//rgya gar skad du/ bri lo ta re/ bod skad du/ /te'u lo ba'i sgrub pa/ 'phags pa 'jam dpal la phyag 'tshal lo/ /bsnyen par rdzogs pa'i rnal 'byor pas/ /drag po'i bsam pas gnas 'dug ste/ / 423a @#/ /te'u lo pags pa srog 'khor ldan/ /de yi sha khrag mchod gtor te/ /rkyal bu'i nang du bsgrub bya'i rdzas/ /rus pa ming rus ldan pa gzhug /skra yis bcings la khung bur gzhug /bdag nyid lhar bskyed mdun du ni/ /b+h+ruM las dbyug to de yis mtshan/ /de gyur dbang chen thal ba'i mdog /dbyug tho thod pa 'dzin pa ste/ /khrag dang thal bas spras pa las/ /mi srun 'khor gyis bskor ba bskyed/ /ma hA de ba shwa ra ra/ dgra bo mA ra ya tsit+ta hu ra thuM/ lha yi las la bskul nas ni/ /de yi gang yin bkug la bstim/ / rtags byung nas ni hoM du bya/ /te'u lo pa'i sha khrag spu dang rus/ /sngar gyi ling+ga bcas pa de/ /dbang phyug chen po'i zhal du dbul/ /na maH mahA b+hu ti dgra bo mA ra ya phaT/ bstan pa'i dgra 'dul las mkhan yin/ /las mkhan te'u lo pa'i rtog pa rgyud 'bum pa nas phyung ba rdzogs so// |