H356

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H356</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H356&coll=lhasa">see text in Tibetan script</a></table>34b<br><font size=+1>


//rgya gar skad du/ tsan+d+ra pra b+ha a ba dA nA ma/ bod skad du/ zla 'od kyi rtogs pa brjod pa/ sangs rgyas dang byang chub sems dpa' thams cad la phyag 'tshal lo/ /sangs rgyas bcom ldan 'das rgyal po'i khab 'od ma'i tshal bya ka lan da ka gnas pa na bzhugs te/ gang gi tshe tshe dang ldan pa dge slong shA ri'i bu dang / mo'u dgal gyi bu gnyis phung po'i lhag ma med pa'i mya ngan las 'das pa'i dbyings su yongs su mya ngan las 'das pa de'i tshe/ dge slong rnams the tshom skyes nas the tshom thams cad gcod par mdzad pa'i sangs rgyas bcom ldan 'das la zhus pa/ btsun pa/ gang dge slong shA ri'i bu dang / mo'u dgal gyi bu gnyis gtso bo de mya ngan las 'das pa 'di ma bzod nas/ sangs rgyas la sogs pa dge slong gi dge 'dun bzhugs pa'i thog mar yongs su mya ngan las 'das pa ni ngo mtshar che'o// bcom ldan 'das kyis bka' stsal pa/ dge slong dag /gang dge slong shA ri'i bu dang / mo'u dgal gyi bu gnyis 'dod chags dang bral ba/ zhe sdang dang bral ba/ gti mug dang bral ba| skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las rnam par grol ba na/ gtso </font><hr>35a<br><font size=+1>


@#/ /bo mya ngan las 'das pa'ang ma bzod nas/ sangs rgyas la sogs pa dge slong gi dge 'dun bzhugs pa'i thog mar mya ngan las 'das pa ngo mtshar ci zhig che/ gang 'das pa'i dus na/ dge slong shA ri'i bu dang / mo'u dgal gyi bu 'dod chags dang bcas pa/ zhe sdang dang bcas pa/ gti mug dang bcas pa/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dang bcas pa na yang nga la gcig tu sems mngon par dad pas gtso bo shi bar mthong ba mi bzod nas dus byed te/ 'dod pa'i khams thams cad las yang dag par 'das nas/ tshangs pa'i 'jig rten du skyes pa de nyon cig /dge slong dag/ sngon byung ba 'das pa'i dus na/ byang phyogs na rgyal po'i pho brang rdo bzang zhes bya ba/ 'byor pa rgyas pa/ bde ba lo legs pa/ mi dang / skye bo'i tshogs mang pos gang ba/ chur dpag tshad bcu gnyis/ zheng du dpag tshad bcu gnyis/ kun nas gru bzhi par gyur te/ shin tu rnam par 'byes pa/ rta babs dang / skar khung dang / skar khung dra ba can mthon po dang rab tu ldan pa dang / tshong zong \?\ dang / rin po che sna tshogs kyis kun tu gang ba/ rgyal po dang / blon po dang / khyim bdag </font><hr>35b<br><font size=+1>


dang| tshong dpon dang / yul 'khor gyi mi rnams kyis yongs su gang ba/ mi rnams gzhung lugs la gnas pa/ pi wang dang / gling bu dang / rnga dang / sgra bzang dang / rnga bo cha dang / rdza rnga dang / rnga ring dang / dung gi sgra rnams kyi sgra nges par sgrogs pa'o/ /dge slong dag/ rgyal po'i pho brang de na/ ta ga ru'i dri dang / a ga ru'i dri dang / tsan+dan gyi dri dang / phye ma'i dri dang / gur gum gyi dri dang / me tog gi dri zhim pa rnams te/ dus thams cad du 'di lta bu'i dri sna tshogs pa/ rlung gis bskyod nas lam dang / srang bar dang / bzhi mdo dang / sum mdo rnams su ldang zhing rgyu ba dang / glang po dang / rta dang / shing rta dang / dpung bu chung gi dpung gi tshogs dang yang dag par ldan pa dang / bzhon pa dang / theg pa dang / srang dang| lam po che nye bar mdzes par byas pa dang / gdugs dang / rgyal mtshan dang / ba dan bsgreng ba dang / rta babs dang / skar khung dang / skar khung dra ba can dang / zla ba phyed pa btags pas lha'i gnas bzhin du nye bar mdzes par gyur pa dang / klu'i dbang po dang / ri'i rgyal po las mngon par mthon pa'i mtsho dang / rdzing bu dang / lteng ka dang / chu mig dang / 'bab chus nye bar mdzes pa dang ldan pa dang / ut+pa la dang / pad+ma dang / ku mu ta dang / puN+Da ri kas kun tu khebs pa/ shing sA la dang / ta la dang / ta ma la </font><hr>36a<br><font size=+1>


@#/ /dang| dong ka dang / a sho ka dang / ti la ka dang / pur+Na ka dang / tsam pa ka dang / ba ku la dang / a ti mu gta ka dang / ba ta la'i me tog gis kun tu khebs pa dang ldan pa dang / nags tshal gyi phyogs na/ ka la ping ka dang / ne tso dang / shi ri ka dang / khu byug dang / rma bya dang / shang shang te'u sgra sgrogs par gyur ba dang / shing sna tshogs kyis nye bar mdzes pas nyams dga' bar byas pa dang / skyed mos tshal nyams dga' ba mdun na yod de/ dge slong dag/ rdo bzang de ltar shin tu nyams dga' bar gyur to/ /dge slong dag/ rgyal po'i pho brang rdo bzang de na rgyal po zla 'od ces bya bar gzugs bzang ba/ blta na sdug pa/ mdzes pa/ skye ba dran pa/ lha'i mig dang ldan pa/ gling gcig pa'i 'khor los bsgyur ba/ chos dang ldan pa/ chos kyi rgyal po 'dzam bu'i gling du rgyal srid kyi dbang phyug la dbang byed par gyur to/ /dge slong dag /rgyal po zla 'od rang la 'od yod pas/ 'gro na'ang mun pa med par gyur te/ nor bu rin po che'i 'od dam/ mar me'i 'od dam/ sgron ma mdun du mi khyer gyi/ dge slong dag /gzhan du na rgyal po zla 'od rang nyid kyi lus las 'od byung bar gyur te/ dper na/ zla ba'i dkyil las 'od 'byung ba bzhin du 'di'i lus las 'od byung ste/ rgyu 'dis na rgyal po </font><hr>36b<br><font size=+1>


zla 'od zla 'od ces ming du gyur to/ /yang de'i tshe de'i dus na 'dzam bu'i gling 'dir rgyal po'i pho brang rdo bzang la sogs pa/ grong khyer drug khri brgyad stong byung bar gyur te/ 'byor pa rgyas pa| bde ba lo legs pa/ skye bo mang po dang / mi mang pos gang bar gyur to/ /dge slong dag /gzhan yang / rgyal po zla 'od kyi 'dzam bu'i gling gi mi rnams la dpya dang / sho gam dang / gru btsas med de/ zhing gi 'byor ba dang ldan pa/ skye bo rnams zhi ba dang / khyim bya'i sgra dang ldan pa/ grong dang / grong khyer dang / grong rdal gyi skye bo'i tshogs dang / rgyal po dang / rgyal rigs dang ldan par gyur to/ /dge slong dag /yang de'i tshe de'i dus na 'dzam bu'i gling gi mi rnams kyi tshe'i tshad lo bzhi khri bzhi stong par gyur to/ /dge slong dag /rgyal po zla 'od ni byang chub sems dpar gyur te/ thams cad ster ba/ thams cad yongs su gtong ba ste/ des rgyal po'i pho brang rdo bzang nas byung ste grong khyer gyi shar phyogs su gdugs dang| rgyal mtshan dang / ba dan bgreng \?\ ste/ gser gyi rnga bo che yang dag par brdungs nas/ sbyin pa ni gtong / bsod nams ni byed do/ /de bzhin du grong khyer gyi lho dang / nub dang / byang du yang sbyin pa ni gtong / bsod nams ni byed do/ /sum mdo'i dbus su'ang sbyin pa ni gtong / bsod nams ni byed do/ /'di lta ste/ zas 'dod pa rnams la ni zas/ skom </font><hr>37a<br><font size=+1>


@#/ /'dod pa rnams la ni skom/ bza' ba dang / bca' ba dang / phreng ba dang / mar me dang / dri dang / byug pa dang / mal cha dang / stan dang / rgyab rten dang / skye bo rnams kyi gnas dang / shing rta dang / spud pa dang / rgyan dang / gser gyi snod dngul gyi phye mas yongs su gang ba rnams dang / dngul gyi snod gser gyi phye mas yongs su gang ba rnams dang / gser gyi rwa btags pa'i ba lang rnams dang / 'khar ba'i gzhi snod rnams dang / gzhon nu ma rgyan thams cad kyis brgyan par byas pa rnams kyang sbyin pa ni gtong / bsod nams ni byed do/ /gos kha dog sna tshogs pa yul sna tshogs pa las byung ba rnam pa sna tshogs pal/ 'di lta ste/ dar la dang / rgya 'dir dang / rin che ba'i gos dang / du ku la dang / mri gA pA na dang / bag le pa dang / la ba dang / rin po che dang / gser dang / gos gser gyi rgyan can dang / ka shi ka'i dar dang / gos dar la sogs pa rnams kyang sbyin par ni gtong / bsod nams ni byed do/ /dge slong dag /rgyal po zla 'od kyis sbyin pa ji snyed kyis 'dzam bu'i gling pa'i mi thams cad phyug pa dang / nor che ba dang / longs spyod che bar gyur pa de snyed rab tu gtong ngo / /dge slong dag /rgyal po zla 'od kyis gang glang po dang / rta dang / shing rta dang / gdugs la </font><hr>37b<br><font size=+1>


sogs pa'i sbyin pa ji snyed kyis 'dzam bu'i gling pa 'di na mi gcig kyang rkang gis 'gro ba med pa de snyed rab tu gtong ste/ 'dzam bu gling pa'i mi thams cad kyang glang po'i rgyab dang| rta bzhi dang ldan pa'i shing rta steng nas gser dang / dngul gyi gdugs 'dzin pa dang ldan pa dang / skyed mos tshal nas skyed mos tshal dang / yul 'khor nas yul 'khor dang / grong khyer nas grong khyer du rjes su 'gro bar gyur to/ /dge slong dag /de nas yang rgyal po zla 'od 'di ltar sems par gyur te/ ngas sbyin pa 'di tsam zhig byin pa tsam gyis ci zhig bya ste/ gos dang / rgyan dang / chas gzhan rnams nga nyid ci 'dra ba 'dzam bu gling pa'i mi rnams kyang de dang 'dra bar rab tu byin na/ 'dzam bu gling pa'i mi thams cad rgyal po'i rtse 'jos rtse zhing rol bar 'gyur ro/ /de nas rgyal po zla 'od kyis 'dzam bu gling pa'i mi thams cad la cod pan dang / dar dang / gos dang / rgyan dang / chas gzhan rnams byin pa ni/ 'di lta ste/ mgul gdub dang / gdu bu dang / dpung rgyan dang / do shal dang / se mo do dang / mu tig gi chun 'phyang dang / rgyal po la 'os pa rnams sbyin pa rab tu sbyin no/ /dge slong dag /rgyal po zla 'od kyis rgyal po la 'os pa gos dang / rgyan dang / cod pan dang / dar rnams rab tu byin pa gang gis ji lta </font><hr>38a<br><font size=+1>


@#/ /'dzam bu gling pa'i mi thams cad cod pa na thogs shing / dar dbyangs 'chings par gyur te/ rgyal po zla 'od rnam ba ci 'dra bar gyur pa/ 'dzam bu gling gi mi thams cad kyang de dang 'dra bar gyur te/ de ltar rab tu byin no/ /dge slong dag /rgyal po zla 'od kyis rgyal po'i pho brang rdo bzang du dril ba sgrags te/ 'dzam bu gling gi mi khyed thams cad nga ji srid 'tsho'i bar du rgyal po'i rtse 'jos rtse zhing rol cig ces bsgrags so/ /dge slong dag /de nas rgyal po zla 'od kyis dril bsgrags pa 'dzam bu gling gi mi thams cad kyis thos pa dang / thams cad rgyal po'i rtse 'jo'i rtsa ba la zhugs te/ bi wang dang / gling bu dang / 'khar rnga dang / sgra bzang dang / bi wang rgyud gsum pa dang| rnga ring dang / rdza rnga dang / dung stong phrag dang / sil snyan brgya snyed kyi sgra'i rol mo rdung zhing dpung rgyan dang / do shal dang / se mo do dang / nor bu dang / mu tig gi rgyan rnams dang / rna cha thogs pa dang / rgyan gyis brgyan la/ bud med kyi tshogs kyis yongs su bskor nas/ rgyal srid kyi dpal la rjes su spyod par gyur to/ /yang de'i tshe de'i dus na rgyal bo'i pho brang rdo bzang na/ mi rnams rgyal po'i rtse 'jos rol te/ bi wang dang / gling bu dang / 'khar rnga dang / sgra bzang dang / pi wang rgyud gsum pa dang / rdza rnga dang / </font><hr>38b<br><font size=+1>


rnga ring dang / dung gi sgras grong khyer drug khri brgyad stong du sgra bsgrags pa dang / gang yang rgyal po zla 'od kyi sbyin gtong gi gnas bzhir gser gyi rnga bo che rnams brdungs pa dang / 'di lta bu'i yid du 'ong ba'i sgra byung bar gyur to/ /'di lta ste/ sum cu rtsa gsum gyi lha rnams kyi nang na/ lha'i grong khyer de na glu dang / gar dang / rol mo'i sgra bsgrogs so/ /dge slong dang / de bzhin du de'i tshe de'i dus na/ 'dzam bu gling ba'i mi thams cad glu dang / gar dang / rol mo'i sgras ci bde ba la 'jog cing shin tu dga' bar gyur to/ /yang de'i tshe rgyal po'i pho brang rdo bzang na/ bye ba stong dung phyur bdun cu rtsa gnyis kyi mi rnams gnas so/ /yang dge slong dag/ rgyal po zla 'od chos nyid kyi gzugs bzang ba/ blta na sdug pa mdzes pa ste/ gzhan yang / 'di skye bo'i tshogs chen po'i yid dga' bar gyur to/ gzhan yang / 'di skyes pa dang / bud med rnams kyis mthong ba na/ ngoms par mi 'gyur ba'i dga' ba thob bo/ /dus gang gi tshe rgyal po zla 'od grong khyer nas byung ste/ sbyin gtong gi gnas su song ba na/ srog chags bye ba brgya stong dpag tu med pa rnams lta zhing 'di skad kyang smra ste/ kye ma/ rgyal po zla 'od 'di ni lha zhig 'ongs nas/ 'dzam bu'i gling 'dir rgyal po byed pa yin te/ rgyal po zla ba'i 'od kyi gzugs dang / kha dog dang / dbyibs de lta bu ni 'dzam bu'i gling pa'i </font><hr>39a<br><font size=+1>


@#/ /mi rnams la yod pa ma yin no/ /de gang dang / gang du bltas pa de dang / de dag du bud med stong phrag gis bltas te/ bud med gang 'di khyor rnyed pa 'di skal pa can yin no/ /gzhan zhig gis smras pa/ sems dag pa rnams kyis rnyed kyi/ gzhan dag gis ma yin te/ rgyal po zla 'od 'di ni lha dang 'dra bar blta'o/ /dge slong dag/ rgyal po zla 'od kyi blon po stong phrag phyed dang bcu gsum yod de/ de rnams kyi nang na blon po gnyis ni blon po thams cad las khyad par du 'phags pa yin te/ blon po zla ba bzang po dang| sa 'dzin zhes bya ba gnyis mkhas par grags pa blo dang ldan pa las thams cad la dbang byed pa/ rgyal po'i gces spras byed pa/ rgyal po yong su skyong ba/ rgyal po'i las kyi mtha' thams cad la sems las chung ngur byed pa dang / blon po'i mchog zla ba bzang po ni 'dzam bu gling pa'i mi khyed rnams ji srid 'tsho ba'i bar du dge ba bcu'i las kyi lam 'di yang dag par blangs la gnas par gyis shig ces 'dzam bu gling pa'i mi thams cad dge ba bcu'i las kyi lam la yang dang / yang du sbyor bar byed de/ dge slong dag/ blon po'i mchog zla ba bzang po'i gdams ngag rjes su ston pa 'di lta bu byed par gyur to/ /dge slong dag/ 'di lta ste/ 'khor los bsgyur ba'i rgyal po zla 'od </font><hr>39b<br><font size=+1>


ni blon po'i mchog zla ba bzang po la sdug par gyur pa dang / dga' ba dang / yid du 'ong bar gyur te/ gzhan yang / de'i kha dog dang / gzugs dang / dbyibs la 'dis bltas pa na ngoms pa med de/ skad cig kyang de mi spong bar gyur to/ /de nas dus gzhan zhig gi tshe/ blon po'i mchog zla ba chen po'i rmi lam du/ du ba'i mdog can gyi sha za rnams kyis rgyal po zla 'od kyi cod pan phrogs \?\ bar rmis te/ sad nas de 'jigs skrag pas rengs par gyur cing spu zing zhes byed de/ nges par rgyal po zla 'od kyi dbu slong ba zhig 'ong bar mi 'gyur ram/ lha ni thams cad stsol ba/ thams cad yongs su gtong ba yin te/ 'di la ni sman pa dang / mgon med pa dang / phongs pa dang / sdug bsngal ba dang / slong ba rnams la mi stsol ba dang yongs su mi gtong ba ni gzhan ci yang mi mnga' bas na/ rgyal po zla 'od la mri lam 'di mi zhu yi gzhan du na rin po che'i mgo rnams byas la/ mdzod dang / bang bar bcug la bzhag ste/ gal te 'ga' zhig lha'i dbu slong ba 'ongs par gyur na/ de la rin po che'i mgo 'di rnams kyis brid par bya'o snyam nas rin po che'i rgyu las byas pa'i mgo byas te / mdzod dang / bang ba rnams su bzhag par gyur to/ /de nas dus gzhan zhig gi tshe blon po'i mchog sa 'dzin gyi rmi lam du rgyal po zla 'od kyi rin po che rnams kyi mgo rnam pa brgyar lhags </font><hr>40a<br><font size=+1>


@#/ /pa rmis pa dang / yang 'jigs shing skrag la kun tu skyo nas rgyal po zla 'od rgyal srid las nyams pa'am/ srog gi bar chad du mi 'gyur grang snyam nas/ yang bram ze ltas mkhan mkhas pa rnams bos nas/ bdag gis 'di lta bu'i rmi lam rmis na/ rmi lam de'i 'bras bu ji lta bu yin pa lung ston cig /ltas mkhan rnams kyis smras pa/ rmi lam mthong ba 'di ji lta bu las ni/ ring po mi thogs par lha'i dbu slong ba 'ga' zhig 'ong bar gyur te/ 'di 'dra bar ston pa yin no/ /de skad thos pa dang / yang blon po'i mchog sa 'dzin lag pa 'gram pa la gtad te/ shin tu sems pa la zhugs pas gnas par gyur te/ rgyal po zla 'od byams pa'i bdag nyid can snying rje dang ldan pa/ sems can thams cad la mnyes gshin pa/ mi rtag pa nyid kyi stobs nye bar gnas pa ni ha cang myur ches so/ /de nas dus gzhan zhig gi tshe/ blon po stong phrag phyed dang bcu gsum po rnams kyis rmi lam 'di ltar mthong ste/ rgyal po zla 'od kyi sbyin gtong gi gnas khang bzhi ru gnod sbyin lag na thod pa thogs pa rnams kyis gdugs dang / rgyal mtshan dang / ba dan rnams bsgyel ba dang / gser gyi rnga bo che'ang bcag par rmis pa dang / yang 'jigs shing skrag la sems skyo nas/ rgyal po zla 'od sa chen po skyong ba/ byams pa'i </font><hr>40b<br><font size=+1>


pa'i bdag nyid can/ snying rje dang ldan pa/ sems can thams cad la mnyes gshin pa/ mi rtag pa nyid kyi stobs kyis phyin par mi 'gyur ram/ bdag cag rnams lha dang / lhan cig pa las gnas pa las tha dad par 'gyur ba dang / so so ba dang / bye ba dang / bral bar mi 'gyur ram/ 'dzam bu gling pa rnams skyabs dang / dpung gnyen med par mi 'gyur ram/ de rgyal po zla 'od kyis kyang thos pa dang / yang grong khyer drug khri brgyad stong du dril bsgrags te/ 'dzam bu gling ba'i mi khyed rnams ji srid 'tsho ba'i bar du rgyal po'i rtse 'jos rtse zhing rol cig| khyed rnams sgyu ma lta bu'i rmi lam la sems pas ci zhig bya/ rgyal po zla 'od kyis dril bsgrags pa thos pa dang / 'dzam bu gling ba'i mi thams cad sil snyan chen po dang / pi wang dang / gling bu dang / 'khar rnga dang / sgra bzang dang / pi wang rgyud gsum pa dang / rdza rnga dang / rnga ring dang / dung stong phrag snyed kyi rol mo rdung zhing rtse bar brtsams pa dang / gser gyi dpung rgyan dang / do shal dang / se mo do nor bu'i rna rgyan thogs shing rgyan thams cad kyis brgyan nas bud med kyi tshogs rnams kyis bskor te/ rgyal po'i dpal la rjes su spyod par gyur to/ /yang de'i tshe de'i dus na 'dzam bu'i gling na glu dang / gar dang / rol mo'i sgra dang / grong khyer drug khri brgyad stong du gling bu nges par 'bud pa dang / gang yang sbyin </font><hr>41a<br><font size=+1>


@#/ /gtong gi gnas chen po bzhir gser gyi rnga po che brdungs pa las snyan cing yid du 'ong ba'i sgra byung bar gyur te/ des 'dzam bu gling thams cad sgra grags par gyur te/ dper na/ sum cu rtsa gsum gyi lha rnams kyi gzhal med khang gi nang na glu dang /gar dang / rol mo'i sgra grags pa bzhin no/ /yang de'i tshe de'i dus na ri spos kyi ngad ldang na| bram ze drag po'i mig ces bya ba mi gang 'phrul gyi bya ba shes pa zhig gnas pa dang / bram ze drag po'i mig gis rgyal po'i pho brang rdo bzang na/ rgyal po zla 'od ces bya ba thams cad ster bar thos so/ /thos nas kyang bdag nyid kyis bsams pa/ bdag song la mgo bslang na gal te/ thams cad gtong bar gyur pa yin na ni bdag la'ang mgo ster bar 'gyur ro| |gzhan du na gang sdug pa dang / 'phangs pa dang / yid du 'ong ba dang / mngon par dga' bar bya ba yan lag gi mchog mgo yongs su gtong ba 'di ni dka' ba dang / 'di ni gnas med pa dang / 'di ni go skabs med do snyam nas ri spos kyi ngad ldang las babs so/ /de nas spos kyi ngad ldang gnas pa'i lha mo zhig ngu bar rtsam ste /kyi hud/ rgyal po zla 'od byams pa'i bdag nyid can snying rje dang ldan pa/ sems can thams cad la mnyes gshin pa/ mi rtag pa nyid kyi stobs nye bar gnas pa na sdug bsngal lo/ /yang de'i tshe </font><hr>41b<br><font size=+1>


de'i dus na 'dzam bu'i gling thams cad du bas mun nag tu gyur te/ 'khrugs shing kun tu 'khrugs par gyur pa dang / skar mda' ltung ba dang / phyogs sred pa dang / bar snang la lha rnams mya ngan byed par gyur to/ /yang de'i tshe de'i dus na rgyal po'i pho brang rdo bzang dang ha cang mi ring bzhig na sna tshogs bshes gnyen zhes bya ba'i drang srong mngon par shes pa lnga dang ldan pa/ byams pa dang / snying rje'i bdag nyid can/ sems can thams cad la mnyes gshin pa zhig 'khor lnga brgyas bskor nas gnas te/ de nas drang srong des 'dzam bu'i gling thams cad 'khrugs shing| kun tu 'khrugs par mthong ba dang / 'khor rnams la smras pa/ gang 'dzam bu'i gling 'di thams cad da lta du bas mun nag tu gyur te/ 'khrugs shing / kun tu 'khrugs par gyur pa dang / nyi ma dang / zla ba gnyis kyang lam me ma yin/ lhang nge ma yin/ lhan ne ma yin pa bu khyed rnams kyis shes sam/ nges par skyes bu chen po 'ga' zhig 'gag par 'gyur ro/ /'di ltar mi'am ci'i tshogs dang nags kyi lha rnams ngu / /nam mkhar gnas pa'i lha rnams kyang ni smod par byed/ /zla ba gzi med nyi ma dag kyang 'od zer med par gyur// deng ni rol mo brdungs kyang sgra ni grag ma gyur/ /me tog 'bras bur ldan pa'i shing tshogs 'di dag kyang / /rlung gis ma bskyod bzhin du sa la ltung bar gyur/ /ji ltar 'jigs pa'i </font><hr>42a<br><font size=+1>


@#/ /sgra 'di'ang kun tu thos pas na/ /grong khyer du ni sdug bsngal mi bzad 'byung bar gsal/ /rgyu des grong khyer gnas ba'i skye bo ma lus pa/ /sems la sdug bsngal kun tu gtugs nas 'jog pa dang / cho nges 'debs shing lag pa snying la rdebs par byed/ /skra rnams rab tu grol zhing tshig ni rnam par 'dag /zla ba'i gdong can bud med rnams ni rab tu ngu / /grong khyer gnas pa kun kyang snying brtses du bar byed/ /sprin 'di rnams kyang char mi 'bab par sgra sgrogs la/ /chu yi gnas rnams nye bar skams pa nyid du gyur/ /ri dang nags rnams kyang ni mi bzad me yis bsregs/ /mi rnams so so'i khyim na shin tu 'khrugs pas ngu / /chu la rlung gis bskyod pa'i gru bzhin sa rnams g.yos pa dang / /shin tu rtsub pa'i rdul dang 'dre ba'i rlung ldang gyur/ /bkra mi shis pa'i mtshan ma ni/ /da ltar 'di na rnam mang ste/ /de bas bdag cag shis pa yi/ / phyogs su 'gro ba shin tu rigs/ /gzhan yang / bu rnams rgyal po zla 'od kyi sbyin gtong gi gnas bzhir gser gyi rnga bo che ba rdungs na'ang yid du 'ong ba'i sgra 'byung bar ma gyur pas nges par rgyal po'i pho brang rdo bzang der nye bar 'tshe ba chen po 'byung bar 'gyur ro/ /de nas bram ze drag po'i mig gis rgyal po'i pho brang rdo bzang du phyin </font><hr>42b<br><font size=+1>


to| |de nas grong khyer na gnas pa'i lha mos bram ze drag po'i mig rgyang ring po nyid nas mthong ba dang / rgyal po zla 'od ga la ba der song ste phyin nas/ rgyal po zla 'od la 'di skad ces smras so/ /gang 'di lha mkhyen par mdzod cig/ de ring lha'i dbu slong ba 'tshe ba rnam par tho 'tsham pa/ glags lta ba zhig 'ong bar gyur te/ de lha'i dbu slong bar 'gyur gyi/ de la lhas sems can rnams la thugs brtse ba'i slad du bdag nyid yongs su srung bar mdzod cig/ de nas rgyal po zla 'od kyis mgo slong bar thos pas/ yid rab tu dga' zhing ngo mtshar gyis mig gdangs pa dang / lha mo la smras pa/ lha mo/ ma 'jigs par song zhig/ gal te 'ong bar gyur na/ ngas 'di'i yun ring mo nas mngon par 'dod pa'i yid la re ba yongs su rdzogs par bya'o/ /de nas lha mo des rgyal po zla 'od rtsol ba'i tshul de lta bu shes pas/ sdug bsngal zhing yid mi bde bar de nyid du mi snang bar gyur to/ /de nas rgyal po zla 'od 'di snyam du sems te/ gang bdag gis dbyig dang / gser dang / zas 'dod pa rnams la zas sbyin pa ni ngo mtshar ci zhig che/ gang yang bdag gis slong ba rnams la rang nyid kyi lus kyang yongs su gtang bar bya'o/ /de nas bram ze drag po'i mig grong khyer gyi lho phyogs kyi sgo nas zhugs pa dang / grong khyer gyi lha mos bzlog ste/ bram ze sdig can ma </font><hr>43a<br><font size=+1>


@#/ /zhugs par slar song zhig /skyes bu gti mug can/ khyod da ltar rgyal po zla 'od byams pa'i bdag nyid can/ snying rje dang ldan pa/ yon tan dpag tu med pa| phun sum tshogs pa/ 'dzam bu'i gling yongs su skyong bar byed pa/ nyes pa med pa/ gnod pa mi byed pa/ mgo drag po'i sems kyis ji ltar gcod par byed/ bram ze sdig can ma zhugs par phyir song zhig/ rnam pa 'di dag rgyal po zla 'od kyis thos so/ /thos nas kyang nga'i slong mo ba lha mos grong khyer gyi sgo nas bkag go snyam nas/ yang blon po'i mchog zla ba chen po la smras pa/ gang 'di zla ba chen pos shes par gyis shig /nga'i slong mo ba lha mos grong khyer gyi sgon bkag gi/ song la nga'i thad du rings par khyer la shog cig /lha/ de ltar 'tshal lo zhes blon po'i mchog zla ba chen pos rgyal po zla 'od kyis tshig mnyan nas/ grong khyer gyi sgor song ba dang / grong khyer gyi lha mo de bzlog ste| gang 'di lha mo shes par gyis shig/ lha bram ze 'di 'gugs kyi bram ze 'di thongs shig /de nas grong khyer na gnas pa'i lha mos zla ba chen po la 'di skad ces smras so/ /gang yang zla ba chen po/ shes par gyis shig/ bram ze 'di ni gtum pa'i sems dang / snying rje med pa'i sems dang / mi bzad pa'i sems kyis rgyal po zla 'od brlag pa'i phyir rgyal po'i pho brang </font><hr>43b<br><font size=+1>


rdo bzang du 'ongs na/ khyed la rang bzhin ngan pa 'dis ci zhig bya/ rgyal po zla 'od kyi thad du song nas mgo slong bar 'gyur ro/ /de nas blon po'i mchog zla ba chen pos lha mo la smras pa/ lha mo/ gang gis bram ze 'dis lha'i dbu len par mi 'gyur ba'i thabs shig bsams pa nga la yod do/ /de nas blon po'i mchog zla ba chen pos bram ze drag po'i mig khrid de/ de grong khyer du zhugs nas rin po che'i mdzod pa la smras pa/ khyod kyis rin po che las byas pa'i mgo rnams khyer la shog cig dang / bram ze 'di la ngas sbyin par bya'o/ /mdzod pas kyang rgyal po'i sgor rin po che'i mgo rnams kyi phung po chen po byas pa dang / blon po'i mchog zla ba chen pos bram ze drag po'i mig la rin po che las byas pa'i mgo rnams nye bar bstabs te /bram ze chen po rin po che'i mgo mang po long zhig dang / dbyig dang / gser rnams kyis kyang ci tsam dgos pa khyod la sbyin gyi khyer cig /'dis ni khyod kyi bu dang / tsha bo'i bar gyi 'tsho bar 'gyur gyi/ lha'i dbu glad pa dang / rus pa dang / ngar snabs dang / zhag gis yongs su gang bas ci zhig bya/ de skad ces smras pa dang / bram ze drag po'i mig gis zla ba chen po la 'di skad ces smras so/ /gang 'di zla ba chen po/ shes par gyis shig /nga la ni rin po che'i mgo rnams dgos pa med de/ gser dang / dbyig kyang dgos pa med kyi / </font><hr>44a<br><font size=+1>


@#/ /gzhan du nas chen po skyong ba thams cad gtong ba 'di'i mgo slong ba'i phyir 'di'i thad du 'ongs so/ /de skad ces smras pa dang / blon po'i mchog zla ba chen po dang / sa 'dzin gnyis lag pa 'gram pa la gtang de/ da ni dus kyis phyin to snyam nas/ shin tu sems pa la zhugs pas gnas par gyur to/ /de nas rgyal po zla 'od kyis rnam pa de dag nye bar thos nas/ blon po'i mchog zla ba chen po dang / sa 'dzin gnyis pho nyas bos nas 'di skad ces smras so/ /bram ze de nga'i gan du khyer la shog cig/ ngas 'di la yun ring po nas mngon par 'dod pa'i yid la re ba yongs su rdzogs par bya'o/ /de skad ces smras pa dang / blon po'i mchog zla ba chen po dang / sa 'dzin gnyis po de yul rmus pa lta bu'i mchi ma'i gdong gis snying rje rje skad du smre sngags 'don cing smras pa/ lha| byams pa'i bdag nyid can snying rje dang ldan pa/ sems can thams cad la mnyes bzhin pa/ yon tan dpag tu med pa/ phun sum tshogs pa dang ldan pa/ ye shes la mkhas pa/ lha'i mig dang ldan pa/ 'di mi rtag pa nyid kyi stobs nye bar gnas par gyur to/ /bdag cag rnams deng lha dang lhan cig pa las tha dad par gyur pa dang / so sor 'gyur ba dang / bral ba dang / bye bar 'gyur ro </font><hr>44b<br><font size=+1>


snyam nas/ rgyal po'i rkang pa la gtugs te phyogs gcig tu 'dug go/ de nas rgyal po zla 'od thams cad yongs su gtong ba/ shin tu khyad par can gtong zhing yongs su gtong bar 'dod nas| /ring po nas bram ze de la smras pa/ bram ze tshur shog/ khyod gang slong ba de khyer cig/ de nas bram ze drag po'i mig rgyal po zla 'od gang na ba der song ste phyin nas/ rgyal po zla 'od la rgyal ba dang / tshe spel ba brjod nas/ rgyal po zla 'od la 'di skad ces smras so/ /byang chub sems dpa' dngos po thams cad gtong la nges dga' 'gyur/ /byang chub sems dpa' dge khyod dri med chos la gnas/ /dam pa kun mkhyen mngon par bzhed pa'i thugs kyis ni/ /thugs rje bdag nyid thugs ldan bdag la dbu stsol cig/ de nas rgyal po zla 'od kyis bram ze las de lta bu'i tshig brjod pa thos pa dang / yid rab tu dga' ba dang / dga' bas mig gdangs te bram ze drag po'i mig la smras pa/ ji ltar yab kyi bu gcig nga yin yang| |de lta na yang nga yi mgo 'di khyer/ /khyod kyi bsam pa 'bras bur bcas gyur cig /mgo bo byin pas byang chub thob par shog /nga'i mgo klad pa khrag dang zhag 'di yis/ /khyod kyis 'dod pa'i bya ba ci yang mi byed kyang / /khyer te khyod la nga yi mgo gang dgos gyur pa'i/ /yid la re ba 'bras bcas khyod ni dga' bar shog /bram ze chen po khyod kyis nga'i yan </font><hr>45a<br><font size=+1>


@#/ /lag gi mchog mgo 'di bar chad med par legs par khyer cig ces smras nas/ rang nyid kyis cod pan phud do/ /dge slong dag /rgyal po zla 'od kyis mgo la yod pa'i cod pan phud ma thag tu 'dzam bu gling pa'i mi thams cad kyi mgo la yod pa'i cod pan rnams kyang lhung bar gyur to/ /rgyal po'i pho brang rdo bzang gi phyogs bzhir skar mda' rnams ltung bar gyur te/ grong khyer gyi lha mos rgyal po zla 'od 'di'i mgo bram ze sdig can gyis gcod par 'gyur ro zhes sgra bsgrags so/ /de nas blon po'i mchog zla ba chen po dang / sa 'dzin gnyis rgyal po zla 'od tshal 'di lta bu rang nyid kyi lus yongs su gtong bar shes nas/ de yul rmus pa lta bu'i mchi ma'i gdong can gyis rgyal po'i rkang pa la gtugs te/ gnag lha yang mthong ba 'di ni 'jig rten na skyes bu skal pa can no zhes smra zhing / de gnyis de la sems mngon par dad pas lta zhing / yu bus bram ze drag po'i mig la byams pa'i sems bskyed pa dang / lha'i mi rtag pa nyid la blta bar mi nus so snyam du bsams nas/ skad cig ma de nyid la dus byas te| 'dod pa'i khams thams cad las yang dag par 'das nas tshangs pa'i 'jig rten du skyes so/ /de nas rgyal po zla 'od kyis 'bad pa'i tshul 'di lta bu shes nas sa la </font><hr>45b<br><font size=+1>


gnas pa'i gnod sbyin rnams dang / bar snang la rgyu ba'i gnod sbyin rnams cho nges 'debs par brtsams te/ kyi hud/ da ni rgyal po zla 'od kyi lus yongs su gtong bar 'gyur te/ sdug bsngal lo/ /de nas rgyal po'i pho brang sgor srog chags brgya stong du ma 'dus par gyur to/ /de nas bram ze drag po'i mig gis skye bo'i tshogs chen po 'dus pa de mthong nas rgyal po zla 'od la 'di skad ces smras so/ /gal te lhas gnang bar mdzad na/ skye bo'i tshogs chen po'i mdun du lha'i dbu len rngo mi thogs so/ /gal te khyod dbu yongs su gtong bar mdzad na/ khyed dang bdag bden pa zhig tu gshegs 'tshal lo/ /de skad ces smras pa dang / rgyal po zla 'od kyis bram ze drag po'i mig la smras pa/ bram ze chen po/ de bzhin du bya yi| khyod kyi kun tu rtog pa 'byor cing / rang gi yid la re ba rnams yongs su rdzogs par gyur cig /dge slong dag/ rgyal po'i pho brang rdo bzang gi nang na/ nor bu dang / rin po che'i snying po zhes bya ba'i skyed mos tshal shing sna tshogs kyis nye bar mdzes pa/ nyams dga' ba/ ne tso dang / sha ri'i ka dang / khu byug dang / rma bya dang / shang shang te'u dang / ka la ping+ka rnams yid du 'ong ba'i sgra sgrogs pas nags tshal gyi tshogs nyams dga' ba'i skyed mos tshal de'i dbus kyi stegs bu de'i dbus su tsam pa ka'i shing zhig skyes </font><hr>46a<br><font size=+1>


@#/ /pa yod do/ /de nas rgyal po zla 'od rgyal po'i stan las langs te/ ral gri rnon po thogs nas nor bu dang / rin po che snying po'i skyed mos tshal ga la ba der song ngo / /de nas rgyal po zla 'od 'bad pa'i tshul 'di lta bu la zhugs pa mthong ba dang / rgyal po'i pho brang rdo bzang gi grong khyer na srog chags brgya stong du ma cho nges 'debs shing / rjes bzhin rjes bzhin du 'brang ba dang / rgyal po zla 'od kyis skye bo'i tshogs chen po 'dus pa de cho nges 'debs pa mthong ngo / /mthong ba dang yang dbugs dbyung ba'i phyir smras pa/ khyed rnams dge ba'i chos rnams la bag yod par gyis shig/ ces mdor bsdus nas chos bstan te/ bram ze drag po'i mig khrid nas nor bu dang / rin po che'i snying po'i skyed mos tshal du zhugs so/ /rgyal po zla 'od nor bu dang / rin po che'i snying po'i skyed mos tshal du zhugs ma thag tu rgyal po'i pho brang rdo bzang gi dbang po'i rgyal mtshan dang / ba dan rnams nor bu dang / rin po che'i snying po'i skyed mos tshal ga la ba der 'dud par gyur to/ /de nas rgyal po zla 'od kyis nor bu dang / rin po che'i snying po'i skyed mos tshal gyi sgo bcad nas/ bram ze la smras pa/ bram ze chen po nga'i yan lag gi mchog 'di khyer cig /de skad ces smras pa dang / bram ze drag po'i mig gis </font><hr>46b<br><font size=+1>


rgyal po zla 'od la 'di skad ces smras so/ /lha'i dbu bdag gis gcod par rngo mi thogs so/ /de skad ces smras pa dang / rgyal po zla 'od ral gri rnon po thogs nas skyed mos tshal der gang na dus thams cad pa'i tsam pa ka'i shing yod pa der song ngo / /de nas skyed mos tshal de'i lha mos rgyal po zla 'od tshul 'di lta bur rang nyid yongs su gtong ba la zhugs par shes nas/ cho nges 'debs par rtsom zhing 'di skad ces kyang smras so/ /bram ze sdig can khyod de ltar rgyal po zla 'od nyes pa med pa/ gnod pa med pa/ yon tan dpag tu med pa dang ldan pa 'di'i mgo ji ltar gcod par byed/ de nas rgyal po zla 'od kyis skyed mos tshal gyi lha mo de phyir bzlog ste/ lha mo/ nga'i mgo slong ba la bar chad ma byed cig /de ci'i phyir zhe na/ lha mo/ sngon byung ba na nga'i yan lag gi mchog slong ba la lha mo zhig gis bar chad byas pas/ lha mo de'i bsod nams ma yin pa mang po skyes la/ ngas kyang bla na med pa'i ye shes yul ring po zhig gis thob par 'gyur ro/ /lha mo/ ngas nor bu dang / rin po che'i snying po'i skyed mos tshal 'di nyid du mgo stong snyed yongs su gtong ba byas nas/ nga la sus kyang bar chad ma byas so/ /de bas na lha mo khyod kyis nga'i yan lag gi mchog slong ba la bar chad ma byed cig /lha mo/ gnag du ngas stag mo la bdag nyid yongs su btang ste/ lus yongs su </font><hr>47a<br><font size=+1>


@#/ /gtong ba gcig gis byang chub sems dpa' byams pa bskal pa bzhi bcur zhugs pa/ phyir 'dums par byas pa'i sa phyogs ni 'di yin no/ /de nas lha mo de rgyal po zla 'od kyi rdzu 'phrul chen po de mthong nas/ rgyal po de la sems mgu ba chen po skyes te/ cang mi smra bar gyur to/ /de nas rgyal po zla 'od yang dag pa'i smon lam byed pa la zhugs te/ gang skyed mos tshal gyi tshogs na gnas pa'i lha dang / klu dang / gnod sbyin dang / dri za dang / mi'am ci khyed rnams gson cig/ bdag skyed mos tshal 'dir rab tu gtong ba dang / gtong ba'i yang shin tu gtong ba rang gi mgo yongs su gtong bas gtong ba byed de/ bdag gi mgo yongs su gtong ba de'ang rgyal po'i phyir ma yin| mtho ris kyi phyir ma yin/ brgya byin gyi phyir ma yin/ bdud kyi phyir ma yin/ tshangs pa'i phyir ma yin/ 'khor los bsgyur ba'i yul gyi phyir ma yin gyi/ gzhan du na 'dir ji ltar bla na med pa yang dag par rdzogs pa'i byang chub mngon par rdzogs par sangs rgyas nas/ sems can ma dul ba 'dul ba dang / ma brgal ba bsgral ba dang / ma grol ba dgrol ba dang / dbugs ma phyin pa dbugs dbyung ba dang / yongs su mya ngan las ma 'das pa yongs su mya ngan las bzla bar bya'o/ /bden pa dang / </font><hr>47b<br><font size=+1>


bden pa'i tshig 'dis ngal ba 'bras bu dang bcas par gyur cig /yongs su mya ngan las 'das nas kyang yungs kar gyi 'bru tsam gyi sku gdung byung bar gyur cig /nor bu dang / rin po che'i skyed mos tshal 'di'i dbus su'ang mchod rten chen po mchod rten thams cad las khyad par du 'phags pa byung bar gyur nas/ sems can gnag lus ngal ba mchod rten chen po la phyag 'tshal du 'ong bar gyur cig /de rnams kyis mchod rten thams cad las khyad par du 'phags pa'i sku gdung 'jog pa de mthong bas ngal ba med par gyur cig / ngal ba med par gyur nas nga'i mchod rten la skye bo'i tshogs 'ongs nas mchod pa byed na mtho ris dang / thar pa la gzhol bar yang gyur cig ces smras nas/ tsam pa ka'i shing la gtsug phud bcings nas bram ze la bos te smras pa/ bram ze chen po tshur shog /bgegs ma byed par nga'i mgo bregs la khyer cig /de nas rgyal po zla 'od rang nyid kyi lus kyi mthu dang / stobs yang dag par skyes nas bram ze de la snying rje chen po lhan cig tu 'gro ba dang / 'byung ba'i byams pa'i sems bskyed nas mgo bcad de/ bram ze drag po'i mig la byin to/ /dus byas pa dang /tshangs pa'i 'jig rten las shin tu 'das nas/ phul du byung ba'i dge rgyas kyi lha'i rigs kyi nang du skyes so/ /dge slong dag /de nas mgo yongs su </font><hr>48a<br><font size=+1>


@#/ /btang ma thag tu'ang stong gsum gyi stong chen po'i 'jig rten gyi khams 'di 'gul/ rab tu 'gul/ ldeg /rab tu ldeg /g.yos/ rab tu g.yos te/ nam mkha'i dkyil na mngon par gnas pa'i lha rnams kyang a la la zhes sgra bsgrags so/ /bar snang gi lha rnams kyang lha'i ut+pa la dang / pad+ma dang / ku mu ta dang / puN+Da ri ka rnams 'thor zhing / a ka ru'i phye ma rnams dang / ta ka ru'i phye ma rnams dang / tsan+dan gyi phye ma rnams dang / lha rnams kyi me tog man+dA ra ba dang / man+dA ra ba chen po rnams 'thor ba dang / gos rnams kyi char yang 'bebs so/ /lha rnams kyi rol mo'i sgra'ang yang dag par rdung ngo / /de nas bram ze drag po'i mig mgo khyer te/ nor bu dang / rin po che'i snying po'i skyed mos tshal nas byung ba dang / srog chags brgya stong du mas/ kyi hud/ lha bsad de sdug bsngal lo zhes sgra phyung ste/ de na kha cig ni sa la 'gre ldog go /kha cig ni lag pa brkyang ste cho nges 'debs so/ /bud med rnams kyang sgra bshig nas ngu'o/ /srog chags brgya stong du ma yang 'dus te de na gcig tu gnas te/ de nyid du gnas nas bsam gtan rnams bskyed de de nyid du dus byas nas/ rgyal po zla 'od dang skal ba mnyam par dge rgyas kyi lha rnams su skyes so/ /kha cig ni bsam gtan bskyed </font><hr>48b<br><font size=+1>


nas gnas de nyid du dus byas te/ 'od gsal gyi lha'i rigs su skyes so/ /gzhan rnams ni 'dus nas rgyal po zla 'od kyi lus dri thams cad dang ldan pa'i ro sreg pa'i shing byas te bsregs so| |rus pa de rnams kyang gser gyi bum par bcug ste/ lam po che'i bzhi mdor sku gdung gi mchod rten rab tu bzhag ste/ gdugs dang / rgyal mtshan dang / ba dan btsugs te/ dri dang / phreng ba dang / spos kyi phye ma dang / rol mo rnams kyis mchod pa byas nas/ rgyal po zla 'od la gcig tu sems mngon par dad pas/ de bzhin du skyo bas bsam gtan bskyed de/ bsam gtan bskyed pa des dus byas nas tshangs pa'i 'jig rten du skyes so/ /la la ni rgyal po zla 'od mi mthong bas/ mya ngan gyi zil gyis mnan te dus byas nas 'dod pa na spyod pa'i lha drug tu skyes so/ /gang der dus byas pa de dag thams cad kyang mtho ris dang / thar pa la gzhol bar gyur to/ /dge slong dag /de'i tshe de'i dus na/ byang phyogs na rgyal po'i pho brang rdo bzang du gyur pa de gzhan yin par mi blta ste/ rdo 'jog 'di nyid de'i tshe de'i dus na rgyal po'i pho brang rdo bzang du gyur to/ /dge slong dag /de ji snyam du sems/ gang rgyal po zla 'od ces bya ba de ni nga yin te/ de'i tshe de'i dus na byang chub sems dpa'i spyod pa la zhugs te/ de nyid kyi nor bu dang / rin po che'i snying po'i skyed mos tshal du bram ze drag po'i mig la mgo </font><hr>49a<br><font size=+1>


@#/ /yongs su btang ngo / /dge slong dag /de ji snyam du sems/ gang bram ze drag po'i mi gces bya ba de ni lhas byin te/ de'i tshe de'i dus na bram ze drag po'i mig ces bya bar gyur to/ /dge slong dag /de ji snyam du sems/ gang de'i tshe de'i dus na blon po mchog zla ba chen po dang / sa 'dzin de gnyis ni dge slong shA ri'i bu dang / mo'u dgal gyi bu 'di gnyis yin no/ /'di gnyis kyis nga'ang mya ngan las 'das pa ma bzod nas/ nga nyid 'chi ba ma mthong bar thog ma nyid du dus byas so/ /da ltar yang nga mya ngan las 'das pa ma bzod de/ gang mya ngan las 'das pa ma mthong bar de thog ma nyid du mya ngan las 'das pa yin no/ /bcom ldan 'das kyis de skad ces bka' stsal nas dge slong de dag yi rangs te/ bcom ldan 'das kyis gsungs pa la mngon par bstod do/ /rgyal po zla 'od kyi rtogs pa brjod pa rdzogs so// //rgya gar gyi mkhan po d+harma shrI pha \?\ dra dang / zhus chen gyi lo ts+tsha ba dge slong shes rab legs pas bsgyur/ sgra bsgyur gyi lots+tsha ba dge slong rin chen bzang pos bcos te gtan la phab pa'o// // </font><hr>

</table>