H432

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H432</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H432&coll=lhasa">see text in Tibetan script</a></table>347a<br><font size=+1>


rgya gar skad du/ sarba ta thA ga ta kA ya wA ka tsit+ta kr-iSh+Na ya ma ri nA ma tan+t+ra/ bod skad du/ de bzhin gshegs pa thams cad kyi sku gsung thugs gshin rje gshed nag po zhes bya ba'i rgyud/ 'phags pa 'jam dpal gshin rje gshed la phyag 'tshal lo/ /'di skad bdag gis thos pa dus gcig na/ bcom ldan 'das de bzhin gshegs pa thams cad kyi gu \?\ dang gsung dang thugs rdo rje'i btsun mo thams cad ni b+ha ga rnams la bzhugs te/ gti mug rdo rje gshin rje gshed </font><hr>347b<br><font size=+1>


dang / phra ma rdo rje gshin rje gshed dang / 'dod chags rdo rje gshin rje gshed dang / phrag dog rdo rje gshin rje gshed dang / zhe sdang rdo rje gshin rje gshed dang / tho ba gshin rje gshed dang / dbyug pa gshin rje gshed dang / pad+ma gshin rje gshed dang / ral gri gshin rje gshed dang / mtshams rnams su rdo rje tsa rtsi ka dang / rdo rje phag mo dang / rdo rje dbyangs can ma dang / rdo rje gau rI rnams mtshams su'o/ /de dag la sogs te gshin rje gshed kyi tshogs chen po dang thabs cig tu bzhugs so/ /de nas phyag na rdo rjes bcom ldan 'das rdo rje de bzhin gshegs pa thams cad kyi bdag po la gsol ba btab pa dang / de nas bcom ldan 'das de bzhin gshegs pa thams cad kyi bdag pos bdud thams cad rnam par 'joms pa'i rdo rje zhes bya ba'i ting nge 'dzin 'di nyid kyi sku gsung thugs rdo rje las nges par bton to/ /zla ba rdo rje sbyor ba yis/ /gshin rje mthar byed bsgom par bya/ /bdud rnams zhi bar bya phyir dang / /zhe sdang thams cad bsal ba'i phyir/ /'od zer lnga yis 'khrigs pa yis/ /rdo rje srung ba'i don du sgom/ /phyir mtshams rdo rje sa gzhi dang / /ra ba dra ba de bzhin no/ /de nas bcom ldan 'das de bzhin gshegs pa skyed pa po bdud 'dul ba zhes bya ba'i ting nge 'dzin la snyoms par zhugs nas gti mug rdo rje gshin rje gshed la sogs pa thams cad kyi sa bon 'di nyid kyi sku gsung thugs rdo rje </font><hr>348a<br><font size=+1>


@#/ /rnams las nges par phyung ba/ dbus su ya dang keSha ma me da yats+tsha ni rA dza sa do ru Na yo ni ra'o/ /ya sogs yi ge dang po las/ /gshin rje gshed du 'gyur ba yin/ /yi ge k+Sha nag ta mug brjod/ /yi ge ma ni phra mar gsungs/ /yi ge me ni 'dod chags nyid/ /yi ge da ni phrag dog 'gyur/ /gshin rje gshed sogs lnga ru grags/ /yi ge ya las tho bar 'gyur/ /yi ge ts+tsha las dbyug pa'i gtso| |lag na pad+ma ni yig las/ /lag na ral gri rA las yin/ /dza las tsa rtsi ka zhes brjod/ /yi ge sa las phag gdong ma/ /yi ge do las dbyangs can bsgrags/ /yi ge ru las gau r-I dran/ /na yo Ni ra mtshams kyi bzhi/ /thod ba bzhi ru 'dod pa yin/ /sna tshogs rdo rje 'jigs rung ba/ /nam mkha' rdo rje dkyil du bsam/ /de dkyil bzhugs pa'i gshin rje gshed/ /nag cing 'bar ba bsgom par bya/ /shar du gti mug rdo rje ste/ /lho ru de bzhin phra ma yin/ /nub tu 'dod chags rdo rje ste/ /de bzhin byang du phrag dog go /mtshams kyi rdo rje rtse bzhi la/ /rtsa rtsi ka sogs rnam par bsgom/ /sgo yi rdo rje rtse bzhi la/ /tho ba la sogs rnam par bsgom/ /sna tshogs rdo rje'i mtshams bzhi ru/ /mi yi mgo bo bzhi dag go /de nas bcom ldan 'das de bzhin gshegs pa thams cad kyi bdag pos gshin rje gshed po rdo rje zhes bya ba'i ting nge 'dzin la snyoms par zhugs nas zhe sdang chen po'i rigs kyi sngags gsungs pa/ oM hrIH Sh+T+ri wi kri tA na na hUM hUM phaT phaT swAhA/ de nas bcom ldan 'das de bzhin gshegs pa thams cad kyi </font><hr>348b<br><font size=+1>


bdag bos gti mug rdo rje chen po'i sngags gsungs pa/ oM dzi ni dzi ka /de nas bcom ldan 'das de bzhin gshegs pa thams cad kyi bdag pos phra ma rdo rje'i sngags gsungs pa/ oM rat+na d+h+rika /de nas bcom ldan 'das de bzhin gshegs pa thams cad kyi bdag pos 'dod chags rdo rje'i sngags gsungs pa/ oM A ro lika /de nas bcom ldan 'das de bzhin gshegs pa thams cad kyi bdag pos phrag \?\ dog rdo rje'i sngags gsungs pa| oM pra dz+nyA d+hr-i ka /de nas bcom ldan 'das de bzhin gshegs pa thams cad kyi bdag pos rdo rje tho ba'i sngags gsungs pa/ oM muD+ga ra d+hr-ika /de nas bcom ldan 'das de bzhin gshegs pa thams cad kyi bdag pos rdo rje dbyug pa'i sngags gsungs pa/ oM daN+Da d+hr-ika /de nas bcom ldan 'das de bzhin gshegs pa thams cad kyi bdag pos rdo rje pad+ma'i sngags gsungs pa/ oM pad+ma d+hr-ika /de nas bcom ldan 'das de bzhin gshegs pa thams cad kyi bdag pos rdo rje ral gri'i sngags gsungs pa/ oM khaD+ga d+hr-ika /de nas bcom ldan 'das de bzhin gshegs pa thams cad kyi bdag pos rdo rje tsa rtsi ka'i sngags gsungs pa/ oM me tog rati| de nas bcom ldan 'das de bzhin gshegs pa thams cad kyi bdag pos rdo rje phag mo'i sngags gsungs pa/ oM dwe Sha ra ti /de nas bcom ldan 'das de bzhin gshegs pa thams cad kyi bdag pos rdo rje dbyangs can ma'i sngags gsungs pa/ oM rA ga ra ti /de nas bcom ldan 'das de bzhin gshegs pa thams cad kyi bdag pos rdo rje kau rI ma'i sngags gsungs pa/ oM badz+ra ra ti /de nas de bzhin gshegs pa thams cad kyi bdag po sku gsung </font><hr>349a<br><font size=+1>


@#/ /thugs byin gyis brlab pa'i sngags gsungs pa/ oM sarba ta thA ga ta kA ya badz+ra swa b+hA ba Atam+konyahaM/ oM sarba ta thA ga ta wA ka badz+ra swa b+hA ba A tam+konyahaM/ oM sarba ta thA ga tatsit+ta badz+ra swa b+hA ba At+ma kony+haM/ de nas bcom ldan 'das 'das de bzhin gshegs pa thams cad kyi bdag po zhe sdang chen po'i sku nges bar bstan pa/ zhal gsum phyag drug khros pa la/ /in+d+ra nI la 'dra ba'i mdog /phyag na rdo rje bsnams pa nyid| |gshin rje gshed ni bsgom bar bya/ /zhal gsum phyag drug zhi ba la/ /gsal ba'i gzugs dang 'dra ba'i 'od/ /phyag na 'khor lo bsnams pa nyid/ /gti mug rdo rje rnam bsgom bya/ /zhal gsum phyag drug rgyas gyur ba/ /gser gyi rnam pa'i 'od dang ldan/ /phyag na rin chen bsnams pa nyid/ /phra ma rdo rje rnam bsgom bya/ /zhal gsum phyag drug dbang byed pa/ /pad+ma rA \?\ tshungs pa'i 'od/ /phyag na pad+ma bsnams pa nyid| |'dod chags rdo rje rnam bsgom bya/ /zhal gsum phyag drug thams cad la/ /rin chen margad 'od dang ldan/ /phyag na shubs can bsnams pa nyid/ /phra ma rdo rje rnam bsgom bya/ /de bzhin gshegs pa thams cad kyi sku gsung thugs gshin rje gshed nag po'i rgyud las/ mngon par rtogs ba'i rim par phye ba ste le'u dang po'o// //de nas bcom ldan 'das de bzhin gshegs pa thams cad kyis bcom ldan 'das rdo rje sems dpa' chen po la bstod pa/ gshin rje gshed po rab 'jigs pa/ /gti mug rdo rje'i ri ngo bo khyod/ /ston pa sangs rgyas kun rang bzhin/ /rdo rje sku la phyag 'tshal bstod/ /gshin rje gshed po rab </font><hr>349b<br><font size=+1>


'jigs pa'i/ /phra ma rdo rje'i ngo bo khyod/ /rdo rje thugs dang rab ma tshungs pa/ /rdo rje rin chen phyag 'tshal bstod/ /'dod chags rdo rje'i ngo bo khyod/ /gshin rje gshed po rab 'jigs pa/ /rdo rje gsung dang rab mtshungs pa/ / rdo rje gsung la phyag 'tshal bstod/ /phrag dog ngo bo'i ring bzhin khyod/ /gshin rje gshed po las kun pa/ /rdo rje chags dang rab tu mtshungs/ /phyag na ral gri phyag 'tshal bstod/ /sangs rgyas kun gyi dngos po khyod/ / sangs rgyas thams cad gcig bsdus pas/ /sangs rgyas kun mchog gtso bo'i gtso/ /dkyil 'khor gtso la phyag 'tshal bstod/ /rdo rje mig dang /rdo rje sna ba dang / rdo rje lce dang / rdo rje lus dang /rdo rje thugs zhes bcom ldan 'das kyis gsungs pa ni/ mig la sogs pa byin gyis brlab pa'i cho ga'o/ /de nas yang dag bshang bya ba/ /'dod pa'i don grub sgrub byed pa'i/ /gshin rje gshed po nyid mtshungs pa/ /gshin rje rje 'jigs pa'i dkyil 'khor lo// skud pa gsar pa legs bsgrims la/ /legs pa'i tshad la mdzes pa yis/ /skud pa byas pas thig gdab bo/ /gshin rje tshogs kyi dkyil 'khor lo/ /mtshan rnams thams cad rab rdzogs shing / /bar chad thams cang rab nyams pa/ /zhi ba la sogs rab 'jug pa'i/ /dkyil 'khor 'khor lo'i cha byad la/ /rtse mo lnga dang mnyam ldan pa'i/ /las kyi rdo rje de la bris/ /rdo rje 'bar ba 'khrigs pa yis/ /rdo rje de yi dbus su bri/ /ral gri byang gi phyogs su bri/ /'khor lo'i 'od kyis bskor ba yi/ /'khor lo shar gyi phyogs su bri/ /'od kyi phreng ba mnyam 'phro ba'i/ /rin po che ni lho ru bri/ /pad+ma rA ga'i mdangs 'dra'i 'od/ /pad+ma nub kyi phyogs su bri/ /'od zer lnga dang mnyam ldan pa'i// </font><hr>350a<br><font size=+1>


@#/ /shar gyi mtshams su 'khor lo bri/ /lho ru rdo rje bri bar bya/ /nub tu pad+ma'i me tog ni/ /yu ba dang bcas kha bye gsal/ /'od kyi phreng ba mnyam 'phro ba'i/ /ut+pal la ni byang du bri/ /shar gyi sgor ni tho ba ste/ /dbyig pa de bzhin lho yi sgor/ /'dam las skyes pa nub kyi sgor/ /byang du rdo rje ral gri'o/ /shes pas dkyil 'khor rdzogs pa la/ /mchod pa khyad par 'phags pa ni/ /'dod pa'i yon tan lnga dag gis/ /'jigs pa med par mngon par mchod/ /de bzhin gshegs pa thams cad kyi sku gsung thugs gshin rje gshad nag po'i rgyud las/ dkyil 'khor chen po'i rim par phye ba ste le'u gnyis pa'o// //de nas bcom ldan 'das de bzhin gshegs pa thams cad kyi bstod pa'i rgyal po 'dis bstod nas gsol ba btab pa/ sdig pa thams cad 'joms pa yi/ /'jigs pa'i gshin rje 'doms dkyil 'khor/ /dkyil 'khor thams cad kyi gtso bo/ / mgon po dkyil 'khor bri bar mdzod/ /de nas bcom ldan 'das rdo rje 'dzin chen pos nyid kyi sku gsung thugs rnams las bdud rtsi myang ba'i cho ga nges par phyung ba/ oM AH hUM/ rdo rje me lce sbyor ba yis/ /rdo rje can kun mnyes pa dang / /rdzogs pa'i sangs rgyas thams cad bzhugs/ /ye shes 'byung gnas ngo bo nyid/ /dgug pa dang ni gzhug </font><hr>350b<br><font size=+1>


pa dang / /bcing dang de bzhin dbang bya nyid/ /tho ba la sogs sngags bzhi yis/ /mnyam par gzhag pas rnam par bsgom/ /ma he rdo rje rnam bsgoms la/ /dkyil 'khor gtso bo rnam bsgom bya/ /zla ba'i dkyil 'khor dbus gnas par/ /gti mug rdo rje rnam bsgom bya/ /rta bdun ldan pa'i dbus gnas pa/ /phra ma zhes bya rnam bsam bya/ /dkyil 'khor dam pa'i dbus gnas pa/ /'dod chags rdo rje rnam bsgom bya/ /las kyi dkyil 'khor dbus gnas pa/ /rdo rje las ni bsgom par bya/ /zhi ba'i gti mug rdo rje ste/ /rgyas pa de bzhin phra ma yin/ /'dod chags rdo rje dbang du byas/ /rdo rje las kyis thams cad du'o/ /rdo rje las kyi sbyor ba yis/ /mi tshil mi yi thod par gzhag /de bzhin mi skras sdong bu bya/ /dur khrod dag tu du ba bsgrub// mig sman dag ni de bzhin du/ /mig sman las kyi sgom pa dang / /las kyi bzlas pa'i sbyor ba yis/ /mig sman 'di ni 'grub par 'gyur/ /khrag dang gur gum bzung byas nas/ /sgrub pa byug pa bsgrub par bya/ /las kyi rdo rje sbyor pa yi/ /rkang ba byug pa 'grub par 'gyur/ /bdud rtsi lnga ni mnyam pa la/ /sha lnga dang ni ldan pa yis/ /lcags gsum du ni bcug byas na/ /las kyi sbyor bas 'grub par 'gyur/ /kan+ta'i lcags kyi ral gri ni/ /las kyi sbyor pa bsgrub par bya/ /las kyi rdo rje sbyor ba yis/ /las kyi ral gri rab 'grub 'gyur/ /de bzhin gshegs pa </font><hr>351a<br><font size=+1>


@#/ /thams cad kyi sku gsung thugs gshin rje gshed nag bo'i rgyud las/ las kyi rim bar phye ba ste le'u gsum pa'o// //de nas de bzhin gshegs pa thams cad kyis bcom ldan 'das rdo rje 'dzin chen po la bstod pa'i rgyal po 'dis bstod nas gsol ba btab pa/ las kyi dbye ba'i dbye ba las/ /sems can 'jug pa ji ltar 'gyur/ /rdo rje chen pos bshad du gsol/ /yon tan rgya mtsho rnams nyan lags/ /de nas rdo rje 'dzin rgyal pos/ /las ni thams cad rab sgrub pa/ /nyes kun gsol ba'i bdag nyid kyis/ /'di skad kyi ni tshig gsungs so/ /bcom ldan 'das de bzhin gshegs pa thams cad thugs rdo rje nyid kyi mthus phyag 'tshal zhing mchod pa byas nas bcom ldan 'das la lan gsum bskor ba byas te yang dang yang du phyag byas nas bcom ldan 'das kyi gsung nyan to/ /de nas rdo rje 'dzin rgyal pos/ /dbang du bya ba'i 'khrul 'khor bstan/ /gshin rje gshed kyi 'khor lo mchog /ma byung 'byung bar mi 'gyur ro/ /bud med dbang du bya ba dang / /bsrung ba'i don dang de bzhin du/ /zhi ba ro tsa nas bzung ste/ /gro ga'am de bzhin smyug shun la/ /'khor lo gnyis ni mnyam bris nas/ /na maHnA mas rnam bsten la/ /nag dang yu can ma yin pa'i/ /kham phor gnyis ni </font><hr>351b<br><font size=+1>


kha sbyar te/ /mar dang sbrang rtsis bkang bar gzhug /skud pa dkar pos kham phor bcing / /shar du mngon par phyogs pa yis/ /me tog dkar pos dus gsum gtor/ /gshin rje mthar byed chu shel 'drar/ /bdag nyid bsgoms nas mdun bkod la/ /zla ba'i dkyil 'khor la gnas nas/ /bsgrub bya bltas nas dbang bskur bya/ /bdud rtsi lnga yis gang ba yi/ / bum pa dkar po zla ba 'dras/ /rdzogs sangs du mas khrus byas te/ /bltas nas sngags kyi bzlas pa brtsam/ /oM na maHhrIHSh+T+rIHwi kr-i tA na na hUM hUM phaT phaT de ba dat+ta ya shIn+taM ku ru na maH swAhA| zhi ba'i cho ga gsungs pa 'o/ /skyes pa zhi ba'i gur gum gyis/ /bri bya de bzhin rgyas pa yang / /'khor lo gnyis ni kha che yi/ /swAhAs ming ni brgyan pa yi/ /bsgrub bya'i ming ni bris byas la| |mar dang sbrang rtsis bkang nas ni/ /kham phor kha sbyar nang du gzhug /skud pa ser pos bcings nas ni/ /me tog ser po dus gsum gtor/ /byang du kha bltas mdog ser ba'i/ /gshin rje gshed du bdag nyid bsam/ /bsgrub bya zla ba ser nag la/ /bum pa ser pos bskru bya zhing / /dbang bskur ba ni bsgoms byas la/ /spros la rgyas pa'i bzlas pa bya/ /oM hrIHSh+T+rI wi kr-i tA na na hUM hUM phaT phaT swAhA/ de ba dat+ta puSh+T+riM ku ru swAhA/ oM hrIHSh+T+rIHwi kr-i tA na na hUM hUM phaT phaT bau Sha Ta de ba dat+ta s+ya puSh+TiM ku ru bau Sha Ta swAhA/ 'di ni/ bcom ldan 'das kyis rgyas pa'i cho </font><hr>352a<br><font size=+1>


@#/ /ga gsungs pa'o/ /gro ga'am ras la rgya skyegs kyi/ /khu ba'am tsan+dan dmar bo 'am/ /srin lag gi ni khrag kyang rung / /yi ge ho yis bsten pa yi/ /'khor lo gnyis ni mnyam par bri/ /'khor lo nag po sogs bral ba'i/ /kham phor gnyis ni kha sbyar du/ /mar dang sbrang rtsis bkang pa gzhag /skud pa dmar pos bcings byas la/ / nub phyogs su ni kha bltas nas/ /me tog dmar pos mchod par bya/ /bdag nyid gshin rje mthar byed ba/ /kha dog dmar po cher 'bar ba/ /zla ba dmar po la gnas pa'o// bsgrub bya yang ni rnam bsam bya/ /rang gi lus las byung ba yi/ /'od zer dmar bo lcags kyu yis/ /bsgrub bya dgug par bya bar bsam/ /sngags ni spro zhing khri bzlas bya/ / des ni bsgrub bya nyams gyur nas/ /rkang pa gnyis su lhags gyur nas/ /gos bral skra ni bshig gyur ba/ /rnam par bsam la bzlas pa brtsam/ /gal te dbang du ma gyur na// mar la sogs pa bral byas la/ /du ba med pa'i seng ldeng mes/ /'khor lo de ni sgrub pos bsro/ /oM hrIHSh+T+rIHwi kr-i tA na na hUM hUM phaT phaT swAhA/ ho de ba dat+taM ba shaM ku ru ho/ /oM hrIHSh+T+rIHwi kr-i tA na na hUM hUM phaT phaT swAhA/ bau ShaT de ba dat+ta s+ya ya ba sha ma na ya bau ShaT 'di ni/ bcom ldan 'das kyis dbang du bya ba'i cho ga gsungs so/ /dur khrod </font><hr>352b<br><font size=+1>


gos sam yang na ni/ /rang byung gis bskul ras la ni/ /khrag dang rgya skyegs bsres pa yis/ /'khor lo gnyis ni mnyam bris la/ /yi ge dza dang yi ge hrIs/ /ming ni rnam par bsten byas la| |btsun mo yi ni pad+ma'i snod/ /kha sbyor nang du btsud byas te/ /skud pa dmar pos bcings byas la/ /me tog dmar pos mchod par bya/ /bdag nyid gshin rje mthar byed pa/ / nub ka'i nyi ma dang 'dra dmar/ /lcags kyu dmar pos bkug pa yis/ /bsgrub bya dag ni rnam bsgom bya/ /snying la lcags kyus brgyab nas ni/ /ske nas zhags pas bcings byas te// gcer bu skra ni ma bcings par/ /rlung gi dkyil 'khor sbyor ba yis/ /seng+ge dmar po'i steng 'dug la/ /rdzas lnga yis ni bkru bya zhing / /'ongs pa ru ni bsam par bya/ /gal te bsgrub bya mi 'ong na/ /seng ldeng gi ni me mdag la/ /der ni bzlas pa brtsam par bya/ /brtul zhugs can gyis 'khor lo bsro/ /oM hrIHSh+T+rIHwi kr-i tA na na hUM hUM phaT phaT/ hrIHa mu kaM A kaR+Sha ya hrIH/ oM hrIHSh+T+rIHwi kr-i tA na na hUM hUM phaT phaT dzaH/ de ba dat+ta A kaR+Sha ya dzaH/ 'di ni/ bcom ldan 'das kyis dgug pa'i cho ga gsungs pa'o/ /dur khrod gos la mkhas pas ni| |yung ba yi ni khu ba yis/ /'khor lo gnyis ni mnyam par bri/ /yi ge lam gyis bsten pa yi/ /bsgrub bya'i ming yang bri bar bya/ /kham phor kha sbyor nang du ste/ /kham phor </font><hr>353a<br><font size=+1>


@#/ /ser po'i steng du gzhag /de la mkhas pas re khA bri/ /re kha bdun nam yang na bzhi/ /mnyam par bzhag pas bri bar bya/ /ri rab lcog brgyad ces grags pa/ /de yi steng du mnyam par bri/ /yi ge hUM dang yi ge baM/ /ri rab de ni bsten par bya/ /de yi steng du lam yig las/ /dbang chen dkyil 'khor dgod par bya/ /sna tshogs rdo rjes mnan pa la/ /skud pa ser pos bcings nas ni/ /gshin rje gshed po mdog ser po/ /dbang chen dkyil 'khor la gnas pa/ /bsgrub bya ser po rnams bsams la/ / ri rab kyis ni mnan byas pa/ /phyag na rdo rjes mnan byas pa/ /dbang chen dkyil 'khor gyi 'og tu/ /man+d+ha ra sogs ri bo dang / /sna tshogs ri bo rnams kyis kyang / /bsgrub bya mnan par bsgom par bya/ /de la gnas nas bzlas pa bya/ /oM hrAMHSh+T+rIHwi kr-i tA na na hUM hUM phaT phaT/ laM de ba dat+ta s+thA ne stam+b+ha ya ku ru laM/ 'di ni/ bcom ldan 'das kyis rengs par byed pa'i cho ga gsungs pa'o/ /ngag ni rengs par 'dod pa yis/ /de bzhin 'khor lo gnyis bris la/ /bsgrub bya'i ming yang bri bar bya/ /der ni sngags kyang spros la bzlas/ / oM hrIHSh+T+rIHwi kr-i tA na na hUM hUM phaT phaT/ laM de ba dat+ta s+ya ya thA sra ra thA/ ga ra grit+te nan+ti bar ya sa thA a bi rU pa kaM de ba dat+to ya dz+nyA dat+ta ya s+ya bA ka stam+b+ha na ku ru laM/ bcom ldan </font><hr>353b<br><font size=+1>


'das kyis rengs par byed pa'i cho ga de skad gsungs so/ /shin tu legs par sbas pa yis/ /'di las gsungs bzhin dgongs pa dag /gshin rje gshed nag sbyong ba yis/ /nyi ma gcig gis 'grub par 'gyur/ /sngar bzhin dur khrod kyi ras la/ /'khor lo gnyis bris brtul zhugs can/ /ske tshe dang ni tshwa dang ni/ /dug dang gzhan yang nim pa dang / /tsha ba gsum dang tsha ba'i mar/ /dur khrod kyi ni sol ba dang / /d+ha dur lo ma'i khu ba dang / /tsand li 'bras mdzub mo khrag /tshwa sgo can gyi sa blangs te/ /gdol ba'i rdza ma'i dreg pa dang / /rab tu ltogs pa'i smyu gu yis/ /bcu bzhi la bris brtul zhugs can/ /khros pa'i sems kyis nyin phyed na/ /gdug pa can rnams gsad pa'i phyir/ /sems can gnod pa byed pa'i ming / /yi ge hUM gis bsten byas la/ /bdag nyid gshin rje mthar byed pa'i/ /sbyor bas lho phyogs kha bltas te/ /khro chen rab tu drag po'i gzugs/ /rus pas mgo bo rnam brgyan la/ /ma he la zhugs lce phyung 'dril/ /gsus pa che la rab 'jigs pa/ /skrag byed skra 'bar gyen du 'greng / /sma ra smin ma de bzhin ser/ /g.yas na rdo rje chen po dang / /gnyis pa na ni ral gri dang // gsum pa'i phyag na gri gug go /da ni g.yon pa'i bri bar bya/ /'khor lo dang ni pad+ma che/ /thod pa nyid ni g.yon na 'o/ /rtsa ba'i zhal ni shin tu nag /g.yas pa'i zla 'od bzang po 'dra/ / </font><hr>354a<br><font size=+1>


@#/ /g.yon pa'i dmar po yin par brtag /rdo rje rgyan gyis rab tu brgyan/ /ba spu khung nas 'jigs chen po/ /rang rigs bdag po rab 'phro ba/ /nyi ma'i dkyil 'khor steng na ni/ /zhabs ni g.yon pa brkyang bas gnas/ /mche ba gtsigs shing rgyags pa yis/ /bskal pa'i 'bar ba me dang mtshungs/ /'di lta bu yi bdag nyid kyis/ /bsgrub par bya ba mdun du dgod/ /gdug pa'i mtshon gyis brgyab pa yis/ /dri ma can la nad kyis gzir/ /gos med 'dar zhing nyam chung bas/ /don 'dod pa yi tshig smra zhing / /mtshon gyis gzir bar byas pa yis/ /rnag gi thum pos lus gang ba/ /grang ba'i rlung gis gtses gyur cing / /me yi nang du zhugs pa la/ /ma he dang ni stag dag dang / /khyi dang mchu ring can dag gis/ /sangs rgyas sde ni sngon 'jigs pa'i/ /sdig po che dag za bar byed/ /mthar byed pa yi lhor gnas pa/ /tsher mas lus ni bkang ba dang / /rkang pa shing lcags sgrog gis bsngams/ /de bzhin dum bu dum bur byas/ /pags pa dag ni bshus byas nas/ /de la tshwa dang ske tshe bskus/ /hUM zhes zer ba bsgom par bya/ /de yi lus srung la sogs la| |bcad pa dag ni mdun du dgod/ /de yi go cha'ang med byas nas/ /stong pa'i lus ni mdun du bsam/ /rang gi lus byung khro bo ni/ /gshin rje gshed sogs bdag nyid 'dras// </font><hr>354b<br><font size=+1>


de yi lus la brgyab nas ni/ /tshil bu rkang dag 'thung bar byed/ /de yi mdun du gshin rje bsgom/ /lag na dbyig pa stobs po che/ /gdug pa can des rdeg par byed/ /de yi rgyu ma'i phreng ba sogs/ /bya rgod kyis khyer mkha' la 'gro/ /sa yi 'og nas klu dang ni/ /lha ma yin la sogs pas rdeg /'di ltar bsgrub bya nyams bya ba/ /snying rje la gnas sems kyis ni/ /byed pas 'khor ba'i gnas bton nas/ /sangs rgyas zhing du 'gro bar byed/ /de nas bcom ldan 'das de bzhin gshegs pa thams cad khyad par can gyi thugs kyis 'di lta bu'i gsung phyung bar mdzad do/ / e ma'o bsad pa'i yang dag bsad/ /bsad pa ma yin sdig las dkrol/ /ji srid bsad kyang ma bsad do/ /sdig pa stong phrag byas pa yis/ /mnar med la sogs mi skye bas/ /e ma'o sangs rgyas che ba'i bdag /bsad pas byang chub thob par byed/ /sems can gsod pa bsad pa nyid/ /snying rje chen po nyid kyis byas/ /e ma'o snying rje stobs kyi mchog /snying rje dman pas 'grub mi 'gyur/ /oM hrIHSh+T+rIHwi kr-i tA na na hUM hUM phaT phaT/ hUM de ba dat+ta mA ra ya hUM phaT/ oM hrIHSh+T+rIHwi kr-i tA na na hUM hUM phaT phaT/ de ba dat+ta mA ra ya phaT/ de ni/ bcom ldan 'das kyis rnam par rtog pa'i rdo rje 'khrul 'khor dang sngags dang sman gyis bsad pa la sogs pa'i cho ga'o/ /de bzhin gshegs pa thams cad kyi sku gsung thugs gshin rje gshed </font><hr>355a<br><font size=+1>


@#/ /nag po'i rgyud las/ rim par phye ba bzhi pa'o// //de nas 'khor lo gnyis bris la/ /yi ge phaT kyis bsten pa yi/ /bsgrub bya'i ming ni bris byas la| |thod pa kha sbyar nang du gzhug /skud pa sngon pos bcings byas te/ /nyi ma phyed kyi dus su ni/ /dur khrod sa yi nang du sbas/ /gshin rje gshed kyi sbyor ba yis/ /rta dang ma he zhon pa yi| |lag na mtshon thogs bsgrub bya gnyis/ /mdun du bsgrub bya dgod par bya/ /khros pa'i lus la sprul pa'i tshogs/ /gnyis ka'i phyogs su bsam par bya/ /gnyis kas 'thab mo mang po byed/ /khros shing gdug pa'i sems ldan pa'i/ /stobs ldan khros pa bsgom par bya/ /bsgoms pas bzlas pa brtsam par bya/ /oM hrIHSh+T+rIHwi kr-i tA na na hUM hUM phaT phaT/ de ba dat+ta ya dz+nyA dat+te bi dwe ShA ya hUM phaT/ 'di ni/ bcom ldan 'das kyis dbye ba'i cho ga gsungs pa'o/ /cho ga dag ni snga ma bzhin/ /'khor lo gnyis ni bris byas la/ /yi ge hUM phaT gyis bstan pa/ /thod pa kha sbyar nang du gzhug /skud pa nag pos bcings byas la/ /sha za'i tshul du spa bar bya/ /gshin rje'i sbyor ba la gnas pas/ /mdun du bsgrub bya bsgom par bya/ /yaM byung gzhu yi dbyibs 'dra ba'i/ /rlung gi dkyil 'khor nag po la/ /de steng mdog sngon rngan rnga mo bsgom/ /de la gdug pa can bskyon la/ /lho yi phyogs su kha </font><hr>355b<br><font size=+1>


bstan te/ /khro bo'i tshogs kyis de brdeg pa/ /sangs rgyas yin yang bzlog par dka'/ /oM hrIHSh+T+rIHwi kr-i tA na na hUM hUM phaT phaT/ hUM phaT de ba dat+ta uts+tshi Ta ya naM hUM phaT/ 'di ni/ bcom ldan 'das kyis bskrad pa'i cho ga gsungs pa'o/ /khros pas rnal 'byor lhor bltas la/ /ra khrag ro bsregs thal ba dang / /dug gi tshwa dang ske tshe dang / /mar khu smyon pa'i khu ba yis/ / dur khrod ras la 'khor lo gnyis/ /rim ba 'di bzhin bri bar bya/ /bsad pa gshin rje'i lus la gnas/ /dbye ba rta dang ma he yi/ /bskrad pa rnga mo'i lus la gnas/ /zhi ba zla ba'i dkyil 'khor gyis/ /rgyas pa zla ba ser po la/ /btsun mo snying gar dbang du bya/ /ra la bskyon pas 'gugs par byed/ /ri bo'i dkyil du rengs bya gzhag /sha ra b+ha 'am seng+ges dgug /de bzhin gzhan yang mtshon par bya/ /ro tsa na dang rgya skyegs dang / /kha che yi ni khyad par gyi/ /dbang du bya ba gro gar bri/ /dge ba'i sems kyis bzung byas na/ /'grub par 'gyur te the tshom med/ / kham phor kha sbyar nang du gzhug /khwa yi sgro yi smyu gu yis/ /nyi ma phyed nas bri bar bya/ /pad+ma'i kha sbyor ro bsregs sar/ /gshin rje'i rnal 'byor bdag nyid kyis/ /oM hrIHSh+T+rIHla sogs gsang sngags bzlas/ /lho phyogs gnas te tshar gcad bya/ /mtha' yi ya bor zhi ba la/ /yi ge ni de gnyis ka dang / /phyi nas dkyil gyi ya spangs te/ /yi ge lhag ma ci bde bar/ / </font><hr>356a<br><font size=+1>


@#/ /sngon du bsnyen pa khri tsam bya/ /'dis ni las rnams rab sgrub pa/ /ye shes rdo rjes bya ba ste/ /gshin rje gshed kyi rnal 'byor pas/ /rab tu grags pa'i 'khor lo 'di/ /yi ger bris nas gnas pa dang / /'khor lo bris nas gnas pa yi/ /khyim der 'thab mo rtag tu 'byung / /de bzhin gshegs pa thams cad kyi sku gsung thugs gshin rje gshed nag po'i rgyud las/ 'khrul 'khor gyi go rim bri ba zhes bya ba ste rim par phye ba lnga pa'o// //de nas bcom ldan 'das de bzhin gshegs pa thams cad kyi bdag pos bcom ldan 'das rdo rje 'chang chen po la bstod pa'i rgyal po 'dis gsol ba btab pa/ gang gis rdo rje can mnyes pa/ /zhe sdang phyag rgya'i rnal 'byor gyis/ /rdo rje'i phyag rgyas rgyas btab pas/ /dngos grub rgya chen thob par byed/ /de nas rdo rje 'chang rgyal pos/ /'di lta bu yi gsung bsgrags so/ /dkyil 'khor gyi ni lha kun gyi/ /dbu la gshin rje gshed po bsgom/ /rtag tu dkyil 'khor bri bar bya/ /rtag tu sbyin sreg gis kyang dgang / /rtag tu dam tshig dag kyang gzung / /sdom pa dag kyang yang dag gzung / /dang po la ni cod pan dbang / /gnyis pa ral gri sbyin par bya/ /gsum pa rdo rje dril bu dang / /zla ba bza' ba bzhi pa ste/ /bzhi po 'di ni dbang chen po/ /nag po'i zhal nas byung ba yi/ /dbang 'di dag gi bye brag gis/ /rgyal ba'i sras kyis byang chub </font><hr>356b<br><font size=+1>


thob| |'byung po kun gyi gtor ma'i lus/ /sngags 'di de nas rab bshad bya/ /sngags chen bzlas pa tsam gyis ni/ /'byung po thams cad 'dar 'gyur ba/ /oM in+d+ra ya hrIHya mA ya Sh+T+rIHba ru NA ya wi/ ku pe rA ya kr-i /I shA na ya ta/ ag+na ye A/ nai ri te ye na/ bA ya be na/ tsan+d+rA ya hUM/ a kaR+Sha ya hUM/ brah+ma Ne phaT/ ba su d+ha ri N+h+ye N+ye/ bai ma tsi tri Ne swAhA/ sarba b+hU te b+h+yo hA| ha ha hi hi/ hUM hUM/ pheM pheM/ phaT phaT swAhA/ bi Ta mu tra chu bsres pas/ /dkyil 'khor gru gsum byas nas ni/ /lha rnams kyang ni tshim par byas/ /ha ha zhes kyang dran par bya/ /dkyil 'khor rim gsum bya ba ni/ /brgyad dang bcu gnyis bcu drug pa'i/ /dkyil 'khor mkhas pas bris pa la/ /sngags ni kun tu dgod par bya/ /brtul zhugs can gyis bcu gnyis par| |grub pa'i sngags rnams dgod par bya/ /rgyu dang mi rgyu'i 'jig rten gsum/ /ma lus lus pa med par 'grub/ /oM ya ma rA dza/ sa do me ya/ ya ma do ru/ Na yo da ya/ ya da yo ni ra yak+She ya/ yak+She yats+tsha/ ni rA ma ya/ hUM hUM phaT/ dkyil du ya byas shar du k+She/ /lho ru 'jam pa'i rdo rje ste/ /yi ge me ni nub tu bri/ /byang du da ste da ma na/ /bsgrub bya'i ming ni spyin bya ba// mtshams kyi stong pa dag tu 'o/ /hUM gnyis kyis ni bsten byas la/ /dgod pa thams cad sgrub par byed/ /ya tsa ni ra dzas do ru/ /na yo na ri la sogs pa/ /phyi rol rim par g.yon </font><hr>357a<br><font size=+1>


@#/ /brtsams bri/ /don kun rab tu bsgrub pa'i phyir/ /rim pa gsum pa de la ni/ /kun tu cha re bor ba la/ /shar nas brtsams nas bri bar bya/ /oM hrIHSh+T+rIHla sogs pa'i sngags/ /de yi bar dag thams cad kyi/ /cha brgyad bor ba dag la bri/ /a mu kaM ku ru/ uts+tsha Ta ya ba shiM ku ru/ bi dwe Sha ya/ shAn+tiM ku ru/ puSh+TiM ku ru/ 'di ltar g.yon nas brtsams nas ni/ /las dang rjes su mthun par ni/ /phyag 'tshal na ma tha ma'i bar/ /tha ma ru bau ShaT dang / /hUM phaT dang ldan sa bon gyis/ /zhi dang rgyas dang mthar dbang byed/ /de bzhin gshegs pa thams cad kyi sku gsung thugs gshin rje gshed nag po'i rgyud las/ 'khor lo rnam par bri ba zhes bya ba ste rim par phye ba drug pa'o// // khrag dgug pa yi sbyor ba ni/ /zhal gsum phyag drug skem pa yi/ /phyag na 'khor lo zla 'od 'dra'i/ /mkhas pas tsartsi ka bsgom bya/ /chang dag dgug pa'i sbyor ba ni/ /zhal gsum phyag drug phag gdong ma/ /rab sngo phyag na rdo rje bsnams/ /mkhas pas phag mo bsgom par bya/ /shes rab bskyed par bya ba'i phyir/ /zhal gsum phyag drug dmar ba la| |zhi ba phyag na pad+ma bsnams/ /dbyangs can brtul zhugs can gyis bsgom/ /khu ba dgug ba'i sbyor ba ni/ /zhal gsum phyag drug ral gri bsnams/ /nor bu m+r+gad </font><hr>357b<br><font size=+1>


'dra ba ni/ /gau ri mkhas pas bsgom par bya/ /de nas bcom ldan 'das rdo rje gshin rje gshed po bsad pa dang dgug pa zhes bya ba'i ting 'dzin la snyoms par zhugs nas rdo rje tsartsi ka'i sngags 'di gsungs so/ /oM tsa rtsi ke sid+d+hI n+d+ra nI la ha ri Ni rat+na tra ya a pa ka ri No ru d+hi ra a karA ya dzaH/ sngags 'di dag ni dran byas na/ /kha gdangs pa dag byas pa yin/ /'jig rten gsum gyi khrag chen po/ /'gugs par 'di la the tshom med/ /de nas bcom ldan 'das rdo rje gshin rje gshed chen po chang 'gugs pa zhes bya ba'i ting nge 'dzin la snyoms par zhugs te rdo rje phag mo'i chang 'gugs pa'i sngags gsungs pa/ oM badz+ra g+ho na su g+ho ne badz+ra mA ma kI b+ha ra b+ha ra/ saM b+ha ra saM b+ha ra/ tai d+ha tu kaR+YaM/ A kaR+Sha ya dzaH/ rdza mkhan lag pa phyis pa'i sas/ /bum pa kha mdzes nyer byas la/ /rkun ma'i skra ni rten bzhag ste/ /sngags ni rjes su dran par bya/ /sngags 'di che ba'i bdag nyid 'di/ /ba ta mchod rten dag tu bstan/ /dal gyis dmigs nas 'bad par bya/ /chad ni 'gugs par rab tu grags/ /de nas bcom ldan 'das dam tshig chen po'i gshin rje gshed rdo rje shes rab kyi pha rol tu phyin pa zhes bya ba'i ting nge 'dzin la snyoms par zhugs nas rdo rje dbyangs can ma'i sngags gsungs pa/ oM pi tsu pi tsu pradz+nyA bar+d+ha ni/ dz+wA la dz+wA la/ me d+ha bar+d+ha ni/ d+hi ri d+hi ri/ bud+d+hi bar+d+ha ni swAhA/ tshes </font><hr>358a<br><font size=+1>


@#/ /kyi dang po nas bzung ste/ /kun tu zla ba nya yi bar/ /sbyar ba'i skad ni smra bar bya/ /ji srid zla ba'i rjes 'jug pas/ /rtag tu tshigs bcang brgya zin 'di/ /ngag gi dbang phyug 'grub par 'gyur/ /khams gsum ma lus pa dag ni/ /ma lus lus pa med par 'grub/ /de nas bcom ldan 'das gshin rje gshed rdo rjes khu ba 'gugs pa zhes bya ba'i ting nge 'dzin la snyoms par zhugs nas khu ba 'gugs par byed pa'i gau rI'i sngags 'di gsungs so/ /oM A kAR+Sha Ni A kaR+Sha Ni gau ri hrIHduSh+TA ya duSh+TA ya/ shu kra ma/ a kaR+Sha ya dza dza dza hUM hUM hUM swAhA/ pad+ma kha dang rdo rje dang / /dril bu lcags kyu'i rlung sbyor gyis/ /bzlas dang sgom pa'i sbyor ba ni/ /khu ba'i tshogs ni 'gugs par byed/ /nags kyi nang ngam dben pa ru/ /las 'di dag ni bskul byas nas/ /nub bdun tsam du sbyor ba yis/ /'grub 'gyur 'di la the tshom med/ /de nas bcom ldan 'das rdo rje gshin rje gshed chen po rdo rje nag po 'jigs pa zhes bya ba'i ting nge 'dzin la snyoms par zhugs nas dbang bskur ba mchog gi dam tshig 'di nyid kyi sku gsung thugs rdo rje rnams las phyung bar mdzad do/ /u dum ba ra man+dA ra/ /ba ri dza ta ka phreng dang / /kar ni ka yi phreng ba ni/ /bu khyod zungs la byin gyis rlobs/ /ral gri chen pos khams </font><hr>358b<br><font size=+1>


gsum pa'i/ /sangs rgyas kun gyis phyag byas pa/ /'byung po thams cad 'gugs par byed/ /las kyi ral gri dam pa 'di/ /bzung na bdud las rgyal bar 'gyur/ /shes rab thabs kyi ngo bo nyid/ /rdo rje dril bu sgrub pa 'di/ /longs la slob ma yang dag gzung / /btung ba rin po che 'dis ni/ /rdo rje lus ni rab tu bsgrub/ /kun tu ye shes bu khyod kyis/ /'thungs shig ye shes las byung ba/ /slob ma'i khar yang blug bya ba/ /gshin rje gshed kyis bsgrubs pa yin/ /rdo rje slob ma bdag nyid ches/ /shin tu dga' ba'i sems su bya/ /de bzhin gshegs pa thams cad kyi sku gsung thugs gshin rje gshed nag po'i rgyud las/ 'gugs pa la sogs pa'i sbyor ba rim par phye ba ste bdun pa'o// //de nas rdo rje 'dzin rgyal po/ /srung ba'i 'khor lo sbyor bar byed/ /bgegs dang log par 'dren pa dang / /gdug pa can dag bsal phyir gsungs/ /dpal ldan ral gri 'chang ba'i bdag / srung ba'i 'khor lo sbyor bar byed/ /ral gri 'bar ba'i bdag nyid kyis/ /rig pa gsum las mchod par byed/ /sems can thams cad skyob pa yi/ /spyod pa'i tshul dang khyad par gyis| |sa dang pha rol phyin pa la/ /lha mo khyod ni dbang du gyur/ /gshin rje gshed kyi dkyil 'khor ni/ /slob dpon dag gis dkyil 'khor bri/ /gos kyis gdong ni bcangs byas la/ / </font><hr>359a<br><font size=+1>


@#/ /dkyil 'khor gyi ni mdun sgor gzhag /khyod su zhes kyang 'di skad dri/ /skal bzang bdag ces tshig tu brjod/ /gsol btab pa yi blo bzang la/ /yol ba'i nang du sbyin par bya/ /dbang bskur don du gus chen pos/ /de nas lan gsum ched du brjod/ /ji ltar sangs rgyas chos chen pos/ /rdo rje sems dpa' dbang bskur ltar/ /bdag kyang mgon pos dbang bskur zhing / /mchog kyang bdag la stsal du gsol/ /de bzhin glu dang rol mos mchod/ /de bzhin khrus dang byug pas kyang / /slob ma dad pas blug par bya| |de la bstod pa kun kyang bya/ /de nas rdo rje 'chang gi rgyal pos stong pa'i sngags gsungs pa/ oM shU n+ya tA dz+nyA na badz+ra swa b+hA ba At+ma konyahaM/ oM pU dza badz+ra swa b+hA ba At+ma konyahaM/ oM d+harmA d+hA tu badz+ra swa b+hA ba At+ma konyahaM/ zhi ba la sogs byed pa yis/ /sbyin sreg de nas bshad par bya/ /sbyin sreg gang gis grub pa yi/ /las rnams thams cad rab sgrub pa/ /zhi ba zhi ba'i sems kyis te/ /rgyas pa rgyas pa'i sems kyis so/ /dbang yang der gtang sems kyis te/ /bsad dang bskrad pa la yang ngo / /zhi ba'i dkyil 'khor zlum bo ste/ / rgyas pa yi ni rdzing bu 'dra/ /dbang du bya ba zla gam ltar/ /nam mkha'i khams 'dra bas ni bsad/ /zhi ba khru gang tshad du ste/ /de bzhin rgyas pa'i khru do ba/ /ji ltar rgyas pa de ltar </font><hr>359b<br><font size=+1>


dbang / /bsad pa la ni sor nyi shu/ /zhi ba steng du khru phyed tshad/ /rgyas pa la ni khru tsam ste/ /sor lnga gnyis ni bsad pa la/ /dbang la ji ltar de bzhin dgug /tshes gcig la ni zhi ba bya| |zla ba nya la rgyas pa ste/ /bcu bzhi la ni mngon spyod do/ /dbang gi las ni tshes brgyad la'o/ /de bzhin gshegs pa thams cad kyi sku gsung thugs gshin rje gshed nag po'i rgyud las/ sbyin sreg gi cho ga rim par phye ba ste brgyad pa'o// //rgya mtsho'i sa ni blangs byas la/ /klu yi gzugs gcig brtsams byas te/ /yi ge hUM phu snying gar ni/ /hrIH Sh+T+rIHla sogs bzlas pa bya/ /char ni mi 'bab dus dag tu/ /bzlas pa khri byas 'bab par 'gyur/ /sbrul nag po yi sha dang ni/ /nim pa'i lo ma dang bsres la/ /de la ril bu byas nas ni| |brtul zhugs can gyis rgya mtshor bzhugs/ /sngags kyi bzlas pa khri byas na/ /mtsho rlabs rengs byed mchog yin no/ /tsan+dan 'bras bu brgya blangs la/ /'bras dang mar shas bsres byas te/ /'bum phrag brgya ni rab bzlas la/ /sbyin sreg byas na lha mthong 'gyur/ /dur khrod ro bsregs yog pa'i shing / /brtul zhugs can gyis gzugs su bri| |smyon pa'i khu bas bskus byas la/ /sngags khri bzlas pas mdzes thebs 'gyur/ /grub pa'i yungs kar blangs byas na/ /'bum phrag bzhi ni bzlas byas na/ /sbrul gyis </font><hr>360a<br><font size=+1>


@#/ /bzung nas 'gyel ba la/ /gtor na 'tsho bar the tshom med/ /ri gshong chu yi sa blangs la/ /sngags kyi bzlas pa 'bum byas nas/ /mgo la bskus pa tsam gyis ni/ /mgo yi nad ni nyams par byed/ /sngags ni lan bdun mngon bzlas pa'i/ /lag pas mgo bo mnyes na ni/ /mgo ni zug gzer 'byung mi 'gyur/ /de ni 'di ltar the tshom med/ /bram ze yi ni sha dag la/ /dur khrod sa dang thal ba las/ /gshin rje gshed kyi gzugs byas te/ /phyag gnyis zhal ni gcig pa la/ /rdo rje chen po g.yas pa na/ /de bzhin mi mgo g.yon pa na'o/ /mdog ni dkar po cher 'jigs pa/ /de yis gdug pa 'joms par byed/ /bdud rtsi lnga ni sha lnga yis/ /nyin re bzhin du gtor ma sbyin/ /bdag gi dgra bo choms shig ces/ /rnal 'byor pas bdag g.yol ba gdab/ /nub mo de skad brjod pas nyal/ /dgra ni tho rangs 'chi bar 'gyur/ /chu 'gags la sogs pas gzir zhing / /yang na nad kyis thebs par 'gyur/ /dgra yi bai ro tsa na blang / /mi yi rkang sbubs yongs bkang ste/ /rab tu bkang nas 'bum bzlas na/ /shing rtser rgyu ba'i yi dwags mtshungs/ /lha rdzas dngos grub kun byed cing / /dgos pa sna tshogs rab sgrub bo/ /de bzhin gshegs pa thams cad kyi sku gsung thugs gshin rje </font><hr>360b<br><font size=+1>


gshed nag po'i rgyud las/ 'jigs byed gshin rje gshed ces bya ba'i rim par phye ba ste dgu pa'o// //ro langs chen po'i sgrub thabs ni/ /de nas yang dag bshad bar bya| |sgrub pa bzang po kun byed cing / /dgos pa sna tshogs rab sgrub pa'i/ /bzang po ma god rma med pa/ /shing la sbyangs pas bsdus byas la/ /phab la legs par bkru bya ste/ / der 'dug sngags bzlas brtul zhugs can/ /e ma'o ngo mtshar sngags kyi mthu/ /bsam pa chen pos 'o dod 'bod/ /gshin rje rnal 'byor ldan pa yi/ /yid kyis cung zad 'jigs mi bya| |rnal 'byor lam ni gang 'dod ba/ /de kun thams cad ster bar byed/ /ma he dang ni ku be ra/ /stag dang de las gzhan pa dang / /dom dang spre 'u dag la ni/ /khyi dag gi ni khyad par dang / /dug dang ske tshe tshwa dang ni/ /de bzhin tsha gsum so ban dza/ /'di dag legs par sbyar gzugs bya/ /gshin rje gshed po 'jigs pa'i gzugs/ /de la rnal 'byor pas gsol gdab/ /hrIHSh+T+rIHla sogs sngags kyis ni/ /che ge mo de bdag la stsol/ /de yi pha yis ster bar byed/ /gal te rnal 'byor pa ma phyin/ /rmi lam gshin rje gshed rdeg cing / /lho yi phyogs su khyer mthong nas/ /sad na de yi pha yis ster/ /zhal gsum phyag drug 'jigs pa la/ /in+d+ra nI la 'dra ba'i mdog /tho ba 'dzin pa'i brtul zhugs can// </font><hr>361a<br><font size=+1>


@#/ /phyag tu tho ba dgod par bya/ /zhal gsum phyag drug khros pa la/ /mdog dmar po ste khros pas 'jigs/ /'jigs pa yang ni 'jigs par mdzad/ / mkhas pas phyag tu dbyig pa dgod/ /zhal gsum phyag drug dmar ba la/ /'jigs pa chen po bsdigs pa yis/ /phyag na pad+ma dmar po bsnams/ /pad+ma zhes bya mkhas pas bsgom| |zhal gsum phyag drug ljang gu ste/ /phyag na ral gri bsnams pa yi/ /las kun byed par gyur pa 'o/ /ral gri zhes bya rnam bsgom bya/ /b+ha gar ling+ga rnam bsgom nyid/ / dkyil 'khor bdag po rnam par bsgom/ /zhe sdang rjes dran rnal 'byor gyis/ /gti mug rjes dran bsgom par bya/ /gti mug rjes dran la dmigs nas/ /phra ma rjes dran bsgom par bya| |phra ma rjes dran rnal 'byor gyis/ /'dod chags rjes dran bsgom par bya/ /'dod chags rjes dran rnal 'byor gyis/ /phrag dog dran bya brtul zhugs can/ /so so'i rigs kyi sprin rnams ni/ /ba sdu'i khung nas spro bar bya/ /nyi ma'i dkyil 'khor dbus su ni/ /gtum po'i khro bo bsgom par bya/ /zla ba'i dkyil 'khor dbus su ni/ /lha mo bzhi po rab bsgom bya/ /de bzhin gshegs pa thams cad kyi sku gsung thugs gshin rje gshed nag po'i rgyud las/ rjes su dran pa rim par phye ba ste bcu pa'o// //zhe sdang </font><hr>361b<br><font size=+1>


gis mnan 'gro mthong nas/ /zhe sdang gshin rje gshed gzugs su/ /bcom ldan gshin rje'i dbang du mdzad/ /zhe sdang thams cad zad par byed/ /gti mug gis mnan 'gro mthong nas/ /gti mug gshin rje gshed gzugs su/ /bcom ldan gshin rje gshed dbang mdzad/ /gti mug thams cad zad par mdzad/ /'gro ba phra mas mnan mthod nas/ /phra ma gshin rje gshed gzugs su/ /bcom ldan snying rje can gyis mdzad/ /phra ma thams cad zad par mdzad/ /'dod chags kyis mnan 'gro mthong nas/ /'dod chags gshin rje gshed gzugs su/ /bcom ldan snying rje can mdzad nas/ /'dod chags thams cad zad par mdzad/ /phrag dog gis mnan 'gro mthong nas/ /phrag dog gshin rje gshed gzugs su| |bcom ldan snying rje can mdzad nas/ /phrag dog thams cad zad par mdzad/ /byams pa tsa rtsi kar gsungs te/ /snying rje de bzhin phag mo 'o/ /dbyangs can ma ni dga' ba ste/ / btang snyoms gau rI yi gzugs so/ /bdag nyid dngos po thams cad kyis/ /rdzogs par byas nas dkyil 'khor gyi/ /rnal 'byor snying ga'i sa bon spro/ /'grub par 'di la the tshom med| |de nas da ni bshad bya ba/ /spyod pa yi ni mtshan nyid mchog /gshin rje gshed po 'jigs gzugs kyis/ /sku dang gsung dang thugs su 'grub/ /dgon pa chen po'i sa </font><hr>362a<br><font size=+1>


@#/ /phyogs su/ /ma he mchog ni bkug la zhon/ /sbrul dag gis ni brgyan bar bya/ /lcags kyi rdo rje gzugs par bya/ /skra yang ser po dag tu bya/ /gye na brjes pa yi khyad par gyis/ /mgo la thod pas yang dag bskor/ /sma ra lkog spu ser por bya/ /hrIHSh+T+rIHla sogs sngags brjod cing / /lcags kyi rdo rje mkha' la gsor/ /rdo rje gshin rje gshed sbyor bas/ /seng+ge'i sgra yang de la bya/ /nus pa cung zad skyes pa ni/ /rol cing grong du 'jug par bya/ /gar dang bde ba'i cha kun gyis/ /drug las skyes sogs glu blang bya/ /de nas rgyal mtshan khams mthong na/ /der ni 'o ma rab bsgrub bya/ /'o ma la sems gcig goms pas/ /phyag rgya chen po rab bsgrub bya/ /phag mo yi ni gzugs bzung ba'i/ /btsun mo kun la 'khyud pa yis/ /dpa' bo seng+ge bzhin du spyad/ /'dod pa'i don kun rab tu 'grub/ /de nas da ni bshad bya ba/ /phyag rgya ma ni rab sgrub babs/ / gsang sngags chen po yi ge gcig /de yi bzlas pa mngon bshad bya/ /yi ge hrIH las byung ba yis/ /ma he yang dag bsgom bya ste/ /rdo rje dkyil 'khor la gnas pa/ /ma he steng du bsgom par bya/ /gang yang cung zad gcod cing 'bigs/ /mtshon cha sna tshogs gzugs de ni/ /ma he sna tshogs sgrub pa yi/ /blo dang ldan pa'i phyag na bsnams/ / </font><hr>362b<br><font size=+1>


de nas yang dag bshad bya ba/ /dbyig pa gshin rje gshed sgrub thabs/ /yi ge hrI ni gsang sngags che/ /ma he chen po la bcibs pa/ /phyag ni 'bum phrag rdzogs pa'i phyag /sku ni mi ro'i thal bas bskus/ /ri rab dang ni mnyam pa'i lus/ /gser gyi sa gzhi thug par mnan/ /de nas yang dag bshad bya ba/ /bye ba'i phyag can sgrub pa'i thabs/ /yi ge hUM las byung ba'i gtso/ /wi kr-i tA na gsang sngags che/ /oM hrIHSh+T+rI wi kr-i tA na na hUM hUM phaT phaT ha hA hi hI hu hU he hai ho hau haM haH phaT swAhA/ dgos pa thams cad sgrub pa yi/ /dam tshig sgrub thabs bshad par bya/ /sngags kyis dub pas kha zas bza'/ /ngan pa dang bral rnyed dka' min/ /sha chen dang ni rta dang ni/ /glang po che yi khyad par dang / /ba lang gi dang khyi dang ni/ /bong bu rnga mo lce spyang ngo / /sngon po dang ni bsres pa yi/ /snum chen gyis ni lus byugs na/ /lus la byugs pa tsam gyis ni/ /'gro ba thams cad dbang du 'gyur/ /snang mdzad si du ba ra dang / /de bzhin bil ba'i lo ma dang / /so phag phye ma bsres pa dang / /gser shing lo ma'i khu ba rnams/ /'di yis dril phyis byas gyur na/ /khams gsum po ni dbang du 'gyur/ /dug dang chu bur de bzhin mdze/ /dril phyis byas pas nyams par byed/ /gci ba chen po btung bar bya/ /rdo rje bdud rtsi de bzhin du/ /'di ni rnal 'byor mchog gtso bo/ /rang byung me tog btung ba </font><hr>363a<br><font size=+1>


@#/ /bzhin| |de bzhin gshegs pa thams cad kyi sku gsung thugs gshin rje gshed nag po'i rgyud las/ spyod pa ston pa zhes bya ba'i rgyud rim par phye ba ste bcu gcig pa'o// //de nas bcom ldan 'das skyes bu chen po'i dam tshig rdo rje sems dpa'i ngo bo tsa rtsi ka'i rnam pa'i ting nge 'dzin la snyoms par zhugs shing phag mo'i rnam pa'i ting nge 'dzin la snyoms par zhugs pa dang / dbyangs can gyi rnam pa'i ting nge 'dzin la yang snyoms par zhugs pa dang / gau rI ma'i rnam pa'i ting nge 'dzin la yang snyoms par zhugs te mchod pa'i glu 'di dag brjod par mdzad do/ /a kye kye gshin rje gshed nag bla/ /srin po'i gzugs can rang bzhin khyod/ /bdag gis khyod mthong shin tu 'jigs/ /khros pa'i rang bzhin 'di thong mdzod/ /mtho ris sa steng sa 'og bcas/ /khyod kyi gar gyis g.yos par mdzod/ /any+dza nag po bcag 'dra ba'i/ /khro khyod ro langs zhi gar mdzod/ /rnam pa sna tshogs gzugs sprul zhing / /mdangs nag tshad ni thung ba la/ /bde chen ngo bo bro gar gyis/ /rdo rje dbyangs can ma gsol 'debs/ /hrIH Sh+T+rIHsngag+sa dang gar gyis khyod/ /srid pa gsum gyi 'khrul pa chod/ /snying rje khros pa'i dang grol gar/ /'gro bas dad ni ngo mtshar 'gyur/ /de nas yang dag bshad bya ba/ /bzlas </font><hr>363b<br><font size=+1>


pa yi ni mtshan nyid mchog /bzlas pa gang zhig rab bzlas na/ /dngos grub yangs pa thob pa ni/ /myur bar ma yin dal bar min/ /ring du ma yin thung du min/ /sngags ni cung zad thos par bzlas/ /gshin rje slob dpon mi mchog gi/ /ma he mi dang so gnyis dang / /ba lang dang ni rta dag dang / /bong bu rnga mo'i rus pa las/ /bzlas pa'i phreng ba rab bsgrub bya/ /zla ngo gcig gi bcu bzhi la/ /bdud rtsi lnga dang ldan pa yis/ /sha lnga dag ni bsdus byas nas/ /bzlas na dngos grub 'grub pa'i mchog /ril bu dag ni se so la/ /rnal 'byor pa yis gshin gshed bsgom/ /mkhas bas ni yang mi mgo ste/ /khrag gis bkang pa'i mgo bsgom bya/ /khri tsam gyi \?\ saM \?\ na \?\ 'byung po rnams/ /mkha' 'gro ma rnams stong phrag gis/ /bdud dang yi dwags tshogs kyang 'chi/ /gshin gshed rdo rje'i sbyor ba yis/ /rnal 'byor bdag nyid 'bum bzlas na/ /des ni las kun byed pa yin/ /bye ba bzlas na dngos grub ster/ / bye ba lnga bzlas smos ci dgos/ /nyin re'ang yang na zla re 'am/ /de bzhin lo ni re re 'am/ /gtor ma drug cu rtsa bzhi sbyin/ /dbyug gu drug cu rtsa bzhir shes/ /rtag tu cung zad ci za dang / /de bzhin cung zad 'thung ba dang / /gzhan yang bza' ba thams cad kyi/ /phud ni gshin rje gshed la dbul/ /de nas yang dag bshad bya ba/ /bla ma la ni yon dbul ba'o/ /las </font><hr>364a<br><font size=+1>


@#/ /ni thams cad sgrub pa dang / /bdag nyid zhi bar bya ba'i phyir/ /bdag nyid kyang ni dbul ba dang / /rta dang ba lang glang po dang / /gser dang de las gzhan pa dang // rang gi chung ma de bzhin bu/ /ma dang sring mo tsha mo dang / /de bzhin du ni spun zla dang / /na bza' sna tshogs dag dang ni/ /gdugs dang rdul yang mdzes pa dang / /khyim dang gdan dang dri zhim dang / /de bzhin glu dang rol mo dang / /ral gri dang ni rgyan dag dang / /brtul zhugs can gyis bla mar dbul/ /de bzhin gshegs pa thams cad kyi sku gsung thugs gshin rje gshed nag po'i rgyud las/ nye bar mkho ba'i las kyi khyad par thams cad zhes bya ste rim par phye ba bcu gnyis pa'o// //de nas sems can thams cad kyi| |sdig pa dag ni ji snyed pa/ /de dag gcod pa'i gri gug ste/ /zhe sdang gcod pa'i shubs can no/ /de nas yang dag bshad bya ba/ /ring po'i thod pa bsgrub pa'i phyir/ /rdo rje mkha' 'gro ma sgrub thabs/ /nam mkha'i khams kyi dbus gtogs par/ /nyi ma'i dkyil 'khor mchog bsam bya/ /gnas der rtse lnga pa yang bsgom/ /de yi steng du gnas dgod bya/ /mthing mdog nag po 'jigs tshul la/ /phyag drug 'jigs su rung ba ste/ /phyag na rdo rje rnam bsgom bya/ /phyag gzhan dag la gzhan dag dgod/ /shar du sangs rgyas </font><hr>364b<br><font size=+1>


mkha' 'gro ma/ /phyag drug gti mug rdo rje mtshungs/ /lag na 'khor lo 'jigs par byed/ /bsgom bya sbyor ba'i dkyil 'khor du/ /lho ru rin chen mkha' 'gro ma/ /phyag drug phra ma dang mtshungs pa/ /phyag na rin chen rab 'bar ba/ /nyi ma'i dkyil 'khor bsgom par bya/ /nub tu pad+ma'i mkha' 'gro ma/ /phyag drug pad+ma 'dzin pa 'o/ /byang du las kyi mkha' 'gro ma/ /ral gri 'dzin pa'i dkyil 'khor rim pa 'o/ /me la sogs pa mtshams bzhi ru/ /lha mo bsgom bya brtul zhugs can/ /lA s+ya ma le de bzhin gar/ /glu ma yi ni khyad par ro/ /las kyi cho ga mthong ba des/ /der ni sgo skyong bsgom par bya/ /thob dbyig pa dang pad+ma/ /de bzhin gzhan ni ral gri 'o/ /oM badz+ra DA ki nI/ oM bud+d+ha DA ki nI/ oM rat+na DA ki nI/ oM pad+ma DA ki nI/ oM karma TA ki nI/ laM naM gaM maM/ mtshams su'o/ /oM mung+ga dzaH/ oM daN+Da hUM/ oM pad+ma baM/ oM khaD+ga ho/ /'di ni/ bcom ldan 'das rdo rje can gyis rdo rje mkha' 'gro ma'i sgrub thabs gsungs pa'o| |ring po'i thos pa bsgrub don du/ /rdo rje mkha' 'gro ma bsgom bya/ /der ni/ gsang sngags kyi dngos grub 'grub par 'gyur te/ oM a kI sha tsa ra badz+ra DA ki nI swAhA/ de nas yang dag bshad bya ba/ /rdo rje sa 'og sgrub thabs so/ /sa 'og rnam par bsgrub don du/ /gnod mdzes rdo rje bsgom par bya/ /phyag drug mdog sngon 'jigs pa yi/ /phyag tu gtun shing dgod </font><hr>365a<br><font size=+1>


@#/ /par bya/ |dkyil 'khor gyi ni dkyil dag tu/ /'di ni rab tu dgod par bya/ /shar du spyan ma dgod par bya/ /de bzhin lho ru mA ma kI /nub tu lha mo gos dkar mo/ / sgrol ma byang gi phyogs su dgod/ /me tog spos dang de bzhin dri/ /mar me la sogs mtshams su dgod/ /tho ba la sogs sgo drung ste/ /sbrul gyis brgyan pa'i ska rags byas/ /las kyi cho ga mthong nas ni/ /dkyil 'khor 'di ltar bsgom par bya/ /rdo rje sa 'og sbyor ldan pas/ /rmi lam du ni lam mthong 'gyur/ /de nas yang dag bshad bya ba/ /bdun pa'i rgyal po'i dkyil 'khor te/ /mkha' spyod nyid ni rab bsgrub phyir/ /rta yi mchog ni rab tu bsgrub/ /phyag gnyis pa la zhal gcig pa/ /sku mdog ljang gu 'jigs par byed/ /nyi ma'i dkyil 'khor steng du gzhag /rta yi gdong pa rab mdzes pas/ /g.yas pa srad bu khu tshur bcas/ /phyag g.yon pa ni thod pa 'o/ /oM phuM phuM phuM hi hi hi/ gsang sngags 'di ni mkhas pas bzla/ / rta yi mchog tu gyur par grags/ /shar du ba Da bid bsgom bya/ /lho phyogs su ni rim gro ma/ /nub tu bdun pa'i rgyal po ste/ /rta mchog ma ni byang phyogs dgod/ /bdag po'i zhal phyag ji lta bar/ /thams cad de dang 'dra bar bsgom/ /sngags 'di yis ni thams cad du/ /gshegs su gsol bar rab tu grags/ /smyug ma'i gling bu pi wang dang / /rnga zlum rnga </font><hr>365b<br><font size=+1>


bran mtshams su gzhag /ba lang sna dang glang po'i sna/ /de bzhin gdong bzang gdong ngan te/ /gtun shing dang ni sta re dang / /lcags kyu dang ni zhags pa dang / /gar la sogs pa'i rnal 'byor gyis/ /sgo bzhi ru ni rtag tu bsgom/ /sngo chags g.yon par bsgom par bya/ /rang gi phyag mtshan de bzhin g.yas/ /ji ltar rta mchog sngags kyis ni/ /rdo rje sa 'og gi yang gter/ /rta mchog rnal 'byor nyid kyis ni/ /khams gsum nam mkha'i khams su 'gyur/ /de bzhin gshegs pa thams cad kyi sku gsung thugs gshin rje gshed nag po'i rgyud las| dngos grub nges par bstan pa ste rim par phye ba bcu gsum pa'o// //de la 'di ni/ srad bu brgyad pa'i dam tshig gi mchog ste/ oM a kA ro mu khaM sarba d+harma NAM Ad+ya nut+pan+na twAt+ta oM AHhUM/ dpal ldan gshin rje gshed bsgoms la/ /slob ma rnam snang mdzad du bsgom/ /ye shes thig mchog rtse mo rtse/ /shin tu mnyam par bzhag nas gdab| |de la 'di ni/ dkyil 'khor chen po'i dam tshig go/ /oM AH hUM/ dkyil 'khor nyis 'gyur rim par bya/ /de yi sgo yi nyi shu'i tshad/ /ba yi rnam lnga mnyam byugs pa'i| |skud pa sangs rgyas kyis rab brtags/ /de la 'di ni/ rdo rje chen po gsol ba btab pa'i dam tshig go/ /e ma ho sangs rgyas slob dpon che/ /e ma ho chos dang tshogs kyi </font><hr>366a<br><font size=+1>


@#/ /gtso| |dam tshig de nyid bdag la stsol/ /byang chub sems kyang bdag la stsol/ /de la 'di ni/ sa chen po yongs su gzung ba'i cho ga ste/ rdo rje sa'i lha mo bkug la/ /lha mo khyod ni dpang du 'gyur/ /skyob pa sangs rgyas thams cad kyi/ /spyod pa yi ni khyad par dang / /sa dang pha rol phyin pa la'o/ /sgo ni dkyil 'khor cha brgyad de/ /khyams chen dag ni bor ba la/ /bdag nyid chen pos shes par bya/ /yid du 'ong zhing legs spras pa'i/ /mu khyud sgo tsam shes par bris/ /lha yi snam bu'ang de tsam mo/ /rdo rje lha mo ldan pa yis| |glu dang rol mo gar yang dgod/ /mchod snam sgo yi byed nyid de/ /'gram dang ngos kyang de tsam mo/ /do shal sen mo do dang ni/ /nyi ma zla ba me tog phreng / /de la gos dang 'phan dag go /rtsa ba sa yi thig rgyab tu/ /tshon rtsi'i snam bu de yi phyed/ /de la snying po chen po 'dis/ /bdag nyid 'khor lo rnam par dgod/ /der ni rang gi phyag rgya'ang bsten/ dam tshig ye shes gzhug pa ste/ /de ltar dkyil 'khor bsgrub par bya/ /shar du dkar po chen po ste/ /lhor ni ser po dang ldan pas/ /nub kyi char ni dmar po 'o/ /byang du ljang gu dang ldan par/ /in+d+ra nI la'i 'od 'dra ba'i/ /dbus kyi char ni yang dag bri/ /de la phyag rgya dgod par bya/ /las kyi cho ga mthong nas ni/ /rtag tu phyag rgya mkha' mnyam pa/ /phyag rgya </font><hr>366b<br><font size=+1>


de nyid rtag tu bri/ /de yi dkyil du rdo rje bri/ /shar du 'khor lo yang dag bri/ /de lta bu la sogs pa blta/ /phyag mtshan kun tu zhal dang mtshungs/ /de la 'di yi dgang gzar ni/ /de yi yu ba'i tshad bya ba/ /khru gang dang ni ldan par bya/ /de yi dkyil 'khor rtse mo ni/ /sor bzhi po la zlum por ba/ /gting du sor gnyis zab pa la/ /de la sor phyed mchur byas pa'o/ /blugs gzar pad+ma'i 'dab 'dra ba'i/ /kha ni mthe bo'i lto gang la/ /de la sor gcig tsam zab pa/ /rgyud 'di ru ni rab tu bsngags/ /dkyil 'khor du ni ma zhugs dang / /mtshams med lnga ni byas pa dang / /sems can srog ni gcod pa dang / /nya dang sha ni mngon za dang / /chang la mngon par dad pa dang / /chad lta'i brtul zhugs 'dzin pa dang / /mngon par dbang ni ma bskur dang / /kun tu 'khyams shing ldom bu dang / /grong gi gla mi byed pas kyang / /gshin rje gshed rgyud mngon gzhol na/ /nag po'i tshig ni ji lta bar/ /grub pa 'di la the tshom med/ /de nas byams pa la sogs kyis/ /rdo rje nges pa 'di mthong nas/ /rdo rje byang chub sems dpa' kun/ /mi smra bar ni sdod par 'gyur/ /de la 'di ni/ /rdo rje dbab pa'i cho ga'o/ /'byung bzhi'i sa bon chen po yis/ /'khor lo bzhi ni rab bsgrub bya/ /gnas bzhi rab tu sbyor ba bsam/ /nam mkha' la ni g.yo bar byed/ /rkang pa dag gi 'og tu yaM/ /lte bar raM ste snying gar laM/ /mgo bo </font><hr>367a<br><font size=+1>


@#/ /la ni yi ge baM/ /yi ge ya ni nag chen po/ /drag la rngam pa rab gyur ba'i/ /gru gsum sreg ba'i me ltar 'bar/ /nyi ma'i dkyil 'khor lta bur dmar/ /rdo rje sa gzhi 'dzin bzod pa'i/ /ser po chen po gru bzhi ba/ /ri rab ri yis mnan pa yis/ /nor 'dzin de ni bsgom par bya/ /dkar po zlum po bsil chen po/ /sprin bzhin du ni char pa 'dzin| |rgya mtsho du ma chus gang ba'i/ /gangs kyi ri bo ltar bsil ba'i/ /gnas bzhi ru ni sbyor bas na/ /khar ni snang ba mtha' yas te/ /slob ma rdo rje bsgom par bya/ /myur ba ru ni 'bebs par byed/ /de la 'di ni spro ba'i cho ga'o/ /rdo rje chos ni mgon chen po/ /snang ba mtha' yas bde ba che/ /gsungs shig 'dod chags chos chen po/ /dge dang mi dge legs par bri| |khru gang nas ni brtsams nas ni/ /ji srid khru ni stong gi bar/ /slob ma chen po 'phar bar 'gyur/ /de ni dbab pa'i cho ga 'o/ /'jigs gzugs ri mo'i mtshan nyid ni/ /de nas yang dag bshad par bya/ /sa ni 'jam po blangs byas la/ /brtul zhugs can gyis bzlas pa bya/ /sran gre'u 'o ma de bzhin sha /bu ram tin ni ni la sogs/ /snum dang nim pa'i lo ma dang / /na ti de bzhin dza ge sa/ /dang por dkar bor bri bar bya/ /kha dog gzhan gyis de nas bsgom/ /rdo rgyus dang ni btsag dag las/ /rgya skyegs lta bu'i </font><hr>367b<br><font size=+1>


mdog tu 'gyur/ /yung ba de dag rams dag las/ /de bzhin kha dog ljang gur 'gyur/ /sngon po dag ni rams kyis bya/ /de bzhin du bas nag po 'o/ /ldong ros kyis ni ser po ste/ /dmar po de bzhin 'tshal gyis so/ /de la pil ba'i snying po gzhag /ha cang nyung dang mang ba min/ /mang na nag por 'gyur ba ste/ /nyung na de bzhin 'thul bar 'gyur/ /gzugs ni khro dang zhi ba 'o/ / mtshan nyid dag ni bshad par bya/ /rol ba zhi bar gsungs pa ste/ /khro bo sbom la thung bar bshad/ /sna na sor bzhi bya ba ste/ /dpral ba kos ko mchu de bzhin/ /mgrin pa 'gram pa de bzhin mtshan/ /sor bzhi dag tu bya ba yin/ /nyi shu rtsa bzhi lag pa la/ /gyen du sor ni nyi shu yin/ /lag pa rkang pa gdong ji ltar/ /mig ni mthe bong gang tsam ste/ /rna ba gnyis la sor gnyis bsgrags/ /'bras bu gnyis la de bzhin bzhi/ /mchu ni sor gnyis bsngoms pa 'o/ /lte bar sor gcig zab pa yin/ /lus ni mgrin pa bor ba yi/ /gdong ni sum 'gyur lus la dgod/ /ral ba cod pan de yi tshad/ /rin chen cod pan sor drug pa'o/ /ral pa gcig ma rab sgrub thabs/ /de nas yang dag bshad bya ba/ /gnod sbyin mo ni sgrub 'dod pas/ /ral pa gcig ma rab sgrub thabs/ /phyag gnyis pa la zhal gcig ste/ /gri gug dang ni thod pa la/ /shin tu sbom la mdog sngo ba/ /dkyil 'khor dbus su bsgom par bya/ /dzaM b+ha la ni shar du </font><hr>368a<br><font size=+1>


@#/ /bsgom| |bsu d+ha ra lho phyogs su/ /chu dbang nub tu dgod bar bya/ /byang du rna cha gos ko 'phyang / /me la sogs pa'i mtshams dag tu/ /gnod sbyin mo bzhi rab bsgom bya/ /ku ta la kye he ni gyi haM/ /ba su d+ha ri chog bzhin dgong / /der ni sgo ba rnams bsgoms te/ /tho ba la sogs mnyam par ro/ /'khor lo lnga ma mthong ba bzhin/ /de bzhin mdog ni rab sbyar bya/ /phyag mtshan bdag ni lhar 'dzin pa/ /mkhas pas phyi nas sngags bzlas te/ /oM e ka dza Ti ba su d+hA ra Ni swAhA/ puk+ka si ni rab sgrub thabs/ de \?\ nas yang dag bshad par bya/ /gang zhig bsgoms pa tsam gyis ni/ /'jig rten gsum la 'tsha nus pa/ /sku mdog ser po zhal bzhi pa/ /phyag bzhi bong bu la bcibs pa/ /puk+ka sa ya \?\ lus bsgom bya/ /zhags pa tho ba mda' dag dang / /brtul zhugs can gyis gzhu bcas bsgom/ /oM puk+ka si aM zhes sngags brjod do/ /'jam pa'i rdo rje'i dkyil 'khor ni/ /de nas yang dag bshad bya ba/ /de yi mod la mi snang bar/ /'jam pa'i rdo rje grags 'gyur ba/ /'bar ba'i gser 'od 'dra ba yi/ /ser po zhal gsum phyag drug pa/ /gzhon nu'i gzugs ni 'dzin pa'i mgon/ /mi mthong bya ba'i don du bsgom/ /shar du mdzes ma dgod par bya/ /de bzhin lho ru skra can ma/ /nub tu ser bo bsgom par bya/ /byang du nye ba'i skra can ma/ /thams </font><hr>368b<br><font size=+1>


cad phyag na ral gri dang / /'khor lo la sogs gzhan la dgod/ /thams cad zhal gsum phyag drug pa/ /sna tshogs rgyan gyis brgyan pa 'o/ /sa bon yi ge maM las byung / /dkyil 'khor gyi ni dbus na bzhugs/ /thams cad zhabs ni g.yon brkyang bas/ /ri bong can gyi gdan la bzhugs/ /'od zer can dang ri khrod ma/ /de bzhin nor 'dzin skul byed ma/ /me la sogs pa'i mtshams bzhi ru/ /bsdus pa dgod bya snying po la'o/ /mya ngan med dang yal 'dab dang / /'bras kyi snyam dbyig pa 'o/ /ser dang ljang dang yang ser po/ /dkar po'i lus ni bsgom par bya| |kun kyang zhal gsum phyag drug pa/ /dkyil 'khor dag tu gdab par bya/ /tho ba la sogs sgo ba bzhi/ /bsgoms na mthong bar mi 'gyur ro/ /de bzhin gshegs pa thams cad kyi sku gsung thugs gshin rje gshed nag po'i rgyud las/ 'jam pa'i rdo rje sgrub pa'i thabs zhes bya ba ste rim par phye ba bcu bzhi pa'o// //'phags pa dzang+gu la'i sgrub thabs/ /de nas yang dag bshad par bya/ /gang zhig bsgoms pa tsam gyis ni/ /chu yi steng nas 'gro 'gyur ba/ /ser po zhal gsum phyag drug pa/ /sa bon phu las yang dag byung / /sku chen phyag na sbrul bsnams pa/ /rma bya la ni zhon par dgod/ /shar du rma bya dgod par bya/ /de bzhin lho ru khro gnyer can/ /nub tu ri khrod lo ma can/ /byang du rdo rje lcags </font><hr>369a<br><font size=+1>


@#/ /sgrog ma| |rma bya'i sgro dang spyi blugs dang / /lo ma dang ni lcags sgrog ma/ /de dag rnam par bsgom par bya/ /ser dang dmar dang de bzhin ljang / /kha dog sngon po dbye ba nyid/ /mkhas pas 'di ltar bsgom par bya/ /de bzhin sngags 'di dag kyang bzlas/ /oM phu dza/ tho ba la sogs sgo ru dgod/ /me tog la sogs mtshams su dgod| |dzang+gu li yi sbyor ba yis/ /chu yi steng nas rtag tu 'gro/ /ku ru kul+le rab sgrub thabs/ /de nas yang dag bshad par bya/ /gang gis bsgoms pa tsam gyis ni/ /klu yi bu mo rab 'gugs pa/ /kha dog dmar po zhal bzhi pa/ /phyag brgyad dang ni rab tu ldan/ /hrI yi sa bon las byung bas/ /klu ni 'gugs par byed pa yin/ /phyag brgyad du ni klu dgod de| |mtha' yas la sogs klu rigs brgyad/ /lus ni sbrul gyis rab tu brgyan/ /brtul zhugs can gyis mdzes ma bsgom/ /sngags ni/ oM ku ru kul+le hrIHphuHswAhA/ de nas gsang ba bshad par bya/ /bsdus nas yin gyi rgyas pa min/ /gang zhig shes pa tsam gyis ni/ /lha yi bu mo 'gugs byed pa/ /phyag gnyis pa la zhal gcig ste/ /phyag na mda' dang gzhu bsnams pa/ /lus ni ser po chen po yi/ /rdo rje lus med bsgom par bya/ /shar du dga' ma bsgom par bya/ /lho ru 'dod pa'i mdzes ma bsgom/ /nub tu </font><hr>369b<br><font size=+1>


'dod pa'i lha mo bsgom/ /byang du 'dod pa'i lcags kyu 'o/ /'dod pa'i lha mo thams cad kyi/ /phyag tu mda' dang gzhu bsgom bya/ /ser dang dmar dang de bzhin ljang / /dmar skya dag ni bsgom par bya/ /mtshams rnams su ni rtag dgod pa/ /mi 'gag de bzhin mtshams kyi bdag /g.yi dang spre'u'i rgyal mtshan ni/ /sgo yi phyogs kyi bshad par bya/ /'dod pa 'gying dang 'gying bag can/ /dran dang de bzhin mda' gri can/ /lha rnams de dag thams cad kyi/ /dbu la gshin rje gshed po bsgom/ /bud med kyi ni pad+ma ru/ /rdo rje lus med bsgom par bya| |yi ge yid las yang dag byung / /kun tu 'khor bar rnam par 'phro/ /bslus shing g.yengs pa bsgom par bya/ /myos nas bde ba'i 'dod yid kyi/ /dmar po'i gos kyis yongs dkris te/ /rkang pa'i drung du lhung bar 'gyur/ /der ni sngags kyang bzlas par bya/ /yi ge oM ni ring por drang / /yi ge swAhA tha mar sbyin/ /yi ge si ti'i sngags bzlas bya/ /che ge mo zhig bdag dbang gyur/ /thams cad du ni bsgoms byas nas/ /nag po'i tshig ni ji bzhin gyis/ /rnal 'byor 'dod pas de thob 'gyur/ /de bzhin gshegs pa thams cad kyi sku gsung thugs gshin rje gshed nag po'i rgyud las/ lus med rdo rje'i sgrub thabs rim bar phye ba ste bco lnga ba'o// //he ru ga chen sgrub pa'i thabs/ /de nas yang dag bshad </font><hr>370a<br><font size=+1>


@#/ /par bya| |rnal 'byor 'khor bar bcings pa la/ /gang zhig shes bas myur grol ba/ /phyag gnyis pa la zhal gcig ste/ /kha dog sngon po phyed gar can/ /rdo rje phyag tu bsgom par bya/ /gzhan yang thod pa bsgom par bya/ /spyan gsum skra ni gyen du 'greng / /phyag rgya lnga yis rnam par brgyan/ /kha T+wAM ga ni g.yon phyogs su/ /phreng ba dag gi rkang pa brgyan/ /sa bon hUM las yang dag byung / /yi dwags la gnas rtag tu dgod/ /sangs rgyas lnga ru rab sbyor ba/ /thod pa lnga ni dbu la 'o/ /cod pan la ni mi bskyod bsgom/ / he ru kar grags bsgom par bya/ /shar du chos kyi 'khor lo ma/ /sangs rgyas byang chub lho ru 'o/ /'dod pa kun gyi 'khris ma nub/ /byang du he ru ka nyid 'dra/ /rgyan kun gyis ni rnam brgyan pa'i/ /kha dog sna tshogs rnam par dgod/ /gzugs mdzes yi dwags la bzhugs pa/ /gti mug thams cad nyer 'joms byed/ /chos 'khor a shad tha'i dbyug pa| |de bzhin yid bzhin nor bu'i shing / /lha mo rnams kyi phyag g.yas su/ /rdo rje yang ni bsgom par bya/ /chos kyi 'khor lo thams cad la/ /thod pa'i snod ni g.yon pa la| |spyan ma mA ma kI sgrol ma/ /gos dkar yid du 'ong ba rnams/ /me la sogs pa'i mtshams bzhi ru/ /'khor lo phyi rol gshin gshed do/ /shes rab mthar byed rta </font><hr>370b<br><font size=+1>


mgrin dang / /'khyil par bcas par bsgom par bya/ /'khor lo yi ni sgo srung ste/ /cho ga'i las ni mthong bas so/ /gshin rje gshed nag po'i rgyud las/ he ru ka sgrub pa'i rim par bye ba ste bcu drug pa'o// //rnam pa lnga ni bsgoms byas la/ /sangs rgyas gzugs ni bsgom par bya/ /sangs rgyas gzugs ni bsgoms pa yis/ /mkhas pas 'khor lo bsgom par bya/ /gru bzhi yi ni sbyor ba yis/ /'khor lo bskyed par bya ba ste/ /tsa rtsi ka sogs glu dang ni/ /drug las skyes sogs len par byed/ /snying rje khros pa'i dad sgrol bzhengs/ /khams gsum kun gyi gti mug gsol/ /dad sgrol gsol bas ma bzhugs bzhengs/ /bdud 'di dag las rgyal bar mdzod/ /'jig rten mgon po stong nyid ci ste bzhugs/ /dad sgrol 'jig rten bsod nams kyis bzhugs shig /byang chub 'dod pa'i 'jig rten mgron bos nas/ /khyod ni stong pa nyid la sems par byed/ /ji ltar skar mda' 'pho ba bzhin/ /byang chub sems la zhugs par gyur/ /rdo rje 'chang rang ngo bo nyid/ /snying rje dang ni 'dod chags sems/ /dang por sgom pa rnal 'byor te/ /gnyis pa rjes kyi rnal 'byor yin/ /gsum pa shin tu rnal 'byor te/ /bzhi pa rnal 'byor chen po 'o/ /rdo rje sems dpa' rdzogs pa yin/ /rnal 'byor yin par 'di ltar 'dod/ /de ni </font><hr>371a<br><font size=+1>


@#/ /rgyu mthun lha yi sku/ /rjes kyi rnal 'byor yin par grags/ /'khor lo thams cad yongs rdzogs pa/ /shin tu rnal 'byor yin par bsgrags/ /sku dang gsung dang thugs rnams dang / /lha yi mig sogs byin brlab dang / /ye shes 'khor lo gzhug pa dang / /bdud rtsi myang ba dang ni/ /mchod dang bstod pa chen po dag /rnal 'byor chen po zhes bya 'o/ /slob dpon la ni brnyas mi bya/ /bde gshegs bka' las 'da' mi bya/ /de bzhin spun la khro ba dang / /nyes pa bsgrag par mi bya 'o/ /byang chub sems kyang gtang mi bya| |bdag gzhan chos la smad mi bya/ /sems can la ni byams pa dag /nam yang gtang bar mi bya 'o/ /yongs su ma smin sems can la/ /gsang ba dag ni bstan mi bya/ /bdag sogs phung po brnyas mi bya/ /grong pa'i chos ni sun mi gdon/ /gdug la byams pa rtag tu gtang / /chos la tshad ni gzhal mi bya/ /sems can dad pa can mi bslu/ /rtag tu dam tshig bsten par bya/ /bud med shes rab rang bzhin la/ /smod pa nyes pa de bzhin no/ /rnal 'byor slong mos rgyu mi bya/ /rnal 'byor spang bar mi bya ste/ /rtag par rgyun du gsang sngags bzla| |rtag tu dam tshig la sogs bstan/ /gal te bag med byung gyur te/ /bla ma dam tshig la gnod na/ /des ni dkyil 'khor bris byas la/ /bde gshegs rnams la nyes pa </font><hr>371b<br><font size=+1>


bshags/ /snying rje can gyis mi brtag par/ /dad pas bla ma'i dam tshig srung / /nyes pa ma lus rnam spangs sems kyis ni/ /bsam gtan la sogs bzlas pa mchog gzhol bar/ / byas la rtag la bla ma bla mar bya/ /brtan cing dul la snying rje gcig tu sems/ /dad dang lhag pa'i bsam pas bzod pa 'dzin/ /slob ma bla ma la ni gus pa dang / /dad pas gshin rje gshed la gus pa la/ /brtul zhugs ldan pas de ni yongs sbyin bya/ /de nas bcom ldan 'das de bzhin gshegs pa thams cad kyi mchog tu dga' ba chen po'i ngo bo rdo rje 'chang gi gsung nye bar thos nas cang mi smra bar gyur te/ /'di lta bu'i ched du brjod pa ched du brjod do/ /brtul zhugs mthar thug thod pa chen po ltar/ /'khrul 'khor mthar thug gshin rje gshed kyi rgyud| |rgyud kyi mthar thug pa ni 'dus pa ste/ /byung bar ma gyur 'byung bar mi 'gyur ro/ /e ma'o zhi ba chen po'i chos/ /e ma'o khro bo 'jigs mdzad pa/ /e ma'o mya ngan 'das pa'i mchog /e ma'o 'khor ba zhi ba nyid/ /e ma'o 'di ni rab tu mtshar/ /nyes pa gang de yon tan gyur/ /byang chub med cing mngon rtogs med/ /dngos po ma yin bsgom bya min/ /khams ma yin zhing rnam shes min/ /nam mkha'i khams dang mtshungs pa nyid/ /nam mkha' lta bur bdag med pa/ /chos 'di bde ba chen po ste/ /sa yang ma yin chu min te/ /me min rlung </font><hr>372a<br><font size=+1>


@#/ /min nam mkha' min/ /rdo rje sems dpa'i sbyor ba yis/ /bskyed pa yang ni rab gnas nas/ /dngos po thams cad dngos med bshad/ /dngos po med ces ma bsgrags pa/ /rnal 'byor sbyor ba dang 'brel phyir/ /chad pa ma yin rtag pa yin/ /yan lag med cing kha dog med/ /thog ma bar dang mtha' spangs pa/ /dngos po thams cad med par 'gyur/ /mchog tu dga' ba'i mtshan nyid do/ /de nas bcom ldan 'das tsartsi ka chen po la sogs pas ched du brjod pa ched du brjod do/ /bsod nams sdig pa dag dang ma 'brel bas/ /mchog tu dga' ba dri med dag pa yi/ /mgon po de bzhin nyid kyi gter chen gcig pu dang / /kun kyang snying rje'i sems kyis mgon 'di yod/ /chos rnams ngo bo bde ba chen po'i dngos/ /mchog tu dga' ba 'di yi ngo bo nyid/ /de la gzugs med bsod nams med cing sdig pa med/ /skye ba dang ni 'gag pa dag ni yod pa min/ /de bzhin gshegs pa thams cad kyi sku gsung thugs gshin rje gshed nag po'i rgyud las/ byang chub kyi sems kyi rim par phye ba ste bcu bdun pa'o// //de nas gtam rgyud bshad par bya ste/ bcom ldan 'das mngon par byang chub pa'i dus su bcom ldan 'das thub pa chen po la byang chub kyi bar du gcod pa'i phyir shin tu 'jigs su rung </font><hr>372b<br><font size=+1>


ba'i 'jigs pa chen po ston cing bdud kyi dpung chen po lhags te/ /de'i dus na bdud chen po las rnam par rgyal ba zhes bya ba'i ting nge 'dzin la snyoms par zhugs te/ bcom ldan 'das nyid kyi sku gsung thugs rdo rje rnams las gshin rje gshed kyi khro bo nges par phyung ste/ /nges bar phyung nas kyang lag na rdo rje thub pa chen po'i bka' bzhin byed pa la phyag na rdo rje khyod 'di lta bu'i gshin rje gshed kyi khro bo'i gzugs su bsgyur te bdud dang / klu dang / gnod sbyin dang / lha ma yin dang / lha rnams kyang choms shig /chings shig /rtogs shig ces gsungs so/ /de'i dus na ji ltar bdag gis bcom ldan 'das kyis gsungs pa thos te/ skad cig la bzung zhing don bzung ste bsdus nas rab tu yid la byas so/ /zhes gsang ba chen po'i bdag po chen po rdo rje rigs kyi gtso bo n+nA da ku be ra'i yab kyis de skad ces gsungs so/ /o D+yan gyi yul nas yang dag par byung ba/ dngos grub thams cad skyed par byed pa/ rgyud kyi rgyal po 'bum phrag bdun pa las phyung ba gshin rje gshed nag po'i rgyud las/ le'u bco brgyad pa'o// //de bzhin gshegs pa thams cad kyi sku gsung thugs gshin rje gshed nag po'i rgyud rdzogs so// //rgya gar gyi mkhan po chen po mkhas pa dI paM ka ra shrI dz+nyA na dang / bod kyi lots+tsha ba dge slong tshul khrims </font><hr>373a<br><font size=+1>


@#/ /rgyal bas bsgyur cing zhus te gtan la phab ba/ slad kyis lots+tsha ba dge slong dar ma grags kyis bcos la de las kyang dge slong rdo rje grags kyis bcos so// </font><hr>

</table>