//rgya gar skad du/ tsan+d+ra sU tra/ bod skad du/ zla ba'i mdo/ 'phrags pa dkon mchog gsum la gus pas phyag 'tshal lo/ / 'di skad bdag gis thos pa'i dus gcig na/ bcom ldan 'das mnyan yod rgyal byed tshal mgon med zas sbyin gyi kun dga' ra ba na bzhugs so/ /de nas de'i tshe lha'i bu zla ba lha ma yin gyi dbang po sgra gcan 'dzin gyis bzung nas/ de nas lha'i bu zla bas bcom ldan 'das rjes su dran pa yid la byas te/ de'i dus su tshigs su bcad pa 'di gsol to/ /sangs rgyas dpa' bo de la 'dud/ /thams cad myur du grol bar gyis/ /bdag 'di'i kha ru bcug pas na/ /bdag ni khyed la skyabs su 'gro/ de nas bcom ldan 'das kyis lha'i bu zla ba'i ched du/ lha ma yin gyi dbang po sgra gcan 'dzin la tshigs su bcad pa bka' stsal pa/ sangs rgyas 'jig rten la brtse bas/ / dgra bcom bzhin gshegs pa la/ /zla ba skyabs su song bas na/ /sgra gcan 'dzin gyis zla ba thongs/ /de nas lha ma yin gyi dbang po sgra gcan 'dzin gyis/ lha'i bu zla 441b ba grol bar byas nas/ sngar gyi gzugs bzhin du gang su zhig gis lha ma yin gyi dbang po thags bzang ris kyis drung du song zhing song nas/ sems mi dga' zhing yi mug pas ba spu langs par gyur pas phyogs gcig tu 'dug go /phyogs gcig tu 'dug nas yang lha ma yin gyi dbang po sgra gcan 'dzin la/ lha ma yin gyi dbang po thags bzang ris kyis tshigs su bcad pa smras pa/ ci phyir yid ni skrag par gyur/ /sgra gcan 'dzin gyis zla ba thongs/ /gzugs kyi rnam 'gyur kun tu ngan/ /ci phyir 'jigs pas 'di du lhags/ /sgra gcan 'dzin gyis smras pa/ sangs rgyas tshigs bcad thos nas ni/ /zla ba bdag gis ma btang na/ /mgo bo tshal pa bdun 'gas shing / /'tsho ba la ni bde ba med/ /zla ba'i mdo rdzogs so|| ||paN+Di ta chen po A nand shrI'i zhal snga nas/ mang du thos pa'i lo tsA ba shA kya'i dge slong nyi ma rgyal mtshan dpal bzang pos skad gnyis smra ba rnams kyi gdan sa/ gtsug lag khang chen po dpal thar pa gling du bsgyur cing zhus te gtan la phab pa'o/ /sa'i steng du nyi ma dang / zla ba ltar gyur cig/ |