H347

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H347</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H347&coll=lhasa">see text in Tibetan script</a></table>207b<br><font size=+1>>


//@#/ /rgya gar skad du/ dam mU ko nA ma sU tra/ bod skad du/ mdzangs blun zhes bya ba'i mdo/ /bam po dang po/ dkon mchog gsum la phyag 'tshal lo/ /dpe sna tshogs bstan pa'i le'u/ 'di skad bdag gis thos pa dus gcig na/ bcom ldan 'das yul ma ga d+ha'i dkyil 'khor rnam par rgyal ba na bzhugs te mngon par rdzogs par sangs rgyas nas ring po ma lon pa zhig na 'di snyam du dgongs par gyur to| |sems can 'di dag ni/ yun ring po nas phyin ci log gis yongs su bslad de/ bstan cing bcos su yang shin tu dka' bas ji srid du 'jig rten na bzhugs kyang phan pa'i </font><hr>208a<br><font size=+1>>


@#/ /don med kyi/ des na lhag ma ma lus pa'i mya ngan las 'da' bas yongs su mya ngan las 'da'o snyam du dgongs ma thag tu de'i tshe na tshangs ris kyi lha rnams kyis bcom ldan 'das kyi dgongs pa shes shing rtogs nas nam mkha' las babs te bcom ldan 'das gang na ba der lhags nas phyin pa dang zhabs la mgo bos phyag 'tshal te thal mo sbyar nas bcom ldan 'das la chos kyi 'khor lo bskor bar gsol zhing bskul ba dang / de la bcom ldan 'das kyis 'di skad ces bka' stsal to/ /kye lha dag /sems can 'di dag ni/ nyes pa'i dri mas yongs su glags te 'jig rten gyi bde ba la chags nas shes rab dang ldan pa'i sems med pas/ ji srid du 'jig rten na bzhugs kyang bya ba don med par 'gyur te/ mya ngan las 'das na bde'o snyam du dgongs so/ /de nas tshangs ris kyi lha rnams kyis yang bcom ldan 'das la 'di skad ces gsol to/ / bcom ldan 'das chos kyi rgya mtsho yongs su gang ba/ chos kyi rgyal mtshan btsugs pa/ bstan cing gdul ba'i dus la yang bab/ sems can 'di dag las grol bar 'gyur ba yang shin tu mang na/ ci'i slad du bcom ldan 'das mya ngan las 'da' bar dgongs te shin tu mdongs par gyur pa 'di dag gi mgon dang skyabs mi mdzad/ bcom ldan 'das </font><hr>208b<br><font size=+1>>


ni| sngon bskal pa grangs ma mchis pa 'das pa'i pha rol na sems can gyi don du thos pa tshol zhing tshol ba na chung du na tshigs su bcad pa gcig tsam gyi slad du yang bdag gi lus dang / chung ma dang / bu dang / bu mo dang / nor dang / phangs par bya ba'i dngos po thams cad btang ste bla na med pa yang dag par rdzogs pa'i byang chub tu mngon par rdzogs par sangs rgyas pa na de ci'i slad du mgon ma mchis pa 'di dag yongs su gtang bar dgongs/ sngon 'das pa'i dus yun ring po na 'dzam bu'i gling 'dir rgyal po chen po kha dog dam pa zhes bgyi ba/ 'jig rten 'di la dbang sgyur ba zhig byung ste/ rgyal po de la rgyal phran ni/ brgyad khri bzhi stong mnga'/ ljongs chen po stong phrag drug cu'i nang na grong khyer yang khri phrag brgyad cu mnga' ste/ rgyal po de la btsun mo ni/ stong phrag nyi shu/ blon po chen po ni/ stong phrag bcu snyed mnga'o/ /rgyal po/ bdog dam pa de'i gzi brjid dang / mthu dpe ma mchis par che ste/ 'byor pa dang / bde ba dang / lo legs pa dang / mi la sogs pa skye bo mang zhing rab tu mang ba dang ldan pa des 'di snyam du bsam ste/ bdag gis ni/ rin po che dang / longs spyod kyis 'gro ba thams cad la phan btags kyi/ dam pa'i chos kyis phran 'dogs par ma gyur te/ 'di dag ni/ bdag gi skyon du 'gyur gyi/ dam pa'i chos gang na mchis pa btsal te thams cad dgrol bar bya'o snyam du bsam nas 'di </font><hr>209a<br><font size=+1>>


@#/ /skad ces bkar btags so/ /'dzam bu'i gling 'di na su la dam pa'i chos yod pa de bdag la ston par gyur na/ de yid dang mi 'gal bar ci dang ci 'dod pa sbyin no/ /zhes bsgrags kyang ston nus pa ma byung ngo / /de'i tshe na rgyal po de mya ngan gyis yid gdungs te mi dga' bar gyur pa ngal bso pos thos nas sad pa'i slad du bdag gi lus gnod sbyin zhig tu sprul nas de'i mdog shin tu sngo ba/ nag pa/ mig khrag ltar dmar ba/ mche ba gyen du byung ba/ skra gyen du bsgreng pa/ kha nas me 'bar ba pho brang gi sgor mchis nas su zhig chos thos par 'dod pa nga las nyon cig ces smras so/ /rgyal pos de skad ces smras pa thos nas shin tu dga' mgu ste gnod sbyin de bsu nas mgo bos phyag byas te stan mthon po la bzhag nas blon po dang / 'khor mang po dag bsdus te chos nyan du gzhug pa'i slad du 'khor bar bskor to/ /de'i tshe na gnod sbyin gyis rgyal po la 'di skad ces smras so/ /rgyal po/ chos thos par bya ba ni/ shin tu dka' bas chos nyan par 'dod na/ 'di tsam gyis chog pa ma yin no/ /zhes smras pa dang / rgyal pos de la thal mo sbyar te khyod ci dang ci 'dod pa de mi 'gal bar thams cad sbyin no/ /zhes smras so/ / </font><hr>209b<br><font size=+1>>


de nas gnod sbyin des rgyal po la smras pa/ rgyal po/ khyod kyi btsun mo dang sras gang phangs pa kho bo zar bcug na/ dam pa'i chos sbyin no/ /zhes smras pa dang / de'i tshe na rgyal po chen po des btsun mo'i nang na gang phangs pa dang / sras kyi mchog gnod sbyin la phul te/ gnod sbyin gyis 'khor mang po'i nang du kun gyis mthong bzhin du zos so| |de'i tshe na rgyal po de'i blon po rnams de ltar gyur pa mthong nas cho nges btab ste sa la 'gre bzhin du rgyal po chen po mi rigs pa'i las 'di lta bu dag thong zhig ces gsol ba btab kyang rgyal po de dam pa'i chos tshol ba'i phyir shin tu brtan pas bzlog ma nus so/ /de'i tshe na gnod sbyin des rgyal po'i btsun mo dang / sras zos nas tshigs su bcad pa 'di skad ces smras so/ /'du byed thams cad mi rtag ste/ /ji tsam skye ba sdug bsngal bcas/ /lnga phung mtshan ma med pas stong / /bdag dang bdag gi ba yang med/ /tshigs su bcad pa 'di smras pa dang / rgyal po dga' mgu rangs te ba spu'i nyag ma tsam gyi 'gyod pa'i sems ma skyes so/ /de nas yi ger bris nas 'dzam bu'i gling kun tu bsgrags te thams cad slob du bcug go /de nas ngal bso pos bdag nyid kyi lus su slar bsgyur nas/ shin tu </font><hr>210a<br><font size=+1>>


@#/ /legs so/ /ngo mtshar rmad do/ /zhes bstod cing bsngags te/ rgyal po'i btsun mo dang / sras kyang sngon bzhin du cang ma nongs so/ /de'i dus na rgyal po de ni/ sangs rgyas lags te/ bcom ldan 'das sngon yang chos kyi slad du de lta bu'i dka' ba mdzad na/ da ji srid du sems can mang po yongs su btang ste/ mya ngan las 'da'o/ /zhes gsung / bcom ldan 'das/ gzhan yang sngon bskal pa grangs ma mchis pa'i pha rol na 'dzam bu'i gling 'dir rgyal po chen po ga na sha ni ba li zhes bgyi ba ni/ rgyal phran mang po la dbang bsgyur te/ grong khyer ni/ brgyad khri bzhi stong snyed la mnga' mdzad/ btsun mo dang pho brang gi slas ni/ stong phrag nyi shu mnga' ste/ blon po chen po yang stong phrag bcu snyed do/ /rgyal po de shin tu snying rje dang ldan pas mi la sogs pa skye bo mang po bde skyid cing 'byor pa dang / bde ba dang / lo legs par ldan te/ rgyal po de skye bo mang po'i pha ma lta bur gyur to/ / de'i tshe rgyal po des 'di snyam du bsam mo/ /bdag kyang skye bo mang po kun gyi gtso bor gyur la/ skye bo mang po 'di dag kyang bdag la mos shing dga' bas bdag gis </font><hr>210b<br><font size=+1>>


dam pa'i chos kyi nor rin po ches thams cad la phan gdags so snyam du bsam nas blon po gcig gis thams cad du bkar btags te su la dam pa'i chos mchis pa bdag la ston par gyur na/ ci dang ci 'dod pa yid bzhin du sbyin no/ /zhes bsgo ba dang / de'i tshe na bram ze le'u du ci zhes bgyi ba zhig pho brang gi sgor mchis te bdag gi dam pa'i chos yod de/ /zhes smras pa dang / rgyal po des de skad ces smras pa thos nas phyi rol tu bsus te phyag byas nas stan bting ba la bzhag go /bram ze de stan bting ba la 'dug nas rgyal po 'khor dang bcas te thal mo sbyar nas ston pa chen po/ gti mug gis mdongs par gyur pa la dam pa'i chos dbye zhing bstan pa'i dus la bab bo/ / zhes bskul pa dang / bram ze des rgyal po la 'di skad ces smras so/ /bdag gis shes pa 'di nyid gyi nas lobs pa ma yin pas thos par 'dod na/ 'di tsam gyis chog pa ma yin no/ /rgyal pos smras pa/ ci dang ci 'dod pa smros shig dang / thams cad yid bzhin du sbyin no/ /zhes smras pa dang / bram ze des rgyal po la 'di skad ces smras so| |rgyal po chen po/ khyod kyi lus la mar me stong btsugs te mchod pa byed nus na chos bstan par bya'o/ /zhes smras pa dang / rgyal po lhag par dga' mgu rangs nas </font><hr>211a<br><font size=+1>>


@#/ /de'i tshe pho nya zhig pa na glang nyin gcig la rgyang grags brgya stong du 'gro ba zhig la bskyon te/ 'dzam bu'i gling thams cad du 'di skad ces bsgo'o/ /rgyal po ga na sha ni pa li da ste zhag bdun na chos kyi phyir lus kyi sha phug nas mar me stong 'dzugs so/ /zhes rgyal phran dang / mi thams cad la bsgo'o/ /de dag gis de skad bsgo ba thos pa dang so so nas mya ngan gyis yid gdungs te rgyal po gang na bar lhags nas phyag byas te thams cad kyis 'di skad ces smras so/ /'jig rten 'di ni/ ji tsam 'tsho ba'i srog dang bcas pa thams cad khyod la brten pa ni/ long ba dmigs bu la brten pa'am/ bu chung ma la brten pa dang 'dra na/ rgyal po mi bzhugs pa'i slad na gang la 'tsho ba'i skyabs su mchi bar bgyi/ gal te sku la mar me stong btsugs na gdon mi za bar 'tsho ba dang 'bral na/ ci'i slad du bram ze gcig tsam gyi slad du 'jig rten 'di'i sems can yongs su gtang bar dgongs/ de'i tshe na btsun mo dang / sras dang / rgyal tshab dang / slas lnga brgya dang / blon po stong phrag bcu snyed kyis thal mo sbyar te gsol ba btab kyang rgyal po yi dam la brtan pas ma bzlog ste/ nam mngon par rdzogs par sangs rgyas nas khyed rnams gnon mi za bar bsgral lo// </font><hr>211b<br><font size=+1>>


zhes smras pa dang / de'i tshe na skye bo mang pos rgyal po de yi dam la brtan par rtogs nas rab tu mi dga' ste cho nges btab nas sa la 'gyel to/ /rgyal po de'i bsam pa ma gyur te bram ze la 'di skad ces smras so/ /da lus la mar me stong gzugs pa'i dus la bab kyi/ phug cig ces bsgo ba dang / des rgyal po'i lus phug nas me mar gyi snying po snum gyis skus pa dang / 'khor mang pos de ltar gyur pa mthong nas ri 'gyel pa bzhin du lus sa la brdabs so/ /de nas rgyal pos bram ze la ston pa chen po/ thugs brtse bar dgongs te/ sngar bdag la chos bstan nas/ de'i 'og tu me mar tshugs shig /gal te tshe'i dus byas na chos thos par mi 'gyur ro/ /zhes smras pa dang / bram zes tshigs su bcad pa 'di smras so/ rtag pa thams cad zad par 'gyur/ /mtho ba de yang mthar ltung ngo / /'du ba yod na 'bral bar 'ong / / skye ba yod na 'chi bar 'gyur/ /tshigs su bcad pa 'di smras ma thag tu rgyal po de rab tu dga' mgu rangs te 'gyod pa'i sems med bzhin du 'di skad ces dam bcas so/ / bdag chos tshol ba 'di yang sangs rgyas su bsgrub pa'i phyir te/ phyis mngon par sangs rgyas pa na ye shes kyi 'od kyis sems can gti mug gis mdongs pa rnams shin tu snang </font><hr>212a<br><font size=+1>>


@#/ /par gyur cig ces yi dam bcas ma thag tu gnam sa yang rab tu g.yos pas gnas gtsang ma'i ris kyi lha'i pho brang gi bar du g.yos pas| lha de dag nam mkha' las babs te lus kyis mchod pa'i gnas su lhags so/ /byang chub sems dpa' de'i lus de ltar zhig pa lha de dag gis mthong nas steng gi nam mkha' yongs su gang ba de dag dus te/ dus pa'i mchi mchar bzhin du bab nas lha rdzas kyi me tog kyang char bzhin du bab ste mchod pa byas so| |de'i tshe na brgya byin lha'i dbang pos kyang rgyal po gang na ba der 'ongs nas rnam pa sna tshogs kyis bstod cing bsngags te 'di skad ces smras so/ /rgyal po che chen po| 'di ltar shin tu sdug bsngal gyis gdungs pa 'di la sems 'gyod par ma gyur tam/ rgyal pos smras pa/ 'gyod pa med do/ /brgya byin gyis smras pa| rgyal po chen po/ 'di ltar lus 'dar zhing nyams mi bde bzhin du 'gyod pa med ces smras pa 'di cis yid ches par 'gyur/ rgyal pos smras pa/ gal te bdag thog ma nas tha ma'i bar du 'gyod pa'i sems med pa yin na/ lus kyi rma 'di snga mkho bzhin du sos par gyur cig ces smras ma thag tu lus snga mkho </font><hr>212b<br><font size=+1>>


bzhin du rma med par gyur to/ /de'i tshe de'i dus na rgyal po de ni/ sangs rgyas lags te/ bcom ldan 'das sngon yang sems can gyi slad du mi bzad pa'i sdug bsngal dang bsdos te chos brnyes na/ de ci'i slad du 'gro ba thams cad chos kyi snang ba dang bral ba yongs su btang ste mya ngan las 'da' bar dgongs/ gzhan yang bcom ldan 'das sngon 'das pa'i dus na dzam+bu'i gling 'dir rgyal po chen po bying ling gar li zhes bgyi bar gyur pa na rgyal phran rnams la dbang bgyid de/ grong khyer ni/ brgyad khri bzhi stong dang ldan/ btsun mo dang pho brang gi slas ni/ stong phrag nyi shu mnga' ste/ rgyal tshab dang rgyal bu ni/ lnga brgya ste/ blon po chen po ni| stong phrag bcu mnga'o/ /rgyal po de snying rje dang ldan pas 'bangs thams cad la bu gcig pa dang 'dra bar dgongs so/ /de'i tshe rgyal po chen po de dam pa'i chos la mos shing dga' bas blon po gcig la bsgo nas 'di skad ces bkar btags so/ /gang su yang rung ba la mdo sde'am dam pa'i chos yod pa bdag la bstan par gyur na/ ci dang ci 'dod pa yid bzhin du sbyin no/ /zhes bsgo'o/ /de nas bram ze le'u du ci zhes bgyi ba pho brang gi sgor 'ongs nas 'di skad ces smras so/ </font><hr>213a<br><font size=+1>>


@#/ /bdag la dam pa'i chos yod de/ gang thos par 'dod pa la bstan par bya'o/ /zhes smras pa rgyal pos thos nas rab tu dga' mgu rangs te phyi rol du bsus nas rkang pa la mgo bos phyag 'tshal te tshig snyan par smras nas pho brang gi nang du khrid de stan bshams pa la bzhag ste thal mo sbyar nas 'di skad ces smras so/ /ston pa chen po/ bdag la dam pa'i chos bstan du gsol/ bram zes smras pa/ bdag gis lus kun tu sdug bsngal sna tshogs myong nas yun ring mo zhig lon te gdod lobs pas/ rgyal po chen po/ thos par 'dod na 'di tsam gyis chog pa ma yin no/ /rgyal pos thal mo sbyar te ci dang ci 'dod pa smros shig dang / ston pa khyod la mi phangs par thams cad dbul lo/ /bram zes smras pa/ gal te khyod kyi lus la lcags gzer stong gis btab na khyod la chos sbyin no/ /zhes smras pa dang / rgyal pos de bzhin du bgyi'o/ /da ste zhag bdun na dngos po 'di dag bsgrub bo/ /zhes smras so/ /de'i tshe na rgyal po chen po des pho nya zhig glang po che nyin gcig la rgyang grags brgyad khri bzhi stong snyed du 'gro ba zhig la bskyon te dzam+bu'i gling kun tu 'di skad ces bsgo'o/ /rgyal </font><hr>213b<br><font size=+1>>


pa chen po bying ling gar lis da ste zhag bdun na lus la lcags gzer stong 'debs so/ /zhes bsgo ba blon po dang / 'gro ba mang pos thos nas thams cad rgyal po'i drung du lhags te 'di skad ces gsol to/ /bdag cag phyogs bzhin 'khod pa'i 'gro ba thams cad rgyal po'i yon tan dang bka' drin gyis so so nas bde skyid pa la longs spyod de/ rgyal po chen po/ bdag cag gi slad du sku la lcags gzer stong mi gdab tu gsol zhes gsol pa dang / de'i tshe na btsun mo dang / pho brang gi slas dang / rgyal tshab dang / rgyal bu dang / blon po thams cad kyis kyang gsol ba btab ste/ rgyal po chen po/ bdag cag la thugs brtse bar dgongs te mi gcig gi slad du sku tshe'i dus mdzad cing 'bangs thams cad spang ba mi rigs so/ /de la rgyal pos 'di skad ces smras so/ /bdag ni/ yun ring po nas 'khor ba na lus grangs med pa chud gsan te bar 'ga' ni/ 'dod chags dang / zhe sdang dang / gti mug gis lus 'di bsad pa'i rus pa dkar po spungs pa ni| ri rab pas kyang mtho/ /mgo bcad pa'i khrag zags pa ni/ chu klung lnga bas kyang che/ dus pa'i mchi ma ni/ rgya mtsho bzhi bas kyang lhag ste/ de ltar rnam pa sna </font><hr>214a<br><font size=+1>>


@#/ /tshogs kyi sgo nas lus srog chud gsan kyang lan 'ga' yang chos kyi phyir ma yin te/ de bdag gis gzer bu btab la sangs rgyas su bsgrub bo/ /phyis mngon par sangs rgyas nas shes rab kyi ral gris khyed kyi kun nas nyon mongs pa'i nad gcod par byed na/ ci'i phyir nga'i byang chub kyi bar du gcod par byed ces smras pa dang / de nas 'khor mang po rnams kyang cang mi smra bar gyur to/ /de nas rgyal pos bram ze la smras pa/ ston pa chen po/ thugs brtse bar dgongs te sngar chos bstan nas de'i 'og tu lcags gzer gyis thob cig /gal te tshe'i dus byas na chos thos par mi 'gyur ro/ /zhes smras pa dang / bram zes tshigs su bcad de smras pa/ 'du byed thams cad mi rtag ste/ /skye ba thams cad sdug bsngal bcas/ /chos kun stong bas bdag po med/ /bdag gi ba yang yod ma yin/ /tshigs su bcad pa 'di smras nas lus la lcags gzer stong gis btab bo/ /de'i tshe na rgyal phran dang / blon po dang / 'khor mang po rnams kyis de lta bur gyur pa mthong nas ri chen po 'gyel ba ltar lus sa la brdabs te dus nas ci yang mi dran par sa la 'gre'o/ /de'i tshe na gnams rnam pa drug tu </font><hr>214b<br><font size=+1>>


g.yos nas 'dod pa'i khams dang / gzugs kyi khams kyi lha rnams ngo mtshar du gyur te thams cad nam mkha' las babs nas byang chub sems dpa'i drung du lhags te/ de ltar chos kyi phyir sdug bsngal chen po lus kyis myong bar mthong nas thams cad dus nas mchi ma char bzhin du phab nas lha rdzas kyi me tog gis mchod pa byas so/ /de'i tshe na brgya byin lha'i dbang pos rgyal po gang na ba der 'ongs nas 'di skad ces smras so/ /rgyal po chen po/ shin tu brtson 'grus brtsams te sdug bsngal la ci mi snyam pa 'di chos kyi phyir ram/ 'on te brgya byin nam/ 'khor lo bsgyur ba'i rgyal po 'dod dam/ 'on te bdud kyi rgyal po'am/ tshangs pa'i rgyal po'am/ dbang phyug chen po 'dod ces smras pa dang / rgyal pos smras pa/ bdag gis byas pa 'di ni/ khams gsum gyi bde ba myong bar 'dod pa ma yin gyi| bsod nams ji snyed yod pa 'dis sangs rgyas 'dod pa'i phyir ro/ /brgya byin gyis smras pa/ bdag gis bltas na rgyal po'i lus 'dar zhing mi bzod pa la bltas na/ 'di skad zer zhing 'gyod pa med ces smras pa 'di cis yid ches par 'gyur/ rgyal pos smras pa/ gal te bdag gis smras pa bden te 'gyed </font><hr>215a<br><font size=+1>>


@#/ /pa'i sems med na/ bdag gi lus snga mkho bzhin du rma med par gyur cig ces smras ma thag tu snga mkho bzhin du gyur nas lha dang mi rnams dga' mgu rangs par gyur to/ /de'i tshe yang 'gro ba mang po bskyab pa'i slad du chos btsal na/ bcom ldan 'das ni/ chos kyi rgya mtsho yongs su rdzogs shing yon tan tshad ma mchis pa dang ldan na/ ci'i slad du 'gro ba mang po yongs su btang ste chos kyang mi bshad par mya ngan las 'da' bar dgongs/ bcom ldan 'das/ gzhan yang sngon 'das pa'i dus bskal pa tshad med grangs med pa'i phyir rol na dzam+bu'i gling 'dir rgyal po tshangs lha zhes bgyi ba la rgyal tshab da ma gam zhes bgyi ba zhig mchis te/ rgyal bu de dam pa'i chos la dga' zhing mos pas dam pa'i chos phyogs kun tu btsal na yang ma rnyed nas mya ngan gyis gdungs te yi mug par gyur pa las/ de'i tshe na brgya byin lha'i dbang pos de'i bsam pa shin tu rtogs shing shes pas bram ze zhig tu sprul te rgyal bu'i pho brang gi sgor 'ongs nas dam pa'i chos bdag la yod de/ bstan par bya'o/ /zhes smras pa rgyal bus thos nas phyi rol nas bsus te rkang pa la phyag byas </font><hr>215b<br><font size=+1>>


nas pho brang gi nang du khrid de stan bting ba la bzhag go /rgyal bus thal mo sbyar te ston pa chen po/ /thugs brtse ba'i slad du dam pa'i chos bstan du gsol zhes smras pa dang / bram zes smras pa/ bslab cing lobs pa yang shin tu dka' la/ slob dpon gnyer zhing shes par 'gyur ba yang sla ba ma yin pas 'di tsam gyis chog par 'dzin te chos thos par 'dod pa ni/ rigs pa ma yin no/ /rgyal bus smras pa/ ston pa chen po/ ci dang ci 'dod pa gsungs shig dang / bdag gi lus dang / chung ma dang / bu pho'i bar du bzhed na yang thams cad la mi phangs te bka' bzhin du bgyi'o/ /bram zes smras pa/ gal te me'i dong zabs su khru bcu pa'i nang me mur gyis bkang la/ de'i nang du mchongs te mchod pa byas na dam pa'i chos bstan to/ /zhes smras pa dang / de'i tshe na rgyal bus slob dpon gyi lung bzhin du me dong chen po byas so/ /de nas rgyal po dang / btsun mo dang / blon po dang / pho brang gi slas kyis de lta bur gyur pa dag thos nas lus dang sems mi bde bar gyur te thams cad rgyal po'i pho brang du lhags nas rgyal bu la yang gsol ba btab/ bram ze de la yang kun gyis nan gyis bskor nas btsun pa/ thugs rje bar dgongs </font><hr>216a<br><font size=+1>>


@#/ /te bdag cag gi slad du rgyal bu 'di me dong du mchong ba mi mdzad du gsol/ /'khor ram/ yul lam/ chung ma'am/ bu pho'am/ bdag cag gi lus bzhed na yang 'bul lo/ /zhes gsol ba dang / bram zes smras pa/ bdag gis nan gyis mi byar rung ba ni/ med kyi/ rgyal bus cir bsam par zad de/ gal te de ltar nus na ni/ chos bstan par yang bya/ mi nus na ni/ chos kyang mi bstan to/ /zhes smras so/ /'khor rnams kyis kyang de'i dam bca' ba brtan par shes shing rtogs nas cang mi smra'o/ /de'i tshe rgyal pos kyang pho nya gcig glang po che nyin gcig la rgyang grags brgyad stong du 'gro ba zhig la bskyon te dzam+bu'i gling kun tu btang nas rgyal tshab da ma gam da ste zhag bdun na chos 'dod pa'i phyir me dong du mchong gi /khyed mthong bar 'dod na myur du shog cig ces bsgo'o/ /de'i tshe na rgyal phran dang mi mang po rgas shing nyam chung ba dag kyang gcig gis gcig khrad de rgyal bu'i thad du lhags nas pus mo sa la btsugs te thal mo sbyar nas thams cad kyis tshig mthun par 'di skad ces smras so/ /bdag cag ni/ rgyal bu khyod la brten te/ bdag cag gi pha ma dang 'dra ba khyod me dong du </font><hr>216b<br><font size=+1>>


mchong na/ 'bangs 'di dag thams cad la mgon skyabs dang / gnas med par 'gyur gyi/ mi 'ga' tsam gyi phyir 'bangs thams cad kyi dpung gnyen med par ma mdzad cig /de nas rgyal bus mi mang po de dag la 'di skad ces bsgo'o/ /nga ni/ yun ring po nas 'khor bar 'khor ba na lus grangs med pa zhig 'phos par gyur te| mi'i nang du skyes pa na 'dod pas chog mi shes pas gcig la gcig 'tshe zhing gsod par gyur to/ /mtho ris kyi lhar skyes pa na lha'i tshe zad pas 'dod pa dang bral ba'i sdug bsngal myong ngo / /sems can dmyal bar skyes pa na mer tshig pa dang / zangs su bskol ba dang / ral gri dang / mtshon chas dmyal zhing gtubs pa dang / gdug pa'i chu la 'bog pa dang / ral gri'i so la 'dzeg cing nyin gcig la yang tshe 'phos pa grangs med pa zhig myong ste/ na ba dang 'chi ba'i sdug bsngal rus pa la thug pa brjod kyis mi lang ba zhig myong ngo / /yi dwags su skyes pa na yang lus kyis mi bzod pa'i sdug bsngal rnam pa sna tshogs myong ngo / / dud 'gro'i skye gnas su ni/ lus nyid chud gzan du gyur te khal lci ba bkal nas rtswa las mi za ba'i sdug bsngal bzod dka' ba myong nas lus dang srog chud gsan </font><hr>217a<br><font size=+1>>


@#/ /kyang dam pa'i chos kyi phyir dge ba'i sems cung zad tsam yang bskyed ma myong bas/ da ni/ lus bcog pa dman pa 'dis chos kyi phyir mchod pa byed kyi/ bdag gi bla na med pa'i byang chub tu sems bskyed pa'i bar du gcod pa'i las ma byed cig /bdag ni/ sangs rgyas su bsgrub pa'i phyir lus 'di yongs su gtong ste/ nam mngon par sangs rgyas nas khyed la chos kyi skus sbyin pa bya'o/ /zhes smras pa dang 'khor mang po yang cang mi smra bar gyur to/ /de'i tshe na rgyal bu me dong gi khar 'greng nas bram ze la 'di skad ces gsol to/ /ston pa chen po/ bdag la sngar dam pa'i chos ston cig /gal te tshe'i bar chad du gyur na chos mi thos so/ /zhes gsol pa dang / bram ze des tshigs su bcad pa 'di dag smras so/ /byams pa'i sems ni goms par bya/ /zhe sdang khro ba'i 'du shes spang / / snying rje chen pos sems can skyob/ /kun la snying brtse mchi ma zag /dga' ba chen po goms par bya/ /gzhan la'ang bdag dang mthun pa'i chos/ /byang chub sems kyis bskyab pa ni/ /byang chub sems dpa'i spyod par ldan/ /tshigs su bcad pa 'di dag smras ma thag tu me dong du mchongs pa las/ brgya byin dang / tshangs pa'i </font><hr>217b<br><font size=+1>>


rgyal pos lag pa ya re nas zin te 'di skad ces smras so/ /dzam+bu'i gling gi 'gro ba thams cad ni/ rgyal po khyod kyi bka' drin gyis mi bde ba'i bag med na/ da me dong du mchongs na 'bangs thams cad kyi pha ma tshe 'phos pa dang 'dra bas/ ci'i phyir 'gro ba thams cad yongs su btang ste me dong du mchong zhes smras pa dang / rgyal bu des lha'i rgyal po dang / 'khor mang po la bltas te/ khyed kyis bdag bla na med pa'i byang chub tu sems bskyed pa'i bar du gcod pa'i las ma byed cig ces smras pa dang / thams cad cang mi smra ba dang / de ma thag tu me dong du mchongs so/ /de'i tshe na gnam sa rab tu g.yos te bar snang gi lha dag kyang dus nas mchi mchar bzhin du bab bo/ /me dong de yang me tog gi rdzing bur gyur te/ rgyal bu de yang pad+ma'i steng na 'dug par gyur nas lha rnams kyis me tog gi char pus mo nub pa tsam du phab bo/ /de'i tshe de'i dus na rgyal po tshangs lha ni/ rgyal po yab zas gtsang ma lags so/ /de'i dus na de'i ma ni/ yum lha mdzes lags so/ /de'i tshe de'i dus na rgyal bu rgyal tshab de ni/ bcom ldan 'das lags te/ bcom ldan 'das kyis de'i tshe de'i dus na yang 'gro ba mang po bskyab pa'i slad du chos btsal na/ da yongs su rdzogs </font><hr>218a<br><font size=+1>>


@#/ /par gyur na ci'i slad du shin tu gdungs par gyur pa'i sems can mang po la chos kyi char mi dbab par mya ngan las 'da' bar dgongs/ bcom ldan 'das/ gzhan yang bskal pa grangs med tshad med pa 'das pa'i pha rol na de'i tshe de'i dus na yul wA ra Na si 'dir drang srong lnga brgya zhig gnas te/ drang srong de dag gi ston pa ut+pa la zhes bya ba de/ dam pa'i chos slob cing sgom pa la dga' bas kun tu rgyu zhing su la dam pa'i chos yod pa de bdag la smras na/ ci dang ci 'dod pa yid bzhin du sbyin zhing g.yog bya'o/ /zhes bsgrags pa dang / bram ze zhig der 'ongs te de la 'di skad ces smras so/ /bdag la dam pa'i chos yod de/ thos par 'dod na bstan par bya'o/ /zhes smras pa dang / drang srong des thos nas thal mo sbyar te 'di skad ces gsol to/ /bdag la thugs brtse ba'i slad du dam pa'i chos bstan du gsol zhes smras pa dang / bram zes smras pa/ chos lobs pa yang shin tu dka' ste/ sdug bsngal mang po myong bas chos lobs pa yin gyi| 'di tsam gyis chos thos par 'dod pa rigs pa ma yin no/ /khyod snying nas thos par 'dod na/ kho bos bsgo ba bzhin du byos shig /drang srong gis smras pa/ </font><hr>218b<br><font size=+1>>


ston pa chen po'i bka' bzhin du mi 'gal bar bgyi'o/ /zhes smras pa dang / de la 'di skad ces bsgo'o/ /gal te khyod kyis pags pa bshus te shog shog tu byas la/ rus pa ni/ smyu gur byas/ khrag ni/ snag tshar byas te ngas bstan pa'i chos yi ger bris na/ khyod la chos bstan to/ /zhes smras so/ /de nas drang srong des de skad ces smras pa thos nas rab tu dga' mgu rangs te de bzhin gshegs pa'i bstan pa la bkur sti bya ba'i phyir pags pa bshus nas rus pa la smyu gur byas te khrag snag tshar sbyar nas dus la bab kyi/ myur du gsungs shig ces smras pa dang / bram ze des tshigs su bcad pa 'di dag smras so/ /lus kyi spyod pa rab bsdams shing / / srog gcod rku dang g.yem mi bya/ /phra ma rdzun dang tshig rtsub dang / /kyal pa smra bar mi bya'o/ /'dod pa rnams la mi chags shing / /zhe sdang sems kyang med par bya/ /ngan par lta ba kun spangs na/ /byang chub sems dpa'i spyod pa'o/ /tshigs su bcad pa 'di dag smras ma thag tu yi ger bris nas dzam+bu'i gling kun tu bsgrags te mi mang po thams cad kyis de la slob cing ji ltar bstan pa bzhin du nan tan byed du bcug go /bcom ldan 'das de'i tshe de'i dus na yang sems can mang po'i slad du chos </font><hr>219a<br><font size=+1>>


@#/ /tshol ba la 'gyod pa'i thugs mi mnga' na/ de ci'i slad du chos kyang ma bstan par thams cad yongs su btang ste mya ngan las 'da' bar dgongs| bcom ldan 'das/ gzhan yang sngon 'das pa'i bskal pa tshad ma mchis/ grangs ma mchis pa'i pha rol na dzam+bu'i gling du rgyal po shi bi zhes bgyi ba zhig byung ste/ rgyal po de bzhugs pa'i pho brang ni/ de ba brtsa zhes bgyi ste/ 'byor pa/ bde ba/ lo legs pa/ longs spyod dpag tu ma mchis pa dang ldan no/ / de'i tshe na rgyal po de dzam+bu'i gling 'di la dbang mdzad de/ rgyal phran brgyad khri bzhi stong / ljongs ni/ stong phrag drug cu'i nang na grong khyer khri phrag brgyad cu dang / btsun mo dang / pho brang gi slas stong phrag nyi shu dang / rgyal bu lnga brgya tsam dang / bron po chen po stong phrag bcu mnga' ba la dbang mdzad de thams cad la byams pa dang / snying rjes ma khyab pa med do/ /de'i tshe na brgya byin lha'i dbang po lus kyi yon tan lnga dang bral te/ tshe'i dus byed du nye bas shin tu mi dga' ste mya ngan byed pa bi shwa karma sa mthong nas brgya byin la ci'i slad du mya ngan mdzad cing mi dgyes zhes gsol pa dang / brgya byin gyis smras pa/ nga ni/ tshe'i dus byed </font><hr>219b<br><font size=+1>>


du nye ste| tshe 'pho ba'i ltas sngon du byung na 'jig rten 'dir sangs rgyas kyi chos ni/ nub par gyur te/ byang chub sems dpa' yang 'jig rten na mi bzhugs na/ kho bo gang la skyabs su 'gro ba mi shes pas mya ngan byed do/ /bi sha karmas smras pa/ lha'i dbang po/ /dzam+bu'i gling na rgyal po chen po byang chub sems dpa'i spyad pa spyod pa shi bi zhes bgyi ba zhig bzhugs te/ shin tu yi dam la brtan zhing brtson 'grus rtsom pas gden ma ze bar mngon par 'tshang rgya ste/ de la skyabs su song na gdon mi za bar dpung gnyen du gyur te bgegs las rnam par thar par 'gyur ro/ /brgya byin gyis smras pa/ gal te byang chub sems dpa' yin na/ sngar bgam dgos kyi sad du 'dong ngo / /khyod kyis ni/ phug ron zhig tu sprul cig /nga ni/ khra zhig tu sprul te mgyogs par khyod kyis phyi bzhin du 'ong gi /rgyal po de gang na bzhugs par song la skyabs btsal nas bgam ste/ des sgyu yod dam/ bden pa rtogs par 'gyur ro/ /bi shwa karmas smras pa/ lha'i dbang po/ /skyes bu chen po byang chub sems dpa' la 'tshe ba ni/ mi sha'i/ mchod pa'i rigs kyi/ shin tu dka' ba'i dngos po 'di lta bus gtse ba'i mi rigs so/ /zhes smras pa dang / brgya byin lha'i dbang pos tshigs </font><hr>220a<br><font size=+1>>


@#/ /su bcad pa 'di smras so/ /bdag ni nga la ngan sems min/ /gser ltar sad na mngon par 'gyur/ /bden pa rtogs par 'dod pa na/ /byang chub sems dpa' sad par bya/ /tshigs su bcad pa de skad ces smras nas bi shwa karma ni/ phug ron du sprul/ brgya byin ni/ khra ru sprul nas phug ron gyi phyi bzhin du bdas te bzung la thug pa ltar byas pa dang / phug ron skrag dngangs nas rgyal po'i mtshan khung du zhugs te rgyal po la srog gi skyabs gsol to/ /khra yang mod la phyin te pho brang gi drung gang na ba der 'dug nas rgyal po la 'di skad ces smras so/ /phug ron 'di ni/ bdag gi zas lags te/ 'dir rgyal po la babs kyi| myur du bdag la stsol cig /bdag ni/ bkres pas rab tu nyen to/ /zhes smras pa dang / rgyal pos smras pa/ kho bos ni/ gang bdag la skyabs su 'ongs so cog la phyir mi gtang bar dam bcas pas 'di yang mi sbyin no/ /zhes smras pa dang / yang khras smras pa/ rgyal pos gsungs pa ltar thams cad kyi skyabs mdzad do/ /zhe na/ gal te bdag gi zas mi stsal na bdag kyang 'tsho ba dang 'bral na/ ci bdag kyang thams cad kyi nang du ma gtogs sam/ rgyal pos </font><hr>220b<br><font size=+1>>


smras pa/ khyod la sha gzhan zhig sbyin na za'am/ khras smras pa/ bdag ni/ gsar du bkum pa'i sha rlon pa mchis na 'tshal lo/ /zhes smras pa dang / rgyal po des 'di snyam du sems so/ /de bdag gis gsar du bsad pa'i sha rlon pa zhig sbyar na ni/ gcig bsad da gcig gso ba rigs pa ma yin te/ don med do snyam bsams nas yang 'di snyam du sems so/ /bdag 'ba' zhig gi lus ma gtogs par gzhan ji tsam srog dang bcas pa thams cad ni/ srog phangs so snyam bsams nas gri rnon po thogs te brla'i sha bcad nas khra la byin te phug ron gyi srog blus so/ /khras smras pa/ rgyal po khyod sbyin bdag tu gyur te thams cad la snyoms na/ bdag bya chung ngu zhig lags kyang snyoms par mdzad 'tshal bas/ gal te phug ron gyi srog blu na/ srang gis bcal te mnyam pa mdzad du gsol zhes smras pa dang / rgyal pos srang longs shig ces bka' stsal te/ srang gi khu ler phug ron bzhag /srang gi gzhir ni sha bcad pa spungs na/ brla'i sha zad kyang phug ron pas yang ngo| |phrag pa gnyis dang / rtsib logs g.yas g.yon dang / lus kyi sha zad par bcad kyang phug ron dang mnyam par ma gyur nas rgyal po de nyid bzhengs te srang </font><hr>221a<br><font size=+1>>


@#/ /gi nang du 'gro bar gzas pa las/ nyams kyis ma nus te sa la 'gyel nas brgyal lo/ /de nas ring zhig lon pa dang dran par gyur nas bdag gi sems la 'di skad ces smad do/ /thog ma med pa'i dus nas khyod kyis ma nus pas khams gsum du 'khor zhing sdug bsngal sna tshogs myong bar gyur kyang bsod nams kyi tshogs su ma gyur to/ /brtson 'grus brtsams pa'i dus la bab ste/ le lo bya ba'i dus ma yin no/ /zhes rnam pa sna tshogs kyi sgo nas brgyad dkag ste/ de nas 'bad nas de nas srang gi gzhi'i nang du phyin pa dang / da ni/ legs so zhes rab tu dga' ba'i sems skyes so/ /de'i tshe gnams rnam pa drug tu g.yos pas lha rnams kyi pho brang yang 'gul zhing ldeg par gyur te/ gzugs kyi khams kyi lha man chad thams cad lhags nas steng gi bar snang la 'khod do/ /byang chub sems dpas shin tu dka' ba spyad cing lus kyang gtan ma rungs par byas te chos kyi phyir lus dang srog la mi lta bar gyur pa'i dngos po de dag mthong nas mchi ma char bzhin du zag cing ngus te lha rdzas kyi me tog char bzhin du phab nas mchod pa byas so/ /de'i tshe na brgya byin gyis sngon gyi lus su </font><hr>221b<br><font size=+1>>


ba sgyur te rgyal po la 'di skad ces smras so/ /rgyal pos 'di lta bu'i shin tu dka' ba mdzad pa 'dis ci zhig bzhed/ 'khor los bsgyur ba'i rgyal po bzhed dam/ brgya byin nam/ bdud kyi rgyal po'am/ khams gsum gyi dbang po bzhed dam/ ci bzhed ces smras pa dang / byang chub sems dpas smras pa/ bdag 'dod pa ni| khams gsum gyi che btsan gyi longs spyod 'dod pa ma yin gyi/ bsod nams ci byed kyang bla na med pa'i byang chub 'dod do/ /brgya byin gyis smras pa/ 'di ltar lus zhig cing ma rungs par byas te rus pa la thug pa'i sdug bsngal myong bar gyur pa 'di la mi 'gyod dam zhes smras pa dang / rgyal pos 'gyod pa med do/ / zhes smras so/ /brgya byin gyis smras pa/ 'gyod pa med ces smras mod kyi/ da ltar lus 'dar zhing rdeg la dbugs chad pa tsam du smra yang ma nus pa la bltas na/ 'gyod pa med par cis yid ches par 'gyur/ rgyal pos smras pa/ bdag thog ma nas tha ma'i bar du ba spu'i nyag ma tsam gyi 'gyod pa'i sems med la/ bdag ci dang ci 'dod pa gdon mi za bar 'grub ste/ smras pa'i tshig 'di bden na/ bden pa'i tshig smras pas bdag gi lus 'di snga mkho bzhin du rma med par gyur cig ces </font><hr>222a<br><font size=+1>>


@#/ /smras ma thag tu rgyal po'i lus sngon pas kyang lhag par bzang por gyur te/ lha dang mi'i 'jig rten du bcas pa thams cad dga' mgu rangs nas ngo mtshar smad du gyur to/ /de'i tshe de'i dus na rgyal po shi bi ni/ da ltar sangs rgyas lags te/ bcom ldan 'das sngon 'das pa'i dus na yang sems can mang po'i slad du sku tshe la ma gzigs na/ da bcom ldan 'das chos kyi rgya mtsho ni/ yongs su rdzogs/ chos kyi rgyal mtshan ni/ bsgreng / chos kyi rnga yang rab tu brdungs/ chos kyi sgron me yang gsal bar mdzad de/ phan pa dang bde ba'i don mdzad pa'i dus la bab na/ ci'i slad du chos kyang ma bstan par sems can thams cad yongs su btang ste mya ngan las 'da' bar dgongs/ de'i tshe na tshangs pa'i rgyal pos de bzhin gshegs pa'i spyan sngar thal mo sbyar te| de bzhin gshegs pas sngon gyi sku tshe la chos ji ltar btsal ba dang / sems can gyi slad du dbu stong tsam yang btang bar gyur to/ /zhes bsngags shing bstod pa byas so/ /de'i tshe na bcom ldan 'das kyis tshangs pa'i rgyal pos gsol pa bzhin du gnang ba mdzad nas yul wA ra NA si'i ri dwags la mi 'jigs </font><hr>222b<br><font size=+1>>


pa byin pa'i gnas su gshegs nas chos kyi 'khor lo bskor te/ /de ltar chos kyi 'khor lo bskor bas dkon mchog gsum yang 'jig rten na mngon sum du gyur to| |de'i tshe de skad ces gsungs nas lha dang / mi dang / klu dang / gnod sbyin dang / lha ma yin sde brgyad la sogs pa thams cad mngon par dga' nas rjes su spyod do/ /dpe sna tshogs bstan pa'i le'u ste dang po'o// //sems can chen pos stag mo la lus byin pa'i le'u/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe bcom ldan 'das bsod snyoms kyi dus la bab nas sham thabs dang chos gos gsol te lhung bzed bsnams nas kun dga' bo dang bsod snyoms la gshegs so/ /de'i tshe grong khyer de na rgan mo zhig la bu rtag tu rku ba gnyis shig yod de/ nor bdag gis zin nas zhal che ba'i mdun du khrid de khrims dang sbyar nas gsad pa la thug nas rigs ngan gyis bkri ste gsod pa'i gnas su khrid pa las/ bcom ldan 'das rgyang ma nas gshegs pa rgan mo ma smad gsum gyis mthong nas sangs rgyas </font><hr>223a<br><font size=+1>>


@#/ /gshegs pa'i phyogs su phyag 'tshal te/ lha'i nang na gtso bo thugs brtse bar dgongs te bdag gi bu dgum pa la thug pa 'di'i skyabs mdzad du gsol zhes smras pa bcom ldan 'das kyis gsan nas de bzhin gshegs pa thugs rje chen pos de dag la thugs brtse bar dgongs te/ de dag gi bu srog bskyab pa'i slad du bcom ldan 'das kyis kun dga' bo la bka' stsal te rgyal po la gsol ba 'debs su btang ba dang / rgyal pos kyang bcom ldan 'das kyi bka' bzhin de dag btang ngo / /de dag bcom ldan 'das kyi bka' drin zhing rab tu dga' ba skyes nas bcom ldan 'das ga la ba der song ste phyin pa dang / zhabs la spyi bos phyag 'tshal nas thal mo sbyar te bcom ldan 'das la 'di skad ces gsol to/ /bcom ldan 'das kyi bka' drin chen pos bdag cag gi tshe srog lhag ma tsam zhig lus par gyur na/ lha'i gtso bo thugs brtse bar dgongs te bdag cag chos la rab tu 'byung bar ci gnang zhes gsol pa dang / bcom ldan 'das kyis legs par 'ongs so/ /zhes bka' stsal pas/ skra dang kha spu rang byi ste gos kyang dur smrig tu gyur to/ /de dag </font><hr>223b<br><font size=+1>>


shin tu dad pa'i sems brtan par gyur nas bcom ldan 'das kyis ci rigs pa'i chos bstan nas rdul dang dri ma zad de dgra bcom par gyur to/ /de'i ma rgan mo de yang chos thos pas lan gcig phyir mi ldog pa thob par gyur to/ /de'i tshe kun dga' bos de lta bu'i dngos po ngo mtshar che ba dag mthong nas de bzhin gshegs pa ni/ yon tan de snyed cig mnga'o/ /zhes bsgrags te/ yang 'di snyam du rgan mo ma smad gsum po 'dis sngon legs pa ci zhig bgyis na/ da ltar bcom ldan 'das dang phrad de nyes pa chen po las kyang thar la/ mya ngan las 'das pa'i bde ba thob nas lus gcig gis phan pa dang / bde ba'i don thob pa legs so snyam du bsam pa dang / bcom ldan 'das kyis mkhyen nas kun dga' bo la 'di skad ces bka' stsal to/ /ma smad gsum po 'di ni/ ngas da ltar 'di 'ba' zhig gi dus su gsos par ma zad kyi/ sngon 'das pa'i dus na yang nga'i bka' drin gyis gsos so/ /kun dga' bos gsol pa/ bcom ldan 'das/ sngon 'das pa'i dus na yang ma smad gsum po 'di dag ji ltar gsos pa bcom ldan 'das kyis bstan tu gsol/ bcom ldan 'das kyis kun dga' bo la </font><hr>224a<br><font size=+1>>


@#/ /bka' stsal pa/ sngon 'das pa'i dus bskal pa grangs med pa'i snga rol na dzam+bu gling 'di na rgyal po shing rta chen po zhes bya ba zhig yod do| rgyal phran lnga stong snyed la dbang byed do/ /rgyal po de yang sras gsum mnga' ste/ rab ni/ sgra chen po zhes bya'o/ /'bring ni/ lha chen po zhes bya'o/ /tha chung ni| sems can chen po zhes bya ste/ sras tha chung de chung du nas byams pa dang snying rjer ldan te/ thams cad la bu gcig pa dang 'dra'o/ /de'i tshe rgyal po de blon po dang bcas/ btsun mo dang sras su bcas te phyi rol tu 'chag cing dong ba las/ cung zad cig ngal bso ba'i bar du sras gsum po tshal gyi nang du dong dong ba las stag mo gcig bu byung nas zhag du ma lon pa bkres skom pas nyen te/ phyir yang bu za la thug pa zhig mthong nas rgyal bu tha chung des phu bo gnyis la smras pa/ stag mo 'di ni/ shin tu sdug bsngal gyis gzir te nyam chung la rid pas shi la thug pa 'di lta bu bu byung ma thag pa yang za ru 'dod do| |zhes smras pa dang / phu bo gnyis kyis khyod zer ba bden no/ /zhes smras so/ /nu bos yang phu bo gnyis la smras pa/ stag mo 'di zas su ci za zhes dris </font><hr>224b<br><font size=+1>>


na| phu bo gnyis kyis bsad ma thag pa'i sha rlon dang / khrag dron gyis de'i yid tshim par 'gyur ro/ /zhes smras so/ /yang smras pa/ gang su yang rung ste de lta bu'i dngos pos 'di'i srog bskyabs te mi nyams par byed nus pa yod dam/ phu bo gnyis kyis smras pa/ de ni/ shin tu yang dka' bas med do/ /de nas rgyal bu tha chung des yid la 'di snyam du bsam mo/ /bdag yun ring po nas 'khor ba na 'khor zhing lus dang srog grangs med pa zhig chud gsan te/ bar 'ga' ni/ 'dod chags kyi phyir| bar 'ga' ni/ zhe sdang gi phyir/ bar 'ga' ni/ gti mug gi phyir lus btang ste/ chos kyi phyir bsod nams kyi zhing dang lan 'ga' yang ma phrad pa'i lus 'di ci rung snyam bsam pa thag bcad nas gsum char 'grogs te song ba las ring por ma phyin par phu bo gnyis la 'di skad ces smras so/ /mched gnyis slar gshegs shig dang / bdag don zhig gnyer te slad bzhin du sleb par mchi'o/ /zhes smras nas lam de nyid du zhugs te stag mo'i tshang gang na 'dug par myur du song nas stag mo'i drung du nyal ba dang / stag mo kha thams nas za ma nus so/ /de'i tshe rgyal bus shing gi tshal pa rnon pos lus la khrag phyung nas stag mo la ldag </font><hr>225a<br><font size=+1>>


@#/ /tu bcug pa dang / kha yang phye nas lus kyi sha ma lus par zos so/ /phu bo gnyis kyis bsdad nas ring zhig tu ma 'ongs pas phyir rjes bzhin du tshol du dong ba las sngar smras pa'i tshul la brtags nas gdon mi za bar stag mo ltogs pa snyod du song ngo snyam bsam nas der phyin te bltas pa na/ nu bo tha chung stag gis zos te sha dang khrag gis kun tu bsgos nas rtsog rtsog pa ltar 'dug pa mthong nas lus sa la brdabs te brgyal lo/ /ring zhig lon pa dang dbugs phyir phyung nas cho nges btab ste sa la 'gre zhing 'khams par gyur to/ /de'i tshe na btsun mo yum mnal pa'i rmi lam na phug ron gsum zhig kun tu 'phur zhing rtse ba las/ nang gi chung ba gcig khras khyer ba snyam rmis ma thag tu sad nas sngangs skrag ste rgyal po la bsnyad do/ /bdag gis gtam du thos na/ phug ron ni/ bu'i bla ste/ phug ron nang gi chung du khras khyer ba las/ bdag gi bu nang gi sdug pa bkra mi shis su nges kyi zhes de ma thag tu kun tu tshol ba btang ba las| ring por ma lon par rgyal bu gnyis ni/ 'ongs kyi/ bu nang gi sdug pa cang ma nyes sam/ ga re zhes dris na phu bo gnyis skad kyis brangs te ring </font><hr>225b<br><font size=+1>>


zhig tu dbugs kyang ma phyin/ smra yang ma nus nas de'i 'og tu dbugs phyin pa dang / stag gis zos so/ /zhes smras so/ /lha mos de skad ces smras pa thos nas 'khams te sa la 'gyel nas ring zhig lon pa dang dbugs phyin te/ pu gnyis dang / btsun mo dang / pho brang slas su bcas te myur bar rgyal bu gang du tshe 'phos pa'i gnas su song ngo / /de'i tshe stag mos rgyal bu'i sha ni zad par zos nas rus pa dang / khrag 'ba' zhig sa la rtsog rtsog pa ltar 'dug pa mthong nas btsun mos ni/ mgo nas bzung / rgyal pos ni/ lag pa nas bzung ste cho nges btab nas dus pa dang / der yang 'khams nas ring zhig lon te phyir sangs so/ /rgyal bu sems can chen po de der tshe 'phos nas dga' ldan lha'i gnas su skyes so/ /bdag ci spyad pas 'dir skyes snyam bsam ste/ lha'i mig gis rgyud lnga kun tu brtags na bdag tshe 'phos pa'i rus bu tshal na 'dug pa la pha mas bskor te shin tu yid la gcags pas mya ngan gyi zug rdus sdug bsngal zhing cho nges 'debs pa mthong nas lhas bsam pa/ bdag gi pha ma 'di ltar mi dga' ba'i rkyen gyis gal te na lus dang srog gi bar chad du 'gyur gyi/ de la spro ba bskyed cing gtam byar 'gro snyam bsam nas nam mkha' las babs te steng </font><hr>226a<br><font size=+1>>


@#/ /gi nam mkha' las tshig snyan pa rnam pa sna tshogs kyis pha ma gnyis spro ba bskyed do/ /pha ma gnyis kyis nam mkhar bltas nas lha khyod su zhig lags pa bdag la smros shig ces smras pa dang / lhas smras pa/ bdag ni/ rgyal bu sems can chen po zhes bya ba yin te/ bdag gis lus stag mo ltogs pa la byin nas dga' ldan gyi lha'i gnas su skyes so/ /rgyal po chen po/ 'di ltar mkhyen par mdzod cig /ji tsam du srid pa dang bcas pa'i chos ni/ mthar 'jig pa 'ong / skye ba yod na nges par 'jig go /sdig pa byas na sems can dmyal bar ltung gi /dge ba byas na mtho ris su skye ste/ skye ba dang 'jig pa ni/ kun la srid na/ ci'i slad du bdag 'ba' zhig gi phyir mya ngan gyi rgya mtshor lhung ba mi tshor ram/ dge ba'i phyogs la brtson 'grus mdzod cig /de'i pha mas smras pa| khyod ni/ snying rje chen pos stag mo snyod de thams cad la snying brtse ba yin na/ bdag cag btang ste tshe'i dus byas pas nged ni/ khyod dran pa'i phyir sha yang dum bu dum bur bcad pa tsam du sdug bsngal gyis gdungs na/ snying rje chen po spyod pa khyod 'di lta bu bya bar rigs sam/ de nas yang lha des tshig snyan </font><hr>226b<br><font size=+1>>


pa rnam pa sna tshogs kyi sgo nas bzhams te spro ba bskyed pas de'i pha ma yang spro ba cung zad skyes nas rin po che sna bdun gyi sgrom byas te rus bu de'i nang du bcug nas spas pa'i steng du mchod rten byas so/ /lha yang phyir gnas su song ngo / /rgyal po dang 'khor mang po rnams kyang phyir pho brang du 'ongs so/ /bcom ldan 'das kyis kun dga' po la bka' stsal pa/ khyod kyi yid la ji snyam/ de'i tshe de'i dus na rgyal po shing rta chen po de su yin snyam du sems na/ de ni/ da ltar nga'i yab rgyal po zas gtsang ma yin no| |de'i tshe de'i dus na rgyal po de'i btsun mo de ni/ da ltar nga'i yum lha mdzes yin no/ /de'i dus na sras rab sgra chen po ni/ byams pa yin no/ /sras 'bring po lha chen po ni/ ba su mi tra yin no/ /de'i tshe de'i dus na rgyal bu tha chung sems can chen po ni/ gzhan du ma sems shig /da ltar nga yin no/ /de'i dus na stag phrug ni/ mi 'di gnyis yin te/ ngas sngon yang yun ring po nas bgegs las thar par byas te srog bskyabs nas bde bar byas so/ /nga sngon par sangs rgyas nas kyang bgegs las thar par mdzad nas 'khor ba'i sdug bsngal chen po las yongs su grol lo/ /de'i tshe na kun dga' bo dang / 'khor mang po thams cad bcom ldan 'das kyis </font><hr>227a<br><font size=+1>>


@#/ /gsungs pa la yi rang ste mngon par bstod do/ /sems can chen pos stag mo la lus byin pa'i le'u ste gnyis pa'o// // kun tu rgyus tshul khrims bsrungs pa'i le'u/ 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe nam gyi cha stod na lha gnyis shig sangs rgyas gang na ba der 'ongs so/ /lha de'i lus kyi 'od kyis rgyal bu rgyal byed kyi tshal gser gyi mdog ltar gcig tu snang bar byas so/ /de la bcom ldan 'das kyis ci rigs su dam pa'i chos bstan pas sems rnam par grol te gnyi gas byang chub kyi 'bras bu thob nas bcom ldan 'das kyi zhabs la mgo bos phyag 'tshal te phyir yang lha'i gnas su dong ngo / /phyi de nyin nam langs ma thag tu kun dga' bos bcom ldan 'das la 'di skad ces gsol to/ /mdang lha gnyis shig mchis te bcom ldan 'das la bsnyen bkur bgyis nas de'i lus kyi 'od kyis kun tu snang zhing mdzes par bgyis pa 'di sngon las ci zhig bgyis pas/ de lta bu'i 'bras bu thob par gyur ces gsol pa dang / bcom ldan </font><hr>227b<br><font size=+1>>


'das kyis kun dga' bo la 'di skad ces bka' stsal to/ /sngon sangs rgyas 'od srung mya ngan las 'das nas dam pa'i chos 'jig tu nye ba na bram ze gnyis shig nyin zhag gcig pa'i tshul khrims brgyad mnos te/ de la gcig gis ni/ lhar skye bar shog cig ces smon lam btab bo/ /gcig gis ni/ rgyal por gyur cig ces smon lam btab nas phyir khyim du 'ong ngo / /de la gcig khyim du 'ongs nas chung mas zan la bos na/ khyod 'di skad ces smras so/ /bdag sangs rgyas kyi chos las phyi dro kha zas mi za ba'i khrims mnos kyi/ mi 'dod do/ /zhes smras pa dang / chung mas smras pa/ khyod ni/ kun tu rgyu yin te/ bdag cag gi chos kyi tshul khrims yod na| ci'i phyir ston pa gzhan gyi tshul khrims nod/ gal te bdag dang lhan cig zan mi za na/ khyod ji skad smras pa bzhin du kun tu rgyu gzhan dag la bsnyad de/ khyod dang lhan cig tu 'du zhing gtam zer du mi gnang bar skrod du gzhug go /de skad ces smras pa dang / khyos ma bzod de sngangs skrag nas chung ma dang lhan cig tu dus ma yin par zan zos so/ /mi de gnyis tshe'i dbang thang ji tsam thub pa bzhin du so so nas tshe'i dus byas nas rgyal por smon pa de ni/ tshul khrims bsrungs pas </font><hr>228a<br><font size=+1>>


@#/ /rgyal po'i rigs su skyes so/ /lhar skye bar smon pa de ni/ tshul khrims nyams pas klu zhig tu skyes so/ /de'i tshe na rgyal po'i bza' shing ga ra ba srung ba zhig nyin gcig bzhin du shing tog rnam pa sna tshogs skyel ba las/ phyis dus gzhan zhig na chu mig cig gi nang nas ku shu kha dog dad dri bsung dang ldan pa zhig rnyed nas 'di snyam du bsams so/ /bdag shing tog skyel zhing phan tshun 'gro ba'i tshe rtag tu sgo bas bkag ste legs par 'gror mi ster gyi| ku shu 'di sgo ba de la sbyin no snyam du bsams nas rgyal po'i chab sgo ba la byin no/ /chab sgo ba des kyang shing tog blangs nas 'di snyam du bsams so/ /zhu zhing gsol ba la 'gro ba'i tshe rtag tu nyug rum gyis bkag nas nyam bag tu 'gror med kyi/ ku shu 'di ni/ nyug rum de la sbyin no snyam du bsams nas nyug rum la byin no/ /nyug rum gyis kyang blangs nas btsun mo la phul lo/ /btsun mos thob nas rgyal po la phul lo/ /rgyal pos ku shu de zos na rab tu mngar zhing lhag par dri bsung dang ldan pa zhig nas btsun mo la ku shu 'di ga las rnyed ces dris na/ btsun mos kyang ji ltar rnyed pa'i gtam zhib tu byas nas </font><hr>228b<br><font size=+1>>


gcig nas gcig tu thug ste tha ma ra ba srung ba la thug nas rgyal pos ra ba srung ba bkug ste de la 'di skad ces bka' stsal to/ /nga'i bza' shing gi ra ba na shing tog 'di lta bu yod na/ ci'i phyir nga la mi 'bul bar gzhan dag la sbyin zhes bka' stsal pa dang / ra ba srung ba des thog ma ji ltar rnyed pa zhib tu gsol to/ /de nas rgyal pos ra ba srung ba de la da phyin chad ku shu 'di lta bu rtag tu phul cig ces bka' stsal pa dang / ra ba srung ba des 'di skad ces gsol to/ /ku shu 'di ni/ 'bras bu las skyes pa ma lags te/ chab mig cig gi nang nas rnyed pas slan chad ni/ bdag gis mi rnyed de/ mi 'byor to/ /zhes gsol ba dang / de la rgyal pos yang khyod kyis phyin chad mi rnyed na/ khyod kyis lus dum bur gcad do/ /zhes bka' stsal pa dang / ra ba srung ba de phyir gnas su song nas mya ngan byed cing dus pa dang / dus pa'i sgra chen po klu zhig gis thos nas klu de mi zhig tu sprul nas de la 'di skad du khyod ci phyir mi dga' zhing du zhes dris so/ /ra ba srung ba des ji ltar gyur pa'i gtam klu la zhib tu smras pa dang / klu de mi snang bar gyur nas ring po ma lon par gser gyi gzhong pa zhig gi nang shing tog bzang pos bkang ste mi de la byin </font><hr>229a<br><font size=+1>>


@#/ /nas khyod kyis shing tog 'di khyer la rgyal po la phul la 'phrin du yang 'di skad ces gyis shig /rgyal po dang bdag tu bshes te/ sngon tshe snga ma la gnyi ga kun tu rgyu yin pa las/ nyin zhag gcig pa'i khrims brgyad mnos te so sor smon lam btab pa las/ rgyal po ni/ tshul khrims bsrungs pas rgyal por gyur to/ /bdag ni/ tshul khrims nyams pas klur skyes kyi/ da yang tshul khrims srung zhing lus 'di las thar bar dga'o/ /nyin zhag gcig pa'i khrims brgyad kyi cho ga bdag la stsal du gsol/ ci ste ma gnang na rgyal po'i yul yang rgya mtshor bsgyur ro/ /zhes 'phrin spring ngo / /ra ba srung ba des shing tog khyer te rgyal po la phul nas klus springs pa'i 'phrin yang rdzogs par bsnyad pa dang / rgyal po de mi dga' bar gyur to/ /de ci'i phyir zhe na/ de'i tshe 'jig rten na sangs rgyas kyang mi bzhugs/ dam chos kyang nub nas nyin zhag gcig pa'i khrims brgyad kyi dpe yang mi rnyed do/ /don de ma bsgrubs na ni/ gnod pa mngon du byed kyis dogs pas rtog pa la zhugs te mi dga' bar sems shing 'dug 'dug pa las rgyal po des blon po mchog cig yod pa la 'di skad ces bka' </font><hr>229b<br><font size=+1>>


stsal to/ /klu zhig nga la khrims brgyad kyi dpe zhig slong gi /mi rnyed du mi gnang ngo / /zhes bka' stsal na/ blon pos gsol pa/ 'jig rten na chos ma mchis par bdag gis ga las rnyed ces gsol pa dang / rgyal pos blon po de la khyod kyis ma rnyed na/ gsad do/ /zhes bka' stsal to/ /blon po de shin tu mi dga' bzhin du song nas khyim du phyin pa dang / blon po de la pha rgan po rgas shing 'khogs pa zhig yod de/ phas bltas na bdag gi bu 'di sngon chad ni/ 'dzum mul te mdangs dang bcas pas gtam zer na/ deng ci'i phyir bdag gi bu 'di sngon chad dang mi 'dra bar ngo 'dzum gnag ste gtam zer zhes byas pa dang / des ji ltar gyur pa pha la zhib tu gtam byas pa dang / de'i phas smras pa/ bdag cag gi khyim na ka ba zhig la rtag tu 'od 'byung ste/ de'i nang na ci yod ltos shig ces bsgo ba dang / ka ba byung ste gshags na/ de'i nang nas rten cing 'brel bar 'byung ba bcu gnyis kyi mdo dang / nyin zhag gcig pa'i khrims brgyad kyi dpe byung nas blon po des rgyal po la phul lo/ /rgyal pos thob nas rab tu dga' mgu rangs te khrims brgyad kyi dpe gser gyi sgrom bur bcug ste klu la bskur to/ /klu des </font><hr>230a<br><font size=+1>>


@#/ /thos nas shin tu dga' bas rgyal po chen po de la rin po che yang mang du phul lo/ /nyin zhag gcig pa'i khrims brgyad bsrungs nas gzhan dag kyang srung bar bskul te/ de nas tshe 'phos nas lhar skyes so/ /rgyal po de yang chos bzhin du tshul khrims bsrungs pas tshe'i dus byas nas gnas lhan cig tu lhar skyes te/ mdang nam gyi cha stod la nga'i spyan sngar 'ongs te ci rigs par chos bstan pas rgyun du zhugs pa'i 'bras bu thob nas ngan song gsum dang yongs su bral te lha dang mi'i longs spyod myong zhing mthar mya ngan las 'da' ba'i bar du thob par gyur te/ /bcom ldan 'das kyis de skad ces gsungs pa la 'khor mang po thams cad yi rang nas mngon par dga'o/ /kun tu rgyus tshul khrims bsrungs pa'i le'u ste gsum pa'o// //lus btsongs te mchod pa byas pa'i le'u/ 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgan med zas sbyin gyi kun dga' ra ba na bzhugs so/ /de'i tshe na yul de na khyim bdag cig la khye'u zhig btsas nas khye'u de dbyibs legs shing blta na sdug pa bzang ba zhig ste/ btsas nas ring </font><hr>230b<br><font size=+1>>


por ma lon par smra yang shes so/ /khye'u des pha ma la bcom ldan 'das da ltar bzhugs sam zhes dris pa dang / da ltar bzhugs so/ /zhes smras so/ /'o na btsun pa shA ri'i bu dang / kun dga' bo la sogs pa bzhugs sam zhes dris pa dang / de yang bzhugs so/ /zhes smras so/ /khye'u de'i pha mas bu btsas ma thag tu smra shes pa 'di ni/ mi ma yin no snyam nas ngo mtshar ba dang ya mtshan du gyur pas bcom ldan 'das la zhus so/ /bcom ldan 'das kyis khyod kyi bu ni/ mtshan dang ldan te/ the tshem ma byed cig ces bka' stsal pa dang / khye'u de'i pha ma rab tu dga' mgu rangs te phyir khyim du 'ongs so/ /de nas khye'u des pha ma la sangs rgyas dang / dge slong gi dge 'dun rnams spyan drongs shig ces gsol pa dang / de'i pha mas sangs rgyas dang / dge 'dun spyan drangs na yo byad sbyar dgos te/ 'phral du 'byor pa yang ma yin no| |zhes bsgo'o/ /bus smras pa/ khang pa'i nang na phyag dar dang / chag chag byas te gdan things la/ gdan mthon po gsum zhig bsgrigs te things shig dang / zhal zas ro brgya dang ldan pa rang 'ong ngo / /bdag gi tshe snga ma'i ma yang da ltar yul wA ra Ni si na mchis kyi/ de yang bos shig ces smras so/ /de'i pha mas bus smras pa </font><hr>231a<br><font size=+1>>


@#/ /bzhin du mi zhig glang po che la bskyon te de'i ma yang bos nas 'ongs so/ /gdan mthon po gsum bshams pa de gcig la ni/ sangs rgyas bzhugs su gsol cig /gcig la ni/ che snga ma'i ma bzhugs zhig /gcig la ni/ da ltar lus skyad pa'i ma bzhugs shig /de nas sangs rgyas kyang dge 'dun gyi 'khor dang bcas te gshegs nas gdan bting ba la rim pa bzhin du bzhugs nas zhal zas bzang pos kyang thams cad khyed cing chog par gyur te/ de la bcom ldan 'das kyis chos bstan nas khye'u de'i pha ma gnyis dang / khyim gang gi mi chen po dang / chung ngu thams cad kyis chos thos nas rab tu dga' ste/ kun gyis 'bras bu dang po thob par gyur to/ /khye'u de yang phyi phyir cher skyes nas rab tu byung ste brtson 'grus brtsams pas dgra bcom pa thob par gyur to/ /bcom ldan 'das la kun dga' bos gsol pa/ dge slong 'di sngon legs pa ci zhig bgyis na/ che zhing mtho ba'i rigs su skyes te/ chung du nas smra yang 'tshal la/ rab tu byung nas kyang mngon par shes pa myur du thob par gyur/ bcom ldan 'das kyis kun dga' bo la bka' stsal pa/ mi 'di tshe snga ma la yul wA ra NA si'i </font><hr>231b<br><font size=+1>>


khyim bdag gi bu las khyim bdag tshe 'phos nas so tshis zhig ste dbul phongs par gyur to/ /sangs rgyas bcom ldan 'das 'jig rten na bzhugs pa dang phrad kyang mchod pa bya ba'i longs spyod med pas de mi dga' nas rigs che zhing mtho ba bcabs te gla za bar khas blangs nas lo gcig lon pa dang / gser srang stong tsam rnyed do/ /de la rigs che zhing mtho ba zhig gis khyod chung ma mi len nam zhes dris na/ mi 'dod do/ /zhes smras so/ /nges yang dris pa/ gser 'dis ci zhig bya zhes dris na/ sangs rgyas dang / 'phags pa'i dge 'dun la bsod snyoms shig gsol bar dgos so/ /zhes smras so/ /rigs che zhing mtho ba des smras pa/ khyod sangs rgyas dang / 'phags pa'i dge 'dun spyan drang 'dod na/ kho bos gser sbyar te zhal zas la sogs pa'i g.yos kyang bsham gyi/ kho bo'i khyim du spyan drongs shig ces smras pa dang / dbul po des kyang de bzhin du bgyi'o/ /zhes smras nas zhal zas bshams te sangs rgyas dang / 'phags pa'i dge 'dun spyan drangs so/ /de'i rgyu de'i rkyen gyis tshe'i dus byas nas kyang khyim bdag de'i khyim du skyes te da yang sangs rgyas spyan drangs nas chos thos ma thag tu byang chub thob par gyur to/ /bcom ldan 'das kyis </font><hr>232a<br><font size=+1>>


@#/ /kun dga' bo la bka' stsal pa/ sngon gyi mi dbul po de ni/ khyim bdag gi khye'u dge slong 'di yin no/ /bcom ldan 'das kyis de skad ces gsungs pa la 'khor mang po thams cad yid rangs te mngon par dga'o/ /lus btsongs te mchod pa byas pa'i le'u ste bzhi pa'o// // rgya mtsho'i lhas dris pa'i le'u/ 'di skad bdag gis thos pa dus gcig na/ bcom ldan 'das mnyan yod na rgyal po rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe yul de nyid na tshong pa lnga brgya tsam zhig rgya mtshor rin po che len du 'gro ba dag 'di ltar bgros so/ /bdag cag gis mi'i nang na mkhas shing shes pa zhig ded dpon du bkri'o/ /zhes bgros nas dge bsnyen khrims lnga pa zhig khrid de rgya mtshor zhugs so/ /rgya mtsho'i dbus su phyin pa dang / rgya mtsho'i lha de srin po zhig tu sprul nas lus gzugs shin tu mi sdug la sngo zhing nag pa/ mche ba gyen du byung ba/ mgo la me 'bar ba zhig drung du 'ongs nas gru 'di nga la byin cig ces smras te/ tshong pa la 'di skad ces 'dri'o/ /'jig rten na gang dag 'jigs su rung ba nga las 'da' ba yod dam/ zhes dris pa dang / </font><hr>232b<br><font size=+1>>


dge bsnyen gyis smras pa/ khyod pas shin tu lhag par 'jigs pa yang yod do/ /rgya mtsho'i lhas smras pa/ de lta bu su zhig /dge bsnyen gyis smras pa/ 'jig rten na glen pa gti mug can/ mi dge ba'i las rnams bag med par byed pa/ srog gcod pa dang / ma byin par len pa dang / 'dod pas log par g.yem pa dang / rdzun du smra ba dang / tshig kyal pa smra ba dang / phra ma dang zhe gcod pa'i tshig smra ba dang / 'dod chags dang zhe sdang che ba/ ngan par lta ba dang / tshe 'phos nas sems can dmyal bar skye ste/ sdug bsngal rnam pa sna tshogs myong ba rnams sems can dmyal ba'i srung mas khrid nas la la ni/ mtshon gyis dmyal zhing gtubs/ la la ni/ shing rtas phan tshun du drangs nas kham tshad tsam du bcad/ la la ni/ gtun gyis brdungs/ la la ni/ rang 'thag gis btags/ la la ni| ral gri'i ri la 'dzeg \?\ /la la ni/ me'i shing rta dang / zangs khol ma dang / chab rom dang / ngan skyug gi nang du bskol ba la sogs te sdug bsngal shin tu mi bzad pa rnam pa sna tshogs de lta bu dag lo brgya stong gi par du myong ba de ni/ khyod pas shin tu yang lhag par 'jigs su rung ngo / /zhes smras pa rgya mtsho'i lhas </font><hr>233a<br><font size=+1>>


@#/ /thos nas de ma thag tu mi snang bar gyur to/ /yang rgya mtsho'i nang du song song ba las rgya mtsho'i lha de mi'i nang na shin tu rid cing nyam thag pa| rtsa dang rus pa tsam 'brel pa zhig tu sprul nas gru 'di nga la byin cig ces smras te/ de la 'di skad ces 'dri'o/ /'jig rten na ring cing nyam thag pa da las lhag pa yod dam/ dge bsnyen gyis smras pa/ khyod pas shin tu lhag par nyam thag cing rid pa yod do/ /rgya mtsho'i lhas smras pa/ de lta bu su zhig / dge bsnyen gyis smras pa/ gang glen pa gti mug can/ rang bzhin gyis 'jungs shing ser sna byed la/ 'dod pas phrag dog byed pa/ sbyin pa mi shes pa dag tshe 'phos nas yi dwags su skyes te/ lus ni/ ri chen po tsam la/ mgrin pa ni/ mo khab tsam du gyur te/ skra 'dzings pa/ gnag cing rid pa/ lo brgya stong gi bar du chu'i ming yang mi thos pa de ni/ khyod pas kyang shin tu lhag par rid do/ /zhes smras ma thag tu mi snang bar gyur to/ /de nas yang song song ba las rgya mtsho'i lha de mi'i nang na gzugs byad shin tu bzang po zhig tu sprul nas gru 'di nga la byin cig ces smras te tshong pa dag la 'jig rten mi'i nang na da tsam du gzugs </font><hr>233b<br><font size=+1>>


byad bzang la mdzes pa yod dam/ dge bsnyen gyis smras pa/ khyod pas brgya 'gyur stong 'gyur gyis lhag par bzang ba yod do/ /rgya mtsho'i lhas smras pa/ bdag pas lhag par bzang ba de su zhig /dge bsnyen gyis smras pa/ 'jig rten na mkhas pa blo dang ldan pa/ dge ba phun sum tshogs par spyod pa/ lus dang ngag dang yid kyi las yongs su dag pa/ dkon mchog gsum la shin tu dad pa/ ci 'byor pa des mchod pa byed pa'i blon can de ni/ tshe 'phos nas mtho ris kyi lhar skyes te gzugs byang legs pa/ sdug pa/ shin tu mdzes pa de ni/ khyod pas brgya 'gyur stong 'gyur gyis lhag ste/ khyod dang de gnyis bsgrun na spre'u zhar ma bkra shis mar bsgrun ma dang 'dra'o/ /de nas rgya mtsho'i lhas chu snyim pa gang bcus nas dge bsnyen de la snyim pa gang gi chu mang ngam/ rgya mtsho'i chu mang zhes dris pa dang / dge bsnyen gyis snyim pa gang gi chu mang gi /rgya mtsho'i chu mang ba ma yin no/ /zhes smras so/ /rgya mtsho'i lhas smras pa/ khyod 'di skad du smras pa'i tshig de bden pa yin nam/ dge bsnyen gyis smras pa/ tshig 'di ni/ bden pa yin te/ rdzun pa ma yin no/ /bden par cis mngon/ smras pa/ rgya mtsho'i chu yang mang mod kyi/ gdon mi za bar skam pa'i </font><hr>234a<br><font size=+1>>


@#/ /dus yod do/ /bskal pa mes 'jig tu nye ba na nyi ma gnyis 'char te/ chu mig dang lteng ka kun skam mo/ /nyi ma gsum 'char ba na chu bran thams cad skam mo/ /nyi ma bzhi 'char ba na chu bo thams cad skam mo/ /nyi ma lnga 'char ba na rgya mtsho chen po yang snga ma las bri'o/ /nyi ma drug shar ba na sum nyis bri'o| |nyi ma bdun shar ba na rgya mtsho yang skam ste/ ri rab lhun po yang snyil/ rdo rje'i mtha' la thug gi bar du tshig cing 'bar bar 'gyur ro/ /gang zhig shin tu dad pa'i sems kyis chu snyim pa gang tsam sangs rgyas la mchod dam/ dge 'dun la phul lam/ pha ma la phul lam/ dbul phongs la byin nam/ gcan gzan la byin na/ bsod nams 'di ni/ bskal pa du mar yang mi zad de/ de bas na rgya mtsho'i chu ni/ nyung gi /snyim pa'i chu ni/ mang bar rig par bya'o| |de nas rgya mtsho'i lha rab tu dga' ste/ des dge bsnyen de la rin po che mang du phul nas rin po che dam pa dag sangs rgyas dang / dge 'dun la yang bskur ro/ /dge bsnyen dang / tshong pa rnams rin po ches chog par gyur nas phyir yang bde bar yul du phyin to/ /de'i tshe dge bsnyen de dang / tshong pa lnga </font><hr>234b<br><font size=+1>>


brgya tsam sangs rgyas gang na ba der 'ongs nas bcom ldan 'das kyi zhabs la spyi bos phyag 'tshal te/ so so nas rin po che thogs pa dang / rgya mtsho'i lhas bskur ba yang sangs rgyas dang / dge 'dun la phul te/ de dag pus mo sa la btsugs nas thal mo sbyar te bcom ldan 'das la 'di skad ces gsol to/ /bdag cag kyang ston pa'i bstan pa la rab tu 'byung ngo / /zhes smras pa dang bcom ldan 'das kyis dge slong legs par 'ongs so/ /zhes bka' stsal pas skra dang kha spu rang byi ste chos gos gyon pa'i dge slong du gyur to/ /de nas bcom ldan 'das kyis ci rigs su chos bstan cing phye bas 'dod pa kun zad de dgra bcom par gyur to/ / 'khor mang po de dag bcom ldan 'das kyis gsungs pa la yid rangs nas mngon par dga'o/ /rgya mtsho'i lhas dris pa'i le'u ste lnga pa'o// //bam po gnyis pa/ lha'i bu gang+gA da ra zhes bya ba'i le'u/ 'di skad bdag gis thos pa dus gcig na/ bcom ldan 'das bya ka land ka gnas pa 'od ma'i tshal na bzhugs so| |de'i tshe yul de na blon po shin tu phyug po zhig la bu tsha med do/ /de'i tshe na chu klung gang+gA'i 'gram na ma Ni b+ha dra zhes bya ba'i lha rten zhig yod de/ thams cad de la phyag </font><hr>235a<br><font size=+1>>


@#/ /'tshal zhing mchod pa byed do/ /blon po chen po de yang lha'i rten gyi drung du song nas 'di skad ces gsol to/ /bdag la bu tsha med de/ lha khyod yon tan tshad med pa dang ldan zhes thos kyi/ 'gro ba kun la skyob pa khyod gzhan gyi smon lam bskang bar nus na/ bdag kyang bskyab tu gsol lo/ /gal te khyod kyis bdag la bu zhig stsal na/ gser dang dngul gyis lha khyod kyi sku yang g.yogs shing bzhugs pa'i rten yang spos dang byug pas byug go /ci ste mngon rtags med na| lha khyod kyi rten yang bshig la khyod kyi lus la mi gtsang ba bshang gcis kyang bsku'o/ /zhes smras pa lha des thos nas 'di snyam du bsam mo/ / blon po 'di ni/ phyug cing btsan la mthu che bas smad rigs tsam gyis 'di'i bur mi 'gyur te/ bdag mthu chung bas 'di'i smon lam bskang mi nus so/ /gal te smon pa bzhin du ma byas na gdon mi za bar mi sdug par mtho btsam mo snyam bu bsam nas rten srung ba'i lha des ma Ni b+ha dra la gsol to/ /de la yang de lta bu'i mthu med pas rnam thos kyi bu gang na ba der song ste rnam thos kyi bu la gsol to/ /rnam thos kyi bus kyang bdag gi mthu tsam gyis bu yod par mi nus so snyam bsam </font><hr>235b<br><font size=+1>>


nas rnam thos kyi bu de brgya byin gang na ba der song ste 'di skad ces gsol to/ /bdag gi blon po ma Ni b+ha dra zhes bgyi ba de bdag la 'di skad ces mchi'o/ /rgyal po'i khab na blon po chen po zhig bdag la bu slong ste smon pa bzhin du byas na ni/ mchod pa dang rim gro yang skyed do/ /smon pa bzhin du ma byas na rten yang bshig ste mi sdug bar bya'o/ /zhes dam bcas pas des ni/ dam bcas pa bzhin du gdon mi 'tshal bar bgyid na/ brgya byin lha'i dbang po/ /khyod kyis de la bu zhig mchis par mdzad du gsol/ /brgya byin gyis smras pa/ 'di ni/ shin tu yang dka' mod kyi/ da ltar rgyu zhig snang ngo / /de'i tshe na lha'i sras po zhig yon tan lnga dang bral nas tshe'i dus byed du nye ba zhig yod de/ de la 'di skad ces smras so/ /khyod ni/ tshe'i dus byed par nges pas/ dus byas na blon po de'i bur skyes shig ces smras so/ /lha'i sras pos smras pa/ bdag ni/ rab tu byung zhing dam pa'i chos spyod par dad de/ gal te rigs mtho zhing che bar skyes na rab tu 'byung bar bka'i/ rigs tha mal bar skyes na sla'o/ /zhes gsol pa dang / brgya byin gyis yang smras pa/ lha/ khyod der skyes shig dang / rab tu 'byung bar dad na ngas grogs bya'o/ /zhes smras so/ /lha'i </font><hr>236a<br><font size=+1>>


@#/ /sras po de der tshe 'phos nas blon po de'i rigs su de'i btsun mo'i rum du skyes te/ phyis btsas pa na dbyibs legs shing blta na sdug pa bzang ba zhig btsas te mtshan mkhan la bstan nas mtshan mkhan gyis kyang bltas te/ bu 'di thog ma gang nas rnyed ces dris na/ klung gang+gA'i lha las bslangs so/ /zhes byas nas bu de'i ming yang gang+gA nga ra zhes btags so/ /phyis tshad du phyin par skyes pa dang / des pha ma la bdag ni/ rab tu 'byung bar gsol lo/ /zhes smras so/ /de'i pha mas smras pa/ kho bo ni/ 'di lta bur phyug cing btsan te longs spyod chen po dang ldan la/ bu ni/ khyod gcig pur zar de/ nga'i rigs bsab cing pha ma gso dgos kyi/ mi gnang ngo / /zhes bsgo ba dang / khye'u des bsam pa bzhin du ma gyur pas shin tu mi dga' ste/ 'di snyam du lus 'di med par byas la rigs tha mal pa zhig tu skyes te rab tu 'byung bar gsol na/ 'di bas sla yang srid snyam bsam nas gsang ste phyi rol du byung nas brag mthon po zhig la mchongs so/ /brag las mchongs nas sa la lhung na yang snad pa'am nyams pa med do/ /de nas chu chen po'i 'gram du song ste chur mchongs na yang </font><hr>236b<br><font size=+1>>


chus g.yengs te ma nyes par phyir byung ngo / /btsan dug zos na yang dug gi mthus gnod par ma gyur nas yang 'di snyam du bsam mo/ /bdag gis rgyal po'i khrims dang 'gal ba zhig byas na/ rgyal pos bsad kyang srid snyam bsam nas rgyal po'i btsun mo dang sras rnams pho brang gi phyi rol du byung ste skyed mos tshal gyi rdzing du khrus byed du dong nas de dag gis gos dang rgyan bkrol te shing la bzhag go /de ltar gos dang rgyan shing la bzhag pa gang+gA da ra des mthong nas skyed mos tshal du zhugs te/ btsun mo de dag gi gos dang rgyan pang pas btab nas sgor byung ba dang / sgo srung gis bzung ste rgyal po ma skyes dgra la phul lo/ /rgyal pos de skad ces thos nas rab tu khros te mda' gzhu blangs nas rgyal po nyid lag dar te khye'u la 'phangs na/ mda' 'phangs pa khye'u la ma song gi /phyir yang rgyal po'i drung du lhung ngo / / lan gsum gyi bar du de ltar gyur nas rgyal po dngangs te gzhu yang bor nas khye'u la/ khyod lha'am/ klu'am/ yi dgas sam/ gnod sbyin nam/ ci zhig ces smras so/ / khye'us gsol pa/ bdag la gsol ba sna gcig mchi'i/ de gnang na legs par smra'o/ /zhes gsol ba dang / rgyal pos kyang de bzhin du bya'o/ /zhes smras so/ / </font><hr>237a<br><font size=+1>>


@#/ /khye'us gsol pa/ bdag ni/ lha yang ma lags/ klu yang ma lags te/ rgyal po'i khab kyi blon po chen po'i bu lags so/ /bdag rab tu byung bar dad na/ bdag gi pha mas ma gnang bas/ bdag gi lus 'di gzhan du skye bar bgyi ba'i slad du rang 'chi'o snyam ste brag mthon po la mchongs/ chur yang mchongs/ btsan dug kyang 'tshal na/ 'gum du ma btub nas rgyal po'i khrims las 'gal ba zhig byas na/ 'gum par 'gyur snyam bsam ste rgyal pos dgum par bgyis pa las kyang 'di ltar ma gum ste/ da 'di ltar gyur na rgyal pos thugs brtse bar dgongs te bdag rab tu 'byung bar gnong zhig ces gsol pa dang / rgyal pos kyang khyod rab tu byung bar gnang ngo / /zhes bka' stsal nas khye'u de khrid de bcom ldan 'das kyi spyan sngar lhags nas ji ltar gyur pa bcom ldan 'das la zhib tu gsol to/ /de nas bcom ldan 'das kyis kyang rab tu 'byung bar gnang nas lus la chos gos gyon cig ces pa dang dge slong du gyur to/ /bcom ldan 'das kyis ci rigs par chos bstan pas sems rnam par grol te dgra bcom par gyur nas rig </font><hr>237b<br><font size=+1>>


pa gsum dang / mngon par shes pa drug dang / rnam par thar pa brgyad dang ldan par gyur to/ /de nas rgyal po ma skyes dgras bcom ldan 'das la 'di skad ces gsol to/ /bcom ldan 'das/ khye'u gzhon nu 'dis sngon dge ba'i rtsa ba ci zhig bskrun na/ brag la mchongs kyang ma gum/ chab tu mchongs kyang gnod par ma gyur/ btsan dug 'tshal kyang ma gum/ mda' 'phangs kyang smas par ma gyur te bcom ldan 'das dang mtha' nas 'khor ba'i mtha' las grol bar gyur ces gsol pa dang / bcom ldan 'das kyis rgyal po la 'di skad ces bka' stsal to/ /sngon 'das pa'i dus bskal pa grangs med pa 'das pa na yul wA ra NA si zhes bya ba na rgyal po tshangs pas byin zhes bya ba zhig yod de/ rgyal po de'i btsun mo dang / pho brang gi slas su bcas nas skyed mos tshal du rol du gshegs so/ /skyed mos tshal de na pho brang gi slas dag gis glu blangs pa dang / ra ba'i phyi rol nas mi zhig gis skad chen pos ram bu btegs pa rgyal pos thos so/ /rgyal pos de thos nas khros te mi de zungs la sod cig ces bka' stsal to/ /de'i tshe na blon po zhig phyi rol nas nang du 'ong ba las mi de btson du bzung ba mthong nas g.yog 'khor rnams </font><hr>238a<br><font size=+1>>


@#/ /la ci nyes te bzung zhes dris so/ /de dag gis ci'i phyir bzung ba'i gtam zhib tu smras pa dang / blon po des de dag la re zhig ma bsad par sdod cig /kho bos rgyal po la gsol lo/ /zhes smras nas pho brang gi nang du song ste rgyal po la 'di skad ces gsol to/ /'gum du khrid pa'i mi des dgum pa la thug pa'i nongs pa ma bgyis so/ /glu blangs pa'i ram bu btegs pa ni/ gzugs su mi snang bas mi rigs pa'i glo ba rings pa dang / btsun mo la ngan du bgyis pa ma lags kyi/ de'i srog la thugs brtse bar dongs te gtang ba'i rigs so/ /zhes gsol nas rgyal pos kyang ma bsad par thong zhig ces bka' stsal to/ /mi de blon po de'i g.yog byed pa la zhugs te phyis lo mang zhig lon pa dang 'di snyam du bsam mo/ /'dod chags kyis smras pa ni/ ral gri bas rno ste/ bdag 'di ltar nyam thag pa yang 'dod chags kyi phyir ro snyam bsam nas blon po da la bdag rab tu 'byung zhing thar pa'i lam sgom du ci gnang zhes gsol nas blon po des kyang khyod thar pa'i lam sgom na/ bdag kyang gegs mi byed kyi/ khyod thar par gyur na yang phyir bdag dang phrad du shog </font><hr>238b<br><font size=+1>>


cig ces bsgo'o/ /mi de dben par song nas don dam pa yid la byas te brtson 'gus brtsams pas/ rang sangs rgyas su gyur nas phyir yang grong khyer du song ste blon po chen po ga la ba der 'ongs so/ /blon po chen po de rab tu dga' nas bsod snyoms dang 'tsho ba'i yo byad rnam pa bzhi mi brel bar phul lo/ /de nas rang sangs rgyas de steng gi nam mkha' la 'phags nas sku las chu 'bab pa dang / me 'byung ba dang / 'od zer chen po gtod pa la sogs te/ cho 'phrul rnam pa bco brgyad bstan to/ /blon po chen po des de lta bu dag mthong nas tshad med pa'i spro bskyes te 'di skad du dam bcas so/ /mi 'di bdag gi drin gyis 'tsho bar gyur kyi| bdag gar skyes kyang btsan zhing phyug pa dang / tshe ring ba dang / gzhan pas brgya 'gyur stong 'gyur du shin tu 'phags shing ye shes dang bsod nams kyang 'di dang mnyam par gyur cig ces smon lam btab bo/ /bcom ldan 'das kyis rgyal po la bka' stsal pa/ de'i tshe de'i dus na blon po des mi gcig gi srog bskyabs te 'bras bu thob par byas pa de ni/ 'di yin no/ /de'i rgyu de'i rkyen gyis gang nas gang du skyes kyang srog gi bar chad du ma gyur te/ da nga dang phrad nas 'bras bu mchog </font><hr>239a<br><font size=+1>>


@#/ /thob par gyur to/ /bcom ldan 'das kyis de skad ces gsungs pa la 'khor mang po thams cad yi rang nas mngon par dga'o/ / lha'i bu gang+ga dar zhes bya ba'i le'u ste drug pa'o// //rgyal po gsal rgyal gyi bu mo rdo rje'i le'u/ 'di skad bdag gis thos ba dus gcig na bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na rgyal po gsal rgyal gyi btsun mo chen po 'bar li zhes bya ba la bu mo gcig btsas nas bu mo de'i ming rdo rje zhes btags te/ bzhin rab tu mi sdug pa/ lus kyi sha shin tu rtsub pa/ stag lpags ltar sra ba/ skra yang rta rngo ltar shog rba zhig ste/ rgyal pos kyang bu mo de mi sdug pas mi dga' nas pho brang gi nang du sus kyang mi mthong ba'i gnas shig tu bskyed do/ /bu mo de de ltar mi sdug kyang btsun mo chen po la btsas pas/ mi sdug bzhin du sus kyang mi mthong bar bskyed de/ phyis cher skyes nas bag mar gtang ran pa dang / rgyal po rab tu mi dga' nas blon po la 'di skad ces bka' stsal to/ /thog ma cho rigs mtho ba'i rje'u'i rigs su gtogs pa las/ da </font><hr>239b<br><font size=+1>>


'khyams te nor dang longs spyod mi bdog pa zhig tshol la khrid de shog cig ces bsgo'o/ /de nas blon po des kyang sngon cho rigs mtho zhing rje'u'i rig kyi \?\ bu las 'khyams nas dbul phongs pa zhig rnyed de rgyal po la phul lo/ /rgyal pos kyang de dang mi med pa'i gnas dben pa zhig tu gsang steng la bu mo bzhin mi sdug pa zhig yod de/ bag mar gtang ran na/ gnyen zla ma rnyed kyi/ cho rigs che zhing mthob khyod dbul zhing ci yang med mod kyi/ khyod kyi chung mar sbyin gyis longs shig /ces bka' stsal ba dang / de nas khye'u des bus mo sa la btsugs nas rgyal po'i bka' bzhin du bgyi'o/ /rgyal po chen pos bdag la khyi mo zhig stsal na yang blang bar 'tshal na| rgyal po'i sku gdung la gtogs pa'i sras mo stsal pa lta ci smos te/ bka' bzhin du blang bar 'tshal to/ /zhes gsol to/ /rgyal pos kyang sras mo dbul po'i chung mar byin nas de'i gnas khang la sogs pa byas te sgo bdun rim du byas nas mag pa la 'di skad ces bsgo'o/ /khyod gung du 'gro ba'i tshe khyod nyid kyis sgo tshong la lde mig kyang khyer cig /nga'i bu mo rab tu mi sdug pa 'di ci nas kyang phyi mi gzhan gyis mi mthong bar sgo rab tu sdoms shig ces bsgos nas nor dang </font><hr>240a<br><font size=+1>>


@#/ /longs spyod la sogs pa yo byad ci dgos pa thams cad chog par byin te blon por bcug go /de nor bu rin po che dang longs spyod mang po dang ldan par gyur pas/ dbus phyi zhig na rigs che zhing mtho ba gzhan dang ston mo bya bar 'thams te ston mo la khyo shug dang / bu tsha yang 'dus te rtse bar byas pa las| gzhan kun ni/ chung ma dang 'grogs te 'ongs na/ blon po de 'ba' zhig gi chung ma ma 'ongs pas grogs po dag the tshom du gyur te/ yang na ni/ mi 'di'i chung ma mnga' byad shin tu mdzes shing bzang mo zhig go /yang na ni/ shin tu mi sdug cing gzhan gyis mthong du mi rung ba zhig yin pas khrid de ma 'ongs so snyam the tshom za bas/ de dag de'i chung ma blta bar bgros nas yid mthun par gsang ste mi 'di chang gis ra ro bar byas la mi dran pa'i 'og tu lde mig brkus te mi lnga tsam zhig de'i chung ma bltar gtang ngo / /zhes bgros so/ /de'i tshe na mi de'i chung mas sngon bdag gis sdig pa ci zhig byas na/ khyim thab sdang ste 'di 'dra bar mun khang du bcug nas nyi ma dang zla ba tsam yang bltar med do/ /mi gzhan yang mi mthong snyam ste shin tu mi dga' nas yang 'di snyam du bsam mo/ /sangs </font><hr>240b<br><font size=+1>>


rgyas bcom ldan 'das 'jig rten na bzhugs te/ sems can gang sdug bsngal gyis gdungs bdag gi mgon dang skyabs mdzad de thar par mdzad do zhe na/ bcom ldan 'das la bdag rgyang ma nas phyag 'tshal lo/ /thugs brtse bar dgongs te bdag gi mdun du mngon sum du gshegs shing bdag la cung zad cig zhal ston par gyur kyang ci ma rung snyam bsam mo/ /bu mo de'i bsam pa shin tu dag cing mos par mkhyen nas bcom ldan 'das de'i khyim du gshegs te/ bu mo de'i mdun gyis las dbu mthon mthing gis mtshan pa mngon par bstan pa bu mo des mthong bar mdzad do/ /bu mo des bcom ldan 'das kyi dbu mthon mthing mthong nas lhag par yang dga' zhing mgu rangs te bsam pa shin tu dag par gyur to/ /bsam pa shin tu dag pas bu mo de'i skra yang shin tu 'jam zhing mthon mthing gi kha dog tu gyur to| |bcom ldan 'das kyi zhal yang mngon sum du bstan pa bu mo des mthong ma thag tu rab tu dga' mgu rangs pas bu mo de'i bzhin yang bzang zhing mdzes par gyur to/ /mi sdug pa dang / rtsub pa yang rang med par gyur to/ /bcom ldan 'das kyi sku sta zur yan chad mngon par bstan te gser gyi mdog lta bu'i </font><hr>241a<br><font size=+1>>


@#/ /'od lham mer snang bar mdzad pa bu mo des mthong nas sangs rgyas la lhag par dga' zhing rab tu mgu rangs par gyur to/ /de ltar dga' mgu rangs pas mi sdug pa thams cad med par gyur te shin tu mdzes shing sdug pa ni/ lha'i bu mo ltar 'jig rten na dpe zla med par gyur to/ /bcom ldan 'das kyis bu mo de la thugs brtse ba'i phyir sku rdzogs par bstan nas bu mo mig mi 'dzum par lta zhing / sngar bas kyang lhag par rab tu dga' mgu rangs nas lus kyi mtshan thams cad 'jig rten na dpe zla med par shin tu bzang zhing mi sdug pa'i bag lhag ma cung zad tsam yang ma lus so/ /bcom ldan 'das kyis ci rigs su chos kyang bstan pas sdig pa kun zad de rgyun du zhugs pa'i 'bras bu thob par gyur nas bcom ldan 'das kyang slar gshegs so/ /de nas de ma thag tu mi lnga pos kyang sgo phye ste nang du lhags nas de'i chung ma rab tu mdzes cing bzang la zla med pa mthong nas gcig la gcig 'di skad du/ 'di'i chung ma 'di shin tu bzang zhing mdzes pas mkhrid do/ /zhes smras te/ de dag de'i chung ma mthong nas phyir yang sgo bcad de/ de dag gang na 'dug par 'ongs </font><hr>241b<br><font size=+1>>


nas mi des ma tshor bar lde mig kyang phyir lus la btags so/ /mi de ra ro ba las sangs nas kun gyes te phyir khyim du 'ongs pa dang / bdag gi chung ma mnga' byad shin tu bzang zhing mdzes te/ mi'i nang na shin tu dkon par gyur pa mthong nas rab tu dga' ste chung ma/ khyod su yin zhes smras pa dang / chung mas kyang bdag ni/ khyod kyi chung ma'o/ /zhes smras so/ /khyos smras pa/ khyod ni/ rab tu yang mi sdug pa zhig ni/ ci'i phyir 'di ltar bzang zhing mdzes par gyur ces dris ba dang / chung mas smras pa/ bdag gis sangs rgyas mthong bas du ma 'di lta bur gyur to/ /zhes gtam zhib tu smras so/ /chung mas yang smras pa/ bdag gi yid la da ni/ bdag yab rgyal po dang 'phrad 'dod kyi/ rgyal po la bdag 'di skad mchi'o/ /zhes gsol cig /khyos kyang rgyal po la de bzhin gsol nas rgyal pos mag pa la 'di skad ces ma zer bar myur du song la phyir 'byung du mi gnang bar snoms shig ces bka' stsal to/ /mag pas yang gsol pa/ rgyal po chen po/ sras mo ni/ bcom ldan 'das kyi thugs rje'i byin gyis lha mo dang 'dra bar bzang zhing mdzes par gyur to/ /rgyal pos mag pa la bka' stsal pa/ </font><hr>242a<br><font size=+1>>


@#/ /khyod smras pa bden te/ de ltar gyur na myur du khrid de shog cig ces bsgos nas shing rta brgyan te sras mo pho brang gi nang du bsu'o/ / rgyal pos bu mo de de ltar bzang zhing mdzes par gyur pa mthong nas rab tu dga' mgu rangs te rgyal po dang / btsun mo dang / mag pa dang / bu mor bcas pa bcom ldan 'das gang na ba der song ste phyin pa dang / sangs rgyas la phyag 'tshal nas phyogs gcig tu 'khod do/ /de nas rgyal po gsal rgyal gyis pus mo g.yas pa'i lha nga sa la btsugs nas bcom ldan 'das la 'di skad ces gsol to/ /bu mo 'dis sngon bsod nams ci zhig bgyis na/ rigs che zhing mtho la longs spyod mang po nor dbyig dang ldon pa'i rigs su skyes la/ sdig pa'i las ci zhig bgyis na/ byad gzugs shin tu mi sdug cing pags pa dang skra mang dud 'gro lta bur gyur ces gsol pa dang / de la bcom ldan 'das kyis bka' stsal pa/ rgyal po chen po/ sras mo mnga' byad mdzes shing bzang ba dang / mi sdug pa yang tshe rabs snga ma la bsod nams dang sdig pa'i las byas pa las gyur to/ /sngon 'das pa'i dus yun ring po na yul wA ra NA </font><hr>242b<br><font size=+1>>


si zhes bya ba de'i yul mi khyim bdag rab tu phyug pa/ nor dbyig tshad med pa dang ldan pa zhig byung ste/ khyim bdag de khyim na ci bdog pa thams cad rang sangs rgyas gcig la mchod cing 'bul lo/ /rang sangs rgyas de'i sku shin tu rtsub pa la ngan pa/ mi sdug pa/ skem pa zhig ste/ khyim bdag de la bu mo chung ngu zhig yod pa des nyin gcig bzhin du rang sangs rgyas de gshegs pa mthong ba'ang bu mo des kha na ma tho ba'i sems bskyed do/ /brnyas smod cing 'di skad du byad bzhin mi sdug la lus kyi pags pa rtsub pa 'dir mi sdug ces kha byas so/ /rang sangs rgyas brtag tu de'i khyim du gshegs shing mchod pa bzhes nas yun ring mo zhig lon pa dang / mya ngan las 'das par bsam ste/ yon bdag de'i phyir steng gi nam mkha' la 'phags nas sku la me 'bar ba dang / chu 'bab pa dang / shar phyogs nas mi snang bar gyur nas nub phyogs su byung ba dang / nub phyogs nas mi snang nas shar phyogs su byung ba dang / lho phyogs nas mi snang nas byang phyogs su byung ba dang / byang phyogs nas mi snang nas lho phyogs su byung ba dang / nam mkha' stong pa la nyal ba dang / 'dug pa la sogs pa'i cho 'phrul rnam pa sna tshogs </font><hr>243a<br><font size=+1>>


@#/ /bstan te/ khyim de'i mi thams cad kyis cho 'phrul de mthong bar byas nas nam mkha' las babs te de'i khyim du gshegs so/ /khyim bdag de yang lhag par rab tu dga' mgu rangs par gyur to/ /bu mo de yang shin tu 'gyod pa skyes nas rang sangs rgyas de la 'di skad du bdag gis sngar kha na ma tho ba'i nongs pa yang dang yang bgyis pa de dag gi dngos sdig tu mi 'gyur bar 'gyod tshangs gsol nas rang sangs rgyas des kyang 'gyod tshangs bya bar gnang ngo / /bcom ldan 'das kyis bka' stsal pa/ rgyal po chen po/ de'i tshe de'i dus na bu mo de ni/ da ltar gyi rgyal po'i bu mo 'di yin te/ de'i tshe mi dge ba'i sems kyis 'phags pa rang sangs rgyas la smad pa'i ngag gi nyes pas/ de phyin chad rtag tu mi sdug pa'i lus myong bar gyur to/ /phyis cho 'phrul mthong nas 'gyod pas ni| phyir yang mnga' byed mdzes shing bzang ba dang / blo dang ldan par gyur te/ rang sangs rgyas la mchod pa byas pas gang nas gang du skyes kyang rigs che zhing longs spyod 'byor ba dang / mthar yang rnam par grol bar gyur to/ /de bas na rgyal po chen po/ ji tsam du sems can gyi rigs su gtogs pa thams </font><hr>243b<br><font size=+1>>


cad ni| lus dang ngag gi nyes pa shin tu bsrung zhing gzhan la brnyes pa dang smad par mi bya'o/ /de'i tshe na rgyal po gsal rgyal 'khor dang bcas pa dang / 'khor mang po thams cad bcom ldan 'das kyis rnam par smin pa'i 'bras bu bstan pa thos nas bsam pa shin tu rnam par dag pa'i dad pa dang ldan par gyur ta/ de ltar bsam pa shin tu rnam par dag pas/ la la ni/ 'bras bu dang po nas 'bras bu bzhi pa'i bar du thob par gyur to/ /la la ni/ bla na med pa'i byang chub tu sems bskyed do| |la la ni/ phyir mi ldog pa'i sa la gnas par gyur te/ 'khor de dag thams cad bcom ldan 'das kyis gsungs pa la rjes su yi rang nas mngon par dga'o/ / rgyal po gsal rgyal gyi bu mo rdo rje'i le'u ste bdun pa'o// //gser dbyig gi le'u/ 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' rab na dge slong chen po'i dge 'dun brgya phrag phyed dang bcu gsum dang thabs cig tu bzhugs so/ /de'i tshe grong khyer de na khyim bdag cig gi chung ma la bu zhig btsas te/ ming yang gser dbyig ces btegs nas byad gzugs legs pa/ bzang </font><hr>244a<br><font size=+1>>


@#/ /ba| shin tu mdzes pa/ 'jig rten na zla med pa/ khye'u de sngon gyi las kyis lag pa gnyis khu tshur bcangs nas byung ngo / /khye'u de'i pha ma ya mtshan du gyur te bkra mi shis so snyam nas khye'u de'i khu tshur gnyis phye ste bltas na/ khye'u'i lag mthil na gser gyi dong tshe re re yod do/ /pha ma gnyis rab tu dga' ste gser gyi dong tshe gnyi ga blangs te/ blangs pa'i shul na da dung yang yod par gyur nas yang blangs so/ /de bzhin du pha ma gnyis kyis gser gyi dong tshe lag mthil nas blangs pas bang mdzod gang yang bu'i lag nas dong tshe zad par ma gyur to/ /khye'u de phyis cher skyes nas pha ma la bdag rab tu 'byung ngo / /zhes gsol pa dang / pha mas kyang yid bzhin du gnang ngo / /zhes smras so/ /de nas khye'u gser dbyig bcom ldan 'das ga la ba der song nas zhabs la spyi bos phyag 'tshal te sangs rgyas la 'di skad ces gsol to/ /bcom ldan 'das/ bdag la thugs brtse ba'i slad du ston pas bdag la rab tu 'byung bar ci gnang zhes gsol ba dang / bcom ldan 'das kyis khye'u gser dbyig /khyod rab tu 'byung bar gnang ngo / /zhes bka' stsal </font><hr>244b<br><font size=+1>>


to| |de ltar sangs rgyas kyis gnang nas khye'u gser dbyig skra dang kha spu bregs te chos gos gyon nas dge sbyong du gyur to/ /phyis lo grangs tshang ste bsnyen par rdzogs ran nas dge 'dun la dad pa gsol te bsnyen par rdzogs par gsol to/ /bsnyen par rdzogs pa'i dge 'dun la rim gyis phyag 'tshal te/ mthar gyis phyag 'tshal ba na lag pa gnyis sa la gar reg par gser gyi dong tshe re re yod de/ de bzhin du mthar gyis phyag 'tshal ba thams cad du gser gyi dong tshe yod par gyur to| |bsnyen par rdzogs nas brtson 'grus bsgoms pas dgra bcom pa thob par gyur to/ /kun dga' bos bcom ldan 'das la gsol pa/ bcom ldan 'das| dge slong gser dbyig 'dis sngon bsod nams ci zhig bgyis na/ thog ma btsas nas de tsam gyi bar du gser gyi dong tshe thogs pa bcom ldan 'das kyis bstan du gsol/ /bcom ldan 'das kyis kun dga' bo la bka' stsal pa/ rtag par nyon la shin tu yid la zungs shig dang / khyod la bstan par bya'o/ / zhes bka' stsal pa dang / kun dga' bos de bzhin du thos par 'tshal lo/ /zhes gsol to/ /bcom ldan 'das kyis bka' stsal pa/ sngon 'das pa'i </font><hr>245a<br><font size=+1>>


@#/ /bskal pa dgu bcu rtsa gcig gi pha rol na sangs rgyas gser thub ces bya ba 'jig rten du gshegs te dam pa'i chos kyis sems can gyi don mdzad pa ni/ brjod cing dpag tu med do/ /sangs rgyas de dge 'dun dang bcas nas yul rgyu zhing gshegs pa las khyim bdag rigs che zhing mtho ba/ 'byor pa dang longs spyod du ldan pa rnams zhal zas rnam pa sna tshogs bshams te sangs rgyas dang / nye gnas 'phags pa'i dge 'dun la mchod pa byas so/ /de'i tshe na mi dbul po longs spyod ci yang mi bdog pa zhig rtag tu ri la shing 'thu zhing 'tshong ngo / /phyis shing btsongs pa'i rin du dong tshe gnyis shig rnyed nas mi dbul po des sangs rgyas dge 'dun dang bcas pa rgyal po'i pho brang du spyan drangs te gshegs pa mthong nas rab tu dga' mgu rangs te dong tshe gnyis bdog pa sangs rgyas dang dge 'dun la phul ba dang / bcom ldan 'das kyis de la thugs brtse bar dgongs te dong tshe gnyis bzhes te bcom ldan 'das kyis kun dga' bo la bka' stsal pa/ de'i tshe na mi dbul po des dong tshe gnyis shig sangs rgyas dang dge 'dun la bul bas/ bskal </font><hr>245b<br><font size=+1>>


pa dgu bcu rtsa gcig gi bar du lag na gser gyi dong tshe rtag tu thogs par gyur to/ /nor dang / rin po che dang / 'tsho ba'i longs spyod zad mi shes par gyur to// de'i tshe de'i dus na mi dbul po de ni/ dge slong gser dbyig 'di yin te/ mi 'dis ci ste dgra bcom pa'i 'bras bu thob na yang ma 'ongs pa'i 'bras bu rnam par smin pa yang tshad dpag tu med do/ /de bas na kun dga' bo/ sems can thams cad kyis sbyin pa sbyin pa'i las la brtson par bya'o/ /de'i tshe na kun dga' bo dang / 'khor mang po rnams sangs rgyas kyis gsungs pa 'di thos nas dad cing mos par gyur te/ la la ni/ rgyun du zhugs pa'i 'bras bu thob/ la la ni/ lan gcig phyir ldog pa dang / phyir mi ldog pa dang / dgra bcom pa thob bo/ /la la ni/ bla na med pa yang dag par rdzogs pa'i byang chub tu sems bskyed do| |la la ni/ phyir mi ldog pa'i sa la gnas par gyur to/ /'khor thams cad sangs rgyas kyis gsungs pa la mngon par dga'o/ /gser dbyig gi le'u ste| brgyad pa'o// //lha'i me tog gi le'u/ 'di skad bdag gis thos pa dus gcig na/ bcom ldan 'das mnyan yod na rgyal bu rgyal </font><hr>246a<br><font size=+1>>


@#/ /byed kyi tshal mgon med zas sbyin gyi kun dga' ra ba na dge slong chen po'i dge 'dun brgya phrag phyed dang bcu gsum dang thabs cig tu bzhugs so/ /de'i tshe yul de na khyim bdag rigs che zhing mtho ba'i chung ma la bu zhig btsas nas byad gzugs legs pa/ blta na sdug pa/ bzang ba| shin tu mdzes pa zhig btsas so/ /btsas ma thag tu nam mkha' las lha rdzas kyi me tog char bzhin du bab ste khang pa kun gang bas bu'i ming yang lha'i me tog ces btags so/ /khye'u de phyis cher skyes nas sangs rgyas gang na ba der song ste phyin pa dang / sangs rgyas kyi sku mdog dang mtshan dang dpe byad bzang po dpe med pa mthong nas rab tu dga' ba skyes te 'di snyam du bsam mo/ /bdag 'jig rten 'dir skyes kyang 'phags pa'i gtso bo dang phrad kyi/ sangs rgyas dang 'phags pa'i dge slong gi dge 'dun spyan drang ngo snyam bsams nas sangs rgyas la 'di skad ces gsol to/ /bcom ldan 'das 'phags pa'i dge 'dun dang bcas te sang gi gdugs la bdag gi mchis brang du bsod snyoms ngan pa zhig sbyar gyi/ bsod nams bskyed pa'i slad du gshegs par </font><hr>246b<br><font size=+1>>


ci gnang zhes gsol pa dang / de'i bsam pa dag par mkhyen nas gshegs su gnang ngo / /de nas lha'i me tog phyir khyim du 'ongs pa dang / phyi nyin sangs rgyas dang dge 'dun rnams kyang de'i khyim du gshegs so/ /lha'i me tog gis kyang khang bzang gi nang du rin po che'i gdan mang po sprul te rgyan gyis brgyan pa las sangs rgyas dang dge 'dun gyi rnams gdan de la rim gyis bzhugs su gsol nas lha'i me tog gis zhal zas rnam pa sna sogs dgos par bsam pa dang / de'i bsod nams kyis bsam pa bzhin du 'byor te sangs rgyas dang / dge 'dun rnams la bsod snyoms kyi bya ba byas so/ /lhung bzed blangs te lha'i me tog la chos mang po rgyas par bstan nas lha'i me tog gi khyim gang gi mi kun gyis rgyun du zhugs pa'i 'bras bu thob par gyur to/ /de nas lha'i me tog gis pha ma la rab tu 'byung zhing sangs rgyas kyi nye gnas su mchi bar gsol pa dang / pha mas kyang de bzhin du gnang nas khye'u de sangs rgyas gang na ba der song ste phyin pa dang / sangs rgyas kyi zhabs la mgo bos phyag 'tshal nas sangs rgyas kyi bstan pa la rab tu 'byung bar gsol to/ /bcom ldan 'das kyis kyang dge slong legs </font><hr>247a<br><font size=+1>>


@#/ /par 'ongs so/ /zhes bka' stsal nas skra dang kha spu rang byi ste ngur smrig gyon par gyur nas snags rgyas kyi bka' bzhin du nan tan byas pas dgra bcom par gyur to/ /de nas kun dga' bos de ltar gyur pa mthong nas sangs rgyas gang na/ ba der song ste bus mos la btsugs nas bcom ldan 'das la 'di skad ces gsol to/ /dge slong lha'i me tog 'dis sngon bsod nams ci zhig bgyis na/ lha'i me tog rang 'bab cing rin po che'i gdan dang zhal zas sna tshogs yid bzhin du sprul pa bcom ldan 'das kyis bstan du gsol/ bcom ldan 'das kyis kun dga' bo la bka' stsal pa| thos par 'dod na legs par nyon cig /sngon 'das pa'i dus na sangs rgyas gser thub ces bya ba 'jig rten du gshegs te sems can gyi don rgyas par mdzad do/ /de'i tshe na dge 'dun mang po grong rgyu zhing gshegs pa las/ khyim bdag rigs che zhing mtho ba dag gis mchod pa byas so/ /de'i tshe na mi dbul po zhig longs spyod ci yang mi bdog pas/ dge 'dun de dag la rab tu dga' ba'i sems skyes te/ bdag gis ni/ cis kyang mchod du med do </font><hr>247b<br><font size=+1>>


snyam nas spang dang / ne'u las me tog rnam pa sna tshogs ba tus te dge 'dun la gtor nas bsam pa dag pas phyag dar byas te song ngo / /bcom ldan 'das kyis kun dga' bo la bka' stsal pa/ de'i tshe de'i dus na mi dbul po me tog gis gtor ba de ni/ dge slong lha'i me tog 'di yin no/ /de ltar 'das pa'i dus na bsam pa dag pa'i dad pas me tog bsdus te dge 'dun la gtor nas smon lam btab pas bskal pa dgu bcu rtsa gcig gi bar du gang nas gang du skyes kyang byad gzugs legs shing bzang ba dang / blta na sdug pa dang / ji ltar bsam pa bzhin du bza' ba'am/ btung ba'am/ khri stan la sogs pa yid bzhin du 'byor cing ldan te/ bsod nams des 'bras bu'i bar du thob par gyur to/ /de bas na kun dga' bo/ sems can thams cad kyis kyang sbyin pa chung ngu la bsod nams med do snyam du ma bcas shig /lha'i me tog ltar ci yang 'byor cing 'grub par 'gyur ro/ /de nas kun dga' bo dang / 'khor mang po rnams bcom ldan 'das kyis gsungs pa la yi rang nas mngon par dga'o/ /lha'i me tog gi le'u ste dgu pa'o// //lha'i rin chen gyi le'u/ 'di skad bdag gis thos pa </font><hr>248a<br><font size=+1>>


@#/ /dus gcig na/ bcom ldan 'das mnyan yod na rgyal bu rgyal phyed kyi tshal mgon med zas sbyin gyi kun dga' ra ba na bzhugs so| |de'i tshe na khyim bdag cig gi chung ma zhig la bu zhig btsas nas khye'u de btsas pa'i tshe nam mkha' las rin po che sna bdun char bzhin du bab ste/ de'i khyim yongs su gang ngo / /de nas mtshan mkhan pos te bu'i mtshan bltas na/ bu'i mtshan rab tu bzang ngo / /zhes khyim bdag la smras nas khyim bdag de rab tu dga' ste mtshan mkhan de la bu'i ming gdags par gsol pa dang / khye'u 'di btsas pa'i tshe ltas ci byung zhes dris so/ /khyim bdag gis kyang khye'u 'di bcas pa'i che nam mkha' las rin po che sna bdun char bzhin du babs nas khyim yongs su gang bar byas so/ /zhes smras pa dang / mtshan mkhan gyis bsod nams las ming btags te/ khye'u de'i ming lha'i rin chen zhes btags so/ /phyis chen por skyes nas mang du thos shing shes pa mang ba dang / sgyu rtsal yang zla med par gyur te/ rab tu 'byung bar dad pas pha ma la phyi phyag 'tshal nas sangs rgyas gang na ba der song ste phyin pa dang / sangs rgyas </font><hr>248b<br><font size=+1>>


kyi zhabs la spyi bos phyag 'tshal nas bcom ldan 'das la 'di skad ces gsol to/ /bcom ldan 'das/ bdag rab tu 'byung ngo / /zhes gsol pa dang / bcom ldan 'das kyis dge slong legs par 'ongs so/ /zhes bya ba gnang nas skra dang kha spu rang byi ste lus la chos gos gyon par gyur nas bcom ldan 'das kyis chos bstan pas dgra bcom par gyur to/ /kun dga' bos bcom ldan 'das la gsol pa/ bcom ldan 'das/ dge slong lha'i rin chen gyis sngon bsod nams ci zhig bgyis na/ thog ma btsas pa'i tshe nam mkha' las rin po che char bzhin du bab cing bgo ba dang bza' ba ldan gyis grub nas cis kyang mi brel bar gyur/ sangs rgyas kyis kun dga' bo la bka' stsal pa/ sngon 'das pa'i dus na sangs rgyas gser thub ces bya ba 'jig rten du gshegs te/ 'jig rten na sems can gyi don mdzad pa ni/ brjod kyis mi lang ngo / /de'i tshe na dge slong mang po grong rgyu zhing gshegs pa las de'i tshe grong khyer na gnas pa'i khyim bdag mang pos dge 'dun spyan drangs te mchod pa rnam pa sna tshogs byas so/ /de'i tshe na mi dbul po zhig dad pas rjes su yi rang ba'i sems skyes kyang longs </font><hr>249a<br><font size=+1>>


@#/ /spyod dang mchod pa'i yo byad ci yang med pas/ rde'u dkar ru las byas pa'i nor bu spar gang gis dge 'dun la gtor nas smon lam chen po btab bo/ /bcom ldan 'das kyis kun dga' bo la bka' stsal pa/ de'i tshe de'i dus na mi dbul po nor bu spar gang gis dge 'dun la gtor ba de ni| dge slong lha'i rin chen 'di yin no/ /'das pa'i dus na bsam pa dag pa'i dad pas rde'u dkar ru'i nor bu spar gang gis dge 'dun la gtor ba tsam gyis bskal pa dgu bcu rtsa gcig gi par du bsod nams tshad med pas nor bu rin po che mang ba dang / bgo ba dang / bza' ba lhun gyis grub cing longs spyod cis kyang mi brel bar gyur to/ /de'i tshe na bsam pa dag pa'i dad pa tsam gyis nga 'jig rten du gshegs pa dang phrad nas 'bras bu'i bar du thob par gyur to| |de'i tshe na 'khor mang po rnams sangs rgyas kyis gsungs pa thos nas bsam pa dag pa'i dad pa skyes te/ la la ni/ 'bras bu dang po nas 'bras bu bzhi pa'i bar du thob par gyur/ la la ni/ phyir mi ldog pa'i sa la gnas pa'i sems bskyed par gyur to/ /'khor mang po de dag thams cad bcom ldan 'das kyis </font><hr>249b<br><font size=+1>>


gsungs pa la rjes su yi rang nas mngon par dga'o/ /lha'i rin chen gyi le'u ste bcu pa'o// //bzod pa'i le'u/ 'di skad bdag gis thos pa dus gcig na/ bcom ldan 'das rgyal po'i khab kyi 'od ma'i tshal bya ka land ka gnas pa na bzhugs so/ /de'i tshe bcom ldan 'das mngon par rdzogs par sangs rgyas nas ring po ma lon pa zhig na thog mar kauN+Di n+ya la sogs te dge slong lnga rab tu byung ngo / /de'i 'og tu chu bo 'od srung spun la sogs pa dge slong stong rab tu byung ngo / /de nas de ma yin pa rab tu byung zhing chos la gnas pa yang mang bar gyur nas rgyal po'i khab kyi mi rnams tshad med pa'i dga' ba skyes te/ de bzhin gshegs pa 'jig rten du gshegs pa ni/ ngo mtshar smad de/ so so'i skye bo mang po'i don mdzad do/ /zhes bstod cing bsngags so/ /gzhan yang 'di skad du kauN+Di n+ya dang / chu po 'od srung gi 'khor la sogs pa thog mar rab tu byung ba de dag sngon de bzhin gshegs pa dang 'phrin las gang mthun na/ nang gi thog mar chos kyi bdud rtsi myong bar gyur ces smras so/ /dge slong de dag de skad ces smras pa thos nas de bzhin du bcom ldan 'das la rgyas par gsol pa dang / bcom ldan 'das kyis de la </font><hr>250a<br><font size=+1>>


@#/ /'di skad ces bka' stsal to/ /sngon 'das pa'i dus na 'di dag gi phyir ngas yi dam chen po bcas te nam mngon par rdzogs par sangs rgyas nas sngar 'di dag gi don bya bar shog cig ces dam bcas so/ /dge slong rnams kyis de skad ces thos nas bcom ldan 'das kyis sngon thugs dam ji ltar bcas pa thugs brtse bar dgongs te rgyas par bstan du gsol/ bcom ldan 'das kyis dge slong rnams la bka' stsal pa/ khyed rtag par nyon la shin tu yid la zungs shig dang / khyed la bstan par bya'o/ /sngon 'das pa'i bskal pa tshad med grangs med dpag tu med bsam gyis mi khyab brjod kyis mi lang ba 'das pa'i snga rol na yul wA ra NA si zhes bya bar rgyal po rtsod byung zhes bya ba zhig byung ste/ de'i tshe yul de na drang srong bzod pa can zhes bya ba/ 'khor slob ma lnga brgya dang ri'i nags na gnas shing bzod pa sgom mo/ /de'i tshe na rgyal po de btsun mo dang / pho brang gi slas dang / blon por bcas te ril rol du gshegs pa las gnas shig tu mnyes te gzims pa dang / pho brang slas rnams sngon du dong nas gnas dang / me tog rnams blta zhing song song ba las/ </font><hr>250b<br><font size=+1>>


drang srong bzod pa can lus drang por bzhag ste shin tu sems shing 'dug par mthong nas de la dad pa'i sems skyes te me tog sna tshogs kyis gtor to/ /btsun mo de dag de'i mdun du 'khod de chos kyang nyan to/ /rgyal po gzims pa las sad nas btsun mo rnams mi snang ba dang / blon po bzhi dang btsun mo btsal ba las btsun mo rnams drang srong gi mdun na 'khod pa mthong nas drang srong de la 'di skad ces smras so/ /khyod skye mched mtha' yas kyi ting nge 'dzin bzhi thob bam/ smras pa| ma thob bo/ /smras pa/ 'o na khyod tshad med pa bzhi thob bam/ ma thob bo/ /smras pa/ 'o na khyod bsam gtan bzhi thob bam/ de yang ma thob bo/ /zhes smras pa dang / rgyal po de khros te yon tan 'di dag khyod kyis gang yang ma thob na/ khyod ni/ ma rabs tha mal pa yin te/ bud med rnams dang dben pa skyabs yod pa'i gnas na 'dug pa ji ltar yid ches su rung / rtag tu 'di na gnas pa 'di khyod su zhig /las ci zhig byed ces smras pa dang / drang srong gis rgyal po de la bdag ni/ 'di na bzod pa sgom mo/ /zhes smras so/ /de nas rgyal pos ral gri phyung ste khyod bzod pa sgom zhe na/ bzod dam mi bzod sad do/ /zhes drang srong gi </font><hr>251a<br><font size=+1>>


@#/ /lag pa gnyis bcad de/ khyod su yin zhes dris na/ bdag ni/ bzod pa can no/ /zhes smras so/ /de nas rkang ba bcad na/ 'on kyang bzod pa can no/ /zhes smras so/ /de'i tshe na gnam sa rnam pa drug tu g.yos nas nye gnas lnga brgya tsam yang nam mkha' la 'phur te der lhags nas slob dpon de la de lta bu'i sdug bsngal nyams su myong na/ bzod pa'i sems nyams par ma gyur tam zhes smras so/ /drang srong gis smras pa/ bdag gi sems ma gyur ma nyams so/ /zhes smras pa dang / rgyal po yang sdangs skrag nas drang srong la smras pa/ khyod bzod pa can yin par cis yid ches par 'gyur/ drang srong gis smras pa/ bdag gis smras pa'i tshig rdzun pa ma yin te bden na/ bden pa des khrag 'o mar gyur cing yan lag bcad pa yang sos te snga ma kho na bzhin du gyur cig ces smras ma thag tu khrag 'o mar gyur nas yan lag kyang sos te snga ma kho na bzhin du gyur to/ /rgyal pos de ltar bzod pa dang ldan par mthong nas lhag par 'jigs skrag ste/ bdag ci'i slad du drang srong chen po la gnod pa bgyis/ bdag la thugs brtse bar dgongs te 'gyod tshangs bya bar </font><hr>251b<br><font size=+1>>


gnod zhig ces gsol to/ /drang srong gis smras pa/ khyod ni/ bud med kyi phyir mtshon thogs nas bdag gi yan lag bcad mod kyi/ bdag gi bzod pa ni/ sa dang 'dra bas phyis mngon par sangs rgyas pa na shes rab kyi ral gris khyod kyi dug gsum chod par shog cig ces smras so/ /de'i tshe na ri de'i lha dang klu rnams kyis drang srong de la rgyal po de 'tshe zhing gnod pa byas pa mthong nas so so nas khros te sprin bsdus nas 'brug dang / ser ba dang / gnam lcags phab ste rgyal po 'khor dang bcas pa gsad par byas pa las/ drang srong gis khyed nga'i phyir 'di lta bu'i gnod pa dang 'tshe ba ma byed cig ces bsgo'o/ /rgyal po des der 'gyod tshangs byas nas drang srong de rtag tu pho brang du spyan drangs te mchod pa byas so/ /de'i tshe na slob dpon gzhan la zhugs pa kun tu rgyu stong tsam zhig drang srong bzod pa can la rgyal po de dad cing mos pa mthong nas phrag dog skyes te bden pa mi snang ba'i gnas nas sa rdul dang / rtsog cing sme ba'i bag gis drang srong de la gtor to/ /de'i tshe na kun tu rgyu nga la sas gtor ba brgya phrag bcu po de ni/ da ltar gyi chu bo 'od srung la sogs pa'i dge slong brgya phrag bcu yin te/ de'i tshe </font><hr>252a<br><font size=+1>>


@#/ /na yi dam bcas nas bdag bzod pa bsgoms pa rgyun mi 'chad pa 'dis nam mngon par sangs rgyas pa na bdud rtsi'i chus khyod kyi rdul dang dri ma bkrus te 'dod pa'i rtsog pa yongs su dag par shog cig ces dam bcas so/ /dge slong dag /de'i tshe na drang srong bzod pa can de shes par 'dod na gzhan du ma sems shig /de ni/ da ltar nga yin no/ /rgyal po rtsod byung dang / blon po bzhi ni/ kauN+Di n+ya la sogs dge slong lnga sde yin no/ /de'i tshe bzod pa bsgoms pa na 'di dag gi don sngar bya'o/ /zhes dam bcas pas mngon par sangs rgyas nas sngar 'di dag sdug bsngal las yongs su grol bar mdzad do/ /dge slong rnams sangs rgyas kyis gsungs pa la rjes su yi rang nas mngon par dga'o/ /bzod pa'i le'u ste bcu gcig pa'o// // bam po gsum pa/ rgyal po byams pa'i stobs kyis sbyin pa'i le'u/ 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe kun dga' bo bsod snyoms kyi bya ba byas nas tshal zhig gi nang na </font><hr>252b<br><font size=+1>>


bsam gtan du 'dug ste 'di snyam du rtog pa skyes so/ /sangs rgyas bcom ldan 'das 'jig rten du gshegs pa ngo mtshar che ste/ sems can mang po yang rab tu bde ba la bkod/ kauN+Di n+ya la sogs pa'i dge slong lnga sdes dge ba'i rtsa ba ci bsags na/ chos kyi sgo rnam par phye ma thag tu 'jug par gyur/ chos kyi rnga brdungs ma thag tu thog mar thos par gyur/ chos kyi bdud rtsis thog mar ngoms par gyur snyam du rtog pa skyes nas 'dug pa las langs te sangs rgyas gang na ba der song nas phyin pa dang / ji ltar bsam pa bzhin du bcom ldan 'das la gsol to/ /bcom ldan 'das kyis bka' stsal pa/ dge slong kauN+Di n+ya la sogs pa ni/ sngon 'das pa'i dus na yang ngas sha dang khrag gis bkres skom pa las chog par byin te bde bar byas pas de bas na/ mngon par sangs rgyas nas kyang sngar rnam par grol ba la bkod de/ rgyu dang rkyen med pa ma yin no/ /tshe dang ldan pa kun dga' bos bcom ldan 'das la gsol pa/ sngon 'das pa'i dus na ji lta bur bkres skom pa las bde bar mdzad pa bstan du gsol/ 'khor mang po 'di dag gis thos nas rtogs par 'gyur ro/ /bcom ldan 'das kyis bka' </font><hr>253a<br><font size=+1>>


@#/ /stsal pa/ sngon 'das pa'i dus na bskal pa grangs med pa'i pha rol na dzam+bu'i gling 'dir rgyal po byams pa'i stobs zhes bya ba dzam+bu'i gling gi rgyal phran brgyad khri bzhi stong rnyed la dbang byed pa zhig byung ngo / /rgyal po de la btsun mo ni/ stong phrag nyi shu yod do/ /blon po ni/ stong phrag bcu yod do/ /rgyal po de byams pa dang snying rjer ldan te tshad med pa bzhi spyod cing 'gro ba thams cad la snying brtse bas dge ba bcus srid 'dzin te/ thams cad kyis bkur ba/ yul na dgra med cing lo legs pa/ 'byor pa/ bde ba/ skyid pa dang ldan pa ste/ rims gtong ba'i yi dwags dag mi'i khrag dang mdangs 'phrog cing zab las/ de'i tshe na yul mi thams cad lus dang ngag dang yid srung ste dge ba bcu la gnas pas yi dwags ma rungs pa dag bza' ba ma rnyed nas kun ltogs te mthu med par gyur to/ /de'i tshe gnod sbyin lnga zhig rgyal po'i drung du 'ongs nas 'di skad ces smras so/ /bdag cag gi zas ni/ mi'i mdangs dang khrag la ltos te lus dang srog 'tsho ba las/ rgyal pos bkar btags te thams cad dge ba bcu la gnas pas bdag cag zas dang skom ma rnyed de/ nyam </font><hr>253b<br><font size=+1>>


thag nas srog la bab bo/ /rgyal po chen po/ bdag cag la yang thugs mi brtse'am zhes gsol nas rgyal pos kyang de dag la snying brtse ba'i phyir lus kyi yan lag lnga las rtsa lnga bcad nas gnod sbyin rnams so so nas snod bzed de khrag las ngoms par 'thung du bcug go /de dag khrag gis ngoms nas shin tu dga' bar gyur to| |de dag khrag gis ngoms nas dge ba bcu la ci nus su spyod cig ces bskul to/ /da ltar nga'i lus las khrag phyung ste khyod ngoms shing bde bar byas pa ltar phyis mngon par sangs rgyas pa na chos kyi sku'i tshul khrims dang / ting nge 'dzin dang / shes rab kyis khyed kyi dug gsum bsal te 'dod pas gdungs pa las shin tu bde ba'i mya ngan las 'das pa la 'god par shog cig ces smras so/ /kun dga' bo/ de'i tshe de'i dus na rgyal po byams pa'i stobs de ni/ de ltar nga yin no| |gnod sbyin lnga po de ni/ kauN+Di n+ya la sogs pa dge slong lnga yin no/ /ngas gang nas gang du skyes par de dag thog mar bsgal bar smon lam btab bo/ /de bas na ngas thog mar chos bstan ma thag tu rnam par grol bar gyur to/ /tshe dang ldan pa kun dga' bo dang / 'khor mang po rnams sangs rgyas kyis gsungs pa la yi rang </font><hr>254a<br><font size=+1>>


@#/ /nas mngon par dga'o/ /rgyal po byams po'i stobs kyis sbyin pa'i le'u ste bcu gnyis pa'o// //ston pa drug btul ba'i le'u/ 'di skad bdag gis thos pa dus gcig na/ bcom ldan 'das rgyal po'i khab bya kand ka gnas pa 'od ma'i tshal na dge slong gi dge 'dun chen po brgya phrag phyed dang bcu gsum dang thabs cig tu bzhugs so/ /de'i tshe na rgyal po gzugs can snying po 'bras bu dang po thob pas dad pa dang / bsnyen bkur bya ba'i sems sngon pas kyang lhag par gyur nas bcom ldan 'das dang / dge slong gi dge 'dun la mchod pa'i yo byad rnam pa bzhi rtag tu 'bul te/ skye bo mang pa dag kyang mthun par dge ba la spro'o/ /yul de na rdzogs byed la sogs pa ston pa drug sngar byung bas ngan par lta ba log par ston te/ 'gro ba mang po bslus pas de la gang bslad par mthong ba dag ni/ ngan par lta ba dag la yid ches pas sdig pa can gyi phyogs mang zhing rgyas par gyur to/ /rgyal po de'i gcung zhig kyang ston pa drug la yid ches pas ngan par lta ba lo zhen te thar ba'i lam yin par bzung nas longs spyod ci bdog pa gtugs nas de la 'bul te/ sangs </font><hr>254b<br><font size=+1>>


rgyas bcom ldan 'das nyi ma shar ba lta bu/ shes rab kyis kun tu lham mer mdzad kyang ngan par lta bas glags pas de la mos pa'i sems med do/ /rgyal po gzugs can snying po de/ de la lhag par sdug par 'dzin pas thabs kyis sangs rgyas la bsnyen bkur bya bar bskul na yang ngan par lta ba la zhen pas bsgo ba bzhin du ma byas so/ /sangs rgyas la mchod pa gyis shig ces yang dang yang bskul na/ bdag la yang ston pa yod de/ go'u ta ma la bsnyen bkur mi byed do/ / 'on kyang rgyal po'i bka' tshul gyis bcag par rigs pa ma yin pas mchod ston chen po bshams nas ma bos par gang rang 'ongs pa la bsod snyoms sbyin no/ / zhes byas nas mchod pa'i yo byad bshams te stan bting nas ston pa drug ni/ 'bod pa btang ste/ de ma thag tu lhags nas gral gyi thog ma la 'dug go /sangs rgyas dang dge 'dun rnams rang ma byon pas rgyal po gang na ba der song nas 'di skad ces gsol to/ /dge sbyong go'u ta ma spyan drongs shig ces yang dang yang du bka' stsal te/ bdag gis mchod pa bshams te gdugs tshod la bab na/ ci'i slad du mi gshegs/ rgyal pos bka' stsal pa/ khyod nyid spyan 'dren du </font><hr>255a<br><font size=+1>>


@#/ /'gro mi nus na yang mi zhig gdugs tshod la bab bo/ /zhes spyan 'dren par thong zhig /rgyal po'i gcung gis kyang spyan 'dren du btang ba las bcom ldan 'das 'phags pa'i dge 'dun dang bcas te gshegs nas gral rim bzhin du bzhugs so/ /bcom ldan 'das kyi byin gyis ston pa drug gral gyi ltag na 'dug pa yang gral gyi tha mar song ngo / /ston pa drug ngo tsha zhing skyengs nas langs te gral gyi ltag tu 'dug na yang ma tshor bar gral gyi mjug tu song ste/ de bzhin du lan gsum gyi bar du gral gyi gong du song yang da dung gral gyi 'og na 'dug par gyur nas mthu med par gyur te skyengs bzhin du gral gyi tha mar 'dug go /yon bdag gis gnas brtan la chu brims nas bcom ldan 'das kyis sngar khyod kyi ston pa la brims shig ces bka' stsal pa dang / yon bdag gis chu snod thogs te ston pa drug la chu brims na/ chu snod kyi kha 'gags te chu 'byung du ma btub pas/ phyir yang sangs rgyas nas mthar gyis gsol na/ chu yang byung ste lag pa bkrus so/ /lag pa bkrus nas sbyin bdag gis bsod snyoms thogs te smon lam gdab par gsol na/ bcom </font><hr>255b<br><font size=+1>>


ldan 'das kyis sbyin bdag la 'di skad ces bka' stsal pa/ thog ma yang nged kyi phyir ma yin pas/ da yang khyod nyid kyi ston pa la smon lam gdab par gsol cig ces bka' stsal nas sbyin bdag de ston pa drug gi mdun du song ste smon lam gdab par gsol na/ ston pa drug kha 'thams nas smra ma nus te/ sangs rgyas la gsol cig ces lag brda byas so/ /de nas bcom ldan 'das kyis kyang tshangs pa'i dbyangs lta bu'i gsung gis smon lam btab bo/ /smon lam btab nas sbyin bdag gis bsod snyoms gnas brtan la brims pa las/ bcom ldan 'das kyis sngar khyod nyid kyi ston pa nas brims shig ces bka' stsal pa dang / 'brim pa rnams kyis ston pa drug la brims zhes byas na/ zhal zas rnams steng gi nam mkha' la 'phags te brims su med par gyur to/ /de nas sangs rgyas logs su 'brim du chas pa dang zhal zas kyang so so'i lag tu 'ongs so/ /mthar gyis brims te sangs rgyas dad dge 'dun bsod snyoms kyi bya ba byas nas kha lag bkrus te phyir yang gdan la bzhugs nas chos bstan par gsol to/ /de la yang bcom ldan 'das kyis khyod nyid kyi ston pa drug la ston par gsol cig ces bka' </font><hr>256a<br><font size=+1>>


@#/ /stsal to| |ston pa drug kyang kha 'thams nas sangs rgyas la gsol cig ces lag brda byas so/ /de nas bcom ldan 'das kyis shin tu gnyen zhing 'jam pa'i gsung phyung ste 'khor mang po la chos kyi mtshan nyid rnam par phye ste bstan pas/ 'khor mang po'i yid tshim par gyur te sangs rgyas kyis gsungs pa thos nas thams cad kyis rtogs shing khong du chud de/ gzugs can snying po'i gcung ni/ chos la chos kyi mig rnam par dag par gyur to| |'khor gzhan dag ni/ 'bras bu dang po nas 'bras bu gsum pa'i bar du thob nas rab tu byung ste zag pa zad do/ /la la ni/ bla na med pa'i byang chub tu sems bskyed de/ phyir mi ldog pa'i sa la gnas par gyur nas ji ltar smon pa bzhin du yongs su rdzogs pas/ so so nas yang dag par gang yin pa shes shing rtogs te| dkon mchog gsum la dad cing mos kyi/ ston pa drug mi 'dod de/ de la bsnyen bkur mi byed par gyur to/ /de nas ston pa drug po shin tu sems 'khrugs nas khros te dben pa'i sa phyogs su dong nas rtog pa la zhugs so/ /de nas bdud sdig to can 'di snyam du sems par gyur te/ bdag gis yun ring </font><hr>256b<br><font size=+1>>


zhig na dge slong go'u ta ma la bgegs byas na skabs ma rnyed kyi/ da ni/ bdag gis ci nas kyang bgegs bya'o snyam du bsam nas bdud sdig can gyis rdzogs byed lta bur bdag mngon par sprul nas phyugs lhas kyi bu mo ska ri dang / rnam par smra ba'i bu kun nas rgyal ba dang / skra'i lwa ba can mi pham pa dang / ka t+yA ya na nog can dang / gnyen gyi bu gcer bu pa gang na ba der song ste phyin pa dang / de dag gi mdun du me 'bar ba dang / chu 'bab pa dang / glog 'byung bar cho 'phrul ston pa la zhugs pa dang / de dag gis rdzogs byed kyi yon tan rnam pa mang po 'di lta bu thob bam/ smras pa/ thob bo/ /de rnams kyis so so nas 'di snyam du bsam mo/ /bdag gcig bu ma gtogs par 'di dag thams cad ni/ rdzu 'phrul che ba mthu che bar so sor ston to snyam bsam mo/ /de nas dus phyi zhig na rdzogs byed la sogs pa ston pa drug 'dun khang du 'dus shing lhags nas gtam 'di lta bu dag skabs su smra ste/ bdag cag rnams la sngon ni/ rgyal po dang / blon po dang / bram ze dang / khyim bdag phyug po dang / tshong dpon dang / ded dpon dag gis rim gror byas/ bkur stir byas/ mchod par byas shing bdag cag gis gos dang / zas dang / mal stan dang / </font><hr>257a<br><font size=+1>>


@#/ /nang kyi rkyen rtsi dang / yo byad rnams rnyed par gyur na/ da ni/ dge spyong shAkya'i bu 'di la rim gro dang / bkur sti byed de/ gos dang / zas dang mal stan dang / nad kyi rkyen rtse dang / yo byad rnams kyang rnyed par ma gyur gyi/ da ni/ bdag cag rnams kyis dge sbyong go'u ta ma mi'i bla ma'i chos kyi cho 'phrul la 'jug go /de ste dge sbyong go'u ta mas mi'i bla ma'i chos kyi cho 'phrul gcig ston pa la zhugs na/ bdag cag gis gnyis bstan no/ /dge sbyong go'u ta mas gnyis na/ bdag cag gis bzhi'o/ /dge sbyong go'u ta mas bzhi na/ bdag cag gis brgyad do/ /dge sbyong go'u ta mas brgyad na/ bdag cag gis bcu drug go /dge sbyong go'u ta mas bcu drug na/ bdag cag gis sum cu rtsa gnyis su'o/ /dge sbyong go'u ta mas ji snyed du mi'i bla ma'i chos kyi cho 'phrul bstan pa la bdag cag gis nyis 'gyur sum 'gyur lta bur mi'i bla ma'i chos kyi cho 'phrul bstan par bya'o/ /de nas rdzogs byed la sogs pa ston pa drug rgyal po gzugs can snying po ga la ba der song ste drung du phyin pa dang / rgyal po gzugs can snying po la rgyal ba dang / tshe ring bar shog cig ces brjod nas </font><hr>257b<br><font size=+1>>


'di skad ces smras so/ /lha/ bdag cag rnams ni/ cho 'phrul dang ldan zhing shes par smra ba lags na/ dge sbyong go'u ta ma yang bdag nyid cho 'phrul dang ldan par shes par smra'o/ /zhes mchi na/ shes par smra ba ni/ shes par smra ba dang lhan cig mi'i bla ma'i chos kyi cho 'phrul 'gran du gzhug pa'i rigs kyi/ bdag cag sprod cig ces smras pa dang / rgyal po gzugs can snying pos bgad de 'di skad ces smras so/ /khyed rnams re glen/ sangs rgyas ni/ yon tan che ba/ rdzu 'phrul che ba/ cho 'phrul thogs pa med pa yin na/ khyed 'dra ba ni/ srin bu me khyer nyi ma la 'gran pa'am/ ba rmig gi chu rgya mtsho dang bsgrun pa'am/ wa sngar ma seng+ge dang 'gran pa'am/ byi brun ri rab lhun po la 'phang mtho ba 'gran pa dang 'dra ste/ che chung khyad zhugs par mngon pas ngan par lta ba khyed ha cang yang glen ches so/ /ston pa drug gis yang smras pa/ sngon rtags phyis 'byung ba rgyal pos ma gzigs te/ bdag cag gis cho 'phrul chen po 'gran na mngon te/ bsgrun pa'i 'og tu gang rgyal ba mngon no| |rgyal pos smras pa/ 'gran 'dod na lta 'gran la rag ste/ khyed skyengs kyis dogs so/ /khyed cho 'phrul 'gran par gyur na/ ded kyis kyang khyed kyi cho 'phrul </font><hr>258a<br><font size=+1>>


@#/ /mthong bar gyis shig /ston pa drug gis smras pa/ da ste zhag bdun na chos 'phrul 'gran gyi/ gar 'gran pa'i sa phyogs byi dor mdzod cig ces smras so/ /ston pa drug gis de skad ces smras nas phyir dong ba'i 'og tu rgyal po gzugs can snying po sangs rgyas gang na ba der song nas phyin pa dang 'di skad ces gsol to/ /ston pa drug gis ni/ bcom ldan 'das la cho 'phrul 'gran no/ /zhes mchi ste/ bdag gis bkag na yang ma btub kyi/ bcom ldan 'das kyis cho 'phrul gyi mthu bstan te ngan par lta ba las bzlog nas dge ba la dgod du gsol/ cho 'phrul bston pa yang bdag cag gis mthong bar mdzad du gsol/ bcom ldan 'das kyis rgyal po gzugs can snying po la 'di skad ces bka' stsal to/ /nga bdag dus mkhyen gyi/ gang du/ 'gran pa'i gnas yangs pa zhig tu byi dor gyis shig ces bka' stsal nas rgyal po gzugs can snying pos blon po la bka' stsal te gnas yangs pa bde ba zhig tu phyag dar byas nas seng+ge'i khri bshams/ rgyal mtshan dang ba dang btsugs te shin tu mdzes par brgyan to/ /de ltar cho 'phrul 'gran par byas pa'i </font><hr>258b<br><font size=+1>>


dus su de'i nyin par thams cad mthong du re'o/ /de'i tshe na de bzhin gshegs pa dge 'dun dang bcas pa rgyal po'i khab nas gshegs te/ yangs pa can du bzhud do| |yangs pa can na li tsa bI dang / mi mang pos de bzhin gshegs pa bsu'o/ /rgyal po'i khab kyi mi rnams kyis bcom ldan 'das yangs pa can du gshegs pa yang gdod shes shing rtogs nas ston pa drug kyang 'di skad du/ dge sbyong go'u ta ma'i cho 'phrul gyis bdag cag la ni/ mi thub bo/ /zhes byas na/ khyod yid mi ches te| cho 'phrul 'gran pa'i dus byas pa las byol nas yangs pa can du bros so/ /zhes bsgrags te/ ston pa drug nga rgyal lhag par skyes nas so so nas spro ba bskyed de de snyegs su dong ngo / /de'i tshe na rgyal po gzugs can snying po yang theg pa lnga brgya bshams te rgyal po dang rgyal po'i 'khor khri phrag bcu bzhi snyed kyang 'tsho ba'i rgyags kyang khyer nas bcom ldan 'das kyi rjes su yul yangs pa can du dong ngo / /ston pa drug kyang yul yangs pa can du phyin nas li tsa bI rnams la 'di skad ces smras so| |bdag cag dge sbyong go'u ta ma dang cho 'phrul 'gran par gnang na/ da ste zhag bdun na cho 'phrul 'gran par bgyi'o/ /de nas li tsa bI rnams bcom ldan 'das </font><hr>259a<br><font size=+1>>


@#/ /gang na ba der dong ste 'di skad ces gsol to/ /glen pa chen po ston pa drug ni/ yon tan dang ldan snyam ste de bzhin gshegs pa dang cho 'phrul 'gran no/ /zhes mchi na/ bcom ldan 'das kyis tshar gcad du gsol/ bcom ldan 'das kyis bka' stsal pa/ nga nyid dus mkhyen to/ /de nas li tsa bI rnams yul mi rnams ngang yo byad rgyal po gzugs can snying po bzhin du sbyar te/ sang lta bur 'gran pa las de ring lta bur bcom ldan 'das dge 'dun dang bcas te yul ko'u sham+b+hir gshegs so/ /ko'u sham+b+hi'i rgyal po u tra ya na zhes bya bas kyang blon po dang bcas te de bzhin gshegs pa bsu'o/ / yangs pa can gyi mi rnams sang lta bur de bzhin gshegs pa phyag 'tshal du 'dong ba las ko'u sham+b+hir gshegs so/ /zhes thos pa dang / ston pa drug pos kyang bcom ldan 'das gshegs so/ /zhes thos nas sngar bas kyang lhag par nga rgyal skyes te/ yang bcom ldan 'das gar gshegs par dong ngo / /de'i tshe li tsa bI rnams kyang theg pa lnga brgya bshams nas 'khor khri phrag bdun dang / gzugs can snying po'i 'khor dang bcas te ko'u sham+b+hir sangs rgyas dang / ston pa </font><hr>259b<br><font size=+1>>


drug cho 'phrul 'gran pa la bltar dong ngo / /ston pa drug po ko'u sham+b+hir phyin nas rgyal po u tra ya na la gtam snga ma byas te dge sbyong go'u ta ma 'dri sdod du ma btub nas bdag cag la byol gyi/ rgyal pos bdag cag dang cho 'phrul 'gran pa'i dus thob cig ces gsol pa dang / u tra ya nas sangs rgyas la 'di skad ces gsol to| |ston pa drug ni/ bcom ldan 'das dang cho 'phrul 'gran no/ /zhes mchi na/ mkhyen tam/ bcom ldan 'das kyis bka' stsal pa/ nga nyid dus mkhyen to/ /de nas u tra ya nas kyang rgyal po gzugs can snying po bzhin du sbyar te bshams pa dang / bcom ldan 'das yang dge slong gi dge 'dun dang bcas te yul wa ra gyir gshegs so/ /wa ra gyi'i rgyal po shun tsi da las kyang mi mang po dang de bzhin gshegs pa bsu'o/ /ko'u sham+b+hi'i mi rnams kyis kyang de bzhin gshegs pa yul wa ra gyir gshegs pa gzod thos te/ ston pa drug kyang phyi bzhin song ngo / /de'i tshe rgyal po u tra ya na 'khor stong phrag brgyang khri dang / rgyal po gzugs can snying po la sogs pa thams cad 'grogs te yul war gyir gshegs so/ /de bas ston pa drug pos rgyal po shun tsi da la la bdag cag dge sbyong go'u ta ma la cho 'phrul </font><hr>260a<br><font size=+1>>


@#/ /'gran par gyis shig ces gsol ba dang / rgyal po des kyang de bzhin du gsol nas bcom ldan 'das kyis nga nyid dus mkhyen to// zhes bka' stsal to/ /rgyal po des kyang yo byad sbyar te bshams pa dang / bcom ldan 'das dge slong gi dge 'dun dang bcas te yul ti ki tsa shi rir gshegs nas yul ti ki tsa shi ri'i rgyal po in+d+ra ba mi zhes bya bas 'khor mang po dad de bzhin gshegs pa bsu'o/ /de'i tshe rgyal po shun tsi da la 'khor khri phrag lnga dang / rgyal po gzugs can snying po la sogs pa thams cad dang 'grogs te yul ti ki tsa shi rir dong ngo / /ston pa drug po yang yul der phyin nas rgyal po in+d+ra ba mi la skad chen por dge sbyong go'u ta ma dang bdag cag cho 'phrul 'gran par gyis shig ces zlog ma thub bo/ /de'i tshe in+d+ra ba mis bcom ldan 'das gang na ba der song nas de bzhin du gsol pa dang / bcom ldan 'das kyis nga nyid dus mkhyen no/ /zhes bka' stsal to/ /de nas rgyal po des yo byad bshams te dus la bab pa dang / bcom ldan 'das dge slong gi dge 'dun dang bcas te yul wA ra NA sir gshegs so/ /yul de'i rgyal po tshangs sbyin zhes bya bas </font><hr>260b<br><font size=+1>>


kyang 'khor mang po dang bcas te de bzhin gshegs pa bsu'o/ /ti ki tsa shi ri'i mi dag de bzhin gshegs pa bzhud par gdod shes nas ston pa drug kyang de'i rjes su dong ngo / /rgyal po in+d+ra ba mis kyang 'khor khri phrag drug dang bcas te/ rgyal po gzugs can snying po la sogs pa rgyal po thams cad dang 'grogs te gnas der song ngo / ston pa drug kyang der phyin te de bzhin du rgyal po de la gsol nas rgyal po des kyang de bzhin du gsol pa dang / nga nyid dus mkhyen to/ /zhes bka' stsal to/ /de nas rgyal po des kyang yo byad sbyar te bshams pa las/ bcom ldan 'das dge slong gi dge 'dun dang bcas te yul ser skyar gshegs so/ /yul ser skya'i shA kya'i rigs rnams gcig gis gcig sbran nas thams cad 'dus te de bzhin gshegs pa bsu'o/ /yul wA ra NA si'i mi rnams kyis kyang de bzhin gshegs pa bzhud par gzod rtogs nas ston pa drug po yang de'i rjes su dong ngo / /rgyal po tshangs sbyin 'khor khri phrag brgyad cu dang / gzugs can snying po la sogs te/ rgyal po drug car yang 'khor dang bcas te bcom ldan 'das gang du gshegs pa'i rjes su dong ngo / /ston pa drug kyang der phyin pa dang / shA kya'i rigs rnams la </font><hr>261a<br><font size=+1>>


@#/ /dge sbyong go'u ta ma dang cho 'phrul 'gran par byas pa las/ nged kyi mthu che bas byol lo/ /zhes yengs ma gtam byas so/ /de nas shAkya'i rigs rnams kyis de bzhin du bcom ldan 'das la gsol pa dang / bcom ldan 'das kyis nga nyid dus mkhyen to/ /zhes bka' stsal to/ /de nas shAkya'i rigs rnams kyis kyang yo byad sbyar cing bshams pa dang / bcom ldan 'das dge slong gi dge 'dun dang bcas pa mnyan du yod par gshegs so/ /de'i tshe mnyan du yod pa'i rgyal po gsal rgyal 'khor dang bcas te de bzhin gshegs pa bsu'o/ /shA kya'i rigs rnams kyang de bzhin gshegs pa bzhud par gzod rtogs te/ ston pa drug pos kyang rjes su snyegs so/ /shAkya'i rigs rnams kyang 'khor khri phrag dgu dang / rgyal po gzugs can snying po la sogs te| rgyal po rnams dang / 'khor rnams kyis mnyan du yod pa'i ljongs yongs su gang ngo / /ston pa drug po yang der phyin nas rgyal po gsal rgyal la 'di skad du/ dge sbyong go'u ta ma dang / bdag cag cho 'phrul 'gran par dus byas pa las/ dus la bab pa dang byol zhing bros te/ da ni/ 'khor mang po </font><hr>261b<br><font size=+1>>


yang rgyal po'i yul du tshogs kyi/ rgyal po chen pos bdag cag 'gran du chug cig ces gsol pa dang / rgyal po gsal rgyal gyis bgang de 'di skad du / bcom ldan 'das kyi yon tan ngo mtshar che ba ni/ bsam gyis mi khyab na/ ci'i phyir khyod lta bu ma rabs ci yang mi shes pa/ chos kyi rgyal po chen po dang cho 'phrul 'gran par byed ces bsgo'o/ /'on kyang ston pa drug po dag drod mi thub ste nga rgyal snyems pas rgyal po gsal rgyal bcom ldan 'das gang na ba der song nas 'di skad ces gsol to/ /ston pa drug po dag cho 'phrul 'gran par yang dang yang du bskul gyi/ bcom ldan 'das kyis tshar bcad de cho 'phrul gyi bye brag dbye bar gsol/ bcom ldan 'das kyis nga nyid dus mkhyen to/ /zhes bka' stsal pa dang / rgyal po gsal rgyal gyis blon po rnams la bka' stsal te cho 'phrul 'gran pa'i gnas bsnyams shing phyag dar byas/ me tog dang spos mang du bshams te seng+ge'i khri btsugs nas ba dan dang / rgyal mtshan la sogs pas brgyan te 'khor mang po bsdus so| /de'i tshe dpyid zla ra ba tshes gcig gi nyin par bcom ldan 'das cho 'phrul 'gran pa'i gnas su gshegs pa dang / rgyal po gsal rgyal gyis mchod pa'i </font><hr>262a<br><font size=+1>>


@#/ /yo byad dang zhal zas bshams te bcom ldan 'das la phyag dar te phul lo/ /bcom ldan 'das kyis tshems shing gsol nas tshems shing sa la btsugs so/ /sa la btsugs ma thag tu skyes nas yal ga dang lo ma rgyas pa/ mtho khyad dpag tshad lnga brgya par gyur te yal ga dang lo ma kho ra khor yug tu dpag tshad lnga brgya khebs so/ /de ma thag tu me tog shing rta'i 'phang lo tsam skyes nas 'bras bu bre lnga shong ba'i bum pa tsam du gyur te rtsa ba dang / yal ga dang / 'dab ma la sogs pa thams cad rin po che sna bdun du gyur nas kha dog rnam pa sna tshogs su 'tsher zhing 'bar te/ nyi zla'i 'od kyang zil kyis gnon to/ / gang gis 'bras bu de zos na bdud rtsi'i ro bas kyang lhag ste/ dri bsung gis kun tu ngad pas dris phog pa thams cad kyang bde zhing tshim par gyur to/ /rlung bsung can gyis yal ga dang lo ma la reg na/ shin tu yid du 'ong ba'i chos kyi sgra byung ngo / /mi thams cad kyis shing de la shin tu dad pa'i sems skyes te/ de nas bcom ldan 'das kyis chos bstan pas thams cad kyi yid dang mthun te 'bras bu thob pa dang / lhar skyes pa yang rab tu mang ngo / /de'i phyi nyin rgyal po u tra </font><hr>262b<br><font size=+1>>


ya nas spyan drangs nas mchod pa sbyar ro/ /de'i tshe de bzhin gshegs pas sku'i g.yas g.yon du rin po che'i ri gnyis shig sprul te/ shin tu mtho ba/ mdzes pa/ rin po che rnam pa sna tshogs kyi kha dog ltar 'tsher ba/ shing rnam pa sna tshogs ri de la skyes pa/ me tog dang 'bras bu rab tu rgyas pa/ sgra skad shin tu snyan pa 'byung ba/ ri gcig gi rtse mo la 'bras bu ro brgya dang ldan pa 'jam zhing mang rab byung ste/ mi mang po dag yid bzhin du de la tshim par za'o/ /ri gcig gi rtse mo la rtswa shin tu 'jam pa dang mngar ba skyes te/ dud 'gro'i skye gnas rnams de la yid bzhin du za zhing tshim pa sprul te/ bcom ldan 'das kyis de dag la ci rigs su chos bstan pas sems rnam par grol te bla na med pa'i byang chub tu sems bskyed pa dang / mtho ris kyi lhar skyes pa'i grangs kyang rab tu mang ngo / /de'i phyi nyin rgyal po shun tsi da las spyan drangs te mchod pa sbyar ro/ /bcom ldan 'das kyis zhal bsil nas zhal bsil ba'i chu slar sa la dor ba rin po che'i rdzing du gyur nas kho ra khor yug dpag tshad nyis brgya yod pa/ rin po che sna bdun gyis rnam par spras pa/ kha dog rnam pa sna tshogs su 'tsher ba/ rdzing bu de'i chu yon tan brgyad dang ldan pa/ rdzing gi zhabs </font><hr>263a<br><font size=+1>>


@#/ /kyang rin po che sna bdun gyi bye mas bdal ba/ pad+ma che khyad shing rta'i 'khor lo tsam rnam pa sna tshogs kyis gang ba 'di lta ste/ pad+ma sngon po dang| ser po dang / dmar po dang / dkar po dang / le brgan dang / m+r+gad la sogs pa'o/ /pad+ma de'i dri yang kun tu ngad cing bro la/ pad+ma'i kha dog ji lta ba bzhin du 'od zer 'tsher te de'i 'od zer gyis gnam sa kun snang bar byas te/ 'khor mang po thams cad kyang rin po che'i rdzing de la lta zhing rab tu dga' nas bstod do/ /de nas bcom ldan 'das kyis 'khor mang po'i yo byad sbyar nas chos rnam pa sna tshogs bstan te go zhing rtogs par mdzad nas la la ni/ bla na med pa'i byang chub tu sems bskyed do/ /la la ni/ 'bras bu thob nas mtho ris kyi lhar skyes pa dang / bsod nams kyi las bskyed pa yang dpag tu med do/ /de'i phyi nyin rgyal po in+d+ra ba mis mchod pa'i yo byad bshams te sangs rgyas spyan drangs so/ /bcom ldan 'das kyis de'i nyin par rin po che'i rdzing bu de'i ngos bzhin yur ba chen po brgyad brgyad yod pa la phyir yang 'khor zhing rdzing de nyid du 'bab pa dang / chu 'bab pa'i sgra las dbang po lnga dang / stobs lnga dang / byang chub kyi yan lag bdun dang / 'phags </font><hr>263b<br><font size=+1>>


pa'i lam yan lag brgyad dang / rnam par thar pa gsum dang / mngon par shes pa drug dang / pha rol tu phyin pa drug dang / snying rje chen po dang / byams pa chen po dang / tshad med pa bzhi la sogs te chos rnam pa sna tshogs kyi sgra 'byung zhing chos kyi sgra de las chud cing rtogs nas sangs rgyas su 'gyur ba'i 'bras bu dang / mtho ris kyi lhar skye ba dang / bsod nams kyi las bskyed pa yang rab tu mang ngo / /de'i phyi nyin rgyal po tshangs sbyin gyis sbyan drangs te mchod pa'i yo byad bshams so/ /de'i nyin par bcom ldan 'das kyi zhal gyi sgo nas gser gyi mdog lta bu'i 'od zer bkye nas stong chen po'i 'jig rten gyi khams kun tu snang bar byas te/ 'od des reg pa'i sems can thams cad gdug pa gsum dang / sgrib pa lnga dang bral te lus dang sems rab tu bde ba ni/ ji ltar dge slong dag bsam gtan gsum pa thob pa dang 'dra'o/ /'khor mang po rnams sangs rgyas kyi yon tan la mos pas bcom ldan 'das kyis chos bstan te bla na med pa'i byang chub tu sems bskyed pa dang / mtho ris kyi lhar skyes pa dang / bsod nams kyi las bskyed pa yang grangs med do/ /de'i phyi nyin li tsa bI rnams kyis spyan drangs nas mchod pa'i yo byad sbyar ro/ /de'i nyin par bcom ldan 'das kyis 'khor mang </font><hr>264a<br><font size=+1>>


@#/ /po de dag thams cad gcig gi bsam pa gcig gis shes par byas te/ so so'i dge ba dang / mi dge ba'i las kyang rtogs par byas nas so so nas dga' ste sangs rgyas kyi yon tan bsngags so/ /de dag la bcom ldan 'das kyis dam pa'i chos bstan pas khong du chud cing rtogs nas sangs rgyas su smon lam 'debs pa dang / 'bras bu thob pa dang / mtho ris kyi lhar skye bar smon pa yang grangs med do/ /de'i phyi nyin shAkya'i rigs rnams kyis sangs rgyas spyan drangs te mchod pa'i yo byad sbyar ro/ /bcom ldan 'das kyis de'i nyin par 'khor de dag thams cad so so nas 'khor los bsgyur ba'i rgyal por bsgyur te rin po che sna bdun dang / bu stong dang ldan par sprul nas rgyal phran dang / blon po rnams kyis bsti stang byas par mthong ste so so nas ngo mtshar rmad du byung ba'i spro ba skyes nas spro ba de la bcom ldan 'das kyis chos rnam par phye zhing bstan pas so so'i yid tshim par gyur te bla na med pa'i byang chub tu sems bskyed pa dang / 'bras bu thob pa dang / lha dang mir skyes pa grangs med par gyur to/ /de'i phyi nyin brgya byin gyis sangs rgyas spyan drangs te seng+ge'i khri bshams nas bcom ldan 'das de la bzhugs pa dang / brgya byin ni/ g.yon nas mchod pa </font><hr>264b<br><font size=+1>>


byed| tshangs pa'i rgyal po ni/ g.yas nas mchod pa byed do/ /'khor mang po rnams kyang cang mi smra bar 'khod pa las/ bcom ldan 'das kyi phyag gis seng+ge'i khri la mnan pa dang / seng+ge'i khri las glang po che'i skad lta bu'i sgra chen po zhig byung ba dang / de ma thag tu srin po chen po lnga zhig byung nas ston pa drug gi khri drangs nas bshig go /phyag na rdo rjes ni/ rdo rje'i rtse mo la me 'bar ba thogs te ston pa drug gi mgor gzas so/ /ston pa drug po 'jigs skrag nas byer zhing bros te skyengs nas kha cig ni/ chur mchongs te tshe 'phos so/ /ston pa drug gi 'khor las stong phrag dgu bcu ni/ sangs rgyas la skyabs su gsol nas rab tu 'byung bar gsol pa dang / bcom ldan 'das kyis legs par 'ongs so/ /zhes bka' stsal pas| skra dang kha spu rang byi ste dge slong du gyur to/ /bcom ldan 'das kyis de dag la ci rigs par chos bstan pas zag pa kun zad de nyon mongs pa las rnam par grol nas dgra bcom par gyur to/ /de nas bcom ldan 'das kyis sku'i ba spu'i bu ga brgyad khri nas 'od zer bkye nas nam mkha' yongs su gang bar mdzad de/ 'od zer de dag re re'i thog ma la pad+ma chen po re re sprul nas pad+ma de dag re re'i steng na sprul pa'i sangs rgyas 'khor dang bcas pa dam pa'i chos ston pa re re sprul te/ 'khor mang po kun gyis sprul pa de lta bu mthong bar byas pas lhag par </font><hr>265a<br><font size=+1>>


@#/ /dad pa'i sems skyes te/ de la bcom ldan 'das kyis ci rigs par chos bstan pas de dag las kha cig ni/ bla na med pa'i byang chub tu sems bskyed/ kha cig ni| 'bras bu thob nas lha dang mir skye ba'i bsod nams kyi tshogs bskyed pa yang grangs med do/ /de'i phyi nyin tshangs pa'i rgyal pos sangs rgyas spyan drangs te bcom ldan 'das kyi sku tshangs lha la thug gi bar du shin tu mtho ba/ lhang nge lham mer bzhugs pa sprul nas 'od zer chen pos gnam sa kun tu snang zhing gsal bar mdzad do/ /de thams cad kyis mthong ba dang / gsung yang thos par gyur nas de la bcom ldan 'das kyis ci rigs su chos rnam pa sna tshogs phye zhing bstan pas 'khor mang po bla na med pa'i byang chub tu sems bskyed pa nas 'bras bu thob pa dang / lha dang mir skye ba'i dge ba'i rtsa ba bskyed pa yang grangs med do/ /de'i phyi nyin rgyal chen bzhi'i rgyal pos spyan drangs te/ de'i tshe na bcom ldan 'das kyis 'khor mang po de dag thams cad kyis bcom ldan 'das kyi sku rgyal chen bzhi'i ris nas srid pa'i rtse mo la thug gi bar du skus yongs su gang bar mthong bar mdzad nas sku de dag las 'od zer chen po 'byung zhing 'khor rnams la ci rigs su dam pa'i chos ston pa yang gsal bar thos shing mthong bar mdzad nas 'khor de dag </font><hr>265b<br><font size=+1>>


lhag par dga' ba skyes te ci rigs su chos bstan pas bla na med pa'i byang chub tu sems bskyed pa nas 'bras bu thob pa dang / lha dang mir skye ba'i dge ba'i rtsa ba bskyed pa yang grangs med do// de'i phyi nyin khyim bdag mgon med zas sbyin gyis sangs rgyas spyan drangs te/ bcom ldan 'das de'i nyin par byams pa'i ting nge 'dzin la zhugs nas gser gyi mdog ltar seng+ge'i khri la bzhugs bzhin du sku mi snang bar mdzad nas 'od zer chen po bkye ste shin tu 'jam pa'i gsung gis dam pa'i chos rnam par phye zhing bstan te 'khor mang po de dag gis thos par byas nas la la ni/ bla na med pa'i byang chub tu sems bskyed de phyir mi ldog pa'i sa la gnas/ la la ni/ 'bras bu thob/ la la ni/ lha dang mir skye ba'i bsod nams bskyed pa yang grangs med do| |de'i phyi nyin khyim bdag tsin+das \?\ sangs rgyas spyan drangs te/ bcom ldan 'das de'i nyin par byams pa'i ting nge 'dzin la zhugs nas gser gyi kha dog lta bu'i 'od zer bkye ste stong chen po'i 'jig rten gyi khams de kun 'od zer gyis snang bar byas nas 'od kyis reg pa'i sems can de dag thams cad gdug pa gsum gyi sems kun zhi nas snying rje'i sems skyes te| sems can thams cad gcig la gcig pha lta bu'am/ ma lta bu'am/ bu pho lta bu'am/ nu bo lta bur mdza' zhing sdug par gyur te/ de'i 'og tu chos rnam pa sna tshogs bstan </font><hr>266a<br><font size=+1>>


@#/ /pas bla na med pa'i byang chub tu sems bskyed de phyir mi ldog pa'i sa la gnas pa dang / 'bras bu thob pa dang / lha dang mir skye ba'i dge ba'i rtsa ba bskyed pa yang grangs med do/ /de'i phyi nyin rgyal po shun tsi da las sangs rgyas yang spyan drangs te bcom ldan 'das de'i nyin par seng+ge'i khri la bzhugs nas sku'i lte ba nas 'od zer gnyis shig phyung ste sku las 'dom bdun tsam du 'phags nas de'i steng na pad+ma re re yod de/ pad+ma la sprul pa'i sangs rgyas sprul te/ sprul pa'i sangs rgyas de dag gi lte ba nas kyang 'od zer byung ste rnam pa gnyis su gyes nas 'dom bdun tsam du 'phags te pad+ma yang yod la/ pad+ma'i steng na sprul pa'i sangs rgyas kyang bzhugs te/ de bzhin du mthar gyis stong chen bo'i 'jig rten gyi par du de dang 'dra ba sha stag sprul te 'khor mang po thams cad de lta bu dag mthong nas ngo mtshar du gyur te/ bcom ldan 'das kyis de la ci rigs par chos bstan pas bla na med pa'i byang chub tu sems bskyed pa dang / phyir mi ldog pa'i sa la gnas pa dang / 'bras bu thob pa dang / lha dang mir skye ba yang grangs med do/ /de'i phyi nyin rgyal po u tra ya nas sangs rgyas spyan drangs te bcom ldan 'das la rgyal po u tra ya nas me tog gis gtor ba dang / gtor ba'i me tog rnams de ma thag tu rin po che'i shing rta stong nyis brgya lnga bcus stong gsum gyi </font><hr>266b<br><font size=+1>>


stong chen po'i 'jig rten gyi khams kun tu snang zhing thams cad kyis mthong bar byas so/ /de la bcom ldan 'das kyis ci rigs par nad pa la sman btang ba bzhin du dam pa'i chos bstan pas/ kha cig ni/ bla na med pa'i byang chub tu sems bskyed de phyir mi ldog pa'i sa la gnas pa dang / lha dang mir skye ba yang grangs med do/ /de'i phyi nyin rgyal po gzugs can snying pos sangs rgyas spyan drangs te/ bcom ldan 'das kyis rgyal po de la sngar 'di skad ces bka' stsal to/ /rgyal pos zhal zas kyi snod sbyor cig /gdugs tshod kyi dus la bab pa na snod kun zhal zas ro brgya dang ldan pa/ rnam pa sna tshogs rang gang ste 'khor mang po thams cad la chog par gyur te/ de dag zos nas lus dang sems rab tu bde bar gyur to/ /de nas bcom ldan 'das kyis phyag sa la brdabs pa dang / sems can dmyal ba bco brgyad dag na sems can tshad med pa snyed sdug bsngal myong ba dang / de dag so so nas 'di skad ces smras so/ /bdag cag gis sngon sdig pa 'di lta bu zhig byas pas sdug bsngal 'di lta bu myong bar gyur to/ zhes smras te/ 'khor mang po thams cad kyis thos shing mthong bar byas nas thams cad snying brtse ba'i sems skyes te sdangs nas ba spu langs pa tsam du skrag par gyur te/ de la bcom ldan 'das kyis ci rigs </font><hr>267a<br><font size=+1>>


@#/ /su chos bstan te de dag gi sems tshim par gyur nas la la ni/ bla na med pa'i byang chub tu sems bskyed do/ /la la ni/ phyir mi ldog pa'i sa la gnas te/ lha dang mir skye ba'i dge ba'i rtsa ba bskyed pa yang grangs med do/ /sems can dmyal ba pa dag gis sangs rgyas mthong zhing chos thos pa'i rkyen gyis shin tu dad pa'i sems skyes te/ de dag tshe'i dus byas nas thams cad lha dang mir skyes so/ /de nas rgyal po gzugs can snying pos pus mo gnyis sa la btsugs te bcom ldan 'das la 'di skad ces gsol to/ /bcom ldan 'das ngo mtshar che ba'i mtshan sum cu rtsa gnyis mnga' ba/ sku'i mtshan gzhan ni/ bltar snang na/ de bzhin gshegs pa'i zhabs kyi mthil na 'khor lo'i mtshan mnga' pa 'khor rnams la bstan du gsol zhes gsol pa dang / bcom ldan 'das kyis zhabs brkyangs te 'khor mang po thams cad la zhabs kyi mthil na 'khor lo'i mtshan mnga' ba thams cad la bstan to/ /'khor thams cad kyis zhabs kyi 'og gi 'khor lo'i mtshan ri mo bris pa lta bur shin tu gsal ba mthong nas skyo mi shes par lta 'dod de lhag par dga' ba'i sems skyes nas yang bcom ldan 'das la 'di skad ces gsol to/ /sngon bcom ldan </font><hr>267b<br><font size=+1>>


'das kyis bsod nams ci zhig mdzad na/ 'di lta bu'i 'khor lo'i mtshan dang ldan par gyur/ bcom ldan 'das kyis rgyal po la bka' stsal pa/ ngas sngon 'das pa'i dus na dge ba bcu'i las bdag gis kyang byas/ gzhan yang byed par bskul bas 'di lta bu'i mtshan shin tu gsal ba dang ldan par gyur to/ /de nas rgyal pos yang bcom ldan 'das la gsol pa| bcom ldan 'das kyis dge ba bcu'i las ji ltar mdzad pa dang / gzhan dag dge ba bcu byed par ji ltar bskul ba thugs brtse bar dgongs te bstan du gsol| bcom ldan 'das kyis rgyal po la bka' stsal pa/ shin tu rtag par nyon la yid la zungs shig dang bstan par bya'o/ /sngon 'das pa'i bskal pa grangs med tshad med pa'i pha rol na 'dzam bu'i gling 'dir rgyal po chen po sha ta ni mi zhes bya ba rgyal phran brgyad khri bzhi stong la dpang byed de/ grong khyer ni/ khri phrag bcu yod pa/ blon po chen po ni| stong phrag bcu yod de/ rgyal po de la btsun mo stong phrag nyi shu yod kyang sras gcig kyang med pas rgyal po rab tu mi dga' ste gdung 'tsho ba pa yang med snyam nas shin tu mya ngan gyis non te| lha mtshun kun la mchod nas phyis dus gzhan zhig na btsun mo chen mo su li pa la zhes bya ba sems can dang ldan par gyur te/ de tshun chad btsun </font><hr>268a<br><font size=+1>>


@#/ /mo yang yod gzhungs shing mkhas pa dang mnyen zhing des bas/ 'gro ba mang po yang dge ba la dgod par mos pa dang / phyis zla ba tshang pa dang bu khye'u zhig btsas te byad gzugs legs pa/ blta na sdug pa/ phal las 'phags par bzang ba/ ba sbu'i bu ga kun nas 'od 'byung ba zhig btsas te/ rgyal po yang bu de la shin tu sdug par sems pas skyo mi shes pa tsam du rtog ste/ mtshan mkhan la bstan nas mtshan mkhan gyis kyang mtshan bzang ngan brtags na/ khye'u 'di ni/ shin tu ngo mtshar che'o/ /zhes dga' ba skyes nas khye'u 'di'i mtshan dang sbyar na/ gling bzhi la dbang bar 'gyur ro/ /zhes rgyal po la smras pas/ rgyal po yang rab tu dga' nas mtshan mkhan la khye'u 'di la ming thogs shig ces smras pa dang / mtshan mkhan gyis rgyal po la khye'u 'di ma'i rum du zhugs nas ngo mtshar che ba'i ltas ci byung zhes dris na| khye'u'i ma lhag par yid gzhungs shing des pa dang / dge bar dgod pa la dga' bar gyur to/ /zhes smras nas mtshan mkhan gyis khye'u'i ming shes rab 'od ces btags te/ rgyal tshab tu dbang bskur nas mkhas pa'i blo dang ldan te gzhan pas 'phags par gyur to/ /de nas dus phyi zhig na rgyal po chen po tshe 'phos nas blon po </font><hr>268b<br><font size=+1>>


rnams kyis rgyal bu de rgyal por dbang bskur bar gsol pa dang / rgyal bus blon po rnams langs ni/ rgyal po mi nus so/ /zhes bsgo'o/ /blon po rnams kyis gsol pa/ da rgyal po chen po nongs te rgyal bu ma lags pa rgyal bu gzhan 'ga' yang med do/ /da rgyal bus rgyal po mi mdzad na/ su zhig rgyal por gzhug ces gsol pa dang / rgyal bus smras pa| 'jig rten 'di dag ni/ mi rigs pa'i sdig pa'i chos byed de/ bsad pa dang / chad pas bcad pa'i las byas na/ kho bo la kha na ma tho ba'i las mi chung ste/ gal te khyed yul mi thams cad kyis dge ba bcu'i las byed nus ni/ kho bo yang rgyal po byed nus so/ /zhes bsgo'o/ /blon po rnams kyis gsol pa/ 'di ni/ legs te/ rgyal sar gshegs te dbang mdzod cig dang / dge ba bcu'i las kyi lam thams cad bgyid par bkar gdags so/ /zhes gsol nas mod la rgyal bu yang rgyal sar gshegs nas mi thams cad dge ba bcu'i las kyi lam spyod par yid mthun te bka' bzhin du byas so/ /de'i tshe bdud kyi rgyal pos phrag dog byas te rgyal po'i srid mi rung bar bya ba'i phyir rku yig bris nas rgyal phran kun la sbrings te sngar dge ba byos shig ces bkar btags pa ni/ dge ba byas kyang mngon rtags med de/ bdag nyon mongs pa las phan pa'i don med kyi/ </font><hr>269a<br><font size=+1>>


@#/ /da phyin chad yid bzhin du mi dge ba la bag med par spyod cig ces spring ba'i rku yig rgyal phran rnams kyi lag tu 'ongs nas rgyal phran rnams ngo mtshar gyur te rgyal po chen po ci'i phyir sdig pa'i las byed par bskul snyam nas 'di ni/ rigs pa ma yin te/ yid ma ches par rgyal po la zhus pa dang / rgyal pos de skad ces thos nas sngangs shing ngo mtshar du gyur te/ ngas ni/ 'di skad du bsgo ba med na/ ci'i phyir 'di 'dra bar gyur ces sdangs nas rgyal po nyid yul kun tu gshegs te| mi mang po sngon las gyur tam ma gyur pa rtog tu gshegs gshegs pa las/ bdud kyi rgyal pos lam ga na mi zhig me dong chen po rab tu 'bar ba'i nang na sdug bsngal gyis snying rje ba skad du 'don pa'i skad rgyal pos thos par sprul nas rgyal po yang de'i thad du gshegs te/ khyod su zhig /ci nyes zhes dris nas mi des smras pa/ bdag gis sngon mi 'di dag dge ba bcu la bkod pas da shin tu mi bzad pa'i sdug bsngal 'di lta bu myong bar gyur to/ /rgyal pos smras pa/ dge ba byed par bskul pas sdug bsngal myong ba ni/ chos med de/ dge ba byed par bskul bas khyod 'di lta bu'i sdug bsngal myong bar gyur na/ dge ba byed par bskul nas dge ba byas pa de dag </font><hr>269b<br><font size=+1>>


dge ba'i 'bras bu thob bam/ smras pa/ de ni/ dge ba'i 'bras bu thob ste/ dge ba byed par bskul pa 'ba' zhig sdug bsngal 'di lta bu myong ngo / /rgyal pos de skad ces thos nas shin tu dga' ste 'di skad ces smras so/ /mi pha rol pos dge ba'i 'bras bu thob par gyur na lta sdug bsngal myong yang bla'i/ 'gyod pa med do/ /zhes smras pa dang / bdud kyi rgyal pos thos nas de dag de ma thag tu mi snang bar byas so/ /de nas rgyal po yul kun tu gshegs te/ dge ba bcu'i las kyi lam kun tu bsgrags te 'bangs thams cad lus dang ngag dang yid kyi sgo nas dge ba la 'dun te thams cad kyis rgyal po'i yon tan bsngags pas de'i tshe gser gyi 'khor lo dang / rin po che sna bdun dang ldan nas gling bzhi kun tu gshegs te dge ba la 'god pa lhur byas so/ /de'i tshe de'i dus na rgyal po chen po de ni/ da ltar nga'i yab zas gtsang ma yin no/ /de'i tshe de'i dus na rgyal bu de'i ma ni/ da ltar nga'i yum lha mdzes ma yin no/ /rgyal po shes rab 'od mi mang po dge ba bcu la bkod pa ni/ nga yin te/ de'i tshe de'i dus na yang nga nyid dge ba bcu nyams su blangs te gzhan dag kyang dge ba btul bkod pas/ de'i phyir zhabs kyi 'og na 'khor lo rtsibs stong dang ldan pa'i mtshan dang ldan par gyur to/ /de nas rgyal po gzugs can snying pos yang bcom ldan 'das </font><hr>270a<br><font size=+1>>


@#/ /la 'di skad ces gsol to/ /ston pa drug po myos shing bslad pa'i 'khor du bcas pa rang gi tshod mi 'dzin te/ rnyed pa dang grags pa la chags nas phrag dog gi sems skyes te bcom ldan 'das dang cho 'phrul 'gran par gsol pa/ bcom ldan 'das kyis gcig mdzad na/ bdag cag gis gnyis bgyi'o/ /zhes mchi ba las bcom ldan 'das kyis cho 'phrul bsam gyis mi khyab pa bstan kyang ston pa drug gis cho 'phrul gcig tsam yang ston ma nus te/ ngo tsha zhing skyengs nas chur mchongs te gum pa 'di dag ni/ ha cang yang myongs shing 'khrul to snyam bgyid do/ /bcom ldan 'das kyis bka' stsal pa/ rgyal po chen po/ ston pa drug po 'di dag rnyed pa dang grags pa'i phyir nga dang 'gran par 'dod nas srog dang bral ba 'di 'ba' zhig tu ma zad de/ sngon 'das pa'i dus na yang nga dang 'gran par 'dod pa las lus dang srog gi bar du yang bral lo| /de nas rgyal po gzugs can snying pos pus mo gnyis sa la btsugs te bcom ldan 'das la 'di skad ces gsol to/ /sngon 'das pa'i dus na bcom ldan 'das kyis ston pa drug dang 'gran pa bdag cag la bstan du gsol/ bcom ldan 'das kyis rgyal po la bka' stsal pa/ rgyal po chen po/ rtag par nyon la yid la zungs </font><hr>270b<br><font size=+1>>


shig dang / sngon 'das pa'i dus na bskal pa tshad med grangs med pa'i pha rol na 'dzam bu gling 'dir rgyal po ma ha sha ku li zhes bya ba rgyal phran lnga brgya la dbang byed pa zhig byung ste| rgyal po de la btsun mo lnga brgya yod kyang khye'u rigs 'tshob pa gcig kyang med pas rgyal po des 'di snyam du bsam mo/ /nga ni/ rgas 'khogs te bu gcig tsam yang rigs 'tshob pa med na/ gal te nga 'das pa'i 'og tu rgyal phran rnams gcig la gcig mi nyan cing dmag 'dren te/ sems can rnams kyang ma nyes par 'chi la/ srid kyang 'khrugs par 'gyur ro snyam bsam nas mya ngan gyis yid gdungs te sems khong du chud do/ /de'i tshe na brgya byin lha'i dbang pos rgyang ma nas rgyal po de mi dga' zhing sems khong du chung pa mthong nas nam mkha' las babs te sman pa zhig tu sprul nas rgyal po de'i gan du song ste/ rgyal po khyod ni/ ci'i phyir 'di ltar yi mug cing mi dga' zhes dris pa dang / rgyal pos kyang snga ma bzhin du gtam byas so/ /sprul pa'i sman pas rgyal po la smras pa/ rgyal po khyod mya ngan ma byed cig /bdag ni/ khyod kyi phyir gangs kyi ri la song nas gangs kyi ri las sman rnam pa mang po btus te btsun mo dag zar bcug na/ zos ma thag tu btsun mo kun sems can dang ldan par 'gyur bar bgyi'o/ /rgyal pos de skad ces smras pa thos </font><hr>271a<br><font size=+1>>


@#/ /nas tshig 'di ni/ bdag gi mya ngan sangs par byed do snyam bsam nas sman pa la khyod kyis 'di ltar nus na shin tu legs so/ /zhes smras so/ /de'i tshe na sprul pa'i sman pa de gangs kyi ri la song nas sman rnam pa mang po btus te khur du khyer nas phyir rgyal po'i pho brang du 'ongs so/ /de nas sman rnams 'o ma la bskol te btsun mo chen mo la byin pa dang / btsun mo chen mos sman de mnam zhing yid ma ches pas 'thung du ma btub pa dang / sprul pa'i sman pa yang phyir lha'i gnas su song ngo / /sman de la btsun mo chung ngu gzhan dag gis 'thungs te btsun mos de dag 'thungs nas ring por ma lon par so so nas sems can dang ldan par gyur te/ de dag gis de bzhin du btsun mo chen mo la smras pa dang / btsun mo chen po 'gyod de mi dga' nas sman de'i lhag ma ci yod ces dris na zad do/ /zhes smras so/ /'o na sman gyi tshigs ma tsam yod dam zhes dris na sman gyi tshigs ma ni/ yod do/ /zhes smras so/ /de nas btsun mo chen mos sman gyi tshigs ma 'o ma'i nang du bskol te 'thungs pa dang / ring por ma lon par sems can dang ldan par gyur te/ btsun mo gzhan dag sman sngar 'thungs pa ni/ zla ba tshang bas so so nas khye'u sha stag btsas te bzang ba blta na sdug pa'o/ /rgyal </font><hr>271b<br><font size=+1>>


po rab tu dga' nas btsun mo chen mo sras nam btsa' pa 'ba' zhig sems so/ /btsun mo chen mo yang zla ba tshang nas khye'u zhig btsas te byad bzhin mi sdug pa shing du ma lta bu zhig btsas pas rgyal po dang btsun mo mi dga' ste/ bu'i ming yang sdong dum zhes btags so/ /de nas gsos bskyed de cher skyes nas phu bo rnams ni/ thams cad chung ma len te/ rgyal bu sdong du ma 'ba' zhig chung ma ma blangs so/ /dus gzhan zhig na pha rol po'i rgyal pos dmag drangs nas nye bar 'ongs pa dang / rgyal bu lnga brgyas kyang dmag gi tshogs bshams te pha rol po'i dmag la rgol du song song ba las/ g.yul pham nas phyir pho brang du bros te 'ongs so/ /rgyal bu sdong dum gyis phu bo rnams la smras pa| khyed ci'i phyir 'di ltar 'jigs skrag ste bros zhes dris na phu bo rnams kyis smras pa/ nged dmag dang bcas te pha rol po'i dmag la rgol du song ba las g.yul pham nas pha rol po'i dmag gis bdas nas bros pa yin no/ /rgyal bu sdong dum gyis smras pa/ dgra de tsam gyis bdag cag la bdo bar mi nus kyi/ bdag cag gis mes po'i gzhu dang / dung da ltar lha'i rten gyi nang na yod pa 'on cig dang / bdag de dag la rgol du 'gro'o/ /zhes smras so/ /rgyal bu de'i mes po ni/ 'khor los bsgyur </font><hr>272a<br><font size=+1>>


@#/ /ba'i rgyal po yin te/ mi mang po bzlog nas 'khor los bsgyur ba'i rgyal po'i gzhu g.yer por btegs te rgyal bu la phul lo/ /rgyal bus gzhu blangs te brdungs nas gzhu rgyud sbrengs pa'i sgra 'brug skad zer te dpag tshad bzhi bcu'i bar du thos par gyur to/ /de nas rgyal bus gzhu dang / dung thogs te gcig bu dgra la rgol du song nas sngar dung bus te dung gi sgra gnam lcags 'bab pa skad drag pos pha rol po'i dmag gis thos pa tsam gyis 'jigs skrag ste thams cad byer ro| |de nas rgyal bu yang phyir log nas rgyal po dang / btsun mos gdod sdug par bsam ste rgyal bu'i chung ma blang bar byas so/ /de'i tshe na rgyal po li shi ba tsa zhes bya ba la bu mo zhig yod de/ 'jig rten na dkon par bzang ngo / /zhes thos nas rgyal pos pho nya btang ste bu mo mna' mar blangs nas rgyal bu'i nang na byang gzugs bzang ba gcig mag pa yin no/ /zhes bstan te/ rgyal po des kyang bu mo sbyin par byas so/ /de nas rgyal po rab tu dga' nas mna' ma bsu ba'i yod byad bshams te rgyal bu sdong dum nyid kyang chung ma bsur btang nas nyin par chung ma dang ma phrang bar gyis la/ mtshan mo phrad par gyis shig ces bsgos nas btang ngo / /de nas </font><hr>272b<br><font size=+1>>


dus gzhan zhig na bu mo de phu nu mo gzhan dag dang phrad nas so so nas khyo'i yon tan ci yod pa smras pa dang / rgyal bu sdong dum gyi chung mas kyang khyo la bstod de/ /kho mo'i khyo ni/ dpa' la stobs kyang gyad dang mnyam ste/ lus kyi sha yang shin tu 'jam mo/ /zhes smras pa dang / phu nu mos smras pa/ khyod ni/ ma smra zhig /khyod kyi khyo ni/ shin tu yang mi sdug ste| sdong du ma dang 'dra bas ci ste khyod nyin par mthong na sngangs par 'gyur ro/ /zhes smras so/ /sdong dum gyi chung mas phu nu mo dag gis de skad smras pa thos nas yid la bzung ste mtshan mo me mar sbas nas khyo gnyid kyis log pa'i 'og tu me mar phyung ste bltas na/ shin tu mi sdug par mthong nas dngangs skrag ste mod la phyir pa ma'i yul du bros so| |rgyal bu sdong du ma gyis nam langs nas gdod tshor te mi dga' nas gzhu dang dung thogs te chung ma'i yul du chung ma snyegs su song ngo / /yul der phyin na blon po zhig la gnas shing 'dug pa las/ dus gzhan zhig na rgyal phran drug gi rgyal pos kyang rgyal po li shi pa tsa la bu mo bzang mo zhig yod do/ /zhes thos nas so so nas dmag dang bcas te bu mo slong du 'ongs so/ /de'i tshe rgyal po li shi pa tsa mi dga' nas blon po rnams bsdus te bgros nas gal te bu mo 'di rgyal po gcig la byin na/ gcig mi dga' zhing 'khon </font><hr>273a<br><font size=+1>>


@#/ /du 'dzin pas/ ji ltar byas na dgra 'di dag med par 'gyur zhes bgros pa dang / blon po gcig gis bu mo 'di dum bu dum bur byas la dum bu re re byin na/ de dag gi yid tshim par 'gyur zhes smras so/ /blon po kha cig gis ni/ 'di skad du/ la la zhig gis dmag 'di dag zlog nus na bu mo yang chung mar sbyin la| yul phyed kyang bya dgar sbyin no/ /zhes bkar btags na rung ngo / /zhes smras so/ /rgyal pos kyang gros de nyan te bkar btags pa dang / de'i tshe na rgyal bu sdong dum gzhu dang dung thogs te grong khyer gyi phyi rol tu pha rol gyi dgra gang na 'dug par song nas dung bus te gzhu rgyud sbrengs pa tsam gyis pha rol gyi dmag thams cad skrag nas 'gul yang ma nus so/ /de nas de dag gi dmag gi nang du song nas rgyal po drug char gyi mgo bcad de cod pan blangs nas dmag de rnams kyang 'khor du bsdus so| |rgyal po lu shi pa tsa rab tu dga' ste bu mo yang chung mar byin nas rgyal po chen por bcug ste rgyal po drug gi srid gcig tu bsdus nas dmag gi tshogs dang bcas te chung ma dang 'grogs nas phyir bdag gi yul du 'ongs so/ /rgyal pos kyang sras kyis phyir 'ongs so/ /zhes thos nas phyi rol nas bsus te rgyal srid kyang rgyal bu </font><hr>273b<br><font size=+1>>


la byin pa las/ byed du ma btub nas phyir yab la gtad de sngon bzhin du chung ma dang lhan cig tu 'dug nas chung ma la khyod ci'i phyir mtshan mo kho bo bor te bros zhes dris na| khyod mi sdug ches nas mi ma yin snyam ste skrag nas bros so/ /de nas rgyal bus me long blangs te me long gi nang du bltas na/ bdag gi bzhin shin tu mi sdug par mthong ste| lus de la lta mi 'dod pa tsam du skyo nas tshal zhig gi nang du song ste 'chi bar byas pa las/ brgya byin lha'i dbang pos rgyang ma nas mthong ste de'i drung du 'ongs te ci'i phyir khyod 'chi zhes dris na/ rgyal bus de bzhin du smras pa dang / brgya byin gyis spro ba bskyed de/ rin po che'i nor bu gcig byin nas 'di skad ces smras so/ /khyod rtag tu nor bu 'di spyi bo la thogs shig dang / nga dang 'dra bar bzang zhing mdzes par 'gyur ro/ /zhes bsgos nas rgyal bus nor bu spyi bo la btags ma thag tu bdag gi lus sngon pas lhag par gyur pa tshor nas phyir pho brang gi nang du 'ongs nas gzhu dang / dung blangs te phyi rol du rtser 'gro ba las chung mas ngo ma shes te 'di skad ces smras so/ /khyod su zhig /'di la ma reg cig /kho mo'i khyo 'ongs na gnod par gyur ta re/ chung ma la smras pa/ nga ni/ khyod kyi khyo yin no/ /zhes smras na/ chung ma yid ma ches te/ 'di skad ces smras so/ /kho mo'i khyo </font><hr>274a<br><font size=+1>>


@#/ /ni| shin tu yang mi sdug ste/ khyod ni/ shin tu yang bzang ba zhig na/ ji ltar kho mo'i khyo zhes smras pa dang / rgyal bus spyi bo'i nor bu bkrol ma thag tu phyir mi sdug par mthong nas rab tu dga' ste/ ci'i phyir 'di ltar gyur ces dris na/ rgyal bus ci'i phyir de ltar gyur ba rgyas par gtam byas nas de phyin chad khyo shug gnyis mdza' ste rgyal bu'i ming sdong dum zhes bya ba yang brjes nas rgyal bu su la shan zhes btags so/ /de nas dus gzhan zhig na rgyal bu des 'di snyam du bsam mo/ /da ni/ dmag dang bcas te pho brang zhig bya'o snyam du bsam nas gang nas gzhi yangs shing mnyam pa zhig tu song ste/ 'dir pho brang gyis shig ces bsgo ba dang / klu'i rgyal po bzhi zhig mir sprul nas 'dir pho brang mdzad na ci las mdzad ces dris na/ rgyal bu su la shan gyis smras pa/ sa las bya'o/ /zhes bsgo ba dang / klu'i rgyal po bzhis ci'i phyir rin po che las mi mdzad ces smras so/ /smras pa/ pho brang chen po zhig bya dgos na/ rin po che de snyed cig ga las rnyed ces smras pa dang / klu'i rgyal po sa bdag cag gis dbul lo/ /zhes smras nas de'i ngos bzhir chu mig re re sprul te 'di skad ces smras so/ /shar phyogs logs kyi chu mig las bcus te byas na/ bai </font><hr>274b<br><font size=+1>>


DUR+Yar 'gyur ro/ /lho phyogs kyi chu mig las bcus te byas na/ thams cad gser du 'gyur ro/ /nub phyogs ngos kyi chu mig las bcus te byas na/ thams cad dngul du 'gyur ro| |byang phyogs ngos kyi chu mig las bcus te byas na/ thams cad shel du 'gyur ro/ /zhes smras so/ /rgyal bus kyang de dag gis smras pa bzhin du chu mig las bcus nas de bzhin du gyur te/ de nas pho brang gi ra ba khor khor yug dpag tshad bzhi brgya pa zhig byas nas de'i nang du pho brang dpag tshad bzhi bcu pa zhig byas te/ lam gyi srang na khang bu brtsegs pa dang / skyed shing dang / khrus kyi khang bu yang rin po che sna bzhi las byas so/ /bzang byad lha'i pho brang dang 'dra bar byas nas zin ma thag tu rin po che sna bdun yang yod par gyur te/ gling bzhi la dbang byed cing dge ba rgyas par byas so/ /rgyal po chen po/ de'i tshe de'i dus na rgyal po ma ha sha ku la ni/ da ltar nga'i yab zas gtsang ma yin no/ /de'i tshe de'i dus na rgyal po'i btsun mo ni da ltar nga'i yum lha mdzes ma yin no/ /rgyal bu mi sdug pa sdong du ma ni/ da ltar nga yin no/ /de'i chung ma de ni skye rgu'i bdag mo yin no/ /chung ma de'i pha de ni/ 'od srung yin no| |rgyal po drug gis dmag drangs te bu mo 'dod pa de dag ni/ ston pa drug po 'di dag yin te/ de'i tshe de'i dus na yang nga dang gzugs la rtsod pas ngas de dag kun bsad </font><hr>275a<br><font size=+1>>


@#/ /de dmag gi tshogs kyang 'khor du bsdus pas da ltar gyi bar du rnyed pa dang / grags pa la phrag dog byed pa'i phyir nga dang 'gran par 'dod kyang cho 'phrul med de bsam pa ltar ma gyur pas chur shi ba yin no/ /de ltar de dag gi 'khor khri phrag dgu bcu yang nga'i 'khor du bsdus nas nga'i nye gnas su gyur to/ /de nas rgyal po gzugs can snying pos bcom ldan 'das la 'di skad ces gsol to/ /rgyal po sdong dum de sngon bsod nams ci zhig bgyis pas/ 'di ltar mthu stobs che la shin tu mi sdug par gyur/ bcom ldan 'das kyis rgyal po la bka' stsal pa/ rgyu yod rkyen yod de/ bstan par bya'o/ /sngon 'das pa'i dus bskal pa grangs med dpag tu med pa'i pha rol na 'dzam bu'i gling 'dir yul wA ra NA si zhes bya ba na drang srong ri zhes bya ba la rang sangs rgyas gcig cig gnas te/ rang sangs rgyas de la rlung nad yod pas/ rlung nad kyi sman 'bru mar 'thung dgos pa las 'bru mar 'tshag pa'i khyim du song nas 'bru mar bslangs pa dang / 'bru mar 'tshag pa des de la khros te/ mgo dang shing dum bu 'dra ba/ rkang lag dang shing tshal 'dra ba 'di las byed du ni/ mi btub kyi/ zho gcig nam gcig kyang 'byin du mi btub par slong mo 'ba' zhig la 'tsho ba ltos pa 'di zhes spyos shing brgyad nas 'on </font><hr>275b<br><font size=+1>>


kyang mar gyi tshigs ma phul lo/ /rang sangs rgyas des mar gyi tshigs ma thob nas sgor byung ste phyir 'gro ba las/ sgo khar mar 'tshag pa de'i chung ma dang phrad nas rang sangs rgyas de la dad pa'i sems skyes te/ skyes bu khyed gar gshegs/ mar gyi tshigs ma 'dis ci zhig mdzad ces dris pa dang / rang sangs rgyas des kyang de bzhin du drang por gtam byas nas chung ma des rang sangs rgyas de phyir bos te khyim du khrid nas lhung bzed blangs te 'bru mar lhung bzed bkang ste phul nas khyol 'di skad ces smras so/ /khyod kyis skyes bu 'di la mar gyi tshigs ma phul ba shin tu nyes kyi/ kha'i nyes pa 'gyod tshangs gyis shig ces bsgo nas mi des kyang 'gyod pa'i sems skyes te/ 'gyod tshangs byas nas khyo shug yid mthun par rang sangs rgyas de la 'di skad ces gsol to/ /btsun pa/ da slan chad mar dgos na yang rtag tu longs shig ces smras nas rang sangs rgyas des kyang rtag tu de'i khyim nas mar blangs te de dag gis byas pa gzo ba'i phyir de dag gi drung du cho 'phrul bstan te steng gi nam mkha' la 'phags nas chu 'bab pa dang / me 'byung ba dang / cho 'phrul rnam pa sna tshogs bstan to/ /mar 'bul ba'i khyo shug gnyis kyis de lta bu'i cho 'phrul mthong nas lhag par dga' zhing dad pa'i sems skyes te mi des chung ma la smras pa/ khyod kyis mar phul ba'i </font><hr>276a<br><font size=+1>>


@#/ /bsod nams ci yod pa kho bo dang thun mong du gyur te bdag cag khyo shug tu shog cig /ces smras pa dang / chung mas smras pa/ khyod kyis skyes bu chen po la tshig ngan pa smras te mar gyi tshigs ma phul nas dad pa'i sems med pas gang du skyes kyang shin tu mi sdug par 'ong na/ khyod dang ji ltar khyo shug tu bya zhes smras pa dang / khyos smras pa/ kho bos rtag tu nyon mongs te mar 'tshag pa'i las byas na/ ci'i phyir khyod kyi sbyin pa'i 'bras bu nga dang thun mong du mi bsngo/ nga mi nyan gyi khyod dang khyo shug tu bya dgos so/ /chung mas smras pa/ ci ste khyod dang khyo shug tu gyur na/ khyod mi sdug ches nas kho mo'i khyod dor te mtshan mo bros su 'ong ngo / /khyos smras pa/ ci ste khyod bros na yang ngas phyi bzhin bsnyags la khyod thob par byas nas phyir 'ong ngo / /zhes khyo shug gnyis gcig la gcig smras nas rang sangs rgyas de la lus dang srog phyogs te 'gyod tshangs byas so/ de'i tshe na rang sangs rgyas des khyo shug de gnyis la 'di skad ces bsgo'o/ /khyed khyo shug gnyis kyis nga la mar byin pas na/ nga'i nad sos kyi khyo shug gnyis cir smon pa smros shig /de bzhin du 'grub par 'gyur ro/ /zhes bsgo ba dang / mi khyo shug de gnyis rab tu dga' nas bus mo sa la btsugs te 'di skad </font><hr>276b<br><font size=+1>>


ces smon lam btab bo/ /bdag cag khyod shug gnyis lha'am/ mi gang du skyes kyang yid bzhin du grub par gyur cig ces smon lam btab bo/ /rgyal po chen po/ de'i tshe de'i dus na mar 'tshag pa'i mi de ni/ rgyal bu sdong dum yin no/ /de'i chung ma ni/ sdong dum gyi chung ma nyid yin no/ /de'i tshe na rang sangs rgyas la sdong dum dang 'dra zhes tshig ngan pa smras te khros bzhin du mar gyi tshigs ma byin pas/ skye ba thams cad du shin tu mi sdug par gyur to/ /phyis 'gyod tshangs byas te mar bzang po phul bas skye ba thams cad du phyis bzang zhing sdug par gyur to/ /mar phul bas na skye ba thams cad du mthu stobs dang ldan te/ thams cad thub par gyur to/ /de'i bsod nams kyis ni/ 'khor los bsgyur ba'i rgyal por gyur te/ gling bzhi la dbang zhing 'dod pa lnga la yid bzhin du spyod par gyur to/ /dge ba dang mi dge ba'i las kyi rnam par smin pa ni/ nam yang med par mi 'gyur te/ de bas na lus dang / ngag dang / yid kyi las srung pa la nan tan bya'o/ /bcom ldan 'das kyis de skad ces gsungs nas rgyal po gzugs can snying po la sogs te rgyal po dang / blon po dang / 'khor rnam bzhi dang / lha dang / klu la sogs pas thos nas/ la la ni/ rgyun du zhugs pa'i 'bras bu thob/ la la ni/ lan gcig phyir ldog pa dang / phyir mi ldog </font><hr>277a<br><font size=+1>>


@#/ /pa dang / dgra bcom pa'i 'bras bu thob/ la la ni/ rang sangs rgyas kyi dge ba'i rtsa ba bskyed/ la la ni/ bla na med pa'i byang chub tu sems bskyed de/ phyir mi ldog pa'i sa la gnas par gyur nas 'khor de dag thams cad bcom ldan 'das kyis gsungs pa la yi rang nas mngon par dga'o/ /ston pa drug btul ba'i le'u ste bcu gsum pa'o// //bam po bzhi pa/ gcan gzan kun tas lus kyi sbyin pa byas pa'i le'u/ 'di skad bdag gis thos pa dus gcig na/ bcom ldan 'das rgyal po'i khab bya rgod spungs pa'i ri la bzhugs so/ /de'i tshe bcom ldan 'das kyi sku la bser ma'i snyun gyis bzung nas sman pa 'tsho byed kyis sman rnam pa sum cu rtsa gnyis dang mar du sbyar te nyin re bzhin sbyar sman srang sum cu rtsa gnyis gnyis gsol lo/ /lha sbyin ma rungs pa phrag dog gi sems skyes nas sangs rgyas dang mnyam mo| |zhes bsgrags te/ bcom ldan 'das sman gsol zhes thos nas sman 'dod cing sangs rgyas dang 'dra bar bya ba'i phyir sman pa 'tsho byed la bcom ldan 'das la gsol ba'i sman nga la sbyar te byin cig ces bsgo'o/ /de nas 'tsho byed kyis sman sbyar te lha sbyin la byin nas nyin re la srang bzhi bzhi thong zhig ces bsgo ba dang / lha sbyin </font><hr>277b<br><font size=+1>>


gyis da ltar bcom ldan 'das nyin re zhing srang du du gsol zhes dris pa dang / 'tsho byed kyis bcom ldan 'das ni/ da ltar nyin re zhing srang sum cu rtsa gnyis gnyis gsol lo| |zhes smras pa dang / lha sbyin gyis kho bo la yang nyin re zhing srang sum cu rtsa gnyis gnyis byin cig ces bsgo ba dang / 'tsho byed kyis smras pa/ de bzhin gshegs pa'i sku dang / khyod ni/ mi 'dra ste/ khyod kyis mang du zos na mi zhu bas gdon mi za bar phyir nad du 'gyur ro/ /zhes smras pa dang / lha sbyin gyis smras pa/ ji tsam zos na zhu ba'i drod kho bo la yod de/ kho bo dang / sangs rgyas su bye brag ci yod ces smras nas sangs rgyas dang 'dra bar nyin gcig la sman srang sum cu rtsa gnyis gnyis btang nas sman ma zhu ste rtsa kun tu zug nas nyam thag ste shin tu sdug bsngal ba'i skad phyung nas 'bod 'grogs so/ /de la bcom ldan 'das thugs brtse bar dgongs te rgyang ma nas phyag brkyangs nas lha sbyin gyi mgo la byugs pas mod la sman kun zhu nas tsha ba'i sdug bsngal dang bral bar gyur te/ lha sbyin gyis bcom ldan 'das kyi phyag yin par shes nas 'di skad ces smras so/ /rgyal bu don grub kyis shes pa'i rtsal du sman yang bslabs te/ sman pa yang mkhas pa lta ste mi 'dod do zhes smras so/ /de'i tshe na kun dga' bos de skad ces smras </font><hr>278a<br><font size=+1>>


@#/ /ba thos nas shin tu mi dga' ste bus mo sa la btsugs nas bcom ldan 'das la 'di skad ces gsol to/ /lha sbyin 'di ni/ bka' drin mi 'tshal te| bcom ldan 'das kyis da la thugs brtse bar dgongs nas de'i nad yongs su bsal kyang slar mi dge ba'i sems kyis tshig mi dgos pa smras te/ rtag tu bcom ldan 'das la bsngo'o/ /bcom ldan 'das kyis kun dga' bo la bka' stsal pa/ lha sbyin gyis da ltar 'di 'ba' zhig tu nga la mi dge ba'i sems bskyed nas nga la gnod par byed par ma zad kyi/ sngon 'das pa'i dus na yang nga la sdig pa'i sems bskyed de nga bsad par gyur to/ /kun dga' bos bcom ldan 'das la gsol pa/ 'das pa'i dus na lha sbyin gyis ji ltar bgyis pa bstan du gsol/ bcom ldan 'das kyis bka' stsal pa/ sngon 'das pa'i dus bskal pa grangs med dpag tu med pa'i pha rol na 'dzam bu'i gling 'dir yul wA ra NA si zhes bya ba na rgyal po tshangs sbyin zhes bya ba khro zhing gtum la snying rje med/ 'dod chags dang zhe sdang che ba/ sdig pa'i las kyis gtses shing gsong pa la dga' ba zhig byung ngo / /de'i tshe na rgyal po de'i rmi lam du gcan gzan lus kyis gser gyi mdog ltar 'dug la/ spu'i thog ma la gser lta bu'i </font><hr>278b<br><font size=+1>>


'od byung zhing / g.yas g.yon thams cad kyang gser gyi mdog tu snang bar byed pa'i gcan gzan gcig cig rmis nas de ma thag tu sad de 'di snyam du bdag gis rmi lam na mthong ba 'di ni/ gdon mi za bar yod kyi/ rngon bdag de'i pags pa tshol du gzhug go snyam bsam nas rngon pa rnams bsdus te 'di skad ces bsgo'o/ /kho bo'i rmi lam du gcan gzan gser gyi mdog can spu'i thog ma la gser gyi 'od lta bu 'byung ba zhig rmis te/ 'di lta bu zhig yul 'di na yod du nges kyi/ khyed rnams kyis kun tu tshol la de'i pags pa bshus te nga la phul cig dang / khyod kyi bu tshe rabs bdun tshun chad skyed cing bde bar bya'o/ /gal te snying nas ma btsal lam/ le lo zhig byas te ma rnyed na/ khyed rnams rtsa rgyud tshun chad med par bya'o/ /zhes bsgo'o/ /de nas rngon pa de dag shin tu mi dga' ste dben pa'i phyogs shin tu thams cad 'dus nas 'di skad ces bgros so/ /rgyal pos rmis pa'i gcan gzan de ni/ gna' nas ma mthong ste/ gal te bdag cag gis ma rnyed na/ rgyal po'i bka' khrims gnyan pas bdag cag gson par mi 'gyur ro/ /zhes bgros nas lhag par mi dga' ba'i sems bskyed te/ yang 'di skad ces smras so/ /shing khung 'di na sprul gdug pa dang / gcan gzan ma rungs pa mang bas/ lam ring por 'gro zhing srog mi </font><hr>279a<br><font size=+1>>


@#/ /phangs par don sgrub tu ni/ srog dang bsngos su yang mi nus pas bdag cag gi nang na mi gang gis nus pa gcig cig tshol du btang ngo / /gal te mi des mthong bar gyur na/ gdod bdag cag spran par byas na legs so/ /zhes smras nas mi zhig la 'di skad ces smras so/ /khyod srog dang bsngos te kun tu tshol dus song zhig / gal te rnyed na nged spyi las naur bkral te mang du sbyin no/ /ci ste khyed phyir ma 'khor na yang khyod kyi bu dang chung ma la sbyin no/ /zhes smras te mi des kyang 'di snyam du bdag ni/ mi mang po 'di dag gi phyir lus dang srog yal yang bla'o snyam bsam nas 'gro ba'i yo byad bshams te dri dang nags tshal nyam nga ba kun tu tshol du song song ba las/ yun ring zhig lon pas shin tu nyam thag nas dbyar tsha ba'i dus su bye ma tsha ba pus mo nub tsam zhig tu phyin pa dang ngal chad de skom gyis gdungs pas srog chags la thug nas 'di skad ces smras so/ /snying rje dang ldan pa su zhig bdag 'di ltar sdug bsngal ba'i lus dang srog gi skyabs su 'gyur ba yod dam zhes smras pa dang / de'i tshe na ri de la gcan gzan kun ta zhes bya ba lus kyi spu mdog gser gyi kha dog ltar 'dug la/ spu'i thog ma la gser gyi 'od 'byung ba zhig yod pa des rgyang ma nas mi des smras pa'i </font><hr>279b<br><font size=+1>>


tshig thos nas shin tu snying brtse ba'i sems bskyed te/ gang na chu mig grang mo yod pa'i nang du lus bcug nas mi de'i drung du 'ongs te mi de la phang pas 'khyud nas cung zad cig nyams brtas pa dang chu 'gram du khrid de bkrus nas shin tog btus te zar bcug go /de nas mi de sor chud nas 'di snyam du sems so/ /gcan gzan 'di ni/ rgyal po 'dod pa kho na yin na/ bdag srog dang bral ba las srog gi skyabs byas te drin du gzo ba cung zad kyang ma byas par 'di la gsod pa'i sems ji ltar yang skyed/ gal te ma rnyed na ni/ rngon pa de dag gnyen dang bcas pa thams cad gyod la thogs par 'gyur ro snyam bsams nas mi dga' zhing 'dug pa las/ gcan gzan gyis khyod ci'i phyir 'di ltar mi dga' zhes dris na| mchi ma lhags nas rgyas par smras pa dang / kun tas 'di skad ces smras so/ /'di la khyod mi dga' bar ma byed cig /nga'i pags pa 'di thob sla ba yin te/ kho bos bsam na| tshe snga ma la lus grangs med pa zhig btang yang lus kyis bsod nams su 'gyur ba'i las ma byas te/ lus kyi pags pa 'dis de dag gi srog bskyab bo/ /zhes smras nas rab tu dga' ba'i sems skyes te khyod kyis kho bo'i srog ma bcad par pags pa bshus te khyer cig /'gyod pa'i sems med par khyod la sbyin no/ /de'i tshe na rngon pa des pags </font><hr>280a<br><font size=+1>>


@#/ /pa dal gyis bshus nas kun tas 'di skad ces smon lam btab bo/ /bdag gis pags pa 'di khyod la byin te mi mang po phangs pa'i srog bskyabs pa'i bsod nams 'di sems can thams cad la bsngos te/ bdag bla na med pa'i byang chub tu mngon par 'tshang rgya zhing / sems can thams cad 'khor ba'i sdug bsngal las bsgral nas mya ngan las 'das pa'i bde ba la 'god par shog cig ces smon lam btab bo/ /de'i tshe na stong gsum gyi stong chen po'i 'jig rten gyi khams rnam pa drug tu g.yos te/ lha'i pho brang kun lde gcing g.yos nas lha rnams sdangs te bltas na/ byang chub sems dpas lus kyi pags pa sbyin par byas pa mthong nas nam mkha' las babs te kun ta gang na bar lhag nas lha rdzas kyi me tog gis gtor te mchod par byas nas mchi ma char bzhin du phab bo/ /pags pa bshus nas song ba'i 'og tu sha rlon pa de la khrag kun nas gzag cing sbrang ma dang / grog ma la sogs pa stong phrag brgyad cu snyed de'i lus la 'dus na thams dad de'i lus la za zhing de dag bros su dogs pas lus kyang mi 'gul te lus kyi sbyin pa byas nas de nyid du tshe'i dus byas so/ /sbrang ma deng srin bu byang chub sems dpa'i sha la zos pa rnams kyang tshe 'phos nas thams </font><hr>280b<br><font size=+1>>


cad mtho ris kyi lhar skyes so/ /de'i tshe na rngon pa des pags pa de khyer te rgyal po la phul nas rgyal po rab tu dga' ste/ 'di lta bu shin tu 'jam pa ni/ zla med do/ /zhes rtag tu nyal ba'i stan du bting nas de la nyal lo/ /kun dga' bo/ de ltar rig par gyis shig /de'i tshe de'i dus na gcan gzan kun ta de ni/ da la rang yin no/ /rgyal po tshangs sbyin de ni/ lhas sbyin yin no/ /srin bu stong phrag brgyad cu ni/ nga thog mar mngon par sangs rgyas te chos kyi 'khor lo bskor ba na 'bras bu thob pa'i lha'i sras po brgyad khri po yin no/ /lha sbyin gyis de'i tshe na yang nga bsad de/ da ltar gyi bar du yang nga la sdig pa'i sems kyis gsong par sems so/ /bcom ldan 'das kyis de skad ces gsungs nas tshe dang ldan pa kun dga' bo dang / 'khor mang po rnams dge ba'i chos la 'dun te/ la la ni/ rgyun du zhugs pa'i 'bras bu dang / la la ni/ lan gcig phyir ldog pa dang / phyir mi ldog pa dang / dgra bcom pa'i 'bras bu thob bo/ /la la ni/ rang sangs rgyas kyi dge ba'i rtsa ba bskyed/ la la ni/ bla na med pa'i byang chub tu sems bskyed nas phyir mi ldog pa'i sa la gnas par gyur to/ /bcom ldan 'das kyis gsungs pa la rjes su yi rang nas mngon par dga'o/ /gcan gzan kun tas lus kyi sbyin pa byas pa'i le'u </font><hr>281a<br><font size=+1>>


@#/ /ste bcu bzhi pa'o// //rab tu byung ba'i yon tan bsngags pa'i le'u/ gang zhig rab tu byung na/ de'i bsod nams ni/ rab tu mang ste| bdag gi bu'am/ bu mo'am/ bran kho la las gang yang rung ba rab tu 'byung bar gnang ngam/ bdag nyid rab tu byung na/ nge'i bsod nams ni/ dpag tu med do| |gang zhig sbyin pa byas pa'i bsod nams de ni/ skye ba bcu'i bar du longs spyod myong bar 'gyur te/ gnam rim pa drug gi lhar yang dang yang du la na stong skyes ba bas/ mi gcig rab tu byung ngam/ bdag nyid rab tu byung na/ bsod nams 'di ni/ snga ma bas mchog tu che'o/ /de ci'i phyir zhe na/ sbyin pa byas pa'i bsod nams ni/ zad pa'i mtha' yod kyi/ rab tu byung ba'i bsod nams ni/ dpag tu med/ mtha' med do/ /gzhan yang tshul khrims bsrungs pa'i bsod nams kyis mngon par shes pa lnga dang ldan pa'i drang srong dang / mtho ris kyi longs spyod tshangs pa'i 'jig rten gyi bar du myong bar 'gyur gyi/ sangs rgyas kyi bstan pa la rab tu byung ba'i bsod nams ni| bsam gyis mi khyab ste/ mya ngan las 'das pa'i bar du bsod nams zad mi shes so/ /gal te kha cig gis rin po che sna bdun las byas pa'i mchod rten </font><hr>281b<br><font size=+1>>


mtho khyad sum cu rtsa gsum la thug par byas pa'i bsod nams kyis kyang rab tu byung ba'i bsod nams tsam la mi phod do/ /de ci'i phyir zhe na/ rin po che sna bdun gyi mchod rten ni| glen pa ma rungs pa dag gis bshig par 'gyur gyi/ rab tu byung ba'i bsod nams ni/ gzhig nus pa med do/ /dge ba'i chos 'dod na/ sangs rgyas kyi chos ma gtogs pa 'di lhag pa'i chos gzhan med do/ /dper na/ longs ba brgya'i mig sman pa mkhas pa zhig gis phye ste/ gcig car mthong bar byas pa dang / gzhan yang mi brgya zhig mig 'byung ba la thug pa las/ mthu dang ldan pa zhig gis mig dbyung ba de dag gi las thar par byas pa dang / mi 'di gnyis kyi bsod nams ni/ de pag tu med mod kyi/ 'on te gzhan rab tu phyung ngam/ bdag rab tu byung ba'i bsod nams tsam mi phod do/ /de ci'i phyir zhe na/ 'di gnyis kyis de dag gi mig phyin pa ni| 'jig rten gyi phan pa dang bde ba tsam thob par zad la/ sha'i mig gi rang bzhin ni/ 'jig pa'i rang bzhin no/ /gzhan rab tu phyung ngam/ bdag rab tu byung na gcig gis gcig bstan cing drangs pas/ sems can gyi khams bskal pa'i mthar bla na med pa'i shes rab kyi mig tu 'gyur te/ shes rab kyi mig gi </font><hr>282a<br><font size=+1>>


@#/ /rang bzhin ni/ bskal pa'i bar du 'jig par mi 'gyur ro/ /de'i bsod nams kyis lha dang mi'i nang na bde ba'i longs spyod zad mi shes pa mthar thug pa med pa yid bzhin du myong zhing mthar yang mngon par 'tshang rgya'o/ /de ci'i phyir zhe na/ rab tu byung ba'i chos ni/ bdud kyi 'khor med par byed cing sangs rgyas kyi gdung 'tshong par byed do/ /sdig pa mi dge ba'i chos med par byed cing dge ba'i chos skyes par byed do/ /kha na ma thob pa'i dri ma med par byed cing bla na med pa'i bsod nams kyi las skyed par byed do/ /de bas na bcom ldan 'das kyis rab tu byung ba'i bsod nams ni/ ri rab lhun po bas 'phang mtho'o/ /rgya mtsho bas gting zab bo/ / nam mkha' bas rgya che'o/ /zhes gsungs so/ /gal te su zhig rab tu byung ba'i bgegs dang bar chad byas te bsam pa ltar ma grub na/ de'i kha na ma tho ba'i las shin tu lci ba ni/ dper na/ mi zhig mun khrod du song na ci yang mi mthong ba dang 'dra bar de'i sdig pa'i rnams par smin pa yang de dang 'dra ste/ shin tu mi snang ba'i mun pa nag po'i sems can dmyal bar ltung ngo / /dper na/ rgya mtsho'i nang du chu bo dang / chu bran thams cad 'bab pa ltar/ mi de'i sdig pa'i rnam par smin pa yang de dang 'dra ste/ nyes pa thams cad de'i lus la pa yang de dang 'dra ste/ nyes pa thams cad de'i lus la </font><hr>282b<br><font size=+1>>


'du'o| |dper na/ ri rab lhun po ni/ bskal pa'i me byung na/ lhag ma ma lus par tshig pa dang 'dra bar de yang sems can dmyal ba'i sems tshigs nas lhag ma mi lus la yang de dang 'dra'o| |gzhan rab tu byung bar gnang ngam/ gal te bdag rab tu byung na/ de'i bsod nams ni/ rab tu byung ba ni/ mdo sde'i chu yongs su dag pas kun nas nyon mongs pa'i dri ma thams cad bkrus te 'khor ba'i sdug bsngal yongs su bsal nas mya ngan las 'das pa'i rgyur 'gyur ro/ /'dul ba'i rkang pas tshul khrims yongs su dag pa'i sa la 'chag cing chos mngon pa'i mig gis 'jig rten gyi dge ba dang / sdig pa la lta zhing yid bzhin du 'phags pa'i lam yan lag brgyad la 'gro ste /mya ngan las 'das pa'i grong khyer du phyin pa byed do/ /de bas na rgan po'am/ gzhon nu rab tu byung ngam/ rab tu byung bar gnang ngam/ bdag rab tu byung na/ de'i bsod nams mchog tu che'o/ /de'i tshe bcom ldan 'das rgyal po'i khab bya ka lan+ta ka gnas pa 'od ma'i tshal na bzhugs so/ /de'i tshe rgyal po'i khab na khyim bdag dpal skyes zhes bya ba la brgya lon pa zhig gis rab tu 'byung ba'i yon tan 'di ltar tshad med do/ /zhes thos nas 'di snyam du bdag ci'i phyir sangs rgyas kyi bstan pa la rab tu ma byung snyam bsam nas chung ma dang / bu dang / bran khol la nga ni/ rab </font><hr>283a<br><font size=+1>>


@#/ /tu 'byung ngo / /zhes byas so/ /mi de rgas 'khogs pas khyim gang gis mi thams cad skyo ste dgos pa med do snyam nas rab tu 'byung ngo / /zhes thos pa dang / de dag dga' ste myur du 'gro ba'i rigs kyi/ dus la bab bo/ /zhes smras so/ /de nas khyim bdag de khyim nas byung ste 'od ma'i tshal du bcom ldan 'das la rab tu 'byung bar gsol du song nas 'od ma'i tshal du phyin pa dang / dge slong rnams la sangs rgyas bcom ldan 'das thugs rje chen po lha dang mi la phan pa'i don rgyas par mdzad pa ga la bzhugs zhes dris so/ /dge slong rnams kyis sangs rgyas bcom ldan 'das rnams ni/ 'gro ba mang po la phan pa'i don du rgyu zhing gzhan du gshegs so| |zhes smras so/ /khyim bdag des yang dge slong rnams la sangs rgyas ston pa chen po'i mkhas pa dang / shes rab tu ldan pa'i mchog su yin zhes dris pa dang / dge slong rnams kyis btsun pa shA ri'i bu yin no/ /zhes bstan to/ /rgan po de 'khar pa la brten te shA ri'i bu gang na ba der song ste phyin pa dang / 'khar ba bor nas phyag 'tshal te 'di skad ces gsol to/ /btsun pa bdag rab tu byung bar gnod zhig /btsun pa shA ri'i bus brtags na/ khyim bdag 'di rgas pas/ slob pa dang / bsam </font><hr>283b<br><font size=+1>>


gtan dang / dge 'dun gyi las bya ba rnam pa gsum las nyams te mi nus so snyam bsam nas 'di skad ces smras so/ /khyod phyir song zhig /khyod ni/ rgas 'khogs te dus las yol gyi/ rab tu 'byung bar mi rung ngo / /zhes bsgo'o/ /de nas mthar gyis 'od srung chen po dang / u pa li dang / ma 'gags pa la sogs te/ dgra bcom pa chen po de dag kun gyi drung du song nas gsol ba btab pa las/ de dag kun gyis khyod sngar su la yang gsol ba ma btab pa ma zhes dris na/ bdag gis sngar btsun pa shA ri'i bu la gsol ba btab bo/ /'o na ji skad zer/ de na re/ khyod rgas 'khogs te dus las yol bas 'byung du mi rung ngo / /zhes mchi'o/ /dge slong de dag gis smras pa/ shA ri'i bu lta bu mkhas pa dang / shes rab kyi mchog des kyang ma gnang na/ bdag cag kyang de dang 'dra ste gnang ba med do/ /dper na/ sman pa mkhas pa sman dpyad la mkhas pas nad pa brtags te sman dpyad mi byed par spong na/ sman pa chung du gzhan dag kyang gso bar mi byed de/ de la nges par 'chi ba'i mtshan ma yod par rtogs pa'i phyir ro| |shA ri'i bu blo dang ldan pas kyang ma gnang na/ dge slong gzhan yang de dang 'dra ste/ gnang ba med do/ /zhes bsgo'o/ /khyim bdag de dge slong rnams kyis rab tu 'byung bar </font><hr>284a<br><font size=+1>>


@#/ /ma gnang bas/ 'od ma'i tshal nas phyir byung ste sgo'i them pa la 'dug nas skad chen po phyung ste smre sngags 'don cing dus so/ /bdag thog ma skyes nas nyes pa chen po ni ma byas na/ ci'i phyir bdag rab tu 'byung bar mi gnang / u pa li lta bu 'breg mkhan las byung ba dang / mi de lta bu phyag dar ba ngan skyug 'dor ba dang / sor phreng can lta bu mi grangs med pa bsad pa dang / a si ka lta bu mi rgod ma rungs pa de dag la sogs pa yang rab tu byung na/ bdag la nyes pa ci zhig yod de rab tu 'byung du ma gnang zhes smras pa dang / bcom ldan 'das de'i drung du gshegs te sku mngon par bstan nas 'od zer gyis lhang nge lham mer gsal te mtshan dang dpe byad kyis brgyan nas brgya byin lha'i dbang po rin po che sna bdun gyi rgyal mtshan ltar mngon du gshegs te/ khyim bdag dpal skyes la khyod ci'i phyir du zhes bka' stsal to/ /de'i tshe khyim bdag des sangs rgyas kyi gsung tshangs pa'i dbyangs lta bur thos nas rab tu dga' mgu rangs pa ni/ byis pa pha ma mthong ba tsam du dga' ste lus smad lngas la gtugs nas sangs rgyas la phyag 'tshal te 'di skad ces gsol to/ /sems can gyi nang na mi 'gum pa dang / mi rgod bgyid pa </font><hr>284b<br><font size=+1>>


dang / brdzun du smra ba dang / skur glang 'debs pa'i ma rabs dag kyang rab tu byung na/ bdag 'ba' zhig dngos sdig ci mchis na/ sangs rgyas kyi bstan pa la rab tu 'byung bar ma gnang / bdag gi khyim gang gi mi yang bdag rgas 'khogs pas skyo bar gyur te dgos pa med de/ /zhes mchi bas/ gal te sangs rgyas kyi bstan pa la rab tu 'byung bar ma gnang na/ slar khyim du mchis kyang gdon mi 'tshal bar bdag khyim du 'jug tu mi ster bas gang du yang mchi ba'i gnas ma mchis te/ 'di nyid du nges par srog dang 'bral bar 'gyur ro/ /de nas bcom ldan 'das kyis khyim bdag dpal skyes la bka' stsal pa/ nam mkha' la lag pa bteg pa la 'di ni/ rab tu 'byung ngo / /'di ni/ rab tu mi 'byung ngo / /zhes nges bar su zhig smra/ khyim bdag gis gsol pa/ bcom ldan 'das kyi 'khor los bsgyur ba'i rgyal po'i 'khor mkhas pa'i mchog /sangs rgyas kyi 'og tu che ba/ 'jig rten gyi ded dpon shA ri'i bus bdag bstan pa la rab tu 'byung bar ma gnang ngo / /de nas bcom ldan 'das kyi thugs chen pos ji ltar bu sri zhu che ba la pha mas tshig snyan par smra ba bzhin du khyim bdag dpal skyes de la spro ba bskyed nas 'di skad ces bka' stsal to/ /khyod mya ngan </font><hr>285a<br><font size=+1>>


@#/ /ma byed cig /ngas khyod rab tu dbyung ngo / /shA ri'i bus ni/ bskal pa grangs med pa gsum gyi bar du brtson 'grus dka' ba spyod cing bskal pa brgyar bsod nams byas pa ma yin/ shA ri'i bus skye ba thams cad du shin tu spyod dka' ba mgo bcad pa dang / mig phyung ba dang / rus pa dang / rkang dang sha dang / khrag dang / pags pa dang / rkang pa dang / lag pa dang / rna ba dang / sna bcad de sbyin pa byin pa ma yin/ shA ri'i bus ni/ stag mo la lus sbyin pa dang / me dong du mchong pa dang / lcags gzer stong lus la btab pa dang / lus la mar me stong btsugs pa ma yin/ shA ri'i bus ni/ yul dang / grong khyer dang / chung ma dang / bu dang / bran pho dang / bran mo dang / glang po che dang / rta dang / rin po che sna bdun gyi sbyin pa byin pa ma yin/ shA ri'i bus ni/ bskal pa grangs med pa thog ma la sangs rgyas brgyad khri brgyad stong la bsnyen bkur byas pa dang / bskal pa bar ma grangs med pa la sangs rgyas dgu khri dgu stong la bsnyen bkur byas pa dang / bskal pa tha ma grangs med pa la sangs rgyas khri phrag bcu la bsnyen bkur byas shing rab tu byung nas tshul khrims kyi pha rol tu phyin pa </font><hr>285b<br><font size=+1>>


yongs su rdzogs par byas pa ma yin/ shA ri'i bu ni/ chos la dbang du gyur pa ma yin na/ ci'i phyir 'di ni/ rab tu dbyung gi /'di ni/ rab tu dbyung ba'i mi rigs so| |zhes smra/ nga 'ba' zhig ni/ chos la dbang mdzad de/ pha rol tu phyin pa drug gis bteg cing bzod pa'i go cha bgos te byang chub kyi shing drung du rdo rje'i gdan la bzhugs nas bdud kyi sde rnams btul te mngon par sangs rgyas pas nga dang mnyam pa med do/ /de bas na khyod nga'i phyi bzhin du shog cig /rab tu dbyung ngo / /zhes de ltar bcom ldan 'das kyis thabs rnam pa sna tshogs kyis spro ba bskyed pas mya ngan kun zhi nas rab tu dga' ba'i sems bskyed de sangs rgyas kyi phyi bzhin du gtsug lag khang gi nang du song ngo / /de nas bcom ldan 'das kyis mau gal ya na chen po la khyim bdag 'di rab tu phyung zhig ces bka' stsal to/ /de ci'i phyir zhe na/ sems can ni/ las gang dang mthun pa des 'dul bar 'gyur te/ gang sangs rgyas dang las mthun pa la ni/ gzhan gyis 'dul bar mi 'gyur ro/ /gang gzhan dang las mthun pa de la yang sangs rgyas kyis 'dul bar mi 'gyur te/ gang zhig shA ri'i bu dang las mthun pa ni/ mau gal dang / 'od srung dang / ma 'gags pa dang / na bun la sogs pa nye </font><hr>286a<br><font size=+1>>


@#/ /gnas gzhan thams cad kyis 'dul bar mi 'gyur ro/ /de bzhin du gang dang gang las mthun pa de la gzhan gyis 'dul bar mi 'gyur ro/ /de'i tshe mau ga la ya nas kyang khyim bdag 'di rgas 'khogs te kha ton slob pa dang / bsam gtan dang / dge 'dun gyi las byed mi nus te las bya ba gsum las nyams so snyam bsams kyang chos kyi rgyal po bcom ldan 'das kyis rab tu phyung zhig ces bka' stsal pas/ tshul gyis bzlog tu mi rung ngo snyam bsams nas rab tu phyung ste bsnyen par rdzogs so/ /mi 'dis tshe rabs snga ma la thar par 'gyur ba'i rgyu yang bskyed/ chos kyi lcags kyus zin pa ni/ ji ltar nya mchil pa la thogs na gdon mi za bar phyir 'byung ba ltar thar pa'i rgyu yang bskyed/ dge ba'i tshogs kyang bsags pas nyin mtshan du brtson 'grus bskyed de klog pa dang 'don pa la goms shing / mdo sde dang / 'dul ba dang / chos mngon pa rgyas par khong du chud cing rtogs par gyur na/ rgas 'khogs pas tshul bzhin du rim gro dang / bsti stang dang / bsu skyel dang / bla ma la gsong bor smra ba dang / phyag 'tshal ba ni/ mi nus so/ /de la dge slong gzhon nu sngar rab tu byung ba gral </font><hr>286b<br><font size=+1>>


mtho ba dag 'di skad du/ dge slong rgan po 'di 'don pa dang / klog pa dang / slob pa la snyems te bdag cag la bkur sti yang mi byed do snyam nas rtag tu 'tsho bar gyur to/ / de nas dge slong rgan po des 'di snyam du bsams so/ /bdag khyim na 'dug pa'i tshe na chung ma dang bus gtses/ da rab tu byung nas 'di lta bu'i bag med par 'gyur snyam na/ da yang dge slong gzhon nu 'di dag gis gtse na/ sngon nyes pa ci zhig byas na 'di 'dra ba'i sdug bsngal gyis gdungs pas bdag da shi yang rung snyam bsams nas tshal de'i 'gram na chu chen po zhig 'bab pa'i 'gram du song nas chos gos phud de shing gi yal ga la bkal nas pus mo sa la btsugs te mchi ma blags nas 'di snyam du yi dam bcas so/ /bdag ni/ sangs rgyas dang / chos dang / dge 'dun yongs su spong ba ma yin gyi/ lus 'di 'ba' zhig gtong ngo / /bdag gis sbyin pa bgyis pa dang / tshul khrims bsrungs pa dang / brtson 'grus brtsams pa dang / mdo sde kha ton byas pa'i bsod nams kyis bdag gi lus 'di dang bral nas btsan zhing phyug la longs spyod dang ldan pa 'khor 'dum pa'i rigs su skyes te bdag dge ba'i chos la 'jug pa'i bgegs mi byed pa dang / rtag tu dkon mchog gsum dang phrad pa dang / rab </font><hr>287a<br><font size=+1>>


@#/ /tu 'byung zhing chos la nan tan byed pa dang / slob dpon mkhas pa dang phrad de mya ngan las 'da' ba yang ston par shog cig /ces dam bcas nas gang na chu drag po 'bab cing zab pa/ klong 'khyil ba dang dpa' rgod par mchod par gzas so/ /de'i tshe mau gal gyi bus lha'i mig gis bdag gi nye gnas rgan po de da ltar ci zhig byed snyam bltas na/ bdag gi nye gnas de chu la mchong bar mthong nas chur ma phyin par rdzu 'phrul gyi mthus blangs nas chu'i 'gram du bzhag ste chos kyi sras khyod ci zhig byed ces dris pa dang / rgan po de ngo tsha zhing skyengs nas ji skad du lan gdab bsams nas gal te bdag gis brdzun byas te slob dpon bslus na/ slob dpon bslus pas skye ba thams cad du lce'i dbang po med pa'i kha na ma tho ba dang bcas par 'gyur ro/ /ci ste bdag gis brdzun du smras na yang slob dpon la mngon par shes pa mnga' bas rtogs par 'gyur ro/ /gang 'jig rten mkhas pa'i shes rab dang ldan la rang bzhin gyi drang zhing g.yo sgyu med na/ lha rnams kyis bkur bar 'gyur ro/ /mkhas pa'i shes rab dang ldan pa g.yo sgyu zhig yod na yang gzhan gyi slob dpon du mi rung ste/ mi bkur bar 'gyur ro/ /gal te shes pa med kyang g.yo sgyu yang med de drang </font><hr>287b<br><font size=+1>>


na| gzhan gyi don byed mi nus kyang bdag gi don byed par 'gyur ro/ /gal te glen pa gti mug can yang yin la g.yo sgyu yod na/ thams cad kyi dgra ma rung ba yin te/ ci smras kyang 'di ni/ brdzun du smra ba ste/ slu ba yin no/ /zhes zer ro/ /gal te tshig bden pa zhig smras na yang kun gyis yid mi ches te/ de bas na bdag gis slob dpon la brdzun du smras te bslus na/ mi rigs mi bsha'i/ gang bden pa smra'o snyam bsams nas slob dpon la 'di skad ces smras so/ /bdag khyim gyis skyo ste khyim ma yin par rab tu byung nas dben pa zhi bar 'tshal na/ da yang mi bde bar gyur nas bdag 'gum snyam mo/ /mau gal gyi bus de skad ces smras pa thos nas 'di la ni/ skye ba dang / 'chi ba'i 'jig pa zhig gis ma bsdigs na/ rab tu byung ba'i don med par 'gyur ro snyam bsams nas de la nga'i chos gos kyi mtha' ma 'di la dam du zungs la ma btang zhig ces smras nas steng gi nam mkha' la 'phags pa ni/ rlung gis sbur ma bus pa ltar rdzu 'phrul gyis lag na spu nyag ma gcig tsam khyer ba dang 'dra bar yid bzhin du phyin to| |gzhan yang bya khras bye'u phrug khyer ba ltar mau gal gyi bu rdzu 'phrul gyis nam mkha' la 'phags nas skyes bus lag ngar bskum pa las brkyang ba tsam gyi rgya mtsho'i 'gram </font><hr>288a<br><font size=+1>>


@#/ /du phyin te/ /rgya mtsho'i 'gram de na bud med tshe 'phos ma thag pa'i ro shin tu mdzes pa/ bzang ba/ mnga' byad legs pa/ mtshan dang ldan pa la sbrul zhig kha'i nang du zhugs nas sna'i nang nas byung / mig gi nang nas zhugs nas rna ba'i nang du byur ba mau gal gyi bus rab tu brtags so/ /de nas dge slong dpal skyes kyis bud med 'di lta bu mtshan dang ldan pa su yin zhes zhus na/ nam dus la bab na bstan to/ /zhes smras te yang song ba dang / bud med cig zangs po che zhig btsugs te zangs kyi nang du chu blugs nas 'og tu me po che bus te chu khol ba dang gos phud nas nang du zhugs te de ma thag tu skra dang spu kun byi nas sha yang tshos te rus pa yang bye nas chu lus pas rus pa rnams phyir byung ngo / /rus pa de dag rlung gis bus pas de ma thag tu mi zhig tu gyur nas zangs kyi nang nas sha phyung ste za ba zhig mthong ngo / /dge slong dpal skyes skrag ste ba spu yang langs nas slob dpon la sha za ba 'di su yin zhes zhus na/ mau gal gyi bus dus la bab na bstan to/ /zhes smras pa dang / yang song song ba las shing chen po zhig lo ma dang yal ga'i bar du khab kyi rtse mo tsam gzugs pa'i sa stong tsam yang med par srin bu mang pos za ba la skad chen por du zhing 'bod pa'i sgra kun tu </font><hr>288b<br><font size=+1>>


grags pa sems can dmyal ba'i sgra 'dra ba zhig thos nas 'di lta bu'i sgra mi snyan pa su'i lags zhes zhus na/ mau gal gyi bus dus la bab na bstan to/ /zhes smras so/ /de nas yang mi'i lus la gcan gzan gyi mgo can du 'dug pa'i yi dwags mang pos mi zhig la 'khor bar bskor te lag na mda' gzhu thogs shing mda' la me 'bar bzhin du kun gyis mi de la mda' 'phangs nas gcig tu 'bar bar mthong ste/ 'di lta bu'i sdug bsngal mi bzad pa myong ba yang 'bros pa'i gnas med pa 'di su lags zhes zhus na| slob dpon gyis re zhig sdod cig /dus la bab na bstan to/ /zhes bsgo'o/ de nas yang song song ba las ring zhig lon pa dang / ri chen po zhig gi drung na ral gri dang mtshon rnon po so gyen du gtams te btsugs pa la mi zhig ri'i rtse mo nas thur du rgyugs te ral gri dang / mtshon gyis zug cing ral nas phyir yang ral gri dang mtshon sa la btsugs te/ de bzhin du mi dal bar rgyug pa mthong nas 'di lta bu su lags zhes zhus na/ slob dpon gyis dus la bab na bstan to/ /zhes bsgo'o/ /de nas yang song song ba las rus pa'i ri chen po mtho khyad dpag tshad bdun brgya pa/ nyi ma yang sgrib cing rgya mtsho yang grib mas mun par gyur pa de la mau gal 'dzegs te rtsib rus </font><hr>289a<br><font size=+1>>


@#/ /gcig gi steng nas phan tshun du 'gro ba'i phyi bzhin du bdag kyang song ba mthong nas 'di snyam du bsams so/ /bdag ni/ slob dpon dang de'u re bral gyi| sngar mthong ba'i dngos po de dag zhu'o snyam bsams nas slob dpon la bdag gis sngar mthong ba'i dngos po de dag bstan du gsol zhes zhus pa dang / mau gal gyis kyang da dus la bab kyi/ khyod la bstan par bya'o/ /sngar mthong ba'i bud med de shes par 'dod na/ de ni/ rgyal po'i khab na sar phag chen po zhes bya ba'i chung ma yin te/ byad bzhin bzang bas khyim thab kyang lhag par byams so/ /de'i tshe na sar phag de rgya mtshor 'jug pa las chung ma gtong ma phod nas chung ma yang khrid de tshong pa lnga brgya tsam dang rgya mtshor zhugs nas de'i chung ma rtag tu shing gsum mgo bsdus te mdung khyim ltar byas nas de la me long bzhag ste me long las bltas na/ bdag gi byad bzhin bzang bar mthong nas shin tu chags pa skyes so/ /de'i tshe na rgya mtsho'i nang nas rus sbal chen po zhig gis gru brdzis nas gru zhig ste tshong pa lnga brgya tsam thams cad tshe'i dus byas so/ /rgya mtsho'i chos nyid kyis ro zhag tu lon par mi gnas pas chus phul te rgya mtsho'i 'gram du phyin to/ /sems can </font><hr>289b<br><font size=+1>>


dag ni| tshe'i dus byed pa na ci la chags pa der skye bar 'gyur ro/ /'o na su zhig sems can dmyal bar skye bar dga' na/ sems can dmyal bar mang du skyes par 'gyur/ smras pa| sems can gang dkon mchog gsum gyi nor brkus sam/ pha ma'i longs spyod brkus sam/ mi'i srog bcod pa'i kha na ma tho ba chen po byas na/ shin tu 'bar ba'i sems can dmyal ba chen por ltung bar 'gyur te/ mi de rlung ngam grang nad kyis gzir bas yid la me 'dod par bsam mo/ /me'i nang du 'gro bar bsam ma thag tu tshe'i dus byas nas shin tu 'bar ba'i sems can dmyal bar 'gro'o/ /de la gang sangs rgyas la phul ba'i mar me'am/ rin po che brkus sam/ dge 'dun gyi \?\ ma'am/ shing brkus sam/ dge 'dun gyi gnas khang bshig gam/ chos 'chad pa'i 'dun khang bshig gam/ dgun grang ba'i dus su pha rol po'i gos 'phrag \?\ ma/ mthu yod pas lhags pa'i nang du bran mo'am/ bran mo'am/ mi gzhan gyi gos 'phrog ste chu blugs sam/ gzhan gyi gos bshus shing 'phrog na/ kha na ma tho ba'i las kyi sdig pa 'dis chab dron gyi sems can dmyal bar ltung ste/ mi de tsha ba'i nad kyis gzir bas rtag tu bsil zhing grang </font><hr>290a<br><font size=+1>>


@#/ /ba'i gnas sems te grang bar 'dod pas dus byas ma thag tu sems can dmyal ba der skyes te/ ut+pa la dang / pad+mo dang / ku mu ta dang| puN+Da rI ga'i sems can dmyal ba yang de dang 'dra'o/ /grang ba'i sems can dmyal ba na sdug bsngal myong ba na lus kyi sha kun kham tshad kham tshad du yos rngo ba ltar chad cing gas nas mgo dang rus pa yang dum bu brgya stong du chad cing gas par 'gyur ro/ /sems can gang ser sna byed cing gzhan gyi 'tsho ba bcad de ltogs su bor ba dang / kha zas dus bzhin du mi ster na/ yi dwags kyi khams su ltung ste/ mi de kha zas mi chud cing skyug dro ba'i nad kyis btab na/ nang g.yog gam bshes gnyen gyi kha zas rnam pa mang po dang sbyar te 'di ni/ mngar ro/ /'di ni/ skyur ro/ /'di ni/ bsod pa'o/ /'di ni/ 'ju sla ba'o/ /zhes nan tan gyis bstabs na| nad pa de khros te bdag kha zas 'di mig gis mi mthong ba'i dus yod dam snyam bsam nas de tshe'i dus byas ma thag tu yi dwags kyi khams su ltung ngo / /sems can gang glen pa gti mug can/ dkon mchog gsum la ma dad pa/ 'phags pa la skur pa 'debs pa ni/ dud 'gro'i skye gnas su skye ste/ de yang nad kyis </font><hr>290b<br><font size=+1>>


gzir pa na sgur te nyal ni/ shes kyi/ 'phres te nyal mi shes la/ dge ba'i phyogs gtam snyan pa thos mi 'dod na/ nad g.yog gis kyang gdon mi za bar tshe 'pho bar shes pas na/ nad g.yog gis kyang khyod chos nyon cig /tshul khrims kyang nos shig /sku gzugs dang dge slong dag kyang mthong bar byos la/ de la sbyin pa yang byos shig ces bskul na/ de la mi dad mi dga' ste/ nan gyis bskul ma btab pa dang / de khros nas bdag dkon mchog gsum dang / dge ba'i ming yang mi thos pa zhig tu song na ci ma rung zhes smras nas tshe'i dus byas ma thag tu dud 'gro'i skye gnas su skye'o/ /de la gad lha dang mi'i rgyur gyur pa'i dge ba'i phyogs la brtson pa de ni/ nad kyis kyang shin tu gdungs par mi 'gyur te/ tshe'i dus byed pa na sems kyang mi 'khrug gi /nad g.yog dang bshes gnyen dag gis 'chi bar rtogs nas khyod dam pa'i chos thos par 'dod dam/ sku gzugs mthong bar 'dod dam/ dge slong dag las mdo sde dang tshigs su bcad pa dag nyan par 'dod dam/ khyod tshul khrims mnod par dga'am/ sangs rgyas dang dge 'dun la longs spyod 'bul par dad dam zhes bskul na/ de dag kun la dad do/ /zhes zer ro/ /gzhan yang sangs rgyas kyi sku gzugs la yon phul na </font><hr>291a<br><font size=+1>>


@#/ /tshangs rgya bar 'gyur ro/ /chos la mchod cing longs spyod phul na/ gang nas gang du skye ba'i gnas thams cad du shes pa dang ldan te/ chos kyi mtshan nyid khong du chud cing rtogs par 'gyur ro/ /dge 'dun la longs spyod kyi sbyin pa byas na/ gang nas gang du skyes kyang rin po che dang / longs spyod chen po dang yid bzhin du ldan par 'gyur ro/ /zhes nad pa la gtam byas na/ nad pa rab tu dga' mgu rangs te bdag skye ba thams cad du dkon mchog gsum dang phrad cing chos thos pa dang / chos thos nas khyad khong du chud cing rtogs par gyur cig ces smon lam btab na tshe'i dus byed de mi'i nang du skye'o/ /gang zhig lhar skye ba'i rgyur gyur pa'i dge ba'i phyogs rgya cher bskyed pa/ sbyin pa dang tshul khrims rnam par dag pa/ chos nyan par dga' ba/ dge ba bcu la spyod pa'i gang zag de ni/ dus byed pa na bde bar nyal bzhin du sangs rgyas kyi sku gzugs dang / lha'i pho brang dang / lha'i bu mo dag mthong zhing lha'i rol mo dag thos te mdangs kyang shin tu bzang ba dang / lag pa gyen du 'degs pa ni| tshe'i dus byas nas mtho ris lha'i nang du skye'o/ /khyim bdag sar phag gis chung ma de bdag gi lus la chags pas/ tshe'i dus byas ma thag tu phyir yang bud med </font><hr>291b<br><font size=+1>>


gyi lus de la sbrul du skyes te/ sbrul de las tshe'i dus byas nas sems can dmyal ba chen po'i sdug bsngal dpag tu med pa myong bar 'gyur ro/ /dge slong des yang slob dpon la gsol pa/ bdag gi sha la za ba'i bud med de su lags/ mau gal gyi bus smras pa/ mnyan du yod pa na dge bsnyen ma zhig la bran mo zhig yod do/ /dge bsnyen ma des tshul khrims rnam par dag pa'i dge slong zhig dbyar zla ba gsum mchod pa 'bul bar spyan drangs te phyogs gcig tu gnas khang byas te bzhag nas nyin gcig bzhin du kha zas ro brgya dang dri bsung du ldan pa sna tshogs sbyar te dro khar dus su bran mo de skyel du btang ngo / /bran mo de dben par phyin pa dang zhim po rnams zos nas lhag ma dge slong de la phul lo/ /phyis dge bsnyen mas bran mo de mdog bzang zhing sha skyes par mthong nas bran mo la khyod dge slong la 'bul ba'i kha zas lhag mar ma byas sam zhes dris na| jo mo/ /bdag la yang dad pa'i shas cung zad cig mchis te/ ngan par lta ba ni/ ma lags na/ ci'i slad du dge slong la 'bul ba'i kha zas lhag mar bgyid/ dge slong gis ma yog pa'i lhag ma bdag la stsal pa 'tshal to/ /ci ste bdag gis 'tshal bar gyur na/ bdag gar skyes kyang bdag gi sha la bdag za bar shog cig </font><hr>292a<br><font size=+1>>


@#/ /ces smras pas/ de'i rgyu de'i rkyen gyis sngar rnam par smin pa mi bzad pa 'di myong nas sems can dmyal ba chen por dpag tu med pa'i sdug bsngal gdod myong par 'gyur ro/ /dge slong des gsol pa/ shing chen po la srin bu mang po za zhing mi snyan pa'i sgra chen po grags pa de su zhig lags smras pa| li ta zhes bya ba dge 'dun gyi las byed pa'i dge slong de yin te/ dge 'dun gyi dkor la spyod cing / me tog dang / 'bras bu dang / bza' ba dang / btung ba dag khyim pa'i phyogs la sbyin pa'i rnam par smin pa mi bzad pa 'di myong nas tshe'i dus byas ma thag tu sems can dmyal ba chen por skyes te shing la za ba'i srin bu de dag ni/ dge slong gis byin pa thob pa'i mi rnams yin no/ /dge slong des yang gsol pa/ mi zhig la mi mang pos bskor te mdas btsugs nas lus gcig tu 'bar ba de su lags/ mau gal gyis smras pa/ mi zhig gis sngon rngon pa byed byed de ri dwags mang du bsad pas/ sdug bsngal 'di lta bu myong bar gyur te/ de nas tshe 'phos nas sems can dmyal ba chen por skyes te/ de las thar pa'i dus shin tu dka'o/ /dge slong gis yang gsol pa/ ri bo che la ral gri dang / </font><hr>292b<br><font size=+1>>


mtshon khar rgyug ste 'chi ba de su lags/ mau gal gyis smras pa/ rgyal po'i blon po shin tu dpa' ba yin te/ re zhig mtshon rnon po dang / ral gri dang / mdung dang / shag ti'i khar rgyugs te/ de nas tshe 'phos nas sems can dmyal ba chen por sdug bsngal yun ring por myong bar 'gyur ro/ /dge slong gis yang gsol pa/ rus pa'i ri chen po de su'i lags/ mau gal gyis smras pa/ khyod shes par 'dod na/ de ni/ khyed kyi lus snga ma'i rus pa yin no/ /dge slong gis de skad ces thos nas shin tu skrag ste ba spu kun langs nas rdul yang byung ste slob dpon la smras pa/ bdag gi snying ma gas par sngon gyi las kyi rgyu dang rkyen bstan du gsol/ mau gal gyis smras pa/ skye shi 'khor ba'i mtha' dang mu med/ dge sdig gi las kyang zhig cing med par mi 'gyur bas las ci dang ci byas pa rnam par smin pa yang de dang de dag gdon mi za bar myong bar 'gyur ro/ /sngon 'das pa'i dus na 'dzam bu'i gling 'dir rgyal po chos kyis 'phags zhes bya ba zhig yod de/ sbyin pa dang tshul khrims la dga' ba/ chos nyan par mos pa/ shin tu snying rje'i sems dang ldan pa/ rang bzhin gyis mi gtum pa/ sems can gyi srog mi gcod pa/ rgyal po'i mtshan dang </font><hr>293a<br><font size=+1>>


@#/ /ldan pa| dam pa'i chos kyi srid kyis 'tsho ba/ lo nyi shu tsam lon pa dang dal ba zhig gi skabs su mi dang mig mang zhig rtse ba las mi zhig la nyes pa chen po byang nas blon po rnams kyis mi zhig khrims las 'gal ba'i nyes pa chen po bgyid na/ ji ltar bgyi zhes gsol pa/ rgyal po mig mang la yengs pas/ rgyal po'i khrims bzhin du gyis shig ces bsgo nas/ blon po rnams kyis khrims dang sbyar na gsad pa la thug bas bsad do/ /rgyal po mig mang rtse ba zin nas blon po la nyes pa byed pa'i mi de ga re/ zhal che gcad do/ /zhes byas na/ blon po rnams kyis bdag cag gis khrims dang sbyar te bkum lags so/ /zhes smras so/ /rgyal pos de skad ces smras pa thos nas 'khams te sa la 'gyel pa dang / blon po rnams kyis chus btab nas phyir langs nas/ mchi ma blags te 'di skad ces smras so/ /pho brang gi slas dang / glang po che dang / rta dang / rin po che sna bdun la sogs pa thams cad ni/ 'dir lus kyi/ nga 'ba' zhig sems can dmyal bar sdug bsngal myong bar 'ong ba lta/ bdag rgyal po ma byas pa'i tshe na yang pho brang 'di na rgyal po'i srid 'tsho zhing bzhugs </font><hr>293b<br><font size=+1>>


bzhugs/ bdag ring por mi thogs par shi na yang de bzhin du rgyal po'i srid 'tsho bar 'gyur te/ bdag ni/ mi bsad bas na rigs ngan gyi rgyal po yin te/ skye ba thams cad du bdag gar 'gro bar 'gyur/ da ni/ rgyal po yang mi 'dod do zhes smras nas/ rgyal po'i thabs btang ste ril pa bdag srang zhing 'dug pa las rgyal po de tshe'i dus byas nas/ rgya mtsho chen por chu srin zhig tu skyes te|lus che khyad dpag tshad bdun brgya yod do/ /rgyal po'am/ blon po yang rung / mthu rtsal bsnyems te sems can gyi srog gcod dam/ 'dod pa dang brel bral ba'i las byas sam/ sems can la 'tshe ba'i las byas na/ shi ma thag tu phal cher chu srin du skyed te/ de'i lus la srin bu mang po gnas so/ /de'i lus g.yas pas shel gyi ri la snyogs shing drud bas srin bu mang po shi ba'i khrag gis rgya mtsho'i nang rgyad grags brgya tsam dmar por byas so/ /sdig pa'i las das de dag tu tshe 'phos nas sems can dmyal ba chen por ltung bar 'gyur ro/ /chu srin de lan gcig gnyid kyis log na lo brgyas lan gcig sangs te/ bkres pa dang skom pas nyen nas kha gdangs pa dang / rgya mtsho'i chu bar 'gro ba ni/ chu chen po rgya mtshor 'bab pa dang </font><hr>294a<br><font size=+1>>


@#/ /'dra'o| |de'i tshe na tshong pa lnga brgya tsam zhig rgya mtshor zhugs te rin po che len du song ba las/ chu srin kha gdangs pa dang phrad nas gru yang shin tu mgyogs par chu srin gyis za 'dod pa'i khar song ngo / /tshong pa rnams skad chen po phyung ste dus nas gcig la gcig 'di skad ces smras so/ / bdag cag ni/ gdon mi za bar 'chi bar 'gyur gyi/ so so nas ci la brten pa dran par gyis shig ces smras pa dang / de dag la la ni/ sangs rgyas dang / chos dang / dge 'dun gyi mtshan nas brjod/ kha cig ni/ 'jig rten gyi lha dang / ri dang / gtsang po dang / lha ma srin dang / pha ma dang / chung ma dang / bu dang / phu nu dang / gnyen pa'i ming nas bos te/ bdag cag gis ni/ deng mthong ba tha ma 'di las 'dzam bu'i gling gtan mi mthong ngo / /zhes smras so/ /de'i tshe de dag chu srin gyi khar song la khad pa dang / thams cad kyi dus gcig tu sangs rgyas la phyag 'tshal lo/ /zhes brjod pa dang / chu srin gyis sangs rgyas la phyag 'tshal lo/ /zhes brjod pa'i sgra thos ma thag tu kha btsums te chu 'bab pa yang chad par gyur nas tshong pa de dag 'chi ba las sos par gyur to/ / </font><hr>294b<br><font size=+1>>


chu srin de ltogs nas de nyid du tshe 'phos te rgyal po'i khab tu srin bu zhig tu skyes so/ /chu srin gyi ro rgya mtsho'i ngos su phyung nas nyi mas gdungs char bas brlan te sha zad par gyur pa'i rus pa de ni/ ri 'di yin no/ /dpal skyes/ 'di ltar rig par gyis shig /de'i tshe de'i dus na rgyal po chos kyis 'phags pa ni/ khyod yin no/ /mi bsad pa'i rkyen gyis rgya mtsho chen por chu srin du skyes so/ /khyod kyis de yang phyir mi'i lus thob pa 'dis 'khor ba la rgyab kyis ma phyogs na 'di nas tshe 'phos ma thag tu sems can dmyal bar ltung ste/ thar par shin tu dka'o/ /dge slong dpal skyes bdag gi lus rnyid pa yang mthong / de skad ces bstan pa yang thos nas 'khor bas shin tu skrag ste/ gang la nan tan byed pa'i chos de la mthar gyis yid la byas nas sems rtse gcig pa la gnas te lus rnying pa mthong bas mi rtag pa'i chos khong du chud de/ 'khor ba la rgyab kyis phyogs par rtogs nas kun nas nyon mongs pa'i zag pa thams cad de dgra bcom par gyur to/ /mau gal yang shin tu dga' nas smras pa/ chos kyi sras khyod kyis ni/ bya pa thams cad yid la byas kyi/ sngar 'dir 'ongs pa ni/ nga'i mthus 'ongs so/ /da ni/ phyir khyod bdag gi mthus 'dong ngo / /zhes smras nas </font><hr>295a<br><font size=+1>>


@#/ /de'i tshe mau gal steng gi nam mkha' la 'phags pa dang / dge slong dpal skyes kyang slob dpon gyi phyi bzhin du 'ongs pa ni/ bya'i phyi bzhin du phrug gu 'brang ba 'dra bar 'od ma'i tshal gang na ba der 'ongs so/ /de'i tshe na dge slong gzhon nu dag dgra bcom par mi shes pas sngon bzhin du dpal skyes la mtho brtsams kyang spyod lam ma nyams te cang mi smra'o/ /bcom ldan 'das kyis de ltar gyur pa mkhyen nas dge slong gzhon nu rnams kyis 'di'i las mi 'byung ba dang / dge slong rgan pa'i yon tan grags par bya ba'i phyir 'khor mang po'i nang du dge slong dpal skyes la tshur shog cig ces bka' stsal nas khyod rgya mtsho'i ngogs su phyin tam zhes bka' stsal to/ /dpal skyes kyis gsol pa/ bdag rgya mtsho'i ngogs su mchis so/ /rgya mtsho'i ngogs su ci dang ci mthong ba smros shig ces bka' stsal nas dge slong gis ci dang ci mthong ba rgyas par gsol ba dang / bcom ldan 'das kyis legs so legs so/ /zhes bya ba gnang nas dpal skyes| khyod kyis mthong ba de dag ni/ bden no/ /khyod kyis da ni/ 'khor ba'i sdug bsngal yongs su spangs te yongs su mya ngan las 'das pa'i bde ba thob </font><hr>295b<br><font size=+1>>


pas lha dang mir bcas pa'i 'jig rten gyi mchod pa'i gnas su gyur to/ /dge slong khyod kyi bya ba thams cad yongs su rdzogs so/ /zhes bka' stsal nas dge slong gzhon nu de dag gis bcom ldan 'das kyis de skad ces bka' stsal pa thos nas shin tu 'gyod cing mi dga' ba skyes te 'di lta bu mkhas pa shes rab can 'phags pa la bdag cag shes rab med pas 'tshe ba dang mtho brtsams pa bgyis so/ /bdag cag kha na ma tho ba'i rnam par smin pa myong bar 'gyur ro/ /zhes smras nas/ dge slong gzhon nu dag /dge slong dpal skyes gang na ba der song nas phyin pa dang lus smad lnga sa la gtugs te phyag byas nas 'di skad ces smras so/ /skyes bu dam pa dag ni/ snying rje dang lhan cig skyes te/ btsun pa khyod skyes pa yang snying rje chen po dang lhan cig skyes lags na/ bdag cag la thug brtse ba'i slad du bdag cag khyod la mthol tshangs bgyi'o/ /zhes smras pa dang / dge slong des kyang bdag gi lus la yang mi dga' ba'i bsam pa med kyi/ tshangs par gyur cig ces smras so/ /de nas dge slong dpal skyes kyis dge slong gzhon nu de rnams shin tu 'gyod cing gnong bkur ba'i sems dang ldan par rtogs nas dge slong de dag la dam pa'i chos bstan </font><hr>296a<br><font size=+1>>


@#/ /to| |de dag gis 'khor ba la rgyab kyis phyogs pa'i chos thos nas brtson pa dang / 'bad pas nan tan byas te kun nas nyon mongs pa'i zag pa kun zad nas dgra bcom par gyur to/ /de nas khyim bdag dpal skyes rgyal po'i khab tu shin tu grags par gyur te/ kun gyis ngo mtshar ya mtshan du khyim bdag rgan po ci yang mi nus pa yang sangs rgyas kyi bstan pa la rab tu byung nas dgra bcom par gyur te/ 'di lta bu'i dam pa'i chos kyang stan to/ /zhes brjod do| |de'i tshe rgyal po'i khab na gnas pa'i mi dag phal cher bsam pa dag pa'i sems skyes nas kha cig ni/ bu dang / bu mo dang / bran pho dang / bran mo la sogs pa rab tu 'byung bar gnang ngo / /kha cig ni/ bdag nyid rab tu 'byung bar gsol nas thams cad rab tu dga' ste rjes su yi rang bar gyur to/ /de bas na rab tu byung ba'i yon tan ni/ tshad med mtha' med de/ dpal skyes lta bu lo brgya lon te rab tu byung nas de lta bu'i yon tan chen po dang ldan par gyur na/ gzhon nu dar la bab pa rab tu byung na 'bras bu chen po mchog dam pa rnyed pa lta ci smos te/ chos la brtson pa dag ni/ rab tu 'byung bar bya'o/ /rab tu byung ba'i yon </font><hr>296b<br><font size=+1>>


tan bsngags pa'i le'u ste bco lnga pa'o// //bam po lnga pa/ dge tshul gyis tshul khrims bsrungs pa'i le'u/ tshul khrims srung ba dag ni| lus dang srog stor kyang bla'i/ nam du yang tshul khrims nyams par mi byed do/ /de ci'i phyir zhe na/ tshul khrims ni/ byang chub tu 'jug pa'i rtsa ba/ zag pa med pa'i mchog /mya ngan las 'das pa'i bde bar 'gro ba'i lam mo/ /tshul khrims dag par bsrungs pa'i bsod nams ni/ tshad med dpag tu med do/ /dper na| rgya mtsho chen po ni/ tshad med mtha' med do/ /tshul khrims bsrungs pa'i bsod nams kyang tshad med mtha' med do/ /dper na/ rgya mtsho ni/ lha ma yin dang / rus sbal dang / chu srin dang / chu'i ris su gtogs pa'i sems can chen po'i gnas su gyur pa ltar tshul khrims kyang de dang 'dra ste/ theg pa gsum la gnas pa'i skye bo chen po mang du gnas so/ /dper na/ rgya mtsho'i nang na gser dang / dngul dang / baiDUR+Ya la sogs te/ rin po che mang po yod pa bzhin du tshul khrims kyi rgya mtsho yang de dang 'dra ste/ mi rtag pa'i gzhi dang / byang chub kyi phyogs kyi chos sum cu rtsa bdun dang / bsam gtan dang / ting nge 'dzin </font><hr>297a<br><font size=+1>>


@#/ /la sogs pa'i rin po che mang po yod do/ /dper na/ rgya mtsho chen po'i gting yang rdo rje yin la/ mtha' ma yang rdo rje'i ris bskor te chu bo bzhi 'bab kyang mi 'grib mi ldud pa ltar tshul khrims kyi rgya mtsho yang de dang 'dra ste/ 'dul ba rdo rje lta bus ni/ gting byas/ chos mngon pa'i ris ni| mtha' bskor/ mdo sde bzhi chu bo lta bur 'bab kyang 'phel ba yang med/ 'grib pa yang med do/ /rgya mtsho ci'i phyir mi ldud che na/ mtshams med pa'i sems can dmyal ba'i mes rgya mtsho bskams pas na/ de'i phyir rgya mtsho mi ldod do/ /chu bo rtag tu 'bab pas ni/ mi 'grib bo/ /tshul khrims kyi rgya mtsho yang bag med pas mi skye/ yon tan dang ldan pas mi 'grib bo/ /de bas na gang tshul khrims bsrungs pa de'i yon tan ni/ rab tu mang bar rig par bya'o/ /bcom ldan 'das mya ngan las 'das nas yul an+ta zhes bya ba na dge slong bsod snyoms pa/ dgon pa la gnas nas dga' ba/ spyod lam dang ldan pa zhig yod do| |dge slong bsod snyoms pa ni/ sangs rgyas kun gyis bsngags kyi/ phal gyi nang na gnas pa ma yin no/ /de ci'i phyir zhe na/ dge slong bsod snyoms </font><hr>297b<br><font size=+1>>


pa ni| 'dod pa chung zhing chog shes pa ste/ ci yang mi gsog cing zas gcig pa/ bla gab med pa/ chos gos gsum la sogs pa spyod de/ btsun pa'o/ / gtso bo'o/ /dge 'dun gyi nang na gnas pa'i dge slong ni/ 'dod pa mang ba/ chog mi shes pa/ ser sna byed pa/ ci la yang chags pas grags pa chen po thob par mi 'gyur ro/ /dge slong bsod snyoms pa de yon tan spyod pa dang ldan te| dge slong gi 'bras bu thob nas mngon par shes pa drug dang / rig pa gsum dang / rnam par thar pa brgyad la gnas te spyod lam shin tu mdzes pas kun tu grags par gyur to/ /de'i tshe yul an+ta zhes bya ba na dge bsnyen dkon mchog gsum la shin tu dad pa/ srog mi gcod pa/ ma byin par mi len pa/ 'dod pas log par mi g.yem pa/ brdzun du mi smra ba/ smyo ba'i khu ba chang mi 'thung ba'i tshul khrims lnga srung ba/ yon tan dang ldan pa zhig yul de na 'dug pa las/ dge bsnyen des dge slong bsod snyoms pa de tshe gcig gi bar du 'tsho ba sbyar na 'tsho ba sbyar ba'i bsod nams ni/ myong bar 'gyur ro snyam nas gal te bdag gi khyim du spyan drangs na lam du grang ba dang / tsha bas nyon mongs te sgom pa'i bar chad du yang 'gyur la/ phyis </font><hr>298a<br><font size=+1>>


@#/ /rnam par smin pa myong ba na yang bdag gis bsams shing don du gnyer dgos pa thob par 'gyur ro/ /gal te 'tsho ba gnas su bskyal na/ phyis rnam par smin pa yang don du gnyer mi dgos par thob par 'gyur ro snyam bsams nas dge bsnyen de dad pa'i sems kyis zhal zas ro brgya dang ldan pa/ dri bsung dang kha dog dang ldan pa sna tshogs bshams te nyin gcig bzhin du skyel to/ /dge slong la bzang ngan rnam pa bzhis brtag dka' ba ni/ ji ltar a mra'i 'bras bu smin nam ma smin pa brtag dka' ba bzhin no/ /dge slong kha cig spyod lam shin tu mdzes shing gom pa dal gyis 'gro la gnya' shing gang las mi lta yang nang 'dod chags dang / zhe sdang dang / gti mug dang bcas la/ chos ma yin pa spyod cing tshul khrims nyams pa yang yod de/ de ni/ a mra'i 'bras bu phyi rol smin la nang ma smin pa dang 'dra'o/ /dge slong kha cig ni/ phyi rol gyi spyod pa rtsing la spyod lam dang mi ldan na yang nang dge slong gi spyod pa dang yon tan du ldan te bsam gtan dang / ting nge 'dzin dang / shes rab du ldan pa yod de/ de ni/ a mra'i 'bras </font><hr>298b<br><font size=+1>>


bu nang smin la phyi rol ma smin pa dang 'dra'o/ /\?\ kha cig ni/ spyod lam rtsing la nyes pa byed cing tshul khrims kyang nyams la/ nang yang 'dod chags dang / zhe sdang dang / gti mug dang / ser sna dang / phrag dog tu bcas pa yang yod de/ de ni/ a mra'i 'bras bu phyi rol kyang ma smin la nang yang ma smin pa dang 'dra'o/ / dge slong kha cig ni/ spyod lam mdzes shing tshul khrims dang ldan la/ nang yang dge sbyong gi yon tan tshul khrims dang / ting nge 'dzin dang / shes rab tu ldan pa yang yod de/ de ni/ a mra'i 'bras bu phyi nang gnyis ka smin pa dang 'dra'o/ /bsod snyoms pa'i dge slong de phyi nang gnyis ka dang ldan pa yang de dang 'dra ste/ yon tan dang spyod pa yongs su rdzogs pas thams cad rim gro dang / bkur sti byed do/ /de'i tshe na yul de na khyim bdag dkon mchog gsum la shin tu dad pa zhig la bu khye'u zhig yod de/ des 'di snyam du bsams so/ /bdag gi bu 'di rab tu dbyung gi /ston pa mkhas pa zhig la bcol to/ /de ci'i phyir zhe na/ dge ba'i bshes gnyen la bsten pa ni/ dge ba 'phel bar 'gyur/ sdig pa'i grogs po la bsten pa ni/ sdig pa'i chos skye bar 'gyur te/ dper na/ rlung gi rang </font><hr>299a<br><font size=+1>>


@#/ /bzhin ni/ mi ldog mod kyi/ tsan+dan gyi tshal lam/ tsam pa ga'i tshal las 'ongs na/ rlung de las dri bsung zhim pa bro'o/ / gal te mnam zhing rtsog pa'am/ ro sungs pa'i phyogs nas 'ongs na/ rlung de yang mnam mo/ /dper na/ gos gsar pa yang spos kyi snod du bcug na/ gos de la yang spos bro'o/ /gal te mnam pa sungs pa'i gnas su bzhag na/ gos de yang mnam mo/ /dge ba'i bshes gnyen la bsten na dge ba phyir zhing bzhin 'phel la/ sdig pa'i grogs po la bsten na/ sdig pa skye zhing 'phel bar 'gyur gyi/ de bas na bdag gi bu 'di yang dge slong btsun pa 'di la phul te rab tu dbyung ngo snyam bsams nas dge slong de gang na ba der song ste 'di skad ces smras so/ /bdag gi bu 'di rab tu 'byung bar dad kyi/ btsun pas thugs brtse bar dgongs te rab tu dbyung bar gsol to/ /gal te mi gnang na/ slar yang khyim du khrid de mchi'o/ /de nas dge slong gis rdzu 'phrul gyi mig gis brtags na/ khye'u 'di rab tu byung na tshul khrims dag par srung zhing sangs rgyas kyi chos 'phel bar rtogs </font><hr>299b<br><font size=+1>>


nas rab tu phyung ste dge tshul du byas so/ /de'i tshe na 'tsho ba sbyor ba'i dge bsnyen de la khyim bdag mdza' bo zhig yod de/ khyim bdag des dus kyi ston mo zhig sbyar nas dge bsnyen de dang / chung ma dang / bu dang / bran mo dang / khyim gang gi mi kun bos so/ /phyi nyin mgron du 'gro ba las dge bsnyen des 'di snyam du bsams so/ /bdag cag kun mgron du 'gro na/ khyim 'di sus bsrungs/ gal te nan gyis 'ga' zhig bzhag na/ de'i sgor phab ste skal ba chad par 'gyur gyi/ de la su zhig 'dug par dga' na/ mgron las phyir 'khor ma thag tu drin gzo zhing lan bya'o/ /zhes smras pa dang / dge bsnyen de'i bu mo zhig yod pas/ des pha la 'di skad ces smras so/ /khyim mi 'di dag thams cad mgron du mchi bar bgyis te/ bdag gis khyim bsrung ngo / /zhes smras nas phas kyang shin tu legs so legs so/ /khyod kyis khyim bsrungs na/ khyod kyi ma dang mi 'dra ba med de/ stor ba'am/ nyes la 'byung gis mi dgos so/ /zhes smras nas khyim gang gi mi kun mgron du dong ngo / /bu mos kyang sgo rnams dam du bcad de gcig pu khyim na 'dug go /de'i nyin </font><hr>300a<br><font size=+1>>


@#/ /bar dge bsnyen de brel bas/ bsod snyoms bskyal ba brjed nas de'i tshe na dge slong de 'di snyam du nyi ma yang yol la khad na/ / khyim pa la don mang byas brjed pa srid dam/ zan mi za ba'i mi rigs kyi/ len du gtang ngo snyam bsams nas dge tshul de la bsgo ba/ khyod spyod lam shin tu bsdams te bcom ldan 'das kyis gsungs pa ltar grong nas bsod snyoms longs shig /ji ltar bung ba rnams me tog gi kha tog dang / bsung la mi gnod pa bzhin chags par ma byed par khyim nas bsod snyoms longs shig /gzugs dang / sgra dang / dri dang / ro dang / reg bya la ma chags par dbang po rnams srung shig /gal te tshul khrims bsrungs na/ gdon mi za bar 'bras bu thob par 'gyur gyi/ lha sbyin lta bu mdo sde mang du kha ton shes kyang nyes pa byas te tshul khrims nyams pas/ mtshams med pa'i sems can dmyal bar skyes so/ /ko ka li ka lta bu skur pa 'debs shing tshul khrims nyams pas/ de yang sems can dmyal bar skyes so/ /tsu'u pan+ta lta bu tshigs su bcad pa gcig las mi shes mod kyi/ tshul khrims bsrungs pas dgra </font><hr>300b<br><font size=+1>>


bcom par gyur to/ /tshul khrims ni/ mya ngan las 'da' ba'i sgor 'jug cing / shin tu bde ba'i rgyur 'gyur te/ dper na/ bram ze'i chos kyis zla ba gsum mam| zla ba bzhi'i bar du mchod ston byed de/ de yang bram ze mkhas pa rig pa dang ldan pa/ tshul khrims srung ba/ tshangs par spyod pa dag 'bod kyi/ thams cad ni| ma yin no/ /gang ston mo la 'ongs pa lag pa'i mkhrig ma la ke'u le'i rgyas 'debs so/ /bram ze gcig cig yon tan dang ldan yang rang bzhin gyis sred pa can zhig yin pas/ sbrang rtsi dang mngar ba la chags pas mkhrig ma la rgyas btab pa bldags te mi snang bar byas so/ /phyi nyin ston mo la 'dus nas sgo bas rgya bltas na| kun tu rgyu de la rgya med par gyur nas sgo bas kyang nang du ma btang nas khyod kyi rgya ga re zhes dris na/ mngar bas bldags te med par byas so/ /zhes smras so/ /kun tu rgyu de mngar ba cung zad tsam la chags pas/ zla ba bzhi'i ston mo kha zas kha dog drang dri bsung du ldan zhing / ro zhim po rnam pa sna tshogs dang / yon rin po che mang po yang shor gyi/ khyod kyang de lta bur cung zad tsam la chags pa'i phyir tshul khrims kyi rgya nyams par ma byed cig /lha dang mi'i 'dod pa lnga'i ro zhim po dang / zag pa </font><hr>301a<br><font size=+1>>


@#/ /med pa dang / byang chub kyi phyogs kyi chos sum cu rtsa bdun dang / mya ngan las 'das pa'i bde ba dang / chos rin po che tshad med pa dag stor bar gyur ta re/ dus gsum gyi sangs rgyas kyi tshul khrims nyams shing / dkon mchog gsum dang / slob dpon dang / dge 'dun gyi rigs sun par ma byed cig /ces bsgo nas slob dpon gyi rkang pa la mgo bos phyag 'tshal te de'i khyim du song ngo / /der phyin pa dang sgo brdungs nas bu mos su yin zhes bos so/ /dge tshul gyis bdag slob dpon gyi bsod snyoms len du 'ongs so/ /zhes smras pa dang / bu mo de rab tu dga' nas da ni/ re ba rnyed do snyam nas sgo phye'o/ /dge tshul nang du 'ongs pa dang / bu mo de yang lo bcu drug las ma lon te/ mnga' byad legs pa/ blta na sdug pa/ mdzes pa bzang ba zhig ste/ 'dod chags kyis bslu'o/ /snyam ste dge tshul de'i mdun du bslu ba rnam pa mang po byas te shin tu 'dod pas dge tshul de la brtags so/ /dge tshul de 'di snyam du/ bu mo 'di rlung nad langs sam/ smyos sam/ 'on te bu mo 'di 'dod chags kyis gdungs te/ 'dod chags kyi mes nga'i tshul khrims tshig par </font><hr>301b<br><font size=+1>>


byed dam snyam bsams nas spyod lam shin tu bsdams te mdangs kyang ma gyur par 'dug go /bu mo des smad lngas la gtugs te phyag byas nas dge tshul la 'di skad ces smras so/ /bdag rtag tu re ba yang deng gi dus su grub bo/ /bdag khyod la smra ba zhig yod de/ rtag tu dran na skabs ma rnyed do/ /khyod kyang rtag tu bdag la dgongs pa dran na/ bdag gi re ba bskang du gsol/ khyim 'di'i nang na rin po che dang / gser dang / dngul dang / bang mdzod mang ba ni/ rnam thos kyi bu'i gter dang 'dra bar yod kyang bdag po med kyi/ khyod khyim dang bcas pa'i bdag po mdzad du gsol/ bdag khyod kyi khol mo bgyis te bkur sti dang / rim gro bgyi'o/ 'di las mi 'gal zhing bdag gi re ba bskang du gsol/ dge tshul gyis bsam pa/ bdag gis sdig pa'i las ci zhig byas na/ 'di lta bu'i rkyen dang phrad par gyur/ bdag lus dang srog yal yang bla'i/ dus gsum gyi sangs rgyas kyis bcas pa'i tshul khrims nyams par mi bya'o/ /sngon dge slong dag smad tshong ma'i nang du phyin kyang me'i dong du mchongs kyang bla'i/ tshul khrims nyams par mi byed do/ /gzhan yang dge slong dag ni/ mi rgod kyis bcom nas rtswa la btags te rlung gis bshud cing nyi mas </font><hr>302a<br><font size=+1>>


@#/ /bsregs pa dang / srin bu mang po za yang tshul khrims bsrung ba'i phyir rtswa gcod cing mi 'gro'o/ /bya gag gis nor bu med pa dge slong gis mthong yang tshul khrims bsrung ba'i phyir sdug bsngal myong bar byed kyi gtam mi zer ro/ /gru zhig pa las dge slong gis shing leb la 'ju ba yang tshul khrims bsrung ba'i phyir shing leb de dge slong grogs po gral mtho ba la phul nas rgya mtshor shi ba la sogs pa de dag 'ba' zhig sangs rgyas kyi nye gnas tshul khrims srung ba yin gyi/ bdag cag gis bsrung ba ma yin nam/ de bzhin gshegs pa yang de 'ba' zhig gi ston pa yin gyi/ bdag cag gi ston pa ma yin nam/ dper na/ tsam pa ka'i me tog zar ma dang lhan cig tu btsir na/ tsam pa ka'i dri zhim po yang zar ma'i mar la bro bar 'gyur te/ bdag kyang de lta ma yin nam/ dge ba'i bshes gnyen gyis yongs su zin na/ ci'i phyir deng 'dir sdig pa mi dge ba'i chos byed par 'gyur/ lus dang srog yal yang bla'i/ nam du yang tshul khrims nyams shing sangs rgyas dang / chos dang / dge 'dun dang / pha ma dang / slob dpon dang / ba ma'i rigs </font><hr>302b<br><font size=+1>>


sun 'byin par mi bya'o/ /yang bsam pa/ gal te bdag bros na ni/ bu mo de 'dod chags kyis gdungs pas khrel ba dang / ngo tsha ba yang med de/ phyi rol tu bdag zin nas bdag la skur pa 'debs par 'gyur te/ grong mi dag gis mthong na rigs sun 'byin par 'gyur gyi/ bdag ni/ nges par khang pa 'di nyid du tshe 'pho bar bya'o snyam du bsams nas bu mo de la 'di skad ces smras so/ /sgo dag dam du chod cig /bdag khang pa gcig gi nang du bya ba cung zad cig yod pa de byas nas khyod dang phrad par bya'o/ /zhes bsgo nas bu mo phyi zhig tu song ba'i 'og tu dge tshul khang pa gcig gi nang du zhugs nas sgo gtan dam du bcug ste nang nas spu gri rnyed pas rab tu dga' ste lus la gyon pa'i gos rnams kyang phud nas gdang bu la gzar te thal mo sbyar nas grong khyer ku she gang na bar sangs rgyas mya ngan las 'das pa'i gnas logs su pus mo sa la btsugs nas 'di skad ces yi dam bcas so/ /bdag ni/ sangs rgyas dang / chos dang / dge 'dun spong ba ma lags/ mkhan po dang slob dpon spong ba ma lags/ tshul khrims spong ba ma lags kyi/ tshul khrims bsrung ba'i slad du lus 'di spong ngo / /bdag gar skyes kyang sangs rgyas kyi bstan pa la rab tu 'byung ba dang / </font><hr>303a<br><font size=+1>>


@#/ /tshangs par spyod pa rnam par dag pa dang / zag pa zad pa dang / 'bras bu grub par gyur cig ces smon lam btab nas rang gi mgul ba bcad de tshe 'phos so/ /khrag gis sa yog nas lus kyang khrag gis dmar por gyur to/ /de'i tshe na bu mos bsam pa/ ring por thogs snyam nas sgo drung du song ste bos na cang mi zer ro/ /bu mos sgo phye ste bltas na/ tshe 'phos zin pa mthong nas bsam pa bzhin du ma gyur pas 'dod pa'i sems kyang zhi ste/ bu mo de shin tu mi dga' bas gdungs bas skra yang bshig / gdong yang sen mos brad de sa la 'gre zhing du'o/ /bu mo'i pha ma ston mo las phyir log nas sgo brdungs te bos na bu mos cang mi smra bas/ mi zhig nang du btang ste sgo 'byed du bcug na/ bu mo de lta bur gyur pa mthong ba dang / bu mo la smras pa/ khyod ci nyes/ gcig gis kyal ka byas te khyod kyi rigs sun 'byin par byas sam zhes dris na/ bu mo cang mi smra bar 'di snyam du bsams so/ /bdag gis drang por smras na ni/ rab tu yang ngo tsha ba zhig na/ gal te dge tshul gyis kyal ka byas zhes smras na ni/ 'phags pa la skur pas sems can dmyal bar ltung ste sdug bsngal mang po myong bar 'gyur gyi/ mi slu bar drang por smra'o snyam du bsams nas bdag gcig pu khang pa srung zhing </font><hr>303b<br><font size=+1>>


mchis pa las/ dge tshul de slob dpon gyi bsod snyoms len du 'ongs nas bdag gi 'dod chags kyi me mched pas dge tshul la stegs na/ tshul khrims srung ba zhig pas/ sems 'gyur du ma btub ste dge tshul de thabs byas nas khang pa'i nang du zhugs te tshe 'phos par gyur to/ /bdag gi lus rtsog pa 'dis snod yongs su dag pa ma rung bar byas pa'i steng du kha na mtho ba'i nyes pa bgyis pas bdag mi dga'o/ /de skad ces smras pa dang / bu mo'i phas thos nas ngo mtshar du gyur te/ de ci'i phyir zhe na/ kun nas nyon mongs pa ni/ chos nyid kyis de dang 'dra bar rtogs pa'i phyir ro/ /bu mo la smras pa/ chos thams cad mi rtag pa yin gyi/ mya ngan ma byed cig ces bsgo nas khang par zhugs te bltas na/ dge tshul gyi rus bu tsan+dan dmar po ltar khrag gis bsgos pa mthong nas phyag byas te sangs rgyas kyi tshul khrims bsrung ba'i phyir lus dang srog la yang mi lta ba legs so/ /zhes bsngags so/ /de'i tshe na rgyal po de'i yul khrims kyis dge slong dag khyim pa'i khyim du cho 'phos na/ gser gyi dong tshe stong blar 'bul lo/ /de'i tshe dge bsnyen de yang gser gyi dong tshe stong khyer nas pho brang du song ste/ rgyal po chen po/ bdag la nongs pa byung gi /dong tshe 'di dag bzhes shig ces gsol pa dang / rgyal </font><hr>304a<br><font size=+1>>


@#/ /pos de la bka' stsal pa/ khyod ni/ yul phyogs na dkon mchog gsum la dad cing dam pa'i chos la mos pas rang bzhin gyis drang la spyod pa nyams 'og tu chud pa ni/ khyod gcig pur zad na/ khyod la nyes pa ci zhig byung / dge bsnyen gyis bdag gi bu mo smad de/ dge tshul gyis ji ltar tshul khrims bsrungs pa'i yon tan bsngags nas ji ltar gyur pa rgyas par gsol to/ /rgyal pos bka' stsal pa/ dge tshul tshul khrims bsrung ba'i phyir lus dang srog la yang ma bltas par zad kyi/ khyod la nyes pa med kyi/ dong tshe khyer la phyir khyim du song zhig /nga yang khyod kyi khyim du dge tshul de la mchod pa zhig byed du 'ong ngo / /zhes bka' stsal nas gser gyi rnga brdungs te 'khor thams cad 'dus la zham 'bring du chos shig /dge bsnyen de'i khyim du 'dong ngo / /zhes bkar btags so/ /de nas rgyal po de'i khyim du gshegs te dge tshul gyi rus bu tsan+dan dmar po ltar khrag gis bsgos pa gzigs nas phyag 'tshal te yon tan bsngags nas rin po che sna tshogs kyis brgyan pa'i shing rta la rus bu bzhag nas gang na thang bde ba kun gyis mthong ba'i gnas su song ste spos kyi shing gis bsregs nas mchod pa byas so/ /bu mo de yang 'jig rten na dkon par shin tu </font><hr>304b<br><font size=+1>>


bzang mo zhig ste/ bu mo de yang gnas mtho ba kun gyis mthong ba zhig tu bzhag ste 'khor mang po thams cad kyis legs par ma mthong bar byas te mi mang po la 'di skad ces bka' stsal to| |bu mo 'di ltar gzugs byad legs shing shin tu bzang ba/ mdzes pa 'di la 'dod chags dang ma bral ba su zhig chags par mi 'gyur na/ dge tshul 'di 'bras bu yang ma thob ste/ skye ba dang 'jig par bcas pa'i lus can 'dis kyang tshul khrims kyi phyir lus dang srog gtong phod pa ni/ ngo mtshar ya mtshan che'o/ /zhes bsgrags nas de'i slob dpon yang spyan drangs te 'khor mang po la dam pa'i chos ston du bcug nas 'khor de'i nang du 'dus pa thams cad kyis chos bstan pa thos nas kha cig ni/ rab tu byung zhing tshul khrims srung bar gsol to/ kha cig ni/ bla na med pa'i byang chub tu sems bskyed de/ thams cad rjes su yi rang nas mngon par dga'o/ /dge tshul gyis tshul khrims bsrungs pa'i le'u ste bcu drug pa'o// //khyim bdag dbang po med pa'i le'u/ de'i tshe bcom ldan 'das mnyan yod na rgyal pu rgyal byed kyi tshal mgon med zas sbyin gyi kun dga' ra ba na dge slong chen po'i dge 'dun dang thabs cig tu bzhugs te chos ston to/ /de'i tshe yul de na khyim bdag chen po/ phyug </font><hr>305a<br><font size=+1>>


@#/ /pa| nor mang ba/ gser dang / dngul dang / rin po che sna bdun dang / glang po che dang / rta dang / ba lang dang / lug dang / bran pho dang / bran mo dang / las byed pa'i mi rab tu mang ba/ bang mdzod rab tu mang ba/ bang mdzod rab tu gang ba zhig la bu khye'u ni/ med mod kyi/ bu mo ni/ lnga yod de/ de yang mnga' byad mdzes pa/ shes pa'i blo dang ldan pa sha stag go /de'i tshe khyim bdag de'i chung ma sbrum pa las khyim bdag de tshe 'phos par gyur to/ /de'i tshe na rgyal po'i yul chos kyis bu pho med na/ longs spyod ci bdog pa thams cad rgyal pos bzhes te/ rgyal pos kyang blon po chen po gcig de'i nor phyugs dang longs spyod ci yod pa thams cad brtsis te blar bzhes par bka' stsal pa dang / bu mo de dag gis bsam pa/ bdag cag gi ma'i rum mi bde ba pho'am/ mo yang gtol med de/ bu mo zhig btsas na ni/ nor phyugs kyang rgyal pos bzhes par zad na/ gal te khye'u zhig byung na kho nor bdag dngos yin no snyam bsam nas rgyal po la 'di skad ces gsol to/ /bdag cag gi pha gum pas bu pho ma mchis pa'i slad du nor phyugs rgyal pos bzhes pa 'di da ltar bdag cag gi ma'i rum mi bde ba bye brag ma phye'i bar du bzhag cing / gal te bu mo zhig lags </font><hr>305b<br><font size=+1>>


na/ bzhes pas kyang sleb ste/ gal te khye'u zhig lags par gyur na/ nor bdag dngos lags so/ /rgyal po rab gsal rgyal de yang drang zhing chos kyis srid 'tsho bas/ bu mo de dang / gis gsol pa bzhin du byas so/ /de nas ring po ma lon par zla ba dgu tshang nas bu pho zhig byung ste/ de la rna ba yang med/ mig kyang med/ sna yang med/ lce yang med/ rkang lag kyang med de/ pho mtshan 'ba' zhig yod pa'i gong gong po zhig byung bas/ de'i ming yang man dzi byi la zhes bya bar btags so/ /de nas bu mo de dag gis khye'u zhig byung ngo / / zhes gsol pa dang / rgyal pos bsam pa/ mig dang / rna ba dang / sna dang / lce dang / rkang lag la sogs pa yod pas ni/ nor bdag tu mi 'gyur gyi/ gang pho mtshan dang ldan pa de nor bdag tu 'gyur te/ bu 'di yang pho mtshan yod pas pha'i nor bdag tu 'gyur ro snyam bsams nas bu mo de dag la nor phyugs dang / longs spyod ci bdog pa khyod kyi ming po dbang ste/ mi bzhes so/ /zhes bka' stsal to/ /de'i tshe bu mo chen mo rigs mthun pa la bag mar btang nas bu mo des khyim thab de la bkur sti bskyed nas stan gding ba dang / mal byed pa dang / phyag dar dor ba dang / kha zas sbyor ba dang / bsu ba dang / skyel ba dang / phyag 'tshal ba dang / gsong phor smra ba la sogs te/ las byed </font><hr>306a<br><font size=+1>>


@#/ /pa thams cad la ji ltar bran mo dag rje bo'i las byed pa bzhin du bu mo de yang khyim thab de'i bkur sti byed pas/ khyim thab kyis chung ma la 'di skad ces smras so/ /khyo shug ces bya ba bdag cag tu ma zad de/ kun la yang srid na khyod 'ba' zhig ci'i phyir 'di ltar byed ces smras so/ /chung mas smras pa/ bdag gi pha la nor phyugs grangs med pa zhig yod de/ gum pa'i 'og tu bu mo lnga yod kyang nor thams cad rgyal pos bzhes bar chad pa las ma'i rum mi bde ba zla ba tshad nas ming po btsas na/ mig kyang med/ rna ba dang / sna dang / lce dang / rkang pa dang / lag pa'ang med de/ skyes pa'i mtshan ma 'ba' zhig yod pas nor bdag tu gyur to/ /de bas na dbang po ci yod kyang skyes pa'i mtshan gcig tsam la yang mi phod de/ bdag khyed la bkur sti byed pa yin no/ /khyim bdag des chung mas smras pa thos nas ngo mtshar tu gyur te chung ma dang 'grogs nas bcom ldan 'das gang na ba der song ste phyin pa dang / bcom ldan 'das la 'di skad ces gsol to/ /bcom ldan 'das/ ci'i slad du khyim bdag gi bu de la mig dang / rna ba dang / sna dang / lce dang / rkang pa'ang ma mchis te/ btsas ma thag tu shin tu phyug po'i khyim du nor gyi bdag por gyur/ bcom </font><hr>306b<br><font size=+1>>


ldan 'das kyis khyim bdag la bka' stsal pa/ khyod kyis 'di dag zhus pa legs kyi/ shin tu legs par nyon la yid la zungs shig dang / khyod la bstan to/ /zhes bka' stsal nas khyim bdag gis de bzhin du thos par 'tshal zhes gsol to/ /bcom ldan 'das kyis bka' stsal pa/ sngon 'das pa'i dus na khyim bdag cig la bu khye'u spun gnyis shig yod de/ gcig ni/ sbyin pa zhes bya/ gcig ni/ tshul khrims zhes bya ste/ khye'u spun gnyis chung du nas chu gang dang khrel ltas che la tshig bden par smra ba/ rtag tu sbyin pa la dga' ba/ dbul phongs pa la mgon byed do/ /de ltar dad pa che zhing dge bas yul mis kyang bsngags te/ rgyal pas kyang zhal che bar bcug nas nyes pa dang / mnyes pa dpyod do/ /de'i tshe na rgyal po'i yul khrims kyis yul mi dag gcig la gcig ci bskyis kyang zhal che ba'i drung du lhags nas dpang 'dzugs kyi/ gtan tshigs gzhan mi byed do/ /de'i tshe tshong pha zhig rgya mtshor 'gro ba las de'i nu bo tshul khrims zhes bya ba la nor dbyig mang po zhig bskyis te/ ci dgos par spyod do/ /de'i tshe na tshul khrims de la bu gcig bu zhig yod pa'ang gzhon la chung bas tshul khrims kyis bu de yang khrid cing / sbyin par byas pa'i nor rdzas kyang khyer nas phu bo'i gan du song ste 'di </font><hr>307a<br><font size=+1>>


@#/ /skad du tshong pa 'dis bdag la nor 'di snyed cig snga skyin du 'tshal te/ rgya mtsho nas nam slar 'khor ba na stsal bar bgyis pas/ gal te bdag gum na'ang bu la stsal bar bgyis kyi/ gcen mkhyen par mdzod cig /phu bos kyang de bzhin du bya'o/ /zhes smras so/ /de nas ring por ma lon par khyim bdag tshul khrims ni/ tshe'i dus byas so/ /tshong dpon de'ang rgya mtsho'i nang du rlung gis gru zhig ste tshong pa 'ba' zhig shing leb cig la 'jus nas phyir yul du phyin to/ /de'i tshe na khyim bdag gis kyang tshong pa de gru zhig nas nor ni/ 'khyams te gcig pu phyir 'khor te bdag gi nor rdzas 'di snyed cig chags mod kyi/ bdar med do snyam bsams so/ / de nas yang tshong pa des gzhan la bskyi brnya byas nas phyir rgya mtshor zhugs pa dang / nor bu rin po che mang du rnyed de bde bar phyir 'khor nas 'di snyam du bsams so/ / khyim bdag gi bu 'di sngar yang bdag la bu lon mi 'dod pa las na/ mi 'di chung ches bas gal te na brjed de mi dran nam/ 'on te bdag la ci yang mi bdog pas bu lon mi 'ded pa bag ma mo snyam bsams nas rta bzang po zhig la zhon te gos rin po che gyon nas tshong dus su song ngo / /khyim bdag gi bu des kyang tshong pa de gos </font><hr>307b<br><font size=+1>>


bzang po gyon cing rta bzang po zhon pa mthong nas bsam pa/ 'di ni/ longs spyod dang ldan par gyur pa lta/ bu lon bda'o snyam bsams nas mi zhig la bu lon chags pa rnams de phyir mi sbyin nam zhes springs nas des kyang de bzhin du bya'o/ /zhes smras so/ /de nas tshong pa des bsam pa/ khyim bdag 'di la nor dbyig mang du bskyis pas/ bdag la longs spyod ci bdog pa thams cad gtugs kyang mi 'khor te/ bdag gis thabs shig bya'o snyam bsams nas tshong pa de nor bu rin po che gcig thogs te zhal che ba de'i chung ma'i gan du song nas 'di skad ces gsol to/ /btsun mo mkhyen par mdzod cig /bdag gi sngon khyim bdag tshul khrims las nor rdzas cung zad cig bskyis te/ de khyim bdag gi bu bdag la bu lon de da na/ nor bu rin po che srang khri ri pa 'di bzhes te/ zhal che ba la bdag cag gnyis 'drir 'ongs na/ ma mthong ngo / /zhes bya bar gsol bar gyis shig ces gsol to/ /chung mas smras pa/ bdag gi khyim thab 'di ni/ shin tu drang ste/ rdzun mi zer bas mi btub tu nges na/ 'on kyang gsol bar bya'o/ /zhes nor blangs te khyim thab nub mo slar 'khor ba dang / tshong pas gsol pa bzhin du rgyas par smras so/ /khyim thab kyis smras pa/ bdag ni/ chu </font><hr>308a<br><font size=+1>>


@#/ /gang dang khril ltas kyis 'tsho ste/ rdzun mi zer bas rgyal pos kyang zhal che bar bcug go /gal te bdag gis rdzun smras na ni/ rigs pa dang gsha' ba ma yin no/ /zhes smras so/ /phyi de nyin yang tshong pa 'ongs nas chung mas kyang de bzhin du gtam rgyas par smras te/ nor bu phyir byin pa las tshong pa des nor bu yin po che srang stong phrag nyi shu ri ba zhig kyang phul te/ 'di snyam du don cung zad kyi phyir chig gcig tsam smras pas/ srang stong phrag sum cu rnyed par 'gyur ro/ /pha rol po ni/ tsha bo yin te/ rgyal bar gyur na yang dong tshe gcig tsam yang thob par mi 'gyur ro/ /zhes smras nas 'di ni/ rigs pa yin no snyam ste nor bu rin po che la chags pas tshong pas bcol ba sgrub par khas blangs so/ /dgong du khyim thab phyir 'khor ba dang / khar stsang bdag gis gsol pa de rung ba 'dra na/ de bzhin mdzad du gsol/ khyim bdag gis smras pa/ 'di ni/ rigs pa ma yin te/ bdag rdzun mi zer bas zhal che bar bcug go /gal te rdzun zhig smras na yang tshe 'di la 'jig rten pa kun gyis yid ches par mi 'gyur/ tshe phyi ma la yang bskal pa grangs med pa'i bar du sdug bsngal myong bar 'gyur ro/ /zhes bsgo'o/ /de'i tshe na khyim bdag de la bu khye'u </font><hr>308b<br><font size=+1>>


'gro mi nus pa gog ba tsam zhig yod de/ khyim bdag gi chung mas khyim bdag la 'di skad ces smras so/ /bdag ni/ khyod dang khyo shug tu gyur pas srog la bab pa zhig smras na yang phyir mi zlog tu re na/ 'di lta bu'i don chung du gcig la yang tshig brtul te mi zlog na/ bdag gson te yang ci rung / bdag gis gsol pa bzhin du ma gyur na/ bu yang bsad la de'i 'og tu bdag kyang 'chi'o/ /khyim bdag gis de skad ces smras pa thos nas dper na/ mi brnangs pa skyug tu med la/ mid du yang med pa ltar bdag la bu 'di gcig bur zad de/ gal te shi bar gyur na nor gyi bdag po yang med par 'gyur/ gal te bud med kyis smras pa bzhin du byas na yang 'jig rten ba kun gyis smras pa yid mi ches te/ ma 'ongs pa'i dus su yang sdug bsngal mang po myong bar 'gyur ro snyam bsams nas ma rangs bzhin du chung mas smras pa bzhin byas pas/ chung ma yang rab tu dga' nas tshong pa la smras pa/ kho mo'i khyo yang gnang gi /de bzhin du gyis shig ces bsgo'o/ /tshong pa yang rab tu dga' nas phyir khyim du song ste glang po che chen po gcig rin po che sna tshogs kyis brgyan nas gos rin po che gyon te glang po che de la zhon nas tshong dus su 'ongs/ khyim bdag gi bu des de lta bu mthong nas dga' ste/ yid la da ni/ mi 'di longs spyod </font><hr>309a<br><font size=+1>>


@#/ /mang po dang ldan gyi/ bdag gi bu lon bda'o snyam bsams nas drung du song ste sar 'phags pa la 'di skad ces smras so/ /khyim bdag mkhyen tam/ bdag gis bu lon chags pa rnams da slar stsol cig ces smras na/ khyim bdag de sdangs pa ltar byed de/ khyod kyi bu lon chags su mi dran no/ /bu lon ci zhig chags su mthong zhes smras so/ /khyim bdag gi bus smras pa/ lo dang zla ba'i ngo che ge mo zhig la bdag gi pha las nor bskyis te bdag gi lag nas nor khyer bar zhal che ba yang shes na| ci'i phyir bsnyon zhes smras so/ /tshong pas smras pa/ bdag gis ni/ khyod kyi nor bskyis par mi dran no/ /mthong ba zhig yod na mthong ba'i thad du gtugs su 'dong ngo / / zhes smras nas zhal che ba'i thad du phyin nas mi 'dis sngon bdag gi pha las nor 'di snyed cig bskyis te khu bos kyang mthong na/ mi 'dis bdag gi pha las nor ma 'tshal tam zhes dris na/ khu bos kyang bdag la gtol med ces smras so/ /tsha bo dngangs nas de'i tshe bdag gi nor ci bskyis pa khu bos lag bas bsdos te mi 'di byin par mi dran nam| smras pa/ de lta bu med do/ /zhes smras so/ /de nas khye'u de khu bo la khros nas khyod drang pa'i phyir kun gyi zhal che bar rgyal pos bcug ste yul mi thams cad kyis drang </font><hr>309b<br><font size=+1>>


po zhes byas na/ bdag tsha bo la yang 'di ltar byed na/ gzhan dag la thog tu bab cing gtam las bcad pa lta ci smos te/ 'di bden nam rdzun pa de'u re mngon no/ /zhes smras so/ / bcom ldan 'das kyis khyim bdag la bka' stsal pa/ de'i tshe zhal che ba de shes par 'dod na/ gzhan yin no snyam du ma sems shig /de ni/ mdzi byi la dbang po rnams med ba 'di yin no/ /de'i tshe na rdzun gcig byas pas sems can dmyal ba chen por skyes nas sdug bsngal sna tshogs myong ste/ dmyal ba las thar nas skye ba lnga brgya'i bar du dbang po ci yang med pa'i sha gong gong por skyes so/ /de'i tshe sbyin pa la dga' ba'i dbang gis rtag tu phyug po'i khyim du skyes nas nor gyi dbang por gyur to/ /dge ba'i las dang / sdig pa'i las ni/ yun ring por lon kyang med cing zhig par mi 'gyur ro/ /de bas na khyed rnams brtson 'grus su lus dang ngag dang yid bsdams te sdig pa ni/ mi bya'o/ /de'i tshe 'khor mang po rnams bcom ldan 'das kyis gsungs pa thos nas/ la la ni/ 'bras bu dang po nas 'bras bu bzhi pa'i bar du thob par gyur/ la la ni/ bla na med pa'i byang chub tu sems bskyed de rjes su yi rang nas mngon par dga'o/ /khyim bdag dbang po med pa'i le'u ste bcu bdun pa'o// //dbul mos ras phul ba'i le'u/ de'i </font><hr>310a<br><font size=+1>>


@#/ /tshe bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na dge slong gi dge 'dun la chos ston cing bzhugs so/ /de'i tshe na yul de na khyim bdag cig gi chung ma zhi gal bu mo zhig bcas nas bu mo gzhan pas 'phags par bzhin bzang ba/ blta na sdug pa/ mdzes pa zhig ste| thog ma btsas nas ras dkar po 'jam pos dkris te byung ngo / /de la pha ma ya mtshan du gyur te mtshan mkhan la bstan nas mtshan mkhan gyis bltas te bsod nams chen po dang ldan par rtogs nas ming yang dkar mo zhes btags so/ /bu mo dkar mo ji tsam du skyes pa bzhin ras kyang lus kyi tshad du skyes so/ /bu mo de phyis cher skyes nas yul mi las mang du chung mar slong ba dang / pha mas kyang bu mo bag mar gtang ba'i rgyan rnams brdung snyam nas mgar ba gnyer te gser dngul bcal to/ /bu mos gser dngul bcal ba mthong nas 'di ci zhig bya zhes pha ma la dris pa dang / 'di ni/ khyod bdag mar gtang ba'i rgyan rnams brdung ngo / /zhes smras so/ /bu mos smras pa/ bdag ni/ rab tu 'byung bar dad kyi/ bag mar mchi bar mi dga'o/ /pha mas kyang bu mo'i yid dang sbyar nas de ma thag tu ras phyung ste chos gos drub par bshams pa las/ </font><hr>310b<br><font size=+1>>


bu mos ras 'dis ci zhig bya zhes dris pa dang / khyod kyi gos 'drub bo zhes smras so/ /bu mos smras pa/ bdag gos gyon pa yod kyi/ drub mi dgos so/ /bdag bcom ldan 'das gang na bzhugs par khrid de 'dong ngo / /zhes smras nas bcom ldan 'das kyi spyan sngar khrid do/ /sangs rgyas gang na bder phyin pa dang / bcom ldan 'das la mgo bos phyag 'tshal te rab tu 'byung bar gsol te/ bcom ldan 'das kyis kyang legs par 'ongs so/ /zhes bka' stsal pas/ skra rang byi ste lus la gyon pa'i gos dkar po yang chos gos smad lngar gyur nas dge slong ma skye rgu'i bdag mo la gtad do/ /dge slong ma des brtson 'grus brtsams pas/ ring po ma lon par dgra bcom par gyur to/ /kun dga' bos bcom ldan 'das la gsol pa/ dge slong ma dkar mos sngon bsod nams ci zhig bgyis na/ khyim bdag gi khyim du skyes te lus la ras kyang mchis la/ rab tu byung nas ring po ma lags par dgra bcom par gyur/ bcom ldan 'das kyis kun dga' bo la bka' stsal pa/ sngon 'das pa'i dus na sangs rgyas bsod skyabs 'jig rten du gshegs te/ nye gnas dang bcas nas sems can gyi don la gshegs pa las/ yul mi thams cad kyis mchod pa rgyas par byas so/ /de'i tshe dge slong gcig cig 'gro ba mang po'i don </font><hr>311a<br><font size=+1>>


@#/ /du yul mi thams cad sangs rgyas la chos nyan pa dang / sbyin pa byed par skul lo/ /de'i tshe bud med dA ni ke zhes bya ba rab tu dbul phongs pa zhig ste| khyo shug gnyis la gos su ras yug gcig las mi bdog ste khyo don gnyer du 'gro na/ ras khyos gyon te chung ma sgren mor rtswa'i steng na 'dug go /chung mdon gnyer na/ ras chung mas gyon te khyo rtswa phung gi nang na sgren mor 'dug go /phyis kun gyi don byed pa'i dge slong de/ de'i sgor 'ongs nas bud med de dang phrad de/ bud med de la khyod sangs rgyas la phyag 'tshal du song zhig /yon phul cig ces sbyin pa'i yon tan bsngags te ser sna byed pa'i rnam par smin pa bstan nas sangs rgyas 'jig rten du 'byung bar dka' ba dang / chos thos par dka' ba dang / mi lus thob par dka' ba'i gtam rgyas par byas nas chos nyan du song zhig ces bskul ba dang / bud med des smras pa/ btsun pa/ cung zad bzhugs shig /bdag slar mchi'o/ /zhes smras nas khang pa'i nang du song ste/ khyo la 'di skad ces smras so/ /sgo na dge slong zhig khyod sangs rgyas la phyag 'tshal du song zhig /chos nyon cig /sbyin pa gyis shig ces mchi'o/ /bdag cag tshe snga ma la sbyin pa ma byas pas 'di ltar dbul phongs par gyur te </font><hr>311b<br><font size=+1>>


da yang ci zhig gis tshe phyi ma'i tshogs su 'gyur bar bya/ khyos smras pa/ 'di la ni/ sbyin par 'os na bdag cag dbul phongs te ci yang med na/ ci zhig sbyin par bya/ chung mas smras pa/ tshe snga ma la yang sbyin pa ma byas pas/ 'di ltar dbul bar gyur na da yang sbyin pa ma byas na/ tshe phyi ma la gar 'gro ste/ bdag ni/ sbyin pa zhig byed kyi/ khyod kyis gnong zhig /khyos bsam pa/ 'di la ni/ nor khud pa zhig yod pa gda' ste/ sbyin pa gyis shig ces smras pa dang / chung mas bdag gis ras 'di sbyin par dga'o/ /zhes smras so| |khyos smras pa/ bdag cag khyo shug gnyis la ras 'di las med de/ 'dis don gnyer zhing 'tsho bar zad na/ da spyin par byas na gnyi ga sdod dam ci/ chung mas smras pa| mi zhig skyes pa la tshe 'pho ba yod pas/ 'di ma byin yang tshe 'pho la/ byin yang 'chi 'pho bas nyis na sbyin pa byas te tshe 'phos na/ tshe phyi ma la re ba yod pas sbyin pa byas na tshe 'phos kyang bla'o/ /khyo yang dga' bzhin du sbyin pa gyis shig ces bsgo nas chung ma phyi rol tu song ste/ dge slong la 'di skad ces smras so/ /btsun pa/ cung zad ma gzigs shig /bdag sbyin pa bgyi'o/ /zhes smras pa dang / dge slong gis khyod sbyin pa byed na/ mngon sum du lag gis byin cig /sbyin pa'i tshigs bcad bya'o/ /zhes bsgo'o// </font><hr>312a<br><font size=+1>>


@#/ /bud med des smras pa/ lus la ras 'di las med de/ 'og na gos gzhan med pas/ bud med kyi lus rtsog pa dri ma mnam po 'di gzigs par ma 'os kyi/ nang nas dbul lo/ /zhes smras pa dang / nang rol nas ras phud de dge slong de la phul lo/ /dge slong des sbyin pa'i tshigs bcad pas nas ras de thogs te sangs rgyas gang na ba der song ste phyin pa dang / bcom ldan 'das kyis dge slong de la bud med kyis phul ba'i ras de 'on cig ces bka' stsal to/ /dge slong des kyang ras de sangs rgyas la phul nas bcom ldan 'das kyis phyag gis bzhes so/ /ras rnying zhing dri mas gos pas rgyal po'i 'khor rnams ras dri ma can phyag tu bzhes pa la 'phya'o/ / bcom ldan 'das kyis 'khor mang po'i bsam pa mkhyen nas 'di skad ces bka' stsal to/ /ngas bltas na 'khor 'di'i nang na sbyin pa rnam par dag pa ni/ 'di las 'da' ba med do/ /zhes bka' stsal to/ /'khor mang po ngo mtshar du gyur to/ /de nas rgyal po'i btsun mo rab tu dga' ste lus la gyon pa'i gos dang rgyan rnams phud nas bud med la bskyal to/ /rgyal pos kyang gos dang rgyan phud nas de'i khyim thab la bskyal te khyo shug gnyis 'khor gyi nang du shog cig /ces bsgo'o/ /sangs rgyas bsod skyabs </font><hr>312b<br><font size=+1>>


kyis 'khor mang po la chos bstan pas phal cher rnam par grol bar gyur to/ /bcos ldan 'das kyis kun dga' bo la bka' stsal pa/ de'i tshe de'i dus na bud med dbul mo de ni/ dge slong ma dkar mo 'di yin no/ /de'i tshe bsam pa dag pas ras byin pa'i dbang gis bskal pa dgu bcu rtsa gcig gi bar du gang nas gang du skyes kyang rtag tu ras dang bcas su skyes te/ brel phongs pa med cing yid bzhin du 'byor par gyur to/ /sangs rgyas de las dam pa'i chos thos nas rnam par grol bar smon lam btab pas 'dir nga dang phrad de dgra bcom par gyur to/ /de bas na khyod kyang chos mnyan pa dang / sbyin pa byed pa la brtson 'grus gyis shig ces bka' stsal nas 'khor mang po bcom ldan 'das kyis de skad ces gsungs pa la yi rang nas mngon par dga'o/ /dbul mos ras phul ba'i le'u ste bco brgyad pa'o// //bran mo dbul mos kA t+yA ya na la dbul btsongs pa'i le'u/ de'i tshe na btsun pa kA t+yA ya na chen po yul a pa de na 'dug pa las yul de na khyim bdag longs spyod dang ldan pa ser sna can/ snying rje med pa zhig la bran mo rgan mo zhig yod de/ bran mo de ngan las thams cad byed kyang gos ni/ lus la mi yog /zas ni/ khar mi myong ste/ rtag tu brdeg 'tshog pas rgan mo ma bzod </font><hr>313a<br><font size=+1>>


@#/ /de srog 'dor du 'gro snyam nas bum pa thogs te chu 'chur song ba las/ chu 'gram du skad chen po phyung ste ngus so/ /kA t+yA ya na der 'ongs te rgan mo| |ci'i phyir 'di ltar mi dga' zhes dris pa dang / 'phags pa/ bdag rgas pa'i steng du las ni/ che/ bgo ba dang bza' ba ni/ med/ dbul phongs pas ci'i phyir mi 'gum snyam mi dga' ste ngu'o/ /kA t+yA ya nas smras pa/ rgan mo/ khyod dbul btsongs nas ci nyes/ rgan mos smras pa/ dbul ci ltar btsong / su zhig dbul nyo zhes smras pa dang / kA t+yA ya nas dbul btsong du rung ngo / /zhes lan gsum gyi bar du bsgo ba dang / dbul 'di ji ltar btsong dri'o snyam nas dbul ji ltar btsong du rung zhes dris so| |kA t+yA ya nas smras pa/ ci ste dbul btsong yang dag na/ ngas bstan pa bzhin du gyis shig ces bsgo ba dang / 'phags pa/ de bzhin du bgyi'o/ /zhes gsol to/ / kA t+yA ya nas smras pa/ khyod sngar khrus gyis shig /bkrus pa'i 'og tu sbyin pa gyis shig /rgan mos smras pa/ bdag la lhan pa tsam gyi rgyu yang med na/ ci zhig sbyin par bya| bum pa 'di ni/ jo mo'i yin te/ dbang ma mchis so/ /kA t+yA ya nas smras pa/ khyod lhung bzed kyi nang chu gtsang mas khongs la nga la phul cig /ngas sbyin pa'i </font><hr>313b<br><font size=+1>>


tshigs su bcad pa bya'o/ /kA t+yA ya nas chu blangs nas sbyin pa'i tshigs bcad kyang byas/ bslab tshigs kyang byin/ sangs rgyas kyi mtshan nas kyang brjod du bcug ste yon tan rnam pa sna tshogs su bsngags nas rgan mo khyod la 'dug pa'i gnas yod dam/ rgan mos smras pa/ bdag la gnas ma mchis te/ 'thag pa dang / gtun brdung ba dang / las byed pa'i gnas nyid na nyal lo/ /bar 'ga' ni| lung phung gi steng na'ang nyal lo/ /kA t+yA ya nas smras pa/ khyod ngan las byed pa la 'gyod pa dang / mi dga' ba ma byed par brtson 'grus su las byos la/ jo mo bsnyal ba'i 'og tu dal gyis jo mo'i sgo phye ste sgo phag gam/ gra gtsang zhig tu rtswa gtsang ma bting ba la 'dug nas gzhan ma sems par sangs rgyas yid la byos la dran par gyis shig /de nas rgan mos bstan pa bzhin du byas nas ring po ma lon par mtshan mo 'dug bzhin tshe 'phos nas sum cu rtsa gsum gyi lhar skyes so/ /de'i jo mo nang par sngar langs nas khyim gyi nang na bran mo tshe 'phos par mthong nas khros te/ rgan mo 'di khyim nang du ma btang na ci'i phyir 'di tshe 'phos zhes gshe nas rkang pa la rtsa thag gis btags te bshal nas dur khrod du bskyal to/ /de'i tshe na lha'i sras po zhig la lha'i bu mo lnga brgyas bskor te rtse dga' ba </font><hr>314a<br><font size=+1>>


@#/ /las tshe 'das nas rgan mo de lha'i sras mo de'i nang du skyes so/ /lhar skyes bdag dbang po rnon pos ni/ bdag ci'i rkyen gyis lhar skyes par shes so/ / dbang po rtul pos ni/ mi shes te/ rgan mo de yang ci'i phyir lhar skyes pa ni/ mi sems kyi/ bde ba 'ba' zhig la chags so/ /de'i tshe na shA ri'i bu sum cu rtsa gsum na 'dug pa des khyod ci'i rkyen gyis lhar skyes pa shes sam zhes dris pa dang / bdag gis mi shes so/ /zhes smras nas shA ri'i bus lha'i mig gis bltas te ji ltar lhar skyes pa mthong bar byas so/ /de nas lha'i sras mo lnga brgya tsam dang dur khrod du lhags te rus bu la lha'i me tog gis gtor/ spos kyis mchod pa byas so/ /lha'i 'od kyis grong khyer de dag snang ba chen pos snang bar gyur nas de'i jo mo la sogs pa ya mtshan du gyur te/ mi mang po dang ba ltar dong ba las lha mang po rgan mo'i rus bu la mchod pa byed pa mthong nas lha rnams la khyed ci'i phyir rus bu 'di la mchod ba byed/ 'di ni/ gson po'i tshe yang rtsog pas kun gyis mi 'dod na/ da tshe 'phos pa'i rus bu la lta ci smos zhes smras so/ /de'i tshe na lha'i sras mo rnams kyis ji ltar lhar skyes pa'i gtam rgyas par byas nas kA t+yA ya na gang na ba der song ngo / /der phyin pa dang kA t+yA ya nas lha'i </font><hr>314b<br><font size=+1>>


sras mo de dag la sbyin pa dang / tshul khrims dang / mtho ris su skye ba la sogs te/ dam pa'i chos kyi gtam rgyas par byas nas mi gtsang ba'i chos dang / 'byung ba'i chos bstan pas| lha'i sras mo de dag rdul dang bral/ dri ma dang bral te chos la chos kyi mig rnam par dag par gyur nas phyir lha'i gnas su dong ngo / /'khor mang po rnams kyang chos bstan pa thos nas so so nas 'bras bu dang po nas 'bras bu bzhi pa'i bar du thob par gyur te rjes su yi rang nas mngon par dga'o/ /bran mo dbul mos kA t+yA ya na la dbul btsongs pa'i le'u ste bcu dgu pa'o// //gser lha'i le'u/ 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe yul de na khyim bdag rab tu phyug pa/ longs spyod che ba/ nor bu rin po ches bang mdzod gang ba zhig yod de/ rigs mnyam pa las chung ma blangs nas de'i chung ma la bu khye'u gser gyi mdog lta bu zhig btsas te mtshan mkhan gyis bltas nas de'i ming gser lha zhes btags so/ /khye'u de btsas pa na khye'u de'i khyim du khron pa chu zheng gab pa/ chu zheng khru brgyad pa/ gting zab khyad kyang khru brgyad pa zhig rang byung ste/ khron pa de'i chu bcus na </font><hr>315a<br><font size=+1>>


@#/ /mi'i yid bzhin du 'byung ste/ gang gos 'dod pa la gos 'byung / bza' ba dang btung ba 'dod pa la bza' ba dang btung ba 'byung / gser dngul dang nor bu rin po che 'dod pa la gser dngul dang nor bu rin po che 'byung ste/ ci dang ci 'dod pa de dag thams cad yid bzhin du 'byung ngo / /khye'u de gsos bskyed de cher gyur pa dang / rig pa'i gnas kyang lobs nas khyim bdag de rab tu dga' ste/ khye'u de'i chung ma btsal lo snyam bsams nas khye'u de'i chung ma yang khye'u de dang 'dra bar gser gyi mdog can/ bzang ba/ mdzes pa/ phal bas lhag pa zhig btsal bar bsams te yul kun tu mna' ma tshol lo/ /de'i tshe yul tsam pa na khyim bdag rab tu phyug pa zhig la bu mo gser gyi 'od ces bya ba zhig yod de/ bu mo de yang gser gyi mdog can/ shin tu 'tsher ba/ pags pa shin tu srab pa/ rus pa phra ba zhig ste/ thog ma btsas pa'i tshe yang khyim nas khron pa chu zheng dang gting 'dra bar khru brgyad pa zhig rang byung ste/ khron pa de las kyang rin po che sna tshogs dang / gos dang / bza' ba dang / btung ba la sogs pa ci dang ci 'dod pa de dag yid bzhin du rang byung ngo / /khyim bdag des kyang 'di snyam du bdag gi bu mo bzang mo 'di ni/ bu pho 'di dang 'dra bar lus </font><hr>315b<br><font size=+1>>


gser gyi mdag can/ shin tu 'tsher ba/ bzang ba/ mdzes pa zhig la gtang ngo snyam bsam pa zhig dang phrad de bu mo'i gtam yang khye'us thos/ khye'u'i gtam yang bu mos thos nas khyim bdag gnyis gnyan bya bar 'thams te/ ston mo bya bar 'thams nas bu mo mnyan yod du khrid de mnyan yod du gser lha'i khyim du phyin nas gser lhas sangs rgyas dang / dge 'dun rnams bshos la spyan drangs te/ bcom ldan 'das kyang dge 'dun dang bcas te bshos la gshegs nas gser lha khyo shug gnyis la dam pa'i chos rgyas par bstan te/ gser lha khyo shug dang / khyim bdag khyo shug gnyis kyis bcom ldan 'das las chos thos nas bskal pa khri phrag gnyis shu'i sdig pa mi dge ba shin tu 'bar ba kun zhi nas sems rnam par dag pas chos rtogs te rgyun du zhugs pa'i 'bras bu thob par gyur to/ /de nas bcom ldan 'das slar gtsug lag khang du gshegs pa dang / gser lha dang / gser 'od khyo shug gnyis kyang pha ma la rab tu 'byung bar gsol nas pha mas kyang gnang ste gnyi ga sangs rgyas gang na ba der dong ste der phyin pa dang / sangs rgyas kyi zhabs la spyi bos phyag 'tshal nas bdag cag gnyis rab tu 'byung ngo / /zhes gsol pa dang / bcom ldan 'das kyis legs par 'ongs </font><hr>316a<br><font size=+1>>


@#/ /so| |zhes bka' stsal pas skra dang kha spu rang byi ste dur smrig gyon pa'i dge slong du gyur nas gser lha ni/ dge slong gi dge 'dun gyi nang du song ngo / / gser 'od ni/ skye rgu'i bdag mo la gtad do/ /gnyi ga ring po ma lon par dgra bcom par gyur nas rig pa gsum dang / mngon par shes pa drug dang / rnam par thar pa brgyad la sogs te/ yon tan thams cad dang ldan par gyur to/ /dge slong dag the tshom du gyur nas tshe dang ldan pa kun dga' bos bcom ldan 'das la 'di skad ces gsol to/ / bcom ldan 'das/ dge slong gser lha dang / gser 'od gnyis sngon las ci bgyis na/ thog ma btsas pa na 'di ltar nor bu rin po che dang / longs spyod thams cad dang ldan te| khron pa las kyang thams cad kyi re ba yongs su skong bar gyur/ bcom ldan 'das kyis bka' stsal pa/ sngon 'das pa'i bskal pa dgu bcu rtsa gcig gi pha rol na sangs rgyas rnam par gzigs zhes bya ba 'jig rten du gshegs nas de mya ngan las 'das pa'i 'og tu de'i bstan pa la zhugs pa'i dge slong dag grong khyer dang / ljongs rgyu zhing sems can gyi don byed de/ de dag la khyim bdag rigs che zhing mtho ba kun gyis chos gos dang bsod snyoms mi brel bar byin no/ /de'i tshe khyim bdag dbul </font><hr>316b<br><font size=+1>>


po khyo shug gnyis shig gis 'di snyam du bsams so/ /bdag cag gnyis pha ma yod pa'i tshe nor bu rin po che dang / longs spyod du ldan te bang mdzod yongs su gang yang 'phags pa'i dge 'dun dang ma phrad/ da 'di ltar phongs brel te ci yang mi bdog nas rtswa phung gi steng na nyal zhing / bre gang phul gang yang mi bdog pa'i tshe 'phags pa'i dge 'dun gshegs nas khyim bdag phyug po de kun chos gos dang / bsod snyoms 'bul na/ bdag cag ni/ ci yang dbul du med do snyam du bsams te rab tu mi dga' nas dus so/ |khyim thab dus pa'i mchi ma chung ma'i lag par lhung nas chung mas khyim thab la khyod ci'i phyir du zhes smras pa dang / khyod mi shes sam/ grong khyer 'dir 'phags pa'i dge 'dun dag gshegs te khyim bdag phyug po de kun mchod pa byed na/ bdag cag 'ba' zhig ci yang dbul du med de/ da 'dir ma phul na skye ba phyi ma la gar 'gro snyam ste mi dga'o/ /chung mas smras pa/ khyod song la bdag cag gi mdzod khang rnying du tshol cig dang / lus ba cung zad yod kyang srid kyi/ gal te sna 'ga' zhig rnyed na dbul lo| zhes smras nas mdzod khang rnying du btsal na/ gser gyi dong tshe lus pa gcig rnyed do/ /chung ma la'ang me long gcig cig yod de/ khyo shug gnyis kyis bum pa gsar </font><hr>317a<br><font size=+1>>


@#/ /pa gcig cig kyang nyos nas bum pa'i nang chu gtsang mas bkang ste gser gyi dong tshe gcig nang du bcug nas me long gis kha bcad de chu'i bum pa thogs pa dge 'dun la phul lo/ /dge 'dun gyis kyang bzhes nas chu de la kha cig gis ni/ 'thungs/ kha cig gis ni/ kha lag dang lhung bzed bkrus te/ khyim bdag khyo shug gnyis kyis de ltar dge 'dun gyis spyad pa mthong nas rab tu dga' mgu rangs te phyir khyim du song ngo / /de nas ring po ma lon par nad kyis btab nas khyo shug gnyis tshe 'phos te sum cu rtsa gsum gyi lhar skyes so/ /kun dga' bo/ de'i tshe de'i dus na dbul po khyo shug gnyis chu'i bum pa phul ba de ni/ gser lha khyo shug gnyis yin no/ /sngon chu bum pa gang dang / gser gyi dong tshe dang / me long gcig phul bas skye ba thams cad du bzang zhing mdzes pa dang / mdog gser gyi kha dog can du rtag tu 'tsher bar gyur to/ /'di ltar bskal pa dgu bcu rtsa gcig gi bar du de 'dra bar gyur to/ /de'i tshe na shin tu dang ba'i sems kyis phul bas/ da 'dir 'khor ba'i mthar phyin te dgra bcom par gyur to/ /kun dga' bo/ de bas na bsod nams kyi phyogs su 'gyur ba'i las ni/ gang yang mi byar mi rung ngo / /dbul </font><hr>317b<br><font size=+1>>


po des sbyin pa cung zad byas pas/ bsod nams kyi phung po tshad med pa 'di lta bu dag thos par gyur to/ /de'i tshe bcom ldan 'das kyis de skad ces bka' stsal nas kun dga' bo dang / 'khor mang po rnams sbyin pa'i bsod nams kyi tshogs bsag pa'i sems skyes te rjes su yi rang nas mngon par dga'o/ /gser lha'i le'u ste nyi shu pa'o// // rigs gnyis pa'i le'u/ 'di skad bdag gis thos pa dus gcig ni/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so| |de'i tshe yul de na khyim bdag phyug po zhig rigs mnyam pa las chung ma blangs nas bu med pas shin tu mi dga' ste lha kun la gsol ba btab pa las/ phyi zhig na chung ma sems can dang ldan par gyur te/ zla ba tshang nas khye'u zhig btsas so/ /khye'u de yang mdzes shing sdug pa zhig ste/ pha ma dang gnyen bshes kun dgA nas btsas ston byas nas chu bo zhig gi 'gram du 'dus te btsas ston za ba'i tshe kun gyis khye'u blta ba'i phyir gcig gi pang par khye'u blangs nas yang gcig gi pang par byin to| |de bzhin du gcig nas gcig tu brgyud pa'i tshe gcig gis le lo byas nas bu shor te chur lhung nas chus khyer ro/ /khye'u bsod nams kyi mthus las ma zad pas tshem </font><hr>318a<br><font size=+1>>


@#/ /'phos par nya zhig gis mid nas nya'i lto na gson por 'dug go /chu bo de'i mjug na yang grong zhig yod de/ grong de na yang khyim bdag phyug po bu med pa zhig 'dug go /khyim bdag de'i bran zhig chu bo'i 'gram na nya ba shor ba las/ nyas bu mid pa zin nas lto bkas pa dang / lto nas bu khye'u zhig byung nas bran des khyer te jo mo la phul lo/ /khyim bdag gi chung mas khye'u de blangs te bltas na/ khye'u mtshan dang ldan pa bzang po zhig ste rab tu dga' nas bdag cag gis lha kun la gsol ba btab pa'i rtags ni/ 'di yin no snyam nas ma ma la gtad de gsos so/ /de'i grong ltag ma'i khyim bdag gis grong 'og ma'i khyim bdag gis nya'i lto nas bu zhig rnyed do/ /zhes thos nas de ni/ gdon mi za bar bdag gi bu chur lhung pa yin no snyam ste de'i thad du song nas 'di ni/ nga'i bu yin gyi/ phyir byin cig ces smras so/ /des smras pa/ 'di ni/ khyod kyi bu ma yin te/ bdag la bu med pas lha kun la gsol ba btab nas lhas byin pa'i bu yin te/ nya'i lto nas rnyed do/ /zhes smras so/ /khyim bdag de gnyis rtsod nas rgyal po zhal che bar gsol to/ /de la khye'u'i pha mas ni/ 'di bdag gi bu yin te/ chu'i 'gram nas chur lhung ba 'di yin no/ /zhes smras so/ /khyim bdag gcig gis khye'u </font><hr>318b<br><font size=+1>>


'di bdag gis nya zin pa'i lto nas rnyed de/ khyod kyi bu ma yin no/ /zhes smras nas rgyal pos de gnyis ka'i tshul dang sbyar te khye'u 'di khyed gnyis gas thun mong du gsos la/ cher skyes nas khyed gnyis kyis bu'i chung ma re re longs shig /chung ma gnyis las bu gang las byung ba so sor khyer cig cas bcad do/ /de nas khyim bdag gnyis kyis kyang rgyal pos zhal che bcad pa bzhin du khye'u thun mong du gsos nas cis kyang mi brel bar byas so/ /de nas khye'u de cher skyes nas pha ma gnyis la 'di skad ces gsol to/ /bdag btsas ma thag tu chur lhung ba dang / nyas mid pa la sogs te/ sdug bsngal rnam pa sna tshogs myong yang bdag ma gum pas bdag ni/ rab tu 'byung bar dad kyi/ gnod zhig ces smras so// khye'u de'i pha ma gnyis ka yang bu sdug ches pas ngo mchog nas rab tu 'byung bar gnang ba dang / khye'u des sangs rgyas gang na ba der song nas der phyin pa dang / bcom ldan 'das kyi zhabs la mgo bos phyag 'tshal te/ bdag sangs rgyas kyi bstan pa la rab tu 'byung ngo / /zhes gsol to/ /de la bcom ldan 'das kyis legs par 'ongs so/ /zhes bka' stsal pas/ sgra dang kha sbu rang byi nas dge slong du gyur te ming yang rigs gnyis pa zhes btags so/ /dge slong rigs gnyis pa la bcom ldan 'das kyis dam pa'i chos bstan </font><hr>319a<br><font size=+1>>


@#/ /nas sdug bsngal gyi mthar phyin te/ de nyid du dgra bcom par gyur to/ /de la dge slong dag the tshom skyes te tshe dang ldan pa kun dga' bos bcom ldan 'das la 'di skad ces gsol to/ /dge slong rigs gnyis pa 'di/ sngon dge ba'i rtsa ba ci bskrun na/ chab tu lhung ste nya'i ltor mchis kyang gum par ma gyur/ bcom ldan 'das kyis kun dga' bo la bka' stsal pa/ khyod rtag par nyon cig /sngon sangs rgyas rnam par gzigs zhes bya ba 'jig rten du gshegs te skye bo mang po la chos ston to/ /de'i tshe khyim bdag kha cig kyang 'khor der 'ongs te bcom ldan 'das kyis sbyin pa byin pa'i bsod nams dang / tshul khrims bsrungs pa'i yon tan la sogs ba rgya tshar bstan pa thos nas shin tu dga' mgu rangs te bsam pa dag pa'i dad pa skyes nas sangs rgyas de las srog mi gcod pa la sogs pa'i bslab tshigs gsum mnos nas dong tshe gcig phul lo/ /de'i dbang gis gang nas gang du skyes kyang longs spyod dang rin po cher ldan te phongs pa med par gyur to/ /kun dga' bo/ de'i tshe de'i dus na khyim bdag de ni/ dge slong rigs gnyis pa 'di yin te/ sangs rgyas la dong tshe gcig phul bas/ bskal pa dgu bcu rtsa gcig gi bar du longs spyod chen </font><hr>319b<br><font size=+1>>


po dang ldan par gyur/ da ltar gyi tshe 'di la yang pha ma gnyis kyi khyim na longs spyod bdog pa dbang bar gyur te/ srog mi gcod pa'i bslab tshigs mnos pas chur ltung te nya'i ltor song yang ma shi'o/ /dkon mchog gsum la skyabs su song bas nga dang phrad nas dgra bcom par gyur to/ /de'i tshe kun dga' bo dang / 'khor mang po rnams kyis bstan pa la rjes su yi rang nas mngon par dga'o/ /rigs gnyis pa'i le'u ste nyi shu rtsa gcig pa'o// //bam po drug pa/ rgyal po zla 'od kyis mgo byin pa'i le'u| 'di skad bdag gis thos pa dus gcig na/ bcom ldan 'das yul yangs pa can gyi a mra'i tshal na bzhugs so/ /de'i tshe bcom ldan 'das kyis tshe dang ldan pa kun dga' bo la 'di skad ces bka' stsal to/ /rdzu 'phrul gyi rkang pa bzhi thob na/ bskal pa gcig gi bar du 'jig rten na gnas par 'gyur te/ ngas kyang rdzu 'phrul gyi rkang pa bzhi shin tu bsgoms pas/ da de bzhin gshegs pa 'jig rten na/ sku tshe ji srid kyi bar du bzhugs pa'i rigs zhes lan gsum gyi bar du smras na/ de'i tshe na kun dga' bo bdud kyis bslus pas/ bcom ldan 'das kyis bka' thos bzhin du tsang mi smra bar 'dug go /yang bcom ldan 'das kyis kun dga' bo la </font><hr>320a<br><font size=+1>>


@#/ /khyod longs la dben par song ste shin tu soms shig /ces bka' stsal nas kun dga' bo 'dug pa las langs te tshal zhig tu song ngo / /kun dga' bo song ba'i 'og tu bdud kyi rgyal po sdig to can 'ongs nas bcom ldan 'das la 'di skad ces gsol to/ /bcom ldan 'das kyis yun ring du 'jig rten na bzhugs te/ gdul ba'i rigs pa yang gang+gA'i klung bye ma snyed btul nas 'khor ba las yongs su bzlas pa'i don yang mdzad lags la/ da sku na yang bgres kyi/ mya ngan las 'da' bar gshegs pa'i rigs so/ /zhes gsol to/ /de nas bcom ldan 'das kyis sa nyung zad cig blangs te phyag gi sen mo'i steng du bzhag nas bdud sdig to can la sa chen po'i sa mang ngam/ sen mo'i steng gi sa mang zhes bka' stsal nas bdud sdig can gyis gsol pa/ sa chen po'i sa rab tu mang gi /sen mo'i steng gi sa mang ba ma lags so/ /bcom ldan 'das kyis bka' stsal pa/ ngas btul ba'i sems can ni/ sen mo'i steng gis dang 'dra'o/ /gang ma btul ba ni/ sa chen po dang 'dra'o/ / bcom ldan 'das kyis bdud sdig to can la bka' stsal pa/ da ste zla ba gsum nang yongs su mya ngan las 'da' 'o/ /zhes bka' stsal pa bdud sdig to can gyis thos </font><hr>320b<br><font size=+1>>


nas rab tu dga' mgu rangs te phyir dong ngo / /de'i tshe kun dga' bo tshal gyi nang na gnyid log nas rmi lam du shing chen po nam mkha'i khams kun tu yog pa la yal ga dang / lo ma dang / me tog dang / 'bras bu shin tu rgyas pa/ 'gro ba thams cad la phan pa'i don du 'gyur ba/ shing de la yon tan brjod kyis mi lang ba rnam pa sna tshogs dang ldan pa zhig rmis te/ ring po ma lon par rlung chen po langs nas yal ga dang lo ma kun grugs te rdul bzhin du 'thor nas kyang stobs po che'i gnas su med par gyur te 'gro ba thams cad shin tu mya ngan byed pa snyam rmis nas sad pa dang mi bde zhing skrag par gyur te 'di snyam du bsams so/ /bdag gis lha dang mi thams cad la phan pa'i don du 'gyur ba'i shing chen po yon tan thams cad dang ldan pa zhig rmis nas ring po ma lon par rlung chen pos gtor te med par byas pa 'di/ bcom ldan 'das ni/ shing chen po dang 'dra bar thams cad kyi skyabs su gyur na/ ci bcom ldan 'das mya ngan las 'da' bar mi dgongs sam snyam bsams nas shin tu skrag ste bcom ldan 'das gang na bar 'ongs nas zhabs la spyi bos phyag 'tshal te bcom ldan 'das la 'di skad ces gsol to/ /bdag tshal na mchis pa las rmi lam 'di lta bu zhig rmis na/ ci bcom ldan 'das mya </font><hr>321a<br><font size=+1>>


@#/ /ngan las 'da' bar mi dgongs sam/ bcom ldan 'das kyis kun dga' bo la bka' stsal pa/ de de bzhin no/ /khyod kyis smras pa bzhin te/ nga da ste zla ba gsum na mya ngan las 'da'o/ /gang rdzu 'phrul gyi rkang pa bzhi thob pa ni/ bskal pa gcig gi bar du gnas te/ nga yang rdzu 'phrul gyi rkang pa bzhi shin tu bsgoms na| de de bzhin gshegs pa sku tshe ji srid kyi bar bzhugs pa'i rigs zhes khyod la dris na/ lan gsum gyi bar du dris kyang khyod smrar ma btub ste/ khyod song ba'i 'og tu bdud kyi rgyal po sdig to can 'ongs te mya ngan las 'da' bar gsol nas ngas kyang de bzhin du gnang ngo / /kun dga' bos de skad ces bka' stsal pa thos nas rab tu mi dga' zhing mya ngan gyis gdungs te lus mi bzod par gyur te/ nye gnas rnams kyis gcig la gcig spran nas thams cad kyang mya ngan gyis gdugs te bcom ldan 'das gang na ba der lhags so/ /de la bcom ldan 'das kyis kun dga' bo dang nye gnas rnams la bka' stsal pa/ rtag ces bya ba su yin/ thams cad la rtag pa med de/ khyod kyi phyir bya ba kun mdzad de/ bstan pa yang bstan zin pas khyed rnams mya ngan ma byed par brtson 'grus su nan tan gyis shig ces bka' stsal nas de'i tshe na tshe dang ldan pa shA ri'i </font><hr>321b<br><font size=+1>>


lus de skad du bcom ldan 'das mya ngan las 'da'o/ /zhes thos pa dang mya ngan du gyur te/ de bzhin gshegs pa mya ngan las 'da' ba ni ha cang yang myur ches so/ /lha dang bcas pa'i 'jig rten thams cad mdongs shing mgon med par gyur to/ /zhes smras te bcom ldan 'das la 'di skad ces gsol to/ /bdag ni/ bcom ldan 'das mya ngan las 'da' ba mthong bar mi bzod de/ ci nas kyang bdag sngar mya ngan las 'da'o/ /zhes lan gsum gyi bar du gsol to/ /bcom ldan 'das kyis bka' stsal pa/ da ste khyod dus la bab par shes pa na/ 'phags pa thams cad ni/ zhi bas mya ngan las 'da'o/ /zhes bka' stsal to/ /shA ri'i bus kyang bcom ldan 'das las gnang ba'i lung thob nas gos tshags bcos nas bcom ldan 'das la lan brgya tsam bskor te tshigs su bcad pa rnam pa mang pos bstod nas sangs rgyas kyi zhabs dang phyag nas bzung ste lan gsum gyi bar du spyi bo sa la gtugs nas thal mo sbyar te 'di skad du bdag gis nang gi tha mar yang bcom ldan 'das mthong ngo / /zhes smras nas sti stang dang bcas nas mchi phyag 'tshal te nye gnas dge tshul kyun te dang rgyal ba'i khab sngon skye ba'i gnas gang na bar song ngo / /der phyin pa dang dge tshul kyun te la bsgo ba/ khyod song la grong khyer dang / grong </font><hr>322a<br><font size=+1>>


@#/ /rdal dang / rgyal po'i pho brang dang / blon po'i gnas dang / yon bdag bshes pa'i gnas kun tu song la de dag la nga phyi phyag 'tshal lo/ /zhes bsgo zhig /de nas dge tshul kyun te slob dpon gyis bsgo ba bzhin du kun tu song nas 'di skad du bdag gi mkhan po shA ri'i bu 'dir gshegs te/ mya ngan las 'da' bar gshegs kyi/ khyed kyis mthong bar 'dod na kun shog cig ces bsgo'o/ /de'i tshe na rgyal po ma skyes dgra dang / khyim bdag rigs che zhing mtho ba dang / yon bdag gi rigs rnams dge tshul gyis bsgo ba thos nas thams cad mi dga' zhing mya ngan gyis gdungs par gyur te thams cad tshig mthun par 'di skad ces smras so/ /btsun pa shA ri'i bu chos kyi gtso bo chen po/ 'gro ba mang po'i bshes gnyen du gyur pa da mya ngan las 'da' ba ni/ ha cang yang snga ches so/ /zhes smras nas de dag myur bar shA ri'i bu gang na ba der lhags te phyag byas nas 'di skad ces smras so/ /btsun pa shA ri'i bu chos kyi gtso bo chen po/ 'gro ba mang po'i bshes gnyen sku tshe yongs su gtong ste mya ngan las 'da'o/ /zhes bdag cag la sogs pa 'gro ba mang po'i mgon dang dpung gnyen med par 'gyur ro/ /de nas shA ri'i bus 'khor mang po la smras pa/ thams </font><hr>322b<br><font size=+1>>


cad mi rtag pa ste/ skye ba yang mthar 'chi la 'dus pa yang mthar 'bral bas/ khams gsum ni/ sdug bsngal ba dang bcas pas na gang zhig bde bar 'gyur/ khyed ni/ sngon gyi dge ba'i rtsa ba las sangs rgyas 'jig rten du gshegs pa dang yang phrad mod kyi/ mdo sde dang chos thos pa yang shin tu dka'/ mi lus thob pa yang shin tu dka' ba yin gyi/ bsod nams kyi tshogs su 'gyur zhing 'khor ba las grol ba'i las la brtson par gyis shig ces thabs mkhas pa rnam pa sna tshogs kyis 'khor mang po la ji ltar na ba la sman gtong ba bzhin du rgya cher bstan te/ 'khor mang pos chos bstan pa thos nas kha cig ni/ 'bras bu dang po nas 'bras bu gsum pa'i bar du thob par gyur/ kha cig ni/ rab tu byung nas dgra bcom par gyur/ kha cig ni/ rang sangs rgyas su grub par yi dam bcas te chos bstan pa thos nas phyag 'tshal nas so sor dong ngo / /de nas shA ri'i bu de'i nub mo nam gyi cha smad la lus dang sems drang por bzhag ste sems rtse gcig tu bsam gtan dang po la zhugs so/ /bsam gtan dang po las byung nas bsam gtan gnyis la zhugs| bsam gtan gnyis pa las byung nas bsam gtan gsum pa la zhugs/ bsam gtan gsum pa las byung nas bsam gtan bzhi pa la 
zhugs/ bsam </font><hr>323a<br><font size=+1>>


@#/ /gtan bzhi pa las byung nas nam mkha' mtha' yas skye mched kyi ting nge 'dzin la zhugs/ nam mkha' mtha' yas skye mched kyi ting nge 'dzin las byung nas rnam shes mtha' yas skye mched kyi ting nge 'dzin la zhugs/ rnam shes mtha' yas skye mched kyi ting nge 'dzin las byung nas cung zad med pa'i skye mched kyi ting nge 'dzin la zhugs/ cung zad med pa'i skye mched kyi ting nge 'dzin las byung nas 'du shes med 'du shes med min skye mched kyi ting nge 'dzin la zhugs/ 'du shes med 'du shes med min gyi skye mched kyi ting nge 'dzin las byung nas 'gog pa'i ting nge 'dzin la zhugs/ 'gog pa'i ting nge 'dzin las byung nas mya ngan las 'da' bar bzhugs so/ /de'i tshen brgya byin lha'i dbang pos shA ri'i bu mya ngan las 'da' bar shes nas lha'i 'khor brgya stong mang po dang so so nas me tog dang spos la sogs pa mchod pa'i yo byad thogs te phyogs der lhags nas steng gi nam mkha' la bar mtshams med par 'khod de mchi ma char bzhin du blags nas me tog gis pus mo nub tsam du gtor nas 'di skad du btsun pa shA ri'i bu'i shes rab ni/ zab khyad kyang rgya mtsho tsam ste/ ji ltar rigs pa'i blo dang ldan/ gsung gi spobs pa ni/ chu mig dang 'dra ste/ tshul khrims dang / ting nge </font><hr>323b<br><font size=+1>>


'dzin dang / shes rab tu ldan/ chos kyi gtso bo chen po de bzhin gshegs pa'i rjes su chos kyi 'khor lo rgyas par bskor ba dang mya ngan las 'da' ba ni/ ha cang yang snga ches so| |grong khyer de'i nang dang phyi rol na 'dug pa'i mi thams cad kyis shA ri'i bu mya ngan las 'das so/ /zhes thos nas thams cad kyis mar dang 'bru mar bsung can dang / spos dang / me tog dang / mchod pa'i yo byad thogs te thams cad lhags nas lus kyis mi bzod par mya ngan gyis gdungs te so so nas thogs pa'i yo byad kyis mchod pa byas so/ /de nas brgya byin lha'i dbang pos bi shwa karma la bsgo ba/ khyod kyis rin po che mang pos brgyan pa'i shing rta sbyor cig/ shA ri'i bu'i bur gzhag par bya'o/ /zhes bsgo'o/ /de nas lha dang / klu dang / gnod sbyin dang / rgyal po dang / blon po dang / yul gyi mi thams cad kyis cho nges btab ste gang na thang bde bar bskyal to/ /brgya byin lha'i dbang pos gnod sbyin rnams la khyed kyis rgya mtsho'i ngogs nas glang mgo'i tsan+dan longs shig ces bsgos nas gnod sbyin rnams kyis rgya mtsho'i ngogs nas tsan+dan blangs te spungs nas de'i steng du bur bzhag ste mar dang 'bru mar gyis gtor nas me btang ngo / /'khor de dag kun gyis phyag 'tshal te phyir dong ngo / /me shi ba'i 'og tu dge tshul kun tes slob dpon gyi ring bsrel dang / lhung bzed dang / </font><hr>324a<br><font size=+1>>


@#/ /chos gos gsum thogs te sangs rgyas gang na bder song nas zhabs la mgo bos phyag 'tshal te pus mo'i lha ngas la btsugs nas bdag gi slob dpon ni| mya ngan las 'das te/ de'i ring bsrel dang / chos gos dang / lhung bzed ni/ 'di dag lags so/ /zhes gsol to/ /de'i tshe na kun dga' bos dge tshul gyis smras pa thos nas mya ngan gyis shin tu gdungs te bcom ldan 'das la 'di skad ces gsol to/ /shA ri'i bu tshogs kyi gtso bo chen po yang mya ngan las 'das na/ bdag cag gis su la gnas bca' zhing skyabs su mchi bar bgyi/ bcom ldan 'das kyis bka' stsal pa/ shA ri'i bu mya ngan las 'das kyang tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes gzigs pa dang / chos kyi sku ni/ mya ngan las ma 'das so/ /shA ri'i bu ni/ da ltar 'ba' zhig nga mya ngan las 'da' ba la mthong bar mi bzod de/ sngar mya ngan las 'das pa 'dir ma zad kyi/ sngon 'das pa'i dus na yang nga tshe 'phob la ma bzod nas sngar che 'phos so/ /kun dga' bos thal mo sbyar te bcom ldan 'das la gsol pa/ sngon bcom ldan 'das sku tshe snga ma la yang sngar gum nas phyis gshegs pa'i dngos po rgyas par bstan du gsol/ /bcom </font><hr>324b<br><font size=+1>>


ldan 'das kyis kun dga' bo la bka' stsal pa/ sngon 'das pa'i bskal pa la tshad med/ grangs med/ bsam gyis mi khyab pa 'das pa'i snga rol na 'dzam bu'i gling 'dir yul che ge mo zhig na rgyal po zla 'od ces bya ba/ 'dzam bu'i gling la dbang ba/ rgyal phran brgyad khri bzhi stong dang / ljongs stong phrag drug cu'i nang na grong khyer khri phrag brgyad cu la dbang byed pa zhig byung ngo / /rgyal po de la btsun mo stong phrag nyi shu yod do/ btsun mo chen mo ni/ me tog sbyin zhes bya/ btsun mo rab 'og ni/ spyan chen mo zhes bya ste/ rgyal po de la rgyal bu lnga brgya snyed yod do/ /rgyal bu thu bo rgyal tshab ni/ tshul khrims bzang po zhes bya/ rgyal po bzhugs pa'i pho brang ni/ 'tsho ba bzang po zhes bya ste/ pho brang de chu zheng gab par dpag tshad bzhi brgya yod de/ gser dang / dngul dang / bai DUR+Ya dang / shel las byas so/ /skyed mos tshal gyi nang na gser dang / dngul dang / bai DUR+Ya dang / shel gyi shing tshar bzhi yod de| kha cig gi yal ga ni/ gser/ lo ma ni/ dngul/ kha cig gi yal ga ni/ dngul/ lo ma ni/ gser/ kha cig gi yal ga ni/ bai DUR+Ya/ lo ma ni/ shel/ kha cig gi yal ga ni/ shel/ lo ma ni/ bai DUR+Ya ste/ rin po che'i rdzing rnams kyang gser dang / dngul dang / bai DUR+Ya dang / shel las byas pa/ rdzing gi zhabs kyang rin po che sna bzhi'i bye ma bdal ste rgyal po'i </font><hr>325a<br><font size=+1>>


@#/ /pho brang dang nye ba'i tshe kho ra khor yug dpag tshad bzhi bcu'i bar du gser dang / dngul dang / bai DUR+Ya dang / shel gyis chal par bkang ngo / /yul de na gnas pa'i mi rnams bde zhing skyid pa/ lo legs pa/ longs spyod 'byor pa/ rin po che dam pa grangs med pa bdog par gyur to/ /de'i tshe rgyal po pho brang na 'dug pa las rtag tu 'di snyam du bsam bskyes so/ /'jig rten na gnas pa dag btsan zhing che ba la thams cad kyis bkur sti byed par 'gyur snyam du bsams ma thag tu 'dod pa lnga'i longs spyod dam pa yid bzhin du grub ste/ 'di ltar 'bras bu mchog thob pa yang sngon bsod nams kyi tshogs bskyed pa las gyur te/ dper na/ zhing pa dag kyang dpyid sa bon mang du btab na/ ston mang du bsdur yod do snyam du re ba yod do/ /bdag kyang de dang 'dra ste/ sngon bsod nams kyi tshogs bskyed pas da ltar 'di lta bu grub par gyur to/ /da lta'i dus su sa bon ma bskyed na/ phyis re ba med do snyam bsams nas blon po rnams la da ni/ bdag gis rin po che dang / longs spyod kyis kun la sbyin pa'i phyir grong khyer gyi sgo dang / tshong dus kyi mdor spungs te sems can la yid bzhin du ci bdog pa sbyin par bya'o/ /gzhan yang rgyal phran brgyad khri bzhi stong snyed yod pa la yang bang mdzod ci </font><hr>325b<br><font size=+1>>


yod pa thams cad 'gro ba mang po la sbyin par bkar btags so/ /zhes bsgo nas gser gyi rgyal mtshan bsgrengs te gser gyi rnga brdungs nas phyogs su rgyas par kun gyis thos shing shes par shin tu bsgrags so/ /de'i tshe na yul de na 'khod pa'i dge sbyong dang / bram ze dang / dbul phongs pa dang / mgon med pa dang / rgan po longs spyod kyis brel ba thams cad sprin bzhin du 'dus te/ gang gos 'dod pa la gos/ zas 'dod pa la zas/ gser dngul dang nor rin po che 'dod pa la gser dngul dang nor bu rin po che/ nad pa rnams la ni nad kyi rkyen sman la sogs te/ ci bdog pa yid bzhin du byin no/ /de'i tshe na 'dzam bu gling na 'khod pa'i 'gro ba thams cad rgyal po'i drin gyis thams cad bde zhing skyid pas/ glu len bro brdung tshigs su bcad pas bstod do/ /rgyal po de'i ming snyan pa mtha' 'og kun tu grags nas bka' mi nyan pa med do/ /de'i tshe na yul gyi mtha' 'khob na rgyal po chung du byi ma se na zhes bya ba zhig rgyal po zla 'od la phrag dog skyes nas bde bar nyal du med de gnyid kyang mi bro nas 'di snyam du bsams so/ /rgyal po zla 'od med par ma byas kyi bar du bdag gi ming grags par mi 'gyur gyi/ bdag gi yul phyogs na 'khod pa'i kun tu rgyu dag bos la kun tu sgrub tu gzhug pa'i thabs bya'o snyam bsams nas bdag gi yul na 'khod pa'i kun tu rgyu bos nas kha zas </font><hr>326a<br><font size=+1>>


@#/ /ro brgya dang ldan pa rnam pa sna tshogs sbyar te bsti stang dang bcas pas zla ba gsum gyi bar du mchod pa byas nas kun tu rgyu rnams la 'di skad ces smras so| |nga ni/ mya ngan gyis non te nyin mtshan du mi bde na/ khyed ni/ chos spyod pa yin te/ mchod pa'i gnas yin na/ nga'i mya ngan med par bya ba'i thabs soms shig /bram ze rnams kyis smras pa/ rgyal po ci'i slad du thugs ngan mdzad pa bdag cag la gsungs shig /ci nus kyis rgyal po'i thugs ngan ma mchis par bgyi'o/ /rgyal pos smras pa/ rgyal po zla 'od de yon tan kun tu grags pas thams cad kyis bsnyen bkur byed na/ nga 'ba' zhig yon tan ma grags te/ rgyal po de med par bya bar dga' na/ khyed la thabs ci yod pa smros shig /bram ze rnams kyis de skad ces bsgo ba thos nas so so nas gcig la gcig 'di skad ces smras so/ /rgyal po zla 'od de ni/ snying rje dang ldan te/ 'gro ba thams cad la drin gyis khyab cing dbul phongs pa la yang pha ma lta bur gyur pas/ bdag cag ni/ tshe 'pho bar thug kyang de la 'khu zhing gnod pa byed mi nus so/ /zhes smras nas 'tsho ba la yang ma bltas te so sor gyes so/ /rgyal po byi ma se na de skad ces smras pa thos nas lhag par mi dga' ste 'di skad ces bkar btags so/ /gang su yang rung ba'i </font><hr>326b<br><font size=+1>>


phyir rgyal po zla 'od kyi mgo bcad de 'ongs na/ rgyal srid phyed kyang sbyin zhing bu mo yang chung mar sbyin no/ /zhes bkar btags pa dang / de'i tshe ri brags kyi grong na bram ze le'u de tsa zhes bya bas thos te rgyal po de gang na ba der 'ongs nas rab tu dga' ste 'di skad du bdag gis ni/ rgyal pos dgongs pa bzhin du sgrub nus so/ /zhes gsol to/ /rgyal pos smras pa/ de ltar sgrub nus na nyi ma gang la 'gro bar bya/ bram zes smras pa/ bdag gi lam rgyags stsol cig dang / da slad chad zhag bdun na mchi bar bgyi'o/ /zhes gsol pa dang / bram ze de zhag bdun gyi bar du bdag gi lus srung ba'i sngags byas nas rgyal po la phyi phyag 'tshal te lam du zhugs nas song ngo / /de'i tshe rgyal po zla 'od kyi yul du ltas ngan rnam pa sna tshogs byung ste/ sa kun gsal pa dang / glog 'gyu ba dang / skar ma ltung ba dang / nyin mtshan du yul rmus pa dang / 'brug drag po dang ser ba dang gnam lcags dang / bya mang pos nam mkha' la snying rje ba'i skad zer zhing / nam mkha' las rang ltung ba dang / stag dang / gzig dang / spyang ki dang / gcan gzan dang / ri dwags la sogs pa rgyug ma chong zhing skad zer ba dang / rgyal phran brgyad khri bzhi stong gi rmi lam du rgyal po chen po'i gser gyi rgyal mtshan chag pa dang / gser gyi rnga ral bar rmis so/ /blon po zla ba chen po zhes bya </font><hr>327a<br><font size=+1>>


@#/ /ba'i rmi lam du yi dwags shig gis rgyal po'i gser gyi cod pan 'phrog pa snyam rmis te/ thams cad kyang lus kyis mi bzod pa tsam du mya ngan gyis non par gyur to/ /de'i tshe na grong khyer gyi sgo srung pa'i lhas bram ze de rgyal po'i mgo slong ba la 'ongs par rtogs nas de myos shing bslad par byas te grong khyer gyi sgo nas ma btang bas/ bram ze des grong khyer la lan mang du bskor kyang nang du ma chud do/ /de nas gnas gtsang ma'i ris kyi lhas kyang rgyal po zla 'od mgo bo sbyin pa byas nas/ sbyin pa'i pha rol tu phyin pa yongs su rdzogs par 'gyur ba shes nas rmi lam du rgyal po la sbran to/ /rgyal po chen po thams cad kyi yid dang mi 'gal bar sbyin pa sbyin no/ /zhes yi dam bcas na/ da ltar slong ba grong khyer gyi sgor 'ongs te nang du 'ong ba'i dbang med do/ /zhes sbran to/ /sad nas ngo mtshar du gyur te blon po zla ba chen po la khyod song la grong khyer gyi sgo nas su 'ong yang rung / ma dgag par nang du thong zhig ces bsgo zhig /zla ba chen po grong khyer gyi sgor 'ongs pa dang / grong khyer gyi sgo srung ba'i lhas lus mngon par bstan te zla ba chen po la 'di skad ces smras so/ /bram ze zhig yul gzhan nas 'ongs te sdig pa'i sems kyis rgyal po'i mgo bo slong du 'ongs pas nang du ma btang ba yin no/ /blon pos </font><hr>327b<br><font size=+1>>


smras pa| gal te de ltar bden na gnod pa'i ltas chen po yin te/ 'on kyang rgyal po'i bka' bcag tu mi rung ngo / /zhes bsgo'o/ /de nas grong khyer srung ba'i lhas kyang bram zed nang du btang ngo / /blon po zla ba chen pos 'di snyam du bsams so/ /bram ze 'di ni/ gdon mi za bar rgyal po'i mgo slong bar 'gyur gyi/ rin po che sna bdun las sna gcig kyang mgo lnga brgya lnga brgya byas te/ mgo bo 'di dag gi rgyal po'i mgo blu'o snyam bsams nas sbyor du bcug go /de nas bram ze de rgyal po'i pho brang du 'ongs te skad chen pos 'di skad ces smras so/ /bdag ni/ yul gyi mtha' 'khob nas mchis te/ rgyang ma nas rgyal pos ni/ thams cad yongs su gtong la/ pha rol po'i yid dang mi 'gal bar mdzad do| |zhes yon tan chen po thos nas lam ring po nas dgos pa 'dod pa'i slad du 'dir mchis so/ /rgyal pos de skad ces smras pa thos nas rab tu dga' mgu rangs te phyag 'tshal nas ngal bar ma gyur tam zhes dris te nor ci 'dod pa dang / yul lam/ rgyal srid dam/ grong khyer ram/ chung ma'am/ bu pho'am/ bu mo'am/ rin po che'am/ theg pa'am| glang po che'am/ rta'am/ rin po che sna bdun nam/ pho brang ngam/ bran pho'am/ bram mo'am/ las byed pa'i mi'am/ ci 'dod pa thams cad sbyin no/ /zhes smras so/ / </font><hr>328a<br><font size=+1>>


@#/ /bram zes smras pa/ phyi rol gyi longs spyod kyi sbyin pa ni/ sbyin pa'i bsod rnams su 'gyur mod kyi/ sbyin pa rgya chen por mi 'gyur te/ gang lus kyi sha sbyin pa bsod nams kyi mchog yin pas/ bdag ni/ rgyal po'i dbu 'tshal ba'i slad du la ma ring po nas 'dir mchis kyi/ yid dang mi 'gal bar mdzad na/ sbyin par mdzod cig ces gsol pa dang / rgyal pos de skad ces smras pa thos nas dpe med par dga' bar gyur to/ /bram zes smras pa/ bdag la dbu stsal ni/ nam stsal ba bka' stsal du gsol rgyal pos smras pa/ da ste zhag bdun na khyod la mgo sbyin no/ /zhes bsgo'o/ de nas blon po zla ba chen pos rin po che sna bdun las byas pa'i mgo rnams khyer te 'ongs nas bram ze'i mdun du lto ba sa la phab ste 'di skad ces smras so/ /rgyal po'i dbu ni/ sha dang / khrag dang / rus pa ste/ mi gtsang ba yin na ci zhig tu rung / rin po che sna bdun gyi mgo 'di dag gis brje'o/ /rin po che sna bdun gyi mgo 'di dag gis khyod tshe gcig tu phyug par 'gyur ro/ /bram zes smras pa/ bdag la 'di dag mi dgos kyi/ rgyal po'i dbu dgos kyi/ bdag gi re ba skongs shig /zla ba chen pos thabs rnam ba sna tshogs kyis gsol ba btab kyang ma btub pas mya ngan gyis non te 'khyams nas snying bdun du gas </font><hr>328b<br><font size=+1>>


te tshe 'bos so/ /de'i tshe na rgyal po des blon po zhig glang po che dpag tshad brgyad stong du 'gro ba la bskyon nas rgyal phran thams cad la sbran te/ da ste zhag bdun na rgyal po zla 'od bram ze la dbu'i sbyin pa mdzad kyi/ mthong bar 'dod pa thams cad myur du shog cig /de'i tshe na rgyal phran brgyad khri snyed po de thams cad de ma thag tu lhags te rgyal po'i spyan sngar 'ongs nas lto ba sa la phab ste 'di skad ces gsol to/ /'dzam bu'i gling gi sems can thams cad ni/ rgyal po'i bka' drin gyis thams cad bde skyid de gnod pa ma mchis ni/ mi gcig gi slad du 'gro ba thams cad yongs su spang par mi rigs kyi/ bdag cag la thugs brtse ba'i slad du dbu'i sbyin pa mi mdzad par gsol/ blon po chen po stong phrag bcus kyang lto bas la phab ste bdag cag la thugs brtse ba'i slad du dbu'i sbyin pa mi mdzad par gsol/ btsun mo stong phrag nyi shus kyang lus sa la phab nas rgyal po la 'di skad ces gsol to/ /bdag cag la yang thugs brtse bar dgongs te dbu'i sbyin pa mi mdzad par gsol zhes smras so/ /rgyal bu lnga brgya rnams kyang dus nas bdag cag la mgon dang skyabs ma mchis na/ thugs brtse bar dgongs te dbu'i sbyin pa mi mdzad cing bdag kyang mi rjes slebs par bskyed par gsol zhes smras so/ /de nas rgyal po chen pos blon po dang / btsun mo dang / sras rnams la 'di </font><hr>329a<br><font size=+1>>


@#/ /skad ces bka' stsal to/ /thog ma med pa nas lus 'di 'khor ba na 'khor zhing yun ring por sems can dmyal ba na 'dug pa'i tshe nyi ma gcig la yang lan du ma zhig tshe 'phos nas lus 'di chud zos te thal chu dang / lcags kyi khri dang / chu tshan khol ma dang / ngan skyug dang / me'i shing rta dang / me dong la sogs pa'i sems can dmyal bar yun ring por sdug bsngal myong ste btso ba dang / bsreg pa la sogs pas lus 'di grangs med par chud zos kyang bsod nams 'ga' tsam yang med do/ /gal te dud 'gro'i skye gnas su skyes pa na gcig la gcig 'cha' zhing za ba dang / gzhan gyis bsad de kun gyis zos pa dang / tshe 'phos nas rul zhing myags pa yang grags med de/ de ltar lus 'di chud zos kyang bsod nams su gyur pa med do/ /yi dwags kyi khams su skyes pa na lus la me 'bar te 'khor los mgo bcad ma thag tu phyir yang sos pa grangs med pa zhig myong ste| de ltar lus chud zos kyang bsod nams su gyur pa med do/ /gal te mir skyes pa na yang nor dang / bud med kyi phyir khros rngams pas mig bgrad de gcig la gcig 'tshe zhing gsod pa dang / g.yul ngor lhags nas gcig la gcig gsod de/ de ltar lus chud zos pa dang / 'dod chags dang / zhe sdang dang / gti mug gi lus grangs med pa </font><hr>329b<br><font size=+1>>


zhig bor yang bsod nams su ma gyur te/ bdag gi lus 'di yongs su gtang bar bya'o/ /bdag gi lus 'di ni/ mi gtsang ba rnam pa sna tshogs kyi phung po ste/ ring po mi thogs par 'jig cing 'bral bar 'gyur bar/ mi brtan zhing btsog pa'i mgo 'dis phan pa'i don chen por 'gyur na/ ci'i phyir sbyin par mi bya/ nga'i mgo bo 'di bram ze de la byin te/ bsod nams des bla na med pa'i byang chub sgrub bo/ /nam mngon par sangs rgyas na yon tan phun sum tshogs par 'gyur te/ thabs la mkhas pas khyed kyang sdug bsngal las bzla'o/ /ngas sbyin pa byas pa 'dis mngon par 'tshang rgya yi/ bla na med pa'i byang chub kyi sems la khyed bar chad dang bgegs ma byed cig /rgyal phran dang / blon po dang / btsun mo dang / sras rnams de skad ces bka' stsal pa thos nas cang mi smra bar 'khod do/ /de nas rgyal po chen pos bram ze de la smras pa/ da mgo bo bslang ba'i dus la bab kyi/ longs shig ces smras so/ /bram zes gsol pa| da ltar rgyal pos blon po la sogs pa 'khor mang pos bskor te bdag gcig pus rgyal po'i dbu gcad pa'i mthu ma mchis te/ thugs mi thub bo/ /bdag la stsal bar chad na/ rgyab kyi skyed mos tshal du gshegs so/ /zhes gsol to/ /de nas rgyal po chen pos rgyal phran dang / rgyal bu rnams la bsgo ba/ khyed nga la bsnyen bkur byed na/ bram ze 'di la gnod </font><hr>330a<br><font size=+1>>


@#/ /pa'i kyal ka ma byed cig ces bsgos nas bram ze dang 'grogs te rgyal po skyed mos tshal du song ngo / /de nas bram ze des rgyal po la gsol pa/ rgyal po ni/ sku gzhon te/ ring yang gyad dang mnyam pas na/ tsha ba mi bzod de phyir yang 'gyod kyang srid kyi/ rgyal po'i dbu shing zhig la btags te gdod dgum par 'tshal lo/ /de nas rgyal po shing yal ga brtan cing lo mas kun tu khebs pa zhig la mgo btags nas pus mo sa la btsugs te bram ze la 'di skad ces smras so/ /khyod kyis nga'i mgo chod la phyir yang nga'i lag tu bzhag nas nga'i lag nas longs shig /ngas khyod la mgo sbyin pa'i bsod nams 'di ni/ bdud dam tshangs pa 'dod pa ma yin/ brgya byin nam/ 'khor los bsgyur ba'i rgyal po'am| khams gsum gyi bde ba'i longs spyod 'dod pa'i phyir ma yin gyi/ bla na med pa yang dag par rdzogs pa'i byang chub 'dod de/ 'gro ba mang po skyong zhing mya ngan las 'das pa'i bde ba la dgod pa'i phyir ro/ /de'i tshe na bram ze des ral gri phyar te gdab ces byas pa dang / shing gi lha de rab tu mi dga' bar gyur nas ci'i phyir mi 'di gsod pa'i las byed snyam nas bram ze de'i rna drung du thal mo gcig bsnun pas rkang lag ma tshugs te sa la 'gyel to/ /de nas rgyal po des yar shing gi lha la bltas te smras pa/ sngon </font><hr>330b<br><font size=+1>>


'das pa'i dus na shing 'di la mgo bo dgu brgya dgu bcu rtsa dgu snyed kyi sbyin pa byas te/ da mgo bo 'di sa sbyin ba stong du tshang ste sbyin pa'i pha rol tu phyin pa yang yongs su rdzogs kyi/ nga'i bla na med pa'i byang chub kyi sems kyi bar chad ma byed cig /de'i tshe na shing gi lha des rgyal pos smras pa thos nas bram ze de phyir sor chud par byas te/ bram ze de sa las langs nas ral gri thogs te rgyal po'i mgo bcad do/ /mgo lag tu lhung ba na sa chen po yang rnam pa drug tu g.yos/ lha'i pho brang yang 'gul zhing ldeg ste mi bde bar gyur nas ngo mtshar ya mtshan du gyur te kun gyis byang chub sems dpas 'gro ba thams cad kyi phyir mgo'i sbyin pa byas par mthong nas thams cad 'dus shing tshogs te ngo mtshar to/ /zhes mchi mchar bzhin du phab ste dus nas 'di skad ces smras so/ rgyal po zla 'od kyis mgo'i sbyin pa byas pas/ sbyin pa'i pha rol tu phyin pa yongs su rdzogs par gyur to/ /zhes kun tu grags par gyur nas rgyal po byi ma se nas thos nas mi dga' ches te 'khams nas snying gas te che 'phos so/ /de'i tshe na bram zes rgyal po'i mgo khyer te song ba'i tshe rgyal phran dang / blon po dang / btsun mo dang / rgyal bu rnams lus sa la brdabs te cho nges btab nas la la ni/ khrag tu skyugs te tshe 'phos so/ /kha cig ni/ ci yang mi dran par myos so/ /kha </font><hr>331a<br><font size=+1>>


@#/ /cig ni| rang gi skra kun 'bal to/ /la la ni/ rang gi gos kun dral/ kha cig ni/ lag pa gnyis kyis rang gi gdong kun drad nas cho nges 'debs shing sa la 'gre'o/ /de'i tshe na bram ze des rgyal po'i dbu mi sdug cing mnam mo/ /zhes mi 'dod nas sa la bor te song ba dang / de la bram ze kha cig gis khyod ni/ shin tu gdug pa can yin pa lta/ thog ma nas dgos pa med na bslangs te ci bya zhes spyos so/ /bram ze de lam du zhugs te song ba las phrad pa thams cad kyis spyos nas kha zas mi ster te shin tu nyam thag par gyur la/ lam nas rgyal po byi ma se na yang tshe 'phos pa'i gtam thos pas thog mar re ba'i sems ltar ma gyur pas mya ngan gyis yi mug ste snying bdun du gas nas khrag tu skyugs te tshe 'phos so/ /rgyal po byi ma se na dang / bram ze gnyi ga tshe 'phos nas mtshams med pa'i sems can dmyal bar skyes so/ /rgyal po zla 'od kyi mya ngan gyis gdungs te tshe 'phos pa rnams ni/ mtho ris kyi lhar skyes so/ /kun dga' bo/ de'i tshe de'i dus na rgyal po zla 'od de ni/ da ltar nga yin no/ /rgyal po byi ma se na de ni| bdud sdig to can yin no/ /de'i dus na bram ze de ni lhas sbyin min no/ /de'i tshe na shing gi lha mo de ni/ mong+gal gyi bu yin no/ /de'i tshe na blon po zla ba chen po de </font><hr>331b<br><font size=+1>>


ni| shA ri'i bu yin te/ de'i tshe yang nga tshe 'pho ba mthong bar mi bzod nas sngar tsho 'phos so/ /deng gi dus 'dir yang nga mya ngan las 'da' ba mthong bar mi bzod nas sngar mya ngan las 'das pa yin no/ /bcom ldan 'das kyis de skad ces gsungs nas tshe dang ldan pa kun dga' bo dang / 'khor gzhan dag skad mthun par de bzhin gshegs pa'i yon tan ni/ ngo mtshar rmad do/ /zhes bsngags nas sgom pa la nan tan byas pas/ kha cig dge sbyong gi 'bras bu bzhi thob par gyur to/ /kha cig ni/ bla na med pa yang dag par rdzogs pa'i byang chub thob par gyur to/ gsungs pa la rjes su yi rang nas mngon par dga'o/ /rgyal po zla 'od kyis mgo byin pa'i le'u ste nyi shu gnyis pa'o// //blon po ri dwags kyi bu bdun gyi le'u/ 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so| |de'i tshe rgyal po gsal rgyal la blon po ri dwags zhes bya ba yod de/ rab tu phyug pa/ longs spyod che ba de la bu pho bdun yod do/ /bu pho drug ni/ chung ma lon gyi/ nang gi bu tha chung gcig chung ma ma lon nas phas 'di snyam du bsams so/ /bdag ni/ rgas 'khogs te/ bu gcig bu chung ma ma lon po 'di la bzang mo mchog cig btsal lo snyam bsams </font><hr>332a<br><font size=+1>>


@#/ /nas de'i tshe na khyim bdag de la bram ze mdza' zhing bshes pa zhig yod de/ de dang phrad nas gtam du gleng pa/ bdag gi bu'i nang gi tha chung 'di da dung chung ma ma lon te su la bslang yang mi shes na/ khyod ni/ yul kun tu phyin na/ bu mo bzang zhing mdzes pa/ blo dang ldan pa/ tshe dang dbang thang yod pa lta ci mthong / bdag gi bu 'di'i yid du 'ong ba zhig khyod kyis btsal dgos so/ /zhes smras pa dang / bram ze des kyang de bzhin du bya'o/ /zhes smras nas kun tu rgyu zhing tshol ba las/ yul shi ri ti ta zhes bya ba na bu mo lnga brgya zhig 'grogs te rtse ba las/ me tog bzang po btus nas sangs rgyas la mchod pa'i phreng ba byed pa mthong ngo / /bram ze des kyang bu mo de dag gar song ba'i phyi bzhin bltas na/ bu mo de dag chu chung du zhig 'bog pa las gzhan thams cad ni/ lham phud kyi/ bu mo gcig cig lha ma ma phud par chu rgal to/ /de nas yang song song ba las chu chen po zhig rgal nas bu mo gzhan ni/ gos phud nas chur zhugs/ bu mo de 'ba' zhig gos kyang ma phud par chu rgal to/ /de nas tshal zhig gi nang du phyin nas bu mo gzhan ni/ shing khar 'dzeg cing me tog 'thog na/ bu mo de 'ba' zhig sa la btus kyang gzhan pas mang du rnyed do/ /de nas bram ze de bu mo'i drung du song ste khyod </font><hr>332b<br><font size=+1>>


la the tshom 'dri na/ khyod kyis lan legs par thob cig ces smras so/ /bu mos kyang the tshom ma yod na dris shig ces smras pa dang / bram zes dris pa/ bu mo/ chu rgal ba na bu mo gzhan gyis ni/ lha ma phud nas chu rgal/ bu mo khyod 'ba' zhig lha ma yang ma phud par chu rgal na/ khyod la bsam pa gzhan ci yod/ bu mos smras pa/ khyod kyi the tshom ni/ ngo mtshar che ba yang ma yin no/ /bdag sa skam po la 'gro ba'i tshe rkang pa'i 'og tu ci 'gro ba mig gis bltar yod pas/ tsher ma'am/ rdo'am/ gyo mo'am/ mi bde ba'i bag yod na byol te 'gro'o| |chu'i gting na ci yod pa mig gis bltar med de/ gal te tsher ma'am/ sprul lam/ srin bu gdug pa dag brdzis na/ rkang pa la gnod par 'gyur gyis dogs pas lham ma phud pa yin no/ /bram zes smras pa/ 'on ci'i phyir gos dang bcas su chul 'bog /bu mos smras pa/ bud med kyi lus la mtshan ma bzang po dang / ngan pa yod pas gos brdzes te chur zhugs na gzhan gyis mthong ste/ mtshan ma bzang na ni/ cang mi zer gyi/ mtshan ma ngan na 'phya bar 'gyur bas/ bdag gis gos ma brdzes pa yin no/ /bram zes smras pa/ 'o na ci'i phyir khyod gcig pu shing khar mi 'dzeg /bu mos smras pa/ gal te shing khar 'dzegs na/ shing gi yal ga chag gam lhung na/ lus la gnod par 'gyur bas shing </font><hr>333a<br><font size=+1>>


@#/ /khar ma 'dzegs pa yin no/ /bu mo de ni/ rgyal po rab gsal gyi gcung \?\ stobs kyi grogs po zhes bya ba'i bu mo yin te/ rgyal po'i gcung \?\ de sngon nyes pa zhig byung bas yul de nas bskrad de yul 'dir 'ongs nas lha mtshams ma chung mar blangs pa las btsas pa'i bu mo yin no/ /bram zes smras pa/ bu mo/ khyod ni/ shin tu yang mkhas shing mdzangs ma zhig na/ khyod la pha ma yod dam/ bu mos smras pa/ yod do/ /'o na 'grogs te khyod kyi khyim du 'dong ngo / /zhes smras nas de'i sgor phyin pa dang / bu mo nang du song ste pha ma la smras pa/ sgo na bram ze zhig yab dang mjal 'tshal lo/ /zhes mchi'o/ /bu mo'i pha sgor byung nas gcig la gcig bde'am zhes nad dris te| da gzod kyi bu mo de khyod kyi bu mo yin nam zhes smras so/ /smras pa/ bdag gi bu mo yin no/ /'o na bdag po yod dam/ smras pa/ bdag po med do/ /bram zes smras pa| mnyan du yod pa na blon po chen po ri dwags zhes bya ba khyod kyis shes sam/ smras pa/ bdag dang bshes so/ /bram ze des smras pa/ blon po de'i bu'i nang gi chung du byad gzugs legs shing yid gzhungs pa zhig yod de/ khyod kyi bu mo chung mar slong ngo / /des smras pa/ de ni/ rigs che zhing mtho ba yin te/ /gal te bu mo de </font><hr>333b<br><font size=+1>>


'dod na lta khyod kyi bsam pa ltar bya'o/ /zhes smras nas/ /bram ze des kyang grogs po phyir 'gro ba la mnyan du yod par bram ze'i thog tu yi ge sbring ngo / /bram ze'i thog tu yi ge 'ongs nas bag ma bsu ba'i rta dang / shing rta la sogs pa bshams nas yul shi ri ti tar chas so/ /der phyin tu nye ba dang sngar mi gcig sbron du btang nas des kyang bu mo bag mar gtang ba'i ston mo bshams te bu mo bag mar btang ngo / /de dag gis bu mo thob nas mnyan yod du 'gro ba na bu mo de'i mas mi mang po'i nang du bu mo de la 'di skad ces/ khyod deng phyin chad rtag tu gos bzang po gyon zhing kha zas zhim po zo zhig /nyin gcig bzhin du rgyun ma chad par me long la ltos shig ces bsgos nas bu mos kyang de bzhin du bgyi'o| |zhes smras pa dang / gyos po de ma rangs te 'di snyam du bsams so/ /mi gcig skyes pa la skyid sdug kyang mi rtag na/ gos bzang po dang / kha zas zhim po rtag tu ga la rnyed| rgyun du me long la ltos shig pa yang rigs pa ma yin no snyam bsams nas so sor phyi phyag 'tshal te gyes so/ /de dag thams cad 'grogs te lam du zhugs nas phyir yul du dong ba las/ bar na khang pa bzang po bsil ba zhig yod de/ de dag las sngar dong ba dag khang ba de na bsti zhing 'khod do/ /bag ma gsar pa yang phyis der 'ongs nas </font><hr>334a<br><font size=+1>>


@#/ /gyos po la 'di'i 'og tu bzhugs su mi rung gi /myur du thang la bzhud do/ /zhes gsol ba dang mna' mas smras pa bzhin du thang la byung ngo / /g.yog kha cig 'gror ma btub ste khang pa'i 'og na 'dug pa las/ ring po ma lon par ba lang dang / rta dag cig der 'ongs nas ka ba la bsnyogs pa dang khang pa rdib nas khang pa'i 'og na 'dug pa dag kha dag go /gyos pos bsam pa/ bdag srog dang bral ba las thar par byas pa ni/ mna' ma 'di yin no snyam nas mna' ma la lhag par byams pa'i sems skyes so/ /de nas yang song song ba las chu shod cig tu rtswa dang chur ldan pa zhig tu 'dug pa las/ mna' ma phyis 'ongs nas chu shod 'dir bzhugs su mi rung gi /myur du spos shig ces gsol pa dang logs shig tu spos ma thag tu gru char drag po bab nas sngar btab pa'i chu shod du shwa chen po byung ngo / /gyos pos bsam pa/ bdag srog dang bral ba las mna' ma 'dis lan gnyis kyi bar du thar par byas so snyam bsams nas chos te song ba las yul du phyin to/ /de nas gnyen rnams lhags te dga' ba'i gtam byas nas ston mo chen po byas te nyi ma gcig gi bar du dga' ba'i rtsed mo byas so/ /mgron kun gyes pa'i 'og tu mna' ma rnams bkug ste 'di skad ces </font><hr>334b<br><font size=+1>>


bsgo'o| |kho bo ni/ na so rgas te las rnams kyis skyon mna' ma khyed rnams la khyim gyi las dang / nor rdzas kyi mdzod rnams gtad dgos na/ khyed gang gis bang mdzod kyi lde mig bcang par bya zhes dris na/ mna' ma chen mo drug char gyis mi nus so/ /zhes gsol la/ nang gi chung dus ni/ bdag gis nus so/ /zhes gsol to/ /de nas khyim bdag gis kyang bang mdzod thams cad kyi lde mig gtad de mna' mas kyang de bzhin du nyams su blangs nas nang bar ni/ sngar langs shing khang pa'i nang kun phyag dar byas nas chag chag gis btab bo| |de nas kha zas kyi g.yos byas nas sngar gyos rgyug la sogs te che rim gyis zan byin no/ /de'i 'og tu bran khol dang / las byed rnams la zan byin nas so sor las la bcud de gzod bdag zan za'o/ /rtag tu de 'dra bar byed pas gyos pos kyang bdag gi mna' ma 'di ni/ gzhan dang mi 'dra ste tha mal pa ni/ ma yin na/ ci'i phyir bu mo bdag gi mas bsgo ba ltar mi byed snyam bsams nas 'di skad ces smras so/ /khyod khyim nas chas pa'i tshe khyod kyi mas rtag tu gos bzang po gyon la kha zas zhim po zo zhig /rtag tu me long la ltos shig ces bya ba ci'i tha tshig ces dris na/ mna' mas bus mos la btsugs te 'di skad ces gsol to/ /bdag gi mas gos bzang po gyon cig ces bsgo ba ni/ steng du gyon ba'i </font><hr>335a<br><font size=+1>>


@#/ /bzhag gos lta bu la rtag tu bag bya zhing ma rnying par gyis shig /mgron nam phyi mi dag 'ongs na gos ma ngan zhig ces mchi'o/ /rtag tu kha zas zhim po zo zhig pa ni/ kha zas zhim po dang / bsod pa la bgyi ba ma lags kyi/ su bas kyang phyis zos na bkres pas kha zas kun tu zhim mo/ /zhes mchi'o/ /rtag tu me long la ltos shig ces bsgo ba ni/ 'khar ba'am/ lcags kyi me long la lta ba ma lags kyi/ sngar longs la phyi nang gi phyag dar bya ba dang / chag chag gdab pa dang / khri stan gding ba la sogs pa las su bya ba rnams legs par gyis shig ces mchi ste/ bdag gi mas bsgo ba ni/ 'di lta bu lags so/ /zhes gsol pa dang / mna' ma de la lhag par byams te khyim gyi las thams cad gtad nas thams cad bde zhing skyid par gyur to/ /de'i tshe na bya dag cig rgya mtsho'i gling nas 'bras za ba las 'bras kyi snye ma khyer te 'phur ba las rgyal po'i pho brang gi thad kar phyin nas 'bras kyi snye ma dag cig shor te pho brang gi thad kar lhung ngo / /'bras kyi snye ma de gcig gis rgyal po la phul nas rgyal pos kyang 'bras bzang po 'di lta bu ni/ sman du rung du nges kyi/ sa bon du bya'o snyam nas blon po kun la shas shas su bgos te rmos shig ces bsgo'o/ /de'i tshe khyim bdag des kyang nyung du zhig thob nas </font><hr>335b<br><font size=+1>>


phyir khyim du 'ongs te mna' ma la 'bras 'di rmos shig ces bsgo'o/ /mna' ma des kyang bsgo ba de bzhin du bran khol la gzhen btab nas zhing gshin par rmos na/ de bzhin du legs par skyes te 'bras mang zhig byung ngo / /gzhan gyis rmos pa ni/ las su legs par ma byas pas gcig kyang ma skyes so/ /de'i tshe na rgyal po'i btsun mo nad kyis btab pa las sman pas dpyad byas nas na ba 'di la rgya mtsho'i gling gi 'bras byin na 'tsho'o/ /zhes dpyad byas so/ /rgyal pos kyang rgya mtsho'i gling gi 'bras shig so so nas rmed du bcug pa dran nas rgya mtsho'i gling gi 'bras shig rmed du bcug pa yod dam med ces dris na/ blon po kha cig gis ni/ 'bras rmos pa ma skyes so/ /zhes mchi'o/ /kha cig gis ni/ 'bras kun byi bas 'tshal te ma mchis so/ /zhes mchi'o/ /de'i tshe na khyim bdag de yang phyir khyim du song nas mna' ma de la sngon 'bras shig rmor bcug pa skyes sam ma skyes/ rgyal po'i btsun mo nad kyis btab ste sman du dgos so/ /mna' mas gsol pa/ 'bras rmos pa rab tu legs te mi gcig gi sman du ma bas kyi/ yul gcig gi mi yang sos pa tsam mchis so| |khyim bdag des 'bras de las shas shig rgyal po la phul nas rgyal pos kyang 'bras des btsun mo'i sman byas te btsun mo yang sos te rgyal po rab tu dga' nas bya dga' mang </font><hr>336a<br><font size=+1>>


@#/ /du byin no/ /de'i tshe shi ri ti ta'i rgyal po dang / yul mnyan yod kyi rgyal po gnyis gcig la gcig mi dga' bas rtag tu mi 'dum mo/ /de'i tshe na shi ri ti ta'i rgyal pos mnyan yod kyi rgyal po de la blon po mkhas pa mdzangs shing blo dang ldan pa yod dam med bag ma mo snyam nas pho nya zhig yul mnyan y+do du btang se pho nya de la rgod ma ma smad ma dang bu 'dra ba/ spu mdog gcig pa/ bye brag mi phyed pa gnyis bsgrigs te ma ni/ gang / bu ni/ gang yin bye brag phye zhig ces spring ngo / rgyal po dang blon po rnams kyis bltas na/ gcig gis kyang bye brag ma byed ngo / /de nas khyim bdag de khyim du 'ongs pa dang / mna' mas gtam ci gsan zhes zhus pa dang / gtam 'di lta bu dag grag go /zhes mna' ma la rgyas par gtam byas so/ /mna' mas gsol pa/ 'di ni/ shin tu yang rig par sla'o/ /rgod ma ma smad gnyis thogs la lhan cig tu rtswa bzang po zhig byin cig dang / ma gang yin pa de ni/ rtswa mchus phul te bu la stobs so/ /khyim bdag gis mna' mas smras pa bzhin du rgyal po la gsol nas rgyal pos kyang rtswa byin te bltas na/ de bzhin du gyur te ma dang bu yang rtogs nas pho nya de la ma ni/ 'di'o/ /bu ni/ 'di'o/ /zhes smras pas de bzhin du smras pa bden te/ ma nor ro/ /zhes mchi'o// </font><hr>336b<br><font size=+1>>


de nas pho nya de rang yul du song nas rgyal po la de bzhin du rgyas par gsol to/ /de nas yang pho nya gcig btang ste/ sbrul sbom phra dang ring thung mnyam la 'dra ba gnyis shig bskur nas sbrul 'di gnyis las pho gang yin pa dang / mo gang yin pa bye brag phye zhig ces bsgo'o/ /rgyal po rab gsal rgyal dang / blon po rnams 'dus te dpyad na/ gcig gis kyang ma rtogs so| |de nas khyim bdag des khyim du mna' ma la dris nas mna' mas bstan pa/ ras 'jam po zhig thing la sbrul de'i steng du zhog cig dang / gang mo yin pa de ni/ cang mi 'gul bar nyal lo/ /gang pho yin ba de ni/ mi bzod de 'dug tu mi btub pa'i rigs so/ /ci mngon zhe na/ gang mor gyur pa ni/ 'jam zhing yang ba la chags so/ /gang phor gyur pa ni/ rang bzhin gyis khro bas 'jam po la mi bzod de/ nyal du mi btub pas des rtogs par 'gyur ro/ /khyim bdag des kyang rgyal po la de bzhin du gsol te mna' mas smras pa bzhin du byas nas pho gang yin pa dang mo gang yin pa bye brag legs par phyed do pho nya ba de la 'di ni/ pho yin no/ /'di ni/ mo yin no/ /zhes bsgo nas de bzhin te/ ma nor to/ /zhes mchi'o// de nas rgyal po de shin tu dga' nas de la nor bu rin po che mang du bya dgar byin no/ /de nas yang shing 'dom do pa sbrom phra mnyam pa/ khyad par med pa/ 'dzer pa dang / sta re dang / </font><hr>337a<br><font size=+1>>


@#/ /ste'u'i rjes med pa zhig bskur te shing 'di'i mgo mjug gang yin pa bye phrag phye zhig ces bsgo'o/ /rgyal po dang / blon po rnams 'dus te dpyad na/ gcig gis kyang ma shes te/ khyim bdag des yang mna' ma la dris na/ 'di ni/ shin tu'ang sla ste/ shing 'di'i mgo mjug rtogs par 'dod na/ chu'i nang du zhog cig dang / rtsa ba ni/ thur du nub kyi/ mgo ni/ phyir 'byung ba'i rigs so/ /khyim bdag des kyang rgyal po la de bzhin du gsol te mna' mas smras pa de bzhin du byas na/ mgo mjug rtogs par gyur te/ 'di ni/ mgo'o/ /'di ni/ rtswa ba'o/ /zhes bsgo'o/ /pho nyas kyang de bzhin te/ bden no/ /zhes smras so/ /de nas rgyal po rab tu dga' nas de la bya dga' mang du byin no/ /pho nya de phyir yul du phyin nas rgyal po de la rgyas par gsol pa dang / rgyal po des pho nya la rin po che mang du bskur te rgyal po chen po de la blon po mdzangs pa blo dang ldan pa yod kyi/ 'di dag phul la phyin chad 'dum par bya'o/ /zhes bsgos nas rgyal po rab gsal rgyal gyis de lta bur gyur pa la rab tu dga' ste khyim bdag de la khyod kyis de dag ji ltar rtogs shing shes zhes bka' stsal to/ /khyim bdag gis gsol pa/ 'di ni/ bdag gis rtogs pa ma lags kyi/ bdag gi mna' ma </font><hr>337b<br><font size=+1>>


blo dang ldan pa zhig mchis pa des rtogs so/ /rgyal pos des skad ces gsol pa gsan nas rab tu dga' ste khyim bdag gi mna' ma de da phyin chad nga dang ming sring du bya'o/ /zhes bka' stsal to/ /khyim bdag gi mna' ma de phyis sems can dang ldan par gyur te zla ba dgu tshang nas sgo nga sum cu rtsa gnyis byung ste/ sgo nga re re'i nang nas bu khye'u mnga' byad legs ba| blta na sdug pa/ bzang ba re re byung ngo / /bu de dag cher skyes nas dpa' khyad zla med de/ mi gcig gis kyang mi stong thub par gyur to/ /de'i pha ma yang bu de dag la rab tu sdug par sems te/ yul mi thams cad kyang de dag la bag byed do/ /phyis yul de na rigs che zhing mtho ba las chung ma yang blangs so/ /de'i tshe na lha mtshams ma dad pa'i sems dang ldan pas sangs rgyas dang dge 'dun spyan drangs te bcom ldan 'das kyis chos bstan pas/ khyim gang gi mi thams cad kyis rgyun du zugs pa'i 'bras bu thob par gyur na| khye'u nang gi tha chung 'ba' zhig gis 'bras bu mthob ste/ khye'u de glang po che la zhin nas grong khyer gyi phyi rol du rtser song ba las grong khyer de'i phyi rol na chu chen po zhig 'bab pa la zam pa chen po zhig yod de/ khye'u de zam pa'i steng du phyin pa dang / blon po chen po'i bu zhig kyang shing rta'i nang na 'dug ste phyi rol nas nang du 'ong ba dang zam pa'i steng du </font><hr>338a<br><font size=+1>>


@#/ /phrad pa las gnyi ga tsho rigs kyis bsnyems nas gcig gis gcig la ma byol lo/ /lha mtshams ma'i bu khros nas glang po che la zhon bzhin du blo na po chen po'i bu shing rta dang bcas pa zam pa'i 'og tu bor ro/ /blon po'i bu de lus dang rkang lag snad nas dus te phyir khyim du 'ongs nas pha ma la 'di skad du lha mtshams ma'i bus bdag ma nongs par 'di ltar gnod pa bgyis nas lus kun snad do/ /zhes gsol to/ /blon po chen po de shin tu mi dga' bar gyur nas bu/ de dag ni/ shin tu yang stobs che ba'i steng du rgyal po dang nye bas rtsod par dka' na/ 'on kyang de la ni/ rku lto zhig bya'o snyam nas rin po che sna bdun las byas pa'i 'khar ba sum cu rtsa gnyis shig byas te| 'khar pa'i nang du ral gri so rnon po re re bcug nas khye'u sum cu rtsa gnyis po de la re re byin nas 'di skad ces bsgo'o/ /khyed ni/ gzhon zhing dar la bab pas rtse ba'i dus la bab ste| khyed kyi phyir rtse ba'i rkyen du 'khar ba 'di dag byas kyi/ khyed rnams thogs la rtses shig ces bsgo'o/ /khye'u de dag kyang shin tu dga' nas 'khar ba de dag blangs nas re re thogs so/ /rgyal po'i khrims kyis rgyal po dang phrad pa na mtshon thogs su mi gnang ngo / /de dag 'khar ba thogs te rgyal po'i zham 'bring nas 'khod pa las/ blon po des </font><hr>338b<br><font size=+1>>


rgyal po la 'di skad du phra ma gsol to/ /lha mtshams ma'i bu sum cu rtsa gnyis po de ni/ gzhon zhing dar la bab ste/ stobs kyis mi gcig gis kyang stong thub pa de dag ni/ rgyal po la gnod pa zhig bgyi bar sems so/ /zhes gsol to/ /'on kyang rgyal po de dag la thugs ma ches pa med pa las/ blon pos yang gsol pa/ bdag gis sngar gsol pa 'di bden te/ rdzun ma lags pas rtag tu gda'o/ /khye'u 'di dag gi lag na thogs pa'i 'khar ba'i nang na ral gri re re mchis pas gnod pa bgyid du mngon no/ /blon pos gsol pa bzhin du khye'u de dag gi mkhar ba bltas na/ mtshon yod par gyur nas gcig nas kyang gcig pos te gyad kyis bzung nas kun bsad do/ /khye'u de dag gi mgo bcad de khye'u'i mgo sum cu rtsa gnyis sgrom gcig gi nang du bcug nas kha legs par bcad de sring mo'i steng du bskur ro/ /de'i tshe na khye'u de dag gi mas sangs rgyas dang dge 'dun spyan drangs te rgyal pos sgro ma bskur te 'ongs pa la/ 'di'i nang na mchod pa byed pa'i mthud ma zhig yod yang dag snyam nas sgrom kha phye ba las/ bcom ldan 'das kyis sgrom re zhig kha ma phye bar zhal zas gsol lags nas gzod phye zhig ces bka' stsal to/ /de nas zhal zas gsol nas bcom ldan 'das kyis khye'u'i ma la chos bstan pa/ lus 'di ni/ mi </font><hr>339a<br><font size=+1>>


@#/ /rtag pa ste/ sdug bsngal pa/ stong pa/ bdag med pa/ snying po med pa/ ring po mi thogs pa/ kun nas nyon mongs pas cings shing glags pa dang / sdug bsngal gyis gzir pa ste/ 'dod pa dang bye bral ba'i mya ngan gyis lus 'di chud zos kyang phan pa med de/ gang mkhas pa shes rab can gyis ni/ don 'di rtogs par 'gyur ro/ /zhes bka' stsal pa dang / lha mtshams mas kyang don rtogs nas lan gcig phyir mi ldog pa'i 'bras bu thob par gyur te/ rab tu dga' dgu rangs nas thal mo sbyar te bcom ldan 'das la 'di skad ces gsol to/ /bcom ldan 'das bdag la thugs brtse ba'i slad du bdag cag gis gsol pa 'di bzhi zhig gnang bar mdzad du gsol/ bdag cag gis gsol pa bzhi la/ gcig ni/ dge slong nad pa rnams la nad kyi rkyen sman dang / bza' ba dang / btung ba yid bzhin du stsal pa dang / gnyis pa ni/ dge slong nad pa'i g.yog bgyi ba'i bza' ba dang / btung ba yid bzhin du sbyar ba dang / gsum pa ni/ dge slong mgron po'i yi byad sbyar ba dang / bzhi pa ni/ dge slong mgron du 'gro ba'i rgyags dang / yo byad sbyar bar 'tshal lo/ /de ci'i phyir zhe na/ dge slong nad pa dag ni/ nad kyi rkyen sman dang / bza' ba dang / btung ba mi ldan na/ nad 'tsho </font><hr>339b<br><font size=+1>>


dka' ste/ gal te na tshe'i bar chad du yang 'gyur ro/ /dge slong nad g.yog kyang kha zas med pa'i rkyen gyis bsod snyoms bgyid do/ /bsod snyoms la dus ma mchis te/ gal te 'phyis sam/ 'dod pa ma rnyed na/ nad pa zhe sdang skyes te nad 'tsho bar dka' bas/ de la yang kha zas dbul bar 'tshal lo/ /shul ring po nas mchis pa'i dge slong yul ma 'dris te bshes ma mchis pas bsod snyoms bgyid do/ /bsod snyoms bgyid pa na khyi'am ma rungs pas gtses te zhe sdang skyes na/ bzod pa nyams par 'gyur bas/ de la yang kha zas dbul bar 'tshal lo/ dge slong mgron du mchi ba grogs dang ldan pa yang lam rgyags ma mchis pas grogs dang bral ban/ shul du gcan gzan mang po'am/ mi rgod ma rungs pa mchis te| gcig pu song na de yang lus kyi bar chad du 'gyur bas/ des dgos pa yang sbyar par 'tshal lo/ /de'i tshe bcom ldan 'das kyis lha mtshams mas gsol ba bzhi po gsan nas shin tu legs so/ /zhes bsngags te/ khyod kyis gsol ba bzhi po 'di'i bsod nams rgya chen po ni/ sangs rgyas la mchod pa byas pa dang tha mi dad do/ /zhes bka' stsal nas dge 'dun dang bcas te slar rgyal bu rgyal byed kyi tshal du gshegs so/ /bcom ldan 'das slar gshegs pa'i 'og tu sgrom phye ba bltas na/ bu'i mgo sum cu rtsa gnyis yod pa </font><hr>340a<br><font size=+1>>


@#/ /mthong nas 'dod pa dang bral ba'i phyir mi dga' bas gdungs par ni/ ma gyur gyi/ 'di skad du kye ma mi gcig skyes pa la tshe zad pa yod de/ de ring por ma thogs so/ /da yang rgyud lnga gang na sdug bsngal myong bar gyur ces smras so/ /khye'u sum cu rtsa gnyis kyi ma'i rigs su nye ba rnams de ltar gyur pa thos nas shin tu mi dga' ste zhe sdang skyes nas 'di skad du rgyal po chen po ni/ 'di ltar mi mnyes pa kun bsad kyi/ dmag bsags la dgra bya bar 'dong ngo / /zhes smras nas dmag gi dpung bsags te rgyal po'i pho brang bskor to/ /de'i tshe na rgyal po de sgrag nas sangs rgyas gang na ba der bros so/ /de dag gis de skad ces thos nas dmag gi dpung gis rgyal bu rgyal byed kyi tshal yang bskor to| |de'i tshe kun dga' bos rgyal po rab gsal rgyal gyis lha mtshams ma'i bu sum cu rtsa gnyis bsad de ma'i rigs su gtogs pa rnams kyis sha gnyer du 'ongs so/ /zhes thos nas pus mo sa la btsugs te thal mo sbyar nas bcom ldan 'das la 'di skad ces gsol to/ /bcom ldan 'das/ ci'i rgyu ci'i rkyen gyis mi sum cu rtsa gnyis rgyal pos gcig car du bkum par gyur/ bcom ldan 'das kyis kun dga' bo la bka' stsal pa/ lha mtshams ma'i bu sum cu rtsa gnyis po 'di dang 'ba' zhig tu rgyal pos gcig car du bsad </font><hr>340b<br><font size=+1>>


par ma zad do/ /mi sum cu rtsa gnyis po ci'i phyir gcig car tshe 'phos pa khyod la rgyas par bstan gyi/ legs par nyon la yid la zungs shig ces bka' stsal nas kun dga' bos kyang de bzhin du bgyi'o/ /thos par 'tshal lo/ /bcom ldan 'das kyis kun dga' bo la bka' stsal pa/ sngon 'das pa'i dus na mi sum cu rtsa gnyis po 'di gcig pa gcig dga' zhing bshes pa dang / /yid gcugs par gyur nas de dag gros mthun par pha rol gzhan gyi ba lang zhig brkus so/ /de'i tshe yul de na rgan mo dbul mo bu tsha yang med pa zhig yod do| |ba glang rku ba'i mi rnams rgan mo de'i khyim du khrid de 'ongs nas gsad par byas pa dang / rgan mo yang dga' rangs nas shing la sogs te sha 'tshed pa'i yo byad sbyar to// mi de dag gis der ba lang gsod pa na ba lang de yang gsod par shes nas mdud par bzung ste khyed kyis nga lta nga bsam pas na/ ma 'ongs pa'i dus su yang ci ste 'bras bu thob na yang mi gtang ste/ gsod par shog cig ces dam bcas ma thag tu ba lang de mi rnams kyis bsad nas kha cig ni/ btsos/ kha cig ni/ bsregs te zos/ rgan mo yang ba lang gi shas 'grangs nas rab tu dga' ste sngon chad kyang de lta bu'i mgron zhig 'ongs na/ deng las phan thogs pa ni/ med do/ /zhes smras so/ /de'i tshe de'i dus na ba lang de ni/ rgyal po </font><hr>341a<br><font size=+1>>


@#/ /rab gsal rgyal yin no/ /de'i dus na ba lang rku ba rnams ni/ lha mtshams ma'i bu sum cu rtsa gnyis po 'di dag yin no/ /de'i tshe na rgan mo khyim bdag mo de ni| de dag gi ma yin te/ rnam par smin pa'i 'bras bu tshe rabs lnga brgya'i bar du rtag tu bsad par gyur te/ de'i dus na rgan mo de rjes su yi rang zhing dga' ba tsam gyis rtag te de dag gi ma byas nas mya ngan gyis rab tu gdungs par gyur te/ de 'di rang dang phrad nas 'bras bu thob par gyur to/ /kun dga' bos yang thal mo sbyar te bcom ldan 'das la gsol pa/ de dag gis ni/ bsod nams ci zhig bgyis na/ rigs che zhing mtho ba dang / longs spyod dang ldan pa dang / dpa' zhing nyams rtsal dang ldan par gyur| bcom ldan 'das kyis bka' stsal pa/ sngon 'das pa'i dus na sangs rgyas 'od srung 'jig rten du gshegs pa'i tshe rgan mo dkon mchog gsum la shin tu dad ba zhig yod de| spos mang du nyos nas mar dang sbyar te rtag tu mchod rten la skud do/ /lam gzhig na mchod rten la skud pa las/ mi sum cu rtsa gnyis shig der lhags nas rgan mo mchod rten la skud pa'i grogs byas te rgan mo des kyang mi sum cu rtsa gnyis po de la khyod kyis kho mo mchod rten skud pa la bstangs pa'i bsod nams kyis gang nas gang du skyes </font><hr>341b<br><font size=+1>>


kyang mnga' bya da legs pa dang / mthu rtsal dang ldan par gyur cig ces smras nas de dag kyang rab tu dga' bzhin du mchod rten skud pa'i las byas nas 'di skad ces smras so/ /bdag cag ni| rgan mo 'di'i dbang gis bsod nams kyi las bskyed par gyur to/ /gang nas gang du skyes kyang cho rigs mtho zhing btsan phyug pa dang / longs spyod dang ldan pa dang / rgan mo 'di yang rtag tu bdag cag gi mar gyur te/ bdag cag kyang 'di'i bur gyur pa dang / rtag tu sangs rgyas dang / chos thos pa dang ma 'brel te/ 'bras bu yang myur du thob par shog cig ces smon lam btab bo/ /rgan mos kyang de bzhin du gyur cig ces smras pas/ tshe rabs lnga brgya'i bar du cho rigs mtho zhing btsun par gyur to/ /de'i tshe de'i dus na rgan mo de ni/ da ltar khye'u de dag gi ma yin no/ /de'i dus na mi sum cu rtsa gnyis pa ni/ khye'u sum cu rtsa gnyis po yin no/ de'i tshe dmag gi dpung rnams sangs rgyas kyis gsungs pa thos nas zhe sdang gi sems zhi ste 'di skad du rgyal po chen pos kyang ma nyes te/ mi 'di dag gi sngon gyi 'bras bu rnam par smin pa ste/ ba lang gcig bsad pa tsam gyis 'di lta bur gyur to/ /rgyal po rab gsal rgyal 'di ni/ bdag cag gi jo bo yin no/ /ci'i phyir 'di la 'khu zhing gnod par sems zhes smras nas mtshon cha bor te rgyal po la babs </font><hr>342a<br><font size=+1>>


@#/ /nas nyes pa bshags pas rgyal pos kyang gyod ma rmas pas btang ngo / /de'i tshe bcom ldan 'das kyis sngon byung ba 'di dang / gleng gzhi 'dis 'khor bzhi po la dam pa'i chos rgyas par bstan to/ /dge ba'i las ni/ brtson 'grus su bya ba'i rigs pa dang / mi dge ba'i sdig pa'i chos ni/ mi bya ba'i rigs pa yang bstan/ 'phags pa'i bden pa bzhi yang rgyas par bstan pas 'khor mang po rnams kyis thos nas thams cad kyis 'bras bu thob par gyur to/ /bcom ldan 'das kyis gsungs pa la yi rang nas mngon par dga'o/ /blon po ri dwags kyi bu bdun gyi le'u ste nyi shu gsum pa'o// //bam po bdun pa/ ka pi na chen po'i le'u/ 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na yul de'i rgyal po gsal rgyal zhes bya'o/ /de'i lho phyogs na yul gser gyis zhes bya ba zhig yod de/ rgyal po ni/ ka pi na zhes bya'o/ /rgyal po de'i sras rgyal tshab ni/ ka pi na chen po zhes bya'o/ /rgyal po yab nongs nas sras rgyal tshab rgyal sar gshegs te/ de yang rang bzhin gyis yid gzhung la blo gsal te/ dpa' zhing mthu rtsal chen po dang ldan no/ / </font><hr>342b<br><font size=+1>>


de la dmag gi tshogs stong phrag sum cu rtsa drug yod de/ dmag de dag gar bab kyang rlung chen po dang 'dra bar phas rgol mi thub pa med de/ yul gyi dbus kyi rgyal po dang ni ma 'grul to| |phyis tshong pa dag cig yul gser sar phyin nas ras 'jam po bzang po yug bzhi zhig rgyal po de la phul lo/ /rgyal pos kyang bzhes nas tshong pa de la 'di lta bu nor bzang po ga las 'ongs zhes dris pa dang / tshong pas kyang 'di yul dbus nas mchis so/ /zhes gsol to/ /rgyal po des smras pa/ yul gyi dbus zhes bya ba ni/ gang / yul gyi dbus kyi ming ni| ci zhes bya/ tshong pas gsol pa/ yul gyi dbus kyi ming ni/ rgyal po'i khab ces kyang bya/ mnyan yod ces kyang bya ste/ de la sogs pa yul gyi ming gzhan yang mang du mchis so| |rgyal pos smras pa/ rgyal po de dag ci'i phyir nga la phyag 'tshal zhing dpya 'bul du mi 'ong / tshong pas gsol pa/ rgyal po de dag kyang so so'i rgyal srid 'dzin cing yul gyi tshis bgyid pas/ 'dir mi mchi'o/ /rgyal po des bsam pa/ nga'i mthu dang byin gyis ni/ gnam mtha' 'og thams cad kyang thul na/ ci'i phyir rgyal po 'di dag nga la phyag 'tshal zhing dpya 'bul du mi 'ong / da ni/ nga'i mthu dang byin gyis de dag kyang dbab bo snyam nas tshong pa de la smras pa/ yul dbus kyi rgyal po'i nang na rgyal po gang che/ tshong pas smra </font><hr>343a<br><font size=+1>>


@#/ /pa| mnyan yod kyi rgyal po che'o/ /de nas rgyal po des mnyan yod du pho nya btang ste rgyal po gsal rgyal la 'di skad ces spring ngo / /nga'i mthu dang byin gyis 'dzam bu'i gling du gtogs pa kun la dbang na/ khyod ci'i phyir pho nya yang 'drul bar mi byed/ da yang khyod kyi steng du pho nya btang ba yin gyi/ khyed nyal ba'i tshe nga'i ming thos na 'dug pa'i rigs so/ /'dug pa'i tshe thos na ldang ba'i rigs so/ /zas za ba'i tshe thos na mid mi khom par phyir 'dor ba'i rigs so/ /khrus byed pa'i 'phro la thos na skra yang phyir sdud pa'i rigs so/ /sdod pa'i tshe thos na rgyug par rigs kyi/ da ste zhag bdun na 'dir nga dang phrad du shog cig /de ltar ma byas na dmag drangs te khyod kyi yul med par bya'o| |zhes spring ngo / /rgyal po gsal rgyal gyis de skad ces spring ba thos nas mi dga' zhing sdangs te bcom ldan 'das gang na bar song nas de bzhin du rgyas par gsol to/ / bcom ldan 'das kyis bka' stsal pa/ rgyal pos kyang phyir pho nya de la rgyal po'i nang na nga mi che ste/ nga bas kyang rgyal po che ba zhig yod do/ /zhes gyis shig /gsal rgyal gyis kyang bcom ldan 'das kyi bka' bzhin du 'jig rten na 'phrul gyi rgyal po zhig 'di nas mi ring ba zhig na bzhugs kyi/ khyod nyid der song la khyod kyi rgyal pos spring pa bzhin </font><hr>343b<br><font size=+1>>


du gyis shig ces bsgos nas pho nya de rgyal bu rgyal byed kyi tshal du song ngo / /de'i tshe na bcom ldan 'das 'khor los bsgyur ba'i rgyal por sprul te blon po chen por mau gal sprul nas rin po che sna bdun dang ldan par bzhugs so/ /kun dga'i ra ba yang rin po cher bsgyur nas ra ba'i phyi rol na rin po che'i 'obs rim pa bdun dang / 'obs kyi bar na rin po che sna bdun gyi shing dkrigs te/ kha dog rnam pa sna tshogs kyi pad+ma grangs med lham me lhang nge lhan ner 'tsher ba dang / ra ba'i nang na rin po che sna tshogs las byas pa'i pho brang na rgyal po shin tu byin che bar bzhugs par sprul to/ /pho nya de sprul pa'i pho brang du 'ongs nas rgyal po chen po mthong ba tsam gyis 'jigs skrag par gyur te 'di skad du bdag gi rgyal po'i byin dang bsod nams kyis ni/ 'di la mi thub na/ 'on kyang spring pa'i yi ge dbul lo snyam nas yi ge phul lo/ /'phrul gyi rgyal pos yi ge blangs nas rdog pa'i 'og tu bcug ste pho nya la 'di skad ces bka' stsal to/ /nga ni/ rgyal po chen po ste/ gling bzhi la dbang ba yin na/ khyod kyi rgyal po glen pa de ci'i phyir bka' mi nyan/ khyod myur du phyir song la ngas 'di skad ces bka' stsal to/ /zhes gyis shig /khyod kyi pho nya phyir 'ongs nas nga'i bka' thos pa tsam gyis gal te nyal ba las thos na ldang ba'i rigs/ 'dug pa las thos na 'greng </font><hr>344a<br><font size=+1>>


@#/ /ba'i rigs/ 'gro ba las thos na rgyug pa'i rigs kyi/ da ste zhag bdun na 'dir phyag 'tshal du ma 'ongs te bka' bcag par gyur na/ khrims dang sbyar ro| |zhes gyis shig /pho nya des bka' stsal pa bzhin du phyir song nas bdag gi yul du phyin pa dang / gser sa'i rgyal po la ci mthong ba dang / ci spring par rgyas par gsol to| |rgyal pos de skad ces spring pa thos nas 'gyod par gyur te/ ci dbang ba'i rgyal phran rnams dang chas te rgyal po'i thad du 'dong ngo snyam ste 'on kyang thal byung du 'gro bar mi rigs kyi/ da dung yang lan gcig bgam mo snyam nas sngar pho nya gcig btang ste/ rgyal po chen po la bdag phyag 'tshal du mchi na/ bdag dbang ba'i rgyal phran khri phrag sum cu rtsa drug mchis na/ de dag dang ril gyis mchi'am/ phyed dang mchi ba bka' stsol cig ces mchi'o/ /rgyal po chen pos kyang phyir de la rgyal phran phyed dang chas te shog ces bsgo ba dang / gser sa'i rgyal po rgyal phran khri brgyad stong dang bcas te mnyan yod du rgyal po sprul pa'i spyan sngar lhags nas phyag 'tshal te 'di snyam bsams so/ /rgyal po chen po 'di'i byad gzugs ni/ bdag pas lhag kyang mthu stobs ni/ bdag tsam mi phod do snyam bsams pa dang / 'phrul gyi rgyal pos blon po rin po che la khyod kyis gzhug ser </font><hr>344b<br><font size=+1>>


sa'i rgyal po la byin cig ces bka' stsal to/ /rgyal po des kyang blang zhes byas na ma theg go /de nas 'phrul gyi rgyal pos blangs te mthe'u chung gis gzhu brdungs te gser sa'i rgyal po la gzhu 'di khong zhig ces bka' stsal nas gser sa'i rgyal pos blangs na/ gzhu rgyud kyang ma bskul to/ /de nas 'phrul gyi rgyal pos blangs te drangs na/ gzhu rgyud sbrengs pa tsam gyis stong chen po'i 'jig rten gyi khams kyang 'gul zhing g.yos so/ /de nas mda' blangs te mda' gcig 'phangs na/ 'phangs ma thag tu mda' lngar gyur te/ mda' de dag gi rtse mo las 'od zer grangs med pa byung nas pad+ma shing rta'i 'phang lo tsam re re yang yod par gyur te/ pad+ma re re la yang 'khor los bsgyur ba'i rgyal po rin po che sna bdun dang ldan pa re re yod par gyur to/ /'od zer de dag gis stong gsum gyi stong chen po'i 'jig rten gyi khams kyang snang bar byas nas lam rgyud lnga'i sems can thams cad la phan pa'i don du ma gyur pa med do/ /lha rnams kyi gnas su 'od zer de mthong ste chos ston pa'i gsung yang grags par gyur nas de dag gi lus dang sems yongs su dag ste/ kha cig ni| rgyun du zhugs pa nas dgra bcom pa'i bar du thob par gyur to/ /kha cig ni/ bla na med pa yang dag par rdzogs pa'i byang chub tu sems bskyed do/ kha cig ni/ phyir mi ldog </font><hr>345a<br><font size=+1>>


@#/ /pa'i sa la gnas par gyur to/ /mi'i rgyud du gtogs pa'i sems can sangs rgyas kyi 'od zer mthong zhing chos bstan pa thos pa rnams rab tu dga' mgu rangs te/ kha cig ni/ rgyun du zhugs pa nas lan gcig phyir ldog pa dang / rab tu byung zhing dgra bcom pa'i bar du thob par gyur to/ /sems can grangs med pa ni/ bla na med pa yang dag par rdzogs pa'i byang chub tu sems bskyed de/ phyir mi ldog pa'i sa la gnas par gyur to/ /yi dwags kyi rgyud du gtogs pa dag ni/ sangs rgyas kyi 'od zer gyis reg cing chos thos pas thams cad kha zas kyis 'grangs bar gyur te/ lus dang sems la gdung ba med cing sim par gyur nas thams cad snying rje'i sems skyes te/ sangs rgyas la bsnyen bkur byas pas yi dwags las rnam par grol nas lha dang mir skyes so/ /dud 'gro'i skye gnas su gtogs pa'i sems can rnams ni/ sangs rgyas kyi 'od zer mthong bas 'dod chags dang zhe sdang gi sems zhi ste gti mug gis ldongs pa yang sad par gyur nas thams cad sangs rgyas la dga' zhing dad pas dud 'gro las rnam par grol te lha dang mir skyes so/ /sems can dmyal ba'i sems can la sangs rgyas kyi 'od zer gyis reg pas grang ba ni/ dro bar gyur/ tsha ba ni/ grang bar gyur/ sdug bsngal </font><hr>345b<br><font size=+1>>


gyis gdungs pa yang rgyun chad par gyur te/ lus dang sems rab tu dga' bas sangs rgyas la dad par gyur te sems can dmyal ba las thar nas lha dang mir skyes so/ /de'i tshe na rgyal po ka pi na chen po dang / gser sa'i rgyal phran rnams kyis rdzu 'phrul 'di lta bu dag mthong bas/ shin tu dad pa'i sems kyis babs shing dad pas rdul dang bral/ dri ma dang bral te chos la chos kyi mig rnam par dag par gyur to/ /rgyal phran khri brgyad stong rnams kyang sems tshim par gyur to/ /de ma thag tu sangs rgyas kyi rdzu 'phrul bsdus te phyir yang sangs rgyas kyi skur dge slong gi dge 'dun gyis mdun dang rgyab tu bskor te bzhugs par bstan to/ /de nas gser sa'i rgyal po de yang bcom ldan 'das la rab tu 'byung bar gsol pa dang / bcom ldan 'das kyis legs par 'ongs so/ /zhes bka' stsal pas/ skra dang kha spu rang byi ste ngur smrig gyon pa'i dge slong du gyur nas chos yid la byas pas zag bzad de dgra bcom par gyur to/ /de nas kun dga' bos bcom ldan 'das la gsol pa/ gser sa'i rgyal po 'dis sngon bsod nams ci zhig bgyis na/ 'di ltar rigs che zhing mtho la yon tan 'phags par che zhing sangs rgyas bcom ldan 'das dang phrad nas de ma thag tu zag pa zad par gyur/ bcom ldan 'das kyis kun dga' bo la bka' stsal </font><hr>346a<br><font size=+1>>


@#/ /pa| sems can dag ni/ spyod pa bzhin du las kyi 'bras bu rnam par smin par 'gyur ro/ /sngon 'das pa'i dus na sangs rgyas 'od srung 'jig rten du gshegs te/ sangs rgyas de mya ngan las 'das nas khyim bdag cig gis mchod rten brtsigs te dge 'dun gyi gnas khang byas nas 'tsho ba'i yo byad rnams pa bzhi yang sbyar te yun ring po zhig lon pa dang / mchod rten de yang zhig /'cho ba'i yo byad khri stan dang / gos dang / kha zas kyang rgyun chad par gyur to/ /de nas khyim bdag de la bu dge slong zhig yod pa des mi mang po la chos bshad de/ phyir yang mchod rten gsos nas gos dang / mal cha dang / bza' ba dang / btung ba dang / khri stan la sogs pa 'tsho ba'i yo byad sbyar to/ /mi de dag kyang sems yid mthun par 'tsho ba'i yo byad sbyar te 'di skad du smon lam btab bo/ /bdag cag kyang ma 'ongs pa'i dus su btsan zhing phyug pa dang / tshe ring ba dang / /sangs rgyas 'jig rten du gshegs pa dang phrad de chos thos nas 'bras bu yang ma lus par thob par gyur cig ces smon lam btab bo/ /kun dga' bo/ de'i tshe de'i dus na khyim bdag gi bu dge slong de ni/ yul gser sa'i rgyal po ka bi na chen po yin no/ /des chos bstan te mchod rten gsos pa dang / 'tsho ba'i yo byad bstabs </font><hr>346b<br><font size=+1>>


pa ni| rgyal phran khri brgyad stong snyed po 'di yin no/ /bcom ldan 'das kyis de skad ces bka' stsal nas 'khor mang po rnams phyir mi ldog pa'i sems bskyed de yi rang nas mngon par dga'o/ /ka pi na chen po'i le'u ste nyi shu bzhi pa'o// //dge slong ma ut+pa la'i le'u/ 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /rgyal po gsal rgyal ni/ nongs/ rgyal tshab bai DUR+Ya rgyal sar gshegs te rgyal po'i nang na chos bzhin du rgyal po byed pa ma yin pas/ glang po che'i rmig pas mi brdzis te bsad pa yang grangs med do/ /de'i tshe na rigs che zhing btsun pa'i bud med dag cig de lta bu dag mthong nas khyim la mi dga' bar gyur te thams cad rab tu byung nas dge slong mar gyur to/ /rab tu byung ba de dag la la ni/ shAkya'i rigs/ la la ni/ rgyal rigs yin te| dpe med par mnga' byad legs pa/ blta na sdug pa/ rigs che ba lnga brgya snyed 'dod pa yongs su spangs te rab tu byung bas yul mi thams cad kyang de la dga' ste 'tsho ba sbyar to/ /dge slong ma de dag gcig la gcig 'di skad du/ bdag cag ni/ rab tu byung yang chos kyi bdud rtsi'i ro ma myong ste/ 'dod chags dang / zhe sdang dang / gti mug zhi </font><hr>347a<br><font size=+1>>


@#/ /bar ma byas na mi rung gi /drug sde ma bsnyen dga' mo'i thad du chos nyan du 'dong ngo / /zhes smras nas de gang na bar song ste phyin pa dang phyag 'tshal nas 'di skad du bdag cag ni/ rab tu byung yang chos kyi bdud rtsi'i ro ma myong na/ bdag cag la dam pa'i chos bstan du gsol zhes smras pa dang / drug sde mas bsam pa/ bdag gis 'di dag chos dang / tshul khrims las phyir bzlog ste 'di dag gi chos gos dang / lhung bzed thob par gyur na re legs snyam nas 'di skad ces smras so| /khyed rnams ni/ rigs che zhing mtho ba ste/ rin po che sna bdun dang / glang po che dang / rta dang / bran pho dang / bran mo dang / las byed pa'i mi dang / zhing dang / 'tsho ba'i yo byad kyis mi brel na/ ci'i phyir de dag yongs su spangs te dge slong mar bzhugs nas 'di ltar nyon mongs shing sdug bsngal dang bsngos te sangs rgyas kyi bslab pa la 'jug par byed/ nyis na phyir khyim du song ste khyim thab dang / bu dang / bu mor ldan par lhan cig tu yid bzhin du rtse dga' zhing tshe 'di la yang skyid pa myong bar byas la/ sbyin pa yang yid bzhin du byas na legs so/ /zhes bsgo'o/ /dge slong ma rnams de skad ces smras pa thos nas mi dga' ste dus nas phyir dong ngo / /de nas </font><hr>347b<br><font size=+1>>


dge slong ma de dag dge slong ma ut+pa la'i mdog gang na 'dug par song nas der phyin pa dang ut+pa la'i mdog la phyag 'tshal te chos bzhin du snyun gsol nas 'di skad ces smras so| |bdag cag khyim na mchis pa na khyim gyi las kyis bslus/ da rab tu byung na yang 'dod pa'i dbang du gyur nas nyon mongs pa las thar par mi nus na/ bdag cag la thugs brtse ba'i slad du dam pa'i chos bstan du gsol/ ut+pa las smras pa/ khyod ci dang ci 'dod pa 'das pa'am/ ma 'ongs pa'am/ da ltar gyi dngos po gang yang rung ba dris shig dang ngas bstan par bya'o/ /dge slong ma rnams kyis 'das pa dang / ma 'ongs pa re zhig zhog la da ltar gyi bstan te bdag cag gi the tshom dgrol du gsol/ ut+pa las smras pa/ 'dod chags ni/ me dang 'dra ste/ ri lung tshig par byed do/ rtsa 'khri dang 'dra ste/ mched par 'gyur ro/ /'dod chags kyi dbang gis gcig la gcig 'tshe zhing gnod par byed do/ /de la yun ring na ngan song gsum du lhung ste thar pa'i dus med do/ /khyim na gnas pa ni/ sdug pa la chags te 'dod pa dang / bye bral ba dang / skye ba dang / rga ba dang / na ba dang / 'chi ba dang / rgyal po'i khrims kyis gtse ba'i sdug bsngal rgyun mi chad par myong ste/ tshe 'phos nas phyir yang sos </font><hr>348a<br><font size=+1>>


@#/ /pa tsam du lus dang sems gdungs te khyim gyis glags shing bcings pa ni/ btson rabs kyang dam mo/ /bdag kyang kun tu rgyu ba'i rigs su skyes te/ kho mo'i pha ma yang rigs che zhing btsun pas kho mo yang kun tu rgyu rigs che ba/ mang du thos pa/ rig byed dang ldan pa zhig la bag mar btang nas de'i chung ma byed de| de'i bu yang yod par gyur to/ /phyis gyos rgyug tshe 'phos pa'i 'og tu kho mo la sems can yod par gyur nas khyim thab la 'di skad ces byas so/ /kho mo la sems can yod de| zla ba yang tshad du nye bas gal te 'dir bu btsas na/ btsog cing mi btub kyi/ kho mo'i pha ma'i khyim du btsar 'gro'o/ /zhes byas na/ kho mo la legs so/ /zhes zer te| khyo shug gnyis 'grogs nas bu zhig kyang khrid de pha ma 'dod par song ba las/ lam phyed tsam du phyin pa dang mngal mi bde bar gyur nas shing zhig gi drung du nam phyed tsam na bu btsas so/ kho mo'i khyim thab kyang logs shig na nyal ba las mtshan mo sbrul gyis zin to/ /mtshan mo bos na cang mi grag nas nam langs te bltas na/ khyim thab kyang sbrul gdug pas zin pas tshe 'phos te lus kyang zhig par gyur to/ /de'i tshe na kho mo 'khams te sa la 'gyel ba dang / bu che ba yang pha sbrul gyis bsad pa mthong </font><hr>348b<br><font size=+1>>


nas skad phyung ste dus pas/ bu dus pa'i skad gyis kho mo yang phyir sangs nas bu che ba ni/ khur du thogs/ bu chud ba ni/ phang bar khyer te du zhing song song ba las lam yang dben pa zhig ste/ mi 'ga' mang mi 'drul pas grogs kyang ma rnyed do/ /bar na chu chen po zhig yod de/ chu'i kha tsho na yang che la zab pas bu gnyi ga ma theg nas bu che ba ni/ chu'i chu rol du bzhag /bu chung du khyer te pha rol tu bskyal nas phyir che ba bsur 'ongs pa dang / bu yang ma 'ong ba mthong nas chu'i nang du zhugs te chus khyer ba las kho mos bsnyags na/ stobs chung bsam zin te chus khyer ro/ /de nas phyir pha rol tu phyin tsam na bu chung du yang spyang kis zos te khrag cung zad tsam sa la snang ngo / /der yang 'khams nas ring zhig lon te phyir sangs pa dang lam du zhugs te song song ba las/ kun tu rgyu kho mo'i pha ma dang nye zhing bshes pa zhig dang phrad nas kun tu rgyu des khyod ci nyes na 'di ltar nyon mongs par gyur ces dris na| kho mos kyang ji ltar gyur pa rgyas par gtam byas pa dang / kun tu rgyu de yang dus nas kho mos pha ma'i gtam dris na/ khyod kyi pha ma'i khyim du de bar me shor nas pha ma dang khyim gang gi mi thams cad mes tshig go /zhes zer ro/ /de skad ces smras pa thos nas kho mo 'khams te sa la 'gyel to/ /de nas kun tu rgyu des bslad ste khyim du khrid nas kho mo la </font><hr>349a<br><font size=+1>>


@#/ /bu bzhin du byams shing 'dug pa las/ yang kun tu rgyu gcig gis chung mar blangs te de dang lhan cig rtse dga' yongs su spyod pa las sems can dang ldan par gyur te/ zla ba tshang nas bu 'byung du nye ba na khyim thab gzhan gyi khyim du tshang la bos nas de'i 'og tu bdag bu btsas te sgo dam du bcad nas phu 'tshir ba las khyim thab chang gis myos te sgo brdungs pa dang / sgo 'byed pa med pas khros te sgo bcag nas nang du 'ongs pa dang kho mo yang brdegs so/ /bdag gis bu btsas so| /zhes byas na/ bu yang bsad de mar gyi nang du brdos nas kho mo yang zar bcug go /bu'i sha za ma phod de ma zos pas yang brdegs nas nan gyis zar bcug go /zos pa'i 'og tu khyim thab kyang sangs nas bdag gis bsam pa/ bdag bsod nams med cing las ngan no snyam bsams nas khyim thab bor te yul wa ra NA sir bros so/ /yul wa ra NA sa'i phyi rol na shing zhig gi drung na 'dug pa las/ grong de'i khyim thab gzhon nu zhig gsar du chung ma tshe 'phos nas grong khyer de'i phyi rol du chung ma'i rus bu sbas nas khyim bdag de chung ma de la chags pas/ rus pu'i dung na du zhing 'dug pa las bdag gi drung du 'ongs te kho mo la khyod gcig pu 'di na ci byed ces dris so/ /kho mos kyang de bzhin du gtam byas pa </font><hr>349b<br><font size=+1>>


las khyim bdag des skyed mos tshal du khrid de kho mo la chung ma bya'o/ /zhes smras nas kho mos kyang de bzhin du rung ngo / zhes smras so/ /khyo shug tu 'dus nas ring po ma lon par khyim bdag nad kyis btab ste tshe 'phos nas de'i tshe na yul chos kyis gson pa'i tshe khyo shug mdza' ba rnams khyo tshe 'phos na/ chung ma yang gson por khyo dang lhan cig tu dur du 'jug go/ kho mo yang de ltar dur du bcug nas nub mo dur rkun 'ongs te dur brus pa dang / dur rkun gyi dpon pos kho mo bzang bar mthong bas/ des kyang chung mar byas so/ / ring po ma lon par brkur song ba las rgyal pos bsad nas rkun zla rnams kyis rus bu bkur te kho mo dang lhan cig yang dur du bcug go /dur na zhag gsum 'dug 'dug pa las spyang kis dur brus nas kho mo yang dur nas byung ste 'di snyam du bsams so/ kho mos sngon sdig pa cig gi byas na/ 'di 'dra bar lan du ma shi ba las phyir sos par gyur/ sngon thos na shAkya'i rigs kyi sras shig mngon par byang chub nas mtshan yang sangs rgyas zhes bya ste/ 'das pa dang / ma 'ongs pa kun mkhyen no/ /zhes grag na/ da ni/ de la skyabs su 'gro'o snyam bsams nas rgyal bu rgyal byed kyi tshal gang na ba de logs su song ba dang / rgyang ma nas de bzhin gshegs pa me tog gi sdong po rgyas pa lta </font><hr>350a<br><font size=+1>>


@#/ /bu'am| skar ma'i nang na zla ba lta bur mthong ngo / /de'i tshe bcom ldan 'das kyis kyang thogs pa med pa'i ye shes kyis bdag gdul ba'i dus la bab par mkhyen nas bzhengs te kho mo bsu'o/ kho mo sgren mor 'dug pas ngo tsha ste lag pas nu ma bkab nas sal 'dug go /de nas bcom ldan 'das kyis kun dga' bo la bka' stsal pa/ bud med 'di la gos skon cig ces bka' stsal pa dang / kho mos gos gyon nas bcom ldan 'das kyi zhabs la mgo bos phyag 'tshal te bdag la thugs brtse bar dgongs nas bdag rab tu 'byung bar gnod zhig ces gsol pa dang / bcom ldan 'das kyis kun dga' bo la bka' stsal te/ bud med 'di skye rgu'i bdag mo la gtad de rab tu phyung zhig ces bka' stsal to/ /de nas skye rgu'i bdag mos kho mo rab tu phyung nas kho mo la bden pa bzhi'i chos bstan nas kho mos thos ma thag tu brtson 'grus su nan tan byas pas dgra bcom pa thob ste 'das pa dang / ma 'ongs pa dang / da ltar gyi bya ba kun rtogs par gyur to/ /dge slong ma de rnams kyis smras pa/ sngon las ci bgyis na/ de lta bu'i rnam par smin pa myong ba ston cig ces smras pa dang / dge slong ma ut+pa las khyed rtag par nyon cig /khyed la bstan par bya'o/ /zhes smras </font><hr>350b<br><font size=+1>>


so| |sngon 'das pa'i dus yun ring po zhig na khyim bdag shin tu phyug pa zhig la bu med pa las chun ma zhig blangs te/ chun ma de la shin tu byams pas/ ring po ma lon par chun ma de sems can dang ldan par gyur to/ /zla ba tshang nas bu khye'u zhig btsas te/ khyo shug gnyis de la byams shing sdug par 'dzin to/ /de nas chen mas 'di snyam du bsams so| |kho mo ni/ rigs che zhing btsun mod kyi/ bu med pas rigs 'tshob pa med do/ /gal te khye'u 'di cher skyes na rigs 'tsho bcing nor dang longs spyod kyi bdag por 'gyur te| bdag la mi ster cing bdag sdug par 'gyur ro snyam du phrag dog skyes te bsad par bsams nas bu khye'u'i 'tshog mar khab kyis btsugs te rma yang mi snang bar byas so/ /khye'u yang ring por ma lon par tshe 'das pa dang / chun ma 'khams nas chen ma la khyod kyis nga'i bu bsad do/ /zhes brgal to/ /chen mas bsnyon nas 'di skad ces mna' bor ro/ /kho mos khyod kyi bu bsad par gyur na/ kho mo skye ba thams cad du kho mo'i khyo sbrul gdug pas bsad par shog cig /bu zhig yod na yang chus khyer ba dang / sbyang kis za bar shog cig /kho mo'i lus kyang gson por dur du bcug cing bu'i sha za bar shog cig /pha ma'i khyim du me shor te thams cad tshig par shog cig ces smras so/ /de'i tshe na de skad ces </font><hr>351a<br><font size=+1>>


@#/ /mna' bor ba'i chen ma de ni/ kho mo yin te/ de dag thams cad lus kyis myong bar gyur to/ /dge slong ma de dag gis smras pa/ bsod nams ci zhig byas na/ sangs rgyas mthong zhing sangs rgyas kyis bsu nas rab tu byung ste 'khor ba'i mthar phyin par gyur/ ut+pa las smras pa/ sngon wA ra NA si 'dir ri drang srong lhags zhes bya ba na rang sangs rgyas dang / nyan thos dang / mu stegs can mngon par shes pa lnga dang ldan pa mang du gnas so/ /de'i tshe na rang sangs rgyas dag cig bsod snyoms la grong du gshegs pa dang / khyim bdag gi chung ma zhig gis mthong nas rab tu dga' ste bsod snyoms phul nas mchod pa byas so/ /de nas rang sangs rgyas de nam mkha' la 'phags te lus la me 'bar ba dang / chu 'bab pa dang / 'gro ba dang / nyal ba dang / 'dug pa'i rdzu 'phrul bstan nas khyim bdag gi chung ma des kho mo yang ma 'ongs pa'i dus su 'di 'dra ba thob bar gyur cig ces smon lam btab bo/ /de'i tshe na smon lam btab pa'i khyim bdag gi chung ma de ni/ kho mo yin no/ /de'i phyir de bzhin gshegs pa dang phrad nas sems rnam par grol te dgra bcom pa thob bo/ /'di ltar dgra bcom pa thob mod kyi/ lcags tsha ba'i thur ma spyi bo nas zug nas rkang mthil du byung ste rtag </font><hr>351b<br><font size=+1>>


tu 'di lta bu'i gnod pa myong ngo / /de'i tshe rigs che zhing mtho ba'i dge slong ma lnga brgya snyed kyis de skad ces smras pa thos nas lus dang sems skyi g.ya' ste 'dong ba la me ma mur gyi phung po ltar rtogs nas 'dod chags kyi sems yongs su zad de/ khyim gyi sdug bsngal la btson ra bas kyang lhag par rtogs te/ dri ma kun zad nas dus gcig tu ting nge 'dzin du zhugs te dgra bcom par gyur to/ /dge slong ma de dag gis tshig mthun par dge slong ma ut+pal la bdag cag ni/ 'dod chags kyis kun nas bcings shing glags pa las khyod kyis chos bstan pas 'khor ba'i mthar phyin par gyur to/ /zhes smras so/ /de nas bcom ldan 'das kyis dge slong ma ut+pa las ni/ legs par bstan to/ /gang chos ston pa ni/ gcig gis gcig bstan te 'bras bu thob na/ sangs rgyas kyi sras yang dag pa'o/ /zhes bsngags so/ /de skad ces gsungs pa la 'khor mang po rjes su yi rang nas mngon par dga'o/ /dge slong ma ut+pa la'i le'u ste nyi shu lnga pa'o// //shu do la gar ne'i le'u/ 'di skad bdag gis thos pa dus gcig na bcom ldan 'das rgyal po'i khab bya ka lan+ta ka gnas pa 'od ma'i tshal na bzhugs so/ /de'i tshe tshe dang ldan pa kun dga' bo 'dug pa las langs nas gos tshags bcos </font><hr>352a<br><font size=+1>>


@#/ /te pus mo sa la btsugs nas thal mo sbyar te bcom ldan 'das la 'di skad ces gsol to/ /kauN+Di n+ya la sogs pa dge slong lnga po 'di ci'i rgyu ci'i rkyen gyis bcom ldan 'das kyis 'jig rten du chos kyi 'khor lo bskor ma thag tu chos kyi bdud rtsi sngar myong ba bstan du gsol/ bcom ldan 'das kyis kun dga' bo la bka' stsal pa/ dge slong lnga po 'di dag sngon yang nga'i sha sngar zos te bde bar gyur pas 'dir yang chos kyi ro thog mar myong ste rnam par grol bar gyur to/ /kun dga' bos bcom ldan 'das la gsol pa/ dge slong 'di lngas sngon ci bgyis pa bstan du gsol/ bcom ldan 'das kyis kun dga' bo la bka' stsal pa/ sngon 'das pa'i bskal pa tshad med grangs med bsam gyis mi khyab pa 'das pa'i snga rol du 'dzam bu'i gling 'dir rgyal po shu do la gar ne zhes bya ba byung ste/ 'dzam bu'i gling gi rgyal phran brgyad khri bzhi stong snyed la dbang byed do/ /de'i tshe na yul der lo bcu gnyis kyi bar du char mi 'bab bo/ /zhes ltas mkhan gyis lung bstan nas rgyal pos de skad ces thos pa dang / rab tu mya ngan gyis yi mug par gyur te/ 'di ltar mu ge chen po byung na mi mang po 'di dag la lo de snyed kyi kha zas ji ltar rnyed snyam nas rgyal phran dang blon po kun </font><hr>352b<br><font size=+1>>


bsdus te bgros na/ bang ba na 'bru ji snyed yod pa dang / da ltar mi ji snyed yod pa rtsis su sbyar na/ lo bcu gnyis kyi bar du mi re la phul re'i thad du brtsis na yang lo bcu gnyis su mi thub bo/ /zhes dril bsgrags so/ /de nas phyi phyir yang mu ge che bar gyur te tshe 'phos pa yang mang nas rgyal po des ji ltar byas na mi mang po 'tsho bar 'gyur snyam bsams te btsun mo dang pho brang slas su bcas te skyed mos tshal du 'chag tu song ba las bsti ba'i gnas shig tu phyin nas btsun mo dang / mi mang po kun gnyid kyis log pa'i 'og tu nyal ba las langs nas phyogs bzhir phyag 'tshal te 'di lta bu'i yi dam bcas so/ /yul 'dir mu ge byung bas thams cad bza' ba med par gyur te ltogs kyi/ bdag gi lus 'di btang ste tshe 'phos pa'i 'og tu nya chen po zhig tu skyes nas thams cad bdag gi sha la za zhing kun 'grangs par shog cig ces smon lam btab nas shing zhig la 'dzegs te shing kha nas lus g.yang du btang ngo / /der tshe 'phos nas chu chen por brdzus te skyes ba'i nya chen po dpag tshad lnga brgya pa zhig tu gyur to/ /de'i tshe yul de na shing mkhan mi lnga zhig chu 'gram du shing 'byor dong pa las/ nya chen po de mthong nas nya des mi'i skad du 'di skad ces smras so/ /khyed bkres na nga'i sha la bcad de ci 'dod pa zo zhig /'grangs nas kyang ci theg pa khyim du khyer </font><hr>353a<br><font size=+1>>


@#/ /cig /khyed kyis sngar nga'i sha zos te 'grangs pas na/ phyis mngon par sangs rgyas nas kyang thog mar khyod chos kyi zas myong bar skya'o/ /yul mi dag la gang bkres pa thams cad kyis kyang ci dga' bar nga'i sha la longs shig ces sgos shig /de'i tshe mi lnga pos sha bcad de zos nas yul mi la sbran te/ de nas gcig gis gcig la sbran pas 'dzam bu'i gling gi mi thams cad 'dus te de'i sha la bcad cing zos so/ /rtsib logs ngos gcig zad tsam na/ rtsib logs ngos gcig rang bsgyur te| steng ma zad na 'og ma yang de bzhin du skye'o/ /de bzhin du ltag 'og bsgyur zhing lo bcu gnyis kyi bar du thams cad kyis sha bcad cing zos nas thams cad de la snying rje ba'i sems skyes pas/ de'i sha zos pa de dag thams cad tshe'i dus byas pa yang mtho ris kyi lhar skyes so/ /kun dga' bo/ de'i tshe de'i dus na rgyal po nyar gyur pa de ni/ da ltar nga yin no/ /shing mkhan lnga po thog mar nga'i sha bcad de zos pa ni/ dge slong kauN+Di n+ya la sogs pa lnga po yin no/ /skye bo mang po phyis nga'i sha zos pa ni/ lha'i sras po brgyad khri dang / nga'i nye gnas rnam par grol ba rnams yin no/ /de'i tshe na sngar mi lnga po de la byin te 'tsho bas srog bskyabs pas 'dir yang sngar chos bstan te chos kyi sku'i </font><hr>353b<br><font size=+1>>


yan lag gis dug gsum gyi me zhi bar byas so/ /kun dga' bo dang / 'khor mang po rnams bcom ldan 'das kyis gsungs pa la rjes su yi rang nas mngon par dga'o/ /shu do la gar ne'u le'u ste nyi shu drug pa'o// //rgyal po a sho ka'i le'u/ 'di skad bdag gis thos pa dus gcig na/ bcom ldan 'das rgyal bu rgyal byed kyi tshal mgon med zas sbyin gyi kun dga' ra pa na bzhugs so/ /de'i tshe bcom ldan 'das kun dga' bo dang / bsod snyoms la gshegs pa las/ lam ga na byis pa dag cig sa la khang bu dang / bang mdzod dang / rin po cher bsngos nas rtse zhing 'khod do/ /de la khye'u gcig cig gis sangs rgyas rgyang ma nas gshegs pa mthong nas rab tu dga' ste sbyin pa bya bar bsams nas bang ba zhes bsngos pa'i sa las snyim pa gang blangs te sangs rgyas la dpul bar gzas pa las khye'u chung ches pas ma sleb nas grogs khye'u gcig la khyod sa la sgu zhig /kho bo khyod kyi steng du 'greng ste lhung bzed du blug go /zhes smras nas grogs pos kyang de bzhin du bya'o/ /zhes smras te/ khye'u des grogs po'i phrag pa la 'dzegs te sa snyim pa gang sangs rgyas la phul lo/ /sangs rgyas kyis kyang lhung bzed smrad nas sa phul ba bzhes so/ /bzhes nas kun dga' bo la gtad de sa 'di 'jim par gyis la gtsug </font><hr>354a<br><font size=+1>>


@#/ /lag khang la byugs shig ces bka' stsal to/ /kun dga' bo/ chung dus dga' ba'i sems kyis nga las phul ba bzhes nas gtsug lag khang la bskus pas/ de'i bsod nams kyis nga mya ngan las 'das nas lo brgya lon pa'i 'og tu rgyal po a sho ka zhes bya bar 'gyur ro/ /khye'u gcig shos ni/ de'i blon por 'gyur te/ 'dzam bu'i gling la dbang byed cing dkon mchog gsum gyi yon tan kyang yul thams cad du bsgrags nas ring bsrel la yang rgyas par mchod par byed de/ 'dzam bu'i gling du mchod rten brgyad khri bzhi stong gcig car byed par 'gyur ro/ /kun dga' bo dga' mgu rangs nas bcom ldan 'das la 'di skad ces gsol to/ /de bzhin gshegs pas sngon bsod nams ci zhig mdzad pas/ ring bsrel la yang mchod rten de snyed cig bgyid par 'gyur/ bcom ldan 'das kyis bka' stsal pa/ rtag par nyon la shin tu yid la zungs shig dang / khyod la bstan par bya'o/ /sngon bskal pa grangs med pa 'das pa na 'dzam bu'i gling 'dir rgyal po gsal thub zhes bya ba/ rgyal phran brgyad khri bzhi stong snyed la dbang byed pa zhig byung ngo / /de'i tshe sangs rgyas bur sha zhes bya ba 'jig rten du byung ste/ rgyal po des blon po dang bcas su yo byad rnam pa bzhi </font><hr>354b<br><font size=+1>>


sbyar te sangs rgyas dang / dge slong gi dge 'dun la phul lo/ /de'i tshe rgyal po de dang / yul mi rnams ni/ rtag tu sangs rgyas dang phrad de phyag 'tshal ba dang / bsnyen bkur byed kyi/ rgyal phran gzhan dag ni/ bsod nams kyang mi byed pas mtha' 'khob kyi rgyal phran dang / yul mi dag bsod nams byed du gzhug pa'i phyir sangs rgyas kyi sku gzugs bris la rgyal phran rnams la sbyin no snyam bsams nas ri mo mkhan mang po bsdus te sangs rgyas kyi sku gzugs ri mo la bris shig ces bsgo ba dang / ri mo mkhan dag sangs rgyas kyi spyan sngar song ste sangs rgyas kyi mtshan bltas nas ri mo bris pa las mtshan gcig bris na gcig mi 'dra bar gyur te/ ri mo mkhan gyis ri mo bri bar ma nus so/ /sangs rgyas nyid kyis tshon rtsi sbyar te sku gzugs gcig bris nas ri mo mkhan rnams de la bltas te sku gzugs mtshan dang ldan pa brgyad khri bzhi stong bris nas rgyal phran re re la sku gzugs re re bskur te/ sku gzugs de la rgyal po dang / yul mi thams cad kyis me tog dang / spos dang / yo byad thams cad kyis mchod de phyag 'tshol cig ces bsgo'o/ /rgyal phran de dag dang / yul mi de dag gis de bzhin gshegs pa'i sku gzugs mthong nas rab tu dga' mgu rangs te bsnyen bkur byas so/ /de'i tshe na rgyal po gsal thub de ni/ de ltar nga yin te/ de ltar de bzhin gshegs </font><hr>355a<br><font size=+1>>


@#/ /pa'i sku gzugs brgyad khri bzhi stong bris te rgyal phran kun la spel ba'i bsod nams kyis gang nas gang du skyes kyang mtho ris su brgya byin lha'i dbang por skyes te byad gzugs bzang ba dang / mtshan sum cu rtsa gnyis dang / dpe byad bzang po brgyad cu thob ste mngon par sangs rgyas so/ /mya ngan las 'das nas kyang ring bsrel la mchod rten brgyad khri bzhi stong snyed byed par 'gyur ro/ /bcom ldan 'das kyis de skad ces gsungs pa la kun dga' bo dang / 'khor mang po mngon par dga' nas rjes su yi rang ngo / /rgyal po a sho ka'i le'u ste nyi shu bdun pa'o// //gser gyi bum pa'i le'u/ 'di skad bdag gis thogs pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe dge slong dag dbyar so sor tshul du zhugs nas tshul nas byung ba dang / bcom ldan 'das gang na ba der lhags so/ /bcom ldan 'das dge slong dag dang yun ring du ma phrad pas de dag la thugs rtse bar dgongs te/ 'khor lo rtsibs stong dang ldan pa'i phyag bteg ste dge slong de dag la bsti stang dang bcas pas khyed na bar ma gyur tam/ bsod snyoms kyis brel tam zhes bka' stsal pa dang / de bzhin gshegs </font><hr>355b<br><font size=+1>>


pa yon tan chen po dang ldan pa de/ dge slong rnams la bsti stang mdzad par dge slong kun dga' bos mthong nas ngo mtshar du gyur te bcom ldan 'das la 'di skad ces gsol to/ / bcom ldan 'das ni/ 'jig rten gyi gtso bo/ /yon tan dpag tu ma mchis pa/ ye shes bsam gyis mi khyab pa lags na/ ci'i slad du thugs smad de dge slong rnams la bsti stang mdzad ces gsol pa dang / bcom ldan 'das kyis kun dga' bo la 'di skad ces bka' stsal to/ /sngon bskal pa grangs med tshad med bsam gyis mi khyab pa 'das pa na 'dzam bu'i gling 'dir yul wA ra NA si na khyim bdag so tshis la mkhas pa zhig yod de/ nor ci rnyed kyang gser du bsgyur nas gser gyi bum pa gcig byas te sa 'og tu sbas so/ /de bzhin du nor rdzas ci rnyed kyang lus la mi spyod de/ gser du bsgyur nas phyis ring zhig lon pa dang / gser gyi bum pa snga phyir bsags pa bdun du gyur nas thams cad sa 'og tu sbas so/ / khyim bdag de phyis nad kyis btab nas tshe dus byas pa dang / gser gyi bum pa la chags pas sbrul gdug pa zhig tu skyes te gser de la srung ngo / /phyis yun ring zhig lon pa dang / grong khyer de yang zhig nas su yang mi gnas te/ sa stong du gyur to/ /sbrul de yang lo grangs mang du lon pas tshe'i dus byas nas phyir yang de nyid kyi lus su skyes te gser gyi bum pa la 'khri </font><hr>356a<br><font size=+1>>


@#/ /zhing nyal lo/ /de bzhin du lo khri phrag du ma lon pa dang / nang gi skye ba tha ma la lus des skyo ste 'di snyam du bsams so/ /bdag ni/ gser 'di la chags pas 'di 'dra ba'i lus la mi sdug pa myong bar gyur gyi/ da ni/ bsod nams kyi zhing la phul nas lam dang nye bar song ste rtswa khrod du lus spas la mi dag 'ongs nas 'bod do snyam ste/ de'i tshe sbrul gdug pa des mi gcig lam nas 'ong ba mthong nas sbrul gyis mi de la bos pa dang / mi des bos pa'i dgra thos nas phan tshun bltas na cang mi snang bas lam du zhugs te song song ba las/ sbrul gyis yang bos te/ kye kho bo'i drung du snyen cig ces smras so/ /mi des smras pa/ khyod kyis kho bo bos te ci zhig bya/ khyod ni/ shin tu gdug pa can yin pas| kho bo gsad du 'ong ngo / /sbrul gyis smras pa/ kho bos gnod pa bya na/ khyod drung du ma 'ongs kyang gnod pa bya nus so/ /zhes smras pa dang / mi de skrag nas sprul gyi drung du bsnyen to/ /sbrul gyis smras pa/ kho bo la 'di na gser gyi bum pa zhig yod kyi/ khyod la bsod nams shig bya bar bcol na nus sam/ ci ste ma byas na khyod la gnod pa bya'o/ / mi des kho bos nus so/ /zhes smras pa dang / sbrul gyis mi de gser gyi bum pa'i drung du khrid de/ gser gyi bum pa gcig bskur te 'di skad ces smras so/ /khyod gser 'di </font><hr>356b<br><font size=+1>>


khyer la dge 'dun rnams la mchod ston zhig gsol cig /mchod ston gsol ba'i nyin par kho bos kyang 'ong gi /bsus shig ces bsgo'o/ /de nas mi de gser khur du khyer te dge 'dun gyi gnas su song nas dge slong gi gtsang sbyor la gser phul te/ 'di ni/ sbrul gdug pa zhig gi gser lags kyi/ gser 'dis dge 'dun la mchod ston gsol cig ces mchi'o/ /gser 'dis mchod ston sbyar te mchod ston nam gsol bzhag dus brtsis nas de'i nyin par mi de gzeb cig thogs te sbrul gdug pa de gang na 'dug pa der song ngo / / sbrul gdug pa des kyang mi de 'ong ba mthong nas rab tu dga' bar gyur te mi des sbrul gzeb kyi nang du bcug nas khyer te song ba las/ lam du mi zhig dang phrad de/ mi des khyod gang nas 'ongs zhes lan gsum gyi bar du dris kyang sbrul thogs pa des cang ma smras pas/ sbrul de khros nas gdug pa byung ba las yang 'di snyam du bsams so/ /mi 'di ci zhig nyes na pha rol pos lan gsum gyi bar du dris na/ gtam gyi lan yang mi ster snyam ste phyir yang khros nas gdug pa phyung ba las phyir bkag ste yang 'di snyam du bsams so/ /mi 'di bdag gi phyir bsod nams byed na/ byas pa gzo ba'i drin yang dran par byas pas gdug pa mi dbyung ngo snyam bsams te mi 'di bdag la phan pha'i don byed kyi/ nyes pa zhig byas </font><hr>357a<br><font size=+1>>


@#/ /na yang bzod par bya'o/ /zhes dben par phyin pa dang / re zhig sa la zhog cig ces smras nas mi des sbrul de la sems smad de bdag gi nyes pa 'gyod cing bshags so/ /zhes smras nas phyir yang khur du khyer te dge 'dun gyi gnas su phyin pa dang / dge 'dun dag kyang gdugs tshod kyi dus la bab pas/ mi des dge 'dun la me tog brims te sbrul de dad pa'i sems kyis me tog 'brim pa la blta'o/ /de nas dge 'dun dag zas kyi bya ba byas nas kha lag bkrus te sbrul de la chos bshad do| |sbrul de rab tu dga' nas gser gyi bum pa drug kyang dge 'dun la phul te bsod nams kyi las byas nas de nas tshe 'phos so/ /tshe'i dus byas nas de'i bsod nams kyis sum cu rtsa gsum gyi lhar skyes so/ /kun dga' bo/ de'i tshe na sbrul gdug pa khur du khyer ba'i mi de ni/ da ltar nga yin no/ /sbrul gdug pa de ni/ shA ri'i bu yin no/ /'das pa'i dus na yang khur du sbrul khyer ba las sbrul gyis spyos te/ de la yang sems smad pas da yang dge slong rnams la sems smad pa yin no/ /kun dga' bo la sogs pa sangs rgyas kyis gsungs pa la yi rang nas mngon par dga'o/ /gser gyi bum pa'i le'u ste nyi shu brgyad pa'o// //bram ze mo bde ba'i le'u/ 'di skad bdag gi </font><hr>357b<br><font size=+1>>


gis thos pa dus gcig na/ bcom ldan 'das rgyal po'i khab bya ka land ka gnas pa 'od ma'i tshal na dge slong grangs med pa dang thabs cig tu bzhugs so/ /de'i tshe yul de na bram ze shin tu dbul zhing phongs pa/ ci yang mi bdog pa zhig yod de|bram ze de phongs ches nas kun la ji ltar byas na/ tshe 'di nyid la longs spyod dang ldan par 'gyur ro/ /zhes dris so| |de la mi zhig gis smras pa/ ci khyod mi shes sam/ sangs rgyas bcom ldan 'das zhes bya ba da ltar 'jig rten du gshegs te sems can thams cad la phan pa'i don mdzad do| |de'i nye gnas 'od srung chen po dang / mau gal ya na dang / shA ri'i bu dang / ma 'gags pa la sogs pa 'phags pa bzhi yang rtag tu dbul phongs pa la phan pa'i don byed kyi/ gal te khyod dad pa'i sems kyis 'phags pa de dag la zhal zas kyis mchod na/ 'phags pa de dag gis/ tshe 'di nyid la khyod ci dang ci 'dod pa de dang de dag dang ldan par mdzad do// zhes smras so/ /de'i tshe na bram ze des mi des smras pa thos nas rab tu dga' ste kun tu rgyu zhing slong mo dang gla zos nas nor cung zad cig rnyed de/ phyir khyim du 'ongs nas zhal zas sbyar te 'phags pa rnams spyan drangs nas bshos gsol te/ 'jig rten 'di nyid la phan par re'o/ /de'i tshe bram ze de'i chung ma bde ba zhes bya ba des dge 'dun la </font><hr>358a<br><font size=+1>>


@#/ /bshos gsol nas nyin zhag gcig pa'i bslab tshigs mnos so/ /de'i tshe rgyal po gsal rgyal 'chag tu song ba las phyir 'ongs pa'i lam du nyes pa byas pa'i btson zhig lam ga na shing la bcings shing 'dug pa mthong ngo / /btson des rgyal po gshegs pa mthong nas dus te kha zas shig bslangs pa dang / rgyal pos kyang sbyin no/ /zhes byas nas phyir pho brang du gshegs pa dang brjed pa las de'i nub mo nam phyed tsam na btson la kha zas sbyin par byas pa dran te kha zas bskyal bar byas nas pho brang nang gi mi ni/ gcig kyang 'gro phod pa med de/ nam phyed na kha zas bskur du lam na 'dre gdon dang / srin pos 'jigs pas srog dang bsdos te 'gro nus pa med do/ /de'i tshe rgyal po mi de'i sdug bsngal ba dang / bkres pas nyen pa dran nas de la shin tu snying brtse ste nga'i yul 'di nas su zhig btson de la kha zas skyel nus na| gser srang stong sbyin no/ /zhes bsgrags kyang 'gro nus pa ma byung ngo / /de'i tshe bram ze'i chung ma bde ba des gtam du thos na 'jig rten pa su yang rung sta nyin zhag gcig pa'i bslab tshigs brgyad mnos na/ 'dre gdon la sogs pas mi brdzi ste/ gdon thams cad kyis gnod pa byed mi nus so/ /zhes thos kyi/ bdag ni/ rgyal </font><hr>358b<br><font size=+1>>


pos gar btang bar 'gro'o snyam bsams nas chas so/ /de nas rgyal pos bde ba la khyod kha zas 'di dag khyer la che ge mo zhig na btson 'dug pa de la byin cig dang / gser srang stong sbyin no/ /zhes dam bcas so/ /de nas bde ba rgyal po'i bka' bzhin du kha zas thogs te tshul khrims dran par byas nas lam du zhugs te song song ba las/ grong khyer gyi phyi rol tu srin mo lam pa dang phrad do/ /de'i tshe srin mo de bu lnga brgya gsar du btsas pas bkres skom gyis nyen te bde ba 'ongs par mthong nas bza' bar gzas so/ /de'i tshe bsnyen gnas ma tshul khrims ma nyams pas srin mos mthong nas phyir skrag ste/ bsnyen gnas ma khyod khyer ba'i kha zas las cung zad cig bslang ngo / /zhes smras pa dang / bsnyen gnas mas kyang nyung du zhig byin te byin pa nyung mod kyi/ srin mo'i mthus mang du sprul pas srin mo ma smad shin tu 'grangs par gyur to/ /de nas srin mos bsnyen gnas ma la khyod kyi ming ci zhes dris pa dang / kho mo ni/ bde ba'o/ /zhes smras so/ /'o na kho mo ma smad kyang ltogs pa las khyod kyis gsos kyi/ kho mo 'dug pa 'di na gser bum pa gang yod kyi phyir log pa'i lam du khyer cig /khyod phar 'gro na kho mo'i nu mo a lam pa yang lam ga na 'dug ste khyod dang phrad kyi/ kho mo'i 'phrin du khyod bde'am/ kho mo yang bu lnga brgya bde bar </font><hr>359a<br><font size=+1>>


@#/ /btsas so/ /zhes gyis shig /de nas bsnyen gnas ma lam du zhugs te song song ba las ring po ma lon par al+m+pa dang phrad do/ /a lam+pal bu mo'i 'phrin spring pa dang / bu lnga brgya bde bar btsas so/ /zhes gtam byas pas a lam+pa dga' ste/ bsnyen gnas ma la khyod kyis kho mo'i phu mo'i 'phrin dang gtam snyan byas pa legs kyi/ kho mo 'dug pa'i gnas 'di na gser bum pa gang yod kyi phyir log pa'i las du khyer cig /kho mo cag gi ming po gcig kyang lam ga na 'dug gi /de dang phrad na kho mo cag spun gnyis kyi 'phrin dang / bu lnga brgya btsas pa'i gtam yang gyis shig ces bsgo nas song ngo / /de nas yang ring por ma phyin par srin mo gnyis kyi ming po dang phrad de| de la srin mo gnyis kyi 'phrin dang bu lnga brgya yang bde bar btsas pa'i gtam byas nas de yang rab tu dga' ste/ khyod kyis kho bo'i sring mo gnyis kyi 'phrin byas pa legs kyi| kho bo 'dug pa'i gnas 'di na gser bum pa gang yod kyi/ phyir ldog pa'i lam du khyer cig ces bsgo'o/ /de nas bsnyen gnas ma chas te song song ba las btson de'i drung du phyin te kha zas bsnyod nas phyir ldog pa'i lam du gser bum pa gsum yang rnyed do/ /rgyal pos kyang gser srang stong bya dgar byin pas/ bram ze dbul po </font><hr>359b<br><font size=+1>>


khyo shug gnyis yul de na shin tu phyug cing nor mang bar gyur pas lhag par bsod nams byed cing rin po che mang bar gyur to/ /rgyal pos kyang de bsod nams las gyur par shes nas blon por bcug ste shin tu phyug par gyur pas/ lhag par bsod nams byed pa la dad pa'i sems skyes te sangs rgyas dang / dge 'dun spyan drangs nas mchod pa chen po byas so| |de la bcom ldan 'das kyis chos bstan pas sems rnam par grol te rgyun du zhugs pa'i 'bras bu thob bo/ /'khor mang po dang / kun dga' bo la sogs pa sangs rgyas kyis gsungs pa la rjes su yi rang nas mngon par dga'o/ /bram ze mo bde ba'i le'u ste nyi shu dgu pa'o// //bam po brgyad pa/ sbyin pa chen po rgya mtshor zhugs pa'i le'u/ 'di skad bdag gis thos pa dus gcig na/ bcom ldan 'das rgyal po'i khab bya rgod phung po'i ri la dge slong chen po'i dge 'dun brgya phrag phyed dang bcu gsum dang thabs cig tu bzhugs so/ /de'i tshe na bcom ldan 'das kyis tshe dang ldan pa kun shes kauN+Di n+ya la sogs pa la bsnyen bkur byed pa'i g.yog cig dgos so/ /zhes bka' stsal pa dang / de nas kun shes kauN+Di n+ya stan las langs te bla gos phrag pa gcig tu gzar nas bcom ldan 'das ga la bde logs su thal mo sbyar te phyag 'tshal nas bcom ldan 'das la bdag </font><hr>360a<br><font size=+1>>


@#/ /gis bsnyen bkur yid bzhin du bgyi zhing chos gos dang lhung bzed gzung ngo / /zhes gsol ba dang / bcom ldan 'das kyis kauN+Di n+ya la khyod kyang rgas 'khogs te khyod nyid la yang bsnyen bkur byed pa dgos kyi/ kauN+Di n+ya khyod stan la 'dug cig ces bka' stsal to/ /de bzhin du 'od srung dang / shA ri'i bu dang / mau gal yan la sogs pa nye gnas lnga brgya snyed kun gyis bcom ldan 'das la bsnyen bkur bgyi'o/ /zhes gsol na yang gcig kyang ma gnang ngo / /de nas tshe dang ldan pa ma 'gags pas/ bcom ldan 'das bsnyen bkur byed pa'i dge slong gang la dgyes snyam du brtags na/ bcom ldan 'das kyi thugs kun dga' bo la dgyes pa ni/ 'di lta ste/ khang bu brtsegs pa'i shar phyogs kyi skar khung nas nyi ma'i 'od zer byung ba na nub phyogs kyi ngos la shar cing lhan pa bzhin du/ bcom ldan 'das kyi thugs kun dga' bo la dgongs shing dgyes par nye gnas kun gyis rtogs nas tshe dang ldan pa shA ri'i bu dang / mau gal gyi bu chen po gnyis kun dga' bo gang na ba der song ste drung du phyin pa dang kun dga' bo dang lhan cig tu yid mgu zhing dga' ba'i gtam rnam ba dum byas nas phyogs gcig tu 'khod do/ /phyogs gcig tu 'khod nas shA ri'i bu dang / mau gal ya nas tshe dang ldan pa </font><hr>360b<br><font size=+1>>


kun dga' bo la 'di skad ces smras so/ /tshe dang ldan pa kun dga' bo/ bcom ldan 'das la bsnyen bkur bya bar dad dam/ bcom ldan 'das kyang khyod kyis bsnyen bkur bya bar dgyes te/ de bzhin gshegs pa la bsnyen bkur byas na/ khyod la phan pa'i don cher 'gyur ro/ /btsun pa shA ri'i bu/ bdag ni/ bcom ldan 'das la bsnyen bkur bya bar mi dad do/ /de ci'i phyir zhe na/ sangs rgyas bcom ldan 'das ni/ sgrub par dka'/ bzod par dka'o/ /'di lta ste/ me 'bar ba ni/ sgrub par dka'/ bzod par yang dka' ba yin te/ de ltar de bzhin du sangs rgyas bcom ldan 'das kyang sgrub par dka'/ bzod par dka' bas na/ bdag sangs rgyas bcom ldan 'das la bsnyen bkur bgyid par mi dad do/ /de nas tshe dang ldan pa mau gal ya na'i bu chen pos kun dga' bo la 'di skad ces smras so/ /kun dga' bo/ khyod la bcom ldan 'das dgongs shing dgyes pa ni/ 'di lta ste| khang bu brtsegs pa'i shar phyogs kyi skar khung nas nyi ma'i 'od zer byung ba na nub phyogs kyi rtsig ngos la shar cing lhan pa bzhin du/ bcom ldan 'das kyi thugs kyang kun dga' bo khyod kyis bsnyen bkur bya bar dgyes kyi/ dad par gyis shig /de bzhin gshegs pa la bsnyen bkur byas na/ khyod la phan pa'i don cher 'gyur ro/ /zhes smras </font><hr>361a<br><font size=+1>>


@#/ /so| |btsun pa mau gal yan chen po/ /ci ste bdag la bcom ldan 'das kyis 'dod pa 'di gsum gnang na/ bcom ldan 'das la bsnyen bkur bgyid par dad do/ /'di lta ste/ bcom ldan 'das mi gsol ba'i na bza' bdag la 'tshal du mi stsal ba dang / bcom ldan 'das mi gsol ba'i bshos kyi lhag ma bdag mi 'tshal ba dang / bdag dus ma mchis par bcom ldan 'das kyi spyan sngar mchir gnang bar bgyi na ni/ bcom ldan 'das la bsnyen bkur bgyi bar dad do/ /de nas tshe dang ldan pa shA ri'i bu dang / mau gal yan chen pos tshe dang ldan pa kun dga' bo bsnyen bkur byed du dad par byas nas bcom ldan 'das gang na ba der song ste phyin pa dang / bcom ldan 'das la 'di skad ces gsol to/ /bdag cag gis bcom ldan 'das la bsnyen bkur bgyid par tshe dang ldan pa kun dga' bo dad par bgyis na/ bcom ldan 'das kyis bdag la 'dod pa 'di gsum gnang na/ gdod bdag gis bcom ldan 'das la bsnyen bkur bgyi bar zhes mchi'o/ /bcom ldan 'das kyis bka' stsal pa/ legs so/ /mau gal ya na'i bu/ dge slong kun dga' bo de ni/ mkhas pa shes rab can te/ tshangs pa mtshungs par spyod pa rnams smad pa'i tshig dang /rjes </font><hr>361b<br><font size=+1>>


su smad pa'i tshig gi chos phyis 'byung bar mthong bas na/ bdag la tshangs pa mtshungs par spyod pa rnams 'di skad du dge slong kun dga' bo ni/ gos dang zas kyi phyir ston pa la bsnyen bkur byed do/ /zhes smra bar mi 'gyur ba'i phyir mau gal gyi bu de ni/ dge slong kun dga' bo'i ngo mtshar rmad du byung ba'i chos so/ /dge slong kun dga' bo ni/ mkhas pa shes rab can te/ dus shes shing dus rig pa lags shing / dus shes par 'gyur ba ni/ bcom ldan 'das la 'khor rnam bzhi blta bar 'gro ba'i dus la bab pa dang / dus la ma bab pa dang / gzhan yang mu stegs can kun tu rgyu rnams bcom ldan 'das kyi spyan sngar 'gro ba'i dus la bab pa dang / dus la ma bab pa dang / gzhan yang mu stegs can kun tu rgyu 'di dag ni/ bcom ldan 'das kyis gsungs pa la lan ldon par spobs so/ /'di dag ni/ lan ldon par mi spobs so/ /bca' ba dang bza' ba 'di ni bcom ldan 'das la bde zhing bsod par 'gyur la/ 'di ni/ bde zhing bsod par mi 'gyur bar shes pa'i phyir te/ mau gal gyi bu/ 'di ni/ dge slong kun dga' bo'i ngo mtshar rmad du byung ba'i chos so/ /de nas shA ri'i bu dang / mau gal gyi bu gnyis kyis tshe dang ldan pa kun dga' bo bcom ldan 'das la bsnyen bkur byed par dad par byas pa dang / bcom </font><hr>362a<br><font size=+1>>


@#/ /ldan 'das kyis kyang kun dga' bo ni/ mkhas pa shes rab can te/ dus shes shing dus rig go /zhes bsngags pas/ dge slong rnams the tshom skyes nas bcom ldan 'das la 'di skad ces gsol to/ /dge slong kun dga' bo 'di ci'i rgyu ci'i rkyen gyis dus dang tshod la mkhas par gyur/ bcom ldan 'das kyis shA ri'i bu la bka' stsal pa/ sngon 'das pa'i bskal pa tshad med grangs med pa'i pha rol tu rgyal po chen po 'dzam bu'i gling gi rgyal phran brgyad khri bzhi stong la dbang byed pa zhig byung ngo / / de'i tshe grong khyer pa ru da zhes bya ba na bram ze n+ya gro d+ha zhes bya ba zhig yod de/ mkhas pa/ rig pa dang ldan pa/ sman dang / gtsug lag dang / skar ma la mkhas pa zhig pas rgyal po de'i ston pa byed de/ rgyal phran brgyad khri bzhi stong snyed kyang de la rgyal po chen po dang 'dra bar bsnyen bkur byed de bsgo ba'i tshig kyang nyon to/ /bram ze de phyug khyad rnam thos kyi bu dang 'gran te/ de la bu med bas rtag tu mi dga' ste sems khong du chud cing 'dug pa las ji ltar byas na bu yod par 'gyur zhes tshangs pa dang / brgya byin dang / dbang phyug dang / nyi zla dang / skar ma dang / ri dang / chu dang / nags kyi lha kun la mchod cing rjed de lo bcu gnyis lon nas chung ma chen sems can dang ldan par gyur </font><hr>362b<br><font size=+1>>


to| |bud med mkhas pa dag ni/ sems can dang ldan ma thag tu bu khye'u 'am/ bu mo yin pa nges par rtogs pas/ de yang khye'u yin par shes nas bram ze la gtam smras so/ /bram ze de de skad ces smras pa thos nas rab tu dga' mgu rangs te chung ma'i rim gro lhag par cher skyed do/ /de nas zla ba dgu tshang nas khye'u zhig btsas te gser gyi mdog can/ skra mthon mthing du 'dug pa/ bzang ba/ mdzes pa/ mtshan dang ldan pa zhig go /de nas btsas ston byas nas mtshan mkhan bkug ste mtshan bltas nas ming sbyin pa chen po zhes btags so/ /khye'u de rim gyis cher skyes nas dbyar dgun dang / ston dpyid kyi gnas kyang so sor byas te longs spyod byed du bcug go /khye'u de yang yid gzhungs shing mkhas pa'i blo dang ldan pa zhig bas rig byed dang / gtsug lag rnam pa bco brgyad la sogs te/ sgyu rtsal gang yang mi shes pa med do/ /phyis sbyin pa chen pos pha ma la gsol pa/ bdag phyi rol tu 'chag cing ltad mo bltar 'gro'o/ /zhes byas pa dang / de'i pha mas kyang bu 'chag tu 'gro'o/ /zhes lam srang phyag dar byed du bcug ste rgyal mtshan dang / ba dan bsgrengs nas me tog gis gtor te bdug spos kyi bdug pa la sogs pa yo lang bshams nas sbyin pa chen po glang po rin po che sna bdun gyis brgyan pa la bskyon te </font><hr>363a<br><font size=+1>>


@#/ /dril bsgrags/ rnga brdungs/ rol mo dang / sil snyan bkrol te 'khor brgya stong snyed kyis bskor nas grong khyer gyi phyi rol tu song ngo / /yul mi thams cad lam gyi g.yas g.yon du khang bu brtsegs pa'i steng nas mig mi 'dzum par lta zhing 'di'i byin dang / gzi brjid ni/ tshangs pa dang 'dra'o/ /zhes bsgrags so/ /de nas song song ba las mu to ba dag gos hrul po gyon cing snod chag pa dag thogs te cung zad bslang ngo / /zhes 'bod pa sbyin pa chen pos thos nas de dag la khyed ci'i phyir 'di ltar nyon mongs shing sdug ces dris so/ /de la kha cig ni/ 'di skad du bdag cag la pha ma dang / phu nu dang / bu smad dang / gnyen bshes ma mchis pas sdug go /zhes zer ro| |de la kha cig ni/ bdag cag yun ring du nad kyis btab pas mi sos te sdug go /zhes zer ro/ /de la kha cig ni/ bdag cag bag ma byas pas chom pos bcom ste ci yang mi bdog pas slong mo byed do/ /zhes zer ro/ /sbyin pa chen pos de skad smras pa thos nas mchi ma dku ste song ngo / /de nas yang pha zad cig na bshan pa dag cig srog chags bsad nas pags pa ba shu ba dang / bsnyal gtubs pa dag mthong ngo / /sbyin pa chen pos e ma ho 'di dag ci byed ces dris na/ bdag cag ni/ pha mes rgyud </font><hr>363b<br><font size=+1>>


kyis 'di 'dri ba'i gsod pa'i las byed de/ 'di ma byas na mi 'tsho'o/ /zhes zer ro/ /de la sbyin pa chen po ngo mtshar du gyur nas lta mi 'dod par song ngo / /de nas pha zad du phyin pa dang zhing pa dag zhing rmos te/ zhing rmos pa'i shul na srin bu mang du byung ba la bya mang po dang / sbrul dag 'thu zhing za ba mthong ba dang 'di dag ci byed ces dris na/ bdag cag ni| zhing rmos te sa glongs pa'i shul du sa bon btab na phyis mang du skyes te/ des 'tsho zhing rgyal po'i dpya yang 'bul lo/ /zhes zer ro/ /sbyin pa chen po de la yang ngo mtshar du gyur nas pha zad song ba dang / rngon pa dag bya rgya bres pa dang / rnyi btsugs nas bya rnams bshor ba dang / sems can dag bya rgya dang rnyis zin nas lus rdeb cing 'then kyang ma shor te snying rje ba'i skad phyung nas shin tu 'jigs skrag pa dag mthong nas khyed ci byed ces dris na/ bdag cag kyang rgyud kyis 'di 'dra ba'i gsod pa'i las byed pas 'tsho'o/ /zhes zer ro/ /sbyin pa chen pos de skad smras pa thos nas shin tu yi mug ste yang pha zad song ba dang / nya sa dag nya rgyas nya bcus nas mang du zin te thang la phung por spungs nas da dung yang 'gul ba dag mthong nas 'di dag ci byed ces dris na/ bdag cag rgyud kyis las gzhan mi byed kyi/ 'di ltar nya bshor zhing 'tsho bar byed do// </font><hr>364a<br><font size=+1>>


@#/ /zhes zer ro/ /sbyin pa chen pos 'di lta bu dag mthong nas 'di snyam du bsams so/ /sems can 'di dag ni/ dbul phongs pas bgo ba dang bza' ba'i phyir 'di lta bu'i kha na ma tho ba'i las gsod pa la sogs pa byed de/ 'di dag ni/ tshe 'phos ma thag tu ngan song gsum du lhung ste mun pa nas mun par 'gro zhing thar pa'i dus med do snyam bsams nas phyir khyim du 'ongs te nyin mtshan du de sems shing mi dga' nas pha'i drung du song ste pha la bdag gsol ba zhig mchis kyi| gnong zhig ces smras so/ /phas kyang bu/ khyod ci zer/ khyod smra ba bzhin du bya'o/ /zhes smras so/ /yab/ bdag sngon phyi rol tu 'chag tu mchis pa las mi mang po gos dang / kha zas kyi phyir thams cad nyon mongs te/ gcig la gcig gsod pa dang / rdzun dang / dbang za ba dang / mi dge ba'i las rnam pa sna tshogs bgyid pa mthong nas de dag la sbyin pa bgyid par bsams kyi/ yab kyi bang mdzod chen po las phongs brel pa dag gi phyir yid bzhin du spyod du gnod zhig /phas smras pa/ ngas bang mdzod dang / rin po che mang du bsags pa thams cad khyod kyi phyir byas par zad na/ ci'i phyir khyod zer ba mi nyan zhes smras so/ /de nas sbyin pa chen pos phas gnang ba'i lung </font><hr>364b<br><font size=+1>>


thob nas yul mi thams cad la sbyin pa chen po sbyin gtong chen po byed kyi/ thams cad 'dus shing shog cig ces bsgrags so/ /de'i tshe dge sbyong dang / bram ze dang / dpul zhing phongs pa mgon med pa dang / nad pa la sogs te grong khyer gyi phyi rol na lam thog thag tu gang ngo / /de dag kyang dpag tshad brgya dang / nyis brgya dang / sum brgya dang / bzhi brgya dang / lnga brgya dang / dpag tshad stong gi lam nas 'ongs/ kha cig ni/ dpag tshad nyis stong dang / sum stong dang / bzhi stong dang / lnga stong nas dpag tshad khri'i bar du lhags te/ de dag sprin bzhin du 'dus nas thams cad la yid bzhin du sbyin pa ni/ gos 'dod pa la gos/ zas 'dod pa la zas/ rin po che gser dang / dngul dang / bai DUR+Ya dang / mu sa ra gal pa dang / bzhon pa dang / theg pa dang / khyogs dang / skyed mos tshal dang / zhing dang / rkang 'gro la sogs te/ yid bzhin du sbyin pa byas so/ /de ltar sbyin pa la zhugs te yun ring zhig lon pa dang / bang mdzod sum cha gcig zad nas mdzod srung gis bram ze la 'di skad ces smras so/ /sras kyis bang mdzod nas sbyin pa byas nas sum cha gcig ni/ zad de sum gnyis las ma lus na/ phan tshun du 'drul ba'i skyes dang / tshong zong ci las bgyid dgongs shig ces smras so/ /kho bo ni/ bu 'di la byams pas ngo mi ldog gi/ </font><hr>365a<br><font size=+1>>


@#/ /bang mdzod stongs kyang bla'o/ /zhes bsgo'o/ /de nas yang ring zhig lo na pa dang bang mdzod sum gnyis zad de sum cha tsam lus pa dang / mdzod srung gis yang bram ze la/ da ni/ bang mdzod sum gnyis tsam zad de sum cha tsam las ma lus na/ phan tshun skyes bskur ba dang / tshong zong ci las bya zhes smras so/ /bram ze des bsgo ba/ kho bo'i bu sdug ches te ngo mi ldog pas smra mi phod kyi/ khyod bdag gis thabs ci legs su byos la brel cing mi khom pa ltar tha snyad thogs shig /mdzod srung gis bram ze las lung thob nas mdzod sgo bcad de don gnyer du song ngo / /de nas slong ba dag sbyin pa chen po'i thad du lhags nas bar 'ga' ni/ mdzod srung mi rnyed de mdzod sgo mi phyed/ gal te mdzod srung 'ongs na yang yid bzhin du mi ster bas sbyin pa chen pos 'di snyam du bsams so/ /'di ltar gyur pa 'di ni/ mdzod srung gis thugs mi thub pas pha'i man ngag 'ongs kyi/ yong yang bus pha'i bang mdzod stongs par bya bar mi rigs kyi/ bdag gis da thabs ci zhig byas na/ rin po che yid bzhin du rnyed de skye bo mang po la phan thogs par 'gyur ba bsams nas mi dag la 'di skad ces dris so/ /'jig rten na las ci zhig byas na/ rin po che yid bzhin du rnyed </font><hr>365b<br><font size=+1>>


de nor dbyig mang du rnyed cing zad mi shes par 'gyur zhes dris pa dang / kha cig ni/ zhing mang du rmos na nor dbyig mang por 'gyur ro/ /zhes zer ro/ kha cig ni/ rkang 'gro spel te spogs byas na nor mang du rnyed do/ /zhes zer ro/ kha cig ni/ lam ring por tshong spogs byas na nor mang du rnyed do/ /zhes zer ro/ kha cig ni/ rgya mtshor zhugs te nor bu rin po che blangs na rin po che mang du 'gyur ro/ /zhes zer ro/ /sbyin pa chen pos de dag gis smras pa thos nas zhing rmo ba dang / rkang 'gro spel ba dang / lam ring por tshong la 'gro ba ni/ nga'i cha ma yin gyi/ rgya mtshor 'jug pa 'ba' zhig nga'i cha'o/ /zhes smras nas rgya mtshor 'jug go snyam bsams te pha ma la 'di skad ces smras so/ /bdag ni/ rgya mtsho nas rin po che mang po blangs te dbul phongs pa la sbyin pa yid bzhin du bgyi'o/ /bdag rgya mtshor rin po che len du mchir gnong zhig ces smras so/ /de'i pha mas de skad ces smras pa thos nas 'khams te bu la 'di skad ces smras so/ /'jig rten na dbul 'phongs pa dag ni/ blo med de/ lus dang srog dang bsngos nas 'gro bar byed do/ /khyod cis phongs nas de lta bur sems/ khyod sbyin pa byed 'dod na/ khyim na yod pa'i nor thams cad sbyin par byos shig /rgya mtshor ni/ 'gror mi rung ste/ rgya mtsho'i nang na chu rlabs </font><hr>366a<br><font size=+1>>


@#/ /dang / dba' klong 'khyil ba dang / chu srin dang / klu gdug pa dang / srin mo dang / ri chu'i mdog can la sogs te shin tu yang ba'i bgegs mang du yod pas thar par dka' na/ khyod cis phongs nas srog dang bsngo bar byed/ 'di la ni/ nyan pa med kyi/ ma sems par 'dug cig ces bsgo'o/ /sbyin pa chen pos de skad ces bsgo ba thos nas bsam pa bzhin du ma grub pas yi dam bcas te/ bsam pa 'di ma grub kyi bar du pha ma'i mdun du sa la khas bub tu nyal te mi ldang ngo snyam bsams nas yab yum gyis mkhyen par mdzod cig /bdag ni/ bsam pa bzhin du ma grub kyi bar du khas bub tu nyal ba 'di las mi ldang ngo / /zhes smras so/ /de nas pha ma mi dga' ste gnyen bshes dang bgros nas rgya mtsho'i nang du bgegs yang ba mang du yod pa'i gtam yang byas/ bdag kyang rmongs pa las lo bcu gnyis kyi bar du lha kun la mchod de khyod lta zhig nga'i bur skyes na/ nged ma dor bar zan zo zhig ces zhag gcig zhag gnyis nas zhag drug gi bar du tshig rnam pa sna tshogs kyis gros btab kyang ma nyan te/ sngar ji skad da smras pa las ma ldog go /pha ma skrag nas yang 'di skad ces smras so/ /bdag gi bu 'di thog ma nas da tsam gyi bar du bya ba brtsams pa mthar ma grub kyi bar du mi </font><hr>366b<br><font size=+1>>


gtong bas/ rgya mtshor btang na brgya la phyir ldog kyang srid kyi/ ma btang na zhag bdun lon na 'phral du bye brag 'bye ste/ da ni/ gtang dgos so snyam bgros nas bu'i drung du song ste lag pa nas bzung nas bu longs la zan zo zhig /yid bzhin du 'gro bar gnang ngo / /zhes smras pa dang / sbyin pa chen po yang langs te bza' ba zos/ btang ba 'thungs so/ /de nas phyi rol tu byung ste mi mang po la kho bo rgya mtshor rin po che len du 'gro'o/ /khyed su 'gror dga' ba rnams dang 'grogs te 'dong gi/ de dad pon yang kho bos bya la yo byed kyang kho bos sbyar ro| |zhes bsgrags so/ /de'i tshe mi lnga brgya tsam yang 'gro bar khas blangs nas so so nas yo byad sbyar te nam 'gro ba'i dus kyang byas nas dus bzhin du lam du zhugs te chos so/ / lam du 'jug pa'i tshe khye'u'i pha ma dang / rgyal po dang / rgyal bu dang / blon po la sogs te yul mi thams cad kyis kyang bskyal nas rdzongs bstabs so/ /pha mas kyang ngus te phyi phyag byas nas zhag du ma'i lam 'das pa dang / 'brog stong du phyin te nub mo dgong ma la du mi rgod kyis bcom nas nor rdzas kun 'phrog go /de nas song song ba la grong khyer shu pa ra zhes bya bar phyin nas grong khyer de na bram ze ka pi li zhes bya ba dang phrad de/ bram ze de'i khyim du song nas bram ze de las sbyin pa chen pos gser srang sum stong bslang bar byas so/ / </font><hr>367a<br><font size=+1>>


@#/ /de'i tshe na bram ze de la bu mo gser gyi mdog can/ skra mthon mthing khar 'dug pa/ rgyal phran brgyad khri bzhi stong snyed kyi rgyal bu thams cad kyis bslangs na yang ma ster ba zhig yod de/ de'i tshe na sbyin pa chen po bram ze de'i sgor song ste bram ze ka pi li 'dug gam zhes dris pa'i tshe bu mos khyim gyi nang nas sbyin pa chen po'i skad thos pa tsam gyis sgo phyi na skad grag pa 'di kho mo'i khyim thab yin no/ /zhes pha ma la smras so/ /de nas bram ze sgor byung nas phrad pa dang / khye'u de la 'di ni/ nges par gzhan bas 'phags so snyam bsams so/ /khye'u des gser bslangs pa dang / bram zes kyang sbyin par gnang nas lag pa ya gcig tu ni/ gser thogs/ lag pa ya gcig gis bu mo khrid de| bu mo 'di yang khyod kyi chung mar sbyin gyi/ longs shig ces smras pa dang / sbyin pa chen pos smras pa/ bdag ni/ rgya mtsho chen por rin po che len du 'gro ste/ rgya mtsho'i nang na bgegs shin tu mang bas kho bo 'khor tam mi 'khor gyi gtol med de/ khyod kyi bu mo chung mar len pa'i thugs mi thub bo/ /bram zes smras pa/ khyod bde bar 'khor na bu mo 'di chung mar longs shig ces smras pa dang / sbyin pa chen pos kyang phyir 'khor na de bzhin du bya'o/ /zhes smras so/ /de nas bram zes kyang gser srang sum </font><hr>367b<br><font size=+1>>


stong dang / gzhan yang yo byad ci dgos pa kun sbyar te/ de nas chas pas rgya mtsho'i ngogs su phyin to/ /de nas gru bcos te gru'i nang du zhugs nas de nas thag pa bdun gyis brtod de gru'i nang nas 'di skad ces smras so/ /rgya mtsho'i nang na bgegs 'di dag yod de/ 'di lta ste/ rlung nag po dang / srin po dang / chu'i dba' rlabs 'khyil pa dang / klu gdug pa dang / chu'i mdog lta bu'i ri dang / chu srin la sogs pa'i bgegs yang ba mang du yod kyi/ khyed las 'gror mi dad pa zhig yod na 'di las phyir log cig/ /phyis 'gyod par gyur ta re/ gal te lus dang srog la mi lta ste/ pha ma dang / phu nu dang / bu dang / chung ma dang / gnyen bshes la mi chags na 'dong ngo / /gal te bde bar phyin na/ rin po che sna bdun gyis bu tsha rabs bdun tshun chad phyug par 'gyur te/ longs spyod zad mi shes par 'gyur ro/ /zhes smras nas thag pa gcig bcad do/ /de bzhin du nyi ma bdun gyi bar du nyin re lan re de skad sgras nas rtod thag re re bcad de rlung dang sbyar te g.yor shing bsgreng bas mgyogs khyod mda' bzhin song ngo / /de nas tshong ba dag dang rin po che'i gling du phyin nas sbyin pa chen po mang du thos pas rin po che brtag pa la yang shin tu mkhas te/ rin po che bzang ngan dang / lci yang dang / ji tsam ri ba'i rin thang </font><hr>368a<br><font size=+1>>


@#/ /phan tshun tshong pa rnams la bstan nas rin po che kha ngog 'di lta bu ni/ yang mod kyi/ rin che'o/ /rin po che 'di dag ni/ lci yang rin chung gi /ma len cig /ha cang yang mang ches na gru lci bas 'bying ngo / /ha cang nyung ches na yang nyon mongs te song song ba'i don med pas/ 'di tsam zhig ni/ ran no/ /zhes bya ba la sogs pa'i tshod kyang bstan nas rin po che grur brdzangs te ci la yang ma rag nas da phyir 'dong ngo / /zhes chas pa dang / sbyin pa chen po gru'i nang du 'ong du ma btub nas tshong pa rnams la kho bo ni/ klu'i rgyal po'i pho brang nas yid bzhin gyi nor bu rin po che ma thob kyi bar du mi ldog go /zhes smras so/ /de nas tshong pa rnams kyis dus te mya ngan gyis yi mug nas 'di skad ces smras so/ /bdag cag tshong pa 'di rnams ni/ skyes bu ded dpon khyod kyi g.yog tu 'ongs te/ da khyod kyis 'dir dor to mi 'gro na bdag cag kyang phyir khyim du mi phyin te/ thams cad 'khyams par 'gyur ro/ /sbyin pa chen pos smras pa/ tshong pa khyed cag mi nyes par yul du phyin par kho bos kyang smon lam gdab bo/ /zhes bog por lag tu blangs te phyogs bzhir mchod nas 'di skad ces smras so/ /bdag ni/ rin po che blangs te sems can phongs pa la spyin par ma zad kyi/ de ltar sbyin pa byed </font><hr>368b<br><font size=+1>>


pa'i bsod nams des sangs rgyas su 'grub pa'i phyir ro/ /bdag gis smras pa 'di bden te smon lam bzhin du 'grub na/ tshong pa 'di dag rin po che dang bcas pa nye zhe med par 'dzam bu'i gling du bde bar phyin par shog cig ces smon lam btab nas thag pa bcad de g.yor shing bsgrengs nas phyir 'dzam bu'i gling du bde bar dong ngo / /de dag song ba'i 'og tu sbyin pa chen po chur zhugs te song ba las zhag bdun gyi bar du ni/ pus mo tsam las ma nub bo/ /de nas yang zhag bdun gyi bar du ni/ brla drung tsam las ma nub bo/ |de nas yang zhag bdun song ba las rked pa tsam las ma nub bo/ /zhag bdun lon gyi bar du ni/ phrag pa tsam du phyin to/ /de nas zhag bdun gyi bar du ni/ rkyal lo/ /de nas ri zhig gi drung du phyin pa dang shing la 'jus te ri la 'dzegs nas zhag bdun gyis rtse mor phyin to/ /ri rtser zhag bdun song song nas yang zhag bdun gyis shod du chu 'gram du phyin to| |chu 'gram du phyin pa dang chu'i nang na pad+ma gser gyi mdog can yod pa la sbrul gdug pas pad+ma'i rtsa ba la dkris shing 'dug pa mthong ngo / /de nas byang chub sems dpa' skyil mo krung bcas te 'dug nas sems rtse gcig tu byams pa'i ting nge 'dzin la zhugs te/ sbrul gdug pa 'di dag kyang sngon zhe sdang dang / phrag dog byas pa'i rkyen gyis 'di lta </font><hr>369a<br><font size=+1>>


@#/ /bu'i lus mi sdug pa myong ngo snyam lhag par de la snying brtse ba'i sems skyes pas sbrul gdug pa de'i gdug pa kun zhi nas byang chub sems dpa' pad+ma de'i steng nas gom pa dor te song song ba las zhag bdun gyis sprul gdug pa de dag las brtol to/ /de nas yang song song ba las srin po dang phrad nas srin po de dag mi'i dri tshor bas kun tu tshol lo/ /de nas byang chub sems dpa' sems rtse gcig tu byams pa'i sems kyis brtags pas srin po de dag 'jam pa'i tshig gis skyes bu khyod gang nas 'ongs/ gang du 'gro zhes dris so/ /de la sbyin pa chen pos kho bo ni/ yid bzhin gyi nor bu rin po che tshol du 'ongs so/ /zhes smras so/ /de nas srin po de dag rab tu dga' ste/ 'di ni/ bsod nams chen po dang ldan pa zhig snyam bsams nas 'di ni/ da dung klu'i pho brang las shin tu ring ste nam yang mi phyin pas nyon mongs par 'gyur gyi/ mthu zhig bstangs te bskyal lo snyam nas nam mkha' la khyer te dpag tshad bzhi brgya'i pha rol tu phyin nas phyir yang sa la bzhag go /sbyin pa chen po de nas yang song song ba las ring po ma lon par dngul gyi mkhar zhig mthong nas klu'i gnas yin no snyam bsams te nye bar song ngo / /mkhar de'i phyi rol 'obs rim pa bdun gyis bskor te 'obs kyi nang na sbrul </font><hr>369b<br><font size=+1>>


gdug pa 'jigs su rung bas gang ngo / /sbyin pa chen pos de dag mthong nas sbrul gdug pa 'di dag ni/ sngon zhe sdang che ba'i lan gyis 'di lta bu'i lus 'jigs su rung ba myong bar gyur to snyam ste/ de la bu gcig pa dang 'dra bar byams shing snying rje ba'i sems skyes te/ de ltar byams pa'i sems bskyed pas sprul gyi gdug pa yang zhi bar gyur nas sprul de dag brdzis te klu'i mkhar du song ngo / /mkhar de la klu gnyis kyis dkris te klu'i mgo mkhar sgo la bstan to/ /klu de gnyis kyis sbyin pa chen po mthong nas mgo bteg ste gdug pa 'byin pa las sbyin pa chen po byams pa'i sems bskyed pas/ gdug pa yang zhi nas mgo smad de nyal lo/ /sbyin pa chen pos klu'i mgo la brdzis nas mkhar gyi nang du song ba dang / mkhar gyi nang na klu zhig rin po che sna bdun gyi gzhal med khang na 'dug pa mthong ngo / /klu'i rgyal po des byang chub sems dpa' mthong ba dang sdangs te 'di snyam du bsams so/ /nga'i gnas 'di 'obs rim pa bdun gyis bskor te 'obs kyi nang na sbrul gdug pas gang bas/ klu dang / gnod sbyin ma yin pa gzhan gang yang 'dir 'ong ba'i thugs mi thub na/ 'di lta bu su zhig yin snyam ste 'dug pa las langs nas bsu ste bsti stang dang bcas pas phyag byas nas rin po che'i khri la bzhag ste </font><hr>370a<br><font size=+1>>


@#/ /kha zas rnam pa sna tshogs byin no/ /kha zas zos nas khyod 'dir ci la 'ongs/ ji ltar phyin ces dris so/ /byang chub sems dpas smras pa/ 'dzam bu'i gling gi mi dag ni/ dbul phongs pas nor dang gos dang zas kyi phyir gcig la gcig rnam pa sna tshogs kyis 'tshe zhing gnod pa byed de/ tshe 'phos ma thag tu ngan song gsum du ltung ngo / /bdag ni/ de dag la snying brtse ste de dag gi mgon bya ba'i phyir lam ring po nas nyon mongs pa dang bsngos te rgyal po chen po khyod la nor bu rin po che slong du 'ongs so/ /yid bzhin gyi nor bu rin po ches sems can la phan gdags pa'i bsod nams kyis mngon par 'tshang rgya bar 'tshal gyi/ bdag gis yid dang mi 'gal bar rin po che stsal bar gsol/ /klu'i rgyal pos smras pa/ yid bzhin gyi nor bu rin po che ni/ shin tu yang rnyed dka' ba yin te/ khyod don 'di'i phyir 'ongs na 'dir zla ba gcig cig 'dug ste/ bdag gis mchod pa cung zad bzhes la bdag cag la chos kyang bstan na/ yid bzhin gyi nor bu rin po che yang sbyin no/ /zhes byas pa dang / byang chub sems dpas kyang de bzhin du bya'o/ /zhes smras so/ /de nas klu'i rgyal pos nyin gcig bzhin du kha zas ro brgya dang </font><hr>370b<br><font size=+1>>


ldan pa rnam pa sna tshogs sbyar te phul nas rol mos byang chub sems dpa' la mchod do/ /byang chub sems dpas kyang de la dran pa nye bar gzhag pa'i chos kyi yan lag zla ba gcig gi bar tu bstan nas phyir 'gro'o/ /zhes byas pa dang / klu'i rgyal po dga' nas spyi bo'i gtsug phud las yid bzhin gyi nor bu rin po che bkrol te phul lo/ /skyes bu chen po 'gro ba la phan pa'i don du yi dam la shin tu brtan pa khyod gdon mi za bar 'tshang rgya'o/ /nam mngon par sangs rgyas pa na bdag kyang khyod kyi nye gnas mchog tu gyur cig ces smras so/ /de nas klu'i rgyal po la nor bu rin po che 'di la mthu stobs ci yod ces dris na/ smras pa/ nor bu 'di ni/ dpag tshad nyis stong khor khor yug tu dgos pa thams cad char bzhin du 'bebs nus so/ /byang chub sems dpas bsam pa/ nor bu rin po che 'di mthu stobs che mod kyi/ 'on kyang bdag gis bsam pa'i don chen po sgrub nus pa ma yin no bsams nas klu'i rgyal po 'khor dang bcas pas bskyal te song ngo / /de nas yang song song ba las rgyang ma nas bai DUR+Ya sngon po'i mkhar zhig mthong ngo / /mkhar de 'dod pas song ba dang mkhar de'i drung du phyin pa dang / mkhar de yang 'obs rim pa bdun gyis bskor te 'obs kyi nang na sbrul gdug pas yongs su </font><hr>371a<br><font size=+1>>


@#/ /gang ngo / /byang chub sems dpas sbrul gdug pa de dag la snying brtse zhing byams pa'i sems bskyed pas sbrul gyi gdug pa zhi nas sbrul de dag la brdzis pa song ngo / /mkhar sgor phyin pa dang klu gnyis shig mkhar sgo na nyal ba yang byang chub sems dpa' snying brtse zhing byams pa'i sems kyis klu'i gdug pa zhi nas mgo la brdzis te mkhar gyi nang du song ngo / /de'i tshe mkhar de na klu'i rgyal po zhig rin po che sna bdun gyi gzhal med khang na 'dug pas rgyang ma nas byang chub sems dpa' mthong nas 'di snyam du bdag gi gnas 'di la 'obs rim pa bdun gyis bskor te/ 'obs kyi nang na sbrul gdug pas gang bas klu dang gnod sbyin ma yin pa gzhan su yang 'ong ba'i thugs mi thub na/ mi 'di lta bu su yin/ gang nas 'ongs snyam ste ya mtshan du gyur nas bsu ste bsti stang dang bcas pas phyag byas nas rin po che'i gdan la bzhag go /de nas kha zas ro brgya dang ldan pa rnam pa sna tshogs sbyar te phul nas byang chub sems dpas kha zas zos pa'i 'og tu khyod 'dir ci las 'ongs/ don ci yod ces dris so/ /byang chub sems dpas smras pa/ bdag ni/ rgyal po khyod la yid bzhin gyi nor bu rin po che slong du 'ongs so/ /klus smras pa/ rin po che ni/ shin tu yang rnyed par dka' ste/ </font><hr>371b<br><font size=+1>>


khyod 'dod pa yang dag na/ kho bos gsol ba bzhin du zla ba gnyis shig 'dir 'dug ste/ bdag cag la byang chub sems dpa'i spyod pa bstan pas bdag cag gi mchod pa bzhes na| nor bu rin po che yang sbyin no/ /zhes byas pa dang / sbyin pa chen pos kyang de bzhin du bya'o/ /zhes smras so/ /de nas klu'i rgyal pos zla ba gnyis kyi bar du kha zas ro brgya dang ldan pa rnam pa sna tshogs sbyar te phul nas rol mo sna tshogs kyis mchod de byang chub sems dpas kyang de dag la rdzu 'phrul gyi rkang pa bzhi'i chos kyi rnam grangs zla ba gnyis kyi bar du bstan te phyir 'gro bar bsams nas klu'i rgyal pos kyang yid bzhin gyi nor bu rin po che bkrol te phul nas skyes bu chen po yi dam la shin tu brtan pa khyod gdon mi za bar 'tshang rgya'o/ /nam mngon par sangs rgyas pa na bdag kyang khyod kyi nye gnas bgyi'o/ /zhes smras pa dang / de bzhin du gyur cig ces smras so/ /nor bu rin po che 'di la mthu stobs ci yod ces dris na/ nor bu 'di ni/ dpag tshad bzhi stong kho ra khor yug tu ci 'dod pa thams cad char bzhin du 'bebs so/ /zhes smras so/ /byang chub sems dpa' yang 'di snyam du rin po che 'di mthu stobs che mod kyi/ bdag gi bsam pa sgrub nus pa ma yin no/ /snyam nas klu'i rgyal pos mkhar gyi sgo'i phyi rol tu byang chub sems </font><hr>372a<br><font size=+1>>


@#/ /dpa' bskyal to/ /de nas yang song song ba las rgyang ma nas gser gyi mkhar rab tu 'tsher ba zhig mthong nas byang chub sems dpa' de'i drung du song nas phyin pa dang / mkhar de yang 'obs rim pa bdun gyis bskor te/ 'obs kyi nang na sbrul gdug pas yongs su gang ba mthong ngo / /byang chub sems dpa' yang byams pa'i sems bskyed pas sbrul gyi gdug pa zhi nas de la brdzis te song ngo / /mkhar de la'ang klu gnyis shig 'khyil te mgo sgo'i phyi rol tu bstan nas nyal ba/ byang chub sems dpa' mthong nas mgo bteg ste gdug pa 'byin pa las byang chub sems dpas snying brtse zhing byams pa'i sems bskyed pas gdug pa zhi nas de'i mgo la brdzis te mkhar gyi nang du song ngo / /mkhar de'i nang na klu'i rgyal pos rin po che'i gzhal med khang nas byang chub sems dpa' rgyang ma nas mthong ste 'di snyam du bdag gi gnas 'di ni| 'obs rim pa bdun gyis bskor te/ 'obs kyi nang na sbrul gdug pas gang bas klu dang gnod sbyin ma gtogs par gzhan gang yang 'ong ba'i thugs mi thub na| mi 'di su yin/ gang nas 'ongs snyam ngo mtshar du bzung ste rgyang ma nas bsu nas bsti stang dang bcas pas phyag 'tshal te rin po che'i gdan la 'dug tu bcug </font><hr>372b<br><font size=+1>>


go /de nas kha zas ro brgya dang ldan pa rnam pa sna tshogs sbyar te phul nas kha zas zos pa'i 'og tu khyod su zhig /gang nas 'ongs zhes dris so/ /de la byang chub sems dpas bdag ni| 'dzam bu'i gling nas mchis te/ 'dzam bu'i gling gi sems can dag bsod nams chung bas/ nor dang zas dang skom gyi phyir gcig la gcig rnam pa sna tshogs pas 'tsho zhing gsod de/ mi dge ba bcu'i las rdzogs par byed pas tshe 'phos ma thag tu ngan song gsum du ltung zhing sdug bsngal mang po myong bar 'gyur bas/ bdag ni/ de dag la snying brtse ste mgon bya ba'i phyir rgyal po chen po khyod la yid bzhin gyi nor bu rin po che slong du 'ongs so/ /klu'i rgyal pos smras pa/ yid bzhin gyi nor bu rin po che ni/ rnyed par sla ba ma yin te/ skyes bu khyod bdag la re ste 'ongs na/ bdag gi gnas 'dir zla ba bzhi zhig 'dug ste bdag cag gi mchod pa bzhes na/ nor bu rin po che yang dbul lo/ /zhes byas pa dang / byang chub sems dpas kyang de bzhin du bgyi'o/ /zhes smras nas/ klu'i rgyal pos zla ba bzhi'i bar du kha zas ro brgya dang ldan pa rnam pa sna tshogs sbyar te phul nas rol mo mang pos kyang mchod do/ /de la byang chub sems dpas chos kyi rnam grangs rgya cher phye zhing bstan pas klu'i rgyal po rab tu dga' ste klu </font><hr>373a<br><font size=+1>>


@#/ /gzhan dang / gnod sbyin gzhan la mi ltos par yo byad thams cad kyang yid bzhin du sbyar to/ /de lta bu'i tshul du zla ba bzhi byas nas byang chub sems dpa' 'gro bar chas pa dang / klu'i rgyal pos gtsug phud nas yid bzhin gyi nor bu rin po che bkrol te byang chub sems dpa' la phul nas skyes bu chen po yi dam la brtan pa khyod gdon mi za bar 'tshang rgya'o/ /nam mngon par sangs rgyas pa na bdag kyang nye gnas mchog tu gyur te bsnyen bkur byed par shog cig ces smon lam btab bo/ / byang chub sems dpas kyang de bzhin du gyur cig ces smras nas nor bu rin po che 'di la mthu stobs ji tsam zhig yod ces dris so/ /klu'i rgyal pos smras pa/ nor bu rin po che 'di ni| dpag tshad brgyad stong khor khor yug tu rin po che char bzhin du 'bebs te/ ci 'dod pa thams cad 'bebs so/ /zhes smras pa dang / byang chub sems dpa' gdod dga' nas 'di snyam du 'dzam bu gling gi sa khyon ni/ dpag tshad bdun stong las med de/ nor bu rin po che 'dis ni/ bdag gi re ba skong ngo snyam bsams nas snga phyir rnyed pa'i rin po che gsum char gos kyi mtha' mar phur te mkhar gyi sgor byung ba dang / klu'i rgyal po 'khor dang bcas pas bskyal nas so sor dong ngo / /byang chub </font><hr>373b<br><font size=+1>>


sems dpas pha zad cig tu phyin nas nor bu rin po che rnams lag tu thogs nas 'di skad ces smon lam btab bo/ /nor bu 'di yid bzhin gyi nor bu rin po che yin yang dag na| bdag nam mkha' la 'phur bar gyur cig ces smras so/ /de skad ces smras ma thag tu nam mkha' la 'phur te rgya mtsho'i bgegs las thar nas rgya mtsho'i ngogs su phyin par gyur te/ de na cung zad bsti zhing ngal sos pa'i mal du gnyid kyis log pa dang / de'i tshe rgya mtsho'i klu bran rnams 'di skad ces bgros so/ /rgya mtsho 'di na nor bu rin po che 'di gsum las med de/ gsum char mi 'dis khyer gyi/ nor bu 'di ni/ yon tan dang ldan pas bdag cag la yang dgos kyi phyir brku'o/ /zhes bgros nas byang chub sems dpa' gnyid kyis log pa'i tshe yid bzhin gyi nor bu rin po che klu rnams kyis phyir brkus so/ /byang chub sems dpa' sad nas bltas na/ nor bu rin po che med pas 'di snyam du bsams so/ /'ad ni/ gdon mi za bar rgya mtsho'i klus brkus kyi/ bdag gis mthu ci yod pas rgya mtsho'i chu bcus te bskam par bya'o snyam bsams te nor bu phyir ma thob kyi bar du lag pa stong par phyir mi 'gro'o snyam yi dam bcas nas rgya mtsho'i ngogs su song ste rus sbal gyi khog pa zhig blangs nas lag pa gnyis kyis rgya mtsho'i chu bcus </font><hr>374a<br><font size=+1>>


@#/ /so| |de'i tshe na rgya mtsho'i lhas de'i bsam pa shes nas de la 'di skad ces smras so/ /rgya mtsho 'di ni/ gting zab cing yangs te/ dpag tshad stong phrag sum brgya sum cu yod pa/ gal te 'dzam bu'i gling gi mi thams cad log kyang rgya mtsho skam par byed mi nus na/ khyod gcig pus nus pa lta ci smos te/ don med do/ / byang chub sems dpas smras pa/ mi gcig gi snying nas las byas na/ ci yang mi 'grub pa med de/ bdag gi rin po che rnyed pa des 'gro ba thams cad la phan pa dang / bde ba bya bar bsams te/ de'i bsod nams kyis mngon par 'tshang rgya bar 'gyur te/ de la sems ma zhum na/ ci'i phyir rgya mtsho 'di skam par mi nus zhes smras so/ /de'i tshe na lha khyab 'jug la sogs pas rgyang ma nas byang chub sems dpa' gcig pu lus yid mthun par rgya mtsho'i chu bcus te 'gro ba mang pos don du dka' ba byed pa mthong nas de dag kyang byang chub sems dpa' la bstang ngo snyam bsams te gcig nas gcig tu sbran nas thams cad byang chub sems dpa'i drung du lhags te/ byang chub sems dpa' snod kyis chu 'chu ba mthong nas lha de dag thams cad so so'i gos phud de chur smyugs nas lan gcig smyugs te phyir phyung bas/ rgya mtsho'i chu dpag tshad bzhi bcu </font><hr>374b<br><font size=+1>>


bri'o| |yang lan gnyis smyugs pas dpag tshad brgyad cu bri'o/ /lan gsum smyugs pas dpag tshad brgya nyi shu bri nas klu de dag 'jigs skrag ste/ byang chub sems dpa'i drung du lhags nas 'di skad du thong zhig /rgya mtsho'i chu skam par ma byed cig ces smras pa dang / byang chub sems dpas btang ngo / /de nas klu rnams kyis byang chub sems dpa' la khyod kyi nor bu rin po che 'di ci zhig tu dgos/ smras pa/ sems can la phan pa'i don du dgos so/ /glus smras pa/ sems can la phan pa'i don du dgos na/ rgya mtsho'i nang na yang sems can mang du yod na/ ci'i phyir bskur zhes smras so/ /smras pa/ rgya mtsho'i nang na gnas pa yang sems can yin mod kyi/ de la phongs pa'i sdug bsngal med do| |'dzam bu gling gi sems can dag ni/ nor gyi phyir gcig gis gcig la rnam par 'tshe zhing gnod pa byed de/ mi dge ba bcu rdzogs par byed pas tshe 'phos nas kun sems can dmyal bar skye ste/ bdag ni/ de dag la snying brtse ba'i phyir rin po che 'di dgos so/ /zhes smras pa dang / klu rnams kyis nor bu rin po che phyung ste slar phul lo| |rgya mtsho'i lhas byang chub sems dpa' do ltar brtson 'grus la brtan pa mthong nas 'di ni/ gdon mi za bar 'tshang rgya'o snyam sems te/ nam mngon par sangs rgyas </font><hr>375a<br><font size=+1>>


@#/ /pa na bdag kyang nye gnas kyi mchog tu gyur cig ces smon lam btab bo/ /de nas byang chub sems dpas rin po che phyir thob nas steng gi nam mkha' la 'phur te gnas su 'ongs nas sngar gyi tshong pa grogs po rnams yod dam/ bde bar phyin tam zhes dris so/ /tshong pa grogs po dag bde bar phyin nas de dag gcig la gcig dga' nas grogs po rnams kyis ngo mtshar ya mtshan du bzung ngo / /de nas bram ze ka pi li'i sgor song nas byang chub sems dpa' rgya mtsho nas phyir log go /zhes thos nas thams cad kyis sgor bsu ste rab tu dga' nas tshong ba grogs po rnams dang bcas pa la dga' ston chen po byas so/ /de'i tshe byang chub sems dpas rin po che thogs te khyim du 'ongs pa dang / bram ze de'i bang mdzod thams cad yongs su gang bar gyur to/ /de nas bram ze ka pi lis rin po che sna tshogs kyis bu mo brgyan nas rin po che'i chu snod bskur te byang chub sems dpa'i lus dang rkang lag bkrus nas bu mo'i lag pa nas bzung ste byang chub sems dpa' la gtad| byang chub sems dpas kyang bzhes nas bram ze rab tu dga' ste bu mo'i g.yog tu bu mo lnga brgya dang / glang po che lnga brgya yang rin po ches brgyan te rol mo </font><hr>375b<br><font size=+1>>


byas nas byang chub sems dpa' la brdzangs so/ /de'i tshe na sbyin pa chen po'i pha ma bu dang dral ba'i 'og tu rtag tu dus pas/ pha ma gnyis ka'i mig ldongs par gyur te/ bu rgya mtsho nas log pa dang pha ma phrad nas bus pha ma la phyag 'tshal te lag pa nas 'jus te bu yin par rtogs so/ /sbyin pa chen po/ khyod kyis nged por te song ba'i 'og tu mig kyang ldongs so/ /khyod rgya mtshor song song nas ci rnyed ces dris pa dang / sbyin pa chen pos nor bu rin po che pa'i lag tu byin te/ bdag gis 'di rnyed do/ / zhes smras nas phas lag tu blangs te bsnams nas 'di lta bu'i rdo ba ni/ nga'i mdzod na sngon yang mang du yod na/ 'di ltar nyon mongs pa dang bsdo ci dgos zhes smras so| |de nas byang chub sems dpas nor bu phyir blangs te pha ma'i mig phyis pa tsam gyis ji ltar rlung drag pos sprin bus pa bzhin du pha ma gnyis kyi mig kyang sngar bas gsal bar mthong bar gyur to/ /de nas pha ma gnyis dga' ste/ 'di ni/ nor bu rin po che yin yang dag pa lta ste/ nyon mongs pa'i don yod par gyur to zhes smras so| |de nas yang sbyin pa chen pos rin po che thogs te/ khyod yid bzhin gyi nor bu rin po che yin yang dag na/ kho bo'i pha ma'i 'og tu rin po che sna bdun gyi gdan 'byung </font><hr>376a<br><font size=+1>>


@#/ /zhing / rin po che'i bla res steng khebs par shog cig ces smon lam btab ma thag tu de bzhin du grub nas rgyal po'i bang mdzod thams cad kyang gang bar gyur to/ /de nas rgyal pos pho nya zhig glang po che dpag tshad brgya stong du 'gro ba zhig la bskyon te/ 'dzam bu'i gling gi mi thams cad la sbyin pa chen pos rgya mtsho nas yid bzhin gyi nor bu rin po che rnyed de/ nor bu yon tan can des da ste zhag bdun na rin po che la sogs pa gos dang / zas dang / dgos pa'i yon tan thams cad char bzhin du 'bebs kyi/ so so nas ci bder longs shig ces bsgrags so/ /de ltar kun du bsgrags nas sbyin pa chen po khrus byas te gos gsar pa bgos nas ga la'i thung bu mnyam por rgyal mtshan btsugs te yid bzhin gyi nor bu rin po che rgyal mtshan gyi rtse mo la btags nas bog phor lag tu blangs nas 'di skad ces smon lam btab bo/ /'dzam bu gling gi mi dag ni/ dbul phongs pa sha stag ste/ de dag la phan gdags dgos kyi/ yid bzhin gyi nor bu rin po che yin te mi rdzun na/ so so nas ci dang ci dgos pa de dang de dag thams cad yid bzhin du char ltar phob cig ces smras ma thag tu phyogs bzhi nas rlung nag po g.yos nas de ma thag tu mi </font><hr>376b<br><font size=+1>>


gtsang ba'i nyal nyil thams cad phyags te char zim bu mi drag pa zhig bab nas rdul mi 'thul bar byas pa'i 'og tu thog mar bza' ba dang / btung ba ro brgya dang ldan pa rnam pa sna tshogs char bzhin du bab bo/ /de nas 'bru rnams char bzhin du bab bo/ /de nas gos char bzhin du bab bo/ /de nas rin po che char bzhin du bab ste/ 'dzam bu'i gling ni/ rin po che'i phung pos yongs su gang nas rin po che dag sog ma'am/ gyo mo lta bur byas te byang chub sems dpas de ltar kun chog par byas nas 'dzam bu'i gling gi mi rnams la 'di skad zhes bsgo'o/ /'dzam bu'i gling gi sems can dag ni/ gos dang / zas dang / nor gyi phyir gcig la gcig gsod cing rnam pa sna tshogs kyis gtses pas sdig pa mi dge ba'i chos 'ba' zhig byed de/ tshe'i dus byas nas ngan song gsum du lhung ste mun pa nas mun par 'gro bas bdag ni/ de dag la snying brtse ba'i phyir rgya mtsho'i bgegs dang / nyon mongs pa mang du khyed du bsad de/ khyed rnams bde bar bya ba'i phyir rgya mtsho nas nor bu rin po che dag blangs nas da khyed kun cis kyang mi brel te bde bar gyur gyi/ khyed rnams dge ba bcu'i las kyi lam la lus dang / ngag dang / yid bsdus te brtson par gyis shig ces thabs rnam pa sna tshogs kyi sgo nas bstan cing bskul to/ /de ltar bstan cing bskul te </font><hr>377a<br><font size=+1>>


@#/ /dge ba bcu'i las kyi lam la nan tan byed du bcug pas/ 'dzam bu'i gling gi mi de dag tshe 'phos nas mtho ris gyi lhar skyes so/ /de'i tshe de'i dus na de'i pha bram ze n+ya gro d+ha ni/ da ltar nga'i yab zas gtsang ma yin no/ /de'i mar gyur pa ni/ da ltar nga'i yum lha mdzes yin no/ /sbyin pa chen po ni/ nga nyid yin no/ /dngul gyi \?\ mkhar na 'dug pa'i klu de ni/ shA ri'i bu yin no/ /bai DUR+Ya'i mkhar na 'dug pa'i klu de ni/ mau gal yan yin no/ /gser gyi mkhar na 'dug pa'i klu de ni/ kun dga' bo yin no| |rgya mtsho'i lha de ni/ ma 'gags pa yin no/ /kun dga' bo 'di klu'i rgyal po byed pa na yang nga la bsnyen bkur byas te dus la mkhas/ da ltar gyi bar du yang dus la mkhas kyi/ 'dod pa gsum yang yid bzhin du gnang ngo / /zhes bka' stsal pa dang / kun dga' bo dga' mgu rangs nas pus mo'i lha ngas sa la btsugs te bdag gis nam mtsho'i bar du de bzhin gshegs pa la bsnyen bkur bgyi'o/ /zhes gsol to/ /bcom ldan 'das kyis de skad ces bka' stsal nas 'khor mang po rnams la la ni/ rgyun du zhugs pa'i 'bras bu thob pa nas dgra bcom pa'i 'bras bu'i bar du thob po/ /la la ni/ rang sangs rgyas su gyur/ la la ni/ bla na med pa'i byang chub tu sems bskyed </font><hr>377b<br><font size=+1>>


do| |la la ni/ phyir mi ldog pa'i sa thob nas rjes su yi rang ste mngon par dga'o/ /sbyin pa chen po rgya mtshor zhugs pa'i le'u ste sum cu pa'o// //rgyal po me long gdong gi le'u/ 'di skad bdag gis thos pa dus gcig na/ bcom ldan 'das rgyal po'i khab n+ya gro d+ha'i tshal na bzhugs so/ /de'i tshe bcom ldan 'das tshangs pa dang / brgya byin la sogs pas bskor cing bzhugs pa las/ bcom ldan 'das kyi mtshon dang / dpe byad dang / gser gyi mdog lta bu'i sku la 'khor mang po thams cad ngo mtshar du 'dzin te bstod cing bsngags so/ /de ltar bcom ldan 'das 'khor mang po las 'phags te thams cad kyi mchog gtso bor gyur pas/ dge slong dag the tshom du gyur nas bcom ldan 'das la zhus pa dang / bcom ldan 'das kyis bka' stsal pa/ da ltar 'di 'ba' zhig tu 'khor kun las 'phags te/ mchog gtso bor gyur pa ma yin gyi/ sngon 'das pa'i dus na yang 'di dag kun las 'phags te gtso bor gyur to/ /de nas dge slong dag gis sngon ji ltar gtso bor gyur pa bstan par gsol pa dang de la bcom ldan 'das kyis 'di skad ces bka' stsal to/ /sngon 'das pa'i dus bskal pa grangs med/ dpag tu med/ bsam gyis mi khyab pa'i pha rol na 'dzam bu'i gling 'dir rgyal </font><hr>378a<br><font size=+1>>


@#/ /po chen po rgyal phran brgyad khri bzhi stong la dbang byed pa zhig byung ste/ de la bu ni/ lnga brgya yod do/ /dus phyi zhig na btsun mo la bu zhig btsas te/ lus gser gyi kha dog can skra mthon mthing lta bu lag mthil na 'khor lo rtsibs stong dang ldan pa'i mtshan yod pa/ rkang pa g.yon gyi mthil na rta'i ri mo yod pa/ rkang pa g.yas kyis mthil na glang po che'i ri mo yod pa/ bsod nams dang mtshan du ldan pa zhig btsas te/ ming yang me long gdong zhes bya bar btags so/ /rgyal po chen po de nad kyis btab ste tshe'i dus byed du nye ba na blon po rnams kyis sras 'di rnams kyi nang na rgyal tshab tu gang gzhug /rgyal po'i dbang gang la bskur zhes zhus pa dang / rgyal po des yon tan dang mtshan rnam pa 'di bcu dang ldan na/ rgyal por chug la dbang skur cig ces bsgo'o/ /bcu gang zhe na/ 'di lta ste/ lhas kyi mdog gser lta bu la skra mthon mthing du 'dug pa dang / lag pa gnyis kyi mthil na 'khor lo'i mtshan yod pa dang / rkang pa g.yas kyi mthil na glang po che'i ri mo yod pa dang / rkang pa g.yon pa'i mthil na rta'i ri mo yod pa dang / rgyal po'i gos gon na lus dang 'tsham zhing mi che mi chung ba dang / rgyal po'i stan la 'dug na gzi brjid dang mthur ldan pa dang / rgyal phran rnams </font><hr>378b<br><font size=+1>>


kyis bkur sti rim gro cher byed de/ btsun mo dang / pho brang slas rnams kyang de la dga' zhing phyag byed pa dang / lha rnams kyi rten du khrid na lha rnams kyis phyir phyag byed pa dang / yon tan dang bsod nams kyi mthus rin po che sna bdun gyi char 'bebs shing thams cad kyi yid tshim par byed pa dang / btsun mo chen mo las btsas pa dang bcu ste/ yon tan 'di dag dang ldan na/ rgyal por dbang skur cig ces bsgos nas mi rtag pa mngon sum du gyur te tshe 'phos so/ /de nas rgyal bu dang blon po rnams 'dus te rgyal bu'i nor gi tshe ba nas bsngar gyis yon tan bcu gang la yod pa brtags na/ rgyal bu gzhan thams cad ni/ lus gser lta bu'i mdog can ma yin/ skra mthon mthing du 'dug pa ma yin/ lag pa'i mthil na 'khor lo'i mtshan yod pa ma yin/ rkang ba'i mthil na glang po che dang rta'i ri mo yod pa ma yin/ rgyal po'i gos dang 'tsham pa ma yin/ rgyal po'i gdan la bzhag na sdangs pa ltar 'greng bar gyur/ rgyal phran dang blon po rnams bsti stang dang phyag mi byed de/ btsun mo dang pho brang slas rnams dga' ba dang phyag bya ba ma yin/ lha'i rten du khrid na lha rnams kyis phyag bya ba ma yin/ rin po che'i char 'bebs par nus pa ma yin/ btsun mo chen mo'i sras kyang ma yin te/ rgyal bu lnga brgya las mtshan gcig tsam dang ldan pa </font><hr>379a<br><font size=+1>>


@#/ /'ga' yang ma byung ste/ sras kyi nang gi tha chung 'ba' zhig lus gser gyi mdog can la/ skra mthon mthing gi mdog lta bu/ lag pa gnyis 'khor lo'i mtshan dang yang ldan/ rkang pa'i mthil na glang po che dang rta'i ri mo yang yod/ gos dang lus su 'tsham/ rgyal po'i gdan la bzhag na gzi brjid dang byin che/ rgyal phran thams cad kyis bsti stang dang bcas pas phyag byed cing / btsun mo dang slas rnams kyang dga' bas phyag byed/ lha'i rten du 'ongs na lha rnams phyag byed/ rin po che phob cig ces smras ma thag tu char bzhin du 'bab/ btsun mo'i nang gi chen mo las btsas te/ mtshan rdzogs par ldan pas rgyal phran dang / blon po rnams kyis rgyal por dbang bskur te/ tshes bco lnga'i nang bar nyi ma thog mar shar ba na gser gyi 'khor lo rtsibs stong dang ldan pa/ che khyad dpag tshad gcig pa/ shar phyogs nas 'ongs te de la pus mo btsugs nas gal te bdag yon tan dang ldan te rgyal por 'gyur na/ 'khor lo 'di bdag gi drung du nye bar shog cig ces smras pa dang / nam mkha'i phyogs nas nye bar 'ongs so/ /glang po rin po che ni/ ri spos kyi ngad can nas 'ongs te mjug ma la nor \?\ bus brgyan pa/ rgyal po de la zhon nas nam mkha' la 'phur te/ nyi ma phyed kyis </font><hr>379b<br><font size=+1>>


gling bzhi nas 'khor to/ /gal te rkang pas 'gro na rkang pa'i rjes gar reg par gser gyi bye mar 'gyur ro/ /rta rin po che ni/ kha dog mthing ga la rnga rdog dmar ba/ rin po che sna bdun 'bab pa/ rgyal po de la zhon na/ zan gcig bza' ran tsam gyis gling bzhi nas 'khor te/ mi ngal mi dub bo/ /nor bu rin po che ni/ 'od zer nyin mtshan du gsal te/ rgyang grags brgya nyi shu tshun chad 'od kyis snang bar byed la/ rin po che sna bdun char bzhin du 'bab cing thams cad la sbyin par byed do/ /bud med rin po che ni/ bzang ba/ mdzes pa/ rgyal po'i yid tshim par byed do/ /khyim bdag rin po che ni/ rgyal po'i rin po che sna bdun ci dgos pa yid bzhin du spyar te/ zad mi shes par byed do/ /blon po rin po che ni/ rgyal po la dpung rnam bzhi dgos na/ bltas pa tsam gyis dpung gi tshogs rnams 'dus te/ rtsal dang mthur ldan no/ /de ltar rin po che sna bdun dang ldan nas de 'di snyam du sems so/ / thabs 'di lta bu thob pa yang sngon gyi bsod nams las skyes kyi/ rgyal po'i gdung rgyud mi 'chad par bya'o snyam bsams nas spos chus khrus byas te/ gos gsar pa gtsangs bgos nas lag na bog phor thogs te shar phyogs logs su pus mo sa la btsugs nas 'di skad ces smras so/ /shar phyogs na skyes bu 'phags pa bzhugs pa rnams bdag </font><hr>380a<br><font size=+1>>


@#/ /gsol ba bzhin du gshegs su gsol zhes smras pa dang / shar phyogs nas rang sangs rgyas nyi khri snyed rgyal po'i pho brang du gshegs so/ /lho dang nub dang / byang phyogs su yang de bzhin du gsol pa dang / de dag kyang so so nas rang sangs rgyas nyi khri snyed rgyal po'i pho brang du gshegs so/ /de nas rgyal po dang / blon po rnams kyis yo byad rnam bzhi sbyar te mchod pa byas so/ /de nas rgyal phran brgyad khri bzhi stong snyeng phyir yul du 'gro bar gsol te phyi phyag 'tshal ba na/ rgyal phran rnams kyis 'phags pa rnams la shas kyis bdag cag kyang mchod par 'tshal te/ bsod nams bgyi'o/ /zhes gsol pa dang / rgyal po dang / blon po rnams kyis lo brgyad khri bzhi stong gi bar du rang sangs rgyas brgyad khri la yid bzhin du mchod nas tshe'i dus byas pa dang / mtho ris kyi lhar skyes so/ /dge slong dag /de'i tshe rgyal po me long gdong de ni/ da ltar nga yin no/ /rgyal po de'i pha ni/ nga'i yab zas gtsang ma yin no/ /btsun mo chen mo de ni/ nga'i yum lha mdzes yin no/ /rgyal bu lnga brgya ni/ shAkya'i rigs lnga brgya yin no/ /de'i tshe na yang thams cad kyi mchog gtso bor gyur te da sangs rgyas nas kyang mtshan dang ldan pa'i mchog gtso bor gyur to/ /'khor mang po rnams sangs </font><hr>380b<br><font size=+1>>


rgyas kyis gsungs pa la rjes su yi rang nas mngon par dga'o/ /rgyal po me long gdong gi le'u ste sum cu gcig pa'o// //bam po dgu pa/ legs tshol dang nyes tshol gyi le'u/ 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na lha sbyin rab tu byung mod kyi/ rnyed pa la chags pas mtshams med pa'i las kyis ri bsnyil nas sangs rgyas mnan pa dang / zhabs la shing gi tshal pa 'jugs pa dang / glang po che smyon pa btang ba dang / mthun pa'i dge 'dun gyi dbyen byas pa dang / zag pa zad pa'i dge slong ma bsad pa dang / mi dge ba'i las 'di dag byas nas skye ba phyi ma'i rnam par smin pas 'jigs te mu stegs can gyi ston pa drug gi thad du song nas dris so/ /ston pa drug gis kyang ngan par lta ba'i chos sdig pa byas kyang sdig par mi 'gyur la/ dge ba byas kyang bsod nams su mi 'gyur ba'i chos bstan nas de la yid ches te dge ba'i rtsa ba bcad do/ /de'i tshe na kun dga' bos phu nu bo la snying brtse ba'i phyir rab tu mi dga' ste dus nas bcom ldan 'das la 'di skad ces gsol to/ /lhas sbyin gti mug can ni/ mi dge ba'i las kha na ma thob bgyis te dge ba'i rtsa ba bcad nas </font><hr>381a<br><font size=+1>>


@#/ /shAkya'i rigs rnams kyang sun 'byin par bgyis so/ /bcom ldan 'das kyis kun dga' bo la bka' stsal pa/ lha sbyin 'di ni/ tshe 'di 'ba' zhig la rnyed pa dang grags pa'i phyir dge ba'i rtsa ba bcad par ma zad kyi/ 'das pa'i dus na yang rnyed pa dang / grags pa'i phyir lus dang srog kyang stor ba'i las byas so/ /dge slong dag the tshom du gyur nas kun dga' bos bcom ldan 'das la 'di skad ces gsol to/ /lha sbyin gyis 'das pa'i dus na yang rnyed pa dang grags pa'i slad du lus dang srog stor ba'i las bgyis pa ji lta bu lags zhes gsol pa dang / bcom ldan 'das kyis kun dga' bo la bka' stsal pa/ kun dga' bo/ sngon 'das pa'i dus na bskal pa grangs med dpag tu med/ bsam gyis mi khyab pa'i pha rol na 'dzam bu'i gling 'dir yul wa ra Na si na bram ze ha yi zhes bya ba zhig yod de/ des rigs mnyam pa las chung ma blangs nas ring po ma lon par chung ma sems can dang ldan par gyur te zla ba dgu tshang ba na bu khye'u zhig btsas so/ /de nas btsas ston chen po byas nas bu'i ming yang legs tshol zhes bya bar btags te ma ma la gtad nas gsos so/ /de nas yang sems can dang ldan par gyur te/ sngon ma de mnyen zhing des pa las/ </font><hr>381b<br><font size=+1>>


sems can dang ldan pa'i 'og tu gtum zhing khro bar gyur to/ /de nas zla ba tshang ba dang khye'u zhig btsas te/ de ltar ma yang sngon las gyur pas/ bu'i ming yang nyes chol zhes bya bar btags te ma ma la gtad nas gsos so/ /khye'u spun gnyis phyis cher skyes nas spun gnyis rgya mtshor rin po che len par dad de so so nas 'khor dang grogs lnga brgya lnga brgya rnyed nas snga phyir lam du zhugs so/ /lam ring bas na zhag bdun gyi gnas su ma phyin par rgyags chad de srog dang bral du nye nas legs tshol dang grogs tshong pa grogs po rnams nyam thag ste/ thams cad lha rjed cing lha rnams la mchod pa byed do/ /de nas 'brog stong de na rgyang ma nas skyed shing bzang po zhig mthong nas thams cad skyed shing drung du lhags pa dang / shing gi drung na chu mig bzang po zhig kyang yod de/ tshong pa rnams chu mig de la 'thungs nas bdag cag gis lha mchod pa'i rtags 'di'o/ /zhes smras pa dang / lhas mngon sum du smras te skyed shing gi yal ga chod cig dang / 'dod pa thams cad 'byung ngo / /zhes bsgo'o/ /de nas yal ga gcig bcad pa dang / btung ba zhim po byung ngo / /de nas yal ga gcig bcad pa dang / kha zas ro brgya dang ldan pa thams cad byung nas de dag kun gyis tshim par zos so/ /de nas yang yal ga gcig bcad pa dang / gos rnam pa </font><hr>382a<br><font size=+1>>


@#/ /sna tshogs byung ngo / /de nas yal ga gcig bcad pa dang / nor bu rin po che sna tshogs byung ste khal thams cad longs so/ /de nas nyes tshol la sogs pa thams cad der lhags te snga ma'i yal ga bcad pa las rin po che sna tshogs khal longs pa mthong nas 'di snyam du bsams so/ /snga ma 'di dag gis yal ga las kyang rin po che chog par rnyed na/ shing 'di'i rtsa ba phyung na ni/ rin po che sna tshogs mang du rnyed do snyam bsams nas shing gi rtsa ba rko bar gzas so/ /de nas legs tshol mi dga' ste smras pa/ bdag cag ni/ phongs te/ srog dang bral ba las shing 'dis bdag cag srog gsod \?\ kyi/ khyod shing 'di ma gcod cig ces smras na/ nyes tshol ma nyan te shing gi rtsa ba bcad do/ /de nas legs tshol yang mthong mi 'dod par khal dang bcas pa song ba'i 'og tu shing gi rtsa ba nas srin po lnga brgya byung ste nyes tshol dang / tshong pa kun zos so/ /kun dga' bo/ de'i tshe de'i dus na legs tshol de ni/ da ltar nga yin no/ /de'i pha de ni/ da ltar nga'i yab zas gtsang ma yin no/ /de'i ma de ni/ da ltar nga'i yu ma lha mdzes ma yin no/ /nyes tshol ni/ da ltar gyi lha sbyin 'di yin te/ kun dga' bo/ lha sbyin gyis de ltar 'ba' zhig nga la gnod par ma zad de/ rnyed pa </font><hr>382b<br><font size=+1>>


dang / grags pa'i phyir skye ba thams cad du nga la gnod pa byas na/ ngas phan pa'i chos bstan te phan par byas kyang lha sbyin ni/ nga la dgrar 'dzin to/ /bcom ldan 'das kyis de skad ces gsungs nas 'khor mang po rnams rjes su yi rang ste mngon par dga'o/ /legs tshol dang nyes tshol gyi le'u ste sum cu gnyis pa'o// //rgyal po dge don gyi le'u/ 'di skad bdag gis thos pa dus gcig na/ bcom ldan 'das rgyal po'i khab bya rgod phung po'i ri la \?\ dge slong chen po'i dge 'dun dang thabs cig tu bzhugs so// de'i tshe na tshe dang ldan pa kun dga' bos lha sbyin gyis thabs rnam pa sna tshogs kyis/ de bzhin gshegs pa la gnod pa bya bar bsams kyang de bzhin gshegs pa ni/ lha sbyin dang / sgra gcan 'dzin gnyis la mi 'dra ba med par dgongs te/ rtag tu de la thugs brtse bar mthong ste bcom ldan 'das la zhus pa dang / bcom ldan 'das kyis kun dga' bo la 'di skad ces bka' stsal to/ /lha sbyin 'dis dus 'di nyid na nga la gnod pa byas par ma zad do/ skye ba gzhan du yang nga la gnod sems bskyed do/ /dge slong dag the tshom du gyur nas kun dga' bos bcom ldan 'das la 'di skad ces gsol to/ /lha sbyin 'dis skye ba gzhan dag na bcom ldan 'das la gnod pa ji ltar bgyis nas gsol </font><hr>383a<br><font size=+1>>


@#/ /pa dang / bcom ldan 'das kyis kun dga' bo la 'di skad ces bka' stsal to/ /sngon 'das pa'i dus bskal pa grangs med/ tshad med/ dpag tu med| bsam gyis mi khyab pa'i pha rol na 'dzam bu'i gling 'dir rgyal po rin chen go cha zhes bya ba/ rgyal phran lnga brgya la dbang byed pa zhig byung ngo / /de la btsun mo dang / pho brangs slas lnga brgya snyed yod kyang bu med de/ nyi zla'i lha la sogs te lha thams cad la gsol ba byas nas lo mang du lon yang bu med pas mi dga' bar gyur te 'di snyam du bsams so/ /bdag la bu ni/ gcig kyang med kyi/ de'u re tshe zad pas rgyal phran lnga brgya yang gcig la gcig mi nyan te thams cad 'khrugs nas yul ma bde bar 'gyur ro snyam nas sems khong du chud de lag pa 'gram pa la brten nas 'dug pa las/ de'i tshe na lha zhig rgyal po'i bsam pa shes nas rmi lam du rgyal po la 'di skad ces bsgo'o| |pho brang gi phyi rol tshal gyi nang na drang srong gnyis shig yod de/ gcig gi lus gser gyi mdog tu 'dug gi /de'i gan du song la gsol ba thob cig dang / bur skye bar 'gyur ro/ /zhes bsgo ma thag tu gnyid log pa las sad nas drang srong gnyis gang na 'dug pa tshol du song ste drang srong de dang phrad nas bdag la rgyal po'i rigs </font><hr>383b<br><font size=+1>>


'tshob pa med kyi/ khyod bdag gi rigs su skyes te rigs sobs shig ces gsol ba btab nas drang srong des kyang de bzhin du bya'o/ /zhes smras so/ /drang srong gcig gis kyang bdag kyang khyod kyi rigs su skye bar bya'o/ /zhes smras pa dang / rgyal po rab tu dga' nas khyod kyang bdag gi rigs su skye bar shog cig ces smras so/ /de nas rgyal po phyir logs nas dus phyi zhig na drang srong gser gyi mdog can de tshe'i dus byas nas btsun mo chen mo'i mngal du skyes te/ bud med mkhas pas bu yod par shes nas bu phor shes te bdag la nges par bu pho yod do/ /zhes rgyal po la smras nas rgyal pos kyang btsun mo'i rim gro bskyed do/ /zla ba dgu tshang nas bu khye'u gser gyi mdog can skra mthon mthing gar 'dug pa/ mtshan dang ldan pa zhig btsas so/ /rgyal po rab tu dga' nas btsas ston byas te mtshan mkhan gyis mtshan bltas nas bu'i ming yang dge don du btags so/ / de nas yang btsun mo gcig kyang sems can dang ldan par gyur to/ /drang srong gcig shos kyang tshe'i dus byas nas btsun mo de'i mngal du skyes so/ /de nas yang btsas ston byas te mtshan mkhan gyis mtshan bltas nas khye'u'i ming sdig don du btags so/ /rgyal po bu la byams shing sdug pas/ bu 'dug pa'i gnas dbyar dgun dang / ston </font><hr>384a<br><font size=+1>>


@#/ /dpyid so sor byas te bags kyis cher skyes nas rig pa bco brgyad la sogs te gtsug lag thams cad la mkhas par gyur to/ /phyis dge don gyis rgyal po la gsol te/ bdag phyi rol tu 'chag cing ltad mo bltar 'gro'o/ /zhes bya ba dang / de'i pha mas kyang bu 'chag tu 'gro'o/ /zhes lam srung phyag dar byed du bcug ste rgyal mtshan dang ba dan bsgrengs nas me tog gis gtor te bdug pa dang / spos kyis bdug pa la sogs pa yo lang bshams nas dge don glang po che rin po che sna bdun gyis brgyan pa la bskyon te dril bsgrags/ rnga brdungs/ rol mo dang sil snyan dkrol te skye bo brgya stong snyed kyis bskor nas grong khyer gyi phyi rol du dong ngo / /yul mi thams cad lam gyi g.yas g.yon na khang bu brtsegs pa'i steng nas mig mi 'dzum par lta zhing / 'di'i byin dang gzi brjid ni/ tshangs pa dang 'dra'o/ /zhes bsgrags so/ de nas song song ba las mu to bdag gcig gos hrul po gyon zhing snod chag pa thogs te cung zad bslang ngo / /zhes 'bod pa dge don gyis thos nas de dag la khyed ci'i phyir 'di ltar nyon mongs shing sdug ces dris so/ /de dag las kha cig ni/ 'di skad du/ bdag cag la pha ma dang / phu nu dang / bu smad dang / gnyen bshes ma mchis pas </font><hr>384b<br><font size=+1>>


sdug go /zhes zer ro/ /de la kha cig ni/ bdag cag yun ring du nad kyis btab pas mi sos te dug go /zhes zer ro/ /de la kha cig ni/ bdag cag bag ma byas pas chom pos bcom ste ci yang mi bdog pas slong mo byed do/ /zhes zer ro/ /dge don gyis de skad ces smras pa thos nas mchi ma dku ste song ngo / /de nas yang ya zad cig na shan pa dag cig srog chags bsad nas bags pa bshu ba dang / bsnyal gtubs bdag mthong ngo / /dge don gyis e ma'o 'di dag ci byed ces dris pa na/ bdag cag gi pha mes rgyud kyis 'di 'dra ba'i gsod pa'i las byed de/ 'di ma byas na mi 'tsho'o/ /zhes zer ro/ /de la dge don ngo mtshar du gyur nas lta mi 'dod par song ngo / /de nas yang pha zad phyin pa dang zhing pa dag cig zhing rmos te/ zhing rmos pa'i shul na srin bu mang du byung ba la bya mang po dang / sprul gdug pa dag 'thu zhing za ba mthong nas 'di dag ci byed ces dris pa na/ bdag cag ni| zhing rmos te sa rlogs pa'i shul du sa bon btab na phyis mang du skyes te/ des 'tshe zhing rgyal po'i dpya yang 'bul lo/ /zhes zer ro/ /dge don de la yang ngo mtshar du gyur nas pha zad song ba dang / rngon pa bya rgya bres pa dang / rnyi btsugs nas bya rnams bshor ba dang / sems can dag bya rgya dang / rnyis zin nas lus rdeb cing 'then kyang ma </font><hr>385a<br><font size=+1>>


@#/ /shor te| snying rje ba'i skad phyung nas shin tu 'jigs skrag pa dag mthong nas khyod ci byed ces dris na/ bdag cag kyang rgyud kyis 'di 'dra ba'i gsod pa'i las byed pas 'tsho'o/ /zhes zer ro/ /dge don gyis de skad ces smras pa thos nas shin tu yi mug ste yang pha zad song ba dang / nya ba dag nya rgyas nya bcus nas mang du zin te thang bu la phung por spungs nas da dung yang 'gul ba dag mthong nas 'di dag ci byed ces dris na/ bdag cag kyang rgyud kyis las gzhan mi byed kyi/ 'di ltar nya bshor zhing 'tsho bar byed do/ /zhes zer ro/ /dge don gyis 'di lta bu dag mthong nas 'di snyam du bsams so/ /sems can 'di dag ni/ dbul phongs pas bgo ba dang bza' ba'i phyir 'di lta bu'i kha na ma tho ba'i las gsod pa la sogs pa byed de/ 'di dag ni/ tshe 'phos ma thag tu ngan song gsum du ltung ste mun pa nas mun par 'gro zhing thar pa'i dus med do snyam du bsams nas phyir khyim du 'ongs te nyin mtshan du de sems shing mi dga' nas pha'i drung du song ste pha la yab/ bdag la gsol pa zhig mchis kyi| gnong zhig ces smras so/ /phas kyang bu/ khyod ci zer/ khyod smras pa bzhin du bya'o/ /zhes smras so/ /yab/ bdag sngon phyi rol tu 'chag tu mchis pa las mi mang po </font><hr>385b<br><font size=+1>>


gos dang zas kyi phyir thams cad nyon mongs te/ gcig la gcig gsod pa dang / rdzun dang / dbang za ba dang / mi dge ba'i las rnam pa sna tshogs bgyid pa mthong nas de dag la sbyin pa bgyi bar bsams kyi/ yab kyi bang mdzod chen po las brel cing phongs pa dag gi phyir yid bzhin du spyod du gnong zhig /phas smras pa/ ngas rin po che dang / bang mdzod mang du bsags pa thams cad khyod kyi phyir byas par zad na/ ci'i phyir khyod zer ba bzhin du mi nyan zhes smras so/ /de nas dge don gyis phas gnang ba'i lung thob nas yul mi thams cad la dge don ni/ sbyin pa chen po byed kyi/ thams cad 'dus shing shog cig ces bsgrags so/ /de'i tshe na dge sbyong dang / bram ze dang / dbul zhing phongs pa mgon med pa dang / nad pa la sogs te/ grong khyer gyi phyi rol na lam thog thag tu gang ngo / /de dag kyang dpag tshad brgya dang / nyis brgya dang / sum brgya dang / bzhi brgya dang / lnga brgya dang / dpag tshad stong gi lam nas 'ongs kha cig ni/ dpag tshad nyis stong / sum stong / bzhi stong / lnga stong dang / dpag tshad khri'i bar nas lhags te sprin bzhin du 'dus nas thams cad la yid bzhin du sbyin pa ni/ gos 'dod pa la gos/ zas 'dod pa la zas rin po che gser dang / dngul dang / bai DUR+Ya dang / mu sar gal ba dang / bzhon pa dang / theg pa dang / khyogs </font><hr>386a<br><font size=+1>>


@#/ /dang / skyed mos tshal dang / zhing dang rkang 'gro la sogs te yid bzhin du sbyin par byas so/ /de ltar sbyin pa la zhugs te yun ring zhig lon pa dang / bang mdzod sum cha gcig zad nas mdzod srung gis rgyal po la 'di skad ces smras so/ /sras kyis bang mdzod las sbyin pa bgyis nas sum cha ni zad pas/ sum gnyis tsam las ma lus na/ phan tshun du 'drul ba'i skyes dang / tshong zong ci las bgyi dgongs shig ces smras so/ /nga ni/ sras 'di la byams pas ngo mi ldog gis /bang mdzod stongs kyang bla'o| |zhes smras so/ /de nas yang ring zhig lon pa dang bang mdzod sum gnyis ni/ zad/ sum cha tsam lus pa dang / mdzod srung gis yang rgyal po la da ni/ bang mdzod sum gnyis tsam ni zad/ sum cha tsam las ma lus na/ phan tshun skyes bskur ba dang / tshong zong ci las bgyi zhes smras so/ /rgyal pos de la bsgo ba/ nga'i sras sdug ches te ngo mi ldog pas smra mi phod kyi/ khyod kyis thabs ci legs su byos la brel cing mi khom pa ltar bsnyad thogs shig /mdzod srung gis rgyal po las lung thob nas mdzod sgo bcad de don gnyer du song ngo / /de nas slong ba dag dge don gyi thad du lhags nas bar 'ga' ni/ mdzod srung mi rnyed de mdzod sgo mi phyed/ gal te mdzod srung 'ongs na yang yid bzhin du </font><hr>386b<br><font size=+1>>


mi ster bas/ dge don gyis 'di snyam du bsams so/ /'di ltar gyur pa 'di ni/ mdzod srung gis thugs mi thub pas yab kyi man ngag 'ongs kyi/ yong yang bus ni/ pha'i mdzod stongs par bya ba mi rigs kyi/ bdag gis da thabs ci zhig byas na rin po che yid bzhin du rnyed de/ skye bo mang po la phan 'dogs par 'gyur snyam bsams nas mi dag la 'di skad ces dris so/ /'jig rten na las ci zhig byas na nor dbyig mang du rnyed cing zad mi shes par 'gyur zhes dris pa dang / kha cig ni/ zhing cher rmos na nor dbyig mang por 'gyur zhes zer ro/ kha cig ni/ rkang 'gro spel te spogs byas na nor mang du rnyed do/ /zhes zer ro/ /kha cig ni/ lam ring por tshong spogs byas na nor mang du rnyed ces zer ro/ kha cig ni/ rgya mtshor zhugs te nor bu rin po che blangs na rin po che mang du 'gyur ro/ /zhes zer ro/ /dge don gyis de dag gis smras pa thos nas zhing rmo ba dang / rkang 'gro spel ba dang / lam ring por tshong la 'gro ba ni/ nga'i cha ma yin gyi/ rgya mtshor 'jug pa 'ba' zhig nga'i cha yin no/ /zhes smras nas rgya mtshor 'jug go snyam du bsams te pha ma la 'di skad ces smras so/ /bdag ni/ rgya mtsho nas rin po che mang du blangs te dbul phongs pa la sbyin pa yid bzhin du bgyi'o/ /bdag rgya mtshor rin po che len du mchir gnong </font><hr>387a<br><font size=+1>>


@#/ /zhig ces smras so/ /de'i pha mas de skad ces smras pa thos nas 'khams te bu la 'di skad ces smras so/ /'jig rten na dbul phongs pa dag ni/ blo med de| lus srog dang bsngos nas 'gro bar byed do/ /khyod cis phongs na de lta bur sems te/ khyod sbyin pa byed 'dod na khyim na yod pa'i nor thams cad sbyin par khyos shig /rgya mtshor ni/ 'gror mi rung ste rgya mtsho'i nang na chu rlabs dang / dpa' klong 'khyil pa dang / chu srin dang / klu gdug pa dang / srin mo dang / ri chu'i mdog can la sogs pa shin tu yang ba'i bgegs mang du yod pas thar par dka' na/ khyod cis phongs te srog dang bsngo bar byed/ /'di la ni/ nyan pa med kyi/ ma sems par 'dug cig ces bsgo'o/ /dge don gyis de skad ces bsgo ba thos nas bsam pa bzhin dum grub pas yi dam bcas te/ bsam pa 'di ma grub kyi bar du pha ma'i mdun du sa la khas bub tu nyal te mi ldang ngo snyam bsams nas yab yum gyis mkhyen par mdzod cig /bdag ni/ bsam pa bzhin ma grub kyi bar du khas bub tu nyal ba 'di las mi ldang ngo / /zhes smras so/ /de nas pha ma mi dga' ste gnyen bshes dang bgros nas rgya mtsho'i nang na dgegs yang ba mang du yod pa'i gtam yang byas/ bdag kyang </font><hr>387b<br><font size=+1>>


rmongs pas lo bcu gnyis kyi bar du lha kun la mchod de/ khyod lta zhig nga'i bur skyes na nged mdor bar zan zo zhig ces zhag gcig zhag gnyis nas zhag drug gi bar du tshig rnam pa sna tshogs kyis gros btab kyang ma nyan te/ sngar ji skad smras pa las ma ldog go /pha ma sdangs nas yang 'di skad ces bgros so/ /bdag gi bu 'di thog ma nas da tsam gyi bar du bya ba bsam pa mthar ma grub kyi bar du mi gtong bas/ rgya mtshor btang na gal te na phyir ldog kyang srid kyi/ ma btang na zhag bdun lon nas 'phral du bye bral byed de| da ni/ gtang dgos so snyam bgros nas bu'i drung du song ste lag pa nas bzung nas bu longs la zan zo zhig /yid bzhin du 'gro bar gnang ngo / /zhes smras pa dang dge don yang langs te bza' ba zos/ btung ba 'thungs so/ /de nas phyi rol tu byung ste mi mang po la kho bo rgya mtshor rin po che len du 'gro'o/ /khyed su 'gror dga' ba rnams kyang 'grogs te 'dong gi /ded dpon yang kho bos bya la/ yo byad kyang kho bos sbyar ro/ /zhes bgrags so/ /de'i tshe na yul de na tshong pa lnga brgya snyed kyis bdag cag kyang rgya mtshor rin po che len du mchi'o/ /zhes thams cad 'dus nas chas so/ /de'i tshe yul de na tshong ba ded dpon rgan po zhig sngon chad kyang rgya mtshor lan du ma phyin pa zhig </font><hr>388a<br><font size=+1>>


@#/ /yod de| rgyal bu nyid de'i gan du song nas 'di skad ces smras so/ kho bo rgya mtshor 'gro ba'i sa mkhan du 'gro dgos kyi/ khyod kyang chas shig ces bsgo ba dang / ded dpon gyis bdag ni/ rgas 'khogs pa'i steng du mig gnyis kyis kyang mi mthong bas 'gro mi nus so/ /zhes smras so/ /de nas rgyal bu pha'i thang du song ste rgyal po la 'di skad ces gsol to/ /ded dpon rgan po zhig mchis pa sngon chad kyang rgya mtshor lan du ma zhig phyin te rgya mtsho'i rgyus mchis kyi/ bdag rgya mtshor mchis pa'i sa mkhan du bka' stsol cig ces gsol pa dang / rgyal po nyid ded dpon long ba'i gan du song nas ded dpon long ba la 'di skad ces bsgo'o/ /rgyal bu rgya mtshor 'gro 'dod de/ nged kyis 'gror mi rung ba'i gros re lta zhig btab na ma nyan gyi/ rgyal bu rgya mtshor 'gro ba'i sa mkhan du khyod song zhig ces bka' stsal pa dang / ded dpon gyis 'di skad ces gsol to/ /bdag rgas 'khogs pa'i steng du mig gnyis kyang long mod kyi/ da rgyal pos bka' stsal pa na bka' mi gcog go/ zhes gsol to| |de nas rgyal po pho brang du 'ongs nas nga'i bu dang rgya mtshor 'gro phod pa su yod ces dris pa dang / rgyal bu sdig don yang bdag phu bo'i g.yog tu mchi'o/ /zhes gsol to/ / </font><hr>388b<br><font size=+1>>


rgyal pos bsam pa/ gzhan song ba bas nu bo song na phan snyam nas nu bo yang 'gror gnang ngo / /de nas rgyal bus gser srang sum stong zhig phyung ste srang stong ni/ gru'i zong du byas/ srang nyis stong ni/ 'phral du dgos pa'i yo byad du sbyar te chas nas rgyal po dang btsun mo la sogs pa thams cad kyis bskyal to/ /de nas rgya mtsho'i ngogs su phyin nas grur zhugs te thag pa bdun gyis brtod nas rlung phyogs dang sbyar te 'gro ba'i tshong pa rnams la 'di skad ces smras so/ /rgya mtsho'i nang na bgegs rnam pa sna tshogs yod de/ snga phyir 'dong ba ni/ rab tu yang mang na/ phyir 'khor ba ni/ nyung rab bo/ /de las the tshom za ba la de na phyir dengs shig /gal te lus dang srog la mi lta/ pha ma dang / bu dang / chung ma dang / gnyen bshes dag la yang ma chags te rin po che'i gling du phyin nas phyir yang bde bar 'khor na/ bu tsha rabs bdun tshun chad nor gyis mi brel bar 'gyur ro/ /zhes bsgrags nas thag pa gcig bcad do/ /de bzhin du nyi ma bdun gyi bar du nyin re lan re de skad ces bsgos nas thag pa re re bcad de rlung phyogs su bab pa la g.yor shing bsgrengs te mgyogs khyad mda' bzhin du song ngo / /de nas rin po che'i gling du phyin nas rgyal bu rin po che brtag pa la shin tu mkhas pas/ rin po che bzang ngan dang / mang nyung gi tshad kyang bstan nas </font><hr>389a<br><font size=+1>>


@#/ /so so nas rin po che tshol lo/ /ded dpon dang gnyis gru chung gcig gi nang du zhugs nas tshong pa phal rnams der bor ro/ /de nas song song ba las ded dpon gyis ni/ ri dkar po zhig yod pa'i rigs na mthong ngam zhes dris so/ /rgyal bus kyang de 'dra ba zhig snang ngo / /zhes smras pa dang / de ni/ dngul gyi ri yin no/ /zhes zer ro/ /de nas yang song song ba las/ da ni/ ri sngon po zhig snang ba'i rigs na mthong ngam zhes dris na/ de 'dra ba zhig snang ngo / /zhes smras pa dang / de ni/ bai DUR+Ya'i ri yin no/ /zhes smras so/ /de nas yang song song ba las/ da ni/ ri ser po zhig snang ba'i rigs so/ /zhes dris na/ ri ser po 'dra ba zhig snang ngo / /zhes smras pa dang / de ni/ gser gyi ri yin no/ /zhes smras so/ /de nas gser gyi ri'i drung du phyin te gser gyi bye ma'i steng du 'dug nas ded dpon des 'di skad ces smras so/ /bdag ni/ rgas zhom ste da ni/ 'gro mi phod pas/ da 'di nyid du tshe'i dus byas par 'gyur gyi/ khyod 'di nas song zhig dang / mdun na rin po che sna bdun gyi mkhar zhig dang phrad pa'i rigs kyi/ gal te mkhar sgo bcad cing 'dug na/ sgo drung na rdo rje'i gtun zhig yod pa'i rigs kyi/ rdo rje'i gtun gyis mkhar </font><hr>389b<br><font size=+1>>


bsgo rdungs shig dang / nang nas lha mo lnga brgya zhig so so nas rin po che thogs te 'bul du 'ong ngo / /de la lha mo gcig cig kyang rin po che sngon po gcig thogs shing 'bul du 'ong gi /de ni/ yid bzhin gyi nor bu rin po che yin no/ /thob ma thag tu ma shor bar dam du zungs shig /bu mo gzhan dag gi nor bu rin po che yang longs shig /dbang po rab tu sdoms la de dag dang ma smra zhig /bdag ni/ nyam thag ste 'dir tshe 'phos nas drin dran par gyis la 'di nyid du rus bu sbas te song zhig ces bsgo ma thag tu tshe'i dus byas so| |de nas ded dpon gyi rus bu gser gyi bye ma'i nang du sbas nas bsgo ba bzhin du song nas ring po ma lon par rin po che sna bdun gyi mkhar zhig gi drung du phyin to/ /sgo yang dam du bcad pa las drung na rdo rje'i gtun 'dug pa blangs te sgo brdungs pa dang / sgo yang rang bye nas lha mo lnga brgya so so nas rin po che thogs te 'bul bar byed do/ /nang gi lha mo snga ma gcig gi lag na nor bu sngon po zhig thogs te smras pa bzhin blangs nas gos kyi tha mar phur te de ma thag tu phyir log go /rgyal bu dang bral ba'i 'og tu rgyal bu sdig don gyis tshong ba rnams la rin po che mang du longs shig ces byas pas/ tshong pa rnams kyis mang du blangs nas rin po che mang bas/ gru yang bar 'ga' ni/ nu ba/ bar </font><hr>390a<br><font size=+1>>


@#/ /'ga' ni/ byung nas rgyal bu dge don 'ba' zhig ni/ yid bzhin gyi nor bu rin po che yod pas chur ma nub bo/ /rgyal bu sdig don skrag nas dge don la bdag la yang skyobs shig ces smras pa dang / sdig don yang khrid de rgya mtsho brgal to/ /de nas skam sar phyin pa dang sdig don gyis phu bo la 'di skad ces smras so| |bdag cag spun gnyis pha ma dang bral te rgya mtshor rin po che len du dong ba las ma stas te rin po che dang bral nas lag pa stong par khyim du 'gro ba ni/ ngo che'o| |rgyal bu dge don rang bzhin gyis drang bas/ nu bo la bdag cag gis rin po che thob na ci'i phyir ngo tsha zhes smras so/ /rin po che ji lta bu zhig rnyed bdag la ston cig ces smras pa dang / phu bos rin po che bkrol te nu bo la bstan to/ /nu bos rin po che mthong nas 'di snyam du bsams so/ /bdag gi pha ma yang bur 'dra ba las/ phu bo la byams te bdag la mi byams pa'i steng du nga gnyis 'grogs te rin po che len du song ba las/ phu bos ni/ rin po che rnyed kyi bdag gis ni| ci yang ma rnyed pas/ da khyim du 'ongs na bdag la de bas kyang mi byams par 'gyur gyi/ bdag gis phu bo gnyid log pa'i tshe bsad la nor bu rin po che khyer </font><hr>390b<br><font size=+1>>


te 'gro'o/ /gal te pha mas dris na/ phu bo ni/ rgya mtsho'i nang du nub bo/ /zhes bya'o bsams nas phu bo la 'di skad ces smras so/ /bdag cag spun gnyis rin po che thogs te gnyis ka gcig car nyal ba mi rigs kyi/ res kyis nyal la mel tshe bya'o/ /zhes smras pa dang / phu bos kyang de bzhin du bya'o/ /zhes smras te/ spun gnyis res kyis mel tshe byed do/ /de nas nub gcig phu bo sngar mel tshe byed pa las mel tshe thun 'khor bas kyang ring zhig langs su ma btub bo/ /phu bos yun ring du mel tshe byas nas nu po gdod langs te phu bo yun ring du 'dug pas gnyid bro nas gnyid log pa'i 'og tu tshal gyi nang nas tsher ma ring po gnyis shig blangs nas phu bo gnyid log pa'i mig tu tsher ma re re btsugs te rin po che khyer nas bros so/ /dge don sngangs nas chom po byung ngo / /zhes bos na cang mi zer te/ de nas shing gi lha mo zhig gis khyod kyi chom po ni/ sdig don yin no/ /zhes smras so/ /de nas dge don mig na ba ma bzod nas 'bod 'grogs te gog cing song song ba las yul shi ba de dang nye bar phyin nas ba lang rdzib lang lnga brgya tsam 'tsho ba dang phrad do/ /ba lang de'i nang nas khyu mchog cig gis rgyal bu ldongs pa mthong nas rgyal bu'i mig la lces bldags so/ /de nas pa </font><hr>391a<br><font size=+1>>


@#/ /lang kun kyang der 'dus pas rdzi'u yang der 'ongs na/ mi zhig sa la 'gre ba mthong nas drung du brtags na/ mig tu tsher ma zug pa mthong nas tsher ma gnyis dal gyis phyung ste gnas su khrid do/ /de nas 'o ma dang snum gyis rma kha bskus nas kha zas kyis bsnyod de gsos so/ /de nas phyi zhig na rma yang bags kyis sos nas da ni/ 'gro'o/ /zhes byas pa dang / ba lang rdzis ma btang ngo / /de nas yang phyi zhig na rma yang legs par sos nas da ni/ grong khyer 'o nir 'gro'o/ /zhes byas nas mthar gyis grong khyer dang nye bar bskyal te bdag la rol mo'i cha byad kim zhes bya ba byin cig ces byas pa dang / rdzi'us rol mo'i cha byad kim zhig byin no/ /de nas rgyal bus rol mo byed cing glu dang tshig snyan par sbyar te blangs pas thams cad de la nyan te kun gyis zas dang skom bskyal bas/ de na sbrang po lnga brgya yang rgyal pu la brten te gsos so/ / phyi zhig na rgyal po de'i skyed mos tshal srung ba zhig der 'ongs nas rol mo snyan pa thos pa dang / de la dga' ste khyod nga'i skyed mos tshal du rol mo byed cing skyed mos tshal yang srung na mi nus sam zhes dris na/ bdag mig long bas mi nus so/ /zhes smras so/ /des smras pa/ khyod mig mi mthong yang bla'i/ shing gi kha nas the gu la dril bu </font><hr>391b<br><font size=+1>>


btags te bya'i skad byung na/ the gu drangs pas chog gi /nga'i skyed mos tshal du 'dong ngo / /zhes smras nas khrid do/ /rgyal bu de'i tshal na 'dug cing rol mo byed do/ /de'i tshe na sdig don phyir yul du 'ongs pa dang / rgyal pos khyod kyis phu bo dang tshong pa gzhan dag ga re zhes dris na/ bdag gi phu bo dge don dang / tshong pa gzhan ni/ rin po che mang du rnyed nas gru dang bcas su chur nub bo/ /bdag ni/ rkyal 'tshal bas bdag 'ba' zhig thar ro/ /zhes smras pa dang / rgyal po yab dang btsun mo gnyis 'khams nas sa la 'gyel to| |yul na mi 'khod pa gzhan dag kyang de skad ces thos nas ngo mtshar du gyur te mya ngan gyis brnangs so/ /rgyal po yab dang btsun mo yang mya ngan gyis yid gdungs nas sdig don khyod kyang phu bo dang lhan cig log na ci nyes zhes bsgo'o/ /rgyal bu dge don 'dug pa'i tshe bya ngang pa gcig gsos pa de la rgyal pos 'di skad ces bsgo'o/ /rgyal bu dge don rgya mtshor rin po che len du song ba las rgya mtshor nub ste dge don dag ces zer gyi/ khyod rtog cing tshol du song zhig ces bsgos nas yi ge bris te mgul du btags nas song ngo // de nas bya ngang pa kun tu 'phur zhing tshol tshol ba las skyed mos tshal de na rgyal bu'i skad grag nas der babs te bltas na/ rgyal ba de na 'dug pa dang phrad do/ /rgyal bus </font><hr>392a<br><font size=+1>>


@#/ /kyang ngang pa'i skad shes pas mgul nas yi ge bkrol te klog tu bcug go /de nas yi ge'i lan bris nas sdig don gyis ji ltar mig tu tsher mas btsugs te bros pa yang zhib tu sbring ngo / /de'i tshe na rgyal po li shi bar de la bu mo bzang mo 'jig rten na dkon pa zhig yod de/ bu mo de skyed mos tshal du 'chag tu song song ba las rgyal bu dge don de na 'dug pa dang phrad nas rgyal bu dge don skra ni/ 'dzings/ gdong la ni/ dri mas gang / gos ngan pa gyon zhing shing drung na 'dug pa mthong nas bu mo de la chags te phan tshun gar yang ma song bar de'i drung du 'dug ste gtam byas so/ /dro la bab nas rgyal pos bu mo bos na/ bdag gi 'tshal ma 'dir skyol cig phar mi mchi'o zhes mchi'o/ /de nas rgyal pos yang zan bskyal ba dang / bu mos rgyal bu la bdag cag gnyis lhan cig zan bza'o/ /zhes byas pa dang / rgyal bus bdag ni/ long ba sprang po lags pas/ rgyal po'i sras mo dang lhan cig 'tshal ma 'tshal du mi rung ngo / /gal te rgyal pos gsan na bdag la gyod mchi bas mi rung ngo / /zhes smras so/ /bu mos smras pa/ khyod bdag dang zan lhan cig mi za na/ bdag kyang zan mi za'o/ /zhes lan du ma'i bar du smras pa dang / </font><hr>392b<br><font size=+1>>


de nas lhan cig zan zos te gtam yang legs par byas nas de la bu mo chags te gzhan du gom pa gcig kyang 'gro ma btub bo/ /de nas nyi ma nub tu nye nas rgyal pos bu mo phyir shog cig ces sbran pa dang / bu mos phyir 'di skad ces gsol to/ /bdag ni/ skyed mos tshal srung ba 'di'i chung mar dga' bas gzhan su yang mi 'tshal lo/ /yab rgyal po bdag gi bsam pa 'di las mi bsgyur du gsol zhes spring ba dang / rgyal pos de skad ces gsol pa thos nas bu mo'i ngo ma ldog ste 'di ni/ ngo mtshar ya mtshan du che'o/ / bu mo 'di rgyal po rin chen go cha'i mna' mar blangs te rgyal bu rgya mtsho nas ma 'khor bar sprang por 'di lta bu zhig gi chung mar bsten pa 'di ni/ nga'i rigs sun 'byin te/ nga'i mgo yang 'deg tu med par byed pa 'di ni/ ngo mtshar che zhes yang 'bod du btang ba las/ bu mo chig snga ma las ma gyur te 'ong du ma btub bo/ /de nas rgyal po bu mo la byams pas ngo ma ldog nas gnyis ka bsu ste pho brang gi nang du khrid nas khyo shug tu bsdus so/ /de nas zhag du ma zhig lon pa dang / bu mo nyin par rtag tu song zhing nub mo phyir 'ong bas rgyal bu dogs pa skyes te chung ma la 'di skad ces smras so/ /khyod bdag gi chung ma bya zhes khyo shug tu 'dus na/ nyin par ni rtag tu 'gro'o/ /mtshan mo 'ba' zhig </font><hr>393a<br><font size=+1>>


@#/ /ni phyir 'ong na/ 'dir mi rtag pa las na/ khyod gzhan du sems pa yod du nges so/ /zhes smras pa dang / bu mos dam bcas pa/ bdag ni| khyod 'ba' zhig la sems te bsam pa gzhan pa spu tsam yang med do/ /bdag gis smras pa'i tshig bden na/ bden par smras pa 'dis khyod kyi mig ya gcig mthong bar gyur cig ces smras ma thag tu mig ya gcig mthong bar gyur to/ /de nas gtam de dag gleng nas rgyal bu la khyod kyis pha ma dang yul gang na 'dug ces dris pa dang / rgyal bus chung ma la smras pa/ khyod kyis rgyal po rin chen go cha zhes bya ba zhig thos sam/ chung mas smras pa/ bdag gis thos so/ /'o na de ni/ bdag gi pha yin no| |rgyal bu dge don zhes bya ba thos sam/ chung mas smras pa/ thos so/ /'o na rgyal bu dge don de ni/ bdag yin no/ /zhes smras pa dang / chung ma sngabs nas 'o na khyod ci'i phyir 'di ltar nyon mongs par gyur ces dris pa las/ rgyal bus ji ltar gyur pa zhib tu gtam byas pa dang / bu mos rgyal bu la 'di skad ces smras so/ / rgyal bu sdig don gyis khyod kyi mig phyung ba 'di ni/ 'jig rten gang na yang mi srid na/ khyod de dang phrad na ji ltar bya snyam/ rgyal bus smras pa/ sdig don gyis nga'i </font><hr>393b<br><font size=+1>>


mig phyung ba nyes mod kyi/ bdag ni/ de la cung zad kyang mi dga' ba'am/ 'khon du 'dzin pa med do/ /chung mas smras pa/ 'di ni/ shin tu yang yid ches par dka' ste| gnod pa 'di lta bu byas kyang mi dga' ba med ces smras pa ni/ tshig tu mi rung ngo / /rgyal bus smras pa/ bdag ni/ rgyal bu sdig don la mi dga' ba spu nyag ma tsam yang med do| |bdag gi tshig 'di bden na/ bden pa'i tshig gis bdag gi mig ya gcig kyang mthong bar gyur cig ces smras pa dang / mig ya gcig kyang gsal bar mthong bar gyur to| |de ltar rgyal bu'i mig gnyis kyang mthong nas mtshan dang byin yang gzhan pas lhag par che bas/ bu mo dga' nas yab rgyal po gang na 'dug par song ste 'di skad ces smras so/ /yab kyis rgyal po rin chen go cha'i sras rgyal bu dge don mkhyen tam/ rgyal pos smras pa/ ngas shes so/ /'o na rgyal po gzigs bzhed dam/ rgyal bu de da ltar ga re blta'o zhes smras pa dang / bu mos smras pa/ da ltar bdag gi khyim thab bgyid pa nyid lags so/ /zhes gsol to/ /rgyal pos bu mo 'di smyos sam/ 'on te mi dran nam| ci nyes/ rgyal bu de ni/ rgya mtsho nas phyir ma 'khor na/ sprang po la rgyal bu dge don yin zhes smra/ bu mos yang gsol pa/ thugs mi ches na brtag tu gsol zhes </font><hr>394a<br><font size=+1>>


@#/ /smras pa dang / rgyal pos bltar phyin na rgyal bu dngos yin te/ lto ba sa la phab nas bdag gis ngo ma shes pa nongs kyi/ 'gyod do/ /zhes smras so| |de nas rgyal po des gsang ste rgyal bu dge don lam srang zhig tu bskyal nas dge don rgya mtsho nas gdod 'khor ba skad bsgrags te blon po rnams dang rgyal bu dge don bsus nas pho brang du 'ongs pa dang / gdod bu mo yang chung mar byin pa skad du bsgrags so/ /de'i tshe na bya ngang pa yang yi ge dang phyir yul du phyin te yi ge bklags nas rgyal bu dge don yang 'dug par shes pas/ sdig don yang btson du bzung / rgyal po li shi bar gyi steng du yang pho nya btang nas nga'i bu dge don khyod kyi yul du 'ongs te nyon mongs shing 'dug ces thos kyi/ sngar ma spran pa yang nyes so/ /da yang glang po che dang / rta'i tshogs mang pos skyol cig /ma bskyal nang nyid kyang 'ong ngo / /zhes spring ngo / /de'i tsha rgyal bu dge don gyis phyugs rdzi'i drin dran pa'i phyir rgyal po li shi bar la gsol nas glang po che dang / rta dang / gos dang / khang khyim dang / zhing 'brog dang / gser dngul \?\ dang / rin po che dang / bran pho dang / bran mo dang / las byed pa'i mi la sogs te bya dga' mang du byin nas tshe gcig tu bde zhing skyid par byas so/ /de nas </font><hr>394b<br><font size=+1>>


rgyal po rin chen go cha'i pho nya yang der phyin nas rgyal po li shi bar gyis glang po che lnga brgya tsam rin po ches brgyan te g.yog lnga brgya dang / bu mo'i g.yog gzhon nu lnga brgya dang / shing rta lnga brgya snyed kyang brdzangs/ rgyal po nyid kyang blon po dang bcas te 'khor brgya stong du mas rol mo sna tshogs byas te bu mo bskyal to/ /pho nya sngar phyin nas rgyal po rin chen go cha yang btsun mo'i 'khor dang bcas te rgyal bu bsu'o/ /rgyal bu dang phrad pa'i tshe bzhon pa las babs nas pha ma la phyag 'tshal te lag pa nas 'jus te snyun gsol nas rol mo byas te pho brang du song ngo / /de nas rgyal bu dge don gyis sdig don ga re zhes dris pa dang / da ltar btson du bzung ngo / /zhes smras so/ /de nas rgyal bu sdig don thong zhig ces gsol pa dang / nyes pa chen po byas kyi/ gtang du mi rung ngo zhes bsgo'o/ /de ltar rgyal bu sdig don ma btang na/ bdag kyang pho brang du mi mchi'o/ /zhes gsol nas sdig don yang btang ngo / /de nas sdig don yang phu bo la phyag 'tshal zhing bsur 'ongs nas spun gnyis gcig la gcig 'jus te nu bo la sngar bas kyang lhag par byams par gyur pas/ thams cad ngo mtshar du 'dzin to/ /de nas pho brang gi nang du 'ongs nas rin po che ga re zhes bags kyis dal gyis dris pa dang / 'ongs pa'i </font><hr>395a<br><font size=+1>>


@#/ /lam du sa brkos pa'i nang du spas so/ /zhes zer ro/ /de nas len du btang nas rnyed pa las dge don dang 'grogs te gnas su phyin ma thag tu dge don gyis mthong nas rnyed do/ /de na rin po che rnams rnyed de pho brang du 'ongs nas rgyal phran lnga brgya kun la yang re re byin te gcig pu zhig phyir bzhag pa lag tu thogs te 'di skad ces smon lam btab bo/ /rin po che 'di nyid yid bzhin gyi nor bu rin po che yin yang dag na/ bdag gi pha ma 'dug pa'i khri rin po che sna bdun gyi khrir gyur cing rin po che sna bdun gyi gdugs kyang yod par gyur cig ces smras ma thag tu de bzhin du gyur to/ /de nas yang 'di skad du/ rgyal po'i bang mdzod dang / blon po'i bang mdzod las bdag gis sngon sbyin pa bgyis te god pa'i rnam pa thams cad phyir gang bar shog cig ces smras nas de phyogs su bstan pa tsam gyis bang mdzod thams cad rin po ches yongs su gang bar gyur to/ /de nas dril bsgrags te/ da phyin chad zhag bdun na rgyal bu dge don rin po che sna bdun gyi char 'bebs kyis thams cad 'dus shig ces bsgo nas rgyal bu dge don spos chus lus bkrus te gos gsar ba gtsang ma gyon te rgyal mtshan gyi rtse mo la yid bzhin gyi nor bu rin po che btags te </font><hr>395b<br><font size=+1>>


lag na pog phor thogs shing phyogs bzhir phyag byas nas 'di skad ces smras so/ /nor bu 'di yid bzhin gyi nor bu rin po che yin yang dag na/ thams cad ci 'dod pa thams cad char bzhin du phob cig ces smras ma thag tu phyogs bzhi nas sprin langs nas rlung gis mi gtsang ba phyag dar byas te thog mar char zim bu babs nas rdul mi ldang bar byas so/ / de nas kha zas ro brgya dang ldan pa rnam pa sna tshogs bab bo/ /de nas gos rnams bab bo/ /de nas rin po che sna bdun babs nas yul thams cad du gang ngo / /de'i tshe na thams cad kyis rin po che dang / gseg pa 'dra ba'i sems su gyur nas de nas rgyal bus 'di skad ces bsgo'o/ /khyod kyi dgos pa thams cad yid bzhin gyis thob pas/ da ni brel ba'am| phongs pa med par gyur gyi/ so so nas lus dang ngag yid bsdams te dge ba bcu'i las kyi lam la brtson par gyis shig ces bsgos nas thams cad kyis bsgo ba bzhin du dge ba bcu la nan tan byas te sdig pa ma byas pas/ tshe 'phos nas mtho ris kyi lhar skyes so/ /kun dga' bo/ de'i tshe de'i dus na rgyal po rin chen go cha ni da ltar nga'i yab zas gtsang ma yin no/ /rgyal po'i btsun mo de ni da ltar nga'i yum lha mdzes yin no/ /rgyal bu dge don ni da ltar nga yin no/ /rgyal po li shi bar de ni da ltar 'od srung </font><hr>396a<br><font size=+1>>


@#/ /yin no| |de'i tshe na rgyal bu'i chung mar gyur pa de ni/ da ltar skye rgu'i bdag mo yin no/ /rgyal bu sdig don de ni/ da ltar lha sbyin no/ /'dzam bu'i gling gi mi la nga'i drin gyis khyab pa ni/ nga thog mar sangs rgyas pa na lha'i sras po brgyad khri 'ongs pa dang / nga'i nye gnas lung bstan pa rnams yin no/ /kun dga' bo/ de'i tshe de'i dus na da ltar nga la gnod pa chen po byas kyang de la snying brtse ba'i sems skyes na/ da mngon par sangs rgyas nas nyon mongs pa'i sgrib pa ni/ zad/ thugs rje chen pos rgyas par khyab pas na/ gnod pa cung zad cig byas pa la thugs brtse ba lta ci smos/ bcom ldan 'das kyis de skad ces gsungs nas 'khor mang po la la ni/ rgyun du zhugs pa dang / lan gcig phyir ldog pa dang / phyir mi ldog pa dang / dgra bcom pa thob bo/ kha cig ni/ rang sangs rgyas su gyur/ kha cig ni/ bla na med pa'i byang chub tu sems bskyed do| |de skad ces gsungs pa la thams cad rjes su yi rang nas mngon par dga'o/ /rgyal bu dge don gyi le'u ste sum cu sum pa'o// //khyim bdag snga \?\ mas byed kyi le'u/ 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba </font><hr>396b<br><font size=+1>>


na dge slong gi dge 'dun chen po brgya phrag phyed dang bcu gsum dang thabs cig tu bzhugs so/ /de'i tshe yul de na sprang po lnga brgya zhig rtag tu sangs rgyas dang / dge 'dun la brten te 'tsho'o/ /phyis sprang po de dag 'di snyam du bsams so/ /da bdag cag sangs rgyas kyi bstan pa la rab tu 'byung ngo snyam nas sangs rgyas gang na ba der lhags te bcom ldan 'das la 'di skad ces gsol to/ /bdag cag ni/ sangs rgyas dang / dge 'dun gyi thugs rjes 'tsho bar gyur te/ da bdag cag rab tu 'byung ngo / /zhes gsol pa dang / de la bcom ldan 'das kyis 'di skad ces bka' stsal to/ /ngas bstan pa'i chos ni/ rnam par dag pa ste/ btsan nyan dang / phyug dbul med de/ dper na/ chu dang 'dra bas na/ btsan nyan dang / phyug dbul dang / bzang ngan kun 'khru ste/ chus bkrus na mi 'dag pa med do/ /dper na/ me dang 'dra ste/ ri dang / brag dang / gnam sa'i bar na dngos po chen po dang / chung du gang yang mi 'tshig pa med do/ /gzhan yang nga'i chos ni/ nam mkha' dang 'dra ste/ skyes pa dang / bud med dang / khye'u dang / bu mo dang / phyug po dang / dbul po dang / gang su yang rung mi chad pa med de/ yid bzhin du spyod du gnang ngo / /zhes sbreng po rnams kyis thos nas rab tu dga' mgu rangs </font><hr>397a<br><font size=+1>>


@#/ /te lhag par sangs rgyas la rab tu 'byung ngo zhes gsol ba dang / bcom ldan 'das kyis bde bar 'ongs so/ /zhes bka' stsal pa tsam gyis skra dang kha spu rang byi ste dur smrig gyon pa'i dge slong du gyur nas bsnyen par rdzogs so/ /bcom ldan 'das kyis chos bstan pas lus dang sems rnam par grol te zag pa zad nas dgra bcom par gyur to/ /de'i tshe na yul de na gnas pa'i khyim bdag dang / tshong dpon rigs che zhing mtho ba rnams mu to ba dag sangs rgyas kyis rab tu phyung ngo / /zhes thos nas brnyas shing dpyas par gyur te 'di skad du/ gal te bdag cag bcom ldan 'das dang / 'phags pa'i dge 'dun spyan 'dren cing bsod nams byed na/ rigs ngan mu to ba las rab tu byung ba de dag ji lta bur bdag cag gi stan la gzhag cing snod la 'bag par bya zhes smras so/ /de'i tshe rgyal bu rgyal byed kyis sangs rgyas dang dge 'dun rnams bshos la spyan drangs nas bcom ldan 'das la 'di skad ces gsol to/ /sangs rgyas dang dge 'dun rnams spyan 'dren gyi/ mu to ba las gsar du zhugs pa rnams ni/ ma lags so/ /phyi nyin gdugs tshod kyi thad kar sangs rgyas dang / dge 'dun spyan drangs nas gshegs pa </font><hr>397b<br><font size=+1>>


dang mu to ba'i dge slong ma bos pa rnams la 'di skad ces bka' stsal to/ /khyed ni/ yon bdag gis ma bos kyi/ byang gi sgra mi snyan du dengs la sa bon ma btab ma rmos par rang skyes pa'i 'bras longs la/ yon bdag gi khyim du zar shog cig ces bka' stsal to/ /dge slong de dag bka' stsal pa bzhin du dgra bcom pa'i rdzu 'phrul gyis byang gi sgra mi snyan du so so nas 'bras kyis lhung bzed bkang ste spyod lam mdzes par steng gi nam mkha' las ngang pa'i rgyal po ltar rgyal bu rgyal byed kyi khyim du lhags nas rim bzhin du 'khod de 'bras la za'o/ /de'i tshe na rgyal bu rgyal byed kyis dge slong de dag spyod lam mdzes par rdzu 'phrul gyi stobs kyis nam mkha' las 'ongs par mthong nas lhag par dga' rangs te ngo mtshar rmad du gyur nas bcom ldan 'das la 'di lta bu'i 'phags pa gzi brjid dang yon tan du ldan pa/ spyod lam mdzes par lhag pa phyogs gang nas mchis zhes gsol ba dang / bcom ldan 'das kyis rgyal bu rgyal byed la 'di skad ces bka' stsal to/ /'di dag shes par 'dod na legs par nyon cig dang / khyod la bstan par bya'o/ /dge slong 'di dag ni/ rgyal bus ma bos pa'i dge slong dag yin te/ rgyal bus ma bos pas so so nas byang gi sgra mi snyan nas 'bras blangs nas </font><hr>398a<br><font size=+1>>


@#/ /za ba yin no/ /de nas rgyal bu rgyal byed kyis de skad ces gsungs pa thos nas shin tu ngo tsha zhing 'gyod de/ bdag ni/ gti mug gis ldongs pas 'phags pa ngo ma 'tshal to/ /zhes smras nas bcom ldan 'das la 'di skad ces gsol to/ /bcom ldan 'das kyi yon tan ni/ bsam gyis mi khyab ste/ sprang po 'di dag ni| yul 'di dag na shin tu yang rigs chung zhing ngan pa lags na/ 'dir 'jig rten 'di'i bde ba yang thob la/ yun ring po'i yon yang rnyed par gyur te/ bcom ldan 'das 'jig rten du gshegs pa ni/ don 'di dag dbang zhig gi slad du gshegs so/ /gzhan yang bcom ldan 'das/ sprang po 'di sngon dge ba'i rtsa ba ci bsrungs shing / bsod nams kyi las gang la nan tan bgyis pas/ bcom ldan 'das dang phrad de rnam par grol bar gyur/ sdig pa ci bgyis na/ thog mar btsas nas sprang por skyes te dbul phongs par gyur/ bcom ldan 'das kyis rgyal bu rgyal byed la bka' stsal pa/ sngon 'das pa'i bskal pa tshad med/ grangs med/ bsam gyis mi khyab pa 'das pa'i pha rol na 'dzam bu'i gling 'dir grong khyer wA ra Na si zhes bya ba na ri drang srong lha las zhes bya ba la sngon yang rang sangs rgyas mang po bzhugs bzhugs </font><hr>398b<br><font size=+1>>


te| sangs rgyas 'jig rten du ma gshegs pa na yang rang sangs rgyas dag de na gnas te/ ri de la'ang sangs rgyas med na yang lnga mngon par shes pa'i drang srong dag gnas so/ /de'i tshe na ri de la drang srong nyis stong zhig gnas te/ phyi zhig na ltas mkhan dag gis lo bcu gnyis kyi bar du char mi 'bab bo/ /zhes lung bstan pa dang / de'i tshe na yul de na khyim bdag phyug po longs spyod dang ldan pa sdums byed ces bya ba'i drung du song ste khyim bdag de la bdag cag rab tu byung ba drang srong stong po 'di dag gi lo bcu gnyis kyi zas dang / skom yod dam/ des smras pa/ bdag cag la mchis kyi/ 'phags pa rnams gud du mi gshegs par bzhugs su gsol lo/ /de nas yang drang srong stong yang der lhags nas khyim bdag sdums byed la bdag cag la lo bcu gnyis kyi bar du zas dang skom dgos so/ /zhes smras pa dang / khyim bdag gis bang mdzod srung ba la 'phags pa 'di rnams kyi 'tsho ba lo bcu gnyis kyi bar du 'byor tam zhes dris na/ mdzod srung gis 'byor to/ /zhes gsol nas khyim bdag des drang srong nyis stong gi 'tsho ba sbyor ba'i las mi lnga brgya bskos nas bsod snyoms spyor du bcug go /de'i tshe na las mi dag bsod snyoms kyi g.yos byed pa la yun ring par gyur pas </font><hr>399a<br><font size=+1>>


@#/ /skyo ste 'di skad ces smras so/ /bdag cag 'di ltar rtag tu nyon mongs par gyur pa ni/ sprang po 'di dag gi phyir ro/ /zhes smras so/ /de'i tshe na khyim bdag des gdugs tshod la rtag tu spyan 'dren pa'i las mi gcig cig bskos so/ /spyan 'dren de la khyi zhig yod do/ /khyi de yang rtag tu spyan 'dren gyi phyi bzhin du 'gro ba las| nyin gcig spyan 'dren pa brjed pa dang / khyi de gdugs tshod kyi dus su drang srong de dag gi drung du song nas skad chen po phyung ste zug pa dang / drang srong de dag kyang khyi zug pa thos nas gdugs tshod la bab par shes te bsod snyoms la gshegs so/ /phyi zhig na drang srong de dag bsod snyoms kyi bya ba byas nas khyim bdag la 'di skad ces smras so/ /khyim bdag /da ni/ char pa 'ong gi /zhing pa dag zhing gi las byed du chug cig ces bsgo ba dang / khyim bdag gis kyang zhing pa rnams zhing gi las byed du bcug ste nas dang / gro dang / 'bru mang zhig rmos so/ /de nas phyi zhig na 'bru rmos pa'i rnam pa thams cad ku bar skyes nas khyim bdag ya mtshan du gyur te drang srong rnams la 'di dag don med par mi 'gyur ram zhes smras pa dang / drang srong gis smras pa/ don med par mi 'gyur gyi/ dus su chu bcu ba la sogs te las byos shig </font><hr>399b<br><font size=+1>>


pas \?\ smras so/ /phyis ring po ma lon par ku ba kun cher skyes nas bkas te bltas nas ci dang ci smos pa bzhin du de dang de dag ku ba'i nang kun gang bar skyes te khyim bdag rab tu dga' mgu nas bang ba kun kyang gang bar gyur to/ /las byed pa'i mi lnga brgya po yang de lta bu dag mthong nas 'gyod pa'i sems skyes te/ bdag cag gis ni/ tshig ngan pas 'phags pa la smad do/ /zhes 'gyod tshangs byas te so so nas bdag cag kyang ma 'ongs pa'i dus na 'phags pa dang phrad cing rnam par grol bar gyur cig ces smon lam btab bo| |sprang po lnga brgya po 'dis tshig ngan pa smras pas/ skye ba lnga brgya'i bar du rtag tu sprang por gyur to/ /'gyod tshangs byas te smon lam btab pas/ nga dang phrad de 'khor ba'i mthar phyin to/ /rgyal bu/ 'di ltar rig par bya'o/ /de'i tshe de'i dus na khyim bdag phyug po sdums byed de ni/ nga yin no/ /bang mdzod srung ba de ni/ rgyal bu rgyal byed yin no/ / nyin gcig bzhin du spyan 'dren pa de ni/ rgyal po u tra ya na yin no/ /de'i tshe khyi de ni/ khyim bdag skad snyan yin te/ de'i dbang gis skye ba thams cad du skad snyan par gyur to| |de'i tshe na las byed pa'i mi lnga brgya po ni/ dgra bcom pa lnga brgya po 'di dag yin no/ /bcom ldan 'das kyis de skad ces gsungs nas 'khor mang po rnams kha cig gis </font><hr>400a<br><font size=+1>>


@#/ /ni| 'bras bu dang po thob pa nas 'bras bu bzhi ba'i bar du thob par gyur to/ /kha cig ni/ bla na med pa'i byang chub tu sems bskyed nas bcom ldan 'das kyis gsungs pa la rjes su yi rang nas mngon par dga'o/ /khyim bdag sdums byed kyi le'u ste sum cu bzhi pa'o// //bam po bcu pa/ rgyal po mig 'byed kyi le'u/ 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs te skye bo mang po la dam pa'i chos ston to/ /de'i tshe na grong khyer gyi mi kun chos nyan du chas pa dang / grong de na bram ze long ba gcig cig lam gan 'dug pa las mi mang po song ba las| khyed myur bar gar 'dong zhes dris so/ /mi rnams kyis smras pa/ khyod ci ma thos sam/ de bzhin gshegs pa 'jig rten du byung ste da ltar yul 'di na bzhugs shing chos ston to/ /de bzhin gshegs pa 'jig rten du byung ba dang phrad par shin tu dka' bas/ bdag cag ni/ sangs rgyas la chos nyan du 'gro'o/ /zhes smras so/ /bram ze de skad rnam pa brgyad la shin tu mkhas pa zhig ste/ skad phyung ba tsam gyis dbang thang dang / tshe ji tsam pa rtogs so/ /brgyad gang zhe na/ bya bang lta bu'i skad dang / khwa lta bu'i </font><hr>400b<br><font size=+1>>


skad dang / skad 'dzer 'dzer po dang / glang po che'i skad dang / rnga'i skad dang / 'brug gi skad dang / dril gyi skad dang / tshangs pa'i skad dang brgyad do/ /bya pang lta bu'i skad du smra ba ni| khrel ltas med de/ byas pa drin du mi gzo'o/ /khwa lta bu'i skad du smra ba ni/ khro zhing gtum la gsod pa la dga' zhing snying rje med do/ /skad 'dzer 'dzer po ni/ pho dag mo'i skad du smra ba dang mo dag pho'i skad du smra ba ste/ de ni/ dbang thang med cing dbul ba dang / ma rabs so/ /glang po che'i skad du smra ba ni/ rang bzhin gyis drang zhing gnyen bshes la phan 'dogs par sems so/ /rnga'i skad du smra ba ni/ smra mkhas la blo myur zhing rig pa 'dzin te/ rgyal po'i ston pa'o/ /'brug skad du smra ba ni/ mkhas pa'i blo dang ldan zhing chos mkhas so/ /dril skad du smra ba ni/ phyug cing longs spyod dang ldan la gser srang brgya stong mang po bdog pa'o/ /tshangs pa'i skad du smra ba ni/ bsod nams dang / dbang thang chen po dang ldan te/ khyim na 'dug na ni/ 'khor los bsgyur ba'i rgyal por 'gyur/ /rab tu byung na ni/ gdon mi za bar 'tshang rgya'o/ /de'i tsha na bram ze des mi de rnams la bdag ni/ skad la shin tu mkhas te/ yang dag par sangs rgyas yin na/ tshangs pa'i skad dang ldan pa'i rigs kyi/ kho bo yang khrid la 'grogs te 'dong ngo / /de dag gis </font><hr>401a<br><font size=+1>>


@#/ /kyang bram ze long ba de khrid nas song song ba las phyogs der nye bar 'ongs pa dang / sangs rgyas kyi gsung tshangs pa'i dbyangs thos nas long ba dga' mgu rangs te dad pa skyes pas/ mig gnyis rang bye nas sangs rgyas kyi sku gser gyi mdog can/ mtshan sum cu rtsa gnyis kyis brgyan pa/ nyi ma'i 'od ltar shin tu gsal ba mthong nas bcom ldan 'das kyi zhabs la spyi bos phyag 'tshal te tshad med pa'i dga' ba skyes nas bcom ldan 'das kyis chos bstan te spro ba bskyed pas sdig pa mi dge ba'i las khri phrag nyi shu zad de rgyun du zhugs pa'i 'bras bu thob nas shes rab kyi mig dang ldan par gyur pas bstan pa la rab tu 'byung bar gsol to| |de nas bcom ldan 'das kyis legs par 'ongs so/ /zhes bka' stsal nas dge slong du gyur te ci rigs pa'i chos bstan pas dgra bcom par gyur to/ /'khor mang po the tshom du gyur nas tshe dang ldan pa kun dga' bo 'dug pa stan las langs te thal mo sbyar nas bcom ldan 'das la 'di skad ces gsol to/ /bcom ldan 'das 'gro ba mang po'i don mdzad pa/ mdongs pa thams cad la thugs rje ba'i nang na bram ze dmus long 'di la lhag par thugs rje che'o/ /bram ze mdongs pa zhig sha'i mig </font><hr>401b<br><font size=+1>>


kyang thob la/ shes rab kyi mig kyang thob par gyur to/ /bcom ldan 'das kyis kun dga' bo la bka' stsal pa/ bram ze long pa 'di la dus 'di 'ba' zhig tu mig byin par ma zad de| 'das pa'i dus na yang mig byin no/ /kun dga' bos gsol pa/ bcom ldan 'das/ 'das pa'i dus na ji lta bur mig stsal pa legs par bstan du gsol/ bcom ldan 'das kyis bka' stsal pa/ sngon 'das pa'i bskal pa grangs med tshad med dpag tu med bsam gyis mi khyab pa'i pha rol na 'dzam bu'i gling 'dir yul pu ka la da zhes bya ba na rgyal po mig 'byed ces bya ba zhig yod de/ rgyal po de brag dang / rtsig pa la yang thogs pa med par dpag tshad bzhi bcu tshun chad mthong bas/ mig 'byed ces bya bar btags te| 'dzam bu'i gling gi rgyal phran brgyad khri bzhi stong kun la dbang byed do/ /rgyal po de la btsun mo dang / pho brang gi slas nyi khri yod de/ rgyal bu ni/ lnga brgya snyed yod do/ / rgyal tshab ni/ tshul khrims bzang po zhes bya ste/ rgyal po de tshul bzhin du rgyal po byed pas/ sems can thams cad la bu gcig pa dang 'dra bar sems te rlung dang char dus las mi yol bas lo legs te thams cad bde skyid do/ /de nas rgyal po de dben pa zhig na 'di snyam du sems par gyur to/ /bdag tshe snga ma'i bsod nams kyis mi'i rgyal por </font><hr>402a<br><font size=+1>>


@#/ /gyur te nor bu rin po che dang / longs spyod chen po dang ldan zhing thams cad kyis dag nyan pa ni/ ji ltar rtswa 'jam po la rlung gis btab na phyogs gcig tu nyal ba bzhin no/ /tshe 'di la yang phyi ma'i 'bras bu ma skyed na/ sdug bsngal bar 'gyur te/ dper na/ zhing pa dag dpyid mang du rmos na/ ston yang mang du bsdur yod pas| bdag kyang tshe 'dir dpyid sa bon ma btab na/ tshe phyi mar ston pa sngar med pas/ da ni/ le lo bya bar mi rigs kyi/ bsod nams kyi zhing la sa bon rgyas par gdab bo snyam bsams nas blon po la 'di skad ces bka' stsal to/ /nga'i dkor mdzod thams cad phyung la/ grong khyer gyi sgo dang lam srang mi mang po 'du ba'i gnas su thams cad spungs la 'gro ba mang po la sbyin par bya'o/ /rgyal phran brgyad khri bzhi stong gi bang mdzod thams cad kyang thams cad la yid bzhin du byin cig ces bsgos nas gser gyi rgyal mtshan bsgrengs/ dril chen po bsgrags te 'dzam bu'i gling gi dge sbyong dang / bram ze dang / dbung phongs pa dang / rgas pa dang / na ba'i rnam pa thams cad 'dus shig /ci dang ci 'dod pa de dag thams cad yid bzhin du sbyin no/ /zhes bsgrags so/ /de'i tshe na 'bangs thams cad kyang rgyal po chos bzhin byed pas/ de la dga' ste </font><hr>402b<br><font size=+1>>


bstod cing snyan par sgrog go /mtha' 'khob kyi rgyal phran pa la da bar ni zhes bya ba zhig rgyal po de'i bka' mi nyan par gyur te/ chos ma yin pas rgyal po byed do/ /rgyal phran de la blon po mkhas pa/ blo gros dang ldan pa lo dar zhes bya ba zhig yod de/ blon po des rgyal po la 'di skad ces gsol to/ /rgyal po ni/ yid thung la gtum ste snga bsam phyi ma no med pas phyis 'gyod par 'gyur ro/ /rgyal po mig 'byed ni/ shin tu snying rje che ba dang ldan pas 'dzam bu'i gling gi mi thams cad la drin gyis khyab ste/ rgyal po thams cad de'i bka' nyan na/ rgyal po 'ba' zhig gis de la bsngo ba'i mi rigs kyi/ de'i bka' nyan na bu tsha rgyud du bde bar 'gyur ro/ /zhes gsol pa dang / phyir blon po de la khros nas gros mnyan to/ /de nas blon po de yang mi dga' nas 'di snyam du bsams so/ /rgyal pos chos ma yin pa dang / mi rigs pa byas pas bdag gis phan pa'i gros btab na khros te ma nyan to/ /rgyal po 'di la ni/ 'bangs thams cad kyang mi dga' bas med par bya'o snyam bsams nas gros byas pa las gsang shor nas rgyal pos dmag bsdogs te 'dzin tu bcug go /blon po des kyang 'phrigs nas rta mgyogs pa la zhon te bros so/ /dmag gi dpung gis phyi bzhin bdas nas sleb pa dang / blon po de 'phong skyen pa </font><hr>403a<br><font size=+1>>


@#/ /zhig pas 'phral du mi bco brgyad mda' 'phangs te bsad do/ /de nas snyegs ma yang snyegs ma nus pas/ blon po de yang mig 'byed kyi yul du phyin te rgyal po mig 'byed la phyag 'tshal nas gtam byas te rgyal po dga' bas de yang blon por bcug go /de nas rgyal po de bka' mi nyan no/ /zhes gsol nas blon po rnams la rgyal po de nga dbang ba la ma gtogs sam zhes dris na/ de la rgyal po mi dbang ngo / /zhes gsol to/ /de nas blon po des dpung gi tshogs bsdus te rgyal po de da bab par gsol pa dang / rgyal pos kyang de bzhin du gnang ngo / /de nas dpung gi tshogs mchog rnams bsdus te pa la da bar ne'i yul du 'dong ngo / /zhes 'gro ba'i zhag dus phog go /de'i tshe rgyal po des kyang dpung gi tshogs bdag gi yul du 'ong ngo / /zhes thos nas rab tu mi dga' ste sems khong du chud nas ci bya ba'i gtol med de/ gos dri ma can bgos nas mun khang du zhugs so/ /de'i tshe yul de na bram ze ma rungs pa zhig yod pa des rgyal po la khyod ci mi dga' na/ 'di ltar mya ngan byed ces dris pa dang / rgyal pos smras pa/ khyod ma thos sam/ /kho bo'i blon po lo da ra bros pa/ rgyal po mig 'byed kyi yul du 'ongs nas phyir </font><hr>403b<br><font size=+1>>


kho bo'i yul du dmag 'dren no/ /zhes zer bas bdag mi dga'o/ /gal te dmag drangs na/ bdag cag kyang med par 'gyur ro/ /zhes smras pa dang / bram zes smras pa| blon po rnams sdus shig dang / gros bgyi'o/ /zhes gsol to/ /de nas blon po dang bram ze 'dus te bram zes smras pa/ rgyal po mig 'byed de bdag gi pha ma ma gtogs par gzhan ci la yang ma chags te sbyin pa byed do/ /zhes thos kyi/ yul 'di na bram ze long ba zhig yod pa de/ rgyal po de la mig ya gcig slong du gtang ngo / /gal te mig byin na dmag kyang mi 'dren par 'gyur ro/ /zhes bgros te rgyal po la gsol pa dang / rgyal pos kyang de bzhin du bya'o/ /zhes smras nas bram ze long ba 'bod du btang ngo / /bram ze long ba 'ongs nas rgyal pos long ba la 'di skad ces smras so/ /kho bo khyod la sgrub tu gsol ba zhig yod kyi/ khyod kyis bya dgos so/ /zhes bsgo ba dang / bram ze long bas smras pa/ bdag mig gnyis ka mdongs na/ ci zhig sgrub tu nus zhes gsol to/ /rgyal pos bsgo ba/ rgyal po mig 'byed dpung gi tshogs bshams te 'dir 'ongs pas/ kho bo ni/ bzhon pas bros kyang thar na/ khyod mig med par gar 'bros/ rgyal po de sbyin pa gtong ba la pha rol gyi yid dang mi 'gal </font><hr>404a<br><font size=+1>>


@#/ /bar gtong ngo / /zhes grag go /khyod song la de'i mig slongs shig dang gal te ster na dmag kyang mi 'ong bar 'gyur gyi/ khyod mig slong du song zhig ces bsgo ba dang / bram zes bdag mig mi mthong na/ ji ltar mchi zhes gsol to/ /rgyal pos bsgo ba khyod song zhig dang / lam rgyags dang / lam 'dren pa dang / yo byad gzhan yang ci dgos pa sbyar ro/ /gal te mig thob na/ bya dga' yang cher sbyin no/ /zhes bsgo nas song ngo / /de'i tshe na rgyal po mig 'byed kyi yul du ltas ngan rnam pa sna tshogs byung ngo / /'di lta ste gnam grum pa dang / gnam lcags 'bab pa dang / skar ma ltung ba dang / nam rmugs pa dang / gnam lcags bab nas sa kun gas pa dang / bya rnams nam mkha' la du ba'i skad 'byin cing sa la ltung ba dang / seng+ge dang / stag dang / 'phar sbyang dag snying rje ba'i skad 'byen cing / mi'i nang du 'ongs te sa la 'gre ba la sogs pa'i ltas ngan pa sna tshogs byung ngo / /de nas bram ze long ba yang mthar gyis yul der phyin te pho brang gi sgor 'ongs nas skad chen pos 'di skad ces smras so/ /bdag ni/ yul gzhan nas 'dir mchis te rgyal po khyod kyi yon tan kun tu grags pa ni/ slod pa 'ongs na ci yang gtong ste </font><hr>404b<br><font size=+1>>


slong ba'i yid dang mi 'gal bar mdzad ces thos pas nyon mongs pa dang bsdos te 'dir slong du 'ongs kyi/ ci 'dod pa byin cig ces smras so/ /rgyal pos de skad ces smras pa thos nas bsus te khyod lam na ngal bar ma gyur tam/ nyon ma mongs sam/ bde bar 'ongs sam zhes spro ba'i tshig smras nas rgyal srid dam/ rin po che'am/ rta'am/ theg pa'am| gos sam/ bza' ba'am/ btung ba'am/ nad kyi rkyen rtsi'am/ ci dang ci dgos pa slongs shig dang / de dang de dag chog par sbyin no/ /zhes smras pa dang / bram zes smras pa/ phyi rol gyi zang zing byin pas ni/ bsod nams kyi dam par mi 'gyur gyi/ nang gi sbyin pa byas na 'bras bu che ste/ bdag mig stor nas yun ring du lon pas rtag tu mdongs shing 'thom par gyur gyi/ bdag ni/ rgyal po'i spyan 'tshal lo/ /zhes smras so/ /de skad ces smras pa la rgyal po rab tu dga' nas bram ze la khyod mig 'dod na sbyin no/ /zhes bsgo'o/ /bram zes smras pa/ rgyal pos bdag la stsal na nam stsal ces smras pa dang / da ste zhag bdun na mig sbyin no/ /zhes bsgos nas dril bsgrags te/ rgyal phran brgyad khri bzhi stong yang sbran to/ /rgyal po mig 'byed da ste zhag bdun na bram ze la mig gi sbyin pa byed kyi/ lta 'dod na thams cad shog cig ces </font><hr>405a<br><font size=+1>>


@#/ /bsgo'o/ |de'i tshe na 'dzam bu'i gling gi mi dag de skad bsgo ba thos nas thams cad myur bar der lhags so/ /rgyal phran brgyad khri bzhi stong snyed kyang so so'i blon po dang chas te rgyal po'i thad du lhags nas lto ba sa la pha ba ste mchi ma blags nas 'di skad ces gsol to/ /bdag cag 'dzam bu'i gling gi mi thams cad rgyal po la brten nas 'tsho na/ ci'i slad du mi gcig gi phyir bdag cag kun spangs zhes gsol to/ /blon po rnams dang / btsun mo dang / pho brang gi slas rnams kyang mgo bo sa la rdeb cing sa la kha bug tu nyal nas bram ze mi gcig gi slad du bdag cag kun ma spongs shig ces gsol nas tshe nges 'debs so/ /rgyal bu lnga brgya rnams kyang dus nas bdag cag la mgon ma mchis so/ /skyabs ma mchis so/ /thugs brtse ba'i slad du spyan gyi sbyin gtong mdzad pa'i thugs slar ldog tu gsol/ rgyal tshab tshul khrims bzang pos 'di skad ces gsol to/ /rgyal po yab kyi sbyin par bdag gi mig 'di stsal du gsol/ bdag gum pa ni/ tshod mchis kyi/ yab spyan mi mnga' bar gyur na 'dzam bu'i gling gi mi thams cad mgo nam mchis te/ dpung gnyen med par 'gyur ro/ /zhes gsol pa dang / rgyal pos rgyal </font><hr>405b<br><font size=+1>>


phran dang / blon po dang / btsun mo dang / rgyal bu rnams la 'di skad ces bsgo'o/ /nga ni/ skye ba yun ring por lus 'dis skye ba ci yang myong ste/ rus ba spungs na ri rab bas mtho/ /khrag bsags na rgya mtsho bzhi bas mang / ma'i nu zho 'thungs pa yang chu bo bzhi bas che ste/ 'dod pa dang bye bral nas dus pa'i mchi ma yang rgya mtsho dang mnyam mo/ /sems can dmyal bar yang bsregs pa dang / btsos pa dang / mig phyung ba'i grangs kyang shin tu mang / yi dwags kyi khams su lus rnam pa sna tshogs myong ste| lus la me 'bar ba nas lus dang mig bcas su tshig pa yang grangs med/ dud 'gro'i skye gnas su gcig la gcig gsod cing 'chi bas kyang lus grangs med pa zhig chud zos/ mi'i nang du skyes pa na shi ma ran par shi ba'i grangs ni/ mang / tshe'i mthar thug pa'i dus ni/ nyung ste/ 'dod pa la chags pas gcig la gcig gsod cing gnod par byed do/ /der yang lus dang mig grangs med pa zhig chud gzan na/ gal te lhar skyes na yang ring por mi thub ste/ mdor na khams gsum gyi rgyud drug tu 'dod chags dang / zhe sdang dang / gti mug gi rdul phra mo snyed kyi lus chud zos na/ lan 'ga' yang sbyin pa ma byas te sangs rgyas kyi byang chub btsal ma myong ngo / /shin tu btsog cing </font><hr>406a<br><font size=+1>>


@#/ /mnam pa'i mig 'di de'u re rul cing 'jig pas/ da sbyin pa bya ba'i rigs kyi mi sbyin pa'i mi rigs te/ sha'i mig 'di byin la sangs rgyas rnam pa thams cad mkhyen pa'i spyan thob par bya'o/ /nam nga'i smon lam grub na/ khyed la yang rnam par dag pa'i chos kyi sbyin pa bya'o/ /khyed nga'i bla na med pa'i byang chub kyi sems kyi bar du ma gcod cig ces bsgo ba dang / 'khor thams cad cang mi zer bar 'khod do/ /de nas blon po rnams la khyed las gcig gis nga'i mig phyung zhig ces bsgo na/ de dag gis bdag cag gi lus rdul du bgyis kyang rgyal po'i ba spu gcig tsam yang 'byin mi phod na/ rgyal po'i spyan la lag dar ba lta ci smos zhes gsol to| |rgyal pos yang bsgo ba/ khyed kyis mi gang sha mdog nag la/ mig 'og nas mig tshugs su lta ba zhig tshol cig ces bsgo ba dang / sha tshugs de 'dra ba zhig rnyed nas rgyal pos de'i lag tu gri byin te nga'i mig phyung zhig ces bsgo nas/ des rgyal po'i mig ya gcig phyung ste rgyal po'i lag tu bzhag go /rgyal pos mig lag tu bzhag nas 'di skad ces smon lam btab bo/ /bdag gi mig sbyin pa byin pa 'dis mngon par 'tshang rgya bar shog cig /gal te mngon par 'tshang rgya na/ bram ze long ba 'di nga'i </font><hr>406b<br><font size=+1>>


mig thob ma thag tu mthong bar gyur cig ces smon lam btab ma thag tu rgyal pos mig thogs pa bram ze'i mig tu bcug go /de nas mod la mthong bar gyur te/ rgyal po la 'di skad ces gsol to/ /rgyal po'i mig 'dis bdag mthong bar gyur te/ mthong ba 'dis 'tshal gyi/ ya gcig ni/ mi 'tshal lo/ /zhes gsol to/ /rgyal pos bsgo pa/ kho pos mig gnyis ka khyod la sbyin par byas pas ya gcig bzhag na/ sngar smras pa dang 'gal lo/ /zhes bsgos nas mig ya gcig kyang phyung ste lag tu blangs nas smon lam snga ma bzhin du btab bo/ /bram ze'i mig tu bcug nas bram ze'i mig gnyis kas mthong bar gyur to/ /de'i tshe na gnam sa kun kyang g.yos/ lha'i pho brang kun kyang 'gul zhing ldeg ste lha rnams ngo mtshar du gyur nas thams cad kyis byang chub sems dpas mig gi sbyin pa byas par mthong nas steng gi phyogs kyi nam mkha' la lhags te lha rdzas kyi me tog dang / spos kyi mchod pa byas nas legs so legs so/ /zhes bstod do/ /brgya byin yang der 'ongs te byang chub sems dpa' la 'di skad ces smras so/ /'di ltar shin tu spyad dka' ba bya ba 'dis rnam par smin pa'i lan ci zhig 'dod/ byang chub sems dpas smras pa/ bdud kyi rgyal po'am/ tshangs pa'am/ brgya byin nam/ rgyal chen bzhi'am / </font><hr>407a<br><font size=+1>>


@#/ /'khor los bsgyur ba'i rgyal po la sogs khams gsum gyi bde ba 'dod pa ma yin gyi/ bsod nams 'dis mngon par byang chub nas sems can thams cad mya ngan las 'das pa'i bde ba la dgod pa'i phyir ro/ /brgya byin gyis yang smras pa/ 'di ltar mig phyung ba 'di rab tu sdug bsngal bar gyur na 'gyod pa'am/ khro ba'i sems ma byung ngam/ rgyal pos smras pa/ 'gyod pa yang med/ khro ba'i bag kyang med do/ /brgya byin gyis smras pa/ bdag gis bltas na/ mig gnyis nas khrag zag cing mdog kyang gyur bzhin du 'gyod pa med ces zer ba ni/ yid ches par dka'o/ /rgyal pos smras pa/ bdag gis mig byin pa 'di la 'gyod pa yang med la/ bla na med pa'i byang chub kyang thob par 'gyur zhe na/ bden par smras pa 'dis bdag gi mig gnyis sngon bzhin mthong bar gyur cig ces smras ma thag tu mig gnyis sngon pas kyang gsal bar gyur pas/ de'i tshe na lha dang mi thams cad rab tu dga' zhing mgu rangs par gyur to/ /de nas rgyal pos bram ze la bsgo ba/ ngas mig byin pas khyod kyang mthong bar gyur gyi/ nam sangs rgyas pa na yang khyod la chos kyi mig sbyin par bya'o/ /rin po che 'di dag kyang khyer la phyir song zhig ces bsgo'o/ /bram ze mig dang / rin po che thob nas phyir chas te yul </font><hr>407b<br><font size=+1>>


du phyin pa dang / rgyal po nyid kyis kyang bsus nas phrad ma thag tu mig thob bam zhes dris so/ /bram zes smras pa/ mig kyang thob nas bdag kyang 'di ltar mthong bar gyur to/ /rgyal pos smras pa| 'o na da ltar tshe 'phos sam ma 'phos/ smras pa/ lha rnams der lhags nas smon lam btab pas/ mig gnyis sngon bas kyang gsal bar mthong bar gyur to/ /rgyal po ba la da bar nas de skad ces smras pa thos nas 'khams te snying gas te tshe 'phos so/ /kun dga' bo/ /de'i tshe de'i dus na rgyal po spyan 'byed zhes bya ba de ni/ da ltar nga yin no/ /ba la da bar ni/ lhas byin yin no/ /bram ze mig slong ba de ni/ da ltar gyi bram ze long ba dgra bcom pa thob pa yin te/ sngon yang mig byin pa nas da ltar gyi par du yang shes rab kyi mig byin te/ khyed kyi phyir skye ba thams cad du dka' ba spyad nas mngon par sangs rgyas so/ /khyed kyang 'byung ba'i lam la brtson 'grus kyis shig /bcom ldan 'das kyis de skad ces bka' stsal nas 'khor mang po rnams kha cig gis rgyun du zhugs pa dang / lan gcig phyir ldog pa dang / phyir mi ldog pa dang / dgra bcom pa thob par gyur to/ /kha cig gis bla na med pa'i byang chub tu sems bskyed do/ /kun dga' bo dang / 'khor mang po rnams bcom ldan 'das kyis gsungs pa la rjes su yi rang nas mngon bar dga'o/ /rgyal po mig 'byed kyi le'u ste sum </font><hr>408a<br><font size=+1>>


@#/ /cu lnga pa'o// //mi gdung ba sor phreng can gyi le'u/ 'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe rgyal po gsal rgyal la blon po chen po mkhas pa/ rig pa dang ldan pa/ btsan phyug pa zhig yod do/ / de'i chung ma sems can dang ldan par gyur nas bu khye'u mtshan dang ldan pa/ byad gzugs legs pa/ dpe zla med pa zhig btsas te mtshan mkhan pos nas bu bstan pa dang / mtshan mkhan dga' ba'i mdangs kyis 'di skad ces smras so/ /bu 'di ni/ bsod nams kyi mtshan dang ldan te/ kun las 'phags par yid gzhungs la mkhas pa'i blo dang ldan no// khye'u'i phas de skad ces smras pa thos nas khye'u'i ming ji skad gdags zhes dris pa dang / mtshan mkhan gyis khye'u 'di mngal du chags nas ya mtshan du gyur pa ci yod ces dris so/ / blon pos smras pa/ khye'u 'di'i ma sngon rang bzhin 'jam zhing des pa tsam ma yin pa las/ bu 'di mngal du chags nas lhag par 'jam zhing des te gzhan gyi yon tan dang / legs pa brjod par dga' yi/ nyes pa brjod par mi dga' la/ nyon mongs pa phongs pa la byams shing brtse bar gyur to/ /mtshan mkhan gyis smras pa/ 'di bu'i yon tan yin </font><hr>408b<br><font size=+1>>


te| bu'i ming yang mi gdung ba zhes btags so/ /de nas gsos bskyed de cher skyes nas stobs kyang gyad stobs po che'i tshad du phyin te/ gcig pus mi stong yang thub la/ nam mkha' la bya 'phur ba yang mchongs pas zin te mgyogs khyad kyang rta dang bang mnyam nas bu de la lhag par sdug cing byams par gyur te/ de'i tshe yul den bram ze mkhas pa'i rig pa dang ldan pa/ mang du thos pa/ gtsug lag la mkhas pa zhig yod de/ bram ze de la slob ma lnga brgya tsam rtag tu rjes su slob bo/ /de'i tshe blon po des kyang bu khrid de bram ze la gtad nas slob tu bcug go /khye'u mi gdung ba slob pa la 'grus pas nyi ma gcig bslabs na/ gzhan lor bslabs pa bas mkhas te/ ring po ma lon par thams cad khong du chud cing rtogs par gyur to/ /slob dbon bram ze des kyang de la lhag par yid rton te/ rtag tu 'grogs shing lhan cig 'dug pas slob ma gzhan dag kyang de la bsti stang byed do/ /de'i tshe na slob dpon bram ze de'i chung mas khye'u de'i byad gzugs bzang zhing legs pa dang / bslab pa yang gzhan pas lhag par mkhas par mthong nas de la chags te yid la bzung yang slob ma rnams dang mi 'bral te/ nyin mtshan 'grogs pas gtam bya ba'i skabs med de bsam pa ltar ma gyur pas rtag tu yid la gcags par gyur to/ /dus phyi zhig na sbyin bdag cig gis slob dpon de dang slob mar </font><hr>409a<br><font size=+1>>


@#/ /bcas su zla ba gsum gyi bar du 'tsho ba sbyar nas mgron du gnyer to/ /de'i tshe slob dpon bram ze chung ma dang gnyis 'di skad ces bgros so/ /kho bo ni/ slob ma dang bcas su sbyin bdag gis zla ba gsum gyi bar du 'tsho ba sbyor ro/ /zhes bos kyi/ da slob ma las gcig cig phyi na las su bskos te bzhag pa'i rigs sam zhes chung ma la smras pa dang / chung ma dga' nas bram ze la 'di skad ces smras so/ /khyim gyi so tshis dang bya ba mang po la shes pa mkhas pa dang ldan pa gcig cig bya dgos pas/ khye'u mi gdung ba yid brtan te phyir gzhag pa'i rigs so/ /zhes smras nas bram zes kyang khye'u mi gdung ba khyod phyir 'dug la khyim gyi so tshis dang zhal ta byos shig /kho bo ni/ sbyin bdag gis bos pas 'gro'o/ /zhes bsgo'o/ /khye'u mi gdung ba yang slob dpon gyis bsgo ba bzhin du phyir 'dug go /de'i tshe na slob dpon bram ze slob ma dang bcas te song ba'i 'og tu bram ze'i chung ma de rab tu dga' mgu rangs nas shin tu byi bdar byas te bslu ba'i rnam pas khye'u dang smras kyang mi gdung ba sran btsugs te sems ma gyur to/ /de nas 'dod chags kyi sems skyes pas tshig drang por smras te/ kho bo ni/ khyod la chags kyang sngon chad ni/ skabs med do/ /da ni/ slob dpon yang song nas ched du khyod </font><hr>409b<br><font size=+1>>


phyir bzhag pa yin gyi/ da ni/ dben zhing skabs la bab ste/ kho mo'i yid dang sbyor cig ces bsgo'o/ /mi gdung bas smras pa/ bdag ni/ bram ze yin pas bram ze'i chos kyis slob dpon gyi chung ma dang nyal du mi rung ste/ gal te 'di 'dra ba zhig byas na/ bram ze ma yin pas bdag shi yang bla'i/ 'di ni/ mi phod do/ /zhes smras pa dang / slob dpon gyi chung ma re ba ltar ma gyur pas ngo tsha zhing skyengs nas 'khon du bzung ste dku lto bya bar bsams nas phyis slob dpon phyir 'ong du nye ba na gos kyang dral/ gdong yang sbar mos drad nas sa rdul gyis gos shing sma bab pa ltar cang mi smra bar sa la nyal lo/ /de nas slob dpon bram ze phyir slar 'ongs nas khyim du zhugs pa dang / chung ma de 'dra bar 'dug pa mthong nas ci'i phyir khyod 'di ltar gyur ces dris pa dang / chung mas mchi ma blags te dri nga ba'i rin mi chog go /zhes smras so/ /slob dpon bram zes ci nyes pa smros shig ces nan gyis dris pa dang / chung ma dus te 'di skad ces smras so/ /khyod kyis rtag tu bstod pa'i mi gdung ba ni/ khyod song ba'i 'og tu rtag par kho mo la nyal bar bsgugs te kho mo ma btub pas| kho mo'i gos kyang dral/ gdong la yang rma phyung ba yin te/ khyod la 'di lta bu'i slob ma bdog gam/ bram zes de skad ces thos nas shin tu khros te chung ma la 'di skad </font><hr>410a<br><font size=+1>>


@#/ /ces smras so/ /mi gdung ba 'di stobs ni/ gcig pus kyang mi stong yang thub la blon po chen po'i bu yin te/ cho rigs btsun pas nyes pa zhig bya na yang bags kyis bya dgos so/ /zhes smras nas mi gdung ba'i drung du song ste ci rigs par snyan pa'i tshig gis spro ba bskyed nas kho bo song ba'i phyin las chen po dang / nyon ma mongs sam zhes gtam dris nas 'di skad ces bsgo'o/ /khyod kyis snga phyir kho bo la chu gang gi snying nye ste/ khyod kyi drin rtag tu dran pas/ da ni/ khyod la gsang ba'i chos gcig pu zhig yod pa sngon chad ma bstan pa khyod la bstan gyi/ gal te khyod kyis de bzhin du byas na/ gdon mi za bar tshangs pa'i lhar skye'o/ /zhes smras so| |khye'u mi gdung ba pus mo sa la btsugs te bstan par gsol ba dang / mi gdung ba la 'di skad ces bsgo'o/ /khyod nyin zhag bdun gyis dge ba bsrungs te mi stong gi mgo bcad nas sor mo re re zhing blangs la sor mo stong gis lus kyi phreng ba byas na/ de'i tshe tshangs pa'i lha mngon sum du mthong ste/ tshe 'phos ma thag tu tshangs pa'i lhar skye'o/ /zhes bstan to/ /khye'u mi gdung bas slob dpon gyis de skad ces bstan pa thos nas the tshom skyes te slob dpon la 'di skad ces gsol to/ / </font><hr>410b<br><font size=+1>>


srog bcad pas tshangs pa'i lhar skye ba ni/ rigs pa ma lags so/ /slob dpon gyis smras pa/ khyod ni/ kho bo'i slob ma yin na/ ci kho bos bstan pa'i man ngag la yid mi ches sam/ ci ste yid mi ches na khrel ltas yod pa ma yin te/ 'dir ma 'dug par gar dga' bar song zhig ces bsgos nas gsang sngags kyis btab ste ral gri zhig sa la btsugs te sngags kyis btab pas/ khye'u de khros pa'i sems skyes te slob dpon gyis khros par rig nas ral gri lag tu byin no/ /mi gdung ba ral gri thogs nas sgor brgyugs te mi phrad rgu bsad nas sor mo bcad de lus kyi phreng bar btags pas/ kun gyis sor phreng can du btags so/ /kun tu gsod cing zhag bdun du phyin pa'i nyin par sor mo dgu brgya dgu bcu rtsa dgu ni/ rnyed kyi/ sor mo gcig gis bsnan na bsad pa'i grangs kyang stong du tshang ba las/ mi thams cad bros shing gab pas gcig kyang mi rgya ste/ kun tu btsal kyang ma rnyed do/ zhag bdun gyi bar du kha zas ma zos pas khye'u'i ma bul snying brtse ste kha zas skyel du btang na thams cad 'jigs pas gcig kyang ma spobs so/ /de nas khye'u'i ma nyid kha zas thogs te bu'i drung du song ba las/ rgyang ma nas ma 'ongs pa mthong ba dang / ma'i thog tu brgyugs te gsad par </font><hr>411a<br><font size=+1>>


@#/ /gzas pa las de la mas sri zhu med par khyod ci log pas bsam ste/ mtshams med pa'i las byed cing ma gsod dam zhes smras pa dang / phyir ma la 'di skad ces smras so/ /bdag ni/ slob dpon gyis bstan pa bzhin du nyin zhag bdun gyis sor mo stong zhig kha bskangs te/ sor mo stong du tshang na tshangs pa'i lhar skye bas sor mo grangs ma tshang ste mi byar mi rung bas/ da gsad dgos so/ /zhes smras pa dang / de la khye'u'i mas da 'di ltar gyur na/ kho mo mi gsad par sor mo gcad du mi rung ngam zhes bsgo ba'i tshe bcom ldan 'das kyis rgyang ma nas gdul ba'i dus la bab par gzigs shing mkhyen nas dge slong zhig tu sbrul te/ de'i phyogs su gshegs so// sor phreng can gyis dge slong mthong ba dang / ma gsod par byas pa btang nas dge slong gi thog tu mchongs te gsad par gzas so/ /sangs rgyas kyis de ltar 'ongs pa gzigs nas zhabs kyis dal gyis gshegs kyang sor phreng can mthu stobs gtugs te brgyugs kyang ma slebs nas rgyang ma nas dge slong khyod cung zad cig sdod cig ces bos so| |bcom ldan 'das kyis kyang rgyang ma nas nga ni/ rtag tu sdod na/ khyod nyid mi sdod do/ /zhes bka' stsal pa dang / sor phreng can gyis ji ltar na khyod ni/ sdod la/ </font><hr>411b<br><font size=+1>>


kho bo ni| mi sdod ces smras pa dang / bcom ldan 'das kyis 'di skad ces bka' stsal to/ /nga'i dbang po rnams ni/ rtag tu zhi zhing ting nge 'dzin gyi dbang thob pas sdod do/ / khyod ni| slob dpon gyis log par bstan te/ sdig pa la yid ches nas khyod kyi sems kyang bslus te mi sdod pas/ nyin mtshan du gsod pa'i las byed de/ sdig pa mtha' med pa'i las byed do/ /sor phreng can gyis thos pa tsam gyis sems kyis rtogs shing chud de ral gri sa la bor nas rgyang ma nas skyabs su gsol lo/ /zhes phyag 'tshal to| |de nas bcom ldan 'das kyang der gzhes te sangs rgyas kyi skur sprul nas 'od zer lhang nge lham mer mtshan sum cu rtsa gnyis kyis gsal bar brgyan pa bstan to/ /sor phreng can gyis sangs rgyas kyi sku 'od zer dang mtshan du ldan pa mthong nas lus sa la brdabs te nyes pa mthol cing 'gyod nas bcom ldan 'das kyis chos bstan pas/ chos la chos kyi mig rnam par dag par gyur to/ /dad pas rab tu 'byung bar gsol ba dang / bcom ldan 'das kyis legs par 'ongs so/ /zhes bka' stsal bas skra dang kha spu rang byi ste dge slong du gyur to/ /de la bcom ldan 'das kyis ci rigs par chos bstan pas/ sems kyi dri ma kun zad nas dgra bcom par gyur te/ bcom ldan </font><hr>412a<br><font size=+1>>


@#/ /'das kyis rgyal bu rgyal byed kyi tshal du khrid do/ /de'i tshe yul de na gnas pa'i mi la sogs pa srog chags thams cad sor phreng can gyi ming thos pa tsam gyis mi skrag pa med de/ mi dang srog chags sbrum ma rnams kyang skrag pas/ bu btsa' ba'i thugs mi thub bo/ /de'i tshe bal glang mo zhig bu mi phyin pa dang / bcom ldan 'das kyis sor phreng can la bka' stsal pa/ khyod bal glang mo'i drung du song la 'di skad du bdag thog ma skyes nas da tsam gyi bar du mi gcig kyang ma bsad do/ /zhes bden pa'i tshig smros shig ces bka' stsal pa dang / sor phreng can gyis bcom ldan 'das la 'di skad ces gsol to/ /bdag gis ni/ mi yang mang du bkum na/ ji skad du ma bkum zhes bgyi/ bcom ldan 'das kyis bka' stsal pa/ khyod ni/ 'phags pa'i chos las skyes ma thag pa zhes bya'o/ /de nas sor phreng can gos tshags bcos te bcom ldan 'das kyis bka' stsal pa bzhin du bal glang mo'i drung du song ste/ de skad smras pas bde bar btsas nas sor phreng can yang phyir gnas su 'ongs so/ /rgyal po gsal rgyal dpung gi tshogs dang bcas te sor phreng can 'dzin du chas pa las/ dpung gi tshogs 'gro ba'i lam/ rgyal bu rgyal byed kyi drung du byung bas rgyal bu rgyal byed kyi </font><hr>412b<br><font size=+1>>


tshal na dge slong lus thung zhing mi sdug pa dbyangs rab tu snyan pa zhig yod de/ gtsug lag khang na dbyangs byed pa dpung gi tshogs kyis thos nas skyo mi zhes ba tsam du nyan 'dod do| |glang po che dang / rta yang rna ba btud nas 'gror mi btub par nyan to/ /rgyal po ya mtshan du gyur te/ ci'i phyir glang po che dang rta la sogs pa 'gror mi btub ces smras pa dang dbyangs snyan pa nyan 'dod pa'i phyir 'gror mi btub bo/ /zhes gsol to/ /rgyal pos smras pa/ dud 'gro'i skye gnas su skyes pa yang 'di ltar chos nyan par dga' na/ bdag cag mi'i nang du skyes pa lta ci smos te/ skad cig mnyan par bya'o/ /zhes rgyal bu rgyal byed kyi tshal du song nas glang po che las babs te ral gri yang dkrol/ gdugs kyang bzhag nas bcom ldan 'das gang na bzhugs pa'i spyan sngar song ste phyin pa dang / spyi bos phyag 'tshal nas bcom ldan 'das la 'di skad ces gsol to/ /dge slong dbyangs shin tu snyan pa 'di su lags lta bar 'tshal te/ kaR+Sha pa Na stong phrag brgyad cu zhig kyang 'bul lo/ /zhes gsol pa dang / bcom ldan 'das kyis rgyal po la 'di skad ces bka' stsal to/ /sngar sbyin pa byin pa'i 'og tu phrad par bya'o/ /gal te sngar phrad na/ kaR+Sha pa Na gcig tsam yang sbyin mi 'dod par 'gyur ro/ /de nas rgyal po dang dge slong du </font><hr>413a<br><font size=+1>>


@#/ /phrad nas ha cang mi sdug la thung ches pas/ kaR+Sha pa Na gcig tsam yang sbyin pa'i sems ma skyes te/ rgyal pos pus mo sa la btsugs nas bcom ldan 'das la 'di skad ces gsol to/ /bcom ldan 'das/ dge slong 'di'i lus shin tu mi sdug cing thung la dbyangs shin tu snyan pa 'di sngon las ci zhig bgyis na/ 'di lta bu'i rnam par smin pa thob par gyur/ bcom ldan 'das kyis bka' stsal pa/ legs par nyan la shin tu yid la zungs shig dang bstan par bya'o/ /sngon 'das pa'i dus na sangs rgyas 'od srung zhes bya ba 'jig rten du gshegs te sems can gyi don mdzad nas mya ngan las 'das pa'i 'og tu rgyal po kr-i kI byi zhes bya bas ring bsrel bsdus te mchod rten brtsigs par byas pa las/ klu'i rgyal po bzhi zhig mir sprul te rgyal po'i drung du lhags nas ring bsrel gyi phyir mchod rten rtsig pa 'di rin po che las bgyi'am/ sa las bgyi zhes gsol to/ /rgyal pos smras pa/ mchod rten ni/ chen por rtsig dgos na/ rin po che mang po mad pas sa las bya dgos te/ gru bzhi ngos gcig kyang dpag tshad lngar phyin pa/ 'phang du mtho tshad dpag tshad nyi shu yod pa kun tu snang ba zhig rtsig dgos so/ /klu'i rgyal po de bzhis rgyal po la 'di skad ces smras so/ / </font><hr>413b<br><font size=+1>>


bdag cag bzhi ni/ klu'i rgyal po yin te/ rgyal po mchod rten byed pas bdag cag kyang rin po che gtang snyam mo/ /rgyal pos de skad ces smras pa thos nas rab tu dga' mgu rangs te/ 'di ltar bstab pa legs so/ /zhes smras pa dang / klu rnams kyis yang 'di skad ces gsol to/ /grong khyer gyi ngos bzhi'i phyi rol na chu mig chen po bzhi zhig yod de| shar phyogs ngos kyi chu mig las bcus te pha gu byas na/ thams cad bai DUR+Ya sngon por 'gyur ro/ /lho phyogs ngos kyi chu mig las bcus te pha gu byas na/ thams cad gser du 'gyur ro/ /nub phyogs ngos kyi chu mig las bcus te pha gu byas na/ thams cad dngul du 'gyur ro/ /byang phyogs ngos kyi chu mig las bcus te pha gu byas na/ thams cad shel dkar por 'gyur ro/ /zhes smras te/ rgyal pos de skad ces smras pa thos nas lhag par dga' mgu rangs te ngos bzhi'i lag dpon re re bskos nas ngos re re byed du bcug pa las/ ngos gsum gyi lag dpon gyis mchod rten zin du nye ba tsam na ngos gcig gi lag dpon gyis le lo byas pas zin du mi nye ste/ rgyal po nyid mchod rten byed pa la bltar 'ongs nas le lo byas pa de la khyod kyis las legs par ma byas pas ma zin te/ chad pas gcod do/ /zhes bsgo ba dang / mi de rgyal po la khros nas 'di </font><hr>414a<br><font size=+1>>


@#/ /lta bu'i mchod rten ha cang thang ches pa 'di nam yang mi zin no/ /zhes gsol to/ /de nas rgyal pos nan tur bskyed pas kun gyis nyin mtshan brtson 'grus byas nas dus gcig tu gcig car zin to/ /mchod rten ngo mtshar du mthong la rin po che rnams 'tsher zhing dbyibs kyang lhag par legs pas/ lag dpon khros pa yang shin tu dga' nas sngar nyes pa rnams 'gyod cing bshags te gser gyi dril bu gcig mchod rten gyi rtse mo la btags nas 'di skad ces smon lam btab bo/ /bdag gang nas gang du skyes kyang sgra skad shin tu snyan cing 'gro ba thams cad thos pa dang dga' bar shog cig /ma 'ongs pa'i dus su sangs rgyas shAkya thub pa dang phrad de 'khor ba las rnam par grol bar shog cig ces smon lam btab bo/ /rgyal po chen po/ de'i tshe de'i dus na ngos gcig gi lag dpon mchod rten ha cang ches so/ /zhes khros pa de ni/ dge slong 'di yin te/ de'i tshe khros bzhin du mchod rten ha cang ches so/ /zhes smras pa tsam gyis rtag tu lus thung la mi sdug par gyur to/ /phyis dga' ba'i sems kyis dril bu phul nas mchod rten la btags te sgra skad snyan pa dang / nga dang phrad par shog cig ces smon lam btab </font><hr>414b<br><font size=+1>>


pas skye ba lnga brgya'i bar du sgra skad rab tu snyan te da 'dir nga dang phrad nas rnam par grol ba thob par gyur to/ /rgyal pos de skad ces gsungs pa thos nas phyir 'gro bar ches pa las bcom ldan 'das kyis rgyal po chen po/ khyod gar 'gro zhes bka' stsal pa dang / rgyal pos bcom ldan 'das la 'di skad gsol to/ /yul 'di na dgra ma rungs pa sor phreng can zhes bgyi ba/ mi kun bsad nas ma 'os par gnod par bgyid pas/ bdag cag de la dmag rgol du mchi'o/ /bcom ldan 'das kyis bka' stsal pa/ sor phreng can ni/ da ltar grog sbur yang mi gsod na/ gzhan gsod pa lta smos kyang ci dgos/ rgyal po des da tsam bcom ldan 'das kyis ma btul lam snyam bsams pa dang / bcom ldan 'das kyis rgyal po la 'di skad ces bka' stsal to/ /sor phreng can ni/ da ltar rab tu byung nas dgra bcom ste nyes pa'i skyon thams cad zad nas da ltar gnas khang na 'dug go /rgyal po de dang phrad par 'dod na/ de dang sbrad do/ /zhes bka' stsal te/ sor phreng can gyi gnas khang gi sgor phyin nas dge slong sor phreng can gnas khang gi nang na lud pa bsal ba'i sgra phyung ba thos pa tsam gyis sngar mi mang po bsad pa dran te rgyal po 'jigs skrag nas 'khams te sa la 'gyel to/ /de nas ring zhig lon pa dang / phyir langs </font><hr>415a<br><font size=+1>>


@#/ /te bcom ldan 'das gang na ba der song nas ji ltar 'khams pa bcom ldan 'das la gsol pa dang / bcom ldan 'das kyis rgyal po chen po la 'di skad ces bka' stsal to/ /rgyal po chen po legs par nyon cig dang / sngon 'das pa'i dus na 'dzam bu'i gling 'dir yul wA ra NA si zhes bya ba na bya shin tu gdug pa zhig yod de/ zas su yang srin bu gdug pa 'ba' zhig za'o/ /lus kyang shin tu gdug pas reg gam nyer yang mi bzod de/ gar 'phur zhing 'gro ba'i dus na sems can yod pa kun yang dog la/ shing yang kun tu skam par 'gyur ro/ /de'i tshe bya gdug pa de tshal zhig gi nang du phyin nas shing khar 'dug ste skad phyung ba las de'i tshe shing de'i drung na glang po che'i rgyal po zhig yod de/ bya gdug pa'i skad thos pa tsam gyis 'khams nas sa la 'gyel to/ /rgyal po chen po/ de'i tshe de'i dus na bya gdug pa de ni| da ltar gyi sor phreng can yan no/ /glang po che'i rgyal po de ni/ rgyal po nyid yin no/ /bcom ldan 'das/ sor phreng can 'di ni/ khro gtum pas sems can de snyed cig bsad de/ da bcom ldan 'das kyis dge ba la bzhag go /bcom ldan 'das kyis bka' stsal pa/ rgyal po chen po/ dge slong sor phreng can 'di da ltar gyi dus </font><hr>415b<br><font size=+1>>


'ba' zhig na mi mang po bsad de ngas btul bar ma zad de/ sngon 'das pa'i dus na yang sor phreng can gyis mi 'di dag kun bsad pa las ngas btul te dge ba sems par gyur to| |rgyal pos yang gsol pa/ bcom ldan 'das sngon 'das pa'i dus na yang 'di dag bsad pa dang / bcom ldan 'das kyis btul ba'i dngos po rnam par bye ste bstan du gsol| bcom ldan 'das kyis bka' stsal pa/ sngon 'das pa'i dus bskal pa grangs med pa'i pha rol na 'dzam bu'i gling 'dir yul wA ra NA si zhes bya ba na rgyal po ba la mdar zhes bya ba zhig byung ngo / /de'i tshe rgyal po de dpung rnam bzhi dang bcas te tshal gyi nang du rtser song song ba las/ ri dwags dang phrad de ri dwags kyi phyi bzhin rgyug rgyug pa nas de'i tshe rgyal po de ngal nas rta las babs te 'dug pa las nas de'i tshe rgyal po de ngal nas rta las babs te 'dug pa las tshal stug po de'i nang na seng+ge mo zhig gnas pa 'dod chags kyis nyen nas song song ba las tshal gyi nang na rgyal po gcig pu 'dug pa dang phrad nas seng+ge mo lhag par 'dod chags skyes te rgyal po la bsnyen nas mjug ma bteg ste snyegs so/ /rgyal pos kyang 'dod chags skyes par rig nas 'di snyam du bsams so/ /'di ni/ gcan gzan khro ba yin te/ bdag bsad pa'i mthu yang yod pas gal </font><hr>416a<br><font size=+1>>


@#/ /te yid bzhin du ma byas na/ bdag gi srog la 'bab bo snyam nas skrag bzhin du seng+ge mo la 'dod pa spyad do/ /de nas seng+ge mo phyir song ba'i 'og tu g.yog rnams kyang lhags te rgyal po bsus te pho brang du khrid do/ /de'i tshe seng+ge mo de sbrum par gyur te zla ba tshang nas bu zhig byung na/ lus gzugs ni/ thams cad mi dang 'dra ste| rkang pa 'ba' zhig khra bor 'dug go /seng+ge mos kyang rgyal po'i bu yin par dran nas rgyab tu bkal te rgyal po'i thad du bskyal lo/ /rgyal pos kyang bdag gi bu yin par \?\ gsos bskyed nas de'i rkang pa bkra ba'i phyir ming yang rkang bkra zhes btags so/ /gsos bskyed de tshad du phyin par skyes pa dang / shin tu dpa' zhing rtul phod par skyes so| |pha rgyal po tshe 'phos pa'i 'og tu rgyal po'i dbang thob nas btsun mo gnyis blangs so/ /de la btsun mo gcig ni/ rgyal rigs so/ /gcig ni/ bram ze'i rigs so| |phyis rkang bkra de skyed m+so tshal du 'chag tu song nas btsun mo gnyis la 'di skad ces bsgo'o/ /btsun mo khyod gnyis las gang nga'i phyi bzhin mgyogs par 'ongs te gang nga dang sngar phrad pa de la ni/ nyi ma gcig gi bar du rtse dga' zhing yongs su spyad do/ /gang phyis 'ongs pa de ni/ nga dang phrad du mi 'dod do/ /zhes bsgos nas rgyal po de </font><hr>416b<br><font size=+1>>


song ba'i 'og tu btsun mo gnyis kyang rgyan gyis brgyan te bzhon pa bshams nas dus gcig tu chas so/ /lam byi bar na lha'i rten zhig yod pa la btsun mo bram ze'i rigs can bzhon pa las babs te phyag byas nas myur du song ba las 'phyis par gyur to/ /de nas rgyal pos kyang sngar smras pa bzhin du ma bsten to/ /de nas btsun mo de zhe sdang skyes nas lha la khros te bdag ni/ khyod la phyag 'tshal ba'i bar du 'phyis nas rgyal pos ma 'dod do/ /gal te lha khyod la mthu zhig yod yang dag na/ ci'i phyir nga'i mgon dang skyabs mi byed ces shin tu khros rngam nas yid la 'di snyam du gnod par bya bar bsams so/ /rgyal po de'i phyir pho brang du 'ongs nas btsun mos 'di skad ces gsol to/ /bdag nyi ma gcig cig ci dga' bar bgyid du gnang bar dbang bskur cig ces gsol pa dang / rgyal pos kyang de bzhin du gnang ngo / /zhes bsgo ba dang / mi mang po bsdogs te lha'i rten bcom nas sa yang bsnyams so/ /de nas lha'i rten srung ba'i lha de shin tu mi dga' ste 'khrugs nas rgyal po la gnod par bya bar bsams te pho brang gi nang du song ba las pho brang srung ba'i lha des nang du ma btang ngo / /de'i tshe na drang srong gcig cig ri drang srong lhags zhes bya ba la gnas te rgyal po rkang bkra drang srong de la mchod pa byed pas nyin </font><hr>417a<br><font size=+1>>


@#/ /gcig bzhin du nam mkha' la 'phur zhing pho brang du 'ongs te/ zas bzang po ni/ mi 'dod kyi/ zas tha mal pa tsam zos nas phyir 'gro'o/ /nyi ma gcig cig drang srong de mi 'ong bar lha des shes pas/ drang srong gi lus su sprul te pho brang gi nang du 'gro bar bsams pa las/ pho brang srung ba'i lhas shes nas nang du ma btang ba dang / sgo nas bos te nang du mi ster ro/ /zhes byas pa dang / rgyal pos thos nas drang srong phyi rol nas 'bod pa myur du nang du thong zhig ces bka' stsal pa dang / pho brang srung ba'i lhas kyang rgyal po'i bka' bzhin du ma bkag ste nang du btang ngo / /nang du 'ongs pa dang drang srong gi stan la 'dug nas rgyal pos kyang rtag tu kha zas ci za ba tsam sbyar te phul lo/ /de'i tshe na drang srong sbrul pa de kha zas zar ma btub nas rgyal po la 'di skad ces smras so/ /kha zas 'di ni/ ngan ches kyi/ sha dang nya sha med na mi za'o| |zhes smras pa dang / rgyal pos kyang 'di skad ces smras so/ /drang srong chen po sngon chad ni/ kha zas tha mal pa za bas na/ sha dang nya ma sbyar ba yin no/ /drang srong sbrul pas smras pa/ da phyin chad ni/ kha zas ngan pa 'di dag mi 'dod kyi/ sha dang nya sbyor cig ces smras nas song ngo / /de nas rgyal pos kyang drang srong sprul pas smras </font><hr>417b<br><font size=+1>>


pa bzhin du sha dang nya sbyar nas phyi nyin drang srong rnying pa 'ongs pa la phul lo/ /drang srong de zhe sdang skyes te rgyal po de la khros pa dang / rgyal pos kyang drang srong la 'di skad ces smras so| |drang srong chen po kha stsang 'ongs pa na kha zas 'di lta bu sbyor cig ces ma bsgos sam/ drang srong gis smras pa/ khar stsang na bas nyi ma gcig zan bcad de ma 'ongs pa yin na/ de skad ces sus bsgos/ khyod kyis nga la brnyes pas 'di lta bur byas pa ma yin gyi/ rgyal po khyod lo bcu gnyis bar du mi sha 'ba' zhig za bar gyur cig ces smras nas song ngo / /de nas nyin gcig rgyal po'i g.yos mkhan gyis sha ma 'byor nas 'phral du sha gzhan ma rnyed de byis pa'i ro zhig dang phrad nas sha 'di yang rung ngo snyam bsams te mgo dang rkang lag bcad nas g.yos su byas te sbos sna tshogs kyis btab nas rgyal po la byin no/ /rgyal pos kyang sha de zos nas sngon gyi sha bas lhag par zhim mo| |zhes g.yos mkhan la sngon chad kyi sha 'di lta bu'i ro med do/ /sha 'di ni/ lhag par zhim na ci'i sha zhes dris pa dang / g.yos mkhan skrag nas lto ba sa la phab ste rgyal po la 'di skad ces gsol to| /gal te rgyal pos gyod mi rmo na/ drang por gsol lo/ /zhes smras pa dang / rgyal pos kyang khyod kyis drang por smras ni/ gyod mi rma'o zhes bsgo'o// </font><hr>418a<br><font size=+1>>


@#/ /g.yos mkhan gyis smras pa/ bdag cag gis 'phral la sha gzhan brtas phas ma rnyed de/ byis pa chung du gum pa'i ro zhig rnyed de/ de g.yos su bgyis te gsol pa las rgyal pos mkhyen par gyur to/ /rgyal pos bsgo ba/ sha 'di ni/ lhag par zhim gyi/ da phan chad sha 'di lta bu rtag tu sbyor cig ces bsgo ba dang g.yos mkhan gyis 'di skad ces gsol to/ /sngar ni/ byis pa gum pa'i ro zhig rnyed de g.yos su byas pa lags kyi/ 'di las ni/ mi rnyed do/ /zhes gsol pa dang / rgyal pos yang bsgo ba/ da phyin chad kyang khyed kyis gsang thub cing gzhan gyis mtshor bar longs shig dang / nga la dbang yod do/ /zhes bsgo'o/ /g.yos mkhan gyis kyang rgyal pos bsgo ba bzhin du mtshan mo gsang ste brkus nas bsad de nyin gcig bzhin du g.yos su byas so/ /de'i tshe na grong khyer de'i mi dag phal cher cho nges 'debs shing / bu stor to/ /zhes gcig nas gcig tu bsgrags te/ ci'i phyir 'di ltar gyur ces blon po rnams 'dus te bsgos nas mtshan mo lam srang mdor mel tshe byas te bltas na/ rgyal po'i g.yos mkhan gyis bu chung du brkus te khyer ba zin nas bcings te rgyal po'i spyan sngar khrid nas snga phyir bu chung 'di snyed cig stor to/ /zhes gsol pa dang / rgyal po </font><hr>418b<br><font size=+1>>


cang mi smra bar gyur to/ /de bzhin du lan gsum gyi bar du gsol kyang mi smra ba las/ da bdag cag gis nyes pa byed byed pa zin te nyes par mngon na/ zhal che gcad pa'i rigs kyi| mi smra ba'i mi rigs so/ /zhes gsol pa dang / rgyal pos ngas bsgo ba yin no/ /zhes smras so/ /de nas blon po rnams mi dga' ste 'khon du bzung nas so sor dong ngo / /phyi rol tu phyin pa dang / gcig la gcig 'di skad ces smras so/ /rgyal pos ni/ bdag cag la sogs pa'i bu kun zos pas dgra yin te/ mi sha za ba'i rgyal po dang lhan cig srid cig tu byar mi rung gi /gnod par 'gyur ba'i dag 'di lta bu ni/ med par bya ba'i rigs so/ /zhes thams cad gros mthun par rgyal po gsod pa'i gros byas so/ /grong khyer de'i phyi rol na skyed mos tshal zhig yod de/ de na rdzing bu zhig yod pa'i nang na rgyal po nyin gcig bzhin du khrus byed du 'gro ba las/ blon po rnams kyis skyed mos tshal gyi nang du dpung gi tshogs sbas nas rgyal po rdzing bur zhugs te khrus byed pa na dbung gi tshogs mang pos bskor nas bzung ste gsad par byas pa las/ rgyal po de skrag nas dpung gi tshogs de la 'di skad ces smras so/ /ci'i phyir khyed kyis nga la bskor te 'dzin du rgol zhes byas pa dang / blon po rnams kyis rgyal po la 'di skad ces smras so/ /rgyal po </font><hr>419a<br><font size=+1>>


@#/ /zhes bya ba ni/ 'bangs mang po gso ba yin na/ rgyal pos 'bangs kyi bu kun zos pas/ 'bangs thams cad gnas med par gyur te sdug bsngal mi bzod pas/ da rgyal po khyod gsad do/ /rgyal pos smras pa/ 'di ltar byas pa ngas ni/ nyes mod kyi/ da phyin chad 'di ltar mi bya'i/ 'di'i tshe gtang du rung ngam mi rung zhes bsgo ba dang / blon po rnams kyis 'di skad ces smras so/ /gal te gnam las kha ba nag po bab bam/ khyod kyi mgo la sbrul nag po skyes kyang gtang ba med kyi/ da ma smra zhig/ rgyal po rkang bkras kyang blon pos smras pa'i tshig thos nas da ni/ gdon mi za bar srog dang 'bral lo snyam ste yang blon po la 'di skad ces smras so/ /da ni/ khyed kyis gsad par ni chad na/ skad cig kho na zhig kho bo bde bar sems su chug la gdod sod cig ces bsgo'o/ /de nas blon pos kyang cung zad bsdad de sems su bcug pa dang / rgyal po des yid la 'di snyam du dam bcas so/ /bdag gis sngon chad dge ba ci byas pa dang / rgyal po'i srid chos bzhin byas pa dang / drang srong la sbyin pa byas pa'i bsod nams ci yod pa thams cad kyi mthus nam mkha' la 'phur ba'i srin por gyur cig ces bsngos te de skad ces smras nas bsdos ma thag tu srin por </font><hr>419b<br><font size=+1>>


gyur te steng gi nam mkha' la 'phags nas blon po rnams la 'di skad ces smras so/ /khyed kyi mthus bsdongs te nga la gsad par byas kyang nga'i bsod nams kyis rang sos par gyur te da phyin chad ni/ khyed bzod par byos shig /khyed kyi chung ma dang bu gang sdug cing phangs pa bza' bar bya'o/ /zhes smras nas 'phur te ri la babs nas phyin chad mi'i nang du mi za bar gyur to/ /mi mang po yang 'jigs skrag nas rtag tu 'khras shing gab bo/ /de nas srin po mi la za zhing srin po mang du bsdongs nas 'khor dang g.yog kyang mang bar gyur te/ phyis srin po'i 'khor rnams kyis srin po rkang bkra la 'di skad ces gsol to/ /bdag cag ni/ khyod kyi 'khor dang g.yog tu gyur na/ bdag cag la ston mo chen po zhig byin cig ces gsol pa dang / srin po rkang bkras kyang de bzhin gnang nas rgyal po lnga brgya bsad de ston mo bya bar bgros nas so so nas rgyal po blangs te brag phug tu bcug go /bzhi brgya dgu bcu rtsa dgu ni/ rnyed kyi/ rgyal po gcig ma tshang ba las rgyal po de dag brag phug na gcig la gcig 'di skad ces smra'o/ /bdag cag ni/ da phongs te skyabs su 'gyur ba yang med na/ gal te su ta so ma thabs dang ldan pa de 'dir 'ongs na bdag cag thar kyang srid kyi/ su ta so ma 'dir 'ongs par srin po la gsol bar bya'o// </font><hr>420a<br><font size=+1>>


@#/ /zhes bgros nas srin po'i rgyal po la 'di skad ces gsol to/ /rgyal bo khyod ston mo mdzad na/ bdag cag mi'i rgyal po 'ba' zhig bsad de ston mo byas pas/ ston mo bzang por mi 'gyur gyi/ su ta so ma zhes bgyi ba yon tan chen po dang ldan te/ de rnyed na 'dod ston mo bzang bor 'gyur ro/ /zhes gsol pa dang / srin po'i rgyal pos 'di lta bu zhig ci dka' zhes smras nas nam mkha' la 'phur te su ta so ma len du song ngo / /de'i tshe na su ta so ma bu mo gzhon nu dang grong khyer gyi phyi rol tu khrus byed du 'gro ba las lam du bram ze slong ba zhig dang phrad de sbyin par byas nas bram ze la 'di skad ces smras so/ /bdag da khrus shig byed du 'gro ste/ phyir log nas sbyin par bya'o/ /zhes smras nas khrus byed du song ba las/ khrus byed pa na srin po'i rgyal po 'ongs te brag phug tu khyer ro/ /de'i tshe na su ta so ma ma dga' ste dus pa dang / rkang bkras 'di skad ces smras so/ /khyod ni/ gzhan pas lhag par yon tan dang ldan pa'i mchog go zhe na/ skyes bu chen po ni/ cis kyang mi skrag pa yin na/ ci'i phyir mi dga' ste byis pa chung du ltar du zhes smras so/ /su ta so mas srin po la smras pa/ bdag lus la chags shing srin po'i 'jigs pas mi dga' ba ma yin gyi/ bdag ni/ </font><hr>420b<br><font size=+1>>


thog ma nas rdzun smra ma myong na/ da ci khrus la 'gro ba'i lam du bram ze slong ba zhig dang phrad de/ bdag gis kyang khrus byas nas phyir log ste sbyin pa sbyin no/ /zhes smras nas khrus byed du song ba las/ rgyal po khyod kyis bdag 'dir khyer te 'ongs pas bdag gis rdzun smras so snyam ste mi dga'i/ lus dang srog la chags pa ni/ ma yin no/ /rgyal po khyod bdag la thugs brtse ba'i phyir zhag bdun zhig bshol te bram ze de la sbyin pa byas nas phyir yang 'gum du mchi'o/ /zhes gsol to/ /srin pos smras pa/ khyod da btang na phyir 'ong du btub bam/ smras pa| gal te ma 'ongs na yang khyod la blang ba'i mthu byed do/ /zhes smras nas phyir btang ngo / /su ta so ma phyir yul du phyin tsam na bram ze de yang da dung 'dug ste rab tu dga' nas bram ze la sbyin pa byin no/ /bram ze des kyang su ta so ma ring por mi thogs par srog dang bral bar 'gro bas/ phyir yul la chags te mi dga' bar shes nas de la tshigs su bcad de smras pa| bskal pa'i mtha' la thug pa na/ /gnam dang klung yang rab 'bar te/ /ri rab lhun po rgya mtsho yang / /thams cad thal ba nyid du 'gyur/ /lha dang klu dang lha ma yin/ / thams cad 'jig cing nyams yal te/ /gnam dang sa yang med 'gyur na/ /rgyal srid lta zhig ga la rtag /skye dang rga dang na 'chi yi/ /'khor ba'i mtha' ni zad mi shes/ /re </font><hr>421a<br><font size=+1>>


@#/ /zhing 'dod pa ma grub na/ /mya ngan gyis ni gnod par 'gyur/ /'dod pa skyon du rab che ste/ /nyes pa gzhan nas 'ongs pa min/ /khams gsum sdug bsngal bcas pas na/ /yul srid yid brten rung re skan/ /yod pa ye nas med pa ste/ /rgyu dang rkyen gyis sgrub par 'gyur/ /dar ba yod na rgud pa yod/ /bden pa nges par rdzun 'gyur ro| |so so'i skye bo tham thom dag /sgyu ma la ni kun gnas te/ /khams gsum ji ltar stong bzhin du/ /yul gyi srid kyang de bzhin no/ /rnam par shes la gzugs med do/ / gdug pa'i sprul bzhi la gnas te/ /ma rig pa las skyes pa la/ /bde ba'i gnas su kun 'dzin to/ /gzugs la rtag pa'i bdag med de/ /sems la rtag pa'i khyim yod min| |lus la sems kyang bral 'gyur na/ /yul srid lta zhig yod re skan/ /de'i tshe su ta so mas tshigs su bcad de smras pa thos nas don yid la bsams pas shin tu dga' ste rgyal tshab rgyal por bcug nas blon po rnams la phyi phyag byas te 'thams pa bzhin du phyir 'gro bar byas pa las/ blon po rnams kyis 'di skad ces gsol to/ / rgyal po rkang bkras ma bsnyengs shig /bdag cag gis bsams na/ rgyal po'i sku bsrung ba'i slad du lcags kyi khang pa byas la rgyal po de'i nang du zhugs na rkang bkra dpa' </font><hr>421b<br><font size=+1>>


mod kyi| ci bgyir yang ma mchis so/ /rgyal pos blon po rnams dang mi mang po rnams la bsgo ba/ mi gcig skyes pa la rdzun mi zer ba'i khrel ltas dgos te/ rdzun smras na gson yang dga' ba ma yin pas/ thog ma 'khams pa nas tshe 'phos kyang bla'i/ rdzun smras te gson par mi 'dod do/ /zhes khrel ltas byas pa'i legs pa rnam pa sna tshogs dang / rdzun smra ba'i skyon mang po smras pa dang / blon po rnams kyang mya ngan gyis brnangs te tshig med par gyur to/ /de nas thams cad kyis rgyal po bskyal nas thams cad kyis cho nges btab ste brgyal zhing 'khams par gyur to/ /su ta so ma lam du zhugs te song ba'i tshe srin po rkang bkra yang su ta so ma 'dir 'ong ba'i dus yin no snyam bsams nas ri'i rtse mor byung ste bltas pa dang / su ta so ma lam na rgyang ma nas srog 'dor du 'ong ba mthong ngo / /de nas nye bar 'ongs te bltas na/ sngon pas kyang lhag par dga' ba'i mdangs yod pas srin pos rgyal po la 'di skad ces smras so| |srog 'dor du 'ong ba lta bdag la dga' ba ci zhig yod de/ khyed 'tsho ba gtong ba la srog kyang mi phangs sam/ khyod yul du phyin nas phan pa'i don ci zhig rnyed na/ 'di ltar dga' zhes dris so/ /su ta so mas smras pa/ rgyal po chen po/ khyed kyis thugs bag mdzad de bdag gi 'tsho ba zhig bdun bshol nas bdag gis sngar dam bcas pa las ma 'gal </font><hr>422a<br><font size=+1>>


@#/ /te sbyin pa chen po yang byas/ dam pa'i chos kyang thos nas yid la gcags te bsam pa grub pas na/ 'dir srog btang yang gson pa pas dga'o/ / zhes smras so/ /rgyal po rkang bkras smras pa/ khyod kyis chos ci zhig thos pa kho bo la yang smros shig ces bsgo ba dang / su ta so mas tshigs su bcad pa ji skad du thos pa de yang smras| de ma yin pas zhan yang gsod pa'i kha na ma tho ba'i sdig pa dang / mi dge ba'i rnam par smin pa yang thabs mkhas pas rgya cher smras/ srog mi gcod pa'i yon tan dang bsod nams rgya chen po dang / byams pa'i sems kyang rgyas par bstan pas/ rgyal po rkang bkra rab tu dga' rangs te spyi bos phyag 'tshal nas bstan pa bzhin du phyin chad srog gcod pa btang / rgyal po brag phug tu bcug pa rnams kyang so so'i yul du bskyal lo/ /de nas su ta so mas dpung gi tshogs bshams nas rgyal po rkang bkra bsus te phyir yang rgyal por bcug go /der ni/ drang srong gis dmod pa bor ba'i lo bcu gnyis kyang tshang bas/ de phyin chad mi sha yang mi za ste sngon bzhin du rgyal po byas so/ /rgyal po chen po| de'i tshe de'i dus na su ta so ma de ni/ da ltar nga yin no/ /rgyal po rkang bkra de ni/ da ltar sor phreng can yin no/ /de'i tshe lo bcu gnyis kyi bar du rkang bkras mi zos pa </font><hr>422b<br><font size=+1>>


rnams ni/ sor phreng can gyis bsad pa'i mi rnams yin no/ /mi 'di dag kyang gang nas gang du skyes par rtag tu sor phreng can gyis bsad par gyur la/ ngas kyang skye ba thams cad du dge ba la bkod par gyur to/ /ngas sngon du dran pa sngon ma rabs byed pa'i tshe yang gsod pa las bzlog nus na/ da mngon par sangs rgyas te yon tan phun sum tshogs la sdig pa yongs su spangs na/ 'di dag 'dul bar gyur pa lta ci smos/ rgyal pos yang bcom ldan 'das la 'di skad ces gsol to/ /mi 'di dag sngon ci zhig bgyis na/ skye ba thams cad du sor phreng can gyis rtag tu bsad par gyur/ bcom ldan 'das kyis rgyal po la bka' stsal pa/ rgyal po chen po legs par nyon cig dang bstan par bya'o/ /sngon 'das pa'i bskal pa grangs med pa'i pha rol na 'dzam bu'i gling 'dir yul wA ra NA si na rgyal po ba la da ra zhes bya ba zhig byung ste/ rgyal po de la sras gnyis yod de/ byad gzugs legs pa/ blta na sdug pa/ rtsal dang ldan pa'o/ /de'i tshe sras chung du shos kyis 'di snyam du bsams so/ /gal te bdag gi pha tshe 'phos na phu bo rgyal por 'gyur te| bdag gzhon pas rgyal po yang mi 'thob na/ mir skyes la rgyal po ma thob na tha mal bar 'dug na yang ci rung / dben par song nas drang srong gi lam btsal lo snyam </font><hr>423a<br><font size=+1>>


@#/ /bsams nas rgyal po'i thad du song ste yab rgyal po la 'di skad ces gsol to/ /bdag ni/ ri dben par drang srong gi lam btsal bar dga'o/ / bdag la sdug par 'dzin na bsam pa 'di las ma zlog cig ces yang dang yang du gsol pa dang / rgyal pos kyang de bzhin du gnang nas ri dben par song ngo / /de nas lo mang zhig lon pa dang / rgyal po yab tshe 'phos nas phu bo rgyal sar gshegs so/ /phu bo yang rgyal sar zhugs nas ring por ma lon par nad kyis btab nas tshe 'phos te| rigs 'tshob pa'i mi med do/ /blon po rnams 'dus nas ji ltar bya ba bgros pa dang / de la blon po gcig gis 'di skad ces smras so/ /rgyal po chen po'i sras chung du zhig rgyal po la gsol te de ltar ri la drang srong byed cing 'dug gi /de spyan drangs la rgyal bor gzhug go /zhes smras pa dang / blon po rnams kyis de 'dra ba zhig nges par yod dam/ de 'dra ba zhig yod na lta spyan drangs la rgyal por gzhug go /zhes bgros nas ri la rgyal bu tshol du dong ngo / /de dag rgyal bu dang phrad nas bdag cag la rgyal po med de/ khyod kyis rgyal po bya dgos kyi/ 'dong ngo / /zhes smras pa dang / drang srong gis tshig 'di ni/ 'jigs su rung ste/ kho bo ni/ dben pa 'di na rab tu bde </font><hr>423b<br><font size=+1>>


ste| mya ngan ci yang med do/ /'jig rten pa ni/ rang bzhin gyis ma dul ba yin pas/ rgyal po yang gsod de/ bdag gis mi nus so/ /blon po rnams kyis smras pa/ rgyal po'i gdung chad de gdung 'tshob pa med pas/ drang srong khyod 'ba' zhig rgyal po'i gdung la gtogs pa yin te/ yul mi thams cad kyang mgon med par gyur gyi/ 'gro ba mang po la thugs brtse ba'i phyir rgyal por gshegs su gsol/ zhes smras pa dang / drang srong gis kyang ma bzod nas blon po rnams kyis gsol pa bzhin du phyir yul du 'ongs te rgyal po byas so| |drang srong de chung du nas 'dod chags dang ma 'phags pa las/ srid 'tsho zhing bags kyis bud med dang 'bags pas/ 'dod chags lhag par che bar gyur te/ nyin mtshan du 'dod chags la bag med pas 'di skad bkar btags so/ /nga'i yul mi las bu mo yod pa rnams bag mar gtong ba na sngar nga dang phrad pa'i 'og tu gdod bag mar thong zhig ces bkar btags so/ /yul na bud med bzang mo sdug gu yid du 'ong ba thams cad la yang mi rigs pa spyod do/ /de'i tshe bud med gcig cig mi mang po tshogs pa'i mdun du sgren mor byung ste gcin gci ba dang / thams cad kyis bgad de ngo tsha mi shes pa 'di ci byed ces spyos pa dang / bud med des 'di skad ces smras so/ /bud </font><hr>424a<br><font size=+1>>


@#/ /med kyis bud med kyi nang du gcin gci ba la ngo tshar ci zhig yod de/ khyed kyang gcig gi mdun du gcig gis gcin gcis kyang ngo mi tsha na/ kho mo bud med du 'dra ba'i nang du gcis pa la ngo tshar yang ci zhig yod/ mi mang pos smras pa/ khyod kyis 'di skad smras pa 'di ci'i tha tshig ces smras pa dang / bud med des 'di skad ces smras so/ /yul 'di ni rgyal po gcig pu ni/ skyes pa yin gyi/ gzhan yul mi thams cad ni/ bud med yin du nges so/ /khyed kun skyes pa yin na de 'dra ba'i mi rigs pa rgyal po byed pa'i mi rigs so/ /de nas mi mang po ngo tsha zhing skyengs par gyur te bud med 'dis smra ba ni/ bden te/ rigs pa ma yin pas rgyal po 'di med par bya'o/ /zhes bgros nas thams cad gros mthun te rgyal po skyed mos tshal du khrus la 'gro ba'i tshe gsad par bya'o/ /de nas skyed mos tshal du dpung gi tshogs spas nas rgyal po rdzing bur 'ongs pa'i tshe thams cad log nas bzung ste bsad par byas so/ /rgyal po skrag nas khyed rnams ci byed ces smras pa dang / blon po rnams kyis 'di skad ces smras so/ /rgyal po chos bzhin mi byed de 'dod chags kyis sbyor nas yul mi thams cad kyang rigs sun cing smra pha ba ste/ bdag cag ma bzod ches nas </font><hr>424b<br><font size=+1>>


khyod med par byas te rgyal po mdzangs pa gzod btsal lo snyam mo/ /rgyal pos de skad ces smras pa thos nas skrag par gyur te blon po rnams la 'di skad ces smras so/ /sngon chad ni| bdag gi nyes pa bden gyi phyin chad de ltar mi bya na/ gtang du rung ngam mi rung zhes smras pa dang / blon po rnams kyis 'di skad ces smras so/ /gal te gnam las kha ba nag po bab bam/ mgo la sprul nag po skyes kyang mi gtang gi /ma smra zhig ces bsgo'o/ /rgyal pos de skad ces smras pa thos nas da ni/ gdon mi za bar gsod do snyam ste khros nas blon po rnams la 'di skad ces smras so/ /nga sngon ri la 'dug ste 'jig rten la mi dga' ba las nan gyis rgyal por bcug ste/ nga ni/ nga gsod do/ /gar skyes gar skyes kyang khyod nga dang phrad de khyod kyang ngas gsod par shog cig ces dam bcas so/ /de ltar dam bcas mod kyi/ 'on kyang ma gnang ste bsad do/ /rgyal po chen po/ de'i tshe de'i dus na rgyal po drang srong de ni/ da ltar sor phreng can yin no/ /de'i tshe mi mang po gros mthun par rgyal po gsod pa ni/ sor phreng can gyis bsad pa'i mi 'di dag yin te| rtag tu sor phreng can gyis bsad par gyur to/ /rgyal pos yang pus mos la btsugs te bcom ldan 'das la 'di skad ces gsol to/ /dge slong sor phreng can 'dis mi </font><hr>425a<br><font size=+1>>


@#/ /mi 'di snyed cig bsad na/ da 'bras bu thob pa'i 'og tu rnam par smin pa myong bar 'gyur ram/ bcom ldan 'das kyis bka' stsal pa/ rgyal po chen po| sdig pa byas na/ rnam par smin pa nges par myong ste/ dge slong 'di yang da ltar gnas khang na sems can dmyal ba'i me ba spu'i khung kun nas 'bar te sdug bsngal mi bzad pa myong zhing 'dug go /de nas bcom ldan 'das kyis 'khor mang po la sdig pa'i las byas na/ nges par sdig pa'i rnam par smin pa rtogs par bya ba'i phyir dge slong zhig la 'di skad ces bka' stsal to/ /dge slong khyed song la lde mig khyer te dge slong sor phreng can gyi sgo'i bu gur chug cig ces bka' stsal nas dge slong gis bka' bzhin du lde mig thogs te sgo'i bu gur bcug na/ de ma thag tu zhu'o/ /dge slong de sdangs skrag nas phyir bcom ldan 'das kyi spyan sngar 'ongs te de bzhin du gsol pa dang / bcom ldan 'das kyis dge slong dag la 'di skad ces bka' stsal to/ /sdig pa byas pa'i rnam par smin pa ni/ 'di yin no/ /zhes bka' stsal te/ rgyal po dang 'khor mang po rnams yid ches par gyur to/ /de nas tshe dang ldan pa kun dga' bos bcom ldan 'das la 'di skad ces gsol to/ /dge slong sor phreng can sngon legs pa ci </font><hr>425b<br><font size=+1>>


zhig bgyis na/ mthu stobs gyad chen po'i stobs dang mnyam zhing rtsal che ba/ bya ltar mgyogs par gyur/ legs pa ci zhig bgyis na/ bcom ldan 'das dang phrad de 'khor ba las grol bar gyur pa 'khor mang po la thugs brtse ba'i slad du bstan du gsol/ bcom ldan 'das kyis bka' stsal pa/ khyed legs par nyon cig /sngon 'das pa'i dus na sangs rgyas 'od srung gi tshe dge slong zhig gang zag gi las byed pa las/ 'bru'i khal zhig bkal te song song ba las lam du char pas non te byol ba'i gnas med pas/ 'bru dang snod du bcas pa thams cad gsher bar gyur to/ /de'i tshe na dge slong de mgyogs par 'gro 'dod pa las/ mthu chung bas 'gro bul te mgyogs par ma gyur pas 'di skad ces smon lam btab po| |bdag ma 'ongs pa'i dus na mthu stobs ni/ mi stong dang mnyam zhing lus yang la/ 'gro mgyogs khyad bya 'phur ba dang 'dra bar shog cig /ma 'ongs pa'i dus na sangs rgyas shAkya thub pa 'jig rten du gshegs pa dang phrad de 'khor ba las grol bar gyur cig ces smon lam btab bo/ /kun dga' bo/ de la gzhan du ma sems shig /de'i tshe gang zag gi las byed pa'i dge slong de ni/ da ltar gyi dge slong sor phreng can yin te/ de'i tshe rab tu byung nas tshul khrims bsrungs te dge 'dun gyi las byas pas / </font><hr>426a<br><font size=+1>>


@#/ /smon lam bzhin du gang nas gang du skyes kyang byad gzugs bzang ba dang / mthu stobs dang rtsal che bar gyur te/ nga dang phrad par smon pas 'khor ba las grol bar gyur to/ /de'i tshe kun dga' bo dang / dge slong rnams dang / rgyal po dang / 'khor mang po rnams bcom ldan 'das kyis rnam par smin pa'i 'bras bu gsungs pa thos nas thams cad kyis brtson 'grus bskyed de bden pa bzhi yid la byas pas la la rgyun du zhugs pa dang / lan gcig phyir ldog pa dang / phyir mi ldog pa dang / dgra bcom par gyur to/ /la la ni/ rang sangs rgyas kyi dge ba'i rtsa ba bskyed do/ /la la ni/ bla na med pa'i byang chub tu sems bskyed de phyir mi ldog pa'i sa la gnas par gyur to| |thams cad lus dang ngag dang yid dge ba la 'dun te bcom ldan 'das kyis gsungs pa la rjes su yi rang nas mngon par dga'o/ /mi gdung ba sor phreng can gyi le'u ste sum cu rtsa drug pa'o// //bam po bcu gcig pa/ dbul mo bsnyen dga' mo'i le'u/ 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe yul de na bud med bsnyen dga' mo zhes bya ba dbul phongs pa/ 'tsho </font><hr>426b<br><font size=+1>>


ba slong mo la ltos pa zhig yod de/ bud med des rgyal po dang / blon po dang / mi mang pos so so nas sangs rgyas dang dge 'dun la mchod pa byas pa mthong nas 'di snyam du bsams so/ / bdag gis sngon sdig pa ci zhig byas na/ 'di ltar dbul zhing rigs ngan par skyes te/ da bsod nams kyi zhing dang phrad kyang sa bon mi bdog snyam nas shin tu yi chad de 'gyod pa skyes nas nyi ma gcig gi bar du thog thag bslangs na/ dong tshe gcig las ma rnyed de/ dong tshe gcig po thogs nas mar 'tshong pa'i khyim du song ste mar zhig nyo bar byas so/ / mar 'tshong pa'i khyim bdag gis smras pa/ dong tshe gcig gis mar nyo ba 'di ha cang yang nyung ches na/ khyod kyis ci zhig bya zhes dris pa dang / bsnyen dga' mos kyang drang por gtam byas pas/ mar 'tshong pa'i bdag po snying brtse ste mar lhag par byin no/ /bsnyen dga' mos mar de thob nas rab tu dga' ste gtsug lag khang du song nas bcom ldan 'das la dbul lo/ /zhes sangs rgyas kyi spyan sngar mar me btsugs te smon lam 'di skad ces btab bo/ /bdag da ltar dbul phongs te mar me chung du 'dis sangs rgyas la mchod do/ / bsod nams 'dis ma 'ongs pa'i dus na bdag shes rab kyi mar me dang ldan te/ sems can thams cad kyi mun pa'i dri ma bsal bar shog cig ces smon lam btab nas phyir </font><hr>427a<br><font size=+1>>


@#/ /gnas su song ngo / /de'i mtshan mo mar me gzhan ni/ zad kyi bsnyen dga' mo'i mar me gcig pu ni/ nam nangs kyi bar du 'bar ro/ /de'i tshe mau ga la ya na dus 'dzin pa'i ras la bab pas nam nangs nas mar me gcig pu zhig lhag par gsal te/ mar dang snying po yang ma nyams/ gsar du btsugs ma thag pa 'dra nas 'di snyam du sems so/ /nyin par ni/ mar me btsugs kyang phan pa med kyi/ gsad do snyam nas gsad par gzas na ma sod do/ /de nas lag dar te gsad par gzas na yang bsod de ma nyams so/ /de nas gos kyis gsad par gzas na yang ma sod pa bcom ldan 'das kyis gzigs nas mau gal la 'di skad ces bka' stsal to/ /khyod kyis mar me 'di gsad par sems kyang mar me 'di ni/ khyod kyis mi sod do/ /khyod nyan thos kyis bsgul zhing bskyod nus pa yang ma yin no/ /gal te khyod kyis rgya mtsho chen po bzhi'i chu phab bam rdzi rlung yug pas bus kyang sod par mi 'gyur ro/ /de bas na mar me 'di ni/ kun gyi don rgya chen po byed par bsam pa chen po bskyed pas phul ba yin no| |bcom ldan 'das kyis de skad ces gsungs nas bsnyen dga' mo yang bcom ldan 'das kyi spyan sngar 'ongs te zhabs la spyi bos phyag 'tshal ba dang / de'i tshe bcom </font><hr>427b<br><font size=+1>>


ldan 'das kyis lung bstan te/ khyod ma 'ongs pa'i dus na bskal pa grangs med pa gnyis 'das nas mngon par sangs rgyas te mtshan yang mar me 'od ces bya ste/ dbang bcu dang ldan par 'gyur ro/ /de'i tshe na bsnyen dga' mos bcom ldan 'das kyis lung bstan pa thob nas rab tu dga' ste pus mo gnyis sa la btsugs nas rab tu 'byung bar gsol te/ bcom ldan 'das kyis kyang rab tu 'byung bar gnang ngo / /tshe dang ldan pa kun dga' bo dang / mau gal gyi bus bud med dbul mo lung bstan pa thob ste rab tu byung ba mthong nas pus mo gnyis sa la btsugs te thal mo sbyar nas bcom ldan 'das la 'di skad ces gsol to/ /bsnyen dga' mo dbul mo 'di sngon las ci zhig bgyis na/ de srid kyi bar dbul phongs te 'tsho ba yang mi rnyed par gyur/ ci zhig bgyis na bcom ldan 'das dang phrad de/ 'khor rnam pa bzhi mchod pa byas par gyur/ bcom ldan 'das kyis kun dga' bo la bka' stsal pa/ sngon 'das pa'i dus na sangs rgyas 'od srung 'jig rten du gshegs te/ de'i tshe khyim bdag gi chung ma zhig gis sangs rgyas dang / dge slong gi dge 'dun du bcas pa spyan drangs pa las/ sngar bud med dbul mo zhig gis spyan drangs te gshegs su gnang ngo / /bud med dbul mo de yang lan gcig phyir </font><hr>428a<br><font size=+1>>


@#/ /ldog pa thob pa zhig ste/ de'i tshe na khyim bdag gi chung ma de btsan zhing phyug pa dang / cho rigs snyems pas dbul mos sngar spyan drangs pa la brnyas smad nas 'di skad ces smras so/ /bcom ldan 'das ci'i slad du bdag gis spyan drangs par sngar mi gshegs par sbrang mos spyan drangs par gshegs zhes tshig ngan pa smras te 'phags pa la brnyas smad pas/ skye ba lnga brgya'i bar du rtag tu dbul phongs pa/ 'tsho ba slong mo la ltos pa'i rigs su skyes so/ /phyi nyin sangs rgyas dang / dge 'dun la dad pas mchod ded dga' bas na/ da sangs rgyas dang phrad de rab tu byung nas lung du bstan pa yin no/ /de'i tshe 'khor mang po rnams sangs rgyas kyis gsungs pa la rab tu dga' bar gyur te/ /de'i tshe rgyal po dang / blon po dang / mi mang po dag gis bud med dbul mos sangs rgyas la mar me gcig phul bas/ sangs rgyas su lung bstan to/ /zhes thos nas thams cad kyis bkur stir byas te 'tsho ba'i yo byad mchog dam pa rnam pa bzhi cho ga par sbyar te phul lo/ /de'i tshe yul de'i khye'u dang / bu mo ya rabs dang ma rabs thams cad kyis mar me dri bsung can sbyar te rgyal bu rgyal byed kyi tshal du bcom ldan 'das la phul lo/ /mar me 'bul ba'i mi mang pos mar me </font><hr>428b<br><font size=+1>>


mes rgyal bu rgyal byed kyi tshal kun yongs su gang ste phyogs bzhin sa skar ma nam mkha' la snang ba dang 'dra bar nyin gcig bzhin du phul te/ de lta bur rgyun ma chad par nyin zhag bdun gyi bar du phul lo/ /de'i tshe kun dga' bo shin tu dga' nas ngo mtshar du gyur te/ bcom ldan 'das kyi yon tan ni/ 'di snyed cig mnga' 'o/ /zhes bsngags nas/ bcom ldan 'das la 'di skad ces gsol to/ /bcom ldan 'das kyis sngon 'phrin las ci zhig bgyis na/ 'di lta bu'i mar me tshad med pa dang ldan par gyur/ bcom ldan 'das kyis kun dga' bo la bka' stsal pa/ sngon 'das pa'i dus na 'dzam bu'i gling 'dir rgyal po ka si ki zhes bya ba zhig byung ste/ rgyal phran brgyad khri bzhi stong snyed la dbang byed pa rgyal po'i btsun mo chen mo la sras gcig byung ste/ lus kyi mdog gser lta bur 'dug la/ mtshan sum cu rtsa gnyis dang / dpe byad bzang po brgyad cur ldan te| spyi la rin po che kha dog gsal pa/ blta na mi sprid pa zhig yod de/ mtshan mkhan bos nas bzang ngan brtags te ming gdags pa las/ mtshan mkhan gyis bltas na mtshan ngo mtshar du bzang bas lag pa bteg nas shin tu legs so/ /zhes smras te/ rgyal bu 'di ni/ 'jig rten lha dang / mi'i nang na bsgrun du med do /gal te khyim na </font><hr>429a<br><font size=+1>>


@#/ /gnas na 'khor los bsgyur ba'i rgyal por 'gyur ro/ /gal te rab tu byung na mngon par 'tshang rgya'o/ /zhes smras te/ mtshan mkhan gyis rgyal po la 'di skad ces gsol to/ /rgyal bu 'di thog ma btsas pa na ngo mtshar ya mtshan gyi ltas ci zhig byung zhes dris na/ rgyal bu 'di btsas pa'i ste spyi bo na rin po che shin tu gsal ba zhig yod do/ /zhes smras nas rgyal bu'i ming yang rin chen gtsug phud ces btags so/ /phyis cher skyes nas rab tu byung ste byang chub la nan tan byas nas mngon par sangs rgyas te sems can grangs med pa'i don byas so/ /de'i tshe rgyal po yab kyis sangs rgyas dang / dge slong gi dge 'dun dang bcas pa zla ba gsum du spyan drangs nas mchod ston gsol to/ /de'i nang na dge slong 'phags pa'i gnyen zhes bya ba zhig zla ba gsum du mar me sbyor ba'i yon bdag tu khas blangs nas nyin gcig bzhin du grong khyer du song ste/ tshong dpon dang / khyim bdag dang / mi mang po las mar dang / 'bru mar dang / me mar gyi snying po bslangs so/ /de'i tshe na rgyal po de la bu mo thub pa zhes bya ba zhig yod de/ yang thog gi steng nas dge slong de nyin gcig bzhin du grong rgyu zhing nyon mongs pa mthong nas de la snying brtse ste mi zhig </font><hr>429b<br><font size=+1>>


mngags nas btsun pa khyod ci zhig sgrub na/ rtag tu 'di lta bur nyon mongs zhes dris na/ dge slong des 'di skad ces smras so/ /bdag ni/ zla ba gsum gyi bar du sangs rgyas dang / dge 'dun gyi mar me sbyor ba'i yon tan bdag tu khas blangs te/ de bas na grong rgyu zhing dge bsnyen rnams las mar dang / 'bru mar dang / mar gyi snying po dang / mar me 'dzugs pa'i yo byad rnams slong ngo / /zhes bu mo la spring pa dang / bu mo de rab tu dga' nas dge slong 'phags pa'i gnyen la 'di skad ces bsgo'o/ /da phyin chad 'di ltar kun tu 'gro mi dgos kyi/ me mar gyi yo byad thams cad kho mos sbyar gyi/ longs shig ces bsgo ba dang / dge slong de yang de ltar bya'o/ /zhes smras nas de phyin chad rtag tu me mar dang| 'bru mar dang / mar me'i yo byad kun sbyar te gtsug lag khang du bskyal to/ /dge slong 'phags pa'i gnyen gyis de ltar nyin gcig bzhin du mar me phul te kun la phan pa'i don rgya chen po'i sems bskyed pas/ bcom ldan 'das kyis lung bstan te/ ma 'ongs pa'i dus na bskal pa grangs med pa 'das nas mngon par 'tshang rgya ste/ mtshan yang mar me mdzad ces bya bar lung bstan nas mtshan sum cu dang ldan par gyur to/ /rgyal po'i bu mo thub pas/ dge slong 'phags pa'i gnyen lung bstan to/ /zhes </font><hr>430a<br><font size=+1>>


@#/ /thos nas 'di snyam du bsams so/ /sangs rgyas la phul ba'i mar me ni/ bdag gis sbyar te/ dge slong des bskul ma tsam byas kyang lung bstan na| bdag la ni lung ma bstan to snyam du bsams nas bcom ldan 'das gang na ba der song ste/ de bzhin du drang por gsol nas bcom ldan 'das kyis lung bstan te| bu mo thub pa khyod ma 'ongs pa'i dus na bskal pa grangs med pa dgu bcu rtsa gcig 'das nas mngon par 'tshang rgya ste/ mtshan yang shAkya thub pa zhes bya bar mtshan sum cu dang ldan par lung bstan to/ /de ltar rgyal po'i bu mos kyang sangs rgyas las lung bstan pa thob pas rab tu dga' ba skyes par gyur te sangs rgyas kyi zhabs la spyi bos phyag 'tshal nas rab tu 'byung bar gsol to/ /bcom ldan 'das kyis kyang rab tu 'byung bar gnang nas bar chad med par brtson 'grus rtsom mo/ /bcom ldan 'das kyis kun dga' bo la bka' stsal pa/ de'i tshe de'i dus na dge slong 'phags pa'i gnyen ni/ sngon 'das pa'i sangs rgyas mar me mdzad yin no/ /rgyal po'i bu mo thub pa ni/ da ltar nga yin te/ sngon mar me phul bar bskal pa grangs med pa'i bar du lha dang mi'i 'jig rten na bsod nams myong ste/ gzugs kyang gzhan pas 'phags par bzang </font><hr>430b<br><font size=+1>>


ste| da mngon par sangs rgyas nas kyang mar me mang po dang ldan par gyur to/ /bcom ldan 'das kyis de skad ces gsungs nas 'khor mang po rnams la la ni/ 'bras bu dang po nas 'bras bu bzhi pa'i bar du thob bo/ /la la ni/ rang sangs rgyas su dge ba'i rtsa ba bskyed do/ /la la ni/ bla na med pa'i byang chub tu sems bskyed do/ /tshe dang ldan pa kun dga' po dang / 'khor mang po rnams bcom ldan 'das kyis gsungs pa la rjes su yi rang nas mngon par dga'o/ /dbul mo bsnyen dga' mo'i le'u ste sum cu rtsa bdun pa'o|| ||ba shi tsir gyi le'u/ 'di skad bdag gis thos pa dus gcig na/ bcom ldan 'das rgyal po'i khab na bya rgod spungs pa'i ri la bzhugs so/ / de'i tshe yul de na khyim bdag shi ri tsi zhes bya ba shin tu phyug cing longs spyod dang ldan pa/ rin po che snab dun gyis bang mdzod gang ba zhig yod de/ rigs mnyam pa las chung ma blangs nas dus phyi zhig na chung ma sems can dang ldan par gyur te zla ba tshang nas bu khye'u sdug pa/ mdzes pa/ 'jig rten na dpe med pa zhig btsas te/ pha ma shin tu byams pas mtshan mkhan bos te mtshan bltas na/ mtshan mkhan gyis kyang khye'u 'di ni/ bsod nams kyi mtshan dang ldan te/ rigs kyang 'tshob par 'gyur ro/ /zhes smras </font><hr>431a<br><font size=+1>>


@#/ /pa dang / khye'u'i pha ma lhag par dga' nas mtshan mkhan de la bu'i ming thogs shig ces smras pa dang mtshan mkhan gyis smras pa/ bu 'di yod par gyur nas ltas sam/ ya mtshan ci byung zhes dris na/ smras pa/ gzhan ni/ med kyi/ khye'u'i ma sngon smras mkhas pa las khye'u 'di yod tshun chad smra mkhas par gyur to| |zhes byas pa dang / bu'i ming ba she tsir zhes btags so/ /gsos bskyed de tshar skyes nas yid gzhungs te rtsal dang ldan par gyur to/ /dus gzhan zhig na byis pa grogs po dag rtse zhing song song ba las/ rigs ngan pa zhig gi khyim na bu mo sdug gu ma tshul du shis pa zhig yod pa mthong nas de la chags te chung mar blang bar bsams nas phyir khyim du 'ongs te/ bu mo de bdag gi chung mar longs shig ces smras so/ /pha mas smras pa/ bdag cag ni/ tsho rigs btsun pa yin te/ bu mo de rigs chung zhing ngan pa yin na/ ji ltar chung mar blang zhes byas pa dang / khye'u rab tu mi dga' nas pha ma la 'di skad ces smras so/ /cho rigs la ma lta bar bu mo nyid ci 'dra ba las bdag gi chung mar longs shig /gal te chung mar ma blangs na bdag kyang 'gum mo/ /zhes smras pa dang / pha mas kyang bu'i ngom ldog </font><hr>431b<br><font size=+1>>


pas bu mo slong du btang ngo / /bu mo'i pha mas smras pa/ khyod ni/ cho rigs btsun pa yin te/ bdag cag ni/ rigs chung zhing ngan pa yin pas gnyen zla yang ma yin nam/ ci'i phyir bu mo slong zhes byas so/ /'on kyang khye'u de bu mo de la chags so/ /yang bskyar te bu mo slong du btang ba dang bu mo'i pha mas 'di skad ces smras so/ /gal te bdag gi mag par byas rtsal sna tshogs kyang yod la glu gar dang / rtsed mo'i bag ci yang shes shing rgyal po ci la dgyes pa kun shes na/ gnyen bya'o zhes smras pa dang / khye'u der rol mo la sogs pa slob pa las ngo tsha ba dang bsdos nas ring po ma lon par kun byang bar bslabs so/ /dus gzhan zhig na rgyal pos rol mo byas te rtsal che ba kun bsags nas shing 'dzeg pa dang / mchod pa dang / thag 'dzeg pa sogs pa rtsed mo sna tshogs byed pa las/ khyim bdag gi bu yang der 'ongs nas thag pa la 'dzegs te/ thag pa la rgyug cing thag 'dzeg byas pa dang rgyal po yengs te ma mthong bas gdod byos shig ces bsgo'o/ /khye'u ngal bas thag 'dzeg byas pa dang / thug pa'i dbus tsam du phyin nas thag pa las lhung ste shin tu skrag pas skyabs med do/ /zhes smras so/ /de'i tshe mau gal gyi bu der 'ongs nas sa la ma lhung bar bzung ste 'di skad ces smras so/ / </font><hr>432a<br><font size=+1>>


@#/ /khyod du lus dang srog ma yal bar rab tu 'byung ngam/ 'on te sa la lhung ste bu mo chung mar blang bar bya/ smras pa/ srog ma yal na chung ma mi 'dod do| |zhes smras pa dang / mau gal gyis nam mkha' las gzhi mnyam par sprul nas bde bar bzhag pa dang / khye'u de 'jigs pa med par gyur te/ bde bar sa la bzhag pas khye'u rab tu dga' nas mau gal gyi phyi bzhin bcom ldan 'das gang na ba der song ngo / /der phyin ba dang bcom ldan 'das kyi zhabs la spyi bos phyag 'tshal te sangs rgyas la mchod pa byas so/ /de'i tshe bcom ldan 'das kyis sbyin pa'i gtam dang / tshul khrims kyi gtam dang / mtho ris kyi lhar skye ba'i gtam dang / 'dod pa mi gtsang ba dang / rab tu byung ba ni/ bde'o/ /zhes rgyas par bstan pas yid rnam par grol te 'bras bu dang po tho ba nas bcom ldan 'das la rab tu 'byung zhing dam pa'i chos slob par gsol pa dang / bcom ldan 'das kyis gnang nas skra dang kha spu rang byi ste dge slong du gyur nas dge slong gi chos la nan tan byas pas zag pa zad de dgra bcom par gyur te/ /de nas tshe dang ldan pa kun dga' bos bcom ldan 'das la 'di skad ces gsol to/ /dge </font><hr>432b<br><font size=+1>>


slong 'di bu mo de dang sngon gyi las ji ltar mthun na/ lus srog la 'bab kyi bar du chags par gyur/ mau gal gyi bu la dge ba'i rtsa ba ci zhig bskyed na/ srog bskyabs pa'i rkyen gyis mthar dgra bcom par gyur pa bstan du gsol/ bcom ldan 'das kyis kun dga' bo la bka' stsal pa/ sngon 'das pa'i bskal pa tshad med pa 'das pa'i pha rol na yul wA ra NA si 'dir khyim bdag cig la bu sdug cing bzang ba dpe med pa zhig btsas so/ /de'i tshe na khyim bdag de'i khyim du rgya mtsho nas mi zhig 'ongs nas khyim bdag de la bya sgo nga gcig phul lo/ /khyim bdag gis lag tu blangs pa dang / ring po ma lon par sgo nga gsan bya phrug tshang ma zhig byung ngo / /khyim bdag gis bya phrug de bu la byin nas cher skyes pa dang / gcig la gcig chags te khyim bdag gi bu phan tshun du ltad mo la 'gro na/ bya de'i rgyab la 'dug nas byas khyer zhing nam mkha' la 'phur 'gro'o/ /nam skyo na phyir yang khyim du 'ongs te/ de bzhin du nyin gcig bzhin du 'phyan du 'gro'o/ /de nas ring zhig lon pa dang / dus gzhan zhig na rgyal po gzhan zhig gi yul du rol mo byed do/ /zhes thos nas khye'u de bya la zhon te yul pha rol por lta de mo bltar song nas bya shing khar bzhag ste khye'u ni/ ltad mo bltar zhugs so/ </font><hr>433a<br><font size=+1>>


@#/ /ltad mo blta ba'i lam du rgyal po'i bu mo dang phrad nas rgyal po'i bu mo la chags te bu mo dang nyal nas phyis gsang shor te rgyal pos zin nas gsod du bcug pa las/ khyim bdag gi bus 'di skad ces gsol to/ /bdag la mtshon gyis dgum yang ci 'tshal/ bdag nyid shing khar 'dzegs te/ shing kha nas g.yang du 'gum par gsol ba dang / rgyal pos kyang de bzhin du gnang nas khye'u shing khar 'dzegs te bya la zhon nas 'phur te song ba las bya des srog thar bar byas so/ / kun dga' bo/ de'i tshe de'i dus na khyim bdag gi bu de ni/ ba she tsir yin no/ /rgyal po'i bu mo de ni/ bu mo 'di yin no/ /bya de ni/ mau gal gyi bu yin te/ 'das pa'i dus na yang 'dod chags kyi rkyen gyis tshe zad pa las thar par byas so/ /de yang 'dod chags kyi dbang gis tshe zad pa las mau gal gyi bus thar par byas so/ /dge slong 'di yid gzhungs shing zag pa med pa'i 'bras bu thob pa ni/ sngon 'das pa'i dus na wA ra NA si 'dir khyim bdag cig la rang sangs rgyas shig gis bsod snyoms bslangs pa las/ khyim bdag des bsod snyoms phul te chos bstan par gsol pa dang / de'i tshe rang sangs rgyas des chos ston mi nus so/ /zhes smras nas lhung bzed </font><hr>433b<br><font size=+1>>


nam mkha' la bsgyur nas 'phur te song ngo / /de nas khyim bdag des 'di snyam du bsams te/ skyes bu 'di rdzu 'phrul gyi mthu ni/ che na/ dam pa'i chos ston mi nus pa lta/ bdag ma 'ongs pa'i dus su 'phags pa dang phrad de skyes bu 'di las lhag pa dam pa'i chos ston pa la zad mi shes par shog cig ces smon lam btab bo/ /de'i rkyen gyis yid gzhungs shing dgra bcom pa'i 'bras bu thob pa yin no/ /bcom ldan 'das kyis de skad ces gsungs pa la 'khor mang po rnams mngon par dga' nas la la ni/ rgyun du zhugs pa'i 'bras bu dang / phyir ldog pa dang / phyir mi ldog pa dang / dgra bcom pa'i 'bras bu thob bo/ kha cig ni/ rang sangs rgyas kyi dge ba'i rtsa ba bskyed/ kha cig ni| byang chub tu sems bskyed de bcom ldan 'das kyis gsungs pa la rjes su yi rang ngo / /ba she tsir gyi le'u ste sum cu brgyad pa'o// //khyim bdag dbyig pa can gyi le'u/ 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe yul de na bram ze phyin te lo shu sha zhes bya ba zhig yod de/ bram ze de'i chung ma de rab tu mi sdug cing mig gnyis kyang mi mthong ste/ mi mthong ba de la </font><hr>434a<br><font size=+1>>


@#/ /bu pho ni| med kyi/ bu mo bdun yod de/ rab tu dbul phongs so/ /bram ze'i bu mo de dag kyang so sor bag mar btang ste phyis mag pa dag 'dus nas bram ze'i chung ma yang khro zhing gtum mo zhig ste/ bu mo dang mag pa dag 'ong ba la khros nas bu mo dag kyang phyir ma la gshe'o/ /de'i tshe zhing dag kyang brnga ran nas khyim mtshes la ba lang zhig brnyes te zhing thog tu song song ba las/ legs par ma bsrungs pas stor to/ /de'i tshe phyin te lo shu shas 'di snyam du bsams so/ /bdag gis sngon nyes pa ci zhig byas na/ khyim du 'ongs na ni/ chung mas rtag tu spyo zhing bu mo bdun dang mag pa rnams kyis 'dug tu mi ster/ nga khyim mtshes kyi ba lang brnyas na ni/ stor bar gyur te bdag gis btsal kyang ma rnyed na/ ji ltar bya snyam mya ngan gyis yi mug ste 'dug 'dug pa las rgyang ma nas de bzhin gshegs pa shing drung na dbang po kun zhi zhing bde bar bzhugs pa mthong ngo / /bram ze des 'khar ba la skom tshugs bcas te rgyang tshad kyi bar du brtags nas yang 'di snyam ba bsams so/ /dge sbyong gau ta ma ni/ rab tu bde skyid do/ /de la ni/ chung mas spyo ba yang med/ bu mo ngan pa dang / mag pas gtse ba yang med/ </font><hr>434b<br><font size=+1>>


zhing brnga ran te glang brnya yang mi dgos te mya ngan med do snyam bsams nas bcom ldan 'das kyis de'i bsam pa thugs kyis mkhyen nas de la 'di skad ces bka' stsal to| |khyod kyis bsam pa bzhin te/ nga la yang dag par nyes pa'i skyon gang yang med/ chung ma ngan pa yang med na/ gshe zhing spyo ba lta ci smos/ bu mo bdun gyi 'tshe ba yang med| mag pa khyim du 'du ba yang med/ zhing brnga ran pa dang / glang stor ba'i mya ngan byed pa yang med do/ /khyod rab tu 'byung bar dga' ma zhes bka' stsal pa dang / bram zes bcom ldan 'das la 'di skad ces gsol to/ /bdag da ltar khyim la dur tsam du 'dzin te/ chung ma dang bu mo la dgra tsam du sems so/ /bcom ldan 'das kyis rab tu 'byung bar gnang na bdag rab tu 'byung ngo / /zhes gsol pa dang / bcom ldan 'das kyis legs par 'ongs so/ /zhes bka' stsal pas/ skra dang kha spu rang byi ste dge slong du gyur to/ /de nas bcom ldan 'das kyis ci rigs par chos bstan nas de nyid du dri ma kun zad de dgra bcom par gyur to/ /de nas kun dga' bos bcom ldan 'das la gsol pa/ legs so/ /bcom ldan 'das sems can gyi don mdzad pa bsam gyis mi khyab bo/ /bram ze 'dis sngon legs pa ci zhig bgyis na/ nyes pa'i </font><hr>435a<br><font size=+1>>


@#/ /skyon kun dang bral te ras dkar po gtsang ma la tshon zhen sla ba ltar dge ba la phan pa'i don byed par gyur/ bcom ldan 'das kyis kun dga' bo la bka' stsal pa/ bram ze 'di da ltar 'ba' zhig ngas phan btags te bde bar byas pa ma zad kyi/ sngon 'das pa'i dus na yang nyes pa kun las thar cing bde bar byas so/ /kun dga' bos gsol pa/ 'das pa'i dus na bram ze 'di ji ltar bde bar mdzad pa rgyas par bstan du gsol/ bcom ldan 'das kyis bka' stsal pa| khyod shin tu legs par nyon la yid la zungs shig dang / khyod la bstan par bya'o/ /kun dga' bos gsol ba/ de bzhin du thos par 'tshal lo/ /zhes gsol pa dang| bcom ldan 'das kyis kun dga' bo la 'di skad ces bka' stsal to/ /sngon 'das pa'i bskal pa grangs med tshad med pa'i pha rol na rgyal po mdzes pa zhes bya ba zhig byung ste| chos bzhin du srid 'tsho'o/ /de'i tshe yul de na bram ze dbyig ba can zhes bya ba zhig 'dug ste/ rab tu dbul phongs pa/ bza' ba dang bgo ba med pa zhig go / des khyim bdag cig la glang zhig brnyas te nyin par spyad nas glang de khrid de khyim bdag de'i khyim du song ba dang / de na khyim bdag ni/ zan za ste/ dbyig pa can gyis </font><hr>435b<br><font size=+1>>


glang de khyim gyi nang du btang ba dang / glang sgo gzhan du song nas stor to/ /khyim bdag de zan zos nas langs pa dang / /de na glang ma mthong nas des dbyig pa can la glang ga re zhes byas pa dang / des smras pa/ khyod kyi khyim du btang ngo / /khyod kyis nga'i glang por gyi/ glang slar byin cig ces smras pa dang / des smras pa/ ngas ma bor ro/ /de nas de gnyis 'grogs te rgyal po'i thad du 'dod ba dang / 'u bu cag gi rigs pa dang / mi rigs pa rtogs so/ /zhes smras nas de gnyis dong ba dang / mi gzhan zhig gi rta rgod ma zhig bros nas des dbyig pa can la smras pa/ rta rgod ma ma btang zhes smras nas/ des rdo ba zhig blangs te 'phangs pa dang / rta'i rkang pa la phog nas rkang pa chag go /des smras pa/ khyod kyis nga'i rta bsad kyi/ nga'i rta byin cig /ci'i phyir rta sbyin/ des smras pa/ tshur shog rgyal po'i drung du 'dod dang / 'u bu cag gi zhal che gcod do/ /zhes smras nas de dag der song ba dang / dbyig pa can de 'bros par brtsams te/ des rtsig pa zhig gi steng nas mchongs pa dang / de'i drung na tha ga pa zhig thags 'thag cing 'dug pa'i steng du lhung nas tha ga pa de tshe 'phos pa dang / tha ga pa'i chung mas dbyig pa can de bzung nas khyod kyis nga'i khyo bsad kyi/ nga'i khyo byin cig ces smras pa dang / ngas khyod kyi khyo ji ltar sbyin zhes smras nas tshur shog rgyal po'i drung du 'dong dang / 'u bu cag </font><hr>436a<br><font size=+1>>


@#/ /cag gi zhal che gcod do/ /zhes de dag dong ba las/ lam gyi bar de na chu po gting zab pa zhig yod do/ chu de'i nang nas tshur shing mkhan zhig ste'u kha nas khyer te 'ong ngo / /de la dbyig pa can gyis chu'i gting ji tsam zhes dris pa dang / chu gting zab bo/ /zhes smras pas ste'u chur lhung ste/ ste'u de ma rnyed pa dang / des dbyig pa can bzung nas khyod kyis nga'i ste'u chur bskur ro/ /des smras pa/ ngas ma bskur ro/ /tshur shog rgyal po'i drung du 'dong dang / 'u bu cag gi zhal che gcod do/ /zhes smras nas dong ngo / /de lus ngal nas chang tshong gi khyim du song ste chang bslangs nas chang tshong ma de la bu po zhig btsas te bu gos kyis g.yogs te bsnyal ba las/ dbyig pa can de'i steng du 'dug pa dang / khye'u de srog dang bral bar gyur to/ /des kyang dgyig pa can de bzung ste khyod kyis nga'i bu bsad kyi/ nga'i bu byin cig /des smras pa/ ngas ni/ ma bsad na| khyod kyi bu ngas ji ltar sbyin/ des tshur shog rgyal po'i drung du 'dong dang / 'u bu cag gi zhal che gcod do/ /zhes smras nas de dag dong ba las gnas gzhan zhig na shing sha ko ta ka la bya ro gcig 'dug pa des dbyig pa can de mthong nas gar 'gro zhes smras pa dang / nga ni/ mi 'gro na/ 'di dag gis nga khrid do/ /gang du khrid/ rgyal po'i drung du </font><hr>436b<br><font size=+1>>


du'o| |'o na kho po'i 'phrin zhig kyang rgyal po la byos shig /gnas 'di zhes bgyi ba na/ shing sha ko ta ka de la bya rog cig 'dug pa/ bdag shing gzhan gyi kha na 'dug pa'i tshe skad mi snyan la shing 'di'i khar 'ongs na skad do mtshar du snyan na/ de ci'i phyir zhes de skad mchi'o/ /zhes smros shig /de nas yang gnas gzhan zhig tu sbrul zhig gis mthong nas snga ma bzhin du bdag gi 'phrin 'di yang zhus shig /bdag nam khung nas phyir 'byung ba'i tshe ni/ bde/ slar 'jug pa'i tshe sdug bsngal na/ ci'i phyir de ltar gyur ces zhus shig /de dag dong ba las gnas gzhan zhig na na chung ma gzhon nu zhig gis mthong nas snga ma bzhin du kho mo'i 'phrin yang zhus shig /nam kho mo pha'i khyim na 'dug pa'i tshe na gyos po'i khyim 'dod/ gyos po'i khyim na 'dug pa'i tshe pha'i khyim 'dod na/ ci'i phyir zhus shig ces smras nas de dag dong ba las rgyal po'i drung du phyin pa dang / de dag rgyal po'i rkang pa la mgo bos phyag 'tshal te phyogs gcig tu 'dug go /de nas rgyal pos de dag la khyod ci la 'ongs zhes dris pa dang / de dag gis dbyig pa can dang khyim bdag rtsod pa de dag thams cad la smras so| |rgyal pos dbyig pa can la smras pa/ khyod kyis glang brnyas sam/ brnyas so/ /'o na phyir byin nam/ glang bdag gis mthong bar byin te/ khas ni/ ma gtad do/ /rgyal </font><hr>437a<br><font size=+1>>


@#/ /pos smras pa/ da phyig pa can 'dis glang phyir byin te ma smras pas na/ lce chod cig /khyim bdag kyang glang 'ongs par mthong la ma btags pas na| mig phyung zhig ces bcad do/ /khyim bdag gis smras pa/ dbyig pa can 'dis gcig tu na bdag gi glang 'phrog /gnyis su na bdag gi mig phyung ba bas/ dbyig pa can rgyal bar gyur kyang bla'o/ /mi gcig gis lha/ dbyig pa can 'dis bdag gi rta rgod ma bkum mo/ /zhes smras pa dang / rgyal pos dbyig pa can la khyod kyis rta ji ltar bsad ces dris na/ bdag lam du zhugs te mchi ba las/ mi 'dis rta ma gtang zhig ces mchis nas bdag gis rdo ba zhig blangs te 'phangs pa las rta gum mo// rgyal pos smras pa/ rta bdag gis rta ma gtang zhig ces smras pas/ rta bdag ni/ lce chod cig /dbyig pa can ni/ rdo ba 'phangs pas lag pa chod cig /mi des smras pa/ gcig tu na bdag gi rta bsad/ gnyis su na bdag gi lce bcad pa bsad dbyig pa can rgyal bar gyur kyang bla'o/ /shing mkhan gyis smras pa/ dbyig pa can gyis bdag la chu'i gti nga ji tsam du babs zhes dris pas/ kha nas ste'u thogs pa chur lhung ngo / /zhes gsol pa dang / rgyal pos smras pa/ rdzas ci 'khyer yang phrag pa la bkur </font><hr>437b<br><font size=+1>>


ba'i rigs kyi kha nas khyer bas shing mkhan gyi mdun so gnyis chog cig /dbyig pa can ni/ chu gting zabs sam zhes dris pas lce chod cig /shing mkhan gyis smras pa/ gcig tu na bdag gi ste'u stor/ gnyis su na bdag gi so bcag pa bas dbyig pa can rgyal bar gyur kyang bla'o/ /chang tshong mas smras pa/ dbyig pa can gyis bdag gi bu bsad do/ /dbyig pa can gyis smras pa/ bdag ngal bas chang slong du mchis pas stan la ma bltas par stan la 'dug pas/ 'og na bu mchis pa ma tshor te bu gum mo/ /rgyal pos smras pa/ chang tshong ma khyod bu gor bsnyal la gos kyis mi mngon par g.yogs pas nyes so/ /dbyig pa can khyod stan la mi rtog par 'dug pa yang nyes kyi/ dbyig pa can khyod khyor byos la bu yod par gyis shig ces smras so/ /chang tshong mas smras pa/ gcig tu na bdag gi bu bsad/ gnyis su na khyo byas pa bas dbyig pa can rgyal bar gyur kyang bla'o/ /tha ga pa'i chung mas smras pa/ dbyig pa can gyis bdag gi khyo bkum mo/ /dbyig pa can gyis smras pa/ bdag la dgra mang pas 'jigs te rtsig pa rgal nas bros pa las/ phag na mi yod pa ma mthong ste gum mo/ /rgyal pos smras pa/ song la 'di nyid khyod kyi khyor gyis shig /des smras pa/ gcig tu na bdag gi khyo bsad/ </font><hr>438a<br><font size=+1>>


@#/ /gnyis su na bdag gi khyo byas pa bas/ dbyig pa can rgyal bar gyur kyang bla'o/ /de dag so so nas zhal che bcad de dbyig pa can yus byin nas nyes pa kun las thar to/ /rgyal po de la yang bud med gnyis shig bu gcig la rtsod de/ rgyal po blo mkhas pas brtags nas bud med gnyis la 'di skad ces bsgo'o| |khyed gnyis kyis bu'i lag pa re re nas bzung ste drongs la gang gis thob pa bur khyer cig ces bsgo ba dang / bu'i ma ma yin pa des ni/ bu la snying rje med pas snang kyis mi dogs te mthu ci yod pas drangs so/ /bu'i ma gang yin pa des ni/ bu la byams pas snad kyis dogs te stobs kyis thub kyang drag tu mi 'dren no/ /rgyal pos kyang rtogs nas drag tu drangs pa de la 'di ni/ khyod kyi bu ma yin te/ bud med gcig shos kyi bu yin pas na/ drang por smos shig ces byas pa dang / dal gyis 'dren pa'i bu yin par gyur te bu khyer ro/ /de nas yang mi gnyis shig ras yug cig la rtsod de/ rgyal po'i drung du 'ongs pa las rgyal pos brtags nas zhal che gong ma bzhin du bcad do/ /de nas dbyig pa can gyis rgyal po la 'di skad ces gsol to/ /'di dag gis bdag bzung ste khrid cing mchi ba na sprul zhig gi 'phrin du 'di skad ces mchi'o/ /bdag </font><hr>438b<br><font size=+1>>


khung bu nas phyir 'byung ba'i tshe ni/ bde/ slar 'jug pa'i tshe ni/ sdug bsngal na/ ci'i phyir de ltar gyur pa shes shig ces mchi'o/ /rgyal pos smras pa/ sprul de la khyod kyis 'di skad ces gyis shig /khyod ma khro zhing bkres pas khung nas byung ba'i tshe bde'o/ /phyir byung nas kha zas mang du zos la bya rnams kyis gtsos pas khyod khros te sbom por gyur pas slar 'jug pa'i tshe khung bu la thogs nas sdug bsngal lo/ /zhes gyis shig /khyod kyis de ste kha zas kyi tshod shes la mi khro na/ ji ltar phyir 'byung ba dang 'dra bar bde bar 'dug go /zhes smos shig /de nas na chung ma gzhon nu'i 'phrin smras pa dang / rgyal pos smras pa/ na chung ma gzhon nu de la khyod kyi pha'i khyim na mdza' bo zhig 'dug ste/ nam gyos po'i khyim na 'dug pa de'i tshe ni/ mdza' bo la chags pas pha'i khyim du 'gro 'dod do/ /nam pa'i khyim na 'dug pa de'i tshe ni/ mdza' bor skyo ste khyo la chags pas gyos po'i khyim du 'gro 'dod pa yin gyi/ gnas gcig spangs la gcig legs par zungs shig dang / de lta bu'i gnod pa med par 'gyur ro/ /zhes smros shig /gnas gzhan zhig na shing sha ko ta ka la bya ro gcig 'dug pa'i 'phrin smras pa dang / rgyal pos smras pa/ shing de'i 'og na gser yod pas khyod kyi skad snyan pa yin no/ /shing gzhan gyi drung na gser med pas skad mi snyan no/ /zhes gyis shig /rgyal pos dbyig pa can la smras pa / </font><hr>439a<br><font size=+1>>


@#/ /khyod la nyes pa mang du byung yang ngas btang ngo / /khyod ni/ dbul phongs kyi/ shing gi 'og na gser gyi gter yod pa rkos la khyer cig /dbyig pa can gyis rgyal pos bsgo ba bzhin du so so'i 'phrin yang bsgos nas shing drung nas gser yang byung ste khyer ro/ /de phyin chad so chos tshugs nas cis kyang mi brel te tshe gcig tu phyug cing bde skyid par gyur to| /kun dga' bo/ de'i tshe de'i dus na rgyal po mdzes pa de la gzhan du ma sems shig /de ni/ da ltar nga yin no/ /de'i tshe de'i dus na bram ze dbyig pa can de ni/ bram ze phyin te lo shu sha yin no/ /ngas sngon yang sdug bsngal thams cad las thar par byas te rin po che byin nas bde skyid par byas so/ /nga mngon par sangs rgyas nas kyang sdug bsngal las thar par byas te zad mi shes pa'i chos rin po che'i gter byin no/ /bcom ldan 'das kyis de skad ces bka' stsal nas tshe dang ldan pa kun dga' bo dang / 'khor mang po rnams bcom ldan 'das kyis gsungs pa la rjes su yi rang nas mngon par dga'o/ /khyim bdag dbyig pa can zhes bya ba'i ste le'u sum cu dgu pa'o// //bram ze shin tsir zhes bya ba'i le'u/ 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ / </font><hr>439b<br><font size=+1>>


de'i tshe yul de na bram ze shin tsir zhes bya ba'i tshe rigs btsun zhing phyug pa zhig yod de/ bu med pas ston pa drug gi thad du song ste dris pa dang / ston pa drug gis kyang khyod la bu'i mtshan ma yong med do/ /zhes smras so/ /de nas bram ze phyir khyim du 'ongs nas gos dri ma can gyon te mya ngan gyi khang bur zhugs nas mi dga' ste 'di snyam du bsams so/ /bdag la bu ni/ med kyi/ gal te nang gcig tshe'i dus byas na khyim dang nor rdzas bcas su rgyal pos bzhes so snyam bsams nas rab tu mi dga' zhing 'dug go /de'i tshe bram ze de'i chung ma dge slong ma dang bshes so/ /dge slong ma de bram ze de'i khyim du 'ongs nas bram ze de shin tu mi dga' zhing mya ngan gyis yi mug par mthong nas chung ma khyod kyi khyo ci'i phyir mi dga' zhes dris pa dang / bram ze'i chung mas smras pa/ bdag cag la bu med de ston pa drug la dris na/ khyod la bu'i mtshan ma med do/ /zhes bsgo bas mi dga' zhing mya ngan byed do/ /de nas dge slong ma de des smras pa/ ston pa drug ni/ thams cad shes pa ma yin na/ des las kyi rgyu rkyen ga la zhig rig /de bzhin gshegs pa 'jig rten na bzhugs te/ thams cad rtogs shing mkhyen pas 'das pa dang / ma 'ongs pa la thogs pa med na/ ci'i phyir bu yod dam med ces mi 'dri zhes bsgo'o/ /dge slong ma de phyir song nas bram ze'i chung mas khyo de la de skad ces </font><hr>440a<br><font size=+1>>


@#/ /smras pa dang / bram ze de dga' rangs nas rtogs shing khong du chud par gyur te/ de ma thag tu gos gsar pa bgos nas bcom ldan 'das ga la ba der song ste phyin pa dang / sangs rgyas kyi zhabs la spyi bos phyag 'tshal te bcom ldan 'das/ bdag la mtshan dang / dbang thang gi bu ma mchis sam zhes gsol pa dang / bcom ldan 'das kyis bram ze/ khyod la bu yod par 'gyur te/ bsod nams dang yang ldan la/ cher skyes nas rab tu 'byung ba la dga' bar 'gyur ro/ /zhes bka' stsal to/ /bram zes de skad ces bka' stsal pa thos nas rab tu dga' mgu rangs te bu yod par gyur na lta rab tu byung yang bla ste/ sdug bsngal med do/ /zhes smras nas bcom ldan 'das dang / dge slong gi dge 'dun rnams bshos la gshegs par spyan drangs pa dang / bcom ldan 'das kyis cang mi gsung bas gshegs su gnang ste/ phyi nyin gdugs tshod la bab pa nas sangs rgyas dang dge 'dun rnams dang bcas su bram ze de'i khyim du gshegs nas gdan bting ba la bzhugs te/ bram ze khyo shug gis bsti stang dang bcas pas bsod snyoms gsol to/ /bsod snyoms gsol nas sangs rgyas dang dge 'dun rnams dang bcas su slar gshegs pa dang / de'i bar na ne'u gsil zhig yod de/ chu mig shin tu gtsang </font><hr>440b<br><font size=+1>>


ma zhig yod pa la bcom ldan 'das dang / dge slong gi dge 'dun rnams mnyel ba shol te so so nas chu mig de la bcus nas lhung bzed dang rkang lag bkrus so/ /de nas spre'u zhig der 'ongs te kun dga' bo las lhung bzed blangs pa dang bcag gis dogs pas kun dga' bos lhung bzed ma ster ba las/ bcom ldan 'das kyis kun dga' bo la lhung bzed spre'u la byin cig ces bka' stsal to/ /de nas kun dga' bos lhung bzed spre'u la byin pa dang / spre'us shing kha nas sbrang rtsi blangs te lhung bzed bkang nas bcom ldan 'das la phul lo/ /bcom ldan 'das kyis sbrang rtsi'i nang gi mi gtsang ba phyung zhig ces bka' stsal pa dang / spre'us srin bu'i ro la sogs pa bsal te phul lo/ /bcom ldan 'das kyis sbrang rtsi'i lhung bzed bzhes nas sbrang rtsi chu dang sbyor la stsol cig ces bka' stsal nas chu dang sbyar te bcom ldan 'das la phul lo/ /bcom ldan 'das kyis bzhes nas dge slong gi dge 'dun rnams la yang bgos te byin nas thams cad ngoms par gyur to/ /de'i tshe spre'u des 'di lta bu dag mthong nas rab tu dga' ste mchongs pa dang / gar byas pa las g.yang du lhung ste tshe'i dus byas nas de ma thag tu bram ze'i bur skyes te/ bram ze de'i chung ma sems can dang ldan par gyur te zla ba tshang nas bu khye'u bzang ba/ blta </font><hr>441a<br><font size=+1>>


@#/ /na sdug pa zhig btsas so/ /thog ma btsas pa'i tshe khyim gyi nang na snod ci yod pa de dag thams cad kyi nang na sbrang rtsis gang bar gyur to/ /bram ze khyo shug rab tu dga' nas mtshan mkhan pos te mtshan bltas so/ /mtshan mkhan gyis khye'u 'di bcas pa na ltas sam/ ya mtshan ci zhig byung zhes dris na/ thog ma btsas pa'i tshe sbrang rtsis gang ngo / /zhes smras nas bu'i ming yang sbrang rtsi mchog ces btags so/ /de nas gsos bskyed de cher skyes pa dang / pha ma la rab tu 'byung bar gsol to/ /pha mas bu la chags pas ma btang ngo / /khye'us yang dang yang du gsol te pha mas bdag gi bgegs bgyis na/ bdag 'gum phod kyi/ 'du 'dzi'i nang du 'tsho mi phod do/ /zhes smras so| |de nas khye'u'i pha mas bgros te/ sngon bcom ldan 'das kyis kyang rab tu 'byung ngo / /zhes lung bstan te/ da bar chad byas na srog dang bral bar gyur du 'ong gi /gnang bar bya'o/ /zhes gros byas nas bu la khyod yid bzhin du rab tu 'byung bar gnang ngo / /zhes bsgo'o/ /de nas khye'u dga' mgu rangs te bcom ldan 'das gang na ba der song ste phyin pa dang / zhabs la spyi bor phyag 'tshal te rab tu 'byung bar gsol to/ /bcom ldan 'das kyis kyang legs par 'ongs so/ /zhes bka' stsal pas/ skra dang kha sbu rang byi </font><hr>441b<br><font size=+1>>


ste dge slong du gyur to/ /de nas bden pa bzhi'i chos rgyas par bstan pas sems rnam par grol te zag pa kun zad nas dgra bcom par gyur to/ /dge slong dag dang phan tshun sems can gyi don la 'gro ba'i tshe gal te skom mam ngal na nam mkha' la lhung bzed bor bas/ sbrang rtsis rang gang ste kun dang thun mong du 'thung ngo / /de nas kun dga' bos bcom ldan 'das la 'di skad ces gsol to/ /dge slong sbrang rtsi mchog gis sngon bsod nams ci zhig bgyis na/ rab tu byung nas ring bo ma lon par dgra yang bcom la bsam pa yid bzhin du thob par gyur/ bcom ldan 'das kyis kun dga' bo la bka' stsal pa/ kun dga' bo/ khyod sngon bram ze shin tsir gyis bos pa dran nam/ gsol pa/ dran no/ /kun dga' bo| khyod kyis zas kyi bya ba byas nas ne'u gsing la bsti ba na spre'u zhig gis khyod las lhung bzed blangs te sbrang rtsis bkang nas nga la phul ba dang / spre'u dga' nas mchongs pa dang / gar byas pa las g.yang du song ste tshe brjes pa dran nam/ gsol pa/ dran no/ /kun dga' bo/ de'i tshe na sbrang rtsi phul ba'i spre'u de ni/ dge slong sbrang rtsi mchog 'di yin no| |sangs rgyas mthong nas dga' ba'i sems kyis sbrang rtsi phul bas bram ze de'i phur skyes te byad gzugs bzang ba dang / rab tu byung nas kyang zag pa med par gyur to/ /de nas </font><hr>442a<br><font size=+1>>


@#/ /kun dga' bos pus mo'i lha nga sa la btsugs nas yang bcom ldan 'das la 'di skad ces gsol to/ /dge slong 'dis nyes pa ci zhig bgyis na/ spre'u'i nang du skyes par gyur/ bcom ldan 'das kyis kun dga' bo la bka' stsal pa/ sngon 'das pa'i dus na sangs rgyas 'od srung 'jig rten du gshegs pa'i tshe dge slong gsar zhugs gzhon nu zhig gis dge slong zhig yur ba la mchongs pa mthong nas 'di skad du khyod ni/ rab tu myur te/ spre'u dang 'dra'o/ /zhes smras pa dang / dge slong des thos nas de la 'di skad ces smras so/ /khyod kyis nga shes sam/ smras pa/ khyod ni/ sangs rgyas 'od srung gi dge sbyong yin na/ ci'i phyir mi shes/ dge slong des yang smras pa/ khyod nga la ma 'phya zhig /nga ni/ ming tsam gyi dge sbyong ma yin te/ dge sbyong gi 'bras bu bzhi yang ngas thob bo/ /zhes bsgo ba dang / dge slong gzhon nu de sdangs te bsdu yang langs nas lus smad lnga sa la gtugs te 'gyod tshangs gsol to/ /de ltar 'gyod tshangs byas pas ni/ sems can dmyal bar ma skyes so/ /dgra bcom pa la 'phya bas ni/ skye ba lnga brgya'i bar du rtag tu spre'ur skyes so/ /sngon yang rab tu byung ste tshul khrims bsrungs pas/ da nga dang phrad nas bkrus pa bzhin du sdug bsngal kun zad do/ /kun </font><hr>442b<br><font size=+1>>


dga' bo/ de'i tshe de'i dus na dge slong gzhon nu de da ltar sbrang rtsi mchog yin no/ /de'i tshe na kun dga' bo dang / 'khor mang po rnams sangs rgyas kyis gsungs pa thos nas kun gyis 'di skad ces smras so/ /lus dang ngag dang yid kyi las ni/ mi srung du mi rung ngo / /dge slong 'di yang ngag gi las ma bsrungs pas las rnam par smin pa de lta bu myong ngo / / bcom ldan 'das kyis kun dga' bo la bka' stsal pa/ kun dga' bo/ khyod kyis smras pa bzhin no/ /zhes bka' stsal nas bden pa bzhi rgyas par bstan te/ lus dang ngag dang yid kyi las rnam par dag cing sems kyi dri ma kun dang bral bas kha cig ni/ rgyun du zhugs pa dang / lan gcig phyir ldog pa dang / phyir mi ldog pa dang / dgra bcom pa thob par gyur to| |kha cig gis ni/ bla na med pa yang dag par rdzogs pa'i byang chub tu sems bskyed do/ /la la ni/ phyir mi ldog pa'i sa la gnas par gyur te/ /bcom ldan 'das kyis gsungs pa la 'khor mang po dag rjes su yi rang nas mngon par dga'o/ /bram ze shin tsir zhes bya ba'i le'u ste bzhi bcu pa'o// //khyim bdag dan gyi la zhes bya ba'i le'u/ 'di skad bdag gis thos pa dus gcig na/ bcom ldan 'das rgyal po'i khab bya ka land ka gnas pa 'od ma'i tshal na bzhugs so/ /de'i tshe yul ko sa la </font><hr>443a<br><font size=+1>>


@#/ /khyim bdag dam shin tsir zhes bya ba phyug pa/ btsan pa/ rigs che ba zhig yod de/ de la bu med nas lha klu la sogs te/ lha thams cad kyi rten la mchod pa byas nas bu bslangs so/ /khyim bdag des lha klu kun la snying nas mchod de bslangs pas/ phyis de'i chung ma sems can dang ldan par gyur te/ zla ba tshang nas bu khye'u bzang ba blta na sdug pa/ 'jig rten na dkon pa zhig byung ste/ mtshan mkhan la bstan nas mtshan bltas so/ /mtshan mkhan gyis kyang mtshan dang sbyar te/ bu'i ming yang dan byi la zhes bya bar btags so/ /gsos bskyed de cher skyes pa dang / rgyal po gsal rgyal gyi pha shi nas khye'u de rgyal pos pha'i gor rgyal por bcug go /de ltar pha'i gor rgyal po dbang bskur ba na/ khang khyim kun rin po che sna bdun du gyur te/ bang mdzed mang po yang thams cad yongs su gang nas ci yang yod par gyur to/ /de'i tshe rgyal po'i sras bai DUR+Ya zhes bya ba tsha ba'i nad kyis btab ste sman pas sman dpyad byas na/ sman du go shiR+Sha tsan+dan gyis lus bskus na 'tsho'o/ /zhes smras te/ rgyal pos yul mi la 'di skad ces bkar btags so/ /khyed su la go shiR+Sha tsan+dan yod na rgyal po la phul cig dang / bya dgar gser </font><hr>443b<br><font size=+1>>


srang stong sbyin no/ /zhes kun tu bsgo na/ gcig tsam la yang ma byung ngo / /de'i tshe na gcig gis rgyal po la 'di skad ces smras so/ /yul ko sa lar khyim bdag dan byi la'i khyim na mang du yod do/ /zhes smras pa dang / rgyal po nyid rta'i theg pa la zhon te tsan+dan slong du chas so/ /khyim bdag de'i sgor phyin pa dang / khyim bdag de'i sgo na sgo srung dag gis rgyal po gsal rgyal 'dir gshegs te da ltar phyi rol na bzhugs so/ /zhes smras pa dang / khyim bdag de rab tu dga' nas sgor byung ste rgyal po nang du bsus so/ /rgyal po sgor phyin te bltas na/ sgo nyid kyang dngul las byas te sgo'i nang rol na bud med mdzes shing sdug pa/ 'jig rten na zla med pa zhig dngul gyi khri la 'dug ste dngul gyi skud pa 'khal lo/ /drung na na chung bzang mo bcu yang g.yog byed de/ rgyal bos de mthong nas khyim bdag la 'di khyod kyi chung ma yin nam zhes dris na/ ma yin te/ sgo srung ba'i bran mo yin no| |zhes smras so/ /'o na na chung bzang mo 'di dag ci la dgos zhes dris na/ 'di ni/ phyi nang du bzlugs pa'i mngag gzhug pa yin no/ /zhes smras so/ /de nas yang sgo rim pa gcig gi nang du phyin te bltas na/ sgo ni/ bai DUR+Ya mthon mthing las byas te/ sgo'i nang rol nan chung bzang mo blta na sdug pa snga ma bas kyang lhag pa/ g.yog na chung bzang mo </font><hr>444a<br><font size=+1>>


@#/ /snga ma bas phyed kyis mang ba zhig 'dug go /de nas yang sgo rim pa gcig tu phyin te bltas na/ sgo yang gser las byas te/ sgo'i nang rol na na chung bzang mo blta na sdug pa snga ma bas kyang shin tu lhag pa zhig gser gyi khri la 'dug ste/ gser gyi thags 'thag go /g.yas g.yon na na chung bzang mo g.yog byed ba snga ma bas kyang shin tu mang bas/ khyim bdag de la 'di khyod kyi chung ma yin nam zhes dris na/ 'di yang ma yin no/ /zhes smras so/ /de nas khyim gyi nang du phyin te bltas na/ sa gzhi kun bai DUR+Ya las byas pa shin tu gsal ba ni/ chu'i mdog dang 'dra ste/ steng gi khang pa la gcan gzan gyi gzugs dang / chu srin dang nya la sogs pa'i gzugs dbyangs te rlung gis bskyod nas 'gul bas gzugs brnyan sa gzhi la snang ngo / /rgyal pos yang dag par chu yin snyam bsams te 'di skad ces smras so| |ci gud nas med dam ci nyes na/ khang pa'i nang du rdzing bu bskyil zhes smras so/ /dan byi las smras pa/ 'di ni/ chu ma lags te/ bai DUR+Ya mthon mthing ba/ /zhes smras nas lag gi gdu bu phud de steng du bor ro/ /rgyal pos de lta bu gzigs nas khang pa'i nang du gshegs te rin po che sna bdun gyi khang pa'i nang du bai DUR+Ya </font><hr>444b<br><font size=+1>>


mthong mthing gi khri bshams nas rgyal po zhugs su gsol to/ /khyim bdag gi chung ma yang de na 'dug pa las mig nas mchi ma byung ba dang / rgyal pos ci'i phyir mig nas mchi ma byung / nga 'ongs pas mi dga' ma ci nyes zhes dris na/ khyim bdag gi chung mas gsol pa/ rgyal po 'dir gshegs pa ni/ legs te dga' na| rgyal po'i na bza' la dud pa cung zad cig bro bas mig nas mchi ma byung gi /rgyal po mthong mi 'tshal ba ni/ ma lags so/ /rgyal pos smras pa/ ci khyod kyi khyim na me tsam yang mi 'bud dam/ smras pa/ me ma mchis so/ /'o na kha zas ci zhig gis g.yo/ /smras pa/ kha zas ni/ bsam pa tsam gyis kha zas ro brgya dang ldan pa rang 'byung ngo / /rgyal po na re/ mtshan mo mun pA nang du ci zhig gis mthong bar 'gyur/ smras pa/ nor bu rin po ches snang bar 'gyur ro/ /sgo bcad na yang skar khung nas nor bu rin po che'i 'od kyis nyin mo dang 'dra bar snang ngo / /de nas dan byi las pus mo gnyis sa la btsugs te/ rgyal po chen po/ ci'i slad du 'o brgyal te 'dir gshegs zhes gsol pa dang / rgyal pos 'di skad ces smras so/ /nga'i bu bai DUR+Ya tsha ba'i nad kyis btab nas sman pas dpyad de/ sman du go shiR+Sha tsan+dan dgos so/ /zhes zer nas </font><hr>445a<br><font size=+1>>


@#/ /'dir khyod la slong du 'ongs zhes smras pa dang / khyim bdag de rab tu dga' nas rgyal po nyid bang mdzod du gshegs su gsol te/ rin po che sna bdun la sogs pa nor dbyig thams cad kyang bstan/ tsan+dan gyi phung po tshad med pa dag kyang bstan nas ci bzhed pa bzhes shig ces gsol pa dang / rgyal pos smras pa/ nga la srang gnyis las mi dgos kyi/ byin cig ces smras pa dang / khyim bdag gis ci bzhed pa phul lo/ /de nas rgyal po slar gshegs pa dang / khyim bdag de la khyod sangs rgyas dang phrad du song zhig ces bsgo'o/ /khyim bdag des smras pa/ sangs rgyas zhes bya ba ji lta bu/ rgyal pos smras pa| ci khyod ma thos sam/ grong khyer ser skya'i rgyal po zas gtsang ma'i sras rga ba dang / na ba dang / shi ba la skyo nas rab tu byung ste byang chub la nan tan byas pas mngon par sangs rgyas te mtshan sum cu rtsa gnyis dang / dpe byad bzang po brgyad cus sku brgyan pa nas rdzu 'phrul gyi rkang pa dang / ye shes ni/ dpe zla med de| lha dang mi'i gtso bor gyur pas sangs rgyas zhes bya'o/ /khyim bdag gis de skad ces smras pa thos nas shin tu dad pa'i sems skyes te/ rgyal po la </font><hr>445b<br><font size=+1>>


sangs rgyas da ltar gang na bzhugs zhes gsol pa dang / rgyal pos smras pa/ da ltar rgyal po'i khab 'od ma'i tshal na bzhugs so/ /rgyal po gshegs ma thag tu khyim bdag de yang sangs rgyas gang na bzhugs pa der song nas phyin pa dang / sangs rgyas kyi sku la brtags na rgyal po kun pas kyang shin tu lhag par mthong nas dga' mgu rangs te mgo bos phyag 'tshal nas snyun gsol to/ /de la bcom ldan 'das kyis ci rigs par chos bstan pas/ khyim bdag de yang rgyun du zhugs pa thob par gyur te/ de pus mo gnyis sa la btsugs nas bcom ldan 'das la rab tu 'byung bar gsol to/ /bcom ldan 'das kyis kyang legs par 'ongs so/ /zhes bka' stsal pa dang / skra dang kha spu rang byi ste dge slong du gyur to/ /de nas yang bden pa bzhi'i chos ci rigs par bstan pas sems kyi dri ma yongs su dag ste dgra bcom par gyur to| |de nas kun dga' bo dang / 'khor mang po rnams kyis bcom ldan 'das la 'di skad ces gsol to/ /dge slong dan byi la 'dis bsod nams ci zhig bgyis na/ mi'i nang du skyes la lha'i longs spyod dang ldan yang khyim la ma chags te rab tu 'byung bar dga' nas de ma thag tu 'bras bu thob par gyur/ bcom </font><hr>446a<br><font size=+1>>


@#/ /ldan 'das kyis kun dga' bo la bka' stsal pa/ shin tu legs par nyon cig /sngon 'das pa'i bskal pa dgu bcu rtsa gcig 'das pa'i pha rol na/ sangs rgyas rnam par gzigs zhes bya ba 'jig rten du gshegs te/ sangs rgyas de mya ngan las 'das nas gzugs brnyan la spyod pa'i tshe dge slong lnga brgya tsam zhig lhan cig tu 'di skad ces dam bcas so/ /bdag cag gis dben pa'i gnas shig btsal la byang chub kyi lam bsgom mo/ /zhes byas nas tshal zhig gi nang na gsing ma dang chu mig yod pa zhig tu dben pa'i gnas bcas te/ dge slong de dag yid mthun par dge slong zhig la 'di skad ces gsol pa btab bo/ /bdag cag gi gnas 'di grong khyer dang ring bas/ thams cad bsod snyoms la 'gro na kun nyon mongs kyi/ khyod bsod nams bya ba'i phyir khyod kyis nged kyi bsod snyoms slongs la byin cig ces smras pa dang / dge slong des kyang de ltar bya'o/ /zhas khas blangs nas rtag tu grong du song ste sbyin bdag mang po la chos bstan nas bsod snyoms bslangs so/ /de'i nang na mi bzhi zhig lus las su rung bas bsgoms nas zhag dgu bcu len pa dang 'bras bu thob par gyur te/ de </font><hr>446b<br><font size=+1>>


dag yid mthun par dge slong bsod snyoms slong ba la 'di skad ces bsgo'o/ /bdag cag ni/ khyod kyi phyir rab tu bde ste/ thob par re ba'i ting nge 'dzin yang thob kyi/ khyod cir smon pa nged la byos shig dang / khyod kyis re ba bskang ngo / /zhes bsgo'o/ /de'i tshe dge slong de yang rab tu dga' nas 'di skad ces smras so/ /bdag ma 'ongs pa'i dus na lha'am mir skyes kyang phyug cing longs spyod dang ldan te ci dgos pa thams cad ched du las ma byas par thams cad rang skyes par gyur cig /slob dpon 'phags pa dang / phrad nas khyod bas kyang brgya 'gyur stong 'gyur du chos thos nas sems yongs su dag cing 'bras bu thob par gyur cig ces smon lam btab bo/ /bcom ldan 'das kyis kun dga' bo la bka' stsal pa/ de'i tshe de'i dus na dge slong ngan byi las dge slong grogs po bzhi'i bsod snyoms sbyor bas/ bskal pa dgu bcu rtsa gcig gi bar du lha dang mi'i nang na cho rigs btsun par skyes te dbul zhing phongs pa'i rigs su ma skyes so/ /da yang nga mthong ba tsam gyis dad pa thob par gyur to/ /de'i tshe na kun dga' bo dang / dge slong rnams bcom ldan 'das kyis gsungs pa thos nas so so nas brtson 'grus brtsams pas 'bras bu dang po 'bras bu bzhi pa'i bar du thob bo/ / </font><hr>447a<br><font size=+1>>


@#/ /kha cig ni/ rgya chen po'i sems bskyed de phyir mi ldog pa'i sa la gnas par gyur to/ /bcom ldan 'das kyis de skad ces bka' stsal pa la so so nas rjes su yi rang ste mngon par dga'o/ /khyim bdag dan byi la zhes bya ba'i le'u ste bzhi bcu rtsa gcig pa'o// //glang po skyong gi le'u/ 'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ / de'i tshe yul ma ga d+ha na khyim bdag cig la bu zhig btsas te/ bzang ba/ blta na sdug pa/ mtshan dang ldan pa zhig go /khye'u de thog ma btsas pa na bang mdzod kyi nang nas gser gyi glang po'i phru gu zhig rang byung ngo / /khye'u'i pha mas de lta bu byung ba mthong nas rab tu dga' ste mtshan mkhan la bstan nas mtshan mkhan gyis kyang khye'u 'di bsod nams kyi mtshan dang ldan par rtogs te/ khye'u 'di thog ma btsas pa na ngo mtshar che ba'i ltas ci byung zhes dris so/ /khye'u'i pha mas smras pa/ khye'u 'di btsas pa na mdzod kyi nang nas gser gyi glang po che'i phru gu zhig rang byung ngo / /zhes smras pa dang / khye'u'i ming yang glang po skyong zhes btags so/ /khye'u ji tsam </font><hr>447b<br><font size=+1>>


du cher skyes pa bzhin du gser gyi glang po che'i phru gu yang skyes te/ khye'u 'gro na glang po che'i phru gu yang 'gro ste/ rtag tu 'grogs so/ /glang po che'i phru gu'i gcin rtag kyang gser du byung ngo / /glang po skyong cher skyes nas khyim bdag gi bu lnga brgya tsam dang rtag tu lhan cig rtse ste gcig la gcig yid gcugs pas phyi zhig na bus pa de dag so so nas khyim khyim na ngo mtshar che ba ci yod pa'i gtam byas pa dang / de la kha cig ni/ nga'i khyim na khri stan dang nyal ba'i mal cha la sogs pa thams cad rin po che sna bdun las byas so/ /zhes zer ro/ / kha cig ni/ nga'i khyim dang skyed mos tshal la sogs pa thams cad kyang rin po che zhes zer ro/ /kha cig ni/ nga'i bang mdzod rtag tu rin po che dam pas yongs su gang ngo zhes zer te/ kun gyis so so nas ya mtshan ci yod pa rnam pa sna tshogs kun smras pa dang / de nas glang po skyong gis kyang bdag thog ma btsas pa na gser gyi glang po che'i phru gu zhig kyang rang byung ste/ kho bo ji tsam du skyes pa bzhin du glang po che'i phru gu yang de bzhin du skyes te/ kho bos bsam pa bzhin du 'gro la/ glang po che de la zhon nas ltad mo lta ba la sogs pa gar yang yid bzhin du mgyogs par 'gro ste/ gcin rtug kyang gser du 'byung ngo / /zhes smras pa dang / de'i tshe rgyal bu ma skyes dgra yang de na 'dug ste glang po skyong gis smras pa thos nas 'di snyam du bdag </font><hr>448a<br><font size=+1>>


@#/ /nam rgyal por gyur pa na glang po che dbrog go /snyam bsam mo/ /phyis rgyal por gyur nas glang po skyong bkug ste khyod kyis glang po che 'on cig ces bsgo'o/ / de nas glang po skyong gi pha mas bu la 'di skad ce smras so/ /ma skyes dgra lta bu khro zhing gtum la 'dod pa che ba med de/ bdag gi pha yang gsod na/ gzhan lta ci smos te/ de khyod kyi glang po che 'phrog par byas kyi/ glang po che sbyin dgos so/ /bus smras pa/ bdag gi glang po che 'di ni/ sus kyang dbrog mi nus so/ /zhes smras nas spad gnyis glang po che la zhon te rgyal po'i pho brang gi sgor 'ongs pa dang sgo srung ba dag gis rgyal po la gsol to/ /rgyal pos kyang glang po skyong spad gnyis glang po che las ma babs par nang du shog cig ces bsgo ba dang / glang po skyong spad gnyis glang po che la zhon te pho brang gi nang du 'ongs nas gdod babs so/ /de nas rgyal po la phyag byas te bde bar gyur cig ces smras pa dang / rgyal po rab tu dga' nas stan bting ba la 'dug tu bcug ste bza' ba dang btung ba byin no/ /de skad ces smras pa'i 'og tu phyir 'gro zhes byas pa dang / glang po skyong la gser gyi glang po zhog la khyed cag phyir dengs shig ces bsgo'o/ /de nas glang po skyong yang rgyal po'i bka' bzhin du glang po che phyir bzhag nas spad gnyis rkang bas song ste sgor phyin btsam na/ ring por ma </font><hr>448b<br><font size=+1>>


lon par glang po che de yang de nyid du sa'i nang du nub nas sgo'i phyi rol tu glang po skyong gi mdun du byung ngo / /glang po skyong spad gnyis de la phyir zhon te khyim du song nas de 'di snyam du bsams so/ / rgyal po yang chos bzhin byed pa ma yin te/ ma nyes bdag kyang khrims dang sbyor bas/ bdag gis kyang ma stes na glang po che 'di'i phyir srog la brgal bar 'ong gi /da ltar bcom ldan 'das 'jig rten na 'gro ba mang po la bde ba'i don mdzad pa de'i drung du song la khyim nas byung zhing tshangs par spyod pa la dga' bar bya'o snyam bsams nas pha ma la rab tu 'byung bar gsol pa dang / pha mas kyang rab tu 'byung bar gnang nas phyi phyag 'tshal te gser gyi glang po la zhon nas rgyal bu rgyal byed kyi tshal gang na bar song ngo / /bcom ldan 'das kyi spyan sngar phyin pa dang / zhabs la mgo bos phyag 'tshal nas ji ltar gyur ba rgyas par gsol nas bcom ldan 'das kyis legs par 'ongs so/ /zhes bka' stsal pas skra dang kha spu rang phyi ste dge slong du gyur to/ /de la bcom ldan 'das kyis bden pa bzhi'i chos ci rigs par bstan pas dgra bcom par gyur to/ /dge slong glang po skyong yang dge slong grogs gzhan dang lhan cig gang na 'dug kyang rung ste| gser gyi glang po che rtag tu drung na 'dug go /de'i tshe mnyan du yod pa na 'khod pa'i mi rnams kyis gser gyi glang po che blta ba'i phyir thams cad der 'du bar gyur nas rnal 'byor </font><hr>449a<br><font size=+1>>


@#/ /spyod pa la 'du 'dzi mang bar gyur te/ dge slong dag gis bcom ldan 'das la gsol nas bcom ldan 'das kyis de'i phyir dge slong glang po skyong la 'di skad ces bka' stsal to/ /khyod kyi glang po che la lta ba mang po 'du bas mi dben par gyur gyi/ myur du spongs shig ces bka' stsal pa dang / glang po skyong gis gsol pa / bdag gis kyang thog ma nas spang bar bsams na 'gror ma btub bo/ /bcom ldan 'das kyis yang bka' stsal pa/ khyod glang po che la lan gsum 'di skad ces smros shig / nga ni| skye ba'i phyogs bzad de da phyin chad mi dgos so/ /zhes smros shig dang med par 'gyur ro/ /glang po skyong gis kyang bcom ldan 'das kyis bka' bzhin du glang po che la da ni/ mi dgos so/ /zhes lan gsum gyi bar du smras pas/ gser gyi glang po che yang sa'i nang du nub bo/ /de la dge slong dag ngo mtshar du gyur nas bcom ldan 'das la 'di skad ces gsol to/ /dge slong glang po skyong 'dis sngon bsod nams kyi zhing ji lta bu la dge ba'i rtsa ba ji lta bu zhig bskyed na/ 'di lta bu'i 'bras bu'i rnam par smin par gyur/ bcom ldan 'das kyis kun dga' bo dang / dge slong rnams la 'di skad ces bka' stsal to/ /so so'i skye bo gang yang rung / dkon mchog gsum gyi bsod nams kyi zhing la dge ba'i sa </font><hr>449b<br><font size=+1>>


bon cung zad cig btab na 'bras bu tshad med pa 'thob par 'gyur ro/ /sngon 'das pa'i dus na sangs rgyas 'od srung 'jig rten du gshegs pa'i tshe mi'i tshe ni/ lo stong phrag nyi shu'i bar du gnas so/ /sangs rgyas de sems can gyi don byas nas mya ngan las 'das pa'i 'og tu ring bsrel la mchod rten mang du byas so/ /de'i tshe mchod rten gcig gi nang na byang chub sems dpa' thog ma dga' ldan gyi gnas nas babs te yum gyi lhums su gshegs pa'i tshe bci bas pa/ glang po che de'i mchod rten zhig kyang yod de/ de'i tshe na glang po che'i gzugs cung zad cig zhig nas de la mi zhig phyag 'tshal du 'ongs te glang po che'i gzugs cung zad zhig pa de mthong nas 'di snyam du bsams so/ /bde ni/ byang chub sems dpa'i bcibs pa'i theg pa yin te/ 'di ltar zhig par gyur gyi/ bdag gis slar gso'o snyam bsams nas 'jim pa zhig sbyar te bskus pa'i steng du ldong ros kyis bskus nas 'di skad ces smon lam btab bo/ /bdag ma 'ongs pa'i dus su rtag tu cho rigs btsun zhing longs spyod zad mi shes pa dang ldan par shog cig ces smon lam btab bo/ /mi de tshe 'phos nas mtho ris kyi lhar skyes te/ lha las tshe'i dus byas nas mi'i 'jig rten du skyes te rtag tu cho rigs btsun pa dang / longs spyod dang ldan zhing byad gzugs bzang ste/ gser gyi glang po ches rtag tu bsrungs par gyur to/ /bcom ldan 'das kyis kun </font><hr>450a<br><font size=+1>>


@#/ /dga' bo la bka' stsal pa/ de'i tshe de'i dus na glang po che gsos pa'i mi de ni/ da ltar dge slong glang po skyong yin te/ de'i tshe glang po che gsos pas de tshun chad lha dang mi'i nang na longs spyod chen po dang ldan par gyur to/ /dkon mchog gsum la gus shing bsti stang byas bsad ltar nga dang phrad de bstan pa la rab tu byung nas sems can gyi dri ma kun zad de dgra bcom par gyur to/ /tshe dang ldan pa kun dga' bo dang / 'khor mang po rnams bcom ldan 'das kyis gsungs pa 'di thos nas thams cad kyis don rtogs shing khong du chud de/ la la ni/ rgyun du zhugs pa dang / lan gcig phyir ldog pa dang / phyir mi ldog pa dang / dgra bcom pa thob par gyur to/ /kha cig ni/ bla na med pa'i byang chub tu sems bskyed de phyir mi ldog pa'i sa la gnas so/ /bcom ldan 'das kyis gsungs pa la 'khor mang po mngon par dga' nas rjes su yi rang ngo / / glang po skyong gi le'u ste bzhi bcu gnyis pa'o// //bam po bcu gnyis pa/ bram zes lhan pa phul ba'i le'u/ 'di skad bdag gis thos pa dus gcig na / bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe bcom ldan 'das kyis kun dga' bo zhabs </font><hr>450b<br><font size=+1>>


'bring du khrid de bsod snyoms la gshegs pa na bcom ldan 'das gsol ba'i na bza' la rdol bcung zad cig yod de/ de yang sems can 'dul bar rigs pa'i don du dgongs so| |bsod snyoms bslangs nas slar gshegs pa'i tshe bram ze zhig 'ongs nas bcom ldan 'das la spyi bos phyag 'tshal te bcom ldan 'das kyi mtshan lhang de lhan nor gsal ba la brtags nas bcom ldan 'das kyi na bza' cung zad rdol ba de mthong ba dang / sbyin pa bya bar bsams te/ khyim na ras dkar po zhig yod pa las dum bu zhig bcad nas bcom ldan 'das la phul te/ ras kyi dum bu 'di na bza'i lhan pa mdzod cig ces gsol to/ /bcom ldan 'das kyis kyang de la thugs brtse ba'i slad du bzhes pa dang / bram ze rab tu dga' nas mgu rangs par gyur to/ /bcom ldan 'das kyis de la thugs brtse ba'i slad du lung bstan te/ bram ze khyod ma 'ongs pa'i dus na bskal pa grangs med pa brgya 'das nas mngon par 'tshang rgya ste/ mtshan yang mngon par shes pa bzang po zhes bya ste/ stobs bcu rdzogs par 'gyur ro/ /zhes lung bstan pa dang rab tu dga' nas song ngo / /de'i tshe yul de na cho rigs btsun pa'i tshong dpon dang / khyim bdag la sogs pas 'di snyam du bsams so/ /ci'i slad du bcom ldan 'das sbyin pa cung zad tsam gyi lan rab tu che ba byin snyam bsams te </font><hr>451a<br><font size=+1>>


@#/ /so so nas ras dkar po bshams te/ de bzhin gshegs pa'i na bza' rnam pa sna tshogs byas nas sangs rgyas la phul lo/ /kun dga' bos bcom ldan 'das la gsol pa/ bcom ldan 'das kyis sngon dge ba'i rtsa ba ci zhig mdzad na/ thams cad kyis na bza' mang po phul zhes gsol ba dang / bcom ldan 'das kyis 'di skad ces bka' stsal to/ /khyod legs par nyon la shin tu yid la zungs shig dang khyod la bstan par bya'o/ /sngon 'das pa'i dus bskal pa grangs med tshad med pa'i pha rol na sangs rgyas rnam par gzigs zhes bya ba 'jig rten du gshegs te 'khor stong phrag dgu bcu dang lhan cig tu bzhugs so/ /de'i tshe rgyal po ni ban du zhes bya ste/ de'i blon po chen po gcig gis sangs rgyas dang dge 'dun du bcas te zla ba gsum gyi bar du bzhugs par sbyan drangs nas bcom ldan 'das kyis kyang de bzhin du gnang ba dang / blon po de phyir khyim du 'ongs nas yo byad rnams sbyor zhing gshom mo/ /de'i tshe rgyal pos kyang sangs rgyas dang dge 'dun spyan drangs par bsams te sangs rgyas gang na bar song ste phyin pa dang / bcom ldan 'das la 'di skad ces gsol to/ /btsun pa bcom ldan 'das dang 'phags pa'i dge 'dun du bcas te zla ba gsum gyi bar du bdag gi mchod pa </font><hr>451b<br><font size=+1>>


bzhes shig ces gsol pa dang / bcom ldan 'das kyis rgyal po la 'di skad ces bka' stsal to/ /ngas sngar blon po chen pos spyan drangs par gshegs par bya ste/ skyes bu chen ba'i chos kyis sngar gnang ba las 'gal bar byar mi rung ngo / /de nas rgyal po phyir pho brang du 'ongs te blon po chen po la 'di skad ces bsgo'o/ /yul 'di nang las che ba med de/ bcom ldan 'das nga'i yul na bzhugs pas/ ngas sngar mchod pa bya bar bsams te spyan drangs na/ sngar khyod kyis spyan drangs zhes gsung gi /khyod re zhig sdod cig /ngas sngar sbyan drangs pa'i 'og tu khyod kyis spyan drongs shig ces bsgo ba dang / blon po chen po des rgyal po la 'di skad ces gsol to/ /lha/ khyod kyis bdag gi lus dang srog kyang mi nyes par gnya' spyod la/ de bzhin gshegs pa yang rtag tu bzhugs pa dang / rgyal po'i yul yang rtag tu bde skyid cing ye 'brog mi 'byung bar gnya' spyod na bdag kyang re zhig sdod do| |zhes gsol pa dang / rgyal pos 'di ni/ mi rung ngo snyam bsams nas bdag cag gnyis nyin res kyis spyan drang ngo / /zhes bsgos nas nyi ma gcig ni/ rgyal pos spyan drangs/ nyi ma gcig ni/ blon pos spyan drangs te gnyi ga'i re ba bskang ngo / /de'i tshe blon po chen po des de bzhin gshegs pa la chos gos smad gsum phul nas dge slong gi dge 'dun stong phrag dgu </font><hr>452a<br><font size=+1>>


@#/ /bcu rnams la yang chos gos bdun pa re re sbyar te phul lo/ /de'i tshe de'i dus na blon po chen pos chos gos sbyar te sangs rgyas dang dge 'dun rnams la phul ba de/ gzhan du ma sems shig /de ni/ da ltar nga yin no/ /ngas ni/ skye ba thams cad du bsod nams byed pa la skyo ba med pas/ de dag thams cad kyi rnam par smin pa yang myong nas chud ma zos so/ /kun dga' bo la sogs pa 'khor mang po rnams bcom ldan 'das kyis gsungs pa thos nas bsod nams kyi las byed pa la brtson par gyur te mngon par dga' nas rjes su yi rang ngo / /bram zes lhan pa phul ba'i le'u ste bzhi bcu gsum pa'o// //sangs rgyas thog ma byams pa'i thugs bskyed pa'i le'u/ 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe dge slong dag dbyar tshul las byung nas bcom ldan 'das ga la ba der song ste phyin pa dang / bcom ldan 'das la phyag 'tshal nas snyun mi mnga' zhes snyun gsol to/ /bcom ldan 'das kyis kyang byams pa'i thugs kyis spro ba bskyed de/ dge slong khyed sdug bsngal bar ma gyur tam zhes shin tu thugs brtse zhing byams pa'i thugs kyis bka' stsal pa dang / kun </font><hr>452b<br><font size=+1>>


dga' bos bcom ldan 'das la 'di skad ces gsol to/ /'di ltar bcom ldan 'das kyis dge slong dag la thugs brtse zhing byams pa'i thugs bskyed nas yun ji srid cag lags/ bcom ldan 'das kyis kun dga' bo la bka' stsal pa/ khyod shes par 'dod na khyod la bstan par bya'o/ /sngon 'das pa'i dus bskal pa grangs med pa brjod du med pa'i pha rol na sdig pa byas pa'i mi gnyis shig sems can dmyal bar lhung ste/ dmyal ba'i srung ma lcags kyi shing rta 'dren du bcug nas lcags thos brdegs te phan tshun mi dal bar rgyug tu bcug go/ de la mi gcig stobs chung ste 'dren ma nus nas 'dug pa dang / lcags kyi tho bas brdegs te tshe brjes nas phyir sos so/ /grogs po zla gcig gis de lta bu'i sdug bsngal mthong nas byams shing snying rje ba'i sems skyes te dmyal ba'i srung ma la 'di skad ces smras so/ /bdag 'ba' zhig gis shing rta 'di drang gi/ mi 'di thong zhig ces smras pa dang / srung ma khros nas lcags kyi tho bas brdegs te der tshe 'phos pa dang / sum cu rtsa gsum gyi lhar skyes so/ /kun dga' bo/ de'i tshe de'i dus na sems can dmyal ba na 'dug pa las byams shing snying brtse ba'i sems bskyed pa de ni/ da ltar nga yin no/ /ngas de'i tshe sems can dmyal ba na de la thog mar snying rje ba'i sems bskyed de/ sems </font><hr>453a<br><font size=+1>>


@#/ /can thams cad la yang de tsam gyi bar du thugs brtse zhing byams pa'i sems bskyed do/ /kun dga' bo dang / 'khor mang po rnams bcom ldan 'das kyis gsungs pa la rjes su yi rang nas mngon par dga'o/ /sangs rgyas thog ma byams pa'i thugs bskyed pa'i le'u ste bzhi bcu bzhi pa'o// //rgyal po spyi bo skyes gyi le'u/ 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na dge slong chen po'i dge 'dun brgya phrag byed dang bcu gsum dang thabs cig tu bzhugs so/ /de'i tshe bcom ldan 'das kyis dge slong dag 'jo sgeg cing / rnyed pa dang grags pa la chags nas lhag par byas pa mang du 'chang zhing chog mi shes par gsog par gyur pa bcom ldan 'das kyis gzigs nas dge slong rnams la rnyed pa la chags pa'i skyon 'di dag gsungs so/ /gang rnyed pa la chags pa ni/ lus zhig nas tshe 'phos ma thag tu ngan song gsum du lhung ste sdug bsngal tshad med pa myong bar 'gyur ro/ /de bas na ngas mngon du dran pa/ sngon 'das pa'i dus na 'dod pa'i dbang gis ltung bar gyur te sdug bsngal mang po myong ngo / /de nas kun dga' bos pus mos la btsugs te thal mo sbyar nas bcom ldan </font><hr>453b<br><font size=+1>>


'das la 'di skad ces gsol to/ /sngon bcom ldan 'das 'dod pa la chags pa'i dbang gis ltung bar gyur pa ji lta bu lags/ bcom ldan 'das kyis bka' stsal pa/ sngon 'das pa'i dus kyi bskal pa grangs med tshad med mtha' yas bsam gyis mi khyab dpag tu med pa'i pha rol na 'dzam bu'i gling 'dir rgyal po chen po gu sa li zhes bya ba/ 'dzam bu'i gling gi rgyal phran brgyad khri bzhi stong la dbang byed de/ btsun mo dang pho brangs las ni/ stong phrag nyi shu yod do/ /blon po chen po ni/ stong phrag bcu yod do/ /dus gzhan zhig na rgyal po spyi bo la sgo nga 'dra ba'i chu bur zhig byung ste/ gsal pa/ yongs su dag pa/ na tsha med pa'o/ /pags kyis je che je cher skyes te ku ba tsam du gyur pa dang / bkas na nang nas khye'u blta na sdug pa/ mtshan dang ldan pa/ skra mthon mthing du 'dug pa/ lus kyi mdog gser lta bur snang ba zhig byung bar gyur te/ mtshan mkhan gyis bltas nas bu 'di ni/ ngo mtshar che ba'i yon tan gyi mtshan dang ldan te/ gdon mi za bar 'khor los bsgyur ba'i rgyal por 'gyur zhing gling bzhi la dbang bar 'ong ngo / /zhes smras nas khye'u ni/ ming yang spyi bo skyes zhes btags so/ /cher skyes nas yon tan dang ldan pas rgyal pos kyang yul gcig gi rgyal phran du bcug go/ dus gzhan zhig na rgyal po chen po nad </font><hr>454a<br><font size=+1>>


@#/ /kyis btab pa dang / rgyal phran kun 'dus nas nad g.yog dang / dpyad byas kyang ma phan te/ tshe'i dus byas so/ /de nas rgyal phran rnams 'dus te spyi bo skyes da gang na 'dug bar song nas phyin pa dang 'di skad ces smras so/ /rgyal po chen po ni/ sku tshe'i dus byas kyi/ khyod rgyal po chen por gshegs su gsol zhes smras pa dang / spyi bo skyes kyis 'di skad ces smras so/ /gal te nga rgyal por 'gyur ba'i bsod nams dang / dbang thang zhig yod na rgyal chen bzhi dang / brgya byin la sogs pas nga la gsol ba btab ste dbang bskur bar shog cig ces smras ma thag tu rgyal chen bzhi'i rgyal po yang babs nas rin po che'i bum pa spos chus bkang ba thogs te spyi bor blugs nas dbang bskur ro/ / brgya byin lha'i dbang po yang babs nas rin po che'i cod pan phul te mgo la bzhag nas yon tan bsngags so/ /de nas rgyal phran rnams kyis dbus kyi yul chen por gshegs par gsol pa dang / spyi bo skyes kyis yang 'di skad ces smras so/ /bdag la rgyal por 'gyur ba'i dbang thang zhig yod na/ yul sa nga'i drung du 'ong ba'i rigs kyi/ nga yul sa snyegs su mi 'gro'o/ /zhes smras pa dang / de ma thag tu yul chen po'i rgyal po'i pho brang dang / skyed mos tshal dang / khrus kyi rdzing bu la sogs te dgos pa thams cad </font><hr>454b<br><font size=+1>>


der byung bar gyur nas gser gyi 'khor lo dang / glang po che dang / rta rin po che dang / bud med rin po che dang / blon po rin po che dang / khyim bdag rin po che la sogs pa thams cad 'dus nas gling bzhi la dbang byed pa'i 'khor los bsgyur ba'i rgyal por gyur te chos bzhin du srid 'tsho'o/ /de nas mi mang po dgas rko zhing zhing rmod pa mthong nas blon po rnams la 'di dag ci byed ces bka' stsal pa dang / smras pa/ ji tsam du srog dang bcas pa thams cad zas kyis 'tsho bas/ 'di dag ni/ zhing rmos nas 'tsho bar byed do/ /de nas rgyal pos 'di skad ces smras so/ / gal te nga la rgyal por 'gyur ba'i bsod nams kyi dbang thang zhig yod na/ las bya mi dgos par ro brgya dang ldan pa'i zas rang yod par gyur te/ thams cad chog cing 'grangs nas bkres pa dang / skom pa med par gyur cig ces smras so/ /de skad ces smras ma thag tu bza' ba dang / btung ba yod par gyur to/ /de nas yang 'chag tu song song ba las/ tha ga pa dag cig 'khal ba dang / 'thag pa dag mthong nas 'di dag ci byed ces dris ba dang / smras pa/ kha zas ni/ rang yod par gyur na/ lus brgyan pa'i gos med de/ 'di dag ni/ bgo ba'i gos byed do/ /de nas rgyal pos yang 'di skad ces smras so/ /gal te bdag la rgyal por 'gyur ba'i dbang thang zhig yod na/ bgo ba'i gos rang yod par gyur te </font><hr>455a<br><font size=+1>>


@#/ /dbul phongs pa thams cad kyang gos kyis chog par shog cig ces smras so/ /de skad ces smras ma thag tu shing thams cad las bgo ba'i gos kha dog rnam pa sna tshogs dang ldan pa rang skyes te/ mi thams cad kyi gos kyang zad mi shes pa byung ngo / /de nas yang rgyal po 'chag cing song song ba las/ mi dag rol mo'i cha byad thogs pa mthong nas 'di dag ci yin zhes dris pa dang / smras pa/ kha zas dang bgo ba'i gos ni/ chog par yod na/ rol mo mang po med de/ 'di dag rang dga' zhing rtse ba'i rol mo yin no/ /rgyal pos smras pa/ gal te bdag la rgyal po'i dbang thang zhig yod na/ rol mo dam pa'i cha byad thams cad rang yod par gyur cig ces smras ma thag tu shing thams cad kyi yal ga las rol mo'i cha byad mang po 'phyang ste/ rol mo 'dod ba zhig yod na/ rang 'khrol zhing snyan pa dang / thos pa tsam gyis dga' rangs par gyur to/ / rgyal po'i bsod nams dang dbang thang chen pos nam mkha' las rin po che sna bdun char bzhin du bab ste yul kun gang nas rgyal pos blon po dag la 'di lta bur gyur pa su'i yon tan zhes dris pa dang / blon po rnams kyis 'di skad ces smras so/ /'di ni/ rgyal po'i yon tan dang / sems can gyi bsod nams kyis 'di ltar gyur to/ /zhes </font><hr>455b<br><font size=+1>>


smras pa dang / rgyal pos yang 'di skad ces smras so/ /gal te sems can gyi bsod nams kyi mthu yin na ni/ rin po che 'di dag kun tu 'bab par gyur cig/ gal te nga 'bab zhig gi dbang thang yin na/ pho brang gi nang 'ba' zhig tu bobs shig ces smras pa dang / gzhan kun na bab pa ni/ chad kyi/ pho brang gi nang 'ba' zhig tu nyin zhag bdun gyi bar du bab bo/ /rgyal po spyi bo skyes kyis 'dzam bu'i gling du lo brgyad khri bzhi stong gi bar du 'dod pa lnga la longs spyod pa las dus gzhan zhig na pho brang gi sgor gnod sbyin cig byung ste skad chen por 'di skad ces smras so/ /shar phyogs na shar gyi lus 'phags gling zhes bya ba yod de/ de na yang bde skyid la dpe med par bzang gi / rgyal po chen po der yang rol cing gshegs pa'i rigs so/ /zhes smras pa dang / rgyal po yang der 'gro bar dga' nas gser gyi 'khor lo nam mkha' la 'phags pa dang / blon po dang / rin po che sna bdun la sogs pa yang rjes su 'phags te shar gyi lus 'phags gling du phyin to/ /rgyal phran phyag mi 'tshal ba rnams kyang thams cad phyag 'tshal nas lus 'phags gling du 'dod pa lnga la lo stong phrag brgyad cu'i bar du longs spyod do/ /de nas yang gnod sbyin gyis 'di skad ces smras so/ /nub phyogs na nub kyi ba lang spyod </font><hr>456a<br><font size=+1>>


@#/ /ces bya ba yod de/ de na yang rab tu bde skyid kyi/ rgyal po chen po yang der gshegs pa'i rigs so/ /zhes smras so/ /rgyal po de yang der 'gro bar dga' nas nub kyi ba lang spyod du lo stong phrag bcu bzhi'i bar du bde ba la longs spyod do/ /de nas yang gnod sbyin gyis 'di skad ces smras so/ /byang phyogs na byang gi sgra mi snyan zhes bya ba yod de/ de na gnas pa'i mi dag 'byor ba/ lo legs pa/ longs spyod dang ldan gyi/ rgyal po yul der gshegs pa'i rigs so/ /zhes smras pa dang / rgyal po 'gro bar dga' nas byang gi sgra mi snyan du 'dod pa lnga'i dam pa la lo stong phrag bco brgyad kyi bar du longs spyod par gyur to/ /de nas dus phyi zhig na gnod sbyin gyis 'di skad ces smras so/ /rgyal chen bzhi'i rigs kyi rgyal po'i gnas kyang rab tu bde ba ni/ tshad bya bar yang dka'o/ /rgyal po der yang gshegs pa'i rigs so/ /zhes smras pa dang / rgyal po dang / blon po dang / dpung gi tshogs rnam bzhi dang bcas te nam mkha' la 'phags te dong ngo / /rgyal chen bzhi'i rigs kyi rgyal pos rgyang ma nas mthong ba dang / 'jigs skrag nas dpung gi tshogs bshams te phyi rol tu byung ba dang / ci byar yang med nas phyir gnas su dong ngo / /spyi bo skyes der yang lo stong phrag bcu'i bar du 'dod pa la longs spyad nas yang </font><hr>456b<br><font size=+1>>


'di snyam du sum cu rtsa gsum gyi lha'i ris su 'gro bar bsams nas 'khor dang bcas su steng gi nam mkha' la 'phags te sum cu rtsa gsum gyi lha'i ris su song ngo / /de'i tshe drang srong lnga brgya tsam zhig ri rab lhun po'i sul na gnas pa las/ rgyal po'i glang po che dang / rta'i gcin rtug lhung bas drang srong de dag gi lus la reg par gyur nas de dag gcig la gcig 'di ci yin zhes dris pa dang / drang srong mkhas pa blo dang ldan pa zhig gis drang srong gzhan dag la 'di skad ces smras so/ /rgyal po spyi bo skyes yar sum cu rtsa gsum gyi lha'i ris su song ngo| |zhes zer gyi/ 'di ni/ gdon mi za bar de dag gi glang po che dang / rta'i mi gtsang ba yin no/ /zhes smras nas drang srong rnams khros te gsang sngags dang / phyag rgya bcings pas rgyal po spyi bo skyes dang 'khor mang po 'gror med par byas so/ /rgyal pos kyang de ltar shes shing rig nas 'di skad ces dam bcas so/ /gal te bdag la bsod nams dang dbang thang zhig yod na drang srong de dag nga'i thang du lhags te nga la mchod par shog cig ces smras nas rgyal po'i yon tan chen po'i byin dang shugs kyis drang srong lnga brgya tsam po ril gyis der lhags nas g.yog byas te sum cu rtsa gsum gyi lha'i ris su dong ngo / yar ma phyin par rgyang ma nas lha'i pho brang yid du 'ong ba shin tu bkra bar snang ba/ lhang nge / lham </font><hr>457a<br><font size=+1>>


@#/ /mer mthong bar gyur to/ /lha'i pho brang yid du 'ong ba la sgo chen po brgya phrag bcu gnyis yod de/ lha rnams 'jigs sdangs nas sgo rnams bcad de lcags kyi gtan pa sum rim bcug go /spyi bo skyes dpung gi tshogs dang bcas su thogs pa med par der phyin pa dang / rgyal pos dung bu ste gzhu bdungs nas gzhu rgyud sbrengs pa dang / lha'i pho brang gi sgo brgya phrag bcu gnyis dus gcig tu rang dbye ba dang / brgya byin gyis phyi rol nas bsus te lha'i pho brang du khrid nas brgya byin gyi ston phyed la 'dug tu bcug go |lha'i dbang po dang / mi'i dbang po gnyis byad gzugs 'dra ste/ dbang po mthong bdag gis bye brag mi phyed na/ lha'i mgyogs bul gyis rtogs so/ /rgyal pos lha'i pho brang du 'dod pa lnga'i dam pa la lha'i dbang po brgya byin sum cu rtsa drug brjes kyi bar du longs spyod do/ /lha'i dbang po'i nang gi tha ma de byang chub sems dpa' 'od srung zhes bya ba ste/ de'i tshe lha ma yin gyi rgyal pos lha rnams la dmag drangs nas brgya byin dang 'thab pa las/ brgya byin gyis ma thub nas dpung gi tshogs dang phyir gnas su bros so| |de nas spyi bo skyes phyir byung ste dung bus/ gzhu rgyud sbrengs pas lha ma yin gyi dmag rnams de ma thag tu byer ro/ /de'i tshe spyi bo skyes kyis 'di snyam du bsams so/ /bdag </font><hr>457b<br><font size=+1>>


gi mthu stobs ni/ gang dang yang mi mnyam na/ da brgya byin dang thun mong du 'dug pa ci rung / nyis na bsad la nga 'ba' zhig gis byas na legs so snyam mo/ sdig pa'i sems bskyed ma thag tu nam mkha' las lhung nas sngon gyi pho brang rnying pa'i sgo drung du lhung ste srog dang bral la khad pa tsam du nyam thag par gyur to/ /de nas mi dag lhags te 'di skad ces dris so| |gal te 'jig rten gyi khyim pa dag/ rgyal po spyi bo skyes ji ltar tshe'i dus byas zhes 'dri na/ de la bdag cag gis ji skad ces bya/ smras pa/ gal te de skad ces 'dri ba yod na| de la 'di skad ces gyis shig /rgyal po spyi bo skyes ni/ 'dod pa'i dbang gis tshe 'phos so/ /des gling bzhi la lo bye ba phrag bzhi bcu'i bar du dbang byas te/ nyin zhag bdun gyi bar du rin po che yang char bzhin bab/ lha'i ris gnyis su phyin kyang chog ma shes pas nam mkha' las ltung ste tshe 'phos so/ /zhes byos shig /de bas na dge slong dag rnyed pa dang / grags pa ni/ yang dag par nyes pa'i skyon chen po ste/ ci nas kyang ring du spang bar soms la yang dag par byang chub la nan tan gyis shig /de nas kun dga' bos bcom ldan 'das la 'di skad ces gsol to/ /rgyal po spyi bo skyes de sngon bsod nams ci zhig bgyis na/ 'di lta bu'i 'bras bu chen po thob par gyur/ bcom ldan </font><hr>458a<br><font size=+1>>


@#/ /'das kyis bka' stsal pa/ sngon 'das pa'i bskal pa grangs med bsam gyis mi khyab pa 'das pa'i pha rol na sangs rgyas pur sha zhes bya ba 'jig rten du gshegs te/ 'khor dang bcas su 'jig rten gyi don mdzad do/ /de'i tshe bram ze'i bu zhig chung ma len snyam ste/ 'jig rten pa'i chos kyis chung ma len na/ sran ma spar gang blangs te gtor ba'i rigs so/ /khye'u de yang sran ma thogs te 'thor du song song ba las/ lam du bcom ldan 'das dang phrad nas sems yid dga' ste lag na sran ma thogs pa dag bcom ldan 'das la gtor ba dang / 'brum bu bzhi lhung bzed kyi nang du song ngo / /'brum bu gcig ni/ dbu'i spyi bor chags so/ /bsod nams kyi rgyu dang rkyen de tsam gyis bsod nams chen po thob ste/ sran ma 'brum bu bzhi lhung ba bzed kyi nang du song bas gling bzhi la dbang byed par gyur to/ /'brum bu gcig spyi bo la chags pas lha rim pa gnyis kyi longs spyod myong bar gyur to/ /de'i tshe nye gnas rnams kyis sangs rgyas kyis gsungs pa thos nas la la ni/ 'bras bu dang po nas gnyis pa dang / gsum pa dang / dgra bcom pa'i bar du thob par gyur to/ /'khor mang po rnams bcom ldan 'das kyis gsungs pa la rjes su yi rang nas mngon par dga'o/ / </font><hr>458b<br><font size=+1>>


rgyal po spyi bo skyes kyi le'u ste bzhi bcu lnga pa'o// //bu mo su ma na'i bu bcu'i le'u/ 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe khyim bdag mgon med zas sbyin gyi bu mo tha chung su man zhes bya ba mnga' byad mdzes shing blta na sdug pa zhig yod de/ bu'i nang na bu mo tha chung de la byams pas gar 'gro yang khrid do/ /dus gzhan zhig na khyim bdag sangs rgyas la phyag 'tshal du song ba dang / bu mo yang phyi bzhin song nas bu mo des sangs rgyas mthong ba dang lhag par dga' ba'i sems skyes te/ spos kyis sangs rgyas bzhugs pa'i gnas kun tu byug par bsams pa dang / de'i tshe bu mo de'i lag na a mra'i 'bras bu zhig thog pa las/ bcom ldan 'das kyis 'on cig ces bka' stsal pa dang / bu mos kyang de ma thag tu bcom ldan 'das kyi phyag tu phul lo/ /bcom ldan 'das kyis a mra'i 'bras bu bzhes nas spos dam pa'i ming rnam pa mang po bris te bu mo'i lag tu phyir byin no/ /de nas bu mo pha dang bcas su phyir khyim du 'ongs nas tshong dus su song ste bcom ldan 'das bzhed pa'i spos rnam pa sna tshogs nyos nas phyir yang rgyal bu rgyal byed kyi tshal du song ste nyin gcig bzhin du </font><hr>459a<br><font size=+1>>


@#/ /spos bdar nas gnas kun nyug go /dus gzhan zhig na yul tig ca shi ri'i rgyal pos bu zhig rgyal po'i khab tu mngags nas 'phyan cing song song ba las/ mthar gyis rgyal bu rgyal byed kyi tshal du phyin pa dang / bu mo spos bdar zhing 'dug pa mthong nas bu mo de la chags te chung mar blang bar bsams nas rgyal po gsal rgyal la bu mo de bslangs pa dang / rgyal pos de su'i bu mo yin zhes smras na/ de ni/ khyim bdag mgon med zas sbyin gyi bu mo'o/ /zhes smras so/ / 'o na nga la gsol kyang mi phan gyi/ bu mo nyid kyi pha ma la gsol cig ces bsgo'o/ /rgyal bu des rgyal po la dus kyis gsol ba dang / rgyal pos kyang de bzhin gyis shig ces bsgo ba dang / rgyal bu des bdag gi g.yog dang / 'khor kun phyir yul du btang nas glang po che gcig pu zhig phyir bzhag go /dus gzhan zhig na rgyal bu rgyal byed kyi tshal du song nas bu mo su ma na brkus te glang po che la bskyon nas bros pa dang / mgon med zas sbyin gyis bsnyags na yang ma sleb ste/ phyir yul du phyin nas chud mar byas so/ /de nas chung ma de sems can dang ldan par gyur te/ phyis zla ba tshang nas sgo na bcu zhig btsas so/ /sgo nga bcag pa dang / sgo nga re re'i nang nas bu khye'u blta </font><hr>459b<br><font size=+1>>


na sdug pa/ mdzes shing bzang ba/ gzhan las 'phags pa re re byung ngo / /bu de dag cher skyes nas dpa' zhing rtsal che bas/ ri dwags gsod pa la dga' bar gyur pa dang / khye'u'i mas 'di ltar ri dwags gsod par ma byed cig ces bsgo ba dang / bu rnams kyis ma la 'di skad ces smras so/ /ri dwags bshor ba las dga' ba med de/ bdag cag gi mas gsod du mi gnang ba las na/ bdag cag la sdang ba lta/ mas smras pa/ kho mo ni/ khyed la sdang ba ma yin gyi/ khyed la byams pa'i phyir ri dwags gsod du ma bcug pa yin no/ /'di lta ste/ srog gcod pa'i sdig gis sems can dmyal bar lo brgya stong du ma'i bar du sdug bsngal myong ste/ rtag tu sha ba'i mgo can dang / lug gi mgo can dang / ri bong gi mgo can la sogs te/ ri dwags sna tshogs kyi mgo can du gyur nas dmyal ba'i srung mas lo grangs med pa'i bar du gsod par 'gyur ro/ /gal te de las thar par 'dod na yang sdig pa'i las de las mi thar ro/ /bu rnams kyis smras pa/ ji ltar khyod kyis bsgo bzhin du bya na/ 'di skad du bsgo ba 'di gzhan las gsan tam| khyod nyid kyis bsams te smras/ tshig 'di ni/ kho mos sangs rgyas las thos so/ /zhes smras pa dang / bu rnams kyis sangs rgyas zhes bya ba ci yin ston cig ces smras </font><hr>460a<br><font size=+1>>


@#/ /so| |ci khyod kyis ma thos sam/ rgyal po yab zas gtsang ma'i sras sku mdzes shing bzang ba/ 'khor los bsgyur ba'i rgyal por 'gyur ba las/ rga ba dang / na ba dang / 'chi ba ma 'dod de/ rab tu byung nas lam bsgoms pas smon lam bzhin du grub ste bla na med pa'i 'bras bu thob nas sku khru bcu drug pa/ mtshan dang dpe byad kyis yongs su brgyan pa/ rig pa gsum dang mngon par shes pa drug tu ldan pa/ snga ma 'das pa shes pa yang mtha' med la/ phyis 'byung ba shes pa yang mtha' med de/ dus gsum ni/ lag mthil na 'bras bu bzhag pa dang 'dra'o/ /zhes smras pa bu rnams kyis thos nas rab tu dga' ste/ sangs rgyas de da ltar 'di nas nye ring ji tsam zhig na bzhugs pa mthong bar rung ngam zhes smras pa dang / mas smras pa/ da ltar mnyan yod na bzhugs te/ mthong du rung ngo / /bu rnams kyis smras pa/ 'o na bdag cag sangs rgyas bltar 'gro'o/ /zhes gsol pa dang / bu'i mas kyang gnang nas bu rnams gcig car mnyan yod du dong ngo / /der phyin pa dang mes po mgon med zas sbyin gyis mthong nas rab tu dga' mgu rangs te tsha bo rnams khrid de rgyal bu rgyal byed kyi tshal du de bzhin gshegs pa bltar dong ngo / /byis pa de dag gis sangs rgyas kyi mtshan </font><hr>460b<br><font size=+1>>


sngon thos pa bas stong 'gyur gyis lhag par bzang ba mthong nas shin tu dga' bar gyur to/ /de nas bcom ldan 'das kyis ci rigs par chos bstan pas khye'u bcu char dus gcig tu chos la chos kyi mig rnam par dag par gyur nas sangs rgyas la rab tu 'byung bar gsol pa dang / bcom ldan 'das kyis byis pa rnams/ khyed kyi pha mas gnang ngam zhes bka' stsal na/ bdag cag gis da dung ma gsol lo/ /zhes gsol pa dang / pha mas mag nang gi bar du rab tu 'byung du mi gnang ngo / /zhes bka' stsal to/ /de nas mgon med zas sbyin gyis bcom ldan 'das la 'di skad ces gsol to/ /bdag ni/ 'di dag gi mes po lags te/ bdag gi tsha bo la bdag kyang da dung bas/ bdag gis rab tu 'byung bar gnang ngo / /zhes gsol pa dang / bcom ldan 'das kyis kyang de bzhin du gnang nas skra dang kha spu rang byi ste dge slong du gyur to/ /dge sbyong gi lam la de dag gis brtson 'grus bskyed pas thams cad dgra bcom par gyur to/ /dge slong bcu po gcig la gcig lhag par dga' bas/ 'gro na yang lhan cig 'gro/ /'dug na yang lhan cig 'dug ste/ yul mi thams cad kyang dga' nas rjes su yi rang ngo / /de nas kun dga' bos bcom ldan 'das la gsol pa/ dge slong bcu po 'dis bsod nams ci </font><hr>461a<br><font size=+1>>


@#/ /zhig bgyis na/ /cho rigs btsun par skyes la byad gzugs bzang ba dang / bcom ldan 'das dang phrad nas sdug bsngal gyi mthar phyin par gyur/ bcom ldan 'das kyis kun dga' bo la bka' stsal pa/ sngon 'das pa'i dus bskal pa dgu bcu rtsa gcig gi pha rol na sangs rgyas thams cad skyob ces bya ba 'jig rten du gshegs te/ sems can gyi don mdzad nas mya ngan las 'das te ring bsrel rgyas par sbel nas mchod rten tshad med pa snyed byas so/ /de'i tshe na mchod rten gcig cig zhig ral du gyur nas rgan mo zhig gis gso zhing 'dug pa las/ mi mgron po bcu zhig der lhags te mthong ba dang / rgan mo la khyod ci byed ces smras so/ /rgan mos smras pa/ 'di ni/ mchod gnas kyi rten mchod rten yin te/ 'di bcos na bsod nams lhag par che'o/ /de bas na/ dge ba'i 'bras bu 'dod pa'i phyir 'di 'chos so| |gzhon nu de dag kyang rgan mos smras pa la rab tu dga' nas bdag cag gis kyang bstang ngo / /zhes smras nas mchod rten bcos pa'i 'og tu gzhon nu bcu char rgan mo de'i bur skye bar gyur cig /ces smon lam btab pas/ de tshun chad bskal pa dgu bcu rtsa gcig gi bar du lha dang mi'i nang du lhan cig tu skyes nas </font><hr>461b<br><font size=+1>>


nas bde ba la longs spyad de dngos po 'di gsum gyis mi gzhan las khyad du 'phags so/ /gsum gang zhe na/ byad gzugs bzang zhing mdzes pa dang / kun gyis bkur ba dang / rtag tu tshe ring zhing de srid kyi bar du sems can dmyal bar mi ltung ba'o/ /da nga dang phrad nas rdul dang dri ma kun bkrus te dgra bcom par gyur to/ /de'i tshe de'i dus na rgan mo de ni/ bu mo su ma na yin no/ /mi gzhon nu bcu po de ni/ dgra bcom pa 'di bcu yin no/ /bcom ldan 'das kyis de skad ces gsungs nas 'khor mang po rnams la la ni/ rgyun du zhugs pa dang / lan gcig phyir ldog pa dang / phyir mi ldog pa dang / dgra bcom pa thob bo/ kha cig ni/ bla na med pa'i byang chub tu sems bskyed nas phyir mi ldog pa'i sa la gnas par gyur te/ sangs rgyas kyis gsungs pa la rjes su yi rang nas mngon par dga'o/ /bu mo su ma na'i bu bcu'i le'u ste bzhi bcu rtsa drug pa'o|| //u pa gup+ta'i le'u/ 'di skad bdag gis thos pa'i dus gcig na/ bcom ldan 'das mnyan yod na/ /rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe yul de na kun tu rgyu u pa gup+ta zhes bya ba yid gzhungs shing shes pa mang ba ni/ 'das pa dang / da ltar la mkhas pa </font><hr>462a<br><font size=+1>>


@#/ /zhig ste| bcom ldan 'das gang na ba der song nas rab tu 'byung ngo / /zhes gsol to/ /gal te bdag rab tu byung nas shes rab dang spobs shA ri'i bu dang mnyam na rab tu 'byung gi/ de tsam mi phod na phyir khyim du mchi'o/ /zhes gsol ba dang / bcom ldan 'das kyis de tsam mi phod do/ /zhes bka' stsal nas kun tu rgyu de rab tu 'byung du ma btub nas phyir khyim du song ngo / /bcom ldan 'das kyis dus gzhan zhig na 'khor mang po la 'di skad ces bka' stsal to| |nga mya ngan las 'das nas lo brgya lon pa dang / bram ze 'di rab tu byung nas mngon par shes pa drug dang shes rab tu ldan te/ sems can rdul snyed cig gi don byed par 'gyur ro/ /bcom ldan 'das mya ngan las 'das gang yang kun dga' bo la 'di skad ces bka' stsal to/ /nga mya ngan las 'das nas mdo sde'i sde snod thams cad khyod la gtad kyi/ khyod kyis gzungs su zungs la rgyas par byos shig ces bka' stsal nas bcom ldan 'das mya ngan las 'das pa'i 'og tu kun dga' bos chos kyi sde snod kun bzung ngo / /kun dga' bos lus yongs su gtong ba na nye gnas ye she'i ki la 'di skad ces bsgo'o/ /nga 'das pa'i 'og </font><hr>462b<br><font size=+1>>


tu mdo sde kun khyod la gtad kyi/ gzungs su zungs shig ces bsgos nas yang 'di skad ces smras so/ /yul wA ra NA sir khyim bdag gup+ta zhes bya ba la bu u pa gup+ta zhes bya ba zhig yod kyi/ khyod kyis slongs la rab tu phyung zhig /khyod 'das pa'i 'og tu chos kyang de la gtod cig ces bsgo'o/ /kun dga' bo 'das pa'i 'og tu ya she'i kis dam pa'i chos bzung ste 'jig rten na sems can gyi don mang du byas so/ /de nas wA ra NA si'i grong khyer du song ste khyim bdag de dang bshes par byas nas yang dang yang de'i khyim du song ste yid gcugs par byas so/ /khyim bdag de la bu khye'u zhig btsas nas ming u pa gup+ta zhes bya bar btags te/ chung du shed ma bye ba nas ya she'i kis bslangs te rab tu dbyung bar byas pa las khyim bdag gis 'di skad ces smras so/ /bdag 'dod pa'i bu 'di 'dra ba zhig yod de/ rigs 'tsho ba snyam ste mi rung ngo / /gal te yang gcig btsas na gdod sbyin no/ /phyis dus gzhan zhig na yang bu zhig btsas nas ming nan+ta ku pa ta zhes btags so/ /de nas ya she'i ki yang der song ste bu bslangs pa dang / khyim bdag gis yang 'di skad ces smras so/ /bu chen po ni/ phyi rol gyi bya ba sgrub dgos/ bu chung du ni/ nang gi bya ba sgrub na gdod bde bar 'gyur ro/ /zhes sbyin </font><hr>463a<br><font size=+1>>


@#/ /du ma btub ste/ phyis yang bu zhig btsas na gdod dbul lo/ /zhes smras so/ /ya she'i ki ni/ dgra bcom pa'i nang na rig pa gsum dang ldan te/ sems can gyi dbang po la mkhas pas khye'u de gnyis la brtags na/ rab tu 'byung ba'i skal pa yod pa ni/ 'dra nas ma bskul bar bzhag go /de nas yang khyim bdag de la bu zhig btsas nas byad gzugs legs pa/ blta na sdug pa zhig ste/ yang khyim bdag gi thad du song nas bu bslangs pa dang / yang 'di skad ces smras so/ /bud dung chung bas g.yog byed kyang mi nus la/ bdag cag kyang dbul bas bstang du med de/ re zhig sdod cig /nam skyes na sbyin no/ /zhes smras so/ /de nas cher skyes nas shes pa dang ldan par gyur te/ phas kyang nor rdzas lag tu gtad nas tshong byed du bcug go /dus gzhan zhig na ya she'i ki nyid de'i drung du song ste chos bstan nas sems rtse gcig pa yid la byed du bcug ste/ dge ba'i rtog pa byung na rde'u dkar ru zhig zhog /mi dge ba'i rtog pa byung na rde'u na gu zhig zhog la dus dus su gang mang rtsis shig ces bsgo'o/ /u pa gup+tas kyang bsgo ba bzhin du dge ba dang / mi dge ba'i rtog pa byung ba las rde'u bzhag ste brtsis na/ thog ma ni/ rde'u na gu mngar ba la dkar ru </font><hr>463b<br><font size=+1>>


nyung rab bo/ /de nas yang bags kyis dkar nag mnyam mo/ /de nas yid la bya ba ma btang bas rde'u na gu ni/ med kyi/ rde'u dkar ru 'ba' zhig tu gyur te/ dge ba'i rtog pa grub nas 'bras bu dang po thob par gyur to/ /de'i tshe grong khyer de nas smad tshong ma zhig gis bran mo zhig mngags te/ u pa gup+ta la me tog nyor btang ngo / /u pa gup+ta rang bzhin gyis drang bas/ phran mo de la me tog rgyal bar byin te ma rangs pa med par byas so/ /bran mo de me tog rnams khyer te jo mo la phul ba dang / ngo mtshar cher bzung ste bran mo la 'di skad ces smras so/ /sngar me tog nyos ba'i rin dang / deng nyos pa'i rin 'dra na/ sngar ni/ ci'i phyir nyung la/ da ni/ ci ste mang / snga ma'i tshe na khyod kyis nga bslus sam/ phran mos smras pa| deng gi me tog tshong ba'i bdag po de ngo mtshar du drang la des te g.yo sgyu med pas mang du khugs pa yin no/ /skyes bu de gzugs byad bzang zhing mdzes pas/ rje mos gzigs na yang dgyes par 'gyur ro/ /zhes smras pa dang / smad tshong mas de 'bod du btang ngo / /u pa gup+ta der 'ong du ma btub nas yang dang yang bos kyang 'gror ma btub bo/ /de'i tshe smad tshong ma de rgyal bu zhig dang 'dus te/ rgyal bu de'i gos rin po che la chags pas gsang ste rgyal bu bsad nas ro sbas so/ /de nas rgyal pos khyim btsal ba dang / smad </font><hr>464a<br><font size=+1>>


@#/ /tshong ma'i khyim nas rgyal bu'i ro rnyed de/ smad tshong ma de'i rkang lag kyang gtungs/ rna ba dang sna yang bcad nas shing khar btags te dur khrod du btsugs so| |de ltar byas kyang da dung srog ma chad pas/ u pa gup+ta de'i drung du song ba dang / smad tshong mas 'di skad ces smras so/ /sngon sdug pa'i tshe ni/ 'ong du ma btub na/ da ma rungs par gyur pa'i 'og tu gar 'gro zhes smras pa dang / u pa gup+tas smras pa/ khyod kyi mda' byad 'dod pa'i phyir 'dir 'ongs pa ma yin gyi/ khyod la snying brtse ba'i phyir 'dir 'ongs so/ /zhes smras nas mi rtag pa'i chos rnam pa bzhi po 'di dag bstan to/ /lus 'di ni/ mi gtsang ba/ sdug bsngal ba/ stong pa/ bdag med pa ste/ re re nas brtags shing yid brtan du mi rung ngo / /gang glen pa gti mug can ni/ de la chags so/ /smad tshong mas chos de dag thos nas chos la chos kyi mig rnam par dag par gyur to/ /u pa gup+ta ni/ phyir mi ldog pa'i 'bras bu thob po/ /de nas ya shes kyis khyim bdag de las gzhon nu bslangs nas rab tu dbyung ngo / /zhes byas pa dang / khyim bdag gis kyang de bzhin du phul nas btsug lag khang du khrid de khrims bcu phog go /de nas lo nyi shu tshong ba dang bsnyen par rdzogs so/ /bsnyen par rdzogs pa'i tshe gsol ba dang bzhi'i </font><hr>464b<br><font size=+1>>


las kyis bsnyen par rdzogs nas dgra bcom par gyur to/ /rig pa gsum dang mngon par shes pa drug dang ldan te/ smra ba la spobs pa zad mi shes par gyur nas mi mang po bsdus te chos bstan par byas pa dang / de'i tshe bdud sdig to can gyis 'khor mang po'i nang du gser gyi dong tse char bzhin du phab pas/ mi kun dong rtse la rtod nas chos mnyan du med par byas so/ /de'i phyi nyin 'khor mang po bsdus te chos bstan par byas pa las/ bdud sdig to can gyis me tog gi phreng ba'i char phab pas/ kun gyi sems dkrugs so/ / de'i tshe phyi nyin 'khor mang po bsdus te chos bstan par byas pa las/ bdud kyi rgyal pos glang po che mthon mthing ga ta kha nas mche ba drug byung la/ mche ba re re la yang rdzing bu re re yod pa/ rdzing bu re re'i nang na me tog bdun bdun yod pa/ me tog re re'i nang na shel gyi bu mo bdun bdun yod pa/ bu mo de dag kyang so so nas rol mo byed de/ glang po che de yang gom pa dal gyis 'khor gyi nang du 'gro ba bstan pa dang / mi thams cad de la lta bas chos la mi 'dun to/ /de'i phyi nyin 'khor rnams bsdus te chos bstan par byas pa las/ bdud kyi rgyal pos na chung bzang mo shin tu mdzes shing bzang ba zhig 'khor gyi nang du 'ongs pa sprul nas mi kun de la mig mi 'dzum par lta ste/ chos </font><hr>465a<br><font size=+1>>


@#/ /nyan pa brjed do/ /de ma thag tu ya she'i kis sprul pa'i bud med keng rus dkar por sprul nas mi mang pos mthong ba dang / mi kun gdod chos nyan pas 'bras bu thob pa yang rab tu mang ngo / /btsun pa de dag la thog ma nas khyi zhig yod de/ nyin gcig bzhin du chos bstan pa la rna ba gtad de nyan pas/ khyi de tshe brjes nas lha'i ris drug par skyes te/ bdud sdig to can dang stan gcig la 'dug go /bdud kyi rgyal pos lha de la 'di ni/ yon tan chen po dang ldan te nga dang mnyam na/ 'di gang nas tshe 'phos te 'dir skyes pa brtag go snyam ste brtags pa dang / khyi las skyes par mthong nas dge slong gis bskyengs te sma phab bo snyam nas rgyad ma nas btsun pa ting nge 'dzin du zhugs pa mthong ba dang / rin po che'i cod pan zhig btsun pa'i mgo la bzhag go /ting nge 'dzin las langs pa dang / mgo la cod pan yod par rtogs nas sus bzhag snyam brtags nas bdud sdig to can gyis bzhag par rtogs nas rdzu 'phrul gyi mthus bdud sdig to can der bkug ste/ khyi ro zhig mgo'i phreng bar sprul nas sdig to can la 'di skad ces smras so/ /khyod gyis nga la cod pan byin pa'i lan du khyod la phreng ba zhig spyin gyi/ bzhes shig ces smras pa dang / </font><hr>465b<br><font size=+1>>


bdud sdig to can gyis blangs te phreng bar btags nas phyir gnas su song ngo / /gnas su phyin te brtags na/ mgo la phreng ba bzhag ba khyi ro yin par mthong nas mi 'dod de 'dor bar byas pa las mthu stobs ci yod pa gtugs kyang 'dor ma nus so/ /de nas brgya byin gyi thad du song ste mi gtsang ba 'di dor cig ces smras na/ brgya byin gyis smras pa/ 'di lta bu sus byas pa nyid kyis 'dor nus kyi/ bdag la ni/ 'dor nus pa'i mthu med do/ /bdud sdig to can gyis lha kun dang / tshangs pa'i rgyal po'i bar du bdag gi mi gtsang ba 'di dor cig ces na/ snga mas smras pa dang 'dra ste/ nged la 'di 'dor ba'i mthu med do/ /zhes smras bas/ ci byar mi rung nas phyir btsun pa'i drung du 'ongs nas 'di skad ces smras so| |sangs rgyas bcom ldan 'das ni/ yon tan chen po dang ldan pa bden te/ byams pa'i thugs phyogs gcig tu ma gyur to/ /khyed nyan thos rnams ni/ 'jigs su rung ba| ma rungs pa'o/ /ci mngon zhe na/ ngas sngon yi dwags kyi dpung khri phrag brgyad cu bsags te byang chub sems dpa' la bskor nas byang chub las nyams par bya bar brgal ba las/ 'on kyang thugs rje bskyed de bdag la dgrar mi dgongs so/ /da bdag gis kyal ka cung zad cig byas pas lan du 'di 'dra bar byas so/ /u pa gup+tas smras pa/ khyod </font><hr>466a<br><font size=+1>>


@#/ /zer ba bden te/ sangs rgyas dang ngar bsgrun na brgya 'gyur/ stong 'gyur du yang dpe byar mi rung ste/ ri rab lhun po yungs kar dang bsgrun pa'am/ rgya mtsho chen po dang ba rmig gi chur bsgrun pa'am/ seng+ge'i rgyal po dang war bsgrun pa dang 'dra ste/ che chung gi khyad par bskyed du med do/ /kho bo ni/ dus ngan pa'i mthar skyes te de bzhin gshegs pa yang ma mthong na/ khyod kyi rdzu 'phrul gyis sangs rgyas kyi skur sprul nus so/ /zhes thos kyi/ khyod kyis kho bos mthong bar ston cig/ blta bar bya'o/ /bdud kyi rgyal pos smras pa/ ngas de 'dra bar sprul gyi/ khyod phyag ma byed cig /smras pa/ phyag mi byed do/ /de nas bdud kyi rgyal pos kyang sangs rgyas kyi sku sprul te/ sku chen po khru bcu drug pa/ gser gyi mdog can/ mtshan sum cu rtsa gnyis dang dpe byad bzang po brgyad cus brgyan pa/ 'od zer lham me/ lhan ner gsal ba nyi zla bas kyang lhag par sprul pa dang / u pa gup+ta rab tu dga' nas phyag bya bar gzas pa dang / bdud kyi rgyal po phyir yang bdud kyi lus su bsgyur nas u pa gup+ta la/ btsun pa khyod phyag mi bya bar byas na/ ci'i phyir byed ces smras so/ /u pa gup+tas smras pa/ kho bo sangs rgyas la phyag byed kyi/ khyod la phyag mi byed do/ /bdud kyi rgyal pos smras pa/ btsun pa bdag </font><hr>466b<br><font size=+1>>


la thugs brtse ba'i slad du khyi ro 'di ma mchis par mdzod cig /u pa gup+tas smras pa/ khyod nyid snying brtse ba'i sems bskyed de sems can kun gyi skyabs byos shig dang / khyi ro las rin po che'i phreng bar 'gyur ro/ /gal te mi dge ba'i sdig pa'i bsam pa skyes na/ khyi ro nyid las mi 'gyur ro/ /zhes smras pa dang / bdud kyi rgyal po skrag nas rtag tu dge ba'i sems bskyed do/ /de'i tshe btsun pa u pa gup+tas 'bras bu thob pa'i 'og tu sems can btul te 'bras bu bzhi thob par byas pa'i grangs ni/ 'bras bu thob pa'i mi re res tshul shing sor bzhi pa re re byas pa'i tshul shing de lta bus khan pa mtho khyad chag drug cu pa/ chu zheng gab phar chag drug cu pa'i nang yongs su gang ngo / /de nas mi mang po kun gyis bstod cing bsngags te/ khyod kyi yon tan ni/ rgya che bas/ sems can btul ba'i grangs kyang dpag tu med do/ /zhes smras so/ /u pa gup+tas smras pa/ kho bo dud 'gro byed pa'i tshe na yang sems can dag btul te 'phags pa'i 'bras bu thob par byas na/ da ltar gyi dus na btul ba lta ci smos/ 'khor mang pos smras pa/ sngon ji lta bur sems can dag btul ba bdag cag la bstan du gsol/ u pa gup+tas smras pa/ sngon 'das pa'i dus na wA ra NA si 'dir drang srong lhags pa'i ri la rang sangs rgyas lnga brgya zhig gnas so// </font><hr>467a<br><font size=+1>>


@#/ /de'i tshe spre'u zhig nyin gcig bzhin du mchod pa 'bul zhing spyod lam la lta'o/ /rang sangs rgyas de dag phyis gzhan zhig tu dong ba las/ kun tu rgyu lnga brgya zhig de na gnas so/ /kun tu rgyu de dag la la ni/ nyi ma dang zla ba la mchod/ la la ni/ me lha la mchod do/ /nyi ma dang zla ba la mchod pa ni/ nyi zla logs su rkang ba ya gcig gis 'greng ngo / /me lha can ni/ nang par snga dro zhing me 'bud do/ /de'i tshe na spre'u des 'greng ba de dag gi rkang pa nas lag pa ya gcig gis bzung ste thur du drangs so| |me 'bud bdag gi me bsad nas lus drang por 'dug ste bsam pa yid la byed do/ /de nas kun tu rgyu de rnams gcig la gcig 'di skad ces smras so/ /spre'u 'dis bdag cag kyang \?\ spyod lam 'di lta bur 'dug cig ces bya ba'i tha tshig ste/ bdag cag kyang so so nas lus drang por bsrangs te don la brtag go /zhes byas nas de dag de ltar byas ma thag tu sems kyis khong du chud cing rtogs te rang sangs rgyas su gyur to/ /de'i tshe de'i dus na spre'u de ni/ da ltar nga yin no/ /'khor rnams kyis smras pa/ 'o na ci'i phyir spre'u'i lus su gyur/ u pa gup+tas smras pa/ sngon 'das pa'i bskal pa dgu bcu rtsa gcig gi pha rol na sangs rgyas rnam par gzigs 'jig rten du gshegs </font><hr>467b<br><font size=+1>>


te| dge slong rnams ni/ wA ra NA si na drang srong lhags pa'i ri la gnas so/ /de'i tshe 'bras bu thob pa'i dge slong zhig ri'i rtse mor mgyogs par song ba dang / de la dge slong gzhon nu zhig gis dge slong de ni/ mgyogs khyad spre'u dang 'dra'o/ /zhes smras te/ de'i rgyu de'i rkyen gyis skye ba lnga brgya'i bar du spre'u'i lus thob par gyur to/ /de bas na 'khor bzhi po dag ngag gi las yongs su bsdams te mi dgos pa mi smra'o/ /u pa gup+tas chos 'di bstan pa'i tshe 'khor mang po rnams la la ni/ rgyun du zhugs pa dang / lan gcig phyir ldog pa dang / phyir mi ldog pa dang / dgra bcom pa'i 'bras bu thob bo/ kha cig ni/ rang sangs rgyas su dge ba'i rtsa ba bskyed do/ kha cig ni/ byang chub tu sems bskyed de phyir mi ldog par gyur pa yang dpag tu med do/ /de skad ces smras pa la rjes su yi rang nas mngon par dga'o/ /u pa gup+ta'i le'u ste bzhi bcu bdun pa'o// // dang pa lnga brgya lhar skyes pa'i le'u/ 'di skad bdag gis thos pa dus gcig na/ bcom ldan 'das yul wA ra NA si na bzhugs so/ /de'i tshe bcom ldan 'das tshal zhig gi nang ne'u gsing dang ldan pa zhig na lha dang / mi dang / 'khor rnam bzhi la dam pa'i chos ston to/ /de'i tshe steng gi nam mkha' la bya ngang pa lnga brgya tsam zhig 'phur ba las </font><hr>468a<br><font size=+1>>


@#/ /bcom ldan 'das kyi gsung shin tu snyan pa thos nas dga' zhing mos te/ nam mkha' la lding zhing bcom ldan 'das kyi spyan sngar 'bab par 'dod pa las de'i tshe rngon pa dag cig gis sa phyogs der bya rgya bres pas ngang pa lnga brgya tsam po bya rgyas zin nas rngon pas bsad pa dang / thams cad sum cu rtsa gsum gyi lha'i ris su pha ma'i pus mo'i steng nas khye'u lo brgyad lon pa tsam du skyes te byad gzugs bzang ba/ blta na sdug pa/ 'od zer gyis kun tu snang ba/ gser gyi ri ltar gsal zhing dag par gyur nas de dag 'di snyam du bdag cag ci'i rkyen gyis lhar skyes snyam bsam pa dang / sngon gyi gnas dran par gyur to/ /chos gsungs pa'i sgra thos nas lhar skyes par rig nas de dag de'i tshe nam mkha' las babs te lha rdzas kyi me tog dang spos la sogs pa thogs nas 'dzam bu'i gling gi yul wA ra NA si na bcom ldan 'das gang na bzhugs par lhags so/ /lha'i 'od kyis bcom ldan 'das bzhugs pa'i gnas kun rin po che ltar snang bar byas nas dus gcig tu bcom ldan 'das kyi zhabs la spyi bos phyag 'tshal te thal mo sbyar nas 'di skad ces gsol to/ /bdag cag gis bcom ldan 'das chos ston pa'i gsung thos pa tsam </font><hr>468b<br><font size=+1>>


gyis gnas dam par skyes kyi/ da yang bdag cag la thugs brtse ba'i slad du dam pa'i chos ston cig ces gsol pa dang / bcom ldan 'das kyis bden pa bzhi'i chos bstan te/ lha de dag gis rtogs nas rgyun du zhugs pa'i 'bras bu thob bo/ /de dag de phyin chad ngan song gsum du mi ltung bar gyur te phyir lha'i ris su dong nas skye ba bdun gyis zag pa kun zad par gyur to/ /de nas kun dga' bos bcom ldan 'das la gsol pa/ ma dang sum lha dag gi 'od zer gyis kun nas snang bar bgyis nas bcom ldan 'das kyi zhabs la phyag 'tshal du lhags pa'i lha de dag gang nas mchis pa bstan du gsol/ bcom ldan 'das kyis bka' stsal pa/ khyod legs par nyon la shin tu yid la zungs shig dang ngas bstan par bya'o/ /nga kha stsang tshang zhig na lha dang mi rnams dang 'khor rnam bzhi la chos ston pa'i tshe dang ldan brgya tsam zhig chos gsungs pa'i sgra la dad nas nga la dge ba'i sems bskyed de nga'i thad du song ba las ma phyin par rngon pas zin te thams cad bsad do/ /chos kyi sgral dad pa'i dga' ba'i sems kyis sum cu rtsa gsum gyi lha'i ris su skyes nas sngon gyi gnas dran pas nga la phyag 'tshal du 'ongs so/ /de nas kun dga' bos bcom ldan 'das kyis gsungs </font><hr>469a<br><font size=+1>>


@#/ /pa thos nas rab tu dga' mgu rangs te ngo mtshar rmad do/ /zhes bsngags nas 'di skad ces gsol to/ /bcom ldan 'das 'jig rten du gshegs pa ni| ngo mtshar rmad du/ chos kyi char gyis ma ngoms pa ma mchis so/ /chung du na dud 'gro'i skye gnas lta bu yang chos thos pas bsod nams thob na mi lta zhig ci smos te| dad pa'i sems kyis gzungs su bzung ba'i bsod nams kyi 'bras bu bas brgya stong gis lhag ste/ dper bgyir ma mchis so/ /bcom ldan 'das kyis kun dga' bo la bka' stsal pa/ legs so legs so/ /khyod kyis smras pa bzhin du bcom ldan 'das 'jig rten du gshegs pa ni/ kun la phan pa dang bde ba'i don du 'gyur te/ kun tu bdud rtsi'i char bab nas 'gro ba mang po ngom par byed do/ /de bas na khyod kyis sems rtse gcig tu sangs rgyas kyi bstan pa la nan tan gyis shig /bcom ldan 'das kyis de skad ces gsungs nas kun dga' bo dang / 'khor mang po rnams rjes su yi rang ste mngon par dga'o/ /ngang pa lnga brgya lhar skyes pa'i le'u ste bzhi bcu brgyad pa'o// //seng+ge yi dam brtan zhes bya ba'i le'u/ 'di skad bdag gis thos pa dus gcig na/ bcom ldan 'das rgyal po'i khab </font><hr>469b<br><font size=+1>>


bya rgod du phung po'i ri la bzhugs so/ /de'i tshe na lha sbyin gyis bcom ldan 'das la rtag tu ngan sems bskyed nas de bzhin gshegs pa med par byas la lha sbyin nyid sangs rgyas yin no| |zhes bsgrag pa'i phyir rgyal bu ma skyes dgra pha gsod du bcug nas sangs rgyas gsar pa dang / rgyal po gsar pas yul gyi srid bcas nam legs sam zhes smras pa/ rgyal po ma skyes dgras nyan te pha bsad nas bdag nyid rgyal por zhugs so/ /de'i tshe yul mi dag dge slong kun la ngan sems bskyed nas mthong yang mi 'dod par gyur to/ /de nas dus gzhan zhig na dge slong dag grong du bsod snyoms slong du song ba las yul mi dgra khros te gtam yang mi ster nas lhung bzed stong par phyir log ste bya rgod spungs pa'i ri la phyin nas bcom ldan 'das la 'di skad ces gsol to/ /lha sbyin gyis sdig pa mi dge ba'i las bgyis pas/ yon bdag kun dge slong la ngan sems skyes so/ /zhes gsol ba dang / bcom ldan 'das kyis kun dga' bo la 'di skad ces bka' stsal to/ /sems can gang zhig dge sbyong dur smrig gyon pa lang nas sems bskyed na/ mi de ni/ 'das pa'i sangs rgyas dang / rang sangs rgyas dang / dgra bcom pa la ngan sems bskyed do/ /ma 'ongs pa'i sangs rgyas dang / rang sangs rgyas dang / dgra bcom pa la ngan sems bskyed pa yin no/ /da ltar bzhugs </font><hr>470a<br><font size=+1>>


@#/ /pa'i sangs rgyas dang / rang sangs rgyas dang / dgra bcom pa la ngan sems bskyed pa yin par rig par bya'o/ /de ltar dus gsum gyi 'phags pa la ngan sems bskyed pas/ sdig pa'i las kha na mtho ba'i 'bras bu tshad med pa smin par 'gyur ro/ /de ci'i phyir zhe na/ chos gos dur smrig ni/ dus gsum gyi 'phags pa rnams kyi rgyal mtshan yin te/ sems can gang zhig skra dang kha spu bregs nas kha dog bsgyur ba'i chos gos gyon na/ de ni/ ring por mi thogs par sdug bsngal kun las sems rnam par grol te zag pa med pa'i ye shes thob cing 'gro ba thams cad kyi mgon skyabs dang dpung gnyen du 'gyur ro/ /sems can gang zhig rab tu byung zhing kha dog bsgyur pa'i chos gos gyon pa la dad pa'i sems bskyed na/ bsod nams dpag tu med pa thob par 'gyur ro/ /kun dga' bo/ nga yang sngon rab tu byung ba chos gos kha dog bsgyur ba gyon pa la dad pa'i sems skyes te/ bsti stang byas pas mngon par sangs rgyas so/ /kun dga' bos gsol pa/ bcom ldan 'das kyis sngon kha dog bsgyur ba'i chos gos bgos shing rab tu byung ba la bsti stang ji ltar bgyis pa bstan du gsol/ /thos par 'tshal lo/ /bcom ldan 'das kyis kun dga' bo la bka' stsal pa/ shin </font><hr>470b<br><font size=+1>>


tu legs par nyon la yid la zungs shig dang / khyod la bstan par bya'o/ /kun dga' bo/ sngon 'das pa'i bskal pa tshad med pa grangs med pa'i pha rol na 'dzam bu'i gling 'dir rgyal po chen po de byi zhes bya ba zhig byung ste/ rgyal phran brgyad khri bzhi stong snyed la dbang byed do/ /de'i tshe 'jig rten na sangs rgyas kyi chos ni/ med do/ rang sangs rgyas dag cig ri dang tshal na gnas pa/ nam mkha' la rgyu zhing sems can gyi don byed do/ /de'i tshe na ri dwags dag de la bsnyen bkur byed de/ seng+ge yi dam brtan pa zhes bya ba lus kyi spu gser gyi mdog ltar 'dug la shin tu 'tsher ba zhig kyang de na 'dug ste/ zas su 'bras bu dang rtswa za'i/ sems can ni/ mi gsod do/ /de'i tshe rngon pa zhig gis mthong nas rab tu dga' ste/ da bdag gis bde ba thob kyi| seng+ge 'di bsad la pags pa rgyal po la phul na/ gdon mi za bar dbul ba bor ro snyam bsams te/ dus gzhan zhig na skra bregs chos gos gyon nas mda' gzhu mchan du bcug ste seng+ge gang na 'dug par song ngo / /de'i tshe na seng+ge de gnyid log ste nya la ba las rngon pas dug mda' 'phangs so/ /de nas seng+ge sad nas rngon pa bsnyags pa dang / chos gos gyon pa mthong nas 'di snyam du bsams so/ /mi 'di lta bu ni/ 'jig rten na yun ring du mi gnas te/ ring por mi thogs par sdug bsngal kun las </font><hr>471a<br><font size=+1>>


@#/ /rnam par grol lo/ /de ci'i phyir zhe na/ kha dog bsgyur ba'i chos gos 'di ni/ 'das pa dang / ma 'ongs pa dang / da ltar gyi 'phags pa rnams kyi rgyal mtshan yin te/ bdag gis gnod pa byas na/ dus gsum gyi 'phags pa rnams la ngan sems bskyed pa yin no/ /snyam bsams te gsod pa'i sems btang ba dang / dug mdas zhen pas lus dang srog phral ba la thug nas tshig 'di skad ces smras so/ /ya la la ba sha sa swAhA zhes smras pa'i tshe gnam sa kun g.yos nas sprin med par char ba bab ste lha rnams kyis lha'i mig gis brtags na/ 'jig rten 'dir rngon pos byang chub sems dpa' seng+ge'i tshul du bzhugs pa bsad pa mthong nas steng gi nam mkha' las lha rdzas kyi me tog char bzhin du phab ste sen+nge'i ro la mchod pa byas so/ /de nas rngon pas seng+ge'i pags pa bshus nas khyim du 'ongs te rgyal po de byi la phul nas bya dga' gsol pa dang / rgyal pos 'di snyam du bsams mo/ /yi ge dang / gtsug lag las dud 'gro gang gi spu mdog gser ltar 'dug na/ nges par byang chub sems dpa' yin te/ skyes bu chen po yin no/ /zhes 'byung na/ ci'i phyir rngon pa 'di la bya dga' sbyin/ gal te byin na bdag kyang </font><hr>471b<br><font size=+1>>


gsod pa dang tha mi dad do snyam bsams nas de'i tshe rngon pas yang bskul ba dang rgyal pos kyang nyung zhig byin nas rngan pa la 'di skad ces smras so/ /seng+ge 'di gsod pa'i tshe ngo mtshar cha ba'am/ ltas ci zhig byung zhes dras na/ kha nas yi ge 'bru brgyad po 'di smras te/ gnams yang g.yas nas sprin med par char pa bab cing lha rnams kyis me tog bab bo/ /de'i tshe rgyal pos de skad ces smras pa thos nas shin tu mi dga' ste dad pa'i sems skyes nas blon po dang / snga rabs kyi rgan po shes pa/ blo dang ldan pa kun bsags te seng+ges smras pa'i tshig dpyad na/ gcig gis kyang ma go ma shes so/ /gnas dben pa zhig na drang srong sha ma zhes bya ba mkhas pa/ rig pa dang ldan pa zhig yod de| rgyal pos drangs srong de spyan drangs nas dris pa dang / drang srong des 'di skad ces bshad do/ /ya la la zhes bya ba'i don ni/ skra brags la chos gos kha dog bsgyur ba gyon pa 'ba' zhig skye shi las myur du thar to/ /zhes zer ro/ /bsha sa zhes zer ba'i don ni/ skra bregs te chos gos kha dog bsgyur ba gyon pa thams cad 'phags pa'i rgyal mtshan yin te| mya ngan las 'da' ba dang nye ba'o/ /zhes zer ro/ /swAhA zhes bya ba'i don ni/ skra bregs te chos gos kha dog bsgyur ba gyon na/ lha dang mi dang 'jig rten du bcas </font><hr>472a<br><font size=+1>>


@#/ /ba thams cad kyis bkur bsti bya'o/ /zhes bya ba'i don to/ /de'i tshe drang srong gis de skad ces smras pa dang / rgyal po rab tu dga' nas rgyal phran brgyad khri bzhi stong mang po yang bsdus te rin po che sna bdun gyi shing rta mthon po bcas nas seng+ge'i pags pa steng bzhag ste thams cad kyis mthong bar byas nas spos dang me tog gis mchod cing phyag 'tshal du bcug go /de nas gser gyi sgom byas nas seng+ge'i pags pa nang du bcug ste mchod rten byas so/ /de'i tshe mi mang po dge bar sems pa de dag thams cad tshe 'thos pa'i 'og tu mtho ris kyi lhar skyes so/ /kun dga' bo/ de'i tshe seng+ge des chos gos kha dog bsgyur ba gyon pa'i mi la dge ba'i sems bskyed pas/ bskal pa khri phrag bcu'i bar du 'khor los bsgyur ba'i rgyal po byas nas sems can kun la bde ba byin te bsod nams kyi las rgyas par byas nas mngon par sangs rgyas so/ /de'i tshe de'i dus na seng+ge yi dam brtan pa de la gzhan du ma sems shig /de ni/ da ltar nga yin no/ /de'i tshe de'i dus na rgyal po de byis seng+ge'i pags pa la mchod pa byas pas/ bskal pa khri phrag bcu'i bar du lha dang mi'i mchog tu gyur nas dge ba kun byas pa de ni/ byang chub sems dpa' byams pa yin no// </font><hr>472b<br><font size=+1>>


de'i tshe de'i dus na drang srong de ni/ shA ri'i bu yin no/ /rngon pa de ni/ lha sbyin yin no/ /de'i tshe 'khor mang po dag bcom ldan 'das kyis de skad ces gsungs pa thos nas rab tu dga' ste 'di skad ces gsol to/ /bdag cag gis 'phags par ma shes pas ngan sems bskyed kyi/ de bzhin gshegs pas bdag cag la thugs brtse ba'i slad du sdig par mi 'gyur bar 'gyod tshangs 'tshal lo/ /zhes gsol pa dang / bcom ldan 'das kyis thugs rje chen pos bden pa bzhi'i chos bstan to/ sngon rgyu gang dang mthun pa bzhin du 'bras bu thob nas la la ni/ rgyun du zhugs pa dang / lan gcig phyir ldog pa dang / phyir mi ldog pa dang / dgra bcom pa thob bo/ /la la ni/ bla na med pa'i byang chub tu sems bskyed do/ /bcom ldan 'das kyis gsungs pa la kun dga' bo dang / 'khor rnam bzhi mngon par dga' nas rjes su yi rang ngo / /seng+ge yi dam brtan pa zhes bya ba'i le'u ste bzhi bcu dgu pa'o// //srin bu'i rgyu bstan pa'i le'u/ 'di skad bdag gis thos pa dus gcig na/ bcom ldan 'das rgyal po'i khab na bya rgod spungs pa'i ri la bzhugs so/ /de'i tshe grong khyer de dang mi ring pa zhig na chu'i lteng ka mi gtsang ba zhig yod de/ mi mang po bshad gci dang / mi gtsang ba thams cad der 'dor te/ lteng ka'i nang na </font><hr>473a<br><font size=+1>>


@#/ /srin bu chen po sbrul dang 'dra ba/ rkang pa bzhi yod pa zhig yod de/ chu'i nang na phan tshun rgyug cing bar 'ga' ni/ phyir 'byung / bar 'ga' ni/ chu'i gting du 'gro ste/ lo mang po de na gnas shing sdug bsngal tshad med pa myong ngo / /dus gzhan zhig na bcom ldan 'das dge slong mang pos bskor te mdun du bdar nas lteng ka de'i dogs su gshegs te srin bu de gzigs pa dang / srin bu de'i sngon gyi rgyu khyed cag sus shes zhes bka' stsal pa dang / dge slong rnams kyis bsams kyang srin bu des sngon ci byas pa gcig gis kyang ma rtogs nas bdag cag las gang yang 'tshal ba ma mchis so/ /zhes gsol pa dang / bcom ldan 'das kyis bka' stsal pa/ khyod legs par nyon la yid la zungs shig dang / srin bu 'di'i sngon gyi rgyu bshad par bya'o/ /sngon 'das pa'i dus na sangs rgyas rnam par gzigs zhes bya ba 'jig rten du gshegs te sems can gyi don mdzad nas mya ngan las 'das so/ /sangs rgyas de'i bstan pa la dge slong stong phrag bcu zhig tshangs par spyod pa yongs su dag par spyod de dgon pa'i ri zhig la gnas pa las/ g.yas g.yon na me tog gi shing dang / 'bras bu'i shing rab tu rgyas shing / shing gi bar bar na chu mig dang / khrus kyi rdzing bu dang ldan pa </font><hr>473b<br><font size=+1>>


shin tu dga' ba'i gnas shig yod do/ /de'i tshe na dge slong dag spyod lam la brtson zhing nan tan byed pas/ thams cad kyis 'bras bu dang po nas 'bras bu bzhi pa'i bar du thob ste/ so so'i skye bo med do/ /dus gzhan zhig na tshang pa lnga brgya tsam zhig rgya mtshor rin po che len du dong ba las lam du zhugs te lam g.yogs su ri dal lhags nas dge slong dag spyod lam la shin tu brtson pa mthong nas tshong pa rnams bgros te mchod pa zhig bya bar bsam pa las/ yon bdag mang bas skabs ma rnyed de bsam pa bzhin du ma grub nas dge 'dun la 'phyi phyag 'tshal te rgya mtshor dong nas 'di skad ces smras so/ /gal te bdag cag nye zho med par bde bar 'khod na mchod pa bgyi'o/ /zhes gsol ba dang / dge 'dun rnams kyang cang mi gsung ste/ tshong pa rnams rgya mtshor zhugs so/ /tshong pa de dag rgya mtsho nas rin po che mang du rnyed de bde bar 'khor nas dge 'dun de dag la rin po che'i dam pa rin che ba zhig dge 'dun rnams la bsod snyoms kyi zong du phul lo/ /de nas dge slong rnams kyis rin po che de bzhes nas dge 'dun gyi las byed pa'i dge slong zhig la gtad do/ /phyis dge 'dun dag bsod snyoms kyis bral bar gyur nas rin po che de bsod snyoms su btsong snyam ste/ las byed pa'i dge slong de la tshong pas phul ba'i rin po che 'on cig ces bsgo nas </font><hr>474a<br><font size=+1>>


@#/ /dge slong des smras pa/ tshong pas rin po che de nga la byin du zad kyi/ khyod kun la ma byin no/ /dge 'dun gyis dge slong de la rin po che de ni/ tshong bas dge 'dun la phul nas khyod sbed du bcug gi/ khyed la byin pa ma yin no/ /zhes bsgo ba dang / dge slong de khros nas khyod skyag pa la za za ba'am/ rin po che de ni/ kho bo'i yin gyi/ ma zer cig ces smras so/ /de nas dge 'dun rnams kyang dge slong de khros nas ngan sems skyes pa mthong nas so sor gyes so/ /de ltar dge 'dun la ngan sems kyis tshig ngan pa smras pas lus zhig ste tshe 'phos nas mnar med pa'i sems can dmyal ba chen por lhung ste ngan skyug gi nang na bskal pa dgu bcu rtsa gcig gi bar du 'gre 'gre'o/ /de las thar nas da 'dir ngan skyug gi khung du skyes te lo mang du lon yang da dung mthar te/ 'di lta ste/ sngon 'das pa'i sangs rgyas gtsug tor can gyis kyang dge slong gi dge 'dun dang bcas 'dir gshegs nas nye gnas rnams la bstan te/ sngon ci las gyur pa bstan to/ /de nas yang sangs rgyas thams cad skyob kyang dge slong gi dge 'dun dang bcas 'dir gshegs nas ston ci las gyur pa bstan to/ /de nas tshe 'phos nas phyir yang sems can dmyal bar skyes te/ lo khri phrag grangs med pa zhig lon nas phyir yang khung 'dir skyes so/ /de'i 'og tu </font><hr>474b<br><font size=+1>>


sangs rgyas leg par dad sel kyang dge slong gi dge 'dun dang bcas su 'dir gshegs nas sngon gyi lo rgyus bstan to/ /de'i 'og tu sangs rgyas gser thub kyang 'dir gshegs so/ / de'i 'og tu sangs rgyas 'od srung yang nye gnas rnams dang bcas par 'dir gshegs te sngon gyi lo rgyus bstan to/ /da sangs rgyas bdun po'i tha ma sangs rgyas shAkya thub pa nga yang khyed la 'dir srin bu 'di bstan te/ de bzhin du bskal pa bzang po'i sangs rgyas stong pa kun nye gnas dang bcas ta 'dir gshegs nas srin bu 'dis sngon ci byas pa'i lo rgyus ston par 'gyur ro/ /dge slong rnams bcom ldan 'das kyis gsungs pa thos nas lus kyi ba spu kun langs nas so so nas lus dang / ngag dang / yid kyi las shin tu srung ba gyur to/ /bcom ldan 'das kyis gsungs pa la 'khor mang po rjes su yi rang nas mngon par dga'o/ /srin bu'i rgyu bstan pa'i le'u ste lnga bcu pa'o// //dge sbyong kyun te zhes bya ba'i le'u/ 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe tshe dang ldan pa shA ri'i bu nyin mtshan dus gsum du lha'i mig gis sems can gang la 'dul ba'i skal pa yod pa rtog ste/ gdul bar rigs pa yod na der 'gro'o/ /dus gzhan zhig na tshong pa dag cig yul gzhan du tshong </font><hr>475a<br><font size=+1>>


@#/ /la 'dong ba las khyi zhig khrid do/ /lam du khyi des tshong pa zhig gi sha brkus pa dang / tshong ba de khros pas khyi'i rkang pa bcag nas 'brog stong bar bor te song ngo / de nas shA ri'i bus lha'i mig gis brtags na/ khyi de ltogs pa mthong nas chos gos gyon/ lhung bzed thogs te bsod snyoms bslangs nas de ma thag tu nam mkha' la 'phur te khyi'i gan du song nas byams shing snying brtse ba'i sems bskyed de kha zas kyis khyi de snyod do/ /khyi de kha zas zos nas lhag par dga' ste shA ri'i bus khyi la dam pa'i chos bstan nas khyi de yang der tshe 'phos te mnyan du yod par bram ze zhig gi bur skyes so/ /dus gzhan zhig na shA ri'i bu gcig pu bsod snyoms la song ste bram ze de'i sgor phyin pa dang / bram ze des shA ri'i bu la ci'i phyir gcig pu 'gro bar byed/ dge tshul yang med dam zhes smras pa dang / shA ri'i bus smras pa/ bdag la dge tshul med pas gcig pu 'gro ba yin no| |khyod la bu gcig yod zer na/ bdag la sbyin du rung ngam zhes smras so/ /bram zes smras pa/ bdag la kyun te zhes bya ba zhig yod de/ de dung na gzhon te chung bas ci yang mi nus kyi/ nam skyes pa na sbyin no/ /zhes smras so/ /shA ri'i bus de skad ces smras pa thos nas yid la bzung ste phyir rgyal bu rgyal byed kyi tshal du 'ongs so/ /phyis de lo </font><hr>475b<br><font size=+1>>


bdun lon pa dang / bram ze'i khyim du song ste bram ze de la bu bslangs pa dang / bram ze des kyang shA ri'i bu la phul lo/ /shA ri'i bus kyang bu de bzhes nas rgyal bu rgyal byed kyi tshil du khrid de dag tshul du bcug nas dam pa'i chos rnam pa sna tshogs bstan pas sems rnam par grol te dgra bcom par gyur nas mngon par shes pa drug dang / yon tan kun dang ldan par gyur to| |dus gzhan zhig na dge tshul kyun te shes rab kyi stobs kyis tshe snga ma la ci zhig byas pas lus 'di thob nas slob dpon dang phrad de 'bras bu thob par gyur pa brtags na/ tshe snga ma la khyi ltogs pa zhig byed pa las/ bdag gi slob dpon shA ri'i bu'i drin gyis mi'i lus dang 'bras bu thob par mthong zhing rtogs nas rab tu dga' ste 'di snyam du bsams so/ bdag ni/ slob dpon 'di'i drin gyis sdug bsngal las thar par gyur to/ /da bdag nam 'tsho'i bar du slob dpon gyi bsnyen bkur bya ba'i phyir dge tshul bya'i/ bsnyen par rdzogs par mi bya'o snyam bsams so/ /de'i tshe kun dga' bos bcom ldan 'das la gsol pa/ dge tshul 'dis sngon 'das pa'i dus na sdig pa'i las ci bgyis pas khyi'i lus su gyur/ dge ba'i rtsa ba ci bgyis na rnam par grol bar gyur/ bcom ldan 'das kyis kun dga' bo la bka' stsal pa/ sngon 'das pa'i dus na sangs rgyas 'od </font><hr>476a<br><font size=+1>>


@#/ /srung gi tshe dge slong dag cig lhan cig 'khod pa las/ dge tshul gzhon nu skad snyan pa zhig yod de/ bstod pa dang dbyangs byed na thams cad thos par dga'o/ /de'i tshe na dge slong rgan po zhig yod pa skad mi snyan te/ 'on kyang bstod pa dang / tshigs su bcad pa dbyangs dang bcas te byed do/ /dge slong rgan po de ni/ dgra bcom pa zhig ste| dge sbyong gi yon tan thams cad dang ldan no/ /dus gzhan zhig na dge slong gzhon nu dbyangs snyan pa des dge slong rgan po dbyangs mi snyan pa de la khyod kyi dbyangs ni/ khyi zugs pa dang 'dra'o/ /zhes smad pa'i tshig smras so/ /de nas dge slong rgan po des dge slong gzhon nu la khyod kyis nga shes sam zhes dris na/ smras pa/ kho bos te bor shes te/ khyod ni| sangs rgyas 'od srung gi dge slong gnas brtan yin no/ /smras pa/ bdag ni/ dgra bcom pa ste/ dge spyong gi yon tan thams cad dang ldan no/ /zhes byas pa dang / dge slong gzhon nu de 'jigs skrag ste 'gyod nas de la mthol tshangs byas so/ /dge slong rgan pos kyang tshangs pa byin mod kyi/ tshig ngan pa smras pa'i rkyen gyis skye ba lnga brgya'i bar du rtag tu khyir skyes so/ /rab tu byung ste tshul khrims bsrungs pas 'dir nga dang phrad nas rnam par grol bar gyur to/ /de'i tshe bcom ldan 'das kyis de skad ces gsungs nas </font><hr>476b<br><font size=+1>>


kun dga' bo dang / 'khor mang po rjes su yi rang ste mngon par dga'o/ /dge sbyong kyun te zhes bya ba'i le'u ste lnga bcu rtsa gcig pa'o/ /mdzangs blun zhes bya ba'i mdo rdzogs so// // rgya nag las 'gyur bar snang ngo / </font><hr>

</table>