H418

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H418</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H418&coll=lhasa">see text in Tibetan script</a></table>105b<br><font size=+1>


rgya gar skad du/ sin+d+ha bya ka ra Na nA ma tan+t+ra/ bod skad du| dgongs pa lung ston pa zhes bya ba'i rgyud/ bcom ldan 'das dpal rdo rje sems dpa' la phyag 'tshal lo/ /de nyid 'di skad bdag gis thos/ /shin tu gsang ba'i dus gcig na/ /gsang gtso rdo rje bcom ldan 'das/ /dam tshig mchog ni rdo rje gsum/ /de bzhin gshegs kun ye shes ni/ /yon tan phun tshogs bsam mi khyab/ /yod med mtha' gnyis las 'das pas/ /gnas med pa la gnas zhes bya/ /nam mkha' rang bzhin gcig pa 'dir/ /kun mkhyen ye shes rnam sgom pa/ /'gro snying rnam dag ces bya la/ /thub pa chen po bzhugs pa yin/ /ma rig pa dang 'du byed dang / /rnam par shes dang ming dang gzugs/ /skye mched drug dang reg pa dang / /tshor ba dang ni sred pa dang| |nyer len srid pa skye ba dang / /rga shi zhes bya rig ma yin/ /nga rgyal che ba'i nga rgyal dang / /nga'o snyam nga rgyal mngon nga rgyal/ /gzhan yang nga rgyal las nga rgyal/ /cung zad nga rgyal log par bcas/ /'di dag rdo rje mtha' can mchog /byang chub sems dpa' de bzhin gshegs/ /de rnams brjod mi lang ba'i grangs/ /brjod kyis </font><hr>106a<br><font size=+1>


@#/ /lang nyid du gyur/ /sangs rgyas zhing ni grangs med pa'i/ /ri rab rdul phran grangs mnyam pa/ /byang chub sems dpa' sems dpa' che/ /til gyi gang bu mtshungs pa dang / /de bzhin gshegs pa rnams kyis kyang / /nam mkha'i khams kun gang bar snang / /de nas dpal ldan rnam snang mdzad/ /sku gsung thugs kyi rdo rje can/ /'khor gyi dkyil 'khor la gzigs nas/ /de nyid gsum skyes skur mdzad do/ /tshangs pa khyab 'jug lha chen dang / /'dod dang rig byed de bzhin zung / / tshangs lha de bzhin zla ba ste/ /phung po la sogs grangs dang mnyam/ /sgra sgrog de bzhin dga' byed dang / /skya bseng skem byed thub pa dang / /sna yon dang ni dkon mchog gsum| |de bzhin gshegs kun gcig pu nyid/ /de tshe phyung la gsol ba yi/ /gsang sngags gsungs pa dang po nyid/ /thub chen byang chub sems tshul du/ /mdzad pa gnyis pa yin par bshad/ /rnam lnga mngon par byang chub pa'i/ /phra mo rnal 'byor gsum pa yin/ /dbang bskur ba ni rnam pa bzhi/ /gzugs kyi dkyil 'khor nyid bzhi pa/ / srung ba'i bslab gzhi rnam bzhi dang / /spyod pa'ang 'dir ni lnga pa ste/ /drug pa rang sangs rgyas nyid kyi/ /ting 'dzin phra mo'i rnal 'byor ro/ /bdun pa de nyid mchod par bshad/ </font><hr>106b<br><font size=+1>


gsang ba'i dbang du gtso bos mdzad/ /phyag rgyas dbang bskur brgyad pa bstan/ /dam tshig bzhi pa dgu pa yin/ /rnam pa bcur phye yang dag rtog/ bzlas pa'i sngags kyang gsungs pa yin/ /bcu gcig ming du byung ba na/ /phyag rgyas gcig par bshad dkyil 'khor/ /bcu gnyis pa yi bdag nyid sku/ /nyan thos byang chub ston par mdzad/ /de bzhin rig pa spyod grub pa/ /mngon shes lnga ni bcu gsum pa/ /bcu dang bzhi par bzhi po dang / /phreng sngags bla ma ston par mdzad/ /phyogs dang skya bseng nyid 'gyur ba/ /dngos grub dkyil 'khor bla med pa'o/ /sgra sgrog dus dang yang dag ldan/ /dkyil 'khor rdul tshon ldan pa 'o/ /slob ma dbang bskur nyi zla dag /chags bral sna tshogs nyid gyur pa/ / sna tshogs tshig gi don gyi brda/ /sna tshogs ming can ming gcig pu/ /de ltar rnam pa sna tshogs pa'i/ /so sor sdud pa rab tu bstan/ /gcig dang du ma las grol ba/ /yang dag mthong nas yongs su sgom/ /yongs su bsgoms par gyur pa'i bdag /rten 'brel du yang bstan par bya/ /de nas ma skyes sbyor ba la/ /thub pa rnam par snang mdzad che/ / rten 'brel yan lag bcu gnyis pa'i/ /ting 'dzin de 'og ston par mdzad/ /'dod pa'i yan lag 'gro ba'i tshogs/ /gnyis pa thams cad de bzhin gshegs/ /'dod </font><hr>107a<br><font size=+1>


@#/ /chags che tshul zhes bya ba'i/ /ting nge 'dzin la snyoms par zhugs/ /de bzhin gshegs kun gtso bo yi/ /rang gi sku la zhugs par mdzad/ /byang chub sems dpa' sems dpa' che/ /rgyun de la ni sbyor bar gyur/ /de nas de bzhin gshegs kun dang / /de bzhin byang chub sems dpa' rnams/ /de bzhin gshegs bdag mnyes bya'i phyir/ /de rnams zhugs nas byung gyur pa/ /srog dang gyen rgyu thur sel dang / /mnyam gnas khyab byed ces bya dang / /klu dang rus sbal rtsangs pa dang / / lha sbyin gzhu rgyal zhes bya ba/ /'di dag tu ni nyid sku mdzad/ /bud med gzugs su slar sprul te/ /rang gi ngo bo ji bzhin du/ /de yi sku las byung bar gyur/ /de nyid gsum ni mnyam sbyor las/ /rang gi gsang sngags de dag sgom/ /yan lag kun las nges grol zhing / /shin tu phra ba nyid du gyur/ /dbu gos ming las byung ba ni/ /zhi gnas dang ni lhag mthong ste/ /dngos med ngo bo nyid yin pas/ /rang nyid kyang ni mi shes so/ /'on kyang 'di ltar thub pa la/ /de bzhin gshegs rnams gsol ba 'debs/ /bcom ldan dgongs pa lung bstan pa/ /chos kyi mchog ni bstan du gsol/ /khyab bdag khyed ni chos 'di rnams/ /dngos med nyid ni thugs su chud/ /'gro ba'i don ni rab </font><hr>107b<br><font size=+1>


grub pas/ /yid bzhin nor bu lta bur mdzes/ /gang zhig yang dag shes gyur na/ /'jig rten pa dang rtsod med cing / /de bzhin 'jig rten 'das pa dang / /'jig rten shin tu 'das de bzhin/ /gang 'di zhi ba nyid kyi chos/ /zhi gnas shin tu sngon 'gro ba/ /byang chub sems dpa' thos na yang / /de bzhin nyid kyi bde ba byed/ /de nas sa snying la sogs pa'i| |byang chub sems dpa' sems dpa' che/ /mgon po rnam snang chen po la/ /de dag gis ni zhus gyur pa/ /gang shes bla med byang chub ni/ /ma 'ongs skye bos thos 'gyur ba'i| |gsang sngags de nyid don 'byung ba/ /rnal 'byor bcom ldan bshad du gsol/ /lan gnyis gsol kyang mgon po ni/ /mi gsung bar ni rnam par bzhugs/ /rdo rje can gyis de shes nas/ /de nas slar yang zhus par gyur/ /gang 'di zhi gnas la sogs pa'i/ /rnal 'byor zab mo bla med pa/ /de ni 'di ltar bsngags pas bsngags/ /'tshal 'gyur de ni gtso bos gsungs/ /bya ba dag bya'i rnal 'byor dang / /rnal 'byor 'ba' zhig pa nyid dang / /lung ni yang dag gang yin pa/ /de ni bstan par mdzad pa'i rigs/ / zhus pa'i don ni mkhyen nas ni/ /bcom ldan rdo rje can gyis gsungs/ /gsang sngags tshul ni mchog gyur 'di/ /gsang ba khyod la bstan par bya/ /'di skad ces bya'i </font><hr>108a<br><font size=+1>


@#/ /gsang sngags che/ /gsang sngags kun don sngar ster ba'o/ /der ni lnga yi bdag gyur cing / /sbyor ba bzhi dang bcu yi bdag /lnga pa lnga po'i ming 'di ni/ / gsal dang mi gsal dag tu sbyar/ /rgya mngon phyogs pa'i sbyor bshad pa/ /dkyil 'khor lnga yis brgyan pa yin/ /bcu bdun zhes ni bshad pa 'di'i/ /gsungs pa'i don de ma shes pas/ /sngags pas gsang sngags sbyor ba dag /de tshe ji ltar byed par 'gyur/ /don 'di rtogs par gyur nas ni/ /sna tshogs don ni ston pa dang / /'gro ba'i don ni rab sgrub pa/ /gsang sngags rig pa mchog rnams byed/ /bdag ni stong dang yang dag sbyar/ /yi ge a ni steng du gnas/ /phyi ma zhes bya gnas byas la/ /sngags pas sems can don rnams bya/ /yi ge a gnyis sbyor ba gang / /a sgo las skyes nyid du 'gyur/ /steng 'og phyogs kyi rnam pa de/ /dngos po med pa'i ngo bo nyid/ /gang zhig 'di las gsungs pa ni/ /bsam mi khyab pa'i thabs chos nyid/ /bdag gis zhes rtogs de 'gyur ba/ /thogs med rtogs pa 'di gnas so/ /ston pa po dang bstan dang gnas| |phra rab tsam gyi ngo bo med/ /kun rdzob dus gsum sbyor gcig la/ /sngags pa rnams kyis thos de 'gyur/ /shin tu grangs med bskal pa ru/ /sangs rgyas </font><hr>108b<br><font size=+1>


rnams kyis gang mkhyen pa/ /sngags pa rnams kyis dus gcig na/ /skad cig la rdzogs byang chub thob/ /kun mkhyen kun rig thugs chud pa/ /gsang sngags ston pa'i chos can te| |de nyid kho na bcom ldan mchog /sku gsung thugs rdo rje las skyes/ /mi rtog nam mkha' ji bzhin de/ /gsang sngags thams cad nyi ma 'dra/ /sa la rlung bzhin sngags pa ni| |'dod pa kun la nye bar spyod/ /thams cad 'gyur ba gang gang yin/ /de de stong pa nyid du 'gyur/ /de bzhin sbyor ba de mthong bas/ /kun rig de ni de bzhin gshegs/ / de bzhin nyid gzugs brnyan gyur pa/ /de ni sku yi rdo rjer gyur/ /'gro ba yang dag tshim par 'byung / /mi phyed gsung gi rdo rjer gyur/ /nam mkha'i gnas kyi sbyor ba gang / /bsam mi khyab par spro bdag nyid/ /de nyid ye shes rgya mtsho la/ /thugs kyi rdo rje yang dag 'byung / /sems can kun gyi sems gang yin/ /nam mkha' yongs su brtags pa ste/ /de yang de ru kun gnas pas/ /bud med chos gcig pu yi gzugs/ /sangs rgyas kun gyis gang brten pa/ /sar gyur de ni bcu gsum pa/ /de ni bud med ces bshad de/ /de bas chos de b+ha ga yin/ /bya ba la sogs ji skad bshad/ /dam tshig gsum po gcig tu gyur/ /dngos med chos nyid gcig pu ru/ /'di ni de dag mnyam par 'gyur/ /dam </font><hr>109a<br><font size=+1>


@#/ /tshig sku gsung thugs dang ni/ /ting 'dzin de bzhin rgyal ba dang / /sa dang chu dang de bzhin me/ /rlung dang nam mkha' nyid dag dang / /gzugs dang sgra dang dri dang ro/ /reg dang de bzhin chos kyi dbyings/ /'di rnams rdo rje'i mtha' can byung / /byang chub sems dpa' rdzu 'phrul che/ /de ltar brjod mi lang zhes pa/ /brjod mi lang ba nyid gyur rnams/ /sangs rgyas zhing gi ri rab kyi/ /rdul phran gyi ni grangs mnyam pa'i/ /byang chub sems dpa' sems chen dang / /nam mkha' mnyam pa'i de bzhin gshegs/ /mi bskyod rnam snang mdzad rin chen/ /dpag med tshe dang gdon mi za/ /'di dag nam mkha'i khams mnyam pa'i/ /rdo rje snying po de bzhin gshegs/ /dper na til 'bru mtshungs pa yi/ /de bzhin gshegs pa thams cad kyis/ /nam mkha'i khams ni yongs khebs pa/ /de rnams der ni yang dag snang / /de nas mgon po rnam snang mdzad/ /de bzhin nyid dang gcig tu gyur/ /gang yang dam tshig sngon 'gro dang / /sku rdo rje sogs ming can gyis/ /byang chub sems dpa' sems chen dang / /don yod thams cad de bzhin gshegs/ /'di rnams sku yi yan lag grags/ /zhi gnas bsam mi khyab las byung / /ma skyes gcig pu gzigs pa ni/ /'dod chags </font><hr>109b<br><font size=+1>


chen po'i tshul du gyur/ /'dod chags chen po'i tshul mchog gi gting nge 'dzin la snyoms zhugs te/ /de bzhin gshegs pa kun gyi tshogs/ /de ni nyid kyi sku la bcug /de ni de bzhin gshegs pa kun/ /de ni rnam par snang mdzad che/ /'di nyid mnyes par bya ba'i phyir/ /nyid sku bud med nyid du mdzad/ /de nas mgon po bsam yas las/ /bud med gzugs su byung bar gyur/ /de ni sangs rgyas spyan 'dra dang / /mA ma kI 'dra sbyor ba dang / /gos dkar mo 'dra'i gzugs dang ni/ /sgrol ma'i gzugs su yang dag gnas/ /sgra yi ngo bo'i gzugs can dang / /dri yi ngo bo'i gzugs dang ni/ /de bzhin ro yi ngo bo'i gzugs/ /reg gi ngo bo'i gzugs can dang / /la la gzugs kyi ngo bo yis/ /de bzhin gshegs pa de rnams bzhugs/ /de nas tshul gsum don gcig dang / /mi bskyod pa yang bstan phyir dang / /'jig rten rgyang phan gdul don du/ /'jig rten 'das pa'i tshul byung ngo / / gnyis med mnyam pa nyid rnal 'byor/ /rdo rje bud med b+ha ga mchog /dam tshig chen po'i dkyil 'khor du/ /de ni mi bskyod yang dag bri/ /zur bzhi pa la sgo bzhi pa/ /sbyor bzhi gcig tu sbyor ba nyid/ /dri ma med par byin brlabs pa/ /kun nas shin tu gsal ba'i gzugs/ /sangs rgyas sprin gyis kun tu khyab/ /'bar ba mang po'i rnam par 'khrug /gsal ba la </font><hr>110a<br><font size=+1>


@#/ /sogs dkyil 'khor ldan/ /de bzhin gshegs pa kun gyi gnas/ /de nas de ni bcom ldan 'das/ /de bzhin gshegs kun bdag po 'di/ /dkyil 'khor chen po'i dbus su yang / /rnam par bzhag ste bzhugs par gyur/ /mi bskyod rin chen dpag med dang / /don grub rnam snang de bzhin gshegs/ /de rnams byang chub sems rdo rje'i/ /thugs la rnam par bzhugs par gyur/ /de rnams zil gyis mnan pa'i phyir/ /de bzhin gshegs pa byang chub sems/ /dngos med ngo bor gcig par ni| |mkha' 'dra rdo rje las byung gzigs/ /shes rab ting 'dzin gzhi gcig pu/ /de ni grib ma ltar thugs chud/ /rdo rje'i rang bzhin skur mdzad nas/ /'gro don mnyam dang mi mnyam mdzad/ /ji ltar mtshams gnas nyi ma yis/ /'gro ba gnyid log sad par byed/ /de bzhin de bzhin gshegs pa kun/ /byang chub sems kyis srung bar byed// sku gsung thugs ni rdo rje gcig /de rnams skye bar bzhed pa yis/ /byang chub sems kyi ngo bo yis/ /rdo rje'i sngags su mdzad par gyur/ /rig pa skyes bu'i gzugs dag ni| |sngags kyis byin rlabs bla na med/ /der ni zhal gsum pa lta bur/ /de bzhin gshegs pa kun gyis gzigs/ /de nas mgon po bcom ldan gyis/ /thugs </font><hr>110b<br><font size=+1>


rjes bzhugs pa las byung ste/ /byang chub sems ni rab bskor la/ /lan gsum ched du brjod pa mdzad/ /bsam mi khyab cing dpag med gang / /de bzhin gshegs pa kun gyi gsang / /rdo rje byang chub sems gcig las/ /spyod yul der ni gyur pa yin/ /de nas gsang tshul thos pa dang / /de 'og gsang ba'i bdag pos ni/ /khyab bdag rnam par snang mdzad la/ /ji bzhin tshul du de btud zhus/ /phung po khams la sogs pa'i chos/ /'dus la gang zhig gnas pa'i rnams/ /rten 'brel las skyes yin par ni/ /khyad chos ston par mdzad pas khums/ /dman pa'i chos rnams 'di dag ni/ /zhe sdang la sogs rkyen dang ldan/ /'di dag ji ltar bde gshegs dang / /rdzu 'phrul chen po rigs ma lags// byang chub sems dpa' sems chen de/ /lus la sogs pa ji ltar 'gyur/ /gang zhig phyi dus skye bo yis/ /'di dag 'tshal bar mi 'gyur ro/ /de nas bcom ldan rdo rje can/ / 'od chen ldan pas bka' stsal pa/ /ma 'ongs skye bo mthong nas ni/ /gang zhig khyod kyis nga dris pa/ /legs so legs so sems dpa' che/ /gsang ba'i bdag po khyod legs so| |smras don ji lta ji lta bar/ /de ltar khyod la lung bstan bya/ /ma 'ongs dus na mi rnams ni/ /'jig rten rgyang phan mchog gzhol 'gyur/ /log par lta ba la gnas </font><hr>111a<br><font size=+1>


@#/ /te| |ci dga' bar yang spyod par byed/ /la la glu dang gar la dga'/ /dgod dang sgeg la mchog tu gzhol/ /dri dang phreng ba la dga' zhing / /de bzhin 'khrig pa la dgar 'gyur/ /rmongs pa la sdang ba dang / /de bzhin gti mug la rab gzhol/ /la la de bzhin 'dod chags zhen/ /shes pa gzhan dag 'dod par 'gyur| |nya dang sha dang de bzhin chang / /bshang gci khu ba khrag rnams ni/ /skyes bu glen pa za byed cing / /med par smra ba chos su sgrog /ma dang sring mo la sogs pa/ / bgrod min la ni bgrod pa dang / /pha dang ma yang gsod pa dang / /de bzhin srog chags gzhan rnams gsod/ /rdzun gyi tshig nyid smra ba dang / /khyad par du yang brku ba dang / / gzhan gyi chung ma'i thad 'gro zhing / /smad pa gzhan yang byed par 'gyur/ /la la dam chos spong ba dang / /de bzhin mtshams med byed pa ste/ /sna tshogs sdig pa byas nas kyang / /sngags pa dngos grub 'dod par 'gyur/ /gzer nad dug dang sbyar ba'i dug /sna tshogs nad ni mi bzad pa/ /'di rnams kyis ni gzir gyur nas/ /zhi ba nyid ni 'dod par 'gyur/ /'dor bar byed pa rmongs pa de/ /mi bzad sdig pa byas pa dang / /log par lta la mchog gzhol rnams/ /ngan song gsum du 'gro bar 'gyur/ / </font><hr>111b<br><font size=+1>


de rnams rjes su gzung ba'i phyir/ /gsang ba 'di ltar bstan pa yin/ /gang zhig yang dag thob pa nyid/ /'dir ni de bzhin gshegs par 'gyur/ /gsang ba'i bdag po mkhas rnams kyis/ /tshul mchog 'di ni rnyed gyur nas/ /don gsal yang dag rnyed pa dang / /de yang nga rgyal dag tu ltung / /de rnams ting 'dzin zhi nyid dang / /shes rab nyid kyang shin tu ring / /rab tu dga' dang ldan pa yis/ /rnal 'byor pa ni bdag nyid ces/ /mngon pa'i nga rgyal la rtag dga'/ /sgyu dang bcos ma'i chos dang ldan/ /mya ngan 'das dang gzhan 'gro ba| |phan tshun dag ni sun yang 'byin/ /gsang sngags smra ba la brten nas/ /gcig la gcig ni rtsod par 'gyur/ /de rnams bdud kyi byin rlabs kyis/ /gal te dngos grub phra thob na/ /des ni mngon par nga rgyal bas/ /mkhas pa snyam du shes par 'gyur/ /tshogs pa'i nang du rtsod pa dang / /khyi bzhin kha zas la spyod 'gyur/ /rang las 'bras las byung ba yi/ /phan pa la ni gnod pa byed/ /de rnams dge dang mi dge rnams/ /bdag cag rnams kyi stobs yin zer/ /mngon sum sangs rgyas 'dra ba yi/ /slob dpon smod cing bsnyen bkur med/ /skad cig gcig gis sdang byed cing / /de la skad cig gis rjes chags/ /khyi dang phag dang khwa rnams kyi/ /spyod pa dag ni ston par byed/ / </font><hr>112a<br><font size=+1>


@#/ /de rnams phan tshun rnam 'tshe bar/ /mngon par dga' bar byed par 'gyur/ /gsang ba 'dus pa mi shes par/ /dam tshig la sogs byed par 'gyur/ / gsang ba srung bar mi byed par/ /thams cad du ni ston par byed/ /'jig rten la ni smad byas nas/ /gzhan dag la yang rab gsal byed/ /bdag nyid rtsa ba med par ni| |dam tshig 'das par byed par 'gyur/ /sgra bcas sbror ldan gyis bskul bas/ /rang la rang gi glags rnyed med/ /de nyid ye shes 'byung ba yi/ /ting 'dzin de yis shes mi 'gyur/ /nyes pa cung zad tsam gyi phyir/ /mngon spyod rab tu byed par 'gyur/ /rnal 'byor rab sbyor dman pa yi/ /sngags pa rnams ni 'grub mi 'gyur/ /phyi rol bstan bcos la rtag dga'/ /de yi sbyor la gcig tu mkhas/ /rang gi dam tshig yongs spangs nas/ /lcags kyu med pa bzhin du spyod/ /sngags dang phyag rgya'i sbyor ba yis/ /de rnams 'tsho ba sgrub par 'gyur/ /gang du rnyed pa thob 'gyur bar/ /dam pa'i chos ni ston par byed/ /de rnams yang dag sdud byed pa'i/ /gsang ba dgongs pas bshad pa yin/ /dam tshig nyams te gnas pa rnams/ /'di yis thams cad dgug par bya/ /de dag rjes rig mi shes na/ /de rnams zhi bar ga </font><hr>112b<br><font size=+1>


la 'gyur/ /de nas rjes su gzung don du/ /tshul 'di dag ni gyur pa yin/ /de nas bcom ldan de bzhin gshegs/ /gcig tu 'dus par gyur nas su/ /de bzhin gshegs kun bdag po la/ /rang mchod de nyid dam tshig sprin/ /yang dag 'byung bas legs mchod de/ /phyag 'tshal nas ni 'di skad gsol/ /de bzhin gshegs pa gsang ba mchog/ de bzhin gshegs pa kun bsdus pa/ /'dus pa gnyis med rnal 'byor ba'i/ /nyams dga' rdo rje snying po 'di/ /de nyid bsdus pa rnams kyi mchog /de nyid bcom ldan bshad du gsol/ /de nas de bzhin gshegs kun la/ /bcom ldan 'das kyis slar gsungs pa/ /gang yang 'di ltar gsol 'debs pa/ /de bzhin gshegs rnams legs so legs| |'di ni de bzhin gshegs rnams kyang / /the tshom skye bar byed yin na/ /byang chub sems gzhan ci smos shes/ /de bzhin gshegs rnams la gsungs/ /de nas ngo mtshar rmad byung nas/ /the tshom thams cad gcod mdzad pa'i/ /bcom ldan de bzhin gshegs kun gyis/ /bdag po la ni 'di skad zhus/ /bcom ldan de bzhin gshegs kun gyis/ /yon tan kun gyis phul phyung yang / /gtso bo 'dir ni ston mdzad par/ /ji ltar spro ba mnga' ma gyur/ /byin gyis brlab pa'i gnas mdzad de/ /de bzhin gshegs </font><hr>113a<br><font size=+1>


@#/ /yid bde la sogs/ /ye shes rgyu 'bras thob pa'i phyir/ /de ni yang dag bshad du gsol/ /de bzhin gshegs kun bdag po ni/ /de rnams zhu par mkhyen nas su| |ye shes sgron ma rdo rje grags/ /ting 'dzin zhe sdang rigs 'byung ba/ /gtso bos mi bskyod snying po ni/ /sku gsung thugs ni dpal ldan pas/ /de nas yang dag phyung ba ni| |badz+ra d+hr-i ka ces bya ba'i sngags/ /de nas 'di ni gsungs tsam gyis/ /zhe sdang rigs byung las skyes pa/ /de ni rig pa skyes bur 'gyur/ /mi bskyod rgya chen thabs kyis sbyor/ /zhal gsum nag dang dkar dang dmar/ /bdag nyid chen po de zhal yin/ /rdo rje gsum 'dir de bzhin gshegs/ /bzhugs pa ye shes zhes bya'o/ /de nas de bzhin gshegs bdag po/ /dam tshig 'byung rdor zhes bya yi/ /ting nge 'dzin la gtso bo ni/ /snyoms par zhugs pa nyid du mdzod/ /de nas dzi na dzi ka ces pa'i/ /snying po de bzhin yang dag phyung / /de nas gsungs pa tsam gyis kyang / /gti mug rigs byung las skyes pa/ /rig bcas skyes bur gyur pa ni/ /rnam par snang mdzad de bzhin gshegs/ /dkar dang nag dang dmar bcas pa'i/ /zhal gyis mdun du bzhugs par gyur/ /de nas rin chen byung ba yi/ /dpal zhes bya ba'i ting 'dzin </font><hr>113b<br><font size=+1>


la| |snyoms par zhugs nas bde gshegs kun/ /bde dang yid bder gyur pa'i phyir/ /yid bzhin nor bu rin chen rigs/ /de bzhin gshegs kun bdag po 'di/ / de nas rat+na d+hr-ika ces bya'i/ /snying po dpal ldan de tshe phyung / /de ni phyung ba tsam gyis ni/ /rig dang bcas pa'i skyes bur gyur/ /ser dang dkar dang nag pa yi/ /zhal dang rin chen 'byung ldan ni/ /rdo rje gsum gyi bdag po yi/ /lho phyogs logs su bzhugs par gyur/ /de yang byang du gzigs gyur to/ /mnyam nyid ye shes zhes bya'o/ /da nas bcom ldan bdag po de/ /rdo rje gsum gyi dam tshig bdag/ 'dod chags chen po las byung ba/ /rdo rje zhes ni bya ba yi/ /ting nge 'dzin la snyoms zhugs te/ /'dod chags chen po'i rigs las byung / /A ro l-i ka ces bya snying po/ /rdo rje gsum las de nas phyung / /de nas phyung ba tsam gyis ni/ /de 'og bcom ldan gtso bo ni/ /rig dang bcas pa'i skyes bur gyur/ /'jig rten dbang po 'od dang mtshungs/ /dmar dang dkar dang nag pa'i zhal/ /dpal ldan rigs chen po yi bdag /de bzhin gshegs pa'i bdag po yi/ /nub phyogs su ni bzhugs par gyur/ /de nas bcom ldan sna tshogs pa/ /don yod dam tshig ces bya ba'i/ /ting 'dzin rdo rje yang dag phyung / /gtso </font><hr>114a<br><font size=+1>


@#/ /bo de la snyoms zhugs nas/ /snying po mchog gi mchog ces bya'o/ /dam tshig rnams ni dgug pa'i rigs/ /snying po pra dz+nyA d+hr-i ka ces pa/ /rdo rje gsum zhes bya las byung / /de nas phyung ba tsam gyis ni/ /don yod rdo rje sbyor ba yi/ /de nyid mgon po bcom ldan 'das/ /sku gsung thugs kyi rdo rje can/ /rig dang bcas pa'i skyes bur gyur/ /ljang dang nag dang dkar ba'i zhal/ /de bzhin gshegs pa'i bdag po yi/ /byang phyogs su ni bzhugs par gyur/ /zhe sdang gti mug rigs dang ni| |de bzhin yid bzhin rin chen dang / /'dod chags dam tshig ces bya ba/ /'dod dang thar pa rab bsgrubs pa'o/ /de nas khyab bdag rdo rje 'dzin/ /'dod chags dam tshig 'byung ba yi/ /ting nge 'dzin la snyoms zhugs te/ /rdo rje 'dzin pa btsun mo mchog/ sku gsung thugs kyi rdo rje las/ /dam pa dag ni phyung bar 'gyur/ / sangs rgyas kun gyi yum gcig pu/ /yum zhes bya bar yang dge bshad/ /de ni de bzhin gshegs bdag po/ /gang phyir lha mo btsun mo mchog /sku dang gsung dang thugs las byung / /dwe Sha ra ti zhes byar grags/ /rig pa skyes bu zhes bya ba'i/ /de ni bud med gzugs 'dzin ma/ /zhal gsum lta bu'i gzugs kyis </font><hr>114b<br><font size=+1>


ni| |me yi phyogs su rnam par bzhugs/ /de nas rjes mnyes rdo rje grags/ /sku gsung thugs rdo rje las byung / /ting nge 'dzin la snyoms 'jug ste/ /rdo rje gsum las byung ba ni| |de ni mo ha ra ti ste/ /gang phyir de bzhin gshegs pa'i yang / /rig pa skyes bu byung ba ste/ /zhal gsum lta bu'i rnal 'byor ma/ /gnyis med mnyam pa'i rnal 'byor pas| |sangs rgyas kun gyi yid 'ong gcig /gsang ba bsdus pa'i sbyor ba yis/ /bden bral phyogs su rnam par bzhugs/ /de nas rjes chags rdo rje zhes/ /bya ba rdo rje gsum las skyes/ /ting nge 'dzin la snyoms zhugs nas/ /bde ba chen po phyung ba ni/ /'di ltar rA ga ra ti phyung / /zhal gsum pa yi gzugs can de/ /gtso bo bud med gzugs 'dzin pa/ /de ni rig pa skyes bur gyur/ /gos med ye shes las byung ba/ /rdo rje gsum gyi dam tshig mchog /de bzhin gshegs pa'i btsun mo ste/ /rlung gi phyogs su rnam par bzhugs/ /de nas bcom ldan 'das bdag po/ /rdo rje gsum gyi dam tshig can/ /slu ba rdo rje zhes bya ba'i/ /ting nge 'dzin la snyoms zhugs nas/ /de bzhin gshegs kun btsun mo mchog /zhal gsum lta bu'i gzugs can ma/ /badz+ra ra ti zhes bya ba/ /rdo rje gsum las phyung bar gyur/ /de ni phyung ma thag tu yang / /gtso bo </font><hr>115a<br><font size=+1>


@#/ /rig ma skyes bur gyur/ /bud med kyi ni gzugs 'dzin te/ /dbang ldan phyogs su rnam par bzhugs/ /de nas bcom ldan mgon po de/ /rnam snang rdo rje las byung ba'i/ /ting nge 'dzin la snyoms zhugs te/ /sku gsung thugs kyi rdo rje la/ /dkyil 'khor 'dir ni gshin rje gshed/ /khro bo chen po phyung ba dang / /phyung nas de bzhin gshegs pa rnams/ /bsnyengs par bya bar shar phyogs bzhugs/ /de nas bdag po bcom ldan 'das/ /de bzhin gshegs pa thams cad kyi/ /mngon byang rdo rje zhes bya yi| |ting nge 'dzin la snyoms zhugs te/ /khro bo chen po phyung ba ni/ /pra dz+nyA n+ta kr-i ta rdo rje can/ /de nas dpal ldan phyung ba ni/ /rig pa skyes bur yang dag phyung / /dkyil 'khor chen po'i sbyor ba las/ /'od chen phur bu'i gzugs lta bu/ /rdo rje dam tshig bsnyengs byed pa/ /lho yi sgor ni rnam par bzhugs/ /de nas rin chen 'byung gnas grags/ / ting nge 'dzin la snyoms zhugs te/ /gsung gi dkyil 'khor kun gyi gtsor/ /rdo rje gsum las khro bo che/ /pad+ma n+ta kr-i ta 'od po che/ /bdag po de nas phyung bar gyur/ /de nas phyung ba tsam gyis 'dir/ /gtso bo'i rig pa skyer bur bcas/ /de bzhin gshegs pa thams cad kyi rang / /gsung gi tshul du rnam sbrul zhing / /gos med ye shes bla </font><hr>115b<br><font size=+1>


med pa| |nub kyi sgor ni zhugs par gyur/ /bcom ldan de nyid sna tshogs pa/ /thugs kyi rdo rje ting 'dzin la/ /kun nas snyoms par zhugs nas ni/ /de nas gtso bos phyung bar gyur| |khro bo chen po rnam phyung ba/ /kun nas bgegs mthar byed pa ste/ /thugs kyi dkyil 'khor sbyor ba yis/ /byang gi sgor ni rnam par bzhugs/ /de nas dpal ldan rdo rje 'dzin| |dkyil 'khor mchog 'di thos pa dang / /mgon po rnam par snang mdzad che/ /de la slar yang zhus gyur pa/ /mkha' dang dbyer med sbyor gcig cing / /dngos med de bzhin gshegs pa rnams/ /dga' ba'i mchog sogs bgyis nas ni/ /ji ltar de rnams zhu bar 'gyur/ /'di dag thog mtha' yod min na/ /'di yi gtso bo ji ltar 'gyur/ / phyogs kyi cha rnams bzhag pa la/ /'di ni gang gis rnam par sbyang / /gsang ba 'di ni mi srid ces/ /theg pa gsum po rtog pa dang / /so so'i skye bo'i tshig gis kyang / /spang ba dag kyang bgyid par 'gyur/ /gang zhig nyan thos rnams dang ni/ /de bzhin mdo sde las spangs pa'i/ /zhe sdang sogs dang 'dod lnga sogs/ /de bzhin gshegs rnams bsten mdzad pa/ /rjes su spyod dang thun mong ba'i/ /bya ba de dag phyin ci log /dga' mtha'i spyod pa de rnams ni/ /de bzhin gshegs de rnam mdzad pa/ /tshig gcig la </font><hr>116a<br><font size=+1>


@#/ /ni dpag med don/ /gsang ba dam pa 'di dag ni/ /mgon po gang zhig ma 'ongs pa'i/ /skye bos ji ltar 'tshal bar 'gyur/ /de nas bcom ldan bka' stsal pa| |phyag na rdo rje tshul 'di ni/ /dgongs pa gsang ba bla med pa/ /dris pa rnams ni bshad par bya/ /zhe sdang gti mug de bzhin chags/ /lus la sogs pa'i phung po lnga/ / 'di dag bdag med rtogs nas ni/ /rdzogs sangs rgyas ni tshul gsum gnas/ /pha ni zhi gnas yin zhes bya/ /ma ni lhag mthong yin par bshad/ /de bzhin nyid shes lus su 'gyur/ /zhi ba rnal 'byor pa yi zas/ /ji ltar bzo bos bder gshegs kyi/ /sku yi gzugs brnyan byas pa ltar/ /gang zhig sku lta bu yi sku/ /de bzhin gsung gi rnam pas gsung / /thugs kyi rnam pas thugs su ni/ /zhi gnas la sogs pa las byung / /phung po la sogs chos rnams ni/ /stong zhing rten 'brel las byung mthong / /ye shes nyi ma shar ba'i gzugs/ /zhi las rnal 'byor pa rnams byed/ /de bas sku gsung thugs rdo rje/ /grib ma lta bur byung ba yin/ /de bzhin phung po khams la sogs| |dam tshig gcig la rnam par gnas/ /de nas tshul gsum don gcig pa/ /zhi gnas la sogs pa las byung / /de nas rdo rje tshul yid 'ong / /gsang </font><hr>116b<br><font size=+1>


ba'i bdag po mnyan par gyis/ /stong pa rten 'brel las byung bar/ /rnal 'byor ba yi rdo rje zhes/ /nam mkha' mtha' yas rnal 'byor ni/ /phung po la sogs chos byung ba| |lus dang ngag sems kun rtog ni/ /phung po sogs byung 'byung las gyur/ /'di dag dngos med yang dag sbyar/ /de las ting 'dzin skye bar 'gyur/ /'di dag ting 'dzin gnyis med sbyor/ /mi phyed rdo rje nyid du 'gyur/ /zab dang rgya chen rtog byang chub/ /de rtogs pas ni sems dpar gyur/ /'di dag nam mkha' mtshungs gyur pa/ /chen po zhes bya shes byed pa'o/ /de la rtogs pa mtha' yas pa/ /rdo rje theg par ston pa yin/ /ting nge 'dzin ni de nyid las/ /rdo rje'i theg pa byung ba yin/ /'di las 'jig rten 'das 'gyur zhing / /de bzhin 'jig rten shin tu 'das/ /dgongs don de bzhin nyid gcig pu/ /gsang ba 'jig rten pa zhes bshad/ /ma skyes pa las byung ba ni/ / kun rdzob dang ni don dam yin/ /bdud gyur lha yi bur bshad de/ /phung po nyon mongs 'chi bdag bcas/ /'di las dngos med pas rgyal bas/ /rgyal ba'i rdo rjer rnam par bshad/ /lus sogs phyi yi phung por bshad/ /'byung dang 'byung las gyur bshad gang / /byang chub sems dpa' sems dpa' che/ /'di dag rdo rje'i rigs can </font><hr>117a<br><font size=+1>


@#/ /'gyur| |dngos po gang dang gang dag gis/ /phung po lnga po brtags gyur ba/ /de rnams de bzhin yang dag dmigs/ /de bzhin gshegs pa rnams su 'gyur/ /ji ltar me long mtshungs gsal ba/ /dngos po kun gyi bdag nyid can/ /der ni bdag gis bdag nyid mthong / /dkyil 'khor mchog 'gyur rnal 'byor pa| |phung po de bzhin gshegs par 'gyur/ /de bzhin nyid las spros byas pa/ /chos kyi sku can rgyal ba yi/ /mchod pa chen por de 'gyur ro/ /'di ni spros dang bsdus pa dag /de ni dga' bar yongs su grags/ /sems can gang zhig longs spyod cing / /de ni gsol 'debs zhes bshad do/ /yang dag shes rab thabs gnyis te/ / mkha' dbyings dbyer med rab sbyor ba/ /de ni 'dod chags che tshul 'gyur/ /rnal 'byor pa ni mngon bzhugs pa'o/ /rdo rje theg pha rnal 'byor cher/ /bdag nyid nges par sbyor ba gang / /dbang po thams cad bde bskyed pa'i/ /yid bde ba ni skye bar 'gyur/ /zhal gsum rnam thar gsum du gang / /mthong zhing de la phung po sogs/ /lha yi bdag nyid rig 'gyur ba/ /de nyid gsum du bshad pa yin/ /dngos med pa ni lam gyi mchog /mya ngan 'das par gnyis med 'jug /'on kyang so sor gyur pa de/ /chos kyi sku las </font><hr>117b<br><font size=+1>


zhe sdang gyur/ /bcom ldan bdag po de nyid ni/ /de bzhin gshegs pa'i rigs 'byung zhing / /mya ngan 'das tshul rdo rje can/ /de nyid dbang po kun byed pa'o/ /dam tshig la sogs 'byung ba'i chos/ /rang gis rig par ma gyur kyang / /der ni gnas pa yang dag bshad/ /de ni gti mug de bzhin sems/ /gang gi ji ltar brtags chos kyis/ /longs spyod rdzogs zhes bya byed pa/ /de ni yid bzhin rin chen 'byung / /rin chen chen po'i rigs kyi gtso/ /de nyid bcom ldan 'dod chags ni/ /kun mkhyen ye shes las byung ba/ /gnas med gnas pa'i sbyor gyur pa/ /'dod chags chen po'i tshul gyi mchog /ji ltar 'dam dbus pad+ma ni/ /de yi nyes pas gos mi 'gyur/ /de bzhin rnal 'byor rig pa mchog/ 'dod pa kun la nye bar spyod/ 'gro ba gcig tu 'dod pa khyab/ /de nyid rdo rje rigs mchog yin/ /chos dang longs spyod sprul pa ste/ /gsum po de dag mdor bsdus pa'i/ /zhe sdang gti mug de bzhin chags/ /rdo rje dga' ba'i mtha' can gtso/ /ngan 'gro gsum 'don pas bud med/ /gcig pu yin yang du mar gyur/ /gsum po yang dag 'dug gyur pa/ /gshin rje shes rab gyur de bzhin/ /pad+ma bgegs gyur khro bo ste/ /mthar byed mtha' yi ming can no/ /'jug pa la sogs gsum nyid la/ /phung por grags te de bzhin gshegs/ /skrag byed gshin rje gshed kyis kyang / / </font><hr>118a<br><font size=+1>


@#/ /thams cad 'byung ba'i dkyil 'khor ro/ /rdo rje dam tshig skrag par byed/ /de bzhin shes rab mthar byed gtso/ /pad+mo'ang gsung zhes bya bar gyur/ /'chi bral rnal 'byor grub pa yin/ /bgegs mthar byed kyang thugs kyi gtso/ /rigs pa'i bdag nyid rang bdag po/ /'di ltar rtag spyod rnal 'byor pa/ /gsang ba'i lus kyis rnam par spyod/ /dgongs pa lung ston la gnas par/ /gang zhig yid ni bzod gyur pa/ /des ni de bzhin bya ba dang / /de nas gsang ba yang dag 'byung / /nu zho zas kyis bu bso bzhin/ /srid pa gsum na bcom ldan gtso/ /sems can bsam dbang ji bzhin du/ /chos kyi bdud rtsis tshim par mdzad/ /chos dang longs spyod sprul pa yis/ / sku gsum gcig tu sbyor ba las/ /bcom ldan gsang ba dgongs mdzad pa/ /bden pa ma yin rdzun pa'ang min/ /zhe sdang gti mug rin chen dang / /'dod chags sna tshogs rigs byung ba/ /dgongs pa'i rigs kyi brdar thur \?\ pas/ /gleng gzhi yin te dang po'o// //de nas de bzhin gshegs bdag la/ /slar yang de bzhin gshegs pa kun/ lhag par mchod pa byas nas ni/ /thub chen de la 'di skad gsol/ /dgongs pa'i rdo rje dam pa ni/ /de bzhin gshegs pa kun ye shes/ /byang chub sems ni bla med </font><hr>118b<br><font size=+1>


pa| |gsang ba bcom ldan bshad du gsol/ /bcom ldan 'das kyis de rnams kyi/ /zhu ba yang dag thugs chud cing / /byang chub sems dpa' yongs rtog pa/ /thub nyid kyi ni rnam mkhyen pa/ /de nas byang chub sems kun la/ /bcom ldan 'das kyis de skad gsungs/ /lus sems de dang 'dra ba dang / /de bzhin ngag ni tshig brjod blta'i/ /byang chub sems ni bla med pa/ /khyed kun gyis ni bskyed par bya/ /de ltar byang chub sems dpa' la/ /ston pas ji bzhin ston par mdzad/ /de nas de bzhin gshegs rnams kyis/ /sku dang thugs dang de bzhin gsung / /de 'dra'i tshul du sbyar nas ni/ /byang chub sems dpa' sems dpa' che/ /sku gsung thugs rdo rje can la/ /ched du brjod pa ched du brjod/ /e ma kun tu bzang po yi/ /rten cing 'brel 'byung las skyes pa/ /skye ba med pa'i tshul gyis ni/ /skye ba 'dir ni rab tu bsgrags/ /de nas de bzhin gshegs bdag po/ /de bzhin gshegs pa'i rdo rje gsum/ /de bzhin gshegs pa thams cad kyi/ /mngon rdzogs byang chub rdo rje yi/ /ting nge 'dzin la snyoms zhugs nas/ /dpal ldan byang chub sems 'di gsungs/ dngos po med pa'i dngos gnas na/ /dngos dang dngos med gnyi ga'ang min/ /de ltar dngos po dngos med pas/ /sgom pa dngos por yod ma yin/ /de nas dpal ldan rnam </font><hr>119a<br><font size=+1>


@#/ /snang mdzad/ /de bzhin gshegs pa thams cad kyi/ /gnyis med dam tshig rdo rje grags/ /ting nge 'dzin la snyoms par zhugs/ /de bzhin gshegs pa kun gyi mchod / gsang ba dgongs pa rdo rje can/ /byang chub sems ni thams cad nas/ /de ni yang dag bka' stsal to/ /dag pa de bzhin gshegs kun gyi/ /phung po khams sogs rnam spangs shing // gzung dang 'dzin pa las grol ba/ /chos bdag med pa'i stong nyid can/ /byang chub sems ni 'di gsungs pa/ /rten cing 'brel 'byung ming can te/ /thog ma med nas ma skyes bdag/ rang sems mnyam pa nyid kyang yin/ /de nas mi bskyod de bzhin gshegs/ /kun gyi gnyis med mi bzad pa'i/ /ye shes ting 'dzin snyoms zhugs te/ /byang chub sems ni 'di gsungs so/ /dngos po 'di dag ma skyes pas/ /phung por grags pa'i chos nyid med/ /nam mkha' lta bur blta dka' ba'i/ /bdag med byang chub ces bya'o/ /de nas bcom ldan dkon mchog dpal/ /bdag med rdo rje zhes bya ba'i/ /ting nge 'dzin la snyoms zhugs nas/ /byang chub sems 'di rab tu gsungs/ /chos rnams thams cad dngos med cing / /chos kyi mtshan nyid rnam spangs pa/ /bdag med chos las yang dag 'byung / /byang chub tshul 'di bstan pa'o/ /de nas 'od dpag med mtshan can/ /ye shes 'bar ba sgron rdo rje'i </font><hr>119b<br><font size=+1>


ting nge 'dzin la snyoms zhugs te/ /byang chub sems ni 'di gsungs so/ /ma skyes pa yi chos rnams la/ /dngos po med cing skrom pa'ang med/ /nam mkha'i tshul du sbyor ba yis/ /dngos po zhes ni rab tu bshad/ /de nas de bzhin gdon mi za/ /zil gyis gnon pa'i rdo rje yi/ /ting nge 'dzin la snyoms zhugs te/ /byang chub sems ni 'di gsungs so/ /chos 'di rang bzhin 'od gsal zhing / /gzod nas dag pas mkha' dang mtshungs/ /byang chub med cing mngon rtogs med/ /byang chub sems ni yin par bshad/ /de nas dpal ldan rdo rje 'dzin/ /byang chub sems ni thos pa dang / /dgongs pa'i don ni rab bshad par/ /rnam par snang mdzad che la gsungs/ /dngos po med cing dmigs med pa/ /byang chub sems dpa' mkha' dang mtshungs/ /gsang ba'i tshul ni 'di thos nas/ /dngos po yi ni rtog pa skye/ /lus la sogs pa gsung sbyor bas/ /sems ni de rnams skyed par byed/ /yang dag byang chub du ma'i mthar| |'di la so so skye bo smra/ /thub pa'i gsung ni do rnams la/ /rang gi sgra bzhin 'dzin par byed/ /bsam pa'i dbang ni ji bzhin du/ /'gro ba'i don du bka' stsol cig/ de nas bcom ldan bdag po 'di/ /rnam par snang mdzad thub pa che/ /legs zhes lan gsum gsungs nas ni/ /lag na rdo rje la 'di gsungs/ /rnam par mi rtog don de </font><hr>120a<br><font size=+1>


@#/ /nyid| |rab tu phye ste bshad par bya/ /tshig tu brjod pa dmigs par bshad/ /brda dang don dam pa yin no/ /rkyen dang nyan thos rnams kyis kyang / /mdo dang gsang sdags spyod rnams kyis/ /de bzhin gshegs pas gsungs pa yi/ /byang chub sems 'di bla na med/ /de bzhin yang dag sbyor ba 'di/ /dgongs pa'i gsang ba bla na med/ /gnyis med dam tshig rdo rje dang / /pad+ma de las skyed par byed/ /tshig tu brjod pa thun mong ste/ /sangs rgyas sku ni dmigs can yin/ /gsang sngags de nyid ces bya brda/ /de bzhin nyid ni don dam pa'o/ /dang po gcig ni dgu dbus na/ /gang zhig bcu yis ma bcings pa/ /de ni bcings med ces bya ste/ /de shes pa ni mchog gi gnas/ /dbyangs dang gsal byed yi ge ste/ /grangs dgu yi ni rjes 'jug pa/ /as bcings phan tshun sbyor ba las/ /gang gis shes te 'gro ba'i bla/ /gang zhig shes pa rnam grol ba| |'bras bu phun tshogs grub 'dod pa/ /de ni de nyid grub 'dod de/ /gzugs med pas ni gzugs spangs pa/ /'byung ba'i mtha' ni yang dag ldan/ /cha la sogs pa bcu drug gnas/ /lnga pa lnga dang yang dag ldan/ /bzhi ni gsum du nges par sbyar/ /yi ge aM bcas ring por bcas/ /yon tan sbyor sogs phyis </font><hr>120b<br><font size=+1>


dang mtshungs/ /thung ngu ma lus dag tu 'gyur/ /gcig min du ma ma yin no/ /ya yi don gyis gang yang rung / /bya ba'i dngos grub 'dod gyur pa/ /ra la sogs pa gsum nyid kyis/ /'gro ba'i don la rab tu 'jug /yi ge gang zhig sngar bshad dang / /gang yang mngon du phyogs pa rnams/ /bud med skyes pa ma ning ste| |khams la sogs par rab tu brtag /'og nas steng du bcas par ni/ /shes nas blos ni nges par sbyar/ /drug bshad bzhi dang gsum dang gcig /dngos med do bo gcig las byung / /de ni ya sogs don sbyar na/ /dus gsum shes pa'ang 'byung bar 'gyur/ /mkhas pas sgyu ma mig 'phrul bzhin/ /'gro ba rnams ni sgyu mthar bya/ /brjod pa yi ni sngags 'di dag /dngos med ngo bo las byung ba/ /de ni yongs su gyur pa'i gzugs/ /lha ru nye bar mtshon pa gang / /brda yis de nyid gsum gnas pa/ /rang bzhin bzlas pa'i mtshan nyid do/ /ming med brjod du med pa ste/ /byang chub sems mchog 'di yin no/ /gsum po de nyid gcig gyur pa/ /'gro ba med cing 'ong ba med/ /'gag med rab tu zhi ba ste/ /rtag dang chad pa rnam spangs pa/ /dus gsum mkhyen pas ma byas pa'i/ /rtog pa nam mkha' dbyer med mtshan/ /'di nyid kho na don dam ste/ /so sor rang rig </font><hr>121a<br><font size=+1>


@#/ /mtshan nyid do/ /de 'di sems can kun zhes bya'i/ /sangs rgyas byang chub ngo bo nyid/ /byang chub sems dpa' gcig 'byung yang / /rten cing 'brel 'byung rang bzhin can/ /gang 'di byang chub sems dag nyid/ /rnal 'byor pa ni nyi 'drar 'gyur/ /'di ni rnam rtog kun bral yang / /rigs kun la ni 'jug par 'gyur/ /sreg dang skem dang bde can dang / /kun zar 'jug pa'i me bzhin no/ /'di ni lhas kyang mchod bya bar/ /sems can kun la rnam par gnas/ /byang chub sems 'dod bdag nyid de/ /'gro ba bu gcig bzhin lta zhing // gang zhig bdag dang mnyam gnas pa/ /byams pa chen po de bskyed bya/ /phyin ci ma log 'di mthong nas/ /byang chub sems ni yang dag 'byung / /des ni snying rje cher gyur nas/ /des ni 'khor ba nges par 'joms/ /sems can kun dang de bzhin bdag /byang chub sems la mthong na/ /'on kyang 'gro ba'i don byed ba/ /de las dga' ba skye bar 'gyur/ /'khor ba dngos po yod min la/ /sems can rnams kyang de dang 'dra/ /byang chub sems ni mthong nas ni/ /btang snyoms chen por gyur pa yin/ /de nas rdo rje 'dzin pa yis/ /thos pa'i byang chub sems dran zhing / /slar yang de don mtshan nyid ni/ /rnam par sna ba mdzad che la zhus/ /'khor dang gcig shos zhes bya ba/ /'di kun byang chub sems yin na/ /ji ltar so sor gyur nas ni/ /phan tshun </font><hr>121b<br><font size=+1>


'gal bar rab tu gnas/ /bdag nyid kyis ni bdag nyid la/ /gnyis su 'gog byed gang yang med/ /gang zhig nor bu gcig las byung / /mi mthun phyogs su ji ltar snang / /dman dang bar ma de bzhin mchog /'khor bar nyon mongs mi zad pas/ /sems can kha cig gzir ba dang / /byang chub sems la'ang sbyar bar 'gyur/ /de lta'i rnam rtog kun rtog par// ma 'ongs skye bo bgyid 'gyur gyi/ /rten cing 'brel 'byung las byung ba/ /'di dag 'tshal bar mi 'gyur ro/ /dngos po med pa'i chos rnams la/ /byis pa rnams ni rtsod par 'gyur/ /de rnams rtsod pa med pa'i phyir/ /dgongs pa bshad par mdzad du gsol/ /de nas bdag po bcom ldan 'das/ /rdo rje can la gsang dgongs pa/ /shin tu rnyed dka' byang chub sems/ /de ni yang dag bka' stsal to/ /phyi ma'i mtha' gang stong pa gcig /sngon gyi mthar thug de bzhin te/ /sems de mngon du byas nas ni/ /ci dga' bar ni bya ba yin/ /sems ni de yis ma mthong bas| |lta ba so sor gyur pa yin/ /de bas de rnams 'khor ba ru/ /'gro ba drug gi ming du gyur/ /des na tshangs pa khyab 'jug dang / /dbang phyug che la kun tu brten/ /zla ba nyi ma bya ba yi/ / kun tu spyod pa de rnams byed/ /sum cu rtsa gsum par bshad dang / /dga' ldan gyi ni gnas dag dang / /de bzhin gzhan dag dmyal bar yang / /lta bas skad cig dag gis 'gro/ /yi </font><hr>122a<br><font size=+1>


@#/ /dwags su yang 'gro ba dang / /'gro ba sna tshogs dag tu 'gro/ gang tshe ma rig kun bsten pas/ /bdag nyid kyang ni mi shes so/ /'du shes can dang 'du shes med/ / sems can du brtags 'di gnas pa/ /de rnams rlung las byung ba ste/ /rlung las slar yang 'gag pa yin/ /nyin dang mtshan mo'i cha yis kyang / /rang gi rnam par rtog par lhung / / de nas 'khor bar skrag bzhin du/ /sna tshogs 'gro bar de dag 'gro /mi rtog pa yi sems de ni/ /'khor ba'i rgya mtshor gnas gyur kyang / /de ni phyin ci log gyur pas/ /khyi dang lce spyang glang po dang / /sems de ltar yang 'gro bar 'gyur/ /de bzhin du ni phag nyid dang / /mi yi rigs ni smyig mkhan dang / /sme sha can dang rigs ngan dang / /bza' dang mi bza' bya kun tu/ /byang chub sems de skye bar 'gyur/ /bram ze la sogs 'jig rten shes/ /byang chub sems las 'byung bar 'gyur/ /phung sogs dngos po med gyur las/ / rang gi myong ba shes par 'gyur/ /de ni 'jig rten shes zhes bshad/ /'jig rten pa ni byang chub sems/ /nye bar dmigs pa'i sbyor ba yis/ /sangs rgyas sku ru 'di 'byung ste/ / sgyu ma lta bu'i rang bzhin nyid/ /tshig gis brjod pa tsam du 'gyur/ /de nas bcom ldan rdo rje can/ /rdo rje snying po'i don gsungs pa/ /'gro ba'i bla ma gcig pu la/ /phyag 'tshal </font><hr>122b<br><font size=+1>


nas ni slar gsol pa/ /'jig rten pa yi lung nyid ni/ /byang chub sems ni rab gsungs na/ /ji ltar 'jig rten las 'das pa/ /ma 'ongs pa yis ji ltar rtogs/ /lta ba thams cad rab spang phyir/ /khyed kyis chos rnams ston mdzad na/ /ji ltar byang chub sems de nyid/ /lta ba de ni rab bstan 'gyur/ /dgongs pa'i tshig la rmongs pa rnams/ /gsungs pa'i don ni ma rtogs nas/ /gsungs pa 'di las gzhan min zhes/ /de ni ji bzhin sgrar 'dzin to/ /de nas bcom ldan sna tshogs pas/ /lag na rdo rje la gsungs pa/ /khyed gsungs dgongs pa ma rtogs pa/ /'dri bar byed pa legs so legs/ /byang chub sems ni rlung gyur cing / /nam mkha' la ni rnam gnas pa/ /sems can kun gyi srog gyur gang / / lnga yi bdag nyid bcu ming can/ /rten 'brel bcu gnyis zhes grags pa/ /ngo bo nyid rnam gsum du 'gyur/ /rlung zhes bya ba'i byang chub sems/ /dbang po kun gyi gtso 'di yin| |ji ltar mi mngon phra ba las/ /rtag tu gsal bar brjod pa yin/ /'gro ba yul sogs las byed pa/ /'dir ni de la brten pa yin/ /zhi ba dang ni rgyas pa dang / /dbang dang de bzhin mngon spyod rnams/ /de nyid gsum gnas la brten nas/ /de kun byang chub sems kyis byed/ /ji srid 'jig rten gdags pa dang / /de bzhin btags pa sna tshogs </font><hr>123a<br><font size=+1>


@#/ /rnams| |rnam rtog byang chub sems zhes pa'i/ /rlung las rtag tu 'byung ba yin/ /bde sdug la sogs ches rnams kyi/ /sa bon lta bur bshad pa yin/ / byang chub sems kyi ngo bo 'di/ /phung sogs gnyis med mkha' dang mnyam/ /shes rab thabs dang sbyor ba yis/ /byang chub sems ni 'gro bar 'gyur/ /klog dang bsam gtan rnam spang par/ /bdag por bdag nyid zlos pa de/ /nyin dang mtshan mo'i dbye ba yis/ /nyi zla rab tu sbyor ba yis/ /dngos po med par 'gro khyab pa/ /byang chub sems kyi rlung gcig pu/ /dge dang mi dge 'bras spangs nas/ /nam mkha' 'dra bar 'gyur ba yin/ /'gro ba'i don ni shes pas kyang / /ming ni de bzhin nyid ces bya/ /dbyangs kyi thung ngu nyin mor bshad/ /ring po mtshan mo yin par bshad/ /dbyangs dang gsal byed dbye ba las/ /de nyid ming las sbyar bar bya/ /e ma'o 'gro ba'i bya ba byung / /de nyid gzhan las de nyid gsal/ /de las 'jig rten pa yi brda/ /myur du mngon par shes par 'gyur/ /de nas gsang ba'i bdag pos ni/ /byang chub sems 'di thos pa dang / /gtso bo rnam snang chen po las/ /khyab bdag la ni slar gsol ba/ /sems can thams cad skyed pa po/ /sna tshogs gzugs can sems 'di ni/ /de bas dngos po med gyur kyang / /srid pa dag </font><hr>123b<br><font size=+1>


tu rab tu grags/ /byang chub sems ni mkha' mnyam pa/ /legs par rjes su myong mdzad pa/ /'gro ba'i don ni mdzad pa po/ /skye bo mchog la de bstan gsol/ /sgrub pa yi ni thabs tsam zhig /shes nas rgyud la rgyab kyis phyogs/ /'di ltar bdag ni slob dpon zhes/ /ma 'ongs pa na smra bar 'gyur/ /bdag gi tshig ni 'di nyid dag /yin zhes smra zhing byas pa 'jig /des ni dgongs pa'i byang chub sems/ /ji bzhin don du mi shes so/ /de bzhin 'jig rten pa rnams ni/ /skal med chos kun rnam spangs la/ /rig pa yang ni mi mthong bas/ /de rnams la yang gnas med 'gyur/ /de bas byang chub sems bdud rtsi/ /de ni smra bar rigs pa yin/ /'brel ba'i nyi ma thob pa ni/ /ma 'ongs pa na 'byung bar 'gyur/ /de nas bcom ldan sna tshogs pas/ /grags ldan rdo rje 'dzin pa las/ /byang chub sems kyi nges pa'i don/ /slar yang de nyid la gsungs pa/ /nang na ma yin phyi rol min/ /gnyi ga ming du'ang 'gyur ma yin/ /rtag pa ma yin skad cig min/ /de ni so so rang rig yin/ /mi rtog nam mkha' ji bzhin du/ /byang chub sems ni rdo rje 'dzin/ / de bzhin gshegs pa 'gro ba'i don/ /yid bzhin nor bu lta bur 'byung / /'das dang ma 'ongs pa nyid dang / /da ltar zhes ni bya ba dang / /sangs rgyas sku yang 'byung 'gyur ba/ / </font><hr>124a<br><font size=+1>


@#/ /don dam gcig ni kun rdzob yin/ /rig byed dus dang me yi sgra/ /nyi zla rlung gi gzugs can te/ /bzhi phyed gsum pa dag las byung / /byang chub sems gcig dbye ba nyid/ /de ni shes rab thabs zung 'brel/ /de bzhin bde byed 'dzin pa dang / /ha ni so la gnas pa yang / /gnas skabs ji snyed de bzhin du/ /ming ni yod pa ma yin pa| |de 'di byang chub sems su 'gyur/ /rdo rje nang du zhugs gyur pa/ /bsam bya'i snying po'ang de nyid yin/ /lhod pa gnas zhes bya ba ni/ /tsheg drag bcas pa'i rlung yin no/ / rang nyid lhod par byed pa'i mchog /de ni srog dbang yid kyang yin/ /nga rgyal dang ni de bzhin blo/ /de dang ldan pa byang chub sems/ /bzhir grags cha las yang dag byung / /yod med rab tu zhi ba can/ /dngos po med pa'i sems 'di ni/ /rang rig gcig pu'i spyod yul yin/ /de nyid don ni rig byed pa/ /dgongs pas yang dag bshad pa yin/ /de nas gsang ba'i dgongs pa 'di/ /chos kyi yi ge mchog thos nas/ /byams pa zhes la sogs pa yi/ /byang chub sems dpa' sems dpa' che/ /ngo mtshar rmad byung legs skyes nas/ / ched du brjod pa ched du brjod/ /e ma'o sangs rgyas e ma'o chos/ /e ma'o chos ni ston mdzad pa/ /dngos kun dag pa'i don gcig pu/ /dag pa de nyid don dag ster/ /rnam par </font><hr>124b<br><font size=+1>


mi rtog mkha' mtshungs bshad/ /byang chub sems la phyag 'tshal lo/ /bdag med chos las yang dag byung / /byang chub tshogs na rdzogs byed pa/ /ngo bo med cing dmigs su med/ / byang chub sems la phyag 'tshal lo/ /kun bzang gcig las yang dag byung / /dgongs don byang chub ster ba po/ /byang chub spyod mchog rdo rje mchog /byang chub sems la phyag 'tshal lo/ /dag pa de bzhin gshegs pa'i thugs/ /sangs rgyas byang chub rab sgrub pa/ /rdo rje gsum ni rang bzhin gcig /byang chub sems la phyag 'tshal lo/ /dgongs pa lung ston la dad par/ /gang gang yid ni bzong gyur pa/ /dam tshig gsum gyi rdo rje las/ /des ni de bzhin bya ba yin/ /de bzhin gshegs pa thams cad kyi/ /rdo rje gsum gyi gsang ba las| |yang dag byang chub sems bshad pa/ /le'u gnyis pa yin par bshad// //de nas de nyid gsang rdo rje/ /gsum dang tshul gsum lam gsum mchog /rnam thar gsum dang dkon mchog gsum/ /de bzhin gshegs pa kun bdag po/ /de bzhin gshegs pa kun bkod pa/ /'phro ba'i sprin gyi rdo rje dang / /ting nge 'dzin la snyoms zhugs te| |de nas rdo rje 'dzin la gsungs/ /rdo rje bkod pa mchog 'di yi/ /le'u brtul zhugs bzang po nyon/ /'di ni de bzhin gshegs pa kun/ /phra mo rnal 'byor dag la bzhugs/ / </font><hr>125a<br><font size=+1>


@#/ /oM ni gcig dang yang dag ldan/ /shU n+ya tA ni gnyis pa ste/ /dz+nyA na zhes ni gsum pa yin/ /badz+ra zhes bya bzhi pa'o/ /swa b+hA bAt+ma kaH lnga pa/ /a haM zhes pa drug par brjod/ /de ltar bder gshegs drug pa ni/ /skye bo mchog la bstan pa yin/ /oM shU n+ya tA zung dang po'o/ /dz+nyA na badz+ra gnyis pa yin/ /swa b+hA bAt+ma konyahaM gyur/ /de nyid gsum ni 'dir brtags pa'o/ /de nyid gsum ni gcig gyur par/ /mi gsal gsal ba'i ming can no/ /mkha' dbus sangs rgyas dkyil 'khor ni/ /'od zer sprin gyi tshogs chen po/ /yi ge ma yi 'od kyis khyab/ /kun nas yongs su zlum po'o/ /'dod yon lnga yis kun tu khyab/ /mchod pa rnam pa lngas brgyan pa/ /mdor na de ltar bsgoms nas su/ /dbus su gzugs ni bsgom par bya/ /rnam par snang mdzad phyag rgya mchog /de nyid gsum gyi rdo rjes mtshan/ /yang na rdo rje gsum mgon gyi/ /phyag rgya yang ni rnam par bsgom/ /mi bskyod pa yi phyag rgya che/ /tshogs ni gnyis med sbyor ba dang / /dkon mchog dpal gyi rgya chen dang / /tshe dpag med pa'i 'od byed dang / /de bzhin don yod gzugs can rgya/ /sangs rgyas dkyil 'khor dag tu bsgom/ /rdo rje gsum gcig rdo rje can/ /in+d+ra nI la'i mdog 'dra ba/ /rab 'bar phyag na rdo rje bsnams/ /rnam par </font><hr>125b<br><font size=+1>


gtsigs pa 'jigs 'jigs lta/ /dzam+bu chu bo'i gser 'od 'dra/ /sangs rgyas sprin gyis rab tu 'khrigs/ /de ni phyag na rdo rje che/ /rtse mo dgu pa rnam par bsgom/ /shel dang zla ba'i 'od 'dra ba/ /thor tshugs cod pan dag gis brgyan/ /rab 'bar lag na 'khor lo bsnams/ /sna tshogs rgyan gyis rnam par brgyan/ /m+r+gad te yi 'od 'dra ba/ /rdo rje 'bar bas rnam par brgyan/ /'bar zhing 'bar ba'i tshogs kyis khyab/ /rin chen de la rnam par bsgom/ /'dod chags chen po rdo rje can/ /pad+ma rA ga'i mdog 'dra zhing / /thor tshugs cod pan dag gis brgyan/ /phyag na pad+ma bsnams par bsgom/ /sna tshogs rdo rje gdon mi za/ /'od chen sna lnga'i 'od 'dra ba/ /zhi ba sangs rgyas dkyil 'khor du/ /phyag na ral gri bsnams par bsgom/ /de ltar rnal 'byor bshad pa dag /gsang ba'i bdag pos thos nas ni/ /phra mo'i rnal 'byor cha dag kyang / /de bzhin gshegs bdag la zhus pa/ / phung po khams sogs sbyor ba yis/ /de bzhin gshegs pas bka' stsal na/ /mkha' dbus sangs rgyas dkyil 'khor du/ /de rnams kyang ni ji ltar 'gyur/ /gcig shos phyi rol tu sgom pa/ /dkyil 'khor sangs rgyas ming can ni/ /dngos po med pa'i dngos po la/ /sgom pa po rnams ji ltar brtag /mgon po phra mo'i rnal 'byor 'di/ / </font><hr>126a<br><font size=+1>


@#/ /dkyil 'khor gang zhig bka' stsol ces/ /gang zhig ma 'ongs pa rnams ni/ /'di ltar mchog tu'ang som nyi 'tshal/ /lag na rdo rje grags ldan pa| |phra mo'i rnal 'byor de nyid skyes/ /'gro ba gnyis med sbyor ba yis/ /phra ba dgongs pas gsungs pa yin/ /rnam lnga mngon par byang chub 'di/ /ma 'ongs skye bo'i rgyur gyur te/ /chos ni yang dag sdud 'gyur gang / /ji lta ji ltar ston par byed/ /phung po nyid ni sangs rgyas gyur/ /byang chub don gyi rkyen las byung / /de yang de bzhin gshegs bshad pa/ /de nyid gnyis med sbyor bas so/ /ston dang 'jog pa po 'di ni/ /blo yi dngos grub ston pa po/ /thog mtha' med pa rnal 'byor ni/ /phra mo zhes ni bya bar brtag /mi gsal gsal bar yang dag sbyor/ /dngos med ngo bo las skyes pa'o/ /gzod ma nyid nas rab grub pa/ /gcig dang du ma rnam spangs pa/ /rten 'brel chos zhes grags pa ste/ /dngos po thams cad gcig tu byung / /bdag nyid 'di 'drar byas nas ni/ /chos kyi dkyil 'khor yang dag bri/ /dmar dang nag dang de bzhin ser| |dkar po nyid ni mdo ru ste/ /bzhi bzhi gcig tu sbyor ba yang / /gos dkar la sogs yang dag bri/ /de rnams dbus su lha mor bcas/ /zhi sbyor mchog dang mchog </font><hr>126b<br><font size=+1>


min dang / /steng dang thad ka mnyam dang 'og /ji ltar gos dkar sogs/ /me dang rlung dang dbang chen dang / /chu ste so so'i dkyil 'khor la/ /bco brgyad dag tu yang dag bshad/ de yang 'di nyid dag la bshad/ /ji ltar 'o ma khyad par ni/ /mar gsar gnas par gyur ba yin/ /de bzhin gos dkar la sogs la/ /zhi ba nyid ni de gnas so/ /gzugs la sogs pa nang gi chos/ /mthong ba de ni lhag mthong yin/ /mi bskyod la sogs grangs ji bzhin/ /rtog pa dag ni zhi gnas yin/ /'di gnyis dngos po med pa'i bdag /de bzhin nyid ni zhi zhes bya/ /de bzhin nyid kyi dkyil 'khor du/ /sangs rgyas thams cad gzhug par bya/ /rnal 'byor pa yi dbugs rdub dbyung / /sbyor ba de nyid gcig pa nyid/ /shes rab thabs la gnas nas ni/ /sngags kyi yan lag ma nyams bzlas/ /bya ba thams cad nyid du yang / /rnal 'byor rig pas nyal sogs la/ /ming med brjod du med pa dang // dus gsum 'das pa rtag tu bzla/ /gos dkar la sogs bzlas bshad pa/ /brgya phrag gnyis dang nyi shu lnga/ /bzhi pa legs par bsgres pa yi/ /sbyor bzhis bsdus pas brgya phrag dgu /dgu brgya dag tu gang bstan pa/ /nyi shu rtsa bzhi'i rim gyis ni/ /de ni so sor 'byung pa las/ /nyi khri chig stong drug brgya'o/ /de 'dir gsang ba dgongs pa yis// </font><hr>127a<br><font size=+1>


@#/ /phra mo'i rnal 'byor bstan pa yin/ /klog dang bsam gtan med mod kyi/ /'on kyang bzlas pa yin par bshad/ /de ltar rnam pa mang po yi/ /'gro la phan pa'i gsung thos nas/ /de bzhin gshegs kun bdag po la/ /rdo rje can gyis slar yang zhus/ /gang zhig bsgoms na ma 'ongs 'gro/ /thams cad mi rtog par 'gyur ba/ /rdo rje gsum gyi snying po mchog /snying po bcom ldan bshad du gsol/ /de nyid gsum gnyis med sbyor ba/ /de ni phra mo'i rdo rje bsgom/ /myur ba la sogs gsum spangs pa'i/ / rnal 'byor bar yang bdag cag 'gyur/ /de ni bdag rig yid ches shing / /zhi ba nyid ni mi shes 'gyur/ /phra mo'i rnal 'byor gtso spangs te/ /log pa'i rnal 'byor kun tu bsten| |ston pa po yi sbyor smra zhing / /phra mo zhes bya de nyid ni/ /ma 'ongs dus na spong 'gyur ba/ /de nyid de ni nges par byed/ /de nas rdo rje 'dzin smra ba'i/ /lung bstan pa ni gsan pa dang / /de bzhin gshegs pa kun bdag po/ /chos nyid ngo bo nyid ces bya yi/ /ting nge 'dzin de kun nas ni/ /snyoms par zhugs pa nyid du mdzad/ /dpal ldan snyoms par zhugs mdzad nas/ /gsang sngags 'di ni bka' stsal to/ /sku gsung thugs ni rdo rjer bshad/ /khyad par du ni byin rlob pa/ /gnyis med rdo rje gsum sbyor bas/ /de </font><hr>127b<br><font size=+1>


ni yang dag bshad par bya/ /oM ni dang por shes par bya/ /d+harma zhes bya gnyis pa'o/ /d+hU tu zhes bya gsum par bshad/ /swAb+hA bar grags pa bzhi pa'o/ /At+ma ka/ /ni lnga pa yin/ /a haM du gyur drug par 'dod/ /sngags 'di brjod nas de 'og tu/ /sgom pa bdag nyid can gyis bsgom/ /rin chen kha dog sna lnga pa/ /yungs kar gyi ni 'bru tshad tsam/ /nyams dga'i 'di rab rtse mo ru/ /rnal 'byor pa yis rtag par bsgom/ /rin chen mi g.yor gyur nas spro/ /mi g.yor ma gyur spro mi bya/ /sangs rgyas 'bar ba'i 'od 'dra ba/ /mchog rab sprin rnams spro bar bya| |'khor lo rdo rje sprin chen dang / /pad+ma ral gri mtshon cha mchog /byang chub sems dpa'i sprin chen rnams/ /spro ba'i bdag nyid can gyis spro/ /phra mo'i dkyil 'khor dbus gnas par/ /rdo rje dkyil 'khor bsgom par bya/ /bzlas dang sgom pa'i sbyor ba yang / /pad+ma'i dkyil 'khor dag tu bsgom/ /rin chen lta bu'i dkyil 'khor du/ /dngos la brtson pas rin chen sgo/ /dkyil 'khor sbyor ba las byung ba/ /nam mkha'i dkyil 'khor du bri bya/ /'di dag sangs rgyas rab mchog gi/ phra mo rdo rje gsum sgrub pa'o/ /rdo rje dkyil 'khor las byung ba/ /thams cad mkhyen pa'i tshul thob pa'o/ /dgongs pa gsang ba zhes pa yi/ /lung ston dam pa 'di la ni/ /gang gis sems ni bzod gyur pa/ /de ni de bzhin byed pa </font><hr>128a<br><font size=+1>


@#/ /yin| |de bzhin gshegs pa kun gyi gsang / /rdo rje phra mo de nyid las/ /'di ni rdo rje bkod pa'i mchog /le 'u gsum pa nyid yin no// //de nas bcom ldan 'das thams cad/ /gnyis su med par gyur nas ni/ /slar yang rdo rje gsum bdag la/ /bstod pas de rnams gsol ba 'debs/ /de bzhin gshegs pa thams cad kyi| |zhi ba gnas rnams mchog gyur pa/ /chos kun gcig tu bdag med pa/ /dkyil 'khor mchog 'di bshad du gsol/ /yongs su rdzogs par yang dag brgyan/ /mtshan rnams kun gyis mtshan pa'o/ /kun tu bzang po sku yi mchog /dkyil 'khor dam pa bshad du gsol/ /ye shes spyod pa'i don las byung / /zhi ba'i chos ni sbyong ba po/ /kun tu bzang po gsung gi mchog /dngos mchog dkyil 'khor bshad du gsol/ /rang bzhin gyis ni dri med dag /sems ni kun tu bzang po nyid/ /sems can kun gcig che ba'i mchog /dkyil 'khor snying po bshad du gsol/ /de nas ston pa bcom ldan 'das/ /khams gcig khams ni gsum pa po/ /'jig rten gsum mchog rdo rje mchog /'jig rten gsum gyi ston pa po/ /nyams dga' de bzhin gshegs pa'i gnas/ /de bzhin gshegs pa kun dag la/ /thugs de dkyil 'khor 'dra ba ste/ /dkyil 'khor dam pa </font><hr>128b<br><font size=+1>


bka' stsal to/ /de nas sems kyi dkyil 'khor mchog /rdo rje ye shes rab 'dra ba/ /sku dang gsung dang thugs rnams kyi/ /dkyil 'khor rab tu bshad par bya/ /'di ni gsad pa'i bdag nyid mchog /legs bsgril de bzhin nyid bstan pa'o/ /sna tshogs lung gi mtshan ma ni/ /mtshan ma bzang por de bshad do/ /kun rdzob dang ni don dam dag /gnyis su med pa mdzes pa yin/ /shes rab 'di ni thig yin te/ /thabs ni de yi rjes su 'jug pa'o/ /shes rab thabs kyi thig gcig gis/ /chos dang longs spyod rdzogs mchog ni/ /sems kyi dkyil 'khor thig gdab ste/ /rten 'brel yan lag bcu gnyis pa/ /'phags pa'i bden bzhi ngos bzhis te/ /tshangs ba'i gnas bzhi gra bzhi yin/ /bsdu ba'i dngos grags sgo yin te/ re re'ang bzhi yi ming can no/ /chos kyi de nyid don gyi brda/ /'khor lo nang gi dkyil 'khor ro/ /mi phyed ye shes mtshan ma ste/ /rdo rje in+d+ra nI la rgya/ /rnam pa lnga yis rab phye ba'i/ /rtse mo 'khor ba 'jig byed pa'o/ /shar nas me long ngo bo ni/ /'khor lo 'bar ba'i 'od kyis brgyan/ /lho ru kun mnyam ye shes yin/ /gcig gi ming can rin po che/ /nub tu so sor rtog pad+ma| |pad+ma rA ga'i 'od 'dra ba/ /byang du gong ma'i sems gang yin/ /'gro ba'i rnam rtog 'joms byed pa/ /bya ba sgrub pa ral grir 'gyur/ /'od 'phro 'bar ba 'dra ba'i mdog /shar </font><hr>129a<br><font size=+1>


@#/ /lho byams pa'ang spyan yin te/ /sprin sngon dang ni mnyam pa'i 'od/ /lho nub snying rje zhes bya ba/ /mA ma kI ni rigs rdo rje/ /nub byang pad+ma zhes bya ba/ /dga' ba legs par gnas pa bzhin/ /byang shar ut+pal ltar snang ba'i/ /btang snyoms bcas pa sngon po 'dra/ /de bzhin shar sgor sbyin pa ni/ /tha ba mdangs ldan 'od dang bcas/ /de bzhin snyan smra zhes grags pa/ /dbyig pa 'od bzang rdo rje 'bar/ /nub tu don spyod ces bya ba/ /rta mgrin gyi ni pad+ma'o/ /don mthun pa ni rdo rje ste/ /rdo rje 'khyil ba'i rdo rje can/ phyag rgya dgod pa'i mtshan nyid de/ /'di ni legs par bshad pa yin/ /ji ltar dbyibs kyis mchod pa ni/ /rnam gsum bsgoms pas 'gyur ba yin/ /dang por chen po yod pa yi| |phyag rgya'i dkyil 'khor yin par bshad/ /de ltar mkha' dang mtshungs gyur dang / /shes nas 'gro la phan par 'gyur/ /rdo rje gsum dang lhan cig 'byung / /de tshe zla zer phreng ba yi/ /skad cig la sogs dus dbye bas/ /lo grangs bcu drug pa yi ming / /ma skyes par 'byung zhi ba ni/ /bud med ces ni nges par bshad/ /zhi ba'i chos dang rjes dran pa| |mdangs bzang 'od ni yin par gsungs/ /rten 'brel bag chags dri yin te/ /ye shes kha phye me tog go /dngos po med pa rigs yin te/ /kun mkhyen ye shes </font><hr>129b<br><font size=+1>


dbus nyid do/ /chos dbyings nyid ni bud med ni/ /shes rab 'di 'dras mnyes par byas/ /nang nam yin phyi ma yin/ /gnyi gar ma yin gzhan nas min/ /gnas med gnas pa'i rna 'byor gyur/ /de bas mA ma kIr bshad do/ /de yi ngo bo nyid gcig pa/ /byin gyis brlabs pas de bshad do/ /nam mkha' dang ni gcig tu gnas/ /sangs rgyas zhi ba'i gnas 'gyur/ /de bas yul du rnam brtags pa/ /bsdu ba dag ni bshad ba yin/ /ye shes dbang po stong pa gcin/ /rnam dag chos nyid khu ba yin/ /thams cad mkhyen pa'i ye shes khra rang bzhin chos su yongs brtags pa/ /de nyid lha rnams zhes bya ste/ /dngos med pa ni dbul ba yin/ /de byas sangs rgyas sras po rnams/ /khyad par du ni mnyes par 'gyur/ /gang yang 'jig rten pas brtags pa/ /de rnams ji skad bshad pa nyid/ /mi phyed rdo rje gsum bsgoms pa/ /gsar pa nyid du bkal ba legs dang / /shin tu tshad ldan mdzes pa yi/ /thig gis mkhas pas thig gdab bo/ /blo ldan dkyil 'khor brtag bya ba/ /khru ni bcu gnyis tshad tsam la/ /ngos bzhi dang ni gra bzhir ldan/ /rta babs kyis ni mdzes par bya/ /de yi dbus su 'khor lo ni/ /dgongs pas dang po bshad pa ste/ /de las ldog pa'i tshul gyis ni/ /'di na 'jig rten pa rnams rtog gang zhig 'jig rten 'das la gnas/ /de ni gzungs kyis </font><hr>130a<br><font size=+1>


@#/ /dbang bskur ba/ /dngos med pa ni 'dzin pa dag /yid ni rtag tu mkha' dang mtshungs/ /dam pa 'jig rten shin tu 'das/ /'khor ba dang ni gcig shos spang len pa ma yin gtong ba min/ /med pa ma yin gnas ma yin/ /blo ldan kun tu 'di shes pa/ /rnal 'byor thams cad rig pa mchog /thugs kyi dkyil 'khor le'u 'di ni/ /nges pa'i rnal 'byor pa zhes bshad/ /dgongs pa lung bstan yid 'ong la/ /gang zhig yid ni bzod gyur pa/ /de rnams shes rab thabs dag ni/ /ji ltar gnas pa de ltar byed// gsang ba'i dgongs pa lung bstan las/ /de las thugs kyi dkyil 'khor gyi/ /le'u bzhi pa nyid yin no// //de nas de bzhin gshegs pa mchog /rdo rje gsung bdag 'gro ba'i bla/ /slar yang rdo rje 'dzin pa la/ /sngags spyod don gyi de nyid zhus/ /sngags kyi brtul zhugs spyod pa gcig /khyad par du ni bsrung bslab pa/ /de rnams kyi ni dgongs pa'i gsung / /spyod pa bcom ldan bshad du gsol/ /de nas bdag po de bzhin gshegs/ /rdo rje 'dzin pa dag gi tshig /gsan nas 'gro ba'i don gcig pu/ /gsungs pa'i don can bka' stsal to/ /mi rtog don las yang dag byung / /zhe sdang la 'jug mtshan nyid yin/ /dngos med la gnas gti mug ste/ /'dod chags 'dod chags las byung ba/ /'dod </font><hr>130b<br><font size=+1>


chags ldan pa'i ming can yin/ /theg pa mchog ni bla med pa/ /'dod chags zhe sdang gti mug ste/ /'di dag rigs su yang dag bshad/ /dngos grub de ni 'di bsgrub bo/ /rigs ran myur bar shes par bya/ /smyig mkhan dag ni dal ba yin/ /mtshams med byed pa gnyi ga ste/ /gsod pa don gnyer sems pa po/ /theg pa chen po bla med pa'i/ /theg pa mchog 'di 'grub par 'gyur/ /sems can sdig chen byas pa dang / /gzhan yang mtshams med byed pa po/ /gang yang slob dpon smod pa yis/ /bsgrubs kyang grub par mi 'gyur ro/ /'di gnyis dad pas myur du ni/ /zhe sdang dag la gnas pas gnas/ /gang gis phung sogs dngos med par/ /zhi gnas las byung sems kyis byas/ /de ni srog gcod byed pa ste/ /theg pa mchog la gnas pa yin/ /nang dang de bzhin phyi rol dag /rten 'brel gnyis su ston pa ni/ /de ni rdzun smra dga' ba ste/ /gnas med la gnas rnal 'byor pa'o/ /rdzogs sangs rgyas kyi ye shes gang / /de ni rdzas su shes bya ste/ /de 'phrog ngang tshul gang yin pa/ /gzhan gyi nor la chags par 'dod/ /gang zhig de nyid dngos gcig pa/ /de bzhin nyid la rtag sbyor ba| |sems can de de 'dod la dga'/ /sgrub pa mchog la dam 
 'gyur/ /de yi stong nyid gti mug la/ /yul ni bshang ba zhes grags te/ /dbang po gcig ba zhes bya la/ </font><hr>131a<br><font size=+1>


@#/ /de dag zhi ba za ba yin/ /theg pa chen po chos mchog 'dir/ /de dag bsgrub pa'i snod du 'gyur/ /de tshe rdzun de 'dod pa dang / /bshang gci zas su byed pa po| |shes rab pha rol phyin shes rab/ /chos kyi sku ni ma gcig pu/ /gnyis med de bzhin nyid sbyor ba/ /dngos med ces bya 'dod spyod pa/ /longs spyod rdzogs dang mnyam gang yin/ /de nyid sring mo yin par 'dod/ /rang lha'i rnal 'byor ldan pa yis/ /gsang sngags lus kyis mnyes par bya/ /bshang gci zas su byed pa yi/ /sprul sku'i gzugs can bu mo de/ /sgrub pa pos ni bsgom par bya/ /ma dang sring mo bu mo ni/ /'di 'dra rnal 'byor pas mnyes byas/ /theg pa mchog gi chos nyid la/ /de nyid 'jig rten par byung ba/ /rtog bo| |ji ltar mi rtog nam mkha' ni/ /kun tu khyab par gnas gyur pa/ /'di ni sgom pa zhes bshad de/ /ting 'dzin bsam khyab ces bya ba/ /de nyid 'jig rten par byung ba/ /rtog pa dga' ba'i ming can no/ /sangs rgyas yum gyi ye shes la/ /'dod spyong gos par mi 'gyur te/ /rnam par mi rtog sbyor gcig gis/ /myur du sangs rgyas des thob 'gyur/ /de nas bcom ldan 'das gsung ni/ /sgrib kun sel ba la sogs pa'i/ /byang chub sems dpa' sems dpa' ches/ /thos nas ngo mtshar rmad du gyur/ /'di ni bdag po bcom ldan </font><hr>131b<br><font size=+1>


'das| |de bzhin gshegs pa kun gyi bdag /ci yi slad du tshig ngan pa/ /de bzhin gshegs 'khor nang du gsung / /'dod chags bral dang chags bcas dang / /gti mug bral ba rmongs bcas dang / /zhe sdang bral ba sdang bcas pa'i/ /rigs kyi dngos grub ston mdzad cing / /gang gzhan sdig pa'i nyes pa dang / /'tshe ba la sogs yongs spangs pa/ /'di ni de byed sems can rnams/ /snod yin zhes ni thub gsung ngam/ /de nas mgon po thugs rje can/ /sems can kun la phan dgyes pas/ /de bzhin gshegs pa thams cad dang / /byang chub sems dpa' la gsungs pa/ /'di ni sa khams dang mnyam pa/ /sems can kun 'dzin gcig pu pa/ /chu khams rtog dang bral ba po/ /sna tshogs gsal bar 'gyur ba yin/ /bdag po me yi gzugs can te/ /thams cad za bar nye bar sbyor/ /de bzhin phyi nang bdag nyid mchog /'gro la gos pa'i dri gcig pu/ /bcom ldan sna tshogs nam mkha' mtshungs/ /thams cad snang zhing zab mo/ /de nyid bdag nyid bdag yin par/ /bsgoms na rkang gnyis mchog tu 'gyur/ /snying po zhes bya sangs rgyas kyi/ /chos nyid dag pa 'di yin zhing / /sngags kyi spyod don spyod rnams kyi/ /byang chub spyod pa'i mchog 'di yin/ /de nas brjod mi lang zhes pa/ /brjod mi lang pa nyid gyur pa/ /sangs rgyas zhing rdul grangs mnyam de/ /sgrib pa thams </font><hr>132a<br><font size=+1>


@#/ /cad sel la sogs/ /byang chub sems dpa' sems dpa' che/ /kun nas 'jigs shing skrag gyur nas/ /'khor gyi dkyil 'khor de thams cad/ /gcig tu brgyal ba nyid gyur to/ /de nas gsang dbang rdo rje gsung / /gnyis med de bzhin gshegs kun gyis/ /byang chub sems dpa' brgyal ba ru/ /gzigs nas gtso la 'di skad gsol| |mgon po sgrib kun sel la sogs/ /byang chub sems dpa' sems dpa' che/ /rang bzhin chos nyid ji lta bar/ /'di rnams bslang bar mdzad du gsol/ /mi g.yo ba 'di gsang ba ste/ /zhi ba gcig pu bde ba'i mchog /rdzogs pa'i byang chub thob byed pa/ /'di ni dgongs pas gsungs pa yin/ /dngos po med cing 'khrug pa med/ /yid 'ong rdo rje tshig gcig pu/ /'gro ba'i bsam pa'i dbye ba yis/ /bye brag mang por gyur pa yin/ /nam mkha' mtha' yas sbyor ba yis/ /gzugs la sogs pa mtha' yas te/ /de yang de bzhin gshegs mchog dang / /byang chub sems dpa' nyid du gyur/ /de las spro zhing bsdu ba dang / /zhi ba nyid las rab sbyor bas/ /ye shes lus can ye shes can/ / brgyal lo zhes ni shes pa ni/ /yan lag dbye ba gang dang gang / /'gro ba zhes ni grags bdag pa/ /de de rang lha'i sbyor ba las/ /dkyil 'khor mchog ni 'byung bar 'gyur// </font><hr>132b<br><font size=+1>


dkyil 'khor rang lus gang yin pa/ /de nyid bsdus pa 'di lta bu/ /'di ni 'jig tshogs lus rtog la/ /byang chub sems dpa' brgyal bar gyur/ /des ni bden 'di ma shes pas/ / dbyangs bcas brgyal la bskul ba ni/ /byang chub sems dpa' sems dpa' che/ /brgyal ba zhes ni bshad pa yin/ /de nas gsung ba rdo rje gsum/ /dgongs pa'i tshig gis bshad pa dag /rdo rje 'dzin pa'i tshig gsan nas/ /ting nge 'dzin ni mngon du mdzad/ /gnyis su med pa mnyam rdo rje/ /'gro la gzigs pa zhes bya ba'i/ /'di nyid gsum yul 'jigs pa po/ / ting nge 'dzin la snyoms par zhugs/ /mgon po snyoms par zhugs pa yi/ /'od gang chen por gyur pa yin/ /byang chub sems dpa' des reg pas/ /rang gi stan la gnas par gyur/ /de nas de bzhin gshegs pa kun/ /ngo mtshar rmad du gyur spyan dang / /dgyes shing mgu ba skyes gyur nas/ /chos kyi dbyangs ni 'di skad gsungs/ /e ma'o chos e ma'o chos/ /e ma'o chos kyi don byung ba/ /bdag med chos ni yang dag ngag /chos kyi rgyal po la phyag 'tshal/ /rdo rje gsung gcig dag pa'i don/ /dri med mkha' dang mnyam pa'o/ /mi 'gyur don las yang dag byung / /rdo rje sku la phyag 'tshal lo/ /thub mchog gcig pu de bzhin gshegs/ /dus gsum dag gi lam du byung / /rdo rje dbyings gcig rdzogs longs spyod/ /nam mkha'i </font><hr>133a<br><font size=+1>


@#/ /lam gcig phyag 'tshal lo/ /sku gsung thugs ni nam mkha' ste/ /spyod pa'i mchog ste chos gcig ldan/ /de nyid gsum ston sna tshogs pa/ /spyod pa'i gnas la phyag 'tshal lo/ /dgongs pa lung bstan la gnas nas/ /gang zhig spyod mchog 'di ston pa/ /gsang ba yang dag srung ba dag /de ni ci dga' bar yang byed/ /de bzhin gshegs pa thams cad kyi/ /dam tshig gsum gyi rdo rje mchog /sngags rnams kun gyi dam pa yi/ /spyod pa'i le'u lnga pa yin// //de nas dpal chen mi bskyod pa/ /sku gsung thugs kyi gsang ba can/ /ting nge 'dzin la snyoms zhugs nas/ /thugs byin brlab pa zhes bya ba'i/ /gsang sngags 'di ni gsungs pa yin/ /oM zhes bya ba dang po yin/ /sarba ta thA ga ta gnyis/ /tsit+ta gsum par yongs su brtag /badz+ra bzhi pa'i gong mar ldan/ /swa b+hA wAt+ma kaHlnga pa/ /a haM dus kyi ming can yin/ /sku drug gsum pa'i ming can no/ /de nas dpal ldan rnam snang mdzad/ /rdul phra rdo rje zhes bya ba'i/ /ting nge 'dzin la snyoms zhugs nas/ /sku ni byin gyis brlab pa gsung / /oM zhes bya ba tshangs par bshad/ /sarba ta thA ga ta gnyis/ /ka ya chags thogs dbang phyug ste/ /badz+ra rig byed yin par bsgrags/ /swa b+hA wAt+ma kaH'+dod lha/ /a haM skam byed </font><hr>133b<br><font size=+1>


ces brjod de/ /dgongs pa yis ni yang dag brtags/ /shes rab dbye bas dbye bar bya/ /de nas tshe dpag med ces pa'i/ /kun tu mi gnyis rdo rje can/ /ting nge 'dzin la snyoms zhugs nas| |gsung ni byin gyis rlob pa gsung / /oM ni dang por bsgrags pa yin/ /sarba ta thA ga ta gnyis/ /wAka ces bya ba gsum pa yin/ /badz+ra dus kyi ming du 'gyur/ /swa b+hA wAt+m+a kaHlnga pa/ /a haM zhes pa drug pa ste/ /gsum po 'di dag bshad pa rnams/ /re re zhing drug gsum du bshad/ /thugs dang sku dang de bzhin gsung / /rim dang rim pa min pas gsungs/ /bdag po las ni gcig pu las/ /rdo rje gsum zhes bya ba 'byung / /yon tan chos 'di rdo rje gsung / /de nyid gsum gyi dam tshig mchog /de bas 'di ni sgom pa mchog /g.yel ba med par rdzogs par bya/ /'di bshad pa yi blo ldan pa/ /rab mchog rdo rje gsum byung bas/ /bsgom pa'i bdag nyid can gyur cing / /sngags kyi mtshan nyid mtshan mar bya/ /de nas dkon mchog dpal 'di yang / /sgron ma rdo rje zhes bya ba'i/ /ting nge 'dzin la snyoms zhugs te/ /de nas gsang sngags 'di gsungs so/ /oM ni zung gi dang por ldan/ /sarba ta thA ga ta zung / /de bzhin nyid ni ye shes tshogs/ /thams cad me long ming can no/ /a nu rA ga skye med de/ /de ni gsum pa yin par gsungs/ /rkyen dang nyan thos kyis </font><hr>134a<br><font size=+1>


@#/ /bshig dka'i/ /badz+ra yang ni bzhi par gyur/ /dngos med bdag nyid can ye shes/ /swa b+hA wAt+ma kaHzhes bshad/ /ye shes lnga po nyid kyi ming / /chos kyi dbyings kyi ngo bo nyid/ /a haM so so rdzogs longs spyod/ /dngos po med pa'i rang bzhin can/ /bde ba chen po'i ming gyur pa/ /mtshon pa drug pa'i ming can no/ /dngos med gnas pa'i bdag nyid can/ /de yi rjes su mnyes bya'i mchog /de lta'i chags pa'i de bzhin gshegs/ /mgon po thams cad mnyes par bya/ /de nas dpal chen gdon mi za/ /don yod rdo rje zhes bya ba'i/ /ting nge 'dzin la snyoms zhugs te/ /des ni gsang sngags 'di gsungs so/ /oM zhes bya ba dang por ldan/ /sarba ta thA ga ta gnyis/ /pU dza rnam par thar pa'i ming // badz+ra sems ni rnam sgom pa/ /swa b+hA wAt+ma kaH zhes bshad/ /a haM pha rol phyin zhes bya/ /lnga po drug dang gsum du bshad/ /gzugs dang sgra dang dri dang ro/ /reg bya dang ni chos kyi dbyings/ /de dag dngos med gyur byas pa/ /de ni sangs rgyas mchod mchog yin/ /mig sogs shes las yang dag byung / /mngon shes lnga yis nye bar mdzes/ /mchod pa lnga bshad 'di rnams kyis/ /myur du sangs rgyas nyid thob 'gyur/ /de nas dpal ldan rdo rje 'chang / /so sor byang chub ston mdzad pa/ /rdo rje gsum rig gsang dbang po/ /thub pa </font><hr>134b<br><font size=+1>


chen pos yang gsungs pa/ /sku gsung thugs la dmigs pa la/ /gang tshe yid ni mgu gyur pa/ /de nyid gsum la nyer sbyor ba/ /dngos grub rab mchog de thob 'gyur/ /bdag med par ni sems dmigs shing / /lus dang ngag kyang rnam par bsgom/ /mkha' dang mnyam pa'i gnas sgom zhing / /sbyor ba rnam gsum rdzogs par bya/ /rdo rje de nyid gsum dmigs na// shin tu phra ba'ang yod ma yin/ /sngags kyi rang bzhin sbyor ba yis/ /sgom pa med cing byang chub med/ /rdo rje gsum gcig mtshan nyid du/ /mdor na rnam par brtags nas su/ / sngags la sbyor ba'i ting nge 'dzin/ /gnas la gnas med bsgom par bya/ /de nas de bzhin gshegs dbang po'ang / /de bzhin gshegs pa kun gyis mchod/ /kun mkhyen sangs rgyas kun mchog gis/ /sgom pa'i mchog 'di bka' stsal to/ /nam mkha'i dbyings kyi dbus gnas par/ /zla ba'i dkyil 'khor bsgom par bya/ /sangs rgyas gzugs ni rnam bsgoms nas/ /phra mo'i rnal 'byor brtsam par bya/ /yungs kar gyi ni 'bru tshad tsam/ /sna yi rtse mo'i bdag nyid can/ /rgyu dang mi rgyur yang dag ldan/ /de ru gnas par mkhas bas bsam/ /blo ldan ye shes kyis brtags pa'i/ /gsang ba'i ye shes gnas bsgom mo/ /gsang ba mchog ces bshad pa ste/ /de nyid gsum ni dam tshig mchog /nam mkha'i </font><hr>135a<br><font size=+1>


@#/ /dbyings kyi dbus gnas par/ /nyi ma zhes bya'i dkyil 'khor bsgom/ /sangs rgyas sku ni rnam bsgoms te/ /de yi steng du gnas bzhag go /dbang phyug chen po skem byed de/ /gzhi phyed nam mkha'i mtshon pa dag /bdud rtsi zhes ni brtags pa gang / /de ni hUM zhes bya bar 'gyur/ /nam mkha'i dbyings kyi dbus gnas par/ /'khor lo dkyil 'khor yid 'ong bsgom/ /spyan gyi gzugs su yang dag sbyor/ /rdo rje pad+mo gnyis bsgom pa'o/ /nam mkha'i dbyings kyi dbus gnas par/ /rin chen dkyil 'khor bsgom par bya/ /dang po'i sbyor ba nan tan gyis/ /de yi steng du rnam par bsgom/ /nam mkha'i dbyings kyi dbus gnas par/ /'od kyi dkyil 'khor 'di nyid bsgom/ /sangs rgyas zhi ba'i gnas dgod pa/ /'khor rnams kyis ni kun nas bskor/ /ut+pal mthon ka'i mdog 'dra ba/ /rtse mo lnga pa 'od po che/ /nas kyi 'bru tsam nan tan gyis/ /ri rab rtse mor rnam par bsam/ /tsa na ka yi tshad tsam/ /'dab ma brgyad pa ge sar bcas/ /sna yi rtse mo ri rab rtse/ /byang chub 'dod pas 'di bsgom bya/ /'khor lo la sogs sgom pa ni| |de yi khyad par dag tu brtag /yid 'ong dngos grub kun gyi gnas/ /byang chub gnas mchog bla med pa'o/ /sangs rgyas yang dag byang chub bzhugs/ /mdor na de ni </font><hr>135b<br><font size=+1>


spro bar bya/ /gang tshe chos ni legs mtshan pa/ /rdo rje gcig ni bsgom par bya/ /de nas de bzhin gshegs dbang po/ /dag pa chos rnams kun gyi mchog /'gro kun don du ston pa pos/ /gsang ba mchog ni bka' stsal to/ /skad cig thang gcig yud tsam dang / /zla phyed zla ba lo yi dus/ /bskal pa grangs med gsum po ni/ /skad cig gcig tu mnyam par bshad/ /zla ba drug bshad de nyid yin/ /dngos med rdzogs par longs spyod pa'o/ /skad cig gcig tu bsngags pa ste/ /dus gsum las 'das yin par dgongs// gzugs dang sgra dang ror ldan pa/ /rnal 'byor pas ni zla drug bsgom/ /mchod chen de ni byas nas su/ /gsang ba'i de nyid rnam par bsgom/ /yul dang dbang po sems pa ni/ / bshang gci zas su byed pa po/ /byas na de 'dra'i dngos grub ni/ 9/bza' ba rnam rtog med pa 'o/ /de nyid 'di ni bla med pa/ /byang chub sems gcig las byung ba'o/ /rtog med 'dus ni ma byas shing / /mi rtog don ni 'grub par 'gyur/ /ma ni mA ma kIr bshad de/ /sa ni mngon par byang chub pa'o/ /bsam gtan de ni dga' spyod pa/ /sha zhes bya bar de bshad do| |nam mkha' mtha' yas rnal 'byor ni/ /sha chen de ni yin par bshad/ /gsang ba pa yi go 'phang mchog /rdo rje gsum ni myur du 'grub /dam tshig chen po glang chen rta/ /de </font><hr>136a<br><font size=+1>


@#/ /bzhin khyi la sogs pa'i sha /phung po la sogs rigs dbye bas/ /gang gsung mnyam pa'i grangs kyis so/ /gang zhig rnal 'byor gnyis med zas/ /bsam gtan dga' ba'i ming gcig pu/ /'jig rten rgyang pan 'jig rten pa/ /bza' ba'i rang gi ngo bor gyur/ /dge ba'i bshes gnyen brtag pa dang / /de bzhin drod gsher las skyes pa| |'jig rten 'das dang 'jig rten pa'i/ /'di dag zas su kun tu bshad/ /de nas rdo rje gsum dgongs pa/ /bcom ldan 'das las thos pa dang / /de bzhin gshegs pa kun bdag po/ /lag na rdo rjes tshig gsol pa/ /nyan thos rnams kyi dam tshig kyang / /phra mo'i rnal 'byor ston mdzad cing / /mgon khyod 'jig rten pa dang ni/ /'jig rten 'das pa dag kyang gsungs/ /chu dang 'o ma gcig 'gyur bzhin/ /khyod ni chos rnams ston par mdzad/ /'jig rten 'ga' las yang dag pa/ /ngang pas 'o ma ji bzhin len// ji ltar skom pas gdungs pa yi/ /skyes bu la la de bsres 'thung / /de bzhin 'jig rten shin tu 'das/ /chos kyi bdud rtsi de rnams 'thung / /dgongs pas sngags kyi de nyid du| |gang zhig gsum du gsungs pa 'di/ /ji lta ji ltar 'jig rten sogs/ /mgon po gsal bar bshad du gsol/ /de nas de bzhin gshegs mchog gis/ /grags </font><hr>136b<br><font size=+1>


ldan lag na rdo rje la/ /bu khyod legs so cher legs te/ /bye brag gsum khyod la bshad bya/ /rkyen dang nyan thos zhes grags dang / /de bzhin mdo sde la spyod rnams/ /'di dag 'jig rten pa rnams te/ /bya ba sbyor ba'i bya bar gnas/ /rnal 'byor grub nas 'jig rten gnas/ /'jig rten 'das par gyur pa yin/ /de ni ting 'dzin rnal 'byor yang / /de dang 'dra bar byed ma yin/ /gang yang 'jig rten shin tu 'das/ /rnam par mi rtog 'jigs med pa/ /de ni de bzhin nyid dngos gcig /'khor ba dang ni gcig shos spangs/ /brtul zhugs bzang po'i rnal 'byor 'dis/ /sangs rgyas rnams ni mnyes 'gyur zhing / /blo ldan byang chub sems rnams kyis/ /byang chub myur du thob par 'gyur/ /'dod khams kyi ni dbang phyug dang / /rnal 'byor go 'phang 'thob par 'gyur/ /gzi ldan stobs kyis phyug pa dang / /mdangs bzang mthong na dga' ba dang / /mthong ngam tshig gis bskul ba yis// 'jig rten 'di dag dbang du byed/ /gsang ba 'di ni mchog yin te/ /sangs rgyas byang chub dam pa yin/ /de nyid sngags kyi gsang ba 'di/ /rdo rje gsum las 'das pa'i mchog/ dgongs pa lung bstan yid 'ong la/ /skyes bu gang zhig gnas gyur pa/ /gsang ba yang dag srung ba po/ /de rnams ci dgar byed par 'gyur/ /de bzhin gshegs kun dam pa ste/ / </font><hr>137a<br><font size=+1>


@#/ /dam tshig las ni dam tshig mchog /rdo rje gsum gyis byin brlabs pa'i/ /le'u drug pa yin par bshad// //de nas rdo rje gsum gsang dbang / /dam tshig chen po de nyid gcig /ting 'dzin gsang sngags spyod pa'i mchog /mngon rdzogs byang chub 'di gsungs so/ /de nyid dam tshig bzhi po gang / /'dod pa thams cad ces te bshad| |de rnams longs spyod ldan pa yi/ /ci 'dod par ni bsten par bya/ /rang gi lhar ni bdag sbyor bas/ /bdag dang gzhan ni mchod par bya/ /de ni 'jig rten mchod 'gyur ba/ /'jig rten 'das pa zhi ba nyid/ /dka' thub myur ba de yin la/ /sdom pa dam pa yin par 'dod/ /mi zad pa ni gnyi ga ste/ /'dod pa'i longs spyod thams cad kyang / /gzugs sogs lha rnams yin par 'dod/ /de dag bsgoms pa'i sbyor ba yis/ /sgrub pa po rnams myur du 'grub/ /tha dad yi ge slong mo yin/ /de 'dod pa ni za ba ste// gang zhig zlos la dga' ba de/ /de dag slong mo za bar 'dod/ /dka' thub dag ni mi bya zhing / /sngom pa mi bzad nyid kyang min/ /'dod gsum de nyid longs spyod cing / /sngags kyi de nyid ma nyams bzlas/ /rdo rje gsum dbye ba de gnas ni/ /sngags rig byang chub thob par 'gyur/ /gzhan du dus min 'chi ba dang / /shi nas dmyal bar 'gro bar 'gyur/ /sangs </font><hr>137b<br><font size=+1>


rgyas byang chub sems dpa' dang / /gsang sngags spyod pa'i mchog rnams gang / /mi 'gyur chos ni brnyes pa yang / /rdzogs pa'i sangs rgyas rkang gnyis mchog /kun mkhyen ye shes chags ldan pas/ /'dod pa'i yon tan lnga rnams bsten/ /byang chub sems dpa' mnyes bya zhing / /byang chub pha rol phyin chags bya/ /de ltar gzugs la gsum shes nas| |mkhas pa yis ni mchod par bya/ /de nyid gtso bo bcom ldan 'das/ /sna tshogs rnam par snang mdzad che/ /sgra la rnam gsum shes byas nas/ /lha rnams la ni dbul bar bya/ / 'di ni bcom ldan sna tshogs pa/ /sangs rgyas rin chen 'byung gnas gtso/ /dri la rnam gsum shes byas nas/ /lha rnams la ni dbul bar bya/ /de nyid bcom ldan sna tshogs pa/ / 'dod chags chos ni 'dzin pa'i gtso/ /dri la rnam gsum shes byas nas/ /lha rnams la ni dbul bar bya/ /de nyid don yod rdo rje grags/ /sna tshogs gtso bo bcom ldan 'das/ / reg la rnam gsum shes byas nas/ /rang gi rigs la dbul bar bya/ /de nyid bcom ldan rdo rje can/ /mi bskyod me long gzugs can no/ /nang dang de bzhin phyi rol dang / /gnyi ga rjes su mi dmigs pa/ /gzugs la rdzogs gsum de yin te/ /lha rnams la ni dbul bar bya/ /gzugs sgra ro la sogs pa la/ /sems ni rtag tu sbyar bar bya/ /gsang ba </font><hr>138a<br><font size=+1>


@#/ /bsdus par gyur pa ni/ /snying po sangs rgyas kun bskyed de/ /mkhas pas gzugs sgra la sogs pa/ /lha nyid du ni rtag tu bsgom/ /de bzhin rigs su sgom pa ni| |sgom pas der ni bsgom par bya/ /nam mkha'i rdo rje sbyor ba ni/ /sangs rgyas rjes su dran par bshad/ /sangs rgyas rjes dran sbyor bas kyang / /chos ni rjes su dran pa bsgom// rdo rje gsum sgom rnal 'byor pas/ /rdo rje rjes dran sgom pa 'o/ /rigs dbye ji skad bshad pas kyang / /chos dang longs spyod sprul skur byung / /rigs ni rjes dran sbyor gyur pa/ /de bzhin khro bo rjes dran pa'o/ /de nyid gsum yongs gyur pa gcig /rdo rje gsum nyid med chos nyid/ /lha rnams rjes dran sbyor ba ste/ /de bsgom byang chub thob par 'gyur/ /bzhi po dag ni re re bzhi/ /ji lta ji ltar mgu bcas sogs/ /de nyid lo yi grangs yin te/ /bcu drug par ni yongs su brtag /sangs rgyas kun gyis bsten pa yin/ /bud med lo grangs bcu drug pa/ /gzugs bzang phra dang mchod pa ni/ /dben pa zhes byar brtsam par bya/ /byin gyis brlabs nas yid 'ong ba/ /khyad par gsum zhes bya ba yi/ /de bzhin gshegs pa btsun mo che/ /spyan sogs nyid ni bsgom par bya/ /bsgrub bya de nyid yang dag sbyor/ /dbang po gnyis ni mnyam sbyor ba'i/ /dang por sbyor ba 'di bsgoms </font><hr>138b<br><font size=+1>


na| |sangs rgyas dngos grub thob par 'gyur/ /yi ge hUM dang de bzhin oM/ /phaT kyang der ni bsgom par bya/ /de nyid gsum tshul gsum bdag nyid/ /ci rigs par ni rnam par spro/ / 'od zer rnam pa lngas khyab pa'i/ /rdo rje pad+ma 'di mchog ste/ /gsang dang snying ga sna rtse ru/ /rnal 'byor pas ni 'di bsgom bya/ /'bar bcas zla 'od bzhin dkar bar/ /shes rab de ni rtag tu bsgom/ /gang phyir yid ni dgar gyur pas/ /de bas de nang yid 'ong ba'o/ /gnas med gnas par legs sbyor bas/ /bzhi mtshungs gcig tu sbyor ba rigs/ /sangs rgyas rjes dran sbyor la sogs/ /byang chub 'dod pas bsgom par bya/ /nyams dga' sangs rgyas kun gyis bstan/ /b+ha ga zhi ba gcig pu'i ming / /rang gi de nyid gnyis med byung / /rdo rje de bdag nyid du sdor/ /sangs rgyas rjes dran sbyor ba ste/ /b+ha ga ling+ga yin par bsgrags/ /gzhug pa gnyis med sbyor ba ste/ /sangs rgyas gzugs su sgom pa 'o/ /de las blo ldan gyis spro ba/ /ba spu'i bu ga'i rtse mor gnas/ /mnyam pa med pas khyad par du/ /sangs rgyas sprin rnams der spro 'o/ /chos rjes dran pa'i sbyor ba yang / /rdo rje chos kyi rab sbyor bas// rdo rje pad+ma yang dag sbyar/ /b+ha ga'i ling+gar brtag pa 'o/ /de nas ba spu'i bu ga las/ /'bad pas chos kyi sprin rnams spro/ /de nyid bsam kun rdzogs byed pa'i/ /'di ni chos kyi bdag </font><hr>139a<br><font size=+1>


@#/ /po yin| |rdo rje rjes su dran pa bsgom/ /dngos med gcig pa la sbyor ba/ /stong la rdo rje rab sbyor 'gyur/ /b+ha ga ling+ga zhes bshad do/ /de nas ba spu'i bu ga nas| |rdo rje sprin rnams kun tu spro/ /rdo rje byang chub sems sgom nyid/ /myur du dngos grub 'thob par 'gyur/ /rigs rjes dran pa'i sbyor ba yis/ /mkhas pas stong nyid rdo rje las| |de bzhin rnal 'byor pas spros na/ /rigs kyi dngos grub 'thob par 'gyur/ /khro bo rjes dran sbyor ba la'ang / /stong dang rdo rje gnyis ldan pa'i/ /khro bo'i ba spu'i bu ga nas| |khro bo'i sprin rnams spro bar bya/ /de nas dpal ldan rdo rje 'dzin/ /khyab bdag rnam snang mdzad chen la/ /rjes dran sbyor ba'i dgongs pa ni/ /thub pa che la slar zhus pa/ / thub khyod kyis ni gang gsungs pa/ /b+ha ga'i ling+ga'i sbyor ba ni/ /'jig rten 'das pa'i sbyor 'di las/ /sangs rgyas la sogs spro gyur pa/ /tshul 'di ma 'ongs skye bo la/ /phyi dus kun rmongs skyed pa ste/ /bde gshegs rnams kyi bdag pos ni/ /ci phyir gsungs zhes de rnams smra/ /'gro bas nam mkha' mtshan ma can/ /rten 'byung khyod nyid mi shes shing / /de rnams shin tu rmongs dbye bas/ /ji bzhin par ni rtogs par byed/ /mgon khyod bde ba chen po ste/ /sangs rgyas kun gyi ston gcig pu/ /sku med srid gsum </font><hr>139b<br><font size=+1>


bdag nyid can/ /dgongs pa gnyis ka'i mtshan dang ldan/ /de bas khyod ni chos kun gyi/ /yon tan gsum bdag de nyid gsum/ /dgongs pa bya ba dri med gsum/ /sangs rgyas kyi ni bdud rtsi 'byung / /khyod 'dir b+ha ga khyab 'jug ste/ /ling+ga drag po'i ming can nyid/ /khyod ni sa bon tshangs la brtags/ /khyod ni rten 'byung 'gro ba 'byung / /dus gsum las 'das rnal 'byor che/ /dus dang rtsis su gyur pa nyid/ /shes dang shes bya rnam par grol/ /de bas khyod ni 'gro ba'i bla/ /de nas rdo rje 'dzin pa yis/ /de la sogs pa'i tshig gsan nas/ /dam tshig rjes su dran sgom pa/ /bcom ldan 'das ni ston par mdzad/ /rang gi rdo rje pad+mar ldan/ /dbang po gnyis ni rab sbyor las/ /rang gi khu ba'i thigs skyes pa'i| |sangs rgyas rdo rje sems dpa' bsgom/ /dkyil 'khor rjes su dran bdag nyid/ /dbang po gnyis nyid sbyor ba las/ /rang gi tshangs pa rtag drangs te/ /rnal 'byor pas ni dkyil 'khor bya/ /sku rjes dran pa'i sbyor ba yang / /sangs rgyas rnams kyi phung po lnga/ /sangs rgyas de nyid sogs brtag pa/ /bdag kyang de dang 'dra bar rig /gsung rjes dran pa'i sbyor ba lnga/ /rdo rje chos gsung phun sum tshogs/ /de yi gsung ci 'dra bar 'gyur/ /bdag kyang de dang 'drar chos 'dzin/ /thugs rjes dran pa'i sbyor ba gang / /rdo rje 'dzin pa'i </font><hr>140a<br><font size=+1>


@#/ /thugs dang ni/ /kun tu bzang po'i thugs gang yin/ /bdag kyang de dang 'dra bar 'gyur/ /sems can rjes dran sbyor ba gang / /sems can rjes dran rdo rje nyid spyod pa mkha' mtshungs ji bzhin du/ /bdag kyang de dang 'dra bar 'gyur/ /sngags sku rdo rje gsum zhes pa/ /de sbyor dran pa sgom pa ni/ /rdo rje sngags kyi sku gang yin/ /gsung dang sku ni rnam sgom pa/ /de nyid gsum mnyam gcig pa nyid/ /rtag tu gsum 'das gyur pa yi/ /sngags 'dzin mchog ni ci 'dra ba/ /bdag kyang de dang 'dra bar 'gyur/ /dam tshig rjes dran rnams kyis ni/ /de bas tshangs par shin tu dbyung / /dngos med gcig tu sbyor ba yis/ /mkhas pas cho ga bzhin du gsung / /de bzhin gshegs mchog che ba ni/ /dngos med ces bya bsad pa ste/ /blo dang ldan pas 'di bsad na/ /dngos grub sngags mchog thob par 'gyur/ /shes rab dam tshig sbyor gyur pa/ /rjes su dran pa zhes bshad do/ /pha rol phyin pa zhes grags pa/ /yod med gnyis dang bral pa'o/ /thams cad rang bzhin dri ma med/ /ma skyes pa dang zad pa med/ /byang chub med cing mngon rtogs med/ /khams med 'byung ba'ang med pa 'o/ /ma skyes rjes su sbyor ba gang / /der ni ci yang brjod min zhing / /ma skyes ming ni gcig bu pa/ /dran pa de ni yin par bshad/ /ji ltar nam mkha' 'od gsal ba// </font><hr>140b<br><font size=+1>


mtshan ma med cing 'gyur ba med/ /rang bzhin mkha' dang 'drar gyur cing / /gnyis med gnyis su yod min zhing / /yan lag bcu gnyis sbyor gcig gang / /zhe sdang rdzogs longs spyod pa'i ming / /sangs rgyas kun gyis bsten gyur cing / /de ni rigs rjes dran zhes bya/ /rten 'byung las skyes rdzogs sangs te/ /bud med lo grangs bcu gnyis pa/ /brtan pa'i sems ni thob pa las/ /rang gi khu bas mchod par bya/ /dngos med bdag nyid dag pa gang / /de ni dag par bshad pa yin/ /de nyid kyis ni mchod par bsngags/ /shes rab pha rol phyin pas 'gro/ /'di yis lus la mchod pa dang / /khyad par du ni de bzhin gshegs/ /rdo rje 'dzin bshad de bzhin thugs/ /chos 'dzin pa yi sku gsung thugs/ /sku gsung thugs ni yang dag grub/ /tshe 'di nyid la thob par 'gyur/ /gang bshad rigs ni dman bshad pa/ /de la'ang tshul de grub par 'gyur/ /de nyid mchod par bshad pa nyid/ /de bzhin so sor rab tu brtag /mi phyed rdo rje'i sbyor ba yang / /gsung gi dbang bskur ba nyid gsal/ /dgongs pa lung bstan la gnas nas/ /gang zhig sems ni ma rmongs pa/ /mkha' la gnas pa'i nyi ma bzhin/ /de ni ci dgar spyod par byed/ /de bzhin gshegs pa thams cad kyi/ /rdo rje gsum gyi gsang ba ste/ /sngags spyod pa ni mchog gyur pa/ /le'u bdun par rab tu </font><hr>141a<br><font size=+1>


@#/ /bstan|| //de nas dpal ldan de bzhin gshegs/ /dkon mchog dpal ni 'od chen po/ /de bzhin gshegs pa thams cad kyi/ /bla ma rdo rje gsum gyi bdag/ mgon po rdo rje 'dzin chen po/ /dbang phyug dbang phyug dam pa dang / /sangs rgyas kun gyi ston pa la/ /bstod pa 'di yis gsol ba btab/ /nam mkha'i spyod pa rdo rje mchog /rdo rje sems dpa' thub pa che/ /theg pa chen po'i rnam snang ba/ /kun tu bzang po brtul zhugs bzang / /dngos kun dngos po gcig pa'i mchog /rigs mchog thams cad yang dag 'byung / /rgyal ba'i dam pa'i mchod pa'i mchog /mchod pa'i kun mchog bshad du gsol/ /'dod chags chen po zhe sdang che/ /gti mug chen po blo gros che/ / theg pa gsum po rab ston cig /rdo rje theg pa ston pa po/ /nam mkha' gcig pu dngos po'i mchog /ye shes rgya mtsho bla ma che/ /rdo rje gsum po chags med pa/ /rgyal gnas mchod par bshad du gsol/ /rdo rje gsum po lam gyi mchog/ /thar lam gcig bu ston pa po/ /sangs rgyas skal mchog shin tu dag/ mi mchog mchod pa bshad du gsol| |dngos po kun gcig shin tu dag /byang chub sems ni rgya mtsho che/ /chos kyi 'khor lo gcig bskor ba/ /rten 'brel ye shes las byung ba/ /rdo rje gsum gcig rnam </font><hr>141b<br><font size=+1>


dag don/ /sna tshogs sangs rgyas bya ba mdzad/ /bdag med med chos shin tu dag /phyag 'tshal rdo rje theg pa la'o/ /de nas de bzhin gshegs bdag po/ /thams cad nam mkha' mi 'gyur che/ /thams cad dbang bskur kun dbang po/ /kun don rin chen mchog 'dzin pa'ang / /na chung mig yangs btsal nas ni/ /gzugs dang na tshod rnams kyis brgyan/ /lo grangs nyi shu lnga lon pa/ /rnyed nas mi yi skye gnas brtag /rnam par dben nam gtsang ba yi/ /sa phyogs su ni rgyal bdag nyid/ /zhi ba zhi ba'i gnas yid 'ong / /bshad gci chu yis byugs nas ni/ /sangs rgyas byang chub rab ster ba'o/ /rtag tu mchod pa nyid bya'o/ /de bzhin gshegs pa mchod pa yi/ /phung po zhes bya sna tshogs skyes/ /rdo rje gsum po mi phyed khams| |rgyal ba zhes ni bya bar bshad/ /kun mkhyen ye shes lang tsho ste/ /len pa mi gsal la sbyor la/ /de nyid na chung yin par brtag /'jig rten pa rnams 'thob byed rgya/ /'gro ba'i don ni rab grub pa/ /gang zhig dngos med ces bshad pa/ /mtha' skyes bzhin du brtag pa yin/ /gtsang ba rnam dag sems yin te/ /rnam par dben pa dngos med pa/ /sa ni spyan zhes bya ba yin/ /sa phyogs rgyal ba 'byung ba yin/ /zhi ba sna tshogs nges 'byung ba/ /zhi ba'i gnas ni myur la sogs/ /bshad gci yul dang dbang por grags/ /chu ni </font><hr>142a<br><font size=+1>


@#/ /shes rab la sogs drug /'di dag gis gang byugs gyur pa/ /rdzogs longs spyod pa'i 'dod 'byung ba/ /de dag rgyal ba'i chos bshad pa/ /dgongs pa sbyor ba chos nyid do/ /mchod pa'i yan lag gnyis pa yi/ /bkod pa'i yan lag mtshan nyid bshad/ /'jig rten shin tu 'das spyi 'o/ /'jig rten 'das pa'i snying ga ru/ /rkang pa'i bar dang lte ba dang / /rked pa gsang ba 'jig rten pa/ /rgyal sras rnams kyi bkod pa ni/ /rigs ni lnga po bya ba yin/ /nam mkha'i khams kyi dbus gnas par/ /ye shes rgya mtsho rnam par bsgom/ /bdag nyid zla ba'i nang gnas par/ /brtul zhugs can gyis snying gar bsgom/ /chu de sbyor bar gyur pa ni/ /mA ma kI ra ni yongs su brtag /zhi ba rdo rje 'dzin 'dod pas/ /bsdu ba de yang rab tu bya/ /rin chen rang bzhin mchod rten ni/ /'od zer sna tshogs rnams kyis brgyan/ /ye shes rgya mtsho dus gsum pa/ /gnas de ru ni bsam bya ba/ /blo ldan pa spu'i bu ga las/ /ji lta ji ltar spro bar bya/ /rnal 'byor rnal 'byor mchog gzhol bas/ /mchod pa'i sprin ni des spro bya/ /gos dkar pad+mar yang dag dgod/ /rnam lnga gcig la rnal 'byor ma/ /me yi sbyor ba bshad pa ni/ /de yang mi gsal zhi la gnas/ /sgron mar ut+pal nyid gyur pa/ /rlung ste sbyor ba lnga pa'o/ / </font><hr>142b<br><font size=+1>


'jug dang gnas dang skye ba dang / /de bzhin ldang ba'i ming can no/ /de nyid rnam pa gsum byas pas/ /rdo rje gsum gyi dam tshig gnas/ /de nas blo ldan gyis dbul ba/ /lha rnams kyi yang dngos med nyid/ /de nas de bzhin gshegs ba mchog /khyab bdag rnam snang chen po las/ /me tog dgongs pa thos nas ni/ /rdo rje can gyis thub chen zhus/ /me dang rlung dang dbang chen dang / /chu ru yongs su brtags pa yin/ /re re'ang dang po sbyor zhes bya/ /me tog de lnga gsum du bshad/ /bya rgod me tog za ba dang / /bung ba sha za zhes zer zhing / /me tog 'di yi dgongs pa ni/ /ma 'ong skye thobs mi shes so/ /ma rtos pas ni de rnams kyi/ /dngos grub ring du gnas par 'gyur/ /'di ltar bdag ni skal min zhes/ /smra zhing de rnams bdag nyid smod/ /de ltar bdag nyid kyis smad pas/ /sangs rgyas thams cad smad par 'gyur/ /sangs rgyas thams cad smad gyur pas/ /mi las 'das nas gzhan du 'gro/ /gtso bo sangs rgyas nang na min/ /phyi rol na min gnyi gar min/ /tshogs pa las ni ma yin te/ /rkyen gyis 'gro ba dag la gnas/ /de bzhin de bzhin gshegs sangs rgyas| |lus la gsang sngags 'di nyid las/ /gsang sngags 'grub par dka' ba'i rgyus/ /des ni bdag dang de dag smod/ /de rnams rjes su gzung ba'i phyir/ /dgongs pas de ni </font><hr>143a<br><font size=+1>


@#/ /bshad du gsol/ /rang gi ngo bo ma 'tshal na/ /mkhas pa dag ni nyams par 'gyur/ /de nas bcom ldan sna tshogs pas/ /gsang ba'i bdag po la gsungs pa| |nyin dang mtshan mo dbye ba yis/ /me tog don ni bshad par bya/ /pad+ma ut+pal nyin mor bshad/ /dza' ti mtshan mo yin zhes bshad/ /lnga yi bdag nyid gsum dang gcig/ gnyis lnga gcig dang gsum du 'gyur/ /de yi thabs ni nyin mor bshad/ /mtshan mo shes rab ces bshad do/ /nyin dang mtshan mo'i dbye ba yis/ /mjug tu 'byung ba nyid du 'gyur| |de gnyis dbus kyi sbyor ba gang / /dgongs pas yongs su brtags pa yin/ /de ni sangs rgyas snying por 'gyur/ /de bas lha tshogs kyis de min/ /rnal 'byor pa dang sngags pa rnams/ /dgongs pa'i chos la rab brtson bya/ /dgongs pa byin brlabs rgyu yis ni/ /de rnams kyis ni 'grub par 'gyur/ /gang zhig rlung ni bcur grags pa/ /de ni pad+ma ut+pal med/ /de nyid ces grags rdo rje gsum/ /dzA ti gcig pu gsum du 'dod/ /kar ni ka dang ma li ka /yug ti kA ra bI ra ni/ /go rim bzhin du spyan sogs te/ /sa la sogs par 'dir sbyar ro/ /dngos med go 'phang la bkod pas/ /lha rnams kyi ni skur sbyor bas/ /gcig tu sangs rgyas kun mnyes pa'i/ /mchod pa chen por de 'gyur ro/ /lnga po'i bdag </font><hr>143b<br><font size=+1>


nyid yang dag gzhag /lnga bcu dag ni nyis 'gyur bya/ /de nyid gsum sbyor 'khor lo ni/ /dpag tshad brgya yi dkyil 'khor ro/ /der ni mkhas pas rtag par ni/ /rigs rnams rab tu dgod par bya/ /pad+ma 'khor lo rdo rje dang / /de bzhin ut+pal rtag tu bsgom/ /dpag tshad bzhi po sbyor gcig pa/ /dpag tshad rgya khyon de nyid gsum/ /byams pa la sogs gru bzhir 'gyur/ / mdzes pa phung pos brgyan pa yin/ /gru bzhi de ni rigs su gyur/ /zhi ba sbyor ba gcig ming can/ /mchod rten ye shes sems rang bzhin/ /gsal zhing rang bzhin dri ma med/ /rigs rnams mchod phyir de nyid ni/ /shes rab can gyis gnas bsgom mo/ /mngon shes lnga yi gnas 'dod rnams/ /de yi mchod pa rgya mtsho gsal/ /rin chen ye shes spro bdag nyid/ /gos ni bsdu ba zhes bya'o/ /mchod pa mchog rnams de dag gis/ /byang chub 'dod pas mchod par bya/ /shes rab can gyis mchod mchog las/ /lha rnams rtag tu mnyes par bya/ /sbyor gcig de las yang dag byung / /rin chen 'byung gnas na chung yin/ /dga' mgu yang dag ldan pa yin/ /dngos grub shin tu grub pa'i phyir/ /nga rgyal la sogs bdun zhes bya/ /rin chen thams cad dbul bar bya/ /chos dang rdzogs longs spyod las byung / /rin chen bdun gyi nor de ni/ /des bkang ba yi zhing 'di ni/ /shes rab thabs gcig las byung ba'i/ /dngos grub </font><hr>144a<br><font size=+1>


@#/ /'dod pas sbyin ba'i phyir/ /zhing de nyin re dbul bar ni/ /nam mkha' mtha' yas rnal 'byor pa'i/ /sbyin pa'i pha rol phyin 'dir 'gyur/ /sangs rgyas dkyil 'khor dbus su de/ /phyag rgya'i bdag por mnyam bzhag ste/ /'dod chags blo ldan sangs rgyas la/ /reg par yang dag sbyor ba dbul/ /nam mkha'i dbyings kyi dbus gnas par/ /bkod pa'i dkyil 'khor dam pa bsgom/ /bdag nyid de bzhin gshegs pa'i sku/ /yul dang dbang po sun 'byin pa/ /dngos med gcig par yang dag 'byung / / yul dang dbang po zhes bya ba'i/ /bshang gci ji lta ji lta bar/ /de nyid mchod pa rnams kyis mchod/ /skal bzang bzhin ni mdzes pa yi/ /bud med gzugs bzang rnyed pa dang / / gsang sngags yi ge'i gnas 'gyur bas/ /rnal 'byor ma de byin brlabs la/ /byas nas gnyis med sbyor gcig pu/ /rang gi lus kyi nang du gzhug /spyan sogs ji lta ji lta bar| |byin gyis brlab pa'i gnas bkod de/ /mig bzang dag pa'i bya ba yi/ /rang byung khu ba blangs nas mchod/ /gang zhig de ltar rtogs pa de/ /blangs pas rdo rje 'chad bar 'gyur/ /sa la sogs pa'i dkyil 'khor gang / /spyan la sogs par rab brtags pa/ /de ni 'jug sogs sbyor ba yang / /de ni khu ba za bar 'gyur/ /'di ni sngags rnams </font><hr>144b<br><font size=+1>


thams cad kyi/ /sku gsung thugs kyi mchod pa ste/ /rdo rje ye shes can gsang gi /gsang sngags dngos grub byed pa'i mchog /rin chen kun gyi 'byung gnas mchog /dgongs pa lung bstan la gnas nas/ /gang zhig sems ni bzod gyur bya/ /de ni ji bzhin nyid du'ang byed/ /de bzhin gshegs pa thams cad kyi/ /rdo rje gsung gi gsang ba las/ /bshang gci'i dam tshig ces bya ba'i/ /le'u brgyad pa yin par bshad// //de nas de bzhin gshegs mchog gtso/ /thams cad nam mkha' mi 'gyur che/ /sangs rgyas dbang bskur spyod pa'i mchog / gzugs don dbang phyug dam pa yin/ /rdo rje gsum nyid longs spyod pa/ /rdo rje mi phyed gsum dkyil 'khor/ /sangs rgyas ye shes sbyor gcig pa'o/ /gsang ba nyams ni dga' bar bshad| |nam mkha'i dbyings kyi dbus gnas par/ /sangs rgyas dkyil 'khor bsgrub par bya/ /rdo rje rtse gcig rdo rje yang / /sgom pa'i bdag nyid can gyis bsgom/ /'od 'phro mang po 'bar ba dang / /'od zer sna lngas rab tu gang / /dus gsum sangs rgyas yang dag 'byung / /bsgoms la rdo rjes phye mar brlag /rdo rje gsum gcig longs spyod ni/ /rdo rjes phyer brlags med gyur pa'i| |thugs kyi dngos grub byed bsam gtan/ /bsgoms na myur du thob par 'gyur/ /rdo rje mchog ces bya ba yi/ /rdo rje gsang ba 'di lta bu/ /rdo rjes rdo rje 'dzin pa ni/ /sems can </font><hr>145a<br><font size=+1>


@#/ /thams cad bsad na ni/ /de ni myur bar mi bskyod pa'i/ /rgyal ba'i sras su skye bar 'gyur/ /zhe sdang rigs chen de nyid kyis/ /zhing de 'gengs par byed par 'gyur| |de nas dgongs pa chos gcig pu/ /gtso bo kun mkhyen thams cad rig /dam tshig de nyid gsungs pa yi/ /mgon la phyag na rdo rjes gsol/ /'di ltar dngos med mchog gyur pa| |khyod ni chos rnams ston mdzad pa/ /'jig rten pa dang 'gal tshig gis/ /mgon khyod ci phyir ston par mjed/ /gang zhig de bzhin nyid dngos gcig/ /dus gsum byung ba'i sangs rgyas rnams/ /chos sku gcig pu las 'khrungs pa/ /\?\ rdo rjes phye mar brlag/ de ni phyer brlags gyur pa las/ /ji ltar yang dag sems 'grub 'gyur/ /chos sku gcig pu las byung las/ /lhag pa zhes bya gyur nas \?\ dus gsum 'byung ba'i sangs rgyas rnams/ /phye mar brlag par ji ltar nus/ /phyer brlag byed pa mdangs med pas/ / phye ma nyid kyang khyad par du/ /sangs rgyas sngags don rnal 'byor pa/ /nus pa bsam mi khyab ldan la/ /de 'dra bar ni phyer brlag par/ /sngags pa gzhan gyis mi nus so/ /sems can gyis ni sems can bzhin/ /sangs rgyas sangs rgyas phyer brlags pas/ /'di gnyis khyad par med do zhes/ /ma 'ongs skye bo smra bar 'gyur/ /sangs rgyas gcig pu mthar </font><hr>145b<br><font size=+1>


thug pa| |min zhes mi rnams nges smra zhing / /gang zhig sangs rgyas kyis gsungs bzhin/ /rab tu spong bar byed par 'gyur/ /theg bzang bsgrubs na 'tshang rgya ba/ /dgongs pa'i bum pa bzang po mchog /de ni bcom ldan myur sbyor bas/ /mi bskyod zhing du skye 'gyur ram/ /sems can 'khor bar 'khor gyur ba/ /de tshe zhe sdang che skye 'am/ /snying rjes gsad par bya'o zhes/ /sngags pa rnams ni de mi spong / /'das tshe ston par gyur pa dang / /da ltar rjes su ston mdzad dang / /mnyes bya ma 'ongs sangs rgyas rnams/ /sangs rgyas byang chub stsol ba'o| |mi bskyod gzugs can rdo rje yis/ /de rnams ji ltar gzhom par bgyi/ /de nyid sna tshogs don ldan tshig /de rnams kyis ni ji ltar rtogs/ /gang zhig shes pas rgyal sras rnams| |dgongs pa'i don la rtog med 'gyur/ /ma 'ongs skye bo'i don du ni/ /de nyid bcom ldan bshad du gsol/ /de nas rdo rje 'dzin smra ba'i/ /'gro la phan pa'i tshig gsan nas/ /de nas gtso bo rdo rje 'chang / /khyab bdag gis ni slar gsungs pa/ /legs so bu khyod cher legs te/ /kun tu bzang po khyod legs so/ /dgongs pas bshad pa'i don du ni/ /khyod kyis nga la gang dris pa/ /gsungs don ji lta ji lta bar/ /de ni nga yis bshad par bya/ /phung sogs yan lag gang gyur pa/ /sangs rgyas sems can rab brtan zhing / /sngags dang phyag </font><hr>146a<br><font size=+1>


@#/ /rgya'i sbyor ba yang / /dbye ba sna tshogs rab tu brtan/ /'khor ba mi bskyod ming can te/ /de'i sngags rdo rje zhes bya ba/ /mi gsal rdo rje zhes bshad de/ /dngos med gcig pu rdo rje nyid/ /des bshig pa ni bsad pa ste/ /sangs rgyas sems can khyad par du/ /sna ni tshogs kyi dbang po yi/ /kha ni rang bzhin nyid du g.yo/ /rnal 'byor pa yi lag gyur pa/ /'gro ba rlung gi ming can no/ /mi bskyod rdo rje'i spyod pa nyid/ /lag tu rdo rje bzhag nas ni/ /de tshe myur la sogs bya ba/ /klu yi rang bzhin sna tshogs nyid/ /phung sogs brtags pa'i sangs rgyas rnams/ /sku gsung thugs las yang dag byung / /de yi yan lag phung por bshad/ /de ni phyer gyur bsad pa yin/ /'di ni zhe sdang rigs yid 'ong / /mi bskyod ye shes rdo rje nyid/ /de bzhin skye ba dam pa yin/ /dngos grub chen po des 'thob 'gyur/ /de nas dpal ldan bde chen po/ /ye shes thar pa rab sgrub pa/ /rang bzhin dag gis gos med pa/ /byang chub spyod pa rab sgrub pas/ /phyag na rdo rje 'od chen po/ /gsang ba gsum gyi gtso bo la/ /bos nas yang dag rdzogs sangs rgyas/ /sgrub pa'i dam tshig de nyid gsungs/ /nam mkha'i dbyings kyi dbus gnas par/ /rdo rje dkyil 'khor dam pa la/ /rnam par snang mdzad bsgom bya zhing / /sangs rgyas thams cad rnam par bsgom/ / </font><hr>146b<br><font size=+1>


rin chen kun gyi sbyor ba yis/ /rdo rje gzugs ni rnam par bsgom/ /rdo rje gsum mnyam sbyor ba yis/ /rdzas rnams thams cad dbrog par bya/ /shes dang dbang po ldog par 'gyur/ /rnam smin dngos po med pa yi/ /de nyid dbrog pa'i rdo rje dang / /sangs rgyas thams cad rab sgrub pa'i/ /rin chen rdo rje mchog sbyor ba/ /rgyal ba'i sras su 'gyur ba dang / /nor gyi rgya mtshos gang ba yi| |yid bzhin nor bu 'dra bar 'gyur/ /'di ni gti mug rigs de nyid/ /dam tshig yin par yongs su bsgrags/ /rigs kun rgya mtsho zhes bya ste/ /de las thub pa'i skyes mchog 'gyur| |de nas bdag po bcom ldan 'das/ /'dod chags thar par rab 'jug pa/ /gsang ba dag pa gnas med pa/ /dkyil 'khor mchog ni bka' stsal to/ /nam mkha'i dbyings kyi dbus gnas par/ /rin chen dkyil 'khor bsgom par bya/ /dpag med chos ni rnam bsgoms te/ /sangs rgyas kun gyis rab tu dgang / /bud med lta bu'i sbyor ba yang / /ting nge 'dzin gyi sbyor ba yis/ /thams cad de ru bsgom par bya/ /'di ni rdo rje tshul mchog yin/ /dngos med bsam pa'i sbyor ba yis/ /gsal mi gsal la yang dag sbyar/ /chos dang rdzogs longs spyod sbyor ba/ /gsang sngags kyis sprul dbang po gnyis/ /sbyor ba bzhi yi sbyor ba yis/ /dbang po gnyis ni rab sbyor ba'i/ /snyoms zhugs sbyor ba de yis ni/ /de dag thams cad nye </font><hr>147a<br><font size=+1>


@#/ /bar spyod/ /sku gsum mi phyed sngags rnams kyi/ /'di ni sgom pa mchog de yin/ /de nyid dam tshig sbyor ba 'di/ /'dod chags rigs gcig sgom pa'o/ / 'di ni sangs rgyas thams cad kyi/ /'dod chags chen po'i tshul mchog ste/ /sngags pa rnams kyis nyin re zhing / /rab tu 'bad pas bsgom par bya/ /de nas gsang dbang rdo rje gsum// rdo rje sngags don sgrub pa po/ /bdag med ye shes las byung bas/ /gsung ni 'di skad bka' stsal to/ /nam mkha'i dbyings kyi dbus gnas par/ /sangs rgyas dkyil 'khor bsgom par bya/ /don yod rdo rje rnam bsgoms te/ /sangs rgyas thams cad bsgom par bya/ /rdo rje tshig gi rdzun smra ba/ /rgyal ba thams cad slu ba ste/ /'di ni sangs rgyas thams cad kyi| |nam mkha'i gsung ni dri med pa'o/ /gang zhig brdzun du smra bshad pa/ /rdzun de nyid ni dam pa ste/ /dpa' bo gang zhig sgom byed pa/ /de ni rgyal ba'i mchog tu 'gyur/ / gsang pa'i ye shes dam pa ste/ /sangs rgyas dngos grub byed ba'i mchog /dam tshig 'gugs par gang gyur pa'i/ /rigs kyi dam tshig la 'jug pa'o/ /kun tu kun nas 'bab pa yis| |ji bzhin don du drangs byas te/ /so sor rtog pa'i sbyor ba yis/ /de ni dngos grub rgya chen 'thob/ /de nas bcom ldan sna tshogs pa/ /mi phyed rdo rje gsum rgyal bdag /rdo rje'i </font><hr>147b<br><font size=+1>


dngos grub rab ston pas/ /gsung ni 'di skad bka' stsal to/ /nam mkha'i dbyings kyi dbus gnas par/ /der ni dkyil 'khor bsgom par bya/ /sangs rgyas sku ru rab brtags pa'i/ / dam tshig de ni yang dag bshad/ /dkon mchog dpal ni rab bsgoms te/ /gzugs rnams kun gyis sa 'di gang / /phung po la sogs grangs mnyam pa'i/ /sangs rgyas kun gyis thams cad du/ /rtsub pa'i ngag la sogs pa ni/ /sa rnams dman pa zhes bya ba'i/ /bsgoms na dngos grub thob 'gyur zhes/ /bcom ldan thub pas de skad gsungs/ /de bzhin gshegs pa kun bkod pa/ /sna tshogs gzugs can 'od po che/ /bsam pas dpal ldan gcig pu nyid/ /dpag tu med par gyur ba yin/ /de nas gang zhig dam tshig sogs/ / chos dbyings rdo rje gsum nyid ni/ /de bzhin gshegs pa thams cad kyis/ /dam tshig rdo rje dpal la sogs/ /byang chub sems dpa' sems dpa' che/ /ngo mtshar rmad du gyur nas ni/ / tshig lam rdo rje zhes bya 'di/ /de ni de rnams rjod par byed/ /ci 'di mgon po bcom ldan 'das/ /de bzhin gshegs pa kun gyi bdag /gang zhig khams gsum las 'das shing / / 'jig rten thams cad las 'das pa/ /de bzhin gshegs pa kun mchog dang / /byang chub sems dpa'i tshogs chen gyi/ /'khor gyi dkyil 'khor dbus su ni/ /ngo mtshar che ba'i tshig </font><hr>148a<br><font size=+1>


@#/ /gi lam| |gtso bo'i yang dag rdo rje'i tshig /dgongs pas ci slad gang gsungs zhes/ /brjod kyis mi lang ba yi yang / /brjod mi lang ba rnams kyis gsol/ / de nas de bzhin gshegs kun gyis/ /brjod kyis mi lang ba yi yang / /brjod kyis mi lang grangs kyi ni/ /ri rab rdul phran dang mnyam pa'i/ /de bzhin gshegs pa thams cad dang / /dam tshig rdo rje dpal sogs pa'i/ /byang chub sems dpa' sems chen la/ /dngos med las byung gsal ba gsungs/ /dman dang smad pa'i 'du shes ni/ /rgyal ba'i sras rnams ma skyed cig /ci'i phyir zhe na de bzhin gshegs/ /'byung ba gang 'di spyod mchog yin/ /'di ltar sngags kyi spyod mchog 'di/ /rnam par dag yin rigs kyi bu/ /sangs rgyas mnyam med 'byung 'gyur 'di/ /gsang ba'i sngags don spyod pa nyid/ /'di ltar dper na rigs kyi bu/ /nam mkha' kun tu song ba ste/ /chos rnams kun kyang der rtogs shing / /rab dbye'i sbyor bar gyur pa nyid/ /'dod pa'i khams na mi gnas shing / /da ni gzugs kyi khams mi gnas/ /de bzhin gzugs med khams na'ang min/ /'byung ba bzhi la de mi gnas/ /rigs kyi bu chos thams cad kyang / /de ltar don gyi dbang mkhyen nas/ /dgongs pa'i dbang gis rgyal ba rnams/ /de bzhin gshegs rnams dgongs nyid kyis// </font><hr>148b<br><font size=+1>


chos rnams ston par mdzad pa yin/ /de bzhin du ni khyed rnams kyis/ /mdor na khong du chud par bya/ /yang dag byang chub don rnams kyis/ /nam mkha'i nges tshig sbyor bas ni/ /de bzhin gshegs pa'i sbyor ba byung / /dam tshig rjes su rig par bya/ /'di ltar dper na rigs kyi bu/ /gtsub shing gtsub stan bcas pa dang / /skyes bu'i lag pa bskyod pa yi/ /rkyen las du ba 'byung bar 'gyur/ /de nas me yang 'byung mod kyi/ /gtsub shing la sogs re re nas/ /'di ltar so sor brtags na go /me de gang na'ang mi gnas so/ /brag ca dang ni gzugs brnyan \?\ dang / /sgyu ma dang ni smig rgyu dang / /de bzhin chu zla rmi lam ste/ /chos rnams thams cad de dang 'dra/ /mgon po pi wang sgra lta bu/ /rkyen don las tshig yang dag byung / /de bzhin 'gro 'od gnas pa rnams| |cung zad tsam yang yod ma yin/ /gnas med gnas pa'i sbyor ba yis/ /gnas pa nam mkha'i mtshan nyid yin/ /des na khyed kyis rdo rje yi/ /dam tshig rjes su rig par bya/ / de ltar chos rnams dngos med ces/ /gsang ba'i de nyid don mkhas pas/ /rnam par smin pa ldog bya'i phyir/ /phung po de bzhin gshegs pas gsungs/ /de nas byang chub sems dpa' rnams| |ngo mtshar rmad du byung nas ni/ /ngam pa yis ni mig gdangs te/ /tshig ni 'di skad ces gsol to/ /chos 'di ngo mtshar rmad byung ste/ /nam mkha' dang ni mtshungs pa yi/ /mi rtog </font><hr>149a<br><font size=+1>


@#/ /rnam par dag pa yang / /kun rdzob tu ni bshad bar mdzad/ /dam tshig chen po yang dag gnas/ /dgongs pa lung ston mchog la ni/ /gang zhig yid 'ong bzod gyur pa/ /de ni de bzhin spyod pa yin/ /mchog tu ngag pa'i de nyid don/ /gsang ba chen po zhes bya ba/ /dam tshig tshul ni yang dag bshad/ /le'u dgu pa rdzogs pa yin// // de nas de bzhin gshegs pa kun/ /rdo rje gsum 'byung bcom ldan 'das/ /slar yang dgongs pa 'dus nas ni/ /bla ma chen po bcom ldan 'das/ /dam tshig rdo rje de nyid gnas/ / mngon par byang chub ded dpon nyid/ /sku dang gsung thugs gtsang gtso la/ /btud de de bzhin gshegs pas gsal/ /snying po sngags ni kun bsdus pas/ /gsang ba yang dag rdo rje gsum/ /dngos grub chen po'i tshul gyi mchog /de nyid bcom ldan bshad du gsol/ /de bzhin gshegs pa kun ye shes/ /sku gsung thugs kyi dngos grub stsol/ /gsung gcig du ma'i rnam par rtog /yang dag bsdus don de bzhin gsungs/ /de nas bdag po bcom ldan 'das/ /nyon mongs kun gyi rgya mtsho gtso/ /'bar ba drag po spyan yangs pas/ /gsung ni 'di skad bka' stsal to/ /sku la sogs pa'i rdo rje gsum/ /sku dang gsung thugs sgom pa ni/ /mnyam zhing rnam par mi rtog pa/ /dmigs pa med cing gnas med pa'o/ /de nas </font><hr>149b<br><font size=+1>


mgon po bcom ldan 'das/ /rang bzhin dag pa'i de bzhin gshegs/ /pha rol phyin pa sngags tshul gyi/ /rdo rje zhes bya'i ting 'dzin la/ /dpa' bo chen po snyoms zhugs te/ /da bzhin gshegs kun la gsungs pa/ /gang phyir sangs rgyas bcom ldan 'das/ /de bzhin gshegs pa kun 'di ni/ /mgon po mi bskyod la sogs pa'i/ /de bzhin gshegs pa du ma dang / /rig pa bye ba khrag khrig ni/ /brgya stong du ma zhes bya dang / /sems can don bya la rol par/ /mchog ni de rnams ston par mdzad/ /phyogs bcu'i 'jig rten khams mchog tu/ / 'dod pa'i yon tan lngar ldan pas/ /rol cing dgyes par gyur pa dang / /yongs su spyod pa yod kyang ni/ /sngags spyod pa la brtson rnams la/ /kye ma dpa' bo de bzhin gshegs/ /rang gtso gsang sngags spyod tshul mchog /chos bdag med pa'i rang bzhin can/ /'di dag rdzogs par gyur mnyam nas/ /spyan ras kyis ni 'tsho mi mdzad/ /de ltar rnam par spyad pa'i don| |gsang sngags brtul zhugs spyod rnams la/ /yang dag par ni byin brlabs phyir/ /de ni ston par mdzad 'di yin/ /de nas de bzhin gshegs pa mchog /thub la phyag na rdo rje gsol/ /mgon po de bzhin gshegs de rnams/ /so so skye bor gyur pa la/ /dngos po med cing dmigs su med/ /nam mkha'i khams dang mnyam gyur nas/ /'dod pa'i </font><hr>150a<br><font size=+1>


@#/ /yon tan ldar ldan nas/ /ji ltar de rnams rol par mdzad/ /de rnams phyogs bcu'i 'jig rten du/ /nges par gyur ba'i 'khor rnams dang / /sems can don gyi bya ba kun/ /'dod pas ston par mdzad pa yin/ /mgon po 'dod pa'i yon tan rnams/ /sbyin sogs drug ces bya bar 'byung / /thams cad dag kyang de nyid 'byung / /pha rol phyin par mnyam bzhag nyid/ /de ltar pha rol phyin 'byung ba'i/ /'dod pa'i yon tan lnga dang ldan/ /'gro ba'i don gyi bya ba yang / /'dod pa lnga po 'di yis mdzad/ /'di rnams kyis ni mgon po 'di/ /mi bskyod la sogs rgyal ba rnams/ /rol cing dgyes par mdzad pa dang / /'gro ba'i don kyang mdzad gyur cing / /'jig rten pa dang 'gal bya rnams| |de yang de bzhin mdzad gyur pa/ /dag pa rdo rje'i tshig mchog 'di/ /de rnams kyis ni rtogs par 'gyur/ /phyag byar 'os pa'i rigs pa ni/ /nges par ldan pa nges par 'dod| |yod med la sogs byed pa ni/ /nyis 'gyur mtshan ma can du 'gyur/ /phyogs bcu lam du chos gsungs pa/ /gang zhig 'jig rten phung po lnga/ /khams la sogs par mtshon pha gang / /gzugs sogs zhes bya'i ming can yin/ /'di ni yan lag thams cad ni/ /bya ba nyan thos theg pa'o/ /de nyid rkyen gyi theg pa ste/ /tshig de ston par mdzad </font><hr>150b<br><font size=+1>


pa 'di/ /gang zhig rdo rje theg par gnas/ /de bzhin ji bzhin sgra ru 'dzin/ /shes rab pha rol phyin pa la/ /nges par 'byung ba'i tshul gsum po/ /chos sku ngo bo la sogs pa/ / mkha' dbyangs mtha' yas rnal 'byor pa/ /gnas med gnas par sbyor ba yis/ /'gro ba'i snying du rnam rol pa/ /zhi ba gcig la gnas pa'i mgon/ /'khor ba dang ni gcig shos spangs/ /sngags las yang dag 'byung ba de/ /mi bskyod la sogs par brtags rnams/ /dngos med gnas la gnas pas na/ /sgrub pa po rnams gzigs mi 'gyur/ / gsang sngags rkyen gyi sbyor ba yis/ /de ni rdzogs longs spyod gzigs 'gyur/ /bcom ldan gsang ba gsungs pa 'di/ /don de 'tshal bar ma gyur pas/ /rnam rtog du ma'i kun rtog las/ /chos nyid de yis shes mi 'gyur/ /ji skad gsungs pa mi shes pas/ /phyi dus skye bo la la smra/ /'jig rten pa rnams drang bya'i phyir/ /gsang bar gyur pa bstan du gsol// de nas bcom ldan sna tshogs pas/ /lag na rdo rje grags pa che/ /dgongs pa'i don ni rtogs gyur pa/ /bu khyod shes rab chen po legs/ /gang zhig shes pas ma 'ongs pa'i/ /skye bo rnam par mi rtog 'gyur/ /tshig gcig la yang sna tshogs don/ /yang dag bsdus nas khyod kyis bshad/ /de nas dam pa bcom ldan 'das/ /bla ma kun mkhyen thams cad rig / </font><hr>151a<br><font size=+1>


@#/ /skyes bu dam pa de dag la/ /spyan ras kyis ni 'tsho bya'i phyir/ /rdo rje gsum gyi gsang ba 'di/ /de bzhin gshegs pa kun gyi mchog /sku gsung thugs kyi rdo rje yi| |gsang ba yi ni mchog gi gnas/ /snying po sngags rnams thams cad kyi/ /bskul ba gcig pu zhes bya ba/ /de bzhin gshegs kun gsang gcig pu/ /mchog las mchog tu gsungs gyur pa/ /sku gsung thugs kyi yang dag rtogs/ /dam tshig la ni dmigs pa dang / /rdo rje 'dzin pa'i sku gsung thugs/ /dam tshig la ni dmigs pa dang / /chos 'dzin pa yi sku gsung thugs/ /dam tshig la dmigs de bzhin no/ /nyid sku gsung thugs rdo rje las/ /tshig lam nges par brjod pa ni/ /de nyid sngags su yang dag bsdus/ /sna tshogs gsung ba gzugs gcig pu/ /yi ge hUM ni gcig gsungs la/ /de nas yi ge oM gsungs te/ /de bzhin mgon pos yi ge AH/ /swA ni de bzhin bzhi pa yin/ /hA yang 'dod lhar gyur pa ste/ /de ni 'di ltar sangs rgyas lnga/ /hUM oM AH swA de bzhin hA/ /'di ni gsungs pa tsam gyis ni/ /sangs rgyas sras dang bcas pa kun| |rab tu 'dar zhing brgyal bar 'gyur/ /de rnams gnyis med sbyor la gnas/ /rdo rje sems dpa' rjes su dran/ /zhi ba'i sbyor bar chos gcig pa'i/ /rnam par mi rtog </font><hr>151b<br><font size=+1>


chos gcig skyes/ /de nas bcom ldan 'das de yang / /de bzhin gshegs kun bdag po yis/ /de yi byin rlabs sbyor don du/ /dam tshig 'di dag bka' stsal to/ /nam mkha'i dbyings kyi dbus gnas par/ /dkyil 'khor bkod pa zhes bya ba/ /re re'ang gsum gyi sbyor ba yis/ /sgom pa'i sbyor ba bsgom par bya/ /bye brag gsum po gcig brtags pa'ang // bkod pa mi gsal ba nyid do/ /zla ba'i dbus gnas yi ge hUM/ /rang gi gzugs gcig rab tu brtag /rdo rje 'od zer rab 'bar ba/ /rnam par 'phro ba bsam par bya/ /sangs rgyas rnams kyi sku gsungs thugs/ /snying la de yis rnam bsgoms nas/ /dpal ldan de nyid skad cig der/ /rdo rje gsum gyi rdo rje 'dzin/ /rdo rje sems dpa' dbang chen gtso/ /'di ni kun mchog chen por skye/ /rang gi sngags kyis bskyed bya ba/ /sngags kyi cho ga dam pa'o/ /snying po rang gi rdo rje sngags/ /rdo rje bsdus pa zhas bshad do/ /rang sngags tshul las byung ba 'o/ /skyes bu'i gzugs su bsgom par bya/ /sbyor ba bzhi po sbyor gcig pus/ /gnas bzhi dag tu de dgod do/ /kha dog gsum po zhal gsum lta'i/ /de nyid gsum gcig rnam bsgom zhes// bcom ldan 'das mchog nam mkha' ni/ /rdo rje dam tshig gtso bos gsungs/ /de nas de bzhin gshegs pa mchog /zhi ba'i bdag nyid thub pa che/ /gtso la phyag na rdo rje yis/ / </font><hr>152a<br><font size=+1>


@#/ /gsang ba 'di ni slar zhus pa/ /hUM oM AHdang swAhA zhes/ /de nas 'di ni gsungs gyur bas/ /sangs rgyas sras dang bcas pa kun/ /de nas rab 'dar brgyal gyur cing / /rdo rje sems dpa' rjes dran pa/ /thub chen de 'dir ji lta bur/ /mgon po de ni phyi dus na/ /ji skad gsungs pa mi rtogs pa/ /gcig pu mkha' mnyam sangs rgyas dang / /byang chub sems dpa' mthu chen rnams/ /rab tu 'dar zhing brgyal 'gyur zhes/ /byis pa rnams kyis mi rtogs so/ /lan brgya stong dang bye ba yi/ /grangs dag tu ni ston mdzad cing / /ston pa sna tshogs ston mdzad kyang / /'dar zhing brgyal bar de ma gyur/ /ma 'ongs dus na'ang 'byung 'gyur ba/ /mi 
 \?\ mkhas pa yi nga rgyal can/ /bla ma'i lung ni blangs nas su| |rtags ni rang nyid 'dzin par byed/ /de ni sngags don gsungs pa yi/ /mtshan nyid gsang 'di mi shes par/ /sngags don de nyid mkhas pa yis/ /gzhan rnams la ni mi snyan sgrog /'khrul ba cung zad tsam mthor na/ /bzhad gad dag ni byed par 'gyur/ /reg na dug dang mtshungs pa yi/ /mi de zhi bar mi 'gyur ro/ /gang zhig yid ni rin chen 'dra'i/ /'gro la phan pa'i sngags pa rnams/ /'di ni ma 'ongs dus su yang / /dngos grub mchog ni thob par 'gyur/ /de rnams yang dag bsdu ba'i phyir/ /skad cig rjes gsung grub don du/ /sbyor </font><hr>152b<br><font size=+1>


bar dgongs pa'i bsam pa can/ /bcom ldan 'di ni bshad du gsol/ /de nas ston pa bcom ldan 'das/ /'gro phan phyag na rdo rje la/ /de ltar sbyar ba yang dag sbyor/ /sgom pa'i dngos po rtogs byed pa/ /dbang po nyi ma thub pa nyid/ /gang zhig phyogs bcur gnas pa rnams/ /sras bcas sangs rgyas zhes bya ba'i/ /de bzhin gshegs pa thams cad gyur/ /phung po la sogs grangs mnyam pa'i/ /lus las skyes te yod pa 'di/ /stong pa'i rkyen du sbyor ba las/ /sangs rgyas sras dang bcas gyur 'dod/ /sngags de sngags pa sangs rgyas de/ /bdag nyid de sras yang dag sbyor/ /zhi sogs mnyam pa'i sbyor ba las/ /zhi ba'i bde ba de nas brtsam/ /bdag nyid rang bzhin gyis dag cing / /rang bzhin dri ma med byas la/ /dal dang myur dang gnas pa yi/ /sna tshogs de gcig dag la gzhug /yid dman rim la sogs pas kyang / /sbyor ba de nyid dag la gnas/ /de nas dbang po med gyur pa/ /gang tshe zhi ba'i bde gcig pu| |rang bzhin dag pa'i sbyor ba ste/ /de yi chos ni lta ba po/ /de nas rdzogs longs spyod pa'i sngags/ /sangs rgyas thams cad 'jam las byung / /gang phyir rang ni zlo gyur pa/ /yi ge hUM gi gsang sngags lnga/ /de tshe snying las rab 'dar cing / /dbang po thams cad brgyal bar 'gyur/ /gang yang phung sogs yan lag ni/ /sras bcas sangs rgyas thams cad de/ /de nyid kyi ni </font><hr>153a<br><font size=+1>


@#/ /grangs mnyam pa'i/ /rnal 'byor ba yi lus rab 'dar/ /nye bar mtshon sogs tshig rnams ni/ /phung po la sogs bshad pa gang / /sangs rgyas sras bcas par gyur te/ /de ni brgyal zhing 'dar bar 'gyur/ /de gnyis la ni snyoms 'jug ba/ /sangs rgyas thams cad sras dang bcas/ /rdo rje sems dpa' nyid dran te/ /de sngags bdag nyid dngos las byung / /de 'dir mchog tu bshad pa yin/ /rdo rje gsang ba rmad byung pa/ /phra mo'i snying gang dbus gnas par/ /dkyil 'khor rnam par bsam pa 'o/ /de yi dbus gnas zhi ba yi/ /go 'phang mchog ni bsam par bya/ /de hUM zhes bya'i 'od po che/ /de yongs gyur pa'i rdo rje ni/ /'di ni mchog gyur rtse lnga pa/ /rnal 'byor pa yis rtag tu bsgom| |rdo rje lcags kyu'i sbyor ba yis/ /rdo rje gsum ni bsam par bya/ /de yi snying gar bsdams nas ni/ /lha rnams rab tu bskul bar bya/ /'di ni sangs rgyas thams cad kyi/ / rdo rje thams cad rab sgrub pa'o/ /'khor lo pad+ma'i rigs sogs pa'ang / /rol mo 'di ni dam pa ste/ /rdo rje lcags kyu rnam bsgoms nas/ /snying ga ru ni bskul bar 'gyur/ /rdo rje yi ni tshul mchog 'di/ /zhag bdun par du byas nas ni/ /ye shes rdo rje can gyi gsang / /rdo rje gsum po yang dag sgrub/ /phung po la sogs sangs rgyas gang / /de ni dngos po med </font><hr>153b<br><font size=+1>


lta ba| |de nyid mchog gi gsang sngags kyis/ /skrag pa rnam smin mthong ba la/ /skrag ba mi rnams 'di dag ste/ /gsang sngags gnyis med sbyor gcig byung / /mthong bas skrag ste mchog ster cing / /'di dag 'di nyid brtags pa yin/ /zhi ba gcig pu'i sbyor ba las/ /sngags lus rdzogs pa nyid gyur nas/ /yid la mgu zhing dga' gyur pa'i/ /dngos grub rgya cher ster bar 'gyur/ /phung bo la btags sangs rgyas dang / /de bzhin byang chub sems dpa' rnams/ /sngags kyis sbyor ba'i don sgrub pas/ /rmongs pas 'da' ba byas nas ni/ /de yi srog ni der zad 'gyur/ /zhi ba nyid kyi sbyor gcig las/ /'di ni 'jig rten 'das pa mchog /de las ldog pa 'jig rten pa'o/ /de nas bdag po bcom ldan 'das/ /'jig rten gsum gtso ston pa po/ /'jig rten gsum mchog rdo rje gtsos/ /gsung ni 'di skad bka' stsal to/ /gang zhig sngags kyi skyes bur bshad/ /rdo rje gsum gyi ye shes gzugs/ / de ni dbang po gnyis sbyor ba'i/ /gcig par sgom pa rtag tu byed/ /bdag dmigs sems can yod min pa'i/ /sngags kyi dbang po rnam sgom pa/ /dbang po gnyis sbyor bzang po ste/ / dngos bo thams cad rnam brtags pa'o/ /'di ni sangs rgyas thams cad kyi/ /sngags kyi dam tshig mchog sgom pa'o/ /rang gzugs rdo rje yang dag sbyor/ /rig ma dbang phyug bdag </font><hr>154a<br><font size=+1>


@#/ /kyang bsgom/ /gnyis med gnyis su med chags pa/ /lta ba dam tshig dkyil 'khor ro/ /gsang ba zhes bya der sbyar ba/ /de nyid mnyam pa'i bdag nyid do// de nas ston pa bcom ldan 'das/ /thams cad dbang bskur dam pa ni/ /mi phyed rdo rje gsum grub pa/ /gsang ba'i dgongs pa bka' stsal to/ /nam mkha' mtha' yas sbyor ba yis| |phung po bdag nyid mi dmigs pa/ /chos kyi dbyings la sogs pa'i rim/ /bud med de ni rgya chen 'gyur/ /rab tu sbyor ba 'di yis ni/ /'gro ba'i bud med ces bya ba/ / gsang sngags de nyid don gsang nyid/ /de ni gsang bar nye bar spyod/ /der ni yid 'ong sangs rgyas rnams/ /bye ba grangs med rdo rje 'dzin/ /sngags rig dam pa spro 'o zhes/ / der ni bcom ldan gtso bos gsungs/ /byang chub sems dpa' dam tshig ni/ /ston pa 'dir ni bla ma cher/ /'jig rten pa la 'dir bshad de/ /'jig rten 'das pa ldog pa'o/ / nam mkha' lta bu'i byang chub ni/ /'di yis shin tu 'thob par 'gyur/ /byang chub sems kyi yon tan mtsho/ /rdo rje sems dpa' mchog des 'thob/ /dgongs pa lung bstan gsang ba la/ /gang zhig sems ni dad gyur pa/ /gsang ba 'bad de de yang dag bsrung / /de ni rtag tu legs par byed/ /rdo rje gsum gyi gsang ba las/ /de bzhin gshegs pa </font><hr>154b<br><font size=+1>


kun gyi yang / /de nyid bskul ba zhes bya ba/ /le'u bcu pa yin par bshad// //de nas ston pa bcom ldan 'das/ /rdo rje gsum mchog mchog gsang ba/ /de bzhin gshegs pa kun mchog gcig/ /nyi shu rtsa lnga mchog ces bya'i/ /ting nge 'dzin la snyoms zhugs nas/ /de bzhin gshegs kun rdo rje yis/ /sngags rig skyes bu zhes bya ba'i/ / le 'u 'di ni bka' stsal to/ /sngags mchog de ni phyag rgya che/ /rdo rje gsum gyi ye shes bsgom/ /rtogs dang bri ba 'thob pa'i phyir/ /rdo rje ye shes dag gis kyang / /tshangs pa la sogs yang dag bshad/ /ye shes snying po dam pa ste/ /rdo rje gsum sogs bshad gyur pa/ /sku yi rdo rje 'thob byed pa'o/ /a dang zung na gsung rdo rje/ /byang chub bdag med 'thob byad pa'o/ /hUM ni rdo rje gsum mtha' nyid/ /sku gsung thugs ni 'thob byed pa'o/ /de ni 'jug pa sogs gnas nyid dong / /ldang ba dag tu rab tu bshad/ /nyi shu lnga sogs ming can gyi| |skyes bu'i gzugs su 'di 'gyur ro/ /de bas re re'ang gsum nyid de/ /rdo rje gsang sngags nyid du gyur/ /brjod med sa bon brgyad pa las/ /de ni nam mkha' las brgyal 'gyur// brgya phyed rlung ni gcig bu la/ /de las nges bar nyi shu lnga/ /skyes bu nyid du byung ba na/ /mgrin bcu zhes bya'i ming can dang / /sgra sgrog gsod pa'i dga' byed 'gyur/ /de nas tshangs pa </font><hr>155a<br><font size=+1>


@#/ /gcig nyid gyur/ /tshangs pa khyab 'jug drag po ste/ /'jug ba la sogs rim du bshad/ /'di dag bsnyengs med de gcig pu/ /de ni zhi ba dngos med nyid// de las kyang ni yang dag 'byung / /longs spyod rdzogs sku dam pa'o/ /de nas sngags gcig sprul pa las/ /'gro ba'i don gyi bya bar 'gyur/ /mtshams dang skye mched nor lha 'o| |zla ba zung gcig rig byed de/ /de la sogs pa'i grangs gyur rnams/ /de ni rig pa'i skyes bur gnas/ /'di rnams las gcig bzung nas ni/ /sangs rgyas rol mo bstan par bya/ /rdo rje sems dpa' de nyid 'di/ /nam mkha' rdo rje dbus su bsam/ /dkyil 'khor brgyan pa zhes bshad pa/ /yi ge b+h+rUM ni des bsam mo/ /rdo rje sprin ni spro bskyed pa'i/ /de bzhin gshegs pa drug gi sku/ /de dbus gnas ba'i rnal 'byor par/ /sgom pa'i bdag nyid can gyis bsgom/ /sngags rnams kun gyi gtsug tor ni// sngags kyi skyes bu gsang ba pa/ /gcig pu nyid ni bdag por 'gyur/ /sngags spyod don ni sgrub pa po/ /chos la 'khor lo gcig 'khor lo mchog /rgyal dang rmad byung che gtsug tor/ /lus dang rnam par rgyal de bzhin/ /bya ba mchog tu yang dag bshad/ /sbyor dang bya ba gnyis med bzhin/ /sbyor ba 'ba' zhig nyid la 'di/ /b+h+rUM ni gtsug tor </font><hr>155b<br><font size=+1>


chen por bstan/ /ye shes rdo rje snying po 'di/ /dus sbyor gcig gi ming can no/ /nam mkha'i khams dang mnyam nyid ldan/ /sngags kyi skyes bu dngos grub stsol/ /rdo rje'i dkyil 'khor dbus gnas par/ /oM zhes bya ba de ru bsgom/ /ph+wa mo'i dkyil 'khor dbus gnas par/ /yi ge AHni rnam par bsgom/ /chos kyi dkyil 'khor sbyor ba la'ang / /yi ge hUM ni de ru bsgom/ /yi ge bruM ni gnas ming can/ /rdo rje gsum 'byung bsgom par bya/ /gsang ba'i dam tshig 'di nyid de/ /rdo rje gsum 'byung bka' stsal to/ /snying po dus gsum sangs rgyas kyi/ /rdo rje gsum ni mnyes byed mchog /sku dang gsung thugs thog ma mtha'/ /oM AH hUM gi grangs dang mnyam/ /sangs rgyas sku mchog gsung gi lam/ /thugs kyi ye shes 'jings su bya/ /rang nyid 'don pa nyid du ni/ /re re zhing ni yang dag bshad/ /sngags kyi skyes bu'i sbyor ba yang / /rgyu yi bdag nyid ming can yin/ /byang chub tshul mchog 'di yin te/ /sangs rgyas byang chub rab sgrub pa'o/ /rdo rje ye shes sprul ba ste/ /sangs rgyas 'bras bu thob byed pa'o/ /sngags kyi rig pa zhes bsgrags pa/ /'di ni sangs rgyas skyes bu yin/ /rdo rje gsum mnyam mi phyed pa/ /rdzogs pa la sogs sgom pa yi/ /de bzhin gshegs kun rdo rje ni/ /gsum po ye shes rdo rje stsol/ /byin rlabs dpal chen zhes bya ba'i/ </font><hr>156a<br><font size=+1>


@#/ /dam tshig ting 'dzin gyur pa yin/ /rnam par dben dang ci rigs pa'i/ /stan dag la ni sbyor ba bzhi/ /rig pa'i skyes bur yang dag sbyor/ /brtul zhugs can gyis kun tu brtsam/ /thabs dang shes rab nyi zla phyed/ /thun gcig tu ni rab tu brtag/ /de yi phyed nyid zla phyed kyis/ /rdo rje gsum ni nges par 'grub/ /'jig rten 'das pa'i rang bzhin nyid/ /'jig rten pa'i yang phyin ci log /rdo rje gsum sbyor stsol dngos grub/ /'grub par 'gyur ba the tshom med/ /nam mkha'i rdo rje dbus gnas par/ /phra mo'i dkyil 'khor bsam par bya/ /rang gi sngags kyi dam tshig dus/ /bskyed pa yi ge oM bsgom bya/ /sbyor ba bzhi yi gtan tshigs gang / /snying por yongs su brtags pa yin// sna rtse dang ni rtsa ba nyid/ /spyi bo mtha' ni dga' ldan gnas/ /gcig dang gsum gyi dngos por 'gyur/ /dag pa'i gnas kyi grong khyer ba/ /phyed pa gsum gyi ming can ni/ /rigs kyi dbye ba rdo rje gsum/ /sna yi rtse mo sbyor ba yis/ /rdo rje gsum sbyor brtul zhugs can/ /mA ma kI dang gos dkar mo/ /sgrol ma gtogs pa sangs rgyas spyan/ /'od zer lnga yi sprin chen po/ /rnam par snang mdzad gnyis med gnas/ /rdo rje rnam snang de las ni/ /dngos grub rgya chen stsol bar 'gyur/ /sangs rgyas sku yi 'od 'dra ba/ /skad cig der </font><hr>156b<br><font size=+1>


'grub rnal 'byor pa/ /ye shes lnga po bsten nas ni/ /rdo rje bskal pa gsum du gnas/ /ye shes 'das dang ma 'ongs dang / /da ltar byung ba rdo rje gsum/ /de 'dir bskal bar brtags gyur pa| |grangs med ces bya de nyid do/ /sku yi gsang ba de nyid 'di/ /'jig rten 'das pa'i rim par gsungs/ /zhi ba'i bde las shes bya ba/ /rang myong sbyor ba gcig las de| |sku yi gsang ba mchog 'di ni/ /de bzhin gshegs pa kun gyis gsungs/ /rdo rje 'od zer bkod pa yis/ /ting 'dzin yang dag bka' stsal to/ /a dang u ni lkog ma'i dbus| |rkan gyi steng gi ming can no/ /i dang tsa ni lag g.yon nyid/ /u dang mu ni g.yas par brtag /ri dzu 'di ni gsang bar dgod/ /li ti rkang pa gcig shos la/ /dkyil 'khor gcig ni de nyid do/ /dkyil 'khor lnga las rgyal gyur pa/ /ha ni lus skyes gtsug tor dang / /gcod ni gsum po gcod pa can/ /yon tan bzhi yi bzhi po de/ /lnga po'i lnga par de 'gyur ro/ /nam mkha'i rdo rje gcig phyed sbyor/ /de ni 'od zer lngar 'gyur ro/ /rig pa chen po de nyid 'di/ /cha zhes bya bar de yongs bsgrags/ /dus can bdag nyid sbyor dbang po/ /de yi rang sbyor gzugs can gcig /a ni thabs 'gyur sbyor ba ni/ /dbang po gnyis po gcig tu 'o/ /nam mkha'i rdo rje dbus gnas par/ /chos kyi dkyil 'khor </font><hr>157a<br><font size=+1>


@#/ /mchog bsam pa/ /rang sngags skyes bu bsams nas ni/ /AH ni ngag gi lam du bzhag /kha dog lnga yis kun nas ni/ /brgyan pa'i rdo rje chen po dag/ 'jig rten dbang phyug mchog sgom pas/ /dam tshig ye shes bsgom par bya/ /gsung gi dam tshig spros par bshad/ /khyab bdag mi zad rtag pa ste/ /thog mtha' med pa'i mthar thug pa| |zhi ba mya ngan 'das zhes bya/ /chos kyi gsung las rnal 'byor dbang / /rdo rje chos dang 'dra bar 'gyur/ /ye shes lnga ldan bsten na ni/ /rdo rje gsum gyis bskal bar gnas| |gsung gi gsang ba 'di nyid ni/ /de bzhin gshegs pa kun gyis gsungs/ /dam tshig 'byung ba zhes bya ba/ /ting nge 'dzin du yongs su bsgrags/ /nam mkha' rdo rje dbus gnas mchog /rdo rje'i dkyil 'khor dam pa ni/ /der ni rang sngags skyes bu dag /hUM ni sems la gnas rdzogs bya/ /dam tshig chen po de nyid can/ /kha dog rnam lnga bsgom par bya/ /rdo rje kun dang rgyal ba'i gnas/ /ye shes rdo rje dag gis bya/ /ston pa rdo rje'i thugs 'dra ba/ /yang dag ye shes yon tan mtsho/ /ye shes lnga ldan bsten na ni// rdo rje bskal pa gsum du gnas/ /lkog ma rkan dang de nas mchu/ /spyi bo sa yi ming can te/ /rdo rje gsum thugs gsang ba gcig /de nas haM las zhugs pa yis/ /de bzhin </font><hr>157b<br><font size=+1>


gshegs kun ye shes ni/ /dam tshig rdo rje zhes bya ba/ /rdo rje ye shes gcig las byung / /ting 'dzin gsang bar bshad pa yin/ /ye shes dkyil 'khor dbus gnas par/ /rdo rje chen por bsam nas ni/ /lus kun la ni khaM dmigs na/ /rdo rje ye shes skye bar 'gyur/ /dngos po med don gsal byed pa/ /khaM nyid kyis ni thams cad bshad/ /rlung gi rkyen dang kun sbyor las/ /khaM du'ang 'gro bar gyur pa yin/ /sangs rgyas byang chub sems dpa' yis/ /yang dang yang du mchod pa dang / /rdo rje gsum gyi dam tshig gnas/ /gnyis med lhun gyi ngo bo nyid/ /sangs rgyas de bzhin nyid sbyor ba/ /so so ru ni yang dag gnas/ /nam mkha'i rdo rje dam tshig che/ /chos rnams des ni mi gzigs so/ /sangs rgyas kun ni gnyis med dang / /mi snang 'di yi dam tshig yin/ /dngos po med pa'i gnas thob na/ /sangs rgyas kyis kyang mi gzigs so/ /sku gsung thugs las yang dag byung / /mi snang rdo rje gsum 'di yin| |de yi bkod phreng zhes bya ba/ /ting nge 'dzin ni yang dag gsungs/ /ma 'dres pa yi chos bdag nyid/ /sku dang ldan pa'i 'od po che/ /rdo rje dkyil 'khor dbus gnas pa'i/ /rang sngags skyes bu bsam par bya/ /haM ni rdo rje bzhir bshad pa/ /snying ga ru ni yaM mdzes pa/ /rtag tu sbyor bas gzhug pa ni/ /'od zer rnam par bsgom par bya/ /sku gsung thugs kyi longs </font><hr>158a<br><font size=+1>


@#/ /spyod ni| |'jam pa'i dam tshig rdo rje can/ /sa bcur rab tu gnas na ni/ /dgongs don de tshe kun tu byung / /ye shes nyid ni zla ba 'di/ /byang chub sems dpa' rdo rje can/ /snang ba can zhes bya ba yis/ /ting nge 'dzin ni yang dag bshad/ /nam mkha'i dbyings kyi dbus gnas par/ /th+l+hIM ni 'bar ba'i 'od bzang ba/ /mtshon cha mchog ni rdo rje yis/ /rdo rje sku dang 'dra bar 'gyur/ /'di ni rdo rje mkha' 'dra sbyor/ /dam tshig bkod pa'i gnas gyur pa/ /ting 'dzin dam tshig mi snang ba'i/ /th+l+hIM ni yang dag 'byung ba bshad/ / sangs rgyas mngon par shes gnas pa/ /dam tshig tu ni yang dag bshad/ /mngon shes lnga dang 'dra ba 'di/ /de ni skyes bu mchog tu 'gyur/ /sangs rgyas mngon shes mchog sgrub pa| |'di ni dam pa yin par bshad/ /de yi dngos grub thams cad kyi/ /dngos grub chen po sgrub pa'i mchog /nam mkha'i dbyings kyi dbus gnas par/ /sangs rgyas dkyil 'khor dam pa bsam/ /sangs rgyas dgongs pa'i mchog bsgoms la/ /yi ge oM ni bsgom par bya/ /rdo rje gsum gyi gsang ba 'di/ /yi ge oM ni mi zad gtso/ /'di ni mi phyed sbyor ba yis/ /bsgoms bas mi bskyod 'dra bar 'gyur/ /mi bskyod pa yi dam tshig mchog/ de sku byang chub rdo rje can/ /ting nge 'dzin du yang dag bshad/ /de ni skyes bu dam </font><hr>158b<br><font size=+1>


pa yin| |mi bskyod mtshungs pa'i sku dang ni/ /gsung thugs rtse gcig 'dzin pa las/ /'jig rten khams ni thams cad du/ /rdo rje can gyis mchod par 'gyur/ /nam mkha'i dbyings kyi dbus gnas par/ /sangs rgyas dkyil 'khor brgyan pa bsam/ /nam mkha'i rdo rje rab bsgoms te/ /de nas rdo rje rnam par bsgom/ /rdo rje dam tshig gsum bsgoms pas/ /dkon mchog dpal dang 'od 'dra zhing / /dkon m+ch+go gsum dpal mtshungs pa yi/ /bcom ldan dkon mchog dpal 'dra zhing / /sku gsung thugs sbyor rdo rje yis/ /ye shes gsang ba'i gnas su 'gyur/ /ting 'dzin dpag med las byung ba/ /rdo rje ye shes 'dzin de 'gyur/ /longs spyod dam tshig ces bya ba/ /rin chen rdo rje gcig tu 'byung / /de nyid gsum gsang dgongs pa las/ /rin chen rdo rje de gnas 'gyur/ /nam mkha'i dbyings kyi dbus gnas par/ /sangs rgyas dkyil 'khor bsam par bya/ /'jig rten dbang phyug rab bsgoms la der ni chos kyi oM bsgom mo/ /chos kyi oM ni de tshe yang / /rdo rje gsum mnyam sbyor ba yis/ /rdo rje dpag med 'dra ba ni/ /bcom ldan dpag med rdo rje can/ /lus dang ngag sems rdo rje yis| |dpag med tshe dang 'dra bar 'gyur/ /theg pa chen po lam gyi mchog /'gro ba'i don ni rab sgrub pa/ /ye shes rgya mtsho dpal dang ldan/ /'gro don gcig tu 'byung bar 'gyur// </font><hr>159a<br><font size=+1>


@#/ /don yod pa yi dam tshig mchog /sems can don ni sgrub gyur pa/ /'od zer ye shes mchog ces bya'i/ /ting nge 'dzin du yang dag bshad/ /sems can khams ni ma lus pa'i/ /longs spyod kun tu 'gyur ba yi/ /nam mkha'i dbyings kyi dbus gnas par/ /sangs rgyas dkyil 'khor dam pa bsam/ /de ni rnam snang rdo rjer bshad/ / 'od zer de ni rab tu bsgom/ /rnam par rgyal ba'i yi ge oM/ /'od chen der ni rab tu bsgom/ /de nas 'di ni rdo rje gsum/ /rnam par snang mdzad 'dra bar 'gyur/ /de ni bcom ldan mgon pos bshad/ /rnam snang rdo rje can de yin/ /rdo rje gsum gnyis med sbyor las/ /rnam par snang mdzad 'dra ba'i 'od/ /de nyid ye shes rdzogs byang chub/ /rdo rje sku gsum sgrub pa po/ /sku dang gsung thugs rdzogs byang chub/ /de la dmigs pa'i rdo rje can/ /ting 'dzin zhi ba nyid sbyor ba/ /'gro ba'i don ni rab sgrub pa'o/ /tshig gcig la ni sna tshogs don/ /sngags kyi de nyid gsal gyur pa'o/ /de nas de bzhin gshegs mchog la/ /de nas gsang ba'i bdag po ni/ /gsang dgongs rdo rje zhes bya ba/ /thub pa che la slar yang zhus/ /oM A hUM ni gsum la sogs/ /b+h+rUM sogs thog \?\mar gnas pa yis/ /sku gsung thugs kyi rdo rje can/ /sngags kyi skyes bur de 'gyur ro/ /oM ni rnam snang rdo </font><hr>159b<br><font size=+1>


rjer 'gyur/ /AH ni 'jig rten dbang phyug gtso/ /hUM ni rdo rje sems dpar bshad/ /skyes bu rdo rje can du 'gyur/ /b+h+rUM ni gnas kyi mchog tu 'gyur/ /khaM ni nges par mi snang ba/ /haM ni 'jam dpal yang dag bshad/ /k+ShaM ni rdo rje bkod ces bya/ /rdo rje sems dpa' rin po che/ /'jig rten dbang phyug dngos grub stsol/ /de bzhin mgon po rnam snang mdzad/ /oM la sogs pa lnga las skyes/ /oM AH hUM ni de nyid gsum \?\ rnam snang rdo rje can gyur pa/ /sku gsung thugs kyi rdo rje grags/ /shin tu rnam par nges par bshad/ /gsang sngags dkyil 'khor rnal 'byor pa/ /lnga po bco lngar yang dag bshad/ /khrag gi sbyor ba las byung ba/ /gsang sngags skyes bu zhes bya ba/ /gsang sngags chen po'i sbyor ba yang / /ting 'dzin skyes bu dam ba yin| |sna tshogs sngags don de nyid 'gyur/ /phyag rgya gcig par dkyil 'khor te/ /de dag gsang bar bshad pa ni/ /dgongs pa gcig las yang dag 'byung / /dga' ba gcig cing dga' ba'i ming / /de dag ji ltar rtogs par 'gyur/ /mgon po rkyen dang bral ba'i mi/ /pi wang sgra ni mchis ma lags/ /de bzhin phyag rgya med pa ni/ /gsang sngags dngos grub mi 'byung ngo / /brda gsum gyi ni de nyid 'di/ /gang gi don du rab gsungs pa/ /lag pa'i sbyor bas rab bsgrubs pa'i/ /phyag rgya ji ltar gnas par mdzad/ /sngags dang phyag rgya sbyor </font><hr>160a<br><font size=+1>


@#/ /ba ni| |phyag rgya gcig pu'i sbyor ba dang / /gsang sngags gcig pus mi 'grub ces/ /khyod ni chos rnams ston par mdzad/ /'dir ni sngags sbyor gcig pu las/ /phyag rgya bstan par ma mdzad na/ /gsang sngags gcig skyes dngos grub ni/ /'jig rten pa rnams ji ltar sgrub/ /sngags la dmigs pa'i sbyor gyur pa/ /lha rnams kyi yang sbyor las byung / /'gro ba'i don ni rab sgrub pa/ /yid bzhin nor bu lta bur 'gyur/ /'jig rten 'das pa zhes bya dang / /yang na shin tu 'jig rten las/ /mgon po 'jig rten pa rnams kyi/ /ji ltar de la 'gro phan 'gyur/ /spyan dang pa dang gshegs su gso/ /'dir ni ji ltar legs par brjod/ /gang gis 'dir ni dngos grub 'grub/ / lha rnams mngon phyogs ji lta bu/ /'di dag ma 'ongs skyes bo yis/ /gang zhig shes na yang dag par/ /nges par rnam rtog med 'gyur ba/ /me yi skyes bu 'di dag gsungs/ /de nas mgon po bcom ldan 'das/ /dgongs pa'i gsang ba dam pa ste/ /phyag rgya'i nges par 'jig rten pa'i/ /phyag na rdo rje la gsungs so/ /rnam rtog sna tshogs lcags zhes bya// nyes pa gsum tshogs bdag nyid las/ /gsang sngags skyes bu'i sbyor ba yis/ /de ni mi mchog dag tu 'gyur/ /gser 'gyur rtsi yi rnam pa yis/ /lcags ni gser du byed pa </font><hr>160b<br><font size=+1>


yin| |de bzhin sngags kyi de nyid kyis/ /mi ni bder gshegs byed pa yin/ /nges byas sbyor ba'i gsang sngags ni/ /zhi bde dngos grub ster bar 'gyur/ /phyag rgya med pa'i sngags gcig pus/ /sngags kyi skyes bur 'gyur ba yin/ /dngos med pa las yang dag skye/ /sngags kyi skyes bu 'byung ba ste/ /'di ni phyag rgya chen po ste/ /'gro ba'i don ni rab sgrub pa'o/ /spyan drang bar ni bzhugs pa yis/ /myur ba yis ni gshegs su gsol/ /gnas pa yis ni de sgrub pa'o/ /yid ston dngos grub dam pa yin/ /de ni skyes bu'i sbyor ba yis/ /phyag rgya che dang gcig sgrub las/ /myur ba la sogs gsum ldan pa/ /de ni phyag rgya yin par bshad/ /'bad de bla mas slob ma yi/ /rna ba'i drung du bshad par bya/ /myur ba dang ni 'jug pa dang / /gnas pa'i rjes su sbyor ba rnams/ /spyan drang ba dang gshegs su gsol/ /'di dag phyag rgyar yang dag gyur/ /sgrub pa la ni myur la sogs/ /ci rigs ba ni nges par sbyar| |phung po la sogs chos rnams kun/ /stong zhing rten 'brel las byung ba/ /mthong zhing de bzhin sbyor ba las/ /chos kyi skur ni de gnas 'gyur/ /'dir ni gsang sngags sbyor 'gyur med/ /phyag rgya'ang chos sku 'di nyid yin/ /de lta na yang 'gro ba'i don/ /yid bzhin nor bu lta bur byed/ /'on te rdo rje 'dzin gang zhig /sbyor ba gsum dang ldan pa'i mi/ / </font><hr>161a<br><font size=+1>


@#/ /spyan drang ba dang gshegs su gsol/ /de bzhin du ni gnas gyur pa'o/ /nye ba'i tshig ni spyan drang ba/ /ring nas lag par rab tu sbyor/ /de bzhin gsang sngags de nyid kyang / /gnyi ga la ni yang dag sbyor/ /rigs kyi dbye ba sbyor ba yis/ /phyag rgya bud med yin par bshad/ /sems kyi rkyen sbyor bdag nyid ni/ /'jig rten pa ni rab tu brtag/ rang gi mtshan mar yang dag sbyor/ /rigs kyi dbye ba'i sbyor ba yis/ /phyag rgyas sa gsum la gnas pa/ /sa 'og klu yi bu mo yang / /brtul zhugs can gyi sems kyis dgug/ gzhug pa'i rim pa nyid dang ni/ /de rnams gnas pa'i sbyor ba nyid/ /dngos med de nyid gcig pu yis/ /'gro ba thams cad dgug par bya/ /gzhan yang gsang ba pa yi mchog/ sems kyi rkyen ni nyid ltos dang / /dngos med byang chub 'thob pa la/ /gsang sngags med cing phyag rgya med/ /'jig rten na ni rtog ci rnyed/ /dus gsum du ni kun 'byung ba/ /de ni dngos med sems gcig las/ /rnal 'byor pas ni skad cig rtogs/ /byang chub kun rdzob ma yin la/ /de las gzhan du'ang rnyed mi 'gyur/ /gnyi ga las min gzhan las min/ /mun pa'i sgron ma mtshungs par 'gyur/ /sems can bsam pa'i dbang gis sngags/ /gsang ba 'di ni rab ston te/ /de ni sgrub dang bsgrub bya dang / /rnam par mi rtog brtags </font><hr>161b<br><font size=+1>


pa 'o| |sems can kun gyi longs spyod du/ /sngags kyi skyes bu rab tu gnas/ /nam mkha' mnyam pa'i sbyor ba ni/ /rnam par dben par rab tu brtag /gsal dang mi gsal yang dag ldan| |klung dang 'bab chu la sogs yin/ /mya ngan 'das pa gnas sbyor ba/ /dur khrod la sogs pa yi ming / /'di ni sngags rigs mchog rnams kyi/ /bsam gtan bsdus las spyod pa 'o/ /'jig rten 'das pa de nyid 'dir/ /'jig rten pa ni ldog pa'o/ /mi bskyod ye shes la sogs pa/ /rdo rje nam mkha'i dkyil du bsam/ /mngon shes lnga yi sbyor ba yis/ / sangs rgyas mchog gi gnas su bsgom/ /rdo rje mngon shes rdo rje che/ /dam tshig mchog tu bka' stsal to/ /rdo rje chen po rab mdzes pa/ /rtse lnga pa la de bzhin 'bar/ /rang bzhin lnga ru sbyor ba yis/ /mngon shes lnga por 'gyur ba yin/ /mngon shes lnga yi ting 'dzin la/ /gnas nas bla na med pa brtag /gtso bo me stag mang po 'khrug /rang sngags 'khor lo bsgom par bya| |rdo rje la ni rab dgod pas/ /rdo rje mngon shes skye bar 'gyur/ /nam mkha' rdo rje dbus gnas par/ /'khor lo rdo rje 'bar 'od 'dra/ /sangs rgyas 'jug par rab bsgoms na/ / sangs rgyas mchog dang 'dra bar 'gyur/ /sangs rgyas dkyil 'khor dbus gnas par/ /lus la rnam par snang mdzad bzhag /snying gar yi ge oM bsams nas/ /sngags la mngon </font><hr>162a<br><font size=+1>


@#/ /shes sgom par 'gyur/ /'gog pa rdo rje gyur pa'i sems/ /nam zhig bdag nyid bdag las skyes/ /sangs rgyas kun mchog 'byung ba yi/ /dpal ldan yid bzhin nor bur 'gyur/ /sangs rgyas dkyil 'khor dbus gnas par/ /der ni mi bskyod rab tu bsgom/ /hUM ni snying ga'i zla gnas par/ /bsams la sems ni de ru bzhag /sangs rgyas dkyil 'khor dbus gnas par/ /tshe dpag med pa rab tu sbyor/ /A ni snying ga'i thig ler gnas/ /bsams la rdo rje'ang yang dag bzhag /'di ni dgongs pa'i mchog gi mchog /rdo rje mi phyed gsum sbyor skyes/ /'gog pa'i dam tshig ye shes te/ /sangs rgyas dngos grub cher 'byung ba'o/ /nam mkha' rdo rje dbus gnas par/ /sangs rgyas dkyil 'khor bsgom par bya/ /sku gsung thugs kyi yi ge oM/ /bsams na bskal pa gcig tu gnas/ /nam mkha' rdo rje dbus gnas par/ /sangs rgyas dkyil 'khor bsgom par bya| |lus dang ngag sems yi ge AH/ /bsams na bskal pa dag tu gnas/ /mkha' dbyings rdo rje dbus gnas par/ /rdo rje dkyil 'khor bsgom par bya/ /lus dang ngag sems yi ge hUM| |bsams na de ni bskal par gnas/ /bcom ldan bdag po rdo rje gsum/ /dam tshig rtog pas de skad gsungs/ /dbus mtha' can gyi yi ge 'di/ /sngags kyi skyes bu </font><hr>162b<br><font size=+1>


mchog tu 'gyur/ /brjod du med cing ming med la/ /shes dang shes bya rnam spangs pa'ang / /kun rdzob la ni legs gnas na/ /tshig gi sngags su 'di brjod do/ /rdo rje gsum gyi rdo rje can| |rnal 'byor 'dir 'gyur phyin chad ni/ /gang zhig klog gam sems kyang rung / /rdo rje ye shes lta bur 'gyur/ /ji ltar gsang ba'i rgyal dbang po/ /dgongs pa lung ston 'di gyur pa/ / sangs rgyas kun gyi de lung ston/ /khyad par du yang byin gyis rlob/ /klog cing sgom dang ldan par ni/ /bris nas gang du 'jog gyur pa/ /de nas sangs rgyas thams cad kyi/ /rigs skyes rgyal ba'i sras su 'gyur/ /khams gsum thams cad bcom nas ni/ /myur bar de bzhin gshegs 'gyur zhing / /'khor los bsgyur ba'i bu bzhin du/ /byang chub myur du des 'thob bo| |khams gsum sku dang gsung thugs kyi/ /sngags pa'i yan lag gyur pa ni/ /sangs rgyas 'dus la brten pa yis/ /de ni dngos po med par 'joms/ /dngos med gcig pu rdzogs longs spyod/ /phung sogs yan lag don las byung / /bde gshegs sems can spangs pa ni/ /sngags pa sngags las gyur pa yin/ /ji ltar nam mkha' rang mtshan nyid/ /skad gcig kyang ni 'dor mi byed/ /de bzhin sangs rgyas thams cad kyang / /rigs las skyes la byin gyis rlob/ /dgongs pa lung ston la gnas nas/ /gsang ba'i rin chen yang dag bsrung / /mig gzugs </font><hr>163a<br><font size=+1>


@#/ /rang gi ngo bo nyid/ /spyod pa ci dga' byed par 'gyur/ /de bzhin gshegs kun ye shes ni/ /gsang ba'i dgongs pa'i ming can te/ /sku dang gsung thugs gsang ba dang / /gsang sngags dam tshig de nyid byung / /de ni rig pa skyes bu mchog /bcu gcig par ni yang dag bshad/ /ras ni bris dang mtshungs par 'byung / /'thob pa'i phyir ni le'ur gyur|| ||de nas dpal ldan rnam snang mdzad/ /skyed pa ye shes bla ma gtso/ /de nyid dam tshig mchog gyur pa/ /rdo rje gsung gis bka' stsal to/ /mkha' dang mtshungs shing mi rtog la| |rang bzhin gyis ni dam chos can/ /dngos med shin tu dri med la/ /dam tshig gcig tu gyur kyang ni/ /gar dang glu dang rol mo dang / /dgod dang sgeg pas rab mdzes pas/ / 'jig rten sangs rgyas gar mkhan gyi/ /rol mo 'di dag rab tu bsgom/ /gzhon nus bsgrubs pa'i sems can ni/ /ji lta ji ltar ston pa bzhin/ /gar sogs rtsed mos byang chub ni| |myur du de nyid las 'thob 'gyur/ /'dod pa'i yon tan lngar ldan ba/ /de yi ming ni yid ldan pa/ /dkon mchog gsum la skyabs su gnas/ /lhun gyis grub pa'i sangs rgyas 'gyur/ /sems can gang 'di mthong ba dang / /thos shing reg par gyur pa ni/ /de ni u dum ba ra yi/ /me tog 'dra bar gyur pa yin/ /sems can kun gyi gtso bo 'di/ /gsung </font><hr>163b<br><font size=+1>


gi rdo rje chos nyid skyes/ /gcig dang du ma las grol ba/ /rten 'byung gsal bar byed pa yin/ /de nas gsang ba'i bdag mchog de/ /chos kyi de nyid rab ston pa/ /thub chen rnam par snang mdzad la/ /thal mo sbyar ba byas nas zhus/ /mgon po de nyid bsdus pa las/ /rol mo 'dir ni gyur pa dang / /'jig rten pa de gar byed pa/ /gsungs te ma 'ongs skye bo ni/ /chos dbyings de ni gar min na/ /gtso bo ji ltar gar bgyid lags/ /rmongs pa'i 'jig rten rgyang pan gar/ /gsang mthon myos pas bskul ba yin/ /chos dbyings de ni glu min na/ /gtso bo ji ltar glu len 'gyur/ /rmongs pa'i 'jig rten rgyang pan glu/ /gsang mthon myos pas bskul ba lags/ /chos dbyings de ni rol mo min/ /gtso bo ji ltar rol mor 'gyur/ /'jig rten rgyad pan rmongs rol mo/ /gsang mthon myos pas bskul ba lags/ /chos dbyings de dgod ma lags na/ /gtso bo ji ltar rgod par 'gyur/ /rmongs pa'i 'jig rten rgyang pan rgod/ / gsang mthon myos pas bskul pa lags/ /chos dbyings de sgeg ma lags na/ /gtso po ji ltar sgeg par 'gyur/ /rmongs pa'i 'jig rten rgyang pan sgeg /gsang mthon myos pas bskul ba lags/ /de ltar rnam pa mang po la/ /gzhan rnams kyang ni sbyor byed cing / /bza' dang min las sbyor ba yis/ /rnal 'byor pa ni bdag yin snyam/ /rdo rje yi ni tshig mchog 'di/ /yod </font><hr>164a<br><font size=+1>


@#/ /med rab tu zhi ba nyid/ /de yi rang bzhin gcig sbyor bdag /yang dag mchog bsdus de nyid mchog /de nas de nyid yang dag gzung / /rnal 'byor rigs mchog rnal 'byor pa/ /de nyid gsum mnyam nyid sbyor ba/ /sangs rgyas kyi ni rol mo ston/ /sna tshogs tshul gyis rnam dgod pas/ /nor can ming ni nyams la sogs/ /gcig pu'ang dpag med dngos bshad pa'i/ /gar gyis skye rgu dga' bar byed/ /rdzogs pa'i byang chub sogs dngos grub/ /sna tshogs khyed kyis gsungs pa rnams/ /sems zhi ba yi rnal 'byor pa/ /de rnams lhun gyis grub par 'gyur/ /mgon po shes rab 'di srid du/ /thabs kyis mchil bar nye bar sbyor/ /sngags kyi gzan gyi sbyor ba yis/ /khyed ni 'jig rten pa rnams 'dzin/ /bshad du zin kyang mi rig pa/ /dgongs pa'i gsang ba dam pa ni/ /gzhan rnams la ni ston mdzad pa/ /ngo bo nyid ni gzhan min pa'o/ /phyi rol sngags don dngos grub ni/ /de nyid du ni tshol mod kyi/ /'gal ba'i rjes 'jug chos nyid can/ /der yang 'grub par 'gyur ma yin/ /de rnams gsang ba mi srung zhing / /sred pa yis ni ston par byed/ /bcom ldan 'das gsung gsang ba ni/ /gsang mchog tshig gis sgrog par byed/ /khyod bka' las 'das dman pa rnams/ /sngags kyi nus pa rnam spangs pa/ / </font><hr>164b<br><font size=+1>


'jig rten pa rnams sdang 'gyur zhing / /de rnams 'grub par 'gyur ma yin/ /sred pa'am dad pa dag gis kyang / /rkyen dang de bzhin nyan thos rnams/ /gsang ba la ni smig rgyu bzhin// rigs skyes gzhan yang ltung bar 'gyur/ /mgon po de ni der gnas shing / /nyams shing blo gros dman par gnas/ /de nas tshig min gyur par 'byung / /tshig gi bdud rtsi sbyor ba las/ / chos kyi tshul 'di thos pa dang / /phyi nas 'jigs shing skrag par 'gyur/ /byang chub sems dpa' ltung 'gyur bar/ /bdag nyid che de byed par 'gyur/ /de bzhin byang chub 'gyur ba dang / / sngags pa rnams kyang gsang ba lags/ /shes rab pha rol phyin sbyor ba/ /gsang ba mdo sde rnam smra ba/ /gdong g.yogs pa yi sbyor ba yis/ /de tshe tshig gis rig skyes pa/ /gsang sngags la sogs chos rnams la/ /dad pa rnams ni skyed mi byed/ /log pas mkhas pa'i nga rgyal ni/ /byis pa phyi nas byed par 'gyur/ /a yi dog pa'i ras 'di ni/ /sbyor shes rnams kyi 'di ma yin/ /de rnams dad pas rjes 'jug pa/ /gtam dag kyang ni byed par 'gyur/ /sgyu ni g.yo yi tshul gyis na/ /rgyal po rnams ni slu bar byed/ /steng du g.yogs pa dag gis ni| |brgyad gnyis pa la tshul du byed/ /de ni ma skyes pa yi bdag /ras kyi rgyu med pa nyid ni/ /AHyi dog ras nyid rgyal po'i/ /yang dag dngos grub byed pa'i mchog /dam pa'i skye ba </font><hr>165a<br><font size=+1>


@#/ /nyid mthong na/ /de ni longs spyod lam skyed min/ /de bas skye bo med gcig pu/ /bya ba'i sems ni rab tu 'jug /der ni mche ba can mi 'gro /de la btsal ba 'ba' zhig yin/ /rgyal po dngos grub chen po'i ras/ /bar chad shin tu mang po pa/ /bya ba de ni rnam par 'joms/ /sgrib pa med pa'i rnal 'byor can/ /de ni tshig de thos pa dang / /rgyal po'i bar du yid dga' zhing / /dngos grub chen po'i rigs mchog las/ /su zhig bdag ni zlog par byed/ /ras kyi bar chad byed pa dag /de la chad pas gcad par bya/ /'di la 'jigs pa'i sems bor la/ /skye bo med par khyed kyis ni/ /rgyal rigs dag gam rigs bzang ngam/ /gang zhig mi srun rigs can rnams/ /dog pa med pa ras 'jig pa/ /de dag thams cad brlag par bya/ /de nas rgyal po sbyin pa ni/ /rgyud kyi slob dpon bdag nyid che/ /rin chen rin thang med lnga sogs/ /bde ba kun gyi 'bras bu 'o/ /'di yis gdong ni g.yogs nas su/ /rgyal po 'bras bu longs spyod cig /AH yi dog pa ras de byin/ /ji ltar skye bzhin rgyal po byas/ /rin chen rin thang med blangs rnams/ /'di ni ji ltar bzhag nas su/ /de nas de ni mi snang ba/ /rgyun can des ni de tshe byas/ /de la sogs pa'i sna tshogs tshig /rigs skyes pa la de rnams smra/ /rang nyid 'jigs shing gzhan </font><hr>165b<br><font size=+1>


rnams kyang / /skrag par byed cing the tshom med/ /de nas de bzhin gshegs bdag po/ /'byin pa ston ba mnga' bdag gtso/ /phyag na rdo rje go byed pa/ /snyan pa'i gsung gis bka' stsal pa| |rdo rje rdo rje chen po legs/ /rdo rje thal mo bstan byas te/ /rdo rje 'di ni zhus gyur pa/ /de nyid bsdus pa dam pa 'o/ /rdo rje thal mo de nyid 'di/ /lung bstan bya yi de nyon cig /de nyid gsum du gyur pa de/ /rdo rje thal mor yongs su brtag /de nyid gsum ni lha gsum ste/ /tshangs dang khyab 'jug dbang phyug che/ /de ru nga ni lha gsum 'gyur/ /oM AH hUM dang grangs mnyam pa'i| |gsang sngags 'jug pa thams cad ni/ /sna tshogs lus can gcig ming can/ /zhi ba nyid ni gang du ston/ /der ni nga yang gnas pa yin/ /dpral yon de la bzhin mi sdug /de yi skyes bu ming ldan ming / /de rnams lag pa'i dbus nas ni/ /mtheb sogs ji bzhin grangs su bshad/ /lag pa g.yon ni drag por 'gyur/ /g.yas pa de bzhin khyab 'jug ste/ /gnyis po sbyor ba tshangs pa yin/ /de bas yon tan gsum bdag dang / /rig dang mchod sbyin snyan tshig ste/ /rig byed der gyur gsum du bshad/ /srid srung zhi ba nga yin te/ /mthar ni 'gro ba gnas pa yin/ /lag pa gnyis pa 'di dag ni/ /bzhi po'i phyed phyed rnam brgyad pa/ /phyed po'i tsam gyi haM mchog ni/ /rab tu zhi bar rab tu bsgrags/ /nyi ma zla ba mi rnams der/ /so so </font><hr>166a<br><font size=+1>


@#/ /yongs su bsgrags pa yin/ /yi ge phyed tsam mchog gyur dang / /shis pa zhi ba skyon med pa/ /yon tan oM dang yi ge phyed/ /oM zhes gsal bar brjod pa yin// sna yi rtse mo ra yang dag ldan/ /gtsug mtha' dang ni lag par gnas/ /nyi ma zla ba'i sbyor ba las/ /ye shes me ni nges par skye/ /lce dang rkan gyi mtshan ma ni/ /sbyor las thar par de bshad de/ /AH/ 'og tu a dang yang dag ldan/ /de steng yi ge AHnyid de/ /thad ka ru ni ma bshad de/ /khyod ni yig phyed zhi ba nyid/ /yi ge oM ni tshangs pa ste/ /AHni khyab 'jug yin par bshad/ /hUM ni rlung du gyur pa yin/ /de nyid drag po zhes bya 'o/ /zhi ba'i phyed phyed ces bya ba/ /der ni bdag yongs bsgrags pa yin/ /gnas dang 'pho dang skye ba dang / /gzhan gyi lus las yang dag 'pho/ /ye shes rang nyid me yin te/ /khyab par 'dzin pa de bzhin no/ /ral gri la sogs dngos grub der/ /byang chub phyi rol nyid 'grub 'gyur| |gnyis po 'di dag gnas pa yi/ /rnam dag 'di dag rab tu brtag /tshangs pa la sogs pa rnams der/ /ma 'ongs pa rnams sgom par 'gyur/ /de ni mtho ris sogs 'gag pas/ /de bzhin 'byung ba sem pa yin/ /rnal 'byor pa rnams sogs spangs nas/ /gnyis spyad par ni rnam par gnas/ /shin tu sbyor gcig gyur song bas/ /'jug </font><hr>166b<br><font size=+1>


'gyur pa ni drag po yin/ /nam mkha' dgag pa'i sbyor ba yang / /tshangs par gzhol ba'i bdag nyid can/ /mngal gyi gzugs gyur khyab 'jug ste/ /de yi dbus na dbus bzung ba| |spu yi cha ni stong las gcig /zhi de rnam par mi rtog nyid/ /thar pa gcig pur de ston bya/ /thar pa'i ngo bo nyid ma yin/ /de lta bas na 'di log bya/ /zhi ba nyid ni sgrog pa 'o/ /ston pa de rnams phye nas ni/ /zhi ba'i chos rnams smra bar 'gyur/ /thabs chen de bzhin shes rab dag /'di 'dra mthong bar mi 'gyur ro/ /tshangs la sogs pa'i lha rnams kun/ /khyed kyi thal mo dag la gnas/ /de rnams phyag rgya ston byed cing / /sngags ni bye ba mtha' yas pa/ /'di nyid du ni nyi zla dang / /sbyin sreg las can me dang ni/ /lo dang zla ba'i sbyor ba dang / / rtag tu 'char dang 'phel 'grib dang / /de nyid gsum gyi sbyor skyes 'di/ /de nyid gcig pu rnam par gnas/ /zhi ba nyid kyi sbyor chos la/ /de yang gcig dang du ma spangs/ /khyed kyi thal mo las byung ba/ /de bas de ni 'da' mi bya/ /de bzhin gshegs kun spangs 'gyur bas/ /de ni spangs bar mi bya zhing / /'di dag dngos med la ltos pas/ /rnal 'byor pa ni mchog tu 'dod/ / gzhan du rnam rtog nyid las ni/ /dngos grub 'bras bu'i snod mi 'gyur/ /de bas thal mo sbyor ba 'di/ /sems can rjes bzung dam pa yin/ /ma bsdus pa yi sems can rnams/ / </font><hr>167a<br><font size=+1>


@#/ /bsdu ba'i don du khyod kyis bya/ /smad bya 'on pa lkug pa dang / /de bzhin long bar gyur pa dang / /gang zhig 'phye bo la sogs gyur/ /de rnams la ni phan phyi'o bya| |de la sogs pa mdor bsdus pa/ /de ni khyed kyi thal mor gnas/ /de ni 'jig rten 'das gtsor gyur/ /de nyid bsdus pa'i rgyu can no/ /de ni nang min phyi ma yin/ /gnyis min gzhan gyi rgyu las min/ /phyag rgya tshogs pa las skyes min/ /'jig rten rkyen las byung ba min/ /rdo rje thal mo bsdams pas na/ /ming ni rdo rje thal mor gyur/ /sems can rnams kyis rtogs dka' ba'i/ /snying po brtag par bya ba'i mchog /phyag rgya 'di lta bu 'di yin/ /phyi nang gnyis kyi ming can no/ /mi bskyod rin chen dpag med de/ /dngos grub rnam snang de bzhin gshegs/ /'di dag lag pa g.yas pa yi/ /mthe'u chung la sogs rnams la gnas/ /gnyis por gcig gyur dge 'dun te/ /de 'di skyabs ni gsum yin te/ /sangs rgyas chos dang dge 'dun rnams/ /gcig dang gsum du brtags pa yin/ /phan tshun bcings pa'i rdo rje nyid/ /shes rab thabs kyi gnas mchog yin/ /thal mo bcings pa tsam gyis kyang / /sangs rgyas thams cad nyid thob 'gyur/ /skyabs mchog gsum dang de nyid gsum/ /rdo rje gsum dang rnam thar gsum/ /zhal gsum mdog gsum spyan gsum </font><hr>167b<br><font size=+1>


dang / /lha gsum dang ni khams gsum dang / /dus gsum dam tshig mchog gyur gsum/ /tshul gsum dkyil 'khor gsum du 'gyur/ /sbyor ba gsum dang lam gsum ste/ /ji srid rtogs pas brjod pa rnams/ /de ni thal mo sbyor 'di yin/ /'dod nor yon tan gsum gyi mchog /rim dang bslab pa ster ba dag /ma 'ongs skye bos 'thob par 'gyur/ /de nyid du ni der 'gyur na/ /gcig dang du ma rnam par spangs/ /chos bshad bshad pa dngos med pa/ /'gro ba rkyen gyis yang dag sdud/ /'di ni mkha' ltar rang bzhin gcig /gnas med gnas pa zhes bya ba/ /bsdu ba byas par gyur pas kyang / /sku gsung don gyi chos nyid do/ /'di ni thog mtha' med pa ste/ /dngos po med cing gnas med pa/ /mtha' med zad pa med par 'byung / /sku gsung thugs kyi rkyen las ni/ /rnam pa'i 'jug pa'i ye shes te/ /de las sangs rgyas snying por gyur/ /hUM gis sems can yang dag 'byin/ /sangs rgyas skur ni rab tu brtag/ oM ni thams cad sdud pa ste/ /AHni gnas pa por 'gyur ro/ /gcig pu rnam gsum de bzhin lnga/ /gsal dang mi gsal sbyor ba ni/ /rten 'brel chos nyid 'di yin te/ /de nyid kyi ni sngags bshad pa'o/ /zlos na bsam gtan rnam bral bar/ /de yi lhun grub 'bras bu ste/ /rang bzhin grub pa 'di yin te/ /'dod pa'i bzlas par de bshad do/ /rnal 'byor pa la de </font><hr>168a<br><font size=+1>


@#/ /gsal te/ /byis rnams de la phyin ci log /rkyen las byung ba de nyid gsum/ /dngos po med bar de bshad do/ /de nyid bsdus pa bshad pa ni/ /yid min pa \?\ bzlas par 'gyur/ /yid ston gcig ni mdor bsdus las/ /rings dang dal dang gnas pa rnams/ /zhi ba'i chos nyid la skye ste/ /nam mkha'i dbyings dang mnyam par thim/ /dngos po med pa'i de nyid 'di/ /rten 'byung chos zhes bya ba yin/ /longs spyod rdzogs pa'i bsdus te gyur/ /sprul pa bsam mi khyab ces dang \?\ sdud pa po ni gang gyur pa/ /de yang phul du gyur pa'i ming / /rdo rje la sogs yang dag sbyar/ /sems can rnams ni de sbyor byed/ /dam tshig la sogs sngon de ni/ /de nyid kyis ni rdo rje sbyar/ /sems can dgongs pa'i sbyor ba yis| |de yi chos rnams ston par byed/ /rnam pa dgu po thog mtha' can/ /sdud pa po rnams byas pa yin/ /gsang sngags de nyid gnas dgod pas/ /sems can rnams ni der 'jog ste/ /gsol ba 'debs dang phyag 'tshal dang / /'jig rten rnams la gsol ba dang / /rdzogs sangs rgyas rnams mnyes byed de/ /khyod kyi thal mor gnas pa yin/ / gang zhig sems can sangs rgyas gyur/ /de bzhin gnyis med chos nyid can/ /gnas med gnas pa'i sbyor ba yis/ /thams cad sangs rgyas rnams gnas so/ /sna tshogs </font><hr>168b<br><font size=+1>


mtshon pa de nyid do/ /mthong ba gsal byed thal mo yin/ /de bas de rnams mgu gyur pa/ /chos kyi de nyid rkyen las so/ /rgyu med rang gi de nyid 'di/ /khyed kyi phyag rgya'i sbyor las byung // gang zhig shes pas 'dod 'grub pa'i/ /dngos grub des ni 'thob par 'gyur/ /AH nyid der ni mi gsal ba'i/ /rgyu las sbyor bar gyur pa yin/ /dog par de ni yongs bshad de/ /dngos po med par ras kyi ming / /'phags pa gshin rje gshed bsgoms la/ /gzhon nu'i gzugs su'ang bsgom par bya/ /dog pa de yi ras don las/ /mi snang ba la sogs grub cing / /yid bzhin nor bu 'dra ba'i mchog /'gro ba'i don gcig yang dag byung / /AH yi dog ras mtshon pas ni/ /'jig rten pa la dgongs pas bshad/ /'di ni chos dang rdzogs longs spyod// sprul pas de ni gsum du 'gyur/ /byis pa rtog par bya ba'i phyir/ /de ni rnam pa lngar yang 'gyur/ /tha mal byis pa'i chos rnams gang / /rnam lnga gcig pa'i rnal 'byor pa/ /de yang shin tu ldan sems can/ /sems can sogs la rnam par gnas/ /rtag pa ltar ni so sor snang / /'gro ba dus gsum mtshan nyid gcig /skye ba med las skyes pas na/ / gcig dang du ma rnam spangs pa'o/ /shes 'dod de tshe sngags pa ni/ /'gro ba byis pa de tshe spyod/ /de nas gsang sngags grub 'gyur ba/ /rnam par mi rtog gcig shes nyid/ /ya yi </font><hr>169a<br><font size=+1>


@#/ /sde sogs gnas byas te/ /sngags ni na ri bri bar bya/ /rang gi sde bcas gnas dag ni/ /yi ge a bzhin sngon 'gro ba/ /so so gzhan pa'i bzhi pa ni/ /i u dang ni ring por bcas/ /a ai au u ya ste mtha'/ /bzhi po dang bcas zlum por bri/ /bsam gyis mi khyab sbyor ldan pa'i/ /'gro ba mnyam gzhag bskyed pa yin/ /'di dag rang skyes gnas gzugs kyi/ /chu yi yi ger zhugs par 'gyur/ /de nas gzhon nu'i gzugs nyid kyang / /rnam par bsgoms pas skye bar 'gyur/ /cha bcas dbang gnas sngags pa ni/ /bla med dngos grub 'thob par 'gyur/ /na ga yi ni grangs bzhin du/ /skud sogs sbyor la gang gnas pa/ /nyi shu yi ni sngon ma yang / /de ni ras te bzhi pa'ang yin// sngon med cha lugs gzugs gyis ni/ /khams gsum dag ni lta bar 'dod/ /'gro ba'i don ni byed gyur pa'am/ /mnyam nyid ye shes de nyid las/ /yon tan gsum ni brda byas pa| |yon tan med pa'i yon tan ming / /gzhon nu'i spyod pa'i lus kyi ming / /lta ba 'di ni bar skyes/ /de ni sgo glegs mtha' yin te/ /e u ngang ni ring por bcas/ /yi ge gsum bcas thig ler ldan/ /tsheg drag mtha' yi ring sde can/ /yi ge a ni yig sbyor ba'ang / /bcu gcig par yang gyur pa yin/ /de nyid ring po ring po'i mthas/ /bcu gnyis </font><hr>169b<br><font size=+1>


ba mi grangs su 'gyur/ /de nyid yi ge ur sbyor las/ /yi ge oM zhes brjod pa yin/ /snga ma'i ri mo'i sbyor ba yin/ /ming ni bcu bzhi par 'gyur ro/ /ci ste a las sngags pas ni| |AH nyid du ni blta bar bya/ /de bzhin A yi sbyor ba las/ /yi ge a ni ci 'dod par/ /ji bzhin grangs kyis yang dag blta/ /re re'ang a yi sbyor bas bsgo/ /i r-i l-i u'i tshogs las kyang / /sngags pa ya ra la wa'i gzugs/ /lkog ma kha dang bar dang ni/ /rkan dang spyi bor gang gnas pa/ /gang tshe a ka'i sde grangs las/ /A yi kha yi rgyab na gnas/ /i tshan phrag pa lag pa dang / /tshigs rnams la ni de bzhin no/ /dpung pa dang ni lag pa dang / /lag pa g.yon par rab tu brtag /dpyi dang brla dang byin pa dang / /rkang pa g.yas g.yon de bzhin no/ /gzugs de yi ni grangs mnyam pas/ /ta tshan shin tu dngos grub ster/ /u tshan de bzhin dbus dang ni/ /lag pa ru ni yongs su bshad/ /rkang pa yang ni ri ti'i tshan/ /'das pa'i tshul du bzhugs pa yin/ /de bzhin nyid kyi sbyor ldan pa'i/ /sngags pa rnams kyis shin tu mthong / /lhun gyis grub pas dngos grub pa/ /me tog gis mdzes phreng ba bzhin/ /rang rgyud kyi ni nang nyid du/ /lha mchog dag ni bya ba yin/ /dgongs pa la sogs rnam pa kun/ /de nyid las ni bdag 'grub 'gyur/ /tsha ba'i bzhi bzhi sde sbyor bas/ / </font><hr>170a<br><font size=+1>


@#/ /mkhas pa yi ni sgo rnams bya/ /ka tsa Ta ta pa tshan yang / /dbus dang shar la sogs sngon 'gro/ /'gro la phan pa'i 'dod pa yang / /ma spel bar ni mthong ba yin/ /thams cad kyang ni rdzogs yi ge /yi ge hA yis mchod par bya/ /sna tshogs pa ni 'byin byed cing / /'gro ba dus gsum gcig pa'i dngos/ /yi ge a ni lus su bya/ /lhag ma rnam pa dang bcas pa/ /mtshams med lnga yi sbyor ba las/ /sngags pa 'gro ba phan par ston/ /sha thog mtha' gnas sngags las skyes/ /dbang bskur gsum po spyi las skyes/ /gzugs med rtogs pa'i chos rnams ni/ /skad cig gcig gis nges sbyor gyur/ /de tshe dkyil 'khor med byas pa/ /'jig rten pa rnams chos dgar 'gyur/ /a ku ha gnas byang phyogs gnas/ /yod pa nyid kyang dus gsum 'das/ /gang dang gang nas byung ba yi/ /gsang sngags bsam gyis mi khyab gsungs/ /de dang de ni bzhugs gyur pa/ /rang gi mtshan ma gcig shos nyid/ /gzugs med 'di la gnas yod pa/ /cha ni gsum zhes bya bar 'gyur/ /steng 'og phyogs kyi cha rnams su/ /dngos med pa ni rnam par gnas/ /dngos po gcig gyur mthong ba dang / /'gro bcas tshangs pa 'gro bdag nyid/ /tshangs pa'i gnas pa bzhi po las/ /smon lam la sogs bsgom bya ba'o/ /'gro ba don gtogs 'dod </font><hr>170b<br><font size=+1>


ba'i yon tan gyur rnams la/ /dgyes pa'i bde mchog dga' ba'i 'dod pa mdzod/ /sngon chad mdzad pa'i smon lam rab mchog dgongs nas ni/ /thub pa rdo rje'i tshig mchog rnam par dbye bar gsol/ /nor bu rin chen dag gis rnam brgyan sku yi mchog /'gro ba'i don byed sring mo bdag la brten par mdzad/ /lhag pa'i snying rje las byung rab mchog ldan pa'i sku/ / bdag ni yongs su bzung la chos rnams don yod mdzod/ /sring mos kyang ni khyad par du/ /de ltar bskul ba tsam gyis ni/ /de nas yongs su 'dzin mdzad de/ /rig pa'i pad+ma dpal du mdzad| |shin tu snyan cing yid 'ong dbyangs kyis ni/ /phan pas myur du 'gro ba gnyis med 'dir snod gyur/ /bla ma bdag ni gal te gson par mchis bzhed na/ /dga' ba las byung chos dga' bdag la dgyes par mdzod/ /'gro ba dang ni 'od dang gnas pa tsam 'di ni/ /nam yang ltos par gyur pa dag gi mnga' ba lags/ /kun tu song ba'i bdag nyid can gyi dam tshig ston/ /'dod pa'i yon tan rnams dang khyed bdag 'dod pa mdzod/ /dgongs pa'i ye shes rdo rje yis/ /sangs rgyas yon tan gcig la bzhugs/ /bzlas brjod sbyin sreg de bzhin khrus| |dkyil 'khor yongs su brtags pa mdzad/ /'dod pa med cing chags la zhi/ /de yang don dam dag gyur yin/ /spyod dus de bzhin /sngags pa ni/ /bzlas brjod dngos po med pa yin/ </font><hr>171a<br><font size=+1>


@#/ /bsnyengs pa yang ni yid bzang ldan/ /mda' dang rig byed yon tan dang / /zung dang zla dkyil rnal 'byor pa/ /dbyangs kyi yi ge gzhag bar bya/ /ha yi sde tshan \?\ sde dang / /bcu gnyis phyed phyed dag tu sbyar/ /gshin rje gshed kyi gzugs 'di ni/ /nyi ma'i dkyil 'khor dag la dgod/ /de nas sngags pa mdun 'dug ste/ /dgongs ba'i don gyis brtag par bya/ /phung po khams la sogs lta ba/ /brda las ji ltar lus yin bzhin/ /ma byin len pa byang chub sems/ /kun rdzob bstan pa rdzun smra ba/ /phung po srog chags gyur ba ste/ /tshangs ba'i gnas bzhi bud med yin/ /mi sbyin tshig dang rkang pa ste/ /de bzhin rten pa nyid kyang ni/ /dus gsum sbyor ba gcig pu ru/ /sngags ba yis ni de bya'o/ / bshang ba zhes ni yul la bshad/ /gci ba zhes ni dbang po yin/ /de dag za bar bshad pa ni/ /ma skyes gcig pur mthong ba 'o/ /khrag ni pags bar yang dag bshad/ /sa bon lus zhes bya ba yin/ /rkang ni sems kyi kun rtog pa/ /za ba dngos med gyur pa 'o/ /smon lam dbang gis 'di rnams ni/ /bi mu ra shu pa sa 'di/ /lha rnams sbyor ba'i chos nyid du| |bdud rtsi zhes ni brjod ba yin/ /dgongs pa yis ni bshad pa la/ /byis pa rnams ni yi ger rtog/ rdo rje theg la gnas khyod kyang / /chos nyid de yang mi shes so/ /rtog </font><hr>171b<br><font size=+1>


pa kun las rnam 'das pas/ /chos kyi dbyings te mkha' dang mtshungs/ /de 'dra 'jig rten rgyang pan pa/ /mthon po'i gsang gis rtog par byed/ /yi ge gang gis mi gang zhig /'gro la gsal bar rtog byed pa/ /'gro don gcig pa'i sbyor ba las/ /de nyid kyis ni de nyid mthong / /gang zhig rnam smin smin pa yis/ /sems ni dngos grub la gzhol ba/ /rdzogs longs spyod pa'i skur sbyor las/ /dngos po med pa nyid du byung / /bdag nyid bsam gyis mi khyab gzugs/ /kun rdzob don gyi gnyen por 'byung / /sprul pa'i lus las sngags pas ni| |sgyu ma bzhin du ston par byed/ /gsang ba'i dgongs pa de nyid 'di/ /'jam dpal ye shes dam pa 'o/ /rdo rje gsum gnas sbyor ba yis/ /sgom pa'i bdag nyid can gyis bsgom// nam mkhar brtags pa'i rnal 'byor la/ /phung po dgon pa chen por 'dod/ /gnas med gnas ba'i sbyor ba yis/ /de bzhin nyid gnas sa phyogs yin/ /longs spyod rdzogs pa'i dpag bsam shing / /dngos grub sna tshogs me tog ldan/ /sprul pa'i 'bras bu shin tu mdzes/ /yang dag rdzogs pa'i byang chub ri/ /dngos med dben pa nyams dga' ba/ /rdo rje zhes bya des bsgrub bya/ /phung sogs yan lag thams cad de/ /sangs rgyas 'byung ba dngos grub gyur/ /sngags 'don bar ni gang gyur ba/ /bsdus ba sngags ni gcig pu pa/ /lus sogs </font><hr>172a<br><font size=+1>


@#/ /rdo rje gsum la ni/ /rdo rje 'jam pa bsgom par bya/ /lus la sogs pa rdo rje gsum/ /de nyid gsum nas spro bar bya/ /rdo rje gsum dang legs sbyor las/ /'jam pa'i rdo rje 'dra bar 'gyur/ /nam mkha' mtha' yas yang dag rtog /sems sbyor ba ni dpag tshad yin/ /lnga bcu gnyis gyur gang yin pa/ /brgya brgya pa nas mngon phyogs la| |ci rigs gcig pa'i yang dag rtogs/ /sna tshogs rdo rje 'bar cig stsol/ /dpag tshad brgya yi khyon tsam du/ /'bar ba'i rdo rje snang ba yis/ /sa la sogs pa brgyan pa ni| |de ni snang ba zhes bshad do/ /tshangs pa dbang po la sogs lha/ /dad bas de la phyag kyang byed/ /'di ni mi snang byed pa ste/ /ting 'dzin 'jam pa'i rdo rje nyid/ /rnam par smin pa ldog gyur cing / /ji skad gsungs pa 'grub par 'gyur/ /phung po la sogs grangs mnyam par/ /mi bskyod la sogs rab tu brtag /bshang gci sbyangs las der gyur pa| |gang zhig dam tshig ces bya'o/ /dam tshig ces bya de dag mchog /mi phyed rdo rje gsum 'byung bas/ /dkon mchog gsum ni mnyam byas te/ /bdag med pa yang bsgom par bya| |dkon mchog gsum ni lcags gsum yin/ /bdag med ces bya kha yin te/ /gang 'di rnam rtog gcig nyid du/ /bcug pa ril bu yin par 'dod/ /sangs rgyas rnams kyis </font><hr>172b<br><font size=+1>


mi byed pa'i/ /sgom pa sems kyi dam pa'o/ /de ltar de nyid shes bsgoms nas/ /skad cig gis 'jam rdo rjer 'gyur/ /'khor lo 'od 'phro mtshungs par 'gyur/ /rang gi sngags kyis rnam bsgoms nas/ /sangs rgyas kun gyi gnas bsgoms na/ /sangs rgyas 'dra bar 'gyur bar bshad/ /sum cu rtsa drug gnas sbyor ba'i/ /ri rab kyi ni rdul phran rnams/ /de snyed de yi rjes 'brang rnams/ /dam tshig rdo rje zhes bya ba'o/ /gnas ni lha yi sbyor ba ste/ /sna ni ri rab ces bya'o/ /bdag nyid chen po sum cu bdun/ /nam mkhar spro ba bsam mi khyab| |'jam pa'i rdo rje bdag po ste/ /'di dag 'khor du gyur pa yin/ /'jig rten pa yi rang ngo bo/ /phyi yi ri rab brtag pa yin/ /dam tshig rdo rje zhes bya ba'i/ /'khor lo'i ting nge 'dzin ces bya/ /'khor lo dngos grub rnyed sla ba/ /skad cig sbyor bas sgrub ba 'o/ /rdo rje chen po rang sngags kyis/ /dkyil 'khor dbus su rab bsgoms na/ /rdo rje kun gyi gnas mchog ste/ /thugs kyi rdo rje 'dra bar 'gyur/ /ri rab sum cu rtsa drug gi/ /rdul phran ji snyed yod ba yi/ /de snyed bud med de yi ni/ /sum 'gyur gnas su 'gyur ba yin/ /khams gsum gyi ni rdo rje che/ /drag po yis ni phyag byas 'gyur/ /rdo rje dam tshig ces bya ba'i/ /ting 'dzin 'di ni yang dag bshad/ /pad+ma chen po 'dab brgyad pa/ /rang sngags rdo rje las byung ba/ /chos </font><hr>173a<br><font size=+1>


@#/ /rnams kun gyi gnas bsgoms na/ /rdo rje chos dang 'dra bar 'gyur/ /sum cu rtsa drug gnas sbyor ba'i/ /ri rab rdul phran grangs snyed kyi/ /sangs rgyas rdo rje mchog gi ni| |dkyil 'khor la ni bdag nyid 'jog /gos med mnyam nyid ye shes kyi/ /rdo rje pad+mo gru bcas sbyin/ /so sor rtog pa zhes bya ba'i/ /ting nge 'dzin ni yang dag bshad/ / shin tu grangs med bskal par ni/ /grangs kyi ming gis gnas par ni/ /gnas shing sgom par byed pa yin/ /de yi ye shes lngar ldan pa/ /sangs rgyas kun gyi dgongs pa ni/ / 'jig rten phan phyir gsungs pa rnams/ /phyogs bcu'i sangs rgyas mtha' yas pa'i/ /yon tan gsum ni yongs su bsten/ /'od zer lnga yi mdog 'dra ba'i/ /rang sngags las byung ral gri ni/ /blo ldan lag par de bzhag na/ /rdo rje rig pa 'dzin par 'gyur/ rang gi sngags kyi khong chud 'di/ /ho ho hUM de khams gsum pa/ /pad+ma spangs pa'i tshangs pa cher/ /rnal 'byor pa de 'gyur ba yin/ /khams gsum kun gyis cher mchod cing / /tshangs dang lha min phyag byas pa/ /stong gsum mi yi mchog gcig pu/ /dbang chen po yi tshangs par 'gyur/ /thugs kyi rdo rje mchog bsgoms pas/ /dngos grub ji ltar 'dod pa dag /sku gsung thugs kyi rdo rje las/ /de ni de ma thag tu 'thob/ /rang gi rdo </font><hr>173b<br><font size=+1>


rje ting 'dzin 'di/ /dngos med gcig pu yang dag byung / /byang grol la yang de mi gnas/ /ral gri'i kha dang 'dra bar 'gyur/ /oM ni ril bu tsa na ka'i/ /'bru tshad tsam du bsams nas ni| |dbus su rang gi lha yi gzugs/ /bsams te khar bcug rnam bsgoms na/ /byang chub ye shes 'od po che/ /blo ldan de ma thag tu 'gyur/ /dzam+bu chu bo'i gser mdog gam/ /nyi ma 'char ka'i mdog 'dra ba'i/ /tsa na ka yi 'bru tshod tsam/ /yi ge'i dam pa AH bsam mo/ /de yi dbus su lha yi gzugs/ /khar bcug nas ni rnam bsgoms na/ /byang chub ye shes 'od po che/ /de ni de ma thag tu 'gyur/ /dzam+bu chu bo'i gser mdog dang / /nyi ma 'char ka'i mdog 'dra ba'i/ /nam mkha'i dbus na gnas pa yi/ /tsa na ka yi 'bru tshad tsam| |yi ge hUM ni rnam bsams te/ /dbus su rang gi lha bsams nas/ /khar bcug nas ni rnam bsams na/ /rdo rje sems dpa' 'od po che/ /dpal ldan de ma thag tu 'gyur/ /dzam+bu chu bo'i gser mdog dang / /nyi ma 'char ka'i mdog 'dra ba'i/ /rnam bar snang mdzad mkha' dbyings kyi/ /dkyil 'khor dbus su rab bsgoms la/ /lag tu 'khor lo rnam bsgoms na/ / 'khor lo'i rig pa 'dzin par 'gyur/ /rdo rje'i sku mdog sbyor ba yang / /'di ni ye shes mchog sgrub pa'o/ /'khor lo chen po'i rigs bsgoms te/ /ye shes rdo rje dag gis bya/ /dzam+bu </font><hr>174a<br><font size=+1>


@#/ /chu bo'i gser mdog gam/ /nyi ma 'char ka'i 'od 'dra ba'i/ /nam mkha'i dbyings kyi dbus gnas par/ /rdo rje mi phyed rab bsgoms te/ /lag tu rdo rje bsgoms na ni/ /rdo rje'i rig pa 'dzin par 'gyur/ /rdo rje mchog gi sgrub pa 'di/ /rdo rje sku yi sbyor ba las/ /rdo rje rigs kyi mchog bsgoms pas/ /ye shes rdo rje dag gis bya/ / nam mkha'i khams kyi dbus gnas par/ /rin chen la ni rin chen bsgoms/ /de nyid lag tu legs bzhag na/ /rin chen rig pa 'dzin par 'gyur/ /rin chen mchog gi sgrub pa 'di| |rin chen sku yi sbyor ba las/ /rin chen rigs kyi mchog bsgoms pa/ /ye shes rdo rje dag gis bya/ /nam mkha'i dbyings kyi dbus gnas par/ /tshe dpag med pa rab bsgoms la| |lag tu pad+ma bsgoms na ni/ /pad+ma'i rig pa 'dzin par 'gyur/ /pad+ma mchog gi sgrub pa 'di/ /pad+ma'i skur ni sbyor ba las/ /pad+ma'i rigs chen bsgoms pa ni/ /ye shes rdo rje dag gis bya| |nam mkha'i dbyings kyi dbus gnas par/ /don yod mchog ni rab bsgoms la/ /lag tu ral gri rab bsgoms na/ /ral gri'i rig ba 'dzin par 'gyur/ /dam tshig mchog ni 'di sgrub pa/ /sku yi dam tshig sbyor ba las/ /dam tshig rdo rje rigs bsgoms pa/ /ye shes rdo rje dag gis bya/ /bsgrub bya rdo rje'i dbye ba yis/ /mdung thung rdo rje lcags kyu sogs/ / </font><hr>174b<br><font size=+1>


sku gsung thugs kyi sgrub pa yis/ /bsam gtan nyid kyis sgrub par 'gyur/ /dam tshig chen po 'byung ba yi/ /dam tshig dngos grub ces bya ba'i/ /mi phyed rdo rje gsum dbang phyug /sna tshogs bcom ldan 'das kyis gsungs/ /sdug bsngal dang ni kun 'byung nyid/ /'gog dang lam ste bzhi po ni/ /lam gyi bzhi mdor yang dag bshad/ /sgrub pa po ni gnas ming can| |shing gcig drung du yang dag rtog /chos dang rdzogs longs spyod ming can/ /sna tshogs mtshan gcig yang dag dgong / /mtshan ma rkyen gyi gzugs can no/ /'byin dang rngub pa nyid dang ni/ /gnas pa yis ni nyer mdzes pa/ /yid ston pa yi mnyam sbyor la/ /rab tu zhi ba'i zhi gnas su/ /dus gsum rtog pa gcig las 'das/ /rdo rje lcags kyu khyad par dang / /sgrub pa po ni rtag tu sgrub/ /sbyor gsum sngags kyi skyes bu ni/ /sbyor gsum rdo rje can bsams pa/ /sku gsung thugs kyi lcags kyu 'o/ /sangs rgyas ye shes blo can gyi/ /mi gsal gsal bar yang dag ldan/ /de bzhin nyid kyi ngo bo las/ /'gro ba thams cad dgug par bya/ /rlung gi dkyil 'khor mchog gnas pa/ /sangs rgyas dgug pa dam pa yin/ / gnas med gnas pa'i sbyor ba yis/ /de nyid sngags don rnal 'byor pas/ /'gro ba 'dod pa'i longs spyod kyang / /mi gsal sbyor bas sbyor bar byed/ /gang yang dam tshig phyogs </font><hr>175a<br><font size=+1>


@#/ /rnams ni/ /mkha' dbyings dbye bas gnas pa rnams/ /de nyid rdo rje bkug nas ni/ /sngags rig pas ni spyad par bya/ /nam mkha'i khams ni dgug pa 'di/ /dam tshig chen po rdo rje can/ /sngags kyi de nyid gcig sbyor las/ /lcags kyu de rnams 'grub par 'gyur/ /dam tshig rnams ni dgug pa'i mchog /rgyal gnas lcags kyu bsams nas ni| |rnam par snang mdzad 'khor lo che/ /rdo rje pad+ma la sogs bya/ /me long lta bu'i sngags pas ni/ /sangs rgyas sku ni rnam par bsgom/ /lag tu sku dang gsung thugs kyi| |lcags kyu la sogs rab tu bsgom/ /de ni sbyor ba 'di nyid kyis/ /de nyid las ni lha rnams dgod/ /de ni de ma thag tu yang / /dngos grub kun ster las byed 'gyur/ / sku dang gsung thugs thams cad ni/ /mtshan nyid gcig par bsgom par bya/ /lce yi rdo rje sbyor ba yis/ /gsung gi rdo rjer de mnyam bsgom/ /brtul zhugs can gyis phyi nang gnyis| |gsang ba'i rdo rje mchog mchod do/ /dngos med dam tshig sbyor ba yis/ /ji lta ji ltar rab sgrub pa/ /dam tshig gsum gyi rnal 'byor ba'i/ /de ni yang dag yin par bshad| |gsang ba'i snying po bsdus pa yi/ /dngos grub kun gyi mchog tu 'dod/ /bcom ldan dam tshig chen po yi/ /rnal 'byor pas ni de skad gsungs/ /de nas phyag na </font><hr>175b<br><font size=+1>


rdo rje ni| |go byed gsang ba yang dag gsungs/ /grang zhig shes na rnal 'byor pa'i/ /mnyam gzhag mchog ni thob 'gyur ba'i/ /gsang dbang de nyid dam pa yi/ /de ni de yis yang dag bshad/ /rnal 'byor chen po gcig bdag nyid/ /nam mkha' dang ni mnyam ba'i gnas/ /byas na dam tshig yang dag pa/ /sha chen la ni yang dag sbyar/ /dngos med ba yi sha chen gyi| |dam tshig mchog la gnas nas ni/ /blo ldan bdag nyid sgom ba ni/ /rdo rje dngos grub longs spyod ster/ /rdzogs longs spyod yul bshang ba yin/ /de nyid ye shes dbang po gci| |dam tshig 'di dag nyid kyis ni/ /rig pa 'dzin pa'i gtso bor 'gyur/ /longs spyod rdzogs phung las byung ba/ /glang po'i shar ni de rab brtag /dam tshig gcig tu legs sbyor las| |mngon shes lnga dag thob par 'gyur/ /dbang po gnyis ni rta sha ste/ /dngos med de nyid las sbyor las/ /dam tshig gcig tu legs sbyor na/ /mi snang gnas kyi mchog tu 'gyur/ /dgongs bas gcig shos bzlog pa yin/ /phung sogs yan lag gang gyur pa/ /dngos med de ni khyi sha yin/ /dam tshig gcig tu yang dag sbyor/ /dngos grub thams cad rab sgrub pa 'o/ /rdzogs sangs rgyas can ba lang sha /khro bo'i rgyal po 'grub par 'gyur/ /dam tshig gcig tu yang dag sbyor/ /rdo rje dgug pa'i dam pa 'o/ /'di ni 'jig rten </font><hr>176a<br><font size=+1>


@#/ /par gyur las/ /dgongs pas gcig shos bzlog pa yin/ /sha chen dang ni bshang gci dang / /glang po rta khyi ba lang dag /mi rtog gcig pa'i sgrub pa yis dam tshig gcig tu de 'grub 'gyur/ /bstan pas 'di ni sgrub pa ni/ /sngags kyi longs spyod rnal 'byor pa/ /rdo rje sbyor ba'i gsang ba yis/ /sgrub pa 'di dang ldan par 'gyur// de ni sangs rgyas byin rlob cing / /rnam kun rdo rje can gsum dang / /snying gar ye shes dam tshig dang / /dbu rgyan la ni rdo rje 'dzin/ /sangs rgyas thams cad tshim 'gyur ba'i/ /'di ni dam tshig sdom pa'o/ /dngos grub thams cad ster ba'i mchog /dam tshig mchog 'dis rab tu bya/ /dam tshig kun gyi dam pa ste/ /rdo rje zas kyi ting 'dzin to/ /de nas 'gro la phan pa'i mgon/ /gtso bo rnam snang chen po la/ /gsang ba'i dgongs pa dam pa ni/ /rdo rje 'dzin pas slar yang zhus/ /gang zhig spyi bor brtags pa ni/ /gcig pu nyid du gyur pa des/ /ri rab sum cu rtsa drug tu/ /mu stegs rnams kyis 'tshal mi 'gyur/ /rang gi bstan bcos brda yis ni/ /phyi rol ba de rnam rtog la/ /ting 'dzin brtags pa 'di dag kyang // 'di la rang gi ngo bo med/ /tshangs sgo mdzod kyi rgyud las ni/ /ri rab gcig dang bcas par bshad/ /byis pa mchog ni rmongs byed pa/ /gsung 'di skye bo ltung bar 'gyur/ /de nas </font><hr>176b<br><font size=+1>


bcom ldan bdag po 'dis/ /rdo rje can la slar gsungs pa/ /legs so rdo rje legs pa che/ /skyes bu dam pa khyod legs pa/ /rkyen dang nyan thos theg pa dang / /'dir ni nga yis gsal bshad pa/ /sangs rgyas kyis bshad ye shes dag /theg pa chen po mi mthong ngo / /tshad yod dang ni yongs chad pa'i/ /rang gi lus la gang bshad de/ /ye shes de rnams dri med 'dod/ /khron pa'i rus sbal zhes bya'o/ /nam mkha' dang ni mnyam ye shes/ /rdo rje theg pa bla med pa/ /mchog sbyin nga ni khyed bzhin du/ /rgya chen de yis mi mthong ngo / /rdo rje theg pa rgya mtsho ste/ /de yis yang dag ma mthong bas/ /rang gi lung ni tshad ma yis/ /gzhan yod pa ni min zhes smra/ /theg pa chen la gsang ba rnams/ /srang la bcal te de smra ba/ /de rnams sngon bzhin gsal min zhes/ /nga yi tshig las bltas te smra/ /de nyid rjes su gzung ba'i phyir/ /rdzogs sangs rgyas la sgom pa rnams/ /gang gis shes na rtog med 'gyur/ /gsang ba dgongs pas gsungs pa yin/ /sngags kyi de nyid don byang chub/ /sna tshogs dngos grub 'bras bu ster/ /dgongs don ji lta ji lta bar/ /de ni nga yis yang dag bshad/ /dam tshig rdo rje lce la ni// rdo rje can gyis hUM bsams te/ /rnal 'byor pas ni bdud rtsi lnga/ /zos na rdo rje gsum thob 'gyur/ /AHdang oM gyi gsang ba dag /'di ni rdo rje gsum mchog ste/ /'di lta bu yi sbyor ba </font><hr>177a<br><font size=+1>


@#/ /yis| |rdo rje sems dpa'i 'od chen 'gyur/ /'di ni rdo rje'i bdud rtsi yi/ /phreng 'gyur dam tshig rdo rjer bshad/ /rdo rje sems dpa' yang dag 'byung / /ting nge 'dzin ni bshad pa yin/ /rdo rje gsum gyi dam tshig mchog /sku gsung rdo rje can du 'gyur/ /de nyid sems can thams cad kyi/ /yid bzhin nor bu'i rgya mtsho che/ /'jig rten khams ni thams cad du/ /sangs rgyas sku dang 'dra bar 'gyur/ /rdo rje dam tshig dngos grub mchog /rdo rje bdag nyid de snang byed/ /gang+gA'i klung gi bye ma snyed/ /sangs rgyas zhing ni thams cad du/ /grub nas 'di ni der sbyor ba'i/ /rig pa 'dzin par de 'gyur ro/ /sku yi rdo rje bsgom bdag nyid/ /grub mchog dam tshig la gnas pa/ /mi snang gyur pa kun gyi mchog /stong gsum dag ni snang bar byed/ /lha yi bu mo mchog 'phrogs nas/ /sangs rgyas rnal 'byor mar legs sbyor/ /gang+gA'i bye snyed ces bya ba'i/ /rdzogs pa'i sangs rgyas ma lus kun/ /dpe de dang ni grangs gcig pa/ /sangs rgyas dus gsum rnam spangs pa/ /lag tu skyu ru ra bzhag bzhin/ /rdo rje mig gis de mthong 'gyur/ /sangs rgyas zhing ni gang dag tu// sgra grags pa ni ji snyed ba/ /rnam pa la gnas ma nor bar/ /skad cig gis ni de kun thos/ /gang+gA'i bye snyed zhing dag dang / /sku la sogs pa gsum gyis mtshan/ /sems zhes bshad pa'i </font><hr>177b<br><font size=+1>


sgom pa mchog /sems can rnams kyi de nyid rig /bskal pa gang+gA'i bye snyed du/ /sangs rgyas rdo rje mchog gis 'gengs/ /rdo rje bsam mi khyab sngon 'gro/ /rang gi rna ba sems bcas ba/ /gang+gA'i bye ma'i ming can gyi/ /gnas kyi dngos po bshad pa yin/ /sangs rgyas rnams kyis mngon shes gnas/ /'di ni yang dag bka' stsal to/ /mngon shes drug ni don grub bo/ / de ni sangs rgyas 'dra bar 'gyur/ /gang+gA'i klung gi bye snyed kyi/ /'khor rnams kyis ni rab mdzes pas/ /sku sogs rdo rje gsum 'di ni/ /'jig rten khams rnams kun tu spyod/ /yid rton bden gcig bsnyen pa ste/ /de nyid gsum mnyam gnyis med pa/ /brten te dam tshig gcig gyur pa/ /ye shes nye bar sgrub pa'o/ /yid rton mnyam pa'i sbyor ba las/ /sgrub pa yi ni dam tshig 'gyur/ /'bras bu mngon sum byas sbyor ba/ /sgrub pa chen po bzhi pa'o/ /rkyen dang nyan thos mdo sde ba/ /'di dang ldan pa rab tu bsngags/ /sems la dmigs dang 'dir sbyor ba| |skad cig gis kyang de 'grub 'gyur/ /bsnyen pa'i dam tshig sbyor gcig dang / /nye bar sgrub bar gang gyur dang / /sgrub pa'i dam tshig nyid dang ni/ /sgrub pa chen po bzhi pa yin// 'di la yang dag 'jug 'gyur ba/ /ji lta ji ltar 'jig rten sogs/ /sa dang shing gi rin chen sogs/ /lha nyid du ni rab tu brtag /chos kyi dbye bas shes par bya/ /rdo rje ye shes </font><hr>178a<br><font size=+1>


@#/ /sgrub pa po/ /bsnyen pa'i dam tshig yang dag sbyor/ /byang chub mchog ni rnam par bsgom/ /gzugs dang sgra dang de bzhin dri/ /ro dang reg bya chos rnams la| |dngos grub mchog ni rnam dpyad pa/ /de ni nye bar sgrub par 'gyur/ /sngags bdag gang yin bsgoms nas ni/ /bskul ba sgrub par 'gyur ba yin/ /rang sngags rdo rje can gyi gzugs| |de ni sgrub pa chen por 'dod/ /bsnyen pa rdo rje bdud rtsi dag /sngags pas kun tu brtag par bya/ /dngos grub 'dod pas gnas pa ni/ /dbu rgyan la ni mchog gang bsam| |'di ni sngags rnams thams cad kyi/ /de nyid gsum gsang yang dag 'byung / /sngags kyi de nyid don gnyer ba'i/ /sgrub pa pos ni dben pa bstan/ /sna tshogs lung gi yang dag rtog /sngags ni dgon pa chen por 'dod/ /de yi dpag bsam shing longs spyod/ /sa phyogs zhes ni yongs su bsgrags/ /mkha' dang mnyam pa'i sbyor ba ni/ / rnam pa'i dben pa chen por bshad/ /ri 'or rdzogs pa'i sangs rgyas dang / /de rigs dngos med las byung ba'o/ /de 'dra'i dben pa'i mtshon pa ru/ /der ni 'od chen rnam gnas te| |gnas med pa yi sbyor ba yis/ /rtag tu dngos grub thob par 'gyur/ /bcom ldan rdo rje'i sgrub pa ni/ /chen pos de skad bka' stsal to/ /dgon pa chen po'i sa phyogs sogs/ </font><hr>178b<br><font size=+1>


'jig rten pa rnams smra ba gsal/ /bsnyen pa sku yi brtul zhugs mchog /blo dang ldan pas rdo rje bzhis/ /rdo rje gsum gnyis med sbyor ba/ /bsgoms na dngos grub 'thob par 'gyur| |me long zhes bya dgon pa che/ /rin chen zhes bya dben pa'o/ /chen po zhes bya 'od dpag med/ /don yod pa ni ri 'or yin/ /chu ngogs dag pa'i chos kyi cha/ /gnas lnga dag tu rab tu brtag /ji srid don ni sbyor ba bzhis/ /yi ge oM ni sdom par 'gyur/ /ji ltar nam mkha'i mtshan nyid gcig /rang gi mtshan nyid 'dor mi byed/ /de bzhin de nyid gsum bzhi'i phyed/ /yi ge oM gcig sdom pa'o/ /gnas med gnas pa zhes bya ba'i/ /oM gcig gis ni 'gro la khyab/ /de nyid mi gsal sbyor dbang po/ /gtso bo rang nyid zlog pa yin// la la glang po spangs nas ni/ /rjes la dbyibs ni tshol bar byed/ /de bzhin ma 'ongs sngags pa ni/ /oM las sdom pa gzhan du 'dod/ /gcig gnyis gsum dang bzhi dang lnga/ /dus thub de bzhin nor can dang / /phan tshun sbyor gnas brjod pa la/ /bsam mi khyab pa'i grangs su 'gyur/ /bcom ldan gcig kyang du ma ste/ /tshig tu brjod pa rnam par spangs/ /brda tsam du ni oM zhes bya/ /dngos med sbyor ba'i chos nyid yin/ /chos dang longs spyod sprul pa ste/ /sku gsum du ni yang dag bshad/ /gsum po yang dag 'dzin pas ni/ /des na oM ni sdom pa </font><hr>179a<br><font size=+1>


@#/ /yin/ /dang po gcig pu mi bskyod dgod/ /de nyid sdom par gyur ba yin/ /brda ru brjod pa sna tshogs pa/ /bsams nas sdom pa kun tu bshad/ /mi phyed nam mkha'i sbyor ba yis/ /bsam dang gdon dang rnam par bral/ /rten 'brel rig las yang dag 'byung / /rjes bcas zhes bya de bsgom bya/ /rtag tu 'byung ba'i ye shes gzhag /mig la sogs pa bdun brgya la/ /g.yas dang gcig shos zla phyed de/ /shes rab thabs kyang sgrub pa'o/ /'di dag zung gyur zla ba ste/ /rdo rje ming can phyed dang gnyis/ / de ni sbyor ba 'di nyid kyis/ /dngos grub myur du thob par 'gyur/ /zhag ni thub pa zla phyed dang / /zla gcig zla ba phyed gnyis pas/ /'jig rten pa yi zhag dbye bas/ /rgya cher ngas ni bshad pa yin/ /gsang ba mchog las byung ba ni/ /zla ba phyed kyis sgrub par gsungs/ /de nyid nye bar 'grub bshad pa'i/ /sdom pa'i yul ni dam pa yin/ /gang tshe shes rab thabs ye shes/ /de bzhin nyid shes las byung ba/ /sangs rgyas sku 'dzin dpal dang ldan/ /rdo rje mi phyed 'od po che/ /byang chub skad cig gis sbyor ba/ /rdo rje sku ni byed par 'gyur// srog la sogs dang grangs mnyam pa'i/ /bdag med phyogs bzhugs sangs rgyas rnams/ /rdo rje mi phyed gsum bsgoms pas/ /rdo rje byin rlabs mdzad par 'gyur/ /'das dang ma </font><hr>179b<br><font size=+1>


'ongs sangs rgyas dang / /gang zhig phyogs bcur bzhugs pa rnams/ /chos sku mchog gi rnal 'byor pa/ /sangs rgyas de rnams byin gyis rlob/ /'das pa rnams ni chos sku yis// bsam mi khyab pa'i phyogs na bzhugs/ /sngags phyogs bsam gyis mi khyab pas/ /ma 'ongs rnams kyis byin gyis rlob/ /sangs rgyas gsum la dbye ba ni/ /cung zad tsam yang yod ma yin// 'on kyang dngos med las byung ba'i/ /sngags pa rnams la byin gyis rlobs/ /phyogs bcur bzhugs pa'i sangs rgyas rnams/ /mi phyed rdo rje gsum bsgoms la/ /sku ni ji lta bar 'tsham pa// de ltar byin gyis rlob par mdzad/ /rig dang ma rig yang dag ldan/ /srog la sogs te bcu gnyis bshad/ /dus kyi nyis 'gyur lam la sogs/ /de nyid zla ba la sogs 'gyur/ /zla ba la sogs grangs mnyam pas/ /nyi ma bcu gnyis ming can yin/ /khyab 'jug de nyid dbye ba yis/ /lam rtsom pa ni brtags pa yis/ /de nyid du ni sgrub pa mchog /sdom pa yul zhes bshad pa yin/ /sngags dang dngos med de byed pa/ /mgal me'i 'khor lo bskor dang mtshungs/ /rtog pa las byung de 'di ni/ /dngos med pa ni sgom pas so/ /ma 'ongs pa yi skye bo ni/ /lha yi gzugs la 'dud par byed/ /mig dang de bzhin rna ba dang / /lce dang de bzhin lus dag dang / /pags pa rkang par yang dag ldan/ /'dzin pa dag ni mi nus pa/ /lta dang nyan dang dri dang </font><hr>180a<br><font size=+1>


@#/ /ro| |reg bya rnams ni dngos med pa/ /rang bzhin sems med gyur ba yi/ /'jim gzugs sangs rgyas sku can te/ /'on kyang 'gro ba'i bla ma'i sku/ /sangs rgyas byin gyis byin rlabs gyis/ /de bzhin sngags sbyor bdag nyid can/ /dngos med rdo rje'i sku nyid yin/ /shing dang sa dang rin chen sogs/ /rang gi lha yi gzugs byas la/ /rang gi chos ni spangs nas su/ /tshig gi lam de ston par byed/ /sku gsung thugs dang ldan pa mchog /cho 'phrul de 'dra ga las byung / /de nas dad sogs yang dag pas/ /slar yang de la gsol 'debs kyang / /gsol ba 'debs pa tsam gyis ni/ /de dang 'dra bar ga la 'gyur/ /phyi rol chos la gang zhig dga'/ /lha rnams thams cad spong ba yin/ /de ltar sku las sku byung ba/ /dpal ldan chos 'di'ang gsum gyi lam/ /byin rlabs pa dag longs spyod na/ /gsung gi rdo rje can du byed/ /'das dang ma 'ongs sangs rgyas rnams/ /phyogs bcu na ni gang bzhugs pa/ /byung dang 'byung 'gyur de rnams ni/ /mi phyed gsum gyi lam du 'gyur/ /yid rton bde ba zhi bdag nyid/ /de bzhin nyid shes las byung ba/ /yi ge gcig ni gsum drug 'di/ /rang nyid 'gro ba'i khar brjod do/ /de yi byin gyis brlab pa'i gnas/ /rdo rje mi phyed rdo rje can/ /gang gzhan sangs rgyas kyis gsungs dang / /'gro ba'i sgrar ni </font><hr>180b<br><font size=+1>


'di gyur te/ /dus gsum bzhugs pa'i sangs rgyas rnams/ /rdo rje mi phyed gsum rnal 'byor/ /gsung gi rdo rje mi phyed pa/ /rdo rje can mchog de byin rlob/ /'jug pa gnas pa'i sbyor ba dang / /ldang ba dang ni yang dag ldan/ /gsung gi rdo rje dngos med pa/ /de ni sangs rgyas byin gyis rlob/ /ji ltar 'khor los bsgyur rgyal ni/ /tshig gi lam gyis las byed 'jug /gsung byin rlabs pas sngags pa ni/ /de bzhin don yod nyid du byed/ /der ni yang dag bshad pa 'di/ /sgrub pa chen po zhes bya ba'o/ /sangs rgyas de rnams byin rlob pa/ /sdom pa yul ni dam pa'o/ /rdo rje thugs ni 'dzin rgyal po/ /de ni bdag la byin rlob mdzad/ /mi phyed rdo rje gsum sbyor bas/ /nam mkha'i khams dang mnyam pa'i gnas/ /gang zhig byung dang 'byung 'gyur ba'i/ /phyogs bcur bzhugs pa'i sangs rgyas rnams/ /de yi byin gyis brlab pa'i gnas/ /lan gsum las ni byung ba mdzad/ /sku yis ston pa'i mdzad pa mchog /rang sangs rgyas ni sgom pa yin/ /mdo sde ba dang nyan thos kyi'ang / /smra ba sgrub pa por gyur yin/ /sems ni rnal 'byor ldan mchog gis/ /'gro ba'i don ni rab sgrub pa'o/ /'gro 'ong gnas dang bral ba ni/ /rdo dang sa dang dbyig byed pa/ /lus la sogs pa mtshon pa yis/ /'on kyang de ni gsung du 'gyur/ /sems dang lus dang mi ldan pa'i/ /de bzhin nyid ni 'gro don can/ /sku gsung </font><hr>181a<br><font size=+1>


@#/ /thugs kyi rdo rje gcig/ gyur kyang so sor bstan pa yin/ /sangs rgyas rdo rje chos dag gam/ /de bzhin rdo rje sems dpa'ang rung / /sku gsung thugs kyi sangs rgyas sogs| |rdo rje gsum po mi phyed brtag /de 'das rmongs pa'i bdag nyid can/ /so sor rtog pa 'gag par 'gyur/ /sku la sogs pa'i grangs mnyam par/ /sangs rgyas kyang ni gang rtog gyur/ /stong pa nyid du sbyor ba yang / /de ni gsal bar the tshom med/ /sna tshogs sbyor gyur sngags rnams ni/ /gang zhig stong par mngon sum byed/ /'das pa dag ni de thams cad| |rmongs pa'i bdag nyid de 'gag 'gyur/ /nyan thos rang sangs rgyas rnams kyi/ /byang chub bsdus nas bshad pa yis/ /'jig rten pa yi gang bshad pa/ /mdor bsdus pa ni 'di yin no/ /sangs rgyas yang na rdo rje chos/ /yang na rdo rje sems dpa'ang rung / /rmongs pas 'di las 'das na ni/ /de ni 'gag par the tshom med/ /dgongs pa lung bstan la gnas nas| |gsang ba dam pa yang dag srung / /lhun gyis grub pa'i sbyor ba yis/ /dngos grub mchog ni bsgrub par bya/ /sku la sogs pa'i gsang ba mchog /rdo rje sbyor ba zhes bya ba'i// dam tshig sgrub pa'i mchog bstan pa'i/ /le'u bcu gnyis gsungs pa yin/ /dgongs pa lung bstan pa zhes bya ba'i rgyud rdzogs so// //rgya gar gyi mkhan po </font><hr>181b<br><font size=+1>


d+harmA shrI b+ha dang / zhu chen gyi lots+tsha ba dge slong rin chen bzang pos bsgyur cing zhus te gtan la phab pa/ </font><hr>

</table>