H450

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H450</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H450&coll=lhasa">see text in Tibetan script</a></table>14b<br><font size=+1>


//rgya gar skad du/ trai lo kya bi dza ya mahA ka wa rA dzA/ bod skad du/ 'jig rten gsum las rnam par rgyal ba rtog pa'i rgyal po chen po/ /dpal rdo rje sems dpa' la phyag 'tshal lo/ /'di skad bdag gis thos pa dus gcig na/ bcom ldan 'das ri rab ri'i rtse mo na rdo rje dang / nor bu rin po che'i rtse mo'i khang pa brtsegs pa na/ byang chub sems dpa' bye ba phrag du ma dang / lha dang / klu dang / gnod sbyin dang / dri za dang / mi'am ci dang / 'byung po dang / sha za dang / brjed </font><hr>15a<br><font size=+1>


@#/ /byed dang / ma mo rnams dang / bltar rung ba dang / bltar mi rung ba du ma sangs rgyas kyi bstan pa la mngon par dad pa rnams dang thabs gcig tu bzhugs te/ de nas bcom ldan 'das phyag na rdo rje byang chub sems dpa' chen po nam mkha'i dkyil nas babs te/ bcom ldan 'das kyi zhabs gnyis la spyi bos phyag btsal nas/ bcom ldan 'das la lan gsum bskor ba byas nas 'di skad ces gsol to/ /yang bcom ldan 'das/ bdag gis lha chen po la sogs pa sems can ma rungs pa de dag la dam tshig 'dzin du stsal bar 'tshal na/ bcom ldan 'das/ de'i slad du bdag la bka' stsal du gsol/ de nas phyag na rdo rje byang chub sems dpa' chen po'i tshig /bcom ldan 'das chos kyi rgyal po de bzhin gshegs pas gsan nas phyag na rdo rje la 'di skad cas gsungs so/ /gnod sbyin khyod/ shin tu khengs pa/ shin tu khro ba/ shin tu 'thur ba de/ ji ltar khyod kyis sems can rnams kyi don gyi phyir 'di lta bu'i sngags kyi tshig smra/ de nas bcom ldan 'das la phyag na rdo rje byang chub sems dpa' sems dpa' chen pos 'di skad ces gsol to/ /de'i phyir na bcom ldan 'das/ /bdag sems can ma lus pa 'dul bar bgyid do/ /gang gi phyir zhe na/ </font><hr>15b<br><font size=+1>


bdag gis 'dod pa'i bde ba can rnams dbang du bgyi ba la sogs pas btul nas bla na med pa'i bde ba la bgod par 'tshal lo/ /sems can ma rungs pa rnams bsad pa la sogs pas sbyangs te/ zhi ba la dgod par 'tshal lo/ /de nas bcom ldan 'das kyis phyag na rdo rje byang chub sems dpa' la legs so zhes bya ba byin te/ phyag na rdo rje/ legs so/ /legs so/ /'jig rten thams cad kyi don gyi phyir dang / phan pa'i phyir dang / bde ba'i phyir snying po 'di smros shig /de nas phyag na rdo rje byang chub sems dpas lha thams cad nas/ mi rnams thams cad kyi bar du sangs rgyas kyi bstan pa la mngon par dad pa de rnams la bka' stsal ba/ grogs po dag /sangs rgyas la skyabs su dongs shig /nga'i bka' yang rjes su skyongs shig /de nas bcom ldan 'das kyi zhabs gnyis la phyag na rdo rjes phyag btsal nas 'jig rten gsum las rnam par rgyal ba'i snying po 'di gsungs so/ /oM suM b+ha ni suM b+ha hUM/ gr-ih+NA gr-ih+nA hUM/ gr-ih+nA pa ya gr-i h+nA pa ya hUM/ A na ya ho b+ha ga bA na badz+ra hUM phaT/ de nas 'di gsungs pa tsam gyis 'jig rten gsum thams cad g.yos/ /rab tu g.yos/ kun tu rab tu g.yos so/ /'gul/ rab tu 'gul/ kun tu rab tu 'gul to/ /'phar/ rab tu 'phar/ kun tu rab tu 'phar ro/ /de nas lha thams cad la sogs pa sems can thams </font><hr>16a<br><font size=+1>


@#/ /cad 'dar yed yed nas bcom ldan 'das ga la ba der lhags te/ khor khor yug dang / khor khor yug chen po'i ri la sogs pa tshun chad kyi gling bzhi pa'i 'jig rten gyi khams thams cad du sems can thams cad kyis gang ngo / /de nas bcom ldan 'das phyag na rdo rjes gling bzhi pa'i 'jig rten gyi khams su tshogs pa'i dkyil 'khor chen po la gzigs nas 'di skad gsungs so/ /grogs po rnams/ sangs rgyas la sogs pa la skyabs su 'gro bar khas long zhig /nga'i bka' yang rjes su skyongs shig /de nas 'dus pa'i 'khor chen po thams cad bcom ldan 'das phyag na rdo rjes skrag ste/ 'dar yed yed nas bcom ldan 'das de bzhin gshegs pa la skyabs su dong ngo / /de nas bcom ldan 'das la lha chen po'i lha dang / mthu bo che dang / tshangs pa rnams kyis 'di skad ces gsol to/ /bcom ldan 'das/ 'di lta bu'i sems can 'di ltar rdzu 'phrul che ba/ 'di ltar byin che zhing bdag cag 'chos pa 'di su lags/ de nas bcom ldan 'das kyis don 'di bstan pa'i phyir tshigs su bcad pa 'di glengs te gsungs so/ /sems can kun la phan pa'i phyir/ /sangs rgyas kun gyis byin gyis brlabs/ /kun tu bzang po kun gyi bdag /sangs rgyas thams </font><hr>16b<br><font size=+1>


cad nyid skyes 'di/ /phyag na rdo rje gnod sbyin che/ /ma rungs 'chos la dbang ba ste/ /gang ming brjod pa des yis ni/ /sangs rgyas pa yang thob par 'gyur/ /de nas phyag na rdo rje byang chub sems dpa' chen pos yang gsungs pa/ kye kye lha dag /sangs rgyas la skyabs su dong la nga'i bka' bzhin du yang gyis shig /rdo rje 'bar ba gcig tu 'bar bar gyur ba 'dis khyed thams cad gtan sreg par gyur ta re/ de nas lha chen po la sogs pa thams cad kyis 'di skad ces smras so/ /khyod ni gnod sbyin nged ni lha bas na nged kyis gnod sbyin gyi bka' rjes su skyong bar mi nus so/ /de nas phyag na rdo rjes de thos nas khros te/ bcom ldan 'das la 'di skad ces gsol to/ /bcom ldan 'das/ bcom ldan 'das rnams kyis bdag ma rungs pa thams cad 'dul bar dbang bskur te bskos so/ /de bas na gal te bcom ldan 'das kyis bdag la bka' stsal na lha chen po 'di 'dul bar 'tshal lo/ /de nas bcom ldan 'das kyis lha chen po la 'di skad ces gsungs so/ /sems can chen po/ khas longs shig /'dis khyod gsang ta re/ de nas bcom ldan 'das la lha chen po la sogs pa 'jig rten gsum thams cad kyi dbang po rnams kyis 'di skad ces gsol to/ /bcom ldan 'das/ gnod sbyin ma rungs pa 'di'i </font><hr>17a<br><font size=+1>


@#/ /bka' bzhin du byed pa bdag cag ma lags so/ /de nas lha chen pos bcom ldan 'das kyi zhabs gnyis la phyag btsal te/ bcom ldan 'das phyag na rdo rje la 'di skad ces smras so/ /kye gnod sbyin/ nga ni thams cad kyi dbang po chen po/ byed pa po/ 'joms pa po/ skye dgu'i bdag po tshangs pa'o/ /gtogs 'dod do/ /dbang phyug chen po'o/ /de nas phyag na rdo rje byang chub sems dpa' chen po khros nas 'di skad gsungs so/ /khyod ni lus srul po mi sha za ba/ /ma rungs pa/ drag shul gyi las byed pas na gtum po ste/ sha za'i lus srel ba na ji ltar tshangs pa dang / gtogs 'dod dang / dbang phyug chen po yin/ tshangs pa zhes bya ba ni mi 'gyur ba'o/ /gtogs 'dod ces bya ba ni thar pa'o/ /dbang phyug chen po zhes bya ba ni 'dod pa'i khams kyi dbang po ste/ sems can thams cad kyi dbang po de ni nga yin pas 'dul nus so/ /de nas dbang phyug chen po lha chen po khros nas bcom ldan 'das kyi zhabs gnyis la phyag btsal te/ 'jigs su rung ba chen po'i gzugs khros pa chen po'i gad mos bgad nas 'jigs pa chen por byed pa/ 'bar ba chen po gtong ba/ 'jig rten gyi khams thams cad mtha' med par gzugs sna tshogs su byas/ </font><hr>17b<br><font size=+1>


'bar ba chen po'i grub pa/ mi mtshungs pa/ rdo rje dang / mdung rtse gsum pa dang / 'khor lo dang / sh+ka ti dang / be con dang / mi mtshungs pa'i mtshon cha 'debs shing gtong ba ma mo rnams kyi tshogs dang / 'byung po'i tshogs dang bcas par kun bstan to/ /bdud dang / bgegs byed pa dang / mtha' dang / mu med pa'i gzugs sna tshogs su sprul/ khro bo rab tu mi bzad pa ma rungs pa'i tshogs chen po dang lhan cig tu rab tu 'thab cing shin tu 'gyed pa/ gling bzhi pa'i 'jig rten gyi khams mtshan mo'i mun nag tu byas/ 'bar ba chen po'i phung pos klongs te rab tu snang bar byas so/ /de nas bcom ldan 'das rdo rje 'chang ba chen po cung zad du mche ba'i thog ma gtsigs pa/ smin ma'i mtshams kyi khro gnyer gyi rlabs bskyod pa/ mig g.yon pa cher bgrad de/ rdo rje'i lta ba khro ba dang bcas pas zab mo'i tshig gis snying po mchog 'jig rten gsum las rnam par rgyal ba'i dpal zhes bya ba 'di gsungs so/ /hUM/ de nas hUM zhes bya ba des stong gsum gyi stong chen po'i 'jig rten gyi khams kun sgra des gang nas/ g.yos/ rab tu g.yos/ kun tu rab tu g.yos so/ /'khrol/ rab tu 'khrol/ kun tu rab tu 'khrol lo/ /de nas dbang phyug chen po la sogs pa lha'i tshogs thams cad bcom ldan 'das/ bskyab tu gsol/ bde </font><hr>18a<br><font size=+1>


@#/ /bar gshegs pa/ bskyab tu gsol zhes nas bcom ldan 'das la skyabs su dong ngo / /de nas bcom ldan 'das kyis phyag na rdo rje la 'di skad gsungs so/ /gang 'di lta bu'i sngags kyi tshig smra ba ni khyod rab tu mi bgrungs so/ /de nas phyag na rdo rjes bcom ldan 'das kyi zhabs gnyis la phyag btsal nas/ yang 'jig rten gsum las rnam par rgyal ba 'di gsungs so/ /oM sum+b+ha ni su m+b+ha hUM/ gr-ih+Na gr-ih+Na hUM/ gr-ih+NA pa ya gr-ih+NA pa ye hUM/ A na ya ho b+ha ga b+'+na badz+ra hUM phaT/ de nas 'di gsungs pa tsam gyis lha chen po la sogs pa lha'i bdag po thams cad 'khor dang bcas par bcom ldan 'das phyag na rdo rje gang na ba der mgo rkang bzlos ste/ ri rab ri'i rtse mo'i dkyil 'khor chen por btsud nas brlams par byas te/ bcom ldan 'das phyag na rdo rje'i zhabs g.yon pas mnan to/ /de nas bcom ldan 'das kyis phyag na rdo rje byang chub sems dpa' sems dpa' chen po la legs so zhes bya ba byin te/ phyag na rdo rje khyod kyis 'di 'dra bar sems can 'dul bar byed pa legs so legs so/ /de bas na thul la dbugs phyungs shig /de nas phyag na rdo rje byang chub sems dpa' sems dpa' chen pos de dag gi don gyi phyir rdo rjes bcings pa </font><hr>18b<br><font size=+1>


'di gsungs so/ /oM badz+ra D-i D+ho me b+ha ba rak+Sha sarba nA swAhA/ de nas phyag na rdo rjes 'di gsungs pa tsam gyis lha chen po la sogs pa de dag dran pa rnyed do/ /de nas bcom ldan 'das kyis de dag la 'di skad gsungs so/ /grogs po dag /sems can chen po 'di'i bka' bzhin du byed par khas long zhig /de nas bcom ldan 'das la de dag thams cad mgrin gcig tu bdag cag mchid kyis 'tshal lo zhes gsol to/ /de nas phyag na rdo rje byang chub sems dpa' sems dpa' chen pos yang rang gi snying po 'di gsungs so/ /hUM Tak+ki ho/ / de nas 'di brjod pa tsam gyis lha la sogs pa thams cad dbang du byas te/ bcom ldan 'das phyag na rdo rje la phyag byas nas mchi ma blags te ngo ro bton nas skyabs su dong ste| bcom ldan 'das bskyab tu gsol/ nga bdag cag khyod kyi bka' nyan na ci ltar bgyi ba bka' stsal du gsol zhes so/ /de nas phyag na rdo rje byang chub sems dpa' sems dpa' chen pos de rnams la gsungs pa/ grogs po dag /byang chub kyi sems dang / sdom pa gzung bar khas longs shig /de dag gis gsol ba/ bcom ldan 'das/ bdag cag gis sangs rgyas bcom ldan 'das rnams la bsnyen bkur bgyid cing byang chub tu 'ang sems bskyed par 'tshal lo/ /de nas phyag na rdo rje byang chub sems dpa' sems </font><hr>19a<br><font size=+1>


@#/ /dpa' chen pos yang de rnams ji lta ba bzhin du dkyil 'khor du btsud nas sdom pa 'dzin du bcug ste/ byang chub sems ni brtan byas pa/ /sems can thams cad bde ba stsal/ /phyag na rdo rje bdag chen dang / /'dod pa smad par mi bya'o/ /'di ni gsang ba pa yin no/ /de nas bcom ldan 'das kyis de dag sdom pa 'dzin du bcug nas dam tshig byin pa ni/ oM badz+ra sa ma ya a b+hi Shiny+tsa mA bi rA ga ye sarba kA mAn hUM phaT/ de nas de dag gis smras pa/ 'di ni bdud kyis smras pas na bdag cag mi nyan to/ /de nas bcom ldan 'das de bzhin gshegs pas de dag la khyed cag gis 'di la ma brnyas shig ces gsungs pa dang / de dag gis gsol ba ji ltar 'dod chags dang bral ba ni sangs rgyas kyi byang chub bo zhes bcom ldan 'das nyid kyis bka' stsal to/ /bcom ldan 'das kyis bka' stsal pa/ kye grogs po dag /nga ni ji ltar 'dul bzhin du byed pa ste/ 'di nyid kyis 'jig rten gyi khams 'di sun 'byin te/ ji ltar bde ba la mi chags pa dang / sdug bsngal la 'dod chags pa can ji lta bus 'jig rten 'dul bar 'gyur ba'i chos sangs rgyas bcom ldan 'das rnams 'chad par mdzad de/ de dag sbyang ba'i phyir 'di ni de bzhin </font><hr>19b<br><font size=+1>


gshegs pa thams cad kun tu bzang po byang chub sems dpas ci nas kyang 'dod chags dang bral bar ma byed cig ces bka' stsal to/ /de nas phyag na rdo rjes yang gsungs pa/ oM bad+r+za sa ma ya a b+hi Shiny+tsa mi bi rA ga ya sarba kA mAM hUM phaT/ de nas de dag gis ji ltar bcom ldan 'das kyis bka' stsal ba bzhin no zhes gsol to/ /de nas yang phyag na rdo rjes lag tu rdo rje byin te/ rdo rje'i dbang bskur ba 'di byin no/ /oM badz+ra a b+hi Shiny+tsa sarba ta thA ga ta badz+ra d+ha ro t+t+we badz+ra pA Ni hI/ ha ha ha ha/ de nas rdo rje ming gis dbang bskur ba byin pa ni 'di lta ste/ dbang phyug chen po ni rdo rje rig sngags mchog go /mthu bo che ni rdo rje sgyu ma'o/ /tshangs pa ni rdo rje mi smra ba'o/ /sgra gzhon nu ni rdo rje dril bu'o/ /dbang po ni rdo rje 'thab cha ste/ de dag la sogs pa 'jig rten gsum gyi dbang po thams cad rig pa'i blon po chen por dbang bskur ro/ /de nas bar snang la rgyu ba rnams rdo rje ming gis dbang bskur ba byin pa ni/ 'di lta ste/ bdud rtsi 'khyil pa ni/ rdo rje 'khyil pa'o/ /zla ba ni rdo rje 'od do/ /be con rtse mo ni rdo rje be con no/ /skya sleng ni rdo rje skya sleng ste/ de rnams ni rdo rje khro bor dbang bskur ro/ / de nas nam mkha' la rgyu ba'i lha rnams rdo rje ming gis dbang bskur ba byin pa ni 'di lta ste/ chang gis myos pa ni rdo rjes zin pa'o/ /chang byed ni rdo rje phreng ba'o/ /rgyal ba ni rdo rje </font><hr>20a<br><font size=+1>


@#/ /dbang ngo / /rgyal ba skyes pa ni rdo rje rnam par rgyal ba ste/ de dag la sogs pa ni tshogs kyi bdag por dbang bskur ro/ /de nas sa pa rnams rdo rje ming gis dbang bskur ba byin pa ni/ 'di lta ste/ mdzod skyong ni rdo rje gru shing ngo / /rlung ni rdo rje rlung ngo / /me ni rdo rje me'o/ /ku be ra ni rdo rje 'jigs pa ste/ de dag la sogs pa ni rdo rje pho nyar dbang bskur ro/ /de nas sa 'og na gnas pa'i dbang po thams cad rdo rje ming gis dbang bskur ba byin pa ni/ 'di lta ste/ phag ni rdo rje kyo ba'o/ /gshin rje ni rdo rje nag po'o/ /sa'i spyi bo ni rdo rje rnam 'dren no/ /bA ru Na ni rdo rje klu ste/ de dag la sogs pa ni rdo rje bran du dbang bskur ro/ /de nas 'jig rten gsum gyi bdag po rnams kyis lha mo thams cad kyi lag tu rdo rje byin te/ rdo rje'i dbang bskur nas/ rdo rje ming gis dbang bskur ba byin pa ni/ 'di lta ste/ nyon mongs pa ni rdo rje khro ba ma'o/ /nor can ni rdo rje gser ma'o/ /tshangs ma ni rdo rje zhi ma'o/ /dug mo ni rdo rje gzhon nu ma'o/ /dbang mo ni rdo rje khu tshur te/ de dag la sogs pa ni rigs sngags kyi blon mo chen mor dbang bskur ro/ /de nas bar snang la rgyu ba'i ma rnams dbang bskur ba byin pa ni/ 'di lta ste/ bdud rtsi ma ni rdo rje bdud rtsi ma'o/ /'khrung ma ni rdo rje sdug gu ma'o/ /be con 'chang ma ni rdo rje be con rtse ma'o/ /skye </font><hr>20b<br><font size=+1>


'phrog ma ni rdo rje rked chings ma ste/ de dag la sogs pa ni rdo rje khro mor dbang bskur ro/ /de nas nam mkha' la rgyu ba'i ma rnams dbang bskur ba byin pa ni/ 'di lta ste/ gsod ma ni rdo rje gsod ma ma'o/ /za ba mo ni rdo rje zab mo'o/ /gos ni rdo rje bgo ba mo'o/ /dga' mo ni rdo rje dbang mo ste/ de dag la sogs pa ni rdo rje tshogs ma mor dbang bskur ro/ /de nas sa la rgyu ba'i ma rnams dbang bskur ba byin pa ni/ 'di lta ste/ zhi ba mo ni rdo rje pho nya mo'o/ /rlung ma ni rdo rje mgyogs ma'o/ /me ni rdo rje 'bar ma'o/ /ku be ra ma ni rdo rje thag gu ma ste/ de dag la sogs pa ni rdo rje pho nya mor dbang bskur ba byin pa ni/ 'di lta ste/ phag mo ni rdo rje gdong ngo / /mgo lpags ma ni rdo rje nag mo'o/ /sna chad ma ni rdo rje phyags ma'o/ /klu mo ni rdo rje chu srin ma ste/ de dag la sogs pa ni rdo rje bran mor dbang bskur ro/ /de nas phyag na rdo rje byang chub sems dpa' chen pos btsud pa de dag thams cad kyis sangs rgyas kyi ye shes bskyed nas rdo rje'i dam tshig byin pa'o/ /oM pa li tod pa li tod badz+ra A ka R+Sha ya hUM dza/ lha r+n+mas dgug pa'o/ /oM badz+ra a gri pi TA ya sa ma ya hUM/ bar snang la rgyu ba rnams kyi'o/ /oM badz+ra mA lA gra laM/ phreng ba 'chang ba rnams kyi'o/ /oM badz+ra ban+d+ha haM/ sa la rgyu ba rnams kyi'o/ /oM badz+ra pA tA la b+hany+dza b+hany+dza hUM phaT/ 'og na gnas pa rnams kyi'o/ /oM he ru ka badz+ra sa ma </font><hr>21a<br><font size=+1>


@#/ /ya sarba du Sh+TaM sa ma ya mu bra b+ha n+d+ha tsakra hUM phaT/ ma mo rnams thams cad kyi'o/ /de nas bcom ldan 'das kyi zhabs gnyis la phyag na rdo rjes phyag btsal nas 'di skad gsol to/ /bcom ldan 'das/ bdag ni sems can thams cad 'dul ba lags na/ bcom ldan 'das/ ma rungs ba'i sems can gyis dkyil 'khor de dag la ji ltar bgyi pa bka' stsol cig /bcom ldan 'das kyis gsungs pa/ gang gis sems can de rnams sems can thams cad la phan pa byas nas bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba'i dam tshig 'di nyid la tshud cig /de nas yang phyag na rdo rjes gsol pa/ bcom ldan 'das/ mkha' 'gro ma la sogs pa'i gdon 'di dag la ji ltar nan tan bgyi/ rims la sogs pa ji ltar bgyi/ dmyal ba la sogs pa ngan song gi rnams ji ltar bgyi/ bcom ldan 'das kyis gsungs pa/ dam tshig de nyid la nan tan byed du tshud cig /de nas phyag na rdo rjes yang gsol pa/ bcom ldan 'das/ mi 'di rnams ji ltar nan tan bgyi/ bcom ldan 'das kyis gsungs pa/ de bzhin gshegs pa thams cad kyi dkyil 'khor chen por btsud nas rdo rje'i dkyil 'khor du tshud cig /rdo rje'i </font><hr>21b<br><font size=+1>


dkyil 'khor du btsud nas dam tshig gi dkyil 'khor du tshud cig /dam tshig gi dkyil 'khor du btsud nas las kyi dkyil 'khor du btsud cig /de nas phyag na rdo rje byang chub sems d+pa'+chen po/ /bcom ldan 'das kyis gsungs pa la yi rangs te/ tshigs su bcad pa 'di smras so/ /sems can kun la phan pa'i phyir/ /sangs rgyas kun gyis byin brlabs te/ grub pa thams cad byed pa'i mchog /dkyil 'khor chen por bshad par bya'o/ /de nas yang dag rab bshad pa/ /dkyil 'khor chen po dam pa ste/ /chos kyi dkyil 'khor tshul 'dra bar/ /dkyil 'khor thams cad thig gdab po/ /de la srad bu bre ba'i cho ga ni/ 'di lta ste/ /gsar zhing legs par byas pa dang / /tshad ma bzang po'i srad pu yis/ /shes rab can gyis srad bre ba/ /'jig rten gsum rgyal dran zhing ngo / /de ya dbus su gdab pa ni/ /seng ldeng phur pa brtan par ro/ /de las srad bu bre gsungs pa/ /srad bu nyis lnga pa kyis byas te/ /bcu drug cha ru bgo bar bya/ /thams cad du ni rim gsum mchog /khor khor yug rigs dag kyang / /phur bu yis ni de bzhin no/ /de yi nang du bya ba ni/ /srad bu rim bdun ldan par te/ /tshon ser dri zhim ldan pa yis/ /thig rnams kyang ni gdab par bya/ /de yi dbus su gzhag pa ni/ /shin tu bkrabs pa'i nas phul bzhi'o/ /de yi </font><hr>22a<br><font size=+1>


@#/ /steng du mgon po ste/ /sangs rgyas gzugs brnyan gzhag par bya/ /sangs rgyas thad 'khor thams cad du/ /byang chub brgyad ni rim bzhin par/ /bri 'am yang na gzhag par bya/ /tshon sna lnga mchog rnams kyis so/ /sangs rgyas spyan snga de ru ni/ /phyag na rdo rje de bzhin no/ /bri'am gzhag par bya ba ni/ /rdo rje hUM zhes par 'dus so/ /de yi zhabs ni g.yon pa yis/ /dbang phyug chen po mnan par bya'o/ /g.yas pa'i zhabs kyis btsir ba ni/ /nyon mongs ma yin lha mo 'o/ /'dod grub spyod pa'i lha rnams kyang / / srad bu rim bdun par dag tu/ /bri 'am yang na gzhag par bya/ /rdo rje shugs kyis dgongs nas su/ /phyi rol byung nas de ru yang / /gling rnams bzhi yang bri bar bya/ /dbyibs dang cho ga ji bzhin du/ /grwa yi ri mo legs par dgod/ /gling rnams dbus ni thams cad du/ /'jig rten ji bzhin bsogs par bya'o/ /tshangs pa la sogs bzhi yi rnams/ / de ru 'jig rten dbang po bri/ /khor khor yug ri dang ni/ /gling rnams kyi yang bar dag tu/ /phyi yi rdo rje'i rigs rnams kyi/ /dkyil 'khor yang dag bri bar bya/ /sgo srung bri bar bya ba yang / /rdo rje sgo bzhi de dag tu/ /rdo rje kyo ba zhags pa dang / /sgrog dang dril bu de bzhin no/ /kho ra khor yug ri yi ni/ /phyi rol dmyal ba brgyad rnams so/ /gnam dal </font><hr>22b<br><font size=+1>


dang ni nad dag dang / /mkha' 'gro ma dang gdon drag rnams/ /bzhag gam yang na bri bar bya/ /chos min can ni gzhig phyir ro/ /de yi phyi rol du dgod pa/ /gtor ma sna tshogs mchog rnams so/ /de nas dkyil 'khor chen po'i cho ga 'byung ste/ de la thog ma nyid du slob dpon gyis de bzhin gshegs pa thams cad la phyag 'tshal te 'jug pa ni/ gtsang mas gos gtsang ma bgos la/ ser la thag gu dmar po thogs nas rdo rje 'dzin ma'i phyag rgya bcings la/ de'i steng du dri zhim po'i me tog bzhag nas snying po 'di brjod la zhugs shig /oM b+dz+ra pra tI tsa ma ha ha ha ha hi/ de nas pus mo g.yas pa'i lha nga sa la btsugs nas du ru ka'i bdug pa'am/ ci bdog pas gsol to/ /rdo rje 'dzin ma mdzub mo gnyis kyo btang du byas la snying po 'di brjod do/ /oM u ru gra gra bi ri Ni bi ri Ni/ b+dz+ra ma ya hi/ b+hi da ye swahA/ /nyi shu rtsa gcig bzlas na de las mtshan ma 'byung ba ni ba spu g.yo ba la sogs pa dang / sa g.yo ba'am/ dri zhim po'am/ 'od zer mthong ba'o/ /de nas phyag na rdo rje'i spyi bor me tog gtor cig /de nas slob ma gzhug ste/ de la thog ma nyid du bkrus nas slob ma gos gtsang ma bskon te/ gsum la skyabs su btang ba dang / bslab pa'i sdom pa 'dzin pa la so sor gnas par byas nas byang chub kyi sems bskyed cig /de </font><hr>23a<br><font size=+1>


@#/ /nas gdong ras kyis g.yog nas mgo gtsug tor du byas te/ rdo rje 'dzin ma'i phyag rgya bcings la chug cig /bcug nas me tog gtor te/ de nas gang la 'bab pa de ni de'i lha'o/ /de nas gdong bcings pa bkrol nas rang gi rig pa'i lha ston la/ de la mchod cing slob dpon la yang ci 'dod pa'i yon phul nas de rang gi rig pa 'am/ sngags bzlas te phyag rgya yang bcing ngo / /'jig rten gsum las rnam par rgyal pa rtog pa chen po'i rgyal po las/ 'jig rten gsum gyi 'khor lo zhes bya ba'i dkyil 'khor chen po'o/ /de nas rdo rje'i dkyil 'khor 'byung ste/ /rdo rje'i phreng ba mnyam ldan pas/ /rdo rje'i dkyil 'khor brtag par bya/ /'jug par bya ba de bzhin te/ /las kyang de dang 'dra bar bya'o/ /dkyil 'khor de ru zhugs nas ni/ /de bzhin rdo rje gsor bar bya/ /'jig rten gsum rgyal rab bslabs nas/ /rdo rje mchog ni bsgrub par bya/ /de la rdo rje sgrub pa'i cho ga ni lag pa gnyis kyi rdo rje'i phyag rgya 'dzin pas rdo rje bzung la ji srid du 'gul pa de srid bzlas so/ /de phyin cad rdo rje des las thams cad byed do/ /rdo rje'i dkyil 'khor ro/ /de nas dam tshig gi dkyil 'khor 'byung ste/ /dkyil 'khor chen po kun bris nas/ /mtshan ma thams cad bstan par </font><hr>23b<br><font size=+1>


bya/ /'jug pa rdo rje dril bu dang / /rdo rje 'dzin mchog phyag rgyas so/ /de la rdo rje dril bu'i phyag rgya ni 'di yin no/ /rdo rje 'dzin ma kun byas nas/ /rdo rje kun tu brtag bya ba/ /g.yas par gzhag nas g.yon pa yis/ /dril bu gsil nas 'jug par bya/ /btsud nas su ni dril bu de/ /mnyam par gzhag pas gsil bar bya/ /slob dpon gyur cig dam tshig kyang / / rtag tu bsrungs zhes brjod par bya/ /ji ltar dril bu'i sgra 'di ni/ /de yi mi rtag pa ru gsungs/ /de ltar khyod la byin pa ni/ /rdo rje chen po zhes bya 'dis/ /nges par sreg par 'gyur ba ni/ /de ste rdo rje 'dzin dad dang / /skyabs gsum brtul zhugs de bzhin te/ /ji ltar byang chub sems 'dod rnams/ /khyod kyis de tshe spangs gyur na'o/ /de la 'di ni dam tshig gi sngags so/ /oM ha na sa ma ya hUM phaT/ de nas de bzhin du 'dug la de nas rdo rje'i chu 'di blud do/ /de nas gdong bcings pa bkrol nas cho ga bzhin du bya'o/ /dam tshig gi dkyil 'khor ro/ /de nas las kyi dkyil 'khor 'byung ste/ /de bzhin dkyil 'khor bris nas su/ /cha lugs mang po gzhag par bya/ /btsud nas las rnams thams cad kyang / /slob dpon gyis ni de bzhin bslab/ /de nas las kyi rab tu sbyor ba 'di'o/ /bcom ldan 'das kyi spyan sngar thab ga bzhir byas la mngar po'i yam shing la me bus la mngar po'i </font><hr>24a<br><font size=+1>


@#/ /me tog dang / 'bras bu rnams sbrang rtsi dang mar las sbags te/ bla gos g.yas su gzar la ku sha'i bam po la 'dug ste/ rdo rje'i tshig tu bzlas shing / zhi ba dang / rgyas pa dang / dbang du bya ba la sogs pa zhi ba'i las rnams la lag pa g.yon pas bdag gis phyag rgya bcings te/ g.yas pas bsregs na de dag 'grub par 'gyur ro/ / bcom ldan 'das kyi rgyab tu thab zur gsum du kha ba'i tsher ma rnon po'i yam shing dang / 'dab ma dang / me tog dang / yal ga'i rtse mo dang / sdong bu dang / 'bras bu'ang de dang 'dra bar rang gi khrag gis bskus nas stan mkhrang po la 'dug ste/ bla gos g.yon du gzar la/ khros pa'i tshig gis bzlas shing g.yon pas bsregs na dgug pa dang / gzhug pa dang / bcing ba dang / rgyas gdab pa dang / gzhom pa dang / btsir ba dang / bsnyal ba dang / myos par bya ba dang / stan 'pho ba la sogs pa las drag po rnams rab tu 'grub par 'gyur ro/ /de nas bcom ldan 'das de bzhin gshegs pa thams cad dgug pa dang / dam tshig gi bcing ba dang / dbang du bya ba la sogs pa grub pa thams cad kyi las ni bcom ldan 'das kyi g.yas su rtswa 'jam po bting ba la 'dug nas/ stod g.yogs sbyar ma ltar bgos te/ ting nge 'dzin gyis bzlas shing 'khor lo lta bu'i </font><hr>24b<br><font size=+1>


thab tu du ba med pa'i mdag ma la til dang 'bras la sogs pa nas 'bras g.yas g.yon gyis sreg go /bcom ldan 'das kyi g.yon du rdo rje lta bu'i thab byas la stod g.yogs kyis yan lag thams cad bcings te rlod stan 'jam po la 'dug nas/ yam shing thams cad 'bar ba'i phreng ba 'jings \?\ pa'i me la lag pa g.yas pa rdo rje dang bcas pa rdo rje khu tshur gyi phyag rgya bcings nas lag pa g.yon pa rdo rje khu tshur 'dzin pas gzar bu gzung nas 'dzum zhing dga' bar byas te/ rdo rje tshig gis zlos shing ro thams cad bsregs na/ rdo rje 'dzin pa dgug pa dang / gzhug pa dang / bcing ba dang / dbang du byas pa la sogs pa dam pa 'grub pa'i sbyin sreg gi cho ga'o/ /'jig rten gsum las rnam par rgya la ba rtog pa chen po'i rgyal po las/ dkyil 'khor thams cad kyi cho ga'o// //de nas yo byad bshad par bya'o zhes nas bcom ldan 'das rdo rje 'dzin gyis gsungs pa/ dkyil 'khor gyi cho ga thams cad mthong bar 'gyur nas sgrub bo/ /de ci'i phyir zhe na/ dkyil 'khor du ni ma zhugs sam/ /dam tshig spangs par gyur pa ni/ /phyag na rdo rje mi 'grub pa/ /gsang ba yang dag mi shes pas/ /bcom ldan sems dpa' 'dod pa'o/ /chags dang rdo rje de nyid de/ /de la chags par ma gyur na/ /phyag na rdo rje mi 'grub bo/ /de bas yang dag ma </font><hr>25a<br><font size=+1>


@#/ /mthong bas/ /dkyil 'khor du ni grub ma gsungs/ /yang dag ma mthong grub pa ni/ /the tshom can gyis mi 'grub bo/ /rab tu 'jigs pa rnyed nas su/ / nad kyis kyang ni 'jigs par byed/ /gdon yang de la brtson par 'gyur/ /shi nas ngu 'bod du ltung ngo / /de ltar dkyil 'khor thams cad du chug la nad dang / gdon la sogs pa ston cig /bcom ldan 'das de bzhin gshegs pa gser gyi kha dog ras la bri bar bya ste/ de'i thad 'khor kun tu byang chub sems dpa' brgyad bri ba ni/ 'di lta ste/ g.yas phyogs su ni 'phags pa spyan ras gzigs dbang po dang / 'jam dpal dang / sems bskyed ma thag tu chos kyi 'khor lo bskor ba'o/ /g.yon phyogs su ni rdo rje khu tshur dang / byams pa dang / nam mkha'i mdzod do/ /steng du nam mkha'i snying po'o/ /bcom ldan 'das kyi 'og tu ni phyag na rdo rje ste/ rdo rje hUM zhes bya ba'i phyag na rdo rje dang bcas pa lag pa gnyis kyis bcing ngo / /lag pa gnyis po gzhan la g.yas pa ni rdo rje gsor/ g.yon pas ni me tog gi gzhu dang / mda' lnga bsnams pa/ /sku mdog ni ut+pal sngon po lta bu/ yid tsam 'dzum la mche ba cung zad gtsigs la/ khro ba dang bcas pas bzhad pa'i zhal/ phyir brkyang bsku ma du gnas pa/ rgyan thams cad kyis brgyan pa/ zhabs g.yon </font><hr>25b<br><font size=+1>


bas lha chen po'i 'dan pa g.yon par mnan/ zhabs g.yas pa bskum pas u ma'i nu mar btsir te/ stod g.yog khra bos yan lag g.yogs pa/ ko rlon gyi smad g.yogs can/ de bzhin gshegs pa thams cad dbu rgyan du thogs pa'o/ /de nas tshes zhag gcig nas mgo brtsams te/ tshes bco lnga'am/ zla ba'am/ lo'i par du nyin re zhing brgya stong bzlas te gos dkar po gtsang ma bgos te bdag gi khyim du gnas shing zas gtsang ma yid bzhin du zos te bzlas na de nas zla ba gcig lon pa dang / zla ba dang pos ni hUM zhes bya bas phyi rol gyi las rnams 'grub par 'gyur ro/ /gnyis kyis ni las thams cad 'grub par 'gyur ro/ /gsum gyis ni bcom ldan 'das rmi lam du ston cing 'das pa dang / ma 'ongs pa thams cad ston to/ /bzhis ni sems can thams cad dgug pa dang / dbang du bya par nus so/ /zla ba lngas ni yid bzhin snang ba dang / mi snang bar 'gyur ro/ /zla ba drug gis ni ci 'dod pa thams cad kyi gzugs su 'gyur ro/ /zla ba bdun gyis ni bdag gi lus sangs rgyas dang / byang chub sems dpa' dang / phyag na rdo rjer ston cing cho 'phrul thams cad kyang ston to/ /zla ba brgyad kyis stong gsum gyi stong chen po'i 'jig rten gyi khams kyi lha la sogs pa dgug pa dang / dgug pa dang / bcing ba dang / dbang du </font><hr>26a<br><font size=+1>


@#/ /byed cing las su bsgo'o/ /zla ba dgus ni byang chub sems dpa' rnams thams cad dgug pa dang / gzhug pa dang / bcing ba dang / dbang du byed do/ /zla ba bcus ni sa bcu thob par 'gyur ro/ /zla ba bcu gcig gis ni bcu gcig pa sangs rgyas kyi sa thob bo/ /zla ba bcu gnyis pas ni rdo rje 'dzin par 'gyur ro/ /de nas sgrub pa bstan te/ ras la rdo rje hUM zhes pa de bzhin du bris la/ de'i thad 'khor thams cad du mthu chen po la sogs pa nas/ klu bA ru na'i mtha'i bar du bcom ldan 'das la sgong zhing pus mo gtsugs pa bris la/ de nas de bzhin du bzlas pa ni rdo rje hUM zhes bya ba'i phyag rgya grangs med par bzlas te/ zla ba'i mtha'i bar du/ /tshes nyi shu dgu'i mtshan thal byung bzlas na/ nang par thams cad 'ong ngo / /'ongs nas kyang dbang du 'gyur te thams cad bsgo ba bzhin du byed do/ /de nas sgrub pa gzhan 'byung ste/ bcom ldan 'das de bzhin du bris nas gser gyi mdangs kyi lha mo la sogs pa thams cad rang rang gi phyag rgya bsgreng nas gar byed cing mi sdug pa 'jigs pa'i gzugs su bri'o/ /de nas de bzhin du zla ba gcig gi mtha'i mtshan thal byung du zlos shig /de nas nang par kun lhags te/ de bzhin du gar dag gis sgrub pa po la mchod do// </font><hr>26b<br><font size=+1>


'di la rtog pa 'dir bris pa de bzhin no snyam du bsams nas des mi 'jigs par bya'o/ /de nas dbang du 'gyur ste/ rtag tu las thams cad byed pa'i g.yog mor 'gyur ro/ /de nas cho ga gzhan te ras la bcom ldan 'das de bzhin du bris la/ de nas de bzhin du brgyad stong du bzlas na nub tha ma la rdo rje 'dzin pa 'thob ste/ ci 'dod pa grub pa'i mchog kyang 'thob bo/ /gzhan yang sgrub pa phyag na rdo rje'i spyan sngar 'bum zlos shig /de nas dgos pa kun bcom ldan 'das kyis mdzad do/ /phyag na rdo rje'i spyan sngar ci 'dod par yam shing thams cad kyis sbyin sreg gis lo gcig gi bar du bsregs na thams cad 'grub par 'gyur ro/ /de nas rdo rje hUM zhes pa bris pa de'i spyan sngar lo gcig gi mtha'i bar du grangs med par zlos shig /de nas tha mar bcom ldan 'das rang gi ci 'dod pa'i mchog stsol bar 'gyur ro/ /bcom ldan 'das de bzhin gshegs pa'i spyan sngar rdo rje hUM zhes pa'i phyag rgya bcings la/ de bzhin gshegs pa 'gul gyi bar du zlos shig /de nas phyag rgya 'grub par 'gyur ro/ /grub pa des na dgug pa dang / dbang du bya ba dang / gzhug pa dang / drang pa dang / ltung ba dang / dbab pa dang / stan 'pho ba la sogs pa las phran tshegs kyi bcings pas hUM zhes pas mdzad do/ /de nas cho ga </font><hr>27a<br><font size=+1>


@#/ /gzhan te rig pas dbang bskur bar bya bar 'dod na/ bri'am/ 'jim pa las phyag na rdo rje'i cha lugs byas la phyag gnyis brkyang ste rdo rje 'dzin to/ de zla ba yar gyi tshes gcig nas brtsams te/ tshes bco lnga'i bar du mar bzhi bre brgyad kyis khrus shig /de nas tha mar mtshan thal byung bzlas so/ /de nas nad par gzugs de bzhad de/ de nas rig pa thams cad kyi bdag por 'gyur ro/ /de nas sgrub pa gzhan 'byung ste/ sangs rgyas bcom ldan 'das kyi cha lugs bri'am/ 'jig pa la de bzhin du phyag brkyang ba rdo rje 'dzin par byas la de'i zhabs kyi bar du spos chus bkrus na de phyin chad yid bzhin du mi snang bar 'gyur ro/ /de nas sgrub pa gzhan 'byung ste ras la bcom ldan 'das phyag na rdo rje phyag bzhi par byas la/ de'i phyag g.yas par pad+mo/ g.yon par rdo rje/ g.yas par rdo rje hUM zhes pa/ g.yon par mda' dang / gzhu'o/ de nas de'i spyan sngar stong phrag brgya bzlas pa'i mjug tu zhag gsum smyung ba byas te/ mtshan thal byung bzlas na/ de'i nang bar de dang 'dra ba'i gzugs su 'gyur te/ bskal par gnas shing mi dga' ba dang / sems can thams cad dbang du bya ba dang / thams cad du 'gro bar 'gyur ro/ /de nas dkyil 'khor sgrub pa 'byung ste/ dkyil 'khor </font><hr>27b<br><font size=+1>


mthong bas lci ba gsum gyis khrus byas/ dus gsum du gos brjes la/ rdo rje 'dzin ma'i phyag rgya bcings nas brgyad stong dus gsum du nyin bdun bzlas na/ de nas phyag na rdo rjes slob dpon gyi gzugs su byas nas rmi lam du thams cad smra'o/ /de nas dkyil 'khor sgrub pa'i cho ga gzhan 'byung ste/ dkyil 'khor chen po mthong bas zla ba gcig gi bar du de bzhin du dus gsum du khrus byas nas dus gsum du gos brjes/ dus gsum du ba lang gi lci bas dkyil 'khor bas te/ rno lcags kyi mtshon chas der rdo rje bris la/ de la lta zhing rdo rje 'dzin ma'i phyag rgya bcings te/ brgyad brgya bzlas na zla ba gcig gi mthar bcom ldan 'das mthong ngo / /de nas rdo rje sgrub pa 'byung ste/ rdo rje ras sam/ rtsig pa'am/ shing leb la bris nas de la mchod pa byas te rdo rje khu tshur gyis bzung la/ lo gcig tshun chad rdo rje nam 'bar gyi bar du zlos shig /'bar ba des na nam mkha' la 'gro ba dang / lo bcu drug lon pa'i lus phyag na rdo rje dang mtshungs pa'i gzugs dang / stobs dang / mdog tu gyur te/ 'dod pa'i longs spyod thams cad dang ldan pa/ bde ba dang / yid ba de ba thams cad thob par 'gyur ro/ /tshe yang lo stong phrag brgyar 'gyur ro/ /de nas ral gri sgrub pa 'phyung ste/ rdo rje khu tshur gyis ral gri bzung la lo gcig gi bar du bzlas na rig </font><hr>28a<br><font size=+1>


@#/ /'dzin thams cad kyi bdag po rig pa 'dzin par 'gyur ro/ /de nas 'khor lo sgrub pa 'byung ste/ 'khor lo'i dkyil 'khor bris la lcags kyi 'khor lo thogs nas/ nam rdo rjer gyur cing slar yang 'khor lor gyur gyi bar du bzlas so/ /de nas de thogs pas na rig 'dzin thams cad kyi 'khor lo bskor bar 'gyur ro/ /de nas kyo ba tang bsgrub par 'dod pas phyag na rdo rje'i spyan sngar gser gyi kyo ba tang bya ste/ lag pa g.yon pa'i rdo rje khu tshur gyis bzung la/ grub pa rnam gsum du gyur gyi bar du bzlas la dros pa tsam gyis thams cad kun dgug nus par 'gyur ro/ /dud pa byung ba tsam gyis thams cad dbang du byed nus par 'gyur ro/ /'bar bas ni thams cad dgug nus pa dang / dbang du bya nus shing rig 'dzin gyi rgyal por 'gyur ro/ /de nas lha la sogs pa thams cad dgu pa 'byung ste/ lha chen po la sogs pa lha rnams gang yang rung ba'i cha lugs rkang pa g.yon pas mnan la/ rdo rje hUM zhes bya ba'i phyag rgya bcings te/ bsdigs shing zla ba gcig gi mtha'i bar du bzlas na lha thams cad lhags te/ las thams cad byed pa'i g.yog tu 'gyur ro/ /klu dbang du bya bar 'dod na klu'i mtshor lte ba man chad chu'i nang du bcug la lo gcig tshun chad klu thams cad rang gi gzugs su ston </font><hr>28b<br><font size=+1>


cing las thams cad byed pa'i g.yog tu gyur gyi bar du bzlas so/ /gnod sbyin dbang du bya bar 'dod pas gnod sbyin gang la gnas pa'i gnas der rdo rje hUM zhes pa'i phyag rgya bcings la gnod sbyin de dag lhags te bka' ci stsal zhes smra ba'i bar du bzlas so/ /de phyin cad bka' thams cad byed pa'i g.yog tu 'gyur ro/ /de nas ma rnams thams cad dbang du bya bar 'dod pas ma'i gnas su song nas/ khro mo'i snying gar rdog pas mnan la zla ba gcig lon gyi bar du bzlas na tshes nyi shu dgu la 'jigs su rung ba'i sgra chen po 'byin par byed de/ de nas dbang du gyur nas bka' bzhin byed pa'i g.yog mor 'gyur te/ phrag pa la khyer nas mtho ris su khrid de slar yang khrid cing 'ongs nas tshogs kyi bdag por bcu gcing de dag gis mchod de/ sngon ma byung ba'i don thams cad dang / 'dod pa thams cad dang / na chung thams cad 'gug go/ 'di lta bu'i rnal 'byor yang ster te/ rnal 'byor gang gi khro bo'i 'jig rten du yang 'gro zhing phyir yang 'ong ngo / /de la sus kyang cung zad kyang byed mi nus so/ /de nas dpal chen mo bsgrub par 'dod pa des phyag na rdo rje'i spyan sngar bzlas pa ni phyag na rdo rje'i sku las lha mo'i lus mthong gi bar du ste/ de las ma 'gul cig ces bsgo'o/ /de phyin cad don thams cad ster bar 'gyur te/ sangs rgyas pa yang ster ba'i bar du'o/ /de nas </font><hr>29a<br><font size=+1>


@#/ /mtsho dbyangs ma dbang du bya bar 'dod pa/ \?\ des phyag na rdo rje'i spyan sngar yi ge'i phreng bar byas la phreng ba'i yi ge bkod cing mthar phyin pa'i bar du bklags te/ nyin re zhing dus gsum du las de byas la/ de nas brgyad stong bzlas na zla ba gcig lon pa dang mtsho dbyangs ma mthong ngo / /de phyin chad thogs pa med pa'i spobs pa dang ldan par 'gyur ro/ /'jig rten pa dang / 'jig rten las 'das pa'i gtsug lag thams cad dang / shes nyen can du bya ba thams cad dang / bzo thams cad kyang ma bslabs par des rab tu shes so/ /de nas lig bu mig dang / gur gum dang / ldong ros dang / ba bla rnams la bsgrub pa 'byung ste/ lig bu mig blangs la/ 'jom pa'i steng du bzhag nas lag pas mnan ste grub pa rnam gsum byung gi bar du bzlas so/ /gcig gis ni mi snang bar 'gyur ro/ /gnyis pas ni gzugs mang por 'gyur ro/ /gsum pas ni nam gnas gong mar 'dzeg pa na nam mkha' la 'gro bar 'gyur ro/ /gur gum la sogs pa bzung ste/ 'jom pa'i bu gar bcug la rdo rje 'dzin ma'i phyag rgyas mnan nas nam 'bar gyi bar du bzlas so/ /de nas thig le byas nas 'dod pa thams cad kyi bdag po dang / rig 'dzin dang / thams cad du 'gro ba dang / tshe lo stong du thub par 'gyur ro/ /de nas </font><hr>29b<br><font size=+1>


sA la b+hany+tsi ka sgrub pa 'byung ste/ gnas gang na sA la b+hany+tse ka ri mo bris pa 'am/ gzugs su byas pa de'i 'jom pa la sor mo bzhag ste/ zla ba gcig gi bar du zlos shig /de nas zla ba gcig gi mthar mtshan thog thag zlos shig /de nas nang bar rang gi gzugs su bstan nas 'dod pa thams cad sbyin pa'i chung mar 'gyur ro/ /gnod sbyin mo bsgrub par 'dod pas gnod sbyin mo gang na 'dug pa'i gnas der 'dug la rang gi gzugs su 'ongs kyi bar du bzlas na de la 'dod pa thams cad ster ba'i bran mor 'gyur ro/ /de nas sha za mo bsgrub par 'dod pas phyag dar phung po mes btang ste/ lag pa g.yon pas rang gi mtshan ma de bzung la g.yas pas zegs ma bsregs pa ni phyag dar gyi phung po de las ci tsam du sha za mo gdong mdangs gzugs mi sdug pa 'ongs te rang gi gzugs su gnas so/ /de yang de bzhin du bran mor 'gyur ro/ /de nas ci bgyi bsgrub par 'dod pas nyin zhag gcig smyung ba byas la/ tshes nyi shu dgu la brgyad stong bzlas te/ de nas zla ba gcig slong mo la za zhing grangs med par bzlas te/ zla ba gcig lon pa dang nub gsum smyung ba byas nas mtshan thog thag zlas so/ /de nas nang par ci bgyi 'ongs na des mi 'jigs par bya ste/ de nas de rang nas 'grub bo/ /de phyin cad 'dod pa thams cad 'bul ba'i g.yog tu 'gyur te/ mtho ris kyi lha mo'ang 'gugs shing 'bul lo/ /de yang </font><hr>30a<br><font size=+1>


@#/ /skyel cing slar yang 'gugs so/ /'das pa dang / ma 'ongs pa dang / da ltar gyi thams cad kyang smra'o/ /gzhan gyi nor thams cad kyang phrog nas 'bul lo/ / de nas rig pa'i brtul zhugs bya bar 'dod pa dngos grub med pa gang yin pa des zla ba drug gi bar du nyin zhag bcu bcu zhing spyad pa snga ma brjes la slong mo'i kha zas la sogs pa nas rlung bza' ba'i bar du'o/ /de nas mjug tu mtshan thal byung bzlas na nang par sangs rgyas pa yang sbyin par 'gyur ro/ /de nas nyin re zhing bco brgyad kyi bar du sngon gyi spyad pa rnams byas la de'i mjug tu mtshan thal byung bzlas na nang par las thams cad 'grub par 'gyur ba ni hUM zhes thang cig brjod pas kyang ngo / /de nas rol langs bsgrub pa 'byung ste/ ma smras ma nyams pa'i mi ro blangs la legs par bkrus nas byug pas legs par byugs te/ me tog gi phreng ba btags nas rkang pa g.yon pas mnan la dbugs byung gi bar du bzlas na de ldang ste langs pa dang / de zhon na thams cad du 'gro zhing tshe yang lo stong phrag brgyar 'gyur ro/ /de nas ro langs kyi grub pa mchog sgrub pa 'byung ste/ ma smas ma nyams pa'i mi ro blangs nas de bzhin du rab tu brgyan la zhon te langs shing yang 'gyel ba'i bar du bzlas na de bzhin gshegs pa'i skur 'gyur ro/ /de phrag pa la khyer na de bzhin gshegs </font><hr>30b<br><font size=+1>


pa thams cad srel ba'i rig 'dzin 'jig rten gyi khams rab 'byams thams cad du rdzu 'phrul gyi 'gro ba dang / tshe yang bskal bar 'gyur ro zhes bcom ldan 'das phyag na rdo rjes gsungs so/ /de nas ma bsgrubs kyang dkyil 'khor mthong ba nyid kyis las su 'gyur pa ni/ 'di lta ste/ thang cig brjod pas ni bdag dang / gzhan dang / grong dang / grong khyer dang / rgyal po la sogs pa bsrung bar 'gyur ro/ /mtshams bcad pa la sogs pa ni brtan par lta bas mtshams bcad na de bzhin gshegs pa thams cad kyang mi 'da' na gzhan lta ci smos/ sa'i dkyil 'khor dang / nam mkha' dang / phyogs bcing ba yang lta ba des so/ /dbab pa ni reg pa dang / ma reg pas ral gri dang / me long dang / snod dang / mthe bo dang / shing ljon pa dang / bris pa dang / cha lugs dang / gzhu dang / mda' dang / rdo rje la sogs pa rdo rje dbab pa'i phyag rgya gos kyis g.yogs la bcings te/ gu gul gyi bdag pas dbab bo/ / gdon zhi bar bya ba ni hUM zhes pas so/ /rdo rje hUM zhes pa'i phyag rgyas ni sems can thams cad 'phungs par byed do/ /rdo rje lcags sgrog gi phyag rgyas ni byad ma'i gdon las thar par byed do/ /he ru ka rdo rje'i phyag rgya bstan pas ni byad mas bsad pa las slar gso bar bya'o/ /rdo rje'i phyag rgya gzung bas skra las bzung ste/ bslang bas ni dug gnon pa dang / dug bslang </font><hr>31a<br><font size=+1>


@#/ /ba dang / dug zhi bar bya ba dang / dug spo ba dang / dug gzhig par bya ba dang / dug gis shi ba las gso bar bya ste/ rdo rje hUM zhes pa gcig gis so/ /gter dbyung ba ni zangs kyi ril ba chus bkang la/ rdo rje hUM zhes pa'i mdzub mo dang / gu gul gyis bdug pa byas te bzlas na gal te gter yod na ni chu de lud do/ /de ste med na ni 'khyil lo/ /de nas 'jig rten gsum las rnam par rgyal ba'i hUM zhes pa bzlas te blang ngo / /snang ba dgug pa ni dong ka'i ljon pa'i yam shing gis ma bus te/ zho dang / sbrang rtsi dang / mar gyis rA dza ko shA ta ka'i me tog la bskus nas stong phrag brgyad bsregs na snang ba thob bo/ /'og gi gnas su ni rdo rje 'og gi phyag rgyas 'khrul 'khor thams cad bcom nas rdo rje hUM zhes pa bzlas te zhugs na de la sus kyang gtse bar mi 'gyur ro/ /gtogs 'dod kyi 'khor los kyang ci yang byed par mi 'gyur ro/ /phyag na rdo rje'i spyan sngar rdo rje 'am/ /nor bu marga ti'am/ pad+ma rA ga 'am/ mu tig gam/ gser ram/ dbyig gam/ gzhan ci yang rung ba'am/ skyes pa'am/ bud med dam/ sangs rgyas kyi sku gzugs la lo gcig gi bar du dus gsum du brgya brgyar bzlas nas/ de nas lo gcig lon na brgya 'gyur du 'gyur ro/ /de snyed du brgyar bzlas na de snyed kyi brgyar 'gyur ro/ /de nas </font><hr>31b<br><font size=+1>


stong du bzlas na yang stong du 'gyur ro/ /longs spyod dgug pa ni stong phrag brgyar bzlas so/ /dgug pa ni rdo rje kyo btang gi phyag rgyas zla ba bzhis khugs so/ /dbang du bya ba ni rdo rje khu tshur gyi dam tshig gi phyag rgyas so/ /sems can thams cad gtan 'pho ba ni rdo rje hUM zhes pa'i phyag rgya bcings te stong phrag brgyar bzlas na/ sems can thams cad yid kyis dmigs pa bzhin gtan 'pho'o/ /chu gnon pa ni rdo rje'i phyag rgya bcings la chu'i steng du 'gror rung ba'i bar du bzlas/ /me gnon pa ni thang cig bzlas pas so/ /lo tog bsrung ba ni rdo rje lta bas te/ de la srog chags rnams gang gis kyang gnod par mi 'gyur zhing / byi ba la sogs pa yang 'da' bar mi byed do/ /rdeg pa spong ba ni khro bo'i lta bas te gang du bltas pa der 'pho'o/ /bza' ba dang / btung ba thams cad spo ba ni 'bar ba'i lta bas ni rang gi snod du 'pho'o/ /sdig pa dang / sbrul thams cad med par bya ba ni thang cig brjod pas so/ /gcan srin thams cad la thang cig bzlas pas med par 'gyur ro/ /rkun po thams cad pham pa ni rdo rje khu tshur bcings pas so/ /dmag las sgrol ba ni rdo rje 'dzin ma'i phyag rgyas so/ /gzhu dang / mda' dang / mdung dang / rgyal mtshan mnan nas 'gul gyi bar du bzlas te/ de thogs na dmag thams cad las rgyal bar 'gyur ro/ /zhal che la ni thang gcig brjod pas rtsod pa'i lan thebs par </font><hr>32a<br><font size=+1>


@#/ /'gyur ro/ /zhi ba thams cad ni til gyi sbyin sreg gis so/ /rgyas pa thams cad ni yungs kar gyi sbyin sreg gis so/ /gtan 'pho ba thams cad ni tsher ma'i sbyin sreg gis so/ /gso ba thams cad ni nga'ur \?\ ba'i lo ma'i sbyin sreg gis so/ /'tshe ba dang / gnam dal dang / rmi lam ngan pa thams cad gzhil ba ni til dang / 'bras kyi sbyin sreg gis so/ /gzhom pa thams cad ni hUM zhes pas so/ /dgod du gzhug ba dang / myos par bya ba thams cad la phags ces bya bas so/ /thams cad gnyid log tu gzhug pa ni bskums la mig btsums te/ brgya bzlas pas thams cad gnyid log par byas pa yin no/ /sems can thams cad rgyas gdab pa ni rdo rje khro bo'i lta bas bltas na rgyas btab par 'gyur te/ nyin bdun las lhag par mi gson no/ /ngag 'phrog ba ni rang gi lce sos bzung nas hUM zhes bya ba'i bar du sbyor ba bya'o/ /snying drang ba ni rdo rje sor mo'i phyag rgyas dpung ba bsnol te/ rang gi mchan khung du glong zhing snying po bzlas na nub bdun tshun chad 'pho bar 'gyur ro/ /snying bcad pa ni rdo rje blangs te gcad par bya'o/ /snying dbye ba ni rdo rje lcags phur gyis gdab ste/ ming nas smos shing gzugs so/ /snying spo ba ni lag pa gnyis kyis rdo rje blangs te mtshan bdun du rab tu sbyor ba byas pas 'pho bar 'gyur </font><hr>32b<br><font size=+1>


ro/ /de nas phyag rgya 'di rnams las thar bar bya ba bshad de/ /des rgyas 'debs pa la ni khu tshur dam pos so/ /ngag 'phrog pa la ni rdo rje ngag gis bzlas pas so/ /snying 'dren pa la ni rdo rje khu tshur gyi phyag rgya snying gar dgrol lo/ /bcad pa la ni rdo rje hUM zhes pa bzlas nas 'o mas khrus shig /phye ba la ni phur bu phyung nas rdo rje dris skus shig /snying spo ba la ni rdo rje snying pos thar bar bya'o/ /de bzhin du byad ma'i phyag rgya yang spo bar bya'o/ /snying bsgrub par 'dod na bud med kyi snying gar lta zhing lan gcig bzlas na de'i snying ga nas sgra thos par 'gyur ro/ /skyes pa'i snying gar yang de bzhin du byas te/ snying ga thams cad du yang de ltar ro/ /de nas pha rol gyi sems shes pa bsgrub par 'dod pas ni rdo rje hUM zhes pa brgyar bzlas na pha rol gyi sems shes so/ /sngon gyi gnas shes phar bya ba ni rdo rje hUM zhes pa bzlas pas so/ /rmi lam mthong bar 'dod pas ni rdo rje hUM zhes pa lan nyi shu rtsa gcig bzlas shing bdug pas ka pi tsas bdugs te/ gnyid log na de nas bcom ldan 'das kyis 'das pa dang / ma 'ongs pa dang / da ltar gyi shes pa ston to/ /tshig bsgrub par 'dod pas rdo rje tshig gi stong phrag brgya bzlas na rdo rje tshig gis rang gi lces smras pa thams cad bden par 'gyur te ci bslangs pa de stsol to/ /cho 'phrul ston pa ni bzlas pa'i rdo rje'i tshig gis </font><hr>33a<br><font size=+1>


@#/ /brgyad brgya bzlas na rang gi lus la cho 'phrul du 'gyur ba ni sangs rgyas thams cad dang / byang chub sems dpa' dang / rdo rje 'dzin dang / lha dang / klu dang / gnod sbyin la sogs pa sems can thams cad kyi gzugs brnyan gyi tshul du ston to/ /rang gi gzugs ci dga' bar bsgyur bar byed 'dod pas rdo rje tshig gis rdo rje bzlas pa stong phrag brgya bzlas na gzugs gang dang / gang 'dod pa de dang / bdag sangs rgyas kyi gzugs su'ang byed par 'gyur ro/ /mi snang bar 'dod pas rdo rje khu tshur gyis rdo rje bzung la rdo rje bzung bas mi snang bar gyur pa de srid kyi bar du bzlas so/ /btang bas ni dgrol lo/ /khri'u la 'dug nas rdo rje lag tu blangs te/ nam 'phar gyi bar du bzlas so/ /gdon gyis 'dzin du gzhug na rdo rje hUM zhes pas so/ /gdon gar byed du 'jug pa ni hi zhes pas so/ /gdon bskyod pa ni hag ces pas so/ /gdon gzhom pa ni phags ces pas so/ / gcer bar bya ba ni mi'i skra'i skud pas rang gi dpung pa bcings na gcer bar 'gyur te gos brje bar 'gyur ro/ /sdang bar bya ba ni rdo rje khu tshur gyi dam tshig gi phyag rgya dral bas so/ /bskrad pa ni rdo rje khu tshur gyis 'phang ngo / /dgos pa bskyed pa ni mtshan thog thag sha chen po rang gi khrag gis bskus te sreg go/ gzhan gyi bud med dgug pa ni </font><hr>33b<br><font size=+1>


rdo rje bzung nas snying po bzlas shing dgug gam/ yang na thams cad du khyab pa hUM zhes pas thams cad bya'o/ /bud med thams cad dang dga' bar spyod pa ni rang gi rtags rdo rje bcings pas bzung la nyin bdun dus gsum du langs kyi bar du bzlas so/ /de nas mjug tu nam phyed kyi bar du bzlas na rtag tu ldang la mi snyoms shing bcud mang la rtags shugs drag por 'gyur ro/ /bu mo spyad pa ni rdo rje bzung nas thams cad du khyab par hUM zhes bya ba byas nas spyod do/ /bud med thams cad dbang du bya ba ni rdo rje hUM zhes pa'i phyag rgya bcings la stong phrag brgya bzlas na bud med thams cad mgu bar 'gyur ro/ /phyag na rdo rje'i spyan sngar spyan ras gzigs dbang po'i dam tshig gi phyag rgya bcings la stong phrag brgya bzlas na bud med thams cad mgu bar 'gyur ro/ /sems can thams cad dbang du bya bar 'dod na rdo rje khu tshur gyi bcings pas rdo rje bzung la nam 'gul gyi bar du bzlas so/ snang ba la dbang du bya bar 'dod na rdo rje blangs te rang gi spyi bor bzhag la spyi bor rdo rje brtan par gyur gyi bar du bzlas so/ /de nas snang ba'i mdun du 'dug na des snang bar rang gi dbang bskur ba yang stsol to/ /nor dgug pa ni rin po che'i gtso bo'i phye mas sbyin sreg byas pas so/ /char dbab pa ni rdo rje hUM zhes pa stong bzlas pas so/ /char gcad pa ni rdo rje hUM zhes pas so/ / </font><hr>34a<br><font size=+1>


@#/ /ser ba gcad pa ni rdo rje gsor ba'i phyag rgyas so/ /gdon dgag pa yang phyag rgya de nyid kyis so/ /sprin dgag pa ni rdo rje hUM zhes pa brgyar bzlas pas so/ / bsal bal ni rdo rje hUM zhes pa lan brgyar bzlas so/ /rdo rje dkyil 'khor gyi steng du bzhag nas me tog dang / bdug pas mchod de/ rdo rje 'dzin ma'i phyag rgyas mnan la rdo rje langs kyi bar du bzlas so/ /de thogs nas sa bskor na ci 'dod pa bzhin du sgyu ma'i las rnams ston te/ rdo rjes bskor bas dus ma yin par shing la 'bras bu dang / me tog mthong ngo / /nam mkha' la me tog gi phreng ba chags par bya ba ni dbugs bsdams la rdo rje khu tshur bcings te gtor na chags so/ /cha lugs bzhad par bya ba ni rdo rje'i phyag rgyas so/ /gar byed par bya ba ni rdo rje 'dzin mas so/ /smra bar bya ba na hUM zhes pas so/ /rgyug par bya na rdo rje dgug pa'i phyag rgyas so/ /smin ma 'gul bar bya na rdo rje'i phyag rgya 'dzin pas rdo rje thogs la rang gi smin mtshams su bsgul bas so/ /sa g.yo bar bya na rkang pa g.yon pa brdabs pas so/ /khyim bskul ba ni rdo rje dbab pa'i phyag rgyas so/ /khang pa dgug pa ni rdo rje khros pa'i kyo btang gi phyag rgya bcings pas so/ /sprin med par char pa dbab pa ni rdo rje hUM zhes bzlas pas so/ /skad cig tu sprin 'du </font><hr>34b<br><font size=+1>


zhing ston pa ni rdo rje bskor bas so/ /zla ba dang / nyi ma dbab cing bstan pa ni rdo rje brdabs pas so/ /nyi ma dang / zla ba mang por bstan na/ rdo rje bzhi nam mkha' la gtor bas so/ /dmag rnam bzhi bstan na rdo rje bskor bas so/ /mtshan mo nyin par du bya na rdo rje 'bar ba bskor bas so/ /nyin par mtshan mor bya na mig btsums la rdo rje bskor bas so/ /thams cad nas rdo rje bstan na brgya bzlas te rdo rje bskor bas so/ /thams cad nas byang chub sems dpa' bstan na stong bzlas te rdo rjes bskor bas so/ /phyag na rdo rje thams cad ba la bstan na stong phrag brgya bzlas te bskor bas so/ /thams cad nas sangs rgyas bstan na rdo rje la bye ba bzlas pas so/ /'jig rten gsum las rnam par rgyal ba rtog pa chen po'i rgyal po las/ rdo rje hUM zhes bya ba'i rtog pa chen po rdzogs so// //de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis phyag na rdo rje la 'di skad gsungs so/ /ngas kyang sems can thams cad kyi don gyi phyir gang 'jig rten gsum las rnam par rgyal ba rtog pa chen po'i rgyal po 'dir brtson par 'gyur ba la de bzhin gshegs pa thams cad kyi snying po 'di sbyin no/ /de nas phyag na rdo rjes/ bcom ldan 'das kyi zhabs la phyag 'tshal nas tsog tsog por 'dug </font><hr>35a<br><font size=+1>


@#/ /ste mnos pa/ hUM badz+ra bid swAhA/ de nas 'di gsungs pa tsam gyis stong gsum gyi stong chen po'i 'jig rten gyi khams 'di rab tu g.yos so/ /sems can thams cad kyang rab tu g.yos nas phyag 'tshal zhing dbang du gyur to/ /de nas phyag na rdo rje byang chub sems dpa' sems dpa' chen pos bcom ldan 'das kyi zhabs la mgo bos phyag 'tshal nas rdo rje rig pa'i dkyil 'khor 'di bshad do/ /dkyil 'khor chen po'i tshul du dkyil 'khor thams cad brtags te/ de'i dbus su nas phul bzhi la bcom ldan 'das bzhugs te/ de'i spyan sngar phyag na rdo rje yid kyis kyang tsog tsog por bzhag go/ de nas de bzhin du gzhug go/ zhugs nas 'di skad du/ khyod deng nas de bzhin gshegs pa nyid do/ /de ste dad na de bshad do zhes bsgos shig /des smras pa/ gsungs shig ces pa dang / de nas khyod deng phan cad de bzhin gshegs par gyur to zhes smros shig /des smras pa/ ci'i phyir/ dkyil 'khor mthong ba'i phyir ro zhes des smros shig /gang dkyil 'khor 'dir zhugs pa de de bzhin gshegs pa nyid du blta ste/ des sangs rgyas kyi byang chub kyang tshe 'di nyid dam/ pha rol la thob par 'gyur ro/ /zhes smras nas/ phyag rgya slongs shig /de bzhin gshegs pa'i </font><hr>35b<br><font size=+1>


dkyil 'khor ro/ /de nas phyag na rdo rjes bcom ldan 'das kyi zhabs la phyag 'tshal nas rdo rje'i dkyil 'khor bshad do/ /dkyil 'khor de bzhin du bris nas bcug la/ rdo rje'i sgrub pa bsgrub bo/ /lag pa gnyis kyi rdo rje bzung nas rang gi phyag rgya bsgom so/ /rdo rje zhes bya ba 'di ci yin/ snying bsgom pa ste/ rdo rje tshig gis bzlas na des de bzhin gshegs pa yang tshe di'am gzhan la thob par 'gyur ro/ /rdo rje'i dkyil 'khor ro/ /thams cad dam tshig chen po'i tshul du byas la 'di smros shig /dad brtan phyag na rdo rje la/ /de bzhin gshegs rigs de bzhin no/ /sems can thams cad mgu ba ru/ /khyod kyi de ltar brtag par bya/ /deng nas khyod kyi de ltar ma byas na/ /sems can dmyal bar ltung bar 'gyur ro/ /dam tshig gi dkyil 'khor ro/ /yang dkyil 'khor de bzhin du bris la slob ma bcug nas las rnam bzhi yang bslab bo/ /lus thams cad kyis gtugs te/ de bzhin gshegs pa thams cad la phyag 'tshal lo/ /de nas langs te yan lag lngas phyag byas te sdig pa thams cad ni bshags so/ /de nas langs nas thal mo sbyar te/ pus mo gnyis sa la gtugs nas/ bsod nams thams cad kyi rjes su yi rang ngo / /de nas langs te pus mo g.yas pa'i lha nga sa la gtsugs la/ rdo rje 'dzin ma'i phyag rgya bcings </font><hr>36a<br><font size=+1>


@#/ /nas phyag '+tsal te/ de bzhin gshegs pa thams cad kyi rdo rje'i tshig gi badz+ra bid brjod cig /des ni de bzhin gshegs pa thams cad dang / phyag na rdo rje la phyag bya ba dang / bkur sti dang / mchod par 'gyur ro/ /de bzhin gshegs pa thams cad kyi dgongs pa yongs su rdzogs par 'gyur ro/ /mchod pa'i cho ga'o/ /de nas phyag na rdo rje'i rig pa bsgrub pa 'byung ste/ dkyil 'khor mthong bas ras la bcom ldan 'das de bzhin gshegs pa bris la de'i g.yas su spyan ras gzigs kyi dbang po/ /g.yon du rdo rje khu tshur rgyan thams cad kyis brgyan pa bya'o/ /de nas gso sbyong can du dus gsum du khrus byed pa/ dus gsum du bkrus pa'i gos gyon la/ stong phrag brgyar bzlas so/ / de'i mjug tu de bzhin gshegs pa thams cad kyi khu tshur bcings nas mtshan thal byung bzlas na nang bar du de bzhin gshegs pa thams cad gshegs te zhal ston to/ / mchog ci 'dod pa stsol te/ sangs rgyas pa'i bar du yang stsol to/ /de nas yang cho ga bzhin te/ ras la bcom ldan 'das de bzhin gshegs pa pad+ma'i steng du bzhugs par byas la/ /de'i spyan sngar phyag na rdo rje thal mo sbyar te/ tsog tsog por 'dug nas/ bcom ldan 'das la blta bar bya/ bcom ldan 'das kyi g.yas phyogs su phyag na rdo </font><hr>36b<br><font size=+1>


rje ya gcig gis rdo rje gsor g.yon pa na pad+ma'o/ /bcom ldan 'das kyi g.yon phyogs su rdo rje khu tshur te/ khu tshur gnyis kyis rdo rje bsnams par byas la/ de nas tshes gcig nas brtsams te zla ba gcig de bzhin du bzlas la zla ba tshang nas mtshan thal byung bzlas na/ de ltar de bzhin gshegs pa byon nas/ mchog ci 'dod pa stsol to/ /yang cho ga gzhan ni ras la bcom ldan 'das de bzhin gshegs pa bris la de'i spyan sngar zla ba drug de bzhin du bzlas pas 'jug la nyin mtshan gsum du smyung bar bya ste/ phyag na rdo rje byon nas phyag na rdo rje 'dzin pa nyid byin gyi bar du bzlas so/ /de bzhin gshegs pa'i mchod rten gyi drung du stong phrag brgya bzlas na mjug tu de bzhin gshegs pa mthong ngo / /nam mkha' la bltas te stong phrag brgya bzlas nam mkha' la de bzhin gshegs pa thams cad mthong ngo / /des de la phun sum tshogs pa thams cad nyin gcig bzhin stsol to/ /sangs rgyas kyi spyan sngar stong phrag brgya bzlas na mchog 'thob bo/ /phyag na rdo rje'i spyan sngar stong phrag brgya bzlas na phyag na rdo rjes 'dod pa thams cad stsol to/ /'phags pa spyan ras gzigs kyi dbang po'i spyan sngar stong phrag brgya bzlas na spyan ras gzigs kyi dbang pos lag nas bzung ste/ bde ba can gyi 'jig rten gyi khams su khrid cing slar yang khrid de 'ong ngo / /'jig / </font><hr>37a<br><font size=+1>


@#/ /rten gsum las rnam par rgyal ba'i rtog pa chen po'i rgyal po las/ de bzhin gshegs pa'i rtog pa rdzogs so// //de nas bcom ldan 'das la phyag na rdo rje byang chub sems dpa' chen po yang 'di skad ces gsol to/ /bcom ldan 'das/ bdag gis kyang 'jig rten gsum las rnam par rgyal ba rtog pa chen po'i rgyal po 'dir snying po gang brjod pa tsam gyis de bzhin gshegs pa thams cad rdo rje'i ri ltar mi g.yo ba yang bskyod cing 'dren na sems can gzhan lta ci smos/ gang dran pa tsam gyis kyang 'jig pa thams cad rnam par grol bar 'gyur ro/ /gang brjod pa tsam gyis kyang mtshams med pa thams cad lhag ma ma lus par 'byang bar 'gyur pa dang / thams cad la srung par 'gyur pa dang / phyag na rdo rjes kyang 'dod pa thams cad stsol bar 'gyur pa dang / mchog stsol pa dang / don thams cad sgrub pa dang / dgos pa thams cad byed cing rtag par phyi bzhin 'brang bar 'gyur pa dang / gang bslabs pa tsam gyis grub pa thams cad mngon par 'gyur bar stsal bar bgyi'o/ /de nas bcom ldan 'das kyis phyag na rdo rje byang chub sems dpa' sems dpa' chen po la 'di skad ces bka' stsal to/ /phyag na rdo rje/ khyod </font><hr>37b<br><font size=+1>


kyis legs par smros shig /ngas kyang bzung ngo / /de nas phyag na rdo rjes rdo rje snyems pa dang bcas pas rdo rje gsor te/ rang gi snying gar bstong pa'i tshul gyis bzung nas rang gi snying po 'di gsungs so/ /Tik+ka hUM dza/ de nas 'di gsungs pa tsam gyis 'jig rten gyi khams thams cad rab tu g.yos so/ /de bzhin gshegs pa thams cad g.yos/ rab tu g.yos so/ /'phar rab tu 'phar/ byang chub sems dpa' rnams rab tu bskyod par gyur to/ /nyan thos dang / rang sangs rgyas thams cad kyang ma rung par gyur to/ /byang chub sems dpa' sa'i snying por gyur to/ /de bzhin gshegs pa thams cad kyis brtan par gyur to/ /de bzhin gshegs pa thams cad kyi rdo rje sems dpa'i grub pa yang sra bar gyur to/ /bdud dang / mi bgrungs pa'i phyogs thams cad kyang brlag par byas so/ /gdon thams cad bcos bsad bcom ste/ 'dar bad pad nas bcom ldan 'das la skyabs su dong nas/ bcom ldan 'das/ bdag cag skyobs/ bde bar gshegs pa/ bdag cag skyobs shig pa dang / bcom ldan 'das kyis de dag la bka' stsal ba/ phyag na rdo rje 'di nyid la skyabs su dengs shig dang / 'di nyid khyed la skyob par byed do/ /phyag na rdo rje'i snying gnas kun tu 'bar bas bskor bas/ de bzhin gshegs pa thams cad kyi phreng ba </font><hr>38a<br><font size=+1>


@#/ /la sogs pa'i rgyan thams cad kyis brgyan pa 'dzum zhing khro ba/ phyag gnyis kyis me tog gi gzhu 'gengs pa/ phyag gnyis kyis rdo rje hUM zhes pa bcom ldan 'das rdo rje 'dod pa'i khro bo phyung nas 'jig rten gyi khams thams cad kyi sems can kun 'dod pa'i khro bos sbyangs na phyag na rdo rje'i spyan sngar 'dug ste bka' nod do/ /bcom ldan 'das kyis bka' stsal pa/ nga ji lta ba de bzhin du khyod kyis kyang sems can thams cad kyi don gyis shig ces so/ /de nas bcom ldan 'das kyis phyag na rdo rje la 'di skad gsungs so/ /lag na rdo rje/ de bas na khyod snying po gang gis sems can 'di dag thams cad brgyal ba dang / bcos pa dang / bcom pa kun 'tsho bar 'gyur pa dang / gzhan dag kyang rdo rje'i lus thob par 'gyur ba de smros shig /oM TuM rdo rje go cha'i phyag rgya 'dis/ bdag nyid go bgos na rdo rje'i lus dang / rdo rje'i tshe thob cing srung bar yang 'gyur te/ nam 'tsho'i bar du thams cad kyis mi tshugs par 'gyur ro/ /de nas phyag na rdo rje byang chub sems dpas rdo rje 'khor lo'i dkyil 'khor chen po 'di gsungs so/ /de nas gzhan yang rab bshad pa/ /rdo rje 'khor lo'i dkyil 'khor che/ /gru bzhi ba de sgo bzhi ba'o/ /rta babs bzhi dang </font><hr>38b<br><font size=+1>


bcas pa ste/ /bcu drug cha dang ldan par ro/ /rdo rje'i ra bas mdzes pa ste/ grwa dang sngo yi zur dag dang / /de bzhin rta babs mtshams rnams su/ /rdo rje rin chen ldan par bya/ /ba dan phreng ba dril bus brgyan/ /dang po'i phyi yi dkyil 'khor 'di/ /snying po bzlas shing bri bar bya/ /de yi nang gi 'khor lo yang / /rdo rje sred bu mnyam ldan pa'o/ /rdo rje'i ka ba brgyad ldan zhing / /rdo rje'i ka ba mdun gnas su/ /dkyil 'khor brgyad kyi tshul du ste/ /'od kyi dkyil 'khor bzhag pa'o/ /de yi dbus su sems dpa' che/ /phyag na rdo rje gzhug par bya/ /sangs rgyas rin chen thams cad dag /dbu rgyan du ni brgyan thogs pa/ /cung zad tsam du bzhad pa'i zhal/ /rdo rje snyems par mdzad pa ste/ /me tog mda' gzhu 'chang ba po/ /de las gzhan pa phyag bzhi pa/ /rdo rje sems dpa'i thugs nyid de/ /khro gnyer bzhad pa'i zhal ngo can/ /gnyis kyis me tog gzhu 'gengs shing / /gnyis kyis rdo rje hUM mdzad pa'o/ /rdo rje can gyis g.yas phyogs su/ /rdo rje dga' ba bri bar bya/ /snying gar rdo rje brtan 'dzin cing / /'khyud pa lta bu'i sbyor bas so/ /phyag na rdo rje'i rgyab tu ni/ /chu srin rgyal mtshan 'chang ba ste/ /sems dpa' rdo rje dpal can te/ /rin chen char ba rab tu 'bebs/ /rdo rje can gyi g.yon bris pa/ /rdo rje snyems pa dmar po ste/ </font><hr>39a<br><font size=+1>


@#/ /gnyis kyis rdo rje snyems pa 'dzin/ /sgeg pas mchod cing 'dud pa 'o/ /dkyil 'khor grwa yi gnas rnams su/ mchod pa'i lha mo bri bar bya/ /dpyid kyi rdo rje rdo rje'i sprin/ /ston ka'i rdo rje kha ba mo/ /phyi yi dkyil 'khor grwa dag tu/ /'dod pa'i gzugs la sogs pa bri/ /sgo yi dpung rnams thams cad du/ /rdo rje 'dod pa'i kyo ba sogs/ / de nas dkyil 'khor chen po der/ /rdo rje slob dpon nyid rdo rje snying po'i phyag rgya bcings la zhugs la 'di skad du smros shig /sems can kun gyi yid khyab cing / /sems can kun la bde ba stsol/ /sems can kun gyi phar gyur pa'i/ /rdo rje sems dpa' bdag deng 'grub/ /Ta k+ki hUM dzaH/ de nas de skad smras pa dang 'bab par 'gyur te/ de ltar babs pa tsam gyis phyag na rdo rje'i gzugs mthong ngo / /bcom ldan 'das mthong bar bstan pas grub pa thams cad kyang stsol te/ la la ni rdo rje 'dzin/ la la ni 'tshang rgya bar 'gyur ro/ /de nas slob ma gzhug ste/ snying po'i phyag rgya bcings la/ des phreng ba bzung nas gos dmar pos yan lag bcings la/ /ras dmar pos mig gnyis bkab ste bcug nas 'di skad ces smros shig /khyod kyis dkyil 'khor ma mthong ba'i mi mkhas pa su la yang gsang ba 'di dag mi bsnyad par byos shig /'byung po'i </font><hr>39b<br><font size=+1>


gdon dang / phra man ma la sogs pa'i gdon gyis bsad par gyur ta re/ shi nas kyang dmyal bar ltung bar 'gyur ro zhes bsgo nas gdong khrol cig /de nas 'di skad ces smros shig /gang dbus na ba 'di ni bcom ldan 'das phyag na rdo rje ste/ 'di ni dang po'i sems dpa' 'dod pa'i bdag po 'dod pa'i dbang po kun tu bzang po rdo rje sems dpa'o/ / gang mdun na ba 'di ni bcom ldan 'das 'di'i thugs yin te 'dod pa'i khro bo'o/ /gang g.yas na ba 'di ni sems can thams cad kyi reg pa'i bde ba ste/ rdo rje dga' ba zhes bya ba'i byang chub sems dpa'o/ /gang rgya ba na ba 'di ni bcom ldan 'das bdag nyid che ba'i rgyal mtshan te/ sems dpa' thams cad kyi byams pa slong ba dang / nor sbyin pa'o/ /gang g.yon phyogs na ba 'di ni bdag nyid che ba'i bdud de/ sems can thams cad chags par byed pa'o/ /gang grwa'i bzhi po 'di rnams ni dus kyi mchod pa/ me tog dang / bdug pa dang / mar me dang / dri'i lha'o/ /gang phyi'i grwa'i gnas na ba de dag ni gzugs la sogs pa 'dod pa'i yon tan no/ /gang sgo srung de dag ni mig dang / 'dod chags pa dang / mdza' ba ste/ kyo btang dang / zhags pa dang / sgrog dang / 'bebs pa dag ni rgol bar mi 'gyur ro/ /khyod kyis kyang bcom ldan </font><hr>40a<br><font size=+1>


@#/ /'das 'dod pa thams cad kyi bdag po la smod par ma byed cig /gang sangs rgyas kyi bstan pa la sems can thams cad rnam par dag par bya ba'i phyir 'dod chags dang bral ba 'chad de/ de ci'i phyir zhe na/ mu stegs can gyi rnams 'dod chags bral ba'i chos des thar pa'o/ /de bzhin gshegs pa rnams chags pa rnams ni sems can thams cad la chags pas na thar pa ni/ 'di lta ste/ byang chub sems dpa' rnams bdag gi chung mas kyang sems can sdud par byed de/ 'dod chags ni byang chub tu bstan pa'o zhes so/ /de nas snying po byin cig /Ta k+ki hUM dzaH/ 'di bsgrubs na bcom ldan 'das sems dpa'i mchog 'grub par 'gyur ro/ / bcom ldan 'das grub pas na 'dod pa'i khro bo grub par 'gyur ro/ /de ci'i phyir zhe na/ snying po 'di bdag nyid che ba ste/ Ta k+ki zhes bya ba ni 'dod pa'o/ /hUM zhes pa ni khro bo'o/ /de nyid dgug pa'i phyir dzaH zhes bya ba ni/ 'di khyod kyis bsgrub par bya'o/ /de nas phyag rgya chen po shes par slobs shig /de nas dam tshig gi phyag rgya bcom ldan 'das kyi rdo rje'i thugs bslabs nas lag pa gnyis su rdo rje sbyin pa'i snying po ni 'di'o/ /oM b+dz+ra d+hA ra b+dz+ra pra taM d+hA ra ya sid d+h+ya Tak+ki hUM dzaH/ de nas phreng ba phyag na rdo rje </font><hr>40b<br><font size=+1>


la phul bas de'i mgo la bskon no/ /de nas rdo rje ming gis dbang sbyin pa snying po 'dis so/ /oM b+dz+ra a b+hi Shiny+tsa sarba kA rme shwa red twa i daM b+dz+ra nA nA ma a d+hi Sh+Thi te dri D+ho s+ya b+ha ba/ oM Tak+ki hUM dzaH/ de nas der 'dug ste/ phyag rgya chen po bcings nas rdo rje tshig gis brgyad stong ba zlas na de nas sa g.yo ste/ grub pa thams cad lan gcig bzlas pas 'grub bo/ /de nas dam tshig gi phyag rgya bcings la brgya bzlas na de'i thugs dbang du 'gyur ro/ /de phyin chad sems can thams cad kyi snying shes pa dang / sems can thams cad kyi snying la dbang byed do/ /thams cad kyi snying du sdug par 'gyur ro/ /thams cad kyi brtan par chags so/ /snying thams cad las tshig thos par 'gyur ro/ /gyur ba dang / 'gyur ba dang / de ltar gyi tshig bden par 'gyur ro/ /bdag gi snying las kyang cho 'phrul rnam pa bzhi mthong zhing gzhan la yang ston to/ /de'i snying las rdo rje 'byung bar 'gyur ro/ /des na sems can thams cad kyis mi sod pa dang / mi tshugs pa dang / mi gcod pa dang / mi phyed pa'i rdo rje'i lus su 'gyur ro zhes bcom ldan 'das phyag na rdo rjes gsungs so/ /de nas gsang pa'i mchod pa bya ste/ rdo rje'i thugs bstod pa'i glus bstod do/ /de phyin can grub thams cad rdzogs par 'gyur te/ 'dod pa thams cad dang / gsang pa'i mchod pa thams </font><hr>41a<br><font size=+1>


@#/ /cad myur du 'grub par 'gyur ro/ /de nas mchod pa thams cad kyis 'dra bar mchod nas/ ji snyed pa'i zas dang / ro dang / spyad pa thams cad kyis tshim par byas nas 'byung ngo / /rdo rje 'khor lo chen po'i cho ga rgyas pa'o// //de nas rdo rje'i dkyil 'khor du rdo rje 'dod pa khro bo la sogs pa'i phyag rgya ji lta ba bzhin bris te zhugs nas mchod pa'i lha rnams kyis gar gyi mchod pas snyim pa ma stongs par byas te/ rdo rje sems dpa'i phyag rgya chen po bcings la/ bcom ldan 'das kyi spyan sngar rdo rje'i glu'i rdo rje'i bzlas pas 'bum bzlas so/ /de nas rdo rje de lci bar 'gyur ro/ /de nas slar yang bar 'gyur ro/ /de nas de ltar mchan gcig thal byung du bzlas na nang bar rdo rje 'dzin tam/ /rdo rje khro bo stong gsum gyi stong chen po'i 'jig rten gyi khams thams cad kyi bdag po lha'i gzugs dang / mdog dang / rgyan dang / spyan gsum pa la phyag bzhi ba rdo rje 'dod pa'i mdangs dang 'dra bar 'gyur te/ rdo rje 'dzin gyi tsher 'gyur ro/ /rdo rje dkyil 'khor gyi cho ga rgyas pa'o// //de nas dam tshig gi dkyil 'khor te/ dkyil 'khor chen po'i srad pus thig btab te/ de nas lha mo rnams bris la de'i dbus su bcom ldan 'das ji lta ba bzhin du </font><hr>41b<br><font size=+1>


bzhag nas 'di skad smros shig /ho badz+ra satwa su ra ta s+t+waM/ de'i spyan sngar rdo rje gzhu 'gengs pa'i gzhu bris te/ de'i phyag rgya ni 'di'o/ /badz+ra ash+t+ro hUM/ g.yas su rdo rje dga' mgu 'khyud par bya'o/ /de'i phyag rgya ni 'di'o/ /badz+ra ki li hUM/ rgyab tu chu srin rgyal mtshan 'chang ba byams ma'i rdo rje bri/ de'i phyag rgya ni 'di'o/ /badz+ra a gri ho/ g.yon du rdo rje snyems ma bris te/ rdo rje g.yon du sbyor bar bya/ /de'i phyag rgya ni 'di'o/ /badz+ra gar+b+he ha ni/ de nas grwa dang / sgor yang rang gi lha mo bri/ /de nas rdo rje slob dpon nyid shin tu chas la rdo rje lag tu thogs bud med kyang brgyan te/ lag pa gnyis rdo rje khu tshur bcangs pa/ dpung pa gnyis kyis 'khyud de zhugs la 'di skad brjod do/ /sa ma ya s+t+waM a haM/ su ra ta ho Tak+ki hUM dzaH/ de nas brjod pa tsam gyis bcom ldan 'das ston par mdzad de/ /phyag rgya thams cad 'grub pa dang / dam tshig thams cad 'grub pa yang stsol to/ /de nas slob ma yang de bzhin du snying po'i rdo rje de nyid kyis btsud nas 'di zhes smros shig /khyod kyi dam tshig 'di las ma 'da' shig /mi bde ba ma spangs par myur du shi zhing du 'bod chen por skye bar 'gyur ta te/ de nas dam tshig brjod de/ bdag che kun gyi phyag rgya ni/ /'dod pa bsam las yang dag 'byung / /de bas khyod kyis sdig med pa'i/ /'dod dang </font><hr>42a<br><font size=+1>


@#/ /bsam pa ma btang shig/ /'di ni dam tshig bsrung ba'i sngags so/ /oM T+k+ki hUM phaT/ 'dis rdo rje'i chu blud do/ /gang ngos po gzhan thams cad kyi phyir yang mnas bsgag ste/ de dag la yang rdo rje'i phyag rgya 'dzin pas blud do/ /gang gis 'di las 'das na/ zla ba phyed kyis snying 'gas so zhes bcom ldan 'das phyag na rdo rje dam tshig chen pos gsungs so/ /de nas phyag rgya bcings pa bslab po/ /de nas de bzhin du 'byung ngo / /shin tu dga' ba'i rdo rje zhes bya ba gsang ba'i dkyil 'khor ro/ / de nas las kyi dkyil 'khor de bzhin du bris nas nyid kyi sku'am/ mtshan ma gzhag go /der btsud nas las rnam bzhi bslab par bya'o/ /de la dang po nyid du 'dod pa thams cad stsol bar gyur te/ phyag na rdo rje'i phyag rgya chen po bcings nas rdo rje 'dzin phyag bzhi ba/ de bzhin gshegs pa thams cad kyi phreng ba la sogs pa'i rgyan gyis brgyan pa'i skur bdag nyid mthong ba de srid kyi bar du bzlas so/ /de phyin chad 'dod pa thams cad nus par 'gyur ro/ /de nas khro bo'i las bslab ste/ rdo rje hUM zhes bya ba'i phyag rgya bcings la bzlas na de bzhin gshegs pa thams cad thang cig bzlas te/ hUM zhes pas bsdigs na de bzhin gshegs pa yang 'gyel bar 'gyur ro/ /de </font><hr>42b<br><font size=+1>


phyin chad 'gro ba gnas pa thams cad kyang 'gyel nus par 'gyur ro/ /de nas phyag na rdo rje'i las 'byung ste/ sems can thams cad 'dod pa dang / khro bo gnyis kyis 'dul bar 'dod na rdo rje 'dzin ma'i phyag rgyas me tog la sogs pas mchod pa byas te/ rdo rje thugs kyi phyag rgya bdag gi snying gar bcings la phyag na rdo rje'i spyan sngar rdo rje 'dzin thob pa de srid du bzlas so/ /de bzhin gshegs pa thams cad kyi las byed par 'dod pas phyag na rdo rje'i spyan sngar byang chub tu sems bskyed la sbyin pa sbyin/ tshul khrims bsrung / bzod pa bsgom/ brtson 'grus brtsam/ bsam gtan la snyoms par 'jug /shes rab yongs su rdzogs par bya ste/ ci 'dod ci nus kyis bya zhing rtag tu bzlas pa ni phyag na rdo rje'i sku'am/ de bzhin gshegs pa'i skur mthong gi bar du bya'o/ /de nas sa bcu po 'thob ste de bzhin gshegs pa'i las byed pa'i byang chub sems dpar 'gyur ro/ /las kyi dkyil 'khor gyi cho ga'o// //de nas sgrub pa 'byung ste/ /dkyil 'khor du ni ma zhugs pa/ /dam tshig shes pa ma yin dang / /slob ma ma yin gzhan rnams la/ /mi zad snying po 'di mi sbyin/ /dkyil 'khor mthong bas sgrub pa ni phyag na rdo rje'i spyan sngar stong phyag brgya bzlas na sngar bsnyen pa byas par 'gyur ro/ /de nas ras la bris te/ ras </font><hr>43a<br><font size=+1>


@#/ /kyi dbus su ni bcom ldan 'das de bzhin gshegs pa bri/ de'i g.yas su phyag na rdo rje phyag bzhi ba'i thugs ka nas thugs 'byung ba de bzhin du bri/ g.yon du spyan ras gzigs kyi dbang po phyag bzhi ba ste/ gnyis na ni pad+mo'i ting nge 'dzin 'chang / gnyis kyis ni me tog gi gzhu 'gengs pa/ kha dog dmar po bri/ /spyan sngar de bzhin du rdo rje 'dod pa'i khro bo bri'o/ /steng du nam mkha'i snying bo bri/ grwar mchod pa'i lha rang gi mchod pas 'gram pa dang mgo bor ro/ /de nas ras la bris pa'i spyan sngar zla ba bzhin dus bzhir stong bzlas shing bsgrubs na de nas zla ba tshang ba dang / de bzhin gshegs pa'ang stsol bar 'gyur ro/ /ras la bcom ldan 'das dkyil 'khor gyi tshul du bris la/ sems dpa' chen po dang / lha mo yang de bzhin du bya'o/ /de'i spyan sngar zla ba gcig tu grangs med par bzlas shing 'dod pa thams cad zos la bsgrubs te/ de nas zla ba gcig lon pa dang / phyag na rdo rje'i phyag rgya chen po bcings pa/ mtshan thal byung bzlas na nang bar rdo rje 'dzin 'thob po/ /ras la bcom ldan 'das phyag na rdo rje de bzhin du bris la/ de'i spyan sngar zla ba phyed kyi bar du rtag par bzlas pa ni mi nyal mi mnal bar bzlas te/ de nas zla ba phyed lon pa dang / mtshan mo yang thal </font><hr>43b<br><font size=+1>


byung du bzlas na nang bar phyag na rdo rje dang mtshungs pa dang / 'dod pa'i longs spyod chen po dang / bde ba dang / yid bde ba thams cad kyang 'thob cing thams cad du 'gro bar 'gyur ro/ / ras la bcom ldan 'das khro bo de bzhin du bris la/ de'i spyan sngar rdo rje shugs kyi phyag rgya bcings te/ stong phrag brgya bzlas na des 'grub par 'gyur te/ bsgo ba bzhin du las thams cad byed do/ /sangs rgyas kyi zhing thams cad du'ang khyed zhing slar yang khyer te 'ong ngo / /sangs rgyas kyi zhing thams cad kyi 'dod pa'i bde ba thams cad khyer te 'ongs nas de la sbyin no/ /des kyang longs spyod par nus na lha'i bu mo thams cad lta ci smos/ brgya byin yang stsol to/ /phyag na rdo rje 'dzin pa nas sangs rgyas kyi bar du bsgo bas stsol bar 'gyur ro/ /sangs rgyas kyi spyan sngar 'bum bzlas na de bzhin gshegs pa thams cad bkug ste dbang du byed do/ /phyag na rdo rje'i spyan sngar rdo rje thugs kyi phyag rgya bcings nas stong phrag brgya bzlas na/ de nas phyag na rdo rje nyid kyi dpal gyi lha mo khrid de byon nas sgrub pa po'i mdun du 'dor ro/ /de nas sgrub pa pos bcom ldan 'das khyod nyid bdag gis grub par 'tshal gyi/ 'di ci 'tshal zhes smros shig /de nas bcom ldan 'das dgyes te/ ci 'dod pa'i mchog stsol bar 'gyur ro/ /grub pa thams cad kyang 'grub po/ / </font><hr>44a<br><font size=+1>


@#/ /spyan ras gzigs dbang po'i spyan sngar 'bum bzlas na spyan ras gzigs dbang pos mchog stsol bar 'gyur ro/ /nam mkha'i snying bo'i spyan sngar 'bum bzlas na dbang stsol bar 'gyur te/ bsam pa thams cad yongs su rdzogs par mdzad do/ /rdo rje bzhag ste de'i mdun du 'bum bzlas na de nas las thams cad yid bzhin du grub par byed do/ /phyag rgya chen po bcings nas 'bum bzlas na phyag na rdo rje 'dzin gyis mchog stsol to/ /dam tshig gi phyag rgya bcings nas 'bum bzlas na rdo rje 'dzin mngon du mthong zhing phyag rgya'i las kun grub pa yang stsol bar 'gyur ro/ /rdo rje lag tu thogs nas 'bum bzlas na rdo rje khu tshur gyis rdo rje bzung btsam gyis mi snang bar 'gyur ro/ /'khor lo thogs te/ 'bum bzlas na 'khor lo'i rig pa 'dzin par 'gyur ro/ /kyo btang thogs te 'bum bzlas na/ kyo btang des thams cad 'gugs nus par 'gyur ro/ /zhags pa thogs te 'bum bzlas na zhags pa des thams cad drang nus par 'gyur ro/ /lag pa gnyis rdo rjes bcings pa bsdams te/ 'bum bzlas na sems can thams cad bcing nus par 'gyur/ /rdo rje dbang pa'i phyag rgya bcings nas 'bum bzlas na gnas pa dang / 'gro ba thams cad dbang </font><hr>44b<br><font size=+1>


nus par 'gyur ro/ /rdo rje hUM zhes bya ba'i phyag rgya bcings nas 'bum bzlas na hUM zhes bya ba gcig gi gnas pa dang / 'gro ba thams cad skad cig gis ltung bar byed nus par 'gyur ro/ /lha chen po rkang pa g.yon pas mnan la 'jig rten gsum las rnam par rgyal ba'i phyag rgya bcings nas 'bum bzlas na/ zla ba gcig tshun chad kyis der 'ongs te dbang du 'gyur ro/ /mthu bo che rkang pa g.yon pas mnan te 'bum bzlas na 'khor lo thob ste/ 'khor lo de thogs na 'grub par 'gyur ro/ /tshangs pa mnan te 'bum bzlas na tshangs par spyod par 'gyur ro/ /brgya byin rkang pa g.yon pas mnan te 'bum bzlas na rdo rje sbyin par 'gyur te/ rdo rje bskor bas tshar bcad pa dang / dbab pa dang / thang cig gis ni gnam lcags dang / ser ba 'bebs so/ /sa nad gzhon nu mnan te 'bum bzlas na/ gzhon nu ma thams cad kyi bdag por 'gyur ro/ /las thams cad kyang byed par 'gyur ro/ /nyi ma la bltas te 'bum bzlas na bdud rtsi rna cha sbyin par 'gyur te/ des na lha'i lo stong 'tsho bar 'gyur ro/ /zla ba la 'bar ba'i lta bas mgu bar bltas te stong phrag brgya bzlas na zla ba gnyis su mthong ste/ de phyin chad zla ba dang mtshungs pa'i 'od dang mdangs su 'gyur te/ sems can thams cad kyi mig tu mdzes shing sems </font><hr>45a<br><font size=+1>


@#/ /can thams cad kyi snying du sdug par 'gyur ro/ /gza' chen po'i gzugs la bltas te 'bum bzlas na de nas be con thob ste/ pe con des ni 'thabs na dgra las rgyal te nor thams cad 'thob po/ /skya sleng gi gnas su song ste/ 'bum bzlas na skya sleng las kun byed do/ /rgyun gyis myos pa mnan te 'bum bzlas na tshed \?\ gi snod thams cad nam 'tsho'i bar du mi zad par 'gyur ro/ /ma d+hU ka ra la bltas te stong phrag brgya bzlas na dbang bskur ba thob par 'gyur ro/ /rgyal ba la bltas te 'bum bzlas na 'thab mo dang / rtsod pa'i g.yul thams cad las rgyal bar 'gyur ro/ /rgyal ba thob pa mnan te 'bum bzlas na thams cad las rgyal bar 'gyur ro/ / mdzod skyong rkang pa g.yon pas mnan te 'bum bzlas na bza' ba dang / btung ba mi zad par 'gyur ro/ /'gro ba thams cad kyis kyang 'di la zad par mi nus so/ /rlung mngon du byas te stong phrag brgya bzlas na rlung gis de dang mthun par 'dod pa thams cad byed par 'gyur ro/ /me la bltas te 'bum bzlas na me'i dbus su 'dug ba dang / nyal ba dang / 'gro na yang mi 'tshig ste me'i gzir gyur cing nyin gcig kyang gser srang re re sbyin no/ /ngal gsos po mnan te 'bum bzlas na gnod sbyin thams </font><hr>45b<br><font size=+1>


cad kyi bdag por gyur nas nor thams cad kyang sbyin par 'gyur ro/ /phag mo mngon du byas te stong phrag brgya bzlas na sa la 'dug pa'i gter 'byin no/ /gshin rje mnan te 'bum bzlas na mi 'chi bar 'gyur ro/ /gnam 'dren pa'i cha lugs la bltas te stong phrag brgya bzlas na de las thams cad pa'i g.yog tu 'gyur ro/ /klu ba ru Na mnan te 'bum bzlas na klu thams cad las kun byed pa'i g.yog tu 'gyur ro/ /mi'i gnas su song nas stong phrag brgya bzlas na mi thams cad g.yog byed cing don thams cad byed par 'gyur ro/ /sa la 'dug ste 'bum bzlas na sa'i dbang por 'gyur ro/ /nam mkha' la bltas te 'bum bzlas na nam mkha' la 'gro ba'i sems can thams cad bsgyel ba dang / dbang byed par 'gyur zhing nam mkha' la 'gro bar 'gyur ro/ /sa'i 'og mngon du byas te stong phrag brgya bzlas na sa'i 'og na 'khod pa kun la dbang du 'gyur ro/ /rin po che thogs te 'bum bzlas na stong phrag brgyar 'phel bar 'gyur ro/ /gser gyi dong tse la sogs pa yang de bzhin no/ /skyes pa bzung ste 'bum bzlas na stong phrag brgyar 'phel bar 'gyur ro/ /bud med bzung ste stong phrag brgya bzlas na stong phrag brgyar 'phel bar 'gyur ro/ /rta la zhon te 'bum bzlas na 'bum du </font><hr>46a<br><font size=+1>


@#/ /'phel bar 'gyur ro/ /glang po che la zhon te 'bum bzlas na 'bum du 'phel bar 'gyur ro/ /ba lang la sogs pa phyugs kyi rwa gnyis bzung te 'bum bzlas na stong phrag brgyar 'phel bar 'gyur ro/ /gos dang / rgyan gyi chas la stong phrag brgyar bzlas na stong phrag brgyar 'phel bar 'gyur ro/ /dpal mo la bltas te 'bum bzlas na dbang du 'gyur ro/ /mtsho dbyangs ma la bltas te 'bum bzlas na tshig rnam par dag par 'gyur ro/ /de nas bslangs na ci bslangs pa de kun ster bar 'gyur ro/ /gtsug lag thams cad dang / rnam par shes pa thams cad shes par 'gyur ro/ /grub byed ma bzung nas 'bum bzlas na 'das pa dang / da ltar dang / ma 'ongs pa kun kyang ston cing ched du ma bslangs bar nor sbyin par 'gyur ro/ /sA la b+ha ny+tsa tsi ka mnan nas 'bum bzlas na nyin re bzhin yang gser gyi dong tse brgyad brgyad ster bar 'gyur ro/ / gos gyi sgrogs la mnan te 'bum bzlas na mi zad par 'gyur ro/ /gang dang / gang gi snod mnan te 'bum bzlas na de dang / de mi zad par 'gyur ro/ /gnod sbyin gyi cha lugs mnan te 'bum bzlas na gnod sbyin gyis ci dang / ci 'dod pa kun sbyin par 'gyur ro/ /srin po mnan te 'bum bzlas na de de'i g.yog tu 'gyur ro/ / </font><hr>46b<br><font size=+1>


'byung po mnan te 'bum bzlas na 'byung po thams cad kyi bdag por 'gyur ro/ /sha za'i cha lugs bris pa mnan te 'bum bzlas na de de'i g.yog byed par 'gyur ro/ / de bzhin du gnod sbyin ma la sogs pa yang bsgrub bo/ /ri la 'jegs te 'bum bzlas na ri thams cad dbang du 'gyur ro/ /phyugs kyi lhas su 'dug te 'bum bzlas na phyugs thams cad la dbang du 'gyur ro/ /shing ljon gyi drung du 'bum bzlas na shing ljon pa'i lha rnams mchog sbyin par 'gyur ro/ /zhing la 'dug te 'bum bzlas na bza' ba 'bum du 'phel bar 'gyur ro/ /tshong pa dang bcas pa'i grong du 'bum bzlas na nor thams cad ma bslangs par thob par 'gyur ro/ /zhing la 'dug te 'bum bzlas na thams cad la dbang du 'gyur ro/ /grong du 'bum bzlas na zla ba gcig tshun chad kyis grong de thob bo/ /gtsug lag khang du 'bum bzlas na gtsug lag khang na gnas pas nor thams cad sbyin par 'gyur ro/ /lha'i rten du 'bum bzlas na lhas nor thams cad sbyin par 'gyur ro/ /khang pa stong par 'bum bzlas na sha za thams cad de'i g.yog tu 'gyur te/ dgos pa thams cad sbyor bar 'gyur ro/ /snang ba'i gnas su 'bum bzlas na snang ba dbang du 'gyur ro/ /skyed mos tshal du 'bum bzlas na skyed mos tshal </font><hr>47a<br><font size=+1>


@#/ /gyi me tog dang / 'bras bu thams cad rtag tu 'byung bar 'gyur ro/ /mtshor 'bum bzlas na mtsho de'i lha la dbang bar 'gyur ro/ /gter gyi gnas su 'bum bzlas na gter rang 'byung bar 'gyur ro/ /dgod cing 'bum bzlas na rtag tu dga' bar 'gyur te/ bgad ba tsam gyis las thams cad byed par 'gyur ro/ /khros pas 'bum bzlas na thams cad gtan 'pho bar nus par 'gyur ro/ /cang mi zer bar 'bum bzlas na sems can thams cad dbang du 'gyur ro/ /lkugs pa'i brtul zhugs kyi 'bum bzlas na tshig thams cad kyi dbang du 'gyur ro/ /bud med kyi 'jom par rtags btsugs te/ 'bum bzlas na 'dod pa thams cad kyi bdag po dang nam mkha' la 'gro ba 'gro ba 'grub par 'gyur ro/ /'jom pa la mdzub mo btsugs te 'bum bzlas na de byas pas gnas pa dang / 'gro ba thams cad 'dren cing 'gugs pa dang / gtong ba dang / 'gyel ba dang / slong bar 'gyur ro/ /'jom pa lta zhing 'bum bzlas na bud med thams cad dga' bar 'gyur ro/ /'jom par lig bu mig bcug ste 'bum bzlas na mi snang bar 'gyur ro/ /'jom par gur gum bskus te 'bum bzlas na des bskus pas 'dod pa'i gzugs su 'gyur ro/ /'jom par ba \?\bla bcug ste 'bum </font><hr>47b<br><font size=+1>


bzlas na nam mkha' la 'gro bar 'grub par 'gyur ro/ /'jom par ldong ros bcug ste 'bum bzlas na rig 'dzin du 'gyur ro/ /ral gri thogs te 'bum bzlas na ral gri can gyi rig 'dzin du 'gyur ro/ /'khor lo thogs te 'bum bzlas na 'khor lo can gyi rig 'dzin du 'gyur ro/ /kyo btang thogs te 'bum bzlas na kyo btang des thams cad 'gugs nus par 'gyur ro/ /rdo rje gsor nas stong phrag brgya bzlas na rdo rje rig 'dzin du 'gyur ro/ /phyag na rdo rje lag gi bzung nas 'bum bzlas na de bzhin gshegs pa thams cad kyi rdo rje 'dzin pa'i rig 'dzin du 'gyur ro/ /de bzhin gshegs pa la lag gis bzung ste 'bum bzlas na de bzhin gshegs pa thams cad la mchod pa byed pa'i dam pa'i chos kyi rig 'dzin du 'gyur ro/ /sangs rgyas rjes su dran zhing 'bum bzlas na sangs rgyas thams cad mthong bas 'grub par 'gyur ro/ /phyag na rdo rje la phyag 'tshal zhing 'bum bzlas na phyag na rdo rjes kyang de mchod na gzhan gyi lta ci smos/ spyan ras gzigs dbang phyug gi zhabs las bzung ste 'bum bzlas na ting nge 'dzin thob bo/ /rdo rje snying po bzung nas 'bum bzlas na nor thams cad sbyin par 'gyur ro/ /rdo rje khu tshur bcangs la rdo rje khu tshur gyi spyan sngar 'bum bzlas na khu tshur bsdams pa tsam gyis las kun byed nus par </font><hr>48a<br><font size=+1>


@#/ /'gyur ro/ /'jam dpal gzhon nu la lta zhing 'bum bzlas na nam mkha' la yi ge snang ste/ thams cad smra ba dang / spobs pa thogs pa med par thob par 'gyur ro/ /sems bskyed ma thag tu chos kyi 'khor lo bskor ba'i byang chub sems dpa' la bskor zhing 'bum bzlas na dkyil 'khor thams cad du zhugs par 'gyur ro/ / nam mkha'i mdzod la bltas te 'bum bzlas na nam mkha' la rgyu ba thams cad dang / don thams cad dang / sangs rgyas dang / byang chub sems dpa' la sogs pa thams cad kyi bar du ston to/ /byams pa'i zhabs la bzung ste 'bum bzlas na mtho ris kyi 'dod pa'i bde ba thams cad nyams su myong bar 'gyur ro/ /dkyil 'khor bris nas 'bum bzlas na dkyil 'khor thams cad kyi bdag po slob dpon dang / yid kyis thams cad 'grub par 'gyur ro/ /dkyil 'khor chen por brtags te zhugs nas 'bum bzlas na de bzhin gshegs pa thams cad rdo rje 'dzin dang bcas par 'gyur ro/ /phyag na rdo rje'i spyan sngar phyag rgya chen po bcings la dkyil 'khor chen por 'dug ste/ rdo rje'i bzlas pas stong phrag brgya rdo rje tshig gis bzlas na dngos grub thams cad dang / phun sum tshogs pa thams cad dang / bshes gnyen thams cad </font><hr>48b<br><font size=+1>


dang / las thams cad kyang nus par 'gyur ro/ /'dod pa'i bdag po dang / /dbang phyug dang / byed pa po dang / 'byin pa dang / mi zad mi nyams pa dang / 'dod pa thams cad nyams su myong zhing bde ba dang / yid bde ba thams cad rnyed cing 'thob ste sems can thams cad la phan pa dang / bde ba 'grub pa'i sbyin par 'gyur ba dang / de rang gi gnyen dang / bshes gnyen dang / grogs thams cad kyis kyang mthong ngo / /de dag la yang 'grub par byed do/ /bsam pa tsam gyis sgyu ma thams cad ston te/ de bzhin gshegs pa thams cad kyi gzugs kyang ston to/ /de bzhin gshegs pa thams cad kyi chos 'phrul yang ston to/ /de bzhin gshegs pa thams cad kyi rnam par 'phrul pa yang ston to/ / skad cig gis gzugs sna tshogs su ston par 'gyur te/ rdo rje 'dzin gyi tshe dang / stobs dang / gzugs dang / na tshod dang / shes pa ci tsam pa dang mtshungs par 'gyur ro zhes bcom ldan 'das phyag na rdo rjes gsungs so/ /dkyil 'khor chen por 'dug ste dam tshig gi phyag rgya bcings nas khro bo'i tshig gis bcom ldan 'das la lta zhing don gyis 'bum bzlas na des rdo rje khro bo lta bur bdag gi lus 'gyur ro/ /hUM zhes pas kyang de bzhin gshegs pa thams cad kyang 'dzin pa dang / khams gsum gyi dbang po </font><hr>49a<br><font size=+1>


@#/ /dang / spyan gsum pa'i khro bo chen por gyur nas ma lus pa'i de bzhin gshegs pa thams cad mthong zhing mchod pa dang / sems can thams cad grub pa gsol te/ de ltar mi zad mi nyams par 'gyur ro zhes bcom ldan 'das phyag na rdo rjes gsungs so/ /'jig rten gsum las rnam par rgyal ba rtog pa chen po'i rgyal po las/ phyag na rdo rje'i rtog pa'o// //de nas bcom ldan 'das la 'phags pa spyan ras gzigs dbang po byang chub sems dpa' sems dpa' chen pos 'di skad ces gsol to/ /bcom ldan 'das/ bdag gis kyang 'jig rten gsum las rnam par rgyal ba rtog pa chen po'i rgyal po 'dir rang gi snying po 'di stsal to/ /gang brjod pa tsam gyis de bzhin gshegs pa thams cad kyi ting nge 'dzin mngon du grub pa dang / 'jig pa dang / gnam dal dang / 'tshe ba dang / nad thams cad 'jig par 'gyur ro/ /de nas bcom ldan 'das kyis 'phags pa spyan ras gzigs kyi dbang po byang chub sems dpa' la legs so zhes bya ba byin te/ legs so/ /legs so/ /spyan ras gzigs kyi dbang po khyod kyis smros shig /de nas 'phags pa spyan ras gzigs kyi dbang po byang chub sems dpa' sems </font><hr>49b<br><font size=+1>


dpa' chen pos rang gi snying po 'di gsungs so/ /A ro liku/ de nas 'di brjod pa tsam gyis de bzhin gshegs pa thams cad lhan cig tu 'dus te/ ri rab ri'i rtse mor bcom ldan 'das rnam par snang mdzad de bzhin gshegs pa ga la ba der dong nas bcom ldan 'das 'phags pa spyan ras gzigs kyi dbang po'i dkyil 'khor du gyur te zhugs so/ /de nas 'phags pa spyan ras gzigs kyi dbang po byang chub sems dpa' sems dpa' chen pos rang gi snying po'i dkyil 'khor 'di gsungs so/ /de nas yang dag par bshad pa/ /dkyil 'khor chen po dam pa ste/ /'jig rten gsum rgyal tshul bzhin du/ /phyi yi dkyil 'khor bri bar bya/ /de dbus srad bu mnyam pa ru/ /grwa bzhi par ni gdab pa ru/ /gnyis pa'i grwa ni sgong bstan te/ /dkyil 'khor mchog ni bri bar bya/ /dkyil 'khor brgyad kyi tshul du ste/ /dbus su thig ni bzhi yang bri/ /tshon rtsi dmar po dag gis ni/ /pad+ma 'dab brgyad bri bar bya/ /de yi snying po dbus su ni/ /'jig rten mgon po gzhug par bya/ /'dab ma kun gyi steng rnams su/ /sangs rgyas cha lugs bri bar bya/ /pad+ma che mchog phyag rgya yis/ /der ni slob dpon zhugs nas kyang / /dkyil 'khor gnas su 'jug nas ni/ /rnal 'byor snyoms par 'jug par bya/ /ji ltar pad+ma chu </font><hr>50a<br><font size=+1>


@#/ /rnams dang / /nyes pa'i bag chags mang po yis/ /chags par mi 'gyur de bzhin 'dir/ /'gro ba chags pas dag par gyur pa yin/ /'di lan cig brjod nas bsgom ste/ de nas mdzub mo gnyis kyi kyo btang gis kun drangs la pad+mo chen po de spyan ras gzigs kyi dbang po'i spyan sngar dgrol lo/ /de la pad+mo chen po'i kyo btang ni 'di'o/ /oM mahA pad+ma hUM dza hrIH/ de nas bcom ldan 'das 'phags pa spyan ras gzigs dbang po nyid byon te/ slob dpon la zhal ston par mdzad nas yang na 'od zer yang 'gyed do/ /de nas phyag rgya de nyid kyi slob ma gzhug go/ dkar pos g.yogs la gos dkar po bgos la/ thod dkar pos mgo la gtsug tor byas nas bcug ste/ tshigs su bcad pa 'di brjod nas don kyang bstan par bya'o/ /de nas lag pa g.yon par pad+mo byin/ g.yas par sngags kyi nor bu bskur la 'di skad smros shig/ sangs rgyas thams cad pad+mo che/ /dkyil 'khor chen po dam pa ste/ /rtag par ru ni brtag par bya/ /khyod ni deng nas spyan ras gzigs/ / de nas phyag rgya chen po bcing pa dang / /ting nge 'dzin la sogs pa bslab bo/ /de bzhin gshegs pa thams cad kyi dkyil 'khor chen po pad+mo zhes bya'o/ /de nas </font><hr>50b<br><font size=+1>


pad+mo'i dkyil 'khor 'byung ste/ pad+mo'i dkyil 'khor de bzhin du bris la/ dbus kyi snying po la 'dug nas de bzhin gshegs pa thams cad kyi ting nge 'dzin la pad+ma 'dab ma kha 'byed pa'i tshul gyi blta zhing stong phrag brgya bzlas na 'phags pa kun tu spyan ras gzigs kyi dbang po thob bo/ /pad+mo'i dkyil 'khor ro/ /de nas dam tshig gi dkyil 'khor 'byung ste/ dkyil 'khor de bzhin du byas la de'i dbus su pad+mo stong bzhag ste/ de nas pad+mo re re zhing bzang po thang res bcom ldan 'das la pad+mo stong 'bul lo/ /de nas slob ma bcug ste dam tshig brjod do/ /slob min bu min ma yin te/ /dam tshig can la dam tshig bstan/ /'dod pa'i 'dod chags thams cad ni/ /dag pa nyid de pad+ma bzhin/ /dam tshig gi dkyil 'khor ro/ /de nas las kyi dkyil 'khor de bzhin bris la mchod pa rnam pa bzhis mchod do/ /sangs rgyas thams cad yid kyis te/ / phyag na rdo rje'i tshig gis so/ /lus kyis 'jig rten mgon po ste/ /nam mkha'i snying po las kyis so/ /las kyi dkyil 'khor ro/ /de nas bcom ldan 'das spyan ras gzigs kyi dbang pos sgrub pa'i cho ga 'ji gsungs so/ /ras la bcom ldan 'das spyan ras gzigs kyi dbang po ri rab ri'i rtse mo na/ rang gi ting nge 'dzin du bzhugs shing de bzhin </font><hr>51a<br><font size=+1>


@#/ /gshegs pa brgyad mtha' kun tu bzhugs par bri/ de nas zla ba yar gyi tshes zhag gcig nas brtsams nas rtag tu thams cad dag pa'i ting nge 'dzin gyi rgyun tu bzlas te/ nam spyan ras gzigs kyi dbang po'i zhal nas de bzhin gshegs pa'i sku byung nas sgrub pa po'i pad+mo'i dbus su zhugs te/ yang de las gzhan pa'i sku byung nas sgrub pa po'i dbang bskur ba'i gnas su brtan par 'gyur gyi bar du bzlas so/ /de nas spyan ras gzigs kyi skur kun gyur te/ skad cig gcig gis bde ba can gyi 'jig rten gyi khams su 'gro zhing ldog go/ sems can thams cad kyang mthong ste/ tshe dpag tu med par 'gyur ro/ /de nas sgrub pa 'byung ste/ 'bum bzlas na sgrib pa thams cad rnam par dag par 'gyur ro/ /nyis 'bum bzlas na mtshams med pa la sogs pa'i sdig pa thams cad ma lus par byang bar 'gyur ro/ /sum 'bum bzlas na bsod nams thams cad mngon du 'gyur ro/ /de nas dngos grub thams cad dang / de bzhin gshegs pa la sogs pa dang / phun sum tshogs pa thams cad dang / bshes gnyen thams cad mngon du 'gyur ro/ /de nas phyag rgya chen po bcings te stong phrag brgya bzlas pa'i mjug tu mtshan thal byung bzlas na de'i nang par de </font><hr>51b<br><font size=+1>


bzhin gshegs pa thams cad byon nas de'i snying gar zhugs te/ de nas de bzhin gshegs pa 'thob bo/ /yang na khar zhugs na spyan ras gzigs dbang po 'thob bo/ /de nas ma bsgrubs kyang las su 'gyur ba ni dang po brjod pas bdag srung ngo / /gnyis brjod pas ni gzhan dang / grong dang / grong khyer srung ngo / /gsum pa brjod pas ni las thams cad byed do/ /dbab pa ni tsan+dan na gyi bdug pas so/ /gdon thams cad zhi bar bya ba ni hrI zhes bya bas so/ /sems can thams cad dbang du bya ba ni rdo rje me tog bzlas te byin no/ /sems can thams cad gnon pas ni sa ser pos so/ /bud med dbang du bya ba ni su ma nA'i me tog la bsngags pas so/ /chom rkun gnon pa ni yungs kar gyi sbyin sreg gis so/ /ri dwags dang / bya gnon pa ni yungs kar gtor bas so/ /sgyu ma gnon pa ni rma bya'i char bus so/ /rmi lam mthong bar bya ba ni dus gsum du bzlas pas so/ /rmi lam ngan pa gzhil pa ni til gyi sbyin sreg gis so/ /sems can thams cad dbang du bya ba ni khyim bya'i sgro'i sbyin sreg gis so/ /bu mo thor bu dbang du bya ba ni bu mo'i skra'i sbyin sreg gis so/ /yugs sa mo dbang du bya ba ni bud med kyi me tog gi sbyin sreg gis so/ /bud med thams cad dbang du bya ba ni bud med kyi dbang po'i sbyin sreg gis so/ / </font><hr>52a<br><font size=+1>


@#/ /'dod pa thams cad dbang du bya ba ni bcom ldan 'das spyan ras gzigs dbang po la mchod pa byas nas/ nub gsum rangs par bzlas na de nas 'dod pa thams cad rtag tu 'thob par 'gyur ro/ /spyan ras gzigs dbang po'i spyan sngar nyin re zhing dus gsum du lan gsum bzlas na/ de nas bcom ldan 'das kyis zla ba gsum gyis re ba ci 'dod pa'i mchog stsol bar 'gyur ro/ /sangs rgyas kyi spyan sngar zla ba gsum gyi bar du nyin mtshan gsum bzlas na de bzhin gshegs pas mchog stsol bar 'gyur ro/ /'jig rten gsum las rnam par rgyal ba rtog pa chen po'i rgyal po las/ spyan ras gzigs kyi dbang po'i rtog pa'o// //de nas bcom ldan 'das la 'phags pa nam mkha'i snying po byang chub sems dpa' sems dpa' chen pos 'di skad ces gsol to/ /bcom ldan 'das/ bdag gis kyang 'jig rten gsum las rnam par rgyal ba rtog pa chen po'i rgyal por rang gi snying po 'bul gyi/ /bcom ldan 'das kyis bzhes su gsol/ /'dis sems can thams cad dbang bskur ba thob pa la sogs pa bsam pa thams cad yongs su rdzogs par 'gyur ro/ /de nas bcom ldan </font><hr>52b<br><font size=+1>


'das kyis 'phags pa nam mkha'i snying po byang chub sems dpa' la skyes bu chen po smros shig ces bka' stsal to/ /de nas 'phags pa nam mkha'i snying po byang chub sems dpa' sems dpa' chen pos rang gi snying po 'di gsungs so/ /traM pA bA Ta Ta ha ha/ de nas 'di brjod pas nam mkha' la dbang bskur ba thams cad la sogs pa rin po che'i rgyan thams cad dang / gos dang / gser dang / nor rin po che'i dbyig la sogs pa thams cad kyi char bab bo/ /bcom ldan 'das kyi sku kun tu rgyan thams cad kyis brgyan te bzhugs so/ /de nas nam mkha'i snying po byang chub sems dpas dkyil 'khor chen po 'di gsungs so/ /rdo rje'i dkyil 'khor tshul bzhin te/ /rdo rje rin chen mnyam ldan zhing / / grwa brgyad shin tu mnyam par bya/ /rin chen kun dang ldan par bya/ /der slob dpon zhugs te rdo rje rin po che'i phyag rgya dbang bskur ba'i gnas su bzhag la zhugs nas 'di zhes brjod do/ /re ba thams cad grub pa yi/ /nam mkha' grub pa mchog yin te/ /grub cig grub cig sems chen po/ /bcom ldan thams cad grub par ro/ /de nas bcom ldan 'das nam mkha'i snying po byang chub sems dpa' byin gyis rlob par mdzad do/ /de nas dkyil 'khor gyi dbus su nam mkha'i snying po'i cha lugs bzhag la </font><hr>53a<br><font size=+1>


@#/ /de'i thad 'khor kun tu phyag na rdo rje la sogs pa skyes bu dam pa brgyad bzhag par bya'o/ /de nas slob ma rdo rje khu tshur gyis gzhug go/ bcug nas 'di skad ces brjod do/ /sems can kun la phan phyir dang / /bsam pa thams cad rdzogs bya'i phyir/ /don shes bstan pa gang yin te/ /byang chub sems ni brtan pa yin/ / de nas sbyin pa rnam pa bzhi bslab bo/ /de la dbang bskur ba sbyin pa dang / nor sbyin pa dang / zas sbyin pa dang / chos sbyin pa'o/ /de la dbang bskur ba sbyin pa ni de bzhin gshegs pa rnams la'o/ /nor sbyin \?\ pa ni sems can thams cad la'o/ /zas sbyin pa ni byol song thams cad la'o/ /chos sbyin pa ni sems can mi snang ba thams cad la'o/ /de nas snying po byin la/ rin po che thams cad kyis byin gyis brlabs pa'i bum pa'i chus dbang bskur te 'di zhes brjod do/ /oM badz+ra rat+nA b+hi Shi kA b+hi Shiny+tsa sarba d+hi pa ti hUM bA bA Ta Ta ha ha/ / de nas rdo rje nor bu'i khu tshur gyis phyag rgya bslab ste/ sngags ni 'di'o/ /hUM bA ta ha/ de nas rdo rje rin po che'i phyag rgya bcings te sngags ni 'di'o/ /oM bA bA Ta mu baM/ de nas mchod pa rnam bzhi bya ste 'byung ngo / /dbang thams cad bskur ba'i dkyil 'khor ro/ /de nas rdo rje rin po che'i dkyil 'khor 'byung ste/ rdo rje rin po che dbus su bris la </font><hr>53b<br><font size=+1>


lag tu nor bu thogs nas rdo rje rin po che langs kyi bar du bzlas so/ /de nas de bzhin gshegs pa byon te dbang bskur bar mdzad do/ /dbang bskur ba des na thams cad kyi dbang por 'gyur ro/ /rin po che'i dkyil 'khor ro/ /de nas dam tshig gi dkyil 'khor te/ nam mkha'i snying po'i cha lugs bris la/ spyan sngar nor dang / gser dang / mu tig dang / nor bu rin po che la sogs pa gang yang rung ba bzhag la de nas de btsud de thams cad bstan nas/ dam tshig 'di sbyin no/ /sangs rgyas la sogs sems dpa' dag /gal te nyin re mchod stongs na/ /khyod kyis nor dang don bsags pa/ /tshe rabs kun tu 'jig par 'gyur/ /de la 'di ni mna'i snying po'o/ /oM bA bA Ta Ta ya swAhA/ de nas chus dbang bskur ro/ /dam tshig gi dkyil 'khor ro/ /las kyi dkyil 'khor bris la de bzhin gshegs pa rgyan thams cad kyis brgyan par bya ste/ de'i dbus su bzhag nas der btsud de/ de nas las rnam pa lnga bslab pa ni/ 'di lta ste/ dbang sbyin pas de bzhin gshegs pa thams cad la mchod par bya'o/ /de nas nor sbyin pa ni dge sbyong dang / bram ze la sogs pa la ci nus kyis sbyin no/ /de nas zas sbyin pa ni byol song rnams la sbyin no/ /de nas mi 'jigs pa'i sbyin pa ni gyod khrid thams cad la sbyin no/ /de nas chos sbyin pa ni mi snang </font><hr>54a<br><font size=+1>


@#/ /ba'i sems can rnams la sbyin no/ /las kyi dkyil 'khor ro/ /de nas bsgrub pa 'byung ste/ ras la bcom ldan 'das de bzhin gshegs pa rgyan thams cad kyis brgyan pa/ rdo rje rin po che'i dbang bskur bas dbang skur ba bris te/ de'i g.yas phyogs su 'phags pa nam mkha'i snying po bcom ldan 'das la dbang bskur ba'i phreng bas dbang bskur ba'o/ /g.yon phyogs su bcom ldan 'das phyag na rdo rje rgyan thams cad kyis brgyan pa'o/ /de nas ras la bris pa de'i spyan sngar 'bum bzlas pa'i b+jug tu yi ma shar ba nas brtsams te/ phyi de nyin gyi nyi ma shar gyi bar du bzlas na de nas bcom ldan 'das nam mkha'i sngo ras la bris pa de las byug nas sgrub pa po de la rdo rje rin po che'i dbang bskur bas dbang bskur ro/ /dbang bskur ba de nas de bzhin gshegs par 'gyur ro/ /de nas ma bsgrubs par yang las su 'gyur ba ni 'bum bzlas na don thams cad phun sum tshogs par 'gyur ro/ /phyag na rdo rje'i spyan sngar 'bum bzlas na gter chen po rnyed do/ /spyan ras gzigs dbang phyug gi spyan sngar 'bum bzlas na spyan ras gzigs dbang pos phun sum tshogs pa thams cad stsol bar 'gyur ro/ /nam mkha'i snying po'i spyan sngar 'bum bzlas na rgyal </font><hr>54b<br><font size=+1>


srid 'thob bo/ /rdo rje khu tshur gyi spyan sngar 'bum bzlas na nam mkha' la khu tshur bcings pas gser gyi dong tse 'byung ngo / /'jam dpal gzhon nu la bltas te/ 'bum bzlas na chos kyi nor dang / gzungs thob bo/ /des nor yang skye bar byed do/ /rdo rje 'khor lo srin lag gi sor mos mnan te 'bum bzlas na 'khor lo bskor bar 'gyur ro/ /nam mkha'i mdzod kun nas 'khyud de 'bum bzlas pas nam mkha' las nor thams cad dang / zas thams cad kyi yo byad zad mi shes par 'gyur ro/ /byams pa la bltas te 'bum bzlas na bcom ldan 'das byams pa byang chub sems dpa' dga' ldan gnam gyi dbang mchog byin nas slar yang 'ong ngo / /de phyin chad 'dod pa thams cad kyi nor gyi bdag por 'gyur ro/ /'jig rten gsum las rnam par rgyal ba rtog pa chen po'i rgyal po las/ nam mkha'i snying po'i rtog pa'o// //de nas rdo rje khu tshur gyis byang chub sems dpa' thams cad 'dus pa'i 'khor thams cad bskyod nas/ bcom ldan 'das la 'di skad ces gsol to/ /bdag gis kyang 'jig rten gsum las rnam par rgyal ba'i rtog pa chen po'i rgyal po 'dir rang gi snying po dbul bar bgyi ste/ bdag gis bskal pa stong phrag dgu bcu rtsa gcig pa la rdo rje'i ri rab de bzhin gshegs pa </font><hr>55a<br><font size=+1>


@#/ /las blangs te/ des 'jig rten gyi khams thams cad kyi rdul phra mo rnyed kyi sems can rnams 'grub pa thams cad grub par byas te/ de'i bskyed pa nas de bzhin gshegs pa rdzogs kyi bar du'o/ /de nas bcom ldan 'das kyis rdo rje khu tshur byang chub sems dpa' sems dpa' chen po la legs so zhes bya ba byin te/ legs so/ /legs so/ /rdo rje khu tshur khyod kyis smros shig /de nas rdo rje khu tshur gyis stong gsum gyi stong chen po'i 'jig rten gyi khams thams cad rab tu g.yos par byas nas rang gi snying po 'di gsungs so/ /oM ru Tu ru Tu hUM ma Ta/ de nas 'di gsungs pa tsam gyis de bzhin gshegs pa thams cad dang / rdo rje 'dzin dang / 'khor thams cad dang bcas nas ri rab ri'i rtse mor bcom ldan 'das ga la ba der lhags te lag pa gnyis kyis rang gi khu tshur gyi phyag rgya bcings nas/ de bzhin gshegs pa thams cad kyi byang chub la dmigs shing bcom ldan 'das rdo rje khu tshur gyi dkyil 'khor chen por gyur nas bkod do/ /de nas rdo rje khu tshur gyis de bzhin gshegs pa thams cad phyag rgyas btab nas dkyil 'khor chen po 'di gsungs so/ /de nas gzhan yang rab bshad pa/ /dkyil 'khor chen po dam pa ste/ /rdo </font><hr>55b<br><font size=+1>


rje'i dkyil 'khor 'dra ba ni/ /rdo rje khu tshur zhes gsungs so/ /de yi dbus su sems chen po/ /rdo rje'i khu tshur gzhag par bya/ /rdo rje'i khu tshur rdo rjer bcas/ /lag pa gnyis ni btsir bar bya/ /de yi ngos ni thams cad du/ /sangs rgyas gzugs rnams gzhag par bya/ /de dag gi ni grwa kun du/ /byang chub sems dpa' kun bri'o/ /de nas rdo rje khu tshur gyi dkyil 'khor 'dir rdo rje slob dpon gyis rdo rje dang bcas pa'i khu tshur gyi dam tshig gi phyag rgya bcings te/ zhugs la 'di brjod do/ /hUM dak+Shi Ni sma ra Na phags/ de nas bcom ldan 'das rdo rje khu tshur slob dpon la grub par 'gyur te/ /de la phyag rgya yang brtan par 'gyur zhing sus kyang dbye bar mi nus so/ /de nas snying po 'dis bdag gi snying gar dgrol lo/ / oM badz+ra muSh+Ti mu/ de nas slob ma gzhug pa ste/ rdo rje khu tshur gyi dam tshig gi phyag rgya rdo rje dang bcas pa phreng ba dang bcas par bya ste/ de bzhin du ras dmar pos mig gnyis bkab ste/ de nas 'di zhes brjod do/ /deng khyed de bzhin gshegs pa thams cad kyis phyag rgyas btab pa ni chos kyi phyag rgya dang / rdo rje 'dzin gyi rdo rje'i phyag rgyas kyang btab bo/ /khyod chos dang / rdo rje las gang 'dod/ des smras pa/ gnyis ka'o zhe na/ de nas rdo rje slob dpon gyis rdo rje dang / de bzhin gshegs pa'i cha lugs blangs nas phreng ba de'i </font><hr>56a<br><font size=+1>


@#/ /mgo la bzhag ste/ dgrol ba'i snying po de nyid kyis phyag rgya snying gar dgrol lo/ /de nas lag tu sbyin pa ni lag pa g.yon par rdo rje'o/ /g.yas par de bzhin gshegs pa'o/ /de ste de bzhin gshegs pa'o/ /zhes zer na de nas de bzhin gshegs pa nyid sbyin no/ /de ste rdo rje'o zhes zer na de'i lag pa g.yon par rdo rje byin la 'di skad bsgo zhig /'di gnyis ni khyod kyi grub par dmigs la rtag tu mchod par gyis shig /de nas gdong g.yogs pa dkrol la dkyil 'khor ston la 'di zhes smros shig /de bzhin gshegs pa thams cad kyi/ /lus dang ngag sems rdo rje rnams/ /bsdus pa khu tshur zhes bya ste/ /bcings na rdo rje khu tshur bshad/ /de nas snying po byin la phyag rgya bcings pa slobs shig /dam tshig gi khu tshur zhes bya ba'i dkyil 'khor ro/ /de nas phyag rgya'i dkyil 'khor 'byung ste/ /dkyil 'khor chen po'i tshul bzhin du/ /dkyil 'khor thams cad yang dag bri/ /de yi dbus su ci rigs par/ /sangs rgyas sku lugs gzhag par bya/ /thams cad rgyan gyis brgyan pa yi/ /rdo rje khu tshur kun 'dzin pa'o/ /de yi ngos ni thams cad du/ /phyag rgya bzhin ni bri bar bya/ /zla ba'i dkyil 'khor dbus rnams su/ /rdo rje rin chen yang de bzhin/ /de bzhin rdo rje pad+mo'i </font><hr>56b<br><font size=+1>


dbus/ /rdo rje rgya gram bri bar bya/ /grwa yi phyogs rnams thams cad du/ /mchod pa rnam bzhi bri bar bya/ /de nas btsud nas phyag rgya kun/ /bcing ba yang ni bslab par bya/ /sgrub pa gsang ba dag dang ni/ /bskur ba gsang ba bslab par bya/ /'di rnams thams cad kun bris nas/ /sgrubs shig ces ni brjod par bya/ /phyag rgya'i dkyil 'khor ro/ /de nas dam tshig gi dkyil 'khor 'byung ste/ de bzhin du mtshan ma gzhag nas 'di zhes brjod do/ /ci ste dkyil 'khor ma mthong na/ /phyag rgya shes par bstan na ni/ /rdo rje rin chen rgyal ba dang / /sna tshogs pas khyod gsod par 'gyur/ /dam tshig gi dkyil 'khor ro/ /de nas las kyi dkyil 'khor 'byung ste/ /dkyil 'khor de bzhin du bris la bcom ldan 'das rdo rje khu tshur gyi spyan sngar phyag rgya'i las bslab bo/ /de la phyag rgya bcings pa ni 'di'o/ /rdo rje bcing ba kun byas la/ /sor mo thams cad dgug bya ste/ /rdo rje 'bebs pa'i phyag rgya dang / /rdo rje khu tshur phyag rgya bcing / /de nas lag pa'i phyag rgya bcing ngo / /de lta bur mi ldan na 'dod pa thams cad kyi mchog bsgrub pas ni dam tshig chen po yang dag pa'i ye shes kyi snying po thang cig bzlas pas phyag rgya thams cad bcing bar bya ste/ thams cad kyi ni ma yin no/ /las kyi dkyil 'khor ro/ /de nas </font><hr>57a<br><font size=+1>


@#/ /bcom ldan 'das rdo rje khu tshur gyi sgrub pa 'byung ste/ 'o ma 'thung zhing rdo rje khu tshur gyi dam tshig gi phyag rgya bcings nas 'bum bzlas na sngar bsnyen pa byas par 'gyur ro/ /de nas ras la bri bar bya ste/ ras la bcom ldan 'das 'phags pa rdo rje khu tshur rgyan thams cad kyis brgyan pa bris la phyag gnyis kyis rdo rje dang bcas pa'i rdo rje khu tshur bcings pa rdo rje dbang bskur ba'i dar gyis bcings la/ de'i thad 'khor thams cad du/ de bzhin gshegs pa'i 'khor gyi dkyil 'khor rnams bya'o/ /de bzhin gshegs pa de dag kyang phyag gnyis ka de bzhin gshegs pa thams cad kyi rdo rje khu tshur du bcing par bya'o/ /byang chub sems dpa' de dag thams cad kyang ting nge 'dzin du snyoms par zhugs par bya'o/ /de nas de'i spyan sngar de bzhin gshegs pa thams cad kyi khu tshur bcings la stong phrag brgya bzlas pa'i mjug tu zhag bdun smyungs nas bdag de bzhin gshegs pa thams cad kyi skur bsgoms la/ mtshan thal byung du bzlas so/ /de nas nam phyed nas bdud kyi las sna tshogs snang par 'gyur ro/ /de nas 'di brjod cig /oM b+dz+ra muShaTi ha na ha na sarba mA ra Na phaT/ de nas nang phar gyi dus na bcom ldan 'das thams cad byon te lus </font><hr>57b<br><font size=+1>


kun tu 'jug go /de nas de bzhin gshegs pa dgra bcom pa yang dag par rdzogs pa'i sangs rgyas su 'gyur ro/ /yang ras kyi cho ga 'byung ste/ ras la bcom ldan 'das de bzhin gshegs pa rgyan thams cad kyis brgyan pa bris te/ de'i g.yas phyogs su bcom ldan 'das rdo rje khu tshur rgyan thams cad kyis brgyan pa/ sku mdog sngo bsangs/ ut+pal sngon po lta bu/ rdo rje khu tshur gyis phyag rgya g.yon pa'i khu tshur gyis rdo rje bsnams pa/ g.yas pa mchog sbyin pa ste/ de'i g.yas su bcom ldan 'das ma rdo rje'i dam tshig gi khu tshur can rgyan thams cad kyis brgyan pa gzhon nu ma dam tshig gi khu tshur gyis rdo rje dam du 'tshir ba mdog dam yor \?\ bya'o/ /de'i thad du rdo rje'i gsal phur ma rgyan thams cad kyis brgyan pa/ spyan gsum pa/ lag pa gnyis kyis rdo rje gsal phur thogs pa'o/ /bcom ldan 'das kyi g.yon phyogs su spyan ras gzigs kyi dbang po thor tshugs kyi dbu rgyan can/ /rgyan thams cad kyis brgyan pa/ pad+ma dang / mchog sbyin gyi phyag tu byas la/ de'i g.yon du pad+mo chen po'i rdo rje byang chub sems dpa' rdo rje'i sde zhes bya ba'o/ /de'i g.yon du rdo rje'i dpal mo dang / rdo rje pho nya mo'o/ /rdo rje dpal mo ni gser gyi sku mdog go /dpal gyi gzugs 'chang ba phyag na rdo rje 'dzin pa'o/ /rdo rje pho nya mo ni mdog </font><hr>58a<br><font size=+1>


@#/ /sngon mo la rdo rje 'bar ba 'chang ba'o/ /de nas zla ba yar gyi ngo tshes gcig nas brtsams te/ rdo rje khu tshur gyi dam tshig gi phyag rgya bcings nas stong phrag brgya bzlas na/ gzugs kyi ras de las phaT ces bya ba thos na/ de nas bcom ldan 'das phyag na rdo rje 'grub par 'gyur te/ de phyin chad nam mkha'i dkyil na spyod cing 'dod na mi snang bar yang 'gyur/ dpag tshad stong du phar yang 'gro bzhing gyen du yang 'gro'o/ /ci 'dod pa'i gzugs su 'gyur ro/ /kun tu 'khyil bas 'khyil ba'i skra can lo bcu drug lon pa'i lus su gyur nas 'dod pa'i longs spyod thams cad la ci 'dod pa bzhin longs spyod par 'gyur ro/ /rdo rje khu tshur bcings pas sems can thams cad la phan gdags pa dang / chad pas bcad pa la sogs pa thams cad nus par 'gyur ro/ /gzugs bzang po bskal par gnas shing rga ba dang / shi bar yang mi 'gyur ro/ /yang cho ga gzhan te ras la bcom ldan 'das de bzhin gshegs pa bris la/ de'i g.yas phyogs su phyag na rdo rje rgyan thams cad kyis brgyan pa/ sku mdog ut+pal sngon po'i kha dog /phyag na rdo rje dang bcas pas rdo rje khu tshur bcings te sbyang la bcom ldan 'das la 'dud par bya/ de'i g.yon phyogs su bcom ldan </font><hr>58b<br><font size=+1>


'das ma dam tshig gi khu tshur rgyan thams cad kyis brgyan pa yid tsam dud pas bcom ldan 'das la phyag 'tshal ba/ lag pa g.yas pa na a mra'i 'bras bu 'bul ba/ g.yon pa na rdo rje khu tshur gyis rdo rje 'dzin to/ /de nas ras la bris pa'i spyan sngar zhag gsum smyungs la/ gu gul gyi ril bu sran ma tsam du ru ska'i 'bru mar la snyugs pa brgyad stong du pa med pa'i 'dag me la bsreg go/ de nas gzugs de 'gul te bcom ldan 'das kyi zhal nas 'od zer 'byung ngo / /de nas bcom ldan 'das rdo rje khu tshur gyis mchog stsol ba ni rgyal po 'am/ 'khor lo bskor ba 'am/ lha ma yin pa dbang ba 'am/ sa brjod pa 'am/ sa'i 'og brjod pa 'am/ khams brjod pa 'am/ 'dod pa'i khams mi snang ba 'am/ nam mkha' la 'gro bar 'gyur ro/ /yang bsgrub pa gzhan gyi cho ga ste/ ras la bcom ldan 'das rdo rje khu tshur rgyan thams cad kyis brgyan pa bris la/ de bzhin du rdo rje dang bcas pa'i phyag gnyis kyis rdo rje khu tshur bcings pa ut+pal sngon po'i mdog spyan sngar dam tshig gi rdo rje khu tshur bcings te/ stong phrag brgya bzlas pa'i mjug nyin mtshan gsum thal byung bzlas na nam phyed nas bcom ldan 'das nyid byon to/ mchog stsol bar 'gyur ro/ /ras sam/ shing lab bam/ </font><hr>59a<br><font size=+1>


@#/ /rtsig ngos la bcom ldan 'das ma rdo rje khu tshur de bzhin du rdo rje dang a mra'i 'bras bu thogs par byas te/ de'i spyan sngar stong phrag brgya bzlas na phyag rgya thams cad bcings pa tsam gyis las thams cad gdon mi za bar byed par 'gyur ro/ /de nas ma bsgrubs pa'i las rnams 'byung ste/ rdo rje dam tshig gi khu tshur bcings nas 'bum bzlas na/ khu tshur bcings pas nam mkha' la 'gro bar 'gyur ro/ /lag pa g.yon pas rdo rje dang bcas pa'i rdo rje khu tshur bcings na phyag na rdo rje la sogs pa'i gzugs 'byung bar 'gyur ba ni 'bum pa zlas pas so/ /lag pa g.yon pas rdo rje khu tshur bcing te stong phrag brgya bzlas na/ khu tshur bcings pa des mi snang bar 'gyur te phral na snang bar 'gyur ro/ /rdo rje bcings pa'i khu tshur byas la 'bum bzlas na khu tshur bcangs pas bcing ba dang / rengs par bya ba dang / gnyid log par bya ba thams cad nus par 'gyur ro/ /nam mkha' la rdo rje khu tshur bcangs te 'bum bzlas na rdo rje khu tshur byabs pa tsam gyis nam mkha' la nor dang / gser dang / mu ting dang / rgyan dang / rin po che dang / gos dang / bza' ba dang / btung ba dang / me dang / chu dang / me tog dang / 'bras bu dang / myu gu dang / yi ge dang / 'thab </font><hr>59b<br><font size=+1>


cha dang / ston skyobs dang / mtshon cha dang / glegs bam dang / rtog pa dang / mdo sde dang / sangs rgyas kyi sku la sogs pa dngos po gnas pa dang / 'gro ba ci 'dod pa dgug par byed do/ /g.yas pa rdo rje khu tshur bcangs la 'bum bzlas na rdo rje khu tshur bstan pas gnas pa dang / 'gro ba thams cad dgug pa dang / 'dren pa dang / 'gyel bar nus par 'gyur ro/ /khu tshur bsgyur bas thams cad gtan 'pho nus par 'gyur ro/ /g.yas pas rdo rje khu tshur bcings la stong phrag brgya bzlas na rdo rje khu tshur byabs pas thams cad las nor dang / gser dang / rgyan dang / gos dang / mtshon cha dang / me tog dang / 'bras bu la sogs pa dngos po thams cad dgug /gzugs dang / sgra dang / dri dang / ro dang / reg bya las dam pa thams cad kyang dgug go /bud med kyi nu ma dang / mngal phyogs dang / mig dang / sna dang / mchu dang / rna ba dang / mgo dang / brla dang / ska rags dang / gsang spu la sogs pa dngos po thams cad kyang dgug go /bkrol na thar bar 'gyur ro/ /nyin zhag gcig smyungs la lag pa gnyis rdo rje khu tshur bcangs te/ stong phrag brgya bzlas na de phyin chad khu tshur bcangs pas las thams cad byed do/ /de la las rnams ni dgug pa dang / gzhug pa dang / bcing ba dang / </font><hr>60a<br><font size=+1>


@#/ /dbang du bya ba dang / rengs par bya ba dang / rmugs par bya ba dang / rgyas gdab pa dang / gnyid log pa dang / bslang ba dang / drang ba dang / bsgyel pa dang / brdangs pa dang / bskrad pa dang / dbye ba dang / go bzlog pa dang / gtan 'pho ba dang / gso ba dang / sgyu ma thams cad bstan pa dang / dus tshigs bsgyur ba dang / sa la sogs pa g.yo ba dang / thams cad la dbab pa dang / dkyil 'khor du gzhug pa dang / gar byed pa dang / glu len pa dang / sngon ma byung ba'i sbyor ba dang / so sor lung ston pa dang / 'khrul 'khor thams cad gzhom pa dang / sgo thams cad dbye ba dang / gdon thams cad 'jug pa dang / dug thams cad bslang ba dang / ma rungs par bya ba dang / thams cad spo ba dang / thams cad kyi phyag rgya gzhom pa dang / thams cad 'gags pa dang / gas pa sbyar ba dang / sbrul bskrad pa dang / gzung ba dang / gtang ba dang / ser ba dang / char dbab pa dang / glog dbyung ba dang / thams cad slar bcad pa dang / sngon chad med pa'i gos dang / rgyan dang / rin po che dang / me tog dang / 'bras bu dang / skyes pa dang / bud med dang / bya dang / ri dwags dgug pa dang / gtong ba dang / gzugs mang po ston pa dang / mi snang ba dang / nam </font><hr>60b<br><font size=+1>


mkha' la 'gro ba bstan pa la sogs pa 'dod pa bzhin las thams cad byed par 'gyur ro/ /'jig rten gsum las rnam par rgyal ba'i rtog pa chen po'i rgyal po las/ rdo rje khu tshur gyi rtog pa'o// //de nas bcom ldan 'das la 'jam dpal gzhon nur gyur pa byang chub sems dpas 'di skad ces gsol to/ /bcom ldan 'das/ bdag gis kyang rang gi snying po 'jig rten gsum las rnam par rgyal ba'i rtog pa 'dir stsal bar bgyi ste/ gang brjod pa tsam gyis de bzhin gshegs pa thams cad kyi mdzod brjod par 'gyur ro/ /de nas bcom ldan 'das kyis 'jam dpal gzhon nur gyur pa la/ rigs kyi bu/ khyod kyis smros shig ces gsungs so/ /de nas 'jam dpal gzhon nur gyur pas smras pa/ a ra pa tsa na/ de nas 'di brjod ma thag tu de bzhin gshegs pa thams cad kyi chos thams cad mnyam pa nyid las yi ge mnyam pa nyid sems can thams cad kyis shes rab kyi pha rol tu phyin pa'i grub pa thob par 'gyur ba bshad do/ /de nas dkyil 'khor 'byung ste/ 'khor lo'i dkyil 'khor yar gyi ngo tshes bcu bzhi'am/ bco lnga la bris te/ de'i dbus kyi lte bar 'jam dpal bzhugs par bya'o/ /rdo rje ral gri dang / glegs bam thogs par byas </font><hr>61a<br><font size=+1>


@#/ /la/ de'i thad 'khor thams cad du yi ge a ra pa tsa na la sogs pa'i phreng ba bri bar bya'o/ /de nas slob dpon gyis rdo rje ral gri dam tshig gi phyag rgya bcings la zhugs te/ ni Sh+Tha pany+dza ga zhes bya ba'i yi ge 'di brjod do/ /de nas bcom ldan 'das kyis slob dpon la thogs pa med pa'i spobs pa yang stsol te/ de phyin chad bcom ldan 'das kyis nam mkha' la yi ger bris te thams cad gsung ngo / /de bzhin du slob ma bcug ste/ 'di zhes smros shig /deng khyod kyis de bzhin gshegs pa'i chos thob par 'gyur gyi/ snying po 'di khyod kyis su la yang ma smra zhig /de la gsang ba'i yi ge 'di rnams so/ /a ra pa tsa na zhes bya ba ste/ 'dod pa thams cad thob bo/ /de ci'i phyir zhe na/ a zhes bya ba ni 'dod pa'o/ /ra zhes bya ba ni chags pa'o/ /pa zhes bya ba ni don dam pa'o/ /tsa zhes bya ba ni spyod pa'o/ /na zhes bya ba ni rang bzhin med pa'o/ /de ltar 'dod pa dang / chags pa dang / don dam pa dang / spyod pa dang / rang bzhin med pa nyid kyi snying po 'di bsgoms te bsgrubs na 'dod pa thams cad thob par 'gyur ro/ /de bzhin gshegs pa ni 'dod pa thams cad kyi snod yin te/ de bas na snying po 'dis de bzhin gshegs pa dang / rdo rje 'dzin kyang myur du thob </font><hr>61b<br><font size=+1>


par 'gyur ro/ /de nas phyag rgya bcing ba bslab po/ /spros pa med pa'i mchog ces bya'o/ /de nas ral gri'i dkyil 'khor 'byung ste/ de bzhin du rdo rje dkyil 'khor bris la de'i dbus su ral gri bzhag ste/ mdun du snying po 'di bsgrubs na/ des 'jam dpal gzhon nur gyur pa bsgrubs par 'gyur ro/ /rdo rje ral gri'i dkyil 'khor ro/ /dam tshig gi dkyil 'khor ni dkyil 'khor chen po tshul bzhin du bris la zhugs nas 'di zhes brjod do/ /a kA ro mu khaM sarba d+harma NAM/ A d+ya nu t+pa n+na twa ta/ a zhes bya ba ni chos thams cad kyi sgo ste thog ma nas ma skyes pa'i phyir ro zhes nang par langs nas nyin re lan re brjod na mtshams med pa thams cad kyis mi gos so/ /dam tshig gi dkyil 'khor ro/ /de nas las kyi dkyil 'khor 'byung ste/ shes rab kyi pha rol tu phyin pa dkyil 'khor gyi dbus su bzhag nas mchod pa rnam pa bzhis mchod pa ni 'dri ba dang / klog pa dang / kha ton byed pa dang / sgom pas so/ /las kyi dkyil 'khor ro/ /de nas bsgrub par 'dod pas dkyil 'khor chen po'i tshul du ras la bris nas/ yi ge phreng ba thams cad brjod de 'di skad du chos thams cad ni rang bzhin gyi bsgrub pa'o zhes kyang brjod nas yi ge 'di 'bum bzlas na spobs pa mi zad par 'jam dpal dang mtshungs pa dang / </font><hr>62a<br><font size=+1>


@#/ /nam mkha' la 'gro bar 'gyur ro/ /de nas ma bsgrubs kyang las su 'gyur ba ni lan gcig bzlas pas sdug bsngal thams cad las grol lo// gnyis bzlas pas mtshams med pa thams cad lhag ma ma lus par zad par 'gyur ro/ /gsum bzlas pas ting nge 'dzin mngon du 'gyur ro/ /bzhi bzlas pas dran pa dang ldan par 'gyur ro/ /lnga bzlas pas myur du bla na med pa yang dag par rdzogs pa'i byang chub tu mngon par 'tshang rgya'o/ /sku gdung dang bcas pa'i mchod rten la yi ge phreng ba g.yas phyogs nas a zhes bya ba'i drung du na zhes bya ba phyin gyi bar du bri'o/ /de nas bskor zhing yi ge 'bum bzlas te/ yi ge re re 'bum rdzogs na bcom ldan 'das de bzhin gshegs pa dang / 'jam dpal dang / phyag na rdo rje cig char 'grub ste/ nyin re zhing mthong bar bstan nas chos bshad de slar gshegs so/ / tshe 'di nyid las sangs rgyas pa man chad kyang stsol to/ /'jig rten gsum las rnam par rgyal ba'i rtog pa chen po'i rgyal po las/ 'jam dpal gzhon nu'i rtog pa'o// //de nas bcom ldan 'das la rdo rje 'khor lo byang chub sems dpas 'di skad ces gsol to/ /bcom ldan 'das/ bdag gis kyang </font><hr>62b<br><font size=+1>


'jig rten gsum las rnam par rgyal ba'i rtog pa chen po'i rgyal po 'dir snying po 'di stsal bar bgyi ste/ gang brjod pa tsam gyis dkyil 'khor thams cad du zhugs par 'gyur ro/ /de nas bcom ldan 'das kyis rdo rje 'khor lo byang chub sems dpa' la bskul lo/ /de nas rdo rje 'khor lo byang chub sems dpas bcom ldan 'das la rang gi snying po phul ba/ oM b+dz+ra tsakra hUM/ de nas 'di brjod pa tsam gyis de bzhin gshegs pa thams cad la sogs pa dang / sems can thams cad kyis dkyil 'khor de nyid du zhugs so/ /de nas rdo rje 'khor lo byang chub sems dpas dkyil 'khor 'di bshad do/ /rdo rje 'khor lo bzhin bris la/ /rdo rje 'khor lo bdag che ba/ /rang gi lag na phyag rgya thogs/ /de yi dbus su gzhag par bya/ /de yi thad 'khor thams cad du/ /rigs kyi dkyil 'khor lo tshogs rnams bri/ /de yang sems can chen po rnams/ /de dag nyid ni legs par bri/ /de nas blo ldan thog ma ru/ /rdo rje 'khor los 'jug par bya/ /zhugs nas snying po 'di bzlas so/ /dzaH hUM baM hoH/ zhes brjod na des bcom ldan 'das dgyes te grub pa thams cad du stsol to/ /de bzhin du slob ma bcug nas de nyid du bsgrub par bya'o/ /rdo rje'i 'khor lo'i phyag rgya bcings nas 'bum bzlas na/ de </font><hr>63a<br><font size=+1>


@#/ /bzhin gshegs pa'am/ rdo rje 'dzin thob par 'gyur ro/ /rdo rje 'khor lo zhes bya ba'o/ /rdo rje 'khor lo'i dbus su rdo rje bri ste/ de bzhin du bzlas na rdo rje 'dzin du 'gyur ro/ /rdo rje dkyil 'khor ro/ /dkyil 'khor de bzhin du bris nas mtshan ma bzhag ste/ 'di zhes brjod do/ /rdo rje 'khor lo 'jug pa yis/ /mthong dang de bzhin bsgrubs na ni/ rtog pa thams cad 'grub par 'gyur/ /de bas brtags te bsgrub par bya/ /dam tshig gi dkyil 'khor ro/ /dkyil 'khor bris pa de nyid du/ / phyag rgya shes pa bsgrub pa'i phyir/ /brtson 'grus brtan pas thams cad kyi/ /bla med pas ni bslab par bya/ /las kyi dkyil 'khor ro/ /dkyil 'khor du zhugs pa tsam gyis ma bsgrubs par las thams cad byed de/ ji ltar dga' ba'i cho ga 'am/ rtog pa las bshad pa sgrubs shig/ 'jig rten gsum las rnam par rgyal ba'i rtog pa chen po'i rgyal po las/ rdo rje 'khor lo'i rtog pa'o// //de nas bcom ldan 'das la nam mkha'i mdzod byang chub sems dpas 'di skad ces gsol to/ /bcom ldan 'das/ bdag gis kyang 'jig rten gsum las rnam par rgyal ba'i rtog pa chen po'i rgyal po 'dir rang gi snying po stsal bar bgyi ste/ snying </font><hr>63b<br><font size=+1>


po gang brjod pa tsam gyis mchod pa thams cad kyi gnas su 'gyur ba'o/ /bcom ldan 'das kyis smros shig ces gsungs so/ /de nas nam mkha' mdzod kyis gsungs pa/ oM ga gan saM b+ha ba b+dz+ra pA tsa ho/ /de nas de'i dus na bcom ldan 'das kyi dkyil 'khor thams cad la nam mkha' las mchod pa kun 'byung bar byas so/ /de nas dkyil 'khor 'byung ste/ /rdo rje 'khor lo bzhin du bri/ /de yi dbus su nor chen te/ /nam mkha' dang por bzhugs par bya/ /rgyal ba kun gyis bskor ba'o/ /dang por slob dpon 'jug pa ni/ /mchod pa kun mchog phyag rgyas so/ /dkyil 'khor de ru zhugs nas ni/ /rdo rje thams cad brjod par bya/ /de nas bcom ldan 'das 'grub ste/ de bzhin du slob ma yang bcug nas rdo rje thams cad kyi dam tshig gi snying po 'di brjod la phyag rgya yang slobs shig /mchod pa thams cad ces bya ba'i dkyil 'khor ro/ / de nas nam mkha'i dkyil 'khor te/ /yid kyi dkyil 'khor bris la der zhugs shig /zhugs nas 'di skad brjod cig /'di dag thams cad ni nam mkha' nyid de bden pa gang gis nam mkha' gzugs med pa las gzugs 'byung ba des na de bzhin gshegs pa thams cad la mchod pa dang / yid la 'dod pa'i grub pa thams </font><hr>64a<br><font size=+1>


@#/ /cad nam mkha' las 'byung bar gyur cig ces byas nas 'dug ste/ rdo rje kun gyi phyag rgya bcings nas 'bum bzlas na de nas nam mkha' las mchod pa'i rnam pa thams cad dang / don thams cad dang / phun sum tshogs pa thams cad kyang 'byung bar 'gyur ro/ /rdo rje'i dkyil 'khor ro/ /dkyil 'khor bris nas btsud de 'di ni khyod kyi dam tshig go zhes brjod cig /'byung ba kun las nam mkha' ni/ /'byung ba chen po lnga pa'o/ /nam mkha' la ni 'dod pa 'byung / /'dod pa'i mchod pa grub gyur cig/ ces smras nas/ 'dis khyod kyis de bzhin gshegs pa thams cad mchod cig ces bsgo zhig /dam tshig gi dkyil 'khor ro/ /slob ma nam mkha' la yid kyis dkyil 'khor 'drir bcug la/ der slob ma yid kyis mchod pa yang slobs shig /yid kyis 'di skad brjod cig /nam mkha'i mchod pas de bzhin gshegs pa thams cad la mchod do zhes nyin re zhing byas na 'grub po/ 'jig rten gsum las rgyal ba'i rtog pa chen po'i rgyal po las/ nam mkha' mdzod kyi rtog pa'o|| ||de nas bcom ldan 'das la 'phags pa byams pa byang chub sems dpas 'di skad ces gsol to/ /bcom ldan 'das/ bdag gis </font><hr>64b<br><font size=+1>


kyang 'jig rten gsum las rnam par rgyal ba'i rtog pa chen po'i rgyal po 'dir rang gi snying po stsol bar bgyi ste/ gang brjod pa tsam gyis sems can thams cad byams pa'i sems skye bar 'gyur ba'o/ /bcom ldan 'das kyis rigs kyi bu smres shig ces gsungs so/ /de nas bcom ldan 'das byams pa byang chub sems dpas rang gi snying po 'di gsungs so/ /oM me tri dr-i D+ha tsi te tiSh+Tha ho/ /de nas 'di brjod pa tsam gyis de bzhin gshegs pa thams cad byams pa'i ting nge 'dzin la snyoms par zhugs te bzhugs so// de nas dkyil 'khor 'byung ste/ 'khor lo'i dkyil 'khor bris pa der byams pa bzhag ste/ de bzhin gshegs pa bzhi dang / byang chub sems dpa' bzhi bya ste/ cho ga brtan pa'i phyag rgyas zhugs la 'di zhes brjod do/ /b+dz+ra dr-i D+ha tiSh+Tha/ de nas byams pa'i ting nge 'dzin la snyoms par zhugs nas slob ma de bzhin du dkyil 'khor chen po thams cad du 'jug pa'i tshul gyis btsud do/ /btsud nas byams pa chen po'i phyag rgya bslab ste/ de nas go chas bskon no/ /brtan pa chen po zhes bya ba'i dkyil 'khor ro/ /de nas byams pa'i dkyil 'khor 'byung ste/ byams pas zhugs la byams pa'i ting nge 'dzin sgrubs shig/ byams pa'i dkyil 'khor ro/ /dkyil 'khor du bcug la 'di </font><hr>65a<br><font size=+1>


@#/ /zhes brjod do/ /rangs sam yang na khros kyang rung / /mdza' dang sdang ba de bzhin te/ /'gro las gal te rgyal 'dod na/ /byams pa chen po bsgom par gyis/ /dam tshig gi dkyil 'khor ro/ /de nas dkyil 'khor du btsud la 'di bslab po/ /sangs rgyas thams cad la phyag 'tshal lo/ /sems can thams cad dge bar gyur cig /'byung po thams cad la byams pa dang / byol song thams cad la mi 'jigs pa sbyin no/ /las kyi dkyil 'khor ro/ /byams pa bsgoms pas grub pa thams cad ci 'dod pa'i sgrub pas bsgrub bo/ /las rnams kyang yid kyi ci 'dod pa'i cho ga dang / byams pas sgrubs shig /'jig rten gsum las rnam par rgyal ba'i rtog pa chen po'i rgyal po las/ byams pa'i rtog pa'o// //de nas bcom ldan 'das kyi zhabs la rdo rje rig pa'i dam pa la sogs pas mgo bos phyag btsal te/ 'jig rten gsum las rnam par rgyal ba'i rtog pa chen po'i rgyal po 'dir rang gi snying po phul ba/ oM dri/ oM b+hi n+da b+dz+ra shU la/ oM ts+tshi na d+ha hUM tsakra phaT/ oM b+hu ra b+hu ba swaH swAhA/ oM ha na b+hin+da b+dz+ra hUM phaT/ oM la la la la a bi Sha g+ha N+Ta Tan/ de nas de dag gi dkyil 'khor 'byung ste/ dkyil 'khor zlum po'i dkyil 'khor </font><hr>65b<br><font size=+1>


gyi grwa'i srad bu'i dbus su dbang phyug chen po bri/ der gzhan dag kyang rim gyis thams cad bri ba'am/ bzhag pa'am/ mthar ni tshon gyi thig le yang gzhag go/ /de nas thog mar slob dpon gyis gsal phur gsum pa'i rtags kyi phyag rgya bcings la 'dug go/ /g.yon logs nas rdo rje'i slob ma yang bcug ste/ de nas phyag rgya yang bslab bo/ /de phyin chad thams cad 'grub cing 'jig rten thams cad kyi rig 'dzin du 'gyur ro/ /'jig rten gsum las rnam par rgyal ba'i rtog pa chen po'i rgyal po las/ rig pa'i blon po chen po'i rtog pa'o// //de nas rdo rje 'khyil pa la sogs pa rdo rje khro bos 'jig rten gsum las rnam par rgyal ba'i rtog pa chen po'i rgyal po 'dir rang gi snying po phul ba| oM a mr-i ta ku N+Da li kha kha kha kha krod+ha dz+wa lA mA la hUM phaT/ oM mahA prA ba h+pho Ta ya hUM phaT/ oM kA la daN+Da ha na ha na hUM phaT/ oM kA la pra shA gra A kaD+D+ha hUM phaT/ de nas de dag gi dkyil 'khor 'byung ste/ dkyil 'khor gru bzhi pa bris la de yi dbus su rdo rje gzhag go/ /phyogs bzhir ni khro bo rnams de bzhin du bar chad du byas la 'god do// de nas slob dpon bdud rtsi 'khyil ba'i phyag rgyar zhugs nas phyag rgya bcing ba bslab po/ /de nas thams cad dgug pa dang / dbang du bya ba dang / gtan 'pho ba dang / srung </font><hr>66a<br><font size=+1>


@#/ /ba 'grub bo/ /rdo rje khro bo'i rtog pa'o// //de nas rdo rje srin po la sogs pa tshogs kyi gtso bos snying po 'di rnams phul lo/ /oM mahA bA lA ka mahA ga Na de bi ba bi pa ru hrIH ran sarba duSh+TA na nA phaT/ oM mA lA d+ha ra tsa la tsa la ya hUM/ oM d+ha nur d+ha ra ba shI ku ru sarba sad twAn swAhA/ oM dza ya bi dza ya hUM phaT/ de nas dkyil 'khor 'byung ste/ gzhu lta bur dkyil 'khor bris la der rdo rje gzhag go /g.yas su 'ang gnyis g.yon du'ang gnyis so/ /de nas rdo rje srin bu'i phyag rgyas btsud de/ de nas phyag rgya bslabs nas cho ga bslab pa ni/ /gang dge ba dang drin gzo dang / /lha yi 'khor mthong ma gtogs par/ /gzhan rnams de dag thams cad kun/ /mi dge ba rnams gtan 'phor bya/ /'jig rten gsum las rnam par rgyal ba'i rtog pa chen po'i rgyal po las/ tshogs kyi gtso bo'i rtog pa'o// // de nas rdo rje gtun shing la sogs pa'i pho nyas rang gi snying po smras pa/ oM lAng ka lI hUM/ oM mahA pa ta hUM/ oM badz+ra dz+wA lA ya swAhA/ oM bi ka Ta b+hai ra ba de hi me sa ra ban+d+ha hUM phaT/ de nas de dag gi dkyil 'khor 'byung ba ni shing rta dang 'dra ba'i dkyil 'khor bris te/ dbus su rdo rje gzhag nas rdo rje gtun shing gi phyag rgyas bcug </font><hr>66b<br><font size=+1>


la las 'di bslab po/ /mi dge ba'i sems can thams cad 'thungs shig /phrogs shig /sregs shig /zo zhig /de nas phyag rgya bcing ba bslab bo/ /'jig rten gsum las rnam par rgyal ba'i rtog pa chen po'i rgyal po las/ pho nya'i tshogs kyi rtog pa'o// //de nas bcom ldan 'das la rdo rje kyo btang la sogs pa bran rnams kyis 'di skad ces gsol to/ /bcom ldan 'das/ bdag cag kyang 'jig rten gsum las rnam par rgyal ba'i rtog pa chen po'i rgyal po 'dir rang gi snying po 'bul lo/ /oM bA ra ha daMSh+Ta t+ka Ta bi ga to d+ha ra sarba na kha na kha na hUM phaT/ oM sarba mA ra da Da hUM phaT/ oM bi ka te ka daMSh+T+ra b+hin+d+ha hUM phaT/ oM mahA ma Ni ha ra ha ra hUM phaT/ de nas de dag gi dkyil 'khor 'di'o/ /gru gsum par bris la mngon sum pa'i phyag rgyas zhugs nas gar gyi phyag rgya bcing ba bslab ste/ gar gyi mchod pas ni dbus kyi rdo rje la mchod do/ /'jig rten gsum las rnam par rgyal ba'i rtog pa chen po'i rgyal po las/ bran gyi rtog pa'o// //de nas ma thams cad kyis ku co'i sgra bton te/ gar gyi mchod pa chen pos bcom ldan 'das la mchod nas rang rang gi snying po phul lo/ /de nas rdo rje'i blon mo chen mo dag gis smras pa/ oM badz+ra kro d+ha ra li hUM phaT/ oM badz+ra tsa kra tshin d+ha hUM </font><hr>67a<br><font size=+1>


@#/ /phaT/ oM shAn+ti hUM/ oM badz+ra muSh+Ti ha na shin d+ha ha na hUM phaT/ oM ku mA ra ha bi Sha g+ha Na ti ke ra Na ra Na ca lA ya sarba du Sh+TA na hUM phaT/ de nas de dag gi dkyil 'khor gru bzhi pa de'i sgor 'khor la sogs pa bri'o/ /de'i dbus su rdo rje khro mo'i me lag nas rdo rje'i gsal bur can bzhag go /dam tshig gi cho ga ni de bzhin no/ /'jig rten gsum las rnam par rgyal ba'i rtog pa chen po'i rgyal po las/ rig pa'i rgyal mo chen mo rnams kyi rtog pa'o// //de nas rdo rje khro mo rnams kyi rang gi snying po smras pa/ oM a mr-i te hUM phaT/ oM sau mya kro d+he hUM phaT/ oM daN+Da Ta d+ha ri Na ha na hUM phaT/ oM biM ga li hUM phaT/ dkyil 'khor zur brgyad pa bris te/ de'i dbus su rdo rje gzhag go /cha bzhir bgos pa rnams la bzhi po rim gyis bzhag go /'jug pa la sogs pa'i cho ga ni de nyid do/ /'di ni khro mo'i dkyil 'khor ro/ /'jig rten gsum las rnam par rgyal ba'i rtog pa chen po'i rgyal po las/ rdo rje khro mo rnams kyi rtog pa'o// //de nas tshogs ma mo rnams kyis smras pa/ oM kharga ma ri Ni hUM/ oM a sha si ba d+he hi ra ma ho/ oM pA sha sa ma ye hUM/ oM sarba rA ma Ni ra ti bri ye ho/ de nas de dag gi dkyil 'khor ni zlum po te/ sgo bzhi pa/ dbus su se ral srad bu byas </font><hr>67b<br><font size=+1>


te/ thig bzhi btab la rim pa bzhir bri'o/ /gzhan yang phyi'i dkyil 'khor de bzhin du zlum por thig bzhi rim du btab la/ de'i dbus su gnod sbyin gyi gdong bri'o/ /ngos bzhir ni rim gyis te/ shar phyogs nas bri ba'am/ gzhag par bya'o/ /sgo bzhir rdo rje'i mngag gzhug ma bri'am/ gzhag par bya'o/ /de'i snying po ni 'di'o/ /b+hi ci ri Ti b+h+yo b+h+yo/ / de ltar rig pa'i blon mo chen mo la sogs pa thams cad du gyis shig /'di thang cig bzlas pas thams cad khugs so/ /de nas gdong g.yogs nas lag pa gnyis kyis rkang pa'i mthe bo bzung ste/ phyag btsal nas skyil mo krung gis gar byed cing zhugs la dbab bo/ /bcangs nas dam tshig byin cig /sarba mA ra khA da pi ba de hi ba ra sa ma ya ho/ /de nas de bzhin du dam tshig sbyin no/ /glu gar dang / sil snyan dang / zas dang / skom gyis thams cad tshim par byas la dril bus phab pa ste/ de nas dngos grub thams cad dang / bde ba thams cad dang / phun sum tshogs pa thams cad rnyed nas/ rnal 'byor dang / nam mkha' la 'gro ba la sogs pa yang thob bo zhes smros shig /'jig rten gsum las rnam par rgyal ba'i rtog pa chen mo'i rgyal po las/ rdo rje'i tshogs ma mo'i rtog pa'o// //de nas rdo rje pho nya mo rnams kyis smras pa/ oM b+h+yo oM ka </font><hr>68a<br><font size=+1>


@#/ /li ma rA ni/ badz+ra rAk+Sha si ha na sarba na TI ma/ oM bU tha Ni tha/ oM mahA ka ra bA ka tre hUM phaT/ /dkyil 'khor grwa lnga par bris te/ rdo rje ni grwa'i dbus su gzhag go /bzhir ni rdo rje pho nya mo bzhag ste/ de cho ga de bzhin du bya'o/ /'jig rten gsum las rnam par rgyal ba'i rtog pa chen po'i rgyal po las/ rdo rje po nya mo'i rtog pa'o// //de nas rdo rje bran mo rnams kyis smras pa/ oM bA rA hi badz+ra mu khri dri toM ta rA pa ta la sa ma ya ma nu sma ra A bi sha hUM phaT/ oM kA li kA pA la mA la d+ha ri Ni ka Ta ka Ta ma Ta ma Ta b+hi mA ra ya sarba mA ra Ni hUM phaT/ oM pu ta ni u tsu sma ru drA khA da sarba na sho Sha ya swAhA/ /oM ma ka ra mu khi ha ra ha ra hUM/ dkyil 'khor gru bzhi la sgo bzhir bris nas/ de'i dbus su rdo rje bris te/ de bzhin gar gyis mchod do/ /'jig rten gsum las rnam par rgyal ba'i rtog pa chen po'i rgyal po las/ bran mo'i rtog pa ste rtsa ba'i rgyud rdzogs so// //de nas bcom ldan 'das de bzhin gshegs pas phyag na rdo rje la 'di skad ces gsungs so/ /de bzhin gshegs pa thams cad kyi gsang ba 'dzin pa khyod yin no/ /de bas na rtog pa'i rgyal po 'dir don yod cing myur du grub par bya ba'i phyir gang gis sems can thams cad </font><hr>68b<br><font size=+1>


dngos grub dam pa bde blag tu thob par 'gyur ba'i phyi ma'i rgyud shod cig /de ci'i phyir zhe na/ sems can 'di rnams ni brtson 'grus kyis 'dul te/ dad pa dang mi ldan pa/ sdig pa byed pa/ brdzun smra ba/ le lo can/ dka' ba spyad pa mi bzod pa/ 'dod chags dang bral bas 'dul ba/ rtag tu chags pa de dag gi don gyi phyir gang gis sems can de dag bya ba thams cad phyed bzhin pa dang / brtson 'grus med pa dang / dka' ba spyad pa yang med par bde blag tu tshe 'di nyid la myur du 'grub par 'gyur ba de de bzhin gshegs pas byin gyis brlabs kyis shod cig /'dzam bu'i gling gi mi 'di dag ni yul la mngon par dga' zhing bdag gi grogs po dang / pha dang / ma dang / bu dang / chung ma rnams mthong 'dod cing de yang sred pas 'khol ba ste/ phyogs nas phyogs su yang 'gro mi nus na/ sangs rgyas kyi zhing dang / rig 'dzin gyi gnas su lta ci smos/ de nas bcom ldan 'das kyi zhabs gnyis la phyag na rdo rjes phyag btsal te/ phyi ma'i rgyud bshad do/ /de nas bcom ldan 'das/ /de bzhin gshegs pa ga las byung / /phyag na rdo rje ga las skyes/ /rdo rje yang ni ga las byung / /phyag rgya snying po'i rig pa dang / /sngags rnams khyad par ji zhig yod/ /gsang ba sgrub pa ji lta bu/ /phyag rgya bcing ba ji lta </font><hr>69a<br><font size=+1>


@#/ /bu/ /de rnams kyi ni de nyid gang / /byin gyis brlabs sogs ji lta bu/ /sgrub pa rnams kyang ji ltar mthong / /dngos grub 'dod pa ji lta bu/ /ras la ri mo ji ltar bri/ /sku gzugs tshad ni ji tsam zhig /ji ltar bzlas pa bya ba gsungs/ /ci 'dra bar ni mchod par bgyi/ /bsod nams med pas ji ltar 'grub/ /ji ltar grub pa myur bar 'gyur/ /slob dpon du yang ji ltar 'gyur/ /las rnams bsgrub pa ji ltar bya/ /de dag gi ni de nyid gang / /thams cad bdag la bshad pa'i rigs/ /de nas de bzhin gshegs pa 'byung ba bstan te/ sems dpa' thog ma tha ma med/ /nam mkha' skye ba'i mtshan nyid do/ /kun tu bzang po thams cad bdag /'dod pa 'gro ba bdag po yin/ /sems can kun sems gang yin pa/ /brtan pas sems dpa' zhes bya'o/ /mnyam par gzhag pas ting nge 'dzin/ /nges par rdo rje nyid du 'gyur/ /de la smras pa/ sems gzugs med pa la ji ltar na sra ba'i rdo rjer 'gyur/ smras pa/ ji ltar rnam par shes pa la sems can skye ba na sha dang / rus pa 'byung bar 'gyur ba bzhin te/ sdug pa dang / chags pa dang / bde ba dang / rnam par shes pa gzugs med pa rnams 'dus pa las sems can skye ba dang / ji ltar klu rnams khros pas </font><hr>69b<br><font size=+1>


sems kyi ting nge 'dzin nges pas nam mkha' la gnam lcags 'byung ba'am/ glog dang bcas pa 'byung ba de bzhin du nges pa chags pa dag las rdo rje nyid du 'gyur te/ sems dpar byin rlabs sbyor ba yin/ /rdo rje sems dpar yang 'gyur ro/ /bcom ldan rdo rje de nyid ni/ /bsgoms pas sems dpa' nyid du 'gyur/ /de la sems par byin gyis rlob pa'i sbyor ba gang zhe na/ sems dpa' kun gyi bdag che ba/ /bdag nyid la yang gnas so zhes/ /byin gyis brlabs nas sems dpa' bdag /yin zhes nga rgyal bsgom par bya/ /de nyid bcom ldan sems dpa' ste/ rdo rje sems dpa'am rgyal ba yin/ /rang sems so sor brtags pa ni/ /sangs rgyas byang chub de nyid yin/ /de nyid phyag na rdo rje ste/ /rdo rje 'dzin pa'i tshul gyis so/ /'jig rten dbang po nam mkha'i snying / /de ltar gzhan yang de nyid do/ /sangs rgyas rigs kyang de nyid de/ /de ni rdo rje 'chang ba'i rigs/ / de nyid spyan ras gzigs kyi rigs/ /de nyid nor bu'i rigs yin te/ /khams gsum de nyid yin zhes gsungs/ /'jig rten gsum po'ang de nyid do/ /de nyid byed dang 'byin pa po/ /sems can kun gyi mes po ste/ /de nyid sems can gnas yin te/ /'byung ba che rnams de nyid do/ /de nyid 'gro ba'i mgon po ste/ /gnas pa dang ni 'gro </font><hr>70a<br><font size=+1>


@#/ /ba yin/ /zhes bcom ldan 'das thog ma dang / tha ma med pa'i sems dpa' phyag na rdo rjes gsungs so/ /da kho na chen po zhes bya ba'i rab tu byed pa dang po'o// //de nas snying po dang / phyag rgya dang / sngags dang / rig pa'i khyad par gyi bar du bya ba ste/ snying po'i khyad par ni gsang ba dang / ting nge 'dzin ces bya'o/ /de la sems can gyi don gyi phyir gsang ba brjod pa dang / smra ba ni snying po brjod pa ste/ snying po brjod pas ni snying gis bsam pa'i grub pa thob ces bya ba ni snying po'i khyad par ro/ /de nas phyag rgya'i khyad par ni/ /rdo rje'i sku gsung thugs rnams kyi/ /gzugs brnyan sbyor ba 'di dag ni/ /phyag rgya kun gyi khyad par te/ /'byung ba yang ni de yis bstan/ /ji ltar jo bo'i rgya mthong na/ /bran rnams 'gal bar mi byed pa/ /de bzhin rgyal ba nyid rnams kyang / /phyag rgya 'da' bar yong mi mdzad/ /rdo rje'i sku dang gsung dang thugs/ /ji ltar gnas dang mthun byas la/ /mtshan ma'i phyag rgyar ldan pa yi/ /sems dpa' chen por bdag nyid bsgyur/ /de ni phyag rgya chen po'o/ / lus dang ngag sems rdo rje yi/ /sor bsnol brtan pa dam tshig ste/ /sems kyi shes rab ldan pa las/ /gnyis phye las kyi phyag rgya yin/ /de dag dam tshig rtsa ba ste/ / </font><hr>70b<br><font size=+1>


rtsa byung bcing ba rgyu yi mchog /gang gis thams cad lus brtan 'gyur/ /de phyir phyag rgya brjod pa yin/ /gang gis thams cad rgyas btab pa/ /chud mi za zhing rab sbas te/ / mnga' bdag gzugs brnyan 'chang bas na/ /sgrub pa po rnams myur du 'grub/ /gang dag mthong na sangs rgyas dang / /sems dpa' la sogs mthong bar 'gyur/ /dam tshig nyams pas gzir bas na/ /'da' bar mi 'gyur 'grub par 'gyur/ /phyag rgya'i khyad par de yin te/ /don dam pa'i de kho na nyid kyang phyag rgya chen po zhes bya'o/ /de la sngags kyi khyad par ni 'di yin te/ ngag tsam spros pa med pa ste/ /sangs rgyas bka' yis grub pa nyid/ /chos kyi tshig gis bskul ba ste/ /de dag sngags zhes bya ba yin/ /de la rig pa'i khyad par ni 'di lta ste/ /ma rig pa ni med par byed/ /rig pa de bzhin chud par byed/ /don rnams rtogs par gyur pas na/ /rig pa zhes ni de phyir bya/ /snying po dang / phyag rgya dang / sngags dang / rig pa'i rab tu bya ba gnyis pa'o// //de nas phyag rgya bcings pa'i rab tu bya ba bshad do/ zhes bcom ldan 'das bla na med pa'i phyag rgya thams cad kyi ye shes rdo rje 'dzin pas gsungs so/ /de la phyag rgya chen po ni de nyid bskul ba'i snying pos bcing ngo / /dam tshig dang / las kyi phyag rgya ni rdo rje bcing ba </font><hr>71a<br><font size=+1>


@#/ /dang / brdab pa la sogs pa byas nas bcing ngo / /dam tshig chen po'i de kho na nyid bskul ba'i snying bos phyag rgya chen po la sogs pa phyag rgya thams cad bcing ngo / /de yang ma chags pa dang / slob ma ma yin pa dang / snod ma yin pa dang / dang pa med pa la mi spyin no/ /yun du sbyangs na de dag kyang 'grub par 'gyur ro/ /de la de kho na nyid bskul ba'i snying po 'di'o/ /sa ma ya s+t+waM/ de la dam tshig chen po'i de kho na nyid bskul ba'i snying po ni 'di yin no/ /sa ma ya ho su ra ta s+t+waM/ rdo rje khro bos phyag rgya thams cad rang gi bcing dam/ gzhan bcing du gzhug na ni hUM zhes bya ba thang cig tsam gyis so/ /de nas rdo rje bcing ba la sogs pa bcing ba 'byung ste/ b+dz+ra ban d+ha zhes brjod la/ rdo rje bcing ba snying gar chings shig /de nas snying po 'dis sor mo thams cad brdab par bya'o/ /oM b+dz+ra ban d+ha trAT/ 'dis ni phyag rgya thams cad dgug cing dbang du byed do/ /de nas rdo rje ye shes dbab pa'i dam tshig gi phyag rgya bcing ngo / /b+dz+ra A be sha/ zhes brjod la snying po 'dis rdo rje dbab pa bskyed par bya'o/ /aH thams cad dbab pa'i snying po 'di ni gdon mi za ba'o/ /de nas rdo rje khu tshur gyi dam tshig gi phyag rgya bcing ba ni/ b+dz+ra muSh+Ti zhes brjod </font><hr>71b<br><font size=+1>


la bcing ngo / /de ste de ltar ma byas na yang sa ma ya s+t+waM/ zhes brjod la phyag rgya chen po la sogs pa rigs thams cad kyi phyag rgya bcing bar bya'o/ /de bzhin gshegs pa thams cad kyi lus dang / ngag dang / sems kyi phyag rgya thams cad kyi snying po don yod pa 'da' bar bya ba ma yin pa ste/ stong bzlas pas phyag rgya bcing ba thams cad 'grub par 'gyur ro/ /dam tshig chen po'i phyag rgya lan cig bzlas na grub pa thams cad la gces par 'gyur ro/ /de nas phyag rgya bcing ba 'byung ste/ thal mo sbyar la sor mo phan tshun bsnol ba ni rdo rje'i thal mo'o/ /de nyid sor mo'i bar rnams su shin tu bsdams pa ni rdo rje bcing ba'o/ /de nyid las mthe bo gnyis nang du bcug ste/ mthe'u chung dang / srin lag gi bar du rab tu bcug la btsum pa 'di ni rdo rje dbab pa'i dam tshig gi phyag rgya'o/ /de nyid las mthe bo gnyis gzhibs la nang du bcug la de bzhin du mthe'u chung dang / srin lag gi bar du btsugs te/ mdzub mo shin tu bkug pa ni rdo rje khu tshur dam tshig gi phyag rgya'o/ /de nyid las gnyis su byas pa ni las kyi phyag rgya gzhan du 'gyur te/ dam tshig chen po de kho na nyid lan gcig brjod la snying ga 'am/ nam mkha' la so sor bcing ngo / /ngag gi phyag rgya yang b+dz+ra dzi hwa zhes brjod la phyag rgya bcing ngo / /lta ba'i phyag rgya ni snying </font><hr>72a<br><font size=+1>


@#/ /po'i don gyis bcing ngo / /so'i phyag rgya dang / mchu'i phyag rgya dang / mig bsgul ba'i phyag rgya dang / snying dang / lus g.yo ba'i phyag rgya ni sa ma ya s+t+waM zhes brjod na bcing ba grub par 'gyur ro/ /de nas rdo rje hUM zhes pa'i phyag rgya bcing ba 'byung ste/ rdo rje khro bo'i mdzub mo ni rdo rje khu tshur du byas la mdzub mo brkyang na rdo rje khro bo zhes bya ba yin no/ /rdo rje khro bo'i mdzub mo gnyis/ /lag dar bsnol te bcings nas kyang / /mthe'u chung lcags kyu sbrel byas la/ /hUM zhes pas ni bsdigs par bya/ /de nyid g.yas pa kyo btang du byas pa ni rdo rje khro bo'i kyo btang ngo / /de la 'di ni dam tshig gi phyag rgya'o/ /lag mthil dag tu rdo rje bcing / /mthe bo bshibs pas bkab pa yis/ /khu tshur byas pa dam tshig gi /phyag rgya rdo rje khro bo ste/ /ti rin ti ri zhes bya'o/ /hUM ni ngag gi phyag rgya'o/ /ye shes kyi phyag rgya ni thams cad gsod pa'i khro bo'o/ /rdo rje'i sa bzhi bcing ba ni rdo rje bcing ba sa la brkyang ste bzhag pa 'dis rdo rje'i sa gzhir 'gyur te/ de la sus kyang glags mi rnyed do/ /de la 'di ni rdo rje 'dod pa'i khro bo'i phyag rgya'o/ /rdo rje bcing ba bcings la mdzub mo rdo rje ltar byas pa ni thams cad la dbang byed pa'i phyag rgya'o/ /rdo rje'i dam tshig rdo rje bcings la mdzub </font><hr>72b<br><font size=+1>


mo gnyis mnyam par gshibs pas snying gar gtugs shig /gal te de las 'da' bar byas na snying gas te 'chi'o/ /rdo rje phyag rgya gnyis bcings la/ /mdzub mo kyo ba tang du bcing / /dkri zhing phyir dkri byas pa ni/ /lha rnams dgug pa'i mchog yin no/ /rdo rje bcings pa brtan byas la/ /mdzub mo bkug pa shin tu btsir/ /mthe bo gnyis ka gshibs pa yis/ /dbus su btsir ba bar snang gi /rdo rje khu tshur gnyis bcings la/ /mthe'u chung gnyis ka sbrel nas su/ /mdzub mo yi ni rgyab sbyar te/ /bzlog pa nam mkhar rgyu rnams kyi'o/ /rdo rje bcing ba brtan byas nas/ /khu tshur gyis ni sa mnan pa/ /'di ni sa pa'i dam tshig te/ /thams cad byed par 'da' bar dka'/ /rdo rje khu tshur gnyis bcings te/ /g.yon pa'i mdzub mos mdzub mo btsir/ /mthe'u chung sor mo mnyam brdab pa/ /'di ni 'og ma rnams dgug pa'o/ /mdzub mo gnyis ka brtan pa ru/ /rdo rje bcing ba sbrel bar bya/ /gung mo mthe bo rdo rjer bya/ /rgyan rnams thams cad 'joms pa'o/ /rdo rje dkri ba dang / rdo rje btsir ba dang / rdo rje phreng ba dang / rdo rje sa dang / rdo rje sa'i 'og dang / rdo rje he ru ka'o/ /de la rdo rje shugs kyi phyag rgya ni 'di'o/ /dkyil 'khor dag ni byed pa na/ /srad bu'am yang na ri mo la/ /'jug pa dang ni 'byung ba ni/ /bsgrub </font><hr>73a<br><font size=+1>


@#/ /pas yid kyis bteg nas so/ /de la ye shes kyi phyag rgya'i snying po ni 'di'o/ /oM b+dz+ra be ga hUM/ 'dis ni dam tshig ma nyams par 'gyur ro/ /gzhan du dam tshig nyams pa grub pa med par 'gyur ro/ /de la de bzhin gshegs pa thams cad la phyag 'tshal ba'i phyag rgya ni 'di'o/ /dpung pa gnyis rdo rje bcings te/ rdo rje'i khu tshur gnyis su byas la pus mo btsugs te/ mgo bo sa la btsugs te phyag bya'o/ /phyag na rdo rje la ni de nyid kyis dad pa'i stobs kyis gnas par byas la/ 'dzum zhing bskyod pa dang / smin ma 'gyed pa dang bcas pa'i mig gis phyag btsal lo/ /gzhan rnams la ni pus mo btsugs pa'o/ /de la rdo rje 'dzin ma'i dam tshig gi phyag rgya bcing ba ni 'di yin te/ lag pa gnyis kyi rgya ba sbyar nas mthe bong mthe'u chung sbrel bar bya'o/ /rdo rje 'dzin ma'i phyag rgya 'di/ /sangs rgyas thams cad dbang du byed/ /pra tI ts+tsha b+dz+ra/ snying po 'dis me tog gtor ro/ /rdo rje kyo btang gi phyag rgya ni rdo rje 'dzin ma'i mdzub mo gnyis kyo btang gi tshul du bya'o/ /de bzhin gshegs pa thams cad la sogs pa dang / sems can thams cad dgug pa'i dam tshig 'da' bar mi bya ba ste/ dam tshig lcags kyu yin no/ /de nas de bzhin gshegs pa thams </font><hr>73b<br><font size=+1>


cad kyi rtog pa'i phyag rgya bcing ba 'byung ste/ rdo rje'i khu tshur gnyis bcings nas/ /g.yas pas bsngams par bya ba ni/ /rdo rje khro bo'i mdzub mo g.yon/ /sangs rgyas byang chub mchog bsam pa'o/ /de la de bzhin gshegs pa thams cad kyi dam tshig gi phyag rgya ni 'di'o/ /mthe bong gnyis ka'i skyil mo krung / /mdzub mo gnyis ka dgug par bya/ /rdo rje thal mo 'od dkyil 'khor/ /gung mo gnyis ka kha 'byed pa/ /'di ni de bzhin gshegs pa thams cad kyi sku'i phyag rgya ste/ de bzhin gshegs pa thams cad dgug pa dang / gzhug pa dang / dbang du bya ba las 'da' bar mi 'gyur zhing / 'di mthong bas de bzhin gshegs pa thams cad kyi sku mthong bar 'gyur ro/ /de nas b+dz+ra bid kyi ye shes kyi phyag rgya ste/ sems ni rnam dag shes bya ba/ /brtan pas sems dpa' zhes bya'o/ /mnyam par gzhag pas ting nge 'dzin/ /nges pas rdo rje nyid du 'gyur/ /sangs rgyas ngo bo'i bdag nyid de/ /sems nyid sangs rgyas nyid yin no/ /sangs rgyas kun gyis byin brlabs pa/ /nges par sangs rgyas nyid du 'gyur/ /phyag rgya chen po bcings nas de bsgom mo/ /de nas de bzhin gshegs pa thams cad kyis rang gi sems so sor brtags pa la sogs pas sangs rgyas su sbyor ba byas nas ji ltar tshe 'di nyid la sangs rgyas thob par 'byung te/ de ltar byin gyis rlob par mdzad </font><hr>74a<br><font size=+1>


@#/ /do/ /de bzhin gshegs pa thams cad kyis khu tshur ni las kyi phyag rgya'o/ /de nas phyag na rdo rje'i phyag rgya chen po ni 'di yin no/ /lus dang ngag sems rdo rje yis/ /phyag na rdo rjer bdag nyid 'gyur/ /rdo rje 'gying pa rab byed cing / /'gying dang bcas pas rdo rje gsor/ /'di yis kun 'gro skad cig gis/ /'od dang gyen du 'gro bar 'gyur/ /'dod pa kun dbang thams cad pa/ /phyag na rdo rje 'dra bar 'gyur/ /de nas dam tshig gi phyag rgya'o/ /rdo rje bcing ba bcings nas kyang / /gung mo nang bcug snying gar bzhag/ /mthe'o mthe'u chung kha phye mnyam/ /rdo rje chen po de ltar bcing / /sems dpa' kun gyi ting 'dzin gyis/ /'di ni snying gar bcings pa yis/ /phyag rgya kun gyi dngos grub pa/ /dam pa dag kyang thob par 'gyur/ /de la ye shes kyi phyag rgya ni 'di'o/ /zla ba'i dkyil 'khor dbus su ni/ /lus dang ngag sems rdo rje yis/ /phyag na rdo rje bdag gi lus/ /bsgoms na myur du 'grub par 'gyur/ /rdo rje khu tshur gnyis byas la/ /'gying bcas rdo rje gsor byas na/ /'gying zhing gyen du ston tshul gyis/ /snying gar bzung na 'grub par 'gyur/ /de la bcom ldan 'das kyi sku'i phyag rgya bcing ba ni/ 'di yin no/ /rdo rje khu tshur gnyis bcings la/ /g.yas pa gzhu 'dren sbyor ba dang / / </font><hr>74b<br><font size=+1>


mda' 'phen pa yi tshul gyis su/ /kun la bsnun na chags par bya/ /da nas bcom ldan 'das dbang bskur ba'i phreng ba'i phyag rgya bcing ba ni de bzhin gshegs pa'i sku'i phyag rgya gtsug tor du gzhag go /de nas phab ste gung mo rdo rjer byas te/ de las bskor te gung mo nor bur byas la/ g.yas phyogs su gzhag go /ltag par gung mo'i rdo rje'i pad+mo bzhag go /de las bskor te/ gung mo dang / mthe'u chung gyes par byas la g.yon du gzhag go /de nas mdzub mo gnyis mdud pa byas te/ phreng ba bcing pa'i tshul du ltag par mdud pa byas la/ sor mo thams cad mthe'u chung nas mthar gyis 'jig pa'i tshul gyis dgrol ba ni cod pan gyi tshul bzhin dgrol lo/ /phyag na rdo rje'i phyag rgya'o/ /de nas bcom ldan 'das thog ma dang / tha ma med pa'i sems dpa' bsgrub par 'dod pas lha mo'i dkyil 'khor byas te/ de nas nyin gcig cing bdag nyid byin gyis brlabs nas/ ji lta bu'i dus su ci nus pas ci 'dod pa bde bar byas la/ phyag rgya chen po'i tshul gyi glu dbyangs kyis rdo rje'i tshig tu rdo rje sems dpa' bzlas te/ snying po 'di ci 'dod pas bzlas so/ /oM mahA su kha b+dz+ra satwa dzaH hUM baM hoH su ra ta s+t+waM/ de ltar zla ba gcig bzlas te bsgrub bo/ /zla ba gcig lon pa'i mjug tu tshes </font><hr>75a<br><font size=+1>


@#/ /bco lnga la ngal na phyag rgya bkrol la/ rdo rje'i thal mo brkyang nas lus thams cad kyis phyag bya'o/ /cung zad gnas nas ji ltar ngal bar mi 'gyur bar byas te/ de ltar mtshan rangs par bzlas na de'i nang bar bcom ldan 'das zla ba'i kha dog zla ba'i dkyil 'khor dang mtshungs pa'i 'od can byon te/ sgrub pa po la 'khyud nas de'i lus kun tu zhugs so/ /de nas sgrub pa po yang zla ba'i dkyil 'khor 'dra ba'i 'od can dang / /zla ba'i 'od can de bzhin gshegs pa thams cad kyi phreng ba la sogs pa dang / lha'i rgyan thams cad kyis brgyan pa/ rdo rje 'dzin gyi lus dang / ngag dang / sems rdo rje thams cad dang 'dra bar 'gyur ro/ /bdag gi rigs dang / gnyen dang / grogs po dang / gnyen bshes la sogs pa dang / sems can thams cad kyis gzugs bzang po mthong na yang 'chi bar mi 'gyur ro/ /lta bar byed do/ /mchod par byed do/ /sten par byed do/ /don thams cad byed do/ /de yang rang gi khyim de nyid na gnas bzhin du lha'i cho 'phrul byed do/ /de bzhin gshegs par yang gyur nas rdzu 'phrul dang / cho 'phrul thams cad byed do/ /rdo rje hUM zhes bya ba la sogs pa'i gzugs kyis kyang 'dul bar byed do/ /sems </font><hr>75b<br><font size=+1>


can de dag gis kyang mthong ngo / /ma btul ba rnams kyang 'dul lo/ /ji ltar 'dod pa'i gzugs su 'gyur ba dang / thams cad du 'gro ba dang / phyir 'ong ba dang / gyen du 'gro bar 'gyur ba dang / 'jig rten gye khams thams cad du de bzhin gshegs pa thams cad la mchod pa byas nas phyir 'ong ba'i bar du'o/ /don thams cad la longs spyod pa dang / 'dod pa thams cad la dbang ba dang / 'dod pa thams cad spyod pa'i tshe nam mkha' dang mtshungs par 'gyur ro zhes bcom ldan 'das rdo rje sems dpas gsungs so/ / de nas rdo rje 'dod pa khro bo'i phyag rgya bcings pa ni rdo rje'i khu tshur gnyis bcangs pa las/ mda' 'phen pa'i tshul gyis me tog gi gzhu 'dren pa ni thams cad dga' bar byed pa yin no/ /rdo rje'i khu tshur gnyis kyis snying gar rdo rje hUM zhes pa ste/ g.yas pa'i rdo rje khu tshur gyis 'phen pas rdo rje 'phangs pas ni thams cad gtan 'pho'o/ /de nas 'di ni dam tshig gi phyag rgya'o/ /rdo rje khu tshur gnyis bcangs te/ /de ltar kyo ba mthe'u chung mdzub/ /mdud nas mthe bong gshibs pa yis/ /bsdams te snying gar gzhag par bya/ /'di ni de bzhin gshegs pa thams cad la sogs pa nges par dgug pa dang / gzhug pa dang / bcing pa dang / dbang du bya ba dang / 'dren par </font><hr>76a<br><font size=+1>


@#/ /byed pa'o/ rdo rje khu tshur gyis 'khyud pa ni rdo rje dga' ba'i phyag rgya'o/ dam tshig gi phyag rgya 'byung ste/ rdo rje bcing ba bsdams byas nas/ /g.yon pa'i mdzub mtheb mo mtshan du/ /mthe bo'i rtags ni btsud nas su/ /de bskyod bar du bsdam par bya/ /'dis ni bud med thams cad dga' bar byed do/ rdo rje'i khu tshur gnyis kyis rgyal mtshan 'dzin pa'i tshul du bya'o/ /rdo rje rgyal mtshan no/ dam tshig gi phyag rgya 'byung ste/ rdo rje bcings pa bsdams byas nas/ mdzub mo gnyis ni dgug par bya/ /srin lag gshibs la mthe'u chung bkyed/ /de ltar mthe bo'i gnyis kyang bkyed/ /'di bstan pa tsam gyis de bzhin gshegs pa thams cad kyang byams pa bstan par mdzad na gzhan lta ci smos/ rdo rje khu tshur gnyis kyis snyems par byed pa ni rdo rje snyems pa'o/ /dam tshig gi phyag rgya 'byung ste/ rdo rje sems dpa' mchog bcas kun byas nas/ rtsib logs gnyis su bskur nas su/ 'dzin pas bskyod pas 'dud pa ste/ khro bo thams cad mgu bar byed/ rdo rje sems dpa' chen mchog cas dang / /rdo rje gar gyi rab sbyor bas/ mdor na me tog la sogs pa'i/ gsang ba'i mchod pa myur du 'grub/ /rtog pa gzhan gyi gsang ba'i mchod pa dang yang sbyar </font><hr>76b<br><font size=+1>


ro/ /de nas rdo rje gar 'byung ste/ /rdo rje khu tshur gnyis bcings nas/ /'dzum pas mtha' nas brtsams te dgrol/ /glog bzhin bsgyur te bskor zhing dgrol/ /'gram pa dang ni gtsug tor bzhag/ rdo rje gar zhes bya ba ste/ /bdag che'i mchod pa thams cad do/ /mchod pa'i 'di ni gsol bas na/ dngos med nyid kyang myur du 'grub/ de nas rdo rje gzugs la sogs pa'i phyag rgya bcing pa ni/ rdo rje bcing ba brkyang la mthil du blta'o/ /rdo rje bcings pas g.yon pa'i mdzub mo ni pi wang gi shing ngo / /g.yas pa bkug pas ni lan te/ brkyang pa'i lag mthil gyis rang gi snying gar byug go/ me tog gi thal mo'i tshul gyi rdo rje ro btung bar bya'o/ /rdo rje'i khu tshur gnyis bcangs te/ g.yon pa'i mthe'u chung ni g.yas pa'i kyo btang gis bzung ngo / /kyo btang de g.yas pas sems dpa'i dam tshig thams cad dang / sems can thams cad kyang dgug go /rdo rje bcings la mthe bo mdud pa ni zhags pa'i phyag rgya'o/ /rdo rje khu tshur gnyis kyi mdzub mo sbrel ba ni thams cad bcing ngo / /rdo rje 'bebs pa'i phyag rgyas ni thams cad 'bebs par byed do/ /de nas go cha'i phyag rgya 'byung ste/ khu tshur bcings pa gnyis kyis snying gar mdud pa'i tshul du bya'o/ /spos nas yang ltag par yang de bzhin </font><hr>77a<br><font size=+1>


@#/ /no/ /spos nas snying gar yang de bzhin no/ /yang bar du yang mdud do/ /yang spos nas snying ga dang / ltag par yang de bzhin no/ /mgo la yang de bzhin du dbang bskur ba'i gnas su'o/ /phreng ba bcing pa'i mdud pa'i tshul gyis mthe'u chung la sogs pa'i sor mo thams cad dgrol ba'i cod pan gyi tshul du bya'o/ /de nas 'phags pa spyan ras gzigs kyi dbang po'i phyag rgya bcing ba ni/ pad+ma'i zum pa'i thal mo sbyar/ pad+mo'i chen por grags pa ste/ mthe'u chung mthe bong gnyis 'gyed pa/ sdig pa rnams ni sel ba'o/ / de nyid mdzub mo kyo btang du byas pa ni thams cad dgug pa'o/ /de nas pad+mo'i 'byung ste/ rdo rje bcings pa'i mdzub mo gnyis bkug la mthe bong mnyam pa'i steng du gung mo gnyis bzhag go/ de gnyis su byas nas g.yon pa la g.yas pas pad+mo 'byed par bya'o/ /de nas pad+mo'i dag gi phyag rgya ni hrIH/ ye shes kyi phyag rgya ni pad+mo'i 'byed pas 'dod chags la sogs pa'i dri ma sbyong bar gsungs pa nyid do/ /de nas nam mkha'i snying po'i phyag rgya bcing pa ni nor bu'i khu tshur gnyis kas dbang bskur ba'i phreng ba bcing ngo / /de nas rdo rje rin po che'i phyag rgya ni/ /rdo rje bcing pa kun byas nas/ /mdzub mo mnyam nas mtheb dang sbyar/ /de dag ngos su sprad pa ste/ dbang bskur gnas su dbang sbyin no/ /de nyid kha yar bstan la </font><hr>77b<br><font size=+1>


snying gar bzhag pa ni nor bu'i khu tshur zhes bshad de/ /don thams cad 'phrog pa'o/ /de nyid las mthe bo'i rdo rjes mdzub mo mnyam pa mnan te/ rgyab bskum pa ni rdo rje'i nor bu'o/ /trAM/ chos kyi phyag rgya'o/ /ye shes kyi phyag rgya thams cad nam mkhar bsgom pa'o/ /de nas rdo rje khu tshur gyi phyag rgya bcing ba ni/ /de ltar sngar bshad pa nyid do/ /bAM/ ngag gi phyag rgya'o/ /byams pa'i bcing ba ni bcing ba'i nang na mchog ste/ ye shes kyi phyag rgya'o/ /mdun du ni rdo rje chen po'i phyag rgya'o/ /g.yas su ni rdo rje rin po che'i phyag rgya bstan pa nyid do/ /rgyab tu ni rdo rje bcing ba snying gar bkan nas mthe bo sbyar te/ mdzub mo gnyis dgug par bya'o/ /rdo rje pad+ma mchog gi phyag rgya'o/ /rdo rje bcing pa'i mthe bo dang / mthe'u chung gnyis snying gar brkyang ba ni rdo rje ste/ rdo rje thams cad kyi'o/ /rigs thams cad kyi dam tshig gi phyag rgya ste/ grub pa thams cad stsol ba phyag rgya'i dkyil 'khor du bri'o/ /de nas 'jam dpal gyi phyag rgya bcing ba ni rdo rje khu tshur mdzub mi'i rtse mo'i rtse mo dkug pa 'di ni ral gri'o/ /snying po ni glegs bam mo/ /dam tshig gi phyag rgya'o/ /g.yon pa'i glegs bam bcangs pa'i mthe'u chung ni g.yas pa'i ral gri 'dzin pas gzung ngo / /A chos kyi phyag rgya'o/ /chos thams cad la yi ge med ces bya ba ni ye shes kyi phyag rgya'o/ /de nas rdo rje 'khor lo'i phyag rgya bcing ba ni rdo rje'i khu tshur gnyis bcangs te/ mthe'u chung mdzub mo'i rdo rjes bcing // </font><hr>78a<br><font size=+1>


@#/ /rdo rje 'khor lo zhes bshad de/ dkyil 'khor thams cad sgrub pa'o/ /'di mthong bas dkyil 'khor thams cad mthong bar 'gyur ro/ /de bzhin du dbus su kha bzhag ste bzlas na dkyil 'khor thams cad du zhugs par 'gyur zhing de bzhin du sgrub par 'gyur ro/ /hUM/ chos kyi phyag rgya'o/ /de nas nam mkha' mdzod kyi phyag rgya bcing ba ni rdo rje nor bu'i phyag rgya las mthe'u chung dang srin lag mnyam pa'i rgyal mtshan bsgreng ba'i tshul du bya'o/ /chos kyi phyag rgya ni/ trAM/ 'phags pa byams pa byang chub sems dpa' chen po'i phyag rgya bcing pa ni rdo rje go cha'i phyag rgya'o/ /ngag gi phyag rgya ni/ oM/ de nas rtog pa thams cad spyi'i phyag rgya shes pa 'byung ste/ de la lus kyi phyag rgyar 'gyur ba ni/ 'di lta ste/ 'greng yang rung / 'dug kyang rung / rkang pa bsnyams ste/ brkyang pa dang / lag pa bsgreng ba ni rdo rje'i phyag rgya'o/ /mchog bsgrub pa la rdo rje dang mtshungs par 'gyur ro/ /langs nas g.yon pas rdo rje khu tshur bcangs nas g.yas pa bkug pas drangs pa ni rdo rje lcags kyu'i phyag rgya ste/ thams cad 'dren pa'i phyag rgya yin no/ /langs la pus mi bkyed de bkug nas lag pa gnyis bsdams te gyen du brkyang ba ni thams cad gtan 'pho ba'i ral gri'o/ /dpung pa gnyis kyi rang gi snying gar 'khyud pa ni go cha ste mi phyed pa'o/ /de nas rang gi phyag rgya bcing ba ni/ /a ho haM hUM/ dbab pa dang dbang du bya </font><hr>78b<br><font size=+1>


ba dang bsrung ba dang / gtan 'pho ba'i phyag rgya'o/ /de nas lta ba'i phyag rgya 'byung ba ni/ /myur 'gyur rdo rje'i lta ba ste/ bgrad de btsums pa 'dren pa yin/ /khro bo'i lta ba/ khro gnyer to/ /brtan par lta ba mi g.yo ba'o/ /de nas 'di dag gi las 'byung pa ni rdo rje'i lta bas skye 'gro thams cad mgu bar bya'o/ /bgrad pa'i lta bas ni thams cad dgug pa dang / rims dang / gdon dang / dug dang / byad ma la sogs pa dang / nad thams cad sel to/ /khro bo'i lta bas ni thams cad gtan 'pho'o/ /brtan par lta bas ni thams cad bsrung ngo / /de la snying po ni 'di rnams yin no/ /badza dr-iSh+Ti ma Ta/ dIpata dr-iSh+Ti am ku sha dza/ om kro d+hadr-iSh+Ti phags/ dr-i D+hadr-iSh+Ti haM/ so'i phyag rgya 'byung ste/ so bca' bas ni gtan 'pho'o/ mur pas ni dbang du byed do/ /snying po bzlas shing khro bo'i ting nge 'dzin bzlas te phyag rgya'i las byed do/ /g.yas nas gcu pa ni 'gug pa'o/ /g.yon nas gcu pa ni dbang du byed pa'o/ /ma mchu sos mnan pas ni gtan 'pho'o/ /mchu gnyis ka bsdams pas ni bsrung ngo / /sangs rgyas rjes su dran pa dang / rdo rje 'dzin pa rjes su dran pa dang / rdo rje khro bo rjes su dran pa dang / rdo rje rjes su dran pa ni thams cad sgrub pa ste/ mchu'i phyag rgya'o/ mchu gnyis ka bsdams pas ni bsrung ngo / /sangs rgyas rjes su dran pa dang / rdo rje 'dzin pa rjes su dran so/ /gnyis ka btsums pas ni gtan 'pho'o/ /gnyis ka bgrad pas ni srung ngo / /thams cad kyi snying po bzlas te gyen du bltas na nam mkha' la 'gro bar 'gyur ro/ /thur du bltas na sa'i dbang </font><hr>79a<br><font size=+1>


@#/ /por 'gyur ro/ /g.yas nas bskor ba ni de bzhin gshegs pa thams cad la mchod do/ /g.yon nas bskor bas ni phyag na rdo rje la mchod de/ thams cad kyi snying po stong bzlas nas bsgrub bo/ /de nas phyi rol gyi rdo rje rigs kyi phyag rgya bcing ba 'byung ste/ de la 'jig rten pa'i phyag rgya rnams ni 'jig rten pa'i khu tshur las 'byung ste/ rdo rje khu tshur ni rdo rje bcing ba las g.yon pa'i mthe bo nang du bcug nas mthe'u chung dang / srin lag gi bar du btsir la bsdam par bya ste/ de nyid la phyag rgya'i snying po 'di 'bum bzlas te bsgrub bo/ /oM badza mudra huM/ rdo rje'i khu tshur gnyis su byas te/ g.yas pas mtshan ma ji ltar byas pa bzhin du gzung ngo / /ma rnams thams cad kyi phyag rgya bcing ba ni 'di bzhin du rdo rje'i khu tshur las g.yon pa rdo rje'i khro bo'i mdzub mo bsgreng ba ste/ dur khrod dam/ tshogs kyi gnas su rdo rje khro bo'i mdzub mos mi khrag thigs pa gsum khar blangs te myangs nas mi ro ma smas shing ma nyams pa rkang pa g.yon pas mnan te brgya bzlas na nam mkha' la 'gro ba dang / mi snang bar 'gyur ba dang / byad ma thams cad dbang du 'gyur ro/ tshogs de dag thams cad kyi dbang por 'gyur ro/ /thag 'jug pa dang / phan 'dogs nus par 'gyur ro/ /mkha' 'gro ma'i bde ba'i mchog thams cad dang / rtog pa thams cad dang / las thams cad dang / phyag rgya thams cad 'grub par 'gyur ro/ /de nas khro bo'i khu tshur sgrub pa'i snying po ni </font><hr>79b<br><font size=+1>


'di yin no/ /oM badzar A ra li/ phyag rgya bcing ba'i bar du'o/ de nas de'i rjes la phyag rgya thams cad kyi gsang ba'i sgrub pa'i skabs bshad par bya ste/ de nas de bzhin gshegs pa'i phyag rgya gsang ba sgrub pa ni dkyil 'khor bri ste/ der 'di skad brjod do/ /bcom ldan phyag rgya btsun mo 'di/ /rtag tu bdag la stsal bar stsol/ /sems can kun gyi don sgrub phyir/ grub pa'i mchog ni bsgrub par bgyi/ phyag na rdo rje dkyil 'khor nas 'di zhes brjod do/ /su ra te sa ma ya s+t+waM ho/ /badzar satwa A d+ya si d+d+ha nan/ /de nas byang chub sems dpa' gzhan rnams kyi gsang ba'i phyag rgya sgrub pa ni/ byang chub sems dpa' bdag nyid che/ /rtag tu bdag la grub pa stsol/ /de nas phyi rol gyi rdo rje rigs kyi gsang ba sgrub pa ni phyag na rdo rje khro bo ni thams cad byed pa yin no zhes de skad brjod la bsgrub par bya'o/ /ma rnams kyi gsang ba'i phyag rgya sgrub pa ni dkyil 'khor du zhugs nas b+h+yo b+h+yo zhes brjod cig gsang ba bsgrub pa'i rab tu bya ba'o/ /de nas phyag rgya'i de kho na 'byung ste/ de bzhin gshegs pa'i phyag rgya'i de kho na ni sems las sang rgyas kyi chos 'byung ngo / /yang dag par na 'di dag ste/ de bzhin gshegs pa'i btsun mo'i thugs la gnas pa yin no/ /bdag kyang de bzhin gshegs pa yin pas bdag gi chung ma yin pas/ bdag </font><hr>80a<br><font size=+1>


@#/ /gi chung ma yin no zhes sngar bsgoms la phyag rgya bsgrub bo/ /phyag na rdo rje'i phyag rgya'i de kho na ni/ /rab dga' bcing ba kun gyi mchog/ /de las phyag rgya rnams su byas/ 'dod pa rdo rje sems dpa' yis/ /grub brtan myur du stsol bar mdzad/ /de nas gzhan dag ni/ bcom ldan rtag pa 'dod pa ste/ /de dag de bzhin gshegs pa 'o/ /de las thams cad bdag nyid gzugs/ /bdag kyang phyag rgya grub par shog/ /de nas phyi rol gyi rdo rje'i rigs kyi phyag rgya'i de kho na ni phyag na rdo rje lha thams cad dbang du byas nas rdo rjer byas te/ de dag gi phyag rgya yang rdo rje'i phyag rgya nyid do/ /de nas ma rnams kyi phyag rgya'i de kho na nyid ni/ ma rung thams cad za ba'i phyir/ lha rnams kun gyis byas pa ste/ phyag rgya 'bebs pas de yi phyir/ bsgoms nas kyang ni bsgrub par bya/ de bzhin gshegs pa'i de kho na rab tu sbyor bas thog mar bsgoms nas bsgrub bo/ /phyag rgya'i de kho na'i rab tu bya ba'o/ /de nas rtog pa thams cad kyi byin gyis brlab pa la sogs pa'i las bshad do zhes nas bcom ldan 'das phyag na rdo rjes gsungs pa/ nyin re dang po dus bzhin du/ /rdo rje chen mchog phyag rgya yis/ snying kha smin mtshams lkog ma gtsug/ bdag nyid byin gyis brlab par bya/ de la byin </font><hr>80b<br><font size=+1>


gyis brlab pa'i snying po ni 'di yin no/ /badzar twa/ badzar ratan/ badzar+d+h+r+ma/ badz+r+karma/ de la 'di ni rdo rje rin po che'i dbang bskur ba'i snying po yin no/ /oM sarba ta thA ga ta a b+hi Shiny+tsa snying po 'dis rdo rje rin po che'i phyag rgya smin mtshams su bzhag ste/ mdzub mo gnyis kyis phreng ba'i tshul du bcings la/ ltag par mdud pa'i tshul du byas te bskor te/ mthe'u chung nas brtsams te dkrol bas sor mo thams cad bkrol te dar dbyangs pa ltar bya'o/ /de nas ting nge 'dzin gyi ye shes bskyod pa ni rdo rje bcing pa bkan te pang par bzhag nas bsgom pa'i snying po 'dis rang gi snying gar rdo rje bsam mo/ oM badzar A tam kaH/ /rdo rje'i bzlas pas ci 'dod pa bzlas so/ /de nas rdo rje'i mchod pa'i rab tu bya ba ni/ /rdo rje'i khu tshur gnyis bcangs nas/ /rdo rje 'gying ba legs par bya/ rdo rje phreng ba de bzhin glu/ /rdo rje gar kyang spyi bo nas/ /der bstod pa'i rdo rje'i glu blang zhing mchod par bya'o/ / rdo rje sems dpa' bsdus pa'o/ /rdo rje rin chen bla med de/ rdo rje chos ni glur blangs pas/ rdo rje las ni mdzad par gsol/ dga' ba dang / dbang bskur ba dang / glu dang mchod pa 'dis de bzhin gshegs pa nyid kyang rnyed par mi dka' na grub pa gzhan lta ci smos/ de ci'i phyir zhe na/ de ltar sems dpa'i bde ba 'di dang mtshungs pa med do/ / </font><hr>81a<br><font size=+1>


@#/ /de nas phyag na rdo rje sa'i byin gyis brlab pa la sogs pa 'byung ste/ nyin re dang por dus bzhin du/ /rdo rje'i byin gyis brlab tshul gyis/ /bdag gis bdag nyid byin brlabs nas/ /sems dpar byin rlabs rnal 'byor ldan/ /rdo rje dang bcas rdo rje bcing / /rdo rje 'bebs la sogs tshul gyis/ /rdo rje khu tshur rdo rje bcas/ /gnyis byas phyag rgya'i mchog gis su/ /bdag nyid byin gyis brlab par bya/ /'dod pa bdag nyid ces kyang bsgom/ /de nas rdo rje sems dpa'i gsang ba'i snying po bzlas par bya'o/ /de la gsang ba'i snying po 'di rdo rje'i glus ci 'dod pa bzlas so/ /Tak+ki dzaH ho/ /de nas bsgrub pa gzhan yang rdo rje bcing bas rtags bzung ste 'bum bzlas na 'dod pa thams cad kyi dbang phyug dang / 'dod pa'i gzugs dang / 'dod pa'i tshe dang / 'dod pa'i bdag po dang / kun du 'gro ba thams cad grub par 'gyur ro/ /de nas phyag na rdo rje'i dbang bskur ba'i rab tu bya ba 'byung ba ni de bzhin gshegs pa thams cad kyi phreng ba'i dbang bskur ba ji lta ba bzhin du snying po 'dis sbyin no/ /oM sarba ta thA ga ta rat+na a b+hi She ka a/ de nas de bzhin gshegs pa thams cad kyi ye shes bskyed pa'i ting nge 'dzin la dmigs pa ni ji ltar bcom </font><hr>81b<br><font size=+1>


ldan 'das sems can thams cad nyid yin pa de bzhin du bdag kyang thams cad nyid do zhes nas snying po 'dis thams cad dgug pa dang / gzhug pa dang / bcing ba dang / dbang du byas te bsgom mo/ /de la snying po ni 'di'o/ /oM satwadzaH hUM baM heH/ de nas bcom ldan 'das kyi spyan sngar gsang ba'i mchod pa bya ba ni byin gyis brlab pa la sogs pa thams cad byed de/ rdo rje khu tshur gnyis bcangs la/ /rdo rje gar dang sbyar nas su/ /me tog la sogs pa dbul ba ni/ /gsang ba'i mchod pa phyag rgyas dbul/ /gzhu 'dren pa yi tshul gyis su/ /rdo rje mda' ni 'phen par bya/ /kun nas 'khyud dang rgyal mtshan bsgreng / /gnyis snyems 'dzin pas mdud pa'o/ /rdo rje'i bstod pa 'dis rdo rje'i glu glang zhing mchod do/ / gzugs la sogs pa 'dod pa dag gi bde ba dang / /shin tu yid bde bcom ldan rab dga' khyod la 'dud/ /khyod kyis bdag la deng du dga' bde kun mchod la/ / mchog gi bdag nyid grub pa'ang myur du tshul bzhin stsol/ /bstod pa'i snying po 'dis thams cad grub par 'gyur ro/ /bcom ldan 'das phyag na rdo rje la nyin rer lan re bstod na bcom ldan 'das las thams cad thob par 'gyur ro/ /slob dpon de rang gi lce las kyang 'das pa dang / ma 'ongs pa dang / da ltar gyi thams cad dang / </font><hr>82a<br><font size=+1>


@#/ /bcom ldan 'das kyi bka' dang / rtog pa thams cad dang / tshig gi rgyud thams cad kyang smra bar 'gyur ro/ /lha'i glu sngon ma byung ba yang len to/ /rdo rje'i glus 'bum bzlas na rdo rje 'dzin par 'gyur ro/ /de ltar lan gcig byin gyis brlabs la de nas phyis sgrubs shig /de nas nyin gcig bzhin byin gyis brlab pa la sogs pa nyin rer lan re byas na grub pa thams cad dang / phun sum tshogs pa thams cad dang / dbang bskur ba la sogs pa dang / shes pa thams cad dang / las thams cad 'grub bo/ /de bzhin gshegs pa thams cad la sogs pa dang / sems dpa' rnams der lhags nas phra mo la sogs pa ston te tshig smra'o/ /byams par byed do/ /mchod do/ /de yang de bzhin gshegs pa thams cad la mchod pa dang / rim gro thams cad kyis mchod do/ /sems can thams cad la tshar gcad pa dang / phan 'dogs nus par 'gyur ro/ /'jig pa med pa dang / zad pa med pa dang / 'god pa med pa dang / 'jigs pa med par 'gyur ro/ /sems can thams cad kyi 'jigs pa thams cad dang / nad thams cad dang / sdug bsngal thams cad kyang sel to/ /cho 'phrul thams cad ston to/ /bdag nyid kyis de bzhin </font><hr>82b<br><font size=+1>


gshegs pa thams cad la sogs pa sems dpa'i gzugs man chad dang / bdag gi lus thams cad dang / nam mkha' dang / sa dang / shing dang / ri dang / chu rnams las kyang de bzhin gshegs pa thams cad la sogs pa'i gzugs thams cad ston par byed do/ /'od zer ston pa la sogs pa'i cho 'phrul thams cad ston to/ /rang yang sangs rgyas kyi gzugs la sogs pa dang / thams cad kyi gzugs su 'gyur ro/ /mig gis 'das pa dang / ma 'ongs pa dang / da ltar gyi shes pa thams cad yi ge rnams las mthong ngo / /thams cad las thos shing rang gi lces smra'o/ /sngon ma byung ba'i rtog pa dang / mdo sde thams cad 'chad do/ /ston skyo ba thams cad dang / sil snyan dang / 'phong dang / mtshon 'debs pa dang / bshes gnyen dang / bzo dang / sgyu rtsal thams cad lhun gyis grub par shes par 'gyur ro/ /nyin gcig bzhin du gzugs chen po dang / mdog dang / stobs dang / dpa' ba dang / tshe dang / nad med pa dang / dngos grub thams cad dang ldan par 'gyur ro/ /sems can thams cad kyi sems dang / spyod pa dang / sgra skad dang / tshig shes shing mthong ngo / /nyin gcig bzhin thams cad mngon par shes par 'gyur ro/ /mdor na de bzhin gshegs pa nyid dang / rdo rje 'dzin pa la </font><hr>83a<br><font size=+1>


@#/ /sogs pa dngos grub thams cad ma bsgrubs par tshe 'di nyid la thob par 'gyur ro/ /byin gyis brlabs la sogs pa'i rab tu bya ba'o/ /de la sgrub pa'i rab tu bya ba 'byung ste/ de bzhin gshegs pa sgrub pa ni mdun du bdag nyid sangs rgyas kyi sku rjes su dran pa bsgom zhing snying po dang / phyag rgya dang / sngags dang / rig pa rnams sgrub bo/ phyag na rdo rje sgrub pa ni sems dpar byin gyis brlabs pa'i rnal 'byor ram/ 'dod par bsgom pa'am/ rdo rje sems dpa' rjes su dran pa'am/ bdag gi snying gar rdo rje bsgom pa'am/ bdag gi mdun du sangs rgyas rjes su dran par byed bzhin du snying po dang / phyag rgya dang / sngags dang / rig pa rnams sgrub bo/ /sems dpa' chen po thams cad ni bdag nyid kyis rang gi sems dpa' rjes su dran pa'am/ snying gar rdo rje chen po bsgom zhing snying po dang / phyag rgya dang / sngags dang / rig pa rnams bsgrub par bya'o/ /phyi'i rdo rje rigs sgrub pa ni khro bo'i tshul gyi snying po dang / phyag rgya dang / sngags dang / rig pa rnams bsgrub bo/ /rdo rje ma rnams sgrub pa ni sems can thams cad za ba'i rjes su dran pa'am/ bdag nyid rdo rje srin por gyur te/ de'i phyir bdag nyid kyang </font><hr>83b<br><font size=+1>


sems can thams cad bza'o zhes khros te snying po dang / phyag rgya dang / sngags dang / rig pa rnams bsgrub par bya'o/ /sgrub pa'i rab tu bya ba'o/ /de nas sgrub pa'i thabs kyi rab tu bya ba 'byung ste/ /ji ltar 'jig rten 'dul 'gyur ba/ /de ltar sgrub par gsungs pa ste/ /grub pa thams cad byed pa'i mchog /sgrub pa'i thabs kyi rab tu bya ba'o/ / de nas ras kyi rab tu bya ba 'byung ste/ de la de bzhin gshegs pa'i ras ni skra med par byas la dkyil 'khor zlum por thig gdab bo/ /phyag na rdo rje'i ras ni ngos thams cad par gru bzhi po dar ram ras la bri'o/ /sems dpa' chen po rnams kyi ni ji lta bur 'dus pa'i 'khor bzhin du'o/ /phyi'i rdo rje'i rigs rnams kyis ma bsdus pa la 'dus pa'i 'khor ji lta ba bzhin du dgod do/ /rdo rje ma rnams kyi ma nyams pa la kha tshar ma bcad pa ste/ ri mo mkhan gso sbyong can gyis sbyin med pa'i tshon rtsi snod gsar par bzhag pas bri/ ras kyi rab tu bya ba'o/ /de la cha lugs kyi tshad rab tu bya ba ni de bzhin gshegs pa'i ni de bzhin gshegs pa'i mtho gang tsam du bya ba'o/ /phyag na rdo rje'i ni mtha' med pa'i phyir ji ltar 'dod pa'i tshad du bya ba'o/ /de la rdo rje'i tshad ni ji tsam du 'gyur zhe na/ rang gi mthe bo'i tshigs kyi sor </font><hr>84a<br><font size=+1>


@#/ /mo bcu drug tu bya'o/ /de la rdo rje'i dbyibs ci 'dra bar bya zhe na/ zur bzhi la rtse lnga pa 'od zer gyi phreng ba can sum char bya'o/ /sems dpa' chen po thams cad ni mthe bo'i tshigs kyi sor bcu drug gi tshad du bya ste/ thams cad kyang pad mo la bzhugs par bya'o/ /de bzhin du sku gzugs kyi tshad las dkyil 'khor gyi tshad kyang de dang 'dra bar bya'o/ /de la 'di ni bzlas pa'i rab tu bya ba ste/ de la de bzhin gshegs pa rnams kyi ni dgongs pa'i gsung ting nge 'dzin gyi tshig ste/ rdo rje rnams kyi'ang de bzhin no/ /de la rtog pa thams cad kyi spyir ni rdo rje'i tshig gi bzlas te sgrub bo/ /phyag na rdo rje'i ni rdo rje tshig gi glu dang sbyar te bzlas so/ /rdo rje hUM zhes pa la sogs pa rdo rje'i khro bo rnams ni rdo rje'i khro bo'i tshig gi bzlas so/ /phyi'i rdo rje'i rigs rnams ni chos kyi tshig gi khro bo'i sgra chen po gsal bar byas te khro ba dang bcas pas bzlas so/ /rdo rje ma rnams ni rdo rje'i tshig phra mos bzlas so/ /de la ting nge 'dzin gyi ngag ni yid kyis bzlas so/ /de la rdo rje'i ngag ni/ lce thog rab tu mi g.yo bar/ /so mchu gnyis ka sbyar ba ste/ /rtog pa kun la rig pa ni/ /rdo rje dag ni sgra spangs pa'o/ /de la rdo rje'i glu tshig ni/ /sha Ta pa la sogs </font><hr>84b<br><font size=+1>


pa'i glu/ /grong dga' ba rnams blangs pa yi/ /rdo rje'i tshig bzlas rtog pa ru/ /rdo rje'i glu zhes grags pa'o/ /de la rdo rje'i khro bo'i tshig ni 'di'o/ /hUM zhes pa yi 'brug sgra 'dra/ / de bzhin phra zhing sgra dang ldan/ /khro bo gsal ba rdo rje che'o/ /khro bo'i tshig ches grags pa'o/ /tshig gi rab tu bya ba'o/ /de la 'di ni bzlas pa'i cho ga rab tu bya ba yin te/ rtog pa dag ni kun la yang / /sems dpa' gang dang gang dag gi /snying po phyag rgya sngags bsgrub pas/ /de yi bdag nyid spyan drang bsgrub/ /gnas dang srog chags thams cad spyan drang bsgrub/ /gnas dang srog chags thams cad ni/ /rang bzlas pa ni rtog pa thams cad bsgrub pa'o/ /rdo rje sems dpa'i gsang ba'i bzlas pa 'byung ste/ phyag na rdo rje'i snying po dang / /phyag rgya sngags rig de bzhin te/ /bzlas pa'i don gyis mgon po bzlas/ /rtog pa kun la'ang bsgrub par bya/ /phyi yi rdo rje rigs rnams kyi/ /khro bo'i mnyam par 'jog pa'o/ /rdo rje ma rnams thams cad kyi/ /yid kyis su ni snying yang gzung / /bzlas pa'i don zhes bya ba la/ /phyag na rdo rje'i 'dod pa bsgom zhing bzlas pa ste/ 'di ltar oM zhes bya ba ni 'dod pa ste bde ba chen po'o/ /'dod pa ni rdo rje sems dpa' zhes bya'o/ /'dod pa ni thams cad dgug pa dang / gzhug pa dang / bcing ba dang / </font><hr>85a<br><font size=+1>


@#/ /dbang du byed pa'i phyir ro/ /dzaH hUM baM hoH/ 'dod pa ni shin tu dga' ba'o/ /'dod pa ni bzlas pa'i don to/ /gsang ba'i bzlas pa 'di bzlas na bsod nams chung ngus kyang 'grub par 'gyur te/ de bzhin gshegs pa thams cad kyis kyang bslu bar mi nus so/ /thal mo khong stong du sbyar la mchod pa bya ste/ de la me tog gi mchod pa ni me tog gi thal mo gyen du phye bas so/ /bdug pa'i mchod pa ni thur du brkyang bas so/ /mar me'i mchod pa ni mthe bong mnyams pas g.yogs pa'o/ /dri'i mchod pa ni rab tu brkyang ste stong pa'am/ gang bas so/ /phyag rgya 'di rnams kyi yang dag pa nyid du mchod par 'gyur ba ni sangs rgyas kyi zhing thams cad dang / dkyil 'khor thams cad dang / dam tshig sems dpa' thams cad dang / snying po dang / phyag rgya dang / sngags dang / rig pa dang / lha rnams thams cad la yang ngo / /mchod pa'i rab tu bya ba'o/ /de la bsod nams med pa'i sems can gyi sgrub pa'i rab tu bya ba 'byung ste/ dkyil 'khor gang yang rung ba cig nyin re zhing ji tsam 'dod pa'i tshad du nyi ma bzhir bris nas ji lta ba bzhin du der zhugs la phyag rgya chen po bcings nas rang gi lhag pa'i lha </font><hr>85b<br><font size=+1>


lan brgya bzlas so/ /bsod nams med pa'i sems can gyi sgrub pa'i rab tu bya ba'o/ /de la myur du 'grub par 'gyur ba'i rab tu bya ba ste/ de la de bzhin gshegs pa'i myur du 'grub par 'gyur ba ni/ ting 'dzin chos sbyin la sogs dang / /rgya chen tshul rnams klog pa dang / /dad la gnas te de bzhin mchod/ /dngos grub myur sbyin chen po yin/ /de la phyag na rdo rje'i myur du 'grub par 'gyur ba ni/ 'dod la chags dang bral min dang / 'dod la chags pa'i dam pas mchod/ /'dod la ci nus chags bya ba/ / myur du dngos grub sbyin pa yin/ /de la 'di ni sems dpa' chen po rnams kyi myur du 'grub pa ni/ sbyin dang tshul khrims de bzhin bzod/ /brtson 'grus bsam gtan de bzhin blo/ /ci nus kyis kyang bya ba ni/ /nyin gcig bzhin du ci 'dod par/ /phyi'i rdo rje'i rigs kyi grub pa myur ba ni/ /sangs rgyas mchod cing de bzhin dang / /phyag na rdo rje brtul zhugs brtan/ /rdo rje rtag tu lag na bzung / /mi bgrungs thams cad tshar gcod mchog /de nas rdo rje ma rnams kyi grub pa myur du sgrub pa'i rab tu bya ba ste/ sems can dge la dang ba dang / /mchod cing dam tshig srung ba ste/ /phyag rgya'i gar gyi mchod pa dang / /sems can ma rung drag shul bya/ /grub pa myur ba'i rab tu bya ba yi \?\ de la </font><hr>86a<br><font size=+1>


@#/ /slob dpon gyi rab tu bya ba 'byung ste/ /de la 'di ni de bzhin gshegs pa'i dkyil 'khor gyi slob dpon du sgrub pa ste/ dkyil 'khor du de bzhin r+g+sheg+sa pa'i spyan sngar b+dz+ra bid ces bya ba'i snying po stong rtsa brgyad bzlas nas slob dpon rang gis dam tshig gi phyag rgya stong bzlas te/ slob ma dbang bskur ba'i snying po ni 'di'o/ /b+dz+ra satwa/ badz+ra ratan/ badz+ra d+harma/ badz+ra karma/ oM a mu kha ma d+hi tiShatha sarba ta thA ga ta AR+Ya dat+te swAhA/ 'di brgya bzlas pa ni snying ga la sogs pa phyag rgya bzhag nas spyi bor thams cad bzlas so/ /de nas de bzhin gshegs pa'i rigs kyi slob dpon sbyin no/ /phyag na rdo rje'i cha lugs spyi por bzung nas snying po 'di brgya'am/ brgya rtsa brgyad du zlos shig brgya bzlas pas ni de bzhin gshegs pa'i rdo rje'i slob dpon du 'gyur ro/ /brgya rtsa bzlas pas ni ting nge 'dzin gyi rdo rje slob dpon du 'gyur ro/ /de la snying po ni 'di'o/ /oM mahA su kha badz+ra satwa dzaH hUM baM hoH su ra ta s+t+waM/ de nas de'i lag tu rdo rje sbyin no/ /de nas rdo rje rigs kyi ste/ lag pa gnyis su rdo rje byin nas rdo rje rigs kyi rdo rje'i dri chus bsres pa'i bum pas dbang bskur ro/ /snying po 'di'o/ /oM badz+ra a d+hi pa d+hi twaM a b+hi Shi ny+tsA mi dri D+ho b+ha ba dzaH hUM baM hoH </font><hr>86b<br><font size=+1>


hUM phaT/ de nas pad+mo rigs kyi slob dpon du sgrub pa ni pad+ma lag tu byin nas stong rtsa brgyad bzlas te pad+ma'i phreng bas mgo bcing ngo / /snying po 'di brjod do/ /oM pad ma mA la a b+hi Shiny+tsa lo ke shwa ra ra twe swA hA hrIH rdo rje rin po che'i slob dpon du bsgrub pa ni rdo rje rin po che'i phyag rgya slob ma dbang bskur ba'i gnas su bzhag nas snying po 'di stong bzlas so/ /oM b+dz+ra ratan a b+hi Shiny+tsa ratan d+hi pa ti twe b+ha ba Ta Ta/ slob dpon gyis dkyil 'khor thams cad du btsud de dbang bskur ro/ /phyag na rdo rje slob dpon du bya ste/ yang bdag nyid kyis dkyil 'khor bris la bdag nyid la bdag gis slob dpon du dbang bskur ro/ /de la slob dpon gyi brtul zhugs ni/ 'di lta ste/ de bzhin gshegs pa'i slob dpon ni zla ba gcig gi bar du rab tu byung la bslab pa thams cad bzung ste/ rang gi lhag pa'i lha dus gsum du bsgrub bo/ /de bzhin gshegs pa'i rigs kyi slob dpon gyi brtul zhugs ni zla ba phyed kyi bar du nyin re zhing bcom ldan 'das kyi spyan sngar byin gyis brlab pa la sogs pa byas nas phyag na rdo rje'i sku'am/ rang gi lha nyid la mchod nas kyo btang gis bkug ste/ mi skyo bar bzlas te/ lam dang / lam ma yin pa'i skabs mi dbye'o/ /de nas phyag na rdo rje'i brtul zhugs </font><hr>87a<br><font size=+1>


@#/ /'byung ste/ nyin re zhing nang par langs nas bdag nyid byin gyis pa rlab pa la sogs pa byas te/ bkrus la dri zhim po dang / gos 'tsher ba dang / rgyan gyis chas te/ glu dang / sil snyan dang / bkod pa dang / sgeg pa rnams dang ldan pas bcom ldan 'das la me tog la sogs pa gsang ba'i mchod pa rnams kyis yang dag par mchod nas bcom ldan 'das dang / bdag nyid la 'dod pa'i dngos pos mchod pa bya ste/ dam tshig chen po'i de kho na nyid ci 'dod pa bzlas te/ phyed yol gyi bar du 'dod pa'i yon tan lnga spyad nas de bzhin du mchod pa byas te/ ci 'dod par bzlas so/ /de nas yang mtshan rangs par 'dod pa lnga rnams la brten cing bzlas par bya ste/ de ltar zhag bzhi'i bar du bya'o/ /de nas rdo rje rigs kyi brtul zhugs ni zla ba phyed kyi bar du smyon par bsgyur nas de bzhin gshegs pa thams cad la phyag 'tshal zhing phyag na rdo rje mchod de/ mgo sa la gtugs nas sgren mor phyung ngam/ gos gyon yang rung ste/ mgo bo rdob cing mi'o cog la gshe zhing rgyu la phyag rgya rnams kyi gar byas te/ yid kyi de bzhin gshegs pa bsams nas mtshams bcing ba la sogs pa byas </font><hr>87b<br><font size=+1>


nas bcom ldan 'das la ji ltar ba bzhin du mchod pa byas te brgya rtsa brgyad bzlas so/ /de nas pad+mo'i rigs kyi brtul zhugs ni bcom ldan 'das la mchod pa byas te/ ba'i gcin hub gang 'thungs la ba'i lci ba cung zad zos na dag pa'i brtul zhugs thams cad 'grub bo/ /de nas zhag bdun du ting nge 'dzin la mnyam par bzhag nas stong rtsa brgyad bzlas so/ /de nas nor bu'i rigs kyi brtul zhugs ni nyin re zhing rang la dbang bskur nas de bzhin gshegs pa dang / sems dpa' chen po rnams mchod de rgyal po lta bur sgom zhing rgyal po'i pho brang du song nas rgyal po'i mdun du brgya brgya zhag brgyad kyi bar du bzlas so/ /de ltar na slob dpon gyis grub pa thams cad dang / phun sum tshogs pa thams cad dang / shes pa thams cad dang / kun gyis mchod pa la sogs pa dang / las thams cad thob par 'gyur ro// slob dpon gyi rab tu bya ba'o/ /de nas las grub pa ni snying po brgya rtsa brgyad bzlas te las thams cad byas na thams cad 'grub par 'gyur ro/ /rdo rje'i phyag rgya chen po bcings nas rdo rje'i bzlas pa brgyad stong bzlas na 'jig rten pa dang / 'jig rten las 'das pa'i las thams cad la phyag rgya thams cad bcings ba tsam </font><hr>88a<br><font size=+1>


@#/ /gyis bdag dang / pha rol gnyis ka 'grub par 'gyur ro/ /sngags ni rdo rje tshig gis stong phrag brgyar bzlas na sngags thams cad thang cig bzlas pas las kun byed do/ /rig pa stong phrag brgyar bzlas na de nas rig pa thams cad thang cig bzlas pas las thams cad byed do/ /de nas snying po dang / phyag rgya dang / sngags dang / rig pa rnams 'byung ste/ b+dz+ra satwa ni snying po'o/ /satwa badz+ra ni phyag rgya'o/ /oM ni sngags so/ /khri ti ni rig pa'o/ /de nas snying po dang / phyag rgya dang / sngags dang / rig pa thams cad sgrub pa'i snying po 'byung ste/ oM mahA su kha badz+ra satwa dzaH hUM baM hoH su ra ta s+t+waM/ 'di bcom ldan 'das kyi spyan sngar rdo rje sems dpas bzlas pas glu dang / rdo rje'i tshig gis stong rtsa brgyad bzlas na snying po dang / phyag rgya dang / sngags dang / rig pa'i dngos grub thams cad 'grub par 'gyur ro/ /zhes bcom ldan 'das rdo rje sems dpas gsungs so/ /'jig rten gsum las rnam par rgyal ba'i rtog pa chen po'i rgyal po las/ phyi ma'i rgyud bshad pa'o// //de nas bcom ldan 'das la phyag na rdo rje byang chub sems dpas 'di skad ces gsol to/ /bcom ldan 'das/ bdag gis 'jig </font><hr>88b<br><font size=+1>


rten gsum las rnam par rgyal ba'i chos kyi rnam grangs 'di bshad lags na/ de bas na bcom ldan 'das ji ltar de bzhin gshegs pa rnams grub pa de sems can 'dul ba'i slad du yul gzhan du mchi ba'am/ dbul por 'gyur pa'am/ 'khrug pa'am/ phrag dog gam/ sma dbab pa'am/ sdug bsngal ba'am/ 'dod pa chung ba'am/ 'dod pa la chags pa'am/ rab tu 'byung bar sems pa'am/ gnod pa mang ba'am/ nyes pa mang ba'am/ mya ngan nam/ nad dam/ 'jigs pa mang po la sogs pa gzhan yang dad pa med par 'gyur ba de lta bur mi 'gyur bar lhag pa'i bsam pa'i chos skye ba dang / sgrib pa yongs su byang bar 'gyur ba de ltar byin gyis brlab par gsol/ de nas bcom ldan 'das kyis phyag na rdo rje la 'di skad ces gsungs so/ /dam tshig chen po de kho na nyid sku dang / gsung dang / thugs rdo rje thams cad pa/ ma thul ba 'dul ba 'di khyod kyis de bzhin du bshad pa de dag gi phyir de bzhin gshegs pa thams cad kyis byin gyis brlabs so/ /de nas sgrub pa po de dag gis dang por re zhig de brgyad stong ji lta bar bzlas nas de nyid dam gzhan dag gi yang rung ba bsgrub par bya'o/ /gang dag 'dod chags dang bral ba'i chos kyi 'dul ba de lta bu dag kyang 'byung bar </font><hr>89a<br><font size=+1>


@#/ /'gyur te/ de dag la yang snying po 'di sbyin no/ /oM b+hU sarba ta thA ga ta badz+ra satwa hoH/ sa ma ya s+t+waM/ 'di yang brgya stong du bzlas nas de nyid dam/ gzhan yang bsgrub par bya'o/ /de nas bcom ldan 'das kyi zhabs la phyag na rdo rjes phyag btsal te/ tshigs su bcad pa 'di gsungs so/ /sems can kun la phan pa'i phyir/ /rtog pa'i dam pa rab bshad pa/ /'jig rten gsum rgyal zhes bya ba/ /grub pa thams cad rab stsol mchog /gang gis brjod pa tsam gyi ni/ /sdig pa kun las rnam par grol/ /'jig rten kun na mchod pa ste/ /grub pa thams cad thob par 'gyur/ /gang dag 'dri zhing klog pa dang / /'dzin cing dad pa de bzhin te/ /de yang tshe 'di nyid la ni/ /grub pa thams cad thob 'gyur na/ /dad pa brtul zhugs brtan pa yis/ /grub par byed pa ci smos te/ /sangs rgyas phyag na rdo rje nyid/ /tshe 'di nyid la de yis thob/ /rtog pa kun kyang sbyar yang rung / /rang gis byas pa'ang de bzhin te/ /rtog pa'i rgyal po nyid bsgrubs na/ /dad pa med kyang myur du 'grub/ /bdag gi khyim du gnas pa gang / /de la bdag kyang kun 'grub phyir/ /de la bdag ni bsrung bar gnas/ /dngos grub dang ni 'dod \?\ kun dang / /'phel ba dang ni 'tshe </font><hr>89b<br><font size=+1>


med dang / /shes pa rnams dang tshe dang stobs/ /gzugs mchog nges par stsol bar bgyi/ /de nas bcom ldan 'das gdan las bzhengs te/ khams gsum mtha' dag lus dang / ngag dang / sems rdo rje'i rdul phra mo rnams kyis khyab nas de bzhin gshegs pa thams cad dang legs so zhes bya ba byin te/ legs so/ legs so/ sems dpa' chen po zhes byas nas bcom ldan 'das phyag na rdo rjes gsungs pa la mngon par dgyes par gyur to/ /'jig rten gsum las rnam par rgyal ba'i rtog pa chen po'i rgyal po kun rdzogs so// //'di'i 'gyur la lo chen rin chen bzang pos bsgyur yang zer/ rnal 'byor rgyud la mkhas pa zha lu ba rgya mtshos tshig don la legs par dpyad nas zhus dag yang 'ga' zhig rma dge blos bsgyur ro zhes kyang 'dod pa yod// </font><hr>

</table>