//rgya gar skad du/ shrI b+ha ga wAn e ka dza Ta ma hA kalpa tan+t+ra rA dza na ma/ bod skad du| dpal bcom ldan 'das ral pa gcig pa'i brtag pa'i rgyud kyi rgyal po chen po zhes bya ba/ bcom ldan 'das ral pa gcig pa la phyag 'tshal lo/ /'di skad bdag gis thos pa dus gcig na/ bcom ldan 'das cang lo can gyi gnas rdo rje'i ri bo'i zom na bzhugs te/ byang chub sems dpa' phyag na rdo rje dang / 'jigs byed rgyal po dang / klu'i dbang po dang / nyi ma dang zla ba'i gdong can dang / ye shes bkod pa'i phyag rgya la sogs pa byang chub sems dpa' sems dpa' chen po gsang ba'i de kho na nyid shin tu sbas pa'i mdzod la mnga' brnyes pa/ de bzhin gshegs pa thams cad kyi dkyil 'khor du yang dag par nges pa/ rigs dang tshogs dang dam tshig dang brtul zhugs chen po phyag rgya rgya mtsho lta bu'i tshul la gnas pa/ gsang ba bas kyang ches gsang ba'i bde ba chen po la rnam par rol pa/ thabs dang shes rab bla na med pa'i kha sbyor las nges par 'byung ba'i ye shes can/ 'gro ba thams cad kyi kun nas sdang ba dang bag la nyal 'joms pa la mkhas pa dpag 516b tu med pa dang thabs cig tu bzhugs so/ /de nas byang chub sems dpa' phyag na rdo rje stan las langs te/ pus mo g.yas ba'i lha nga sa la btsugs nas thal mo sbyar te bcom ldan 'das la 'di skad ces gsol to/ /rdo rje dbang phyug rdo rje che/ /rdo rje'i rgyal po kun bdag po/ /sangs rgyas thams cad skyed mdzad yab/ /bde chen 'khor lo bdag la gsungs/ /srid gsum thibs po sel mdzad cing / /mya ngan 'das la mi gnas pa/ /lus can kun skyob brtse chen po/ /'dren pa khyod lam bstan du gsol| |blo gros snying rje brtan ldan pas/ /thabs ni gang zhig mngon bsgoms na/ /sku lnga phyag rgya 'grub 'gyur ba/ /gtso bo de ni 'dir bshad gsol/ /rdo rje dkyil 'khor cher 'byung ba/ /'bum phrag rgyud chen las gsungs pa/ /ral pa gcig phreng dkyil 'khor gtso/ /sbas pa gang lags brtse bas gsungs/ /zhes gsol pa dang| bcom ldan 'das rdo rje dkyil 'khor ma lus pa'i bdag po rab tu dgyes pas 'dzum pa mdzad do/ /zhal gyi sgo nas 'od zer ba dog lnga phyung ste 'jig rten gyi khams thams cad snang ba byas te slar 'dus pas 'khor gyi dkyil 'khor yongs su sbyangs te bcom ldan 'das nyid la bskor ba lan gsum byas nas spyi gtsug 517a @#/ /tu nub par gyur to/ /de nas yang dbu'i gtsug tor gyi nor bu las zla ba dang kun de lta bu'i 'od zer dkar po byung ste dbu'i steng du dkyil 'khor chen po mngon par 'byung ba'i rnams par bkod pa mngon sum du gsal bar mdzad do/ /de nas bcom ldan 'das kyis byang chub sems dpa' sems dpa' chen po phyag na rdo rje la 'di skad ces bka' stsal to| |snying rje chen po khyod sems can thams cad la phan pa dang bde ba'i phyir de bzhin gshegs pa thams cad kyi dkyil 'khor mngon par 'byung ba'i mdzod/ rdo rje sgeg pa chen po ral pa gcig pa'i gsang ba mchog zhus pa legs so legs so/ /rdo rje 'chang / 'di ni/ khyod kyi dus yin zhing / 'di ni/ khyod kyi snang bar byed pa yin no/ /nga yang sngon rdo rje ri bo'i zom 'di nyid du byang chub sems dpa' skar ma la dga' ba zhes bya bar gyur pa na de bzhin gshegs pa thams cad dang ye shes ral pa gcig pa'i gsang ba lhan cig tu rnam par rol pas sems can dpag tu med pa smin par byas pa rjes su dran no/ /de bas na khyod kyis snying rje chen po dang thabs la mkhas pas gsang sngags kyi nges par 'byung ba'i rtogs pa 'di legs par nyon la yid la zungs shig dang ngas khyod la bshad do/ /byang chub sems dpa' phyag na rdo rje bcom ldan 'das kyi ltar nyan pa dang / bcom ldan 'das kyis bka' stsal pa/ oM AH hUM oM AH hrIM trAM 517b hUMH oM AH sarba ta tha ga to gar+b+he badz+ra ta twa sarba dz+nyA na hUM phaT swAhA/ oM AHsarba ta thA ga to mA tri badz+ra ta twa bA ya sa ra baM hUM phaT swAhA/ oM AH badz+ra dz+nyA na hUM phaT/ oM AH badz+ra pA ya hUM phaT/ oM AHbadz+ra tsakra A hUM phaT swAhA/ oM AH badz+ra rat+na i hUM phaT swAhA/ oM AHbadz+ra pad+ma u hUM phaT swAhA/ oM AH badz+ra bi shwa e hUM phaT swAhA/ oM AH badz+ra mo ha aM hUM phaT swAhA/ oM AH badz+ra war+N+Na I hUM phaT swAhA/ oM AH badz+ra rA ga u hUM phaT swAhA/ oM AH badz+ra dwe Sha ai hUM phaT swAhA/ oM AH badz+raH s+thI ra au hUM phaT swAhA/ oM AH badz+ra yo ga aM hUM phaT swAhA/ oM AH badz+ra dz+wa la a hUM phaT swAhA/ oM AH badz+ra ba la A hUM phaT swAhA/ oM AH badz+ra rU pa Ni ka hUM phaT swAhA/ oM AH badz+ra shabad tsa hUM phaT swAhA/ oM AH badz+ra gan+d+ha Ta hUM phaT swAhA/ oM AH badz+ra ra sa ta hUM phaT swAhA/ oM AH badz+ra spaR+she pa hUM phaT swAhA/ oM AH badz+ra d+har+m+ma ya hUM phaT swAhA/ oM AH badz+ra k+She tra sha hUM phaT swAhA/ oM AHbadz+ra A lo ka k+Sha hUM phaT swAhA/ oM AH badz+ra aM ku sha r-i hUM phaT swAhA/ oM AH badz+ra pA sha r-I hUM phaT swAhA/ oM AH badz+ra baM d+hi l-i hUM phaT swAhA/ oM AHbadz+ra g+haN+Da l-i hUM phaT swAhA/ oM swa b+hA wa shud+d+ha sarba d+harmA b+ha ba shud+d+honyahaM/ oM badz+ra shud+d+haH sar+b+ba d+harmaH badz+ra shud+d+honyahaM/ oM yo ge shud+d+haH sarba d+harmA yo ga 518a @#/ /shud+d+honyahaM/ rdo rje mi bskyod ral pa gcig /mi bskyod pa ni byang sems bcas/ /rdo rje sgron ma rdo rje dang / /rdo rje zhags pa rnam par bsgom/ / gti mug bag chags 'dod chags dang / /zhe sdang rdo rje 'khor lor gnas/ /ri rab nyi zla ba dan las/ /'byung bzhi'i rdo rje de bzhin no/ /khyams bzhir me long pi wang dang / /dri mchog zhal zas las byung ba/ /gzugs sgra dri ro rdo rje mo/ /mkhas pas rtag tu mnyam par gzhag /phyogs bral na bza' chos 'byung dang // maN+Dal mar me las skyes pa/ /reg chos zhing dang snang ba yis/ /sgo bzhi lcags kyu zhags pa dang / /lcags sgrog dril bu yongs gyur pas/ /rdo rje lcags kyu la sogs bsgom/ /rang mtshan ka pA las rab mdzes/ /gtum drag tshang tshing 'khrigs pa dang / /'ur 'ur 'bar bas khyab pa dang / /keng rus 'jigs rung shar sogs kyi/ /phyogs su g.yon bskor gyis legs gnas/ /ha har dgod pa dbang ldan du/ /byin zar dpal gyi nags tshal lo/ /mun pa mi bzad bden bral du/ /rlung du ki li ki lir sgrog /mi mnyam med pa zur bzhi yin/ /dran dang dbang po sgo bzhi ste/ /bsam gtan bzhi ni rta babs bzhi/ /rnam 518b thar brgyad phyir ka ba brgyad/ /byang chub yan lag bdun dag phyir/ /dra ba dang ni dra ba phyed/ /phyogs bzhir tshad med bzhi yin te/ /pad+ma 'khor lo shes rab thabs// rnam par shes brgyad yongs dag pa/ /de ni dur khrod chen po brgyad/ /zla ba me long nyi mnyam nyid/ /sa bon mtshan ma kun tu rtog /yongs gyur bya ba grub pa ste/ / nyer rdzogs chos dbyings ye shes yin/ /lnga phung dang ni dri ma bzhin/ /chen po bzhi dang spyod yul brgyad/ /rnam bzhi tshor ba rnam dag lha/ /ye shes bdag nyid 'khor lo 'o/ dgod dang phrad 'khyud 'khrig pa dag /pu dza o a go ra de ma/ ka o tri ko ka la ka hi/ pre gr-i sau su na si ma ku/ ha hi hu he ho haM/ a i u e o aM/ rnam pa sna tshogs rnam par smin/ /rnam par 'joms dang rnam mtshan bral/ /dga' dang mchog dga' dga' bral dang / /lhan cig skyes dga'i mtshan nyid do/ /dgod dang phrad 'khyud 'khrig pa dang / /bde chen dag phyir bum pa dang / /gsang ba shes rab bde ba che/ /dbang bzhi rgyal po thob par 'gyur/ /dzaH hUM baM hoH dmigs pas dub dang gzhan goms 'dod/ /rnam par mi rtog de nyid bsgom/ /rmi lam nam mkha'i sbyor ba ni/ /nyin mtshan rtag tu rnam par gzhag /spyi 519a @#/ /bo snying ga lte bar ni/ /zla ba pad+ma nyi steng du/ /haM dang hUM dang a zhes pa/ /yi ge bde gsal mi rtog rgyud/ /snying po 'pho dang thim dang gnas/ / 'gyur dang 'gul dang 'phar ba dang / /mda' bsnun bsdu dang 'gro 'ongs sbyar/ /lus med sems can ci bder 'gro/ /bstims nas 'phro zhing 'bar bar byed/ / dbang du byed dang kha sbyar bsgom/ /'dun pas sgrub dang sa bon bsgyur/ /'phen dran bar dor don sgrub 'gyur/ /tshe 'di yi ni de bzhin du/ /nying mtshams sbyor dang srid mtshams yang / /rnal 'byor rgyal po thabs ldan pas/ /bde chen sa gsum bde blag 'gro/ /srid bzhi dag dang nges pa dang / /rten 'brel 'byung dang ldog dang bsad/ /zhi rgyas dbang dang zhi la sogs/ /'di la the tshom mi bya 'o/ /gnyis sbyor rgyun mi 'chad bde dang / /kun nas 'od gsal lhan cig skyes// bung bas me tog rtsi ltar ni/ /rnam pa kun tu sgrub pa 'o/ /oM a kA ro mu khaM sarba d+har+m+ma NAM a d+ya nut+pan+na twata sar+b+ba ni swa b+hA ba hUM/ bcom ldan 'das kyis de skad bka' stsal pa dang / byang chub sems dpa' sems dpa' chen po phyag na rdo rje laM sogs pa 'khor de dag thams cad rab tu yi rang ste tshigs su bcad pa 519b 'di dag gis mngon par bstod cing mchod pa bsam gyis mi khyab pa thams cad kyis mchod pa la brtson par gyur to/ /'jig rten mgon po bcom ldan legs/ /'gro ba nyon mongs bskyab slad du| |stong pa'i ting 'dzin spangs nas ni/ /khyod kyis byams chen skur bstan mdzad/ /thugs rje chen po bcom ldan legs/ /sems can sdug bsngal bsgral slad du/ /zhi ba'i mtha' la mi gnas par/ /brtse chen rnam par 'phrul bar mdzad/ /bde chen rgyal po bcom ldan legs/ /lus can bde don bsgrub slad du/ /zag med dbyings thugs ma gzhol bar/ / dgyes chen kun tu snang mdzad legs/ /gtso bo rdo rje rgyal po legs/ /skye bo dub pa ngal bso'i phyir/ /mtha' gcig rgyun chad mi bzhugs par/ /ma lus 'tshal ba sgrub pa rmad/ / de nas 'khor gyi tshogs phal po che de dag dang / rdo rje'i rigs kyi byang chub sems dpa' chen po de dag thams cad kyang bcom ldan 'das kyis 'di skad ces bka' stsal pa'i nges par gyur pa thabs dang shes rab bsam gyis mi khyab cing gzhal du med pa'i ting nge 'dzin la gnas bzhin du thams cad byin gyi rlabs kyis sems can thams cad la phan gdags pa'i don du cho 'phrul chen po du ma bstan to/ /bcom ldan 'das kyis yang bka' stsal pa/ gang la la zhig bcom ldan 'das rdo rje mi bskyod pa'i gsang ba chen po rgyud kyi rgyal po nyan pa dang / 520a @#/ /'dzin pa dang / 'chang ba la sogs pa de dag ni nga dang rgyal ba thams cad kyis dgongs par 'gyur ro/ /rdo rje 'char ba khrag 'thung gi dkyil 'khor lha bye ba khrag khrig mang po yang de'i phyi bzhin du 'brang bar 'gyur ro/ /dran pa tsam gyis tshe rabs thams cad du yi dam byed par 'gyur ro/ /mi'am mi ma yin pa la sogs pa'i gnod pa thams cad dang / 'tshe ba dang / yang ba dang / bkra mi shis pa thams cad 'byung bar mi 'gyur ro/ /gang gi khyim na gnas pa de yang mchod rten du bya bar 'gyur ro/ /rig pa dang dngos grub thams cad kyi gter tshad med par 'gyur ro/ /bcom ldan 'das kyis de skad ces bka' stsal pa dang / byang chub sems dpa' de dag dang / lha dang / mi dang / lha ma yin dang / dri zar bcas pa'i 'jig rten yi rang ste bcom ldan 'das kyis gsungs pa la mngon par bstod do// //dpal bcom ldan 'das ral pa gcig pa'i brtag pa rdo rje'i rgyud chen po bla na med pa rdzogs so// //rnal 'byor gyi dbang phyug chen po shrI dz+ra ga ta mi tra A nanada'i bka' drin la brten nas rgya gar gyi paN+Di ta chen po badz+ra shrI kha la ru tra dang / bod kyi lots+tsha ba dge slong byams pa'i dpal gyis bsgyur ba'o/ / |