//rgya gar skad du| badz+ra pA Ni nI lAM wa ra bi d+hi daN+Da tan+t+ra/ bod skad du/ lag na rdo rje gos sngon po can gyi cho ga rdo rje be can gyi rgyud/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ gnod sbyin thams cad yongs su rgyu ba/ shin tu dben pa/ shin tu yongs su dag pa na gnod sbyin gyi sde dpon chen po lag na rdo rje gos sngon po can zhes bya ba/ dus gsum gyi de bzhin gshegs pa thams cad dkyil 'khor kyi khro bor dbang bskur ba/ mche ba gtsigs pa/ yid khros pa lta bu/ mig me mdag gi phung po 'dra ba/ dbugs me lce ltar 'bar ba/ 'jigs pa'i nga ro can/ lag pa dang rkang pa klu nor rgyas kyi bus brgyan pa/ klu nag po se ral khar thogs ba/ klu dga' bo dang nye dga' bos snyan brgyan pa/ sbrul 'bar ba rin po che'i cod pan thogs pa/ sbrul gdug pa 'bar ba za ba/ bzhin rgyas pa/ smin ma dpral bar bsdus pa/ ya sos ma mchu 203a @#/ /mnan pa/ gshin rje'i cha byad can/ lce glog ltar 'gyur ba/ sbrul za ba/ gsus pa che ba/ lag pa brdabs pa'i sgras 'jigs par byed pa/ klu'i rgyal po 'dab bzang ska rags su bcings pa/ a la la zhes sgrog par byed pa/ rgya mtsho'i zhabs su dpag tshad brgyad khri bzhi stong yod pas rkang pa'i pus mor phyin pa/ dbang po dang nyi ma phrag pa la rab tu khur ba/ klu thams cad brlag par byed pa'i gad rgyangs chen po dgod pas kun tu 'khrug par byed pa/ klu thams cad 'ching bar byed ba/ 'byung po thams cad 'gugs shing 'ching bar mdzad pa/ sbyor ba thams cad gcod par mdzad pa/ sbyor ba thams cad zlog par mdzad pa/ sbyor ba thams cad gnon par mdzad pa/ yon tan thams cad ma lus pa'i bdag nyid de/ gnod sbyin gyi sde dpon chen po nyi shu rtsa brgyad dang / gnod sbyin mthu bo che thams cad dang / gnod sbyin drag po thams cad dang / lha thams cad dang / klu thams cad dang / dri za thams cad dang / lha ma yin thams cad dang / nam mkha'i lding thams cad dang / mi 'am ci thams cad dang / lto 'phye chen po thams cad dang / 'byung po dang / yi dwags dang / brje byed la sogs pa dang thabs cig tu bzhugs te/ 'di ltar nyi ma dang / zla ba dang / skar ma'i tshogs lta bur bzhugs so/ /de'i tshe sa 203b yang cher g.yos so/ /'brug gi sgra yang byung / nyi ma dang skar ma yang mi snang bar gyur to/ /de nas 'phags pa lag na rdo rje gos sngon po can la 'khor thams cad kyis gsol pa/ gos sngon po can khyod ci/ bde gshegs kun gyi sprul pa 'am/ /gal te bsdus pa'i sku yin nam/ /las kyi khro bor dbang bskur ram/ /bdag cag 'khor dang bcas pa rnams/ /ji lta bu yi dus gsum bka' nyan te/ /las dang bya ba thams cad bka' stsal mdzod/ /drag po'i ting nge 'dzin ni bstan du gsol/ /zhes gsungs so/ /gleng gzhi'i le'u ste dang po'o// // de nas lag na rdo rje drag po zhes bya ba'i ting nge 'dzin tu zhugs te 'di skad ces gsungs so/ /phyag rgya gsang sngags mthu sbyor las/ /khro bo'i rgyal po bsam par bya/ /khro bo rdo rje'i ting 'dzin gyis/ /byin rlabs ya mtshan sna tshogs ldan/ /ting 'dzin de la dbang thob nas/ /las rnams sgrub la thogs pa med/ /zhi rgyas dbang dang drag po dang / /bsad rmongs sna tshogs nges par 'grub/ /de nyid 'grub par gdon mi za/ /rang gzhan 'phags dang bla ma dang / /shin tu bla ma dam pa yang / /mchod gnas dngos grub myur du 'byung / /gal te gzhan la phan 'dogs na| |sku de sna tshogs sku ru snang / /snang ba'i sgyu ma'i sku yin yang / /gdug pa 'dul phyir rags par snang / /sna tshogs de nyid bsam bral ba'i/ /dngos gzhi yang dag thar pa gcig / 204a @#/ /le'u gnyis pa'o// //gzhan yang gsang sngags sbyor ba ni/ /da ha sreg sogs gsang sngags kyis/ /thogs med las rnams grub pa yin/ /gnyis kyi 'og mas gsum pa brgyan/ /ra yi mtha' ni gsum pa'i mtha'/ /de la gnyis kyi gong ldan pa/ /zung dang rab zung ming dang ldan/ /yang ming skal ldan bsam gtan ni/ /lcags kyu'i sbyor ba rab tu bya/ /oM badz+ra pA Ni ma hA ya kA nI laM wa ra hUM phaT/ mjug rdzogs gong dang gsum pa'i mtha'/ /lan gnyis gong bzhin brdegs sngags shes/ /gsum pa'i dang po gnyis pa dang / /drug pa'i dang po yi ge ni/ /lan gnyis gong bzhin gtogs byed sngags/ /gnyis kyi dang po lnga dang pos/ /drag po dga' ba'i sa bon ldan/ /lan gnyis ldan gyur las grub pa/ /gong ma bzhin du mchod byed do/ /le'u gsum pa'o// //de nas 'phags pa lag na rdo rje gos sngon bo can sna tshogs mngon par grub pa'i ting nge 'dzin la snyoms par zhugs te 'di skad ces gsungs so/ /oM badz+ra pA Ni ma hA yak+Sha nI lAM ba ra da ha ni badz+ra hUM phaT/ gang zhig ting 'dzin rnal 'byor de/ /nyes pa kun las rab tu thar| |legs pa'i yon tan thams cad thob/ /'bras bu yang dag mngon par 'grub/ /sngags ni gang yin ming yin te/ /gdul bya'i mtha' dang ldan ba la/ /mtha' ma las sngags 204b mtha' dang ldan/ /le'u bzhi pa'o// //de nas gos sngon po can 'khor lo mngon par grub pa'i ting nge 'dzin la snyoms par zhugs te 'di skad ces gsungs so/ /'byung bzhi'i sangs rgyas \?\ ba bsgoms nas/ /so so las kyis bsgom pa ni/ /me brgyad rlung gnyis ldan par bsam/ /chu brgyad dngos po gnyis yin te/ /de bzhin sa brgyad hUM 'bras ldan/ /rlung brgyad me gnyis ldan pa ste/ /'bras bu rim gyis gnod sbyin gtso/ /sgrub pa sngags bzhin mngon par 'grub/ /e dang so so'i mtha' dang ldan/ /ma la gong mas mngon par 'grub// rgyun du rtsa ba'i gsang sngags bzlas/ /le'u lnga pa'o// //de nas 'phags pa gos sngon gyis/ /las bcu mngon par sgrub pa ni/ /ting nge 'dzin la snyoms zhugs nas/ /las bcu' sbyin sreg 'di gsungs so/ /zhi la shAn+tiM ku ru ste/ /rgyas pa puSh+TiM ku ru 'o/ /dbang la ba shaM ku ru 'o/ /drag po mA ra gsum par ldan/ /thab khung dbyibs ni las bzhi ste/ /shing ni rigs dang sbyar bar bya/ /zhi la dkar po'i shing rnams te/ /rgyas la gser shing la sogs pa'o/ /dbang la seng ldeng shing bsreg ste/ /drag po'i tsher ma can gyi shing / /gzhan gyi tsan+dan shing las bya/ /thab khung 'dab rgyas dbyibs yin te/ bi d+h+waM sa ya/ uts+tsha Ti ni/ mo ha ya mo ha ya/ stam+b+ha ya stam+b+ha ya/ ud man/ ud man/ A kaR+Sha ya A kaR+Sha ya/ ba shiM ka ra 205a @#/ /ba shiM ka ra/ rak+Sha ya rak+Sha ya/ mo ha b+ha ya/ sarba karma ku ru hUM phaT/ le'u dug ba'o// //de nas dpal ldan rdo rje 'dzin/ /gdul dka' ba ni gdul ba'i mchog /gsang ba'i bdag po gos sngon can/ /drag po chen po rab 'bar ba'i/ /ting nge 'dzin la snyoms zhugs nas/ /'khor gyi klu tshogs dbang bsdus te/ /nyen rnams zlog pa'i cho gar gsungs/ /gnas khang rim pa gsum dag la/ /phyi rol sme bsregs dpral bar bya/ /bar du phyi nang khrus byas te/ /mnyes pa'i las kyang ci nus bya/ /nang du bum pa'i dbang bskur bas/ /nyen rnams bzlog la the tshom med/ /kye ho nyen rnams 'dul ba'i mchog /e ma gsang chen drag po che/ /e ma ma rungs 'jigs pa can/ /e ma gsang sngags rnal 'byor che/ /phyag na rdo rje khyod phyag 'tshal/ /phyogs bral khro bo khyod phyag 'tshal/ /le'u bdun pa'o// //de skad ces gsungs nas 'khor thams cad dga' ba'i rjes la 'di skad ces bka' stsal to/ /thams cad ldan pa'i gtor ma la/ raM gyis sbyangs nas yaM gyis bus/ /khaM gis bkrus te dag pa la/ /baM las bdud rtsi chu rgyun bskyed/ /yaM raM dbab pa'i sbyor ba bya/ /dza yis bkug ste gtor ma bstim/ /bsam gtan lha mos mchod pa dbul/ /de nas 'khor la 'di skad bsgo/ /nga ni khro bo 205b gos sngon can/ /sangs rgyas thams cad 'dus pa'i sku/ /sangs rgyas kun gyis byin gyis brlabs/ /dbang bskur mchog thob nga yi sku/ /ci ste nga yi dam 'das na/ /gtor ma dug gi rang bzhin gyis/ /khyed rnams thal ba'i rdul du rlog /gal te dam tshig ma 'das na/ /gtor ma ye shes bdud rtsi yis/ /khyed kyi sgo gsum sgrib sbyangs nas/ /nges par legs pa'i yon tan 'thob/ /oM a kA ro mu khaM sarba d+harmA NAM/ Ad+ya nut+panan twata oM AH hUM swAhA/ le'u brgyad pa'o// //de nas dpal ldan gos sngon can/ /gdul dka' 'dul ba'i bdag po des| |bsam gtan 'khor lo med pa la/ /sngags kyi nges pa bshad par bya/ /tad+ya thA b+ho b+ho pan nA ga a d+hi pa ta ye/ i daM nI lAM ba ra d+ha ra sharI raM/ badz+ra pA Ni hrI da yaM/ yaH sa mA ti kra ma thA| ma ku la uta sA da naM/ b+ha biSh+ya ti/ las thams cad pa'i sngags so/ /las so so la klu 'dul ba'i sngags/ tad+ya thA/ bud+d+ha bud+d+ha/ bu bu d+d+ha bi bud+d+ha ma ti kra mA tha/ ha ra ha ra nA gA nAn/ bra ha ra pra ha ra nA gA nA na/ ts+tshin+da ts+tshin+da/ nA ga hri da yA ni b+hin+da b+hin+da/ nA ga marmA Ni bi ShiR+Yan+tu nA ga sha ri rA Ni/ bi s+phoT ya/ nA ga na ya ni/ tad+ya thA/ hUM phaT/ nA ga bi dA ra NI ya hUM/ nA ga u ta sA da nA ya hUM phaT/ yi dwags thams cad zlog pa ni/ nI lAM ba sa mA ya hUM phaT/ oM pra ti ha ta ba lA pa rA kramA ya phaT/ kr-i tAn+ta ya phaT/ kr-i tAn+ta rU pA ya phaT/ ro Sha NA ya phaT/ trA sanA ya 206a @#/ /phaT| kuM b+haM Dota sA da nA ya phaT/ gshin rje zlog pa'o/ /pre ta pi shA tsa bi nA sha ka rA ya phaT/ yi dwags thams cad zlog pa'o/ /yak+Sha a ba smA ra bi nA sha ka rA ya phaT| gnod sbyin la sogs pa zlog pa'o/ /ha sa ha sa/ d+ha ra d+ha ra/ mA ra ya mA ra ya/ nA sha ya nA sha ya/ sarba big+h+naM banI sha ka rA ya phaT/ bgegs thams cad zlog pa'o/ / sarba sha trUM saM g+ha bi nA sha ka rA ya phaT/ dge 'dun gyi dgra 'dul ba'o/ /ni lAM ba ra d+ha ra badz+ra pA Ni rA dz+nyA pa ya ti swAhA/ rdo rje con drag po che/ /rdo rje 'jigs pa sngags kyi bdag/ rdo rje khro bo bgegs kyi gshed/ /rdo rje mi thub 'jigs pa che/ /rdo rje las kun grub pa che/ /rdo rje lcags kyu rlung gi sbyor bas 'grub par 'gyur/ /de bzhin me yis kyang ni 'dul ngo bo khyod phyag 'tshal/ /le'u dgu pa'o// //de nas klu dgug pa'i sngags bstan te/ /rdo rje lcags kyu rlung gi sbyor bas 'grub par 'gyur/ /de bzhin me yis kyang ni 'dul bar nus pa yin/ /de ltar nus phyir dgug pa'i sngags ni bshad par bya/ /badz+ra pANi ma hA yak+Sha nI lAM ba ra nA ga hrIH gr-ih+Na gr-ih+Na hUM phaT/ A kaR+Sha ya A kaR+Sha ya hUM phaT/ bsam gtan drag pos bzlas pa bya/ /bzlas pa 'di la rab 'bad bya/ /klu rigs du ma thams cad kun/ /'gugs 'gyur 'di la gzhan du min/ /ji srid 'gugs pa'i ting 206b 'dzin gyis/ /khugs par gyur ba'i klu rnams kun/ /zangs gzhong nang du spyan drangs te/ /khro bo'i che ba brjod nas ni/ /dam tshig bsre zhing dug rnams gzhom/ /sman gyi mchog gis gsos nas ni/ /gang gnod phyogs su gshegs su gsol/ /le'u bcu pa'o// //de nas gzhan yang bshad bya ste/ /zhi ba'i las kyis mi 'dul ba'i/ /klu gzir drag sngags bstan par bya/ /oM badz+ra pA NI ma hA yak+Sha nI lAM ba ra nA ga ha na ha na hUM phaT/ nA ga da ha da ha hUM phaT/ nA ga s+phoT s+pho Ta hUM phaT/ nA ga bi s+pho Ta ya bi s+pho Ta ya hUM phaT/ nA ga gardza gardza hUM phaT/ nA ga b+han+di b+han+di hUM phaT/ bsam gtan rdo rje thogs pa yis/ /gdul ba'i steng nas gdab par bya/ /'og tu me yi 'khor lo bsam/ /me phung chen po'i ting 'dzin gyis// me 'bar glog chen dkyil du gzir/ /yungs kar yungs nag ske tshe yis/ /brdeg cing khro bo'i sprul pa spro/ /khra spyang la sogs rtsa lnga'i gsob/ /gcan gzan sna tshogs mche sder dang / /mchu sder dbab cing sprul pa spro/ /myur du thar par gdon mi za/ /le'u bcu gcig pa'o// //de nas 'phags pa gos sngon po can gyis nyid la nyid kyis mchod pa phul ba| hUM rdo rje bdug pa ma/ bdag nyid dri yis rgyas mdzad ma/ /badz+ra d+hu pe pU dzo me hUM/ hUM rdo rje me tog ma/ bdag nyid yongs su bkra mdzad ma/ /badz+ra puSh+pa pU dza me hUM/ hUM rdo rje dri chab ma/ 207a @#/ /bdag nyid dngos po dag mdzad ma/ /badz+ra gan+d+he pU dza me hUM/ hUM rdo rje mar me ma/ bdag nyid dkyil 'khor gsal mdzad ma/ /badz+ra A lo ke pU dza me hUM/ ji srid thams cad mchod pa che/ /ji srid mchod pa bde ba che/ /ji srid mchod pa bla na med/ /ji srid mchod pa yang dag che/ /e ma ho/ /le'u bcu gnyis pa'o// //de nas gzhan yang bshad bya ba/ /bcom ldan gsang ba gos sngon can/ /bsdu ba thabs kyi ting 'dzin gyis/ /'khor gyi klu rnams sdud mdzad nas/ /me yi 'khor lo snyoms bzhugs che/ /gsang ba me yi sngags bzlas pas/ /klu rnams ma lus tshig par mdzad/ /bral nas dpag tshad gnas su bros/ /slar bsdus bdud rtsi sman gyis gsos/ /las bcol so so'i gnas su 'khod/ /de nas khams gsum rnam par rgyal/ /thal mo sbyar nas 'di skad gsol/ /me brgyad 'khor lo'i bdag nyid che/ /rtag tu me yi ting 'dzin la/ /snyoms zhugs khyod ni rgyal gyur cig /bde ba'i rol mo me klong du/ /sreg mdzad me brgyad khyod phyag 'tshal/ /rang bzhin rnam dag khyod phyag 'tshal/ /chu yi ngang la gnas 'dod na/ /chu brgyad ting 'dzin la gnas te/ de tshe 'khor gyis 'di skad bstod/ /chu brgyad 'khor lo'i bdag nyid che/ /rtags chu yi dkyil 'khor can/ /'byung ba'i gtso bo'i chu yi bdag/ / 207b chu brgyad mnga' bdag khyod phyag 'tshal/ /rlung brgyad ting 'dzin la gnas na/ /'thor zhing 'bud pa'i bdag nyid che/ /rlung chen drag po rtsal shugs ldan/ /rlung lha gos sngon khyod phyag 'tshal| |sa yi ting 'dzin la gnas nas/ /mi g.yo brtan pa'i las mdzad pa/ /gser ldan rol mo sna tshogs ldan/ /sa brgyad 'khor lo khyod phyag 'tshal/ /le'u bcu gsum pa'o// // de nas dpal ldan gos sngon can/ /phra mo'i ting 'dzin la gnas nas/ /'khor gyi gnod sbyin mang po kun/ /shin tu yid dga' dad pas zhus/ /phra mo'i thig le chen po yis/ /tsir snang dngos po gcig tu 'dus/ /de nyid mtha' 'das rang bzhin med/ /de nas dpal ldan gos sngon can/ /'dod chags ting 'dzin gnas pas/ /'khor gyi gnod sbyin mang po kun// sdangs dang dus dang brgyal ba las/ /bslangs te bla med don bstan pas/ /thams cad 'dod chags mngon sangs rgyas/ /'khor gyi sku la mngon par bstod/ /kye ho gsang bdag go sa sngon can/ bla med rdzogs pa'i klong dkyil na/ /'dod chags dag pa'i blo ldan pas/ /mngon par sangs rgyas khyod phyag 'tshal/ /le'u bcu bzhi pa'o// //de nas 'dus pa'i 'khor rnams kyis/ /'khor gyi gtso la mngon par bstod/ /lcang lo can gyi pho brang na/ /gsang ba'i bdag po gos sngon can/ /yon tan thams cad sku la rdzogs/ /dngos med 208a @#/ /dag pa khyod phyag 'tshal/ /'khor gyi klu tshogs 'dul ba'i phyir/ /klu brgyad sku la rab brgyan nas/ /klu tshogs zhal du gsol mdzad pa/ /klu 'dul byams pa khyod phyag 'tshal/ /sna tshogs dag pa'i sku mnga' zhing / /rigs drug sde brgyad 'dul bar mdzad/ /skyon gyis ma gos rang sangs rgyas/ /thog med kun dul phyag 'tshal bstod/ /ji ltar bsam pa'i dngos po kun/ /khyod las 'byung bas mi zad gter/ /sna tshogs yid bzhin 'phul po che/ /yid bzhin nor bu khyod phyag 'tshal/ /nad dang rims kyi gshed po mdzad/ /nor dang zas kyi bdag po mdzad/ /'jigs pa kun las skyob par mdzad/ /bla med skyob mdzad khyod phyag 'tshal/ /zhes bstod na rjes su yi rang ngo / /lha dang / klu dang / /gnod sbyin dang / /lha ma yin la sogs pa yang yid dga' ba'i mchod pas khyab par gyur to/ /mi la sogs pa 'jigs pa'i nyen dang ldan pa thams cad bde ba la bkod do/ /le'u bco lnga pa'o// //'phags pa lag na rdo rje gos sngon po can gyi cho ga rdo rje be con gyi rgyud rdzogs so// |