H461

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H461</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H461&coll=lhasa">see text in Tibetan script</a></table>122a<br><font size=+1>


//rgya gar skad du/ AR+Ya gu h+ya ma Ni ti la ka </font><hr>122b<br><font size=+1>


nA ma sU tra/ bod skad du/ 'phags pa gsang ba nor bu thig le zhes bya ba'i mdo/ /bla ma dang 'jam pa'i dbyangs kyi zhabs kyi rdul rnyog pa med pa la gus par phyag 'tshal lo/ / 'di skad bdag gis thos pa dus gcig na/ bcom ldan 'das de bzhin gshegs pa thams cad kyi rdo rje'i byin gyis brlabs pa'i dam tshig gi ye shes rnam pa sna tshogs pa khyad par du 'phags pa dang ldan pa/ de bzhin gshegs pa thams cad kyi rin po che'i cod pan khams gsum pa'i chos kyi rgyal por dbang bskur ba brnyes pa/ de bzhin gshegs pa thams cad kyi phyag rgya thams cad legs par khong du chud pas las sna tshogs mdzad pa/ ma lus shing lus pa med pa'i sems can gyi khams kyi bsam pa thams cad yongs su rdzogs par mdzad pa/ thugs rje chen po rnam par snang mdzad rtag pa dus gsum gyi dam tshig la rnam par gnas pa'i sku/ de bzhin gshegs pa thams cad kyi sku dang / gsung dang / thugs rdo rje de bzhin gshegs pa thams cad kyis bsten cing bstod pa'i nor bu rin po che chen po'i rtse mo'i khang pa brtsegs pa/ kha dog rnam par bkra ba'i dril bu dang ldan pa/ rlung gis bskyod pa'i dar gyi ba dan dang / me tog gi chun po dang / dra ba dang / dra ba phyed pa dang / zla bas nye bar mdzes pa'i 'og min gyi lha'i rgyal po'i khang bzang na </font><hr>123a<br><font size=+1>


@#/ /bzhugs so/ /byang chub sems dpa' bye ba phrag dgu bcu rtsa dgu dang thabs cig pa la 'di lta ste/ byang chub sems dpa' phyag na rdo rje dang / spyan ras gzigs dbang phyug dang / nam mkha'i snying po dang / rdo rje khu tshur dang / byang chub kyi sems bskyed pa dang ldan pas chos kyi 'khor lo rab tu bskor ba dang / nam mkha' mdzod dang / bdud kyi stobs thams cad rab tu 'joms pa dang / 'jam dpal gzhon nur gyur pa dang / byang chub sems dpa' kun tu bzang po dang / de dag la sogs pa byang chub sems dpa' bye ba phrag dgu bcu rtsa dgu dang / gang+ga'i klung gi bye ma snyed kyi de bzhin gshegs pa gzhal du med cing bgrang ba las 'das pa'i de bzhin gshegs pa rnams kyis 'di lta ste/ dper na/ til gyi gang bu ltar dzam+bu'i gling yongs su gang bar mthong ngo / /de bzhin gshegs pa'i sku re re las kyang gzhal du med cing grangs las 'das pa'i de bzhin gshegs pa'i zhing mthong bar gyur cing sangs rgyas kyi zhing de dag thams cad na yang chos kyi tshul 'di nyid ston par mdzad do/ /de nas bcom ldan 'das rnam par snang mdzad nam mkha'i khams thams cad la sku dang / gsung dang / thugs rdo rje rtag tu bzhugs pa/ de bzhin gshegs pa thams cad kyis yang dag par bgrod pa'i rdo rje'i dbyings </font><hr>123b<br><font size=+1>


thams cad thugs su chud pa'i ye shes sems dpa' nam mkha'i dbyings thams cad kyi rdul rdo rjes byin gyis brlabs pa las byung ba'i ye shes kyi snying po nam mkha'i khams thams cad la 'phro ba'i rang bzhin gyis de bzhin gshegs pa thams cad kyi ye shes mngon par yongs su mkhyen pa/ de bzhin gshegs pa thams cad kyi bdag gi rang bzhin dag pas chos thams cad ngo bo nyid rnam par dag pa/ nam mkha' thams cad la khyab pa'i gzugs thams cad legs par gzigs pa'i ye shes kyis ma lus shing lus pa med pa'i sems can gyi khams 'dul ba'i spyod pa'i mchog tu gyur pa/ de bzhin gshegs pa thams cad kyi don yod pa'i ye shes mdzad pa dang ldan pas de bzhin gshegs pa thams cad kyi byang chub chen po'i thugs/ de bzhin gshegs pa thams cad 'gugs pa'i dam tshig /de bzhin gshegs pa thams cad rjes su chags pa'i ye shes kyi dbang phyug dang / de bzhin gshegs pa thams cad kyi legs pa dang / de bzhin gshegs pa thams cad kyi rin po che chen pos dbang bskur ba'i rin po che dang / de bzhin gshegs pa thams cad kyi nyi ma'i 'od zer gyi dkyil 'khor dang / de bzhin gshegs pa thams cad kyi yid bzhin gyi nor bu chen po'i rin po che'i tog dang / de bzhin gshegs pa thams </font><hr>124a<br><font size=+1>


@#/ /cad kyi bzhad gad chen po dang / de bzhin gshegs pa thams cad kyi dag pa chen po'i chos dang / de bzhin gshegs pa thams cad kyi shes rab dang / ye shes chen po dang / de bzhin gshegs pa thams cad kyi 'khor lo chen po dang / de bzhin gshegs pa thams cad kyi rdo rje'i gsung chen po dang / de bzhin gshegs pa thams cad kyi las sna tshogs pa dang / de bzhin gshegs pa thams cad kyis srung ba dang / de bzhin gshegs pa thams cad kyis yongs su skyong ba'i rdo rje gnod sbyin dang / de bzhin gshegs pa thams cad kyi sku dang / gsung dang / thugs rdo rje'i dgongs pa phyag rgya thams cad kyi ye shes dang ldan pa ste/ kun tu bzang po don yod pa/ /'chi med rab tu dga' ba'i gtso/ /nam mkha'i snying po gzi brjid che/ /rin chen tog ste cher 'dzum pa/ /spyan ras gzigs dang dbang phyug chen/ /'jam dpal kun gyi snying po dang / /brjod bral sna tshogs pa yi las/ /dpa' bo gtum po dam por 'dzin/ /rdo rje lcags kyu mda' tshim pa/ /rin chen nyi ma rgyal mtshan 'dzum/ /chos mdzod mdzes pa'i 'khor lo gsung / /las dang chos dang 'jigs byed 'dzin/ /thog ma tha ma med zhi ba/ /ma rungs khro dang bzod pa che/ /gnod sbyin srin po dam pa brtan/ /gzi chen dpa' bo khyab bdag </font><hr>124b<br><font size=+1>


che| |u ma'i bdag po skye rgu'i mgon/ /'jug sred rgyal 'dod thub pa che/ /'jig rten skyong dang mkha' dang sa/ /'jig rten gsum dang khams gsum pa/ /'byung chen sems can don rab mdzad/ /thams cad sems can pha chen po/ /'khor ba mya ngan 'das dang brtag/ yang dag mtsho dang mchod chen po/ /sangs rgyas dag pa theg pa che/ /srid pa gsum po'ang de bzhin no/ /de dag la sogs pa'i yon tan bye ba brgya stong du ma dang ldan pa'i byang chub sems dpa' bye ba brgya stong phrag du mas yongs su bskor te dkyil 'khor chen po de la bzhugs nas chos ston par mdzad do/ /de nas byang chub sems dpa' chen po phyag na rdo rjes de bzhin gshegs pa thams cad kyi bdag po bcom ldan 'das rnam par snang mdzad kyi spyan sngar zla ba'i dkyil 'khor la brten te 'khod nas thog ma dang tha ma med pa'i bcom ldan 'das la gsol pa/ bcom ldan 'das/ mchog tu gsang ba chen po'i thig le zhes bgyi ba'i ting nge 'dzin gyi khyad par bka' stsal du gsol/ gang gis sems can rnams la gsang ba'i de kho na nyid dam tshig de bdag gis bshad par bgyi lags so/ /de nas bcom ldan 'das de bzhin gshegs pa thams cad kyi bdag po rnam par snang mdzad chen pos gsang ba'i bdag po lag na rdo rje la 'di skad ces bka' stsal pa/ </font><hr>125a<br><font size=+1>


@#/ /lag na rdo rje/ gsang ba'i dam pa gang gis sems can thams cad nges par bla na med pa yang dag par rdzogs pa'i byang chub thob par 'gyur ba de bshad par bya'o/ /de nas byang chub sems dpa' chen po lag na rdo rjes yang bcom ldan 'das la gsol pa/ bcom ldan 'das/ de bzhin gshegs pa thams cad kyi bdag po gang gis bdag gsang ba'i bdag por 'gyur ba bka' stsal du gsol/ de nas de bzhin gshegs pa de dag thams cad bcom ldan 'das rnam par snang mdzad gyi thugs kar zhugs par gyur to/ /de nas bcom ldan 'das de bzhin gshegs pa thams cad kyi bdag pos de bzhin gshegs pa de dag thams cad mi phyed par mdzad de| de bzhin gshegs pa'i sku de dag thams cad dang mi phyed par gyur nas bcom ldan 'das rdo rje sems dpa' de nyid la ched du brjod pa 'dis ched du brjod pa/ e ma'o bdag ni thabs chen po/ /rab tu gsang ba thig le yi/ /ting 'dzin gang phyir grub pa yang / /gsang ba nyid ni zhu bar byed/ /de nas bcom ldan 'das kun tu bzang po chen po bcom ldan 'das kyi thugs ka nas thon nas phyag tu 'khod par gyur pas yang bcom ldan 'das la 'di skad ces gsol to/ /bcom ldan 'das/ rab tu gsang </font><hr>125b<br><font size=+1>


ba'i thig le zhes bgyi ba ci lags/ de nas bcom ldan 'das de bzhin gshegs pa thams cad kyi bdag pos byang chub sems dpa' chen po phyag na rdo rje la 'di skad ces bka' stsal to| |lag na rdo rje/ rab tu gsang ba'i thig le 'di ni/ mchog tu gsang ba'o/ /ches shin tu gsang ba'o/ /de bzhin gshegs pa thams cad skyed pa'o/ /de bzhin gshegs pa thams cad nyid sbyin pa'o/ /de bzhin gshegs pa thams cad brtan par byed pa'o/ /de bzhin gshegs pa thams cad kyi bde ba dang / yid bde ba rjes su rig pa'i don du de bzhin gshegs pa thams cad kyi thugs su byon pa'o/ /de bzhin gshegs pa thams cad kyi yab bo/ /de bzhin gshegs pa thams cad kyi yum mo/ /'di ni/ gsang ba'i mdzod do/ /'di nyid pad+ma'o/ /'di nyid rdo rje'o/ /'di nyid dam tshig ste/ de nyid kyis na lag na rdo rje/ dam tshig mi shes pa'i mdun du smra bar mi bya'o/ /de'i phyir lag na rdo rjes ngas 'ga' yang ma bshad do/ /de nas byang chub sems dpa' chen po lag na rdo rjes slar yang bcom ldan 'das la 'di skad ces gsol to/ /bcom ldan 'das/ ci'i phyir gang 'ga' zhig la smra bar bgyi| de nas bcom ldan 'das rnam par snang mdzad kyis byang chub sems dpa' lag na rdo rje la legs so zhes bya ba gnang ste/ legs so rdo rje sems dpa' khyod/ /rdo rje </font><hr>126a<br><font size=+1>


@#/ /rin chen khyod legs so/ /legs so rdo rje chos khyod kyis/ /rdo rje las khyod rab legs so/ /mdo sde 'di ni legs bshad pa/ /rdo rje theg pa bla na med/ /de bzhin gshegs pa kun gyi gsang / /theg pa chen po mdor bsdus pa/ /dag pas rnam par bsgrubs tsam gyis/ /bde blag tu ni sangs rgyas thob/ /bde ba zad med mi zad pa| |skye ba 'di la 'grub par byed/ /ces so/ /lag na rdo rje/ des na shin tu gsang ba'i thig le las kyang mchog tu gsang ba zhes bya ba theg pa chen po'i mdo sde 'di legs bar sba bar bya/ sems can gang kha cig nye bar skrag pa dang bcas pa yod la/ gang kha cig dang pa dang ldan pas theg pa chen po glang po che'i phrag tu zhon pa dag yod do/ / de dag las dang po la ni/ gsang sngags dang phyag rgya dang gsang ba thams cad bshad par mi bya zhing gsang ba thams cad bstan par mi bya'o/ /dad pa can dkyil 'khor chen por dbang bskur pa thob pa dag la de dag thams cad bshad par bya'o/ /legs par gsang ba'i ting nge 'dzin gyi thig le 'di ni/ ches shin tu gsang ba rab tu gnas pa'i slob dpon la bshad par bya'o/ /gang zhig rgyud 'di bshad pa tsam na sems can dad pas rjes su 'brang ba dang / gang dag ches shin tu dga' ba skye ba de </font><hr>126b<br><font size=+1>


dag ni| sngon gyi sangs rgyas rnams kyis lung bstan par shes par bya'o/ /de dag la 'bad pas gdams pa dang bcas pa bstan par bya'o/ /sems can gang kha cig nyan thos kyi theg pa dang ldan pa de dag la lo rgyus tsam yang mi bya'o/ /de nas byang chub sems dpa' chen po lag na rdo rjes yang bcom ldan 'das la 'di skad ces gsol to/ /bcom ldan 'das| ci'i phyir de dag la lo rgyus tsam yang mi bgyi/ de nas bcom ldan 'das de bzhin gshegs pa thams cad kyi bdag pos lag na rdo rje la 'di skad ces bka' stsal to| |lag na rdo rje nyon cig /sems can de dag gis lha'i ris ma mthong zhing dam tshig la rab tu snod par byed pa de dag la gal te smras na/ lo rgyus tsam gyis kyang dmyal bar rab tu ltung bar 'gyur ro/ /de nas bcom ldan 'das la lag na rdo rjes 'di skad ces gsol to/ /bcom ldan 'das/ bdag gis kyang rdo rje kun nas 'bar rab tu 'bar zhing me lce gcig tu gyur pa 'dis rigs thams cad sreg par byed do/ /bcom ldan 'das/ de dag ni/ tshul bzhin ma yin par 'chi ba'i dus bgyid par bgyi'o/ /zhes so/ / des yang byang chub sems dpa' chen po lag na rdo rjes bcom ldan 'das la 'di skad ces gsol to/ /bcom ldan 'das/ bdag gis nyan thos kyi theg pa de dag gi nang du </font><hr>127a<br><font size=+1>


@#/ /bshad par mi bgyi lags na/ de ci'i phyir bcom ldan 'das kyis shin tu ches gsang ba'i thig le zhes bya ba theg pa chen po'i snying po dkyil 'khor chen po'i dam tshig ji srid bde ba dang / yid bde ba thams cad bskyed pa'i don du bka' stsal du gsol/ de nas bcom ldan 'das de bzhin gshegs pa thams cad kyi bdag po rnam par snang mdzad chen pos spro ba'i sbyor ba'i dpa' bo'i ting nge 'dzin gyis de bzhin gshegs pa de dag thams cad gcig tu mdzad do/ /de nas bcom ldan 'das de bzhin gshegs pa thams cad kyi bdag pos ting nge 'dzin de las bzhengs nas de bzhin gshegs pa thams cad spyan 'dren pa dam tshig rdo rje zhes bya ba'i ting nge 'dzin gyi khyad par du ma la mnyam par bzhag nas de bzhin gshegs pa thams cad spyan 'dren pa'i dam tshig ma lus shing lus pa med pa sems can gyi khams thams cad 'gugs pa/ bde ba dang yid bde ba bskyed pa'i don du ji srid ting nge 'dzin dam pa 'grub pa'i don du byang chub sems dpa' sems dpa' chen po lag na rdo rje la bka' stsal pa/ so so'i sgrub pa'i thabs rgya che bas mdor bsdus te/ cho ga rgyas par gyur pa ni/ lag na rdo rje/ dang po re zhig sngags pas lag pa gnyis a'i rnam </font><hr>127b<br><font size=+1>


pa las zla ba'i dkyil 'khor du bsam par bya'o/ /a'i rnam pa de dri ma med pa'i gzugs la dkar ba bdud rtsi'i rang bzhin can te/ de nyid yongs su gyur pa las zla ba'i dkyil 'khor ro/ /de nas byang chub sems dpa' chen po lag na rdo rje lho phyogs kyi zla ba'i dkyil 'khor la 'khod par gyur nas bcom ldan 'das de bzhin gshegs pa thams cad kyi bdag po la gsol pa/ bcom ldan 'das/ ci'i phyir lag pa gnyis zla ba'i dkyil 'khor du blta bar bgyi/ de nas bcom ldan 'das de bzhin gshegs pa thams cad kyi bdag pos de bzhin gshegs pa thams cad kyi dam pa grub pa zhes bya ba'i ting nge 'dzin la snyoms par zhugs nas byang chub sems dpa' lag na rdo rje la bka' stsal pa/ 'dir lag pa gnyis zla ba la rdo rje phra mo nas kyi tshad tsam dkar po 'od zer dang ldan pa sngags 'dis bsgom par bya ste/ hUM/ de nas byang chub sems dpa' chen po lag na rdo rjes yang bcom ldan 'das la gsol pa/ bcom ldan 'das/ ji ltar 'tshal bar bgyi/ rdo rje des ci zhig bgyi/ de nas bcom ldan 'das rnam par snang mdzad chen pos lag na rdo rje la 'di skad ces bka' stsal to/ /lag na rdo rje nyon cig /rdo rje thal mo dam du bcings nas gsang sngags 'dis rang gi spyi bor dgrol bar bya'o/ /oM swa b+hA ba </font><hr>128a<br><font size=+1>


@#/ /bi shud+d+hAHsarba d+harmAHswa b+hA ba shud+d+honya haM/ de nas bdag nyid shel dag pa'i rang bzhin dri ma med cing gsal ba'i gzugs su sngags pas bsgom par bya'o/ / sangs rgyas dang byang chub sems dpa' thams cad bdag la dgongs su gsol/ bdag ming che ge mo zhes bgyi ba dus 'di nas bzung ste ji srid snying po byang chub la thug gi bar du| ji ltar dus gsum mgon po rnams/ /byang chub tu ni nges mdzad pa'i/ /byang chub sems ni bla na med/ /dam pa dag gis bskyed par bgyi/ /tshul khrims kyi ni bslab pa dang / /dge ba'i chos ni sdud pa dang / /sems can don byed tshul khrims gsum/ /so sor brtan por bdag gis gzung / /sangs rgyas chos dang dge 'dun te| |bla na med pa'i dkon mchog gsum/ /sangs rgyas rnal 'byor las skyes pa'i/ /sdom pa deng nas brtan por gzung / /rdo rje dril bu phyag rgya yang / /de nyid so sor gzung bar bgyi/ /slob dpon dag kyang gzung bar bgyi/ /rdo rje rigs mchog chen po la/ /sbyin pa rnam bzhi rtag tu sbyin/ /nyin re bzhin ni dus drug tu/ /rin chen rigs chen rnal 'byor gyi/ /dam tshig yid du 'ong ba 'o/ /byang chub chen po las byung ba'i/ /pad+ma'i rigs chen dag pa la/ /phyi nang gsang ba theg pa gsum/ /dam </font><hr>128b<br><font size=+1>


chos so sor gzung bar bgyi/ /las kyi rigs mchog chen po la/ /sdom pa thams cad ldan par ni/ /de nyid so sor gzung bar bgyi/ /mchod pa'i las kyang ci nus pas/ /las kyi rigs mchog chen po yi/ /byang chub sems ni bla na med/ /dam pa rab tu bskyed pa dang / /sems can kun gyi don gyi phyir/ /bdag gis sdom pa ma lus gzung / /ma bsgral ba rnams bdag gis bsgral/ /ma grol ba rnams bdag gis dgrol/ /dbugs ma phyin pa dbugs dbyung zhing / /sems can mya ngan 'das la 'god/ /de nas yang bcom ldan 'das rnam par snang mdzad de bzhin gshegs pa thams cad kyi bdag pos byang chub sems dpa' lag na rdo rje la 'di skad ces bka' stsal to/ /sdom pa bzung ste phyag rgya chen po la gnas nas sngags pas chos thams cad bdag med par bsgom par bya'o/ /'di dag thams cad phyi rol dang nang du rtog pas brtag pa las gzhan 'ga' yang mi gnas so/ /zhes de ltar snying la bzhag ste 'di skad ces/ 'du byed thams cad ni/ mi rtag cing rang bzhin gyis 'od gsal la gdod ma nas ma skyes pa nyid do/ /zhes brjod bar bya'o/ /de nas yang byang chub sems dpa' chen po phyag na rdo rjes bcom ldan 'das kyi mdun du zla ba'i dkyil 'khor la 'khod de bcom ldan 'das la gsol pa/ bcom </font><hr>129a<br><font size=+1>


@#/ /ldan 'das/ sems rang bzhin gyis 'od gsal ba ji ltar bsgom par bgyi ba cung zad bka' stsal du gsol/ de nas bcom ldan 'das de bzhin gshegs pa thams cad kyi bdag po rnam par snang mdzad chen pos sems so sor rig pa'i rgyal po zhes bya ba'i ting nge 'dzin la snyoms par zhugs te byang chub sems dpa' lag na rdo rje la 'di skad ces bka' stsal to/ /lag na rdo rje/ khyod kyis sems rang bzhin gyis 'od gsal ba de ni/ zla ba'i dkyil 'khor gyi rnam pa'i bdag nyid/ nam mkha'i dkyil ma lus pa khyab pa'i 'od kyi dkyil mdzes pa/ dpag tshad brgya stong las lhag pa/ a la sogs pa'i rnam pa'i yi ge/ a A/ i I/ u U/ r-i r-I/ l-i l-I/ e ai/ o au/ aM aH zhes bya ba de dag yongs su gyur pa las zla ba'i dkyil 'khor gyi rnam pa bsgom par bya'o/ /de nas byang chub sems dpa' chen po lag na rdo rjes bdag nyid zla ba'i dkyil 'khor gyi rnam par bsgoms pas bdag nyid zla ba'i dkyil 'khor gyi rnam par mthong ngo / /de nas bcom ldan 'das kyi g.yon gyi zla ba'i dkyil 'khor la 'khor de don yod grub pa'i gzugs su gnas so/ /yang bcom ldan 'das rnam par snang mdzad kyi thugs kar 'khod de ched du brjod pa 'dis ched du brjod pa/ e ma sangs </font><hr>129b<br><font size=+1>


rgyas thams cad kyis/ /thog med grub pa'i don yod bdag/ ji ltar zla ba'i dkyil 'khor te/ /bdag nyid zla ba'i dkyil 'khor gnas/ /de nas yang byang chub sems dpa' chen po lag na rdo rjes bcom ldan 'das kyi rgyab kyi zla ba'i dkyil 'khor la 'khod de bcom ldan 'das rnam par snang mdzad chen po la gsol ba btab pa/ zla ba'i dkyil 'khor de ji lta blta bar bgyi| de nas yang bcom ldan 'das de bzhin gshegs pa thams cad kyi bdag pos de bzhin gshegs pa thams cad kyi byang chub chen po'i zla ba zhes bya ba'i ting nge 'dzin la snyoms par zhugs nas ma lus shing lus pa med pa'i 'jig rten gyi khams rab tu rgyas pa'i tshad kyi de bzhin gshegs pa thams cad nyid kyi thugs kar zhugs par mdzad do| |zhugs nas kyang gcig tu mi phyed par gyur te/ nam mkha'i khams thams cad rab tu rgyas pa'i tshul du rnam par gnas so/ /byang chub sems dpa' sems dpa' chen po lag na rdo rje/ byang chub kyi zla ba de bshad par bya'o/ /zla ba de'i steng du bdag nyid byang chub kyi zla ba'i tshul du bsgom par bya ste/ shin tu dri ma med pa nam mkha' dang mtshungs pa'i gzugs/ rnam par rtog pa thams cad spangs pa'i mchog /gnas ngan len thams cad las rnam par grol ba/ bde ba dang yid bde ba thams cad myong ba'i don dang / </font><hr>130a<br><font size=+1>


@#/ /ji srid nam mkha' dang mnyam pa'i dri ma med pa sngon ma mthong ba'i zla ba lta bu ka la sogs pa'i gzugs kyis sangs rgyas kyi yon tan 'jug pa ste/ ka kha ga g+ha nga / tsa tsha dza dz+nya nya/ Ta Tha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha/ a laM k+ShaH/ ka la sogs pa'i yi ge 'di dag skar ma la sogs pa'i gzugs su zhugs te gcig tu mi phyed par gyur pa las zla ba'i dkyil 'khor nyid du bsam par bya'o/ /lag na rdo rje/ zla ba'i dkyil 'khor de la nam mkha'i khams thams cad rab tu rgyas pa'i tshad kyi rdo rje rtse mo lnga pa zhi ba 'od zer dang bcas pa bsgom par bya'o/ /de nas yang gsang ba'i bdag po lag na rdo rjes bcom ldan 'das la 'di skad ces gsol to/ /bcom ldan 'das| rdo rje de ji ltar bsgom par bgyi/ de nas bcom ldan 'das de bzhin gshegs pa thams cad kyi bdag po rnam par snang mdzad kyis de bzhin gshegs pa thams cad kyi sems rdo rje zhes bya ba'i ting nge 'dzin la snyoms par zhugs te/ de bzhin gshegs pa thams cad dang gcig tu mdzad nas byang chub sems dpa' chen po lag na rdo rje la bka' stsal pa/ lag na rdo rje/ rdo rje de sems dpa' rdo rje'i gzugs su bsgom par bya ste/ nam mkha'i khams thams cad rab tu rgyas pa'i tshad kyi rdo rje 'bar bas rnam </font><hr>130b<br><font size=+1>


par brgyan pa/ rgyan thams cad kyi rnam par klubs pa/ lus thams cad sangs rgyas kyi gzugs brnyan gyi tshul gyis gang zhing dang ba/ lag pa g.yon pas dril bu 'dzin pa/ g.yas pa'i lag pas rdo rje snying gar brten pa/ zhal cung zad bzhad par sngags pas bsam par bya'o/ /de nas yang bcom ldan 'das kyis lag na rdo rje la 'di skad ces bka' stsal to/ /sngags ni/ 'di yin te/ oM badz+ra At+ma konyahaM/ de nas yang bcom ldan 'das kyis lag na rdo rje la 'di skad ces bka' stsal to/ /de nas sems dpa' rdo rje'i gzugs de bzhin gshegs pa'i skur sngags pas sngags 'dis bsgom par bya ste/ oM ya thA sar+b+ba ta thA ga ta s+thA a haM/ de nas suM gyi yi ge las sngags pas ri rab bsams la steng dang 'og gi sgor suM dgod par bya'o/ /de nas hUM gi yi ge las khang pa brtsegs pa bsam par bya ste/ gru bzhi pa la sgo bzhi pa/ /rdo rje 'bar ba yang dag ldan/ /kha dog sna tshogs dag dang bcas| |sna tshogs ka bas nye bar mdzes/ /dra ba dra ba phyed pas spras/ /zla ba zla ba phyed pas spud/ /nor bu dang mu tig gi phreng bas nye bar mdzes pa/ rin po che'i rgyan du ma dang / dar dang / 'phan dang / me tog gi chun pos nye bar spud pa/ de dag la sogs pa'i yon tan gyis khyad par du 'phags pa'i khang pa brtsegs pa sngags pas bsam par bya'o/ /de nas bdag </font><hr>131a<br><font size=+1>


@#/ /nyid rnam par snang mdzad du byas te slar yang bdag nyid rdo rje sems dpa'i gzugs su gzugs brnyan gyi sbyor bas de bzhin gshegs pa thams cad kyis yongs su gang ba rdo rje'i phreng bas rnam par brgyan pa bsgoms te de nas hUM gi yi ge de nyid kyis rdo rje sems dpa'i lus kyi snying gar zla ba'i dkyil 'khor bsgoms la de nas rdo rje sems dpa'i yi ge bkod de rdo rje sems dpa' dang / yi ge de dag yongs su son pa las rdo rje rtse mo lnga pa zhi zhing dkar bar bsgom par bya'o/ /de nas yang byang chub sems dpa' chen po lag na rdo rjes bcom ldan 'das la gsol pa/ bcom ldan 'das/ rdo rje de ji ltar bsgom par bgyi/ de nas bcom ldan 'das de bzhin gshegs pa thams cad kyi bdag pos lag na rdo rje la 'di skad ces bka' stsal pa/ rdo rje de yongs su gyur pa las sna tshogs rdo rje bsgom par bya'o/ /de nas byang chub sems dpa' chen po lag na rdo rjes bcom ldan 'das la 'di skad ces gsol to/ /bcom ldan 'das/ bdag gis sna tshogs rdo rje 'khums lags so/ /de nas bcom ldan 'das rnam par snang mdzad kyis de bzhin gshegs pa thams cad skyed pa rdo rje zhes bya ba'i ting nge 'dzin la snyoms par zhugs nas lag na rdo rje la 'di skad ces </font><hr>131b<br><font size=+1>


bka' stsal pa/ lag na rdo rje nyon cig /rdo rje de nyid 'od zer dang bcas snyems pa dang bcas pa'i rdo rje sems dpa'i gzugs cung zad bzhad pa'i zhal ras dang phyag gnyis rdo rje gsor bar byed pa/ sangs rgyas lnga'i cod pan can/ steng na de bzhin gshegs pa thams cad kyi bdag po bzhugs pa/ dpral ba dang nye bar mi bskyod pa/ g.yas su rin chen 'byung ldan/ rgyab tu 'od dpag med pa/ g.yon pa'i drung du don yod grub pa can/ de lta bu'i yon tan gyi khyad par dang ldan pa rdo rje sems dpa'i gzugs su bsgom par bya'o/ /de nas byang chub sems dpa' chen po lag na rdo rjes de lta bu'i rdo rje sems dpa'i gzugs su bskyed nas slar yang bcom ldan 'das kyi spyan sngar 'dug ste bcom ldan 'das la 'di skad ces gsol to/ /bcom ldan 'das/ bdag nyid rdo rje sems dpa'i gzugs su mthong lags so/ /de nas bcom ldan 'das de bzhin gshegs pa thams cad kyi bdag pos byang chub sems dpa' sems dpa' chen po lag na rdo rje la lags so zhes gnang ba/ legs so rdo rje sems dpa' bo/ /rdo rje rin chen khyod legs so| |legs so rdo rje chos khyod kyis/ /rdo rje las ni khyod legs so/ /mdo sde 'di ni legs bshad pa/ /rdo rje theg pa bla na med/ /de bzhin gshegs pa kun gyi gsang / /theg pa </font><hr>132a<br><font size=+1>


@#/ /chen po mngon bsdus pa'o/ /zhes so/ /de nas bcom ldan 'das de bzhin gshegs pa thams cad kyi bdag po rnam par snang mdzad chen pos lag na rdo rje la 'di skad ces bka' stsal to/ /lag na rdo rje/ khyod la thams cad bshad par bya'o/ /de nas rdo rje thal mo sbyar nas brkyangs te sngags 'dis lag na rdo rje dbab pa bskyed par bya'o/ /oM badz+ra A be sha A be sha aH/ de nas rdo rje dbab pa bskyed nas sems dpa' rdo rje bcings la dam tshig bsgrag par bya ste/ sa ma ya s+t+waM/ de nas dam tshig byin la yi ge brgya pa brjod par bya ste/ oM tiSh+Tha badz+ra dr-i D+ho me b+ha ba/ a nu rak+to me b+ha wa/ su to Sh+yo me b+ha wa/ shA shwa to me b+ha wa/ hr-i da yaM me a d+hi tiSh+Tha/ sar+b+ba sid+d+hi m+me pra yats+tsha/ sar+b+ba kar+m+ma su tsa me tsit+taM shri yaHku ru hUM/ ha ha ha ha hoH/ b+ha ga wAn sar+b+ba taM thA ga to badz+ra mA me muny+tsa badz+ri b+ha wa badz+ra satwa AH/ de nas rdo rje khu tshur gyis rdo rje me tog spyi bor sngags 'dis gzhag par bya ste/ pra tIts+tsha badz+ra ho/ /sngags pas de me tog gi phreng bas bsam par byas la/ de nas phreng ba de blangs la sngags 'dis spyi bor bcing bar bya ste/ oM pra ti gr-ih+na s+t+waM i maM satwa mahA ba la/ de nas phreng ba de bzhin gshegs pa thams cad kyi ngo bor blta bar bya'o/ /de nas sngags 'dis </font><hr>132b<br><font size=+1>


gdod dbye bar bya ste/ oM badz+ra satwa sa yan+te AR+Ya tsak+ShUd g+ha Ta na ta ta pa ra u g+ha Ta ya te sar+b+ba tsak+Shu badz+ra tsak+Shur nu tA raM he badz+ra pa sh+ya/ de nas nam mkha'i dkyil na bzhugs pa'i de bzhin gshegs pa thams cad dang / byang chub sems dpa' thams cad mthong na/ de nas grub par shes par bya'o/ /gal te snang ba tsam mthong na yang des dngos grub la nye bar 'gyur ba yin no/ /de nas rdo rjes byin gyis brlabs pa'i dri'i chus sngags pas bdag la sngags 'dis dbang bskur bar bya ste/ badz+ra a b+hiSh+ny+tsi/ de nas pheg rdob gsum dang / se gol gdab par bya ste/ badz+ra tu Sh+ya hoH/ de nas sngags 'dis rdo rje blang ste/ oM AR+Ya a b+hi She ka ta stAM/ si bud+d+he badz+ra a b+hi She ka ta i daM te sarba bud+d+ha s+t+waM gr-ih+na badz+rAM su sid+d+ha ye/ de nas rdo rje sems dpa' rang nyid dam/ de bzhin gshegs pa ston par mdzad do/ /gal te slob dpon du gyur na/ de nas dam tshig gi phyag rgya dang sngags 'dis bdag nyid dbang bskur bar bya'o/ /eM badz+ra a d+hi pa ti s+t+waM a b+hiShiny+tsa mi tiSh+Tha badz+ra sa ma ya s+t+waM/ de nas bdag la phyag rgya 'di dang sngags 'dis dbang bskur te/ oM badz+ra satwa s+t+waM a b+hi Shiny+tsa mi badz+ra nA ma a b+hi Shi ka ta he badz+ra nA ma/ sems dpa' gang gi ming du gyur pa'i ming de la brjod par bya'o/ /de nas brtan par bya ba'i phyir brjod pa dang / </font><hr>133a<br><font size=+1>


@#/ /'di de sangs rgyas thams cad de/ /rdo rje sems dpa'i phyag na gnas/ /khyod kyis kyang ni rtag tu zungs/ /phyag na rdo rje'i brtul zhugs brtan/ /de nas dngos grub thams cad kyi de kho na nyid dbab pa bskyed par bya ste/ oM sar+b+ba ta thA ga ta sid+d+hi/ badz+ra e Sha s+t+waM d+hA ra yA mi badz+ra satwa hi hi hi hi hUM ho/ /de nas bdag la rdo rje sems dpa'i dam tshig brjod par bya ste/ oM ma hA satwa sa ma ya s+t+waM haM/ de nas de ltar byin gyis brlabs te slar yang yi ge brgya pa brjod par bya ste/ oM tiSh+Tha badz+ra sa ma ya s+t+waM/ oM sa ma ya satwa haM dr-i D+ho me b+ha ba/ su po Sh+yo me b+ha ba/ a nu rak+to me b+ha ba/ shA shwa to me b+ha ba/ hr-i da ya me a d+hi tiSh+Tha sar+b+ba sid+d+hi m+me pra yats+tsha/ sar+b+ba kar+m+ma su tsa me tsit+taM shri yeHku ru hUM/ ha ha ha ha ho/ /b+ha ga wA na sar+b+ba ta thA ga ta badz+ra mA me muny+tsa badz+ri b+ha ba badz+ra satwa aH/ de nas yang de bzhin du rdo rje sems dpa'i tshul du lag pa g.yon par dril bu/ lag pa g.yas par rdo rje snying kar bzhag la thams cad sngon gyi ji lta ba bzhin bsgoms te/ sgom pa'i rim pa des rdo rje sems dpa' nyid dam de bzhin gshegs pa nyid thob par 'gyur ro/ /'dis ting nge 'dzin thams cad dang / dga' ba zlos pa thams cad la sngags pas thog ma kho nar 'di ltar bsgoms te bya'o/ / </font><hr>133b<br><font size=+1>


gsang ba chen po rtog pa'i rgyal po rdo rje thig le las/ sems so sor rig pa la sogs pa rgyas pa rdzogs so// //de nas bcom ldan 'das de bzhin gshegs pa thams cad kyi bdag pos zla ba'i dkyil 'khor de la bzhugs nas dpa' bo'i ting nge 'dzin la zhugs te de bzhin gshegs pa dang / rdo rje sems dpa' dang / lag na rdo rje la sogs pa de dag thams cad nyid kyi thugs ka nas phyung ste/ de nas de'i rjes su de bzhin gshegs pa de dag thams cad kyis bcom ldan 'das rnam par snang mdzad chen po thog ma dang tha ma med pa la mtshan brgya rtsa brgyad pa 'dis gsol ba btab par gyur to/ /rdo rje sems dpa' sems dpa' che/ /rdo rje de bzhin gshegs pa kun/ /rdo rje dang po kun tu bzang / /phyag na rdo rjer phyag 'tshal bstod/ /rdo rje rgyal po blo bzang mchog /rdo rje lcags kyu de bzhin gshegs/ /don yod rgyal po rdo rje mchog /rdo rje 'gugs la phyag 'tshal bstod/ /rdo rje chags pa bde ba che/ /rdo rje mda' ste dbang du byed/ /'dod pa chen po rdo rje che/ /rdo rje gzhu la phyag 'tshal bstod/ /rdo rje sems dpa' sems dpa' mchog /rdo rje tshim par cher dgyes pa/ /rab dgyes rgyal po rdo rje mchog /rdo rje dgyes par phyag 'tshal bstod/ /rdo rje rin chen don bzang mchog </font><hr>134a<br><font size=+1>


@#/ /rdo rje nam mkha' nor bu che/ /nam mkha'i snying po rdo rje phyug /rdo rje snying por phyag 'tshal bstod/ /rdo rje gzi brjid cher 'bar ba/ /rdo rje nyi ma rgyal ba'i 'od/ /rdo rje 'od zer gzi brjid che/ /rdo rje sgron mar phyag 'tshal bstod/ /sems can don rab rdo rje tog /rdo rje rgyal mtshan legs tshim pa/ /rdo rje tog ste rdo rje che| |phyag 'tshal rdo rje sku khyod la/ /rdo rje gad mo gad rgyangs che/ /rdo rje 'dzum pa ngo mtshar che/ /dga' zhing rab dgyes rdo rje mchog /phyag 'tshal rdo rje dgyes khyod la| |sems can don rab rdo rje chos/ /rdo rje pad+ma legs dag pa/ /'jig rten dbang phyug rdo rje'i spyan/ /phyag 'tshal rdo rje spyan khyod la/ /rdo rje rnon po theg pa che/ / rdo rje mdzod de mtshon cha che/ /'jam dpal rdo rje zab mo ste/ /rdo rje blo gros khyod phyag 'tshal/ /rdo rje rgyu ste snying po che/ /rdo rje 'khor lo tshul chen po/ /rab bskor rdo rje las skyes pa/ /phyag 'tshal rdo rje rgyan khyod la/ /rdo rje smra ba rigs bzang mchog /rdo rje bzlas pa legs grub gsol/ /mi smra rdo rje dngos grub mchog /phyag 'tshal rdo rje gsung khyod la/ /rdo rje las rab rdo rje mtshan/ /las kyi rdo rje kun 'gro mdzes/ /rdo rje don yod cher yangs pa/ /sna tshogs rdo rje khyod phyag 'tshal/ /rdo rje srung ba </font><hr>134b<br><font size=+1>


brtan pa che/ /rdo rje chos te cher sra ba/ /'thab dka' shin tu dpa' ba'i mchog /rdo rje brtson 'grus khyod phyag 'tshal/ /rdo rje gnod sbyin thabs chen po/ /rdo rje mche ba cher 'jigs pa/ /bdud rab 'joms pa'i rdo rje drag /phyag 'tshal rdo rje gtum khyod la/ /rdo rje mtshams te legs bsnyen pa/ /rdo rje 'ching ba rab dgrol ba/ /rdo rje khu tshur dam tshig mchog /rdo rje khu tshur khyod phyag 'tshal/ /khyod kyi mtshan brgya rtsa brgyad pa/ /dge ba 'di ni gang 'dzin pa/ /rdo rje ming gi dbang la sogs/ /kun gyi dam pas dbang bskur ba'o/ /rdo rje 'dzin pa chen po yis/ /mtshan 'di rnams kyis yon tan tshogs/ /rtag tu dbyangs kyis bstod byed na/ /de yang rdo rje 'dzin pa mtshungs/ /mtshan brgya rtsa brgyad 'di dag gis/ /bdag cag rnams kyis mngon bstod pa'i/ /theg pa chen po mngon rtogs pa'i/ /tshul chen po ni rnam par spros/ /mgon po khyod la zhu ba bgyid/ / cho ga dam pa gsung du gsol/ /sangs rgyas kun gyi 'khor lo che/ /dkyil 'khor chen po mchog gi ni/ /de nas bcom ldan 'das rdo rje 'dzin pa chen pos de bzhin gshegs pa thams cad kyis gsol ba btab pa'i tshig nye bar gsan nas de bzhin gshegs pa thams cad kyi dam tshig 'byung gnas rdo rje zhes bya ba'i ting nge 'dzin la snyoms </font><hr>135a<br><font size=+1>


@#/ /par zhugs nas rdo rje dbyings zhes bya ba'i dkyil 'khor chen po'i mchog 'di bka' stsal pa/ 'di dag thams cad rgyud gzhan las bshad pas na| 'di mdor bsdus pa'i cho ga rgyas pa ni/ de nas bcom ldan 'das de bzhin gshegs pa thams cad kyi bdag po rnam par snang mdzad chen po rdo rje 'chang de bzhin gshegs pa thams cad kyi yab/ de bzhin gshegs pa thams cad kyi yum gyis de bzhin gshegs pa de rnams dang / byang chub sems dpa' de rnams nyid kyi thugs kar bcug nas gcig tu mi phyed par gyur nas spro ba dang / bsdu ba'i sbyor bas phyag na rdo rje mdun du bzhag nas de bzhin gshegs pa thams cad kyi dpa' bo'i ting nge 'dzin gyi tshul la bzhugs so/ /de nas bcom ldan 'das rdo rje 'dzin pa'i rgyal po chen po/ byang chub sems dpa' chen po/ de bzhin gshegs pa thams cad kyi ston pa| de bzhin gshegs pa thams cad kyi chos kyi char 'bebs par byed pas bcom ldan 'das thog ma dang tha ma med pa de bzhin gshegs pa thams cad kyi bdag po rnam par snang mdzad chen po la gsol ba btab pa/ bcom ldan 'das/ sangs rgyas nyid sgrub pa'i thabs bka' stsal du gsol/ gang gis sems can </font><hr>135b<br><font size=+1>


thams cad kyi sangs rgyas nyid bdag gis sbyin par bya'o/ /de nas ci tshul gzhan nam/ theg pa chen po'i tshul gyis lags/ de nas bcom ldan 'das de bzhin gshegs pa thams cad kyi bdag po rnam par snang mdzad chen pos lag na rdo rje la 'di skad ces bka' stsal to/ /lag na rdo rje/ theg pa chen po'i tshul gyi sangs rgyas nyid bsgrub bo/ / de nas byang chub sems dpa' lag na rdo rjes bcom ldan 'das la 'di skad ces gsol to/ /ci dkyil 'khor gyi tshul gyis sangs rgyas nyid bsgrub bam/ 'on te gsang ba'i tshul gyis lags/ de nas bcom ldan 'das de bzhin gshegs pa thams cad kyi bdag po rnam par snang mdzad chen pos lag na rdo rje la 'di skad ces bka' stsal to/ / lag na rdo rje/ gsang ba'i tshul gyis sangs rgyas nyid bsgrub par bya ste/ lag na rdo rje/ ngas kyang gsang ba'i tshul des dbang bskur nas lag na rdo rje gsang ba'i tshul des nga yang yang dag par rdzogs par sangs rgyas so/ /de nas byang chub sems dpa' chen po lag na rdo rjes bcom ldan 'das la 'di skad ces gsol to/ /bcom ldan 'das/ khyod slob dpon gang gis dbang bskur ba lags/ de nas bcom ldan 'das rnam par snang mdzad chen pos lag na rdo rje la 'di skad ces bka' stsal to/ /lag na rdo rje </font><hr>136a<br><font size=+1>


@#/ /gsang ba zhes bya ba'i slob dpon des dbang bskur ro|/gang gis gsang ba de thob nas sangs rgyas nyid brnyes par gyur to/ /de nas byang chub sems dpa' chen po lag na rdo rjes bcom ldan 'das la 'di skad ces gsol to/ /gsang ba de'i rang bzhin gang lags/ de chos gang gsung bar mdzad/ ci sbyor ba gzhan gsungs sam/ 'on te zab mo'i tshul khyod la bstan pa lags/ bcom ldan 'das/ gsang ba de'i rang bzhin ma 'tshal pas ci zhig lags/ de nas de bzhin gshegs pa thams cad kyi bdag po rnam par snang mdzad chen pos lag na rdo rje la 'di skad ces bka' stsal to/ /lag na rdo rje/ 'dis chos ma bstan cing cung zad kyang ma bshad do/ /'on kyang lag na rdo rje/ rang gi shes rab kyi tshul dang / shes rab kyi khyad par gyis bdag nyid gsang ba bsnyen pa brtsam par bya'o/ /de nas gsang ba bsten pa las gang dag 'o ma'i thigs pa 'od zer dang bcas par gyur pa dang / de nas 'od zer gyi phreng ba las de bzhin gshegs pa thams cad kyi sku rnams rnam par phyung ste/ de bzhin gshegs pa'i sku de rnams las 'od zer gyi phreng ba 'khrugs pa'i rdo rje'i gzugs dang / khro bo'i gzugs rnams dbyung bar bya'o/ /de nas byang </font><hr>136b<br><font size=+1>


chub sems dpa' chen po lag na rdo rjes bcom ldan 'das la 'di skad ces gsol to/ /bcom ldan 'das/ de lta na yang gsang ba de bstan pa nyid ji lta bu'i rnam pas 'grub pa lags/ de nas bcom ldan 'das de bzhin gshegs pa thams cad kyi bdag po rnam par snang mdzad chen pos lag na rdo rje la 'di skad ces bka' stsal to/ /lag na rdo rje| dang po re zhig ji ltar bya ba ngas khyod la bshad par bya yi/ nyon cig /sngags pas re zhig bdag gi ting nge 'dzin sngon du 'gro bar bya ste/ bdag nyid bskyed nas de bzhin gshegs pa thams cad kyi rigs kyi lha mo chen mo dang / rig pa'i rgyal mo thams cad bsgrub par bya'o/ /de nas phyis gsang ba nyid bsten par bya'o/ /de nas byang chub sems dpa' chen po lag na rdo rjes bcom ldan 'das thog ma dang tha ma med pa la 'di skad ces gsol to/ /ji lta bu'i rnam pas lha mo de rnams bsgrub par bgyi/ bcom ldan 'das kyis bka' stsal pa/ sems can 'ga' zhig dad pa dang ldan pa yod pa de dag ni/ rtse gcig pa'i sems kyis bdag sgrub par 'dod la/ de dag sbyor ba mi shes shing nus pa dang mi ldan pas/ de rnams kyi tshe zad par gyur kyang lha mo rnams kyis thugs rje'i thugs skye bar mi 'gyur zhing sems kyi gsal ba yang mi byed pa des na/ lag na rdo rje/ </font><hr>137a<br><font size=+1>


@#/ /byang chub sems dpa' sems dpa' chen pos sbyor ba shes par bya'o/ /de nyid kyi phyir lag na rdo rje/ phyag rgya dang / sngags thams cad dang legs par ldan pas ji tsam zhig gis nyi ma'i nges pas 'grub par 'gyur ro/ /de'i phyir lag na rdo rje/ rgyud 'di ni/ lha thams cad dang / lha mo rnams dang / rig pa'i rgyal mo rnams kyi sbyor ba legs par ldan pas sgrub par byed pa'o/ /de nas lag na rdo rje/ sngags pa gsang sngags kyi bdag po gsang ba'i bdag por bshad do/ /de nas byang chub sems dpa' chen po lag na rdo rjes bcom ldan 'das la 'di skad ces gsol to/ /bcom ldan 'das/ bdag sngags pa ma lags pa/ bdag gsang ba'i bdag po ma lags pas bcom ldan 'das ji ltar gsang ba dang / sngags rnams kyi bdag por 'gyur ba de ltar mdzad du gsol/ de nas bcom ldan 'das rnam par snang mdzad chen pos lag na rdo rje la 'di skad ces bka' stsal to/ /lag na rdo rje/ des na sngags pas re zhig dngos grub gzhan bsgrub par bya'o/ /de bsgrubs na/ las thams cad byed do/ /bskrad pa dang / gsad pa dang / dbang du bya ba dang / rengs pa dang / dgug pa la sogs pa rnams bsgrub par bya'o/ /sangs rgyas nyid kyi dngos grub la sogs pa rnams </font><hr>137b<br><font size=+1>


kyang 'grub na/ dngos grub gzhan lta smos kyang ci dgos/ de nas byang chub sems dpa' sems dpa' chen po lag na rdo rjes bcom ldan 'das la 'di skad ces gsol to/ /bcom ldan 'das/ thog mar bsgrub par bgyi ba gang lags/ ci rig pa'i rgyal mo bsgrub par bgyi'am/ 'on te dbang du bya ba la sogs pa bsgrub par bgyi'am/ yang na ral gri la sogs pa bsgrub par bgyi/ bcom ldan 'das/ de'i phyir thog mar dngos grub gang sgrub pa bdag la bka' stsal du gsol/ de nas bcom ldan 'das de bzhin gshegs pa thams cad kyi bdag po rnam par snang mdzad chen pos byang chub sems dpa' chen po lag na rdo rje la legs so zhes gnang ba/ lag na rdo rje/ legs so legs so/ /de'i phyir rig ba'i rgyal mo thog mar bsgrub par bya ste/ gang gis sems can rnams la gsang ba ster bar 'gyur ro/ /de nas lag na rdo rjes bcom ldan 'das la 'di skad ces gsol to/ / bcom ldan 'das/ ji lta bu'i rnam pas lha mo de bsgrub par bgyi ba bka' stsal du gsol/ de nas bcom ldan 'das kyis lag na rdo rje la bka' stsal to/ /lag na rdo rje rnam pa gzhan las dam pa gang bshad pa de khyod kyis sgrub pa bzod par byos shig /de nas lag na rdo rjes bcom ldan 'das la 'di skad ces gsol to/ /bcom ldan </font><hr>138a<br><font size=+1>


@#/ /'das| rnam pa gzhan gang bdag gis bzod par bgyi/ de nas bcom ldan 'das kyis lag na rdo rje la 'di skad ces bka' stsal to/ /lag na rdo rje/ sems can kim pa ka'i 'bras bu lta bu dag yod de/ phyi rol gyi gzugs phun sum tshogs shing nang gi cha dri ma bro zhing bro ba nyams pa yongs su zhu nas 'chi ba la sogs par nus pa de lta bu'i sems can gang phyi rol gyi gsang ba bshad pa tsam gyis spro zhing nang du slar brtags pas dad pa dang mi ldan zhing nyan thos kyi theg pa dag la rab tu gsal ba de dag la rgyud 'di bshad par mi bya'o/ /lag na rdo rje/ de'i phyir lha mo thams cad kyi rang gi phyag rgya dang / sngags rnams kyis mnyes pa'i sbyor bas de rnams bsgrub par bya'o/ /de nas byang chub sems dpa' chen po lag na rdo rjes bcom ldan 'das la 'di skad ces gsol to/ /bcom ldan 'das/ rnam pa gang gis mnyes pa'i gsang sngags shes par bgyi/ de nas bcom ldan 'das de bzhin gshegs pa thams cad kyi bdag po rnam par snang mdzad chen pos lag na rdo rje la 'di skad ces bka' stsal pa/ lag na rdo rje/ 'di ni/ mnyes pa'i gsang sngags kyis ma yin te/ lag na rdo rje/ sbyor ba'i dbang gis de rnams bsgrub par bya'o/ / </font><hr>138b<br><font size=+1>


lag na rdo rje nyon cig /rnam pa gang gis rig pa'i lha mo dang bcas pa'i lha rnams 'grub cing grub nas sangs rgyas nyid ster ba de khyod la go rim bzhin du bshad par bya'o/ / de nas byang chub sems dpa' chen po lag na rdo rjes bcom ldan 'das la 'di skad ces gsol to/ /bcom ldan 'das/ rnam pa ji lta bus ni/ lha mo de rnams kyis sangs rgyas nyid ster ba bka' stsal du gsol/ de nas bcom ldan 'das de bzhin gshegs pa thams cad kyi bdag pos lag na rdo rje la bka' stsal pa/ lag na rdo rje/ rnam pa gang gis lha mo de rnams 'grub pa dang / gsang ba'i de kho na gang gis lha mo de rnams legs par 'grub par 'gyur ba bshad par bya'i/ nyon cig /de nas bcom ldan 'das rnam par snang mdzad chen pos lag na rdo rje la bka' stsal ba/ lag na rdo rje nyon cig /sngags pa gang gis lha mo gang sgrub par rigs pa de des bsgrub par bya ste| rang gi phyag rgya dang / sngags kyi sbyor bas lha mo de bkug nas mdun du gzhag par bya'o/ /de nas bdag nyid sngon bshad pa'i rim pas rdo rje sems dpa'i skur bsgoms la rdo rje sems dpa'i sku des lha mo de mnyes par bya'o/ /de nas mnyes te gdon mi za bar dngos grub stsol par 'gyur ro/ /de nas byang chub sems dpa' chen po lag </font><hr>139a<br><font size=+1>


@#/ /na rdo rjes bcom ldan 'das la 'di skad ces gsol to/ /bcom ldan 'das/ rnam pa gang gis mnyes par 'gyur/ de nas bcom ldan 'das rnam par snang mdzad chen pos lag na rdo rje la bka' stsal pa/ lag na rdo rje/ sems dpa'i sku des lha mo de'i gsang ba'i b+ha gar nyid kyi rdo rjes bsten par bya'o/ /bsten pas bde ba nyid du 'gyur te/ de nas lha mo de dgyes ta mchog stsol bar 'gyur ro/ /de ji ltar bud med rang nyid kyi bdag po la dga' bar blta ba ltar lha mo de yang gsang sngags 'dzin pa de la dga' ba'i dbang gis lta bar 'gyur ro/ /dga' ba'i dbang gis tshim par 'gyur ro/ /'di bzhin du bud med gzhan bsten pas kyang mchog ster na/ lha mos lta smos kyang ci dgos/ lag na rdo rje/ dper na/ rdo rje rags pas bsnun pa'i bud med bdag po gzhan mi 'dod pa de bzhin du lha mo de yang gsang bas bsnun pa na sngags pa gzhan 'dod pa ma yin no/ /de bzhin du gsang ba'i sbyor bas lha mo gang zhi ba'i tshul gyis zhi ba'i tshul 'grub par 'gyur ro/ /gang khro mo'i tshul gyis khro mo'i tshul 'grub par 'gyur ro/ /'on kyang khro bo rdo rje hUM mdzad kyi tshul bzung nas rdo rje gan+d+ha ri la sogs pa'i lha mo sngags pas bsgrub par bya'o/ /'jig rten dbang phyug gi tshul </font><hr>139b<br><font size=+1>


gyis sgrol ma la sogs pa bsgrub par bya'o/ /de nas lag na rdo rjes bcom ldan 'das la gsol pa/ bcom ldan 'das/ de nas re zhig khro bo'i tshul ji ltar rnam par gzhag bar bgyi/ de nas bcom ldan 'das rnam par snang mdzad chen pos lag na rdo rje la bka' stsal pa/ rdo rje hUM mdzad kyi sbyor ba de nyid kyis bcom ldan 'das ma rdo rje gan+d+ha ri zhes bya ba'i rig pa'i lha mo bsgrub par bya'o/ /de nas bcom ldan 'das rnam par snang mdzad chen pos de skad ces bka' stsal nas gcig tu 'dres par gyur te/ khams gsum rnam par rgyal ba'i ting nge 'dzin gyis rdo rje hUM mdzad de dang / rdo rje gan+d+ha ri lhan cig tu sems can gdug pa can thams cad gdul ba'i don du nges par phyung ngo / /de nas rdo rje hUM mdzad lha mo de'ang shin tu dga' ba'i mig gis blta zhing ched du brjod pa 'dis ched du brjod pa/ e ma khro bo thams cad kyi/ /rdo rje khro bo bla na med/ /mdzes ma 'di ni thog nas su/ /gdug pa thams cad gdul bar bya/ /de nas phyag na rdo rjes rdo rje hUM mdzad de la 'di skad ces smras so/ /legs so rdo rje hUM mdzad/ lha mo 'di thob nas sangs rgyas nyid byos shig /de nas lag na rdo rjes bcom ldan 'das la 'di skad ces gsol to/ /bcom ldan 'das/ rnam pa gang gis lha mo 'di sgrub pa lags/ </font><hr>140a<br><font size=+1>


@#/ /de nas bcom ldan 'das de bzhin gshegs pa thams cad kyi bdag po rnam par snang mdzad chen pos lag na rdo rje la 'di skad ces bka' stsal to/ / lag na rdo rje nyon cig /gang mnyes pas de rnams 'grub par 'gyur ba lha mo thams cad kyi sgrub pa'i thabs bshad par bya'o/ /de nas bcom ldan 'das kyis lag na rdo rje la bka' stsal pa/ lag na rdo rje nyon cig /rdo rje gan+d+ha ri 'di khro bo'i tshul gyis bsgrub par bya'o/ /lag na rdo rje/ sngags pa des rdo rje hUM mdzad kyi tshul du gnas nas khams gsum rnam par rgyal ba'i phyag rgya bcings te rang gi lus byin gyis brlabs nas slar yang skyil krung byas la khams gsum rnam par rgyal ba'i sngags brjod par bya'o/ / oM suM b+ha ni suM b+ha hUM hUM phaT/ gr-ih+Na gr-ih+Na hUM hUM phaT/ gr-ih+NA pa ya gr-ih+NA pa ya hUM hUM phaT/ oM a na ya ho b+ha ga wA na bid+yA rA dza hUM hUM phaT/ ces lan gsum brjod la de nas bsgrub par bya'o/ /de nas lag na rdo rjes bcom ldan 'das la 'di skad ces gsol to/ /lha mo de'i snying po gang gis 'grub par 'gyur ba lags/ de nas bcom ldan 'das rnam par snang mdzad chen pos rdo rje chen po khro bo rdo rje zhes bya ba'i ting 'dzin la snyoms par zhugs te de nas khams gsum bral ba'i ting 'dzin gyi rig pa </font><hr>140b<br><font size=+1>


bka' stsal pa/ gang gis lha la sogs pa'i gdon thams cad 'jigs shing sdug bsngal bas brgya byin gyis pha rol gnon pa lta bu yeng 'byer bar 'gyur ro/ /'di bzlas pa tsam gyis skye bo thams cad dga' bar 'gyur ro/ /khro bo'i tshul gyis gdug pa thams cad 'joms par byed do/ /thams cad rengs par byed do/ /lag na rdo rje/ de'i phyir sngags pas tshul 'dis bzlas par bya/ bklag par bya'o/ /na mash+tsaN+Da badz+ra pa Na ye/ mahA yak+Sha se nA pa ta ye/ na mo b+ha ga wa te/ badz+ra gan+d+ha ri/ a ne ka rasmi sha ta sa ha sra pra dz+wa li ta dIp+ta/ dzA+e yai u gra b+hIsma b+ha yA ni kA yai/ yo gi n+yai/ b+hIsma b+ha gi n+ye/ kha Da mu khA yai/ dwa da sha ne trA yai/ dwa da sha b+hu dzA yai/ bi kIn+na kai shA yai/ a ne ka rU pi pi da bi shwa d+ha ri N+yai/ e h+yA+e hi b+ha ga wa ti ma hA badz+ra gan+d+ha ri tra yA NAM rat+nA nAM/ sa t+ye na A kaD+D+h+ya A kaD+D+h+ya/ ba la de baM/ ma he shwa raM/ brah+ma NAM/ in+d+raM/ tsan+d+raM/ ya maM/ ru NaM/ bA yuM/ ku be raM/ d+hr-i ta rASh+TaM/ bi rU D+ha kaM/ bi rU pAk+ShaM/ shaM ku kar+N+NaM/ koN+NaM/ s+thul ka h+NaM/ mahA kA laM/ nan+dI ke shwa raM/ b+hr-iM gi ri ti/ nA ya kaM /bi nA ya kaM/ bAny+tsi kaM /dA ma kaM /lo ha kaM /ShiSh+Ti/ de bi ko Ti gi ri ko Ta/ oM kA ri/ du rgAM| ka t+yA ya ni/ tsaN+Di ka t+yA ya nI/ mahA ka t+yA ya ni/ e Sha ni/ ne ri t+yAM/ kA li maM ma hA kA liM/ b+ha dra kA liM/ badz+ra kA liM/ tsur+N+Na kA liM/ k+Shu tra kA liM/ shak+tiM/ sha li ka brti/ sha tak+ShiM/ in+d+ra </font><hr>141a<br><font size=+1>


@#/ /Ni| brah+ma Ni/ kau ma rI/ ma he shwa raM/ su b+ha gaM /rau dri/ tsa mu N+DaM/ bA rA hI/ ko be rI/ ye tsa a n+ye sa ma ye na tiSh+Than+ti tan/ a warta yi Sh+yA mi shI g+h+raM gr-ih+NaM/ oM la la la la| hu lu hu lu/ tsu lu tsu lu/ mu lu mu lu/ d+ha ma d+ha ma/ raM ga raM ga /raM gA pa ya raM gA pa ya/ pu ra pu ra/ pU ra ya pU ra ya/ A na ya A na ya/ A bi sha A bi sha /A be sha ya A be sha ya/ b+ha ga wa te ma hA badz+ra gan+d+ha ri sid+d+ha tsaN+Da badz+ra pA Ni rA dz+nyA pa ya ti hrIH/ haH haH haH haH/ hUM phaT swAhA/ lag na rdo rje/ de'i phyir 'di bzlas pa tsam gyis dgug par mi nus pa'i ri bo la sogs pa rnams kyang 'gugs par byed do/ /de nas bcom ldan 'das kyis sgrub pa'i thabs kyi cho ga bka' stsal pa/ dkar po'i phyogs kyi tshes gcig nas brtsams te ji srid tshes brgyad kyi bar du stong phrag brgyad bzla'o/ /de nas 'grub par 'gyur ro/ /grub nas las thams cad byed do/ /gu gul gyi bdug pas 'gugs par byed do/ /'di dag thams cad phyi rol gyi lam la bshad do/ /gang zhig yang theg pa chen po glang po che'i phrag tu yang dag par zhon pa de rnams la nges par gang zhig yod/ de nas rdo rje gan+d+ha ri'i sngags dang phyag rgyas bkug ste khams gsum rnam par rgyal ba bcings te gung mo phan tshun yongs su sbyar la/ mthe'u chung </font><hr>141b<br><font size=+1>


'og tu bstan te nor bu'i rnam par byas pa'i phyag rgya 'di ni/ bcom ldan 'das kyi dam tshig sbyin pa'o/ /de nas rtsa ba'i phyag rgyar gyur pa ni/ rdo rje thal mo dam bcings nas| |thal mo steng du dbye bar bya/ /gung mo dag ni rtse mor bya/ /ming med gdong ni legs par sbyar/ /mthe bong gnyis po sbyar nas su/ /rtse mo'i steng du gzhag par bya/ / 'di ni bcom ldan rtsa ba'i rgya/ /de nyid mthe bong skyil krung gdan gyi phyag rgya'o/ /de nyid yongs su btang ba'i sbyor bas btang ba'i phyag rgya'o/ /de nas byang chub sems dpa' lag na rdo rjes bcom ldan 'das la 'di skad ces gsol to/ /bcom ldan 'das/ 'on kyang ji lta bu'i rnam pas sems can dbang du bgyid par 'gyur ro/ /de nas bcom ldan 'das rnam par snang mdzad kyis lag na rdo rje la bka' stsal pa/ lag na rdo rje/ rdo rje hUM mdzad kyi ting nge 'dzin gyi sngags 'dis bcom ldan 'das ma bsgoms la bral gnyis su bzhag ste dam du 'khyud nas de'i rtsa ba'i gdong gi mchu sos bzung ste de'i b+ha gar rdo rje son par byas la de nas lha mo de 'di skad smra ste/ a ho su kha zhes de lta bu'i sbyor ba'i rnam pas lha mo de grub nas de nas las thams cad byed do/ /mar gyis btags pa'i tsan+dan gyi shing gis sreg blugs byas na/ tshangs pa la sogs pa'i lha rnams </font><hr>142a<br><font size=+1>


@#/ /dbang du 'gyur ro/ /gyur nas kyang ci bgyi bka' lung stsol cig /ces smra bar 'gyur ro/ /mtshan gcig gis de dag thams cad byed do/ /de nas mi rnams dbang du bya bar 'dod pas lha mo de nyid ting nge 'dzin gyis yungs kar skya bo la cung zad cig byin gyis brlabs la/ des bram ze la bsnun pas de dbang du 'gyur ro/ /rgyal rigs la yang de nyid kyi cho ga'o/ /de nyid kyi ting nge 'dzin gyis skyu ru ra la mngon par bsngags te rje'u rigs la byin na/ de dbang du 'gyur ro/ /de nyid kyi ting nge 'dzin gyis cud tog la mngon par bsngags te dmangs rigs la byin pas de dbang du 'gyur ro/ /'di dag go rim bzhin du rigs dang rdzas su mthun pa'i bud med rnams la byin pas kyang dbang du 'gyur ro/ /de nyid kyis dur khrod kyi thal ba la mngon par bsngags te gang gi khyim du bzhag pa de 'chi bar 'gyur ro/ /de nyid kyi ting 'dzin gyis drag po'i lta stangs kyis gang la bltas pa de 'chi bar 'gyur ro/ /khro bo'i lta stangs kyis gang la bltas pa de bskyod par 'gyur ro/ /lha thams cad dang / phyag na rdo rje la sogs pa'i byang chub sems dpa' rnams dang / nga lta bu yang skyod par byed do/ /de nas byang chub sems dpa' chen po lag na rdo rjes </font><hr>142b<br><font size=+1>


bcom ldan 'das la 'di skad ces gsol to/ /bcom ldan 'das/ sbyor ba'i rgyal po chen po 'dis 'di ltar sangs rgyas rnams kyang skrod lags na/ gzhan lta smos kyang ci 'tshal/ de nas bcom ldan 'das kyis lag na rdo rje la bka' stsal pa/ lag na rdo rje/ theg pa chen po'i tshul 'dis gang cung zad bsgrubs pa de thams cad gdon mi za bar 'grub par 'gyur ro/ /de nas byang chub sems dpa' chen po lag na rdo rjes bcom ldan 'das la gsol pa/ bcom ldan 'das/ bzlas brjod kyi rim pa de gang gis stong phrag brgyad bzlas pas 'grub par 'gyur lags/ bcom ldan 'das rnam par snang mdzad chen pos lag na rdo rje la bka' stsal pa/ lag na rdo rje/ nyan thos kyi theg pa can rnams kyi bzlas pa'i grangs dang / nyi ma'i grangs bshad pa yin te/ nyan thos kyi theg pa la dad pas rjes su 'brang ba de rnams kyis skye ba du mar sangs rgyas nyid thob par mi 'gyur te/ gal te de rnams kyis grub kyang tshe 'dir rgyal po'i longs spyod la sogs pa thob par 'gyur ro/ /gang dag theg pa chen po'i shing rtag la yang dag par zhon pa de rnams kyis nyin gcig tsam gyis kyang 'di ltar sangs rgyas nyid kyang thob par 'gyur na/ nyi ma mang pos dngos grub gzhan lta smos kyang ci dgos/ lag na rdo rje/ shing rta la sogs pa'i theg pa glang po che </font><hr>143a<br><font size=+1>


@#/ /dang / rta mchog dang ldan pa la ni/ nam du yang chud zos pa med par mngon par 'dod pa'i yul du phyin pa de bzhin du theg pa chen po yang dag pa'i rjes su gdams pa dang legs par ldan pa gang du yang mi gnas par 'gro bas ni/ rnam par snang mdzad nyid dam/ rdo rje 'dzin pa'am/ gzhan nyid du phyin par rig par bya'o/ /lag na rdo rje/ de'i phyir theg pa chen po'i tshul la gnas pa la ni/ rnam par rtog pa cung zad dang mi ldan par 'gyur ro/ /de nas chos thams cad rnam par mi rtog par yongs su gzung bar bya'o/ /de'i phyir lag na rdo rje/ byang chub sems dpa' sems dpa' chen pos lha mo thams cad kyi bdag po rang yin no/ / zhes sgom pas bsgom par bya'o/ /lag na rdo rje/ de bzhin du lha mo thams cad kyi rdo rje la bsgom pa'i khyad par gang gis las thams cad byas te sangs rgyas nyid sgrub par byed pa slar yang bshad par bya'o/ /lag na rdo rje nyon cig /khro ba dang ldan pa'i sngags pa cung zad tsam byed pa na tshul 'dis bcom ldan 'das ma rdo rje gan+d+ha ri'i b+ha gar bzhugs te phra mo'i sbyor bas rtsa brgyad gcig tu byas te rtsa gcig las 'dzag pa dang ldan par rnam par bsam par bya'o/ /sngags pas gal te </font><hr>143b<br><font size=+1>


dbang du bya bar 'dod na/ des kha dog dmar por rnam par bsam mo/ /zhu ba dmar po de las bdag nyid rdo rje hUM mdzad kyi gzugs su rnam par bsam par bya'o/ /rdo rje hUM mdzad kyi gzugs des sems can thams cad dbang du byed do/ /thogs pa med par 'gro bar 'gyur ro/ /gal te gsod par 'dod na/ de nas de'i rtsa kha dog nag po sol ba'i rnam pa lta bur bsams la de zhu ba dmar po las bdag nyid rdo rje hUM mdzad kyi gzugs su sngags pas bsgoms par byas te/ rdo rje hUM mdzad kyi gzugs kyis de las rdo rje dang / de las rtse gsum dang / de las ral gri dang / de las zhags pa dang / de las lcags kyu dang / de las mda' dang / de las mdung thung rnams kyis gang gsod par 'dod pa de gsad par bya'o/ /bskrad pa la yang 'di nyid kyis bya'o/ /gal te sangs rgyas nyid sgrub par 'dod na/ rtsa de dag kha dog dkar por bsams la/ de'i zhu ba 'o ma dang mtshungs pa las bdag nyid rdo rje hUM mdzad kyi gzugs su bsgoms te/ de nas sangs rgyas nyid dam/ rnam par snang mdzad nyid dam/ rdo rje 'dzin pa nyid bsgrub par bya'o/ /yang na bcom ldan 'das rnam par snang mdzad gang yin pa de nyid sangs rgyas yin la/ rdo rje sems dpa' gang yin pa de nyid sangs rgyas yin pas de'i phyir lag na rdo rje/ gcig nyid bzlas pas </font><hr>144a<br><font size=+1>


@#/ /las thams cad byed par 'gyur ro/ /rim pa 'di nyid kyis ri bo yang rnam par snyil bar byed cing ji srid sa phyogs kyang 'byed par byed do/ /rim pa'i nyid kyis lha'i skur bskyed pas las thams cad byed do/ /yang na gsang ba'i lha'i skur bdag nyid bskyed na/ slob dpon des sangs rgyas nyid thob par 'gyur te/ de'i phyir slob dpon zhes brjod do/ /de gang gi tshe nyan thos kyi tshul gyi rjes su gdams pa la sogs pa ster na/ de'i tshe de slob dpon ma yin zhing dgra nyid du rig par bya'o/ /de nas gsang ba nyid ster na/ de bcom ldan 'das rdo rje sems dpa' ji lta ba bzhin du rig par bya'o/ /de gtam 'ba' zhig tsam smra na yang de'i mdun du 'khod de/ 'di ltar rkang pa dag la phyag 'tshal te thal mo sbyar la mnyan par bya'o/ /mnyan pa tsam nas slob ma des nyan thos kyi theg pa can rnams kyi nang du 'khod par mi bya/ gnas par mi bya ste| de ci'i phyir zhe na/ 'di ltar dad pas rjes su 'brang ba de la theg pa chen po sun 'byin pa'i phyir ro/ /de nas lag na rdo rjes bcom ldan 'das la 'di skad ces gsol to| |bdag nyan thos kyi theg pa can gyi nang du gnas par mi bgyi la/ gal te gnas na yang theg pa chen po'i tshul 'dis lags kyi/ phyi rol gyi tshul gyis ma lags so// </font><hr>144b<br><font size=+1>


de nas yang lag na rdo rjes bcom ldan 'das la 'di skad ces gsol to/ /bcom ldan 'das/ gang la la theg pa chen po'i gtan tsam bgyid pa de la yang bdag phyag 'tshal lags so/ /rjed par bgyid do/ /bla mar bgyid do/ /mchod par bgyi'o/ /bcom ldan 'das/ de'i phyir 'di chos smra ba lags kyi/ gzhan ni/ chos smra ba ma lags shing log par smra ba lags so/ /de nas bcom ldan 'das de bzhin gshegs pa thams cad kyi bdag po rnam par snang mdzad chen pos lag na rdo rje la bka' stsal pa/ lag na rdo rje/ de'i phyir skyes bu chen po gang la la rgyud 'di thos nas 'dzin na/ de nga dang 'dra ba'am khyod dang 'dra bar shes par bya zhing / nga'i snying la gnas nas des mnyan par de ltar rig par bya ste/ de'i phyir lag na rdo rje/ ngas kyang de la phyag 'tshal lo/ /de nas lag na rdo rje/ 'di ni/ chos smra ba yin gyi/ gzhan ni/ chos smra ba ma yin no/ /lag na rdo rje/ de'i phyir theg pa chen po'i slob dpon bshad pa'i tshul khyad par du 'phags pa'am/ brjod pa tsam khyad par du 'phags pa dang mi ldan yang gang la lar 'ga' zhig gis 'gal bar yid kyis sems na yang de rab tu myos par 'gyur ro/ /de nas byang chub sems dpa' chen po lag na rdo rjes bcom ldan 'das la 'di skad ces gsol to/ / </font><hr>145a<br><font size=+1>


@#/ /bcom ldan 'das/ bdag gis kyang rdo rje kun nas 'bar zhing me lce gcig tu gyur pa 'dis de'i rigs rgyu dang bcas pa bsreg par bgyi/ /dngos grub thams cad bsreg par bgyi'o/ /de nas bcom ldan 'das de bzhin gshegs pa thams cad kyi bdag po rnam par snang mdzad chen pos lag na rdo rje la bka' stsal pa/ lag na rdo rje/ des lha mo sgrol ma'i phyag rgya bcings te spyan drangs la mdun du bzhag ste/ de nas sngags pas b+ha gar zhugs te lus dang rtsa gcig tu byas nas 'o ma'i mdog tu bsams te/ de las 'jig rten dbang phyug gi gzugs su bskyed do/ /yang lha mo sgrol ma sbyor ba 'dis 'jig rten dbang phyug gi ting nge 'dzin gyis bsten par bya'o/ /de nas lha mo dgyes nas mchog stsol bar 'gyur ro/ /de nas lha mo de rmi lam du 'ongs te 'khyud nas rgyan thams cad kyis brgyan cin gyid du 'ong ba/ rol cing dgod la rnam par blta ba mthong ste| de nas des smras pa/ khyod kyis bde ba 'di zungs la des sangs rgyas nyid du byos shig /de nas zla ba drug na 'grub par shes par bya'o/ /yang na bud med gzhan mthong na yang lha mo de nyid mthong ba yin par shes par bya'o/ /de lta na skye ba 'dir 'grub par 'gyur ro/ /de nas gsang ba shes par 'dod na/ des 'jig rten dbang </font><hr>145b<br><font size=+1>


phyug gi ting nge 'dzin gyis 'jig rten dbang phyug gi gzugs su byas te lag pa gnyis brkyang la lag pa g.yas pa ha'i yi ge las zla ba'i dkyil 'khor du sgom zhing / g.yon pa a'i yi ge las zla ba'i dkyil 'khor/ mdun du 'phags pa spyan ras gzigs dbang phyug gi sku bsams la/ de'i 'od zer gyis sngags pa bdag nyid bsam par bya'o/ /de nas gal te lag pa gnyis steng du bkrol na dge bar shes par bya'o/ /gal te 'og tu gnas na/ dge ba yang ma yin/ mi dge ba yang ma yin par shes par bya'o/ /gal te rgyab tu son par gyur na/ mi dge bar shes par bya'o/ /de nas bcom ldan 'das lha mo skul byed ma sgrub par 'dod na/ des de'i b+ha ga'i dbus su phyag na rdo rje'i skur bdag nyid bsgoms te| de'i rtsa dang zhu ba'i sbyor ba dkar po las bdag nyid rdo rje sems dpa'i skur bskyed de lha mo de bsten pa'i sbyor ba'i phyag rgya dang sngags kyis bsten par bya'o/ /de nas de'i kha dog gi dbye bas las byed de/ rgyas pa la kha dog ser po/ /zhi ba la kha dog dkar po/ /dbang la kha dog dmar po/ /mngon spyod la kha dog nag po/ /'di ltar bsgoms na go ring du las rnams byed do/ /'di dag gi nang nas gang la la'i gzugs su lha mo de de'i rmi lam du 'khyud pa la sogs pa byed na/ nyi ma gcig kho na la 'grub par shes </font><hr>146a<br><font size=+1>


@#/ /par bya'o/ /yang na lha mo de bud med gzhan gyi gzugs su ston par byed na/ de nas skye ba 'dir 'grub par shes par bya'o/ /de nas khro gnyer can sgrub par 'dod na/ des don yod pa'i zhags pa'i ting nge 'dzin gyis de'i b+ha ga'i dbus kyi rtsa'i gdong du sngags pa bdag nyid don yod zhags pa'i gzugs su bsgoms te/ de nas don yod zhags pa'i tshul gyis de'i pad+ma dang rdo rje'i sbyor bas lha mo de ji srid gtsug tor bde ba'i bar du bsten par bya'o/ /de nas mnyes te mchog stsol bar 'gyur ro| |rdo rje dang pad+ma'i rim pa'i de nyid kyis gang 'dod pa de bsgrub par bya'o/ /de nas lag na rdo rjes bcom ldan 'das la 'di skad ces gsol to/ /rdo rje dang pad+ma'i sbyor ba gang lags/ bcom ldan 'das kyis bka' stsal pa/ rdo rje zhu ba zhes bshad pa ji ltar rdo rje 'bigs par byed pa ltar zhu ba yang 'bigs par byed pa'o/ /pad+ma'i sbyor ba ni/ pad+ma'i ye shes ni/ de kho na nyid kyi ye shes so/ /ji ltar pad+ma kha bye ba nyid na skye bo thams cad kyi dga' bar 'gyur ba bzhin du b+ha ga'i pad+ma yang de bzhin no| |yang na 'di ltar pad+ma 'dam las skyes kyang 'dam des ma gos pa de bzhin du b+ha ga 'di las skyes pa yang sdig pa'i skyon gyis ma gos pa'i tshul 'dis pad+ma </font><hr>146b<br><font size=+1>


zhes bshad do/ /des na rdo rje dang pad+ma'i sbyor bas gzhal du med pa bye ba phrag brgya stong bgrang ba las 'das pa'i sangs rgyas nyid du 'gyur te/ rgyu des na slob dpon 'di sangs rgyas nyid du bshad do/ /yang na sngags pa 'ga' zhig bdag nyid b+ha ga'i dbus su sgom par mi nus na/ 'on kyang rtsa de rnams 'dzag pa dang ldan pa'i dmar po dang / dkar po dang / ser po dang / sngon po'i rnam par bsams pas/ de nas las thams cad kyi dngos grub ji ltar rigs par thob par 'gyur ro/ /yang na de yang ma nus na/ 'on kyang rang gi tshul kho na'i rig pas bud med de rnams rang gi lha mo'i gzugs su bsams te bud med de dag gi zhu ba btung zhing 'thung du bcug pas/ de nas nges par sangs rgyas nyid byed par 'gyur ro/ /lag na rdo rje| de'i phyir gsang ba'i sbyor ba dor nas gzhan pas sangs rgyas nyid ma yin no/ /lag na rdo rje/ de'i phyir rang gi ting nge 'dzin gyi tshul 'di nyid kyi sbyor bas rig pa'i lha mo thams cad kyang bsgrub par bya ste/ 'di la the tshom mi bya'o/ /yang na lag na rdo rje/ gal te rang gi bza' mo ma rnyed na/ gzhan gyi'ang mtha' gcig tu bzung ste zhu ba btung ba la sogs pa bya ste/ de nas de 'grub par 'gyur ro/ /yang na yul gyi gzugs 'tshong ma la bdag gis tshul 'dis bsten par bya'o/ /gal te de yang ma rnyed na/ de nas rang gi </font><hr>147a<br><font size=+1>


@#/ /snying ga'i rig pa'i lha mo bsams te bsten pas gal te de bsams pa na sngags pa de'i zhu ba red par gyur nas dngos grub 'thob par shes par bya'o// gal te zhu ba brtan par gyur na yang skyes bu des grub par shes par bya'o/ /brjod pa 'di phyi rol gyi tshul can la bshad par mi bya ste/ cher byol bar 'gyur ro/ /mchog tu gsang ba'i mdzod rtog pa'i rgyal po chen po las/ lha mo'i rgyud kyi cho ga rgyas pa yongs su rdzogs so// //de nas bcom ldan 'das rnam par snang mdzad chen pos de bzhin gshegs pa thams cad kyi bdag po/ /de bzhin gshegs pa thams cad kyi yab/ de bzhin gshegs pa thams cad kyis bsten pa/ re ba thams cad yongs su rdzogs par byed pa/ sems can thams cad la phan pa rjes su mdzad pa/ de bzhin gshegs pa thams cad kyi mdzad pa chen po des phyogs bcu na rnam par bzhugs pa'i de bzhin gshegs pa thams cad kyi thugs kar bcug cing bcug nas gcig tu gyur te 'jig rten gsum las rnam par rgyal zhes bya ba'i dkyil 'khor bka' stsal pa/ de'i dkyil 'khor gru bzhi pa/ sgo bzhi pa/ ka ba brgyad kyis nye bar spras pa/ dra ba dang dra ba phyed pas mdzes pa/ zla ba dang zla ba phyed pas brgyan pa/ dar </font><hr>147b<br><font size=+1>


gyi ba dan dang / me tog gi chun pos nye bar spud pa/ sgo bzhir dkyil 'khor bzhi dang ldan pa/ gser la sogs pa'i phye ma'i rdul tshon gyis mdzes pa/ phyi rol gyi cha sgo bzhi pa la de nyid kyi rnam pas brgyan pa'i dkyil 'khor bri bar bya'o/ /de'i dbus su mi bskyod pa la sogs pa rnam par gzhag par bya'o/ /dkyil 'khor bzhi po rnams su de bzhin gshegs pa rnams dang / sgo bzhir sgo skyong ba rnams legs par gzhag par bya'o/ /rig pa'i lha mo de dag dkyil 'khor gyi grwar yongs su gzhag par bya'o/ /phyi rol gyi dkyil 'khor du byang chub sems dpa' bcu drug dang / phyi'i dkyil 'khor gyi mtshams su rdo rje me tog ma la sogs pa gzhag par bya'o/ /de nas byang chub sems dpa' chen po lag na rdo rjes bcom ldan 'das kyi spyan sngar zla ba'i dkyil 'khor la brten par gyur pas bcom ldan 'das la gsol ba btab pa/ bcom ldan 'das/ 'jig rten gsum las rnam par rgyal ba zhes grags lags na/ ci'i phyir 'jig rten gsum zhes bgyi/ de nas yang bcom ldan 'das de bzhin gshegs pa thams cad kyi bdag pos lag na rdo rje la 'di skad ces bka' stsal to/ /lag na rdo rje/ 'jig rten gsum zhes bya ba ni/ mtho ris dang / mi yul dang / rkang 'og na gnas pa rnams su brjod do/ /'di rnams kyi nang na </font><hr>148a<br><font size=+1>


@#/ /gdug pa can gyi sems can gang la la dag sangs rgyas dang / chos dang / dge 'dun la skyabs su mi 'gro ba de rnams 'dul zhing rnam par rgyal bas/ de'i don du dkyil 'khor de yang ming tsam kho na ma yin no/ /de nas lag na rdo rjes bcom ldan 'das la 'di skad ces gsol to/ /bcom ldan 'das/ rnam pa ji lta bus de rnams rnam par dul bar 'gyur/ de nas bcom ldan 'das rnam par snang mdzad chen pos de bzhin gshegs pa de rnams thams cad dang / sgo skyong ba dang / lha mo rnams dang / phyi'i dkyil 'khor gyi nang na rnam par gnas pa rnams nyid kyi thugs kar bcug ste/ bcug nas kyang gcig tu mdzad nas zla ba'i dkyil 'khor gyi steng du bzhugs te sangs rgyas lnga'i cod pan gyi rnam pa dang / rgyan thams cad kyis brgyan pa/ bde ba dang / yid bde ba thams cad rjes su myong ba'i don dang / nyon mongs pa thams cad sbyang ba'i don du zla ba'i dkyil 'khor gyi steng du gnas pa'i zla ba'i dkyil 'khor yongs su dri ma med cing sa'i phyogs mtha' dag khyab par brjod do/ /de nas yang byang chub sems dpa' chen po lag na rdo rjes bcom ldan 'das la 'di skad ces gsol to/ /bcom ldan 'das/ zla ba'i dkyil 'khor 'di sus sprul pa'ang bgyis pa lags/ </font><hr>148b<br><font size=+1>


de nas bcom ldan 'das kyis lag na rdo rje la bka' stsal pa/ lag na rdo rje nyon cig /sus kyang ma byas shing sus kyang ma sprul pa'o/ /lag na rdo rje/ dang po re zhig sems so sor rtogs par bya ste/ stong pa nyid kyi tshul du sgom pa'i don to/ /de nas a'i yi ge las nam mkha' dang mtshungs pa'i zla ba'i dkyil 'khor bsam par bya'o/ /ji ltar nam mkha' rtag pa'i tshul du gnas pa de bzhin du zla ba'i dkyil 'khor 'di'ang yin no/ /de la a la sogs pa'i dbyangs kyi yi ge med pa'i tshul du rnam par gzhag go /yang ka la sogs pa'i yi ge bdud rtsi'i tshul du rnam par gzhag go /de dag thams cad yongs su gyur pa las nam mkha'i tshul du blta bar bya'o/ /de nas sems so sor rtogs par 'gyur ro// de nas yang bcom ldan 'das kyis byang chub zla ba gnyis pa lag na rdo rje la bka' stsal pa/ lag na rdo rje/ byang chub zla ba gnyis pa shin tu dri ma med cing rnam par rtog pa thams cad 'phrog pa ste/ rnam par rtog pa ma lus pa 'phrog par byed pas na/ rnam par rtog pa thams cad 'phrog pa ste phul du byung zhing bla na med pa'i don to/ /lag na rdo rje| de'i phyir byang chub zla ba zhes bka' stsal to/ /gang zhig thos pas sems can thams cad bla na med pa yang dag par rdzogs pa'i sangs rgyas su gyur pa'o/ / </font><hr>149a<br><font size=+1>


@#/ /zla ba de ka la sogs pa'i yi ge sangs rgyas kyi yon tan dang ldan pa'o/ /de nas byang chub sems dpa' chen po lag na rdo rjes bcom ldan 'das la 'di skad ces gsol to/ /bcom ldan 'das/ yi ge rnams kyi rang bzhin gang lags/ ji lta bu'i rnam pas sangs rgyas kyi yon tan rnams dang ldan pa lags/ de nas bcom ldan 'das rnam par snang mdzad chen pos lag na rdo rje la bka' stsal pa/ lag na rdo rje nyon cig /ka la sogs pa'i yi ge 'di rnams gang las byung ba dang / ji lta bu'i rang bzhin dang / gang gis sprul pa nyon cig /ka sgrog pa zhes bya ba'i 'jig rten gyi khams nas de 'ongs te sangs rgyas kyi yon tan blta ba ste/ de dag thams cad rnam par snang mdzad kyi rang bzhin de bzhin gshegs pa'i sku ste/ nam mkha' dang mnyam pa'i sku zhes bya ba'i don to/ /mi phyed pa'i rang bzhin dang / dwangs pa'i rang bzhin zla ba'i dkyil 'khor gyi gzugs kyis gdugs su gyur pa/ sa phyogs mtha' dag khyab pa/ skye ba dang / rga ba dang / 'chi ba dang / sdug bsngal ba dang / yid mi bde ba dang / gdung ba la sogs pa 'gog par byed pa/ bdud rtsi'i rang bzhin 'dzag pa/ 'jig rten gsum gyi rnam par rtog pa 'phrog pa/ </font><hr>149b<br><font size=+1>


de la gnas shing shin tu traT ma Ta'i rang bzhin te 'phro med ldan pa zhes bya ba'i don to/ /Tha'i yi ge dang ldan pa'i sbyor ba mang po'i don to/ /Ta'i yi ge dang ldan pas ri bo'i tshogs dang / Na'i yi ge dang ldan pas shin tu 'jam pa can skar ma la sogs pa'i gzugs kyis de la 'jug ste/ ji ltar skar ma dri ma med cing 'od dang ldan pa de bzhin du'ang sangs rgyas kyi yon tan dri ma med pa zhes bya ba'i don to/ /sbyin pa dang tshul khrims dang ldan pa 'dzin pa'i rang bzhin te/ ji ltar sa 'dzin pa'i ri bos rnams 'dzin pa de bzhin du des kyang sems can rnams 'dzin pa'o/ /sems can med pa rnams kyi sdig pa'i grogs po dang ldan pa gzhom pa'i don gyi yum rnams kyis bcom ldan 'das de bzhin gshegs pa thams cad kyi bdag po la gsang ba bskul ba 'dis bstod pa/ legs so dpal mchog rdo rje mchog /sangs rgyas kun gyi yab chen po/ /legs pa'i rnal 'byor sbyor ba'i mchog /legs pa'i mchog rab bstod phyag 'tshal/ /legs pa'i sngags mchog phyag rgya'i mchog /ye shes mchog rab rab kyi mchog /legs pa'i las chen grags pa'i mchog /rdo rje mchog rab bstod phyag 'tshal/ /legs pa'i rin mchog mchog chos mchog /snying </font><hr>150a<br><font size=+1>


@#/ /po rig sngags dam tshig mchog /rdo rje ye shes gsal ba'i mchog /dkyil 'khor mchog rab bstod phyag 'tshal/ /ye shes rnam dag kun gyi mchog /stong nyid mchog la mnyam par bzhag /brtson 'grus legs mchog sems dpa'i mchog /shes rab rab mchog bstod phyag 'tshal/ /ye shes kyi ni yum rnams kyi/ /snying po bcom ldan 'das kyis gsungs/ /phyag rgya sngags dang rig pa dang / /sdom dang dam tshig chen po dang / /de nas bcom ldan 'das kyis rnal 'byor chen po gsang ba'i rgyan gyi dkyil 'khor zab mo'i chos yum rnams kyi dbyangs kyi dkyil 'khor bka' stsal pa/ snying po'i phyag rgya sngags rig rnams/ /tha snyad tsam du rnam par gnas/ /de las byung ba'i sngags bdag gis/ /dbye ba bzhin du brtag par bya/ /snying po phyag rgya sngags rig rnams/ /gzhan du tha snyad mthong ma yin| |rig pa'ang tshor ba'i rnam pa yi/ /mtshan nyid du ni shes rab bshad/ /gsal byed kyis ni legs gsal byas/ /snying po tha snyad tsam du bshad/ /yum rnams kun gyi shes bya ba/ /go rim ji lta ba bzhin du/ /dkyil 'khor gyi ni 'khor lor gzhag /shes rab sa bon dbyangs yig bzhi/ /rtsibs la yum gyi sa bon no// </font><hr>150b<br><font size=+1>


yab kyi sa bon 'dab ma la/ /lhag ma phyi rol shes par bya/ /dpyod pa lte ba ru bshad do/ /de nas spyan drangs de nyid kyis/ /chos kyi dbyings ni brjod par bya/ /dkyil 'khor snga ma bzhin bris la/ /slob dpon cho ga rig pa yis/ /de tshe ji lta'i chas zhugs te/ /dkyil 'khor dam par 'jug par bya/ /chos kyi rang bzhin dag brjod de/ /'gro ba 'di ni tha snyad tsam/ /chos kyi de nyid rjes dran pas/ /me tog snyim pas dor bar bya/ /de nas rang nyid dbang bskur te/ /rang nyid kyang ni tha snyad tsam/ /chos rnams kun gyi dbang phyug rgyal/ /dam pa'i dbang phyug 'grub par 'gyur/ /'jig rten 'jig rten 'das pa yi/ /gsang sngags thams cad 'grub par 'gyur/ /sngags pa zhugs pa tsam gyis te| |dbang bskur bas ni smos ci dgos/ /'di nyid kyis ni sbyor ba yis/ /slob ma'i dam pa gzhug par bya/ /chos kyi de nyid bshad nas su/ /dkar po'i ras kyis gdong g.yogs te/ /de bzhin me tog dor bar bya/ /chos dbyings kyis ni bdag gis bzhes/ /de nyid dam tshig nyan du gzhug /dam tshig shes pa'i slob ma ni/ /ma gtogs gzhan ni su la yang / /khyod kyis ma mo bsgrag mi bya/ /gal te rmongs pas bsgrags spros pa/ /dam pa rnams la phan gdags pa la sogs pa'i sbyor bas phan pa dang / </font><hr>151a<br><font size=+1>


@#/ /theg pa chen po'i tshul gyis sems can thams cad kyi re ba thams cad rdzogs par byed do/ /gsang ba'i mchod pa thams cad dang ldan pas bla na med pa yang dag par rdzogs pa'i byang chub ster bar byed do/ /sems can thams cad kyi chags pa'i ngang tshul sgreg pa'i ro dang yang dag par ldan pa skyes pa dang bud med la sogs pa dbang du byed pa'i rang bzhin dang / dngos grub thams cad byed pa dung gi sgra dang ldan pas 'jig rten gsum gyi sgra'i 'dren pas sems can thams cad la phan pa rjes su mdzad pa hA hA'i rnam pa'i gad rgyangs dang ldan pa'i snying rje can/ bdud rtsi'i rgyun gyis yi ge'i sbyor bas bud med dang skyes pa rnams kyi bde ba'i mchog ster bar mdzad pa'o/ /lag na rdo rje/ 'dir byang chub sems dpa' sems dpa' chen po theg pa chen po dang rab tu ldan pa rnams kyis de dag thams cad bsgom par bya'o| |de nas byang chub sems dpa' chen po lag na rdo rjes bcom ldan 'das kyi spyan sngar zla ba'i dkyil 'khor la brten par gyur pas bcom ldan 'das la 'di skad ces gsol to/ /bcom ldan 'das/ rnam pa gang gis sems can gang gdug pa'i sems dang ldan pa de rnams 'dul bar 'gyur lags/ de nas bcom ldan </font><hr>151b<br><font size=+1>


'das rnam par snang mdzad chen pos rdo rje sems dpa' dam tshig 'byung ba byin gyis rlob pa zhes bya ba'i ting nge 'dzin la snyoms par zhugs te rdo rje sems dpa' sku snyems pa dang bcas shing dkar \?\ rgyan thams cad kyis brgyan pa/ 'bar ba'i 'od zer gyi rnam pa can/ rdo rje gsor bar mdzad pa/ re ba thams cad yongs su skor ba/ rdo rje sems dpa' nyid nges par ster ba po nges par phyung ngo / /rdo rje sems dpa' sku des ri rab ri la gnas pa'i lha thams cad rdo rje lcags kyus bkug ste rdo rje zhags pas bcings nas rdo rje 'bebs pas bcug ste rdo rje dril bus tshim par mdzad do/ /sgrub par mdzad do/ /dzaHhUM baM ho/ lag na rdo rje/ phyi nas lha rnams kyis gdug pa'i sems can rnams bsgrub par bya'o/ /de nas sems can de rnams theg pa chen po'i tshul gyi shing rta la yang dag par zhon pa dang / dkyil 'khor dang / dam tshig gi sbyor ba dang yang dag par ldan pa dang / dkyil 'khor chen po mthong ba tsam gyis dam tshig thams cad shes par 'gyur ro/ /de nas lag na rdo rjes bcom ldan 'das la 'di skad ces gsol to/ /bcom ldan 'das/ de ltar na'ang rnam pa ji lta bus gdug pa can gyi sems can 'jug par bgyi/ de nas rnam par snang mdzad chen po de bzhin gshegs pa thams cad kyi bdag </font><hr>152a<br><font size=+1>


@#/ /pos lag na rdo rje la bka' stsal pa/ nyon cig lag na rdo rje/ rdo rje hUM mdzad kyi tshul gyi tshul de nyid kyis sems can de rnams bkug ste gzhug par bya'o// de nas byang chub sems dpa' chen po lag na rdo rjes tshul de nyid kyis rdo rje hUM mdzad kyi gzugs 'dzin par gyur to/ /de nas rdo rje hUM mdzad cher gtum zhing khro ba/ gnod sbyin gyi bdag po chen po mchu dang mche ba rnam par gtsigs shing zhal bzhi pa/ khro bo chen po'i sku 'jig rten gsum po mtha' dag 'bar ba'i 'od kyi rnam pa can/ rdo rje 'od zer gyi phreng ba du mas las rdo rje hUM mdzad kyi sku du ma phyung ba/ snang ba chen po dang ldan pa rdo rje 'bar ba chen po'i mtshon cha can byung ste 'di lta bu'i sku 'dzin pas bcom ldan 'das rnam par snang mdzad chen po'i spyan sngar zla ba'i dkyil 'khor la brtan par gyur pas bkas gnang bar gsol pa/ bdag gis ci bgyi ba bkas gnang du gsol/ de nas bcom ldan 'das rnam par snang mdzad chen pos rdo rje hUM mdzad la bka' stsal pa/ gdug pa can gyi sems can 'di rnams khug la chug cig /de nas byang chub sems dpa' chen po rdo rje hUM mdzad kyis bcom ldan 'das kyi bka' nye bar thos nas mi yul dang / bar snang dang / rkang 'og na gnas pa'i lha </font><hr>152b<br><font size=+1>


rnams dang / mkha' 'gro ma la sogs pa rnams dang / gza' thams cad de'i skad cig tsam la bkug nas kye grogs po dag/ kho bo'i dkyil 'khor du zhugs shig kho bo'i bka' stsal pa nyon cig/ de nas sems can phra mo de dag zhugs te bcom ldan 'das/ bdag cag gis bka' lung ji ltar bgyi/ de nas byang chub sems dpa' chen po phyag na rdo rjes de rnams la 'di skad ces bka' stsal to/ /srog chags gsod pa la sogs pa'i mi dge ba rnams ma byed cig /sangs rgyas dang / chos dang / dge 'dun la skyabs su song zhig /bcom ldan 'das/ bdag cag gis de ltar bgyi'o/ /zhes gsol te phyir byung ngo / /de nas lha la sogs pa de dag phan tshun mgrin gcig tu 'di skad ces smras te/ 'u bu cag dkyil 'khor 'dir 'jug pa 'di ko su zhig/ de nas lag na rdo rje rdo rje hUM mdzad des sems can de la bka' bsgo ba/ kye gdug pa can gyi sems can dag /kho bo'i bka' bzhin byos shig/ kho bo'i rkang pa la gtugs la kho bo'i dkyil 'khor du zhugs shig/ de nas lha la sogs pa de rnams de'i bka' nye bar thos nas 'di skad ces smra'o| |khyod kyi ming ci/ ci'i phyir kho bo cag gis khyod kyi ngag mnyan par bya/ de nas khro bo chen po rdo rje hUM mdzad kyis byang chub sems dpa' chen po des rdo rje 'bar ba </font><hr>153a<br><font size=+1>


@#/ /des lha la sogs pa de rnams lhan cig khros te rtsod pa chen po byas pas de dag thams cad 'gyel bar gyur te/ /de nas gdug pa can gyi sems can brgyal bar gyur te slar yang lag pas thal mo sbyar te byang chub sems dpa' chen po de la gsol pa/ bcom ldan 'das kyis ji ltar bka' stsal pa/ de ltar bdag cag gis bgyi'o/ /de nas byang chub sems dpa' chen po lag na rdo rjes lha la sogs pa de dag dkyil 'khor du bcug ste bstan to/ /dkyil 'khor mthong nas rnam par snang mdzad chen po'i zhabs gnyis la gtugs te rgyang du gnas nas 'di snyam du sems kyis bsams pa/ bcom ldan 'das 'di ni/ 'di ltar bdag nyid che ba 'di lta bu'i bran yang stobs dang ldan pa'o/ /e ma'o chos kyi bdag nyid chen po gang gi bran gyi ngag tsam gyis kyang lha la sogs pa 'di dag brgyal bar gyur to/ /snyam sems so/ /de nas rdo rje hUM mdzad kyis de dag thams cad la skyabs gsum dang sdom pa dang bslab pa byin te/ rdo rje'i chus gtor nas rdo rje spyi bor gzhag nas 'di skad ces bka' stsal to| |kye lha dag /chos 'di las 'da' bar ma byed cig /de nas lha la sogs pa de rnams kyis phyag na rdo rje la 'di skad ces gsol to/ /phyag na rdo rje/ gang yang 'ga' </font><hr>153b<br><font size=+1>


zhig theg pa chen po la smod par 'gyur ba de'i srog bdag gis blang bar bgyi'o/ /gang dag theg pa chen po la gnas pa de'i gnas su ring du gnas te sgo bzhi dang / phyogs bcur yongs su bskyab pa la sogs pa bgyi lags so/ /de nas byang chub sems dpa' chen po phyag na rdo rjes bcom ldan 'das kyi spyan sngar zla ba'i dkyil 'khor la brten te/ bcom ldan 'das la 'di skad ces gsol to/ /bcom ldan 'das/ byang chub sems dpa' chen po lta bu nam mkha'i mthongs na nam mkha' ltar sngo ba/ lag na rtse gsum 'dzin pa/ tshad nam mkha'i khams thams cad dang mtshungs par khyab pa'i ral pa'i thor tshugs 'chang ba/ tshogs du mas yongs su bskor ba/ zla ba phyed pa 'dzin pa/ cung zad dgod pa'i rang bzhin can/ snyems pa dang bcas pas rngam par gnas pa 'di su zhig lags/ de nas bcom ldan 'das rnam par snang mdzad chen pos lag na rdo rje la bka' stsal pa/ lag na rdo rje/ 'di ni/ lha chen po zhes brjod pa snyems pa'o/ /nga 'jig rten gsum po thams cad kyi bdag po'o/ /gzhan gang yin pa 'gugs par byed pa'o/ /zhes 'di lta bu'i snyems pa'i rnam par 'khrul pa chen pos gnas pa'o/ /lag na rdo rjes gsol pa/ bcom ldan 'das/ gdug pa 'di ci 'jig rten gsum gyi bdag po nyid kyis gnas </font><hr>154a<br><font size=+1>


@#/ /lags sam/ lag na rdo rje/ de de bzhin no/ /de nas byang chub sems dpa' lag na rdo rje khro ba dang bcas pa'i gdong pas rdo rje hUM mdzad kyi sku nyi ma bye ba stong phrag bcu gnyis kyi snang ba dang mtshungs pa/ chu gter chen po'i sgra sgrog pa/ 'jig pa'i dus kyi rlung gis dkrugs pa ltar nam mkha'i khams thams cad khyab pa'i khro bo chen po'i skur gyur te bcom ldan 'das kyi spyan sngar gnas nas 'di skad ces gsol to/ /bcom ldan 'das/ gdug pa can gyi sems can 'jig rten gsum gyi bdag por gnas pa 'di rdo rje 'bar ba 'dis 'khor dang bcas pa'i lus thams cad bsreg par bya'o/ /de nas byang chub sems dpa' chen po rdo rje hUM mdzad kyis 'jig rten gsum gyi bdag po'i mdun du de lta bu'i skur gyur pas 'khod do/ /de nas 'jig rten gsum gyi bdag po bdag nyid kyi 'khor rnams kyis g.yul chen po 'gyed par brtsams so/ /de nas byang chub sems dpa' chen po lag na rdo rjes 'khor dang bcas pa de rnams la rdo rje kun tu 'bar zhing me lce gcig tu gyur pas bsnun par gyur to// de nas 'jig rten gsum gyi bdag pos de dag thams cad bsad par mthong nas snying 'dar zhing chung ma dang bcas pa lcags gsum gyi ra bas bskor te gnas so/ / </font><hr>154b<br><font size=+1>


de nas byang chub sems dpa' chen po rdo rje hUM mdzad kyis rdo rje de dang / mtshon cha de dag thams cad kyis de'i lcags gsum gyi ra ba shin tu bsrags te 'jig rten gsum gyi bdag po lha chen po chung ma dang bcas pa de la lcags kyu de dang rdo rjes bsnun cing bkug nas zhabs gnyis kyi drung du bskyur ro/ /de nas bcom ldan 'das la byang chub sems dpa' chen po lag na rdo rjes 'di skad ces gsol to/ /gdug pa can gyi sems can bkug pa 'di la de bdag gis ji ltar bgyi/ de skad ces gsol pa dang / skabs de nyid du chung ma dang bcas te lha chen po langs nas slar bros par gyur to/ /song nas kyang der nam mkha'i tshad tsam gyi bshang ba dang / gci ba shin tu mnam pa'i dri du ma dang ldan pa mi gtsang ba'i ra bas bskor te gnas so/ /de nas rdo rje hUM mdzad kyis rnam par bltas pa dang / gdug pa can gyi sems can de ma mthong ste bar snang du rnam par bltas pas tshul de lta bu mi gtsang ba'i ra bas bskor te gnas pa gzigs so/ /de nas kun nas 'bar rab tu 'bar ba'i rdo rje des ra ba de bshig ste lha chen po chung ma dang bcas pa de bkug nas bsgyel te zhabs g.yon pa'i 'og tu de'i mgo mnan nas g.yas pas lha mo u ma'i nu ma rgyas pa dag mnan te 'di skad ces bka' stsal to/ /kye sems </font><hr>155a<br><font size=+1>


@#/ /can gdug pa can/ khyod la ji ltar bya/ de nas lha de rnams 'jig rten gsum gyi bdag po de 'di lta bu'i gnas skabs su gyur bar mthong nas ngo mtshar du gyur cing skrag pa dang bcas pas 'di snyam du sems te kye ma'o/ /'jig rten gsum gyi bdag po'i gnas skabs bdag ni/ bzang gi/ de ni/ de lta ma yin no snyam mo| |de nas lha chen pos lha de rnams mthong nas dpa' tshan bskyed de byang chub sems dpa' de la 'jig rten gsum 'jigs par byed pa'i 'jigs byed ku co chen pos 'jig rten gsum du cher bsgrags pas 'jigs pa bskyed pa brtsams so/ /de nas byang chub sems dpa' chen po des lha chen po de zhabs g.yon pas ches shin tu brdzi ba mdzad kyang de lta na'ang de sgra gcog par ma gyur to/ /de nas byang chub sems dpa' sems dpa' chen pos cha gcig rdo rje hUM mdzad kyi gzugs su gnas nas gzhan phyag na rdo rje'i gzugs su bcom ldan 'das kyi thad du song ste bcom ldan 'das la 'di skad ces gsol to/ /bcom ldan 'das/ sems can gdug pa can 'di'i sgra chen po 'byin pa la bdag gis ji ltar bgyi/ de nas bcom ldan 'das rnam par snang mdzad chen pos bgegs thams cad rnam par 'joms pa rdo rje </font><hr>155b<br><font size=+1>


zhes bya ba'i ting nge 'dzin la snyoms par zhugs nas nyid kyi thugs las snying po 'di phyung ngo / /hUM| snying po 'dis rdo rje'i zhabs kyis spyi bor bsnun no/ /de nas byang chub sems dpa' chen po phyag na rdo rjes bcom ldan 'das la 'di skad ces gsol to/ /bcom ldan 'das/ snying po de'i ming ci lags/ /de nas bcom ldan 'das rnam par snang mdzad chen pos lag na rdo rje la bka' stsal pa/ lag na rdo rje/ snying po 'di ni/ sems can gdug pa thams cad kyi snying 'dral bar byed pa'o/ /de nas rdo rje hUM mdzad kyis de skad thos nas cung zad 'dzum pa'i bzhin gyis 'jigs pa chen po'i rlung gi shugs kyis bdas pa'i rgya mtsho'i rba rlabs brdabs pa'i sgra lta bus hUM/ sems can gdug pa can 'dug cig /'dug shig ces smra zhing / zhabs g.yon pas spyi bor rgyab nas bsnun no/ /de nas lha mo des lag pa thal mo sbyar ba spyi bor bzhag nas 'di skad ces smra bar byed do/ /e ma'o// gzi brjid chen po 'di gang gi phyir 'jig rten gsum las rnam par rgyal ba'i bdag gi bdag po yang zhabs g.yon pas kun nas mnan nas 'di'i bran mo nyid mchog ste/ nga yang 'di'i chung ma bya snyam zhes smra'o/ /bdag gang gi phyir 'di lta bu'i sdug bsngal myong bar bzod pa bas de nas yang des rjes su bsams pa/ bdag gi bdag </font><hr>156a<br><font size=+1>


@#/ /po 'jig rten gsum gyi dbang phyug 'di gzugs bzang yang stobs dang ldan pa ma yin no snyam mo/ /de nas rdo rje hUM mdzad kyis de'i sems mkhyen te slar yang khro ba dang bcas pa'i lta stangs kyis gzigs te/ e ma'o/ /bud med 'di ni/ shin tu gzugs dang ldan la yid du 'ong ba'o zhes gsungs so/ /de nas lha chen po des slar yang yan lag dang nying lag bskyod cing sos mchu za bar byed do/ /de nas bcom ldan 'das rdo rje hUM mdzad kyis de la gzigs te khro ba dang bcas pas rdo rje'i mtshon cha des kun nas bsnun te bsad par gyur to/ /de nas lha mo de 'di skad ces smra zhing ngu bar byed do/ /ji ltar bdag gi bdag po 'jig rten gsum gyi mnga' bdag de 'dis bsad na/ bdag gis ji lta bya zhes smra'o/ /de nas rdo rje hUM mdzad kyis yang lha mo zhabs g.yon pas shin tu brdzis te gsad par brtsams so/ /de nas lha mo de 'dar ba'i yid kyis 'di skad ces smras so/ /bcom ldan 'das/ ci bdag 'gum par mdzad dam/ bdag khyod kyi bran mor mchi'o/ /de nas byang chub sems dpa' chen po rdo rje hUM mdzad slar yang ya mtshan dang bcas pa'i lta stangs kyis de la gzigs te/ bud med mdzes ma 'di bcom ldan 'das la bla ma'i yon du dbul bar bya'o snyam </font><hr>156b<br><font size=+1>


du dgongs so/ /de nas lha mo des phyag na rdo rje la gsol ba/ byang chub sems dpa' thugs rje chen po 'di'i srog yongs su bskyab tu gsol/ de nas bcom ldan 'das rnam par snang mdzad chen pos lha mo de'i tshig gsan nas thugs rje dang ldan pa'i thugs kyis lag na rdo rje la bka' stsal pa/ lag na rdo rje/ sems dpa' chen po 'di thong zhig/ skal ba dang ldan pa 'di sangs rgyas nyid du 'gyur ro/ /de nas byang chub sems dpa' chen po des bcom ldan 'das la 'di skad ces gsol to/ /bcom ldan 'das/ gdug pa can gyi sems can 'di ji ltar skal ba dang ldan pa lags/ de nas bcom ldan 'das rnam par snang mdzad chen pos lag na rdo rje la bka' stsal pa/ lag na rdo rje/ 'di ni| skal ba dang ldan pa yin gyi/ des na thong zhig /de nas byang chub sems dpa' chen po lag na rdo rjes 'jig rten gsum gyi bdag po la 'chi ba yongs su 'tsho bar byed/ oM badz+ra satwa hUM/ rdo rje zhes bya ba'i sngags kyis 'tsho bar mdzad nas 'di skad ces bka' stsal to/ /bzang mo 'di gal te ster na/ de nas gtang bar bya'o/ /de nas lha chen po sdug bsngal mang po de las langs te shin tu stobs zhan pas de la 'di skad ces gsol to/ /bcom ldan 'das/ bdag gis ci bgyi ba bka' stsal du gsol/ chung ma 'di lta </font><hr>157a<br><font size=+1>


@#/ /smos kyang ci 'tshal/ gzhan yang bla ma'i yon du dbul bar bgyi/ de nas phyag na rdo rjes lha chen po de bkrol lo/ /bkrol nas de la 'di skad ces gsol to| |yang bcom ldan 'das sems dpa' chen po khyod kyi dkyil 'khor du zhugs la khyod kyi bka' bzhin du bgyi'o/ /de nas byang chub sems dpa' chen po rdo rje hUM mdzad kyis de la sdom pa gnang ba/ deng 'di nas brtsams te srog chags gsod pa la sogs pa ma byed cig /de nas gdong bcings pa bkrol te dkyil 'khor bstan to/ /de nas lha chen pos dkyil 'khor de mthong nas ngo mtshar du gyur te/ e ma'o/ /dkyil 'khor 'di ni/ shin tu mdzes so/ /zhes smra'o/ /de nas byang chub sems dpa' chen po dbang phyug chen pos de bzhin gshegs pa thams cad kyi bdag po de mthong nas kye ma'o/ /sdig can bdag ji ltar 'di'i bka' bzhin thog ma nyid du ma byas so/ / zhes yid la byed de mya ngan du gyur to/ /de nas bcom ldan 'das rnam par snang mdzad chen pos lha chen po de la rdo rje des rdo rje'i chus dbang bskur ro/ /dbang bskur ba nyid na thal ba'i dbang phyug tu lung bstan te/ thal bas khebs pa'i 'jig rten gyi khams su thal ba'i dbang phyug ces bya ba'i de bzhin gshegs pa'o/ /zhes rdo </font><hr>157b<br><font size=+1>


rje'i ming 'di'i dbang gis dbang bskur ro/ /de nas de bzhin gshegs pa thal ba'i dbang phyug gis bcom ldan 'das rnam par snang mdzad la 'di skad ces gsol to/ /bcom ldan 'das/ bla ma la yon dbul ba'i red pa cung zad mchis na/ bcom ldan 'das/ de bzhes su gsol/ de nas bcom ldan 'das rnam par snang mdzad chen pos de bzhin gshegs pa thal ba'i dbang phyug la 'di skad ces bka' stsal to/ /gang bla ma la yon dbul ba ni/ khyod kyis tshul 'di las 'da' bar mi bya ba nyid dang / gzhan la yang nam du'ang smra bar ma byed cig/ de nas yang lha chen pos bcom ldan 'das la 'di skad ces gsol to/ /de lta lags mod kyang ci nas kyang bla ma'i yon bzhes su gsol/ de nas byang chub sems dpa' chen po phyag na rdo rjes sems dpa' chen po de la 'di skad ces smra'o/ /bla ma'i yon ci phul ba de ngas blang bar bya'o/ /de nas sems dpa' chen po des phyag na rdo rje la 'di skad ces gsol to/ /bdag gi chung ma 'di dbul bar bgyi zhing rdzas la sogs pa'ang dbul bar bgyi'o/ /de nas phyag na rdo rjes bcom ldan 'das la gsol pa/ bcom ldan 'das/ chung ma 'di blang bar bgyi'am/ 'on te rdzas la sogs pa blang bar bgyi/ de nas bcom ldan 'das rnam par snang mdzad chen </font><hr>158a<br><font size=+1>


@#/ /pos lag na rdo rje la bka' stsal pa/ lag na rdo rje/ rdzas kyis ci zhig bya/ gal te chung ma 'di 'bul na/ khyod kyis zungs shig /rnam par rtog pa ci yang mi bya'o/ /de nas byang chub sems dpa' chen po phyag na rdo rjes byang chub sems dpa' chen po de la 'di skad ces bka' stsal pa/ sems dpa' chen po/ bdag la chung ma byin cig /de nas byang chub sems dpa' chen po thal ba'i dbang phyug dga' zhing rangs te rab tu mgu ba'i yid kyis byang chub sems dpa' chen po phyag na rdo rje la chung ma de phul lo/ /de nas lha mo des phyag na rdo rje shin tu gzhon pa/ mdzes pa'i bdag nyid can mthong nas dga' zhing rangs te bdag skal ba dang ldan no snyam bsams te de la gsol pa/ e ma'o bcom ldan 'das kyi chos ni/ sems can rnams kyi phyir 'di lta bu'i gzugs su bsgyur te 'jigs pa'i gzugs 'dzin pa ni| bdag gi bde ba dang yid bde ba bskyed pa'i don du dkyil 'khor du 'jug pa thob pa'i don du lags so/ /de nas de bzhin gshegs pa thal ba'i dbang phyug yid la 'di ltar sems par gyur te e ma'o 'di ni/ ngo mtshar che ste/ bdag gi chung ma 'dis bdag bgrang bar mi byed do snyam mo/ /de nas bcom ldan 'das de </font><hr>158b<br><font size=+1>


bzhin gshegs pa thams cad kyi bdag po rnam par snang mdzad chen pos de bzhin gshegs pa thal ba'i dbang phyug ces bya ba de la thal bas khebs pa'i 'jig rten gyi khams su dbang bskur ro/ /khyod 'jig rten gyi khams der song zhig /de nas de bzhin gshegs pa thal ba'i dbang phyug de de bzhin gshegs pa thams cad dang / 'jig rten gyi khams der dbang bskur ba tsam gyis song ngo / /de nas lha mo de de'i gzugs phun sum tshogs pa rang gis mthong nas slar yang smras pa/ 'di'i bran mo mchog tu 'gyur ram ma yin te/ de'i chung ma mchog tu 'gyur/ de nas byang chub sems dpa' chen po phyag na rdo rjes mdzes ma de blangs te bcom ldan 'das kyi spyan sngar gnas nas bcom ldan 'das la 'di skad ces gsol to/ /bdag gi bla ma'i yon bcom ldan 'das bzhes su gsol/ khyod la bdag gi mdzes ma 'di dbul bar bgyi'o/ /de nas bcom ldan 'das kyis lag na rdo rje la bka' stsal pa/ khyod nyid la zhog cig /de nas lha mo de slar yang 'di snyam du sems par gyur to/ /gal te de bzhin gshegs pa thams cad kyi bdag po 'di la bdag bla ma'i yon du 'dis phul ba de lta na/ 'di'i bran nyid du gyur kyang bdag skal ba dang ldan no snyam mo/ /de nas lag na rdo rjes bcom ldan 'das la 'di skad ces gsol </font><hr>159a<br><font size=+1>


@#/ /to| |bcom ldan 'das/ mjes ma 'di bzhes su gsol/ de nas bcom ldan 'das kyis bka' stsal pa/ lag na rdo rje/ de ltar bya'o/ /de nas bcom ldan 'das kyis de bzung ste rnam par brtags nas rdo rje'i chus dbang bskur te brla zung gi steng du bzhag nas de la 'di skad ces bka' stsal to/ /de bzhin gshegs pa thams cad kyi rdo rje'i rigs kyi lha mo chen mo khyod yin no/ /de nas lha mo des 'di lta bu'i bka' nye bar thos nas dga' zhing rangs pa'i yid kyis gnas so/ /de nas yang lha la sogs pa dang / gza' rnams kyis bcom ldan 'das lha mo chen mo dang bcas pa phyag na rdo rje dang thabs cig pa dkyil 'khor chen po la lan gsum du g.yas nas bskor zhing rgyang nas phyag byas te 'gro bar bka' nod cing gnas so/ /de nas bcom ldan 'das kyis de rnams la bka' stsal pa/ theg pa chen po 'di 'bad pas shin tu srung bar byos shig /de nas lha de rnams kyis bcom ldan 'das la 'di skad ces gsol to/ /bcom ldan 'das/ gang la la dag theg pa chen po la smod cing theg pa chen po sun 'byin pa'i sems can dag byung na/ de bdag cag rnams kyis tshar gcad par bgyi lags so/ /bcom ldan 'das kyis bka' stsal pa/ </font><hr>159b<br><font size=+1>


theg pa chen po sun 'byin pa rnams ji ltar nus pas tshar gcad par byos shig /de nas lha'i bu de dag ca co'i sgras bcom ldan 'das la legs so zhes gsol te song ngo // de nas bcom ldan 'das rnam par snang mdzad chen pos mdzes ma de deng sang nas brtsams te rdo rje gar ma zhes rdo rje'i ming gis dbang bskur ro/ /g.yon gyi zla ba'i dkyil 'khor gyi grwar rnam par bzhag ste/ de dang lhan cig rtse ba'i sbyor bas gnas so/ /de nas lha mo de la sangs rgyas des bka' drin dam pa mdzes pa'i yon tan stong phrag dang ldan par gyur to/ /de nas bcom ldan 'das de dang thabs cig tu a ling+ga dang tsum pa'i sbyor bas shin tu bde bas dge shing gnas so/ /de nas yang lha'i dbang po brgya byin lha'i bu brgya stong du mas yongs su bskor cing khri stan bzang po dang / glu dbyangs snyan pa sgrog pa dang lhan cig lhags te rnam pa sna tshogs pa'i me tog gi char chen po phab par gyur to/ /de nas byang chub sems dpa' chen po lag na rdo rjes bcom ldan 'das la 'di skad ces gsol to/ /bcom ldan 'das/ rnam pa sna tshogs shing bkra ba'i me tog gi char sus phab pa lags/ khri stan brgya stong phrag du ma dang lhags pa 'di su zhig lags/ de nas bcom ldan 'das de bzhin gshegs pa thams cad </font><hr>160a<br><font size=+1>


@#/ /kyi bdag po rnam par snang mdzad chen pos kun tu bzang po'i ting nge 'dzin la snyoms par zhugs te rnam par gzigs so/ /gzigs te de nas lag na rdo rje la bka' stsal pa/ lag na rdo rje/ lha rnams kyi dbang po brgya byin de bzhin gshegs pa thams cad kyi dam tshig la lhags pa yin no/ /de nas phyag na rdo rje snyems pa dang bcas pas rdo rje gsor zhing shin tu khros te bcom ldan 'das la 'di skad ces gsol to/ /bcom ldan 'das/ rdo rje kun tu 'bar rab tu 'bar ba 'dis de'i stobs gzhom par 'gyur ro/ /bcom ldan 'das kyis lag na rdo rje la bka' stsal pa/ lag na rdo rje/ 'di ni/ mi mthun par 'dzin pa'i sems kyis ma 'ongs kyi/ des na khyod de ltar ma byed cig /de nas bcom ldan 'das rnam par snang mdzad chen pos phyi'i tshul gyi lha mo de nyid kyi sku la bcug ste bzhugs so/ /de nas lha rnams kyi dbang po brgya byin lhags te lan gsum du bskor ba byas nas bcom ldan 'das la 'di skad ces gsol to/ /bcom ldan 'das/ dkyil 'khor chen po 'dir gzhug tu gsol/ gang gis bla na med pa yang dag par rdzogs pa'i byang chub nyid bsgrub par bgyi'o/ /de nas bcom ldan 'das kyis lha rnams kyi dbang po brgya byin dkyil </font><hr>160b<br><font size=+1>


'khor du bcug ste/ bcug nas 'khor dang bcas pa de la rdo rje'i chus dbang bskur te/ de nas byung nas lha rnams kyi dbang po brgya byin theg pa chen por sems bskyed du bcug go/ de nas lha rnams kyi dbang po brgya byin 'khor dang bcas pa dkyil 'khor chen por zhugs te skyabs gsum bzung nas bcom ldan 'das la bla ma'i yon dbul bar sems nas bcom ldan 'das/ ci zhig dbul bar bgyi/ de nas lha rnams kyi dbang po brgya byin bcom ldan 'das rnam par snang mdzad kyi zhabs gnyis lag tugs te rang gi mdzes ma blangs nas phul lo/ /de nas bcom ldan 'das rnam par snang mdzad chen pos brgya byin la 'di skad ces bka' stsal to/ /bud med 'di khyod nyid la zhog cig/ de nas lha rnams kyi dbang po brgya byin gyis bcom ldan 'das la 'di skad ces gsol to/ /bcom ldan 'das/ bdag dga' ba'i slad du 'di bzhes su gsol/ gzhan du na bdag ji ltar slob mar mchi/ de nas bcom ldan 'das kyis de ltar mdzad de blangs so/ /de nas lha rnams kyi dbang po brgya byin tshim zhing rab tu dga' bas bcom ldan 'das rnam par snang mdzad dang / phyag na rdo rje'i dkyil 'khor chen po la lan brgya stong phrag du mar bskor ba byas te 'khor dang bcas pa song ngo / /de nas bcom ldan </font><hr>161a<br><font size=+1>


@#/ /ldan 'das rnam par snang mdzad chen po de bzhin gshegs pa thams cad kyi bdag pos mdzes ma de rnam par brtags nas rdo rje'i chus dbang bskur te shin tu sgeg pa nyid du gzigs nas rdo rje sgeg mo zhes ming du btags so/ /de nas rdo rje gar ma phyung ste de la ched du brjod pas ched du brjod pa/ e ma'o theg pa chen po'i tshul 'di ni/ ngo mtshar che ste/ gang gis de bzhin gshegs pa nyid thob nas mdzes ma shin tu gzugs dang ldan pa chen po ster brnyed par gyur to/ /de nas bcom ldan 'das kyis lha mo gzhan yang phyung ste dkyil 'khor de yongs su gang bar mdzad do/ /de nas lha rnams kyi dbang po brgya byin slar yang dpung gi tshogs yan lag bzhi pa dang bcas pa der lhags so/ /de nas byang chub sems dpa' chen po phyag na rdo rjes dpung gi tshogs yan lag bzhi pa dang bcas pa de gzigs te yid rab tu 'khrugs par gyur nas bcom ldan 'das la 'di skad ces gsol to/ /bcom ldan 'das/ bdud sdig can dpung gi tshogs yan lag bzhi dang bcas te lhags pa 'di su ji lta bu zhig lags/ de nas bcom ldan 'das kyis dgongs te phyag na rdo rje la bka' stsal pa/ lag na rdo rje/ 'di ni/ bdud sdig to can 'ongs pa ma </font><hr>161b<br><font size=+1>


yin gyi| 'on kyang 'di ko'u shi ka yin no/ /de nas phyag na rdo rje rab tu khros te rdo rje gsor zhing bcom ldan 'das/ ci phrag dog gi sems kyis 'ongs na rdo rje 'dis de dag bsreg par bgyi'o/ /de nas bcom ldan 'das kyis lag na rdo rje la bka' stsal pa/ lag na rdo rje/ de ltar ma byed cig /bla ma'i yon gzhan yang dbul ba'i phyir lhags pa yin no/ /de nas lha rnams kyi dbang po brgya byin der 'ongs te/ bcom ldan 'das la 'di skad ces gsol to/ /bcom ldan 'das/ bla ma'i yon gzhan yang dbul bar 'tshal na bzhes su gsol/ bcom ldan 'das kyis bka' stsal pa/ gang nga la sbyin par 'dod pa de khyod nyid la zhog cig /ko'u shi ka /bla ma'i yon ni/ gang theg pa chen po'i tshul srung ba nyid yin no/ /brgya byin gyis gsol pa/ de lta lags mod kyang 'di dag bzhes su gsol zhes gsol te/ bla ma'i yon phul nas bcom ldan 'das la lan gsum du bskor ba byas te lha rnams kyi dbang po brgya byin 'khor dang bcas pa song ngo / /de nas pad+mo'i lus can la sogs pa gzhan rnams kyang lhags te mchod nas song ngo / /nyan thos kyi theg pa can rnams kyang lhags te mchod nas song ngo / /rgyas par rgyud gzhan rnams nas bshad pa'i phyir 'dir ma bshad </font><hr>162a<br><font size=+1>


@#/ /do/ /de nas byang chub sems dpa' chen po phyag na rdo rjes bcom ldan 'das la 'di skad ces gsol to/ /ci bcom ldan 'das/ sgrub pa'i thabs rgyas pa mdor bsdus te mdzad lags/ bcom ldan 'das kyis bka' stsal pa/ lag na rdo rje/ gang gis nyan thos kyi theg ba'i lo rgyus ma bshad lags/ de'i ting nge 'dzin sgom pa bstan par 'gyur ro/ /lag na rdo rje/ sdig pa can gyi sems can theg pa chen por gzhug par mi bya'o/ /de dag dran pa tsam du'ang mi bya'o/ /lag na rdo rjes gsol pa/ bcom ldan 'das/ rgyu gang gi phyir dran pa tsam yang mi bgyi lags/ bka' stsal pa/ lag na rdo rje/ ji srid nyan thos kyi theg pa'i gtam byas pa de srid du dam tshig 'joms pas de'i phyir gsang ba'i theg pa la mngon par brten pas de dag ring du yongs su dor bar bya'o/ /de nas byang chub sems dpa' chen po lag na rdo rjes 'di skad ces gsol to/ /bcom ldan 'das/ nyan thos kyi theg pa pa rnams ji ltar sun dbyung bar bgyi/ de nas bcom ldan 'das kyis phyag na rdo rje la bka' stsal pa| lag na rdo rje/ gang la la dag gsang ba'i theg pa chen por dbang bskur ba de rnams nyan thos kyi theg pa pa rnams kyi nang du gal te 'ga' zhig tshe zhugs na/ de </font><hr>162b<br><font size=+1>


la nyan thos kyi theg pa pa de dag ches bzhad gad byed de/ e ma'o theg pa 'di ni/ ngo mtshar rmad do/ /zhes ca co'i sgra chen po byed par 'gyur ro/ /de nas de rnams la theg pa chen po pas nus pa'i mthu bstan par bya'o/ /de nas lag na rdo rjes bcom ldan 'das la 'di skad ces gsol ba/ bcom ldan 'das/ rnam pa ji lta bus nus pa bstan par bgyi/ bcom ldan 'das kyis bka' stsal pa/ lag na rdo rje/ sgyu 'phrul chen mo zhes bya ba'i rig pa yod de/ de rnyed nas gang 'dod pa de bya'o/ /lag na rdo rje/ de la 'di ni/ sgyu 'phrul chen mo zhes bya ba'i rig pa'o/ /na mo b+ha ga wa te/ ma hA mA ya/ trai lokya dAM ni ma hA bi de A kaR+Sha ni mo ha ni/ ts+tshe da ni/ mA ra ni/ kar+d+ha ni/ ma hA in+d+rA dzA la kA ri Ni/ de wan A na ya| a su rA nA ka d+ha/ yak+Sha rak+Sha sa gan+d+ha rba/ kin+na ra/ bi d+ya d+hA ra Na/ A kaR+Sha ya/ A kaR+Sha ya/ daR+Sha ya/ daR+Sha ya/ biSh+Nu ya daR+Sha ya/ daR+Sha ya/ brah+mA Nan/ daR+Sha ya/ daR+Sha ya/ trai lokya daR+Sha ya/ daR+Sha ya/ A na ya/ A na ya/ ma hA mo he/ e h+ye hi b+ha ga wa te/ ma hA ma ye/ a ne ka ku ha ka sa ha sra ku le/ ma da ni/ dzI ba na hi tA rA/ ba ba hUM le/ he he/ ru ru| ha ra ha ra/ prA NAn/ khA hi khA hi/ gr-ih+Na gr-ih+Na/ pA ta ni/ b+h+ra ma Ni mu rats+tsha ni hUM hUM/ haHhaHphaT hUM haHswAhA/ 'di ni/ bcom ldan 'das ma gsang ba bsrungs bas mchog </font><hr>163a<br><font size=+1>


@#/ /gang du gsang ba 'grub pa'i rig pa sgyu 'phrul dra ba zhes bya ba'i rig pa'i dbang phyug /don yod pa grub pa'i gzugs can/ bcom ldan 'das ma gsang ba'i 'jig rten gyi dbang phyug /sems can thams cad kyi dbang phyug rjes su byed ma/ gdug pa thams cad 'dul ma 'di'i cho ga ni/ sngon du bsnyen pa stong bzlas pa de nas zla ba gzas bzung ba na nyin mtshan du smyung bar gnas te gzas bzung ba ma mthong ba ji srid zla ba ma grol ba de srid du bzlas la/ snga dro khrus byas te bil ba'i yam shing mar la btags pa nyi shu rtsa gcig bsreg par bya'o/ /de nas bram ze la ston mo byas te/ de dag las rjes su blangs pas de nas de 'grub par 'gyur ro/ /de nas byang chub sems dpa' chen po lag na rdo rjes bcom ldan 'das la 'di skad ces gsol to/ /'di grub nas ci bgyid par 'gyur/ /bcom ldan 'das kyis bka' stsal pa| lag na rdo rje/ las thams cad byed par 'gyur ro/ /rma bya'i sgro yongs su bzung la rig sngags 'dis lan bdun mngon par sngags pa'i sgro des ngo mtshar stong phrag byed par 'gyur ro/ /de nas lag na rdo rjes bcom ldan 'das la 'di skad ces gsol to/ /des ngo mtshar stong phrag ni/ /ji lta bu bgyid par 'gyur/ de nas bcom </font><hr>163b<br><font size=+1>


ldan 'das kyis lag na rdo rje la bka' stsal pa/ lag na rdo rje/ gang la la theg pa chen po la smod par byed na/ de ni/ mngon sum du tshar gcad par bya/ nam mkha' la sgro bskor na/ de nas nam mkha' la gnas pa'i lha thams cad bstan par bya'o/ /sgro nam mkha' la steng du bzung na/ tshangs pa dang / khyab 'jug dang / dbang phyug chen po la sogs pa dang / brgya byin dang / zla ba dang / gnod sbyin dang / srin po dang / lha ma yin dang / nam mkha' lding dang / mi 'am ci la sogs pa khang bzang du mas gang ba nam mkhar bstan par bya'o/ /lag na rdo rje/ sgro de steng du bzung na/ sbyor ba de dag phyed par 'gyur ro/ /lag na rdo rje/ sbyor ba gzhan yang bshad par bya ste/ chu khyor ba gang la rig pa 'di yongs su bzlas te/ de nas nam mkha' la gtor nas sprin 'bab pa bstan par bya'o/ /sgro steng du bskor na/ slar de dag thams cad med par 'gyur ro/ /gzhan yang bshad par bya ste/ thal ba la cung zad bzlas te grong dang grong khyer la sogs pa'i dbus su gtor na/ grong la sogs pa sreg pa bstan par bya'o/ /sgro steng du bskor na slar zhi bar 'gyur ro/ /lag na rdo rje/ gzhan yang bshad par bya ste/ gang gi tshe sngags pa mtha' gcig tu song ste chom rkun la sogs pa mthong ba na/ de nas bye ma </font><hr>164a<br><font size=+1>


@#/ /sbar bar blangs la rig pa cung zad cig bzlas te phyogs bzhir gtor bar bya'o/ /dpung gi tshogs glang bo dang rta la sogs pa stong phrag mthong bar 'gyur ro/ /de nas chom rkun la sogs pa'i sems can gdug pa can dogs pa dang bcas pas nye 'khor du 'ong par mi 'gyur ro/ /sgro steng du bskor na/ de nas med par 'gyur ro/ /lag na rdo rje/ sgro de nyid kyis pha rol gyi bud med bkug la 'dod par bya'o/ /lag na rdo rje/ gal te gdug pa gsad par 'dod na/ sgro de nyid kyi sbyor bas khro ba dang bcas pas de'i ming nas brjod cing bskor bas 'chi bar 'gyur zhing slar 'chi bar 'gyur ro/ /sgro de nyid kyis ji ltar bsam pa'i rdzas 'ong bar 'gyur ro| |de nyid kyis pha rol gyi sngags rengs par byed do/ /yang sgro de nyid steng du bskor bas grol bar 'gyur ro/ /'di nyid kyis gang yid la 'dod pa'i bud med 'gugs par byed do/ /ltos 'gro chen pos zos pa yang 'bebs par 'gyur zhing 'tsho bar byed do/ /sbrul nag pos zos pa yang slong zhing mi bzad pa'i dug kyang med par byed do/ /rims dang nad thams cad kyang sgros zhi bar byed do/ /ji ltar bshad pa'i las rnams byed do/ /rtag tu bzlas na/ 'chi ba las rgyal bar 'gyur ro/ /lag na </font><hr>164b<br><font size=+1>


rdo rje| 'di dag ni/ sgyu 'phrul chen mo zhes bya ba'i rig pa sgrub pa'i thabs dang bcas pa ste/ tshul 'di nyid kyis 'jig rten thams cad dbab par bya'o/ /'di ni/ nyan thos kyi theg pa pa rnams skrag par byed pa'i rig pa ste/ sangs rgyas nyid sgrub par byed pa ma yin no/ /sngags kyi sgrub pa 'ga' zhig gis sangs rgyas nyid sgrub par byed pa cung zad kyang med la 'on kyang sgom pa'i rim pas yin no/ /gsang ba'i tshul dang ldan pa'i sgom pa'i rim pa des 'grub par 'gyur ro/ /lag na rdo rje/ /des na 'jig rten pa dga' ba'i phyir dngos grub phra mo 'di sngags pas bsgrub par bya ste/ sangs rgyas kyi phyir ma yin no/ /de nas byang chub sems dpa' chen po lag na rdo rjes bcom ldan 'das la 'di skad ces gsol to| |bcom ldan 'das/ gal te sngags kyi tshul gyis sangs rgyas nyid bgyid par mi nus na/ rnam pa ji lta bus sangs rgyas nyid bgyid par rtogs par 'tshal/ de nas bcom ldan 'das kyis lag na rdo rje la bka' stsal pa/ lag na rdo rje/ gsang ba'i tshul gyis sangs rgyas nyid bsgrubs nas bla na med pa yang dag par rdzogs pa'i byang chub thob par 'gyur ro/ /de nas bcom ldan 'das rnam par snang mdzad chen po de bzhin gshegs pa thams cad kyi bdag pos byang chub sems dpa' chen po phyag na rdo rje la bka' </font><hr>165a<br><font size=+1>


@#/ /stsal pa| lag na rdo rje nyon cig /gsang ba mchog gi dbang phyug theg pa chen po dor nas tshul gzhan gyis bskal pa bye ba brgyar yang sangs rgyas nyid bya bar mi nus so/ /de nas byang chub sems dpa' chen po lag na rdo rjes bcom ldan 'das la gsol pa/ bcom ldan 'das/ theg pa chen po'i tshul bka' stsal du gsol| gang gis sems can thams cad la sangs rgyas nyid sbyin pa'o/ /bcom ldan 'das kyis bka' stsal pa/ lag na rdo rje/ theg pa chen po zhes bya ba mchog tu gsang ba'i mdzod nyon cig /de nas phyag na rdo rjes bcom ldan 'das la gsol pa/ bcom ldan 'das/ mdzod ces bgyi ba'i don gang lags/ bcom ldan 'das kyis bka' stsal pa/ lag na rdo rje/ 'di la mdzod ces bya ba ni/ b+ha ga'i gzhi'i gnas so/ /zhu ba can dang / de'i mdzod gcig tu byas te rdo rje sems dpa'i gzugs su bdag nyid bsam par bya'o/ /de nas bcom ldan 'das rnam par snang mdzad chen po lag na rdo rje dang / rdo rje gar ma dang / rdo rje sgeg mo dag dang thabs cig tu rnam pa du ma a ling+ga dang tsU Sha na la sogs pa mdzad cing bsten nas btung bar mdzad do/ /de nas lag na rdo rje sngags pa'i tshul 'di ltar tsU Sha na dang / tsum pa na la sogs </font><hr>165b<br><font size=+1>


pas b+ha ga'i nang du song bar bya ste/ bdag nyid rdo rje sems dpa'i gzugs su mngon par byang chub pa rnam lngas bskyed par bya'o/ /de nas byang chub sems dpa' chen po lag na rdo rjes bcom ldan 'das la gsol pa/ bcom ldan 'das/ ci lags/ phyi rol tu gnas nas mngon par byang chub pa rnam pa lnga bgyi bar mi nus lags sam/ bcom ldan 'das kyis bka' stsal pa/ lag na rdo rje/ phyi rol tu gnas pa'am/ phyi rol gyi tshul gyis sam/ b+ha ga bsten pa tsam gyis byang chub sgrub par nus pa ma yin te/ 'on kyang sbyor ba 'dis gal te b+ha ga bsten na/ de ni/ mngon par byang chub pa rnam pa lnga sgom pa por 'gyur ro/ /bcom ldan 'das/ ji ltar bsgom par bgyi/ lag na rdo rje/ des rtsa'i zhu bas bdag nyid zla ba'i dkyil 'khor gyi rnam par n+b+l+ta bar bya'o/ /yang byang chub zla ba'i tshul dang rtsa thams cad gcig tu byas te bdag nyid byang chub zla bar bsgom par bya'o/ /'o ma de las bdag nyid rdo rje'i gzugs su bsams la/ de las yang rdo rje sems dpa'i skur rnam par bsgom par bya'o/ /yang thams cad lhan cig gcig tu gyur pa las de bzhin gshegs pa thams cad kyi skur bsgom par bya'o/ /de de bzhin gshegs pa thams cad kyi bdag po rnam par snang mdzad chen po dang </font><hr>166a<br><font size=+1>


@#/ /mtshungs par 'gyur ro/ /de nas byang chub sems dpa' chen po phyag na rdo rjes bcom ldan 'das la gsol ba/ bcom ldan 'das/ ci lags/ rtsa'i sbyor ba 'di dag ma gtogs par tshul gzhan gyis mngon par byang chub pa rnam pa lnga sgom par mi nus pa lags sam/ de nas bcom ldan 'das kyis byang chub sems dpa' sems dpa' chen po lag na rdo rje la bka' stsal pa/ lag na rdo rje/ rtsa'i sbyor ba 'di nyid kyis mngon par byang chub pa rnam pa lnga bsgom par bya'o/ /gzhan gyis ma yin no/ /gsol pa/ ci'i phyir/ bka' stsal pa/ lag na rdo rje/ phyi rol gyi zla ba'i dkyil 'khor gyi rnam pas mngon par byang chub pa de mi nus te/ 'bad pa chen pos kyang cung zad tsam yang bya bar nus pa ma yin no/ /dper na/ nam mkha'i chu skyes rnam pa gang gis kyang sgrub par nus pa ma yin pa bzhin no/ /de'i phyir gsang ba zhes bshad do/ /gsang ba'i tshul 'dis ngal ba med par sangs rgyas nyid dam rdo rje 'dzin pa nyid bsgrub par bya ba dang / sbyor ba gzhan gyis ma yin no/ /de'i phyir bcom ldan 'das bde bar gshegs pa'i thig le'i nyi mas phyogs rnam par gsal ba des sems can thams cad la phan ba'i phyir gsang ba'i sbyor ba 'di nyid gsal bar mdzad </font><hr>166b<br><font size=+1>


do| |de nas byang chub sems dpa' chen po phyag na rdo rjes bcom ldan 'das la 'di skad ces gsol to/ /bcom ldan 'das/ de lta na'ang gsang ba'i tshul gyis rnam pa yang dag par bdag la ma gsungs lags so/ /de nas bcom ldan 'das rnam par snang mdzad chen pos phyag na rdo rje la bka' stsal pa/ lag na rdo rje/ mchog tu gsang ba'i mdzod kyi thig le zhes bya ba sangs rgyas thams cad sbyin par byed pa/ de bzhin gshegs pa thams cad kyi skyed pa po nyon cig /ngas kyang tshul 'dis sangs rgyas nyid mdzad la/ khyod kyis kyang tshul 'dis sangs rgyas nyid bsgrub par bya'o/ /de nas bcom ldan 'das kyis bka' stsal pa/ lag na rdo rje/ ji srid ba spu'i bu ga yod pa de srid la rtsa rnams rdul phra rab kyi gzugs su bsgom par bya'o/ /de nas rdo rje gar ma'i gzugs su bsgoms nas de'i b+ha ga'i dbus su rdo rje gar ma'i gzugs rtsa'i rang bzhin las a la sogs pa'i yi ge 'bab pa'i ngo bor bsam par bya'o/ /de nas mi 'bab pa'i rtsa lnga ka la sogs pa'i gzugs su bsam par bya'o/ /de yongs su gyur pa las zla ba'i dkyil 'khor bsams la/ de'i 'o ma las bdag nyid b+ha ga'i dbus su rdo rje sems dpa'i skur bsgom par bya'o/ /de nas phyag na rdo rjes bcom ldan 'das la 'di skad ces gsol to/ /bcom ldan </font><hr>167a<br><font size=+1>


@#/ /'das/ rtsa de'i gzugs dang rang bzhin ji lta bu lags/ bcom ldan 'das kyis bka' stsal pa/ lag na rdo rje/ rtsa de rnams kyi nang nas gcig ni/ rtsa chen por gtso bor gyur pa ste/ rtsa gzhan thams cad ni/ de la rnam par gnas pa'o/ /de'i rang bzhin ni/ /bsil ba'i rang bzhin te/ de rnyed nas rdo rje 'dzin pa nyid dam rnam par snang mdzad nyid thob par 'gyur ro/ /gang yang cung zad dro ba na de nas 'jig rten dbang phyug gi sku thob par 'gyur ro/ /gang yang shin tu dro ba dang ldan na/ de bsgoms na rdo rje hUM mdzad kyi skur 'gyur ro/ /de nas khro bo'i gzugs su gyur nas ji srid khro bo'i gzugs su gyur pa de srid bsgom par bya ste/ zhi ba'i sku dang lhan cig gcig tu byas nas de nas nyi ma'i dkyil 'khor ro/ /de nas phyag na rdo rjes bcom ldan 'das la 'di skad ces gsol to/ /bcom ldan 'das/ ci lags/ bud med bsten pa tsam gyis sangs rgyas nyid thob pa lags sam/ 'on te gzhan pas kyang lags/ bcom ldan 'das kyis bka' stsal pa/ sbyor ba dang ldan pa'i bud med bsten pa de ma gtogs pa gzhan gyis sangs rgyas nyid thob par mi 'gyur te/ gzhan thams cad ni/ rnam par g.yeng ba yin no/ /lag na rdo rje/ de phyir sngags pas lha mo gang rnyed pa de brla zung gi steng du </font><hr>167b<br><font size=+1>


bzhag la tsum pa dang / a ling+ga la sogs pa byas te yongs su bsten pa de nas 'thungs te de yang so sor 'jib tu gzhug go /de nas b+ha ga'i dbus su rtsa de'i 'o ma bdag nyid gzhug go /de nas b+ha ga'i dbus su rtsa de'i 'o ma bdag nyid 'dod pa yin no/ /zhes bsgoms te/ rdo rje sems dpa'i sku dkar po'i rnam pa dwangs par bsgom par bya'o/ /lag na rdo rje/ de'i phyir rtsa gcig po de ni/ sangs rgyas thams cad kyi yum ste/ phyi rol gyi tshul can la de nyid shes rab kyi pha rol tu phyin ma zhes bshad do/ /de las nges par byung ba ni/ sangs rgyas thams cad do/ /de'i phyir lag na rdo rje/ zhu ba'i rgyun 'thungs pa tsam gyis rdo rje sems dpa'i sku yongs su thob par 'gyur ro/ /lag na rdo rje/ gzhan yang bshad par bya ste/ ba spu'i bu gar gnas pa'i rtsa rnams las 'dzag pa dang ldan pa'i thigs pa gnas gsum du khyad par du 'phags pas gnas te/ spyi bor bum pa'i gzugs la bdud rtsi'i tshul can bdud rtsi'i rang bzhin bdud rtsi 'dzag pa bsam par bya'o/ /gzhan yang sbyin ga'i gnas su pad+ma'i rnam pa kha dog dkar po mar gsar dang mtshungs shing yongs su gzhon pa la bum pa'i bdud rtsi 'dzag pa tsam gyis pad+ma rtas par byed par bsam par bya'o/ /de nas gsang ba'i gnas su yi ge e'i rnam pa gru gsum pa kha dog </font><hr>168a<br><font size=+1>


@#/ /rnam pa sna tshogs pas spras pa/ ka la sogs pa'i yi ge yongs su gyur pa las rtsa lnga'i sgo las byung ba'i bdud rtsi'i rgyun gcig 'bab par bsams te/ bdud rtsi'i rgyun de las bdag nyid rdo rje sems dpa'i sku bdud rtsi'i ngo bo mi phyed par bsgom par bya'o/ /lag na rdo rje/ de'i phyir rtsa thams cad kyi nang nas gcig po de gtso bo yin te/ de nyid sangs rgyas nyid ster bar byed pa yin no/ /de'i phyir rnam pa 'di ltar du bsgoms na/ bdud rtsi'i ngo bo dang mi shigs par 'gyur ro/ /lus 'di nyid kyi skra dkar dang gnyer ma dor nas bde bar gshegs pa'i sku rnams mthong bar 'gyur ro/ /bdag nyid kyang gzugs brnyan gyi tshul du mthong bar 'gyur ro/ /'dir gnas nas kyang skal pa'i las rnams kyang shes par 'gyur ro/ /lag na rdo rje/ de'i phyir 'di bsgom par bya'o/ /lag na rdo rje/ des na tshul 'dis bud med sgom pa na gal te rmi lam du rdo rje sems dpa' dbang bskur bar mdzad na/ de nas zla ba phyed tshun chad du 'grub par shes par bya'o/ /gal te yang slob dpon du gyur pas ston pa mdzad na/ de nas zla ba drug na 'grub par shes par bya'o/ /'ga' zhig tu lha'i gzhal med khang du bcug nas de bzhin gshegs pa'i gzugs brnyan mthong na/ de nas lo gcig na </font><hr>168b<br><font size=+1>


'grub par shes par bya'o/ /de nas lha'i gzhal med khang du bsdad nas tsU Sha na la sogs pa'i sbyor bas bdag nyid 'bar ba mthong na/ de nas myur du 'grub par 'gyur bar shes par bya'o/ /'ga' zhig tu snang ba mthong na/ skye ba 'dir 'grub par shes par bya'o/ /yang na rmi lam du b+ha gar a ling+ga dang tsU 
 na mthong na/ de nas skyes bu de 'grub par shes par bya'o/ /'bad mi dgos par 'grub par 'gyur ro/ /lag na rdo rje/ de'i phyir tsU Sha na la sogs pa dang ldan pa'i mngon par byang chub pa rnam pa lnga'i rim pas sngags pas rtsa'i sbyor ba la sbyar bar bya'o/ /gang gi phyir e'i yi ge rnam pa sna tshogs pa ste/ ji ltar kha dog dmar po rdo rje hUM mdzad kyis gzugs su bsgoms na/ de nas sems can thams cad dbang du byed do/ /de nas gsad par 'dod na/ de'i tshe rtsa nag po'i rnam pas rdo rje hUM mdzad kha dog nag por bdag nyid bsgom la des gsad par bya'o/ /de nas bskrad par 'dod na bdag nyid rdo rje hUM mdzad kyi gzugs su sngar bshad pas sgoms la bsgrub bya rnga mo la zhon par bltas na de nas bskrad yul gzhan du gtong bar byed do/ /lag na rdo rje/ de'i phyir las thams cad gsang ba la yongs su brten pa yin no/ /de nas 'di gsang ba las kyang gsang </font><hr>169a<br><font size=+1>


@#/ /ba nyid du rig par bya'o/ /rtsa'i sbyor ba 'di nyid kyis sangs rgyas nyid dam rdo rje 'dzin pa nyid bsgrub par bya'o/ /gang yang phyi rol gyi tshul la gnas pa de dag rnams ni/ bong bu dang mtshungs pa ste/ khur khur ba las 'bras bu med par shes par bya'o/ /lag na rdo rje/ de'i phyir khyod kyis 'di dag shes par byos la sems can gyi don gyis shig /nga yang tshul 'dis gnas pa yin no/ /lag na rdo rje/ de'i phyir sems can thams cad kyi bsam pa shes par byos la chos ston par gyis shig /gzhan du na khyod kyang mi mthun pa spyod par 'gyur na/ sems can gzhan lta smos kyang ci dgos/ rgyud gzhan du e'i yi ge 'di don du bshad do/ /'dir phyi rol gyi tshul la rtsa bcu'i tshul gyis de kho na nyid bcu shes par bya'o/ /don dam par ni/ de kho na nyid bcu yang ma yin la lnga yang ma yin te/ gcig po nyid don dam pa yin no/ /gang rtsa'i gtso bo ma lus shing lus pa med pa'i sangs rgyas nyid sbyin pa po ste/ gang zhig thob pas sangs rgyas nyid du song zhing 'gro ba 'gro bar 'gyur ba yin no/ /rgyud gzhan du rgyas par ma bshad do/ /lag na rdo rje/ 'di ni/ rnal 'byor dang / shin tu rnal 'byor </font><hr>169b<br><font size=+1>


dang / gsang chen dang / gsang ba'i rtsa'i sbyor ba dang bcas pa bya ba khyod la gsal bar byas kyi/ ngal ba bla ma'i yon byin cig /theg pa chen po rab tu ston pa po 'phags pa ma yin pa gzhan la'ang ci nas kyang bla ma'i yon bdag nyid kyi bar du'ang dbul bar bya ba yin na/ gzhan lta smos kyang ci dgos/ lag na rdo rje/ sems gzhan du ma byed cig / rab tu myos par 'gyur ro/ /de nas phyag na rdo rjes bcom ldan 'das la 'di skad ces gsol to/ /bcom ldan 'das/ ci zhig dbul bar bgyi /khyod la yongs su ma rdzogs pa 'ga' zhig mchis lags sam/ bka' stsal pa/ lag na rdo rje/ thams cad yongs su rdzogs mod kyang dbul bar bya ba yin no/ /gsol pa/ ci zhig dbul bar bgyi/ bka' stsal pa/ 'di dag dbul bar bya ba ste/ skal ba dang mi ldan pa'i sems can rnams la 'di'i dgongs pa bshad par mi bya'o/ /nyan thos kyi theg pa can la rgyud 'di'i glegs bam tsam yang nam yang bstan par mi bya ste/ de'i mdun du ming tsam yang gsal bar mi bya'o/ /lag na rdo rjes gsol ba/ bcom ldan 'das/ bdag gis nyan thos kyi theg pa can rnams la bshad par mi bgyi zhing de'i gnas su'ang 'dug par mi bgyi ste/ de'i gnas su 'jug pa dang / bshad par bgyi bas bdag la ci zhig </font><hr>170a<br><font size=+1>


@#/ /bgyi/ bcom ldan 'das/ ci'i slad du de dag la gsal bar mi bgyid/ bcom ldan 'das kyis bka' stsal pa/ lag na rdo rje/ theg pa chen po'i rang bzhin sngar bshad pa khyod brjed dam/ lag na rdo rje/ nyan thos kyi theg pa pa kho nar ma zad sems can gzhan yang sngags pa rnams dang / tha na de bzhin gshegs pa thams cad la yang gsang ba 'di shes na/ de dus 'di nyid la rdo rje sgeg mo dang / rdo rje gar ma las skyes pa ste/ nga ci 'dra ba dang / khyod ci 'dra ba de 'drar shes par bya'o/ /de nas byang chub sems dpa' chen po phyag na rdo rjes bcom ldan 'das la 'di skad ces gsol to/ /bcom ldan 'das/ shin tu zab pa'i tshul gsang ba thams cad gnas pa/ rtsa'i sbyor ba de sems can rnams kyis ji ltar 'tshal bar 'gyur/ bdag gis de dag la bstan par bgyi'am/ 'on te ma lags/ de nas bcom ldan 'das rnam par snang mdzad chen pos phyag na rdo rje la bka' stsal pa/ lag na rdo rje/ khyod kyis kyang slob ma rnams sam sngags pa rnams la rgyud 'di gsal bar mi bya'o/ /phyag na rdo rjes gsol pa/ bcom ldan 'das/ ci lags/ gsang ba'i dbang bskur ba'i sngags pa rnams la yang gsal bar mi </font><hr>170b<br><font size=+1>


bgyi'am/ bcom ldan 'das kyis bka' stsal pa/ lag na rdo rje/ sems can gang ga la dad pa'i bsam pa phun sum tshogs pa dang ldan pa/ rgyud 'di shes par 'dod pa de dag la bud med bsnyen pa tsU Sha na la sogs pa'i sbyor bas gsang ba chen po'i mchod pa byas te rjes su gdams pa dang bcas pa de dag thams cad 'bad pas bshad par bya'o/ /gang la la rgyud 'di la sdang bar byed na/ de dag la de ltar rdo rje hUM mdzad kyi skur gnas te/ rdo rje hUM mdzad kyi tshul gyis yongs su khros te 'bar ba dang ldan par spros la de'i gnas 'bar bar bsam par bya'o/ /de nas de'i 'khor dang bcas pa brlag par 'gyur ro/ /gal te sngags pa gso bar 'dod na/ de'i gnas phyed tshig pa la bdud rtsi'i rang bzhin gyi rdo rje'i rigs rnams bsams na/ de dag 'tsho bar 'gyur ro/ /lag na rdo rje/ de'i phyir 'di gang su la yang bshad par mi bya'o/ /mchog tu gsang ba thig le'i mdzod kyi rtog pa las/ gsang ba'i de kho na nyid sbas pa mtha' dag gi cho ga rgyas pa'o// //de nas bcom ldan 'das rnam par snang mdzad chen pos de bzhin gshegs pa thams cad brtan par mdzad nas phyag na rdo rje'i lus de dag gcig tu gyur nas rgya mtsho de'i 'gram dzam+bu'i gling gi byang gi mtshams </font><hr>171a<br><font size=+1>


@#/ /su rdo rje sgeg mo dang / rdo rje gar ma dang thabs cig tu sngon bshad pa'i tsum pa na dang / a ling+ga la sogs pa'i sbyor bas rgyal po rol pas rdo rje sgeg mo dang / rdo rje gar ma'i go 'phang la gnas pa'i khri lnga brgya phrag lnga'i btsun mo stong phrag rgyan thams cad kyis rnam par brgyan cing yid du 'ong ba dang thabs cig tu bzhugs so/ /de nas phyag na rdo rjes gsol pa/ 'di dag gi ming ci lags/ bcom ldan 'das kyis bka' stsal pa/ 'di dag rnam pa bzhis gnas te/ 'di ltar gzhon nu ma bzang mo zhes bya ba'i rnal 'byor ma'i dbang phyug /kha dog dkar mo/ /lo brgya phrag gnyis kyi rnam pa'i gzugs can/ rnal 'byor ma'i dbang phyug khri phrag gcig gis yongs su bskor nas dza lan+d+ha ra'i zhing na ri bo zhes bya ba la gnas nas ji ltar bcom ldan 'das phyag na rdo rje bzhugs pa der rtag tu 'gro ba dang 'ong bar byed do/ /gzhan yang 'dod pas myos ma zhes bya ba'i rnal 'byor ma'i dbang phyug/ kha dog sngo bsangs/ mig rnam par rgyas pa/ rnal 'byor ma'i dbang phyug khri phrag phyed dang gsum dang thabs cig tu lho phyogs kyi rgyud ri bo ki ki na d+ha ri 'jug pa'i sgor gnas nas gang gi tshe phyag na rdo rje gsang </font><hr>171b<br><font size=+1>


ba'i chos ston pa de'i tshe rtag tu 'gro ba dang 'ong bar byed do/ /gzhan yang gser gyi mig can zhes bya ba'i rnal 'byor ma'i dbang phyug de yang kha dog dkar ba/ khri phrag gsum gyi 'khor dang lhan cig kA ma ru ba'i sgor gnas nas de bzhin du rgyun du 'gro ba dang 'ong bar byed do/ /gzhan yang bde ba thams cad la dga' ba zhes bya ba'i rnal 'byor ma'i dbang phyug/ thams cad du gnas pa/ thams cad kyi gzugs can/ thams cad la byams pa'i tshul du gnas pa/ khri phrag brgya stong phrag du ma'i 'khor dang lhan cig gang gi tshe sngags pa gsang ba ston pa na de'i mdun du de gnas so/ /de'i phyir bde ba thams cad la dga' ma zhes bya'o/ /de nas gzhon nu bzang mo zhes bya ba'i rnal 'byor ma'i dbang phyug de phyag na rdo rje'i tshul ji srid mngon sum du sangs rgyas nyid ster bar gyur pa de srid du des bsten par bya'o/ /de nas gsad par 'dod na/ lha mo de nyid 'bar ba dang ldan pa/ mdog nag mo/ /lag na mtshon cha thams cad 'dzin pa bsgoms na/ dpung gi tshogs yan lag bzhi dang bcas pa yang gsod par byed do/ /gal te bskrad par 'dod na/ /de nyid cung zad dmar zhing sngo ba'i kha dog can/ rlung dang lhan cig ma sbyor ba de nyid kyis rlung gi dkyil </font><hr>172a<br><font size=+1>


@#/ /'khor kun du brten par gyur pas skad cig de nyid la skrod par byed do/ /gal te dbang du bya bar 'dod na/ /de nas kha dog dmar por bsams la des bkug ste skad cig de la rkang pa'i drung du 'ong bar 'gyur ro/ /de nas rengs par bya bar 'dod na/ lha mo kha dog ser mor bsams la des bsgrub bya lcags kyi ris brdzis par bsams la dpung gi tshogs yan lag bzhi yang rengs par byed do/ /'di dag thams cad yid kyis bsam par bya'o/ /lag na rdo rje/ gzhan yang bza' ba bshad par bya ste/ gang zos pa tsam gyis skra dkar dang gnyer ma sel bar 'gyur zhing lo brgya phrag stong du 'tsho bar 'gyur ro/ /'di lta ste/ bya rog tshang bzang po snum pa bzung la pags pa dor te zhib tu byas la de'i sha lcags kyi snod du til mar dang btso bar bya'o/ /ka ra srang bcu dang 'o ma srang nyi shu dang lhan cig gcig tu byas la slar yang ji srid bya rog mi grag pa de srid du btso bar bya'o/ /de nas mar dang ka ra dang lhan cig zhag bdun du bza' bar bya'o/ / lo brgya'i skra dkar dang lus kyang bung ba lta bu dang / stobs dang ldan zhing shin tu sra bar 'gyur ro/ /lo lnga brgyar 'tsho'o/ /slar yang bcud len gyi cho ga bshad </font><hr>172b<br><font size=+1>


par bya ste/ sngags pa mnyam par bzhag par gyur pas rdo rje sgeg mo'i 'o ma sbyor ba de nyid kyis bsams la bdag nyid tshim pa dang ldan pa bsam par bya'o/ /de nas nyon mongs pa thams cad zhi bar 'gyur ro/ /'ga' zhig tu rnal 'byor gyi dbang phyug tu bsams la de'i zhu ba btung bar bya'o/ /'ga' zhig tu mngon sum du gyur pas bud med bsten te nyid kyi ting nge 'dzin gyis de dang rang gi zhu ba lhan cig tu btung bar bya'o/ /de nas rdo rje'i lus dang mi phyed par 'gyur ro/ /bcud len gyi cho ga rgyas pa'o/ / de nas bcom ldan 'das rnam par snang mdzad chen po de bzhin gshegs pa thams cad kyi bdag po dang / rnal 'byor gyi dbang phyug de dag thams cad dang / phyag na rdo rje'i sku dang gcig tu mdzad nas phyag na rdo rje'i skur gyur to/ /de nas rgyal po chen po phyag na rdo rjes lha mo de dag thams cad la dgyes pa dang bcas pa'i spyan gyis gzigs so/ /de nas rnal 'byor ma'i dbang phyug de dag thams cad kyis phyag na rdo rje la bltas nas 'di skad ces smras so/ /bcom ldan 'das/ sems can gang gsang ba'i tshul la zhugs na/ de dag gis ji ltar bla na med pa yang dag par rdzogs pa'i byang chub thob par 'gyur lags/ de nas byang chub sems dpa' </font><hr>173a<br><font size=+1>


@#/ /chen po phyag na rdo rjes de dag la 'di skad ces bka' stsal to/ /sngon spyad pa'i gsang ba'i chul gyis sangs rgyas nyid bsgrub par bya'o/ /de nas gzhon nu ma bzang mo zhes bya ba'i rnal 'byor ma'i dbang phyug gis thog ma dang tha ma med pa'i bcom ldan 'das la 'di skad ces gsol to/ /sems can de dag gis b+ha ga bsten pa tsam gyis sangs rgyas nyid bgyid dam/ yang na de'i gsang ba bsgoms pas lags/ de nas rgyal po chen po phyag na rdo rjes de dag la 'di skad ces bka' stsal to| |sgom pa'i rim pas bsgrubs te phyin nas rnam par rtogs pa med pa'i sems kyis bsten nas bdag nyid phyag na rdo rje'i sku'am/ rnam par snang mdzad kyi sku'am/ 'jig rten dbang phyug gi sku'am/ rdo rje hUM mdzad kyi sku'am/ 'dod pa'i lha'i sku bsgrub par bya'o/ /rtsa de'i 'o ma las zla ba'i dkyil 'khor gyi rnam par bsgoms la zla ba'i dkyil 'khor de las bdag nyid rdo rje sems dpa'i sku'am/ rang gi lha'i skur bsgom par bya'o/ /rtsa de nyid kha dog nag por bsams nas de las bdag nyid rdo rje hUM mdzad kyi skur bsgom par bya'o/ /rtsa de nyid dmar skya'i rnam pa'i rim pa de nyid kyis bsgom nas bdag nyid 'jig rten dbang phyug gi skur las kyi dbye bas bsgom </font><hr>173b<br><font size=+1>


par bya'o/ /rtsa de nyid kha dog sngo bsangs nam mkha' lta bur bsgoms nas rdo rje rnon po'i skur bsgoms na/ de nas las kyi dbye bas rtsa de dag gi sbyor bas bdag nyid bsgoms na de nas gdon mi za bar 'grub par 'gyur ro/ /de nas sngags pa des thun mtshams bzhir sems gzhan du ma yengs par bsgoms pa nyid kyis zla ba drug nyid na 'grub par 'gyur ro/ /de nas gzhon nu ma bzang mo zhes bya ba'i rnal 'byor ma'i dbang phyug des rgyal po chen po phyag na rdo rje la 'di skad ces gsol to/ /bcom ldan 'das/ ji ltar sems can de rnams kyis dgug pa la sogs pa'i las bgyid pa lags/ de nas byang chub sems dpa' chen po phyag na rdo rjes de la 'di skad ces bka' stsal to// gal te sngags pas skyes bu dgug par 'dod na/ de nas de'i b+ha ga'i dbus su bdag nyid cung zad dkar ba'i rnam pa khro ba dang bcas pa'i bzhin can phyag drug pa sbyor ba de nyid kyi phra mo'i sgras bsgoms na/ rdo rje des bsgrub bya'i snying gar bsnun cing zhags pas mgrin pa bcings te lcags kyus bkug la bcug nas bsgom par bya'o// de nas rgyal po yang 'gugs par byed na/ skye rgu grong gi mi la sogs pa lta ci smos/ rig pa 'dzin pa 'gugs na/ rgyal po lta ci smos/ de nas bud med dbang du </font><hr>174a<br><font size=+1>


@#/ /bya bar 'dod na/ de nas b+ha ga'i dbus su phra mo'i sgra'i sbyor med de nyid kyis bdag nyid rta mgrin gyi gzugs kha dog dmar por bsgoms te rdo rje des lha mo chen mo'i snying gar bsnun na/ de nas de rnam par myos pas dpag tshad brgya'i phyed na gnas pa rnams kyang 'ong bar 'gyur na/ grong gi mtha' dang khyim gyi mtha' na gnas pa lta smos kyang ci dgos/ de nyid kyis rig pa 'dzin pa'i chung ma'am/ dri za'i chung ma'am/ gnod sbyin gyi chung ma'am/ 'jig rten gsum gyi bdag po'i chung ma'am/ brgya byin gyi chung ma'ang 'gugs par byed na/ rgyal po che'i lha mo chen mo'am/ grong gi bu mo lta smos kyang ci dgos/ mchog gi sbyor bas dman pa la mi bya zhing dman pa'i sbyor bas mchog la mi bya ste/ dam tshig nyams par 'gyur ro/ /dman pa'i sbyor bas mchog sgrub par nus pa'ang ma yin te/ yan lag ma yin pa'i phyir ro/ /de nas phyogs 'ga' zhig tu gnas te nyin mtshan du gsang ba sten par byas na/ zla ba drug kho na la 'grub par 'gyur zhing bskal pa'i dngos po dag kyang mthong zhing ring du gnas pa'i ngag dag kyang thos la ji srid sangs rgyas nyid kyang thob par 'gyur ba 'di la the tshom med do/ /ji ltar rdo rje sgeg mo'i rigs kyi lha mo'i sgrub thabs ltar rdo rje sgeg mo'ang de bzhin du thams cad sngon </font><hr>174b<br><font size=+1>


gyi rim pas bsgrub par bya'o/ /sbyor pa 'di nyid kyis rnal 'byor ma'i dbang phyug de rnams kyang bkug la bsten bar bya'o/ /de nas rnal 'byor ma'i dbang phyug 'khor dang bcas pa de dag phyag na rdo rje'i zhabs la gtugs te phyag na rdo rje la 'di skad ces gsol to/ /bcom ldan 'das/ tshul 'di nyid kyis bdag cag kyang 'grub par 'gyur lags so/ /de nas 'dod pas myos ma zhes bya ba'i rnal 'byor ma'i dbang phyug gis phyag na rdo rje la 'di skad ces gsol to/ /bcom ldan 'das/ gang gis bdag rdo rje'i zhu bas rtag tu bsten par bgyid na/ de'i sngon du mchis te sngags pa des bdag po bgyis te de'i rjes su mchi bar bgyi'o/ /de nas gser gyi mig can zhes bya ba'i rnal 'byor ma'i dbang phyug gis de la 'di skad ces gsol to/ /bcom ldan 'das/ gang gis bdag b+ha ga'i dbus su bdag nyid zhugs nas rtag tu bsten par bgyid na/ bdag de'i bran mor gyur te rtag tu der gnas par bgyi zhing / nam du yang 'ong ba dang 'gro bar mi bgyi lags so/ /de nas skye bo thams cad kyi yid du 'ong ba zhes bya ba'i rnal 'byor ma'i dbang phyug gis bcom ldan 'das thog ma dang tha ma med pa la 'di skad ces gsol to/ /bcom ldan 'das/ gang gis bdag rtag tu gsang ba'i tshul gyis sems shing </font><hr>175a<br><font size=+1>


@#/ /dran par 'gyur ba'am/ dran par bgyid na/ de la bdag gdon mi za bar ster bar gyur cig /de nas phyag na rdo rje rnal 'byor ma'i dbang phyug de rnams la 'di skad ces bka' stsal to/ /sems can gang theg pa chen po'i tshul 'di la zhugs par gyur pa de la bcud len gyi sbyor ba 'dis stobs dang ldan par bya'o/ /lcags kyi phye ma dang a ti pa la ma hA ba la'i rtsa ba 'o ma dang lhan cig sbyar la ka ra dang ldan par byas te 'tsho bar bya'o/ /de nas cho gas rnal 'byor bas bza' bar bya'o/ /sha dang mar gyi bza' bar bya'o/ /de nas stobs chen po dang ldan par gyur nas sdig pas gos par mi 'gyur ro/ /da ni/ gzhan yang bshad par bya ste/ nam mkha'i yul lam yul gzhan du rdo rje'i 'khor lo rdo rje brgyad dang ldan pa/ bdud rtsi'i rang bzhin zla ba'i dkyil 'khor lta bur bdag nyid stobs dang ldan par bya ba'i don du bsgom par bya ste/ des stobs dang ldan par 'gyur ro/ /de nas gsad pa'i don du rdo rje'i 'khor lo de nyid 'bar zhing gsal ba'i rnam pa me rtag 'phro ba can de'i khang pa'i yul lam grong khyer du bab par bsgom par bya'o/ /de nas de'i skad cig la rigs dang bcas pa brlag par 'gyur ro/ /de nas dbang du bya ba'i don du 'khor lo de </font><hr>175b<br><font size=+1>


nyid kha dog dmar po ban+d+hu ka'am/ dza ba'i me tog gi kha dog lta bus sa phyogs thams cad khyab pa po 'dis bsgrub bya bkug par bsgoms pas de dbang du 'gyur ro/ /rdo rje 'khor lo'i sbyor ba 'di nyid kyis rgyal po dang / blon po dang / mdun na 'don pa la sogs pa rnams kyang dbang du 'gyur ro/ /de nas rgyal po'i lha mo chen mo dgug par 'dod na| rdo rje 'khor lo de nyid dmar por lta bar byas la de 'khor lo la bzhag ste rlung gis bsnun pas rang gi rkang pa'i drung sngas su gtugs par bsgoms par byas pas de nas nyin mtshan de na de 'gugs par 'gyur ro/ /de nas byang chub sems dpa' chen po rgyal po phyag na rdo rjes slar yang 'dus par gyur te rdo rje sgeg mo la sogs pa de bzhin gshegs pa de dag thams cad la 'di skad ces bka' stsal to/ /sngags pa gang la la rgyud 'di'i don mi sgom pa de lta na yang glegs bam du gyur pa'ang khyim du bcang bar bya'o/ /gang yang tshul 'di la gnas par shes par bya'o/ /gang zhig yang gus pa sngon du 'gro bas sgom par byed na/ rdo rje sems dpa' ji lta ba bzhin du shes par bya'o/ /'di gang su la'ang bshad par mi bya ste/ ci'i phyir zhe na/ gdug pa can gyi sems can 'ga' zhig yod pas de'i mdun du bshad par mi bya ba yin no/ /slob dpon gyis rdo rje 'dzin </font><hr>176a<br><font size=+1>


@#/ /pa lta bu la yang gsang ba'i dbang bskur ba sngon du song bas slob mar byas nas bshad par bya ste/ gzhan du ni/ ma yin no/ /slob ma des kyang tsan+dan la zla ba'i dkyil 'khor byas te der slob dpon bzhugs su gsol la rgyan la sogs pa thams cad kyis brgyan par byas te bcom ldan 'das rnam par snang mdzad ji lta bu de ltar byas nas bstod pa la sogs pa dag bya'o/ /de nas nyan thos kyi theg pa can la sogs pa rnams la nam du yang lo rgyus tsam yang mi bya zhing glegs bam tsam yang bstan par mi bya'o/ /theg pa 'di pa dang lhan cig gcig tu longs spyad par bya zhing gcig tu gnas par bya ste/ rnam par rtog pa ci yang mi bya'o/ /'di ni/ bcom ldan 'das phyag na rdo rje la bka' stsal pa/ mchog tu gsang ba'i mdzod ces bya ba theg pa chen po'i mdo las/ gsang ba'i de kho na nyid sbas pa'i mchog gi theg le zhes bya ba'i gsang ba'i 'byung gnas rdzogs so// //dam pa'i rgyud 'di gangs can 'di na sngon/ /rnam pa kun tu bsgyur ba ma rnyed nas/ /mkhas pa bde bar gshegs pa'i dpal dang ni/ /sgra rig kun dga' rgyal mtshan bdag gis bsgyur/ /dam pa'i bkas bskul nas ni gus pa yis/ /dpal ldan sa skya'i gtsug lag khang </font><hr>176b<br><font size=+1>


du bsgyur/ /dge ba de yis sems can thams cad kyis/ /gsang don rtogs nas sangs rgyas sar 'gro shog/ </font><hr>

</table>