H376

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H376</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H376&coll=lhasa">see text in Tibetan script</a></table>246a<br><font size=+1>


rgya gar skad du/ shrI sarba bud+d+ha sa ma yo ga DA ki nI dza la saM wa ra nA ma ut+ta ra tan+t+ra/ bod skad du/ dpal sangs rgyas thams cad dang mnyam par sbyor ba mkha' 'gro ma sgyu ma bde ba'i mchog ces bya ba'i rgyud phyi ma/ dpal rdo rje sems dpa' la phyag 'tshal lo/ /sems dpa' sangs rgyas kun gyi dngos/ /rdo rje sems dpa' bde ba'i mchog / gsang ba mchog gi dgyes pa na/ /thams cad bdag nyid rtag tu bzhugs/ /'di ni rang byung bcom ldan 'das/ /gcig pu rab tu che ba'i lha/ /sangs rgyas thams cad mnyam sbyor </font><hr>246b<br><font size=+1>


ba| |mkha' 'gro sgyu ma bde ba'i mchog /chags med chags dang bral ba min/ /dbu mar yang ni mi dmigs so/ /bud med kun gyi sgyu ma'i rgyu/ /'di ni gnyis med theg pa'i mchog /sgyu ma dag ni thams cad pas/ /bud med sgyu ma khyad par che/ /ngo bo nyid kyi mthu dag gis/ /rang bzhin gyis ni de 'grub pa'o/ /'jig rten gsum 'dir bud med 'dis/ /gus bar byed pa dag tu 'gyur| |rnyed dang bde dang dga' kun gyis/ /ngan par spyod pa'ang 'grub par 'gyur/ /rang gi ngo bo yongs bsgyur na/ /bud med kun gyi sgyu mas 'grub/ /ngo mtshar sgyu ma'i phyag rgya 'di/ /mkha' 'gro ma zhes brdar bstan to/ /DA ni nam mkha' 'gro ba zhes/ /khams las mngon du brtags pa ste/ /nam mkha' kun tu spyod 'grub pa/ /mkha' 'gro ma zhes rab tu grags/ /thams cad ma lus phyag rgya yis/ /thams cad ma lus bde mchog gis/ /sangs rgyas thams cad mnyam sbyor ba/ /mkha' 'gro ma zhes rab tu grags/ /de ni nam mkha' 'gro ba zhes/ /sangs rgyas khams las rnam par brtags/ /kun tu 'gro bar grub pa ni/ /sangs rgyas kun bdag mkha' 'gro ma'o/ /shaM zhes bya ba bde bar bshad/ /sangs rgyas kun gyi bde chen yin/ /sgyu ma thams cad rab sbyor ba/ /mchog tu bde bas bde ba'i mchog /kun tu kun nas thams cad ni/ /bdag nyid rtag tu rnam pa kun/ /sangs rgyas la sogs brtan g.yo kun/ /kun gyi dngos </font><hr>247a<br><font size=+1>


@#/ /por bdag gyur to/ /sems dang sems pa'i ting 'dzin dang / /byang chub spyod pa sna tshogs nyid/ /de bzhin bdud dang bdud las rgyal/ /de ni byang chub sangs rgyas yin| |rdo rje rdo rje 'dzin nyid dang / /de bzhin pad+mo pad+mo 'chang / /nor bu nor bu 'dzin nyid dang / /de dag gi yang rigs yin no/ /de nyid 'dod chags 'dod chags bral/ /'dod pa dang ni grel ba'ang yin/ /dus gsum srid gsum mchog gsum dang / /'jig rten gsum dang khams gsum dang / /rnam pa sna tshogs tha dad pa'i/ /gnas pa thams cad de nyid do/ /'gro ba dag ni ma lus kun/ /thams cad du ni 'di 'gyur ro/ /de la sogs pa mtha' yas mchog /chos dbyangs mnyam dang mi mnyam pa/ /nam mkha'i dbyings kyi mtha' klas pa'i/ /dngos po thams cad de yin te/ /nam mkha' kun gyi skabs na dpal/ /rdo rje sems dpa' de bzhin gshegs/ /sangs rgyas thams cad mnyam sbyor ba/ /mkha' 'gro sgyu ma bde mchog go /bskal pa bye ba grangs med par/ /sangs rgyas thams cad ma thob pa/ /phyag rgya'i cho ga gang dag gis/ /tshe 'di nyid kyis thob 'gyur ba/ /de ni bdag gis brtag par bya/ / sangs rgyas kun bdag bde ba'i mchog /bdag nyid shin tu bsgrubs pa las/ /sangs rgyas kun bdag bde mchog go /rnal 'byor yang dag ma yin sems/ /lha la dmigs par </font><hr>247b<br><font size=+1>


\?\ dag /rnal 'byor gzugs brtan rang bzhin te/ /lcags ma la sogs rnal 'byor skye/ /yang dag mchog sems rnal 'byor la/ /lha la dmigs par byed pa dag /rang gi dam tshig bdag sbyor ba| |mi 'gyur dam pa 'grub par 'gyur/ /gzugs brnyan lugs la sogs pa la/ /rnal 'byor skye bar mi 'gyur gyi/ /byang chub sems la rab brtson na/ /de las rnal 'byor lhar 'gyur ro/ /byang chub sems ni rdo rje ste/ /sangs rgyas kun gyi bdag nyid yin/ /de bas thams cad bdag sbyor bas/ /sangs rgyas thams cad thob par 'gyur/ /bdag nyid sangs rgyas thams cad dang / /dpa' bo thams cad bdag yin no/ /de bas bdag nyid lhar sbyor bas/ /bdag nyid rab tu bsgrub par bya/ /de yis sangs rgyas thams cad dang / /dpa' bo rnams kyang thams cad dang / /rdo rje 'dzin pa thams cad du/ /tshe 'di nyid la 'grub par 'gyur/ /zhes bcom ldan 'das dpal rdo rje sems dpas de skad gsungs so/ /sangs rgyas thams cad dang mnyam par sbyor ba mkha' 'gro sgyu ma bde ba'i mchog las/ de kho na nyid snang ba dam pa'i yul la 'jug pa ye shes kyi phyag rgya'i rtog pa ste dang pa'o// //'di ni rnal 'byor bcom ldan 'das// rdo rje sems dpa' de bzhin gshegs/ /sangs rgyas thams cad mnyam sbyor ba/ /mkha' 'gro sgyu ma bde pa'i mchog /rdo rje sems dpa'i bdag sbyor bas/ /dbab pa thams cad rab tu 'grub// </font><hr>248a<br><font size=+1>


@#/ /sangs rgyas thams cad mnyam sbyor ba/ /rnal 'byor dbang phyug bde ba che/ /de bas bde ba nyid kyi ni/ /sangs rgyas bde ba kun 'thob bo/ /sangs rgyas thams cad mnyam sbyor ba/ /rnal 'byor dbang phyug bde chen po/ /'di la khrus dang sdom mi dgos/ /dka' thub dka' ba spyad mi dgos/ /dka' thub sdom pa med pa dang / /bde ba dang ni dka' bas 'grub| |de bas ji ltar 'dod spyod cing / /kun za de bzhin thams cad spyod/ /spyad pa ji ltar 'dod par byed/ /g.yo ba dag kyang ci dgar byed/ /langs pa dang ni 'dug pa'am/ /'chag gam ji ltar gnas kyang rung / /dgod dam rab tu smra yang rung / /gang na ji ltar spyod kyang rung / /dkyil 'khor du yang ma zhugs pa/ /sgrib pa kun dang ldan pa'ang rung / /rang gi lhar ni bdag sbyor na/ /bsod nams chung yang 'grub par 'gyur/ /de nyid rnal 'byor 'di yis ni/ /thams cad sgrub par byed pa na/ /ngas zos ngan spyod thams cad kyis/ /nyes pa dag tu yong mi 'gyur/ /bskal pa bye bar mi 'thob pa/ /sangs rgyas dam pa thams cad de/ /phyag rgya'i cho ga dag gis ni/ /bsgrubs na kun tu 'thob 'gyur ba/ /bdag nyid grub par byed pa'i mchog /'di ni bdag gi sa brtag par bya/ /sangs rgyas thams cad mnyam sbyor ba/ /mkha' 'gro sgyu ma bde ba'i mchog /rdo rje sems dpar bdag sbyor ba/ /cha lugs ji bzhin </font><hr>248b<br><font size=+1>


bsgyur ba yis/ /thams cad sna tshogs phyag rgya'i bdag /bsod nams chung yang 'grub par 'gyur/ /rgya 'di sgrub pa tsam gyis ni/ /sangs rgyas thams cad byin gyis rlob/ /shin tu byin gyis brlabs na ni/ /sangs rgyas thams cad 'du bar 'gyur/ /sangs rgyas kun dang mnyam sbyor bas/ /sangs rgyas kun dang mnyam par 'gyur/ /sangs rgyas kun dang mnyam pa'i phyir/ / sangs rgyas thams cad 'grub par 'gyur/ /gang gis ldan pa 'di mthong zhing / /rnam pa kun tu mchod byed na/ /de yis sangs rgyas thams cad kyang / /mthong zhing mchod pa byas par 'gyur| |'di dang sangs rgyas thams cad la/ /mthong ba dang ni reg pa yis/ /dkyil 'khor dag tu ma zhugs pa'ang / /bden pa dag kyang mthong bar 'gyur/ /mthong ba dang ni reg pa dang // thos pa dang ni dran pa yis/ /sdig pa kun las rnam grol zhing / /sangs rgyas dngos grub thams cad 'grub/ /'di dang sangs rgyas thams cad la/ /rnal 'byor thams cad mnyam sbyor bas| |bud med dag kyang rnam grol zhing / /sangs rgyas byang chub reg par 'gyur/ /kun tu kun nas thams cad ni/ /bdag nyid rnam pa thams cad du/ /sangs rgyas thams cad dngos grub par| |de yis bdag nyid mthong bar 'gyur/ /'di ni bdag nyid kun gnas pas/ /mchod pa'i sprin chen thams cad kyis/ /bkod pa rab 'byams tshogs dag gis/ /de bzhin gshegs pa </font><hr>249a<br><font size=+1>


@#/ /mchod pa mdzad/ /thams cad bdag nyid sbyor mchod dpal/ /rdo rje sems dpa' mchog gyur pa/ /sangs rgyas kun gyi rang bzhin te/ /bde ba'i mchog ni thob par 'gyur| |rnal 'byor kun la nyer sbyor bas/ /dpal ni bzhir 'gyur grub par 'gyur/ /rnal 'byor kun ni bcom ldan 'das/ /rdo rje sems dpa' de bzhin gshegs/ /de yi nye bar sbyor ba ni/ /khams gsum ma lus thams cad do/ /rnal 'byor kun gyi longs spyod kyis/ /ji ltar bde bar sten byed cing / /rang gi lha yi rnal 'byor gyis/ /bdag nyid rab tu mchod par bya| |rjes su sbyor bas mchod byed cing / /rnal 'byor kun gyi bde ba dag /bdag nyid kun tu myang byed na/ /shin tu sbyor bas 'grub par 'gyur/ /sangs rgyas kun gyi bdag nyid kyi// ras yan bde ba 'dis/ /rdo rje sems dpa'i dpal tshe dang / /lang tsho nad med bde mchog 'grub/ /kun tu kun nas thams cad du/ /sangs rgyas thams cad mnyam sbyor ba/ /mkha' 'gro sgyu ma bde ba'i mchog /rtag tu de ni 'grub par 'gyur/ /zhes bcom ldan 'das dpal rdo rje sems dpas de skad gsungs so/ /sangs rgyas thams cad dang mnyam par sbyor ba mkha' 'gro ma sgyu ma bde ba'i mchog las/ dpal rdo rje sems dpar kun tu sbyor ba'i rtog pa ste gnyis pa'o// //'di ni rnal 'byor bcom ldan 'das/ /rdo rje sems dpa' </font><hr>249b<br><font size=+1>


de bzhin gshegs/ /sangs rgyas thams cad mnyam sbyor ba'i/ /mkha' 'gro sgyu ma bde ba'i mchog /rdo rje sems dpa'i rnal 'byor pa/ /dpal ldan rang gi dam tshig bde/ /sangs rgyas thams cad mnyam sbyor ba'i/ /rnal 'byor dbang phyug bde ba che/ /rdo rje sems dpar sbyor ba yi/ /mthu nyid kyis ni thams cad du/ /phyag rgya bde ba chen po kun/ /so so rjes su rang 'grub 'gyur/ /rdo rje sems dpar sbyor ba yi/ /mthu nyid kyis ni thams cad du/ /rnal 'byor bde ba myos pa kun/ /so so rjes su rang 'grub 'gyur/ /rdo rje sems dpar sbyor ba yi/ /mthu nyid kyis ni thams cad du// bde bas myos pa'i dngos grub kun/ /so so rjes su rang 'grub 'gyur/ /rdo rje sems dpar sbyor ba yi/ /mthu nyid kyis ni thams cad du/ /bde bas myos pa'i dbang phyug kun/ /so so rjes su rang 'grub 'gyur/ /rdo rje sems dpar sbyor ba yi/ /mthu nyid kyis ni thams cad du/ /nam mkha'i dbyings kyi mtha' yas pa'i/ /bud med mchog rnams skye bar 'gyur/ /de yi dam tshig de byung ba| |sdug pa'i dam tshig bdag rjes 'brang / /shin tu sbyor dang sbyor chen po/ /thams cad bdag nyid dam tshig mchog /gcig bzhin du ni gcig spyod pa/ /lhan cig spyod pas rjes spyod sdug /sangs rgyas thams cad mnyam sbyor ba'i/ /mkha' 'gro sgyu ma mchog tu 'bar/ /thams cad dga' ba ma lus pa'i/ /phyag rgya thams cad bde ba che/ /rtag pa dam pa lha mo yis/ /rgyal </font><hr>250a<br><font size=+1>


@#/ /mos mchod pa thams cad mchog /rdo rje sems dpar sbyor ba dang / /thams cad lha mo 'dus pas ni/ /ma lus skal pa bzang po kun/ /bde ba so so rjes su 'grub| |phyag rgya 'di yis btab pa las/ /rdo rje sems dpa' che ba'i lha/ /nam mkha'i dbyings kyi mtha' klas pa'i/ /lha mo bde ba chen mo kun/ /thams cad rnal 'byor bde bas myos// sdig med stobs kyis ngo thon du/ /phan tshun du ni rab dga' bas/ /skyes bu'i tshul gyis dga' bar byed/ /dbang po kun nas byung ba yi/ /mchod pa'i sprin chen thams cad kyi/ /bkod pa rab 'byams tshogs rnams kyis/ /thams cad bdag nyid mchod par byed/ /rnal 'byor bde ba thams cad kyi/ /dbang bskur bde chen las byung ba/ /rin chen tshogs rnams thams cad kyis/ /rab tu rmongs pas dbang bskur 'gyur/ /lha mo kun gyi longs spyod la/ /ci bde bar ni bsten bya ba/ /bdag ni che ba'i lhar sbyor bas/ /bdag la bdag gis rab tu mchod| |rnal 'byor thams cad bde ba yis/ /rjes su sbyor ba mchod byed cing / /rtag tu myang bar byed pa na/ /shin tu sbyor bas rab 'grub 'gyur/ /sangs rgyas thams cad bdag nyid kyi/ /ra sa ya na bde ba des/ /rdo rje sems dpa'i dpal tshe dang / /lang tsho nad med bde mchog 'grub/ /sangs rgyas kun gyi sku chen dang / /sangs rgyas kun gyi gsung snyan pa/ /sangs </font><hr>250b<br><font size=+1>


rgyas kun gyi thugs chen po/ /sangs rgyas kun gyi mchod pa che/ /sangs rgyas kun gyi rgyal chen po/ /rdo rje 'dzin pa kun gyi bdag /'jig rten dbang phyug kun gyi gtso/ /rin chen dbang phyug kun gyi bdag /de dag dang ni dga' spyod na/ /'dod pa bzhin du 'gro 'ong lding / /lha mo thams cad grub chen po/ /'khor los bsgyur ba rab tu 'grub/ /chos dbyings mnyam dang mi mnyam pa/ /nam mkha'i dbyings kyi mthas klas par/ /dngos grub kun gyi bde myos pa/ /de las rgya chen mchog gzhan med/ /sangs rgyas thams cad mnyam sbyor ba/ /rnal 'byor dbang phyug bde chen des// 'di la tshe 'di nyid kyis ni/ /rnam pa kun tu mi 'grub pa'i/ /dngos grub kun gyis bde myos pa/ /chos dbyings mnyam dang mi mnyam pa/ /nam mkha'i dbyings kyi mtha' klas pa'i/ /dbang phyug kun gyi bde myos pa/ /dam pa rgya chen gang yang med/ /sangs rgyas thams cad mnyam sbyor ba/ /mkha' 'gro sgyu ma bde mchog des/ /'di la tshe 'di nyid kyis ni/ /rnam pa kun tu mi 'grub med/ /ces bcom ldan 'das dpal rdo rje sems dpas de skad gsungs so/ /sangs rgyas thams cad dang mnyam par sbyor ba mkha' 'gro sgyu ma bde ba'i mchog las/ lha mo thams cad dang mnyam par sbyor ba skal pa mchog bzang po dpal rdo rje dam tshig gi rtog pa ste gsum pa'o// //'di ni rnal 'byor bcom ldan 'das/ /rdo rje sems dpa' </font><hr>251a<br><font size=+1>


@#/ /de bzhin gshegs/ /sangs rgyas thams cad mnyam sbyor ba/ /mkha' 'gro sgyu ma bde ba'i mchog /lha mo kun dang mnyam sbyor ba/ /skal ba bzang mchog 'dod pa ste// yang dag sbyor ba'i bde myong ba/ /'dod chags ther zug brtan pa'o/ /sangs rgyas kun gyi gzugs che dang / /dbyangs dang dri dang ro dag dang / /sangs rgyas kun gyi reg bde mchog /rang gi sbyong par de spyod do/ /sangs rgyas pha rol phyin grub pa/ /gzungs dang sa rnams de bzhin du/ /dga' bar spyod na lha dang mi'i/ /skal bzang bud med ci zhig smos/ /lha yi dngos grub dga' ba dang // sangs rgyas byang chub bde chen po/ /skal pa bzang po bde myong bas/ /so so rjes su rang 'grub 'gyur/ /dngos grub thams cad las byung ba/ /de bzhin gshegs pa kun gyi dpal/ /skal pa bzang po longs spyod kun/ /rang gi spyad par de spyod do/ /rdo rje can gyi grub mchog dang / /'jig rten dang po mchog gi dpal/ /sangs rgyas dga' bas bde dam pa/ /'phrog nas nye bar spyod par byed/ /khams gsum dag na ma lus pa'i/ /sangs rgyas rgyal srid chen po kun/ /rtsal gyi stobs kyis ngo thon du/ /'phrog nas nye bar spyod par byed/ /sangs rgyas kun gyi grub chen po/ / mchog gi dbang phyug dam pa dag /kun nas 'phrog nas de spyod na/ /longs spyod gzhan lta ci zhig smos/ /mthu chen las ni bkra shis brtan/ /'phrog las grub dang dran las dga'// </font><hr>251b<br><font size=+1>


'o thon stobs kyis 'phrog nas kyang / /de ni dad la sbyin par byed/ /ma lus 'jig rten gsum rgyal srid/ /'jig rten dbang phyug kun dang bcas/ /ngo thon stobs kyis 'phrog nas kyang / /de ni dad la sbyin par byed/ /tshangs pa 'jug sel dbang chen gyi/ /mchog gi dbang phyug dam pa dag /kun nas 'phrog ste myur sbyin na/ /longs spyod gzhan lta ci zhig smos/ /de yis mi sbyin ci yang med/ /sangs rgyas don du bya ba kun/ /mi bya ba ni gang yang med/ /sbyin pa dang ni byed pa'ang yin/ /sangs rgyas byang chub sems dpa' yang / /'phrog nas kyang ni sbyin byed na/ /las mchog dag ni rab 'byams dang / /dngos grub gzhan lta ci zhig smos/ /dngos grub mchog ni gdon mi za/ /sde rnams thams cad rab 'joms pa/ /sangs rgyas kun gyi grub chen po/ /'khor los bsgyur ba rab grub pa/ /sangs rgyas thams cad mnyam sbyor ba/ /mkha' 'gro sgyu ma bde mchog gis/ /sangs rgyas kun gyi rdzu 'phrul che/ /rnam par 'phrul pa rab tu 'jug /la lar byang chub sems chen po/ /la lar spyod pa mthun par 'gro/ /la lar dga' ldan lha dag las/ /dam pa shin tu 'pho ba'o/ /la lar skye ba rnam par dag /la lar nges par 'byung bar gsal/ / la lar byang chub chen por gshegs/ /la lar bdud las rab tu rgyal/ /la lar byang chub mngon 'tshang rgya/ /la lar chos kyi 'khor lo bskor/ /la lar pha rol mu stegs rnams/ /chos </font><hr>252a<br><font size=+1>


@#/ /dang mthun par tshar gcod do/ /la lar 'jig rten gsum rgyal ba/ /grub pa kun gyi dbang phyug nyid/ /la lar rtog pa thams cad mchog /grub pa'i dbang phyug bla na med/ /de la sogs pa mtha' yas mchog /sangs rgyas kun bdag bde mchog gis/ /'dul ba'i thabs su nges pa'i gar/ /rnam par sprul pa dgyes shing rol/ /dngos grub chen po kun gyi mchog /brtan pa dbang phyug chen po'i bdag /gzugs dang tshe dang kha dog stobs/ /dpal ldan rdo rje sems dpa' bzhin/ /'gro ba dag gis bsnyen bya zhing / /de bzhin gshegs pa kun gyis mchod/ /lha mo kun gyi dpal ldan mchog /rdo rje sems dpar rab tu 'grub/ /sems can khams ni du ma dag /ma lus par ni phyag rgyas 'debs/ /lha dang byang chub dka' ba rnams/ /brtan par sems can dag la smin/ /sangs rgyas kun bdag bde mchog gis/ /sems can kun gyi don byed cing / /ma lus lus pa med pa yi/ /bskal pa kun tu srid par gnas/ /zhes bcom ldan 'das rdo rje sems dpas de skad gsungs so/ /sangs rgyas thams cad dang mnyam par sbyor ba mkha' 'gro sgyu ma bde ba'i mchog las/ sna tshogs thams cad kyi skal pa bzang po mchog gi dngos grub ces bya ste/ dpal dam tshig gi rtog pa ste bzhi pa'o// //'di ni rnal 'byor bcom ldan 'das/ /rdo rje sems </font><hr>252b<br><font size=+1>


dpa' de bzhin gshegs/ /sangs rgyas thams cad mnyam sbyor ba/ /mkha' 'gro sgyu ma bde ba'i mchog /yang dag grub pa gcig pu nyid/ /ji ltar 'dod pa bzhin du sbyar/ /rtog pa'i cho ga thams cad la/ /grub pa dam pa mchog gi mchog /sna tshogs las kyi sbyor ba yis/ /cho ga sna tshogs 'dod pa yi/ /sems can rnams ni 'dul ba dang / /bde ba thams cad 'grub pa'i phyir| |bcom ldan rnal 'byor de nyid ni/ /sangs rgyas thams cad rnam 'phrul pas/ /sems can kun don rnam sprul na/ /myur du shin tu 'grub par 'gyur/ /nyin re'am yang na zla re 'am| |yang na de bzhin lo re ni/ /ji bzhin byin gyis brlabs nas kyang / /sangs rgyas bde mchog gar bya'o/ /khams kyi ngo bo thams cad dang / /de bzhin srog dang rtsa las 'byung / /rang gi lha yi cha lugs su/ /sgrub pa'i phyag rgyar rab tu bya/ /dkyil 'khor gang dang gang bsten pa/ /sna tshogs phyag rgya'i mchod pa yis/ /slob ma'i tshogs kun de dang der/ /mchod pa byas nas des sgrub bo/ /de las gzhan yang rtog kun gyis/ /sangs rgyas thams cad rnam sprul pa/ /ci rigs par ni sprul byas pa'i/ /gtam dag rab tu bshad par bya/ /sems dpa' sangs rgyas kun gyi dngos/ /rdo rje sems dpa' bde ba'i mchog /gsang ba mchog gi dgyes pa na/ /thams cad bdag nyid rtag tu bzhugs/ /'di ni rnal 'byor bcom ldan 'das/ / </font><hr>253a<br><font size=+1>


@#/ /rtag pa dam pa brtan pa ste/ /rtag tu da ltar 'byung ba bzhin/ /ngo bo nyid ni 'da' bar dka'/ /cho ga sna tshogs 'dod rnams la/ /las kyi sbyor ba sna tshogs kyis| |sangs rgyas rdo rje 'dzin la sogs/ /'dul ba'i phyir ni byas pa yin/ /sangs rgyas la sogs brtan g.yo kun/ /kun gyi dngos por 'di 'gyur ro/ /sangs rgyas thams cad mnyam sbyor ba/ /mkha' 'gro sgyu ma bde ba'i mchog /sgyu ma'i sbyor ba 'di yis ni/ /rnam pa sna tshogs kun gyi mchog /sems can kun gyi don mchog rnams/ /sangs rgyas la sogs 'dul bas 'grub/ /dpal rdo rje sems dpas dbugs phyung ba'o/ /'das pa'i dus na sngon byung ba/ /bdag nyid chen po rtag pa yi/ /de bzhin gshegs pa'i gsung rab la| |'gro ba'i tshul ni sngon byung ba/ /de tshe sems can thams cad ni/ /shin tu stong pa nyid la brtson/ /'gog pa'i chos nyid la sbyor bas/ /'gags shing yongs su mya ngan 'das| |rnal 'byor de nyid bcom ldan 'das/ /rdo rje sems dpa' de bzhin gshegs/ /grol ba thams cad rnam sbyang phyir/ /sangs rgyas sprul pa kun tu bskyed/ /stong pa ma yin mi stong min/ /dbu mar yang ni mi dmigs te/ /shes rab pha rol phyin sbyor ba/ /thabs kyi snying rje bdag nyid rnams/ /de bas de ni snying rje'i thabs/ /shes rab pha rol phyin </font><hr>253b<br><font size=+1>


par gsal/ /rtog pa med pa'i chos rnams la/ /sems can don du yongs brtags pa/ /rnam par mi rtog la mos pas/ /thams cad rtog pas brtag par bya/ /brag tsa yi ni sgra 'dra ba/ /tshe kyi tshig tu de 'gyur te/ /de las theg pa chen po yi/ /yang dag yon tan rgyas pa'i glus/ /dus gsum pa yi dam tshig gsum/ /de bzhin gshegs pa thams cad bstod/ /mnyam med mi g.yo mnyam med mchog gi chos nyid can/ /thugs rje'i bdag nyid 'gro ba'i sdug bsngal sel bar mdzad/ /yon tan mtha' yas dngos grub thams cad sbyin mdzad pa/ /dri med mi g.yo mnyam med dam pa'i mchog chos can/ /yon tan shin tu phra ba'i cha la'ang tshad med de/ /dpe ni nam mkha' dang yang bskrun du yod pa'ang min/ /dngos grub mtha' yas mnyam med dpe dang bral ba rnams/ /sems can khams la dngos grub mchog rnams nges par stsol/ /rtag tu dri ma med pa'i thugs rje shugs las byung / /smon lam grub pa 'gag pa med pa'i chos nyid can/ /'gro ba'i don grub rab tu brtson pa mtha' yas pa/ /thugs rje chen po'i bdag nyid rtag tu rnam par snang / /tshad med tshad dang bral bas shin tu rdzogs pa yi/ /bde bar gshegs pa'i go 'phang dam pa brnyes gyur kyang // khams gsum kun la rtag tu dngos grub mchog stsol mdzad/ /thugs rje spyod pa mi g.yo 'gag par yod mi 'gyur/ /e ma'o shin tu bzang po'i chos nyid mchog dang ldan/ /mchog sbyin </font><hr>254a<br><font size=+1>


@#/ /rnams kyi nang na go 'phang dam pa brnyes/ /khams gsum kun la rtag tu dngos grub mchog stsol mdzad/ /mgon po dus gsum sgrib pa med par rab mkhyen pa/ / dam tshig mchog gsum dngos grub dam pa bdag la stsol/ /'di ni sangs rgyas thams cad kyi/ /yang dag yon tan rgya chen te/ /lan gcig tsam ni brjod pas kyang / /sangs rgyas thams cad grub par 'gyur/ /sangs rgyas kun bdag nyid sbyor bas/ /bstod pa'i rgyal po 'di nyid kyis/ /dus gsum pa yi rgyal ba kun/ /dam tshig gsum gyis 'grub par 'gyur/ /sku ni blta bas mi ngoms pa/ /thams cad bdag nyid bstan nas kyang / /legs so zhes nas dngos grub ni/ /mchog rnams kun ni rab smin mdzad/ /thams cad bdag nyid 'grub dga' dang / /bsam pa thams cad yongs su rdzogs/ /sangs rgyas 'grub pa mchog kun dang / /rnal 'byor dam pa'ang sbyin par mdzad/ /de nas de yis sgrub pa dang / /shin tu brtag pa'i dngos grub dag /gang gis srid pa 'di nyid la/ /dngos grub shin tu rtag thob pa shad/ /rdo rje se gol gtogs pa yis/ /sangs rgyas thams cad bsdu bar bya/ /thal mo legs par sbyar ba yis/ /thal mo lan gsum rnam par brdab/ /dbang po gang dag gang lam gyur/ /de dang de yi ngo bor bya/ /shin tu mnyam gzhag sbyor ba yis/ /sangs rgyas kun dang mnyam sbyor zhing / /ji ltar mos pa'i </font><hr>254b<br><font size=+1>


chags pa dang / /Sha Da ba la sogs pa yi/ /ci nas yongs su ma skyo bar/ /rtag tu tshad med bzlas par bya/ /kun tu kun na ma thams cad ni/ /bdag nyid rtag tu rnam pa kun/ /sangs rgyas kun tu dngos grub pa/ /rab tu mthong zhing mchog grub pa'o/ /'di yis sangs rgyas thams cad dang / /de bzhin dpa' bo thams cad dang / /rdo rje 'dzin pa thams cad du/ /tshe 'di nyid kyis 'grub par 'gyur/ /sangs rgyas kun gyi yon tan bsngags pa rgya che ba/ /bstod pa'i rgyal po mchog ni lan gcig glur blangs pas/ /kun tu 'gro ba'i rnal 'byor dam pa rtag pa'i mchog /dngos grub mi zad bde ba'i mchog nyid thob par 'gyur/ /bstod pa'i rgyal po 'di yis ni/ /thams cad bdag nyid dbang phyug mchog /sna tshogs kun gyis rnam 'dul ba/ /de bzhin gshegs pa kun grub ste/ /de bas dam tshig gsum la sogs/ /rtog pa bla med thams cad kyis/ /nam mkha'i dbyings kyi mtha' klas pa'i/ /sems can khams ni rnam par dkrol/ /dpal rnam par snang mdzad kyis dbugs phyung ba'o/ /'das pa'i dus na sngon byung ba/ /bdag nyid chen po rtag pa yi/ /de bzhin gshegs pa'i gsung rab la/ /'gro ba'i tshul du sngon byung ba/ /de tshes sems can thams cad ni| |shin tu khro gtum gdug par gyur/ /shin tu gdug par khro ba yis/ /'o dod 'bod par lhung bar 'gyur/ /de nas 'phos nas sems can de/ /bag chags kyis ni mtshams </font><hr>255a<br><font size=+1>


@#/ /sbyor bas/ /shin tu gdug pa chen por gyur/ /blo ni bdud kyis byin brlabs nas/ /rims dang dug dang dbyig dug nad/ /phra men ma dang gnod byed gdon/ /bdud dang rnam par log 'dren nyid/ /shin tu gdug pa chen por gyur/ /gnas gsum po ni 'jigs byed cing / /sgrub pa po rnams la yang za/ /lha la sogs pa'ang 'pho bar byed/ /bstan pa dag kyang 'jig par byed/ /de nas dbang por bcas pa'i lha/ /tshangs pa'i drung du nye bar dong / /tshangs pa'ang lha dang dbang por bcas/ /'jug sel la yang skyabs su dong / /tshangs dang 'jug sel lha rnams kyang / /lha chen drung du nye bar dong / /tshangs pa 'jug sel dbang chen dang / /rdo rje can la skyabs su dong / /de nas bcom ldan rdo rje can/ /rdo rje sems dpa'i sbyor ba yis| |rdo rje se gol phyag rgyas ni/ /sangs rgyas thams cad bsdu bar mdzad/ /rdo rje sems dpa'i sbyor ba yis/ /dpung pa gnyis ni rdo rjer bcings/ /rdo rje se gol brdabs pa yis/ / sangs rgyas thams cad bsdu mdzad na/ /de yi bka' tsam gyis skrag nas/ /'khor dang 'khor lo'i tshogs bcings pa/ /sangs rgyas thams cad gshegs 'gyur na/ /gzhan lta smos kyang ci zhig dgos/ /rdo rje se gol gtog pa yis/ /'jig rten khams ni ma lus pas/ /sangs rgyas rdo rje 'dzin bcas pa/ /kun gyis til 'bru bzhin du rgyas/ /shin tu </font><hr>255b<br><font size=+1>


gdug par gtum po la/ /zhi bas phan par mi 'gyur te/ /shes rab thabs kyi ngo bo yi/ /khro bor de bzhin gshegs kun mdzad/ /khro bo'i tshul can khros pas kyang / /'jig rten gsum dag sreg byed na/ /sangs rgyas thams cad khros pa yis/ /khams gsum ma lus smos ci dgos/ /de nas sna yi rtse mo la/ /yid ni brtan par yang dag gzung / /sna yi dbugs ring dro ba las| |rgyal bas phyag rgya'i sbyor ba byung / /bcom ldan de nyid rnal 'byor pa/ /rdo rje khro bor gyur nas byung / /dpal chen rdo rje he ru ka/ /'bar bas thal bas rab tu 'jig /sems dpa' sngon por 'bar ba'i ngang / /'od kyi dkyil 'khor dmar por 'bar/ /'jig pa chen po'i dus ltar drag /dur khrod kyi ni me dang 'dra/ /'bar ba chen po sgra 'bar ba/ /thod pa mang po'i dbu rgyan can/ /'jig pa chen po dus ltar drag /dur khrod bzhin du rab tu 'jig /khro la sogs pa'i tshul ldan pa/ /zhal rnams sna tshogs 'gyur ba dang / /smin ma khro gnyer bcas par 'gyur| |'bar ba'i lta bas gar byas pas/ /gu lang dbang chen nye dbang bcas/ /nyi zla gshin rje tshangs par bcas/ /gnas gsum dag ni 'bar byas nas/ /thal ba bzhin du rab tu ba shig /rdo rje rdo rje kha TAM ga /dril bu'i sgra ni gsil ba yis/ /thams cad phab nas slar yang ni/ /thal bar gyur pa'ang 'tsho bar byed/ /de yi 'bar ba nyi ma las/ /byung ba'i grib ma mi </font><hr>256a<br><font size=+1>


@#/ /bzad pa/ /bskyed nas ma lus bdud la sogs/ /gdug pa rnams kyi khrag za nus/ /rgyal po de ni de dag dang / /lhan cig dur khrod rnam par rol/ /thams cad rdo rje mnyam sbyor ba/ /mkha' 'gro dkyil 'khor 'bar ba yis/ /shin tu gdug cing khro drag pa'i/ /sems can khams ni rnam sbyangs nas/ /dag pa'i sangs rgyas zhing rnams su/ / sangs rgyas byang chub dag la bkod/ /rdo rje 'dod khro la sogs kyi/ /rtog pa bla med thams cad kyis/ /nam mkha'i dbyings kyi mtha' klas pa'i/ /sems can khams ni rnam par sbyangs| |dpal he ru ka sa dbugs phyung ba'o/ /'das pa'i dus na sngon byung ba/ /bdag nyid chen po rtag pa yi/ /de bzhin gshegs pa'i gsung rab la/ /'gro ba'i tshul ni sngon byung pa| |de tshe sems can thams cad ni/ /log par lta la gnas par 'gyur/ /shin tu lta ba ngan pa yis/ /'o dod 'bod pa chen por lhung / /rnal 'byor de nyid bcom ldan 'das/ /byang chub sems ni rnam sbyang phyir/ /pad+mo chags par sbyor ba yis/ /rdo rje chos su gnas par gyur/ /ji ltar pad+mo dmar po 'di/ /tshon gyi nyes pas mi gos pa/ /de bzhin bag chags khams gsum gyi/ /nyes pa sna tshogs rnam par dag /'dis ni kun tu gzigs pas na/ /rgyal ba dbang phyug nyid du 'gyur/ /dpal ldan spyan ras gzigs kyi dbang / /rdo rje </font><hr>256b<br><font size=+1>


sems dpa' de bzhin gshegs/ /'dod chags thams cad dag pas na/ /mchog sbyin dam pa bcom ldan 'das/ /'dul ba'i thabs ni sna tshogs kyis/ /sna tshogs pa ni 'dul bar spro/ / kun tu spyan ras gzigs dbang rgyal/ /pad+mo gar gyi dbang phyug gyur/ /pad+mo'i rgyal po mnyam sbyor ba/ /mkha' 'gro sgyu ma bde mchog des/ /pad+mo gar dbang la sogs kyi/ /rtog pa bla med thams cad kyis/ /nam mkha'i dbyings kyi mtha' klas pa'i/ /sems can khams ni rnam par sbyangs/ /dpal pad+mo gar gyi dbang phyug gis dbugs phyung ba'o/ /'das pa'i dus na sngon byung ba| |bdag nyid chen po rtag pa yi/ /de bzhin gshegs pa'i gsung rab la/ /'gro ba'i tshul ni sngon byung ba/ /de tshe sems can thams cad ni/ /shin tu gdug cing brkam par gyur/ / shin tu 'jungs par gyur pa yis/ /yi dwags rnams dang dmyal bar ltung / /de nas 'phos nas slar yang ni/ /shin tu dbul por skyes par gyur/ /bkres dang skom pa'i skyon rnams kyis// de dag phan tshun gsod par byed/ /shin tu gdug pa sbyang ba'i phyir/ /rnal 'byor de ni bcom ldan 'das/ /dam pa'i don gyi nor chen po/ /rdo rje nyi ma byung bar gyur/ /nam mkha'i snying pos thams cad phyogs/ /kun gyi re ba yongs rdzogs mdzad/ /bud med la sogs rin chen mchog /mkha' las rin chen thams cad 'bebs/ /shin tu gdug cing khro ba la/ /zhi bas </font><hr>257a<br><font size=+1>


@#/ /phan par mi 'gyur te/ /shes rab thabs kyi nyi ma ni/ /rab tu gdung ba kun bsgrubs pas/ /bya ba dang ni bzlog pa dang / /brog pas kyang ni khyad par du/ /rgyal bar byas nas gnas gsum gyi/ /nor gyi tshogs kun sdud par byed/ /'jig rten gsum rgyal la sogs kyi/ /rtog pa bla med thams cad kyis/ /nam mkha'i dbyings kyi mtha' klas pa'i| |sems can khams ni rab tu dkrol/ /dpal rdo rje nyi mas dbugs phyung ba'o/ /'das pa'i dus na sngon byung ba/ /bdag nyid chen po rtag pa yi/ /de bzhin gshegs pa'i gsung rab la| |'gro ba'i tshul ni sngon byung ba/ /de tshe sems can thams cad ni/ /brtson 'grus shin tu chung bar gyur/ /shin tu brtson 'grus chung ba yis/ /mnar med pa yi dmyal bar ltung / /rnal 'byor de nyid bcom ldan 'das/ /rdo rje sems dpa' de bzhin gshegs/ /drag shul sbyor ba'i tshul dag tu/ /rta mchog dpal ni byung bar gyur/ /thams cad dag par mos pa yis/ /sdig med stobs kyis ngo thon du/ /pha rol gnon pa'i rtsal dag gis/ /shin tu gdug cing khro gtum pa'i/ /sems can rnam pa mang po'i khams/ /'jig rten thams cad rab tu 'jig /byi ba rkun po chom po yis/ /thams cad rnam par sbyong bar byed/ /khrid pa dang ni sgyu dag dang / /ngo thon stobs kyis de bzhin du/ /dgra cha lnga yis brgal nas ni/ / </font><hr>257b<br><font size=+1>


de tshe 'khrig 'jig rten gsum las rgyal/ /skye 'gro gnas pa 'gro ba rnams/ /mtha' dag brtul nas 'grub par 'gyur/ /'dul ba'i thabs rnams sna tshogs kyis/ /rang gi rgyal srid rtag tu skyong / /g.yem pa rnams la g.yem par gyur/ /khro ba rnams la khro ba'i mchog /zhi ba rnams la zhi ba'i mchog /drag shul can la drag pos gnon/ /sdig med stobs kyis ngo thon du// dbang phyug dam pa rab mnan nas/ /lha mo b+hi mo 'phrog nas ni/ /de tshe longs spyod rang gir spyod/ /sdig med stobs kyis ngo thon du/ /mthu bo che yang rab mnan nas/ /rug mi ni yang 'phrog nas ni| |de tshe longs spyod rang gir spyod/ /sdig med stobs kyis ngo thon du/ /skye rgu'i bdag po rab mnan nas/ /lha mo rab tu zhi ba 'phrog /de tshe longs spyod rang gis spyod/ /sdig med stobs kyis ngo thon du/ /'dod pa'i lha ni rab mnan nas/ /dga' sdug mi yi dbang phyug ma/ /'phrog nas de tshe nye bar spyod/ /de la sogs pa mtha' yas mchog /chos dbyings mnyam dang mi mnyam pa| |nam mkha'i dbyings kyi mtha' klas par/ /rdo rje las mchog rnam gnon pa/ /nam mkha' kun gyi skabs na dpal/ /rdo rje sems dpa' rab tu gnas/ /thabs dang rtsal gyis grub pa yis| |drag shul sbyor bas bsgrubs na ni/ /khams gsum rgyal srid ma lus par/ /rdo rje 'dzin pa des thob nas/ /byang chub sems dpa' mtha' yas mchog /drag shul sbyor bas grub </font><hr>258a<br><font size=+1>


@#/ /par byed/ /thams cad dag par mos pa yis/ /sdig med stobs kyis ngo thon du/ /rtsal gyis pha rol gnon pa yis/ /sangs rgyas byang chub rab tu 'grel/ /lha yi dngos grub dka' ba dang / /sangs rgyas byang chub bde chen po/ /go 'phang mchog gi rtag pa dag/ rang gi rnal 'byor gyis thob nas/ /sems can khams ni du ma dag /ma lus par ni rgyas 'debs shing / /'chi med byang chub dka' ba dag/ sems can rnams la brtan par sbyin/ /rta mchog rnam par sprul pa yis/ /ma lus lus pa med pa yis/ /bskal pa kun tu srid par gnas/ /sems can kun gyi don kyang byed/ /de ltar rta mchog dpal la sogs/ /rtog pa bla med thams cad kyis/ /nam mkha'i dbyings kyi mtha' klas pa'i/ /sems can khams rnams rab tu bsgrubs/ /dpal rta mchog gis dbugs phyung ba'o/ /de la sogs pa mtha' yas mchog /chos dbyings mnyam dang mi mnyam pa/ /nam mkha'i dbyings kyi mtha' klas pa'i/ /rang byung rnams kyi gtam gyi rtags/ /nam mkha' kun gyi skabs na dpal/ /rdo rje sems dpa' rab tu gnas/ /grub pa'i dbang phyug rab grub pas/ /thams cad bdag nyid 'jug par byed/ /ces bcom ldan 'das rdo rje sems dpas de skad gsungs so/ /sangs rgyas thams cad dang mnyam par sbyor ba mkha' 'gro sgyu ma bde ba'i mchog las gtam gyi phyag rgya zhes pa'i rtog pa ste lnga pa'o// //de </font><hr>258b<br><font size=+1>


nas gzhan yang thams cad du/ /rnam pa sna tshogs mchog 'byung ba'i/ /sangs rgyas thams cad mnyam sbyor ba/ /mkha' 'gro sgyu ma'i bde mchog bshad/ /dpal ldan sangs rgyas kun/ / dngos| |rdo rje sems dpa' bde 'byung ba/ /gsang ba mchog gi dgyes pa na/ /thams cad bdag nyid rtag tu bzhugs/ /sangs rgyas kun gyi dam tshig dpal/ /rdo rje sems dpa' snang ba bde| |de bzhin gshegs pa'i lha rdzas mchog /rin chen rgyan la sogs pas spras/ /dril bu rgyal mtshan mchog ldan pa'i/ /bla re dam pa bres pa na/ /rdo rje glu dang mchod la sogs/ /glu dang sil snyan rnam par 'phrul/ /me tog bdug pa'i sbyor ba dang / /mar me dri dang sogs ldan pa/ /sangs rgyas thams cad mnyam sbyor ba/ /mkha' 'gro sgyu ma bde mchog bsgrub/ /yang na bdag gi gnas dag gam/ /skyed mos tshal la sogs pa bsgrub/ /der ni dang por gdan bshams te/ /'jam zhing reg na bde 'gyur ba/ /sna tshogs pad+mar ras kyis g.yogs/ /de ni thams cad dag pa'i gdan/ /sangs rgyas thams cad mnyam sbyor ba/ /sbyor ba'i dbang phyug rnam 'phrul pas/ /rdo rje sems dpa' dpal gyi lha/ /de ni rnam par 'phrul pa mdzad/ / stan de dag ni thams cad la/ /ji ltar gnas pa bzhin du dgod/ /gru bzhi pa la sgo bzhi pa/ /rta babs bzhi yis mdzes par byas/ /rdo rje rin chen pad+ma sogs/ /sgo srung dang ni ldan par </font><hr>259a<br><font size=+1>


@#/ /byas| |rang gi lha dang 'dra ba yi/ /bud med dag ni legs bsgrubs pa/ /skel bzang rang gi phyag rgyas mtshan/ /tshogs kyi dkyil 'khor brtag par bya/ /mi yi tshal ni grub pa la/ /dmar chen po zhes pa bar bshad/ /ngo bo nyid kyi mthu dag dang / /rang bzhin gyis ni de grub pa'o/ /rdo rje'i chu dang rdo rjer bcas/ /mtshal chen po dag sgrub pa ni/ /mthu yis rab tu grub pa ste/ /pad+mo'i snod kyi nang du bzhag /chags pa chen po bcom ldan 'das/ /rdo rje sems dpa' de bzhing shegs/ /sangs rgyas kun gyi rdo rje'i thugs/ /dam tshig 'di ni 'da' bar dka'/ /de yi mtshal dang khu ba dang / /mtshan chen po ni sgrub pa dag /chags pa chen po las byung bas/ /dmar chen po zhes bya bar bshad/ /dmar chen dang ni ga bur bcas/ tsan+dan dmar por sbyar ba dag /tshogs kyi dbus su bzhag pa ni/ /ra sa ya na kun slong ba/ /rang gi lha yi sbyor ldan pas/ /srin lag dang ni mthe bo'i rtses/ /zhi ba'i btung ba bzhin myangs nas/ /rtag pa yin dngos grub thob/ /sangs rgyas kun gyi bdag nyid kyi/ /ra sa ya na bde ba 'dis/ /rdo rje sems dpa'i tshe dang gzhan/ /nad med pa dang bde mchog 'grub/ / sangs rgyas thams cad mnyam sbyor ba/ /mkha' 'gro sgyu ma bde mchog gis/ /'dus pa der mi zhugs pa dag /'dod pa bzhin du 'gro 'ong lding / /kun tu kun nas thams cad ni// </font><hr>259b<br><font size=+1>


bdag| nyid rtag tu rnam pa kun/ /sangs rgyas la sogs brtan g.yo kun/ /kun gyi dngos por de 'gyur ro/ /'dis ni srung ba byas pas dpal/ /rdo rje sems dpa' bzhin du 'gyur/ /rnal 'byor mkha' 'gro bde mchog gis/ /sangs rgyas thams cad bdag nyid 'grub/ /de nas khrus byas dri zhim lus/ /ci 'byor ba yi gos dang rgyan/ /sna tshogs gos bzang bgos dang ni| |me tog phreng ldan kha dri zhim/ /sna tshogs kun gyi skal bzang pos/ /slong pas dpal gyis dal gyis su/ /gos gdab pa yi sbyor ba yis/ /bdag gi 'byung ba bskul bar bya/ /rdzogs pa'i sangs rgyas nyi zla rnams/ /shar ba dag ni mthong ba yis/ /sdig pa kun las grol 'gyur zhing / /bsod nams thams cad 'grub par 'gyur/ /nges pa'i lam dang kun ldan pa// rnam par 'das pas rnam par brgyan/ /brtan zhing grub pa slong byed pa/ /kun nas slong ba'i bde ba ni/ /stong pa shin tu rnal 'byor yod med mthus/ /nam mkha' nyid du dam tshig nye bar gnas/ /bde gshegs bde bar gshegs pas bzhengs su gsol/ /rdo rje sems dpa' skal bzang dpal khyod bdag /'di dag nyid kyi glur blangs na/ /shin tu mya ngan yongs 'das pa'i/ shi ba'ang slar ni slong 'gyur na/ /yang srid pa lta ci zhig smos/ /lam bzhi dang ni mnyam ldan pa/ /rnam par 'das pas mdzes par byas/ /sna tshogs 'brang ba rab </font><hr>260a<br><font size=+1>


@#/ /tu 'grub/ /'jig rten gsum ni rab bsgrub pa/ /'jig rten gsum gyis phyag byas pa/ /'jig rten gsum gyi ston pa'o/ /'jig rten gsum la skyid sbyin pa/ /'jig rten gsum po bdag la bsgrub/ /rdo rje sems dpa' dpal sbyor ba/ /lha mo kun dang 'grogs pa yis/ /sna tshogs kun gyi skal bzang po/ /a ra li ni kun 'grub 'gyur/ /nam mkha'i dbyings kyi mtha' klas pa'i/ /lha mo kun dang bde myos pa/ /rdo rje sems dpa' yang dag rdzogs/ /nyi ma zla ba gsal bar 'char/ /rdo rje sems dpa' yang dag sbyor/ /mkha' 'gro sgyu ma bde mchog 'byung / /lan gcig dmigs pa tsam gyis kyang / /bde ba'i dngos grub kun 'byung ba/ /brtan cing grub pa slong byed pa/ /sna tshogs 'brang bas de bzhin du/ /gan+d+har+b+ha pa dang Sha Da ba'i/ /glu dbyangs sna tshogs glus bsgrub po/ /de nas de nyid dam pa yis/ /thar pa thams cad rmongs pa yis/ /rdo rje sems dpa'i bdag nyid la| |glu 'di yis ni bskul bar bya/ /rjes su chags pa'i rnam mang dga' ba'i pad+mo rnam dag pa'i/ /mchod pas gsal bar rjes su mchod byas nas/ /mchog tu rtag pa'i rnal 'byor bde bas bde ba grub par mdzod/ /kye ma'o mchog tu bde ba'i dam tshig ngo bo nyid/ /mchog tu bde ba shin tu rnal 'byor skal bzang mchog dgyes pa/ /rang gi dam tshig skyon med/ </font><hr>260b<br><font size=+1>


dag la rol cig rol cig to/ /kye ma mchog tu gsang ba'i bdag po rang gi dam tshig yin pa'i phyir/ /rab tu gsang ba'i lha mo mchog rnams so/ /'gro ba'i rgyud ni rnam pa sna tshogs 'dul ba gsal bar mkhyen/ /dam tshig thams cad dngos po brtan g.yo kun gyi ngo bor gyur/ /rgyal ba kun gyi bdag nyid rnal 'byor bde ba mkha' 'gro sgyu ma ho/ /kye ma dam pa rtag pa'i dngos grub chen po rab tu sgrub pa ston/ /dzaH hUM baM ho e ma'o bde mchog bde bar drongs/ /rnam par sprul hUM snang bar mdzod/ /a la la ho/ /de bzhin gshegs pa thams cad kyi/ /mkha' 'gro sgyu ma sna tshogs kyis/ /slob ma dag ni gzhug tu gsol/ /glu yi rgyal po 'di dag ni/ /rdo rje sems dpa' dpal la gnas/ /kun gyi sgyu ma bde ba'i mchog /ma lus lus pa med par 'grub/ /glu 'di dag ni len pa na/ /dkyil 'khor sna tshogs thams cad du/ /sangs rgyas thams cad rnam 'phrul pa/ /ma lus lus pa med par snang / /rnam pa mang po'i 'dod chags rgyud kyi sems can ma lus lus pa med par 'dul mkhas pa/ /de bzhin gshegs pa kun gyi sgyu ma bde mchog sgyu mas thams cad rab sprul rnam par sprul/ /te na te te hUM/ rnam mang rab tu dga' ba'i rgyud kyis sems can ma lus lus pa med par 'dul mkhas pa/ /de bzhin gshegs pa kun gyi sgyu ma bde mchog sgyu mas thams cad rab sprul rnam par sprul/ /hUM hUM hUM/ rnam pa mang po khro </font><hr>261a<br><font size=+1>


@#/ /pa'i rgyud kyis sems can ma lus lus pa med par 'dul mkhas pa/ /de bzhin gshegs pas kun gyi sgyu ma bde mchog sgyu mas thams cad rab sprul rnam par sprul/ /ru lu ru lu hUM b+h+yo hUM/ rnam pa mang po srog gi rgyud kyi sems can ma lus lus pa med par 'dul mkhas pa/ /de bzhin gshegs pa kun gyi sgyu ma bde mchog sgyu mas thams cad rab sprul rnam par sprul/ /hUM shi Sh+ya pi Sha hUM/ de la sogs te mtha' yas mchog /chos dbyings mnyam dang mi mnyam pa'i/ /nam mkha'i dbyings kyi mtha' klas pa'i/ / rab byung rnams kyi glu yi rgya/ /nam mkha' kun gyi skabs na dpal/ /rdo rje sems dpa' la ni gnas/ /grub pa'i dbang phyug rab grub pas/ /thams cad bdag nyid grub par 'gyur/ / glu 'di dag ni blangs pa dang / /lha mo kun gyis rab bskul nas/ /mkha' 'gro sgyu ma bde mchog gis/ /sangs rgyas kun gyi bdag nyid 'grub/ /dbang po kun las byung ba yi/ /mchod pa sprin chen rnam bkod pa/ /rab 'byams tshogs rnams thams cad kyis/ /kun gyi bdag nyid mchod par byed/ /sangs rgyas thams cad mnyam sbyor ba/ /mkha' 'gro sgyu ma bde mchog gis/ /dngos po kun gyi bdag nyid lus/ /ma lus lus pa med par 'grub/ /ston pa'i phyag rgya phab pa yis/ /bud med dag kyang bsgrubs nas ni/ /rdo rjer bcas pa'i </font><hr>261b<br><font size=+1>


mtshan ma 'dzin/ /rnal 'byor mar gyi rab tu 'gyur/ /de dag rang gi lha rnams dang / /'dra bar byin gyis brlabs bsgrubs nas/ /sngon med rol mo'i sil snyan dang / /rnam par 'phrul pas 'grub par 'gyur/ /lha yi gzugs dang sgra dang dri/ /ro dang reg pa'i bde myos pas/ /bdag nyid rang gi lhar mthong zhing / /mchod pa dag kyang byed par 'gyur/ /lha yi mchod pa mnyam sbyor ba/ /skal bzang mchog gi 'dod chags can/ /rnam pa kun tu skal bzang po'i/ /bde ba yang dag grub par byed/ /sangs rgyas sgyu mas byin brlabs pas/ /rdo rje sems dpa' mnyam sbyor ba'i/ /dngos grub kun gyi bde ba rnams/ /dkyil 'khor mthong dka' myong bar 'gyur/ /rdo rje sems dpar mnyam sbyor ba'i/ /mthu nyid kyis ni thams cad du/ /sna tshogs kun gyi skal bzang po/ /rang gi bde ba nyid kyis 'grub/ /sangs rgyas kun gyi gzugs chen dang / /dbyangs dang dri dang ro bde bas/ /rdo rje sems dpa'i bdag nyid du/ /de yis rab mthong mchod par byed| |mchod pa thams cad mnyam sbyor ba/ /skal bzang mchog gi 'dod chags can/ /sangs rgyas thams cad nyid kyi ni/ /dngos grub ma lus lus med 'grub/ /sangs rgyas thams cad mnyam sbyor ba'i/ /mkha' 'gro sgyu ma bde mchog gis/ /sangs rgyas kun gyi bdag nyid gar/ /rnam par rol pa mchog tu snang / /de nas yang dag rab gsang bas/ /bud med dag ni bzhi </font><hr>262a<br><font size=+1>


@#/ /rnams dang / /gar gyi phyag rgya mchod pa yis/ /mchod pa thams cad dbul bar bya/ /rab tu dga' ba'i lha la phyag 'tshal lo/ /de bzhin gshegs pa'i dam par grub par mdzod/ /oM hUM/ dam tshig dam pa grub par mdzad du gsol/ /oM hUM/ mchod pa chen po thams cad dag par mdzod/ /oM hUM/ mchod pa chen po thams cad grub par mdzod/ / glu yi phyag rgya 'di ni dpal/ /rdo rje sems dpa' la gnas te/ /mchod pa ma lus lus med pa'i/ /rab 'byams las la'ang sbyar du rung / /gang dag grub par ma gyur dang / /mchod pa dag ni mi 'byor ba/ /phyag rgya 'di yis mchod byas nas/ /mchod pa thams cad myur du 'grub/ /mchod pa'i sbyor ba 'di dag dang / /lha mo bzhi po dag gis ni/ /me tog la sogs mchod byas nas/ /slob ma thams cad gzung bar bya/ /dngos grub 'dod pas ci 'dod par/ /snyim pa'i gar ni kun bskyong nas/ /de dag gdong ni mdzes pa yi/ /ras kyis g.yogs te gzung bar bya/ /dngos grub ji ltar 'thob 'dod par/ /slob ma me tog 'thor du gzhug /lha mo gang la lhung ba ni/ /lha de de la 'grub par 'gyur/ /de nas gdong ni dkrol nas kyang / /yon gyi mchog ni blang bar bya/ /sangs rgyas rin chen dbang bskur bas/ /ji lta bar ni dbang bskur ro/ /dmar chen po dang ga bur bcas/ /tsan+dan dmar mo sbyar ba rnams/ / </font><hr>262b<br><font size=+1>


tshogs kyi dbus su bzhag pa la/ /g.yon pa mtshan 'dzin rdo rje bcas/ /rang gi lha yi rnal 'byor ldan/ /srin lag dang ni mthe bong rtses/ /zhi ba'i btung ba bzhin myangs na/ /rtag pa'i dngos grub thob par 'gyur/ /sangs rgyas thams cad mnyam sbyor ba'i/ /mkha' 'gro sgyu ma'i tshogs kyis kyang / /rgyas mi thebs shing mi rmyangs te/ /de la gnod par mi 'gyur ro/ /de nas mna' ni bgegs byas nas/ /sangs rgyas thams cad mthun pa yis/ /mchog tu rtag pa'i bka' stsal pa/ /dam tshig sdom pa sbyin par bya/ /sangs rgyas thams cad mnyam sbyor ba'i/ / sdom pa nyams par khyod byed pa/ /ji snyed sangs rgyas thams cad dang / /byang chub sems dpa' rdo rje 'dzin/ /lha dag dang ni mi rnams dang / /de bzhin rnal 'byor grub pa po/ /de dag la ni snying rings nas/ /snying nas khrag chen 'thungs pa bzhin/ /sems can khams ni ma lus don/ /srid pa shin tu dag bya'i phyir/ /mi 'gog chos nyid sbyor ba yis/ /rtag pa nyid du bsgrub par bya| |bdag gi ngo bo yongs spangs shing / /dka' thub kyis ni gzir mi bya/ /ci bde bar ni bde bar spyod/ /'di ni phyi dus sangs rgyas yin/ /rnal 'byor longs spyod thams cad la/ / cis kyang mi 'jigs dga' bar gyis/ /sdig pa med kyi khyed ma 'jigs/ /dam tshig 'da' bar dka' ba'o/ /grub pa gcig pu gcig la spyod/ /lhan cig spyod dang rjes spyod sdug / </font><hr>263a<br><font size=+1>


@#/ /sangs rgyas byang chub bla med yin/ /yang dag nyid kyis rtag tu bsten/ /rdo rje sems dpa' de bzhin gshegs/ /de skad bka' stsal dpal ldan gyis/ /yang dag rdzogs pa'i sangs rgyas dang / /rdo rje can gyis bka' stsal to/ /rnal 'byor bcas dang gsang bcas pa'i/ /bdag gi ye shes rgya bsgrubs nas/ /ji lta'i tshul bzhin gar byed par/ /slob ma rnams la bde bar sbyin/ /slob ma dam pas de phyin chad/ /phyag rgya'i ye shes rjes bzung nas/ /rnam par snang mdzad mchog bzhin du/ /sangs rgyas kun gyi bdag nyid grub/ /de nas ro dang zas dang gnas/ /glu dang sil snyan la sogs pa/ /de dag mgon po rnams la dbul/ /rdo rje bla ma chen po dang / /bdag dang gzhan la 'dod rgus mchod/ /'dod don 'bras bu phun tshogs 'grub/ /de nas bdag nyid rab bsgrubs nas/ /kun gyi slob dpon rab gnas pa/ /ji lta'i tshul bzhin 'jug pa yis/ /bden pa'i chos ni brjod par bya/ /rdo rje sems dpa' dpal gyi tshul/ /rtog pa thams cad rab bsgrubs shing / /rtog pa kun rab sbyor ba yis/ /ngo bo nyid phyir chen po'i mchog /sna tshogs las kyi sbyor ba dang / /'dul ba'i bdag nyid sna tshogs pas/ /sems can rnams ni 'dul ba'i phyir/ /de las gzhan pa'i tshul du bstan/ /rnal 'byor de nyid bcom ldan 'das/ /rdo rje sems dpa' de bzhin gshegs// </font><hr>263b<br><font size=+1>


thar pa thams cad rnam sbyang phyir/ /grol ba'i mkha' 'gro byung bar gyur/ /rang gi lha dang 'dra ba yis/ /rang gi byin rlabs sgrub pa'i rgyas/ /phyag rgya ji bzhin rjes mthun pa'i/ /sangs rgyas sprul pa bsgrub par bya/ /gzhan yang rnal 'byor bcom ldan 'das/ /dam tshig la sdang rnam sbyang phyir/ /thams cad rnal 'byor dbang phyug mchog /rdo rje mkha' 'gro byung bar 'gyur| |gzhan yang shin tu rnal 'byor pa/ /ma lus pad+mo rnam sbyang phyir/ /skal bzang dam pa mi 'gyur ba/ /pad+mo sgyu ma 'byung bar 'gyur/ /gzhan yang rnal 'byor bcom ldan 'das/ / nor gyi mchog gis rnam sbyang phyir/ /nam mkha' kun gyi bdag po che/ /rdo rje nyi ma dpal 'byung 'gyur/ /rnal 'byor de nyid bcom ldan 'das/ /drag shul sbyor ba sbyang ba'i phyir/ /rta mgrin pha rol rab gnon pa/ /rta mchog rab tu 'byung bar 'gyur/ /rang gi lha dang 'dra ba yis/ /rang gi byin rlabs bsgrub pa'i phyir/ /gzugs brnyan ngo bor sbyor ba yis/ /phyag rgya'i sbyor bas gar bya'o/ /dam tshig rnam pa sna tshogs kyis/ /de ltar rnam par spyod na ni/ /sangs rgyas thams cad mnyam sbyar ba/ /mkha' 'gro sgyu ma bde mchog 'grub/ /kun tu kun nas thams cad ni/ /sangs rgyas 'phrul pa thams cad kyis/ /bdag nyid rtag tu rnam pa kun/ /sangs rgyas la sogs brtan g.yo kun/ /kun gyi dngos por de 'gyur ro/ /kun tu sangs </font><hr>264a<br><font size=+1>


@#/ /rgyas thams cad kyi/ /sangs rgyas sprul pa thams cad kyis/ /bdag nyid rnam par 'phrul pa ston/ /lha mo kun dang 'dus pa yis/ /sangs rgyas zhing ni ma lus pa/ / sangs rgyas sprul pa grub par byed/ /sangs rgyas sprul pa sgyu ma yis/ /sangs rgyas rnams kyi mdzad pa ston/ /sangs rgyas thams cad mnyam sbyor ba'i/ /mkha' 'gro sgyu ma gar byed pas/ khams gsum dag ni ma lus par/ /dngos po kun tu de 'gyur ro/ /pad+mo sgyu ma rnam 'phrul pas/ /sangs rgyas rdo rje 'dzin la sogs/ /sna tshogs gzugs byed rim pa yis/ /'gro ba thams cad mgu bar byed/ /khams gsum pa yi rgyal srid che/ /'jal dum g.yul 'byed grub pa dag /rgyal srid sgyu ma rnam 'phrul pas/ /bya ba thams cad ston par byed/ /khams gsum pa yi rgyal srid che/ /bdag rtul phod pas mnan nas ni/ /'gro ba thams cad rab 'joms par/ /rta yi gar gyis ston par byed/ /de la sogs pa mtha' yas mchog /chos dbyings mnyam dang mi mnyam pa/ /nam mkha'i dbyings kyi mtha' klas pa'i/ /sna tshogs kun gyi bde mchog gis/ /nam mkha' kun gyi skabs na dpal/ /rdo rje sems dpa' de bzhin gshegs/ /dpal dgyes rol pa rnam 'phrul pa/ /sna tshogs kyis ni rnam par rol/ /rnam pa sna tshogs skal bzang po/ /rnam pa sna tshogs bde mchog gis/ /'dul ba rnam pa sna tshogs kyis/ /sems can khams </font><hr>264b<br><font size=+1>


ni rab tu bsgrub/ /de la sogs pa mtha' yas mchog/ /chos dbyings mnyam dang mi mnyam pa/ /nam mkha'i dbyings kyi mtha' klas pa'i/ /sangs rgyas thams cad 'byung ba'i mchog /nam mkha' kun gyi skabs na dpal/ /rdo rje sems dpa' la gnas te/ /grub pa'i dbang phyug rab bsgrubs pas/ /thams cad bdag nyid grub par byed/ /ces bcom ldan 'das dpal rdo rje sems dpas de skad gsungs so/ /sangs rgyas thams cad dang mnyam par sbyor ba mkha' 'gro ba bde ba'i mchog las/ sangs rgyas thams cad mnyam par sbyor ba mkha' 'gro ma sgyu ma'i dkyil 'khor gyi rtog pa ste drug pa'o// //de nas gzhan yang bshad bya ba/ /rdo rje sems dpa' dpal gyi lha/ /rnam pa sna tshogs kun gyi mchog /'khor lo thams cad rnam sprul pa'o/ /gsang ba mchog gi dgyes pa na/ /thams cad bdag nyid rjes su sgrub/ /dben pa yi ni gnas dag gam/ /rang gi skyed mos tshal sogs par/ /kun tu sna tshogs skal bzang po/ /kun tu sna tshogs bde mchog gis/ /kun tu sna tshogs dgos pa rnams/ /ci bde bar ni bsgrub par bya/ /rten dang dgon pa gtsug lag khang / /ri yi rtse rnams thams cad du/ /rnam pa du ma sna tshogs pa'i/ /sangs rgyas dgongs pa bsgrub par bya/ /dur khrod dang ni lha rten dang / /ma mo'i gnas la sogs 'dug na/ /rdo rje 'dzin pa'i dgos pa dag /rnam pa du mar 'grub par 'gyur/ /pad+mo'i skyed mos tshal </font><hr>265a<br><font size=+1>


@#/ /dga' dang / /chu bo dag gi mdo dag tu/ /pad+mo 'dzin pa'i dgos pa rnams/ /yang dag par ni 'grub par 'gyur/ /rgyal po'i pho brang dga' ba dang / /rgyal po'i skyed mos tshal dag tu/ /rnam pa sna tshogs du ma yi/ /rgyal po'i dgos pa bsgrub par bya/ /mkhar ni rnam pa sna tshogs dang / /de bzhin chu bo'i 'gram dag gam/ /rgyal khams gzhan las grub pa ru/ /rdo rje rta ni bsgrub par bya/ /cha lugs rnam pa sna tshogs dang / /sgrub pa rnam pa sna tshogs kyis/ /rdo rje sems dpa'i dgos pa la/ /dkyil 'khor la sogs rab tu bsgrub/ / sangs rgyas rnams kyi pad+mo dmar/ /phyag na rdo rje sna tshogs la/ /'jig rten dbang gi kha dog dkar/ /rdo rje nyi ma dpal gyi ser/ /kha dog kun dang ci 'byor ba/ /bla bre rgyal mtshan rgyan gyis rnams/ /thams cad rab tu sgrub pa dang la/ /rta mchog rdo rje can gyi'o/ /gnas dang 'khor rnams ci 'dra dang / /bkod dang 'gro ba ci 'dra dang / /'khor rnams bkod pa ci 'dra bar/ /de 'dra'i 'khor lo mchog gis mdzad/ /rdo rje sems dpa'i lha rnams kyi/ /'khor lo mngon sum mthong ba las/ /bsod nams brtags pa ci 'dra ba/ /phyis bris pa yang de bzhin no/ / dkyil 'khor thig btab shes rab can/ /phyogs kun mnyam pa nyid sgrub cing / /shar nub byang gi phyogs dag tu/ /thig bzhi btab pas dkyil 'khor brgyad/ /dkyil 'khor yang dag </font><hr>265b<br><font size=+1>


ci 'dra bar/ /rab tu brtag par su zhig nus/ /rang gi lha yi rang bzhin gyis/ /dkyil 'khor brtag pa 'grub par 'gyur/ /bdag nyid rang gi lhar sbyor bas/ /dngos grub thams cad bsgrub par bya/ /cho ga lhag gam ma tshang na'ang / /nyes pa med de 'grub par 'gyur/ /kun tu sna tshogs skal bzang po/ /kun tu sna tshogs 'khor lo can/ /kun tu sna tshogs 'grub pa'i phyir/ /dkyil 'khor kun tu sna tshogs pa'o/ /dkyil 'khor zlum po sangs rgyas kyi/ /rdo rje can gyi zla gam bzhin/ /pad+mo'i dbang gi pad+mo'i dbyibs/ /rin chen mchog gi rin chen dbyibs/ /ji ltar 'dod pa ci 'byor ba/ /ji lta'i dus dang ci bde bar/ /dkyil 'khor kun tu gnas par dpal/ /rta mchog phyag rgya rdo rje'o/ /dkyil 'khor du ni ma zhugs shing / /dam tshig rnams ni spangs pa dag / gsang ba yang dag mi shes pas/ /bsgrubs kyang ci yang mi 'grub bo/ /srog chags gsad par mi bya zhing / /dkon mchog gsum ni yong mi spang / /byang chub sems ni mi gtang ste/ / slob dpon skal bzang yong mi gtang / /kun tu sna tshogs skal bzang por/ /bdag rang bsgrubs pas skal ba bzang / /bdag med chos nyid dang ldan pa/ /dam tshig la sdang skal ba ngan/ / srid pa shin tu bsgrubs pas na/ /skal bzang sangs rgyas bcom ldan 'das/ /skal ngan nyan thos 'jig rten na/ /shin tu yongs su mya ngan 'das/ /rtog pa thams cad bsgrubs pa'i </font><hr>266a<br><font size=+1>


@#/ /phyir/ /skal bzang phyag na rdo rje dpal/ /stong pa nyid la rab sbyor bas/ /rang rgyal rnams ni skal ba ngan/ /'dod chags thams cad rnam dag pas/ /skal bzang spyan ras gzigs kyi dbang / /log par lta dang ldan pas na/ /skal ngan 'jig rten mu stegs na/ /dam pa'i nor mchog sdud pa'i phyir/ /skal bzang rdo rje nyi ma dpal/ /bdag gi bu yang ma chags pas/ /skal ngan dka' thub spyod pa kun/ /rgyal srid mchog rnams kun bsdus pas/ /rta mchog dpal ni skal pa bzang / /bdag med yongs su 'dzin med pas/ /thub pa thams cad skal ba ngan/ /bde ba thams cad bdag sgrub phyir/ /kun gyi slob dpon skal ba bzang / /lta ngan dam tshig la ldang ba'i/ /slob ma thams cad skal ba ngan/ /gsang ba'i don ni yang dag nyid/ /'di ni gsal bar shes pa yis/ /sangs rgyas kun gyi bka' bzhin du/ /sangs rgyas kun tu 'grub par 'gyur/ /kun gyi slob dpon la gnas pas/ /'khor lor 'jug par byed pa na/ /dkyil 'khor 'dod pa'i slob ma la/ /gsang ba yang dag mtha' yas mchog /thog ma nyid du gsang brjod pas/ /kye khyod ci la dga' zhes dri/ /skal ba bzang la bdag dga' zhes// 'jug pa pos kyang smra bar bya/ /gsang ba'i yan lag 'di shes na/ /ji ltar 'dod par rab tu gzhug /gsang ba yang dag mi shes te/ /g.yas pa yis ni gzhug par bya/ /de ltar dkyil </font><hr>266b<br><font size=+1>


'khor du zhugs nas/ /de bzhin shin tu yon 'bul te/ /gsang ba'i cho ga nyid shes pas/ /mi 'gyur pa yi mchog 'grub bo/ /kun tu sna tshogs bla ma la/ /yon mchog dag ni dbul bar nges// gang la yongs su gtang dka' gang / /da ni mchog tu bshad pa yin/ /gang dang gang ni sdug pa'i mchog /yang na shin tu khyad par can/ /de dang de ni bla ma la/ /de nyid mi zad 'dod pas dbul/ /yang na de ni 'dod 'gyur ba'am/ /'on te sems la dgos pa dag /de sbyin yang na dgos pa bya/ /de ni chung yang mchog yin no/ /de la gal te mchog bdog la/ /de yang ngan pa'i yon 'bul na/ /kun gyi slob dpon brnyas pas na/ /de ni rtag tu sdug bsngal 'thob/ /bu mo shin tu brgyan pa'am/ /de bzhin chung ma sdug pa dag /phul nas rin gyis blu ba ni/ /sangs rgyas byang chub mchog gi yon/ /ma chen dag ni phul nas su/ /slar yang rin gyis blu ba ni/ /rdo rje 'dzin dpal sbyor ba yi/ /'on te mchog gi yon yin no/ /mu tig bzang dang nor bu dang / /shin tu dkar ba'i ras zung dang / /de bzhin rta ni dkar po dag /pad+mo can gyi yon mchog yin/ /rgyal srid longs spyod gter rnams dang / /gos dang rgyan gyi tshogs rnams dang / /de bzhin mchod pa thams cad ni/ /rdo rje nyi ma'i yon yin no// shin tu brgyan pa'i rta dag dang / /glang po shin tu brgyan pa dang / /shing rta rin chen gang ba dag /rta yi rgyal po'i yon yin no/ /khams kyi rang bzhin thams cad dam/ /srog dang rtsa ba'i de bzhin </font><hr>267a<br><font size=+1>


@#/ /te| |sangs rgyas rin chen dbang bskur ba/ /mkhas pas rnam pa sna tshogs brtag /spyi bo dang ni dpral ba dang / /ldan pa gnyis dang lhag pa ru/ /sangs rgyas rin chen thams cad kyi/ /dbu rgyan mi 'gyur dam pa'o/ /khams kyi rang bzhin thams cad dam/ /srog dang rtsa ba de bzhin te/ /thod pa rin chen dbu rgyan nam/ /sangs rgyas gtsug gi nor bu dag /kun tu sna tshogs bla mar ni/ /kun gyi slob dpon kun la bya/ /rgyal srid thams cad rnam dag la/ /ma lus lus pa med par 'grub/ /rin chen ngo mtshar gcig las byas| |de bzhin sna tshogs rgyan gyis spras/ /sangs rgyas pad+mo'i dbang bskur bas/ /slob ma thams cad dbang bskur ro/ /sangs rgyas rin chen rdo rje byed/ /rdo rje rigs la rdo rje yin/ / spyan ras gzigs kyi sangs rgyas sku/ /nor bu 'dzin gyi nor bu yin/ /sangs rgyas rin chen pad+mo dang / /rdo rje nor bu de bzhin du/ /thams cad mchog ni rta mchog la/ /rang gi dbang bskur bsdus pa'o/ /blugs pa dang ni byas pa'am/ /brdungs pa'am yang na khris pa'ang rung / /sna tshogs rab tu legs pa yi/ /mtshan ma'i phyag rgya rab tu brtag /kun tu sna tshogs skal bzang po/ /rang byung rnams kyi mtshan ma'i rgya/ /nam mkha'i dbyings kyi mtha' klas pa'i/ /lha mo rnams kyi bde ba'i mchog /gzhu dang mda' dang de bzhin du/ /skal ldan de </font><hr>267b<br><font size=+1>


bzhin skal ba bzang / /thod pa dang ni kha T+wAM ga /rdo rje rgya gram de bzhin no/ /pad+mo rgya gram dpag med tshe'i/ /sangs rgyas kun gyi tshe sgrub pa/ /lha mo tshogs rnams thams cad kyi/ /mtshan ma phyag rgya tshogs sgrub bzhin/ /mda' dang de bzhin tshangs pa'i mgo /de bzhin 'khor lo'i phyag rgya dang / /rdo rje tri shul phyag rgya'i mchog /dpag bsam shing dang lcug ma dang / /pad+mo rta mgrin 'phang mtho ba/ /rta mgrin ljang gu de bzhin no/ /phag gi mche ba grub pa dang / /zla ba nyi ma de bzhin no/ /rin chen sna tshogs snod chen du/ /sangs rgyas gzugs kyi ra sa yi/ /thams cad bdag nyid myong skal bzang / /mtshan ma'i phyag rgya'i tshogs gzhan no/ /gling bu dang ni pi wang kun/ /ku mun+Da dang mu ra dza/ /me tog bdug pa mar me dang / /sna tshogs dri rnams de bzhin no/ /de la sogs pa mtha' yas mchog /chos dbyings mnyam dang mi mnyam pa/ /nam mkha'i dbyings kyi mtha' klas pa'i/ /mtshan ma'i phyag rgya dam pa'i tshogs/ /nam mkha' kun gyi skabs na dpal/ /rdo rje sems dpa' nyid la gnas/ /grub pa'i dbang phyug rab grub pas/ /thams cad bdag nyid grub par 'gyur/ /chos gos dang ni lhung bzed dang // de bzhin du ni 'khar sil dang / /dam pa'i chos ni glegs bam dag /mtshan ma'i phyag rgya'i tshogs gzhan no/ /de bzhin rtse yi phyag rgya dang / /cha lang dang ni rnga dag dang / /rdo rje dang ni rin chen </font><hr>268a<br><font size=+1>


@#/ /snod/ /mtshan ma'i phyag rgya'i tshogs gzhan no/ /de bzhin sangs rgyas gzugs brnyan dang / /me long dang ni rlung yab dang / /rdo rje ser ba'i sprin dang bcas/ /de bzhin mig gi phyag rgya dang / /rdo rje 'bar ba kha T+wAM ga /thod pa kham phor de bzhin no/ /dmar chen dang ni snying rje dang / /sha chen dang ni de bzhin te/ /rnon po mda' dang de bzhin 'dren/ /chang dang chu dang de bzhin te/ /lcug ma rlung gi sa bskyod pa dang / /ras dang de bzhin me dang ni/ /rdo rje khro bo rgyal po'i dpal/ /gdug pa thams cad za ba yi/ /mtshan ma'i phyag rgya grub pa'i tshogs/ / rnal 'byor dngos grub rab sgrub pa'o/ /pad+mo sna tshogs dmar po dang / /ljang gu de bzhin dkar po dang / /mthing ga ser po le brgan dag /pad+mo mtshan mchog rnam pa bdun/ /pad+ma smyung po bud med rgya/ /de bzhin chos kyi 'khor lo dang / /gsal zhing dpal bskyed rdo rje dag /pad+mo mtshan ma'i tshogs gzhan no/ /gzhu dang mda' dang ral gri dang / /de bzhin du ni 'bar ba'i me| |dbang bskur gter dang rgyal mtshan dag /mchod pa'i mtshan ma bsdus pa'o/ /de bzhin sna tshogs pad+mo dang / /rdo rje rgya gram de bzhin te/ /mtshan ma'i phyag rgya grub pa yis/ /rgyal srid thams cad 'joms pa ste/ /sangs rgyas thams cad la sogs pa/ /dngos po brtan g.yo ma lus kun/ /rang byung rnams kyi mtshan ma'i rgya/ /nam mkha'i dbyings kyi mtha' klas </font><hr>268b<br><font size=+1>


pa'o/ /de skad bcom ldan de bzhin gshegs/ /rdo rje sems dpa' dpal gyi gsungs/ /sangs rgyas thams cad dang mnyam par sbyor ba mkha' 'gro sgyu ma'i bde ba'i mchog las/ dkyil 'khor thams cad kyi phyag rgya zhes pa'i rtog pa ste bdun pa'o// //de nas gzhan dag bshad ba ni/ /rdo rje sems dpa' dpal gyi lha'i/ /rnam pa kun tu sna tshogs mchog / mchod pa thams cad rnam sprul pa'o/ /lag pa g.yas g.yon gnyis dag gis/ /mdzub mo mthe'u chung mdzes par bsgyur/ /dpal ldan g.yon pa 'gying ba'i thabs/ /g.yas pa bdan gsum du bya| |srid zhur bcas pa'i steg pa'i mchog /bdag nyid rdo rje sems dpa' dpal/ /'dzum dang bcas pa'i mig gis blta/ /bsam pa g.yos pa'i phyag rgya'o/ /sangs rgyas rdo rje pad+mo 'dzin/ /rdo rje nyi ma khams gsum pas/ /skad cig gis kyang phyag byed na/ /khengs pa gzhan lta ci zhig smos/ /drag po dbang po nye dbang bcas/ /nyi zla gshin rje tshangs par bcas/ /btud de rab tu phyag 'tshal nas/ /las rnams thams cad byed par 'gyur/ /rdo rje dpal gyi thal mo bsgyur/ /bsam pa g.yos pas phyag byas pa'i/ /sangs rgyas mchod pa legs byas na/ / ma lus lus pa med par 'grub/ /smin ma g.yon du 'degs tshul gyis/ /ru lu ru lur bcas bgad na/ /tshangs pa nye dbang drag por bcas/ /khams gsum pa rnams phyag byed 'gyur/ / </font><hr>269a<br><font size=+1>


@#/ /thal mo pad+mo kha 'bus bzhin/ /rang gi sbyor ldan snying gar bcing / /mthe bong mthe'u chung 'dab ma bzhin/ /rgyas pa btud pa'i phyag kyang bya/ /lus kyi yan lag thams cad ni/ /sa la bsnyal te phyag bya ba/ /snying ga kha dang spyi gtsug tu/ /thal mo sbyar te phyag bya'o/ /dpal ldan rdo rje 'gying ba'i thabs/ /'dzum pa'i mig gi sa phyag byas nas/ /khams gsum pa yang phyag byas nas/ /mthu snyems gzhan lta ci zhig smos/ /phyag 'tshal ba'i phyag rgya zhes pa'o/ /gar gyi rgyun rnams ji snyed dang / /de bzhin bya ba'i tshul ston kun/ /de dag rdo rje sems dpa'i rgya/ /rang gi don rnams grub par byed pa'o/ /'gying dang bcas pa'i tshul byas nas/ /ji lta'i tshul bzhin gar byed cing / /bskor ba'i gar rnams sna tshogs kyis/ /mchod pa thams cad dbul bar bya/ /lag pa g.yas g.yon gnyis dag gis/ /mdzub mo mthe'u chung mdzes bsgyur te/ /g.yon pa'i mdzub mo khu tshur bcang / /g.yas pa ba dan gsum par bya/ /phyag rgya 'di yis btab na ni/ /sangs rgyas kun dang 'grogs pa dang / /dngos grub chen po mchog kun gyi/ /dbang phyug chen po 'grub par 'gyur/ /sangs rgyas thams cad dang 'grogs pa/ /dpal skal pa bzang po zhes bya ba'i phyag rgya'o/ /snyems 'dzin chen por bcas pa yi/ /sbyor ba de nyid btegs </font><hr>269b<br><font size=+1>


nas su/ /'gram pa'i phyogs su yongs bsgyur nas/ /spyi bo'i mtshams su gzhag par bya/ /thams cad 'bebs pa'i gar byed pas/ /gar byas de nas phab nas su/ /skal bzang hUM zhes bya ba'i glus/ /mchod pa thams cad dbul bar bya/ /sangs rgyas thams cad dang mnyam par sbyor bskal ba bzang po bde ba chen po zhes bya ba'i phyag rgya'o/ /lag pa g.yas g.yon gnyis dag gis/ /mdzub mo mthe'u chung mdzes bsgyur ba'i/ /rdo rje thal mo sbyar nas su/ /de bzhin g.yon du bsgyur bar bya/ /de ni sbyor bas btegs nas su/ /spyi bo'i mtshams su gzhag par bya/ /skal bzang oM zhes bya ba'i glus/ /mchod pa thams cad dbul bar bya/ /dpal rdo rje thal mo sbyar ba sangs rgyas kyi mchod pa'o/ /lag pa g.yas g.yon gnyis dag gis/ /mdzub mo mthe'u chung mdzes bsgyur te/ /rdo rje thal mo gyen du dgrol/ /mchod pa'i gtor ma kun gyi tshul/ /dur khrod cha lugs gar byed pas/ /phyag rgya 'di yis gar byed cing / /skal bzang rdo rje drag por dgod/ /mchod pa thams cad dbul bar bya/ /dpal rdo rje he ru ka'i thod pa'i thal mo ste mchod pa'i gtor ma thams cad kyi cho ga'o/ /lag pa g.yas g.yon gnyis dag gis/ /mdzub mo mthe'u chung mdzes bsgyur te/ /g.yas g.yon thal mo brdabs pa yis/ /mchod pa thams cad dbul bar bya/ /dpal pad+mo gar gyi dbang phyug gi </font><hr>270a<br><font size=+1>


@#/ /thal mo'o/ /lag pa g.yas g.yon gnyis dag gis/ /mdzub mo mthe'u chung mdzes bsgyur te/ /rdo rje rin chen thal sbyar nas/ /mchod pa thams cad dbul bar bya/ /re ba thams cad yongs su rdzogs par byed pa dpal rdo rje rin chen zhes bya ba'i phyag rgya'o/ /gyen du 'thor zhing thur du 'bebs/ /bskor zhing de bzhin nyug pa dang / /me tog bdug pa mar me mchog /dri yi mchod pa 'byung ba'o/ /gang ba'am 'on te stong pa'ang rung / /yang na ci 'byor ba yis kyang / /dam tshig mnyam par sgrub pa yis/ /mchod pa thams cad 'grub par 'gyur/ /phyag rgya 'di rnams bcings nas ni/ /sangs rgyas thams cad mchod par 'gyur/ /dngos grub dbang phyug grub pas kyang / /kun gyi bdag nyid mchod par 'gyur/ chos dbyings mnyam dang mi mnyam pa/ /nam mkha'i dbyings kyi mtha' klas pa'i/ /rang byung rnams kyi mchod pa kun/ /gang dag de yis ma byas shing / /spel bar yang ni ma gyur pa'i// rlabs chen dam pa gang yang med/ /sangs rgyas thams cad mnyam sbyor ba/ /sbyor ba'i dbang phyug bde chen dang / /dngos grub las dang bde ba dag /'di yis mi 'grub gang yang med| |mchod pa rab 'byams grub pa rnams/ /ma lus lus pa med pa 'grub/ /bcom ldan rdo rje sems dpas gsungs/ /sangs rgyas thams cad dang mnyam par sbyor ba </font><hr>270b<br><font size=+1>


mkha' 'gro sgyu ma bde ba'i mchog las/ mchod pa thams cad dang mnyam par sbyor ba dpal skal pa bzang po dam tshig gi rtog pa ste brgyad pa'o// //de nas gzhan yang bshad pa ni/ /rdo rje sems dpa' dpal gyi lha'i/ /kun tu sna tshogs mchog rnams kyi/ /phyag rgya thams cad rnam sprul pa'o/ /sems dpa' sangs rgyas kun gyi dngos/ /rdo rje sems dpa' bde ba'i mchog /gsang ba mchog gi dgyes pa na/ /thams cad bdag nyid rtag tu bzhugs/ /bde ba thams cad rnam dag phyir/ /rdo rje sems dpa' bde ba'i mchog /zla ba nya ltar rtsa dmar sku/ /'dod chags kun la chags pa'i phyir/ /chags pa chen po bcom ldan 'das/ /rdo rje sems dpa'i phyag rgya 'di/ /dmar po sna tshogs 'bar ba'i 'ong / /khams gsum dag na rin chen gzhan/ /sangs rgyas rin chen lta bu med/ /sangs rgyas kun gyi rin chen che/ /dbu rgyan can ni bde ba'i mchog /gzhan gyi nor min mi 'phrog pa/ /lha yi chu 'dis dag pa ste/ /mthu dang ngo bo nyid dag dang / /rang bzhin gyis ni de 'grub bo/ /thod pa'i phreng ba'i dbu rgyan drang / /sangs rgyas gtsug gi nor bu can/ /kun nas nyon mongs 'jig rten dbang / /mi mjed la sogs de 'grub bo/ /rdo rje sems dpa' dpal sbyor ba/ /lha mo kun dang 'dus pa yis/ /kun tu sna tshogs skal bzang po/ /mkha' 'gro ma ni thams cad 'grub/ </font><hr>271a<br><font size=+1>


@#/ /sangs rgyas rdo rje pad+mo 'dzin/ /rdo rje nyi ma khams gsum pa/ /rgyas btab rmongs pas bslangs nas ni/ /las rnams kun la sbyor bar byed/ /phyag rgya 'di yis btab pa ni/ /'dod pa bzhin du 'gro 'ong lding / /lha mo kun mchog dpal dang ldan/ /rdo rje sems dpa' rab tu 'grub/ /mchog tu dga' ba la rab tu sbyor ba skal ba bzang po dpal rdo rje sems dpa' bde ba'i mchog rol pa zhes bya ba mchog gi phyag rgya'o/ /g.yas dang g.yon gyi sbyor ba yi/ /bde ba'i cha lugs gar byed cing / /sems dpa'i skyil mo krung bcas nas/ /dpung rnams thams cad rab tu 'joms/ /dpal rdo rje sems dpa'i skyil mo krung ngo / /zla ba'i kha dog 'dzum pa'i zhal/ /dngos grub thams cad dag pa dang| |pad+mo'i 'dod chags rnam dag phyir/ /brla yi dbus ni dmar la dkar/ /phyag mchog lo ma sngon po 'dra/ /de bzhin bde ba'i dbang phyug dang / /bde bar reg pa'i dbang phyug pas/ /dkar zhing ser ba'i brla dang ldan/ /lha rdzas sna tshogs kha dog mchog /'bar ba sna tshogs 'khrigs pa'i 'od/ /pad+mo sna tshogs la gnas pa/ /thams cad dag par rab tu gnas/ /sangs rgyas pad+mo la sogs mchog /rin chen sna tshogs rgyan dang gos/ /sangs rgyas thams cad 'dus pa yin/ /mi mjed pa sogs brgyan pa bzhin/ /bya ba dang </font><hr>271b<br><font size=+1>


ni bzlog pa dang / /'phrog pa dag kyang lhag par mdzad/ /bdag la 'khyud pa'i phyag rgya yis/ /yan lag thams cad 'phrog par 'grub/ /phyag rgya 'di yis btab na ni/ /'dod pa bzhin du 'gro 'ong lding / /dpal ldan 'dod pa kun la dbang / /rdo rje sems dpa' rab tu 'grub/ /mchog tu dga' ba la rab tu sbyor ba skal ba bzang po dpal rdo rje mda' bde ba'i mchog rol pa zhes bya ba'i phyag rgya'o/ /rnam pa sna tshogs dam tshig chags/ /bde ba'i 'bebs pa'i gar byed pas/ /bdag la 'khyud pa'i phyag rgya mchog /dbus kyi lha mchog chen po yis/ /phyag rgya 'di yis rnal 'byor pa/ /'dod pa bzhin du 'gro 'ong lding / /bde chen dbang phyug dpal dang ldan/ /rdo rje sems dpa' rab tu 'grub/ /mchog tu dga' la rab sbyor ba/ /skal ba bzang po dpal rdo rje sems dpa'i dam tshig bde ba'i mchog rol pa zhes bya ba'i phyag rgya'o/ /ser la kha yi tshul dag tu/ /rdo rje kha T+wAM ga bzung ste/ /bdag la 'khyud pa'i phyag rgya ni/ /pad bcas rdo rje rgya gram mchog /phyag rgya 'di yis btab na ni/ /'dod pa bzhin du 'gro 'ong lding / /rnal 'byor kun gyi dbang phyug rgyal/ /rdo rje sems dpa' rab tu 'grub/ /mchog tu dga' ba la rab tu sbyor ba skal ba bzang po dpal rdo rje rnal 'byor bde ba'i mchog rol pa zhes bya ba'i phyag rgya'o/ /rdzogs sangs rgyas kyi kham phor 'grub/ /bdag la 'khyud pa'i phyag rgya yis/ /rdo rje sems </font><hr>272a<br><font size=+1>


@#/ /dpa' dpal sbyor ba/ /dbus kyi lha mchog chen po'o/ /phyag rgya 'di yis rnal 'byor pa/ /'dod pa bzhin du 'gro 'od lding / /dpal ldan tshe dang gzhon 'grub pa/ rdo rje sems dpa' rab tu 'grub/ /mchog tu dga' ba la rab tu sbyor ba skal ba bzang po dpal rdo rje tshe bde ba'i mchog rol pa zhes bya ba'i phyag rgya'o/ /de la sogs pa mtha' yas mchog /chos dbyings mnyam dang mi mnyam pa/ /nam mkha'i dbyings kyi mtha' klas pa'i/ /rang byung phyag rgya sna tshogs rnams/ /nam mkha' kun gyi skabs na dpal/ /rdo rje sems dpa' la gnas te/ /grub pa'i dbang phyug rab grub pas/ /thams cad bdag nyid 'bab 'grub 'gyur/ /sangs rgyas thams cad mnyam sbyor ba'i/ /mkha' 'gro sgyu ma bde ba'i mchog gi rtsa ba'i phyag rgya'i tshogs so/ /gtsug lag ji lta'i rjes mthun pa'i/ /dpal rdzogs rgya chen gar dag gis/ /mda' bzhi yongs su 'phangs na ni/ /bdud bzhi dag las rgyal bar 'gyur/ /tshangs pa chen po'i mgo dpal rdo rje mda' zhes bya ba'i phyag rgya'o/ /rkang pa 'deg cing phab pa dang / /gshibs te mchong ba'i stabs dag gis/ /'khor lo'i phyag rgyas bstod nas ni/ /khams gsum dag las mchod par 'gyur/ /dpal rdo rje mthu bo che zhes bya ba'i phyag rgya'o/ /bya ba dang ni bzlog pa dang / /'phrog pa dag gi khyad par </font><hr>272b<br><font size=+1>


du| |sna tshogs phyag rgyas gar byed cing / /khams gsum dag ni bsdu bar bya/ /dpal rdo rje gar gyi dbang phyug zhes bya ba'i phyag rgya'o/ /lhug ma gang yang rung bzung nas/ /bdag la 'khyud pa'i phyag rgya yis/ /bud med thams cad rtses nas ni/ /dpag bsam shing ltar rtag tu 'grub/ /dpal rdo rje 'dod pa'i lha mo zhes bya ba'i phyag rgya'o/ /myang ba btung ba ltar byas pas/ drag po dbang po nye dbang bcas/ /nyi zla gshin rje tshangs pa yi/ /'jig rten gsum dag skam par byed/ /dpal rdo rje rta gdong zhes bya ba'i phyag rgya'o/ /sna yi myang ba'i rdub pa yis/ /drag po dbang po nye dbang bcas/ /nyi zla gshin rje tshangs bcas pa'i/ /khams gsum yang ni sdud par byed/ /dpal rdo rje phag mo zhas bya ba'i phyag rgya'o/ /mig tshugs zhen par lta ba yis/ /drag po dbang po nye dbang bcas/ /nyi zla gshin rje tshangs bcas pa'i/ /'jig rten gsum yang za bar byed/ /dpal rdo rje spyan nyi zla zhes bya ba'i phyag rgya'o/ /thams cad bdag nyid myangs pa yis| |drag po dbang po nye dbang bcas/ /nyi zla gshin rje tshangs bcas pa'i/ /thal bar gyur pa'ang 'tsho bar byed/ /dpal rdo rje kun gyi bdag nyid khams gsum slar 'tsho ba zhes bya ba'i phyag rgya'o/ /gling bu len pa'i tshul ston cing / /ji ltar 'bab pa'i gar byed pas/ /tshangs dang nye dbang drag por bcas/ /'gro ba gsum dag dbang du byed/ /dpal rdo rje gling bu'i dbang byed </font><hr>273a<br><font size=+1>


@#/ /ces bya ba'i phyag rgya'o/ /pi wang len pa'i tshul ston cing / /ji ltar 'bab pa'i gar byed pas/ /las rnams grub pa rab 'byams dang / /dngos grub ma lus myur du 'grub/ /dpal rdo rje pi wang bde bas rmongs par byed pa zhes bya ba'i phyag rgya'o/ /cang te'u tshul ston rnal 'byor pa/ /ji ltar 'bab pa'i gar byed pas/ /rims dang gdon dang dug zhen pa'i/ /sdug bsngal thams cad myur du sel/ /dpal rdo rje cang te'u sdug bsngal thams cad sel bar byed pa zhes bya ba'i phyag rgya'o/ /rdza rnga'i tshul ston rnal 'byor pa/ /ji ltar 'bab pa'i gar byed pa/ /gnas gsum dag ni ma lus pa/ /skad cig tsam gyis 'bebs par byed/ /dpal rdo rje rdza rdzas myos par byed pa zhes bya ba'i phyag rgya'o/ /phyag rgya gar gyi mchod pa yis/ /mchod pa thams cad byas nas ni/ /rang byung gar gyi mchod pa rnams/ /ma lus lus pa med par 'grub/ /rims dang dug dang dbyig dug byed/ /phra men gdon gyi gnod pa rnams/ /bskor ba'i gar rnams sna tshogs kyis/ /skad cig tsam gyis zhi bar 'gyur/ /drag po dbang po nye dbang bcas/ /nyi zla gshin rje tshangs bcas pa'i/ / rgyas btab rmongs byas zos pa dag /skad cig tsam gyis 'tsho bar byed/ /de la sogs pa mtha' yas mchog /chos dbyings mnyam dang mi mnyam pa'i/ /nam mkha'i dbyings kyi </font><hr>273b<br><font size=+1>


mtha' klas pa/ /rang byung lha mo phyag rgya rnams/ /nam mkha' kun gyi skabs na dpal/ /rdo rje sems dpa' la gnas te/ /dngos grub dbang phyug rang nub pas/ /thams cad bdag nyid babs par 'gyur/ /sangs rgyas thams cad mnyam sbyor ba/ /mkha' 'gro sgyu ma bde mchog gis/ /rab tu grub pa'i glu rnams kyis/ /bla med pa yi dngos grub 'thob/ /de nas phyag rgya ye shes 'di/ /dpal ldan rdo rje mchog gi glu/ /las rnams thams cad rab grub cing / /srid pa shin tu sgrub pa ni/ /rdo rje sems dpa' bde chen skal bzang dpal khyod bdag la bsgrubs la rtogs par mdzad du gsol/ /kye de bzhin gshegs pa kun gyi bdag nyid bde ba mkha' 'gro sgyu ma sna tshogs bde ba'i mchog /'gro ba'i rgyud rnams rnam pa sna tshogs 'dul mchog sgrub pa bdag la grub par mdzad du gsol/ /a la la la ho/ /de bzhin gshegs pa'i sbyor ba rnam pa sna tshogs gar rnams bstan du gsol/ /dzaHhUM baM ho/ /kye bde mchog bde bas zungs la rnam par sprul/ /hUM snang bar mdzad du gsol/ /a la la la ho/ /de bzhin gshegs kun sna tshogs mkha' 'gro sgyu mas slob ma gzung du gsol/ /sangs rgyas thams cad mnyam sbyor ba/ /mkha' 'gro sgyu ma bde ba'i mchog /kun tu kun nas thams cad du/ /'di nyid kyis ni myur du 'grub/ /sangs rgyas thams cad dang mnyam par sbyor ba </font><hr>274a<br><font size=+1>


@#/ /mkha' 'gro ma'i rnal 'byor gyi dkyil 'khor gyi phyag rgya zhes bya'o/ /rnal 'byor de nyid bcom ldan 'das/ /rdo rje sems dpa' de bzhin gshegs/ /thar thams cad bla ma dag phyir/ /sangs rgyas phyag rgya dpal du gnas/ /'dod dam rnam par dag pa'i phyir/ /bcom gser gyi kha dog bzhin/ /chags med la sogs chags tshon phyir| |dkar zhing sma tshogs gsal ba'i mdangs/ /chos kyi rgyal srid rab bsgrubs pas/ /rin chen chos las lhag pa med/ /de bas theg chen byang chub sems/ /rgyal ba rdo rje rin chen can/ /g.yas pa'i mthe bong gung mo gnyis/ /g.yon pa'i khu tshur bcangs pa ni/ /sor mo kun la reg pa ni/ /rtsa ba'i phyag rgya yin par grags/ /'di ni sangs rgyas thams cad kyi| |shes rab pha rol phyin gsal yin/ /byang chub sems chen skye ba dang / /chos kyi 'khor lo bskor ba ste/ /phyag rgya 'di yis btab na ni/ /shes rab pha rol phyin pa'i tshul/ nam mkha'i dbyings kyi mtha' klas par/ /rab tu bsgrags par 'gyur ba yin/ /byang chub sems chen bskyed pa dang / /chos kyi 'khor lo bskor ba ste/ /sangs rgyas nyid du rig par bya| |mchog tu rtag pa'i sangs rgyas so/ /gang gis ldan pa 'di mthong zhing / /rnam pa kun tu mchod byed pa/ /de yi sangs rgyas rtag pa'i mchog /mthong zhing mchod pa byed </font><hr>274b<br><font size=+1>


par 'gyur/ /sems ni bskyed ma thag tu yang / /chos kyi 'khor lo legs pa bskor/ /dpal dam tshig ces bya ba'i phyag rgya'o/ /g.yas pa'i yan lag gnon pa yis/ /g.yon pa'i yan lag kun las rgyal/ /sems dpa'i skyil mo krung bcas nas/ /bdud rnams thams cad rab tu 'joms/ /dpal rdo rje sems dpa'i skyil mo krung ngo / /rdo rje khu tshur bcangs nas su/ /lag pa g.yon pas bkab pa ni/ /sangs rgyas kun blo dngos grub rnams/ /ma lus lus pa med pa'i 'grub/ /de bzhin dpal ldan he ru ka'i/ /rdo rje khu tshur chen po dag pa/ /dpa' bo 'dod pa'i dngos grub rnams/ /ma lus lus pa med par 'grub/ /pad+mo'i bud med khu tshur ni/ /de bzhin g.yon pas bkab na yang / /byang chub spyod rab 'grub pa rnams/ /ma lus lus pa med par 'grub/ /rin chen 'dzin pa'i khu tshur yang / /lag pa g.yon pas bkab na ni/ /sangs rgyas nor kun dngos grub pa/ /ma lus lus pa med par 'grub/ /sangs rgyas khu tshur bcangs nas su/ /lag pa g.yon pas bkab na ni/ /sangs rgyas kun gyi tshe 'grub pa/ /ma lus lus pa med par 'grub/ /bud med phyag rgya bcings nas su/ /lag pa g.yon pas bkab na ni/ /dngos grub thams cad myur 'grub pa/ /ma lus lus pa med par 'grub/ /rta gdong dpal gyi khu tshur yang / /lag pa g.yon pas bkab na ni/ /thams cad 'gugs par rab grub pa/ /ma lus lus pa med par </font><hr>275a<br><font size=+1>


@#/ /'grub| |dpal grub spyan gyi khu tshur yang / /lag pa g.yon pas bkab ba ni/ /snang ba thams cad rab 'grub pa/ /ma lus lus pa med par 'grub/ /dang po sangs rgyas kun snod pa/ /gnyis pa de bzhin dpa' bo yin/ /gsum pa kun tu bzang po'i lo/ /bzhi pa mi zad snod yin no/ /sangs rgyas yan lag kun ldan dpal/ /de bzhin zhal bzang gzungs ma yin| |sprin chen mo ni bdun pa ste/ /brgyad pa nam mkha'i spyan yin no/ /gzungs ma thams cad kyi phyag rgya'o/ /phyag rgya shes pa 'di dag gi /sangs rgyas sprul pa'i glu mchog ni/ /'grub par 'gyur pa byed pa'i mchog /las rnams thams cad rab sgrub pa/ /slong bar byed pa bstan sgrub pa/ /de bzhin sna tshogs rgyas pa dag /drug pa'i dbyangs kyi glu blangs nas/ /de pa ta yi glu blang ngo / /'jig rten khams mang rdul phran grangs snyed khyab par 'phros pa yi/ /rgyal ba'i don rnams rab tu phra ba'i rdul gyi grangs snyed pa/ /sprul pa'i sku rnams phra ba'i rdul gyi grangs snyed ni/ /srid pa bde chen de bzhin gshegs kun rnam 'phrul sna tshogs kyis/ /rdul phran grangs snyed de bzhin gshegs pa'i rnam par sprul pa mdzod ho/ /dpal rnam par snang mdzad sbyor ba a la la la ho/ /de ring grub par mdzod/ /glu 'di dag ni blangs pa yis/ /nam mkha' thams cad mnyam sbyor ba/ /mkha' 'gro sgyu ma bde ba'i mchog /grub par 'gyur ba gdon </font><hr>275b<br><font size=+1>


mi za| |de nas bud med bzhi rnams dang / /rang gi yang dag gsang ba yis/ /cho ga rgyas pa'i tshul bzhin du/ /me tog la sogs mchod pa bya/ /de bzhin gshegs pa'i phyag rgya zhes pa'o/ /rnal 'byor de nyid bcom ldan 'das/ /rdo rje sems dpa' de bzhin gshegs/ /dam tshig la sdang rnam sbyang phyir/ /dur khrod dpal gyis phyag rgyar gsal/ /shin tu gdug cing gtum po la/ /zhi pas phan par mi 'gyur te/ /shes rab thabs kyi rnal 'byor gyis/ /rnal 'byor bde mchog dam par 'gyur/ /sangs rgyas khros byung khro bo ni/ /thal bar 'jig pa mchog yin te/ /sems dpa' sngon po 'bar ba can/ /'bar ba'i dkyil 'khor dmar po snang / /gzhan gyis ma yin mi 'phrog pa/ /lha rdzas chu yis dgang ba ste/ /'di ni rang bzhin nyid dag dang / /mthu dang ngo bo nyid kyis 'grub/ /gos chen po dang blugs pa che/ /sha chen po dang sbrang rtsi che/ /dur khrod kun gyi 'byung po yi/ /phyag rgya dpal ldan dbang phyug mchog /shin tu khro gdug gtum pa yi/ / sems can khams rnams rnam sbyang phyir/ /'di ni dpal ldan he ru ka'i/ /rdo rje rgyal chen dbang phyug mchog /thod pa'i phreng ba'i dbu rgyan dang / /sangs rgyas gtsug gi nor bu dag /rgyal srid thams cad rab sgrub pa/ /ma lus lus pa med pa 'grub/ /rdo rje kha T+wAM rdo rje bcas/ /dril bu dkrol ba'i sgrar bcas pa/ /dpal ldan he ru ka babs pa'i/ /phyag rgya sna tshogs rnam </font><hr>276a<br><font size=+1>


@#/ /sprul pas/ /sangs rgyas rdo rje pad+mo 'dzin/ /rdo rje nyi ma khams gsum pa/ /rgyas btab rmongs byas de zos nas/ /thal bar gyur ba'ang 'tsho bar byed/ /dpal rdo rje he ru ka rdo rje 'bab pa rnam par 'phrul pa pad+ma gar gyi dbang phyug bcas bya ba'i phyag rgya'o/ /se ral kha yi tshul dag tu/ /kha T+wAM ga la rgya brten byas/ /lag pa g.yon na thod pa thogs// g.yas pa ba dang gsum par byas/ /nam mkha'i phyag rgyas rnal 'byor pa/ /nam mkha' kun tu 'gro bar 'gyur/ /bud med la sogs rin chen mchog /dngos po thams cad mkha' las 'byin/ /phyag rgya 'di yis yongs btab nas/ /bde bar lhag pa'i tshul ston pas/ /nam mkha' las ni kun lhags te/ /bdag gi spyod par de spyod do/ /drag po dbang po nye dbang bcas| |nyi zla mkha' 'gro mi bzad tshogs/ /mkha' las sgyu ma kun blags nas/ /lus pa med par de za'o/ /nam mkha' thams cad mnyam sbyor bskal ba bzang po dpal rdo rje mkha' 'gro ma'i bde ba'i mchog ces bya ba'i phyag rgya'o/ /g.yas dang g.yon pa'i sbyor ba yis/ /bde bar 'bab pa'i gar byed pas/ /skyil mo krung ni phyed bcas la/ /rkang pa rang gi brla bsdams na/ /drag po dbang po nye dbang bcas/ /nyi zla gshin rje tshangs bcas pa/ /rgyas btab rmongs byas bslangs nas su/ /gar dag byed cing de za'o/ /de nyid kyi ni sbyor ba yis/ / </font><hr>276b<br><font size=+1>


de nas bde bar brla bsdams pas/ /legs par bsdams de phyir btags nas/ /rab tu bkram ste btung bar bya/ /sgyu ma de dag nyid kyis ni/ /de nas bla phrag bskyod pa yis/ /skal bzang lha dang mi rnams kyi/ /bud med kun la de spyod do/ /bde bar reg pa thams cad mnyam par sbyor ba skal ba bzang po dpal rdo rje drag po gnas pa zhes bya ba'i phyag rgya'o/ /de nas gzhan yang rab bshad pa sangs rgyas mkha' 'gro'i dkyil 'khor du/ /dpal ldan he ru ka babs pa'i/ /phyag rgya sna tshogs gnas pa'o/ /zhi dang drag po rmongs pa'i mchog /dga' ba'i gar byed 'gyur bar bcas/ /shi ba ldang ba'i sbyor ba yis/ /bde ba'i phyag rgya rab tu gnas/ /zhi dang drag po rmongs byed dang / /gyen du dbugs 'byin gar byed lus/ /lta ba'i phyag rgya grub pa'i mchog /gsang ba'i sbyor ba bde mchog gis/ /me tog bdug pa'i sbyor ba mchog /chang dang chu dang lcug ma dang / /ras dang me gtong grub pa yis/ /khyad par du ni rgyas 'debs so/ /rtse gcig mnyam par sbyor ba yis/ /sbyor ba'i gnyer ba bde ba sbyin/ /mngon par gtor zhing sa gol rdeb/ /dal bus gyen du dbugs 'byin pas/ /g.yon du lta zhing lag pas drangs/ /'o byed 'khyud pa de bzhin te/ /gar byed rab tu rmongs pa dang / /za dang gsang ba'i lus rnams dang / /tshangs pa chen po'i mgo dang ni/ /de bzhin 'jig rten gsum las rgal/ /de bzhin gzhan las 'dren pa dang / /rang gi phyag rgya'i tshul </font><hr>277a<br><font size=+1>


@#/ /ston dang / /dur khrod dag gi gar byed dang / /de bzhin rlung gi dkyil 'khor dang / /rab tu 'jigs par sreg pa'i me/ /las kyi phyag rgya rab tu gnas/ /dang po rgyas 'debs ma yi rgya/ /snying 'dren ma yi gnyis pa'o/ /gsum pa shin tu rmongs byed pa'o/ /de bzhin bzhi pa 'deg byed ma'o/ /lnga pa gar byed pa yi rgya/ /drug pa gsod ma'i yin bar bshad/ /bdun pa zab mo ba yi rgya/ /brgyad pa las kyi phyag rgya yin/ /de nas phyag rgya 'di kun gyi/ /phyag rgya'i lan rnams bla na med/ /phyag rgya'i bdag nyid kun 'joms pa/ /khyad bar du ni bshad par bya/ /dpal ldan rdo rje pad+mo slong / /gar dag byed cing byas na ni/ /rgyas btab rmongs byas zos pa dang / /thal bar gyur pa'ang 'tsho bar byed/ /de nas phyag rgya shes pa 'di| |dpal ldan rdo rje sbyor ba'i glu/ /las rnams thams cad rab sgrub pa/ /khyad par du ni bshad par bya/ /gzigs pa rnam pa sna tshogs 'gyur ba'i rgyas thob la/ /rnam pa sna tshogs 'o byed 'khyud pas rmongs mdzad de/ /rnam pa sna tshogs bde ba'i mchod ston kun gsol ba/ /rnam pa sna tshogs bde mchog ngo mtshar bstan du gsol/ /rgyas btab rmongs byas man bas su gsol/ /bde mchog ngo mtshar bde ba zhugs/ /hUM a la la la ho snang bar mdzod/ /rnal 'byor bde mchog sgyu mas sprul/ /dam tshig dag la 'jug tu gsol/ /nyon </font><hr>277b<br><font size=+1>


mongs kun phyag \?\ rgyal bar mdzod/ /ma lus pa dag mnabs su gsol/ /nyon mongs thams cad bsal bar mdzod/ /glu 'di dag ni blangs pa yis/ /rdo rje thams cad mnyam sbyor ba/ /mkha' 'gro rgyu ma bde ba'i mchog /gdon mi za bar 'grub par 'gyur/ /dpal he ru ka'i rdo rje'i phyag rgya zhes pa'o/ /rnal 'byor de nyid bcom ldan 'das/ /rdo rje sems dpa' de bzhin gshegs/ / 'dod chags thams cad rnam dag phyir/ /pad+mo phyag rgya dpal du gnas/ /mi 'gyur dam pa grub pa'i phyir/ /shel sgong shin tu dag pa 'dra/ /'dod chags thams cad bsal ba'i phyir/ /'bar ba sna tshogs 'khrigs pa'i 'od/ /sangs rgyas tshe ni rin chen spras/ /gos dang sna tshogs rgyan gyis brgyan/ /sangs rgyas thams cad 'dus pa yis/ /bde ba can bzhin dam par 'gyur/ /gar thabs rnam pa sna tshogs kyis/ /yongs su bsgyur zhing gar byas pas/ /pad+mo'i mtshan mchog pad+mor bcas/ /phyag ni brgya rnams 'khor lo bskor/ /sangs rgyas rdo rje pad+mo 'dzin/ /rdo rje nyi ma khams gsum pa/ /pad+mo sgyu mas rnam sbyangs nas/ /sangs rgyas byang chub sgrub par mdzad/ /'dul ba'i thabs ni sna tshogs pa'o/ /skal pa bzang po dpal pad+mo gar gyi dbang phyug ces bya ba'i phyag rgya'o/ /g.yas dang g.yon pa'i sbyor ba yis/ /skyil mo krung ni phye mar gnas/ /rgyal bo'i skyil mo krung bcas na/ /sdug bsngal thams cad sel bar byed/ /dpal pad+mo rgyal po gnas pa </font><hr>278a<br><font size=+1>


@#/ /zhes bya ba'i phyag rgya'o/ /snyems pa'i lag pa g.yon pa yis/ /pad+mo dmar po ci bder bzung / /rang gi snying gar 'dren pa'i tshul/ /pad+ma 'dab ma kha 'byed pa'o/ / snyems pa'i lag pa g.yon pa yis/ /pad+mo sngon po ci bder bzung / /rang gi snying gar 'dren tshul gyis/ /bud med phyag rgya bcing bar bya/ /snyems pa'i lag pa g.yon pa yis/ /pad+mo dkar po ci bder bzung / /'khor lo'i phyag rgya bcings nas ni/ /chos kyi 'khor lo rab tu bskor/ /snyems pa'i lag pa g.yon pa yis/ /pad+mo mthing kha ci bder bzung / /g.yas pas rab tu gar byed pa| |dpal gyi phyag rgya ba dan gsum/ /snyems pa'i lag pa g.yon pa yis/ /pad+mo ser po ci bder bzung / /g.yas pa rab tu gar byed pas/ /chu srin tshul du bsgreng bar bya/ /snyems pa'i lag pa g.yon pa yis/ /pad+mo la brgan mchog bzung ste/ /rang gi snying gar 'dren tshul gyis/ /rdo rje'i phyag rgya bcing bar bya/ /rnam par gzigs pa'i rnam dag dpal/ /sgrol ma'i byang chub mchog yin no/ /rgya chen ma yi 'khor lo bskor/ /khro gnyer ma ni phyag rgya'i lan/ /pad+mo gnas pa'i dpal chen yin/ /'dod pa'i dbang mo'i 'gro ba gsum/ /dpal pad+mo'i rgyal po'i rig pa'i lha mo chen mo rnams so/ /de nas phyag rgya shes pa 'di/ /pad+mo rgyal po dpal gyi glu/ /las rnams thams cad rab sgrub pa/ /khyad par du ni bshad par bya/ /de bzhin gshegs </font><hr>278b<br><font size=+1>


pa kun la sogs pa'i gzugs mchog sna tshogs 'dzin/ /sems can rnam pa sna tshogs 'dul mchog dngos grub mchog mnga' ba/ /kye sems dpa' pad+mo dga' mchog sgyu ma'i dga' ba bstan du gsol/ /a la la la ho/ /kye gar dbang thar dga' dga' ba'i gar mdzod cig /sangs rgyas rdo rje 'dzin bdag tshangs pa 'jug sel dbang phyug bdag /nyi zla bdag lags a la la la ho/ /pad+ma sgyu ma sna tshogs 'dul mdzad dag pa'i tshul gyis gar mdzad pa/ /pad+mo dam tshig dbang phyug sangs rgyas gar rnams mdzad du gsol/ /'dod chags rnam par spyod pa thams cad da dung rnam par sbyongs/ /pad+mo 'dzin pa de yi spyan sngar gar mkhan gar mdzod cig /glu 'di dag ni blangs pa yis/ /sna tshogs pad+mo mnyam sbyor ba/ mkha' 'gro sgyu ma bde ba'i mchog gdon mi za bar 'grub par 'gyur/ /dpal pad+mo gar gyi dbang phyug gi phyag rgya'o/ /rnal 'byor de nyid bcom ldan 'das/ /rdo rje sems dpa' de bzhin gshegs/ /nor mchog rnam par sbyang ba'i phyir/ /dpal ldan nyi ma phyag rgyar gnas/ /nam mkha'i snying po thams cad phyogs/ /re ba thams cad rdzogs mdzad pa/ /bud med la sogs rin chen mchog /rin chen thams cad mkha' las 'bebs/ /shin tu gdug cing gtum po la/ /zhi bas phan par mi 'gyur te/ /shes rab thabs kyi nyi ma ni/ /dam pa'i don du drag por gyur/ /drag pos 'dul ba'i 'jig rten </font><hr>279a<br><font size=+1>


@#/ /rnams/ /drag po nyid kyis sgrub par byed/ /nyi ma'i gzugs dang spyod lam dang / /tshul dang gzi brjid chen pos ston/ /rdo rje gzhu dang mda' mchog dag /shin tu legs par 'gengs pa ste/ /mdangs gsal 'dzum dang bcas pa'i spyan/ /g.yon pa 'byed cing gyen du 'deg /drag po dbang po nye dbang bcas/ /nyi zla gshin rje tshangs bcas pa'i/ /'jig rten gsum po ma lus pa/ /drag shul nyid kyis 'dul bar mdzad/ /dpal khams gsum rnam par rgyal ba zhes bya ba'i phyag rgya'o/ /rdo rje bus mo gnyis bcings te/ /rdo rje skyil mo krung bcas nas/ /bdag ni stan la 'dug nas ni/ /bgegs rnams thams cad gzhig par bya/ /dpal rdo rje skyil mo krung ngo / /dbang bskur ba dang gter dag dang / /rgyal mtshan mchog ldan mchod pa che/ /ji lta'i tshul dag ston pa drag /rang gi don rnams 'grub pa'o/ /de nas phyag rgya shes pa 'di/ /rgyal po'i sgyu ma mchog gi glu/ /las rnams thams cad rab sgrub pa| |khyad par du ni bshad par bya/ /khams gsum kun gyi rgyal srid sna tshogs mchog gi nor ldan pas/ /mjal du ma g.yul 'gyed rnam mang khyad par sangs rgyas kyis 'dul ba/ rnam pa sna tshogs mjal du ma rnam par rgyal ba'i rgyal mtshan can/ /rdo rje nyi ma rgyal po bde mchog sgyu ma bstan du gsol/ /sems can sprin la byang chub mchog sbyin sna tshogs </font><hr>279b<br><font size=+1>


char 'bebs pa/ /bdag gi re ba kun sgrub myur du ston/ /a la la la ho/ /mi zad gter gyi dbang bskur khyad par bdag la stsal du gsol/ /khyad par rin chen 'di dag thams cad bud med rin chen rnams kyi phyir/ /rin chen tshogs kun nang na bud med rin chen gcig bu mchog /bud med rin chen dag pa dam pa'i don du thams cad 'gro/ /glu 'di dag ni blangs pa yis/ /rgyal srid thams cad mnyam sbyor ba/ /mkha' 'gro sgyu ma bde ba'i mchog /gdon mi za bar 'grub par 'gyur/ /dpal rdo rje nyi ma'i phyag rgya zhes pa'o/ /rnal 'byor de nyid bcom ldan 'das/ /rdo rje sems dpa' de bzhin gshegs/ /drag shul sbyor bas rnal 'byor dpal/ /rta yi phyag rgya rab tu gnas/ /thams cad dag par mos pa yi/ /sdig med stobs kyis ngo thon du/ /rab tu gdon pa'i rtsal dag gis/ /'jig rten thams cad rab tu 'joms/ /'dod chags can la g.yem par ston/ /gdug pa rnams la gdug par ston/ /zhi ba rnams la zhi bar 'gyur/ /drag shul can la drag shul sbyor| |'di la bzhi pa la phyag bzhi pa/ /zhabs bzhi pa la rmig pa bzhi/ /rta mgrin rgyal po chen po ste/ /dbang phyug dam pa grub par 'gyur/ /g.yon pa'i mdzub mo khu tshur gyis/ /dpal ldan pad+mo sna tshogs 'dzin/ /rdo rje bcas shing slong bsgrub/ /g.yas pa ba dan gsum par bya/ /phyag rgya 'di yis btab na ni/ /shin tu ltung bar gyur pa yang / /de ma thag tu kun bslangs nas/ /ldang ba thams </font><hr>280a<br><font size=+1>


@#/ /cad rab tu 'grub/ /thams cad dag pa mnyam par sbyor ba skal ba bzang po dpal rdo rje slong ba zhes bya ba'i phyag rgya'o/ /g.yas dang g.yon pa'i sbyor ba yis/ /brkyang brkum pa yi tshul byas nas/ /khro bo'i skyil mo krung bcas te/ /'jig rten thams cad rab tu bshig /dpal rdo rje khro bo gnas pa'o/ /de nas phyag rgya shes pa 'di'i/ /rta mchog dpal dang ldan pa'i glu/ /las rnams thams cad rab sgrub pa/ /khyad par du ni bshad par bya/ /myos byed stong pas lhag par bde ba 'dod pa'i gzugs ston pa/ /'dul ba'i dbang gis gshin rje stong pas lhag par rab tu 'jigs/ /zhi ba'i skur yang tshangs pa stong pas shin tu lhag par ston/ /dkyil 'khor kun gyi mchog tu de bzhin gshegs kun 'grub par mdzod/ /thams cad rnam par dag pas ngo thon stobs kyis gnon pas non/ /hi he he he he/ dbang phyug thams cad rab shig rab tu shig /rab kyi rtsal gyis gnon pa'i stobs kyis ngo thon dbang phyug non/ / sbyor chen hu lu hu lu mig gsum pa las gsum grub drongs/ /rab kyi rtsal gyis gnon pa'i stobs kyis ngo thon mthu chen non/ /mnyam sbyor ru Ta ma Ta snying las dpal mo drongs shig rab drongs shig /rab kyi rtsal gyis gnon pa'i stobs kyis ngo thon tshangs pa non/ /sbyor chen tshangs las grol ma drongs shig sma ra Ta/ /rab kyi rtsal gyis gnon pa'i stobs </font><hr>280b<br><font size=+1>


sa ngo thon dga' dbang non/ /mnyam sbyor kun gyi dbang la dga' drongs a la la la ho/ /gdug cing khro la rab tu gtum pa'i sems can bsgral ba'i phyir/ /sgrub zhugs a la la la ho/ / oM su m+b+ha ni sum+b+ha hUM phaDa phaDa/ mdza' bo mi la bya 'am mi bya yongs rtog de dag med kyang bla/ /de 'dra'i mdza' bo sgyu ma yin pas de la mdza' bshes su zhig zer/ /rgol bal 
 yang bya 'am mi bya yongs su rtog pa med kyang bla/ /de 'dra'i rgol ba sgyu ma yin pas de la dpa' zhes su zhig zer/ /glu 'di blangs pa tsam gyis ni/ /rta mchog mnyam pas sbyor ba yi/ /mkha' 'gro sgyu ma bde ba'i mchog /gdon mi za bar 'grub par 'gyur/ /thams cad 'byung ba'i phyag rgya zhes pa'o/ /mdzub mos mthe bong mnan nas ni/ /rang gi mthe bos mdzub mo mnan/ /dpal grub spyan gyi phyag rgya ste| |mdzub mo mig gi 'bras bur byas/ /rdo rje thal mo mnyam sbyar nas/ /rdo rje spyan ni gnyis dag tu/ /khong stong du ni sbyar bar bya/ /dpal grub rdo rje'i spyan yin no/ /'di ni sangs rgyas thams cad dang / /de bzhin dpa' bo thams cad dang / /rdo rje 'dzin pa thams cad du/ /tshe 'di nyid la 'grub par 'gyur/ /dpal grub spyan ni grub pa ste/ /sems can thams cad dbang byed pa/ /las kyi dngos grub rab 'byams rnams/ /ma lus dngos grub myur du 'grub/ /rdo rje thal mo mnyam sbyar te/ /mdzub mo gnyis kyi rtse mo dgug /mthe bo'i rtse mo mnyam par gzhag /khong stong mi </font><hr>281a<br><font size=+1>


@#/ /'gyur dam pa'o/ /spyi bo'i mtshams su rab bzhag nas/ /'di yis bsrung ba byas na ni/ /sangs rgyas dngos grub ma lus pa/ /lus pa med par 'grub par 'gyur/ / sems dpa'i gtsug tor gyi phyag rgya'o/ /rdo rje thal mo gyen du dbye/ /mdzub mo gnyis kyi rtse mo dgug /mthe bong gnyis kyi mche ba gtsigs/ /'jigs pa'i rdo rje gnod sbyin ma/ /'grub pa bdud la sogs pa za/ /de bzhin du ni rmongs par byed/ /dbab pa thams cad rab tu 'grub/ /de bzhin rnam par shes pa sgrub/ /gter rnams 'byin par byed pa dang / /de bzhin nor kun 'phrog par byed/ /ngal bso po ni dpal mnan te/ /dpal mo dag kyang 'phrog nas ni/ /mngag gzhug mar ni byed pa dang / /gnod sbyin ma dang dga' ba spyod/ /gnod sbyin dag gi sde dpon du/ /'dis ni myur du 'grub par 'gyur/ /dpal rdo rje gnod sbyin gyi phyag rgya'o/ /rdo rje thal mo mnyam sbyar nas/ /gung mo mnyam par rab tu sgrub/ /mthe bong mthe'u chung 'dab ma bzhi| |pad+mo dri med rab tu rgyas/ /'dis ni sdig rnams 'byang bar 'gyur/ /sdig pa byang na rab tu 'grub/ /sangs rgyas byang chub mngon sangs rgyas/ /rdo rje sems dpa' nyid du 'gyur/ / dpal ldan pad+mo'i phyag rgya'o/ /rdo rje thal mo mnyam sbyar la/ /mdzub mo mnyam bar phyir bkug ste/ /mthe bong rdo rje g.yogs pa ni/ /rdo rje dpal gyi nor bu ste/ /phyag rgya 'di yis btab </font><hr>281b<br><font size=+1>


na ni| |nam mkha' thams cad rab 'grub ste/ /bud med la sogs rin chen mchog /mkha' las dngos rnams thams cad spyod/ /rdo rje thal mo mnyam sbyar nas/ /mthe'u chung srin lag mnyam par brkyang / /mdzub mo rtse bsnyams bkug pa ni/ /dpal mchog rta zhes grags pa ste/ /phyag rgya 'di yis btab na ni/ /sangs rgyas byang chub rab 'brel na/ /thams cad dga' bar byed pa'i dpal/ /lha yi skal bzang smos ci dgos/ /dam tshig gi phyag rgya shes pa'o/ /lus dang ngag sems rdo rje yi/ /mtshan ma'i phyag rgyar ldan byas te/ /thams cad 'byung ba'i sbyor ba yis| |bdag gi lhar ni bdag nyid bya/ /'dis ni sangs rgyas thams cad dpal/ /de bzhin dpa' bo thams cad dang / /rdo rje 'dzin pa thams cad du/ /tshe 'di nyid la 'grub par 'gyur// sangs rgyas bdag la dngos grub ni/ /chos dbyings mnyam dang mi mnyam pa/ /nam mkha'i dbyings kyi mtha' klas pa'i/ /sangs rgyas thams cad mnyam sbyor ba'i/ /mkha' 'gro sgyu ma bde mchog 'dis/ /mi 'grub sbyor bar mi 'gyur ba'i/ /dam pa rgya chen gang yang med/ /dam tshig chen po'i phyag rgya shes pa'o/ /rdo rje sems dpa' dpal sbyor ba'i/ /ji lta'i gzugs dang dbyibs su ldan/ /bde ba nyid kyis kun gyi bdag /kun gyi bdag la zhugs par bya/ /phyag rgya 'di yis rnal 'byor pa/ /'dod pa bzhin du 'gro 'ong lding / /rgyal po'i sangs rgyas kun dang </font><hr>282a<br><font size=+1>


@#/ /'dra| |rdo rje sems dpa' rab tu 'grub/ /sangs rgyas thams cad dang mnyam par sbyor ba skal pa bzang po'i dpal rdo rje sems dpa' zhes bya ba'i phyag rgya'o/ /chags pa med cing ma chags med/ /dbu mar yang ni dmigs su med/ /bud med kun gyi sgyu sbyor 'di/ /gnyis su med cing theg pa'i mchog /phyag rgya 'di yis btab na ni/ /'dod pa bzhin du 'gro 'ong lding / /dpal ldan sgyu ma kun gyi bdag /rdo rje sems dpa' rab tu 'grub/ /sgyu ma thams cad kyi lha mo'i phyag rgya shes pa'o/ /yod pa ma yin med pa'ang min/ /dbu mar yang ni dmigs su med| |shes rab pha rol phyin sbyor ba/ /sangs rgyas byang chub rab 'grub pa'o/ /thams cad nam mkha'i mtshan nyid de/ /nam mkha' la yang mtshan nyid med/ /khams gsum dag ni ma lus pa| |thams cad sgyu ma lta bu ste/ /ji ltar sgyu ma thams cad du/ /mthong ba dang ni reg par 'gyur/ /dmigs su yod pa'ang ma yin te/ /de bzhin 'gro ba kun gyi tshul/ /phyag rgya 'di yis rnal 'byor pa/ /'dod pa bzhin du 'gro 'ong lding / /bud med la sogs rin chen mchog /mkha' las dngos rnams thams cad spyod/ /dngos po med par bdag sbyor bas/ /nam mkha' kun dang mnyam sbyor ba/ /mkha' 'gro sgyu ma bde ba'i mchog /shin tu rtag par 'grub par 'gyur/ /ji ltar pad+ma dmar po 'di/ /chags pa'i nyes pas mi gos pa/ /rnal 'byor ldan pa'ang </font><hr>282b<br><font size=+1>


de bzhin du/ /gnas kyi nyes pas yong mi gos/ /shin tu gdug cing drag po la/ /zhi bas phan par mi 'gyur te/ /shes rab thabs kyi sbyor ba ni/ /rnam par rgyal phyir rab tu drag /thams cad dag par mos pa yis/ /sdig med stobs kyis ngo thon du/ /drag shul sbyor bas mnyam sbyor ba/ /'jig rten thams cad gzhom par bya/ /sbyor ba'i phyag rgya shes pa'o/ /sbyor ba ji snyed yod kun dang / /byed pa rnam pa sna tshogs la/ /rdo rje sems dpa' dpal gyi rgya/ /dngos grub thams cad rab sgrub pa'o/ /byed pa'i phyag rgya 'di rnams kyis/ /'dod pa bzhin du 'gro 'ong lding / /chags pa chen po dbang phyug dpal/ /rdo rje sems dpa' rab tu 'grub/ /kun tu sna tshogs skal pa bzang po dpal dam tshig ces bya ba'i phyag rgya'o/ /bya ba dang ni bzlog pa dang / /khyad par du ni 'phrog pa dang / /yan lag kun tu byed pa yis/ /de ni nor rnams kun kyang 'phrog /'o byed 'khyud la sogs pa yis/ /khams gsum pa yang rgyas 'debs so/ /thar par byed cing gsod par byed/ /shi ba'ang mod la sos par byed/ /sbyor ba'i longs spyod thams cad kyis/ /gnas gsum po ni ma lus par/ /rgyas btab rmongs byas bslangs nas su/ /gar byas nas ni za bar byed/ /sbyor ba kun gyi bde myong bas/ /khams gsum pa ni ma lus pa/ /rgyas btab rmongs byas zos pa dang / /thal bar gyur pa'ang 'tsho bar byed/ /sbyor ba thams cad kyi phyag rgya shes pa'o/ /lha mo kun gyi bde </font><hr>283a<br><font size=+1>


@#/ /ba'i mchog /mdzes pa'i zhal ni rnam bsgyur zhing / /bde ba myong bar rab sbyor ba/ /mdzes par lta ba'i gar byed pas/ /sangs rgyas rdo rje pad+mo 'dzin/ /rdo rje nyi ma khams gsum pa/ /rgyas btab rmongs byas zos pa dang / /thal bar gyur pa'ang 'tsho bar byed/ /bud med mkhas pa sgyu ma che/ /mdzes pa'i bzhin ni rnam bsgyur ba/ /rim gror bcas shing steg pa'i mchog /mdzes par lta bas gar byas pa/ /sangs rgyas pad+mo rdo rje 'dzin/ /rdo rje nyi ma khams gsum pa/ /rgyas btab rmongs byas bslangs nas ni/ /zos nas slar yang 'tsho bar byed/ /sangs rgyas byang chub mnyam sbyor ba/ /rab tu dga' bar lta zhing 'dzum/ /shin tu srid pa yang dag sgrub/ /gsang bar lta la gnas na ni/ /drag po dbang po nye dbang bcas/ /nyi zla gshin rje tshangs bcas pa'i/ /srid pa kun tu kun bsgrubs nas/ /gnas gsum dag ni sgrub par byed/ /steg la sogs pa'i nyams dang ldan/ /mdzes pa'i bzhin ni rnam bsgyur zhing / /rim gror bcas shing steg pa'i mchog /steg pa'i lta bas gar byed cing / /mdzes pa'i tshul dang thabs rnams kyis/ /drag po dbang po nye dbang bcas/ /nyi zla gshin rje tshangs bcas pa'i/ /'jig rten gsum dag sgrub par byed/ /mche ba chung zad gtsigs pa'i kha/ khro zhing 'dzum dang bcas pa bzhin/ khro la 'gyur bar bcas shing 'dzum/ / </font><hr>283b<br><font size=+1>


gsal bar lta zhing legs par gnas/ /drag po dbang po nye dbang bcas/ /nyi zla gshin rje tshangs bcas pa/ /rgyal po sgyu mas rnam rgyal nas/ khams gsum dag ni sgrub par byed/ / 'dod chags myos pas g.yem spyo ba/ /mdzes pa'i bzhin ni rnam par bsgyur/ /'di ni bzhin gyi phyag rgya mchog /khams gsum dag kyang dga' bar byed/ /drag po mche ba rnon po gtsigs/ /gdug pa za ba 'jigs 'jigs lta/ /g.yas pa'i bzhin gyi phyag rgya yis/ /khams gsum dag kyang za bar byed/ /dngos grub kun gyi bde ba'i mchog /rab tu dga' bar lta zhing 'dzum/ /g.yon pa'i bzhin gyi phyag rgya yis/ /khams gsum dag kyang thar par byed/ /spyi bor rta mgrin gsang mtho ba/ /rta gdong ljang ser kha dog gsal/ /so gtsigs pas ni mchu mnan na/ /'jig rten thams cad 'jigs par byed/ /bzhin gyi phyag rgya shes pa'o/ /lha mo kun gyi bde ba'i mchog/ /mdzes ma'i mchu ni sos mnan te/ /'dzum pa'i phyag rgya mchog 'di ni/ /sangs rgyas thams cad dgyes par byed/ /'dod chags bde bas g.yem spyo ba/ /steg pa'i ma mchu sos mnan pa'i/ /'dzum pa'i phyag rgya mchog 'di ni/ /khams gsum dag kyang dga' bar byed/ /sbyor ba kun gyi bde ba mchog /mdzes pa'i ma mchu g.yo bar byed/ /'dzum pa'i phyag rgya mchog 'di ni/ khams gsum dag kyang dga' bar byed/ /sha chen </font><hr>284a<br><font size=+1>


@#/ /gyi ni ro myong zhing / /ma mchu so yis mnan pa yi/ /'dzum pa'i phyag rgya mchog 'di ni/ khams gsum dag kyang za bar byed/ /bde ba kun gyi ro myong zhing / / ma mchu rnam bar mdzes byas pa/ /'dzum pa'i phyag rgya mchog 'di ni/ /thal bar gyur pa'ang 'tsho bar byed/ /'dzum pa'i phyag rgya mchog shes pa'o/ /bde ba myong bar rab sbyor ba// zam zim lta ba rnam bsgyur bas/ /rgyas btab rmongs byas zos pa yi/ /khams gsum dag kyang 'tsho bar byed/ /bud med mkhas pa sgyu ma'i mchog /mdzes par lta ba'i gar byas nas/ /rgyas btab rmongs byas bslangs nas ni/ /khams gsum dag kyang sgrub par byed/ /sangs rgyas gsang ba'i mnyam sbyor ba/ /lta ba rab zhi bde bar gnas/ /lta ba'i phyag rgya mchog 'di ni/ /bud med thams cad dbang du byed/ /smin mtshams khro gnyer 'gyur bar bcas/ /lta ba rab 'bar rnam par bsgyur/ /lta ba'i phyag rgya mchog 'di \?\/ / khams gsum dag kyang 'bar bar byed/ /khro zhing 'gyur bar bcas par 'dzum/ /lta ba gsal la bde ba gnas/ /lta ba'i phyag rgya mchog 'di ni/ /khros pa thams cad rab tu sgrub| |steg la sogs pa'i ro dang ldan/ /steg bcas lta ba'i gar byed pa/ /lta ba'i phyag rgya mchog 'di ni/ /khams gsum dag kyang gar byed 'jug /lta ba'i phyag rgya shes </font><hr>284b<br><font size=+1>


pa'o| |na mastu sar+b+ba bud+d+he b+h+yaH/ zhes pa'i phyag rgya la gnas na/ /las dang mchod pa ma lus pa/ /lus pa med par thams cad 'grub/ /rang byung rnams kyi mchod pa kun/ /chos dbyings mnyam dang mi mnyam pa/ /nam mkha'i dbyings kyi mtha' klas pa/ /lan gcig brjod pas 'grub pa'i phyir/ /dam pa'i chos kyi phyag rgya 'dis/ /gang dag byas par ma gyur cing / /spel ba dag tu ma gyur pa'i/ /dam pa rgya chen de dag med/ /oM ru ru spu ru dz+wA la tiSh+Tha sid+d+ha lo tsa ne sarba ar+tha sA d+ha ni swAhA/ chos kyi phyag rgya mchog 'di ni/ /sems can thams cad dbang byed pa/ /stobs kyis myur du bkug nas ni/ /bran bzhin du ni byed du 'jug /su b+ha gA s+t+waM ma hAn de bi hi ri/ mi ri/ ri ti/ ni ri shri ye swAhA/ chos kyi phyag rgya dam pa 'di/ /'dod pa'i bde ba kun sbyin pa'o/ /oM tA re tut+tA re tu re swAhA/ chos kyi phyag rgya la gnas pa/ /sangs rgyas byang chub rab sgrub na/ /bud med gzhan lta ci zhig smos/ /traM b+ha ba TA TA/ tra Ta tra Ta/ re ba thams cad kun nas rdzogs/ / chos kyi phyag rgya dam pa dang / /re ba thams cad rdzogs byed pa'o/ /shri badzra pad+ma ba Da ba mu kha yo gI shA ra hi hi hi hi hi/ chos kyi phyag rgya dam pa 'di/ /'jig rten thams cad rab tu 'jig /chos kyi phyag rgya shes pa'o/ /skad kyi gsang ni mthon dman dang / /gre bsgyur bcos shing bzlas pa dang / /dus rab zhi ba mchog rnams kyis/ /hUM la sogs pa'i glu blang zhing / /tshig rnams kun </font><hr>285a<br><font size=+1>


@#/ /gyis ci 'dod par/ /ji ltar spro bar glu kun gyis/ /hUM gi glu yi phyag rgya dpal/ /rdo rje sems dpa' rab sgrub pa'o/ /lha mo kun gyi lha mo mchog /cha lugs bzhin du gar bya zhing / /ka ka la shaM b+ha la sogs/ /glu rnams thams cad rjes su blang / /oM gyi glu yi phyag rgya ni/ /tshangs pa'i dbyangs kyis ci dgar slang / /ma lus lus pa med pa yis/ / sems can thams cad thar par byed/ /rdo rje drag po gad me che/ /mkhur ba'i dbugs kyi sa rlung 'byin cing / /'brug gi sgra ltar zab pa yi/ /ru lu ru lu'i sgra byung na/ /phyag rgya 'di yis rnal 'byor pa/ /khams gsum dag kyang rgyas 'debs shing / /thar par byed cing gsod par byed/ /shi ba mod la 'tsho bar byed/ /rdo rje drag tu bzhad pa zhes bya ba'i phyag rgya'o/ /Te zhes bya ba'i glu yi rgya/ /thams cad dag par rab bsgrubs pa'o/ /hi zhes bya ba glu yi rgya/ /khams gsum rnam par rgyal bar byed/ /ka ka la l+ye dang co ra'i dbyangs/ /de bzhin rab tu gdangs snyan dang / /ka ta sha yi glu yi rgya/ /'joms pa thams cad grub pa'o/ /glu yi phyag rgya shes pa'o/ /gling bu dang ni rgyud gcig dang / /de bzhin rgyud mang rgyud stug dang / /sil snyan phyag rgya bshad pa rnams/ /las rnams thams cad rab sgrub pa'o/ /cha lugs bzhin du gar byed pas/ /ma brdungs par yang rab tu 'grub/ /las rnams kun la mchog tu ni/ / </font><hr>285b<br><font size=+1>


brdungs na dpal ni bzhi 'gyur 'grub/ /snying po phyag rgya sngags rig dang / /bya ba \?\ rnam pa sna tshogs dang / /rnam par sel la sogs pa'i thabs/ /dngos grub thams cad rab sgrub pa'o/ /dzaHhUM baM hoHruT+Ta maT+Ta/ sma rA ra Ta/ hu lu hu lu/ pra sid+d+h+ya/ Tak+ki hUM dzaH ki ni d+hu ni hUM truM/ Tak+ki hUM dzaH hu lu hu lu/ a la la la ho/ /shud+d+h+ya sid+d+h+ya/ da riShA ya sar+b+ba na Ta g+hai g+hai/ Ta Ta g+hai g+hai g+hai/ Ta g+hai Ta ka gai gai gai /Ta ta kai /Ta ta kai /Ta ge /haM To Na/ Tak+ki hUM dzaH ge ta ge d+ho na/ Tak+ki hUM truM/ a la la la ho/ /ruT+Ta maT+Ta/ thal mo brdab pa brtag pa'o/ /Ta g+he g+he/ Ta g+he g+he/ Ta ke na Ta g+heM g+heM g+heM/ Ta g+heM g+heM Ta g+heM/ rgyun gyi rnga'o/ /AM AM AM/ hUM hUM hUM/ bAM bAM bAM/ d+haM d+haM d+haM/ dam tshig gsum gyi rnga'o/ /d+hekhoM khoM khoM khoM/ d+he badzra badzra N+yang / koM koM koM koM /hUM b+h+yo hUM b+h+yo hUM b+h+yo/ ru lu ru lu hUM b+h+yo/ d+heM/ khoM khoM khoM khoM/ D+NeM| khoM khoM khoM/ D+Ne koM koM koM /dpal rdo rje he ru ka'i rdo rje rnga'i phyag rgya'o/ /pad+ma pad+ma hri/ pad+ma pad+ma shi /pad+ma pad+ma hri/ dpal pad+mo brdab pa'i rnga'o/ /trAM trAM trAM/ b+ha b+ha b+ha b+ha b+ha b+ha b+ha/ tA TA tA TA TA TA TA TA| tAM/ tA tA tA/ trA trA trA trA trA/ traM TaM ke tang+kut+ta/ tuT+Tat+t+ra/ rgyal po'i rnga'o/ /Tak+ki hUM dzaH Tak+ki hUM dzaH snyems pa'i 'gros so/ /trAT+Ta trA trA trA trA tra/ myur zhing rab tu myur ba'o/ /ta Ta b+ha ta/ ba truM/ ta thA ga ta| ba hUM/ ta TA b+ha ta ta b+ha hi na/ dpal rta mchog rnam par rol pa'o/ /ta tA b+ha Ta Ta b+ha tA tA/ shin tu myur ba'i rnga'i phyag rgya ste/ sil snyan gyi phyag rgya shes pa'o/ /rdo rje sems dpa' </font><hr>286a<br><font size=+1>


@#/ /bdag sbyor bas/ /lag gnyis rdo rjer bcings pa yi/ /rdo rje se gol brdabs pa yis/ /sangs rgyas thams cad bsdu bar bya/ /de yi bka' tsam gyis skrag nas/ /'khor gyi dkyil 'khor dang bcas pa'i/ /sangs rgyas kun kyang 'du 'gyur na/ /gzhan lta smos kyang ci zhig smos/ /g.yon pa'i se gol brdabs pa dang / /thal mo dal bus brdabs pas 'grub// g.yas ba'i thal mo yin par gsungs/ /gnyis ka kun tu sdud pa yin/ /thal mo'i sbyor ba rab sbyor bas/ /las kyi tshul bzhin 'brang ba dang / /thal mo dal bus bsdu ba dang / /glu dang sil snyan gar byed pas/ /steg dang dpa' dang snying rje dang / /dgod dang khro dang 'jigs pa dang / /mi sdug ngo mtshar zhi ba yi/ /nyams kyi phyag rgya rang don sgrub/ /steg la sogs ba'i nyams dang ldan/ /sna tshogs phyag rgya'i gar byas pas/ /thams cad bdag nyid rgyar sbyor bas/ /dbab pa thams cad rab tu 'grub/ /rdo rje sems dpa' steg pa la/ /dpal la dpa' bo de bzhin gshegs/ /rdo rje 'dzin pa snying rje la/ /dgod pa 'jig rten dbang phyug mchog /rdo rje nyi ma khro ba la/ /rdo rje drag po 'jigs pa la/ /shAkya thub pa mi sdug la/ /ngo mtshar la ni a ra li/ /rab tu zhi la sangs rgyas rtag /sdug bsngal thams cad zhi ba'i phyir/ /dngos po kun gyi rang bzhin gyis/ /nye bar gnas shing byin gyis rlob/ /blta bas mi ngoms pa yi </font><hr>286b<br><font size=+1>


gzugs/ /thams cad bdag nyid ston par mdzad/ /legs so zhes bya 'grub pa yi/ /mchog tu gyur pa'ang rab tu stsol/ /thams cad bdag nyid grub pa'i mchog /re ba thams cad yongs rdzogs pa/ /sangs rgyas kun tu 'gyur ba'i mchog /rnal 'byor dam pa ster bar 'gyur/ /phyag rgya sbyor ba 'di dag gis/ /rang gi mchod pa rab tu sbyar/ /rdo rje sems dpa' dpal gyi lha'i| |sbyor ba thams cad rnam 'phrul dang / /phyag rgya phyag rgya'i lan rnams dang / /sna tshogs phyag rgya rnam 'phrul pas/ /yid la bsam pa kun rdzogs phyir/ /mchod pa dam pa sbyar bar bya| |kun tu sna tshogs skal bzang po/ /kun gyi slob dpon bdag nyid bsgyur/ /kun 'byung la sogs sbyor ba yis/ /rgol ba bdag dang gar byas te/ /de nas rgol ba ci rigs par/ / sangs rgyas thams cad 'byung bar 'gyur/ /de nas slar ni rgol ba yang / /rdo rje 'dzin pa chen por bsgyur/ /rgol ba'ang de nas tshul bzhin du/ /pad+mo gar 'byung mchog tu bsgyur/ /de nas slar du rgol ba yang / /rdo rje nyi ma mchog tu bsgyur/ /de nas phyir yang rgol ba ni/ /rta mchog 'byung bar bsgyur bar bya/ /de nas slar ni rgol ba yang / /bdag nyid 'byung bar rab tu 'grub/ /de nas phyag rgya shes pa 'di/ /sdom pa thams cad rab ston pa/ /rdo rje sems dpa' dpal gyi glu/ /khyad par du ni bshad par bya/ /la lar dri med zla ba'i dkyil 'khor stong las mdzes </font><hr>287a<br><font size=+1>


@#/ /pa'i gzugs su rnam par snang / /la lar rab tu 'jigs pa'i nyi ma bye ba phrag dgu'i 'od zer mchog bas 'jigs/ /la lar mdangs bzang gzi che bde dang zhi bar ldan pa rgyal ba'i gzugs su snang / /la lar 'gro ba thams cad mnyam par 'jog pa'i gzugs ldan gsung mchog ldan par ston/ /rdo rje sems dpa' 'grub phyir 'dul la mkhas pa ma lus bde ba'i mchog rnams las/ /a ra li rnams mnyam sbyor srung mdzod ruT+Ta maT+Te a la la la ho/ /rnam pa mang po 'dul bar mdzad pa'i tshul la gar mkhan mchog gis gar mdzad pa/ /dam tshig gar gyi dbang phyug sangs rgyas gar mdzod a la la ho/ /rnam mang bde mchog rab tu bar mdzad pa yis thar pa'i bde ba'ang thob par mdzod/ /'di dag glur ni blangs pa yis/ /sangs rgyas thams cad mnyam sbyor ba'i/ /mkha' 'gro sgyu ma bde ba'i mchog/ /'grub par 'gyur ba gdon mi za/ /de ltar rab tu gar byas te/ /de las gang zhig pham gyur pa/ /tshogs la de yis tshogs kyi zas/ /yon dang bcas par dbul bar bya/ /mchod pa'i cho ga 'di dag gis/ /sdig pa kun las thar par 'gyur/ /bsod nams thams cad 'phel par 'gyur/ /de bzhin rtag par srung bar 'gyur/ /rims dang dug dang dbyig dug dang / /mkha' 'gros gtse dang gdon rnams dang // </font><hr>287b<br><font size=+1>


bdud dang sems can dmyal ba rnams/ /'di yis rab tu zhi bar 'gyur/ /dngos grub rnams dang phun sum tshogs/ /dga' dang de bzhin bdag po dang / /sangs rgyas dam pa thams cad dang / /phyag rgya'i mchog rnams 'grub par 'gyur/ /gar gyi phyag rgya shes pa'o/ /rab tu dga' ba rjes su rab chags dga' ba'i mda' gzhu rab tu phra ba'i rgyas btab pas/ /rab tu dga' bar sbyor ba'i bde bas myos pa bde ba thams cad bdag la grub par mdzod/ /rab tu bde mchog rnam pa sna tshogs rnam par rgyal ba'i rgyal mtshan bsgreng ba'i longs spyod dang / /rab tu dga' ba'i dbang phyug tshe mchog grub pas de bzhin gshegs pa zhugs ho rta mchog ho/ /rab tu sna tshogs bde ba'i mchog la rol cig ho/ /bde bas slong la rnam par rol cig hUM snang mdzod/ / a la la la ho/ /de bzhin gshegs pa kun gyi mkha' 'gro sgyu ma sna tshogs kyis/ /slob ma rab tu gzung du gsol/ /kye ma'o bde mchog grub par mdzod/ /kye ma'o bde ba bde ba stsol/ / dam par rab tu zhugs par mdzod/ /bdag la rab tu dgyes par gyur/ /a la la ho/ /e ma'o shi shi zhugs shig zhugs shig /mkha' 'gro bde mchog yongs bskor kun tu zhugs/ / 'di dag glur ni blangs pa yis/ /sangs rgyas thams cad mnyam sbyor ba/ /mkha' 'gro sgyu ma bde ba'i mchog /'grub par 'gyur ba gdon mi za/ /rdo rje sems dpa' sdud pa dang / /rdo rje </font><hr>288a<br><font size=+1>


@#/ /rin chen bla med pa/ /rdo rje chos ni gsung ba dang / /rdo rje las ni byed bar 'gyur/ /hUM rdo rje las kyi mda' gzhu la phyag 'tshal lo/ /dpal rdo rje chags pa'i dam tshig la phyag 'tshal lo/ /rdo rje kha T+wAM ga rab tu 'jigs pa la phyag 'tshal lo/ /dpal rdo rje dril bu rab tu 'khrol ba la phyag 'tshal lo/ /la lar rab tu drag cing skye bor drag la drag pa'i bud med sku ltar rab tu snang / /'gro ba mtha' yas 'dul phyir la lar rab tu rno ba'i 'khor lo phyag na bsnams pa'i sku/ /la lar rab tu des shing zhi ba mi 'gyur sbyin pa tshangs pa'i skur yang ston par mdzad/ /la lar rab tu 'bar ba'i chags pa pad+ma rgyal po'i dam tshig bdag la grub par mdzod/ /thams cad dbang bskur dbang phyug dam pa mi zad gter mchog bdag la grub bar mdzad du gsol/ /kun mchog rgyal mtshan rnam rgyal bsgreng ba'i rdo rje rin chen shin tu che ba bdag la grub par mdzod/ /la lar mkhas pa'i gzugs kyang 'dzin/ /la lar dus mtha'i dus ltar drag /la lar rgyal ba'i dbang po bzhin du zhi/ /la lar rta mchog sbyor bas 'dod pa sgrub/ /rdo rje glu'i mchod pa'i phyag rgya shes pa'o/ /me tog dkar dang dmar ba dang / /mthing kha ser po kun bsdus pa/ /me tog phyag rgya mchog 'di ni/ /'dod pa'i yon tan lnga la spro/ /rgya skyegs mthing kha ljang gu'i mdog /tshon sna </font><hr>288b<br><font size=+1>


bzhi yis bcos pa dang / /dkar bo lnga yi phyag rgya dag /snga ma bzhin du mnyam par sgrub/ /khams las byung ba thams cad dang / /srog dang rtsa ba de bzhin te/ /rnam par mdzes shing dri zhim pa| |snga ma bzhin du mnyam par sgrub/ /tsan+dan gnyis dang gla rtsi dang / /ga pur nA ga sha la ki /bdug pa bu ram dang sbyar ba/ /las rnams thams cad rab sgrub pa'o/ /gan+d+har dri dang gu gu la dang / / sardza ga pur gla rtsi dang / /rdzas 'di dag las btsos pa'i mar/ /me mar byas na snang ba skye/ /tsan+dan gur gum sbr-i ka dang / /ga bur dang ni gla rtsi dang / /bcas pa bdug pa grub pa ste/ /spos kyi phyag rgya spos mchog 'gyur/ /ka ko la dang sug smel dang / /gla sgang ga pur gla rtsi dang / /'di rnams zhib tu btags pa ni/ /seng ldeng bu ram dag dang sbyar/ /shing tshwa ba twa lo dra dang / /na le sham dang ga pur sbyar/ /sa ha ka ra'i shing mngar gyis/ /sbrus pa kha yi spos yin no/ /dpal rdo rje sems dpa'i phyag rgya sbyor ba'o/ /me tog dmar po sangs rgyas la/ /rdo rje can la sna tshogs pa/ / 'jig rten dbang la me tog dkar/ /ser bo mkha' las byung ba la/ /tsan+dan bdug ba sangs rgyas la/ /rdo rje can la du ru ska/ /spyan ras gzigs dbang ka pi ta/ /ce pog rdo rje nyi ma la/ /mar me phreng ba sangs rgyas la/ /rdo rje can la mar me bdun/ /spyan ras gzigs la mar me brgya/ /stong ni rdo rje nyi ma la/ /sangs rgyas rnams la tsan+dan spos/ /rdo rje can la gur gum yin/ / </font><hr>289a<br><font size=+1>


@#/ /spyan ras gzigs la tsan+dan dmar/ /ga pur rdo rje nyi ma la/ /me tog kun dang bdug pa kun/ /de bzhin mar me thams cad dang / /spos rnams thams cad ci snyed pa| |rdo rje rta la dbul du rung / /mchod pa thams cad kyi phyag rgya shes pa'o/ /sgeg mo dang ni na chung dang / /myos dang de bzhin bdud rtsi dang / /gcig tu dpa' dang 'dod chags sra/ / g.yon can bran mo de bzhin te/ /lan tshwa la sogs ro kun dang / /kha ra la sogs bdud rtsi bzhin/ /bdag nyid kun gyi ro sgrub ba/ /ma lus lus pa med par 'grub/ /sha dang chang du ldan pa yi| |bza' ba sna tshogs grub pa ni/ /dga' ba'i longs spyod skal mchog ste/ /tshe yi dam ba rab tu 'grub/ /a 'bra smin dang rgun 'brum dang / /pa na sa dang na le kar/ /arka la sogs 'bras bu'i/ /phyag rgya'i mchog ni 'di rnams te/ /dngos grub 'bras bu thams cad 'thob/ /kha ra sbrang rtsi byugs pa yi/ /a 'bra la sogs tshig gus byug /sa ha ra yi mar la sogs| |mnyam pa'i dri yis bsku bar bya/ /yungs dang rgya skegs la sogs pa'i/ /tshon gyis mthun par kha bsgyur nas/ /shun pa gro ba la sogs byas/ /mchod pa'i tshe na dbul bar bya| |'bras bur bcas pa'i phyag rgya shes pa'o/ /sangs rgyas rnams la bshos dbul lo/ /sha dang chang ni rnam par spang / /glu dang sil snyan grub pa dang / /gdugs dang rgyal </font><hr>289b<br><font size=+1>


mtshan ba dan dang / /sha dang chang du bcas pa ni/ /gtor ma'i mchog ste sna tshogs pa'o/ /bdag gi phyug chen skal bzang bo/ /rdo rje'i las ni dpal grub pa'o/ /bshos dang gtor ma dkar po dang / /pad+ma'i me tog ldan pa ni/ /spyan ras gzigs dbang gtso bo la/ /phul na dgos pa thams cad 'grub/ /rgyal po'i kha zas sna tshogs pa/ /sha dang chang du ldan pa dang / /glu dang sil snyan skal bzang dag /rdo rje nyi ma'i 'khor la dbul/ /kha zas kun gyi ro rnams dang / /sha dang sha yi mchog rnams dang / /sha yi sbyor dang sha skam dang / /bshos dag rdo rje rta la dbul// mchod pa dang gtor ma thams cad kyi cho ga'i phyag rgya'o/ /mthe bong sems dpa'i skyil mo krung / /mdzub mo gnyis kyi rtse mo dgug /gung mo gnyis ni mnyam par sbyar/ /lhag ma rdo rje thal mo sbyar/ /sangs rgyas rin chen phyag rgya 'di/ /rang byung rnams kyi dbang bskur ba/ /rgyal srid thams cad ma lus pa/ /lus pa med pa myur du 'grub/ /spyi bo dang ni dpral ba dang / /ldan pa gnyis dang rtag par ni/ /sangs rgyas kun gyi rin chen mchog /dbu rgyan kun tu brgyan par bya/ /dbu rgyan bcing bas bcings nas ni/ /'gying zhing mtha' nas dgrol bar bya/ /dar gyi mtha' ma dpyangs pa ltar/ /byas nas thal mo brdab par bya/ /sangs rgyas pad+mo rdo rje 'dzin/ /rdo rje nyi ma khams gsum pa/ /de yis dgra med sdig med par/ /bdag gi longs spyod nyid du </font><hr>290a<br><font size=+1>


@#/ /spyod| |'di yis bsrung ba byas nas ni/ /rdo rje sems dpa' dpal dang 'dra/ /sangs rgyas kun gyi dngos grub che/ /'khor los bsgyur ba rab tu 'grub/ /de bzhin gshegs pa thams cad kyi nor bu rin po che'i dbu rgyan mnyam par sbyor bskal pa bzang po dpal gyi phreng ba zhes bya ba'i phyag rgya'o/ /sor mo thams cad nang du bsnol/ /sor mo rtse mo kun sprad nas/ /mthe bong rdo rjes mnan pa ni/ /sna dang mig phugs lta bu ste/ /pad+mo'i rin chen phyag rgya 'di/ /bdag nyid chen por dbang bskur ba/ /rgyal srid thams cad ma lus pa| |lus pa med par myur du 'grub/ /spyi bo dang ni dpral ba dang / /ldan pa gnyis dang lhag par sbyar/ /thod pa'i phreng ba dbu rgyan te/ /sangs rgyas gtsug gi nor bu 'bar/ /dbu rgyan bcing bas bcings nas ni/ /'gying ba'i mtha' nas dgrol bar bya/ /dar gyi mtha' ma dpyangs pa ltar/ /byas nas thal mo brdab par bya/ /'di yis bsrung ba byas nas ni| |rdo rje sems dpa' dpal dang 'dra/ /khams gsum dag ni rgyal srid che/ /'khor los bsgyur ba rab tu 'grub/ /dpal rdo rje he ru ka pad+mo'i nor bu rin po che'i dbu rgyan mnyam par sbyor ba skal pa bzang po dpal gyi phreng ba zhes bya ba'i phyag rgya'o/ /rdo rje thal mo mnyam sbyar te/ /lag gnyis nor bu rin chen du/ /ji ltar rigs par mnyam sbyar </font><hr>290b<br><font size=+1>


nas| |mdzub mo mthe bo'i rtse mo bzhi/ /yongs su bsgyur te bteg nas su/ /dpral bar legs par bzhag nas ni/ /khams gsum bdag po rgyal bar bdag /ma lus lus pa med par 'grub| |dpal rdo rje rin chen gyi phyag rgya'o/ /lag pa shin tu brkyang ba yis/ /mdzub mo gnyis pa'i mdud par bcing / /gung mo mthe bo'i rtse mo can/ /rdo rje'i phyag rgya yongs su bsgyur/ /yongs su bsgyur te bteg nas kyang / /khro gnyer du ni legs bzhag na/ /rgyal srid thams cad legs 'grub pa/ /ma lus lus pa med par 'grub/ /'di yis bsrung ba byas na ni/ /rdo rje las kyi dpal dang 'dra/ /rnal 'byor dbang phyug rab bsgrubs pa/ /ma lus lus pa med par 'grub/ /ma mo dang ni byad ma dang / /mkha' 'gro ma yang lhag par 'grub/ /dur khrod dngos grub thams cad dang / /las rnams thams cad byed par 'gyur/ /dpal rdo rje he ru ka'i phyag rgya'o/ /mthe bong dpa' bo'i skyil mo krung / /mdzub mo gnyis kyi rtse mo dgug /gung mo gnyis ni mnyam par sbyar/ /lhag ma rdo rje thal mo'i 'od/ /rdo rje rin chen phyag rgya 'di/ /rang byung rnams kyi dbang bskur ba'o/ /'jig rten dbang po dam pa kun/ /ma lus lus pa med par 'grub/ /'di yis bsrung ba byas na ni/ /rnam par snang mdzad dpal dang 'dra/ /sangs rgyas kun gyi tshe 'grub pa/ /ma lus lus pa med par 'grub/ /tshe dang ye shes dpag tu med pa rnam par nges pa zhes </font><hr>291a<br><font size=+1>


@#/ /bya ba'i phyag rgya'o/ /rdo rje thal mo mnyam sbyar la/ /mdzub mo bsnyams te phyi rol dgug /mthe bong gnyis ni rab tu brkyang / /rdo rje nor bu zhes kyang bya/ /dpral bar myur du bzhag pa ni/ /bsam pa thams cad yongs rdzogs shing / /rgyal srid thams cad rab sgrub pa/ /ma lus lus pa med par 'grub/ /dpal nor bu rin po che dbang bskur ba'i phyag rgya'o/ /sangs rgyas rin chen pad+mo dang / /de bzhin rdo rje rin chen dang / /yid bzhin nor bu rin chen mchog /rta mchog rab tu 'grub par 'gyur/ /phyag rgyas rab tu dbang bskur ba'i phyag rgya shes pa'o/ /sor mo phan tshun bsnol ba ni/ /rdo rje thal mo yin par bshad/ /sor mo thams cad bsdams pa ni/ /rdo rje bsdams pa yin par bshad/ /rdo rje bsdams ba byas nas ni| |mdzub mo mthe bo'i nang dag tu/ /g.yas pa'i mthe bo'i mtshan ma 'di/ /rtse mo bcug la bsdam par bya/ /dga' chen dpal gyi phyag rgya ste/ /phyag rgya thams cad rang byung ba/ /rab 'byams las rnams dngos grub ni/ /ma lus lus pa med par 'grub/ /dga' ba'i rdo rje bcings nas ni/ /gung mo bcings pa'i nang du gzhug/ /mthe bong mthe'u chung rtse mo can/ /rdo rje'i phyag rgya yongs su bsgyur/ /'di yis sangs rgyas thams cad dang / /de bzhin dpa' bo thams cad dang / /rdo rje 'dzin pa thams cad ni/ /tshe 'di nyid la 'grub par 'gyur/ /dpal bde </font><hr>291b<br><font size=+1>


ba chen po'i rdo rje'i phyag rgya'o/ /de las gung mo lcags kyu ni/ /bdag gi snying gar sbyar bar bya/ /'di ni thams cad 'gugs pa'i rgya/ /de ma thag tu phyag rgya 'dis/ /sangs rgyas pad+mo rdo rje 'dzin// rdo rje nyi ma khams gsum pa/ /bkug ste dbang du byas nas ni/ /las rnams kun la sbyor bar byed/ /dpal bde ba chen po rdo rje lcags kyu zhes bya ba'i phyag rgya'o/ /rdo rje bsdams pa byas nas ni| |gung mo bcings pa'i nang du gzhug /mthe'u chung mthe bong rtse mo can/ /rdo rje'i phyag rgyar yongs bsgyur na/ /sangs rgyas byang chub sems dpar yang / /sbyor ba 'di yis mi dka' na/ / dngos grub gzhan dang las kyi mchog /rab 'byams gzhan lta ci zhig smos/ /de bzhin gshegs pa thams cad kyi dpal rdo rje'i phyag rgya'o/ /rdo rje'i phyag rgya bcings pa las/ /sbyor ldan thal mo khong stong sbyar/ /khams gsum dag ni ma lus pa/ /de ma thag tu 'bebs par byed/ /dpal rdo rje dbab pa'i phyag rgya'o/ /rdo rje'i phyag rgya bcings pa las/ /gung mo de bzhin bkug nas ni| |rdo rje rdo rje zhes brjod de/ /gung mo nam mkha'i rdo rje mchog /phyag rgya 'di yis btab na ni/ /'dod pa bzhin du 'gro 'ong lding / /dpal ldan 'dod pa kun gyi bdag /rdo rje sems dpa' rab tu 'grub/ /dpal rdo rje snying po'i phyag rgya'o/ /rdo rje bsdams pa la gnas te/ /mthe bo'i rtse mo de bzhin bsnyams/ /mdzub mo gnyis kyi rtse mo dgug /rdo rje'i phyag rgya bcing bar </font><hr>292a<br><font size=+1>


@#/ /bya| |phyag rgya 'di yis rnal 'byor pa/ /dag pa kun la rab tu gnas/ /byang chub sems ni mtha' yas mchog /dngos grub thams cad rab tu 'grub/ /dpal rdo rje rab tu gnas pa rdo rje'i phyag rgya'o/ /rdo rje'i pad+mor byas pa las/ /gung mo bcings pa'i dbus na gnas/ /mthe'u chung bsnyams pa'i rtse mo mde'u/ /rdo rje mda' ni yongs su 'phang // phyag rgya 'di yis btab na ni/ /tshangs pa nye dbang dga' byed bcas/ /mthu yis myur du brgyal byas nas/ khams gsum dag ni sgrub par byed/ /dpal rdo rje mda'i phyag rgya'o/ /rdo rje'i phyag rgya yongs bcings na/ /gung mo bcings pa'i phyi rol bzhag /rdo rje sna tshogs dpal gyi rgya/ /ldang ba thams cad rab grub pa'o/ /rdo rje phyag rgya thams cad shes pa'o/ /A li kA li mnyam byas nas/ /mkha' yi thad kar bsdu bar bya/ /de yi 'og tu ri mo rnams/ /yi ge thams cad dgod par bya/ /gug skyed dag gi lcug mar bya/ /yi ge ra ni myu gur bya/ /klad kor zla ba kham pa dang / /tsheg gnyis zla ba gnyis su bya/ /'di ni sangs rgyas thams cad kyi/ /phyag rgya mi 'gyur dam pa ste/ /sangs rgyas dpal gyi ri mor bshad/ /yi ge dag kyang mi 'gyur mchog /rdo rje sems dpa' dpal gyi lha'i/ /bstod dang bcas pa'i mtshan bris na/ /sdig pa kun las thar par 'gyur/ /bsod nams thams cad rab tu 'grub/ /rdo rje sems </font><hr>292b<br><font size=+1>


dpa' dpal sbyor zhes/ /rab tu chags pa'i mtshan bris na/ /sdug bsngal kun las thar par 'gyur/ /bde ba thams cad rab tu 'grub/ /chags chen grol ba dpal zhes pa'i/ /chags pa'i mtshan dag bris na ni/ /sdig pa kun las thar par 'gyur/ /'gro ba kun la rab tu gnas/ /snying rje dri med khro dpal zhes/ /bstod dang bcas pa'i mtshan bris na/ /sdig pa kun las thar par 'gyur/ /dngos grub kun gyi mchog kyang 'grub/ /pad+mo chags pa dpal dag ces/ /chags pa'i mtshan dag bris na ni/ /sdig pa kun las thar par 'gyur/ /dag pa thams cad rnam par dag /rdo rje nyi ma'i dpal mdangs zhes/ /bstod dang bcas pa'i mtshan bris na/ /sdig pa kun las thar par 'gyur/ /longs sbyod kun la rab tu gnas/ /rta mchog pha rol gnon dpal zhes/ /chags pa'i mtshan dag bris na ni/ /sdig pa kun las thar par 'gyur/ /dbang phyug thams cad rab tu 'grub/ /brjod pa dag kyang de bzhin te/ las kyi dngos grub rab 'byams dag /ma lus par ni myur du 'grub/ /lhag pa'i lha ni gang gang gis/ /slob dpon gang dang gang yin pas/ /de dang de yi mtshan dag ni/ /dpal gyi tshig dang ldan par brjod/ / slob ma dkyil 'khor btsud nas kyang / /yon gyi mchog dag blangs nas ni/ /rdo rje ming ni dbang bskur bas/ /de bzhin gshegs par de lung bstan/ /phyag rgya'i sbyor ba 'di dag gis// </font><hr>293a<br><font size=+1>


@#/ /byang chub snying po'i bar du ni/ /rdo rje'i ming du rab tu gnas/ /de nas sangs rgyas su yang 'gyur/ /bstod pa dang bcas pa'i ming gi phyag rgya zhes pa'o/ /sbyi bor nyug pa gang yin pa/ /phyag 'tshal bar ni ston pa yin/ /dpral bar reg par byed pa ni/ /phyag lan yin par shes par bya/ /smin ma bskul ba gang yin pa/ /sangs rgyas thams cad gnas pa'i brda/ /g.yas pas nam mkhar 'gro ba 'grub/ /g.yon pa rnam par rgyal ba yis/ /rang byung rnams kyi brda yi rgya/ /mig gnyis g.yo bar 'grub ba ste/ /g.yon pa bud med bzang mo yin/ /g.yas pa skyes pa bzang po 'o/ /rna ba dag la reg pa'i brda/ /g.yas g.yon gnyis ka de bzhin te/ /g.yon pa legs par blangs pa yi/ /g.yas pa legs par smras pa'o/ /sna yi bu ga gnyis kyi brda/ /sangs rgyas thams cad gnas pa ste/ /g.yas pa bdag la bdug pa slong / /g.yon pa bdag la dri slong pa'o/ /lce ni bldag pa ltar byed pa| |brda yi phyag rgyar gnas pa ste/ /g.yas pa sha yi phyag rgya yin/ /g.yon pa chang gi phyag rgya yin/ /mche ba g.yas dang g.yon pa yi/ /bar du ma mchu mnan pa ni/ /g.yon pa bud med reg na bde/ /g.yas pa de bzhin skyes pa'o/ /lkog mar reg pa'ang de bzhin te/ /brda yi phyag rgyar gnas pa ste/ /theg pa chen po bla med pa'i/ /rtog pa thams cad smra </font><hr>293b<br><font size=+1>


ba'i mchog /snying gar gyen du 'dren pa ni/ /rang byung phyag rgya'i brda grub pa/ /rdo rje thams cad 'dren pa ste/ /'khor ba shin tu sdud pa'o/ /lte ba'i dkyil du reg pa ni/ /brda yi phyag rgyar gnas pa ste/ /dbu ma'i nan tan bsgrubs pa yis/ /chos kyi 'khor lo chen po'i dkyil/ /rang gi dbang po bsgreng ba ni/ /rang byung rnams kyi brda yi rgya/ /de las de bzhin bde ba yis/ / sangs rgyas thams cad thob par 'gyur/ /phrag pa gnyis ni kun bstod pa/ /brda yi phyag rgyar gnas pa ste/ /g.yas pa 'gugs pa'i phyag rgya yin/ /g.yon pa slad du gtong pa'o/ /dpung pa g.yas g.yon gnyis ka yis/ /bdag la 'khyud pa'i phyag rgya ni/ /g.yas pa thams cad 'grub pa yin/ /g.yon pa dbang phyug thams cad 'grub/ /khu tshur g.yas g.yon gnyis ka yis/ / khu tshur bcings dang dgrol ba dag /g.yas pa rgyas 'debs phyag rgya yin/ /g.yon pa mi rnams thong zhig pa'o/ /brla gnyis rab tu bsdams pa ni/ /g.yas dang g.yon pa de bzhin te// g.yon pa 'dod la rab tu brtson/ /g.yas pa chos la brtson pa 'o/ /pus mo lha nga'i brda dag kyang / /g.yas dang g.yon pa de bzhin te/ /g.yon pa 'dud pa'i phyag rgya ste/ /g.yas par rab tu phyag 'tshal lo/ /bus mo g.yas g.yon gnyis dag gis/ /brda yi phyag rgyar rab tu gnas/ /g.yas pa bcing pa'i phyag rgya ste/ /g.yon pa thams cad rnam par dgrol/ /rkang </font><hr>294a<br><font size=+1>


@#/ /pa gnyis kyis sa gnon pa/ /g.yas dang g.yon pa de bzhin te/ /g.yon pa thams cad gnod par byed/ /g.yas pa thams cad rab tu 'joms/ /dngos grub las dang bde ba dang / /'di yis mi 'grub gang yang med/ /rang don las rnams rab grub pa/ /ma lus lus pa med par 'grub/ /brda yi phyag rgya shes pa'o/ /oM a ti b+hu zhes bya ba'i brda| |'di ni phyag 'tshal ba zhes pa'o/ /bra ti oM d+hi b+hu zhes pa/ /phyag lan yin par shes par bya'o/ /sems dpa' sngon dang mtha' med pa/ /rdo rje sems dpa' bde ba'i mchog/ /sangs rgyas brda yi phyag rgya yis/ /e ma'o bde ba yin par bshad/ /e ma'o bde ba dpal gyi mtshan/ /rdo rje sems dpa' gang brjod pa/ /sdig pa kun las thar par 'gyur/ /bde ba thams cad rab tu 'grub/ /bde mchog e ma'o bde ba dang / /sgron ma de bzhin shi shi dag /rgyas 'debs ma dang rmongs byed dang / /za ba mo dang tshe 'phel ma/ /sangs rgyas byang chub chos 'khor lo| |de bzhin khams gsum rnam par rgyal/ /'dod pa'i lcug ma thams cad kyang / /phyag rgya brda yi phyag rgya 'o/ /rta dang rdo rje snang ba dang / /thal par rlog pa'i ro langs ma/ /sangs rgyas kun gyi brda yin no/ /gling bu dang ni rgyud rnams dang / /de bzhin du ni rgyud gcig dang / /stug po dang ni rdza rda dag /sangs rgyas brda yi phyag rgya'o/ /me tog mchod dang bdug pa'i </font><hr>294b<br><font size=+1>


mchod| |de bzhin mar me'i mchod pa dang / /spos kyi mchod pa gla rtsi dag /longs sbyod phyag rgya'i brda yin no/ /de la sogs pa mtha' yas mchog /chos dbyings mnyam dang mi mnyam pa/ / nam mkha'i dbyings kyi mtha' klas pa'i/ /lha mo kun gyi brda yin no/ /smin ma bskyod pa mda' bzhi yin/ /b+ha ga ling+ga e ma'o bde/ /thod pa pad+mo yin par bshad/ /kha T+wAM ga yang rgyal mtshan che| |sangs rgyas phyag rgya pad+mor gnas/ /bde ba kun gyi bdud rtsi yin/ /sangs rgyas brda yi phyag rgya yis/ /shi shi sangs rgyas kun tu bshad/ /dkyil 'khor la ni 'khor lor bshad/ /de nyid dam tshig yin par bshad/ /lha rnams thams cad tshogs pas na/ /skye po dam pa kun tshogs pa/ /tshogs kyi 'khor lo dam pa ni/ /mdza' ba thams cad 'dus pa ste/ /sangs rgyas kun gyi brda dag gis/ /de bzhin mdza' ba 'dus par gsungs/ /rdo rje sems dpa' dpal sbyor bas/ /dkyil 'khor thams cad yin par bshad/ /lha mo thams cad kun 'dus pas/ / thams cad sna tshogs skal ba bzang / /rdo rje sems dpa' dpal sbyor ba/ /sangs rgyas kun tu bdag sbyor bas/ /rnam pa kun mkhyen shes pa'i phyir/ /kun gyi slob dpon yin par bshad/ / kun gyi slob dpon rab gnas pa/ /lha mo thams cad 'dus pas na/ /sangs rgyas kun gyi mchog dag gis/ /kun tu sna tshogs skal bzang po'o/ /de yi slob ma grub pa ni/ /grub pa'i rjes </font><hr>295a<br><font size=+1>


@#/ /su grub pas na/ /sangs rgyas brda yi gsang ba yis/ /rgyal mtshan yin par rnam par bshad/ /de las gzhan pa'i slob ma kun/ /mchog dang 'bring dang tha ma'i rnams| |sangs rgyas kun gyi brda dag gis/ /byang chub sems dpa' yin par bshad/ /sangs rgyas thams cad rin chen mchog/ /dbu rgyan mi 'gyur dam pa yin/ /sangs rgyas kun gyi rgyal srid mchog /yin par rang byung rnams kyis gsungs/ /thod pa'i phreng ba'i dbu rgyan dang / /sangs rgyas gtsug gi nor bu dag /sangs rgyas brda yi phyag rgya yi/ /dpal gyi pad+mo'i tshul du bshad/ /sangs rgyas rang bzhin grub gcig dang / /de bzhin pad+mo'i rang bzhin gcig /thams cad dbang bskur dbang bskur che/ /yin par don kun grub pas gsungs/ /yon gyi dam pa grub pa ni/ /nor gyi dbyig tu bshad pa ste/ /snying yang nor gyi mchog yin par/ /sangs rgyas brda yi phyag rgyar bshad/ /ga bur tsan+dan dmar po dang / /sbyar ba brag chen yin par bshad| |tshogs kyi dbus su bzhag pa dpal/ /thams cad ldang pa'i ra sa yin/ /bag zan las ni byas pa'i phyugs/ /tsan+dan dmar pos bskus pa dang / /bag phye'i zan las byas pa'i sha /rgyal po'i zan zhes gang bshad pa'o/ /de nas grub pa'i mna' bsgags pa/ /dam tshig ces par gnas pa'o/ /bde mchog bde mchog ces gsungs pa/ /sangs rgyas bde mchog </font><hr>295b<br><font size=+1>


thams cad kyis/ /phyag rgya'i bde ba mchog tu gsungs/ /de bzhin e ma'o bde ba dang / /snang ba shes pa'ang rab tu gnas/ /shi shi srid pa'ang srid pa'o/ /de bzhin gshegs pa kun gyis kyang // 'da' bar bya ba'ang ma yin pas/ /sangs rgyas brda yi phyag rgya yis/ /phyag rgya yin par bshad/ /phyag rgya'ang sbyor ba yin par bshad/ /sbyor ba'ang phyag rgya yin par bshad/ /rdo rje sems dpa' dpal sbyor ba/ /sbyor ba thams cad yin par bshad/ /nga ni sna tshogs dam tshig ste/ /rdo rje sems dpa' bde ba che/ /sangs rgyas brda yi phyag rgya yis/ /sbyor ba thams cad yin par bshad// de yi nye pa'i longs sbyod ni/ /khams gsum thams cad ma lus pa'o/ /de yi gzugs dang sgra dang dri/ /ro dang reg pa bde myos pa'o/ /gzugs ni ri mo yin par gsungs/ /sgra ni glu yin zhes bshad do/ /dri ni rab tu tshim par gsungs/ /ro ni ra sa ya na yin/ /reg pa bde ba yin par bshad/ /rab tu reg pa dga' ba'i bde/ /sangs rgyas brda yi phyag rgya yi/ /chos ni sbyor ba yin par bshad| |sbyor ba'i longs sbyod thams cad kyis/ /ji ltar bde bar sten byed cing / /bdag gi lhag pa'i lhar sbyar ba/ /rang gi mchod pa'i dam tshig yin/ /rjes su sbyor bas mchod na ni/ /sbyor ba kun gyi bde ba'i mchog /sangs rgyas brda yi phyag rgya yis/ /bde ba chen po yin par bshad/ /lha mo kun dang mnyam sbyor ba/ /sangs rgyas thams cad 'dus pa 'o/ /ye shes tsam la snyoms </font><hr>296a<br><font size=+1>


@#/ /'jug pa/ /rnal 'byor zhes ni bshad pa yin/ /sangs rgyas brda yi phyag rgya yis/ /ting 'dzin rab tu sbyor ba'ang bshad/ /lha mo kun dang mnyam sbyor ba/ /sangs rgyas thams cad 'dus pa 'o/ /sangs rgyas thams cad mnyam sbyor ba/ /sangs rgyas kun gyis byin brlabs pa'o/ /dga' bar sbyod pa grub par bshad/ /rjes su sbyor ba rjes su sgrub/ /skyes pa ltar byed dga' sbyod pa/ /slar yang rjes su sgrub par mdzad/ /lha mo kun la bde sdug pa/ /sbyor ba kun la mos pa ni/ /kun tu sangs rgyas kun gyi bdag /ras ya na bde bar bshad/ / thams cad ldang pa kun 'gro ba/ /dngos grub dam par rab tu bshad/ /dngos grub chen po ldang ba cher/ /sangs rgyas brda yi phyag rgyar bshad/ /dngos grub chen po kun gyi mchog/ dbang phyug chen po bla na med/ /sangs rgyas dam pa kun gyi mchog /sangs rgyas kun gyi brda yis bshad/ /dngos grub chen po kun gyi mchog /dbang phyug chen po bde ba'i mchog /sangs rgyas thams cad mnyam sbyor ba/ /sbyor ba'i dbang phyug bde chen no/ /khrag ni me tog yin par bshad/ /mdangs ni bdug pa yin par bshad/ /sha chen dag ni mar me ste/ /thal mo dag ni spos su bshad/ /chang ni sgeg mo yin par bshad/ /rab tu myos pa sbrang rtsi 'o/ /bu ram chang ni myos byed gsungs/ /rgun chang dag ni bdud rtsi yin/ /bdud rtsi lam gyi yan lag brgyad/ / </font><hr>296b<br><font size=+1>


sangs rgyas kun gyi brda yin no/ /rgun dang sbrang rtsi mchog tu dpa'/ /tshwa ni 'dod chags sra ba yin/ /skyur po'i khu ba g.yon can yin/ /kaM b+hi la ni bran mor bshad/ /phyur ba zla ba nya ba yin/ /sha ni sman gyi mchog yin te/ /dbang phyug dam pa kun gyi mchog/ /sangs rgyas kun gyi brda yis bshad/ /dngos grub chen po kun gyi mchog /chang ni ra sa ya nar bshad/ /zas ni tshe zhes bya bar bshad| |bza' ba sna tshogs grub pa ni/ /sha dang chang du ldan pa dag/ /dga' ba'i longs spyod skal bzang po/ /tshe yi dam pa yin par bshad/ /a 'bra rgun 'bru pa nas/ /na li ke ra a ru ka/ 'bras bu chen po'i khyad par dag /bdud rtsi'i 'bras bu yin par bshad/ /a mra smin pa grol bar bshad/ /de bzhin bde bar nyal ba dang / /bde bas rab tu rmongs pa dag /sangs rgyas kun gyi brda yin no/ /'bras bu chen po pa na sa| |rgun 'brum khu ba khu ba'i mchog /na le ke ra'i dngos grub che/ /dam chos 'bras bu a ru ka /glu yi tshig tu brjod par bshad/ /dar dir dag ni sil snyan yin/ /sangs rgyas brda yi phyag rgya yis| |gar ni rnams par rol par bshad/ /rdo rje sems dpa' dpal sbyor ba'i/ /glu dang sil snyan gar byed pa/ brda yi dam par bshad pa ni/ /sangs rgyas kun gyi rnam sprul pa'o/ /rab tu zhi ba'i sil snyan glu/ /dur khrod glu dang sil snyan dang / /gar ni shin tu rnam sprul pa'o/ /chags bcas glu dang sil snyan dang / /gar ni shin tu rnam sprul pa'o/ /mi yi dbang po'i sil snyan glu/ /gar ni </font><hr>297a<br><font size=+1>


@#/ /shin tu rnam sprul pa'o/ /rab tu dga' ba'i sil snyan glu/ /rang gi rtsal gyi gar byas pa/ /rta mchog rnam par sprul pa ni/ /brda yi dam par rab tu bshad/ /DI zhes bya ba mkha' 'gro yi/ /khams gsum 'dir ni rnam par brtag /nam mkhar 'gro ba'i phyag rgya dag /mkha' 'gro zhes ni rab tu grags/ /kun tu sna tshogs phyag rgya ni/ /thams cad nam mkhar 'gro ba ste/ /sangs rgyas thams cad mnyam sbyor ba/ /mkha' 'gro ma zhes rab tu grags/ /sgyu ma'i gar dbang grub pa ni/ /a ra li zhes ming du btags/ /mkha' 'gro ma yang a ra li/ / sang rgyas brda yi phyag rgya 'o/ /sangs rgyas thams cad mnyam sbyor ba/ /sgyu ma kun gyi gar byed pa/ /sangs rgyas thams cad mnyam sbyor ba'i/ /mkha' 'gro ma yi dam tshig mchog /bcom ldan rdo rje sems dpa' dpal/ /rdo rje a ra li zhes bshad/ /sangs rgyas thams cad mnyam sbyor ba/ /mkha' 'gro sgyu ma bde ba'i mchog /sems dpa' sngon dang mtha' med pa/ /rdo rje sems dpa' dga' ba'i mchog/ /sangs rgyas brda yi phyag rgya yis/ /de ni skal pa bzang por bshad/ /gang zhig rdo rje sems dpa'i mtshan/ /skal pa bzang po zhes brjod na/ /shin tu srid pa kun 'grub cing / /de ni dbang phyug chen po 'grub/ /Tak+ki 'dod pa yin par bshad/ /dga' ba ki li ki li la yin/ /byams pa chu srin yin par bshad/ /'dod pa'i dbang po dbang phyug </font><hr>297b<br><font size=+1>


mchog /rdo rje dril bu'i phyag rgya dag /dam tshig gsum gyi dam pa yin/ /oM dang b+hu khaM kun bshad pa/ /sangs rgyas brda yi phyag rgya yin/ /grangs te bcug nas bcings pa dang / /zhugs nas dbang du gyur pa ni/ /dzaHhUM baM hoHb+shad pa ste/ /sangs rgyas kun gyi brda yin no/ /e hi ya hi zhes bshad pa/ /tshur sbyon phar bzhud zhes bsgrags pa'o/ /tisha ha zhes gsungs pa ni/ /longs la drongs shig drongs shig pa'o/ /kha kha khA hi zo zhig pa'o/ /a pi zhes pa 'thungs shig pa'o/ /da ra da ra byin ces pa'o/ /ru ta ma ta rol cig pa'o/ /hu lu hu lu zhugs shig pa'o/ /a ra ra rar skul cig pa'o/ /e ma'o bde mchog ngo mtshar ni/ /a la la la ho zhes bshad pa'o/ /bde mchog rgyas 'debs phyag rgya yin/ /e ma'o bde ba rmongs byed ma'o/ /snang ba zhes ba zab mo'o/ /hUM \?\ shi ni tshe 'phel ma'o/ /shin tu brtan dang rab tu brtan/ /kun tu brtan dang cher brtan pa/ /sangs rgyas rdo rje 'dzin pa dang / /'jig rten dbang dang mkha' las skyes/ /shes 'gyur dag 'gyur grub par 'gyur/ /zhugs la dbang du 'gyur par mdzod/ /aM aM a a kun bshad pa/ /sangs rgyas brda yi phyag rgya yin/ /thams cad mkhyen par gyur pa dang / /de bzhin bde bar mkhyen pa ni/ /oM sarba bid ces bshad pa ste/ /sangs rgyas brda yi phyag rgya yin/ /oM ru ru s+phu ru dz+wA la tiSh+Tha sid+d+ha lo tsa ne sar+b+ba a r+tha sA d+ha ni swAhA/ 'khor lo dngos grub mkhyen pa dang / /don dam nye bar zhi ba'i phyir/ /sangs rgyas rang byung bcom ldan </font><hr>298a<br><font size=+1>


@#/ /'das| |rnam snang mdzad chen gtso bo ni/ /sangs rgyas brda yi phyag rgya yin/ /skal pa bzang po zhes bshad pa'o/ /ke Ta Sha/ ko Ta ba/ ko Ta bash+tsa/ ko Ta ri ka /ko la gak+Sha/ ko la ba| ko la/ ko la bash+tsa/ ko la b+ha sta thA/ phyag na rdo rje rang don gyi/ /mtshan 'di rnams ni gang brjod pa/ /de la rgyal po rdo rje 'dzin/ /bran bzhin dngos grub gter bar 'gyur/ /rgyal srid dang ni longs sbyod dang / /gter gyi rnams kyang lhag par ster/ /dgos pa thams cad byed par 'gyur/ /de bzhin dgra yang med par byed/ /mig dang rna ba sna dag dang / /lce dang lus kyang de bzhin te/ /gzugs dang sgra dang dri dag dang / /ro dang reg kyang bdag gi don/ /rdo rje mtshon cha be di dang / /dgra bo dag tu rab grags pa/ /de yi phyag na rdo rjer 'gyur/ /lag na rdo rje zhes kyang bya| |nyon mongs thams cad gang zad dang / /dgra rnams kyang ni gang zad pa/ /phyag na rdo rjes 'dul ba'i phyir/ /de ni yak+Sha yin par bshad/ /he ru dpal ni rdo rje che/ /thal bar 'jig pa'i mchog yin te| |sangs rgyas kun gyi khro bo che/ /brda yis rab tu bshad pa yin/ /rdo rje 'bar ba rab tu 'jigs/ /kha T+wAM ga ni rgyal mtshan che/ /thod pa kham phor pad+ma'i snod/ /khrag chen dang ni sbrang rtsi che| |dkar me rku byed rab rmongs dang / /ro langs dang ni spos byed dang / /gtum mo dang ni smra ma dang / /lha mo bdun ni brda yin no/ /srungs shig myur du rnam rgyal dpal/ /thal ba bzhin \?\ </font><hr>298b<br><font size=+1>


du rab tu lhogs/ /haM haM hri hUM kun bshad pa/ /sangs rgyas brda yi phyag rgya yin/ /rol cig dgongs shig de bzhin du/ /rol du chug cig gsod du chug /mar Ta phaT phaT ces bshad pa/ sangs rgyas kun gyi brda yin te/ rgyal po chen po rdo rje 'dzin/ /dbang phyug dam pa'i rig pa ni/ /sangs rgyas brda yi phyag rgya yis/ /skal pa bzang po yin par bshad/ /rgyal po spyan ras gzigs dbang phyug 'jig rten dbang phyug ces bshad de/ /sangs rgyas kun gyi brda dag gis/ /de yang skal ba bzang zhes bshad/ /dag dang grub dang de bzhin blo/ /rju \?\ 'phrul 'phel dang 'byor pa dang / /rnam par lta dang sgrol ma dang / /rgyal chen ma dang khro gnyer ma/ /pad+mor gnas zhes bya ba dang / /rdo rje pad+mo'i dbang phyug ma/ /pad+mo lha mo rigs chen te/ /sangs rgyas brda yi phyag rgyas bshad/ /nam mkha'i snying po thams cad phyogs/ /re ba thams cad rdzogs mdzad pa/ /skal ba bzang zhes rnam par grags/ /rdo rje nyi ma nor po che/ /trI dang ba ba Ta Ta dang / /tra Ta tra Ta kun grags pa/ /sangs rgyas kun gyi brda yin te| |dbang bskur ba dang gter dag dang / /rgyal mtshan rtse mo mchod chen po/ /sna tshogs pad+mo thams cad sbyan/ /de bzhin 'jig rten thams cad pa/ /byang chub kun gyi sems chen po/ /sna tshogs rdo rje bla na med/ /thams cad dag par mos pa yis/ /'jig rten thams cad rab 'jigs pa/ /rta mchog pad+ma dpal dang ldan/ /skal pa bzang zhes brda yis bstan/ /brda yi phyag rgya 'di rnams </font><hr>299a<br><font size=+1>


@#/ /kyis| |dkyil 'khor sbyor bas nges pa ni/ /grogs po mkhas par bcas pa yi/ /dngos grub thams cad grub par 'gyur/ /brda yi phyag rgya shes pa'o/ /rjes su 
 par bya'o zhes/ /cha lugs shes pa bzhin byed cing / /dngos grub kun la rjes chags pa/ /mi 'gyur dam pa 'grub par 'gyur/ /kun tu kun nas thams cad ni/ /bdag nyid rtag tu rnam pa kun| |las kyi dngos grub rab 'byams dag /ma lus par ni myur du 'grub/ /rjes su chud par bya'o zhes/ /cha lugs shes pa bzhin byed pas/ /sku gsung thugs kyi rdo rje mchog/ /cho 'phrul dag ni ston par byed/ /rjes su chud par bya 'o zhes/ /cha lugs shes pa bzhin byed pas/ /mkha' 'gro sgyu ma bde ba'i mchog /ma lus lus pa med par 'grub/ /rjes su sbyang bar bya 'o zhes| |cha lugs shes pa bzhin byed pas/ /sgrib sbyang thams cad dngos grub rnams/ /ma lus lus pa med par 'grub/ /rjes su yi rang bya 'o zhes/ /cha lugs shes pa bzhin byed pas/ / bud med la sogs rin chen mchog/ mchod pa'i las kun myur du 'grub/ /rjes su gzhom par bya'o zhes/ /cha lugs shes pa bzhin byed pas/ /rtul phod las rnams thams cad ni/ /ma lus lus pa med par 'grub/ /ye shes kyi phyag rgya shes pa'o/ /rdo rje sems dpa' dpal sbyor ba/ /dbyibs dang gzugs ni ci 'drar ldan/ /thams cad bdag nyid rgyar sbyor ba/ /mi </font><hr>299b<br><font size=+1>


'gyur dam pa 'grub par 'gyur/ /kun tu kun nas thams cad ni/ /bdag nyid rtag tu rnam pa kun/ /pra se na yi dngos grub mchog /ma lus lus pa med par 'grub/ /sangs rgyas thams cad mnyam sbyor ba/ /mkha' 'gro sgyu ma bde mchog gis/ /yang dag bde ba tshul bzhin du/ /mthong ba dang ni thos par byed/ /sa chu me rlung nam mkha' dang / /khams rnams kun ni thams cad las| |thams cad mthong zhing thos par byed/ /rnam par shes pa kun 'grub cing / /kun tu thams cad kun gyi bdag /'dod pa'i yon tan thams cad dang / /rnam par shes pa'i las kun la/ / thams cad mthong zhing shes par byed/ /pad+mor chags par rjes chags shing / /sna tshogs pad+mor kha 'byed pas/ /pra se na ni sna tshogs pa/ /mthong ba dang ni thos par byed/ /me tog bdug pa mar me mchog /spos dang mchod pa thams cad la/ /rnam par shes pa kun grub pa/ /thams cad mthong zhing thos par byed/ /reg dang ma reg rdo rje che/ /ral gri me long mda' gzhu dang / /shing dang chu dang 'bab chu brag /gzugs brnyan byung ba'i khyim dag las/ /bya dang de bzhin mi bya dang / /stor ba dang ni ma stor dang / /'phrog pa dang ni ma 'phrog dang / /de bzhin rnyed dang ma rnyed dang / / gson pa dang ni shi ba dang / /de bzhin rgyal dang pham pa dang / /don yod dang ni don med dang / /de bzhin grub dang mi grub dang / /bde dang mi bde cho ga bzhin/ /lha yul dag ni don rnams dang // </font><hr>300a<br><font size=+1>


@#/ /sangs rgyas zhing gi don rnams kyang / /kun tu kun nas thams cad ni/ /bsam pa mthong zhing thos par byed/ /rnam par shes pa'i phyag rgya shes pa'o/ /rdo rje sems dpa' dpal sbyor ba/ /ji lta'i dbyibs dang gzugs ldan pas/ /dur khrod lha yi gnas rnams dang / /ma mo gnas kyi thal ba mchog /thams cad dpral ba'i srung ba ni/ /thig le sor ris gsum du bya/ /phyogs mtshams nam mkha' bcings na/ /srung ba kun gyi bla med pa'o/ /dpal rdo rje thal ba'i dam tshig ces bya ba'i srung ba'o/ /rdo rje sems dpa' dpal sbyor ba/ /ji lta'i dbyibs dang gzugs ldan pas/ /rgya mtshor 'bab pa'i gzugs chu'i 'gram/ /lha rdzas zhi ba'i chu mchog gis/ /gtor ba dang ni blugs pa dang / /khrus bya ba dang 'bogs pa yis| |phyogs mtshams nam mkha' sa bcings na/ /srung ba kun gyi bla med pa'o/ /dpal rdo rje bdud rtsi dri ma med pa'i rgya mtsho zhes bya ba'i phyag rgya'o/ /rdo rje sems dpa' dpal sbyor ba| |ji lta'i gzugs dang dbyibs ldan pas/ /mi yi thod pa'i nang du ni/ /nyungs ka ra bskyed nas blang bar bya/ /lo ma nyungs mar zas su bza'/ /mgo bskul de bzhin 'bras bu yis/ / phyogs mtshams nam mkha' sa bcings na/ /srung ba kun gyi bla med pa'o/ /dpal don thams cad grub pa zhes bya ba'i phyag rgya'o/ /rdo rje sems dpa' dpal sbyor ba/ /ma mchu so yis </font><hr>300b<br><font size=+1>


legs mnan nas/ /dpal ldan g.yon du 'gying dang bcas/ /gsal bar phyogs su 'khor lo'i tshul/ /bla 'og tu ni byin brlabs na/ /gnas gsum dag ni rgyas 'debs so/ /gzhug dka' bdag nyid ngan pa'i rnams/ /sangs rgyas kun gyi ngo bor 'grub/ /thams cad kyi mchog gnas kyi dbang phyug byin gyis brlabs pa dpal skal ba bzang po zhes bya ba'i phyag rgya'o/ /rdo rje sems dpa' dpal sbyor ba/ /lha mo kun dang 'dus pa yis/ /kun tu sna tshogs skal bzang po/ /bde bar rab tu 'grub par 'gyur/ /rgya 'dis btab ma thag tu ni/ /sangs rgyas kun gyis byin brlabs 'gyur/ /shin tu byin gyis brlabs pa las/ /sangs rgyas kun dang phrad par 'gyur/ /sangs rgyas kun dang mnyam sbyor bas/ /sangs rgyas kun dang mnyam par 'gyur/ / sangs rgyas kun dang mnyam pas na/ /sangs rgyas thams cad rab tu 'grub/ /sangs rgyas kun dang mnyam sbyor ba/ /dpal skal pa bzang po'i dam tshig ces bya ba'i srung ba'o/ /rdo rje sems dpa' dpal sbyor ba/ /sangs rgyas kun bdag sbyor ldan pas/ /phyogs su legs par 'khor lo'i tshul/ /bla dang 'og tu byin brlabs nas/ /'di yis bsrung ba byas na ni/ /khams gsum dag ni ma lus \?\ par/ /gzhug dka' bdag nyid ngan ba rnams/ /sangs rgyas kun gyis byin brlabs 'gyur/ /thams cad kyi mchog gnas kyi dbang phyug dpal zhes bya ba'i phyag rgya'o/ /rdo </font><hr>301a<br><font size=+1>


@#/ /rje sems dpa' dpal sbyor ba/ /he ru dpal gyis rnam sprul pas/ /thams cad kun tu kun gyi bdag /thams cad srung ba mi 'gyur che/ /rims dang dug dang dbyig dug nad/ /mkha' 'gros gtse dang gnod rnams dang / /bdud dang ngan khrid thams cad ni/ /mod la rab tu zhi bar 'gyur/ /dpal rdo rje he ru ka dbab pa rnam par sprul pa zhes bya ba'i phyag rgya'o/ /rdo rje sems dpa' dpal sbyor ba/ /ji lta'i dbyibs dang gzugs ldan zhing / /sna tshogs pad+mo kha 'byed pas/ /sgrib pa med par 'grub par 'gyur/ /sgrib pa kun las rnam par grol/ /dag pa thams cad thob par 'gyur/ /dag pa thams cad rnam dag na/ /mi 'gyur dam pa 'grub par 'gyur/ /chos thams cad la sgrib pa med pa'i ye shes rdo rje'i pad+mo zhes bya ba'i srung ba'o/ /rdo rje sems dpa' dpal sbyor ba/ /'bar ba lta ba'i tshul zhugs na/ /rdo rje rab tu 'bar ba'am/ /rab tu 'jigs pa mi bzod 'gyur/ /'di yis bsrung ba byas na ni/ /bskal pa yi ni me ltar 'bar/ /'di yis ngan 'gro rnam gsum dang / /khams gsum dag kyang thal bar rlog /rdo rje chen po'i me rab tu 'jigs pa 'bar ba mi bzod pa'i dam tshig chen po'i dpal zhes bya ba'i phyag rgya'o/ /rdo rje sems dpa' dpal sbyor ba/ /ji lta'i tshul bzhin byed pa yis/ /rdo rje'i khu tshur gnyis bcings nas/ /go cha </font><hr>301b<br><font size=+1>


bgo ba'i thabs su bya/ /spyi bo dang ni dpral bar gnyis/ /glo gnyis dang ni rgyab tu gnyis/ /rdo rje phreng ba bcing ba dang / /sangs rgyas gtsug gi nor bu dag /dar bcings thabs su bcings nas ni| |'gying dang bcas par mtha' nas dgrol/ /dar dpyangs ba yi thabs byas nas/ /thal mo brdabs pas bstan par bya/ /'di yis bsrung ba byas na ni/ /rdo rje sems dpa' dpal dang 'dra/ /mi chod pa dang mi phyed pa'i/ /rdo rje'i sku ni rab tu 'grub/ /rims nad dug dang dbyig dug nad/ /mkha' 'gros gtse dang gdon rnams dang / /yan lag ma rungs byed pa kun/ / 'di yis bsrungs na yong mi tshugs/ /dpal rdo rje go cha zhes bya ba'i phyag rgya'o/ /srung ba thams cad kyi phyag rgya shes pa'o/ /chos sems pa yi tshul ston cing / /rdo rje khu tshur gnyis dag dang / /zhi ba'i lta bas bltas nas ni/ /rims dang dug rnams thams cad sel/ /rdo rje khu tshur gnyis bcings nas/ /mthe'u chung lcags kyu lta bur bcing / /mdzub mo bsnyams pa'i rtse mos mnan/ /nad rnams thams cad zlog par byed/ /yongs su bsgyur te bteg nas ni/ /dpal bar bde bar gzhag par bya/ /ma lus lus pa med pa yi/ /sdug bsngal thams cad sel bar byed| |dpal rdo rje smin mtshams lus kyi nad gso pa'o/ /rdo rje bsdams pa byas pa las/ /mdzub mo phan tshun mdon phyogs pa/ /ma lus lus pa med pa yi/ /zug rngu kun las grol bar </font><hr>302a<br><font size=+1>


@#/ /'gyur| |bu nad lhog rgal skran dag dang / /dmu rdzing la sogs kun las thar/ /'di nyid grub par gyur nas ni/ /nang rnams kun gyis gnod pa med/ /zug rngu thams cad med par byed/ /grub pa dpal gyi spyan bcings te/ /'di yis mig gnyis phyis na ni/ /phyag rgya'i sbyor ba mchog 'di yis/ /long ba dag kyang mthong bar 'gyur/ /bdag nyid sbyor bas ldan byas la/ /rdo rje khu tshur dam po yis/ /drang ba'i tshul du klad pa nas/ /kha phyogs drang zhing btung bar bya/ /rims dang dug dang gdon rnams kun/ /rdo rje khu tshur dpal gyis bzung / /bdag gis lhar ni sbyor ldan pas/ /'thungs na thams cad med par 'gyur/ /klad pa'i sman no/ /ta thA ga ta gar+b+ha s+t+waM si ho/ /'di ni rna bar bzlas pa'i mchog /zug rngu med cing myur du thar| |zug rngu thams cad 'byin pa po/ /g.yas pa yi ni lag pa yis/ /sems dpa'i gtsug tor bcings na ni/ /byis pa nad med 'tsho bar 'gyur/ /thams cad srungs shig bde ba 'thob/ / gzhon nu gso ba'o/ /g.yas pa yi ni lag pa yis/ /klu yi gdengs ka lta bur bya/ /'bar ba'i tshul ston 'debs bcas na/ /dug gi las rnams bsgrub par bya/ /'bar dang 'dul dang bcing ba dang / /za ba'i dug rnams med par byed/ /gdug pas zin dang lu ta dang / /shi ba sos par byed pa'i mchog /gdengs ka'i phyag rgya'o/ /g.yas pa'i mthe bong gung mo gnyis/ /g.yon </font><hr>302b<br><font size=+1>


pa'i khu tshur bcangs pa yi/ /gung mo la ni reg byas na/ /gdon rnams kun las thar par 'gyur/ /dug gso ba dang gdon gyi cho ga 'o/ /ba dan gsum po gnyis bcings nas/ /gung mo gnyis ni mdud par bcing / /mdzub mo mthe'u chung rtse mo can/ /rdo rje'i phyag rgya yongs bcings la/ /yongs su bsgyur te bteg nas su/ /smin ma'i mtshams su bzhag pa ni/ /mkha' 'gro'i las rnams ma lus par/ /lus pa med par thams cad 'grub/ /phyag rgya 'di yis btab na ni/ /gnas gsum po ni ma lus pa/ /rgyas btab rmongs byas zos pa dang / /thal bar gyur pa'ang 'tsho bar byed/ / dpal rdo rje he ru ka'i khro gnyer zhes bya ba'i phyag rgya ste ma mo shes pa'o/ /rdo rje sems dpa' dpal sbyor bas/ /rta rnams thams cad zhon na ni/ /rta rnams nad med sos pa dang / /nyam skye thar zhing mgyogs par 'gyur/ /dpal rta mchog gi phyag rgya'o/ /rdo rje sems dpa' dpal sbyor bas/ /glang po kun la zhon na ni/ /glang po thams cad nad med sos/ /nyam skye spro ldan myos par 'gyur| |shrI badzra satwa s+t+waM ma si ho/ /'di ni rna bar bzlas pa'i mchog /bya rnams nad med 'tsho bar 'gyur/ /mi yi skad du smra bar 'gyur/ /bya gso ba yi phyag rgya 'o/ /rdo rje sems dpa' dpal sbyor bas/ /'byor pa kun la rjes chags na/ /shing rnams nad med mi skam zhing / /rtag tu me tog 'bras bur ldan/ /shing rnams skyed pa'i gtsug lag las/ /sbyor pa'i cho ga gang </font><hr>303a<br><font size=+1>


@#/ /bshad pa/ /phyag rgya 'di yis thams cad ni/ /yid la bsam pa bzhin du 'grub/ /shing skyed pa'i phyag rgya shes pa'o/ /'khrul 'khor gyis 'phangs ma 'phangs dang / /de bzhin lag pas 'phangs pa dang / /'phangs nas slar du gzung ba dang / /stobs su 'gyed pa lnga yin te/ /rang byung rnams kyi dgra cha'i dpyad/ /phyag rgya lnga la rab tu gnas/ /rdo rje sems dpa' dpal gyis bshad/ /dam pa de dag bshad par bya/ /dbyibs dang bde blag sbyor ba dang / /kun tu sbyor dang 'dren mar myur/ /'gengs dang 'phen dang gsal ba 'o/ / rkang pa gshibs pas sa mnan cing / /rkang pa 'gyed pas sa gnon to/ /dkyil 'khor dag kyang mnan par bya/ /brkyang bskum gyis kyang gnas gsum mnan/ /dbyibs kyi phyag rgya'o/ / mi ltod pa dang sran gzugs dang / /mnyen cing yan lag brten pa dang / /rgya cher 'gengs shing rnam par dag /lus kyi phyag rgya bde blag can/ /'di yis lus la gnon pa dang / /rims dang dug dang dbyig dug dang / /mkha' 'gros gtse dang gdon rnams kyis/ /nam yang tshugs par yong mi 'gyur/ /rgya cher 'gengs pa'i phyag rgya'o/ /rang gi snying gar 'dren tshul du/ /bde blag can gyis gzhu bzung nas/ /g.yas pa rab tu gar byed cing / /mda' 'phangs na ni 'grub par 'gyur/ /dpal khams gsum rnam par rgyal ba'i 'o/ /lag pa g.yon pa legs </font><hr>303b<br><font size=+1>


bsrangs la/ /skyon med pa yi g.yas pa dgug /gzhu rgyud dal bus drangs nas ni/ /'gro ba thams cad dgug par bya/ /thams cad dgug pa'i phyag rgya'o/ /rna drung bar du zlum bor ni/ /ji ltar rigs par legs bkang la/ /yi ge oM tsam rang gi khar/ /bzung na 'gro ba 'dzin par 'gyur/ /'dzin pa'i phyag rgya'o/ /ji ltar rigs pas drangs nas ni/ /cho ga bzhin du bzung nas kyang / /der ni cung zad dbye bar bya/ /'gengs pa thams cad 'grub par 'gyur/ /'gengs pa'i phyag rgya'o/ /chang pas 'ben ni bsgrib par bya/ /'dzum dang bcas pa'i mig gis blta/ /lta ba chang pa la gtad nas// myur du 'phangs na dam pa 'grub/ /mda' gzhus rgyal bar bya ba'i phyag rgya'o/ /gru bzhi pa la rno ba dang / /de bzhin kun nas bskor bar bya/ /g.yas phyogs nas ni mda' bskor nas/ /smad de de bzhin bstod pa dang / /rkang pas mnan cing rmig pas mnan/ /'bigs pa bcu yi rgya mchog gis/ /khams gsum rgyal srid chen po dag /bde bar thub nas nye bar spyod/ /dpal khams gsum rnam par rgyal ba'i 'o/ /rab tu 'phangs dang mnyam par 'phangs/ /de bzhin glog ltar 'phangs pa dang / /glog ltar 'khrug pa de bzhin te/ /phyag rgya thabs rnams sgrub pa'o/ /thabs thams cad kyi phyag rgya'o/ /nyam nga lag dang bde phyogs dang / /thad ka de bzhin gyen du 'debs/ /'di dag zlog pa'i phyag rgya ste/ /gnas gsum dag ni bzlog par bya/ /nges par zlog pa thams cad kyi </font><hr>304a<br><font size=+1>


@#/ /phyag rgya'o/ /thams cad 'debs dang nges par 'debs/ /kun 'debs gyen du 'debs pa'i gar/ /'di dag 'phrog pa'i phyag rgya ste/ /gnas gsum dag kyang 'phrog par byed/ /'phrog pa thams cad kyi phyag rgya'o/ /kun tu kun nas thams cad kyi/ /rtag tu bdag nyid rnam pa kun/ /mda' gzhu'i dpyad kyi phyag rgya'i mchog /mi 'gyur dam pa 'grub par 'gyur| |dgra cha thams cad kyi phyag rgya shes pa'o/ /srin lag gnyis kyi nang du ni/ /mthe bo legs par gzhag par bya/ /de nas khu tshur bcangs nas ni/ /mdzub mo legs bar dgug par bya| |rdo rje khu tshur dpal gyi rgya/ /rdo rje sems dpa' dpal la gnas/ /las kyi dngos grub rab 'byams rnams/ /ma lus par ni myur du 'grub/ /dpal rdo rje khu tshur gyi phyag rgya'o/ / rdo rje khu tshur legs bcangs la/ /bdag gi mthe bo'i nang du gzhug /zhi ba'i las rnams rab grub pas/ /ma lus lus pa med par 'grub/ /de bzhin gshegs pa thams cad kyi khu tshur ro| |rdo rje khu tshur legs bcangs la/ /mthe'u chung gnyis ni rab brkyangs nas/ /mkha' 'gro'i las rnams thams cad ni/ /ma lus lus pa med par 'grub/ /dpal rdo rje he ru ka'i khu tshur gyi phyag rgya'o/ /brdeg pa'i khu tshur bcangs pa las/ /mthe bong dag la gung mo bzhag /dpal pad+mo'i khu tshur grub pa ste/ /thams cad dag pa'i las la sbyar/ /dpal pad+mo'i khu </font><hr>304b<br><font size=+1>


tshur ro| |khu tshur rdo rje rin chen mchog /'bebs pa thams cad yongs rdzogs pa/ /rang don las rnams grub pa ni/ /ma lus lus pa med par 'grub/ /dpal rdo rje rin po che'i khu tshur gyi phyag rgya'o/ /rdo rje khu tshur dpal bcangs la/ /sor mo thams cad yongs su bzung / /rtul phod las rnams thams cad ni/ /ma lus lus pa med par 'grub/ /las thams cad kyi phyag rgya shes pa'o| |rkang pa brkyang dang gnon pa dang / /bskums nas bteg pa'i stabs dag dang / /g.yas dang g.yon gyi sbyor ba yis/ /gzugs rnams thams cad mnan par bya/ /sdig med stobs kyis ngo thon du| |rnam par snang mdzad dpal mnan nas/ /kun tu byang chub yongs bkug ste/ /bdag gi spyad par de spyod do/ /sdig med stobs kyis ngo thon du/ /rdo rje 'dzin pa dpal mnan nas/ /kun tu grub pa yongs bkug ste/ /bdag gi spyad par de spyod do/ /sdig med stobs kyis ngo thon du/ /spyan ras gzigs dbang dpal mnan nas/ /kun tu dpal mo yongs bkug ste/ /bdag gi spyad par de spyod do/ /sdig med stobs kyis ngo thon du/ /rdo rje nyi ma dpal mnan nas/ /kun tu longs spyod yongs bkug ste/ /bdag gi spyad par de spyod do/ /sdig med stobs kyis ngo thon du/ /rta mchog dam pa dpal mnan nas/ /thams cad dbang phyug yongs bkug ste/ /bdag gi spyad bar do spyod do/ /byang chub pha rol phyin pa dang / /grub dang gzugs dang sa rnams dang / /rig dang phyag rgya </font><hr>305a<br><font size=+1>


@#/ /rnams mnan nas/ /bdag gi spyad par de spyod do/ /sdig med stobs kyis ngo thon du/ /dbang phyug dam pa mnan nas ni/ /mig gsum pa las gsum grub bkug / bdag gi spyad par de spyod do/ /sdig med stobs kyis ngo thon du/ /mthu po che yang mnan nas ni/ /snying las dpal mo yongs bkug ste/ /bdag gi spyad par de spyod do/ /sdig med stobs kyis ngo thon du/ /skye rgu'i bdag mo mnan nas ni/ /mos las grol ma yongs bkug nas/ /bdag gi spyad par de spyod do/ /sdig med stobs kyis ngo thon du/ /rab dga'i dbang phyug mnan nas ni/ / kun gyi bdag las dga' ba bkug /bdag gi spyad par nges spyod do/ /'jigs la sogs pa'i lha mo dang / /ma mo byang ma'i ma mo dang / /mkha' 'gro ma rnams mnan nas ni/ /bdag gi spyad par de spyod do/ /de bzhin ku be ra la sogs/ /rig pa 'grub pa spyod pa dang / /mi yi rgyal po la sogs kyang / /mnan nas bdag gi spyad pa spyod/ /'gro ba dang ni mi 'gro ba'i/ /dngos po thams cad ma lus pa'ang / /rnal 'byor bdag nyid des mnan nas/ /bdag gi spyad par de spyod do/ /dpal rdo rje gnon pa'i phyag rgya shes pa'o/ /khu tshur snying gar bcangs pa ni/ /bud med phyag rgyar de bshad do/ /bud med sbyor ba ma lus pa/ /lus pa med pa'ang thams cad 'grub/ /g.yon pa 'gying pa'i tshul byas nas/ /lag g.yas bdag gi snying gar ni/ /gyen du drang ba'i tshul byas na/ / </font><hr>305b<br><font size=+1>


bud med thams cad dbang du 'gyur/ /dpal rdo rje 'gying ba'o/ /dpal ldan sna tshogs pad+mo 'dzin/ /g.yon pa brdeg pa'i khu tshur dang / /g.yas par ldang bar gyur pa dang / /sangs rgyas dbang phyug ting 'dzin bya/ /sangs rgyas thams cad du 'phar ba'o/ /g.yon pa dril bu'i sgra sgrog cing / /g.yas pa yi ni lag pa yis/ /rdo rje gyen du gsor zhing bskor/ /sgyu ma thams cad 'byung bar bya/ /dpal rdo rje sgyu ma'i dbang phyug ma'o/ /g.yon pa g.yon pa'i brla la bzhag /lag pa g.yas pa'i mdzub mo yi/ /rtse mos pad+mo dam par 'dzin/ /g.yas pa'i brla la lag ngar gzhag /mi dge ba thams cad sel ba'i phyag rgya'o/ /bdag gi snying gar 'dren tshul du/ /g.yon pa nor bu rin chen 'dzin/ /g.yas pa re ba kun rdzogs pa'i/ /bud med la sogs rin chen 'dzin/ /bsam pa thams cad yongs su rdzogs par byed pa'o/ /bdag gi snying gar 'dren tshul du/ /pad+mo sna tshogs dam pa 'dzin/ /g.yas pa rdo rje 'gying ba yis/ /dbang phyug dam pa thob par 'gyur/ /dngos grub kun gyi dbang phyug gi phyag rgya shes pa'o/ /zhes bcom ldan 'das rdo rje sems dpas de skad gsungs so/ /sangs rgyas thams cad dang mnyam par sbyor ba mkha' 'gro ma sgyu ma bde ba'i mchog las/ kun tu rnam pa sna tshogs kyi dam tshig gi phyag rgya'i rtog pa ste dgu pa'o// //de nas kun tu sna tshogs 'di/ /phyag rgya shes pa'ang grub pa ni/ /kun tu sna tshogs sbyor ba yis/ /kun tu sna tshogs </font><hr>306a<br><font size=+1>


@#/ /bshad par bya/ /smin ma mig dang so dang mchu/ /kha dang lus dang rkang lag gis/ /cha lugs bzhin du gar byed pas/ /phyag rgya thams cad yongs su dgrol/ /rdo rje sems dpa' dpal sbyor bas/ /lha mo kun dang 'dus pa ni/ /kun tu sna tshogs skal bzang po/ /rab tu bde bar grub par 'gyur/ /phyag rgya 'di yis btab na ni/ /sangs rgyas thams cad byin gyis rlob/ /legs par byin gyis brlabs na ni/ /sangs rgyas thams cad 'dus par 'gyur/ /sangs rgyas kun dang mnyam spyod bas/ /sangs rgyas kun dang mnyam par 'gyur/ / sangs rgyas kun dang mnyam pas na/ /sangs rgyas thams cad rab tu 'grub/ /rdo rje sems dpa' dpal sbyor ba'i/ /mthu nyid kyis ni thams cad du/ /mdor na phyag rgya thams cad ni/ /so so dag nas grub par 'gyur/ /blta bas mi ngoms pa yi sku/ /thams cad bdag nyid ston par mdzad/ /legs so legs so zhes grub pa'i/ /dam pa dag kyang rab tu stsol/ bsam pa thams cad yongs rdzogs pa'i/ /grub pa kun mchog nyams dga' ba/ /ji ltar 'dod pa'i longs spyod du/ /thams cad kyi ni bdag nyid stsol/ /dang po kun las byung ba yi/ / mchod pa'i sprin chen thams cad kyi/ /bkod pa rab 'byams tshogs rnams kyi/ /thams cad bdag nyid mchod pa mdzad/ /dpal ldan g.yon pa 'gying dang bcas/ /dpal ldan lag pa </font><hr>306b<br><font size=+1>


g.yas pa yi/ /pad+mo khu tshur dpral bar bzhag /bdag gi mig ni gyen du lta/ /'di ni rdo rje sems dpa' yi/ /phyag rgya thams cad rab sgrub pa'o/ /gyen du 'phar ba'i dngos grub dang / /rab 'byams las rnams myur du 'grub/ /phyag rgya 'di yis btab na ni/ /khams gsum pa dag ma lus pa/ /rgyas btab rmongs byas zos pa dang / /thal bar gyur pa'ang 'tsho bar byed/ /bcom ldan 'das rdo rje sems dpas de skad gsungs so/ /kun tu sna tshogs skal bzang po/ /dpal rdo rje pad+mo gyen du 'phar ba'i spyan zhes bya ba'i phyag rgya ste/ rnam pa sna tshogs thams cad kyi phyag rgya dang / phyag rgya'i lan zhes bya'o/ /sangs rgyas thams cad 'dus pa yis/ /rtag tu dpag med tshe dang ldan/ /nam mkha'i dbyings kyi mtha' klas pa'i/ /bden pa'i tshig ni rab tu smra/ /mtha' yas pa dang mu med pa'i/ /rtog pa kun dang 'di yi ni/ /mthu dang yon tan bsngags pa'i mtha'/ /brjod pa dag tu yong mi nus/ /mthu dang rang bzhin dag gis grub/ /ngo bo nyid kyis rtag tu grub/ /so so rjes grub bde ba ster/ /'di ni gsang mchog mchog gi mchog /sems can don phyir las rnams sbyong ba dang / /rnam par dag par rgyal ba yong mi mdzad/ /'di la bgegs med bdud kyang yod ma yin/ /rtog pas mi 'grub thar par yong mi nus/ /mi brtan pa dang bdud du nga mi 'gyur/ /brtan par bya ba'i phyir yang nga mi 'doms/ /gang zhig rang gi bde bas da sgrub na/ /dngos grub </font><hr>307a<br><font size=+1>


@#/ /mchog gis de ni brtan par byed/ /kun tu sna tshogs pas ni de skad gsungs/ /bcom ldan de bzhin gshegs pa rtag tu dgyes/ /rdo rje sems dpa' dpal gyis legs gsungs la/ /mngon par bstod cing rab tu dgyes par gyur/ /le'u bcu pa'o// //rnam mang rjes chags dga' ba'i pad+mo rnam dag mchod pa dang / /rta mchog rnal 'byor bde bas gsal bar rjes su mchod na ni/ /rab tu bde ba'i rnal 'byor dam pa skal bzang dga' ba'i mchog /rab mchog bde ba'i rang bzhin dam tshig bde bas rjes su grub par 'gyur/ /bcom ldan 'das dpal rdo rje sems dpas de skad gsungs so/ /sangs rgyas thams cad dang mnyam par sbyor ba mkha' 'gro sgyu ma bde ba'i mchog ces bya ba'i rtog pa/ rtog pa thams cad kyi 'khor lo bskor ba chen po bde ba chen po rdzogs so// </font><hr>

</table>