sku yang ni/ /kun tu rtog pa thams cad spangs/ /shel sgong bzhin du shin tu dag /nam mkha' lta </font><hr>371b<br><font size=+1>


bur spros pa med/ /dngos po thams cad rnam dag pas/ /ye shes rgya mtsho phyag 'tshal bstod/ /nam mkha' la ni 'ja' tshon ltar/ /gtso bo khyod ni rtag tu mthong / /de ltar dag pa'i sems can gyis/ /rtag tu gtso bo khyod mthong ngo / /ngan 'gro thams cad rnam par grol/ /dpa' bo chen po khyod nyid 'khrungs/ / dbyings kyi snying po yang dag byung / /yi ge gcig tu gzi brjid che/ /sa gzhi thams cad nges pa ru/ /sems can sdug bsngal kun tu gzigs/ /sdug bsngal 'di ni zad byas nas/ /bla med go 'phang 'dra bar 'gyur/ /gsang sngags rnams kyi gtso sngags 'di/ /chos rnams kyi ni blo 'phel bar/ /rgyal ba'i sras po thams cad skyed/ /gtso bo khyod kyis gsungs pa yis/ /dngos po thams cad yang dag 'gyur/ /rgyal ba bdag nyid rgyu med 'khrungs/ /las dang skye bas rnam par grol/ / rgyal mchog gtso bor 'khrungs par 'gyur/ /ye shes me lce rang bzhin med/ /'du byed thams cad rnam par spangs/ /chos kyi dbyings kyi rang bzhin gcig /rgyal ba bla med phyag 'tshal 'dud/ /ces pas so/ /de nas gsang ba pa'i bdag po lag na rdo rjes bcom ldan 'das la tshigs su bcad pas sngags kyi tshig gi don </font><hr>372a<br><font size=+1>


@#/ /zhus pa/ bcom ldan gsang sngags ji ltar sgrub/ /sgrub pa'i thabs ni ji ltar lags/ /sgrub thabs rtsa ba ci zhes bya/ /ji ltar yang ni de bstan lags/ /ji ltar sems ni dag pa'i phyir/ /gtso bo 'di ni ci zhig bsgom/ /ji ltar de ni 'bras bu med/ /sngags pa yis ni bsten par bya/ /de skad ces gsol pa dang / bcom ldan 'das kyis byang chub sems dpa' phyag na rdo rje la 'di skad ces bka' stsal to/ /byang chub sems ni brtan byas nas/ /sngags kyi dngos grub brjod par bya/ /sngags kyi dngos grub bya'i cho ga/ gzhan du thams cad 'bras bu med/ /ji ltar rtsa ba bsdus na ni/ /shing gi me tog 'bras bu med/ /de ltar byang chub sems kyi ni/ /gzhi las gsang sngags 'bras bu shes/ / byang chub sems ni bskyed nas su/ /bla na med pa'i go 'phang 'thob/ /'di la gnas pa'i chos kun ni/ /skye dang gnas pas 'byung ba ste/ /dngos po thams cad mdor bsdus nas// rang bzhin med cing bsam du med/ /byang chub sems ni nges par thob/ /gzhan du 'ba' zhig par 'gyur ro/ /bu 'di seng+ge'i sgra yin te/ /stong nyid 'dus byas sgom par byed| |srid pa thams cad sgyu ma yin/ /gang zhig bsam pa'i 'bras bur gnas/ /mu stegs rnams kyi 'dod bshad pa/ /bdag dang srog dang gang zag bcas/ /gtso bo skyes </font><hr>372b<br><font size=+1>


bur bshad pa dang / /gang du khyab par gnas pa dang / /de ltar 'khod pa rnams brtags nas/ /'khor ba'i dngos po 'ba' zhig ste/ /mngon pa'i nga rgyal gyis rmongs nas/ /byis pa sdug bsngal bden pa can/ /log pa'i zhags pas bcings pa yis/ /sdug bsngal ba de rnams bltas nas/ /de rnams kun la brjod pa yin/ /'di skad gsung ni bka' stsal to/ /srog med sems can kyang yod min/ /byed pa po med gtso bo'ang med/ /khyab pa med cing dngos po'ang med/ /rdzas la sogs pa'i rang bzhin med/ /log shes rang bzhin zhags pa ni/ /srid pa'i 'ching ba rnam par spangs/ /dngos po thams cad rnam par bral/ /sna tshogs ji bzhin rnam bsgoms pas/ /dngos po kun las rnam par grol/ /stong pa nyid kyi go 'phang 'thob/ / phyi rol nang gi khyad par gyis/ /de ltar thams cad rnam par bsgom/ /dbu ba chu bur dang sgyu ma/ /stong nyid 'ba' zhig las ldang ste/ /de ltar thams cad rnam bsgoms na/ /ye shes go 'phang ngo rnam rtog /sdig pa'i go cha las grol nas/ /'chi med go 'phang du grol 'gyur/ /phung po khams dang skye mched dang / /gzhan yang gzung 'dzin rnams las 'das/ / kun mkhyen ye shes zhags pa ni/ /'ching ba'i don du rab tu brtag /gang du phung po khams med cing / /skye mched rnams ni 'byung ba med/ /dngos po kun las rnam grol bar/ /rgyal </font><hr>373a<br><font size=+1>


@#/ /ba mchog gis rtag tu gsungs/ /gang du kun gzhi rnam shes med/ /bdag med gang zag kyang yod min/ /sangs rgyas byang chub sa steng 'di/ /gang du thams cad sgyu mar gsungs/ /da ni kun mkhyen mnga' brnyes pa/ /sems can don rnams thugs su chud/ /cho ga bya ba la zhugs phyir/ /bu la ma lus par bshad do/ /gang zhig kun gzhi yod pa dang / /gal te rnam shes kyang yod pa/ /de yi bdag nyid bdag gi bu/ /yod do zhes kyang bstan gyur pa/ /dngos po'i gdon gyis brlams pa yi/ /byis pas sdug bsngal rnams mthong nas/ /bdag gis gzhug par bya phyir bu/ /cho ga rgyas pa gsungs pa yin/ /sems can med cing srog kyang med/ /gang zag med cing byed po'ang med/ / rnam shes med cing kun gzhi med/ /gang la bdag med dbang phyug med/ /skyes bu med cing khyab pa'ang med/ /gtso bo med cing rgyu yang med/ /dngos po kun las rnam grol ba'i// dam chos dri ma med pa bshad/ /de nyid mchog gi gtso bo ste/ /rdzogs sangs rgyas kyi go 'phang bsten/ /rtag par rgyun du bsgom par bya/ /byang chub sems ni rnam par bsgom| |gzung dang 'dzin pa rnam grol bar/ /dngos po thams cad rnam par gcad/ /phung po khams dang skye mched spangs/ /thams cad stong nyid sgyu ma ltar/ /byang chub </font><hr>373b<br><font size=+1>


sems ni bsdus pa nyid/ /byang chub sems dpa' blo ldan gyis/ /de ltar yid kyis bsgom par bya/ /phun sum tshogs pa thams cad nye/ /gang zhig sangs rgyas nyid kyi thugs/ /bag yod pas ni rtag bsten na/ /byang chub sems kyi myu gu 'char/ /bsnyen par gyur na 'bras bu 'byung / /gsang sngags spyod pas gang dag ste/ /yid bzhin nor bu lta bu'i sku/ /byang chub sems kyis 'thob par 'gyur/ /nam mkha' lta bur gos med pa'i/ /sku ni kun tu 'thob par 'gyur/ /byang chub sems ni bsgoms pa yis/ /bsod nams bsam gyis mi khyab bshad| |sangs rgyas rdzu 'phrul che kun gyis/ /'bras bu'ang bsam gyis mi khyab gsungs/ /de nas byang chub sems dpa' sems dpa' chen po phyag na rdo rje stan las langs te bcom ldan 'das la lan gsum bsgor ba byas nas rdo rje'i skabs su rtol ba blangs te bcom ldan 'das la 'di skad ces gsol to/ /ye shes rgya mtsho las byung ba'i/ /khyod kyi sras po nga mnyes gshin/ /'di dag shin tu som nyi za/ /bdag gis ji ltar rtogs par bgyi/ /gang yang byams pa la sogs gzhan/ /sa bcu ma lus pa thams cad/ /'di la the tshom 'tshal zhing mchis/ /thub pa chen pos bshad du gsol/ /gang zhig sems can don ma byas/ /bsod nams ye shes rnam par spangs/ /de rnams la ni thugs brtse'i phyir/ /bcom ldan </font><hr>374a<br><font size=+1>


@#/ /'das la 'di gsol 'debs/ /de ring bdag la ma lus par/ /sems can phan par brtson pas gsungs/ /'di yi mthu stobs kyang ni ci/ /'di yi pha rol gnon pa ci/ /mi g.yo zhes bya'i gtso khyod kyis/ /'dir ni ji ltar yang dag gsungs/ /'di las gzhan pa'i go 'phang med/ /'di dag thams cad gsung du gsol/ /gang gis go 'phang de 'grub pa'i/ /dkyil 'khor yang ni bshad du gsol/ /gang gis sa steng 'di thob pa'i/ /bsam mi khyab pa'i go 'phang gsungs/ /gsang sngags kyi ni tshad kyang gsungs/ /dkyil 'khor yang ni ji ltar lags/ /mgon po 'di la the tshom za/ /gang 'dir 'gro ba la phan phyir/ /sngags kyi dngos grub de bzhin gsungs/ /de nyid las kyi dbye ba yang / /mngon spyod kyang ni rab tu bshad/ /zhi dang rgyas dang dbang dag gis/ /mgon pos ji ltar cher myur bar/ /sngags kyi bzlas pa'i 'bras bu mchis/ /mgon pos bzla ba'i mtshan nyid ni/ /sa steng 'dir ni de ji ltar/ /me thab kyi ni cho ga dang / /de yang tshim dang bsang gtor dang / /khro bo'i rgyal po dang ldan pa/ /mgon pos de dag thams cad gsungs/ /nyi ma gcig gi nyin phyed nas/ /zla ba brgyad pa'i skad cig tu/ /dngos grub dag ni yang dag gsungs/ /dug gi las kyi gso spyad dang / /rdzas kyi sbyor ba'i las sna </font><hr>374b<br><font size=+1>


tshogs| |mngon par brjod pa yang dag 'byung / /ma lus pa ni bshad du gsol/ /gang gis dngos grub thob pa yis/ /mgon po gzhan ni ma mchis te/ /gtso bo khyod spangs gzhan med do| |byang chub sems dpa' dpa' bo rnams/ /nyan thos rang rgyal rdzu 'phrul che/ /gang yang 'jig rten par grags pa'i/ /tshangs sogs rdzu 'phrul cher bshad pa/ /de rnams kyi yang mgon skyabs ni/ /gtso bo khyod spangs gzhan ma mchis/ /de nas byams pa la sogs pa'i byang chub sems dpa' rnams dang / phyag na rdo rje la sogs pas slar yang bcom ldan 'das la gsol ba btab pa/ chos kyi rgyal po sngags kyi sgo/ /bcom ldan 'das kyis bshad du gsol/ /byang chub sems dpa'i spyad spyod pa'i/ /byang chub sems dpa'i don gyi phyir/ / gsang sngags spyod pa'i sgrub pa'i thabs/ /gang gis bcom ldan nyid kyis gzigs/ /chos kyi dga' bde thob pa ni/ /sa gzhi'i steng na rnam par gnas/ /gsang sngags mnyes par rab brtson zhing / /mthong ba'i chos la bde thob pa'i/ /sems can sa steng gnas pa yi/ /the tshom med par 'byung bar 'gyur/ /thams cad dbang phyug go 'phang thob/ /'jigs pa thams cad rnam par spangs/ /gsang sngags rgyal po rdzu 'phrul che/ /'jig rten 'di ru 'byung bar 'gyur/ /sdang ba'i srin po thams cad dang / /'byung po gdon dang sha za dang / /'jigs su </font><hr>375a<br><font size=+1>


@#/ /rung dang drag shul las/ /sems can rnams la gnod bshad pa/ /gsang sngags stobs chen dran pa yis/ /de dag thams cad 'byung mi 'gyur/ /sa steng sems can ma rungs pa/ /rnam pa sna tshogs gzhan yang bshad/ /de rnams gdul bar bya ba'i phyir/ /rtog pa 'di ni rab tu gsungs/ /lha dang klu dang gnod sbyin dang / /grul bum dang ni lus sul po/ /smyo byed rgyu skar thams cad dang / /ma rungs gza' sogs bshad pa dang / /sems can sdig can de rnams la/ /khro bo 'di ni rab tu gsungs/ /tshangs sogs gdon gyi tshogs kun dang / /de bzhin rgyal po nyan thos dang / /sa bcu'i byang chub sems dpa' yis/ /gang zhig bshad par mi nus shing / /de dag thams cad thal bar rlogs/ / gsang sngags bzlas pa rdzu 'phrul che/ /snying la gnas pa yang dag bsam/ /gsang sngags zhes bya mthong dka' zhing / /ma lus pa ru thal bar brlags/ /tshangs pa la sogs dkyil 'khor dang / /byang chub sems dpa' bdag nyid che/ /dbang po'i gnas bcu bdag po yis/ /'di ni bzod par mi nus te/ /khro bo'i rgyal po rol pa ni/ /sdang ba'i sems can ci nas kyang / /ras bal 'da' ba mtshungs par brtag /ming nas bos pa tsam gyis ni/ /phyogs bcu rnams su 'byer bar 'gyur/ /de bas rnam pa thams cad kyis/ /gsang sngags </font><hr>375b<br><font size=+1>


'di ru bzlas pa ni/ /rtag par rgyun du dran par bya/ /gsang sngags dngos grub 'dod pa yis/ /thams cad du ni 'jigs med par/ /sngags gnas sa steng 'di ru bya/ /gsang sngags mgon po dran pa dang / /'chang ba dang ni rtag tu zlos/ /me yi nang du gnas pa na/ /mche ba gtsigs pa yi ni skus/ /'byer te rtag tu 'jigs pa med/ /mtho ris them skas lta bur dga'// 'jigs shing skrag pas 'khrigs pa na/ /rgyal po chen pos 'jigs pa sel/ /chom rkun gseb tu chud pa na/ /seng+ge rnam par bsgyings pa'i sku/ /khro bo'i rgyal po rdzu 'phrul che/ /de yis rtag tu dran par byas/ /rims dang so mig gzer zug dang / /rked pa'i rtsibs logs lus las byung / /rnam pa sna tshogs kun 'byung ba'i/ /sa steng lus can nad rnams ni/ /gsang sngags dran pa tsam nyid kyis/ /de dag thams cad zad par 'gyur/ /khro rgyal bsam gyis mi khyab pa'i/ /mthu dang stobs ni rtul phod pa'i/ /kun mkhyen las gzhan sa steng na/ /rtag tu bzod gnas su zhig yod/ /'khor los bsgyur ba'i mthu stobs ni/ /ji ltar smra bar mi nus pa/ /de bzhin khro rgyal bsgyings pa yi/ /brjod par yang ni mi nus so/ /ji ltar 'khor los bsgyur ba yi| |yon tan mi yis bgrang mi nus/ /de bzhin khro bo'i rgyal po yi/ /stobs ni brjod par mi nus so/ /rdo rje pad+ma'i rigs zhes pa'i/ /khro bo'i rgyal po thams cad kyang / /khro bo'i mngag </font><hr>376a<br><font size=+1>


@#/ /gzhug pho nya dang / /bka' nyan pho nya rdzu 'phrul che/ /de rnams kyis ni khro bo 'di/ /'khor los bsgyur zhes mngon par brjod/ /khro bo'i rgyal po blo ldan gyi/ /mthu stobs de ltar bshad pa ni/ /sangs rgyas kun gyi dpa' gcig 'di/ /de yi dpa' bo zhes su bshad/ /gang gsungs bden pa'i tshig gyur pas/ /mi slu ba ni nyid yin no/ /de phyir 'di ni mi g.yo bas/ /mi g.yo ba zhes mngon par brjod/ /mi g.yo ba yi sa thob pa/ /bsam gtan rtse gcig blo yi gnas/ /nyan thos sa la sogs pa yi/ /bdud rnams kun gyis mi g.yo ba| |des na mgon pos mtshan gsol to/ /rdzogs pa'i sangs rgyas rkang gnyis mchog /byang chub sems dpa' dpa' bo rnams/ /'di ni don kun 'grub par byed/ /gang yang 'das pa'i sangs rgyas dang / /gang yang de bzhin ma byon pa/ /mgon po da ltar bzhugs pa gang / /'gro la phan phyir cho ga ni/ /de dag kun gyis 'di gsungs pa/ /sangs rgyas spyan zhes bya bar bshad/ /sems can khams ni thams cad kyi/ /bstan pa gang yin srung bar mdzad/ /sangs rgyas kun gyi sprul pa dang / /byang chub sems dpa' mthu chen gyis/ / gang yang gsang sngags grangs med pa/ /sems can phan 'dogs bzhugs par gsungs/ /lag na rdo rje blo ldan pa/ /'di dag thams cad yang dag bshad/ /mi gang sdig pas </font><hr>376b<br><font size=+1>


bsgribs med kyi/ /sems can snang ba skyed par byed/ /mi phyed pa yi zhags par bcings/ /bla na med pa'i go 'phang 'gyur/ /khro bo'i rgyal po blo dang ldan/ /sngags pas ma bsgrubs par yang 'grub/ /khro bo'i rgyal po'i byin rlabs kyis/ /'dod pa ma lus 'grub par 'gyur/ /de nas thams cad dang ldan pa'i 'khor de dag ngo mtshar te dga' zhing mig rgyas pas mgrin gcig dang / ngag gcig tu tshig snyan pos gsol pa/ e ma'o sangs rgyas thams cad ni/ /thabs dang shes rab bsam du med/ /thugs rjer gyur pa'i thugs kyis ni/ /mtshungs med dam tshig bshad du gsol/ /gang yang sems can 'jigs pas 'khrigs/ /sa steng thams cad 'jigs med cing / /gang gis gus chen rang bzhin gyis/ /de yi ngan 'gro stongs par 'gyur/ /de nas byang chub sems dpa' sems dpa' chen po lag na rdo rjes bcom ldan 'das la 'di skad ces gsol to/ /bcom ldan 'das/ khro bo'i rgyal po'i dkyil 'khor 'dir zhugs pa tsam gyis sems can thams cad rgyal po'i dbang phyug gi go 'phang thob par 'gyur ba/ bgegs dang log 'dren thams cad kyis 'tshe bar mi nus pa| dngos grub myur du 'thob par byed pa/ dbang phyug thams cad la yang dag par ldan par byed pa bshad du gsol/ de skad ces gsol pa dang / bcom ldan 'das kyis byang chub </font><hr>377a<br><font size=+1>


@#/ /sems dpa' chen po lag na rdo rje la bka' stsal pa/ lag na rdo rje/ legs so legs so/ /lag na rdo rje/ shin tu legs so/ /khyod kyis kho bo la gsol ba btab pa'i don 'di rigs kyi bu nyon cig /khro bo'i rgyal po'i dkyil 'khor 'di gang gis thos pas sa steng du thams cad ngo mtshar zhing mig rgyas te/ nus pa med pas bzod par mi nus te/ de nas sa steng du 'gyel bar 'gyur te/ de nas bcom ldan 'das kyis de'i tshe bdud thams cad sreg pa'i me lce yang dag par byung ba zhes bya ba'i ting nge 'dzin la snyoms par zhugs so/ /snyoms par zhugs nas gsang sngags kyi rgyal po 'di sems can thams cad kyi bsam pa yongs su rdzogs par mdzad pa/ dus gsum kun gyi byang chub sems dpa' ma lus pa skyed par byed pa/ sems can thams cad kyi don gsal bar byed cing yod pa/ de bzhin gshegs pa thams cad bsod nams bsam gyis mi khyab pa las 'khrungs pa/ sems can thams cad kyis shin tu mthong bar dka' ba/ mthong ba'i bgegs rnams rab tu 'joms pa/ ngan 'gro thams cad rnam par sbyong bar byed pa/ nad thams cad rab tu zhi bar byed pa/ bsam pa thams cad yongs su rdzogs par byed pa/ gdon ma rungs pa thams cad la gso sbyong mdzad pa/ bdud kyi dgra </font><hr>377b<br><font size=+1>


thams cad rab tu zhi bar mdzad pa'i sngags bka' stsal pa/ na maHsarba ta thA ga te b+h+yaH/ sarbA shA pa ri pU ra ke b+h+yaH/ sarba thA/ tsaN+Da ma hA ro Sha Na s+pho Ta ya hUM hra Ta hAM mAM/ bcom ldan 'das kyis gsang sngags kyi rgyal po bka' stsal ma thag tu thams cad dang ldan pa'i 'khor de dag chu shing gi sdong bu dang / nags tshal chen po lta bur bab col du khas bub tu 'gyel bar gyur to| |stong gsum gyi stong chen po 'jig rten gyi khams 'di thams cad rnam pa drug tu g.yos par gyur pa dang / ldeg pa dang / 'gul ba dang / rab tu 'gul ba dang / g.yos pa dang / rab tu g.yos pa dang / chem chem/ rab tu chem chem/ shar phyogs mtho na nub phyogs dma'/ lho phyogs mtho na byang phyogs dma' bar gyur to/ /gzhan yang ngo mtshar zhing rmad du byung ba mthong ste/ ngo mtshar che bar gyur pa'i 'jig rten gyi khams rnams su sangs rgyas kyi zhing khams sna tshogs pa yang mthong ngo / /gang yang gzhi dang snying po me tog gis brgyan pa'i 'jig rten gyi khams 'di'i bgegs sna tshogs dang / srin po dang / bdud kyi rigs sna tshogs dang / gzhan yang gdug pa'i sems dang ldan pa de dag thams cad thal bar brlags te/ kha cig kha sbub tu ni gnas/ /'jig pa'i bskal pa lta bur ni/ /dud kha dud skyar kun tu gnas/ /nyi ma zla ba rdzu 'phrul che/ /'di yi snang ba'ang mun par 'gyur/ /mun nag smag ni shin tu </font><hr>378a<br><font size=+1>


@#/ /'jigs/ /glog 'gyu yul na 'jigs su rung / /phyogs kun du ni 'o dod 'bod/ /sa gzhi thams cad kun tu 'khrugs/ /gza' dang rgyu skar tshogs kun tu/ / gang yang lha yi gtso bo gzhan/ /de dag thams cad 'jigs sngangs \?\nas/ /sems med kha sbub tu ni 'gyel/ /lha min mi'am ci dang klu/ /gnod sbyin srin po lus srul po/ /'di rnams lus kyis mi bzod pas/ /dug gis btab bzhin gnyid yur te/ /'di dag thams cad gcig tu 'bar/ /bskal pa'i me las yang dag byung / /'di dag thams cad 'bar zhing mched/ /sangs rgyas zhing ni kun nas kyang / /byang chub sems dpa' bdag nyid che/ /sa bcu gnas kyi dbang phyug rnams/ /de yang gnyid bro yur bar 'gyur/ /kha sbub tu ni sa la 'gyel/ /khro bo mngag gzhug bka' nyan pa/ /pho nya pho mo bran dang bcas/ /lus 'di'i tshugs ni mi thub par/ /sems stor kha sbub 'gyel bar gyur/ /gang yang nyan thos bse ru dang / /'jig rten rdzu 'phrul chen po gzhan/ /lcags ni shing che thul ba ltar/ /de yang gnas su 'gyel bar gyur/ /tshangs pa brgya byin la sogs lha/ /lha min gnod sbyin rdzu 'phrul che/ /de dag thams cad thal bar 'gyur/ /sdug bsngal 'khrigs par 'gyur na ni/ /cung zad slar yang phan tshun du/ /byer cing 'jigs pas tshig smras te/ /bu </font><hr>378b<br><font size=+1>


gcig 'di ni ji ltar 'gyur/ /sa gzhi 'di dag shin tu 'jigs/ /bde gshegs go 'phang ma gtogs pa/ /zhi ba ci yang ma mthong ngo / /bdud dang bgegs kyi gzugs rnams kyang // rnam pa sna tshogs yang dag gnas/ /lus ni 'gyur ba lta bu ru/ /sa steng na ni shing bzhin gnas/ /tshangs pa la sogs yul rnams ni/ /'di dag thams cad 'bar bar mthong / /mnar med gyur pa'i lus kyang ni/ /dud kha dud skyar kun tu gnas/ /sangs rgyas zhing ni ma lus pa/ /'di dag thams cad sreg par byed/ /snying rje zhugs shing yang dag ldan/ /phyag na rdo rjes 'di skad gsol/ /sems can don du ma bsam pas/ /bcom ldan bkod pa bsdu ru gsol/ /byis pa sdug bsngal rten can gyis/ /'di ni bzod par mi nus so/ /'gro ba'i sems can kun gyi mgon/ /thugs rje rnams ni byung bar mdzad/ /thugs rje gcig pa'i ri las 'khrungs/ /sems can sdug bsngal grol mdzad pa'i/ /'gro ba'i mgon po khyod gcig pu/ /gnyen du gyur pa khyod kho na/ /'khor ba'i rgya mtsho las grol ba'i/ /mnyan pa yang ni khyod gcig pu/ /nad rnams thams cad gso mdzad pa'i/ /khyod nyid gcig pu sman par 'gyur/ /dam pa'i lam ston pa yang khyod/ /khyod ni 'khor ba'i rgya mtshor pha/ /sa steng nyid na khyod 'ba' zhig /mgon po thugs rje bskyed nas ni/ /sa gzhi thams cad yang dag 'phel/ /dpag bsam shing </font><hr>379a<br><font size=+1>


@#/ /bzhin don gnyer ba'i/ /yang dag dpa' bo byang chub sems/ /sa bcu'i gnas kyi dbang phyug rnams/ /mgon po khyod nyid gcig pus 'phel/ /thugs rje pad+ma 'dam skyes bzhin/ /sems ni ngan par 'gyur ba yi/ /'gro ba'i mgon pos sreg par mdzod/ /snying po med pa lta bur 'gyur/ /chu shing gi ni sdong po bzhin/ /phye ma leb bzhin skye bo rnams| |drag tu 'bod pa'i lung thob pa/ /bsregs kyang zug rngu mi 'byung ste/ /de bzhin 'dir ni byis pa rnams/ /bgegs dang log 'dren thams cad dang / /grangs med bcu yi stobs kyi bdag /gsang sngags rgyal po brjod pa yis/ /de dag thams cad thal bar brlag /de bas rnam pa thams cad kyis/ /bcom ldan khyod la bdag gsol 'debs/ /khyod kyi sras po bdag mnyes bshin/ /bdag gi de ni gsan pa'i rigs/ /de nas bcom ldan 'das shAkya thub pa thugs rje dang ldan pa'i thugs mnga' bas phyag na rdo rjes sems can la phan pa'i phyir thub pa mchog gi gtso bo la gsol ba btab pa'i tshig 'di ni/ shin tu rgya che ba lags so/ /bcom ldan 'das kyis de'i tshe sems can thams cad kyi srog 'byung zhing ye shes 'khrungs pa zhes bya ba'i ting nge 'dzin la snyoms par zhugs so/ /snyoms par zhugs nas rig pa'i rgyal po 'di sems can thams cad la phan par byed pa/ 'dus </font><hr>379b<br><font size=+1>


byas thams cad rab tu 'gyur bar byed pa/ 'jigs pa thams cad rab tu 'jigs par byed pa/ dgra thams cad dang / me chu sel bar byed pa/ sems can thams cad kyi dpal phun sum tshogs shing skal pa bzang po thob par byed pa/ sangs rgyas dang / byang chub sems dpa' thams cad dang / nyan thos dang / rang rgyal skyed par byed pa/ 'jigs pa thams cad sreg \?\ par byed pa/ rnam par 'tshe ba thams cad 'joms par byed pa/ sangs rgyas dang byang chub sems dpa' thams cad kyi bzhed pa gsungs pa/ na maH sarba ta thA ga te b+h+yaH/ sar+b+ba sA pa ri pU ra ke b+h+yaH/ sarba thA/ oM sarba saM skA ra pa ri skA ra bi shud+d+ha d+harma te ma hA na ya pa ri bA re swAhA/ de nas 'di gsungs pa tsam gyis stong gsum gyi stong chen po'i 'jig rten gyi khams thams cad du bde ba thams cad gtad cing / kun nas rgyal ba dang ldan pa/ /dbang phyug go 'phang brnyes pa ni/ /rang gi lus la sems bcug pas/ /ngang tshul bzang por yang dag 'byung / /sdig pa thams cad rab tu zhi/ /bcom ldan 'das ni gzigs par 'gyur/ /rig par gyur pa'i sems dang ldan/ /thams cad rang gi srog dang ldan/ /rdzu 'phrul rtul phod par gyur pa/ /shin tu ngo mtshar go 'phang 'thob/ /de ni rgyal mchog spyan sngar gnas/ /rang gzhan brtul zhugs brtan 'gyur ba/ /rig pa 'di yi mthu stobs kyis/ / </font><hr>380a<br><font size=+1>


@#/ /rang gi rdzu 'phrul g.yul las rgyal/ /sa steng pha rol gnon pa 'byung / /thams cad dbang phyug go 'phang 'thob/ /bdud kun gyi ni gtsor gyur pa/ /sa steng gyur to cog kun ni/ /'jigs pa thams cad rnam par bral/ /ngan 'gro zhes ni gang bshad pa'i/ /shin tu sdug bsngal gting gnas te/ /ngan 'gro thams cad rnam dral nas// bde ba yi ni snod du 'gyur/ /dmyal ba'i me zhes bya ba yi/ /shin tu blta dka' 'jigs rung de/ /de tshe lhag par gsal bar gyur/ /ston ka'i zla ba'i cha ltar gnas/ /gang yang dmyal ba zhes bshad pa/ /shin tu grang ba'i mun nag 'khrigs/ /drag shul me chen 'bar ba bzhin/ /de dag thams cad dro bar 'gyur/ /yi dwags zhes bya'i sdug bsngal gang / /shin tu mi bzad 'jigs su rung / /rig pa 'di yi mthu stobs kyis/ /'di dag thams cad bral bar 'gyur/ /gang yang 'khor de thams cad ni/ /sdug bsngal gyis ni sems gdungs pa/ /bde ba thams cad yang dag gtad/ /phan tshun du ni dga' gtam smra/ /bgegs chen log par 'dren pa dang / /gzhan yang srog chags gyur pa gzhan// sa steng 'byung po rang sems gnas/ /nges par gyur nas 'di rnams ni/ /gcig la gcig ni blta bar 'gyur/ /byang chub sems dpa' dpa' bo dang / /tshangs pa la sogs </font><hr>380b<br><font size=+1>


rdzu 'phrul che/ /rang sems mdzes par rnal mar ni/ /de rnams thams cad bde ba 'thob/ /pho nya mngag gzhug bka' nyan stsol/ /'byung po gdon dang sha za dang / /thams cad dbang phyug go 'phang 'thob/ /sa gzhi steng na rnam par gnas/ /gang yang byang chub sems dpa' brtan/ /thams cad dang ni ldan pa yi/ /rdzu 'phrul chen po 'khor rnams kyis/ /'gro la phan phyir tshig gsol pa/ /e ma'o kun mkhyen mtshungs pa med/ /thabs kyi ye shes bsam mi lang / /sa steng khyod ma gtogs pa yi/ /'byung 'gyur gzhan ni su zhig yod/ /mtha' yas bde ba'i snod du ni/ /'di dag thams cad gang 'dzin mdzad/ /thams cad dbang phyug go 'phang brnyes/ /sa yi steng na rnam par gnas/ /srid pa'i sdug bsngal slar yang med/ /de ltar shin tu mi bzad 'jigs/ /thams cad sangs rgyas sras su 'gyur/ /sems can kun la phan dga' bas/ /sems ni rtse gcig gyur pa yis/ /snyan pa yi ni tshig gis gsol/ /kun gyi gnyen du gyur pa yis/ /sangs rgyas nyid las gzhan pa med/ /sems ni dman par gyur pa yang / /so so nas ni bde bar mdzad/ /skyes pas yang dag bstan pa ni/ /ji srid mya ngan ma 'das pa/ /de srid bar du 'khor bar zhugs/ /sangs rgyas theg pa tshul gyi mchog /byang chub sems dpa' thams cad dang / /tshangs pa la sogs 'khor rnams ni/ /thams cad stan </font><hr>381a<br><font size=+1>


@#/ /las langs gyur te/ /gtso bo gang na bzhugs pa der/ /byang chub sems dpas yongs su bskor/ /tshangs sogs rdzu 'phrul che ba'i lha/ /lhan cig yang dag par lhags te/ /bla med go 'phang gsol ba 'debs/ /sems can kun la phan bzhed pa/ /rdzogs sangs rgyas la bskor bar byas/ /'jig rten mgon la rab btud nas/ /'di skad kyi ni tshig gsol to/ /e ma'o sangs rgyas che ba'i bdag /sems can kun la sman par dgyes/ /'jig rten mgon po skyob pa yi/ /thabs ni mtshungs med bsam mi khyab/ /gang gis 'di ni gnas par byas/ /sdug bsngal rgya mtsho rnam par sbyong / /'gro la sman pa khyod mthong na/ /bde ba yang dag 'byung bar 'gyur/ /de nas bcom ldan 'das shAkya thub pas thugs rje dang ldan pa'i thugs zab pas sgra dbyangs 'di skad kyi tshig bka' stsal pa/ byang chub sems dpa' rdzu 'phrul che/ /rdzu 'phrul ldan pa khyed ma 'jigs/ /rdzogs sangs rkang gnyis mchog gis ni/ /bsam gyis mi khyab 'di dag gsungs/ /'di 'dra'i chos ni bsten pa ni/ /sdug bsngal gang gis slar yang ni/ /'khor bar de ltar 'ching 'gyur ba/ / bsnyen par gyur pas 'byung mi 'gyur/ /rdzogs sangs rkang gnyis mchog gis ni/ /theg pa chen po yang dag gsungs/ /lam ni yang dag bsdus nas ni/ /thams cad sdug </font><hr>381b<br><font size=+1>


bsngal las rab grol/ /de ni mchog gi de nyid zhi/ /sangs rgyas rnams kyi theg par brjod/ /theg pa dam pa 'di bzung nas/ /sangs rgyas nges par gdon mi za/ /'das pa'i sangs rgyas kun dang ni/ /de bzhin gang yang ma byon pa/ /mgon po da ltar bzhugs pa rnams/ /'gro la phan pa'i tshul nyid las/ /de dag thams cad yang dag bzung / /sdug bsngal zhi ba 'thob par 'gyur| |de phyir rnam pa thams cad kyi/ /'di lta bu yi dam chos bsten/ /gtso bo 'di ni bsten gyur na/ /sdug bsngal rnams ni sel bar byed/ /gang yang byang chub sems dpa' gzhan// tshangs pa la sogs rdzu 'phrul che/ /sems can phan par zhugs pa yi/ /spyan sngar snyan pa'i tshig 'di gsol/ /mgon po khyod kyis ci zhig gsungs/ /bdag gi yid kyang rten gzhan med// khyod nyid skyabs su gyur pa las/ /mchog gzhan zhig ni yod ma yin/ /kun gyi dbang phyug go 'phang brnyes/ /rang gi rdzu 'phrul snyems tshul gyur/ /'jigs pa kun dang rnam par bral/ / sdug bsngal thams cad rnam par spangs/ /sangs rgyas chos dang dge 'dun la/ /rdzu 'phrul chen po gus par ldan/ /theg pa chen por yang dag gnas/ /byang chub mdzad pa la sogs 'thad| |ces pa'o/ /de nas byang chub sems dpa' phyag na rdo rje la sogs pa thams cad dang ldan pa'i 'khor de dag bcom ldan 'das kyi zhabs gnyis la gtugs nas gsol ba </font><hr>382a<br><font size=+1>


@#/ /btab pa/ bcom ldan 'das chos kyi rgyal po bdag cag la thugs brtse ba bskyed de/ sems can thams cad dbang phyug gi go 'phang thob par byed pa/ nad thams cad gso sbyong mdzad pa/ dpal thams cad dang ldan pa/ dus ma yin pa'i 'chi ba dang bgegs thams cad 'joms par byed pa/ dgra thams cad dang / nye bar 'tshe ba dang / chom rkun dang / mi rgod dang / rgyal po'i gnod pa dang / seng+ge dang / stag la sogs pa dang / rims dang / skran dang / mtshan par rdol ba dang / sdig sprul gyi gnod pa thams cad 'joms par byed pa dang / gang gis khro bo'i rgyal po'i dkyil 'khor gyi chos nyid mthong bas/ sems can thams cad kyis dbang phyug gi go 'phang 'thob par 'gyur pa bshad du gsol/ de skad ces gsol bcom ldan 'das/ /shAkya'i mgon po rdzu 'phrul che/ /rdo rje byung ba che ba'i bdag /snyan pa'i tshig gis bka' stsal pa/ /sa steng gi ni dkyil 'khor mchog /bshad par bya phyir bu khyod nyon/ /skyob pa sangs rgyas thams cad dang / /byang chub sems dpa'i gsang ba ni/ /khyod la yang dag bshad par bya/ /phan pa'i sems kyis tshur la nyon/ /khro bo'i rgyal po'i dkyil 'khor ni/ /'di dag thams cad ma gsungs pa/ /ngan pas sems ni 'khrigs pa la/ /bu khyod kyis ni sbyin mi bya/ /re zhig </font><hr>382b<br><font size=+1>


slob dpon rab tu bshad/ /bu khyod mnyan par bzhag pas nyon/ /de ni kun tu rab gnas 'gyur/ /gang mang cung zad bdag gis bshad/ /tshul khrims phun tshogs snying rjer ldan// bzod dang brtson ldan legs par gnas/ /gtsang zhing cho ga phun sum tshogs/ /bla ma la yang smod mi byed/ /bdag nyid ji bzhin gzhan phan lta/ /sbyin la dga' zhing ched du brtson// bden pa'i tshig dang yang dag ldan/ /gtong phod la dga' mnyes bshin pa/ /lus kun yon tan phun sum tshogs/ /sangs rgyas nyan thos rgyal sras rnams/ /rtag tu mchod par gyur pa dang / /bla ma la gus nga rgyal med/ /'gro la gcig tu phan zhing dge /blo gros zab mo dang yang ldan/ /dus dang dus min shes dang ldan/ /dbang po don gyi cha rig pa/ /rtag tu sems can phan par dga'/ /gsang sngags mnyes par shin tu brtson/ /dkyil 'khor 'di ru rab tu bsngags/ /rdzu 'phrul chen po lha rnams dang / /sangs rgyas nyan thos chos rnams dang // skyob pa byang chub sems dpa' yang / /cha shas rig nas rtag par yang / /zab mo'i don ni rab tu bstan/ /ser sna yang ni yod ma yin/ /khro bo gang yang brtse bar smra/ /bsdu ba bzhi yi ngang tshul shes/ /pha rol phyin pa drug gis brgyan/ /byang chub sems dpa'i go cha bgos/ /sgyu ma lta bu'i go 'phang gnas/ /nyan thos rnams kyis ji bzhin bshad/ /bden pa bzhi ni </font><hr>383a<br><font size=+1>


@#/ /sgom byed pa/ /sngags pas de bzhin 'dir gsungs pa/ /byang chub sems kyi sgom pa'o/ /byang chub sems dpa' blo ldan gyis/ /'di ni yid kyis sgom byed pa| |bsam pa'i ye shes thob par byed/ /theg pa chen po las byung ba/ /bsdu ba'i dngos po rnam bzhi dang / /pha rol phyin nyid drug tu 'dod/ /bsam mi khyab pa'i 'bras stsol ba// shes rab can de sgom par byed/ /ljang gu dkar dang ser ba dang / /mdor na nag por gyur kyang rung / /ring dang thung yang mdangs bzang ba/ /phyag gis pus mor sleb pa nyid/ /rtag par rgyun du zhal ring zhing / /mgo bo mnyam par rnam par rgyas/ /smin mtshams ma chad shangs mtho ba/ /rkang pa'i long bu cung zad dmar/ /yon tan thams cad yang dag brgyan| |sdig pa'i rgya mtsho rnam par sbyong / /chos rnams thams cad mchod par bya/ /de nyid kyang ni ston par byed/ /dkyil 'khor rnams kyi cha shes pa/ /sngags dang phyag rgya'i tshogs kyang ngo / /rjes gnang dang ni dbang bskur 'thob/ /gang zhig yang dag ye shes 'gyur/ /bla ma la gus blta dang ni/ /sngags dang phyag rgya bsdus dang ldan/ /gsang sngags rgyal po'i gsang sngags shes/ /sems can mnyes shing brtse ba smra/ /bzlas dang sbyin sreg de nyid shes/ /zhi dang rgyas pa'i de nyid shes/ /mngon spyod dang ni dbang bya </font><hr>383b<br><font size=+1>


shes| |sngags dang phyag rgya shin tu sbyor/ /bla ma yang dag bsten pa yang / /ston pa bzhin du sems par byed/ /'byung po thams cad mchod par byed/ /'jig rten pa yang de nyid rig /sems can snyoms med phun sum tshogs/ /spro ba dang ni brtan par gyur/ /gang gi dbang phyug shes rab sngags/ /thams cad dbang du byed pa yin/ /khro bo rnams ni rtag tu bzlas| |lha mnyes pa la ched du byed/ /tshul khrims dang ldan phun sum tshogs/ /sku dang gsung las yang dag byung / /brtul zhugs kyis ni yang dag brgyan/ /rtag par thams cad skyong par byed/ /de ltar yon tan mdor bsdus pa'i/ /mtshan nyid bdag gis bstan pa yin/ /'di rnams yang dag yongs shes pa/ /slob dpon du ni rab tu bsngags/ /sngags kyi bzlas pa'i cho ga ni/ /gzhan du na ni 'bras med bu/ /gsang sngags rang gis mi 'grub cing / /gzhan la bstan yang grub pa med/ /dkyil 'khor 'bras bu bcas pa min// sngags kyi sgrub thabs dag kyang med/ /bsrung bar bya ba kun kyang min/ /sbyin sreg lha yang med pa ste/ /'di ni sgom pa med gyur pa'i/ /mtshan nyid 'di ni rnam par spangs/ /de bas rnam pa thams cad kyang / /slob dpon mtshan nyid bsngags pa yin/ /de bas gsang ba'i ye shes 'di/ /sangs rgyas thams cad 'byung bar ni/ /gsungs pa ru ni shes par bya// </font><hr>384a<br><font size=+1>


@#/ /gzhan du na ni 'bras med 'gyur/ /slob dpon dang ni slob ma yis/ /rtag tu bag yod gyur pas kyang / /rtag par rgyun du bsrung bar bya/ /bdag nyid srog ni ji bzhin no/ /bskal pa bye ba brgyar yang ni/ /sangs rgyas 'byung ba shin tu dkon/ /de yang sa steng gtso bo yis/ /bshad pa yis ni shin tu dkon/ /de phyir rnam pa thams cad kyi| |yon tan kun gyis yang dag brgyan/ /slob dpon gyis ni rtag pa ru/ /gsang sngags yi ge bco lnga bzlas/ /'bum phrag gcig ni bzlas gyur nas/ /sbyin sreg yang ni brtsam par bya/ /de ltar byas pa'i sngags shes pas/ /dkyil 'khor mchog ni bri bar bya/ /gdug pa med cing bgegs kyang med/ /gzhan yang 'byung tshogs la sogs med| |mthu stobs kyis ni bgegs byed pa/ /go 'phang 'bras bu yod ma yin/ /thams cad dbang phyug go 'phang 'thob/ /kun kyang bde bas yang dag brgyan/ /'jigs pa thams cad rnam par bral/ /the tshom med par 'gyur ba yin/ /gzhan du thams cad 'bras bu med/ /bgegs kyi glags ni btsal nas su/ /sngags pa'i lus ni 'phrog par byed/ /cho ga'i 'bras bu bya ba med/ /de ltar byas na sngags pa bdag /dkyil 'khor mchog ni bri bar bya/ /sangs rgyas gcig shos go 'phang ni/ /de ni thams cad 'grub par 'gyur/ / </font><hr>384b<br><font size=+1>


dbu la sa gzhi yang dag bshad/ /mnyam par bzhag pa'i yin kyis nyon/ /dkyil 'khor mdzes mchog rmad du byung / /'di ni gang du bri ba ni/ /chu klung mtsho bran yang dag bshad/ /ri bo me tog 'bras bus brgyan/ /skyed mos tshal du'ang bshad pa ste/ /spu sdug rma byas rnam par brgyan/ /kun dga' ra ba khang bzang dga'/ /phyugs lhas bres dang bzhi mdo dang / /gzhan yang phyi rol gang zhig tu/ /gtsug lag khang dang ri sul dang / /khang pa brtsegs dang khang pa dang / /mtshan ma gcig pa ji bzhin du/ /chu klung kun dga' ra ba dang / /de yi khong gseb khyad par du'o/ / gzhan yang rnam pa sna tshogs pa'o/ /gang du yid la 'dod par bya/ /de la sogs pa'i gnas rnams las/ /gang yang rung ba'i gnas bzung ste/ /lha ni spyan yang drangs byas nas/ /yang dang yang du mchod par bya/ /yid nyid kyis ni gshegs su gsol/ /phyogs ni rab tu bcings par bya/ /rang nyid go cha bgos nas gnas/ /lus la gtsug tor yang dag brgyan/ /lag tu rdo rje thogs nas ni/ /lha ni yid kyis byon par bsam/ /de ltar bdag nyid gnas nas su/ /skye bo srung ba dgod par bya/ /de ru bdag nyid byin brlabs te/ /sa gzhi gzhan la shin tu bsdad// pus mo gang tsam brkos nas ni/ /'bu srin rnam par bsal bar bya/ /skyon ni du ma dang bral ba/ /'bad pas slar yang brdung bar bya/ /ba yis rnam lngas byugs nas ni/ /me tog bdug pas </font><hr>385a<br><font size=+1>


@#/ /dge bar mchod/ /sa gzhi yi ni phyogs kun tu/ /gtor ma rab tu gtang bar bya/ /me tog sil ma gcal du dkram/ /dri dang bdug pa cho ga'i rim/ /sbyin sreg cho ga bzhin du bya/ /rnal 'byor dge bar 'dod pa yis/ /de ltar rab tu 'bad pa yis/ /gnas su nyi ma gcig tu bya/ /legs par sbyangs par gyur pa la/ /lha ni spyan yang drang bar bya| |khyad par du ni gtor ma dang / /dri dang me tog yang dag dbul/ /shes rab blo ldan mtshan ma bslang / /dge dang mi dge'i 'bras bu 'byung / /gal te rmi lam bzang mthong na| |yid ni spro bar gyur pa yis/ /bdag dang gzhan tshe bsgrub bya'i phyir/ /dkyil 'khor rgyal po bri bar bya/ /ngan na shes rab can gyis spang / /'jigs dang rtsub pa'i mi dge ste// bdag dang gzhan la dngos grub med/ /de la 'bras med 'bras bu 'byung / /dkyil 'khor dngos grub 'dod pa yis/ /shes rab can gyis de dbus bri/ /de ni khru brgyad de bzhin du/ / bcu drug dag gi grangs kyang yod/ /rgyal ba mchog gis rtag tu ni/ /gtso bo lnga ni rab tu gsungs/ /de ru cha gnyis su bgos nas/ /khru tshad gang ni phyi rol yin/ /cha gcig yang dag bshad pa ni/ /dbus cha yin par rab tu brtag /khru tshad gang du gnas pa der/ /dbus su sangs rgyas bstan pa yi/ /gnyis pa rgyal ba'i sras po ste/ /mdo ru bsdus nas </font><hr>385b<br><font size=+1>


bstan pa yin/ /gnyis pa'i phyi rol gnas pa'i cha/ /der yang de bzhin rab tu brtag /khru tshad gang du mdor bsdus na/ /cha ni thams cad rab tu brtag /sgo bzhi rta babs dang bcas pa/ / bum pa yi ni rgyan gyis brgyan/ /sa gzhi thams cad 'bab pa ltar/ /sgo dang mtshams su rdo rje ste/ /mtshams rnams su ni gtso bo ru/ /bum pa thams cad nges par gnas/ /rdo rje rta babs bcings pa dang / /zhags pas bcings pa rnam par brgyan/ /'di dag thams cad kun byas nas/ /dbus su pad ma 'dab brgyad bcas/ /de yi snying po mdzes par ni/ /de la bum pa yang dag gnas/ /bum pa yi ni steng gi snod/ /pad+ma dkar po gnas pa der/ /de la bzhugs pa 'gro ba'i mgon/ /gtso bo bstan pa'i don mdzad pa/ /skyob pa shAkya'i mgon po yi/ /lhung bzed phyag rgya rtag tu bri/ /de nas de yis kun tu khyab/ /dkyil 'khor phun sum tshogs pa 'byung / /'di ltar sor mo bcu drug ni/ /skyob pa de yi dkyil 'khor yin/ /de yis thams cad rab tu bshad| |lhag ma snam bu g.yas bskor du/ /byang gi phyogs la brten nas ni/ /skyob pa 'jig rten dbang phyug bzhugs/ /pad+ma'i steng du rdo rje ni/ /kha dog dkar po gzi brjid che/ /byams pa yi ni go cha bgos/ /byams pa'i bdag nyid las byung ba'i/ /dbang ldan phyogs son phyag mtshan ni/ /de ni spyi blugs phyag rgya ste/ /ngo mtshar rtul phod bsam mi khyab/ /kun tu bzang </font><hr>386a<br><font size=+1>


@#/ /po rtag tu bri/ /me ru mtshon nas bzhugs pa ni/ /gtso bo yid bzhin nor bu bsnams/ /ye shes rgya mtsho yongs su gang / /zab mo'i don ni rnam par bsgom/ / dbang po phyogs la brten nas ni/ /ye shes ut+pal bsnams pa bzhugs/ /gshin rje'i gnas su nyer mchis pa/ /kun gyi dgra yi gshed du 'byung / /gnas der bzhugs pa'i mgon po ni/ /rdo rje rtse mo'i rigs su 'byung / /bden bral phyogs su brten pas ni/ /rlung sogs de yi dbus su bzhugs/ /ye shes ral gri go cha bgos/ /khro bo'i rgyal po stobs chen bzhugs/ /khro bo grangs med pa yi mgon/ /kun tu 'khor gyis yongs su bskor/ /dkyil 'khor yon tan rgya mtsho ni/ /kun nas gsal bar gyur pa yin/ /rlung gi phyogs la brten nas ni/ /rgyal ba kun bdag las byung bzhugs/ /thams cad ye shes nye bar mtshon/ /'od kyi dkyil 'khor yongs su rdzogs/ /chu bdag phyogs su brten nas ni/ /rdo rje phyag rgya shin tu sbyor/ /pad+ma dmar po'i steng na bzhugs/ /mdzes pas dus zad lta bur bzhugs/ /nub kyi phyogs la brten nas su/ /gang yang sa bcu'i gcas dbang phyug /de yang ji bzhin bkod nas bzhag /rang gi phyag rgya'i mtshan mas mtshan/ /de la 'og gi char gnas dang / /steng gi phyogs kyi cha nyid du/ /bdag nyid chen po skyon bral ba/ /de dag </font><hr>386b<br><font size=+1>


kun la dpa' bo bzhugs/ /dbus su gcig bu bzhugs par 'gyur/ /so sor byang chub la brten nas/ /shA ri'i bu ni bdag nyid che/ /de nas ye shes nam mkha' mkhyen/ /rdzu 'phrul phul ni mchog tu gyur/ /mau gal yan nyid dang ni/ /'od srung bdag nyid chen po ni/ /rgyal mchog de nas sa steng du/ /rta thul dang ni ba lang bdag /drag shul dbang chen tshangs bu can| |b+ha ra b+hA dza nyid dang ni/ /kun dga' bo ni dga' zhes bshad/ /sgra gcan 'dzin yang rim ji bzhin/ /'di ru ji bzhin bkod nas gzhag /lhung bzed chu skyes rnam par brgyan/ /phyag na rdo rje sras po kun/ /dpung bzang la sogs de bzhin kun/ /phyag na rdo rje nye bar ni/ /de rnams ji bzhin bkod nas bzhag /dam chos sras por bshad pa ni/ /gang yang 'jam dpal la sogs gzhan/ /'jam pa'i dbyangs dang nye bar ni/ /de dag thams cad gzhag par bya/ /gang yang khro bo yang dag bshad/ /phyag na rdo rje'i rigs las byung / /lho yi phyogs su brten nas su/ /'di ni rim pa bzhin du gzhag /rdo rje dgra sta yang dag ldan/ /rdo rje thob de bzhin no/ /shin tu drag shul yang dag bshad/ /'bar ba'i phreng ba'i 'od kyis 'khrigs/ /khro bor yang dag bshad pa ni/ /rta mgrin shin tu mthong bar gnas/ /khro gnyer can dang yang dag rol/ /sgrol mar grags pa'ang rnyed par dka'/ /rang gi phyag rgya mtshan mar ldan/ /brtson pas der yang bri bar </font><hr>387a<br><font size=+1>


@#/ /bya| |sgrol ma khro gnyer can dag bri/ /rig ma bcom ldan ma de bzhin/ /mA ma kI dang lcags sgrog bshad/ /nam mkha' sangs rgyas spyan dang ni/ /rma bya 'od zer can nyid dang / /dug sel ri khrod lo ma can/ /rang gi phyag rgya mtshan mar ldan/ /skal pa chen po de yang bri/ /byang gi phyogs la brten nas su/ /shin tu rdzu 'phrul che ba bzhugs/ /phyag rgya gang tshe gzugs can ma/ /sku la rgyan gyis rnam par brgyan/ /pho nya pho mo de bzhin du/ /mngag gzhug pho mo shin tu rtsub/ /rang gi phyag rgya mtshan mar ldan/ /nub kyi phyogs su bri bar bya| |sa yi dkyil 'khor zhes bshad pa/ /rgyal ba'i bdag nyid las 'khrungs lha/ /'jig rten skyong ba la sogs bri/ /sa steng dam tshig gnas pa ni/ /lha yi rgyal po lha min che/ /tshangs pa khyab 'jug dbang phyug che/ /rang gi phyag rgya'i mtshan mar bcas/ /shar gyi phyogs la brten nas bri/ /gang yang drang srong bshad pa ni/ /sna tshogs bshes gnyen 'gro skyong dang // ngan spong gshin rje ma dang mtshungs/ /gzhan yang shin tu mthong bar dka'/ /rig byed bden pa yang dag ldan/ /de ni byang gi phyogs su bri/ /nyi ma zla ba chu bdag dang / /me yang shin tu mthong bar dka'/ /gnod sbyin dbang po rtag tu ni/ /lho yi phyogs char bri bar bya/ /gang yang ma mor yang dag bshad/ /sa steng shin tu drag pa ni/ /rang gi mchod pa'i phyag dang ldan// </font><hr>387b<br><font size=+1>


de yang nub kyi phyogs su bri/ /gang yang sring mor bshad pa ni/ /sna tshogs gzugs can 'phrul mo che/ /sems can phan pa shin tu rtsom/ /de yang de yi phyogs brten bzhugs/ /shar gyi sgo na nag po bzhugs| |rdzu 'phrul chen po skyong zhing srung / /dga' byed byang gi sgo srung zhing / /de bzhin lho na ngan spong ngo / /nub sgor yang dag bshad pa ni/ /bgegs chen rigs las yang dag byung / /rang gi phyag rgya mtshan mar bcas/ /rdzu 'phrul chen po srung zhing bzhugs/ /bu gcig mdor na 'di dag ni/ /shin tu rgyas par bstan pa yin/ /sangs rgyas kun nor thams cad pa/ /sa steng na yi gnan ma mthong / /rtag tu bag yod par gyur pas/ /bdag nyid srog ni ji bzhin pa/ /de ltar mdzes pa'i rang bzhin bsrung / /sangs rgyas thams cad kyis ni bsrung / /byis pa so so'i skye bo la/ /khyod kyis yid ches par mi bya/ /rmongs pa de ni rang brlag cing / /gzhan yang brlag par byed par 'gyur/ /bdag gis dam chos bshad pa 'di/ /sdug bsngal thams cad grol bar byed/ /de ni rlag par byed pa ni/ /mi shes bsgribs pas 'byung bar 'gyur/ /rdzogs pa'i sangs rgyas kyis gsungs pa'i/ /mchog 'di dad pa med pa dang / /sdig can 'jigs shing rtsub pa yi/ /brag dul mched par 'gyur ba la/ /bu yis cung zad mi sbyin par/ /khyod la rdzogs sangs rgyas kyis gsungs/ /rdzogs sangs rkang gnyis dam pa yis/ /shin tu gsang bar yang </font><hr>388a<br><font size=+1>


@#/ /dag gsungs/ /khro bo'i rgyal po'i dkyil 'khor ni/ /'di dag thams cad bshad mi bya/ /rtag tu bag yod par gyur pas/ /rgyal ba'i bstan pa bsrung bar bya/ /dkyil 'khor ma mthong ba la ni/ /'di ni ston cing ster ba na/ /skyob pa sangs rgyas thams cad dang / /byang chub sems dpa' bslu bar bgyi/ /sdug bsngal kun gyi sder gyur pa/ /sdig pa can du nges par 'gro/ /sdig chen de yi gsang sngags kyi/ /dngos grub nges par 'byung mi 'gyur/ /bstan pa'i don ni mdzad pa yis/ /gtso bor dpal ldan rdo rje 'dzin/ /dkyil 'khor ma mthong ston byed kyi/ /mgo bo rdo rjes 'gems par byed/ /de yis gsang sngags mi 'grub cing / /bgegs rnams kyis kyang brlag par 'gyur/ /sngags kyi sgrub pa 'bras bu med/ /de phyir sangs rgyas kyis gsungs pa'i/ /gsung 'di bu khyod tshur nyon la/ /rna thos tsam du'ang mi sbyin te/ /dam tshig rdzogs sangs rgyas kyis gsungs/ /sangs rgyas kyis gsungs dam tshig ni| |gang zhig shin tu 'da' byed na/ /'jig rten gsum bzhugs rdzogs sangs rgyas/ /dbang phyug bskus par gyur pa yin/ /de nas thams cad dang ldan pa'i 'khor de dag ngo mtshar tu gyur nas mig bltas te/ shin tu ngo mtshar yid kyis su/ /'di skad kyi ni tshig gsol to/ /e ma'o sangs rgyas bsam du med/ /thugs rje'i dbang gis bsgyur ba </font><hr>388b<br><font size=+1>


yin| |rgyu dang mi rgyu mi shes pa/ /dam chos 'di ni rab tu gsungs/ /de rnams kyi ni ngan 'gro bcad/ /sdug bsngal thams cad 'jig par mdzad/ /gang gi lag na gnas pa de/ /bsam mi khyab par sangs rgyas gsungs/ /bgegs dang log par 'dren pa dang / /sdig can shin tu drag pa gang / /sngags pas dkyil 'khor mthong pa yis/ /de dag thams cad zhi bar 'gyur// 'di kun gang du gnas pa na/ /dam pa'i chos ni gnas med do/ /sdig pa 'di dag thams cad dag /de tshe 'jigs pa las grol 'gyur/ /thams cad dbang phyug go 'phang thob/ /sems can thams cad dbang byed pa/ /the tshom med par rab tu 'gyur/ /sems can sa 'og gnas pa dang / /ji srid gdug pa'i sems can rnams/ /sa la gnas pa'i bar du ni/ /de kun dbang du byas nas ni/ /mngag gzhug dag ni nyan par gnas/ /sa gzhi mthil gyi lha la sogs/ /lha'am lto 'phye che 'dis ni/ /cung zad gang du gnas pa der/ /bdag nyid chen po srung bar byed/ /thams cad bka' bsgo rab tu byed/ /lha gang gnod sbyin mi yi bdag /sa gzhi steng gi rgyal po 'dir/ /ci bgyi zhes ni smra bar gnas/ /bgegs kyis nye bar 'tshe ba dang / /nad kyis sdug bsngal gzir bar byed/ /rgyal po gdug pas sdangs par byed/ /thams cad 'phrog par byed pa dang / /ma mo gdug pas 'debs par byed/ /seng+ge stag dang chu de </font><hr>389a<br><font size=+1>


@#/ /bzhin/ /sa gzhi'i steng 'dir mkha' 'gro ma/ /srin po lto 'phye 'jigs pa dang / /yul 'khor du ni mu ges g.yogs/ /nad rnams kun gyis 'jigs par byed| |rims dang glo nad dbugs mi bde/ /lhog pa dang ni mtshan par rdol/ /mgo dang mig gi zug gzer dang / /lto bar zug gzer 'debs pa dang / /nad rnams kun gyis 'debs pa dang / /nye bar 'tshe bar kun gyis gdungs/ /yun du bkren par gyur pa dang / /'thab dang 'thab mo rtsod pa dang / /rgyal po chom rkun pho nya sogs/ /tha snyad du ni gyur pa na'ang / /srung chen 'di ni zungs shig par/ /rgyal ba mchog gis rtag tu gsungs/ /gnod sbyin la sogs lha yi bdag /'byung po gnod sbyin mi 'am ci/ /gang yang sa steng gnas pa yi| |dam tshig la ni gnas pa kun/ /dam tshig dgur ni gsungs pa las/ /de rnams thams cad mi 'da' 'o/ /rdzogs sangs rkang gnyis mchog gis ni/ /gsungs pa'i bsam mi khyab pa kun/ /bsam mi khyab pa'i las gsungs pa/ /'bras bu'ang bsam mi khyab pa 'byung / /de nas bcom ldan 'das kyis de'i tshe 'khor de dag la legs so zhes bya ba byin te/ legs so legs so/ /bdud thams cad 'da' bar mi bya ba'i sems can thams cad kyi bsam pa yongs su rdzogs </font><hr>389b<br><font size=+1>


par byed pa'i tshig 'di shin tu ngo mtshar to/ /de nas bcom ldan shAkya thub/ /yid ni mgu bar gyur pa yis/ /snyan pa yi ni tshig gsungs pa/ /rdo rje'i bdag ni chen po byung / /legs so dpa' bo ye shes che/ /slar yang rdo rje 'dzin khyed legs/ /bsam mi khyab pa'i las sna tshogs/ /rgyal sras khyed la bshad par bya/ /rgyal mchog gtso bos gsungs pa yi/ /bsam med ye shes rtul phod pa/ /gang gis nges pa 'grub pa yi/ /de dag thams cad bshad par bya/ /dkyil 'khor du ni 'jug pa dang / /mchod pa'i las dang gtor ma dang / /dri dang med tog la sogs dge /bshad kyi bu khyod tshur la nyon/ /gang gis yang dag bsam mi khyab/ /bla na med pa'i go 'phang thob/ /gang gis sangs rgyas rang bzhin gnas/ /phyogs bzhi ru ni khor yug tu/ /sku ni sna tshogs mnga' ba yin/ /byang chub sems dpas mdun bdar te/ /ji snyed nam mkha'i mthas gtugs pa/ /de snyed sems kyi spyod yul yin/ /mngon sum bzhin du yang dag blta/ /yon chab dbul la mdun byas te/ /sangs rgyas thams cad snyan gsan dbab/ /byang chub sems dpa' nyan thos bcas/ /gzhan yang bya ba byas pa dang // 'jig rten pa yi cho ga'i rim/ /mchod pa'i cho ga rgyas pa ru/ /yang dag cho ga shes par bya/ /ji srid sku yi dkyil 'khor ni/ /yang ni phyir zhing bltas nas ni/ /bsam mi khyab pa'i mchog </font><hr>390a<br><font size=+1>


@#/ /stsol la| |phyogs bcing ba ni rab tu bya/ /thugs rje'i thugs can gyur pa dang / /bsam mi khyab pa'i 'bras stsol ba/ /thams cad sems kyis bzhugs par ni/ /'jig rten mgon pos slar yang ni/ /de ltar sems kyis bsams nas kyang / /dri dang me rtog dbul bar bya/ /khyad par du yang gtor ma ni/ /cho ga bzhin du dbul bar bya/ /byin nas steng gi sangs rgyas rnams/ /thugs rjer gyur pa'i thugs mnga' ba/ /bltas nas 'khor ba'i sdug bsngal ni/ /gtso bo de ru blta bar bya/ /de nas lag pas me tog dang / /bdug pa blangs nas snying gar gzhag /de la gsol pa gdab par bya/ /thugs rje'i ro gcig tu gyur pa/ /'gro ba phan par mdzad pa yi/ /ji snyed rdzogs sangs rgyas bzhugs pa/ /de snyed bdag gis 'dod pa yi/ /'bras bu yang dag thob par mdzod/ /de ltar phyogs rnams thams cad du/ /rgyal ba'i gnas su gsol ba gdab/ /de nas yang dag bsam byas pa'i/ /rjes su rgyal ba'i bras po yang / /yon chab la sogs cho ga yi/ /dri dang me tog sogs slar yang / /mngon sum bzhin du skyob pa ni/ /mnyam bzhag gyur bas mchod par bya/ /rang gi skur gyur thams cad ni/ /de bzhin rang gi mtshon char ldan/ /rang gi cha byad mtshan mar ldan/ /'jigs pa med par bsam par bya/ /'di dag </font><hr>390b<br><font size=+1>


thams cad mchod sbyin phyag /cod pan mgo bor gnas par bshad/ /bsam pa thams cad rdzogs mdzad pa/ /skal pa chen po bsam par bya/ /de ltar dkyil 'khor mgon po ni// mchod sbyin bdag nyid bsam par bya/ /gtso bo bstan la sman mdzad pa/ /rnam pa kun tu bsam par bya/ /de nas mkhas pas mar me dang / /mchod yon zhal bsil shin tu mdzes// dri dang me tog mar me dang / /bdug pa gtor ma de bzhin du/ /zhal zas de la dbul bar bya/ /chan dang 'o thug de bzhin no/ /ras gyis mgrin pa bcings pa yi/ /bum pa bcu drug gzhug par bya/ /gdugs dang rgyal mtshan ba dan dang / /rta dang glang po bzhon pa'i mchog /dril bu'i sgra ni rab tu snyan/ /rol mo rin chen khyad par du/ /bye ba grangs ni med pa yi// mchog nyid kyang ni dbul bar bya/ /khyad par du yang snyan pa'i sgra/ /dbyangs glu sos dal yid 'phrog dang / /dung gi rol mos khyad par du/ /dkyil 'khor dge ba mchod par bya/ /de ltar cho ga bzhin mchod nas/ /sor mo bcu yi thal sbyar te/ /smon lam rab tu 'phel bya'i phyir/ /rgyal mchog la sogs rab tu 'dud/ /de nas de byung slob ma ni/ /blo ldan dkyil 'khor du bos te/ /de tshe gsum la skyabs 'gro sbyin/ /dkon mchog gsum la gus par ldan/ /byang chub sems ni rnam dpyad pa/ /ma lus par ni gzung bar bya/ /rtag tu bla ma la </font><hr>391a<br><font size=+1>


@#/ /gus shing / /blo gros zab mo yang dag ldan/ /spro chen blo gros phun sum tshogs/ /bzlas la dga' zhing ched du byed/ /sngags shes tshul khrims phun sum tshogs/ /gtong la dga' zhing shin tu brtson/ /dbang po drug ni rab tu ldan/ /sgyu rtsal cho ga rnam par mkhas/ /spro ba che dang sems par ldan/ /byas pa shes shing byas pa gzo/ / pha dang ma la shin tu gus/ /dkon mchog gsum la shin tu nges/ /sangs rgyas nyan thos chos rnams dang / /'jig rten pa rnams mchod par byed/ /dad pa dang ni thugs rjer ldan/ /nad med dbang po ma tshang med/ /sems can phan par yang dag ldan/ /sdig pa'i dgra ni rab tu 'joms/ /log pa'i lta ba rnam par bral/ /yang dag lta ba yang dag brten// ser zhing ljang gu dkar ba dang / /nag par gyur kyang mdangs bzang ba/ /gang yang lus ni rab tu drang / /mgo bo shin tu rgyas bcas pa/ /sna ldan smin mtshams bar ma chad/ / mig dang rdzi ma yang dag ldan/ /gang yang mnyam pa nyid du rgyas/ /de bzhin mgo bo gdugs lta bu/ /rked pa rgyas shing yang dag ldan/ /rkang pa shin tu gnas pa dang / /de sogs yon tan yang dag ldan/ /de tshe bla mas brtags nas ni/ /lnga'am brgyad ni gzung bar bya/ /grangs med yang dag 'dod tshad ni/ /de nas de la spyin par bya/ /gsum </font><hr>391b<br><font size=+1>


la skyabs 'gro sdig pa bshags/ /bdag nyid dbul ba de dag la/ /sangs rgyas byang chub ched du sbyin/ /byang chub sems ni ma lus pa/ /blo gros ldan pa'i mi yis gzung / /de dag ma lus yang dag bya/ /slar yang dam chos bshad par bya/ /bskal pa bye ba grangs med du/ /dal 'byor shin tu rnyed par dka'/ /u dum ba ra'i me tog ltar/ /brgya lam na ni res 'ga' zhig /de bas kyang ni 'jig rten mgon/ /skyob pa shin tu rnyed par dka'/ /gtso bo gsang sngags tshul yang ni/ /sa steng du yang de bzhin no/ /shin tu sdug bsngal 'jigs pa yang / /'khor ba'i rgya mtsho 'di ru bu/ /sa steng gsang sngags ma gtogs pa/ /skyob pa su yang ma mthong ngo / /de bas rnam pa thams cad kyis/ /'khor ba'i skyon ni spong 'dod pas| |rga dang na dang 'jigs pa dang / /'chi ba'i 'jigs pa rtsub bltas nas/ /lam mchog 'di ni bsten pa na/ /sdug bsngal thams cad rgyun chad 'gyur/ /gdod chas pas bcings mtha' yas dang / /gzhan yang sdug bsngal ba yi tshogs/ /lam mchog 'di ni bstan pa na/ /gang du mi 'byung shin tu dkon/ /nye du mdza' bo sdug bsngal dang / /grogs po gnyen dang snag gnyen mtshams/ /longs spyod phun tshogs sdug bsngal dang / /nad kyi sdug bsngal gyis gdungs dang / /zas kyis 'jigs pa'i sdug </font><hr>392a<br><font size=+1>


@#/ /bsngal dang / /gang yang sa steng 'khor gnas pas/ /tshul 'di bsten par gyur pa na/ /'byung ba ru ni mi 'gyur ro/ /bcu dang brgyad dang de nas lnga/ /gsum la skyabs 'gro'am dus khrims ni/ /bslab pa byin te blang par bya/ /sangs rgyas bstan pa shin tu dkon/ /sdom pa yang dag blangs nas su/ /lus can rnams kyi srog bzhin du/ / bsdams par gyur pa bsrung bar bya/ /dal ba phun sum tshogs pa dkon/ /gsang sngags spyod pa las byung ba'i/ /dang po nyams gcig bsten par bya/ /yid bzhin nor bu lta bu'i sku| |zhi ba'i sangs rgyas go 'phang 'thob/ /lam 'di mchog ste dpal dang ldan/ /bsam gyis mi khyab 'bras bu stsol/ /mi g.yo ba ni bsten gyur nas/ /bla na med pa'i go 'phang 'gyur/ /'di ni mchog gi de nyid zhi/ /sdug bsngal thams cad rnam par spangs/ /shin tu gus pa dang ldan pa/ /theg pa chen po 'thob par 'gyur/ /de bas khyod kyis theg chen la/ /slu ba med par gus par gyis/ /gang gis khyod ni 'gro ba na/ /de bzhin gshegs pa 'byung bar 'gyur/ /sems can kun la phan pa'i yid/ /bsam pa thams cad rdzogs par byed/ /khyed ni theg pa gsum 'chad pa/ /tshul las gnas pa de nas 'byung / /zab mo yi ni blo gros ldan/ /zab mo'i don ni ston byas pa/ /rgyal ba'i tshul ni ston </font><hr>392b<br><font size=+1>


pa na| |de las the tshom med pa 'byung / /gdod nas zhi la gnas med pa'i/ /dam pa'i chos ni de nas bshad/ /sems can sus thos thams cad kyang / /rgyal ba'i sras su skye bar 'gyur/ / 'di na bdag med srog kyang med/ /dbang phyug kyang med byed pa'ang med/ /'jig rten byed po sems can med/ /skyes pa med cing ma ning med/ /gang zag kyang med gnas kyang med/ /gang du tshor ba byed pa med/ /gtso bo yod min khyab pa'ang med/ /phra ba med cing gsal ba'ang med/ /rgyu'am gzhan yod med pa ste/ /rang gi ngo bo rang bzhin med/ /bdag gi ba yi rang bzhin med/ /sa steng na ni rtag pa med/ /thams cad sgyu ma'i las byung ltar/ /byed po la sogs rnam par spangs/ /'di dag thams cad stong par blta/ /ye shes go 'phang du ni brtag /bdag dang srog la sogs pa kun/ /byis pa 'ba' zhig gis ni brtags/ /'di na bdag med sems can med/ /'dod med 'ba' zhig las byung ba/ /sgyu ma dang ni smig rgyu dang / /dri za'i grong khyer rmi lam ltar| |dngos po thams cad stong pa nyid/ /chu shing lta bur yang dag gnas/ /gzung du med cing brjod du med/ /dbu ba chu bur lta bur gnas/ /sgyu ma skye ba skye ba med/ /nam mkha' lta bur stong pa nyid/ /nam mkha' lta bur gos pa med/ /dag par kun tu yang dag gnas/ /zhi ba'i mchog gi de nyid de/ /rgyal ba mchog gis rtag tu gsungs/ /de 'dir ye shes </font><hr>393a<br><font size=+1>


@#/ /mchog thob pa'i/ /de bzhin gshegs pa 'byung 'gyur ro/ /de nas sngags pas gsol 'debs pa'i/ /slob ma sdig dang bral byed pa/ /ral gri'i phyag rgyas bsrung bar bya/ /de yi rjes su go cha bgo /cho ga shes pas bsrung bar bya/ /slob ma la ni phan 'dogs pas/ /sngags kyis tshim par byed pa yi/ /yi ge bco lnga sngags pa yis/ / thams cad du ni rab brjod do/ /yang dag sngags kyis bsang gtor bya/ /gdong ni ras kyis bcings nas su/ /mgo bo sa la btud par bya/ /dkon mchog gsum la sems phyogs te| /snying rje dang ni ldan pa'i sems/ /skyob pa thams cad mngon sum du/ /gyur par bsams te gzhug par bya/ /kun kyang dbang phyug go 'phang 'thob/ /'jigs pa thams cad rnam par spangs/ /ji bzhin 'dod pa'i sangs rgyas kyang / /the tshom med par 'byung bar 'gyur/ /bla ma la ni yon phul nas/ /dbang bskur bar na gsol ba gdab/ /gus par gyur ba'i rang srog gis/ /bla ma la ni 'dud par bya/ /bla ma la ni dbul ba'i yon/ /rang gi lus ni snyan mnan nas/ /bdag nyid dngos po dbul bar bya/ /gzhan du 'bras bu med par 'gyur/ / rin chen glang po rta dang phyugs/ /gzhan yang yid la gang bzhed pa/ /slob ma'i blo bdag gus pa yis/ /de dag thams cad dbul bar bya/ /de bzhin na bza' rab tu dbul/ /bla ma </font><hr>393b<br><font size=+1>


gang gis mnyes byas shing / /bla ma la ni yon phul bas/ /bsam mi khyab pa'i 'bras bu gsungs/ /de bas rnam pa thams cad kyis/ /rgyal ba skyes mchog 'di mchod bya/ /rdzogs sangs rgyas su de 'dir bshad/ /sa bcu'i gnas kyi dbang phyug dang / /'jig rten skyong ba thams cad bshad/ /brgya byin la sogs bdud tshogs bzhin/ /tshangs pa khyab 'jug drag po dang / /klu mo dul ba'i sras po dang / /gza' dang rgyu skar tshogs thams cad/ /phung po yang ni rdzu 'phrul che/ /zag pa zad pa bshad pa dang / /thams cad de nyid du brjod do/ /dpal ldan gdul dka' 'dul mdzad pa/ /phyag na rdo rje sa steng 'di/ /dpal ldan bstan pa'i don mdzad pa/ /dam pa'i lam gyi gdams ngag can/ /rdzogs sangs rgyas kyi ji bzhin sku/ /yon tan kun gcig yang dag bshad/ /slob dpon gyi ni yon tan gzung / /skyon ni nam yang ma yin te/ /yon tan bzung bas dngos grub 'thob/ /skyon rnams kyis ni dngos grub brlag /de yi grib ma 'gom pa ni/ /mchod rten bshig pa zhes su bshad/ /bsam mi khyab pa'i 'bras ster ba/ /'di ni sangs rgyas lta bur blta/ /brtan dang g.yo ba yi gsang ba/ / mchog ni thams cad ston byed la/ /khyed kyis slob dpon smod pa dang / /rmi lam du yang phrad mi bya/ /gang yang slob dpon smod pa de/ /bgegs dang log par 'dren pas 'dzin/ / </font><hr>394a<br><font size=+1>


@#/ /sdig can sems can thag ring du/ /sa steng du ni spang bar bya/ /mnar med la sogs 'jigs rung bas/ /dmyal bar yang dag bstan pa gang / /slob dpon la ni smod pa gang / /de ru yang dag 'chod par 'gyur/ /de bas rnam pa thams cad du/ /sangs rgyas 'bras bu 'dod pa yis/ /bsam gyis mi khyab 'bras ster ba/ /'di ni rmad byung gus pas mchod/ /dbang bskur cho ga rgyas par ni/ /bshad par bya yi bu khyod nyon/ /gang du dbang bskur bar gyur na/ /'jig rten sangs rgyas lta bur blta/ /de ru pad+ma 'dab brgyad pa/ /khru gang chod du brjod pa yin/ /nang na gnas pa'i rdo rje ni/ /'od zer gyis ni rnam par brgyan/ /bum pa brgyad ni yongs rdzogs par/ /gtsang ma'i chu yis rab tu bkang / /mgrin pa ras yug bzang pos bcings/ /lo 'dab bzang pos kha rgyan byas/ /khro bo'i rgyal pos bsngags nas ni/ /sman dang rin chen kun gyis bkang / /gdugs dang rgyal mtshan ba dan dang / /rol mo'i sgra sogs yid 'phrog pa/ /snyan cing rgya che ba yi tshogs/ /rab bsngags kun tu mngon dga' bas/ /sngags pas de tshe dbang bskur te/ / skyob pa mngon sum bzhin du bya/ /dbang bskur byas ma thag tu ni/ /dpal ldan byang chub rtogs phyir sbyin/ /de nas bzung ste bu khyod 'di/ /sa steng sangs rgyas sras po ni/ / </font><hr>394b<br><font size=+1>


brtan dang g.yo bas mchod pa ru/ /byang chub sems dpas gzung bar bya/ /de ni ma mthong bar gyur pas/ /byang chub sems dpar brjod pa yin/ /bdud dang bgegs dang sbrul dang ni/ /gzhan yang log par 'dren pa yin/ /rgyal sras byang chub sems dpa' ni/ /de phyir mthong bar mi 'gyur ro/ /ma bsgrubs pa yang myur du 'grub/ /bdud rnams thams cad 'joms par byed/ /dkyil 'khor 'dir ni dbang bskur ba/ /de ni nges par sangs rgyas nyid/ /'dir ni sdug bsngal 'jigs rung ba'i/ /sdug bsngal slar yang 'byung mi 'gyur/ /thams cad dbang phyug go 'phang 'thob/ /'jigs pa thams cad rnam par spangs/ /yon tan kun gyis de bzhin brgyan/ /slob ma la ni sman bya'i phyir/ /de nas sbyin sreg rab tu brtsam/ /thab khung dag kyang bya ba ste/ /de la kha ran dang bcas gnas/ /de yi dbus gnas rdo rje ni/ /zhi ba mchog tu rmad du byung / /de yi thab khung khor yug tu/ /dris kyang rjes su byug par bya/ /me yi thab ni khru gang du/ /de bzhin gshegs pas yang dag gsungs/ /me ni kun tu 'byung ba'i shing / /me thab 'di ru me sbar bya/ /de nas mchod yon zhabs bsil bya/ /bsang gtor sa steng du ni brjod| |ku sha rtse mo dgram par bya/ /slar yang rtsa bas bskor bar bya/ /de ltar 'di dag thams cad bya/ /mar dang sbrang rtsi byug pas mdzes/ /gang zhig yam shing las rnams kyis/ / </font><hr>395a<br><font size=+1>


@#/ /rnam par mkhas pas sbyin sreg bya/ /sems ni snying rje dang ldan pa/ /slob ma re re brjod nas su/ /dpal ldan sreg blugs bsreg par bya/ /nyi shu tham pa nyid kyang ngo / /'di dag thams cad byas nas su/ /sems ni snying rje dang ldan pa/ /rgyal mchog thams cad rab btud nas/ /de nas smon lam gdab par bya/ /bcom ldan bdag gis gang bsags pa'i/ /bsod nams grangs med gzhal mi lang / /des ni 'gro ba ma lus pa/ /bla med go 'phang thob par shog /sems can bye ba grangs med gang / /gzhan yang ngan 'gror gyur pa gang / /bdag gi bsod nams mthu yis ni/ /thams cad bde dang ldan gyur cig /gang zhig yi dwags sdug bsngal dang / /gang yang ngan 'gror gyur pa rnams| |bdag gi bsod nams mthu yis ni/ /de dag thams cad bral 'gyur shog /ji snyed sems can thams cad kyang / /sdug bsngal sna tshogs nyid dag dang / /de dag thams cad zhi gyur nas/ /'ga' yang sdug bsngal ma gyur cig /ji snyed sems can nyes spyad pas/ /lus dang ngag dang yid las byung / /sems can thams cad de ma gyur/ /kun kyang bde dang ldan gyur cig /de nas rgyal mchog kun btud nas/ /dri dang me tog sogs thogs te/ /steng dang 'og tu bltas gyur pas/ /de nas rab tu bsdu ba'i phyir/ /de nas </font><hr>395b<br><font size=+1>


slar yang brjod par bya/ /skyob pa thams cad mngon sum du/ /bdag la slar yang brtse ba'i phyir/ /bcom ldan sras dang bcas pa yang / /ji srid bdag ni don grub par/ /bdag nyid chen po slar byon mdzod/ /de nas gtor ma me tog dang / /dri dang bcas pa'i rdul tshon la/ /sngags pa dngos grub mchog 'dod pas/ /lag pas reg par mi bya'o/ /de nas rang gis byin brlabs te/ /sa la 'dug nas gos phud pas/ /'bad par gyur pas bsdus nas ni/ /chu bo la ni bskur bar bya/ /de ltar rab tu 'bad pas kyang / /nyi ma gnyis pa shar ba la/ /de tshe dngos grub kun byed pa'i/ /phyag rgya shes rab can gyis bstan/ /gang zhig bcings pa tsam gyis ni/ /de la lha ni nye bar 'gyur/ /sa steng shin tu sdug bsngal gnas/ /sems can thams cad 'dul byed pa/ /'jig pa brtan dang g.yo ba yi/ /'jig rten kun gyis mi mthong ngo / /sangs rgyas kun gyis byin gyis brlabs/ /phun sum tshogs pa yang dag ldan/ /phyag rgya rtag tu 'grub par ni/ /the tshom med par 'byung bar 'gyur/ /ral gri yi ni phyag rgya bshad/ /de nas de yis 'og tu ni/ /go cha bshad par bya yi nyon/ /mgo bor yang ni tho bar bcas/ /spyi bong rdo ba dag dang ldan/ /bkar btags phyag rgya snying gar te/ /phyogs bcings par ni rab tu bya/ /de bzhin mar me dri phyag rgya/ /gtor ma'i phyag rgya bdug pa yang / /me tog zhal zas </font><hr>396a<br><font size=+1>


@#/ /phyag rgya dang / /spyan drang pa ni nyid dag dang / /de bzhin gshegs pa rgyal sras dang / /nyan thos dang yang pho nya sogs/ /'jig rten pa ni thams cad dang / /de bzhin drang srong tshogs rnams dang / /sring mo yang dag bshad pa dang / /ma mo yang ni bdun nyid dang / /de dag rnams ni ma lus pa/ /sa steng du ni rgyas par nyon/ /tsham ngam skad cig mi g.yo bar/ /phan pa'i don du bu tshur nyon/ /gang zhig brjod pa tsam gyis su/ /bgegs dang log par 'dren pa 'joms/ /mdzub mo dang ni gung mo dag /blo dang ldan pas drang por brkyang / /srin lag dang ni mthe chung nyid/ /mthe bo yis ni brtan par mnan/ /lag pa g.yas pas de ltar bya/ /ral gri yang dag ldan bcas te/ /ral gri shubs su bcug pa las| |slar yang kun nas 'byung bar bya/ /'bar ba lta bur 'jigs pa ni/ /phyogs kun tu ni bskor bar bya/ /'di ni dpal ldan ral gri 'chang / /ye shes ral gri rgyal ba'i sras// gang zhig mi shes las byung ba/ /ye shes rang bzhin ral gris gcod/ /de phyir rnam pa thams cad du/ /bgegs kyi rgyal po kun 'joms la/ /rgyun du nyin re dus gsum du// phyag rgya rab tu bcing bar bya/ /g.yon pa'i khu tshur dam por bcing / /mdzub mo mthe bong nang du ni/ /bcug pa sdigs mdzub bcums yin te/ /bcug pa de ni zhags par brjod/ / </font><hr>396b<br><font size=+1>


dpal ldan phyag rgya 'di 'chang ba/ /zhags pa'i phyag rgya zhes su grags/ /sa bcu gnas kyi dbang phyug rnams/ /kun nas rab tu 'gugs 'gyur na/ /gdug pa'i sems can dmyal ba ltar| |gang las ci yi phyir mi lta/ /gung mo'i sor mo yang dag sbyar/ /phan tshun du ni rtse sprad de/ /mdzub mo dang ni ming med dag /kun nas lag pa'i nang du bcug /mthe bong de la kha bstan mnan/ /mthe'u chung dang por bzhag pa ni/ /rdzogs sangs rkang gnyis mchog gis ni/ /'di ni go cha'i phyag rgyar gsungs/ /ye shes ral gri snying ga dang / /yan lag lnga la'ang rnam par dgod/ /de tshe phyag rgyas go cha bgo /phyag rgya sems can sdom pa yin/ /de ltar rab tu 'bad par bya/ /slob ma sdig dang bral byed pa/ /phun sum tshogs kun 'grub bya'i phyir/ /de tshe dbang bskur sbyin par bya/ /bzlas pa'i tshe na gzhan rnams su/ /cho ga bzhin du bsrung bar bya/ /bgegs kyi rnam pa rnams dang ni/ /gzhan yang dgra bo byung ba la/ / bdag dang gzhan gnyis bsgrub bya'i phyir/ /'di ni rtag tu sbyar bar bya/ /lag pa phan tshun bzung nas su/ /lag pa gnyis ni brtan por bya/ /mdzub mo gnyis ni gyan du bsgreng / /mgo bo'i phyag rgya zhes su bshad/ /lag pa gnyis kyi bya ba ni/ /so sor khu tshur bcing bar bya/ /gsang ba pa yi lag pa yi/ /g.yon pa'i mthe bong nas bzung ste/ /g.yas pa'i mthe bong </font><hr>397a<br><font size=+1>


@#/ /gyen du bsgreng / /rdo rje lta bur gzhon pa ni/ /me ni chen po lta bur 'bar/ /lag pa rdo rje lta bur gnas/ /sngags pa gang la khros gyur pa/ /lha dang klu mo 'khor dang ni| |gnod sbyin lto 'phye srin po dang / /grul bum dang ni lus srul po/ /lha min yi dwags mi 'am ci/ /gang yang bgegs ni byed pa gzhan/ /glang po rta dang shing rta dang / /gang yang rgya mtsho snyems pa dang / /gang yang rgyal po gdug pa dang / /'dir ni bstan la gnod byed pa/ /gdug pa'i sems can de rnams ni/ /gdul ba'i phyir dang brlag pa'i phyir/ /de bzhin dngos grub myur ba'i phyir/ /phyag rgya chen po rab tu sbyar/ /sngags dang lhan cig dgod par bya/ /bdag nyid las byung lha rnams kyi/ /dkyil 'khor la ni rab tu gnas/ /rgyu dang 'bras bu spyar bar bya/ /g.yas pa'i phyag rgya khu tshur bcing / /gung mo gyen du rnam par bsgreng / /rdzogs sangs rgyas kyi dbang phyug gis/ /'di ni spyi gtsug dag tu gsungs/ /lag pa g.yon pa khu tshur bcing / /mdzub mo gung mo bsgrengs nas ni/ /de ni g.yon pa rtag tu bcing / /'di ni bkar btags phyag rgyar grags/ /lag pa gnyis kyi khu tshur ni/ /bcings nas phan tshun btsir bar bya/ /gcig tu brtan par bcugs pa ni/ /rdo ba lta bur yang dag bshad/ /g.yas pa khu tshur dam du bcing / /mkhas pas snying gar gzhag par bya/ /rdzogs sangs </font><hr>397b<br><font size=+1>


rkang gnyis dam pa yis/ /snying ga'i phyag rgya zhes su bshad/ /gung mo dang ni mdzub mo nyid/ /mthe bong so sor brkyangs nas su/ /gnyis ka'ang 'di ltar gnas byas nas/ /phyogs bcur yongs su spro bar bya/ /'dis ni phyogs bcur bcings byas nas/ /mkhas pas sngags kyis bzlas pa bya/ /lag pa gnyis ni mthil sbyar nas/ /gung mo nang du sbyar bar bya/ /rdzogs sangs rkang gnyis dam pa yis/ /dri yi phyag rgya zhes su bshad/ /lag pa phyi rol bsgril nas ni/ /mthe bong gung mo gyen du bsgreng / /mthe'u chung ni bsgrengs nas gzhag /rgyal dang rgyal sras rnams kyis kyang / /mar me'i phyag rgya zhes su bshad/ /slar yang lag pa phyir bkrol nas/ /phyin ci log byas gung mo dang / /mdzub mo mthe bong snga ma bzhin/ /tshigs pa shin tu brtan par bya/ /sngags dang lhan cig bcas pa ni/ /gtor ma'i phyag rgya zhes su brjod/ /lag pa'i shubs kyi phyag rgya ni/ /shubs lta bur ni rab tu mdzes/ /bdug spos phyag rgya mdor sdus na/ /rgyal ba skyes bu mchog gis gsungs/ /gung mo ming med sbyar bkug nas/ /mthe bong steng na rnam par gnas/ /de ltar g.yon pa yang byas na/ /me tog phyag rgya zhes su brjod/ /lag pa 'og tu thal sbyar nas/ /gung mo dang ni srin lag dang / /mdzub mo yang ni bkug nas su/ /mthe'u chung phyi rol nyid du gnas/ /mthe bong der ni mngon phyogs </font><hr>398a<br><font size=+1>


@#/ /pa| |zhal zas kyi ni phyag rgyar brjod/ /paR+YaM kA shA ni sngags shes pas/ /lag pa dag ni lhung bzed sbyar/ /mthe bong dag ni bkug byas nas/ /blo ldan de yi rtsa bar sbyar/ /gsang sngags shes pas spyan drang bya/ /skyob pa shAkya seng+ge yi/ /dpa' bo chos gos ngur smrig mnabs/ /gtso bo bstan pa'i don mdzad pa/ /mtha' yas 'jig rten rab 'byams khams/ /shin tu mnyam par bzhag pa yang / /shes rab can gyis rtag bsams na/ /brang pa'i 'bras bu thob par 'gyur/ /lag pa gnyis ni thal sbyar nas/ / mkhas pas mdzub mo bkug nas su/ /rtse mor mthe bong bzhag pa ni/ /rgyal sras rtag tu dgug par byed/ /lag pa pad+ma ltar byas nas/ /sor mo gung mo ming med tsam/ /'di rnams thams cad 'gugs par byed/ /nyan thos rnams dang sa steng bzhugs/ /gang yang pho nya ma tshogs bshad/ /pho nya yang ni rdzu 'phrul che/ /de rnams phyag rgya bshad pa ni| |sa steng lcags kyus 'gugs par byed/ /g.yas pa khu tshur dam por bcing / /brtan por rab tu ldan byas te/ /mdzub mo shes rab can gyis brkyang / /tshigs pa gsum pa bcag par bya/ /lag pa g.yas pas g.yon pa yi/ /'khrig ma nas ni bzung ba yis/ /sa steng pho nya mo la sogs/ /brtan par gyur pas dgug par bya/ /lag pa phyi rol </font><hr>398b<br><font size=+1>


dkyil nas su/ /gung mo gyen du rnam par bsgreng / /mdzub mo drang por byas nas ni/ /de dang rab tu sprad par bya/ /nang gi cha ru bkug nas su/ /mthe bong mi mthun pa ru gzhag /'jig rten pa yi phyag rgya ste/ /dgug pa ru ni rab tu grags/ /phyag rgya 'di dag nyid la yang / /g.yon pa rab tu phral ba yi/ /g.yas pa drang srong thams cad dang / /brtul zhugs gnas pa dgug pa yin| |lag pa g.yon pa drangs byas nas/ /mkhas pas gung mo dgug par bya/ /mdzub mo sor mo yang bkug nas/ /dpal ldan phyag rgya 'di 'chang ba/ /sring mo rnams kyi rab tu grags| |sring mo dngos grub mdzad pa can/ /dam par gyur pa spyan drang bya/ /g.yas pa drang por brkyangs nas su/ /sor mo gsum ni drang por brkyang / /de ru mdzub mo bkug pa yi/ /rtse mor mthe bos reg par bya/ /phyag rgya 'di yis nges pa ru/ /ma mo bdun nyid dgug par byed/ /rdzogs sangs rkang gnyis dam pa yis/ /phyag rgya 'di ni yang dag gsungs/ /rtag tu bag yod par gyur pas/ /sa gzhi dkyil 'khor bsrung bar bya/ /phyag rgya 'di ni 'chang ba dkon/ /rgyal ba mchog gis rab tu gsungs/ /phyag rgya 'di de la brten na/ /bsam gyis mi khyab 'bras bu 'thob/ /de bas rnam pa thams cad du/ /bsam mi khyab pa'i 'bras 'dod cing / /dngos grub 'dod par gyur pa yis/ /sngags pas rtag tu bzung bas na/ /bgegs </font><hr>399a<br><font size=+1>


@#/ /dang log par 'dren pa dang / /klu dang srin po gdug pa kun/ /gnod sbyin grul bum mi'am ci/ /yi dwags lus srul lto 'phye che/ /phyag rgya 'di yis bsrungs pa yis/ /glags lta'i go skabs mi rnyed do/ /gzhan yang gdug pa'i sems can dang / /gang yang nad ni 'jigs rung ba/ /de dag thams cad mi 'byung ste/ /phyag rgya 'di yis shin tu srung / /'jigs pa thams cad rnam par bral/ /kun kyang dbang phyug yang dag ldan/ /de dag thams cad mi 'byung ste/ /'di ru dgos pa spyad mi bya/ /sems can gdug sems yod pa gang / /shin tu drag shul las byed pa/ /zhi ba'i thugs kyis bde gshegs kyis/ /gdul ba ru ni mi nus pa/ /de rnams rab tu gdul ba'i phyir/ /kho bo 'di ni rnyed par dka'/ /bde bar gshegs pas mdzes par gsungs/ /bsam mi khyab pa'i 'bras ster ba/ /sna tshogs bsam mi khyab pa'i las/ /sa steng phyag rgya rnyed par 'gyur/ /bsam mi khyab par bshad pa ni/ /de phyir 'di yis bsam mi khyab/ /dam tshig ye shes bshad pa 'di/ /brlag pa ru ni 'byung bar 'gyur/ /sangs rgyas la ni bslus pas na/ /gsang sngags 'bras bu kun mi 'byung / /byang chub tshogs ni 'grub bya'i phyir/ /dam tshig rtag tu bsrung bar bya/ /dam tshig bsrungs pas dngos grub kyi/ /'bras bu yang ni 'byung bar 'gyur/ / </font><hr>399b<br><font size=+1>


rtag tu g.yo ba med 'gyur bas/ /lus can rnams kyi phyag rgya dgod/ /bu med pa yang bu rnyed 'gyur/ /ma grub pa'ang thams cad 'grub/ /gang tshe bu mo chags pa yang / /lus can 'dod ba mngal du 'chags/ /de tshe yang dag rab sbyar ba'i/ /phyag rgya don kun 'grub par byed/ /dkyil 'khor 'jug pa zhes bshad pa/ /phyag rgya bshad pa 'di yin no/ /gzhan du lus can thams cad kyis/ /cho ga nyams pas 'bras bu med/ /dbang phyug sogs rgyal gang su dag /mi yi phyogs dang mtshungs pa 'thob/ /'di ni de yi cho ga'i lam/ /sa steng na ni gzhan ma med/ thams cad dbang phyug go 'phang 'thob/ /'jigs pa thams cad rnam par spangs/ /phyag rgya 'chang bar gyur pa yis/ /sems can thams cad dbang thob 'gyur/ /tsham ngam mtshan nyid sa steng du/ /rgyas par bshad kyi tshur la nyon/ /gang zhig bcings pa tsam gyis ni/ /bsam mi khyab pa'i go 'phang 'thob/ /gang yang sa steng gdug pa can/ /lha dang klu dang gnod sbyin dang / /lto 'phye srin po mi'am ci/ /'byung po gdon dang sha za dang / /gang yang bgegs gzhan log par 'dren/ /de rnams 'joms par bya ba'i phyir/ /tsham ngam 'dzin pa bslab pa nyid| |gnas gsum du ni gnas rnams la/ /mnyam par gzhag par rab spyar na/ /de ni brlag par 'gyur ba'am/ /'chi bar 'gyur bar the tshom med/ /dam tshig ster ba'i gnas </font><hr>400a<br><font size=+1>


@#/ /gnas la/ /spyi bor me tog thal sbyar te/ /rgyal ba thams cad mchod byas nas/ /yang dang yang du phyag kyang bya/ /de nas mnyam par gzhag gyur pas/ /sa steng phyag rgya mching pas 'ching / /rkang pa ya gcig bteg nas su/ /ma rungs pa yi lta stangs dbab/ /khro dang bcas pas gzhag par bya/ /rkang pa'i 'og tu lta stangs dbab/ / lag pa g.yas pa bsgreng bar bya/ /g.yon pa snying gar yang dag gzhag/ /rkang pa bgrad nas gzhag par bya/ /sku las hUM yig 'od zer 'bar/ /brtan dang g.yo ba'i bgegs sam gzhan/ /'og tu bsnun par yang dag gnas/ /rkang pa mnan nas bsnun pa yis/ /lha dang lha min g.yo bar byed/ /sa gsum yang ni g.yo ba dang / /shin tu mi bzad sreg par byed/ /thams cad sreg par 'gyur pa na/ /de dang nye ba'i drung du 'khor/ /bdag rang khro bo lta bu yis/ /zhags pa'i phyag rgya thogs nas ni/ /zhags pa'i phyag rgyas bcing bar bya/ / phyogs bcu kun na gnas pa yi/ /zhags pa'i phyag rgyas de bcings te/ /shin tu gdung bar byed pa'o/ /ha ha zhes sgrog rab tu 'phrul/ /la la thal bar brlag par 'gyur/ /bde gshegs che ba'i bdag nyid can/ /de dag thams cad snyan pa'i tshig /skal pa chen po bka' bsgo stsol/ /bdag cag khyed kyi bka' ltar bgyid/ /bdag ni yid bzhin ma yin </font><hr>400b<br><font size=+1>


pas| |bka' bsgo bcag par mi bgyid do/ /de nas de rnams dam tshig ni/ /bde bar gshegs pa chen pos gsungs/ /sangs rgyas chos dang dge 'dun yang / /khyod kyis yid la bya bar 'os/ /bka' bsgo gyur pa thams cad kyis/ /khyod kyis bstan pa rnams kyang bsrungs/ /sngags pa bdag nyid chen po yis/ /bka' bsgo ba ni bcag mi bya/ /kun la gnod par mi bya ste| |bgegs ni nam yang ma byed cig /sangs rgyas chos dang yid ldan pa'i/ /bka' bsgo bcag par mi 'gyur ro/ /sngags pa yi ni bka' bsgo ba/ /nam yang bcag pa ma yin te| |gal te gso ba don gnyer na/ /dam tshig 'di rtag 'bras bu ster/ /gal te khyod ni bka' gcog na/ /sngags pas kyang ni hUM brjod na/ /rtag tu thal bar rlog par 'gyur/ / 'di ni dpal ldan rdo rje 'chang / /khro bo chen po stobs po che/ /rdo rjes mgo bo ardza ka'i/ /dog pa bzhin du 'gems par byed/ /de dag thams cad mos nas su/ /'jigs par gyur pas tshig smras pa/ /sngags pas ji ltar bka' stsal pa'i/ /bka' bsgo bcag par mi bgyid do/ /nyid la bkur sti ji bzhin bgyid/ /srung bar yang ni shin tu bgyid/ /rtag tu rjes su 'brel bar ni/ /gyur par sngags pa la bgyid do/ /bde bar gshegs pas gsungs pa'i gnas/ /dam pa'i chos ni srung bar bgyid/ /bstan pa yang ni srung ba ni/ /ji srid </font><hr>401a<br><font size=+1>


@#/ /gnas kyi bar du bgyid/ /de ltar bde gshegs kyis bsgos te/ /dam tshig la ni nges par sbyar/ /bdag nyid chen po rdo rje can/ /bde bar gshegs pa tshim par mdzod/ /gal te bgegs kyis bstan pa la/ /gnod pa ru ni byed gyur dang / /gal te sems can rnams la yang / /'ga' zhig gnod par byed pa yi/ /bde gshegs thu bo'i sras gcig po/ /rdo rje khyod ni bdag nyid che/ /nga yi bka' yis rtag tu ni/ /khyod kyi mgo bo rdo rjes 'gems/ /de nas dpal ldan rdo rje 'chang / /mgu bar gyur pa'i thugs kyis su| |sku ni stan las bzhengs mdzad de/ /bde bar gshegs gsungs bka' bsgo ba/ /thal mo sbyar te pus mo btsugs/ /bka' stsal spyi bor 'jog par bgyi/ /mgon po khyod kyi chos kyi sras/ /bu ni bdag la bka' bsgo stsol/ /dus gsum par gnas bka' bsgo ba/ /bdag ni de bzhin skyong bar bgyid/ /de nas rdo rje rgyal chen bdag /kun mkhyen dkyil 'khor spyan snga ru/ /rnga sgra zab mo yi ni dbyangs/ /snyan pa'i gsung ni bka' stsal pa/ /gang yang rdzu 'phrul chen kun dang / /gzhan yang bgegs dang srin po nyon/ /sngags pa bdag nyid chen po yi/ /bka' ni bcag par mi bya'o/ /gal te bka' ni gcog byed cing / /gal te sems can gnod pa dang / /sa steng gi ni dkyil 'khor du/ /gal te </font><hr>401b<br><font size=+1>


bstan la gnod byed na/ /bdag gis rdo rje 'bar ba yis/ /sras dang dpung du bcas pa ni/ /gang yang lha dang lha min gyi/ /lha yi bzhon pa'am yang na gnas/ /bde gshegs bka' bsgo yang gnas pas/ /thams cad thal bar rlog par byed/ /bdag nyid chen po rdor 'byung ba/ /de nas de ru tshig smras pa/ /dpa' bo khyod kyis ci bsgo ba/ /bdag cag bka' bsgo dbang du bgyid/ /de nas rkang pa g.yon brkyangs nas/ /lag pa phan tshun bcings nas ni/ /bgegs yod pa yi gnas su bsnan/ /de nyid kyi ni g.yas kyi ni/ /'khor lo'i phyag rgyas bsnun gyur na/ /thal ba'i rdul du rlog par 'gyur/ /gal te bgegs ni byed gyur na/ /sa bcu'i byang chub sems dpa' yis/ /gal te tshangs sogs gyur pa dang / /lha yang de ni brlag par 'gyur/ /lag pa g.yon pa gnas su gzhag /g.yas pa mgo bor bzhag nas ni/ /'byung por gyur pa'i bgegs la bsnun/ /slar yang g.yon pa bsnun nas ni/ /bskal pa'i me lce ltar byung ste/ /rdo rje'i thal mos bsnun par bya/ /sa gzhi phye ma ltar 'gyur na/ /gdug pa'i sems can lta ci smos/ /khro bo'i so yis ma mchu mnan/ /mig ni khro gnyer dang ldan pa'o/ /rdo rje thal mo legs sbyar bas/ /srid gsum thams cad 'joms par byed/ /lus kyi g.yon pa brkyangs gyur pas/ /rdo rje yi ni phyag rgyas bsnun/ /srid gsum thal bar rlog </font><hr>402a<br><font size=+1>


@#/ /'gyur na/ /gdug pa'i sems can smos ci dgos/ /rkang pa mnyam par gnas nas ni/ /mdzub mo g.yon pa dpral bar sbyar/ /g.yas pa steng du bteg pa yis| |mdzub mo rtse mo rab tu 'bar/ /bgegs yod pa yi gnas su bsnun/ /zhal ni yi ge hUM gis brgyan/ /rtsa ba'i phyag rgya yis bsnun pas/ /lus ni bskal pa'i me ltar blta| |gal te rdo rje'i lus gyur kyang / /de ni brlag par 'gyur ba yin/ /rkang pa mi mnyam gya tshom gzhag /lag pa steng du dbyug pa bsgreng / /g.yas kyis yongs su bskor nas ni| |bgegs kyi gzugs la snun par byed/ /dbyug pa'i phyag rgyas bsnun pa yis/ /'bar ba lta bur lus las byung / /the tshom med par thal bar rlog /gdon mi za bar 'chi bar 'gyur/ /g.yon brkyang ba yi rkang pa gnas/ /lag pa g.yas pa mgo bor bteg /g.yon pa'i rkang pa bteg nas ni/ /mi sdug zhal nas hUM brjod pas/ /ri rgyal lhun po'ang 'gas par byed/ /rgya mtsho yang ni skam par 'gyur/ /dpal ldan phyag rgya 'di 'chang ba/ /'di ni brtul zhugs legs par gnas/ /gang yang ri sogs bshad pa dang / / bgegs dang shin tu mi bzad rnams/ /de rnams 'joms par bya ba'i phyir/ /phyag rgya 'di ni rab tu sbyar/ /ras bal 'da' ba rlung khyer bzhin/ /de dag thams cad thal bar rlog/ </font><hr>402b<br><font size=+1>


yi ge hUM gi sgra dang ldan/ /tho ba mgo bor bteg par bya/ /g.yon pa snying gar yang dag gzhag /slar yang g.yas pas bteg byas nas/ /mkhas pas 'khor lor bsgyur ba yis/ / mnyam par sbyar bas bsnun byas na/ /bgegs kun brlag pa nyid du ni/ /mdor bsdus nas ni brjod par bya/ /phyag rgya mtshan ma gzhan gyis ni/ /gang gis bzlog par mi nus pa/ / gsungs pa'i phyag rgya 'di yis ni/ /'dir ni 'joms par the tshom med/ /sa la rkang pa bzhag nas ni/ /rdo rje'i phyag rgya legs par sbyar/ /rdo rje'i me ni 'bar ba ltar/ /bltas na de ru bdag med kyang / /khros pas ya sos ma mchu mnan/ /gdug pa'i sems can rnams la bsnun/ /rdo rje'i phyag rgya bsnun pa yis/ /shin tu mi bzad sreg par 'gyur/ /shin tu mi bzad bsdus nas ni/ /bka' bsgo'i lam ni gnod par byed/ /sngags pa yid la ci 'dod pa/ /de tshe de la sbyin par byed/ /gzhan du 'gal tshabs can 'gyur te/ /sngags pa'i lus ni brlag par 'gyur/ /bskal pa'i me dang mtshungs gyur pas/ /hA hA zhes sgros rnam brgyan pa/ /blo ldan zhags pa'i phyag rgya yis/ /kun nas 'gug par 'gyud pa yin/ /gal te rdo rje 'dzin rang yang / /ral gri'i phyag rgya bsnams nas ni/ /sngags pa hUM gi bsgrogs pas kyang / /de ni bskams nas brlag par ni/ /the tshom med par 'gyur ba ru/ /rgyal ba mchog gis </font><hr>403a<br><font size=+1>


@#/ /rtag tu gsungs/ /rkang pa mnyam por bzhag nas gnas/ /mchan khung dag tu lag pa gzhug /slar yang lag pa dgab par bya/ /so yis mchu mnan de bzhin no/ /slar yang g.yon brkyang ba yis gnas/ /lag pa g.yas pa phyar nas ni/ /g.yon pa snying gar rnam par dgod/ /bskal pa'i me ni lta bur byung / /bgegs kyi gnas su bsnun nas ni/ /de ma thag tu thal bar rlog /rkang pa 'khyog por byas nas ni/ /lag pa g.yas dang g.yon pa nyid/ /brla la bzung nas bstod par bya/ /khro bas ya sos ma mchu mnan| |'og tu lta steng dbab par bya/ /bgegs rnams thams cad bsdus nas ni/ /blo dang ldan pas mchan khung gzhug /thams cad gdung ba nyid du 'gyur/ /gang yang klu dang srin po dang / /'jigs pa chen po'i bgegs dang ni/ /gang yang skye bo rnam 'tshe ba/ /phyag rgya 'di ni sbyar ba yis/ /de dag thams cad brlag par 'gyur/ /lag pa rgyab tu btang nas ni| |g.yas kyis rnam par bsgyur bar bya/ /yang na mi mthun gya tshom gnas/ /rdo rje tho ba brdeg par bya/ /bgegs kyi gnas su nyer song ste/ /khro bo'i lta stangs dbab par bya/ / gal te sa steng rdo rje 'dzin/ /bgegs kyi gzugs la bsnun nas ni/ /de ni brlag par gyur nas ni/ /'di ni the tshom med par mchi/ /g.yon brkyang ba yi rkang pa yis/ /sngags pa </font><hr>403b<br><font size=+1>


shar du phyogs gyur pas/ /zhags pa'i phyag rgya go cha bzang / /me yi 'od dang mtshungs par 'bar/ /sa bcu'i gnas kyi dbang phyug gis/ /bgegs rnams thams cad 'gugs par byed/ /kun nas 'gugs par byas nas ni/ /ral gri phyag rgyas gcod par byed/ /thams cad 'gugs par gyur pa na/ /shin tu mi bzad cho de 'debs/ /de ring bdag cag rnams kyis dran/ /ma la bu dang bu mo rnams/ /yang ni sdug bsngal khyed 'di gzigs/ /'di ni 'chi ba nyid du 'gyur/ /gal te gson par 'dod na ni/ /bgegs ni rab tu ma byed cig /sngags pa bdag nyid chen po yi/ /bka' bsgo bcag par mi bya'o/ /bgegs kyi lag tu gson par bzhag /slar yang g.yas kyis song ba yis/ /rkang pas myur du mnan par bya| |bdag nyid ri rab tu gyur par/ /bsams nas bdag nyid chen po 'di/ /khams gsum dag ni ma lus par/ /thams cad mnan pa nyid du 'gyur/ /gang yang bgegs dang log 'dren gzhan/ /sngags pas hUM sgra sgrog pa las/ /der ni slar yang glags mi tshol/ /gnas pa yang dag bshad pa 'di/ /gsang sngags kun gyi gsang ba yin/ /gal te sngags kyi 'bras 'dod na/ /'di ni gang la'ang mi bshad do/ /rang gi bdag nyid lha yi sku/ /de ni phyag rgya dkyil 'khor ldan/ /rang gi mtshan ma sa bon dang / /rang bzhin phyi ru bcos </font><hr>404a<br><font size=+1>


@#/ /pa ni| |rtag par rgyun du bsnun par bya/ /gzhan du na ni 'bras bu med/ /mdor bsdus nas ni 'di ru bu/ /bdag gis gsang ba gsungs pa yin/ /phyag rgya mtshan ma cho ga ni/ /'di ni kun tu ma 'chad cig /gang yang sdig can sems can gang / /bla ma la smod 'jigs su rung / /pha dang ma ni mi shes shing / /gang yang dkon mchog gsum la smod/ /'jigs pa'i gzugs can dad pa med/ /gang yang mtshams med lnga byed pa/ /sems dpa' med cing snyom pa dang / /spro ba med cing snyom las ldan| |ser sna'i dri ma'i 'dam 'dir bying / /gang yang rtag tu gnas pa ni/ /sangs rgyas kyis gsungs gsang ba ni/ /de rnams la ni bshad mi bya/ /gang yang gdug pa'i sems can gzhan/ /rtag tu sdig pa'i las can de/ /khro ba'i rgyal po mi bzla zhing / /dkyil 'khor yang ni bstan mi bya/ /gsang sngags mi shes phyag rgya med/ /gang yang bla ma sun 'byin pa/ /de rnams 'ga' yang rgyal ba yis/ /gsungs pa'i nus pa kun mi bshad/ /gsang ba cung zad gang yod pa/ /khro bo'i ming can snying po 'di/ /sems can rnams la phan 'dod pas/ /de ni ma lus bdag gis bshad/ /gsang ba 'di la brten nas ni/ /gang yang 'das pa'i sangs rgyas dang / /'gro la phan phyir 'byung 'gyur </font><hr>404b<br><font size=+1>


pa'i| |gang yang mgon po ma byon pa/ /'gro la phan pa'i tshul gyis ni/ /mgon po da ltar bzhugs pa gang / /de kun mgon po bsam du med/ /ye shes rtul phod mtshungs pa med| |rnam par spyad na bsam du med/ /rnyog pa med pa'i dam chos ni/ /zhing du bshad par gyur pa yang / /thams cad du ni bdud las rgyal/ /gzod nas zhi la gnas med pa/ / chos kyi 'khor lo bskor bar 'gyur/ /sbas gsang mnyam pa'i ye shes nas/ /bdag gis gang yang ma bstan pa/ /sa steng dkyil 'khor gsang ba ste/ /ma lus par ni bdag gis gsungs/ /mgon po grangs med 'das pa dang / /gang yang 'byung bar 'gyur ba gzhan/ /'gro la phan phyir 'dir bzhugs pa'i/ /gang yang da ltar byung ba ni/ /kun tu gsang ba'i ye shes gang / /bsam gyis mi khyab 'bras stsol ba/ /gsang ba'i ye shes pha rol gnon/ /de dag ma lus bdag gis gsungs/ /gang zhig rgyud kun tu gsungs pa/ /gsang ba mchog gi rmad du byung / /de dag ma lus pa ru gsungs/ /bsam mi khyab pa'i 'bras stsol ba/ /thams cad dbang phyug go 'phang 'thob/ /bde ba thams cad yang dag gtad/ / 'jigs pa thams cad rnam bral bar/ /lus can thams cad 'byung bar 'gyur/ /'di ni myur du dngos grub byed/ /bsam gyis mi khyab 'bras bu stsol/ /sems can thams </font><hr>405a<br><font size=+1>


@#/ /cad srung ba yis/ /gsang ba pha rol gnon pa gsungs/ /de bas rnam pa thams cad du/ /gsang ba'i gsang ba yang dag byung / /rtag tu bag yod par gyur pas/ /bsrung ba'i don du rgyal bas gsungs/ /sngags pa bdag nyid chen po yis/ /mchog tu yid 'ong yang dag bshad/ /gsang ba'i ye shes rtul phod pa/ /sngags pa ma bsgrubs pa yang 'grub/ /gsang ba'i ye shes pha rol gnon/ /gang la'ang bshad par mi bya ste/ /rdzogs sangs rkang gnyis mchog gis ni/ /mgon pos bsam gyis mi khyab gsungs/ /rgyal po med cing gdug pa'ang med/ /bgegs dang log par 'dren pa med/ /srin po gnod sbyin dbang po med/ /gdug pa'i gza' dang ma mo med/ /dus min 'chi dang 'jigs pa med/ /nad kyis kun tu 'khrugs pa med/ /mkha' 'gro ma dang sha za'ang med/ /seng+ge stag sogs 'jigs pa'ang med/ /chu yis 'jigs pa chen po'ang med| |rims sogs 'jigs rung pa yang med/ /gnon po la sogs kun kyang med/ /de bzhin thog gi 'jigs pa med/ /mi rgod chom rkun la sogs med/ /gzhan yang de bzhin yams med cing / /de ru mu ge'i 'jigs pa med/ /bdud kyi 'jigs pa'ang de bzhin med/ /yul 'khor gzhan gyis 'jigs pa med/ /de la 'go nad 'jigs </font><hr>405b<br><font size=+1>


pa med| |lhog pa mtshan par rdol ba med/ /nad la sogs pa thams cad med/ /gzhan yang 'jigs par byed pa med/ /sa gzhi thams cad yod pa yi/ /sa gzhi steng 'dir gnas pa yi| |'di ni gang gi lag na gnas/ /gang gi snying gar gnas pa de/ /'jigs pa thams cad rnam bral bas/ /mi yi skyes bu thob par 'gyur/ /bdag gi dka' bas rab brtsal te| |de bzhin srog la ltos med par/ /mgon po grangs med rab mnyes pas/ /go 'phang mchog 'di thob par 'gyur/ /ye shes shin tu rnyed dka' ba'i/ /yang dag 'di ni bdag gis 'thob/ /sems can don du bsam med par/ /grangs med bzhin du rnam par gnas/ /da ltar bdag gis sangs rgyas nyid/ /byang chub snying por yang dag bzhugs/ / phyag rgya 'di ni bstan pa yis/ /yang dag pa ni bdud las rgyal/ /srid gsum 'di ni 'jigs pa 'khrigs/ /sems can sdug bsngal yang dag khengs/ /'jig rten gsum na 'bad pa yis/ /bdag gis ma lus par bsgral to/ /ma lus sangs rgyas che ba'i bdag /sems can don du bstan pa yis/ /de dag thams cad bdag gis ni/ /phyag rgya 'di yi mthu yis byas/ /mtshungs med ye shes sa thob cing / /sa steng kun mkhyen sa thob las/ /de bas bdag ni kun mkhyen brjod/ /nam mkha'i go 'phang bgrod nas bzhugs/ /sna </font><hr>406a<br><font size=+1>


@#/ /tshogs 'jig rten 'gro shes nas/ /dmyal ba la sogs 'jigs rung ba'i/ /sdug bsngal gyis gdungs mthong nas ni/ /thugs rjer ldan pa'i thugs kyis su| |gsang sngags tshul gyis 'bras byung ba/ /bsam mi khyab pa'i dam chos bshad/ /ji bzhin gsungs pa'i 'jig rten gsum/ /yang dag ye shes rnam par bsgyings/ / gsang sngags cho ga rgyas pa ni/ /de ni 'di ru bdag gis gsungs/ /de bas rnam pa thams cad kyis/ /bdag gis dam chos bshad pa 'di/ /rtag tu bag yod par gyur pas/ /cho ga rgyas par bshad par bya/ /gsang ba'i phyag rgya rab gsungs pa/ /dam tshig mi shes la mi bshad/ /sangs rgyas thams cad bslus gyur cing / /gsang sngags 'bras bu mi 'byung ngo / /de rnams ngan 'gror ltung ba dang / /'bras bu gzhan du 'byung ba med/ /gal te sems can thams cad ni/ /dam tshig nyams par gyur na ni/ /'bad pas bla ma mnyes byas nas/ /sa steng dam tshig gzung bar bya/ /gsang ba sa steng bshad pa yi/ /phyag rgya de nas bcing bar bya/ /de ltar byas pa'i cho ga shes/ /sngags dang phyag rgya shin tu sbyar| |bsam mi khyab pa'i sku thob ste/ /gzhan du na ni 'bras med 'gyur/ /de nas bcom ldan shAkya thub/ /thugs rje dang ni ldan pa'i thugs/ /rdor byung bdag nyid chen po la/ / </font><hr>406b<br><font size=+1>


snyan pa'i tshig gis bka' stsal pa/ /gsang sngags sems can don sgrub pa/ /bshad par bya yi tshur la nyon/ /bsam gyis mi khyab 'bras bu mang / /yang ni bde bar gshegs pas gsungs/ /bsam gyis mi khyab las sna tshogs/ /bsam gyis mi khyab 'bras bu gnon/ /gsang sngags 'chang ba 'di dag ldan/ /de phyir 'di yang bsam mi khyab/ /gang gis rdzogs sangs rgyas bsrungs pa/ /rdzu 'phrul chen po rgyal gyur pa/ /srung ba'am 'ga' zhig 'jig rten ni/ /thams cad chags pas gzir gyur pa/ /de ni bshad par bya yi bu/ /phan par gyur pa'i yid kyis nyon/ /mthong ba'i chos la 'bras bu ni/ /gzhan du 'bras bu med par 'gyur/ /de nas bcom ldan 'das shAkya thub pas de'i tshe sems can thams cad bsam pa yongs su rdzogs par rol pa zhes bya ba'i ting nge 'dzin la snyoms par zhugs so/ /snyoms par zhugs nas sems can thams cad kyi bsam pa yongs su rdzogs par byed pa ngan 'gro thams cad rnam par grol bar byed pa/ tshe dang nad med pa la sogs pa dang / nad thams cad rab tu zhi bar byed pa/ mchog tu sangs rgyas pa/ de bzhin gshegs pa thams cad kyi snying po gsang sngags kyi rgyal po 'di bka' stsal pa/ na maHsarbA sA pa ri pU ra ke b+h+yaH/ sarbA ta thA ga te b+h+yaH/ sarba thA/ a tsa la kA Na/ naT+Ta naT+Ta/ moT+Ta moT+Ta/ maT+Ta maT+Ta/ taT+Ta </font><hr>407a<br><font size=+1>


@#/ /taT+Ta/ tiSh+Tha tiSh+Tha/ A be shA A be shA/ AHmat+ta ma la kAH/ d+ha Na d+ha NaH/ tr-i Ni tr-i Ni/ khA da khA da/ big+h+naM mA ra ya mA ra ya/ duSh+TAM/ rak+Sha rak+Sha/ satwAM/ ku ru ku ru/ ki ri ki ri/ ma hA bi dza ya badz+ra phaT/ hUM hUM hUM/ tri ba li ta raM ga /narta ka/ haM haM haM/ a tsa la tse Ta phaT phaT yaH/ AHhUM a sa maM/ tri ka trA Ta/ ma hA ba la shA ta ya/ sa mA na ya/ trAM mAM hAM| shud+d+h+ya tu lo kaH/ tuSh+ya tu badz+ri na mo s+t+wa pra ti ha ta ba le b+h+yaH/ dz+wA la dz+wA la/ trA Ta a sa ha na maH swAhA/ bcom ldan 'das kyis mchog tu gsang ba chen po'i snying po 'di gsungs ma thag tu stong gsum gyi stong chen po'i 'jig rten gyi khams 'di rnam pa drug tu g.yos te/ 'gul/ rab tu 'gul/ kun tu rab tu 'gul/ chem chem/ rab tu chem chem/ kun tu rab tu chem chem/ g.yos/ rab tu g.yos/ kun tu rab tu g.yos/ ldeg /rab tu ldeg /kun tu rab tu ldeg /'khrugs/ rab tu 'khrugs/ kun tu rab tu 'khrugs/ 'ur 'ur| rab tu 'ur 'ur/ kun tu rab tu 'ur 'ur/ shar phyogs mthon nub phyogs dma'/ lho phyogs mtho na byang phyogs dma' ste/ snang ba chen po 'jig rten du byung bar gyur to/ / gzhan yang ngo mtshar rmad du byung ba 'jig rten du mthong ngo / /bgegs dang log 'dren thams cad dang / /gang yang srin po 'jigs pa dang / /sha za gdug pa'i sems can </font><hr>407b<br><font size=+1>


dang / /gang yang bdud dang 'jigs su rung / /gnod sbyin klu dang mi 'am ci/ /grul bum dang ni lus srul bo/ /gang yang lha min tshogs dang yang / /gang yang gza' dang ma mo rnams// ras bal 'ang ba ma rlung khyer bzhin/ /de dag thams cad thal bar rlog /zab mo yi ni dbyangs kyi sgra/ /phyogs kun tu ni grags par 'gyur/ /'jigs pa chen po'i skar mda' ltung / / 'jigs su rung ba'i glog kyang 'khrugs/ /sa gzhi thams cad 'bar ba ltar/ /sa steng kun na me phung ngo / /phyogs kun 'jigs pa chen por 'gyur/ /sa gzhi dkyil 'khor kun 'khrugs 'gyur/ /mun nag 'jigs pa chen po ru/ /sa gzhi dkyil 'khor mthong bar 'gyur/ /sangs rgyas nyan thos lha dang ni/ /byang chub sems dpa' rdzu 'phrul che/ /lam gol ba yi yid can la/ /de dag thams cad ngo mtshar gyur/ /kun mkhyen spyan sngar 'dug nas ni/ /snyan pa yi ni tshig 'di gsol/ /kun mkhyen bkod pa bsdu bar mdzad/ /sems can sdug bsngal kun tu 'khrugs/ /sa gzhi snying por gyur pa 'dir/ /tshul 'di bzod par mi nus so/ /de kun kun mkhyen bzhengs nas ni/ /ting nge 'dzin ni stong 'gyur bas/ /skyob pa byang chub sems dpa' yis/ /snyan pa'i tshig gis bka' stsal pa/ /byang chub sems dpa' ma 'jigs shig /gang yang 'jigs pas gzir ba'i lha/ /gzhan yang gdug pa'i sems can </font><hr>408a<br><font size=+1>


@#/ /ni| |'jig rten pa dang rgyu mi rgyu/ /rdzogs sangs rkang gnyis dam pa yis/ /'di ni bsam du med par bshad/ /de nas sems can thams cad kyis/ /bde ba thams cad yang dag thob/ /thams cad dbang phyug go 'phang 'thob/ /sdug bsngal thams cad rnam par spangs/ /bsam pa thams cad rdzogs nas ni/ /de ma thag tu sa steng 'gyur/ / khro bo'i rgyal po'i snying po 'di/ /rgyal ba mchog gis rtag tu gsungs/ /stobs chen 'di ni mi mthong bas/ /khro bo'i rgyal po rang nyid gnas/ /gnas med pa la sbyar mi bya/ /gsang sngags gsang ba pha rol gnon/ /rang nyid de bzhin gshegs pa ste/ /'di ni khro bo'i gzugs kyis bzhugs/ /las rnams sna tshogs yang dag ldan/ /gsang sngags 'di ni bzlas pas 'grub/ /mtshams med lnga po byas pa yang / /'di yis myur du 'grub par 'gyur/ /tshes grangs med cing rgyu skar med/ /smyung gnas kyang ni med par mdzod/ /khrus kyi bya ba thams cad med/ /dri sogs cho ga'i rim pa med/ /ras bris med cing gnas yod min/ /dus kyi cho ga'i rim pa med/ /sdig pa kun dang ldan pas kyang / /gang du yang dag gnas sgrub pa| |slar yang bcom ldan 'das kyis ni/ /thugs rje dang ni ldan pa'i thugs/ /rdor byung che ba'i bdag nyid la/ /snyan pa'i tshig gis bka' stsal pa/ /gsang sngags rgyal po rdzu </font><hr>408b<br><font size=+1>


'phrul che/ /khro rgyal nye ba'i snying po ni/ /dngos grub myur du stsol mdzad pa/ /bshad par bya yi bu tshur nyon/ /yid la 'dod pa'i cho ga nyid/ /bsam gyis mi khyab las dang ldan/ /gsang sngags chen po 'di bsgrubs na/ /bsam gyis mi khyab 'bras bu ster/ /rdzogs sangs mchog tu gsang ba ni/ /brtan dang g.yo bas mi shes pa/ /bsam pa thams cad rdzogs mdzad na| |rgyal ba mchog gis rtag tu gsungs/ /na maH sarbA sA pa ri pU ra ke b+h+yaH/ sarbA ta thA ga te b+h+yaH/ sarbA thA trA Ta/ a mo g+ha tsaN+Da ma hA ro Sha Na s+pho Ta ya hUM/ trA sa ya hUM/ tra ka hAM maM/ phyag na rdo rje 'dir 'di yi/ /khro bo chen po'i nye snying ngo / /las kun nus pa can 'di ni/ /sngags kyi rgyal po rdzu 'phrul che/ /yid 'dod bsam gyis mi khyab pa/ /ma bsgrubs pa yi las kyang byed/ /rgyud rgyal gzhan pa rnams su ni/ /cho ga rgyas par gsungs pa gang / /'di nyid kyi ni cho ga yis/ /de yang grangs med bsgrub par bya/ /khro bo'i mngag gzhug bka' nyan pa/ /pho nya pho mo rdzu 'phrul che/ / cho ga 'di yi rim pa yis/ /de yang ji ltar rigs pas bsgrub/ /gang yang 'jig rten pa yi lha/ /gang yang khyab 'jug la sogs klu/ /gza' dang rgyu skar sogs thams cad/ /grul bum dang ni lus srul po/ /gnod sbyin lha min mi 'am ci/ /gnod sbyin mo dang sha za dang / /gang yang srin po dang ni mi/ /drang srong mkha' 'gro ma de bzhin/ /ma mo dang ni srin mo nyid/ /gang </font><hr>409a<br><font size=+1>


@#/ /gzhan 'jig rten par bshad pa/ /de yang cho ga 'di nyid kyis/ /the tshom med par bsgrub par bya/ /na maHsarbA sA pa ri pU ra ke b+h+yaH/ sarbA ta thA ga te b+h+yaH/ sarbA thAH/ ha na ha na/ mA rA ya dz+nyA na/ khang+ga hUM phaT/ ral gri'i phyag rgya'i sngags so/ /na maHsarbA sA pa ri pU ra ke b+h+yaH/ sarbA ta thA ga te b+h+yaH/ sarbA thA/ grih+na grih+na/ ka D+ha kaD+ha/ pA sa na/ ban+d+ha ban+d+ha/ ma hA ma t+ye d+harma te swAhAH/ gzhags pa'i phyag rgya'i sngags so/ /na maHsarbA sA pa ri pU ra ke b+h+yaH/ sarbA ta thA ga te b+h+yaH/ sarbA thA/ rak+Sha rak+Sha/ ha na ha na/ kuT+Ta kuT+Ta/ mA ra ya mA ra ya/ duSh+Ta bi nA ya kaM hUM dzoH/ go cha'i phyag rgya'i sngags so/ /na maHsarbA sA pa ri pU ra ke b+h+yaH/ sarbA ta thA ga te b+h+yaH/ sarbA thA/ d+ha ra d+ha ra/ badz+ra nI la khang+ga pA sha d+ha rA ya swAhA/ spyi gtsug gi phyag rgya'i sngags so/ /na maHsarbA sA pa ri pU ra ke b+h+yaH/ sarbA ta thA ga te b+h+yaH/ sarbA thA/ b+hany+dza b+hany+dza/ da ha pa tsa b+hasmi ku ru/ ha na ha na/ badz+ra gni na hUM phaT/ tho ba'i phyag rgya'i sngags so/ /na maHsarbA sA pa ri pU ra ke b+h+yaH/ sarbA ta thA ga te b+h+yaH/ sarbA thA/ shAM ta mUrte/ da ha da ha/ sA d+ha ya sA d+ha ya/ dza ya dza ya/ bi dza ya bi dza ya kIrti swAhA/ mgo po'i phyag rgya'i sngags so/ /na maHsarbA sA pa ri pU ra ke b+h+yaH/ sarbA ta thA ga te b+h+yaH/ sarbA thA/ d+hu ra d+ha ra a tsin+t+ya ba la bi kra ma/ oM b+hur+b+hu ba/ rak+Sha rak+Sha sarbaM swAhA/ rdo rje'i phyag rgya'i </font><hr>409b<br><font size=+1>


sngags so/ /na maHsarbA sA pa ri pU ra ke b+h+yaH/ sarbA ta thA ga te b+h+yaH/ sarbA thA/ badz+ra hri ta/ da ma da ma hUM/ badz+ra ma t+yiM gi swAhA/ snying ga'i phyag rgya'i sngags so/ /na maHsarbA sA pa ri pU ra ke b+h+yaH/ sarbA ta thA ga te b+h+yaH/ sarbA thA/ hUM da ha da ha/ kiM tsi rA ya si/ A na ya shI g+h+riM rak+Sha rak+Sha/ ban+d+ha ban+d+ha/ duSh+TAM da ma da ma swAhA/ phyogs bcings pa'i phyag rgya'i sngags so/ /na maHsarbA sA pa ri pU ra ke b+h+yaH/ sarbA ta thA ga te b+h+yaH/ sarbA thA/ oM d+hu na d+hu na/ ma hA pA shA khang+ga d+ha ra/ sarba sA pa ri pU ra ke b+h+yaHswAhA/ bka' rtags kyi phyag rgya'i sngags so/ /na maHsarbA sA pa ri pU ra ke b+h+yaH/ sarbA ta thA ga te b+h+yaH/ sarbA thA/ ga ga na gaM d+hod b+ha be ma hA sa ma ya/ pa ri pU ra ke swAhA/ dri'i phyag rgya'i sngags so/ /na maHsarbA sA pa ri pU ra ke b+h+yaH/ sarbA ta thA ga te b+h+yaH/ sarbA thA/ bi shud+d+hi dz+nyA nA rtsi saM d+ha be ga ga nAn+taHswAhA/ mar me'i phyag rgya'i sngags so/ /na maH sarbA sA pa ri pU ra ke b+h+yaH/ sarbA ta thA ga te b+h+yaH/ sarbA thA/ shud+d+ha d+harma te shud+d+h+ya shud+d+h+ya/ gr-ih+na gr-ih+na/ sarbA sA pa ri pU ra ke swAhA/ gtor ma'i phyag rgya'i sngags so/ /na maHsarbA sA pa ri pU ra ke b+h+yaH/ sarbA ta thA ga te b+h+yaH/ sarbA thA/ bi shud+d+ha ma hA dz+nyA na saM b+ha be dIp+ta dIp+ta/ ma hA na ye swAhA/ bdug pa'i phyag rgya'i sngags so/ /na maHsarbA sA pa ri pU ra ke b+h+yaH/ sarbA ta thA ga te b+h+yaH/ sarbA thA/ ga ga na bi krAn+ta gA mi n-i ma hA shud+d+ha na ye swAhA/ me tog gi phyag rgya'i sngags </font><hr>410a<br><font size=+1>


@#/ /so| |na maHsarbA sA pa ri pU ra ke b+h+yaH/ sarbA ta thA ga te b+h+yaH/ sarba thA/ ha na ha na/ pa ra ma bi shud+d+he/ d+harma na ye pa ri pU ra ke swAhA/ zhal zas kyi phyag rgya'i sngags so/ /na maHsarbA sA pa ri pU ra ke b+h+yaH/ sarba ta thA ga te b+h+yaH/ sarba thA/ aHsatwa hi to/ /d+ya ta/ da ma da ma/ sarbA sA pa ri pU ra ke b+h+yaHswAhA/ dpa' bo chen po spyan drang ba'i sngags so/ /na maH sarbA sA pa ri pU ra ke b+h+yaH/ sarba ta thA ga te b+h+yaH/ sarba thA/ bi shud+d+ha bi shud+d+ha/ satwa saM b+ha be A na ya A na ya/ ma hA na ye swAhA/ byang chub sems dpa' spyan drang ba'i sngags so/ /na maHsarbA sA pa ri pU ra ke b+h+yaH/ sarba ta thA ga te b+h+yaH/ sarba thA/ bi shud+d+ha satwa/ ha ha/ ha na ha na/ da ma da ma/ ma hA na ye swAhA/ nyan thos spyan drang ba'i sngags so| |na maHsarbA sA pa ri pU ra ke b+h+yaH/ sarba ta thA ga te b+h+yaH/ sarba thA/ oM badz+ra A kaR+Sha ya/ shI g+h+raM/ da ha da ha/ pa tsa pa tsa/ ma hA na ya pa ri b+ha re swAhA/ pho nya mo la sogs pa spyan drang ba'i sngags so/ /na maHsarbA sA pa ri pU ra ke b+h+yaH/ sarba ta thA ga te b+h+yaH/ sarba thA/ ma tha ma tha/ A na ya A na ya/ pra be sha ya pra be sha ya/ sarba b+hU tAM/ sarba de pAM/ ta ma ta ma| ma hA na ya pa ri bA re hUM swAhA/ 'jig rten pa rnams spyan drang ba'i sngags so/ /na maH sarbA sA pa ri pU ra ke b+h+yaH/ sarba ta thA ga te b+h+yaH/ sarba thA/ sat+ya sat+ya/ ma hA sat+ya/ da ma </font><hr>410b<br><font size=+1>


da \?\ ma| ma hA da ma/ A kaR+Sha ya A kaR+Sha ya/ sat+ya bA di/ ma hA na ya bi shud+d+he swAhA/ drang srong rnams spyan drang ba'i sngags so/ /na maHsarbA sA pa ri pU ra ke b+h+yaH/ sarba ta thA ga te b+h+yaH/ sarba thA| dza ya dza ya/ bi dza ya bi dza ya/ ma hA sat+ya bA di ni sarba hi te swAhA/ sring mo rnams spyan drang ba'i sngags so/ /na maHsarbA sA pa ri pU ra ke b+h+yaH/ sarba ta thA ga te b+h+yaH/ sarba thA/ hriHha ha/ ma tha ma tha/ da ma da ma/ ha na ha na/ ma hA na ye/ ma ra ma ra ha swAhA/ ma mo rnams spyan drang ba'i sngags so/ /na maHsarbA sA pa ri pU ra ke b+h+yaH/ sarba ta thA ga te b+h+yaH/ sarba thA/ oM ha na ha na badz+ra hUM phaT/ sarba duSh+Ta gra hAM/ ma tha ma tha/ b+hany+dza b+hany+dza/ sarba big+h+na da ma da ma/ sarba duSh+Tan oM hUM phaT swAhA/ thun mong gi ni tsham ngam du/ /rig 'di 'jig rten gtso bos gsungs/ /phyag rgya rnams ni ma lus dang / /sngags ni rgyas par gsungs pa yin/ /don kun grub par byed pa'i sngags/ /'di ni myur du grub byed cing / /bsam gyis mi khyab 'bras stsol pa/ /shin tu gsang ba yang dag gsungs/ /phyag rgya dang ni lhan cig sbyar/ /dri dang me tog bdug pa dang / /gtor ma yang ni ma lus pa/ /sus kyang gzhom par mi nus so/ /phyogs bcing ba dang de nas gza'/ /gzhan yang yid la ci 'dod 'byung / /de kun sngags dang bcas pa yi/ /phyag rgyar sbyar bas 'grub par 'gyur/ /de nas bcom ldan 'das kyis ni/ /phyag na rdo rjer </font><hr>411a<br><font size=+1>


@#/ /bka' stsal pa/ /khro bo'i rgyal po rnam par shul/ /'di ni khyod la rjes su sbyin/ /zhi ba dang ni rgyas pa dang / /de bzhin mngon spyod dbang du bya/ /de bzhin sna tshogs gyur pa dang / /khyod la rag yum mchog tu 'dod/ /bsod nams du ma las 'khrungs pa/ /mtshan dang dpe byad bzang pos 'bar/ /mtshan rnams thams cad yongs su rdzogs| |phyag brkyang ba ni sngon 'gro bas/ /bdag gis rdzogs sangs rgyas dbang bskur/ /bde gshegs las 'khrungs rdo rje can/ /zab mo dbyangs kyi sgra yis ni/ /bde bar gshegs pas kun gsungs pa/ /khro bo'i rgyal po'i cho ga'i rim/ /rim pa ji bzhin gsungs pa nyid/ /khyod nyid gcig tu brtan g.yo ba'i/ /snyan pa dag ni srung bar gnas/ /dam pa'i chos ni sbrul pa'i sku/ /sa steng na ni zhi bar 'gyur/ /sangs rgyas kun gyi spyan sngar ni/ /sa steng khyod nyid gcig pu gnas/ /'das dang ma byon par gyur dang / /'gro la phan phyir bzhugs pa rnams/ /kha lo sgyur ba khyod gcig bu/ /bla na med pa'i go 'phang 'thob/ /rdo rje sems dpa' blo ldan pa/ /slar yang phyag rgyar bzhag pas kyang / /dbang chen thams cad g.yos nas ni/ /sa gzhi rnam pa drug tu bskyod/ /de dag thams cad mngon gyur te/ /sangs rgyas dam chos bsam med pas/ /bsam gyis mi khyab go 'phang </font><hr>411b<br><font size=+1>


'thob| |sa steng rdo rje sems dpa'i bdag /nam mkha' mdzod kyi 'od zer thob/ /'phags pa chen po rmad byung che/ /'jig rten yang dag byung gyur te/ /sa gzhi snying po 'di ru yin/ /de nas bcom ldan rgyal gyur pas/ /sa bcu'i byang chub sems dpa' la/ /brtan dang g.yo ba'i gsang ba rnams/ /snyan pa'i gsung gi bka' stsal pa/ /khyod ni bdag gis tshim par byas| |bdag nyid chen po rdo rje 'chang / /rtag tu bag yod par gyur pas/ /bdag nyid chen pos de nyid bya/ /de nas bcom ldan 'das zhi ba/ /chos kyi dbyings la mchog tu gzhol/ / chos nyid gcig pu thugs chud nas/ /kun mkhyen cang mi gsung bar 'gyur/ /de nas 'khor rnams thams cad kyis/ /ngo mtshar ba yi tshig gsol pa/ /sangs rgyas che ba bsam mi khyab| |'jig rten mgon pos bstan pa nyid/ /deng nas bzung ste bdag cag kun/ /rtag pa gcig pu mthar phyin 'gyur/ /bdag nyid chen po'i rdo rje can/ /bde bar gshegs pas gtad par gyur/ /'khor rnams shin tu dga' ba yis/ /snyan pa yi ni tshig smras pa/ /skal pa chen po mchog tu gyur/ /ci bgyi yi ni bka' bsgo stsol/ /de nas dpal ldan rdo rje 'chang // me tog phreng bar gyur pa yis/ /thugs rjer ldan pa'i shugs kyis su/ /'khor rnams la ni bka' stsal pa/ /khro rgyal ras ris cho ga ni/ /rdzu 'phrul chen po de nyon cig /gang zhig </font><hr>412a<br><font size=+1>


@#/ /sngags kyi sgo nas ni/ /byang chub sems dpa'i spyad pa spyod/ /sngags kyi sgrub thabs las gsungs pa'i/ /don ni de nas thob par 'gyur/ /sngags pa 'chang bar gyur pa dkon/ /lus can rnams kyis bzod mi nus/ /gdug pa log par 'dren pa kun/ /'jigs pa'i gzugs can srin po rnams/ /ring po nas ni ring mi mthong / /dpa' po dregs pa bcom pa bzhin/ /nad rnams thams cad rnam par grol/ /'jigs pa thams cad rnam par spangs/ /thams cad dbang phyug go 'phang ni/ /gang zhig lag pa'i nang du 'thob/ /rgyu skar med cing gza' sogs med/ /ma mo med cing lha yang med/ /'jigs pa kun las rnam grol bar/ /sa gzhi'i dkyil 'khor 'di ru 'gyur/ /sems can thams cad dbang thob cing / /sa steng sngags shes rgyal po ni/ /'khor bcas kyis mchod snyan par smra/ /ras bris mthong ba shin tu gsang / /skra dang bral ba de brtags pa'i| |dpa' bos btsongs pa'i ras blangs te/ /dri dkar chu yis bkrus nas ni/ /kun da zla ba lta bur gtsang / /ji srid ngur smrig mdzes pa ru/ /slar yang byed du gzhug par bya| |bdug pa yi ni bdug par mdzes/ /thams cad du ni gtsang sbra bya/ /de nas de ltar byas nas ni/ /sa gzhi rab tu byug par bya/ /de la yang ni dri zhim spos/ /shin tu </font><hr>412b<br><font size=+1>


mdzes par byug par bya/ /gdugs dang rgyal mtshan ba dan dang / /rnga dang dril bu sgra snyan mchog /rgyu skar nyi ma bzang po la/ /rtse ba'i sngags ni rab bsngags pa/ /yid du 'ong ba'i bum pa ni/ /dri yi chu yis rab bkang nas/ /sngags pas cho ga bzhin du gzhag /zhal zas gtor ma cho ga bzhin/ /de ltar 'di kun byas pa yis/ /rgya che bar ni byas pa'i char/ /rol mo'i las ni legs bslabs pas/ /skal pa chen po de ru 'bod/ /de nas gso sbyong sbyin par bya/ /byang chub sems ni khyad du 'ong / /skal pa chen po de mchod bya/ /gos dang rgyan gyis brgyan pa yis/ /de ni yang dag par mchod nas/ /de nas shin tu dben pa ru/ /de nas blo ldan thig gdab bya/ /ras kyis kha nas g.yogs par bya/ /kha tshar dang bcas ring por gzhag /blo ldan de dbus bri ba ni/ /khro bo shin tu mthong dka' ba/ /lto ba che la shin tu khro/ /lag 'gro'i bdag po phyag bzhi pa/ /zhal ni rnam 'gyur zur gyis gzigs// ljags la rak+ta rnam par 'dzag /mche ba gtsigs shing shin tu 'jigs/ /sprin phung gtibs pa lta bu'i 'od/ /spyan dag nyi ma 'char ka 'dra/ /gsum pa du ba lta bu'o/ /gar mdzad hUM sgrog par byung ba/ /klu yi 'od kyis tshogs rang bzhin/ /thod pa rlon pa'i phreng ba ni/ /tshar bzhi lta bur bltas pa yi/ /'jigs pa chen po'i dbu la brgyan/ /g.yon ngos </font><hr>413a<br><font size=+1>


@#/ /zur phud rnam par 'phyang / /me stag dang bcas me 'od kyis/ /rdo rje g.yas kyi phyag na 'o/ /'od zer 'bar ba lhag pa yi/ /ral gri gnyis pa na ni bsnams/ /g.yon pa yis ni zhags pa bsnams/ /gnyis pa yis ni sdigs mdzub mdzad/ /sku la sprul gyi rgyan gyis brgyan/ /nor rgyas bu yis ska rags byas/ /thod pa rlon pa'i phreng ba yis/ /mchod phyir thogs su spras pa yin/ /dpa' bo na bza' dur smrig mnabs/ /rin chen rdo ba'i steng du ni/ /g.yas brkyangs ba yi zhabs kyis bzhugs// 'og tu bgegs ni bri bar bya/ /bsregs pas 'bar bar 'gyur ba yis/ /myog po ru ni gyur pa'o/ /rtsa dang rgyu ma rnam par 'byung / /khrag 'dzag lta bur gnas pa yin/ /'og tu blo ldan sgrub pa po/ /bus mo dag ni sa la btsugs/ /sbos kyi snod kyis brel ba'i bdag /mchod yon snod ni 'dzin par brtson/ /'di ni ras bris rab mchog tu/ /rdzogs sangs rgyas kyis rab tu gsungs/ /ras bris 'di yis de ma thag /sngags pa'i ma grub pa yang 'grub/ /khro bo'i rgyal po ngo mtshar ba/ /thams cad gdung byed yang dag bri/ /shes rab chen pos ri mo mkhan/ /ston mo drangs te yon yang sbyin/ /pir ni gsar ba'i mtshan ma dang / /rdza mkhan snod ni gsar ba ste/ /mtshan ma bye brag byed pa'o/ /yang na thams </font><hr>413b<br><font size=+1>


cad 'byung ba yin/ /de ltar thams cad gyur bltas nas/ /dri yi ras kyis gdab par bya/ /sa steng shin tu gsang ba ste/ /su la'ang bstan par mi bya'o/ /gang gis khro bo 'di mthong ba// mi shes dran pa 'khrul bar 'gyur/ /skye bo nad kyis 'khrigs nas ni/ /de ma thag tu brlag par 'gyur/ /sngags pa dngos grub 'dod pa yis/ /rtag tu bag yod par gyur pas/ /sngags pas rtag tu ras bris 'di/ /rtag par rgyun du bsrung bar bya/ /sngags kyi slob dpon dag gis bshad/ /rdzogs pa'i sangs rgyas dpa' bo rnams/ /'di rnams bsam gyis mi khyab pa'i| |yon tan rab tu sgrub par byed/ /sa steng dkyil 'khor rtsa ba'i sngags/ /yon tan gnas su gyur pa yis/ /de dag thams cad bsgrub par bya/ /gsang sngags ma lus bsam mi khyab| |bsam gyis mi khyab 'bras bu 'byung / /gsang sngags sku can khro bo 'di/ /bcom ldan thub pa zhes ni bya/ /khro bo'i rgyal po blo ldan gyis/ /gsang sngags 'di ni bklags pas 'grub| |khro rgyal 'di ni bsam mi khyab/ /sngags kyang bsam gyis mi khyab 'dod/ /thams cad bsam med go 'phang 'thob/ /bklags pas 'grub par gsungs pa yis/ /sngags pa bdag gis mi nus so/ /sngags pa blo dang ldan pa ni/ /gal te mtshan med lnga byas kyang / /skye bo de yis bsam pa ni/ /yongs su rdzogs par byed ba yin/ /de bas rnam pa thams </font><hr>414a<br><font size=+1>


@#/ /cad du| |sngags 'di 'bras bu bsam med 'byung / /rtag tu mngon par sbyangs gyur na/ /sngags pa'i 'bras bu bsam med 'byung / /ras ris gnyis par gyur pa ni/ /bshad kyi phan pa'i sems kyis nyon/ /yon tan rgya che bsam mi khyab/ /rdzogs sangs rgyas kyis yang dag gsungs/ /dur smrig ras ni blangs nas su/ /dri yi chu yis yongs su dgang / /chos grangs med cing rgyu skar med/ /gso sbyong smyung ba la sogs med/ /ri mo mkhan bzang btsal nas su/ /mkhas pas ri mo bri bar bya/ /sangs rgyas mgon po rdzogs sangs rgyas/ /ting nge 'dzin gnas rims bral pa/ /'khor los bsgyur bar gyur ba'i sku/ /'od zer sna tshogs mnyam pa'i 'od/ /byang chub dpag bsam shing dang ni| |gdugs dang rgyal mtshan rnam par brgyan/ /logs su 'dab chags rgyal po ni/ /snyim pa me tog gis bkang bya/ /g.yas na bzhugs pa'i dpa' bo ni/ /thub pa chen po 'jig rten gtso/ /sna tshogs pa yi rgyan gyis brgyan/ /bla gos phrag pa gcig tu gzar/ /thal mo sbyar te 'dud pa ni/ /rtag tu bzhugs pa blta bar bya/ /g.yon gyi drung na bzhugs pa ni/ /snyems tshul dang bcas zhal bzhad pa/ /g.yas kyi phyag gis spyi bor ni/ /rdo rje 'di ni rab 'bar bsnams/ /dpa' bo chen po cod pan can/ /rgyan rnams </font><hr>414b<br><font size=+1>


kun gyis rnam par brgyan/ /ras bris cha yi mtshan ma ni/ /bsam pa thams cad rdzogs par byed/ /'og tu khro bo mi g.yo ba/ /ral gri zhags pas rnam par brgyan/ /rdo ba dmar po'i gdan steng na/ /'od zer tshogs kyi nang na bzhugs/ /'bar ba'i 'od kyis khor yug bskor/ /mchu yis mchu mnan zur mig gzigs/ /bgegs kun sreg par sgrub pa ni/ /dus zad me 'od lta bur 'byung / /sgrub pa po ni dngos song lta/ /spos kyi khang bu lag na thogs/ /pus mo gnyis ni yang dag btsugs/ /rgyal ba'i sras la sems song ba| |de yi 'og tu khro bo gtso/ /khams gsum brtan par rnam par gnon/ /bka' gnang ba yi lam gyur cing / /de bzhin gshegs pa la gzigs pa/ /rin chen sna bdun rang bzhin dang / /sdong bu rgyas la ze bar bcas/ /'dzin pa'i klu yi bu mo ni/ /de bzhin gshegs pa lta bur 'gyur/ /pad+ma dkar po mgon po ni/ /'jig rten gtso bo thugs rje'i bdag /pad+ma dmar po yang dag bshad/ /bde gshegs las byung rdo rje can/ /de ltar 'di bdag kun byas pa'i/ /ras bris rgyal po rdzu 'phrul che/ /ras bris 'di ni mthong ba yis| |sdig pa thams cad rnam par spangs/ /rmongs pa'i zhags pa 'jigs pas 'khrigs/ /ngan song rnams ni rgyun chad 'gyur/ /thams cad dbang phyug go 'phang thob// </font><hr>415a<br><font size=+1>


@#/ /rgyal ba skyes mchog 'byung bar 'gyur/ /gza' rnams kun gyis bzung ba dang / /nad rnams kun gyis nyen pa dang / /'jigs pa kun gyis 'dir zin rnams| |cho ga mthong bas grol bar 'gyur/ /sems can kun la brtse bar gyur/ /sems can thams cad dbang du byed/ /thams cad dbang phyug go 'phang thob/ /rtag tu ras bris blta bar bya/ /rtag tu bag yod par gyur nas/ /gtsang zhing tshul khrims rnam par brgyan/ /ras bris yang dag mchod byas nas/ /de yi tshe na sangs rgyas thob/ /de nas rdo rje 'chang chen bdag /thugs ni rnal 'byor gcig pur bzhugs/ /sems can bde ba ster ba yis/ /'dod par gyur pa'i rtog pa gsungs/ /zhi ba dang ni rgyas pa dang / /dbang du bya dang mngon spyod des/ /las 'di mdo ru bsdus nas ni/ /sngags bas sa steng dkyil 'khor du/ /ras bris sgrub par 'dod ba ni/ /rdzu 'phrul che de rtag tu nyon/ /dpa' bo gcig gi bdag nyid che/ /gtso bo bstan pa'i don mdzad pa'i/ /lus can kun la gsungs pa yis/ /de yi rtog pa yang dag bshad/ /mgon po 'phral du las mdzad pa/ /rtag tu gdul dka' 'dul mdzad pa/ /rgyal po ngan par bshad pa dang / /bstan la gnod pa byed pa can/ /de rnams brlag par bya ba'i phyir/ /khro bo 'di ni rab tu sbyar/ /gang yang 'di ru gsungs </font><hr>415b<br><font size=+1>


pa gzhan/ /bstan pa la ni gnod byed pa/ /gnod sbyin srin po grul bum dang / /lha sogs mi 'am ci bcas pa/ /de rnams gzhom par bya ba'i phyir/ /khro bo'i rgyal po rab tu sbyar/ /nad rnams thams cad rnam par grol/ /pha rol yul 'khor rnam par 'joms/ /'di na dmag dpung byed 'gyur ba/ /gdug pa'i sems can bdud rnams la/ /khro bo'i rgyal po rab sbyar na| |bsam mi khyab pa'i stobs gnon to/ /bskrad pa dang ni gsod pa nyid/ /'jig rten gsum po brlag pa 'am/ /rtag tu smyo bar byed pa la/ /'di ni rtag tu sbyar bar bya/ /mgon po'i ras bris mchog gang gi /lag tu chud par gyur pa ni/ /de ni sa steng snying po ru/ /lus can 'tsho ba 'bras bur bcas/ /de tshe dkyil 'khor rab tu zhugs/ /phyag rgya'i las ni rnam par sbyar/ /gus pas 'dzin pa'i sngags pa ni/ /gtsang zhing ngang tshul rnam par brgyan/ /bla ma mnyes pa yang dag byed/ /cho ga'i rim pa yon phul ba/ /gsang sngags gang yang rung bzung nas/ /phyag rgya sbyin pa yongs su bzung / /bla ma la ni rjes gnang thob/ /sa steng sgrub pa brtson par byed/ /dur khrod dang ni ri bo'i rtse/ /lam gyi bzhi mdo'am mtshan ma gcig /gang du yid ni nyams dga' ba'i/ /gnas de nyid du brtsam par bya/ /slong mo gcig bu'i zas za 'am/ /yang na rtsa ba 'bras sogs za/ /dben zhing ca co med pa'i sar/ /de ru </font><hr>416a<br><font size=+1>


@#/ /'bum phrag gcig bzlas bya/ /'bum phrag yongs su rdzogs nas ni/ /a pa marga'i yam shing sogs/ /mngar gsum dang ni ldan par bsreg /'bum phrag gcig tu tshang ba na/ /de nas zla ba nya yi ni/ /dus tshigs kyi ni sngon du bsdad/ /sgrub thabs 'di ni rtogs pa yis/ /srung ba'i cho ga tshul bzhin bya/ /ral gri la sogs mtshon cha gsungs/ /yang na gang yang rung ba gsungs/ /der gnas 'di ni rab tu zhugs/ /sgrub pa po yi gang zag bzhugs/ /nam phyed sgra ni byung ba na/ /ras bris mdun du bzhugs su gsol/ /gsang sngags bzlas te thun bzhag la/ /'di ni nang gi rnam dag gnas/ /de nas de yi mtshan ma ni/ /de ni du ma 'byung bar 'gyur/ /snyan pa'i rnga yi sgra mang dang / /yang na me tog char du dbab/ /gnas su lha yi bu 'ongs te/ /sna tshogs rnga yi sgra dang yang / /mi 'am cis ni rnam brgyan pa/ /glu ni snyan par len par byed/ /char pas brgya byin la sogs lha/ /rdzu 'phrul chen po der 'ongs nas/ /me tog gi ni char yang 'bebs/ /'dud cing shin tu bka' stsol zhu/ /rig pa 'dzin pas me tog gi/ /char bas sa steng khebs par phab/ /sna tshogs rnga yi sgra dag ni/ /rab tu bde zhing yid 'phrog pa/ /sa steng de ru kun khengs par/ /glu snyan pa yi sgra yang len/ /byang chub sems dpa' </font><hr>416b<br><font size=+1>


chen po'i bdag /sa bcu'i gnas kyi dbang phyug rnams/ /byang chub sems dpa' blo ldan pas/ /thugs rje can bdag bka' stsol te/ /dpa' bo chen po bu khyod legs/ /srid pa'i rgya mtsho rnam par rgal/ /bu khyod bla med go 'phang ni/ /rtul phod pa yi gnas thob pa'o/ /byang chub sems dpa' mnyam nyid 'gyur/ /'gro la gcig pu phan par 'gyur/ /bu khyod sangs rgyas thams cad de/ /skyon rnams thams cad rnam par spangs/ /de nas shar gyi phyogs cha ru/ /grangs med du ma'i tshad gyur pa/ /lha yi bzhon pa'i me tog ldan/ /slar yang de yi mdun na gnas/ /rin chen gdu bu'i dra ba ni/ /phyogs kun tu ni kun tu gtibs/ /mu tig gi ni chun 'phyang can/ /gdugs dang rgyal mtshan pa dan spras/ /rin chen sna tshogs rang bzhin gdugs/ /nyi ma lta bur snang bar byed/ /steng du rin chen bla bre yis/ /ri bo'i phyogs dang mnyam par phub/ /bye ba du ma'i rig 'dzin ni/ /kun kyang lhab lhub rgyan gyis spras/ / kun nas yongs su bskor nas ni/ /de yi mdun du mod la gnas/ /sngags pa dngos grub 'dod pa yi/ /phyag na rdo rje dpal dang ldan/ /de ni myur bar bzlas par bya/ /rdzu 'phrul chen po byon gyi bar/ /bdag nyid chen po der byon nas/ /mtshan ma 'di dag 'byung bar 'gyur/ /sa gzhi rnam pa drug tu g.yos/ /sa gzhi me tog gcal du 'grem/ /che ba'i bdag nyid </font><hr>417a<br><font size=+1>


@#/ /sna tshogs dri/ /sa steng rab tu zhim por 'gyur/ /phyogs bzhi ru ni rnga yi sgra/ /rol mo la sogs bsdus pa 'byung / /ha ha zhes sgrog sgra chen po/ /sgra ni phyogs bcur thos par 'gyur/ /der byon bdag nyid chen po la/ /yid ni dad par gyur pa yis/ /mchod yon zhabs bsil brjod nas dbul/ /dri dang me tog rim ji bzhin// de nas myur bar brjod bya ba/ /legs par 'ongs so brjod par bya/ /sdig pa'i dgra yis zin pa na/ /dpa' bo chen po bdag sdug bsngal/ /mgon khyod bdag la brtse bar mdzod| |de nas bdag nyid chen po 'di/ /phyag na rdo rje rdzu 'phrul che/ /sngags pa blo dang ldan pa la/ /snyan pa'i tshig gis bka' stsal pa/ /dpa' bo chen po bu khyod legs// rnyed par dka' ba khyod kyis mthong / /khro bo'i rgyal po rdzu 'phrul che/ /bu khyod kyis ni 'di bsgrubs pas/ /shin tu sdug bsngal lang long 'khrigs/ /'khor ba'i rgya mtsho las khyod rgal/ /slar yang skye ba'i 'jigs pa med/ /'chi ba'i 'jigs pa 'jigs rung med/ /rdzogs sangs rgyas sems can mnyes gshin pa/ /bdag nyid chen po rnams mthong ba| |phyogs bcu dag na bzhugs pa'i mgon/ /rtag tu dam chos gsung bar 'gyur/ /de ltar rig nas 'di yi ni/ /bdag nyid lag pa nas bzung ste/ /bdag nyid chen po'i </font><hr>417b<br><font size=+1>


bzhon pa ni/ /bsam med yon tan kun 'byung ba/ /skyon de gnas par gyur nas ni/ /sngags shes ci tsam 'dod kyi bar/ /sangs rgyas zhing rnams ston par byed/ /sems dpa' bsod nams nyer 'tsho bas/ /de tsam tsham tsom med par 'gro/ /de nas de tshe che ba'i bdag /lha yi bzhon pa mdzas pa la/ /de ru bskyon par gyur nas ni/ /de nas rdo rje can gyur pa/ /mi g.yo rdzu 'phrul che ldan tshim/ /de nas lha yi bzhon pa bcibs/ /rig pa 'dzin pa'i tshogs kyis bskor/ /glu chen rnga yi sgra dang ni/ /rig pa 'dzin pa'i glu sgra sgrog /bye ba du ma bsam med pa'i| |rig pa 'dzin pa'i mkha' lding gis/ /de yi tshe na bskor nas 'gro/ /'di ni sangs rgyas zhing rnams su/ /rig pa 'dzin pa thams cad kyi/ /'khor los bsgyur ba'i mkha' lding yin| |bsam gyis mi khyab yon tan brnyes/ /bskal pa grangs med pa ru 'tsho/ /nyi ma dang ni zla ba'i 'od/ /dpal ldan gdul dka' 'dul mdzad pa/ /blo bzang gis ni kun spyad na// sangs rgyas zhing ni grangs med na/ /mchod gnas 'di ni snang bar byed/ /bsam med pa yi dam chos nyan/ /blo ldan gang zhig thos gyur pas/ /sangs rgyas yon tan bsam med 'byung / /khro bo'i rgyal po blo ldan pa'i/ /dngos grub 'di ni yang dag bshad/ /gzhan yang gzhan la ci rigs par/ /mtshungs med bsrung bar bya de nyon/ /ras bris gnyis pa </font><hr>418a<br><font size=+1>


@#/ /'di yis ni/ /bsam gyis mi khyab grangs med las/ /rdzogs pa'i sangs rgyas khyed kyis mkhyen/ /shAkya zhes bya bas ni gsungs/ /zhi ba dang ni rgyas pa dang // dbang dang mngon spyod de bzhin du/ /ras bris gnyis par tshul bzhin du/ /ji ltar rigs par bya ba yis/ /ras bris gnyis pa 'di yis ni/ /rgyal bas sgrub thabs gang gsungs pa| |gal te sa stong sgrub byed na/ /'di ni nyid du cho gas bsgrubs/ /sgrub thabs cho ga bsam mi khyab/ /'di ni bsam mi khyab pas gsungs/ /'bras bu bsam gyis mi khyab pa// rdzogs sangs rkang gnyis mchog gis gsungs/ /tshes grangs med cing rgyu skar med/ /'di la smyung bar gnas pa med/ /lhag ma lhag ma min yang rung / /slar yang 'bad pas bsgrub par bya/ /'bum phrag gcig ni bzlas brjod na/ /mtshams med lnga byas sngags pas kyang / /las rnams thams cad kun nas su/ /bdag nyid rgyal ba'i skyes mchog 'gyur/ /gso spyad la sogs dur bas bya/ /yang na brjod de btab pas so/ /rims sogs nad kyis btab pa dang / /gdug pa rnams gso byed pa dang / /nad rnams kun gyis zin pa dang / /gza' kun gyis ni rab gzir ba/ /ras bris spyan sngar rab bzhag ste/ /khro bo'i sngags kyis bsngags pa'o/ /bum pa chu yis yongs bkang nas// </font><hr>418b<br><font size=+1>


nad kyis btab pa'i mi khrus bya/ /mchog tu bde ba sbyin pa na/ /de rnams rnal mar sos par 'gyur/ /sa steng gdon gyis zin pa yi/ /sbyin sreg dag ni yang dag gsungs/ /dur ba mngar gsum gyis btags pa/ /gdon rnams zhi phyir sbyin sreg bya/ /srin po yang ni bshad pa dang / /mkha' 'gro ma dang rdzu 'phrul che/ /sha za dang ni grul bum dang / /ma mo rdzu 'phrul che gsungs pa/ /gzhan yang gdug pa byed pa yi/ /sa steng sems can 'tshe byed gang / /de rnams gzhom par bya ba'i phyir/ /khro bo'i rgyal po rab tu sbyar/ /nad rnams dang ni don dag la| |sman gyi shing gi yam shing ni/ /a ru skyu ru la sogs pa/ /sbyin sreg 'di ni rab tu sbyar/ /rgyal srid thob par 'dod pa yis/ /sa gzhi'i steng na gnas pa gang / /de yi cho ga 'di ni mchog /pad+ma'i cho ga sbyin sreg rim/ /pad+ma chu la 'bum phrag gcig /mngar gsum gyis btags 'dod pa yi/ /ras bris sbyan sngar sbyin sreg bya/ /rgyal po 'dod par gyur pa yis// cho ga yang dag tshul bzhin bya/ /blon po thob par 'dod na ni/ /de yi cho ga 'di ni bshad/ /ku mu da ni 'bum phrag gsum/ /'bras bu 'dod pas sbyin sreg bya/ /de ni rgyal po'i blon po nyid| |gang zhig 'dod pas 'grub par 'gyur/ /a ba m+r+ga'i 'bras dag ni/ /mngar gsum gyis ni btags nas su/ /sbyin sreg 'bum phrag gcig byas na/ /yul gyi bdag po'am </font><hr>419a<br><font size=+1>


@#/ /grong khyer 'thob/ /dri zhim rdzas rnams 'bum phrag bdun/ /ras bris mdun du sbyin sreg bya/ /de nas sngags pa'i yid la ni/ /ci 'dod pa ni 'thob par 'gyur| |gal te bud med bu med pas/ /bu ni don du gnyer byed na/ /dur ba til dang 'bras sogs pas/ /sbyin sreg byas na bu rnyed 'gyur/ /khyo ni dbang du byed 'dod pas/ /de yi zegs ma 'bum phrag sreg /bdag po dbang du 'gyur ba yin/ /pad+ma'i ze ba pri yang ku/ /ka la ki bcas bsreg par bya/ /mi 'khrugs pa yi nor rnyed cing / /shin tu yid gcugs 'byung ba yin/ /so ba'i 'bru yi sbyin sreg gis/ /yid 'dod mi zad pa ru bshad/ /'dras kyi sbyin sreg byas pa yis/ /mi zad pa yi nor yang 'byung / /pad+ma'i sa bon bil ba'i 'bras| |ku mu da yi 'bras bsregs na/ /des ni mi zad longs spyod 'thong / /'bras bu thams cad sbyin bsregs pas/ /sa gzhi rgyal srid 'thob par 'gyur/ /tshwa dang nim pa'i sbyin sreg gis/ /dgra bo de ma thag tu 'chi/ /dpa' bo gcig pa mthong dga' ba'i/ /ras bris legs par bkram nas su/ /de yi spyan sngar rab sbyar bya/ /gnyan po gnod byed mngon spyod ni/ /gnod sbyin che dang rgyal po che/ /sa steng rang sems snyems tshul can/ /mngon po'i nga rgyal nga rgyal che/ /gdug cing gdug pa'i las byed pa/ /dkon mchog </font><hr>419b<br><font size=+1>


gsum la gnod byed dang / /chad rtag gsang sngags dam pa spangs/ /gsang sngags mchod par mi byed cing / /der gus rten pa smod par byas/ /bzlas pas sun ni 'byin pa ste| |de rnams pha rol gnon pas na/ /las kyi cho ga mthong ba yis/ /de rnams nyid la sbyar bar bya/ /sdig pa'i yul can chos med pa/ /'byung po thams cad sreg par byed/ /de rnams la ni las sbyar na/ /de ma thag tu srog 'chad 'gyur/ /sbrul gyi shubs ni blangs nas su/ /dug dang lhan cig phye mar btab/ /de nas ni ma pa'i 'dab blangs la/ /dgra bo'i ming ni bri bar bya/ /dben pa'i sa phyogs su gnas te/ /dug gis rtag tu bri bar bya/ /thod pa lnga ni blangs nas su/ /yungs mar gyis byugs bkang nas ni/ /ni ma pa'i shing la blo ldan gyis/ /cho ga bzhin me sbar bar bya/ /gsum gyis sgyed bu byas nas su/ /gcig ni steng du gzhag par bya/ /bzhi pa yungs kar gyis bkang ba/ /de yi steng du gzhag par bya| |sbrul gyi shubs ni blangs nas su/ /ming de nang du gzhug par bya/ /dum bu re rer gtubs nas su/ /thod pa re rer gzhug par bya/ /brgya rtsa brgyad ni mngon bsngags nas// ngas bris byang du zhal gzigs te/ /sngags pa lho ru phyogs par bya/ /khros pas tsog tsog por 'dug ste/ /skra grol ba yi khro bo nyid/ /sngags pas 'dug pa tsog por bya// </font><hr>420a<br><font size=+1>


@#/ /thal bar 'gyur gyi bar du ni/ /'di ni nyin phyed na byas na/ /de ma thag tu srog 'chad 'gyur/ /'chi las kyi ni 'dab ma blang / /shun pa'am ni rtsa bar bcas| |rang gi khrag ni nyid dag dang / /yungs mar dag ni yang dag ldan/ /tshwa dang rgya skyegs nyid dang ni/ /'di dag thams cad gcig byas te/ /dben pa yi ni gnas dag tu| |ras bris byang du zhal bstan te/ /sngags pa lho yi phyogs su phyogs/ /me yi thabs khung byas nas su/ /tshwa ba'i shing gis khyad par du/ /yam shing yang ni rab tu bya/ /tshwa ba'i shing ni 'ba' zhig gis/ /de nyid kyis ni spar bar bya/ /stobs chen me yi thab khung du/ /las kyi cho ga mthong ba yis/ /bsreg blugs bdun du bsreg par bya/ /de ni khro bo'i gzugs can te/ /de ru ye shes me ni spar/ /ral gri'i phyag rgya bcings nas ni/ /mkhas pas sngags kyi bzlas pa bya/ /khros pas bsreg blugs stong phrag brgyad/ /me yi thab tu dbul bar bya/ /dang po bu ni 'chi bar 'gyur/ /gnyis pa la ni bzhon par bcas/ /gsum pa la ni yul 'khor kun/ /bzhi pa la ni rang sreg go/ /bstan pa yi ni las 'di ni| |nyi ma gcig gis 'byung bar 'gyur/ /yang na yul 'khor 'jig pa'am/ /sa gzhi'i bdag po 'chi bar 'gyur/ /rlung nag char pa de bzhin bdud/ /me yis tshig </font><hr>420b<br><font size=+1>


par yang 'gyur te/ /char chen mi bzad pa yi rlung / /rdul tshub char par 'byung bar 'gyur/ /pha rol dmag tshogs khros pas 'tshe/ /stag dang seng+ge'i mche bas 'debs/ /phyogs kun nas ni 'byung ba yi/ /gnod pa chen po 'byung bar 'gyur/ /gdug pa'i las ni byas pa yis/ /nyi ma de la 'byung bar 'gyur/ /sngags pa dang ba med pas na/ /de ni zhi bar ga la 'gyur// tshangs pa la sogs lha tshogs dang / /'jig rten skyong dang rdzu 'phrul che/ /'jig rten pa yi lha kun dang / /gang yang ma mor bshad pa gzhan/ /byang chub sems dpa' bdag nyid che/ /sa bcu gnas kyi dbang phyug dang / /rdzu 'phrul chen po sangs rgyas dang / /sngags pa sa steng gnas pa dang / /de ni srung bar mi nus te/ /rgyal po khros par gyur pa yis/ /de ni srung bar mi nus te| |rang gi khrag gis lan tshwa btags/ /tsha ba gsum yang khyad par du'o/ /bdag nyid lho phyogs su bltas te/ /ras bris byang du zhal phyogs la/ /me yi thabs khung byas pa ru/ /tsher ma can gyi me sbar te/ /kun nas khros bcas gdug pa yis/ /de nas dgra bo'i ming bzung la/ /tsog tsog por 'dug yang dag sreg /sreg blugs bdun phrag gsum gnyis sam/ / stong phrag brgyad du mngon bsngags nas/ /gdug pa'i las kyis sbyin sreg bya/ /dang po la ni bu yin te/ /gnyis pa la ni chung mar bshad/ /gsum pa la ni bdag nyid 'gro/ /bzhi </font><hr>421a<br><font size=+1>


@#/ /pa la ni bzhon pa dpung / /lnga pa la ni rang gi yul/ /drug pa la ni rigs brgyud gnyen/ /bdun pa the tshom med par ni/ /sa gzhi'i steng du thal bar rlog /thun phyed dang ni dbyug gu 'am/ /nyi ma phyed nas khros pa yis/ /thags bzang ris kyang 'chi 'gyur na/ /skye bo phra mo lta ci smos/ /gal te bde legs 'gyur 'dod na/ /rang gi yul 'khor pho brang 'dir/ /'o ma'i sreg blugs stong phrag gis/ /de ma thag tu rnal mar 'gyur/ /gsang sngags 'chang bas sa steng du/ /rtag tu yul med byed 'dod dam/ /dgra bo myos par byed pa 'am/ /yang na dbye bar 'dod pa na/ /mi rus phye ma tshwa dang ni/ /ske tshe dang ni gnod sbyin 'khrigs/ /ras bris spyan sngar sreg blugs bya/ /sreg blugs bdun gsum yang na lhag /sreg blugs las ni zin pa na/ /the tshom med par myos par 'gyur/ /de ni zhi bar 'dod pa na/ /dur ba'i 'dab ma 'o mas btags/ /stong phrag gcig tu sreg blugs bya/ /gang tshe sngags pa 'dod pa na/ /de yi tshe na rnal mar 'gyur/ /dug nyid dang ni khrag dang ni/ /rus pa'i phye ma yang dag ldan/ /nim pa'i sa bon ldan pa ni// yungs mar gyis btags mnye bar bya/ /ras bris byang du zhal bltas la/ /myos phyed shing gi me dag la/ /khros dang ldan pas sreg blugs ni/ /nyi shu rtsa gcig sbyin sreg </font><hr>421b<br><font size=+1>


bya| |brgya rtsa brgyad ni sngags byas nas/ /stan la tsog tsog por 'dug cing / /sreg blugs las ni rdzogs pa na/ /du ba me ni kun tu 'khrigs/ /bu dang phyugs dang gnyen bcas pa'i| |dgra yi srog ni 'chad par 'gyur/ /mi yi rus pa'i phye ma blang / /de nas nim pa ldang bar blang / /bdag nyid kyi ni khrag gam ni/ /yungs mar gyis ni btags byas la/ /ras bris byang du zhal phyogs te/ /sreg blugs bdun du sbyin sreg bya/ /bu dang phyugs dang nye dur bcas/ /dgra srog de ma thag tu skam/ /sems can gdug pa'i rgyal po dang / /gzhan yang lha la sogs pa dang / /ma mo rnams kyis sa steng du/ /sngags pa la ni gnod byed pa/ /de rnams gzhom par bya ba'i phyir/ /sbyor ba 'di ni brtsam par bya/ /ske tshe dug gis de bzhin btags/ /nim pa'i 'bras bu yang de bzhin/ /ci rigs sbyin sreg byas gyur na/ /de ma thag tu srog 'chad 'gyur/ /rtse gcig pa yi yid kyis su/ /de nyid tshogs rnams mnyan par gyis| |gang gis 'phral du 'bras bu 'byung / /gsang ba'i sbyor ba bshad par bya/ /nim pa'i 'dab ma dug gis btags/ /de la khrag gis ming bri bya/ /tsha ba gsum gyi me sbar te/ / slags pa rtag tu lho ru phyogs/ /ras bris byang du phyogs pas dgam/ /stan la tsog tsog pur 'dug ste/ /khros pa'i yid kyis bsreg par bya/ /sreg blugs bdun la nyi shu sngags/ </font><hr>422a<br><font size=+1>


@#/ /rigs rgyud phyugs dang gnyen bcas pa'i/ /dgra bo de yi tshe na 'chi/ /dbyug gu phye dam yud tsam gcig /gang du la lar gnas na ni/ /sngags pa'i dgra bo gnod byed la/ /sbyor ba 'di ni brtsams byas nas/ /dgra bo de ma thag tu 'chi/ /tshig 'di gzhan du ma yin no/ /rang gi khrag gis tsha gsum btags/ /dgra bo yi ni gzugs brnyan bya/ /blo ldan nim pa'i 'dab ma la/ /ming bris nang du gzhug par bya/ /sa steng nim pa'i shing yang dag /mkhas pas rnam par blangs nas su/ /yang dag cho ga shes pa yi/ /dug gis bsgos te byug par bya/ /cho ga bzhin du dug byugs la/ /skad cig de la sbar bar bya/ /sngags pa lho ru phyogs pa dang / /ras bris rtag tu byang du phyogs| |tsog tsog por 'dug rgyud khros pa/ /'bar zhing mched pa'i me lta bur/ /dgra bo yi ni ming smos na/ /de nyid kyi yang bya bas ni/ /sreg blugs gsum du sbyin bsregs na/ /dgra bo mod la 'chi bar 'gyur/ /bu dang rang gi rigs brgyud bcas/ /chung ma dang bcas bu gnyen dang / /de bzhin gshegs pa bsrungs gyur kyang / /de ma thag tu thal bar rlog /gcig gis bdag nyid brlag 'gyur te/ /gnyis pa yis ni chung ma 'o/ /gsum pas bu dang gnyen la sogs/ /'dir ni 'chi bar the tshom med/ / </font><hr>422b<br><font size=+1>


nim pa bdag nyid chen po yi/ /yan lag lnga ni blangs nas ni/ /rang gi khrag dang dug ldan pa/ /nim pa lnga ni bdags nas su/ /de yis gzugs brnyan byas pa dang / /dgra bo'i ming ni bris pa dag /de ni gtugs nas sreg blugs ni/ /brgyad nyid kyis ni bsreg par bya/ /bu dang phyugs dang gnyen du bcas/ /skye po de yi mod la 'chi/ /gal te dgra bo skyob byed pa/ / bde byed de nas khyab 'jug dang / /tshangs pas yang dag srung gyur dang / /ma mos srung bar byed pa dang / /gzhan yang snyan par grags pa yis/ /brgya byin la sogs lha dbang gis/ / sngags pas dang ba med pas na/ /de tshe srung bar mi nus so/ /thugs brtse ldan pa'i thugs kyis ni/ /sngags pa gang tshe dang ba na/ /dur ba dang ni bsres pa yis/ /'o ma'i sreg blugs de tshe bsreg /mchog tu bde ba gtad pas na/ /de nas rnal ma dag tu 'gyur/ /gos rlon pa ni blangs nas su/ /rgya skyegs khu bas rnam par btags/ /dung gi phye ma nyid dag dang / / dug dang ske tshe yang dag ldan/ /dben pa'i gnas su 'dug nas ni/ /nim pa'i shing la me sbar te/ /gsang shes gang zhig khros pa dang / /sngags shes gtum par gyur pa yis// te mi phyed kyi char gnas nas/ /sreg blugs bdun du bsregs pa na/ /sngags pa dogs med gsang bar gnas/ /de nas brjod pas sbyin sreg bya/ /dang po sreg blugs sbyar ba </font><hr>423a<br><font size=+1>


@#/ /yis| |dug dang phol mig rnam par ldan/ /gnyis pa la ni nyin bzhi pa/ /gsum pa la ni rims chen po/ /bzhi pa la ni lus skam 'gyur/ /lnga pa la ni dran pa med/ /drug pa lhag ma cung zad tsam/ /bdun pa la ni srog 'gro ba'o/ /sngags pa'i las ni 'grub bya'i phyir/ /gsang ba 'di ni bshad pa yin/ /mdor bsdus nas ni bshad bya yi/ /rdzu 'phrul chen po rtag tu nyon/ /sngags pa dang ba med pas na/ /gzhan du na ni 'tsho mi nus/ /ji srid sngags pa dang med par/ /de ni gang las zhi bar 'gyur/ /ji srid sngags rgyal brnyes pa dang / /thugs brtses brlan pa de yi tshe/ /zhi ba ru ni 'gyur ba yin/ /dug dang ni ma pa sgog skya dang / /dung gi phye ma nyid dang ni/ /ras bris nye ba'i drung du ni| |nyi shu tham pa bsreg par bya/ /gnyen dang 'khor dang phyugs bcas pa'i/ /dgra bo rtsad nas bcad par 'gyur/ /gsang sngags 'dzin pa ma gtogs pa/ /de bzhin de tshe su yis nus/ /tsha ba gsum dang lan tshwa dang / /dug dang rang skyur bcas pa dang / /yungs mar dang ni skra dang yang / /sbrul gyi shubs ni nyid dag dang / /nim pa'i 'dab ma 'bras bur bcas| |mi yi rus pa'i phye ma dang / /ske tshe dang ni dud phye dang / /sgog btsong dang ni sgog skya nyid/ /'di rnams phye mar byas nas su/ /tsher ma'i me la mnyam bzhag pa'i/ /sngags </font><hr>423b<br><font size=+1>


pas de ni sreg blugs bya/ /dgra bo'i ming ni myur smos nas/ /sreg blugs gcig ni bsregs gyur na/ /dgra bo de ni mod du brlag /gsum dang bdun dang de nas gcig / dgra bo sreg blugs sbyin bsregs na/ /rang gi pha tshan yul 'khor bcas/ /nye du phyugs rnams brlag par 'gyur/ /gal te mkhas pas dgra bo ni/ /smyo bar bya bar 'dod pa yis| |yan lag gzugs brnyan byas nas su/ /lnga ni 'bras bur bcas pa dang / /d+ha du ra yi sreg blugs bdun/ /de ma thag tu smyo bar 'gyur/ /tsha ba gsum dang lan tshwa nyid// rtag pa nyid du bsregs gyur na/ /nad chen pos ni zin gyur nas/ /shing skam bzhin du skam par 'gyur/ /dzam bi ra yi rang skyur bcas/ /rgyun du bsregs pa nyid gyur na/ /grang ba'i rims ni tshabs po ches/ /de ma thag tu 'joms par 'gyur/ /zhi la 'o ma'i sbyin sreg gis/ /thams cad du ni brjod pa yin/ /khwa yi sgro ni blangs nas su/ /e raN+Da yi mar khus btags/ /d+ha du ra yi me la ni/ /sreg blugs nyi shu tham pa bsreg /khwa ta bzhin du phyogs kun tu/ /de ma thag tu dgra bo 'khyams/ /lan tshwa dug dang kun tu ldan/ /mi yi rus pa ske tsher bcas/ /yungs kar kun tu ldan pa rnams/ /nim pa'i me ni mi bzad par/ /dgra bo'i sreg blugs byas gyur na/ /de ma thag tu thal bar rlog /ba lang mkhris </font><hr>424a<br><font size=+1>


@#/ /pa lan tshwar ldan/ /rgya skyegs khu bar bcas pa rnams/ /bsregs na dgra bo nyams nas ni/ /de ma thag tu 'chi bar 'gyur/ /sge'u gsher gyi khu bar ldan// de bzhin lan tshwa tsha ba gsum/ /de yi gzugs brnyan byas nas su/ /dur khrod kyi ni mgal dum blangs/ /de nyid la ni me sbar te/ /ming ni gzugs brnyan nang du gzhug /gang du cung zad ci yod pa/ /rkang pa'i rtse mo thug par bsreg /yul dang yul 'khor bcas pa dang / /'dir ni bu phyugs gnyen du bcas/ /bdag nyid dang ni chung mar bcas/ /'dir ni mod du thal bar rlog /mkhas pas sol ba'i thal ba yis/ /dgra bo'i gzugs brnyan bris nas su/ /rkang pas rab tu mnan nas su/ /kun nas khros pas bzlas pa brtsam| |gzer zug tshabs po ches 'debs shing / /phol mig chen po 'byung bar 'gyur/ /sa gzhi kun tu myos 'gyur bar/ /de ma thag tu 'gyur ba yin/ /gsang sngags 'dzin pa ma gtogs pa/ /sa steng gzhan ma su yis nus/ /'o ma can shing yam shing dang / /dkar gsum sbyin sreg byas pa yis/ /skye bo de ni rnal mar 'gyur/ /sngags pa'i bka' drin bzang pos song / /spangs pa rab tu blangs nas su/ /mkhas pas khang pa stong par bya/ /nim pa'i 'dab mar dgra yi ming / /thams cad dug gis byugs nas su/ / </font><hr>424b<br><font size=+1>


slar yang rab tu bskam par bya/ /nim pa'i 'dab mar dgra yi ming / /rang gi khrag gis bris nas su/ /de yi nang du bcug nas su/ /rgyas pas rab tu bsgrim par bya/ /tsha ba gsum gyis me sbar te/ /sreg blugs gsum du sbyin sreg bya/ /sngags pas 'jig rten gsum brlag na/ /gdug pa'i sa bdag smos ci dgos/ /gal te zhi bar byed 'dod na/ / snying rje yis ni sems brlan cing / /'o ma can shing yam shing ni/ /'o mas btags nas til dang 'bras/ /sreg blugs brgya rtsa bdun bsregs na/ /de ma thag tu zhi bar 'gyur/ /bya rgod sha dang de bzhin 'ug /byi la yi ni sha rnams dang / /ne'u le spu ni blangs nas su/ /bsnun pa'i me la bsregs gyur na/ /sreg blugs gsum tsam nyid kyis su/ /myur ba nyid du dbye bar 'gyur/ /bya rgod rus pa sbrul rus rnams/ /mi yi kha yi rus pa rnams/ /'di rnams ser rtsir gtubs nas su/ /khyim gyi drung du sbas nas ni/ /gal te bde byed kyis bsrungs kyang / /de ma thag tu dgra bo brlag /dug dang bdag nyid khrag dang ni/ /lan tshwa tsha ba gsum de bzhin/ /'di yis gzugs brnyan byas nas su/ /dgra bo'i ming ni rab tu gzhug /nim pa'i shing la me sbar te/ /khro bo'i me ni yang dag mchod/ /gang du cung zad ci yod pa/ /sreg blugs gsum ni bsreg par bya/ /sreg blugs gcig ni byas pa yis// </font><hr>425a<br><font size=+1>


@#/ /bdag nyid bu dang chung ma'o/ /gnyis kyis rang gi gnyen tshogs nyid/ /gsum pas yul 'khor bzhon dpung bcas/ /rang byung bas ni bsrungs gyur kyang / /thal ba nyid du rlog par 'gyur/ /bdag nyid kyi ni stobs kyis su/ /ras ni rlon pa kun tu byas/ /bsgrub bya'i ming ni smos nas su/ /de 'og de bzhin gzugs brnyan bya/ / mgo bo rdog pas rab mnan te/ /khros pas ya sos ma mchu mnan/ /brgyad kyi cha ni bzlas pa na/ /nad ni chen pos 'debs par byed/ /rims dang brgyal bar 'gyur ba ste/ /mcher pa'i nad dang mtshan par rdol/ /nad rnams thams cad kun tu ldan/ /chu sri bas ni zin 'gyur zhing / /rigs rgyud phyugs dang gnyen du bcas/ /dgra bo de ma thag tu 'gyur// gsang sngags 'chang ba ma gtogs pa/ /gzhan ma nus pa su zhig yod/ /skra dang rkang pa'i sar gnas pa/ /dgra bo de ni blang bar bya/ /de yi gzugs brnyan byas nas ni/ /dug dang ske tshe bcas pa rnams/ /tsher ma'i me la sbyin sreg bya/ /dgra bo mod du brlag par 'gyur/ /dgra bo'i rus pa'i phye ma ni/ /dug dang rang skyur yang dag ldan/ /dgra bo'i gzugs ni byas nas su/ /nim pa'i shing ni mer bsregs na/ /gso bar mi nus nad kyis ni/ /skye bo de ma thag tu 'debs/ /gsang sngags 'chang ba ma gtogs pa/ /gso nus </font><hr>425b<br><font size=+1>


gzhan ma su zhig yod/ /nim pa dug dang tsha ba gsum/ /d+ha du ra yi 'bras bu rnams/ /'di rnams gcig tu byas nas ni/ /gzugs brnyan rab tu bya ba yin/ /de yi lus po gtubs bsregs na/ /de ma thag tu srog 'chad 'gyur/ /khrag dang lan tshwa dug dang ni/ /de nyid gcig tu byas nas su/ /arga'i shing me de bzhin du/ /sreg blugs gsum ni bsreg par bya/ /dbyug gu gcig gam thun phyed na/ /de ma thag tu sa steng 'chi/ /yungs mar gyis ni btags byas la/ /ras bris byang du phyogs byas te/ /lan tshwa ni ma pa'i 'dab ma dang / /tshwa ba'i mar khu de bzhin du/ /sreg blugs lan bdun tsam nyid ni/ /sngags pas gang du gnas pas bsreg /sreg blugs lan bdun rdzogs pa na/ /sa steng de ma thag tu 'chi/ /rang gi khrag dang tsha ba gsum/ /yungs mar dang ni yang dag ldan/ /tsher ma'i me la bsregs gyur na/ /de ma thag tu thal bar rlog /arga nu hi 'o ma dang / /de bzhin du ni phag pa'i brun/ /dur khrod me la bsregs pa na/ /de ma thag tu mod la brlag /byi tsher phag pa'i spu de bzhin/ /sreg blugs lan gsum bsregs gyur na/ /'phral du mod la brlag par 'gyur/ /nim pa'i lo ma na le sha ma/ /dug dang yungs mar nyid dag ni/ /lan bdun rab tu sreg blugs na/ /'phral du srog ni 'chad par 'gyur/ /khA yis </font><hr>426a<br><font size=+1>


@#/ /rus pa khyi rus dang / /ne'u le yi rus pa nyid/ /phye mar btags nas zhi ba byas/ /yungs mar yang dag ldan pa ru/ /nim pa'i shing gi mes bsregs na// grong dang grong khyer du bcas pa/ /dgra bo 'phral du brlag par 'gyur/ /'ug pa'i rus pa stag gi spu/ /thod pa'i rus pa legs par sbyar/ /dgra bo'i sgo ru brus nas spa/ /de ma thag tu skrod par 'gyur/ /stag gi rus pa ne'u le'i spu/ /de bzhin du ni khyi yi spu/ /tsher ma'i me la bsreg gyur na/ /de ma thag tu 'byed par 'gyur/ /sa ta'i me tog na le sham// nim pa'i lo ma de bzhin dug /thams cad gcig tu byas nas ni/ /brgya rtsa brgyad du bsreg par bya/ /gang gi ming nas smos nas su/ /blo ldan mi yis bsregs ba na/ /sa steng pa ni ma lus pa/ /'jig rten du ni 'byed par 'gyur/ /d+ha du ra yi sa bon dang / /de bzhin nim pa'i 'bras bu dang / /dug dang lan tshwa nyid dag ni/ /brgya rtsa brgyad du bsregs na ni/ / bu dang phyugs dang nye dur bcas/ /the tshom med par thal bar rlog /sbrul dang ne'u le nag po dang / /khwa yi rus pa yang dag ldan/ /rtsangs pa yi ni mgo bo rnams/ /cha ni mnyam por byas nas su/ /rang gi khrag dang btags nas su/ /sdong bu gcig pu bya ba yin/ /brgya rtsa brgyad ni mngon bsngags nas/ /dgra bo'i sgo khar spang bar bya/ /bu dang phyugs </font><hr>426b<br><font size=+1>


dang gnyen du bcas/ /dgra bo de yi tshe na 'chi/ /mi yi zhag ni nyid dag dang / /thal ba thod par blangs nas su/ /rgya skyegs khu ba yang dag ldan/ /bsdoms nas ril gcig rab tu bya| |khwa yi rus pa nang du gzhug /dgra bo'i sgo khar bzhag pa na/ /bdag nyid grong dang de bzhin bcas/ /dgra bo de yi tshe na brlag /d+ha du ra yi bdag nyid lnga/ /blangs nas dug dang tsha ba gsum/ /sreg blugs lan gsum bsregs na ni/ /de ma thag tu dgra 'chi 'gyur/ /ne'u lo'i sha ni yang dag blangs/ /mkhas pas rab tu bskam par bya/ /dug dang tshwa ni yang dag ldan/ /sreg blugs lan gsum bsregs pa na/ /nad ni sna tshogs kun byung nas/ /'phral du srog ni chad par 'gyur/ /las 'di rab tu sbyar byas na/ /de ma thag tu 'grub par 'gyur/ /sol ba dang ni lan tshwa nyid/ /tsha ba gsum ni mnyam por bsgos/ /yungs mar dang ni yang dag ldan/ /de nas gzugs brnyan byas nas su/ /tsher ma yi ni me sbar te// ras bris byang du phyogs pa dang / /sngags pa lho ru phyogs gyur cing / /khros pas me ni rab 'bar 'gyur/ /sreg blugs lan gsum nyid du ni/ /dgra bo'i gzugs brnyan bsreg par bya/ /gcig gis bu ni 'chi bar 'gyur/ /gnyis pas chung ma phyugs dang gnyen/ /gsum pas bdag nyid yul 'khor dang / /phyugs dang gnyen du bcas pa rnams// </font><hr>427a<br><font size=+1>


@#/ /de ma thag tu thal bar rlog /sngags pa'i bka' drin med par ni/ /slar yang zhi bar ga la nus/ /brgya rtsa brgyad las lhag pa yi/ /'o ma'i sreg blugs de nas dbul/ /de tshe de ru rang gi ni/ /'khor phyugs gnyen 'dab rnams dang ni/ /de bzhin du ni zhi bar 'gyur/ /d+ha du ra yi 'bras blangs nas/ /khang sa kun tu bru bar bya/ / nim pa zhes bya'i lo ma 'di/ /dgra bo'i ming ni bri bar bya/ /dug dag khrag ni yang dag ldan/ /de yis rtag tu dgra bo bri/ /che ba gsum dang lan tshwa nyid/ /khrag gis gang par dgang bar bya/ /de ru ming ni bcug nas su/ /skra yis yongs su bri bar bya/ /nim pa'i me la yungs mar gyis/ /cung zhig tsam du btso bar bya/ /rang gi yul 'khor phyugs kun 'joms/ /rang gi lha ru gyur pa gang / /khams gsum pa yi bdag po yis/ /the tshom med par thal bar rlog /gdug pa'i sems can lta ci smos/ /rgyal po rdzu 'phrul chen po yang / /rang byung bas ni bsrungs gyur kyang / /de dag thams cad brlag par 'gyur/ /sbyor ba 'di la brten nas su/ /thugs rjer gyur pa'i yid kyis su/ /bstan pa yi ni don byed par/ /sa steng 'dir ni the tshom med/ /yang dag bsam mi khyab pa 'di/ /khro bo'i rgyal pos rnam par 'phrul/ /rtag tu bag yod par gyur pas/ /thugs rje'i ro la </font><hr>427b<br><font size=+1>


gnas pa yis/ /bstan pa dag ni bsrung ba'i phyir/ /dam chos 'di ni sbyar bar bya/ /nim pa'i 'bras bu yang dag blangs/ /de nas tsha ba gsum gyis dgang / /khyad par nim pa'i 'dab ma la/ /dgra bo'i ming ni bris nas su/ /lnga yi bdag nyid yang dag blangs/ /de tshe cho ga bzhin me sbar/ /yungs mar gyis ni bkang byas te/ /thod pa dang ni dug nyid kyang // gang du cung zad gnas nas ni/ /bcug ste sngags pas btso bar bya/ /dgra bo de yi mod du 'chi/ /yul 'khor phyugs bcas de bzhin no/ /nye bar 'tshe ba thams cad dang / /dug dang rlung dang skye gnas nas/ /mu ge dang ni yul 'pho dang / /rlung gi char dbab kun tu 'khrigs/ /srin po 'byung po'i tshogs kun gyis/ /sa steng kun tu khengs par 'gyur/ /gsang sngags 'chang ba ma gtogs pa/ /cung zad skyob pa yod pa min/ /snying rje'i sems ni bskyed nas su/ /'gro ba gzir ba la bltas te/ /nyi shu rtsa gcig 'o ma yi/ /dgang blugs de tshe dbul bar bya/ /sngags pa'i bka' drin bzang po yis/ /de yi tshe ni zhi bar 'gyur/ /sngags pa blo ldan ma mnyes na/ /gzhan du zhi bar ga la 'gyur/ /sngags kyi dngos grub bya ba'i phyir// yang dag sbyor ba 'di sbyar na/ /bstan pa bsrung ba'i don phyir dang / /gdug pa rnams ni gzhom phyir dang / /rgyal po'am ni gdug pa can/ /bstan la gnod pa byed pa rnams/ /de </font><hr>428a<br><font size=+1>


@#/ /rnams tshar gcad pa yi phyir/ /shin tu 'grub par byed pa yi/ /yang dag 'di ni rab sbyar na/ /de ma thag tu brlag par 'gyur/ /mi rus dug gi phye ma dang // khyi yi rus pa nyid dag dang / /de bzhin ske tshe rgod rus dang / /yungs mar sbrul gyi shubs de bzhin/ /nim pa yang dag lnga bdag nyid/ /rgya skyegs lan tshwa nyid dag ste/ /'di dag thams cad gcig bsdus nas/ /tsher ma'i me ni mi bzad pa/ /bdag nyid khro bo me lta bus/ /sreg blugs gsum ni bsreg par bya/ /de ru bdud ni 'tshe 'gyur zhing / /nad rnams mang pos kun tu 'khrigs/ /bu phyugs gnyen du bcas pa yis/ /rgyal po'ang brlag par 'gyur ba yin/ /rgyal po gdug pa'i sems ldan pa/ /sngags pa la ni 'tshe ba ni/ /sbyor ba 'di ni rab brtsams na/ /sngags pa med du yang dag 'gyur/ /tsha ba gsum dang lan tshwa dug /ske tshe bsregs pa nyid dang ni/ /tsha ba tsha ba'i mar dang yang / /rgya skyegs khu ba sbrul gyi shubs/ /'di rnams gcig tu byas nas su/ /de yi tshe na gzugs brnyan bya/ /tsha ba yis ni kun tu dgang / /tsha ba'i me ni yang dag ldan/ /de nyid la ni ming bris nas/ /mi bzad me la bsregs gyur na/ /dgra bo de yi mod la 'chi/ /gang tshe sngags pa ltos med na/ /gzhan du dug gi mtshan ma dang / /yang na mi bzad phol mig dang / /nad chen pos ni kun </font><hr>428b<br><font size=+1>


tu dkrigs/ /rims dang brgyal nad 'byung bar 'gyur/ /mes bsregs char pa chen po 'bab/ /de nas rdo rje thogs nas kyang / /nad chen rtag pa'i rims kyis ni/ /bu dang phyugs dang gnyen du bcas/ /the tshom med par 'chi 'gyur te/ /sngags pa zhe ba nag pas so/ /gang tshe slar yang mnyes nas su/ /thugs rje gtad pa'i sems gyur na/ /nad kun las ni rnam grol bar/ /sa steng de ma thag tu 'gyur/ /gdug pa'i las ni mdor bsdus pa/ /ngo mtshar can 'di yang dag gsungs/ /sa steng snying po 'di sngags pa'i/ /myur ba'i las ni yang dag bshad| |ting 'dzin yul ni bsam mi khyab/ /rdzu 'phrul yul yang bsam mi khyab/ /pha rol gnon pa'ang bsam mi khyab/ /rdzogs sangs rkang gnyis dam pa yis/ /kun kyang bsam gyis mi khyab gsungs/ /yon tan 'di ni su yis nus/ /yon tan rmad du byung ba ste/ /ji srid sems ni spyod gyur pa/ /de srid las ni bsdus pa yin/ /byang chub sems dpa' rdzu 'phrul che| |rdzogs sangs rgyas kyis kun tu gsungs/ /zhi ba dang ni rgyas pa dang / /de bzhin dbang du bya ba'i las/ /rgyud gzhan las kyang gsungs pa yi/ /de dag thams cad 'di ru byed/ / ji srid de ru gsang sngags ni/ /sa steng dkyil 'khor de gsungs pa/ /de kun rtog pa'i rgyal po ni/ /rdzu 'phrul chen po 'di bsgrub bya/ /zhi ba 'o ma dur ba yi/ /'dab ma bsregs pas </font><hr>429a<br><font size=+1>


@#/ /sbyin sreg bya/ /dkar gsum mngar ram sbyin sreg gam/ /'bras bu nyid kyang mnyam gzhag pa/ /gzhan yang 'bras bu'i tshul dang ni/ /yang na 'o ma can gyi shing / /so ba 'bru ni de bzhin no/ /rin chen sna tshogs las byung ba/ /las kyi khyad par cho ga ni/ /zhi bar gang zhig rab bsgrags pa/ /me thab de bzhin bdag nyid dang / /gang zhig gnas ni rab tu grags/ /zhi ba'i las rnams gsungs pa yi/ /phyogs ni gang zhig yang dag gsungs/ /gang zhig yam shing gsungs pa yi/ /tshad ni gang zhig rab tu grags| |gzhan yang gang zhig rab grags pa/ /de dag thams cad 'di ru bya/ /de la zhi ba nyid 'di ni/ /de dag thams cad 'di ru sbyar/ /gang zhig dbang gyur bshad pa ni/ / las ni dbye ba'ang de nas ni/ /me thab ji bzhin bdag nyid dang / /phyogs kyi cha'am yang na gnas/ /cho ga sna tshogs yang dag 'khrigs/ /gzhan du gang zhig gsungs pa yi// bdag nyid chen po dbang gi las/ /dngos grub 'dod pa'i sngags pa yis/ /de dag thams cad de ru sbyar/ /rdzogs sangs sems can mnyes gshin pas/ /rgyas pa yang ni yang dag gsungs/ /cho ga sna tshogs zas dang ni/ /sna tshogs las ni legs sbyar ba/ /phyogs kyi khyad par gsungs pa dang / /de nas yang ni me yi thab/ /gzhan yang cung zad </font><hr>429b<br><font size=+1>


gyi gsungs pa/ /byang chub snying po sogs gsungs pa/ /bdag nyid rnyed pa legs 'tsho ba/ /de dag thams cad rgyas par sbyar/ /'di kun yang dag bshad pa ni/ /khro bo'i rgyal po'i rnam 'phrul yin/ /sa bcu gnas kyi dbang phyug dang / /gang yang sus kyang mi nus pa/ /'di kun mod la myur du ni/ /dran pa tsam gyis kyang bsgrub bya/ /khro bo che bdag bsam mi khyab// rdzogs sangs rgyas kyis rab tu gsungs/ /de yi 'bras bu bsam mi khyab/ /gang zhig lag tu chud gyur pa/ /de yi ngan song stong par 'gyur/ /'jigs pa thams cad 'khrigs pa dang / /bgegs chen yang ni 'jigs par byed/ /gang yang nad ni thams cad 'dod/ /'jigs pa 'di ni thams cad dang / /sdig pa thams cad kun tu 'khrigs/ /'di ni dran pa 'ba' zhig gis/ /de dag thams cad med par 'gyur/ /'jigs pa thams cad 'khrigs pa dang / /thams cad ldan pa'i 'khor bltas na/ /sa steng yid ni mchog tu bde/ /byang chub sems dpa' thams cad kyang / /ngo mtshar spyan rgyas pa phyed nas/ /rdo rje 'dzin pa blo ldan gyis/ /snyan pa yi ni tshig gis gsol/ /dpa' bo sems dpa' chen po legs/ /rdo rje'i rigs las yang dag 'byung / /byas shes khyod ni sangs rgyas kun/ /rdzu 'phrul chen po'i sras gcig khyod/ /bdag nyid chen po mi g.yo ba'i/ /rtog pa 'di ru gsungs pa gang / /gang gi </font><hr>430a<br><font size=+1>


@#/ /lag tu chud gyur pa/ /de yi lag na dngos grub gnas/ /yon tan bsam mi khyab ldan pa'i/ /bsam gyis mi khyab sgrub pa'i thabs/ /ngo mtshar du ma dang ldan pa| |gsang sngags 'di ni 'chad pa po/ /bdag cag kyang ni de bka' nyan/ /lha dang lha min bcas pa'i klu/ /rgyab phyogs rjes su 'brang ba ni/ /sngags pa de la 'byung bar 'gyur/ /sems can thams cad skal bzang du/ /mnyes dga' bar ni 'byung bar 'gyur/ /bgegs su gyur pa thams cad ni/ /sngags pa'i bka' bsgo byed par 'gyur| |de nas bcom ldan 'das kyis bgegs thams cad 'joms par byed pa'i rdo rje kun tu 'bar bar byed pa'i me lce 'byung ba zhes bya ba'i ting nge 'dzin la snyoms par zhugs so/ /bcom ldan 'das snyoms par zhugs ma thag tu de nas re zhig sangs rgyas kyi zhing 'di nyid 'gul/ rab tu 'gul/ kun tu rab tu 'gul/ g.yos/ rab tu g.yos/ kun tu rab tu g.yos/ ldeg /rab tu ldeg /kun tu rab tu ldeg /'ur 'ur/ rab tu 'ur 'ur/ kun tu rab tu 'ur 'ur/ chem chem/ rab tu chem chem/ kun tu rab tu chem chem mo/ /de nas re zhig sangs rgyas kyi zhing 'di nyid bgegs thams cad dang / log par 'dren pa rnams dang / gang yang kha cig 'di na gdug pa'i sems </font><hr>430b<br><font size=+1>


dang ldan pa gzhan gyi srog 'phrog cing blags tshol ba'i srin po dang / 'jigs pa'i gzugs can log par 'dren pa de rnams rdo rje gar gyi dbang phyug gi gzi brjid kyis sreg cing gnas med la/ gang yang sangs rgyas chos la ni/ /gus pa yis ni skyabs song bas/ /gang zhig skye bo de lus la/ /sdug bsngal ci yang yod ma yin/ /de nas bcom ldan 'das kyis byang chub sems dpa' phyag na rdo rje la bka' stsal pa/ sngar med pa yi bgegs kyi gzugs/ /bsgrub bya ba yi cho ga ni/ /phyag na rdo rje tshur la nyon/ /mi shes pa yis sems bsgribs pas/ /rgyud ni mi shes par 'gyur ba/ /de ni bgegs kyis zil mnan cing / /'dir ni sngags la dad ldan na/ /sel ba ru ni gyur pa ste/ /yangs pa yi ni mchog tu 'gyur/ / las kyi rgyu dang 'bras bu ni/ /legs byas nyes byas de bzhin du/ /log pa'i rgyal po zil mnan cing / /de dag thams cad mnyes par byed/ /log pa'i kun rtog mang po yis/ / dmyal bar myur du skye bar 'gyur/ /ltas ngan las kyi 'bras bu kun/ /de nas gso sbyong yod ma yin/ /de nas gsang ba'i bdag po lag na rdo rjes bcom ldan 'das kyi zhabs gnyis la gtugs nas bcom ldan 'das la 'di skad ces gsol to/ /bcom ldan 'das/ bshad du gsol/ bde bar gshegs pa/ bshad du gsol/ bgegs rnams kyi </font><hr>431a<br><font size=+1>


@#/ /sngon med pa'i gzugs su gyur pa/ ma 'ongs pa'i byis pa'i sems can rnams shes rab chung bas bgegs rnams sngar med pa 'byung ba'i rgyu mi 'tshal bas na/ de rnams bsal bar bya ba'i phyir gtso bos bshad du gsol/ /de nas bcom ldan 'das kyis byang chub sems dpa' phyag na rdo rje la 'di skad ces bka' stsal pa/ bgegs rnams zhags pas bcings pas ni/ /sngon gyi las la rag las yin/ /ser sna goms pa'i sbyor ba yis/ /'dod pa'i dngos po la gnod pas/ / sems kyi rtog pa'i skyon gyis ni/ /sngags pa la ni bgegs skye 'gyur/ /de rnams gzhom par bya ba'i phyir/ /sems ni byang chub gtang bar bya/ /bgegs rnams thams cad rnam par 'jig /thog ma med pa'i 'khor ba'i zom/ /gang yang sdig pa cung zad pa/ /thog med srid pa'i 'khor lo ni/ /byang chub sems kyi mthu yis su/ /de dag thams cad zad par 'gyur/ /byang chub sems ni sems chen po/ /sems kyi nyes pa rnam par spangs/ /thog ma med pa'i sdig pa'i skyon/ /nags mtshams me yis sreg par 'gyur/ / sngags pas sems la mkhas pas na/ /las rnams thams cad sreg par 'gyur/ /'di ltar byang chub sems 'dzin na/ /'dod pa'i dngos grub thob par 'gyur/ /gang zhig </font><hr>431b<br><font size=+1>


byang chub sems bskyed pa/ /dogs med dri ma med cing bstan/ /the tshom med pa nyid du ni/ /de yi dngos grub lag na gnas/ /byang chub sems ni ma bskyed cing / /dad dang brtson 'grus rnam par spangs/ /skyes bu bka' bsgo byed pa ni/ /'dis ni dngos grub yod ma yin/ /phyag na rdo rje/ byang chub tu sems bskyed pa la sogs pa dam tshig 'dis sngags pas sngags bsgrubs na/ bgegs rnams bgegs byed par mi 'gyur te/ de ci'i phyir zhe na/ phyag na rdo rje/ de ni/ lha dang bcas pa'i 'jig rten pa rnams kyis phyag bya ba'i 'os yin no| |slar brjod cing dgongs te bgegs dang / log par 'dren pa dang / gnod sbyin dang / srin po dang / dri za dang / yi dwags dang / sha za rnams shin tu rgyang ring po nas sa steng du sngags 'chang ba mthong bas spro ba bskyed de phyag byed do/ /skyon rnams thams cad rnam par grol/ /bsod nams thams cad shin tu bsags/ /byang chub tshogs ni yang dag ldan/ /bla ma sangs rgyas kun dang mnyam/ /de nas phyag na rdo rjes bcom ldan 'das la 'di skad ces gsol to/ /bcom ldan 'das/ ji ltar na bgegs kyis sngar gyi gzugs rnams sgrub po la sbyar ba la ji ltar 'gyur/ /bcom ldan 'das kyis bka' stsal pa/ gsang ba'i bdag po/ gang gi tshe sngags pa bgegs kyis zil gyis mnan </font><hr>432a<br><font size=+1>


@#/ /pa de'i tshe rims dang / tshad pa'i nad dang / bkres skom du gyur cing snyoms las la dga' ba nges pa log ste the tshom za bar 'gyur ro/ /nad dang 'tshe ba dang bdag nyid kyi lha kha phyir bltas shing / lha rnams ni/ dmigs kyis sel bar byed pa de'i tshe gsang ba'i bdag po/ sngags pa bgegs kyis zil gyis mnan pa yin par rig par bya'o/ /gsang ba'i bdag po/ de'i tshe slob dpon gyis bgegs thams cad zlog par byed pa khro bo'i rgyal po mi g.yo mgon po'i dkyil 'khor bris te bgegs thams cad bcom nas dbang bskur bar bya'o/ /de la gsang ba'i bdag po/ dkyil 'khor ni/ 'di yin te/ khor yug tu ni khru bzhi ste/ /kha khyer kun nas 'khor yug tu'o/ /rdo rje bcings pa'i sbyor ba nyid/ /rdo rje phan tshun bcings sbrel bya/ /khru brgyad dang ni bzhi dang lnga/ /bcu dang bcu drug pa nyid dam/ /khru gang dam ni khru gnyis pa/ /ji ltar sbyor ba mdzes par bya/ /de ru sgo gcig pa yin te/ /rdo rje'i gur ni sbyar bar bya'o/ /rdo rje'i rab kun tu bskor/ /dkyil 'khor dam pa bri bar bya/ /de yi dbus su dpa' bo ni| |pad+ma'i steng na yang dag bzhugs/ /de yi shar du sangs rgyas kyi/ /yum ni nam mkha'i spyan yin no/ /de yi g.yon du bri bya ba/ /nam mkha' dri med rdo rje can/ /g.yas kyi </font><hr>432b<br><font size=+1>


phyogs su shugs chen po/ /'phro ba rdo rje phreng ba can/ /dpa' bo chen po g.yon phyogs su/ /rdo rje phyag can rdo rje can/ /dpa' bo chen po g.yas ngos su/ /khro chen snyems tshul zhes bya ba| |'og gi ngos su mgon po ni/ /mi g.yo ba ni stobs chen po/ /khro bo chen po ral gri'i phyag /khams gsum rnams ni gcod par byed/ /sgo yi phyogs su bri bya ba/ /mthong dga' mngon phyogs de bzhin no/ /de ltar 'di dag kun byas na/ /kha dog nag dang dmar po ru/ /khro bo'i gzugs ni bzhag nas su/ /bum pa rnams ni mngon par bsngags/ /kha ni pal la la sogs brgyan/ /kha nas sa bon gyis bkang ste/ /mgrin pa gos kyis yang dag bcings/ /me tog chun 'phyang nye bar spras/ /rin chen sna lnga 'bru sna lnga/ /sman chen po ni yang dag ldan/ /dri chu yis ni rab tu bkang / /lha rnams thams cad dgod par bya/ /dri dang me tog sogs dge bas/ /ji ltar rnyed pas mchod par bya/ /mi g.yo bdag nyid chen po yi/ / dbang bskur ba ni rab tu bya/ /de ru dkyil 'khor gnyis po ni/ /dkyil 'khor mngon par phyogs de nas/ /kun nas gru bzhi pa yin te/ /khru do pa'am khru bzhi pa/ /dbus su pad+ma bri bar bya| |bar du rdo rje rnams 'phro ba/ /rdo rje'i phreng bas khor yug tu/ /rdo rje bcing bas bskor bar bya/ /de yi dkyil du bzhag nas ni/ /'dir ni 'bad pas dbang bskur bya/ /mi g.yo </font><hr>433a<br><font size=+1>


@#/ /bdag nyid chen po yis/ /ral gri'i phyag rgya de nas bcing / /snying gnas ni snying gar sbyin/ /kun nas 'bar ba'i phreng ba can/ /bgegs rnams kun las rnam grol nas/ /rdo rje 'dzin pa'i dngos grub thob/ /sdig pa thams cad rnam par grol/ /bgegs ni thams cad rnam par spangs/ /chos kun yon tan gyis brgyan pa// ji bzhin 'dod pa'i dngos grub thob/ /de nas phyag na rdo rjes bcom ldan 'das la 'di skad ces gsol to/ /bcom ldan 'das/ bshad du gsol/ khro bo'i rgyal po de bzhin gshegs pa thams cad kyis bka' bsgo mdzad pa can/ mthu stobs chen pos gsang ba'i rtog pa gang gis sgrub pa po rnams la ma 'ongs pa'i dus na dngos grub 'byung bar 'gyur ba/ sems can mang po'i don dang phan pa dang bde ba byed par 'gyur ba/ bgegs thams cad rnam par spangs pa/ sngags kyang 'grub par 'gyur ba de bcom ldan 'das/ bshad du gsol/ bde bar gshegs pa/ bshad du gsol/ bcom ldan 'das kyis byang chub sems dpa' phyag na rdo rje la 'di skad ces bka' stsal to/ / phyag na rdo rje/ legs so legs so/ /phyag na rdo rje/ slar yang legs so/ /khyod kyis sems can thams cad la phan zhing bde ba'i phyir dang / ma 'ongs pa'i sems can gyi </font><hr>433b<br><font size=+1>


don gyi phyir khro bo'i rgyal po thams cad du thogs pa med pa/ rtul phod pa/ de bzhin gshegs pa thams cad kyis rjes su gnang ba/ las thams cad byed par nus pa/ dngos grub sgrub par byed pa yongs su 'bri bar byed pa legs par nyon la yid la zungs shig dang ngas bshad do/ /de la lag na rdo rje/ slob dpon de bzhin gshegs pa'i go 'phang la gnas pas khro bo chen po'i dkyil 'khor chen po bri bar bya ste/ gru bzhi pa la sgo bzhi pa/ /rta babs bzhi yis rnam par brgyan/ /de la bcom ldan dpa' bo che/ /chos ni thams cad yang dag ldan/ /de yi g.yas dang g.yon ngos su/ /nam mkha' dri med shugs chen po/ /rdo rje 'dzin pa gnyis bri bya/ /'og tu khro bo chen po ni/ /mi g.yo ba ni stobs po che| |phyag na ral gri zur gyis gzigs/ /'chi bdag mthar byed mngon sum bzhin/ /me yi dkyil 'khor la bzhugs pa/ /rlung dang lhan cig sbyar bar bya/ /mkhas pas dri dang me tog sogs/ /snga ma bzhin du mchod nas su/ /ngo mtshar bkra shis thams cad kyis/ /sngags pas mngon par dbang bskur bya/ /phyag rgya de ni bdag nyid kyis/ /slob dpon blo dang ldan pa yi/ /bla ma la ni yon phul nas/ /sbyin sreg las ni yang dag brtsam/ /ri yi rtse mor gyur pa dang / /phyugs lhas chu 'gram bzhi mdo lam/ /me ni gnas </font><hr>434a<br><font size=+1>


@#/ /pa nyid dag gam/ /dur khrod dang ni gzhi gnas su/ /slong mo'i zas ni za ba dang / /yang na 'dab ma btsos pa nyid/ /dben pa'i gnas su mi smra bas/ / 'bum phrag gsum du bzlas brjod pa/ /sngon du bsnyen pa bshad pa yin/ /mtshan ma cho ga bzhin shes nas/ /mkhas pas dngos grub sgrub par byed/ /ral gri'i cho ga bzhin bya ba/ /chag gas med pa sor bzhi pa/ /mthe'u chung sor gnyis dang bcas pa/ /grub pa'i rang bzhin shing las byas/ /lte bar rnam pa sna tshogs bri/ /ba yi rnam lngas bkrus nas su/ /dri dang me tog sogs kyis mchod/ /sngags pas dkyil 'khor bris nas su/ /snga ma de bzhin de bsgrub bya/ /sngags pas pad+ma'i stan gnas te/ /ral gri yu ba nas thogs pa/ /khro bo sgom par ldan pa yi/ /gsang sngags g.yeng ba med par bzlas/ /mtshan mo phyed dam yang na de/ /nyi ma shar ba'i dus nyid du/ /ral gri rab tu 'bar gyur nas/ /thams cad du ni snang bar byed/ /rig pa lus ni brjes nas su/ /nam mkha' spyod yul dag tu 'gyur/ /bar gyi bskal bar kun tu gnas/ /rang 'dod dus na 'chi bar 'gyur/ /rig 'dzin rgyal po kun dang ni/ /rig pa 'dzin pa kun gyis mchod/ /lha yi bzhon pa sna tshogs pa/ /lha yi tshogs ni bstan pa yin/ /de </font><hr>434b<br><font size=+1>


nas zhags pa sgrub par 'dod na/ sngar bzhin du 'bum phrag gsum bzlas nas de bzhin du gser ram dngul lam zangs kyi rang bzhin gyi zhags pa byas te/ mtshan ma shes nas dkyil 'khor bris te bsgrubs na/ de bzhin du rig pa 'dzin par 'gyur ro/ /rig pa 'dzin pa'i rgyal po thams cad kyis bskal bar gnas so/ /de ltar ral gri dang / rgyal mtshan dang / nor bu dang / gi'u wang dang / gdugs dang / lcags kyu bsgrubs par gyur na/ de bzhin du 'grub bo/ /de nas rgyal po dbang du bya bar 'dod na/ ku sha'i rang bzhin la gzugs brnyan byas nas rkang pa g.yon pas mnan la ji srid rgyal po rang nyid 'ongs nas 'khor dang bcas pa dbang du gyur pa de srid du bzlas pa bya'o/ /de nas lha sgrub par 'dod na/ thang shing gi rang bzhin gyi gzugs brnyan byas la ji srid du lha 'ongs kyi bar de srid du bzlas pa bya'o/ /'ongs nas smra ba sgrub par byed de/ sngags pa gang 'dod pa de gnang bar ster ro/ /de bzhin du klu sgrub par 'dod pas nA ga ge sar gyi shing las klu'i gzugs brnyan byas nas sngar gyi bzhin du 'bum phrag gsum bzlas te ji srid du klu thams cad dbang du gyur pa de srid du bzlas pa bya'o/ /de bzhin du gnod sbyin sgrub par 'dod pas gser las gnod sbyin gyi gzugs byas la sngar bzhin 'bum phrag </font><hr>435a<br><font size=+1>


@#/ /gsum bzlas te ji srid du gnod sbyin thams cad 'ongs te bka' bsgo sgrub par byed pa de srid kyi bar du bzlas pa bya'o/ /de nas dri za sgrub par 'dod pas 'od ma'i rang bzhin las dri za'i gzugs brnyan byas la sngar bzhin du 'bum phrag gsum bzlas te ji srid du dri za 'ongs nas smra ba sgrub par 'gyur ba de srid kyi bar du bzlas pa bya'o| |de bzhin du nam mkha' lding sgrub par 'dod pas 'jim pa'i rang bzhin las nam mkha'i lding byas la sngar bzhin du 'bum phrag gsum bzlas na/ nam mkha' lding thams cad bka' stsal ba bzhin byed do/ /de ltar srin po sgrub par 'dod pas dur khrod kyi sol bas srin po'i gzugs bris la/ rkang pa g.yon pas mnan te ji srid du srin po thams cad smra bar sgrub par byed pa de srid du bzlas pa bya'o/ /de ltar skyes pa dang bud med rnams kyang kun tu sbyar na/ de bzhin du 'grub bo/ /de ltar lag na rdo rje/ ji lta ji ltar khro bo'i rgyal po 'di sbyar na/ de lta de ltar las thams cad byed do/ /thams cad du thogs pa med pa'i mthu chen po khro bo'i rgyal po chen po 'di sangs rgyas thams cad kyis rjes su gnang bar gyur pa las thams cad yang dag par ldan pa bklags pa tsam gyis 'grub pa'i khro bo'i rgyal po chen po 'di la rtog pa thams cad kyi cho ga sbyar bar bya'o/ /byang </font><hr>435b<br><font size=+1>


chub tu sems ma bskyed pa dang / ma dad pa dang / som nyi za ba rnams spangs nas gnang ba thob par gyur pas rtog pa thams cad kyi cho ga sbyar bar bya'o/ /dgug pa dang / dbang du bya ba dang / gsad pa dang / skem pa rnams la ji lta ji ltar kun tu sbyar ba de lta de ltar don yod pa thogs pa med pa 'di sbyar bar bya'o/ /de nas byang chub sems dpa' phyag na rdo rjes bcom ldan 'das la 'di skad ces gsol to/ /dkyil 'khor sgrub pa'i thabs dang ni/ /bgegs kyi sngon gyi gzugs brnyan rnams/ /bcom ldan 'das kyis bshad du gsol// bsgrub par bya ba po'i cho ga /bgegs ni sna tshogs pa nyon cig /rtag tu sems ni g.yeng 'gyur zhing / /gsang sngags rnams ni kha phyir blta/ /bzlas pa bsam gtan dga' ba min| |gnas dang lha yi las rnams dang / /sbyin sreg dbang bskur las dang ni/ /lha rnams kha ni phyi ru blta/ /sngags pa bgegs la mngon par 'tshe/ /yi dam med par gyur pa dang / /yul gzhan gyi ni rnam par rtog /rnam rtog mang po 'byung ba dang / /dad pa med cing snyoms las che/ /de bzhin yan lag 'bigs par byed/ /dus kyi dbang gis rnam par bsgyings/ /khro ba can ni nyid du 'byung / /the tshom dag ni skye 'gyur zhing / /slar yang de yi dngos grub med/ /de la sogs pa'i skyon rnams ni/ /bgegs kyi gzugs su </font><hr>436a<br><font size=+1>


@#/ /bstan pa yin/ /rtsod dang brang 'gro klu dang ni/ /yams ni 'byung bar 'gyur ba dang / /rims dang tshad nad bgegs kyis nyen/ /de bzhin du ni sgrub pa po| |gza' yi dkyil 'khor dge ba ru/ /dbang ni rab tu bskur bar bya/ /de ltar sbyangs pa'i sngags pa yis/ /bgegs rnams thams cad 'jigs med par/ /slar yang rang gi yi dam lha/ /sbyin sreg dang bcas bsgom par bya/ /til rnams dang ni mar rnams ni/ /mnyam par bzhag pas stong phrag bsreg /gsang sngags kyis ni tshim bya zhing / /sbyin sreg cho ga bzhin du bya/ /mngon par 'dod pa bsgrub pa'i phyir/ /slar yang mnyes pa brtsam par bya/ /de nas yang ni rdo rje 'dzin/ /bcom ldan slar yang bka' stsal pa| |bgegs rnams snga na med pa'i gzugs/ /phan pa'i yid kyis tshur la nyon/ /dkyil 'khor sgrub pa'i thabs la yang / /cho ga'i las rnams sbyar bar bya/ /gang tshe ngo mtshar can gyi las/ /sngags pa mkhas pa yis ni bya/ /gang gis skyon dang ldan pa yi/ /bgegs dang log par 'dren pa rnams/ /sems can rnams la bgegs byed pa| |mi bzad 'jigs pa 'jigs par byed/ /gnas sogs cho ga nyams pa dang / /de bzhin lha nyid gzir ba dang / /sngags rnams 'gom par byed pa'i don/ / </font><hr>436b<br><font size=+1>


bdag nyid chen po gzi brjid 'bar/ /gang du gtor ma'i cho ga las/ /cho ga bzhin du gyur par bya/ /gang du mchod pa byas gyur dang / /gang zhig brnyas pa zhi bar 'gyur/ / rlung char de bzhin gsol ba dang / /yi ge hUM gi sgra sgrog cing / /gnas gcig lngar ni sgra 'byin dang / /glog 'khyug pa yi sgra dang ni/ /me yis sreg cing cher 'jigs pa'i/ /glang chen mi zad sgra skad 'don/ /bong bu rnga mo spre'u 'dra ba/ /shin tu mi bzad ro langs rnams/ /ha ha'i sgra ni rab tu sgrog /'bar ba'i me yis dkrigs pa'i 'od/ /rlung gi dkyil 'khor gzugs can rnams/ /la lar mched nas 'bar zhing 'byung / /seng+ge'i sgra ni sgra chen po/ /sna tshogs gzugs can rnam par 'phrul/ /skrag pa yang ni skyed par byed/ /mi g.yo ba ni stobs po che/ /khro bo'i rgyal por rab tu sbyar/ /nus pas yang ni 'joms par byed/ /sngags kyis rmongs par byed 'gyur zhing / /mi bzad pa rnams rengs par byed/ /yi ge ha yi gzugs can dbyibs/ /me yi tshul ltar rigs pa ste/ /brtson chen thams cad dmar po ste/ /khrod dang bcas pa ral gri'i phyag /gdug pa thams cad sdigs mdzub pa| |g.yon pa'i phyag na zhags pa rnams/ /'bar ba'i phreng ba'i dkyil na bzhugs/ /bskal pa'i me ni bzhin du gnas/ /hUM sgra phaDa kyi sgra dang bcas/ /mche ba gtsigs shing </font><hr>437a<br><font size=+1>


@#/ /zung mig gzigs/ /gdug pa thams cad phyogs bcu ru/ /yi ge hUM ni khro bo bcu/ /phyogs kun tu ni brlag par 'gyur/ /ha ha rab tu sgrog par byed| |rdo rje'i me yis bsregs pa dang / /phan tshun du ni 'tshe 'gyur zhing / /phyogs kun tu ni brlag par 'gyur/ /bdag nyid rnal 'byor la gnas na/ /dpa' bo chen po'i go 'phang 'thob/ /khro bo'i rgyal po rab tu sbyar/ /bgegs dang log 'dren thams cad la/ /yi ge ha ni me yi tshul/ /mngon sum bzhin du 'joms par byed/ /yi ge hUM gi sgra dang ldan/ /log par 'dren pa thams cad 'joms/ /yi ge hUM ni rlung gi tshul/ /sprin rum gtibs pa mnyam pa'i 'od/ /sprin gyi yi ge hUM 'ur gyis/ /gdug pa thams cad 'thor bar byed/ /yi ge ha ni me yi tshul/ /rab tu 'bar ba rdo rje'i phyag /yi ge hUM gi sgra dang ldan/ /lta stangs thams cad bsdu bar bya/ /bdag nyid yi ge har byas nas/ /thams cad dmar zhing khros dang bcas/ /'jigs pa sgra can cher 'jigs pa/ /phyag na zhags pa khros dang bcas/ /sngags 'chang zhags pa'i phyag rgya yis| |bgegs rnams thams cad dgug par bya/ /bgegs rnams thams cad bkug nas ni/ /bcings nas rab tu skrag par bya/ /yang na bgegs rnams thams </font><hr>437b<br><font size=+1>


cad la| |shin tu gtum zhing khros pa yis/ /de rnams kyi ni gzugs byas te/ /zhags pa'i phyag rgyas bkug nas su/ /brdeg par bya zhing rtog par bya/ /gcad pa dang ni bsreg par bya/ /bgegs rnams thams cad brlag par 'gyur/ /tshangs pa mdun na gnas gyur kyang / /de ma thag tu byer nas ni/ /the tshom med par 'chi bar 'gyur/ / yang na bgegs rnams thams cad ni/ /gdul ba slar yang bshad par bya/ /sa la bgegs ni bris nas su/ /mgo bo rkang pas mnan cing gzir/ /nyen nas rab tu 'dar gyur te| |the tshom med par 'chi bar 'gyur/ /yang na bgegs rnams thams cad ni/ /tshar gcad pa ni slar yang bshad/ /'jim pa yi ni rang bzhin las/ /de yi gzugs brnyan byas nas su/ /sngags pas de ni mes gdungs na/ /'di ni myur du bsregs pas 'dzin/ /brgya byin dang mtshungs bgegs kyang ni/ /de yi mod la myur du 'gro /de bzhin nyid du bgegs gzhan rnams/ /thun mong du ni yang bshad bya/ /sngags pas khros dang bcas pa yis/ /de rnams gzugs ni yang dag bya/ /ske tshe dang ni dug gis bsku/ / lan tshwas kyang ni byug par bya/ /me la yang ni bsregs pa yi/ /de yi mod la myur du 'tshig /yang na bgegs rnams thams cad ni/ /phur bus gdab pa slar yang bshad// </font><hr>438a<br><font size=+1>


@#/ /de yi gzugs brnyan byas nas su/ /rdo rje phur bus gdab par bya/ /btab pas rab tu zhi 'gyur zhing / /the tshom med par 'chi bar 'gyur/ /yang na bgegs rnams thams cad kyi/ /rengs pa yang ni bshad par bya/ /de yi gzugs brnyan byas nas su/ /lus la ri rab rnam par bsam/ /lcog brgyad dang ni ldan pa yi/ /rdo rjes yang dag mnan par bya/ /de nas rab tu zhi 'gyur zhing / /'chi bar 'gyur bar the tshom med/ /lha dang mtshungs pa'i bgegs rnams kyang / /myur du mi g.yo brtan par gnas/ /de nas kun gyis kun thams cad/ /spyi yi las ni khyad par bya/ /de yi gzugs brnyan byas nas su/ /sbyin sreg las ni yang dag brtsam// mtshon gyis gtubs shing bcad nas su/ /rkang pa nas brtsams sbyin sreg bya/ /bcad par gyur pas de ma thag /brlag par 'gyur bar the tshom med/ /de ltar kun la kun tu ni/ /mkhas pas las ni bya bas na/ /kha cig gdug pa'i sems ldan pas/ /bgegs rnams thams cad brlag par 'gyur/ /brdeg cing gcod par phur bus 'debs/ /'bigs shing de bzhin rtogs par byed/ /sreg dang gang yang tshar gcod gzhan/ /byang chub sems kyis brgyan pa yi/ /sngags pas de dag thams </font><hr>438b<br><font size=+1>


cad bya| |shin tu gdug pa'i sems rnams ni/ /pha rol srog ni gcod par byed/ /sems can rnams ni rnam par 'tshe/ /gang zhig phan pa nyid kyi gzhi/ /snying rje chen po bskyed nas su/ /sangs rgyas chos ni rjes dran par/ /sangs rgyas kun gyis ji bzhin brjod/ /gdug pa'i las ni bya ba yin/ /de nas dpal ldan rdo rje 'chang / /ngo mtshar spyan phye rgyas pa yis/ /chos kyi dbang phyug thub pa la/ /snyan pa'i tshig gis bka' stsal pa/ /e ma ho sangs rgyas bsam mi khyab/ /sangs rgyas chos kyang bsam mi khyab| |sems can mi phan byed pa yi/ /ji srid ming ni bgegs nas su/ /de srid blo ni ngan 'gro yi/ /phan dang mi phan rnam rtog rnams/ /mnar med sdug bsngal gzhol pa ru| |rab tu zhugs nas 'gro bar 'gyur/ /de nas phyag na rdo rjes slar yang bcom ldan 'das la 'di skad ces gsol to/ /bcom ldan 'das/ khro bo'i rgyal po chen po de bzhin gshegs pa thams cad kyis rjes su gnang bar gyur pa/ sngags dang phyag rgya dang sngags kyi rim par phye ba gang myur ba nyid du phyag rgya'i mtshan mas mtshan pa lha thams cad dang / klu dang / gnod sbyin dang / srin po rnams lhan cig sbyar bas las thams cad byed par 'gyur ba'i don yod cing thogs pa med par 'gyur ba bshad </font><hr>439a<br><font size=+1>


@#/ /du gsol/ de nas bcom ldan 'das kyis byang chub sems dpa' phyag na rdo rje la 'di skad ces bka' stsal to/ /legs so legs so/ /lag na rdo rje| slar yang legs so/ /de legs par nyon la rab tu yid la zungs shig dang / ngas khyod la bshad do/ /bcom ldan 'das/ legs so zhes phyag na rdo rjes bcom ldan 'das la gsol to/ /slar yang bcom ldan 'das kyis 'di nyon cig ces bka' stsal to/ /rkang pa mnyam par bzhag pas gnas/ /phyag 'tshal ba yi thal mo sbyar| |mthe bo dag ni gnas byas nas/ /sangs rgyas thams cad 'dud par bya/ /rdo rje bkod pa'i sbyor ba yis/ /thal mo steng du brkyang bar bya/ /slar yang mdun du bya ba yin| |slar yang thal mo sbyar byas nas/ /rgyab nyid du ni gzhag par bya/ /thal mo bkod pa'i sbyor ba yis/ /slar yang mdun du bya ba yin/ /khros pas hUM gi sgra sgrog cing / / bdud kyi rigs la bsdigs par bya/ /rkang pa bkod pa'i sbyor ba yis/ /lag pa dag ni gnyi ga yang / /gnyis ka'i sdigs mdzub sbyor ba yis/ /bgegs dang log par 'dren pa rnams/ /gdug pa thams cad kun 'byung ba'i/ /sdigs mdzub kyis ni 'byar bar 'gyur/ /slar yang rkang pa bgrad nas su/ /rdo rje'i sa gzhir gzhag </font><hr>439b<br><font size=+1>


par bya| |sa 'og rim bdun par du ni/ /thams cad du ni sbyar bar bya/ /lag pa sbyar ba'i sbyor ba yis/ /rkang pa ya gcig sa la gnas/ /de bzhin dum bu phra mo ru/ /bgegs rnams thams cad 'joms par byed/ /ma bsgrubs pa la rab tu sbyar/ /dkon mchog gsum gyi ral gri 'byung / /gang zhig bkod pa'i sbyor ba yis/ /klad la yongs su bskor bar bya/ /yi ge hUM gi sgra sgrog cing / /ral gri phyag rgya bcing bar bya/ /gnyis pa shubs kyi rtse mo nas/ /bstan la gnod pa byed pa dang / /sngags pa bla ma ngan smra zer/ / gang dag sems can gzhan la 'tshe/ /gang yang lha la smod par byed/ /lha dang gsang ba pa dang sprul/ /lha min srin po 'jigs su rung / /de rnams thams cad gzhom par bya| |gnod pa de yang lan gnyis gsum/ /gus pas gal te bzod gsol na/ /gsang sngags tshogs ni de mnyes nas/ /ji bzhin 'dod pa'i dngos grub thob/ /slar yang rdo rje rkang pa yis/ /rkang pa mnyam par bzhag nas gnas/ /lag pa phan tshun khu tshur bcings/ /mdzub mo sbyar ba'i sbyor ba yis/ /dpral ba'i steng du bzlog la gzhag / rkang pa bkod de sbyar ba dang / /ya sos ma mchu mnan te khros/ /'brug gi hUM gi sgra sgrog pa/ /bgegs rnams thams cad 'gas par ni/ /yi ge hUM gis the tshom med/ / </font><hr>440a<br><font size=+1>


@#/ /rdo rje'i lta stangs 'bar ba che/ /gdug pa thams cad rnam par 'joms/ /thig le zhes ni bsgrags pa yis/ /phyag rgya don kun sgrub par byed/ / sngags pa gang zhig sgrub pa yi/ /gang dang gang ni rab sbyar ba/ /de dang de ru don yod par/ /byed par 'gyur te the tshom med/ /rdo rje rkang pa'i sbyor ba yis/ /rkang pa steng du gdeg par bya/ /sangs rgyas kun la gus phyag bya/ /sor mo phan tshun khu tshur bcad/ /kha yi tshul du byas nas ni/ /kha yi thad kar sbyar bar bya/ /dkyil 'khor sgrub pa'i thabs dang ni/ /de bzhin du yang las rnams dang / /phyogs kun las ni byung ba yi/ /sprin chen yang ni 'dus nas su/ /'brug chen sgra ni rab tu ldir/ /der yang glog ni 'khyug pa dang / /sku chen po ni ha ha sgrog /char gyi rgyun ni yang dag 'bab/ /dus mtha' lta bur yang dag byung / /'di ni kha ru gzhug par bya/ /mi zad pa yi sku chen gyis/ /kha yi phyag rgya'ang 'dzin par byed/ /bzung ba tsam gyis brlag pa ru/ /ma lus par ni 'gyur ba yin/ /de nas khro bo rab 'bar ba/ /gzi brjid chen po zhal che ba/ /'di ni bkug nas zos pa na/ /bgegs kyi rgyal po thams cad brlag /khro bo mi g.yo ba yi sku/ /ji lta ji ltar rab sbyar na/ /'jigs pa'i </font><hr>440b<br><font size=+1>


gzugs can bgegs srin po/ /de lta de ltar brlag par 'gyur/ /kha yi phyag rgya sbyor ldan pas/ /sngags pas kun tu sbyar bar bya/ /'di ni don yod thogs pa med/ / sangs rgyas kun gyis rab tu mchod/ /slar yang rdo rje'i rkang pa sbyar/ /phyag 'tshal thal mo spyi bor sbyar/ /sngon bzhin rkang pa mnyam byas nas/ /rkang pa bteg nas g.yeng bar bya| |lag pa yang ni phan tshun du/ /g.yas pa dang ni g.yon pa na/ /zhags pa ral gri thogs nas su/ /rdo rje dor nas yang dag gnas/ /g.yon pas yi cha la bzhag / g.yas pa mtshon cha dang bcas kyang / /zhags pas bkug ste bzhag nas ni/ /ral gris gzugs brnyan bcad na ni/ /tshangs pa'am ni brgya byin yang / /de ma thag tu myur bar gcod/ /'di dang dpal ldan zhags pa bsnams/ /ral gri'i phyag rgya sbyar ba yis/ /sngags pas sbyar ba tsam gyis ni/ /gdug pa thams cad bsgrub par bya/ /thal mo btab ste sbyar nas su/ /'khor lo lta bu rab bskor bya/ /sngags pas bskor zhing drangs nas ni/ /rkang pa sngar bzhin sbyar bar bya/ /phyag 'tshal ba yi thal mo sbyar/ /phan tshun so sor khu tshur bcing / /gnyis ka'i mdzub mo rtse sbyar te/ /rdo rje rtse gcig rnam par bya/ /gdug pa kun la gdab pa dang / /'bigs par yang dag brjod pa yin/ / </font><hr>441a<br><font size=+1>


@#/ /bgegs rnams thams cad rlag byed pa'i/ /srung ba la sogs rab tu sbyar/ /lag pa gnyis ni mnyam byas nas/ /khu tshur sbyar te bcang bar bya// gung mo rtse mo sprad de sbyar/ /mdzub mo rdo rje'i rnam par bya/ /gung mo la sbyar rdo rje ni/ /phyag rgya chen po'i phyag rgya ste/ /gdug pa thams cad rlog par byed/ /de nas byang chub sems dpa' phyag na rdo rjes bcom ldan 'das kyi zhabs gnyis la mgo bos phyag 'tshal nas bcom ldan 'das la 'di skad ces gsol to/ /bcom ldan 'das/ ngo mtshar to/ /bde bar gshegs pa/ ngo mtshar to/ /ji snyed ba'i don yod pa'i thogs pa med pa stobs gnon pa'i khro bo'i rgyal po mi bzad pa'i phyag rgya ji lta ji ltar sgrub pa pos sbyar pa de lta de ltar dngos grub ster bar byed pa/ bgegs thams cad 'joms par byed pa'i khro bo'i rgyal po chen po'i rtog pa'i sgrub pa'i thabs 'di sems can thams cad la phan pa dang bde bar bya ba'i phyir bdag kyang bshad par 'tshal lo/ /bcom ldan 'das kyis bka' stsal pa/ lag na rdo rje/ gang de'i dus la bab par sems na shod cig /de nas byang chub sems dpa' sems dpa' chen po lag na rdo rjes bcom ldan 'das kyis gnang ba thob ste bsam pa thams </font><hr>441b<br><font size=+1>


cad la mnyes gshin pa'i rol bas de bzhin gshegs pa thams cad la phyag 'tshal nas dngos grub thams cad kyi mchog snang ba zhes bya ba'i ting nge 'dzin la snyoms par zhugs so/ /bcom ldan 'das snyoms par zhugs ma thag tu de nas re zhig 'jig rten gyi khams thams cad snang ba chen pos snang bar byas te sangs rgyas kyi zhing thams cad rdo rje 'chang gi skus gang bar byas nas phyogs bcur bskor te slar yang bcom ldan 'das nyid kyi sku la zhugs par gyur/ khro bo'i rgyal po chen po'i sgrub thabs su gyur pa rdzu 'phrul chen po rnams nyon cig /lo 'dab la sogs pa za zhing 'bum phrag gsum bzlas pa bya'o/ /de nas zhag gsum 'dug nas ras ris kyi mdun du mchod pa chen po byas te/ de'i mdun du nim pa'i yam shing gi me sbar te mar gyis btags pa'i yungs kar dkar po snying po'i sngags kyis stong phrag brgyad sbyin sreg bya ste/ sngon du bsnyen pa byas pas so/ /de la khro bo'i rgyal po chen po'i sgrub thabs ni/ 'di yin te/ dkyil 'khor bris nas ral gri'i phyag rgya bcings te skyil krung bcas nas ji srid du rig pa 'dzin par gyur gyi bar du bzlas pa bya'o/ /rig pa 'dzin pa thams cad kyis mchod cing bskal par gnas la 'dod pa'i 'chi </font><hr>442a<br><font size=+1>


@#/ /ba'i dus med de/ sangs rgyas kyi zhing thams cad du spyod la/ de bzhin gshegs pa thams cad mchod cing sems can thams cad kyi don byed do| |slar yang 'bum phrag gsum bzlas pa byas na/ gang 'dod pa'i las rnams thams cad byed do/ /tshig rnal mar 'bebs so/ /shing sgyel bar byed do/ / nam mkha' nas 'dab chags lhung bar byed do/ /mtshe'u skem par byed do/ /rlung gzhan du byed do/ /zla ba gzas zin pa'i nub mo 'dug nas pa lci sa la lhung ba dkyil 'khor byas la dri zhim po'i me tog sil ma bkram ste ras bris sam/ shes rab kyi pha rol tu phyin pa'i glegs bam gyi spyan sngar se'u dang rigs mthun pa'i mar srang gcig zangs ma'i snod du bcug ste seng ldeng gi me sbar te gdung zhing bzlas pas dngos grub gsum 'byung ngo / /de nas ri'i rtse mor gnas bcas te zas mi za bar bzlas pa 'bum byas na/ gter mthong bar 'gyur ro/ /phyugs ngas zhi bar 'dod na/ 'o ma'i sreg blugs stong phrag gcig bsregs pas zhi bar 'gyur ro/ /rtswa dur ba mngar gsum gyis btags nas sbyin sreg 'bum byas na/ phyugs ngas ches chen po zhi bar 'gyur ro/ /pad+ma rnams zho dang sbrang rtsi </font><hr>442b<br><font size=+1>


dang mar gyis btags te sbyin sreg 'bum byas na/ mchog gsol ba gsum mthong bar 'gyur ro/ /rgya mtshor 'gro ba na chu klung gi chu'i nang du zhugs te 'bum phrag gsum bzlas na/ yul du phyin par 'gyur ro/ /ji lta ba'i kha dog gi me tog bsregs na/ de lta bu'i kha dog gi gos rnyed par 'gyur ro/ /so ba bsregs pas so bang mi zad par 'gyur ro/ /nas kyi sbyin sreg gis khyim bdag chen por 'gyur ro/ /pri yang kus dbang du byed do/ /spos shing gis 'khor g.yog mang bar 'gyur ro/ / mngar gsum gyis btags pa'i bil ba'i 'bras bus sbyin sreg 'bum byas na/ rgyal por 'gyur ro/ /ras ris kyi cho ga ji bzhin pa ni/ 'di yin te/ 'phags pa mi g.yo ba zhal gcig pa/ dpa' bo gcig pa/ na bza' dur smrig mnabs pa/ zur mig gis gzigs pa'i phyag na ral gri dang zhags pa bsnabs pa/ khro gnyer rim par ldan pa'i zhal 'jig rten gsum 'jigs par mdzad pa dur smrig mnabs pa bri bar bya'o/ /de nas rgya mtshor song ste ras bris bkram nas lus la gos gtsang ma ba gos te dogs pa med cing lkugs pa slong mo za bas 'bum phrag lnga bzla'o/ /tha ma'i nyin zhag 'dug nas tsa na ka'i yam shing gis khri phrag gcig </font><hr>443a<br><font size=+1>


@#/ /sbyin sreg byas na/ mi g.yo ba mthong zhing de bzhin gshegs pa yang nye bar spyod la/ ting nge 'dzin rnyed nas byang chub sems dpa'i ting nge 'dzin thob bar 'gyur ro/ /yang na dur khrod kyi ras la 'phags pa mi g.yo mgon po bris la bdag nyid kyi khrag gis spyan phye ba bri bar bya'o/ /sgrub pa po shar du phyogs te phyin nas ras bris kha sprod du dgram ste dus gsum du khrus bya zhing gos rlon pa bgos te lkugs pas 'bum phrag gsum bzlas par bya'o/ /mar ngo'i tshes brgyad kyi zhag 'dug ste 'byung po thams cad la gtor ma byin nas ro chen po'i steng du khri phrag gcig bzlas pa bya'o/ /de nas ro de'i lus 'gul bar 'gyur te/ 'jigs par mi bya'o/ /de nas kha'i nang du pad+ma kha phye ba'i lte ba mthong bar 'gyur ro/ /blangs nas bzung bas rig pa 'dzin par 'gyur zhing lha'i gzugs kyis tshangs pa'i 'jig rten du spyod do/ /yang na ras bris kyi mdun du zla ba drug tu thun gsum du bzlas shing ji ltar 'byor pa'i mchod pa byas shing a ga ru'i bdug pas bdugs na/ yul gyi bdag por 'gyur ro/ /rgyal mtshan la stong phrag gcig bsngags nas dmag gi sngon du bzung na/ pha rol gyi dmag </font><hr>443b<br><font size=+1>


tshogs g.yul nyes par 'gyur ro/ /dmag tshogs rengs par 'dod pas sku chen po sku mdog ser po zhal bzhi la phyag bzhi pa/ mdog mi sdug pa/ mche ba gtsigs shing 'jigs su rung ba/ 'bar ba'i phreng ba dkrigs pas pha rol gyi dpung bzung ba lta bur bsam pa'am bris nas bstan na/ pha rol gyi dmag tshogs rengs par 'gyur ro/ /rtsod par 'dod pas khwa ta dang 'ug pa'i sgros sbyin sreg byas na/ rtsod pa 'byung bar 'gyur ro/ /dgra bo myos par 'dod pas sreg blugs 'bum phrag sbyin sreg bya'o| |sbyin sreg byas pas mi g.yo ba'i mngag gzhug pas 'gul nas bcings te lho phyogs su khyer nas myos shing khrag tu skyug cing skrag par dgra'i lus bltas pas rigs rgyud dang bcas pa brlag par 'gyur ro/ /mi'i rus pa la lan brgya rtsa brgyad mngon par bsngags nas btags na/ gang gi ming nas smos pa de'i mod du rims kyi btab par 'gyur ro/ /nim pa'i 'bras bu dug dang mar khus btags nas sbyin sreg byas na/ nyi ma gsum gyis dgra bo brlag par 'gyur ro/ /tshwa dang 'jim pas dgra bo'i gzugs brnyan byas la myos byed kyi tsher mas btsugs te gtubs shing bcad pa'i sbyin sreg byas na/ de ma thag tu brlag par 'gyur ro/ /dgra </font><hr>444a<br><font size=+1>


@#/ /bo'i ming nas smos shing sal ma ri zhes bya ba brgya rtsa brgyad bsregs pas dgra bo dbul por 'gyur ro/ /dbang du bya bar 'dod na/ lan tshwa'i rang bzhin gyi gzugs brnyan byas te bcad nas sbyin sreg byas na/ skyes bu chen po nyi ma bdun gyis dbang du 'gyur ro/ /dz+wa ti kha 'bus pa'i sbyin sreg 'bum byas na/ gnod sbyin mo dbang du 'gyur ro/ /'khrul byed kyi 'dab mas sbyin sreg byas pas smyo bar 'gyur ro/ /lan tshwa'i sbyin sreg gis lha'i bu mo yang 'gugs so/ /gu gul gyi sbyin sreg gis rgyal po thob par 'gyur ro/ /ras bris gzhan gyi cho ga 'di yin te/ dbus su bcom ldan 'das shAkya thub pa/ de'i g.yas su 'jam dpal rgyan thams cad kyis brgyan pa/ g.yon du rdo rje 'dzin pa zhal cung zad 'dzum pa phyag na rdo rje bsnams pa bri bar bya'o/ /de'i spyan sngar 'bum phrag lnga bzlas pas las thams cad byed nus par 'gyur te/ pha rol gyi dmag tshogs la nad 'byung bar 'gyur ro/ /spyan gyi phyag rgya bcings te khros pas yi ge hUM la sogs pa'i mtha' can gyi sngags bzlas pas dgra bo gdon chen pos 'dzin pa'am nges par brlag par 'gyur ro/ /dur khrod kyi thal ba la lan 'bum bzlas nas gang la sbyin pa de bran du 'gyur ro/ /gi </font><hr>444b<br><font size=+1>


wang la lan bdun bzlas nas thig le byas pas skye bo thams cad dga' bar 'gyur zhing mi mthong bar 'gyur ro/ /bgegs thams cad dang log par 'dren pa la sogs pa 'bar bar 'grub par 'gyur ro/ /bdag nyid la bkod nas dpag tshad brgya nas kyang tshangs pa dang srin po grol bar byed do/ /sbrul nag pos zin pa zla ba drug nas mnan par 'dod na| khros pas ral gri'i phyag rgya bris la lto 'phye chen po'i rigs ldan gyis bskor te/ de nas ral gri la stong phrag gcig mngon par bsngags nas dbus su de lta bur 'bar ba 'dra bar dgod par bya ste/ de nad pa la bstan na nges par 'jug go /'phags pa mi g.yo ba spyan gcig pa'i snying po thun gsum du brgya rtsa brgyad bzlas na/ rtag tu 'brel bar 'gyur ro// dben pa'i sa phyogs su zan gyi chang bu byin na/ mchog chen po stsol bar 'gyur te/ snying po'i phyag rgya bcings te khros pas yi ge hUM bzlas na sbyin dral bar byed do/ /tsher ma ske tshes btags pa'i sbyin sreg byas na/ rlung gi char pa gtun shing ltar 'jog go /sgrub pa po la srung ba chen po byed do/ /mi rnams rkang pa g.yon pa mnan pas bsgrubs na/ bka' nyan par 'gyur ro/ /lha dang mi rnams kyi gzugs brnyan byas nas bcad na/ 'chad par 'gyur ro/ /lha dang mi thams cad kyi gzugs brnyan byas nas de lcags kyi </font><hr>445a<br><font size=+1>


@#/ /phur bus btab na/ phur bus btab par 'gyur ro/ /de nas 'ching bar 'dod par gyur na/ skud pa ser po la mngon par bsngags te gzugs de dkris na/ bcings par 'gyur ro/ /btsir bar 'dod na/ lha la sogs pa'i gzugs brnyan byas nas steng du spang leb kyis mnan na btsir bar 'gyur ro/ /de nas rdeg par 'dod na/ mi la sogs pa'i gzugs brnyan byas te re'u slud bus brabs na ngu zhing 'ongs nas bka' bsgo ba byed do/ /gnon par 'dod na/ lha dang mi thams cad kyi gzugs brnyan byas te spang leb la sogs pas mnan na gnon par 'gyur ro/ /de ltar khro bo'i rgyal po rdzu 'phrul chen po 'di ji lta ji ltar sbyar ba de lta de ltar las gzhan ngo mtshar che ba yang stong phrag byed do/ /de nas byang chub sems dpa' sems dpa' chen po phyag na rdo rjes khro bo'i rgyal po chen po'i sngags bka' stsal pa/ na maHsarba ta thA ga te b+h+yaH/ sarba bi shwa mu khe b+h+yaH/ sarba thA/ oM tsaN+Da ma hA ro Sha Na hUM trAT ma hA tsaN+Da a tsa la kA Na hUM hUM hUM/ a pra ti ha ta/ ta thA ga tA dz+nyAM sma ra hUM phaT phaT swAhA/ de nas phyag na rdo rjes slar yang khro bo chen po thogs pa med pa'i mchog gi snying po dpa' bo gcig pa bka' stsal pa/ na ma s+t+rai ya d+h+wi kA nAM/ ta thA ga tA na hUM/ byang chub sems </font><hr>445b<br><font size=+1>


dpa' chen po phyag na rdo rjes bka' stsal ma thag tu de nas skad cig de la 'jig rten gyi khams thams cad snang ba chen pos snang bar byas nas de la 'jig rten gyi khams thams cad kyi gang bdud dang bdud chen po 'jigs su rung ba'i gzugs can dag dang / klu dang gnod sbyin la sogs pa de khro bo chen po'i gzi brjid kyis bsregs par gyur/ gang dang gang rang rang gi gnas der song ste bcom ldan 'das/ bskyab tu gsol/ bde bar gshegs pa/ bsregs pa las bskyab tu gsol/ de nas de bzhin gshegs pa de rnams kyis rang rang gi zhing rnams kyi bgegs dang bgegs chen po de dag la 'di skad ces bka' stsal to/ /rigs kyi bu dag /khro bo'i rgyal po chen po mi g.yo ba zhes bya ba de bzhin gshegs pa thams cad kyis bka' stsal pa mdzad pa/ gdug pa thams cad 'joms par byed pa dran par gyis shig /gzhan du khyed rnams kyi mgo bo phyag na rdo rje'i rdo rjes tshal ba brgyar 'gems par 'gyur ro/ /gang zhig sgyu ma lta bur sems skyed cig /sems can thams cad la phan pa dang bde ba'i sems skyed cig /sems can sdig pa thams cad dang bral ba dran par gyis shig /rigs kyi bu dag /khro bo'i rgyal po chen po sdug bsngal thams cad dang bral ba dran par gyis shig /de nas gdug pa </font><hr>446a<br><font size=+1>


@#/ /thams cad khro bo'i rgyal po chen po de nyid la skyabs su song ste/ bcom ldan 'das/ bdag ni/ sa'i phyogs su nye bar song ste gang na khro bo'i rgyal po chen po 'di nyid bzhugs pa de bsrung bar bgyi'o/ /nye bar dgos pa bskyed do/ /nye bar 'tsho ba thams cad kyang gzhom par bgyi'o/ /zhes dam tshig byas nas bcom ldan 'das kyi zhabs kyi drung du lhags nas 'dug go /de nas byang chub sems dpa' sems dpa' chen po lag na rdo rjes slar yang khro bo'i rgyal po chen po spyod pa'i cho ga yang sgrub pa po rnams la bka' stsal pa/ khro bo'i rgyal po chen po 'di gang lkugs pas mi bzlog par yal ga dang / rtsa ba dang / 'bras bu za ba'am/ chu dang / rlung za bar gyur pa'i skye bos dben pa'i gnas su bzlas pa bya'o/ /khro bo'i rgyal po don yod cing thogs pa med pa 'di dkon mchog gsum la rgyab kyis phyogs pa'i sems dang ldan pa/ nga rgyal che ba/ mngon pa'i nga rgyal can gyi gdug pa'i srin po la sogs pa sbyar bar bya'o/ /phan pa'i sems kyis byang chub mchog tu sems bskyed par dad pas dkon mchog gsum la dang bar gyur par bsgrub par bya'o/ /rtog pa gzhan gyi tshogs kyang dman pa'i sems can sdug bsngal ba rnams ni/ sbyar bar mi bya'o/ /dkon </font><hr>446b<br><font size=+1>


mchog gsum la mos shing dad pa la khro bo'i rgyal po chen po sbyar bar bya'o/ /mtshams med pa lnga byed pas kyang gdon mi za bar cho ga ji ltar mngon par 'dod pa'i dngos grub thob bo/ /zhes bcom ldan 'das rdo rje 'dzin pas gsungs so/ /de nas dpal ldan rdo rje 'chang / /thugs rje dang ni ldan pa'i thugs/ /sems can khams ni ma lus pa/ / 'di kun rnam par gzigs nas su/ /'gro ba phan pa mdzad pa can/ /snyan pa yi ni tshig gis gsol/ /bcom ldan chos rnams thams cad kyi/ /khyod nyid gcig pu dbang phyug gtso/ /khyod nyid gcig pu kun mkhyen te/ /thams cad mkhyen pa'i nam mkha' can/ /khyod ni skyob med sems can gyi/ /skyob pa dpung gnyen thams cad yin/ /sems can kun gyi khyod gcig pu/ /mchog tu mnyes gshin pa yi pha/ /nyon mongs nad rnams gso mdzad pa/ /sman pa'i rgyal po khyod gcig pu/ /khyod ni sems can thams cad kyi// gtso bo mchog tu gzhol ba yin/ /bdag la 'dir ni khyod gcig pu/ /gtso bo bdag la gzhan ma mchis/ /sems can rnams la phan 'dod pas/ /gang zhig bdag nyid khyod la zhu| |thugs rje dang ni ldan pa'i thugs/ /mgon po de ni bdag la gsungs/ /sems can ji ltar bde bar 'gyur/ /ji ltar sdug bsngal rten can du/ /gang gis 'dir ni gyur pa yin// </font><hr>447a<br><font size=+1>


@#/ /de rnams bdag la gtso bos gsungs/ /rgyal po mi rgod chom rkun dang / /de bzhin du ni me dang chu/ /nad dang mu ge bdud rnams dang / /de bzhin dus min 'chi bas 'jigs/ /char ches pa dang char mi 'bab/ /rtag tu yams kyi 'tshe ba ste/ /mgon po 'di ru ji ltar yang / /brgya la mi 'gyur ba zhig yin/ /dpal gyis mdzes par brgyan pa yi/ /dbang du bya ba nyid dang ni/ /sems can thams cad brtse bar ni/ /thams cad ji ltar 'byung bar 'gyur/ /ngan dog ngan pa de ji ltar/ /ji ltar lus po dman par 'gyur/ /du ba'i mdog can hrud hrud po/ /de nas g.yeng ba nyid dag ni/ /sngags pa dag la 'byung mi 'gyur/ /nye bar 'tshe ba rnam par spangs/ /'di kun ji ltar brtse ba legs/ /longs spyod dang yang longs spyod 'phel/ /nyal ba dang ni 'dug pa dang / /'gro ba 'am ni 'dug pa na/ /sngags pa ji ltar bde ba ru/ /de ni rtag tu 'gyur ba yin| |de la lha ni sngon spyod cing / /rjes su 'brel ba ji ltar 'gyur/ /las kyi dngos grub ji ltar ni/ /myur ba nyid du 'gyur ba yin/ /srin po lto 'phye grul bum dang / /yi dwags gcan gzan sbrul de bzhin/ /gzhan yang rtag tu mche bas 'debs/ /ji ltar 'tshe bar mi 'gyur lags/ /zhi ba dang ni rgyas pa 'am/ /de bzhin dbang dang mngon </font><hr>447b<br><font size=+1>


spyod kyi| |las ni ji ltar myur grub nas/ /don yod par ni 'gyur ba lags/ /'di kun skal pa chen po ni/ /da ltar yang ni gsung bar rigs/ /chos kyi dbang phyug thub pa yis// 'di skad kyi ni tshig gsan nas/ /phyag na rdo rje des chen la/ /snyan pa'i gsung gis bka' stsal pa/ /legs so bu gcig dpa' bo che/ /phyag na rdo rje stobs po che/ /rdzu 'phrul che nyid slar yang legs/ /nga yi bstan la khyod nyid de/ /khyod nyid gcig pu bdag gi sras/ /rtag tu rjes su 'phel byed pa/ /nga yi bstan pa srung ba yang / /khyod kyi yang dag lag na gnas| |rgyal ba'i sras po khyod gcig pu/ /gtso bo dbang phyug kha lo sgyur/ /khyod nyid gcig pu la rag las/ /byang chub thams cad lag mthil gnas/ /gang zhig khyod kyis zhus pa yis/ /bu gcig 'di ni ngo mtshar to/ /gsang ba mchog gi rmad du byung / /ma lus pa ni bshad par bya/ /gang zhig bdag gi snying la gnas/ /de ni gzhan gyis byin gyis brlabs/ /chos rnams kyi ni gsang ba yang / /de nas gzhan du ma gsungs pa/ /dpa' bo khyod la ma lus par/ /bshad par bya yi tshur la nyon/ /gang gis dngos grub myur thob pa'i/ /gsang ba gang zhig gnas pa yang / /mchog gi gzugs can lhan cig tu/ /sa steng 'dir ni rnam par gnas/ /gtsug lag khang ni sna tshogs mdog /de </font><hr>448a<br><font size=+1>


@#/ /bzhin sna tshogs gzugs 'chang ba/ /rdzu 'phrul chen po mthu che ba/ /de bzhin rgyal ba'i sras po 'chang / /rgyal ba'i chos rnams yang dag ldan/ / dkon mchog gsum la mchog tu gzhol/ /'di rnams mchod cing yang mchod la/ /gnod pa byed pa sreg par 'gyur/ /de ni rgyal ba'i bden pas bcings/ /sems can thams cad dbang du byed/ /'khrigs pa brten par gyur pa dang / /mi ni gang zhig sdig byed pa/ /tshangs spyod dang ni de bzhin gzhan/ /sa steng skye bo gang cung zad/ / 'di kun 'dir ni rnam par 'tshe/ /lha rnams kyi yang de bzhin grong / /gdug cing rnam par 'gyur ba'i las/ /gnod sems bdag nyid rnam par 'tshe/ /brtan dang g.yo ba phyag 'tshal nas/ /'jig rten 'di ni rnam par spangs/ /sa steng bstan pa ma gtogs par/ /de rnams bstan pa cung zad med/ /gang gis bde ba myong byed pa/ / khyod kyis kyang ni mnyan par rigs/ /sngags pas dang po kun byas nas/ /rdzogs sangs rgyas ni nyi ma'i 'od/ /kun mkhyen dbang phyug blo dang ldan/ /spros pa thams cad 'di las gzhan/ /shin tu rnam par dag pa'i chos/ /gdod nas zhi ba chen po'i gnas/ /skyon rnams thams cad rnam par grol/ /phun sum tshogs pa thams cad byed/ /'di </font><hr>448b<br><font size=+1>


ni dkon mchog gsum gtso ba/ /bsam pa thams cad rdzogs par byed/ /gza' rnams gzugs dang mtshan ma dang / /cha byad dang ni dbyibs nyid kyang / /brtan dang g.yo bas mi shes pa/ /bshad par bya yi bu khyod nyon/ /bdag gis ye shes gnas pa 'di/ /mdzes pa'i tshul chen rmad du byung / /sa yi dkyil 'khor kun tu ni/ /bu gcig kho bos ma gsungs so| |gza' rnams kyi ni mchog gi gzugs/ /mchog tu rmad byung bsam mi khyab/ /mchog tu mdzes par gyur pa ste/ /khros shing bzhin mi sdug pa yin/ /mdzes pa'i gzugs can la brten nas/ /rang nyid mdzes shing phan par gnas/ /gang tshe gzugs ni bsam mi khyab/ /mchog tu mdzes par gyur pa ste/ /de tshe 'di ni bsam mi khyab/ /drang srong bsam gtan spyod yul min/ /zhi ba sems can la bya zhing / /khros pa nyid ni khros pa nyid/ /sems can la 'di zhi ba ru/ /de yi tshe na kun tu spyod/ /sangs rgyas chos dang de bzhin du/ /dge 'dun mkhas pas mchod byas na/ /de yi gzugs ni nyer mtshon te/ /de yi tshe na mchod par bya/ /zhi ba zhi ba shes par bya/ /rgyas pa yang ni rim ji bzhin/ /mngon spyod zhes bya ba 'di dang / /dbang du bya ba'i gzugs mtshan nyid/ /'di dag thams cad mdor bsdus na/ /de ni rgyas par gsungs pa yin/ /shin tu mnyam par bzhag mchod pas/ /zhi ba </font><hr>449a<br><font size=+1>


@#/ /la sogs 'di yang min/ /phun sum tshogs pa kun byed pa'i/ /dkon mchog gsum ni sngon du mchod/ /yid ni bsdams par gyur pa dang / /dbang po lnga ni bsdams pa yis/ /dri ma dkar chen zhag tu lon/ /lus la bsgos nas khrus kyis brgyan/ /shin tu dben zhing phyugs med par/ /'di ni 'ong bar song nas ni/ / ba lci la sogs rtag tu byugs/ /dri yis nye bar byugs nas ni/ /kha dog ser dang dmar ba dang / /dkar po'am de bzhin ljang gu dang / /nag po yang dag gsungs pa yin| |kha dog yongs su bzung byas nas/ /mkhas pas ji ltar rig pa nyid/ /yid du 'ong ba'i dkyil 'khor bya/ /sangs rgyas ser po bya ba ste/ /chos ni dkar po nyid du bya/ / dge 'dun ljang gur bya ba ste/ /gsang ba 'di yang yang dag bsgrags/ /gza' rnams kha dog dbye ba yis/ /dkyil 'khor dag ni nye bar mtshon/ /mkhas pas de yi 'og tu ni/ /sngags pa'i lus ni rtag tu bya/ /phyag rgya 'chang ba'i phyogs bris te/ /rang gi phyag rgya kha dog mtshan/ /dkyil 'khor gyi ni tshad dag ni/ /sor mo bcu drug rab tu grags/ /yang na gang ltar yid dga' ba/ /de ltar yang dag brtsam par bya/ /kha dog ji ltar nyer mtshon pa/ /dri dang me tog la sogs dbul/ /mnyam par bzhag </font><hr>449b<br><font size=+1>


pas so so ru/ /'di rnams kyi ni gsang sngags bzla/ /sems ni rtse gcig gyur pa yis/ /bde gshegs bdag nyid bsgoms nas su/ /gza' rnams so sor mdun gnas nas/ /gsang sngags brjod par bya ba yin/ /de nas gsang sngags 'di yis ni/ /bsam pa thams cad yongs su rdzogs byed/ /na maHsarba ta thA ga te b+h+yaH/ sarbA sA pa ri pU ra ke b+h+yaH/ sarba ta thA ga b+hak+ti ra swAhA/ sarba tra yaM/ AHA di t+ya/ su bi shud+d+haH/ nyi ma dang / zla ba dang / rnon po dang / mig dmar gyi'o/ /b+hi bud+d+ha phaka /gzA lhag gi'o/ /oM b+ho gA mya da yaH/ phur bu'i 'o/ /oM shub+d+hA d+hI ra ho/ /pa sangs kyi'o/ /oM kriSh+Na bar+Na phuka /spen pa'i 'o/ /oM bi kri ta bak+t+ra ru tsi swAhA/ sgra gcan gyi'o/ /yang ni gsang sngags re re ni/ / bdun phrag brgya rtsa bdun du bzlas/ /sna tshogs gzugs can gza' rnams ni/ /de ltar thams cad mchod par bya/ /skal bzang skye bar 'gyur ba dang / /longs spyod rgya chen stsol bar 'gyur/ /rgyal po mi rgod chom rkun sogs/ /srin po lto 'phye grul bum rnams/ /de rnams 'byung bar mi 'gyur te/ /de yi 'jigs pa nam yang min/ /nad rnams kun las rnam par grol/ /sdug bsngal thams cad rnam par spangs/ /thams cad dbang phyug go 'phang 'thob/ /the tshom med par 'byung bar 'gyur/ /gang yang </font><hr>450a<br><font size=+1>


@#/ /gzir ba nyid 'gyur ba/ /gzir ba'i rang bzhin 'byung ba gnas/ /cho ga bzhin du mchod pa yis/ /phan pa de la 'byung mi 'gyur/ /rtag tu bde bas gnas gyur cing / /brtser ldan sems can mnyes gshin pa/ /sems ni dang zhing mnyen pa ste/ /sems can kun la phan par dga'/ /dngos grub las ni phan yon te/ /zhi ba'i sems ni mnyam par bzhag /de yi phyi rol btsun par brten/ /kun gyi gtso bo dbang phyug te/ /rgyal po rdzu 'phrul chen po dang / /gdug pa'i sems can 'dul byed par/ /the tshom med par 'byung 'gyur te/ /rgyal ba bden pa gsung bas gsungs/ /char ches pa dang char mi 'bab/ /mu ge byung dang rtsod par song / /dkyil 'khor mchod par gyur pa na/ /de la de ni 'byung mi 'gyur/ /zhi ba dang ni rgyas pa dang / /gal te las 'di rtsom pa na/ /dri ni cho ga bzhin gsungs pas/ /dang por 'dir ni mchod par bya/ /'di ni sdig dang ldan pas kyang / /de ni myur du 'grub par 'gyur/ /nad rnams kun las rnam par grol/ /nyes pa thams cad rnam par spangs/ /sdig pa thams cad rnam par grol/ /rtsod pa thams cad rnam par spangs/ /thams cad rtag tu bde bar ni/ /the tshom med par 'byung bar 'gyur/ /de ltar mchod pa'i cho ga yis/ /gang tshe bsod nams byas mchod na/ /lha yi tshogs </font><hr>450b<br><font size=+1>


rnams kun mnyes nas/ /dngos grub rgya chen stsol bar 'gyur/ /gdug pa'i log par 'dren pa kun/ /srin po 'jigs pa'i gzugs can rnams/ /sngags pa bzlas pa brtson pa la/ /de ni de la 'tshe mi byed/ /rtag tu sna tshogs nad med cing / /longs spyod phun sum tshogs pa ru/ /de ni rtag tu 'gyur ba ste/ /cho ga bzhin du mchod pa yis/ / rgyal po yang ni dbang du 'gyur/ /gang yang gdug pa stobs po che/ /'jigs pa'i gza' tshogs thams cad dang / /mkha' 'gro ma yang stobs chen mo/ /de la kun tu phyag 'tshal bar/ /the tshom med par 'byung bar 'gyur/ /de ltar rnam pa thams cad kyis/ /thams cad du ni mchod nas su/ /bde ba nyid du kun tu shes/ /sdug bsngal rgya mtsho rnam par spangs/ /sna tshogs phun sum tshogs pas mdzes/ /de bzhin rtag tu rgyal por bcas/ /thams cad du ni snyan par smra/ /kun kyang dbang phyug rnam par brgyan/ / mchog tu skal pa bzang 'gyur ba/ /de ni kun tu the tshom med/ /de skad gsungs nas rnal 'byor che/ /thub pa chos kun dbang phyug ni/ /cang mi gsung ba nyid du gyur/ /de tshe 'khor rnams 'di skad gsol/ /dpa' bo chen po sems dpa' legs/ /thams cad mkhyen pa rims nad bral/ /sngags kyi de nyid don nges pa/ /thams cad ma lus pa </font><hr>451a<br><font size=+1>


@#/ /ru gsungs/ /mgon po sems can shin tu med/ /spyan snga ru ni brjod pa'i tshul/ /gsang sngags rgya mtsho bshad pa las/ /snying po 'di ni btus nas bsdus/ /thob pas 'jigs med 'di mngon gyur/ /de kun the tshom med pa ru/ /sa 'og gnas pa kun byas nas/ /sdug bsngal kun las rnam par grol/ /bde ba thams cad yang dag ldan/ /de tshe thams cad 'byung 'gyur zhing / /nad rnams thams cad rnam par spangs/ /gdug pa 'jigs pa'i gzugs can dang / /srin po gang yang mche ba can/ /gsang ba'i phyag rgya mthong ba yis/ /de dag thams cad brlag par 'gyur/ /gza' mchod pa rab 'byams kyi rim par phye ba'o// //mi g.yo mgon po zhes bya ba/ /sems can rjes su srung bar byed/ /'jam pa'i dpal gyi dkyil 'khor nyon/ /de tshe dngos grub mdzes pa kun/ /rdo rje ral gri sogs de bzhin/ /phyis nas dkyil 'khor nang du ni/ /sngags pas cho ga bzhin bsgrubs la/ /las kyi cho ga mthong ba yis/ /sa gzhi dag par yang dag blta/ /slob ma rnams la phan 'dod pas/ /'bad pas dkyil 'khor kun tu bri/ /kun nas khru tshad lnga yin te/ /khyams kyis so sor rnam par brgyan/ /rta babs rnam par btsugs </font><hr>451b<br><font size=+1>


pa ni| |nub kyi sgo ni bsgom par bya/ /sgo yi las ni 'jigs med par/ /byang phyogs kyi ni rab tu bya/ /gzhan du gang zhig rab byed na/ /ring por mi thogs nges par brlag / sngar gyi bzhin du cho ga yis/ /gru bzhi ru ni thig gdab bya/ /sgo khyud dang ni khyams dang ldan/ /snam bus kyang ni yang dag brgyan/ /de nas sngags pas dbus kyi char/ /ral gri phyag rgya gzugs bzang ldan/ /me yi dkyil 'khor dbus su ni/ /rin chen rdo bar legs par gnas/ /'bar ba'i phreng ba gzi brjid 'khrigs/ /nyi ma 'char ka'i 'od dang mtshungs/ /rang gi sa bon sa bon gyis/ /rdzogs pa'i sangs rgyas bsgom bya bri/ /'di ni byin gyis brlab pa'i sngags/ /na maH sarba ta thA ga te b+h+yaH/ sarba bi shwa mu khe b+h+yaH/ he he he| A dz+nyA pa ri mArga Na A gats+tsha b+ha ga wA na shI g+hAM swAhA/ de yi byang du bri ba ni/ /bum pa rdo rje mtshan ma can/ /zhi ba 'bar ba'i phreng bas 'khrigs/ /'jig rten gtso bo de rang bzhin| |lho yi phyogs su mgon po yi/ /rdo rje 'bad pas bri bar bya/ /me yi dkyil 'khor dbus su ni/ /phyag na rdo rje blo ldan gnas/ /dbang ldan phyogs la brten nas ni/ / mdzes pa'i gzugs brnyan phyag rgya bri/ /rin chen rdo bar bzhugs shing 'bar/ /yid bzhin nor bu zhes su bshad/ /khro rgyal phyag rgya rtul phod rol/ /steng du pad+ma bris </font><hr>452a<br><font size=+1>


@#/ /nas ni| |sangs rgyas thams cad de ru bzhugs/ /me yi phyogs la brten nas ni/ /rab tu 'bad pas rdo rje bri/ /'bar ba'i phreng ba 'jigs su rung // pad+ma la ni rab tu bzhugs/ /blo dang ldan pas 'og tu ni/ /khro bo'i rgyal po mngag gzhug bri/ /rdo rje rdo ba'i steng du gnas/ /rdo rje 'bar bas yongs su bskor/ /rlung gi dkyil 'khor dbus son par/ /rtag tu 'bar bas 'khrigs pa yi/ /zhags pa'i phyag rgya de la bri/ /de nas gnyis pa'i cha la ni/ /pho nya mo ni kun nas bri/ /brtan pa zhes bya'i pho nya mo| |byang phyogs su ni yang dag gnas/ /chu yi dkyil 'khor la bzhugs par/ /mkha' gsod ma ni de la bri/ /lho yi phyogs su rnam 'jigs ma/ /nyi ma'i dkyil 'khor dbus na bzhugs/ /bgegs rnams kun nas 'jigs par byed/ /'jigs pa yi ni me ltar 'bar/ /'khor lo rdo ba'i steng du bri/ /de yi g.yog 'khor dag gi don// rab tu 'bad de bri bar bya/ /mkha' gsod ma ni snam bu la/ /gtun shing dang ni tho ba nyid/ /rab tu 'bad pas bri bar bya/ /slar yang nub phyogs su son par/ /bcom ldan ma ni 'jigs pa bri/ /mdzod spu zhes ni bshad pa yi/ /phyag rgya shar gyi cha la bri/ /lha mo pad dkar steng na bzhugs/ /rin chen phreng bas rnam par brgyan/ /de ltar kun nas </font><hr>452b<br><font size=+1>


de la ni| |sngags pas phyag rgya dge ba'i tshogs/ /rang gi sa bon nges sbyar bas/ /dkyil 'khor mchog gi rmad du byung / /sngags pas 'di kun cho ga bzhin/ /dri dang me tog sogs dge mchod/ /de nas phyag na rdo rjes byin gyis brlab pa'i ngag gsungs pa/ lag pa thal mo sbyar nas ni/ /sor mo gung gi nang nyid du/ /dpal ldan phyag rgya 'di 'chang ba/ /pad+ma'i mdzod ces mngon par bshad/ /skyob pa thams cad mngon sum du/ /dkyil 'khor byin gyis brlab par byed/ /sngags ni/ 'di'o/ /na maH sarba ta thA ga te b+h+yaH/ sarba mu khe b+h+yaH/ hUM hUM/ baH baH maM maM swAhA/ sngags 'dis phyag rgya dang ldan par spyan drang pa dang gshegs su gsol pa la sogs pa cho ga bzhin du bya'o/ /'di ni/ 'jam dpal gyi dkyil 'khor gyi rgyal po chen po ste/ bstan pa bsrung ba'i phyir dang / dam pa'i chos gnas pa dang / sems can rnams bsrung ba'i phyir mchog tu gsang ba'i mi g.yo mgon po sangs rgyas thams cad kyis gsungs so/ /gang 'dir zhugs nas phyogs na phyag rgya'i ye shes legs par bslabs na/ rgyud thams cad kyi gsang ba'i snying po'i dkyil 'khor mchog tu zhugs pa yin no/ /'jam dpal gyi dkyil 'khor 'di su la yang bshad par mi bya'o/ /de ci'i slad du zhe na/ dkyil 'khor 'di ni/ mchog tu gsang ba yin pas so/ /sngags pas gang </font><hr>453a<br><font size=+1>


@#/ /zhig gzhan du byed/ /dkyil 'khor cho ga nyams pa yis/ /slob ma dang bcas gdon mi za/ /the tshom med par brlag par 'gyur/ /de nas 'jam dpal gyi dkyil 'khor 'dir zhugs pas mtshams bcing bar bya ste/ gzhan du ma yin no/ /slob dpon gyis dkyil 'khor bris te zhugs nas tsham ngam gyi las rnams la slob ma sbyar bar bya'o/ /de nas phyag na rdo rjes slar yang 'jam dpal gzhon nur gyur pa la 'di skad ces gsungs so/ /'jam dpal/ nyon cig /stobs dpag tu med pas pha rol gnon pa'i ras bris kyi cho ga ni/ rin lhag pa bcal ba'i ras skra la sogs pa dang bral ba blangs te khro bo'i rgyal po dpa' bo gcig pa/ lag pa g.yas pa bteg pa/ zhabs g.yas pa steng du bteg pa/ zhabs g.yon pa yang gyen du bsgreng ba/ phyag g.yon pa sdigs mdzub kyis bsdigs par mdzad pa/ zhal rnam par mi sdug pa nang steng du 'bar bar gnas pa/ de bzhin gshegs pas steng nas phyag gnyis kyis dbugs 'byin par mdzad pa/ me tog rgyal po ni/ byang du'o/ /g.yas su ni/ bcom ldan 'das rnam par snang mdzad/ 'og tu ni/ sgrub pa pos sbos kyi snod kyis lag pa bsgrengs pa khro bo'i rgyal po la blta ba bri'o/ /'jam dpal/ mi g.yo mgon po 'di ras bris kyi cho ga sems can rnams la phan </font><hr>453b<br><font size=+1>


par 'dod pas bdag gis bshad do/ /'jam dpal/ mi g.yo mgon po'i sgrub thabs kyi cho ga gang thabs sla bas dngos grub chen po thob pa nyon cig /'dir dang por re zhig sngags kyi sgor byang chub sems dpa'i spyad pa spyod pa'i byang chub sems dpas ri la sogs pa yid dga' ba'i gnas rnams su gcig pu slong mo za zhing ras bris 'di'i spyan sngar bsnyen ba 'bum phrag gcig bya'o/ /de nas ri rtse'i zom la gnas bcas te 'bum phrag gsum bzlas pa bya'o/ /de nas nya la ji ltar 'byor pa'i mchod pa byas nas mtshan rangs par bzlas pa bya'o/ /nad par tho rangs sam nyi ma shar nas mtshan ma rnams 'byung ste/ nyi ma 'gyur ldog byed cing mun par yang 'gyur ro/ /phyogs bzhir ha ha zhes sgrog pa'i sgra chen po thos par 'gyur ro/ /khro bo'i rgyal po'i me tog gi chun 'phyang g.yo bar 'gyur ba dang / sa gzhi g.yo zhing 'brug gi sgra chem chem sgrog pa dang / rig pa 'dzin pa rnams kyis me tog gi char 'bebs so/ /'di'i drung du khro bo'i rgyal po chen po rang nyid lha thams cad dang klu la sogs pas bskor nas 'byon no/ /de'i dus su dmyal ba'i sdug bsngal rab tu zhi bar 'gyur ro/ /de nas yon chab phul te phyag byas nas gnas par bya'o/ /de nas khro bo'i rgyal po gsung bar 'gyur te/ bu gcig mchog sbyin par bya'o </font><hr>454a<br><font size=+1>


@#/ /zhes pa dang / rig pa 'dzin pa'am/ rgyal po'am/ mi snang ba'am/ gang 'dod pa de bslang bar bya'o/ /gal te rig 'dzin du gyur na/ /brgyad gnyis lo lon pa'i cha byad phyag na ral gri thogs pa/ lha'i bzhon pa la bcibs pa/ rig pa 'dzin pa mang pos bskor ba/ rig pa 'dzin pa thams cad kyis bkur sti chen pos phyag byed pa/ sangs rgyas kyi zhing khams mang pos bskor ba/ sangs rgyas bcom ldan 'das rnams kyis mchod pa byed par 'gyur te/ bskal par 'tsho bar 'gyur ro/ /yang na mig sman sgrub par 'dod na/ lig bu mig dang / ut+pal sngon po dang / ru rta rnams gcig tu byas nas zangs kyi snod du bcug ste zla ba gzas zin pa na ji srid du ba byung ba de srid du bzlas pa bya'o/ /de mig la bskus na/ 'dod pa'i khams su mi snang bar 'gyur ro/ /de nas ral gri sgrub par 'dod na/ ral gri chag gas med pa thogs te mar ngo'i brgyad dam bcu bzhi la ras bris la mchod pa rgya chen po byas nas srung ba'i ral gri lag pa g.yas su thogs pa la ji srid du 'phro bar 'gyur ba de srid du bzlas pa bya'o// 'bar ba'am 'phro ba na rang gcig pu rig pa 'dzin par 'gyur ro/ /'bar bas ni/ rig pa 'dzin pa'i rgyal por 'gyur ro/ /thogs pa med pas pha rol gyi stobs gnon </font><hr>454b<br><font size=+1>


pa gang gi drung du mthong na mthong de dang ba thob par 'gyur ro/ /de nas rdo rje 'dzin pa sgrub par 'dod na/ khro chu'i lcags kyi rdo rje sor bcu drug pa ngos gnyis ka rtse gsum pa tsan+dan dmar pos byugs la cho 'phrul gyi zla ba'i tshes gcig nas brtsams te ras bris la mchod pa rgya chen po byas la nyi ma re re bzlas pa bya'o/ /de nas nya la mchod brgya chen po byas nas mar me brgya tham pa sbar te ku sha'i chun po la nye bar 'dug la rdo rje lag pa gnyis kas bzung nas ji srid 'bar ba de srid du bzlas nas de bzung bas 'khor dang bcas pa rig pa 'dzin pa'i 'khor los bsgyur ba thob par 'gyur ro/ /de ltar 'khor lo dang mdung la sogs pa'i mtshon cha rnams dang / gos dang / mchil lham dang / tshangs skud la sogs pa rtog pa gzhan gyi cho ga yang bsgrub par bya'o/ /snga ma bzhin du dngos grub gsum 'byung ngo / /de nas nor sgrub par 'dod na/ seng ldeng gi yam shing rnams zho dang mar gyis sbags nas stong phrag brgyad sreg blugs byas na/ nor stsol bar 'gyur ro/ /rgya mtshor 'bab pa'i 'gram du song nas tsan+dan gyis sbags pa'i pad+ma rnams stong phrag brgyad cu chu bo la bskur na/ pad+ma'i phung po dang mnyam pa'i nor thob par 'gyur ro/ /lha dbang du bya bar 'dod na/ a ga ru'i yam shing rnams zho dang sbrang rtsi dang mar </font><hr>455a<br><font size=+1>


@#/ /gyis btags nas bsreg blugs byas na dbang du 'gyur ro/ /gsum po des btags pa'i 'bras bsregs na/ sngags mi zad par 'gyur ro/ /gnod sbyin dbang du bya bar 'dod na/ mngar gsum gyis btags pa'i gu gul gyi ril bus sreg blugs bsregs pas dbang du 'gyur ro/ /mya ngan med kyi yam shing gis ni/ gnod sbyin mo dbang du 'gyur ro/ /rgyal po la yungs kar gyi sreg blugs byas na/ rgyal po dbang du 'gyur ro/ /rgya mtshor 'bab pa'i chu klung gi 'gram du song nas pad+ma 'bum phrag gcig sbyin sreg byas na/ dpal 'dus nas nor stsol ba'am yul phyogs gcig pa'i rgyal srid ster ro/ /de nas 'bum phrag gsum byas nas byin na/ sa steng gi bdag por 'gyur ro/ /'bum phrag lnga byin na/ 'dzam bu gling gi bdag por 'gyur ro/ /lha ma yin gyi bu ga'i sgor ras ris bzhag nas 'bum phrag gsum bzlas na/ sngags thams cad 'byung ste/ dogs pa med par zhugs na bcud kyis len la sogs pa 'byung bar 'gyur ro/ /de nas de nyid du gnas na khyab 'jug gi 'khor lo'i 'jigs pa 'byung ngo / /yar ngo'i tshes gcig nas brtsams te dzA ti'i me tog stong phrag brgyad du bcom ldan 'das kyi zhabs kyi mthe bor reg par bya'o/ /ji srid du zhabs kyi mthe bong las 'od zer byung </font><hr>455b<br><font size=+1>


gi bar du btags na/ sgrub pa po'i lus de ma thag tu mi snang zhing dbu skra lcang lo 'khyil bar 'gyur ro/ /'khor dang bcas pa 'dzin pa'i rgyal po thob par 'gyur te/ bskal par gnas so| |sa la pad+ma 'dab ma brgyad pa gcig bris te/ de'i steng du 'dug nas stong phrag brgya bzlas nas gzhi gar gnas pad+mar gnas te/ 'khor stong dang ldan pa bskal par gnas so/ / de nas gtor blang bar 'dod na/ gang na gter yod pa de ru bum pa skud pa nag pos dkris la tsan+dan gyis byugs la chus bkang ste stong phrag brgyad du mngon par bsngags nas der gzhag par bya'o/ /sa de gas nas chus sa la gtor la khru gang tsam sa la brkos te blang bar bya'o/ /de nas seng+ge sgrub na/ grog mkhar gyi sa la seng+ge byas la gi wang gis byugs la dkyil 'khor du bzhag ste mchod pa chen po byas la ji srid du g.yo ba'i bar du bzlas na seng+ger 'gyur te rgyab tu zhon pas skra li ba 'khyil bar 'gyur zhing bdag nyid snga ltas thob nas lo khri phrag gcig tu 'tsho'o/ /'jam dpal/ 'phags pa mi g.yo ba'i rtog pa gsungs pa'i cho ga 'di bsgrubs na/ de ni/ myur bar 'gyur ro/ /bcom ldan 'das kyi de skad ces bka' stsal nas thams cad dang ldan pa'i 'khor de dag thams cad bcom ldan 'das kyis gsungs pa la mngon par bstong de rjes su yi rang nas stan las langs nas </font><hr>456a<br><font size=+1>


@#/ /song ngo / /'phags pa khro bo'i rgyal po chen po mi g.yo ba de bzhin gshegs pa thams cad kyi stobs dpag tu med pas pha rol gnon pas 'dul bar gsungs pa zhes bya ba'i rtog pa rdzogs so// //mi nyag rgyal po'i bka' lung gis rgya gar gyi mkhan po u pa sh+ma rak+Shi ta'i zhal snga nas lo tsA ba glan dge slong d+harma blo gros kyis bsgyur cing zhus te dge slong yon tan rdo rjes gsol ba btab pa'o// //phyis su'ang chos kyi rgyal po bkra shis rab brtan dpal bzang po'i bkas bskul ba bzhin/ lo ts+tsha ba dge slong chos skyong bzang pos rgya'i dpe la legs par gtugs te gtan la phab pa dang / slar yang mi'i dbang po chen po bkra shis rab brtan sog po 'phags kyi zhal snga nas kyi sku ring la dge slong A nand mang+ga laM gyis dpal 'khor sde chen gyi gtsug lag khang du pi kra ma la shI la'i gtsug lag gi rgya dpe la gtugs nas mi 'chos su mi rung ba rnams legs par bcos te dag par bgyis pa'o/// </font><hr>

</table>