H405

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H405</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H405&coll=lhasa">see text in Tibetan script</a></table>135b<br><font size=+1>


//rgya gar skad du/ shrI tsa tuH bI ThA khya ta tan+ta rA jo man+ta aM sa nA ma/ bod skad du/ dpal gdan bzhi pa'i bshad pa'i rgyud kyi rgyal po sngags kyi cha zhes bya ba/ bcom ldan 'das dpal rnal 'byor nam mkha' la phyag 'tshal lo/ /byang chub sems dpa' sems dpa' chen po thugs rje chen po dang ldan pa 'phags pa spyan ras gzigs dbang phyug la phyag 'tshal lo/ /dam tshig la spyod pa'i rdo rje mkha' 'gro dang / rdo rje mkha' 'gro ma rnams la gus par phyag 'tshal lo/ /gdan bzhi pa yi rgyud kyi ni/ /gsum pa yi ni dang po'o/ /de yi sbyor ba rnyed nas ni/ /sngags kyi de nyid khyad par nyid/ /snying po yi ni snying po'i chos/ /rab sbyor gsang zhing gsang ba yi/ /de nyid de nyid de las mchog/ snying po'i de nyid bsdus pa 'o/ /bla ma'i ma ning gnyis bzung la/ /rtsa bar bskor zhing mnan par bya/ /spyi bor 'od dang zla ba 'o/ /sa bon bskyed pa'i rim pa bzhin/ /zla ba dkar dang kunada'i </font><hr>136a<br><font size=+1>


@#/ /mdog/ gtso bo'i sngon du sbyor bar bya/ /sngags kyi bzlas pa rdzogs bya zhing / /dbyangs yig mngon par mthong ba ni/ /las rnams gsum gyi sngon du ni/ / bla ma'i yi ge sngon du'o/ /dkar dang ser dang dmar po'o/ /bzhi pa dag pa ru ni brjod/ /myu gu'i gnas ni gtso bo nyid/ /srid pa mchog tu sgrol ba'o/ /dbyangs yig dbyangs kyi bsgom pa ni/ /rnal 'byor pa yis mtshon par bya/ /don grub 'dod pa'i bzlas pa yi/ /ban du ka yi me tog 'dra/ /rdo rje dbyug pa la rtag tu/ /de nyid du na rnam par thim/ /dkar po zla bas mnan pa yi/ /gnyis ka bsgoms pas bkru bar bya/ /pad+ma rdo rje zla ba dang / /bdud rtsi yis ni bkru bar ldan/ /dang po'i sa bon gtso bo yis/ /dbyangs yig kun la khyab pa'o/ /dkar zhing dag la mnyam pa'i 'od/ /gsum pa'i las kyi sa bon ni/ /bzhi par nam yang ma yin no/ /ji ltar dang po mthar gnas pa'i/ /khyad par dbyangs yig sa bon nyid/ /mtha' yi sngon du sa bon nyid/ /de bzhin sngon du nyis 'gyur ro/ /bzhi po mnyam pa'i cha ru ni/ /mnyam par gnas su sbyar bar bya/ /bzhi pa gsum pa'i sa bon ni/ /mgo smos go ba'i lus nyid do/ /yi ge gsum gyi lus nyid ni/ /rang bzhin gyis ni dbyangs yig dngos/ /lus dang lus sogs yi ge ni/ /lcags kyu yis ni mnan par bya/ /dmar dang gnag sogs </font><hr>136b<br><font size=+1>


sa bon ni/ /rnal 'byor pa yis khyad par du/ /lnga pa drug pa'i sa bon ni/ /thams cad sgra yi yi ge'o/ /dkar dang ser la lci bar bshad/ /dmar dang sngon po de bzhin yang / /zhi rgyas dbang la sogs pa ni/ /kun kyang sgra yi dbye ba'o/ /thams cad las la sgra yis ni/ /kha dog bzhi ru rab tu grags/ /bdun pa brgyad pa'i sa bon gyis/ /skyes bu rang 'dod pa yi las/ /nges par lus ni sngom pa dang / /gnyis pa'i sa bon gyis mnan pa'o/ /yang bas dmar dang gnag la sbyar/ /rnal 'byor pa yi khyad par du/ /mtshams ni bcad cing mnan pa'i las/ / gnyis pa lcags kyu'i yi ge ni/ /rang bzhin yi ge ming gi ni/ /de nyid las rnams 'gugs pa dang / /sa bon 'di ni dbye ba'o/ /kha dog dmar po mchog gi 'od/ /thams cad 'dres pa'i sa bon ni/ /dbyangs yig bskyed pa'i sa bon ni/ /las rnams thams cad byed pa'o/ /ma ning gis bskyed sa bon ni/ /brtan zhing rtag pa'i sa bon no/ /bud med dang ni skyes pa'am/ /'di nyid kun nas rab tu sbyar/ /sde tshan bzhi pa'i bzhi pa ni/ /tha ma bzhi ni rnam spangs pa/ /dkar dang kund zla ba'i mdog /nyi ma'i yi ge rnam par shes/ /tha ma bzhi ni lnga pa dang / /sde tshan drug pa yang dag ldan/ /kun nas mtshan mo'i stong par ni/ /khyad par du ni shes par bya/ /bdud rtsi chu yi sa bon ni/ /dkar zhing shel ltar mnyam pa'i </font><hr>137a<br><font size=+1>


@#/ /'od/ /de nyid kun gyi de nyid ni/ /kun nas bdud rtsi'i grub pa'o/ /lha min grub pas 'gugs pa dang / /lha dang mi dang gnod sbyin dang / /thams cad las rnams grub pa ni/ /sa bon 'di ni khyad par nyid/ /sbom po ma ning gnyis kyis la/ /lcags sgrogs bzhin du kha sprad pa/ /rtsa bar yang ba nyis 'gyur ro/ /spyi bor bdud rtsi rnam par dgod/ /steng du thig le 'bar ba'i mchog /sangs rgyas lnga yi rang bzhin sku/ /sa bon lnga yi ngo bo nyid/ /rnam bzhir phye zhing phye ba yis/ /lce rtse lce rtser gsungs pa ni/ /kha dog dmar po mnyam pa'i 'od/ /zhi dang chu yi bye brag la/ /hUM gi rnam pa rkan la sbyar/ /rtsa bar sgra dang 'od bral ba/ /bar ma yi ni dbyangs su gsungs/ /gal te 'dod na lha yi lus/ /khyad par du ni zhi ba'i las/ /snying ga'i rtsa bar gsungs pa ni/ /kha dog ser po'i 'od mnyam pa/ /sbom po'i sgra dang thig le dang / /rgyas pa dang ni me yi las/ /lte bar sgra dang 'joms pa ni/ /kha dog dmar po 'od mnyam pa/ /sbom po'i sgra dang ldan pa'i 'od/ /dbang gi las la rab tu sbyar/ /sna rtser sbrid pa gsum pa ni/ /kha dog sngon po mnyam pa'i 'od/ /yang ba'i sgra yi 'od du ni/ /ldan par blo dang ldan par bskul/ /bskrad dang gsad dang bcing ba dang / /mnan dang gdug sogs bskrad pa dang / /gtor ma la </font><hr>137b<br><font size=+1>


sogs nag po'i las/ /hUM gi rnam pa sprid par sbyar/ /de nyid de nyid bzhi par ni/ /hUM gi rnam pa nye bar mtshon/ /sa bon thams cad 'byin mdzad pa/ /hUM gi rnam pa dbang phyug mchog / thams cad 'byin ba'i ngo bo bas/ /hUM gi yi ge mchog gi lha/ /stong nyid yi ge'i hUM gyur pas/ /hUM gi rnam pa phyag 'tshal bstod/ /stong pa'i gzugs dang rab ldan pa/ /dngos dang dngos med 'byin mdzad pa/ /btso ma gser dang 'dra ba'i mdog/ sgra dang thig la yang dag ldan/ /ri rab rgya mtsho ri ni grags/ /brtan pa dang ni g.yo bar ldan/ /lha dang lha min grub pa dang / / mi dang gnod sbyin rnal 'byor pa/ /lha rnams kun nas g.yo ba ni/ /gsungs pa'i sa bon gyis 'gugs byed/ /sde tshan dang po'i sa bon ni/ /rtsa bar re pha mnan pa dang / /lcags kyus mgor ni rnam par dgod/ /steng du zla ba'i 'od dang bcas/ /kha dog dmar po mnyam pa'i 'od/ /lcags kyu yis ni snying po sgrub/ /lcags kyu yi ge sa bon bzhin/ /lcags kyu yis ni kun 'gugs pa'o/ /stong par rlung gi sa bon ni/ /sde tshan brgyad kyi dang po la/ /rtsa bar sgra yis dkri bar bya/ /spyi bor zla tshes thig le dang / /rlung gi kha dog drag po yis/ /lus can kun ni bskul bar bya/ /bskul ba'i las kyi sa bon gyis/ /sa bon de nyid kun tu sbyar/ /lnga pa sde tshan gnyis pa yis/ /gsum pa'i yi ge gzung byas la/ /yi ge gsum pas </font><hr>138a<br><font size=+1>


@#/ /mnan par bya/ /re pha rtsa bar sbyar ba dang / /steng du bdud rtsi'i thigs pa'o/ /kha dog dkar po mnyam pa'i 'od/ /dgyes pa la sogs sa bon gyis/ /lha sogs kun nas mnyes par byed/ /sde tshan dang po'i gsum pa ni/ /gsang ba'i sgra ni rtsa bar ro/ /steng du bdud rtsi'i thig le dang / /dkar zhing yid 'ong shin tu 'bar/ /mchod pa'i sngags kyi dus dang ni/ /gtor ma sbyin sreg phyag rgya sogs/ /rgyas pa'i las ni thams cad la/ /rgyas pa'i sa bon du ni grags/ /dang po'i sde tshan bzhi pa la/ /rtsa bar re pha sgra dang ni/ /spyi bo'i steng du 'bar ba'o/ /kha dog dmar po mnyam pa'i 'od/ /zhi ba'i las ni rnam spangs pa/ /las rnams kun gyi sngon du 'o/ /rmongs shing lus kun rmongs byed pas/ /rmongs pa'i sa bon du ni grags/ /sde tshan lnga pa'i gsum pa dang / /gnyis pa'i sa bon blang byas pas/ /mtha' ru stong pa gnyis kyis so/ /kha dog dkar po mnyam pa'i 'od/ /lha dang lha min gsang ba sogs/ /rang gi 'dod pa'i gnas su bzhag/ bzhag pa'i las la rnal 'byor pas/ /blo ldan yi ge 'di yis bzhag/ stong pa'i sde tshan la spyad la| |de yi bzhi pa gzung bar bya/ /rtsa bar ma ning sbom po dang / /steng du bdud rtsi'i thig le'o/ /'jigs pa bsrung ba'i las nyid la/ /kha dog dkar po mnyam pa'i 'od/ / </font><hr>138b<br><font size=+1>


rnal 'byor de nyid 'dod pa yi/ /sa bon 'di nyid kyis bsrung ngo / /sreg pa'i yi ge sngags nyid ni/ /dbye ba rnam pa gsum du bshad/ /dkar dang ser dang dmar sogs kyi/ /las gsum gyi ni mtha' ru 'o/ /bdun pa yi ni mtha' bzung la/ /brgyad pa gnyis pa yi ni gdan/ /bdud rtsi yi ni gdan du chu/ /kha dog dkar po mnyam pa'i 'od/ /ma ning sde tshan gyis bskyed pa'i// me ltar dmar ba mnyam pa'i 'od/ /logs su dbyangs yig dbyug pa 'o/ /zhi ba la ni sreg pa'i mthar/ /bdud rtsi'i sa bon kha dog ser/ /chu yi sa bon dkar ba'i gdan/ /log su dbyangs yig dbyug pa 'o/ /brgyad kyi mtha' ma kun nas 'bar/ /rdo rje 'od bzhin 'bar ba'i me/ /sa bon 'od bzhin 'bar bcas pa/ /dbyangs yig dbyug pa'i sreg pa'o/ / rgyas pa'i sreg pa'i mtha' mar ro/ /de yi bdud rtsi 'bar ba'i ni/ /brgyad mtha'i logs su dbyug pa 'o/ /kun nas dmar dang dmar ba yi/ /mthar ni dbyug pa lcags kyu 'o/ / dbu mar drang ba'i sems kyis ni/ /dbyug pa'i dbugs kyis bzla bar bya/ /chags pa'i las la rnal 'byor pas/ /sreg pa'i yi ge rnam pa gsum/ /rnam pa bzhi las don gnyer bas/ / 'joms pa'i yi ge gnyis su shes/ /bskrad dang gsad dang dbye ba dang / /mnan dang nye bar bzlog pa la/ /stong pa'i sde tshan gnyis pa ni/ /dbyug pa glo ru rnam par sbyar/ /nyi mo'i </font><hr>139a<br><font size=+1>


@#/ /sde tshan gsum pa las/ /dang po gnyis pa'i glo ru 'o/ /kha dog nag po 'jigs chen po/ /'od zer me bzhin kun nas ldan/ /rdo rje sa bon mnyam 'bar las// lus kyi dbus su dbug par bya/ /gsang dang gdug pa bskrad la sogs/ /drag po'i las ni thams cad la/ /dngos grub 'dod pa rnal 'byor pas/ /'joms pa'i yi ga mtha' mar ro| |de yi sa bon ldan pa ni/ /sngon gyi dbyug tshogs rnam par spangs/ /dang po dbu yi steng rnams su/ /kha dog sngon po rab rno bas/ /gsad dang dbye dang gdug pa ni/ / khro bo'i lha yis bskrad par bya/ /'joms pa'i yi ge'i mtha' mar ni/ /sa bon 'di yis sbyar bar bya/ /dkar po'i sde dang sde tshan gyis/ /dang po'i dang po blang byas la/ /kun nas rdo rje'i sa bon gyis/ /sa bon yi ge phyed dang gnyis/ /'pho bar sbyor ba'i sngon dus su/ /rnam shes gong du bskul ba'o/ /lte bar rtsa ba'i phyogs nas ni/ /yi ge phyed dang gnyis kyi dang / /brgyad pa'i mtha' ni sngon du 'o/ /ma la ta yi sbyor dus su/ /'pho bar sbyor bas sngon du 'o/ /'pho ba'i dus kyi sngon du ni/ /rnal 'byor pa yis rab tu spyad/ /u la pa li ta sa bon/ /sbyang bya'i yi ge phyed dang gnyis/ /dngos dang dngos med sa bon las/ /sgra dang thig le rnam par sbyar/ /rlung gi rtsa ba'i gnas su ni/ /sgra dang sgra yis bstan </font><hr>139b<br><font size=+1>


pa'o| |chu shing me tog lte bar gnas/ /sa bon 'di yis bsgyur bar bya/ /sngon du sbyor ba'i bsam gtan dang / /mnyam par gzhag pa'i sems kyis bcing / /bdun pa'i mtha' yi sa bon ni| |bdud rtsi'i sa bon sa bon gyis/ /bzlog byas rgyas pa'i gnas su ni/ /chu shing me tog lta bur gyis/ /ji ltar sde tshan gsum pa ni/ /yi ge gsum pa gzung byas la/ /dbyug par phyi ma'i sa bon dang / /'og pag gis ni sngon dkris pa/ /de nyid de nyid kun dang ni/ /sa bon sa bon mchog gi gtso/ /theg pa rnam gsum dag byed pa/ /A li'i sa bon rab tu grags/ /sde tshan brgyad pa'i gnyis pa la/ /lcags kyu yis ni spyi bor gnas/ /spyi bor zla tshes thig le dang / /kha dog dmar po mchog gi 'od/ /sems can kun nas rmongs byed pas/ /yid dbye ba la kun nas sbyar/ /kun tu rmongs ni sa bon no/ /rmongs pa'i las la rab tu sbyar/ /brgyad pa'i mtha' yi sa bon ni/ /spyi bor lcags kyu 'dren pa dang / /rtsa bar re pha'i sa bon no/ /kha dog sngon po 'bar ba yi/ /dri dang me tog ro sogs ming / /las kyis kun nas 'phrog par byed/ /'phrog byed ming gi sa bon gyis/ /'phrog pa'i las la kun tu sbyar/ /bdun pa dkar po'i sa bon ni/ /dung dang kund mnyam pa'i 'od/ /bdud rtsi chu yi sa bon no/ /chu yi yi ge ming can no/ /ka shar ldan pa'i sa bon ni/ /kha dog ser po 'od mnyam pa/ /me bzhin 'bar </font><hr>140a<br><font size=+1>


@#/ /zhing 'bar ba yis/ /me yi yi ger rnam par grags/ /sde tshan brgyad kyi dang por ni/ /de nyid stong pa'i dngos po dang / /rlung gi sa bon dmar po ni/ /rlung gi sa bon du ni grags/ /brgyad pa'i mtha' yi sa bon ni/ /kha dog sngon po'i 'od mnyam pa/ /snying gar sa yi sa bon no/ /de nyid pa yi sa bon no/ /'di rnams sa bon sa bon la/ /thig le yi ge rtsa bar ro/ /rtsa bar nyis 'gyur re pha dang / /rlung gi sa bon gsum par ro/ /rtsa bar sgra ni bzhi pa 'o/ /steng du thig le sbyar ba dang / /de nyid bzhi pa'i sa bon ni/ /bzhi pa'i yi ge drug pa 'o/ /rmongs pa chu yi sa bon ni/ /g.yo ba'i rlung gi sa bon dang / /sa nyi nyon mongs par 'gyur ro/ /phyugs ni me la kun tu sbyar/ /yi ge brgyad pa'i sa bon ni/ /rnal 'byor ma brgyad sems dang bcas/ /bdag nyid de nyid gtso bo yi/ /'khor ba thams cad gcod mdzad pa/ /thams cad kun nas spyi bo dang / /yi ge kun nas gnas pa 'o/ /sa bon 'di ni kun nas bzung / /ye shes sa bon zhes bya'i ming / /rtag pa'i rtsa bar mnan pa dang / /sgra dang thig ler sbyar bar bya/ /dkar po kund zla ba'i mchog/ ye shes rnam shes sa bon nyid| |rgyu ba'i gzugs kyi sa bon ni/ /sa bon sa bon de bas mchog/ ye shes rnam shes bya ba'i ming / /las kun la ni rab sbyar bya/ /byang chub sems dpa' zhi ba ni/ /zhi ba'i </font><hr>140b<br><font size=+1>


gzugs can rdzu 'phrul che/ /mthar ni swAhA ring por ldan/ /sngon du bsnyen pa'i sngags pa yis/ /gnyi ga lus la bsgoms nas ni/ /'di yis lha mo sbyar bar bya/ /sngags pas sreg pa'i sngags la ni| |sngon du dbyug pa med pa 'o/ /lha mo'am yang na lha mo la/ /khro bo'i gzugs 'joms la sogs pa'i/ /'joms pa'i yi ge mthar bzhag ste/ /bzlas shing bsnyen pa la sogs bya/ / gzugs dang gzugs can dngos po yis/ /khro bo khro mo khyad par nyid/ /bsreg dang 'joms pa'i sa bon ni/ /khyad par dang ni khyad par can/ /de nyid de nyid kun gyis ni/ /rab tu spyad cing blta bar bya/ /de nyid med pa'i sngags pa ni/ /dngos grub ring du bstan pa yin/ /sgrub pa'i dus su lha nyid kyi/ /sa bon mtha' ru bzlas pa bya/ /mchog tu zhi ba'i de nyid la/ /dang po dbyangs yig mtha' ru 'o/ /khro bo khro mo'i lha la ni/ /rdo rje'i sa bon mtha' mar ro/ /lha mo kun gyi de nyid la/ /bdud rtsi yi ge mtha' mar ro/ /dang po sngags kyi sa bon ni/ /phyag 'tshal gcig ni rnam spangs nas/ /bdag nyid ming gi sa bon dang / /gnyi ga yongs su rdzogs pa'i rgyu/ /stong dang stong pa'i sa bon ni/ /bar ma sgrub pa'i lha nyid do/ /nyin mo'i yi ge dang po ru| |bsgrub bya sgrub pa'i ming nyid ni/ /de yi sgrub pa'i las rnams ni/ /rnal 'byor ma yi rnam par mtshon/ /sngags pas sngon gyi dus su ni/ /rab tu lta zhing spyad par bya'o/ /nyin </font><hr>141a<br><font size=+1>


@#/ /mo stong pa'i sgrub pa ni/ /'chi bar yang ni the tshom med/ /nyin mo nyin mo nyin mo sgrub/ /stong pa stong pa bar ma'o/ /go bzlog pa yi sa bon ni/ /lhag pa'i yi ge brtsi bar bya/ /nyin par bsgrub bya lhag pa ni/ /sgrub pa po la bu lon ni/ /bsgrub bya stong pa lhag pa ni/ /dgra nyid pas na 'bras bu med/ /rab tu lta zhing spyad pa yis/ /sngags kyi sgrub pa shes pa yin/ /sngon du ma ning sa bon dang / /de bzhin bsgrub bya'i ma ning nyid/ /dbus su ma ning yi ge ni/ /dngos grub stong par bshad pa yin/ /de nyid 'di yi sa bon gyis/ / rang 'dod lha nyid bsgrub par bya/ /thog ma tha ma khyad par du/ /dbus su bsgrub bya'i ming nyid do/ /mtho dang dma' dang bar ma dang / /khyad nyid kyang ni khyad par ro/ /zhi dang rgyas pa la sogs la/ /khyad par sa bon ldan pa nyid/ /stong pa'i sde tshan gnyis pa la/ /rtsa bar re pha sgra nyid dang / /steng du zla tshes thig le dang / /kha dog ser po kun 'od la/ /lha mo rnal 'byor ma kun gyi/ /snying po yis ni snying po mchog /gong du phyag 'tshal yi ge dang / /'don bzhin ming ni dbus su'o/ /mtha' dang mtha' ni sreg sogs nyid/ /thams cad du ni kun nas ldan/ /stong pa'i sde tshan gnyis pa la/ /spyi bor e yi rnam pas mtshan/ /rtsa bar nA da thig ler bcas/ /kha dog dkar po mnyam pa'i 'od/ /dga' byed las </font><hr>141b<br><font size=+1>


kyi sa bon gyi/ /rnal 'byor ma kun dga' bar byed/ /de nyid kun gyi sa bon ni/ /rnal 'byor ma kun gyis rab spyad/ /de nas sman sogs rim pa ni/ /khyad par nyid du sbyar bar bya/ /bla re bla re nyid/ dang ni/ /spos dang bdug pa dri la sogs/ /sngags dang phyag rgya'i cho ga yis/ /mkha' 'gro'i gtor ma byin brlabs pa/ /sngon du gnyis med gtor mar ldan/ /dri yi maN+Dal gru bzhi pa// dbus su rnal 'byor pas bri ba/ /gur gum shin tu dri zhim ldan/ /re mig nyi shu rtsa lnga pa/ /blo dang ldan pas gru bzhi bri/ /dbang po la sogs re mig gnas/ /blo dang ldan pas yi ge dgod| |dngos dang dngos med ldan pa yis/ /de yi sa bon spang dbus so/ /nyin mo'i yi ge thams cad nyid/ /lhag ma'i sde tshan brgyad pa yis/ /sa bon mnyam par gzhag pa dgod/ /sgra dang thig ler yang dag ldan/ /kha dog dmar po 'od mnyam pa'o/ /gu gul dbang po'i lag pa dang / /rmongs byed rengs byed de bzhin sgra/ /sat+ta si hA tsam pa ka/ ku tu ru dang ko li ki/ son tsi ka dang ba bla dang / /gu gul rurta dUr ba kar/ /me dang dri dang gur gum dang / /tsand na gi wang yang dag ldan/ /sha kha ra dang li shi dang / /pri yang ku dang ge sar dang / /chu srin sder mo nub phyogs cha/ /re mig kun dang gnas kun tu/ /dbang po la sogs sman rim bzhin/ /rdzas ni re re re re dang / /cha la sa bon bzlas par bya/ /phyag 'tshal dang po sreg pa mtha'/ /brgyad </font><hr>142a<br><font size=+1>


@#/ /dang brgyad du bzlas pa bya/ /cha dang ldan sogs sa bon ni/ /sman dang ldan na de bas mchog /bdud rtsi lnga dang yang dag ldan/ /gu gul la sogs sbyar byas nas| |rgyal po'i btsun mo rgyal dbang la/ /mkhas pas byin pas dbang du byed/ /bdag nyid lnga yi lnga dang ni/ /sha da wa sogs sbyar byas nas/ /re pha'i rdzas la bsgoms byas na| |ji ltar sngon dang sngon bzhin nyid/ /rje rigs bram ze dmangs rigs dang / /skyes pa'am yang na bud med la/ /bza' ba'i dngos po byin pa yis/ /dbang du 'gyur bar yongs su grags/ /smyo byed la sogs rnam pa lnga/ /son rtsi ka yi cha dang sbyar/ /brtul zhugs dman pa'i rigs rnams ni/ /bdag nyid kyis ni dbang du byed/ /me da la sogs sman rim dang / /mi yi mar khu yang dag ldan/ /mkhas pas dpyad cing brtags pa yis/ /mnyam pa'i cha dang cha ru bya/ /thig le ru ni sbyin byas na/ /rgyal po'i rigs la 'gro ba dang / tha snyad las ni rnam par rgyal/ /'gro ba yang dag rmongs par byed/ /dang po sha kha ra sogs dang / /tsan+dan dang ni rnam par sbyar/ /sde tshan gcig gi cha dang ni/ /tsan+dan gyi ni cha nyid dang / /byams pa'i gnas su rnal 'byor pa/ /yan lag nying lag byug byas nas/ /dri ni sna la mnams tsam gyis/ /nges par dbang du byed pa'o/ /mtshams dang </font><hr>142b<br><font size=+1>


mtshams kyi sha kha ra/ /sbrang rtsi'i cha dang sbyar nas ni/ /mchog tu bsgoms shing bdug pa yis/ /kun nas nges par dbang du byed/ /mtshams kyi nang gi kun bzung nas/ /sha kha ra yi cha dang bsre/ /bdug pas bdug cing bdug byas nas/ /mi ni kun nas rmongs par byed/ /zla ba'i dkyil 'khor dbus gnas par/ /ye shes mkha' 'gro sprul nas ni/ /sa bon se so'i sa bon nyid/ /kun nas brgya phrag gcig tu'o/ /de bzhin du ni dmar po'i las/ /de yi rjes ni kun bzung la/ /bdag nyid ye shes lha ru'o/ /nyi ma'i lag pa'i rdzas rnams ni/ /kha dog dmar po mnyam pa'i 'od/ /de nyid sa bon bzlas pa yis/ /g.yo ba dang ni ltung bar byed/ /snying ga'i dkyil 'khor dbus gnas par/ /nyi ma'i dkyil 'khor bsams nas ni| |de yi dbus su sa bon ni/ /bskyed par re pha thig le can/ /khri phrag gcig tu bzlas pa yis/ /gnyis kyis ltung ba'am g.yo bar byed/ /phyi nas gtor ma'i las kyi ni/ /g.yo dang mi g.yo grub par byed/ /gu gul la sogs srin bu lngas/ /rtsa ba brgyad dang sbyar byas nas/ /phra ba'i sgo nga tsam zos pas/ /mod la myur du 'chi bar 'gyur/ /sha ta tsa sogs brin \?\ bu ni/ /'o ma bdun par spyar byas pa'i/ /zhag bdun las lhag par zos na/ /'chi ba 'di la the tshom med/ /son rtsi kar sogs srin bu lnga/ /sbrang rtsi smyo byed lnga pa yi/ /bza' </font><hr>143a<br><font size=+1>


@#/ /dang btung ba sbyin byas nas/ /smyo byed myos par 'gyur ba'o/ /me da la sogs srin bu lnga/ /sprul gyi sgo ngar bzlas byas nas/ /thig le tsam zhig zos pas ni| |skad cig de la mdze yis 'dzin/ /kha ra'i sde tshan srin bu ni/ /mgo la sgo nga dang ldan par/ /de yi phye ma zos pa yis/ /me ni dbyangs dang bral bar 'gyur/ /mtshams kyi kha ra kun bzung la/ /sbrang rtsi mar gyi cha dang sbyar/ /de yi phye ma bza' byas na/ /de yi mod la gzir bas 'dzin/ /mtshams kyi nang gi yang dag bzung / /sbrang rtsi lhan cig bsgo byas pa'i| |phra rab tsam zhig zos pa yi/ /mod la rims kyis gdung bar byed/ /de nyid rab sbyor snying po ni/ /gsang zhing gsang ba'i lung gi don/ /ye shes ldan zhing blo ldan pa'i// lus kyi rim pa rnam par blta/ /dkon mchog gsum la gnod pa dang / /slob dpon dang ni gsang smod la/ /sdig gis gos par mi 'gyur te/ /rnal 'byor ma ni kun gyis gsungs/ /lnga pa'am/ lnga pa'i rim pa zhes bya ba bstan pa rdzogs so// //de nas gzhan gyi rim pa ni/ /sman rnams kyi ni khyad par nyid/ /de nyid kun gyi mchog 'gyur ba/ /mchog gi snying po snying po nyid/ /sngon gyi mtshan nyid dang ldan pas/ /cho ga rin bzhin sman dang sngags/ /de nyid gtor ma'i las dang ni/ /dri yi ri'u mig </font><hr>143b<br><font size=+1>


dgod par bya/ /bcu dgu dang ni sum cu yi/ /gru bzhi pa yi re mig dgod/ /nyin mo stong pa'i sa bon dang / /sde tshan tha ma dgod par bya/ /dbang po la sogs gnas rnams su/ /dang por dbyangs yig rim ji bzhin/ /re mig kun gyi sa bon ni/ /sman sogs bzhin du gzhag par bya/ /na ki b+ha la bing ling ga /ru rta bu ram b+ha sa ka /ka sa la sogs bdun pa ni/ /dbang ldan la sogs gnas su dgod/ /dbang po'i laka pa shu dag dang / /rmongs byed dang ni tsan+dan dang / /tsan+dan dang ni gur gum nyid/ /bdun pa'i gnas su gzhag par bya/ /cha mnyam pa ni gnyis pa'o| |ga bur sA li shu dag dang / /gur gum rkun mo gi wang dang / /sbrang rtsi bdun pa yi ni cha/ /gsum pa'i re mig sde tshan no/ /sa rdzar gu gul ru rta dang / /g+han d+he kha ra ku tu ru/ /me tog phreng ba bdun pa ni/ /bzhi pa'i re mig gnas su'o/ /ka ko la dang sha ta dang / /ge sar son rtsi rgya skyegs dang / /pa tra bdun pa'i cha nyid do/ /lnga pa'i las su yongs su grags/ /dri dang bcud len k+Sha ra dang / /yung ba dang ni khar tra/ /k+Sho'u dri pi pi ling gi cha/ /drug pa'i re mig mig yin no/ /dan ta dan ta ku sum ma/ /rams dang gar sma be ta ki /sa ra rnams ni bdun pa'i cha| |bdun pa'i sman gyi rim pa'o/ /brgya phyed gcig gis ma tshang bar/ /re mig kun sogs sman nyid do/ /re re la yang sngags 'di ni/ /brgya phrag mngon par rab bsngags te// </font><hr>144a<br><font size=+1>


@#/ /dang po chu srin sde tshan sogs/ /bdag nyid bdun gyi bdun pa ni/ /mthar ni phye ma sbyar byas te/ /shin tu zhib mor mkhas pas btags/ /'dus pa rgyal po rgyal dbang gi /bza' dang btung dang ldan par sbyin/ /thams cad bdag nyid 'dod pa bzhin/ /kun nas thams cad dbang du 'gyur/ /dbang po la sogs sde tshan ni/ /phra zhing zhib par rab tu bya/ /phye ma kun nas blangs nas ni/ /bdag nyid mchil mas de bzhin bdun/ /bza' dang ston mor cho ga bzhin/ /rab tu mnyam par gzhag pas bya/ /skyes pa'am ni bud med dam/ /thams cad kun nas 'ong 'gyur ro/ /dang por shel gyi sde tshan ni/ /mnyam por cha de phyed mar bya/ /mi yi snum dang kun du sbyar/ /grib pa ma dang ni grib mar bskams/ /cho lor 'jug cing dga' ba dang / /snga dro thig le sbyin byas na/ /rgyal po'i rigs la nyer 'gro ba/ /skye bo skal can myur du 'gyur/ /sa rdza sngon sogs dbang por sbyar/ /phye ma zhib tu byas nas ni/ /sbrang rtsi kha ra'i cha nyid dang / /rang 'dod spos chu rab sbyar nas/ /mi dga' ba kun dga' ba dang / /dag gi 'dren pa nyid du 'gyur/ / de yi bdug pas bdug pa'i lus/ /'gro ba kun tu rmongs par 'gyur/ /ka ko la sogs dang ldan pas/ /phye ma mnyam par char byas te/ /tsan+dan dang po thams cad kun// </font><hr>144b<br><font size=+1>


cha gsum du ni bye bar bya/ /mi byams sman zhing bkur ba ni/ /skal ldan mjes par 'dod 'gyur na/ /de yi yan lag la byugs la/ /'gro ba rnam par rmongs byed yin/ /dri yi sde tshan bdun par ni| |ka ko la sogs dang ldan par/ /mar dang 'o ma dang bsres nas/ /kun gyi cha dang sbyar byas nas/ /grib ma'i grib mar bskam par bya/ /rigs dman kla klo la sogs kun/ /yid mi 'ong ba byams par 'gyur/ /'di yi sbyor ba sbyin byas nas/ /rang gi 'dod bzhin byed pa'o/ /dan ti mnyam pa'i cha nyid dang / /rgya skyegs la soms kun gyi cha/ /me la bso bar rab tu sbyar| |ka ran dza yi rdog ma tsam/ /yid du mi 'ong ba yi gnas/ /khar bcug kun tu de yi dag /tshig gsum tshig tu brjod pa yis/ /bdug 'dod pa bzhin dbang du byed/ /mtshams kyi dan tin la sogs pa/ /smyo byed chu ni lnga pa dang / /bdag nyid bcings par sngon ldan pas/ /mchog tu bsgoms na 'dug par bya/ /bdug pa 'di yis bdug byas na/ /sgrub pos sna la mnams tsam gyis/ /de yi rang 'dod su la ni/ /dbang du gyur par yongs su grags/ /mtshams kyi sa ra la sogs blang / /phye ma zhib mor byas na ni/ /bdag nyid dri ma lnga dang ni/ /kun nas cha ni mnyam byas la/ /phye ma zhib mo yang dag ldan/ /'di yi sman dang ldan pa yis/ /sgrub bya'i lus la reg byas na/ /nges par dbang du byed pa'o/ /cha dang cha yi </font><hr>145a<br><font size=+1>


@#/ /bye brag ni/ /mkhas shing bzo bar sbyar bar bya/ /khyad par sman gyi las nyid ni/ /cho ga bzhin du rnam par blta/ /rdo rje sems dpar sbyor ba ni/ /pad+ma'i gdan gyi gdan la bzhugs/ /kun nas yongs su rdzogs pa yi/ /bcom gser dang 'dra ba'i 'od/ /snying gar nyi ma'i dkyil 'khor la/ /a ni thig le yang dag ldan/ /'bar zhing rab tu 'bar ba yis/ /bsgrub bya'i sems ni 'gugs par byed/ /mi 'gyur yi ge'i thig le dang / /rtsa bar sgra yis rab tu sbyar/ /mthar ni bdud rtsi'i yi ge'i ming / /'bum phrag gcig gis rab tu bsgrub/ /sman gyi sbyor bar ldan pa ni/ /zla ba'i dkyil 'khor kun nas bya/ /gtor ma de nyid byin brlabs nas/ /'bum dang 'bum du bsnyen pa bya/ /sngon du dan ti'i yan lag dang / /thig le brgya par kun nas ldan/ /bza' ba'i dngos por sbyin byas na/ /mi yi skad cig rnam par spangs/ /dan ti la sogs srin bu dang / /ra yi 'o mar bsres byas na/ /gang gis zos pa tsam gyis ni/ /zhag bdun na ni nges par 'chi/ /ku gsum srin bu bdun dang ni/ /smyo byed chu ni rnam pa lnga/ /bza' bar zos pa tsam gyis ni/ /smyo zhing smyo par 'gyur ba'o/ /rams kyi lam sogs sde tshan dang / /dkar por srin bu sbyar nas ni/ /bza' ba'i dngos por sbyin byas na/ /thams cad kun nas 'thab par 'gyur/ /ka mi srin </font><hr>145b<br><font size=+1>


bu'i sde tshan dang / /mi yi mar khu dang sbyar nas/ /phye mas yan lag la reg na/ /skal ngan mi byams pa dag ni/ /tsi te sde tshan bdun pa ni/ /nor bur sgo nga ldan bzlas nas/ /thig le tsam zhig zos pa yis/ /mod la tshor ba mi bzad 'byung / /sa la la sogs sde tshan dang / /nyi shur ra yi cha yis spangs/ /cung zhig tsam zhig zos pa yis/ /nyi ma nyi shu na de 'chi/ /dan te mtshams kyi srin bu dang / /mar dang sbrang rtsi sbyar nas ni/ /bza' dang btung bzos nas ni/ /mdze nad kyis ni yan lag gzir/ /mtshams sogs thang chu'i srin bu ni/ /bza' dang btung bar rab byin na| |rnam par rmongs cing dran pa nyams/ /de nyid med cing mnyam gzhag med/ /rab sbyor snying po bsdus pa nyid/ /gsang zhing gsang bar byas pa yi/ /rmongs shing blun pa'i sems can sogs/ /sbyor ba 'di yis longs spyod ldan/ /dkon mchog gsum la brnyas pa dang / /slob dpon dang ni gsang smod dang / /sdig gis gos par mi 'gyur ba/ /rnal 'byor ma ni kun gyis gsungs/ /nyon mongs rmongs sogs bag chags dang / /shes rab zhan zhing yid mi gzhungs/ /sngags kyi smon min snying rje mod/ /sman gyi bya ba la 'jug pa'o/ /gdan bzhi pa yi rgyud kyis ni/ /gsum pa yi ni gsum pa'o/ /de yi sbyor ba mthong nas ni/ /brda yi skad kyis bsdus pa'o/ /le'u bzhi pa zhes bya ba rdzogs so// //de yi rtsa </font><hr>146a<br><font size=+1>


@#/ /ba'i snying po'i don/ /sngags kyi sbyor pa'i rim pa yi/ /de nyid bsdus pa'i 'grub pa'o/ /de nyid sman pas lus nyon mongs/ /shes rab thabs ni rgyu gyur pas/ /rang 'dod las ni bsgrub par bya/ /shes rab ye shes snang ba'o/ /thabs ni rigs pa'i tshul nyid do/ /rnal 'byor shes rab rtsa ba 'di/ /thabs ni de yi grogs nyid do| |gang zhig thabs dang shes rab ldan/ /nyon mongs lus las rnam par rgyal/ /srid pa'i nyes skyon du ma yang / /srid pa dang ni rmongs pa gzhi/ /dngos po'i gnas ni mi rtag pas/ /de phyir shes rab yongs su spangs/ /dngos med dngos po yang ma yin/ /skye ba dang ni 'gag pa med/ /dngos po yongs su gnas pa med/ /'jigs pa yi ni rnam pa med| |dngos dang dngos med la sogs mtha'/ /dag dang ma dag dbus su ni/ /de yi mtshan nyid sngon shes nas/ /mnyam po'i lta ba ldan par bzung / /gzung dang 'dzin pa rnam grol ba'i/ /dngos po'i 'du shes rnam par spangs/ /sangs rgyas kyis rtogs bstan bcos las/ /yongs su brtags nas snying po blang / /dngos med dngos por gzung bar bya| |dngos po'i rang bzhin rnam par spangs/ /dngos dang dngos med mnyam byas pas/ /'o ma bsrubs pa las ni mar/ /mchog gi snying po yang dag blang / /mnyam par </font><hr>146b<br><font size=+1>


lta ba 'ba' zhig go/ bstan bcos bstan zhing yongs shes na/ /de yi mtshan nyid dngos po med/ /yang dag lam la dmigs pa yis/ /dngos po mchog dang mchog tu 'grub/ /ji bzhin gnas kyi rim pa brten/ /ye shes mchog tu gong nas gong / /gzhan gyis gnas las 'phangs pa yi/ /mda' yis mda' ni bsnun par bya/ /gong na gong la sogs par blta| |rang 'dod dngos por yang dag blang / /bdun pa'i sgra las rnam par rgyal/ /'khor ba'i dgra yi g.yul nyid ni/ /gang zhig thabs dang shes rab ldan/ /dgra ni dngos po gang du gnas/ /le lo gnyid dang 'dod pa dang / /khro dang rmongs pa sred pa dang / /khro ba yis ni yan lag gzir/ /thabs kyis bdud ni rnam par spangs/ /le lo nyes skyon kun gyi gnas/ / gnyid kyis dge ba rnam par 'joms/ /khro ba yis ni srid pa 'dren/ /'dod pas dran pa rnam par nyams/ /rmongs pa yis ni gnyid kyis non/ /bsres pa yis ni 'khor bar 'jug / bkres pas dman zhing sdang ba yi/ /bdud bdun po ni yongs su spangs/ /kun nas bdud kyis 'bigs pa yi/ /lus ni nyon mongs sdug bsngal gnas/ /rang 'dod pa yi sems kyis ni| |dul bar bsrub cing mnan par bya/ /gang dang gang gi lam du ni/ /rang 'dod sems kyis 'bad pa yis/ /thams cad snying po bsdus nas ni/ /rnal 'byor mchog ni brtsam par </font><hr>147a<br><font size=+1>


@#/ /bya| |rdo rje khu tshur dam bcings nas/ /smon lam bla med rgyu yi ni/ /oM swa b+hA ba shud+d+haHsar+b+ba d+harmAH swab+hA ba shud+d+honyahaM/ yo ga shud+d+haHsarba d+har+m+ma yo ga shud+d+honyahaM/ badz+ra shud+d+haHsar+b+ba d+harmA badz+ra shud+d+honyahaM/ smon lam kun mchog don du ni/ /lha nyid dmigs par bya ba yis/ /rnam shes rang 'dod par byas pas/ /sred dang rmongs pa rnam par spangs// zla ba'i dkyil 'khor dbus gnas par/ /bdag nyid lus ni rnam par brgyan/ /sangs rgyas lnga yi cod pan can/ /dung dang kun da mnyam pa'i 'od/ /bdag nyid sems dpa'i skyil mo krung / /phyag na rdo rje dril bu dang / /sku la rgyan rnams kun gyis brgyan/ /rdo rje me 'od rab 'phro ba/ /'jigs pa med cing 'tshe med par/ /dngos po dngos por bsgom par bya/ / A li kA li rab sbyor bas/ /sa bon sa bon byung ba yi/ /phyag 'tshal sreg pa mthar bzhag pa/ /rang 'dod pa yi sems kyis bzla/ /rim bzhin 'gags pa'i phyi nas ni/ /bdag med shin tu mnyam par gzhag /gzugs kun rnam par dbus nas ni/ /khams gsum du ni mi rtog go/ zla ba la sogs bdag nyid med/ /kun nas thams cad stong par rig /stong nyid stong pa stong chen dang / /dngos med dngos por bsgoms pa yis/ /bsgoms nas lhag ma'i mtha' ru ni/ /rnam shes sgron me lta bur 'bar/ /de yi 'od zer </font><hr>147b<br><font size=+1>


snang ba yis/ /khams gsum mun pa bsal nas ni/ /'bar zhing rab tu phra ba'o/ /rnam shes ye shes snang ba nyid/ /dngos dang dngos po med pa'i dbus/ /gzugs dang gzugs med dbus nyid dang / /'du shes 'du shes med par ldan/ /yud tsam lta bar reg pa'o/ /gzugs dang stong pa la sogs dbus/ /'di yi mtshan nyid mtshon pa nyid/ /'gog pa'i sbyor ba'i rim pa ni/ /shin tu mnyam par bzhag pas bsgom/ /yan lag gzir ba med pa dang / /sems kyi skyo ba med pa yis/ /rim dang rim pa brtsam byas nas/ /'khor ba gcod cing gcod pa'o/ /rtag tu nyid kyis sems kyis ni/ /yang dag byang chub rim pa bstan/ /shin tu bcad cing bltas nas ni/ /rnal 'byor 'di ni blang bar bya/ /oM b+ha ta li b+ha ta li pe ta mu khi hUM phaT swAhA/ /rdo rje mkha' 'gro rnal 'byor gyis/ /brgyad brgya ru ni bzlas par bya/ /gzugs kun rdzogs shing mdzes pa yi/ /btso ma'i gser dang 'dra ba'i 'od// pad+ma'i gdan la bzhugs nas ni/ /rdo rje 'od zer kun nas 'phro/ /ye shes sbyor ba'i sems kyis ni/ /sngags pas 'bum phrag gsum bzlas na/ /'dod dang grol ba rgya chen po'i| |phyis ni las rnams brtsam par bya/ /dur khrod thal ba sogs blangs la/ /snod la dkyil 'khor bri bar bya/ /de yi sol ba'i phye ma yis/ /gang du dkyil 'khor sprul pa </font><hr>148a<br><font size=+1>


@#/ /yis/ /gru bzhi pa la sgo bzhi pa/ /rta babs bzhis ni rnam par brgyan/ /de yi dbus su pad+ma bri/ /thod pa brgyad kyis rnam par brgyan/ /dri dang bdug pa mar me dang / /gtor ma'i de nyid de nyid dang / /kun nas nya phyis dngos po yis/ /sna tshogs mchod pa rgya chen po/ /ye shes mkha' 'gro dgug pa ni/ /pho nya bzhi dang kun tu ldan/ /seng ge stag mo ce spyang dang / /'ug pa mo ni phyogs bzhir ro/ /thams cad kun nas kun tu ni/ /mnyam pa nyid kyi sems kyis mchod/ /de yi shar gyi gnas su ni/ /me yi las ni rab tu byas/ / dur khrod shing gi lhag ma dang / /de yi shing gi ba dan gsum/ /de'am 'on te gdol ba'i mes/ /'bad pas me ni rab tu sbar/ /rdo rje lcags kyu rgya chen po/ /mar dang sbrang rtsi bsres byas pas/ /mchog gi sngags ni bzla bya zhing / /bsregs pas lha mo tshim par 'gyur/ /thams cad gnas dang phyogs nas ni/ /sna tshogs gzugs ni 'jigs pa dang / /mi bzad ku co rab bsgrogs na/ /'jigs par mi bya 'joms par 'gyur/ /dpung gi tshogs ni yan lag bzhi/ /rgyal po myur du 'ong 'gyur na/ /de la tsham ngam sbyin par bya/ /ri rab ri la sogs pa dang / /sa gzhi 'ur 'ur 'gul ba dang / /sna tshogs mi bzad dri dang ni/ /'dren pa'i sems ni 'jigs mi bya/ /sems can chen po'i rnal 'byor pas/ /khri </font><hr>148b<br><font size=+1>


phrag gcig tu sreg byas na/ /rdo rje mkha' 'gro bdun nyid ni/ /'grub par 'di la the tshom med/ /sngags dang phyag rgya'i bya ba dang / /gtor ma'i las dang las nyid dang / /lus la ltos pa med pa yis/ /'grub par 'di la the tshom med/ /phyi nas ye shes lha mo ni/ /me yi dbus su ston par byed/ /bdud rtsi lnga dang ldan pa yis/ /gtor ma dang ni ar+g+haM dbul/ / zab cing rgya cher sgrogs pa yi/ /de la lha mo tshig tu brjod/ /sems can chen po ci zhig 'grub/ /gang 'dod dngos grub rab tu smros/ /de la sgrub pos smras pa ni/ /dngos grub chen po grub ldan pa'i/ /gal te mchog gi dngos grub 'dod/ /grub pa brgyad ni gsol ba gdab/ /bdud dang nyon mongs gza' sogs kyis/ /gal te yid gnyis skyes na ni/ /til mar chen po dang ldan pa'i/ /lcags kyu chen po sbyin sreg bya/ /rdo rje sems dpas gsungs pa bzhin/ /'grub par 'di la the tshom med/ /dngos grub thams cad rab ster ba'i/ /mchog gi lha mo sgrub pa ni/ /lus dang srog la mi ltos par/ /mkhas pa yis ni bsgrub par bya/ /de nas ye shes de nyid mchog/ shin tu phra la rab zhi ba/ /gzung dang 'dzin pa rnam par spangs/ /'byung ba kun la 'dis khyab pa/ /'od kyi bdag nyid gnas pa'i mi/ /ma rig nyon mongs gcod byed pa/ /srid pa la sogs nyon mongs rnams/ /gang du gnas kyi rnam </font><hr>149a<br><font size=+1>


@#/ /pa 'byung / /lus la sems shing sems dpa' dang / /bcu gnyis dus kyi gnas su yang / /gzugs med sems kyi longs spyod pa'o/ /rmongs pa'i gnas dang gnas su ni/ /srid pa'i ngo bo nyid du mchod/ /rmongs pa gcod sogs rnal 'byor pa/ /srid pa 'dam sogs rgal dka' ba/ /dag pa'i chos kyi sgron ma yis/ /sgrib pa'i mtshan ma 'joms pa yi/ /chos dag pa yi thabs kyis ni/ /dag pa'i lus ni skyon med pa'o/ /dngos dang dngos med ldan pa yis/ /legs byas nyes byas 'du shes can| |'dod chags la sogs nyon mongs dang / /rgya mtsho lta bur gting dpag dka'/ /bcu gnyis lus kyi bdag nyid can/ /rmongs pa ye shes rnam par gnas/ /dag pa'i chos kyi chu yis ni/ /lhan cig gnas pa'i dri ma 'khru/ /rang bzhin pad+ma'i dbye ba yis/ /nyon mongs la sogs gdung ba gcod/ /rnam rtog 'jigs pa chen po ni/ / srid pa'i rgyu ste me bzhin no/ /de phyir rnam rtog ring du spangs/ /rnal 'byor pa yi 'gro ba rtogs/ /mnyam nyid sems ni bskyed byas nas/ /kun nas thams cad mnyam par lta| |rab tu mi gnas ming can la/ /las dang las kyi mtshan nyid med/ /bdud rtsi lnga yi rang bzhin yang / /bdud rtsis lus ni tshim par bya/ /rtag tu bdud rtsis mchod </font><hr>149b<br><font size=+1>


pa'o| |dngos su med na rnam par brtag /lcags kyu rnam pa lnga drangs nas/ /thams cad kun nas rim pas mchod/ /sbyor bas mkha' 'gro la sogs ni/ /bdag nyid dbang du myur du 'gyur/ / rtag tu de nyid kyis bza' zhing / /med na gzhan las rnam par brtag/ gsher ba'i bdud rtsi kun nas bsam/ /bza' ba yang na sha nyid du/ /rtag tu dga' ba'i ngo bo yis/ /rtag dang rnam rtog rnam par spangs/ /rang bzhin dag pa'i dpa' bo ni/ /dag ba'i lus su gdon mi za/ /rtag tu rnal 'byor pa spangs pa/ /bgrod dang bgrod min rnam par spangs/ /lo ma'i dang ni 'dab ma'i rgyu/ /snod la thams cad myu gu'o/ /de yi pad+ma rgyas byed pa/ /dag pa'i mtshan ma dang po'o/ /kha dog ngan zhing dri mi zhim/ /btung ba dro ba rnam par spangs/ /dag pa'i ngo bo gcod byed pa| |gnyis pa'i mtshan mar bstan pa'o/ /kun la dga' zhing byams pa dang / /gnod pa nam yang mi byed cing / /sems can kun la snying brtse ba/ /gsum pa'i mtshan ma nyid du bstan// rtag tu stong pa'i blo ldan pas/ /zab cing rgya che'i sems kyis ni/ /thams cad rtsa bzhin du ni stong / /bzhi pa'i mtshan ma nyid du bstan/ /dag cing bstan pa'i ngo bo nyid/ /lus gcig la ni rab ltos pa/ /rtag tu gsang sogs za ba ni/ /lnga pa'i mtshan ma ru ni gsungs/ /brtson 'grus kun nas ldan pa dang / /sbyin dang tshul khrims bzod pa dang / /bsam gtan mchog tu </font><hr>150a<br><font size=+1>


@#/ /brtan byed pa/ /drug pa'i mtshan ma ru ni brtag/ bzo dang rgyu rtsal nyan pa dang / /rtag tu mnyam pa'i sems dang ni/ /rtag tu sems can don la brtson/ /bdun pa yi ni mtshan mar bstan/ /mi shes 'dam du bying ba yi/ /sems can kun gyi blo rtogs byed/ /srid pa yang dag byang chub lam/ /mtshan ma brgyad pa ru ni bstan/ / 'ga' yang nam du mi smod cing / /rdzas dang rdzas min rnam rtog bcas/ /gdug pa'i bdud dang bgegs sogs dang / /rnam par rtog pas srid par ltung / /dka' thub sdug bsngal mi bzad pas/ /bsnyen pa 'grub par mi 'gyur te/ /lus ni dka' bar spyod pa yis/ /'khor zhing srid pa'i mtha' ru'o/ /rnam rtog med pas mnyam par byas/ /dngos po mtshan ma'i sems dang bcas/ /sbyor ba grub pa'i don du ni/ /rnam par mi rtog sems kyis bza'/ /bsgrubs pa rang 'dod snying po ni/ /g.yo dang mi g.yo dngos grub rgyu/ /chos kyi snying po snying po nyid/ /sems ni ye shes rang bzhin ldan/ /sbyor ba'i bstan bcos cha nyid ni/ /de nyid de nyid khyad par ro/ /sbyar dang bsam gtan byas pa yis/ /rtag tu sems ni sbyang bar bya/ /rnal 'byor rjes su rnal 'byor dang / /rnal 'byor las 'das gnas chen po/ /las bzhi dang ni rab ldan pa'i/ /ye shes kyis ni 'khor ba sgrol/ /dang por </font><hr>150b<br><font size=+1>


bskyed rim spyod pa dang / /dbugs kyi sbyor ba rim sogs dang / /las la sems shing sems pa dang / /dang po'i sbyor ba'i mtshan nyid do/ /me bzhin du ni zla ba dang / /mnyam pa'i nyi ma bzhin du blta/ /rna dbang rlung gi rang bzhin du/ /rna ba sgra yi mchod par ldan/ /dngos po kun gyi rang bzhin ni/ /gzugs brnyan la sogs mchod pa'o/ /gtor mas ji skad gsungs pa bzhin/ /gnyis pa shin tu sbyor ba'o/ /dngos dang dngos med mnyam byas nas/ /sangs rgyas byang chub yang dag sbyor/ /phyag rgya chen po yi ni thabs/ /sbyor ba las 'das 'di yid do/ /rang bzhin gyis ni legs spyad na/ /thams cad bdag med pa las byung / /lus sogs stong par rtogs pa ni/ /bzhi pa rnal 'byor chen po'o/ /'di rnams mtshan nyid ldan pa ni/ /chen pho'i sems kyi sdom pa'o/ /rtag tu bya ba der 'jug pas/ /'byung zhing 'khor bar sgrol pa'o/ /spyan ni pad+ma ltar yangs shing / /bzhin ni me tog rgyas pa 'dra/ /'dod pa lnga po nye bar bsten/ /bde bar spyod cing bde bar reg/ 'dod pa kun dang nyer ldan pa/ /bde ba'i sems kyis bsgrub par bya/ /rnam par rtog pa'i rnal 'byor pas/ /srid par 'khor zhing 'jug pa'o/ /yid du 'ong ba'i sa phyogs su/ /bde ba'i stan la 'dug nas ni/ /rang bzhin ldan pa'i las kyis ni/ /mkhas pa yis ni bsgom </font><hr>151a<br><font size=+1>


@#/ /par bya/ /zla ba nyi ma kha sbyar nas/ /sor mo 'brel bar byas nas ni/ /dri med gsum dang dud pas sbrel/ /sems ma rdo rje rab tu grags/ /tshang ngam phur bu ra ba dang / /dra ba thams cad las nyid do/ /'bar ba'i phreng ba mnyam pa'i 'od/ /'di yi phyag rgyar bstan par bya/ /kha ga'i phyogs gzhan nyid dang ni/ /rtsa bar rlung dbang gnon pa dang / /spyi bor 'bar ba'i re pha dang / /mtshan ma'i mnga' bdag gis brgyan cing / /rtag tu zhi zhing mchog gi gnas/ /'bar ba'i phreng ba mnyam pa'i 'od/ / 'di ltar sa bon mdor byas pa/ /thams cad las ni sgrub pa'o/ /lus la sgra yis kun tu dgang / /gzugs la sogs pa zad par byed/ /sa bon lus kye bdag nyid ni/ /sa bon lhag ma bsam par bya/ /go cha'i srung ba dang bral zhing / /thams cad yan lag drug gi las/ /stong pa'i de nyid snying po ni/ /sngon gyi mtshan nyid yang dag ldan/ smad pa dang ni bstod pa'ang med/ /ci 'byor dag pa'i bza' ba dang / /dbang po yul dang longs spyod ni/ /mnyam pa nyid du sems kyis bya/ /sngon du rigs pas smon lam rnams/ /bsgrub bya sgrub pa'i 'bras bu rtogs/ /gang zhig yid la 'dod spyod pa/ /de yi thabs ni rdo rje'o/ /rdo rje khu tshur gnyis bcings nas/ /rked pa'i phyogs su bzung </font><hr>151b<br><font size=+1>


nas ni/ /hUM gi dbyangs kyis kun bgang zhing / /grub pa'i glu yis mnyam par bya/ /dza dza dza dza/ rdo rje sems dpa'i dngos grub bzhugs pa'i bdag po khyod/ /ha ha ha ha/ hUM yig mgon po dam tshig bdag po bdag phyag 'tshal/ /ba ba ba ba/ rdo rje sgrog gi gsang ba las byung sku 'dzin pa/ /a a a a/ a ho mgu ba'i rdo rje a li gcig tu thim par hUM/ / 'di ltar gsang ba'i glu chen po/ /rnal 'byor ma kun tshim byed pa/ /rtse gcig rnal 'byor sems bcas pas/ /khu byug skad ltar snyan pa'i sgras/ /nam mkha'i khams kyi mtha' klas pa| |khams gsum snying po'i dbus su ni/ /rlung gi nam mkha' ltar dag pas/ /sems nyid rlung bzhin nam mkhar brjod/ /rlung gis dkyil 'khor dbus gnas par/ /zla ba'i dkyil 'khor bsam par bya/ /de yi dbus su rab mdzes pa'i/ /A li sa bon 'od dang bcas/ /las kyi sa bon mdog tu ni/ /mnyam par gzhag pas bsgom par bya/ /'byin dang sdud cing gcod mdzad ma/ /A li'i sa bon rab tu grags/ /ji ltar sde tshan gsum pa yi/ /yi ge gsum pa bzung byas te/ /glo ru dbyug pa rdo rje dang / /'og pag gis ni dkri bar bye/ /'di ltar rnal 'byor mchog sgom pa/ /'khor ba thams cad gcod par byed/ /phyi nas bdag nyid lus po ni/ /sems dpa' chen po rdo rje 'dzin/ /kun nas chu yis </font><hr>152a<br><font size=+1>


@#/ /gang bar ni/ /phyogs brgyad du ni mnyam par ro/ /de yi dbus su rab mdzes pa'i/ /pad+ma dkar po yid 'ong ba'i/ /rlung gi dkyil 'khor dbus gnas par/ /'+ao \?\ ma zla ba'i sa bon 'dzin/ /gdugs dkar po yi mngon par bkab/ /'od zer 'bar ba rnams mang po/ /de yis sa bon las skyes pa/ /rdo rje sems dpa'i bdag nyid ni| |kund dkar dang zla ba'i mdog/ phyag gnyis pa la mdzes pa'i brang / /dbu rgyan sangs rgyas lnga yi dngos/ /sems dpa'i skyil mo krung gis bzhugs/ /rdo rje snying gar mtha' 'dzin cing / /g.yon pa dril bu dku ru bsten/ /sgeg cing spro ba'i rang bzhin dang / /rgyan rnams kun ni rnam par brgyan/ /'od zer 'bar ba rnams mang po/ /dngos po'i tshon gyis btso bar bya/ /sangs rgyas sprin gyis rab rgyas pa'i/ /rdo rje rnon po'i 'od 'phro ba/ /'jigs pa med cing gnod med par/ /dngos pos dngos po bsgom par bya| |bzlas 'dod pa yi rnal 'byor pas/ /spro ba'i sems kyis mnyam par bsgom/ /dbus su mchog gi sa bon dang / /phyag 'tshal A lir mthar bzhag pa/ /yi ge drug pa'i sngags chen po/ /sangs rgyas kun gyis gsungs pa'o/ /zlos dang bsam gtan rnal 'byor pas/ /rang 'dod las ni mngon par 'grub/ /'bum phrag gsum du bsnyen </font><hr>152b<br><font size=+1>


pa yis/ /de nas de yi mngon du 'grub/ /de nas kun gyi snying po ni/ /skye dang 'jig dang rnam bral ba/ /gnyis med ye shes rnal 'byor pas/ /'dod bzhin ye shes gnas rnyed pa'o// rdo rje dril bu de nyid dang / /ye shes sku ni gnyis kyi gzugs/ /rdo rje g.yas brkyang gnas nas ni/ /dril bu mnan pa'i rkang pas mnan/ /pad+ma rdo rje sbyar byas nas/ /phyag rgya 'ching bar mchog tu brtson/ /dril bu lag gnyis kyis mgrin par/ /rdo rje gcig gis nu mar reg/ g.yon pas gzhung tshigs mtha' ru 'o/ /tshems kyis ma mchu btsir mdzad cing / /gnyis kyi sems kyis mchog brtson par/ /dngos pos dngos po bsgom par bya/ /steng dang 'og dang dbus gnyis dang / /nam mkha'i dbyings kyi mtha' klas par/ / thams cad stong pa'i de nyid ni/ /sems kyis rab tu sbyang par bya/ /mthar ni sgrol ma'i rnam pa 'o/ /dbus su A li sa bon ni/ /'bar ba'i phreng ba rab tu 'phro/ /khams gsum kun gyi cha dang bcas/ /phyis ni gzugs nyid yongs rdzogs pa/ /gnyis ka yid 'ong gzugs mdzes pa'o/ /dbyig pa rdo rje 'jam pa'i mgon/ /'od dpag shes rab kyi ni bzhi/ /rdo rje dril bu rab sbyor bas/ /mchog gi go 'phang bsgrub bar bya/ /rdo rje gsang bas mtshan nas ni/ /gnyis ka 'khyud nas bzlas par bya/ /phyag 'tshal bsreg pa mthar </font><hr>153a<br><font size=+1>


@#/ /bzhag nas/ /dbus su A li'i sa bon ni/ /rtag pa mchog tu phra ba nyid/ /bde ba'i sems kyis bsgrub par bya/ /yid kyi mchod pa'i cho ga yis/ / kun nas yid kyis bsgrub par bya/ /shes rab rdo rje yang dag par sbyor ba'i le'u rdzogs so// //de nas thams cad snying po ni/ /mchog gi gtso bos bsdus pa 'o| |sbyor ba'i rgyud kyi rjes 'brangs nas/ /gus pa yis ni gzung bar bya/ /shel gyi rnam pa'i sems kyis ni/ /dag pa'i dngos por bza' bar bya/ /sngon gyi mtshan nyid dang ldan pa| |dag pa'i ngo bor bsgom pa nyid/ /de nas rtog pa mi rtog pa/ /bza' dang bza' min mnyam pa nyid/ /btung dang mi btung rang 'dod du'o/ /'khor ba'i pha rol rgal 'dod pas| |sngon du dbang bskur dpa' bo rnams/ /'bad pas brtul zhugs gzung bar bya/ /rim pa bzhin du zla ba la/ /nyi ma 'am ni lo dus su/ /brtul zhugs mtshan nyid bzhi pa'o| |yon tan de yi yongs su bza'/ /bco lnga dang ni bcu bzhi dang / /khyad par du ni tshes brgyad la'o/ /brtul zhugs rim pa 'di nyid ni/ /nan tan gyis ni gtor ma sbyin| |de yi las rnams thams cad ni/ /ye shes de nyid 'bras bu sogs/ /de ltar bden pa'i sngags kun gyis/ /'grub par 'di la the tshom med/ /bza' sogs </font><hr>153b<br><font size=+1>


ston mo'i rnal 'byor pas/ /zla ba tha ma'i nyi ma bzung / /rang 'dod chos ni rab brtags na/ /thams cad sngags ni 'grub par 'gyur/ /brtul zhugs ldan pa nyin re 'am/ /gal te ma 'byor pa na yang / /dbyar zla 'bring po'i tha ma ni/ /lo yi nyi ma gzung bar bya/ /mtshan nyid ji ltar gsungs pa bzhin/ /skyon med sngags kyis sbyin byas nas/ /de yis dus rnams thams cad du/ /dpal dang phun tshogs bdun na gnas/ /rnal 'byor chos sogs la dga' bas/ /gnyis med grogs mchog rab ldan pas/ /de yis chos la bsten nas ni// mchog gi go 'phang bsgrub par bya/ /stong nyid kyis ni gzugs 'jig cing / /blangs pa'i chos rnams zad par byed/ /thams cad sdom pa nam mkha' ni/ /shin tu mnyam par gzhag pas bsam/ /thams cad nam mkha'i gnas su ni/ /'o ma zla ba'i sa bon bsam/ /'od zer 'bar ba mang po ni/ /dkar dang kund zla ba'i mdog/ A li'i sa bon mchog gtso bo/ /dbugs mi g.yo pas bsgom par bya/ /skad cig rnam par sbyor ba yis/ /ye shes mkha' 'gro bdag nyid ni/ /zhal gsum phyag ni drug pa nyid/ /kha dog sngon po mnyam pa'i 'od/ /sems dpa'i skyil mo krung gis bzhugs/ /nyi ma'i dkyil 'khor gyis brgyan pa/ /steng du rdo rje cod pan dang / /sangs rgyas lnga yis dbu la brgyan/ /dgod dang khro dang </font><hr>154a<br><font size=+1>


@#/ /sgeg pa dang / /spyan gsum gyis ni rnam par brgyan/ /smad g.yogs glang chen pags pa dang / /mi yi pags pa rab tu gsol/ /mi yi yan lag lnga rus pa'i/ /rgyan kun gyis ni rab tu brgyan/ /skra yi rtse mo rab 'jam zhing / /me 'bar ba dang mnyam pa'i 'od/ /dang po'i phyag na kha T+wAM ga/ gnyis pa na ni dgra sta bsnams// gsum pa na ni rdo rje 'o/ /g.yon pa sdigs mdzub zhags pa dang / /gnyis pa thod pa khrag gis bkang / /ral gri'i phyag ni steng du 'o/ /rdo rje 'od zer dri ma med/ /sangs rgyas sprin ltar rab 'phro ba/ /sa yi dbus su rnam rol bar/ /dngos pos dngos po bsgom par bya/ /'ug pa lce spyang seng ge dang / /stag mo phyogs su rnam par bsgom/ /bya rog ce sbyang bya rgod dang / /tsa li ka ni mtshams su dgod/ /'jigs pa'i sgra sgrogs mche ba gtsigs/ /ha hUM rnam par 'jigs par byed/ /'di ltar mkha' 'gro rgyal dbang ma/ /bdag nyid sems kyis bsgom par bya/ /rang gi dbugs las phyung nas ni/ /gzugs brnyan la sogs dgod par bya/ /rnal 'byor pa yis bris sku sogs/ /de yi gnas su kun tu bsam/ /'dod dang grol ba'i go 'phang gnas/ /gnyis med gtor ma'i lha nyid yin/ /sbyor ba'i sgo nas sgrub pa pos/ /'di yi mchod pa'i cho ga bshad/ /bza' dang </font><hr>154b<br><font size=+1>


ston mo de nyid dang / /gsang ba'i mchod pas rab tu mchod/ /snying ga'i dkyil 'khor dbus gnas par/ /sems kyis hUM gi sa bon las/ /de yi gzugs la sogs bskyed pa/ /rdo rje sems dpa'i bdag nyid dgod/ /bza' ba la sogs khyad par nyid/ /dag pa'i dngos por bsgoms nas ni/ /sgrub pa shin tu mnyam gzhag pas/ /yud tsam gyis ni sbyor ba yis/ /oM ha ho hrIHswAhA/ oM gyis 'bar bar bsam pa dang / /ha yi rnam pas so sor rtogs/ /sa bon ho yis snang bar byas/ /hrIHyi rnam pas dri ma sbyong / /lus kyis lha nyid tshim pa'i phyir/ /a yi rnam pas rtogs par bya/ /sa bon lnga yis lha nyid ni/ /sangs rgyas lnga nyid mngon par thim/ /oM dzaM g+h+raM trAM hUM a swAhA/ bza' ba la sogs khyad par nyid/ /sngags 'di yis ni gzung bar bya/ /oM gyis rnam pas lus dang ni/ /dzaM gyis rnam par bzung ba dang / /g+h+raM gyis rnam par lto ba dang / /trAM gis rnam par dri med lus/ /hUM gi rnam pas spyad par bya// sems kyis snying gar yi ge a/ /de nyid rtag tu mchod byas na/ /rnal 'byor pa yis sdig sbyang bya/ /dri dang mar me me tog dang / /lha bshos dang ni gtor ma yis/ /glu yi dus su dbyangs snyan dang / /pi wang gling bu la sogs sbyar/ /rtag tu de dag ges mchod cing / /rdo rje sems dpa' bdag nyid brjod/ /'gro dang nyal dang 'dug pa dang / /'chag </font><hr>155a<br><font size=+1>


@#/ /dang thams cad dus nyid du/ /rtag tu sems shing sems dpa' yis/ /rdo rje sems dpa' bsam par bya/ /oM a mu hUM swAhA/ ye shes gzugs brnyan sbyor ba yis/ /sa bon 'di ni bzlas byas na/ /sdig pa thams cad thag bsrings shing / /rang 'dod las ni 'grub par 'gyur/ /'byung ba lnga las gyur pa'i sdig /gang gis gsang ba dbye byas pa'ang / /rtag tu bsgom shing bzlas byas na/ /sdig pa kun las grol bar 'gyur/ /oM ka ra ka ra pradz+nyA mahA tIk+Sha pany+tsa oM bud+d+he ha/ oM kro d+ha hUM hUM hUM/ a a a mu mu mu swAhA/ sngags chen po yi sa bon 'di/ /sangs rgyas sems ni mdor bsdus pa'o/ /skyon med sbyor ba'i sgrub pa pos/ /thams cad ldan pa'i sa bon ni/ /mtshan mo yi ni mtha' nyid dang / /dang por ro hi ta dus la/ /nya phyis snod du chu dang ni/ /ma ga d+ha ni srang gnyis nyid/ /kun nas zla ba'i dkyil 'khor bsam/ /bdud rtsi'i dbus su yang dag ldan/ /bdud rtsi bsam pa'i thabs kyis ni/ /shin tu mnyam gzhag rnal 'byor pas/ /lan bdun mngon par sngags byas pa'i/ /de yi chu ni btung byas na/ /sdig pa thams cad 'jig pa dang / /ye shes bdud rtsi ye shes sku/ /yid gzhungs shes rab rno ba dang / /rlung dang gzi brjid dpal 'phel zhing / /kun nas skal ldan dag dang ni/ / </font><hr>155b<br><font size=+1>


thos dang shes rab nor dang ni/ /rlung mkhris dug dang bad kan dang / /'dus dang glo sogs kyis gzer dang / /mig dang yan lag gzer ba ni/ /chu 'di yis ni nad kun 'phrog/ oM ra ta a brta ni/ sarba pA paM ha ran+tu maM hUM/ pi kr-i ta kro d+ha hUM phaT swAhA/ 'di yi sngags ni sngags chen po/ /srung ba kun gyi bla na med/ /sngon gyi dus su bzhag byas nas/ /rnal 'byor lus ni srung ba 'o/ /lan bdun mngon par bsngags byas la/ /gnas lnga ru ni lan gsum mo/ /sangs rgyas lnga ni mngon bsams nas/ /spyi bo'i steng du bskur byas nas/ /rgyal po seng ge dgra sogs dang / /rkun mo dang ni me dang chu/ /rlung dang mkhris pa la sogs nad/ /'jigs byed 'jigs pa 'joms par byed/ /oM bi mo ha ni saM mo ha ni/ sarba pri ye ti hUM hUM hUM swAhA/ 'di yi sngags ni sngags chen pos/ /'gro kun rmongs par byed par gsungs/ /mi byams pa skyed byed cing / /kun nas mdza' bar gyur pa 'o/ /lag pa g.yon pa yi ni chu/ /snga dro'i dus su kha bkrus nas/ /rnal 'byor pa ni grub 'dod pa/ /dgos pa thams cad 'grub par 'gyur/ /de nas sbyor ba mchog tu bshad/ /snying po las ni snying po mchog/ rdo rje la sogs sgom par bya/ /gnyis su med par mnyam par 'dres/ /yan lag 'di yis tha dad sgom/ /dug med pa yang dug gis bsnun/ /shin tu </font><hr>156a<br><font size=+1>


@#/ /mi bzad rmongs pa yis/ /rmongs pa rnal 'byor bdag nyid 'jigs/ /'bad pas chos kyi thabs kyis ni/ /dag pa'i lus ni rnam dag byed/ dag pa'i sgron ma bltas pa yis/ /nyon mongs la sogs mun pa 'joms/ /nam mkha'i rdo rje rdo rje la/ /sems dang sems ni rnam par thim/ /gcig sogs dngos po sgom pa ni/ /'di yi rnal 'byor mtshan nyid do/ /me yi lhag ma sogs lhag pa/ /dbus dang dbus su rnam par 'tsher/ /de yi 'od kyis nam mkha'i khams/ /shin tu mnyam par gzhag pas blta/ /sa bon 'di yi myu gu las/ /A li kA li rnam par 'byung / /sa bon sa bon rab 'phro ba/ /nam mkha'i khams su yang dag gnas/ /nyi ma'i dkyil 'khor dbus gnas pa'i/ /ro langs ma yi dbus su bsam/ /pad+ma'i gdan la rnam par bzhugs/ /gdugs dkar po yis mngon par g.yogs/ /phyag gnyis sems dpa'i skyil mo krung / /kha dog dmar po 'od mnyam pa/ /lcags kyu zhags pa sdigs mdzub dang / /spyan gsum gyis ni rnam par brgyan/ /sgeg pa'i nyams kyis blta ba dang // na bza' dmar po mngon par g.yogs/ /mchog gi sems dang sems pa la/ /bdud rtsi'i yi ge rnam par bsam/ /lcags kyu'i rtse mor yi ge k+ShuM/ /bzlas shing 'di </font><hr>156b<br><font size=+1>


yis drang bar bya/ /gzugs brnyan gyis ni yid bskyod cing / /rang gi dbugs kyis dgas par bya/ /oM rA ga ra rA ga ta b+ha ti hUM k+ShuM swAhA/ lcags kyu'i sngags dang phyag rgya yis/ / rnal 'byor pa yis 'dod bzhin drang / /rmongs chen shin tu rmongs pa ni/ /mnyam par gzhag nas rab tu bsgrub/ /gdan bzhi pa yi rgyud kyis ni/ /sbyor ba'i gdan gyis gsum pa las/ /grub pa'i snying po bsdus pa ni/ /mdor bsdus nas ni bsdus pa 'o/ /de nas ye shes lus la ni/ /shin tu mnyam gzhag rnal 'byor pas/ /bza' dang bza' ba'i bsam pa yis/ /sbyang dang rtogs pa spyan par bya/ /dngos po rmad pa ma yin zhing / /gang yang brtag par mi bya 'o/ /mtho dang dma' ba'i rigs la sogs/ /mnyam nyid lha ni lnga pa 'o/ /gang zhig skye ba po sogs pa/ /sems kyis gnod par mi bya 'o/ /gal te gnod pa byed sems na/ /rnal 'byor sdom pa ring bar 'gyur/ /gang zhig che dang phra ba yi// gzhan rdzas rang gir byed pa yi/ /rku ba'i sems ni mi bya 'o/ /rnal 'byor sdom pa ring ba nyid/ /rdzun dang tshig rtsub phra ma dang / /'khyal pa'i ngag ni ring du spang / /gzhan gyi sems la gnod byas pas/ /rnal 'byor sdom pa ring ba nyid/ /don dang ling ga rab sbyor bas/ /sbyor ba'i chos kyi snying po nyid/ /rmongs pas log dkris ngag sogs </font><hr>157a<br><font size=+1>


@#/ /kyis/ /de yi rab sbyor smod pa nyid/ /legs par byas pa'i las kyis ni/ /bde ba bskyed pa'i lus kyis ni/ /sems can bde ba lhur len pas/ / theg pa che la legs par bslabs/ /gal te sems can gnod sogs pa'i/ /mi dga' ba yi tshig mi smra/ /sdig pa'i las ni mi bya zhing / /rnal 'byor gtsug lag mi smad do/ /rnal 'byor 'dod dga' ma yin zhing / /rmongs pas rgyags bar mi bya 'o/ /phyag rgya 'ching bar rab sbyor bar/ /rang 'dod kyis ni bsten par bya/ /bsten cing bsten pa'i rab sbyor bas/ /lha nyid tshim zhing bsgrub par bya/ /sems can don gyi ngo bo yis/ /sems can bde bas phan 'dogs byed/ /theg pa chen po'i 'bras bu che/ /'di yi lam gyis bsten par bya/ /gang dang gang du rab sbyor bas/ /de dang der ni phan pas bde/ /sems can sdom pa la sogs pas/ /de yi sems ni gnod mi bya/ /'khor par skyes pa'i dus na ni/ /thabs dang shes rab yang dag ldan/ /dngos po dngos med byed pa dang / /sems can don ni A lir bsgyur/ /phyag rgya bzhi dang ldan pa'i rgya/ /gsang ba'i gsang ba bcings pa yis/ /de yis dbus su bdud rtsi ni/ /skye zhing myu gu 'byung ba'o/ /'dab ma gsum dang kun ldan pa'i/ /A li mchog ni mtha' med do/ /gzhan </font><hr>157b<br><font size=+1>


yang bdud rtsi mchog nyid ni/ /phyi rol kun gyi snying po nyid/ /bdud rtsi yid 'ong skal ldan zhing / /sems can la ni snyan par ston/ /sangs rgyas lnga yi kun gyi lus/ /btsom gser ltar 'bar ba'o/ /cod pan bcings shing 'phyar ba dang / /phyag bzhi yis ni rnam par spras/ /dgod dang sgeg pa'i nyams dang ni/ /rgyan kun gyis ni rnam par brgyan/ /steng du rdo rje lcags kyu dang / /gnyis pa rdo rje zhags pa 'o/ /g.yon pa rdo rje dril bu dang / /gsum pa lcags sgrogs 'ching ba yis/ /phyag bzhi po yi phyag rgya ni/ /gsang ba gsang sogs 'ching ba dang / /lus dang kha dog 'bar ba ru/ /snang ba mtha' yas mnyam par gzhag/ ha yi rnam pa'i sa bon ni/ /yi ge mchog gi dga' bar byed/ /ho yi rnam pas lus dang lus/ / rnam snang mnga' bdag lha nyid do/ /sems dang sems pa bsgoms pas ni/ /lha nyid du ni yongs su grags/ /thams cad lus dang lus can gyi/ /srog dang sems ni 'phrog pa'o| |hrIH yi rnam pa'i sa bon ni/ /phyag na rdo rje stobs po che/ /oM gyi rnam pa gsal bar 'gro/ /kun nas sems ni rtogs mdzad pa'o/ /a yi rnam pa des tshim byed/ / blo dang ldan pas yongs su bstan/ /bdud rtsi chu yi lha mo ni/ /de yi shes bya rtogs pa 'o/ /bdud rtsi gang gis myang ba yis/ /bdud rtsi yi ni 'bras bu thob/ /de bzhin gshegs </font><hr>158a<br><font size=+1>


@#/ /dges lha mo ni/ /gzugs mdzes mchog tu yid 'ong ba'o/ /sangs rgyas kun gyi rnam pa yis/ /phyag rgya bzhi pa bcing bar bya/ /rnal 'byor pa ni sgrub 'dod na/ /gnyis ni gnyis su med par bsgom/ /gnyis ni dngos po dngos med pas/ /ye shes ldan pas yongs su gsal/ /nga rgyal chen pos bcings ba ni/ /spros pa'i sems dang ldan pas bcings/ /sgeg dang khro dang tshul gyis ni/ /lha mo 'i snying po nyid du thim/ /nyi ma'i lag pa'i gdan la ni/ zla ba'i lag pas reg byas la/ /de yis 'khyud cing 'khyud nas ni/ /lha mo'i ye shes nyid du thim/ /lto ba'i ye shes me yi lha/ /de yis gnas su tshim par bya/ /shes rab thabs la thim pa yis/ /gnyis med sbyor bas tshim par bya/ /oM ha ho hrIH a/ sa bon chen po'i sa bon ni/ /'di yis sa bon bsam par bya/ /rim pa 'di yis mchod pa ni/ /sman gyi rgyur ni ma yin no/ /lha mo bkres dang sdug bsngal 'phrog /sgeg cing snyan par smra ba dang / /nga rgyal med pa'i nga rgyal byed/ /brtson med pa yi brtson 'grus bcas/ /kun nas skal ldan lha mos ni/ / rmongs byed 'jigs dang 'gugs par byed/ /yid mi gzhungs dang ngo tsha 'jigs \?\/ /lha mo snyan mas 'joms par byed/ /de ltar yon tan lha mo ldan/ /yid 'ong bdud rtsi </font><hr>158b<br><font size=+1>


snyan pa mo/ /'dod dang thar pa'i go 'phang gnas/ /gang zhig lha mo 'di yi lam/ /chu \?\ skyar ne tso gtam dang ni/ /sgeg dang gar ni lnga ldan pa'o/ /lha min brtson 'grus bdun pa ste/ /dran pa nyams byed brgyad pa 'o/ /lha mo pho nya brgyad kyi las/ /myur du sems ni 'phrog pa 'o/ /rnal 'byor pa yi bdag nyid sems/ /'dod pa'i sems kyis rnam par byed/ /ji ltar gsungs pa'i mtshan nyid kyis/ /'bad pas thang ga sna tshogs dgram/ /pad+ma'i gdan la bzhugs ba ni/ /nyi ma'i dkyil 'khor gyis brgyan par/ /kun nas pho nya brgyad pa ni// bud med gzugs su de yi tshul/ /phyogs kyi mdog dang mdog tu'o/ /gzugs mdzes yon tan ldan pa yi/ /dung chen la sogs lag pa na/ /gnas dang gnas la bdud rtsi'i chu| |sha lnga yi ni snod la sogs/ /bza' dang ston mos nye bar mdzes/ /de yi gzugs brnyan mdun du ni/ /mkhas pa yis ni bsgrub par bya/ /me tog spos dang dri la sogs// gnyis med gtor mar yang dag ldan/ /dang po re zhig dam tshig gi/ phyag rgyal sogs bcing bar bya/ /zla ba'i lag pa rab brkyang nas/ /rnam shes byed par kun tu ldan/ /oM hi li hi li hUM phaT/ dam tshig sngags dang phyag rgya yis/ /mchod pa'i las la rab tu sbyar/ /oM a mr-i ta kuN+Da li ha ho hrIH a swAhA/ nye bar spyod pa'i sngags </font><hr>159a<br><font size=+1>


@#/ /dang / phyag rgya'o/ /nyi ma'i lag pa'i gdan la ni/ /zla ba'i lag pa kun sbyar la/ /snying po'i snying dang phyag rgya yis/ /rang 'dod las ni rab tu byed/ /'bum phrag gcig zlos rnal 'byor pas/ /sngon du bsnyen pa la sogs bya/ /phyis ni me la sogs pa'i las/ /gnyis med gtor ma'i las kyis so/ /me thab kha ran gsum par ni/ /snang byed shing ni rab sbar la/ /lha mo'i me tog rgyas pa ni/ /sbrang rtsis bsku zhing sbyar byas la/ /bdud rtsi'i chu dang kun nas bsre/ /gang gi ming nas yang dag bzung / /brgyad brgya ru ni bsreg byas nas/ /nges par dbang du 'gyur ba'o/ /me yi lha sogs thal ba dang / /bdag nyid khu ba lan lnga ru/ /bdud rtsi dbus su sbyin byas na/ /bdag nyid 'dod bzhin dbang du byed/ /smyo byed sbrul ni lnga pa dang / /u dza'i shing ni cha mnyam pa/ /bdud rtsir ldan par byin byas na/ /myur du smyo bar 'gyur ba'o/ /nim pa la sogs rtse mo la/ /mkhas pa yis ni bsgrub par bya/ /me tog bdug pa dri sogs dang / /gnyis med gtor ma'i las kyis ni/ /arga dkar po'i rtsa ba las/ /'bad pas me ni rab tu sbar/ /pad+mo zhib mo phye ma ni/ /'o ma dang ni bdud rtsis bsku/ /brgyad brgya ru sreg byas pa yi/ /lhag ma'i thal ba bgos pa'o/ /tsi tra ka yi rtsa ba'i chus/ /lan bdun bgos la grib mar bskam/ /mchod </font><hr>159b<br><font size=+1>


pa'i dus su rnal 'byor pas/ /de yi thal ba bdud rtsi chus/ /myur ba nyid du bgos pa ni/ /kha ba kund 'o ma ru/ /lus ni rmongs pa'i gzugs dang ni/ /shin tu rmongs shing rmongs pa'i dri/ /pho nya brgyad kyi lha mo ni/ /stobs dang gzi brjid don med pa'o/ /rnam rtog rmongs pa'i sems can la/ /'di yi las kyis rab tu sbyar/ /rmongs pa spangs pa'i rnal 'byor pas/ /'gro ba myur du rtogs par 'gyur/ /'di yi phye mar blangs byas la/ /dzA ti mar khu lan gsum spang / /bdud rtsi mchod pa'i dus du ni/ /thal ba lhan cig bsres byas nas/ /thig le lce yis myangs pa yis/ /pho nya brgyad kyis 'dzin par 'gyur/ /pho nya'i mtshan ma yongs rdzogs pa/ /smyo zhing rgyags shing rgyags pa 'o/ /smyo byed shing ni yang dag blang / /'bad pas me ni rab sbar la/ / me tog sprang rtsi bdud rtsir ldan/ /brgya brgya ru ni bsreg par bya/ /de yi thal ba blang nas ni/ /rab tu sbyor ba la sogs bya/ /bdud rtsi bskyed pa'i gnas su ni/ /thal ba de yis byugs byas na/ /chu yi mdog ni gzhan du dang / /de yi ro ni gzhan du 'gyur/ /sbrang rtsi 'o mar ldan pa yis/ /de gzugs sdu ma bzhin du 'gyur/ /de yi thal ba blangs byas la// sku gsum pa yi cha dang bsre/ /bdud rtsi yi ni cha bdun dang / /ma ru rtse yi cha brgyad ni/ /mchod pa'i dus su chang la ni/ /de yi thal ba blugs byas na/ /gang la byin pa tsam </font><hr>160a<br><font size=+1>


@#/ /gyis na/ /bdud rtsi kun nas rang 'dod rig/ gang dang gang gi lam gyis ni/ /de dang de yi rmongs pa rnams/ /sems can don du rmongs bsal phyir/ /rtag tu lam naM bstan par bya/ /gzhan gyi don la brtson par bya/ /rang gi 'dod 'di bsdus pa 'o/ /sman dang sngags kyi sbyor ba yang / /shes rab sman la sogs pas dman/ /gdan bzhi pa yi rgyud kyis ni/ /gsum pa gtor ma'i las kyi ni/ /dngos grub snying po btus pa ni/ /de yi dngos po bsdus pa 'o/ /sngags sgrub pa yi don du ni/ /gzugs brnyan rab tu sbyar bar bya| |mchog gi gzugs brnyan rab sbyar bas/ /byin gyis brlabs kyis rim pas bsgrub/ /zhi dang rgyas dang dbang dang ni/ /gsad dang bskrad dang dbye ba ni/ /gzugs brnyan gyis ni thams cad 'grub/ /gzugs brnyan mtshan nyid ldan par bya/ /sngon du ras kyi mtshan nyid dang / /gnyis pa ta la'i mtshan nyid dang / /gsum pa kha dog rim pa dang / / bzhi pa gtor ma sbyin sreg nyid/ /gleng gzhi rang 'dod bskyed nas ni/ /ma nyams kha tshar yang dag ldan/ /steng 'og la sogs rab rgyas pa/ /ras la zhi ba'i ri mo bri/ /ma lhung ba yi yi dwags gos/ /ma nyams kha tshar bgo bar bya/ /tshon gyis ma phog cha la ni/ /rgyas pa yi ni mtshan nyid do/ /yi dwags mo yi dmar po'i ras/ /ma lhung bar ni rab tu spyad/ /tshon gyis </font><hr>160b<br><font size=+1>


ma phog rab sbyar ba/ /dbang nyid du ni yongs su grags/ /ra nag po yi pags pa dang / /ba lang rta sogs gzhan dag la/ /gnag cing drag sogs pa yi las/ /mngon spyod las kyi mtshan nyid ngo // de yi mnan pa'i gnas su ni/ /thig gi mtshan nyid gdab par bya/ /cha gsum du ni rab tu bgo/ gcig ni 'og tu dor bar bya/ /cha gnyis lnga pa'i steng du 'o/ /gsum pa gsungs pa'i thig nyid ni/ /tshangs pa'i ri mo dbyug pa ni/ /cha lnga pa ni bdun du 'o/ /lus ni cha gsum nyid du 'dod/ /zhi dang yan lag mnyam pa 'o/ /zhal ni bcu gnyis cha nyid do/ /mgrin pa la ni sor bzhi 'o/ /mgo dang skra la'ang de nyid do/ /rna ba nyid kyang de yi tshad/ /zhal gyi cha ni gsum pa nyid/ /dpral ba lkog ma sna nyid do/ /smin ma'i mtha' ni rna ba'i ltag/ mig ni sor gnyis pa yi tshad/ /bug pa sor mo bzhi pa 'o/ /de ni mig gi mtshan nyid do/ /mgrin pa'i mtha' yi dbus su ni/ /brang gi cha ni gnyis kyis mnan/ /snying ga'i gnas dang lte bar ni/ /mnan cing kun tu mnan pa 'o/ /nu ma'i mthar ni mnan bcas pa/ /brang du nu ma gnyis mnan la/ /lag pa gnyis kas mnan pa ni/ /lag gnyis kun tu gnon pa 'o/ /sor bzhi pa dang ldan pa ni| |brla dang rdza ngar kun tu ldan// pus mo gnyis la sor bzhi 'o/ /rkang pa'i tshad kyang de bzhin no/ /bcu gnyis ta la'i tshad kyis ni/ /lha yi gzugs ni ri mor dri/ /lhag pa'i sor mo </font><hr>161a<br><font size=+1>


@#/ /bzhi po ni/ /lha brgyad kyi ni gdan du 'o/ /dgu pa yi ni gdan nyid ni/ /sor mo gnyis su bshad pa'o/ /dbus kyi zla ba'i dkyil 'khor ni/ /kun nas na bza'i 'od zer sogs/ /rab zab rdo rje'i lha nyid ni/ /ta la bcu gnyis kyi ni tshad/ /'og ma'i cha dang cha sogs dang / /nye bar mdzes sogs re mo bri/ /steng gi lhag pa'i cha la ni/ /rigs ni lnga pa bstan pa'o/ /las kyi mdog sogs mdog tu ni/ /'dod bzhin lha nyid bsgrub par bya/ /gzugs brnyan rab tu sbyor ba ni/ /bcu gnyis ta la'i rnam pa'o/ /de yi ta la'i tshad la ni/ /phyag gnyis kun nas bkug pa ni/ /sor mo gnyis ni rab dor la/ /zhi ba'i lha yi rnam pa'o/ /de yi ta las zhal bzhin bya/ /gsus khyim che zhing che ba nyid/ /kun nas tshigs dang tshigs nyid ni/ /sor mo gnyis ni dor bar bya/ /khro bo khro mo dbang phyug ma/ /phran pho bran mo mngag gzhug ni/ /drag po 'jigs su rung ba'i gzugs/ /ta la bcur ni bri ba'o/ / dkyil 'khor sgrub par 'dod pa yis/ /mchod pa'i lha mo mngon par ldan/ /ras kyi brgyad kyi cha nyid ni/ /ta la'i steng du dor bar bya/ /dkyil 'khor lha mo'i rim pa ni/ /rim dang rim bzhin sbyar bar bya/ /dbus su mnga' bdag rdo rje'i lha/ /gcig pa'i mtshan nyid rnam par bri/ /mgrin pa kos ko zhabs nyid ni/ /de gsum ring na nyes skyon no/ /sngags pa </font><hr>161b<br><font size=+1>


nges par bdag nyid ni/ /skrod dang gnas ni brlag pa'o/ /shangs dang snyan dang sor mo ni/ /de gsum thung ba'i nyes pa ni/ /nges par dngos grub brlag pa dang / /de yi dpal yang ring ba nyid/ /rje ngar zhabs dang mkhur tshos ni/ /de gsum sbom pa nyes pa che/ /ngas par sgrub po'i bdag nyid ni/ /bdud dang bgegs dang dpal ring ngo / /'gram pa brang dang rtsibs logs ni/ /de gsum dma' na skyon che 'o/ /yun mi ring ba myur du ni/ /nor ni brlag par 'gyur ba 'o/ /nu ma rna ba dpral ba ni/ /de gsum yon skyon che 'o/ /'thab mo dang ni dgras 'tshe bar/ /myur du sgrub po 'gyur pa'o/ /brang dang lus dang brla gnyis ni/ /de gsum dma' na skyon che 'o/ /dgras ni 'jigs par 'gyur ba dang / /'chi bar yang ni the tshom med/ /sna zhom mig ni yo ba dang / /rna ba mchu dang dpral ba ni/ /bgegs dang bdud dang mes 'jigs shing / /dngos grub ring bar 'gyur ba nyid/ /gyen du lta ba'i dbugs dang ni/ /gdan ni g.yo zhing tha dad pa/ /brang dang mgrin pa yan lag ni/ /nyes skyon grangs ni med par grags/ /'od zer yo zhing tha dang dang / /phyag rgya phyag mtshan nor bas ni/ /mya ngan gdung bas sdug bsngal bar/ /sgrub po'i gzugs brnyan nyes skyon no/ /rgyab yol gdugs dang gdan rnams ni/ /rnam gsum dog pa'i nyes pa ni/ /'chi zhing dpal nyams brlag pa dang / /mi mdza' mdza' ba 'joms pa'o/ /de ltar nyes pa'i </font><hr>162a<br><font size=+1>


@#/ /skyon chen pos/ /dul zhing dul la bzod pa dang / /sems ni shin tu mnyam bzhag pas/ /rnam par brtag cing rab tu dpyod/ /mtshan nyid thams cad yongs rdzogs shing / /mdzes pa'i tshul gyis mchod par bstan/ /sngags grub rgyu yi don dang ni/ /dbang dang dgug pa yi ni lha/ /zhi ba la ni zhi ba'i tshul/ /drag la drag cing 'jigs su rung // dpa' zhing dpa' ba'i nga rgyal gyis/ /dgod cing khro dang sgeg pa dang / /khro bo'i gzugs kyi tshul dang ni/ /bran dang bran mo'i rnam par sprul/ /las kyis gnas dang gnas nyid du/ /bdag nyid kyi ni kha dog bsgyur/ /de ltar mtshan nyid mtshon pa yis/ /dngos grub myur du rdzogs pa dang / /rnal 'byor pa yi 'dod pa las/ /sngags pas thang ga'i ri mo bri/ /na maHsa man+ta bu d+d+ha nAM| saM bo d+ha ni/ bi shu d+d+hA/ na maHsarba b+hi ga ha re nam+tu hUM hUM hUM phaT phaT swA hA/ sngags pa yis ni sngags 'di yis/ /ras dang skud pa bkru ba'o/ /thams cad las kyi sngags kyis ni/ / sangs rgyas lnga yi byin gyis brlabs/ /gzugs brnyan so sor rab sbyor bas/ /sgrub pos thang ka bsgrub par bya/ /gzugs brnyan 'grub pa'i rgyu ru ni/ /sbyin sreg phyag rgya sngags bya'o/ / yi dwags kyi ni gos blangs la/ /gtor ma la sogs ldan pa yi/ /nan tan gyis ni thang ka brgyad/ /thig skud kyis ni ri mo bya/ /pad+ma'i gdan la bzhugs pa ni/ /zla ba'i dkyil 'khor </font><hr>162b<br><font size=+1>


dbus gnas par/ /sems dpa'i skyil mo krung gis bzhugs/ /phyag gnyis pa la thang ga mdzes/ /rdo rje cod pan thon ka'i rtse/ /sangs rgyas lnga yis rnam par brgyan/ /rgyan rnams kun gyis brgyan pa'i sku/ /dar gyis dkri zhing rnam par 'phyang / /rdo rje phyag gis gsor mdzad cing / /snying gar gnon pa mchog tu brtson/ /g.yon par dril bu mngon ldan pas/ /rked pa'i mtshams su rnam par gnon/ /btso ma gser gyi kha dog dang / /sgeg cing shin tu bzhad pa'i zhal/ /rdo rje dkyil 'khor la brten par/ /khro bo'i 'od zer rnam par spro/ /dkar dang zla ba kunada'i mdog/ lha mo gsang ba'i snod mdzad cing / /rkang pas 'khyud pas thal mo sbyar/ /phyag gnyis kyis ni mgrin par 'khyud/ /tshems kyis ma mchu brtsir nas ni/ /myos pas khro bo mchog gi ste/ /rgyan rnams kyis ni brgyan pa'i sku/ /chags pa'i gos dkar bsnams pa nyid/ /pa sbu nas ni rdo rje 'phro/ /gdugs dkar po yis mngon g.yogs pa'i/ /'di ltar rdo rje dbang phyug rgyal/ /pad+ma'i lus can rdo rje 'dzin/ /rdo rje shar gyi cha ru ni/ /mi gzugs ri mor bris pa ni/ /gzugs kun la sogs rab rgyas pa'o/ /gnod sbyin mo ni rgyal dbang 'di/ /rin chen gdan la bzhugs pa ni/ /rgyan kun gyis ni rnam par brgyan/ /phyag na gtor ma'i snod sogs pa/ /phyogs kyi mdog tu btso bar bya/ /dngos grub kun ster lha mo ni/ /lus ngan gyi ni sring mo'o/ /phyag 'tshal tshul gyis 'dud pa ni/ /lha mo sgrub </font><hr>163a<br><font size=+1>


@#/ /pa'i mtshan nyid do/ /rdo rje byang gi cha la ni/ /lha mo snyan par smra ba ni/ /de ltar rdo rje dbang phyug rgyal/ /pad+ma'i lus can ye shes 'dzin/ /snyan pa'i gser btso ma yi mdog/ bzang po'i gdan la bzhugs pa ni/ /rgyan rnams kun gyis rnam par brgyan/ /gnyis kyi phyag na bdud rtsi'i snod/ /sgeg pa'i nyams kyi lta ba ru/ /mkhas pa yis ni bri bar bya// ye shes nub kyi cha la ni/ /lha mo snyan pa'i dbang phyug ma/ /btsom gser gyi mdog dang ni/ /rgyan rnams kun gyis rnam par brgyan/ /thams cad mtshan nyid yongs rdzogs pa'i/ /lha mo gzhon nu grub pa ni/ /lcags kyu lnga sogs snod kyis ni/ /gnyis pa'i phyag ni rnam par brgyan/ /rdo rje lho yi cha ru ni/ /'byung mo'i ming ni ska rags can/ /sku mdog sngon mo gzugs mdzes pa'i/ /rgyan kun gyis ni rnam par brgyan/ /bdud rtsi'i bum pa phyag gnyis na/ /gzhan gyi sgeg pa'i yan lag dang / /gshin rje yi ni sring mo nyid/ /dngos grub kun ster lha mo ni/ /thams cad kun la gzugs mdzes par/ /rnam par brtag te ri mor bri/ /rdo rje dril sogs ri par yang / /dbang ldan la sogs rim par sbyar/ /phyag gnyis sems dpa'i skyil mo krung / /phyag ni phyag rgya mtshan ma sogs/ /de ltar rdo rje dbang phyug rgyal/ /rol pa'i 'khor lo bsam par bya/ /lha rnams dmigs ba dang bcas pa/ /sngags dang phyag rgya gtor mas mchod/ /oM sarba </font><hr>163b<br><font size=+1>


sid+d+hi ku ru hUM/ nye bar spyod pa'i sngags so/ /oM b+dz+ra hUM phaT/ nyi ma'i lag pa rab brkyang nas/ /ye shes kyi ni pad+ma mnan/ /dam tshig sngags dang phyag rgya'o/ /de yi sngags dang phyag rgya yis/ /yan lag drug tu bsrung bar bya/ /ye shes khu tshur gnyis bcings nas/ /dkar po dang ni sa gdugs sgreng / /'khyil par sa gdugs 'khyud byas la/ /dkar po'i lcags kyus spyan drang ngo / /oM b+dz+ra aM ku sha dzaH phyag rgya de nyid brtan bcings la/ dkar po dang ni gi wang sbrel/ /zhags pa'i dam tshig phyag rgya yi/ /kun nas lha mo bzhugs par ldan/ /oM b+dz+ra pA sha hUM/ phyag rgya de nyid dam bcings nas/ /rgyab dang rgyab tu sbyar bar bya/ /gsang zhing gsang ba'i lcags sgrog gis/ /lha rnams kun nas mnyes par bya/ /khu tshur de nyid dam bcings nas/ /rgyab dang rgyab tu yang dag ldan/ /sa gdugs pad+ma sbrel byas la/ /kun nas lha nyid tshim byed pa'o/ /spos kyi phyag gnyis rab ldan pas/ /sor mo gnyis ka sgreng byas la/ /zla ba nyi mar bzhugs byas la/ /snying rje chen po'i phyag rgya'o/ /oM su ra ta b+dz+ra hUM dza/ khu tshur gnyis ni bcings byas la/ /nyi ma'i steng du kha sbyar la/ /shar gyi phyogs kyi lha mo ni/ /snying po sngags dang phyag rgya'o/ /oM shri ye ba ti hUM phu srA hA/ phyag rgya de nyid dam bcings te/ /ye shes dang ni rnam shes sgreng / /oM su rti ma \?\ hUM phu swA hA/ byang gi phyogs kyi lha mo ni/ /snying po sngags dang phyag rgya'o/ /phyag rgya de nyid dam bcings nas/ /dkar po dang ni gi wang sgreng / /oM su ru su ru ma du re hUM phu </font><hr>164a<br><font size=+1>


@#/ /swA hA/ nub kyi phyogs kyi lha mo ni/ /snying po sngags dang phyag rgya'o/ /phyag rgya de nyid dam bcings nas/ /sa gdugs pad+ma'i kha sbyin bya/ /oM pri ye me kha lA hUM phu swA hA/ /lho phyogs lha mo rgyal dbang gis/ /snying po sngags dang phyag rgya'o/ /gnyis med cho ga'i sngags kyis ni/ /mkhas pa yis ni mchod par bya/ /bdug pa me tog sogs glu dang / /mkhas pas mchod pa nyi shus mchod/ /'dod dang thar pa dge ba'i gnas/ /las rnams thams cad 'grub byed pa/ /rdo rje chos kyi bde sbro ba/ /rnal 'byor sngags kyis sgrub par byed/ /de nas kun gyi snying po ni/ /khro bo gnod byed khro mo ni/ /dbye ba rnam gsum sku rang bzhin/ /sangs rgyas byang chub yan lag bzhi/ /khros pa'i khro bo'i mchog tu spro/ /'jigs pa theg pa rnam pa gsum/ /lha mo'i lta bas 'jigs par byed/ /bdud dang 'byung po gcod byed cing / /bdud dang gdugs pa skems pa dang / /gnon cing yul nas skrod pa dang / /'dod dang thar pa'i go 'phang sgrub/ /tshangs pa mnan cing nyed pa dang / /tsa muN+Di ni drag pos 'gugs/ /'jigs byed kun nas bsgrubs pa yang / /mkhas pa yis ni bsgrub par bya/ /re zhig dang po bris pa'i sku/ /mtshan nyid ji ltar gsungs pa bzhin/ /bye ba bcu bzhi'i tshogs dang ni/ /sna tshogs gzugs can bzhin ngan pa/ /lha mo dka' bzlog gdan du ni/ /rgyan kun ras rnam par man+na/ /nyi ma'i dkyil 'khor dbus su ni/ / </font><hr>164b<br><font size=+1>


rdo rje mkha' 'gro rnam par sprul/ /zhal gsum phyag ni drug pa nyid/ /'od zer sngon po 'bar ba'i zhal/ /rol pas 'phel ba'i gdan la ni/ /tshangs pa'i mgo ni zhabs kyis mnan/ /spyan gsum khro lang rgyal can/ /dmar zhing dmar pa'i spyan dang ldan/ /'khyil zhing rnam par dgyes pa yi/ /dbu skra dmar pos rnam par brgyan/ /rus pa'i thod pa'i phreng ba yis/ /sangs rgyas mi bzad cod pan mo/ /bgegs kyi mgo bo bsam pa yi/ /klu gnyis kyis ni rnam par brgyan/ /shin tu dgod cing mche ba gtsigs/ /zhal gsum kha dog gsum pa'o/ /glang chen pags pa bsnams pa'o/ /mi yi pags pa rab tu gsol/ /rgyan brgyad kyi ni gnas nyid du/ /dkar zhing rab 'bar rus pa'o/ /sangs rgyas mgo bo'i phreng ba dang / /mche ba rno zhing sor mo 'bar/ /steng gi phyogs su mda' dang ni| |gnyis pa la ni kha T+wAM ga/ /gsum pas rdo rje gsor ba'o/ /g.yas pa sdigs mdzub zhags pa dang / /gnyis pa la ni thod pa'o/ /gsum pa gzhu dang kun nas ldan/ /rgan byed drag mo 'jigs su rung / /zhags pas bcings shing rnam par brgyan/ /drag mo mnan cing mche ba gtsigs/ /khrag 'dzag pa dang brgyal ba ni/ /so sor dbus su brgyan pa na/ /so so'i pho nya rab tu sgrub/ /tshon bdun gyis ni gos pa yi/ /rgyun mi 'chad par rtag tu spro/ /khro bo mche ba gtsigs pa'i lus/ /'bar ba'i 'od zer rdo rje can/ /mi yi keng rus keng rus dang / /gdugs dkar po yis mngon par </font><hr>165a<br><font size=+1>


@#/ /g.yogs/ /ye shes khro bo dbang phyug bdag /drag cing shin tu drag pa 'dul/ /bdud rnams thams cad gnon mdzad pa/ /shin tu gdug pa'i sems can rnams/ /zhi bas 'dul bar mi 'gyur bas/ /thabs dang shes rab sbyor ba yi/ /khro bo'i gzugs la sogs pa bstan/ /khwa dang 'ug pa bya rgod dang / /ce sbyang srin po khyi la sogs/ /'jigs pa'i ku co rab sgrogs dang / /mi yi keng rus kyis bkang ba'i/ /de ltar gzugs brnyan rab sbyor bas/ /'dod dang thar pa don gnyer dang / /thams cad khro bo 'jigs mdzad pa'i/ /sngags pas gzugs brnyan bsgrub par bya/ /oM ta hUM ma tham tha duSh+TA na g+hA ta ya hUM phaT swA hA/ ba dan gsum sogs phyag rgya yis/ /las rnams kun nas rab tu byed/ /spos dang bdug pa la sogs dri/ /rgyas pa'i mchod pa kun ldan pas/ /dpa' bo mchod sogs yang dag ldan/ /dkyil 'khor cho ga mthong ba yis/ /cho ga'i yan lag sbyin sreg las/ /gtor ma'i las ni khyad par nyid/ /ma brtags pa yi sha dang ni/ /khrag gis kyang ni de nyid las/ /gang gang dngos grub 'dod pa yis/ /de yi rnam pas tshim par bya/ /oM ba tri t+ti nI mahA kro d+ha hUM phaT/ zla ba nyi ma brkyang nas ni/ /rgyab dang rgyab tu sbyar bar bya/ /dkar po gi wang sprel byas nas/ /sa yi gdugs dang pad+ma sprel/ /de nyid snying po phyag rgya dang / /sngags de nyid ni rnam par sbyang / /phur bu ra ba tsham ngam dang / /dra ba go cha mtshon cha </font><hr>165b<br><font size=+1>


rnams/ /las kyi gnas su dgod pa ni/ /phyag rgya 'di ni rab tu grags/ /phyag rgya 'di nyid snying gar bcing / /ye shes dang ni rnam shes sbyar/ /oM kro d+ha ni hUM a/ snying po mchog gi sa bon dang / /phyag rgya de nyid rnam par bya/ /lus dang srog la ltos med par/ /chen po'i sems kyis bsgrub par bya/ /drag cing rno ba'i lha mo ni/ /rno ba'i sems kyis bsgrub par bya/ /cung zad zhi ba'i lha mo ni/ /thabs gcig gis ni mtshan nyid do/ /chu yi 'gram gyi sa phyogs su/ /sngon du bsnyen pa la sogs bya/ /'bum phrag lnga ni bzlas pa dang / /phyis ni 'bum phrag gcig gis so/ /zhi ba'i mchod pa phul nas ni/ /me yi las la sogs pa bya/ /nag po ra yi sha dang ni/ /khrag dang rnam par bsres nas ni/ /bris sku la sogs gzugs brnyan mdun/ /rdzogs pa'i cho gas sbyin sreg bya/ /gtor ma sbyin sreg gis tshim bya/ /thams cad las ni 'grub par 'gyur/ /zhi dang rgyas dang dbang drag dang / /mngon par spyod pa la sogs 'grub/ /dri zhim chu yis bkang ba yis/ /bum pa rgya cher mchod pa yis/ /nad kyi yan lag gzir ba la| |sngon du dbang bskur byin byas nas/ /nad kun dang ni bral ba dang / /de bzhin gza' yis gnod pa nyid/ /skal pa dman dang mi byams pas/ /thams cad zhi ba thob par 'gyur/ /ser po'i mtshon dang spra tshil las/ /log 'dren lha yi gzugs brnyan nyid/ /mnyam p+pa'i gdan la thal mo sbyar/ /phyag bzhi yis ni rnam par spras/ /mche ba g+r+tsig+sa pa yan lag rgyas/ /pad+ma'i snod la gnas pa </font><hr>166a<br><font size=+1>


@#/ /ni| |rtse gsum dang ni bza' ba'i snod/ /dgra sta la phug phyag na'o/ /sor mo bzhi yi tshad du ni/ /rgyan kun gyis ni rnam par brgyan/ /bris sku'i gzugs brnyan mdun du ni/ / 'khrul 'khor 'di ni bri bar bya/ /gro ga 'am ni shing shun la/ /gi wang dang ni gur gum gyis/ /sgrub pa po yi gzugs brnyan bri/ /gzugs dang rnam pa kun ldan pa/ /snying gar ming ni bri bar bya/ /g.yo dang lhung dang srog 'dren pa/ /lcags kyu kun nas ldan pa dang / /dpral bar drangs nas gzhag par bya/ /bgegs kyi dbang po yi ni gdan/ /snying gar mnan nas gzhag par bya/ /me tog bdug pa sogs pas mchod/ /nan tan gyis ni gtor ma'i las/ /don 'dor 'bras bu don gnyer ba'i/ /rnal 'byor pas ni sngags yig bzlas/ /oM traM tha tha tha hUM dza swA hA/ me tog dkar po la bzlas shing / /re re zhing ni brdeg par bya/ /brgya rtsa brgyad du yongs rdzogs na/ /'grub par 'di la the tshom med/ /sngags 'di yis ni sbyor ba yis/ /sgrub pa po yi yid g.yo zhing / /myur du 'gugs shing lon pa'o/ / rgyal po'i dbang po dbang phyug sogs/ /rgyal po dang ni rgyal tshab dang / /phyug po'i byis pa la sogs dang / /shin tu mdzes pa'i bdag nyid lus/ /sha rtsi dang ni brgya byin sogs/ /gal te kun nas 'dod tsam gyis/ /sgrub pa po yi dbang du 'gyur/ /ji srid lus ni 'tsho ba'i bar/ /dus rtag tu ni rnam par 'dud/ /nga rgyal yan lag gtso bo bas/ /nga rgyal gyis ni 'grub par 'gyur/ /khro bo'i </font><hr>166b<br><font size=+1>


lus ni bstan pa yis/ /las dang las ni myur du 'grub/ /khro bo'i lus rnam par bstan pa zhes bya ba rdzogs so// //spyod pa'i chos can kun bsdus pa/ /brtul zhugs mtshan nyid brtan pa'o/ /ye shes longs spyod 'bras 'dod pas/ /spyod pa'i mtshan nyid shes par bya/ /mi bzad 'khor ba 'jigs pa ni/ /chags pas srid par ltung ba'o/ /chags pa spangs pa'i lus kyis ni/ /rgyun du brtul zhugs yang bzung ngo / /dben par shin tu mnyam bzhag pas/ /dngos po thams cad mdor bsdus pa'o/ /chags pas srid par ltung ba dang / /zhen pas 'khor bar 'jug par byed/ /rmongs pa'i bdag nyid ring du spangs/ /sems can don du chos bstan phyir/ /sems can don byed gyur bas kyang / /brtul zhugs dka' thub mi bzad pas/ /dben par sbyor bas 'grub par 'gyur/ /chags pa'i nyes pa rgya mtshor 'khor// bdag nyid nyon mongs las rgyal phyir/ /sems can don blo 'ba' zhig go/ /sems can don 'gyur dus su ni/ /spyod dang sdom pa'i sngon bzhin no/ /'du 'dzi dang bral dben pa ni/ /dga' ba ru ni lus srung ngo / / dang po ro zhig rnal 'byor pas/ /bstan bcos tshig rnams blangs byas nas/ /sdom pa thams cad yang dag ldan/ /rab tu rno bas chos spyod do/ /gnas dang gnas la'ang mi gnas pa'i/ /nam du yang ni mi bzung ngo / /bza' dang bza' min par rtogs pa'i/ /dman sogs nges par mi bya'o/ /'bad pas rtag tu dga' ba yis/ /lham mkhan nya pa bshan pa dang / /bram ze dmangs rigs rgyal rigs </font><hr>167a<br><font size=+1>


@#/ /rnams/ /mnyam pa'i sems kyi lam gyis ni/ /rtag tu slong mo bslang bar bya/ /gal te gong du spyod pa'i tshe/ /gang zhig bza' ston zos pa dang / /mal cha ras dang mchil lham yang / /longs spyod longs spyod yid 'ong ba'i/ /brtul zhugs la gnas tsam gyis ni/ /rnal 'byor sdom pa ring ba nyid/ /spyod pa spyod dgur rnal 'byor pas/ /bsod nams lag tu blang bar bya/ /thams cad blangs kyang nyes med de/ /dngos po yang ni mi bzung ngo / /sems ni rnam par dag pa yi/ /thams cad bza' zhing bza' ba nyid/ /dag cing gus bcas nga rgyal gyis/ /de yis gnas ni yongs su spang / /dad pas dkyil 'khor 'dri ba dang / /yang na gtor ma'i las la ni/ /bsags pa'i rdzas kyi dngos po ni/ /de yi gnas su dbul bar bya/ /chos gos gsum gyi lhag ma ni/ / slar yang gus pa yis ni bzung / /spyi bor dur smrig mtshan ma dang / /sangs rgyas byang chub yan lag dang / /snying po'i chem ber chos gos gsum/ /steng du rdo rje dbyug pa dang / /lhung bzad mchan khung chu tshags bcas/ /de ltar 'dzin pa'i lus la ni/ /glegs bam la sogs gzhan yang med/ /grog mo la sogs bsal ba'i phyir/ /rnga ma'i chun po bsngags pa yin/ /sangs rgyas byang chub yan lag dang / /chos don rtsa ba snying rje nyid/ /de nas bslab par bya ba ni/ /bla ma'i tshig gi sdom pa'o/ /sangs rgyas ye shes rdzu 'phrul che/ /mchog la skyabs dang skyabs su mchi/ /rdo rje dbang phyug mchog gi </font><hr>167b<br><font size=+1>


lus/ /rdo rje sems dpa' bdag phyag 'tshal/ /lha mo shes rab sbyor rang bzhin/ /mkha' 'gro lnga la phyag 'tshal lo/ /oM a mu ka sa ma yo haM sa ma ya/ a mu ka sa ma yo/ oM a mu ka sa ma yo haM sa ma ya/ oM b+dz+ra b+dz+ra/ mahA b+dz+ra b+dz+ra/ kA ya su pa ra/ hi hi hi/ ho ho ho/ hUM na ni pa ta daM/ 'di yi slob ma rab tu bzung / /brtul zhugs rdo rje rdo rje can/ /gnyis pa'i las kyis bsgrub par bya/ /sbyor dang gsang ba'i sngags rigs pas/ /thams cad dus dang dus nyid du/ /tshigs bcad gnyis ni brjod par bya/ /gang zhig pha dang gang zhig ma/ /gang zhig mdza' ba'ang mi rtag pa'o/ /sangs rgyas lus ni sgyu ma nyid/ /rtag tu chos kyis yongs su skyob/ /kye ma stong pa nyid kyi mthus/ /dngos kun rnam par mnan pa'o/ /sangs rgyas 'bras bu rab ster ba'i/ /mkhas pa yis ni gzung bar bya/ /rmongs pa bcad pa'i don du ni/ /dus gsum du ni tshigs bcad brjod/ /'chag dang nyal dang 'gro ba dang / /'dug dang 'gro ba thams cad du| |sngags kyi sbyor ba brtan byas nas/ /sems dang sems kyis nyal bar bya/ /bskyed dang skye bar brgyud pa yi/ /'byung ba lnga yi lus kyi sdig/ nyin mtshan gnyis kyi spyod pa yis/ /lus kyi dri ma dag pa nyid/ /zla ba drug tu spyad byas pas/ /rang 'dod lha ni 'grub pa'o/ /brtul zhugs spyod pa'i rnal 'byor pas/ /mi shes pas kyang ye shes 'thob/ /de ltar </font><hr>168a<br><font size=+1>


@#/ /yon tan rang bzhin zhing / /brtul zhugs spyod pa yi ni rgyu/ /brtul zhugs sbyor ba sbyor ba yis/ /thams cad rmongs pa rnam par spangs/ / thabs kyi mtshan nyid mtshon pa yis/ /mnyam nyid lta ba rdzogs byas nas/ /rnam dag lta ba 'ba' zhig go /kun nas stong pa mnyam pa'i ros/ /dngos po kun gyi mtshan nyid med| |kun nas stong pa nyid kyi mthar/ /rnam par rtog pa ji lta bur/ /rmongs pas brtags shing rnam brtags pa'i/ /dag pa'i sems dang sems par bcas/ /rmongs pa nyon mongs rgya mtsho'i lus/ /'dod pa khro bo'i gzhi de ni/ /rno ba'i sems kyis rmongs pa ni/ /ye shes ldan pa'i lus kyi dbye/ /snun pa'i bza' dang 'jam pa'i gos/ / sna tshogs dbang pos reg pa yis/ /gti mug chags pas go bzlog pas/ /srid par ltung ba'i las su 'gyur/ /las ni bya ba'i dbang por 'gyur/ /rmongs pa ye shes mi rtag pa'o/ /'dod dang khro dang nga rgyal 'joms/ /srid par 'chi ba'i bza' ba'o/ /'byung po 'byung la brtse ba dang / /kun nas sdig pa mi brtag go/ /mgon med sdug bsngal phongs pa la/ /nor pas mnar med gyur ba bzhin/ /'jig rten 'dir ni sma 'bebs dang / /mtshang 'dru ba ni mchog tu gtso/ /theg pa che la legs bslabs pas/ / </font><hr>168b<br><font size=+1>


ngan 'gro'i dngos por yang ma yin/ /kun nas bza' dang legs bza' pas/ /yang dag dga' bas lus srung ngo / /rnying pa'i bza' ston ngan pa yis/ /des par bdag nyid dga' bar bya/ /sngon gyi bslab sogs bslab pa dang / /sngon du thams cad bsngams pa nyid/ /brtul zhugs spyod pa mnyam gzhag pas/ /mnar med dmigs pa med pa'o| |sngon gyi mtshan nyid mtshon pa yis/ /sngon du bslab sogs bslab par bya/ /brtul zhugs spyod pa mnyam gzhag pas/ /bslab pa gus pas bslab par bya/ /bud med 'jigs gzugs drag mo nyid/ /skra ni 'dzings shing 'khyil pa dang / /dur smrig dmar po 'jam pa nyid/ /phra mo'i rdul gyis 'jam pa bgo/ /mi yi rus pas byas pa yang / bud med rgyan du rnam par brgyan/ /rnying pa'i tshem ber dmar po ni/ /mi yi pags pas g.yogs par bya/ /snod chen po ni gnyis pa ru/ /gzung la dbang po lnga ni bzung / /steng du rdo rje'i dbyug pa ni/ /mi yi yan lag rus pas brgyan/ /ba dan dril bu phreng ba ni/ /dbyug pa lag pa g.yon pas gzung / /da ltar bsdus pa'i lus kyis ni/ /'bad pas brtul zhugs spyod par bya/ /'di ltar rdzas sogs dngos po ni/ /me bzhin 'bar bas reg mi bya/ /bza' dang btung ba la sogs gzhan/ /dang po bsdu bar yang mi bya/ /snying rjer </font><hr>169a<br><font size=+1>


@#/ /phan pa'i sems kyis ni/ /kun nas dga' zhing bza' bar bya/ /thams cad gnod pa don med pas/ /dngos po kun nas yongs su spang / /lus ni srung pa tsam gyis ni/ /slong mo'i bza' ba bslang bar bya/ /stong pa'i khyim dang dur khrod dang / /bas mtha' dang ni dgon par gnas/ /mtshan mo kun nas bgrod par bya/ /bzlas dang bsam gtan mchog tu mtshon/ /'chag dang nyal dang 'dug pa 'am/ /shel gya rnam pa'i sems dang ni/ /rang bzhin yongs su dag pa nyid/ /bzlas dang bsam gtan 'ba' zhig go/ /de yis thams cad 'grub 'gyur bar/ /sangs rgyas kun gyis gsungs pa nyid/ /sdig spangs rnam par spyod pa yis/ /'khor ba ru ni mi gnas pa'o/ / thams cad dngos po dngos med par/ /rtag tu sems kyis lta ba nyid/ /bdag nyid sangs rgyas rgyu ru ni/ /de nas tshig bcad gnyis ni brjod/ /sbyin pa chos kyis srung bar ni| |tshigs bcad gcig gis gnang bar bya/ /e ma'o rmongs pa yi ni mthus/ /lus can kun nas dbang du byas/ /'dod sogs chos sogs mi bzad pas/ /mkhas pa yis ni yongs su spangs/ /dngos med dngos po yang ma yin/ /gzung dang 'dzin pa mi rtog pas/ /srid pa'i dgon pa las rgal zhing / /dmigs pa med pa'i bde ba 'thob/ / </font><hr>169b<br><font size=+1>


gzhan gyis brtags pa'i longs spyod sogs/ /nyal dang 'chag par dus gsum du/ /rnal 'byor tshigs bcad gcig gis ni/ /rnal 'byor rmongs pa gcod byed pa'o/ /sems chen po yi sems kyi ni/ /rnying pa'i ras ni bsags pa yis/ /de yis gos su rab tu bgos/ /keng rus kyi ni yan lag kun/ /shin tu mdzes pa'i dbyig pa bzung / /pa Ta ha yi chos kyis brdung / /rdo rje'i glu ni blang ba nyid/ /sems can sgrol ba'i rgyu ru ni/ /grong nas grong du kun tu rgyu/ /dmigs pa med pa'i rang bzhin gyis/ /brtul zhugs spyod pas mnyam par gzhag /dag pa'i sems ni mi dmigs pas/ /dga' ba yis ni bsrung bar bya/ /spyod pa yis ni rgyur gyur pas/ /rnal 'byor spyod pa don kyi rgyu/ /sdig pa thams cad rnam bsal zhing / /nyes pa kun nas rnam spangs la/ /brtul zhugs zla drug spyad pa yis/ /rang 'dod ye shes 'grub par 'gyur/ /brtul zhugs kyi spyod pa rnam par bstan pa'i le'u zhes bya ba rdzogs so// //de nas thams cad snying po ni/ /de nyid kun gyi don bsdus pa/ /'khor bar brtan dang g.yo bcas pa'i/ /kun gyi snying por rab sbyor ba'o| |dang por re zhig rnal 'byor pas/ /yid du 'ong ba'i sa phyogs su/ /bde ba'i stan la 'dug nas ni/ /sngon du bsnyen pa la sogs bya/ /rdo rje 'am shes rab rnal 'byor gyis/ / </font><hr>170a<br><font size=+1>


@#/ /'bum phrag gsum du bzlas byas nas/ /phyis ni rang 'dod pa yi las/ /'grub par 'di la tsho ma med/ /sbra tshil la ni gzugs brnyan bya/ /tsha ba'i mar khus byug byas la/ /snying gar ming ni bzhag pa dang / /tshigs dang tshigs su tsher mas dgang / /skyur po tsha dang ma ru rtser/ /gzugs brnyan dang ni yang dag ldan/ /snod du bsres la yang dag gzhag /ye shes lus la lus kyi ni/ /rkang pa g.yas bas mnan par bya/ /rno ba'i sems kyis bzlas byas pas/ /mtshan mo gcig gi mtha' ru ni/ / 'grub par 'di la the tshom med/ /smin pa'i me la bzhag bya bya/ /rgyal po myur du gdung bar 'gyur/ /dkon mchog gsum la gnod pa la/ /las 'di yis ni sbyar bar bya/ /hrIHa mo g+ha si si da ha da ha gri h+na grih+na hUM hrIH snga dro nyi ma shar dus la/ /me tog dkar po'i man+tal dang / /spos dang mar me'i cho ga yis/ /zhi ba'i la sni rnam par bya| |chu dang 'o ma bsres pa'i snod/ /der ni gtor ma sbyar nas ni/ /sngags ni brgya rtsa brgyad du bzlas/ /rgyal po nad dang bral bar 'gyur/ /oM a mri ta ba ra de hUM hUM hUM a a a/ thams cad las ni bsdus byas la/ /chu bo chen po'i rgyun la bskur/ /rims nad rab tu zhi bar byed pa zhes bya ba'i le'u rdzogs so// //de nas rab sbyor </font><hr>170b<br><font size=+1>


snying po 'di/ /sngags pas rab tu rnam par spyad/ /yungs kar las ni gzugs brnyan bya/ /snying gar ming ni rnam par sbyar/ /rdo dang tsher ma lte bar ro/ /rkang pas mnan cing bzlas par bya/ /su tI k+Sh+NA shU la hUM rdza phaT hrIH/ me la bsro zhing gdung ba dang / /lhag par bzlas shing gzhag par bya/ 'di ltar mtshon pa'i mtshan nyid kyis/ /mod la gzer bas yang 'dzin to| |zhi ba'i mchod pa'i cho ga las/ /'o ma dang ni sbrang rtsis bkru/ /chu bo'i rgyun la bskur bya na/ /gzer zhing gzer ba'i nad dang bral/ /oM sarba ka ri hUM dza swA hA/ gzer ba rab tu zhi bar byed pa'i sngags so/ /de nas thams cad snying po yis/ /gzhan gyi las kyis mtshan nyid ni/ /sngon du bsnyen sogs bsten byas pas/ /las kun 'grub par 'gyur pa'o/ / nag po'i mtha' dang tha ma la/ /ba skam gyi ni lci ba las/ /bsgrub bya yi ni ming dang gzugs/ /dmar po'i tsan+dan gyis ni bsku/ /bsgrub bya'i ming ni kun nas bzhag /seng ldeng phur pas mig 'bras la/ /g.yon pa'i rkang pas mnan nas ni/ /brgya rtsa brgyad du bzlas byas shing / /me la bdug cing bdugs pa yis/ /mig ni gzer bas 'dzin par 'gyur/ /oM tsak+Shu ma li ni hUM phaT/ 'di yi sngags dang sngags kyis ni/ /'grub par 'di la the tshom med/ /zhi ba'i mchod pas mchod byas nas/ /oM b+dz+ra tI k+Sh+NA ya hUM swA hA/ lan bdun mngon </font><hr>171a<br><font size=+1>


@#/ /par bsngags byas nas/ /de yi 'o rgyun la bkrus na/ /bsgrub bya'i nad dang gnod pa sel/ /mig 'bras rno zhing gsal bar 'gyur/ /mig nad rab tu zhi bar byed pa zhes bya ba'i cho ga'o/ /lhang tsher las ni bsgrub par bya/ /mkhas pas khrag gis bris pa'o/ /dug dang dur khrod sol ba yis/ /mig gi 'bras bu byugs byas la/ /rkang pa g.yon pas mnan nas ni/ /brgya rtsa brgyad du bzlas pa'o/ /oM kr-iSh+NA ping+ga li hUM khaM phaT/ 'di yi sngags dang sngags kyis ni/ /bdag nyid lci bas bran par bya/ /de ltar mtshan nyid kun ldan pas/ /bsgrub bya myur du long bar 'gyur/ /sbrang rtsi mar gyis bsku byas nas/ /bsgrub bya'i nad dang gnod pa sel/ /brgya rtsa brgyad du mngon par bzlas/ /oM a mr-i ta lo tsa ne a swAhA/ long ba rab tu zhi bar byed pa'i sngags so/ /gzhan yang bsgrub bya sgrub pa pos/ /las ni shin tu rnam par spyad/ /dkon mchog gsum la gnod byed pa/ /sdig gis gos par mi 'gyur ro/ /bag zan las ni pad+ma'i dbyibs/ /bsgrub bya'i ming ni dbus nyid du'o/ /khyi yi spu yis bug pa dgang / /tsha ba'i mar khus bskus byas la/ /g.yon pa'i rkang pas mnan nas ni/ /brgya rtsa brgyad du bzlas par bya/ /oM badz+ra ba ke hUM phu phaT/ me la so zhing bsros pa yis/ /b+ha ga myur du bzlog par </font><hr>171b<br><font size=+1>


bya/ /shin tu gdug pa'i chung ma ni/ /'di yis las kyis rab tu sbyar/ /lan bdun du ni mngon bsngags nas/ /sbrang rtsi 'o ma'i rgyun gyis bkru/ /oM su ko b+ha bi hUM he swAhA/ zhi bar byed pa'i sngags so/ /'jim pa'i snod ni blangs byas la/ /pad+ma'i dbyibs kyi rnam par bya/ /rno ba'i til mar yungs kar gyis/ /bug pa dgang zhing sbyar bar bya/ /rkang pa g.yon pas mnan nas ni/ /seng ldeng phur pas brdung bya zhing / /sngags ni brgyad brgya rab 'das na/ /b+ha ga gzir zhing gzir bar 'gyur/ /hri bi la ta hUM phaT/ 'di yi sngags dang sngags kyis ni// b+ha ga gzir ba'i las nyid do/ /chu dang 'o mar bkru bya zhing / /sngags dang mngon du sbyar bar bya/ /oM sarba sho d+ha ni swAhA/ 'di yi sngags dang sngags kyis ni/ /b+ha ga gzir sogs las grol lo/ /gzhan yang las kyi mtshan nyid ni/ /shin tu rnal 'byor pas spyad do/ /rgyal po lam gyi sa rdul blang / /yang na bzhi mdo'i sa rdul las/ /pad+ma'i mtshan nyid mtshan nyid ni/ /b+ha ga'i snying po khrag dang ni/ /yi dwags phyag rgya phyag rgya yi/ /brgya rtsa brgyad du mngon par bzlas/ /hri pri phaT/ 'di yi sngags dang sngags kyis ni/ /pad+ma sdom pa'i las su 'gyur/ oM a mr-i ta wa ti swAhA/ /dkon mchog gsum la gnod pa dang / /bla ma dang ni slob dpon smod/ /dam tshig spyod la 'phya ba ni/ /sdig gis gos par mi 'gyur </font><hr>172a<br><font size=+1>


@#/ /ro| |gal te rmongs shing khro ba ni/ /las kyi rtag tu byas nas ni/ /'dis ni nges par ltung ba ru/ /sangs rgyas kyis gsungs the tshom med/ /las kyi rab tu dbye ba zhes bya ba'i le'u rdzogs so// //gsang zhing gsang ba'i de nyid don/ /snying po'i mchog ni mdor bsdus pa/ /rol mo bstan bcos sogs glu yi/ /de nyid thar pa go 'phang gnas/ /gnyis med dngos po'i ngo bo las/ /gzung dang 'dzin pa ji ltar 'gyur/ /gnyis kyi dngos po bdag min pas/ /gnyis dngos dngos po med pa'o// dngos po dngos min dngos med la/ /mnyam nyid lta ba'i sems kyis su/ /rnam par rten dang rten bya med/ /rtog cing rnam rtog 'khrul pa dang / /gzugs dang gzugs can zad par byed/ /rang bzhin med pa'i rang bzhin nyid/ /sems kyis brtan pa'i gnas su ni/ /bsam gtan bsam bya bsam par bya/ /dmigs pa med pa'i rang bzhin nyid// thams cad dbyings su 'jigs par byed/ /stong nyid stong la sogs stong pa'o/ /nam mkha'i khams kyi mtha' can nyid/ /dag cing phra la phra ba'i don/ /sems dang sems pa dang bcas pa/ /kun tu dngos po dngos med pas/ /thams cad nam mkha' bsdams pa'o/ /rtag cing rtag la rtag pa'i don/ /nam mkha'i khams ltar brtan sems pas/ /me </font><hr>172b<br><font size=+1>


stag rdul phran yan lag 'phro/ /chu skyar bzhin du brtag pa yi/ /rnam shes ye shes lhag ma ni/ /nam mkhar 'phro zhing snang ba'o/ /nyon mongs de bzhin mun pa ni/ /ye shes rdo rjes bcom nas su/ /rnam par shes pa lhan cig 'bar/ /ye shes snang ba sogs thob 'gyur/ /sems dang sems byung sems pa yis/ /rnam par lta zhing rab tu spyad/ /'jigs pa med cing 'tshe med par/ /dngos pos dngos po bsgom par bya/ /thams cad kun tu snang byed cing / /thams cad 'od zer kun bsdus pa/ /snying po'i sa bon sa bon ni/ /dkar dang kund zla ba'i mdog / A li kA li rab sbyor bas/ /phyung ba yi ni sa bon mchog /sbyor ba 'grub pa'i rgyu ru ni/ /mnyam nyid rnal 'byor pa yis bsgom/ /sa bon nam mkhar spros pa yis/ /'jig rten gsum po snang bar byas/ /ma lus sprin ltar spro ba nyid/ /skad cig gis ni spro zhing bsdu/ /phyis ni rang 'dod dmigs med cing / /yi ge med pas yang bsam mo/ /gzugs ni stong par brtags pa yi/ /mnyam nyid sems dang sems kyis ni/ /ma lus rnam par bltas pa yis/ /khams gsum snang bar byed pa'o/ /de ltar sems kyis bsams pa yis/ / byang chub rim pa mthong bar 'gyur/ /skad cig gzugs dang gzugs nyid dang / /skad cig phung po'i rnam pa dang / /skad cig thams cad dbyibs rnams ni/ /de phyir mi rtag pa yi </font><hr>173a<br><font size=+1>


@#/ /gnas/ /legs byas nyes byas ming can ni/ /nyes pas smad par mi bya'o/ /gzugs dang stong pa la sogs dbus/ /sems dang sems byung rnam par mtshon/ /dngos po'i lhag ma dngos med pas/ /de yi lhag ma gzugs med pa'o/ /ye shes ri mo 'bar ba yis/ /'od zer mnyam par gnas pa nyid/ /de yi mtshan nyid mtshon pa nyid| |rnal 'byor pa yis rab tu spyad/ /rtag tu zhi zhing mchog gi las/ /yang dag byang chub rtag pa'o/ /yid du 'ong ba'i sa phyogs su/ /bde ba'i stan la 'dug nas ni/ /sngon du bsnyen pa rab brtsams nas/ /las dang don kun rab grub pa'o/ /ri rab rtse mor kun bsams pa/ /rang 'dod rgyal chen gzhal yas khang / /sna tshogs rin chen rang bzhin mchog /dril bu dra bas mngon par brgyan/ /gdugs dkar po dang ba dan dang / /sna tshogs mchod pas mngon par brgyan/ /rdo rje sems dpa'i bdag nyid ni/ /dkar dang kund zla ba'i 'od/ /de ni rgyan kun gyis brgyan cing / /sangs rgyas lnga yis mngon par chas/ /rab tu mdzes pa'i gos mnabs cing \?\ / /phyag gnyis na ni rdo rje dril/ /'od zer 'phro ba rnam mang po/ /kun nas rdo rje'i 'od zer 'phro/ /khams gsum pa yi rnam pa ni/ /sems dang sems kyis bsgom pa'o/ /snying gar dkyil 'khor dbus gnas par/ /dmar po'i hUM ni rab </font><hr>173b<br><font size=+1>


'bar ba/ /spyi bor thig le me ri'o/ /ba spu'i bu gnas 'phro ba'o/ /shar du rdo rje gzhag pa dang / /lho ru mda' ni rnam par dgod/ /nub tu ral gri mtshon pa dang / /byang du gzhu ni yang dag ldan| |rdo rje'i zhags pa la sogs bzhi/ /mtshams dang mtshams su gzhag par bya/ /'di ltar mtshan nyid sngon ldan pas/ /shin tu mnyam par gzhag pas bsgom/ /A li'i sa bon gtso mo ni/ /de nyid ldan pas yang sngags bzlas/ /phyag 'tshal bsreg pas mthar bzhag pa/ /'bum phrag gsum du rab bsnyen pas/ /rdo rje'i lus dang lus nyid ni/ /rdo rje sems dpa' dang mnyam 'gyur/ /sbas pa'i snying po snying po dang / /rdo rje chos dang chos mchog go /rdo rje sems ni rjes mchod pa'i/ /hU gi glu yi rnam pas bya/ /bkra shis sgra ni snyan pa yis/ /mnyam par gzhag pas blang bar bya/ /tri b+hu ba ba na dzA lI ta mU rti a nu ra ya na wa ti/ ra smi saM ha sra tIk+Sh+Na d+ha sa su pa ra su pa ra swa wa ti/ ba hu bi da ru pa pe sha a nu ra ya na ta ta ta wa ti/ na ta i badz+ra sa pa ra be sa ra li ma la wa ti swAhA/ gdan bzhi'i rgyud ni rgya chen las/ /stong phrag bcu gnyis mdor bsdus pa/ /de yis dngos po mdor bsdus las/ /snying po mdor ni bsdus pa'o/ /sdeb sbyor sgra dang rtog sogs med/ /don dang don ni yang dag bsdus/ /rnal 'byor sbyor pa'i don ni sbas pa nyid/ /brda' yi skad kyis bshad pa'o/ /gdan bzhi pa </font><hr>174a<br><font size=+1>


@#/ /las/ yang dag par btus pa sngags kyi cha'i rgyud bshad pa sbyor ba'i dkyil 'khor zhes bya ba rdzogs so// //bshad pa'i rgyud man+t+ra ang sa zhes bya ba'i le'u bdun pa/ rgya gar gyi mkhan po ga ya d+ha ra dang / zhu chen gyi lots+tsha ba 'gos khug pa lhas btsas kyis bsgyur cing zhus te gtan la phab pa'o// // </font><hr>

</table>