H407

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H407</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H407&coll=lhasa">see text in Tibetan script</a></table>237b<br><font size=+1>


//rgya gar skad du/ AR+Ya a tsa la kalpa tan+t+ra rA dza/ bod skad du/ 'phags pa mi g.yo ba'i rtog pa'i rgyud kyi rgyal po/ dpal ngag gi dbang phyug rgyal po la phyag 'tshal lo/ /'di skad bdag gis thos pa dus gcig na| de nas yang de'i tshe bcom ldan 'das thub pa chen pos/ bdud thams cad zil gyis gnon pa rdo rje zhes bya ba'i ting nge 'dzin la snyoms par zhugs nas nyid kyi sku dang / gsung dang / thugs rdo rje las sngags kyi rgyal po 'di phyung ngo / /oM AHhUM/ de gsungs ma thag tu tshangs pa dang / /khyab 'jug dang / dbang phyug chen po dang / brgya byin dang / gzhon nu dang / b+h+riM gi ri ti dang / tshogs kyi bdag po dang / b+hai ba sa ta dang / dga' byed dbang phyug dang / nag po chen po dang / sring mo chen mo 'phrog byed ma dang // </font><hr>238a<br><font size=+1>


@#/ /nyi ma dang / zla ba dang / mig dmar dang / lhag pa dang / phur bu dang / spen pa dang / pa ba sangs dang / sgra gcan dang / rgyu skar nyi shu rtsa brgyad dang| gnod sbyin dang /srin po dang / chu lha dang / gshin rje dang / me lha dang / rlung gi lha dang / sa'i lha mo dang / dga' bo dang / nye dga' bo dang / 'jog po dang / mtha' yas dang / dung skyong dang / rigs ldan dang / pad+ma dang / pad+ma dang / pad+ma chen po dang / srin po'i bdag po lang+ga mgrin bcu dang / lha'i bu drug khril la sogs pas steng dang / sa bla dang| sa 'og pa thams cad skad cig de nyid la dpal 'byung ba'i mchod rten gyi spo de la 'khod do/ /de'i tshe 'jig rten gsum gyi bdud thams cad der lhags nas byang chub chen po'i bar du gcod par rtsom mo/ /de rnams kyi thal mo sbyar te mgrin gcig tu 'di skad ces gsol to/ /kyai/ bcom ldan 'das/ ston pa bde bar gshegs pa/ byang chub kyi bar du gcod pa'i bdud kyi rigs 'di rnams zhi ba dang / med par mdzad du gsol zhes pa dang / de nas bcom ldan 'das bdud thams cad las mchog tu rgyal ba zhes bya ba'i ting nge 'dzin la snyoms par zhugs nas gsang sngags 'di nyid sku dang / gsung dang / thugs rdo rje las phyung ngo / /hUM </font><hr>238b<br><font size=+1>


hUM hUM zhes brjod ma thag tu nyid kyi mdun du khro bo chen po mi g.yo ba sku mdog mthing nag tu 'dug pa/ zhal stong phrag stong ha har bzhad pa/ zhabs stong phrag stong brkyang bskum gyi tshul du bzhugs pa/ phyag stong phrag stong du gdug pa'i mtshon cha ral gri dang / ral gri kyog po dang / chu gri dang / gri gug dang / spu gri dang / kha T+'+waM ga dang / rtse gsum pa dang / rtse dgu pa dang / mdung dang / 'phen mdung dang / ldong mdung dang / mda' dang / mda' ste'u kha dang / mda' rtse lnga pa dang / mda' kha brag pa dang / rdo rje rtse gcig pa dang| rtse gsum pa dang / rtse dgu pa dang / rtse mo bcu gsum pa dang / sta re dang / dgra sta dang / sta leb dang / so sta dang / 'phen sta dang / bzhir sta dang / dbyug pa dang / tho ba dang| gtun shing dang / 'khor lo dang / phub dang / mgo bo dang / bing ti pa la dang / gzhu dang / gzhu mnyen dang / thod pa dang / thod tshal dang / gri zlum dang / gri rings dang / gri lcags kyo dang / zhags pa dang / rnga yab dang / ba dan dang / me'i phung po dang / chu'i skyogs dang / brag dang / thod pa khrag gis gang ba dang / phur pa dang / thod pa'i phreng ba dang / zhing dbyug dang / me ri dang / so'i phreng ba dang / dril bu dang / jeng dang / pi wang dang / gling bu dang / rdza rnga dang / pa Ta ha dang / rnga zlum dang / rked nyag dang / dung dang / bsil phreng dang / </font><hr>239a<br><font size=+1>


@#/ /lag pa dang / rkang pa dang / khab dang / gsil byed dang / nam mkha' lding dang / sbrul zhags la sogs pa'i mtshon cha du ma bzung nas phyag lhag ma rnams g.yas na ral gri phyar nas g.yon pa sdigs mdzub phyar bar mdzad do/ /zhal stong phrag stong la 'dzum pa dang / bzhad pa dang / ha ha zhes sgrogs pa dang / mche ba gtsigs pa dang / so 'dar ba dang / gyen du gdangs pa dang / khrag ldan pa dang / rngam pa dang / zhi bar yang mdzad do zhal gyi kha dog kyang tha dad do/ /dbu skra nag po dang / ser po dang / dmar po la sogs pa tha dad do/ /sku stod la glang po che'i ko ba gyon nas sku smad kyang stag gi pags pas dkris shing phyag dang / zhal dang / zhabs kyi bye brag gi rgyan yang tha dad do/ /rin po che du ma dang / rus pa'i phreng ba dang / sbrul gyi chun po dang / mi mgo'i phreng ba dang / mi'i pags pa dang / seng+ge'i pags pa dang / ma he'i pags pa la sogs pa tha dad do/ /zhal re re la spyan gsum dang / gnyis gnyis dang / re re'o/ /de nas bcom ldan 'das kyis khro bo chen po mi g.yo ba de la 'di skad du bka' bsgo'o/ /oM kye mi g.yo ba/ khro bo drag po/ 'jigs byed chen po/ gtum po chen po/ dpa' bo chen po/ bdud kyi tshogs thams cad song </font><hr>239b<br><font size=+1>


cig |chings shig /gtogs shig /rgyob shig /phrol cig /btubs shig /dril cig /phul cig /non cig /gzir cig /phug cig /tshos shig /sregs shig /phye mar gyis shig /med par gyis shig /khos shig /sdoms shig /zo zhig/ 'thungs shig /sdigs shig /hUM hUM hUM dza dza dza haM laM traM phaT/ ces gsungs pa dang / khro bo'i rgyal po de khros nas hUM zhes brjod pas zhal gsum phyag drug par byas te klu'i tshogs thams cad ma lus par zas te/ phaT ces brjod nas zhal bzhi phyag bzhi zhabs kyang bzhir byas nas lha ma yin thams cad med par byas so/ /zhal gcig phyag gnyis pa drang srong khros pa'i dbyibs ltar byas nas lha'i gdon thams cad pham par byas te tshogs kyi bdag po gdan du byas so/ /gzhon nu'i cha byad du byas nas pus mo g.yas pa'i lha'i bu'i bdud pham par byas so/ /g.yon pas la btsugs nas bi na ya ka med par byas so/ /de nas yang dag bshad bya ba/ /lha la sogs pa rnams sdang zhing / /khros nas gdug pa rnam 'jigs byed/ /sna tshogs rab mang sbyor mdzad ba'o/ /chos rnams gang gis cir ma mthong / /lus dang sems dang ngag rnams dag /kun rdzob stong pa rnam dag nas/ /mi gnas sna tshogs zung 'jug bde// </font><hr>240a<br><font size=+1>


@#/ /'phags pa mi g.yo ba'i rtog pa'i rgyud kyi rgyal po las/ sprul pa rnam par dag pa'i le'u ste dang po'o// //de nas yang dag bshad bya ba/ /bde bar gshegs rnams 'dus pa'i sku/ /sna tshogs lus can 'jigs pa'i gzugs/ /nam mkha' gang ba'i bsam gtan bya/ /skad cig bsam gtan mngon rdzogs shing / /skad cig yi ge rnam dgod byed/ /skad cig la ni gsang sngags 'don/ /'jigs gzugs skad cig sprul pa 'gyed/ /tshar gcod zil gyis gnon mdzad phyir/ /skad cig khros spyan nag po 'bar/ /mkha' la gzigs pas lha rnams skrag /sa la gzigs pas klu rnams skrag /rgyal ba sras dang bcas rnams dang / /bla ma la yang phyag 'tshal zhing / /rtag tu mchod de dga' chen bskyed/ /lus ngag yid kyi sdig bral gang / /dkon mchog gsum mchod bde don gnyer/ /sangs rgyas bzhugs shing chos gsungs pa'i/ /smon lam dag pa'i blo bskyed bya/ /byang chub sems kyang bskyed bya zhing / /dge ba'i phung po dus gsum du/ /gzhan gyi don du bsngo bar bya/ /byams zhing snying rje bsam par bya/ /dga' ba'i dge la yid kyis dmigs/ /nam mkha' che mtshungs blo yis ni/ /btang </font><hr>240b<br><font size=+1>


snyoms chen po bsgom par bya/ /de ltar dad ldan brtson 'grus can/ /g.yo sgyu bral zhing bla ma bkur/ /snying brtsa le lo med pa yi/ /srid pa'i sred pa spong byed pa/ /dga' ba'i tshal lam ne'u gsing dang / /phug gam lha khang stong pa'am/ /shing drung nags dgon ljon rnams su/ /bde ba'i yid kyis gnas par byed/ /de nas bcom ldan 'das thub pa chen po yongs su rdzogs pa thams cad mkhyen pa zhes bya ba'i ting nge 'dzin la snyoms par zhugs nas rig pa 'di nyid kyi sku dang / gsung dang / thugs rdo rje las phyung ngo / /nam mkha' dbyings kyi dbus gnas par/ /hUM gi yi ge las skyes pa/ /mi g.yo mgon po rgyal po'i skur/ /rnal 'byor dag pa'i lus bsgom bya/ /zhal gcig phyag gnyis brjid pa'i sku/ /lha dang lha min bdud tshogs rnams/ /shin tu skrag par mdzad pa'i phyir/ /g.yas kyis ral gri mkha' la phyar/ /g.yon pa sdigs mdzub zhags pa 'dzin// pad ma nyi ma'i gdan la ni/ /tshogs kyi bdag po'i steng gnas pa/ /g.yon brkyang gar bzhugs stag sham can/ /phuH sgrogs klu chen brgyad kyis brgyan/ /dmar ser gyen sla sbyar rtsa dmar/ /spyan zlum khro tshul mche ba gtsigs/ /tshongs pa lha dbang khyab 'jug dang / /dbang phyug chen sogs lha rnams dang / /lha ma yin rnams skrag par </font><hr>241a<br><font size=+1>


@#/ /byed| |bskal pa'i me 'od 'bar dbus na/ /khro bo du ma'i tshogs dang bcas/ /brtan g.yo khams gsum ma lus rnams/ /rang gi sprul par shes byas nas/ /de ltar gus bcas yun ring du/ /rgyun mi 'chad par gang bsgoms pas/ /las dang nyon mongs kyis bslad pa'i/ /tha mal pa yi rnam rtog ldog /bdag 'dod lha yi rnal 'byor la/ /shin tu yid brtan byed 'gyur na/ /ral gri la sogs grub brgyad kyi/ /snod du rnal 'byor ba de 'gyur/ /de nas bcom ldan 'das thub pa chen pos mi bzad pa rdo rje zhes bya ba'i ting nge 'dzin la snyoms par bzhugs nas rig pa 'di nyid kyi sku dang / gsung dang / thugs rdo rje las phyung ngo / /nam mkha' dbyings kyi dbus gnas bar/ /haM gi yi ge las skyes par/ /drag chen khro bo'i rgyal po ni/ /sngo nag zhal gsum phyag drug bsgom/ /ral gri chu gra sti re ni/ /g.yas kyi phyag na rim bzhin 'dzin/ /sdigs mdzub 'khor lo kha T+wAM ni/ /g.yon gyi phyag na rim bzhin 'dzin/ /spyan gsum khro gnyer gyen du bskyod/ /dbu skra sma ra gyen 'greng ser/ / rol pa'i klu yi rgyan gyis brgyan/ /thod pa'i phreng ba stag sham can/ /glang chen lpags bas stod g.yogs byas/ /rus pa'i rgyan gyis rab brgyan cing / /pad ma nyi ma'i </font><hr>241b<br><font size=+1>


gdan dbus na/ /g.yon brkyang g.yas bskum tshul du 'gying / /haM pheM nam mkha'i phyogs sgrogs pa/ /bskal pa'i me ltar gzi brjid che/ /'di ltar skad cig dran pa 'am// mi shes tsam gyis 'dod pa sgrub/ /de nas bcom ldan 'das thub pa chen po 'jig rten dbang phyug rnam par dag pa zhes bya ba'i ting nge 'dzin la snyoms par zhugs so/ /rig pa 'di nyid kyi sku dang /gsung dang / thugs rdo rje las phyung ngo / /nam mkha' dbyings kyi dbus gnas par/ /maM las skyes pa'i mi g.yo ba/ /'jigs byed chen po bsam par bya/ /yi dwags drod kyi steng na 'gying / /zhal bzhi phyag bzhi zhabs kyang bzhi/ /g.yas pa ral gri rdo rje 'dzin/ /g.yon pa sdigs mdzub thod khrag go /zhabs bzhi bdud bzhi'i steng na 'gying / /sna tshogs rus pa'i rgyan ldan zhing / /stag gi sham thabs rnam par brgyan/ /stod du na ra'i lpags pas brgyan/ /dmar ser gyen skra 'jigs tshul che/ /ha har bzhad cing rta skad 'tsher/ /khro bo du ma'i sprin spro zhing / /zhal rnams gdangs pas mche ba gtsigs/ /spyan bcu gnyis po rab tu bgrad/ /'jigs pa yang ni 'jigs par byed| |char sprin mdog 'dra me chen gzi/ /thabs chen 'dod pa'ang 'dis rdzogs byed/ /de nas yang bcom ldan 'das thub pa chen po mi 'gyur rdo rje zhes bya ba'i ting nge </font><hr>242a<br><font size=+1>


@#/ /'dzin la snyoms par zhugs nas rig pa 'di/ nyid kyi sku dang / gsung dang / thugs rdo rje las phyung ngo / /nam mkha'i dbyings kyi dbus gnas par/ / yi ge hUM las byung ba yi/ /mi g.yo mgon po gtum po che/ /bdud rnams skrag byed bsgom par bya/ /zhal gcig phyag gnyis 'jigs pa'i sku/ /pad dkar nyi ma'i steng dkyil na| |pus mo sa la btsugs nas bzhugs/ /phyag g.yas ral gri 'dzin pa ste/ /g.yon pa sdigs mdzub zhags pa 'dzin/ /spyan gnyis dmar la zlum pa ste/ /gzhon nu khros pa'i cha byad can/ /rin chen rgyan gyis rnam par brgyan/ /sbrul dkar po yis do shal byas/ /stag gi pags pa'i sham thabs can/ /sna tshogs khro bo rnam par 'phro/ /bskal pa'i me yi dbus na gnas/ /gang gis nyi ma zla ba yi/ /mdun du rnam par dran byed na/ /bdud rnams ma lus zad nas ni/ /bde ba chen po'i lus rnyed 'gyur/ /a ta sa yi me tog gi |'od ldan bcom ldan lha yis mchod/ /bdag gi snying ngam snying dkyil bsgom/ /myur du 'dod pa rdzogs par byed/ /de nas yang dag bshad bya ba/ /zhal gcig phyag gnyis du ba'i mdog /yang na sngon po bai DUr gzi/ /bdud rnams brlag par mdzad pa'o/ /g.yon brkyang g.yas bskum bzhugs pa 'am/ /yang na g.yon pa sa la btsugs/ / </font><hr>242b<br><font size=+1>


thabs tshul rin chen rgyan gyis brgyan/ /sdig pa thams cad zad byed pa/ /blo gros phung po rgyas par byed/ /de nas bcom ldan 'das thub pa chen po yongs su rgyas pa dpal gyi rdo rje zhes pa'i ting nge 'dzin la snyoms par zhugs nas rig pa 'di/ nyid kyi sku dang / gsung dang / thugs rdo rje las byung ngo / /dam tshig sems dpa' lta bu yi/ /ye shes sems dpa' snying gar bsgom| |'od ni cher 'bar drag po'i gzi/ /shes bya'i sgrib las rnam par rgyal/ /de yi thugs kar mtshan ma ste/ /sa bon rtag par dmigs pa ni/ /las kyi sgrib pa rnam dag rgyu// las kyi las rnams sgrub pa'i phyir/ /sa bon las ni 'od zer 'phros/ /ye shes sems dpa' bkug nas gzhug /des ni mi shes bag chags rnams/ /blo ldan blo la 'jog mi shes/ /de bzhin gshegs pa kun dmigs nas/ /sangs rgyas rnams kyis dbang bskur 'gyur/ /spyi bor rang gi rigs bsams nas/ /rigs kyi bdag pos dbu brgyan 'gyur/ /de ltar de la brtson chen bya/ /'dis ni rgyal rnams mnyes gyur nas/ /myur du rgyal ba nyid thob 'gyur/ /'phags pa mi g.yo ba'i rtog pa'i rgyud kyi rgyal po las/ lha 'byung ba'i le'u ste gnyis pa'o// //de nas yang dag bshad bya ba/ /dge byed ras ris bkra shis kyis/ /sdig pa'i dri ma rnams bsal nas/ /sgrub po rnams la </font><hr>243a<br><font size=+1>


@#/ /mchod ster byed/ /gtsang byed bram ze las rnyed dam/ /rgyal po 'am bu mo bzang gi ras/ /'jam zhing 'thas par brdungs byas te/ /'dod pa bzhin du bri bar bya/ /rams sam mig sman khu ba dang / /sman gsum me tog gnyis ldan pa'i/ /khu ba shing sbyin gsum sbyar gnas/ /gzhan yang sna tshogs tshon gyis bris/ /de las khro bo'i rgyal po mi g.yo ba ni zhal gcig phyag gnyis pa ste/ g.yas ral gri/ g.yon sdigs mdzub zhags pa dang 'brel ba/ klus brgyan pa/ pad+ma dang / nyi ma dang| tshogs kyi bdag po'i steng na g.yon brkyang bas 'gying zhing bskal pa'i me'i nang na khro bo du ma'i tshogs 'phro ba bri'o/ /lha'i dbang phyug mi g.yo mgon po ni zhal gsum phyag drug pa zhal g.yas dkar ba/ g.yon dmar ba/ zhal re re spyan gsum gsum dang ldan pa'o/ /skra ser po gyen du brdzes ba/ phyag g.yas gsum na ral gri dang / chu gri dang / sta re bsnams pa/ g.yon gsum na sdigs mdzub dang / 'khor lo dang / kha T+wAM ga 'dzin pa/ klus brgyan cing thod pa'i do shal can/ stag gi sham thabs dang / glang po che'i stod g.yogs dang / /thod pa lnga'i dbu rgyan can/ /rus pas brgyan cing pad+ma dang / nyi ma'i steng na g.yon brkyang zhing g.yas bskum pa'i tshul </font><hr>243b<br><font size=+1>


gyis 'gying ba/ bskal pa'i me'i gzi mdangs kyi nang nas khro bo bcu 'phro ba bri'o/ /lha min rgyal po mi g.yo ba ni zhal bzhi re re la 'ang spyan gsum gsum dang ldan pa/ phyag bzhi'i g.yas gnyis na ral gri dang / rdo rje/ g.yon gnyis na sdigs mdzub dang / thod khrag can/ /stod la mi'i pags pa gyon zhing / stag gi sham thabs can/ rus pa dang / klus yan lag brgyan pa/ bskal pa'i me 'bar zhing khro bo'i tshogs kyi sprin du ma 'phro ba/ pad+ma la zhabs bzhis bdud bzhi mnan cing / /skra ser po gyen du brdzes pa bri'o/ /bdud thams cad 'dul ba'i mi g.yo ba ni gtum po zhal gcig phyag gnyis ral gri dang / zhags pas 'brel ba/ skra nag po'am/ ser po gyen du brdzes pa/ rin po che'i cod pan dang / do shal dang| yan lag thams cad brgyan cing stag gi sham thabs can/ sbrul dkar pos se ral khar thogs pa/ bskal pa'i tshogs kyi me 'bar ba'i nang na khro bo du ma 'khrug cing pad+ma dang| nyi ma la pus mo g.yas pa 'thab stangs kyi tshul du bzhugs pa 'am/ yang na g.yon pa gshed po'i tshul du btsugs shing lhag ma nam mkha' la 'greng zhing bteg pa bri 'o// gang yang rang 'dod pa zhig de ltar bris nas de'i mdun du rang nyid kyi 'dra 'bag tshon sna tshogs kyis bris la/ ri mo mkhan la go ba legs par bskyed nas/ mdzes pa g.yon du </font><hr>244a<br><font size=+1>


@#/ /phul nas bkra shis brjod nas/ rang gi gnas kyi dben pa'i phyogs su bzhugs pa mngon sum du mi g.yo bar bsgrubs te/ me tog la sogs pas legs par mchod nas/ ye shes kyi khro bo'i rgyal po 'ang de nyid la bstim par bya'o/ /gang yang dngos grub 'dod pas spos dang / me tog dang / sgron ma dang / zhal zas dang / gos la sogs pas rgyun du mchod na sangs rgyas thams cad kyi gsang sngags 'grub pa la gdon mi za'o/ /'dir skye bo 'ga' ni dman pa ste/ skur pa 'debs na shin tu yang lhung bar 'gyur ba'i phyir sku dben pa'i sa phyogs su sba bar bya'o/ /zhi rgyas dbang dang bsad pa 'am/ /ral gri la sogs brgyad rnams dang| |mchog gi sangs rgyas thams cad ni/ /rgyal ba'i gzugs brnyan las rnyed 'gyur/ /'phags pa mi g.yo ba'i rtog pa'i rgyal po las/ bris sku'i le'u ste gsum pa'o// //de nas yang dag bshad bya ba/ /gsang ba rnam par dag byed cing / /dngos grub myur phyir gsang sngags rnams/ /rim pa dbye ba ngo mtshar nyon/ /bcu bzhi'i dbyangs las yum gyis brgyan/ /gsal byed gnyis pa'i dang po la/ /gsum pa'i lnga pas nye bar brgyan/ /gsum pa'i gsum pa der </font><hr>244b<br><font size=+1>


bzhag go /lnga pa'i lnga pa brgyad pa la/ /dbyangs kyi gnyis pas mdzes par byas/ /me dang dbyangs bcu gsum par 'brel/ /drod gnyis pa dang drag mtha' 'brel/ /sum cu gsum dang dbyangs drug 'brel/ /nyi shu rtsa lnga pas brgyan no/ /nyi shu gnyis dang bcu gcig 'brel/ /de la nyi zlas rnam brgyan pa 'o/ /gsang sngags rgyal po yi ge bcu/ / stong khri 'bum mam bye ba bcu/ /sa ya bzlas kyang lha mthong 'gyur/ /snying po sdig bral dga' ba ste/ /phyogs bcu'i sangs rgyas kun gyis bsngags/ /sdug bsngal zad byed bde ba che| |sgrub pa rnams la skyed byed pa'i/ /gsang sngags drag po dran byed na/ /'jig rten 'dir yang tshe ring 'gyur/ /sangs rgyas 'gyur ro gzhan ci smos/ /oM swa b+hA ba shud+d+haH sarba d+harmAH swa d+hA ba shud+d+honyahaM/ gzung ba dag pa ye shes kyi sngags so/ /oM shU n+ya tA dz+nyA na badz+ra swa b+hA wa At+ma konyahaM/ 'dzin pa'i sems dag pa ye shes kyi sngags so/ /oM badz+ra shud+d+hAH sarba d+harmA badz+ra shud+d+ho nyahaM/ sku brten pa rdo rje ye shes kyi sngags so/ /oM kA ya bA k+tsit+ta badz+ra swa b+hA wa At+ma konyahaM/ sku gsung thugs kyi ye shes kyi sngags so/ /oM a tsa la te dza badz+ra puSh+pe/ /d+hU pa/ dI pa/ gan+d+he/ nai wi d+ye/ sa pa ri wA re b+h+yaH dzaH hUM baM hoH san+ti patA sarba satwA nA/ i maM ba liM gr-i h+Na kha kha khA hi khA hi b+hak+Sha b+hak+Sha ni hUM phaT/ mchod pa dang / gtor ma'i </font><hr>245a<br><font size=+1>


@#/ /sngags so/ /zho dang 'o ma 'bras chan dang / sA lu dkar dang til dkar dang / gro dang nas dang bra bo dang / shing tog la sogs rtag par mchod/ /oM tsaN+De mahA ro Sha Na hUM maN+Dal ma d+he A gats+tsha dza ya sa ma ya staM/ spyan drang ba'i sngags so/ /oM tsaN+Da mahA ro Sha Na ma ma sha truM a mu kaM s+ya sha rI raM kI la ya hUM phaT/ ka ti mu ta stam+b+ha ya/ hr-i de kI la ya hUM phaT/ pa de kI la swAhA/ phur bu gdab pa'i sngags so/ /na maH sa man+ta kA ya bAk+tsi t+ta badz+rA NAM/ oM a tsa la kA ma ka na tsaN+Da mahA ro Sha Na s+pho Ta ya hUM trAM maM haM/ las la bskul ba'i sngags so/ /na maH sa man+ta kA ya bAk+tsit+ta/ badz+ra NAM/ oM a tsa la kA natsaN+Da ta na ta na maT+Ta maT+Ta/ mo Ta mo Ta/ taT+Ta taT+Ta/ ha na ha na/ da ha da ha/ tiSh+Tha tiSh+Tha/ A be sha ya A be sha ya/ ma hA man+t+ra b+ha la ka /d+hu na d+hu na/ ti ni ti ni/ khA da khA da/ big+h+na na/ mA ra mA ra/ duSh+Ta na duSh+Ta na/ rak+Sha hAM/ sar+b+ba na/ ku ru ku ru/ ki ri ki ri/ mahA big+hA badz+ra/ s+pho Ta ya s+pho Ta ya/ hUM hUM hUM/ tri pa ling+ta raM ga na rak+ta/ oM oM oM/ hUM hUM hUM/ a tsa le te dza/ s+pho Ta ya s+pho Ta ya/ hUM hUM/ a man+ti ka kro d+ha ma hA ba la/ shro trA ya/ ma nA ya/ man+t+ra hAM maM/ shud+d+ha tu mok+Sha/ du bya du/ badz+ra nA ma tAM a pra ti hA te b+h+yaH dzA lA ya trA ya/ a sa ha na/ mahA swAhA/ las thams cad kyi rjes su 'gro ba'i </font><hr>245b<br><font size=+1>


sngags so/ /na maH sa man+ta kA ya bAk+tsi t+ta badz+ra NAM/ oM tra tra a mo g+ha/ tsaN+Da mahA ro Sha Na/ s+pho Ta ya hUM phaT/ tra mA ya tra mA ya hUM tra ta haM maM/ oM ba liM ta te dzo mA li ni swAhA/ cho ga thams cad rjes su 'gro ba'i sngags so/ /na maH sa ma n+ta kA ya bAk+tsi t+ta badz+ra NaM/ oM a mo g+ha/ e h+ye hi/ A pra ti ha te me e h+ye hi a tsa la wa te dza/ a nan+ta ka na/ tiSh+Tha tiSh+Tha/ tsu ru tsu ru/ ta Ti ta Ti/ ta Ta ta Ta/ bi g+h+naM/ g+hA ta ya/ mA ra ya/ khA da ya/ s+pho Ta ya/ tra ta ta staM/ tsa me na/ a nu ban d+ha/ A dz+nyA ku ru/ a sa ha da/ a na a gra/ ka Ta ka Ta/ ma Ta ma Ta/ haM haM/ a Ti b+ha la/ e h+ye hi mahA ka ru Na/ bi Sha Na/ nan+ta/ nan+ta/ A be sha ya/ A be sha ya/ a tsa la te dza/ sarba tra a nut+ta re ki tsa ta/ ta Ta ta Ta/ d+harma d+harma/ phaT phaT haM/ 'di ni srung ba dam pa'i sngags so/ /khro bo'i rgyal po mi g.yo ba'i/ /gang gis gsang sngags rnams shes na/ /yi ge tsam gyis bdud brlag byed/ /mang du brjod na smos ci dgos/ / 'phags pa mi g.yo ba'i rtog pa'i rgyud kyi rgyal po las/ gsang sngags rnams 'byung ba'i le'u ste bzhi pa'o// //de nas yang dag bshad bya ba/ /gsang sngags grub pa las byung ba'i/ /las kyi sbyor ba'i dbye ba yis/ /'dod rnams shin tu 'grub byed de/ /bsam gtan rnam dag chos rnam dag /ye shes rnam dag sku </font><hr>246a<br><font size=+1>


@#/ /rnam dag /rang 'byung rnam dag don rnam dag /bya ba rnam dag byed pa dag /sgyu ma sgyu ma'i ye shes che/ /sgyu 'phrul lta bu'i 'khrul 'khor dang| |mig yor smig rgyu'i gzugs brnyan 'brel/ /sna tshogs chu bur bzhin g.yo ba'i/ /gang gis bdud las rgyal byed pa'i/ /yungs kar rgyal po bsgrub par bya| |rgyal gyi skar mar btsugs byas te/ /thod pa dkar po dri chus bra na/ /'di ni las rnams kun bya'i phyir/ /dus su srung zhing bskyed bya ste/ /dus su mchod dang gtor ma byas/ /bar chad kun las rnam rgyal yin/ /yang na gro ga 'am/ spra tshil la sbrul nag po'i gzugs byas nas gu gul tshil chen gyis bdug cing sngags drag tu brjod de/ gang 'dod pa'i lus la byabs nas khrus byas te rtswa ku sha'i chun pos 'og nas g.yug cing / nA ga rA dza sa ma ya dun+ti/ phu Ta phu Ta phaT ces brjod na gang la klu gnod pa de sos par byed do/ /yang na gong du bstan pa'i yungs kar dang / /gu gul gyis bdug cing sngags drag tu brjod na klu 'bros so/ /slar yang mi ldog go /'byung po la sogs pa'i gdon gyis zin pa la yungs kar bskyed pa la sngags mang du bzlas nas gtor na 'byer ro/ /byis pa gsar du btsas pa srung ba ni kham phor rdo rgyus kyis </font><hr>246b<br><font size=+1>


bris pa bcang ngo / /spra tshil gyi gzugs sor bzhi pa'i tshad du byas pa'i snying gar bsgrub bya'i ming dang bcas pa'i sngags bcug la kha la tsher ma btsugs na bsgrub bya'i kha la tsher ma btsugs par 'gyur ro/ /rkang pa la btsugs na rengs so/ /snying la btsugs na dran pa stor bar byed do/ /mi'i rje ngar gyi rus pa'i phur bu 'am/ lcags phur yan lag gang dang / gang la btab pa de zha ba 'am/ rengs par byed do/ /dur khrod kyi thal ba la lan mang du sngags nas dgra bo'i sgo 'og tu btab na 'byer ro/ /g.yul du zhugs nas ral gri la bsngags te bzung na rgyal lo/ /gang la'ang gtor ma'i bye brag gis 'grub nges so/ /dur khrod du phyin te snod thod pa la pad snal dkar po'i sdong bu dang / / tshil chen gyi mar me byas la tshes brgyad dam/ bcu bzhi la sbar ba'i du ba mig la byugs na gzhan gyis mthong na dga' bar 'gyur ro/ /gal te nyi ma 'am/ zla ba gzas bzung ba'i tshe/ mi g.yo mgon po'i sku kham pa la byas nas me tog shel pa li ka 'am/ daN+Tota pa las mchod cing sngags mtshan thog thag bzlas pas tshe lo stong \?\ bo/ /yang zla ba gzas bzung ba'i tshe dum bu drug pa'i thod par khrag sna tshogs blugs te/ maN+Dal nag po'i thog tu bzhag nas kha me long gis bcad de/ de'i </font><hr>247a<br><font size=+1>


@#/ /steng du kham pa las byas pa'i mi g.yo ba bzhag ste/ rang nyid gcer bu'i lus ma he'i rnam lngas byugs te/ mtshan thog thag bzlas na srid pa gsum mthong bar 'gyur ro/ /yang nyi ma zla ba gzas bzung ba'i tshe maN+Dal gru bzhi pa byas nas grwa bzhir ral gri btsugs la rang nyid gcer bu lus thams cad thal bas byugs te mtshan thog thag bzlas na srid pa gsum gsal bar 'gyur ro/ /gal te gter kha dbye bar 'dod pas mi g.yo mgon po'i sku kham pa las byas la/ sman drug la sogs pa dri zhim po thams cad dang lhan cig pa'i rin po che'i snod kha sbyar du bcug nas maN+Dal dkar po'i dbus su khri'u la bzhag nas/ dus gsum du mchod cing bskor ba brgya rtsa brgyad byas te gsol ba gtab cing a ka ru la sogs pa'i spos sreg cing bstod pa byas na zla ba gsum gyi rjes su gter rnyed nges so/ /gal te char 'bebs par 'dod na klu yod pa'i gnas su klu'i dkyil 'khor byas te sbra tshil lam/ bag zan la dga' bo la sogs pa'i gzugs byas te| kha dog tha dad par byas nas maN+Dal der bzhugs te dam tshig ba bskyed nas dbus su mi g.yo mgon po dang bcas pa la ye shes kyi lha bcug </font><hr>247b<br><font size=+1>


nas| ka ra dang / bu ram dang / sbrang dang / 'o ma la sogs pas mchod cing rtsa ba'i sngags 'brug ltar bsgrags pas klu rnams skrag nas char pa'i rgyun 'bebs par byed do| |gal te mi 'bab na thod pa dum bu gcig par klu'i gzugs rnams bcug la gdug pa can gyi mes bsres na char shing rta'i phang lo tsam zhag bdun du 'bengs pa la the tshom med do/ /'phags pa mi g.yo ba'i rtog pa'i rgyud kyi rgyal po las/ sbyor ka phra mo'i le'u ste lnga pa'o// //de nas yang dag bshad bya ba/ /bsam gtan brtan las byung ba ni/ /'khrul med nyid de gnod rnams sel/ /khams gsum rgyal po cher nyon cig /spro bsdu'i rim pa goms gyur las/ /ji srid 'dod kyi dus bar du/ /rang sems gnas nas brtan par 'gyur/ /dngos med dngos sogs ma lus pa'i/ /rnam rtog rab rib kun bsal nas/ /nyon mongs nad rnams ma lus pa/ / bag chags dang bcas gtan bcom nas/ /'phral du yang ni brod ka skye/ /spro yang mi dmigs bsdu mi dmigs/ /skye med 'gag med ting nge 'dzin/ /'byung med 'gro med bsam gtan la/ /gnas na ye shes myur du thob/ /bla med ye shes yon tan dang / /mthu rnams che bar 'gyur ba ni/ /bla ma mnyes las rnyed 'gyur ba'i/ /de nyid bdud </font><hr>248a<br><font size=+1>


@#/ /rtsi bcud kyis len/ /gus pas rtag par nyin mtshan du/ /rgyun chad med par goms byas na/ /myur du phyag rgya chen po yi/ /dngos grub snod du 'gyur ba yin/ /'bad rtsol byang chub yan lag ste/ /le lo gnyid dang g.yeng ba spang / /sngags gsal dmigs pa brtan gyur cing / /bsam gtan thon nas 'khrul 'khor brtsam/ /skar ma rgyal gyi nyin par la/ /gro ga'am yang na shin shun la/ /gur gum gi wang tsan+dan gyis/ /rdo rje rgya gram mu khyud bcas/ /dbus su ming dang sngags spel bri/ /mu khyud la ni rtsa sngags bri/ /rwa kun la ni hUM dang ming / /spel te g.yas nas bskor la bri/ /dkyil 'khor dkar po'i dbus su ni/ /me tog dkar po'i steng gzhag nas/ /lha yi skur ni bskyed byas te/ /stong rtsa brgyad du bzlas byas nas/ /gang zhig 'dod pa'i dpung pa 'am/ /lus la bcangs na srung bar byed/ /kham phor sar pa la rdo rgyus kyis bris te sgor bcangs na gsar du btsas pa'i byis pa srung ngo / /dur khrod kyi ras la sngags ming dang bcas pa bris te sbra tshil gyis gtums nas dur khrod kyi bum par bcug nas kha rdo rje rgya gram gyis bcad de sbas na mngal skems par byed do/ /phyung nas 'o mas </font><hr>248b<br><font size=+1>


bgrus na sos so/ /gal te bsad par 'dod na dkyil 'khor gru gsum nag por byas pa'i steng du kham pa las byas pa'i mi g.yo mgon po zhal gcig phyag bzhi pa/ g.yas pa gnyis na ral gri dang rdo rje/ sdigs mdzub dang / thod khrag g.yon na 'chang pa byas pa/ /rgyan thams cad kyis brgyan pa bzhugs so/ /de nas dri ma drug dang bag zan las bsgrub bya'i gzugs sor brgyad byas nas rdo rje rgya gram gyi 'khor lo gsad pa'i sham bu dang bcas pa snying gar bcug ste/ de'i sku'i zhabs su bzhag nas rang nyid lha'i ting nge 'dzin dang ldan pas zur bzhir mi rus sam/ seng ldeng ngam/ lcags las byas pa'i phur bu sor bzhi pa bzhag pa la/ thun mtshams thams cad du btab par shes pa brgyal bar bsam mo/ /de'i 'od kyis mdun gyi phur pa mi g.yo bar bsgoms pa'i thugs bskul nas/ de las khro bo lcags kyu dang / zhags pa thogs pa grangs med pa spros pas/ bsgrub bya rlung gi 'khor lo la bzhag nas 'ongs pas skad cig tsam gyis phung po gtor nas/ shes pa ling ga la bstim par bya'o/ /de ltar zhag nyi shu rtsa gcig tu byas pas hom khung du bsreg pa 'am/ mnan pa byas na dbang phyug chen po yang gsod par nges na gzhan lta smos kyang ci dgos/ yang na d+ha dur </font><hr>249a<br><font size=+1>


@#/ /dang| khyi khrag dang / nya'i khrag gis 'khor lo ral gri rtse mo ltar rno bar byas nas/ lte ba'i dbus su gru gsum ma'i nang du bsgrub bya'i ming dang rgyud du bcas pa bris la/ de zhags pas bskor bar bya'o/ /rtsibs rnams su sngags kyi rkang pa brgyad pa bri'o/ /mu khyud la ming dang bcas pa'i snying po bri'o/ /de'i rgyab kyi mu khyud la las thams cad pa bri'o/ /mu khyud gsum pa la rdo rje dang / ral gri spel nas bri bar bya'o/ /de nas thod pa kha sbyar gyi nang du bcug nas/ zhing skras bcings te| bsgrub bya dag za ba'i bsam gtan dang ldan pas khro bo shin tu khros pas khrag 'dren pa'i lta bas bltas na zhag nyi shu rtsa gcig gis gang la byas pa de khrag tu skyugs nas 'chi'o/ /dur khrod du sbas na mtshon gyi bskal pa babs nas 'chi'o/ /shing gcig gi rtsar sbas na rengs so/ /chu mdor sbas na 'byer ro/ /lam rgya gram du sbas na smyo'o/ /lha rten zhabs su sbas na zha bor 'gyur ro/ /klu yod pa'i sar sbas na mdzes zin pa la the tshom med do/ /rang nyid kyi nyal ba'i zhabs su sbas na 'dod ba'i bu mo khugs so/ /ci sta rgyal mtshan gyi rtse mo la btags na dmag kyang rengs so/ /de dag thams cad la khro bo 'bar ba dud pa'i kha dog dang ldan pa phyag bzhi/ </font><hr>249b<br><font size=+1>


zhabs bzhi/ spyan gsum dang ldan par blta'o/ /dur khrod kyi ras la dmag dpon gyi ming dang spel ba'i sngags rdo rje rgya gram gyi lte bar bris la mtha' yi ge laM brgyad kyis mnan te/ de'i phyi rol tu dbang chen gyi dkyil 'khor la rdo rje rgya gram bris la/ de spra tshil las byas pa'i tshogs kyi bdag po'i snying gar bcug nas gang 'thab pa'i mtshams su bzhag na dmag rengs so/ /gzhan yang gza' skar la bltas te 'phyar ro/ /bskrad par 'dod na gro ga'am/ ras la bya rog dang / 'ug ba'i khrag gis gong du gsungs pa'i 'khor lo bris te/ u ts+tsha Ta ya spel bar bya'o/ /char che ba'am/ ser ba bcad par 'dod na gro ga la gur gum mam/ gi wang gis 'khor lo rtsibs bzhi pa byas la mu khyud gsum pa byas te/ rtsibs bzhi la snying po'i sngags yi ge hUM la bskor ba bris la/ dbus kyi lte bar yi ge k+ShIM bris te/ de la rtsa ba'i sngags g.yon bskor du bris nas/ mu khyud dang po la las thams cad pa'i sngags bri'o/ /gnyis pa la ral gri'i phreng ba/ gsum pa la kun tu me ri'o/ /de ltar dmigs te mchod nas rgyal mtshan gyi rtse mo la btags na char ches pa dang / ser ba chad bar 'gyur ro/ /yang gsad par 'dod pas kham pa'i spar bu la mi g.yo ba'i snying po mtshal gyis g.yon skor du bris nas dkyil </font><hr>250a<br><font size=+1>


@#/ /'khor gru gsum gyi nang du gong du bstan pa'i ling ka'i snying gar ming dang bcas pa bcug nas gan rgyal du steng du kha gzar te/ las thams cad pa'i sngags bzlas shing zhag bcu drug tu las bya'o/ /de nas dur khrod kyis las byas pa'i mchod rten khru gang pa nag po'i bum pa'i nang du rang gis srung ba nyid bcug nas| mchod rten bang rim gsum man chad stong pa'i nang du tshwa tshwa lnga bzhag pas/ gru gsum kha bkab cing lho phyogs su bzhag go /des zla ba gnyis na 'chi nges so| |gal te gzhan gyi rig sngags gcad par 'dod na dbang chen gyi dbus su tshogs kyi bdag po bris te zur thams cad rdo rje rgya gram gyis mchan par byas nas| grwa thams cad lam gyis mtshan pa ste/ rdo rje phur pas bsgrub bya'i ling ga'i steng du mnan na/ zhag bdun gyis rigs sngags 'chad do/ /yang na hUM bzhi mgo sprad pa'i 'khrul 'khor ro/ /da ni tsu tsun d+ha ra'i lpags pa la 'khrul 'khor rengs pa'i sbyor ba dang bcas pa 'am/ spu la sdong bu byas shing tshil la mar me byas nas du ba de bzhar nas mig la bskus na dgras mi mthong ngo / /yang dpral bar thig le bya ste lag pa la bskus na gang la reg pa de dbang du 'gyur nges so/ /rkang pa la bskus </font><hr>250b<br><font size=+1>


na dpag tshad brgyar 'gro nus so/ /sA lu'i phye ma la gzugs byas te phye ma des bskus na dgra rengs par byed do/ /dur khrod kyi thal ba dang bcas pas dgra bo'i sgo 'am/ dpung la gtor na nad kyi thebs so/ /tsu tsun d+ha ra'i lpags pa la 'khrul 'khor bris nas dbugs kyis brgyangs te sngags stong bzlas na dgra de sbos nas 'chi'o/ /de la sngags ni/ tad+ya thA/ na mastu te/ mahA ga Na pa ta ye swAhA/ oM ga ga Na a d+hi pa ta ye swAhA/ oM ga Na pa ti pradz+nyA pa ta ye swAhA/ na mastu ti mahA ga Na pa ta ye swAhA/ oM ka ra ka ra Ta/ ma Ta ma Ta/ dA ra dA ra/ bi dA ra bi dA ra/ ha na ha na/ gr-i h+Na gr-i h+Na/ da d+ha ba da d+ha ba/ ga ra ga ra/ b+haM dza b+haM dza/ mo ha mo ha/ d+he hi d+he hi/ d+hA pa ya d+hA pa ya/ d+ha ya n+ya d+hA ya n+ya/ sid+d+ham+me pra yats+tsha/ sa ma sa ma sa ma mA ra ya/ ma tsu sma ra ya/ ma pu tra pa tsa na swAhA/ oM ku ru ku ru swAhA/ oM tu ru tu ru swAhA/ oM su ru su ru swAhA/ oM mu ru mu ru swAhA/ oM shAn+ti puSh+TiM ku ru swAhA/ oM ga ta bri d+hu kr-i bi ta tsit+ta/ ma hA bi d+ha ra gaM gas ts+tshin+ti/ mahA b+ha ya/ pa ra kra ma/ ma hA ha sti/ mahA d+ha kri Ni ya/ pra tsit+ti yA mi swAhA/ oM ku ru ku ru/ tsu ru tsu ru/ mu ru mu ru/ oMH gaH gaH gaH gaH gaH gaH gaH gaH oM na mo na maH s+w+'+hA/ bzlas pa'i sngags/ oM brta ga swAhA/ zhes bya'o/ /gzhan yang / tshogs kyi bdag po'i sbyor ba las rlung bcing </font><hr>251a<br><font size=+1>


@#/ /bar 'dod na/ gur gum dang / gi wang dang / yung ba ser pos rgyal po'i ris la dbang chen gyi dkyil 'khor gyi dbyibs kyi steng du ri rab rdo rje rgya gram gyis mnan pa bris la/ yaM dang / laM rim pa bzhin du bkod nas de'i dbus su tshogs kyi bdag po byi ba la zhon pa/ kha dog gser btso ma lta bu phyag bzhi pa| g.yas dang po na bgrang phreng / g.yon dang por rtse gsum/ 'og ma gnyis kyis thod pa bdud rtsis bkang ba 'dzin pa/ sna nam mkha' la phyar nas blta ba bris te/ de'i snying gar zla gam ljang gu'i steng du laM yaM laM bris la rnal 'byor pa dbang chen yongs su rgyas pa'i bsam gtan dang ldan pas sngags brgya rtsa brgyad bzlas na rlung bcing ba'i mchog yin no/ /yang thog gam shing gi rtse mo la bzhag na rlung bcing bar byed do/ /da ni tshogs kyi bdag po yi/ /sna tshogs las grub 'di bshad bya/ / rdo rje rtse gsum gyis mtshan pa'i/ /dbang chen nyis brtsegs dbus su ni/ /zhal gcig phyag bzhi rtse gsum dang / /b+hi ti pA la bgrang phreng dang / /a sho ki na bzung byas te/ /byi ba'i steng na sems dpa' yi/ /skyil krung gis bzhugs khros nas ni/ /sngon po rin chen rgyan gyis brgyan/ /bsams la la du la phug dang / /'o </font><hr>251b<br><font size=+1>


ma zho dang sprang dkar dang / /mar dang chan dang sran ma sha /btsos pa'i sha dang shing thog rnams/ /dus dang dus su mchod byas na/ /gter rnams 'di yis ster bar byed// yang na bdag nyid mi g.yo ba/ /zhal gsum phyag drug khros pa'i sku/ /ral gri mda' dang rdo rje g.yas/ /zhags pa gzhu dang mdung thung g.yon/ /khams gsum gang ba'i hUM las bskyed/ /sna tshogs mdog can khro bo ni/ /du ma mtshon cha rnams bzung ba/ /rang las spro zhing bsdu byed pa'i/ /mdun du tshogs kyi bdag po ni/ /zhal gcig phyag gnyis pad+ma la/ /bzhengs te mda' dang gzhu 'dzin pa/ /bskyed nas btsos pa'i shas mchod nas/ /bsnyen pa stong byas las rnams 'grub/ /yul gyi tsha dang sa gsum la/ /tshogs bdag de yi gzugs byas nas/ /gnod pa'i ming dang ldan bcug na/ /lo nyes mi ngas phyug ngas sogs/ /gang gi mtshan nas bzung ba de/ /gnod pa kun las sdung bar byed/ /'phags pa mi g.yo ba'i rtog pa'i rgyud kyi rgyal po las/ 'khrul 'khor gyi le'u ste drug pa'o// //de nas yang dag bshad bya ba/ /las rnams grub pa'i yan lag tu/ /gces par gyur pa ni sbyin sreg go/ /tshal ni gnyis te rtsub ngos dang / /yid 'ong rang gi khyim du sgrub/ /sa ni las kyi dbye </font><hr>252a<br><font size=+1>


@#/ /bas shes/ /skyon dang bral bas thab brtsig bya/ /rgyar sor tshad ni nyi shu bzhi/ /de yi ngos la sor bcu gnyis/ /dpangs ni de yi rgya las ni/ / sor bzhi chung bar bskor bar bya/ /pad+ma'i dbyibs can rgyan bltas nas/ /ral gri 'bar ba dgod par bya/ /zur bzhir rdo rje phyed pa bzhi/ /thab khung kha la rdo rje yi/ / phreng ba gsal por bskor bar bya/ /'di ni phrin las kun gyi 'o/ /yang na khru gang nang khru gsum/ /rim gsum sum gnyis sor tshad do/ /nang du rdo rje rgya gram bri/ /gsad pa la ni sngags pa 'o/ /til dang 'bras dang 'o ma dang / /zho dang mar dang sbrang rtsi dang / /pa la sha dang pi shing sogs/ /me tog dkar po yod pa ste/ /dkar gsum mngar gyis bsres pa rnams/ /zhi ba'i las la shin tu shis/ /sA lu nas dang gro dang ni/ /rgya rtsi che dang na gu la/ /sardza gu gul gur gum bcas/ /tsam pa zho gar nye'u shing| |me tog gser mdog la sogs rnams/ /rgyas ba'i las la shin tu shis/ /tsan+dan dmar dang gur gum dang / /bra bo til dang rgya sran dang / /khre dang cung rtse spel ba dang| |ba ser mo yi bdud rtsi lnga/ /na ga khro dang tsan+dan dmar/ /me tog dmar po dbang la shis/ /gsad la khrag dang dug yungs kar/ /tsha gsum ling kar bcas </font><hr>252b<br><font size=+1>


pa'o| |gos dkar rgyan yang dkar po ste/ /yo byad kun yang dkar byas dang / /bsam pa bzang pos shar bltas pa/ /'di ni zhi ba'i las rnams 'grub/ /rgyan gos yo byad kun ser zhing / /rgyas pa'i yid byas byang du bltas/ /dga' ba'i dkyil 'khor bskor byas na/ /'dis ni rgyas pa'i las 'grub byed/ /rgyan dang gos dang yo byad kun/ /kha dog dmar zhing snum gyur nas/ /myos pa'i yid lta bus bltas na/ /dbang gi las rnams 'grub par byed/ /rgyan gos gnag cing yo byad gnag /rtsub pa'i yid bltas khros pa'i skad/ /'byin cing lho yi phyogs su bltas/ /drag po'i las rnams myur du 'grub/ /de la las byed pa'i dus su mi rus la byas pa'i phur pa mi \?\ g.yo \?\ bar bsgoms la| sngon du bsnyen pa song bas dang pos kha/ gnyis pas snying ga /gsum pas lta ba/ bzhi bas dpus mo rnams su dam par gdab bo/ /sbra tshil lam/ thal chen nam/ bag zan la ling ka byas la ske tsha dang / re lcag dang / nya'i rdog gzhob rnams brdungs la khrag dang sbyar nas gro ga la rdo rje rgya gram bris pa'i dkyil du ming dang / sngags spel te bris pa'i snying gar bcug la/ oM tsaN+Da m+hA ro Sha Na a mu ka s+ya staM b+ha ya/ kI la ya hUM phaT ces gdab bo/ /bsgrub bya'i shes pa rlung gi steng du bzhag la dbugs dang bcas pa drang </font><hr>253a<br><font size=+1>


@#/ /ngo| |gal te gso bar 'dod na phur bu dang / ming bton te 'o ma blug cing / oM tsaN+Da mahA ro Sha Na che ge mo shAn+tiM ku ru ku rban+tu swAhA/ zhes brjod na zhag bdun nas sos par 'gyur ro/ /yang gsod pa'i las bya bar 'dod na/ hUM las skyes pa'i mi g.yo ba long ba zhes bya ba shin tu dmar ba'i mig gcig yod pa/ ral gri dang / zhags pa can/ /ba dog ljang nag rtsu ba cing 'khrug pa/ rin po che'i brag phug tu gnas pa la dus rtag par rgyun du mchod nas gru gsum thams cad kyi dbus su bsams te sha dang / khrag dang / dug dang gzugs brnyan rnams zhal du bsregs na myur du 'chi'o/ /rengs par 'dod pas rnga mo'i rus pa la dze ta ya dze ta ya zhes stong rtsa brgyad du sreg go /lkugs par 'dod na ra'i sha la b+ha ti ra b+ha ta ri zhes khri tsho gsum sreg go/ /smyo bar 'dod na khyi sha dang / chang dang / dug sna tshogs pa la ut+man+do n+mang zhes stong rtsa brgyad sreg go /dgra bo'i mig long bar 'dod pas skyer pa'i shing dang / bong bu'i rtug ba la a ta ka ra zhes stong rtsa brgyad du sreg go /sha lnga bdud rtsi lnga dang / rnga mo'i rus pa la mo ha ya zhes stong rtsa brgyad bsregs na rmongs par byed de/ /yung ba dang / tsan+dan la dz+wa ra da pa na ya zhes brgya rtsa brgyad bsregs na yams </font><hr>253b<br><font size=+1>


'chad do/ /sbal pa dzi ra dang / khyi nag po'i sha la tsi ti dz+wa la ma pa na ya stong bsregs na mdze 'chad do/ /khu ba dang / khrag dang / d+ha du ra la su tri tshin dam zhes stong rtsa brgyad bsrags na mngal bskams so/ /gtum po drag po'i nga rgyal gyis/ /dur ba'am gi wang ngam lan tshwa 'am/ /rgya skyegs bsregs na yams nad dang / /'khrug dang 'jigs dang 'byung po ldog /zho dang ku mu da dang sbrang / /bya rgod klad pa khwa yi tshil/ /'di rnams bsregs na smyo nad dang / /lgang dang bu mi thon pa sel/ /kye/ gzhan yang sngags kyi rgyal po 'dis/ /sna tshogs las rnams 'grub 'gyur zhing / /brtan pa chen po'i ye shes ni/ /'ga' las myur du thob byed cing / /g.yo 'dod sred la bla ma slu| |tshig la sems shing don mi tshol/ /bag med g.yeng dang ser sna dang / /brkam chen snying rje med pas ni/ /bskal pa brgya dang stong phrag tu/ /bsgrubs kyang nam yang mi 'grub ste/ /lus dang ngag dang yid kyi sgo/ /ngal ba las ni gzhan du min/ /bza' btung zhim po sna tshogs rnams/ /rtag par nyin re dus gsum du/ / grogs po kun la byin pas kyang / /lan gcig bla ma'i mchod pa yi/ /brgya yi char yang mi phod do/ /de nas de'i tshe lha'i dbang po dga' rab dbang phyug la sogs pa </font><hr>254a<br><font size=+1>


@#/ /lha'i bu drug khris khro bo chen po mi g.yo ba la bstod pa/ kye ho/ rtse ba'i sems mnga' 'on kyang 'khrugs 'dra zhing / /dga' zhing shin tu dag kyang ra ri sna tshogs spras/ /lha yi khams rnams kun la ral gri phyar ba'i tshe/ /lha min tshogs kun brgyal zhing rab tu skrag par snang / /srid pa'i nyon mongs kun la bsdigs pa'i sdigs mdzub kyis/ /bdud rnams brgyal zhing skrag nas skad phyung thag ring 'bros/ /yi ge phyed pa a he'i ku cos log pa'i \?\ phyogs skrag /che ba yi ni shin tu che gyur sku mnga' khyod kyi sku/ /phyogs bcu'i sangs rgyas rnams kyis shin tu bsngags shing bstod/ /klu rnams kun 'dus pas ni cha shas lus kyis phyogs par brgyan/ /lha dbang bu mo rnams kyis rin chen sna tshogs rgyan rab gsol/ /spyan bgrad ljags 'dril stag lpags 'dzin pa khyod la bstod/ /bstod pa chen po des bstod nas tshangs pa chen po la sogs lha tshogs thams cad bcom ldan 'das la mngon par dga'o/ /'phags pa mi g.yo ba'i rtog pa'i rgyal po las/ sbyin sreg gi le'u ste bdun pa'o// //'phags pa mi g.yo ba'i rtog pa'i rgyud kyi rgyal po 'bum pa las/ dngos </font><hr>254b<br><font size=+1>


grub thams cad yongs su 'byung ba zhes bya ba'i rtog pa rdzogs so// //paN+Di ta a tu la da sa badz+ra dang / bod kyi lo ts+tsha ba mar pa ban+de chos kyi dbang phyug grags pas bsgyur ba'o// </font><hr>

</table>