//rgya gar skad du/ bid+yA d+ha ri NI badzra yo gi nI sA d+ha na nA ma/ bod skad du/ rig pa 'dzin pa rdo rje rnal 'byor ma'i sgrub thabs zhes bya ba/ de nas yang dag bshad bya ste/ 'bum phrag gsum pa las 'byung ba'i sgyu 'phrul dra ba chen mo ral pa gyen du brdzes pa'i rgyud las sgyu ma chen mo zhes bya ba ste/ snying gnas spros pas rmi lam lta bu'i lus dang / longs spyod dam pa'i bde ba gnyis su med par gyur pa dang / 'dir de'i steng du ma ning gi sa bon blta ste/ sa bon de yongs su gyur pa las dmar mo zhal steng du phyogs shing gyen du gzigs par/ zhabs g.yon pa la 'khyud pa'i thod pa'i phreng ba dang / me tog gi phreng ba bcings pa'i phyag can ma/ me tog gi zhags pa g.yon pa'i phyag na'o/ /zhabs g.yas pa'i rting pa la reg pa'i g.yas pa na rdo rje'i 326a @#/ /phyag can ma rgyan thams cad spangs pa ma/ /rig pa 'dzin ma'i rig pa'i sbyor ba can mo/ /spro zhing kun tu sdud pa'i lus can ma/ /man+dA ra ba dang / mya ngan med pa dang / yongs 'du rnams skyes par gyur pa'i rin po che brtsegs pa'i khang par rab tu 'jug par bdag nyid bsgom par bya'o/ /oM baM rdo rje phag ma'o/ /haM yoM sngon mo gshin rje ma'o/ /hriM moM rmongs byed ma'o/ /hreM hrIM kun tu bskyod ma'o/ /hUM hUM kun tu skrag byed ma'o/ /phaT phaT gtum mo yan lag thams cad la mtshan ma'o/ /lte ba dang / snying ga dang / de bzhin du kha dang / mgo bo dang / spyi bo ste 'di mtshon bya'o/ /rnal 'byor ma lnga po 'di rnams rdo rje sems dpar bshad do/ /rdo rje mkha' 'gro ma'i go cha bgos la rang bzhin gyis bskyed pa'i gtor ma sbyin par bya'o/ /oM shrI he ru ka mahA badzra A ka D+D+ha ya A kaD+D+ha ya/ pra be sha ya pra be sha ya/ to Sha ya to Sha ya/ sarba DA ki nI nAM hr-i da yaM hUM phaT/ oM sarba bud d+ha DA ki nI pra tIts+tshe maM ba liM hUM oM/ oM badzra DA ki nI pra tIts+tshe maM ba liM hUM hUM/ oM rat+na DA ki nI pra tI ts+tshe maM ba liM hUM trAM/ oM pad+ma DA ki nI pra tIts+tshe maM ba liM hUM hrIH/ oM bi shwa DA ki nI pra tIts+tshe maM ba liM hUM AHoM sarba yo gi nI pra tIts+tshe maM ba liM hUM hUM/ ha ha hi hi badzra dzaHhUM baM hoH/ oM badzra yo gi nI sa ma ya s+t+wAM dr-i sh+ya rak+Sha rak+Sha hoH/ rig pa 'dzin ma'i rdo rje rnal 326b 'byor ma'i sgrub thabs rdzogs so// //rgya gar gyi mkhan po mkhas pa chen po dzA ya se na'i zhabs dang / lots+tsha ba btsun pa d+harma yon tan gyis bsgyur ba'o// // |