H410

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H410</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H410&coll=lhasa">see text in Tibetan script</a></table>261a<br><font size=+1>


rgya gar skad du/ badz+ra a mr-i ta tan+t+ra/ bod skad du/ rdo rje bdud rtsi'i rgyud/ dpal rdo rje sems dpa' la phyag 'tshal lo/ /'di skad bdag gis thos pa dus gcig na/ </font><hr>261b<br><font size=+1>


bcom ldan 'das de bzhin gshegs pa thams cad kyi sku dang / gsung dang / thugs kyi snying po rdo rje bdud rtsi gsang ba'i pad+ma la bzhugs so/ /gzhal yas brtsegs pa'i khang pa na| |mA ma kI dang thabs cig tu/ /bcom ldan rdo rje can rol te/ /de nas lha mos de zhus pa/ /gsang chen zhes bya cher gnas pa'i/ /rdo rje bdud rtsi rgyud kyi mchog /sngon du lha khyod kyis gsungs pa/ /bdud rtsi yi ni sgrub pa'i thabs/ /bde ba chen pos bka' stsal 'tshal/ /de nas bcom ldan rdo rjes bshad/ /rdo rje bdud rtsi bde chen po/ /bsam med zad med phra mo ste/ /don yod dbang po las 'das pa/ /dam pa zhi ba rnam dag pa/ /rdo rje bdud rtsi brjod pa yin/ /de nas bcom ldan rdo rje yis/ /mA ma kIr chags dang ldan nas/ /rdo rje bdud rtsi'i ting 'dzin gyis/ /gsang chen mngon sum du ni mdzad/ /rgyud rnams kun la gsang ba yi/ /ye shes rdo rje bdud rtsi mchog /de ni bdag gis bshad par bya| |brtan por 'khyud dang 'o byed dang / /dga' ba'i rol las mnyam sbyor dang / /dbyangs dang sil snyan gar rnams kyis/ /rdo rje bdud rtsi rgyud kyi mchog /de ltar myur du 'grub par 'gyur/ /bdud rtsi khu ba zhes gsungs te/ /'gro ba gsum ni nges bskyed do/ /khyod la dga' ma zhal bzang ma/ /de yi sgrub pa bdag gis bshad/ /nyon cig de yi sems kyis </font><hr>262a<br><font size=+1>


@#/ /tshig /mdor bsdus nas ni bshad par bya/ /sems can don du phan don du/ /sbyor ba'i rdo rje bdud rtsi mchog /rnal 'byor gang gis shes gyur na/ / 'khor ba'i bcings las myur bar grol/ /bstan du med cing ye shes che/ /dngos grub 'jig rten gsum sgrub bo/ /sku gsung thugs kyi sgrub don du/ /sgrub pa pos ni bde ba spyod/ /rdo rje pad+ma mnyam sbyor bas/ /rdo rje bdud rtsi phyung bar bya/ /b+ha ga'i pad+mar 'o btab ste/ /rdo rje mA ma kIs 'o btab/ /rdo rje bdud rtsi bde ba che/ /bcom ldan rdo rjes de gsungs so/ /b+ha ga'i pad+mar 'o btab pas/ /de tshe dga' ba'i lha mo des/ /rdo rje bdud rtsi las byung ba'i/ /nyams dga' gsang ba'i dkyil 'khor zhus/ /cho ga'i rim pa gang gis ni/ /mchod pa dkyil 'khor brtsam par bya/ /'dir ni mchod pa ji ltar te/ /de bzhin dkyil 'khor ji ltar lags/ /dga' ba chen po thob dga' ba/ /rab tu dgyes nas bka' stsal 'tshal/ /de nas bcom ldan rdo rje yis/ /rdo rje bdud rtsi bde ba che/ /'o btab pas ni dgar 'gyur te/ /bzhad nas 'di skad bka' stsal te/ /sku gsung thugs kyi sgrub don dang / /'khor ba'i rgya mtsho sgrub pa'i phyir/ /dga' ba chen po sbyor ba yis/ /mA ma kIs ni 'dir dris pa/ /zur gsum dkyil 'khor bris nas su/ /gsang ba'i </font><hr>262b<br><font size=+1>


pad+ma mA ma ki /nang du snying po dang ldan pa'i/ /pad+ma 'dab brgyad pa ni bya/ /de dbus gsang chen rig ma dang / /gtso bo zhal gsum phyag drug pa/ /dang po'i zhal ni nag po ste/ / g.yas pa la ni dkar po 'dod/ /g.yon du dmar por rab gsungs te/ /lha yi rgyan gyis brgyan byas pa/ /lha yi na bza' me tog phreng / /lha yi dri yis byug byed pa/ /lha yi dngos grub byed zhi ba/ /sku gsung thugs kyi rdo rje can/ /phyi rol du ni dkyil 'khor yang / /sgo bzhi pa ni rab tu brtags/ /shar du khro gnyer ma gzhag ste/ /lho na 'jigs par 'jigs byed ma/ /nub na rta yi gzugs can ma/ /byang du tshogs kyi 'dren ma mo/ /mkhas pas pad+ma 'dab brgyad la/ /rig ma brgyad ni mnyam par bri/ /mdzes pa mo dang zhi ba'i zhal// zla mo dang ni dung can mo/ /ri bong 'dzin dang dkyil 'khor mo/ /ri bong 'dzin ri mo yid dga'/ /yid la bde bar byed ma dag /rig ma brgyad dang dge ma brgyad/ /thams cad zhal gsum phyag drug pa/ /sna tshogs gzugs ni yid dga' ma/ /phyogs rnams dang ni mtshams dag la/ /rtag pa ru ni bri bar bya/ /mchod pa pi wang rnga de bzhin/ /de bzhin sbos dang me tog sogs/ /dbyangs dang gar dang mchod pa ni/ /dga' ba rol pa sbyor ba yis/ /rdo rje bdud rtsi bde ba che/ /gsang ba'i 'khor lo bsgrub par bya/ /ma dang bran mo </font><hr>263a<br><font size=+1>


@#/ /bu mo dang / /sring mo gnyen mo de bzhin te/ /rdo rje bdud rtsi de dag las/ /blangs nas gsang ba'i dkyil 'khor mchod/ /ma las bdud rtsi blangs pas ni/ /rdo rje bdud rtsi dang mnyam 'gyur/ /sring mo nad med na so gzhon/ /bu mo yi ni 'dod kun sbyin/ /bram ze mo'i ni don yod grub/ /gsang ba'i dkyil 'khor la 'dod byas/ /lce ni dril bar byas nas su/ /kha yis pad+mar blang bar bya/ /rdo rje bdud rtsi bde ba che/ /de nas myur bar dngos grub bo/ /bung brtse ba'i tshul gyis ni/ /bud med thams cad 'dod pa spyod/ /'dus dang grub mo dang brkyang ba/ /yar bteg zer ni shin tu brkyang / /byed pa'i bcing ba sbyor ba yis/ /sa gsum dag ni bsgrub par bya/ / sha chen dang ni khrag chen gyis/ /de bzhin bshang gci khu ba dag /de dag rdo rje bdud rtsi lnga/ /nyin dang nyin du bsgrub par bya/ /rdo rje bdud rtsi bde ba che/ /gal te dngos grub bdag 'dod na/ /de yis don rnams thams cad ni/ /sgrub pa pos ni mchog tu sgrub/ /dbang dang dgug dang 'thab pa dang / /gsod dang bskrad pa la sogs pa/ /rdo rje bdud rtsi bde chen pos/ /bya ba thams cad kun tu bya/ /rdo rje bdud rtsi bde chen po/ /bcom ldan rdo rjes de gsungs so/ /de bzhin gshegs pa thams cad kyi sku </font><hr>263b<br><font size=+1>


dang / gsung dang / thugs kyi rdo rje can rdo rje bdud rtsi bde ba chen po'i rdo rje bdud rtsi rgyud kyi rgyal po las/ gsang ba'i dkyil 'khor byed pa'i mngon tshul bstan pa'i le'u ste dang po'o// //de nas mgu ba'i lha mo de/ /pad+ma rgyas pa'i mA ma kI /brtan po 'khyud pa byas nas ni/ /dbang po thams cad la 'o btab/ /ma mchu sos bzung 'o btab ste/ /sid sgra sngags ni brjod par bya/ /rdo rje bcings pas sku yang 'dzin/ /rdo rje can gyis gsang byas te/ /pad+mar rdo rje bcug nas su/ /chags na dga' ste 'dod par bya/ /sid sgra snyan po sgra rnams dang / /ko ki la dang gling bu sogs/ /lha mo mA ma kI dang rtse/ /rdo rje bdud rtsi bde chen pos/ /nu ma zung la gzir byas te/ /sen mo re mos gdab par bya/ /de yang gos ni phud byas te/ /steng 'og la yang blta bar bya/ /rgyas pa'i pad+mar 'o btab nas/ /dga' ba'i tshig kyang brjod par bya/ /rgyas pa'i pad+ma mA ma kI| |lha mo chen mo legs so legs \?\/ /gtan du 'dod la chags pa yis/ /bdag gis khyod la dga' bar bya/ /gang zhig 'dod pa khyod kyis zhus/ /khyod la bdag gis mchog tu sbyin/ /de nas lha mo mA ma kI/ /tshig 'di dag ni ched du gsol/ /bcom ldan nyid kyis de bzhin nyid/ /byang chub sems kyi rnam sprul pa/ /phra bas shin tu phra </font><hr>264a<br><font size=+1>


@#/ /ba yis/ /zad med ye shes ji ltar rol/ /de 'dra lha yis dpyod pa ni/ /dbang po gnyis kyi snyoms 'jug pas/ /de dag the tshom 'byung bas na/ /bdag ni ngo mtshar dam par gyur/ /de nas bcom ldan rdo rje yis/ /rdo rje bdud rtsi bde chen bshad/ /nyon cig de nyid mA ma kI/ /ye shes sbyor ba 'bigs byed pa/ /shin tu phra ba gsang chen po/ /ye shes zhes bya ngo bo nyid/ /de ni bdag gis bshad bya ste/ /sangs rgyas byang chub rab sgrub pa/ /mi 'jigs zad med rtag pa ni/ /gdod ma med cing dbang po spangs/ /yod nyid dang ni med nyid kyang / /dbang po dang bcas dbang po med/ /'byung ba kun tu ma mthong ba/ /sbyor ba lam gyis mthong ba 'o/ /sbyor ba rnam pa gnyis gsungs te/ /phyi dang nang du bcas pa 'o/ /phyi ni gzugs kyi phung po sogs/ /'byung ba rnam pa kun rdzob ste/ /sna tshogs g.yo dang mi g.yo ba/ /khams gsum dang ni ma lus par/ /de gcig pos ni khyab pa ste/ /thams cad rnam shes kho na'o/ /ci phyir sems can bdag med rnams/ /rnam shes phung po brten pa yin/ /blun sems snyigs ma'i mi rnams kyis/ /'ga' yang shes pa ma yin no/ /sems las ma byung sems kyi ngos/ /ye shes shes bya </font><hr>264b<br><font size=+1>


ngo bo nyid/ /thams cad rnam shes gcig nyid do/ /gang tshe lus la rkyen nyid 'gyur/ /chos rnams dang ni chos gcig 'gyur/ /dngos po bdag ni de tshe 'gyur/ /ci yi phyir na chos rnams kyi/ /mang po nyid du chos rnams kyang / /chu rgyun bzhin du rgya mtsho la/ /thar pa ni gcig kho na ste/ /mang po nyid du mi rnyed de/ /ci ltar nang du cher gnas pa/ /bla ma'i zhal kho na las thob/ /b+ha ga'i pad+mar nam mkha' gang / /nam mkha' lnga yis brgyan pa ste/ /snying dang snying po rnam ldan zhing / /'dab ma brgyad kyis rnam par klubs/ /de dbus rdo rje can bzhugs te/ /byang sems bdud rtsi dang ldan pa/ /cha shas chos min rnam grol bar/ /thig le de yis rnam par spangs/ /des gnas rtag tu zag pa ni/ /bdud rtsi byang chub sems kyi gzugs/ /khams rnams kun gyi gzhi yin pa/ /steng 'og tu yang rnam par khyab/ /des ni mthong ba thos pa yang / /mnams pa dang ni myang ba yang / /reg dang bde ba'i longs spyod ni/ /zas dang me tog phreng ba dang / /rgyan dang gos kyis brgyan pa ste/ /ngag gis sna tshogs grags pa yang / /blangs pa dang ni bzung ba rnams/ /rol dang kun tu 'gro ba dang / /'dug dang de bzhin nyal ba dang / /sad pa dang ni log pa dang / /thams cad rmi lam mthong ba ste/ /bzhad dang </font><hr>265a<br><font size=+1>


@#/ /de bzhin cho nge dang / /shin tu yid 'phrog gar dang ni/ /rnga rnams dag kyang brdung ba ste/ /sna tshogs pa dag 'dir brjod pas/ /smyon pa dang ni myos pa'i gzugs/ /gti mug 'dod chags de de nyid/ /gzugs med mang po'i gzugs can de/ /pho dang mo dang ma ning rnams/ /du ma'i gzugs can kun gyi bdag /sna tshogs gzugs ni nor bu bzhin/ /khyab pa'i dngos kyis khyab nas su/ /de nyid dam pa cher gnas so/ /de bzhin nyid de mA ma kI/ /bzlas med 'dzin pa yang med de/ /bgrang phreng bya ba 'ga' yang med/ /zas spangs pa yang mi bya 'o/ /b+ha ga'i pad+ma mchod byas te/ /mkhas pas bdud rtsi bza' bar bya/ /rdo rje bdud rtsi bde ba che/ /de yis de nyid 'grub pa 'o/ /gang de bdud rtsi 'bab pa'i rtsa/ /b+ha ga'i dbus su pad+ma ste/ /rtsa gzhan sum cu rtsa gnyis la/ /de yi dbus su de gtso ste/ /de dag las gzhan shin tu mchog /rtsa dag dgu ni rnam par gnas/ /sgo dgu la gnas rig pa dag /sgrub pa pos ni mchod par bya/ /'dod pa'i yon tan lnga lha mo/ /rtag tu rdo rje can mnyam blta/ /de bas de dag rab byed na/ /chags bral zhes gsungs kun rig pas/ /de dag gsang chen mchog rab </font><hr>265b<br><font size=+1>


ni| |zhal bzang ma kye sbyor bar bshad/ /sna tshogs rnam snang mdzad sogs pa/ /de bzhin gshegs pas mi shes te/ /gtan tu dga' ba'i yid bde ba/ /sbyor bas dam pa rab bstan to/ /gsang ba'i pad+ma mthong nas dang / /shin tu rgyas pa'i mA ma kI/ /rdo rje'i bdud rtsi bde ba che/ /de nyid bdag gis bshad par bya/ /de bzhin gshegs pa thams cad kyi sku dang / gsung dang / thugs kyi rdo rje can rdo rje bdud rtsi bde ba chen po'i rdo rje bdud rtsi rgyud chen po las/ de bzhin nyid sbyor ba ye shes bstan pa zhes bya ba le'u gnyis pa'o// //de nas mgu ba'i lha mo des/ /ha ra nu pur gyis brgyan te/ /'di dag dbyangs ni blangs nas su/ /sems dpa' chen po dgyes par byed| |phyung mdzad bde chen rdo rje las/ /bdag gis mchog gi yig 'bru 'tshal bar bgyi/ /b+ha ga'i pad+mar bde ba chen po ste/ /rdo rje'i don de bde ba chen po lags/ /sa 'dzin pa dang skad phreng dang / /drug ldan la sogs mtha' 'khob tshul/ /sna tshogs thun mong rnam dag gi/ /snyan pa'i sgra yis blang bar bya/ /de rnams dbyangs dag blangs nas su| |dga' ba yid bde rnam sprul gyis/ /rdo rje bdud rtsi bde ba che/ /sangs rgyas byang chub bsgrub par bya/ /gsang ba'i dkyil 'khor bka' stsal pas/ /de bzhin nyid </font><hr>266a<br><font size=+1>


@#/ /kyis the tshom bcad/ /rdo rje can khyod bka' drin gyis/ /rtag par ye shes bya ba bgyi/ /bcom ldan chags pa dang bral ba'i/ /rdo rje bdud rtsi 'byung ba 'di/ /rdo rje theg pa 'byung ba yi/ /sbyor ba bdag gis bstan par bgyi/ /da dung bdag la the tshom mchis/ /phyag rgya gnyis kyi rnam sprul pa/ /ji ltar phyag rgya yang dag 'byung / /de dag gi sngags ji ltar lags/ /sngags rnams gang las skye ba lags/ /khyad par du ni lha rnams kyang / /lha ni de dag the tshom na/ /mdor bsdus nas ni bdag la gsungs/ /rdo rje bdud rtsi bde chen po/ /bcom ldan rdo rje can 'di gsungs/ /phyag rgya sngags dag 'byung pa ni/ /bshad de cig mA ma kI/ /phyag rgya rnam pa gsum gsungs te/ /sku dang gsung dang thugs las 'byung / /sku ni phyag rgya mchog 'gyur te/ /gsung ni phyag rgya sngags kyi las/ /thugs kyi mtshan ma'i phyag rgya ni| |bsam gtan ri mo gnyis med gnas/ /rdo rje bdud rtsi rgyud chen la/ /sbyor ba'i phyag rgya zhes bya ste/ /mtshan ma'i phyag rgya mi bri 'o/ /phyag rgya mngon sum gzugs yin te/ /lha ni lha mo bud med do/ /dbang po thams cad bde ba ru/ /b+ha ga'i pad+mar mchod par bya/ /rdo rje'i pad+ma mnyam sbyor zhing / /las thams cad ni 'grub par bya/ /ji ltar </font><hr>266b<br><font size=+1>


dpag bsam shing chen gyi/ /yal ga brgya phrag stong can dang / /rtsa dang de la gzung ba ni/ /skye ba'i rkyen du 'gyur ba bzhin/ /de ltar bdud rtsi 'bab pa'i rtsa/ /sngags dang phyag rgya'i yum yin te/ /sngags 'di rnams kyi skye ba ni/ /b+ha ga'i dbus su gnas pa 'o/ /de nas bcom ldan rdo rje can/ /rdo rje bdud rtsi bde chen pos/ /rdo rje bcug nas mA ma kI/ /nyon cig sngags rnams mtshan nyid ni/ /dang po rnam snang mdzad sbyor te/ /oM badz+ra a mr-i ta mahA su kha/ /sa bon bzhi dang mnyam ldan la/ /swA hA yi ge yang sbyor ro| |rnam par snang mdzad yang 'bul te/ /yi ge gnyis dang bzhi pa ste/ /bzhi pa yis ni mnyam ldan pa/ /mA ma kI yi snying po'i mchog /brgyad dag kho na'o dbus ma gang / / brgyad la rgyan gyis rnam par brgyan/ /'dab brgyad la ni sbyar byas te/ /lha mo sngags kyis sngags phyung ngo / /sgo srung dag gi sngags rnams ni/ /nyon cig skal bzang mA ma kI// sde yi tha ma sngags phyung ste/ /sa bon brgyad ni sngags rigs pas/ /stong pa'i lha yis gnon byas te/ /rnam par snang mdzad dang ldan la/ /swA hA yi ge mnyam por ldan/ / dngos grub thams cad rab sbyin rnams/ /bzhi ni sgo srung gi yin te/ /bzhi ni spos dang puShepa sogs/ /ma ning yi ge gra bzhi la/ /swAhA rnam par snang mdzad yang / / </font><hr>267a<br><font size=+1>


@#/ /lha mo gsang ba'i mA ma kI/ /rnga sogs kun gyis mchod par bya/ /rdo rje bdud rtsi bde chen po/ /bcom ldan rdo rjes de gsungs so/ /de bzhin gshegs pa thams cad kyi sku dang / /gsung dang / thugs kyi rdo rje can rdo rje bdud rtse bde ba chen po'i rdo rje bdud rtsi rgyud chen po las/ sngags phyung ba'i rim pa bstan pa zhes bya ba le'u gsum pa'o// //de nas sbyin sreg las dag gi /cho ga'i rim pa bshad par bya/ /sbyor ba'i rgyud kyi cho ga yis/ /sku gsung thugs ni sgrub pa yin// zhi ba dang ni rgyas pa'i las/ /de bzhin dbang dang mngon spyod dang / /'thab dang bskrad kyang de bzhin du/ /sngags dang phyag rgya'i sgrub pa rnams/ /de kun bdag gis bshad par bya/ /rdo rje bdud rtsi 'byung ba 'o/ /rdo rje sems dpa' 'gying byed pa/ /skur brten bcas pas gnyis gnas nas/ /rgyan thams cad kyis brgyan byas te| |slob dpon dkyil 'khor 'jug par bya/ /khams gsum rnam pa rgyal gyur nas/ /rkang gnyis g.yas brkyang bya ba dang / /g.yon brkyang bya ba yang byas te/ / rkang mnyam dang ni sa ga yi/ /sa ni sbyong bar byed ma thag /sa la reg na 'jam skye'o/ /de nas bgegs rnams bskrad nas su/ /gzhan yang srul po la sogs pa/ / </font><hr>267b<br><font size=+1>


gong du bla ma phyag 'tshal lo/ /phyi nas sa yi lha mo dgug /oM e h+ye hi lha mo cha/ /sa yi brtan ma 'jig rten yum/ /rin chen thams cad rab rdzogs pa 'o/ /lha yi rgyan gyis brgyan byed ma/ /ha ra Nu pur sgra 'byin pa/ /rdo rje sems dpa' rab tu mchod/ /yon 'di dag ni bzhes nas su/ /sbyin sreg las ni 'grub par mdzod/ /hi hi hi hA swAhA/ bshang gci khrag dang khu ba yis/ /dkyil 'khor sa la gtor bar bya/ /byin rlabs bya ba'i phyir spos ni/ /sha chen gyis ni dbul bar bya/ /de nas rig ma 'jug byas te/ /gdol pa mo dang sme sha ma/ /gar mkhan ma dang bram ze mo/ /de kho na bzhin rgyal mo dang / /dmangs rigs mo dang rgyal rigs mo/ /dri dang spos kyi mchod byas te/ /lha yi rgyan gyis brgyan par bya/ /yan lag lnga la yi ge hri/ /b+ha ga'i dbus su yi ge bruM/ /spyan ma sgrol ma gos dkar ma/ /yid dga' ma bdag bsgom par bya/ /b+ha ga'i dbus su slob dpon gyis/ /me tog gtor ba kho nar bya/ /de nas sngags pas hoM khung ni/ /tshad mar kun tu bri bya ste/ /zhi la zlum por bya ba ste/ /khru gang tsam du thig gdab bo/ /khru phyed sa la brkos nas su/ /dkar rtsi tshon gyis byug par bri/ /kun tu 'khor lo tshul ltar yang / /glo sum mnyam por bri ba'o/ /rgyas pa la ni khru do ste/ /de la khru gang brko bar bya/ /gru bzhi pa ni mtha' </font><hr>268a<br><font size=+1>


@#/ /mnyam du/ /mugs dang btsag gis gi ba 'o/ /mngon spyod la ni zur gsum ste/ /sor nyi shu ni yangs pa'i tshad/ /nyi shu phyed ni brko byas na// dbus su rdo rje rgya gram yang / /'bar ba phreng gis 'khrug pa bri/ /de bzhin dbang dang dgug pa la/ /zla ga ma yang dag bri pa'o/ /hoM khung yang dag ston nas su/ /phyogs kyi cha yang bstan par bya/ /byang du mngon du kha bsgyur te/ /sngags pas zhi ba brtsam par bya/ /rgyas pa la ni shar du yang / /mngon spyod la ni lho na ste/ /dbang ni nub tu kho na bshad/ /dgug dang bskrad kyang de bzhin no/ /mngon spyod rtag par nag po ste/ /tshon lnga yis ni dbang sogs bya/ /'bras dang til dang 'o ma dang / /mar dang sbrang rtsi lhan cig par/ /bdud rtsi lnga dang ldan pa yis/ /zhi ba rgyas pa sbyin sreg bya/ /sreg shing rnams kyang thams cad la/ /dri zhim 'o ma can shing ngo / /sna tshogs zas sam gtor ma yang / /'byung po thams cad sbyin par bya/ /gtor ma gang yang sgrub pa pos/ /khrag 'thung phyag rgya chen pos sbyin/ /gang zhig yid kyis 'dod pa ni/ / rtag tu rnal 'byor pa yis 'grub/ /dbyar gyis dus ni zhi ba ste/ /rgyas pa de bzhin dgun gyi dus/ /dpyid ka mngon spyod las rnams ni/ /sgrub pa pos ni thams </font><hr>268b<br><font size=+1>


cad bya/ /shar du zhe ba rab tu gsungs/ /rgyas pa de bzhin srod la ste/ /nyin phyed la 'am nam phyed la/ /rtag par mngon spyod bya ba 'o/ /hoM khung dbus su yi dam lha/ /yi ge hUM gis bskyed nas su/ /zhal ni gdangs pa bsam byas te/ /sbyin sreg de la dbul bar bya/ /sbyin sreg 'bum phrag 'bul 'gyur na/ /mdun du mngon sum kho nar 'gyur/ / dang po me ni dgug bya ba/ /lha thams cad kyi mchod pa'i gnas/ /'od zer phreng 'khrugs drag po lha/ /sangs rgyas byang chub 'grub pa 'o/ /oM e h+ye hi/ 'dir gshegs gdon mi za bar khyod/ /me lha mngon sum dngos grub sbyin/ /drag po khams gsum gyis mchod pa/ /khyab 'jug tshangs pas phyag 'tshal ba/ /'di dag yon yang bzhes nas su/ /zhabs g.yon brjes kyang rdo rje can/ /oM hUM hUM hUM phaT phaT swAhA/ dang po la ni yon 'bul te/ /phyi nas lha bshos me tog 'bul/ /oM/ lha yi me tog shin tu dmar/ /dri zhim shin tu mdzes pa ni/ /me tog de ring bzhes nas su/ /'di la byin gyis brlab par gsol/ /hUM me tog gi sngags so/ /oM| mar me 'od zer 'bar ba ni| |ngan 'gro 'jigs pa 'joms byed pa/ /lha yi mig byed bkra shis pas/ /mar me khyod kyis bzhes su gsol/ /hUM mar me'i sngags so/ /oM| tsan+dan ga bur dang </font><hr>269a<br><font size=+1>


@#/ /bcas pa'i/ /dri zhim spos me 'gre ba ni/ /mthu dang bcas par bya ba 'di/ /bzhes nas byin gyis brlab tu gsol/ /hUM spos kyi sngags so// oM sna tshogs lha yi dri zhim pa/ /sna tshogs ga bur rnam brgyan pas/ /sna tshogs yi ge hUM las byung / /dri 'di 'bul te bzhes su gsol/ /hUM dri'i sngags so/ /dang por mchod pa'i cho ga ni/ /the tshom med par me la bya/ /phyi nas rang gi yi dam lha'i/ /bzlas sngags rig par brjod par bya/ /dbyangs dang gar dang zas rnams kyis/ / rnam pa du mar rol byas te/ /rig pa dang ni sgrub pa pos/ /tshogs la mchod pas mnyes par bya/ /gal te dngos grub dag 'dod na/ /sku gsung thugs ni 'grub pa'o// bla ma me lha rdo rje 'dzin/ /mchod par byas nas rdzogs par bya/ /oM/ me lha las ni grub par mdzad/ /sems can thams cad bde ba 'dren/ /sku gsung thugs dngos grub don du/ /lha rnams las ni rjes su skyobs/ /me lha zhi bar gshegs nas su/ /sa gzhi zhi bar mdzad mdzod cig /rgyu dang mi rgyu bcas pa yis/ /sgrub pa po dang thams cad dang| |bdag gi bsod nams 'bras 'gyur dang / /sngags kyi dngos grub rab sbyin cig /a A/ i I/ u U/ r-i r-I/ l-i l-I/ e e/ o au/ aM aHhUM swAhA/ rdo rje </font><hr>269b<br><font size=+1>


bdud rtsi bde ba che/ /bcom ldan rdo rjes de gsungs so/ /de bzhin gshegs pa thams cad kyi sku dang / gsung dang / thugs kyi rdo rje can rdo rje bdud rtsi bde ba chen po'i rdo rje bdud rtsi chen po las/ sbyin sreg gi cho ga bstan pa zhes bya ba'i le'u bzhi pa'o// //khyod la mag sman bshad par bya/ /tshil chen gyi ni snying po yi/ /ban da la ni dud pa blangs/ /'ug pa'i mgo bo bsregs nas su/ /khrag chen dang ni bsregs par byas/ /mtshan mo la ni btags nas su/ /zhi ba mor phye mar kho nar bya/ /bya rgod rje ngar bkang nas su// mi yi rus pa'i thur mang gis/ /mig la bskus nas gzugs kun gyi/ /rtag tu rnal 'byor pa yis byed/ /rdo rje bdud rtsi las byung ba'i/ /mig sman dngos grub sbyor ba ni/ / nag po'i tshes brgyad bcu bzhi la/ /b+ha ga'i dbus su bsgrub par bya/ /zhi ba dang ni rgyas pa dang / /de bzhin dbang dgugs las byed do/ /sna tshogs drag po'i gdon rnams dang| |zhag bzhi pa yi rims dang dug /thams cad med par byed lha mo/ /dga' ma khyod la bden par bshad/ /rgyal po'i khab na chen por mchod/ /dgra bo rnams kyang zad byed do/ /de bzhin bgegs kyang 'gag par byed/ /mig sman ldan par bzla bar bya/ /oM| 'dod pa'i gzugs can mig yangs ma/ /bshang gci khrag la dga' byed ma/ /zhal </font><hr>270a<br><font size=+1>


@#/ /gsum phyag drug pa'i lha mo/ /drag po'i gzugs can mA ma kI/ /hrIM hrIM hUM hUM/ a aMH e hA hA swAhA/ dang po'i zhal ni nag po ste/ /de kho na bzhin g.yas ni dkar/ /g.yon ni dmar por de rig nas/ /g.yas phyogs ral gri 'khor lo can/ /g.yon du zhags pa dang lcags kyu/ /de bzhin rdo rje dril bu yang / / b+ha ga'i dbus su bsgoms byas te/ /de la mig sman bsgrub par bya/ /b+ha ga gur gum gyis bkang nas/ /phyi nas ling ga gzhug par bya/ /de la brjod par bya sngags ni/ oM yig sgra yig phye ba dang / /badz+ra a mr-i ta zhes bya'o/ /sgra sgrogs sprin dang phaT yig go /bdud rtsi dang ni mnyam ldan pas/ /b+ha ga'i dbus nas dbyung bar bya/ /de la sngags 'bum bzlas nas su/ /de yis thig le kho nar bya/ /bud med kyis khyo 'khol 'gyur te/ /mdun na 'don bcas rgyal po yang / /skyes pa gang gis de byas nas/ /bud med gang la skal can 'gyur/ /rgyal po'i khab can chen por tshed/ /dgra bo rnams ni zad byed do/ /dur dur arka'i 'bras blangs te/ /bdud rtsi dang ni bsres byas na/ /zhal gsum drag po'i gzugs dang ni/ /gshin rje gshed khro bzlas nas su/ /sha chen dang ni ldan byas te/ /chang dang bsres la sbyin par bya/ /rtag tu myos nas 'khor nas su// </font><hr>270b<br><font size=+1>


mi ni bskams nas shi 'gyur ro/ /oM hrIHSh+T+rIHwi kri tA na na sarba sha truM bi nA sha ya/ stam b+ha ya/ /mA ra ya hUM hUM phaT/ sngags pas gi'u wang blangs nas/ /b+ha ga la ni yig 'bru bri| |tsan+dan gyis ni mnyam byugs nas/ /khyod dang lhan cig gnas par bya/ /gnas ma dag ni bde chen te/ /'khor g.yog dngos por 'gyur bar ro/ /bshang gci gzugs brnyan byas nas su/ /sha chen gyis ni spos dbul te/ /dgra yi skra yis dkris byas nas/ /rus pa'i phye mas byug par bya/ /dgra sgor brkos nas spang byas na/ /zhag bdun gyis ni shi 'gyur ro/ /bshang gci khrag dang bsres pa yi/ /sha chen gyis ni sbyin sreg bya/ /dur khrod kyi ni sreg shing yang / /shing gcig pa dang lam mdo na/ /me yi hom khung bris nas su/ /nyin phyed nam phyed sbyin sreg bya/ /khro chen gshin rje'i gshed po yi/ /sku la thal bas bskus pas ni/ /bsgoms nas dgra la cher gnod na/ /gdon mi za bar shi 'gyur ro/ /rdo rje bdud rtsi bde chen po/ /bcom ldan 'das rdo rjes de gsungs so/ /de bzhin gshegs pa thams cad kyi sku dang gsung dang / thugs kyi rdo rje can rdo rje bdud rtsi bde ba chen po'i rdo rje bdud rtsi rgyud chen po las/ las chen po bstan pa zhes bya ba'i le'u lnga pa'o// //rdo rje bdud rtsi rgyud chen las/ /dpal ldan rdo rje </font><hr>271a<br><font size=+1>


@#/ /hUM mdzad kyi/ /sgrub pa mdor bsdus bshad par bya/ /dkyil 'khor cho ga'i rim pa yang / /de yi dkyil 'khor cho ga zhes/ /khams gsum rnam rgyal las byung yin/ /gru bzhi par ni thig gdab ste/ /khru gang yang na khru do'o/ /zla ba'i dkyil 'khor dang 'dra ba/ /'od zer 'bar ba la 'khrugs ba la/ /dpal ldan rdo rje hUM mdzad bzhag /zhal gsum de bzhin phyag drug ste/ /rgyan thams cad kyis yongs rdzogs pa/ /phyag rgya yis ni phyag brgyan pa/ /rig ma bzhi dang mnyam ldan pa/ /u ma'i sra ba'i nu mar bzhugs/ /cung zad mche ba gtsigs pa po/ /khro dang ldan par bzhad byed zhal/ /g.yas pa la ni mda' bris te/ /de kho na bzhin g.yon na gzhu/ /phyag bzhi pa ni bris pa la/ /phyag gnyis pas ni nu mar bsnams/ /rig ma thams cad zhal gsum ste/ /de bzhin me tog spos me ma/ /dri yang yang dag bri bar bya/ /sgeg mo phreng ba de bzhin dbyangs/ /gar mkhan yang phyag drug nyid/ /de bzhin gling bu ma bri ste/ /bi wang ma dang rnga chen ma/ /rdza rnga ma dang sil snyan kun/ / dkyil 'khor la ni phra ba'o/ /bdud kyi rgyud chen las/ /gal ba bzang po yang bzhag ste/ /phyag gnyis ba la zhal gcig ba/ /bzang po de dag kho na'o/ /rgyan ni thams </font><hr>271b<br><font size=+1>


cad kyis brgyan pa/ /sgrub pa po yang mdun bri'o/ /bgrang phreng de bzhin rdo rje dang / /dril bu 'dzin pa bri bar bya/ /gtor ma'i gtor ma mchod rdzas dang / /chang skyems ro dang dga' ston mchod/ /nag po'i brgyad dang bcu bzhi la/ /dkyil 'khor la ni rdul tshon gdab/ /dbus su gru bzhi bri ba'o/ /gal te dngos grub mchog 'dod na/ /sngags yig gcig pa gtso bo ni/ /rdo rje hUM mdzad bsgrub par bya/ /phyi nas slob dpon la mchod pa/ /bdag gam rgyal srid dbang nyid dam/ /bran mo bu mo de bzhin du/ /ma dang sring mo dbul bar bya/ /sku gsung thugs kyi sgrub pa yi/ /dngos grub gal te bdag 'dod na/ /khams gsum rnam rgyal las byung ni/ /sngags pas rtag tu bsgrub par bya/ /rdo rje sems dpa'i dkyil 'khor ni/ /rdo rje bdud rtsi las byung ngo / /bdud rtsi lnga dang mnyam ldan pa/ /ngan song thams cad med byed pa/ /rdo rje se gol mnyam sbyor gyis/ /dpal ldan rdo rje hUM mdzad 'grub/ /rnal 'byor pa dang rnal 'byor ma'i/ /byang sems rnam par sprul par gsungs/ /lan grangs du mar rig ma dang / /dkyil 'khor du ni rol par bya| |b+ha ga'i dbus la myang byas pa/ /gang dag dpa' bo sngags la gnas/ /pad+mar kha yis 'o byas nas/ /bdud rtsi khu ba kho nar blang / /lag pa yi ni sor mo la/ /gnas de la </font><hr>272a<br><font size=+1>


@#/ /ni blang mi bya/ /blang bar gyur na 'jig 'gyur nas/ /mthu yang 'jigs nas 'bras bu med/ /rig ma chen mos kyang phyung nas/ /rdo rje yang 'o gdab bo| |de ni sangs rgyas nyid du 'grub/ /khu ba'i gzugs can bdud rtsi ni/ /rdo rje bdud rtsi bde chen po/ /bcom ldan rdo rje de gsungs so/ /de bzhin gshegs pa thams cad kyi sku dang / gsung dang / thugs kyi rdo rje can rdo rje bdud rtsi bde ba chen po'i rdo rje bdud rtsi rgyud chen po las/ rdo rje hUM mdzad kyi bsgrub pa bstan pa zhes bya ba le'u drug pa'o// // de nas lha mo mA ma kI/ /dga' ba'i rol par cher bzhugs pas/ /thal mo sbyar nas phyag byas nas/ /dbyangs 'di dag ni ched du brjod/ /dpa' bo chu skyes sngon po'i sku| |dpa' bo gzhan gyis yongs bskor zhing / /phyag rgya mo tshogs mnyam ldan pa'i/ /rdo rje bdud rtsi bdag phyag 'tshal/ /ston gyi nam mkha' dang 'dra ba/ /da ro bung ba sgra sgrogs ltar/ /bskal par bzhugs pa skal bzang ba/ /rdo rje bdud rtsi bdag phyag 'tshal/ /thams cad mkhyen pa thams cad mdzes/ /yang dag dbang po lam gyis ni| |rdo rje bdud rtsi bdag phyag 'tshal/ /ma lus pa yi khams gsum la/ /rdo rje bdud rtsi dpe med bas/ /nyi shu rtsa bzhi rigs chen mo/ /shin tu chags pas dga' byed </font><hr>272b<br><font size=+1>


ba| |sen mo rjes dang bcas ba'i sku/ /rdo rje bdud rtsi bdag phyag 'tshal/ /up+tal sngon po'i 'dab ma lta bur phyag sngo ba/ /sangs rgya sde bzhin gshegs pa rdo rje khyod kyis bdag dang ni/ /shin tu dga' ba'i rjes su chags pas longs spyod cig /khams gsum la ni bsgrub par bya ba'i don gyi phyir/ /khyod ni skyon med dam pa'i stong pa las/ / yig 'brus rdo rjes gyur pa'i mgon po khyod/ /rgyu dang mi rgyu gang gis khyod mthong nas/ /de dag 'khor ba ru ni ga la 'gro/ /de ltar dbyangs ni blangs nas su/ /rdo rje gar ni rnam par byed/ /rked pa dang ni rkang pa dang / /dpung pa dang ni mgo bo'i gar/ /gar gyi gzhung gi mtshan nyid do/ /rjes thabs rjes su rim pa dang / /bstod pa dang ni 'gying bag ste| |rgyas dang 'dud dang gsal po ru/ /rgyas pa dang ni smin bskyod gar/ /lag pa'i phyag rgya sbyor ba yis/ /stabs brgyad kyis ni gar byed bya/ /rgyas pa'i pad+ma mA ma kI/ /gar byas nas ni lha mo des/ /rdo rje \?\ gis rdo rje ni/ /rdo rje be con 'o btab byed/ /de nas bcom ldan rdo rjes kyang / /'o btab mA ma kI pad+mar/ /ston cig lha mo pad+ma ni/ /de la mchod pa brtsam par bya/ /bzhugs shig mi g.yo bar rig mo/ /bdud rtsi bsam gtan brtsam par bgyi/ /de bzhin nyid mchog brtsam pa ni/ /bdud rtsi thig le'i gzugs </font><hr>273a<br><font size=+1>


@#/ /can te/ /mkha' yi dbus su zla ba 'dra/ /stong pa de nyid ched du brjod/ /'jigs med zad med phra mo ni/ /rdo rje sems dpa' 'joms byed pa/ /lte ba'i dbus su gnas lha mo/ /snying po gsang ba'i spyod yul la/ /khu ba'i gzugs kyis zags nas su/ /b+ha ga ling ga'i dkyil du gnas/ /'di ni srog chags rnams kyi srog /rnam par shes pa'i phung po brten/ /sangs rgyas de bzhin rdo rje 'dzin/ /tshangs pa khyab 'jug dbang phyug che/ /sa dang chu dang de bzhin me/ /rlung dang nam mkha' kho na yang / /g.yo dang mi g.yo sna tshogs pa'i/ /khams gsum la ni ma lus par/ /de ni bdag gis rtag tu bsam/ /de las bskyed de bdag dang khyod/ /tshangs pa lha dbang khyab 'jug sogs/ /byang chub sems dpa' de bzhin gshegs/ /shes bya shes pa'i bdag nyid gtso/ /de nyid dam pa de bsam mo/ /skye ba dang ni shi ba dang / /thams cad de la 'dus pa yin/ /skyed pa byed pa po de gcig /rang bdag gyur pa lhan cig pa/ /thams cad mkhyen pa kun nas kun/ /zhi nas zhi ba khyab pa po| |ci phyir khang pa de bkang bas/ /de bas skyes bur bshad pa yin/ /lus la gnas phyir lus can te/ /shed byed phyir na shes par 'dod/ /bdag la bdag gis </font><hr>273b<br><font size=+1>


rig pa'i lha/ /de phyir lha zhes 'dod pa yin/ /'jug las khyab 'jug ces gsungs te/ /ngag gis rdo rje 'dzin du 'gyur/ /ston du med pa gsang ba 'di/ /nan tan du ni gsang bar bya/ /skyon can min dang g.yon can min/ /dam tshig la ni mi sdang ba/ /chad par lta ba med pa la/ /bla ma la chags 'dul ba can/ /phrag dog chags pa spong byed pa/ / dkyil 'khor la ni zhugs pa dang / /rdo rje bstan pa'i slob ma dag /de la rgyas pa'i bstan pa 'di/ /de bzhin nyid mchog bshad par bya/ /slob dpon rig ma dang ldan nas| |de la dbang bskur sbyin par bya/ /rdo rje bdud rtsi bde chen po/ /bcom ldan rdo rjes de gsungs so/ /de bzhin gshegs pa thams cad kyi sku dang / /gsung dang / thugs kyi rdo rje can rdo rje bdud rtsi bde ba chen po'i rdo rje bdud rtsi rgyud chen po las/ dbyangs dang / gar dang / dbang bskur ba dang / de bzhin nyid cher dmigs pa dag bstan pa zhes bya ba le'u bdun pa'o// //de nas lha mo yang langs nas/ /bzhad nas 'di dag zhu ba ste/ /bcom ldan 'di la the tshom zos/ /dam pa'i ngo mtshar bdag bskyed de/ /zhi gzugs rdo rje can de las/ /khro bo'i gzugs ni ci ltar 'gyur/ /de nas bcom ldan rdo rje can/ /rdo rje bdud rtsi bde chen pos/ /rdo rje pad+ma </font><hr>274a<br><font size=+1>


@#/ /mnyam sbyor te/ /khro bo'i gzugs ni rnam par phyung / /'bar ba'i phreng 'khrugs drag po can/ /'jigs byed la yang 'jigs par byed/ /zhal bzhi la ni phyag brgyad de/ /thod pa'i dbu rgyan 'jigs par brgyan/ /kha T+wAM ga dang mgo bsnams te/ /thod pa dang ni khrag dga' ba/ /gtum po rgyu ma'i phreng 'khrugs ba| |rig ma brgyad kyis yongs su bskor/ /dur khrod chen po bzhir bzhugs pa/ /phaT yig sngags kyi nga ro can/ /'byung po ro langs tshogs pa dang / /dur khrod la ni rol mdzad pas/ /de 'og dbang dang bcas pa'i lha/ /tshangs pa khyab 'jug dbang phyug che/ /bza' byed rdo rje can chen mo/ /dpal ldan khrag 'thung gzugs ni phyung / /dang po'i rig ma 'jigs can ma/ /mi sdug gdol pa sme sha can/ /ser mo rigs can drag mo dang / /'jigs par byed ma brgyad du 'dod/ /sngags 'di dag ni bzla byas te/ / gar yang byed nas dbyangs blang ngo / /'jigs byed chen po mche ba gtsigs/ /rgyu ma phreng gi rgyan skud brgyan/ /sha chen dag ni gsol byed pa/ /dpal ldan khrag 'thung bdag phyag 'tshal/ /sgrub pa po rnams phan byed phyir/ /bzlas pa'i sngags ni bshad par bya/ /gsum pa yi ni gsum pa la/ /bdun pa yi ni bzhi pa sbyor/ /bdun pa </font><hr>274b<br><font size=+1>


yi yang gsum pa ste/ /gnyis kyi tshig ni gnyis su sbyor/ /kun la de bzhin nyid ldan te/ /yi ge phyed kyis rnam par brgyan/ /drug pa'i bzhi pa phyung byas te/ /bdun pa'i dngos pos gdan du bya/ /bcu gsum pa yis steng gnon pa'i/ /swAhA mthar bzhag sngags ni phyung / /dang po rnam par snang mdzad dbul/ /khrag 'thung rtsa ba'i sngags yin no| |sngags kyi rgyal po 'di nyid kyi/ /mthu chen nyon cig mA ma kI/ /lan cig tsam gyis sngags bzlas na/ /skad cig 'jig rten gsum 'jig go /khams gsum ma lus pa rnams kyang / /zos par byed par the tshom med/ /de yis 'dod pa thams cad sbyin/ /dpal ldan khrag 'thung mnyam 'gyur ro/ /rdo rje bdud rtsi bde chen po/ /bcom ldan rdo rjes gsungs so/ /de bzhin gshegs pa thams cad kyi sku dang / gsung dang / thugs kyi rdo rje can rdo rje bdud rtsi bde ba chen po'i rgyud las/ dpal ldan khrag 'thung bskyed pa bstan pa zhes bya ba le'u brgyad pa'o// //de nas bdud rtsi 'khyil pa yi/ /gzugs ni yang dag bshad par bya/ /zhal gsum pa la phyag drug ste/ / po nag po dud pa'i 'od/ /'od zer phreng ba 'khrugs pa dang / /tum mos spyan ni dmar po can/ /dmar ba'i smin ma ag tshoms 'bar/ /drag chen po ni zil gyis </font><hr>275a<br><font size=+1>


@#/ /gnon| |phyag na dgra sta bsnams brtson pa/ /gtun shing rdo rje zhags pa dang / /g.yon gyi phyag gi sdigs mdzub kyis/ /sdang ba thams cad bsdigs par byed/ /ral gri phyag mtshan bsgom par bya/ /rig ma brgyad dang mnyam ldan zhing / /sgo srung dang yang yang dag ldan/ /gsang ba'i pad+ma bsgom byas te/ /'dab mar rig ma brgyad ni bkod/ /bdud rtsi ma dang bdud rtsi zhal/ /bdud rtsi can dang bdud rtsi spyan/ /grangs med ma dang gzugs bzang ma/ /mdzes pa'i gzugs can bde grub ma/ /thams cad zhal gsum phyag drug ste/ /phyogs dang mtshams la dgod par bya/ /phyag gis pad+ma bsnams par brtson/ /de dag lha mo gar byed nas/ /sna tshogs gzugs rnams mchog sbyin ma/ /bzhad cing rol par mdzad byed do/ /sngags kyi rgyal po dbyung bar bya/ /rnam par snang mdzad yang 'bul nas/ /tshig 'di yis ni yongs su dgang / /dang po yi ni gnyis pa ste/ /stong pa nyid ni gdan ldan pa/ /stong pas steng nas gnon pa'i sngags/ /mtha' nas swAhA sbyor byed do/ /gtan du shin tu dga' 'byor nas/ /bdud rtsi bdud rtsi phyung nas su/ /bdud rtsi bdud rtsi sbyor ba yi/ /bdud rtsi 'khyil pa bsgrub par bya/ /don kun dngos grub thams cad kyang / / </font><hr>275b<br><font size=+1>


de yis myur bar bsgrub par 'gyur/ /pho 'am gal te mo dag gis/ /bdud rtsi 'khyil pa dran byed na/ /rgyu dang mi rgyu 'jig rten gsum/ /de yi phyag mthil la kun gnas/ / rdo rje bdud rtsi bde chen po/ /dus rtag par ni bsgom par bya/ /de bzhin gshegs pa thams cad kyi sku dang / gsung dang / thugs kyi rdo rje can rdo rje bdud rtsi bde ba chen po'i rdo rje bdud rtsi rgyud chen po las/ dpal bdud rtsi 'khyil pa 'byung ba zhes bya ba le'u dgu pa'o// //de nas ro langs chen po yis/ /sgrub pa gzhan yang bshad par bya/ /nag po'i tshes brgyad bcu bzhi la/ /ling+ga gcig dang lam mdo dang / /shing gcig dang ni dur khrod dang / /ri dang chu 'gram de rnams la/ /las thams cad ni bsgrub bya ste/ /de bzhin ro langs slong ba ni/ /'gags nas shi ba mo rnams ni/ /mtshan thams cad ni kun rdzogs pa/ /gdol pa ma dang sme sha can/ /khyim tshos ma rnams de dag ni/ /mdzes pa bzang ba rma med pa/ /sum cu rtsa gnyis bsngags pa ste/ /lo ni nyi shu rtsa lnga bskyed/ /bud med ro yi skra bzung ste/ /gtsang ba'i chu yis bkru bar bya/ /sngags dang sman gyi rdo leb la/ /ga bur tsan+dan dmar po yis/ /de la byug par bya byas te/ /sna tshogs me tog spos rnams kyis/ /mchod cing gtor ma </font><hr>276a<br><font size=+1>


@#/ /dbul bar bya/ /mar khu chen pos bskus nas su/ /yungs kar do la brdeg bar bya/ /khrag 'thung zhes bya sgrub pa pos/ /de la dkyil 'khor yang bri ste| |thod pa zhes bya zla gam mam/ /gzhu yi tshul gyis bkang bar bya/ /thod pas nye bar rgyan byed cing / /rig ma brgyad dang ldan par bya/ /sha yi khams can thod pa dbang / / kha T+wAM thams cad kyis 'dzin te/ /zhal gsum pa la drag po'i gzugs/ /phyag drug ral gri phyag na 'dzin/ /dkyil 'khor de yi phyi rol du/ /sgo srung ma ni rab tu brtags/ / glang rna dang ni glang chen rna/ /zhal mdzes de bzhin zhal gdug ma/ /drag mo zhags pa lcags kyu 'dzin/ /mi sdug 'jig pas 'jig byed rnams/ /zhal gcig pa la phyag gnyis pa/ /me tog mchod pa yang dag bri/ /rnam pa sna tshogs rig ma yang / /dkyil 'khor la ni mchod pa bri/ /de nas dpa' bo sgrub pa pos/ /dung chen gyis ni brgyan byas pa/ /thod pa'i phreng thod bcings pa yi/ /khrag 'thung gzugs ni sgom byed pas/ /de la cang te'u brdungs nas su/ /gar byed cing ni khang par 'jug /de yi snying gar mnan pa'i sngags/ /b+h+yo yig de la bzla bya ste/ /lha yi dkyil 'khor mchod nas su/ /khrag chen gyis ni gtor bar bya/ /dpal ldan khrag 'thung sngags chen ni/ /sgrub pa </font><hr>276b<br><font size=+1>


pos ni bzlas ma thag /khro dang ldan pa'i ag btsar bya/ /ro langs kyis ni gang sgrogs byed/ /de tshe sngags pas mi 'jigs te/ /khrag 'thung sngags ni dran par bya/ /langs pa'i ro langs de yis yang / /sgrub pa po la 'di skad smras/ /dpa' chen po kye las gang yang / /bdag la bka' stsol rdo rje can/ /ral gri mig sman sa 'og dang / /mkha' la rgyu bar 'dod pa dag /sgrub pa pos ni gang 'dod pa/ /las de dag ni bsgrub par bgyi/ /de nas sgrub pa po la ni/ /yid la gang dang gang 'dod bslang / /de ltar thams cad bsgrub bya ba/ /rgyas pa'i pad+ma mA ma kI/ /ro langs/ sgrub pa'i mchog gyur pa/ /rdo rje bdud rtsi las byung yin/ /sku gsung thugs kyi bsgrub don du/ /sgrub pa po yi bde yang 'dren/ /rdo rje bdud rtsi bde chen po/ /bcom ldan rdo rje de gsungs so/ /de bzhin gshegs pa thams cad kyi sku dang / /gsung dang / thugs kyi rdo rje can rdo rje bdud rtsi bde ba chen po'i rdo rje bdud rtsi rgyud chen po las/ ro langs sgrub pa bstan pa zhes bya ba le'u bcu pa'o// //de nas bcom ldan rdo rje can/ /rdo rje bdud rtsi bde chen pos/ /rdo rje pad+ma mnyam sbyor te/ /cang mi gsung bar cher bzhugs so/ /dbugs dgag phyir nas mi g.yo nas/ /mi 'jigs pa dang mi gsung bar/ /ting 'dzin </font><hr>277a<br><font size=+1>


@#/ /mchog la bzhugs pa la/ /mA ma kis ni yang zhus te/ /bcom ldan rdo rje phra mo ni/ /sems can kun gyi yid la gnas/ /ci ltar rnam pa gang gis ni/ /de bzhin nyid de thob par bgyi/ /de nas bcom ldan rdo rje can/ /rdo rje bdud rtsi bde chen pos/ /bzhad pa mdzad nas gsung 'di ni/ /spyan yang phye nas bka' stsal pa/ /de nyid sngon bzhin bshad pa ste/ /bdud rtsi gzugs ni khu ba yin/ /bdud rtsi lnga dang ldan byas te/ /rtag par rgyun du myang bar bya/ /rdzas ni re re'i mthu dag ni/ / bshad pa nyon cig mA ma kI/ /ye shes zhes bya sgrub byed pa'i/ /khu ba dwangs par bza' bar bya/ /sku gsung thugs kyi bsgrub don du/ /khrag chen rab tu bsgrub bya ste/ / gang zhe bud med rnams kyi 'am/ /bu mo yi ni rtag tu blang / /khrag chen des ni mA ma kI /don ni thams cad byed pa po/ /drag shul shi ba rnyed na ni/ /sha chen po yang bza' bya ste// gsal shing btsugs dang 'gags pa'am/ /g.yul du bsad pa gang de ni/ /zab cing brtan pas za byed na/ /tshe dang nad med 'phel bar 'gyur/ /de bzhin 'dod pa'i bde pa dang / /sangs rgyas byang chub grub pa dang / /rdo rje sems dpa' bzhin du 'tsho/ /'dod kun 'bras bu des sbyin no/ /rdo rje chu dang bshang gci ni/ /rang gis bza' bar rig par </font><hr>277b<br><font size=+1>


bya| |phye ma zhi ba mor byas pa la/ /khrag chen gyis ni bsre bar bya/ /snga dro de bzhin nyin phyed dang / /phyi dro la ni bza' bar bya/ /dus gsum zos nas rnal 'byor pas/ /de nas rdo rje chu ni btung / /nyin dang nyin du mA ma kI/ /sgrub pa po gang sgrub byed pa/ /lus la nad ni med 'gyur zhing / /rgas pa'i nad kyang med par byed/ /skal bzang rgyas pa'i mdangs ldan pa/ /rgyal ba'i sgor yang rgyal bar 'dren/ /des ni 'dod pa kun sbyin pas/ /mchog rab de nyid thob pa yin/ /rnal 'byor de yang kun shes te/ /rdo rje sems dpa'i yon tan ldan/ /'dod chags zhe sdang las grol nas/ /brkam pa phrag dog rnam spangs nas/ /rdo rje bdud rtsi bde chen po/ /de yis sgrub pa 'grub pa'o/ /rdo rje bdud rtsi rgyud 'di ni/ /don mang gsang ba'i rim pa can/ /ma lus rdo rje theg pa 'di/ /'di las byung gyur lha mo kye/ /rgyas pa'i pad+ma mA ma kIs/ /'dod chags kyis ni bde 'gyur bas/ /khyod la dam pa'i dngos ston na| |bdag gis gang la yang mi ston/ /'di ni gsang chen dam pa yin/ /yi dwags kun gyi bdag la gnas/ /byang chub sems dpa' ma shes te/ /gzugs med stong pa mi 'gyur pas/ /de na de nyid rig chen po/ /rdo rje spyi gtsug nor bur 'dod/ /shin tu gsang nas gzugs lha mo/ /pha dang bu la'ang bstan mi bya/ /gal te dngos grub mchog 'dod </font><hr>278a<br><font size=+1>


@#/ /na| |gdan du gsang ba bstan pa dang / /bla ma la brtul \?\zhugs bstan/ /de la sbyin nas de nyid bstan/ /rdo rje bdud rtsi rgyud 'di ni/ /bde 'gru ba shin tu thob dga' ba/ /yang dag rdzogs pas bskal bzang zhi/ /snying po ye shes 'dus pa yin/ /rdo rje bdud rtsi rgyud chen las/ /sgrub pa po gang dbang bskur ba/ / sangs rgyas byang chub sems rnams kyi/ /de la kun gyis phyag byed de/ /phyag ni lan gsum byas nas su/ /rdo rje slob dpon skal bzang mchog /de nyid sems can thams cad gyi/ /'khor ba las 'dren gtso zhes gsungs/ /rdo rje bdud rtsi bde chen po/ /bcom ldan rdo rjes de gsungs so/ /rdo rje bdud rtsi rgyud chen po/ /ston pas dga' ma la bstan nas/ /phra mo'i gzugs su rdo rje can/ /de nas b+ha gar bzhugs so/ /de bzhin gshegs pa thams cad kyi sku dang / gsung dang / thugs kyi rdo rje can rdo rje bdud rtsi bde ba chen po'i rgyud las bdud rtsi lnga sgrub pa'i thabs bstan pa zhes bya ba'i le'u ste bcu gcig pa rdzogs so// //rdo rje bdud rtsi'i rgyud lo tsA ba gyi jo zla ba'i 'od zer gyis bsgyur cing zhus ta gtan la phab pa'o// </font><hr>

</table>