@##/ /rgya gar skad du/ a nA bi la tan+t+ra rA dzA nA ma/ bod skad du /rgyud kyi rgyal po rnyog pa med pa zhes bya ba/ rdo rje mkha' 'gro la phyag 'tshal lo/ /sems can rnams la phan 'dod pas/ /rnyog med rab tu bshad par bya/ /snang ba med cing dpe med pa/ /tshig gi yul las rnam par 'das/ /zhi zhing bdag med 2a @##/ /dag pa nyid/ /mtshan med mtshan gzhi rnam par spangs/ /ngang gis sangs rgyas 'di nyid tshul/ /mtshan med mtshan gzhi rnam par spangs/ /khyad par du yang mdor bsdus pas/ / bdag gis gsal bar bshad pa yin/ /rmongs pa rnams la phan 'dod pas/ /snying rjes 'di ni bstan pa yin/ /kha cig stong par 'dod pa dang / /kha cig thig le'i gzugs can dang / /kha cig khyab 'jug tshul gyis ni/ /blo dman dag ni 'jog par byed/ /de nyid nges par yang dag par/ /rgyu 2b yi gnas kyi spyod yul nyid/ /rgyu dang 'bras bum grub na/ /bsgoms pa med cing byang chub med/ /rgyu yi yid ches spangs pa 'di/ /thog ma tha ma med pa'i bdag /sgyu ma'i ye shes las byung ba/ /rnam pa sna tshogs ston par byed/ /kha cig drag po'i rang bzhin du/ /kha cig zhi ba chen po che/ /kha cig phyag rgya'i rang bzhin gzugs/ /kha cig 'dar zhing g.yo ba dang / /glu gar de bzhin sil snyan dang / /lha yi sngags ni brjod pa nyid/ /kha cig sngags ni yang dag dgod/ /kha cig dkyil 'khor bri ba dang / /dbang la sogs pa brtag pa dang / /'byung dang 'byung las gyur pa'i lus| |de ltar la sogs mtha' yas mchog /sangs rgyas la sogs rdo rje brtags/ /gang tshe sems ni legs 3a @##/ /gnas pa/ /de bzhin nyid kyi spyod yul nyid/ /dkyil 'khor de bzhin 'gyur ba ni/ /phan 'dod rnams kyis shes par bya/ /phung po la sogs tshogs rnams kyis/ /gang zhig khyad par gyis bcos pa/ /lus ngag yid gsum bcos pa'i phyir/ /rdul tshon dkyil 'khor zhes bya ra gsungs/ /phung sogs gzhan sogs mthong ba'i phyir/ /tshogs kyi dkyil 'khor zhes byar gsungs/ /sems kyi dkyil 'khor dag pa ste/ /rang bzhin med par bsgom par bya/ /me long lta bu gcig nyid de/ /dang po grwar ni rtogs par bya/ /so sor rtog pa zhes gsungs pas/ /shar gyi grwar ni rnam par brgyan// bya ba nan tan khyad 'phags pa/ /byang gi grwar ni rnam par spros/ /mnyam nyid ye shes chen po ni/ /bag chags med grwa 3b rjes rtogs byed/ /gzhan du'ang dkyil 'khor gru bzhi pa/ /grwa yi dbus ni thams cad du/ /de nyid 'di ni rab 'jug pas/ /ye shes spyod yul du ni brtag /sgo bzhir yang dag brjod pa ni/ /de bzhin dran pa bzhir byung ba/ /de bzhin grwa bzhir gsungs pa ni/ /sbyin pa bzhi ni rnam dge ba/ /dbus su dkyil 'khor gzugs su ni/ /mi bskyod pa yis rnam par brgyan/ /zhi dang chos don brgyan pa las/ /de dag thams cad dkyil 'khor 'grub/ /dra ba dra phyed zla ba sogs/ /dkyil 'khor du ni bris pa dang / /rta babs la sogs thams cad ni/ /ting 'dzin yan lag rta babs nyid/ /sems kyi mthar thug brjod pa ste/ /de nyid rang bzhin las ni gsungs/ /gang zhig sems kyi rab 'phel ba/ / ting 'dzin yan lag rnam par gnas/ /de nyid dra ba zhes su gsungs/ /dra ba phyed pa phyed du ste/ /dril bu do shal brtag pa ni/ /rang gi btsun mo rtogs par byed/ /sgra brnyan rnam pa lta bur ni/ /chos rnams thams cad so sor rtogs/ /chos rnams ma skyes mthong ba'i phyir/ /de nyid rgyal mtshan phreng bar gsungs/ /bla re la sogs gang bres pa/ / dngos po la sogs dang por nges/ /sems ni bla re zhes byar bshad/ /dam pa'i don las gsungs pa'o/ /gos phreng de dag thams cad ni/ /rnam pa sna tshogs snang ba nyid/ / 4a @#/ /gang zhig rdo rje rnam pa'i sems/ /dga' ba'i ye shes kyis ni mtshan/ /de yi 'og tu rtag tu gsungs/ /grwa yi mtshams ni thams cad du/ / rdo rje rin chen rtogs pa'i phyir/ /rdo rje rin po che yis spras/ /zla ba nyi ma gang gsungs pa/ /thabs dang shes rab don mthong phyir/ /thabs dang shes rab bdag nyid sems// ye shes 'dis ni rnam par brgyan/ /sku gsung thugs kyi rdo rje skyes/ /de nyid dkyil 'khor du ni gsungs/ /sku gsungs thugs ni nye ba'i phyir/ /rnam pa gcig tu mtshan nyid med bla ma slob ma rnams gsal bar/ /rab tu 'jug pa de nyid gsungs/ /sbyin sreg yang ni bshad pa yang / /lha rnams tshim pa nga yis brjod/ /rnam rtog med pa'i sems gang ni| |thab khung sgra yis mtshan pa nyid/ /bye brag phyed pas me nang du/ /gzugs kyi phung sogs lnga po rnams/ /sems las byung ba'i yam shing nyid/ /thams cad kyi ni bsreg blugs bya/ /gzugs la sogs pa gang byung ba/ /yam shing zhes ni rab tu grags/ /de ltar sbyin sreg bshad nas ni/ /rab tu gnas pa brjod par bya/ /sku gsung thugs la rtag tu ni/ /gang zhig sems ni brtan gyur pa/ /de nyid rab tu gnas par brjod/ /phung po rnams kyi dngos po ci/ /gang zhig sngags kyi mtshan nyid ni/ / 4b de ni gsal bar brjod par bya/ /yid rnams kyis ni skad du yang / /gang zhig gsang ba bdag gis brjod/ /skye ba med cing snang med pa/ /mtshan gzhi mtshan nyid rnam par spangs gsang ba'i don ni rtogs pa'i phyir/ /'di ni nga yis sngags su gsungs/ /sngags ni gsal bar bshad nas ni/ /lha rnams yang ni brjod par bya/ /phung po khams dang skye mched kyi| |rang bzhin gyi ni legs gnas gang / /yang dag byang chub thar pa nyid/ /de kun yang dag rab brtags shing / /gal te sems kyis nyer brtags gang / /lha zhes bya bar yang dag bshad/ /sku gsung thugs kyi phyag rgya las/ /de nyid du ni yang dag gsungs/ /lha la gsol btab rnal 'byor ni/ /gsal bar nga yis brjod par bya/ /de nas skyil krung bcas nas ni/ /sna yi rtse mor bltas nas kyang / /rang gi rang bzhin rnal 'byor gyis/ /de nyid mthong bar bzhag par bya/ /snying ga'i gnas su lag pa gnyis/ /'bad pas mnyam par sbyar nas su/ /mi rtog pa yi rang bzhin du/ /gang tshe sems ni rab rgyu ba/ /sangs rgyas thams cad 'dus pa'i bdag /de tshe de la skye bar 'gyur/ /sangs rgyas thams cad 'dus pa'i bdag /myur bar byin gyis rlob par 'gyur/ /sangs rgyas thams cad 'dus pa'i bdag /sangs rgyas kun gyi sdom pa'i bdag /thugs kyi rdo rjes gsungs pa 5a @#/ /bzhin/ /rnal 'byor sangs rgyas thams cad 'gyur/ /nga yis gsal bar brjod pa ni/ /sku gsung thugs kyi grub sbyin pa/ /sangs rgyas kun mchog gsang ba'i don/ /thabs dang shes rab spyod yul don/ /sems can don du snying rje che/ /sangs rgyas byang chub rab sgrub pa/ /sna rtse'i dkyil 'khor nga yis gsungs/ /de dag thams cad dbyibs tsam du/ /mdor bsdus thams cad ma byas so/ /res 'ga' dam tshig 'khor lo yang / /de nyid zhes bya ma gsungs so/ /rtogs pa cung zad tsam gyis ni// gang 'grub de ni res 'ga' yang / /gsung gi 'khor lor gsungs pa yin/ /rnam rtog med par lhag mos pas/ /sgrub po dam pas bsgrub par bya/ /khrag dang khu ba de bzhin sha| bshang ba dang ni gci ba nyid/ /dam tshig ces bya rab 'bad par/ /gang zhig bdag gis tshig gsungs pa/ /de rnams kun la de bzhin gshegs/ /de rnams tha snyad tsam gyis gnas/ /gang tshe dam chig 'dod chags sems/ /des ni de nyid rab tu spyod/ /gang tshe sems ni chags gyur pa/ /de ni sems can yod ma yin/ /de la kun tu rtog pa yi/ /khrag ni za bar 'gyur ba'o/ /khrag ni chen po zos nas ni/ /'od dpag med pa'ang bza' bar bya/ /gang zhig chos rnams las skyes pa/ /khu ba'i sgrar ni bsgrag 5b par bya/ /de tshe ma skyes rtogs pa'i phyir/ /bza' bar yang dag gsungs pa nyid/ /dngos po kun gyi mnyam pa nyid/ /sha chen du ni rab tu dbye/ /mi dmigs pa yi rnal 'byor gyis/ / bza' ba zhes byar mngon par brjod/ /gang zhig rab tu 'dzag pa'i sems/ /nus pa'i rjes su sbyor ba las/ /phyag rgya las kyi sbyor ba yis/ /de yang gci ba'i sgra yis brjod/ /chos dang chos min nges pa'i sems/ /sbas pa'i char ni gnas pa 'di/ /chos rnams thams cad rab rtogs pa'o/ /bshang ba za bar yang dag brjod/ /dam tshig nyid kyi mtshan nyid ni| |'di rnams thams cad gsal bar bshad/ /'di rnams don ni rtogs pa yis/ /sangs rgyas kun gyi bdag nyid 'gyur/ /dpal bde ba dam pa rtogs par byed pa dang ldan pa zhes bya ba'i rgyud byin gyis brlab pa'i rim pa chen po mkha' 'gro ma dra ba sdom pa'i brtag pa rnyog pa med pa zhes bya ba rdzogs so// //rgya gar gyi mkhan po paN+Di ta ga ya d+ha ra dang / bod kyi lo ts+tsha ba dge slong shAkya ye shes kyis bsgyur ba'o// |