H358

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H358</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H358&coll=lhasa">see text in Tibetan script</a></table>79a<br><font size=+1>


//rgya gar skad du/ ka na ka bar+Na pU rba yo ga nA ma/ bod skad du/ gser mdog gi sngon gyi sbyor ba zhes bya ba/ sangs rgyas dang / byang chub sems dpa' thams cad la phyag 'tshal lo/ /'di skad bdag gi thos pa dus gcig na/ bcom ldan 'das rgyal bu rgyal byed kyi tshal mgon med zas sbyin gyi kun dga' rab na/ dge slong stong nyis brgya lnga bcu'i dge slong gi dge 'dun chen po dang thabs gcig tu bzhugs so/ /bcom ldan 'das la dge slong dang / dge slong ma dang / dge bsnyen dang / dge bsnyen ma dang / rgyal po dang / blon po chen po dang / mu stegs can sna tshogs dang / dge sbyong dang / bram ze </font><hr>79b<br><font size=+1>


dang| spyod pa ba dang / kun tu rgyu dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po rnams kyis bkur stir byas/ bla mar byas/ ri mor byas shing mchod do/ /bcom ldan 'das kyis chos gos dang / zhal zas dang / gzims cha dang / snyun gyi rkyen sman dang / lha dang / mi rnams kyi yo byad dam pa rab tu mang po yang brnyes te/ de dag la bcom ldan 'das rjes su chags pa'ang mi mnga' ste/ pad+ma la chu mi chags pa de bzhin no/ /bcom ldan 'das kyi rang bzhin ni| 'di lta ste/ rgya che zhing dge la/ grags pa dang / sgra dang / tshigs su bcad par mngon par 'phags pa ste/ 'di ltar bcom ldan 'das de/ de bzhin gshegs pa/ dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang / mi rnams kyi ston pa/ sangs rgyas bcom ldan 'das de/ lha dang bcas pa'i 'jig rten dang / bdud dang bcas pa dang / tshangs pa dang bcas/ dge sbyong dang| bram zer bcas pa dang / lha dang / mir bcas pa 'di rnams rang gi mngon par mkhyen pas mngon sum du mkhyen par mdzad nas/ dam pa'i chos ston to/ /thog mar dge ba / </font><hr>80a<br><font size=+1>


@#/ /bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ rnam par byang ba/ tshangs par spyod pa/ yang dag par rab tu ston to/ /de nas bcom ldan 'das kyis dge slong rnams la bka' stsal pa/ dge slong dag/ ji ltar ngas sbyin pa'i 'bras bu dang / sbyin pa la 'ged pa'i rnam par smin pa shes pa ltar/ sems can rnams kyis kyang sbyin pa'i 'bras bu dang / sbyin pa la 'ged pa'i rnam par smin pa shes par gyis shig/ gang 'di kham phyi ma'i kham phyi ma gcig po de yang gzhan dag la ma byin ma bgos par bdag gis mi bza' bar gyis shig /ser sna'i sems kyi dri ma skyes pas kun nas dkris te ma 'dug cig/ dge slong dag/ gang gi phyir ji ltar ngas sbyin pa'i 'bras bu dang / sbyin pa la 'ged pa'i rnam par smin pa shes pa ltar/ sems can rnams ni sbyin pa'i 'bras bu dang / sbyin pa la 'god pa'i rnam par smin pa mi shes te/ de lta bas na sems can rnams gang 'di/ kham phyi ma'i kham phyi ma gcig po de yang gzhan dag la ma byin ma bgos par bdag nyid za bar byed/ ser sna'i sems kyi dri ma skyes pas kun nas dkris te 'dug go /de ci'i phyir zhe na/ dge slong dag/ sngon byung ba 'das </font><hr>80b<br><font size=+1>


pa'i dus na/ rgyal po gser mdog ces bya ba/ gzugs bzang ba/ mdzes pa/ blta na sdug pa/ kha dog bzang po rgyas pa mchog dang ldan pa zhig byung ngo / /rgyal po gser mdog de phyug ste nor mang la/ longs spyod che zhing / bdag dbang ba mang ba dang / dbyig dang / yo byad mang pa dang / nor dang / 'bru dang / nor bu dang / mu tig dang / man shel dang / byu ru mang ba dang / gser dang / dngul mang ba dang / glang po che dang /rta dang / ba lang dang / rta rgod ma mang ba dang / mdzod dang / bang ba yongs su gang ba zhig byung ngo / /rgyal po gser ma dog gi pho brang grong khyer gser can zhes bya bar btags te/ chur ni shar nas nub tu dpag tshad bcu gnyis yod do/ /zheng ni lho nas byang du dpag tshad bdun yod de/ 'byor ba dang| rgyas pa dang / bde ba dang / lo legs pa dang / nyams dga' zhing skye bo dang / mi mang po rnams kyis gang ngo / /rgyal po gser mdog la grong khyer brgyad khri yod de/ 'byor pa dang / rgyas pa dang / bde ba dang / lo legs pa dang / nyams dga' zhing skye bo dang / mi mang po rnams kyis gang ngo / /grong sa ya phrag lnga bdun 'bum yod de/ 'byor pa dang / rgyas pa dang / bde ba dang / lo legs pa dang / nyams dga' zhing skye bo dang / mi mang po rnams kyis gang ngo / /ri 'o rab drug khri yod do/ /'byor ba dang / rgyas pa dang / </font><hr>81a<br><font size=+1>


@#/ /bde ba dang / lo legs pa dang / nyams dga' zhing skye bo dang / mi mang po rnams kyis gang ngo / /rgyal po gser mdog gi blon po khri brgyad stong yod do| |bud med slas nyi khri yod par gyur to/ /de nas rgyal po gser mdog chos dang ldan pa'i chos kyi rgyal po'i chos kyis rgyal srid byed par gyur to/ /rgyal po gser mdog thams cad sbyin par byed de/ des tha na rang gi lus kyi sha man chad yongs su mi gtong ba ci'ang med do/ /de'i dus na mi rnams kyi tshe'i tshad lo brgyad khri bzhi stong thub par gyur to/ /de'i tshe dus gzhan zhig na/ rgyal po gser mdog gcig pu dben par nang du yang dag 'jog la zhugs nas/ sems kyis sems kyi yongs su rtog pa 'di snyam du skyes te/ gang bdag gis nges par tshong pa thams cad la ni la gcan dang / sho gam rnams mi dbab par bya'o/ /'dzam bu'i gling gi mi thams cad la ni dpya dang / sgyu rnams mi dbab par bya'o snyam mo/ /de nas rgyal po gser mdog gis rtsis pa dang / sna chen po la gtogs pa dang / blon po dang / sgo ba dang / 'khor rnams bos te 'di skad ces smras so/ /deng phyin chad grong mi dang / tshong ba thams cad la la gcan dang / sho ga ma rnams mi dbab par bya'o/ /'dzam bu'i gling gi mi thams cad la dpyad dang / sgyu rnams </font><hr>81b<br><font size=+1>


mi dbab par bya'o zhes bsgo'o/ /de'i thabs 'dis lo mang po zhig tu rgyal srid byed pa na dus gzhan zhig gi tshe/ lo bcu gnyis kyi bar du char mi 'bab pa'i rgyu skar ngan pa zhig byung bar gyur to/ /de'i tshe bram ze mtshan nyid 'don pa dang / ltas pa dang / mo pa rnams sa dang / bar snang gi rgyu skar dang / gza' dang / ba bsang rgyu ba dag/ de thams cad kyi mtshan nyid shes par byas nas/ rgyal po gser mdog ga la bder song ste phyin nas/ rgyal po gser mdog la 'di skad smras so/ /lha| mkhyen par mdzod cig /dgung lo bcu gnyis kyi bar du char mi 'bab pa'i rgyu skar ngan pa de byung bar gyur to/ /de nas rgyal po gser mdog dngos po bsgrags pa de thos nas/ rab tu dus te mchi ma phyung nas/ e ma'o/ /nga'i 'dzam bu'i gling gi mi rnams e ma'o/ /e ma'o/ /nga'i 'dzam bu'i gling gi mi rnams e ma'o/ /e ma'o/ /nga'i 'dzam bu'i gling 'byor ba dang / rgyas pa dang / bde ba dang / lo legs pa dang / nyams dga' zhing skye bo dang / mi mang pos gang ba rnams ring por mi thogs pa nyid du stong zhing mi dang bral bar 'gyur ro/ /de nas rgyal po gser mdog yud tsam zhig mya ngan dang / smre sngags 'don pa sangs nas/ 'di snyam du gyur te/ gang 'di phyug cing nor mang la longs spyod che ba de dag ni 'tsho bar nus kyi/ gang dag dbul zhing nor nyung la bza' btung dang / longs </font><hr>82a<br><font size=+1>


@#/ /sbyod chung ba de dag ni ji ltar byed cig gu/ de 'di snyam du gyur te/ bdag gis nges bar 'dzam bu'i gling gis zas la sogs pa thams cad bsdu bar bya'o| |zas la sogs pa bsdus te/ grong dang / grong khyer dang / grong rdal dang / rgyal po'i pho brang 'khor thams cad du bang ba gcig brtsig par bya'o/ /bang ba gcig brtsigs te/ 'dzam bu'i gling gi mi thams cad bza' ba mnyam par bgo bar bya'o snyam mo/ /de nas rgyal po gser mdog gis rtsis pa dang / sna chen po la gtogs pa dang / blon po dang / sgo ba dang / 'khor rnams bos te 'di skad ces smras so/ /grong gi gtso bo dag /khyed rnams dengs la 'dzam bu'i gling gis zas la sogs pa thams cad sdus shig| zas la sogs pa bsdus te bcol la grongs shig /gcel te bgrangs nas kyang / grong dang / grong khyer dang / grong rngal dang / rgyal po'i pho brang 'khor thams cad du bang ba bzang po gcig rtsigs shig ces bsgo'o/ /de nas rtsis pa dang / sna chen po la gtogs pa dang / blon po dang / sgo ba dang / 'khor rnams kyis rgyal po gser mdog gi ltar mnyan nas/ 'dzam bu gling gi zas la sogs pa thams cad bsdus so/ /zas la sogs pa bsdus nas/ gcal bgrangs te/ grong dang / grong khyer dang / grong </font><hr>82b<br><font size=+1>


rdal dang / rgyal po'i pho brang 'khor rnams su bang ba gcig byas nas blugs so/ /bang ba gcig byas nas blug ste/ rgyal po gser mdog ga la ba der song ste phyin nas/ rgyal po gser mdog la 'di skad ces smras so/ /lha| mkhyen par mdzod cig/ grong dang / grong khyer dang / grong rdal dang / rgyal po'i pho brang 'khor thams cad kyi zas la sogs pa bsdus so/ /bsdus nas kyang gcal zhing bgrangs lags so/ /gcal zhing bgrangs nas grong dang / grong khyer dang / grong rdal dang / rgyal po'i pho brang 'khor thams cad du bang ba bgyis nas stsal kyang lags kyi/ khyod gang gi dus nyid dgongs sam/ de nas rgyal po gser mdog gis grangs pa dang / rtsis pa dang / yi ge pa'i mi rnams bos nas 'di skad ces smras so/ /bgrong gi gtso bo dag/ khyed rnams dengs la/ 'dzam bu'i gling gi mi thams cad grongs shig/ nga man chad legs par grongs la/ 'dzam bu'i gling gi mi thams cad kyi bza' ba legs par mnyam par bgo bar gyis shig/ grangs pa dang / rtsis pa dang / yi ge ba'i mi rnams kyis rgyal po gser mdog gi ltar mnyan nas/ 'dzam bu'i gling gi mi thams cad legs par bgrangs so/ /rgyal po gser mdog man chad legs par bgrangs nas/ 'dzam bu'i gling gi mi thams cad la bza' ba mnyam par 'ged do/ /lo bcu gcig gi bar du </font><hr>83a<br><font size=+1>


@#/ /ni shi ba med do/ /lo bcu gnyis pa byung ba'i tshe zla ba gcig la der mi mang du skyes pa dang / bud med dang / khye'u dang / bu mo bkres pa dang / skom pas shi'o// lo bcu gnyis pa byung ba'i tshe zla ba lhag ma gnyis dang / gsum dang / bzhi dang / lnga dang / bcu gcig gi bar du der mang du skyes pa dang / bud med dang / khye'u dang / bu mo rnams shi bar gyur to/ /de'i tshe na 'dzam bu'i gling gi zas la sogs pa thams cad yongs su zad de/ gzhan du na rgyal po gser mdog la zas kyi lhag ma bre'u chung gang zhig yod do/ /de'i tshe dus gzhan zhig na/ bskal pa bzhi bcur spyod pa'i byang chub sems dpa' zhig /mi mjed kyi 'jig rten gyi khams 'dir phyin par gyur to/ /byang chub sems dpa' des gzhan zhig tu/ nags khrod zhig na bu dang / ma gnyis nyal po byed pa zhig mthong ngo / /mthong nas kyang 'di snyam du gyur te/ e ma'o/ /nyon mongs so/ /sems can 'di dag ni nyon mongs so/ /gang gi tshe zla ba dgu ru ma de nyid du gnas la/ de nyid kyi nu ma la 'thungs nas de nyid du de ltar byed/ 'di 'dra ba'i sems can chos ma yin pa'i 'dod chags kyis zhen pa/ log par lta ba 'dod pa mi bzad pas zil gyis non pa/ phar mi 'dzin pa/ mar mi 'dzin pa/ dge sbyong du mi 'dzin pa/ bram zer mi 'dzin pa/ rigs kyi rgan </font><hr>83b<br><font size=+1>


rabs la bkur sti mi byed pa rnams kyi bdag chog ste/ 'di 'dra ba'i sems can rnams kyi don du/ byang chub kyi spyod pa spyad par su zhig spro/ bdag ni nges par bdag gcig pu'i don bsgrub bo snyam mo/ /de nas byang chub sems dpa' de gzhan du shing ljon pa'i drung ga la ba der song ste phyin nas/ shing ljon pa'i drung der skyil mo krung bcas nas lus bsrang ste/ dga' ba dang / bde ba dang / dran pa mngon du bzhag nas 'dug go /de nas byang chub sems dpa' de nye bar len pa'i phung po lnga rnams la skye ba dang / 'jig par rjes su lta zhing gnas te/ 'di ni gzugs te/ gzugs 'di ni skye ba'o/ /gzugs 'di ni 'jig pa'o/ /'di ni tshor ba/ 'di dag ni 'du shes/ 'di dag ni 'du byed/ 'di dag ni rnam par shes pa ste/ rnam par shes pa 'di ni skye ba'o/ /rnam par shes pa 'di ni 'jig pa'o zhes de nye bar len pa'i phung po lnga po 'di rnams la skye ba dang / 'jig par rjes su lta zhing gnas so/ /gang cung zad skye ba'i chos de thams cad ni/ yun mi ring ba nyid du 'gag pa'i chos yin no zhes bya bar rig nas/ de nyid du rang byang chub rjes su thob bo/ /de nas bcom ldan 'das rang sangs rgyas de'i rkyen ji lta ba bzhin gyis chos thob pa mthong nas/ de'i tshe tshigs su bcad pa 'di dag smras pa/ yang dag bsnyen nas chags gyur la// </font><hr>84a<br><font size=+1>


@#/ /chags las sdug bsngal 'di byung ste/ /chags las sdug bsngal 'di 'jug pas/ /de phyir mkhas pas chags sun phyung / /bse ru lta bur gcig pu spyad// de nas bcom ldan 'das rang sangs rgyas de 'di snyam du gyur te/ bdag gi sems can rnams kyi phyir/ dka' ba mang zhig spyad pas ni su la yang phan pa byas pa ma yin te/ bdag gis deng su zhig la snying brtse bar bya zhing bdag gis deng su zhig la bsod snyoms blangs te/ yongs su bza' bar bya snyam mo/ /de nas bcom ldan 'das rang sangs rgyas de mi las shin tu 'das pa'i lha'i spyan gyis 'dzam bu'i gling 'di kun tu bltas pa dang / bcom ldan 'das rang sangs rgyas des 'dzam bu'i gling gi zas la sogs pa yongs su zad par mthong ste/ gzhan du na rgyal po gser mdog la zas kyi lhag ma bre'u chung gang zhig yod do/ /de 'di snyam du gyur te/ bdag gis nges par rgyal po gser mdog la snying brtse bar bya zhing / bdag gis nges par rgyal po gser mdog la zas kyi lhag ma bre'u chung gang zhig yod pa las blangs te/ yongs su bza' bar bya'o snyam mo/ /de nas bcom ldan 'das rang sangs rgyas de de'i rdzu 'phrul 'di lta bus nam mkha' la mngon du song ste/ lus snang bar bya bzhin du rdzu 'phrul gyis/ rgyal po'i pho brang gser can </font><hr>84b<br><font size=+1>


gang na ba der song ngo / /de'i tshe rgyal po gser mdog blon po lnga stong tsam dang / khang bzang gi steng na 'khod bar gyur to/ /bcom ldan 'das rang sangs rgyas de rgyang ring po nas 'di ltar 'ong ba na/ sna chen po la gtogs pa gcig gis mthong ngo / /mthong nas sna chen po la gtogs pa dag bos nas/ grong gi gtso bo dag/ ltos shig/ 'di ltar rgyang ring po nas bya dmar po 'phur ba zhig 'ong ngo / /sna chen po la gtogs pa gnyis pas smras pa/ grong gi gtso bo dag/ 'di ni bya dmar po 'phur ba ma yin gyi/ 'di ni srin po mdangs 'phrog zhig 'ong ste/ 'dis ni ded bdag cag zos par 'gyur ro/ /de nas rgyal po gser mdog lag pa gnyis kas bzhin legs par phyis te/ sna chen po rnams la smras pa/ grong gi gtso bo dag/ 'di ni| bya dmar po 'phur ba ma yin la/ srin po mdangs 'phrog pa yang ma yin no/ /'di ni drang srong ste bdag cag la snying brtse ba'i phyir 'ong ngo / /de nas bcom ldan 'das rang sangs rgyas de rgyal po gser mdog gi khang bzang gyi steng du babs so/ /de nas rgyal po gser mdog langs nas/ bcom ldan 'das rang sangs rgyas de bsus nas/ bcom ldan 'das rang sangs rgyas de'i zhabs la mgo bos phyag btsal te/ stan bshams pa la bzhugs par gsol to/ /de nas rgyal po gser mdog gis/ bcom ldan 'das rang </font><hr>85a<br><font size=+1>


@#/ /sangs rgyas de la 'di skad ces smras so/ /drang srong / ci'i phyir 'dir byon/ /drang srong gis smras pa/ rgyal po chen po/ zas kyi phyir ro/ /de nas rgyal po gser mdog rab tu dus te/ mchi ma phyung nas/ e ma'o/ /bdag dbul te 'di ltar 'dzam bu'i gling gi dbang phyug dam pa byas kyis kyang / drang srong gcig la bsod snyoms dbul bar ma nus so| |de nas rgyal po'i pho brang gser can na gnas pa'i lha des rgyal po gser mdog la tshigs su bcad de smras pa/ ci zhig sdug bsngal yin zhes na ni dbul ba'o/ /shin tu sdug bsngal gang yin dbul ba de nyid de/ /dbul ba dag ni nang na shi dang mtshungs par gyur pa ste/ /bdag ni shi yang bla yi dbul bar mi 'dod do/ /de nas rgyal po gser mdog gis mdzod pa pos nas/ 'di skad ces smras so/ /grong gi gtso bo/ khyim na bza' ba cung zad yod na/ drang srong 'di la dbul bar bya'o/ /des smras pa/ gang lha nyid mkhyen pa lags te| 'dzam bu'i gling gi zas la sogs pa thams cad yongs su bas so/ /gzhan du na lha nyag gcig shos kyi lhag ma bre'u chung gang zhig mchis so/ /de nas rgyal po gser mdog 'di snyam du gyur te/ gal te zos na ni 'tsho/ ci ste ma zos na ni 'chi'o snyam mo/ /de yang 'di snyam du gyur te/ gal te zos kyang nges par bdag 'chi bar 'gyur te/ 'tsho bas chog gi/ </font><hr>85b<br><font size=+1>


ji ltar na/ 'di 'dra ba'i drang srong tshul khrims dang ldan pa/ dge ba'i chos can de/ de nas rgyal po gser mdog gis/ rtsis pa dang / sna chen po la gtogs pa dang / sgo ba dang / 'khor rnams bsdus nas 'di skad ces smras so/ /grong gi gtso bo dag/ kyi hud/ 'di ni gser mdog gi sbyin pa gtong ba mtha' ma yin te/ rjes su yi rang bar gyis shig /dge ba'i rtsa ba 'dis| 'dzam bu'i gling gi mi thams cad kyi dbul ba yang dag par gcod par gyur cig /de nas rgyal po gser mdog gis zas bre'u chung gang yod pa de/ bcom ldan 'das rang sangs rgyas de'i lhung bzed du blugs nas/ bcom ldan 'das rang sangs rgyas de'i lag pa g.yas par lhung bzed byin no/ /gang rang sangs rgyas kyi lus kyis chos ston pa ni chos nyid de| tshig gis ni ma yin no/ /de nas bcom ldan 'das rang sangs rgyas de rgyal po gser mdog gi bsod snyoms blangs nas/ 'di ltar rdzu 'phrul gyis nam mkha' la song ngo / /de nas rgyal po gser mdog thal mo sbyar nas/ mig rgyang gis song dag gi bar du mig mi 'dzum par bltas so/ /de nas rgyal po gser mdog gis rtsis pa dang / sna chen po la gtogs pa dang / blon po dang / sgo ba dang / 'khor rnams bos nas 'di skad ces smras so/ /grong gi gtso bo dag /rang rang gi gnas ji lta ba bzhin dengs shig /khang bzang 'dir bkres pa </font><hr>86a<br><font size=+1>


@#/ /dang / skom pas 'chi ba'i dus ma byed cig /de dag gis smras pa/ gang gi tshe lha'i dpal dang / sku dpal dang ldan par gyur pa'i de'i tshe/ bdag cag lha'i zhabs 'bring na rtse zhing dga' la longs spyod pa lags na/ 'di lta ste/ bdag cag lha'i dus phyi ma dang / dus tshod phyi ma yongs su btang ba ga la zhig bzod/ de nas rgyal po gser mdog rab tu dus te mchi ma phyung ngo / /mchi ma de legs par phyis nas rtsis pa dang / sna chen po la gtogs pa dang / blon po dang / sgo ba dang / 'khor rnams la 'di skad ces smras so/ /grong gi gtso bo dag /rang gi gnas ji lta ba bzhin dengs shig /thams cad kyis khang bzang 'dir bkres pa dang / skom pa dag gis 'chi ba'i dus ma byed cig| de nas rtsis pa dang / sna chen po la gtogs pa dang / blon po dang / sgo ba dang / 'khor rnams rab tu dus te/ mchi ma phyung ngo / /mchi ma legs par phyis nas/ rgyal po gser mdog ga la ba der song ste phyin nas/ rgyal po gser mdog gi rkang pa gnyis la phyag btsal te/ thal mo sbyar nas/ rgyal po gser mdog la 'di skad ces smras so| |bdag cag gis lha'i zhal lta ba'i phyi ma deng lags te bdag cag gis gang cung zad lha'i bka' las 'gal ba ci bgyis pa bzod par gsol lo/ /'di lta ste/ </font><hr>86b<br><font size=+1>


bcom ldan 'das rang sangs rgyas des bsod snyoms de yongs su zos so/ /de nas skad cig de nyid la phyogs bzhi nas sprin stug po bzhi langs so/ /rlung grang pa yang langs te/ de'i tshe 'dzam bu gling phyags so/ /de nas de'i dus kyi bye brag la bca' bar bya ba dang / bza' bar bya ba rnam pa sna tshogs kyi char bab ste/ bza' bar bya ba'i dngos po 'di lta bu 'bras chan dang / phye dang / zan dron dang / sha dang / nya sha dang / bca' bar bya ba'i dngos po 'di lta bu bca' bar bya ba la phug dang / bza' bar bya ba lo ma dang / bza' bar bya ba me tog dang / bza' bar bya ba 'bras bu dang / bza' bar bya ba til dang / bza' bar bya ba til mar dang / bza' bar bya ba bu ram dang / bza' bar bya ba ka ra dang / gzhan yang / bza' bar bya ba dang / bca' bar bya ba dang / myang bar bya ba rnam pa mang po'i bza' ba dag gi char bab bo/ /de nas rgyal po gser mdog mgul la dga' zhing yid rangs te/ rab tu dga' nas dga' ba dang / yid bde ba skyes te rtsis pa dang / sna chen po la gtogs pa dang / blon po dang / sgo ba dang / 'khor rnams bos nas 'di skad ces smras so/ /grong gi gtso bo dag/ ltos shig /kye ma/ deng bsod snyoms gcig phul ba'i myu gu byung bar gyur te/ 'bras stan dang / lo ma dang / me tog ni phyis 'byung bar 'gyur ro/ /de nas nyi ma </font><hr>87a<br><font size=+1>


@#/ /gnyis pa la nyin bdun du nor dang / 'bru'i char rab tu phab bo/ /'di lta ste/ til dang / 'bras thug po che dang / mon sran gre'u dang / mon sran dkar du dang / nas dang / gro dang / span chung dang / 'bras sA lu dang / 'bru'i rigs thams cad dang / zhag bdun du mar sar gyi char bab bo/ /zhag bdun du til mar gyi char bab bo/ / zhag bdun du be'u ras kyi char bab bo/ /zhag bdun du rdzas rnam pa sna tshogs kyi char bab bo/ /zhag bdun du rin po che sna bdun la gser dang / dngul dang / shel dang / bai DUR+Ya dang / mu tig dmar po dang / rdo'i snying po dang / spug rnams te/ rin po che sna bdun po 'di dag gi char bab bo/ /rgyal po gser mdog gi mthus/ 'dzam bu'i gling gi mi thams cad kyi dbul ba yang dag par bcad par gyur to/ /dge slong dag de'i tshe de'i dus na/ rgyal por gyur pa de gzhan zhig yin snyam du khyod kyis som nyi dang / yid gnyis su mi bya'o| |dge slong dag de'i tshe de'i dus na/ rgyal po gser mdog ces bya ba 'byung ba de ni/ nga nyid yin par blta bar bya'o/ /dge slong dag/ rnam grangs des kyang 'di ltar rig par bya ste/ ji ltar ngas sbyin pa'i 'bras bu dang / sbyin pa la 'ged pa'i rnam par smin pa shes pa ltar/ sems can rnams kyis kyang sbyin pa'i 'bras bu dang / sbyin pa </font><hr>87b<br><font size=+1>


la 'ged pa'i rnam par smin pa shes par gyis shig/ gang kham phyi ma'i kham phyi ma gcig pu de yang gzhan dag la ma byin ma bgos par bdag gi bar mi bya'o/ /ser sna'i sems kyi dri ma skyes pas kun nas dkris te 'dug par mi bya'o/ /ji ltar ngas shes pa de bzhin du/ 'di ltar sems can dag gi sbyin pa dang / sbyin pa la 'ged pa'i rnam par smin pa mi shes te/ de lta bas na sems can dag gang kham phyi ma phyi ma'i kham gcig pu de yang gzhan dag la ma byin ma bgos par bdag nyid kyis bza' bar mi bya'o/ /ser sna'i sems kyi dri ma skyes pas kun nas dkris te 'dug par mi bya'o/ /sngon gyi dge dang mi dge byas pa chud mi za/ /mkhas pa dag la brten pa chud ni mi za ste/ /'phags pa'i skye bos legs par bshad pa chud mi za/ /byas pa gzo la byas pa rnams kyang chud mi za/ /bcom ldan 'das kyis de skad ces bka' stsal pa dang / byang chub sems dpa' de dag dang / dge slong de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// //gser mdog gi sngon gyi sbyor ba zhes bya ba rdzogs so// </font><hr>

</table>