/rgya gar skad du/ kro d+ha rA dza sarba man+t+ra gu h+ya tan+t+ra nA ma/ bod skad du/ khro bo'i rgyal po thams cad gsang sngags gsang ba'i rgyud ces bya ba/ khro bo mi 258a @#/ /g.yo mgon po la phyag 'tshal lo/ /de nas yang dag bshad bya ba/ /khams gsum zhes sdang can gzigs nas/ /zhe ldang thams cad zad pa'i phyir/ / bcom ldan thugs rje'i rang bzhin can/ /zhe sdang mi g.yo mgon por mdzad/ /ngo bo nyid kyis dag pa'i bdag/ /sngags dang phyag rgya ting 'dzin dang / /rnam dag bsam gtan 'phrin las rnams/ /bcom ldan rdo rje 'chang chen gyis/ /dur khrod 'bar pa 'khrugs pa'i sar/ /'dzin pas btud de nges zhus la/ /kye kye yang dag khro chen gtso/ /ma lus rnam dag la gnas phyir/ /mgon po mi g.yo'i gsang rgyud las/ /sems dpa' chen po'i ting 'dzin gang / /ngo mtshar thar pa nges par gsol// de nas yang dag ye gsungs pa/ /dpa' bo dur khrod gnas pas legs/ /rus pa'i rgyan nges phyag rgya drug /gnas pa'i tshogs kyi bdag nyid de/ /rgyu bzhi tshad med bzhi ru gnas/ /ye shes rtog pa'i rtog pa'o/ /rgyun ma chad pa'i dam pa yis/ /nyi zla shes rab thabs kyi gdan/ /sku gsung thugs kyi ngo bor gnas// gyur pa'i mtshan ldan ye shes lnga/ /phyag rgya drug mdzes byin brlabs nas/ /dur khrod ma ni 'khyud pa'o/ /phung po la sogs thub par gnas/ /pad+ma rdo rje byin gyis 258b brlabs/ /srung ba'i sbyor ba med pa dang / /mtshan ma bral dang 'dus ma byas/ /byed pa rnams med rtog pas 'das/ /sku ni dug 'joms gang pa'i tshul/ /rdo rje zhags pa bsdi gnas pa/ /g.yon brkyang gnas pa spyan rtsa dmar/ /pad+ma gri gug shes rab tshul/ /g.yon 'khyud tshim byed rgyan bral ba'i/ /thabs dang shes rab ma chags dang / /tha ma byis za mnan te gnas/ /'bar ba'i dkyil 'khor dbus sa'o/ /hUM la rgya gra ma rdo rje gnas/ /e las chos 'byung grub pa mo/ /mtshon cha ra ba dra bas so/ /rten pa phyag rgya lha lnga gnas/ /mos pa rnams par dag pa'i le'u ste dang po'o// //de nas yang dag bshad bya/ /gnyis med 'gyur ba'i gsang ba ni/ /'khor lo mi bskyod ye shes mgrin pa phreng ba'i rin chen 'byung / /rna cha gzugs kyis 'od dpag med/ /rus pa'i rna rgyan don yod grub/ /thal ba snang mdzad rnam dag go/ /mig la 'dod chags rdo rje ma/ /rnam zhes sdang ma zhes grags/ /sna ni ser sna'i rnam par bor/ /lce la phrag dog rdo rje ma/ /lus la rdo rje gti mgu go/ /yid la chos kyi dbang phyag ste/ /dkyil 'khro lus nyid rnam dag pa/ /rtsa ni thig gi rang bzhin te/ /ka ba brgyad ni rkang brgyad do/ /bdud rtsi rnam lda tshon sna lnga/ /g.yas g.yon steng 'og sgo nyid de/ /so sen ba spu twa ra na/ /snying gi dbus kyi 259a @#/ /lte ba nyid/ /phung po lnga yi gtso mo ste/ /khams dang skye mched lha mor grags/ /'byung ba sgo ba bzhi nyid de/ /'dom gang gru bzhi lha ma pa ste/ /mi g.yo mgon po rnams par des/ /lus kyi rnam par dag pa'i le'u ste gnyis pa'o// //oM AR+Ya a tsa la mAR+Yar ya kro d+ha hUM phaT/ snying po'o/ /oM AR+Ya a tsa la kro d+ha bi ba ti sa hUM phaT/ nye ba'i snying po'o/ /oM tsaN+Da ma hA ri Sha Na hUM phaT/ gsang ba'i snying po'o/ /oM ha na ma hI/ swAhA/ bau Sha Ta he/ hUM h+'a ma ho/ phaT haM/ rgyan byin gyis brlab pa'o/ /oM pad+ma po larga mi yaM/ TaM haM maM byaM/ badz+ra pra ta ka ko la hUM phaT/ shes rab thabs kyi phyag rgya byin gyis brlab pa'o/ /ka sa mA ra kha na hi mA ra kha ni sa mA ra ya phaT/ pa cad pa'i 'o/ /sarba a margaM me a hUM/ thun mong grub pa'o/ /a gats+tsha phaT/ bskrad pa'i'o/ /swAhA/ ran+ta/ rgyas pa'i'o/ /d+ha ma gu ta hUM/ dbang gi'o/ /karma pu ta shAn+tiM ku ru hUM/ zhi ba'i'o/ /sngags kyi rnam par dag pa'i rtog pa'i dum bu las/ khro bo'i rgyal po thams cad kyi sngags gsang ba'i rgyud ces bya ba 'phags pa mi g.yo ba'i phags rnam par dag pa'i bu sde gsum pa'o// //de nas yang dag bshed bya ba/ /yab yum gnyis med sbyor ba las/ /khro bo'i tshogs rnams spros nas ni/ / 259b gtso mo thabs kyi yan lag bkang / /lag pa g.yas pa gshin rje gshed/ /g.yon pa gzhan gyis mi thub pa/ /rta mgrin kha la bsam par bya/ /rdo rje la ni bdud rtsi 'khyil/ /dpung pa g.yas par mi ga lo ba/ /g.yon par 'dod pa'i rgyal po 'o/ /pus mo g.yas par bsam pa ni/ /dbyig pa sngon po cher 'bar ba/ /pus mo g.yon par stobs po che/ /spyi bor gtsug tor 'khor los sgyur/ /gnod mdzes rgyal po bsam pa ni/ /rkang pa gnyis la dgod par bya/ /yang ni yab yum sbyor ba las/ /byang chub sems sprin 'du 'phro las/ /hUM tshogs khro bor spros nas ni/ /gtso mo shes rab yan lag dang / /lag g.yas rdo rje ro langs ma/ /g.yon na gzhan gyis mi thub mo/ /de yi khar ni khro gnyer ma| |gsang bar ral pa gcig ma 'o/ /gzhan yang dpung pa g.yas gnas par/ /de bzhin gshegs yum rdo rje ma/ /g.yon du sna tshogs rin chen gyi/ /phyag rgya dag ni bsgoms par bya/ /pus mo g.yes la gnas par yang / /sna tshogs pad+ma de bzhin gshegs/ /g.yon pa las ni sna tshogs las/ /spyi bor nam mkha'i rdo rje ma/ /rkang ba gnyis las yi ni/ /sa 'dzin lha mo gzhag par bya/ /thabs dang shes rab sbyar ba yis/ /byang chub sems sprin 'phro 'du las/ /gdod grub pa'i sangs rgyas rigs 260a @#/ /phung nas lus la dkyil 'khor bkod/ /de dag phan tshun sbyor ba las/ /rjes chags chen po'i sgra yis ni/ /bde gshegs tshogs rnams bskul bya ste/ /de dag la ni yang yang gzhug /oM sarba ta thA ta a nu rA ga Na badz+ra swA b+hA wa At+ma kony+haM/ chu las zla ba'i dkyil 'khor bzhin/ /gsal ba lha yi rang bzhin ni/ /kun kyang zhal gsum phyag drug ste/ /brjid pa'i khro bo gar dang bcas/ /yang na zhal gcig phyag gnyis par/ /rnal 'byor can gyis bstan par bsgom/ /dngos grub rab mchog thob par 'gyur/ /de phyir nan tan bskyed par bya/ /'phags pa mi g.yo ba'i rtog pa las/ lus kyi dkyil 'khor bkod pa'i rim pa'i le'u ste bzhi pa'o// // de nas phyi yi dkyil 'khor du/ /rigs kyi khro bo spro ba ni/ /thabs dang shes rab sbyor ba las/ /rnam par 'phrul par bshad par bya/ /rang sngags sa bon las byung ba'i/ /gti mug mi g.yo mngon po ni/ /zhal ni gang dang dkar dang dmar/ /'bar ba'i tshogs kyis rnam par 'khrigs/ /dbyig pa 'khor lo rdo rje rnams/ /phyag na ni bsnams par mdzad/ /thugs kar bsdigs mdzub zhags pa dang / /dril bu dgra sta g.yon pa ni/ /dbang po la sogs tshogs bcas dang / /mi bzad bgegs ni skrag par mdzad/ /pad 260b ma nyi ma mnan nas ni/ /shar gyi phyogs su bzhugs gyur pa/ /rnam snang dbu rgyan ldan pa'o/ /rang sngags sa bon las byung ba'i/ /ser sna'i mi g.yo mgon po ni/ /rin chen 'byung ldan dbu rgyan can/ /gser mdog zhal gsum phyag drug pa/ /spyan gsum gsus chen nor bus brgyan/ /ser dang gnag dang dmar ba'i zhal/ /mche ba gtsigs shing rnam par rgyu/ /'bar ba'i tshogs kyis rnam par 'khrigs/ /rdo rje dbyug pa rla gri ni/ /g.yas kyi phyag na bsnams par mdzad/ /snying gar sdigs mdzub zhags pa dang / /drul bu dgra sta g.yon pa na/ /g.yon brkyang pa yi gnas pa yis/ /mi bzad bgegs ni skrag mdzad pa/ /pad+ma nyi ma mnan nas ni/ /lho yi phyogs na bzhugs par gyur/ /rang sngags yi ge las byung ba'i/ /'dod chags mgon po mi g.yo ba/ /spyan gsum pad ma rA ga'i mdog /zhal ni dmar dang gnag dang dkar/ /zhal gdangs gsus khyim che ba dang / /'od dpag med pa'i cod pan can/ /dpa' bo g.yon brkyang ba yis gnas/ /'bar ba'i tshogs ni rnam par 'khrug/ /pad+ma ral gri gtun shing ni/ /g.yas kyi phyag na bsnams par mdzad/ /snyems dang bcas pas dril bu dang / /dgra sta zhags pa g.yon na bsnams/ /pad+ma nyi ma la gnas te/ /phyogs bcu dag tu gzigs nas ni/ /klu rnams 261a @#/ /skrag par mdzad nas su/ /nub kyi phyogs su bzhugs par gyur/ /rang sngags sa bon las byung ba'i/ /phrag dog mi g.yo mgon po ni/ /don yod rdo rje'i dbu rgyan can/ /sngo ljang ut+pal 'dab ma'i mdog /zhal ni sngo dang dmar dang dkar/ /zhal gdangs la ni rnam par 'gyur/ /gsus khyim che zhing spyan gsum pa/ /'bar ba'i 'od kyis rnam par brgyan/ /sna tshogs rdo rje 'khor lo dang / /gtun shing rnams ni g.yas pa na/ /sdigs mdzub \?\ zhags pas phyag mtshan cing / /dril bu dgra sta g.yon na bsnams/ /g.yon brkyang ba yis gnas pa yis/ /pad+ma nyi ma mnan nas ni/ /phyogs bcu dag tu gzigs nas ni/ /bgegs chen 'jigs pa bsal mdzad nas/ /byang gi phyogs su bzhugs par gyur/ /de ltar phyogs bcu'i bgegs kyi tshogs/ /mthar byed rab tu zad mdzad nas/ /sems can yongs su btul byas te/ /zhing rnams sangs rgyas tshogs kyis bkang / /'phags pa mi g.yo ba'i rtog pa las byung ba'i dkyil 'khor bkod pa'i le'u lnga pa rdzogs so// // |