H349

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H349</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H349&coll=lhasa">see text in Tibetan script</a></table>478b<br><font size=+1>


/rgya gar skad du/ AR+Ya mai tri sU traM nA ma/ bod skad du/ 'phags pa byams pa'i mdo zhes bya ba/ dkon mchog gsum la gus par phyag 'tshal </font><hr>479a<br><font size=+1>


@#/ /lo| |'di skad bdag gis thos pa dus gcig na/ bcom ldan 'das ston pa ser skya'i gnas n+ya gro d+ha'i gtsug lag khang re hi ni'i 'bab chu'i 'gram na dge slong gi dge 'dun dang thabs cig tu bzhugs so/ /de nas tshe dang ldan pa shA ri'i bus bcom ldan 'das la dri ba 'di skad ces gsol to/ /ma 'ongs dus na 'byung ba yi/ /rgyal ba ji lta bu zhig lags/ /nyid kyi rjes la rab bstan pa'i/ /sangs rgyas ji ltar 'byung ba lags/ /rgya cher bdag ni nyan par 'tshal/ /spyan dang ldan pas gsung du gsol/ /gnas brtan gyi ni tshig gsan nas/ /bcom ldan 'das kyis bka' stsal pa/ /bsod nams dpag med phung po ni/ a dzi ta zhes ye shes che/ /da yi yon tan thams cad ni/ /bshad par mi nus cung zad cha/ /chu thigs tsam zhig ngas bshad kyi/ /shA ri'i bu yis 'di la nyon/ /bskal bzang 'di las grangs med lo/ /rim gyis brgyad khrir gyur pa'i tshe/ / byams pa zhes bya'i mtshan ldan pa'i/ /rkang gnyis mchog gyur rdzogs sangs 'byung / /ji ltar zhe na/ da mya ngan las 'das nas rim gyis rnam pa lnga nub par 'gyur te/ dang por 'bras bu thob pa rnams nub par 'gyur ba dang / de nas sgrub pa la gnas pa rnams nub par 'gyur ba dang / de nas lung gi chos rnams nub par 'gyur ba dang / de nas </font><hr>479b<br><font size=+1>


dur smrig gi rtags rnams nub par 'gyur ba dang / de nas thub pa'i ring bsrel rnams nub par 'gyur ba yin no/ /de la sangs rgyas mya ngan las 'das nas lo stong phrag gcig gi tshad du 'bras bu rnams thob par nus pa yin no/ /de nas rim pa rim pa'i dus song nas phyir mi 'ong ba dang / phyir 'ong ba dang / rgyun du zhugs ba de rnams thob pa yod pa na 'bras bu thob pa nub par ma gyur ba yin no/ /de'i rjes la rgyun du zhugs pa la gnas pa gcig tsam yang med par gyur pa na 'bras bu la gnas pa nub par gyur ba yin no/ /'di ni/ 'bras bu la gnas pa nub par 'gyur ba'i tshul yin no/ /sgrub pa la gnas pa nub par 'gyur ba gang zhe na/ brtson 'grus kyis mthong lam gyi 'bras bu sgrub mi nus shing / tshul khrims kyi rtsa ba bzhi so sor dag pa srung ba tsam nyams su len te/ de nas rim pa rim pa'i dus song nas tshul khrims kyi rtsa ba bzhi tsam srung ste/ sdom pa'i rtsa ba bzhi tsam srung ba'i dge slong stong phrag gcig gam/ brgya phrag gcig tsam yod na yang sgrub pa la gnas pa nub par ma gyur pa yin no/ /de'i rjes la dge slong gcig tsam lus pa yang sdom pa btang ba'am/ tshe'i dus byas par gyur na sgrub pa la gnas pa nub par gyur pa yin no/ /'dri ni/ /sgrub pa la gnas pa nub par 'gyur ba'i tshul yin no/ /lung gi chos nub par 'gyur ba gang zhe na/ sangs rgyas kyis gsungs pa'i sde snod gsum gyi </font><hr>480a<br><font size=+1>


@#/ /'grel ba dang lung yod pa na lung gi chos rnams thams cad yod pa yin no/ /de nas rim pa rim pa'i dus song nas rtsod pa'i dus kyi rgyal po rnams kyang chos la mi dad/ blon po rnams kyang chos la mi dad/ yul 'khor dang ljongs dang yul gyi ma rnams kyang de'i rjes su 'brangs nas 'di rnams chos la dad pa med par gyur pas lha yang char legs par mi 'bebs/ /'bru rnams kyang legs par mi smin/ 'bru rnams nyung bar gyur nas sbyin pa po rnams kyang dge slong gi dge 'dun rnams la sbyin pa byed mi nus shing / dge slong rnams la sbyin pa byed pa med pas nye bar 'khor ba rnams dang / slob ma rnams 'dzin mi nus so/ /de nas rim pa rim pa'i dus song nas lung gi chos rnams nyung ngur 'gyur ro/ /de nas thog ma nyid du rab tu byed pa chen po zhes bya ba'i chos nub par 'gyur ro/ /de nub par gyur nas rim gyis ya ma kAM dang / tshigs su bcad pa dang / gzhi dang / pung+ga la dang / gtsug dang / khams kyi tshogs dang / rnam par 'byed pa dang / chos yang dag par sdud pa zhes pa ste/ mngon pa'i sde snod rim gyis nub par gyur nas mdo sde'i sde snod nub par 'gyur ba ni/ aM got+ta ra ni ka yaM zhes bya ba nub par 'gyur ro/ /aM got+ta ra ni ka yaM nub par gyur nas yang dag par ldan pa'i lung dang / lung bar ma dang / lung ring po nub par 'gyur ro/ /lung ring por nub par gyur nas 'dul ba'i sde snod </font><hr>480b<br><font size=+1>


dang / mdo'i sde skyes rabs lnga brgya lnga bcu pa 'dzin par byed do/ /'dul ba'i sde snod ngo tsha shes pa rnams 'dzin par byed do/ /de nas rim pa rim pa'i dus song nas skyes pa'i rabs kyang 'dzin bar mi nus te/ thog ma nyid du thams cad sgrol ba'i skyes ba'i rabs nub par 'gyur ro/ /tha ma nyid du a pa rna ka'i skyes pa'i rabs nub par 'gyur ro/ /skyes pa'i rabs thams cad rim gyis nub par gyur nas 'dul ba'i sde snod 'dzin par byed do/ /de nas rim pa rim pa'i dus song nas rkang pa bzhi pa'i tshigs su bcad pa gcig 'chad pa'i mi yod na yang lung gi chos nub bar ma gyur pa yin no// de nas dad pa chen po dang ldan pa'i rgyal po zhig gis glang po che'i rgyab tu gser gyi za ma tog gi nang du nor stong phrag gcig btsud de bkal nas sangs rgyas kyis gsungs pa'i tshigs su bcad pa gcig shes pa yod na/ nor stong phrag gcig po 'di khyer cig ces grong khyer la lan gsum bskor ba byed cing rnga brdungs te dril bsgrags pa na/ da len pa'i mi med par gyur nas nor stong phrag gcig po yang rgyal po'i pho brang du 'dzud par byed par 'gyur te/ de ni/ lung nub par gyur ba ste/ 'di ni/ lung gi chos rnams nub bar 'gyur ba'i tshul yin no/ /de nas rim pa rim pa'i dus song nas chos gos khyer ba dang / lhung bzed khur ba mu stegs gcer bu pa'i dge sbyong dang 'dra ste/ lha skor gyi lhung bzed dang / ku ba'i lhung bzed lag tu phyar phyar bor khyer te lag pas steg steg por </font><hr>481a<br><font size=+1>


@#/ /'dzin cing dra bar btums nas rgyu bar byed do/ /de nas rim ba rim pa'i dus song nas 'di skad du gos ser bo 'dis bdag cag la don med ces gos ser po'i dum bu gcig lag tu byed pa dang / rke la 'dogs pa dang / rna rgyan du byed pa dang / skra la 'dogs so/ /de nas bag ma len pa dang / zhing rmo ba dang / nyo tshong la sogs ba byed cing rang gi 'tsho ba ched cher byed pa yin no/ /de'i dus na sbyin pa'i bdag po sbyin pa btang na dge 'dun gyi ming yid la byis te de dag la sbyin pa byas na/ kun dga' bo/ de'i dus na dge 'dun gyi ming la phul ba'i bsod nams grangs med par nga nyid 'chad do/ /de nas rim pa rim pa'i dus 'das shing song nas 'dis bdag cag la don ci zhig yod ces zer te gos gsar pa'i dum bu bcad nas thang la skyur bar byed do/ /de'i dus na rtags dang cha lugs nub par gyur pa ste/ 'di ni/ rtags dang cha lugs nub par 'gyur ba'i tshul yin no/ /de'i rjes la yang dag par rdzogs pa'i sangs rgyas kyi bstan pa stong phrag lnga pa la dad pas bkur sti dang mchod pa byed pa nyung bar gyur nas ring bsrel rnams kyang dad pas bkur sti dang mchod pa byed pa'i gnas su 'byon pa yin no// de nas rim pa rim pa'i dus song nas 'jig rten thams cad du dad pas bkur sti dang mchod pa byed pa med par 'gyur ro/ /de nas bstan pa rdzogs pa'i dus na klu'i yul na bzhugs pa </font><hr>481b<br><font size=+1>


dang / lha'i yul na bzhugs pa dang / tshangs pa'i 'jig rten na bzhugs pa'i ring bsrel thams cad byang chub chon po'i gnas su byon zhing sangs rgyas kyi skur mdzad de/ cho 'phrul gyis rdzu 'phrul mdzad nas kun la snang bar mdzad de/ gnas der mi'i sems can gyi ming yang med la/ 'jig rten du 'khor lo stong phrag bcu'i lha khri phrag thams cad 'ongs nas de ring stobs bcu mnga' ba'i bstan pa nub par 'gyur ro/ /da ni/ 'jig rten thams cad mun par 'gyur ro/ /zhes du bar byed do/ /ring bsrel de'i sku thams cad me'i khams nas bsregs te lhag ma med par 'gyur ro/ /'di ni/ ring bsrel nub par 'gyur ba'i tshul yin no/ /'di ltar stong phrag lnga pa'i bstan pa 'di nub par gyur nas 'jig rten du mi dge ba spyod pa shas che bar 'gyur ro/ /mi rnams ngo tsha dang khrel med bar 'gyur te| ma dang / sring mo dang / bu mo yin pa'i sems mi byed par phag dang / wa dang 'dra ste ngo tsha med par 'gyur ro/ /de nyid kyis sdig pa shas cher song nas tshe thung ngur song ste tshe lo bcu par 'gyur ro// lo lnga ba'i skyes pa dang bud med khyim thab byed do/ /yang lo lnga'i nang da bu dang bu mo dang tsha bo 'byung ba yin no/ /de'i dus su mtshon gyi bskal ba 'byung ste/ bar gyi bskal pa gsum ni/ mu ge'i bskal pa dang / nad kyi bskal pa dang / mtshon gyi bskal pa'o/ /gang gi tshe 'jig rten gyi sems can rnams ser sna shas cher gyur ba na mu ge'i bskal pa 'byung ba yin no/ /gang gi tshe gti mug </font><hr>482a<br><font size=+1>


@#/ /shas cher gyur pa na nad kyi bskal pa 'byung ba yin no/ /gang gi tshe zhe sdang shas cher gyur pa na mtshon gyi bskal pa 'byung ste/ mu ge'i bskal pa la shi ba'i sems can rnams yi dwags su skye bar 'gyur ro/ /nad kyi bskal pa la shi ba'i sems can rnams dud 'gro'i yul du skye bar 'gyur ro/ /mtshon gyi bskal ba la shi ba'i sems can rnams dmyal bar skye bar 'gyur ro/ /de'i tshe mi rnams gcig la gcig ri dwags yin pa'i sems su byed de/ mtshon cha rtse gcig pa dang / rtse gnyis pa dang / rtse gsum pa rnon po spu gri lta bu khyer nas gcig gis gcig bsad de 'chi bar 'gyur ro/ /de dag gi nang nas bsod nams yod pa'i mkhas pa la las zhag bdun nas mtshon gyi bskal pa 'byung zhes nub mo lha las thos te ri'i phug gam/ sa'i 'og tu zhag bdun bdun gyi 'tsho ba khyer te sdod par byed do/ /de dag ma yin pa'i sems can lhag ma rnams gcig gis gcig bsad de 'chi bar 'gyur ro/ /sa thams cad sha dang khrag gis gang bar 'gyur ro/ /de'i rjes la 'brug sgra chen po byung ste char 'bab bo/ /ri dang sha thams cad phyi'i rgya mtshor 'khyer bar 'gyur ro/ /lhas kyang char chen po phab pa'i rjes la dri bzang po'i char 'bab bo/ /de'i rjes las thams cad gtsang mar 'gyur te/ /sa thams cad dag par gyur nas 'bru'i char 'bab </font><hr>482b<br><font size=+1>


pa| |'bru'i char gyi rjes la 'bras kyi char 'bab bo/ /char de'i bar du gos dang rgyan gyi char 'bab bo/ /de'i bar du pus mo nub tsam gyi rin po che sna bdun gyi char 'bab par 'gyur ro/ /de la 'di skad ces bya ste| dri bzang char ba rab 'bab cing / /'bru rnams dang ni 'bras rnams dang / /gos dang rgyan rnams sna tshogs 'bab/ /de'i tshe dga' tshal yang 'od snang / /de tshe rin chen sna bdun mang / /de tshe der na 'bab gyur te/ /de tshes kun gang bar 'gyur/ /de tshe dga' tshal yid 'ong 'gyur/ /mtshon gyi bskal pa zhag bdun 'das nas de'i tshe mi ri'i phug la sogs par bros te gab pa rnams phyir 'ongs nas gcig la gcig 'khyud de du zhing phan par sems pas chos yid la byed cing sdom pa lnga legs par srung bar byed do/ /de nas lo bcu ba'i mi la bu lo nyi shu pa 'byung ba yin no/ /de nas mi rnams chos la shin tu legs par dad de rim gyis tshe ring por 'phel zhing tshe lo grangs med par 'gyur ro/ /de'i dus su sems can rnams la rgas pa dang shi ba mi mthong ste/ der sems can rnams yang chos la dad pa med par gyur nas dmyal ba'i sdug bsngal gang yin pa yang mi shes te/ tshe lo grangs med pa thung ngur 'gyur zhing rim gyis mar la 'grib ste tshe lo brgyad khri bar 'gyur ba yin no/ /de'i dus na 'dzam bu'i gling thams cad du lha lta bu'i skyes pa dang / lha mo lta bu'i bud med shin tu mang po 'byung ba yin no/ /lha rnams kyis zla ba phyed tsam dang / zhag bcu tsam </font><hr>483a<br><font size=+1>


@#/ /dang / zhag lnga lnga tsam du char 'babs shing / nam gyi gung las thams cad dri bzang bo dang ro zhim zhing bcud chen por 'gyur te/ de nas sa thams cad rab tu mnyam zhing rdo dang tsher ma med par 'gyur ba yin no/ /grong khyer gyi sgo bzhi dang / zur bzhi dang / grong khyer gyi dbus su dpag bsam gyi shing 'byung bar 'gyur ro/ /de la 'di skad ces bya ste/ gzhan yang de yi grong khyer du/ /sna tshogs sna tshogs mang ba'i srang / /mngon par grub pa'i rdzing bu la/ /them skas shin tu legs pa 'byung / /chu chen shin tu dri ma med| |bsil zhing dri zhim yid 'ong ldan/ /bde mnyam dang pa du mar bcas/ /bye ma mu tig mdog 'dra ba/ /ut+pal pad+mo'i me tog 'khrigs/ /dus rnams kun tu rnying ma 'khrungs// rin po che yi rang bzhin gyi/ /ta la'i rab bdun gyis bskor/ /de yi grong khyer thams cad la/ /rin chen lcags ri bdun gyis bskor/ /de tshe rtswa mchog grong khyer 'dir/ /grong khyer rgyal mtshan blo gros 'byung / /grong khyer zur bzhi dang ni sgor/ /dpag bsam ljon shing rab tu skye/ /sngon po ser po dmar po dang / kha dog sna tshogs 'od zer can/ /lha yi gos ni de las skye/ / lha yi rgyan rnams de las 'byung / /gzhan yang dgos 'dod sna tshogs pa/ thams cad de las rab tu 'byung / /grong khyer de yi dbus su yang / /sgo bzhi bzhi ldan khang bzang bzhi/ </font><hr>483b<br><font size=+1>


bsod nams las las rab tu 'grub/ /dpag bsam ljon shing mang po 'khrigs/ /ka shi'i gos dang ka ra bas/ /la ma u dum wa ra'i gis/ /bsod nams las las rab grub pa'i/ /dpag bsam shing las rab tu 'byung / /lag rnga dang ni rja rnga dang / /rnga zlu ma dag ni phrag rnga yang / /bsod nams las las rab grub pa'i/ /dpag bsam shing las rab tu 'byung / /rin chen phreng ba mgul rgyan dang / /rin chen phreng pa'i do shal yang / /bsod nams las las rab grub pa'i/ /dpag bsam shing las rab tu 'byung / /gtsug rgyan mdzod spu'i rgyan dang ni/ /dpung rgyan nor bu'i sked rgyan dang / /bsod nams las las rab grub pa'i/ /dpag bsam shing las rab tu 'byung / /gzhan yang sna tshogs du ma yi/ /rgyan mang legs po thams cad ni/ /bsod nams las las rab grub pa'i/ /dpag bsam shing las rab tu 'byung / /bsod nams las can sems can la/ /ma grugs skog med dri med dkar/ /dri zhim 'bras kyi snye ma 'grub/ /ma rmos ma btab rang byung la/ /ma g.yos ma bskol 'bras kyi zas/ mi rnams thams cad legs par za/ /der ni rtsa ba gcig las kyang / /'bras kyi yal ga 'bum phrag skye/ /sdong bu kun la myu gu rnams// thams cad re res kun nas bskor/ /'bras rnams so ma re re la/ /de tshe bre ni re re 'byung / /dus kun dri zhim ldan pa'i 'bras/ /mi kun la ni 'byung ba yin/ /'khor lo gnyis pa'i shing rta ni// </font><hr>484a<br><font size=+1>


@#/ /nyis stong dang ni nyis brgya dang / /shing rta bdun cu rtsa gnyis dang / khal ni bcu drug de bzhin du/ /ku ba gnyis dang bcas pa'i 'bras/ /sems can bsod nams ldan pas na| |sa bon gcig las de snyed 'byung / /rgyal po dung gi grong khyer ni/ /rgyal mtshan blo gros der gnas mi/ /thams cad ma lus de kun kyang / /yon tan kun ldan rgyan rnams 'dzin| |yid la gang bsam bde bar 'byor/ /gzugs bzang me tog rgyan la sogs/ /ha ri tsan+dan na lus la byugs/ /ka shi ka yi gos mchog gyon/ /mnyen gshin nor mang dbang phyug ldan/ /pi wang ting ting shags kyis rtse/ /lus dang de bzhin yid rnams kyang / /nyin mtshan med par shin tu skyid/ /'dzam gling 'di yi rgya khyon yang / /dpag tshad stong phrag bcu yin te| |tsher ma can dang mtha' 'khob med/ khang mnyam ljang khu'i rtswa gsar ldan/ /'dod dang rgas dang mthar 'chi ste/ /nad gsum tsam ni de tshe yod/ /bu mo lnga brgya'i lo lon tshe/ /khyim thab la ni 'gro bar byed/ /kun tu sems mthun bde dang ldan/ /'thab dang rtsod pa med par gnas/ /me tog 'bras bu mang po dang / /'khri shing shing thog yod pa'i tshal/ /sor bzhi'i dbang tsam rtswa rnams rigs/ /shing bal lta bur reg bya 'jam/ /bsil drod shin tu snyoms pa ste/ /char dang rlung yang shin tu snyoms/ /de tshe dbyar dgun ston yang snyoms/ /mtsho dang 'bab </font><hr>484b<br><font size=+1>


chu rlabs med cing / /sa kun de dang de ru ni/ /gseg ma bye ma dkar po yang / /sran ma dang ni sran dkar tsam/ /mu tig lta bu mang pos mdzes/ /legs par brgyan pa'i tshal bzhin du/ /kun nas bzang po 'byung ba yin/ /grong dang grong rdal 'dab 'brel ba/ /de der nye zhing shin tu nye/ /smyug ma'i tshal dang 'od ma'i tshal/ /kun tu khyim bya mang po rgyu/ /nor mang phyug cing 'jigs pa med/ /kun tu khrims bzang gnod med ldan/ /nyin mtshan 'dod yon lnga yis rtse/ /gcig tu bde bar gnas pa yin/ /skar ma'i 'od kyi mda' ltar 'gro/ /yid rab dang zhing bde dgas gnas/ /bza' dang btung ba bzang zhing mang / /sha dang chang sogs mang bar ldan/ /byang gi sgra mi snyan dang ni/ /lha yi grong khyer lcang lo can/ /yangs pa can gyi grong khyer bzhin/ /'dzam gling kun nas bzang por 'gyur| |de'i dus na byang chub sems dpa' byams pa 'di grangs med pa'i bskal pa 'bum phrag gcig dang bcu drug tu sbyin pa'i pha rol tu phyin pa la sogs pa pha rol tu phyin par thams cad rdzogs nas thams cad sgrol ba'i tshul gyis tha ma nyid du sbyin pa chen po ste/ pha rol tu phyin pa'i tshogs thams cad mthar phyin cing 'di nas dga' ldan du mngon par skyes te| de'i dus na 'jig rten gyi khams stong phrag bcu'i lha thams cad 'ongs te sangs rgyas 'jig rten du 'byung bar 'gyur ro/ /zhes sgra dbyangs snyan pa chen po 'byin cing mngon par </font><hr>485a<br><font size=+1>


@#/ /rdzogs par 'tshang rgya bar gsol zhes skul bar byed de/ /de nas gzigs pa rnam pa lnga la mngon par gzigs te dga' ldan gyi lha'i 'khor nas 'ongs te rgyal po dung gi grong khyer rgyal mtshan blo gros su bram ze mdun na 'don tshangs rab ces bya ba'i btsun mo tshangs ldan ma zhes bya ba'i lhums su 'jug ste/ 'jig rten gyi khams stong phrag bcu 'dar zhing g.yo bar 'gyur ro/ /der zla ba bcu song nas drang song lhung ba'i ri dwags rgyu ba'i gnas su yum las 'khrungs te/ rim gyis nar son nas rang gi bsod nams kyi mthu las sa 'og nas nor bu rin po che bdun las grub ba'i khang bzang bzhi byung ba'i nang du rang nyid lha bzhin du lha mo zla ba'i gdong can dang / gzhan yang lha mo lta bu'i bud med mang po dang lhan cig tu lo stong phrag gcig tu lha'i longs spyod lta bu la bde bar spyod de/ de nas tha ma'i zhag la btsun pa'i gzugs shig mthong nas gser gyi khang bur seng+ge'i rgyal po mi dga' ba bzhin du rin po che'i khang bzang dpal mang po yod pa la mi dga' zhing nges par 'byung ba chen po'i sems byung ste 'jig rten 'khor lo stong phrag bcu thams cad kyi lha rnams lha'i me tog lag tu khyer nas 'jig rten gyi 'khor lo 'dir 'ongs te 'khod par byed do/ /rgyal po dung dang bcas pa'i mi mang po yang me tog dang dri dang spos </font><hr>485b<br><font size=+1>


phyir te khang bzang la bskor nas 'khod par byed do/ /nam mkha'i lha rnams kyang lha'i me tog lag tu khyer nas legs so legs so// zhes 'og min gyi bar du sgra cher sgrog cing 'khod par byed do| |de nas rin po che'i khang bzang rdza mkhan gyi 'khor lo bzhin du 'khor zhing nam mkha' la song nas bco lnga'i zla ba skar ma'i tshogs kyis yongs su bskor ba bzhin du byang chub sems dpa' ni/ zla ba'i gdong can ma dang / gzhan btsun mo'i tshogs dang bcas pa nam mkha' la 'gro bar byed de/ sems dpa' chen po de dang thabs cig tu 'gro ba'i sems yin pa thams cad kyang nam mkha' la 'gro bar byed do/ /de nas tshangs pa chen pos ni/ dpag tshad gsum tsam yod pa'i gdugs dkar po 'dzin cing lha'i dbang pos dung 'phud par byed do| |'di ltar bsod nams kyi dpal chen pos lha dang mis bskor ba'i khang bzang dang bcas pas byang chub gyi shing gi drung du nye bar 'ongs te/ de ji ltar zhe na/ shing sdong khru brgya nyi shu ste/ / yal ga'ang khru brgya nyi shu'i srid/ /rlung gis dal bur bskyod pa na/ /rma bya'i gar gyi gdugs ltar snang / /dus kun lha yi me tog ni/ /shin tu legs par rgyas pa yang / /'khor lo tsam gyi lte ba la/ /gser dri bzang bre gang tsam/ /rlung gis phyogs bcur bskyod pa na/ /dpag tshad bcur ni dri yis khyab/ /me tog sa la bab pa yang / /byang chub shing drung nyid du gnas/ / </font><hr>486a<br><font size=+1>


@#/ /de'i dus su nam mkha' la 'gro ba'i bya'i rigs mang po skad snyan pos mchod pa byed cing 'gro bar byed do/ /de ltar byang chub kyi shing klu shing gi nye 'khor du 'ongs te nam mkha' las babs nas khang bzang sa'i nye 'khor yid du 'thad pa'i steng de nyid du 'khor bar byed do/ /der dpal gyi khang bzang gi nang du zhag bdun du dka' thub byed do/ /de nas tshangs pa chen pos phul ba mkho ba'i yo byad blangs te rab tu byung bar byed do/ /'khor thams cad kyang rab tu 'byung bar 'gyur ro/ /'di lta ste/ brgyad khri bzhi stong grangs snyed kyi/ / bram ze rig byed rab mkhas pa/ /de yi rjes su rab tu 'byung / /'khor rnams kun kyang rab tu 'byung / /de ltar rab tu byung nas lha mo zla ba'i gdong can mas phul ba'i 'o thug ro sna tshogs dang ldan pa gsol bar byed do/ /de'i dgong thun la byang chub kyi shing drung du nye bar 'ongs te rnam par rgyal ba'i khang bzang du khri bshams pa la shar gyi 'jig rten la mngon par gzigs te bzhugs par mdzad do/ /de nas rim gyis nyi ma'i skya rengs shar ba'i dus na yang dag par rdzogs pa'i sangs rgyas kyi ye shes mngon du mdzad de 'di skad gsung bar 'gyur ro/ /'khor ba'i skye bo mang por ni/ /dug med pa yi don gyi phyir/ /gnas bzang kun tu btsal byas kyang / /yang yang skye ba'i sdug bsngal byung / /da ni gnas bzang mchog thob </font><hr>486b<br><font size=+1>


pas| |da gzod gnas gdon mi 'gro ste/ /dug khyim sdug bsngal thams cad bcas/ /rab bcom tho bas bshig pa yin/ /nyon mongs dug bcas 'dod pa yi/ /yid ni rnam par dag par byas// 'di skad ces gsungs nas byang chub kyi shing la nye bar gnas te zhag bdun phrag bdun song ba dang / tshangs pas gsol ba 'debs pa gsan nas drang song lhung ba'i gnas su byin te chos kyi 'khor lo bskor ba la gshegs pa'i tshe/ /zhabs ni bskyod mi bskyod pa yang / /shin tu rgyas pa'i bde steng gshegs/ /'dab ma khru ni sum cur bcas/ /bar gyi 'dab ma nyi shu lnga/ /ge sar nyi shu'i khru dang ldan/ /ze 'bru la ni bcu drug ste/ /ge sar kha dog shin tu dmar/ /me tog pad+ma chen po 'byung / /stobs bcu mnga' ba'i 'od zer rab tu 'bar zhing gsal te nyi ma'i 'od mi gsal zhing nyin mtshan bye brag med par 'gyur ro/ /de'i tshe snga dro dang dgong mo bya'i sgras shes par byed pa dang / me tog rgyas pas kyang 'jig rten pa rnams go bar byed do/ /gang dang gang na chos 'chad pa yod pa de dang der chos kyi sgra thams cad la rab tu grags shing 'chad par byed do/ /de'i tshe bram ze brgyad khri bzhi stong dang / tshangs pa sa ya phrag bco brgyad kyis thog mar chos kyi bdud rtsi 'thungs te 'di ltar bcom ldan 'das bsod nams dang byin rlabs brgya phrag mang po dang ldan pa/ 'od zer kha dog </font><hr>487a<br><font size=+1>


@#/ /sna tshogs pa 'gyed cing brgya phrag mang po'i mtshan can mtshan bzang po sum cu rtsa gnyis dang dpe byad brgyad cu mnyam par ldan zhing ngo mtshar mang po mnga' ba/ brgya phrag mang po'i 'od de'i sku las 'byung ba yin/ /ji ltar zhe na/ sngon po dang / ser po'i kha dog dang / dmar po'i kha dog dang / dkar po'i kha dog dang / shel gyi kha dog dang / dngul gyi kha dog gsal zhing gsal ba'i 'od zer dang bcas pa 'byung ngo / /sangs rgyas kyi sku de las 'od 'phro ba ta la'i shing lta bu phyogs thams cad du bskor zhing phung po so sor bcom ldan 'das kyi sku la lan gsum bskor ba byas shing yar mar 'gro bar byed do/ /bcom ldan 'das de'i sku khru brgyad cu rtsa brgyad kyi srid dang ldan pa yin te/ zhabs kyi mthil nas pus mo'i bar la khru nyi shu rtsa gnyis so/ /pus mo dang lte ba'i bar la khru nyi shu rtsa gnyis so/ /lte ba dang mgur gyi bar la khru nyi shu rtsa gnyis so/ /mgur dang dbu'i bar la khru nyi shu rtsa gnyis pa'o/ /dpung pa gnyis kyi bar la khru nyi shu lnga lnga'o/ /sgrog rus re re la'ang khru lnga lnga'o/ /snyan shal gnyis la khru bdun bdun no| |spyan re re'i dkyus la khru lnga lnga'o/ /smin ma gnyis la'ang khru lnga lnga'o/ /smin phrag la'ang khru lnga'o/ /shengs kyi dkyus la khru bdun no/ /mchu gnyis la khru </font><hr>487b<br><font size=+1>


bcu'o| |ljags kyi bskor la khru lnga'o/ /gtsug tor la khru lnga'o/ /zhal gyi bskor gser gyi me long lta bu la khru nyi shu rtsa lnga'o/ /mgrin pa la'ang khru lnga'o/ /phyag gnyis kyi dkyus la khru bzhi bcu rtsa bzhi bzhi bcu rtsa bzhi 'byung ba yin no/ /de lta bu'i sangs rgyas de ni/ dpe med pa'i dpal dang / sangs rgyas kyi yon tan mtha' med pa dang ldan zhing 'jig rten 'khor lo stong phrag bcu po thams cad kyi lha dang mi'i dbus su bzhugs nas chos kyi 'khor lo bskor zhing ston par mdzad pa yin no/ / de'i rjes su sa ya 'bum phrag gcig gi lha dang mi rnams 'dzin pa med par dang po nyid du chos kyi mchog gis rnam par grol ba thob par 'gyur te/ rnam par grol ba ma thob pa rnams lha'i yul du skye bar 'gyur ro/ /'di ltar byams pa legs pa'i mchog chen po de gang gis mi mthong zhe na/ ma bsad pa dang / pha bsad pa dang / dgra bcom pa bsad pa dang / dge slong ma sun phyung ba dang / dge 'dun gyi dbyen byed pa ste/ sdig pa'i las lnga byed pa dang / mchod rten bshig pa dang / byang chub kyi shing bcad pa dang / byang chub sems dpa' gsod pa dang / dge 'dun gyi 'tsho ba nyams par byed pa dang / ser sna che ba dang / rtag chad du nges </font><hr>488a<br><font size=+1>


@#/ /par lta ba'i mu stegs dang / 'phags pa rnams la smod pa dang / gcer bu pa'i rigs can rnams kyis mi mthong ba yin no/ /tshigs bcad stong phrag gcig gi rgyan yod pa'i thams cad sgrol ba'i skyes rabs chen po stong phrag gsum pa zhag gcig la 'chad cing nyan par byed pa'i mi dang / mar me stong phrag gcig 'bul ba dang / dri bzang po med na yang me tog stong phrag gcig tsam 'bul ba dang / ut+pa la sngon po stong phrag gcig tsam 'bul ba dang / sangs rgyas kyi ring bsrel yod pa'i mchod rten dang / sangs rgyas kyi sku la mchod pa byed pa thams cad ni/ sangs rgyas byams pa de chos 'chad pa'i dus su de'i drung du chos kyi mchog gis rnam par grol ba thob pa dang / mthong bar 'gyur ro/ /de ma yin pa sems can sbyin pa gtong ba dang / sdom pa srung ba dang / lha khang byed pa dang / byang chub kyi shing gi sa bon skyed pa dang / ring bsrel gyi mchod rten byed pa dang / byang chub kyi shing dang mchod rten la zhabs tog byed pa dang / sems can la phan pa'i tshal byed pa dang / zam pa byed pa dang / lam 'chos pa dang / mgron po'i gnas khang byed pa dang / chu mig byed pa dang / sangs rgyas kyi bstan pa la dad par byed pa dang / sangs rgyas kyi chos 'di dag 'chad pa la dri </font><hr>488b<br><font size=+1>


dang me tog la sogs pa'i mchod pa byed pa dang / khri la byi dor byed cing legs par chos nyan pa dang / dge 'dun la bsnyen bkur dam pa byed pa dang / ma dang pha'i zhabs tog byed pa dang / rigs kyis che ba la gus par byed pa dang / sdom pa srung ba'i dus su dge 'dun la bsnyen bkur byed pa dang / tshes bco lnga la dus ston byed pa dang / lhung bzed 'bul ba dang / stan ster bar byed pa thams cad kyis yang dag par rdzogs pa'i sangs rgyas byams pa mthong zhing mjal ba yin no/ /de lta bu'i bsod nams mang po mi nus na yang me tog sbar mo re tsam dang / mar me gcig tsam 'bul bar byed pa dang / gzhan gyi bsod nams la rjes su yi rang ba'i dge ba byed pa'i lha dang mi rnams kyis de'i dus na yang dag par rdzogs pa'i sangs rgyas byams pa mthong ba yin no/ /yang dag par rdzogs pa'i sangs rgyas byams pa de mthong bar 'dod pa'i dad pa yod cing sbyin pa gtong ba dang / tshul khrims srung ba dang / bsnyen gnas sgrub pa dang / don yang dag par sgom pa dang / dge ba'i las shin tu legs par byed pa rnams kyis shin tu legs par mthong ba yin no/ / thub pa'i gsung rab thos gyur nas/ /tshangs par spyod pa sgrub byed pa/ /de rnams 'khor ba'i pha rol phyin/ /'chi med thar pa thob par 'gyur/ /tshangs spyod yang dag sgrub byed cing / / </font><hr>489a<br><font size=+1>


@#/ /sbyin gnas mchog la sbyin byed dang / /bsnyen gnas bslab pa sogs srung dang / /byams pa'i sgom la legs gnas pa/ /rtse gcig pa yis sgrub par gyis/ /nyin mtshan bsod nams rab sgrub gyis/ /'di ru de dag sgrub byed na/ /sdug bsngal zad par byed par 'gyur/ /bcom ldan 'das kyis de skad ces bka' stsal pa dang / tshe dang ldan pa shA ri'i bu dang bcas pa'i 'khor de dag thams cad yi rang ste bcom ldan 'das kyis gsungs pa la mngon par bstod do/ /'phags pa byams pa'i mdo rdzogs so// //thub dbang mchog dang rgyal pa byams pa yi/ /bstan pa gsal byed mdo sde'i dbang po 'di/ /yon tan dang ldan sing+ge gling yul gyi/ /stong phrag mang po'i dge 'dun kun gyi gtso/ /mar me mdzad slob rdo rje gdan bzhugs pa/ /paN chen A nand shrI yon tan can/ /dge slong chos kyi spyan can mkhas gnyis mkhas/ /bstan la phan 'dod bzang po de nyid dang / /de la legs gtugs dge slong lung rigs 'dzin/ /skad gnyis smra ba mchog gi rjes 'jug pa/ / kun dga' rgyal mtshan thub bstan dpal bzang pos/ /ston pa 'das nas lo stong brgyad brgya dang / /lnga bcu lhag pa'i zla ba bcu 'das dus/ /chos kyi rgyal po ha shang mnga' </font><hr>489b<br><font size=+1>


gsol tshe/ /me lug dgun zla ra ba'i yar ngo la/ /dpal ldan bla ma kun dga' seng+ge yi/ /sku drin la brten dpal ldan sa skyar ni/ /sgra don ji bzhin legs par bsgyur ba min/ / 'phags nor rgyan ldan skyes bu dam pa rnams/ /dam chos rin chen 'di la gtsug rgyan mdzod/ /nyon mongs nad can phrag dog rab rib can/ /chos sman 'di bsten nad med mig gsal 'gyur/ /dge ba 'di gzhan ma lus legs bsdoms te/ /bla ma thub dbang byams pa mgon la sogs/ /sangs rgyas kun mnyes rnam dag rgya chen zhing / /rnam dag rab bsgrubs bstan pa mchog bsgrubs nas/ /phyogs bcu'i zhing rdul snyed kyi sprul pa yis/ /sems can thams cad bstan la dang byas shing / /sangs rgyas bstan pa rab tu rgyas byas ta/ /sangs rgyas sku gsum ye shes myur thob shog /shes bya mtha' yas rab tu zab phyir dang / /shes byed ched can rab tu rtogs sla'i phyir/ /'khrul par gyur na rab tu sems dge'i phyir/ /skye bo mkhas rnams rab tu bzod mdzad rigs/ /rgya dpe dang legs par gtugs so/ /phyogs dus thams cad du bkra shis dang bde legs kyis khyab par gyur cig/ </font><hr>

</table>