H3

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H3</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H3&coll=lhasa">see text in Tibetan script</a></table>Ca30a<br><font size=+1>


//rgya gar skad du/ bi na ya bi b+hang ga/ bod skad du/ 'dul ba rnam par 'byed pa/ bam po dang po/ dkon mchog gsum la phyag 'tshal lo/ /dul ba'i rgyal po rje yi rigs su 'khrungs/ /slob ma 'dul mdzad nyes pa rab thul pa/ /sangs rgyas 'dul ba'i gtso la phyag 'tshal te/ /'dul ba'i bsngags ba cung zad brjod par bya/ /pha rol ma </font><hr>Ca30b<br><font size=+1>


mthong gting rtogs ma gyur cing / /glags pa'i mun gnag slob dpon tshogs rnams kyis/ /dbye bas tha dad 'dul ba rgya mtsho la/ /yon tan kun bstod rtsol blo bdag la med/ /ji ltar 'di na shing rtsa gtso bo ste/ /rnam par 'phel dang kun 'dzin gnyis kyi gzhi/ /de bzhin dam chos tshogs rnams kun gyi yang / /rgyu dang rtsa ba 'dul ba yin par gsungs/ /ji ltar sa ni skye rgu rnams kyi gzhi/ /de las 'bru rnams skye bar 'gyur ba ltar/ /de bzhin 'dul ba'ang sdom brtson rnams kyi gzhi/ /de bzhin de las bsod nams rnams kyang skye/ /tshul khrims yon tan rnams kyi gnas su dgongs// de yi gnas ni 'dul ba yin par gsungs/ /'di la gnas par gyur na mthar phyin 'gyur/ /'di la mi gnas mthar phyin ga las 'gyur/ /ji ltar chu lon mi phyed sra ba yis/ /chu klung che yang zlog par 'gyur ba ltar/ /de bzhin 'dul ba 'phags pa chu lon 'dis/ /tshul khrims 'chal ba'i chu klung zlog par 'gyur/ /sangs rgyas rnams dang rang rgyal rnams kyis kyang / /byang chub gang brnyes thub slob rnam dag pa'i/ /sems can dgra bcom yon tan ldan pa rnams/ /de la'ang rgyu ni 'dul ba yin par gsungs/ /ji srid 'gro 'dir rgyal ba thams cad kyi/ mdzod mchog 'dul ba rdzogs pa 'di gnas pa/ /de srid chos sgron 'di ni gnas 'gyur zhing / /bzlog par gyur na zhi ba thob par 'gyur/ /sangs rgyas mi bzhugs 'jig rten tshigs bcad dang / /mdo sde yan </font><hr>Ca31a<br><font size=+1>


@#/ /lag de dang de dag spyod/ /bslab 'jug med na 'dul ba'ang med 'gyur bas/ /de phyir rgyal ba dag pas chos 'di dkon/ /'jog bral sems glang lcags kyo 'di yin te| |gdul bya ma dul ba yi srab 'di yin/ /ra ba'i mtshams kyi 'obs dang 'dra ba ste/ /zag ba kun gyi chu lon 'dul ba yin/ /rgyal ba ston pa de yi bstan bcos gang / /mdo dang chos mngon yin gsungs 'dul ba ni/ /ston dang bstan bcos dngos yin de yi phyir/ /gnyis 'gyur phyag bya sangs rgyas chos gcig bzhin/ /gang la brten te gnas pa'i sangs rgyas rnams/ /de la gus bcas rje sar bcas gyur cing / /de ni mgon pas mgon yin skyabs gnas yin/ /de'i phyir rab bsgrims 'dul la phyag tshol cig /gang zhig ston pa thugs rje'i bstan pa la/ /yang bar sems shing cung zad 'da' byed pa/ /de ni de las sdug bsngal gzhan dbang 'thob/ /smyigs tshal bregs pas a mra'i tshal nyams bzhin/ /'di na la las rgyal po'i tshig chen yang / / 'das na lan 'ga' chad pa 'thob mi 'gyur/ /thub pa'i bka' lung tshul min bzla byas na/ /dud 'gror 'gro 'gyur e la'i 'dab klu bzhin/ /so sor thar bya gang yin pa/ /sangs rgyas 'dul ba gangs chen mtsho/ /gting mtha' med pa thams cad kyi/ /gnas pa'i snying dang snying po yin/ /'di ni dam chos rgyal po yi/ /chos rnams kun gyi 'dren pa mchog /'di ni dge </font><hr>Ca31b<br><font size=+1>


slong tshong tshogs kyi/ /bslab zong tshong khang chen po yin/ /tshul khrims 'chal bas zin rnams kyi/ /gdug pa rnams sel sman 'di yin/ /'di ni lang tsho rnam 'khrul pa'i/ /rkang gnyis gzhon nu'i lcags kyo yin/ /mtsho bas zab pa'i 'khor ba las/ /sgrol ba'i rgal thabs 'di yin te/ /'di ni bzang 'gror 'gro ba yi/ /nges pa'i chu lon zam pa yin/ /'di ni nyon mongs pham byed lam/ / rgyal po yi ni 'dren pa mchog /'di ni thar pa'i grong 'jug pa'i/ /them skas gzhi dang 'dra bar gnas/ /nga ni mya ngan 'das gyur na/ 'di ni khyed kyi ston pa'o zhes/ /rang byung nyid kyis gus bcas par/ /nan tan dge slong tshogs mdun bstod/ /'dul 'di so sor thar pa de'i/ /rnam 'byed yin par dgongs pas na/ /thar 'dong rnams kyis gus byas te/ /'di ni nan tan mnyan par bya| |'dul ba la bstod pa rdzogs so// //bskal pa bye ba rnams su yang / /'dul ba thos par 'gyur ba dang / /gzung dang 'dzin pa rnyed dka' ste/ /bsgrub pa'ang shin tu rnyed par dka'| |sangs rgyas rnams ni 'byung ba dang / /chos bstan pa yang bde ba yin/ /dge 'dun mthun pa bde ba ste/ /mthun pa rnams kyi dka' thub bde/ /'phags pa rnams ni mthong ba bde// dam pa dag dang 'grogs pa bde/ /byis pa rnams ni ma mthong na/ /rtag tu bde ba nyid du 'gyur/ /tshul khrims ldan pa mthong ba bde/ /mang du thos pa mthong ba bde/ /yang srid rnam par grol </font><hr>Ca32a<br><font size=+1>


@#/ /pa yi/ /dgra bcom pa dag mthong ba bde/ /'jug ngogs bde ba'i chu klung bde/ /chos la goms pa'i skye bo bde/ /shes rab thob par gyur pa bde/ /nga 'o nga rgyal zad pa bde/ /nges par byas shing dbang po thul ba dag /dgon pa zhi ba rnams su rgas gyur dang / /mang du thos pa nags kyi nang dag tu/ /lang tsho yol ba rnams kyis gnas pa bde/ /shAkya seng ge de la ni| |sor mo bcu yi thal sbyar te/ /'dul ba rab tu gdon par byas/ /gdul ba'i don du nga la nyon/ /thos nas drang srong chen po yis/ /ji skad gsungs bzhin bsgrub bya zhing / /kha na ma tho phra rnams la/ /brtun cing byed pa nyid du gyis/ /rtag tu 'bad pas 'da' ba yi/ /sems rta kha blan dka' ba la/ /mthun pa gzer rnon brgya ba yi/ /srab ni 'dul ba 'di yin no/ /che ba gang dag ngag tsam gyis/ /ldog cing mtshams las mi 'da' ba/ /de dag mi rta bzang po ste/ /nyon mongs g.yul las nges rgyal 'gyur/ /su la srab 'di med pa dang / /nam du'ang 'dod par mi 'gyur la| |de dag nyon mongs g.yul gyis dkrugs/ /'jog bral rnam par 'khyam par 'gyur/ /bcom ldan 'das kyi nyan thos kyi dge 'dun lo bcu gnyis su skyon med cing chu bur med la bcom ldan 'das kyis nyan thos rnams kyi so sor thar pa'i mdo gdon pa yang mdor bsdus te/ sdig pa thams cad mi bya ste/ /dge ba phun sum tshogs par bya/ /rang gi sems ni yongs su </font><hr>Ca32b<br><font size=+1>


gdul/ /'di ni sangs rgyas bstan pa yin/ /lus kyi sdom pa legs pa ste/ /ngag gi sdom pa'ang legs pa yin/ /yid kyi sdom pa'ang legs pa ste/ /thams cad du ni sdom pa legs/ /kun tu bsdams pa'i dge slong ni/ /sdug bsngal kun las rab tu grol/ /ngag rnams bsrung zhing yid kyis rab bsdams te/ /lus kyi mi dge ba dag mi byed cing / /las lam gsum po 'di dag rab sbyangs na| |drang srong gsungs pa'i lam ni thob par 'gyur/ /zhes bton par gyur to/ /lo bcu gsum la bab pa na sangs rgyas bcom ldan 'das yul spong byed dag na ka lan da ka'i grong na bzhugs so/ /de'i tshe na ka lan da ka'i grong na ka lan da ka'i bu bzang byin zhes bya ba phyug pa/ nor mang ba longs spyod che ba yongs su gzung ba yangs shing rgya che ba rnam thos kyi bu'i nor dang ldan pa rnam thos kyi bu la nor gyis 'gran pa zhig 'dug ste/ des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /de dus gzhan zhig na sangs rgyas la mngon par dad/ chos dang dge 'dun la mngon par dad/ sangs rgyas la skyabs su song / chos dang dge 'dun la skyabs su song zhing / des srog gcod pa spangs te/ srog gcod pa las phyir log /ma byin par len pa dang / 'dod pa la log par g.yem pa dang / brdzun du smra ba dang / 'bru'i chang dang / bcos pa'i chang myos par 'gyur ba bag med pa'i gnas spangs te/ 'bru'i chang dang </font><hr>Ca33a<br><font size=+1>


@#/ /bcos pa'i chang myos par 'gyur ba bag med pa'i gnas las phyir log go /de dad pa snga ma de nyid rjes su spel zhing skra dang kha spu bregs te/ gos ngur smrig dag bgos nas| yang dag pa kho nar dad pas khyim nas khyim med par rab tu byung ngo / /de de ltar rab tu byung nas 'di lta ste/ sngon khyim pa bzhin du nye du rnams dang lhan cig 'dre zhing gnas so/ /de nas ka lan da ka'i bu tshe dang ldan pa bzang byin 'di snyam du sems te/ bdag legs par gsungs pa'i chos 'dul ba la rab tu byung nas 'di lta ste/ sngon khyim pa bzhin du nye du rnams dang lhan cig 'dre zhing gnas pa ni bdag gis ma rnyed de rnyed pa ma yin zhing / nyes pa rnyed de legs par rnyed pa ma yin gyis/ bdag nye du rnams dang 'bral ba'i phyir lhung bzed dang / chos gos thogs te/ ljongs rgyur 'gro'o snyam mo/ /de nas ka lan da ka'i bu tshe dang ldan pa bzang byin nye du rnams dang 'bral ba'i phyir/ lhung bzed dang / chos gos thogs te/ ljongs rgyur song ngo // de'i tshe na mu ge nyam nga ba dgon pa slong mo pas zas rnyed par dka' zhing pha ma dag kyang rang gi bu dag la zas sbyin pa dang / bya bar sems pa dka' na slong mo pa dag lta la smos kyang ci dgos pa byung ngo / /de nas ka lan da ka'i bu tshe dang ldan pa bzang byin 'di snyam du sems te/ da ltar mu ge nyam nga ba dgon pa slong mo pas zas rnyed par dka' zhing pha ma dag kyang rang gi bu la </font><hr>Ca33b<br><font size=+1>


zas sbyin pa dang / bya bar sems pa dka' na/ slong mo pa dag lta la smos kyang ci dgos pa byung la/ bdag la nye du longs spyod chen po dang ldan pa dag yod pas bdag ka lan da ka'i grong du song ste/ nye du rnams kyi gan du song la dge 'dun la zas dag sbyor du gzhug cing / dge 'dun la skyo ma dag dang thug pa'i btung ba dag dang rtag res 'khor dag dang mgron du bos pa dag dang / brgyad ston dang bcu bzhi ston dang nya ston dang spyan gzigs phran tshegs sbyor du gzhug go snyam mo/ /de nas ka lan da ka'i bu tshe dang ldan pa bzang byin ljongs su ji dgar 'dug nas/ lhung bzed dang chos gos thogs te ka lan da ka'i grong ga la ba der rgyu zhing song ba na mthar gyis rgyu ba'i tshe/ ka lan da ka'i grong du phyin nas ka lan da ka'i grong na dgon pa'i spyil bu na gnas so/ /de nas ka lan da ka'i bu tshe dang ldan pa bzang byin nye du rnams kyi gan du song ste phyin nas de dag gi mdun du sangs rgyas dang chos dang dge 'dun gyi bsngags pa brjod de/ dge 'dun la zas dag sbyor du 'jug cing / dge 'dun la skyo ma dag dang thug pa'i btung ba dag dang rtag ras 'khor dag dang / mgron du bos pa dag dang / brgyad ston dang bcu bzhi ston dang / nya ston dang spyan gzigs phran tshegs sbyor du 'dzud do/ /de'i che na ka lan da ka'i bu tshe dang ldan pa bzang byin dgon pa pa chos gos gsum pa phyag dar khrod pa bsod snyoms pa mthar chags kyis rgyu bar gyur to/ /de dus gzhan zhig na dang po kho nar dge slong gi dge 'dun thug pa bsod pas </font><hr>Ca34a<br><font size=+1>


@#/ /tshim par byas nas snga dro sham thabs bgos te lhung bzed dang chos gos thogs nas/ ka lan da ka'i grong du bsod snyoms la zhugs pa na mthar gyis ka lan da ka'i grong du bsod snyoms la rgyu ba'i tshe rang gi khyim du phyin to/ /de rang gi khyim nas sbyin pa ma thob phyir gtong ba ma thob par myur ba myur bar phyir song ngo / /de'i tshe na ka lan da ka'i bu tshe dang ldan pa bzang byin gyi ma bya ba 'ga' zhig la phyi rol tu song bar gyur to/ /bran mo rnying pa rgan mo zhig gis ka lan da ka'i bu tshe dang ldan pa bzang byin rang gi khyim nas sbyin pa ma thob phyir gtong ba ma thob par myur ba myur bar phyir song ba mthong ngo / /mthong nas kyang ka lan da ka'i bu tshe dang ldan pa bzang byin gyi ma ga la ba der song ste phyin nas/ ka lan da ka'i bu tshe dang ldan pa bzang byin gyi ma la 'di skad ces smras so/ /jo mo mkhyen par mdzod cig /jo bo bzang byin 'phyi ba 'phyi bar rang gi khab tu byon nas de rang gi khab nas sbyin pa ma brnyes slar gtong ba ma brnyes par myur ba myur bar slar bzhud do/ /de nas ka lan da ka'i bu tshe dang ldan pa bzang byin gyi ma 'di snyam du sems te/ kye ma ma la ka lan da ka'i bu bzang sbyin 'dod pa'am/ mngon par mi dga' ba'am rnam par 'khyam 'dod par gyur cing / dge sbyong gi tshul don du mi gnyer ba'am/ dge sbyong gi tshul gyis sgyid lug pa'am/ mus byung ba'am/ the tshom za'am/ smod pa'am/ dge sbyong </font><hr>Ca34b<br><font size=+1>


gi tshul yongs su gtong 'dod pa'am/ gcig tu ma gyur grang snyam du sems shing rig nas/ ka lan da ka'i grong nas byung ste/ ka lan da ka'i bu tshe dang ldan pa bzang sbyin ga la ba der song ste phyin nas/ ka lan dka'i bu tshe dang ldan pa bzang byin la 'di skad ces smras so/ /bu bzang byin gal te khyod 'dod pa'am/ mngon par mi dga' ba'am/ rnam par 'khyam 'dod cing dge sbyong gi tshul don du mi gnyer ba'am/ dge sbyong gi tshul gyis sgyid lug pa'am/ mus byung ba'am/ the tshom za ba'am/ smod pa'am/ khyod dge sbyong gi tshul yongs su gtong 'dod pa lta na/ bu bzang byin bud med rnams kyi bud med nor zhes bya ba'am/ bud med kyi bag rdzongs zhes bya ba'am/ bud med dbang ba'i rdzas zhes bya ba gang yin pa de ni khyod kyi ma'i dbyig dang gser gyi phung po chen po gang la mtha' gcig na 'greng ba'i mis mtha' gcig na 'dug pa'i mi mi mthong la/ mtha' gcig na 'dug pa'i mis mtha' gcig na 'greng ba'i mi mi mthong ba yin te/ de ni khyod kyi ma'i yin no/ /gzhan yang khyed kyi pha'i dbyig dang gser mtshan ma btab pa yang brgya phrag du ma dang / stong phrag du ma dang / brgya stong phrag du ma dag yod na gzhan dang phal lta smos kyang ci dgos/ bu bzang byin tshur shog /khyod 'dug la 'dod pa la yang longs spyod cing / sbyin pa dag kyang byin cig/ bsod nams dag kyang gyis shig /de skad ces smras pa dang / ka lan da ka'i bu tshe dang ldan pa bzang byin gyis ma la 'di skad </font><hr>Ca35a<br><font size=+1>


@#/ /ces smras so/ /yum bdag ni 'dod pa'am/ mngon par mi dga' ba'am/ rnam par 'khyam 'tshal zhing dge sbyong gi tshul don du mi gnyer ba'am/ dge sbyong gi tshul gyis sgyid lug pa'am/ mus byung ba'am/ the tshom 'tshal ba'am/ smod pa'am/ bdag dge sbyong gi tshul yongs su gtong ba mi bgyid do/ /de nas ka lan da ka'i bu tshe dang ldan pa bzang byin gyi ma 'di snyam du sems te/ bdag gis de skad byas kyang bu bzang byin phyir bzlog par ma nus kyis/ bdag khyim du song la 'di'i bag sar spad par bya'o snyam mo/ /de nas ka lan da ka'i bu tshe dang ldan pa bzang byin gyi ma khyim du song ste/ mna' ma la 'di skad ces smras so/ /kye sru khyod gang gi tshe dus la bab cing zla mtshan dang ldan pa de'i tshe kho mo la sbron cig/ ka lan da ka'i bu tshe dang ldan pa bzang byin gyi sngon gyi chung mas yum bka' bzhin 'tshal zhes sgyug mo las mnyan to/ /de nas dus gzhan zhig na ka lan da ka'i bu tshe dang ldan pa bzang byin gyi sngon gyi chung ma dus la bab cing / zla mtshan dang ldan par gyur nas/ ka lan da ka'i bu tshe dang ldan pa bzang byin gyi ma ga la ba der song ste phyin nas/ ka lan da ka'i bu tshe dang ldan pa bzang byin gyi ma la 'di skad ces smras so/ /yum ngan bu dus la bab cing / zla mtshan dang ldan par gyur na/ bdag gis ci bgyi ba de mkhyen par mdzod cig /sru de'i phyir khyod kyis sku mnye ji lta bus bsku mnye byas pa dang / khrus ji lta bus khrus byas </font><hr>Ca35b<br><font size=+1>


pa dang / dri dang phreng ba rgyu dang bdug spos dang / phye ma dang gos dang / rgyan ji lta bu dag gis brgyan na bu bzang byin sngon khyim pa nyid na dga' ba dang / yid du 'ong bar gyur pa de lta bu'i sku mnyes sku mnye gyis shig/ de lta bu'i khrus kyis khrus gyis shig/ de lta bu'i dri dang phreng ba rgyu dang bdug spos dang / phye ma dang gos dang / rgyan dag gis brgyan par gyis shig/ de nas ka lan da ka'i bu tshe dang ldan pa bzang byin gyi sngon gyi chung mas sgyug mo las mnyan te/ sku mnye ji lta bus sku mnye byas pa dang / khrus ji lta bus khrus byas pa dang / dri dang phreng ba rgyu dang bdug spos dang / phye ma dang / gos dang rgyan ji lta bu dag gis brgyan na ka lan da ka'i bu tshe dang ldan pa bzang byin sngon khyim pa nyid na dga' ba dang / yid du 'ong bar gyur pa de lta bu'i sku mnyes sku mnye byas/ de lta bu'i khrus kyis khrus byas/ de lta bu'i dri dang phreng ba rgyu dang bdug spos dang / phye ma dang / gos dang brgyan dag gis brgyan nas/ ka lan da ka'i bu tshe dang ldan pa bzang byin gyi ma ga la ba der song ste phyin nas ka lan da ka'i bu tshe dang ldan pa bzang byin gyi ma la 'di skad ces smras so/ /yum ngan bu 'di 'dra na bdag gis ci zhig bgyi/ de nas ka lan da ka'i bu tshe dang ldan pa bzang byin gyi ma mna' ma dang shing rta gcig tu zhugs te/ ka lan da ka'i grong nas byung nas/ ka lan da ka'i bu tshe dang ldan pa bzang byin gyi gnas ga la ba der song ste phyin nas bzhon pa'i sa ji srid pa de srid du bzhon pas song ste/ bzhon pa las babs nas/ rkang pa dag kho nas ka </font><hr>Ca36a<br><font size=+1>


@#/ /lan da ka'i bu tshe dang ldan pa bzang byin gyi drung du song ngo / /de'i tshe na ka lan da ka'i bu tshe dang ldan pa bzang byin gnas kyi phyi rol bla gab med pa'i 'chags sa na 'chag sa na 'chag go /ka lan da ka'i bu tshe dang ldan pa bzang byin gyi mas ka lan da ka'i bu tshe dang ldan pa bzang byin thag ring po kho na nas mthong ngo / /mthong nas ka lan da ka'i bu tshe dang ldan pa bzang byin ga la ba der song ste phyin nas/ ka lan da ka'i bu tshe dang ldan pa bzang byin la 'di skad ces smras so/ /bu bzang byin gal te khyod mi 'dod pa'am/ mngon par mi dga' ba'am/ rnam par 'khyam 'dod par mi 'gyur zhing / dge sbyong gi tshul don du mi gnyer ba ma yin pa'am/ dge sbyong gi tshul gyis sgyid lug pa ma yin pa'am/ mus byung ba ma yin pa'am/ the tshom za ba ma yin pa'am/ smod pa ma yin pa'am/ khyod dge sbyong gi tshul yongs su gtong 'dod pa ma yin pa lta na/ bu khyod kyi bag sar 'di dus la bab cing zla mtshan dang ldan par gyur gyis 'di la sa bon gyi chos cung zhig rjes su byin cig /khyod la bu med pa'i phyir dbang pa'i rdzas thams cad de bzhin du'am ji ltar yang rung bas rgyal pos dbang du byas par gyur na mi rung ngo / /de nas ka lan da ka'i bu tshe dang ldan pa bzang byin gyis sngar bslab pa'i gzhi ma bcas shing nyes pa ma mthong la bud med kyi yul gzhon nu kha dog bzang ba chags par gyur pa mthong nas/ 'dod chags kyis sems zil gyis non cing de </font><hr>Ca36b<br><font size=+1>


'dod chags kyis sems zil gyis non pas yongs su gdung ba'i lus dang / yongs su gdung ba'i sems dang ldan zhing de yongs su gdung bzhin pa'i lus dang yongs su gdung bzhin pa'i sems kyis ma la 'di skad ces smras so/ /yum bdag gis de ltar bgyir rung ngam/ bu bzang byin 'di lta ste/ sa bon gyi chos la brten nas shin tu rung ngo / /de nas ka lan da ka'i bu tshe dang ldan pa bzang byin gyis ma las mnyan te/ sngon gyi chung ma'i lag pa gnyis nas bzung ste/ phyogs gcig tu song nas chos gos dag bzhag ste/ de dang lhan cig tu mi tshangs par spyod pa 'khrig pa'i ches lan gnyis lan gsum du bsten to| |sems can srid pa tha mas spyod pa tshol ba thar pa'i snying po bzung ba mya ngan las 'das pa la phyogs pa/ 'khor ba las phyir phyogs pa/ srid pa'i 'gro ba thams cad du 'chi 'pho ba dang / skye ba don du mi gnyer ba lus tha ma 'dzin pa zhig kyang lha'i ris bzang po zhig nas shi 'phos te/ de skye rgu'i bdag mo'i mngal du zhugs so/ /bud med kyi yul mkhas pas rang bzhin can la la la ma 'dres pa'i chos lnga yod de/ lnga gang zhe na/ skyes pa chags par gyur pa shes shing chags pa dang bral ba shes pa dang / dus shes shing zla mtshan shes pa dang / mngal na gnas pa zhugs pa shes pa dang| gang las mngal na gnas pa zhugs pa de shes pa dang / khye'u shes shing bu mo shes pa ste/ gal te khye'u yin na dku g.yas par rten cing 'dug la/ gal te bu mo yin na dku g.yon par </font><hr>Ca37a<br><font size=+1>


@#/ /rten cing 'dug pa'o/ /de yid dga' zhing yid dga' nas sgyug mo la smras pa/ yum mkhyen par mdzod cig /bdag la sems can zhugs par gyur pa ni 'di ltar bdag gi dku g.yas par rten cing mchis pas nges par khye'ur 'gyur ro/ /de yang yid dga' zhing yid dga' nas 'di skad ces/ kho mo yun ring po nas mngon par 'dod pa tsha bo'i ngo mthong ba dang / kho mo dang mthun par skye zhing mi mthun par mi skye ba dang / kho mo'i bya ba dag byed pa dang / gsos pas phyir gso ba dang / bgo skal spyod pa dang / kho mo'i rigs brgyud yun ring du gnas par 'gyur pa dang / bdag cag shi zhing dus la bab pa dag la nyung ngu'am/ mang po yang rung ba'i sbyin pa dag sbyin zhing bsod nams dag byas nas/ 'di de gnyis gang du skyes pa der 'gro zhing rjes su 'gro bar gyur cig ces ming gis yon bshad pa byed par gyur cig ces ched du brjod pa ched du brjod par byed do/ /de la sems can zhugs par rig nas 'di lta ste/ mngal na gnas pa yongs su smin par bya ba'i phyir/ steng gi khang bzang gi gzhir gtogs par grang ba na grang ba'i yo byad dag dang / dro ba na dro ba'i yo byad dag dang / sman pas bcas pa'i kha zas ha cang mi kha ba dang / ha cang mi skyur ba dang / ha cang lan tshwa mi che ba dang / ha cang mi mngar ba dang / ha cang mi tshab dang / ha cang mi bska ba dang / kha ba dang / skyur ba dang / lan tshwa dang / mngar ba dang / tsha ba dang / bska ba rnam </font><hr>Ca37b<br><font size=+1>


par spangs pa'i zas dag dang / do shal dang se mo do dang rgyan gyis klubs pa'i lus lha'i bu mo dga' ba'i tshal na rnam par spyod pa lta bu dang / khri nas khrir dang / khri'u nas khri'ur dang / shod kyis gzhir mi 'bab pa dang / des sgra yid du mi 'ong ba cung zad kyang mi thos par gnod pa med pa nyid du rim gro byed du 'jud do/ /de zla ba brgyad dam dgu 'das te btsas pa las khye'u gzugs bzang ba blta na sdug pa mdzes pa gsal ba gser gyi mdog 'dra ba mgo gdugs lta bu dang ldan pa lag pa ring ba dpral ba'i dbyes che ba smin ma 'dzar ba sna'i gzengs mtho ba zhig byung ngo / /de'i nye du dag 'dus shing lhags nas nyi ma bdun gsum nyi shu gcig tu btsas pa'i btsas ston rgya cher byas nas/ khye'u yi ming cir gdags zhes ming 'dogs par byed do/ /de dag 'di snyam du sems te gang gi phyir khye'u 'di sa bon gyi chos la brten te rnyed pa de'i phyir khye'u yi ming sa bon pa zhes bya'o zhes de'i ming sa bon pa zhes bya bar btags so/ /khye'u sa bon pa ma ma brgyad po pang na 'tsho ba'i ma ma gnyis dang / nu ma bsnun pa'i ma ma gnyis dang / dri ma 'phyi ba'i ma ma gnyis dang / rtsed grogs kyi ma ma gnyis la rjes su gtad do/ /de ma ma brgyad po dag gis 'o ma dang zho dang / mar dang zhun mar dang mar gyi nying khu dang / gzhan yang yo byad kyi bye brag gtso bo gtso bo dag gis sring bar byed skyed par byed cing / rdzing na gnas pa'i pad+ma bzhin du myur du skyed par byed do/ /de gang gi tshe chen por gyur pa de'i tshe yi ge dang grangs dang rtsis dang lag rtsis </font><hr>Ca38a<br><font size=+1>


@#/ /dang| dbyung ba dang / gzhug pa dang / gzhag pa la nye bar zhugs nas/ de yi ge'i mthar phyin cing 'byed pa dang klog pa dang / mkhas pa dang spyod pa gsal ba dang / brtag pa brgyad po 'di lta ste/ rin po che brtag pa dang / gzhi brtag pa dang / gos brtag pa dang / shing brtag pa dang / glang po che brtag pa dang / rta brtag pa dang / bud med brtag pa dang / skyes pa brtag pa la mkhas par gyur to/ /de dus gzhan zhig na sangs rgyas la mngon par dad/ chos dang dge 'dun la mngon par dad/ sangs rgyas la skyabs su song / chos dang dge 'dun la skyabs su song zhing / des srog gcod pa spangs te/ srog gcod pa las phyir log /ma byin par len pa dang / 'dod pa la log par g.yem pa dang / brdzun du smra ba dang 'bru'i chang dang bcos pa'i chang myos par 'gyur ba bag med pa'i gnas spangs te/ 'bru'i chang dang bcos pa'i chang myos par 'gyur ba bag med pa'i gnas las phyir log go /de pha las byung ba'i dad pa snga ma de nyid rjes su spel zhing legs par gsungs pa'i chos 'dul ba la skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu byung ngo / /de de ltar rab tu byung nas gcig bu dben pa bag yod pa brtun pa dang ldan pa bdag nyid gtang bar gnas so/ /gcig pu dben pa bag yod pa brtun pa dang ldan pa bdag nyid btang bar gnas pa na/ rigs </font><hr>Ca38b<br><font size=+1>


kyi bu dag gang gi phyir skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu byung bar byed pa tshangs par spyod pa'i mtha' bla na med pa de tshe de nyid la rang gi mngon par shes pas mngon sum du byas te bsgrubs nas bdag gi skye ba zad do/ /tshangs par spyad pa spyad do/ /bya ba byas so/ /srid pa 'di las gzhan mi shes so zhes go bar byed cing / dgra bcom pa/ khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan dan bzhag pa lta bu rig pas sgo nga'i sbubs dral bar gyur cing rig pa dang mngon par shes pa dang / so so yang dag par rig pa thob pa/ srid pa dang 'dod pa'i rnyed pa dang / bkur sti la rgyab kyis phyogs pa dbang po dang nye dbang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur to/ /de nas tshe dang ldan pa sa bon pas dgra bcom pa thob cing rnam par grol ba'i dga' ba dang bde ba so sor yang dag par rig pa na de'i tshe tshigs su bcad pa smras pa/ chos rnams las ni skal ba thob/ /yab ni dkor gyis bdag mi gtong / /bdag gis ha cang phyin nas shes/ /bdag ni chu ngus shin tu 'das/ /de'i tshe na bcom ldan 'das dge slong gi 'khor brgya phrag du ma'i mdun na bzhugs shing nyan thos rnams la 'dod chags 'dod chags dang bral bar bya ba'i phyir sems rnam par grol ba dang / shes rab rnam </font><hr>Ca39a<br><font size=+1>


@#/ /par grol ba'i chos ston to/ /zhe sdang 'dod chags dang bral bar bya ba dang gti mug 'dod chags dang bral bar bya ba'i phyir sems rnam par grol ba dang / shes rab rnam par grol ba'i chos ston to/ /de'i tshe ka lan da ka'i bu tshe dang ldan pa bzang byin 'khor de nyid du 'dug cing mthun par gyur to/ /bcom ldan 'das ji lta ji ltar 'dod chags 'dod chags dang bral bar bya ba'i phyir sems rnam par grol ba dang / shes rab rnam par grol ba'i chos ston pa dang / zhe sdang 'dod chags dang bral bar bya ba dang / gti mug 'dod chags dang bral bar bya ba'i phyir sems rnam bar grol ba dang / shes rab rnam par grol ba'i chos ston pa de lta de ltar ka lan da ka'i bu tshe dang ldan pa bzang byin cung zad 'gyod par gyur/ rnam par 'gyod par gyur/ rab tu 'gyod par gyur cing 'dug la/ 'gyod pa dang ldan/ 'gyod pa thob cing cang mi smra bar gyur/ yul yul phor gyur/ phrag pa glod/ gdong smad spobs pa med/ sems khong du chud cing 'dug go/ de nas dus gzhan zhig na dge slong rab tu mang po dag gnas nyul zhing rgyu ba na ka lan da ka'i bu tshe dang ldan pa bzang byin gyi gnas ga la ba der dong ste phyin nas ka lan da ka'i bu tshe dang ldan pa bzang byin dang lhan cig mngon du yang dag par dga' bar 'gyur ba dang yang dag par mgu bar 'gyur ba'i gtam sna tshogs byas te mtha' gcig tu 'khod do/ /mtha' gcig tu 'khod </font><hr>Ca39b<br><font size=+1>


nas dge slong rab tu mang po dag gis ka lan da ka'i bu tshe dang ldan pa bzang byin la 'di skad ces smras so/ /tshe dang ldan pa bzang phyin khyod sngon chad dge slong glo bur du lhags pa dag mthong na bshes pa dang bcas pa nyid kyi tshig gis bsu nas lhung bzed dang chos gos dang / 'khar ba dang / gtur bu dang / ril ba spyi blugs dang / 'bru mar snod dang / zhwa dang / lham sgrog gu can dang / mchil lham dag len par byed na/ khyod da ltar dge slong glo bur du lhags pa dag mthong na cung zad 'gyod par gyur/ rnam par 'gyod par gyur/ rab tu 'gyod par gyur cing 'dug la 'gyod pa dang ldan/ 'gyod pa thob cing mi smra bar gyur/ yul yul bor gyur/ phrag pa glod/ gdong smad/ spobs pa med/ sems khong du chud cing 'dug na/ tshe dang ldan pa bzang byin de ltar khyod la lus kyi gnod pa'am/ sems kyi yongs su gdung ba 'ga' zhig med grang / tshe dang ldan pa dag bdag la da ltar lus kyi gnod pa ni 'ga' yang med mod kyi/ 'on kyang bdag la sems kyi yongs su gdung ba yod do/ /tshe dang ldan pa khyod kyi sems kyi yongs su gdung ba gang yin/ des skabs de dge slong rnams la rgyas par brjod pa dang / dge slong de dag de la mngon par bstod par yang mi byed/ phyir zlog par yang mi byed cing mngon par bstod par yang ma byas/ phyir bzlog par yang ma byas par stan dag las langs nas/ bcom ldan 'das ga la ba der dong ste phyin nas bcom ldan </font><hr>Ca40a<br><font size=+1>


@#/ /'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas bcom ldan 'das la dge slong rab tu mang po dag gis skabs de rgyas par gsol to/ /de skad ces gsol ba dang / bcom ldan 'das kyis dge slong rab tu mang po dag la 'di skad ces bka' stsal to/ /dge slong dag zag pa'i gnas lta bu'i chos mang po rnams kyi dang po ni ka lan da ka'i bu bzang byin gyis 'di lta ste/ mi tshangs par spyod pa'i rkyen gyis byas par gyur to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do/ /de bzhin gshegs pa ni don gyi dbang gnyis gzigs pa na dge slong gi dge 'dun sdud par mdzad de/ 'di lta ste/ nga'i nyan thos rnams kyis kun shes pa nyid du bya ba'i phyir dang / ngas 'dul ba la bslab pa'i gzhi legs par bcas par 'gyur ba'o/ /sangs rgyas bcom ldan 'das rnams ni mkhyen bzhin du rmed par mdzad pa ste/ mkhyen bzhin du rmed pa/ mkhyen kyang mi rmed pa/ dus su rmed pa/ dus las yol bar mi rmed pa/ don dang ldan pa rmed pa/ don dang mi ldan par mi rmed pas/ sangs rgyas bcom ldan 'das rnams ni don dang mi ldan pa rmed pa la chu lon gyis bzlog par mdzad pa yin no/ /de la sangs rgyas bcom ldan 'das rnams ni don dang ldan pa rmed pa la dus mkhyen pa </font><hr>Ca40b<br><font size=+1>


yin pas/ sangs rgyas bcom ldan 'das kyis ka lan da ka'i bu tshe dang ldan pa bzang byin la rmas pa/ bzang byin khyod kyis mi mdzes pa de lta bu de byas par gyur ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no/ /bzang byin ngas 'dod chags 'dod chags dang bral bar bya ba'i phyir sems rnam par grol ba dang shes rab rnam par grol ba'i chos bstan pa dang / zhe sdang 'dod chags dang bral bar bya ba dang / gti mug 'dod chags dang bral bar bya ba'i phyir sems rnam par grol ba dang shes rab rnam par grol ba'i chos bstan pa la/ khyod kyis ci'i phyir mi mdzes pa de lta bu de byas par gyur/ mi gti mug can khyod kyis sbrul nag po dug myur du khyab pa dug drag po dug rno ba'i khar rang gi yan lag gi rnam pa bcug par gyur pa ni bla'i/ de ltar gyur pas bud med kyi yul la ni ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste/ 'di lta ste/ dge 'dun bsdu ba'i phyir dang / dge 'dun legs par bya ba'i phyir dang / dge 'dun bde bar gnas par bya ba'i phyir dang / gnong </font><hr>Ca41a<br><font size=+1>


@#/ /mi bkur ba'i gang zag rnams tshar gcad pa'i phyir dang / ngo tsha shes pa rnams bde bar gnas par bya ba'i phyir dang / mngon par ma dad pa rnams mngon par dad par bya ba'i phyir dang / mngon par dad pa rnams phyir zhing 'byung bar bya ba'i phyir dang / tshe 'di'i zag pa rnams bsdam par bya ba'i phyir dang / tshe rabs phyi ma'i rnams bzlog par bya ba'i phyir dang / nga'i tshangs par spyod pa skye bo mang po la phan pa yangs par gyur pa lha dang / mi'i bar dag la yang dag par rab tu bstan pa yun ring du gnas par bya ba'i phyir/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong rnams dang lhan cig bslab pa mtshungs par gyur pas bslab pa ma phul bslab pa nyams par ma byas par mi tshangs par spyod pa 'khrig pa'i chos bsten na dge slong de pham par gyur pa yin gyis gnas par mi bya'o/ /zhes bcom ldan 'das kyis 'dul ba la nyan thos rnams kyi bslab pa'i gzhi bca' ba mdzad do/ /sangs rgyas bcom ldan 'das rgyal po'i khab na 'od ma'i tshal bya ka lan da ka'i gnas na bzhugs so/ /de'i tshe na dge slong zhig rgyal po'i khab na dgon pa'i spyil bu na 'dug go /de nas dge slong des dgon pa'i spra mo zhig zas kyis brngod brjod nas/ de dang lhan cig mi tshangs par spyod pa 'khrig pa'i chos bsten to/ /de nas dge slong rab tu mang </font><hr>Ca41b<br><font size=+1>


po dag gnas nyul zhing rgyu ba na dge slong de'i spyil bu ga la ba der dong ste phyin nas/ dge slong de dang lhan cig mngon du yang dag par dga' bar 'gyur ba dang / yang dag par mgu bar 'gyur ba'i gtam sna tshogs byas te mtha' gcig tu 'khod do/ /de nas spra mo de sngon gyi sdig pa can dam pa ma yin pa'i chos de nyid rjes su dran nas dge slong de ga la ba der song ste phyin nas dge slong de'i gdong du rnam par lta bar byed/ ro smad stobs par byed nas dge slong de 'di lta ste/ dge slong de dag la ngo tsha bas de zlog par byed do/ /spra mo de lan gnyis lan gsum du dge slong de'i gdong du rnam par lta bar byed/ ro smad stobs par byed nas/ dge slong de 'di lta ste dge slong de dag la ngo tsha ba/ lan gnyis lan gsum du de zlog par byed do/ /de nas spra mo de khros 'khrugs rngam par gyur cing yid mi dga' nas/ dge slong de'i gdong dang sna dang chos gos rkang pa'i sen mo dag gis mngon par brad de mtha' gcig tu song nas ngu ru ru zer zhing khyi tshugs su 'dug go /de nas dge slong de dag gis dge slong de la 'di skad ces smras so/ /tshe dang ldan pa ci'i phyir dgon pa'i spra mo 'di khyod kyi gdong du rnam par lta bar byed/ ro smad stobs par byed nas/ khyod 'di lta ste/ kho bo cag la ngo tsha bas de zlog par byed/ ci'i phyir dgon pa'i spra mo 'di lan gnyis lan gsum du khyod kyi gdong du rnam par lta bar byed/ ro smad stobs par byed nas khyod 'di lta ste/ kho bo cag la ngo tsha bas de zlog par byed/ 'on kyang </font><hr>Ca42a<br><font size=+1>


@#/ /dgon pa'i spra mo 'di khyod la khros 'khrugs rngam par gyur cing yid mi dga' nas/ khyod kyi gdong dang sna dang chos gos rkang pa'i sen mo dag gis mngon par brad de mtha' gcig tu song nas ngu ru ru zer zhing khyi tshugs su 'dug /des skabs de dge slong de dag la rgyas par brjod do/ /de skad ces smras pa dang / dge slong de dag gis dge slong de la 'di skad ces smras so| |tshe dang ldan pa 'o na bcom ldan 'das kyis mi tshangs par spyod pa 'khrig pa'i chos ma bkag gam/ tshe dang ldan pa dag bkag ste/ de yang mi nyid la yin gyi/ dud 'gror skyes pa la ni ma yin no/ /dge slong de dag de la mngon par bstod par yang mi byed/ phyir zlog par yang mi byed cing mngon par bstod par yang ma byas/ phyir bzlog pa yang ma byas par stan dag las langs nas/ bcom ldan 'das ga la ba der dong ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas/ bcom ldan 'das la dge slong rab tu mang po dag gis skabs de rgyas par gsol to/ /bcom ldan 'das kyis bka' stsal pa/ dge slong dag ngas re zhig mi la yang bkag na dud 'gror skyes pa lta la ci smos te/ dge slong dag mi gti mug can de ni pham par gyur to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do/ / </font><hr>Ca42b<br><font size=+1>


sangs rgyas bcom ldan 'das rnams ni mkhyen bzhin du rmed par mdzad pas zhes bya ba nas sangs rgyas bcom ldan 'das kyis dge slong de la rmas pa zhes bya ba'i bar du snga ma bzhin no/ /dge slong khyod kyis mi mdzes pa de lta bu de byas par gyur pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa zhes bya ba nas mi gti mug can khyod kyis sbrul nag po dug myur du khyab pa dug drag pa rtsub pa dug rno ba'i khar rang gi yan lag gi rnam pa bcug par gyur pa ni bla'i/ de ltar gyur pas dud 'gro'i skye gnas su skyes pa la ni ma yin no zhes bya ba'i bar rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na snga ma ni bcas pa'o/ /'di ni rjes su bcas pa'o/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong rnams dang lhan cig bslab pa mtshungs par gyur pas bslab pa ma phul/ bslab pa nyams par ma byas par mi tshangs par spyod pa 'khrig pa'i chos bsten na tha na dud 'gro'i skye gnas su skye pa dang lhan cig kyang rung ste dge slong de pham par gyur ba yin gyis gnas par mi bya'o/ /yang dge slong gang zhes bya ba ni dge slong rnam pa bzhi po ming gi dge slong dang / khas 'che ba'i dge slong dang / slong ba'i phyir dge slong dang / nyon mongs pa bcom pa'i phyir dge slong </font><hr>Ca43a<br><font size=+1>


@#/ /las ming gi dge slong gang zhe na/ gang gi ming dang ming du brjod pa dang / tshig gnyis pa dang / tshig bla dwags dang 'du shes dang / bod pa dang gdags pa dang / tha snyad dge slong zhe'am dge slong gi rigs zhes sam/ dge slong dang 'dra bar gyur pa zhes bya ba de ni ming gi dge slong zhes bya'o/ /khas 'che ba'i dge slong gang zhe na/ gang dge slong ma yin bzhin du bdag nyid dge slong ngo zhes khas 'che bar byed pa dang / rku thabs su gnas shing dge slong du dam 'cha' bar byed pa ni khas 'che ba'i dge slong zhes bya'o/ /slong ba'i phyir dge slong gang zhe na/ gang chos dang ldan pas slong mo spyod pas 'tsho bar byed pa ni slong ba'i phyir dge slong zhes bya'o/ /nyon mongs pa bcom pa'i phyir dge slong gang zhe na/ gang gi zag pa kun nas nyon mongs par byed pa yang sring par byed pa rims nad dang bcas pa rnam par smin pa sdug bsngal ba phyi ma la skye ba dang rga ba dang 'chi bar 'gyur ba gang dag yin pa de dag spangs pa dang / yongs su shes pa dang| rtsa ba nas bcad pa dang / shing ta la'i mgo bzhin du gzhi mi snang ba dang / phyi ma la mi skye ba'i chos can du gyur pa de ni nyon mongs pa bcom pa'i phyir dge slong zhes bya'o/ /don 'dir ni gsol ba dang / bzhi'i las mi g.yo ba gzhag par mi 'os pas bsnyen par rdzogs pa gang yin pa de dge slong du dgongs te/ des na yang dge slong gang zhes gsungs so/ /dge slong </font><hr>Ca43b<br><font size=+1>


rnams dang lhan cig ces bya ba ni/ de las gzhan pa chos mthun pa tshangs pa mtshungs par spyod pa rnams dang ngo / /bslab pa mtshungs par gyur pas zhes bya ba ni/ bslab pa gang la bsnyen par rdzogs nas lo brgya lon pa'i dge slong gis bslab par bya ba de la deng bsnyen par rdzogs pas dang / deng bsnyen par rdzogs pas gang la bslab par bya ba de la bsnyen par rdzogs nas lo brgya lon pas kyang ngo zhes 'di la tshul khrims nyid kyis mnyam pa dang / bslab pa nyid kyis mnyam pa dang / so sor thar pa'i mdo gdon pa nyid kyis mnyam pa gang yin pa de ni bslab pa mtshungs par gyur pas zhes bya ste| des na bslab pa mtshungs par gyur pas zhes gsungs so/ /bslab pa ma phul zhes bya ba la/ ji tsam gyis na bslab pa ma phul ba yin zhe na/ 'di lta ste/ dge slong khros shing khro ba'i zil gyis non pas bslab pa 'bul na bslab pa ma phul bar brjod par bya'o/ /myos pa dang sems 'khrugs pa dang / tshor ba dag gis nyen pas bslab pa 'bul na bslab pa ma phul bar brjod par bya'o/ / smyon pa la bslab pa 'bul na bslab pa ma phul bar brjod par bya'o/ /sems 'khrugs pa dang / tshor ba dag gis nyen pa la bslab pa 'bul na bslab pa ma phul bar brjod par bya'o/ /glen pa dang lkug pa dang 'on pa la bslab pa 'bul na bslab pa ma phul bar brjod par bya'o/ /dben par dben par 'du shes pas bslab pa 'bul na bslab pa ma phul bar brjod par bya'o/ /dben par </font><hr>Ca44a<br><font size=+1>


@#/ /mi dben par 'du shes pas bslab pa 'bul na bslab pa ma phul bar brjod par bya'o/ /mi dben par dben par 'du shes pas bslab pa 'bul na bslab pa ma phul bar brjod par bya'o/ /dbus pas mtha' 'khob pa'i tshig gis dbus pa la bslab pa 'bul bar byed la/ dbus pas gal te mtha' 'khob pa'i tshig smras pa de ma shes na bslab pa ma phul bar brjod par bya'o/ /mtha' 'khob pas dbus pa'i tshig gis mtha' 'khob pa la bslab pa 'bul bar byed la/ mtha' 'khob pas gal te dbus pa'i tshig smras pa de ma shes na bslab pa ma phul bar brjod par bya'o/ /mtha' 'khob pas mtha' 'khob pa'i tshig gis dbus pa la bslab pa 'bul bar byed la dbus pas gal te mtha' 'khob pa'i tshig smras pa de ma shes na bslab pa ma phul bar brjod par bya'o/ /dbus pas dbus pa'i tshig gis mtha' 'khob pa la bslab pa 'bul bar byed pa la mtha' 'khob pas gal te dbus pa'i tshig smras pa ma shes na bslab pa ma phul bar brjod par bya'o/ /mi gnyid log pa dang snyoms par zhugs pa dang lha dang sprul pa dang dud 'gro dang gzugs brnyan la bslab pa 'bul na bslab pa ma phul bar brjod par bya'o/ /klag cor can gyis klag cor can la bslab pa 'bul na bslab pa ma phul bar brjod par bya'o/ /gtong ba'i sems med pa dang / dge sbyong gi tshul 'dod pa dang / khyim na </font><hr>Ca44b<br><font size=+1>


gnas par mi 'dod pa dang / mi rang bzhin du gnas pa shes pas 'ga' la yang rnam par rig par mi byed na bslab pa ma phul bar brjod par bya ste/ des na bslab pa ma phul zhes gsungs so/ /bslab pa nyams par ma byas par zhes bya ba la/ bslab pa phul la bslab pa nyams par ma byas pa yang yod/ bslab pa nyams par byas la bslab pa ma phul ba yang yod/ bslab pa nyams par yang byas la bslab pa phul ba yang yod/ bslab pa ma phul zhing bslab pa nyams par ma byas pa yang yod do/ /de la re zhig bslab pa phul la bslab pa nyams par ma byas pa ni 'di lta ste/ dge slong 'dod pa'am/ mngon par mi dga' ba'am/ rnam par 'khyam 'dod cing / dge slong gi tshul don du mi gnyer ba'am/ dge sbyong gi tshul gyis sgyid lug pa'am/ mus byung ba'am/ the tshom za ba'am/ smod pa'am/ dge sbyong gi tshul yongs su gtong 'dod pa na dge slong gi drung du song ste/ 'di skad ces tshe dang ldan pa dgongs su gsol/ bdag ming 'di zhes bgyi ba bslab pa 'bul lo zhes zer na bslab pa phul bar brjod par bya'o/ /sangs rgyas dang chos dang dge 'dun 'bul lo zhes zer na bslab pa phul bar brjod par bya'o/ /mdo sde dang 'dul ba dang ma mo 'bul lo zhes zer na bslab pa phul bar brjod par bya'o/ / mkhan po dang slob dpon 'bul lo zhes zer na bslab pa phul bar brjod par bya'o/ /bdag khyim pa'am/ dge tshul lam/ za ma'am/ ma ning ngam/ dge slong ma sun phyung ba'am/ ma bsad pa'am/ </font><hr>Ca45a<br><font size=+1>


@#/ /pha bsad pa'am/ dgra bcom pa bsad pa'am/ dge 'dun gyi dbyen byas pa'am/ de bzhin gshegs pa la ngan sems kyis khrag phyung ba'am/ mu stegs can nam/ mu stegs can zhugs pa'am/ rku thabs su gnas pa'am/ tha dad par gnas pa'am/ gnas par mi bya bar gzung du gsol zhe'am/ tha na 'di skad ces bdag khyed lta bu chos mthun pa tshangs pa mtshungs pa spyod pa dag gis chog go zhes zer na bslab pa phul bar brjod par bya ste/ de ltar na bslab pa phul la bslab pa nyams par ma byas pa yin no/ /ji ltar na bslab pa nyams par byas la bslab pa ma phul ba yin zhe na/ 'di lta ste/ dge slong 'dod pa'am/ mngon par mi dga' ba'am/ rnam par 'khyam 'dod cing dge sbyong gi tshul mi 'dod pa'am/ dge sbyong gi tshul gyis sgyid lug pa'am/ mus byung ba'am/ the tshom za ba'am/ smod pa'am/ dge sbyong gi tshul yongs su gtong 'dod pa na dge slong gi drung du song ste/ 'di skad ces tshe dang ldan pa mkhyen par mdzod cig /tshangs par spyod pa spyad dka'o/ /rab tu dben par bya'o/ /gcig pu nyid la mngon par dga' ba dka'o/ /gnas mal dgon pa nags khrod dang / ri drung dang bas mtha' dag tu gnas pa khong du chud par dka'o/ /gcig pu dgon par gnas pa sdug bsngal lo/ /pha ma dang phu nu dang bu sring dran no/ /bdag bzo dag slob tu chug cig /bdag gi las kyi mtha' dag </font><hr>Ca45b<br><font size=+1>


tshol cig /bdag khyim bzang po dag tu gtod cig ces de ltar de la 'dod pa'am/ mngon par mi dga' ba'am/ rnam par 'khyam 'dod cing dge sbyong gi tshul mi 'dod pa'am/ dge sbyong gi tshul gyis sgyid lug pa'am/ mus byung ba'am/ the tshom za ba'am/ smod pa'am/ dge sbyong gi tshul yongs su gtong 'dod pa'i ngag dang tshig dang tha snyad dang skad dang brjod pa dang nges pa'i tshig dang / tshig gi lam dang / tshig gi sgra dang / ngag gi las dang / ngag gi rnam par rig byed gang yin pa dag ni rjod par byed la/ 'di skad ces tshe dang ldan pa dgongs su gsol/ bdag ming 'di zhes bgyi ba bslab pa 'bul lo zhe'am/ sangs rgyas dang chos dang dge 'dun 'bul lo zhe'am/ mdo sde dang 'dul ba dang ma mo 'bul lo zhe'am/ mkhan po dang slob dpon 'bul lo zhe'am/ bdag khyim pa'am/ dge tshul lam/ za ma'am/ ma ning ngam/ dge slong ma sun phyung ba'am/ ma bsad pa'am/ pha bsad pa'am/ dgra bcom pa bsad pa'am/ dge 'dun gyi dbyen byas pa'am/ de bzhin gshegs pa la ngan sems kyis khrag phyung ba'am/ mu stegs can nam/ mu stegs can zhugs pa'am/ rku thabs su gnas pa'am/ tha dad par gnas pa'am/ gnas par mi bya bar gzung du gsol zhe'am/ tha na 'di skad ces bdag khyod lta bu chos mthun pa tshangs pa mtshungs par spyod pa dag gis chog go zhes ni mi zer ba ste/ de ltar na bslab pa nyams par byas la bslab pa ma phul </font><hr>Ca46a<br><font size=+1>


@#/ /ba yin no/ /ji ltar na bslab pa nyams par yang byas la/ bslab pa phul ba yang yin zhe na/ 'di lta ste/ dge slong 'dod pa'am/ mngon par mi dga' ba'am/ rnam par 'khyam 'dod cing dge sbyong gi tshul mi 'dod pa'am/ dge sbyong gi tshul gyis sgyid lug pa'am/ mus byung ba'am/ the tshom za ba'am/ smod pa'am/ dge sbyong gi tshul yongs su gtong 'dod pa dang / dge slong gi drung du song ste 'di skad ces tshe dang ldan pa mkhyen par mdzod cig/ tshangs par spyod pa spyad dka'o/ /rab tu dben par bya dka'o/ /gcig pu nyid la mngon par dga' bar dka'o/ /gnas mal dgon pa nags khrod dang ri drung dang / bas mtha' dag tu gnas pa khong du chud par dka'o/ /gcig pu dgon par gnas pa sdug bsngal lo/ /pha ma dang phu nu dang bu sring dran no/ /bdag bzo dag slob tu chug cig/ bdag gis las kyi mtha' dag tshol cig/ bdag khyim bzang po dag tu gtod cig ces de ltar de la 'dod pa'am/ mngon par mi dga' ba'am/ rnam par 'khyam 'dod par gyur cing dge sbyong gi tshul mi 'dod pa'am/ dge sbyong gi tshul gyis sgyid lug pa'am/ mus byung ba'am/ the tshom za ba'am/ smod pa'am/ dge sbyong gi tshul yongs su gtong 'dod pa'i ngag dang tshig dang tha snyad dang skad dang brjod pa dang / nges pa'i tshig dang / tshig gi lam dang / tshig gi sgra dang / ngag gi las dang / ngag gi </font><hr>Ca46b<br><font size=+1>


rnam par rig byed gang yin pa dag kyang rjod par byed la/ 'di skad ces tshe dang ldan pa dgongs su gsol/ bdag mid 'di zhes bgyi ba bslab pa 'bul lo zhe'am/ sangs rgyas dang chos dang dge 'dun 'bul lo zhe'am/ mdo sde dang 'dul ba dang / ma mo 'bul lo zhe'am/ mkhan po dang slob dpon 'bul lo zhe'am/ bdag khyim pa'am/ dge tshul lam/ za ma'am/ ma ning ngam/ dge slong ma sun phyung ba'am/ ma bsad pa'am/ pha bsad pa'am/ dgra bcom pa bsad pa'am/ dge 'dun gyi dbyen byas pa'am/ de bzhin gshegs pa la ngan sems kyis khrag phyung ba'am/ mu stegs can nam/ mu stegs can zhugs pa'am/ rku thabs su gnas pa'am/ tha dad par gnas pa'am/ gnas par mi bya bar gzung du gsol zhe'am/ tha na 'di skad ces bdag khyed cag lta bu chos mthun pa tshangs pa mtshungs par spyod pa dag gis chog go zhes kyang zer na bslab pa phul bar brjod par bya ste/ de ltar na bslab pa nyams par yang byas la bslab pa phul pa yang yin no// ji ltar na bslab pa ma phul zhing bslab pa nyams par ma byas pa yang yin zhe na/ rnam pa de dag ma gtogs pa ste/ des na bslab pa nyams par ma byas par zhes gsungs so/ /mi tshangs par spyod pa zhes bya ba ni/ gnyis kyi gnyis sprod pa'o/ /'khrig pa zhes bya ba ni mi tshangs par spyod pa gang yin pa de 'khrig pa yang yin no/ /chos shes bya ba ni chos ma yin pa de chos </font><hr>Ca47a<br><font size=+1>


@#/ /kyi sgrar gsungs pa'o/ /brten na zhes bya ba ni lhag par spyad na'o/ /tha na dud 'gro'i skye gnas su skyes pa dang lhan cig kyang rung ste zhes bya ba ni spra mo'am spra mo dang 'dra bar gtogs pa dang ngo / /dge slong zhes bya ba ni/ gang la dge slong gi dngos po yod pa gang yin pa'o/ /dge slong gi dngos po gang zhe na/ bsnyen par rdzogs pa gang yin pa'o/ /bsnyen par rdzogs pa gang zhe na/ gsol ba dang bzhi'i las kyi bya ba byed pa nyid dang / rtog pa nyid dang / yang dag par rtog pa nyid dang / mthar phyin par byed pa nyid dang / yang dag par mthar byin par byed pa nyid gang yin pa dang / gang zag de'i khas len pa dang / mngon par khas len pa dang / phyir mi zlog pa dang / phyir mi 'gog pa nyid dang / ngag dang tshig dang / tha snyad dang / skad dang brjod pa dang / nges pa'i tshig dang / tshig gi lam dang / tshig gi sgra dang / ngag gi las dang / ngag gi rnam par rig byed gang yin pa'o/ /de zhes bya ba ni/ nye bar bstan pa dang / kun tu bstan pa'i tshig bla dwags de'o/ /pham par gyur pa yin gyis zhes bya ba ni/ de mtha' gyur pa dang / ltung ba dang / dman pa dang / mjug na 'dug pa dang / tha chad dang yid dang mi mthun pa yin pa'o/ /yang gang gis ltung ba de byas na byas ma thag tu dge slong du mi rung bar 'gyur/ dge sbyong du mi rung / shAkya'i sras kyir mi rung / dge sbyong gi dngos po las nyams par </font><hr>Ca47b<br><font size=+1>


'gyur pa ste/ de'i dge sbyong gi tshul zhig par 'gyur zhing / nyams pa/ bcom pa/ ltung ba pham par gyur pa ste/ de'i dge slong gi tshul phyir blang du med par 'gyur ro/ /'di lta ste dper na/ shing ta la'i mgo bcad sngon por 'gyur du mi rung ba 'phel zhing rgyas pa dang / yangs par 'gyur du mi rung ba de bzhin du dge slong gis gnas de lta bu byas na/ byas ma thag tu dge slong du mi rung bar 'gyur/ dge sbyong du mi rung / shAkya'i sras kyir mi rung / dge slong gi dngos po las nyams par 'gyur te/ de'i dge sbyong gi tshul zhig par 'gyur zhing / nyams pa/ bcom pa/ ltung ba pham par gyur pa ste/ de'i dge sbyong gi tshul phyir blang du med par 'gyur bas/ des na pham par gyur pa yin gyis zhes gsungs so/ /gnas par mi bya'o zhes bya ba ni/ dge slong rnams kyis de dang gso sbyong dang dgag dbye dang / gsol ba dang / gsol ba dang gnyis dang / gsol ba dang bzhi'i las la gnas par mi bya'o/ /gang zag bcu gnyis po dag tu bsko bas bsko bar mi bya ba ste des na gnas par mi bya'o zhes gsungs so| |de la ltung ba ji ltar 'gyur zhe na/ sdom la/ 'ba' zhig dang ni gnas gsum dang / /bud med skyes pa ma ning dang / /sten la gzhol dang rtsol ba dang / /myos par byas dang mthus 'dzin pa'o// dge slong gis mi tshangs par spyod pa 'khrig pa'i chos bsten na pham par 'gyur ro/ /dge slong gis gnas gsum gyis mi tshangs par spyod pa 'khrig pa'i chos bsten na pham par 'gyur ro/ / </font><hr>Ca48a<br><font size=+1>


@#/ /zag byed zag byed dam kha'am/ bshang ba'i lam du 'dzud na/ bcug ma thag tu pham par 'gyur ro/ /dge slong gis bud med dang skyes pa dang ma ning gsum dang lhan cig mi tshangs par spyod pa 'khrig pa'i chos bsten na pham par 'gyur ro/ /dge slong gi sems sten pa la gzhol ba dang sten pa la 'bab pa dang sten pa la bab par gyur cing de sems sten pa la gzhol ba dang| sten pa la 'bab pa dang / sten pa la bab pas mi'i bud med gson po ma nyams pa la zag byed par dang bcas bar chad dang bcas pa dang / bar dang bcas pas bar chad med pa dang / bar med pas bar chad dang bcas pa dang / bar med pas bar chad med pa/ zag byed dam kha'am bshang ba'i lam du 'dzud na/ bcug ma thag tu pham par 'gyur ro/ /dge slong gi sems sten pa la gzhol ba dang / sten pa la 'bab pa dang / sten pa la bab par gyur cing de sems sten pa la gzhol ba dang / sten pa la 'bab pa dang / sten pa la bab pas mi'i bud med gson po nyams pa la/ zag byed par dang bcas pas bar chad dang bcas pa dang / bar dang bcas pas bar chad med pa dang / bar med pas bar chad dang bcas pa dang / bar med pas bar chad med pa/ zag byed dam kha'am bshang ba'i lam du 'dzud na/ bcug ma thag tu nyes pa sbom por 'gyur ro/ /dge slong gi sems sten pa la gzhol ba dang / sten pa la 'bab pa dang / sten </font><hr>Ca48b<br><font size=+1>


pa la bab par gyur cing de sems sten pa la gzhol ba dang / sten pa la 'bab pa dang / sten pa la bab pas mi'i bud med shi ba ma nyams pa la/ zag byed bar dang bcas pas bar chad dang bcas pa dang / bar dang bcas pas bar chad med pa dang / bar med pas bar chad dang bcas pa dang / bar med pas bar chad med pa/ zag byed dam kha'am bshang ba'i lam du 'dzud na/ bcug ma thag tu pham par 'gyur ro/ /dge slong gi sems sten pa la gzhol ba dang sten pa la 'bab pa dang / sten pa la bab par gyur cing / de sems sten pa la gzhol ba dang / sten pa la 'bab pa dang / sten pa la bab pas mi'i bud med shi ba nyams pa la/ zag byed bar dang bcas pas bar chad dang bcas pa dang / bar dang bcas pas bar chad med pa dang / bar med pas bar chad dang bcas pa dang / bar med pas bar chad med pa zag byed dam kha'am bshang ba'i lam du 'dzud na/ bcug ma thag tu nyes pa sbom por 'gyur ro/ /mi'i bud med gson po dang shi ba la ji lta ba de bzhin du mi ma yin pa mo gson po dang shi ba dang / dud 'gro'i skyes gnas su skyes pa mo gson po dang shi ba la yang de bzhin no/ /skyes pa gson po dang shi ba la rma'i sgo gnyis su yang de bzhin no/ /skyes pa gson po dang shi ba la rma'i sgo gnyis su ji lta ba de bzhin du/ mi ma yin pa pho gson po dang shi ba la rma'i sgo gnyis su dang / dud 'gro'i skye gnas su skyes pa phog gson po dang shi ba la rma'i sgo gnyis su yang de bzhin </font><hr>Ca49a<br><font size=+1>


@#/ /no/ /skyes pa la ji lta ba de bzhin du mi'i ma ning pho gson po dang shi ba la rma'i sgo gnyis su dang / mi ma yin pa'i ma ning pho gson po dang shi ba la rma'i sgo gnyis su dang / dud 'gro'i skye gnas su skyes pa'i ma ning pho gson po dang shi ba la rma'i sgo gnyis su yang de bzhin no/ /dge slong gis dge slong nyal ba la rtsol bar byed cing / gal te dge slong gis de dang por yang ma shes bar du yang ma shes tha mar yang ma shes na gang rtsol bar byed pa de bsnyil bar bya'o/ /dge slong gis dge slong nyal ba la rtsol bar byed cing / gal te dge slong gis de dang por shes shing bar du yang ma shes tha mar yang ma shes na gang rtsol bar byed pa de bsnyil bar bya'o/ /dge slong gis dge slong nyal ba la rtsol bar byed cing / gal te dge slong gis de dang por yang shes bar du yang shes shing tha mar ma shes na/ gang rtsol bar byed pa de bsnyil bar bya'o/ /dge slong gis dge slong nyal ba la rtsol bar byed cing / gal te dge slong gis de dang por yang shes bar du yang shes tha mar yang shes la/ shes nas kyang bdag gir mi byed na gang rtsol bar byed pa de bsnyil bar bya'o/ /dge slong gis dge slong nyal ba la rtsol ba byed cing / gal te dge slong gis de dang por yang shes bar du yang shes tha mar yang shes la shes nas kyang bdag gir byed na gnyi ga bsnyil bar bya'o/ /dge slong gis dge slong la ji lta ba bzhin du dge slong gis dge slong ma </font><hr>Ca49b<br><font size=+1>


dang / dge slob ma dang / dge tshul dang / dge tshul ma la dang / dge slong mas dge slong dang / dge tshul la dang / dge slob mas dge slong dang / dge tshul la dang / dge tshul mas dge slong dang / dge tshul la dang / dge tshul gyis dge slong dang / dge slong ma dang / dge slob ma dang / dge tshul dang / dge tshul ma la yang de bzhin no/ /dge slong gis dge slong 'bru'i chang gis myos par byed du bcug ste| rtsol bar byed cing / gal te dge slong gis de dang por yang ma shes bar du yang ma shes tha mar yang ma shes na gang rtsol bar byed pa de bsnyil bar bya'o/ /dge slong gis dge slong 'bru'i chang gis myos par byed du bcug ste/ rtsol bar byed cing gal te dge slong gis de dang por shes shing bar du yang ma shes tha mar yang ma shes na gang rtsol bar byed pa de bsnyil bar bya'o/ /dge slong gis dge slong 'bru'i chang gis myos par byed du bcug ste/ rtsol bar byed cing gal te dge slong gis de dang por yang shes par du yang shes shing tha mar ma shes na gang rtsol bar byed pa de bsnyil bar bya'o/ /dge slong gis dge slong 'bru'i chang gis myos par byed du bcug ste/ rtsol bar byed cing gal te dge slong gis de dang por yang shes bar du yang shes tha mar yang shes la shes nas kyang bdag gir mi byed na gang rtsol bar byed pa de bsnyil bar bya'o/ /dge slong gis dge slong 'bru'i chang gis myos par byed du bcug ste/ rtsol bar byed cing gal te dge slong gis de dang por yang shes bar du yang shes tha </font><hr>Ca50a<br><font size=+1>


@#/ /mar yang shes la shes nas kyang bdag gir byed na gnyi ga bsnyil bar bya'o/ /dge slong gis dge slong la ji lta ba bzhin du/ dge slong gis dge slong ma dang / dge slob ma dang / dge tshul dang / dge tshul ma dang / dge slong mas dge slong dang / dge tshul dang / dge slob mas dge slong dang / dge tshul dang / dge tshul mas dge slong dang dge tshul dang / dge tshul gyis dge slong dang / dge slong ma dang / dge slob ma dang / dge tshul dang / dge tshul ma la yang de bzhin no/ /'bru'i chang gis ji lta ba de bzhin du bcos pa'i chang dang / sbyar ba'i chang dang / rtsa ba'i btung ba dang / sdong bu'i btung ba dang / 'dab ma'i btung ba dang / me tog gi btung ba dang / 'bras bu'i btung bas sam/ gsang sngags dag dang rig sngags dag dang / sman gyis sems 'khrugs par byas pa'am/ gnyid log par byas te yang de bzhin no/ /dge slong gis dge slong gya tshom du mthus bzung ste/ rtsol bar byed cing gal te dge slong gis de 'dzud pa na bdag gir byed na gnyi ga bsnyil bar bya'o/ /'dzud pa na mi byed kyang bcug pa na bdag gir byed na gnyi ga bsnyil bar bya'o/ /'dzud pa na yang mi byed/ bcug pa na yang mi byed mod kyi 'byin pa na bdag gir byed na gnyi ga bsnyil bar bya'o/ /'dzud pa na yang bdag gir mi byed/ bcug pa na yang mi byed/ 'byin pa na yang mi byed na gang rtsol ba de bsnyil bar bya'o/ /dge slong gis </font><hr>Ca50b<br><font size=+1>


dge slong la ji lta ba bzhin du dge slong gis dge slong ma dang / dge slob ma dang / dge tshul dang / dge tshul ma dang / dge slong mas dge slong dang / dge tshul dang / dge slob mas dge slong dang / dge tshul dang / dge tshul mas dge slong dang / dge tshul dang / dge tshul gyis dge slong dang / dge slong ma dang / dge slob ma dang / dge tshul dang / dge tshul ma la yang de bzhin no// // 'dul ba rnam par 'byed pa/ bam po gnyis pa/ sdom la/ rgyab gnyen dang ni 'phyang ba can/ /mdzes dga' tshogs can rgan mo dang / /dge slong gnyid kyis log pa la/ /lci thun mas brtsal nyes med pa'o/ /sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /dus gzhan zhig na rtse bar byed dga' bar byed dga' mgur spyod par byed pa de'i chung ma la sems can zhugs par gyur nas/ de zla ba brgyad dam dgu 'das te btsas pa las khye'u zhig byung ba de'i rgyab 'di lta ste/ dper na ri bong ngam byi la'i ltar mnyen pa dang / shin tu mnyen par gyur to/ /de'i nye du dag 'dus shing lhags nas nyi ma bdun gsum nyi shu gcig tu btsas pa'i bcas ston rgya cher byas nas/ khye'u yi ming cir gdags zhes ming 'dogs par byed do/ /de </font><hr>Ca51a<br><font size=+1>


@#/ /dag 'di snyam du sems te gang gi phyir khye'u 'di'i rgyab 'di lta ste/ dper na ri bong ngam byi la'i ltar mnyen pa dang shin tu mnyen pa de'i phyir khye'u 'di'i ming rgyab mnyen zhes bya'o/ /zhes de'i ming rgyab mnyen zhes bya bar btags so/ /de 'o ma dang zho dang mar dang zhun mar dang mar gyi snying khu dang / gzhan yang yo byad kyi bye brag gtso bo gtso bo dag gis sring bar byed skyed par byed cing rdzing na gnas pa'i pad+ma bzhin du myur du skyed par byed do/ /de gang gi tshe chen por gyur pa de'i tshe legs par gsungs pa'i chos 'dul ba la rab tu byung ngo / /de de ltar rab tu byung nas de snga dro sham thabs bgos/ chos gos dang lhung bzed thogs te/ grong ngam grong rdal gang na nye bar rten cing gnas pa'i grong ngam grong rdal de nyid du lus ma bsrungs dbang po dag ma bsdams dran pa nye bar ma bzhag par bsod snyoms la zhugs so/ /des grong ngam/ grong rdal de nyid du bsod snyoms la brgyus nas zas kyi bya ba byas te/ phyi ma'i zas kyi bsod snyoms las phyir log pas lhung bzed dang chos gos mkhos su phab nas rkang pa gnyis bkrus te nang du yang dag 'jog gi phyir gnas su zhugs so/ /de'i sems gang gi tshe 'dod pa la 'dod chags kyis kun nas bkris par gyur pa de'i tshe/ des rang gi yan lag gi rnam pa las su rung bar byas te rang gi khar bcug nas rtsol ba byed do/ /de nas dus gzhan zhig na dge slong rab tu mang po </font><hr>Ca51b<br><font size=+1>


gnas nyul zhing rgyu ba dag dge slong de'i gnas ga la ba der phyin pa dang / dge slong de dag gis dge slong de de ltar byed pa mthong ngo / /mthong nas kyang yid mi dga' zhing mngon par ma mgu nas/ dge slong de la 'di skad ces smras so/ /tshe dang ldan pa ci byed/ reg pa bdag gir byed do/ /tshe dang ldan pa 'o na bcom ldan 'das kyis mi tshangs par spyod pa 'khrig pa'i chos ma bkag gam/ tshe dang ldan pa dag bkag ste| de ni gzhan gyi la yin gyi rang gi la ni ma yin no/ /dge slong de dag de la mngon par bstod par yang mi byed/ phyir zlog par yang mi byed cing mngon par bstod par yang ma byas/ phyir bzlog par yang ma byas par dong nas/ bcom ldan 'das ga la ba der dong ste phyin pa dang / bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas bcom ldan 'das la dge slong rab tu mang po dag gis skabs de rgyas par gsol pa dang / bcom ldan 'das kyis bka' stsal pa/ dge slong dag ngas re zhig gzhan gyi la yang bkag na rang gi la lta smos kyang ci dgos te/ mi gti mug can de ni pham par gyur to/ /dge slong gi sems sten pa la gzhol ba dang / sten pa la 'bab pa dang / sten pa la bab par gyur cing de sems sten pa la gzhol ba dang / sten pa la 'bab pa dang / sten pa la bab pas rang gi yan lag gi rnam pa las su rung bar byas te/ rang gi'am gzhan gyi khar bcug nas rtsol bar byed na bcug ma thag tu pham par 'gyur </font><hr>Ca52a<br><font size=+1>


@#/ /ro| |sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa des rigs mnyam pa las chung ma blangs nas/ de de dang lhan cig rtse bar byed dga' bar byed dga' mgur spyod par byed do/ /dus gzhan zhig na rtse bar byed dga' bar byed dga' mgur spyod par byed pa de'i chung ma la sems can zhugs par gyur nas/ de zla ba brgyad dam dgu 'das te btsas pa las khye'u yan lag gi rnam pa tshad las shin tu 'das pa zhig byung ngo / /de'i nye du dag 'dus shing lhags nas nyi ma bdun gsum nyi shu gcig tu btsas pa'i btsas ston rgya cher byas nas/ khye'u yi ming cir gdags zhes ming 'dogs par byed do/ /de dag 'di snyam du sems te gang gi phyir khye'u 'di'i yan lag gi rnam pa tshad las shin tu 'das pa de'i phyir khye'u 'di 'phyang ba can zhes bya'o zhes de'i ming 'phyang ba can zhes bya bar btags so/ /de 'o ma dang zho dang mar dang zhun mar dang mar gyi snying khu dang / gzhan yang yo byad kyi bye brag gtso bo gtso bo dag gis sring bar byed skyed par byed cing rdzing na gnas pa'i pad+ma bzhin du myur du skyed par byed do/ /de gang gi tshe chen por gyur pa de'i tshe legs par gsungs pa'i chos 'dul ba la rab tu byung ngo / /de de ltar rab tu byung nas de snga dro sham thabs bgos/ lhung bzed dang chos gos thogs te/ grong ngam grong rdal gang na nye bar rten cing gnas pa'i </font><hr>Ca52b<br><font size=+1>


grong ngam grong rdal de nyid du lus ma bsrungs/ dbang po dag ma bsdams/ dran pa nye bar ma bzhag par bsod snyoms la zhugs so/ /des grong ngam grong rdal de nyid du bsod snyoms la brgyus nas zas kyi bya ba byas te/ phyi ma'i zas kyi bsod snyoms las phyir log pas/ lhung bzed dang chos gos mkhos su phab nas rkang pa gnyis bkrus te nang du yang dag 'jog gi phyir gnas su zhugs so/ /de'i sems gang gi tshe 'dod pa la 'dod chags kyi kun nas dkris par gyur pa de'i tshe/ des rang gi yan lag gi rnam pa las su rung bar byas te rang gi bshang ba'i lam du bcug nas rtsol bar byed do/ /de nas dus gzhan zhig na dge slong rab tu mang po gnas nyul zhing rgyu ba dag dge slong de'i gnas ga la ba der phyin pa dang / dge slong de dag gis dge slong de de ltar byed pa mthong ngo / /mthong nas kyang yid mi dga' zhing mngon par ma mgu nas/ dge slong de la 'di skad ces smras so/ /tshe dang ldan pa ci byed/ reg pa bdag gir byed do/ /tshe dang ldan pa 'o na bcom ldan 'das kyis mi tshangs par spyod pa 'khrig pa'i chos ma bkag gam/ tshe dang ldan pa dag bkag ste de ni gzhan gyi la yin gyi rang gi la ni ma yin no/ /dge slong de dag de la mngon par bstod par yang mi byed/ phyir zlog par yang mi byed cing / mngon par bstod par yang ma byas/ phyir bzlog par yang ma byas par dong nas/ bcom ldan 'das ga la ba der dong ste phyin pa dang / bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod </font><hr>Ca53a<br><font size=+1>


@#/ /nas/ bcom ldan 'das la dge slong rab tu mang po dag gis skabs de rgyas par gsol pa dang / bcom ldan 'das kyis bka' stsal pa/ dge slong dag ngas re zhig gzhan gyi la yang bkag na rang gi la lta smos kyang ci dgos te/ mi gti mug can de ni pham par gyur to/ /dge slong gi sems sten pa la gzhol ba dang / sten pa la 'bab pa dang / sten pa la bab par gyur cing / de sems sten pa la gzhol ba dang / sten pa la 'bab pa dang / sten pa la bab pas rang gi yan lag gi rnam pa las su rung bar byas te/ rang gi'am gzhan gyi bshang ba'i lam du bcug nas rtsol bar byed na/ bcug ma thag tu pham par 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ de'i tshe na 'phags rgyal na ded dpon dga' bo zhes bya ba phyug pa nor mang ba longs spyod che ba yongs su gzung ba yangs shing rgya che ba rnams thos kyi bu'i nor dang ldan pa rnam thos kyi bu la nor gyis 'gran pa zhig 'dug ste/ des rigs mnyam pa las chung ma blangs nas/ de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed dga' bar byed dga' mgur spyod par byed pa de la bu yang med/ bu mo yang med nas/ de bu med cing bu mngon par 'dod pas zhi ba dang chu lha dang lus ngan dang brgya byin dang tshangs pa la sogs pa dag la </font><hr>Ca53b<br><font size=+1>


gsol ba 'debs shing / lha'i bye brag gzhan 'di lta ste/ kun dga' ra ba'i lha dag dang / tshal gyi lha dag dang / bzhi mdo'i lha gad dang / sum mdo'i lha dag dang / gtor ma len pa'i lha dag dang / lhan cig skyes pa dag dang / chos mthun pa dag dang / rtag tu rjes su 'brang ba'i lha dag la yang gsol ba 'debs so/ /'jig rten na gang gsol ba 'debs pa'i rgyu las bu dag dang bu mo dag skye'o zhes bya ba'i gtam de lta bu yod de/ de ni de lta ma yin te gal te de ltar gyur du zin na re re la yang 'di lta ste/ dper na 'khor los sgyur ba'i rgyal po bzhin du bu stong yod par 'gyur ro/ /'di ltar gnas gsum po dag mngon du gyur pa las bu dang bu mo dag skye bar 'gyur te/ gsum po de dag gang zhe na/ pha dang ma gnyis chags par gyur cing 'dus pa dang / ma dus la bab cing zla mtshan dang ldan pa dang / dri za nye bar gnas shing 'jug 'dod pa ste/ gnas gsum po de dag mngon du gyur pa las bu dang bu mo dag skye bar 'gyur ro/ /de de ltar gsol ba 'debs pa lhur len cing 'dug pa na/ sems can zhig kyang lha'i ris nas shi 'phos te/ de'i skye dgu'i bdag mo'i mngal du zhugs so/ /bud med kyi yul mkhas pa'i rang bzhin can la la la ma 'dres pa'i chos lnga yod de/ lnga gang zhe na/ skyes pa chags par gyur pa shes shing chags pa dang bral ba shes pa dang / dus shes shing zla mtshan shes pa dang / mngal na gnas pa zhugs pa shes pa dang / gang las mngal na gnas pa zhugs pa de </font><hr>Ca54a<br><font size=+1>


@#/ /shes pa dang / khye'u shes shing bu mo shes pa ste/ gal te khye'u yin na dku g.yas par rten cing 'dug la/ gal te bu mo yin na ni dku g.yon par rten cing 'dug pa'o/ /de yid dga' zhing yid dga' nas/ khyim thab la smras pa/ rje'i sras/ bdag la sems can zhugs par gyur pa ni/ 'di ltar bdag gi dku g.yas par rten cing mchis pas nges par khye'ur 'gyur gyis/ dgyes pa bskyed du gsol/ de yang yid dga' zhing yid dga' nas ro stod bsrang ste lag pa g.yas pa brkyangs nas/ 'di skad ces kho bo yun ring po nas mngon par 'dod pa bu'i ngo mthong ba dang / kho bo dang mthun par skye zhing mi mthun par mi skye ba dang / kho bo'i bya ba dag byed pa dang / gsos pas phyir gso ba dang / bgo skal la spyod pa dang / kho bo'i rigs rgyud yun ring du gnas par 'gyur ba dang / bdag cag shi zhing dus la bab pa dag la nyung ngu'am mang po yang rung ba'i sbyin pa dag byin zhing bsod nams dag byas nas/ 'di de gnyis gang du skyes pa der 'gro zhing rjes su 'gro bar gyur cig ces ming gis yon bshad pa byed par gyur cig ces ched du brjod pa ched du rjod par byed do/ /de la sems can zhugs par rig nas 'di lta ste/ mngal na gnas pa yongs su smin par bya ba'i phyir steng gi khang bzang gi gzhir gtogs pa na grang ba na grang ba'i yo byad dag dang / dro ba na dro ba'i yo byad dag dang / sman pas bcas pa'i </font><hr>Ca54b<br><font size=+1>


zas ha cang mi kha ba dang / ha cang mi skyur ba dang / ha cang lan tshwa mi che ba dang / ha cang mi mngar ba dang / ha cang mi tsha ba dang / ha cang mi bska ba dang / kha ba dang / skyur ba dang / lan tshwa dang / mngar ba dang / tsha ba dang / bska ba rnam par spangs pa'i zas dag dang / do shal dang / se mo do dang / rgyan gyis klubs pa'i lus lha'i bu mo dga' ba'i tshal na rnam par spyod pa lta bu dang / khri nas khrir dang / khri'u nas khri'ur rgyu zhing / shod kyi sa gzhir mi 'bab pa dang / des sgra yid du mi 'ong ba cung zad kyang mi thos par gnod pa med pa nyid du rim gro byed du 'jud do/ /de zla ba brgyad dam dgu 'das te btsas pa las/ khye'u gzugs bzang ba blta na sdug pa mdzes pa gsal ba/ gser gyi mdog 'dra ba/ mgo bo gdugs lta bu dang ldan pa/ lag pa ring ba/ dpral ba'i dbyes che ba/ smin ma 'dzar ba/ sna'i gzengs mtho ba zhig byung ngo // de'i nye du dag 'dus shing lhags nas nyi ma bdun gsum nyi shu gcig tu btsas pa'i btsas ston rgya cher byas nas/ khye'u yi ming cir gdags zhes ming 'dogs par byed do/ /yul dbus na gang gzugs bzang ba blta na sdug pa mdzes pa de la mdzes pa zhes bya'o zhes kun tu spyod pas de dag 'di snyam du sems te/ gang gi phyir khye'u 'di gzugs bzang ba blta na sdug pa mdzes pa yin la/ de ded dpon dga' bo'i bu yin pa de'i phyir khye'u yi ming mdzes dga' zhes bya'o zhes de'i ming mdzes dga' zhes bya bar btags so/ /khye'u mdzes dga' ma ma brgyad po/ pang na 'tsho ba'i ma ma </font><hr>Ca55a<br><font size=+1>


@#/ /gnyis dang / nu ma snun pa'i ma ma gnyis dang / dri ma 'phyi ba'i ma ma gnyis dang / rtsed grogs kyi ma ma gnyis la rjes su gtad do/ /de ma ma brgyad po de dag gis 'o ma dang zho dang mar dang zhun mar dang / mar gyi snying khu dang / gzhan yang yo byad kyi bye brag gtso bo gtso bo dag gis sring bar byed skyed par byed cing rdzing na gnas pa'i pad+ma bzhin du myur du skye par byed do/ de gang gi tshe chen por gyur pa de'i tshe/ yi ge dang grangs dang / rtsis dang lag rtsis dang dbyung ba dang / gzhug pa dang gzhag pa la nye bar zhugs nas/ de yi ge'i mthar phyin cing 'byed pa dang / klog pa dang mkhas pa dang spyod pa gsal ba dang / brtag pa brgyad po 'di lta ste/ rin po che brtag pa dang / gzhi brtag pa dang / gos brtag pa dang / shing brtag pa dang / glang po che brtag pa dang / rta brtag pa dang / bud med brtag pa dang / skyes pa brtag pa la mkhas par gyur to/ /phas de'i chung ma'i 'khor gsum po rab dang / 'bring dang / tha ma dag rnam par bzhag go /'dug pa'i gnas gsum po dgun gyi dang / dpyid kyi dang / dbyar gyi dag byed du bcug go /skyed mos tshal gsum po dgun gyi dang / dpyid kyi dang / dbyar gyi dag byed du bcug go /de steng gi khang bzang gi gzhir gtogs pa na skyes pa med par sil snyan gyi rtse bar byed dga' bar byed dga' mgur spyod par byed do/ /ded dpon dga' bo rtag tu rtsis la chags shing 'du ba dang 'god pa dag kyang sbyong bar </font><hr>Ca55b<br><font size=+1>


byed nas/ mdzes dgas smras pa/ yab khyod ci'i slad du rtag tu rtsis la chags shing bzhugs/ des smras pa/ bu ci steng gi khang bzang gi gzhir gtogs pa na/ rtse ba nyid kyis nor bsgrub par byar nus sam/ ngas khyim gyi bya ba los kyang bsam dgos so/ /mdzes dgas don gyis 'dis bdag la bskul to snyam du rig nas/ des de'i rkang pa gnyis la gtugs te smras pa/ yab gal te de ltar rjes su gnang na yul gzhan du mchis la nor bsgrub par bgyi'o/ /des smras pa/ bu nor gyi rnam pa mang po yod na ci'i phyir yul gzhan du 'gro/ 'dug cig/ des smras pa/ yab ngan bu gor ma bkum par mchi'o/ /ded dpon dga' bos 'di 'dod pa la bab par bya'o snyam du bsams nas des lde mig dang lde mig kyog po la sogs pa blangs te/ dbyig dang gser byas pa dang ma byas pa de'i mdzod gang ba bdun phye ste bstan nas smras pa/ bu mdzes dga' nor gyi rnam pa 'di snyed yod kyis khyod 'di nyid du 'dug la 'dod pa la yang longs spyod cig /sbyin pa dag kyang byin cig/ bsod nams dag kyang gyis shig/ yul gzhan du 'gro mi dgos so/ /des smras pa/ yab khyod ngan bu la ston par mdzad na/ ngan bus bu rnams la ci zhig bstan par bgyi/ ded dpon dga' bos de zer ba bzang ste/ bdag 'das nas 'dis khyim gyi bya ba sbyong bar 'gyur bas/ de'i phyir ji srid bdag gson pa de srid du zong mnos shing yul gzhan du 'gro la rag ste/ yul gzhan du 'di la pha'i grogs dag kyang mngon du gyur pas de lta na bdag 'das nas 'di'i 'go ba'i phyogs mun pa med par 'gyur ro snyam du </font><hr>Ca56a<br><font size=+1>


@#/ /shes shing rig nas chung ma la smras pa/ bzang mo kho bo 'das nas mdzes dgas khyim gyi bya ba sbyong bar 'gyur bas de'i phyir ji srid kho bo gson pa de srid du zong mnos shing yul gzhan du 'gro la rag ste yul gzhan du 'di la pha'i grogs dag kyang mngon du gyur pas/ de ltar na kho bo 'das nas 'di'i 'gro ba'i phyogs mun pa med par 'gyur ro/ /des smras pa/ rje'i sras/ ma nongs te de bzhin mchi la rag go /de nas ded dpon dga' bos/ mdzes dga' bos te smras pa/ bu khyod kyis zong mnos te yul gzhan du 'gro'o snyam du sems bskyed pa ma nyes te/ kho bo 'das nas khyod kyis khyim gyi bya ba sbyong bar 'gyur bas de'i phyir ji srid kho bo gson pa de srid du zong mnos shing yul gzhan du 'gro la rag ste/ yul gzhan du khyod la pha'i grogs dag kyang mngon du gyur pas de lta na kho bo 'das nas khyod kyis 'gro ba'i phyogs mun pa med par 'gyur ro/ /mdzes dgas smras pa/ yab bka' bzhin 'tshal mchi'o/ /de nas ded dpon dga' bos 'phags rgyal du dril bsgrag pa byed du bcug ste 'phags rgyal na gnas pa dang / phyogs gzhan tha dad pa nas lhags pa'i tshong pa rnams la shes ldan dag nyon cig /ded dpon mdzes dgas zong mnos shing yul gzhan du 'gro'i/ khyed cag las ded dpon mdzes dga' dang lhan cig tu sho gam med pa dang / la gcan med pa dang / gru btsas med par yul gzhan du 'gro bar spro ba gang yin pa des yul gzhan du 'gro ba dang mthun pa'i zong bsdogs shig /tshong pa lnga brgyas yul gzhan du 'gro ba dang mthun pa'i zong bsdogs so/ /ded dpon dga' bos tshong </font><hr>Ca56b<br><font size=+1>


pa de dag mgron du bos te zan byin nas smras pa/ shes ldan dag ji ltar mdzes dga' 'di kho bo'i bu yin pa de kho na bzhin du khyed cag gi yang yin gyis/ tshong pa yul gzhan du dong ba rnams kyi bar chad ni gsum yod de/ rgyan po dang / 'jud mthun ma dang / chang gi gnas so/ /khyed cag gi 'di gnod pa las nges par bzlog par bya zhing phan pa la yang dag par sbyar bar bya'o/ gal te gnod pa las nges par bzlog cing phan pa la yang dag par sbyor bar byed pa na rab tu gnas par gyur na de lta na legs/ gal te rab tu mi gnas par gyur na khyed kyis zong rnam par spangs shing rin mnos te 'gro bar bya'o/ /mdzes dga' la yang smras pa/ bu mdzes dga' ji ltar khyod kho bo'i bu yin pa de kho na bzhin du tshong pa 'di dag gi yang yin gyis/ khyod kyis 'di dag gi tshig dad pas mnyan cing bya bar soms shig /ded dpon mdzes dgas yab bka' bzhin 'tshal zhes ded dpon dga' bo las mnyan nas/ dge mtshan dang bkra shis dang bde legs su 'gyur ba byas te/ shing rta dag dang / khur dag dang / sbyang dag dang / gleng ba dag dang / rnga mo dag dang / ba lang dag dang / bong bu dag gis zong mang po blangs te/ tshong pa lnga brgya dang lhan cig yul gzhan du 'phags so/ /de mthar gyis grong dang grong rdal dang yul 'khor dang / rgyal po'i pho brang gi gnas dag tu khad kyis rgyu ba na mnyan yod du phyin nas/ mnyan yod du mdzod cig tu zong btsud de 'dug go /de'i tshe na mnyan yod na gzugs 'tsho ma bzang mo zhes bya ba gzugs bzang ba blta na </font><hr>Ca57a<br><font size=+1>


@#/ /sdug pa mdzes pa skyes bu dga' ba zhig 'dug ste/ de kar sha pa Na lnga brgyas skyes pa dang lhan cig dga' mgur spyod par byed do/ /des 'phags rgyal na ded dpon dga' bo zhes bya ba 'dug pa de'i bu mdzes dga' zhes bya ba gzugs bzang ba blta na sdug pa mdzes pa de tshong pa lnga brgya dang lhan cig tu 'dir phyin nas mdzod che ge mo zhig tu zong mkhos su phab ste/ 'dug go zhes thos so/ /thos nas kyang de 'di snyam du sems te/ gal te bdag gis de'i zong thams cad ma 'phrogs na bzang mo zhes bya ba'i ming mi bzung ngo snyam mo/ /des bu mo mngag gzhug ma la smras pa| bu mo ded dpon mdzes dga' zhes bya ba 'byor ba rgya chen po dang ldan pas zong khyer te 'ongs nas mdzod che ge mo zhig tu btsud kyis/ dri dang phreng ba rgyu thogs te de'i drung du song la 'di skad ces jo mo bzang mo khyod kyi zhabs la phyag 'tshal zhing / rje'i sras kyis ci'i slad du rang gi pho brang spangs te mi phal ba bzhin du mdzod na bzhugs/ 'di ni khyod nyid kyi pho brang lags kyis tshur spyon cig ces kyang mchi'o zhes gyis shig /jo mo bka' bzhin du 'tshal zhes bu mo mngag gzhug ma des gzugs 'tsho ma bzang mo las mnyan te/ dri dang phreng ba rgyu thogs nas ded dpon mdzes dga' ga la ba der song ste phyin nas/ ded dpon mdzes dga' la 'di skad ces smras so/ /jo mo bzang mo khyod kyi zhabs la phyag 'tshal zhing dri dang phreng ba rgyu 'di yang bskur/ rje'i sras </font><hr>Ca57b<br><font size=+1>


kyis ci'i slad du rang gi pho brang spangs te mi phal ba bzhin du mdzod na bzhugs/ 'di ni khyod nyid kyi pho brang lags kyis tshur spyon cig ces kyang mchi'o/ /mdzes dgas smras pa/ bu mo song zhig dang / kho bo dri dang phreng ba rgyu 'di btags te 'ong ngo / /de nas bu mo mngag gzhug ma de gzugs 'tsho ma bzang mo ga la ba der song ste phyin nas/ des ded dpon mdzes dga' dang lhan cig skabs kyi gtam ji snyed byas par gyur pa de dag thams cad gzugs 'tsho ma bzang mo la bsnyad do/ /de nas gzugs 'tsho ma bzang mos bu mo mngag gzhug ma las thos nas dga' ba dang yid bde ba skyes te/ khyim byug pas bskus shing / byi dor byed du bcug nas me tog sna tshogs bkram zhing 'dug spos zhim pos bdugs te/ bla res bres pa dang bcas pa'i mal bshams nas gtso cher ded dpon mdzes dga' la sdod cing 'dug go /ded dpon mdzes dga' yang dri dang phreng ba rgyu dang rgyan gyis klubs te bzhon pa la zhon nas/ khye'u mngag gzhug pas yongs su bskor cing lang tsho'i gzugs mchog tu sdug pas rnam par mdzes shing gzugs 'tsho ma bzang mo'i gnas ga la ba der song ngo / /gzugs 'tsho ma bzang mo ded dpon mdzes dga' lang tsho'i gzugs mchog tu sdug pas/ rnam par mdzes pa mthong ngo / /mthong nas kyang bran mo mngag gzhug ma la dris pa/ bu mo 'di ded dpon mdzes dga' yin nam/ des smras pa/ jo mo ded dpon mdzes dga' ni 'di kho na lags so/ / </font><hr>Ca58a<br><font size=+1>


@#/ /de nas gzugs 'tsho ma bzang mo dga' ba dang yid bde ba skyes nas/ tshigs su bcad pa smras pa/ rigs skyes rigs min skyes pa'am/ nor nyams nor kyis 'byor pa'ang rung / / gzugs kyis phyug pa mthong bas ni/ /bud med rnams kyi yid 'phrog byed/ /de bzhon pa'i sa ji srid pa de srid du bzhon pas song nas bzhon pa las babs te rkang pa dag kho nas gzugs 'tsho ma bzang mo'i khyim du 'jug par brtsams pa dang / des myur ba myur bar khang thog nas babs te de bsu nas yan lag thams cad kyis 'khyud de/ khyim gyi nang du khrid nas bud med kyi khri la bzhag ste smras pa/ rje'i sras kyi mtshan ci/ des smras pa/ mdzes dga'o/ /des smras pa/ e ma'o khyod kyi mtshan ni gzugs dang 'dra la gzugs kyang mtshan dang 'dra ste/ gal te yab yum dag gis khyod kyi mtshan mdzes dga' zhes bgyi bar ma gsol bar gyur na/ deng bdag gis khyod kyi mtshan mdzes dga' zhes bgyi par gsol par 'gyur ro/ /des smras pa/ khyod kyi mtshan ci/ des smras pa/ bzang mo'o/ /des smras pa/ e ma'o khyod kyi mtshan ni gzugs dang 'dra la gzugs kyang mtshan dang 'dra ste/ gal te yab yum dag gis khyod kyi mtshan bzang mo zhes bgyi bar ma gsol bar gyur na/ deng bdag gis khyod kyi mtshan bzang mo zhes bgyi bar gsol bar 'gyur ro/ /mdzes dgas smras pa/ bzang mo dgung gcig gi gla ji tsam/ des smras pa/ rje'i sras kyis mi phal ba bzhin du mi </font><hr>Ca58b<br><font size=+1>


gsha' ba zhig bka' stsal to/ /de'i bu mo mngag gzhug mas smras pa/ dgung re zhing kar sha pa Na lnga brgya lnga brgya'o/ /des mi la khyod kyis nyin re zhing kar sha pa Na lnga brgya lnga brgya bskur bar bya'o zhes bsgo nas/ de de dang lhan cig rtse bar byed dga' bar byed dga' mgur spyod par byed do/ /'dod pa dag ni bsten pa na log pa'am ngoms pa'am/ mthar thug pa med pas/ de nyi ma mang po 'das kyang ngoms par ma gyur cing / mis kyang nyin re zhing kar sha pa Na lnga brgya lnga brgya 'bul ba kho nar byed do/ /tshong pa dag gis smras pa/ shes ldan dag ded dpon mdzes dga' mi snang na/ de bdag cag la grogs pos gtad pas kun tu btsal bar bya'o/ /tshong pa dag gis de'i g.yog dag la dris pa/ ded dpon gar bzhud/ de dag gis smras pa/ ded dpon nyi ma gang kho na la mnyan yod du phyin pa'i nyi ma de nyid la 'jud mthun ma'i khyim du zhugs te 'dug na khyed cag gis deng gzod dran nam/ tshong pa dag gis smras pa/ shes ldan dag yu bu cag gis ded dpon mdzes dga' yal bar bor ba ni ma legs par byas te/ 'di'i phas yu bu cag la klan kar 'gyur ro/ /tshong pa dag gis mdzes dga' la don mthun rnams kyi mchid nas tshur spyon cig ces mchi'o zhes bang chen btang ngo / /bang chen des mdzes dga' la bsgo nas/ mdzes dgas 'byung bar brtsams pa dang / bzang mos gos kyi mtha' nas bzung ste smras pa/ rje'i sras 'dod pa dag ni rgyu gnyis kyis bsten par bgyi ste/ gzugs </font><hr>Ca59a<br><font size=+1>


@#/ /bzang ba nyid dang / lang tsho nyid kyis so/ /khyod ni gzugs bzang ba dang / lang tsho la bab pa legs na/ gzhon pa'i gnas skabs su re zhig rtse ba dang dga' ba dang dga' mgur spyod pa mdzod la bgres pa'i gnas skabs su nor bsgrub pa mdzod cig /mdzes dgas bang chen de la smras pa/ kye khyo ga song zhig dang / 'ong ngo / /bang chen de song ste tshong pa rnams la smras pa/ ded dpon gyi zhal nas song zhig dang 'ong ngo zhes gsung ngo / /tshong pa de dag 'dus te sdod pa na mdzes dga' thogs nas/ tshong pa de dag thams cad 'dus te 'jud mthun ma'i khyim du dong nas tshong pa de dag gis sgor bsdad de/ mi la smras pa/ kye khyo ga song la ded dpon la tshong pa'i tshogs rnams sgo na sdod cing ded dpon lta bar 'tshal lo zhes gyis shig /mi des song ste mdzes dga' la brjod nas/ mdzes dgas 'byung bar brtsams pa dang / yang gzugs 'tsho ma bzang mos gos kyi mtha' nas bzung ste smras pa/ rje'i sras tshong ba de dag kyang bdag dang lhan cig dga' mgur spyod 'tshal te/ de dag dang lhan cig dga' mgur spyad du ga la rung bzhugs shig /'dod pa dag ni bsten pa na kun tu sbyor ba dag 'phel bar byed pa yin pas/ mdzes dgas smras pa/ gang gi tshe kho bo kun nas dkris pa dang bral bar gyur pa de'i tshe 'byung bar 'gyur ro/ /mi des song ste tshong pa'i tshogs rnams la smras pa/ ded dpon gyi zhal nas gang gi tshe kho bo kun nas dkris pa dang bral bar gyur pa de'i tshe 'byung ngo </font><hr>Ca59b<br><font size=+1>


zhes gsung ngo / /tshong pa dag gis smras pa/ kye ma mdzes dga' 'di bya ba ma yin pa la zhugs kyis 'dong ngo zhes de dag gis zong rnam par spangs nas rin blangs te 'phags so/ /de nas mi gang gis nyi ma re re zhing bzang mo la kar sha pa Na lnga brgya phul bar gyur pa des phyin chad 'bul bar mi byed do/ /de nas dus gzhan zhig na bzang mos mi de la dris shing smras pa/ kye khyo ga ci'i phyir phyin chad kar sha pa Na dag 'bul bar mi byed/ des smras pa/ don mthun dag dong bas bdag gis ga las dbul/ ci don mthun dag gis mdzes dga'i zong yang khyer ram/ khyer ro/ /bzang mos mdzes dga' dang lhan cig nyi ma gnyis sam gsum dga' mgur spyad nas smras pa/ rje'i sras bdag la zhing yang ma mchis/ las kyi mtha' bgyid pa dag kyang ma mchis/ grong mi zong ma nos te yul gzhan du mchi ba dag kyang ma mchis te/ khyod lta bu dag gi drung nas gang thob ba des bdag 'tsho bar 'gyur ba kho nar bas na/ yang na ni kar sha pa Na dag stsol cig /yang na ni skyes pa gzhan gyi skabs dbye ba mdzod cig /mdzes dgas smras pa/ bzang mo khyod la sdug pa 'ga' yang med dam/ bzang mos smras pa/ rje'i sras khyod kyis/ tshogs can rnams la sdug pa med/ de dag rang bzhin ring mi gnas/ bya rnams 'bras med ljon pa bzhin/ /de dag rnying pa rnam par spong / /zhes bgyi ba ma gsan tam/ mdzes dgas smras pa/ bzang mo khyod la ji srid du nor sbyin par byed pa de srid du khyod skyes pa'i dbang du 'gyur ram/ bzang mo smras pa/ </font><hr>Ca60a<br><font size=+1>


@#/ /rje'i sras khyod kyis/ ji srid brgya byin char 'bebs pa/ /de srid ri klung chu 'bebs ltar/ /ji srid nor ni sbyin byed pa/ /de srid 'jud mthun skyes bu dbang / /zhes bgyi ba ma gsan tam/ mdzes dgas smras pa/ bzang mo khyod su la yang yid 'bebs par mi byed dam/ bzang mos smras pa/ rje'i sras khyod kyis/ 'jud mthun dgongs kar rang lus bzhin/ / gcugs dang gtam gyis dga' bar byed/ /de nas nam phyed dbus gnas shing / /nam langs phan chad rtswa bzhin spong / /zhes bgyi ba ma gsan tam/ mdzes dgas smras pa/ bzang mo khyod nor dang bcas pa'i mi dag la spyod par byed dam/ bzang mos smras pa/ rje'i sras khyod kyis/ nor dang bcas pa'i mi dag dang / /nor ma spyad pa rnams la yang / /sar pa'i rtswa la ba lang bzhin// bdag cag rnams kyis spyad par bya/ /zhes bgyi ba ma gsan tam/ mdzes dgas 'byung bar brtsams pa dang / bzang mos bsams pa/ mdzes dga' 'di ni gzugs bzang ba blta na sdug pa mdzes pa yin pas shin tu thag ring bar song yang skyes bu 'di lta bu 'di lta bu dang lhan cig rtse bar bya/ dga' bar bya/ dga' mgur spyod par bya ba yin pas/ de'i phyir ji srid du gzhan kar sha pa na dag thogs te/ ma 'ong ba de srid du 'di dang lhan cig rtse bar bya/ dga' bar bya/ dga' mgur spyad par bya'o snyam du shes shing rig nas/ bzang mos mdzes dga'i gos kyi mtha' nas bzung ste/ 'dzin </font><hr>Ca60b<br><font size=+1>


cing smras pa/ rje'i sras khyod la khab na bzhad gad dag mi bgyid dam/ de ni bdag gis bzhad gad bgyis pa lags kyis bzhes shig /ma bzhud cig /mdzes dga' 'dod chags shas chen pos 'dug pa dang / skyes pa gzhan zhig kar sha pa na lnga brgya thogs te der zhugs nas/ des bzang mo dga' mgur spyad kyis bzhud ces smras pa dang / bzang mo mdzes dga' nyid kyi mdun du yol bas bcad de dga' mgur spyad par brtsams nas/ mdzes dgas 'di bdag kho na'i mdun du skyes pa 'di dang lhan cig dga' mgur spyod par byed do snyam du shes shing rig nas song ngo / /mdzes dga' lam po che la mi mkhas pas gang du 'gro bar bya ba mi shes nas/ ji tsam na dge slong zhig mnyan yod du bsod snyoms la brgyus nas phyir byung ba de mdzes dgas mthong nas dge slong de'i phyi thog thag rjes su song ngo / /de nas dge slong de gtsug lag khang du song ste/ lhung bzed dang chu tshags mtha' gcig tu bzhag nas/ snam sbyar sprugs te rkang pa gnyis bkrus nas lag pa gnyis bsnyal te chu btsags nas lo ma lhags pa dag blangs te 'dug nas zas kyi bya ba bya bar brtsams pa dang / mdzes dga' de'i mdun na 'greng ngo / /dge slong des mdzes dga' la smras pa/ bzhin bzang lhung bzed kyi lhag ma 'dod dam/ mdzes dgas gal te ma zos na bkres pas 'chi bar 'gyur bar shes shing rig nas smras pa/ 'phags pa 'tshal lo/ /dge slong des mdzes dga' la lhung bzed kyi lhag ma </font><hr>Ca61a<br><font size=+1>


@#/ /byin pa dang / mdzes dgas zos so/ /zos nas dris pa/ bzhin bzang khyod ga la 'ongs/ mdzes dgas smras pa/ 'phags pa bdag ni yul srung byed dag na grong khyer 'phags rgyal zhes bgyi ba de na ded dpon dga' bo zhes bgyi ba mchis pa de'i bu mdzes dga' zhes bgyi ba lags te bdag zong mang po 'tshal te mchis pa las 'jud mthun mas tshul ma lags pas gnod pa bsgrubs par gyur to/ /dge slong des smras pa/ bzhin bzang ci'i phyir rab tu mi 'byung / mdzes dgas gal te bdag 'phags rgyal du song bar gyur na/ su zhig mchil ma dag sa la 'dor bar 'gyur te/ bdag kho na'i steng 'ba' zhig tu'o snyam du shes shing rig nas smras pa/ 'phags pa bdag rab tu 'byung ngo / /dge slong des mdzes dga' rab tu phyung bsnyen par rdzogs par byas nas de'i 'og tu nyi ma gnyis sam gsum du kun tu spyad pa'i chos dag slob tu bcug nas smras pa/ bzhin bzang ri dwags kyis ri dwags mi sos/ mnyan yod rgya che la rang gi spyod yul dang yab kyi yul yin gyis bsod snyoms bsgrubs la 'tsho bar gyis shig /mdzes dga' snga dro sham thabs bgos/ lhung bzed dang chos gos thogs te/ mnyan yod du bsod snyoms la zhugs so/ /gzugs 'tsho ma bzang mo yang 'gyod pa skyes te bdag gis kar sha pa na 'dod pa'i rgyus ded dpon mdzes dga' de tsam du mdzes shing lang tsho la bab pa de bskrad pa ni ma </font><hr>Ca61b<br><font size=+1>


legs pa byas te/ shin tu thag ring bar song yang skyes bu de lta bu lhan cig dga' mgur spyad par bya ba yin par shes shing rig nas/ bu mo mngag gzhug ma la bu mo gal te ded dpon mdzes dga' mthong na yang 'jug tu chug cig ces bsgo'o/ /mdzes dga' spyod yul la mi mkhas pas bsod snyoms sgrub pa na 'jud mthun ma'i khyim de nyid du phyin pa dang / bu mo mngag gzhug ma des mthong nas yongs su dga' bas bzang mo la jo mo mdzes dga' khab sgor mchis so zhes sbran to/ /bzang mos smras pa/ 'jug tu chug cig /bu mos smras pa/ rab tu byung ngo / /bzang mos smras pa/ rab tu byung yang 'jug tu chug cig /mngag gzhug ma des mdzes dga' 'jug tu bcug nas gzugs 'tsho ma bzang mos mthong ba dang / bzang mos brang brdungs te smras pa/ mdzes dga' khyod kyis ci'i slad du ngan bu spangs te rab tu byung / mdzes dgas smras pa/ skal chad ma khyod kho bo kho na'i mdun du skyes pa gzhan dang lhan cig dga' mgur spyod par byed na kho bo ji ltar rab tu mi 'byung / bzang mos smras pa/ rje'i sras bud med kyi yul ni rtag tu nongs pa mchis pas bdag nongs pa mchis pa de bzod par mdzad cing / da ni bdag dang rdzas kyang khyod kyi lags kyis tshur spyon bdag dang lhan cig dga' mgur spyad du gsol/ mdzes dgas smras pa/ de'i yang khyod kyis kho bo re zhig nor dang don mthun dag las yongs su nyams pa byas na/ ci da tshul khrims las kyang yongs su nyams par byed </font><hr>Ca62a<br><font size=+1>


@#/ /'dod dam/ bzang mos smras pa/ 'phags pa slad rol du drud cing nang du pho la nang du drud cing slad rol tu pho zhig dang / 'di la tshul khrims 'chal ba ci mchis/ mdzes dgas dge slong gnas brtan no cog 'dir bsod snyoms la 'jug pa de dag kyang gor ma chag par 'di ltar byed pas des na 'di skad zer ro snyam du shes shing rig nas/ mdzes dgas lhung bzed dang chos gos mtha' gcig tu gzhag ste/ phyi rol du drud cing nang du pho nang du drud cing phyi rol du pho nas ya mtshan dang bral bar gyur to/ /de nas bzang mos bca' ba dang / bza' ba gtsang ma bsod pas lhung bzed 'gengs su bcug ste byin nas/ 'phags pa gal te yang bzhed par gyur na spyon cig ces kyang smras so/ /mdzes dgas bsod snyoms blangs te song ngo / /ji tsam na bcom ldan 'das 'dod chags 'dod chags dang bral bar bya ba'i phyir sems rnam par grol ba dang / shes rab rnam par grol ba'i chos ston to/ /zhe sdang 'dod chags dang bral bar bya ba'i phyir dang / gti mug 'dod chags dang bral bar bya ba'i phyir sems rnam par grol ba dang / shes rab rnam par grol ba'i chos ston to/ /bcom ldan 'das ji lta ji ltar 'dod chags 'dod chags dang bral bar bya ba'i phyir sems rnam par grol ba dang / shes rab rnam par grol ba'i chos ston pa dang / zhe sdang 'dod chags dang bral bar bya ba'i phyir dang / gti mug 'dod chags dang bral bar bya ba'i phyir sems rnam par </font><hr>Ca62b<br><font size=+1>


grol ba dang / shes rab rnam par grol ba'i chos ston pa de lta de ltar/ tshe dang ldan pa mdzes dga' cung zad 'gyod par gyur/ rnam par 'gyod par gyur/ rab tu 'gyed par gyur cing 'dug la/ 'gyod pa dang ldan/ 'gyod pa thob/ cang mi smra bar gyur/ yul yul por gyur/ phrag pa glod/ gdong smad/ spobs pa med/ sems khong du chud cing 'dam bu sngon po brngas pa rnyings par 'gyur/ skam par 'gyur ba ltar 'dug go /dge slong rnams kyis de la smras pa/ tshe dang ldan pa mdzes dga' khyod la lus kyi gnod pa'am/ sems kyi yongs su gdung ba 'ga' zhig med dam/ de ngo tsha bas smra bar mi byed cing 'ga' yang med do zhes zer ro/ /sman pa zhig phyogs der 'ongs pa de la dge slong rnams kyis smras pa/ bzhin bzang gzhon nu 'di nad ci yin pa de ltos shig /sman pa des de brtag par brtsams pa dang / dbang po gsal ba mthong nas smras pa/ 'phags pa dag 'di'i dbang po dag gsal bas/ 'di la lus kyi nad ni 'ga' yang ma mchis kyi/ 'di la sems kyi yongs su gdung ba ni gor ma bkum par mchis so/ /dge slong rnams kyis smras pa/ bzhin bzang 'di'i sems kyi yongs su gdung ba ji lta bu yin/ sman pas smras pa/ 'phags pa bdag cag sman pa dag ni lus gso bar bgyid pa lags kyi sems gso bar bgyid pa ma lags te/ 'di ltar 'phags pa dag nyid sems gso bar mdzad pa lags pas/ 'phags pa dag nyid kyis mkhyen par 'gyur ro zhes smras te song ngo / / </font><hr>Ca63a<br><font size=+1>


@#/ /dge slong rnams kyis mdzes dga' la smras pa/ tshe dang ldan pa 'di na khyod kyi pha yang med ma yang med rtsa lag gzhan yang med de/ tshangs pa mtshungs par spyod pa nged cag kho nar zad pas nges kyis khyod kyi bsnyen bkur byas/ ji ltar gyur pa smros shig /mdzes dgas dge slong de dag la skabs de rgyas par brjod do/ /dge slong de dag gis smras pa/ tshe dang ldan pa ni 'bras bu kho nas tsha bar gyur te/ tshe dang ldan pas rab tu byung ba tsam nyid kyis bstan pa la chu bur phyung bar gyur to zhes dge slong de dag mdzes dgas smras pa la mngon par bstod par yang mi byed/ phyir zlog par yang mi byed cing / mngon par bstod pa yang ma byas/ phyir bzlog pa yang ma byas par dong nas/ bcom ldan 'das ga la ba der dong ste phyin pa dang / bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas bcom ldan 'das la dge slong de dag gi skabs de rgyas par gsol pa dang / bcom ldan 'das kyis bka' stsal pa/ dge slong dag des kyang mi gti mug can de pham par gyur to/ /dge slong gi sems sten pa la gzhol ba dang / sten pa la 'bab pa dang / sten pa la bab par gyur cing / de sems sten pa la gzhol ba dang / sten pa la 'bab pa dang / sten pa la bab pas zag byed zag byed kyi phyi rol tu drud cing nang du 'bo ba dang / nang du drud cing phyi rol tu 'bo bar byed na pham par 'gyur ro/ / </font><hr>Ca63b<br><font size=+1>


sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa des rigs mnyam pa las chung ma blangs pa dang chung ma de rang gi las dag gis dus la bab bo/ /gnyis pa blangs pa dang de yang dus la bab bo/ /de bzhin du chung ma bdun pa'i bar du blangs pa dang de yang dus la bab bo/ /khyim thab de yang skur pa gdab par 'gyur ba'i las dag gis chung ma gsod pa chung ma gsod ces bya ba'i ming du gyur to/ /khyim bdag des yang bu mo blangs pa dang / mi ster cing nged kyis ci'i phyir bu mo yongs su gtang / mi sbyin no zhes kyang zer ro/ /khyim bdag des yugs mo dag blangs pa dang / yug sa mo de dag kyang kho mo cag gis ci'i phyir bdag yongs su gtang na khyod kyi khyim du 'jug ces zer ro| |khyim bdag de rnam pa thams cad du yi chad nas/ rang nyid kyis khyim gyi so tshis dag bya bar brtsams pa dang / dus gzhan zhig na khyim bdag de'i chung po grogs shig 'ongs nas des khyim bdag de mthong nas dris pa khyod ci byed/ khyim bdag gis smras pa/ khyim gyi so tshis dag byed do/ /des smras pa/ khyod ci'i phyir rang nyid kyis khyim gyi so tshis dag byed/ khyim bdag gis smras pa/ kho bos chung ma gcig blangs pa dang / de rang gi las dag gis dus la bab bo/ /gnyis pa blangs pa dang de yang dus la bab bo/ /de bzhin du bdun pa'i bar du blangs pa dang de yang dus la bab bo/ /des smras </font><hr>Ca64a<br><font size=+1>


@#/ /pa| gzhan dag ci'i phyir mi slong / khyim bdag gis smras pa/ bslangs na mi ster cing nged kyis ci'i phyir bu mo yongs su gtang / mi sbyin no zhes zer ro/ /des smras pa| yug sa mo dag ci'i phyir mi slong / khyim bdag gis smras pa/ bslangs te de dag kyang kho mo cag gis ci'i phyir bdag yongs su gtang na khyod kyi khyim du 'jug ces zer ro/ /khyim bdag de'i khyim gyi ha cang yang mi ring ba na tshogs can ma rgan mo zhig 'dug nas chung po grogs des khyim bdag la smras pa/ tshogs can ma rgan mo de ci'i phyir 'jug tu mi gzhug /khyim bdag gis smras pa| ci kho bos 'jud mthun ma'i khyim bya'am/ des smras pa/ tshogs can ma de sdig pa can dam pa ma yin pa'i chos de las phyir ldog gis 'jug tu chug cig /khyim bdag de chung po grogs des nan gyi mnan pa na tshogs can ma de'i gan du song ste/ bde legs bde legs zhes smras pa dang / rgan mos smras pa/ byon pa legs so ci bzhed/ khyim bdag gis smras pa/ khyod 'tshal na khyod su'i/ rgan mos smras pa/ bdag la zas dang gos sbyin pa gang lags pa'i'o/ /khyim bdag gis smras pa/ khyod sngon gyi nyon mongs pa dag kun tu mi spyod dam/ rgan mos smras pa/ ci bdag gis skyes pa ma mthong ngam/ bdag sdig pa can dam pa ma lags pa'i chos de las ni phyir log go /khyim bdag gis smras pa/ tshur spyon bzhud bdag gis khyod kyi na bza' dang </font><hr>Ca64b<br><font size=+1>


bshos gsol gyis/ khyod kyis bdag gi khyim gyi so tshis dag mdzod cig /khyim bdag des tshogs can ma rgan mo de khyim du bcug ste/ lde mig dang / lde mig 'khyog po dag gtad nas smras pa| 'di khyod kyi khyim yin gyis khyod kyis byin pas kho bo bya ba byed do/ /tshogs can ma rgan mo des khyim bdag de'i khyim gyi so tshis dag bya bar brtsams nas/ de'i 'og tu gos dang zas bzang pos dus yun mi ring ba zhig gis pags pa dang sha dang khrag dag rtas par gyur to/ /de'i sgo'i nye 'khor nas bu mo rab tu mang po dag cig rgyal byed kyi tshal du 'dong ba tshogs can ma rgan mos mthong nas/ gar 'dong zhes dris pa dang / bu mo dag gis smras pa/ rgyal byed kyi tshal du 'dong ngo / /rgan mos smras pa/ kho mo gos dang rgyan thogs kyi bar du re zhig sdod cig/ /rgan mo gos dang rgyan thogs pa de'i bar du bu mo dag thal te dong ngo / /rgan mo yang gos dang rgyan thogs nas phyi bzhin myur ba myur bar 'phags so/ /ji tsam na bu mo de dag gtsug lag khang du zhugs pa na/ gtsug lag khang de na dge slong zhig gnas khang sgo ma bcad pa na gnyid log par gyur pa de'i gos rnam par 'thor bar gyur cing / de'i yan lag gi rnam pa yang las su rung bar gyur pa bu mo de dag gis mthong nas/ bu mo de dag dgod cing gtsug lag khang nas phyir byung ngo / /tshogs can ma rgan mo yang 'jug cing rgan mos bu mo de dag mthong nas smras pa/ khyed cag ci la dgod/ gang bsti gnas su dgod </font><hr>Ca65a<br><font size=+1>


@#/ /pa de so sto mar 'gyur ro zhes bya ba khyed kyis ma thos sam/ bu mo de dag cang mi smra bar nyid du byung ste dong ngo / /tshogs can rgan mos bu mo de dag gis 'dir bya gag gam spre'u zhig mthong bar gyur gor ma chag snyam du shes shing rig nas sems gtod cing nges par rtog bzhin du zhugs pa dang / ji tsam na dge slong de de ltar rnam par gyur pa mthong ngo / /mthong nas kyang de la 'dod pa'i chos skyes nas/ tshogs can ma rgan mo des dge slong de'i steng du bgrad de brtsal bar brtsams pa dang / dge slong de gnyid stug pos non pas phyir ma sad do/ /tshogs can ma rgan mos bdag cag tshogs can ma dag gis ni sgyu rtsal drug cu rtsa bzhi mngon par shes na rab tu byung ba 'dis ko sgyu rtsal drug cu rtsa lnga shes te 'di ltar reg pa ni bdag gir byed la tshig ni mi ster to snyam du shes shing rig nas/ gang gi tshe tshogs can ma rgan mo des kun nas dkris pa dang bral bar gyur pa de'i tshe dge slong de sad par byas te smras pa/ 'phags pa bdag gi sdum pa phyogs ga ge mo zhig na mchis kyis/ gal te yang bzhed par gyur na spyon cig /dge slong des smras pa/ skal chad ma bsti gnas su na par byed pa de yang re zhig kho bo bdag gir mi byed na/ khyod kyi khyim du 'ong bar 'gyur re skan/ dge slong de bdag la pham par 'gyur ba'i ltung ba ma byung ngam snyam du 'gyod pa skyes nas des dge slong rnams la skabs de rgyas par brjod do/ /dge slong rnams kyis </font><hr>Ca65b<br><font size=+1>


bcom ldan 'das la gsol pa dang / de nas bcom ldan 'das kyis dge slong de la bka' stsal pa/ dge slong khyod kyis reg pa bdag gir ma byas sam/ des gsol pa/ btsun pa bdag gis reg pa bdag gir ma bgyis te/ bdag dang po nyid nas gnyid stug pos non pas bdag reg pa bdag gir bgyid par ga la 'gyur/ de nas bcom ldan 'das kyis dge slong rnams la bka' stsal pa/ dge slong dag dge slong reg pa bdag gir ma byas pa 'di la ni ltung ba med mod kyi 'on kyang ngas dge slong grong mtha' ba'i kun tu spyod pa'i chos dag bca' bar bya ste/ dge slong grong mtha' pa nyin par glos phab ste gnyid log pas sgo sgo gtan gyis gcad par bya ba'am/ srung ma dge slong gzhag par bya ba'am/ gos bcing bar bya'o/ /sgo sgo gtan gyis gcod par mi byed dam/ srung ma dge slong 'jog par mi byed dam/ gos 'ching bar mi byed par nyin par de bzhin du glos phab ste/ gnyid log par byed na 'gal tshabs can du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na dge slong dgon pa pa bsam gtan bzhi pa thob pa zhig 'dug pa de yang dang yang du bcom ldan 'das dang / dge slong gnas brtan gnas brtan rnams kyi zhabs la phyag bya ba'i phyir nye bar 'gro bas de dge slong gsar bu gsar bu dag gis ngo shes par byas so/ /de la dus gzhan zhig na g.yan pa'i nad </font><hr>Ca66a<br><font size=+1>


@#/ /byung nas/ de la dge slong gsar bu gsar bu de dag gis smras pa/ gnas brtan khyod la g.yan pa'i snyun byung ngam/ des smras pa/ bzhin bzang dag de de bzhin no/ /de dag gis smras pa/ gnas brtan ci'i slad du sman pa la rmas te bya ba mi mdzad/ des smras pa/ bzhin bzang dag skye bo mang po mi 'dod pa dang / skye bo mang po mi dga' ba dang / skye bo mang po la mi sdug ba dang / skye bo mang po'i yid du mi 'ong ba 'jig rten thams cad dang thun mong ba 'di lta ste/ 'chi ba zhes bya ba'i chos de 'ong bar 'gyur zhing des nad 'di dang kho bo yang 'jig rten 'di nas 'jig rten pha rol tu khrid par 'gyur bas bya ba byar ci yod/ de dag gis smras pa/ gnas brtan 'o na bcom ldan 'das kyis skyes bu gang zag tshul khrims dang ldan pa yun ring po ji srid du 'tsho ba de srid du bsod nams mang po 'phel zhing ji srid du bsod nams mang po 'phel ba de srid du yun ring por mtho ris dag tu dga' bar 'gyur ro zhes ma gsungs sam/ bzhud la bya ba mdzod cig /de de dag gis nan gyis mnan pa na sman pa'i gan du song ba dang / sman pas de mthong nas smras pa/ 'phags pa khyod la g.yan pa'i snyun byung ngam/ des smras pa/ bzhin bzang de bzhin te/ de'i don kho nar kho bo 'ongs kyis bdag la sman ston cig /'phags pa bshos bsod pa gsol la yungs mar gyis sku dag bskus te/ gdugs la bzhugs shig dang khyod sos par 'gyur ro/ /bzhin </font><hr>Ca66b<br><font size=+1>


bzang kho bo la yungs mar stsol cig /'phags pa bdag cag sman pa dag ni sman ston pa lags kyi 'bul ba ni ma lags te/ gal te re re la yang 'bul na bdag cag la 'tshal ma yang ma mchis/ rad pa yang ma mchis par 'gyur ro/ /'di ltar khyim bdag che ge mo zhig la bro nad 'di lta bu byung bar gyur nas/ bdag gis de'i g.yan pa'i nad rab tu zhi bar 'gyur ba'i yungs mar bskol gyis| de'i gan du bzhud la slongs shig /bzhin bzang mi ster bar 'gyur ro/ /'phags pa bzhud cig dang / de dad pa can lags pas 'bul bar 'gyur ro/ /bzhin bzang a rog gya/ don gyis na khyod nyid kyis byin no zhes smras te song nas khyim bdag de'i khyim ga la ba der song ba dang / khyim bdag des de thag ring po nas mthong nas smras pa/ 'phags pa khyod la g.yan pa'i snyun byung ngam| bzhin bzang de de bzhin no/ /'phags pa yungs mar gyis sku dag bskus te gdugs la bzhugs shig dang khyod sos par 'gyur ro/ /bzhin bzang de'i don kho nar kho bo 'ongs te/ kho bos khyod la g.yan pa'i nad rab tu zhi bar 'gyur ba'i yungs mar yod par shes kyis de byin cig dang / khyod la bsod nams su 'gyur ro/ /'phags pa dam tshig la dbul bar bgyi ste/ gal te bdag las bsod snyoms gsol bar 'gyur na'o/ /bzhin bzang bza' bar bya'o/ /khyim bdag des de zas bsod pas tshim par byas nas g.yan pa'i nad rab tu zhi bar 'gyur ba'i yungs mar gyis </font><hr>Ca67a<br><font size=+1>


@#/ /lhung bzed chung ngu 'gengs su bcug ste byin no/ /dge slong des a rog gya zhes brjod de song nas/ dgon pa'i gnas su song ste dam dum dag gyon nas yungs mar des lus dag bskus te nyi ma la 'dug pa dang de la bde ba'i 'du shes skyes par gyur nas gnyid log pa dang / de'i yan lag gi rnam pa srog chags ud tsa ting gas zin cing las su rung bar gyur nas/ de'i gos kyang 'thor bar gyur pa dang / ji tsam na gzhon nu ma chen mo zhig lci ba thu ba na phyogs der son pa dang / des dge slong de de ltar rnam par gyur pa mthong ngo / /mthong nas de la 'dod pa la 'dod chags kyi kun nas dkris pa skyes nas/ des dge slong de'i steng du brtsal bar brtsams pa dang / dge slong de sad na nyams chung bas phyir bzlog par ma nus so/ / gang gi tshe de kun nas dkris pa dang bral bar gyur pa de'i tshe smras pa/ 'phags pa bdag gi sdum ba phyogs ga ge mo zhig na mchis kyis gal te yang bzhed par gyur na spyon cig /dge slong des smras pa/ skal chad ma bsti gnas sun par byed pa/ kho bo re zhig de yang bdag gir mi byed na/ khyod kyi khyim du 'ong bar 'gyur re skan/ dge slong de bdag la pham par gyur ba'i ltung ba ma byung ngam snyam du 'gyod pa skyes nas/ des dge slong rnams la skabs de rgyas par brjod pa dang / dge slong rnams kyis bcom ldan 'das la gsol nas/ de nas bcom </font><hr>Ca67b<br><font size=+1>


ldan 'das kyis dge slong de la bka' stsal pa/ dge slong khyod kyis reg pa bdag gir ma byas sam/ des gsol pa/ btsun pa bdag gis reg pa bdag gir ma bgyis te/ bdag dang po nyid nas 'dod pa las 'dod chags dang bral bas bdag reg pa bdag gir ga la bgyid/ de nas bcom ldan 'das kyis dge slong rnams la bka' stsal pa/ dge slong dag dge slong reg pa bdag gir mi byed pa 'di la ni ltung ba med mod kyis/ 'on kyang ngas dge slong dgon pa pa'i kun tu spyod pa'i chos dag bca' bar bya ste/ dge slong dgon pa pa nyin par glos phab ste gnyid log pas phyogs de yal ga dag gam/ seg dag gam/ re lde dag gis bskor bar bya ba'am/ srung ma dge slong gzhag par bya ba'am/ gos bcing bya'o/ /phyogs de yal ga dag gam/ seg dag gam/ re lde dag gis bskor bar mi byed dam/ srung ma dge slong 'jog par mi byed dam/ gos 'ching bar mi byed pa de bzhin du glos phab ste gnyid log par byed na 'gal tshabs can du 'gyur ro/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa gal te dge slong 'di re zhig 'dod pa las 'dod chags dang bral ba lags na ci'i slad du de'i yan lag gi rnam pa las su rung bar gyur/ bcom ldan 'das kyis bka' stsal pa/ dge slong dag 'dod chags dang ma bral ba'i yan lag gi rnam pa ni rgyu lngas las su rung bar 'gyur la/ 'dod </font><hr>Ca68a<br><font size=+1>


@#/ /chags dang bral ba'i ni rgyu bzhis so/ /'dod chags dang ma bral ba'i rgyu lnga gang zhe na/ bshang bas nye bar non pa dang / gci bas nye bar non pa dang / rlung gis nye bar non pa dang / srog chags u tsa ting gas zin pa dang / 'dod pa la 'dod chags kyis kun nas dkris pa nyid ni lnga pa ste/ 'dod chags dang ma bral ba ni rgyu lnga po de dag gis so/ /'dod chags dang bral ba'i rgyu bzhi po gang zhe na/ bshang bas nye bar non pa dang / gci bas nye bar non pa dang / rlung gis nye bar non pa dang / srog chags u tsa ting gas zin pa ste/ 'dod chags dang bral ba'i rgyu ni bzhi po de dag gis so/ /dge slong 'di'i yan lag gi rnam pa ni de'i tshe na srog chags u tsa ting gas zin pas des na 'di'i las su rung bar gyur to// // 'dul ba rnam par 'byed pa/ bam po gsum pa/ dge slong rnams the tshom skyes nas the tshom thams cad gcod pa/ sangs rgyas bcom ldan 'das la zhus pa/ btsun pa ka lan dka'i bu tshe dang ldan pa bzang byin gyis dge slong gi dge 'dun skyon ma mchis shing chu bur ma mchis pa la de'i dang por 'di lta ste/ mi tshangs par spyod pa'i rkyen gyis chu bur phyung ba la gzigs/ bcom ldan 'das kyis bka' stsal pa/ dge slong dag da ltar du ma zad kyi 'di ltar 'das pa'i dus na yang 'dis 'jig rten skyon med cing chu bur med pa la de'i dang por 'di lta ste/ mi tshangs par spyod </font><hr>Ca68b<br><font size=+1>


pa'i rkyen gyis chu bur phyung ste/ de nyon cig /dge slong dag 'jig rten 'di 'jig pa'i dus gang yin pa de yang yod de/ 'jig rten 'jig pa na/ sems can dag phal cher 'od gsal gyi lha'i ris su skye'o/ /de dag de ni gzugs can yid las byung / ma tshang ba med pa/ dbang po ma nyams pa/ yan lag nying lag thams cad dang ldan pa/ bzang ba kha dog dang ldan pa/ rang las 'od 'byung ba| nam mkha' la 'gro ba/ dga' ba za ba/ dga' ba'i zas dang ldan pa/ tshe ring zhing yun ring du gnas so/ /de'i tshe na sa chen po 'di chu 'ba' zhig dang rgya mtsho 'ba' zhig tu gyur te/ sa chen po chu 'ba' zhig dang / rgya mtsho 'ba' zhig tu gyur pa'i steng du rlung gis spris ma kun tu 'chags par byed/ kun tu 'thas par byed/ kun tu khyab par byed de/ 'di lta ste dper na 'o ma bskol ba grang par gyur pa'i steng du yang rlung gis spris ma kun tu 'chags par byed/ kun tu 'thas par byed/ kun tu khyab par byed pa de bzhin du/ sa chen po chu 'ba' zhig dang rgya mtsho 'ba' zhig tu gyur pa'i steng du yang rlung gis spris ma kun tu 'chags par byed/ kun tu 'thas par byed/ kun tu khyab par byed do/ /de ni sa'i bcud kha dog phun sum tshogs pa dri phun sum tshogs pa ro phun sum tshogs pa yin te/ kha dog gis ni 'di lta bu ste/ 'di lta ste dper na mar lta bu'o/ /ros ni 'di lta bu ste/ 'di lta ste dper na sbrang bu'i sbrang rtsi ma bskol ba lta bu'o/ /dge slong dag 'jig </font><hr>Ca69a<br><font size=+1>


@#/ /rten 'di 'chags pa'i dus gang yin pa de yang yod de/ 'jig rten 'chags pa na 'od gsal gyi lha'i ris de nas sems can kha cig tshe zad las zad bsod nams zad pas shi 'phos te/ 'di lta bu nyid du mi rnams dang skal ba mthun pa nyid du 'ong zhing 'dir yang gzugs can yid las byung ba/ ma tshang ba med pa/ dbang po ma nyams pa/ yan lag dang nying lag thams cad dang ldan pa/ bzang ba/ kha dog dang ldan pa/ rang las 'od 'byung ba/ nam mkha' la 'gro ba/ dga' ba za ba/ dga' ba'i zas dang ldan pa/ tshe ring zhing yun ring du gnas so/ /de'i tshe na 'jig rten du nyi ma dang zla ba dag kyang ma byung ngo / /'jig rten du rgyu skar dag kyang ma byung / mtshan mo dang nyin mo dag kyang ma byung / skad cig dang thang cig dang yud tsam dag kyang ma byung ngo / /zla ba dang / zla ba phyed dang dus tshigs dang lo dag kyang ma byung ngo / /bud med kyang med/ skyes pa yang med de/ sems can sems can zhes bya ba 'ba' zhig gi grangs su 'gro'o/ /de nas sems can brkam pa'i rang bzhin can zhig gi sor mo'i rtse mos sa'i bcud myang bar byed do/ /ji lta ji ltar myang bar byed pa de lta de ltar 'dod par byed do/ /ji lta ji ltar 'dod par byed pa de lta de ltar kham gyi zas kyi rtsom pas zos par gyur to/ /sems can gzhan dag gis kyang sems can de sor mo'i rtse mos sa'i bcud myang bar byed pa na/ ji lta ji ltar myang bar byed pa de lta de ltar 'dod par byed pa dang / ji lta ji ltar 'dod </font><hr>Ca69b<br><font size=+1>


par byed pa de lta de ltar khams kyi zas kyi rtsom pas zos par gyur pa mthong ngo / /mthong nas sems can de dag kyang sor mo'i rtse mos sa'i bcud myang bar byed do/ /ji lta ji ltar myang bar byed pa de lta de ltar 'dod par byed do/ /ji lta ji ltar 'dod par byed pa de lta de ltar khams kyi zas kyi rtsom pas zos par gyur to/ /gang gi phyir sems can de dag gis sa'i bcud kham gyi zas kyi rtsom pas zos par gyur pa de'i phyir de dag gi lus la sra ba nyid dang / lci ba nyid byung zhing de dag gi kha dog gsal ba bzang po gang yin pa de yang med par gyur/ 'jig rten du mun pa yang byung bar gyur to/ /dge slong dag chos nyid kyis na 'jig rten du mun pa byung na 'jig rten du nyi ma dang zla ba dag kyang 'byung bar 'gyur ro/ /'jig rten du rgyu skar dag dang / mtshan mo dang / nyin mo dag dang / skad cig dang thang gcig dang yud tsam dag dang / zla ba dang zla ba phyed dang / dus tshigs dang lo dag kyang 'byung bar 'gyur ro/ /de dag de za zhing zas de dang ldan la tshe ring zhing yun ring du gnas so/ /de dag las gang zas ches chung ngu za ba de ni kha dog dang ldan par 'gyur la/ gang zas ches cher za ba de ni kha dog ngan par 'gyur ro/ /de ltar zas rnam gnyis nyid la brten nas kha dog rnam gnyis nyid du mngon la/ kha dog rnam gnyis nyid du gyur pa na/ sems can gyis sems can la/ kwa'e sems can nga ni kha dog dang ldan pa yin la khyod ni kha dog ngan pa yin no zhes khyad du gsod par byed do/ /de dag kha dog gis mngon pa'i </font><hr>Ca70a<br><font size=+1>


@#/ /nga rgyal can du gyur pa na/ sdig pa can mi dge ba'i chos de dag nyid yang dag par blangs pa'i rgyus sa'i bcud med par gyur to/ /dge slong dag sems can de dag sa'i bcud med par gyur pa na/ 'dus shing lhags nas mya ngan byed/ sgyid lug par byed/ smre sngags 'don par byed cing / 'di skad ces kye ma'o bcud kye ma'o bcud ces kyang zer cing 'di lta ste dper na| deng sang mi dag zas zhim pa bzang po cung zhig rnyed nas/ yi ge dang sbyar ba dang / tshig rnying pa de dag nyid kyis rjes su tha snyad 'dogs shing 'di skad ces kye ma'o bcud kye ma'o bcud ces kyang zer ba de bzhin du/ sems can de dag kyang sa'i bcud med par gyur pa rnams 'dus shing lhags nas/ mya ngan byed/ sgyid lug par byed/ smre sngags 'don par byed cing / 'di skad ces kye ma'o bcud kye ma'o bcud ces zer yang / smras pa 'di'i don ni 'di'o/ /smras pa 'di'i don ni 'di'o zhes smras pa de'i don ni mi shes so/ /dge slong dag sems can de dag gi sa'i bcud med par gyur pa na/ sa zhag kha dog phun sum tshogs pa/ dri phun sum tshogs pa/ ro phun sum tshogs pa byung bar gyur te/ kha dog gis ni 'di lta bu ste/ 'di lta ste dper na/ dong ka'i me tog lta bu'o/ / ros ni 'di lta bu 'di lta ste dper na/ sbrang bu'i sbrang rtsi ma bskol ba lta bu'o/ /de dag de za zhing zas de dang ldan la tshe ring zhing yun ring du gnas so/ /de dag las gang zas ches chung ngu za ba de ni </font><hr>Ca70b<br><font size=+1>


kha dog dang ldan par gyur la/ gang zas ches cher za ba de ni kha dog ngan par 'gyur ro/ /de ltar zas rnam gnyis nyid la brten nas kha dog rnam gnyis nyid du mngon la/ kha dog rnam gnyis nyid du gyur pa na/ sems can gyis sems can la/ kwa'e sems can nga ni kha dog dang ldan pa yin la/ khyod ni kha dog ngan pa yin no zhes khyad du gsod par byed do/ /de dag kha dog gis mngon pa'i nga rgyal can du gyur pa na/ sdig pa can mi dge ba'i chos de dag nyid yang dag par blangs pa'i rgyus sa zhag med par gyur to/ /dge slong dag sems can de dag sa zhag med par gyur pa na 'dus shing lhags nas mya ngan byed/ sgyid lug par byed/ smre sngags 'don par byed cing / 'di skad ces kye ma'o kye ma'o zhes kyang zer te/ 'di lta ste dper na/ deng sang mi dag sdug bsngal dang yid mi bde ba 'ga' zhig gis reg pa na yi ge dang sbyar ba dang tshig rnying pa de dag nyid kyis rjes su tha snyad 'dogs shing / 'di skad ces kye ma'o kye ma'o zhes kyang zer ba de bzhin du/ sems can de dag kyang sa zhag med par gyur pa na/ 'dus shing lhags nas/ mya ngan byed sgyid lug par byed smre sngags 'don par byed cing / 'di skad ces kye ma'o kye ma'o zhes zer yang / smras pa 'di'i don ni 'di'o/ /smras pa 'di'i don ni 'di'o zhes smras pa de'i don ni mi shes so/ /dge slong dag sems can de dag sa zhag med par gyur pa na/ myu gu'i tshal kha dog phun sum tshogs pa/ dri phun sum tshogs pa/ ro phun sum tshogs pa byung bar gyur te/ </font><hr>Ca71a<br><font size=+1>


@#/ /kha dog gis ni 'di lta bu ste/ 'di lta ste dper na/ ka dam bu ka'i me tog lta bu'o/ /ros ni 'di lta bu ste/ 'di lta ste dper na/ sbrang bu'i sbrang rtsi ma bskol ba lta bu'o/ / de dag de za zhing zas de dang ldan pa tshe ring zhing yun ring du gnas so/ /de dag las gang zas ches chung ngu za ba de ni kha dog dang ldan par 'gyur la/ gang zas ches cher za ba de ni kha dog ngan par 'gyur ro/ /de ltar zas rnam gnyis nyid la brten nas kha dog rnam gnyis nyid du mngon la/ kha dog rnam gnyis nyid du gyur pa na sems can gyis sems can la/ kwa'i sems can nga ni kha dog dang ldan pa yin la khyod ni kha dog ngan pa yin no zhes khyad du gsod par byed do/ /de dag kha dog gis mngon pa'i nga rgyal can du gyur pa na/ sdig pa can mi dge ba'i chos de dag nyid yang dag par blangs pa'i rgyus myu gu'i tshal med par gyur to/ /dge slong dag sems can de dag myu gu'i tshal med par gyur pa na 'dus shing lhags nas mya ngan byed/ sgyid lug par byed/ smre sngags 'don par byed cing / 'di skad ces phar song phar song zhes kyang zer te/ 'di lta ste dper na/ deng sang mi dag smad pa rnon po 'ba' zhig gis smad pa na yi ge dang sbyar ba dang tshig rnying pa de dag nyid kyis rjes su tha snyad 'dogs shing / 'di skad ces phar song phar song zhes kyang zer ba de bzhin du/ sems can de dag kyang myu gu'i tshal med par gyur pa na 'dus shing lhags nas mya ngan byed/ sgyid lug </font><hr>Ca71b<br><font size=+1>


par byed/ smre sngags 'don par byed cing / 'di skad ces phar song phar song zhes zer yang smras pa 'di'i don ni 'di'o/ /smras pa 'di'i don ni 'di'o zhes smras pa de'i don mi shes so/ /dge slong dag sems can de dag gi myu gu'i tshal med par gyur pa na ma rmos ma btab pa'i 'bras sA lu'i 'bru/ so ba med pa/ sbun pa med pa/ dag pa gtsang ba/ sor bzhi pa/ kun nas ma dkris pa nub brngas na nang rgyas shing phyir skye la/ nang brngas na nub rgyas shing phyir skye ba/ brngas so cog phyir skye ba/ brngas par yang mi mngon pa byung bar gyur te/ de dag de za zhing zas de dang ldan la tshe ring zhing yun ring du gnas so/ /gang gi phyir sems can de dag gis ma rmos ma btab pa'i 'bras sA lu'i 'bru kham gyi zas kyi rtsom pas zos par gyur pa de'i phyir de dag la dbang po tha dad pa byung bar gyur te/ kha cig ni pho'i dbang po dang ldan/ kha cig ni mo'i dbang po dang ldan no/ /de na gang dag pho'i dbang po dang ldan pa dang / gang dag me'i dbang po dang ldan pa de dag gcig la gcig mig gis mig la brten te lta bar byed do/ /ji lta ji ltar gcig la gcig mig gis mig la brten te lta bar byed pa de lta de ltar kun tu chags so/ /ji lta ji ltar kun tu chags pa de lta de ltar bral to/ /ji lta ji ltar bral ba de lta de ltar log par zhugs so/ /sems can gzhan dag gis kyang sems can sems can la log par zhugs pa mthong ngo / /mthong nas sas kyang 'thor bar byed/ bong ba dang / gseg </font><hr>Ca72a<br><font size=+1>


@#/ /ma dang gyo mo dang gyo dum dag kyang 'phen par byed cing / 'di skad ces sems can ngan ba grong ba bya ba ma yin pa byed/ sems can ngan pa grong pa bya ba ma yin pa byed pa/ kwa'e sems can khyod ci'i phyir sems can sun par byed ces kyang zer te 'di lta ste dper na/ deng sang sems can dag bag sar bag mar len pa na phye mas kyang 'thor bar byed / dri dang me tog dang 'bras yos dag gis kyang 'thor bar byed cing / 'di skad ces sru bde bar gyur cig ces kyang zer ba de bzhin du/ sems can de dang de dag gis kyang sems can sems can la log par zhugs pa mthong nas sas kyang 'thor bar byed/ bong ba dang gseg ma dang / gyo mo dang gyo dum dag kyang 'phen par byed cing 'di skad ces sems can ngan pa grong pa bya ba ma yin pa byed pa/ sems can ngan pa grong pa bya ba ma yin pa byed pa/ kwa'i sems can khyod ci'i phyir sems can sun par byed ces kyang zer ro/ /dge slong dag de ltar na sngon chos ma yin par grags pa gang yin pa de ni deng sang chos su grags la/ sngon 'dul ba ma yin par grags pa gang yin pa de ni deng sang 'dul bar grags/ sngon smad par bya ba gang yin pa de ni deng sang bstod par bya ba yin no/ /de nyi ma gcig tsam spong bar byed/ nyi ma gnyis sam gsum mam bdun tsam spong bar byed do/ /gang gi phyir sems can de dag sdig pa can dam pa ma yin pa'i chos de la shin tu sdang bar byed pas </font><hr>Ca72b<br><font size=+1>


brtul zhugs la zhugs pa de'i phyir/ de dag khyim rtsig pa la zhugs te bdag cag gis 'dir bya ba ma yin pa bya'o/ /bdag cag gis 'dir bya ba ma yin pa bya'o zhes zer ba las khyim khyim zhes bya ba'i ming byung ngo / /dge slong dag 'di ni khyim gyi las kyi mtha' dag 'jig rten du 'byung ba'i dang po rtsom pa yin te/ de yang chos kyis yin gyi chos ma yin pas ni ma yin no/ /de la chos ni 'di yin te/ rgyal ba dbang po rnams kyi chos mchog yin no/ /dge slong dag de la de'i tshe de'i dus na gang gis de'i dang por sems can sun phyung bar gyur pa'i sems can gang yin pa de ni ka lan da ka'i bu bzang byin yin te/ 'dis de'i tshe yang 'jig rten skyon med cing chu bur med pa la de'i dang por 'di lta ste/ mi tshangs par spyod pa'i rkyen gyis chu bur byung ngo / /'dis da ltar yang dge slong gi dge 'dun skyon med cing chu bur med pa la de'i dang por 'di lta ste/ mi tshangs par spyod pa'i rkyen gyis chu bur phyung ngo / /dge slong dag de lta bas na 'di ltar bslab par bya ste/ 'dod chags spang ba'i phyir 'bad par bya'o/ /zhe sdang spang ba'i phyir dang / gti mug spang bar bya ba'i phyir 'bad par bya ste/ dge slong dag khyed kyis de ltar bslab par bya'o/ /las dang po pa dang / smyos pa dang sems 'khrugs pa dang| tshor ba dag gis nyen pa la ni ltung ba med do/ /pham par 'gyur ba dang po rdzogs so// //sangs rgyas bcom ldan 'das rgyal po'i khab na 'od ma'i tshal ka lan da ka'i gnas na </font><hr>Ca73a<br><font size=+1>


@#/ /bzhugs so/ /de'i tshe na sngon rdza mkhan dge slong nor can rgyal po'i khab na dgon pa'i spyil bu na gnas so/ /de nas sngon rdza mkhan dge slong nor can rgyal po'i khab tu spyod yul du zhugs pa dang / rgyal po'i khab kyi mi ba lang rdzi dag dang / phyugs rdzi dag dang / rtswa thun dag dang / shing thun dag dang / lam gyis 'tsho ba dag dang / lam gol bas 'tsho ba'i mi dag gis spyil bu bcom zhing rnam par dkrugs te/ rtswa dang shing thams cad kyang khyer ro/ /de'i 'og tu sngon rdza mkhan dge slong nor can 'ongs pa dang / sngon rdza mkhan dge slong nor can spyil bu bcom zhing rnam par dkrugs te/ rtswa dang shing thams cad kyang khyer ba mthong ngo / /mthong nas yang rtswa dang shing blangs te spyil bu gzhan byed do/ /sngon rdza mkhan dge slong nor can lan gnyis lan gsum du rgyal po'i khab tu spyod yul du zhugs pa dang / rgyal po'i khab kyi mi ba lang rdzi dag dang / phyugs rdzi dag dang / rtswa thun dag dang / shing thun dag dang / lam gyis 'tsho ba dag dang / lam gol bas 'tsho ba'i mi dag gis spyil bu bcom zhing rnam par dkrugs te/ rtswa dang shing thams cad kyang khyer ro/ /de'i 'og tu sngon rdza mkhan dge slong nor can 'ongs pa dang / sngon rdza mkhan dge slong nor can gyis spyil bu bcom zhing rnam par dkrugs te/ rtswa dang shing thams cad kyang khyer ba mthong ngo / /de nas sngon rdza mkhan dge slong nor can 'di </font><hr>Ca73b<br><font size=+1>


snyam du sems te/ 'di ltar bdag rgyal po'i khab tu spyod yul du zhugs pa dang / rgyal po'i khab kyi mi ba lang rdzi dag dang / phyugs rdzi dag dang / rtswa thun dag dang / shing thun dag dang / lam gyis 'tsho ba dag dang / lam gol bas 'tsho ba'i mi dag gis lan gsum gyi bar du spyil bu bcom zhing rnam par dkrugs te/ rtswa dang shing thams cad kyang khyer ba ni/ kye ma'o sdug bsngal kye ma'o mi bzang ste/ bdag pha'i bzo'i gnas dang las kyi gnas la mkhas kyis bdag gi gnas khang thams cad sa las byas pa zhig bya'o snyam mo/ /de nas sngon rdza mkhan dge slong nor can gyis lus kyis sa dag bskyas shing bskyas shing srog chags med pa'i chus sbangs te/ gnas khang gi gzhi'i rmang dang thog dang ka ba dang steng rim rtsig par byed cing / chos gos kyi gdang khung dang chos gos kyi gdang dang stegs dang khri dang khri'u dang an khri'u dang / sgo skyes dag kyang byed do/ /de bskams par rig nas/ kha dog can gyis skud par byed cing kha dog can gyis bskus nas shing dang lci ba dang rtswa skam po dag bcer te so gtong bar byed do/ /de'i gnas khang de tshos pa shin tu tshos pa/ grub pa mchog tu grub pa/ dmar ba mdog dmar ba 'od dmar ba 'di lta ste dper na/ me tog ban d+hu dzi ba ka 'dra'o/ /de nas sngon rdza mkhan dge slong nor can 'di snyam du sems te/ bdag gi gnas khang tshos pa shin tu tshos pa/ grub pa mchog tu grub pa/ dmar ba mdog dmar po 'od dmar ba 'di lta ste dper na/ </font><hr>Ca74a<br><font size=+1>


@#/ /me tog ban d+hu dzi ba ka 'dras/ bdag gis da ni gnas khang gi dus ston bya'o snyam mo/ /de nas sngon rdza mkhan dge slong nor can gyis dge slong nye 'khor ba dag la gnas khang ltar bcug ste/ lhung bzed dang chos gos thogs nas ljongs rgyur song ngo / /chos nyid kyis na sangs rgyas bcom ldan 'das gson zhing bzhugs te/ 'tsho zhing gzhes pa dag ni 'dul bar gyur pa'i dbang gis dus dang dus su sems can dmyal bar rgyur gshegs pa dang / dud 'gro rgyu ba dang / yi dwags rgyu ba dang / lha rgyu ba dang / ljongs rgyu ba dang / chu klung rgyu ba dang / dgon pa rgyur ba dang / dur khrod rgyu ba dang / ri rgyu ba dang / gtsug lag khang rgyur gshegs/ don 'dir ni sangs rgyas bcom ldan 'das gtsug lag khang rgyur gshegs par bzhed nas tshe dang ldan pa kun dga' bo la bka' stsal pa/ kun dga' bo song la/ dge slong rnams la dge slong dag de bzhin gshegs pa da gtsug lag khang rgyur gshegs kyis khyed cag las gang de bzhin gshegs pa dang thabs cig gtsug lag khang rgyur 'gro bar spro ba des chos gos dag long zhig ces bsgo zhig /tshe dang ldan pa kun dga' bos bcom ldan 'das bka' bzhin 'tshal zhes bcom ldan 'das las mnyan nas lde mig kyog po thogs te kun dga'i ra ba nas kun dga'i ra bar/ gtsug lag khang nas gtsug lag khang du/ khang khyim nas khang khyim du / </font><hr>Ca74b<br><font size=+1>


'chag sa nas 'chag sar/ gol bar 'gro zhing drang por 'gro ba na dge slong de dag mthong nas 'di skad ces smras so/ /tshe dang ldan pa dag bcom ldan 'das de gtsug lag khang rgyur gshegs kyis khyed cag las gang bcom ldan 'das dang thabs cig gtsug lag khang rgyur 'gro bar spro ba des chos gos dag long zhig /dge slong de dag gis tshe dang ldan pa bka' bzhin 'tshal zhes tshe dang ldan pa kun dga' bo las mnyan nas chos gos dag blangs te/ bcom ldan 'das ga la ba der dong ngo / /de nas bcom ldan 'das dge slong rab tu mang po dag dang thabs cig gtsug lag khang rgyur gshegs te| mthar gyis gtsug lag khang rgyu zhing gshegs pa na sngon rdza mkhan dge slong nor can gyi gtsug lag khang ga la ba der gshegs pa dang / bcom ldan 'das kyis sngon rdza mkhan dge slong nor can gyi gnas khang tshos pa shin tu tshos pa/ grub pa mchog tu grub pa/ dmar ba mdog dmar ba 'od dmar ba 'di lta ste dper na/ me tog ban d+hu dzi ba ka 'dra ba gzigs so/ /gzigs nas dge slong rnams la bka' stsal pa/ dge slong dag gnas khang 'di su'i yin/ btsun pa sngon rdza mkhan dge slong nor can gyi lags so/ /dge slong dag nga la gzhi 'dis mu stegs can dag dge sbyong go'u ta ma 'dug bzhin du nyan thos rnams la zag pa'i gnas lta bu'i chos kha cig byung bar gyur to zhes kha zer bar 'gyur gyis gnas khang shig cig /rnam par dkrugs shig /dge slong de dag gis 'di lta ste/ ston pa'i </font><hr>Ca75a<br><font size=+1>


@#/ /bka' lung gis gnas khang bshig cing rnam par dkrugs so/ /bcom ldan 'das kyang gnas khang bshig cing rnam par dkrugs nas gshegs so/ /sngon rdza mkhan dge slong nor can 'ongs pa dang / sngon rdza mkhan dge slong nor can gyi gnas khang bshig cing rnam par dkrugs pa mthong ngo / /mthong nas dge slong nye 'khor ba rnams la smras pa/ tshe dang ldan pa dag kho bo'i gnas khang sus bshig cing rnam par dkrugs/ tshe dang ldan pa 'di lta ste/ ston pa'i bka' lung gis dge slong dag gis so/ /gal te bcom ldan 'das chos kyi rje/ bde bar gshegs pa chos kyi rjes bshig na bshig pa legs so/ /de'i tshe na grong khyer rgyal po'i khab na shing srung ba'i mi sna chen po la gtogs pa sngon rdza mkhan dge slong nor can gyi gtam 'dres pa/ phebs par smra ba/ smos 'drin 'grogs bshes shig 'dug go /de nas sngon rdza mkhan dge slong nor can 'di snyam du sems te/ grong khyer rgyal po'i khab na shing srung ba'i mi sna chen po la gtogs pa bdag gi gtam 'dres pa/ phebs pa smra ba/ smos 'drin 'grogs bshes shig yod kyis bdag gis gnas khang thams cad shing las byas pa zhig bya'o snyam du shes shing rig nas/ shing srung ba'i mi sna chen po la gtogs pa ga la ba der song ste phyin nas/ shing srung ba'i mi sna chen po la gtogs pa la 'di skad ces smras so/ /kye nang po shes par gyis shig /lus 'phags </font><hr>Ca75b<br><font size=+1>


ma'i bu ma ga d+har byung ba'i rgyal po ma skyes dgras bdag la shing dag byin pa de dag 'dren par 'dod kyis bdag la byin cig /'phags pa gal te lhas khyod la zhugs shing dag gsol na gsol ba legs kyis khyod ci bder snoms shig /de nas sngon rdza mkhan dge slong nor can gyis lus 'phags ma'i bu ma ga d+har byung ba'i rgyal po ma skyes dgra'i shing gang dag grong khyer rgyal po'i khab ral ba dang 'drums pa bcos pa'i phyir brel ba'i don du bzhag pa/ sbas pa shin tu sbas pa/ bsrungs pa shin tu bsrungs pa gang yin pa su la yang ster bar sla ba ma yin pa de dag las shing kha cig phyung ste/ bcad cing gshags nas 'dren par byed do/ /grong khyer srung ba'i mi sna chen po la gtogs pa zhig grong khyer rgyal po'i khab kyi mkhar phyi'i lam nyul ba na lus 'phags ma'i bu ma ga d+har byung ba'i rgyal po ma skyes dgra'i shing gang dag grong khyer rgyal po'i khab ral ba dang 'drums pa bcos pa'i phyir brel ba'i don du bzhag pa/ sbas pa shin tu sbas pa/ bsrungs pa shin tu bsrungs pa gang yin pa su la yang ster bar sla ba ma yin pa de dag las shing kha cig phyung ste bcad cing / gshags nas drangs pa mthong ngo / /mthong nas de 'di ltar lus 'phags ma'i bu ma ga d+har byung ba'i rgyal po ma skyes dgra'i shing gang dag grong khyer rgyal po'i khab ral ba dang 'drums pa bcos pa'i phyir brel ba'i don du bzhag pa/ sbas pa shin tu sbas pa/ bsrungs pa shin tu bsrungs pa/ gang yin pa su la yang ster bar sla ba ma yin pa de dag las shing kha cig phyung ste bcad cing </font><hr>Ca76a<br><font size=+1>


@#/ /gshags nas drangs pa las na/ lus 'phags ma'i bu ma ga d+har byung ba'i rgyal po ma skyes dgra'i grong khyer rgyal po'i khab tu thong mi pa'am/ chom rkun pa'am/ dgra po 'ga' zhig zhugs par ma gyur tam snyam du 'jigs par gyur/ sngangs par gyur/ spu zing zhes byed par gyur to/ /de nas shing srung ba'i mi sna chen po la gtogs pa ga la ba der song ste phyin nas/ shing srung ba'i mi sna chen po la gtogs pa de la 'di skad ces smras so/ /kye nang po shes par gyis shig/ bdag 'di na grong khyer rgyal po'i khab kyi mkhar phyi'i lam nyul ba na lus 'phags ma'i bu ma ga d+har byung ba'i rgyal po ma skyes dgra'i shing gang dag grong khyer rgyal po'i khab ral ba dang 'drums pa bcos pa'i phyir brel ba'i don du bzhag pa/ sbas pa shin tu sbas pa/ bsrungs pa shin tu bsrungs pa/ gang yin pa su la yang ster bar sla ba ma yin pa de dag las shing kha cig phyung ste/ bcad cing gshags nas drangs pa mthong ngo / /mthong nas bdag 'di ltar lus 'phags ma'i bu ma ga d+har byung ba'i rgyal po ma skyes dgra'i shing gang dag grong khyer rgyal po'i khab ral ba dang / 'drums pa bcos pa'i phyir brel ba'i don du bzhag pa/ sbas pa shin tu sbas pa| bsrungs pa shin tu bsrungs pa gang yin pa su la yang ster bar sla ba ma yin pa de dag las shing kha cig phyung ste/ bcad cing gshags nas drangs pa las na/ lus 'phags ma'i </font><hr>Ca76b<br><font size=+1>


bum ga d+har byung ba'i rgyal po ma skyes dgra'i grong khyer rgyal po'i khab tu thong mi pa'am/ chom rkun pa'am/ dgra bo 'ga' zhig zhugs par ma gyur tam snyam du 'jigs par gyur/ sngangs par gyur/ spu zing zhes byed par gyur na/ kye nang po khyod kyis shing dag su la yang ma byin nam/ kye nang po su la yang ma byin te/ 'on kyang sngon rdza mkhan dge slong nor can 'ongs nas de 'di skad ces/ kye nang po shes par gyis shig /lus 'phags ma'i bu ma ga d+har byung ba'i rgyal po ma skyes dgras bdag la shing dag byin pa de dag 'dren par 'dod kyis bdag la byin cig ces zer nas/ bdag gis de la 'di skad ces 'phags pa gal te lhas khyod la zhugs shing dag gsol na/ gsol ba legs kyis khyod ci bder snoms shig ces brjod pas des drangs pa'am gcig tu ma gyur tam/ de nas grong khyer srung ba'i mi sna chen po la gtogs pa lus 'phags ma'i bu ma ga d+har byung ba'i rgyal po ma skyes dgra ga la ba der song ste phyin nas/ lus 'phags ma'i bu ma ga d+har byung ba'i rgyal po ma skyes dgra la 'di skad ces smras so/ /lha mkhyen par mdzod cig /bdag 'di na grong khyer rgyal po'i khab kyi mkhar phyi'i shul nyul ba na lha'i zhugs shing gang dag grong khyer rgyal po'i khab ral ba dang / 'drums pa bcos pa'i slad du brel ba'i don du bzhag pa/ sbas pa shin tu sbas pa/ bsrungs pa shin tu bsrungs pa gang lags pa su la yang stsal bar sla ba ma lags pa de dag las zhugs shing kha cig phyung ste/ </font><hr>Ca77a<br><font size=+1>


@#/ /bcad cing gshags nas drangs pa mthong ngo / /mthong nas bdag 'di ltar lha'i zhugs shing gang dag grong khyer rgyal po'i khab ral ba dang / 'drums pa bcos pa'i slad du brel ba'i don du bzhag pa/ sbas pa shin tu sbas pa/ bsrungs pa shin tu bsrungs pa gang lags pa su la yang stsal bar sla ba ma lags pa de dag las zhugs shing kha cig phyung ste| bcad cing gshags nas drangs pa las na/ lha'i grong khyer rgyal po'i khab tu thong mi pa'am/ chom rkun pa'am/ dgra bo 'ga' zhig zhugs par ma gyur tam snyam du 'jigs par gyur| sngangs par gyur/ spu zing zhes bgyid par gyur nas/ zhugs shing srung ba'i mi sna chen po la gtogs pa ga la ba der mchis te mchis nas/ zhugs shing srung ba'i mi sna chen po la gtogs pa la 'di skad ces kye nang po shes par gyis shig /bdag 'di na grong khyer rgyal po'i khab kyi mkhar phyi'i lam nyul ba na lha'i shing gang dag grong khyer rgyal po'i khab ral ba dang / 'drums pa bcos pa'i phyir brel ba'i don bzhag pa/ sbas pa shin tu sbas pa/ bsrungs pa shin tu bsrungs pa/ gang yin pa su la yang ster bar sla ba ma yin pa de dag las shing kha phyung ste bcad cing gshags nas drangs pa mthong na/ kye nang po khyod kyis shing dag su la yang ma byin nam zhes bgyis na/ de 'di skad ces kye nang po su la yang ma byin te/ 'on kyang sngon rdza mkhan dge slong nor can </font><hr>Ca77b<br><font size=+1>


'ongs nas de 'di skad ces/ kye nang po shes par gyis shig /lus 'phags ma'i bu ma ga d+har byung ba'i rgyal po ma skyes dgras bdag la shing dag byin pa de dag 'dren par 'dod kyis bdag la byin cig ces zer nas/ bdag gis de la 'di skad ces 'phags pa gal te lhas khyod la zhugs shing dag gsol na gsol ba legs kyis khyod ci bder snoms shig ces brjod pas des drangs pa'am gcig tu ma byur tam zhes mchi na/ lhas zhugs shing dag su la yang stsal tam/ kwa'e nang rje su la yang ma byin no/ /lha zhugs shing srung ba'i mi sna chen po la gtogs pa de skad mchi'o/ /de nas lus 'phags ma'i bu ma ga d+har byung ba'i rgyal po ma skyes dgras mi zhig la smras pa/ kwa'e nang rje tshur shog /shing srung ba'i mi sna chen po la gtogs pa ga la ba der song la phyin nas/ shing srung ba'i mi sna chen po la gtogs pa la 'di skad ces/ kwa'e nang rje khyod la lus 'phags ma'i bu ma ga d+har byung ba'i rgyal po ma skyes dgra gsung ngo zhes gyis shig /mi des lha bka' bzhin 'tshal zhes lus 'phags ma'i bu ma ga d+har byung ba'i rgyal po ma skyes dgra las mnyan nas/ shing srung ba'i mi sna chen po la gtogs pa ga la ba der song ste phyin nas/ shing srung ba'i mi sna chen po la gtogs pa la 'di skad ces smras so// kye nang po shes par gyis khyod la lus 'phags ma'i bu ma ga d+har byung ba'i rgyal po ma skyes dgra gsung ngo / /shing srung ba'i mi sna chen po la gtogs pas kye nang po bka' bzhin 'tshal zhes mi de </font><hr>Ca78a<br><font size=+1>


@#/ /las mnyan nas/ lus 'phags ma'i bu ma ga d+har byung ba'i rgyal po ma skyes dgra'i drung du 'phags so/ /de'i tshe na sngon rdza mkhan dge slong nor can bya ba 'ga' zhig la rgyal po'i khab tu 'phags par gyur pa dang / shing srung ba'i mi sna chen po la gtogs pas sngon rdza mkhan dge slong nor can thag ring po kho na nas mthong ngo / /mthong nas sngon rdza mkhan dge slong nor can la 'di skad ces smras so/ /'phags pa mkhyen par mdzod cig /bdag ni zhugs shing de dag gi slad du bkug go /kye nang po khyod song zhig dang bdag kyang 'ong ngo / /de nas shing srung ba'i mi sna chen po la gtogs pa dang / sngon rdza mkhan dge slong nor can dang / mi de yang lus 'phags ma'i bu ma ga d+har byung ba'i rgyal po ma skyes dgra'i gnas ga la ba der dong ste phyin nas/ rgyal po'i sgor bsdad do/ /de nas mi de lus 'phags ma'i bu ma ga d+har byung ba'i rgyal po ma skyes dgra ga la ba der song ste phyin nas/ lus 'phags ma'i bu ma ga d+har byung ba'i rgyal po ma skyes dgra la 'di skad ces smras so/ /lha zhugs shing srung ba'i mi sna chen po la gtogs pa de chab sgo na sdod do/ /rab tu byung ba de yang ma sbran pa nyid du mchis so/ /kwa'e nang rje shing srung ba'i mi sna chen po la gtogs pa re zhig zhog la rab tu byung ba de 'jug tu chug cig /mi des lha bka' bzhin 'tshal zhes lus 'phags ma'i bu ma ga d+har byung ba'i rgyal po ma skyes dgra </font><hr>Ca78b<br><font size=+1>


las mnyan nas/ sngon rdza mkhan dge slong nor can ga la ba der song ste phyin nas/ sngon rdza mkhan dge slong nor can la 'di skad ces smras so/ /'phags pa mkhyen par mdzod cig /khyod la lus 'phags ma'i bu ma ga d+har byung ba'i rgyal po ma skyes dgra gsung ngo / /sngon rdza mkhan dge slong nor can gyi kye nang po bka' bzhin 'tshal zhes mi de las mnyan nas lus 'phags ma'i bu ma ga d+har byung ba'i rgyal po ma skyes dgra ga la ba der song ste phyin nas/ lus 'phags ma'i bu ma ga d+har byung ba'i rgyal po ma skyes dgra la a rog gya zhes byas te mtha' gcig tu 'dug go/ /sngon rdza mkhan dge slong nor can mtha' gcig tu 'dug pa la lus 'phags ma'i bu ma ga d+har byung ba'i rgyal po ma skyes dgras 'di skad ces smras so/ /'phags pas shing ma byin pa dag blang du rung ngam/ lha mi rung ngo / /'on khyod kyis ci'i phyir blangs/ lhas stsal pa dag go /'phags pa/ mi dran no/ /bdag gis lhas dgongs par bgyi'o/ /lhas yab kyi rgyal srid kyi dbang phyug mnga' bdag tu mnga' bzhes par gyur nas ring po ma lags par nga'i mnga' ris na dge sbyong dang bram zer rang bzhin bzang bar grags pa rtswa dang shing dang chu ma byin pa yongs su mi spyod pa gang dag 'khod pa de dag deng phyin chad ni bder spyod cig /ces de lta bu'i khyu mchog gi bka' rgya chen po btags te/ gcig tu dang du bzhes shing 'khor gyi nang du yang dag par seng ge'i sgra bsgrags pa lhas dgongs shig /'phags pa de ni kho bos yongs su ma </font><hr>Ca79a<br><font size=+1>


@#/ /bzung ba la bsams te smras kyi 'di ni yongs su bzung ba dang bcas pa yin no/ /lha re zhig yongs su ma bzung ba gang lags pa de la lhas ci zhig bgyir mchis/ de skad ces smras pa dang / lus 'phags ma'i bu ma ga d+har byung ba'i rgyal po ma skyes dgra khros 'khrugs rngam par gyur cing yid mi dga' nas dpral bar dpral rtsa gsum bsgrengs zhing khro gnyer bsdus bzhin sgyur mig dgrad de lag mthil gnyis 'dril zhing 'di skad ces smras so/ /dge sbyong gsad pa'i rigs pa khyod song la phyin chad de lta ma byed cig /de nas 'khor des shes ldan dag lus 'phags ma'i bu ma ga d+har byung ba'i rgyal po ma skyes dgra 'di tsam du gtum pa/ 'di tsam du rtun ngas pa/ 'di tsam du drag shul che ba/ 'di tsam du tsha ma tshom med pa des dge sbyong gsad pa'i rigs pa khyod ces pa'i tshig snying po med pas spyos te btang ba ni ngo mtshar to zhes skad phyung zhing sgra mthon po dang / sgra chen po phyung bar gyur to/ /de nas sngon rdza mkhan dge slong nor can gtsug lag khang du song ste dge slong rnams la smras pa/ tshe dang ldan pa dag lus 'phags ma'i bu ma ga d+har byung ba'i rgyal po ma skyes dgras kho bo gyod la skrin cing srog dang bral bar de'u byas so/ /dge slong dag gis ci'i phyir zhes dris pa dang / des skabs de dge slong rnams la brjod nas/ dge slong rnams kyis bcom ldan 'das la gsol to/ /de nas bcom ldan </font><hr>Ca79b<br><font size=+1>


'das kyis tshe dang ldan pa kun dga' bo la bka' stsal pa/ kun dga' bo snam sbyar gyon te dge slong phyir bzhin 'brang ba'i dge sbyong zhig dang song la/ rgyal po'i khab tu zhugs te grong khyer rgyal po'i khab kyi lam po che dang srang dang bzhi mdo dang sum mdo dag dang bka' 'dogs pa'i gnas dag tu 'dug la/ dad pa can dag dang / ma dad pa dag dang / bram ze dang / khyim bdag dang / grong rdal pa dag dang / yul mi dag dang / nor can dag dang / tshong dpon dag dang / ded dpon dag la shes ldan dag lus 'phags ma'i bu ma ga d+har byung ba'i rgyal po ma skyes dgras ji tsam ma byin par blangs pas gyod la skrin cing srog dang 'bral bar byed ces dris shig /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas/ rgyal po'i khab tu zhugs te grong khyer rgyal po'i khab kyi lam po che dang srang dang bzhi mdo dang sum mdo dag dang bka' 'dogs pa'i gnas dag tu 'dug nas/ dad pa can dag dang ma dad pa dag dang bram ze dang khyim bdag dang grong rdal pa dag dang / yul mi dag dang nor can dag dang tshong dpon dag dang ded dpon dag la smras pa/ shes ldan dag lus 'phags ma'i bu ma ga d+har byung ba'i rgyal po ma skyes dgras ji tsam ma byin par blangs pas gyod la skrin cing srog dang 'bral bar byed/ de dag gis smras pa/ btsun pa kun dga' bo/ ma sha ka lnga'am ma sha ka lnga las lhag bas so/ /de nas tshe dang ldan </font><hr>Ca80a<br><font size=+1>


@#/ /pa kun dga' bo rgyal po'i khab nas byung nas/ bcom ldan 'das ga la ba der song ste phyin nas/ bcom ldan 'das kyi zhabs gnyis la ma go bos phyag 'tshal te mtha' gcig tu 'dug go /mtha' gcig tu 'dug nas/ bcom ldan 'das la tshe dang ldan pa kun dga' bos 'di skad ces gsol to/ /btsun pa bdag gzod snam sbyar 'tshal te dge slong slad bzhin 'brang ba'i dge sbyong zhig dang rgyal po'i khab tu zhugs nas/ grong khyer rgyal po'i khab kyi lam po che dang srang dang bzhi mdo dang sum mdo dag dang bka' 'dogs pa'i gnas dag tu mchis te/ dad pa can dag dang ma dad pa dang bram ze dang khyim bdag dang grong rdal ba dang yul mi dag dang / nor can dag dang / tshong dpon dag dang ded dpon dag la shes ldan dag lus 'phags ma'i bu ma ga d+har byung ba'i rgyal po ma skyes dgras ji tsam ma byin par blangs pas gyod la skrin cing srog dang bral bar bgyid ces rmas na/ de dag gi mchid nas btsun pa kun dga' bo ma sha ka lnga'am ma sha ka lnga las lhag pas so zhes mchi'o/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do| |de bzhin gshegs pa ni don gyi dbang gnyis gzigs pa na/ dge slong gi dge 'dun sdud par mdzad de/ 'di lta ste nga'i nyan thos rnams kyis kun shes pa nyid du bya ba'i phyir dang / </font><hr>Ca80b<br><font size=+1>


ngas 'dul ba la bslab pa'i gzhi legs par bcas par 'gyur ba'o/ /sangs rgyas bcom ldan 'das rnams ni mkhyen bzhin rmed par mdzad pa ste/ mkhyen bzhin du rmed pa/ mkhyen kyang mi rmed pa/ dus su rmed pa/ dus las yol bar mi rmed pa/ don dang ldan pa rmed pa/ don dang mi ldan pa mi rmed pas/ sangs rgyas bcom ldan 'das rnams ni don dang mi ldan pa rmed pa la chu lon gyis bzlog par mdzad pa yin no/ /de la sangs rgyas bcom ldan 'das rnams ni don dang ldan pa rmed pa la dus mkhyen pa yin pas/ sangs rgyas bcom ldan 'das kyis sngon rdza mkhan dge slong nor can la rmas pa/ nor can khyod kyis mi mdzes pa de lta bu de byas par gyur pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no/ /nor can ngas 'dod chags 'dod chags dang bral bar bya ba'i phyir sems rnam par grol ba dang / shes rab rnam par grol ba'i chos bstan pa dang / zhe sdang 'dod chags dang bral bar bya ba dang / gti mug 'dod chags dang bral bar bya ba'i phyir sems rnam par grol ba dang / shes rab rnam par grol bar bya ba'i phyir chos ston pa la khyod kyis ci'i phyir mi mdzes pa de lta bu de byas par gyur ces rnam par smad par mdzad do/ /de nas bcom ldan 'das kyis rnam grangs du mas rnam </font><hr>Ca81a<br><font size=+1>


@#/ /par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste/ 'di lta ste/ dge 'dun bsdu ba'i phyir dang / dge 'dun legs par bya ba'i phyir dang / dge 'dun bde bar gnas par bya ba'i phyir dang / gnong mi bkur ba'i gang zag rnams tshar gcad par bya ba'i phyir dang / ngo tsha shes pa rnams bde bar gnas par bya ba'i phyir dang / mngon par ma dad pa rnams mngon par dad par bya ba'i phyir dang / mngon par dad pa rnams phyir zhing 'byung bar bya ba'i phyir dang / tshe 'di'i zag pa rnams bsdam par bya ba'i phyir dang / tshe rabs phyi ma'i rnams bzlog par bya ba'i phyir dang / nga'i tshangs par spyod pa skye bo mang po la phan pa yangs par gyur pa lha dang mi'i bar dag la yang dag par rab tu bstan pa yun ring du gnas par 'gyur ba'o/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang gzhan dag gi grong na 'dug pa'am/ dgon pa na 'dug pa ma byin pa rku ba'i grangs su gtogs pa blangs na ji tsam ma byin par blangs pas de rgyal po'am/ blon po chen pos bzung nas de la 'di skad ces/ kye mi khyod ni rkun ma'o byis pa'i blun pa'o rkun pa'o zhes zer zhing gsod dam/ 'ching ngam/ spyug kyang rung ste/ dge slong </font><hr>Ca81b<br><font size=+1>


de ltar ma byin par len na dge slong de pham par gyur pa yin gyis gnas par mi bya'o/ /yang dge slong gang zhes bya ba ni/ dge slong bzhi po ming gi dge slong dang / khas 'che ba'i dge slong dang / slong ba'i phyir dge slong dang / nyon mongs pa bcom pa'i phyir dge slong las zhes bya ba nas/ de na 'dir ni gsol ba dang bzhi'i las mi g.yo ba gzhag par mi 'os pas bsnyen par rdzogs pa gang yin par de dge slong du dgongs te zhes bya ba'i bar du snga ma bzhin te/ des na yang dge slong gang zhes gsungs so/ /gzhan dag gi zhes bya ba ni/ skyes pa dang bud med dang ma ning dag gi'o/ /grong na 'dug pa'am zhes bya ba ni ra ba'i nang na 'dug pa'o/ /dgon pa na 'dug pa zhes bya ba ni ra ba'i phyi rol na 'dug pa'o/ /ma byin pa zhes bya ba ni/ de la skyes pa'am bud med dam ma ning gang gis kyang ma byin pa'o/ /rku ba'i grangs su gtogs pa zhes bya ba ni/ ma byin pa gang yin pa de rku ba'i grangs su gtogs pa yang yin no/ /blangs na zhes bya ba ni/ len na'o/ /ji tsam ma byin par blangs pas zhes bya ba ni/ ma sha ka lnga'am/ ma sha ka lnga las lhag pas so/ /de rgyal po'am/ zhes bya ba ni 'di lta ste/ bud med rgyal srid la dbang bskur bas dbang bskur bar gyur na de yang rgyal po rgyal rigs spyi bor dbang bskur ba yin la/ rgyal rigs dang bram ze dang rje'u rigs dang dmangs rigs rgyal srid la dbang bskur bas dbang bskur bar gyur na/ de yang rgyal po rgyal rigs spyi bor dbang bskur </font><hr>Ca82a<br><font size=+1>


@#/ /pa yin no/ /blon po chen pos zhes bya ba ni de las gzhan pa blon po dang rtsis mkhan dang sna chen po la gtogs pa rgyal srid byed pa gsang tshig mthun pas 'tsho ba gang dag de la brten nas 'tsho bar byed pa dag gis so/ /bzung nas zhes bya ba ni blangs nas so/ /de la 'di skad ces kye mi khyod ni rkun ma'o byis pa'o blun pa'o rku ba'o zhes bya ba de dag ni spyo ba'i tshig go /zer zhing zhes bya ba ni rjod cing ngo / /gsod dam zhes bya ba ni srog dang bral bar byed pa'o/ /'ching ngam zhes bya ba ni/ chings ma gsum po lcags las byas pa dang / shing las byas pa dang / rtswa las byas pa dag gi so/ /spyug kyang rung ste zhes bya ba ni/ yul med par byed kyang rung ste'o/ /dge slong zhes bya ba ni gang la dge slong gis dngos po yod pa gang yin pa'o/ /dge slong gi dngos po gang zhe na/ bsnyen par rdzogs pa gang yin pa'o/ /bsnyen par rdzogs pa gang zhe na/ gsol ba dang bzhi'i las kyi bya ba byed pa nyid dang / rtog pa nyid dang / yang dag par rtog pa nyid dang / mthar phyin par byed pa nyid dang / yang dag par mthar phyin par byed pa gang yin pa dang / gang zag de'i khas len pa dang / mngon par khas len pa dang / phyir mi zlog pa dang / phyir mi zlog pa nyid dang / ngag dang / tshig dang / tha snyad dang / skad dang / rjod pa dang / nges pa'i tshig dang / tshig gi lam dang / tshig </font><hr>Ca82b<br><font size=+1>


gi sgra dang / ngag gi las dang / ngag gi rnam par rig byed gang yin pa'o/ /de yang zhes bya ba ni nye bar bstan pa dang / kun tu bstan pa'i tshig bla dwags de yang ngo / /pham par gyur pa yin gyis zhes bya ba ni/ de mthar gyur pa dang / ltung ba dang / dman pa dang / mjug na 'dug pa dang / tha chad dang / yid dang mi mthun pa gang yin pa'o/ /yang gang gis ltung ba de byas na/ byas ma thag tu dge slong du mi rung bar 'gyur/ dge sbyong du mi rung / shAkya'i sras kyir mi rung / dge slong gi dngos po las nyams par 'gyur te/ de'i dge sbyong gi tshul zhig par 'gyur zhing / nyams pa bcom pa ltung ba pham par gyur pa ste/ de'i dge sbyong gi tshul phyir blang du med par 'gyur ro/ /'di lta ste dper na/ shing ta la'i mgo bcad na sngon por 'gyur du mi rung la 'phel zhing rgyas pa dang / yangs par 'gyur du mi rung ba de bzhin du/ dge slong gis de lta bu byas na byas ma thag tu dge slong du mi rung bar 'gyur/ dge sbyong du mi rung / shAkya'i sras kyir mi rung / dge slong gi dngos po las nyams par gyur te/ de'i dge sbyong gi tshul zhig par 'gyur zhing / nyams pa bcom pa ltung ba pham par gyur pa ste/ de'i dge sbyong gi tshul phyir blang du med par 'gyur bas/ des na pham par gyur ba yin gyis zhes gsungs so/ /gnas par mi bya'o/ /zhes bya ba ni dge slong rnams kyis de dang gso sbyong dang / dgag dbye dang / gsol ba dang / gsol ba dang gnyis dang / gsol ba </font><hr>Ca83a<br><font size=+1>


@#/ /dang bzhi'i las la gnas par mi bya'o/ /yang gang zag bcu gnyis po dag tu bsko bas bsko bar mi bya ste/ de na gnas par mi bya'o zhes gsungs so/ /de la ltung ba ji ltar 'gyur zhe na/ spyi sdom la/ bdag nyid sa dang nam mkha' dang / /sa yi gcal dang bzhon dang gru/ /ston ka 'byung dang chu dang ni/ /rku dang sa gzhi 'chol ba dang / /rkang med dang ni gdol pa dang / /'phyang bar gyur pa tha ma yin/ /sdom la/ bdag nyid dang ni ma byin dang / /sems dang yongs su bzung ba dang / /'du shes dang ni bzhi pa bzhi/ /lnga pa gnyis su byas pa yin// dge slong gis gzhan dag gi yo byad lci ba dag rgyu gsum gyis ma byin par len na pham par 'gyur ro/ /gsum gang zhe na/ bdag nyid kyis dang / zhal ta byas te dang / mngags pas so/ /ji ltar bdag nyid kyis she na/ bdag nyid kyis rku ba dang / bdag nyid kyis rkur 'jug pa dang / bdag nyid kyis gnas nas gnas su sbed par byed pa ste/ de ltar bdag nyid kyis so/ /ji ltar zhal ta byas te zhe na/ zhal ta byas te rku ba dang / zhal ta byas te rkur 'jug pa dang / zhal ta byas te gnas nas gnas su sbed par byed pa ste/ de ltar zhal ta byas te'o/ /ji ltar mngags pas she na/ mngags pas rku ba dang / mngags pas rkur 'jud pa dang / mngags pas gnas nas gnas su sbed par byed pa ste/ de ltar mngags pas so/ /dge slong gis gzhan dag gi yo byad lci ba </font><hr>Ca83b<br><font size=+1>


dag rgyu de gsum gyis ma byin par len na pham par 'gyur ro/ /gzhan yang dge slong gis gzhan dag gi yo byad lci ba dag rgyu gsum gyis ma byin par len na pham par 'gyur ro/ /gsum gang zhe na| ma byin pa dang / lci ba dang / gnas nas gnas su sbed pa'o/ /ji ltar ma byin pa yin zhe na/ de la skyes pa'am/ bud med dam ma ning gang gis kyang ma byin pa ste/ de ltar ma byin pa yin no| |ji ltar lci ba yin zhe na/ ma sha ka lnga'am/ ma sha ka lnga las lhag pa ste/ de ltar lci ba yin no/ /ji ltar gnas nas gnas su sbed pa yin zhe na/ gnas gang du bzhag par gyur pa'i gnas de nas spags shing gnas gzhan du 'jog par byed pa ste/ de ltar gnas nas gnas su sbed do/ /dge slong gis gzhan dag gi yo byad lci ba dag rgyu de gsum gyis ma byin par len na pham par 'gyur ro/ /gzhan yang dge slong gis gzhan dag gi yo byad lci ba dag rgyu gsum gyis ma byin par len na pham par 'gyur ro/ /gsum gang zhe na/ sems par byed pa dang / rtsol bar byed pa dang / gnas nas gnas su sbed pa'o/ /ji ltar sems par byed ce na/ de la rku sems nye bar gnas par gyur pa ste/ de ltar sems par byed do/ /ji ltar rtsol bar byed ce na/ lag pa dag dang rkang pa dag gis rtsol bar byed pa ste/ de ltar rtsol bar byed do/ /ji ltar gnas nas gnas su sbed ce na/ gnas gang du bzhag par gyur pa'i gnas de nas spags shing gnas gzhan du </font><hr>Ca84a<br><font size=+1>


@#/ /'jog par byed pa ste/ de ltar gnas nas gnas su sbed do/ /dge slong gis gzhan dag gi yo byad lci ba dag rgyu de gsum gyis ma byin par len na pham par 'gyur ro| |gzhan yang dge slong gis gzhan dag gi yo byad lci ba dag rgyu gsum gyis ma byin par len na pham par 'gyur ro/ /gsum gang zhe na/ gzhan gyis yongs su bzung ba dang / lci ba dang / gnas nas gnas su sbed pa'o/ /ji ltar gzhan gyis yongs su bzung ba yin zhe na/ 'di lta ste yo byad lci ba dag gzhan skyes pa'am/ bud med dam ma ning dag gis yongs su bzung bar gyur pa ste/ de ltar gzhan gyis yongs su bzung ba yin no/ /ji ltar lci ba yin zhe na/ ma sha ka lnga'am/ ma sha ka lnga las lhag pa ste/ de ltar lci ba yin no/ /ji ltar gnas nas gnas su sbed ce na/ gnas gang du bzhag par gyur pa'i gnas de nas spags shing gnas gzhan du 'jog par byed pa ste/ de ltar gnas nas gnas su sbed do/ /dge slong gis gzhan dag gi yo byad lci ba dag rgyu de gsum gyis ma byin par len na pham par 'gyur ro/ /gzhan yang dge slong gis gzhan dag gi yo byad lci ba dag rgyu gsum gyis ma byin par len na pham par 'gyur ro/ /gsum gang zhe na/ gzhan gyis yongs su bzung bar 'du shes pa dang / lci ba dang / gnas nas gnas su sbed pa'o/ /ji ltar gzhan gyis yongs su bzung bar 'du shes pa yin zhe na/ 'di lta ste dge </font><hr>Ca84b<br><font size=+1>


slong gis 'di ltar yo byad lci ba 'di dag gzhan skyes pa'am/ bud med dam ma ning dag gis yongs su bzung bar 'du shes pa ste/ de ltar gzhan gyis yongs su bzung bar 'du shes pa yin no| /ji ltar lci ba yin zhe na/ ma sha ka lnga'am/ ma sha ka lnga las lhag pa ste/ de ltar lci ba yin no/ /ji ltar gnas nas gnas su sbed ce na/ gnas gang du bzhag par gyur pa'i gnas de nas spags shing gnas gzhan du 'jog par byed pa ste/ de ltar gnas nas gnas su sbed do/ /dge slong gis gzhan dag gi yo byad lci ba dag rgyu de gsum gyis ma byin par len na pham par 'gyur ro// dge slong gis gzhan dag gi yo byad lci ba dag rgyu bzhis ma byin par len na pham par 'gyur ro/ /bzhi gang zhe na/ gzhan gyis yongs su bzung ba dang / gzhan gyis yongs su bzung bar 'du shes pa dang / lci ba dang / gnas nas gnas su sbed pa'o/ /ji ltar gzhan gyis yongs su bzung ba yin zhe na/ 'di lta ste yo byad lci ba dag gzhan skyes pa'am/ bud med dam ma ning dag gis yongs su bzung bar gyur pa ste/ de ltar gzhan gyis yongs su bzung ba yin no/ /ji ltar gzhan gyis yongs su bzung bar 'du shes pa yin zhe na/ 'di lta ste dge slong gis 'di ltar yo byad lci ba 'di dag gzhan skyes pa'am/ bud med dam ma ning dag gis yongs su bzung bar 'du shes pa ste/ de ltar gzhan gyis yongs su bzung bar 'du shes pa yin no/ /ji ltar lci ba yin zhe na/ ma sha ka </font><hr>Ca85a<br><font size=+1>


@#/ /lnga'am/ ma sha ka lnga las lhag pa ste/ de ltar lci ba yin no/ /ji ltar gnas nas gnas su sbed ce na/ gnas gang du bzhag par gyur pa'i gnas de nas spags shing gnas gzhan du 'jog par byed pa ste/ de ltar gnas nas gnas su sbed do/ /dge slong gis gzhan dag gi yo byad lci ba dag rgyu de bzhis ma byin par len na pham par 'gyur ro/ /gzhan yang dge slong gis gzhan dag gi yo byad lci ba rgyu bzhis ma byin par len na pham par 'gyur ro/ /bzhi gang zhe na/ sems par byed pa dang / rtsol bar byed pa dang / lci ba dang / gnas nas gnas su sbed pa'o/ /ji ltar sems par byed ce na/ de lta rku sems nye bar gnas par gyur pa ste/ de ltar sems par byed do/ /ji ltar rtsol bar byed ce na/ lag pa dag dang rkang pa dag gis rtsol bar byed pa ste/ de ltar rtsol bar byed do/ /ji ltar lci ba yin zhe na/ ma sha ka lnga'am/ ma sha ka lnga las lhag pa ste/ de ltar lci ba yin no/ /ji ltar gnas nas gnas su sbed ce na/ gnas gang du bzhag par gyur pa'i gnas de nas spags shing gnas gzhan du 'jog par byed pa ste/ de ltar gnas nas gnas su sbed do/ /dge slong gis gzhan dag gi yo byad lci ba dag rgyu de bzhis ma byin par len na pham par 'gyur ro/ /gzhan yang dge slong gis gzhan dag gi yo byad lci ba dag rgyu bzhis ma byin par len na pham </font><hr>Ca85b<br><font size=+1>


par 'gyur ro/ /bzhi gang zhe na/ bsrungs pa dang / bdag gir byas pa dang / lci ba dang / gnas nas gnas su sbed pa'o/ /ji ltar bsrungs pa yin zhe na/ 'di lta ste mi rnams kyi yo byad lci ba dag snod 'di lta ste/ zangs po che dang / zangs dang / rdza bo dang / sgrom dang / ko lpags su bcug par gyur cing / der yang srung ma 'di lta bu 'di lta ste/ glang po che ba'i tshogs dang / rta pa'i tshogs dang / shing rta pa'i tshogs dang / dpung bu chung gi tshigs dag bkod par gyur cing / de dag de na srung bar byed pa ste/ de ltar bsrungs pa yin no/ /ji ltar bdag gir byas pa yin zhe na/ 'di lta ste / mi rnams kyi yo byad lci ba dag snod 'di lta ste/ zangs po che dang / zangs dang / rdza bo dang / sgrom dang / ko lpags su bcug par gyur cing / de dag gis 'di dag bdag cag gi yin no zhes de dag bdag gir byed pa ste/ de ltar bdag gir byas pa yin no/ /ji ltar lci ba yin zhe na/ ma sha ka lnga'am/ ma sha ka lnga las lhag pa ste/ de ltar lci ba yin no/ /ji ltar gnas nas gnas su sbed ce na/ gnas gang du bzhag par gyur pa'i gnas de nas spags shing gnas gzhan du 'jog par byed pa ste/ de ltar gnas nas gnas su sbed do/ /dge slong gis gzhan dag gi yo byad lci ba dag rgyu de bzhis ma byin par len na pham par 'gyur ro/ /gzhan yang dge slong gis gzhan dag gi yo byad lci ba dag rgyu bzhis ma byin par len na pham par 'gyur ro/ /bzhi gang zhe na/ bsrungs </font><hr>Ca86a<br><font size=+1>


@#/ /shing bdag gir ma byas pa dang / bdag gir byas shing ma bsrungs pa dang / lci ba dang / gnas nas gnas su sbed pa'o/ /ji ltar bsrungs shing bdag gir ma byas pa yin zhe na/ 'di lta ste/ chom rkun pa dag gir grong gzhom pa dang / grong khyer gzhom pa dang / yul gzhom par byas te/ dgon par kun nas 'du bar byed cing / der mi kha lungs pa la gcan bdag gis de dag las/ rkun rdzas phrogs te spungs nas srung bar byed cing / bdag gir mi byed pa ste/ de ltar bsrungs shing bdag gir ma byas pa yin no/ /ji ltar bdag gir byas shing ma bsrungs pa yin zhe na/ 'di lta ste/ mi rnams kyi yo byad lci ba dag snod 'di lta ste/ zangs po che dang / zangs dang / rdza bo dang / sgrom dang / ko lpags su bcug par gyur cing / de dag gis 'di dag bdag cag gi yin no zhes de dag bdag gir byed cing / srung ma 'di lta bu/ 'di lta ste/ glang po che pa'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs dag bkod par ni ma gyur pa ste/ de ltar bdag gir byas shing ma bsrungs pa yin no/ /ji ltar lci ba yin zhe na/ ma sha ka lnga'am/ ma sha ka lnga las lhag pa ste/ de ltar lci ba yin no/ /ji ltar gnas nas gnas su sbed ce na/ gnas gang du bzhag par gyur pa'i gnas de nas spags shing gnas gzhan dag tu 'jog par byed pa ste/ de ltar gnas nas gnas su sbed do/ / </font><hr>Ca86b<br><font size=+1>


dge slong gis gzhan dag gi yo byad lci ba dag rgyu de bzhis ma byin par len na pham par 'gyur ro/ /dge slong gis gzhan dag gi yo byad lci ba dag rgyu lngas ma byin par len na pham par 'gyur ro/ /lnga gang zhe na/ rang gi 'du shes kyis len par mi byed pa dang / yid gcugs pa'i 'du shes kyis len par mi byed pa dang / re zhig gi 'du shes kyis len bar mi byed pa dang / len pa na gzhan la go bar mi byed pa dang / de la rku sems nye bar gnas par gyur pa ste/ dge slong gis gzhan dag gi yo byad lci ba dag rgyu de lngas ma byin par len na pham par 'gyur ro/ /rgyu lngas ni ltung ba med de/ lnga gang zhe na/ rang gi 'du shes kyis len par byed pa dang / yid gcugs pa'i 'du shes kyis len par byed pa dang / re zhig gi 'du shes kyis len par byed pa dang / len pa na gzhan la go bar byed pa dang / de la rku sems nye bar gnas par ma gyur pa ste/ rgyu de lngas ltung ba med do// //'dul ba rnam par 'byed pa/ bam po bzhi pa/ sdom la/ sa la 'dug dang snod 'dug dang / /g.yul na 'dug dang dong na 'dug /rtsa ba'i sman ni lnga pa ste/ /sde tshan yang dag bsdus pa yin/ /'di ltar gzhan dag gi yo byad lci ba 'di lta ste/ mgul gdub dag dang / gdub bu rgyan can dag dang / dpung rgyan dag dang / do shal dag dang / se mo do dag dang / mu tig gi chun po dag sa la 'dug pa la dge slong gis de la sbyor bas khri las ldang bar byed/ sham thabs gyon par byed/ 'gro </font><hr>Ca87a<br><font size=+1>


@#/ /bar byed cing / ji srid du nom par mi byed/ nyug par mi byed pa de srid du nyes byas su 'gyur ro/ /nom par byed nyug par byed cing / ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te sa de 'jam zhing mu gcig pa yin na phyogs gcig par brjod par bya'o/ /gal te gyod grugs sam/ gas pa'am/ yi ge bris pa'am/ tshon sna tshogs bkra ba yin na phyogs tha dad par brjod par bya'o/ /'di ltar gzhan dag gi yo byad lci ba 'di lta ste/ mgul gdub dag dang / gdub bu rgyan can dag dang / dpung rgyan dag dang / do shal dag dang / se mo do dag dang / mu tig gi chun po dag snod na 'dug pa la/ dge slong gis de la sbyor bas khri las ldang bar byed/ sham thabs gyon par byed 'gro bar byed cing / ji srid du nom par mi byed nyug par mi byed pa de srid du nyes byas su 'gyur ro/ /nom par byed nyug par byed cing / ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te snod de 'jam zhing </font><hr>Ca87b<br><font size=+1>


dum bu gcig pa yin na phyogs gcig par brjod par bya'o/ /gal te gyong grugs sam/ gas pa'am/ mtshams can nam/ yi ge bris pa'am/ tshon sna tshogs bkra ba yin na/ phyogs tha dad par brjod par bya'o/ /'di ltar gzhan dag gis yo byad lci ba 'di lta ste/ mgul gdub dag dang / gdub bu rgyan can dag dang / dpung rgyan dag dang / do shal dag dang / se mo do dag dang / mu tig gi chun po dag g.yul na 'dug pa la/ dge slong gis de la sbyor bas khri las ldang bar byed/ sham thabs gyon par byed/ 'gro bar byed cing / ji srid du nom par mi byed nyug par mi byed pa de srid du nyes byas su 'gyur ro/ /nom par byed nyug par byed cing / ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na/ brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te g.yul de 'bru kha dog gcig pa gang ba yin na phyogs gcig par brjod par bya'o/ /gal te 'bru kha dog sna tshogs kyis gang ba yin na phyogs tha dad par brjod par bya'o/ /'di ltar gzhan dag gi yo byad lci ba 'di lta ste/ mgul gdub dag dang / gdub bu rgyan can dag dang / /dpung rgyan dag dang / do shal dag dang / se mo do dag dang / mu tig gi chun po dag dong na 'dug pa la/ dge slong gis de la sbyor bas khri las ldang bar byed/ sham thabs </font><hr>Ca88a<br><font size=+1>


@#/ /gyon par byed/ 'gro bar byed cing / ji srid du nom par mi byed nyug par mi byed pa de srid du nyes byas su 'gyur ro/ /nom par byed nyug par byed cing / ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na/ brkus par brjod par bya ste/ rin thang brtsi bar bye zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te dong de 'bru kha dog gcig pas gang ba yin na phyogs gcig par brjod par bya'o/ /gal te 'bru kha dog sna tshogs kyis gang ba yin na phyogs tha dad par brjod par bya'o/ /gal te dong de gang zhing mu dang khad chad yin na phyogs gcig par brjod par bya'o/ /gal te ma gang ba yin na de la shing bus bar du chod pa'am/ seg gis bar du chod pa'am/ re ldes par du chod pa gang dag yod pa de dag phyogs tha dad par brjod par bya'o/ /'di ltar mi rnams kyi rtsa ba'i las kyi mtha' 'di lta ste/ gla sgang ngam shu dag gam yung ngam sge'u gsher ram bong nga dkar po de lta bu de dag nye bar gnas pa la dge slong gis de la sbyor bas khri las ldang bar byed/ sham thabs gyon pa byed/ 'gro bar byed cing / ji srid du nom par mi byed nyug par mi byed pa de srid du nyes byas su 'gyur ro/ /nom par byed nyug par byed 'byin par byed khur 'drag par byed cing / ji srid du gnas nas gnas su sbed par mi byed pa de </font><hr>Ca88b<br><font size=+1>


srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /sdom la/ nam mkha' la ni gsum du bya/ /bya rnams kyis ni gzhan gsum dang / /gsang sngags dag gis 'dren byas te/ /sde tshan yang dag bsdus pa yin/ /'di ltar mi rnams kyis khang thog dag tu gos kha dog sna tshogs dag bting ba la/ dge slong gis de la sbyor bas khri las ldang bar byed/ sham thabs gyon par byed/ 'gro bar byed/ ya gad 'dzugs par byed/ khri 'phang dang| thag skas 'cha' bar byed/ /dpyang thag 'dor bar byed/ /'dzeg par byed cing / ji srid du nom par mi byed/ nyug par mi byed pa de srid du nyes byas su 'gyur ro/ /nom par byed nyug par byed gos dag sdud par byed bam por sgre bar byed cing / ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /'di ltar btso blag mkhan gyi gos dag bting ba rlung gis khyer zhing de dag dge slong rnams kyi 'chag sa dag gam/ dgar dag gam/ sgo khang dag tu ltung ba la/ dge slong gis de la sbyor bas khri las ldang bar byed/ sham thabs gyon par byed/ 'gro bar byed cing / ji srid du nom par mi </font><hr>Ca89a<br><font size=+1>


@#/ /byed nyug par mi byed pa de srid du nyes byas su 'gyur ro/ /nom par byed nyug par byed gos dag sdud par byed/ bam por sgre bar byed cing / ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /'di ltar mi rnams kyi khang pa brtsegs pa'am khang pa brtsegs pa'i steng du yo byad lci ba 'di lta ste/ mgul gdub dag dang / /gdub bu rgyan can dag dang / dpung rgyan dag dang / do shal dag dang / se mo do dag dang / mu tig gi chun po dag bzhag pa la/ dge slong gis de la sbyor bas khri las ldang bar byed/ sham thabs gyon par byed/ 'gro bar byed/ ya gad 'dzugs par byed/ khri 'phang dang thag skas 'cha' bar byed/ dpyang thag 'dor bar byed/ 'dzeg par byed cing / ji srid du nom par mi byed/ nyug par mi byed pa de srid du nyes byas su 'gyur ro/ / nom par byed nyug par byed cing / ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na/ brkus par brjod par bya ste / rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /'di ltar mi rnams kyi khyim dag gam/ chu'i gnas dag tu 'dug pa'i shing ljon pa </font><hr>Ca89b<br><font size=+1>


dag bskyed pa rgyan sna tshogs 'di lta ste/ mgul gdub dag dang / gdub bu rgyan can dag dang / dpung rgyan dag dang / do shal dag dang / se mo do dag dang / mu tig gi chun po dag gis brgyan pa de las zas la chags pa'i byas rgyan gang yang rung ba khyer ba la/ dge slong gis de la sbyor bas khri las ldang bar byed/ sham thabs gyon par byed/ 'gro bar byed/ bya 'dzin par byed cing / ji srid du rgyan la nom par mi byed nyug par mi byed pa de srid du nyes byas su 'gyur ro/ /nom par byed nyug par byed cing / ji srid du gnas nas gnas su sbed par mi byed la de 'di snyam du bya las brku bar bya'i/ mi las ma yin no snyam du sems na nyes byas su 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na nyes pa sbom por 'gyur la/ dngos po ma tshang na nyes byas su 'gyur ro/ /gal te de 'di snyam du mi las brku bar bya'i bya la rgyan ga la yod snyam du sems na/ ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /'di ltar mi rnams kyi khang thog dag gam/ skon pa dag tu rgyan sna tshogs 'di lta ste/ mgul gdub dag dang / gdub bu rgyan can dag dang / dpung rgyan dag dang / do shal dag dang / se mo do dag </font><hr>Ca90a<br><font size=+1>


@#/ /dang| mu tig gi chun po dag bzhag pa de las zas la chags pa'i byas rgyan gang yang rung ba khyer ba la/ dge slong gis de la sbyor bas khri las ldang bar byed/ sham thabs gyon par byed/ 'gro bar byed/ bya 'dzin par byed cing / ji srid du rgyan la nom par mi byed nyug par mi byed pa de srid du nyes byas su 'gyur ro/ /nom par byed nyug par byed cing ji srid du gnas nas gnas su sbed par mi byed la/ de 'di snyam du bya las brku bar bya'i mi las ma yin no snyam du sems na nyes byas su 'gyur ro/ /gnas nas gnas su sbed par byed na/ brkus par brjod par bya ste/ rin thang brtsi bar bya zhing dngos po tshang na nyes pa sbom por 'gyur la/ dngos po ma tshang na nyes byas su 'gyur ro/ /gal te de 'di snyam du mi las brku bar bya'i bya la rgyan ga la yod snyam du sems na/ ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /'di ltar mi rnams kyi khyim dag gam/ chu'i gnas dag tu rtsed mo'i bya 'di lta ste/ ne tso 'am/ ri skegs sam| khu byug gam/ shang shang te'u'am/ rma bya dag bzhag pa de dag la rgyan sna tshogs 'di lta ste/ mgul gdub dag dang / gdub bu rgyan can dag dang / dpung rgyan dag dang / do shal dag </font><hr>Ca90b<br><font size=+1>


dang| se mo do dag dang / mu tig gi chun po dag gis brgyan pa la/ dge slong gis de la sbyor bas khri las ldang bar byed/ sham thabs gyon par byed/ 'gro bar byed/ bya 'dzin par byed cing / ji srid du rgyan la nom par mi byed/ nyug par mi byed pa de srid du nyes byas su 'gyur ro/ /nom par byed nyug par byed cing / ji srid du gnas nas gnas su sbed par mi byed la/ de 'di snyam du byas las brku bar bya'i mi las ma yin no snyam du sems na nyes byas su 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na nyes pa sbom por 'gyur la/ dngos po ma tshang na nyes byas su 'gyur ro/ /gal te de 'di snyam du mi las brku bar bya'i bya la rgyan ga la yod snyam du sems na/ ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gter gnyis po bdag po dang bcas pa dang / bdag po med pa las dge slong gis bdag po dang bcas pa'i gter gyi phyir khri las ldang bar byed/ sham thabs gyon par byed/ dkyil 'khor nyug par byed/ phyogs gzhir seng ldeng gi phur pa 'dzugs par byed/ tshon skud sna lngas bskor te me sbar bar byed/ yam sreg shing 'dzud par byed/ gsang sngags rjod par byed </font><hr>Ca91a<br><font size=+1>


@#/ /cing bdag la bdag po dang bcas pa'i gter 'ong bar gyur la/ bdag po med pa 'ong bar ma gyur cig snyam pa las/ gal te de la bdag po dang bcas pa'i gter 'ong bar gyur cing bdag po med pa 'ong bar mi 'gyur na/ ji srid du mig sngar snang bar ma gyur pa de srid du nyes pa sbom por 'gyur ro/ /gal te mig sngar snang bar gyur na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /dge slong gis bdag po dang bcas pa'i gter gyi phyir sbyor ba byas nas/ de 'di snyam du bdag la bdag po med pa'i gter 'ong bar gyur la/ bdag po dang bcas pa 'ong bar ma gyur cig snyam pa las/ gal te de la bdag po med pa'i gter 'ong bar gyur cing / bdag po dang bcas pa 'ong bar mi 'gyur na/ ji srid du mig sngar snang bar ma gyur pa de srid du nyes byas su 'gyur ro/ /gal te mig sngar snang bar gyur na brkus par brjod par bya ste/ rin thang brtsi bar bya zhing dngos po tshang na nyes pa sbom por 'gyur la/ dngos po ma tshang na nyes byas su 'gyur ro/ /dge slong gis bdag po med pa'i gter gyi phyir khri las ldang bar byed/ sham thabs gyon par byed| dkyil 'khor nyug par byed/ phyogs bzhir seng ldeng gi phur pa 'dzugs par byed/ tshon skud sna lngas bskor te me sbar bar byed/ yam sreg shing 'dzud par byed/ gsang sngags </font><hr>Ca91b<br><font size=+1>


rjod par byed cing / bdag la bdag po med pa'i gter 'ong bar gyur la bdag po dang bcas pa 'ong bar ma gyur cig snyam pa las/ gal te de la bdag po med pa'i gter 'ong bar gyur cing / bdag po dang bcas pa 'ong bar mi 'gyur na/ ji srid du mig sngar snang bar ma gyur pa de srid du nyes byas su 'gyur ro/ /gal te mig sngar snang bar gyur na brkus par brjod par bya ste/ rin thang brtsi bar bya zhing dngos po tshang na nyes pa sbom por 'gyur la/ dngos po ma tshang na nyes byas su 'gyur ro/ /dge slong gis bdag po med pa'i gter gyi phyir sbyor ba byas nas/ de 'di snyam du bdag la bdag po dang bcas pa'i gter 'ong bar gyur la/ bdag po med pa'i 'ong bar ma gyur cig snyam pa las/ gal te de la bdag po dang bcas pa'i gter 'ong bar gyur cing / bdag po med pa'i 'ong par mi 'gyur na/ ji srid du mig sngar snang bar ma gyur pa de srid du nyes pa sbom por 'gyur ro/ /gal te mig sngar snang bar gyur na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /sdom la/ sa yi gcal dang rdo dang ni/ /spang leb dang ni rtsig mang dang / /rtsig pa'i steng dang g.yogs ma dang / /rim pa chos gos gdang khung dang / /chos gos gdang dang zung nga dang / /lcags sgyed khri dang khre'u dang ni/ /a na khri'u dang sgo skyes dang / /shing ljon rnam pa gsum po yin/ /'di ltar mi rnams kyi yo byad lci </font><hr>Ca92a<br><font size=+1>


@#/ /ba 'di lta ste/ mgul gdub dag dang / gdub bu rgyan can dag dang / dpung rgyan dag dang / do shal dag dang / se mo do dag dang / mu tig gi chun po dag sa la gcal bting ba'i steng na 'dug pa la/ dge slong gis de la sbyor bas khri las ldang bar byed/ sham thabs gyon par byed/ 'gro bar byed cing / ji srid du nom par mi byad nyug par mi byed pa de srid du nyes byas su 'gyur ro/ /nom par byed nyug par byed cing / ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la dngos po ma tshang na nyes pa sbom por 'gyur ro/ /gal te gcal te rtswa kha dog gcig pa dag gis bkram pa yin na phyogs gcig par brjod par bya'o/ /gal te rtswa kha dog sna tshogs dag gis bkram pa yin na phyogs tha dad par brjod par bya'o/ /'di ltar mi rnams kyi yo byad lci ba 'di lta ste/ mgul gdub dag dang| gdub bu rgyan can dag dang / dpung rgyan dag dang / do shal dag dang / se mo do dag dang / mu tig gi chun po dag rdo'i steng na 'dug pa la/ dge slong gis de la sbyor bas khri las ldang bar byed ces bya ba nas/ dngos po ma tshang na nyes pa sbom por 'gyur ro zhes bya ba'i bar du snga ma bzhin no/ /gal te rdo de 'jam zhing mu gcig pa yin na phyogs gcig par brjod par bya'o/ / </font><hr>Ca92b<br><font size=+1>


gal te gyong grugs sam/ gas pa'am/ mtshams can nam/ yi ge bris pa'am/ tshon sna tshogs bkra ba yin na phyogs tha dad par brjod par bya'o/ /rdo la ji lta ba bzhin du spang leb dang rtsig pa dang steng dang g.yogs ma dang rim pa dang / chos gos kyi gdang khung dang / chos gos kyi gdang dang / zung dang / lcags sgyed dang / khri dang khri'u dang / an khri'u dang / sgo skyes dang / shing ljon pa gsum po me tog gi shing ljon pa dang / 'bras bu'i shing ljon pa dang / bdug pa'i shing ljon pa la yang de bzhin te/ dge slong gis me tog gi shing ljon pa phyung ste rku na me tog gi shing ljon pa'i rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /me tog gi shing ljon pa la ji lta ba bzhin du 'bras bu'i shing ljon pa dang / bdug pa'i shing ljon pa la yang de bzhin no/ /sdom la/ bzhon dang srang gi khang pa dang / /glang chen bzhon dang rta bzhon dang / /shing rta'i bzhon dang rkang 'gro dang / /zung khyogs bzhon dang shing rta dang / /khyogs spyil pa yi bzhon pa yin/ / 'di ltar mi rnams kyi yo byad lci ba 'di lta ste/ mgul gdub dag dang / gdub bu rgyan can dag dang / dpung rgyan dag dang / do shal dag dang / se mo do dag dang / mu tig gi chun po dag bzhon pa'i steng na 'dug pa la/ dge slong gis de la sbyor bas khri las ldang bar byed/ sham thabs gyon par byed/ 'gro bar byed/ bzhon pa la zhon par byed cing / ji srid du nom par mi byed/ </font><hr>Ca93a<br><font size=+1>


@#/ /nyug par mi byed pa de srid du nyes byas su 'gyur ro/ /nom par byed nyug par byed cing / ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te bzhon pa de gos kha dog gcig pa dag gis bshams pa yin na phyogs gcig par brjod par bya'o/ /gal te gos kha dog sna tshogs dag gis bshams pa yin na phyogs tha dad par brjod par bya'o/ /bzhon pa la ji lta ba bzhin du srang gi khang pa la yang de bzhin no/ /'di ltar mi rnams kyi yo byad lci ba 'di lta ste/ mgul gdub dag dang / gdub bu rgyan can dag dang / dpung rgyan dag dang| do shal dag dang / se mo do dag dang / mu tig gi chun po dag glang po che'i bzhon pa'i steng na 'dug pa la/ dge slong gis de la sbyor bas khri las ldang bar byed/ sham thabs gyon par byed| 'gro bar byed/ glang po che la zhon par byed cing / ji srid du nom par mi byed cing / nyug par mi byed pa de srid du nyes byas su 'gyur ro/ /nom par byed nyug par byed cing / ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham </font><hr>Ca93b<br><font size=+1>


par 'gyur la/ dngos po ma tshang na nyes pa sbom por 'gyur ro/ /gal te glang po che de tsho ba dang pags pa dang sha dang khrag rgyas pa yin na phyogs gcig par brjod par bya'o/ /gal te rid pa dang nyam chung ba dang / rke ba dang skam pa dang lus ma thob pa yin na/ de la sos par du chod pa'am/ snas par du chod pa'am/ rna bas bar du chod pa'am/ rtsib mas bar du chod pa'am/ rked pas bar du chod pa'am/ mjug ngos par du chod pa gang dag yin pa de dag phyogs tha dad par brjod par bya'o/ /glang po che'i rgyab der khang pa brtsegs pa dang bcas shing khang pa brtsegs pa der rgyan sna tshogs pa'i lta ste/ mgul gdub dag dang / gdub bu rgyan can dag dang / dpung rgyan dag dang / do shal dag dang / se mo do dag dang / mu tig gi chun po dag bzhag pa la/ dge slong gis de la sbyor bas khri las ldang bar byed/ sham thabs gyon par byed/ 'gro bar byed/ glang po che la zhon par byed/ khang pa brtsegs pa la 'jug par byed cing / ji srid du nom par mi byed/ nyug par mi byed pa de srid du nyes byas su 'gyur ro/ /nom par byed nyug par byed cing / ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te khang pa brtsegs pa de gos kha dog gcig </font><hr>Ca94a<br><font size=+1>


@#/ /pa dag gis bshams pa yin na phyogs gcig par brjod par bya'o/ /gal te gos kha dog sna tshogs dag gis bshams pa yin na phyogs tha dad par brjod par bya'o/ / khang pa brtsegs pa la ji lta ba bzhin du khang pa brtsegs pa phyed ma la yang de bzhin no/ /glang po che'i bzhon pa la ji lta ba bzhin du rta'i bzhon pa dang / shing rta'i bzhon pa dang / rkang gis 'gro ba dang / zung khyogs kyi bzhon pa dang / shing rta dang khyogs spyil dang / byis pa'i bzhon pa la yang de bzhin no/ /sdom la/ gru skyod rgyun phyogs bzlog phyogs dang / /tshu rol pha rol skam sa dang / /rdzab tu sbed par byed pa dang / /bde ba med par chud gzon pa'o/ /dge slong gi rkun sems kyis gru phur pa la btags pa skyod par byed na nyes byas su 'gyur ro/ /gal te chu'i rgyun phyogs su khrid par byed na/ ji srid du mig sngar snang bar gyur pa de srid du nyes pa sbom por 'gyur ro/ /mig sngar mi snang bar gyur na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te chu'i rgyun las bzlog phyogs su khrid par byed na/ ji srid du gru tshugs las 'das par ma gyur pa de srid du nyes pa sbom por 'gyur ro/ /gru tshugs las 'das na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por </font><hr>Ca94b<br><font size=+1>


'gyur ro/ /gal te tshu rol nas pha rol tu khrid par byed dam/ pha rol nas tshu rol du 'dren par byed na/ ji srid du mig sngar snang bar 'gyur ba de srid du nyes pa sbom por 'gyur ro/ /mig sngar mi snang bar gyur na brkus par brjod par bya ste/ rin thang brtsi bar bya zhing dngos po tshang na pham par 'gyur la dngos po ma tshang na nyes pa sbom por 'gyur ro/ /gal te skam sa la phyung ste rku bar byed na/ ji srid du mig sngar snang bar 'gyur ba de srid du nyes pa sbom por 'gyur ro/ /mig sngar mi snang bar gyur na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te phyis bkur ro snyam pas rdzab tu sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te bde ba med par bya ba'i bsam pas de yir yang ma gyur la/ bdag gir yang ma gyur cig snyam pas rdzab tu sbed par byed dam/ sreg par byed dam/ gcog par byed dam/ 'chag par byed na nyes pa sbom por 'gyur ro/ /sdom la/ ston ka 'byung dang gru gsum dang / /ngang pa dang ni ut+pa la/ /chu nas skye dang skam las skye/ /rngon spyad dang ni nya gdang ngo / / 'di ltar mi rnams kyi ston ka 'byung ba'i las kyi mtha' 'di lta ste/ sA lu'i las kyi mtha' dang / bu ram shing gi las kyi mtha' dang / lan tshwa'i las kyi mtha' de lta bu de lta bu de dag nye bar gnas par </font><hr>Ca95a<br><font size=+1>


@#/ /gyur cing / de dag lan 'ga' ni chu shin tu mod cing / lan 'ga' ni chu shin tu dkon par gyur pa na/ dge slong gis chu shin tu dkon pa'i tshe bdag gi 'byor bar gyur la| gzhan gyi rgud par gyur cig snyam pas bdag gi sA lu'i rnang la yur ba gtong bar byed cing gzhan gyi la gcod par byed na/ gal te de'i 'byor bar gyur cing gzhan gyi rgud par gyur na/ de'i 'byor pa'i rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /chu shin tu mod pa'i tshe bdag gi 'byor bar 'gyur la gzhan gyi rgud par gyur cig snyam pas bdag gi la gcod par byed cing / gzhan gyi la gtong bar byed na/ gal te de'i 'byor par gyur cing gzhan gyi rgud par gyur la/ de'i 'byor ba'i rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te bde ba med par bya ba'i bsam pas de yir yang ma gyur la/ bdag gir yang ma gyur cig snyam pas bdag gi la yang gtong bar byed cing / gzhan gyi la yang gtong bar byed na nyes pa sbom por 'gyur ro/ /sA lu'i las kyi mtha' la ji lta ba bzhin du bu ram shing gi las kyi mtha' dang lan tshwa'i las kyi mtha' la yang de bzhin no/ /gru ni gsum ste/ bum pa'i gru dang / rdza ma'i gru dang / ra rkyal gyi'o/ /zong ni bzhi ste/ zong lci zhing rin lci ba yang yod/ zong yang zhing rin lci </font><hr>Ca95b<br><font size=+1>


ba yang yod/ zong lci zhing rin yang ba yang yod/ zong yang zhing rin yang ba yang yod do/ /zong lci zhing rin lci ba gang zhe na/ 'di lta ste nor bu dag dang / mu tig dang / baiDU 
 dang / man shel dkar po dang| byu ru dang / dngul dang / sa le sbram dang / rdo'i snying po dang / spug dang / dmar po dang / g.yas su 'khyil ba ste/ de ni zong lci zhing rin lci ba yin no/ /zong yang zhing rin lci ba gang zhe na/ 'di lta ste dar dag dang / srin bal dang / gur kum dang / sug smel te/ de ni zong yang zhing rin lci ba yin no/ /zong lci zhing rin yang ba gang zhe na/ 'di lta ste lcags dang / rdo dang / khro chu ste/ de ni zong lci zhing rin yang ba yin no/ /zong yang zhing rin yang ba gang zhe na/ 'di lta ste/ bal dang / sha na dang / ras bal dang / na me ru ste/ de ni zong yang zhing rin yang ba yin no/ /de la zong lci zhing rin lci ba gang yin pa de dang / zong yang zhing rin yang ba gang yin pa de gru gcig tu bcug par gyur pa las/ de dag gi gru de rgud par gyur cing 'byor par ma gyur te zong 'phyo ba na shes ldan dag bying ba gang yin pa de ni kho bo cag gi yin la/ 'phyo ba gang yin pa de ni ci bde kho nar 'byin la rag go zhes thob rgyal du sgrogs par byed pa na/ dge slong gis zong bying ba'i phyir khri las ldang bar byed/ sham thabs gyon par byed| 'gro bar byed/ gos 'ching bar byed/ chur 'jug par byed/ gting du 'jug par byed/ 'byung bar byed cing / ji srid du nom par mi byed nyug par mi byed pa de srid du nyes byas su 'gyur ro/ / </font><hr>Ca96a<br><font size=+1>


@#/ /nom par byed nyug par byed cing ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te phyis bkur ro snyam pas rdzab tu 'jud par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te bde ba med par bya ba'i bsam pas de yir yang ma gyur la/ bdag gir yang ma gyur cig snyam pas rdzab tu 'jug par byed na nyes pa sbom por 'gyur ro/ /de la zong yang zhing rin lci ba gang yin pa de dang / zong lci zhing rin thang yang ba gang yin pa de gru gcig tu bcug par gyur pa las/ de dag gi gru de rgud par gyur cing 'byor bar ma gyur te/ zong byin ba na/ shes ldan dag 'phyo ba gang yin pa de ni kho bo cag gi yin la| bying ba gang yin pa de ni ci bde kho nar 'byin la rag go zhes thob rgyal du sgrogs par byed pa na/ dge slong gis zong 'phyo ba'i phyir khri las ldang bar byed/ /sham thabs gyon par byed/ 'gro bar byed/ gos 'ching bar byed/ chur 'jug par byed/ gting du 'jug par byed/ 'byung bar byed cing / ji srid du nom par mi byed/ nyug par mi byed pa de srid du nyes byas su 'gyur ro/ / </font><hr>Ca96b<br><font size=+1>


nom par byed nyug par mi byed cing / ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te phyis bkur ro snyam pas rdzab tu 'dud par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te bde ba med par bya ba'i bsam pas de yir yang ma gyur la/ bdag gir yang ma gyur cig snyam pas rdzab tu 'jud par byed na/ nyes pa sbom por 'gyur ro/ /'di ltar mi rnams kyi khyim dag gam/ chu'i gnas dag tu rdzing bu sna tshogs dag byas shing rdzing bu de dag tu rtsed mo'i bya sna tshogs 'di lta ste/ ngang pa dag dang / ka ran da ka dag dang / ngur pa dag bzhag par gyur la de dag kyang rgyan sna tshogs 'di lta ste/ mgul gdub dag dang / gdub bu rgyan can dag dang / dpung rgyan dag dang / do shal dag dang / se mo do dag dang / mu tig gi chun po dag gis brgyan pa la/ dge slong gis de la sbyor bas khri las ldang bar byed/ sham thabs gyon par byed/ 'gro bar byed/ gos 'ching bar byed/ chur 'jug par byed/ gting du 'jug par byed/ bya 'dzin par byed cing / ji srid du rgyan la nom par mi byed nyug par mi byed pa de srid du nyes byas su 'gyur ro/ /nom par byed nyug </font><hr>Ca97a<br><font size=+1>


@#/ /par byed cing / ji srid du gnas nas gnas su sbed par mi byed pa de srid du nyes pa sbom por 'gyur ro/ /gal te de 'di snyam du bya las brku bar bya'i mi las ma yin snyam du sems na nyes byas su 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na nyes pa sbom por 'gyur la/ dngos po ma tshang na nyes byas su 'gyur ro/ /gal te de 'di snyam du mi las brku bar bya'i/ /bya la rgyan ga la yod snyam du sems na/ de ji srid du gnas nas gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /rdzing bu de dag tu phreng ba rgyu chu nas skye ba sna tshogs 'di lta ste/ ut+pa la dang / ku mud dang / pad+ma dkar po dang / dri mchog dang / dri ngad 'jam dang / dus tshigs thams cad dang / dus thams cad pa skye bo thams cad las bskyabs pa dag bskyed pa la/ dge slong gis de la sbyor bas khri las ldang bar byed/ sham thabs gyon par byed/ 'gro bar byed/ gos 'ching bar byed/ chur 'jug par byed/ gting du 'jug par byed cing ji srid du nom par mi byed nyug par mi byed pa de srid du nyes byas su 'gyur ro/ /nom par byed nyug par byed cing / ji srid du 'thog par mi byed/ khur 'drag par mi byed/ gnas nas </font><hr>Ca97b<br><font size=+1>


gnas su sbed par mi byed pa de srid du nyes pa sbom por 'gyur ro/ /gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /rdzing bu de dag gi 'gram gnyis su phreng ba rgyu skam las skye ba sna tshogs 'di lta ste/ a ti mug ta ka dang / tsam pa ka dang / skya snar dang / par shi ka dang| ma li ka dang / na ba ma li ka dang / yid dga' dang / yu ti sha dang / d+ha nu ska ri dang / dus tshigs thams cad pa dang / dus thams cad pa skye bo thams cad las bskyabs pa dag bskyed pa la/ dge slong gis de la sbyor bas khri las ldang bar byed/ sham thabs gyon par byed/ 'gro bar byed cing / ji srid du nom par mi byed/ nyug par mi byed pa de srid du nyes byas su 'gyur ro/ /nom par byed nyug par byed/ me tog gi shing la 'dzeg par byed/ me tog 'thog par byed/ thu ba 'gengs par byed cing / ji srid du gnas nas gnas su sbed par mi byed pa de srid du nyes pa sbom por 'gyur ro/ /me tog 'thog par byed cing thu bkang ste gnas nas gnas su sbed par byed na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /'di ltar ri dwags kyi rngon pa'am/ ri dwags kyi rngon pa'i slob ma mkhas pas dgon pa nags mchog tu 'di lta ste/ ri dwags mang po drungs dbyung ba'i phyir dang nyams par bya </font><hr>Ca98a<br><font size=+1>


@#/ /ba'i phyir dang / tshul ma yin pas sdug bsngal bar bya ba'i phyir rngon spyad btsugs pa la dge slong gis rku sems kyis rngon spyad rku bar byed na/ rngon spyad kyi rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te phan pa med par bya ba'i bsam pas de yir yang ma gyur la/ bdag gir yang ma gyur cig snyam pas sreg par byed dam/ gcog par byed dam/ 'chag par byed na nyes pa sbom por 'gyur ro/ /gal te snying rje'i bsam pas 'dis sems can 'di dag srog dang bral bar gyur na mi rung ngo / /gzhi 'dis sems can de la yang bsod nams ma yin pa mang po skye bar gyur na mi rung ngo snyam pas sreg par byed dam/ gcog par byed dam/ 'chag par byed na nyes byas su 'gyur ro/ /dge slong gis rngon spyad la thogs pa'i ri dwags rku bar byed na/ ri dwags kyi rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te bde ba med par bya ba'i bsam pas de yir yang ma gyur la/ bdag gir yang ma gyur cig snyam pas gtong bar byed na nyes pa sbom por 'gyur ro/ / gal te snying rje'i bsam pas 'dis sems can 'di dag srog dang bral bar gyur na mi rung ngo / /gzhi 'dis sems can de la yang bsod nams ma yin pa mang po skye bar gyur na mi rung ngo </font><hr>Ca98b<br><font size=+1>


snyam pas gtong bar byed na nyes byas su 'gyur ro/ /'di ltar nya pa'am nya pa'i slob ma mkhas pas chu klung gi khar ram/ yur po che'i khar 'di lta ste/ nya mang po dag drungs dbyung ba'i phyir dang nyams par bya ba'i phyir dang / tshul ma yin pas sdug bsngal bar bya ba'i phyir nya gdang btsugs pa la/ dge slong gis rku sems kyis nya gdang rku bar byed na/ nya gdang gi rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te phan pa med par bya ba'i bsam pas de yir yang ma gyur la/ bdag gir yang ma gyur cig snyam pas/ sreg par byed dam gcog par byed dam 'chag par byed na nyes pa sbom por 'gyur ro/ /gal te snying rje'i bsam pas 'dis sems can 'di dag srog dang bral bar gyur na mi rung ngo / /gzhi 'dis sems can de la yang bsod nams ma yin pa mang po skye bar gyur na mi rung ngo snyam pas sreg par byed dam gcog par byed dam 'chag par byed na nyes byas su 'gyur ro/ /dge slong gis nya gdang la thogs pa'i nya rku bar byed na/ nya'i rin thang brtsi bar bya zhing / dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te bde ba med par bya ba'i bsam pas de yir yang ma gyur la/ bdag gir yang ma gyur cig snyam pas gtong bar byed na nyes pa sbom por 'gyur ro/ /gal te snying rje'i bsam pas 'dis sems can 'di dag srog dang bral bar 'gyur na mi rung ngo / /gzhi </font><hr>Ca99a<br><font size=+1>


@#/ /'dis sems can de la yang bsod nams ma yin pa mang po skye bar gyur na mi rung ngo snyam pas gtong bar byed na nyes byas su 'gyur ro/ /sdom la/ skam sar mi yi chu dang ni/ de bzhin dud 'gro'i chu dang yang / /rgya mtshor mi yi chu dag dang / /dud 'gro'i chu yang de bzhin no/ /'di ltar tshong pa rab tu mang po dag zong khyer te dgon pa'i lam du zhugs pa na de na chu dkon zhing rin che bar gyur pa'i tshe/ /de dag gis der snod sna tshogs 'di lta ste/ rdza ma dag dang / phru ba dag dang / ril ba dag dang / ra rkyal dag gis chu'i tshogs byas shing / de na chu'i tshad mi la ni 'di tsam zhig go/ dud 'gro la ni 'di tsam zhig go zhes sbyin par byed pa na/ dge slong gis rku sems kyis mi'i skal ba'i chu bdag gir byed na de'i gnas skabs su mi'i skal ba'i chu'i rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te dud 'gro'i skal ba'i chu bdag gir byed na/ de'i gnas skabs su dud 'gro'i skal ba'i chu'i rin thang brtsi bar bya zhing dngos po tshang na nyes pa sbom por 'gyur la/ dngos po ma tshang na nyes byas su 'gyur ro/ /'di ltar 'dzam bu'i gling pa'i tshong pa rab tu mang po nor sgrub pa dag rgya mtsho'i grur zhugs te rgya mtsho chen por 'jug pa na/ rgya mtsho chen po lan tshwa'i ro 'ba' zhig yin pas de dag gis der snod sna tshogs 'di lta ste/ rdza ma dag dang / phru ba dag dang / ril ba dag dang ra rkyal dag gis </font><hr>Ca99b<br><font size=+1>


chu'i tshogs byas shing / de na chu'i tshad mi la ni 'di tsam zhig go /dud 'gro la ni 'di tsam zhig go zhes sbyin par byed pa na/ dge slong gis rku sems kyis mi'i skal ba'i chu bdag gir byed na| de'i gnas skabs su mi'i skal ba'i chu'i rin thang brtsi bar bya zhing dngos po tshang na pham par 'gyur la dngos po ma tshang na nyes pa sbom por 'gyur ro/ /gal te dud 'gro'i skal ba'i chu bdag gir byed na/ de'i gnas skabs su dud 'gro'i skal ba'i chu'i rin thang brtsi bar bya zhing dngos po tshang na nyes pa sbom por 'gyur la/ dngos po ma tshang na nyes byas su 'gyur ro/ /sdom la/ rku ba gom pa sri ba dang / de bzhin gom pa skyed pa dang / gnas nas khyams su 'gro la sogs/ sde tshan yang dag bsdus pa yin/ 'di ltar mkhan po dang / slob dpon lam gyi bgrod par zhugs pa de dag gis lhan cig gnas pa dang nye gnas dag gi lag tu chos gos dag gtad pa na/ de la de dag rku sems nye bar gnas par gyur cing de dag gom pa sri bas 'gro zhing sbyang 'brang du 'gro na gom pa re re la nyes byas su 'gyur ro/ /ji srid du mig sngar snang bar gyur pa de srid du nyes pa sbom por 'gyur ro/ /mig sngar snang bar ma gyur na brkus par brjod par bya ste/ rin thang brtsi bar bya zhing / dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te gom pa bskyed de mdun du 'gro na gom pa re re la nyes byas su 'gyur ro/ /ji srid du </font><hr>Ca100a<br><font size=+1>


@#/ /mig sngar snang bar gyur pa de srid du nyes pa sbom por 'gyur ro/ /mig sngar snang bar ma gyur na brkus par brjod par bya ste/ rin thang brtsi bar bya zhing dngos po tshang na pham par 'gyur la dngos po ma tshang na nyes pa sbom por 'gyur ro/ /'di ltar dge slong lhan cig gnas pa dang nye gnas dag gis rku sems kyis mkhan po dang slob dpon dag gi chos gos dag rku bar byed cing / de dag gis de dag khyer te gnas khang nas khyams su dang khyams nas gnas khang du 'jug pa dang / gnas khang nas yang khyams su 'byung ba dang / steng gi gzhir 'dzeg pa dang / de nas yang 'babs shing 'og gi gzhir 'bab pa dang / sgo khang du 'jug pa dang / sgo khang nas phyi rol gyi bang rim du 'byung ba dang / phyi rol gyi bang rim nas lcong du 'bab pa dang / lcong nas thang la 'dzeg pa dang / thang nas yang lcong du 'bab pa dang / lcong nas thibs por 'jug pa dang / thibs po nas bla gab med par 'byung bar byed na/ thams cad du yang gom pa re re la nyes byas su 'gyur ro/ /ji srid du mig sngar snang bar gyur pa de srid du nyes pa sbom por 'gyur ro/ /mig sngar snang bar ma gyur na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /sdom la/ rkun shas nod par byed pa dang / 'gyod par gyur cing zlog byed dang / / </font><hr>Ca100b<br><font size=+1>


khyim du sbron par byed pa yi/ /sde tshan yang dag bsdus pa yin/ /'di ltar dge slong dgon pa na gnas pa de la chom rkun pa grong 'joms pa dag 'ongs te rmas pa/ 'phags pa grong che ge mo zhig shes sam/ shes so/ /'phags pa 'o na grong der bud med mang ba dang / skyes pa nyung ba dang / la gcan pa dang thag ring ba dang / khyi za ba med pa dang / 'jug sla ba dang / 'byung sla ba dang / bdag cag gis der mi smas mi nyams par las bya bar nus sam/ bde legs su phyir 'ongs na 'phags pa la yang skal ba sbyin no zhes zer ba la/ gal te dge slong gis 'di skad ces/ shes ldan dag grong de te por bud med mang ba dang / skyes pa nyung ba dang / la gcan pa dang thag ring ba dang / khyi za ba med pa dang / 'jug sla ba dang / 'byung sla ba dang / khyed cag gis der mi smas mi nyams par las bya bar nus so zhes smras te/ chom rkun pa dag gis der las byas shing bde legs su phyir 'ongs nas dge slong la/ rkun shas 'bul bar byed cing dge slong gis rkun shas bdag gis byed na/ rkun shas kyi rin thang brtsi bar bya zhing dngos po tshang na pham par 'gyur la dngos po ma tshang na nyes pa sbom por 'gyur ro/ /gal te dge slong de de skad smras nas 'gyod par gyur cing de chom rkun pa de dag gi gan du song ste 'di skad ces/ shes ldan dag shes par gyis shig /'di lta ste byis pa blun pa mi gsal ba mi mkhas pa bdag gis te por gya tshom dang / byung rgyal gyis so sor ma ba rtags par tshig smras </font><hr>Ca101a<br><font size=+1>


@#/ /te| grong de ni te por bud med nyung ba dang / skyes pa mang ba dang / la gcan pa dang thag nye ba dang / khyi za ba dang / 'jug dka' ba dang / 'byung dka' ba dang / khyed cag gis der mi smas mi nyams par las bya bar mi nus so zhes smras na chom rkun pa dag gis der las byas kyang rung / ma byas kyang rung ste/ dge slong de la sbyor ba snga ma de nyid kyis nyes pa sbom por 'gyur ro/ /gal te dge slong des chom rkun pa de dag btsal ba na ma mthong nas khyim der song ste/ 'di skad ces shes ldan dag byar gyis shig /shes ldan dag bag gyis shig /deng 'dir chom rkun pa grong 'joms pa dag 'ong bar 'gyur gyis/ de dag gis khyed kyi rdzas phrogs par gyur tam/ thams cad dang thams cad du srog dang bral bar gyur na mi rung ngo zhes smras na/ chom rkun pa dag gis der las byas kyang rung / ma byas kyang rung ste/ dge slong de la sbyor ba snga ma de nyid kyis nyes pa sbom por 'gyur ro/ /sdom la/ zhing gi sa gzhi 'og zur dang / /bla yi grwar yang de bzhin te/ /khyim gyi gzhi la'ang rnam gnyis dang / /zong gi gzhi yang rnam gnyis yin/ /sa gzhi ni gsum ste/ zhing gi sa gzhi dang / khyim gyi sa gzhi dang / zong gi sa gzhi'o/ /zhing gi sa gzhi ni rnam pa gnyis kyis brkus pa yin te/ shags kyis dang yongs su bskor bas so/ /ji ltar shags kyis she na/ dge slong gis zhing gi sa gzhi'i phyir khyim </font><hr>Ca101b<br><font size=+1>


pa dang lhan cig 'og zur shags 'gyed par byed na/ gal te dge slong khyim pas pham par byas na dge slong la nyes pa sbom por 'gyur ro/ /gal te dge slong gis khyim pa pham par byas na| ji srid du khyim pas sbyor ba ma btang ba de srid du dge slong la nyes pa sbom por 'gyur ro/ /khyim pas sbyor ba gtang na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /gal te dge slong khyim pa dang lhan cig bla'i grar shags 'gyed par byed na/ gal te dge slong khyim pas pham par byas na nyes pa sbom por 'gyur ro/ /gal te dge slong gis khyim pa pham par byas na/ dge slong dag rgyal po ni rtsod pa thams cad kyi dpon po yin pas brkus par brjod par bya ste/ rin thang brtse bar bya zhing dngos po tshang na pham par 'gyur la dngos po ma tshang na nyes pa sbom por 'gyur te/ de ltar shags kyis so/ /ji ltar yongs su bskor bar zhe na/ 'di ltar dge slong gis zhing gi sa gzhi rtsig pa dag gam/ ya gad dag gam/ seg dag gam/ re lde dag gam/ 'obs dag gam/ tsher ma dag gis yongs su skor bar byed na ji srid du mtshams kyi sna dang / mtshams kyi snar ma phrad pa de srid du nyes pa sbom por 'gyur ro/ /mtshams kyi sna dang mtshams kyi snar phrad na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po </font><hr>Ca102a<br><font size=+1>


@#/ /ma tshang na nyes pa sbom por 'gyur ro/ /zhing gi sa gzhi la ji lta ba bzhin du khyim gyi sa gzhi dang zong gi sa gzhi yang de bzhin no/ /sdom la/ 'chol dang len dang srung ma dang / /klag cor pha ma mdun byung slong / /yug chen rgan gzhon rung bya dang / /dri bya sge'u chung smod pa'o/ /gang gi tshe bcom ldan 'das kyis bla na med pa'i ye shes thugs su chud cing bstan pa rgyas par ma gyur pa de'i tshe na/ dge slong dag spa bkong sla zhing / khyim bdag spa bkong dka' ba'i tshe/ ji tsam na dge slong rab tu mang po dag tshong pa don mthun dang lhan cig ljongs rgyur 'dong ba na sho gam gyi gnas kyi drung du phyin pa dang / de dag gis tshong pa rnams la smras pa/ bzhin bzang dag kho bo cag la sho gam gzhal dgos pa'i rdzas cung zhig yod pa de sho gam pa dag gis sho gam 'jal du 'jug par mi 'gyur bar re zhig sho gam gyi gnas nas zlos la phyir byin cig/ tshong pa dag gis smras pa/ 'phags pa dag bka' bzhin 'tshal/ bzla bar bgyi'o/ /tshong pa de dag gis dge slong de dag gi sho gam gzhal dgos pa'i rdzas de sho gam gyi gnas nas bzlas te byin no/ /dge slong dag mthar gyis rgyu zhing 'dong ba na/ gtsug lag khang du phyir phyin pa dang / de dag la dge slong rnams kyis smras pa/ tshe dang ldan pa dag 'ongs pa legs so/ /'ongs pa legs so/ /ji ltar bde bar brgyus sam/ khyed cag sho gam pa </font><hr>Ca102b<br><font size=+1>


dag dang / la gcan pa dag dang / gru btsas gcod pa dag gis yongs su gtses par ma gyur tam/ de dag gis smras pa/ tsha dang ldan pa dag bde bar brgyus te/ sus kyang yongs su gtses par ma gyur to/ /ci khyed cag gis sar phyin pa'i sho gam gzhal dgos pa'i rdzas med dam/ de dag gis smras pa/ bdag cag la sho gam gzhal dgos pa'i rdzas yod mod kyi/ 'on kyang tshong pa bshes pa dag gis sho gam gyi gnas nas bzlas te byin no/ /dge slong de dag gis smras pa/ khyed cag gis sar phyin pa'i sho gam bzlar rung ngam/ de dag gis smras pa/ rung yang srid mi rung yang srid de| 'di ltar bdag cag gis ni bzlas so/ /dge slong de dag bdag cag la pham par 'gyur ba'i ltung ba ma byung ngam snyam du 'gyod pa skyes nas/ skabs de dge slong rnams la rgyas par brjod do/ / dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de dag la ni ltung ba med mod kyi/ yang dge slong gis sar phyin pa'i sho gam bzlar gzhug par mi bya'o/ /dge slong gis sar phyin pa'i sho gam bzlar 'jug par byed na/ 'gal tshabs can du 'gyur ro/ /gang gi tshe bcom ldan 'das kyis shar ba'i tshal gseb tu ma ga d+har byung ba'i rgyal po bzo sbyangs gzugs can snying po lha brgyad khri dang ma ga d+har byung ba'i bram ze dang khyim bdag 'bum phrag du ma dag dang lhan cig bden pa dag la bkod nas mnyan yod </font><hr>Ca103a<br><font size=+1>


@#/ /du gshegs te/ ko sa lar byung ba'i rgyal po gsal rgyal gzhon nu'i dpe'i mdo sdes btul nas/ de gnyis kyis dge slong rnams la gzhon nu'i yongs su spang ba byin zhing / dge slong ma rnams la btsun ma'i 'khor gyi yongs su spang ba byin zhing / dge slong ma rnams la sho gam med pa dang / la gcan med pa dang / gru btsas med par btang ba de'i tshe na/ bcom ldan 'das kyi bstan pa rgyas par gyur te/ khyim pa dag spa bkong sla zhing dge slong dag spa bkong dka' ba'i tshe/ ji tsam dus gzhan zhig na dge slong rab tu mang po dag tshong pa don mthun dang lhan cig ljongs rgyur 'dong ba na sho gam gyi gnas kyi drung du phyin pa dang / tshong pa de dag gis dge slong rnams kyi rkang pa gnyis la gtugs te smras pa/ 'phags pa dag bdag cag grang ba na grang bas sbrebs bzhin pa dang / tsha ba na tsha bas gdungs bzhin pa dang / bkres pa dang / skom pa dag gis gnod pa bzhin pa dang / sha sbrang dang sbrang bu dang rlung dang nyi ma dang sdig sprul gyi reg pa dag gis nyen bzhin du/ longs spyod dag mngon par bsgrub pa'i slad du spro bar bgyid/ 'bad par bgyid/ rtsol bar bgyid pa gang lags pa de dag thams cad sangs rgyas dang / chos dang / dge 'dun la mchod pa dag bgyi'o snyam pa lags pas/ de'i slad du bdag cag la sho gam gzhal 'tshal ba'i rdzas mchis pa </font><hr>Ca103b<br><font size=+1>


sho gam gyi gnas nas bzlas te stsal bar rigs so/ /dge slong de dag gis smras pa/ bzhin bzang dag 'jal gyis bzla bar bya'o/ /dge slong de dag gis tshong pa de dag gi sho gam gzhal dgos pa'i rdzas sho gam gyi gnas nas bzlas te byin no/ /dge slong dag mthar gyis rgyu zhing 'dong ba na/ mnyan yod du phyir phyin pa dang / de dag la dge slong rnams kyis smras pa/ tshe dang ldan pa dag 'ongs pa legs so/ /'ongs pa legs so/ /ji ltar bde bar brgyus sam/ khyed cag sho gam pa dag dang / la gcan pa dag dang / gru btsas gcod pa dag gis yongs su gtses par ma gyur tam| de dag gis smras pa/ tshe dang ldan pa dag bdag cag gis re zhig gzhan dag kyang dga' bar byas na/ bdag cag lta ci smos te sus kyang yongs su gtses par ma gyur to/ /dge slong de dag gis smras pa/ ji ltar gyur/ de dag gis skabs de dge slong de dag la rgyas par brjod do/ /dge slong de dag gis smras pa/ khyed cag gis sar phyin pa'i sho gam bzlar rung ngam/ de dag gis smras pa/ rung yang srid mi rung yang srid de/ 'di ltar bdag cag gis ni bzlas so/ /dge slong de dag bdag cag la pham par 'gyur ba'i ltung ba ma byung ngam snyam du 'gyod pa skyes nas/ skabs de dge slong rnams la rgyas par brjod do/ /dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de dag la ni ltung ba med </font><hr>Ca104a<br><font size=+1>


@#/ /mod kyi/ yang dge slong gis sar phyin pa'i sho gam bzla bar mi bya'o/ /dge slong gis sar phyin pa'i sho gam zlo bar byed na/ 'gal tshabs can du 'gyur ro/ / zhes de ltar bcom ldan 'das kyis bslab pa'i gzhi bca' ba mdzad do/ /ji tsam dus gzhan zhig na/ dge slong rab tu mang po dag tshong pa don mthun dang lhan cig ljongs rgyur 'dong ba na sho gam gyi gnas kyi drung du phyin pa dang / tshong pa de dag gis dge slong rnams kyi rkang pa gnyis la gtugs te smras pa/ 'phags pa dag bdag cag grang ba na grang bas sbrebs bzhin pa dang / tsha ba na tsha bas gdungs bzhin pa dang / bkres pa dang / skom pa dag gis gnod bzhin pa dang / sha sbrang dang sbrang bu dang rlung dang nyi ma dang sdig sbrul gyi reg pa dag gis nyen bzhin du longs spyod dag mngon par bsgrub pa'i slad du spro bar bgyid/ 'bad par bgyid/ rtsol bar bgyid pa gang lags pa de dag thams cad sangs rgyas dang / chos dang / dge 'dun la mchod pa dag bgyi'o snyam pa lags pas/ de'i slad du bdag cag la sho gam gzhal 'tshal ba'i rdzas mchis pa sho gam gyi gnas nas bzlas te stsal bar rigs so/ /dge slong de dag gis smras pa| bzhin bzang dag bcom ldan 'das kyis yang dge slong gis sar phyin pa'i sho gam bzla bar mi bya'o zhes bslab pa'i gzhi bca' ba mdzad pas/ bdag cag gis bzla bar mi bya'o/ / </font><hr>Ca104b<br><font size=+1>


tshong pa rnams kyis 'phags pa 'di dag ni mi mthun par byed pa yin pas bzla bar mi byed kyis thabs kyi rnam pa bya'o snyam du shes shing rig nas de dag gis phan tshun gros byas te smras pa/ 'phags pa dag deng bdag cag brel bas/ khyed cag la bsod snyoms dbul ba'i rngo mi thog gis bzhud la grong du bsod snyoms la 'jug par mdzod cig /dge slong de dag grong du bsod snyoms la zhugs pa dang| tshong pa de dag gis dge slong bsod snyoms la zhugs pa de dag gi gtur bu dag dang lhung bzed kyi snod dag dang par bur snod dag tu sho gam gzhal dgos pa'i rdzas bcug go /dge slong dag bsod snyoms brgyus nas grong nas phyir byung ste/ de dag zas kyi bya ba byas nas gang gi tshe sho gam gyi gnas nas 'das pa de'i tshe tshong pa de dag gis dge slong de dag gi snod la nom par brtsams pa dang / dge slong rnams kyis smras pa/ bzhin bzang dag khyed ci'i phyir kho bo cag gi snod dag la nom par byed/ tshong pa dag gis smras pa/ 'phags pa dag bdag cag gis 'dir sho gam gzhal 'tshal ba'i rdzas bcug pa de 'byin to/ /dge slong dag gis smras pa/ bzhin bzang dag khyed kyis ched du bsams te/ kho bo cag ltung ba dang bcas par byas mod/ tshong pa dag gis smras pa/ 'phags pa dag 'di la khyed kyi lus kyis las kyang ma mchis/ ngag gi las kyang ma mchis na/ ji ltar khyed cag ltung ba dang bcas pa lags/ dge slong de dag bdag cag </font><hr>Ca105a<br><font size=+1>


@#/ /la pham par 'gyur ba'i ltung ba ma byung ngam snyam du 'gyod pa skyes nas de dag mthar gyis mnyan yod du phyir phyin pa dang / de dag la dge slong rnams kyis smras pa/ tshe dang ldan pa dag 'ongs pa legs so/ /'ongs pa legs so/ /ji ltar bde bar brgyus sam/ khyed cag sho gam pa dag dang la gcan pa dag dang gru btsas gcod pa dag gis yongs su gtses par ma gyur tam/ de dag gis smras pa/ tshe dang ldan pa dag bdag cag de dag gis yongs su gtses par ma gyur mod kyi/ 'on kyang bdag cag bsod snyoms la zhugs pa dag gi gtur bu dag dang / chos gos kyi snod dag dang / bar bur snod dag tu tshong pa dag gis sho gam gzhal dgos pa'i rdzas bcug pa de bdag cag gis ma shes nas sho gam gyi gnas nas bzlas pas/ de'i phyir bdag cag la pham par 'gyur ba'i ltung ba ma byung ngam snyam du 'gyod pa skyes so/ /dge slong rnams kyis skabs de bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de dag la ni ltung ba med mod kyi/ yang dge slong gis snod dag yal bar bor te/ 'gro bar mi bya bar 'di ltar srung ma dge slong gzhag par bya'o/ /de dag gis dge slong bzhag ste bsod snyoms la zhugs pa na/ dge slong de gang gi tshe bshang ba dang / gci ba'am/ chu 'tshag tu 'gro ba de'i tshe/ tshong pa de dag </font><hr>Ca105b<br><font size=+1>


gis de kho na bzhin du sho gam gzhal dgos pa'i rdzas dag gtur bu dag dang / lhung bzed kyi snod dang / bar bur snod dag tu 'jug par byed cing de kho na bzhin du sho gam gyi gnas nas 'das pa dang / de'i tshe tshong pa dag dge slong de dag gi snod dag la nom par byed nas/ dge slong dag 'gyod par gyur pa na/ dge slong rnams la brjod do/ /dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de dag la ni ltung ba med mod kyi/ 'on kyang srung ma dge slong gnyis gzhag par bya'o/ /dge slong rab tu mang po dag tshong pa don mthun dang lhan cig 'dong ba na/ srung ma dge slong gnyis bzhag ste/ bsod snyoms la zhugs pa dang / de gnyis las gcig ji srid du bshang ba dang / gci ba dang / chu 'tshag tu song pa de srid du tshong pa de dag gis cig shos de'i lag pa la 'ju bar byed/ rkang pa la 'ju bar byed cing / gzhan gyis snod dag tu 'jug par byed do| |dge slong des tshangs pa mtshungs par spyod pa lhags pa rnams la brjod par bya'o snyam du shes nas dge slong de dag kyang spyod yul nas lhags pa dang / tshong pa rnams kyis ji nas kyang dge slong de gnyis kyis dge slong de dag la brjod mi nus par 'gyur ba de lta bu'i klag cor dag byas so/ /de dag gang gi tshe sho gam gyi gnas nas 'das pa de'i tshe/ snod dag la nom par byed nas </font><hr>Ca106a<br><font size=+1>


@#/ /dge slong rnams kyis de dag la smras pa/ bzhin bzang dag ci'i phyir snod dag la nom par byed/ de dag gis smras pa/ 'phags pa dag 'dir bdag cag gi sho gam gzhal 'tshal ba'i rdzas bcug pa 'byin to/ /dge slong rnams kyis srung ma'i dge slong de gnyis la khyed gnyis 'dir bzhag pa dag gis kho bo cag ltung ba dang bcas par byas so zhes gyod rmas pa dang / de gnyis kyis byung ba'i mtha' ji lta ba bzhin du brjod do/ /dge slong de dag bdag cag la pham par 'gyur ba'i ltung ba ma byung ngam snyam du 'gyod pa skyes nas/ de dag gis skabs de dge slong rnams la brjod do/ /dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de dag la ni ltung ba med mod kyi/ sho gam gzhal dgos pa'i rdzas de khyim pa'am/ dge tshul gyis phyung ste tshong pa de dag la phyir gtad par bya'o/ /khyim pa'am dge tshul med na rang nyid kyis phyung ste/ mdun du gzhag par bya zhing khyed kyi rdzas 'di yin gyis shes par gyis shig ces kyang brjod par bya'o// //'dul ba rnam par 'byed pa/ bam po lnga pa/ sangs rgyas bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa </font><hr>Ca106b<br><font size=+1>


des rigs mnyam pa las chung ma blangs nas de de dang lhan cig rtse bar byed dga' bar byed dga' mgur spyod par byed do/ /rtse bar byed dga' bar byed dga' mgur spyad par byed pa de'i chung ma las bu byung nas sring bar byed skyed par byed cing rdzing na gnas pa'i pad+ma bzhin du myur du skyed par byed do zhes bya ba'i bar du snga ma bzhin no/ /de gang gi tshe chen por gyur pa de'i tshe legs par gsungs pa'i chos 'dul ba la rab tu byung ngo / /de ljong \ LJONGS?\ rgyur song bas ras yug chen gnyis shig rnyed nas/ des bcom ldan 'das kyis rab tu byung bas kyang pha ma dag la mkho ba bstab par bya'o zhes gsungs pas| de'i phyir gcig ni pha la dbul lo/ /cig shos ni ma la dbul lo snyam du shes nas/ de ji dga' bar ljongs su 'dug nas lhung bzed dang / chos gos thogs te mnyan yod ga la ba der rgyu zhing 'gro ba na mthar gyis rgyu zhing 'gro ba'i tshe sho gam gyi gnas su phyin pa dang / sho gam pas smras pa/ 'phags pa khyod la sho gam gzhal 'tshal ba'i rdzas cung zad ma mchis sam/ dge slong des smras pa/ bzhin bzang med do/ /sho gam pas smras pa/ bltas gzhag tu gsol zhes des brtag par brtsams pa dang / ji tsam na ras yug chen gnyis mthong nas des smras pa/ 'phags pa legs par gsungs pa'i chos 'dul ba la rab tu byung bas ras yug chen gnyis tsam gyi slad du brdzun du smra ba gsung ngam/ dge slong des smras pa/ bzhin bzang 'di gnyis ni kho bo mi dbang </font><hr>Ca107a<br><font size=+1>


@#/ /ngo| |'phags pa 'o na su dbang / bzhin bzang gcig ni pha'i 'o/ /cig shos ni ma'i 'o/ /'phags pa bdag gis yab kyang ma 'tshal/ yum kyang ma 'tshal gyis sho gam stsol la bzhud cig /dge slong de sho gam pa des yun ring zhig bsgyangs te btang nas/ de mthar gyis mnyan yod du phyir phyin pa dang / de 'gyod pa skyes nas/ des skabs de dge slong rnams la brjod do/ /dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de la ni ltung ba med mod kyi| yang dge slong gis de bzhin du 'gro bar mi bya bar 'di ltar sho gam pa'i mdun du pha ma'i bsngags pa brjod par bya ste/ bzhin bzang bcom ldan 'das kyis dge slong dag bu'i pha ma snyod par byed pa/ gso bar byed pa/ skyed par byed pa/ nu ma snun par byed pa/ 'dzam bu'i gling sna tshogs ston par byed pa gnyis ni bya dka' ba byed pa dag yin te/ bus phrag pa gcig gis ni pha/ cig shos kyis ni ma lo brgya tham par yongs su pang ba byas sam/ sa chen po 'dir nor bu dang / mu tig dang / bai DUR+Ya dang / man shel dkar po dang / byu ru dang / dngul dang / sa le sbram dang / rdo'i snying po dang / spug dang / dmar po dang / g.yas su 'khyil dang / de lta bu'i dbang phyug gi bdag po la bkod par gyur pa gang yin pa de tsam gyis ni bus pha </font><hr>Ca107b<br><font size=+1>


ma gnyis la byas pa dang / nye bar byas par mi 'gyur gyi/ des pha ma ma dad pa gnyis dad pa phun sum tshogs pa yang dag par 'dzin du 'jud/ 'dul bar byed/ 'dzud par byed/ rab tu 'god par byed pa dang / tshul khrims 'chal ba gnyis tshul khrims phun sum tshogs pa dang / ser sna can gnyis gtong ba phun sum tshogs pa dang / shes rab 'chal ba gnyis shes rab phun sum tshogs pa yang dag par 'dzin du 'jud/ 'dul bar byed/ 'dzud par byed/ rab tu 'god par byed na/ de tsam gyis ni bus pha ma gnyis la byas pa dang / nye bar byas par 'gyur zhes gsungs so/ / zhes brjod par bya'o/ /gal te de ltar pha ma gnyis kyi bsngags pa brjod pa na gtong na de lta na legs/ gal te mi gtong na sho gam gzhal te 'gro bar bya'o/ /de bzhin du mi 'gro na 'gal tshabs can du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa des rigs mnyam pa las chung ma blangs nas/ de de dang lhan cig brtse bar byed dga' bar byed dga' mgur spyod par byed do/ /rtse bar byed dga' bar byed dga' mgur spyod par byed pa de'i chung ma las bu btsas nas sring par byed skyed par byed cing / rdzing na gnas pa'i pad+ma bzhin du myur du skyed par byed do/ /zhes bya ba'i bar du snga ma bzhin no/ /gang gi tshe de chen por gyur pa de'i tshe legs par gsungs pa'i chos 'dul ba la </font><hr>Ca108a<br><font size=+1>


@#/ /rab tu byung ngo / /bcom ldan 'das kyis/ bsod nams dag ni bya ba ste/ /bsod nams ma byas sdug bsngal 'gyur/ /'jig rten 'di dang pha rol tu/ /bsod nams byas pa dga' bar 'gyur/ /zhes gsungs pa thos nas dge slong dag gis 'dun pa las byung ba'i slong mo byas te/ sangs rgyas dang chos dang dge 'dun dag la mchod pa dag bya bar brtsams shing| bcom ldan 'das kyi bstan pa rgyas par gyur pa na/ dge slong des dge slong 'dun pa las byung ba slong ba mang zhing 'di dag zad par gyis mnyan yod khyab par 'gyur gyi/ bdag ljongs su 'gro zhing song nas yang dag par sbyor du gzhug go snyam du shes nas de ljongs su song ba dang / des ljongs dag tu sangs rgyas dang chos dang dge 'dun gyi phyir gos kha dog sna tshogs kyis gang ba'i gtur bu gsum yang dag par sbyor du bcug go /de ljongs su ci dgar 'dug nas/ lhung bzed dang chos gos thogs te mnyan yod ga la ba der rgyu zhing song ba na mthar gyis rgyu zhing 'gro ba'i tshe sho gam gyi gnas su phyin pa dang / sho gam pas smras pa/ 'phags pa khyod la sho gam gzhal 'tshal ba'i rdzas cung zad ma mchis sam/ dge slong des smras pa/ bzhin bzang med do/ /sho gam pas smras pa| bltas gzhag tu gsol zhes des brtag par brtsams pa dang / ji tsam na gos kha dog sna tshogs kyis gang ba gtur bu gsum mthong nas/ des smras pa/ 'phags pa gos kha dog sna tshogs </font><hr>Ca108b<br><font size=+1>


kyis gang ba'i gtur bu gsum po 'di dag ni nyung bas/ gal te rnga mo'i khal longs par gyur na/ de lta na khyod kyis sho gam gzhal dgos par 'gyur ro/ /dge slong des smras pa/ bzhin bzang 'di dag ni kho bo mi dbang ngo / /'phags pa 'o na su dbang / bzhin bzang gcig ni sangs rgyas kyi'o/ /gcig ni chos kyi'o/ /gcig ni dge 'dun gyi'o/ /'phags pa bdag gis sangs rgyas kyang ma 'tshal/ chos kyang ma 'tshal/ dge 'dun kyang ma 'tshal gyis sho gam stsal la bzhud cig /dge slong de sho gam pa des yun ring zhig bsgyangs te btang nas de mthar gyis mnyan yod du phyin pa dang / de 'gyod pa skyes nas des skabs de dge slong rnams la brjod do/ /dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de la ni ltung ba med mod kyi/ yang dge slong gis de bzhin du 'gro bar mi bya bar 'di ltar sho gam pa'i mdun du sangs rgyas dang chos dang dge 'dun gyi bsngags pa brjod par bya ste/ 'di ltar bcom ldan 'das de ni de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skye bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das yin no/ /bcom ldan 'das kyi chos ni legs par gsungs pa/ yang dag par mthong ba/ nad med pa/ dus chad pa med pa/ nye bar gtod pa/ 'di mthong </font><hr>Ca109a<br><font size=+1>


@#/ /ba la don yod pa/ mkhas pa rnams kyis so sor rang rig par bya ba yin no/ /bcom ldan 'das kyi nyan thos kyi dge 'dun ni legs par zhugs pa/ rigs par zhugs pa/ drang por zhugs pa/ mthun par zhugs pa/ chos kyi rjes su mthun pa'i chos la zhugs pa/ chos kyi rjes su mthun par spyod pa ste/ dge 'dun la rgyun du zhugs pa'i 'bras bu mngon sum du bya ba'i phyir zhugs pa dag kyang yod/ dge 'dun la rgyun du zhugs pa dag kyang yod/ dge 'dun la lan cig phyir 'ong ba'i 'bras bu mngon sum du bya ba'i phyir zhugs pa dag kyang yod/ dge 'dun la lan cig phyir 'ong ba dag kyang yod/ dge 'dun la phyir mi 'ong ba'i 'bras bu mngon sum du bya ba'i phyir zhugs pa dag kyang yod/ dge 'dun la phyir mi 'ong ba dag kyang yod/ dge 'dun la dgra bcom pa nyid kyi 'bras bu mngon sum du bya ba'i phyir zhugs pa dag kyang yod do/ /dge 'dun la dgra bcom pa dag kyang yod de/ de ltar de dag ni skyes bu zung bzhi dang / skyes bu gang zag brgyad yin no/ / bcom ldan 'das kyi nyan thos kyi dge 'dun de ni tshul khrims phun sum tshogs pa/ ting nge 'dzin phun sum tshogs pa/ shes rab phun sum tshogs pa/ rnam par grol ba phun sum tshogs pa/ rnam par grol ba shes pa dang mthong ba phun sum tshogs pa/ kun nas sbyin pa'i 'os su gyur pa/ rab tu sbyin pa'i 'os su gyur pa/ thal mo sbyar ba'i 'os su gyur pa/ phyag bya ba'i 'os su gyur pa/ </font><hr>Ca109b<br><font size=+1>


bsod nams kyi zhing bla na med pa/ 'jig rten gyi yon gnas yin no zhes brjod par bya'o/ /gal te de ltar sangs rgyas dang chos dang dge 'dun gyi bsngags pa brjod pa na gtong na de lta na legs/ gal te mi gtong na sho gam gzhal te 'gro bar bya'o/ /de bzhin du mi 'gro na 'gal tshabs can du 'gyur ro/ /dge slong dag gis dkon mchog gsum gyi phyir sho gam gzhal dgos pa'i rdzas bskur bar brtsams shing sho gam gyi gnas su sangs rgyas dang chos dang dge 'dun dag gi bsngags pa brjod pa na mi gtong nas/ dge slong dag gcig gi skal ba las sbyin par byed pa dang / bcom ldan 'das kyis bka' stsal pa/ gsum char las kyang spyir sbyin par bya'o/ /dge slong dag gsum char las spyir sbyin par byed pa na/ don mthun dang yongs su bral nas de dag seng ge dag dang / stag dag dang / chom rkun pa dag gis bgrod par gyur nas/ bcom ldan 'das kyis bka' stsal pa/ gcig gi las byin la chas skal ba bsab par bya'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na dge slong sde snod gsum dang ldan pa/ chos smra ba rig pa dang grol ba'i spobs pa dang ldan pa zhig 'dug pa de ljongs rgyur song ba na mthar gyis rgyal po'i khab tu phyin nas rgyal po'i khab tu dbyar gnas te zla ba gsum 'das pa dang mnyan yod du bcom ldan 'das kyi zhabs la phyag 'tshal tu 'phags pa na/ don mthun </font><hr>Ca110a<br><font size=+1>


@#/ /btsal ba dang ji tsam na ded dpon zhig gis rgyal po'i khab nas zong blangs te/ mnyan yod du 'phags nas de'i drung du song ste bsod nams bya ba'i gzhi gsum po dag gi bsngags pa brjod cing de dag la bkod nas ci nas kyang de'i tshe sems mngon par dad par 'gyur ba de lta de ltar rnam par bshad pa dang / de dad pa skyes pas dge slong de la zan byin te/ ras yug chen rin che ba che bar 'os pas bkab nas de'i 'og tu rkang pa gnyis la phyag 'tshal te smras pa/ 'phags pa bdag gis ci bgyi ba bka' stsol cig /dge slong des smras pa/ bzhin bzang bdag mnyan yod du ston pa'i zhabs la phyag 'tshal du 'gro 'dod kyis de'i phyir bdag la byams pas bskyang ba gyis shig /khyim bdag des smras pa/ 'phags pa bka' bzhin 'tshal ma nongs kyis gshegs so/ /dge slong de ded dpon de dang lhan cig 'phags pa dang / ded dpon des smras pa/ 'phags pa khyod ni bsod snyoms bzhed pa lags la/ bdag ni bsod nams 'tshal ba lags kyis/ rgyal po'i khab nas mnyan yod kyi bar ji srid par chos gos dang bsod snyoms dang / gnas mal dang / nad pa'i rkyen dang sman gyi yo byad dag gis thugs las chung ngur mdzad du gsol/ dge slong des dang du blangs nas ji tsam na sho gam gyi gnas kyi drung du phyin pa dang / ded dpon gyis rdzas sho gam bcad nas/ ded dpon des bdag gi rdzas sho gam bcad cing / </font><hr>Ca110b<br><font size=+1>


'phags pa'i ras yug chen ni sho gam ma bcad pas bdag kho nas sho gam gzhal dgos par 'gyur ba'i gnas de lta bu yod pas bdag nyid kyi snod du gzhug par bya'o snyam du shes nas/ ded dpon des dge slong de la smras pa/ 'phags pa ras yug chen slar stsol cig /dge slong des smras pa/ bzhin bzang ci zer/ khyod 'gyod pa skyes par ma gyur tam/ ded dpon gyis smras pa/ 'phags pa bdag la 'gyod pa ma mchis te/ 'di ltar bdag gi rdzas ni sho gam bkum la khyod kyi ras yug chen 'di ni sho gam ma bkum pas gal te sho gam pa dag ras yug chen gyi sho gam 'tshal na/ don gyis bdag kho nas gzhal bar bgyi ba lags pas/ sho gam gyi gnas nas bzlas te dbul bar bgyi'o/ /dge slong des smras pa/ bzhin bzang bcom ldan 'das kyis dge slong gis sho gam gzhal dgos pa'i rdzas sho gam gyi gnas nas bzla bar mi bya'o zhes bslab gzhi bca' ba mdzad pas bdag ltung ba dang bcas par gyur na mi rung bas/ mi sbyin no/ /ded dpon des 'phags pa dag ni mi mthun pa byed pa yin pas/ 'di la bdag gis dus shes par 'gyur ro snyam du shes nas/ ded dpon des dge slong de la smras pa/ 'phags pa des bdag brel bas khyod kyi bsod snyoms 'ga' yang sgrub par rngo mi thog gis bzhud la grong du bsod snyoms la 'jug par mdzod cig /dge slong de bsod snyoms la zhugs pa dang / ji srid du de zhugs pa de'i bar du ded dpon des ras yug </font><hr>Ca111a<br><font size=+1>


@#/ /chen de bdag nyid kyi snod du bcug go /ji tsam na dge slong de la sho gam pas dris pa/ 'phags pa khyod la sho gam gzhal 'tshal ba'i rdzas cung zad mchis sam/ dge slong des smras pa/ bzhin bzang ras yug chen gcig yod do/ /sho gam pas smras pa/ 'phags pa bltas gzhag tu gsol/ dge slong des gtur bur brtags pa dang / ras yug chen mi snang nas de bzhin bsgyur zhing lag pa gnyis 'dril bar byed do/ /sho gam pas smras pa/ 'phags pa ci'i slad du 'di ltar mdzad/ dge slong des smras pa/ bzhin bzang kho bo'i ras yug chen de ma byin par len pa dag gis brkus so/ /sho gam pas smras pa/ 'phags pa de ni khyod kyis ma brkus kyi 'di ltar bdag gis brkus pa lags te/ des na bdag gis sho gam ma thob bo/ /gang gi tshe dge slong de sho gam gyi gnas nas 'das pa de'i tshe ded dpon des smras pa/ 'phags pa ci'i slad du sems khong du chud/ bzhin bzang khyod la yongs su btang ba las byung ba'i bsod nams skyes mod kyi/ yongs su longs spyad pa las byung ba'i bsod nams ni ma skyes so/ /'phags pa ci'i slad du/ kho bo'i ras yug chen de ma byin par len pa dag gis brkus so/ /ded dpon des smras pa/ 'phags pa de ni ma byin par len par len pa dag gis ma brkus te/ 'di ltar bdag gis sho gam gyis 'jigs pas rang gi snod du stsal te/ 'tshal te mchis na ji ltar bgyi/ </font><hr>Ca111b<br><font size=+1>


dbul lam/ dge slong des smras pa/ bzhin bzang bdag la ma byin par len pa dag gis brkus pa ni legs kyi/ bdag ltung ba dang bcas par gyur pa ni ma legs so/ /'phags pa 'di la khyod kyi lus kyi las kyang ma mchis/ ngag gi las kyang ma mchis na/ ci'i slad du khyod ltung ba dang bcas par 'gyur/ dge slong de 'gyod pa skyes nas mthar gyis mnyan yod du phyir phyin pa dang / dge slong rnams kyis smras pa/ tshe dang ldan pa 'ongs pa legs so/ /'ongs pa legs so/ /ji ltar bde bar brgyus sam/ dge slong des skabs de dge slong rnams la brjod do/ /dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de la ni ltung ba med mod kyi/ 'on kyang ngas dge slong lam du zhugs pa'i kun tu spyad pa'i chos dag bca' bar bya ste/ dge slong lam du zhugs pa grong du bsod snyoms la 'jug pas snod la mtshan ma btab ste 'gro bar bya zhing / phyir 'ongs nas kyang so sor brtag par bya'o// dge slong lam du zhugs pas kun tu spyad pa'i chos ji ltar bcas pa dag yang dag par blangs te 'jug par mi byed na/ 'gal tshabs can du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong rgan po zhig dang gzhon nu zhig ljongs rgyur 'phags so/ /de na rgan po ni shes pa che ba/ rdzas </font><hr>Ca112a<br><font size=+1>


@#/ /mang ba yo byad mang ba yin la/ gzhon nu ni shes pa chung ba/ chos gos gsum la 'chel ba yin pas rgan po la sho gam gzhal dgos pa'i rdzas yod nas ji tsam na mthar gyis sho gam gyi gnas kyi drung du phyin pa dang / rgan pos bdag la sho gam gzhal dgos pa'i rdzas yod pas gal te sho gam pa dag 'phags pa la sho gam gzhal 'tshal ba'i rdzas cung zad mchis sam zhes 'dri na gal te med do zhes brjod na ni brdzun du smra bar 'gyur la/ gal te yod do zhes brjod na ni nges par sho gam gzhal dgos par 'gyur pas/ de'i phyir gang gis sho gam yang gzhal mi dgos la brdzun du smra bar yang mi 'gyur ba'i thabs ci yod snyam du shes nas de 'di snyam du sems te/ gzhon nu 'di la sbyin zhing sho gam gyi gnas nas 'das na blang bar bya'o snyam nas/ des gzhon nu de la smras pa/ tshe dang ldan pa re zhig yud tsam zhig lhung bzed dang chos gos long zhig /gzhon nu des gnas brtan ngal bar gyur pas des na bdag la sbyin gor ma chag snyam du shes nas/ des blangs shing des de khyer te mdun du 'phags pa dang / sho gam pas mthong nas des smras pa/ 'phags pa khyod la sho gam gzhal 'tshal ba'i rdzas cung zad mchis sam/ dge slong des smras pa/ bzhin bzang med do/ /sho gam pa des dge slong de yal bar bor nas/ sho gam gyi gnas nas 'das pa dang / rgan </font><hr>Ca112b<br><font size=+1>


po yang stong par 'brang zhing 'ongs nas sho gam pa des rgan po de la ni ma dris so/ /rgan po de gang gi tshe sho gam gyi gnas nas 'das pa de'i tshe smras pa/ tshe dang ldan pa rdzas khyer shog /gzhon nu smras pa/ gnas brtan ci lags/ bsnyel ba sos lags sam/ rgan pos smras pa/ tshe dang ldan pa kho bo ngal bas khyod la byin pa ni ma yin gyi 'di ltar kho bo la sho gam gzhal dgos pa'i rdzas yod pas gal te kho bo la sho gam pa 'phags pa la sho gam gzhal 'tshal ba'i rdzas cung zad mchis sam zhes 'dri na gal te med do zhes brjod na ni brdzun du smra bar 'gyur la/ gal te yod do zhes brjod na ni nges par sho gam gzhal dgos par 'gyur ro snyam pa'i blo skyes pas de'i phyir kho bos lhung bzed dang chos gos byin pa yin pas de ni sho gam gyi gnas las 'das pas des na yang phyir len to/ /gzhon nus smras pa/ de lta na gnas brtan gyis bdag nyid thar par mdzad la ngan bu ni ltung ba dang bcas par bgyis so/ /rgan pos smras pa/ tshe dang ldan pa khyod kyis mi shes pas 'di la khyod kyis ltung ba ci zhig yod/ dge slong gzhon nu de 'gyod pa skyes nas mthar gyis mnyan yod du phyir phyin pa dang / dge slong rnams kyis smras pa/ tshe dang ldan pa 'ongs pa legs so/ /'ongs pa legs so/ /ji ltar bde bar brgyus sam/ dge slong des smras pa/ 'dir ga la bde bar brgyus/ dge slong rnams kyis smras pa tshe dang ldan pa ci'i phyir de skad zer/ </font><hr>Ca113a<br><font size=+1>


@#/ /dge slong des skabs de dge slong rnams la brjod do/ /dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de la ni ltung ba med mod kyi/ yang dge slong lam du zhugs pas ma dris par rdzas blang bar mi bya bar len pa nyid na 'di na sho gam gzhal dgos pa'i rdzas cung zad med dam zhes dri bar bya ba'o/ /ma dris par len na 'gal tshabs can du 'gyur ro/ /gzhan yang dge slong gis sho gam gzhal dgos pa'i rdzas lam du bzla bar mi bya'o/ /zlo bar byed na 'gal tshabs can 'gyur ro/ /bcom ldan 'das kyis dge slong gis sho ga ma gzhal dgos pa'i rdzas lam du bzla bar mi bya'o zhes bka' stsal pa na/ dge slong drug cu ljongs rgyu zhing 'dong ba'i tshe| ri brags shig tu phyin pa dang / ri brags de na khyim bdag phyug pa nor mang ba longs spyod che ba zhig 'dug cing de yang dad pa dang ldan pa yin pas des dge slong de dag mgron du bos te| zas byin nas re re la gos phrugs re bskon par byas pa dang / dge slong rnams kyis smras pa/ khyim bdag bcom ldan 'das kyis sho gam gzhal dgos pa'i rdzas lam du bzla bar mi bya'o zhes dgag pa mdzad pas/ de'i phyir bdag cag gis ji ltar blang bar bya/ khyim bdag de cang mi smra bar 'dug pa dang / dge slong rnams kyi yon bshad pa byas te/ dong nas mthar </font><hr>Ca113b<br><font size=+1>


gyis mnyan yod du phyir phyin pa dang / de dag la dge slong rnams kyis smras pa/ tshe dang ldan pa dag 'ongs pa legs so/ /'ongs pa legs so/ /ji ltar bde bar brgyus sam/ de dag gis smras pa/ bde bar brgyus mod kyi/ 'on kyang khyim bdag gcig gis bdag cag la zan byin te gos phrugs re bskon par byas na/ de la bdag cag gis khyim bdag bcom ldan 'das kyis dge slong gis sho gam gzhal dgos pa'i rdzas lam du bzla bar mi bya'o zhes dgag pa mdzad pas/ de'i phyir bdag cag gis ji ltar blang bar bya zhes ma blangs so/ /dge slong rnams kyis skabs de bcom ldan 'das la gsol pa dang / bcom ldan 'das kyis bka' stsal pa/ blang bar bya zhing blangs nas rung bar bya ste/ lam du bzla bar bya'o/ /dge slong dag tshon rtsi dang shing dang zangs dang bum pa dag tshol ba na lam gyis dub cing sgyid lug pa dang don mthun dang bral bar gyur nas/ de dag seng ge dang / stag dag dang / tshom rkun pa dag gis bgrod par gyur to/ /dge slong rnams kyis skabs de bcom ldan 'das la gsol pa dang / bcom ldan 'das kyis bka' stsal pa/ mtha' chag gam rang chag byas te 'gro bar bya'o/ /nyes dmigs de nyid du gyur nas/ bcom ldan 'das kyis bka' stsal pa/ ba lang gi lci ba btsir bas rung bar bya ba'am bkru bar bya'o/ /de lta na'ang nyes dmigs de nyid du gyur nas/ bcom ldan 'das kyis bka' stsal pa/ tha na kha tshar ram </font><hr>Ca114a<br><font size=+1>


@#/ /phun tshar yang gcad par bya'o/ /ngas phongs pa dag tu rjes su gnang ba gang yin pa de gnas skabs tha mal pa dag tu lhag par spyad par mi bya'o/ /lhag par spyod par phyed na 'gal tshabs can du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong zhig rgyal po'i khab tu dbyar gnas par khas blangs nas/ de dbyar zla ba gsum 'das nas chos gos ma rnyed pa kho nar bcom ldan 'das kyi zhabs la phyag 'tshal du mnyan yod du 'phags pa dang| de la dge slong rnams kyis smras pa/ tshe dang ldan pa chos gos kyis rnyed pa ma thob kyi bar du khyod ma rings shig /de mngon par mi dga' bas mi sdod pa dang / de la dge slong zhig gis ras yug chen byin nas/ des gal te 'di rung bar byed na tshangs pa mtshungs par spyod pa dag mi mthong bar 'gyur bas dge slong bshes pa zhig la rung bar byed du gzhug go snyam du shes nas des dge slong bshes pa la smras pa/ kho bo tshangs pa mtshungs par spyod pa dag la lta ba'i bar du ras yug chen 'di rung bar gyis la gtur bur chug cig /de le lo can zhig pas des rung bar ma byas pa kho nar gtur bur bcug go /ji tsam na dge slong des gtor bu thogs te 'phags nas/ mthar gyis sho gam gyi gnas su phyin pa dang / sho gam pas smras pa/ 'phags </font><hr>Ca114b<br><font size=+1>


pa khyod la sho gam gzhal 'tshal ba'i rdzas cung zad mchis sam/ bzhin bzang med do/ /bltas gzhag tu gsol/ des bzhag nas des brtag par brtsams pa dang ras yug chen mthong nas des smras pa/ 'phags pa legs par gsungs pa'i chos 'dul ba la rab tu byung na ji ltar ras yug chen gyi slad du brdzun du smra ba gsung / dge slong des smras pa/ bzhin bzang kho bos mi shes te kho bo 'phags pa na ras yug chen 'di rnyed nas kho bos bshes pa la kho bo tshangs pa mtshungs par spyod pa dag la lta ba'i bar du ras yug chen 'di rung bar gyis la gtur bur chug cig ces smras nas/ de le lo can zhig pas des 'di rung bar ma byas pa kho nar gtur bur bcug go /sho gam pas smras pa/ 'phags pa de ni khyod kyi bshes pa ma lags kyi 'di ltar de ni bdag gi bshes pa lags te des na bdag la sho gam byung gis stsol la bzhud cig /dge slong de 'gyod pa skyes nas de mthar gyis mnyan yod du phyin pa dang / dge slong rnams kyis smras pa/ tshe dang ldan pa 'ongs pa legs so| |'ongs pa legs so/ /ji ltar bde bar brgyus sam/ des smras pa/ tshe dang ldan pa dag ji ltar bde bar brgyus/ de dag gis smras pa/ tshe dang ldan pa ci'i phyir de skad zer/ des skabs de dge slong rnams la rgyas par brjod do/ /dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de la ni ltung ba med </font><hr>Ca115a<br><font size=+1>


@#/ /mod kyi/ yang dge slong gis ma dris par blang bar mi bya bar ci khyod kyis rung bar byas sam/ 'on te ma byas zhes dri bar bya'o/ /ma dris par len na 'gal tshabs can du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /drug sde dag gis smras pa/ dga' bo nye dga' lhung bzed nag po can 'di dag ni rkang pa spre'u zhag gis bskus te/ 'gro na yang 'gro bar chas pa'i rnyed pa sgrub par byed/ 'ong na yang glo bur du 'ongs pa'i rnyed pa sgrub par byed cing skye bo mang po dga' ba dang / yid du 'ong bar yang 'gyur ro/ /yu bu cag ni khron pa'i rus sbal dang 'dra bar gar yang mi 'dong / gang nas kyang mi 'ong bas rnyed pa 'thob pa dang skye bo mang po dga' ba dang / yid du 'ong bar ga la 'gyur gyis yu bu cag kyang 'dong ngo / /gang du 'dong / gang du don mthun 'grub par ro/ /de dag gis don mthun btsal bar brtsams pa dang / de dag gis byang lam du 'gro ba'i don mthun mthong nas de'i drung du song ste smras pa/ bzhin bzang dag khyed gang du 'phags/ 'phags pa dag byang lam du'o/ /bzhin bzang kho bo cag kyang khyed dang lhan cig 'dong ngo / / 'phags pa dag byang lam ni mtho dman can khyi za ba bud med kyi yul gnas ngan len kun tu spyod pa lags pas/ khyed cag der dges par mi 'gyur ro/ /bzhin bzang dag gal te de </font><hr>Ca115b<br><font size=+1>


lta bu yin du zin kyang yul mthong bar 'gyur bas 'dong bar bya'o/ /'phags pa dag gal te de lta na tshur spyon bzhud do/ /drug sde dag don mthun de dang lhan cig byang lam du 'phags nas mthar gyis byang lam du phyin pa dang / nyi ma gang kho na la byang lam du phyin pa'i nyi ma de nyid la mngon par mi dga' bar gyur nas/ de dag nang par sngar langs te lam srang du 'dong ba dang / tshong pa de dag gis drug sde dag mthong nas de dag gi rkang pa la phyag 'tshal te smras pa/ 'phags pa dag byang lam ci 'dra/ khyed cag mngon par mi dges par ma gyur tam/ bzhin bzang dag nyi ma gang kho na la byang lam du phyin pa'i nyi ma de nyid la mngon par mi dga' bar gyur to/ /'phags pa dag bdag cag gis/ khyed la dang po kho na nas byang lam ni mthon dman can khyi za ba bud med kyi yul gnas ngan len kun tu spyod pa lags pas/ khyed cag der dges par mi 'gyur ro zhes ma bgyis sam/ bzhin bzang dag ci de lta na 'gro'am 'dong ngo / /'phags pa dag bdag cag gis zong ma bsgyur te| de lta lags mod kyi 'on kyang bdag cag dang bshes pa'i tshong pa gzhan dag mchis pa de dag gis zong bsgyur pas/ de dag la gtad par bgyis/ de dag dang thabs cig bzhud cig /drug sde dag gis smras pa de ma nongs kyi de bzhin bgyi'o/ /drug sde dag don mthun de dag gis gtad pa'i don mthun de dang lhan cig 'phags so/ /drug sde dag gis kun tu spyod pa ni rdul gyis 'jigs pas </font><hr>Ca116a<br><font size=+1>


@#/ /yang na ni don mthun gyi mdun du 'gro'o/ /yang na ni phyi nas 'gro bas de dag phyi nas 'gro bar brtsams pa dang / ji tsam na yul dbus nas phyir 'ong ba'i don mthun 'ongs nas tshong pa de dag gis tshong pa don mthun phyir 'ongs pa de dag la 'ongs pa legs so zhes brjod pas so sor yang dag par dga' bar byas te smras pa/ khyed ga las 'ongs/ yul dbus nas so| |shes ldan dag ji ltar yul dbus su khe spogs mang po grub bam/ sho gam mam la gcan nam gru btsas kyis yongs su yi chad pa med dam/ de dag gis smras pa/ shes ldan dag yul dbus su khe spogs mang po grub mod kyi 'on kyang de na gos dkar po can chom rkun pa lta bu sho gam dang la gcan dang gru btsas kyi lce rten gyis bden pas mi mgu ba dag 'khod pas rdzas thams cad 'phrog par byed pas sho gam dang la gcan dang gru btsas kyis yongs su yi chad pa yod do/ /de dag gis thos nas 'tsher zhing phyogs gcig tu dong nas lag pa 'gram pa la gtad de sems khong du chud cing 'khod do/ /drug sde dag lhag nas de dag gis smras pa/ shes ldan dag ci'i phyir lag pa 'gram pa la gtad de sems khong du chud cing 'dug /tshong pa dag gis smras pa/ 'phags pa dag bdag cag grang ba na grang bas sbrebs bzhin pa dang / tsha ba na tsha bas gdung bzhin pa dang / bkres pa dang skom pa dag gis gnod bzhin pa dang / sha sbrang dang sbrang bu dang rlung dang </font><hr>Ca116b<br><font size=+1>


nyi ma dang sdig sbrul gyi reg ba dag gis nyen bzhin du longs spyod dag mngon par sgrub pa'i slad du spro bar bgyid/ 'bad par bgyid/ rtsol par bgyid pa gang lags pa de dag thams cad bdag cag yul dbus su 'phags pa lags te yul dbus su khe spogs mang po 'grub pa lags mod kyi/ 'on kyang bdag cag gi don mthun slar mchi ba dag las thos na/ de na gos dkar po can chom rkun pa lta bu sho gam dang la gcan dang gru btsas kyi lce rten gyi bden pas mi mgu ba dag 'khod pas rdzas thams cad 'phrog par bgyid pas sho gam dang la gcan dang gru btsas kyis yongs su yi chad par 'gyur ro/ /zhes mchi'o/ /drug sde dag gis smras pa/ bzhin bzang dag gang dag la kho bo cag bshes su bdog pa khyed kyang sems khong du chud cing 'khod dam/ 'phags pa dag ci lags/ khyed kyis bdag cag gi slad du/ rgyal po la gsol ba bgyi'am/ bzhin bzang dag rgyal po la ni gsol bar mi byed de/ 'on kyang mnyan yod ni kun shes pa'i sho gam can yin la/ de la sgo ni bco brgyad/ sge'u chung ni sum cu rtsa drug yod pas khyed cag sge'u chung nas 'jug tu gzhug gis/ longs shig 'dong ngo / /tshong pa de dag yongs su mgu nas 'phags pa dang mnyan yod dang ha cang mi ring ba'i ri brags shig tu phyin nas/ drug sde dag gis smras pa/ bzhin bzang dag re zhig ngal bsos la mnyan </font><hr>Ca117a<br><font size=+1>


@#/ /yod du mtshan mo 'jug par byas/ rnga mo dang glang dang bong bu dag thong zhig /tshong ba de dag gis de dag btang nas/ ji tsam na nyi ma nub par 'gyur ba de'i tshe/ dus yin no zhes re zhig ngal bso bar byed do/ /mnyan yod na sho gam pa dag gis byang lam nas don mthun phun sum tshogs pa 'ongs so zhes thos nas/ de dag gis gnod sbyin la gtor ma byas te sgo dag mnan te sdod do/ /drug sde dag gis smras pa/ shes ldan dag mig lam chad kyis/ longs shig /'dong ngo / /yongs su mi shes par sge'u chung nas bde bar 'jug tu gzhug go /de dag 'phags te mthar gyis bong bu dang rnga mo dang glang dag 'debs shing sge'u chung nas mnyan yod du zhugs nas mtshan mo nam langs pa dang / srang du dong ste byang lam pa'i zong bkram nas btsongs par brtsams so/ /mi zhig don mthun de nyid dang bral ba sgo nas zhugs pa sho gam pa dag gis mthong nas smras pa/ kye nang rje ga las 'ongs/ mi des smras pa/ ri brags che ge mo zhig nas so/ /de dag gis smras pa/ kye nang rje ri brags de na byang lam pa'i don mthun 'dug ces grags na/ khyod kyis de ma mthong ngam| mi des smras pa/ shes ldan dag kho bo ni don mthun de nyid dang bral zhing 'gro ba yang yin te/ de ni sngar song zin to/ /sho gam pa dag gis thos nas yid mi bde bar gyur te smras </font><hr>Ca117b<br><font size=+1>


pa| kye nang rje kho bo cag sgo gnon cing 'khod na de ga las zhugs/ mi des smras pa/ shes ldan dag gal te khyed cag yid mi ches na tshur shog srang du 'dong dang rang nyid kyis mthong bar 'gyur ro/ /de dag de dang lhan cig srang du dong ba dang don mthun dag byang lam pa'i zong bkram zhing 'tshong ba mthong nas/ de dag gis dris pa/ shes ldan dag khyed cag gang gis zhugs/ don mthun dag gis smras pa/ rkang pa dag gis so/ /sho gam pa dag gis smras pa/ khyed cag ji ltar rkang pa dag gis zhugs par lta kho bo cag gis kyang shes kyi/ 'di ltar khyed cag gang gis 'jug tu bcug pa dang / sgo gang nas zhugs pa de 'dris smros shig dang khyed cag dang bshes par bya'o/ /don mthun dag gis smras pa/ 'phags pa drug sde dag gis sge'u chung nas 'jug tu bcug go /sho gam pa de dag shAkya'i sras kyi dge sbyong rnams kyi dge sbyong gi tshul ni tshig pa yin no/ /bram ze'i tshul ni tshig pa yin te/ gang la da ltar gzhan gyi 'tsho ba la yang gnod par byed do zhes smod par byed/ phyar ka gtong bar byed/ kha zer bar byed pa'i skabs de dge slong dag gis bcom ldan 'das la gsol nas/ bcom ldan 'das kyis bka' stsal pa| dge slong gis gzhan gyi 'tsho ba la gnod par mi bya'o/ /gnod par byed na 'gal tshabs can du 'gyur ro/ /sho gam pa dag gis drug sde 'di dag ni dge sbyong mi srun pa dag </font><hr>Ca118a<br><font size=+1>


@#/ /yin pas do bya'o snyam du bsams nas/ ji tsam dus gzhan zhig na tshe dang ldan pa nye dga' snga dro sham thabs bgos/ lhung bzed dang chos gos thogs te mnyan yod du bsod snyoms la zhugs pa/ sho gam pa zhig gis mthong nas des smras pa/ 'phags pa phyag 'tshal lo/ lhung bzed na cung zad mchis sam gzigs/ nye dgas smras pa/ bzhin bzang ci sems/ lhung bzed na sho gam gzhal dgos pa'i rdzas med do/ /des smras pa/ 'phags pa sdig pa zhi bar gyur cig /bdag de snyam mi sems kyi 'di ltar bca' ba dang bza' ba bsod pa cung zad mchis na/ de khyod las bslangs te 'tshal snyam mo/ /nye dgas smras pa/ bzhin bzang ci chu klung rgyun las bzlog phyogs su 'bab bam| khyod kyis kho bo la sbyin par bya ba yin gyi/ kho bos khyod la sbyin par bya ba ma yin no/ /des smras pa/ 'phags pa bzhad gad bgyi'o/ /tshur spyon khyim du bzhud do/ /sho gam pa des nye dga' khyim du khrid nas bca' ba dang bza' ba bsod pas lhung bzed bkang ste byin nas smras pa/ 'phags pa bdag la bka' stsol cig dang / bka' bzhin bgyid cing| 'phags pas bka' stsal pa thams cad bsgrub par bgyi'o/ nye dgas bzhin bzang khyod nad med par gyur cig ces smras te song ngo / /drug sde dag gi kun tu spyod pa ni </font><hr>Ca118b<br><font size=+1>


'dir bdag cag gis bram ze dang khyim bdag 'ongs shing lhags pa rnams la chos bstan par bya/ rgol ba dag tshar gcad par bya/ /rang gi grags pa bsgrag par bya/ /rnyed pa yang bsgrub par bya'o zhes yang na ni sgo drung du btsug \ GTZUG\ lag khang nod par byed/ yang na ni lam dang nye bar gtsug lag khang nod par byed pas/ nye dgas lam dang nye bar gtsug lag khang mnos nas/ de de'i steng du nam gyi cha stod dang / nam gyi cha smad la mi nyal ba'i sbyor ba la rjes su brtson par gnas so/ /ji tsam dus gzhan zhig na tshong pa sho gam 'dral ba dag gtsug lag khang dang ha cang thag mi ring ba nas 'dong ba dang / nye dga' sgra la mkhas pas des de dag gi rting sgra thos nas/ yongs su g.yo ba dang bcas bzhin du smras pa/ 'dong ba 'di dag su yin/ tshong pa de dag cang mi smra par sdod pa dang / nye dga' myur ba myur bar gtsug lag khang gi steng nas babs te/ tshong pa de dag gi drung du song nas smras pa/ shes ldan dag mtshan mo nor dang bcas pa kho nar 'dong ba 'di dag su yin/ tshong pa de dag gis smras pa/ 'phags pa bdag cag ni tshong pa sho gam 'dral ba dag lags so/ /nye dgas smras pa bkren pa dag kho bo cag la rgyal po yo byad thams cad kyis nye bar gnas pa yin te/ gnas brtan kun shes ko'u di n+ya yang de la 'di skad ces ji nas kyang rgyal po 'di'i longs spyod ma byung ba dag ni 'byung bar gyur cig /byung ba dag ni rgyas pa dang </font><hr>Ca119a<br><font size=+1>


@#/ /'phel ba dang yangs par gyur cig ces yon bshad pa byed pa yin na/ khyed cag de dbang ba'i sho gam dral te 'dong na kho bo cag gis ci'i phyir yal bar dor bar bya/ deng khyed la gnod pa byed du gzhug go /de dag skrag nas smras pa/ 'phags pa khyed ni thugs rje can dag lags pas bzod par mdzod cig dang bdag cag gis 'phags pa la mkho ba dag bgyi'o/ / nye dgas smras pa ci zhig bya/ bca' ba'i cha ba rin dag dbul lo/ /'bul lam/ 'bul lo/ /deng zhig /de dag de nas dong ste nye dga'i drung nas bral ba dang / 'di skad ces yu bu cag ko sa la ra byung ba'i rgyal po gsal rgyal la yang sho gam mi 'jal na/ dge sbyong mgo reg nye dga' la 'jal ba lta smos kyang ci dgos zhes kun tu brjod par byed do/ /nye dga' yang myur ba myur bar zas kyi bya ba byas te/ sgo drung na lhung bzed 'khru zhing phyogs bzhir rnam par lta bar byed do/ /gzhon nu zhig gis nye dga' phyogs bzhir rnam par lta bar byed pa mthong nas/ des smras pa/ gnas brtan ci'i slad du phan tshun rnam par gzigs pa mdzad/ nye dgas smras pa/ tshe dang ldan pa kho bo'i mdza' bshes tshong pa dag zong thogs te mnyan yod du zhugs pa de dag lta'o/ /gzhon nu des smras pa| gnas brtan khyod ji tsam na zas kyi bya ba mdzad pa de tsam na de dag dong lags so/ /nye dga' mi bzod pa skyes nas kho bo yang de dag gis bslus te spu gri la khu tshur gyis brdegs shing rang thags </font><hr>Ca119b<br><font size=+1>


kyi rdo la rtswas phug gis/ kho bos de dag la gang bya ba shes so snyam du sems so/ /ji tsam na tshong pa de dag yang de kho na bzhin du 'ongs pa dang / nye dgas kyang de kho na bzhin lan gnyis su bzung ste khyed kyis kho bo yang bslus so zhes smras pa dang / tshong pa de dag gis smras pa/ 'phags pa bdag cag la bgyi ba cung zhig byung bas des na bdag cag ma zhus par mchis te/ da ni de dang gzhan yang thams cad 'bul lo/ /'bul lam/ 'bul lo/ /ded zhig/ de dag de dag de nas dong ste nye dga'i drung nas bral ba dang / 'di skad ces yu bu cag ko sa lar byung ba'i rgyal po gsal rgyal la yang sho gam mi 'jal na/ dge sbyong mgo reg nye dga' la 'jal ba lta smos kyang ci dgos zhes kun tu rjod par byed do/ /nye dgas tshong pa de dag gis bdag la mang po zhig khas blangs pas yang de kho na bzhin du mi lta bar song na mi rung gis mtshan ma dang bcas pa kho nar langs te/ de dag gi drung du 'gro bar bya'o snyam du bsams nas des snam sbyar bgos te srang du song ba dang / tshong pa de dag kyang zong bkram ste 'tshong bar byed nas/ nye dgas de dag la mtshan ma brtan par brtsams pa dang / de dag gis smras pa/ 'phags pa je zong bsgyur bar bgyis/ bzhud cig dang / bdag cag mchis te dbul bar bgyi'o/ /nye dgas smras pa/ gal te bden na'o/ /de dag gis smras pa/ 'phags pa khyod ni 'da' bar bgyi ba ma lags kyis bzhud cig /nye dga' song ste/ myur ba myur bar gtsug lag khang du song nas </font><hr>Ca120a<br><font size=+1>


@#/ /zas kyi bya ba byas te/ lhung bzed 'khru zhing phyogs su rnam par lta bar byed do/ /de bzhin du gzhon nu zhig gis smras pa/ gnas brtan ci'i slad du phan tshun rnam par gzigs par mdzad/ nye dgas smras pa/ tshe dang ldan pa kho bo'i mdza' bshes tshong pa dag zong thogs te mnyan yod du zhugs pa de dag lta'o/ /gzhon nu des smras pa/ gnas brtan khyod ji tsam na zas kyi bya ba mdzad pa de tsam na de dag dong lags so/ /nye dga' rgya cher mi bzod pa skyes nas mgo bsigs te kho bo de dag gis lan gnyis su bslus kyis/ da ni gal te de dag mthong na gang gis phyin chad tshong par mi 'gyur ba de 'dra ba'i khrims 'char gzhug go snyam du sems so/ /ji tsam na yang tshong pa de dag de kho na bzhin du 'ongs pa dang / nye dgas smras pa/ shes ldan dag khyed kyis yang dang yang du kho bo bslus pas da ni gang bya ba de ltos shig /de dag gis smras pa/ 'phags pa bzod par mdzod cig /bdag cag tshong pa dag ni rtag tu 'jal tshongs kyis sems g.yengs pa lags pas/ da ni sngar mchid kyis 'tshal ba gang lags pa dang / slad kyi mchid kyis 'tshal ba gang lags pa de dang gzhan thams cad kyang dbul bar bgyi'o/ /nye dgas gal te 'di dag la gzu lums su 'jug par byas na shes par 'gyur gyis mthun par brjod par bya'o snyam du shes shing rig nas smras pa/ bzhin </font><hr>Ca120b<br><font size=+1>


bzang dag nges par 'bul lam/ 'phags pa nges par 'bul lo/ /gal te de lta na khyed cag la nyes dmigs 'ga' zhig byung bar gyur tam/ kho bo cag la yang gtsug lag khang gi drung du tshong pa dag tshong pa ma yin par rnam par gzhag par gyur na ma legs kyis re zhig lam lta ba de srid kyi bar du sdod cig /de dag sdod pa dang nye dga' de na sho gam pa dag gi drung du song ngo / / de'i tshe na sho gam pa dag shes ldan dag tshong pa sho gam 'dral ba dag gis sho gam dral cing dral cing sge'u chung nas 'jug pas/ lo thang 'du ba mi 'byung la/ dus la ni bab/ rgyal po ni gtum pas bdag cag bu dang chung ma dang rtsa lag dag dang bcas pa btson rar bcug ste/ gsad par 'gyur ba gang yin pa de lta bu'i gnas yod do zhes zer zhing sems khong du chud cing 'dug go /de dag de ltar sems khong du chud cing 'dug pa na nye dgas smras pa/ khyed cag ci'i phyir 'di ltar sems khong du chud cing 'dug /'phags pa ji ltar sems khong du chud cing mi mchis/ tshong pa sho gam 'dral ba dag gis sho gam dral cing dral cing sge'u chung nas 'jug pas lo thang 'du ba mi 'byung la dus la ni bab/ rgyal po ni gtum pas/ bdag cag bu dang chung ma dang rtsa lag dag dang bcas pa btson rar bcug ste/ gsad par 'gyur ba gang lags pa de lta bu'i gnas mchis so/ /bkren pa dag khyed cag sus sho gam gyi </font><hr>Ca121a<br><font size=+1>


@#/ /gnas su bzhag /khyed cag ni lcag rgod mang pos brims las skyed pa'am/ shing 'chag tu gzhug par bya ba yin no/ /ci'i phyir khyed kyis tshong pa sho gam 'dral ba gcig tsam yang nor thams cad dang bral bar mi byed/ 'phags pa mnyan yod ni kun shes pa'i sho gam can lags kyi/ nyes pa byed pa'i sho gam can ma lags pas ji ltar nor thams cad dang bral bar bgyi/ bkren pa dag mnyan yod ni nyes pa byed pa'i sho gam can yin gyi kun shes pa'i sho gam can ma yin no/ /'phags pa bdag cag gis yun de srid du sho gam bsgrubs na lan 'ga' yang nyes pa bgyid pa'i sho gam can ma lags na/ da ji ltar nyes pa bgyid pa'i sho gam can du 'gyur/ bkren ba dag sdod cig dang / nga song la tshong pa sho gam 'dral ba dag gtang bar byas/ de dag khyed kyis zung la nor thams cad dang bral bar gyis shig /gal te mnyan yod ni kun shes pa'i sho gam can yin gyi nyes pa byed pa'i sho gam can ni ma yin no zhes zer na/ mnyan yod ni nyes pa byed pa'i sho gam can yin gyi kun shes pa'i sho gam can ni ma yin no zhes brjod par bya'o/ /gal te yun de srid du kho bo cag tshong pa'i tha snyad byed pa na lan 'ga' yang mnyan yod nyes pa byed pa'i sho gam can ma yin na/ da nyes pa byed pa'i sho gam can du gyur tam/ tshur shog tshong pa'i tshogs kyi nang du </font><hr>Ca121b<br><font size=+1>


'dong ngo zhes zer na/ rgyal po'i pho brang du bkri bar bya'o/ /gal te rgyal po na re/ shes ldan dag yun de srid du nga'i rgyal srid byed du bcug na lan 'ga' yang ngas mnyan yod nyes pa byed pa'i sho gam can du ma thos na/ da nyes pa byed pa'i sho gam can du gyur tam zhes zer na/ rgyal po a ra da tshangs byin tshong pa'i tshogs dang bcas pas gang skyed mos tshal lam/ mdun sa'am/ lha'i gnas che ge mo nas mnyan yod du 'jug pa de la ni kun shes pa'i sho gam can yin la/ gang skyed mos tshal lam/ 'dun sa'am/ lha'i gnas che ge mo nas mnyan yod du 'jug ba de la nyes pa byed ba'i sho gam can yin no zhes khrims su bya ba rnam par gzhag pa gang lags pa de lha la btsan nam zhes brjod par bya'o/ /gal te btsan no zhes zer na/ lha mdzod che ge mo zhig na sgrom mchis pa de na zangs ma'i glegs bu la yi ge bris pa mchis pa de lhas gzigs su gsol zhes brjod par bya'o/ /ji tsam na sho gam pa de dag gis tshong pa sho gam 'dral ba de dag bzung ste nor thams cad dang bral bar byas pa na tshong pa de dag gis smras pa/ shes ldan dag ci'i phyir kho bo cag nor thams cad dang bral par byed/ mnyan yod ni kun shes pa'i sho gam can yin gyi nyes pa byed pa'i sho gam can ni ma yin no/ /sho gam pa dag gis smras pa/ mnyan yod ni nyes pa byed pa'i sho gam can yin gyi kun shes pa'i sho gam can ni ma yin no/ /tshong pa dag gis smras pa/ yun de srid du kho </font><hr>Ca122a<br><font size=+1>


@#/ /bo cag tshong pa'i tha snyad byed byed na lan 'ga' yang mnyan yod nyes pa byed pa'i sho gam can ma yin na/ da nyes pa byed pa'i sho gam can du gyur tam/ tshur shog tshong pa'i tshogs kyi nang du 'dong ngo / /sho gam pa dag gis smras pa/ tshong pa'i tshogs kyi nang du mi 'gros/ tshur shog rgyal po'i pho brang du 'dong ngo zhes de dag 'khang bzhin du mthus rgyal po'i pho brang du khrid pa dang / de dag gis tshong pa'i tshogs la shes ldan dag kho bo cag sho gam pa dag gis nor thams cad dang bral bar byas kyis grogs gyis shig ces ra mda' bzlog pa'i skad phyung ngo / / tshong pa'i tshogs kyang de dag dang lhan cig rgyal po'i spyan sngar song nas/ lha khyod kyi rgyal srid la sho gam pa dag gis tshong pa glo bur du lhags pa dag nor thams cad bral bar bgyis kyis yongs su bskyab tu gsol zhes smras so/ /rgyal pos blon po rnams la shes ldan dag sho gam pa dag khug cig ces bsgo nas/ blon po rnams kyis sho gam pa dag pa bkug pa dang / rgyal pos smras pa/ shes ldan dag ci'i phyir khyed kyis tshong pa dag nor thams cad dang bral bar byas/ sho gam pa dag gis smras pa/ lha tshong pa 'di dag ni sho gam 'dral ba lags la mnyan yod ni nyes pa bgyid pa'i sho gam can lags pas/ de'i slad du bdag cag gis 'di dag nor thams cad dang bral bar bgyis so/ /rgyal pos smras pa/ shes ldan dag yun de srid du nga'i rgyal srid byed du bcug na lan </font><hr>Ca122b<br><font size=+1>


'ga' yang ngas mnyan yod nyes pa byed pa'i sho gam can du ma thos na/ da nyes pa byed pa'i sho gam can du gyur tam/ sho gam yang dag pa long la thong zhig /sho gam pa dag gis smras pa| rgyal po a ra da tshangs byin tshong pa'i tshogs dang bcas pas gang skyed mos tshal lam/ 'dun sa'am/ lha'i gnas che ge mo nas mnyan yod du 'jug pa de la ni kun shes pa'i sho gam can yin la/ gang skyed mos tshal lam/ 'dun sa'am/ lha'i gnas che ge mo nas mnyan yod du 'jug pa de la ni gnod pa byed pa'i sho gam can yin no zhes khrims su bya ba rnam par gzhag pa gang lags pa de lha la btsan nam/ rgyal pos smras pa/ shes ldan dag nga'i yab kyis mdzad pa gang yin pa de ni brgya byin gyis mdzad pa/ tshangs pas mdzad pa yin te/ mchog tu btsan no/ /sho gam pa dag gis smras pa/ lha mdzod che ge mo zhig na sgrom mchis pa de na zangs ma'i glegs bu la yi ge bris pa mchis pa de lhas gzigs su gsol| rgyal pos gtogs par byas bdag la zangs ma'i glegs bu de 'on cig ces bsgo nas/ blangs te bklags pa dang / rgyal pos pha'i bsngags pa thos nas/ mchi ma dang bcas pa'i skad kyis smras pa/ shes ldan dag nga'i yab kyis mdzad pa gang yin pa de ni brgya byin gyis mdzad pa/ tshangs pas mdzad pa yin te gal te nor thams cad dang bral bar </font><hr>Ca123a<br><font size=+1>


@#/ /byas na legs so/ /tshong pa de dag re ba med par gyur nas/ mchi ma dang bcas pa'i skad kyis dong nas/ de dag gis sho gam pa de dag la smras pa/ shes ldan dag khyed la sus sbran pa smros shig /sho gam pa dag gis smras pa/ kho bo cag la su zhig sbran par 'gyur/ kho bo cag nyid kyis shes mod kyi 'on kyang kho bo cag khyed la snying rje bas yal bar bor ro/ /khyed cag ha cang bya ba byed par brtsams pas des na kho bo cag mi bzod pa skyes so/ /tshong pa dag gis smras pa/ khyed la snying rje ga la yod/ smros shig dang kho bo cag khyed dang mdza' bor 'gyur ro/ /sho gam pa dag gis smras pa/ 'phags pa drug sde dag gis so/ /tshong pa de dag shAkya'i sras kyi dge sbyong rnams kyi dge sbyong gi tshul ni tshig pa yin no/ /bram ze'i tshul ni tshig pa yin te/ gang la da ltar gzhan gyi 'tsho ba la yang gnod par byed do zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol nas/ bcom ldan 'das kyis bka' stsal pa/ dge slong gis gzhan gyi 'tsho ba la gnod par mi bya'o/ /gnod pa byed na 'gal tshabs can du 'gyur ro/ /sdom la/ rkang med dang ni rkang gnyis dang / /rkang bzhi pa dang rkang mangs kyi/ /sde tshan yang dag bsdus pa yin/ /rkang med ces bya ba ni/ sbrul dang / pad pa dang / srog chags dre'u srin dag go /de dag ni </font><hr>Ca123b<br><font size=+1>


gsum gyis sogs par byed de/ sbrul khas bsdigs pa dag dang / rgyal po'i sman pa dag dang / kha lungs pa'i yab na dag gis so/ /ji ltar sbrul khas bsdigs pa dag gis she na/ 'di ltar sbrul khas bsdigs pa dag sbrul la brten te 'tsho bar byed pa ste/ de ltar sbrul khas bsdigs pa dag gis so/ /ji ltar rgyal po'i sman pa dag gis she na/ 'di ltar rgyal po'i sman pa dag pad pa la brten te 'tsho bar byed pa ste/ de ltar rgyal po'i sman pa dag gis so/ /ji ltar kha lungs pa'i ya ba na dag gis she na/ 'di ltar kha lungs pa'i ya ba na dag srog chags dri'u srin dag bag bye son par byed/ sa 'byin par byed cing sla nga la rngo bar byed de/ de dag de 'cha' zhing myos pa 'gyur ba'i btung ba rnam pa du ma 'thung bar byed de/ de ltar kha lungs pa'i ya ba na dag gis so/ /dge slong gis srog chags rkang med dag rku bar byed na/ srog chags rkang med dag gi rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /rkang gnyis zhes bya ba ni mi rnams dang / bya kha cig go /mi rnams ni rnam pa gsum gyis rku ste/ yul phyogs dang / brda dang / mtshan mas so/ / ji ltar yul phyogs kyis she na/ gang gi tshe na kho bo skyed mos tshal lam/ 'dun sa'am/ lha'i gnas che ge mo zhig tu mthong ba de'i tshe khyod kyis bya ba de byas par shes par gyis shig </font><hr>Ca124a<br><font size=+1>


@#/ /ces bya ba ste/ de ltar yul phyogs kyis so/ /ji ltar brdas she na/ gang gi tshe kho snga dro'am gung tshigs sam/ phye ma bred mthong ba de'i tshe khyod kyis bya ba de byas par shes par gyis shig ces bya ba ste/ de ltar brdas so/ /ji ltar mtshan mas she na/ gang gi tshe kho bo skra dang kha spu bregs nas ring por ma lon pa'am/ snam sbyar dmar ser ram/ zha nye'i dbyar 'dab kyis glan pa'i lhung bzed dam/ 'khar ba sbubs can nam/ zhun mar gyi lhung bzed dam/ 'bru mar gyi lhung bzed dam/ sbrang rtsi'i lhung bzed dam/ bu ram gyi dbu ba'i lhung bzed thogs par mthong ba de'i tshe khyod kyis bya ba de byas par shes par gyis shig ces bya ba ste/ de ltar mtshan mas so/ /dge slong gis mi rku bar byed na mi'i rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /bya ni rnam pa gnyis kyis rku ste/ spar ba dang / mngon sum du babs pas so/ /ji ltar spar bas she na/ 'di ltar dge slong gis bya spar te rku bar byed na bya'i rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur te/ de ltar spar bas so/ /ji ltar mngon sum du babs pas she na/ 'di ltar bya ba'am/ bya ba'i slob ma mkhas pa zhig gis bya drungs dbyung ba'i phyir dang / </font><hr>Ca124b<br><font size=+1>


chud gzan par bya ba'i phyir dang / tshul ma yin pas sdug bsngal bar bya ba'i phyir nags mes btang bar gyur cing / de na bya kha cig du bas khyab cing 'khrugs par gyur nas/ dge slong rnams kyi 'chag sa dag tu babs sam/ dang ra dag gam/ sgo khang dag tu babs par gyur pa na/ dge slong gis de ltar babs pa'i bya rku bar byed na/ bya'i rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur te/ de ltar mngon sum du babs pas so// //'dul ba rnam par 'byed pa/ bam po drug pa/ rkang bzhi pa zhes bya ba ni/ glang po che dang / rta dang / rnga mo dang / ba lang dang / bong bu dang / ra dang / ri dwags dang / ma he dang / phag dag go /de dag ni rnam pa gnyis kyis rku ste/ khyu nas dgar ba dang / brtod pas so/ /ji ltar khyu nas dgar bas she na/ dge slong gis glang po che khyu nas dgar bas rku bar byed na/ ji srid mig sngar snang ba de srid du nyes pa sbom por 'gyur la/ mig sngar mi snang bar gyur na brkus par brjod par bya ste/ rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur te/ de ltar khyu nas dgar bas so/ /ji ltar brtod pas she na/ dge slong gis glang po che brtod pa sna tshogs shing ljon pa'am/ rtsig pa'am/ gzhan dag la brtod par </font><hr>Ca125a<br><font size=+1>


@#/ /byed nas/ ji srid mig sngar snang ba de srid du nyes pa sbom por 'gyur te/ mig sngar mi snang bar gyur na brkus par brjod par bya ste/ rin thang brtsi bar bya zhing dngos bo tshang na pham par 'gyur la/ dngos po ma tshang na nyes pa sbom por 'gyur te/ de ltar brtod pas so/ /glang po che la ji lta ba bzhin du rta la sogs pa rkang bzhi pa lhag ma rnams la yang de bzhin no| |rkang mangs zhes bya ba ni grog ma dang / phye ma leb dang / til dang phub ma dang rul ba za ba dang / sdig pa dang / t+r+ya ma bu ka dang / tre'i la ta dag go /de dag ni gsum gyis sogs par byed de/ gnod byed dag dang / grong khyer srung ba'i sna chen po la gtogs pa dag dang / rgya mtsho'i tshong ba dag gis so/ /ji ltar gnod byed dag gis she na/ 'di ltar gnod byed dag gis srog chags rkang mangs dag gis bum pas so btang ba bkang ste 'jog par byed cing / de dag gis gang gi tshe chad pas gcad pa dag khrid de/ de dag gi rkang pa'am/ lag pa bum pa de dag gi nang du 'jug par byed cing / de dag de dag gis zin pa na myur du dpya dang gsug mang po 'jal bar byed de/ de ltar gnod byed dag gis so/ /ji ltar grong khyer srung ba'i sna chen po la gtogs pa dag gis she na/ 'di ltar grong khyer srung ba'i sna chen po la gtogs pa dag gis srog chags rkang mangs dag gis bum pa so ma btang ba bkang ste 'jog par byed cing / de dag gis gang gi tshe pha rol kyi dpung 'ong ba de'i tshe de dang lhan cig g.yul sprod par byed pa na/ gal te de dag </font><hr>Ca125b<br><font size=+1>


gis 'joms par nus na de lta na legs/ gal te mi nus na srog chags rkang mangs dag gis bkang ba'i bum pa so ma btang ba ra ba la gnas pa 'phen par byed cing de dag srog chags rkang mangs dag gis zin pa na 'byer bar 'gyur te/ de ltar grong khyer srung ba'i sna chen po la gtogs pa dag gis so/ /ji ltar rgya mtsho'i tshong pa dag gis she na/ 'di ltar rgya mtsho'i tshong pa dag gis srog chags rkang mangs dag gis bum ba so ma btang ba bkang ste rgya mtsho'i gru sbyar nas nor sgrub pa dag rgya mtsho chen por rgal ba na der de dag la chom rkun pa rtags mtshan sngon po'am nag po can dag 'ong zhing gru 'joms par byed pa na/ tshong pa dag gis de dag dang lhan cig g.yul sprod par byed pa na/ gal te de dag gis 'joms par byed nus na de lta na legs/ gal te mi nus na srog chags rkang mangs dag gis bkang ba'i bum pa so ma btang ba 'phen par byed cing / de dag srog chags rkang mangs dag gis zin pa na 'byer bar 'gyur te/ de ltar rgya mtsho'i tshong pa dag gis so/ /dge slong gis srog chags rkang mangs dag rku bar byed na srog chags rkang mangs dag gi rin thang brtsi bar bya zhing dngos po tshang na pham par 'gyur la/ dngos po ma tshang na nyes pa sbom por 'gyur ro/ /sdom la/ gdol pa dang ni bag rdzangs can/ /snam sbyar re zhig dus dang ni/ /mtshan bzang dang ni nor gyis byin/ /rang gir shes pas lhung bzed len/ /mi pham dang ni zla bas sbas/ /bdag nyid sun 'byin rku ba yin/ sangs </font><hr>Ca126a<br><font size=+1>


@#/ /rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na dge slong gdol pa dang / bag rdzangs can zhes bya ba gtam 'dre ba phebs par smra ba 'grogs bshes smos 'drin gnas skabs mnyam par spyod pa gnyis shig 'khod de/ de la gdol pa ni grags pa dang bsod nams che ba yin mod kyi lus chung ste de la lhung bzed dang chos gos dang 'dra ba dang phor bu dang ska rags lhag pa dag yod do/ /bag rdzangs can ni lus che ba yin mod kyi grags pa dang bsod nams chung ste/ chos gos gsum lhur len cing de'i chos gos gsum ngan cing snam sbyar yang yongs su rnyings pa yin no/ /dge slong rnams kyis bag rdzangs can la smras pa/ tshe dang ldan pa khyod te bor 'dod pa chung bar gyur na/ ci'i phyir bdag nyid gcer bur ston par byed/ ci rnyed pas sam/ ma rnyed pas/ bag rdzangs can gyis smras pa/ ma rnyed pas so/ /ci'i phyir sbyor du mi 'jud/ sangs rgyas dang / tshes dang / dge 'dun spangs te su zhig kho bo la sbyin par byed/ dge slong gdol pa de/ khyod kyi gtam 'dre ba phebs par smra ba 'grogs bshes smos 'drin yin/ de la lhung bzed dang chos gos dang dra ba dang phor bu dang ska rags lhag pa dag yod na ci'i phyir de la mi slong / bag rdzangs can gyis smras pa/ mi ster ro/ /ci khyod kyis sngon lan 'ga' bslangs sam/ lan 'ga' yang ma bslangs so/ /ci chu'i </font><hr>Ca126b<br><font size=+1>


sgra kho nas lham dag 'bud par byed dam/ song la slong shig dang ster ro/ /bag rdzangs can de dge slong de dag gis spro bar byas nas gdol pa'i gan du song ba dang / gdol pa med nas bag rdzangs can gyis gdol pa ni lus chung ba yin pas ji 'di'i chos gos gzhal bar bya ste/ gal te bdag gi lus kyi tshad du 'gyur na bslang bar bya'i/ gal te mi 'gyur na/ ci'i phyir de drin bgrang du gzhug par bya snyam du bsams nas/ bag rdzangs can gdol pa'i gnas khang du zhugs te/ snam sbyar lta bar brtsams pa dang / ji tsam na chos gos kyi gdang la snam sbyar dmar ser 'dug pa mthong nas bag rdzangs can gyis phog ste gyon zhing bsnyams nas/ ngos dang ngos la rtog par byed pa na/ gdol pa 'ongs te mthong ma thag tu smras pa/ tshe dang ldan pa khyod kyis snam sbyar 'di rku sems kyis blangs so/ /bag rdzangs can gyis smras pa/ tshe dang ldan pa kho bos rku sems kyis ma blangs te/ 'di ltar kho bo la gdol pa ni lus chung ba yin pas/ je 'di'i chos gos gzhal par bya ste/ gal te bdag gi lus kyi tshad du 'gyur na bslang bar bya'i/ gal te mi 'gyur na yo byad don med pa 'dis ci bya snyam pa'i blo skyes so/ /gdol pas smras pa/ tshe dang ldan pa ci'i phyir gzhan nas gzhan du 'phro bar byed/ khyod kyi rku sems kyis blangs pas khyod la pham par 'gyur ba'i ltung ba byung ngo / /bag rdzangs can bdag la pham par 'gyur ba'i ltung ba ma byung ngam snyam du 'gyod pa skyes nas/ des skabs de dge slong </font><hr>Ca127a<br><font size=+1>


@#/ /rnams la brjod do/ /dge slong rnams kyis bcom ldan 'das la gsol pa dang / sangs rgyas bcom ldan 'das kyis dge slong de la rmas pa/ dge slong khyod kyi bsam pa ji lta bus snam sbyar de bgos/ bag rdzangs can gyis ji ltar gyur pa bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong dpyod pa'i bsam pa can 'di la ni ltung ba med de/ yang dge slong gis yid gcugs pa ma yin pa la yid gcugs pa bskyed par mi bya'o/ /'di ltar mdza' bshes ni gsum ste/ tha ma dang 'bring dang chen po'o/ /'di la mdza' bshes tha ma la ni yid gcugs pa chung bya'i/ 'bring yang mi bya/ /chen po yang mi bya'o/ /mdza' bshes 'bring la ni yid gcugs pa chung ngu dang 'bring bya'i/ chen po mi bya'o/ /mdza' bshes chen po la ni yid gcugs pa chung ngu dang 'bring dang chen po yang bya'o/ /dge slong gis yid gcugs pa ma yin pa la yid gcugs pa skyed par byed na 'gal tshabs can du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na dge slong mtshan bzang dang / nor gyis byin zhes bya ba gtam 'dre ba phebs par smra ba 'grogs bshes smos 'drin mtshungs par 'don pa gnyis shig 'khod de/ mtshan bzang gi lhung bzed ni mdzes pa gsal ba zlum pa longs spyod bzod pa yin la/ </font><hr>Ca127b<br><font size=+1>


nor gyis byin gyi lhung bzed chung ngu yang mdzes pa gsal ba zlum pa longs spyad bzod pa yin no/ /de gnyis dus gzhan zhig na zas kyi bya ba byas te/ 'chags na lhung bzed 'khru ba'i tshe mtshan bzang gis nor gyis byin dbang ba'i lhung bzed chung ngu rang gi lhung bzed du bcug ste smras pa/ tshe dang ldan pa nor gyis byin gang la lhung bzed dang lhung bzed chung ngu 'di lta bu bdog pa de ni snying las chung ngu dge ba'i phyogs spyod par byed do/ /nor gyis byin gyis smras pa/ gal te thob na khyer shig /ji tsam du gzhan zhig na nor gyis sbyin la ri brags shig tu bya ba cung zhig byung nas/ des smras pa/ tshe dang ldan pa mtshan bzang kho bo la ri brags shig tu bya ba cung zhig byung na/ kho bo'i bya ba de byed pa de la kho bos lhung bzed chung ngu sbyin no/ /mtshan bzang gis smras pa/ sbyin nam/ sbyin no/ /thabs yin no/ /mtshan bzang gis thabs kyis yin no zhes byas nas bdag la gzhi 'dis tshangs pa mtshungs par spyod pa rnams mtshan bzang ni gla rngan gyis las byed do zhes zer bar 'gyur ro snyam nas 'gyod pa skyes te ma song ngo| |ji tsam du gzhan zhig na mtshan bzang la ri brags der bdag nyid kyi bya ba zhig byung nas/ des song la de gnyi ga byas te phyir 'ong ngo snyam du bsams nas/ mtshan bzang song ste gnyi ga byas nas phyir 'ongs te smras pa/ tshe dang ldan pa nor gyis byin kho bos khyod kyi dgos pa de bsgrubs kyis lhung bzed chung ngu byin cig /nor gyis byin gyis smras pa/ khyod bdag nyid kyi dgos pa la song ba yin </font><hr>Ca128a<br><font size=+1>


@#/ /gyi kho bo'i dogs pa la song ba ma yin pas/ kho bos mi sbyin no/ /mtshan bzang gis smras pa/ gal te mi sbyin na kho bo rang nyid kyis blang bar bya'o/ /gal te thob na'o// ji tsam na nor gyis byin phyir byung ba de na/ mtshan bzang gis lhung bzed chung ngu blangs te/ rang gi lhung bzed du bcug ste bzhag go /ji tsam na nor gyis byin 'ongs pa na lhung bzed chung ngu mi snang nas des smras pa/ tshe dang ldan pa kho bo'i lhung bzed chung ngu sus blangs/ mtshan bzang gis smras pa/ su dbang bas so/ /su dbang / kho bo dbang ngo / /nor gyis byin gyis spyos te smras pa/ khyod kyis rku sems kyis blangs pas khyod la pham par 'gyur ba'i ltung ba byung ngo / /mtshan bzang bdag la pham par 'gyur ba'i ltung ba ma byung ngam snyam du 'gyod pa skyes nas/ des skabs de dge dge slong rnams la brjod do/ /dge slong rnams kyis bcom ldan 'das la gsol pa dang / sangs rgyas bcom ldan 'das kyis mtshan bzang la rmas pa/ dge slong khyod kyis bsam pa ji lta bus lhung bzed chung ngu de blangs/ des ji ltar gyur pa bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong rang gir 'du shes pas lhung bzed chung ngu blangs pas 'di la ni ltung ba med de/ yang dge slong gi gla rngan gyi las mi bya bar 'di ltar lag pod dam/ bsod nams 'dod pas las bya'o/ /dge slong gis gla rngan gyis </font><hr>Ca128b<br><font size=+1>


las byed na 'gal tshabs can du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na dge slong mi pham dang zla bas sbas zhes bya ba gtam 'dre ba phebs par smra ba 'grogs bshes smos 'drin gnyis shig 'khod do/ /zla bas sbas ni grags pa dang bsod nams che ba yin te/ de la lhung bzed dang chos gos dang dra ba dang phor bu dang ska rags lhag pa dag yod do/ /mi pham ni grags pa dang bsod nams chung ste chos gos gsum lhur len cing de'i chos gos gsum ngan cing snam sbyar yang yongs su rnyings pa yin no/ /dge slong rnams kyi mi pham la smras pa/ tshe dang ldan pa khyod te por 'dod pa chung bar gyur na/ ci'i phyir bdag nyid gcer bur ston par byed/ ci rnyed pas sam/ ma rnyed pas/ mi pham gyis smras pa/ ma rnyed pas so/ /ci'i phyir sbyar du mi 'jud/ sangs rgyas dang chos dang dge 'dun spangs te su zhig kho bo la sbyin par byed/ dge slong zla bas sbas de khyod kyi gtam 'dre ba phebs par smra ba 'grogs bshes smos 'drin yin la/ de la lhung bzed dang chos gos dang dra ba dang phor bur dang ska rags lhag pa dag yod na/ ci'i phyir de la mi slong / mi pham gyis smras pa/ mi ster ro/ /ci khyod kyis sngon lan 'ga' bslangs sam/ lan 'ga' yang ma bslangs so/ /ci chu'i sgra kho nas lham dag 'bud par byed dam/ song la slongs shig dang ster ro/ / </font><hr>Ca129a<br><font size=+1>


@#/ /mi pham de dge slong de dag gis spro bar byas nas zla bas sbas kyi gan du song ste smras pa/ tshe dang ldan pa zla bas sbas bdag la lhung bzed byin cig /zla bas sbas kyis smras pa/ mi sbyin no/ /mi pham gyis smras pa/ gal te lhung bzed mi sbyin na chos gos byin cig /zla bas sbas kyis smras pa/ ci kho bo khyod kyis khyim bdag mgo reg tu mthong ngam/ khyod la kha tshar yang yongs su mi gtang na/ chos gos lta smos kyang ci dgos/ mi pham gyis spyos te/ kho bo 'di'i 'phral gyi bya ba thams cad la thog mar 'gro ba yin na/ 'di de skad ces kha tshar yang khyod la yongs su mi gtang na/ chos gos lta smos kyang ci dgos zhes zer ro snyam du bsams nas/ mi pham gyis smras pa/ deng gos thams cad ma phrogs na/ mi pham zhes bya ba'i ming mi bzung ngo zhes mi pham de nam zhig na 'di'i chos gos dag rku bar bya snyam du skabs tshol zhing de lhur len bzhin du sdod do/ /ji tsam dus gzhan zhig na zla bas sbas la btso blag gi las nye bar gnas par gyur pa dang / mi pham de zla bas sbas kyi drung du song ste smras pa/ tshe dang ldan pa zla bas sbas kho bos kyang grogs bya'o/ /zla bas sbas kyis smras pa/ ma nyes kyis de bzhin gyis shig/ mi pham de zla bas sbas kyi chos gos dag 'tsheng par byed/ byi dor byed/ 'dren par byed cing bzlog cing bzlog cing rtog par byed do/ /zla bas sbas kyis 'di 'di ltar lta bas bdag gi chos gos dag bzlog cing bzlog cing rtog par byed pa las na </font><hr>Ca129b<br><font size=+1>


gdon mi za bar bdag gi chos gos 'di dag rku bar byed do snyam du bsams nas/ zla bas sbas dogs pa dang bcas pas chos gos dag kha bsgyur nas gtur bur bcug ste de dag sngas su bcug nas nyal lo/ / dge slong dag nam gyi cha stod dang nam gyi cha smad la mi nyal bar sbyor ba'i rjes su brtson par spyod pas/ mi pham gyis smras pa/ tshe dang ldan pa zla ba sbas tshur shog dge ba'i phyogs byed du 'dong / zla bas sbas kyis smras pa/ khyod song zhig /kho bo ngal bas phyi bzhin 'ong ngo / /mi pham pa tshe dang ldan pa shog cig ces zer te phyir byung ngo / /zla bas sbas kyis/ gal te 'gro na ni chos gos dag brlag par 'gyur/ 'on te mi 'gro na ni bdag gi dge ba'i phyogs yongs su nyams par 'gyur na/ gang gi phyir bdag gi chos gos dag kyang brlag par mi 'gyur la/ dge ba'i phyogs kyang yongs su nyams par mi 'gyur ba'i thabs ci yod snyam du sems shing rig nas/ bdag nyid kyi gtur bu mi pham gyi sngas su bcug ste/ mi pham dbang ba'i gtur bu bdag nyid kyi sngas su bcug nas nyal lo/ / dge slong dag gis nam gyi cha smad la kha ton bya bar brtsams pa dang / zla bas sbas kyis mi pham la smras pa/ tshe dang ldan pa mi pham longs la dge ba'i phyogs spyod cig /mi pham gyis smras pa/ kho bos dge ba'i phyogs byas zin gyis/ da khyod song la dge ba'i phyogs spyod cig /kho bo ngal ba ngal sos so zhes zla bas sbas dge ba'i phyogs kyi ched du song ngo / /mi pham gyis re zhig dus ni snang na/ lam gyi </font><hr>Ca130a<br><font size=+1>


@#/ /dus yin nam ma yin snyam du bsams nas/ dus bzang po mthong ba dang des zla bas sbas kyi snga nas bdag nyid kyi gtur bu khyer te song ngo / /ji tsam na mtshan mo nam nangs par gyur pa dang / des re zhig gos ci 'dra ba dag gis bdag pham par gyur pa'i ltung ba byung ba blta'o snyam du bsams nas/ ji tsam na bdag nyid kyi rnyang rnying dag mthong nas yid mi bde bar gyur te/ bdag nyid kyi chos gos dag kho nas bdag pham par gyur gyis lcags kyi thu lum 'cha' bas ci bya/ phyir 'babs par bya'o snyam mo/ /des yang je bcom ldan 'das kyi spyan sngar 'gro bar bya ste/ gal te skal pa yod par 'gyur na ni bcom ldan 'das kyi drung du tshangs par spyod pa spyad par bya'o/ /'on te skal pa med na ni phyir 'babs so snyam du bsams nas/ de bcom ldan 'das gang na ba der song ngo / /de'i tshe na bcom ldan 'das dge slong brgya phrag du ma'i 'khor gyi mdun na chos ston pa'i phyir bzhugs shing chos ston to/ /bcom ldan 'das kyis tshe dang ldan pa mi pham thag ring po kho na nas gzigs so/ /gzigs nas kyang dge slong rnams la bka' stsal pa/ dge slong dag khyer gyis thag ring po kho na nas 'ong ba'i dge slong de mthong ngam/ btsun pa mthong ngo / /dge slong dag mi pham mi gti mug can 'di ni rang gi chos gos rnyang rnying dag gis nyes pa sbom po'i ltung ba byung ngo / /dge slong dag de ltar rku sems la ni nyes </font><hr>Ca130b<br><font size=+1>


dmigs 'di dang gzhan dag kyang yod pas/ de'i phyir dge slong gis rku sems kyis rang gi lhung bzed dang chos gos kyang blang bar mi bya'o/ /dge slong gis rku sems kyis rang gi lhung bzed dang chos gos len na nyes pa sbom por 'gyur ro/ /sdom la/ snam sbyar 'phyang bar gyur pa dang / /bgam phyir 'bru mar slong ba dang / /khyim bdag bu dang tsha bo dang / /lha 'bangs pi li da yi bu/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na dge slong ma shar nas skyes pa dang / lho nas skyes pa gnyis shig 'dug ste| shar nas skyes pa ni mdun du 'gro ba'i dge sbyong ma yin/ lho nas skyes pa ni phyi bzhin 'brang ba'i dge sbyong ma yin no/ /de gnyis bcom ldan 'das kyi zhabs la phyag 'tshal zhing spyan sngar song nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /bcom ldan 'das kyis de gnyis la chos bstan nas/ de gnyis bcom ldan 'das kyi zhabs la phyag 'tshal te dong ba dang / shar nas skyes pa mdun du 'gro ba de'i snam sbyar phrag pa la gyon pa 'phyang bar gyur nas lho nas skyes pa phyi bzhin 'ong bas smras pa/ 'phags ma a ba sa Tha a ba sa Tha/ shar nas skyes pa de chos kyi shugs thob pas mi sems pas snam sbyar lhung bar gyur nas/ lho nas skyes pas blangs te/ des 'di ltar bdag gis de phul na/ 'phags ma'i dge ba'i phyogs yongs </font><hr>Ca131a<br><font size=+1>


@#/ /su nyams par 'gyur bas dbyar khang du phyin nas dbul bar bya'o snyam du bsams nas de gnyis dbyar khang du son pa dang / shar nas skyes myur ba myur ba kho nar gtsug lag khang gi phyi rol du rkang pa gnyis bkrus nas/ gtsug lag khang du zhugs te skyil mo krung phyed kyis 'dug go /lho nas skyes pas gal te phul na nyes dmigs de kho na bstab par 'gyur bas/ re zhig phyis langs pa la dbul lo snyam du bsams nas/ des snam sbyar de rang gi gnas khang du khyer te chos gos kyi gdang la bzhag go /ji tsam nyi ma gzhan zhig na mtshan mo nam nangs pa dang / shar nas skyes pas smras pa/ gzhon nu ma snam sbyar khyer shog /bsod snyoms la 'gro'o/ /gzhon nu ma de gnas khang du zhugs te/ chos gos kyi gdang la bltas pa dang / snam sbyar ma mthong nas/ des smras pa/ 'phags ma snam sbyar ma mchis so/ /shar nas skyes pas smras pa/ lho nas skyes pa'i gnas khang du ltos shig /gzhon nu ma de lho nas skyes pa'i gnas khang du zhugs pa dang / chos gos kyi gdang la snam sbyar bzhag pa mthong ngo / /mthong nas kyang sus 'phags ma'i snam sbyar 'di 'dir khyer snyam du sems so/ /lho nas skyes pas thos nas des smras pa/ kho mos khyer te 'ongs so/ /ci'i phyir lho nas skyes pas ji ltar gyur pa de la go bar byas so/ /dge slong ma de de la nang dang bcas pas gshe zhing smras pa/ khyod kyis rku sems kyis </font><hr>Ca131b<br><font size=+1>


rang gi gnas khang du bcug ste bzhag pas/ khyod la pham par 'gyur ba'i ltung ba byung ngo / /lho nas skyes pa'i dge slong ma de bdag la yang dag pa kho nar pham par 'gyur ba'i ltung ba ma byung ngam snyam du 'gyod pa skyes nas/ des skabs de dge slong ma rnams la brjod pa dang / dge slong ma rnams kyis dge slong rnams la brjod nas dge slong rnams kyis bcom ldan 'das la gsol pa dang / sangs rgyas bcom ldan 'das kyis dge slong ma de la smras pa/ dge slong ma khyod kyis a ba sa Tha zhes brjod pa ci'i tha tshig /btsun pa yul dbus na nar ba dang / lhung ba gang lags pa de la bdag cag a ba sa Tha zhes mchi'o/ /bcom ldan 'das kyis bka' stsal pa/ dge slong dag dge slong ma 'di la ni skad kyi nges pa'i tshig dang / yul gyi nges pa'i tshig dang / ljongs kyi nges pa'i tshig gis ltung ba med mod kyi| 'on kyang nyes dmigs gang yin pa de thams cad gzhan gyi dngos po lhung ba yun ring du 'chang ba las gyur pa yin pas/ de lta bas na dge slong ngam/ dge slong mas gzhan gyi dngos po lhung ba yun ring du bcang bar mi bya ste/ 'chang na 'gal tshabs can du 'gyur ro/ /bcom ldan 'das kyis dge slong ngam/ dge slong mas gzhan gyi dngos po lhung ba yun ring du bcang bar mi bya'o zhes gsungs nas/ dge slong zhig gis gzhan gyi dngos po lhung ba mthong nas/ 'di dge slong che ge mo zhig gi yin no zhes ngo shes nas/ dge slong de'i gnas khang du song ste/ dal bus khad kyis </font><hr>Ca132a<br><font size=+1>


@#/ /khad kyis sgo gtan la brdungs pa dang / dge slong de ting nge 'dzin las langs nas smras pa/ 'di su/ des smras pa/ tshe dang ldan pa khyod kyi dngos po lhung ba 'di kho bos mthong gis longs zhig /des smras pa/ tshe dang ldan pa kho bo la dngos po de ma byin par len pa dag gis brkus par gyur pa ni bla'i/ kho bo khyod kyi ting nge 'dzin gyi mtshan ma bzang po 'di 'dra ba las bslang ba ni ma yin no/ /dge slong de bdag la dge slong ting nge 'dzin las bslang bas ltung ba dang bcas par ma gyur tam snyam du 'gyod pa skyes nas des skabs de dge slong rnams la brjod nas/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de la ni ltung ba med de/ yang dge slong gis dge slong don de'i phyir ting nge 'dzin las bslang bar mi bya bar 'di ltar de'i mngon sum du gzar thag la btags te gzhag par bya'o/ /dge slong zhig gis gzhan gyi dngos po lhung ba mthong nas/ des 'di dge slong che ge mo zhig gi yin no zhes ngo shes nas/ des de khyer te dge slong de'i drung du song nas tshe dang ldan pa khyod kyi dngos po lhung ba 'di kho bos mthong gis long zhig /dge slong de de la nang dang bcas pa yin pas smras pa/ tshe dang ldan pa khyod kyis 'di lhung ba mthong ba ma yin gyi 'di ltar khyod kyi rku sems kyis brkus so/ /dge slong de bdag ltung ba dang bcas par ma gyur tam snyam </font><hr>Ca132b<br><font size=+1>


du 'gyod pa skyes par gyur nas/ des skabs de dge slong rnams la brjod nas/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de la ni ltung ba med mod kyi/ 'on kyang dge slong gis dge slong gi yo byad lhung ba mthong na dge skos la gtad par bya zhing / dge skos kyis kyang nyi ma gnyis sam gsum du dge 'dun gyi nang du brim par bya zhing gal te ngo shes pa yod na de gtad par bya'o/ /gal te med na dge 'dun gyis ci bder bya'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na dge slong ma ri ma zhes bya ba dgra bcom pa rnam par rgyal bar bya ba las rnam par rgyal ba zhig 'dug pa de la/ spos 'tshong gi khye'u zhig mngon par dad par gyur nas/ des de'i rkang pa gnyis la phyag 'tshal te/ 'phags ma khyod la ci dang ci 'tshal ba de'i slad du bka' stsol cig dang / thams cad bsgrub par bgyi'o zhes yo byad thams cad kyis bstabs pa dang / des kyang bzhin bzang a rog gya de ltar bya'o zhes dang du blangs so/ /ji tsam dus gzhan zhig na dge slong ma ri ma na bar gyur nas bsod snyoms la ma song zhing dge slong ma dag bsod snyoms la zhugs pa dang / spos 'tshong gi khye'u des/ de dag la phyag 'tshal te smras pa/ 'phags ma dag 'phags ma ri ma re zhig mi gda' na gar bzhud zhu'o/ /de </font><hr>Ca133a<br><font size=+1>


@#/ /dag gis smras pa/ bzhin bzang thugs mi bde'o/ /des smras pa/ 'phags ma de la bdag gis yo byad thams cad kyis bstabs na/ des bdag la lan 'ga' yang cung zad kyang ma blangs nas/ de'i slad du gal te de la 'tshal ba 'ga' zhig mchis na spyon la snyoms shig /de dag gis smras pa/ bzhin bzang a rog gya de bzhin bya'o zhes smras te dong ngo / / des de bzhin lan gsum gyi bar du bstabs pa dang / de na gzhon nu ma zhig gis spos 'tshong gi khye'u 'di yang dang yang du stobs par byed na/ ci 'di'i yang dag par stobs pas stobs par byed dam/ 'on te rtog pas stobs par byed pa bgam par bya'o snyam du bsams nas des de la 'phags ma ri ma la 'bru mar dgos so zhes lhung bzed chung ngu phul ba dang / des de nyid la 'phral la btsir ba'i 'bru mar gyis lhung bzed chung ngu bkang ste byin nas smras pa/ 'phags ma gal te yang de la 'tshal ba cung zad mchis na spyon la snoms shig /gzhon nu ma des/ bzhin bzang a rog gya de ltar bya'o zhes smras te song nas/ des 'bru mar de dge slong ma ri ma'i lag pa'i bsku mnye dang / rkang pa'i bsku mnye dang / mgo dang lus kyi bsku mnye dang / mar me'i 'bru mar du spyad do/ /ji tsam dus gzhan zhig na dge slong ma ri ma nad sos te bsod snyoms la zhugs pa dang spos 'tshong gi khye'u des mthong nas/ des phyag 'tshal te smras pa/ 'phags ma ha cang yun ring </font><hr>Ca133b<br><font size=+1>


zhig mthong ngo / /des smras pa/ bu bdag bro 'tshal bar gyur to/ /'phags ma bdag gis yo byad thams cad kyis bstabs na/ khyod kyis lan 'ga' yang cung zad kyang bka' stsal nas/ 'di ltar 'phags ma gcig cig mchis te/ 'phags ma ri ma la 'bru mar 'tshal lo zhes mchi nas/ bdag gis de nyid kyi sug par 'bru mar 'phral la btsir bas lhung bzed chung ngu bkang ste stsal to/ /des smras pa/ a rog gya ma nongs so zhes smras te song nas/ bsod snyoms brgyus te dbyar khang du phyin nas/ smras pa/ gzhon nu ma khyed kyis kho mo'i ming gis spos 'tshong gi khye'u che ge mo zhig las lan cig 'bru mar blangs sam/ gzhon nu ma des smras pa/ 'phags ma bdag bsod snyoms la zhugs pa na/ des lan gsum gyi bar du 'phags ma ri ma la bdag gis yo byad thams cad kyis bstabs na/ des bdag la lan 'ga' yang cung zad kyang ma bslangs na/ gal te 'phags ma la 'tshal ba cung zad mchis na/ spyon la snoms shig ces mchis na/ bdag la 'di yang dang yang du stobs na/ ci 'di yang dag par stobs pas stobs par bgyid dam/ 'on te rtog pas stobs par bgyid pa bag ma mo snyam pa'i bsam pa byung nas bdag gis de la 'phags ma ri ma la 'bru mar 'tshal lo zhes lhung bzed chung ngu phul ba dang / des 'bru mar gyi lhung bzed chung ngu gtams te stsal nas/ bdag gis de 'phags ma'i phyag dang zhabs dang dbu dang sku'i bsku mnye </font><hr>Ca134a<br><font size=+1>


@#/ /dang zhugs mar gyi 'bru mar du spyad do/ /des smras pa/ ci kho mos khyod la lan 'ga' zhig de'i gan du song la 'bru mar khyer te shog cig ces smras sam/ lan 'ga' yang bka' ma stsal to/ /de la nang dang bcas pa'i dge slong ma gzhan zhig gis smras pa/ 'phags ma ci 'di 'ba' zhig tu bas snyam mam/ 'dis 'phags ma ri ma rgyur bgyis te mnyan yod thams cad khyab par bgyis pas/ pham par gyur pa dag gis lto gang ngo / /dge slong ma de bdag la pham par 'gyur ba'i ltung ba ma byung ngam snyam du 'gyod pa skyes nas/ des skabs de dge slong ma rnams la brjod do/ /dge slong ma rnams kyis dge slong rnams la brjod nas/ dge slong rnams kyis bcom ldan 'das la gsol pa dang / sangs rgyas bcom ldan 'das kyis dge slong ma de la rmas pa/ dge slong ma khyod kyis bsam pa ji lta bus 'bru mar blangs/ bcom ldan 'das bgam pa'i bsam pas so/ /bcom ldan 'das kyis bka' stsal pa| dge slong dag dge slong ma bgam pa'i bsam pa can 'di la ni ltung ba med de/ yang dge slong ngam/ dge slong mas nad pa la ma dris par sman sbyor du gzhug par mi bya bar 'di ltar dge 'dun gyi nad pa'i sman khang nas bslang bar bya ba'am/ 'on te dad pa can las sam/ nye du mang ba nyid yin na yang gang sbyor du gzhug ces nad pa la dri bar bya zhing des gang brjod pa de las </font><hr>Ca134b<br><font size=+1>


blang bar bya'o/ /dge slong ngam dge slong mas nad pa la ma dris par sman sbyor du bcug na 'gal tshabs can du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de nas tshe dang ldan pa mo'u 'gal gyi bu chen po snga dro sham thabs bgos/ lhung bzed dang chos gos thogs te mnyan yod du bsod snyoms la zhugs nas/ mthar gyis bsod snyoms la rgyu zhing khyim bdag mgon med zas sbyin gyi khyim ga la ba der song ngo / /de'i tshe na khyim bdag mgon med zas sbyin gyi bu dag phyi rol gyi bstan bcos dag klog go /tshe dang ldan pa mo'u 'gal gyi bu chen pos khyim bdag mgon med zas sbyin gyi bu dag phyi rol gyi bstan bcos dag klog pa mthong ngo / /mthong nas kyang khyim bdag mgon med zas sbyin la 'di skad ces smras so/ /khyim bdag khye'u dag ci klog /'phags pa slad rol gyi bstan bcos dag go /khyim bdag phyi rol gyi bstan bcos dag ni lcags kyi se'u dang 'dra ste/ rtogs par dka' zhing rtogs na yang de dag gis nges pa la 'jug par yang mi 'gyur/ zag pa zad par yang mi 'gyur ro/ /sangs rgyas kyi bkar ni thog ma dang bar dang tha mar dge ba/ mngon par shes pa dang / rdzogs par byang chub pa dang / mya ngan las 'da' bar 'gyur ba yin na/ ci'i phyir de mi klog /'phags pa sus de klog tu stsol/ kho bos klog tu gzhug </font><hr>Ca135a<br><font size=+1>


@#/ /go |'phags pa ma nongs kyis klog tu stsol cig /khyim bdag mgon med zas sbyin gyis/ khye'u de dag la smras pa/ khye'u dag 'phags pa'i drung du rgyal byed kyi tshal du deng la sangs rgyas kyi bka' klogs shig /khye'u de dag nyi ma re re zhing rgyan gyis klubs te khye'u mngag gzhug pa dag gis yongs su bskor nas rgyal byed kyi tshal du dong ste/ tshe dang ldan pa mo'u 'gal gyi bu chen po la sangs rgyas kyi bka' bklag par brtsams so/ /mnyan yod na ston zla tha chung gi g.yon can zhes bya ba chom rkun pa dag gi kun tu spyod pa ni de dag dgag dbye byas ma thag tu shes ldan dag bdag cag gis las ci zhig byas na/ des btsal mi dgos par lo bskor du longs spyod cing bde bar 'khod par 'gyur zhes phan tshun gros byed do/ /de dag la khyim bdag mgon med zas sbyin gyi bu dag nyi ma re re zhing / rgyan thams cad kyis klubs te khye'u mngag gzhug pa dag gis bskor nas rgyal byed kyi tshal du 'dong zhing 'phags pa mo'u 'gal gyi bu chen po las sangs rgyas kyi bka' klog par byed kyis lam gyi bar du bsdad de/ de dag bzung na 'phags pa mo'u 'gal gyi bu chen pos ni khye'u dag khyim na 'khod do snyam du shes la/ khyim bdag gis kyang 'phags pa mo'u 'gal gyi bu chen po'i drung na 'khod do snyam du shes pas gal te khye'u dag dbrog par nus na ni bdag cag gi 'tsho ba'i bar gyi 'tsho ba yod la/ ji ste ma nus na rgyan </font><hr>Ca135b<br><font size=+1>


dbrog par bya ste/ des kyang bdag cag brtsal mi dgos par lo skor du longs spyod cing bde bar 'khod par 'gyur ro snyam pa'i blo skyes so/ /de dag brda byas te lam gyi bar du dong nas 'khod pa dang / khye'u de dag kyang rgyan thams cad kyis klubs te 'ongs nas/ chom rkun pa de dag gis khye'u de dag khyer ro/ /khye'u de dag gi phyi bzhin khye'u mngag gzhug pa dag 'dong ba de dag gis khye'u de dag chom rkun pa dag gis brkus pa mthong nas/ de dag gis khyim bdag mgon med zas sbyin gyi drung du brgyugs te sbran pa/ khyim bdag khyod kyi sras bu dag /ston zla tha chung gi g.yon can dag gis brkus kyi| thabs dgongs shig /khyim bdag mgon med zas byin brgyugs te ko sa lar byung ba'i rgyal po gsal rgyal gyi gan du song nas smras pa/ lha bdag gi bu dag ston zla tha chung gi g.yon can dag gis phrogs kyis/ bu'i slong mo stsal du gsol/ rgyal po gsal rgyal gyis rgyal bu gzhon nu 'phags skyes po la bsgo ba/ song la khyim bdag gi bu rnams dang chom rkun pa dag myur du khug cig /'phags skyes po yun ring po nas khyim bdag mgon med zas sbyin dang nang dang bcas par gyur pas de'i mod la ma song ngo / /de nas lha gang dag tshe dang ldan pa mo'u 'gal gyi bu chen po la mngon par dad pa de dag gis tshe dang ldan pa mo'u 'gal gyi bu chen po la 'di skad ces smras so/ /'phags pa mkhyen par mdzod cig /khyod kyi nye gnas dag ston zla tha chung gi </font><hr>Ca136a<br><font size=+1>


@#/ /g.yon can dag gis phrogs kyis/ brtson par mdzad du gsol/ tshe dang ldan pa mo'u 'gal gyi bu chen pos gal te khye'u dag la ma bsams na/ re zhig khye'u dag pha ma dang bral ba las byung ba'i sdug bsngal nyams su myong bar 'gyur zhing pha ma dag kyang bu dang bral ba las byung ba'i sdug bsngal nyams su myong bar 'gyur la/ ma dad pa dag gis kyang glags rnyed par 'gyur zhing dad pa rnams kyang 'di ltar dong ngo cog ston zla tha chung gi g.yon can dag gi 'phrog par byed na/ phyin chad su zhig rgyal byed kyi tshal du 'gro bar 'gyur zhes gzhan du gyur pa nyid du 'gyur gyis bdag gis rdzu 'phrul rnam par bstan par bya'o snyam du bsams shing rig nas tshe dang ldan pa mo'u 'gal gyi bu chen pos rdzu 'phrul gyis/ 'phags skyes po'i dpung mngon par sprul te/ phyogs bzhir rnga pa Ta ha brdungs pa dang / ston zla tha chung gi g.yon can dag gis shes ldan dag bdag cag dmag dpon 'phags skyes pos phyogs bzhi nas bskor gyis zin par gyur na mi rung gis bor la 'dong ngo snyam du bsams nas/ de dag gis khye'u de dag bor te byer ro/ /tshe dang ldan pa mo'u 'gal gyi bu chen pos kyang rdzu 'phrul mngon par 'du bya ba de phyir brtul nas lam dang nye bar shing ljon pa'i drung du 'dug go /khye'u de dag kyang 'ongs pa dang / 'phags pa mo'u 'gal gyi bu chen pos smras pa/ khye'u dag khyed cag gar </font><hr>Ca136b<br><font size=+1>


dong dong / 'phags pa bdag cag ston zla tha chung gi g.yon can dag gis brkus so/ /'o na sus thar bar byas/ dmag dpon 'phags skyes pos so/ /khye'u dag de ring khyed cag gi pha ma dag yid mi bde bar 'khod kyis deng la sang lhogs shig /khye'u de dag khyim du 'phags pa dang / dmag dpon 'phags skyes po yang dpung gi tshogs yan lag bzhi pa glang po che ba'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs go bskon te mnyan yod nas byung ngo / /'phags skyes pos khye'u de dag mthong nas smras pa/ khye'u dag khyed cag gar dong dong / de dag gis smras pa/ rgyal byed kyi tshal du 'dong ba na/ bdag cag ston zla tha chung gi g.yon can dag gis brkus so/ /'o na khyed cag sus thar bar byas/ dmag dpon 'phags skyes pos so/ /'phags skyes pos bdag da ltar 'gro bas bdag gis ji ltar 'di dag thar bar byas/ 'phags pa rdzu 'phrul che ba mthu che ba 'ga' zhig gis 'di dag thar bar byas gor ma chag snyam du bsams shing rig nas smras pa/ khye'u ngag khyed cag gis phyogs de na su mthong / 'phags pa mo'u 'gal gyi bu chen po'o/ /'phags skyes po des 'di dag thar bar byas kyi| gzhan su zhig gis nus snyam du bsams shing rig nas yid dga' zhing yid dga' nas/ bdag cag gi yul na 'phags pa de ltar rdzu 'phrul che ba mthu che ba 'tshe 'di'i don dang / tshe phyi </font><hr>Ca137a<br><font size=+1>


@#/ /ma'i don dang / tshe 'di dang tshe phyi ma'i don la skyabs mdzad pa bzhugs pa ni bdag cag gis rnyed pa legs par rnyed do zhes ched du brjod pa ched du rjod par byed do| |de bsngags pa brjod cing mnyan yod du 'jug pa na drug sde dag kyang phyir 'byung zhing / drug sde dag gis smras pa/ khyod su'i bsngags pa brjod/ 'phags skyes pos smras pa / khyed kyi'o/ /nged kyis ci byas/ 'phags pa mo'u 'gal gyi bu chen pos khyim bdag mgon med zas sbyin gyi bu dag ston zla tha chung gi g.yon can dag gis phrogs pa thar par byas so// bkren pa dag kho bo cag de 'dra yang 'on kyang 'di na la la byi bo gcer bu dag la mngon par dad de/ gal te gcer bu dag gis mthong bar gyur du zin na/ de dag gis lam yang nye bar bstan par 'gyur ro/ /de dag cang mi smra bar 'khod pa dang / drug sde dag gis smras pa/ dga' bo nye dga' de dag la go bar byas so/ /don nyung ngu la ltung ba byung gis dong la 'chags su bzhug go /drug sde dag gtsug lag khang du dong ste zas kyi bya ba byas nas/ rgan rims kyis phyag 'tshal te/ tshe dang ldan pa mo'u 'gal gyi bu chen po ga la ba der dong nas phyin pa dang / tshe dang ldan pa mo'u 'gal gyi bu chen po la 'di skad ces smras so/ /gnas brtan phyag 'tshal lo/ /tshe dang ldan pa dag a rog gya/ gnas brtan je skabs phye shig /ltung ba sde lnga po </font><hr>Ca137b<br><font size=+1>


dag la skabs phye'o/ /gnas brtan gyis khyim bdag mgon med zas sbyin gyi bu dag ston zla tha chung gi g.yon can dag gis phrogs pa thar bar bgyis sam/ de bzhin te thar par byas so/ / gnas brtan bdag cag gis gnas brtan go bsam gtan dang rnam par thar pa dang / ting nge 'dzin dang snyoms par 'jug pa'i bde ba dag nyams su myong bar mdzad cing bzhugs par 'tshal gyis bdag cag gis thugs rje phyogs gcig pa dang ldan zhing nye gnas la thugs rje bar mdzad la ston zla tha chung gi g.yon can dag la thugs rje bar mi mdzad par ma 'tshal to/ /gzhan dag gis bdag gir bgyis pa'i nor dag thar par bgyis pa'i ltung ba byung ba chos bzhin du slar mdzod cig /ltung ba ma mthong ngo / /tshe dang ldan pa dag bcom ldan 'das kyis ltung ba ma mthong ba'i phyir gnas nas dbyung ba'i las bya'o zhes gsungs kyis khang skyong su snang / gaN+DI rdungs shig /'di gnas nas dbyung ba'i las bya'o zhes khang skyong gi gan du dong nas/ smras pa/ tshe dang ldan pa gaN+DI rdungs shig/ ci'i phyir/ tshe dang ldan pa mo'u 'gal gyi bu chen po ltung ba byung ba chos bzhin du phyir mi byed pas de gnas nas dbyung ba'i las bya'o/ /de'i tshe na tshe dang ldan pa shA ri'i bu dge 'dun gyi gnas brtan byed cing bstan pa la chos kyi sgyu thabs kyis mi mthun pa 'ga' mi 'byung ngam zhes kun tu spyod pa'i chos rmed par byed pas/ des khang skyong la smras pa/ tshe dang ldan pa su zhig yongs su gnas </font><hr>Ca138a<br><font size=+1>


@#/ /pa'am/ gzhi nas yongs su gnas pa'am/ mgu bar bya ba'am/ gzhi nas mgu bar bya ba'am/ 'byin par byed/ gnas brtan su yang mi bgyid de/ 'di ltar tshe dang ldan pa mo'u 'gal gyi bu chen po ltung ba byung ba chos bzhin slar mi bgyid pas/ de ltung ba ma mthong ba'i slad du gnas nas dbyung ba'i las bgyid do/ /tshe dang ldan pa dge slong gnas brtan la mtho ma 'tsham par 'di ltar sangs rgyas bcom ldan 'das 'di thams cad mkhyen pa/ thams cad gzigs pa/ mkhyen pa dang shes bya dag la bla na med pa'i mnga' brnyes pa/ the tshom thams cad gcod par mdzad pa yin gyis de'i gan du song la zhus shig dang / bcom ldan 'das kyis khyed cag la ji skad lung ston par mdzad pa de de bzhin du zungs shig /skabs de dge slong rnams kyis bcom ldan 'das la gsol pa dang / sangs rgyas bcom ldan 'das rnams ni mkhyen bzhin du rmed pa yin pas/ sangs rgyas bcom ldan 'das kyis tshe dang ldan pa mo'u 'gal gyi bu chen po la rmas pa/ mo'u 'gal gyi bu khyod kyi bsam pa ji lta bus rdzu 'phrul rnam par bstan/ btsun pa bdag 'di snyam bgyid de/ gal te khye'u dag la ma bsams na re zhig khye'u dag pha ma dang bral ba las byung ba'i sdug bsngal nyams su myong bar 'gyur zhing / pha ma dag kyang bu dang bral ba las byung ba'i sdug bsngal nyams su myong bar 'gyur la/ ma </font><hr>Ca138b<br><font size=+1>


dad pa dag gis kyang glags rnyed par 'gyur zhing dad pa rnams kyang 'di ltar dong ngo cog ston zla tha chung gi g.yon can dag gis 'phrog par byed na/ phyin chad su zhig rgyal byed kyi tshal du 'gro bar 'gyur zhes gzhan du gyur pa nyid du 'gyur gyis/ bdag gis rdzu 'phrul rnam par bstan par bgyi'o snyam du bsams so/ /bcom ldan 'das kyis bka' stsal pa/ dge slong dag mo'u 'gal gyi bus bsam pa de lta bus rdzu 'phrul rnam par bstan pa la ltung ba med do/ /sangs rgyas bcom ldan 'das rgyal po'i khab 'od ma'i tshal ka lan da ka'i gnas na bzhugs so/ /de nas tshe dang ldan pa pi lin da'i bu snga dro sham thabs bgos/ lhung bzed dang chos gos thogs te rgyal po'i khab tu bsod snyoms la zhugs nas/ mthar gyis bsod snyoms la rgyu zhing mag pa'i khyim ga la ba der song ngo / /de'i tshe na tshe dang ldan pa pi lin da'i bu'i tsha bo dag phyi rol gyi bstan bcos dag klog go /tshe dang ldan pa pi lin da'i bus tsha bo dag phyi rol gyi bstan bcos dag klog pa mthong ngo / / mthong nas kyang mag pa la 'di skad ces smras so/ /tsha bo khye'u dag ci klog /'phags pa slad rol gyi bstan bcos dag go /tsha bo phyi rol gyi bstan bcos dag ni lcags kyi se'u dang 'dra ste rtogs par dka' zhing rtogs na yang de dag gis nges pa la 'jug par yang mi 'gyur/ zag pa zad par yang mi 'gyur ro/ /sangs rgyas kyi bka' ni thog ma dang bar dang tha mar dge ba/ mngon par </font><hr>Ca139a<br><font size=+1>


@#/ /shes pa dang / rdzogs par byang chub pa dang / mya ngan las 'da' bar 'gyur ba yin na ci'i phyir de mi klog /'phags pa sus de klog tu stsol/ kho bos klog tu gzhug go |'phags pa ma nongs kyis klog tu stsol cig /mag pa des khye'u de dag la smras pa/ khye'u dag 'phags pa'i drung du 'od ma'i tshal du deng la sangs rgyas kyi bka' lhogs shig / khye'u de dag nyi ma re re zhing rgyan gyis klubs te khye'u mngag gzhug pa dag gis yongs su bskor nas/ 'od ma'i tshal du dong ste/ tshe dang ldan pa pi lin da'i bu las sangs rgyas kyi bka' bklag par brtsams so/ /rgyal po'i khab na ston zla tha chung gi g.yon can zhes bya ba chom rkun pa dag gi kun tu spyod pa ni de dag dgag dbye byas ma thag tu shes ldan dag bdag cag gis las ci zhig byas na/ des brtsal mi dgos par lo skor du longs spyod cing bde bar 'khod par 'gyur zhes phan tshun gros byed do/ /de dag la 'phags pa pi lin da'i bu'i tsha bo dag nyi ma re re zhing / rgyan thams cad kyis klubs te khye'u mngag gzhug pa dag gis bskor nas/ 'od ma'i tshal du 'dong zhing 'phags pa pi lin da'i bu las sangs rgyas kyi bka' klog par byed kyis lam gyi bar du bsdad de/ de dag bzung na 'phags pa pi lin da'i bus ni khye'u dag khyim na 'khod do snyam du shes la/ bram zes kyang 'phags pa pi lin da'i bu'i drung na 'khod </font><hr>Ca139b<br><font size=+1>


do snyam du shes pas gal te khye'u dag dbrog par nus na ni bdag cag gi 'tsho ba'i bar gyi 'tsho ba yod la/ ci ste ma nus na ni rgyan dbrog par bya ste/ des kyang bdag cag brtsal mi dgos par lo skor du longs spyod cing bde bar 'khod par 'gyur ro snyam pa'i blo skyes so/ /de dag brda byas te lam gyi bar du dong nas 'khod pa dang / khye'u de dag kyang rgyan thams cad kyis klubs te 'ongs nas/ chom rkun pa de dag gis khye'u de dag grur bcug ste khyer ro/ /khye'u de dag gi phyi bzhin khye'u mngag gzhug pa dag 'dong ba de dag gis khye'u de dag chom rkun pa dag gis brkus pa mthong nas/ de dag gis tshe dang ldan pa pi lin da'i bu'i mag pa'i drung du brgyugs te sbran pa/ jo bo khyod kyi sras bu dag ston zla tha chung gi g.yon can dag gis brkus kyis thabs dgongs shig /bram ze yang brgyugs te ma ga d+har byung ba'i rgyal po bzo sbyangs gzugs can snying po'i gan du song nas smras pa/ lha bdag gi bu dag ston zla tha chung gi g.yon can dag gis phrogs kyis bu'i slong mo stsal du gsol| rgyal po gzugs can snying pos rgyal po gzhon nu ma skyes dgra la bsgo ba/ song la bram ze'i bu rnams dang chom rkun pa dag myur du khug cig /ma skyes dgra yun ring po nas bram ze de dang nang dang bcas par gyur pas/ de'i mod la ma song ngo / /de na lha gang dag tshe dang ldan pa pi lin da'i bu la mngon par dad pa de dag gis tshe dang ldan pa pi lin da'i bu la 'di skad ces smras so/ / </font><hr>Ca140a<br><font size=+1>


@#/ /'phags pa mkhyen par mdzod cig /khyod kyi tsha bo dag ston zla tha chung gi g.yon can dag gis phrogs kyi brtson par mdzad du gsol/ tshe dang ldan pa pi lin da'i bus gal te khye'u dag la ma bsams na re zhig khye'u dag pha ma dang bral ba las byung ba'i sdug bsngal nyams su myong bar 'gyur zhing / pha ma dag kyang bu dang bral ba las byung ba'i sdug bsngal nyams su myong bar 'gyur la ma dad pa dag gis kyang glags rnyed par gyur zhing / dad pa rnams kyang 'di ltar dong ngo cog ston zla tha chung gi g.yon can dag gis 'phrog par byed na/ phyin chad su zhig 'od ma'i tshal du 'gro bar 'gyur zhes gzhan du gyur pa nyid du 'gyur gyis bdag gis rdzu 'phrul rnam par bstan par bya'o snyam du bsams shing rig nas tshe dang ldan pa pi lin da'i bus rdzu 'phrul gyis song ste/ gru'i drung du 'dug pa dang / gru de mi 'gul bar 'dug go /chom rkun pa dag gis ci'i phyir gru 'di mi 'gul par 'dug snyam du bsams pa dang / tshe dang ldan pa pi lin da'i bu gru dang nye ba na 'dug pa mthong ngo / /mthong nas kyang tshe dang ldan pa pi lin da'i bu la 'di skad ces smras so/ /'phags pa ci'i slad du mtho 'tsham par mdzad/ rga ba'i chos can dag kho bo 'ga' zhig mtho 'tsham par byed dam/ gal te kho bos yon tan gyi tshogs 'di lta bu rtogs par ma gyur du zin na/ deng khyed kyis kho bo'i tsha bo dag brkus par mi 'gyur </font><hr>Ca140b<br><font size=+1>


ram| 'phags pa gtang du gsol/ deng zhig /tshe dang ldan pa pi lin da'i bus rdzu 'phrul mngon par 'du bya ba de dag phyir brtul nas khye'u de dag la 'di skad ces smras so/ / khye'u dag de ring khyed cag gi pha ma dag yid mi bde bar 'khod kyis deng la sang lhogs shig /khye'u de dag khyim du 'phags pa dang / gzhon nu ma skyes dgra yang dpung gi tshogs yan lag bzhi pa glang po che ba'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs go bskon te rgyal po'i khab nas byung ngo / /ma skyes dgras khye'u de dag mthong nas smras pa khye'u dag khyed cag gar dong dong / de dag gis smras pa/ 'od ma'i tshal du 'dong ba na bdag cag ston zla tha chung gi g.yon can dag gis brkus so/ /'o na khyed cag sus thar bar byas/ 'phags pa pi lin da'i bus so/ /ma skyes dgra yid dga' zhing yid dga' nas bdag cag gi yul na 'phags pa de ltar rdzu 'phrul che ba de ltar mthu che ba/ tshe 'di'i don dang tshe phyi ma'i don dang / tshe 'di dang phyi ma'i don la skyabs mdzad pa bzhugs pa ni bdag cag gis rnyed pa legs par rnyed do zhes ched du brjod pa ched du rjod par byed do/ /de bsngags pa brjod cing rgyal po'i khab tu 'jug pa na drug sde dag kyang phyir 'byung zhing drug sde dag gis smras pa/ khyod su'i bsngags pa brjod/ ma skyes dgras smras pa/ khyed kyi'o/ /nged kyis ci byas/ 'phags pa pi lin da'i bus/ bram </font><hr>Ca141a<br><font size=+1>


@#/ /ze'i bu dag ston zla tha chung gi g.yon can dag gis phrogs pa thar bar byas so/ /bkren pa dag kho bo cag de 'dra yang 'on kyang 'di na la la byi bo gcer bu dag la mngon par dad de/ gal te gcer bu dag gis mthong bar gyur tu zin na/ de dag gis lam yang nye bar bstan par 'gyur ro/ /de dag cang mi smra bar 'khod pa dang / drug sde dag gis smras pa/ dga' bo nye dga' de dag la go bar byas so/ /don nyung ngu la ltung ba byung gis dong la 'chags su gzhug go /drug sde dag gtsug lag khang du dong ste zas kyi bya ba byas nas| rgan rims kyis phyag 'tshal te/ tshe dang ldan pa pi lin da'i bu ga la ba der dong nas phyin pa dang / tshe dang ldan pa pi lin da'i bu la 'di skad ces smras so/ /gnas brtan phyag 'tshal lo/ /tshe dang ldan pa a rog gya/ gnas brtan je skabs phye zhig /ltung ba sde lnga po dag la skabs phye'o/ /gnas brtan gyis bram ze'i bu dag ston zla tha chung gi g.yon can dag gis phrogs pa thar bar bgyis sam/ de bzhin du thar bar byas so/ /gnas brtan bdag cag gis gnas brtan go bsam gtan dang / rnam par thar pa dang / ting nge 'dzin dang / snyoms par 'jug pa'i bde ba dag nyams su myong bar mdzad cing bzhugs par 'tshal gyi/ bdag cag gis thugs rje phyogs gcig pa dang ldan zhing bram ze'i bu dag la thugs rje bar </font><hr>Ca141b<br><font size=+1>


mdzad la/ ston zla tha chung gi g.yon can dag la thugs rje bar mi mdzad par ma 'tshal to/ /gzhan dag gis bdag gir bgyis pa'i nor dag thar bar bgyis pa'i ltung ba byung ba chos bzhin du mdzod cig/ ltung ba ma mthong ngo / /tshe dang ldan pa dag bcom ldan 'das kyis ltung ba ma mthong ba'i phyir gnas nas dbyung ba'i las bya'o zhes gsungs kyi khang skyong su snang / gaN+DI rdungs shig |'di gnas nas dbyung ba'i las bya'o zhes khang skyong gi gan du dong nas smras pa/ tshe dang ldan pa gaN+DI brdungs shig /ci'i phyir/ tshe dang ldan pa pi lin da'i bu ltung ba byung ba chos bzhin du phyir mi byed pas/ de gnas nas dbyung ba'i las bya'o/ /de'i tshe na tshe dang ldan pa shA ri'i bu dge 'dun gyi gnas brtan byed cing bstan pa la chos sgyu thabs kyis mi mthun pa 'ga' mi 'byung ngam zhes kun tu spyod pa'i chos rmed par byed pas des khang skyong la smras pa/ tshe dang ldan pa su zhig yongs su gnas pa'am/ gzhi nas yongs su gnas pa'am/ mgu bar bya ba'am/ gzhi nas mgu bar bya ba'am/ 'byin par byed/ gnas brtan su yang mi bgyid de/ 'di ltar tshe dang ldan pa pi lin da'i bu ltung ba byung ba chos bzhin du slar mi bgyid pas de ltung ba ma mthong ba'i slad du gnas nas dbyung ba'i las bgyid do/ /tshe dang ldan pa dge slong gnas brtan la mtho ma 'tsham par 'di ltar sangs rgyas bcom ldan 'das 'di thams cad mkhyen pa/ thams </font><hr>Ca142a<br><font size=+1>


@#/ /cad gzigs pa/ mkhyen pa dang shes bya dag la bla na med pa'i mnga' brnyes pa/ the tshom thams cad gcod par mdzad pa yin gyis de'i gan du song la zhus shig dang / bcom ldan 'das kyis khyed cag la ji skad lung ston par mdzad pa de de bzhin du zung zhig /skabs de dge slong rnams kyis bcom ldan 'das la gsol pa dang / sangs rgyas bcom ldan 'das rnams ni mkhyen bzhin du rmed pa yin pas/ sangs rgyas bcom ldan 'das kyis tshe dang ldan pa pi lin da'i bu la rmas pa/ pi lin da'i bu khyod kyis bsam pa ji lta bus rdzu 'phrul rnam par bstan/ btsun pa bdag 'di snyam bgyid de/ gal te khye'u dag la ma bsams na re zhig khye'u dag pha ma dang bral ba las byung ba'i sdug bsngal nyams su myong bar 'gyur zhing| pha ma dag kyang bu dang bral ba las byung ba'i sdug bsngal nyams su myong bar 'gyur la/ ma dad pa dag gis kyang glags rnyed par 'gyur zhing / dad pa rnams kyang 'di ltar dong ngo cog ston zla tha chung gi g.yon can dag gis 'phrog par byed na/ phyin chad su zhig 'od ma'i tshal du 'gro bar 'gyur zhes gzhan du gyur pa nyid du 'gyur gyis bdag gis rdzu 'phrul rnam par bstan par bgyi'o snyam du bsams so/ /bcom ldan 'das kyis bka' stsal pa/ dge slong dag pi lin da'i bus bsam pa de lta bus rdzu 'phrul rnam par bstan pa la ltung ba med do// // </font><hr>Ca142b<br><font size=+1>


'dul ba rnam par 'byed pa/ bam po bdun pa/ sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /rgyal po gzugs can snying po'i kun tu spyod pa ni nyi ma re re zhing bcom ldan 'das dang / dge slong gnas brtan gnas brtan rnams kyi zhabs la phyag 'tshal du 'gro'o/ /ji tsam na dus gzhan zhig na rgyal po gzugs can snying po bcom ldan 'das kyi zhabs la phyag 'tshal te/ chos mnyan pa'i phyir bcom ldan 'das kyi spyan sngar 'dug go /bcom ldan 'das ma ga d+har byung ba'i rgyal po bzo sbyangs gzugs can snying po mtha' gcig tu 'dug pa la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzengs bstod par mdzad/ yang dag par rab tu dga' bar mdzad de/ rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas cang mi gsung ngo| |de nas ma ga d+har byung ba'i rgyal po bzo sbyangs gzugs can snying po bcom ldan 'das kyi zhabs la phyag 'tshal nas/ stan las langs te song nas/ tshe dang ldan pa pi lin da'i bu'i gtsug lag khang ga la ba der song ngo / /de'i tshe na tshe dang ldan pa pi lin da'i bu gtsug lag khang de ral ba dang / 'drums pa rang nyid kyis phyir 'chos par byed do/ /tshe dang ldan pa pi lin da'i bus ma </font><hr>Ca143a<br><font size=+1>


@#/ /ga d+har byung ba'i rgyal po bzo sbyangs gzugs can snying po thag ring po kho na nas mthong ngo / /mthong nas kyang lag pa dang rkang pa dag bkrus te stan bshams pa nyid la 'dug go |de nas ma ga d+har byung ba'i rgyal po bzo sbyangs gzugs can snying pos tshe dang ldan pa pi lin da'i bu'i rkang pa gnyis la mgo bos phyag 'tshal te mtha' gcig tu 'dug go /mtha' gcig tu 'dug nas ma ga d+har byung ba'i rgyal po bzo sbyangs gzugs can snying pos tshe dang ldan pa pi lin da'i bu la 'di skad ces smras so/ /'phags pa ci lags/ rang nyid kyis ral ba dang / 'drums pa slar 'chos par mdzad dam/ rgyal po chen po rab tu byung ba ni rang nyid kyis byed pa yin te/ bdag cag ni rab tu byung ba yin pas gzhan su zhig byed par 'gyur/ 'phags pa gal te de lta na bdag gis 'phags pa la zham ring ba dbul lo/ /rgyal po chen po a rog gya/ de bzhin lan bzhi'i bar du smras nas lan lnga pa la yang de kho na skad du/ bdag gis 'phags pa la zham ring ba dbul lo zhes zer ba dang / tshe dang ldan pa pi lin da'i bu'i lhan cig gnas pa bden pa dang mthun pa dang ngo zlog phod par smra ba zhig gis smras pa/ rgyal po chen po gang tshun chad nas rgyal po chen pos mkhan po la zham ring dag gis bstabs pa nas/ mkhan pos gal te gtsug lag khang 'di yal bar bor du lags na da tsam ngos rdib par yang gyur to/ /rgyal pos smras pa/ 'phags </font><hr>Ca143b<br><font size=+1>


pa ci lags/ bdag cag gis yang dang yang du khas blangs sam/ rgyal po chen po lan cig tu ma bas kyi 'di ltar 'di ni lan lnga pa lags so/ /rgyal po de brjed ngas pas rgyal po de'i kun tu spyod pa ni gang yang rung ba la cung zad khas blangs pa ci yang rung ste/ de thams cad phyi na 'dug pa'i mis yi ger 'dri bar byed pas rgyal po des mi de la smras pa/ kwa'e nang rje kho bos yang dang yang du khas blangs pa bden nam/ lha mad de/ 'di ni lan lnga pa lags so/ /de lta na kho bo chad pa'i las la thug gis/ kho bos 'phags pa la zham ring pa lnga brgya dbul lo/ /des blon po rnams la bsgo ba/ 'phags pa la zham ring pa lnga brgya phul cig /tshe dang ldan pa pi lin da'i bus smras pa/ rgyal po chen po kho bo rang gi g.yog nyid spangs te/ rab tu byung ba la g.yog dag gis ci bya/ 'phags pa dge 'dun gyi don du bzhes shig /rgyal po chen po gal te de lta na bcom ldan 'das la zhu'o/ /'phags pa de ma nongs kyis zhus shig /skabs de tshe dang ldan pa pi lin da'i bus/ bcom ldan 'das la zhus par gsol pa dang / bcom ldan 'das kyis bka' stsal pa/ dge 'dun gyi don du g.yog dag blang bar bya'o/ /tshe dang ldan pa pi lin da'i bus g.yog de dag blangs pa dang / g.yog de dag yang dang yang du rgyal po'i pho brang du las byed du bcug nas/ de dag gis tshe dang ldan pa pi lin da'i bu la 'di skad ces smras so/ /'phags pa bdag cag 'phags pa dag gi zham ring par phul </font><hr>Ca144a<br><font size=+1>


@#/ /ba ni bdag cag glo ba dga' na ci'i slad du bdag cag yang dang yang du rgyal po'i pho brang du sug las bgyid/ bzhin bzang dag 'khrug longs ma byed cig dang / kho bos rgyal po la gsol ba bya'o/ /ji tsam dus gzhan zhig na/ ma ga d+har byung ba'i rgyal po bzo sbyangs gzugs can snying po yang tshe dang ldan pa bi lin da'i bu'i drung du 'ongs te/ rkang pa la phyag 'tshal nas/ tshe dang ldan pa pi lin da'i bu'i mdun du 'dug pa dang / tshe dang ldan pa pi lin da'i bus smras pa/ rgyal po chen po khyod dge 'dun gyi don du g.yog dag phul bas 'gyod par ma gyur tam/ 'phags pa bdag la 'gyod pa 'ga' yang ma mchis so/ /'o na ci'i phyir g.yog de dag yang rgyal po'i pho brang du las byed du bcug /rgyal pos stan de nyid la 'dug bzhin du blon po rnams la bsgo ba/ shes ldan dag 'phags pa rnams kyi zham ring ba dag phyin chad rgyal po'i pho brang du las byed du ma gzhug cig /blon po rnams kyis gang yang rung ba dag la rgyal po'i pho brang du las gyis shig ces bsgo ba na/ de dag na re/ bdag cag 'phags pa dag gi yin no zhes zer nas/ blon po rnams kyis rgyal po la smras pa/ lha gang la yang mchid stsal bar rngo ma thog ste| gang yang rung ba dag la rgyal po'i pho brang du sug las tshol cig ces bgyis na/ de dag bdag cag 'phags pa rnams kyi lags so zhes mchi'o/ /rgyal pos smras pa/ song la thams </font><hr>Ca144b<br><font size=+1>


cad las byed du chug cig /de dag thams cad yang rgyal po'i pho brang du las byed du bcug nas/ de dag gis yang tshe dang ldan pa pi lin da'i bu la smras pa/ 'phags pa bdag cag yang de kho na bzhin du rgyal po'i pho brang du sug las bgyid du stsal na/ 'phags pas ma gsol tam/ bzhin bzang dag gsol te/ yang gsol ba bya'o/ /tshe dang ldan pa pi lin da'i bus/ ma ga d+har byung ba'i rgyal po bzo sbyangs gzugs can snying po yang de kho na bzhin 'ongs pa la smras pa/ rgyal po chen po ci lags/ khyod kyang 'gyod pa skyes par gyur tam/ 'phags pa ci nongs/ g.yog dag yang de kho na bzhin du las byed du bcug go /'phags pa gang la yang mchid stsal par rngo ma thog ste/ gang yang rung ba la mchid stsal ba na/ de dag bdag cag 'phags pa dag gi lags so zhes mchi'o/ /e ma 'phags pa dag gi lha 'bangs kyi sdum pa logs shig tu brtsig tu stsal na 'di dag ni rgyal po'i 'o/ /'di dag ni 'phags pa dag gi'o zhes 'tshal bar 'gyur ro| |tshe dang ldan pa pi lin da'i bus smras pa/ bcom ldan 'das la zhu'o/ /de nas tshe dang ldan pa pi lin da'i bus don de bcom ldan 'das la rgyas par gsol pa dang / bcom ldan 'das kyis bka' stsal pa/ de lta bas na lha 'bangs kyi sdum pa brtsig tu 'jud par rjes su gnang ngo / /dge slong dag gis gnas gang du lha 'bangs kyi sdum pa brtsig tu 'jug pa mi shes </font><hr>Ca145a<br><font size=+1>


@#/ /nas/ bcom ldan 'das kyis bka' stsal pa/ rgyal po'i pho brang gi phyi rol dang / 'od ma'i tshal gyi phyi rol gyi bar gang du skad kyis bos pa thos nas/ dge 'dun gyi don sgrub par 'gyur ba der lha 'bangs kyi sdum pa brtsig tu gzhug go /dge slong rnams kyis zhang blon dag la bsgo ba/ bcom ldan 'das kyis phyogs 'dir lha 'bangs kyi sdum pa brtsig tu chug cig ces bka' stsal gyis/ de khyed cag gis shes par gyis shig /zhang blon dag gis rgyal po'i khab tu dril gyi sgra sgrog tu bcug ste/ gang dag 'phags pa rnams kyi zham ring pa yin pa de dag rgyal po'i khab kyi phyi rol dang / 'od ma'i tshal gyi phyi rol gyi bar du 'dug par chad kyis deng la der sdum pa rtsigs shig ces bsgo nas/ de dag der dong ste sdum pa brtsigs so/ / lha 'bangs kyi sdum pa brtsigs nas de dag gtsug lag khang du dong ste las byed cing / dge slong rnams kyis de dag la las 'di ni rung ba yin gyis khyed kyis bya'o/ /'di ni rung ba ma yin gyis khyed kyis mi bya'o zhes las bstan nas/ de dag las rung ba byed pas/ lha 'bangs lha 'bangs zhes bya ba'i ming du gyur to/ /dge 'dun gyi kun dga' ra ba skyong bar byed pas/ rtse rgod rtse rgod ces bya ba'i ming du gyur to/ /de dag thams cad gtsug lag khang du 'jug pas klag cor gyi sgras dge slong dag gis sems rtse gcig pa nyid mi 'grub nas/ bcom ldan 'das kyis bka' stsal </font><hr>Ca145b<br><font size=+1>


pa| ji snyed dag gis las 'grub pa de snyed 'jug par bya'i thams cad mi bya'o/ /dge slong dag gis de dag thams cad la zas dang gos sbyin par byed nas/ bcom ldan 'das kyis bka' stsal pa| gang dag las byed pa de dag la zas dang gos sbyin par bya'i/ /thams cad la mi bya'o/ /dge slong rnams kyis de dag na ba yal bar bor nas/ bcom ldan 'das kyis bka' stsal pa/ gang dag na ba de dag la zas dang gos sbyin par bya zhing bsnyen bkur yang bya'o/ /ji tsam dus gzhan zhig na/ nye dga' dge skos byed pas des lha 'bangs de dag la smras pa/ bzhin bzang dag kho bo dge skos byed kyis khyed cag nang par sngar shog cig /rgyal po'i khab na ston zla tha chung gi g.yon can zhes bya ba chom rkun pa dag gi kun tu spyod pa ni de dag dgag dbye byas ma thag tu shes ldan dag bdag cag gis las ci zhig byas na des brtsal mi dgos par lo bskor du longs spyod cing bde bar gnas par 'gyur zhes phan tshun gros byed do/ /de na dge slong gi rgyus shes pa zhig 'dug pa des smras pa/ shes ldan dag 'phags pa dag gi g.yog gang dag grong khyer gyi phyi rol na 'khod pa de dag gzhom par bya'o/ /gzhan dag gis smras pa/ re zhig de dag gi jo bo gang dag yin pa de dag kyang sgo 'phar brgya snyed bzla ba byas kyang lto khengs pa 'grub par dka' bas de dag la yang cung zad kyang med na de dag gi g.yog de dag lta lta smos kyang ci dgos/ dge </font><hr>Ca146a<br><font size=+1>


@#/ /slong gi rgyus shes pa des smras pa/ shes ldan dag khyed mi shes te/ de dag ni zan gzhan las za zhing rang gi las rjes su bsgrub pa de lhur len te/ thabs du ma dag gis nor sgrub par byed pas de dag la gang yod pa de ni grong khyer 'di na yang med kyi cung zhig gzhom par bya'o/ /de dag gis brda byas te/ dong nas de dag gzhom par brtsams so/ /de nas lha gang dag tshe dang ldan pa pi lin da'i bu la mngon par dad pa de dag gis tshe dang ldan pa pi lin da'i bu la 'di skad ces smras so/ /'phags pa mkhyen par mdzod cig /khyed kyi zham ring ba dag ston zla tha chung gi g.yon can dag gis 'joms par 'gyur gyis brtson par mdzad du gsol/ tshe dang ldan pa pi lin da'i bus gal te g.yog dag la ma bsams na/ g.yog dag kyang re zhig nor dang bral ba las byung ba'i sdug bsngal nyams su myong bar 'gyur la/ ma dad pa rnams kyis kyang glags rnyed par 'gyur zhing / dad pa rnams kyang 'di ltar sbyin par bya ba'i chos byin pa dag yongs su skyong bar mi byed na/ phyin chad su zhig shAkya'i sras kyi dge sbyong rnams la sbyin pa dang bya bar sems zhes gzhan du gyur pa nyid du 'gyur gyis rdzu 'phrul rnam par bstan par bya'o snyam du bsams shing rig nas tshe dang ldan pa pi lin da'i bus/ lha 'bangs kyi sdum pa de lcags kyi ra bas bskor to/ /chom rkun pa dag gis rkun rdzas thogs te 'phags pa dang / lcags </font><hr>Ca146b<br><font size=+1>


kyi ra ba mthong nas/ de dag gis phan tshun kun tu 'gro bar brtsams na lam ma rnyed do/ /de dag gis rkun rdzas bor te 'phags pa dang lcags kyi ra ba de yang mi snang bar gyur to/ /de dag gis yang rkun rdzas blangs pa dang / lcags kyi ra ba de yang yang phyir byung ste lan bdun gyi bar du de ltar gyur pa dang / de dag gis smras pa/ shes ldan dag 'phags pa rdzu 'phrul che ba mthu che ba 'ga' zhig gis 'di dag la dgongs pa 'dra'i rkun rdzas bor la 'bros par bya'o/ /de dag gis rkun rdzas phyogs gcig tu bor te bros so/ /lha 'bangs de dag sad pa dang / shes ldan dag bdag cag bcom mo| |bdag cag bcom mo zhes ku co 'don zhing de dag nor dang bral ba las byung ba'i yid mi bde ba dang ldan zhing thams cad 'dus nas/ lha 'bangs kyi sdum pa kun tu byul bar brtsams pa dang| phyogs gcig na rdzas thams cad spungs te bzhag pa mthong ngo / /de nas dga' ba dang yid bde ba skyes te/ rang rang gi rdzas de blangs nas khyim khyim du dong ngo / /de dag gis so so'i khyim srung ba bzhag ste/ gnyid log pa na lha des de dag gi rmi lam du sbran pa/ shes ldan dag khyed cag ston zla tha chung gi g.yon can dag gis ma bcom pa 'di thams cad ni 'phags pa pi lin da'i bu'i mthu yin no/ /de nas mtshan mo nam langs pa dang / thams cad 'dus te smras pa/ shes ldan dag lhas rmi lam du khyed cag ston zla tha chung gi g.yon can dag gis ma bcom </font><hr>Ca147a<br><font size=+1>


@#/ /pa 'di dag thams cad ni/ 'phags pa pi lin da'i bu'i mthu yin no zhes bstan te/ de ni de kho na bzhin yin gyi gzhan du na 'phags pa pi lin da'i bu ma gtogs pa gzhan su zhig bdag cag la snying rje bar 'gyur/ de'i tshe de dag byi dor byas la phyis gtsug lag khang du 'dong zhes de dag khrus byas shing gos dkar po dang dri dang phreng ba brgyus brgyan te| byi dor byas te/ gtsug lag khang du dong ngo / /nye dga' yang nang par sngar langs nas lde mig dang lde mig kyog po thogs nas/ gtsug lag khang gi sgo phye ste mar me'i kong bu bsal nas/ gtsug lag khang du chag chag dang byug pa byas te gnas mal bshams nas/ mchod rten gyi 'khor sar bdug spos brims nas/ khang steng du 'dzegs te gaN+DI rdung zhing phyogs bzhir rnam par blta'o/ /des de dag gos dkar po dang dri dang phreng ba brgyus brgyan pa mthong nas/ de 'di dag nor can dag gam/ tshong dpon dag gam/ ded dpon gtsug lag khang ltar 'ong ba su zhig yin snyam du sems so/ /gang gi tshe mchod rten gyi 'khor sar zhugs pa de'i tshe/ des de dag ngo shes nas/ nye dgas gshe zhing smras pa/ ngas khyed cag la sang nang bar sngar shog cig ces ma bsgo 'am/ khyed gar dong dong / de dag gis smras pa/ 'phags pa gal te bdag cag la 'phags pa pi lin da'i bus ma dgongs su lags na/ </font><hr>Ca147b<br><font size=+1>


bdag cag deng kho nar ston zla tha chung gi g.yon can dag gis tshul ma lags pas sdug bsngal bsgrubs par 'gyur ro/ /nye dgas gshe zhing smras pa/ khyed cag re zhig gang gi mthus snyem pa de la yang je khrims bca' bar bya'o zhes rig nas drug sde dag sbran te/ tshe dang ldan pa pi lin da'i bu ga la ba der song nas phyin pa dang / tshe dang ldan pa pi lin da'i bu la 'di skad ces smras so/ /gnas brtan la phyag 'tshal lo/ /tshe dang ldan pa dag a rog gya/ gnas brtan je skabs phye shig /ltung ba sde lnga po dag la skabs phye'o/ /gnas brtan gyis zham ring ba dag gi nor ston zla tha chung gi g.yon can dag gis brkus pa thar par bgyis sam/ de bzhin ta thar bar byas so/ /gnas brtan bdag cag gis gnas brtan go bsam gtan dang rnam par thar pa dang / ting nge 'dzin dang / snyoms par 'jug pa dag gi bde ba nyams su myong bar mdzad cing bzhugs par 'tshal gyis/ bdag cag gis thugs rje phyogs gcig pa dang ldan zhing zham ring ba dag la thugs rje bar mdzad la/ ston zla tha chung gi g.yon can dag la mi mdzad par ma 'tshal te/ gzhan dag gis bdag gir bgyis pa'i nor dag thar par bgyis pa'i ltung ba byung ba chos bzhin du slar mdzod cig /ltung ba ma mthong ngo / / tshe dang ldan pa dag bcom ldan 'das kyis ltung ba ma mthong ba'i phyir gnas nas dbyung ba'i las bya'o zhes gsungs kyis khang skyong su snang / gaN+DI rdungs shig /'di gnas nas dbyung ba'i las </font><hr>Ca148a<br><font size=+1>


@#/ /bya'o zhes de dag khang skyong gi gan du dong nas smras pa/ tshe dang ldan pa gaN+DI rdungs shig /ci'i phyir/ don nyung du la ltung ba byung ba chos bzhin du phyir mi 'chos pas de gnas nas dbyung ba'i las bya'o/ /de'i tshe na tshe dang ldan pa shA ri'i bu dge 'dun gyi gnas brtan byed cing / bstan pa la chos kyi sgyu thabs kyis mi mthun pa 'ga' 'byung bar mi 'gyur ram zhes kun tu spyod pa'i chos rmed par byed pas des khang skyong la rmas pa/ tshe dang ldan pa su zhig yongs su gnas pa'am/ gzhi nas yongs su gnas pa'am/ mgu bar bya ba'am/ gzhi nas mgu bar bya ba'am/ 'byin par byed/ su yang mi bgyid de/ 'di ltar tshe dang ldan pa pi lin da'i bu ltung ba byung ba chos bzhin du slar mi bgyid pa de ltung ba ma mthong ba'i slad du gnas nas dbyung ba'i las bgyid do/ /tshe dang ldan pa dge slong gnas brtan la mtho ma 'tsham par 'di ltar sangs rgyas bcom ldan 'das 'di thams cad mkhyen pa/ thams cad gzigs pa/ mkhyen pa dang shes bya dag la bla na med pa'i mnga' brnyes pa/ the tshom thams cad gcod par mdzad pa yin gyis de'i gan du deng la don 'di zhus shig dang / bcom ldan 'das kyis khyod la ji skad lung bstan pa de/ de kho na bzhin du zung zhig /skabs de dge slong dag gis bcom ldan 'das la gsol to/ /sangs rgyas bcom ldan 'das rnams ni mkhyen bzhin du rmed par mdzad pa </font><hr>Ca148b<br><font size=+1>


yin pas sangs rgyas bcom ldan 'das rnams kyis/ tshe dang ldan pa pi lin da'i bu la rmas pa/ pi lin da'i bu khyod kyis bsam pa ji lta bus rdzu 'phrul rnam par bstan/ btsun pa bdag 'di snyam bgyid de/ gal te sug rjed dag la ma bsams na/ sug rjed dag kyang re zhig nor dang bral ba las byung ba'i sdug bsngal nyams su myong bar 'gyur zhing ma dad pa rnams kyis kyang glags rnyed par 'gyur la/ dad pa rnams kyang 'di ltar sbyin par bya ba'i chos byin pa yongs su skyong bar mi byed pas/ phyin chad su zhig shAkya'i sras kyi dge slong rnams la sbyin pa dang bya bar sems zhes gzhan du gyur pa nyid du 'gyur gyis bdag gis rdzu 'phrul rnam par bstan par bgyi'o snyam pas so/ /bcom ldan 'das kyis bka' stsal pa/ dge slong dag dge slong pi lin da'i bus bsam pa de lta bus rdzu 'phrul rnam par bstan pa la ltung ba med do/ /dge slong rnams the tshom skyes nas/ the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa nor can gyis dge slong gi dge 'dun skyon ma mchis shing chu bur ma mchis pa la de'i dang por 'di lta ste/ ma byin par len pa'i rkyen gyis chu bur byung ba la gzigs/ bcom ldan 'das kyis bka' stsal pa/ dge slong dag da ltar du ma zad kyi 'di ltar 'das pa'i dus na yang 'dis 'jig rten skyon med cing chu bur med pa la de'i dang por 'di lta ste/ ma byin par len pa'i rkyen gyis chu </font><hr>Ca149a<br><font size=+1>


@#/ /bur phyung ste/ de nyon cig /dge slong dag 'jig rten 'di 'jig pa'i dus gang yin pa de yang yod de/ 'jig rten 'jig pa na sems can dag phal cher 'od gsal gyi lha'i ris su skye'o/ /de dag de na gzugs can yid las byung ba ma tshang ba med pa/ dbang po ma nyams pa/ yan lag dang nyid lag thams cad dang ldan pa/ bzang ba kha dog dang ldan pa/ rang las 'od 'byung ba/ nam mkha' la 'gro ba/ dga' ba za ba/ dga' ba'i zas dang ldan pa tshe ring zhing yun ring du gnas so/ /de'i tshe nas chen po 'di chu 'ba' zhig dang rgya mtsho 'ba' zhig tu gyur te/ sa chen po chu 'ba' zhig dang rgya mtsho 'ba' zhig tu gyur pa'i steng du rlung gis spris ma kun tu 'chags par byed/ kun tu 'thas par byed/ kun tu khyab par byed de/ 'di lta ste dper na/ 'o ma bskol ba grang bar gyur pa'i steng du rlung gis spris ma kun tu 'chags par byed/ kun tu 'thas par byed/ kun tu khyab par byed pa de bzhin du sa chen po chu 'ba' zhig dang rgya mtsho 'ba' zhig tu gyur pa'i steng du yang rlung gis spris ma kun tu 'chags par byed/ kun tu 'thas par byed/ kun tu khyab par byed do/ /de ni sa'i bcud kha dog phun sum tshogs pa| dri phun sum tshogs pa/ ro phun sum tshogs pa yin te/ kha dog gis ni 'di lta bu ste/ 'di lta ste/ dper na/ mar lta bu'o/ /ros ni 'di lta bu ste/ 'di lta ste dper na/ sbrang bu'i </font><hr>Ca149b<br><font size=+1>


sbrang rtsi ma bskol ba lta bu'o/ /dge slong dag 'jig rten 'di chags pa'i dus gang yin pa de yang yod de/ 'jig rten 'chags pa na 'od gsal gyi lnga'i ris de nas sems can kha cig tshe zad/ las zad/ bsod nams zad pas/ shi 'phos te 'di lta bu nyid du mi rnams dang skal ba mthun pa nyid du 'ong zhing / 'dir yang gzugs can yid las byung ba ma tshang ba med pa dbang po ma nyams pa| yan lag dang nyid lag thams cad dang ldan pa/ bzang ba kha dog dang ldan pa/ rang las 'od 'byung ba/ nam mkha' la 'gro ba/ dga' ba za ba/ dga' ba'i zas dang ldan pa/ tshe ring zhing yun ring du gnas so/ /de'i tshe na 'jig rten du nyi ma dang zla ba dag kyang ma byung ngo / /'jig rten du rgyu skar dag kyang ma byung / mtshan mo dang nyin mo dag kyang ma byung / skad cig dang thang cig dang yud tsam dag kyang ma byung / zla ba dang zla ba phyed dang dus tshigs dang lo dag kyang ma byung ngo / /bud med kyang med/ skyes pa yang med de/ sems can sems can zhes bya ba 'ba' zhig gi grangs su 'gro'o/ /de nas sems can brkam pa'i rang bzhin can zhig sor mo'i rtse mos sa'i bcud myang bar byed do/ /ji lta ji ltar myang bar byed pa de lta de ltar 'dod par byed do/ /ji lta ji ltar 'dod par byed pa de lta de ltar kham gyi zas kyi rtsom pas zos par gyur to/ /sems can gzhan dag gis kyang sems can de sor mo'i rtse mos sa'i bcud myang bar byed pa na/ ji lta ji ltar </font><hr>Ca150a<br><font size=+1>


@#/ /myang bar byed pa de lta de ltar 'dod par byed pa dang / ji lta ji ltar 'dod par byed pa de lta de ltar kham gyi zas kyi rtsom pas zos par gyur pa mthong ngo / /mthong nas sems can de dag kyang 'di snyam du kye ma de ni legs so/ /kye ma de ni bzang ngo / /bdag cag gis kyang sor mo'i rtse mos sa'i bcud myang bar bya'o snyam du sems shing de dag kyang sor mo'i rtse mos sa'i bcud myang bar byed do/ /ji lta ji ltar myang bar byed pa de lta de ltar 'dod par byed do/ /ji lta ji ltar 'dod par byed pa de lta de ltar kham gyi zas kyi rtsom pas zos par gyur to/ / gang gi phyir sems can de dag gis sa'i bcud kham gyi zas kyi rtsom pas zos par gyur pa de'i phyir/ de dag gis lus la sra ba nyid dang / lci ba nyid byung zhing / de dag gi kha dog gsal ba bzang po gang yin pa de yang med par gyur/ 'jig rten du mun pa yang byung bar gyur to/ /dge slong dag chos nyid kyis ni 'jig rten du mun pa byung ba na/ 'jig rten du nyi ma dang zla ba dag kyang 'byung bar 'gyur ro/ /'jig rten du rgyu skar dag dang / mtshan mo dag dang / nyin mo dag dang / skad cig dang thang cig dang yud tsam dag dang / zla ba dang zla ba phyed dang dus tshigs dang / lo dag kyang 'byung bar 'gyur ro/ /de dag de za zhing zas de dag dang ldan pa tshe ring zhing yun ring du gnas so/ /de dag las gang zas ches chung ngu za ba de ni kha dog dang ldan par </font><hr>Ca150b<br><font size=+1>


'gyur la/ gang zas ches cher za ba de ni kha dog ngan par 'gyur ro/ /de ltar zas rnam gnyis nyid la brten nas/ kha dog rnam gnyis nyid du mngon la/ kha dog rnam gnyis nyid du gyur pa na/ sems can gyis sems can la/ kwa'e sems can nga ni kha dog dang ldan pa yin la/ khyod ni kha dog ngan pa yin no zhes khyad du gsod par byed do/ /de dag kha dog gis mngon pa'i nga rgyal can du gyur pa na/ sdig pa can mi dge ba'i chos de dag nyid yang dag par blangs pa'i rgyus/ sa'i bcud med par gyur to/ /dge slong dag sems can de dag sa'i bcud med par gyur pa na/ 'dus shing lhags nas mya ngan byed/ sgyid lug par byed/ smre sngags 'don par byed cing / 'di skad ces kye ma'o bcud/ kye ma'o bcud ces kyang zer to/ /'di lta ste dper na/ deng sang mi dag zas zhim pa bzang po cung zhig rnyed nas/ yi ge dang sbyar ba dang / tshig rnying pa de dag nyid kyis rjes su tha snyad 'dogs shing 'di skad ces kye ma'o bcud/ kye ma'o bcud ces kyang zer ba de bzhin du/ sems can de dag kyang sa'i bcud med par gyur pa na 'dus shing lhags nas mya ngan byed/ sgyid lug par byed de/ smre sngags 'don par byed cing 'di skad ces/ kye ma'o bcud/ kye ma'o bcud ces zer yang smras pa 'di'i don 'di'o/ /smras pa 'di'i don 'di'o zhes smras pa de'i don mi shes so/ /dge slong dag sems can de dag gi sa'i bcud med par gyur pa na/ sa zhag kha dog phun sum </font><hr>Ca151a<br><font size=+1>


@#/ /tshogs pa/ dri phun sum tshogs pa/ ro phun sum tshogs pa byung bar gyur te/ kha dog gis ni 'di lta bu ste/ 'di lta ste dper na/ dong ka'i me tog lta bu'o/ /ros ni 'di lta bu ste/ 'di lta ste dper na/ sbrang bu'i sbrang rtsi ma bskol ba lta bu'o/ /de dag de za zhing zas de dang ldan la/ tshe ring zhing yun ring du gnas so/ /de dag las gang zas ches chung ngu za ba de ni kha dog dang ldan par 'gyur la/ gang zas ches cher za ba de ni kha dog ngan par 'gyur ro/ /de ltar zas rnam gnyis nyid la brten nas/ kha dog rnams gnyis nyid du mngon la/ kha dog rnams gnyis nyid du gyur pa na sems can gyis sems can la/ kwa'i sems can nga ni kha dog dang ldan pa yin la khyod ni kha dog ngan pa yin no zhes khyad du gsod par byed do/ /de dag kha dog gis mngon pa'i nga rgyal can du gyur pa na / sdig pa can mi dge ba'i chos de dag nyid yang dag par blangs pa'i rgyus sa zhag med par gyur to/ /dge slong dag sems can de dag sa zhag med par gyur pa na 'dus shing lhags nas mya ngan byed/ sgyid lug par byed/ smre sngags 'don par byed cing 'di skad ces kye ma'o kye ma'o zhes kyang zer te/ 'di lta ste dper na/ deng sang mi dag sdug bsngal dang yid mi bde ba 'ga' zhig gis reg pa na/ yi ge dang sbyar ba dang / /tshig rnying pa de dag nyid kyis rjes su tha snyad 'dogs shing / 'di skad ces kye ma'o kye ma'o zhes kyang zer ba de bzhin du/ sems can de dag </font><hr>Ca151b<br><font size=+1>


kyang sa zhag med par gyur pa na/ 'dus shing lhags nas mya ngan byed/ sgyid lug par byed/ smre sngags 'don par byed cing / 'di skad ces kye ma'o kye ma'o zhes zer yang smras pa 'di'i don ni 'di'o// smras pa 'di'i don ni 'di'o zhes smras pa de'i don ni mi shes so/ /dge slong dag sems can de dag gis zhag med par gyur pa na/ myu gu'i tshal kha dog phun sum tshogs pa/ dri phun sum tshogs pa/ ro phun sum tshogs par byung bar gyur te/ kha dog gis ni 'di lta bu ste/ 'di lta ste dper na/ ka dam bu ka'i me tog lta bu'o/ /ros ni 'di lta bu ste/ 'di lta ste dper na/ sbrang bu'i sbrang rtsi ma bskol ba lta bu'o/ /de dag de za zhing zas de dang ldan la/ tshe ring zhing yun ring du gnas so/ /de dag las gang zas ches chung ngu za ba de ni kha dog dang ldan par 'gyur la/ gang zas ches cher za ba de ni kha dog ngan par 'gyur ro/ /de ltar zas rnam gnyis nyid la brten nas kha dog rnam gnyis nyid du mngon la/ kha dog rnam gnyis nyid du gyur pa na sems can gyis sems can la/ kwa'e sems can nga ni kha dog dang ldan pa yin la/ khyod ni kha dog ngan pa yin no zhes khyad du gsod par byed do/ /de dag kha dog gis mngon pa'i nga rgyal can du gyur pa na/ sdig pa can mi dge ba'i chos de dag nyid yang dag par blangs pa'i rgyus myu gu'i tshal med par gyur to/ /dge slong dag sems can de dag myu gu'i tshal med par gyur pa na 'dus shing lhags nas mya ngan byed/ sgyid lug par byed/ smre sngags </font><hr>Ca152a<br><font size=+1>


@#/ /'don par byed cing / 'di skad ces phar song phar song zhes kyang zer te/ 'di lta ste dper na/ deng sang mi dag smad pa rnon po 'ga' zhig gis smad pa na yi ge dang sbyar ba dang tshig rnying pa de dag nyid kyis rjes su tha snyad 'dogs shing 'di skad ces phar song phar song zhes kyang zer ba de bzhin du sems can de dag kyang myu gu'i tshal med par gyur pa na/ 'dus shing lhags nas mya ngan byed/ sgyid lug par byed/ smre sngags 'don par byed cing / 'di skad ces phar song phar song zhes zer yang smras pa 'di'i don ni 'di'o/ /smras pa 'di'i don ni 'di'o zhes smras pa de'i don ni mi shes so/ /dge slong dag sems can de dag gi myu gu'i tshal med par gyur pa na ma rmos ma btab pa'i 'bras sA lu'i 'bru so ba med pa/ sbun pa med pa dag pa gtsang ba sor bzhi pa/ kun nas ma dkris pa/ nub brngas na nang rgyas zhing phyir skye la/ nang brngas na nub rgyas zhing phyir skye ba/ brngas so cog phyir skye ba/ brngas par yang mi mngon pa 'byung bar 'gyur te/ de dag de za zhing zas de dang ldan la tshe ring zhing yun ring du gnas so/ /gang gi phyir sems can de dag gis ma rmos ma btab pa'i 'bras sA lu'i 'bru kham gyi zas kyi rtsom pas zos par gyur pa de'i phyir de dag la dbang po tha dad pa byung bar gyur te/ kha cig ni pho'i dbang po dang ldan/ kha cig ni mo'i dbang po dang ldan no/ /de na gang dag pho'i dbang po dang ldan pa dang / gang dag mo'i dbang po dang ldan pa de dag </font><hr>Ca152b<br><font size=+1>


gcig la gcig mig gis mig la brten te lta bar byed do/ /ji lta ji ltar gcig la gcig mig gis mig la brten te lta bar byed pa de lta de ltar kun tu chags so/ /ji lta ji ltar kun tu chags pa de lta de ltar dral to/ /ji lta ji ltar dral ba de lta de ltar log par zhugs so/ /sems can gzhan dag gis kyang sems can sems can la log par zhugs pa mthong ngo / /mthong nas sas kyang 'thor bar byed/ bong pa dang gseg ma dang / gyo mo dang gyo du ma dag kyang 'phen par byed cing / 'di skad ces sems can ngan pa grong pa bya ba ma yin pa byed pa/ sems can ngan pa grong pa bya ba ma yin pa byed pa| kwa'i sems can khyod ci'i phyir/ sems can sun par byed ces kyang zer te/ 'di lta ste dper na deng sang sems can dag bag sar bag mar len pa na phye mas kyang 'thor bar byed/ dri dang me tog dang 'bras yos dag gis kyang 'thor bar byed cing / 'di skad ces sru bde bar gyur cig ces kyang zer ba de bzhin du sems can de dag gis kyang sems can la log par zhugs pa mthong nas sas kyang 'thor bar byed/ bong ba dang gseg ma dang gyo mo dang gyo dum dag kyang 'phen par byed cing / 'di skad ces sems can ngan pa grong pa bya ba ma yin pa byed pa/ sems can ngan pa grong pa bya ba ma yin pa byed pa/ kwa'e sems can khyod ci'i phyir sems can sun par byed ces kyang zer ro/ /dge slong dag de ltar na sngon chos ma yin par grags pa gang yin pa de ni </font><hr>Ca153a<br><font size=+1>


@#/ /deng sangs chos su grags la/ sngon 'dul ba ma yin par grags pa gang yin pa de ni deng sang 'dul bar grags/ sngon smad par bya ba gang yin pa de ni deng sang bstod par bya ba yin no/ /de nyi ma gcig tsam spong bar byed/ nyi ma gnyis sam gsum mam bdun tsam spong bar byed do/ /gang gi phyir sems can de dag sdig pa can dam pa ma yin pa'i chos de la shin tu ltung bar byed pas brtul zhugs la zhugs pa de'i phyir de dag khyim brtsig pa la zhugs te bdag cag gis 'dir bya ba ma yin pa bya'o/ /bdag cag gis 'dir bya ba ma yin par bya'o zhes zer ba las khyim khyim zhes bya ba'i ming byung ngo / /dge slong dag 'di ni khyim gyi las kyi mtha' dag 'jig rten du 'byung ba'i dang po rtsom pa yin te/ de yang chos kyis yin gyi chos ma yin pas ni ma yin no/ /de la chos ni 'di yin te/ rgyal ba dbang po rnams kyi chos mchog yin no/ /de dag dgongs kar yang dgongs ka za 'dod pas sA lu'i don du 'dong par byed/ nang par yang nang par za 'dod pas sA lu'i don du 'dong bar byed do/ /de nas sems can le lo'i rang bzhin can zhig gis dgongs ka dang ngan par gyi sA lu gcig car blangs par gyur to/ / sems can zhig gis sems can de la smras pa/ kwa'e sems can tshur shog /sA lu'i phyir 'dong ngo / /sems can des smras pa/ kwa'e sems can khyod rang gi sA lu'i phyir soms shig / </font><hr>Ca153b<br><font size=+1>


bdag gis dgongs ka dang nang par gyi sA lu gcig car blangs zin to/ /de nas sems can de 'di snyam du kye ma de ni legs so/ /kye ma de ni bzang ngo / /bdag gis kyang nyi ma gnyis kyi dang nyi ma gsum gyi dang nyi ma bdun gyi bar gyi sA lu blang bar bya'o snyam nas/ des nyi ma gnyis kyi dang nyi ma gsum gyi dang nyi ma bdun gyi bar gyi sA lu blangs par gyur to/ /de nas sems can zhig gis sems can de dag la 'di skad ces smras so/ /kwa'e sems can tshur shog /sA lu'i phyir 'dong ngo / /sems can des smras pa/ kwa'e sems can khyod rang gi sA lu'i phyir soms shig /bdag gis nyi ma gnyis kyi dang nyi ma gsum gyi dang nyi ma bdun gyi sA lu blangs zin to/ /de nas sems can de 'di snyam du kye ma de ni legs so/ /kye ma de ni bzang ngo / /bdag gis kyang zla ba phyed kyi dang / zla ba gcig gi sA lu blang bar bya'o snyam nas/ des zla ba phyed kyi dang zla ba gcig gi sA lu blangs par gyur to/ /gang gi phyir sems can de dag gis/ ma rmos ma btab pa'i 'bras sA lu'i 'bru gsog 'jog gi yongs su spyod pas zos par gyur pa de'i phyir sA lu de la so ba dang / sbun pa dang 'bras kun nas dkris par gyur cing brngas so cog kyang phyir mi skye la brngas par yang mngon zhing / sA lu byings dang byings ma yin pa dag na rnam par gnas so/ /de nas sems can de dag 'dus shing lhags nas mya ngan byed/ sgyid lug par byed/ smre sngags 'don par byed cing / shes ldan dag bdag cag sngon gzugs can yid </font><hr>Ca154a<br><font size=+1>


@#/ /las byung ba ma tshang ba med pa/ dbang po ma nyams pa/ yan lag dang nying lag thams cad dang ldan pa/ bzang ba kha dog dang ldan pa/ rang las 'od 'byung ba/ nam mkha' la 'gro ba/ dga' ba za ba/ dga' ba'i zas dang ldan pa/ tshe ring zhing yun ring du gnas pa na/ bdag cag la sa'i bcud kha dog phun sum tshogs pa/ dri phun sum tshogs pa/ ro phun sum tshogs pa/ byung bar gyur nas/ gang gi phyir bdag gi sa'i bcud kham gyi zas kyi rtsom pas zos par gyur pa de'i phyir bdag cag gi lus la sra ba nyid dang lci ba nyid byung zhing / bdag cag gi kha dog gsal ba bzang po gang yin pa de yang med par gyur/ 'jig rten du mun pa yang byung bar gyur to/ /bdag cag de za zhing zas de dang ldan la/ tshe ring zhing yun ring du gnas pa las bdag cag las gang zas ches chung ngu za ba de ni kha dog dang ldan par 'gyur la/ gang zas ches cher za ba de ni kha dog ngan par gyur to/ /de ltar zas rnam gnyis nyid la brten nas kha dog rnam gnyis nyid du mngon la| kha dog rnam gnyis nyid du gyur pa na/ sems can gyis sems can la/ kwa'e sems can nga ni kha dog dang ldan pa yin la/ khyod ni kha dog ngan pa yin no zhes khyad du gsod par byed do/ / bdag cag kha dog gis mngon pa'i nga rgyal can du gyur pa na/ sdig pa can mi dge ba'i chos de dag nyid yang dag par blangs pa'i rgyus sa'i bcud med par gyur to/ /sa'i bcud med par gyur pa </font><hr>Ca154b<br><font size=+1>


na sa zhag kha dog phun sum tshogs pa/ dri phun sum tshogs pa/ ro phun sum tshogs pa byung bar gyur te/ bdag cag de za zhing zas de dang ldan la/ tshe ring zhing yun ring du gnas so/ /bdag cag las gang zas ches chung ngu za ba de ni kha dog dang ldan par 'gyur la/ gang zas ches cher za ba de ni kha dog ngan par gyur to/ /de ltar zas rnam gnyis nyid la brten nas kha dog rnam gnyis nyid du mngon la/ kha dog rnam gnyis nyid du gyur pa na sems can gyis sems can la/ kwa'i sems can nang ni kha dog dang ldan pa yin la khyod ni kha dog ngan pa yin no zhes khyad du gsod par byed do/ /bdag cag kha dog gis mngon pa'i nga rgyal can du gyur pa na/ sdig pa can mi dge ba'i chos de dag nyid yang dag par blangs pa'i rgyus sa zhag med par gyur to/ /sa zhag med par gyur pa na myu gu'i tshal kha dog phun sum tshogs pa/ dri phun sum tshogs pa/ ro phun sum tshogs pa byung bar gyur te/ bdag cag de za zhing zas de dang ldan la tshe ring du gnas so/ /bdag cag las gang zas ches chung ngu za ba de ni kha dog dang ldan par 'gyur la/ gang zas ches cher za ba de ni kha dog ngan par gyur to/ /de ltar zas rnam gnyis nyid la brten nas kha dog rnam gnyis nyid du mngon la/ kha dog rnam gnyis nyid du gyur pa na sems can gyis sems can la/ kwa'i sems can nga ni kha dog dang ldan pa yin la/ khyod ni kha dog ngan pa yin no zhes khyad du gsod par byed do/ /bdag cag la kha dog gis </font><hr>Ca155a<br><font size=+1>


@#/ /mngon pa'i nga rgyal can du gyur pa na/ sdig pa can mi dge ba'i chos de dag nyid yang dag par blangs pa'i rgyus myu gu'i tshal med par gyur to/ /myu gu'i tshal med par gyur ba na/ ma rmos ma btab pa'i 'bras sA lu'i 'bru so ba med pa/ sbun pa med pa dag pa gtsang ba sor bzhi pa/ kun nas ma dkris pa/ nub brngas na nang rgyas shing phyir skye la/ nang brngas na nub rgyas zhing skye ba/ brngas so cog phyir skye ba/ brngas par yang mi mngon pa byung bar gyur te/ bdag cag de za zhing zas de dang ldan la/ tshe ring zhing yun ring du gnas so/ /gang gi phyir bdag cag gis ma rmos ma btab pa'i 'bras sA lu'i 'bru gsog 'jog gi yongs su spyod pas zos par gyur pa de'i phyir bdag cag la 'bras sA lu so ba dang sbun pa dang 'bras kun nas dkris par gyur cing brngas so cog kyang phyir mi skye la/ brngas par yang mngon zhing sA lu byings dang byings ma yin pa dag na rnam par gnas par gyur gyis bdag cag 'dus shing lhags nas/ mtshams gcad bar bya zhing 'di ni khyod kyi'o/ /'di ni nga'i 'o zhes mu thug rnam par gzhag par bya ba snyam zhes de dag 'dus shing lhags nas/ mtshams gcod par byed cing 'di ni khyod kyi'o/ /'di ni nga'i 'o zhes mu thug rnam par 'jog par byed do/ /dge slong dag 'di ni mu thug gi yas kyi mtha' dag 'jig rten du 'byung ba'i dang po rtsom pa yin te/ de yang chos kyis yin gyi/ chos ma yin pas </font><hr>Ca155b<br><font size=+1>


ni ma yin no/ /de la chos ni 'di yin te/ rgyal ba dbang po rnams kyi chos mchog yin no/ /de nas sems can zhig gis rang gi sA lu yod bzhin du gzhan gyi sA lu ma byin par blangs so/ /sems can gzhan zhig gis sems can rang gi sA lu yod bzhin du gzhan gyi sA lu ma byin par len pa de mthong ngo / /mthong nas kyang sems can de la 'di skad ces smras so/ /kwa'i sems can khyod ci'i phyir rang gi sA lu yod bzhin du gzhan gyi sA lu ma byin par len/ kwa'i sems can khyod song la phyin chad de ltar ma byed cing / sems can des lan gnyis lan gsum du yang rang gi sA lu yod bzhin du gzhan gyi sA lu ma byin par blangs so/ /sems can gzhan des kyang / sems can gzhan de lan gnyis lan gsum du yang rang gi sA lu yod bzhin du gzhan gyi sA lu ma byin par len pa de mthong ngo / /mthong nas kyang yang sems can de la 'di skad ces smras so/ /kwa'i sems can khyod ci'i phyir rang gi sA lu yod bzhin du gzhan gyi sA lu ma byin par len ces sems can des sems can de 'dren par byed/ khrid par byed cing 'khor gyi nang du yang shes ldan dag sems can 'di rang gi sA lu yod bzhin du gzhan gyi sA lu ma byin par len to zhes smod pa'i bar du byed do/ /de nas sems can de dag gis sems can de dag la 'di skad ces smras so/ /kwa'i sems can khyod ci'i phyir rang gi sA lu yod bzhin du gzhan gyi sA lu ma byin par len/ kwa'i </font><hr>Ca156a<br><font size=+1>


@#/ /sems can khyod song la phyin chad de ltar ma byed cig /de nas sems can ma byin par len pa des sems can de dag la 'di skad ces smras so/ /shes ldan dag sems can 'dis kho bo la sA lu'i phyir smras te/ 'dren par byed khrid par byed cing 'khor gyi nang du smod pa'i bar du byed do/ /de nas sems can de dag gis sems can sA lu'i phyir smra ba de la 'di skad ces smras so/ /kwa'i sems can khyod ci'i phyir sA lu'i phyir sems can la smra zhing 'dren par byed/ khrid par byed la 'khor gyi nang du smod pa'i bar du byed/ kwa'e sems can khyod song la phyin chad de ltar ma byed cig /de nas sems can de dag 'di snyam du shes ldan dag sA lu'i phyir 'dren par byed/ khrid par byed pa nas/ 'khor gyi nang du smod par byed pa'i bar dag snang gis/ bdag cag 'dus shing lhags nas bdag cag gi nang nas sems can gang ches gzugs bzang ba/ ches blta na sdug pa/ ches mdzes pa/ ches lus che ba/ de dag bdag cag gis zhing rnams kyi bdag por bskos na/ bdag cag las gang chad pas gcad par bya ba yang chad pas gcod par 'gyur zhing / phan gdags par bya ba la yang phan 'dogs par 'gyur la/ bdag cag gi zhing dag las ci 'byung bar 'gyur ba de las chos dang ldan pa'i thog shas kyang dbul bar bya'o snyam nas/ sems can de dag 'dus shing lhags </font><hr>Ca156b<br><font size=+1>


nas de dag gi nang nas/ sems can gang ches gzugs bzang ba/ ches blta na sdug pa/ ches mdzes pa/ ches lus che ba de zhing rnams kyi bdag por sko zhing 'di skad ces/ kye sems can khyod tshur spyon/ khyod kyis bdag cag las gang chad pas gcad par bya ba yang chad pas chod cig /phan gdags par bya ba la yang phan thogs shig /bdag cag gi zhing dag las ci 'byung ba de las kyang bdag cag gis khyod la chos dang mthun pa'i thog shas dbul lo zhes smras te/ de ltar skye bo mang pos bkur zhing skye bo mang pos bkur bas/ de mang pos bkur ba mang pos bkur ba zhes bya ba'i ming du gyur to/ /zhing rnams kyi bdag po dang smas pa las skyob par byed pas/ rgyal rigs rgyal rigs zhes bya ba'i ming du gyur to/ /tshul khrims kyi spyod pa kun tu spyod pa dang / shes rab kyi spyod pa kun tu spyod pas chos kyi skye dgu dga' bar byed pas rgyal po rgyal po zhes bya ba'i ming du gyur to/ /dge slong dag 'di ni rgyal rigs kyi dkyil 'khor 'jig rten du 'byung ba'i dang po rtsom pa yin te/ de yang chos kyis yin gyi/ chos ma yin pas ni ma yin no/ /de la chos ni 'di yin te/ rgyal ba dbang po rnams kyi chos mchog yin no/ /dge slong dag bram ze'i dkyil 'khor 'jig rten du 'byung ba'i dang po rtsom pa gang zhe na/ dge slong dag de nas sems can kha cig gis yongs su 'dzin pa ni nad do/ /yongs su 'dzin pa ni 'bras so/ / </font><hr>Ca157a<br><font size=+1>


@#/ /yongs su 'dzin pa ni zug rngu'o/ /yongs su 'dzin pa ni sdug bsngal gyi rtsa ba'o zhes bya bar rig nas/ grong nas dgon pa'i gnas su dong ste yal ga dang / lo ma'i spyil po dag byas nas gnas bcas te 'khod do/ /de dag dgongs kar yang dgongs ka'i zas 'dod pas/ grong du bsod snyoms la zhugs so/ /nang par yang / nang par gyi zas 'dod pas grong du bsod snyoms la zhugs so/ /de nas sems can gzhan dag 'di snyam du shes ldan 'di dag gis 'di ltar yongs su 'dzin pa ni nad do/ /yongs su 'dzin pa ni 'bras so/ /yongs su 'dzin pa ni zug rngu'o/ /yongs su 'dzin pa ni sdug bsngal gyi rtsa ba'o zhes bya bar rig nas/ grong nas dgon pa'i gnas su dong ste yal ga dang lo ma'i spyil po dag byas nas gnas bcas te/ 'khod cing dgongs kar yang dgongs ka'i zas 'dod pas/ grong du bsod snyoms la 'jug par byed/ nang par yang nang par gyi zas 'dod pas/ grong du bsod snyoms la 'jug par byed pa ni dka' ba byed pa yin no snyam nas/ de dag la te por sbyin pa dag bya bar sems so/ /de nas sems can kha cig bsam gtan de dang rab tu dben pa de mngon par rdzogs par ma rtogs pa na/ mtha' gcig tu dong ste/ yal ga dang lo ma'i spyil po dag byas nas/ 'dir bdag cag gis </font><hr>Ca157b<br><font size=+1>


gsang sngags kyi gzhung dag bya/ rig byed dag sbyor bar bya'o zhes gnas bcas te 'khod par gyur cing de dag de na gsang sngags kyi gzhung dag byed/ rig byed dag sbyor bar byed do/ /de nas de las sems can kha cig gis bsam gtan de dang / rab tu dben pa de dang / gsang sngags kyi gzhung de dang / rig byed sbyar ba de mngon par rdzogs par ma rtogs pa na yang phyir dgon pa nas grong mthar lhags te/ khang khyim sgo bzhi pa dag brtsigs nas/ 'dir bdag cag gis sbyin pa dag sbyin par bya/ bsod nams dag spel bar bya/ skye bo mgron pa 'ongs shing lhags pa rnams la ci nus ci lcogs su bza' ba dang / btung bas tshim par bya'o zhes de dag de na sbyin pa dag sbyin/ bsod nams dag byed/ skye bo mgron pa 'ongs shing lhags pa rnams la ci nus ci lcogs su bza' ba dang / btung bas tshim par byed do/ /'di dag grong las phyi rol tu rten cing / phyi rol tu sems pa zhes bya ba las bram ze bram ze zhes bya ba'i ming du gyur to/ /yang 'di dag ni bsam gtan mi byed do zhes bya ba las klog tu 'jud pa klog tu 'jud pa zhes bya ba'i ming du gyur to/ /dgon pa nas yang phyir grong mthar lhags pas/ grong pa grong pa zhes bya ba'i ming du gyur to/ /dge slong dag 'di ni bram ze'i dkyil 'khor 'jig rten du 'byung ba'i dang po rtsom pa yin te/ de yang chos kyis yin gyi chos ma yin pas ni ma yin no/ /de la chos ni 'di yin </font><hr>Ca158a<br><font size=+1>


@#/ /te| rgyal ba dbang po rnams kyis chos mchog yin no/ /dge slong dag rje'u rigs kyi dkyil 'khor 'jig rten du 'byung ba'i dang po rtsom pa gang zhe na/ dge slong dag de nas sems can kha cig khang khyim so so dang ldan pa'i bzo'i gnas dang / las kyi gnas dag la brtson pa dag la/ sems can 'di dag bzo'i gnas dang / las kyi gnas so sor sgrub par byed do zhes bya ba las rje'u rigs rje'u rigs zhes bya ba'i ming du gyur to/ /dge slong dag 'di ni rje'u rigs kyi dkyil 'khor 'jig rten du 'byung ba'i dang po rtsom pa yin te/ de yang chos kyis yin gyi chos ma yin pas ni ma yin no/ /de la chos ni 'di yin te/ rgyal ba dbang po rnams kyi chos mchog yin no/ /dge slong dag chos nyid kyis na dkyil 'khor gsum po dag 'jig rten du byung bas/ bzhi pa dge sbyong gi dkyil 'khor yang 'jig rten du 'byung bar 'gyur ro/ /ji ltar zhe na/ dge slong dag rgyal rigs kyi khyim nas kyang rigs kyi bu dag skra dang kha spu bregs te/ gos ngur smrig dag bgos nas yang dag pa kho nar dad pas khyim nas khyim med par rab tu 'byung bar byed pas/ rgyal rigs kyis kyang de dag la mngon du smra ba dang / phyag bya ba dang / ldang ba dang / thal mo sbyar ba dang / 'dud pa'i las bya bar 'os pa yin la/ bram ze dang / rje'u rigs dag gis kyang mngon du smra ba dang / phyag bya ba dang / ldang ba dang / </font><hr>Ca158b<br><font size=+1>


thal mo sbyar ba dang / 'dud pa'i las bya bar 'os pa yin no/ /bram ze'i khyim dang / rje'u rigs kyi khyim nas kyang rigs kyi bu dag skra dang kha spu bregs te/ gos ngur smrig dag bgos nas yang dag pa kho nar dad pas khyim nas khyim med par rab tu 'byung bar byed cing / rgyal rigs kyis kyang de dag la mngon du smra ba dang / phyag bya ba dang / ldang ba dang / thal mo sbyar ba dang / 'dud pa'i las bya par 'os pa yin la/ bram ze dang / rje'u rigs dag gis kyang de dag la mngon du smra ba dang / phyag bya ba dang / ldang ba dang / thal mo sbyar ba dang / 'dud pa'i las bya bar 'os pa yin no/ /dge slong dag de la de'i tshe de'i dus na/ gang gis de'i dang por rang gi sA lu yod bzhin du gzhan gyi sA lu ma byin par blangs pa'i sems can de ni dge slong nor can te/ 'dis de'i tshe yang 'jig rten skyon med cing chu bur med pa la de'i dang por 'di lta ste/ ma byin par len pa'i rkyen gyis chu bur phyung ngo / /'dis da ltar yang dge slong gi dge 'dun skyon med cing chu bur med pa la/ de'i dang por 'di lta ste/ ma byin par len pa'i rkyen gyis chu bur phyung ngo / /dge slong dag de lta bas na/ 'di ltar bslab par bya ste/ 'dod chags spang ba'i phyir 'bad par bya'o/ /zhe sdang spang ba'i phyir dang / gti mug spang ba'i phyir 'bad par bya ste/ dge slong dag khyed kyis de ltar bslab par bya'o/ /las dang po pa dang / smyos pa dang sems 'khrugs pa dang / tshor ba dag gis nyen pa la ni ltung ba med </font><hr>Ca159a<br><font size=+1>


@#/ /do| |pham par 'gyur ba gnyis pa rdzogs so// //'dul ba rnam par 'byed pa/ bam po brgyad pa/ pham par 'gyur ba gsum pa'i spyi sdom la| bran pa dang ni bdag nyid dang / /dug dang ro langs bsro khang ngo / /sdom la/ bran pa dang ni skyong ba dang / /mchu can dang ni shi ri ka/ lhung bzed dang ni chos gos dang / /mngal na gnas dang tshong dpon no/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na dge slong bran pa dang skyong ba zhes bya ba phan tshun gtam 'dres pa/ phebs par smra ba/ 'grogs bshes smos 'drin mthun par brjod pa gnyis shig 'khod do/ /ji tsam dus gzhan zhig na skyong ba na bar gyur nas de'i nad g.yog bran pa byed pa na/ skyong bas mtshan mo sgra bsgrag par brtsams pa dang / bran pas smras pa/ tshe dang ldan pa skyong ba ci'i phyir sgra sgrogs par byed/ skyong bas smras pa/ kho bo bkres so/ /skom mo/ bran pas smras pa/ tshe dang ldan pa skyong ba rab tu byung ba'i sems nye bar gzhag par gyis shig /gal te da ltar sman yod du zin kyang re zhig byin len stobs pa yang med na/ khyod la sman lta smos kyang ci dgos te med do/ /skyong ba de so sor rtog pa mi mnga' ba yin pas de kho bo skom mo/ /bkres so/ /zhes sgra sgrogs bzhin pa las nam nangs pa dang / bran </font><hr>Ca159b<br><font size=+1>


pas smras pa/ tshe dang ldan pa skyong ba kho bos sman pa la dris te 'ong gi bar du khyod kyis re zhig so shing 'or cig /bran pas sman pa'i gan du song te smras pa/ bzhin bzang gzhon nu zhig na na de la 'phrod pa'i sman ston cig /sman pas smras pa/ 'phags pa dge slong de'i sman ni 'di dang 'di lta bu lags so/ /bran pa sman pa'i gan du ji srid song ba de'i tshe na/ tshe dang ldan pa skyong ba khri las langs te/ sham thabs gyon nas 'dag rdzas dang ri la ba spyi blugs dang so shing thogs te bang rim du byung nas/ so shing dor par brtsams pa dang / de la dge slong rnams kyis smras pa/ tshe dang ldan pa skyong ba ci'i phyir mtshan mo te bor sgra sgrogs par byed/ skyong bas smras pa/ tshe dang ldan pa dag kho bo te bor skom pa dang / bkres par gyur to/ /de nas dge slong zhig gis smras pa/ tshe dang ldan pa skyong ba kho bo la chu'i thug pa yod na ci mi 'thung ngam/ skyong bas smras pa/ ma nongs kyis btung ngo zhes des de 'thungs so/ /dge slong gzhan dag gis smras pa/ kho bo cag la 'o thug dang / zho thug dang / 'khur ba dang / sha dang / spyan gzigs dag yod na ci mi za'am/ skyong bas dge slong de dag las tshangs pa mtshungs par spyod pa rjes su bsrung ba dang brkam chags nyid kyis cung zad cung zad longs spyod pa dang / ha cang zas drags nas de glos phab ste nyal lo/ /bran pa yang sman pa la dris nas myur ba myur bar 'ongs te de nas sman pas/ ji skad bstan pa'i sman sbyar te smras pa/ tshe </font><hr>Ca160a<br><font size=+1>


@#/ /dang ldan pa skyong ba longs la so shing 'or cig /skyong bas smras pa/ bor zin to/ /bran pas smras pa/ ma nyes so zhes des dkyil 'khor byugs shing snod dang kha gzar byi dor byas te/ longs la zo zhig ces smras pa dang / skyong bas de rjes su bsrung bas langs so/ /bran pas sman byin len byed du bcug ste phul ba dang / skyong bas kha gzar do'am gsum bkang ste zos nas/ glos phab ste nyal lo/ /bran pas smras pa/ tshe dang ldan pa skyong ba ci'i phyir mi za/ skyong bas smras pa/ kho bo mi 'dod do/ /bran pas smras pa/ khyod kyis mtshan thog thag tu kho bo bkres so/ /skom mo zhes kho bo la mtho btsams na/ da ni khyod mi 'dod do zhes zer na/ da khyod dus la bab bo/ /dge slong rnams kyis bran pa la smras pa/ tshe dang ldan pa bran pa 'di la bag byos shig /'dis kho bo cag las chu'i thug pa dang / 'o thug dang zho thug dag 'thungs shing / 'khur ba dang / sha dang spyan gzigs dag zos so/ / bran pas smras pa/ tshe dang ldan pa skyong ba khyod kyis de lta byas pa bden nam/ skyong ba nyes pa dang bcas pas yid bsgyangs te smras pa/ byas so/ /bran pas smras pa/ kho bo lhung bzed zad zad/ chos gos dengs dengs/ dge ba'i phyogs nyams nyams su khyod kyi nad g.yog byed na/ khyod de ltar mi mthun pa byed pas khyod kyis dug zos par gyur pa ni bla'i/ de </font><hr>Ca160b<br><font size=+1>


ltar mi mthun pa zos pa ni ma yin no/ /skyong ba ngo tsha nas/ bdag gi tshangs pa mtshungs par spyod pa zer ba bzang ste/ 'di lhung bzed zad zad/ chos gos dengs dengs/ dge ba'i phyogs nyams nyams su bdag gi nad g.yog byed na/ bdag de ltar mi mthun pa byed pas bdag gis dug zos pa ni bla'i/ de ltar mi mthun pa byed pa ni ma yin pas/ bdag gis dug za'o snyam du bsams nas/ de langs te snod du brtags par brtsams pa dang / des par bur snod na dug gi dum bu mthong nas/ des de zos pa dang / de dug gis yongs su 'khrugs par gyur pa'i sems kyis 'chi bar brtsams te| kha chu 'dzag/ mig 'gyur/ bzhin bsgyur zhing 'di skad ces bran pa kho bo shi'o/ /kho bo shi'o zhes kyang zer ro/ /bran pas thos nas/ de brtan cing myur ba myur bar smras pa/ tshe dang ldan pa skyong ba ci'i phyir de skad ku co 'don par byed/ skyong bas smras pa/ khyod na re/ tshe dang ldan pa skyong ba kho bo lhung bzed zad zad/ chos gos dengs dengs/ dge ba'i phyogs nyams nyams su khyod kyi nad g.yog byed na/ khyod de ltar mi mthun pa byed pas khyod kyis dug zos par gyur pa ni bla'i/ khyod kyis de ltar mi mthun pa zos pa ni ma yin no zhes zer bas/ bdag la bdag gi tshangs pa mtshungs par spyod pa zer ba bzang ste/ 'di lhung bzed zad zad/ chos gos dengs dengs/ dge ba'i phyogs nyams nyams su bdag gi nad g.yog byed na/ bdag de ltar mi mthun pa </font><hr>Ca161a<br><font size=+1>


@#/ /byed pas bdag gis dug zos par gyur pa ni bla'i/ de ltar mi mthun pa zos pa ni ma yin pas/ bdag gis dug za'o snyam pa'i blo skyes nas/ bdag gi snod du brtag par brtsams pa dang / bar bur snod na dug gi dum bu mthong nas bdag gis de zos so/ /bran pas yi chad pa'i bzhin gyis smras pa/ tshe dang ldan pa khyod kyis ma legs pa byas so zhes smras te/ sman pa'i drung du song ba dang / dug de rnon po zhig yin pas gzung bar ma nus te de dus la bab bo/ /bran pas sman pa khrid de 'ongs pa na/ de dus la bab pa mthong nas/ bran pa bdag gis 'chir bcug par ma gyur tam snyam du 'gyod pa skyes/ des skabs de dge slong rnams la brjod do/ /dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de la ni ltung ba med de/ yang dge slong gis nad pa la gang thos na nad pa 'chi ba'i phyir rtsol bar byed pa de lta bu'i gtam nye bar brjod pas nye bar brjod par mi bya'o/ /dge slong gis nad pa la gang thos na/ nad pa 'chi ba'i phyir rtsol bar 'gyur ba de lta bu'i gtam nye bar brjod pa nye bar rjod par byed na/ 'gal tshabs can du 'gyur ro| |'di ni re zhig byung ba yin gyi/ sangs rgyas bcom ldan 'das 'dul ba la nyan thos rnams kyi bslab pa'i gzhi 'cha' ba mi mdzad do/ /sangs rgyas bcom ldan 'das mnyan yod na </font><hr>Ca161b<br><font size=+1>


rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na dge slong mchu can dang shi ri ka zhes bya ba/ gtam 'dres pa/ phebs par smra ba 'grogs bshes smos 'drin mtshungs par brjod pa gnyis shig 'khod do/ /mchu can ni rngon pa las rab tu byung ba yin la/ shi ri ka ni khyim bdag las rab tu byung ba yin no/ /ji tsam dus gzhan zhig na mchu can gyi tsha bo gnyis shig pha ma dang bral bas de dang der 'khyam pa na/ rgyal byed kyi tshal du phyin te sgo na sdod do/ /mchu can phyir byung ba dang / des de gnyis bzhin gzugs las ngo shes nas/ des de gnyis la smras pa/ khyed gnyis kyi pha ma dag gar dong / de gnyis kyis smras pa/ dus la bab bo/ /de nye du la mnyes gshin pas thos nas/ mchi ma dang bcas pa'i skad kyis 'dug pa dang / dge slong rnams kyis de la smras pa/ tshe dang ldan pa mchu can/ khye'u 'di gnyis su'i/ mchu can gyis smras pa/ bdag gi tsha bo gnyis yin no/ /dge slong rnams kyis smras pa/ ci'i phyir 'di gnyis sdud par mi byed/ mchu can gyis smras pa/ bdag kyang re zhig dka' bas bsod snyoms sgrub par byed na/ 'di gnyis ci zhig gis bsdu bar bya/ dge slong dag gis smras pa/ 'di gnyis 'dod na dge slong rnams la 'dab ma dang me tog dang 'bras bu dang so shing dag 'bul du chug cig dang / dge slong dag gis kyang 'di gnyis la lhung bzed kyi lhag ma sbyin par </font><hr>Ca162a<br><font size=+1>


@#/ /'gyur ro/ /mchu can gyis de gnyis blangs nas/ de gnyis kyang grims pa le lo med pa sgrub phod pa yin pas dge slong rnams la 'dab ma dang me tog dang 'bras bu dang / so shing dag 'bul bar byed nas/ dge slong rnams kyis kyang de gnyis la lhung bzed kyi lhag ma sbyin par byed do/ /de gnyis gos dang zas bzang po dus yun mi ring bas pags pa dang sha dang khrag rtas shing de gnyis stobs dang snyems pa dang ldan par gyur to/ /de gnyis dus gzhan zhig na rgyal byed kyi tshal gyi sgo na rtse zhing 'khod pa dang / de gnyis kyi nye du dag lag na mda' gzhu thogs shing rgyal byed kyi tshal gyi sgo nas/ ri dwags shor du 'dong ba de dag gis de gnyis mthong nas de dag gis smras pa/ khye'u gnyis/ khyed gnyis ga las 'dir 'ongs/ khye'u gnyis kyis smras pa/ shAkya'i sras kyi dge sbyong gi nang 'di na bdag cag gnyis kyi zhang po rab tu byung ba de'i gnas na 'khod do/ /de dag gis smras pa/ khyed gnyis kyi zhang po de yang re zhig shAkya'i sras kyi dge sbyong las med pa'i ngang tshul can rnams kyi nang du rab tu byung ba yin na/ ci khyed gnyis kyang las med pa'i ngang tshul can du byed dam/ tshur shog /pha'i las rjes su sgrubs shig /de gnyis kyis smras pa/ kho bo cag gnyis la zhang pos phan btags pas je de la dri bar bya'o/ /zhes de gnyis tshe dang ldan pa mchu can ga la ba der dong ste phyin </font><hr>Ca162b<br><font size=+1>


nas/ tshe dang ldan pa mchu can la 'di skad ces smras so/ /zhang po bdag cag gnyis pha'i las rjes su sgrub tu mchi'o/ /mchu can gyis smras pa/ kho bos khyed gnyis dad pas sbyin par byas pas bskyed bskyed na/ da ci'i phyir nyes par spyod pa'i las 'di lta bu byed/ de gnyis kyis smras pa/ zhang po bdag cag gnyis mgo la gser gyi phreng bas bcings pa ni ngo tsha'i/ pha'i las rjes su sgrub pas ni de lta ma lags kyis mchi'o zhes de gnyis kyis de'i tshig tshig ma yin par byas te dong nas/ de gnyis ri dwags gsod cing 'tsho bar byed do/ /ji tsam dus gzhan zhig na/ shi ri ka na bar gyur nas/ mchu can de'i nad g.yog byed pa na shi ri ka sdug bsngal gyi tshor ba dag gis nyen nas/ bdag re zhig tshul khrims dang ldan pas/ bdag yul gzhan du song na lo legs shing / mtho ris ni dar gyis chod pa tsam/ thar pa ni yol bas bsgribs pa tsam ste/ lus zhig na yang lha rnams kyi nang du skye bar 'gyur bas rnam pa thams cad du bdag nyid gsad par bya'o snyam du sems so/ /yang bdag nyid gsod par byed pa ni/ sdug bsngal ba yin gyis gsod par byed pa zhig btsal lo snyam du sems shing / de bdag gi srog gcod bar byed pa su yod snyam du dpyod pa la zhugs pa dang / de la mchu can gyi tsha bo gnyis drag shul can lag pa dmar pa/ bsnun pa dang rab tu bsnun pa la zhugs pa/ gzhan gyi srog 'phrog pa gzhan gyi srog gcod du 'jud pa/ </font><hr>Ca163a<br><font size=+1>


@#/ /gzhan gyi srog gcod pas 'tsho bar byed pa yin pas de gnyis kyi bdag gsod par nus kyi/ gzhan sus kyang mi nus so snyam pa'i blo skyes shing rig nas/ tshe dang ldan pa mchu can la smras pa/ tshe dang ldan pa mchu can khyod kyi tsha bo de gnyis mi snang na gar dong / mchu can gyis smras pa/ khyod de gnyis kyi ming ma 'dzin cig /de gnyis ni 'di lta bu'i sdig pa byed pa yin te/ de gnyis kho bos dad pas sbyin par bya bas bskyed bskyed na de gnyis da nyes par spyod pa'i las bya ba la zhugs shing pha'i las rjes su sgrub par byed de/ gzhan gyi srog 'phrog par byed/ gzhan gyi srog gcod pas 'tsho bar byed do/ /shi ri kas smras pa/ de gnyis la kun nas mnar sems ma skyed cig /de ni 'du 'dzi'i rigs pa yin te/ gang gi tshe de gnyis rgyal byed kyi tshal na 'khod pa de'i tshe na/ de gnyis kyis grog spur phra mo'i srog kyang ma bcad do/ /de gnyis de lta bu dag dang lhan cig gnas pas de lta bu'i nyes par spyod pa dag byed na/ de gnyis de dag dang shin tu dbral bar bya zhing 'di ltar gang gi tshe khyod ga shed du 'gro ba de'i tshe na kho bo srung bar byed pa 'ga' yang med pas/ gal te de gnyis snang na kho bo'i gan du thong la de gnyis kho bo srung du chug cig /ji tsam na mchu can bsod snyoms la zhugs pa na/ de'i tsha bo de gnyis tshong 'dus na sha 'tshong zhing 'dug pa des mthong nas/ de gnyis langs te de'i </font><hr>Ca163b<br><font size=+1>


rkang pa gnyis la gtugs pa dang / des smras pa/ khye'u gnyis kho bo khyed gnyis kyi cir 'ongs/ zhang por mchi'o/ /shi ri ka cir 'ong / de yang zhang por mchi'o/ /de dus de srid du na na khyed gnyis de la ltar ma dong ngam/ zhang po bdag cag gis ma 'tshal to/ /da deng zhig /bdag cag gnyis kyis bgyi ba ci mchis/ de ci zer ba de bzhin du gyis shig /de gnyis tshe dang ldan pa shi ri ka ga la ba der song ste phyin nas/ de'i rkang pa gnyis la phyag 'tshal te mtha' gcig tu 'khod do/ /shi ri kas smras pa/ khye'u gnyis mchu can khyed gnyis kyi cir 'ong / zhang por mchi'o// kho bo cir 'ong / zhang por mchi'o/ /kho bo dus de srid du na na khyed gnyis kyis kho bo lan 'ga' yang ma bltas so/ /zhang po bdag cag gnyis kyis ma 'tshal te/ bdag cag gnyis kyis da gzod thos nas/ de'i slad du bdag cag gnyis mchis so/ /tsha bo gnyis khyed gnyis kho bo lha rnams kyi nang du skye bar 'dod dam/ zhang po bdag cag gnyis gzhan yang lha rnams kyi nang du skye bar 'tshal na| zhang po lta smos kyang ci 'tshal/ tsha bo gnyis gal te de lta na kho bo yul gzhan du song na lo legs shing / mtho ris ni dar gyis chod pa tsam/ thar pa ni yol bas bsgribs pa tsam ste/ lus zhig na yang lha rnams kyi nang du skye bar 'gyur na bdag la rtsom par byed pa sdug bsngal ba yin gyis khyed gnyis kyi kho bo sod cig /zhang po gal te gzhan 'ga' zhig gis khyod dgrongs par </font><hr>Ca164a<br><font size=+1>


@#/ /bgyid na yang bdag cag gnyis kyis de dgum par bgyi na/ bdag cag gnyis kyis zhang po dgrongs pa lta smos kyang ci 'tshal/ mchu can gyis khyed gnyis la ji skad bsgo/ zhang po ci gsung ba de bzhin gyis shig ces so/ /tsha bo gnyis gal te de lta na kho bo 'di skad zer te/ kho bo sdug bsngal gyi tshor bas nyen gyis kho bo sod cig /de gnyis kyis 'di dang zhang po sngar bgros par gyur gor ma chag ste/ des na zhang pos bdag cag gnyis 'di'i gan du btang ngo snyam du bsams nas/ de gnyis las gcig ches drag shul can yin pas mtshon rnon pos de'i mgo bcad nas de'i 'og tu ras kyis g.yogs te 'khod do/ /mchu can yang spyod yul nas phyir 'ongs te des de ras kyis g.yogs pa mthong nas des smras pa/ tsha bo gnyis khyed gnyis 'khod bzhin du yang 'di nyal lam/ zhang po 'di ltar nam yang ldang bar mi 'gyur ba de ltar nyal lo/ /mchu can gyis 'di gnyis sngon ma byung ba'i tshig smra na dri'o snyam du bsams nas/ des de gnyis la dris pa dang / de gnyis kyis skabs de rgyas par mchu can la brjod do/ /mchu can yid mi bde ba skyes nas ras de bshus pa dang / de mthong nas de bdag gis mtshon thogs pa gnyer bar ma gyur tam snyam du 'gyod pa yang skyes/ bshes pa dang bral bas 'gyod pas gdungs pa'i sems kyis yid mi bde bar gyur nas/ des skabs de dge slong rnams </font><hr>Ca164b<br><font size=+1>


la rgyas par brjod do/ /dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de la ni ltung ba med de/ yang dge slong gis nad pa'i nad g.yog mi mkhas pa bzhag ste 'gro bar mi bya'o/ /gal te 'gro dgos pa'i rkyen de lta bu zhig byung na nad g.yog mi mkhas pa la gal te 'di mer mchong ngam/ dug za'am/ mtshon 'byin tam/ bdag nyid g.yang sar mchong ngam/ thag pas 'ching ngam/ gzhan yang mi 'phrod pa za bar byed na bzlog par bya'o zhes bsgo ste 'gro bar bya'o/ /dge slong gis nad g.yog mi mkhas pa la ma bsgo bar de bzhin du 'gro na 'gal tshabs can du 'gyur ro/ /'di yang byung ba yin gyi re zhig sangs rgyas bcom ldan 'das 'dul ba la nyan thos rnams kyi bslab pa'i gzhi 'cha' bar ni mi mi mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na dge slong zhig 'dug pa de'i lhung bzed la btsa' zhugs nas/ dge slong rnams kyis de la smras pa/ tshe dang ldan pa khyod kyi lhung bzed 'di btsa' zhugs na/ ci'i phyir mi sreg /des smras pa/ 'di la rdza bo dang / lci ba dang / til gyi tshigs ma dang / yo byad gzhan yang mang du dgos so/ /dge slong rnams kyis smras pa/ tshe dang ldan pa ci/ lhung bzed med pas 'grub par 'gyur ram/ des smras pa/ kho bo lhung bzed med pas </font><hr>Ca165a<br><font size=+1>


@#/ /'grub par mi 'gyur te/ 'di ltar khang khyim che ge mo zhig na/ dge slong zhig nad kyis btab cing sdug bsngal ba/ na tshabs che ba yun mi ring bar dus byed par 'gyur ba de'i lhung bzed gsal ba zlum pa longs spyad par bzod pa de blang bar bya'o/ /dge slong rnams kyis smras pa/ tshe dang ldan pa khyod lhung bzed kyi phyir gdol ba dang 'dra bar drag shul gyi sems 'di lta bu bskyed du rung ngam/ dge slong de ngo tsha bar gyur nas/ cang mi smra bar 'dug go /skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de la ni ltung ba med de/ yang dge slong gis lhung bzed kyi phyir gdol ba dang 'dra bar drag shul gyi sems de lta bu bskyed par mi bya'o/ /dge slong gis lhung bzed kyi phyir gdol pa dang 'dra bar drag shul gyi sems de lta bu skyed par byed na/ 'gal tshabs can du 'gyur ro/ /gzhan yang dge slong gis lhung bzed mig bzhin du yongs su bcang bar bya ste/ glan par 'os pa ni glan par bya/ bsreg par 'os pa ni bsreg par bya'o/ /dge slong gis lhung bzed glan par 'os pa glon par mi byed dam/ bsreg par 'os pa sreg par mi byed na/ 'gal tshabs can du 'gyur ro/ /'di yang byung ba yin gyi re zhig sangs rgyas bcom ldan 'das 'dul ba la nyan thos rnams kyi bslab pa'i gzhi 'cha' bar ni </font><hr>Ca165b<br><font size=+1>


mi mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na dge slong zhig 'dug pa de'i snam sbyar rnyings shing dri mas gos la rdol bar gyur nas/ dge slong rnams kyis de la smras pa/ tshe dang ldan pa khyod kyi snam sbyar 'di rnyings shing dri mas gos la rdol bar gyur na/ ci'i phyir 'di mi 'khru mi 'tshem/ kha bsgyur bar mi byed/ des smras pa/ 'di la zangs dang / chu dang / shing dang / skud pa dang / tshon dang / yo byad gzhan yang mang du dgos so/ /dge slong rnams kyis smras pa/ tshe dang ldan pa ci/ snam sbyar med pas 'grub par 'gyur ram/ des smras pa/ kho bo snam sbyar med pas 'grub par mi 'gyur te/ 'di ltar khang khyim che ge mo zhig na dge slong zhig nad kyis btab cing sdug bsngal ba nad tshabs che ba yun mi ring bar dus byed par 'gyur ba de'i snam sbyar nyis rim dmar ser tshon sar pas kha bsgyur ba longs spyod par bzod pa de blang bar bya'o/ /dge slong rnams kyis smras pa/ tshe dang ldan pa khyod snam sbyar gyi phyir gdol ba dang 'dra bar drag shul gyi sems 'di lta bu bskyed du rung ngam/ de ngo tsha bar gyur nas cang mi smra bar 'dug go /skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de la ni ltung ba med de/ yang dge slong gis snam sbyar gyi phyir gdol ba dang 'dra bar drag shul gyi sems </font><hr>Ca166a<br><font size=+1>


@#/ /de lta bu bskyed par mi bya'o/ /dge slong gis snam sbyar gyi phyir gdol pa dang 'dra bar drag shul gyi sems de lta bu skyed par byed na/ 'gal tshabs can du 'gyur ro/ / gzhan yang dge slong gis snam sbyar pags pa bzhin du yongs su bcang bar bya ste/ bkru bar 'os pa ni bkru bar bya/ btsem par 'os pa ni btsem par bya/ kha bsgyur bar 'os pa ni kha bsgyur bar bya'o/ /dge slong gis snam sbyar bkru bar 'os pa 'khru bar mi byed dam/ btsem par 'os pa 'tshem par mi byed dam/ kha bsgyur bar 'os pa kha bsgyur bar mi byed na/ 'gal tshabs can du 'gyur ro/ /'di yang byung ba yin gyi re zhig sangs rgyas bcom ldan 'das 'dul ba la nyan thos rnams kyi bslab pa'i gzhi 'cha' bar ni mi mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag stobs sde zhes bya ba phyug pa nor mang ba longs spyod che ba zhig 'dug pa des/ rigs mnyam pa las chung ma blangs nas/ de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed dga' bar byed dga' mgur spyod par byed pa de'i chung ma la dus gzhan zhig na/ sems can zhugs par gyur nas/ de zla ba brgyad dam dgu 'das te/ btsas pa las khye'u gzugs bzang ba blta na sdug pa mdzes pa zhig byung ngo / /nyi ma bdun </font><hr>Ca166b<br><font size=+1>


gsum nyi shu gcig tu de'i btsas pa'i btsas ston rgya cher byas nas/ khye'u'i ming cir gdags zhes ming 'dogs par byed pa na/ nye du rnams kyis smras pa/ gang gi phyir khye'u 'di khyim bdag stobs sde'i bu yin pa de'i phyir/ khye'u sde pa zhes bya'o zhes de'i ming sde pa zhes bya bar btags so/ /khyim bdag stobs sde de yang rtse bar byed/ dga' bar byed/ dga' mgur spyod par byed pa las bu zhig btsas nas de'i ming ni nye sde zhes bya bar btags so/ /ji tsam dus gzhan zhig na khyim bdag stobs sde'i chung ma dus la bab nas de de dag gis gos sngon po dang ser po dang dmar po dang dkar po dag gis khyogs brgyan te dur khrod du bskyal nas/ bsregs te mya ngan bsangs ba byas te 'khod do/ /khyim bdag stobs sdes de'i shid dag byas nas/ gal te bdag gis chung ma gzhan zhig blangs par gyur na/ khye'u gnyis sdug bsngal bar 'gyur gyis/ bdag gis sde pa'i phyi ma dbub par bya'o snyam du bsams nas/ des de'i khyim phub bo/ /ji tsam dus gzhan zhig na khyim bdag stobs sde na bar gyur nas/ de la rtsa ba dang sdong bu dang 'dab ma dang me tog dang 'bras bu'i sman dag gis bsnyen bkur byas kyang nad de nye bar zhi bar ma gyur cing nyam dmas nas/ des sde pa dang nye sde gnyis la snying bzhos nas/ bsags pa kun gyi mtha' 'dzad cing / /mthon po rnams kyi mtha' ltung 'gyur/ /phrad pa'i mtha' ni 'bral pa ste/ /gson po'i mtha' ni 'chi ba yin/ /zhes bya ba yin pas dus kyi chos dang ldan par gyur </font><hr>Ca167a<br><font size=+1>


@#/ /to| |de khye'u gnyis kyis gos sngon po dang ser po dang dmar po dang dkar po dag gis khyogs spyil brgyan te dur khrod du bskyal nas/ bsregs te de'i 'og tu mya ngan bsangs pa byas nas shid dag byas te 'khod do/ /sde pas bsams pa/ gang gi tshe bdag cag pha gson pa de'i tshe na ni gzhan gyis srog gso ba byed na/ da ni de'i dus la bab pas khyim gyi bya ba sbyang bar bya dgos te/ gal te khyim gyi bya ba dmas pa yal bar bor na nye du rnams kyis khrel bar 'gyur bas bdag zong thogs te yul gzhan du 'gro'o snyam du rig nas/ nye sde la smras pa| nu bo gang gi tshe bdag cag pha gson pa de'i tshe na ni gzhan gyis srog gso bar byed na da ni de'i dus la bab pas khyim gyi bya ba sbyang bar bya dgos te/ gal te khyim gyi bya ba dmas pa yal bar bor na/ nye du rnams kyis khrel bar 'gyur gyis/ khyod ni 'di nyid na khyim gyi bya ba gyis shig /kho bo ni zong thogs te yul gzhan du 'gro'o/ /nye sdes smras pa/ de ltar mdzod cig / sde ba zong mang po thogs te/ yul gzhan du song ba dang / des der khe spogs mang po grub nas/ sde pas nu bo nye sde la nu bo kho bos khe spogs mang po grub ste/ ring por mi thogs par 'ong gis brtan pa dang / spungs dang / spro ba chen por gyis shig ces spring yig bskur ro/ /sde pas phyir zhing yang khe spogs mang po grub nas des phyis kyang de kho na bzhin du spring yig bskur ro/ /yang sde </font><hr>Ca167b<br><font size=+1>


pas phyi phyir zhing yang khe spogs mang po grub nas/ des yang de kho na bzhin du spring yig bskur te sde pa de de bzhin du dus dang mthun pa'i dus su spring yig skur bar byed do/ /chos nyid kyis na/ gang phyir rnyed pa de phyir chags/ /rnyed las chags pa skye bar 'gyur/ /chags pas zil non mi yis ni/ /bya dang bya min rtogs mi 'gyur/ /zhes bya ba yin pas sde pa shin tu thag ring por song nas/ phyin chad spring yig skur bar mi byed do/ /de nas sde pa'i chung ma gos dang zas bzang bas nyon mongs pa dag gis gnod par gyur nas/ des nye sde la mtshan ma ston par byed pa dang / nye sdes dbang po rnams phyir bslan te 'dug /sde pa'i chung ma de ngo tsha med par gyur nas/ yang smras pa/ nye sde tshur spyon/ 'di dang 'di lta bu bgyi'o/ /nye sdes rna ba bkab ste smras pa/ khyod kho bo'i ma dang 'dras phyin chad de skad ma zer cig /bud med kyi yul ni ma bslabs par mkhas pa yin pas/ sde pa'i chung ma de nye du'i khyim du song nas/ gos dri ma can dag bgos te khri zhig pa la 'dug cing 'dug go/ de la ma dang nang mi dag gis smras pa/ khyod ci'i phyir 'di ltar 'dug /sde pa'i chung mas smras pa/ ci bud med kyi yul la gang gnod pa de mi shes sam/ kho mo nyon mongs pa dag gis shin tu gnod par gyur to/ /de dag gis smras pa khyod kyi skud po nye sde gzugs bzang ba blta na sdug pa mdzes pa yin na ci'i phyir de la 'chol bar mi byed/ sde pa'i chung mas smras pa/ bdag gis de la bcol </font><hr>Ca168a<br><font size=+1>


@#/ /na ma grub bo/ /de dag gis smras pa/ bud med gzhan gang dag khyim thab dag ches yun ring nas dong ste/ dus su ma 'khor ba de dag ches dka' ba byed pa yin no/ /sde pa'i chung mas smras pa/ de dag la ni khyim thab dag gis dus dang mthun pa'i dus su gtam rmed par byed de/ kho mo la yang gang gi tshe khyim thab gson par gyur pa de'i tshe na ni dus dang mthun pa'i dus su spring yig bskur bar yang gyur na/ da skur bar mi byed pas dus la bab gor ma chag go /de dag gis sde pa'i chung ma de la thabs du ma dag gis yid bzhos kyang khri las ldang bar mi byed cing des smras pa/ gal te kho mo gzhan la mi sbyin na/ kho mos nges par rigs gnyi ga la mi snyan pa 'byung bar bya'o/ /de nas sde pa'i chung ma'i pha ma dang nye du dang rtsa lag gi tshogs dag gis gros bya bar brtsams te/ 'di de ltar zlog tu ma btub pas nges par rigs gnyi ga la mi snyan pa 'byung bar byed kyis/ nye sde mgron du bos te/ zan byin la de la 'di sbyin par bya ba ni 'dir dus la bab pa yin no zhes gros byas nas/ de dag gis nye sde mgron du bos te/ zan byin nas smras pa/ nye sde khyod kyi phu bo'i chung ma 'di nyon mongs pa kun tu spyod pas shin tu g.yen spyo bar gyur pas nges par rigs gnyi ga la mi snyan pa 'byin par byed na/ gal te khyod 'di dang lhan cig tu spyod par byed na/ de lta na legs/ gal te mi byed na bdag cag gis </font><hr>Ca168b<br><font size=+1>


'di gzhan la sbyin par bya'o/ /nye sdes bsams pa/ 'di bdag cag gis byis pa nas bskyed pa yin pas/ gal te gzhan du 'gro bar 'gyur zhing rigs gnyi ga la mi snyan pa 'byin par 'gyur na| ma legs kyis bdag gis 'di bdag gir bya'o snyam du rig nas/ des dang du blangs par khas blangs so/ /de nas nye sdes sde pa'i chung ma rang gi khyim du khrid nas de de dang lhan cig tu rtse bar byed dga' bar byed dga' mgur spyod par byed do/ /de la mngal na gnas pa'i mtshan ma dag byung bar gyur nas/ de la na zla dag gis smras pa/ 'di ga las 'ongs/ sde pa'i chung mas smras pa/ kho mo tshul khrims dang ldan pa kho na yin gyis khye cag rdzun gyi skur bas kho mo la kun tu ma spyod cig /de'i grogs mo ches mdza' ba zhig yod pa des smras pa/ ci'i phyir gsang bar byed/ 'di gdon mi za bar grags par 'gyur gyis smros shig /sde pa'i chung mas smras pa/ nye sde las so/ /legs te khyim thab las sam/ skud po las kyang rung 'di la nyes pa 'ga' yang med do/ /sde pa'i chung ma de sems can dang ldan par gyur pa na/ sde pas nye sde la nu bo brtan pa dang spungs dang spro ba cher gyis shig /kho bo yang yi ge'i rjes bzhin kho nar 'ong ngo zhes spring yig bskur ro/ /nye sdes thos nas nyam nga bar gyur te bsams pa/ gang gi tshe bdag phu bo de la sprin bzhin du lta bar 'dod pa de'i tshe na ni de ma 'ongs la/ da bdag gis nyes par spyod pa 'di lta bu byas na de 'ong bar gyur te/ </font><hr>Ca169a<br><font size=+1>


@#/ /'khon rnams kyi nang na 'di lta ste/ bud med kyi 'khon tha chad yin pas/ bdag la gnod pa byed par gyur pa gang yin pa de lta bu'i gnas yod kyis bros te 'gro'o snyam mo| |yang bsams pa/ yul yongs su gtong bar byed pa ni sdug bsngal ba yin te/ shAkya'i sras kyi dge sbyong 'di dag gis/ ko sa lar byung ba'i rgyal po gsal rgyal las gzhon nu'i yongs su spang ba thob pas de dag gi nang du rab tu byung na des der ci zhig bya bar 'gyur snyam nas/ nye sde rgyal byed kyi tshal du song ste dge slong zhig gi gan du phyin nas smras pa/ 'phags pa dag rab tu 'byung bar 'tshal lo/ /dge slong des smras pa/ bzhin bzang legs te longs spyod dag ni 'gyur ba yin gyis rab tu phyung zhig /dge slong de nye sde rab tu phyung / rdzogs par bsnyen par byas nas / de'i 'og tu nyi ma gnyis sam gsum kun tu spyod pa'i chos dag slob tu bcug nas smras pa/ bzhin bzang ri dwags kyis ri dwags mi sos/ mnyan yod rgya che la rang gi spyod yul dang yab kyi yul yin gyis bsod snyoms rgyus la 'tsho bar gyis shig /nye sde mkhan pos de skad bsgo nas mkhan po bka' bzhin 'tshal zhes smras te/ snga dro sham thabs bgos/ lhung bzed dang chos gos thogs te mnyan yod du bsod snyoms la zhugs so/ /de spyod yul la mi mkhas pas grong rims kyis rang gi khyim du zhugs pa dang / sde pa'i chung mas nye sde mthong nas des brang brdungs </font><hr>Ca169b<br><font size=+1>


te smras pa/ nye sde ci'i slad du khyod kyis kho mo spangs te rab tu byung / nye sdes smras pa/ khyod kyang de skad ces ci'i slad du khyod kyis kho mo spangs te rab tu byung zhes zer ram/ gang gi tshe bdag phu bo de la sprin bzhin du lta bar 'dod pa de'i tshe na ni de ma 'ongs la/ bdag gis nyes par spyod pa 'di lta bu byas na de 'ong bar 'gyur te/ 'khon rnams kyi nang na 'di lta ste bud med kyi 'khon tha chad yin pas/ bdag la gnod par byed par 'gyur ba gang yin pa de lta bu'i gnas yod do/ /sde pa'i chung mas smras pa/ khyod kyis ni re zhig bdag nyid thar bar bgyis na/ kho mos ji ltar bsgrub par bgyi/ nye sdes smras pa/ de ni khyod nyid kyis nyon mongs pa'i dbang gis rnam par bsams pa yin gyi kho bo ni mi 'dod bzhin byed du bcug pa yin pas khyod nyid shes so zhes smras te song ngo / /nye sde'i chung bo grogs sngon sman pa spos 'tshong gi khye'u zhig yod pa de/ sde pa'i chung ma'i khyim du song ste/ nye sde gar song zhes dris pa dang / sde pa'i chung mas smras pa/ nye sdes lam lam por byas te rab tu byung / gang du shAkya sras kyi dge sbyong rnams kyi nang du'o/ /gal te yid mi ches na rgyal byed kyi tshal du song la ltos shig /de rgyal byed kyi tshal du song ba na rab tu byung ba thams cad cha lugs 'dra bas de gang yin mi shes nas/ des dge slong zhig la dris pa/ 'phags pa mnyan yod pa'i khyim bdag gi bu nye sde zhes bgyi ba 'dir rab tu byung na ga la mchis/ dge slong des bstan nas/ spos 'tshong gi </font><hr>Ca170a<br><font size=+1>


@#/ /khye'u de nye sde'i drung du song ste smras pa/ nye sde khyod kyis ci zhig rjes su bsgrubs na/ kho bo la yang ma dris par rab tu byung / nye sdes smras pa/ khyod kyang de skad ces khyod kyis ci zhig rjes su bsgrubs na/ kho bo la yang ma dris par rab tu byung zhes zer ram/ gang gi tshe bdag phu bo de la sprin bzhin du blta bar 'dod pa de'i tshe na ni de ma 'ongs la/ da bdag gis nyes par spyad pa 'di lta bu byas na de 'ong bar 'gyur te/ 'khon rnams kyi nang na 'di lta ste/ bud med kyi 'khon tha chad yin pas/ bdag la gnod par byed par 'gyur ba gang yin pa de lta bu'i gnas yod do/ /spos 'tshong gi khye'us smras pa/ kho bo cag spos 'tshong gi khye'u dag ni sman pa'i phyed yin pas kho bos re zhig mngal na gnas pa rlugs par bya ba de lta bu dag byin par gyur na/ des mngal na gnas pa de dum bu dum bur zhig par 'gyur ba zhig na khyod kyis kho bo la ci'i phyir ma smras/ 'di ltar da yang sbyin par bya'o/ /nye sdes dang du blangs so/ /de nas spos 'tshong gi khye'u des rdzas rnon po dag phye mar byas te bu mo zhig gi lag tu byin nas smras pa/ khyod song la sde pa'i khyim du song ste/ sde pa'i chung ma la nye sde na re phye ma 'di chu dron mo dang sbyor la 'thung zhig dang / khyod sos par 'gyur zhes zer ro zhes gyis shig /bu mo des jo bo bka' bzhin 'tshal zhes spos 'tshong gi khye'u las mnyan nas/ sde pa'i khyim ga la ba der song </font><hr>Ca170b<br><font size=+1>


ste phyin nas/ sde pa'i chung ma la smras pa/ nye sde'i zhal nas phye ma 'di chung dron mo dang sbyor la 'thung zhig dang / khyod sos par 'gyur zhes gsung ngo / /sde pa'i chung ma des phye ma de chu dron po dang sbyar te 'thungs pa dang / de nas de'i mngal na gnas pa de dum bu dum bur zhig par gyur cing mngal na gnas pa'i mtshan ma dag kyang med par gyur to/ /yang na zla dag gis mthong nas de dag gis smras pa/ khyod kyi mngal na gnas pa de gar song / sde pa'i chung mas smras pa/ kho mos dang po nyid nas kho mo tshul khrims dang ldan pa nyid yin gyis khyed cag rdzun gyi skur bas kho mo la kun tu ma spyod cig ces ma smras sam/ de'i grogs mo ches mdza' ba de de'i gan du song ste smras pa/ khyod kyis sngar 'di skad ces nye sde las so zhes kho mo la smras pa'i mngal na gnas pa de da gar song / sde pa'i chung mas smras pa/ gang kho na las 'ongs pa de kho nar song ngo / /ji ltar gyur/ nye sdes phye ma rnon po de lta bu byin pas des na mngal na gnas pa de dum bu dum bur zhig pa 'gyur to/ /de shAkya'i sras kyi dge sbyong rnams kyi dge sbyong gi tshul ni tshig go /bram ze'o tshul ni tshig ste 'di ltar mngal na gnas pa yang rlugs par byed do zhes smod par byed/ phyar kha gtong bar byed/ kha zer bar byed do/ /nye sdes sdig pa'i las 'di dang 'di lta bu byas so zhes bya ba'i sgra de yang mnyan yod kun tu grags pa'i skabs de dge slong rnams kyis bcom ldan 'das la gsol to/ /de nas sangs rgyas bcom ldan 'das kyis tshe </font><hr>Ca171a<br><font size=+1>


@#/ /dang ldan pa nye sde la rmas pa/ nye sde khyod kyis sdig pa'i las de lta bu de byas pa bden nam/ btsun pa ma bgyis te/ 'di ltar bdag gis rjes su yi rang bar ni bgyis so/ /bcom ldan 'das kyis bka' stsal pa/ dge slong dag dge slong nye sde la ni ltung ba med do/ /yang dge slong gis gnas de lta bu la rjes su yi rang bar mi bya'o/ /dge slong gnas de lta bu la rjes su yi rang bar byed na/ 'gal tshabs can du 'gyur ro/ /de'i bar skabs su sde pa don legs par grub ste mnyan yod dang nye bar phyin to/ /'jig rten ni 'byor pa 'dod la rgud pa dang mi mthun pa yin pas/ kha cig gis myur ba myur bar dong ste/ sde pa'i chung ma la smras pa/ khyod kyi khyim thab don legs par grub ste mnyan yod dang nye bar 'ongs kyis spro ba skyed cig /bud med kyi yul ni ma bslabs par mkhas pa yin pas sde pa'i chung ma de yi chad pa'i sems kyis gos dri ma can dag bgos te/ khri zhig pa la 'dug cing 'dug go / ji tsam na sde pa mnyan yod du zhugs nas zong mdzod du mkhos su phab ste/ rang gi khyim du 'ongs pa dang / khyim ma byugs/ byi dor ma byas/ gsal ba med pa mthong nas/ des bu mo mo mngag gzhug ma la dris pa/ khyim bdag gi chung ma gar song / bu mos smras pa/ rje'i sras spyod lam bcad de khri zhig pa la mchis shing mchis so/ /de nas sde pa yi mi </font><hr>Ca171b<br><font size=+1>


bde ba skyes te/ chung ma'i gan du song nas smras pa/ bzang mo khyod kho bo 'ongs pas mi bde'am/ rje'i sras bdag khyod byon pas mi bde ba ma mchis te/ 'di ltar rje'i sras kyis srung ma gang lags pa de dag nyid rkun ma dag lags so/ /ci zhig byas/ bkag bzhin du nye sdes nan gyis kho mo bdag gir bgyis so/ /bzang mo de ni des khyod zil gyis mnan pa ma yin gyi kho bo zil gyis mnan pa yin gyis/ longs shig /kho bos de la mtshams gcad par bya'o/ /bzang mo nye sde ga la 'dug /rje'i sras khyod byon pa thos nas rab tu byung ngo / /gang du rgyal byed kyi tshal du shAkya'i sras kyi dge sbyong rnams kyi nang du'o/ /bzang mo ci de 'jigs pa med pa'i grong khyer yin nam/ kho bo der yang song la de la mtshams chen po gcad par bya'o/ /'jig rten ni mdza' bshes dang dgra bo dang bar ma yin pas/ kha cig nye sde'i drung du song ste smras pa/ nye sde khyed kyi phu bo 'ongs so/ /nye sdes smras pa/ ji skad zer/ de dag gis smras pa/ ci de 'jigs pa med pa'i grong khyer yin nam/ kho bo der yang song la/ de la mtshams chen po gcad par bya'o zhes zer ro/ /nye sdes thos nas nyam nga bar gyur te/ bsams pa/ bdag 'jigs pa dag gis rab tu byung ba de/ 'dir yang 'byung bar mi 'gyur ram/ 'di ltar bdag cag rgyal pos gzhon nu'i yongs su spang ba byin mod kyi 'on kyang bdag nyes pa dang bcas pa yin pas/ gal te na bdag la 'dir yang gnod pa byed par </font><hr>Ca172a<br><font size=+1>


@#/ /'gyur ba'i gnas yod kyis bros te 'gro'o snyam nas/ des mkhan po la mkhan po bdag 'jigs pa gang gis rab tu byung ba de/ 'dir yang rjes su 'brel bar gyur to zhes byung ba'i mtha' de rgyas par brjod do/ /mkhan pos smras pa/ bu ci nyes/ mkhan po bdag gi phu bo de mchis nas te por mchid 'bo zhing / ji de 'jigs pa med pa'i grong khyer yin nam/ kho bo der yang song la de la mtshams chen po gcad par bya'o zhes mchi'o/ /'di ltar bdag cag rgyal pos gzhon nu'i yongs su spang ba stsal mod kyi 'on kyang bdag nongs pa dang bcas pa lags pas/ gal te na 'dir yang bdag la gnod pa bgyid par 'gyur ba'i gnas mchis kyis/ bros te mchi'o/ /bu gang du 'gro/ mkhan po rgyal po'i khab tu'o/ /bu de na kho bo mdza' bshes dge slong zhig 'dug gi /de la spring yig bskur gyis/ de'i drung na 'dug cig dang / de khyod la byams pas rjes su skyong bar 'gyur ro/ /mkhan po legs so/ /des dge slong de la sngar bro rma ba dris te| bdag gi lhan cig gnas pa bdag gis khyod kyi gan du gtang ste 'ong gis/ de'i slad du ji ltar 'di ni mngon par dga' ba bzhin du byams pas rjes su skyongs shig ces spring yig bris nas/ nye sdes spring yig de mnos te bag tsha bas yid mi bde zhing phyogs su rnam par lta ba bzhin du rgyal po'i khab tu 'phags te mthar gyis rgyal po'i khab tu song nas/ thos pa brgyud pas dge slong de'i gan du </font><hr>Ca172b<br><font size=+1>


phyin nas rkang pa gnyis la mgo bos phyag 'tshal te/ spring yig phul nas mtha' gcig tu 'dug go /de nas dge slong des spring yig bklags te smras pa/ tshe dang ldan pa 'ongs pa legs so/ /'ongs pa legs so/ /ji ltar khyod de'i nye gnas yin pa de bzhin du/ kho bo'i yang yin gyis bslab pa la gus par gyis shig dang / kho bos khyod lhung bzed dang chos gos dang dra ba dang phor bu dang ska rags kyis mi brel bar bya'o/ /gzhan yang dge slong gi las ni gnyis te/ bsam gtan dang klog pa yin na/ khyod bsam gtan dang klog pa gang 'dod/ bsam gtan 'tshal lo/ /bu legs so/ /des de la gdams ngag byin nas nye sde bsil ba tshal gyi dur khrod du song ste/ brtson pa dang 'bad pa dang / brtsal bas nyon mongs pa thams cad spangs nas dgra bcom pa nyid mngon du byas te/ dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan dan bzhag pa lta bu/ rig pas sgo nga'i sbubs dral bar gyur cing / rig pa dang mngon par shes pa dang so so yang dag par rig pa thob pa/ srid pa dang 'dod pa'i rnyed pa dang bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur to/ /de'i bar skabs su sde pa yang rgyal byed kyi tshal du song ste dge slong rnams la dris pa/ 'phags </font><hr>Ca173a<br><font size=+1>


@#/ /pa dag 'di na mnyan yod pa'i khyim bdag gi bu rab tu byung ba zhig mchis sam/ rab tu byung ngo / /de ga la mchis/ rgyal po'i khab tu song ngo / /de khyed kyi cir 'ong nu bor mchi'o/ /sde pas dge slong de dag gi rkang pa la phyag 'tshal te song nas bsams pa/ rgyal po'i khab kyang 'jigs pa med pa'i grong khyer ma yin gyis bdag der yang song la/ de la mtshams chen po gcad par bya'o snyam nas/ de lam brgyags mang po dang kar sha pa Na dag khyer te rgyal po'i khab tu song ngo / /de 'od ma'i tshal du song nas dge slong rnams la dris pa/ 'phags pa dag 'di na mnyan yod pa'i khyim bdag gi bu rab tu byung ba zhig mchis sam/ 'dir 'ongs so/ /de khyod kyi cir 'ong / nu bor mchi'o/ /de ga la mchis/ bsil ba tshal gyi dur khrod na'o/ /sde pa de bsil ba tshal gyi dur khrod du song ba dang / des nye sde byis pa'i gnas skabs na mthong ba chen por gyur pas/ mkhas pa dang rnam par gnon pa las ngo ma shes mod kyi te por brtags pa dang bzhin gzugs las ngo shes par gyur nas/ des bsams pa/ gal te 'dis bdag ngo shes par gyur na/ nges par 'dis bdag gsod par byed pas de'i thabs sbyar bar bya'o snyam nas/ de mtha' gcig tu song ste phyogs su rnam par blta zhing 'dug go /ji tsam na lam der rngon pa lag na mda' gzhu thogs pa zhig ri dwags bshor ba'i phyir 'ongs pa dang / sde pa de'i gan du song ste smras pa/ kye </font><hr>Ca173b<br><font size=+1>


grogs po khyod lag na mda' gzhu thogs te gar 'gro /des smras pa/ grogs po ri dwags shor du'o/ /de las khyod kyi rnyed pa ji tsam 'grub/ grogs po lan 'ga' ni 'grub/ lan 'ga' ni mi 'grub bo| |gang gi tshe 'grub pa de'i tshe na mang nyung ji tsam/ grogs po kar sha pa Ni lnga brgya tsam mo/ /sde pas smras pa/ grogs po gal te de lta na rab tu byung ba 'di sod cig dang / kho bos khyod la kar sha pa Na lnga brgya byin no/ /rngon pa de 'dod pas drangs pa'i yid dang ldan pas des sde pa las kar sha pa Na lnga brgya blangs nas/ de'i 'og tu bsams pa/ rab tu byung ba 'di dag ni rgyal po gzugs can snying pos gzhon nu'i yongs su spang ba byin pa yin la/ bdag ni phyogs 'dir rtag tu rgyu ba yin pas/ gal te bdag gis rab tu byung ba 'di bsad par gyur na/ bdag kyang bu dang rtsa lag dang phyugs dang bcas te nges par btson rar bcug cing gsod par 'gyur ro/ /'di ltar khyim bdag 'di ni na le sham dkar po 'byung ba dang 'dra bar 'di ga las 'ongs pa sus kyang mi shes pa yin gyis/ rnam pa thams cad du 'di gsad par bya'o snyam nas/ rngon pa des mda' dug can gyis gzhu rnga'i dbyibs 'dra bar rna drung du thug par bkang ste sde pa'i gnad du bsnun to/ /sde pa de sdug bsngal gyi tshor ba dag gis nyen pas bdag bsad par gyur pa gang yin pa de thams cad nges par rab tu byung ba 'dis rngon pa 'di dang lhan cig brda byas pa yin gyi </font><hr>Ca174a<br><font size=+1>


@#/ /gang du 'di gsod par 'gyur ba der skye ba blang ngo snyam du sems dag gso bar byed cing / des smon lam log par btab nas/ nye sde'i gnas khang gi sgo glegs 'drud pa'i 'og tu sbrul dug myur du khyab par byed pa zhig tu skyes so/ /dgra bcom pa dag ni ma bsams par shes pa dang / mthong ba mi 'jug pas/ nye sdes sgo glegs phye bas sbrul dug myur du khyab par byed pa de shi bar gyur to/ /de nas sgo glegs 'drud pa'i steng du skyes nas der yang shi bar gyur to/ /de nas khri'i rkang rten gcig gi 'og tu skyes nas der yang shi bar gyur to/ /de bzhin du lan gnyis lan gsum lan bzhir 'og tu skye nas/ der yang shi bar gyur to/ /ji lta ji ltar 'chi bar 'gyur ba de lta de ltar dug shin du rno ba dang / lus shin tu phra bas nying mtshams sbyor ba len pa byed do/ /ji tsam dus gzhan zhig na de steng gi spang leb kyi bar du skyes nas/ tshe dang ldan pa nye sde gcig pu dben par song ste nang du yang dag 'jog la zhugs pa'i lus la ltung bar gyur to/ /de nas tshe dang ldan pa nye sdes dge slong rnams la smras pa/ tshe dang ldan pa dag kho bo'i lus la sbrul dug myur du khyab par byed pa/ 'bar ba rno ba dug drag pa/ 'di lta ste dper na mig sman gyi thur ma ltar phra ba ltung gis/ kye tshe dang ldan pa dag lus kyi than kor nas bzung la/ 'di nyid du 'di lta ste dper na sbun pa'i chang bu ltar zhigs par mi 'gyur bar gtsug lag </font><hr>Ca174b<br><font size=+1>


khang gi phyi rol du phyung zhig /de'i tshe na tshe dang ldan pa shA ri'i bu/ tshe dang ldan pa nye sde dang ha cang mi ring ba'i shing drung zhig na rten cing nyin mo gnas pa'i phyir 'dug go /tshe dang ldan pa shA ri'i bus tshe dang ldan pa nye sde'i tshig brjod pa rnam pa de lta bu de thos so/ /thos nas kyang tshe dang ldan pa nye sde ga la ba der song ste phyin nas/ tshe dang ldan pa nye sde la 'di skad ces smras so/ / bdag gis tshe dang ldan pa nye sde bzhin gzhan du gyur pa'am/ dbang po rnams sna tshogs su gyur pa ma mthong na/ 'on kyang tshe dang ldan pa nye sde 'di skad ces/ tshe dang ldan pa dag kho bo'i lus la sbrul dug myur du khyab par byed pa/ 'bar ba/ rno ba/ dug drag pa/ 'di lta ste dper na/ mig sman gyi thur ma ltar phra ba lhung gis/ kye tshe dang ldan pa dag lus kyi than kor nas bzung la/ 'di nyid du 'di lta ste dper na/ sbun pa'i chang bu ltar zhigs par mi 'gyur bar gtsug lag khang gi phyi rol du phyung zhig ces zer ro/ /tshe dang ldan pa shA ri'i bu gang la 'di ltar mig bdag yin no/ /mig bdag gi yin no/ /rna ba dang sna dang lce dang lus dang yid bdag yin no/ /yid bdag gi yin no/ /gzugs bdag yin no/ /gzugs bdag gi yin no/ /sgra dang / dri dang / ro dang / reg bya dang / chos bdag yin no/ /chos bdag gi yin no/ /sa'i khams bdag yin no/ /sa'i khams bdag gi yin no/ /chu'i khams dang / me'i khams dang / rlung gi khams </font><hr>Ca175a<br><font size=+1>


@#/ /dang / nam mkha'i khams dang / rnam par shes pa'i khams bdag yin no/ /rnam par shes pa'i khams bdag gi yin no/ /gzugs kyi phung po bdag yin no| |gzugs kyi phung po bdag gi yin no/ /tshor ba'i phung po dang / 'du shes kyi phung po dang / 'du byed kyi phung po dang / rnam par shes pa'i phung po bdag yin no/ /rnam par shes pa'i phung po bdag gi yin no zhes bya ba yod pa de la ni/ bzhin gzhan du gyur pa'am/ dbang po rnams sna tshogs su gyur par 'gyur gyis/ tshe dang ldan pa shA ri'i bu kho bo la ni 'di ltar mig bdag yin no/ /mig bdag gi yin no/ /rna ba dang sna dang lce dang lus dang yid bdag yin no/ /yid bdag gi yin no/ /gzugs bdag yin no/ /gzugs bdag gi yin no/ /sgra dang dri dang ro dang reg bya dang chos bdag yin no/ /chos bdag gi yin no/ /sa'i khams bdag yin no/ /sa'i khams bdag gi yin no/ /chu'i khams dang me'i khams dang rlung gi khams dang nam mkha'i khams dang rnam par shes pa'i khams bdag yin no/ /rnam par shes pa'i khams bdag gi yin no/ /gzugs kyi phung po bdag yin no/ /gzugs kyi phung po bdag gi yin no/ /tshor ba'i phung po dang / 'du shes kyi phung po dang / 'du byed kyi phung po dang / rnam par shes pa'i phung po bdag yin no/ /rnam par shes pa'i phung po bdag gi yin no zhes bya ba med pas/ kho bo'i bzhin </font><hr>Ca175b<br><font size=+1>


gzhan du gyur pa'am/ dbang po rnams sna tshogs su gyur pa ga la 'gyur/ tshe dang ldan pa nye sde yun ring po nas bdag tu 'dzin pa dang / bdag gir 'dzin pa dang / nga'i snyam pa'i nga rgyal dang / mngon par zhen pa dang / bag la nyal ba dag spangs shing yongs su shes la tA la'i mgo bzhin du drungs nas bcad cing gzhi mi snang la phyis kyang mi skye ba'i chos can du gyur pas/ khyod la bzhin gzhan du gyur pa'am/ dbang po rnams sna tshogs su gyur par ga la 'gyur/ de nas tshe dang ldan pa shA ri'i bu dge slong rab tu mang po dag dang bcas pas/ tshe dang ldan pa nye sde'i lus kyi than kor nas bzung ste/ gtsug lag khang gi phyi rol du bskyal nas/ tshe dang ldan pa nye sde'i lus 'di lta ste/ dper na sbun pa'i chang bu ltar rnam par brgyar zhigs so/ /de nas tshe dang ldan pa shA ri'i bus de'i tshe tshigs su bcad pa smras pa/ tshangs spyod legs par spyad pa dang / lam nyid legs par bsgoms pa ni/ /tshe zad dga' bar 'gyur ba ste/ /nad dang bral ba ji bzhin no/ /tshangs spyod legs par spyad pa dang / /lam nyid legs par bsgoms pa ni/ /tshe zad dga' bar 'gyur ba ste/ /dug snod spangs pa ji bzhin no/ /tshangs spyod legs par spyad pa dang / /lam nyid legs par bsgoms pa ni/ /'bar ba'i khyim nas thar ba ltar/ /'chi ba'i mthar ni mya ngan med/ /tshangs spyod legs par spyad pa dang / /lam nyid legs par bsgoms pa ni/ /gang tshe 'jig rten shes rab kyis/ /rtswa dang shing 'drar mthong </font><hr>Ca176a<br><font size=+1>


@#/ /gyur pa/ /de tshe nying mtshams sbyor med las/ /gzhan pa 'dod par mi byed do/ /de nas tshe dang ldan pa shA ri'i bus tshe dang ldan pa nye sde'i lus la lus kyi mchod pa byas nas/ bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te/ mtha' gcig tu 'dug go /mtha' gcig tu 'dug nas bcom ldan 'das la tshe dang ldan pa shA ri'i bus 'di skad ces gsol to/ /btsun pa tshe dang ldan pa nye sde'i lus la sbrul dug myur du khyab par bgyid pa/ 'bar ba/ rno ba/ dug drag pa 'di lta ste dper bgyi na/ mig sman gyi thur ma ltar phra ba lhung nas/ de'i lus 'di lta ste dper bgyi na/ sbun pa'i chang bu ltar zhigs par gyur to/ /shA ri'i bu tshe dang ldan pa nye sde la gal te de'i tshe tshigs su bcad pa 'di dag dang / gsang sngags kyi tshig 'di dag snang bar gyur na/ de'i lus la sbrul dug myur du khyab par byed pa/ 'bar ba/ rno ba/ dug drag pas tshugs par mi 'gyur zhing / de'i lus 'di lta ste dper na sbun pa'i chang bu ltar zhigs par yang mi 'gyur ro/ /btsun pa tshigs su bcad pa de dag dang / gsang sngags kyi tshig de dag gang lags/ de nas bcom ldan 'das kyis de'i tshe tshigs su bcad pa bka' stsal pa/ nga ni yul 'khor srung la byams/ /sa srung bu la byams pa ste/ /la ba dang ni mgyogs mchog dang / /gcod ldan bu la nga byams so/ /go'u </font><hr>Ca176b<br><font size=+1>


ta ma ni nag po dang / /mig mi bzang la nga byams te/ /klu gang dga' bo nye dga' bo/ /de gnyis la ni nga rtag byams/ /rkang med rnams la nga byams te/ /rkang gnyis rnams la'ang nga byams so// rkang bzhi rnams la nga byams te/ /rkang mang rnams la'ang nga byams so/ /gang dag rgya mtshor rten pa yi/ /klu rnams kun la nga byams so/ /sems can gang dag mgul gnas pa'i/ /sems can kun la nga byams so/ /sems can kun dang srog chags kun/ /'byung po kun dang ma 'dris shog /thams cad bde ba nyid gyur cing / /thams cad nad ni med gyur cig /kun gyi bzang po mthong gyur cing / /gang la'ang sdig par ma gyur cig /sbrul gyis gang ba'i bya skyibs su/ /rtag tu bdag gi gnas gyur kyang / /dug myur khyab dang dug drag pos/ /bdag gi srog la gnod mi 'gyur/ / bdag gi bden tshig gang gis ni/ /ston pa 'jig rten bla na med/ /bdag gi bden tshig de yis ni/ /bdag gis lus la dug ma 'jug /'dod chags zhe sdang gti mug rnams/ /de dag 'jig rten dug gsum ste/ /sangs rgyas bcom ldan dug mi mnga'/ /sangs rgyas bden pas dug bcom mo/ /'dod chags zhe sdang gti mug rnams/ /de dag 'jig rten dug gsum ste/ /sangs rgyas chos ni dug mi mnga'/ /chos kyi bden pas dug bcom mo/ /'dod chags zhe sdang gti mug rnams/ /de dag 'jig rten dug gsum ste/ /bcom ldan dge 'dun dug mi mnga'/ /dge 'dun bden pas </font><hr>Ca177a<br><font size=+1>


@#/ /dug bcom mo/ /dug dang drag po'i dug bcom ste/ /bsrung bas yongs su bsrung ba byas/ /sangs rgyas thams cad dug bcom pas/ /brang 'gro khyod kyi dug bcom mo/ /de la gsang sngags kyi tshig rnams 'di dag yin te/ tad+ya thA/ oM tum pi le/ tum pi le/ tum pe/ pra tum pe/ nad te/ su na Ta Te/ ke pa Ta Te/ mu na ye/ sa ma ye/ dan te/ dan ti le/ ni le/ ni la ke she/ bA le/ bA la ko pe/ o le/ n+yang go le swA hA/ shA ri'i bu gal te de'i tshe rigs kyi bu nye sde la tshigs su bcad pa de dag dang / gsang sngags kyi tshig de dag snang bar gyur na/ de'i lus la dug myur du khyab par byed pas tshugs par mi 'gyur zhing de'i lus la 'di lta ste dper na/ sbun pa'i chang bu ltar rnam pa brgyar zhigs par yang mi 'gyur ro/ /btsun pa de'i tshe na tshe dang ldan pa nye sdes tshigs su bcad pa de dag dang / gsang sngags kyi tshig de dag sngon ma thos pas de la da ltar bcom ldan 'das la ji ltar ba bzhin du snang bar ga la 'gyur/ de nas tshe dang ldan pa shA ri'i bus/ bcom ldan 'das kyis bka' stsal pa la mngon par dga' ba dang / rjes su yi rang ba byas te/ bcom ldan 'das kyi zhabs gnyis la mgo bos phyag 'tshal nas/ bcom ldan 'das kyi spyan snga nas song ngo // //'dul ba rnam par 'byed pa/ bam po dgu pa/ dge slong rnams the tshom skyes nas the tshom thams cad gcod pa sangs rgyas bcom </font><hr>Ca177b<br><font size=+1>


ldan 'das la zhus pa/ btsun pa tshe dang ldan pa nye sdes las ci zhig bgyis na/ las de'i rnam par smin pas phyug pa nor mang ba longs spyod che ba'i khyim du skyes/ las ci zhig bgyis na/ des bcom ldan 'das kyi spyan sngar rab tu byung nas/ nyon mongs pa thams cad spangs pas dgra bcom pa nyid mngon sum du bgyis/ las ci zhig bgyis na des dgra bcom pa nyid thob kyang dug gis gzir ba'i snyun gyis yongs su mya ngan las 'das/ bcom ldan 'das kyis bka' stsal pa/ dge slong dag rigs kyi bu nye sde nyid kyis las tshogs rnyed pa/ rkyen yongs su bsgyur ba 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas nye sde nyid kyi las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang mi dge ba byas shing bsags pa dag ni zin pa'i phung po dang khams dang skye mched dag la rnam par smin par 'gyur te/ las rnams bskal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ / 'bras bu dag tu 'gyur pa nyid/ /dge slong dag sngon byung ba 'das pa'i dus na/ sangs rgyas rnams 'byung ba med pa'i tshe/ rang sangs rgyas dman pa dang / bkren pa la rjes su snying brtse ba/ bas </font><hr>Ca178a<br><font size=+1>


@#/ /mtha'i gnas mal la dga' ba bse ru lta bu gcig pu 'jig rten gyi yon gnas su gyur pa dag 'jig rten du byung ngo / /ci tsam na ri brags shig na rngon pa zhig 'dug ste/ ri brags de dang ha cang mi ring ba zhig na ri dwags dang bya mang po dag gi rten du gyur pa/ mtshe'u zhig yod pa der rngon pa de nyi ma re re zhing ri dwags dang bya mang po dag drungs dbyung ba'i phyir dang / nyams par bya ba'i phyir dang / tshul ma yin pas sdug bsngal bar bya ba'i phyir rngon spyad dang / rnyi dang rnyong mang po dag 'jug par byed do/ /de'i rngon spyad dang rnyi dang rnying de dag kyang don yod pa yin no/ /ji tsam dus gzhan zhig na rang sangs rgyas zhig ljongs rgyu zhing song ba na/ ri brags der phyin nas lha'i gnas shig tu mtshan mo gnas par khas blangs nas/ de snga dro sham thabs bgos/ lhung bzed dang chos gos thogs te/ ri brags der bsod snyoms la zhugs so/ /der bsod snyoms brgyus nas/ bsams pa/ lha'i gnas 'di nyin mo rgyun lugs mang ba yin gyis/ ri brags kyi phyi rol gyi gnas zhig ba zhig tu bsod snyoms bza'o snyam nas de ri brags nas byung ste/ 'di ni zhi ba'o 'di ni zhi ba'o zhes mtshe'u de ga la ba der song ste phyin nas/ lhung bzed dang chu tshags mtha' gcig tu bzhag ste/ rkang pa gnyis pa bkrus nas lag pa gnyis bsnyal te chu btsags nas lo ma lhags pa dag blangs te 'dug nas zas kyi bya ba byas te/ </font><hr>Ca178b<br><font size=+1>


lag pa gnyis bsnyal nas kha bkrus te/ lhung bzed dang chu tshags gnas ji lta ba bzhin du bzhag nas/ rkang pa gnyis bkrus te/ shing drung zhig tu brten nas/ brang 'gro'i rgyal po nyal ba'i lus bskyil ba ltar/ skyil mo krung bcas te spyod lam zhi bar 'dug pa dang / de'i nyin mo mi'i dris ri dwags gcig kyang ma zin to/ /de nas rngon pa de nang par sngar langs te/ mtshe'u de ga la ba der song nas/ des rngon spyad dang / rnyi dang rnying de dag byul bar brtsams pa dang / ri dwags gcig kyang ma mthong nas/ de 'di snyam du sems te/ bdag gi rngon spyad dang / rnyi dang rnying 'di dag don yod pa yin na/ gang gi phyir deng ri dwags gcig kyang ma zin pa 'di'i rgyu gang yin snyam nas/ des mtshe'u de'i than kor byul bar brtsams pa dang / mi'i rjes mthong nas/ de rjes de'i phyi bzhin du song ba dang / rang sangs rgyas spyod lam zhi bar 'dug pa de mthong nas des bsams pa/ rab tu byung ba sems zhi ba 'di dag gnas 'di lta bu dag tu mngon par dga' bar byed pas/ gal te bdag gis 'di'i srog gcad par ma byas na/ 'di dag gis nges par bdag gi 'tsho ba gcod par byed kyis/ rnam pa thams cad du 'di gsad par bya'o snyam nas/ snying rje med pa'i sems dang ldan pa/ 'jig rten pha rol btang ba des/ mda' dug can gyis gzhu rnga'i dbyibs 'dra ba rna drung du thug par bkang ste/ rang sangs rgyas de'i gnad du bsnun to/ /rang sangs rgyas bdag nyid chen po des bsams pa/ rngon pa nyon </font><hr>Ca179a<br><font size=+1>


@#/ /mongs pa 'di ha cang smas pa dang nyams par gyur na mi rung gis 'di lag nas drang ba sbyin no snyam nas des ngang pa'i rgyal po 'dab ma brkyang ba ltar steng gi nam mkha' la mngon par 'phags nas/ 'bar ba dang / gsal ba dang / char 'bebs pa dang / glog 'byin pa'i cho 'phrul dag bya bar brtsams so/ /so so'i skye bo ni rdzu 'phrul la myur du sems gtod par byed pa yin pas/ rngon pa de shing ljon pa rtsa ba nas bcad pa bzhin du/ rang sangs rgyas de'i rkang pa gnyis kyi drung du 'gyel nas smras pa/ yon gnas yang dag par gyur pa mar gshegs su gsol/ mar gshegs su gsol/ nyon mongs pa'i 'dam du bying ba bdag gi sug pa nas drang ba stsal du gsol/ rang sangs rgyas de rngon pa de la rjes su snying brtse ba'i phyir/ steng gi nam mkha' las shod du babs so/ /de nas rngon pa des zug rngu med par byas te rma lhan gyi glan nas smras pa/ 'phags pa sdum par gshegs su gsol/ gal te 'dir gser gyi lhan pa klan par mdzad na/ de yang bdag gis sbyar bar bgyi'o/ /rang sangs rgyas kyis bsams pa/ bdag gis rnag gi lus 'dis thob par bya ba gang yin pa thob zin pas/ de'i phyir da ni phung po lhag ma med pa'i mya ngan las 'das pa'i dbyings su 'jug par bya'o snyam nas/ de rngon pa de nyid kyi mdun du yang nam mkha'i dkyil du 'phags te/ cho 'phrul rnam pa sna tshogs dag rnam </font><hr>Ca179b<br><font size=+1>


par bstan nas/ phung po lhag ma med pa'i mya ngan las 'das pa'i dbyings su yongs su mya ngan las 'das so/ /rngon pa de nor dang ldan pa yin pas/ des spos kyi shing thams cad kyis phung por gcer te bsregs nas phung po de 'o mas zhi bar byas te/ rus pa de dag gser gyi bum par bcug nas lam po che'i bzhi mdor lus kyi mchod rten brtsig tu bcug ste/ gdugs dang rgyal mtshan dang / ba dan dag bsgreng zhing / dri dang phreng ba rgyu ba dang / bdug spos dang / phye ma dang / sil snyan dag gis mchod pa byas nas/ rkang pa gnyis la phyag 'tshal te smon lam 'di skad ces/ bdag yon gnas yang dag par gyur pa 'di lta bu la gnod pa byas pa gang yin pa'i las de'i cha dang mthun par mi 'gyur bar/ mchod pa byas pa gang yin pa'i dge ba'i rtsa ba 'dis/ bdag phyug pa nor mang ba/ longs spyod che ba'i khyim du gzugs bzang ba/ blta na sdug pa/ mdzes par skye zhing / 'di bas ches khyad par du 'phags pa'i ston pa mnyes par byed cing thugs byung bar mi byed pa'i yon tan gyi rnam pa de lta bu thob par gyur cig ces smon lam btab bo/ /dge slong dag de'i tshe de'i dus kyis rngon pa gang yin pa de ni nye sde 'di yin te/ des rang sangs rgyas kyi gnad du mda' dug can gyi bsnun pa gang yin pa'i las de'i rnam par smin pas bskal par sems can dmyal ba chen po mnar med par gdungs nas/ las de nyid kyi lhag mas tshe rabs lnga brgyar dug gis dus la bab ste/ da ltar gyi bar du yang dgra </font><hr>Ca180a<br><font size=+1>


@#/ /bcom pa thob kyang / de dug gis yongs su mya ngan las 'das so/ /mchod pa byas nas smon lam btab pa gang yin pa des ni da ltar phyug pa nor mang ba longs spyod che ba'i khyim du gzugs bzang ba lta na sdug pa mdzes par skyes shing / nga'i bstan pa la rab tu byung nas nyon mongs pa thams cad spangs pas/ dgra bcom pa nyid mngon du byas shing / 'dis rang sangs rgyas bye ba phrag 'bum pas ches khyad par du 'phags pa'i ston pa nga mnyes par byas shing thugs byung bar ma byas so/ /dge slong dag de ltar na las gcig tu gnag pa rnams kyi rnam par smin pa ni gcig tu gnag pa yin la/ las gcig tu dkar ba rnams kyi rnam par smin pa yang gcig tu dkar ba yin/ las 'dren ma rnams kyi rnam par smin pa yang 'dren ma yin no/ / dge slong dag de lta bas na las gcig tu gnag pa rnams dang 'dren ma rnams spangs te/ las gcig tu dkar ba rnams la brtsal bar bya ste/ dge slong dag khyed kyis de ltar bslab par bya'o/ /'di yang re zhig byung ba yin gyi/ sangs rgyas bcom ldan 'das 'dul ba la nyan thos rnams kyi bslab pa'i gzhi 'cha' bar ni mi mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na tshong dpon zhig 'dug pa des rigs mnyam pa las chung ma blangs te/ de de dang lhan cig </font><hr>Ca180b<br><font size=+1>


rtse bar byed/ dga' bar byed/ dga' mgur spyod par byed do/ /rtse bar byed dga' bar byed dga' mgur spyod par byed pa de la bu btsas nas/ de btsas pa'i rim gyis rigs dang mthun pa'i ming btags te/ de bsrings shing bskyed nas chen por gyur to/ /ji tsam na tshong dpon de'i chung ma dus la bab nas/ des chung ma gzhan zhig blangs te/ tshong dpon des chung ma de la smras pa bzang mo gzhan las skyes pas ni bya ba byed par nus kyi mi mthun par skyes pas ni mi nus pas/ khye'u 'di khyod kyi bu yin gyis/ khyod kyis 'di la mkho ba bstab par bya'o/ /ji tsam dus gzhan zhig na chung ma gnyis pa de la yang sems can zhugs par gyur nas/ des bsams ba/ bdag la yang bu yod par gyur pas khye'u 'di de'i zla bor 'gyur gyis 'di bstod par mi bya'o snyam nas/ des khye'u de zas ngan pa dang / gos ngan pa bsrel du 'jug cing khu tshur dang thal lcag dag gis kyang yang dang yang du rdeg par byed do/ /khye'u de pha'i gan du song ste smras pa/ yab bdag la ma yar mo 'dis zas ngan pa dang / gos ngan pa bsrel du stsol cing / khu tshur dang thal lcag dag gis kyang yang dang yang du rdeg par bgyid do/ /tshong dpon des smras pa/ bu ci nas kyang phyin chad de ltar mi byed par bzlog par bya'o/ /tshong dpon des chung ma la smras pa/ bzang mo kho bos khyod la dang po nyid nas gzhan las skyes pas ni bya ba byed par nus kyis/ mi mthun par skyes pas ni </font><hr>Ca181a<br><font size=+1>


@#/ /mi nus pas khye'u 'di khyod kyi bu yin gyis khyod kyis 'di la mkho ba bstab par bya'o zhes ma smras sam/ ci'i phyir khyod kyis 'di la zas ngan pa dang / gos ngan pa bsrel du 'jud cing / khu tshur dang thal lcag dag gis kyang yang dang yang du rdeg par byed/ chung mas smras pa/ rje'i sras bdag gis 'di bslab par bgyi ste/ 'di ni tshong dpon gyi bu lags pas/ gal te ma bslabs na rje'i sras nyid la yang 'jig rten dag nges par smod par 'gyur ro/ /tshong dpon gyis smras pa/ khyod 'di slob par ma bskos kyis/ phyin chad 'di zas ngan pa dang gos ngan pa bsrel du mi gzhug cing / khu tshur dang thal lcag gis yang dang yang du ma rdegs shig /chung ma de tshong dpon de'i shin tu gnang chen yin pas/ chung ma des khye'u de phyir zhing shas cher gos ngan pa dang / zas ngan pa bsrel du 'jud cing / khu tshur dang thal lcag gis kyang yang dang yang du rdeg par byed do/ /khye'u des bsams pa/ bdag gi phas ma yar mo 'di drag tu ma bzlog pas/ des na ma yar mo 'di bdag la phyir zhing shas cher zas ngan pa dang / gos ngan pa bsrel du 'jud cing / khu tshur dang thal lcag dag gis kyang yang dang yang du rdeg par byed kyis bdag rab tu 'byung du 'gro'o snyam nas/ khye'u des pha la yab khyod kyis bdag gi ma yar mo 'di bzlog kyang 'dis slar zhing shas cher bdag zas ngan pa dang gos ngan pa bsrel du </font><hr>Ca181b<br><font size=+1>


du stsal cing / khu tshur dang thal lcag dag gis kyang yang dang yang du rdeg par bgyid kyis bdag rab tu 'byung du mchi'o zhes ci nas cir brgyud de gsol ba byas so/ /tshong dpon de chung ma de la ha cad byams shing de'i sems srung bas/ de drag tu bzlog par ma nus nas/ des smras pa/ bu khyim bdag gi chung ma 'di gtum pa brtun ngas pa drag shul che ba yin gyis song la rab tu byung zhig dang khyod gson pa mthong bar yang 'gyur gyi/ gal te na khyod la gnod pa byed par 'gyur ba'i gnas kyang yod do/ /khye'u de phas gnang nas rgyal byed kyi tshal du song ste/ dge slong gi drung du song nas rkang pa gnyis la phyag 'tshal te smras pa/ 'phags pa bdag rab tu 'byung bar 'tshal lo/ /dge slong des smras pa/ bzhin bzang khyod kyis sems bskyed pa legs te/ longs spyod dag ni 'gyur ba yin gyis rab tu byung zhig /dge slong des khye'u de rab tu phyung rdzogs par bsnyen par byas nas smras pa/ bzhin bzang dge slong gi las ni gnyis te/ bsam gtan dang / klog pa yin no/ /kho bo ni bsam gtan pa yin na/ khyod bsam gtan dang / klog pa gang byed/ des smras pa/ mkhan po klog pa'o/ /bu legs kyis khyod kyis sde snod gsum po dag bklag par bya'o/ /des bsams pa/ gzhung ma la mkhan po rjes su bsrung dgos pas 'di na bdag la klog tu 'jud pa med kyis/ yul gzhan du 'gro'o snyam nas de yul gzhan du song ngo / /des der sde </font><hr>Ca182a<br><font size=+1>


@#/ /snod gsum po dag bklags shing sde snod gsum dang ldan pa chos sgrogs pa/ rig pa dang grol ba'i spobs pa can du gyur to/ /des bsams pa/ bcom ldan 'das kyis dge slong dag bu'i pha ma snyod par byed pa/ gso bar byed pa/ skyed par byed pa/ nu ma snun par byed pa/ 'dzam bu'i gling sna tshogs ston par byed pa gnyis ni dka' ba byed pa dag yin te/ bus phrag pa gcig gis ni pha/ cig shos kyis ni ma lo brgya tham par yongs su pang ba byas sam/ sa chen po 'dir nor bu dang / mu tig dang / 
 dang / man shel dkar po dang / byi ru dang / dngul dang / sa le sbram dang / rdo'i snying po dang / spug dang / dmar po dang / g.yas su 'khyil dang / de lta bu'i dbang phyug gi bdag po la bkod par gyur pa gang yin pa de tsam gyis ni bus pha ma gnyis la byas pa dang / nye bar byas par mi 'gyur gyi/ de pha ma ma dad pa gnyis dad pa phun sum tshogs pa/ yang dag par 'dzin du b+jud \ 'JUD?\ 'dul bar byed/ 'dzud par byed/ rab tu 'god par byed/ tshul khrims 'chal pa gnyis tshul khrims phun sum tshogs pa dang / ser sna can gnyis gtong ba phun sum tshogs pa dang / shes rab 'chal ba gnyis shes rab phun sum tshogs pa yang dag par 'dzin du 'jud/ 'dul bar byed/ 'dzud par byed/ rab tu 'god par byed na/ de tsam gyis ni bus pha ma </font><hr>Ca182b<br><font size=+1>


gnyis la byas pa dang / nye bar byas par 'gyur ro zhes gsungs pas bdag gi pha de yang ma dad pa yin gyis bdag song la de la chos bstan par bya'o snyam nas de lhung bzed dang chos gos thogs te| mnyan yod ga la ba der rgyu zhing song ba na/ mthar gyis mnyan yod du phyin nas/ de mnyan yod du 'jug pa nyid na rgyal byed kyi tshal du song ngo / /mnyan yod kun tu tshong dpon che ge mo'i bu zhig ljongs nas sde snod gsum bklags te rgyal byed kyi tshal du 'ongs so zhes bya ba'i sgras khyab par gyur pa de tshong dpon des thos nas bdag gi bu sde snod gsum bklags te ljongs nas rgyal byed kyi tshal du 'ongs kyis/ de yang dag par rab tu dga' bar byed du 'gro'o snyam nas/ tshong dpon de rgyal byed kyi tshal du song ba dang / des bu de mthong nas smras pa/ bu khyod kyis kho bo spangs te rab tu byung mod kyi/ khyod dge slong du red cing mang du thos par gyur pa legs te bdag kyang yongs su dga'o zhes smras nas de'i mdun du 'dug go /dge slong des tshong dpon de la gang gis tshong dpon de dad pa skyes pas skyabs su 'gro ba dang / bslab pa'i gzhi dag gzung bar gyur pa de 'dra ba'i chos bstan par byas so/ /tshong dpon des bu'i rkang pa gnyis la phyag 'tshal te/ phyi de nyin par zan la mgron du bos pa dang / bu des kyang cang mi smra bas dang du blangs so/ /de nas tshong dpon des bu'i rkang pa gnyis la phyag 'tshal te song pa dang / de la lam khar blo skyes pa/ </font><hr>Ca183a<br><font size=+1>


@#/ /bdag gis bu de ma bgros par gya tshom du mgron du bos na/ bdag gi chung ma de yang gtum pa brtun ngas pa drag shul che ba yin pas bu de la bsnyen bkur byed par mi 'gyur na/ de la ji ltar bsgrub par bya snyam mo/ /yang bsams pa/ da ni de mgron du bos zin pas ci byar yang med kyis/ bdag gis gang gis chung ma de 'khrugs par mi 'gyur bar rnam pa thams cad du dga' ba dang snyan pa'i tshig dag gis thabs bshams par bya'o snyam nas/ de khyim du song ste chung ma la smras pa/ bzang mo 'khyams pa dang / shi ba dang / rab tu byung ba zhes bya ba dag don gcig gam/ 'on te tha dad du bya ba cung zad yod/ chung mas smras pa/ rje'i sras tha dad du bgyi ba cung zad kyang ma mchis so/ /tshong dpon gyis smras pa/ bzang mo gzhan dag na re/ khyod kyi bu yar po de dge slong bzang por red de ljongs nas sde snod gsum bklags nas rgyal byed kyi tshal du 'ongs te/ sde snod gsum dang ldan pa 'ba' zhig tu yang ma zad kyi/ chos sgrogs pa/ rig pa dang grol ba'i spobs pa can du yang gyur ces zer ro/ /chung mas smras pa/ rje'i sras gal te de lta na ci'i slad du 'tshal ma la g.yar mi drang / bzang mo mgron du bos kyis zas sta gon gyis shig /chung ma de de la zhe sdang gi kun nas dkris pa dang bral nas des zas bsil ba'i ro dang ldan pa gang </font><hr>Ca183b<br><font size=+1>


dag yin pa de dag ni de nyid kyi nyin mo sta gon byas/ zas dro ba'i ro dang ldan pa gang dag yin pa de dag ni phyi de nyin par sta gon byas nas/ btsun pa gdugs tshod g.yar gong 'tshal lags na de'i dus lags par dgongs su gsol zhes g.yar 'dren pa'i mi btang ngo / /dge slong de snga dro sham thabs bgos/ lhung bzed dang chos gos thogs nas pha'i khyim ga la ba der song ste/ phyin nas stan bshams pa nyid la 'dug go /de nas tshong dpon de chung ma dang bcas pas rang gi lag nas zas bsod bas dge slong de tshim par byas shing rang gi lag nas bstabs so/ / tshim par byas shing bstabs te zos zin par rig nas/ lag pa bsnyal cing lhung bzed bzhag pa na rkang pa la phyag 'tshal te/ chos mnyan pa'i phyir mdun du 'dug go /des ma yar mo de la yang gang thos nas des kyang skyabs su 'gro ba dang bslab pa'i gzhi dag gzung bar gyur pa'i rnam pa de ltar chos bstan par byas so/ /des khyim de ji ltar dge slong rnams dang / dge slong ma rnams kyis khron pa lta bur gyur pa de ltar btul nas/ de dag sbyin pa dang bya bar sems pa gang yin pa ci yang rung ste/ de thams cad dge slong rnams dang dge slong ma rnams la sems so| |ji tsam dus gzhan zhig na tshong dpon de'i 'byung ba chen po ma snyoms pas na bar gyur nas/ de'i bus bdag gi phan par gyur to zhes thos nas de 'di snyam du sems te/ bdag song </font><hr>Ca184a<br><font size=+1>


@#/ /la pha de la mchog tu dga' bar 'gyur ba'i chos bstan par bya'o snyam nas/ dge slong de de'i drung du dus dang mthun pa'i dus su song nas 'di skad ces| yab khyod kyis mi bgyis par mi bgyi ste/ 'di ltar khyod kyis dge ba'i bshes gnyen bdag la brten nas sangs rgyas la skyabs su song / chos dang dge 'dun la skyabs su song zhing bslab pa'i gzhi dag blangs/ sbyin pa dag byin/ bsod nams dag byas pas/ khyod yul gzhan du song na lo legs shing / mtho ris ni dar gyis chod pa tsam/ thar pa ni yol bas bsgribs pa tsam ste/ lus zhig nas yang lha rnams kyi nang du skye bar 'gyur ro zhes chos ston par byed do/ /tshong dpon gyis smras pa/ bu de de bzhin no/ / de de bzhin te/ bdag gis dge ba'i bshes gnyen khyod la brten nas/ sangs rgyas la skyabs su song / chos dang dge 'dun la skyabs su song zhig bslab pa'i gzhi dag blangs/ sbyin pa dag byin/ bsod nams dag byas pas/ bdag yul gzhan du song na lo legs shing / mtho ris ni dar gyis chod pa tsam/ thar pa ni yol bas bsgribs pa tsam ste/ lus zhig na yang lha rnams kyi nang du skye bar 'gyur ro/ /tshong dpon de'i bu des/ pha la de ltar chos bstan nas song ngo / /tshong dpon de la blo skyes pa bdag gi bu sde snod gsum </font><hr>Ca184b<br><font size=+1>


dang ldan pa/ chos sgrogs pa/ rig pa dang grol ba'i spobs pa can de gzhan du smra bar mi 'gyur bas bdag sdug bsngal gyi tshor bas nyen pa ni thun mong ma yin pas bdag gis bdag nyid gsad par bya'o snyam mo/ /yang bsams pa/ bdag nyid la rtsom par byed pa ni sdug bsngal ba yin na/ de'i phyir bdag srog dang bral bar byed nus pa su yod snyam nas/ de la bran mo mngag gzhug ma skyong ma zhes bya ba sbom mo glen ma dman pa zhig yod nas/ tshong dpon des bsams pa/ skyong ma 'di ni sbom mo glen ma dman pa yin pas 'dis bdag srog dang bral bar byed nus kyis/ gzhan gyis ni mi nus snyam mo/ /tshong dpon de'i khyim dang ha cang thag mi ring ba zhig na/ khyim bdag cig gi bus bag ma blangs pa der/ tshong dpon de'i chung ma bran mo mngag gzhug ma skyong ma dang bcas shing mgron du bos te song ngo / /bag ma blangs pa dang / ston mo zin nas/ tshong dpon gyi chung mas skyong ma la smras pa/ skyong ma khyod song la tshong dpon gnyid log par mi 'gyur bar srung shig /kho mo yang phyi bzhin 'ong ngo / /skyong mas jo mo'i tshig mnyan te/ khyim du song nas tshong dpon gyi drung du phyin pa dang / tshong dpon gyis smras pa/ skyong ma khyod ga las 'dir 'ongs/ skyong mas smras pa/ rje'i sras khyim bdag che ge mo'i bus bag ma blangs pa de bdag gis bltas te 'tshal ma 'tshal nas mchis so/ /skyong ma bag ma len pa bzang ngam/ rje'i </font><hr>Ca185a<br><font size=+1>


@#/ /sras bzang ngo / /gal te ngas khyod de ltar bag mar gtang bar bya na khyod dga'am/ rje'i sras dga'o/ /gal te de na kho bo ci zer ba de bzhin du byed na/ kho bo khyod dga' bar 'gyur ba shes so/ /skyong mas smras pa/ rje'i sras de bzhin du bgyi'o/ /skyong ma gal te de lta na kho bo'i ltor mi ma yin pa zhig zhugs kyis de sod cig / rje'i sras go rims ji ltar bgyi/ skyong ma dang por nga'i rkang pa gnyis tshir cig /de'i 'og tu byin pa gnyis/ de'i 'og tu pus mo gnyis/ de'i 'og tu brla gnyis/ de'i 'og tu rked pa/ de'i 'og tu lto ba/ de'i 'og tu brang / de'i 'og tu gre bar tshir la gal te kho bo mgul na ma btang zhig /skyong ma glen ma des de bzhin du byas te des dam du btsir ba dang / tshong dpon gyis bsams pa/ kye ma'o bdag skyong ma 'dis btang yang ci ma rung snyam na/ skyong mas de bas kyang ches dam du btsir to/ /lhas tshigs su bcad pa smras pa/ blo ngan gyis ni gang 'dzin pa/ / rus sbal gyis ni gang 'dzin bzhin/ /skyong mas zin par gyur pas na/ /khyod ni 'tsho bar ma mthong ngo / /tshong dpon de dus la bab nas/ /skyong mas ras kyis g.yogs te bzhag go/ de nas tshong dpon gyi chung ma phyi bzhin 'ongs nas de smras pa/ skyong ma khyod 'dug bzhin du tshong dpon nyal du bcug gam zhes tshong dpon gyi chung ma des tshong dpon bslang bar brtsams pa dang / </font><hr>Ca185b<br><font size=+1>


skyong mas smras pa/ ngan bus 'di'i lto na dgra bo mchis pa phyung bas/ des na 'di nyal bar gyur gyis 'di ma bslangs shig /tshong dpon gyi chung mas bsams pa/ 'di'i dgra bo ci 'dra ba zhig yin pa de blta'o snyam nas/ des brtag par brtsams pa dang / dus la bab pa mthong ngo / /tshong dpon gyi chung ma de la blo skyes pa/ 'di ni skyong ma'i spobs pa ma yin gyi 'di ni bu zan mo'i bu sde snod gsum dang ldan pa de'i spobs pa yin te/ des sde snod gsum bklags na chos gzhan 'ga' yang bstan pa ma byas par yab khyod kyis mi dgyes par mi bgyi ste/ khyod yul gzhan du song na lo legs shing mtho ris ni dar gyis chod pa tsam/ thar pa ni yol bas bsgribs pa tsam ste/ lus zhig na yang lha rnams kyi nang du skye bar 'gyur ro zhes bstan pas/ da ni 'di'i lus kyang zhig /lha rnams kyi nang du yang skyes zin gyis khyod tshur shog /kho mo dang lhan cig dga' mgur spyod cig /khyim gyi bya ba yang rjes su sgrubs shig /ces chung ma sdug bsngal gyi tshor bas nyen pa nges tshig tu brjod nas/ de'i 'og tu gos sngon po dang ser po dang dmar po dang dkar po dag gis khyogs brgyan nas mnyan yod kyi phyi rol gyi dur khrod du bsregs te/ de nas mya ngan bsangs pa byas te 'dug go /chung ma de bar bar du yang de skad sha stag zer bas dge slong sde snod gsum pa des bdag gi pha dus la bab par thos nas/ des bsams pa/ 'di ni 'dus byas rnams </font><hr>Ca186a<br><font size=+1>


@#/ /kyi chos nyid yin mod kyi 'on kyang ma yar mo de'i mya ngan bsang ba byar 'gro'o snyam nas/ de song ba dang / ma yar mo des thag ring po kho na nas dge slong de mthong ngo / / mthong nas kyang yang bu zan mo'i bu sde snod gsum dang ldan pas sde snod gsum bklags na chos gzhan 'ga' yang bstan pa ma byas par yab khyod kyis mi dgyes par mi bgyi ste/ khyod yul gzhan du song na lo legs shing mtho ris ni dar gyis chod pa tsam/ thar pa ni yol bas bsgribs pa tsam ste/ lus zhig na yang lha rnams kyi nang du skye bar 'gyur ro zhes bstan pas da ni 'di'i lus kyang zhig/ lha rnams kyi nang du yang skyes zin gyis khyod tshur shog kho mo dang lhan cig dga' mgur spyod cig/ khyim gyi bya ba yang rjes su sgrubs shig ces smra bar brtsams pa dang / dge slong de nyam nga nas de nyid nas phyir log go /de bdag gis 'chir bcug par ma gyur tam snyam du 'gyod pa skyes nas/ des skabs de dge slong rnams la brjod nas/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de la ni ltung ba med do/ /yang dge slong gis nad pa la gang thos na nad pa 'chi bar sems pa de 'dra ba'i chos bstan par mi bya'o/ /dge slong gis nad pa la gang thos na nad pa 'chi bar sems pa de 'dra ba'i chos ston par byed na 'gal tshabs can du 'gyur ro/ /'di yang re zhig </font><hr>Ca186b<br><font size=+1>


byung ba yin gyis sangs rgyas bcom ldan 'das 'dul ba la nyan thos rnams kyi bslab pa'i gzhi 'cha' bar ni mi mdzad do/ /sangs rgyas bcom ldan 'das spong byed dag na chu klung yid 'ong ldan gyi 'gram na sgron shing gi tshal gseb na bzhugs so/ /de na bcom ldan 'das dge slong gi dge 'dun la/ dge slong dag mi sdug pa sgoms shig /mi sdug pa bsten cing goms par byas/ lan mang du byas na 'bras bu chen po dang phan yon chen por 'gyur ro zhes mi sdug pa ston par mdzad cing mi sdug pa sgom pa'i bsngags pa brjod par yang mdzad do| |bcom ldan 'das kyis dge slong dag mi sdug ba sgoms shig /mi sdug pa bsten cing goms par byas/ lan mang du byas na 'bras bu chen po dang phan yon chen por 'gyur ro zhes gsungs pas de'i tshe na dge slong dag mi sdug pa sgom par byed de/ de dag mi sdug pa sgom par byed pa de'i tshe/ rnag gi lus 'dis sgyid lug pa dang / mus byung ba dang / the tshom za ba dang / smod par byed pa na mtshon yang 'byin par byed/ dug kyang za bar byed/ thag pas 'ching bar byed 'chi bar byed/ g.yang sar yang mchong bar byed cing 'di ltar dge slong gis kyang dge slong la rtsol bar byed do/ /de nas dge slong gzhan zhig rnag gi lus 'dis sgyid lug pa dang / mus byung ba dang / the tshom za ba dang / smod par byed pa na ri dwags zlog dge sbyong </font><hr>Ca187a<br><font size=+1>


@#/ /sbed ga la ba der song ste phyin nas ri dwags zlog dge sbyong sbed la 'di skad ces smras so/ /bzhin bzang tshur shog /kho bo srog dang phrol cig dang / kho bo'i lhung bzed dang chos gos gang yin pa de khyod kyir 'gyur ro/ /de nas ri dwags zlog dge sbyong sbed kyis dge slong de srog dang phral nas ral gri khrag gis gos pa khyer te chu klung yid 'ong ldan ga la ba der song nas phyin pa dang / chu klung yid 'ong ldan gyi 'gram du tsog tsog por 'dug ste ral gri khrag gis gos pa 'khru bar byed do/ /de nas bdud kyi ris kyi lha zhig chu klung yid 'ong ldan gyi rgyun ma phye bar 'dug nas/ ri dwags zlog dge sbyong sbed la 'di skad ces smras so/ /bzhin bzang legs so legs so/ /'di ltar khyod dge sbyong tshul khrims dang ldan pa yon tan dang ldan pa dag ma rgal ba rgal bar byed/ ma grol ba grol bar byed/ dbugs ma phyin pa dbugs 'byin par byed/ yongs su mya ngan las ma 'das pa yongs su mya ngan las 'da' bar byed pa ni khyod la bsod nams mang du skye bar 'gyur zhing / de dag gi lhung bzed dang chos gos gang yin pa de khyod kyir 'gyur ba 'di yang khyod kyi rnyed pa lhag pa yin no/ / de ltar de la ri dwags zlog dge sbyong sbed 'di snyam du 'di ltar bdag dge sbyong tshul khrims dang ldan pa/ yon tan dang ldan pa dag ma rgal ba rgal bar byed/ ma grol ba grol par byed/ </font><hr>Ca187b<br><font size=+1>


dbugs ma phyin pa dbugs 'byin par byed/ yongs su mya ngan las ma 'das pa yongs su mya ngan las 'da' bar byed pa ni bden mod bdag la bsod nams mang du skye zhing / de dag gi lhung bzed dang chos gos gang yin pa de bdag gir 'gyur ba 'di yang bdag gi rnyed pa lhag pa yin no snyam du rgya cher sdig pa can gyi lta ba'i rnam pa thob par gyur to/ /de nas ri dwags zlog dge sbyong sbed ral gri rnon po mchan khung gis khyer te/ kun dga'i ra ba nas kun dga'i ra bar/ gtsug lag khang nas gtsug lag khang du/ khang khyim nas khang khyim du/ 'chag sa nas 'chag sar dang / lam gol bar rjes su rgyu ba na/ dge slong de dang de dag mthong nas 'di skad ces smras so/ /dge sbyong tshul khrims dang ldan pa yon tan dang ldan pa/ ma rgal ba rgal bar bya ba/ ma grol ba dgrol bar bya ba| dbugs ma phyin pa dbugs dbyung bar bya ba/ yongs su mya ngan las ma 'das pa yongs su mya ngan las 'da' bar bya ba gang yin/ des na dge slong zhig rnag gi lus 'dis sgyid lug pa dang / mus byung ba dang / the tshom za ba dang smod pa na gnas nas phyir phyung ste ri dwags zlog dge sbyong sbed la 'di skad ces smras so/ /bzhin bzang bdag ma rgal ba yin gyis sgrol cig /bdag ma grol ba yin gyis khrol cig /bdag dbugs ma phyin pa yin gyis dbugs phyung zhig /bdag yongs su mya ngan las ma 'das pa yin gyis yongs su mya ngan las zlos shig /de nas ri dwags zlog dge sbyong sbed kyis </font><hr>Ca188a<br><font size=+1>


@#/ /dge slong de srog dang bral bar byas te de bzhin du gnyis dang gsum nas dge slong drug cu'i bar dag srog dang bral bar byas so/ /de'i tshe dge slong dag nyung ngur gyur/ nyams par gyur/ rnga rdor gyur cing dge slong gi dge 'dun srabs par gyur to/ /de nas bcom ldan 'das de nyid kyi tshes bco lnga'i gso sbyong la dge slong gi dge 'dun gyi gung du gdan bshams pa nyid la bzhugs so/ /bzhugs nas bcom ldan 'das kyis 'khor thams cad la rnam par gzigs te/ tshe dang ldan pa kun dga' bo la bka' stsal pa/ kun dga' bo gang gis da ltar dge slong dag nyung ngur gyur/ nyams par gyur/ rnga rdor gyur cing dge slong gi dge 'dun srabs par gyur pa'i rgyu ni gang yin/ rkyen ni gang yin/ btsun pa dus gcig na bcom ldan 'das dge slong gi dge 'dun la dge slong dag mi sdug pa sgoms shig /mi sdug pa sten cing goms par byas/ lan mang du byas na 'bras bu chen po dang phan yon chen por 'gyur ro zhes mi sdug pa ston par mdzad cing mi sdug pa sgom pa'i bsngags pa brjod par yang mdzad do/ /de'i tshe na dge slong dag mi sdug pa sgom par bgyid de/ de dag mi sdug pa sgom par bgyid pa'i tshe rnag gi lus 'dis sgyid lug pa dang / mus byung ba dang / the tshom za ba dang / smod par bgyid pa na mtshon yang 'byin par bgyid/ dug kyang 'tshal bar bgyid/ thag pas 'ching bas kyang 'gum par bgyid/ </font><hr>Ca188b<br><font size=+1>


g.yang sar yang mchong bar bgyid cing / dge slong gis kyang dge slong la rtsol bar bgyid do/ /de nas dge slong gzhan zhig rnag gi lus 'dis sgyid lug pa dang / mus byung ba dang / the tshom za ba dang / smod par bgyid pa na/ ri dwags zlog dge sbyong sbed ga la ba der mchis te phyin nas/ ri dwags zlog dge sbyong sbed la 'di skad ces/ bzhin bzang tshur shog /kho bo srog dang phrol cig dang / kho bo'i lhung bzed dang chos gos gang yin pa de khyod kyir 'gyur ro zhes mchi'o/ /de nas ri dwags zlog dge sbyong sbed kyis dge slong de srog dang phral nas ral gri khrag gis gos pa 'tshal te/ chu klung yid 'ong ldan ga la ba der mchis nas phyin pa dang / chu klung yid 'ong ldan gyi 'gram du tsog tsog por mchis te/ ral gri khrag gis gos pa 'khru bar bgyid do/ /de nas bdud kyi ris kyi lha zhig chu klung yid 'ong ldan gyi rgyun ma phye bar mchis nas ri dwags zlog dge sbyong sbed la 'di skad ces bzhin bzang legs so legs so/ /'di ltar khyod dge sbyong tshul khrims dang ldan pa yon tan dang ldan pa dag ma rgal ba rgal bar byed/ ma grol ba grol bar byed/ dbugs ma phyin pa dbugs 'byin par byed/ yongs su mya ngan las ma 'das pa yongs su mya ngan las 'da' bar byed ba ni khyod la bsod nams mang du skye bar 'gyur zhing / de dag gi lhung bzed dang chos gos gang yin pa de khyod kyir 'gyur ba 'di yang khyod kyi rnyed pa lhag pa yin no zhes mchi nas/ de </font><hr>Ca189a<br><font size=+1>


@#/ /ltar de la ri dwags zlog dge sbyong sbed 'di snyam du/ da ltar bdag dge sbyong tshul khrims dang ldan pa yon tan dang ldan pa dag ma rgal ba rgal bar byed/ ma grol ba grol bar byed/ dbugs ma phyin pa dbugs 'byin par byed/ yongs su mya ngan las ma 'das pa yongs su mya ngan las 'da' bar byed pa ni bden mod/ bdag la bsod nams mang du skye zhing de dag gi lhung bzed dang chos gos gang yin pa de bdag gir 'gyur ba 'di yang bdag gi rnyed pa lhag pa yin no snyam du rgya cher sdig pa can gyi lta ba'i rnam pa thob par gyur to/ /de nas ri dwags zlog dge sbyong sbed ral gri rnon po mchan khung gis 'tshal te/ kun dga'i ra ba nas kun dga'i ra bar/ gtsug lag khang nas gtsug lag khang du/ khang khyim nas khang khyim du/ 'chag sa nas 'chag sar dang / shul gol ba rjes su rgyu ba na/ dge sbyong de dang de dag mthong nas 'di skad ces dge sbyong tshul khrims dang ldan pa yon tan dang ldan pa/ ma rgal ba rgal bar bya ba/ ma grol ba grol bar bya ba/ dbugs ma phyin pa dbugs dbyung bar bya ba| yongs su mya ngan las ma 'das pa yongs su mya ngan las 'da' bar bya ba gang yin zhes mchi'o/ /de nas dge slong zhig rnag gi lus 'dis sgyid lug pa dang / mus byung ba dang / the tshom za ba dang / smod pa na gnas nas slar byung ste ri dwags zlog dge sbyong sbed la 'di skad ces/ bzhin bzang bdag ma rgal ba yin gyis sgrol cig /bdag ma grol ba yin gyis khrol cig / </font><hr>Ca189b<br><font size=+1>


bdag dbugs ma phyin pa yin gyis dbugs phyung zhig /bdag yongs su mya ngan las ma 'das pa yin gyis yongs su mya ngan la zlos shig ces mchi'o/ /de nas ri dwags zlog dge sbyong sbed kyi dge slong de srog dang bral bar bgyis te/ de bzhin du gnyis dang gsum nas dge slong drug cu'i bar dag srog dang bral bar bgyis pas/ btsun pa gang gis da ltar dge slong dag nyung ngur gyur/ nyams par gyur/ rnga rdor gyur cing dge slong gi dge 'dun srabs par gyur pa'i rgyu ni de lags/ rkyen ni de lags so/ /kun dga' bo dge slong yang dge slong la rtsol ba byed dam/ btsun pa rtsol bar bgyid do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa tshul dang mthun pa ma yin pa de ni rab tu byung bas bya ba ma yin no zhes smad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste/ 'di lta ste dge 'dun bsdu ba'i phyir dang / dge 'dun legs par bya ba'i phyir dang / dge 'dun bde bar gnas par bya ba'i phyir dang / gnong mi bkur ba'i gang zag rnams tshar gcad par bya ba'i phyir dang / ngo tsha shes pa rnams bde bar gnas par bya ba'i phyir dang / mngon par ma dad pa rnams mngon par dad par bya ba'i phyir dang / mngon par dad pa rnams phyir zhing 'byung bar bya </font><hr>Ca190a<br><font size=+1>


@#/ /ba'i phyir dang / tshe 'di'i zag pa rnams bsdam par bya ba'i phyir dang / tshe rabs phyi ma'i rnams bzlog par bya ba'i phyir dang / nga'i tshangs par spyod pa skye bo mang po la phan pa yangs par gyur pa lha dang mi'i bar dag la yang dag par rab tu bstan pa yun ring du gnas par 'gyur ba'o/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang mi'am mir chags pa la bsams bzhin du rang gi lag bdar te srog bcad dam/ de la mtshon byin nam/ de la mtshon thogs pa gnyer tam/ de 'chir bcug gam/ de la 'chi ba'i bsngags pa brjod kyang rung ste/ de la 'di skad ces kye mi khyed 'tsho ba sdig pa mi gtsang ba ngan pa 'dis ci zhig bya/ kye mi khyod gson pa bas shi bla'o zhes zer zhing sems kyi 'dod pa dang / sems kyi kun tu rtog pa dag gis rnam grangs du mas de 'chir bcug gam/ de la 'chi ba'i bsngags pa brjod de/ de'ang rtsom pa des dus byas na dge slong de'ang pham par gyur pa yin gyis gnas par mi bya'o/ /yang dge slong gang zhes bya ba ni/ dge slong rnam pa bzhi po ming gi dge slong dang / khas 'che ba'i dge slong dang / slong ba'i phyir dge slong dang / nyon mongs pa bcom pa'i phyir dge slong las/ ming gi dge slong gang zhe na/ gang gi ming dang ming du brjod pa dang / tshig gnyis pa dang / tshig bla dwags dang / 'du shes dang / bod pa dang / gdags pa dang tha snyad </font><hr>Ca190b<br><font size=+1>


dge slong zhe'am/ dge slong gi rigs she'am dge slong dang 'dra bar gyur pa zhes bya ba de ni ming gi dge slong zhes bya'o/ /khas 'che ba'i dge slong gang zhe na/ gang dge slong ma yin bzhin du bdag nyid dge slong ngo zhes khas 'che bar byed pa dang / rku thabs su gnas shing dge slong du dam 'cha' bar byed pa de ni khas 'che ba'i dge slong zhes bya'o/ /slong ba'i phyir dge slong gang zhe na/ gang chos dang ldan pas slong mo spyod pas 'tsho bar byed pa de ni slong ba'i phyir dge slong zhes bya'o/ /nyon mongs pa bcom pa'i phyir dge slong gang zhe na/ gang gi zag pa kun nas nyon mongs par byed pa yang srid par byed par rims nad dang bcas pa rnam par smin pa sdug bsngal ba phyi ma la skye ba dang / rga ba dang / 'chi bar 'gyur ba gang dag yin pa de dag spangs pa dang / yongs su shes pa dang / rtsa ba nas bcad pa dang / shing tA la'i mgo bzhin du gzhi mi snang ba dang / phyi ma la mi skye ba'i chos can du gyur pa de ni nyon mongs pa bcom pa'i phyir dge slong zhes bya'o/ /don 'dir ni gsol ba dang gzhi'i las mi g.yo ba bzhag par mi 'os pas bsnyen par rdzogs pa gang yi pa de dge slong du dgongs te/ des na yang dge slong gang zhes gsungs so/ /mi 'am zhes bya ba ni/ gang gis ma'i ltor dbang po drug po 'di lta ste/ mig gi dbang po dang / rna ba'i dbang po dang / sna'i dbang po dang / lce'i dbang po dang / lus kyi dbang po dang / yid kyi dbang po thob par gyur pa'o/ /mir chags </font><hr>Ca191a<br><font size=+1>


@#/ /pa la zhes bya ba ni/ gang gis ma'i ltor dbang po gsum po 'di lta ste/ lus kyi dbang po dang / tshor ba'i dbang po dang / yid kyi dbang po thob par gyur pa la'o/ /bsams bzhin du zhes bya ba ni rnam par brtags pa nas so/ /rang gi lag dar te zhes bya ba ni lag pas lag dar te'o/ /srog bcad dam zhes bya ba ni de'i srog bcad par gyur na'o/ /de la mtshon byin nam zhes bya ba ni/ ral gri'am spu gri'am chu gri'o/ /de la mtshon thogs pa gnyer tam zhes bya ba ni/ skyes pa'am/ bud med dam/ ma ning ngo / /de 'chir bcug gam zhes bya ba ni/ 'chir gzhug pa ni rnam pa gsum ste/ tshul khrims 'chal ba dang / tshul khrims dang ldan pa dang / nad pa'o/ /tshul khrims 'chal ba la ji ltar zhe na/ 'di ltar dge slong tshul khrims 'chal ba la lhung bzed dam/ chos gos sam/ dra ba'am/ phor bu'am/ ska rags sam/ dge slong gi 'tsho ba'i yo byad gang yang rung ba cung zhig rag lus pa na/ de 'di snyam du sems te/ ji srid du tshe dang ldan pa 'di gson pa de srid du bdag gis thob par mi 'gyur gyis/ bdag de'i drung du song la 'chir gzhug go snyam nas/ de de'i drung du song ste 'di skad ces/ tshe dang ldan pa ni tshul khrims 'chal ba sdig pa'i chos can lus kyis nyes par spyad pa dang ldan pa ngag dang yid kyis nyes par spyad pa dang ldan pa yin pas/ tshe dang ldan pa ji srid yun ring du 'tsho bar 'gyur ba de srid du bsod nams ma yin pa mang du 'phel bar 'gyur zhing / </font><hr>Ca191b<br><font size=+1>


bsod nams ma yin pa mang du 'phel na yun ring du sems can dmyal ba rnams su skye bar 'gyur ro zhes smras pa na/ tshul khrims 'chal ba de dge slong de la 'di skad ces tshe dang ldan pa 'o na kho bos ji ltar bya zhes zer ba'i tshe/ tshe dang ldan pa tshur shog khyod kyis bdag nyid thong zhig /bdag nyid sod cig /bdag nyid srog dang bral bar byed du chug cig ces smras na/ gal te tshul khrims 'chal ba de bdag nyid gtong bar byed dam/ bdag nyid gsod pa byed dam/ bdag nyid srog dang bral bar byed du 'jug na dge slong de pham par 'gyur ro/ /gal te tshul khrims 'chal ba de 'di snyam du de ltar yin no snyam mod kyi/ 'on kyang 'di skad ces kho bo bdag nyid mi gtong ngo / /kho bo bdag nyid mi gsod do/ /kho bo bdag nyid srog dang bral bar byed du mi 'jud do zhes zer zhing gal te de bdag nyid gtong bar mi byed/ bdag nyid gsod par mi byed/ bdag nyid srog dang bral bar byed du mi 'jud na/ dge slong de la sbyor ba snga ma de nyid kyis nyes pa sbom por 'gyur ro/ /gal te dge slong de de skad smras nas 'gyod par gyur cing de tshul khrims 'chal ba de'i gan du song ste/ 'di skad ces tshe dang ldan pa shes par gyis shig /'di lta ste byis pa blun pa/ mi gsal ba/ mi mkhas pa dag gis te bor gya tshom dang / byung rgyal gyis so sor ma brtags par tshig smras te/ 'di ltar tshe dang ldan pas dge ba'i bshes gnyen 'ga' zhig mgu bar byas na/ des lus kyi kun du spyod pa yongs su ma dag pa </font><hr>Ca192a<br><font size=+1>


@#/ /nyid 'di las bslang ste/ lus kyi kun du spyod pa yongs su dag pa nyid la 'jog pa dang ngag dang yid kyi kun du spyod pa yongs su ma dag pa nyid 'di las bslang ste/ ngag dang yid kyi kun du spyod pa yongs su dag pa nyid la 'jog par gyur na/ de ltar na tshe dang ldan pa lus kyi kun du spyod pa yongs su dag pa dang ngag dang yid kyi kun du spyod pa yongs su dag pa yin pas lus zhig na yang bde 'gro mtho ris kyi 'jig rten lha rnams kyi nang du skye bar 'gyur ro zhes smras pa na/ gal te tshul khrims 'chal ba de dge slong de la 'di skad ces tshe dang ldan pa 'o na kho bos ji ltar bya zhes zer ba'i tshe/ dge slong des 'di skad ces/ tshe dang ldan pa khyod bdag nyid ma gtong zhig/ bdag nyid ma gsod cig /bdag nyid srog dang bral bar byed du ma 'jug cig ces smras nas/ gal te tshul khrims 'chal ba de bdag nyid gtong bar mi byed/ bdag nyid gsod par mi byed/ bdag nyid srog dang bral bar byed du mi 'jug kyang dge slong de la sbyor ba snga ma de nyid kyis nyes pa sbom por 'gyur ro/ /gal te tshul khrims 'chal ba de 'di snyam du de lta yin no snyam mod kyi 'on kyang 'di skad ces kho bo bdag nyid gtong ngo / /kho bo bdag nyid gsod do// kho bo bdag nyid srog dang bral bar byed du 'jud do zhes zer zhing / gal te de bdag nyid gtong bar byed/ bdag nyid gsod par byed/ bdag nyid srog dang bral bar byed du 'jud na/ dge slong de </font><hr>Ca192b<br><font size=+1>


la sbyor ba snga ma de nyid kyis nyes pa sbom por 'gyur te/ re zhig tshul khrims 'chal ba la ni de ltar ro/ /tshul khrims dang ldan pa la ji ltar zhe na/ 'di ltar dge slong tshul khrims dang ldan pa lhung bzed dam/ chos gos sam/ dra ba'am/ phor bu'am/ ska rags sam/ dge slong gi 'tsho ba'i yo byad gang yang rung ba cung zhig rag lus pa na/ de 'di snyam du sems te ji srid du tshe dang ldan pa 'di gson pa de srid du bdag gis thob par mi 'gyur gyis/ bdag de'i drung du song la 'chir gzhug go snyam nas de de'i drung du song ste/ 'di skad ces tshe dang ldan pa ni tshul khrims dang ldan pa dge ba'i chos can lhug par gtong ba/ lag rkyong ba/ rnam par gtong ba la dga' ba/ mchod sbyin rgyun du byed pa/ gtong ba phun sum tshogs pa/ sbyin pa la 'ged par dga' ba yin pas/ tshe dang ldan pa yul gzhan du song na lo legs shing mtho ris ni dar gyis chod pa tsam/ thar pa ni yol bas bsgribs pa tsam ste/ lus zhig na yang lha rnams kyi nang du skye bar 'gyur ro zhes smras pa na/ tshul khrims dang ldan pa de dge slong de la 'di skad ces/ tshe dang ldan pa 'o na kho bos ji ltar bya zhes zer ba'i tshe tshe dang ldan pa tshur shog /khyod kyis bdag nyid thong zhig /bdag nyid sog cig /bdag nyid srog dang bral bar byed du chug cig ces smras nas/ gal te tshul khrims dang ldan pa de bdag nyid gtong bar byed dam/ bdag nyid gsod par byed dam/ bdag nyid srog dang bral bar byed du 'jud na/ dge slong </font><hr>Ca193a<br><font size=+1>


@#/ /de pham par 'gyur ro/ /gal te tshul khrims dang ldan pa de 'di snyam du de lta yin no snyam mod kyi/ 'on kyang 'di skad ces kho bo bdag nyid mi gtong ngo / /kho bo bdag nyid mi gsod do/ /kho bo bdag nyid srog dang bral bar byed du mi 'jud do zhes zer zhing / gal te de bdag nyid gtong bar mi byed/ bdag nyid gsod par mi byed/ bdag nyid srog dang bral bar byed du mi 'jud na/ dge slong de la sbyor ba snga ma de nyid kyis nyes pa sbom por 'gyur ro/ /gal te dge slong de de skad smras nas 'gyod par gyur cing de tshul khrims dang ldan pa de'i gan du song ste 'di skad ces/ tshe dang ldan pa shes par gyis shig /'di lta ste byis pa blun pa mi gsal ba mi mkhas pa dag gis te por gya tshom dang / byung rgyal gyis so sor ma brtags par tshig smras te| 'di ltar tshe dang ldan pa ni tshul khrims dang ldan pa/ dge ba'i chos can/ lhug par gtong ba/ lag rkyong ba/ rnam par gtong ba la dga' ba/ mchod sbyin rgyun du byed pa/ gtong ba phun sum tshogs pa/ sbyin pa la 'ged par dga' ba yin pas/ tshe dang ldan pa ji srid du yun ring du 'tsho bar 'gyur ba de srid du bsod nams mang du 'phel bar 'gyur zhing bsod nams mang du 'phel na yun ring du mtho ris dag tu dga' bar 'gyur ro zhes smras pa na/ gal te tshul khrims dang ldan pa de dge slong de la 'di skad ces/ tshe dang ldan pa 'o na kho bos ji ltar bya zhes zer ba'i tshe/ dge slong </font><hr>Ca193b<br><font size=+1>


des 'di skad ces/ tshe dang ldan pa khyod bdag nyid ma gtong zhig /bdag nyid ma gsod cig /bdag nyid srog dang bral bar byed du ma 'jug cig ces smras nas/ gal te tshul khrims dang ldan pa de bdag nyid gtong bar mi byed/ bdag nyid gsod par mi byed/ bdag nyid srog dang bral bar byed du mi 'jud kyang / dge slong de la sbyor ba snga ma de nyid kyis nyes pa sbom por 'gyur ro/ /gal te tshul khrims dang ldan pa de 'di snyam du de lta yin no snyam mod kyi/ 'on kyang 'di skad ces kho bo bdag nyid gtong ngo / /kho bo bdag nyid gsod do/ /kho bo bdag nyid srog dang bral bar byed du 'jud do zhes zer zhing gal te bdag nyid gtong bar byed/ bdag nyid gsod par byed/ bdag nyid srog dang bral bar byed du 'jud na/ dge slong de la sbyor ba snga ma de nyid kyis nyes pa sbom por 'gyur te/ tshul khrims dang ldan pa la ni de ltar ro// nad pa la ji ltar zhe na/ 'di ltar dge slong nad pa la lhung bzed dam/ chos gos sam/ dra ba'am/ phor bu'am/ ska rags sam/ dge sbyong gi 'tsho ba'i yo byad gang yang rung ba cung zhig rag lus pa na/ de 'di snyam du sems te/ tshe dang ldan pa ni na ba sdug bsngal ba nad tshabs che ba 'di srid du gson pa de srid du bdag la mi ster gyis/ bdag de'i drung du song la 'chir gzhug go snyam nas/ de de'i drung du song ste 'di skad ces tshe dang ldan pa ni na ba sdug bsngal ba nad tshabs che ba yin pas tshe dang ldan pa ji srid du yun ring du 'tsho ba de srid du tshor ba sdug bsngal ba/ mi bzad pa/ rtsub pa/ tsha ba yid du mi 'ong ba dag </font><hr>Ca194a<br><font size=+1>


@#/ /nyams su myong bar 'gyur ro zhes smras pa na/ nad pa de dge slong de la 'di skad ces/ tshe dang ldan pa 'o na kho bos ji ltar bya zhes zer ba'i tshe/ tshe dang ldan pa tshur shog /khyod kyis bdag nyid thong zhig /bdag nyid sod cig /bdag nyid srog dang bral bar byed du chug cig ces smras nas/ gal te nad pa de bdag nyid gtong bar byed dam/ bdag nyid gsod par byed dam bdag nyid srog dang bral bar byed du 'jug na/ dge slong de pham par 'gyur ro/ /gal te nad pa de 'di snyam du de lta yin no snyam mod kyi/ 'on kyang 'di skad ces kho bo bdag nyid mi gtong ngo / /kho bo bdag nyid mi gsod do/ /kho bo bdag nyid srog dang bral bar byed du mi 'jud do zhes zer zhing / gal te bdag nyid gtong bar mi byed/ bdag nyid gsod par mi byed/ bdag nyid srog dang bral bar byed du mi 'jud na/ dge slong de la sbyor ba snga ma de nyid kyis nyes pa sbom por 'gyur ro/ /gal te dge slong de de skad smras nas/ 'gyod par gyur cing de nad pa de'i gan du song ste 'di skad ces/ tshe dang ldan pa shes par gyis shig /'di lta ste/ byis pa blun pa mi gsal ba/ mi mkhas pa bdag gis te bor gya tshom dang / byung rgyal gyis so sor ma brtags par tshig smras te/ 'di ltar tshe dang ldan pa dge ba'i bshes gnyen 'ga' zhig mgu bar byas na/ des khyod la sman mthun pa dang / 'phrod pa dag dang / zas so sor bsten par bya ba dag dang / nad g.yog tshul dang mthun pa dag gis bsnyen bkur </font><hr>Ca194b<br><font size=+1>


byed par 'gyur te/ de ltar na tshe dang ldan pa yun mi ring ba kho nar bde ba dang / nad med pa dang / stobs dang ldan pa dang / gang du dga' bar 'gro bar 'gyur ro zhes smras pa na/ gal te nad pa de dge slong de la 'di skad ces/ tshe dang ldan pa 'o na kho bos ji ltar bya zhes zer ba'i tshe/ dge slong des 'di skad ces/ tshe dang ldan pa khyod bdag nyid ma gtong zhig /bdag nyid ma gsod cig /bdag nyid srog dang bral bar byed du ma 'jud cig ces smras nas/ gal te nad pa de bdag nyid gtong bar mi byed/ bdag nyid gsod par mi byed/ bdag nyid srog dang bral bar byed du mi 'jud kyang / dge slong de la sbyor ba snga ma de nyid kyis nyes pa sbom por 'gyur ro/ /gal te nad pa de 'di snyam du de lta yin no snyam mod kyi/ 'on kyang 'di skad ces kho bo bdag nyid gtong ngo / /kho bo bdag nyid gsod do/ /kho bo bdag nyid srog dang bral bar byed du 'jud do zhes zer zhing / gal te bdag nyid gtong bar byed/ bdag nyid gsod par byed/ bdag nyid srog dang bral bar byed du 'jud na dge slong de la sbyor ba snga ma de nyid kyis nyes pa sbom por 'gyur te/ nad pa la ni de ltar ro/ /des na 'chir bcug gam zhes gsungs so/ /de la 'chi ba'i bsngags pa brjod kyang rung ste zhes bya ba ni/ 'chi bar mngon par dga' ba'i mdun du 'chi ba'i bsngags pa brjod pa'o/ /de la 'di skad ces/ kye mi khyod ces bya ba ni/ bod pa'i tshig bla dwags yin no/ /'tsho ba sdig pa mi gtsang ba ngan pa 'dis ci zhig bya/ kye mi khyod gson pa bas </font><hr>Ca195a<br><font size=+1>


@#/ /shi bla'o zhes bya ba de dag ni smad pa'i tshig yin no zer zhing zhes bya ba ni brjod par byed cing ngo / /sems kyi 'dod pa dang / sems kyi kun tu rtog pa dag gis zhes bya ba ni/ sems kyi mngon par 'dod pa dang / sems kyi rnam par rtog pa dag gis so/ /rnam grangs du mas zhes bya ba ni/ rnam pa mang pos so/ /de 'chir bcug gam/ de la 'chi ba'i bsngags pa brjod de zhes smos pa ni/ 'chi bar mngon par dga' ba'i mdun du rnam grangs du mas 'chi ba'i bsngags pa brjod pa bzlog pa'i phyir ro/ /de yang rtsom pa des dus byas na zhes bya ba ni/ de nyid kyis yin gyi gzhan gyis ma yin na'o/ /dge slong zhes bya ba ni/ gang la dge slong gi dngos po yod pa gang yin pa'o/ /dge slong gi dngos po gang zhe na/ bsnyen par rdzogs pa gang yin pa'o/ /bsnyen par rdzogs pa gang zhe na/ gsol ba dang bzhi'i las kyi bya ba byed pa nyid dang rtog pa nyid dang / yang dag par rtog pa nyid dang / mthar phyin par byad pa nyid dang / yang dag par mthar phyin par byed pa nyid gang yin pa dang / gang zag de khas len pa dang / mngon par khas len pa dang / phyir mi ldog pa dang / ngag dang tshig dang tha snyad dang skad dang / rjod pa dang / nges pa'i tshig dang / tshig gi lam dang / tshig gi sgra dang / ngag gi las dang / ngag gi rnam par rig byed gang yin pa'o/ /de zhes bya ba ni nye bar bstan pa dang / kun tu bstan pa'i tshig bla dwags de'o/ /pham par gyur pa yin gyis zhes bya ba </font><hr>Ca195b<br><font size=+1>


ni| de mthar gyur pa dang / ltung ba dang / dman pa dang / mjug na 'dug pa dang / tha chad dang / yid dang mi mthun pa yin pa'o/ /yang gang gis ltung ba de byas na byas ma thag tu dge slong du mi rung bar 'gyur/ /dge sbyong du mi rung / shAkya'i sras kyir mi rung / dge slong gi dngos po las nyams par 'gyur te/ de'i dge sbyong gi tshul zhig par 'gyur zhing nyams pa bcom pa ltung ba pham par gyur pa ste/ de'i dge sbyong gi tshul phyir blang du med par 'gyur ro/ /'di lta ste dper na/ shing ta la'i mgo bcad na sngon por 'gyur du mi rung la/ 'phel zhing rgyas pa dang / yangs par 'gyur du mi rung ba de bzhin du dge slong gis gnas de lta bu byas na byas ma thag tu dge slong du mi rung bar 'gyur/ dge sbyong du mi rung / shAkya'i sras kyir mi rung / dge sbyong gi dngos po las nyams par 'gyur te/ de'i dge sbyong gi tshul zhig par 'gyur zhing / nyams pa bcom pa/ ltung ba pham par gyur pa ste/ de'i dge sbyong gi tshul phyir blang du med par 'gyur bas/ des na pham par gyur pa yin gyis zhes gsungs so/ /gnas par mi bya'o zhes bya ba ni/ dge slong rnams kyis de dang / gso sbyong dang / dgag dbye dang / gsol ba dang / gsol ba dang gnyis dang / gsol ba dang bzhi'i las la gnas par mi bya'o/ /gang zag bcu gnyis po dag tu bsko bar mi bya ba ste/ des na gnas par mi bya'o zhes gsungs so// //'dul ba rnam par 'byed pa/ bam po bcu pa/ de la ltung </font><hr>Ca196a<br><font size=+1>


@#/ /ba ji ltar 'gyur zhe na/ sdom la/ bdag nyid kyis ni zin pa dang / /phyi rol tu ni 'phangs pa dang / /gnyi ga dang ni ldan pa yi/ /sde tshan yang dag bsdus pa yin/ / ji ltar bdag nyid kyis zin pas she na/ dge slong gis skyes pa dang / bud med dang / ma ning la gsad pa'i sems kyis 'di ltar rtsom pa 'dis 'di ru dus byed par gyur cig snyam pas sor mo gcig gis snun par byed cing de yang rtsom pa des dus byed na/ dge slong de pham par 'gyur ro/ /des de'i tshe ma yin yang / des de'i 'og tu na dge slong pham par 'gyur ro/ /des de'i tshe yang ma yin la/ des de'i 'og tu yang ma yin na/ dge slong la sbyor ba snga ma de nyid kyis nyes pa sbom por 'gyur ro/ /sor mo gcig gis ji lta ba de bzhin du 'di ltar rtsom pa 'dis 'di dus byed par gyur cig snyam pas sor mo gnyis kyis sam/ gsum gyis sam/ bzhis sam/ lngas sam/ khu tshur gyis sam/ gru mos sam/ phrag pas sam/ mgo bos sam/ glos sam/ rked pas sam/ brlas sam/ pus mos sam/ rje ngar gyis sam/ long bus sam/ rkang mthil gyis sam/ tha na rkang pa'i mthe bong snun par byed cing / de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe ma yin la/ des de'i 'og tu yang ma yin na/ dge slong la sbyor ba snga ma de nyid kyis nyes pa sbom por 'gyur te/ de ltar bdag nyid kyis zin pas so/ / </font><hr>Ca196b<br><font size=+1>


ji ltar phyir rol du 'phangs pas she na/ dge slong gis skyes pa dang / bud med dang ma ning la gsad pa'i sems kyis 'di ltar rtsom pa 'dis 'di dus byed par gyur cig snyam pas mdas snun par byed cing / de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na/ dge slong la sbyor ba snga ma de nyid kyis nyes pa sbom por 'gyur ro/ /mdas ji lta ba de bzhin du rtsom pa 'dis 'di dus byed par gyur cig snyam pas lcags mdas sam/ mda' phyed lcags las byas pas sam/ te'u ka mas sam/ mde'u be'u so lta bus sam/ mde'u zur bzhi mas sam/ mde'u ka ra bi ra'i lo ma lta bus sam/ mde'u byi'u snying mas sam/ 'khor los sam/ rdo rje rtse gcig pas sam/ mda' bo ches sam/ mtshon rtse gcig pas sam/ tha na rgya shug gi 'bras bus snun par byed cing / de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na/ dge slong la sbyor ba snga ma de nyid kyis nyes pa sbom bor 'gyur te/ de ltar phyi rol du 'phangs pas so/ /ji ltar gnyi ga dang ldan pas she na/ dge slong gis skyes pa dang bud med dang ma ning la gsad pa'i sems kyis 'di ltar rtsom pa 'dis 'di dus byed par gyur cig snyam pas ral gris snun par byed cing / de yang rtsom pa des dus byed na </font><hr>Ca197a<br><font size=+1>


@#/ /dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na/ dge slong la sbyor ba snga ma de nyid kyis nyes pa sbom por 'gyur ro/ /ral gris ji lta ba de bzhin du 'di ltar rtsom pa 'dis dus byed par gyur cig snyam pas/ shang lang gis sam/ ral gri so gcig pas sam/ ral gri so gnyis pas sam/ mdung gis sam/ mdung thung gis sam/ 'phang mdung gis sam/ kyo ba kha brag gis sam/ tsha lcags kyis sam/ tha na rtswa mdas snun par byed cing / de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na/ dge slong la sbyor ba snga ma de nyid kyis nyes pa sbom por 'gyur te/ de ltar gnyi ga dang ldan pas so/ /sdom la/ dug dang phye ma'i sbyor ba dang / sa dang shing la 'ching ba dang / / myos par byed dang brang 'debs dang / 'khrul 'khor dang ni rngon spyad do/ /dge slong gis skyes pa dang bud med dang ma ning la gsad pa'i sems kyis 'di ltar rtsom pa 'dis 'di dus byed par gyur cig snyam pas/ 'di lta ste bca' bar ram/ bza' bar ram/ bldag par ram/ bzhib par ram/ btung bar dug gi sbyor ba byed cing de yang rtsom pa des dus byed na/ dge slong pham par </font><hr>Ca197b<br><font size=+1>


'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la das de'i 'og tu yang ma yin na/ dge slong la sbyor ba snga ma de nyid kyis nyes pa sbom por 'gyur ro| |dge slong gis skyes pa dang bud med dang ma ning la gsad pa'i sems kyis rtsom pa 'dis 'di dus byed par 'gyur cig snyam pas/ 'di lta ste dril phyir ram/ khrus su'am/ mnye bar ram/ phreng ba dang / dri dang / byug par ram/ bdug spos su dug gi phye ma'i sbyor ba byed cing / de yang rtsom pa des dus byed na dge slong pham par 'gyur ro/ /des de'i tshe ma yin yang / des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na/ dge slong la sbyor ba snga ma de nyid kyis nyes pa sbom por 'gyur ro/ /'ching ba ni gnyis te/ sa la 'ching ba dang / shing la 'ching ba'o/ /dge slong gis skyes pa dang bud med dang ma ning la gsad pa'i sems kyis 'di ltar rtsom pa 'dis 'di dus byed par gyur cig snyam pas/ seng ge dag gam/ stag dag gam/ gung dag gam/ mtsha' dag gam/ spyang gi dag gis zos par gyur pas sam/ rlung dang nyi ma dag gis yongs su skam pa dang / yongs su zad pa dang / yongs su gtugs par gyur pas sam/ bkres pa dang skom pa'i nyam chung bas dkris pas dus byed par gyur cig snyam pas/ sa'i 'ching bar 'jog par byed cing long bu man chad 'jud par byed la/ de yang rtsom pa des dus byed na dge slong pham par 'gyur ro/ / </font><hr>Ca198a<br><font size=+1>


@#/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na/ dge slong la sbyor ba snga ma de nyid kyis nyes pa sbom por 'gyur ro/ /long bu man chad ji lta ba de bzhin du/ 'di ltar rtsom pa 'dis 'di dus byed par gyur cig snyam pas sam/ seng ge dag gam/ stag dag gam/ gung dag gam/ mtsha' dag gam/ spyang gi dag gis zos par gyur pas sam/ rlung dang nyi ma dag gis yongs su skam pa dang / yongs su zad pa dang / yongs su gtugs par gyur pas sam/ bkres pa dang / skom pa'i nyam chung bas dkris pas dus byed par gyur cig snyam pas byin pa man chad dam/ brla man chad dam/ rkang pa man chad dam/ brang man chad dam/ mgrin pa man chad 'jug par byed la/ de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na/ dge slong la sbyor ba snga ma de nyid kyis nyes pa sbom por 'gyur ro/ /dge slong gis skyes pa dang bud med dang ma ning la gsad pa'i sems kyis/ 'di ltar rtsom pa 'dis 'di dus byed par gyur cig snyam pas sam/ seng ge dag gam/ stag dag gam/ gung dag gam/ mtsha' dag gam/ spyang gi dag gis zos par gyur pas sam/ rlung dang nyi ma dag gis yongs su skam pa dang / </font><hr>Ca198b<br><font size=+1>


yongs su zad pa dang / yongs su gtugs par gyur pas sam/ bkres pa dang skom pas nyam chung ba'i dkris pas dus byed par gyur cig snyam pas shing la 'ching bar byed/ 'jog par byed cing / ka ba'am phur ba brtan po la 'bred rlon gyis long bu man chad 'ching bar byed la/ de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na/ dge slong la sbyor ba snga ma de nyid kyis nyes pa sbom por 'gyur ro/ /long bu man chad ji lta ba de bzhin du 'di ltar rtsom pa 'dis 'di dus byed par gyur cig snyam pas sam/ seng ge dag gam/ stag dag gam/ gung dag gam/ mtsha' dag gam/ spyang ki dag gis zos par gyur pas sam/ rlung dang nyi ma dag gis yongs su skam pa dang / yongs su zad pa dang / yongs su gtugs par gyur pas sam/ bkres pa dang skom pa'i nyam chung bas dkris pas dus byed par gyur cig snyam pas byin pa man chad dam/ brla man chad dam/ rked pa man chad dam/ brang man chad dam/ mgrin pa man chad 'ching bar byed la/ de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na/ dge slong la sbyor ba snga ma de nyid kyis nyes pa sbom por 'gyur ro/ /dge slong gis skyes pa dang bud med dang ma ning la </font><hr>Ca199a<br><font size=+1>


@#/ /gsad pa'i sems kyis 'di ltar rtsom pa 'dis 'di dus byed par gyur cig snyam pas sam/ seng ge dag gam/ stag dag gam/ gung dag gam/ mtsha' dag gam/ spyang ki dag gis zos par gyur pas sam/ rlung dang nyi ma dag gis yongs su skam pa dang / yongs su zad pa dang / yongs su gtugs par gyur pas sam/ bkres pa dang skom pa'i nyam chung bas dkris pas dus byed par gyur cig snyam pas chang gis myos par byed du 'jud cing / de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na/ dge slong la sbyor ba snga ma de nyid kyis nyes pa sbom por 'gyur ro/ /chang gis ji lta ba de bzhin du 'di ltar rtsom pa 'dis 'di dus byed par gyur cig snyam pas sam/ rgyal po'am/ blon po'am/ chom rkun pa dag gis sam/ g.yon can dag gis sam/ thong mi pa dag gis sam/ dgra bo dag gis sam/ phas kyi dgra dag gis dus byed par gyur cig snyam pas bcos pa'i chang gis sam/ 'bru'i chang gis sam/ bcos pa'i chang gis sam/ rtsa ba'i btung bas sam/ sdong bu'i btung bas sam/ 'dab ma'i btung bas sam/ me tog gi btung bas sam/ 'bras bu'i btung bas myos par byed du 'jud dam/ gsang sngags dag gam/ sman dag gam/ rig sngags dag gis sems 'khrugs </font><hr>Ca199b<br><font size=+1>


par byed dam/ gnyid log par byed cing / de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na/ dge slong la sbyor ba snga ma de nyid kyis nyes pa sbom por 'gyur ro/ /dge slong gis skyes pa dang bud med dang ma ning la gsad pa'i sems kyis/ 'di ltar rtsom pa 'dis 'di dus byed par gyur cig snyam pas/ brang du 'debs pa sbyor bar byed cing / skyes pa'am/ bud med dam/ ma ning che ge mo zhig 'ong bar 'gyur ba de'i lag pa'am/ rkang pa'am/ gdong ngam/ yan lag dang nying lag gang yang rung ba gcod par gyur cig snyam pa'am/ thams cad kyi thams cad du srog dang bral bar byed par gyur cig snyam pas de la yang ral gri'am/ spu gri'am/ chu gri 'dogs par byed cing / gal te des de'i lag pa'am/ rkang pa'am/ gdong ngam/ yan lag dang nying lag gang yang rung ba gcod par byed dam/ thams cad kyi thams cad du srog dang bral bar byed cing de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na/ dge slong la sbyor ba snga ma de nyid kyis nyes pa sbom por 'gyur ro/ /'khrul 'khor dang rngon spyad la yang de bzhin du brjod par bya'o/ /sdom la/ ro langs dang ni ro langs phyed/ /dku mnyed pa dang srog 'gog </font><hr>Ca200a<br><font size=+1>


@#/ /dang / g.yangs chu dang me dang ni/ /mngags pa dang ni grang dro'o/ /dge slong gis skyes pa dang bud med dang ma ning la gsad pa'i sems kyis zla ba mar gyi ngo'i tshes bcu bzhi la dur khrod du song ste/ shi ba'i ro tha na srog chags grog bur phra mos kyang ma smas ma nyams pa tshol bar byed cing rnyed nas sa dkar gyis dril phyi byed cing / sa dkar gyis dril phyi byas nas spos chus 'khru bar byed la/ spos chus bkrus nas ras sar pa skon par byed cing / de'i rkang pa gnyis kyang skud par byed/ gsang sngags kyang rjod par byed pa na/ de langs par gyur te bya smyangs \ RMYANG?\byed pa'i tshe| des de 'khor lo gnyis dang ldan pa'i shing rta la 'jog par byed cing / de'i mgul du dril bu gnyis kyang 'dogs par byed/ lag par ral gri so gnyis pa yang sbyin par byed pa na/ de langs te blag blag zer zhing 'di skad ces ngas gang btang bar bya/ ngas gang gsad par bya/ ngas gang srog dang bral bar bya zhes zer ba'i tshe/ dge slong des ro langs da la 'di skad ces khyod kyis skyes pa dang bud med dang ma ning che ge mo zhig shes sam/ zhes smras pa na/ shes so zhes zer ba'i tshe/ de thong zhig /de sod cig /de srog dang bral bar gyis shig ces smras nas/ gal te ro langs des de gtong bar byed dam/ gsod par byed dam/ srog dang bral bar byed na/ dge slong pham par 'gyur ro/ /gal te de na srung bar byed pa 'di lta bu 'di lta ste sgor nags kyi phreng ba btags pa'am/ bum pa gang </font><hr>Ca200b<br><font size=+1>


ba bzhag pa'am/ ba dang be'u 'dra ba btags pa'am/ lug btags pa'am/ mchig mchig gu dang bcas pa bzhag pa'am/ sgor 'khor gtan bsnyal ba'am/ me tshugs sbar ba'am/ rgyal ba bzhugs pa'am/ rgyal bas bka' stsal pa'am/ 'khor los sgyur ba'am/ 'khor los sgyur ba'i ma'i mngal du 'khor los sgyur ba zhugs pa'am/ byang chub sems dpa' ma/ byang chub sems dpa'i ma'i mngal du byang chub sems dpa' zhugs pa 'dug pa'am/ so sor thar pa'i mdo ma bton bar 'don par byed pa'am/ bton pa rgya cher dbyangs kyis kha ton byed pa'am/ mdo sde'i sde tshan bzhi po gang rung ba ma bton pa 'don par byed pa'am/ bton pa rgya cher dbyangs kyis kha ton byed pa'am/ mdo chen po che ba 'di lta ste/ chung ngu stong pa nyid dang / chen po stong pa nyid dang / lnga gsum pa dang / sgyu ma'i dra ba dang / gzugs can snying pos bsu ba dang / rgyal mtshan dam pa dang / kun tu rgyu ba dang / kun tu mi rgyu ba dang / mthun pa'i mdo dang / 'dus pa chen po'i mdo de dag ma bton pa 'don par byed pa dang / bton pa dag rgya cher dbyangs kyis kha ton byed pa bzhag par gyur na/ gtang nyes pa yin pas ro langs kyis dge slong bdag nyid gsod par sems pa gyur pas/ gal te ro langs kyis dge slong gsod par byed na/ dge slong la nyes pa sbom por 'gyur ro/ /gal te dge slong gis ro langs gsod par byed na dge slong la nyes pa sbom po gnyis su 'gyur te/ gcig ni ro langs bsad pa las so/ /gnyis pa ni sbyor ba snga ma de nyid las so/ /ro langs la ji lta ba </font><hr>Ca201a<br><font size=+1>


@#/ /bzhin du ro langs phyed la yang de bzhin te/ ro langs dang ro langs phyed la bye brag ni 'di yod de/ 'khor lo gcig dang ldan pa'i shing rta la 'jog pa dang / mgul du dril bu gcig 'dogs pa dang / lag par ral gri so gcig pa sbyin pa ni ro langs phyed ces bya'o/ /ltung ba rnam par gzhag pa ni thams cad snga ma bzhin du brjod par bya'o/ /dge slong gis bud med gsad pa'i sems kyis bud med gsad par bya'i mngal na gnas pa ni mi bya'o snyam pas sbrum ma'i dku mnyed par byed cing / gal te bud med shi bar gyur la mngal na gnas pa ma shi na/ dge slong pham par 'gyur ro/ /gal te mngal na gnas pa shi bar gyur la/ bud med ma shi na dge slong la sbyor ba snga ma de nyid kyis nyes pa sbom por 'gyur ro/ /gnyi ga shi bar gyur na dge slong pham par 'gyur ro/ /gnyi ga shi bar ma gyur na dge slong la sbyor ba snga ma de nyid kyis nyes pa sbom por 'gyur ro/ /dge slong gis mngal na gnas pa gsad pa'i sems kyis mngal na gnas pa gsad par bya'i bud med ni mi bya'o snyam pas bud med kyi dku mnyed par byed cing / gal te mngal na gnas pa shi bar gyur la/ bud med ma shi na dge slong pham par 'gyur ro/ /gal te bud med shi bar gyur la/ mngal na gnas pa ma shi na dge slong la sbyor ba snga ma de nyid kyis nyes pa sbom por 'gyur ro/ /gnyi ga shi bar gyur na dge slong pham par 'gyur ro/ /gnyi ga shi bar ma gyur na </font><hr>Ca201b<br><font size=+1>


dge slong la sbyor ba snga ma de nyid kyis nyes pa sbom por 'gyur ro/ /dge slong gis skyes pa dang bud med dang ma ning la gsad pa'i sems kyis khri las ldang bar byed/ sham thabs gyon par byed/ 'gro bar byed/ dkyil 'khor nyug par byed/ me sbar bar byed/ yam sreg shing 'jug par byed/ gsang sngags rjod par byed cing / yam sreg shing 'di dag kyang tshig par gyur cig /skyes pa'am bud med dam ma ning che go mo zhig srog kyang nye bar 'gag par gyur cig snyam pa las/ gal te yam sreg shing de dag tshig pa na skyes pa'am bud med dam ma ning de'i srog nye bar 'gags par gyur na/ dge slong la nyes pa sbom por 'gyur ro/ /gal te yam sreg shing de tshig par gyur pa na/ skyes pa'am bud med dam ma ning de'i srog kyang nye bar 'gags par gyur na/ dge slong pham par 'gyur ro/ /dge slong gis skyes pa dang / bud med dang ma ning la gsad pa'i sems kyis khri las ldang bar byed/ sham thabs gyon par byed/ 'gro bar byed/ til bre'u chung gang ngam/ yungs kar bre'u chung gang gtun du blugs te gtun bu'i rtse mos rdung bar byed/ gsang sngags rjod par byed cing / 'bru 'di dag kyang 'dres par gyur pa na skyes pa'am bud med dam ma ning che ge mo zhig gi srog kyang nye bar 'gag par gyur cig snyam pa las gal te 'bru de dag 'dre ba na/ skyes pa'am bud med dam ma ning de'i srog nye bar 'gags par ma gyur na/ dge slong la nyes pa sbom por 'gyur ro/ /gal te 'bru de dag 'dres par gyur pa na/ skyes pa'am bud med dam </font><hr>Ca202a<br><font size=+1>


@#/ /ma ning de'i srog kyang nye bar 'gags par gyur na dge slong pham par 'gyur ro/ /dge slong gis skyes pa dang bud med dang ma ning la gsad pa'i sems kyis khri las ldang bar byed/ sham thabs gyon par byed/ 'gro bar byed dam/ 'o ma bre'u chung gang ngam/ zho bre'u chung gang snod du blugs te sor mos 'khrug par byed/ gsang sngags rjod par byed cing / 'di yang khrag tu gyur cig /skyes pa dang bud med ma ning che ge mo zhig gi srog kyang nye bar 'gag par gyur cig snyam pa las/ gal te de khrag tu gyur pa na skyes pa'am bud med dam ma ning de'i srog nye bar 'gags par ma gyur na/ dge slong la nyes pa sbom por 'gyur ro/ /gal te khrag tu gyur pa na/ skyes pa'am bud med dam ma ning de'i srog kyang nye bar 'gags par gyur na/ dge slong pham par 'gyur ro/ /dge slong gis skyes pa dang bud med dang ma ning la gsad pa'i sems kyis tshon sna lnga'i skud pas snam sbyar la 'tshem par byed/ gsang sngags rjod par byed cing / snam sbyar 'di yang btsems par gyur cig /skyes pa'am bud med dam ma ning che ge mo zhig gi srog kyang nye bar 'gag par gyur cig snyam pa las/ gal te snam sbyar de 'tshem pa na/ skyes pa'am bud med dam ma ning de'i srog kyang nye bar 'gag par ma gyur na/ dge slong la nyes pa sbom por 'gyur ro/ /gal te snam sbyar de btsems par gyur pa na/ skyes pa'am bud med dam ma ning de'i srog kyang nye bar 'gags </font><hr>Ca202b<br><font size=+1>


par gyur na/ dge slong pham par 'gyur ro/ /dge slong gis skyes pa dang bud med dang ma ning la gsad pa'i sems kyis sa la ri mo bdun 'dren par byed/ gsang sngags rjod par byed cing / ri mo 'di dag kyang byid par gyur cig /skyes pa'am bud med dam ma ning che ge mo zhig gi srog kyang nye bar 'gag par gyur cig snyam pa las/ gal te ri mo de dag 'byid pa na/ skyes pa'am bud med dam ma ning de'i srog kyang nye bar 'gag par ma gyur na/ dge slong la nyes pa sbom por 'gyur ro/ /gal te ri mo de dag byid par gyur pa na/ skyes pa'am bud med dam ma ning de'i srog kyang nye bar 'gags par gyur na dge slong pham par 'gyur ro/ /dge slong gis skyes pa dang bud med dang ma ning la gsad pa'i sems kyis 'di ltar rtsom pa 'dis 'di dus byed par gyur cig snyam pas g.yang sa nas g.yang du gtong bar byed cing / de yang rtsom pa des dus byed na/ dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na dge slong la sbyor ba snga ma de nyid kyis nyes pa sbom por 'gyur ro/ /g.yang sa nas ji lta ba de bzhin du 'di ltar rtsom pa 'dis 'di dus byed par gyur cig snyam pas khang bzang nas sam/ ra ba las sam/ glang po che'i gshul \ SHUL?\ nas sam/ rta'i rgyab nas sam/ khyogs spyil las sam/ khri las sam/ khri'u las sam/ phrag pa nas sam/ glo nas sam/ rked pa nas sam/ </font><hr>Ca203a<br><font size=+1>


@#/ /brla nas sam/ byin pa nas sam/ tha na long bu nas sa la ltung bar byed cing / de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na/ dge slong la sbyor ba snga ma de nyid kyis nyes pa sbom por 'gyur ro/ /dge slong gis skyes pa dang bud med dang ma ning la gsad pa'i sems kyis 'di ltar rtsom pa 'dis 'di dus byed par gyur cig snyam pas chur 'jud par byed cing de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la/ des de'i 'og tu yang ma yin na dge slong la sbyor ba snga ma de nyid kyis nyes pa sbom por 'gyur ro/ /chur ji lta ba de bzhin du 'di ltar rtsom pa 'dis 'di dus byed par gyur cig snyam pas shar phyogs kyi rgya mtsho chen por ram/ lho phyogs kyi rgya mtsho chen por ram/ nub phyogs kyi rgya mtsho chen por ram/ byang phyogs kyi rgya mtsho chen por ram/ mtshor ram/ lted \ LTENG\ kar ram/ ljan ljin du 'jud dam/ tha na de'i khar snyim pa'i chu ldugs par byed cing / de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na/ </font><hr>Ca203b<br><font size=+1>


dge slong la sbyor ba snga ma de nyid kyis nyes pa sbom por 'gyur ro/ /dge slong gis skyes pa dang bud med dang ma ning la gsad pa'i sems kyis 'di ltar rtsom pa 'dis 'di dus byed par gyur cig snyam pas mer 'jud par byed cing de yang rtsom pa des dus byed na/ dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na/ dge slong la sbyor ba snga ma de nyid kyis nyes pa sbom por 'gyur ro/ /mer ji lta ba de bzhin du 'di ltar rtsom pa 'dis 'di dus byed par gyur cig snyam pas/ grong khyer sreg pa'am/ grong sreg pa'am/ yul sreg pa'am/ rgyal thabs sam/ da nur du 'jud dam/ tha na de'i khar mgal ba tsam 'jud par byed cing / de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na/ dge slong la sbyor ba snga ma de nyid kyis nyes pa sbom por 'gyur ro/ /dge slong gis skyes pa dang bud med dang ma ning la gsad pa'i sems kyis 'di ltar rtsom pa 'dis 'di dus byed par gyur cig snyam pas sam/ seng ge dag gam/ stag dag gam/ gung dag gam/ mtsha' dag gam/ spyang ki dag gis zos par gyur pas sam/ nyi ma dang rlung dag gis yongs su skam pa dang / yongs su zad pa dang / yongs su gtugs par gyur pas sam/ </font><hr>Ca204a<br><font size=+1>


@#/ /bkres pa dang / skom pa'i nyam chung bas dkris pas dus byed par gyur cig snyam pas 'jigs pa dang bcas pa'i phyogs su mngag pa nyid du gtong bar byed cing de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na dge slong la sbyor ba snga ma de nyid kyis nyes pa sbom por 'gyur ro/ /dge slong gis skyes pa dang bud med dang ma ning la gsad pa'i sems kyis 'di ltar rtsom pa 'dis 'di dus byed par gyur cig snyam pas/ dus grang ba mchog tu grang ba gang dag yin pa de dag gi tshes brgyad kyi bar gang dag tu 'od ma 'gas pa'i rlung dag ldang ba de dag tu nyin mo steng g.yogs par 'dzin du bcug nas mtshan mo bla gab med par 'dzin cing / de'i steng du sog ma'i chag chag 'debs par byed cing / de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na/ dge slong la sbyor ba snga ma de nyid kyis nyes pa sbom por 'gyur ro/ /dge slong gis skyes pa dang bud med dang ma ning la gsad pa'i sems kyis 'di ltar rtsom pa 'dis 'di dus byed par gyur cig snyam pas dus tsha ba mchog tu tsha ba gang dag yin pa de dag gis sos ka'i gung gi tshab la bab pa gang dag tu srog chags </font><hr>Ca204b<br><font size=+1>


phra mo skye ba de dag tu nyin mo bla gab med par 'dzin tu bcug nas/ mtshan mo steng g.yogs par 'dzin cing de'i lus la gsag gam/ re ldes kyang 'khri bar byed/ du ba rngub pas kyang 'dug par byed cing / de yang rtsom pa des dus byed na dge slong pham par 'gyur ro/ /des de'i tshe ma yin yang des de'i 'og tu na dge slong pham par 'gyur ro/ /des de'i tshe yang ma yin la des de'i 'og tu yang ma yin na/ dge slong la sbyor ba snga ma de nyid kyis nyes pa sbom por 'gyur ro/ /sdom la/ bsro khang dang ni me khang dang / /'char ka dang ni gnyis po dang / /skyong ma dang ni bcu bdun sde/ /ri brags pa dang rgan zhugs so/ /sangs rgyas bcom ldan 'das 'brog gnas na/ 'brog gi gnas mchog na bzhugs so/ /de na dge slong bsod snyoms pa zhig khyim bdag gcig gi sdum par dus dang mthun pa'i dus su 'gro zhing chos kyang ston par byed do/ /ji tsam na dge slong des khyim bdag de skyabs su 'gro ba dang bslab pa'i gzhi dag la rab tu bzhag go /de nas yang dge slong de nye bar song nas khyim bdag de la rdzas las byung ba'i bsod nams bya ba'i gzhi bdun po dag gis bsngags pa rgya cher brjod pa dang / khyim bdag des smras pa/ 'phags pa bdag gis kyang dge 'dun la rdzas las byung ba'i bsod nams bya ba'i gzhi 'ga' zhig bgyid du stsal to/ /bsod snyoms pas smras pa/ khyim bdag legs kyis byed du chug cig /'phags pa ci zhig bgyid du stsal/ khyim bdag dge 'dun </font><hr>Ca205a<br><font size=+1>


@#/ /la bsro khang gi khang pa med kyis de byed du chug cig /'phags pa bdag la kar sha pa na dag ni mchis mod kyi/ 'on kyang bsod nams kyi grogs bgyid pa ma mchis so/ / khyim bdag kho bo khyed kyi bsod nams kyi grogs yin no/ /'phags pa legs so/ /khyim bdag des bsod snyoms pa de la kar sha pa Na dag phul nas bsod snyoms pa de dge 'dun gyi bsro khang gi khang pa byed du 'jud pa la zhugs so/ /ji tsam dus gzhan zhig na 'brog gnas su dus ston byung nas/ gla mi dag ma 'ongs pa dang / bsod snyoms pas de dag bos te smras pa/ bzhin bzang dag deng khyed cag ci'i phyir ma 'ongs/ de dag gis smras pa/ 'phags pa deng 'jig rten gyi dus ston lags pas/ de'i slad du bdag cag ma mchis so/ /bsod snyoms pas smras pa/ bzhin bzang dag gang dag bsod nams kyi 'bras bus 'tsho ba de dag la ni dus ston yod na/ khyed cag mkhar lan gyi 'bras bus 'tsho ba dag la dus ston ci 'dra ba dag cig yod/ tshur sheg \ SHOG?\ la las gyis shig dang / de'i phyir gla nyis gyur du sbyin no/ /de dag gis smras pa/ 'phags pa gang dag bsod nams kyi 'bras bus 'tsho ba de dag la ni rtag pa kho nar dus ston mchis kyi bdag cag ni mkhar lan gyi 'bras bus 'tsho ba lags pas de nyid kyis na bdag cag la brgya la brgya lam na dus ston 'byung bas/ gal te gla sum gyur du stsal du lags kyang bdag deng ni las mi </font><hr>Ca205b<br><font size=+1>


bgyid do zhes de dag ma btub ste dong nas/ bsod snyoms pa yang snying las chung ngur 'dug go /khyim bdag gis bsams pa/ bdag gis sbyin par bya ba'i chos de la ji tsam ni byas/ ji tsam ni ma byas pa de ltar 'gro'o snyam nas de nang par sngar langs te song ba dang 'ga' yang las mi byed pa mthong na/ de bsod snyoms pa'i drung du song ste rkang pa gnyis la phyag 'tshal nas smras pa/ 'phags pa gla mi dag deng las mi bgyid dam/ khyim bdag mi byed do/ /ci'i slad du/ de dag na re/ deng 'jig rten gyi dus ston yin pas bdag cag las mi byed do zhes zer ro/ /khyim bdag gis smras pa| 'phags pa de dag ni mkhar lan gyi 'bras bus 'tsho ba lags pas/ 'phags pas de dag la gla ma stsal pas/ des na ma btub gor ma bkum/ bsod snyoms pas smras pa/ khyim bdag kho bos gla nyis gyur byin yang ma grub ste/ de dag na re/ 'phags pa gang dag bsod nams kyi 'bras bus 'tsho ba de dag ni rtag pa kho nar dus ston mchis kyi/ bdag cag ni mkhar lan gyi 'bras bus 'tsho ba lags pas/ de nyid kyis na bdag cag la brgya la brgya lam na dus ston 'byung bas/ gal te gla sum gyur du stsal tu lags kyang bdag cag deng ni las mi bgyid do zhes zer ro/ /khyim bdag gis smras pa/ 'phags pa bdag ni bdag gi slad du yang bgyid du ma rtsol la/ nye du rnams kyi slad du yang bgyid du mi rtsol gyi 'di ltar 'phags pa rnams kyi slad du bgyid du rtsol ba lags pas/ </font><hr>Ca206a<br><font size=+1>


@#/ /kye ma 'phags pa rnams kyis kyang brgya la brgya lam du mkhar lan gyi stongs mo mdzod cig /bsod snyoms pas skabs de dge slong rnams la brjod nas/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gzhi ma zin pa la dge slong rnams kyis mkhar lan gyi stongs mo bya'o/ /bcom ldan 'das kyis gzhi ma zin pa la dge slong rnams kyis mkhar lan gyi stongs mo bya'o zhes bka' stsal nas/ dge slong dag gis mkhar lan gyi stongs mo bya bar brtsams nas/ de dag phan tshun so phag 'phen par byed do/ /ji tsam na dge slong zhig gis dge slong la so phag 'phangs pa dang / lag pa nas shor te dge slong gi mgo la phog nas de dus la bab bo/ /dge slong de dag 'gyod pa skyes shing de dag yid mi bde nas/ 'di skad ces tshe dang ldan pa dag bsod snyoms pa las med pas/ las phyung nas bdag cag tshangs pa mtshungs par spyod pa yid du 'ong ba dang bral bar gyur cing bdag cag la pham par 'gyur ba'i ltung ba ma byung ngam snyam du 'gyod pa skyes par gyur to zhes zer ba'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed la ni ltung ba med do/ /yang dge slong rnams kyis so phag 'phang bar mi bya bar 'di ltar lag pas lag par brgyud bar bya'o/ /gal te bye ba'am/ gas pa yin na go bar bya ste brgyud </font><hr>Ca206b<br><font size=+1>


par bya'o/ /go bar ma byas par brgyud par byed na 'gal tshabs can du 'gyur ro/ /bcom ldan 'das kyis dge slong rnams kyis mkhar lan gyi stongs mo bya'o zhes bka' stsal nas/ dge slong rnams nyi ma rangs par las byed nas bram ze dang khyim bdag dag ci'i phyir dge slong 'di dag nyi ma rangs par gla mi bzhin du las byed ces 'phya bar byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ nyi ma rangs par las mi bya bar 'di ltar lan cig bya'o/ /dge slong dag so ga phyi dro las byed la/ dgun ni snga dro las byed nas bcom ldan 'das kyis bka' stsal pa/ so ga ni snga dro las bya ba la/ dgun ni phyi dro las bya'o/ /de dag dus rting la thug pa na gtong zhing 'jim rdzab kyis gos pa'i lus kyis de bzhin rings pa rings par bsod snyoms la 'jug pa na ma dad pa dag 'phags pa dag khyed cag gis gla mi dag kyang pham par byas te/ de dag kyang zas kyi dus yongs su spong bar byed na khyed cag zas kyi dus kyang spong bar mi byed do zhes co 'dri bar byed pa'i skabs de dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ bsod snyoms pa gang dag yin pa de dag gis ni sta gon byas nas/ grong du bsod snyoms la 'jug khom pa dang / gang dag dge 'dun gyi rnyed pa dbang ba de dag gis ni sta gon byas nas/ dge 'dun gyi dbus su 'jug khom pa </font><hr>Ca207a<br><font size=+1>


@#/ /de ltar dus shes par byas te gtang bar bya'o/ /bcom ldan 'das kyis sta gon byas nas grong du bsod snyoms la 'jug par bya zhing dge 'dun gyi dbus su yang 'jug par bya'o zhes bka' stsal nas/ dge slong rnams kyis ji tsam gyis na sta gon byas par brjod par bya ba mi shes nas/ bcom ldan 'das kyis bka' stsal pa/ ji tsam gyis lag pa gnyis dang / rkang pa gnyis bkrus pa dang / lhung bzed bkrus par gyur pa de tsam gyis na sta gon byas par brjod par bya'o/ /gzhan yang ngas dge slong mkhar lan byed pa dag gis kun du spyod pa'i chos dag bca' bar bya ste/ dge slong mkhar lan byed pas dus ji lta ba bzhin du snga dro ni khye'u sus dag sbyor du gzhug par bya'o/ /phyi dro ni skom dang lag pa dang rkang pa'i bsku mnye rgyu dag sbyor du gzhug par bya'o/ /dge slong mkhar lan byed pas kun du spyod pa'i chos ji ltar bcas pa dag yang dag par blangs te 'jug par mi byed na 'gal tshabs can du 'gyur ro/ /'brog gnas su bsod snyoms pas bsro khang byed du bcug pa ji lta ba bzhin du me khang gi gleng gzhi yang de kho na bzhin du rgyas par brjod par bya'o/ /bye brag ni 'di yod de/ bcom ldan 'das kyis gzhi ma zin pa la mkhar lan gyi stongs mo bya'o zhes bka' stsal nas/ dge slong dag me khang gi las byed cing pham dag phar sbed tshur sbed pa na de dag gi 'og na shing mkhan zhig zhal ta byed de/ </font><hr>Ca207b<br><font size=+1>


ji tsam na phyam dag sbed pa na/ dge slong gi lag nas phyam shor bas shing mkhan gyi mgor phog nas de dus la bab pa dang / dge slong de dag tshe dang ldan pa dag bsod snyoms pa las med pa las byung bas/ bdag cag la pham par 'gyur ba'i ltung ba ma byung ngam snyam du 'gyod pa skyes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed la ni ltung ba med de/ yang dge slong dag gis mi bzod pa'i khur gdeg par mi bya'o/ /rkyen de lta bu zhig byung na mdor khyim pa dag 'dzin du gzhug par bya zhing gdeg pa dang / gzhag pa dag kyang brjod par bya ste/ mnyam du gdeg pa dang mnyam du gzhag par bya'o/ /dge slong dag mi bzod pa'i khur 'degs par byed na 'gal tshabs can du 'gyur ro/ /bcom ldan 'das kyis dge slong dag gis mi bzod pa'i khur gdeg par mi bya'o zhes bka' stsal nas/ dge slong rnams kyis ji tsam ni bzod pa yin/ ji tsam ni mi bzod pa yin pa mi shes nas/ bcom ldan 'das kyis bka' stsal pa/ khyim pa gcig gi khur gang yin pa de dag dge slong gnyis kyis gdeg par bya'o/ /sangs rgyas bcom ldan 'das mnyam yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa 'char kas gtum mo btul te skyabs su 'gro ba dang / bslab pa'i gzhi dag la bkod pa de'i tshe/ des tshe dang ldan pa 'char ka'i rkang pa gnyis la </font><hr>Ca208a<br><font size=+1>


@#/ /phyag 'tshal nas/ yo byad thams cad kyis bstabs pa dang / tshe dang ldan pa 'char kas dang du ma blangs te smras pa/ sring mo bcom ldan 'das kyi bstan pa ni gzhan la phan pas rjes su 'dzin par zhugs pa yin pas/ kho bos kyang gzhan la phan par byed dgos so/ /gtum mos smras pa/ 'phags pa gal te de lta lags te dang du mi bzhes na/ bdag gis 'phags pa'i slad du drang srong gi gdan bsham par bgyis/ khyod kyis bsod snyoms brgyus nas/ drang srong gi gdan la longs spyad de gshegs par rigs so/ /tshe dang ldan pa 'char kas smras pa/ sring mo de bzhin bya'o zhes tshe dang ldan pa 'char ka nyi ma re re zhing bsod snyoms brgyus nas/ gtum mo'i khyim du drang srong gi/ stan la longs spyad de 'gro'o/ /ji tsam dus gzhan zhig na tshe dang ldan pa 'char ka la ljongs su bya ba zhig byung nas/ tshe dang ldan pa 'char kas bsams pa/ bdag je song la sring mo blta bar bya'o snyam nas/ tshe dang ldan pa 'char ka gtum mo'i gan du song ste smras pa/ sring mo kho bo ljongs rgyur 'gro'i/ /khyod kyis chos kyi lus la bag gyis shig /gtum mos smras pa/ 'phags pa myur du slar gshegs pa'i rigs te| der bzhugs par mi mdzad cing / der dgyes pa mi bskyed du gsol/ tshe dang ldan pa 'char kas gtum mo bltas te/ ljongs rgyur 'phags pa dang / tshe dang ldan pa kun dga' bos </font><hr>Ca208b<br><font size=+1>


dge slong rnams la smras pa/ tshe dang ldan pa dag bcom ldan 'das ljongs rgyur gshegs kyis/ khyed cag las gang bcom ldan 'das dang thabs cig ljongs rgyur 'gro bar spro ba des chos gos kyi las gyis shig /tshe dang ldan pa 'char kas thos nas bsams pa/ sangs rgyas kyi rgyu ba la ni phan yon bco brgyad yod de/ rgyal po'i 'jigs pa med pa dang / chom rkun gyi 'jigs pa med pa dang / me'i 'jigs pa med pa dang / mi'i 'jigs pa med pa dang / mi ma yin pa'i 'jigs pa med pa dang / klu'i 'jigs pa med pa dang / gdug pa'i 'jigs pa med pa dang / seng ge'i 'jigs pa med pa dang / stag gi 'jigs pa med pa dang / gung gi 'jigs pa med pa dang / pha rol gyi dmag tshogs kyi 'jigs pa med pa dang / spyang ki'i 'jigs pa med pa dang / sho gam gyi 'jigs pa med pa dang / la gcan gyi 'jigs pa med pa dang / gru btsas kyi 'jigs pa med pa dang / dus dang dus su lha'i gzugs dag mthong zhing lha'i sgra dag thos la kun shes pa brda sprod pa dag thos pa dang / chos kyi longs spyod dang / zang zing gi longs spyod yod pa dang / sangs rgyas kyi rgyu ba la gnod pa nyung ba yin gyis/ bdag kyang bcom ldan 'das dang thabs cig ljongs rgyur 'gro'i/ phyir ldog par bya'o snyam nas tshe dang ldan pa 'char ka phyir log go /de'i bar skabs su gtum mo'i khyim du bu mo zhig la khye'u zhig btsas nas/ gtum mos khye'u de'i ma la smras pa/ bu mo khye'u 'di khrus gyis la gos dkar pos dkris te/ </font><hr>Ca209a<br><font size=+1>


@#/ /drang srong gi stan 'di la snyol cig dang / yun ring du 'tsho bar 'gyur zhing / tshe ring du skyong bar 'gyur ro/ /bu mo des khye'u de khrus byas te gos dkar pos dkris nas/ drang srong de'i stan de la rtag tu bsnyal lo/ /tshe dang ldan pa 'char ka yang nyi ma gzhan zhig na bsod snyoms la zhugs nas/ gtum mo'i khyim ga la ba der song ngo / /dgra bcom pa dag ni ma bsams par shes pa dang mthong ba mi 'jug pas/ tshe dang ldan pa 'char ka de bzhin du drang srong gi stan de la 'dug pa dang / bud med kyi yul de brtad pa dang bcas shing / 'phags pa khye'u/ 'phags pa khye'u zhes zer nas/ tshe dang ldan pa 'char ka myur du langs te bltas na/ khye'u dus la bab pa mthong ngo / /khyim mi dag gis cho nges gdab par brtsams pa dang / tshe dang ldan pa 'char kas smras pa/ sring mo ma ngu zhig /sems can 'dis tshe thung bar 'gyur ba'i las byas te/ bcom ldan 'das kyis kyang 'du byed thams cad ni mi rtag go zhes gsungs so/ /de lta mod kyi 'di la kho bos ngud mos gdab par bya ba yin te/ 'di ltar kho bos dgra bcom pa nyid thob kyang kho bo la brten te bcom ldan 'das kyis 'dul ba la nyan thos rnams kyi bslab pa'i gzhi 'cha' bar 'gyur ro/ /des skabs de dge slong rnams la brjod nas/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong 'char ka la </font><hr>Ca209b<br><font size=+1>


ni ltung ba med de/ yang dge slong gis khyim gzhan du stan la ma brtags par 'dug par mi bya'o/ /'dug na 'gal tshabs can du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag phyug pa/ nor mang ba/ longs spyod che ba/ phan tshun gtam 'dres pa/ phebs par smra ba/ 'grogs bshes/ smos 'drin gnyis shig 'khod do/ /ji tsam dus gzhan na de gnyis nor zad pa dang / longs spyod zad par gyur nas/ de gnyis kyis gros bya bar brtsams pa/ bdag cag gnyis 'di nyid du ma thos pa dang dmas par gyur pas rnam pa 'di lta bu'i 'tsho ba za zhing longs spyod pas ci bya/ rab tu 'byung du 'dong ngo zhes de gnyis legs par gsungs pa'i chos 'dul ba la rab tu byung ngo / /de na gcig na bar gyur nas/ cig shos de'i nad g.yog byed do/ /nad pa de nyams dmas shing sos par ma gyur nas/ nad g.yog des nad pa la smras pa/ tshe dang ldan pa khyod la sngon khyim ba'i tshe na lan 'ga' nad 'di lta bu byung ngam/ sngon yang byung ngo / /'o na ci zhig gis zhi bar gyur/ lan tshwa'i sman rtsabs kyis so/ /'o na de ci'i phyir lan tshwa'i sman rtsabs mi 'thung zhes nad g.yog des lan tshwa'i sman rtsabs bslangs te nad pa la blud pa dang / nad pa de dus kyi chos dang ldan par gyur nas/ dge slong de bdag gis 'di la sman pa yin pa byin par ma gyur tam snyam du 'gyod pa skyes nas/ des skabs de </font><hr>Ca210a<br><font size=+1>


@#/ /dge slong rnams la brjod nas/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de la ni ltung ba med de/ yang dge slong gis sman pa la ma dris par rang gi blos nad pa la sman sbyin par mi bya'o/ /gal te sman pa med na sman pa rab tu byung ba la dri bar bya'o/ /sman pa rab tu byung ba med na sman pas bkol ba la dri bar bya'o/ /sman pas bkol ba med na nad kyis thebs pa la dri bar bya'o/ /nad kyis thebs pa med na dge slong rgan pa rgan pa dag la dri bar bya'o/ /dge slong gis sman pa la ma dris sam/ ji skad bstan pa'i rim ba bzhin ma byas par rang gi blos nad pa la sman sbyin na 'gal tshabs can du 'gyur ro/ /dge slong rnams the tshom skyes nas/ the tshom thams cad gcod pa sangs rgyas bcom ldan 'das la zhus pa/ btsun pa dge slong de la sman gang lags pa de nyid sman ma lags pa nyid du gyur pa'i rgyu ni gang lags/ rkyen ni gang lags/ bcom ldan 'das kyis bka' stsal pa/ de sngon khyim pa'i tshe na rlung dang bad kan can du gyur la/ da ltar ni rlung dang mkhris pa can du gyur pas/ des na de la sman gang yin pa de nyid sman ma yin pa nyid du gyur to/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe bcom ldan 'das kyis ma ga d+har byung </font><hr>Ca210b<br><font size=+1>


ba'i rgyal po bzo sbyangs gzugs can snying po lha brgyad khri dang / ma ga d+har byung ba'i bram ze dang khyim bdag brgya stong phrag du ma dang lhan cig bden pa dag la bkod pa de'i tshe na/ ma ga d+har byung ba'i rgyal po bzo sbyangs gzugs can snying pos/ rgyal po'i khab tu 'di skad ces rgyal po'i khab tu 'khod pa dang / pho brang 'khor ba dang / yul tha dad pa nas lhags pa'i tshong ba'i tshogs shes ldan dag nyon cig /nga'i yul du gang gis kyang chom rkun mi bya'o/ /gang nga'i yul du chom rkun byed pa de ngas yul med par bya'o/ /bcom pa rnams kyi rkun rdzas ni nga'i mdzod dang bang ba nas sbyin no zhes dril gyi sgra bsgrags pa byas so/ /gang gi tshe bcom ldan 'das kyis ko sa lar byung ba'i rgyal po gsal rgyal gzhon nu'i dpe'i mdo sdes btul ba de'i tshe na/ ko sa lar byung ba'i rgyal po gsal rgyal gyis kyang mnyan yod du 'di skad ces mnyan yod na 'khod pa dang / pho brang 'khor ba dang / yul tha dad pa nas lhags pa'i tshong pa'i tshogs shes ldan dag nyon cig /nga'i yul du gang gis kyang chom rkun mi bya'o/ /gang nga'i yul du chom rkun byed pa des ngas gsad pa'i gyod la bskrin par bya'o/ /bcom pa rnams kyi rkun rdzas ni nga'i mdzod dang bang ba nas sbyin no zhes dril gyi sgra bsgrags pa byas so/ /de'i bar skabs na chom rkun pa gang dag yul ma ga d+ha na gnas pa dag dang chom rkun pa gang dag yul go sa la na gnas pa de dag sa mtshams kyi bar du dong ste 'khod do/ </font><hr>Ca211a<br><font size=+1>


@#/ /thams cad du chom rkun pa gang dag yul ma ga d+ha na gnas pa dag dang / chom rkun pa gang dag yul ko sa la na gnas pa de dag sa mtshams kyi bar du dong ste/ 'khod cing don mthun 'joms par byed do zhes bya ba'i sgra de lta bus kyang khyab par gyur to/ /de thos nas yul ma ga d+ha nas don mthun bsel ba dang bcas pas/ yul ko sa lar 'gro bar brtsams shing / yul ko sa la nas kyang don mthun bsel ba dang bcas pas yul ma ga d+har 'gro bar brtsams so/ /ji tsam dus gzhan zhig na yul ma ga d+ha nas don mthun bsel ba dang bcas pa yul ko sa lar 'phags nas de gang gi tshe sa mtshams kyi bar las 'das te yul ko sa lar zhugs pa de'i tshe na/ ded dpon gyis smras pa/ shes ldan dag ko sa lar byung ba'i rgyal po gsal rgyal 'di ni gtum pa/ brtun das pa/ drag shul che ba/ dpa' ba/ rtsal che ba zhes grags pas/ gal te don mthun chom rkun pas bcom par gyur na yang / des bdag cag la rkun rdzas sbyin par nus kyis bsel ba phyir thong zhig /don mthun dag gis smras pa/ ded dpon gal te de lta na de ltar bgyi'o zhes de dag gis bsel ba phyir btang ngo / /chom rkun pa dag gis bya ma rta bzhag ste 'khod pa dang / bya ma rta dag gis bsel ba phyir btang ba de mthong nas de dag gis smras pa/ shes ldan dag bsel ba phyir log gis don mthun gzhom par byas 'dong ngo zhes de dag gis </font><hr>Ca211b<br><font size=+1>


don mthun sA la'i dgon par zhugs pa bcom mo/ /de na tshong pa kha cig ni bsad/ kha cig ni byer ro/ /de na gang dag byer ba de dag mgo sa rdul gyis bkang ste/ ko sa lar byung ba'i rgyal po gsal rgyal gyi drung du dong nas smras pa/ lha bdag cag tshong pa rnams khyod kyi yul du tshong par mi rung bar rnam par bkod do/ /ci zhig byas/ lha bdag cag chom rkun pa dag gis bcom mo/ /rgyal pos dmag dpon 'phags skyes po la bsgo ba/ gzhon nu song la chom rkun pa dag dang / rkun rdzas dag myur du khug cig /dmag dpon 'phags skyes pos lha bka' bzhin 'tshal zhes ko sa lar byung ba'i rgyal po gsal rgyal las mnyan nas/ dpung gi tshogs yan lag bzhi pa glang po che pa'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs go bskon te| myur ba myur bar sA la'i dgon par song ngo / /de'i bar skabs na chom rkun pa dag sA la'i dgon pa shin tu stug po'i nang na zhugs nas/ bag phab ste rkun rdzas bgod par byed do/ /'phags skyes pos kyang de dag gi steng du brdzis nas/ de na chom rkun pa kha cig ni bsad/ kha cig ni byer/ chom rkun pa drug cu ni gson por bzung ngo / /de nas g.yul las rnam par rgyal zhing chom rkun pa dang rkun rdzas khyer te ko sa lar byung ba'i rgyal po gsal rgyal gyi drung du song nas/ rkang pa gnyis la phyag 'tshal te smras pa/ lha chom rkun pa ni 'di dag lags/ rkun rdzas ni 'di dag lags so// </font><hr>Ca212a<br><font size=+1>


@#/ /rgyal pos chom rkun pa dag la smras pa/ shes ldan dag ngas 'di skad ces nga'i yul du gang gis kyang chom rkun mi bya'o/ /gang nga'i yul du chom rkun byed pa de ngas gsad pa'i gyod la bskrin par bya'o/ /bcom pa rnams kyi rkun rdzas ni nga'i mdzod dang bang ba nas sbyin no zhes dril gyi sgra bsgrags pa byas pa de khyod kyis ma thos sam/ lha thos so/ /'o na khyed kyis ci'i phyir tshong pa 'di dag bcom/ lha bdag cag 'tsho ba ma mchis so/ /gal te de lta na yang ci'i phyir gzhan gsad par gyur/ lha 'jigs pa bstan pa'i slad du'o/ /ngas kyang khyed la sngon sus kyang ma bstan pa de lta bu'i 'jigs pa bstan par bya'o/ /rgyal po de gtum pas des blon po rnams la bsgo ba/ shes ldan dag deng la chom rkun pa 'di dag gsad sar khrid la lag pa dang rkang pa chod cig /tshong ba 'di dag gi ci phrogs pa nga'i bang mdzod nas byin cig /blon po de dag gis chom rkun pa de dag ngur khrod du khrid de lag pa dang / rkang pa bcad nas/ tshong pa rnams la rkun rdzas rgyal po'i bang ba dang mdzod nas byin no/ /bcom ldan 'das kyis dge slong dag bdag gi rgud pa dang gzhan gyi rgud pa la yang dang yang du so sor rtogs shig /bdag gi 'byor pa dang gzhan gyi 'byor pa la yang dang yang du so sor rtogs shig/ de ci'i phyir zhe na/ dge slong dag bdag dang gzhan gyi rgud pa la ni yid 'byung ba'i gnas yin la/ </font><hr>Ca212b<br><font size=+1>


bdag dang gzhan gyi 'byor pa yang yid 'byung ba'i gnas yin pa'i phyir ro zhes bka' stsal nas/ dge slong dag langs shing langs shing ngur khrod rgyur 'gro bar brtsams so/ /dge slong ma dag kyang langs shing langs shing dur khrod rgyur 'gro bar brtsams so/ /de'i tshe na rab tu mang po dag dur khrod rgyur dong zhing de dang de dag gis chom rkun pa dag la nges par brtag par brtsams so/ /mi gzhan zhig kyang de dag nyid la rtog cing 'dug pa des smras pa/ gal te don 'dod pa 'ga' zhig gis 'di dag la lan tsha'i sman rtsabs blud par gyur na/ des na 'di dag 'di nas shi 'phos na/ ma gzhon nu dag gi nu zho 'thung bar 'gyur ro/ /dge slong ma de dag gi nang na/ dge slong ma skyong ma zhes bya ba sbom mo/ glen ma mi gsal ba zhig 'dug pa des de thos nas des bsams pa/ gal te bdag bsod nams kyi phung po de lta bu las yongs su nyams par gyur na/ bdag gis legs par gsungs pa'i chos 'dul ba la rab tu byung nas/ ci zhig rnyed kyis bdag song la lan tshwa'i sman rtsabs bslangs te 'di dag la blud par bya'o snyam nas/ dge slong ma skyong ma de dge slong ma rnams kyi nang nas phyir byung ste/ gnas su song nas de nas lan tsha'i sman rtsabs kyi phru ba dang / kha phor drug cu blangs te/ chom rkun pa dag gi drung du song ba dang / chom rkun pa de dag sdug bsngal gyi tshor ba dag gis nyen cing srog la mi ltos pa/ skom pas gdungs pa dag gis bsams pa/ kye ma 'phags ma 'dis bdag cag skom gyis gdungs pa rnams </font><hr>Ca213a<br><font size=+1>


@#/ /la bum pa de nas skom blud na ci ma rung snyam mo/ /skyong mas bsod nams kyi 'du shes kyis re re la kham phor byin te lan tshwa'i sman rtsabs brims pa dang / gang gis 'thungs pa de dus la bab ste/ de bzhin du thams cad dus la bab bo/ /skyong ma chom rkun pa de dag la lan tshwa'i sman rtsabs 'brim par byed pa na nam sros par gyur nas/ dge slong ma'i dbyar khang sgo bcad pa na/ skyong ma 'ongs nas des dal bus khad kyis khad kyis sgo gtan brdungs pa dang / dge slong ma rnams kyis smras pa/ sgo gtan rdung bar byed pa 'di su/ skyong mas smras pa| bdag skyong ma'o/ /khyod nam sros nas ga las 'ongs/ phu nu mo dag rjes su yi rang bar gyis shig /rjes su yi rang bar gyis shig /ci khyed kyis dgra bcom pa nyid mngon sum du byas sam/ 'on te phyir mi 'ong ba'i 'bras bu'am/ lan cig phyir 'ong ba'i 'bras bu'am/ rgyun du zhugs pa'i 'bras bu mngon du byas sam/ 'on te dge 'dun gyi gtsug lag khang byed du bcug /phu nu mo dag /ma yin no/ /'on na 'bras chan nam/ skyo ma'am/ thug pa'i btung ba'am/ ras yug chen sbyor du bcug gam/ skyong mas smras pa/ phu nu mo dag ci khyed cag la 'bras chan dang / skyo ma dang / thug pa'i btung ba dang / ras yug chen sbyor du gzhug pa btsal ba las/ las gzhan med dam/ 'o na gzhan ci byas/ khyed cag gis chom rkun pa </font><hr>Ca213b<br><font size=+1>


drug cu po lag pa dang / rkang pa bcad pa de dag mthong ngam/ mthong ngo / /bdag gis lan tshwa'i sman rtsabs bslangs te de dag 'thung du bcug nas 'thungs pa dang / de dag dus la bab pas ma gzhon nu dag gi nu zho 'thung du bcug go /skal chad ma khyod lto pham par 'gyur ba dag gis bkang la/ nged cag rjes su yi rang bar byed du 'jud dam/ de bdag la yang dag par pham par 'gyur ba'i ltung ba ma byung ngam snyam du 'gyod pa skyes nas/ des skabs de dge slong rnams la brjod nas/ dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ dge slong dag dge slong ma de la 'du shes kyang yod/ sems pa yang yod pas pham par gyur to/ /de lta bas na/ dge slong ngam dge slong mas nad pa la ci nas kyang nad pa dus byed par gyur cig snyam pa de lta bu'i sems kyis sman sbyin par mi bya bar 'di ltar ci nas kyang nad sos par gyur cig snyam pa de lta bu'i sems kyis sman sbyin par bya'o/ /dge slong gis nad pa la ci nas kyang nad pa dus byed par gyur cig snyam pa de lta bu'i sems kyis sman sbyin par byed na 'gal tshabs can du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa mo'u 'gal gyi bu chen pos nye bar 'khor la sogs pa skyes phran gzhon nu bcu bdun sde'i tshogs dag </font><hr>Ca214a<br><font size=+1>


@#/ /rab tu phyung rdzogs par bsnyen par byas pa de'i tshe na/ bcu bdun sde dag gal te gcig la las su bsko ba bab na yang de dag thams cad bsdongs te byed do/ /ji tsam dus gzhan zhig na gtsug lag khang der mtshan thogs thag tu chos mnyan pa byung nas der de dag thams cad kyis bsdongs te tron byas so/ /phyi de nyin par dge 'dun gyi bsro gang byung nas der yang de dag thams cad kyis bsdongs te tron byas so/ /de'i phyi de nyin par bcu bdun sde las gcig la dge skos bab nas de'i nyin mo yang thams cad kyis gtsug lag khang brgyan te 'khod do/ /de na dge skos tron byed pa'i tshe bcu bdun sde las gcig la blo byung ba bdag ni chad kyis nyal lo/ /mi bcu drug gis ci'i phyir tron mi nus snyam mo/ /de bzhin du re re la yang blo de lta bu byung nas gzhan bcu drug po thams cad so sor nyal du dong ngo / /dge skos de 'ba' zhig gcig pus mtshan thog thag las byas te/ mtshan mo nam nangs pa dang / mar me'i kong bu dag bsdus/ sgo dag phye/ gtsug lag khang chag chag btab/ byug pa byas te/ dus shes par byas nas stan bshams shing mchod rten gyi 'khor sar bdug spos brims te/ gtsug lag khang gi steng du 'greng nas gaN+DI brdung bar brtsams so/ /de nas bcu drug po de dag gaN+DI'i sgras sad nas/ rang rang gi gnas khang dag nas lhung bzed thogs te byung ba dang / de dag gis </font><hr>Ca214b<br><font size=+1>


dge skos de gcig pu phar rgyugs tshur rgyug cing 'dug pa mthong nas/ de dag gis phan tshun smras pa/ tshe dang ldan pa dag 'di gcig pu phar rgyug tshur rgyug cing 'dug na/ yu bu cag las sus kyang 'di'i grogs ma byas sam/ gcig gis smras pa/ kho bo la blo byung ba bdag ni chad kyi nyal lo/ /mi bcu drug gis ci'i phyir tron mi nus snyam mo/ /de bzhin du gzhan yang de skad zer/ gzhan dag kyang zer te/ thams cad kyis de skad smras so/ /de nas bcu drug po dag gis smras pa/ tshe dang ldan pa dag 'di bdag cag gi 'phral gyi bya ba thams cad la thog mar 'gro ba yin na/ bdag cag gis 'di'i grogs ma byas pa ni yu bu cag gis ma legs pa byas te/ 'di bdag cag la gshe bar 'gyur gyis/ zan zos ma thag tu bzod pa gsol bar bya'o zhes de dag gis zan zos nas bzod pa gsol bar brtsams te/ gzhon pa rnams kyis ni de'i rkang pa gnyis la gtugs/ rgan pa rnams kyis ni mgul nas 'khyud de tshe dang ldan pa bzod par gsol zhes byas nas de cang mi smra ba nyid du 'dug go /de dang ches bshes pa gcig yod pa des ga ga tshil byas pa dang / des dgod par brtsams te bzod do zhes kyang zer ro/ /de dag gis bsams pa/ de ni thabs legs pa yin no snyam nas/ gzhan gyis kyang ga ga tshil byas shing de bzhin du thams cad kyi bar gyis ga ga tshil byas pa dang / de rlung gyen du 'chugs te dus la bab bo/ /de dag brtad </font><hr>Ca215a<br><font size=+1>


@#/ /cing mya ngan bya bar brtsams pa dang / dge slong rnams gyis smras pa/ kye bcu bdun sde dag ci'i phyir brtad cing mya ngan byed/ de dag gis smras pa/ bdag cag sngon ni bcu bdun sder gyur na/ da ni bcu drug sder gyur te/ tshangs pa mtshungs par spyod pa yid du 'ong pa dang bral zhing pham par gyur pa'i ltung ba byung ngo / /dge slong de dag gis ma legs so zhes smras te dong ngo / / bcu drug po de dag kyang mtha' cig tu dong ste/ sems khong du chud cing 'khod pa/ dge slong gzhan dag gis mthong nas/ dge slong de dag gis sbyor bar brtsams te/ tshe dang ldan pa bcu bdun sde 'di dag ni sog ma'i me bzhin du skad cig gis 'bar zhing skad cig gis shi bar 'gyur te/ yud tsam zhig gis rgod bag byed cing yud tsam zhig gis sems khong du chud cing 'khod do zhes zer ro| |de dag mya ngan gyi mes yid gdungs pas/ yongs su spyod kyang cang mi smra bar 'khod pa'i skabs de dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ dge slong dag dge slong de rnams la ni ltung ba med de/ yang dge slong gis ga ga tshil mi bya'o/ /byed na 'gal tshabs can du 'gyur ro// //'dul ba rnam par 'byed pa/ bam po bcu gcig pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod nas ha cang mi ring ba </font><hr>Ca215b<br><font size=+1>


na ri brags shig yod pa de na khyim bdag phyug pa nor mang ba longs spyod che ba zhig 'dug ste/ de yang dad pa can bzang ba dge ba'i bsams pa can yin pas/ des dge 'dun la bsdos te/ gtsug lag khang rta babs mthon po dang / skar khung dang / skar khung dra ba can dang / lan kan gyis brgyan pa/ snying dang mig 'phrog pa/ mtho ris kyi them skas su gyur pa zhig byed du bcug go /gtsug lag khang der dge slong drug cus dbyar gnas pa dag byas te dong nas khyim bdag des der ma byin par len pa dag gi khri'am khri'u dag mi rkus par gyis shig ces srung ma'i mi bzhag go /ji tsam dus gzhan zhig na dge slong gzhan drug cu ljongs rgyu zhing 'gro ba na ri brags der phyin nas/ bsti gnas rnyan par byed pa na mi zhig gis smras pa/ 'phags pa dag khyed cag ci'i slad du gtsug lag khang du mi gnas/ bzhin bzang gtsug lag khang ga la yod/ 'phags pa dag dgon pa 'di na'o/ /dge slong de dag der dong ba dang / srung ma'i mis mthong nas/ des 'ongs pa legs so zhes bya ba'i tshig gis bsnyen bkur byas te/ gnas khang dag bskos nas khri dang khri'u dang stan nang tshangs can dang / la ba la sogs pa dag phul te/ sbyangs tsags g.yar nas smras pa/ 'phags pa dag re zhig chab btsag par mdzod cig dang / de'i bar du bdag gis khyim bdag la brjod par bgyi'o zhes mi de khyim bdag gi drung du song ste/ smras pa/ khyim bdag dgyes pa skyed cig /khyod kyi gtsug lag </font><hr>Ca216a<br><font size=+1>


@#/ /khang du dge slong glo bur du lhags pa drug cu mchis so/ /khyim bdag gus par bsgrim pa dang bcas pas nang mi dag la smras pa/ shes ldan dag kho bo'i gtsug lag khang du dge slong gi dge 'dun byon pa de dag legs par sbyar ba'i btung bas tshim par byas/ bu ram dang hwags dang li khar dang dgun dang bal bu se'u long zhig ces khyim bdag legs par sbyar ba'i btung ba sbyar nas gtsug lag khang du song ba dang / dge slong dag kyang chu btsags te rang rang gi spyod lam gyis 'khod do/ /khyim bdag des dge slong de dag thag ring po kho na nas mthong ste/ des gtsug lag khang de mtsho pad+mas gang ba bzhin du mthong nas/ rgya cher dad pa'i shugs kyis bsgyur ba'i rgyud kyis tshigs su bcad pa smras pa/ grong ngam yang na dgon pa'ang rung / /gshong ngam yang na thang yang rung / /gang na 'os pa gnas pa yi/ /sa gzhi de ni dga' byed yin/ /de nas legs par sbyar ba'i btung ba sta gon byas te/ rang gi lag nas dge slong gi dge 'dun de tshim par byas nas/ rang nyid kyis pog por thogs te/ dge slong gi dge 'dun dang lhan cig mchod rten la phyag 'tshal nas gtsug lag khang du zhugs te rgan pa'i mtha' logs su 'dug go /dge 'dun gyi gnas brtan gyis yon bshad nas/ /khyim bdag des rkang pa gnyis la phyag 'tshal te/ sang bdag gi sdum par 'phags pa'i dge 'dun </font><hr>Ca216b<br><font size=+1>


gyis gdugs tshod gsol bar ci gnang zhes smras pa dang / dge slong rnams kyis kyang dang du blangs nas/ khyim bdag des rkang pa gnyis la phyag 'tshal te song ngo / /khyim bdag des phyi de nyin par zas bsod pas dge slong dag tshim par byas shing dus ma yin par yang btung ba blud nas/ dge slong rnams kyis kyang chos ston to/ /phyis kyang de kho na bzhin du dge 'dun gyi gnas brtan gyis yon bshad pa dang / khyim bdag de rgan pa'i mtha' logs su 'dug ste smras pa/ 'phags pa dag bdag gis gtsug lag khang 'di bdag nyid kyi slad du yang bgyid du ma stsal/ nye du rnams kyi slad du yang bgyid du ma stsal kyi/ 'di ltar 'phags pa rnams kyi slad du bgyid du stsal pa lags kyis 'di nyid du dbyar gnas par zhal gyis bzhes shig dang / bdag gis 'phags pa rnams la yo byad thams cad kyis mi brel bar bgyi'o/ /dge slong rnams kyis smras pa/ khyim bdag gnyan yod na bcom ldan 'das chos kyi rje mngon sum du bzhugs shing / dus dang dus su dge slong che ge mo zhig gis ni dgra bcom pa nyid mngon sum du byas/ che ge mo zhig gis ni mi sdug pa'i bar grub bo zhes shes pa brda sprod pa dag kyang thos par 'gyur/ rgyal po yang bstan pa la shin tu dad/ btsun mo phreng ldan ma dang rgyal rigs dbyar tshul ma dang / bla mkhyen drang srong byin dang / rnying pa dang / dge bsnyen ma sa ga dang / ri dwags 'dzin gyi ma dang / gzhan yang dad pa can mang du yod pas/ der zang </font><hr>Ca217a<br><font size=+1>


@#/ /zing gi longs spyod dang / chos kyi longs spyod chen po yang 'grub pas bdag cag de nyid du 'dong ngo / /'phags pa dag chos kyi longs spyod ni 'phags pa bdag nyid la rag las pa lags kyi/ zang zing gi longs spyod ni bdag la rag las pa lags pas dgyes pa skyed cig dang / cung zad kyang nyams par mi 'gyur ro/ /dge 'dun gyi gnas brtan gyis smras pa/ tshe dang ldan pa dag bcom ldan 'das kyis dad pa can gyi dad pa spel bar bya zhing sbyin bdag la rjes su snying brtse bar bya'o zhes gsungs pas/ 'di nyid du 'khod par bya'o zhes de dag der 'khod nas/ blo brtan pas gtsug lag khang de'i phyi nang bcas par so sor brtag par brtsams pa dang / gtsug lag khang de me tog phun sum tshogs pa dang / 'bras bu phun sum tshogs pa shin tu dga' ba mthong nas/ dge 'dun gyi gnas brtan gyis smras pa/ tshe dang ldan pa dag gtsug lag khang 'di me tog phun sum tshogs pa/ 'bras bu phun sum tshogs pa shin tu dga' ba yin pas/ gal te bdag cag gis 'dir dbyar snga ma gnas par khas blangs na me tog dang 'bras bu thams cad yongs su longs spyad par mi 'gyur gyis/ bdag cag gis nges par dbyar phyi ma gnas par khas blang bar bya'o zhes de dag gis der dbyar phyi ma gnas par khas blangs so/ /khyim bdag de la gtsug lag khang de gcig pu 'ba' zhig yod pas de sbyin pa dang bya bar sems pa gang yin pa de thams cad gtsug lag khang de nyid du sbyin zhing byed do/ /ri brags </font><hr>Ca217b<br><font size=+1>


de na yang gtsug lag khang gzhan med pas ri brags pa de dag kyang sbyin pa dang bya bar sems pa gang yin pa de thams cad gtsug lag khang de nyid du sbyin zhing byed do/ /ri brags de'i nye 'khor na yang gtsug lag khang gzhan med pas/ ri brags kyi nye 'khor ba de dag kyang sbyin pa dang bya bar sems pa gang yin pa de dag thams cad gtsug lag khang de nyid du sbyin zhing byed pas/ der dbyar gnas par khas blangs pa'i dge slong rnams la rnyed pa mang po byung ngo / /ston zla tha chung gi g.yon can dag gi kun tu spyod pa ni/ dgag dbye byas ma thag tu 'dus te bdag cag gis las ci zhig byas na/ des brtsal mi dgos par lo skor du longs spyod cing bde bar 'khod par 'gyur zhes phan tshun gros byed do/ /de dag 'di snyam du sems te/ shAkya'i sras kyi dge sbyong 'di dag gzhom par bya'o snyam mo/ /gzhan dag gis smras pa/ de dag ni sgo 'phar brgya snyed bzla ba byas kyang lto khengs pa 'grub par dka' bas de dag la ci yang med na/ bdag cag ci'i phyir yul de srid du bsdad par bya/ de na dge slong gi rgyus shes pa gcig 'dug pas smras pa/ khyed ci shes/ de dag la mang du yod do/ /ji ltar re zhig gtsug lag khang 'di gang gi yin pa khyim bdag de ni dad can bzang ba dge ba'i bsam pa can yin la/ khyim bdag de la yang gtsug lag khang 'di gcig pu 'ba' zhig yod pas/ de sbyin pa dang / bya bar sems pa gang yin pa de thams cad gtsug lag khang 'di nyid du sbyin zhing byed do/ /ri brags 'di na yang gtsug </font><hr>Ca218a<br><font size=+1>


@#/ /lag khang gzhan med pas ri brags pa 'di dag kyang sbyin pa dang bya bar sems pa gang yin pa de thams cad gtsug lag khang 'di nyid du sbyin zhing byed do/ /ri brags 'di'i nye 'khor na yang gtsug lag khang gzhan med pas/ ri brags kyi nye 'khor ba 'di dag kyang sbyin pa dang bya bar sems pa gang yin pa de thams cad gtsug lag khang 'di nyid du sbyin zhing byed pas/ 'dir dbyar gnas par khas blangs pa'i dge slong rnams la rnyed pa mang po byung ngo / /gal te yid mi ches na song la ltos shig dang rang nyid kyi mngon sum du 'gyur ro/ /gal te de lta na khyod nyid je song la mngon sum du gyis shig dang / kho bo cag phyis 'ong ngo / /des smras pa/ legs kyis de bzhin gyis shig dang / kho bo 'gro'o zhes des gos tshags bcos te/ 'phags shing de nas tshigs su bcad pa'i dbyangs kyis mchod rten la phyag 'tshal te/ gtsug lag khang der zhugs so/ /ji tsam na sgo khang na rgan zhugs shig 'dug nas g.yon can de de'i rkang pa la phyag 'tshal te dri bar brtsams pa/ 'phags pa gtsug lag khang snying dang mig 'phrog pa mtho ris kyi them skas su gyur pa 'di su'i lags/ bzhin bzang khyim bdag che ge mo zhig gi yin no/ /'phags pa ci 'di gtsug lag khang lags sam/ 'on te phongs pa lags/ bzhin bzang gtsug lag khang ni ji lta bu yin/ phongs pa ni ji lta bu yin/ 'phags pa </font><hr>Ca218b<br><font size=+1>


gang na yo byad phun sum tshogs pa ni gtsug lag khang lags so/ /gang na yo byad ma mchis pa ni phongs pa lags so/ /bzhin bzang 'o na 'di ni gtsug lag khang yin gyi/ phongs pa ma yin te/ 'di na yo byad phun sum tshogs pa yod kyi/ 'di na yo byad med pa ma yin no/ /'phags pa zas za ba ni 'ga' yang sa rdul mi za la/ gos dag gyon pa ni 'ga' yang shing shun dag mi gyon pas khyed cag la gos cung zad mchis sam/ rgan zhugs de drang ba'i rang bzhin can yin pas/ des g.yon can de'i lag nas bzung ste gnas khang du bcug nas smras pa/ bzhin bzang gos kyi gdang gos dag gis phur shog cing 'dug pa la ltos/ 'phags pa ci 'di khyod kyi lags sam/ 'on te dge 'dun gyi lags/ bzhin bzang 'di kho bo gang zag gi yin no/ /'phags pa 'o na khyod ni gor ma bkum par dge 'dun gyi gnas brtan nam chos sgrog pa zhig lags so/ /bzhin bzang kho bo ni dge 'dun gyi gnas brtan yang ma yin la chos sgrog pa yang ma yin te/ 'di ltar kho bo ni dge 'dun gsar bu dge tshul zhig yin no/ /'phags pa de ni mjal na 'di na dge 'dun gyi gnas mal cung zad mchis sam/ bzhin bzang mang du yod de/ re zhig kho bo'i byug ris su yang dngos po bdun po dag 'thob bo/ /'phags pa de yang mjal gyis 'di zhu'o/ /gtsug lag khang 'di na gang la la 'tshal ma bgyid pa de ci rdza mkhan gyi snod du 'tshod dam/ 'on te zangs ma'i snod du 'tshod/ </font><hr>Ca219a<br><font size=+1>


@#/ /bzhin bzang khyod kyis gnas khang 'di dag mthong ngam/ 'phags pa mthong ngo / /bzhin bzang gnas khang 'di zangs ma'i snod kyis gang zhing 'dug go /g.yon can des bsams pa legs par brid zin gyis da ni 'gro'o snyam nas g.yon can des smras pa/ 'phags pa khyod kyi dge ba'i phyogs yongs su nyams pa ni bdag gi don yongs su nyams pa lags pas bdag slad kyis kyang mchi'i da ni mchi'o/ /bzhin bzang de bzhin gyis shig /g.yon can des rgan zhugs de'i rkang pa la phyag 'tshal te song nas/ g.yon can de chom rkun pa de dag gi drung du song ste smras pa/ pad ma'i mig can dag rdzas thams cad kyis gang ba'i gru bo che skams la 'dug gis phrogs shig phrogs shig /de nas gcig gis smras pa/ de na 'khod pa'i rab tu byung ba drug cu po dag ni 'phong gi slob dpon sha stag yin zhes grags pas/ de bzhin du gzhom par mi nus kyis/ gang gis tshe de dag mtshan mo chos nyan pa de'i tshe gzhom mo/ / gzhan dag gis smras pa/ nyi ma gang la de dag gi chos nyan pa 'byung bar 'gyur/ des smras pa/ tshes brgyad dang bcu bzhi la 'byung ste/ de la tshes brgyad ni thal zin pas/ tshes bcu bzhi la 'byung bar 'gyur ro/ /de dag sor mo dag gis nyi ma bgrang zhing 'khod 'khod nas/ ji tsam na tshes bcu bzhi la bab ste/ dge 'dun gyi gnas brtan gyis so sor thar pa'i mdo bton te/ dge 'dun gyi </font><hr>Ca219b<br><font size=+1>


gso sbyong byas nas/ chos sgrog pa seng ge'i khri la 'dzegs te 'di skad ces/ mi mchog 'dul ba kha lo sgyur mdzad pa/ /kun sbyor 'ching ba gcod pa de bzhin gshegs/ /dbang po zhi zhing nyer zhi zhi la mkhas/ /mnyan yod bzhugs pa'i bka' bzhin byed la gsungs/ /zhes smra bar brtsams pa dang / g.yon can de dag gis sgo brdungs so/ /dge slong de dag gis tshor nas smras pa/ shes ldan dag khyed cag su yin/ 'phags pa dag bdag cag rigs kyi bu dag go/ dge slong rnams kyis bsams pa/ ri brags nas skye bo'i tshogs dag chos nyan du lhags gor ma chag gis sgo dbye'o snyam nas/ de dag gis sgo phye ba dang de dag zhugs so/ /ji tsam na gzhom par brtsam pa dang / dge slong rnams kyis smras pa/ shes ldan dag khyed cag na re/ bdag cag rigs kyi bu dag go zhes zer na/ da nged cag 'joms par byed dam/ de dag gis smras pa/ 'phags pa dag bdag cag la ming gnyis te/ slad rol du ni rigs kyi bu dag ces bgyi la/ nang du ni chom rkun pa dag ces bgyi'o/ / khyed cag ming 'dogs par byed pa ni nyams so/ /g.yon can de dag gis dge slong dag bcom ste dong nas/ dge slong bcom pa de dag gis gros byas pa/ tshe dang ldan pa dag bcom ldan 'das kyis lhag ma dang bcas par bzho bar bya'o zhes gsungs pas re zhig khyim bdag 'di phyogs bzhi'i dge slong gi dge 'dun la sbyin du bcug ste yang ci bya/ bdag cag la sbyin du bcug ste yang ci byas/ bdag cag mnyan </font><hr>Ca220a<br><font size=+1>


@#/ /yod nyid du dong na der bdag cag re re la tshangs pa mtshungs par spyod pa dag gis chos gos dag gis mi phongs par byed par 'gyur ro zhes gros byas so/ /ji ltar 'dong bar bya/ mtshan mo 'gebs pas 'dong zhing nyin mo thibs por zhugs te 'gro bar bya'o zhes de dag gis khyim bdag la yang ma bltas par dong ngo / /ji tsam na mthar gyis mnyan yod du phyin pa dang / dge slong dag nam gyi cha stod dang cha smad la mi nyal bar sbyor ba'i rjes su brtson par gnas pa de dag gis dge slong de dag sgren mor sgo'i gam yo na rgyu ba mthong nas smras pa/ gcer bu sgre byi dag khyed cag 'dir ci 'dod/ 'di khyed kyi gtsug lag khang ma yin la 'dug gnas kyang ma yin no/ /de dag gis smras pa tshe dang ldan pa dag/ bdag cag gcer bu dag ma yin no/ /'o na khyed su yin/ dge slong dag go /'di lta bu dag dge slong yin nam/ gang dag rkun po dag gis bcom pa de dag ji lta bu yin/ khyed cag ming ci/ sangs rgyas 'tsho'o/ /chos 'tsho'o/ /dge 'dun 'tsho'o/ / tshe dang ldan pa dag 'ongs pa legs so/ /'ongs pa legs so zhes de dag gis sgo phye nas dge slong de dag 'jug tu bcug ste/ de dag la la las ni chos gos byin/ la las ni sham thabs byin/ la las ni rngul zan \ GZAN?\ byin/ la las ni lhung bzed byin/ la las ni chu tshags byin te/ bgo bsha' ji lta ba bzhin du thams cad bgo bsha' byas pa'i skabs de/ dge slong rnams </font><hr>Ca220b<br><font size=+1>


kyis bcom ldan 'das la gsol pa dang / bcom ldan 'das kyis bka' stsal pa/ mi shes pa la gtsug lag khang gi sgo gya tshom du dbye bar mi bya ste/ gal te 'ga' zhig mtshan mo sgo 'dod na/ de'i ming dang rus dri bar bya zhing gal te ngo shes na sgo dbye bar bya zhing / ngo mi shes na sgo dbye bar mi bya'o/ /gzhan yang chos mnyan pa la bab pa'i tshe/ dge slong mel tshe ba gzhag par bya zhing / gal te chom rkun 'ongs na gaN+DI 'on cig /gaN+DI the'u 'on cig /dus kyi 'khor lo 'on cig /snam sbyar dang / bdun pa dang / lnga pa dang / gtur bu dang / rgya cang dang / shur bu dang / lcag po de dang / shur bu phre'u 'on cig ces tsham ngam bya'o/ /gzhan yang ngas dge slong dge 'dun gyi gnas brtan gyi kun tu spyod pa'i chos dag bca' bar bya ste/ dge slong dge 'dun gyi gnas brtan gyis chos mnyan pa la bab pa'i tshe/ dge skos la tshe dang ldan pa khyod kyis gtsug lag khang gi sgo bcad dam/ so sor brtags sam/ chos smra ba la gsol ba btab bam/ bshang ba dang gci ba'i skyabs byi dor byas sam zhes dri bar bya'o/ /dge slong dge 'dun gyi gnas brtan gyis kun tu spyod pa'i chos ji ltar bcas pa dag yang dag par blangs te 'jug par mi byed na 'gal tshabs can du 'gyur ro/ /de nas chom rkun pas bcom pa'i dge slong de dag la dge slong rnams kyis smras pa/ tshe dang ldan pa dag kho bo cag gis khyed cag la bgo bsha' ji lta ba bzhin du bgo bsha' byas mod kyi 'on kyang da dung khyed cag chos gos </font><hr>Ca221a<br><font size=+1>


@#/ /dag gis brel gyis khyed cag khyim bdag gang gi gtsug lag khang du bcom par gyur pa'i khyim bdag de ni dad pa can bzang ba dge ba'i bsam pa can yin pas de nyid kyi gtsug lag khang du deng zhig dang / de nyid kyis khyed la chos gos dag gis mi brel bar byed par 'gyur ro/ /dge slong de dag mtha' gcig tu dong ste/ phan tshun gros bya bar brtsams pa/ tshe dang ldan pa dag tshangs par mtshungs par spyod pa 'di dag zer ba ni bzang ste/ bdag cag gis khyim bdag la ma bltas par 'ongs pas yang phyir de nyid du dong na des bdag cag la chos gos dag gis bgo bsha' byed par 'gyur ba'i gnas kyang yod do zhes de dag yang phyir der dong ngo / /de nas khyim bdag des mthong nas smras pa/ 'phags pa dag ci'i slad du khyed kyis bdag la ma gzigs par bzhud/ dge slong de dag gis smras pa/ khyim bdag bcom ldan 'das kyis lhag ma dang bcas par bzho bar bya'o/ /zhes gsungs pas/ des na bdag cag la blo byung ba re zhig khyim bdag 'di phyogs bzhi'i dge slong gi dge 'dun la sbyin du bcug ste yang ci bya/ bdag cag la sbyin du bcug ste yang ci byas/ bdag cag mnyan yod du dong na der bdag cag la tshangs pa mtshungs par spyod pa dag gis chos gos dag gis mi phongs par byed par 'gyur ro snyam nas/ de'i phyir bdag cag mnyan yod du dong ngo / /khyim bdag gis smras pa/ 'phags pa dag gal te </font><hr>Ca221b<br><font size=+1>


bdag gi gtsug lag khang bcom pas/ ci khyim na bdag dbang ba'i rdzas dag kyang bcom snyam mam/ 'phags pa dag khyed cag gang gi slad du byon pa ni legs so zhes khyim bdag des yang rgya cher gus pa dang bcas pas mkhos su phab ste dge slong re re la yang yo byad bcu gsum bcu gsum phul lo/ /chom rkun pa de dag yang phyir 'ongs te gtsug lag khang gi sgo rdung bar byed pa dang / dge slong rnams kyis tshor nas de dag gis smras pa/ tshe dang ldan pa dag g.yon can de dag nyid lhags kyis tsham ngam gyis shig ces/ gaN+DI 'on cig /gaN+DI'i the'u dang / dus kyi 'khor lo dang / snam sbyar dang / bdun pa dang / lnga pa dang / gtur bu dang / rgya cang dang / shur bu dang / lcag pod dang / shur bu phre'u 'on cig ces tsham ngam bya bar brtsams pa dang / g.yon can de dag skrag ste 'byer bar brtsams pa na/ lhas tshigs su bcad pa smras pa/ legs gsungs rkang gnyis gtso bo thub pa yis/ /nyan thos rnams kyi tsham ngam gang bstan pa/ /tsham ngam rab brtson pa dag mchog yin gyi/ / g.yon can g.yul la sdar ba go gyon pa/ /lnga brgya dag ni de lta ma yin no/ /g.yon can de dag la dge slong gi rgyus shes pa des smras pa/ shes ldan dag khyed cag ci'i phyir 'byer bar byed/ /de dag gis smras pa/ khyod nyid na re/ 'di na 'khod pa'i rab tu byung ba drug bcu po dag ni 'phong gi slob dpon sha stag yin no zhes zer bas/ ji ltar mi 'bros su rung / gzhan yang bdag cag gis gaN+DI zhes bya ba la sogs </font><hr>Ca222a<br><font size=+1>


@#/ /pa'i mtshon de lta bu dag gi ming ni sngon lan 'ga' yang ma thos so/ /des smras pa/ de dag ni mtshon ma yin no/ /'o na de dag ci yin/ re zhig gaN+DI zhes bya ba ni/ de dag gi brdung ba'o/ /gaN+DI'i the'u zhes bya ba ni gang gis rdung bar byed pa'o/ /dus kyi 'khor lo zhes bya ba ni dus yongs su gcod par byed pa'o/ /snam sbyar dang / bdun pa dang / lnga pa zhes bya ba de dag ni chos gos dag gi ming ngo / /gtur bu zhes bya ba ni gang du de dag gzhug pa'o/ /rgya cang dang / shur bu dang / lcag pod dang / shur bu phre'u zhes bya ba de dag gi ska rags kyi ming yin gyi/ khyed cag ma sdar bar yang phyir 'dong la gzhom par bya'o zhes smras nas/ de dag yang phyir log ste/ chom rkun pa'i dmag dpon gyis ya gad gtsugs \ BTZUGS?\ te 'dzeg par brtsams pa dang / de na rgan zhugs shig mel tshe bar bzhag pa des chom rkun pa'i dmag dpon 'dzeg pa mthong nas/ rgan zhugs des bsams pa/ g.yon can 'di dag ni gang dag gis bdag cag lhung bzed dang chos gos phrogs te sgren mor bzhag pa dag yin gyis/ gal te 'di dag la btang snyoms byas na/ yang 'di dag gis bdag cag gi lhung bzed dang chos gos phrogs te sgren mor bzhag par 'gyur bas 'di dag bsdigs par bya'o snyam nas/ rgan zhugs des dal bus khad kyis khad kyis song ste/ chom rkun pa'i dmag dpon de'i mgor gaN+DI 'phangs pa dang / de'i glad pa zhom nas/ de bsnun pa </font><hr>Ca222b<br><font size=+1>


drag pos phog pas sdug bsngal gyi tshor ba dag gis nyen nas tshegs chen pos babs te/ cung zhig tu song ba dang / dus la bab bo/ /rgan zhugs des chom rkun pa chom rkun pa zhes ku tso'i sgra phyung ba dang / dge slong rnams kyis chos nyan pa bcad de/ khang steng du 'dzegs nas/ smras pa/ chom rkun pa de dag gar dong / rgan zhugs kyis smras pa/ phyogs 'dir ya gad btsugs te/ 'dzegs pa na kho bos bsdigs nas byer ro/ /dge slong rnams kyis smras pa/ gal te byer na legs so zhes de dag babs te/ ji tsam na mtshan mo nam nangs pa dang / gtsug lag khang gi nye 'khor so sor brtags par brtsams te/ chom rkun pa de dag 'dzegs par gyur pa'i phyogs de gang yin zhes de dag gis so sor brtags pa na khrag mthong ngo / /de dag khrag rjes su dong ba dang / chom rkun pa'i dmag dpon bsad pa mthong ngo / /mthong nas kyang bslab pa 'khrugs pa'i 'jigs pas skrag ste smra bar brtsams pa/ tshe dang ldan pa dag bdag cag sngon ma bcom gyis bdag cag gang gis pham par gyur pa'i ltung ba byung bas da ni bcom par gyur to zhes de dag 'gyod pa skyes pa'i skabs de bcom ldan 'das la gsol pa dang / bcom ldan 'das kyis bka' stsal pa/ dge slong dag khyed cag la ni ltung ba med de/ yang dge slong gis ci nas kyang 'di la bsnun pas bsnun par bya'o snyam pa de lta bu'i sems kyis 'phang bar mi bya bar 'di ltar glo'am/ rgyab logs su 'phang bar </font><hr>Ca223a<br><font size=+1>


@#/ /bya zhing bsdigs pa bskyed pa'i phyir tsham ngam bya'o/ /dge slong gis ci nas kyang bsnun pas bsnun par bya'o snyam pa de lta bu'i sems kyis 'phen par byed na 'gal tshabs can du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag gcig 'dug pa des rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed dga' bar byed dga' mgur spyod par byed pa de'i chung ma la dus gzhan na sems can zhugs par gyur nas/ de zla ba brgyad dam dgu 'das te btsas pa las khye'u zhig byung nas de bsrings shing bskyed de chen por gyur to/ /ji tsam dus gzhan zhig na khyim bdag de nye du zad par gyur cing nor dang longs spyod kyang zad par gyur/ de'i chung ma yang dus la bab nas des bu la smras pa/ bu kho bos ni rgas pa'i gnas skabs su nor sgrub tu 'gro mi nus kyis rab tu 'byung du 'gro'o/ /bus smras pa yab gal te de lta na bdag kyang rab tu 'byung ngo / /bu legs so zhes des khye'u de khrid de rgyal byed kyi tshal du song nas/ dge slong gi drung du song ste/ rkang pa gnyis la phyag 'tshal nas smras pa/ 'phags pa bdag rab tu 'byung bar 'tshal lo/ /dge slong des smras pa/ ci khye'u 'di yang rab tu 'byung ngam/ 'phags </font><hr>Ca223b<br><font size=+1>


pa rab tu 'byung ngo / /dge slong de khye'u de 'dod pas de bu dang bcas te rab tu byung ngo / /chos nyid kyi sa na rgan pa'i mtha' nas rnyed pa 'thob la gzhon pa'i mtha' nas las su bsko ba yin pas/ rgan zhugs kyi bu rtag tu las su sko bar byed nas/ des pha la smras pa/ yab bdag cag gnyis gang cung zad zil gyis non pa de thams cad thos pa nyung ba las gyur pa lags kyis bzhengs shig dang / skol cag gnyis yul gzhan du bzhud la thos pa gzung bar bgyi'o/ /rgan zhugs kyis smras pa/ bu legs kyis 'dong ngo zhes de gnyis yul gzhan du dong ngo / /'on kyang gzhon pa'i mtha' nyid nas las su bsko bas/ de gnyis son ma thag kho nar las su bsko bar bskos pa dang / bus rgan zhugs la smras pa/ yab mnyan yod na las su bsko ba mchis su lags kyang / de na bcom ldan 'das chos kyi rje mngon sum du bzhugs shing / dus dang dus su dge slong che ge mo zhig gis ni dgra bcom pa nyid mngon du byas so/ /che ge mo zhig gis ni mi sdug pa'i bar grub bo zhes shes pa brda sprod pa yang thos par 'gyur/ rgyal po yang bstan pa la shin tu dad cing / btsun mo phreng ldan ma dang / rgyal rigs dbyar tshul ma dang / bla mkhyen drang srong byin dang / rnying pa dang / dge bsnyen ma sa ga dang / ri dwags 'dzin gyi ma dang / gzhan yang dad pa can mang du mchis pas de na zang zing gi longs spyod dang / chos kyi longs spyod chen po yang mchis kyis der bzhud do/ / </font><hr>Ca224a<br><font size=+1>


@#/ /zhes smras nas/ de gnyis ci dgar ljongs su 'khod nas mnyan yod ga la ba der rgyu zhing dong ba na/ mthar gyis rgyu zhing 'dong ba'i tshe/ mnyan yod du phyir phyin to| |ji tsam na rgyal byed kyi tshal dang nye bar phyin pa na gaN+DI yang brdungs nas bus smras pa/ yang gtsug lag khang du gaN+DI brdungs kyis myur ba myur bar bzhud do/ /rgan zhugs des/ rgas par gyur pas shin tu ngal zhing 'gro mi nus pas de dal bus 'gro ba na/ bus de'i gnya' ba nas bzung ste phul ba dang / rgan zhugs des myur ba myur bar 'gro bar brtsams so/ /bus bsams pa/ thabs 'di ni bzang po zhig yin gyis yang dbul bar bya'o snyam nas/ bus des rgan zhugs de yang de bzhin du phul ba dang / rgan zhugs de sa la kha bub tu 'gyel nas de'i kha phang los glogs pa'i sas gang ste dus la bab bo/ /bu des dud mos btab ste rgan zhugs kyi ro de lam gyi mtha' gcig tu bor ro/ /de nas bu des lhung bzed dang chos gos khyer te/ rgyal byed kyi tshal du song ba dang / dge slong rnams kyis de mthong nas smras pa/ rgan zhugs kyi bu 'ongs pa legs so/ /'ongs pa legs so/ /khyod kyi rgan zhugs de ga la 'dug ces dris pa dang / gsar bu des ngu bar brtsams so/ /dge slong rnams kyis smras pa/ bu ci'i phyir ngu bar byed/ gsar bu des smras pa/ bdag gi rgan zhugs de dus la bab bo/ /dge slong de dag gis smras pa/ bu 'du byed thams cad kyi chos de lta bu yin la/ khyod ni </font><hr>Ca224b<br><font size=+1>


legs par gsungs pa'i chos 'dul ba la rab tu byung ba yin pas mya ngan ma byed cig /gsar bus smras pa/ de bdag gis bsad do/ /dge slong de dag gis smras pa/ bu 'o na khyod kyis mtshams med pa'i las gang yin pa yang byas la/ pham par 'gyur ba'i ltung ba gang yin pa yang byung bas yun ring por sems can dmyal ba chen po mnar med par gnas par 'gyur bas da ngu ba'i rigs so zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong de la ni ltung ba med de/ yang dge slong lam du zhugs pas dge slong lam gyis dub pa dbul bar mi bya'o/ /ngas dge slong lam du zhugs pa'i kun tu spyod pa'i chos dag bca' bar bya ste/ dge slong lam du zhugs pas dge slong lam gyis dub pa ngal sor gzhug par bya/ chos gos gsum dang / lhung bzed dang / chu tshags dang / lhung bzed kyi snod dang / bar bur snod kyi rdzas blang bar bya'o/ /dus shes par bya ste/ gal te 'gro nus na de lta na legs/ gal te 'gro mi nus na ches sngar song ste/ lhung bzed bkru bar bya/ gos gzhag par bya/ snod dag byin len byed du bcug nas so sor brtag par bya'o/ /gal te 'ong mi nus na zas mnos te bsu bar bya'o/ /dus ma yin na skom gyis bsu bar bya'o/ /dge slong lam du zhugs pas kun tu spyod pa'i chos ji ltar bcas pa dag yang dag par blangs te 'jug par mi byed na 'gal tshabs can du 'gyur ro/ / </font><hr>Ca225a<br><font size=+1>


@#/ /dge slong rnams the tshom skyes nas/ the tshom thams cad gcod pa sangs rgyas bcom ldan 'das la zhus pa/ btsun pa rgan zhugs kyi bu 'dis pha srog dang bral yang mtshams ma mchis pa'i kha na ma tho bas kyang ma reg la/ pham par 'gyur ba'i ltung ba yang ma byung ba la gzigs/ bcom ldan 'das kyis bka' stsal pa/ dge slong dag da ltar 'ba' zhig tu ma zad de/ 'di ltar 'das pa'i dus na yang 'dis pha srog dang phral yang / mtshams med pa'i kha na ma tho bas ma reg ste de nyon cig /dge slong dag sngon byung ba 'das pa'i dus na/ ri brags shig na btso blag mkhan zhig 'dug pa des rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod par byed pa de'i chung ma las bu byung nas/ de bsrings shing bskyed de chen por gyur to/ /ji tsam dus gzhan zhig na ri brags der dus ston byung nas/ de la gos bkru bshal bya ba mang po dag byung ba dang / des bu la smras pa/ bu gos mang po dag bkru bshal bya dgos pas kho bo khyim du song ste zan za mi nus kyi tshur shog gos dag khyer te 'dod \ 'DONG\ ngo / /phyir song la zas khyer te shog cig /de bu dang lhan cig gos dag khyer te song ngo / /bu phyir song ste zan khyer te 'ongs nas/ des zan zos te smras pa/ bu kho bo ngal gyis nyal lo/ /khyod re zhig gos dag bkru bshal </font><hr>Ca225b<br><font size=+1>


gyis shig /bus smras pa de ltar bgyi'o/ /btso blag mkhan de phyogs gcig tu glos phab ste gnyid log go /de spyi cer zhig yin pas de'i mgo la sbrang bu chags so/ /ji tsam na btso blag mkhan gyi bu des gos dag bkru bshal byas nas pha'i gan du song ba dang / pha'i mgo la sbrang bu chags pa mthong nas des bskrad par brtsams pa dang / sbrang bu khrag gis myos pa 'phur du ma btub nas/ bu de mi bzod pa skyes te bsams pa/ sbrang bu 'dis bdag gi pha gson bzhin du khrag 'thung bar byed kyis gsad par bya'o snyam nas bu des de la spang leb kyis bsnun pa dang / /sbrang bu de ni bros te song gis pha'i klad pa zhom nas de dus la bab pa dang / lhas tshigs su bcad pa smras pa/ dgra bo blo gros ldan pa mchog yin te/ /mdza' bshes blo gros bral ba de lta min/ /blo gros chung ngus sbrang bu gsad snyam nas// tho bas pha yi klad pa bcom par gyur/ /dge slong dag ji snyam du sems/ de'i tshe de'i dus na btso blag mkhan gang yin pa de ni rgan zhugs 'di nyid yin no/ /de'i tshe de'i dus na btso blag mkhan gyi bu gang yin pa de ni rgan zhugs kyi bu 'di nyid yin te/ 'dis de'i tshe yang pha srog dang phral yang mtshams med pa'i kha na tho bas ma reg la/ 'dis da ltar yang pha srog dang phral yang mtshams med pa'i kha na ma tho bas kyang ma reg la/ pham par 'gyur ba'i ltung ba yang ma byung ngo / /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /pham par </font><hr>Ca226a<br><font size=+1>


@#/ /'gyur pa gsum pa rdzogs so// //sangs rgyas bcom ldan 'das yangs pa can spre'u rdzing gi 'gram na khang pa brtsegs pa'i khang bzang na bzhugs so/ /de'i tshe na nya pa lnga brgya chu klung yid 'ong ldan la rten cing 'khod do/ /de dag la rgya mo spyod pa dang / spyod pa chen mo zhes bya ba gnyis shig yod do/ /de dag lan 'ga' ni rgya mo spyod pa 'jud par byed la/ lan 'ga' ni spyod pa chen mo 'jud par byed de/ gang gi tshe nya dag nyo ba med pa de'i tshe na rgya mo spyod pa 'jud par byed la/ gang gi tshe nya dag nyo ba yod pa de'i tshe ni spyod pa chen mo 'jud par byed do| |ji tsam dus gzhan zhig na yangs pa can du dus ston byung nas/ de dag gis rgya mo gnyis ka bcug ste/ nyis brgya lnga bcus ni rgya mo spyod pa bcug /nyis brgya lnga bcus ni spyod pa chen po bcug go /gang dag gis rgya mo spyod pa bcug pa de dag gis ni nya dang / rus sbal dang / sbal pa dang / chu srin byis pa gsod dang / nya khyi pa la sogs mang po dag 'di lta ste/ dper na til dang / 'bras thug po che dang / rgya shug dang / rgya sran la sogs pa bzhin du phung po chen por rnam par bzhag go /gang dag gis rgya mo spyod pa chen mo bcug pa de dag gis ni rgya mtsho chen po nas chu klung yid 'ong ldan du zhugs pa chu srin nya'i rigs bong tshod chen po nyal ba zin nas/ de dag gis de drang bar brtsams so/ /de dag gis drangs pa na de sad nas nya pa nyis brgya lnga bcu </font><hr>Ca226b<br><font size=+1>


po de dag dang / rgya mo spyod pa chen mo khyer te/ rgyun phyogs su zhugs so/ /nya pa de dag gis nya pa nyis brgya lnga bcu po gzhan dag la shes ldan dag rgya mo spyod pa chen mo dang / bdag cag khyer gyis ra mda' zlog cig /ces byas so/ /de dag gis thos nas nya pa nyis brgya lnga bcu po gzhan dag kyang lhags te/ de nyid la rub pa dang / des nya pa lnga brgya dang / rgya mo spyod pa chen mo khyer te rgyun phyogs su zhugs nas gzung bar ma nus so/ /skyabs med pa de dag gis kun tu shes ldan dag rgya mo spyod pa chen mo dang bdag cag khyer gyis grogs gyis shig ces ra mda' bzlog pa dang / las ma mthong ba'i mi ba lang rdzi dag dang phyugs rdzi dag dang shing gi \?\thun dag dang rtswa thun dag dang / lam gyis 'tsho ba dag dang / lam gol bas 'tsho ba'i mi dag dang / gzhan yang srog chags brgya stong phrag du ma dag log nas/ de dag gis lus smas pa dang / rnam par smas pa dag gis rgya mo ral ba dang / rab tu ral pas chu srin de chu nas skam la phyung ngo / /de la mgo bco brgyad dang mig sum cu rtsa drug yod de/ de'i mgo la la ni glang po che'i mgo 'dra/ la la ni rta'i mgo 'dra/ la la ni rnga mo'i mgo dang / bong bu'i mgo dang / ba lang gi mgo dang / spre'u yi mgo dang / seng ge'i mgo dang / stag gi mgo dang| dom gyi mgo dang / dred mo'i mgo dang / gung gi mgo dang / byi la'i mgo dang / ra'i mgo dang / lug gi mgo dang / ri dwags kyi mgo dang / ma he'i mgo dang / phag gi mgo dang / khyi'i mgo </font><hr>Ca227a<br><font size=+1>


@#/ /'dra'o/ /kun du chu klung yid 'ong ldan pa'i nya pa lnga brgyas rgya mtsho chen po nas chu klung yid 'ong ldan du zhugs pa'i chu srin nya'i rigs bong tshod chen po zhig rgya mo spyod pa chen mos zin te/ chu nas skam la phyung zhing de la mgo bco brgyad dang / mig sum cu rtsa drug yod do zhes sgras khyab par gyur to/ /de thos nas srog chags brgya stong phrag du ma dag chu klung yid 'ong ldan gyi 'gram du lhags te/ kha cig ni ltad mo skyes par gyur/ kha cig ni sngon gyi dge ba'i rtsa ba dag gis bskul par gyur to/ /rdzogs byed la sogs pa'i ston pa drug po yangs pa can na rten cing gnas pa dag kyang ltad mo skyes te der lhags so/ /skye bo'i tshogs chen po yang ya mtshan skyes te mig tshugs su rtog cing / shes ldan dag 'di'i mgo la la ni glang po che'i mgo 'dra la de nas rtog par byed/ de'i mgo la la ni khyi'i bar gyi mgo 'dra la de nas rtog par byed do zhes kyang zer ro/ /de'i skabs su sangs rgyas bcom ldan 'das rnams la ni mi mkhyen pa dang / ma gzigs pa dang / ma rig pa dang / rnam par mi mkhyen pa cung zad kyang mi mnga' bas/ sangs rgyas bcom ldan 'das thugs rje chen po dang ldan pa/ 'jig rten la phan par bzhugs pa/ bsrung ba gcig pu ba/ nyag gcig dpa' ba/ gnyis pa med pa/ gnyis su mi gsung ba/ zhi gnas dang / lhag mthong gis bzhugs pa/ rig pa gsum gsal bar mdzad pa/ bslab pa gsum la legs </font><hr>Ca227b<br><font size=+1>


par bslabs pa/ dul ba'i gnas gsum gyi gzhi la mkhas pa/ chu bo bzhi las rgal ba/ rdzu 'phrul gyi rkang pa bzhis spyod pa'i gzhi la legs par gnas pa/ bsdu ba'i dngos po bzhi la yun ring po nas yongs su sbyangs pa mdzad pa/ mi 'jigs pa bzhis bsnyengs pa mi mnga' ba/ yan lag lnga spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas pa drug gis gnas pa/ byang chub kyi yan lag bdun gyi me tog gis phyug pa/ lam gyi yan lag brgyad ston pa/ mthar gyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur snyan pas yang dag par rgyas pa/ brgya phrag bcur dbang bsgyur ba las khyad par du 'phags pa rnams kyi chos nyid ni nyin lan gsum mtshan lan gsum sangs rgyas kyi spyan gyis 'jig rten la rnam par gzigs nas gang ni nyams par 'gyur/ gang ni 'phel bar 'gyur/ gang ni gnod par gyur/ gang ni nyam nga bar gyur/ gang ni mi bde bar gyur/ gang ni gnod pa dang / nyam nga ba dang / mi bde bar gyur/ gang ni ngan song la gzhol/ gang ni ngan song la 'bab/ gang ni ngan song la bab/ ngas gang ni ngan song gi lam nas bslang ste/ mtho ris dang thar pa dang / 'bras bu la gzhag par bya/ 'dod pa'i 'dam du bying pa gang gi lag nas ni drang bar bya/ 'phags pa'i nor gyi </font><hr>Ca228a<br><font size=+1>


@#/ /dbyig dang bral ba gang ni 'phags pa'i nor gyi dbang phyug la gzhag par bya/ gang gi sangs rgyas 'byung bas brgyan pa'i 'jig rten rnams 'bras bu dang bcas par bya/ gang gi dge ba'i rtsa ba dag ma bskyed pa ni bskyed par bya/ gang gi dge ba'i rtsa ba dag bskyed pa ni yongs su smin par bya/ yongs su smin pa gang ni rnam par grol bar bya zhes mkhyen pa dang gzigs pa 'jug go /smras pa/ chu srin gnas kyi dug can pa/ /dus las 'da' bar 'gyur srid kyi/ /sangs rgyas 'dul la byams pa ni/ /dus las 'da' bar mi 'gyur ro| |ji ltar ma ni bu sdug gcig pu la/ /rtog cing de srog srung bar byed pa ltar/ /de bzhin gshegs pa'ang gdul ba'i skye bo la/ /rtog par mdzad cing de srog srung bar mdzad/ /kun mkhyen rgyud la mnga' ba'i thugs rje yi/ /gzhon ma gdul ba'i be'u tshol mi skyo ste/ /srid dang ngan 'gros nyams la byams pa ni/ /rab 'byams be'u la byams pa'i ba bzhin no/ /bcom ldan 'das kyis dgongs pa chu srin nya'i rigs gnod pa dang nyam nga ba mi bde ba thob par gyur pa 'di ni/ sngon gyi sangs rgyas dag la bya ba lhag par byas pa yin gyis/ ngas chu srin nya'i rigs 'di la rten te gdul bar gyur pa'i rgya mo chen mo drang bar byas/ de'i phyir chu klung yid 'ong ldan gyi 'gram du 'gro'o snyam mo/ /sangs rgyas bcom ldan 'das 'tsho zhing bzhugs la </font><hr>Ca228b<br><font size=+1>


gson zhing gzhes pa rnams kyi chos nyid ni gdul bar gyur pa'i skye bo la rjes su thugs brtse bas dus dang dus su sems can dmyal ba rgyur gshegs pa dang / dud 'gro rgyu ba dang / yi dwags rgyu ba dang / lha rgyu ba dang / ljongs rgyu ba dang / chu klung rgyu ba dang / ri rgyu ba dang / dur khrod rgyu ba dang / gtsug lag khang rgyur gshegs pas/ don 'dir ni sangs rgyas bcom ldan 'das klung rgyur gshegs par bzhed nas 'dzum pa mdzad do/ /chos nyid kyis ni gang gi tshe sangs rgyas bcom ldan 'das rnams 'dzum pa mdzad pa de'i tshe na zhal nas 'od zer sngon po dang / ser po dang / dmar po dang / dkar po dang / btsod kha dang / shel dang / dngul gyi kha dog lta bu dag byung nas/ kha cig ni 'og logs su dong / kha cig ni steng logs su 'dong bas/ gang dag 'og logs su 'dong ba de dag ni sems can dmyal ba yang sos dang / thig nag dang / bsdus gzhom dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol ba dang / so thams thams dang / kye hud zer ba dang / a chu zer ba dang / ut+pal ltar gas pa dang / pad+ma ltar gas pa dang / pad+ma ltar gas pa chen por dong ste/ sems can dmyal ba tsha ba gang dag yin pa de dag tu ni bsil bar gyur te 'bab par byed la/ sems can dmyal ba grang ba gang yin pa de dag tu ni dro bar gyur te 'bab par byed do/ /des sems can de dag gi </font><hr>Ca229a<br><font size=+1>


@#/ /gnod pa'i bye brag dag rgyun gcod par byed cing de dag 'di snyam du shes ldan dag ci bdag cag 'di nas shi 'phos sam/ 'on te gzhan du skyes snyam du sems so/ / de dag dad pa bskyed par bya ba'i phyir bcom ldan 'das kyis sprul pa gtong bar mdzad de/ de dag gis sprul pa mthong nas 'di snyam du shes ldan dag bdag cag 'di nas shi 'phos pa yang ma yin la/ gzhan du skyes pa yang ma yin te/ 'di ltar sems can sngon ma mthong ba 'di'i mthus bdag cag gi gnod pa'i bye brag dag rgyun chad par gyur to snyam du sems so/ /de dag sprul pa la sems mngon par dad par gyur nas/ sems can dmyal ba myong bar 'gyur ba'i las de zad par byas nas/ gang du bden pa dag gi snod du gyur par 'gyur ba'i lha dang mi rnams kyi nang du nying mtshams sbyor ba len par byed do/ /gang dag steng logs su dong ba de dag ni rgyal chen bzhi pa dang / sum cu rtsa gsum pa dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che dang / mi che ba dang / mi gdung ba dang / gya nom snang dang / shin tu mthong dang / 'og min gyi lha rnams kyi nang du dong nas/ mi </font><hr>Ca229b<br><font size=+1>


rtag pa dang / sdug bsngal ba dang / stong pa dang / bdag med pa zhes bya ba'i sgra sgrog par byed cing tshigs su bcad pa gnyis po/ brtsam par bya zhing 'byung bar bya/ /sangs rgyas bstan la 'jug par bya| |'dam bu'i khyim la glang chen bzhin/ /'chi bdag sde ni gzhom par bya/ /gang zhig rab tu bag yod par/ /chos 'dul 'di la spyod 'gyur ba/ /skye ba'i 'khor ba rab spangs nas/ /sdug bsngal tha mar byed par 'gyur/ /zhes bya ba yang smras so/ /de nas 'od zer de dag stong gsum gyi stong chen po'i 'jig rten gyi khams byul nas/ bcom ldan 'das nyid kyi slad bzhin slad bzhin du rjes su 'dong ste/ de la gal te bcom ldan 'das 'das pa'i lung ston par bzhed na ni/ bcom ldan 'das kyi snam logs su nub par 'gyur ro/ /ma 'ongs pa'i las lung ston par bzhed na ni mdun logs su nub par 'gyur/ sems can dmyal bar skye bar lung ston par bzhed na ni zhabs kyi mthil du nub par 'gyur/ dud 'gror skye bar lung ston par bzhed na ni long bur nub par 'gyur/ yi dwags su skye bar lung ston par bzhed na ni zhabs kyi mthe bor nub par 'gyur/ mir skye bar lung ston par bzhed na ni pus mor nub par 'gyur/ stobs kyi 'khor los sgyur ba'i rgyal srid lung ston par bzhed na ni phyag mthil g.yon par nub par 'gyur/ 'khor los sgyur ba'i rgyal srid lung ston par bzhed na ni phyag mthil g.yas par nub par 'gyur/ lhar skye bar lung ston par bzhed na ni lte bar nub par </font><hr>Ca230a<br><font size=+1>


@#/ /'gyur/ nyan thos kyi byang chub lung ston par bzhed na ni zhal du nub par 'gyur/ rang sangs rgyas kyi byang chub lung ston par bzhed na ni mdzod spur nub par 'gyur/ bla na med pa yang dag par rdzogs pa'i byang chub tu lung ston par bzhed na ni gtsug tor tu nub par 'gyur ro/ /de nas 'od zer de dag gis bcom ldan 'das la lan gsum bskor ba byas te/ bcom ldan 'das kyi lte bar nub bo/ /de nas tshe dang ldan pa kun dga' bos thal mo sbyar te/ bcom ldan 'das la zhus pa/ btsun pa de bzhin gshegs pa dgra bcom pa yang dag par rdzogs pa'i sangs rgyas rnams ni rgyu ma mchis/ rkyen ma mchis par 'dzum pa mi mdzad na/ btsun pa 'dzum pa mdzad pa'i rgyu ni gang lags/ rkyen ni gang lags/ tshigs su bcad pa yang gsol pa/ kha dog sna tshogs stong gis bkra ba yi/ /tshogs rnams zhal gyi sgos nas byung gyur te/ /de yis phyogs rnams thams cad snang bgyis pa/ /nyi gdugs bdal bar gyur pa ji bzhin no/ /rgod bral zhum dang rgyags pa rab spangs pa/ /sangs rgyas 'gro ba mchog gi rgyur gyur pa/ /rgyal ba dgra thul byed rgyu ma mchis par/ /rtsa lag dung ltar dkar 'dzum ston mi mdzad/ /de slad bstan pa rang blos dus mkhyen nas/ /thub pa khyu mchog dge sbyong skye dbang po/ /nyan pa'i skye bo som nyi ldan rnams la/ /the tshom skyes pa gsung tshig brtan pa dang / /dam pa dge ba dag gis bsal du gsol/ /tsha </font><hr>Ca230b<br><font size=+1>


chu ri rgyal lta bur brtan pa yi/ /sangs rgyas mgon rnams glo bur 'dzum mi ston/ /bstan pa ci slad 'dzum pa ston mdzad pa/ /skye bo'i tshogs rnams de ni nyan par 'tshal/ /bcom ldan 'das kyis bka' stsal pa/ kun dga' bo de de bzhin no/ /de de bzhin te/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni/ rgyu med rkyen med par 'dzum pa mi mdzad kyis/ kun dga' bo song la dge slong rnams la dge slong dag de bzhin gshegs pa chu klung rgyur gshegs bzhed kyis/ khyed cag las gang de bzhin gshegs pa dang thabs cig tu chu klung rgyur 'gro bar spro ba des chos gos dag long zhig ces bsgo zhig /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas dge slong rnams la smras pa/ tshe dang ldan pa dag bcom ldan 'das chu klung rgyur gshegs bzhed kyis/ khyed cag las gang bcom ldan 'das dang thabs cig tu chu klung rgyur 'gro bar spro ba des chos gos dag long zhig// // 'dul ba rnam par 'byed pa/ bam po bcu gnyis pa/ de nas bcom ldan 'das dul ba 'khor dul ba dang ldan pa/ zhi ba 'khor zhi ba dang ldan pa/ grol ba 'khor grol ba dang ldan pa/ dbugs phyin pa 'khor dbugs phyin pa dang ldan pa/ thul ba 'khor thul ba dang ldan pa/ dgra bcom pa 'khor dgra bcom pa dang ldan pa/ 'dod chags dang bral ba 'khor 'dod chags dang bral ba dang ldan </font><hr>Ca231a<br><font size=+1>


@#/ /pa| mdzes pa 'khor mdzes pa dang ldan pa/ khyu mchog ltar ba lang gi tshogs kyis yongs su bskor ba/ glang po che ltar glang po che'i phru gu'i tshogs kyis yongs su bskor ba/ seng ge ltar mche ba can gyi tshogs kyis yongs su bskor ba/ ngang ba'i rgyal po ltar ngang pa'i tshogs kyis yongs su bskor ba/ nam mkha' lding ltar bya'i tshogs kyis yongs su bskor ba/ bram ze ltar slob ma'i tshogs kyis yongs su bskor ba/ sman pa mkhas pa ltar nad pa'i tshogs kyis yongs su bskor ba/ dpa' bo ltar ru ba'i tshogs kyis yongs su bskor ba/ sa mkhan ltar lam du zhugs pa'i tshogs kyis yongs su bskor ba/ ded dpon ltar tshong pa'i tshogs kyis yongs su bskor ba/ tshong dpon ltar 'khor gyi tshogs kyis yongs su bskor ba/ mkhar gyi rgyal po ltar blon po'i tshogs kyis yongs su bskor ba/ 'khor los sgyur ba ltar bu stong gi tshogs kyis yongs su bskor ba/ zla ba ltar rgyu skar gyi tshogs kyis yongs su bskor ba/ nyi ma ltar 'od zer stong gi tshogs kyis yongs su bskor ba/ yul 'khor srung ltar dri za'i tshogs kyis yongs su bskor ba/ 'phags skyes po ltar grul bum gyi tshogs kyis yongs su bskor ba/ mig mi bzang ltar klu'i tshogs kyis yongs su bskor ba/ nor sbyin ltar gnod sbyin gyi tshogs kyis yongs su bskor ba/ thags bzang ris ltar lha ma yin gyi tshogs kyis </font><hr>Ca231b<br><font size=+1>


yongs su bskor ba/ brgya byin ltar sum cu rtsa gsum pa'i tshogs kyis yongs su bskor ba/ tshangs pa ltar tshangs ris kyi tshogs kyis yongs su bskor ba/ dbang po rnams kyis shin tu dul ba dang / spyod lam dang spyod pa ma 'khrugs pa/ chu gter ltar ting nge ba/ sprin ltar chu dang bcas pa/ glang po che'i rgyal po ltar dregs pa dang bral ba/ skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus sku rnam par mdzes pa/ 'od 'dom gang gi gzugs can brgyan pa/ nyi ma stong bas lhag pa'i 'od dang ldan pa/ rin po che'i ri bo 'gro ba ltar kun tu bzang ba/ stobs bcu dang mi 'jigs pa bzhi dang / ma 'dres pa'i dran pa nye bar gzhag pa gsum dang / thugs rje chen po dang ldan pa kun shes ko'u Di N+ya dang / rlangs pa dang / ming chen dang / ma 'gags pa dang / shA ri'i bu dang / mo'u 'gal gyi bu dang / 'od srung dang / kun dga' bo dang / nam gru la sogs pa nyan thos chen po dag dang / gzhan yang dge slong gi dge 'dun mang pos bskor te/ chu klung yid 'ong ldan ga la ba der rgyu zhing gshegs so/ /'khor des thag ring po kho na nas bcom ldan 'das nyan thos kyi dge 'dun dang bcas pa mthong ngo / /mthong nas kyang gang dag ma dad pa de dag ni dge sbyong go'u ta ma ltad mo dang bral lo zhes grag na/ de yang ltad mo skyes te chu srin nya'i rigs blta ba'i phyir nye bar 'ongs so zhes zer ro/ /gang dag dad pa dang ldan pa de </font><hr>Ca232a<br><font size=+1>


@#/ /dag ni ma dad pa de dag la shes ldan dag sangs rgyas bcom ldan 'das rnams ni ltad mo dang bral ba kho na yin te/ bcom ldan 'das chu srin nya'i rigs las brtsams te/ skye bo'i tshogs chen po la ngo mtshar rmad du byung ba'i chos cung zhig ston par bzhed gor ma chag go zhes zer zhing 'di skad ces kyang smras so/ /thub pa ltad mo bral ba'i dgongs ldan pa/ /ltad mo med la skye ngan don med smra/ /gzhan phan de la gzhol ba'i rgyal ba 'di/ /lus can phan phyir nges par 'dir gshegs so/ /de nas 'khor des bcom ldan 'das mthong nas 'phral kho nas mngon par langs te/ 'di ltar bcom ldan 'das sngon byang chub sems dpar gyur pas/ yab dang / yum dang / mkhan po dang / slob dpon dang / bla ma dang / bla ma'i gnas lta bu dag la mngon par bzhengs pa mdzad mdzad pa'i phyir ro/ /de nas bcom ldan 'das 'khor de'i dbus su gshegs te/ dge slong gi dge 'dun gyi gong du gdan gshams \ BSHAMS?\ pa nyid la bzhugs so/ /bzhugs nas bcom ldan 'das kyis nya pa lnga brgya po de dag la bka' stsal pa/ bzhin bzang dag re zhig khyed cag ni nyes par byas pa'i las byed pa yin te/ des na da lta nya pa'i skye gnas dman par skyes shing khyed cag da ltar drag shul can/ lag pa khrag gis gos pa/ nyams pa dang rab tu nyams pa la zhen pa/ gzhan gyi srog 'phrog pa/ gzhan gyi srog gcod pas 'tsho </font><hr>Ca232b<br><font size=+1>


bar byed de/ 'di nas shi 'phos na khyed cag gi 'gro ba ni cir 'gyur/ skye ba ni cir 'gyur/ tshe phyi ma ni cir 'gyur/ de dag gis gsol pa/ bcom ldan 'das bdag cag gis ci zhig bgyi pa bka' stsal du gsol/ bcom ldan 'das kyis bka' stsal pa/ nya dang / rus sbal dang / sbal pa dang / chu srin byis pa gsod dang / nya khyi ba la sogs chu nas bton pa 'di dag thong zhig /bcom ldan 'das kyis ji ltar bka' stsal pa bzhin btang bar bgyi'o zhes de dag gis bcom ldan 'das kyi bka' stsal pa'i dus kyi mjug thogs su de dag btang ngo / /de nas bcom ldan 'das 'di snyam du dgongs te/ ngas ci nas kyang chu srin nya'i rigs ma gtogs pa/ nya dang / rus sbal dang / sbal pa dang / chu srin byis pa gsod dang / nya khyi ba la sogs pa'i srog chags 'di dag chu ji lta ba kho na bzhin du chu klung yid 'ong ldan du 'jug par 'gyur ba dang / chu srin nya'i rigs kyang sngon gyi skye ba rjes su dran zhing mi'i skad brjod par 'gyur la/ nga dang thabs cig smra bar 'gyur ba de lta bu'i rdzu 'phrul mngon par 'du bya ba mngon par 'du bya'o snyam mo/ /de nas bcom ldan 'das kyis ci nas kyang chu srin nya'i rigs ma gtogs pa nya dang rus sbal dang sbal pa dang / chu srin byis pa gsod dang / nya khyi ba la sogs pa'i srog chags de dag chu ji lta ba kho na bzhin du chu klung yid 'ong ldan du 'jug par 'gyur ba dang / chu srin nya'i rigs kyang sngon gyi skye ba rjes su dran zhing mi'i skad brjod par 'gyur la/ bcom ldan 'das </font><hr>Ca233a<br><font size=+1>


@#/ /dang thabs cig smra bar 'gyur ba de lta bu'i rdzu 'phrul mngon par 'du bya ba mngon par 'du mdzad do/ /de nas bcom ldan 'das kyis chu srin nya'i rigs la bka' stsal pa/ bu khyod ser skya yin nam/ bcom ldan 'das bdag ser skya lags so/ /bu khyod ser skya yin nam/ bde bar gshegs pa bdag ser skya lags so/ /bu khyod la lus kyis nyes par spyad pa yod dam/ bcom ldan 'das mchis lags so/ /bu khyod la ngag dang yid gnyis kyis nyes par spyad pa yod dam/ bde bar gshegs pa mchis so/ /bu khyod kyis lus kyis nyes par spyad pa'i rnam par smin pa nyams su myong ngam/ bcom ldan 'das nyams su myong ngo / /bu khyod kyis ngag dang yid kyi nyes par spyad pa'i rnam par smin pa nyams su myong ngam/ bde bar gshegs pa nyams su myong ngo / /'o na khyod kyi mi dge ba'i bshes gnyen su yin/ bdag gi ma lags so/ /de gang du skyes/ sems can dmyal ba rnams su'o/ /khyod gang du skyes/ dud 'gror ro/ /ji snyam du sems/ khyod 'di nas shi 'phos nas gang du skye bar 'gyur/ bcom ldan 'das sems can dmyal ba rnams su'o/ /bde bar gshegs pa sems can dmyal ba rnams su'o zhes gsol nas ngu ba la zhugs so/ /de nas bcom ldan 'das kyis de'i tshe tshigs su bcad pa bka' stsal pa/ khyod ni dud 'gro'i skye gnas skyes/ mi khom zhugs par gyur pa la/ /de ltar ngas kyang ci </font><hr>Ca233b<br><font size=+1>


byar med/ /don med ngus pas ci la phan/ /thugs rje ldan rgyal nga la ni/ /legs par sems ni dad gyis dang / /dud 'gro'i skye 'dir chags bral zhing / /de nas mtho ris 'gro bar 'gyur/ /des bcom ldan 'das la sems dad par byas nas/ de nas bcom ldan 'das kyi de la bzhin bzang 'di ltar 'du byed thams cad ni mi rtag pa'o/ /chos thams cad ni bdag med pa'o/ /mya ngan las 'das pa ni zhi ba'o zhes tshig gsum gyis chos bstan to/ /de nas 'khor de mchog tu ngo mtshar skyes nas/ shes ldan dag bcom ldan 'das kyis bka' stsal pas sngon gyi skye ba dran par byas shing mi'i skad kyang rjod par byed la bcom ldan 'das dang thabs cig smra bar byed pa 'di su zhig yin/ sangs rgyas bcom ldan 'das rnams ni bsnyen par dka' ba dang bzod par dka' ba yin pas bdag cag gis bcom ldan 'das la don de zhu bar ni mi nus kyis bdag cag 'phags pa kun dga' bo ga la ba der dong ste phyin nas 'phags pa kun dga' bo la don de zhu bar bya zhing / 'phags pa kun dga' bos bdag cag la ji skad lung ston par 'gyur ba de de kho na bzhin du gzung bar bya'o zhes zer ro/ /de nas 'khor de tshe dang ldan pa kun dga' bo ga la ba der song ste phyin nas/ tshe dang ldan pa kun dga' bo la 'di skad ces smras so/ /'phags pa kun dga' bo bcom ldan 'das kyis bka' stsal pas/ sngon gyi skye ba dran par bgyis shing mi'i skad kyang rjod par bgyid la/ </font><hr>Ca234a<br><font size=+1>


@#/ /bcom ldan 'das dang thabs cig smra bar bgyid pa 'di su zhig lags/ kun dga' bos smras pa/ shes ldan ngag bcom ldan 'das nyid la don de zhus shig /'phags pa kun dga' bo/ sangs rgyas bcom ldan 'das rnams ni bsnyen par dka' ba dang / bzod par dka' ba lags pas/ bdag cag gis bcom ldan 'das la don de zhu bar rngo mi thog lags so| |shes ldan dag kho bo la yang sangs rgyas bcom ldan 'das rnams bsnyen par dka' ba dang / bzod par dka' ba yin pas kho bos kyang bcom ldan 'das la don de zhu bar mi nus mod kyi| |'on kyang khyod kyi don du zhu bar bya'o zhes smras nas/ bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas tshe dang ldan pa kun dga' bos bcom ldan 'das la 'di skad ces gsol to/ /btsun pa bcom ldan 'das kyis bka' stsal pas/ sngon gyi skye ba dran par bgyis shing mi'i skad kyang rjod par bgyis la/ bcom ldan 'das dang thabs cig smra bar bgyid pa 'di su zhig lags/ kun dga' bo 'di ni chu srin nya'i rigs yin no/ /kun dga' bo// khyod chu srin nya'i rigs kyi sngon gyi las kyi rgyu ba las brtsams te/ chos dang ldan pa'i gtam nyan par 'dod dam/ bcom ldan 'das kyis chu srin nya'i rigs kyi sngon gyi las kyi rgyu ba las </font><hr>Ca234b<br><font size=+1>


brtsams te/ dge slong rnams dang skye bo'i tshogs la chos dang ldan pa'i bka' mchid bka' stsal par gyur na/ bcom ldan 'das las thos nas dge slong rnams dang skye bo'i tshogs dag 'dzin par 'gyur bas/ bcom ldan 'das de ni dus lags so/ /bde bar gshegs pa de ni dus lags so/ /kun dga' bo de'i phyir nyon la legs par rab tu yid la gyis shig dang bshad par bya'o/ /kun dga' bo sngon byung ba bskal pa chen po bzang po 'di nyid la/ skyes dgu'i tshe lo nyi khri thub pa na ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de dge slong nyi khris bskor cing grong khyer wA ra NA si na drang srong smra ba ri dwags kyi nags na nye bar brten cing bzhugs so/ /de'i tshe grong khyer wA ra NA si na rgyal po kri kri zhes bya bas rgyal srid 'byor pa/ rgyas pa bde ba/ lo legs pa/ skye bo dang / mi mang pos gang ba/ 'thab mo dang 'thab pa dang / phyi dgra dang nang 'khrug rab tu zhi ba/ chom rkun dang mu ge dang / nad dang bral ba/ sA lu dang bu ram shing gi phreng ba dang / ba lang dang ma he phun sum tshogs pa byed du bcug ste/ chos dang ldan pa chos kyi rgyal pos chos kyi rgyal srid byed du bcug go /de nas shed bu gsang tshig 'dod pa/ gsang tshig tshol ba zhig yul dbus nas </font><hr>Ca235a<br><font size=+1>


@#/ /lho lam du song ngo / /de na bram ze rig byed dang / rig byed kyi yan lag gi pha rol tu son pa/ yul tha dad pa na gnas pa'i bram ze rnams kyis ston par gyur pa zhig 'dug nas/ shed bu de bram ze de'i drung du song ste phyin nas/ zhi ba dang spyod lam zhi bas mgo bos phyag 'tshal te/ mtha' gcig tu 'dug go /de nas bram ze des shed bu de la 'ongs pa legs so/ /zhes bya ba'i tshig gis kun tu spyad nas smras pa/ kye shed bu khyod ga las 'ongs/ ci zhig 'dod/ shed bus smras pa/ bdag yul dbus nas mchis te/ mkhan po'i zhabs la sri zhu bgyid par 'tshal lo/ /ci zhig gi phyir/ rig byed bklag pa'i slad du'o/ /shed bu legs kyis de bzhin gyis shig /de ni bram zes bya ba yin no/ /shed bu des bram ze'i drung du rig byed bklag par bya bar brtsams so/ /shed bu rnams kyi kun tu spyod pa ni 'di yin te/ gang gi tshe mi klog par gyur pa de'i tshe na lan dga' ni chu ngogs su nye reg byed du 'dong ngo / /lan 'ga' ni grong khyer ltar 'dong ngo / /lan 'ga' ni yam srog shing thur 'dong ngo / /ci tsam dus gzhan zhig na de dag mi klog par gyur nas/ de'i tshe de dag yam sreg shing thur dong ba dang / de dag la lam gyi bar du bar skabs kyi gtam rjod pa 'di lta bu 'di byung ste/ kye kud sa'i rigs dag /bad sa'i rigs dag /shan di la'i rigs dag /bar dwa dza'i rigs dag /lnga pa'i rigs dag /nye lnga'i rigs </font><hr>Ca235b<br><font size=+1>


dag je khyed cag las gang ni yul ga las 'ongs pa dri bar bya'o/ /de na shed bu gcig gis smras pa/ kho bo ni yul shar nas so/ /gzhan zhig gis smras pa/ kho bo ni lho lam nas so/ /yang gzhan zhig gis smras pa/ kho bo ni nub kyi nas so/ /yang gzhan zhig gis smras pa/ kho bo ni byang lam nas so/ /shed bu des smras pa/ kho bo ni yul dbus nas so/ /de dag gis smras pa/ shes ldan dag bdag cag gis yul thams cad mthong zhing thos nas yul dbus ma mthong ma thos so/ /shar na blo can gnas pa ste/ lho lam na ni yon byed 'dug /nub kyi yul na phra ma can/ /byang lam na ni tshig rtsub po/ /zhes tshigs su bcad pa yang smras so/ /de nas dris pa/ shed pu yul dbus ci 'dra/ shes ldan dag yul dbus ni yul rnams kyi mchog yin te/ sA lu dang bu ram shing gi phreng ba dang / ba lang dang ma he phun sum tshogs pa/ slong mo ba brgyas khyab pa/ dbus pa'i skye bos gang ba/ mtha' 'khob pa'i skye bos spangs pa/ skye bo mkhas pas bsten pa/ de na chu klung gang+gA kha rje dang bsod nams dang / bkra shis dang gtsang ba dang / gtsang ba nyid kyi gnas su grags pa/ 'gram gnyis nas rlan 'phyo ba/ drang srong rnams kyi bsti gnas zhes bya ba chu dgur bco brgyad 'bab pa yod de/ der drang srong rnams kyis dka' thub spyad na/ rang gi lus nyid kyis mtho ris su 'dong ba yin no/ /kye shed bu de ni mjal gyis gzhan 'di 'dri'o/ /yul dbus na mkhas par bgrang </font><hr>Ca236a<br><font size=+1>


@#/ /ba dag yod dam/ shes ldan dag kho bos dang po nyid nas/ shas ldan dag yul dbus ni dbus pa'i skye bos gang ba/ mtha' 'khob pa'i skye bos spangs pa/ skye bo mkhas pas bsten pa'o zhes ma smras sam/ shed bu khyod kyis de skad smras so/ /shed bu yul dbus na 'di lta ste/ dper na bdag cag gi mkhan po dang 'dra ba smra ba'i khyu mchog de lta bu dag yod dam/ shes ldan dag yul dbus na bdag cag gi mkhan pos gang dag gi gdong du lta bar yang mi nus pa/ snyan par smra ba/ smra ba'i khyu mchog de lta bu dag yod do/ /shed bu de dag la de lta de ltar yul dbus kyi bsngags pa brjod pa dang / 'di ltar de dag thams cad yul dbus su 'dong 'dod par gyur to/ /de nas shed bu de dag gis yam sreg shing dag btsal te/ yam sreg shing gi khur thogs nas bram ze de'i khyim gal ba der dong ste phyin nas/ yam sreg shing gi khur mtha' gcig tu bzhag ste/ bram ze de ga la bar dong ste phyin pa dang / bram ze de la 'di skad ces smras so/ /mkhan po mkhyen par mdzod cig /shed bu 'dis ci nas kyang bdag cag thams cad yul dbus su mchi 'tshal bar gyur pa de ltar yul dbus kyi bsngags pa brjod do/ /bram ze des smras pa/ bu dag ci snyed thos pa de snyed bgrod par bya ba yin nam/ 'di ltar yul dag ni thos nas dga' bar 'gyur ba yin pas mnyan par bya'i bgrod par ni mi bya'o/ /mkhan po shed bu </font><hr>Ca236b<br><font size=+1>


'di'i mchid nas yul dbus na bdag cag gi mkhan pos gang dag gi gdong du lta bar yang mi nus pa/ snyan par smra ba/ smra ba'i khyu mchog de lta bu dag mchis so zhes mchi'o/ /bu dag ci kho bo na re| sa'i steng na kho bo gcig pu kho na smra ba yin gyi smra ba gzhan 'ga' yang med do zhes zer ram/ sa ni rin po che mang po 'dzin pa yin pas/ sa gzhi ni mdzes pa mdzes pa dag gis gang ba yin no/ / mkhan po re zhig yul de yang mthong bar 'gyur zhing chu ngogs su nye reg kyang bgyi/ smra ba'i khyu mchog de dag la yang bsnyen bkur bgyi/ rgol ba dag kyang tshar gcad par bgyi/ rang gi grags pa yang bsgrag par bgyi/ rnyed pa yang bsgrub par bgyis/ bdag cag yul dbus su mchi'o/ /bram ze de slob ma la rjes su chags pa dang bcas pa dang 'khor nyung ba yin pas/ des shed bu de dag la 'di skad ces smras so/ /bu dag gal te de lta na g.yang gzhi dag dang shing shun dag dang dbyug gu dag dang / blugs gzar dag dang dgang gzar dag dang ril ba dag long zhig dang yul dbus su 'dong ngo| |de dag gis de dag blangs nas bram ze de shed bu de dag dang lhan cig yul dbus su 'phags pa dang / des rgol ba kha cig ni tshar bcad de rgol ba'i shing rta la sbyor bar byed/ kha cig ni mgor thal ba'i bum pa dag gis bsnun/ kha cig ni 'phong gi dpong sar khwa bzhin du thag ring po nas yongs su spong bar byed/ kha cig ni gdugs dang rgyal mtshan dang ba dan dag gis bsu bar byed/ kha cig ni slob ma nyid du </font><hr>Ca237a<br><font size=+1>


@#/ /khas len par byed cing de mthar gyis grong dang grong khyer dang grong rdal dang / dbye tshongs dang / tshong rdal dag tu rgol ba 'dul zhing wA ra NA sir phyin to/ /bram ze des bsams pa/ bdag gis ci'i phyir rtsa ba spangs te yal ga dang 'dab ma dang lo ma la nyug par bya/ rgol ba gang dag dang mkhas par bgrang ba gang ji snyed pa de dag thams cad kyang rgyal po dang nye ba yin gyis bdag kyang rgyal po'i gan du 'gro'o snyam nas/ bram ze de rgyal po kri kri ga la ba der song ste phyin nas/ rgyal po kri kri la rgyal ba dang tshe spel ba byas te mtha' gcig tu 'dug go/ /mtha' gcig tu 'dug nas rgyal po kri kri la 'di skad ces smras so/ /lha bdag la bla ma las yi ge nyung shas shig blangs pa mchis te de'i slad du lha'i spyan sngar rgol ba dag dang lhan cig bka' mchid rnam par gtan la dbab par 'tshal lo/ /rgyal pos blon po rnams la smras pa/ shes ldan dag nga'i yul na bram ze 'di dang lhan cig gtam rnam par gtan la 'bebs par byed pa'i rgol ba 'ga' yod dam/ blon po rnams kyis smras pa/ lha ri brags che ge mo zhig na bram ze ser skya zhi ba zhes bgyi ba rig byed dang rig byed kyi yan lag gi pha rol tu phyin pa/ zhugs lta bu'i shes pas rang gi smra ba gsal bar bgyid pa/ gzhan gyi smra ba tshar gcod par rngo thog pa zhig mchis so/ /mkhan po de bos shig /lha bod par bgyi'o zhes de dag gis de bos nas/ de rgyal po kri kri ga la ba </font><hr>Ca237b<br><font size=+1>


der song ste phyin nas/ rgyal po kri kri la rgyal ba dang tshe spel ba byas te mtha' gcig tu 'dug pa dang / blon po rnams kyis smras pa/ lha mkhan po de 'di lags so/ /rgyal pos 'ongs pa legs so zhes bya ba'i tshig gis kun du spyad de smras pa/ mkhan po khyod kho bo'i mdun du bram ze 'di dang lhan cig gtam rnam par gtan la dbab par byed nus sam/ ser skya zhi bas smras pa/ bdag gis rdo ci thog pas rgyal po dgyes par bgyi'o/ /rgyal pos blon po rnams la bsgo ba/ shes ldan dag rgol ba'i dkyil 'khor shoms shig /phyogs dang gzhan gyi phyogs dag rnam par zhog cig /blon po rnams kyis rgol ba'i dkyil 'khor bshams shing phyogs dang gzhan gyi phyogs dag rnam par bzhag go /de nas blon po rnams kyis rgyal po'i rkang pa gnyis la phyag 'tshal te smras pa/ lha phyogs snga ma gang bgyid du stsal/ rgyal pos smras pa/ bram ze 'di mgron pa yin gyis 'di phyogs snga ma byed du chug cig /bram ze de phyogs snga ma byed du bcug nas des rgyud chags lnga brgya bzlas so/ /ser skya zhi bas phyir bzlas te khyod kyi 'di ni rigs pa med pa yin no/ /'di ni mi mthun pa yin no/ /'di ni mi 'thad pa yin no zhes skyon btags pa dang bram ze de cang mi smra bar 'dug go /tshar gcad pa'i gnas rnams kyi nang na 'di lta ste/ lan la spobs pa med pa 'di ni tha chad yin no/ /de nas rgyal po mngon par dga' nas smras pa/ mkhan po khyod gnas gang du gnas/ ser skya zhi bas smras pa/ lha ri </font><hr>Ca238a<br><font size=+1>


@#/ /brags che ge mo zhig tu'o/ /khyod song la ri brags de khyod kyi rgol ba'i longs spyod gyis shig /ser skya zhi ba rangs pa dang dga' ba dang / mchog tu dga' bar gyur nas skye bo mkhas pa dag gis yongs su bskor te ri brags der song ngo / /'jig rten ni 'byor pa 'dod pa yin pas ser skya zhi ba des rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed dgur spyod par byed pa de'i chung ma bu ral pa ser skya can zhig btsas nas/ zhag bdun gsum nyi shu gcig tu btsas pa'i btsas ston rgya cher byas te/ khye'u yi ming cir gdags zhes ming 'dogs par byed do/ /nye du rnams kyis smras pa/ khye'u 'di bram ze ser skya zhi ba'i bu yin la/ 'di'i ral pa yang ser skyar 'dug pas khye'u 'di'i ming ser skyar gdags so zhes de'i ming ser skyar btags so/ /de 'o ma dang zho dang mar dang / zhun mar dang mar gyi snying khu dang / gzhan yang yo byad kyi bye brag gtso bo gtso bo dag gis sring bar byed/ skyed par byed cing rdzing na gnas pa'i pad+ma bzhin myur du skyed par byed do/ /de gang gi tshe chen por gyur pa de'i tshe na yi ge dang grangs dang / rtsis dang / lag rtsis dang / dbyung ba dang / gzhug pa dang / gzhag pa dang / 'byed pa dang / klog pa'i pha rol tu son cing / de'i tshe na bram ze'i spyod tshul dang / spyod pa dang / gtsang sbra dang / </font><hr>Ca238b<br><font size=+1>


kun tu spyod pa dang / thal ba blang ba dang / bya ma bum blang ba dang / sa blang ba dang / lag stangs dang / thor tshugs dang / rab bsngags bye ba dang / kye zhes bya ba dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / srid srung gi rig byed dang / bram ze'i las drug po mchod sbyin byed pa dang / mchod sbyin byed du 'dzud pa dang / klog pa dang klog tu 'dzud pa dang / sbyin pa dang len pa la mkhas pa'i bram ze'i rig byed dang rig byed kyi yan lag gi pha rol tu son pa me lta bu'i shes pas rang gi smra ba gsal bar byed pa/ gzhan gyi smra ba tshar gcod nus par gyur to| |de'i tshe bram ze ser skya zhi bas bram ze'i khye'u lnga brgya tsam dag bram ze'i gsang tshig dag 'don du bcug go /ji tsam dus gzhan zhig na shed bu ser skya klog par byed pas pha la smras pa/ yab ri tsa zhes bgyi ba 'di'i don ci lags/ ser skya zhi bas smras pa/ bu yi ge dag ni yun ring po nas bral ba dag ste/ bla ma'i tshig shes par dka' ba yin pas/ drang srong de dag gis don dang bral ba'i bstan bcos nye bar sbyar ba 'di ci yin mi shes so/ /ser skyas smras pa/ yab bdag gis ri tsa zhes bgyi ba 'di'i don de 'tshal to/ /bram ze ser skya zhi bas bsams pa/ 'di ltar phas bu la bdag dang mnyam pa'am/ khyad par du 'phags pa de ni 'dod par bya ba yin pas/ de'i phyir 'ang bdag pas ches khyad par du 'phags pa yin gyis/ bdag gis 'di la bram ze'i khye'u lnga brgya po 'di dag gtad par </font><hr>Ca239a<br><font size=+1>


@#/ /bya'o snyam du rig nas/ bram ze'i khye'u ser skya la smras pa/ bu 'di ltar phas bu la bdag dang mnyam pa'am khyad par du 'phags pa de ni 'dod par bya ba yin pas de'i phyir khyod kho bo bas ches khyad par du 'phags pa yin gyis/ khyod kyis bram ze'i khye'u lnga brgya po 'di dag bram ze'i gsang tshig dag 'don du chug cig /ser skyas smras pa/ bka' bzhin 'tshal 'don du stsal te zhes des bram ze'i khye'u lnga brgya po de dag bram ze'i gsang tshig dag 'don du gzhug par brtsams so/ /bram ze ser skya zhi ba yang bya ba med cing cir dgar 'gro ba dang spyod pas dga' mgur spyod par brtsams so/ /de dus gzhan zhig na drang srong smra bar song ste/ der dge slong zhig gi gan du song nas smras pa/ slob dpon tshig 'di'i don ci lags/ dge slong des smras pa/ tshe dang ldan pa dri ba de ni de skad dri bar mi bya ste/ dri ba de de skad dris na yongs su rdzogs par mi 'gyur ro/ /'di ltar dri ba de ni 'di skad dri bar bya ste/ dri ba de 'di skad dris na tshig 'di'i don 'di yin no zhes yongs su rdzogs par 'gyur ro/ /bram ze ser skya zhi bas bsams pa/ bdag gis 'di dag la dri ba yang 'dri bar mi nus na bdag gis 'di dag dang lhan cig ji ltar smra bar 'gyur snyam nas/ de dge slong rnams la shin tu mngon par dad par gyur nas/ dus dang dus su dge slong dag mgron du pos te khyim gzhan du zan sbyin par byed do/ /de dus gzhan zhig nan par gyur nas des shed bu ser skya la smras pa/ bu ji tsam na nyi ma </font><hr>Ca239b<br><font size=+1>


'char ba dang / ji tsam na nub pa de'i bar du khyod dang 'dra ba'i smra ba gzhan med kyis de'i phyir khyod kyis kho bo 'das nas/ smra ba thams cad dang lhan cig 'jigs pa med pa dang / bag tsha ba med par smra bar bya'o/ /'od srung gi dge sbyong rnams ni ma gtogs te/ de dag ni rgyud rgya chen po dang ldan pa/ rgyud zab mo dang ldan pa/ rgyud bzang po dang ldan pa/ 'jig rten pa las pham par mi nus pa/ 'jig rten las 'das pa la gting med pa yin te/ de dag ni mang ba dang / mthun pa dang / longs spyod dag don du mi gnyer ba yin no/ /ser skyas smras pa yab de bzhin bgyi'o/ /bram ze ser skya zhi ba na ba las ma langs te de rtsa ba dang sdong bu dang 'dab ma dang / me tog dang 'bras bu'i sman dag gis bsnyen bkur byas kyang nyams pa nyid du gyur nas/ ci tsam na/ bsags pa kun gyi mtha' zad cing / /mthon po rnams kyi mtha' ltung 'gyur/ /phrad pa'i mtha' ni 'bral ba ste/ /gson pa'i mtha' ni 'chi ba yin/ /zhes bya ba yin pas dus kyi chos rnams dang ldan par gyur to/ /de shed bu ser skya dang / nang mis gos sngon po dang ser po dang / dmar po dang / dkar po dag gis khyogs spyil brgyan te/ dur khrod du bskyal nas/ bsregs te de'i 'og tu mya ngan bsangs pa byas nas 'khod do/ /lho phyogs nas lhags pa'i smra ba de dag gis bram ze ser skya zhi ba dus la bab ces thos so/ /thos nas kyang phan tshun smra bar brtsams pa/ shes ldan dag bram ze smra ba de dus la bab gyis/ da ni 'dong bar bya'o zhes de dag thams cad </font><hr>Ca240a<br><font size=+1>


@#/ /'dus te rgyal po kri kri'i gan du dong ngo / /de nas rgyal po la rgyal ba dang / tshe spel ba byas te smras pa/ lha bdag cag la bla ma las yi ge nyung shas shig blangs pa mchis te bdag cag lha'i spyan sngar bka' mchid rnam par gtan la dbab par bgyid par 'tshal lo/ /rgyal pos blon po rnams la smras pa/ shes ldan dag mkhan po de bos shig /blon po rnams kyis smras pa/ lha bram ze smra ba de dus la bab bo/ /rgyal pos smras pa/ de'i phyir 'di dag g.yul du phug ron bzhin du 'dus te nga'i drung du lhags kyis bram ze de'i bu'am phu nu po 'ga' ci yod/ lha de'i bu shed bu ser skya zhes bgyi ba mchis so/ /mkhan po'i bu de bos shig /de dag gis de bos nas/ des rgyal po la rgyal ba dang / tshe spel ba byas te mtha' gcig tu 'dug pa dang / blon po rnams kyis smras pa| lha de'i bu shed bu ser skya zhes bgyi ba 'di lags so/ /rgyal pos de la 'ongs pa legs so/ /zhes bya ba'i tshig gis kun tu spyad nas smras pa/ mkhan po'i bu bram ze smra bar 'dod pa yul tha dad pa na gnas pa 'di dag nga'i drung du lhags na/ khyod 'di dag dang lhan cig smra bar byed par nus sam/ rngo ci thogs kyis lha dgyes par bgyi'o/ /de nas rgol ba'i dkyil 'khor bshams shing phyogs dang gzhan gyi phyogs dag rnam par bzhag ste/ de dag phyogs snga ma byed du bcug pa dang / smra ba de dag bram ze ser skya dang lhan cig gzhi gang dang gang la smra ba de dang de la bram ze ser skyas spobs </font><hr>Ca240b<br><font size=+1>


pa med par byas nas/ de dag cang mi smra bar 'khod do/ /tshar gcad pa'i gnas rnams kyi nang na 'di lta ste/ lan la spobs pa med pa nyid ni tha chad yin no/ /rgyal po ngo mtshar skyes te/ e man tshod gzhon la shes rab kyi spobs pa 'di dang 'di lta bu yod do zhes ngo mtshar skyes nas/ de'i 'og tu mngon par dad pas glang po che'i gshul \ SHUL?\ du bskyon te smra ba'i rgyal srid la dbang bskur ro/ /ser skya de'i ma sems khong du chud cing rnam par rtog pa bzang po ma yin pa dag la rnam par rtog par byed de/ ser skya des hab shur gyis rgol ba'i longs spyod 'phrog tu bcug ste 'ong bar mi 'gyur ram snyam du de de ltar sems khong du chud cing rnam par rtog pa bzang po ma yin pa dag la rnam par rtog par byed cing 'dug pa na/ shed bu ser skya smra ba'i rgyal srid la dbang bskur bas dbang bskur te/ skye bo mkhas pas yongs su bskor nas rang gi sdum par 'ongs so/ /de nas de'i mas gus par bsgrims pa dang bcas pas smras pa/ bu khyod kyis smra ba thams cad tshar bcad dam/ ser skyas smras pa/ yum tshar bcad de/ 'od srung gi dge sbyong rnams ni ma gtogs so/ /ser skya'i ma bzhin sgyur bar byed/ lag mthil gnyis 'dril bar byed do/ /shed bu ser skyas smras pa/ yum khyod ci'i slad du bzhin sgyur ba mdzad/ lag mthil gnyis 'dri bar mdzad/ mas smras pa/ bu da dung yang khyod 'gran zla dang bcas pa yin pas/ 'od srung gi dge sbyong de dag gis rgol ba'i longs spyod dag phrogs par </font><hr>Ca241a<br><font size=+1>


@#/ /'gyur ba'i gnas de lta bu yod kyis song la 'di dag tshar chod cig /ser skyas smras pa/ yum bdag la pha'i mchid nas bu ji tsam na nyi ma 'char pa dang / ji tsam na nub pa de'i bar du khyod dang 'dra ba'i smra ba gzhan med kyis de'i phyir khyod kyis kho bo 'das nas smra ba thams cad dang lhan cig 'jigs pa med pa dang / bag tsha ba med par smra bar bya'o/ /'od srung gi dge sbyong rnams ni ma gtogs te de dag ni rgyud rgya chen po dang ldan pa/ rgyud zab mo dang ldan pa/ rgyud bzang po dang ldan pa/ 'jig rten pa las pham par mi nus pa/ 'jig rten las 'das pa la gting med pa yin te/ de dag ni mang ba dang mthun pa dang longs spyod dang don du mi gnyer ba yin no zhes mchi'o/ /mas smras pa/ bu khyod kyi pha ni dge sbyong gi bran du gyur pa yin na/ ci khyod kyang dge sbyong gi bran du 'gyur ram/ song la de dag tshar chod cig /ser skya de ma la gus pa yin pas/ des ma'i tshig mdun du byas te/ drang srong smra bar 'phags pa dang / dge slong zhig kyang wA ra NA sir 'phags nas/ ser skyas dge slong de lam gyi bar du mthong nas smras pa/ kye dge slong ga las 'ongs/ drang srong smra ba nas so/ /drang srong smra ba na dge slong ji snyed yod/ dge slong nyi khri lhag tsam mo/ /re zhig dge slong dag ni mang na bstan bcos kyi tshad ji tsam/ sde snod gsum mo/ /sde snod gsum gyi tshad ji tsam stong phrag brgya'o/ /khyim pas gzung du rung ngam/ mdo sde dang </font><hr>Ca241b<br><font size=+1>


chos mngon pa gnyis ni rung ngo / /'dul ba ni cho ga'i gzhung yin pas mi rung ngo / /ser skyas bsams pa/ 'di dag gi smra ba'i bstan bcos gang yin pa de ni khyim pa la mi ston to snyam du rig nas smras pa/ kye dge slong je sangs rgyas kyi bka' las cung zhig smros shig /dge slong des bsams pa/ bram ze 'di ni smra ba yin pas ci 'di 'jal bar 'dod pas dri ba 'dri'am/ 'on te kun shes par 'dod pas dri ba 'dri ba de je lta'o snyam nas/ des tshigs su bcad pa smras pa/ mtsho rnams gang du ldog par 'gyur/ /lam ni gang du ldog par 'gyur/ /gang du 'jig rten bde sdug bsngal/ /ma lus par ni 'gag par 'gyur/ /zhes brjod de smras pa/ bram ze tshigs su bcad pa 'di'i don ci yin smros shig /bram zes rig pa'i gnas thams cad la rnam par dpyad par brtsams na/ mtsho yang ma shes/ lam yang ma shes/ ldog pa yang ma shes nas/ de bdag la las mthong bar ma gyur tam snyam du phyogs bzhir rnam par lta bar byed cing bsams pa/ gal te 'di na gzu bo 'ga' zhig yod par gyur du zin na/ bdag deng nyid du tshar gcad par 'gyur bas/ rnam pa thams cad du spang bar bya'o snyam du rig nas smras pa/ kye dge slong tshigs su bcad pa de ni rgyud rgya chen po dang ldan pa/ don zab mo nyid dang ldan pa yin la khyod kyang wA ra NA sir 'phags pa yin/ kho bo yang drang srong smra bar 'phags pa yin pas/ 'di'i don 'phral kho nar smra bar mi nus kyis song zhig dang </font><hr>Ca242a<br><font size=+1>


@#/ /phyis kyang 'di'i don smra bar mi dka'o zhes de drang srong smra bar song ba dang / dge slong klog pa dang / kha ton yid la byed pa'i sbyor ba'i rjes su brtson pa dag mthong ngo / /mthong ma thag tu de sems mngon par dad par gyur nas bsams pa/ su zhig snying rje med cing 'jig rten pha rol btang ste/ 'di dag la rab tu sdang ba'i sems bskyed cing 'di dag dang lhan cig rtsod pa skyed par 'gyur snyam du rig nas rang gi khyim du song ba dang / de la mas smras pa/ bu khyod kyis 'od srung gi dge slong dag tshar bcad dam/ ser skyas smras pa/ yum khyod bdag gi rgol ba'i longs spyod dag gis mi dgyes sam/ 'di ltar khyod ni rgol ba'i longs spyod dag 'phrog tu stsol bar bzhed par gda'o/ /bu ji skad zer/ yum bdag deng drang srong smra bar 'phags pa dang / ji tsam na bdag gis shul gyi bar du dge slong zhig mthong nas bdag gis de la kye dge slong je sangs rgyas kyi bka' las cung zhig smros shig ces bgyis pa dang / des tshigs su bcad pa/ mtsho rnams gang du ldog par 'gyur/ /lam ni gang du ldog par 'gyur/ /gang du 'jig rten bde sdug bsngal/ /ma lus par ni 'gag par 'gyur/ /zhes brjod nas bdag gis rig pa'i gnas thams cad la rnam par dpyad par brtsams na/ mtsho yang ma 'tshal/ lam yang ma 'tshal/ ldog pa yang ma 'tshal nas gal te de na gzu bo 'ga' zhig mchis par gyur tu lags na/ bdag deng nyid du </font><hr>Ca242b<br><font size=+1>


tshar bkum par yang 'gyur ro/ /bu gal te de lta na song la sangs rgyas kyi bka' lhogs shig /yum ci zhig bklag par bgyi ste/ de dag gi smra ba'i bstan bcos gang lags pa de ni khyim pa la mi ston to/ /bu song la rab tu byung ste lhogs shig /yum rigs mchog tu gyur nas/ rigs tha dad pa rnams kyi nang du ji ltar rab tu 'byung bar bgyi/ bu ci khyod kyi mgo bo la smig ma dang rtswa dag skye bar 'gyur ram/ yang phyir phobs shig /de ma la gus pas nan gyis mnan pa na rab tu 'byung ngo zhes drang srong smra bar song ste dge slong gi drung du song nas smras pa/ kye dge slong bdag rab tu 'byung bar 'tshal lo/ /dge slong gis bsams pa/ bram ze smra ba 'di rab tu byung na bstan pa la gces pa bstabs par 'gyur ro snyam du rig nas smras pa/ bram ze legs kyis de ltar bya'o/ / longs spyod dag ni mi rtag pa yin pas rab tu byung zhig /ser skyas smras pa/ kye dge slong bdag ni rab tu shes pa'i bram ze lags pas bdag gis 'dir rab tu 'byung bar rngo mi thog gis ljongs su bzhud do/ /dge slong des bram ze de ljongs su khrid nas rab tu phyung rdzogs par bsnyen par byas te/ bklag pa dang / kha ton dag la nges par sbyar te/ ser skya des bklag pa dang / kha ton 'don pa na sde snod gsum po dag bklags shing sde snod gsum dang ldan pa/ chos sgrog pa/ rig pa dang grol ba'i spobs pa can du gyur to/ /gang gi tshe chos mnyan pa sbyin par 'dod pa de'i tshe na/ seng </font><hr>Ca243a<br><font size=+1>


@#/ /ge'i khri rin po che sna tshogs kyis brgyan pa shom par byed/ dung sgril ma 'bud du 'jud par byed/ rnga bo che rdung du 'jud par byed cing / rgyal po dang bcas pa'i 'khor sdud par byed/ skye bo phal po che'i tshogs kyang mngon par dad par byed do/ /chos sgrog pa ser skyas bsams pa/ bdag gis thos pas thob par bya ba gang yin pa de thob kyis bdag wA ra NA sir song ste yang dag par rdzogs pa'i sangs rgyas 'od srung la bsnyen bkur bya'o snyam nas de ljongs su ci dgar 'dug ste wA ra NA si ga la ba der rgyu zhing song ba na mthar gyis rgyu zhing 'gro ba'i che wA ra NA sir phyin to/ /de nas de'i mas thos nas ma de bu tshol zhing drang srong smra bar song ba dang / des bu mthong nas smras pa/ bu khyod kyis 'od srung gi dge sbyong rnams tshar bcad dam/ yum bdag ni lung tsam dang ldan pa lags la de dag ni lung dang rtogs pa dang ldan pa lags pas de'i slad du bdag gis de dag tshar dgum par ji ltar rngo thog /bu khyod kyis de dag gdon mi za bar tshar gcad par bya ba dag yin gyis tshar chod cig /ser skya de ma la gus pas mas nan gyis mnan pa na/ dang du blangs te smras pa/ yum gang gi tshe seng ge'i khri bshams par gyur/ dung sgril ma bus par gyur/ rnga bo che brdungs par gyur cing / rgyal po dang bcas pa'i 'khor 'dus par gyur pa de'i tshe khyod spyon cig /bu legs kyis 'ong bar bya'o/ /ji tsam dus gzhan zhig na ser skya la chos sgrog par gsol ba btab nas seng ge'i khri bshams </font><hr>Ca243b<br><font size=+1>


par gyur/ dung sgril ma bus par gyur/ rnga bo che brdungs par gyur cing / rgyal po dang bcas pa'i 'khor 'dus par gyur to/ /de nas ser skya'i mas dung dang rnga bo che'i sgra thos nas rings pa rings par drang srong smra bar song ste/ gtsug lag khang du zhugs nas seng ge'i khri'i rgyab logs su 'dug go /chos sgrog pa ser skya yang seng ge'i khri la 'dzegs te chos bstan par brtsams nas des chos ji tsam pa de tsam zhig bstan nas chos ma yin pa bstan par brtsams pa dang / dge slong rnams kyis de la smras pa/ tshe dang ldan pa mdo sde'i mtha' la gnod pa ma byed cig /chos kyi khrid byed rnam par dkrug par ma byed cig /chos kyi mngal ma rtol cig /chos kyi rgyal mtshan ma rtib cig /bdud kyi rgyal mtshan ma sgrengs shig /sems can dmyal ba la gzhol bar 'gyur bar ma byed cig /ser skya de nyam nga nas babs te de'i 'og tu ma la smras pa/ yum khyod kyis gzigs sam/ bu mthong ngo / /bdag gis dang po nas khyod la yum bdag ni lung tsam dang ldan pa lags la de dag ni lung dang rtogs pa dang ldan pa lags pas de'i slad du bdag gis de dag tshar dgum par ji ltar rngo thog ces ma bgyis sam/ bu gang gi tshe khyod chos ston pa de'i tshe ni/ chos ji tsam de tsam zhig bstan nas chos ma yin pa ston cig /gal te khyod la de dag na re/ tshe dang ldan pa mdo sde'i mtha' la gnod par ma byed cig /chos kyi khrid byed rnams par dkrug par ma byed cig /chos kyi mngal ma rtol cig /chos kyi rgyal mtshan ma rtib cig /bdud kyi rgyal mtshan </font><hr>Ca244a<br><font size=+1>


@#/ /ma sgrengs shig /sems can dmyal ba la gzhol bar 'gyur bar ma byed cig ces zer na/ de'i tshe khyod kyis tshig gi mtshon gyis gdab par bya ste/ de dag ni legs pa ma yin pa byed pas 'jigs pa yin pas cang mi smra bar 'dug par 'gyur te/ des na 'jig rten dag gi snying lam na tshar bcad do snyam du shes par 'gyur ro/ /yum thabs de ni bzang ste/ 'on kyang de'i tshe khyod kyang yang spyon cig /bu de ltar bya ste kho mo yang 'ong ngo / /ji tsam na yang chos mnyan pa'i seng ge'i khri bshams nas ser skya la chos sgrog par gsol ba btab ste/ dung sgril ma yang bus/ rnga bo che yang brdungs shing / rgyal po dang bcas pa'i 'khor 'dus pa dang / ser skya'i ma de yang snga ma bzhin du 'ongs te/ seng ge'i khri'i rgyab logs su 'dug go /chos sgrog pa ser skya yang seng ge'i khri la 'dzegs te chos bstan par brtsams nas/ des chos ji tsam pa de tsam zhig bstan nas yang chos ma yin pa bstan par brtsams pa dang / dge slong rnams kyis de la smras pa/ tshe dang ldan pa mdo sde'i mtha' la gnod par ma byed cig /chos kyi khrid byed rnam par dkrug par ma byed cig /chos kyi mngal ma rtol cig /chos kyi rgyal mtshan ma rtib cig /bdud kyi rgyal mtshan ma sgrengs shig /sems can dmyal ba la gzhol bar 'gyur bar ma byed cig /ser skya de mas bslus pas mi bzod pa skyes nas/ tshig gi mtshon gyis gdab par brtsams te/ glang po che'i mgo can khyod </font><hr>Ca244b<br><font size=+1>


kyis re zhig chos sam/ chos ma yin pa'am/ 'dul ba'am/ 'dul ba ma yin pa ci shes/ rta mgo can/ rnga mo'i mgo can/ bong bu'i mgo can/ ba lang gi mgo can/ spre'u'i mgo can/ seng ge'i mgo can/ stag mgo can/ dom mgo can/ dred mgo can/ gung mgo can/ byi la'i mgo can/ ra mgo can/ lug mgo can/ ri dwags kyi mgo can/ ma he'i mgo can/ phag gi mgo can/ khyi mgo can khyed kyis chos sam/ chos ma yin pa'am/ 'dul ba'am 'dul ba ma yin pa ci shes zhes smras pa dang / dge slong rnams kyis smras pa/ tshe dang ldan pa dag 'dis tshig gi mtshon gyis gdab par brtsams kyis 'dong ngo zhes zer ro/ /de na gang 'di dag so sor rtog pa mi mang ba de dag ni 'dong ngo / /gang dag spro ring ba de dag ni gal te re zhig chos ston par 'gyur na ni mnyan par bya'o/ /'on te chos ma yin pa ston par 'gyur na ni 'di nyid kyis 'gyur bar zad do zhes de nyid na 'khod do/ /de nas chos sgrog pa ser skyas dge slong slob pa dang / mi slob pa dag la ngag gis nyes par spyad pa bco brgyad byas nas seng ge'i khri las babs te ma la smras pa/ yum khyod dgyes par gyur tam/ bu kho mo dga' bar gyur gyis tshur shog khyim du 'dong ngo / /ser skyas smras pa/ yum bdag ni yang dag par rdzogs pa'i sangs rgyas 'od srung gi gsung gi gsung rab la mngon par dga' bas mi mchi'o/ /bu khyod kyis ma'i tshig tshig ma yin par mi bya'o zhes bya ba ma thos sam tshur shog 'dong ngo / /ser skyas smras pa/ kho bo 'khor </font><hr>Ca245a<br><font size=+1>


@#/ /ba na khyod 'dra ba'i ma yod par ma gyur cig /deng mi dge ba'i bshes gnyen khyod la brten nas kho bos gang zag slob pa dang mi slob pa dag la ngag gi las rtsub po brjod pas de ni rnam par smin pa mi 'dod pa so sor myong bar 'gyur ro/ /ser skya'i ma des wA ra NA si'i lam po che dang srang dang bzhi mdo dang sum mdo dag tu wA ra NA sin gnas pa dang / pho brang 'khor ba dang / yul mi shes ldan dag nyon cig /'od srung gi dge sbyong rnams kyis kho mo'i bu phrogs kyis grogs gyis shig ces ku co gdon par brtsams so/ /de na gang dag dad pa can de dag ni yang dag par dbugs 'byin par byed do/ /gang dag ma dad pa de dag ni mtho 'tsham par byed do/ /ser skya'i ma de la mtho btsams pa na 'di lta bu'i kun nas dkris pa byung ste/ des khrag tsha ba skyugs nas dus la babs te/ sems can dmyal ba rnams kyi nang du skyes so/ /chos sgrog pa ser skya yang dge slong slob pa dang mi slob pa rnams la ngag gi nyes par spyad pa bco brgyad byas pas dus la bab ste/ dud 'gro rnams kyi nang du chu srin nya'i rigs 'jigs su rung ba 'dir skyes so/ /de nas 'khor de yid la gcags te/ shes ldan dag chos sgrog pa ser skya sde snod gsum dang ldan pa rig pa dang grol ba'i spobs pa can gyis srog chags brgya stong phrag du ma dag gi rna ba'i sbubs dag tshim par byas nas/ ngag gi nyes par spyad pa tsam gyis dud 'gro'i skye gnas ngan par skyes par gyur na/ </font><hr>Ca245b<br><font size=+1>


bdag cag 'di nas shi 'phos pa rnams kyi 'gro ba ni cir 'gyur/ skye ba ni cir 'gyur/ tshe phyi ma ni cir 'gyur zhes zer ro/ /de nas bcom ldan 'das kyis 'khor de'i bsam pa dang bag la nyal dang khams dang rang bzhin thugs su chud nas/ gang thos nas kha cig gis dri bar gyur pa dag rtogs pa dang / kha cig gis rtse mo dag dang / kha cig gis bzod pa dag dang / kha cig gis 'jig rten pa'i chos kyi mchog dag rtogs pa dang / kha cig gis rgyun du zhugs pa'i 'bras bu mngon sum du byas pa dang / kha cig gis lan cig phyir 'ong ba'i 'bras bu dang / /kha cig gis ni phyir mi 'ong ba'i 'bras bu dang / kha cig gis ni rab tu byung nas nyon mongs pa thams cad spangs pas dgra bcom pa nyid mngon sum du byas pa dang / kha cig gis nyan thos kyi byang chub tu sems bskyed pa dang / kha cig gis rang sangs rgyas kyi byang chub dang / kha cig gis bla na med pa yang dag par rdzogs pa'i byang chub tu sems bskyed pa dang / 'khor de las phal cher sangs rgyas la gzhol ba dang / chos la 'bab pa dang / dge 'dun la bab par rnam par gzhag pa de lta bu'i chos bstan pa mdzad do/ /de nas bcom ldan 'das gdul ba'i don chen po mdzad nas gshegs so/ /de nas chu srin nya'i rigs 'di snyam du sems te/ gang gi phyir bdag gis bcom ldan 'das kyi spyan sngar tshig gsum gyi chos thos nas/ zas za bar byed pa ni bdag gi tshul dang mthun pa ma yin no snyam nas/ des zas mi za ba </font><hr>Ca246a<br><font size=+1>


@#/ /la zhugs so/ /dud 'gro'i skye gnas su skyes pa rnams kyi me ni rno ba yin pas de bkres pas nyams dmas pa na/ bcom ldan 'das la sems mngon par dad par byas nas dus la bab pa dang / rgyal chen bzhi pa'i lha rnams kyi nang du skyes so/ /lha'i bu'am lha'i bu mo'i chos nyid ni skyes nas ring po ma lon pa la sems gsum skye ste/ gang nas shi 'phos pa dang / gang du skyes pa dang / /las gang gis skyes pa'o/ /des dud 'gro rnams kyi nang nas shi 'phos pa dang / rgyal chen bzhi pa'i lha rnams kyi nang du skyes pa dang / bcom ldan 'das la sems mngon par dad par byas pas skyes pa mthong ngo / /de nas sngon chu srin lha'i bu de 'di snyam du sems te/ gang gi phyir bdag yongs su gnas pa bstan te/ bcom ldan 'das la blta ba dang bsnyen bkur bya ba'i phyir nye bar 'gro ba ni bdag gi tshul dang mthun pa ma yin gyis bdag yongs su gnas pa ma bsten pa kho nar bcom ldan 'das la blta ba dang bsnyen bkur bya ba'i phyir nye bar 'gro'o snyam mo/ /de nas sngon chu srin lha'i bu rna cha gdub kor g.yo zhing dri ma med pa thogs te do shal dang se mo dos brgyan pa'i lus kyis lha'i ut+pa la dang pad+ma dang ku mu ta dang / pad+ma dkar po dag gis thub bkang ste/ kha dog shin tu 'das pas mtshan mo la bab pa dang / bcom ldan 'das ga la ba der song ste phyin nas/ bcom ldan 'das la me tog dag gis </font><hr>Ca246b<br><font size=+1>


mngon bar gtor te/ bcom ldan 'das kyi zhabs gnyis la mgo bos phyag 'tshal te/ mtha' gcig tu 'dug pa dang / 'di ltar sngon chu srin lha'i bu'i kha dog gis mthus khang pa brtsegs pa'i khang bzang thams cad snang ba rgya chen pos khyab par gyur to/ /de nas bcom ldan 'das kyis sngon chu srin lha'i bu'i bsam pa dang / bag la nyal dang / khams dang rang bzhin thugs su chud nas gang thos nas sngon chu srin lha'i bus stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste/ rgyun du zhugs pa'i 'bras bu mngon sum du byas pa de lta bur 'phags pa'i bden pa bzhi yang dag par so sor rtogs par byed pa'i chos bstan pa mdzad do/ /des bden pa mthong nas/ btsun pa bcom ldan 'das kyis bdag la gang mdzad pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang bram ze dag gis kyang ma bgyis/ byams pa dang mdza' bshes dang rtsa lag gi tshogs dag gis kyang ma bgyis te/ khrag dang mchi ma'i rgya mtsho ni bskam/ rus pa'i ri dag las ni bsgral/ ngan song gi sgo dag ni bkum mtho ris dang thar pa'i sgo dag ni phye/ sems can dmyal ba dang / dud 'gro dang yi dwags dag nas ni rkang pa phyung / lha dang mi rnams kyi nang du ni bzhag go zhes lan gsum ched du brjod pa ched du brjod </font><hr>Ca247a<br><font size=+1>


@#/ /do| |yang smras pa/ khyod mthus rab drag nyes pa mang ldan pa'i/ /ngan song shul bkag bsod nams rab ldan pa'i/ /mtho ris 'gro ba phye zhing bdag gis ni/ /mya ngan 'das pa'i shul yang thob par gyur/ /shin tu rnam dag khyod brten bdag gis ni/ /de ring skyon bral dag pa'i mig thob cing / /go 'phang zhi ba 'phags pa dgyes thob ste/ /sdug bsngal rgya mtsho'i pha rol rgal bar gyur/ /'gro ba lha min mi dang lhas mchod pa/ /skye dang rga dang na 'chi bral ba po/ /srid pa stong du mthong bar rab dkon pa/ /thub pa de ring khyod mthong 'bras bu mchis/ /de nas 'dud byas do shal rab 'phyang bas/ /zhabs la phyag 'tshal rangs pa skyes gyur nas/ /dgra thul g.yas nas yongs su bskor byas te/ /lha yi 'jig rten mngon phyogs mkha' la song / /de nas sngon chu srin lha'i bu tshong pa khe spogs rnyed pa lta bu dang / zhing pa lo thog 'byor pa lta bu dang / dpa' bo g.yul las rnam par rgyal pa lta bu dang / nad pa nad thams cad las yongs su thar ba lta bur gyur te/ cha lugs gang gis bcom ldan 'das kyi spyan sngar 'ongs pa'i cha lugs de nyid kyis rang gi gnas su song ngo / /dge slong dag nam gyi cha stod dang nam gyi cha smad la mi nyal bar sbyor pa'i rjes su brtson par gnas pa de dag gis bcom ldan 'das kyi spyan sngar snang ba rgya chen pos khyab par gyur pa mthong ngo / /mthong nas the tshom za ba'i yid kyis mtshan mo nam nangs pa dang / </font><hr>Ca247b<br><font size=+1>


bcom ldan 'das la zhus pa/ bcom ldan 'das ci lags/ mdang sum mi mjed kyi bdag po tshangs pa'am/ lha'i dbang po brgya byin nam/ 'jig rten skyong pa bzhi'am/ lha'i bu 'byor pa che ba/ mthu che ba gzhan zhig bcom ldan 'das la blta ba'i slad du nye bar mchis sam/ bcom ldan 'das kyis bka' stsal pa/ dge slong dag mi mjed kyi bdag po tshangs pa nga la blta ba'i phyir nye bar 'ongs pa yang ma yin/ lha'i dbang po brgya byin yang ma yin/ 'jig rten skyong ba bzhi yang ma yin/ lha'i bu 'byor pa che ba mthu che ba gzhan ma yin te/ dge slong dag 'di ltar khyed kyis ngas chu srin nya'i rigs gang la tshig gsum gyi chos bstan pa de mthong ngam/ bcom ldan 'das mthong ngo / /dge slong dag de de nas shi 'phos te rgyal chen bzhi pa'i lha rnams kyi nang du skyes nas de mdang sum nga'i gan du 'ongs te/ ngas de la chos bstan nas des bden pa mthong ste/ rang gi gnas su song ngo / /yang dge slong rnams kyis bcom ldan 'das la zhus pa/ btsun pa sngon chu srin lha'i bus las ci bgyis na/ des rgyal chen bzhi pa'i lha rnams kyi nang du skyes par gyur/ las ci bgyis na des bcom ldan 'das kyi spyan sngar bden pa mthong bar bgyis/ bcom ldan 'das kyis bka' stsal pa/ dge slong dag sngon chu srin lha'i bu nyid kyis las tshogs rnyed pa/ rkyen yongs su bsgyur pa 'ong ba bzhin du nye bar gnas pa/ gdon mi za bar 'byung bar 'gyur ba dag byas shing bsags pas/ sngon chu srin lha'i bus </font><hr>Ca248a<br><font size=+1>


@#/ /las byas shing bsags pa dag gzhan su zhig gis nyams su myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur/ rlung gi khams la mi 'gyur/ 'di ltar las dge ba dang mi dge ba byas shing bsags pa dag ni zin pa'i phung po dang khams dang / skye mched dag kho na la rnam par smin par 'gyur ro/ /las rnams bskal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag skyes nas myong bar 'gyur ba'i las kyang yod/ lan grangs gzhan la myong bar 'gyur ba'i las kyang yod do/ /skyes nas myong bar 'gyur pa'i las gang zhe na/ 'dis chu srin du gyur pa na nga la sems mngon par dad pa byas pa gang yin pa de ni skyes nas myong bar 'gyur ba'i las zhes bya ste/ de'i rnam par smin pas rgyal chen bzhi pa'i lha rnams kyi nang du skyes par gyur to/ /lan grangs gzhan la myong bar 'gyur ba'i las gang zhe na/ ser skyas yang dag par rdzogs pa'i sangs rgyas 'od srung gi bstan pa la rab tu byung ba dang / lung phog pa dang bklags pa dang / kha ton byas pa dang / phung po la mkhas pa dang / khams la mkhas pa dang / skye mched la mkhas pa dang / rten cing 'brel par 'byung ba la mkhas pa </font><hr>Ca248b<br><font size=+1>


dang / gnas dang gnas ma yin pa la mkhas par byas pa gang yin pa de ni lan grangs gzhan la myong bar 'gyur ba'i las zhes bya ste/ las de'i tshogs kyi dngos pos da ltar lha'i bur gyur pas nga'i spyan sngar bden pa mthong bar byas so/ /dge slong dag de ltar na las gcig tu gnag pa rnams kyi rnam par smin pa ni gcig tu gnag pa yin la/ las gcig tu dkar pa rnams kyi rnam par smin pa yang gcig tu dkar ba yin/ las 'dren ma rnams kyi rnam par smin pa yang 'dren ma yin no/ /dge slong dag de lta bas na las gcig tu gnag pa rnams dang 'dren ma rnams spangs te/ las gcig tu dkar ba rnams la brtsal bar bya ste/ dge slong dag khyed kyis de ltar bslab par bya'o/ /bcom ldan 'das kyis de skad ces bka' stsal nas/ dge slong de dag bcom ldan 'das kyis gsungs pa la mngon par bstod do// //'dul ba rnam par 'byed pa/ bam po bcu gsum pa/ de nas rigs kyi bu lnga brgya po de dag 'di snyam du sems te| shes ldan dag re zhig chos sgrog pa ser skya de sde snod gsum dang ldan pa/ rig pa dang grol pa'i spobs pa can du gyur to/ /srog chags brgya stong phrag du ma dag gi rna ba'i sbubs dag tshim par byas nas/ ngag gis nyes par spyad pa tsam gyis dud 'gro'i skye gnas ngan par skyes par gyur na/ bdag cag da ltar drag shul can lag pa dmar pa/ snun pa dang rab tu snun pa la zhugs pa/ </font><hr>Ca249a<br><font size=+1>


@#/ /gzhan gyi srog 'phrog pa/ gzhan gyi srog gcod du 'dzud pa/ gzhan gyi srog gcod pas 'tsho bar byed pa dag yin pas/ bdag cag 'di nas shi 'phos pa rnams kyi 'gro ba ni cir 'gyur/ skye ba ni cir 'gyur/ tshe phyi ma ni cir 'gyur/ gal te bdag cag rigs dma' bar skyes par ma gyur na/ bdag cag gis kyang legs par gsungs pa'i chos 'dul ba la rab tu 'byung zhing / chu bo rnams las rgal bar bya ba dang / sbyor ba rnams las yang dag par 'da' bar bya ba'i phyir spro bar bya/ 'bad par bya/ brtsal bar bya ba zhig na snyam mo/ /sangs rgyas bcom ldan 'das gson zhing bzhugs te/ 'tsho zhing gzhes pa rnams kyi chos nyid ni 'dul bar gyur pa'i skye bo la thugs brtse bas nyin lan gsum/ mtshan lan gsum/ sangs rgyas kyi spyan gyis 'jig rten la rnam par gzigs pa mdzad do/ /nyan thos chen po rnams kyang de bzhin pas/ tshe dang ldan pa shA ri'i bus nyan thos kyi mig gi 'jig rten la rnam par bltas pa na/ rigs kyi bu lnga brgya po de dag shin tu yid la gcags shing lag pa la 'gram pa gtad de sems khong du chud cing 'khod pa dag mthong ngo / /mthong nas kyang rigs kyi bu lnga brgya po de dag ga la ba der song ste phyin nas de dag la 'di skad ces smras so/ /bzhin bzang dag khyed cag ci'i phyir lag pa la 'gram pa gtad de sems khong du chud cing 'khod/ de dag gis smras pa/ 'phags </font><hr>Ca249b<br><font size=+1>


pa 'di ltar chos sgrog pa ser skya de sde snod gsum dang ldan pa/ rigs pa dang grol ba'i spobs pa can du gyur te/ srog chags brgya stong phrag du ma dag gi rna ba'i sbubs dag tshim par bgyis nas/ ngag gis nyes par spyad pa tsam gyis dud 'gro'i skye gnas ngan par skyes par gyur/ bdag cag da ltar drag shul can sug pa dmar ba/ snun pa dang rab tu snun pa la zhugs pa/ gzhan gyi srog 'phrog pa/ gzhan gyi srog gcod du stsol ba/ gzhan gyi srog gcod pas 'tsho bar bgyid pa dag lags pas/ bdag cag 'di nas shi 'phos pa rnams kyi 'gro ba ni cir 'gyur/ skye ba ni cir 'gyur/ tshe phyi ma ni cir 'gyur/ gal te bdag cag rigs dma' bar skyes par ma gyur na/ bdag cag gis kyang legs par gsungs pa'i chos 'dul ba la rab tu 'byung zhing / chu bo rnams las rgal bar bgyi ba dang / sbyor ba rnams las yang dag par 'da' bar bgyi ba'i slad du spro bar bgyi/ 'bad par bgyi/ brtsal bar bgyi ba zhig na snyam pas bdag cag ji ltar sems khong du chud cing mi mchis su rung / bzhin bzang dag thub pa'i dbang po'i gsung rab 'di la ni rigs gces pa ma yin/ khyim gces pa ma yin/ rus gces pa ma yin gyi/ thub pa'i dbang po'i gsung rab 'di la ni sgrub pa gces pa yin no| |yang smras pa/ de bzhin gshegs rnams rigs dang ni/ /khyim dang rus dag rtog mi mdzad/ /yun ring byas par gyur kyang ni/ /las rnams la ni yongs rtog mdzad/ /gal te khyed cag legs par gsungs </font><hr>Ca250a<br><font size=+1>


@#/ /pa'i chos 'dul ba la rab tu 'byung ba dang / bsnyen par rdzogs pa dge slong gi dngos po 'dod na tshur sheg /yu bu cag bcom ldan 'das ga la ba der 'dong dang / bcom ldan 'das kyis khyed cag rab tu 'byin par 'gyur ro/ /'phags pa legs te/ gal te de lta na bdag cag bcom ldan 'das kyi spyan sngar rab tu 'byung du mchi'o/ /de nas tshe dang ldan pa shA ri'i bus rigs kyi bu lnga brgya po de dag khrid nas bcom ldan 'das ga la ba der song ste phyin pa dang / bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas/ tshe dang ldan pa shA ri'i bus bcom ldan 'das la 'di skad ces gsol to/ /btsun pa rigs kyi bu lnga brgya po 'di dag legs par gsungs pa'i chos 'dul ba la rab tu 'byung ba dang / bsnyen par rdzogs pa dge slong gi dngos po 'tshal na/ bcom ldan 'das kyis thugs brtse ba'i slad du 'di dag rab tu dbyung du gsol/ bsnyen par rdzogs par mdzad du gsol/ bcom ldan 'das kyis de dag la dge slong tshur shog / ces pas rab tu phyung zhing dge slong dag tshur shog tshangs par spyad pa spyod cig ces bka' stsal pa dang / de dag bcom ldan 'das kyi bka'i mjug kho nar skra byi ba dang / snam sbyar gyon par gyur to/ /skra dang kha spu zhag bdun skyes pa tsam dang / lag pa lhung bzed dang bya ma bum gyis brel ba dang / dge slong bsnyen par rdzogs nas lo brgya lon pa'i spyod lam lta bur gnas par gyur to/ /yang </font><hr>Ca250b<br><font size=+1>


smras pa/ de bzhin gshegs pas tshur shog bka' stsal pas/ /skra byi snam sbyar gyon pa'i lus ldan zhing / /mod la dbang po rab zhir gnas gyur te/ /sangs rgyas dgongs pas lus gzugs bkab par gyur/ /de nas bcom ldan 'das kyis rigs kyi bu lnga brgya po de dag rab tu byung bsnyen par rdzogs par mdzad nas/ yangs pa can du ci dgyes par bzhugs te/ 'od ma can gyi grong ga la ba der rgyu zhing gshegs nas mthar gyis rgyu zhing gshegs pa na/ 'od ma can gyi grong du byon nas 'od ma can gyi grong na grong gi byang phyogs shing sha ba'i tshal na bzhugs so/ /de'i tshe na mu ge nyam nga ba dgon pa slong mo bas zas rnyed par dka' zhing pha ma dag kyang rang gi bu dag la zas sbyin pa dang / bya bar sems pa dka' na slong mo ba dag lta la smos kyang ci dgos pa byung ngo / /de nas bcom ldan 'das kyis dge slong rnams la bka' stsal pa/ dge slong dag da ltar mu ge nyam nga ba dgon pa slong mo bas zas rnyed par dka' zhing pha ma dag kyang rang gi bu dag la zas sbyin pa dang / bya bar sems pa dka' na slong mo ba dag lta la smos kyang ci dgos pa byung gis dge slong dag khyed cag tshur shog la smos 'drin ci lta ba dang / phebs par smra ba ci lta ba dang / 'grogs bshes ji lta bas yangs pa can gyi nyen kor spong byed kyi grong du dbyar gnas par khas long zhig /nga yang 'od ma can gyi grong 'di nyid du bsnyen bkur ba dge slong kun dga' bo dang dbyar gnas par khas len gyis/ thams cad nyid ni bsod snyoms kyis nyon mongs par gyur na mi rung ngo / /dge slong de dag gis btsun </font><hr>Ca251a<br><font size=+1>


@#/ /pa bka' bzhin 'tshal zhes bcom ldan 'das las mnyan nas smos 'drin ji lta ba dang / phebs par smra ba ji lta ba dang / 'grogs bshes ji lta bas yangs pa can gyi nyen kor spong byed kyi grong du dbyar gnas par khas blangs so/ /bcom ldan 'das kyang 'od ma can gyi grong de nyid du bsnyen bkur ba tshe dang ldan pa kun dga' bo dang dbyar gnas par zhal gyis bzhes so/ / de nas dge slong lnga brgya po de dag 'di snyam du sems te/ tshe dang ldan pa dag shes par gyis shig /bcom ldan 'das kyis 'di skad ces dge slong dag da ltar mu ge nyam nga ba dgon pa slong mo bas rnyed par dka' zhing pha ma dag kyang rang gi bu dag la zas sbyin pa dang / bya ba sems pa dka' na slong mo ba dag lta la smos kyang ci dgos pa dag byung gis/ dge slong dag khyed cag tshur shog la smos 'drin ji lta ba dang| phebs par smra ba ji lta ba dang / 'grogs bshes ji lta bas yangs pa can gyi nyen kor spong byed kyi grong du dbyar gnas par khas long zhig /nga yang 'od ma can gyi grong 'di nyid du bsnyen bkur ba dge slong kun dga' bo dang dbyar gnas par khas len gyis/ thams cad nyid ni bsod snyoms kyis nyon mongs par gyur na mi rung ngo zhes bka' stsal na/ 'di na bdag cag la nye du 'ga' yang med de/ nya ba'i grong na bdag cag gi nye du dag 'khod kyis bdag cag nya pa'i grong du dong ste nye du rnams bltas nas/ nya pa'i grong gi nye 'khor du lo ma dang 'dab ma'i spyil bu dag byas te/ dbyar gnas par khas blang bar </font><hr>Ca251b<br><font size=+1>


bya gor ma chag snyam mo/ /de nas dge slong lnga brgya po de dag nya pa'i grong du dong ste nye du dag la bltas nas nya pa'i grong gi nye 'khor du lo ma dang / 'dab ma'i spyil bu dag byas te dbyar gnas par khas blangs so/ / de dag 'di snyam du sems te/ tshe dang ldan pa shes par gyis shig /bdag cag ni thos pa nyung ba thos pa nyung ngu dang ldan pa dag yin pas bdag cag gi nye du dag nye bar 'ongs par gyur na/ bdag cag gis nye bar 'ongs pa de dag la chos ston par mi nus kyis/ bdag cag gi nye du 'ongs pa dag la nye du dag khyed cag gang dag gi grong tshigs na dge slong gi dge 'dun 'di 'di ltar dbyar gnas par khas blangs par gyur pa'i nye du de dag gis ni rnyed pa legs pa rnyed pa yin te/ dge slong 'di ni mi rtag pa'i 'du shes dang / mi rtag pa la sdug bsngal ba'i 'du shes pa dang / sdug bsngal ba la bdag med pa'i 'du shes dang / zas la mi mthun pa'i 'du shes dang / 'jig rten thams cad la mngon par mi dga' ba'i 'du shes dang / nyes dmigs kyi 'du shes dang / spong ba'i 'du shes dang / 'dod chags dang bral ba'i 'du shes dang / 'gog pa'i 'du shes dang / 'chi ba'i 'du shes dang / mi sdug pa'i 'du shes dang / rnam par sngos pa'i 'du shes dang / rnam par rnags pa'i 'du shes dang / rnam par bam pa'i 'du shes dang / rnam par 'bus gzhigs pa'i 'du shes dang / rnam par zos pa'i 'du shes dang / rnam par dmar ba'i 'du shes dang / rnam par 'thor ba'i 'du shes dang / rus gong gi 'du shes dang / stong pa </font><hr>Ca252a<br><font size=+1>


@#/ /nyid du so sor rtog pa'i 'du shes thob pa yin no/ /dge slong 'di ni bsam gtan dang po dang / gnyis pa dang / gsum pa dang / bzhi pa dang / byams pa dang / snying rje dang / dga' ba dang / btang snyoms dang / nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched dang / rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / rdzu 'phrul gyi yul dang / lha'i rna ba dang / sems yongs su shes pa dang / sngon gyi gnas dang / 'chi 'pho dang skye ba dang / zag pa zad pa thob pa yin no/ /dge slong 'di ni dgra bcom pa rnam par thar pa brgyad la bsam gtan pa yin no/ /dge slong 'di ni gnyi ga'i cha las rnam par grol ba yin no/ /zhes gcig gis gcig gi yon tan bsgrag par bya gor ma chag snyam mo/ /de dag gi nye du dag nye bar 'ongs par gyur nas/ de dag gis nye du dag nye bar 'ongs pa de dag la gcig gis gcig gi yon tan bsgrag par brtsams te/ nye du dag khyed cag gang dag gi grong tshigs na dge slong gi dge 'dun yon gyi gnas 'di lta bu 'di ltar dbyar gnas par khas blangs par gyur pa'i nye du de dag gis ni rnyed pa legs par rnyed pa yin te/ dge slong 'di ni mi rtag pa'i 'du shes dang / mi rtag pa la sdug bsngal ba'i 'du shes dang / </font><hr>Ca252b<br><font size=+1>


sdug bsngal ba la bdag med pa'i 'du shes dang / zas la mi mthun pa'i 'du shes dang / 'jig rten thams cad la mngon par mi dga' ba'i 'du shes dang / nyes dmigs kyi 'du shes dang / spong ba'i 'du shes dang / 'dod chags dang bral ba'i 'du shes dang / 'gog pa'i 'du shes dang / 'chi ba'i 'du shes dang / mi sdug pa'i 'du shes dang / rnam par sngos pa'i 'du shes dang / rnam par rnags pa'i 'du shes dang / rnam par bam pa'i 'du shes dang / rnam par 'bus gzhigs pa'i 'du shes dang / rnam par zos pa'i 'du shes dang / rnam par dmar ba'i 'du shes dang / rnam par 'thor ba'i 'du shes dang / rus gong gi 'du shes dang / stong pa nyid du so sor rtog pa'i 'du shes thob pa yin no/ /dge slong 'di ni bsam gtan dang po dang / gnyis pa dang / gsum pa dang / bzhi pa dang / byams pa dang / snying rje dang / dga' ba dang / btang snyoms dang / nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched dang / rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / rdzu 'phrul gyi yul dang / lha'i rna ba dang / sems yongs su shes pa dang / sngon gyi gnas dang / 'chi 'pho dang skye ba dang / zag pa zad pa thob pa yin no/ /dge slong 'di ni dgra bcom pa rnam par thar pa brgyad la bsam </font><hr>Ca253a<br><font size=+1>


@#/ /gtan pa yin no/ /dge slong 'di ni gnyi ga'i cha las rnam par grol ba yin no/ /de dag gis smras pa/ 'phags pa dag khyed kyis yon tan gyi tshogs de lta bu dag thob bam/ thob bo/ 'jig rten ni yon tan la dga' ba yin pas/ re zhig rang gi bu dag las kyang phrogs te de dag la bsod snyoms sbyin pa dang bya bar sems so/ /sangs rgyas bcom ldan 'das gson zhing bzhugs te/ 'tsho zhing gzhes pa rnams la chos nyid kyis nyan thos rnams kyi 'dus pa chen po gnyis yod de/ gcig ni dbyar zla 'bring po nya la dbyar nye bar sgrub pa'i tshe'o/ /gnyis pa ni ston zla 'bring po'i zla ba nya la'o/ /de la gang dag dbyar zla 'bring po'i nya la dbyar nye bar sgrub pa'i tshe gdams ngag mnos te/ grong dang grong rdal dang / yul 'khor dang rgyal po'i pho brang dag tu dbyar gnas par khas len pa de dag ni ston zla 'bring po'i zla ba nya la lhags nas/ ji ltar thob pa ni rjod par byed/ ma thob pa ni thob par bya ba'i phyir 'og tu 'dri bar byed do| |de nas dge slong gang dag yangs pa can gyi nyen kor spong byed kyi grong du dbyar gnas par khas blangs pa de dag dbyar gyi zla ba gsum po 'das nas/ chos gos byas pa dang ldan/ chos gos zin pa dang ldan zhing rid pa dang / nyam chung ba dang / rke ba dang / skam pa dang / lus ma thob pas lhung bzed dang / chos gos thogs te/ 'od ma can gyi grong ga la ba der rgyu zhing 'dong ba na mthar </font><hr>Ca253b<br><font size=+1>


gyis rgyu zhing 'dong ba'i tshe 'od ma can gyi grong du phyin pa dang / tshe dang ldan pa kun dga' bos dge slong rab tu mang po de dag thag ring po kho na nas mthong ngo / /mthong nas kyang tshangs pa mtshungs par spyod pa la mnyes gshin pas bshes pa dang bcas pa nyid kyis tshig gis bsu nas lhung bzed dang / chos gos dang / 'khar ba dang / gtur bu dang / ril ba spyi blugs dang / 'bru mar snod dang / zhwa dang lham yu chad dang / mchil lham len par byed cing 'di skad ces kyang smras so/ /tshe dang ldan pa dag tshur sheg 'ongs pa legs so/ /tshe dang ldan pa dag khyed cag gang nas da ltar 'dir 'ongs/ khyed cag gang du dbyar gnas par khas blangs/ tshe dang ldan pa kun dga' bo bdag cag spong byed kyi grong nas 'dir 'ongs so/ /bdag cag spong byed kyi grong du dbyar gnas par khas blangs so/ /tshe dang ldan pa dag ji ltar spong byed kyi grong du bde ba la reg par dbyar gnas par khas blangs sam/ khyed cag bsod snyoms kyis ngal bar ma gyur tam/ tshe dang ldan pa kun dga' bo bdag cag spong byed kyi grong du te bor bde ba la reg par dbyar gnas par khas blangs mod kyi bdag cag bsod snyoms kyis ngal bar gyur te/ tshe dang ldan pa dag de kho na ltar snang ste/ 'di ltar bsod snyoms kyis brel bas rid pa dang / nyam chung ba dang / rke ba dang / skam pa dang / lus ma thob pa dang / pags pa dang / sha dang khrag bri bar gyur to/ /dge slong gang dag nya pa'i grong gi nye 'khor du dbyar gnas par khas blangs pa de dag kyang dbyar gyi zla ba gsum po dag 'das nas/ chos gos byas pa </font><hr>Ca254a<br><font size=+1>


@#/ /dang ldan/ chos gos zin pa dang ldan zhing tsho ba dang / pags pa dang / sha dang khrag rgyas pas lhung bzed dang / chos gos thogs te/ 'od ma can gyi grong ga la ba der rgyu zhing 'dong ba na mthar gyis rgyu zhing 'dod \ 'DONG?\ ba'i tshe 'od ma can gyi grong du phyin pa dang / tshe dang ldan pa kun dga' bos dge slong rab tu mang po de dag thag ring po kho na nas mthong ngo / /mthong nas kyang tshangs pa mtshungs par spyod pa la mnyes gshin pas bshes pa dang bcas pa nyid kyis tshig gis bsu nas lhung bzed dang chos gos dang / 'khar ba dang / gtur bu dang / ril ba spyi blugs dang / 'bru mar snod dang / zhwa dang lham yu chad dang / mchil lham len par byed cing / 'di skad ces kyang smras so/ /tshe dang ldan pa dag tshur sheg 'ongs pa legs so/ /tshe dang ldan pa dag khyed cag gang nas da ltar 'dir 'ongs/ khyed cag dbyar gang du gnas par khas blangs/ tshe dang ldan pa kun dga' bo bdag cag nya pa'i grong nas 'dir 'ongs so/ /bdag cag nya pa'i grong du dbyar gnas par khas blangs so/ /tshe dang ldan pa dag ji ltar nya pa'i grong du bde ba la reg par dbyar gnas par khas blangs sam/ khyed cag bsod snyoms kyis ngal bar ma gyur tam/ tshe dang ldan pa kun dga' bo bdag cag nya pa'i grong du te por bde ba la reg par dbyar gnas par khas blangs te| bdag cag bsod snyoms kyis kyang ngal bar ma gyur to/ /tshe dang ldan pa dag de kho na ltar snang ste/ 'di ltar bsod snyoms kyis brel ba med pas tsho ba dang / pags pa dang / sha dang khrag rgyas par gyur to/ / </font><hr>Ca254b<br><font size=+1>


tshe dang ldan pa dag da ltar mu ge nyam nga ba dgon pa slong mo bas zas rnyed par dka' zhing pha ma dag kyang rang gi bu dag la zas sbyin pa dang / bya bar sems par dka' na slong mo ba lta la smos kyang ci dgos pa byung na 'dir/ tshe dang ldan pa dag khyed cag bsod snyoms kyis brel ba med par gyur pa'i rgyu ni gang yin/ rkyen ni gang yin/ tshe dang ldan pa kun dga' bo bdag cag gis nye du rnams kyi mdun du gcig gis gcig gi yon tan bsgrags par byas te/ dge slong 'di ni mi rtag pa'i 'du shes dang / mi rtag pa la sdug bsngal ba'i 'du shes dang / sdug bsngal ba la bdag med pa'i 'du shes dang / zas la mi mthun pa'i 'du shes dang / 'jig rten thams cad la mngon par mi dga' ba'i 'du shes dang / nyes dmigs kyi 'du shes dang / spong ba'i 'du shes dang / 'dod chags dang bral ba'i 'du shes dang / 'gog pa'i 'du shes dang / 'chi ba'i 'du shes dang / mi sdug pa'i 'du shes dang / rnam par sngos pa'i 'du shes dang / rnam par rnags pa'i 'du shes dang / rnam par bam pa'i 'du shes dang / rnam par 'bus gzhig pa'i 'du shes dang / rnam par zos pa'i 'du shes dang / rnam par dmar ba'i 'du shes dang / rnam par 'thor ba'i 'du shes dang / rus gong gi 'du shes dang / stong pa nyid du so sor rtog pa'i 'du shes thob pa yin no/ / dge slong 'di ni bsam gtan dang po dang / gnyis pa dang / gsum pa dang / bzhi pa dang / byams pa dang / snying rje dang / dga' ba dang / btang snyoms dang / nam mkha' mtha' yas skye mched dang / rnam shes </font><hr>Ca255a<br><font size=+1>


@#/ /mtha' yas skye mched dang / ci yang med pa'i skye mched dang / 'du shes med 'du shes med min skye mched dang / rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / rdzu 'phrul gyi yul dang / lha'i rna ba dang / sems yongs su shes pa dang / sngon gyi gnas dang / 'chi 'pho dang skye ba dang / zag pa zad pa thob pa yin no/ /dge slong 'di ni dgra bcom pa rnam par thar pa brgyad la bsam gtan pa yin no/ /dge slong 'di ni gnyi ga'i cha las rnam par grol ba yin no zhes gcig gis gcig gi yon tan bsgrag par byas so/ /ci yang dag pas sam/ yang dag pa ma yin pas/ yang dag pa ma yin pas so/ /khyed cag zang zing cung zad tsam gyi phyir mi'i chos bla ma med la med bzhin du smrar rung ngam/ rung yang srid mi rung yang srid de/ 'di ltar bdag cag gis smras so/ /dge slong don nyung ngu dag ci'i phyir dge slong dag zang zing cung zad tsam gyi phyir mi'i chos bla ma med la med bzhin du smra bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do| |sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa snga ma bzhin no/ /sangs rgyas bcom ldan 'das kyis chu klung yid 'ong ldan gyi </font><hr>Ca255b<br><font size=+1>


'gram na gnas pa'i dge slong rnams la rmas pa/ dge slong dag khyod kyis zang zing cung zad tsam gyi phyir mi'i chos bla ma med la med bzhin du smras pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad do/ /dge slong dag gsum po 'di dag ni 'jig rten na yod cing / srid pa'i rkun po rkun po chen po yin te/ gsum gang zhe na/ dge slong dag 'di la rkun po 'khor brgya dang ldan pa'am/ 'khor stong dang ldan pa de brgya'am stong gi mdun du song ste/ khyim 'bugs par byed/ mdud pa 'grol bar byed/ ril gyis 'phrog par byed/ lam sgugs shing 'dug par byed/ me gtong bar byed/ lam pa 'joms par byed/ rgyal po'i mdzod rku bar byed/ grong 'joms par byed/ grong khyer 'joms par byed/ yul 'joms par byed pa de ni/ dge slong dag 'jig rten na yod cing srid pa'i rkun po rkun po chen po dang po yin no| |dge slong dag gzhan yang rkun po rkun po chen po 'khor brgya dang ldan pa yang ma yin/ 'khor stong dang yang ldan pa ma yin la/ de brgya'am stong gi mdun du song ste/ khyim 'bugs par mi byed/ mdud pa 'grol bar mi byed/ ril gyis 'phrog par mi byed/ lam sgugs shing 'dug par mi byed/ me gtong bar mi byed/ lam pa 'joms par mi byed/ rgyal po'i </font><hr>Ca256a<br><font size=+1>


@#/ /mdzod rku bar mi byed/ grong 'joms par mi byed/ grong khyer 'joms par mi byed/ yul 'joms par mi byed mod kyi 'on kyang dge 'dun gyi rtsa'am/ shing ngam/ me tog gam/ 'bras bu'am/ 'od ma'am/ gzhal ba gang yang rung ba de btsongs shing btsongs shing 'tsho bar byed pa dang / des khyim mi gso bar byed pa 'di ni 'jig rten na yod cing srid pa'i rkun po rkun po chen po gnyis pa yin no/ /dge slong dag gzhan yang rkun po rkun po chen po 'khor brgya dang ldan pa yang ma yin/ 'khor stong dang ldan pa yang ma yin la/ de brgya'am stong gi mdun du song ste/ khyim 'bugs par mi byed/ mdud pa 'grol bar mi byed/ ril gyis 'phrog par mi byed/ lam sgugs shing 'dug par mi byed/ me gtong bar mi byed/ lam pa 'joms par mi byed/ rgyal po'i mdzod rku bar mi byed/ grong 'joms par mi byed/ grong khyer 'joms par mi byed/ yul 'joms par mi byed cing / dge 'dun gyi rtswa'am/ shing ngam/ me tog gam/ 'bras bu'am/ 'od ma'am/ gzhal ba gang yang rung ba de btsongs shing btsongs shing 'tsho bar mi byed la/ des khyim mi gso bar mi byed mod kyi 'on kyang mi chos bla ma med la med bzhin du smra bar byed pa 'di ni 'jig rten na yod cing srid pa'i rkun po rkun po chen po gsum pa yin no/ /dge slong dag rkun po rnams kyi nang na rkun po gang 'khor brgya dang ldan pa'am/ 'khor stong dang ldan pa'am/ brgya'am stong </font><hr>Ca256b<br><font size=+1>


gi mdun du song ste/ khyim 'bugs par byed/ mdud pa 'grol bar byed/ ril gyis 'phrog par byed/ lam sgugs shing 'dug par byed/ me gtong bar byed/ lam pa 'joms par byed/ rgyal po'i mdzod rku bar byed/ grong 'joms par byed/ grong khyer 'joms par byed/ yul 'joms par byed pa de ni cung zad tsam yin no/ /rkun po rnams kyi nang na rkun po gang dge 'dun gyi rtswa'am/ shing ngam| me tog gam/ 'bras bu'am/ 'od ma'am/ gzhal ba gang yang rung ba de btsongs shing btsongs shing 'tsho bar byed pa dang / des khyim mi gso bar byed pa de yang cung zad tsam yin no/ / dge slong dag rkun po rnams kyi nang na gang mi'i chos bla ma med la med bzhin du smra bar byed pa de ni/ 'jig rten lha dang bcas pa/ bdud dang bcas pa/ tshangs pa dang bcas pa/ dge sbyong dang bram zer bcas pa'i skye dgu dang / lha dang mir bcas pa'i nang na rkun po rkun po chen po yin no/ /bcom ldan 'das kyis de skad ces bka' stsal te/ bde bar gshegs pas de skad gsungs nas/ ston pas gzhan yang 'di skad ces bka' stsal to/ /'di na gang zhig dgra bcom ma gyur par/ /bdag nyid dgra bcom par yang rjod byed pa/ /de ni tshangs bcas 'jig rten rkun po ste/ /tshul khrims 'chal ba yin par brjod par bya/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas na/ phan yon bcu yang dag par gzigs </font><hr>Ca257a<br><font size=+1>


@#/ /pas ngas 'dul ba la nyan thos rnams kyi bslab pa'i gzhi bca' bar bya ste/ 'di lta ste/ dge 'dun bsdu ba'i phyir zhes bya ba nas/ nga'i tshangs par spyod pa skye bo mang po la phan pa yangs par gyur pa lha dang mi'i bar la yang dag par rab tu bstan pa yun ring du gnas par bya ba'i phyir zhes bya ba'i bar du snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang mngon par mi shes shing yongs su mi shes la/ mi'i chos bla ma mtha' dang / 'phags pa dang / bye brag thob pa dang / shes pa dang mthong ba dang| reg par spyod pa med la med bzhin du 'di shes so/ /'di mthong ngo zhes khas 'ches pa las/ de ltung ba byung ba rnam par dag par 'dod nas/ dus gzhan zhig na dris kyang rung ma dris kyang rung / 'di skad ces tshe dang ldan pa dag bdag gis ni mi shes par shes so zhes smras/ ma mthong bar mthong ngo zhes smras te/ gsob gsog brdzun du smras so zhes zer na/ dge slong de yang pham par gyur pa yin gyis gnas par mi bya'o zhes bcom ldan 'das kyis 'dul ba la nyan thos rnams kyi bslab pa'i gzhi bca' bar mdzad do/ /dge slong rab tu mang po gnas mal dgon pa nags khrod dang / ri drung dang / bas mtha' dag na rnal 'byor gyi rjes su brtson par gnas pa dag gis zhi gnas kyi rgyu mtshan rang gi mtshan nyid 'dzin pa cung zad cig la brten nas 'jig rten pa'i yid </font><hr>Ca257b<br><font size=+1>


la byed pas/ nyon mongs pa dag rnam par mnan pas des na 'dod pa la 'dod chags dang / gnod sems dag de dag gi rgyud la kun tu mi 'byung nas de'i 'og tu de dag gis gcig la gcig tshe dang ldan pa dag shes par gyis shig /dgon pa pa dag gis thob par bya ba gang yin pa de bdag cag gis thob ste/ bdag cag skye ba ni zad/ tshangs par spyad pa ni bsten/ bya ba ni byas/ srid pa 'di las gzhan ni mi shes kyis/ tshur sheg bdag cag gnas mal dgon pa dag btang ste/ gnas mal grong mtha' ba dag tu 'jug par bya'o zhes brjod nas/ de dag gis gnas mal dgon pa dag btang ste/ gnas mal grong mtha' ba dag tu zhugs pa dang / der de dag yang dang yang du bud med kyi yul mthong zhing kun dga' ra ba'i dge tshul rnams dang lhan cig 'dre zhing gnas pa dag la yang nyon mongs pa dag byung bar gyur te/ 'dod pa la 'dod chags dang / gnod sems dag rgyud la kun tu byung bar gyur nas de dag 'di snyam du sems te/ tshe dang ldan pa dag shes par gyis shig /bcom ldan 'das kyis 'dul ba la nyan thos rnams kyis bslab pa'i gzhi 'di ltar bca' ba mdzad de/ yang dge slong gang mngon par mi shes shing yongs su mi shes la mi'i chos bla ma mtha' dang / 'phags pa dang / bye brag thob pa dang / shes pa dang / mthong ba dang / reg par spyod pa med la med bzhin du 'di shes so 'di mthong ngo zhes khas 'ches pa las/ de ltung ba byung ba rnam par dag par 'dod nas/ </font><hr>Ca258a<br><font size=+1>


@#/ /dus gzhan zhig na dris kyang rung ma dris kyang rung / 'di skad ces tshe dang ldan pa dag bdag gis ni mi shes par shes so zhes smras/ ma mthong bar mthong ngo zhes smras te/ gsob gsog brdzun du smras so zhes zer na/ dge slong de yang pham par gyur pa yin gyi gnas par mi bya'o zhes bca' ba mdzad na/ bdag cag gnas mal dgon pa nags khrod dang ri drung bas mtha' dag na gnas pa dag gis zhi gnas rgyu mtshan rang gi mtshan nyid 'dzin pa cung zad cig la brten nas/ 'jig rten pa'i yid la byed pas nyon mongs pa dag rnam par mnan pas 'dod pa la 'dod chags dang / gnod sems dag rgyud la kun tu mi 'byung nas/ bdag cag gis gcig la gcig tshe dang ldan pa dag shes par gyis shig /dgon pa dag gis thob par bya ba gang yin pa de dag bdag cag gis thob ste/ bdag cag skye ba ni zad/ tshangs par spyad pa ni bsten/ bya ba ni byas/ srid pa 'di las gzhan ni mi shes kyis/ tshur sheg bdag cag gnas mal dgon pa dag btang ste/ gnas mal grong mtha' ba dag tu 'jug par bya'o zhes brjod nas/ bdag cag gis gnas mal dgon pa dag btang ste/ gnas mal grong mtha' ba dag tu zhugs pa dang| der bdag cag yang dang yang du bud med kyi yul mthong zhing kun dga' ra ba'i dge tshul rnams dang lhan cig 'dre zhing gnas pa dag la yang nyon mongs pa dag byung bar gyur te/ 'dod </font><hr>Ca258b<br><font size=+1>


pa la 'dod chags dang / gnod sems dag rgyud la kun tu byung bar gyur na/ bdag cag la pham par gyur pa'i ltung ba byung bar ma gyur tam/ tshur sheg bdag cag tshe dang ldan pa kun dga' bo ga la ba der dong zhing phyin nas tshe dang ldan pa kun dga' bo la don de yongs su dri bar byas te/ bdag cag la tshe dang ldan pa kun dga' bos ji skad du lung ston par 'gyur ba de kho na bzhin du gzung bar bya'o snyam nas/ de dag tshe dang ldan pa kun dga' bo ga la ba der song ste phyin nas/ tshe dang ldan pa kun dga' bo la 'di skad ces smras so/ /tshe dang ldan pa kun dga' bo mkhyen par mdzod cig /bcom ldan 'das kyis 'dul ba la nyan thos rnams kyi bslab pa'i gzhi 'di ltar bca' ba mdzad de/ yang dge slong gang mngon par mi shes shing yongs su mi shes la/ mi'i chos bla ma mtha' dang / 'phags pa dang / bye brag thob pa dang / shes pa dang mthong ba dang / reg par spyod pa med pas med bzhin du 'di shes so 'di mthong ngo zhes khas 'ches pa las/ de ltung ba byung ba rnam par dag par 'dod nas dus gzhan zhig na dris kyang rung ma dris kyang rung / 'di skad ces tshe dang ldan pa dag bdag gis ni mi shes par shes so zhes smras/ ma mthong bar mthong ngo zhes smras te/ gsob gsog brdzun du smras so zhes zer na/ dge slong de yang pham par gyur pa yin gyis/ gnas par mi bya'o zhes bca' ba mdzad na/ bdag cag gnas mal dgon pa nags khrod dang / ri drung dang bas mtha' dag na gnas </font><hr>Ca259a<br><font size=+1>


@#/ /pa dag gis zhi gnas kyi rgyu mtshan rang gi mtshan nyid 'dzin pa cung zad cig la brten nas 'jig rten pa'i yid la byed pas nyon mongs pa dag rnam par mnan pas/ 'dod pa la 'dod chags dang / gnod sems dag rgyud la kun tu mi 'byung nas/ bdag cag gis gcig la gcig tshe dang ldan pa dag shes par gyis shig /dgon pa pa dag gis thob par bya ba gang yin pa de bdag cag gis thob ste/ bdag cag skye ba ni zad/ tshangs par spyod pa ni bsten/ bya ba ni byas/ srid pa 'di las gzhan ni mi shes kyis/ tshur sheg bdag cag gnas mal dgon pa dag btang ste/ gnas mal grong mtha' ba dag tu 'jug par bya'o zhes brjod nas/ bdag cag gis gnas mal dgon pa dag btang ste/ gnas mal grong mtha' ba dag tu zhugs pa dang / der bdag cag yang dang yang du bud med kyi yul mthong zhing kun dga' ra ba'i dge tshul rnams dang lhan cig 'dre zhing gnas pa dag la yang nyon mongs pa dag byung bar gyur te/ 'dod pa la 'dod chags dang / gnod sems dag rgyud la kun tu byung bar gyur na/ bdag cag la pham par gyur pa'i ltung ba byung bar ma gyur tam/ tshur sheg bdag cag tshe dang ldan pa kun dga' bo ga la ba der 'dong zhing phyin nas| tshe dang ldan pa kun dga' bo la don de yongs su dri bar bya ste/ bdag cag la tshe dang ldan pa kun dga' bos ji skad du lung ston par 'gyur ba de kho na bzhin du gzung bar bya'o snyam nas/ bdag </font><hr>Ca259b<br><font size=+1>


cag tshe dang ldan pa kun dga' bo la don de yongs su 'dri na/ tshe dang ldan pa bdag cag la pham par gyur pa'i ltung ba 'byung bar ma gyur tam/ de nas tshe dang ldan pa kun dga' bos dge slong rab tu mang po de dag khrid de/ bcom ldan 'das ga la ba der song nas phyin pa dang / bcom ldan 'das kyi zhabs gnyis la mgo bos phyag 'tshal te/ mtha' gcig tu 'dug go /mtha' gcig tu 'dug nas tshe dang ldan pa kun dga' bos bcom ldan 'das la 'di skad ces gsol to/ /btsun pa bcom ldan 'das kyis 'dul ba la nyan thos rnams kyi bslab pa'i gzhi 'di ltar bca' ba mdzad de/ yang dge slong gang mngon par mi shes shing yongs su mi shes la mi'i chos bla ma mtha' dang / 'phags pa dang / bye brag thob pa dang / shes pa dang mthong ba dang / reg par spyod pa med la med bzhin du 'di shes so 'di mthong ngo zhes khas 'ches pa las/ de ltung ba byung ba rnam par dag par 'dod nas dus gzhan zhig na dris kyang rung ma dris kyang rung / 'di skad ces tshe dang ldan pa dag bdag gis ni mi shes par shes so/ / zhes smras/ ma mthong bar mthong ngo zhes smras te/ gsob gsog brdzun du smras so zhes zer na/ dge slong de yang pham par gyur pa yin gyis gnas par mi bya'o zhes/ bcom ldan 'das kyis 'dul ba la nyan thos rnams kyi bslab pa'i gzhi bca' ba mdzad na/ tshe dang ldan pa gnas mal/ dgon pa nags khrod dang ri drung dang / bas mtha' dag na gnas pa 'di dag gis zhi gnas kyi rgyu mtshan rang gi </font><hr>Ca260a<br><font size=+1>


@#/ /mtshan nyid 'dzin pa cung zad cig la brten nas/ 'jig rten pa'i yid la bgyid pas nyon mongs pa dag rnam par mnan pas/ 'dod pa la 'dod chags dang / bdag cag skye ba ni dag rgyud la kun du mi 'byung nas/ 'di dag gis gcig la gcig tshe dang ldan pa dag shes par gyis shig /dgon pa pa dag gis thob par bya ba gang yin pa de bdag cag gis thob ste/ bdag cag skye ba ni zad| tshangs par spyod pa ni bsten/ bya ba ni byas/ srid pa 'di las gzhan ni mi shes kyis/ tshur sheg bdag cag gnas mal dgon pa dag btang ste/ gnas mal grong mtha' ba dag tu 'jug par bya'o zhes brjod nas/ 'di dag gis gnas mal dgon pa dag btang ste/ gnas mal grong mtha' ba dag tu zhugs pa dang / der 'di dag yang dang yang du bud med kyi yul mthong zhing kun dga' ra ba ba'i dge tshul rnams dang lhan cig 'dre zhing gnas pa dag la yang nyon mongs pa dag byung bar gyur te/ 'dod pa la 'dod chags dang / gnod sems dag rgyud la kun tu byung bar gyur nas/ 'di dag bdag cag la pham par gyur ba'i ltung ba byung bar ma gyur tam snyam du 'gyod pa skyes par gyur na/ de'i slad du bdag bcom ldan 'das la don 'di yongs su zhu ste/ 'di dag la pham par gyur pa'i ltung ba byung bar ma gyur tam/ bcom ldan 'das kyis bka' stsal pa/ kun dga' bo de lta bas na/ mngon pa'i nga rgyal ma gtogs so/ /de nas bcom ldan 'das kyis rnam grangs du mas bslab pa </font><hr>Ca260b<br><font size=+1>


'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas/ dge slong rnams la de dang rjes su mthun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas/ dge slong rnams la bka' stsal pa/ dge slong dag de lta bas na/ snga ma ni bcas pa yin la/ 'di ni rjes su gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang mngon par mi shes shing yongs su mi shes la/ mi'i chos bla ma mtha' dang / 'phags pa dang / bye brag thob pa dang / shes pa dang / mthong ba dang / reg par spyod pa med la med bzhin du 'di shes so 'di mthong ngo zhes khas 'ches pa las/ de ltung ba byung ba rnam par dag par 'dod nas dus gzhan zhig na dris kyang rung ma dris kyang rung / 'di skad ces tshe dang ldan pa dag bdag gis ni mi shes par shes so zhes smras/ ma mthong bar mthong ngo zhes smras te/ gsob gsog brdzun du smras so zhes zer na/ mngon pa'i nga rgyal ma gtogs te/ dge slong de yang pham par gyur pa yin gyis gnas par mi bya'o/ /yang dge slong gang zhes bya ba ni dge slong bzhi po dag las zhes bya ba nas don gyi skabs 'dir ni/ gsol ba dang bzhi'i las mi g.yo ba bzhag par mi 'os pas bsnyen par rdzogs pa gang yin pa de dge slong du dgongs te zhes bya ba'i bar du snga ma bzhin te/ des na yang dge slong gang zhes gsungs so/ /mngon par mi </font><hr>Ca261a<br><font size=+1>


@#/ /shes shing zhes bya ba la ci zhig mngon par mi shes shing zhe na gzugs mngon par mi shes pa dang / tshor ba dang / 'du shes dang / 'du byed rnams dang / rnam par shes pa mngon par mi shes shing / yongs su mi shes la zhes bya ba la ci zhig yongs su mi shes la zhe na/ gzugs nyid yongs su mi shes pa dang / tshor ba dang / 'du shes dang / 'du byed rnams dang / rnam par shes pa yongs su mi shes pa'o/ /mi'i chos zhes bya ba ni mi rnams kyi chos mya ngan las 'das pa ste/ de mi rnams kyis 'thob kyi za ma dang ma ning dang mtshan gnyis pa dag gis kyang mi 'thob na/ sems can dmyal ba dang / dud 'gro dang / yi dwags rnams kyis lta smos kyang ci dgos pa'i phyir ro/ /bla ma zhes bya ba ni 'dod pa'i khams pas gzugs kyi khams bla ma yin la/ gzugs kyi khams pas gzugs med pa'i khams bla ma yin pa'o/ /yang na mi'i chos zhes bya ba ni sgrib pa lnga po dag go /bla ma zhes bya ba ni de dag spangs pa gang yin pa'o/ /mtha' zhes bya ba la mtha' zhes bya ba ni mya ngan las 'das pa'o/ /'phags pa zhes bya ba la 'phags pa ni sangs rgyas rnams dang sangs rgyas kyi nyan thos rnams so/ /bye brag thob pa zhes bya ba la bye brag thob pa ni dge sbyong gi tshul gyi 'bras bu bzhi po dag ste/ rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid do/ /shes pa zhes bya ba ni shes pa bzhi </font><hr>Ca261b<br><font size=+1>


po dag ste/ sdug bsngal shes pa dang / kun 'byung ba shes pa dang / 'gog pa shes pa dang / lam shes pa'o/ /mthong ba zhes bya ba ni mthong ba bzhi po dag ste/ sdug bsngal mthong ba dang / kun 'byung ba mthong ba dang / 'gog pa mthong ba dang / lam mthong ba'o/ /reg par spyod pa zhes bya ba la reg par spyod pa ni bsam gtan bzhi po dag ste/ snyoms par 'jug pa las yin gyi skye ba las ni ma yin no/ / med la zhes bya ba ni de'i dngos po med la'o/ /med bzhin du zhes bya ba ni bdag nyid la'o/ /'di shes so zhes bya ba la ci zhig shes so zhe na/ sdug bsngal shes pa dang / kun 'byung ba dang / 'gog pa dang| lam shes so zhes so/ /'di mthong ngo zhes bya ba la ci zhig mthong ngo zhes she na/ lha rnams mthong ngo / /klu rnams dang / gnod sbyin rnams dang / nam mkha' lding rnams dang / dri za rnams dang / mi'am ci rnams dang / lto 'phye chen po rnams dang / yi dwags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams mthong ngo| /lha rnams kyis kyang bdag mthong ngo / /klu rnams dang / gnod sbyin rnams dang / nam mkha' lding rnams dang / dri za rnams dang / mi'am ci rnams dang / lto 'phye chen po rnams dang / yi dwags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams kyis kyang bdag mthong ngo / /lha rnams kyi sgra thos so/ /klu </font><hr>Ca262a<br><font size=+1>


@#/ /rnams dang / gnod sbyin rnams dang / nam mkha' lding rnams dang / dri za rnams dang / mi'am ci rnams dang / lto 'phye chen po rnams dang / yi dwags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams kyi sgra thos so/ /lha rnams kyis kyang bdag gi sgra thos so/ /klu rnams dang / gnod sbyin rnams dang / nam mkha' lding rnams dang / dri za rnams dang / mi'am ci rnams dang / lto 'phye chen po rnams dang / yi dwags rnams dang / sha za rnams dang / grul bum rnams dang / srul po rnams dang| lus srul po rnams dang / rdul khrod kyi sha za rnams kyis kyang bdag gi sgra thos so/ /lha rnams blta ba'i phyir 'gro'o/ /klu rnams dang / gnod sbyin rnams dang / nam mkha' lding rnams dang / dri za rnams dang / mi'am ci rnams dang / lto 'phye chen po rnams dang / yi dwags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams blta ba'i phyir 'gro'o/ /lha rnams bdag blta ba'i phyir 'ong ngo / /klu rnams dang / gnod sbyin rnams dang / nam mkha' lding rnams dang / dri za rnams dang / mi'am ci rnams dang / lto 'phye chen po rnams dang / yi dwags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams bdag blta ba'i phyir </font><hr>Ca262b<br><font size=+1>


'ong ngo / /lha rnams dang lhan cig gtam 'dre bar byed/ phebs par smra bar byed/ so sor kun dga' bar byed/ kun du yang lhan cig gnas par byed do/ /klu rnams dang / gnod sbyin rnams dang / nam mkha' lding rnams dang / dri za rnams dang / mi'am ci rnams dang / lto 'phye chen po rnams dang / yi dwags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed do/ /lha rnams bdag dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed do/ /klu rnams dang / gnod sbyin rnams dang / nam mkha' lding rnams dang / dri za rnams dang / mi'am ci rnams dang / lto 'phye chen po rnams dang / yi dwags rnams dang / sha za rnams dang / grul bum rnams dang / srul po rnams dang / lus srul po rnams dang| rdul khrod kyi sha za rnams bdag dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed do/ /ma thob bzhin du bdag gis mi rtag pa'i 'du shes dang / mi rtag pa la sdug bsngal ba'i 'du shes dang / sdug bsngal ba la bdag med pa'i 'du shes dang / zas la mi mthun pa'i 'du shes dang / 'jig rten thams cad </font><hr>Ca263a<br><font size=+1>


@#/ /la mngon par mi dga' ba'i 'du shes dang / nyes dmigs kyi 'du shes dang / spong ba'i 'du shes dang / 'dod chags dang bral ba'i 'du shes dang / 'gog pa'i 'du shes dang / 'chi ba'i 'du shes dang / mi sdug pa'i 'du shes dang / rnam par sngos pa'i 'du shes dang / rnam par rnags pa'i 'du shes dang / rnam par bam pa'i 'du shes dang / rnam par 'bus gzhigs pa'i 'du shes dang / rnam par zos pa'i 'du shes dang / rnam par dmar ba'i 'du shes dang / rnam par 'thor ba'i 'du shes dang / rus gong gi 'du shes dang / stong pa nyid du so sor rtog pa'i 'du shes thob bo/ ma thob bzhin du bdag gis bsam gtan dang po dang / gnyis pa dang / gsum pa dang / bzhi pa dang / byams pa dang / snying rje dang / dga' ba dang / btang snyoms dang / nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched dang / rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid kyi 'bras bu dang / rdzu 'phrul gyi yul dang / lha'i rna ba dang / sems yongs su shes pa dang / sngon gyi gnas dang / 'chi 'pho dang skye ba dang / zag pa zad pa thob bo/ /bdag ni dgra bcom pa rnam par thar pa brgyad la bsam gtan pa dang / gnyi ga'i cha las rnam par grol ba </font><hr>Ca263b<br><font size=+1>


yin no zhes pa'o/ /khas 'ches pa las zhes bya ba ni khas blangs pa las so/ /de ltung ba byung ba zhes bya ba ni gzhi de'i 'o/ /rnam par dag par 'dod nas zhes bya ba ni/ rnam par ldang par 'dod nas so/ /dus gzhan zhig na zhes bya ba ni dus gzhan na'o/ /dris kyang rung zhes bya ba ni gzhan dag gis so/ /ma dris kyang rung zhes bya ba ni de bdag nyid la 'gyod pa dang / cung zad 'gyod pa dang / rnam par 'gyod pa dang / rab tu 'gyod pa skyes pas so/ /'di skad ces tshe dang ldan pa dag bdag gis ni mi shes par shes so zhes smras zhes bya ba ni yid kyi rnam par shes pas so/ /ma mthong bar mthong ngo zhes smras te zhes bya ba ni mig gi rnam par shes pas so/ /gsob gsog brdzun du smras so zhes bya ba de dag ni/ smras pa'i rnam grangs kyi tshig yin no zer na zhes bya ba ni brjod na'o/ /mngon pa'i nga rgyal ma gtogs te zhes bya ba ni mngon pa'i nga rgyal bzhag ste'o/ /dge slong zhes bya ba ni gang la dge slong gi dngos po yod pa ste snga ma bzhin no/ /de yang zhes bya ba de ni nye bar bstan pa dang / kun tu bstan pa'i tshig bla dwags yin no/ /pham par gyur pa yin gyis zhes bya ba ni snga ma bzhin no/ /gnas par mi bya'o zhes bya ba yang gang zag bcu gnyis po dag gi bsgo bas bsgo bar mi bya'o zhes bya ba'i bar du snga ma bzhin te/ des na gnas par mi bya'o zhes gsungs so/ /de la ltung ba ji ltar 'gyur zhes/ sdom la/ 'du shes bsgyur dang dgon pa dang / /khyim rnams su ni stan bkra dang / /rang gi mtshan nyid 'dzin pa dang / /bdag nyid nye bar ston pa'o// </font><hr>Ca264a<br><font size=+1>


@#/ /dge slong gis 'du shes bsgyur cing / bzod pa dang 'dod pa dang / blo gros dang rtog pa dang / lta ba bsgyur te 'di skad ces lha rnams mthong ngo zhes zer na pham par 'gyur ro/ /klu rnams dang gnod sbyin rnams nas snga ma bzhin du lus srul po rnams kyi bar du mthong ngo zhes zer na pham par 'gyur ro/ /tha na 'di skad ces rdul khrod kyi sha za rnams mthong ngo zhes zer na nyes pa sbom por 'gyur ro/ /dge slong gis 'du shes bsgyur cing / bzod pa dang 'dod pa dang / blo gros dang rtog pa dang lta ba bsgyur te/ 'di skad ces lha rnams kyi sgra thos so zhes zer na pham par 'gyur ro| |klu rnams dang gnod sbyin rnams nas snga ma bzhin du lus srul po rnams kyi bar gyi sgra thos so zhes zer na pham par 'gyur ro/ /tha na 'di skad ces rdul khrod kyi sha za rnams kyi sgra thos so zhes zer na nyes pa sbom por 'gyur ro/ /dge slong gis 'du shes bsgyur cing / bzod pa dang / 'dod pa dang / blo gros dang / rtog pa dang / lta ba bsgyur te/ 'di skad ces lha rnams blta ba'i phyir 'gro'o zhes zer na pham par 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi bar du blta ba'i phyir 'gro'o/ /zhes zer na pham par 'gyur ro/ /tha na 'di skad ces rdul khrod kyi sha za rnams blta ba'i phyir 'gro'o zhes zer na/ nyes pa sbom por 'gyur ro/ /dge slong gis 'du shes bsgyur cing / bzod pa dang / 'dod pa dang / blo gros dang / rtog pa dang lta ba bsgyur te/ </font><hr>Ca264b<br><font size=+1>


'di skad ces lha rnams bdag blta ba'i phyir 'ong ngo zhes zer na pham par 'gyur ro/ /klu rnams dang / gnod sbyin rnams nas/ snga ma bzhin du lus srul po rnams kyi bar du bdag blta ba'i phyir 'ong ngo zhes zer na pham par 'gyur ro/ /tha na 'di skad ces rdul khrod kyi sha za rnams kyang bdag blta ba'i phyir 'ong ngo zhes zer na nyes pa sbom por 'gyur ro/ /dge slong gis 'du shes bsgyur cing / bzod pa dang / 'dod pa dang / blo gros dang / rtog pa dang / lta ba bsgyur te/ 'di skad ces lha rnams dang lhan cig gtam 'dres par byed/ phebs par smra bar byed/ so sor kun dga' bar byed/ rtag tu yang lhan cig gnas par byed ces zer na pham par 'gyur ro/ /klu rnams dang gnod sbyin rnams nas snga ma bzhin du lus srul po rnams kyi bar dang lhan cig gtam 'dres par byed/ phebs par smra bar byed/ so sor kun dga' bar byed/ rtag tu yang lhan cig gnas par byed ces zer na pham par 'gyur ro/ /tha na 'di skad ces rdul khrod kyi sha za rnams dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed ces zer na nyes pa sbom por 'gyur ro/ /dge slong gis 'du shes bsgyur cing / bzod pa dang / 'dod pa dang / blo gros dang / rtog pa dang lta ba bsgyur te/ 'di skad ces lha rnams bdag dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed ces zer na </font><hr>Ca265a<br><font size=+1>


@#/ /pham par 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi bar yang bdag dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed ces zer na pham par 'gyur ro/ /tha na 'di skad ces rdul khrod kyi sha za rnams kyang bdag dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed ces zer na nyes pa sbom por 'gyur ro/ /dge slong gis 'du shes bsgyur cing / bzod pa dang / 'dod pa dang / blo gros dang / rtog pa dang / lta ba bsgyur te/ 'di skad ces ma thob bzhin du bdag gis mi rtag pa'i 'du shes thob bo zhes zer na pham par 'gyur ro/ /mi rtag pa la sdug bsngal ba'i 'du shes nas snga ma bzhin du stong pa nyid du so sor rtog pa'i 'du shes kyi bar du thob bo zhes zer na pham par 'gyur ro/ /dge slong gis 'du shes bsgyur cing / bzod pa dang / 'dod pa dang / blo gros dang / rtog pa dang / lta ba bsgyur te/ 'di skad ces ma thob bzhin du bdag gis bsam gtan dang po thob bo zhes zer na pham par 'gyur ro/ /de bzhin du gnyis pa dang| gsum pa dang / bzhi pa dang / snga ma bzhin du bdag dgra bcom pa rnam par thar pa brgyad la bsam gtan dang / gnyi ga'i cha las rnam par grol ba'o zhes zer na pham par 'gyur </font><hr>Ca265b<br><font size=+1>


ro|| ||'dul ba rnam par 'byed pa/ bam po bcu bzhi pa/ 'di ltar dge slong rab tu mang po dag /grong med pa'i dgon pa'i gnas shig na gnas shing / de na de dag la mi ma yin pa dag gis 'tshe ba na/ de na dge slong gang dag rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa yin pa de la de na mi ma yin pa dag gis 'tshe bar mi byed nas/ dge slong gis 'du shes bsgyur cing / bzod pa dang / 'dod pa dang / blo gros dang / rtog pa dang / lta ba bsgyur te/ 'di skad ces bdag kyang grong med pa'i dgon pa'i gnas de na gnas te/ de na bdag la mi ma yin pa rnam par 'tshe bar mi byed do zhes zer na pham par 'gyur ro/ /'di ltar dge slong rab tu mang po dag khyim rnams su mgron du bos te za bar byed cing / de na de dag la stan khra bo nye bar bkra ba dag bshams shing| de na dge slong gang rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa yin pa de la de na stan khra bo nye bar bkra ba dag shom par byed nas/ dge slong gis 'du shes bsgyur cing / bzod pa dang / 'dod pa dang / blo gros dang / rtog pa dang / lta ba bsgyur te/ 'di skad ces bdag kyang khyim der mgron du bos shing zos te de na bdag la yang stan khra bo nye bar bkra ba dag shom par byed do zhes zer na pham par 'gyur ro/ /'di ltar dge slong rab tu mang po dgon pa na gnas pa dag gis zhi gnas kyi rgyu mtshan rang gi mtshan nyid 'dzin pa cung zad cig la brten nas 'jig </font><hr>Ca266a<br><font size=+1>


@#/ /rten pa'i lam gyis nyon mongs pa dag rnam par mnan pas/ 'dod pa la 'dod chags dang / gnod sems dag rgyud la kun tu mi 'byung nas/ dge slong gis 'du shes bsgyur cing / bzod pa dang / 'dod pa dang / blo gros dang / rtog pa dang / lta ba bsgyur te/ 'di skad ces bdag kyang grong med pa'i dgon pa'i gnas de na gnas shing bdag gis kyang de na gnas pa na zhi gnas kyi rgyu mtshan rang gi mtshan nyid 'dzin pa cung zad cig la brten nas 'jig rten pa'i lam gyis nyon mongs pa dag rnam par mnan pas/ 'dod pa la 'dod chags dang / gnod sems dag bdag gi rgyud la yang kun tu mi 'byung ngo zhes zer na nyes pa sbom por 'gyur ro/ /dge slong gis bdag nyid la nye bar ston pas 'du shes bsgyur cing bzod pa dang / 'dod pa dang blo gros dang / rtog pa dang lta ba bsgyur te/ 'di skad ces dge slong gang gis lha rnams mthong ba de yod do zhes zer zhing 'di skad ces kho bo'o zhes ni mi zer na nyes pa sbom por 'gyur ro/ /klu rnams dang gnod sbyin rnams nas snga ma bzhin du lus srul po rnams kyi bar du mthong ba yod do zhes zer zhing / 'di skad ces kho bo'i zhes ni mi zer na nyes pa sbom por 'gyur ro/ /tha na 'di skad ces dge slong gang gis rdul khrod kyi sha za rnams mthong ba de yod do zhes zer zhing 'di skad ces kho bo'o zhes ni mi zer na nyes byas su 'gyur ro/ /dge slong gis bdag nyid la nye bar ston pas 'du </font><hr>Ca266b<br><font size=+1>


shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te/ 'di skad ces dge slong gang gis lha rnams kyi sgra thos pa de yod do zhes zer zhing 'di skad ces kho bo'o zhes ni mi zer na nyes pa sbom por 'gyur ro/ /klu rnams dang gnod sbyin rnams nas snga ma bzhin du lus srul po rnams kyi bar gyi sgra thos pa yod do zhes zer zhing 'di skad ces kho bo'o zhes ni mi zer na nyes pa sbom por 'gyur ro/ /tha na 'di skad ces dge slong gang gis rdul khrod kyi sha za rnams kyi sgra thos pa de yod do zhes zer zhing 'di skad ces kho bo'o zhes ni mi zer na/ nyes byas su 'gyur ro/ /dge slong gis bdag nyid la nye bar ston pas 'du shes bsgyur cing / bzod pa dang / 'dod pa dang / blo gros dang / rtog pa dang / lta ba bsgyur te/ 'di skad ces dge slong gang lha rnams blta ba'i phyir 'gro ba de yod do zhes zer zhing 'di skad ces kho bo'o zhes ni mi zer na nyes pa sbom por 'gyur ro/ /klu rnams dang gnod sbyin rnams nas snga ma bzhin du lus srul po rnams kyi bar du blta ba'i phyir 'gro ba de yod do zhes zer zhing 'di skad ces kho bo'o zhes ni mi zer na nyes pa sbom por 'gyur ro/ /tha na 'di skad ces dge slong gang rdul khrod kyi sha za rnams blta ba'i phyir 'gro ba de yod do zhes zer zhing 'di skad ces kho bo'o zhes ni mi zer na nyes byas su 'gyur ro/ /dge slong gis bdag nyid la nye bar ston pas 'du shes bsgyur cing / bzod pa dang / 'dod pa dang / blo gros dang / rtog pa dang / lta ba bsgyur </font><hr>Ca267a<br><font size=+1>


@#/ /te| 'di skad ces dge slong gang la lha rnams blta ba'i phyir 'ong ba de yod do zhes zer zhing 'di skad ces kho bo'o zhes ni mi zer na nyes pa sbom por 'gyur ro/ /klu rnams dang gnod sbyin rnams nas snga ma bzhin du lus srul po rnams kyi bar du blta ba'i phyir 'ong ba yod do zhes zer zhing 'di skad ces kho bo'o zhes ni mi zer na nyes pa sbom por 'gyur ro/ /tha na 'di skad ces dge slong gang la rdul khrod kyi sha za rnams blta ba'i phyir 'ong ba yod do zhes zer zhing 'di skad ces kho bo'o zhes ni mi zer na nyes byas su 'gyur ro/ /dge slong gis bdag nyid la nye bar ston pas 'du shes bsgyur cing / bzod pa dang / 'dod pa dang / blo gros dang / rtog pa dang / lta ba bsgyur te/ /'di skad ces dge slong gang lha rnams dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed pa de yod do zhes zer zhing 'di skad ces kho bo'o zhes ni mi zer na nyes pa sbom por 'gyur ro/ /klu rnams dang gnod sbyin rnams nas snga ma bzhin du lus srul po rnams kyi bar dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed pa de yod do zhes zer zhing 'di skad ces kho bo'o zhes ni mi zer na nyes pa spom por 'gyur ro/ /tha na 'di skad ces dge slong gang rdul khrod kyi sha za rnams dang lhan cig gtam 'dre bar byed/ phebs par smra bar </font><hr>Ca267b<br><font size=+1>


byed| so sor kun dga' bar byed/ rtag tu yang lhan cig gnas par byed pa yod do zhes zer zhing 'di skad ces kho bo'o zhes ni mi zer na nyes byas su 'gyur ro/ /dge slong gis bdag nyid la nye bar ston pas 'du shes bsgyur cing / bzod pa dang / 'dod pa dang / blo gros dang / rtog pa dang / lta ba bsgyur te/ 'di skad ces dge slong gang lha rnams dang lhan cig gtam 'dre bar byed/ phebs par smra bar byed| so sor kun dga' bar byed/ rtag tu yang lhan cig gnas par byed pa de yod do zhes zer zhing 'di skad ces kho bo'o zhes ni mi zer na nyes pa sbom por 'gyur ro/ /klu rnams dang gnod sbyin rnams nas snga ma bzhin du lus srul po rnams kyi bar yang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed pa de yod do zhes zer zhing 'di skad ces kho bo'o zhes ni mi zer na nyes pa sbom por 'gyur ro/ /tha na 'di skad ces dge slong gang dang lhan cig rdul khrod kyi sha za rnams dang lhan cig gtam 'dre bar byed/ phebs par smra bar byed/ / so sor kun dga' bar byed/ rtag tu yang lhan cig gnas par byed pa de yod do zhes zer zhing 'di skad ces kho bo'o zhes ni mi zer na nyes byas su 'gyur ro/ /dge slong gi bdag nyid la nye bar ston pas 'du shes bsgyur cing / bzod pa dang / 'dod pa dang / blo gros dang / rtog pa dang / lta ba bsgyur te/ 'di skad ces dge slong gang gis mi rtag pa'i 'du shes thob pa de yod do zhes zer zhing / 'di </font><hr>Ca268a<br><font size=+1>


@#/ /skad ces kho bo'o zhes ni mi zer na nyes pa sbom por 'gyur ro/ /mi rtag pa'i 'du shes ji lta ba de bzhin du gang gis snga ma bzhin du stong pa nyid du so sor rtog pa'i 'du shes kyi bar du thob pa de yod do zhes zer zhing 'di skad ces kho bo'o zhes ni mi zer na nyes pa sbom por 'gyur ro/ /dge slong gis bdag nyid la nye bar ston pas 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te/ 'di skad ces dge slong gang gis bsam gtan dang po thob pa de yod do zhes zer zhing 'di skad ces kho bo'o zhes ni mi zer na nyes pa sbom por 'gyur ro/ /bsam gtan dang po ji lta ba de bzhin du gang gis snga ma bzhin du gnyis pa dang / gsum pa dang / bzhi pa nas dge slong gang dgra bcom pa rnam par thar pa brgyad la bsam gtan pa dang / gnyi ga'i cha las rnam par grol ba'i bar de yod do zhes zer zhing 'di skad ces kho bo'o zhes ni mi zer na nyes pa sbom por 'gyur ro/ /'di ltar dge slong rab tu mang po dag grong med pa'i dgon pa'i gnas shig na gnas shing de la de dag na mi ma yin pa dag gis 'tshe ba na/ dge slong gang rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa yin pa de la de na mi ma yin pa dag gis 'tshe bar mi byed nas/ dge slong gis bdag nyid la nye bar ston pas 'du shes bsgyur cing / bzod pa dang / 'dod pa dang / blo gros dang / rtog pa </font><hr>Ca268b<br><font size=+1>


dang / lta ba bsgyur te/ 'di skad ces dge slong gang grong med pa'i dgon pa'i gnas de na gnas pa de la de na mi ma yin pa rnams 'tshe bar mi byed pa de yod do zhes zer zhing 'di skad ces kho bo'o zhes ni mi zer na nyes pa sbom por 'gyur ro/ /'di ltar dge slong rab tu mang po dag khyim rnams su mgron du bos te za bar byed cing de na de dag la stan khra bo nye bar bkra ba dag bshams shing de na dge slong gang rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa yin pa de la de na stan khra bo nye bar bkra ba dag shom par byed nas/ dge slong gis bdag nyid la nye bar ston pas 'du shes bsgyur cing / bzod pa dang / 'dod pa dang / blo gros dang / rtog pa dang / lta ba bsgyur te/ 'di skad ces dge slong gang khyim der mgron du bos shing zos te de na de la yang stan khra bo nye bar bkra ba dag shom par byed pa de yod do zhes zer zhing 'di skad ces kho bo'o zhes ni mi zer na nyes pa sbom por 'gyur ro/ /'di ltar dge slong rab tu mang po dag dgon pa na gnas pa dag gis zhi gnas kyi rgyu mtshan rang gi mtshan nyid 'dzin pa cung zad cig la brten nas/ 'jig rten pa'i lam gyis nyon mongs pa dag rnams par mnan pas/ 'dod pa la 'dod chags dang / gnod sems dag rgyud la kun tu mi 'byung nas/ dge slong gis bdag nyid la nye bar ston pas 'du shes bsgyur cing / bzod pa dang / 'dod pa dang / blo gros dang / rtog pa dang / lta ba bsgyur te/ 'di skad ces dge slong gang gis grong </font><hr>Ca269a<br><font size=+1>


@#/ /med pa'i dgon pa'i gnas de na gnas shing zhi gnas kyi rgyu mtshan rang gi mtshan nyid 'dzin pa cung zad cig la brten nas/ 'jig rten pa'i lam gyis nyon mongs pa dag rnam par mnan pas/ 'dod pa la 'dod chags dang / gnod sems dag rgyud la kun tu mi 'byung ba de yod do zhes zer zhing 'di skad ces kho bo'o zhes ni mi zer na nyes byas su 'gyur ro/ /sdom la phan tshun zhe ni 'gras pa dang / /char 'bab pa dang mtshan gyur dang / /rgyal po khab kyi chu dron dang / /glang chen rnams kyi sgra skad do/ /sangs rgyas bcom ldan 'das yangs pa can na spre'u'i rdzing gi 'gram khang pa brtsegs pa'i khang bzang na bzhugs so/ /de'i tshe na lus 'phags ma'i bu ma ga d+har byung ba'i rgyal po ma skyes dgra dang yangs pa can gyi li tsa byi rnams phan tshun zhe 'gras par gyur to/ /de nas lus 'phags ma'i bu ma ga d+har byung ba'i rgyal po ma skyes dgras dpung gi tshogs yan lag bzhi pa glang po che pa'i tshogs dang / rta pa'i tshogs dang / shing rta ba'i tshogs dang dpung bu chung gi tshogs go bskon te/ yul spong byed gzhom par brtsams pa dang / yul spong byed na gnas pa'i skye bo'i tshogs kyis yangs pa can gyi li tsa byi rnams la/ shes ldan dag lus 'phags ma'i bu ma ga d+har byung ba'i rgyal po ma skyes dgras dpung gi tshogs yan lag pa zhi ba glang po che ba'i tshogs dang / rta pa'i tshogs dang / shing rta pa'i tshogs dang / dpung bu chung </font><hr>Ca269b<br><font size=+1>


gi tshogs go bskon te/ yul spong byed 'joms par byed do zhes ra mda' ba bzlog go /yangs pa can gyi li tsa byi rnams kyis thos nas/ de dag gis kyang dpung gi tshogs yan lag bzhi pa glang po che ba'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs go bskon te/ yangs pa can nas 'byung bar brtsams pa dang / de dag 'byung ba na tshe dang ldan pa mo'u 'gal gyi bu chen po yang snga dro sham thabs bgos lhung bzed dang / chos gos thogs te/ yangs pa can du bsod snyoms la zhugs so/ /yangs pa can gyi li tsa byi rnams kyis tshe dang ldan pa mo'u 'gal gyi bu chen po thag ring po kho na nas mthong ngo / /mthong nas kyang de dag 'di snyam du sems te/ shes ldan dag 'di ni mchog gsum pa yin te/ 'dis mi shes pa'am/ mi mthong ba'am/ ma rig pa'am/ rnam par mi shes pa cung zad kyang med do zhes grag gis/ bdag cag gis 'di la bdag cag gang rgyal bar 'gyur ba dri bar bya'o snyam nas/ de dag gis tshe dang ldan pa mo'u 'gal gyi bu chen po la dris pa/ 'phags pa/ lus 'phags ma'i bu ma ga d+har byung ba'i rgyal po ma skyes dgras yul spong byed 'joms par bgyid pas/ bdag cag g.yul 'gyed pa'i slad du mngon du mchi na/ bdag cag gang rgyal bar 'gyur/ mo'u 'gal gyi bu chen pos smras pa/ ba siSh+Tha'i rigs dag khyed cag rgyal bar 'gyur ro/ /de dag 'phags pa mo'u 'gal gyi bu chen pos bdag cag rgyal bar lung bstan to/ / </font><hr>Ca270a<br><font size=+1>


@#/ /zhes rangs pa dang / dga' ba dang / mchog tu dga' ba dang mgu ba dang / yid bde ba skyes pa nas/ lus 'phags ma'i bu ma ga d+har byung ba'i rgyal po ma skyes dgra ma brtsis pa tsham tshom med pa kho nar de'i steng du brtul ba dang / de nas lus 'phags ma'i bu ma ga d+har byung ba'i rgyal po ma skyes dgra pham pa dang / skrag pa dang bcom pa dang / gzhan rgyal ba dang / rgyab kyis phyogs par byas te/ chu klung gang+gA'i 'gram du phyin to/ /yangs pa can gyi li tsa byi rnams rgya cher rab tu dga' ba'i yid kyis phyi bzhin kho nar 'brang ba dang / lus 'phags ma'i bu ma ga d+har byung ba'i rgyal po ma skyes dgras bsams pa/ yangs pa can gyi li tsa byi 'di dag ni gdug cing rnam par gnon pa yin pas/ gal te de bdag gang+gA'i nang du zhugs na yang 'di dag gis rgya mo'am/ mchil pas dbyung bas 'byin par byed cing tshul ma yin pas sdug bsngal bar 'gyur ba'i gnas yod kyis bdag mngon du phyogs te shi ba ni legs so snyam du rig nas/ des 'chi ba'i shugs kyis bsngos pa dang / dpung thams cad phyir log nas/ yangs pa can gyi li tsa byi rnams pham pa dang / skrag pa dang bcom pa dang / gzhan rgyal ba dang / rgyab kyis phyogs par byas nas/ gar yang ma 'khor bar yangs pa can du zhugs nas sgo dag bcad de/ ra ba'i khar sbrengs nas 'dug go /lus 'phags ma'i bu ma ga d+har byung ba'i rgyal po ma skyes dgra g.yul las rnam par rgyal </font><hr>Ca270b<br><font size=+1>


zhing| yul spong byed bcom nas rgyal po'i khab tu song ngo / /de nas yangs pa can gyi li tsa byi rnams lam po che dang / srang dang / bzhi mdo dang / sum mdo dag na/ 'phags pa mo'u 'gal gyi bu chen pos khyed cag rgyal bar 'gyur ro zhes bdag cag la lung bstan na/ de ci gal te bdag cag gi yangs pa can phrogs par gyur na/ de lta na rgyal bar 'gyur ram zhes smod par byed/ phyar ka gtong bar byed| kha zer bar byed do/ /de dag smod par byed pa na/ drug sde dag kyang bsod snyoms la zhugs nas/ de dag gis de dag la 'phya ba thos nas/ drug ste dag gis smras pa/ shes ldan dag khyod cag su la smod| khyed cag la'o/ /nged kyis ci byas/ 'phags pa mo'u 'gal gyi bu chen pos khyed cag rgyal bar 'gyur ro zhes bdag cag la lung bstan na/ de ci gal te bdag cag gi yangs pa can phrogs par gyur na de lta na rgyal bar 'gyur ram/ drug sde dag gis smras pa/ shes ldan dag dang por g.yul sprad pa gang yin pa der su rgyal/ kho bo cag go /gal te khyed cag rgyal na de'i 'og tu ci'i phyir khyed cag phyir ldog par mi byed/ ci yul ma ga d+ha bcom ste rgyal po khab len par 'dod dam/ khyed cag gis ha cang mnan na wa yang seng ge lta bur 'gyur ro zhes bya ba ma thos sam/ de dag spobs pa med par gyur nas cang mi smra bar 'khod pa dang / drug ste dag gis smras pa/ dga' bo nye dga' de dag la go bar byas zin gyi 'on kyang don nyung ngu de la ltung ba byung gis/ tshur sheg \ SHOG?\de'i gan du </font><hr>Ca271a<br><font size=+1>


@#/ /dong la 'chags su gzhug go zhes de dag zas kyi bya ba byas nas phyag 'tshal te/ tshe dang ldan pa mo'u 'gal gyi bu chen po ga la ba der dong nas phyin pa dang / tshe dang ldan pa mo'u 'gal gyi bu chen po la 'di skad ces smras so/ /gnas brtan phyag 'tshal lo/ /tshe dang ldan pa dag a rog gya/ gnas brtan je skabs phye shig /tshe dang ldan pa dag ltung ba sde lnga po dag la skabs phye'o/ /gnas brtan gyis yangs pa can gyi li tsa byi rnams la rgyal bar lung bstan tam/ lung bstan to/ /ci gal te de dag gi yangs pa can phrogs par gyur na de lta na rgyal bar 'gyur ram/ khyod lhung bzed nag pos 'tsho bar mi byed pas/ des na kun shes pa brda sprod par byed cing de yang 'bras bu med par gyur te/ khyod kyis spyod yul bsregs pas bdag cag gis bsod snyoms kyang mi rnyed kyis khyed la ltung ba byung ba de chos bzhin du slar mdzod cig /tshe dang ldan pa dag ltung ba ma mthong ngo / /drug sde rnams kyis smras pa/ tshe dang ldan pa dag bcom ldan 'das kyis ltung ba ma mthong ba'i phyir gnas nas dbyung ba'i las bya'o zhes gsungs pas de'i phyir 'di la ci'i phyir lhag par btang snyoms su bya/ khang skyong su yin/ che ge mo zhig go /bos shig /bos so/ / tshe dang ldan pa gaN+DI rdungs shig /mo'u 'gal gyi bu chen po don nyung ngu la ltung ba byung ba chos bzhin du phyir mi byed pas de ltung ba ma mthong ba'i phyir/ gnas nas dbyung ba'i las bya'o/ /khang skyong </font><hr>Ca271b<br><font size=+1>


dge 'dun gyi gnas brtan gyi gan du song ba dang / drug sde dag kyang de dang lhan cig dong ngo / /de'i tshe na tshe dang ldan pa shA ri'i bu dge 'dun gyi gnas brtan byed de/ de rtag tu gaN+DI brdungs pa na/ tshe dang ldan pa su zhig /yongs su gnas pa'am/ gzhi nas yongs su gnas pa'am/ mgu bar bya ba'am/ gzhi nas mgu bar bya ba'am/ 'byin par byed ces chos kyi dbang du byas pa rmed par byed do| |drug sde dag gis smras pa/ gnas brtan su yang yongs su gnas pa'am/ gzhi nas yongs su gnas pa'am/ mgu bar bya ba'am/ gzhi nas mgu bar bya ba'am/ 'byin pa mi bgyid de/ 'di ltar tshe dang ldan pa mo'u 'gal gyi bu chen pos 'drums pa ltung bas/ bcom ldan 'das kyi bstan pa 'dral bar bgyid de/ lhung bzed nag pos 'tsho bar mi bgyid pas des na mi'i chos bla ma dam bca' zhing kun shes pa brda sprod par bgyid de/ de yang 'bras bu ma mchis par gyur nas/ des spyod yul bsregs pas bdag cag gis bsod snyoms kyang mi rnyed de/ de la ltung ba byung ba chos bzhin du slar mi bgyid pas de ltung ba ma mthong ba'i slad du gnas nas dbyung ba'i las bgyi'o/ /tshe dang ldan pa dag dge slong gnas brtan la mtho ma btsams par 'di ltar sangs rgyas bcom ldan 'das 'di thams cad mkhyen pa/ thams cad gzigs pa/ mkhyen pa dang shes bya dag la bla na med pa'i mnga' brnyes pa/ the tshom thams cad gcod par mdzad pa yin gyis de'i spyan sngar deng la don 'di zhus shig /bcom ldan 'das kyis khyed </font><hr>Ca272a<br><font size=+1>


@#/ /la ji skad lung ston pa de de kho na bzhin du zung zhig /skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag g.yul ngor dang po mi ma yin pa dag g.yul 'gyed cing / de'i 'og tu mi rnams g.yul 'gyed de/ gang du mi ma yin pa rnams rgyal bar 'gyur ba der mi rnams kyang rgyal bar 'gyur bas de'i phyir dge slong mo'u 'gal gyi bu chen pos yangs pa can gyi li tsa byi rnams la lung bstan pa de'i tshe na/ yangs pa can pa'i mi ma yin pa rnams kyis rgyal po'i khab pa'i mi ma yin pa rnams pham par byas so/ /gang gi tshe de dag gang+gA'i 'gram du phyin pa de'i tshe na/ rgyal po khab pa'i mi ma yin pa dag gis yangs pa can pa'i mi ma yin pa dag pham par byas so/ /gal te dge slong mo'u 'gal gyi bu chen po la de yang dris par gyur na/ dge slong mo'u 'gal gyi bu chen pos de yang lung ston par 'gyur ro/ /dge slong dag dge slong mo'u 'gal gyi bu chen po 'du shes de lta bus lung bstan pa la ltung ba med do/ /ji ltar yangs pa can pa dag gis sngar rgyal bar byas nas/ phyis rgyal po ma skyes dgras gang+gA'i 'gram du 'chi ba'i shugs kyis bsdos pas pham par byas pa de bzhin du rgyal po ma skyes dgras sngar rgyal ba byas nas/ phyis yangs pa can pa dag gis gang+gA'i 'gram du 'chi ba'i shugs kyis bsdos nas pham par byas pa yang de bzhin rgyas par sbyar bar bya'o/ /sangs </font><hr>Ca272b<br><font size=+1>


rgyas bcom ldan 'das yangs pa can spre'u rdzing gi 'gram khang pa brtsegs pa'i khang bzang na bzhugs so/ /de'i tshe na mu stegs can rnams kyis lo bcu gnyis su than pa 'byung bar bstan to/ /tshe dang ldan pa mo'u 'gal gyi bu chen po snga dro sham thabs bgos/ lhung bzed dang chos gos thogs te yangs pa can du bsod snyoms la zhugs pa dang / de la yangs pa can gyi li tsa byi rnams kyis dris pa/ 'phags pa yun ji srid kyis lhas char 'bebs par 'gyur/ des smras pa/ shes ldan dag nyi ma bdun 'das nas so/ /de dag 'phags pa mo'u 'gal gyi bu chen pos nyi ma bdun 'das nas lhas char 'bebs par 'gyur ro zhes lung bstan to zhes de dag gi khyim dang bang ba na 'dug pa'i 'bru gang dag yin pa de dag kyang phyi rol tu khyer te bor ro/ /ji tsam na nyi ma bdun 'das nas lhas 'brug bsgrags shing sgra phyung nas sa rgyas btab ste btang ba dang / de dag lam po che dang srang dang bzhi mdo dang sum mdo dag na/ shes ldan dag mu stegs can rnams dam pa yin gyis shAkya'i bu'i dge sbyong rnams ni de lta ma yin te/ rtag tu 'gro ba'i shing ljon pa bzhin du ngur smrig dag gis lus dag dkris shing 'khod par zad kyi cung zad kyang mi shes so zhes smod par byed/ phyar ka gtong bar byed/ kha zer bar byed do/ /de dag smod par byed pa na drug sde dag kyang bsod snyoms la zhugs nas de dag gis de dag smod pa thos nas drug sde dag gis smras pa/ shes ldan dag khyed cag su la smod/ khyed cag la'o/ /nged kyis ci byas/ mu </font><hr>Ca273a<br><font size=+1>


@#/ /stegs can rnams kyis lo bcu gnyis su than pa 'byung ba bstan na 'phags pa mo'u 'gal gyi bu chen pos nyi ma bdun 'das nas lhas char 'bebs par 'gyur ro zhes lung bstan nas/ bdag cag gis khyim dang bang ba na 'dug pa'i 'bru gang dag yin pa de dag kyang phyi rol tu khyer te bor na lhas char ma phab bo/ /drug sde dag gis smras pa/ shes ldan dag mu stegs can rnams kyi kun du spyod pa ni gal te sprin kyang yod/ sprin las 'brug kyang grag /glog kyang 'byung / phyogs bzhi nas rlung bsil ba dag kyang ldang / lhas khad kyis dal bu dal bus char cung zad kyang 'bebs pa de'i tshe na/ de dag dang 'jig rten dag kyang lhas gdon mi za bar char 'bebs so zhes zer na/ char cher bab cing sa rgyas btab par gyur na lta smos kyang ci dgos pa yin no/ /'di ltar ci 'phags pa mo'u 'gal gyi bu chen pos lo tog thams cad 'grub par 'gyur ro zhes lung bstan tam/ de dag spobs pa med par gyur nas cang mi smra bar 'khod pa dang / drug sde rnams kyis smras pa/ dga' bo nye dga' de dag la go bar byas zin mod kyi/ 'on kyang don nyung ngu de la ltung ba byung gis tshur sheg de'i gan du dong la 'chags su gzhug go zhes de dag zas kyi bya ba byas nas phyag 'tshal te/ tshe dang ldan pa mo'u 'gal gyi bu chen po ga la ba der dong nas phyin pa dang / tshe dang ldan pa mo'u 'gal gyi bu chen po la 'di skad ces smras so/ /gnas brtan </font><hr>Ca273b<br><font size=+1>


phyag 'tshal lo/ /tshe dang ldan pa dag a rog gya/ gnas brtan je skabs phye shig /tshe dang ldan pa dag ltung ba sde lnga po dag la skabs phye'o/ /mu stegs can rnams kyis lo bcu gnyis su than pa 'byung ngo zhes bstan na/ khyod kyis char 'bab par 'gyur ro zhes lung bstan gyis/ chos gos kyi grwa rdzab kyis ma rungs par gyur na mi rung gis theg cig /khyod lhung bzed nag pos 'tsho bar mi byed pas des na kun shes pa brda sprod par byed cing de yang 'bras bu med par gyur te/ khyod kyis spyod yul bsregs pas bdag cag gi bsod snyoms kyang mi rnyed kyis/ khyod la ltung ba byung ba de chos bzhin du slar mdzod cig /tshe dang ldan pa dag ltung ba ma mthong ngo / /drug sde rnams kyis smras pa/ tshe dang ldan pa dag /bcom ldan 'das kyis ltung ba ma mthong ba'i phyir gnas dbyung ba'i las bya'o zhes gsungs pas/ de'i phyir 'di la ci'i phyir lhag par btang snyoms su bya/ khang skyong su yin/ che ge mo zhig go /bos shig /bos so/ /tshe dang ldan pa dag gaN+DI rdungs shig /mo'u 'gal gyi bu chen po don nyung ngu la ltung ba byung ba chos bzhin du phyir mi byed pas de ltung ba ma mthong ba'i phyir gnas nas dbyung ba'i las bya'o/ /khang skyong dge 'dun gyi gnas brtan gyi gan du song ba dang / drug sde dag kyang de dang lhan cig dong ngo / /de'i tshe na tshe dang ldan pa shA ri'i bu dge 'dun gyi gnas brtan byed de/ de rtag tu gaN+DI brdungs pa na/ tshe dang ldan pa su zhig yongs su gnas pa'am/ gzhi nas yongs su </font><hr>Ca274a<br><font size=+1>


@#/ /gnas pa'am/ mgu bar bya ba'am/ gzhi nas mgu bar bya ba'am/ 'byin par byed ces chos kyi dbang du byas pa rmed par byed do/ /drug sde dag gis smras pa/ gnas brtan su yang yongs su gnas pa'am/ gzhi nas yongs su gnas pa'am/ mgu bar bya ba'am/ gzhi nas mgu bar bya ba'am/ 'byin par mi byed de/ 'di ltar tshe dang ldan pa mo'u 'gal gyi bu chen pos 'drums pa ltung bas bcom ldan 'das kyi bstan pa 'dral bar bgyid/ lhung bzed nag pos 'tsho bar mi bgyid pas/ des na mi'i chos bla ma dam bca' zhing kun shes pa brda sprod par bgyid de/ de yang 'bras bu ma mchis par gyur nas des spyod yul bsregs pas bdag cag gis bsod snyoms kyang mi rnyed de/ de la ltung ba byung ba chos bzhin du slar mi bgyid pas/ de ltung ba ma mthong ba'i slad du gnas nas dbyung ba'i las bgyi'o/ /tshe dang ldan pa dag dge slong gnas brtan la mtho ma btsams par 'di ltar sangs rgyas bcom ldan 'das 'di thams cad mkhyen pa/ thams cad gzigs pa/ mkhyen pa dang shes bya dag la bla na med pa'i mnga' brnyes pa/ the tshom thams cad gcod par mdzad pa yin gyis/ de'i spyan sngar deng la don 'di zhus shig /bcom ldan 'das kyis khyed la ji ltar lung ston pa de de kho na bzhin zungs shig /skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag 'di dag ni ltas </font><hr>Ca274b<br><font size=+1>


mkhan dag gis lhas char 'bebs par 'gyur ro zhes ston kyang mi rtog pa than pa chen po'i rgyu lnga dang / rkyen lnga yin te/ lnga gang zhe na/ 'di ltar sprin yang yod glog kyang 'byung / sprin las 'brug kyang grag |phyogs bzhi nas rlung bsil ba dag kyang ldang / ltas mkhan dag kyang lhas char 'bebs par 'gyur ro zhes ston mod kyi/ 'on kyang sa gzhi chen po 'di las me'i khams mngon par 'phags nas| des char pa de bar ma do kho nar skam par byed de/ 'di ni ltas mkhan dag gis lhas char 'bebs par 'gyur ro zhes ston kyang mi rtog pa than pa chen po'i rgyu dang po dang rkyen dang po yin no/ / gzhan yang sprin yang yod/ glog kyang 'byung / sprin las 'brug kyang grag /phyogs bzhi nas rlung bsil ba dag kyang ldang / ltas mkhan dag kyang lhas char 'bebs par 'gyur ro zhes ston mod kyi/ 'on kyang nam mkha' la mi mnyam pa'i rlung dag ldang zhing des char pa de Da na da ka'i dgon pa dag dang / ka ling ka'i dgon pa dag dang / ma tang ka'i dgon pa dag tu 'bebs par byed de/ 'di ni ltas mkhan dag gis lhas char 'bebs par 'gyur ro zhes ston kyang / mi rtog pa than pa chen po'i rgyu gnyis pa dang rkyen gnyis pa yin no/ /gzhan yang sprin yang yod glog kyang 'byung / sprin las 'brug kyang grag / phyogs bzhi nas rlung bsil ba dag kyang ldang / ltas mkhan dag kyang lhas char 'bebs par 'gyur ro zhes ston mod kyi/ 'on kyang lha'i bu char gyi shugs can dag rab tu myos par gnas pa dang / </font><hr>Ca275a<br><font size=+1>


@#/ /bag med par gnas shing / de dag rab tu myos par gnas pa dang / bag med par gnas pas lhas dus dang dus su chu'i rgyun legs par 'bebs su mi ster te/ 'di ni ltas mkhan dag gis lhas char 'bebs par 'gyur ro zhes ston kyang mi rtog pa than pa chen po'i rgyu gsum pa dang / rkyen gsum pa yin no/ /gzhan yang sprin yang yod glog kyang 'byung / sprin las 'brug kyang grag /phyogs bzhi nas rlung bsil ba dag kyang ldang / ltas mkhan dag kyang lhas char 'bebs par 'gyur ro zhes ston mod kyi/ 'on kyang mi rnams chos ma yin pa'i 'dod chags kyis chags pa dang / 'dod pa dka' bas zil gyis non pa dang / chos log pas dkris par gyur na/ chos ma yin pa'i 'dod chags kyis chags pa dang / 'dod pa dka' bas zil gyis non pa dang / chos log pas dkris pa de dag la lhas dus dang dus su chu'i rgyun legs par 'bab tu mi ster te/ 'di ni ltas mkhan dag gis lhas char 'bebs par 'gyur ro zhes ston kyang mi rtog pa than pa chen po'i rgyu bzhi pa dang / rkyen bzhi pa yin no/ /gzhan yang sprin yang yod glog kyang 'byung / sprin las 'brug kyang grag /phyogs bzhi nas rlung bsil ba dag kyang ldang / ltas mkhan dag kyang lhas char 'bebs par 'gyur ro zhes ston mod kyi/ 'on kyang lha ma yin gyi dbang po sgra gcan rgya mtsho chen po nas mngon par 'phags nas/ des char pa de lag pa gnyis kyis bzed cing rgya mtsho chen por ldugs par </font><hr>Ca275b<br><font size=+1>


byed de/ 'di ni ltas mkhan dag gis lhas char 'bebs par 'gyur ro zhes ston kyang mi rtog pa than pa chen po'i rgyu lnga pa dang / rkyen lnga pa yin no/ /dge slong dag 'di ltar de'i tshe lhas char phab mod kyi/ de na lha ma yin gyi dbang po sgra gcan rgya mtsho chen po nas mngon par 'phags nas/ des char pa de lag pa gnyis kyis bzed cing rgya mtsho chen por blugs so/ /ci de dag gis lo tog thams cad grub par 'gyur ram zhes dris sam/ gal te dge slong mo'u 'gal gyi bu chen po la de yang dris par gyur na/ dge slong mo'u 'gal gyi bu chen pos de yang lung ston par 'gyur ro/ /dge slong dag dge slong mo'u 'gal gyi bu chen pos 'du shes de lta bus lung bstan pa la ltung ba med do/ /sangs rgyas bcom ldan 'das yangs pa can na spre'u rdzing gi 'gram khang pa brtsegs pa'i khang bzang na bzhugs so/ /de'i tshe na yangs pa can na gcer bu pa'i nyan thos shig 'dug pa de'i chung ma la sems can zhugs par gyur to/ /ji tsam dus gzhan zhig na tshe dang ldan pa mo'u 'gal gyi bu chen po snga dro sham thabs bgos/ lhung bzed dang chos gos thogs te| yangs pa can du bsod snyoms la zhugs so/ /de mthar gyis bsod snyoms rgyu ba na/ de'i khyim du zhugs pa dang / des bsams pa 'phags pa mo'u 'gal gyi bu chen po 'di ni mchog gsum pa ste| 'dis mi shes pa'am/ ma mthong ba'am/ ma rig pa'am/ rnam par mi shes pa cung zad kyang med do zhes grag gis bdag gis 'di la bdag gi chung ma sbrum pa 'di las khye'u'am/ bu mo'am ci </font><hr>Ca276a<br><font size=+1>


@#/ /zhig skye bar 'gyur ba gsungs shig ces dri bar bya'o snyam du rig nas/ tshe dang ldan pa mo'u 'gal gyi bu chen po la 'di skad ces smras so/ /'phags pa bdag gi mchis brang 'di sbrum na ci 'di'i mngal na khye'u mchis sam 'on te bu mo mchis/ des smras pa/ bzhin bzang khye'u'o/ /'jig rten ni 'byor pa 'dod pas de rangs pa dang / dga' ba dang / rab tu dga' bas tshe dang ldan pa mo'u 'gal gyi bu chen po la bza' ba dang bca' ba gtsang ba gsod pas lhung bzed bkang ste byin nas smras pa/ 'phags pa yang gshegs su gsol/ tshe dang ldan pa mo'u 'gal gyi bu chen pos a rog gya zhes smras te song ngo / /de'i khyim dang ha cang mi ring ba na gcer bu pa zhig 'dug pa des/ tshe dang ldan pa mo'u 'gal gyi bu chen po lhung bzed bkang ste song ba mthong nas / des bsams pa/ bdag gi slong mo ster ba'i khyim gcig pu yod pa gang yin pa der shAkya'i bu dge sbyong dag rgyu bar 'gyur ba ni ma legs kyis de'i phyir je khyim bdag de'i gan du song la des khyim bdag dang lhan cig gtam ci zhig byas par gyur pa dri'o snyam nas de myur ba myur bar khyim bdag gi gan du song ste smras pa/ khyim bdag dge sbyong mo'u 'gal gyi bu chen po 'ongs sam/ 'ongs so/ khyod kyis cung zad dris sam/ dris so/ /ci dris bdag gi mchis brang 'di sbrum na ci 'di'i mngal na khye'u mchis sam/ 'on te bu mo mchis shes dris pa dang / de na re/ khye'u'o zhes zer ro/ / </font><hr>Ca276b<br><font size=+1>


gcer bu pa de rtog ge'i shes pa la mkhas pas brtsi bar brtsams pa dang / ji tsam na bu mor mthong nas/ de bzhin sgyur bar byed/ lag pa gnyis 'dril bar byed do/ /khyim bdag des gcer bu pa de la dris pa/ ci'i phyir bzhin sgyur bar byed/ lag pa gnyis 'dril bar byed/ gcer bus smras pa/ kho bos bu mor mthong gi khye'ur ma mthong ngo / /khyim bdag des spyos nas dpral bar dpral rtsa gsum bsgreng zhing khro gnyer byas te/ smras pa/ gcer bu pa sgre byi khyod ci shes/ khyod pas 'phags pa mo'u 'gal gyi bu chen po'i mkhyen pa ches dri ma can yin nam/ 'phags pa mo'u 'gal gyi bu chen pos khye'u'o zhes lung bstan na khyod bu mo'o zhes zer ram/ de de ltar tshar bcad nas yang brtsi bar brtsams pa dang / bu mo nyid du mthong nas/ kun nas dkris pas smras pa/ gal te dge sbyong shAkya'i bu'i nyid kyis lung bstan du zin kyang / de lta na yang 'di ni bu mo nyid yin gyi/ khye'u ma yin no/ /ji tsam na de zla ba dgu 'das te btsas pa las bu mo zhig skyes nas khyim bdag de nang mi dang bcas pa gcer bu pa dag dam pa yin gyi shAkya'i bu'i dge sbyong rnams ni de lta ma yin te/ 'phags pa mo'u 'gal gyi bu chen pos khye'u'o zhes lung bstan na/ 'di bu mor gyur to zhes smod par byed/ phyar ka gtong bar byed| kha zer bar byed do/ /thos pa gcig nas gcig tu brgyud pas yangs pa can na gnas pa'i skye bo'i tshogs kyang lam po che dang srang dang bzhi mdo dang / sum mdo dag na smod pa la zhugs par </font><hr>Ca277a<br><font size=+1>


@#/ /gyur to/ /de dag smod par byed pa na drug sde dag snga dro sham thabs dgos/ lhung bzed dang chos gos thogs te/ yangs pa can du bsod snyoms la zhugs pa dang| de dag gis de dag smod pa thos so/ /thos nas smras pa/ shes ldan dag khyed cag su la smod/ khyed cag la'o/ /nged kyis ci byas/ 'phags pa mo'u 'gal gyi bu chen pos gcer bu pa'i nyan thos kyi chung ma'i mngal na khye'u yod do zhes lung bstan na/ de las da bu mo btsas so/ /drug sde dag gis smras pa/ shes ldan dag 'jig rten thams cad shes pa rgya mtsho la 'khrul pa yod kyis/ bcom ldan 'das nyag gcig chos rnams la skyob pa yin gyis skyob pa gzhan med do/ /gzhan yang mi'i skye dgu rnams la khye'u'am bu mo btsa' bar zad kyi gzhan ci zhig tu 'gyur/ ci khyi zhig gam/ 'on te spre'u zhig tu 'gyur snyam mam/ de dag spobs pa med par gyur te/ cang mi smra bar 'khod pa dang drug sde dag gis smras pa/ dga' bo nye dga' de dag la go bar byas zin mod kyi don nyung ngu de la ltung ba byung gis tshur sheg de'i gan du dong la 'chags su gzhug go zhes de dag zas kyi bya ba byas nas phyag 'tshal te/ tshe dang ldan pa mo'u 'gal gyi bu chen po ga la ba der dong nas phyin pa dang / tshe dang ldan pa mo'u 'gal gyi bu chen po la 'di skad ces smras so/ /gnas brtan phyag 'tshal lo/ /tshe dang ldan pa dag a rog gya/ gnas brtan je </font><hr>Ca277b<br><font size=+1>


skabs phye shig /tshe dang ldan pa dag ltung ba sde lnga po dag la skabs phye'o/ /gnas brtan gyis ci gcer bu pa'i nyan thos kyi chung ma'i mngal na khye'u yod do zhes lung bstan tam/ lung bstan to/ /bzhud cig dang dga' ba 'phel ba nyams su myong zhing 'bru mar dang bu ram yang thob par 'gyur ro/ /khyod lhung bzed nag pos 'tsho bar mi byed pas/ des na kun shes pa brda sprod par byed cing / de yang 'bras bu med par gyur to/ /khyod kyis spyod yul bsregs pas kho bo cag gis bsod snyoms kyang mi thob kyis khyod la ltung ba byung ba de chos bzhin du slar mdzod cig /tshe dang ldan pa dag ltung ba ma mthong ngo / / drug sde dag gis smras pa/ tshe dang ldan pa dag bcom ldan 'das kyis ltung ba ma mthong ba'i phyir gnas nas dbyung ba'i las bya'o zhes gsungs pas de'i phyir 'di la ci'i phyir lhag par btang snyoms su bya| khang skyong su yin/ che ge mo zhig go /bos shig /bos so/ /tshe dang ldan pa gaN+DI rdungs shig /mo'u 'gal gyi bu chen po don nyung ngu la ltung ba byung ba chos bzhin du phyir mi byed pas de ltung ba ma mthong ba'i phyir gnas nas dbyung ba'i las bya'o/ /khang skyong dge 'dun gyi gnas brtan gyi gan du song ba dang / drug sde dag kyang de dang lhan cig dong ngo / /de'i tshe na tshe dang ldan pa shA ri'i bu dge 'dun gyi gnas brtan byed de/ de rtag tu gaN+DI brdungs pa na/ tshe dang ldan pa dag su zhig /yongs su gnas pa'am/ gzhi nas yongs su gnas pa'am/ mgu bar bya ba'am/ gzhi nas mgu bar bya ba'am/ </font><hr>Ca278a<br><font size=+1>


@#/ /'byin par byed ces chos kyi dbang du byas pa 'dri bar byed do/ /drug sde dag gis smras pa/ gnas brtan su yang yongs su gnas pa'am/ gzhi nas yongs su gnas pa'am/ mgu bar bya ba'am/ gzhi nas mgu bar bya ba'am/ 'byin par mi bgyid de/ 'di ltar tshe dang ldan pa mo'u 'gal gyi bu chen pos 'drums pa ltung bas/ bcom ldan 'das kyi bstan pa 'dral bar bgyid de/ lhung bzed nag pos 'tsho bar mi bgyid pas/ de na mi'i chos bla ma dam bca' zhing kun shes pa brda sprod par bgyid/ de yang 'bras bu ma mchis par gyur nas/ des spyod yul bsregs pas bdag cag gis bsod snyoms kyang mi rnyed de/ de ltung ba byung ba chos bzhin du slar mi bgyid pas de ltung ba ma mthong ba'i slad du gnas nas dbyung ba'i las bgyi'o/ /tshe dang ldan pa dag dge slong gnas brtan la mtho ma 'tsham par 'di ltar sangs rgyas bcom ldan 'das 'di thams cad mkhyen pa/ thams cad gzigs pa/ mkhyen pa dang shes bya dag la bla na med pa'i mnga' brnyes pa/ the tshom thams cad gcod par mdzad pa yin gyis de'i gan du deng la don 'di zhus shig /bcom ldan 'das kyis khyed la ji skad lung ston pa de de kho na bzhin zung zhig skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag gnas bzhi po 'di dag ni bsam par mi bya ba dag yin te/ gang </font><hr>Ca278b<br><font size=+1>


dag sems par byed pa dag myos pa dang / rmongs par 'gyur zhing sems rnam par g.yengs pa thob par 'gyur pa yin no/ bzhi gang zhe na 'di lta ste/ bdag la sems pa dang / 'jig rten la sems pa dang| sems can rnams kyi las kyi rnam par smin pa dang / sangs rgyas rnams kyi sangs rgyas kyi yul lo/ /'di ltar gang gi tshe dge slong mo'u 'gal gyi bus lung bstan pa de'i tshe na/ de khye'ur yod pa yin la/ phyis de'i las kyi rnam par smin pas mtshan gyur to/ /gal te dge slong mo'u 'gal gyi bu la de yang dris par gyur na/ dge slong mo'u 'gal gyi bus de yang lung ston par 'gyur ro/ /dge slong dag dge slong mo'u 'gal gyi bus 'du shes de lta bus/ lung bstan pa la ltung ba med do/ /sangs rgyas bcom ldan 'das rgyal po'i khab na/ 'od ma'i tshal ka lan da ka'i gnas na bzhugs so/ / rgyal po'i khab na khyim bdag cig 'dug pa des/ gang dge slong gi dge 'dun la so sor rig par ma byas par zas sbyin pa de 'phral kho na longs spyod dag gis mngon par 'phel lo zhes thos so/ / thos nas kyang de 'di snyam du sems te/ de ni nor grub pa'i thabs bzang po yin gyis/ bdag gis kyang dge slong gi dge 'dun la so sor rig par ma byas par zas sbyin par bya'o snyam nas des srang du song ste/ sha mang po nyos nas/ de'i 'og tu zangs kyi nang du zhun mar mang po dang sbyar ba'i thug pa bskol nas grong khyer gyi sgor sgo ba la kye nang rje dge slong gang la la zhig bsod snyoms la 'jug na de kho </font><hr>Ca279a<br><font size=+1>


@#/ /bo'i khyim du thong zhig /ces spring pa dang / sgo ba des smras pa/ khyim bdag de bzhin du btang ngo zhes dge slong bsod snyoms la 'jug pa gang mthong ba de la 'phags pa khyim bdag che ge mo zhig deng / dge slong rnams la bsod snyoms 'bul gyis de'i sdum par bzhud cig ces smras pa dang / de de'i khyim du song ngo / /de bzhin du sgo bas bsod snyoms pa thams cad la bsgo ba dang / bsod snyoms pa thams cad khyim bdag de'i khyim du dong ngo / /de nas khyim bdag des shin tu snum pa'i sha'i thug pa dag gis de dag so so'i lhung bzed bkang ste byin no/ /de'i nyin mo nam mkha' sprin gyis khebs shing yul ngan byung bar gyur nas/ dge slong dag zan zos nas lhung bzed snum po 'di dag rtsub par bya mi nus kyis de na chu dron yid kyis chu dron gyi gan du song ste| bkru bar bya'o zhes de dag chu dron gyi gan du song ste/ bkru bar brtsams pa dang / ji tsam na dge slong gzhon nu zhig la chu dron 'di gang nas 'ong snyam pa'i tshul bzhin yid la byed pa byung nas/ de dang yang ha cang mi ring ba na/ tshe dang ldan pa nye dga' lhung bzed 'khru bar byed de/ de'i gan du song nas btsun pa nye dga' chu dron 'di gang nas 'ong zhes dris pa dang / de dang yang ha cang mi ring ba nas/ tshe dang ldan pa mo'u 'gal gyi bu chen po lhung bzed 'khru bar byed nas nye dgas song la don nyung ngu 'di la dris shig ces gzhon nu tshe dang ldan pa mo'u 'gal gyi bu chen po'i gan du btang ba dang / </font><hr>Ca279b<br><font size=+1>


gzhon nu de spyod lam zhi ba rgya chen pos de'i gan du song ste/ gus pa dang bcas pas dris pa/ gnas brtan chab dron 'di ga las mchi/ des smras pa/ tshe dang ldan pa mtsho chen po ma dros pa nas so| |nye dgas thos nas des smras pa/ tshe dang ldan pa mdo sde'i mtha' la gnod par ma byed cig /chos kyi khrid byed rnam par ma dkrugs shig /chos kyi mngal ma rtol cig /'di ltar kho bo cag la rtog pa med kyang ci lung yang med dam/ bcom ldan 'das kyis mtsho chen po ma dros pa'i chu ni yan lag brgyad dang ldan pa yin te/ bsil ba dang / mngar ba dang / yang ba dang / 'jam pa dang / dang ba dang / dri nga ba med pa dang / 'thung ba na mgul pa la mi gnod pa dang / 'thungs na lto la mi gnod pa'o zhes gsungs na/ de'i phyir khyod kyis yan lag dang po nyid kyis bslus so/ /khyod lhung bzed nag pos 'tsho bar mi byed pas des na kun shes pa brda sprod par byed cing de yang 'bras bu med par gyur te/ khyod kyis spyod yul bsregs pas bdag cag gis bsod snyoms kyang mi rnyed kyis/ khyod la ltung ba byung ba de chos bzhin du slar mdzod cig /tshe dang ldan pa ltung ba ma mthong ngo / /drug sde dag gis smras pa/ tshe dang ldan pa dag bcom ldan 'das kyis ltung ba ma mthong ba'i phyir gnas nas 'byung ba'i las bya'o zhes gsungs pas de'i phyir 'di la ci'i phyir lhag par btang snyoms su bya/ khang skyong su yin/ che ge mo zhig go /bos shig /bos so/ /tshe dang ldan pa gaN+DI rdungs shig /mo'u dgal gyi bu chen po don nyung </font><hr>Ca280a<br><font size=+1>


@#/ /ngu la ltung ba byung ba chos bzhin du phyir mi byed pas/ de ltung ba ma mthong ba'i phyir gnas nas dbyung ba'i las bya'o/ /khang skyong dge 'dun gyi gnas brtan gyi gan du song ba dang / drug sde dag kyang de dang lhan cig dong ngo / /de'i tshe na tshe dang ldan pa shA ri'i bu dge 'dun gyi gnas brtan byed de/ de rtag tu gaN+DI brdungs pa na/ tshe dang ldan pa dag su zhig /yongs su gnas pa'am/ gzhi nas yongs su gnas pa'am/ mgu bar bya ba'am/ gzhi nas mgu bar bya ba'am/ 'byin par byed ces chos kyi dbang du byas pa 'dri bar byed do/ /drug sde dag gis smras pa| gnas brtan su yang yongs su gnas pa'am/ gzhi nas yongs su gnas pa'am/ mgu bar bya ba'am/ gzhi nas mgu bar bya ba'am/ 'byin par mi bgyid de/ 'di ltar tshe dang ldan pa mo'u 'gal gyi bu chen pos 'drums pa ltung bas/ bcom ldan 'das kyi bstan pa 'dral bar bgyid de/ lhung bzed nag pos 'tsho bar mi bgyid pas/ des na mi'i chos bla ma dam bca' zhing kun shes pa brda sprod pa bgyid de/ de yang 'bras bu ma mchis par gyur na/ des spyod yul bsregs pas bdag cag gis bsod snyoms kyang mi rnyed de/ de ltung ba byung ba chos bzhin du slar mi bgyid pas| de ltung ba ma mthong ba'i slad du gnas nas dbyung ba'i las bgyi'o/ /tshe dang ldan pa dag dge slong gnas brtan la mtho ma 'tsham par 'di ltar/ sangs rgyas bcom ldan 'das 'di thams cad </font><hr>Ca280b<br><font size=+1>


mkhyen pa/ thams cad gzigs pa/ mkhyen pa dang shes bya dag la bla na med pa'i mnga' brnyes pa/ the tshom thams cad gcod par mdzad pa yin gyis de'i gan du deng la don 'di zhus shig /bcom ldan 'das kyis khyed la ji skad lung ston pa de de kho na bzhin zung zhig /skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag de de bzhin no/ / de de bzhin te/ chu dron de ni mtsho chen po ma dros pa kho na las 'ong ngo / /dge slong rnams kyis gsol pa/ bcom ldan 'das gal te chab de mtsho chen po ma dros pa las mchi na/ ci'i slad du dro lags/ bcom ldan 'das kyis bka' stsal pa/ dge slong dag 'di ltar chu de nyid tsha ba'i sems can dmyal ba lnga brgya'i steng nas 'ong ba'i phyir ro/ /gal te dge slong mo'u 'gal gyi bu la de yang dris par gyur na/ dge slong mo'u 'gal gyi bus de yang lung ston par 'gyur ro/ /dge slong dag dge slong mo'u 'gal gyi bus 'du shes de lta bus lung bstan pa la ltung ba med do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de nas tshe dang ldan pa mo'u 'gal gyi bu chen pos dge slong rnams la smras pa/ tshe dang ldan pa dag kho bo ci yang med pa'i skye mched la snyoms par zhugs pas rdzing bu dal gyis 'bab kyi 'gram na glang po che gtso bo rab tu mang po dag gis sgra skad thos so/ /de'i tshe tshe dang ldan pa nye dga' 'khor de nyid na 'dug cing mthun par gyur nas des smras </font><hr>Ca281a<br><font size=+1>


@#/ /pa| tshe dang ldan pa mdo sde'i mtha' la gnod pa ma byed cig /chos kyi khrid byed rnam par ma dkrugs shig /chos kyi mngal ma rtol cig /'di ltar bdag cag la rtogs pa med kyang ci lung yang med dam/ bcom ldan 'das kyis ci yang med pa'i skye mched la snyoms par zhugs pa'i gzugs kyi 'du shes rnam par bshig cing sgra'i 'du shes dang bral lo zhes gsungs na/ de'i phyir ji ltar gzugs kyi 'du shes rnam par bshig cing / sgra'i 'du shes dang bral ba des gzugs dag mthong bar 'gyur zhing / sgra dag thos par 'gyur te/ de ni gnas med do/ /khyod lhung bzed nag pos 'tsho bar mi byed pas des na kun shes pa brda sprod par byed cing de yang 'bras bu med par gyur te/ khyod kyis spyod yul bsregs pas/ bdag cag gis bsod snyoms kyang mi rnyed kyis/ khyod la ltung ba byung ba de chos bzhin du slar mdzod cig /tshe dang ldan pa ltung ba ma mthong ngo / /drug sde dag gis smras pa/ tshe dang ldan pa dag bcom ldan 'das kyis ltung ba ma mthong ba'i phyir gnas nas dbyung ba'i las bya'o zhes gsungs pas/ de'i phyir 'di la ci'i phyir lhag par btang snyoms su bya/ khang skyong su yin/ che ge mo zhig go /bos shig /bos so// tshe dang ldan pa gaN+DA'i rdungs shig /mo'u 'gal gyi bu don nyung ngu la ltung ba chos bzhin du phyir mi byed pas de ltung ba ma mthong ba'i phyir gnas nas dbyung bar bya'o/ /khang skyong dge 'dun gyi gnas </font><hr>Ca281b<br><font size=+1>


brtan gyi gan du song ba dang / drug sde dag kyang de dang lhan cig dong ngo / /de'i tshe na tshe dang ldan pa shA ri'i bu dge 'dun gyi gnas brtan byed de/ de rtag tu gaN+DA'i brdungs pa na/ tshe dang ldan pa dag /su zhig /yongs su gnas pa'am/ gzhi nas yongs su gnas pa'am/ mgu bar bya ba'am/ gzhi nas mgu bar bya ba'am/ 'byin par byed ces chos kyi dbang du byas pa 'dri bar byed do/ /drug sde dag gis smras pa/ gnas brtan su yang yongs su gnas pa'am/ gzhi nas yongs su gnas pa'am/ mgu bar bya ba'am/ gzhi nas mgu bar bya ba'am/ 'byin par mi bgyid de/ 'di ltar tshe dang ldan pa mo'u 'gal gyi bu chen pos 'drums pa ltung bas/ bcom ldan 'das kyi bstan pa 'dral bar bgyid de/ lhung bzed nag pos 'tsho bar mi bgyid pas/ des na mi'i chos bla ma dam bca' zhing kun shes pa brda sprod par bgyid de/ de yang 'bras bu ma mchis par gyur nas/ des spyod yul bsregs pas bdag cag gis bsod snyoms kyang mi rnyed de/ de la ltung ba byung ba chos bzhin du slar mi bgyid pas/ de ltung ba ma mthong ba'i slad du gnas nas dbyung ba'i las bgyi'o/ /tshe dang ldan pa dag dge slong gnas brtan la mtho ma 'tsham par 'di ltar sangs rgyas bcom ldan 'das 'di thams cad mkhyen pa/ thams cad gzigs pa/ mkhyen pa dang shes bya dag la bla na med pa'i mnga' brnyes pa/ the tshom thams cad gcod par mdzad pa yin gyis de'i gan du deng la don 'di zhus shig /bcom ldan 'das kyis khyed la </font><hr>Ca282a<br><font size=+1>


@#/ /ji skad lung ston pa de de kho na bzhin du zung zhig /skabs de dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ dge slong dag de de bzhin no/ /de de bzhin te/ ci yang med pa'i skye mched la snyoms par zhugs pa'i gzugs kyi 'du shes rnam par bshig cing / sgra'i 'du shes dang bral bas/ gzugs kyi 'du shes rnam par bshig cing sgra'i 'du shes dang bral ba des gzugs dag mthong bar mi 'gyur zhing / sgra dag thos par mi 'gyur te de ni gnas med do/ /'di ltar dge slong mo'u 'gal gyi bu ni bsam gtan dang / rnam par thar pa dang / ting nge 'dzin dang snyoms par 'jug pa dag thob pa yin te/ de ni myur du snyoms par 'jug cing rnam par ldang bar byed pas/ des snyoms par zhugs pa'i sems nye bar rtogs shing rnam par langs pa'i sems ni ma rtogs te/ dge slong dag dge slong mo'u 'gal gyi bu rnam par langs pas sgra de thos so/ /dge slong dag dge slong mo'u 'gal gyi bus 'du shes de lta bus lung bstan pa la ltung ba med do/ /las dang po pa dang / smyos pa dang sems 'khrugs pa dang / tshor ba dag gi nyen pa la ltung ba med do/ /pham par 'gyur ba bzhi pa rdzogs te/ pham par 'gyur ba rnams rdzogs so// //'dul ba rnam par 'byed pa/ bam po bco lnga pa/ sdom la/ khu ba 'byin pa 'khrig tshig bsnyen bkur smyan/ /khang pa khang chen dang ni gzhi med pa/ </font><hr>Ca282b<br><font size=+1>


bag tsam dge 'dun dbyen dang de rjes phyogs/ /khyim sun 'byin dang bka' blo mi bde ba'o/ /sangs rgyas bcom ldan 'das mnyan yod na rgyal byed kyi chal mgon med zas sbyin gyi kun dga' ra ba na bzhugs so| |tshe dang ldan pa 'char ka'i kun tu spyod pa ni grong ngam grong brdal gang na nye bar brten cing gnas pa de nang par sngar langs te gtsug lag khang du chag chag 'debs par byed/ legs par nyug par byed/ ba lang lci ba sar pa'i byug pas skud par byed cing / de gtsug lag khang gi phyi rol tu rkang pa gnyis bkrus nas/ lag pa gnyis bsnyal te so shing bor nas/ snga dro sham thabs bgos/ lhung bzed dang chos gos thogs te/ grong ngam grong rdal de nyid du lus ma bsrungs/ dbang po rnams ma bsdams/ dran pa nye bar ma bzhag par bsod snyoms la 'jug cing / de grong ngam grong rdal der bsod snyoms brgyus nas/ zas kyi bya ba byas te/ phyi ma'i zas kyi bsod snyoms las phyir log pas/ lhung bzed dang chos gos mkhos su phab ste/ rkang pa gnyis bkrus nas nang du yang dag 'jog gi phyir gtsug lag khang du 'jug par byed de/ gal te de'i sems 'dod pa la 'dod chags kyis kun nas dkris par gyur na/ des rang gi yan lag gi rnam pa las su rung bar byas te/ lag pa gnyis kyis bzung nas rtsol bar byed cing khu ba 'byin par byed do/ /de nas dge slong rab tu mang po dag gtsug lag khang rgyu zhing 'dong ba na tshe dang ldan pa 'char ka'i gtsug lag khang ga la ba der dong ste phyin nas/ tshe dang ldan </font><hr>Ca283a<br><font size=+1>


@#/ /pa 'char ka dang lhan cig mngon du yang dag par dga' bar 'gyur ba dang / yang dag par mgu bar 'gyur ba'i gtam sna tshogs byas te mtha' gcig tu 'khod do/ / mtha' gcig tu 'khod nas dge slong rab tu mang po dag gis tshe dang ldan pa 'char ka la 'di skad ces smras so/ /tshe dang ldan pa ji lta khyod bzod dam/ 'tsho'am/ bde ba la reg par gnas sam/ bsod snyoms kyis ngal bar ma gyur tam/ tshe dang ldan pa dag bdag te por bzod do/ /'tsho'o/ /bde ba la reg par gnas so/ /bsod snyoms kyis ngal bar ma gyur to/ /tshe dang ldan pa 'char ka khyod ji ltar bzod pa dang / 'tsho ba dang / bde ba la reg par gnas pa dang / bsod snyoms kyis ngal bar ma gyur/ tshe dang ldan pa dag bdag grong ngam grong rdal gang na nye bar rten cing gnas par bdag nang par sngar langs te gtsug lag khang chag chag 'debs par byed/ legs par nyug par byed/ ba lang gi lci ba sar pa'i byug pas skud par byed cing / bdag gtsug lag khang gi phyi rol tu rkang pa gnyis bkrus nas lag pa gnyis bsnyal te/ so shing bor nas snga dro sham thabs bgos/ lhung bzed dang chos gos thogs te/ grong ngal grong rdal de nyid du bsod snyoms la 'jug cing / bdag grong ngam grong rdal de nyid du bsod snyoms brgyus nas zas kyi bya ba byas te/ phyi ma'i zas kyi bsod snyoms las phyir log pas lhung bzed dang chos gos mkhos su phab ste/ rkang pa gnyis bkrus </font><hr>Ca283b<br><font size=+1>


nas nang du yang dag 'jog gi phyir gtsug lag khang du 'jug par byed do/ /gal te bdag ni sems 'dod pa la 'dod chags kyis kun nas dkris par gyur na/ bdag gis rang gi yan lag gi rnam pa las su rung bar byas te/ lag pa gnyis kyis bzung nas rtsol bar byed cing khu ba phyung nas rims nad dang bral zhing yongs su gdungs pa dang bral bas bde ba la reg par gnas shing bsod snyoms kyis ngal bar yang med de/ tshe dang ldan pa dag bdag de ltar na bzod pa dang / 'tsho ba dang / bde ba la reg par gnas pa dang / bsod snyoms kyis ngal ba yang med do/ /dge slong de dag des smras pa la mngon par bstod par yang mi byed/ phyir zlog par mi byed cing / mngon par bstod par ma byas/ phyir bzlog par yang ma byas par dong ste/ bcom ldan 'das ga la ba der dong nas phyin pa dang / bcom ldan 'das kyi zhabs gnyis la mgo bos phyag 'tshal te/ mtha' gcig tu 'khod do/ /mtha' gcig tu 'khod nas/ dge slong rab tu mang po dag gis skabs de bcom ldan 'das la rgyas par gsol to| |de nas bcom ldan 'das kyis byung ba 'di dang / gleng gzhi 'di dang skabs 'di la dge slong gi dge 'dun bsdu ba mdzad do/ /de bzhin gshegs pa ni don gyi dbang gnyis gzigs pa na/ dge slong gi dge 'dun sdud par mdzad de/ 'di lta ste/ nga'i nyan thos rnams kyis kun shes pa nyid du bya ba'i phyir dang / ngas 'dul ba la bslab pa'i gzhi legs par bcas par 'gyur ba'o/ /sangs rgyas bcom </font><hr>Ca284a<br><font size=+1>


@#/ /ldan 'das rnams ni mkhyen bzhin du rmed par mdzad pa ste/ mkhyen bzhin du rmed pa/ mkhyen kyang mi rmed pa/ dus su rmed pa/ dus las yol bar mi rmed pa/ don dang ldan pa rmed pa/ don dang mi ldan pa mi rmed pas/ sangs rgyas bcom ldan 'das rnams ni don dang mi ldan pa rmed pa la chu yon gyis zlog par mdzad pa yin no/ /de la sangs rgyas bcom ldan 'das rnams ni don dang ldan pa rmed pa la dus mkhyen pa yin pas sangs rgyas bcom ldan 'das kyis tshe dang ldan pa 'char ka la rmas pa/ 'char ka khyod kyis mi mdzes pa de lta bu de byas par gyur pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su mthun pa ma yin pa/ rung ba ma yin pa tshul dang mthun pa ma yin pa de ni rab tu byung bas bya ba ma yin no/ /'char ka ngas 'dod chags 'dod chags dang bral bar bya ba'i phyir sems rnam par grol ba dang / shes rab rnam par grol ba'i chos bstan pa dang / zhe sdang 'dod chags dang bral bar bya ba dang / gti mug 'dod chags dang bral bar bya ba'i phyir/ sems rnam par grol ba dang / shes rab rnam par grol ba'i chos bstan pa la/ khyod kyis ci'i phyir mi mdzes pa de lta bu de byas par gyur/ mi gti mug can khyod kyis lag pa gang dag gis bram ze dang khyim bdag dang pa can dag las dad pas sbyin par bya ba len par byed pa'i lag pa de dag nyid kyis ci'i phyir mi mdzes pa de lta bu de byas par gyur/ mi gti mug can </font><hr>Ca284b<br><font size=+1>


khyod kyis sbrul nag po dug myur du khyab par byed pa/ dug drag pa/ dug rno ba/ lag pa gnyis kyis gzung bar gyur pa ni bla'i/ de ltar gyur pas rang gi yan lag gi rnam par bzung ba ni ma yin no zhes rnam par smad pa mdzad do/ /'char ka ji snyam du sems/ de lta na bdag nyid kyi lus kyi bsnyen bkur bdag gir ma byas sam/ btsun pa bgyis so/ /de nas bcom ldan 'das kyis rnam grangs du mas rnam par smad nas| dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste/ 'di lta ste/ dge 'dun bsdu ba'i phyir dang / dge 'dun legs par bya ba'i phyir dang / dge 'dun bde bar gnas par bya ba'i phyir dang / gnod mi bkur ba'i gang zag rnams tshar gcad par bya ba'i phyir dang / ngo tsha shes pa rnams bde bar gnas par bya ba'i phyir dang / mngon par ma dad par rnams mngon par dad par bya ba'i phyir dang / mngon par dad pa rnams phyir zhing 'byung ba bya ba'i phyir dang / tshe 'di'i zag pa rnams bsdam par bya ba'i phyir dang / tshe rabs phyi ma'i rnams bzlog par bya ba'i phyir dang / nga'i tshangs par spyod pa skye bo mang po la phan pa yangs par gyur pa/ lha dang mi'i bar dag la yang dag par rab tu bstan pa yun ring du gnas par 'gyur ba'o/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ bsam bzhin du khu ba phyung na/ dge 'dun lhag ma'o/ /bcom ldan 'das kyis 'dul ba la </font><hr>Ca285a<br><font size=+1>


@#/ /nyan thos rnams kyi bslab pa'i gzhi de ltar bca' ba mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so| |de nas dge slong rab tu mang po nyal ba dag gi rmi lam na/ mi gtsang ba shor cing khu ba phyung bar gyur te/ de dag la 'du shes kyang yod/ sems pa yang yod pas de dag 'gyod pa skyes par gyur nas/ 'di ltar bcom ldan 'das kyis bsam bzhin du khu ba phyung na dge 'dun lhag ma'o zhes 'dul ba la nyan thos rnams kyis bslab pa'i gzhi bca' ba mdzad na/ bdag cag dge slong rab tu mang po nyal ba dag gi rmi lam na mi gtsang ba shor zhing khu ba phyung ba gyur te/ bdag cag la 'du shes kyang yod/ sems pa yang yod pas bdag cag la dge 'dun lhag ma'i ltung ba byung bar ma gyur tam| tshur sheg bdag cag tshe dang ldan pa kun dga' bo ga la ba der dong zhing phyin nas/ tshe dang ldan pa kun dga' bo la brjod par bya'o/ /bdag cag tshe dang ldan pa kun dga' bos ji skad lung ston par 'gyur ba de de kho na bzhin du gzung bar bya'o snyam mo/ /de nas dge slong rab tu mang po dag tshe dang ldan pa kun dga' bo ga la ba der dong ste phyin nas/ tshe dang ldan pa kun dga' bo la 'di skad ces smras so/ /tshe dang ldan pa kun dga' bo mkhyen par mdzod cig /'di ltar bcom ldan 'das kyis bsam bzhin du khu ba phyung na dge 'dun lhag ma'o zhes 'dul ba la nyan thos rnams kyi </font><hr>Ca285b<br><font size=+1>


bslab pa'i gzhi bca' ba mdzad na/ bdag cag dge slong rab tu mang po nyal ba dag gi rmi lam na mi gtsang ba shor cing khu ba byung bar gyur te/ bdag cag la 'du shes kyang mchis la/ sems pa yang mchis pas/ bdag cag la dge 'dun la lhag ma'i ltung ba byung bar ma gyur tam/ de nas tshe dang ldan pa kun dga' bos dge slong rab tu mang po de dag khrid de/ bcom ldan 'das ga la ba der song nas phyin pa dang / bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas/ bcom ldan 'das la tshe dang ldan pa kun dga' bos 'di skad ces gsol to/ /btsun pa bcom ldan 'das kyis 'di ltar bsam bzhin du khu ba phyung na dge 'dun lhag ma'o zhes 'dul ba la nyan thos rnams kyi bslab pa'i gzhi bca' ba mdzad na/ tshe dang ldan pa dge slong rab tu mang po 'di dag mchis nyal ba'i g.yar lam na/ mi gtsang ba shor cing khu ba phyung bar gyur te/ 'di dag la 'du shes kyang mchis/ sems pa yang mchis pas/ 'di dag la dge 'dun lhag ma'i ltung ba byung bar ma gyur tam/ kun dga' bo 'di dag la 'du shes kyang yod/ sems pa yang yod pas/ de med do zhes nga mi smra mod kyi 'di dag gi de ni tha snyad du byar rung ba ma yin te/ kun dga' bo de lta bas na rmi lam gyi ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas/ dge </font><hr>Ca286a<br><font size=+1>


@#/ /slong rnams la de dang mthun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas/ dge slong rnams la bka' stsal pa/ dge slong dag de lta bas na snga ma ni bcas pa yin la 'di ni rjes su gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ bsam bzhin du khu ba phyung na rmi lam gyi ma gtogs te dge 'dun lhag ma'o/ /bsam bzhin du zhes bya ba ni rnam par dpyad nas so/ /khu ba zhes bya ba ni khu ba rnam pa lnga ste/ sngon po dang / ser po dang / dmar po dang / bska ba dang / sla ba'o/ / de la sngon po ni 'khor los sgyur ba'i rgyal po'i'o/ /'khor los sgyur ba'i rgyal po'i bu thu bo dbang bskur bar 'os la/ dbang ma bskur ba gnas pa mtshams thob pa gang yin pa de khu ba yang sngon po yin no/ / ser po ni 'khor los sgyur ba'i rgyal po'i bu de las gzhan pa dag gi'o/ /dmar po ni sna chen po la gtogs pa 'khor lo'i mtha' pa'i'o/ /bska ba ni dbang po yongs su smin pa rnams kyi'o/ /sla ba ni dbang po yongs su ma smin pa rnams kyi'o/ /yang na bud med kyis dub pa dang / khur gyis dub pa dang / lam gyis dub pa dang / gta' gam pa dang / ya za ma lug gang yin pa de'i yang sla ba yin no| |phyung na zhes bya ba ni de ma thag tu phyung ba'o/ /rmi lam gyi ma gtogs te zhes bya ba ni rmi lam gyi bzhag ste'o/ /dge 'dun lhag ma'o zhes bya ba ni/ ltung ba de dge 'dun la rag lus pa dang / dge 'dun </font><hr>Ca286b<br><font size=+1>


dang 'brel pa dang / dge 'dun la rten pa yin te/ ltung ba de dge 'dun las rnam par ldang bar 'gyur gyi gang zag las ma yin pa'o/ /gzhan yang pham par 'gyur ba'i chos bzhi po dag ni lhag ma med pa yin gyi/ 'di ni lhag ma dang bcas pa yin pa ste/ des na dge 'dun lhag ma'o zhes gsungs so/ /de la ltung ba ji ltar 'gyur zhe na/ gzhi lnga ste/ bde ba 'dod pa dang / sa bon 'dod pa dang / rig sngags 'dod pa dang / sman 'dod pa dang / brtag pa 'dod pas so/ /ji ltar bde ba 'dod pas she na/ dge slong gis bde ba 'dod pas nang gi gzugs nye bar len cing sems par byed/ rtsol bar byed la khu ba 'byin na dge 'dun lhag mar 'gyur ro/ /khu ba ma 'byin na nyes pa sbom por 'gyur ro/ /bde ba 'dod pas ji lta ba bzhin du sa bon 'dod pa dang / rig sngags 'dod pa dang / sman 'dod pa dang / brtag pa 'dod pas kyang de bzhin no/ /dge slong gis bde ba 'dod pas nang gi gzugs nye bar len cing sems par byed/ rtsol bar byed/ ril gyis 'chang bar byed/ dam du 'chang bar byed la/ khu ba 'byin na dge 'dun lhag mar 'gyur ro/ /khu ba mi 'byin na nyes pa sbom por 'gyur ro/ /bde ba 'dod pas ji lta ba bzhin du sa bon 'dod pa/ rig sngags 'dod pa dang / sman 'dod pa dang| brtag pa 'dod pas kyang de bzhin no/ /dge slong gis bde ba 'dod pas/ nang gi gzugs nye bar len cing sems par byed/ rtsol bar byed/ ril gyis 'chang bar byed/ dam du 'chang </font><hr>Ca287a<br><font size=+1>


@#/ /bar byed la des kyang bye brag nges par myong ba'i bde ba nyams su myong bar byed cing / khu ba 'byin na dge 'dun lhag mar 'gyur ro/ /khu ba mi 'byin na nyes pa sbom por 'gyur ro// bde ba 'dod pas ji lta ba bzhin du sa bon 'dod pa dang / rig sngags 'dod pa dang / sman 'dod pa dang / brtag pa 'dod pas kyang de bzhin no/ /dge slong gis bde ba 'dod pas nang gi gzugs nye bar len cing sems par byed/ rtsol bar byed/ ril gyis 'chang bar byed/ dam du 'chang bar byed la/ des kyang byung la thug pa'i bde ba nyams su myong bar byed cing / khu ba 'byin na dge 'dun lhag mar 'gyur ro/ /khu ba mi 'byin na nyes pa sbom por 'gyur ro/ /bde ba 'dod pas ji lta ba bzhin du sa bon 'dod pa dang / rig sngags 'dod pa dang / sman 'dod pa dang / brtag pa 'dod pas kyang de bzhin no/ /dge slong gis bde ba 'dod pas nang gis gzugs nye bar len cing sems par byed/ rtsol bar byed/ ril gyis 'chang bar byed/ dam du 'chang bar byed la/ des kyang ngad las pa'i bde ba nyams su myong bar byed cing khu ba 'byin na dge 'dun lhag mar 'gyur ro/ /khu ba mi 'byin na nyes pa sbom por 'gyur ro/ /bde ba 'dod pas ji lta ba bzhin du sa bon 'dod pa dang / rig sngags 'dod pa dang / sman 'dod pa dang / brtag pa 'dod pas kyang de bzhin no/ /dge slong gis bde ba 'dod pas nang gi gzugs nye bar len cing sems par byed/ rtsol </font><hr>Ca287b<br><font size=+1>


par byed/ ril gyis 'chang bar byed/ dam du 'chang bar byed la/ des kyang bye brag nges par myong ba'i bde ba dang / byung la thug pa'i bde ba dang / ngad las pa'i bde ba nyams su myong bar byed cing / khu ba 'byin na dge 'dun lhag mar 'gyur ro/ /khu ba mi 'byin na nyes pa sbom por 'gyur ro/ /bde ba 'dod pas ji lta ba bzhin du sa bon 'dod pa dang / rig sngags 'dod pa dang / sman 'dod pa dang / brtag pa 'dod pas kyang de bzhin no/ /nang gi gzugs ji lta ba bzhin du phyi rol gyi gzugs nye bar len pa la yang de bzhin du rgyas par sbyar ro/ /bar sdom la/ gar byed rab tu gar byed dang / /mkha' dang shugs dang sbubs 'ongs dang / /kun du mnyed dang bye brag nges/ /mdza' ba dang ni lta ba dang / /rgyun las bzlog dang rdzi bzlog pa'i/ /sde tshan yang dag bsdus pa yin/ /dge slong gis gar byed pas khu ba 'byin na nyes pa sbom por 'gyur ro/ /khu ba mi 'byin na nyes byas su 'gyur ro/ /dge slong gis rab tu gar byed pas khu ba 'byin na nyes pa sbom por 'gyur ro/ /khu ba mi 'byin na nyes byas su 'gyur ro/ /dge slong gis nam mkha' la rked pa bskyod pas khu ba 'byin na nyes pa sbom por 'gyur ro/ /khu ba mi 'byin na nyes byas su 'gyur ro/ /dge slong gis shugs btang ste/ khu ba 'byin na nyes pa sbom por 'gyur ro| |khu ba mi 'byin na nyes byas su 'gyur ro/ /dge slong gis sbubs su 'ongs pa'i khu ba 'byin na nyes pa sbom por 'gyur ro/ /khu ba mi 'byin na nyes byas su 'gyur ro/ /dge slong gis kun du mnyed pa'i </font><hr>Ca288a<br><font size=+1>


@#/ /bde ba nyams su myong bar byed cing khu ba 'byin na nyes pa sbom por 'gyur ro/ /khu ba mi 'byin na nyes byas su 'gyur ro/ /dge slong gis bye brag nges par myong ba'i bde ba nyams su myong bar byed cing khu ba 'byin na nyes pa sbom por 'gyur ro/ /khu ba mi 'byin na nyes byas su 'gyur ro/ /dge slong gis kun tu chags pa'i sems kyis rang gi yan lag gi rnam pa 'jal bar byed na nyes pa sbom por 'gyur ro/ /dge slong gis chags pa'i sems kyis rang gi yan lag gi rnam pa la lta na nyes byas su 'gyur ro/ /dge slong gis chags pa'i sems kyis rang gi yan lag gi rnam pa chu'i rgyun las bzlog phyogs su gtod par byed na nyes pa sbom por 'gyur ro/ /chu'i rgyun phyogs su gtod par byed na nyes byas su 'gyur ro/ /dge slong gis chags pa'i sems kyis rang gi yan lag gi rnam pa rdzi phyogs ma yin par gtod par byed na nyes pa sbom por 'gyur ro/ /rdzi phyogs su gtod par byed na nyes byas su 'gyur ro/ /rma sbyang ba dang / shu ba dang / g.yan pa dang / mdze dang / phol mig dang / skrangs pa dang / khyi rngo dang / lhog pa dang / 'brum bu dang / phyi rol du mchong ba dang / 'obs la mchong ba dang / brla la reg pa dang / gos la reg pa dang / chags par 'gyur ba'i gzugs dag mthong ba dang / sngon spyad pa'i yul rjes su dran pa dang / bsro khang gi las nyams su myong bar byed pas khu ba phyung ba la ni ltung ba med do/ /las dang po pa dang / </font><hr>Ca288b<br><font size=+1>


smyos pa dang sems 'khrugs pa dang / tshor ba dag gis nyen pa la ni ltung ba med do/ /khu ba 'byin pa'i dge 'dun lhag ma ste dang po rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /drug sde dag gi kun tu spyod pa ni 'dir bdag cag gis bram ze dang / khyim bdag 'ongs shing lhags pa rnams la yang chos bstan par bya/ rgol ba dag kyang tshar gcad par bya/ rang gi grags pa yang bsgrag par bya'o snyam pas drug sde las gang yang rung bas rgyal byed kyi tshal gyi sgo stong par mi 'jog pas/ tshe dang ldan pa 'char ka nang par sngar langs te so shing bor nas snam sbyar dmar ser gyon te rgyal byed kyi tshal gyi sgo 'chag cing 'dug go /mnyan yod na gnas pa'i bram ze dang / khyim bdag gi chung ma rnams kyi kun tu spyod pa ni skyed mos tshal du song ste rgyal byed kyi tshal du 'jug pa dang / gtsug lag khang blta ba dang / bcom ldan 'das dang dge slong gnas brtan gnas brtan rnams kyi zhabs la phyag 'tshal tu 'gro bas/ bram ze dang khyim bdag dag gi chung ma rab tu mang po dag skyed mos tshal du byung ste gtsug lag khang blta bar 'dod pas rgyal byed kyi tshal ga la ba der dong ngo / /drug sde dag gis grong khyer chen po drug po dag na 'khod pa'i mi rnams 'di lta ste/ rigs las sam/ rus las sam/ rgyud las sam/ ming las sam/ gzugs las sam/ bzo las sam/ 'tsho ba las mi shes pa'am ma mthong </font><hr>Ca289a<br><font size=+1>


@#/ /ba'am/ ma thos pa'am ma rig pa'am/ rnam par mi shes pa 'ga' yang med pas/ tshe dang ldan pa 'char kas bram ze dang / khyim bdag gi chung ma rab tu mang po de dag thag ring po kho na nas mthong ste/ mthong nas kyang 'di skad ces smras so/ /che ge mo'i ma/ che ge mo'i chung ma/ che ge mo'i mna' ma/ che ge mo'i bu mo/ che ge mo'i sring mo 'ongs pa legs so/ /'ongs pa legs so| |khyed cag ci'i phyir yun ring mo ring mo nas zla ba ltar rgyu bar byed/ de dag gis smras pa/ btsun pa 'char ka bcom ldan 'das kyis mi khom pa brgyad ni gang zag gi tshangs par spyad pa'i dus ma lags so zhes legs par gsungs na/ bdag cag ni 'di lta ste/ khyim gyi 'du 'dzi dang ldan pas mi khom pa dgu pa lags so/ /'char kas smras pa/ sring mo dag khyed kyis 'ga' zhig gis 'di skad ces| dug can la sogs rgyal po yis/ /bya ba dag ni ma byas par/ /de dag nyid dang bya ba rnams/ /zhig pa nyid du gyur pa yin/ /bya ba de dag nyid kyang ni/ /yongs su rdzogs par ma gyur par/ /'jig rten dgra bo 'chi bdag de/ /'ong ba nyid du 'gyur ba yin/ /zhes smras pa ma thos sam/ de dag gis smras pa/ btsun pa 'char ka de'i slad du bdag cag skyed mos tshal du mchis te rgyal byed kyi tshal du 'jug pa dang / gtsug lag khang blta ba dang / bcom ldan 'das dang / dge slong gnas brtan gnas brtan rnams kyi zhabs la phyag 'tshal ba'i slad du mchis pa lags so/ /'char kas </font><hr>Ca289b<br><font size=+1>


smras pa/ sring mo dag gal te khyed cag de'i phyir 'ongs na/ bcom ldan 'das kyis kyang snying po med pa'i lus las snying po blang bar bya'o zhes gsungs pas legs so legs so/ /sring mo dag de ni mjal gyis 'di ltar ltad mo ji ltar blta ba dri bar bya'o/ /sring mo dag khyed cag gang du 'jug par byed/ btsun pa 'char ka bdag cag kun dga' ra bar 'jug cing gtsug lag khang lta bar 'tshal lo/ /sring mo dag bcom ldan 'das kyis/ mkhas pa gang zhig rab tu sems dang bas/ /sangs rgyas mchod rten dag la gom 'dor na/ /'dzam bu chu bo gser gyi srang tshad ni/ /stong phrag brgya yang de dang mnyam pa yin/ / zhes gsungs pas de yang legs so/ /sring mo dag khyed kyis gang khyed cag gtsug lag khang ston par byed pa'i dge slong 'ga' zhig btsal tam/ 'phags pa ci bdag cag sgron ma sug pa na thogs bzhin du zhugs bzhin du tshol lam/ btsun pa 'char ka spangs te dge slong gzhan ga la tshol/ khyod pas gzhan khyad par du 'phags pa su zhig mchis kyis/ khyod nyid kyis bstan tu gsol/ de nas tshe dang ldan par 'char ka 'di snyam du sems te/ gal te 'di dag la gtsug lag khang bstan par bya na ni bdag gi dge ba'i phyogs yongs su nyams par yang 'gyur/ gal te bstan par mi bya na ni tshig pa'i bsod snyoms kyang ster bar mi 'gyur la/ bcom ldan 'das kyis kyang ma dad pa rnams dad pa phun sum tshogs pa yang dag par 'dzin du gzhug par bya/ gdul bar bya/ gzud par bya/ rab tu dgod par bya'o zhes gsungs pas </font><hr>Ca290a<br><font size=+1>


@#/ /de'i phyir 'di dag dge ba la nges par sbyar bar bya/ rnam pa thams cad du bstan par bya'o snyam du rig nas/ des me tog dang bdug spos la sogs pa mchod pa sna tshogs thogs te pog phor lag tu blangs nas go rim ji lta ba bzhin du bstan par brtsams te/ sring mo dag 'di ni bcom ldan 'das kyi dri gtsang khang ste/ gang du bcom ldan 'das nyin lan gsum/ mtshan lan gsum sangs rgyas kyi spyan gyis 'jig rten la rnam par gzigs nas/ gang ni nyams par 'gyur/ gang ni 'phel bar 'gyur/ gang ni gnod par 'gyur/ gang ni nyam nga bar gyur/ gang ni mi bde bar gyur/ /gang ni gnod pa dang nyam nga ba dang mi bde bar gyur/ gang ni ngan song la gzhol/ gang ni ngan song la 'bab/ gang ni ngan song la bab/ ngas gang ni ngan song gi lam nas bslangs te/ mtho ris dang thar pa dang 'bras bu la gzhag par bya/ 'dod pa'i 'dam du bying ba gang gi lag nas ni drang bar bya/ 'phags pa'i nor gyi dbyig dang bral ba gang ni 'phags pa'i nor gyi dbang phyug la gzhag par bya/ gang gi sangs rgyas 'byung bas brgyan pa'i 'jig rten ni 'bras bu dang bcas par bya/ gang gi dge ba'i rtsa ba dag ma skyes pa ni bskyed par bya/ dge ba'i rtsa ba dag bskyed pa gang ni yongs su smin par bya/ yongs su smin pa gang ni rnam par grol bar bya zhes mkhyen pa dang gzigs pa 'jug cing / 'di ltar/ chu srin gnas kyi dug can pa/ /dus las 'da' bar 'gyur srid kyi/ /sangs rgyas gdul </font><hr>Ca290b<br><font size=+1>


la byams pa ni/ /dus las 'da' bar mi 'gyur ro/ /ji ltar ma ni bu sdug gcig pu la/ /rtog cing de srog srung bar byed pa ltar/ /de bzhin gshegs pa'ang gdul ba'i skye bo la/ /rtog par mdzad cing de srog srung bar mdzad/ /kun mkhyen rgyud la mnga' ba'i thugs rje yis/ /bzhon ma gdul ba'i be'u tshol mi skyo ste/ /srid dang ngan 'gros nyams la byams pa ni/ /rab nyams be'u la byams pa'i ba bzhin no/ /zhes bya ba 'jug pa bcom ldan 'das de bzhin gshegs pa dgra bcom pa yang dag par sangs rgyas stobs bcu'i stobs dang ldan pa/ mi 'jigs pa bzhis bsnyengs pa mi mnga' ba/ khyu mchog rlabs po che'i gnas su dam bca' ba/ 'khor gyi nang du seng ge'i sgra yang dag par sgrog pa gang yin pa de'i yin gyis 'dir zhabs la phyag dag 'tshol cig /'di ni tshe dang ldan pa kun shes ko'u Di n+ya'i gtsug lag khang ste/ bcom ldan 'das kyi 'jig rten mi shes pa'i mun pa dang / 'dren pa med pa dang / yongs su 'dren pa med pa na de'i dang por ye shes kyi mig sman gyi thur mas gang gi chos kyi mig rnam par sbyangs pa/ bcom ldan 'das kyis gnas brtan rnams dang / rgyal tshab lta bu rnams dang yun ring po nas rab tu byung ba rnams dang / tshangs par spyod pa mngon par spyad pa rnams dang / snam sbyar gyi rgyal mtshan thogs pa rnams kyis mchog tu lung bstan pa gang yin pa/ gang gi rgyud la de'i dang por bcom ldan 'das kyis 'jig rten du dge sbyong ngam/ bram ze'am lha'am bdud dam tshangs pa'am / </font><hr>Ca291a<br><font size=+1>


@#/ /sus kyang chos dang mthun par bskor mi nus pa chos dang ldan pa'i chos kyi 'khor lo skye bo mang po'i don dang / skye bo mang po la phan pa dang / bde ba dang / 'jig rten la rjes su thugs brtse ba dang / lha dang mi rnams kyi don dang phan pa dang bde ba'i phyir lan gsum du bzlas te rnam pa bcu gnyis su bskor ba de'i yin gyis/ 'dir yang zhabs la phyag dag tshol cig /'di ni tshe dang ldan pa 'od srung chen po'i gtsug lag khang ste/ bram ze shing sA la chen po lta bu rmon pa dor stong du gcig gis mchog pa spangs te rab tu byung ba/ dbyig bye ba phrag drug cu dang ldan pa/ gser gyi nas bang chung brgyad cu bdog pa/ bran gyi grong bco brgyad bdog pa/ sbyor pa'i grong bcu drug bdog pa/ ser skya bzang mo lus gser bas lhag pa dang ldan pa/ mchil ma'i thal ba smin pa ltar spangs te/ mtshan mo'i thun tha ma la ras sbyar ma'i snam sbyar rin thang 'bum ri ba thogs te/ 'jig rten na dgra bcom pa gang dag bzhugs pa de dag gi phyir rab tu byung ba/ bsam gtan dang / rnam par thar pa dang / ting nge 'dzin dang / snyoms par 'jug par bskyed pa'i phyir nags na brten pa gang yin pa/ gang mthong na spos kyi glang po che dag kyang rgyags pa dang bral bar 'gyur ba/ gang gis bu mangs kyi mchod rten du ston par khas blangs nas dge slong gi sdom pa thob pa/ bcom ldan 'das kyis kyang dge slong dag nga'i nyan thos kyi dge slong 'dod pa chung ba chog shes pa/ sbyangs pa'i </font><hr>Ca291b<br><font size=+1>


yon tan smra ba rnams kyi nang na mchog ni 'di yin te/ 'di lta ste dge slong 'od srung chen po'o zhes gsungs shing / bcom ldan 'das kyis rjes su bsngags pa gang yin pa de'i yin gyis/ 'dir yang zhabs la phyag dag tshol cig /'di ni tshe dang ldan pa shA ri'i bu'i gtsug lag khang ste/ mchog thob pa'i bu gang yin pa gang gis lo brgyad gnyis su dbang po'i brda sprod pa bklags pa rgol ba thams cad tshar gcad pa/ bcom ldan 'das kyi bstan pa la rab tu byung nas/ bcom ldan 'das kyis shes rab chen po rnams dang / spobs pa chen po rnams kyi mchog tu bstan pa gang yin pa/ bcom ldan 'das kyis 'jig rten thams cad gang gi cha bcu drug par gzhag cing / bcom ldan 'das kyis/ de bzhin gshegs pa ma gtogs par/ 'jig rten kun gyi shes rab gang / shA ri'i bu yi shes rab kyi/ bcu drug char yang mi chog go /gal te lhar bcas 'jig rten 'di/ shA ri'i bu dang mnyam gyur pas/ /de bzhin gshegs pa'i shes rab kyi/ bcu drug char yang mi chog go/ /zhes gsungs pa gang yin pa de'i yin gyis| 'dir yang zhabs la phyag dag tshol cig /'di ni tshe dang ldan pa mo'u 'gal gyi bu chen po'i gtsug lag khang ste/ mdun na 'don gyi bu cod pan med pa'i rgyal srid spangs te rab tu byung ba gang yin pa| gang gis lha'i dbang po brgya byin gyi khang bzang rnam par rgyal byed rkang pa g.yas pa'i mthe bos lan gsum du bsgul/ kun tu bsgul/ kun tu rab tu bsgul ba gang gi rdzu 'phrul gyis bcom ldan </font><hr>Ca292a<br><font size=+1>


@#/ /'das 'jig rten gyi khams 'od zer can du nyin mtshan bdun gyis gshegs pa/ bcom ldan 'das kyis rdzu 'phrul chen po rnams dang mthu chen po rnams kyi mchog tu bstan pa gang yin pa de'i yin gyis/ 'dir yang zhabs la phyag dag tshol cig /'di ni tshe dang ldan pa ma 'gags pa'i gtsug lag khang ste/ mi bskal pa bzang po las rab tu byung ba gang yin pa/ bcom ldan 'das kyi yab kyi mched kyi sras gang gi ming yang dag par bsgrags pas tshong pa dag rgya mtsho chen po nas bzhon pa'i snod legs par grub cing 'ong bar 'gyur ba/ bcom ldan 'das kyis lha'i mig can rnams kyi mchog tu bstan pa yin pa de'i yin gyis 'dir yang zhabs la phyag dag 'tshol cig /'di ni tshe dang ldan pa kun dga' bo'i gtsug lag khang ste/ yun ring po nas bcom ldan 'das kyis bsnyen bkur ba gang yin pa/ bcom ldan 'das kyi zham 'bring na nye bar spyod pa/ ston pas yang dag par bsngags pa/ tshangs pa mtshungs par spyod pa mkhas pa rnams kyis yang dag par bkur ba gang yin pa/ bcom ldan 'das kyi yab kyi mched kyi sras las rab tu byung ba/ bcom ldan 'das kyis mang du thos pa rnams dang thos pa 'dzin pa rnams dang / thos pa bsags pa rnams kyi mchog tu bstan pa gang yin pa de'i yin gyis/ 'dir yang zhabs la phyag dag 'tshol cig /'di ni tshe dang ldan pa mdzes dga'i gtsug lag khang ste/ bcom ldan 'das kyi gcung po sru'i sras las </font><hr>Ca292b<br><font size=+1>


rab tu byung ba/ gal te rab tu ma byung na stobs kyis 'khor los sgyur ba'i rgyal por 'gyur ba/ bcom ldan 'das kyis dbang po dag gi sgo bsdams pa rnams kyi mchog tu bstan pa gang yin pa de'i yin gyis 'dir yang zhabs la phyag dag 'tshol cig /'di ni tshe dang ldan pa sgra gcan zin gyi gtsug lag khang ste/ bcom ldan 'das kyis sras las rab tu byung ba/ gal te rab tu ma byung na mthu dang ldan pa'i rgyal por 'gyur ba gang yin pa/ gang rab tu byung na rgyal po mang pos bkur gyi rgyud gcig nas gcig tu brgyud pa yang dag par rgyun chad pa bcom ldan 'das kyis bslab pa 'dod pa rnams dang / bslab pa la gus pa rnams dang / bslab pa la yo byad bsnyungs pa thob pa rnams kyi mchog tu bstan pa gang yin pa de'i yin gyis/ 'dir yang zhabs la phyag dag 'tshol cig/ 'di ni tshe dang ldan pa dga' bo'i gtsug lag khang ngo / /'di ni nye dga'i'o/ /'di ni 'dun pa'i 'o/ /'di ni 'gro mgyogs kyi'o/ /'di ni nab so'i 'o/ /'di ni kho bo'i gtsug lag khang ngo / /ci 'di yang lta bar byed dam/ 'phags pa ci bdag cag gis gtsug lag khang thams cad bltas nas/ gdod 'phags pa 'char ka'i gtsug lag khang blta bar mi bgyi'am/ bdag cag gis 'phags pa 'char ka'i gtsug lag khang 'di da shin tu blta bar bgyi'o/ /sring mo dag de bzhin gyis/ tshe dang ldan pa 'char ka de 'dod chags spyod pa yin pas de'i gtsug lag khang na sa gzhi </font><hr>Ca293a<br><font size=+1>


@#/ /mon sran gre'u'i phye mas bskus pa dang / rtsig pa bkra shing nye bar bkra ba dang / mal stan be'u phrug gi snying po can bshams pa dang / bum pa btung bas bkang pa bcu snod dang bcas pa bzhag pa dang / skon pa'i nang na bca' ba sna tshogs kyis gang ba dag yod do/ /tshe dang ldan pa 'char kas bram ze dang / khyim bdag gi chung ma rab tu mang po rang gi gtsug lag khang du 'ongs pa rnams la smras pa/ sring mo dag ci je khye'u sus bya'am 'on te btung ba 'thung / 'phags pa ci chu klung bzlog phyogs su 'bab bam/ bdag cag gis 'phags pa la gsol bar bgyi ba gang lags pa de nyid 'phags pas bdag cag la gsol tam/ 'di ltar bdag cag la gang dkon pa de stsol cig /sring mo dag khyed cag la ci zhig dkon/ 'phags pa chos mnyan pa'o/ / sring mo dag bcom ldan 'das kyis gnas drug po dag 'jig rten du byung ba ni ngo mtshar rmad du byung ba yin te/ drug po de dag gang zhe na/ de bzhin gshegs pa dgra bcom pa yang dag par rdzogs pa'i sangs rgyas dang / de bzhin gshegs pas gsungs pa'i chos 'dul ba dang / mi nyid dang / dbus pa'i gnas su skye ba dang / dbang po ma tshang ba med pa dang / dge ba'i chos la 'dun pa'o zhes legs par gsungs pas de'i phyir khyed cag dge ba'i phyogs la 'dun pa skyes pa 'di ni sangs rgyas 'byung ba dang 'dra ste legs so legs so/ /sring mo dag 'khod cig dang / kho bos khyed la </font><hr>Ca293b<br><font size=+1>


chos bstan par bya'o/ /de dag gis de'i rkang pa gnyis la phyag 'tshal te/ chos mnyan pa'i phyir mdun du 'khod pa dang / des de dag la chos bstan par brtsams so/ /ji lta ji ltar chos ston pa de lta de ltar kun tu chags so/ /ji lta ji ltar kun tu chags pa de lta de ltar dral to/ /ji lta ji ltar dral ba de lta de ltar de dag gi yan lag dang nying lag dag la nyug par brtsams so/ /'di lta ste dper na| mi gsang sngags nyid rjod par byed pa 'byung po'am sha zas tha lcag gis snun pas snun par gyur pa de bzhin du de yang de dag la ji lta ji ltar chos ston par byed pa de lta de ltar kun tu chags so/ / ji lta ji ltar kun tu chags pa de lta de ltar dral to/ /ji lta ji ltar dral ba de lta de ltar de dag gi yan lag dang nying lag dag la nyug par brtsams so/ /de na gang dag bdag gir byed pa de dag ni de dang lhan cig gzhog stegs dang phyag g.yeng dang mtho 'tsham pa dang kun tu rtse ba dang / kun tu ca co 'don pa dang / rgod pa dang dregs pa dang lus sgyur bar byed do/ /gang dag bdag gir mi byed pa de dag ni de nas phyir byung ste 'chag sa dang / dang ra dang / sgo khang dag na/ gang las chu 'byung de las 'bar/ gang las skyob pa de las 'jigs/ /'jigs pa med las 'jigs pa skyes/ /skyabs las 'jigs pa skyes par gyur/ /bdag cag gi phyogs gcig tu bde ba zhi ba/ bde legs brjod pa/ bde legs su 'gyur ba gang yin pa de las 'jigs pa dang yams dang gnod pa dang / 'go ba'i </font><hr>Ca294a<br><font size=+1>


@#/ /nad 'khrug pa byung bar gyur to zhes smod par byed/ phyar ka gtong bar byed/ kha zer bar byed do/ /de dag smod cing 'dod pa na/ dge slong dag gi mngon sum du gyur na de dag gis de dag smod pa thos pa dang de dag gis smras pa/ sring mo dag khyed cag su la smod/ 'phags pa dag khyed cag la'o/ /nged kyis ci byas/ 'phags pa dag bdag cag gi yan lag dang nying lag khyim thab kyis kyang de byugs pa gang dag lags pa de dag 'phags pa 'char kas byugs so/ /gal te bdag cag gi pha ma'am/ phu nu mo dag gis thos par gyur na rgyal byed kyi tshal ga la ba der ltar yang mi ster na mchi bar lta smos kyang ci 'tshal/ sring mo dag kha ro gcig /dge slong de ni mdun na 'don gyi bu las rab tu byung ba tshul khrims dang ldan pa yin mod kyi/ 'on kyang 'dod chags shas che ba yin pas rtsom pa des nyon mongs pa sel bar byed do/ /'phags pa dag ci lags/ glang bu gang la rwa rnon po gnyis mchis pa des bdag nyid kyi dku 'dral bar bgyid dam/ de ni mi rigs so/ /sring mo dag kha rog cig dang bzlog par bya'o/ /'phags pa dag gal te bzlog na de lta na legs/ gal te zlog par mi mdzad na bdag cag slan chad rgyal byed kyi tshal du mi mchi'o/ /sring mo dag kha rog cig dang / ci nas kyang phyin chad de lta byed par mi 'gyur bar bzlog par bya'o/ /dge slong rnams kyis de dag la bsgo ste dong pa dang lhag ma rnams kyang gtsug lag khang nas byung ste dong ngo / /de nas tshe dang ldan pa 'char ka yang dgod bzhin du </font><hr>Ca294b<br><font size=+1>


gtsug lag khang nas byung ba dang / dge slong rnams kyis de mthong nas smras pa/ tshe dang ldan pa 'char ka khyod mi mdzes pa de lta bu de byas nas da ci dgod/ 'char kas smras pa/ kho bos chang 'thungs sam| kun dong zos sam ci/ tshe dang ldan pa ci de yang byas sam/ gzhan ci zhig byas/ bram ze dang khyim bdag gi chung ma rab tu mang po de dag 'phya zhing dong ngo / /'char kas smras pa/ tshe dang ldan pa dag lhung bzed nag po can rnams kyi rang bzhin ni ser snas gang la yang tshig bzhi pa'i tshigs su bcad pa gcig tsam yang mi ston la de dag ni gang gzhan la ston pa de la 'phya bar byed do/ /de dag gis smras pa/ ci khyod kyis de dag bden pa dag la bkod dam/ des smras/ je de dag gi dbang po yongs su smin par bya bar brtsams na/ mthar gyis bden pa yang mthong bar 'gyur ro/ /dge slong don nyung ngu dag ci'i phyir dge slong dag yan lag gang gis ngo tsha bar bya ba'i yan lag de dag nyid kyis khengs par byed ces smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ / sangs rgyas bcom ldan 'das kyis/ tshe dang ldan pa 'char ka la rmas pa/ 'char ka khyod kyis mi mdzes pa de lta bu de byas par gyur pa bden nam/ btsun pa mad do/ /sangs rgyas bcom ldan 'das </font><hr>Ca295a<br><font size=+1>


@#/ /kyis dge sbyong gi tshul ma yin pa rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no zhes rnam par smad do/ / de nas bcom ldan 'das kyis rnam grangs du mas rnam par smad na dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dral cing gyur pa'i sems kyis bud med kyi yul dang lhan cig lus la reg par byed dam/ lag pa nas bzung ngam/ dpung pa nas bzung ngam/ lan bu nas bzung ngam/ yan lag dang nying lag gang yang rung ba la nom pa dang nyug pa bdag gir byed na dge 'dun lhag ma'o/ /yang dge slong gang zhes bya ba ni 'char ka'am/ gzhan yang de dang 'dra ba gang yin pa'o/ /dral cing gyur pa'i sems kyis zhes bya ba la sems dral cing ma gyur pa yang yod/ gyur cing ma dral ba yang yod do/ /dral cing gyur ba yang yod/ ma dral cing ma gyur pa yang yod do/ /de la re zhig dral cing ma gyur pa ni sems chags pa dang / kun tu chags pa dang / kun nas dkris pa gang yin pa'o/ /gyur cing ma dral ba ni sems ltos pa dang ldan zhing sems 'brel ba gang yin pa'o/ /dral cing gyur pa ni sems chags pa dang / kun tu chags pa dang kun nas dkris shing sems </font><hr>Ca295b<br><font size=+1>


ltos pa dang ldan pa dang 'brel ba gang yin pa'o/ /ma dral cing ma gyur pa ni rnam pa de dag ma gtogs pa'o/ /bud med kyi yul dang lhan cig ces bya ba ni bud med dam gzhon nu ma mi tshangs par spyod pa 'khrig pa'i chos ston nus pa gang yin pa dang ngo / /lus reg par zhes bya ba ni lus la lus gzhal bar ro/ /byed dam zhes bya ba ni byed par gyur tam mo/ /lag pa nas bzung ngam zhes bya ba ni/ mkhrig ma man chad kyi lag pa nas so/ /dpung pa nas bzung ngam zhes bya ba nas/ mkhrig ma yan chad nas so/ /lan bu nas bzung ngam zhes bya ba la lan bu zhes bya ba ni/ skra dag dang / de dang 'brel ba'i gos so/ / yan lag dang nying lag gang yang rung ba zhes bya ba ni/ lag pa nas bzung ba dang dpung pa nas bzung ba ma gtogs pa de las gzhan pa'i yan lag gi rnam pa gang gi rnam pa gang yin pa la'o/ /nom pa dang nyug pa bdag gir byed na zhes bya ba ni/ ro myong bar byed na'o/ /dge 'dun lhag ma'o zhes bya ba ni/ ltung ba de dge 'dun la rag las pa ste/ des na dge 'dun lhag ma'o zhes gsungs so zhes bya ba'i bar du snga ma bzhin no/ /de la ltung ba ji ltar 'gyur zhe na/ gzhi dgus te/ nom par byed pa dang / nyug par byed pa dang / sprod par byed pa dang / 'dzin par byed pa dang / 'dren par byed pa dang / yongs su 'dren par byed pa dang / 'og nas 'khyud par byed pa dang / steng nas 'khyud par byed pa dang / dam du sbyor bar byed pas so/ /ji ltar nom par byed pas she na/ dge slong gis dral cing gyur pa'i sems </font><hr>Ca296a<br><font size=+1>


@#/ /kyis bud med dang / gzhon nu ma mi tshangs par spyod pa 'khrig pa'i chos ston nus pa gang yin pa de'i spyi bo la nom par byed na/ gos kyis bar du ma chod pa la nom na dge 'dun lhag mar 'gyur ro/ /gos kyis bar du chod pa dang bcas pa la nom na nyes pa sbom por 'gyur ro/ /spyi bo la ji lta ba de bzhin du dpral ba dang mkhur ba dang / mchu dang ko sko dang / mgrin pa dang / rna ba dang / sna dang / za 'gram dang / phrag pa dang mchan khung dang thal gong dang glo dang rgyab dang / brang dang rked pa dang pus mo dang / brla dang rje ngar dang rkang pa'i rtse mo dang / tha na rkang pa'i mthe bo la nom par byed na gos kyis bar du ma chod pa la nom na dge 'dun lhag mar 'gyur ro/ /gos kyis bar du chod pa dang bcas pa la nom na nyes pa sbom por 'gyur ro/ /nom par byed pa la ji lta ba bzhin du nyug par byed pa dang / sprod pa byed pa dang / 'dzin par byed pa la yang de bzhin no/ /ji ltar 'dren par byed pas she na/ dge slong gis dral cing ma gyur pa'i sems kyis bud med dam gzhon nu ma mi tshangs par spyod pa 'khrig pa'i chos ston nus pa gang yin pa de thag ring po nas drung du 'dren par byed dam/ drung nas thag ring por 'dren par byed na gos kyis bar du chod pa med pa la 'dren na dge 'dun lhag mar 'gyur ro/ /gos kyis bar du chod pa dang bcas pa la 'dren na nyes pa sbom por 'gyur te/ de ltar 'dren par byed pas so/ /ji ltar yongs su </font><hr>Ca296b<br><font size=+1>


'dren par byed pas she na/ dge slong gis dral cing gyur pa'i sems kyis bud med dam gzhon nu ma mi tshangs par spyod pa 'khrig pa'i chos ston nus pa gang yin pa de rkang pa'i mtha' nas mgo'i mthar ram/ mgo'i mtha' nas rkang pa'i mthar yongs su 'dren par byed dam/ glo g.yon pa nas glo g.yas par ram/ glo g.yas pa nas glo g.yon par yongs su 'dren par byed na gos kyis bar du chod pa med pa yongs su 'dren na dge 'dun lhag mar 'gyur ro/ /gos kyis bar du chod pa dang bcas pa yongs su 'dren na nyes pa sbom por 'gyur te/ de ltar yongs su 'dren par byed pas so/ /ji ltar 'og nas 'khyud par byed pas she na/ dge slong gis dral cing gyur pa'i sems kyis bud med dam/ gzhon nu ma mi tshangs par spyod pa 'khrig pa'i chos ston nus pa gang yin pa de sa nas rkang pa'i rtse mor 'og nas 'khyud par byed na gos kyis bar du chod pa med par 'og nas 'khyud na dge 'dun lhag mar 'gyur ro/ /gos kyis bar du chod pa dang bcas par 'og nas 'khyud na nyes pa sbom por 'gyur ro/ /sa nas rkang pa'i rtse mor ji lta ba de bzhin du rkang pa'i rtse mo nas rje ngar du dang / rje ngar nas brlar dang / brla nas rked bar dang / rked pa nas brang du dang / brang nas glor dang / glo nas rgyab tu dang / rgyab nas phrag par dang / phrag pa nas mgrin par dang / mgrin pa nas ko skor dang / ko sko nas za 'gram du dang / za 'gram nas mkhur bar dang / mkhur ba nas dpral bar dang / dpral ba nas spyi bor dang / spyi bo nas khri'ur dang / khri'u nas khrir dang / khri nas khyogs </font><hr>Ca297a<br><font size=+1>


@#/ /spyil du dang / khyogs spyil nas rta'i rgyab tu dang / rta'i rgyab nas glang po che'i rgyab tu dang / glang po che'i rgyab nas khang bzang du 'og nas 'khyud par byed na gos kyis bar du chod pa med par 'og nas 'khyud na dge 'dun lhag mar 'gyur ro/ /gos kyis bar du chod pa dang bcas par 'og nas 'khyud na nyes pa sbom por 'gyur te/ de ltar 'og nas 'khyud par byed pas so/ /ji ltar steng nas 'khyud par byed pas she na/ dge slong gis dral cing gyur pa'i sems kyis bud med dam gzhon nu ma mi tshangs par spyod pa 'khrig pa'i chos ston nus pa gang yin pa de khang bzang nas glang po che'i rgyab tu steng du 'khyud par byed na/ gos kyis bar du chod pa med par steng nas 'khyud par byed na/ dge 'dun lhag mar 'gyur ro/ /gos kyis bar du chod pa dang bcas par steng nas 'khyud na nyes pa sbom por 'gyur ro/ /khang bzang nas glang po che'i rgyab tu ji lta ba de bzhin du/ glang po che'i rgyab nas rta'i rgyab tu dang / rta'i rgyab nas khyogs spyil du dang / khyogs spyil nas khrir dang / khri nas khri'ur dang| khri'u nas spyi bor dang / spyi bo nas dpral bar dang / dpral ba nas mkhur bar dang / mkhur ba nas za 'gram du dang / za 'gram nas ko skor dang / ko sko nas mgrin par dang / mgrin pa nas phrag par dang / phrag pa nas rgyab tu dang / rgyab nas glor dang / glo nas brang du dang / brang nas rked par dang / rked pa nas brlar dang / brla nas rje ngar du dang / rje ngar nas rkang pa'i rtse mor </font><hr>Ca297b<br><font size=+1>


dang| rkang pa'i rtse mo nas sa la steng nas 'khyud par byed na/ gos kyis bar du chod pa med par steng nas 'khyud na dge 'dun lhag mar 'gyur ro/ /gos kyis bar du chod pa dang bcas par steng nas 'khyud na nyes pa sbom por 'gyur te/ de ltar steng nas 'khyud par byed pas so/ /ji ltar dam du sbyor bar byed pas she na/ dge slong gis dral cir gyur pa'i sems kyis bud med dam/ gzhon nu mi ma tshangs par spyod pa 'khrig pa'i chos ston nus pa gang yin pa de'i spyi bor dam du sbyor bar byed na/ gos kyis bar du chod pa med par dam du sbyor na dge 'dun lhag mar 'gyur ro/ /gos kyis bar du chod pa dang bcas par dam du sbyor na nyes pa sbom por 'gyur ro/ /spyi bor ji lta ba de bzhin du dpral ba dang mkhur ba dang mchu dang ko sko dang mgrin pa dang / rna ba dang sna dang za 'gram dang / phrag pa dang mchan khung dang thal gong dang glo dang rgyab dang brang dang rked pa dang pus mo dang brla dang rje ngar dang rkang pa'i rtse mo dang / tha na rkang pa'i mthe bor dam du sbyor bar byed na/ gos kyis bar du chod pa med par dam du sbyor na dge 'dun lhag mar 'gyur ro/ /gos kyis bar du chod pa dang bcas par dam du sbyor na nyes pa sbom por 'gyur te/ de ltar dam du sbyor bar byed pas so/ /gzhan yang ji ltar nom par byed pas she na/ bud med dam gzhon nu ma mi tshangs par spyod pa 'khrig pa'i chos ston nus pa gang yin pa des dge slong gi spyi bo la nom par byed na gal te dge slong gis dral cing gyur pa'i sems kyis de'i ro myang bar byed/ </font><hr>Ca298a<br><font size=+1>


@#/ /nges par rtog par byed/ lhag par chags par byed/ lhag par chags shing 'dug par byed pa de lta de ltar lus nye bar gzhol bar byed na/ gos kyis bar du chod pa med pa la nye bar gzhol na dge slong la dge 'dun lhag mar 'gyur ro/ /gos kyis bar du chod pa dang bcas pa la nye bar gzhol na dge slong la nyes pa sbom por 'gyur ro/ /spyi bo la ji lta ba de bzhin du dpral ba dang mkhur ba dang mchu dang ko sko dang mgrin pa dang rna ba dang sna dang za 'gram dang phrag pa dang / mchan khung dang thal gong dang glo dang rgyab dang brang dang rked pa dang / pus mo dang brla dang rje ngar dang / rkang pa'i rtse mo dang / tha na rkang pa'i mthe bo la nom par byed pa na/ gal te dge slong gis dral cing gyur pa'i sems kyis de'i ro myang bar byed/ nges par rtog par byed/ lhag par chags par byed/ lhag par chags shing 'dug par byed pa de lta de ltar lus nye bar gzhol bar byed na gos kyis bar du chod pa med pa la nye bar gzhol na dge slong la dge 'dun lhag mar 'gyur ro/ /gos kyis bar du chod pa dang bcas pa la nye bar gzhol na nyes pa sbom por 'gyur ro/ /nom par byed pa la ji lta ba bzhin du nyug par byed pa dang / sprod par byed pa dang / 'dzin par byed pa yang de bzhin no/ /ji ltar 'dren par byed pas she na/ bud med dam gzhon nu ma mi tshangs par spyod pa 'khrig pa'i chos sten nus pa gang yin pa des dge slong thag ring po nas drung du 'dren par byed dam drung nas thag ring por 'dren par byed </font><hr>Ca298b<br><font size=+1>


pa na/ gal te dge slong gis dral cing gyur pa'i sems kyis de'i ro myang bar byed/ nges par rtog par byed/ lhag par chags par byed/ lhag par chags shing 'dug par byed pa de lta de ltar lus nye bar gzhol bar byed na/ gos kyis bar du chod pa med pa la nye bar gzhol na dge slong la dge 'dun lhag mar 'gyur ro/ /gos kyis bar du chod pa dang bcas pa la nye bar gzhol na nyes pa sbom por 'gyur te/ de ltar 'dren par byed pas so/ /ji ltar yongs su 'dren par byed pas she na/ bud med dam gzhon nu ma mi tshangs par spyod pa 'khrig pa'i chos ston nus pa gang yin pa des dge slong rkang pa'i mtha' nas mgo'i mthar ram/ mgo'i mtha' nas rkang pa'i mthar yongs su 'dren par byed dam/ glo g.yon pa nas glo g.yas par ram/ glo g.yas pa nas glo g.yon par yongs su 'dren par byed pa na/ gal te dge slong gis dral cing gyur pa'i sems kyis de'i ro myang bar byed/ nges par rtog par byed/ lhag par chags par byed/ lhag par chags shing 'dug par byed pa de lta de ltar lus nye bar gzhol bar byed na/ gos kyis bar du chod pa med pa la nye bar gzhol na dge slong la dge 'dun lhag mar 'gyur ro/ /gos kyis bar du chod pa dang bcas pa la nye bar gzhol na dge slong la nyes pa sbom por 'gyur te/ de ltar yongs su 'dren par byed pas so/ /ji ltar 'og nas 'khyud par byed pas she na/ bud med dam gzhon nu ma mi tshangs par spyod pa 'khrig pa'i chos ston nus pa gang yin pa des dge slong nas rkang </font><hr>Ca299a<br><font size=+1>


@#/ /pa'i rtse mor 'og nas 'khyud par byed pa na/ gal te dge slong gis dral cing gyur pa'i sems kyis de'i ro myang bar byed/ nges par rtog par byed/ lhag par chags par byed| lhag par chags shing 'dug par byed pa de lta de ltar lus nye bar gzhol bar byed na/ gos kyis bar du chod pa med pa la nye bar gzhol na dge slong la dge 'dun lhag mar 'gyur ro/ /gos kyis bar du chod pa dang bcas pa la nye bar gzhol na dge slong la nyes pa sbom por 'gyur ro/ /sa nas rkang pa'i rtse mor ji lta ba de bzhin du rkang pa'i rtse mo nas rje ngar du dang / rje ngar nas brlar dang / brla nas rked par dang / rked pa nas brang du dang / brang nas glor dang / glo nas rgyab tu dang / rgyab nas phrag pa dang / phrag pa nas mgrin par dang / mgrin pa nas ko skor dang / ko sko nas za 'gram du dang / za 'gram nas mkhur bar dang / mkhur ba nas dpral bar dang / dpral ba nas spyi bor dang / spyi bo nas khri'ur dang / khri'u nas khrir dang / khri nas khyogs spyil du dang / khyogs spyil nas rta'i rgyab tu dang / rta'i rgyab nas glang po che'i rgyab tu dang / glang po che'i rgyab nas khang bzang du 'og nas 'khyud par byed pa na/ gal te dge slong gis dral cing gyur pa'i sems kyis de'i ro myang bar byed/ nges par rtog par byed/ lhag par chags par byed/ lhag par chags shing 'dug par byed pa de lta de ltar lus nye bar gzhol bar byed na/ gos kyis bar du chod pa med </font><hr>Ca299b<br><font size=+1>


pa la nye bar gzhol na dge slong la dge 'dun lhag mar 'gyur ro/ /gos kyis bar du chod pa dang bcas pa la nye bar gzhol na dge slong la nyes pa sbom por 'gyur te/ de ltar 'og nas 'khyud par byed pas so| |ji ltar steng nas 'khyud par byed pas she na/ bud med dam gzhon nu ma mi tshangs par spyod pa 'khrig pa'i chos ston nus pa gang yin pa des dge slong khang bzang nas glang po che'i rgyab tu steng nas 'khyud par byed pa na/ gal te dge slong gis dral cing gyur pa'i sems kyis ro myang bar byed/ nges par rtog par byed/ lhag par chags par byed/ lhag par chags shing 'dug par byed pa de lta de ltar lus nye bar gzhol bar byed na/ gos kyis bar du chod pa med pa la nye bar gzhol na dge slong la dge 'dun lhag mar 'gyur ro/ /gos kyis bar du chod pa dang bcas pa la nye bar gzhol na dge slong la nyes pa sbom por 'gyur ro/ /khang bzang nas glang po che'i rgyab tu ji lta ba de bzhin du glang po che'i rgyab nas rta'i rgyab tu dang / rta'i rgyab nas khyogs spyil du dang / khyogs spyil nas khrir dang / khri nas khri'ur dang / khri'u nas spyi bor dang / spyi bo nas dpral bar dang / dpral ba nas mkhur bar dang / mkhur ba nas za 'gram du dang / za 'gram nas ko skor dang / ko sko nas mgrin par dang / mgrin pa nas phrag par dang / phrag pa nas rgyab tu dang / rgyab nas glor dang / glo nas brang du dang / brang nas rked par dang / rked pa nas brlar dang / brla nas rje ngar du dang / rje ngar nas rkang pa'i rtse mor dang / rkang pa'i rtse mo </font><hr>Ca300a<br><font size=+1>


@#/ /nas sa la steng nas 'khyud par byed pa na/ gal te dge slong gis dral cing gyur pa'i sems kyis de'i ro myang bar byed/ nges par rtog par byed/ lhag par chags par byed// lhag par chags shing 'dug par byed pa de lta de ltar lus nye bar gzhol bar byed na/ gos kyis bar du chod pa med pa la nye bar gzhol na dge slong la dge 'dun lhag mar 'gyur ro/ /gos kyis bar du chod pa dang bcas pa la nye bar gzhol na dge slong la nyes pa sbom por 'gyur te/ de ltar steng nas 'khyud par byed pas so/ /ji ltar dam du sbyor bar byed pas she na/ bud med dam gzhon nu ma mi tshangs par spyod pa 'khrig pa'i chos ston nus pa gang yin pa des dge slong gi spyi bor dam du sbyor bar byed pa na/ gal te dge slong gis dral cing gyur pa'i sems kyis de'i ro myang bar byed/ nges par rtog par byed/ lhag par chags par byed/ lhag par chags shing 'dug par byed pa de lta de ltar lus nye bar gzhol bar byed na/ gos kyis bar du chod pa med pa la nye bar gzhol na dge slong la dge 'dun lhag mar 'gyur ro/ /gos kyis bar du chod pa dang bcas pa la nye bar gzhol bar byed na dge slong la nyes pa sbom por 'gyur ro/ /spyi bo la ji lta ba de bzhin du dpral ba dang / mkhur ba dang mchu dang ko sko dang mgrin pa dang / rna ba dang sna dang za 'gram dang phrag pa dang mchan khung dang thal gong dang glo dang rgyab dang brang dang rkang pa dang pus mo dang brla dang rje ngar dang rkang pa'i sen mo dang / tha na rkang pa'i mthe </font><hr>Ca300b<br><font size=+1>


bong la dam du sbyor bar byed pa na/ gal te dge slong gis dral cing gyur pa'i sems kyis de'i ro myang bar byed/ nges par rtog par byed/ lhag par chags par byed/ lhag par chags shing 'dug par byed pa de lta de ltar lus nye bar gzhol bar byed pa na/ gos kyis bar du chod pa med pa la nye bar gzhol na dge slong la dge 'dun lhag mar 'gyur ro/ /gos kyis bar du chod pa dang bcas pa la nye bar gzhol na dge slong la nyes pa sbom por 'gyur te/ de ltar dam du sbyor bar byed pas so/ /nus pa la dge 'dun lhag ma gang yin pa de mi nus pa la nyes pa sbom po'o/ /skyes pa dang za ma dang ma ning dang mtshan gnyis pa la nyes pa sbom po'o/ /nus pa la nyes pa sbom po gang yin pa de mi nus pa la nyes byas so/ /skyes pa dang za ma dang ma ning dang mtshan gnyis pa la yang nyes byas nyid do/ /dud 'gro'i skye gnas su skyes pa la yang nyes byas nyid do/ /nus pa la nyes byas gang yin pa de mi nus pa la yang nyes byas nyid do/ /skyes pa dang za ma dang ma ning dang mtshan gnyis pa dang dud 'gro'i skye gnas su skyes pa la yang nyes byas nyid do/ /ma yang yin la mar 'du shes pa yang yod pa dang / sring mo yang yin la sring mor 'du shes pa yang yod pa dang / bu mo yang yin la bu mor 'du shes pa yang yod pa la ltung ba med do/ /mer mchong ba dang chus khyer ba dang / dug za ba dang mtshon 'byin pa dang / g.yang sa nas 'chong ba dang / thag pas 'ching ba dang / 'chi ba la mngon par phyogs pa 'chi ba las </font><hr>Ca301a<br><font size=+1>


@#/ /thar par byed pa la ltung ba med do/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /lus kyis reg pa'i dge 'dun lhag ma ste gnyis pa rdzogs so// //'dul ba rnam par 'byed pa/ bam po bcu drug pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /drug sde dag gi kun tu spyod pa ni 'dir bdag cag gis bram ze dang khyim bdag 'ongs shing lhags pa rnams la yang chos bstan par bya/ rgol ba dag kyang tshar gcad par bya/ rang gi grags pa yang bsgrag par bya'o snyam pas drug sde las gang yang rung bas rgyal byed kyi tshal gyi sgo stong par mi 'jog pas tshe dang ldan pa 'char ka nang par sngar langs te so shing bor nas snam sbyar dmar ser gyon te rgyal byed kyi tshal gyi sgo na 'chag cing 'dug go /mnyan yod na gnas pa'i bram ze dang khyim bdag gi chung ma rnams kyi kun tu spyod pa ni skyed mos tshal du song ste/ rgyal byed kyi tshal du 'jug pa dang / gtsug lag khang lta ba dang / bcom ldan 'das dang / dge slong gnas brtan gnas brtan rnams kyi zhabs la phyag 'tshal du 'gro bas bram ze dang / khyim bdag gi chung ma rab tu mang po dag skyed mos tshal tu byung ste/ gtsug lag khang lta 'dod pas rgyal byed kyi tshal ga la ba der dong ngo zhes bya ba nas/ des de dag la chos bstan par brtsams so/ /zhes bya ba'i bar du dge 'dun lhag ma </font><hr>Ca301b<br><font size=+1>


gnyis pa'i skabs su bstan pa bzhin no/ /ji lta ji ltar chos bstan pa de lta de ltar kun tu chags so/ /ji lta ji ltar kun tu chags pa de lta de ltar dral to/ /ji lta ji ltar dral ba de lta de ltar de dag las gnas ngan len gyi tshig sdig pa can tshogs par mi dbyung ba 'khrig pa dang ldan pa dag skyes bus na chung la ji lta ba bzhin du smra bar brtsams so/ /'di lta ste dper na mi gsang sngags nyid rjod par byed pa 'byung po'am/ sha zas tha lcag gis snun pas snun par gyur pa de bzhin du de yang de dag la ji lta ji ltar chos ston par byed pa de lta de ltar kun tu chags so/ /ji lta ji ltar kun tu chags pa de lta de ltar dral to/ /ji lta ji ltar dral ba de lta de ltar de dag la gnas ngan len gyi tshig sdig pa can tshogs par mi dbyung ba 'khrig pa dang ldan pa dag skyes bus na chung la ji lta ba bzhin du smra bar brtsams so/ /de na gang dag bdag gir byed pa de dag ni de dang lhan cig gzhog stegs dang / phyar g.yeng dang mtho 'tsham pa dang / kun tu rtse ba dang kun tu ca co 'don pa dang / rgod pa dang dregs pa dang / lus sgyur bar byed de/ gang dag bdag gir mi byed pa de dag ni de nas phyir byung ste 'chag sa dang / dngar dang / sgo khang dag na/ gang las chu 'byung de las 'bar/ /gang las skyob pa de las 'jigs/ /'jigs pa med pas 'jigs pa skyes/ skyabs las 'jigs pa skyes par 'gyur/ /bdag cag gis phyogs gcig tu bde ba zhi ba/ bde legs rjod pa/ bde legs su 'gyur ba gang yin pa de las 'jigs pa dang / yams dang gnod pa dang / 'go ba'i </font><hr>Ca302a<br><font size=+1>


@#/ /nad dang 'khrug pa byung bar gyur to zhes smod par byed/ phyar ka gtong bar byed/ kha zer bar byed do/ /de dag smod cing 'dong ba na dge slong dag gi mngon sum du gyur nas/ de dag gis de dag smod pa thos pa dang / de dag gis smras pa dang / sring mo dag khyed cag su la smod/ 'phags pa dag khyed cag la'o/ /nged kyis ci byas/ 'phags pa dag bdag cag gis dwa rnams dang / rgyan po pa rnams dang / nal gyi bu rnams las kyang tshig gang dag sngon ma thos pa de dag 'phags pa 'char ka las thos so/ /gal te bdag cag gi pha ma dang phu nu mo dag gis thos par gyur na/ rgyal byed kyi tshal ga la ba der ltar yang mi ster na mchi bar lta smos kyang ci 'tshal/ sring mo dag kha rog cig /dge slong de ni mdun na 'don gyi bu las rab tu byung ba tshul khrims dang ldan pa yin mod kyi 'on kyang 'dod chags shas che ba yin pas rtsom pa des nyon mongs pa sel bar byed do/ /'phags pa dag ci lags/ glang bu gang la rwa rnon po gnyis mchis pa des bdag nyid kyi dku 'dral bar bgyid dam/ de ni mi rigs so/ /sring mo dag kha rog cig dang / bzlog par bya'o/ /'phags pa dag gal te bzlog na de lta na legs/ gal te zlog par mi mdzad na bdag cag slan chad rgyal byed kyi tshal du mi mchi'o/ /sring mo dag kha rog cig dang / ci nas kyang phyin chad de lta byed par mi 'gyur bar bzlog par bya'o/ /dge slong rnams kyis de dag la bsgo ste dong ba dang / lhag ma rnams kyang gtsug lag khang nas </font><hr>Ca302b<br><font size=+1>


byung ste dong ngo / /de nas tshe dang ldan pa 'char ka yang dgod bzhin du gtsug lag khang nas byung ba dang / dge slong rnams kyis de mthong nas smras pa/ tshe dang ldan pa 'char ka khyod mi mdzes pa de lta bu de byas nas de ci dgod/ 'char kas smras pa/ kho bos chang 'thungs sam/ kun dong zos sam ci/ tshe dang ldan pa ci/ de las byas sam/ gzhan ci zhig byas/ bram ze dang khyim bdag gi chung ma rab tu mang po de dag smod cing dong ngo / /'char kas smras pa/ tshe dang ldan pa dag lhung bzed nag po can rnams kyis rang bzhin ni ser snas gang la yang tshig bzhi pa'i tshigs su bcad pa gcig tsam mi ston pa de dag ni gang gzhan la ston pa de la smod par byed do/ /de dag gis smras pa/ ci khyod kyis de dag bden pa dag la bkod dam/ des smras pa/ je de dag gis dbang po yongs su smin par bya ba brtsams nas mthar gyis bden pa yang mthong bar 'gyur ro/ /dge slong don nyung ngu dag ci'i phyir dge slong dag yan lag gang gis ngo tsha bar bya ba'i yan lag de nyid kyis khengs par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das kyis tshe dang ldan pa 'char ka la rmas pa/ 'char ka khyod kyis mi mdzes pa de lta bu de byas par gyur pa bden </font><hr>Ca303a<br><font size=+1>


@#/ /nam| btsun pa mad do/ /sangs rgyas bcom ldan 'das kyis dge slong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no/ /zhes rnam par smad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dral cing gyur pa'i sems kyis bud med kyi yul la gnas ngan len gyi tshig sdig pa can tshogs par mi dbyung ba 'khrig pa dang ldan pa dag skyes bus na chung la ji lta ba bzhin du smras na dge 'dun lhag ma'o/ /yang dge slong gang zhes bya ba ni 'char ka'am gzhan yang de lta bu gang yin pa'o/ /dral cing gyur pa'i sems kyi zhes bya ba ni sems dral cing ma gyur pa yang yod/ gyur cing ma dral ba yang yod/ dral cing gyur pa yang yod/ ma dral cing ma gyur pa yang yod do/ /de la re zhig sems dral cing ma gyur pa ni sems chags pa dang kun tu chags pa dang kun nas dkris pa gang yin pa'o/ /gyur cing ma dral ba ni sems ltos pa dang bcas shing 'brel ba gang yin pa'o/ /dral cing gyur pa ni sems chags pa </font><hr>Ca303b<br><font size=+1>


dang kun tu chags pa dang / kun nas dkris pa dang sems ltos pa dang bcas shing 'brel ba gang yin pa'o/ /ma dral cing ma gyur pa ni rnam pa de dag ma gtogs pa'o/ /bud med kyi yul la zhes bya ba ni bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa la'o/ /gnas ngan len ces bya ba la gnas ngan len ni gnyis te/ pham par 'gyur ba kun nas slong ba dang / dge 'dun lhag ma kun nas slong ba'o/ /ci'i phyir de dag gnas ngan len ces bya zhe na/ ngo bo nyid las dang / kun nas slong ba las so/ /tshig ces bya ba ni brjod pa'o/ /sdig pa can zhes bya ba la sdig pa zhes bya ba ni kha na ma tho ba'o/ /tshogs par mi dbyung ba zhes bya ba ni dbus pa'i mtshams las 'das pa ste/ tshul dang mi mthun pa'o/ /'khrig pa dang ldan pa zhes bya ba ni mi tshangs par spyod pa dang ldan pa'o/ /skyes bus na chung la ji lta ba bzhin du zhes bya ba la/ skyes bu zhes bya ba ni skyes pa'o/ /na chung zhes bya ba ni bud med do/ /smras na zhes bya ba ni ma smras pa la smras pa dang / smras pa la phyir smras na'o/ /dge 'dun lhag ma'o zhes bya ba ni snga ma bzhin no/ /de la ltung ba ji ltar 'gyur zhe na/ gzhi dgus te/ bsngags pa byed pa dang / bsngags pa ma yin pa byed pa dang / gsol ba byed pa dang / nye bar gsol ba byed pa dang / 'dri bar byed pa dang / yongs su 'dri bar byed pa dang / rjod par byed pa dang / smon par byed pa dang / gshe bar byed pas so/ de la ji ltar bsngags pa byed pas she </font><hr>Ca304a<br><font size=+1>


@#/ /na| dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces sru khyod kyi rma'i sgo gsum po dag ni te por legs par dod pa dang / legs par gnas pa dang / legs par gyur pa dag yin no zhes zer zhing 'khrig pa dang ldan pa rgya'i rna ru zhes bya ba'i ming rjod par byed na dge 'dun lhag mar 'gyur ro/ /rgya'i rna ru zhes bya ba'i ming rjod par mi byed na nyes pa sbom por 'gyur te/ de ltar bsngags pa byed pas so/ /ji ltar bsngags pa ma yin pa byed pas she na/ dge slong gis dral cing gyur pa'i sems kyis bud med dam gzhon nu ma legs par smras pa dang nyes pa smras pa'i chos rnams kyi don kun shes par nus pa gang yin pa de'i gan du song ste/ 'di skad ces sru khyod kyi rma'i sgo gsum po dag ni te por ma legs par dod pa dang / ma legs par gnas pa dang / ma legs par gyur pa dag yin no/ / zhes zer zhing 'khrig pa dang ldan pa rgya'i rna ru zhes bya ba'i ming rjod par byed na dge 'dun lhag mar 'gyur ro/ /rgya'i rna ru zhes bya ba'i ming rjod par mi byed na nyes pa sbom por 'gyur te/ de ltar bsngags pa ma yin pa byed pas so/ /ji ltar gsol ba byed pas she na/ dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams </font><hr>Ca304b<br><font size=+1>


kyi don kun shes par nus pa gang yin pa de'i gan du song ste/ 'di skad ces sru tshur shog /de dang de bya'o zhes zer zhing 'khrig pa dang ldan pa'i rgya'i rna ru zhes bya ba'i ming rjod par byed na dge 'dun lhag mar 'gyur ro| |rgya'i rna ru zhes bya ba'i ming rjod par mi byed na nyes pa sbom por 'gyur te/ de ltar gsol bar byed pas so/ /ji ltar nye bar gsol ba byed pas she na/ dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces sru bud med dang skyes pa de dang de byed pa gang yin pa de ni de'i dga' ba dang yid du 'ong ba yin gyis sru bdag cag kyang de dang de bya na sru bdag gi dga' ba dang yid du 'ong bar 'gyur ro zhes zer zhing / 'khrig pa dang ldan pa'i rgya'i rna ru zhes bya ba'i ming rjod par byed na dge 'dun lhag mar 'gyur ro/ /rgya'i rna ru zhes bya ba'i ming rjod par mi byed na nyes pa sbom por 'gyur te/ de ltar nye bar gsol bar byed pas so/ /ji ltar 'dri bar byed pas she na/ dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste 'di skad ces sru skyes pa gang bud med gang la de dang de byed pa de ni de'i dga' ba dang yid du 'ong bar gyur na/ kho bos kyang sru la de dang de bya na sru kho bo'i dga' ba dang yid du 'ong bar 'gyur ram zhes zer zhing / 'khrig pa dang ldan pa rgya'i </font><hr>Ca305a<br><font size=+1>


@#/ /rna ru zhes bya ba'i ming rjod par byed na dge 'dun lhag mar 'gyur ro/ /rgya'i rna ru zhes bya ba'i ming rjod par mi byed na nyes pa sbom por 'gyur te/ de ltar 'dri bar byed pas so| |ji ltar yongs su 'dri bar byed pas she na/ dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces sru skyes pa gang bud med dang de dang de byed pa de ni de'i dga' ba dang yid du 'ong bar 'gyur na/ kho bos kyang sru la de dang de bya na sru kho bo la dga' ba dang yid du 'ong bar 'gyur ba de de bzhin nam 'on te ma yin/ de la sru ji snyam byed cing zer zhing 'khrig pa dang ldan pa rgya'i rna ru zhes bya ba'i ming rjod par byed na dge 'dun lhag mar 'gyur ro| |rgya'i rna ru'i ming rjod par mi byed na nyes pa sbom por 'gyur te/ de ltar yongs su 'dri bar byed pas so/ /ji ltar rjod par byed pas she na/ dge slong gis dral cing gyur pa'i sems kyis bud med dam/ gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces sru ma dang su ma kho bo'i gan du skyed mos tshal lam lha'i gnas sam dus mal che ge mo zhig tu bud med de lta bu zhig don de'i phyir 'ongs par gyur nas/ kho bos mal me tog gis bkram pa bshams shing mtshan thog thag 'bru mar gyi </font><hr>Ca305b<br><font size=+1>


mar me btsugs nas/ kho bos de dang lhan cig bca' ba de dang de lta bu 'chos shing bza' ba de dang de lta bu yang zos/ btung ba de dang de lta bu yang 'thungs shing / kho bos de dang lhan cig de dang de yang byas te| sru yang don de'i phyir 'ongs par gyur na kho bos mal me tog gis bkram pa bshams shing mtshan thog thag 'bru mar gyi mar me btsugs nas/ kho bos sru dang lhan cig bca' ba de dang de lta bu 'chos shing| bza' ba de dang de lta bu yang zos/ btung ba de dang de lta bu yang 'thungs shing kho bos sru dang lhan cig de dang de yang byas pa 'gyur ro zhes zer zhing 'khrig pa dang ldan pa rgya'i rna ru zhes bya ba'i ming rjod par byed na dge 'dun lhag mar 'gyur ro/ /rgya'i rna ru zhes bya ba'i ming rjod par mi byed na nyes pa sbom por 'gyur te/ de ltar rjod par byed pas so/ /ji ltar smon par byed pas she na/ dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces sru gang dag sru dang lhan cig de lta de ltar byed pa de dag ni bde bar gyur cing mtho ris thob pa yin pas kho bos yang gal te sru dang lhan cig de dang de byas na bde bar 'gyur zhing mtho ris kyang thob par 'gyur ro zhes zer zhing 'khrig pa dang ldan pa rgya'i rna ru zhes bya ba'i ming rjod par byed na dge 'dun lhag mar 'gyur ro/ /rgya'i rna ru zhes bya ba'i ming rjod par mi byed na nyes pa sbom por 'gyur te/ de ltar smon par byed pas so/ /ji ltar gshe bar </font><hr>Ca306a<br><font size=+1>


@#/ /byed pas she na/ dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces ro lta bu zhes bya ba la sogs pas spyo ba dag gis spyo bar byed cing 'khrig pa dang ldan pa rgya'i rna ru zhes bya ba'i ming rjod par byed na dge 'dun lhag mar 'gyur ro| |rgya'i rna ru zhes bya ba'i ming rjod par mi byed na nyes pa sbom por 'gyur te/ de ltar gshe bar byed pas so/ /gzhan yang ji ltar bsngags pa byed pas she na/ bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de dge slong gi gan du 'ongs te 'di skad ces/ 'phags pa khyod kyi rma'i sgo gsum po dag ni te por legs par dod pa dang / legs par gnas pa dang / legs par gyur pa yin no zhes zer ba na/ dge slong gis dral cing gyur pa'i sems kyis de'i ro myang bar byed/ nges par rtog par byed/ /lhag par chags par byed/ lhag par chags shing 'dug par byed pa de lta de ltar phyir smra bar byed cing 'khrig pa dang ldan pa rgya'i rna ru zhes bya ba'i ming rjod par byed na dge 'dun lhag mar 'gyur ro/ /rgya'i rna ru zhes bya ba'i ming rjod par mi byed na nyes pa sbom por 'gyur te/ de ltar bsngags pa byed pas so/ /ji ltar bsngags pa ma yin pa byed pas she na/ bud med dam gzhon nu ma legs par smras pa </font><hr>Ca306b<br><font size=+1>


dang| nyes par smras pa'i chos rnams kyi don kun shes par nus pa gang yin pa de dge slong gi gan du 'ongs te/ 'di skad ces 'phags pa khyod kyi rma'i sgo gsum po dag ni te por ma legs par dod pa dang / ma legs par gnas pa dang / ma legs par gyur pa dag yin no zhes zer ba na dge slong gis dral cing gyur pa'i sems kyis de'i ro myang bar byed/ nges par rtog par byed/ lhag par chags par byed/ lhag par chags shing 'dug par byed pa de lta de ltar phyir smra bar byed cing 'khrig pa dang ldan pa rgya'i rna ru zhes bya ba'i ming rjod par byed na dge 'dun lhag mar 'gyur ro/ /rgya'i rna ru zhes bya ba'i ming rjod par mi byed na nyes pa sbom por 'gyur te/ de ltar bsngags pa ma yin pa byed pas so/ /ji ltar gsol ba byed pas she na/ bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de dge slong gi gan du 'ongs te 'di skad ces 'phags pa tshur spyon/ de dang de bgyi'o zhes zer ba na dge slong gis dral cing gyur pa'i sems kyis de'i ro myang bar byed/ nges par rtog par byed/ lhag par chags par byed/ lhag par chags shing 'dug par byed pa de lta de ltar phyir smra bar byed cing 'khrig pa dang ldan pa rgya'i rna ru zhes bya ba'i ming rjod par byed na dge 'dun lhag mar 'gyur ro/ /rgya'i rna ru zhes bya ba'i ming rjod par mi byed na nyes pa sbom por 'gyur te/ de ltar gsol ba byed pas so/ /ji ltar nye bar gsol bar byed pas she na/ bud med dam gzhon nu ma legs par smras pa dang / nyes par smras </font><hr>Ca307a<br><font size=+1>


@#/ /pa'i chos rnams kyi don kun shes par nus pa gang yin pa de dge slong gi gan du 'ongs te/ 'di skad ces 'phags pa bud med dang skyes pa de dag de bgyid pa gang lags pa de ni de'i dga' ba dang yid du 'ong ba lags kyis/ 'phags pa bdag cag kyang de dang de bgyid na/ 'phags pa bdag gi dga' ba dang yid du 'ong bar 'gyur ro zhes zer ba na/ dge slong gis dral cing gyur pa'i sems kyis de'i ro myang bar byed/ nges par rtog par byed/ lhag par chags par byed/ lhag par chags shing 'dug par byed pa de lta de ltar phyir smra bar byed cing 'khrig pa dang ldan pa rgya'i rna ru zhes bya ba'i ming rjod par byed na dge 'dun lhag mar 'gyur ro/ /rgya'i rna ru zhes bya ba'i ming rjod par mi byed na nyes pa sbom por 'gyur te/ de ltar nye bar gsol bar byed pas so/ /ji ltar 'dri bar byed pas she na/ bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de dge slong gi gan du 'ongs te/ 'di skad ces 'phags pa skyes pa gang bud med gang la de dang de byed pa de ni de'i dga' ba dang yid du 'ong bar 'gyur na/ kho mos kyang 'phags pa la de dang de bgyid na/ 'phags pa kho mo dga' ba dang yid du 'ong bar 'gyur ram zhes zer ba na/ dge slong gis dral cing gyur pa'i sems kyis de'i ro myang bar byed/ nges par rtog par byed/ lhag par chags par byed/ lhag par chags shing 'dug par byed pa de lta de ltar phyir smra bar byed cing / 'khrig pa dang </font><hr>Ca307b<br><font size=+1>


ldan pa rgya'i rna ru zhes bya ba'i ming rjod par byed na dge 'dun lhag mar 'gyur ro/ /rgya'i rna ru zhes bya ba'i ming rjod par mi byed na nyes pa sbom por 'gyur te/ de ltar 'dri bar byed pas so/ /ji ltar yongs su 'dri bar byed pas she na/ bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de dge slong gi gan du 'ongs te/ 'di skad ces 'phags pa skyes pa gang bud med la de dang de bgyid pa de ni de'i dga' ba dang yid du 'ong bar 'gyur na/ kho mos kyang 'phags pa la de dang de bgyid na/ 'phags pa kho mo dga' ba dang yid du 'ong bar 'gyur ba de de bzhin nam 'on te ma lags/ de la 'phags pa ji snyam mdzad ces zer na/ dge slong gis dral cing gyur pa'i sems kyis de'i ro myang bar byed/ nges par rtog par byed/ lhag par chags par byed/ lhag par chags shing 'dug par byed pa de lta de ltar phyir smra bar byed cing / 'khrig pa dang ldan pa rgya'i rna ru zhes bya ba'i ming rjod par byed na dge 'dun lhag mar 'gyur ro/ /rgya'i rna ru zhes bya ba'i ming rjod par mi byed na nyes pa sbom por 'gyur te/ de ltar yongs su 'dri bar byed pas so/ /ji ltar rjod par byed pas she na/ bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de dge slong gi gan du 'ongs te/ 'di skad ces 'phags pa ma dang su ma kho mo'i gan du skyed mos tshal lam lha'i gnas sam/ dus mal che ge mo zhig tu skyes pa de lta bu zhig don de'i slad du </font><hr>Ca308a<br><font size=+1>


@#/ /mchis par gyur nas/ kho mos mal me tog gis bkram pa bshams shing mtshan thog thag tu 'bru mar gyi mar me btsugs nas kho mos de dang lhan cig bca' ba de dang de lta bu 'chos shing bza' ba de dang de lta bu yang 'tshal/ btung ba de dang de lta bu yang 'tshal cing kho mos de dang lhan cig de dang de yang bgyis te/ 'phags pa yang don de'i slad du byon par gyur na/ kho mos mal me tog gis bkram pa bshams shing mtshan thog thag 'bru mar gyi mar me btsugs nas/ kho mos 'phags pa dang lhan cig bca' ba de dang de lta bu 'chos shing bza' ba de dang de lta bu yang 'tshal/ btung ba de dang de lta bu yang 'tshal cing / kho mos 'phags pa dang lhan cig de dang de yang bgyis par 'gyur ro zhes zer ba na/ dge slong gis dral cing gyur pa'i sems kyis de'i ro myang bar byed/ nges par rtog par byed/ lhag par chags par byed/ lhag par chags shing 'dug par byed pa de lta de ltar phyir smra bar byed cing 'khrig pa dang ldan pa rgya'i rna ru zhes bya ba'i ming rjod par byed na dge 'dun lhag mar 'gyur ro/ /rgya'i rna ru zhes bya ba'i ming rjod par mi byed na nyes pa sbom por 'gyur te/ de ltar rjod par byed pas so/ /ji ltar smon par byed pas she na/ bud med dam gzhon nu ma legs par smras pa dang / nyes par smras pa'i don kun shes par nus pa gang yin pa de dge slong gi gan du 'ongs te/ 'di skad ces 'phags pa gang dag 'phags pa dang lhan cig de lta de ltar bgyid pa de dag </font><hr>Ca308b<br><font size=+1>


ni bde bar gyur cing mtho ris thob pa lags pas/ kho mo yang gal te 'phags pa dang lhan cig de dang de bgyid na bde bar 'gyur zhing mtho ris kyang thob par 'gyur ro zhes zer ba na/ dge slong gis dral cing gyur pa'i sems kyis de'i ro myang bar byed/ nges par rtog par byed/ lhag par chags par byed/ lhag par chags shing 'dug par byed pa de lta de ltar phyir smra bar byed cing 'khrig pa dang ldan pa rgya'i rna ru zhes bya ba'i ming rjod par byed na dge 'dun lhag mar 'gyur ro/ /rgya'i rna ru zhes bya ba'i ming rjod par mi byed na nyes pa sbom por 'gyur te/ de ltar smon par byed pas so/ /ji ltar gshe bar byed pas she na/ bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de dge slong gi gan du 'ongs te/ 'di skad ces ro lta bu zhes bya ba la sogs pas spyo ba dag gis spyo bar byed pa na/ dge slong gis dral cing gyur pa'i sems kyis de'i ro myang bar byed/ nges par rtog par byed/ lhag par chags par byed/ lhag par chags shing 'dug par byed pa de lta de ltar phyir smra bar byed cing 'khrig pa dang ldan pa rgya'i rna ru zhes bya ba'i ming rjod par byed na dge 'dun lhag mar 'gyur ro/ /rgya'i rna ru zhes bya ba'i ming rjod par mi byed na nyes pa sbom por 'gyur te/ de ltar gshe bar byed pas so/ /nus pa la dge 'dun lhag ma gang yin pa de mi nus pa la nyes pa sbom po'o/ /skyes pa dang za ma dang ma ning dang mtshan gnyis pa la nyes pa sbom po'o/ /nus pa la nyes pa sbom </font><hr>Ca309a<br><font size=+1>


@#/ /po gang yin pa de mi nus pa la nyes byas so/ /skyes pa dang za ma dang ma ning dang mtshan gnyis pa la yang nyes byas nyid do/ /dud 'gro'i skye gnas su skyes pa la yang nyes byas nyid do/ /nus pa la yang nyes byas gang yin pa de mi nus pa la yang nyes byas nyid do/ /skyes pa dang za ma dang ma ning dang mtshan gnyis pa la yang nyes byas nyid do/ /dud 'gro'i skye gnas su skyes pa la yang nyes byas nyid do/ /skad kyi nges pa'i tshig dang yul gyi nges pa'i tshig dang ljongs kyi nges pa'i tshig gis ni ltung ba med do/ /nas kyi ming dang rtswa'i ming dang yol ba'i ming rjod pa la ni ltung ba med do/ /las dang po pa dang / smyos pa dang sems 'khrugs pa dang / tshor ba dag gis nyen pa la ni ltung ba med do/ /'khrig pa dang ldan pa smra ba'i dge 'dun lhag ma ste gsum pa rdzogs so// //sangs rgyas bcom ldan 'das mnyan yod na rgyal byed kyi tshal dgon \ MGON?\ med zas sbyin gyi kun dga' ra ba na bzhugs so/ /drug sde dag gi kun tu spyod pa ni 'dir bdag cag gis bram ze dang / khyim bdag 'ongs shing lhags pa rnams la yang chos bstan par bya/ rgol ba dag kyang tshar gcad par bya/ rang gi grags pa yang bsgrag par bya'o snyam pas drug sde las gang yang rung bar rgyal byed kyi tshal gyi sgo stong par mi 'jog pas/ tshe dang ldan pa 'char ka nang par sngar langs te so shing bor nas snam sbyar dmar ser gyon te rgyal byed kyi tshal gyi sgo na 'chag cing </font><hr>Ca309b<br><font size=+1>


'dug go /mnyan yod na gnas pa'i bram ze dang khyim bdag gi chung ma rnams kyi kun tu spyod pa ni skyed mos tshal du song ste rgyal byed kyi tshal du 'jug pa dang / gtsug lag khang blta ba dang / bcom ldan 'das dang / dge slong gnas brtan gnas brtan rnams kyi zhabs la phyag 'tshal du 'gro bas/ bram ze dang khyim bdag gi chung mar rab tu mang po dag skyed mos tshal du byung ste/ gtsug lag khang lta 'dod pas rgyal byed kyi tshal ga la ba der dong ngo / /zhes bya ba nas des de dag la chos bstan par brtsams so zhes bya ba'i bar du dge 'dun lhag ma gnyis pa'i skabs su bstan pa bzhin no/ /ji lta ji ltar chos ston pa de lta de ltar kun tu chags so/ /ji lta ji ltar kun tu chags pa de lta de ltar dral to/ /ji lta ji ltar dral ba de lta de ltar de dag gi mdun du bdag nyid kyi lus kyi bsnyen bkur gyi phyir 'di lta ste/ nga lta bu dge slong tshul khrims dang ldan pa dge ba'i chos can tshangs par spyod pa la 'di ltar 'khrig pa dang ldan pa'i chos 'dis bsnyen bkur byas na sru 'di ni bsnyen bkur rnams kyi mchog yin no zhes bsngags pa rjod par brtsams so/ /'di lta ste dper na mi gsang sngags nyid rjod par byed pa 'byung po'am/ sha zas thal lcag gi snun pas snun par gyur pa de bzhin du de yang de dag la ji lta ji ltar chos ston par byed pa de lta de ltar kun tu chags so/ /ji lta ji ltar kun tu chags pa de lta de ltar dral to/ /ji lta ji ltar dral ba de lta de ltar de dag gi mdun du bdag nyid kyi lus kyi bsnyen bkur gyi phyir 'di lta </font><hr>Ca310a<br><font size=+1>


@#/ /ste/ nga lta bu dge slong tshul khrims dang ldan pa dge ba'i chos can tshangs par spyod pa la 'di ltar 'khrig pa dang ldan pa'i chos 'dis bsnyen bkur byas na sru 'di ni bsnyen bkur rnams kyi mchog yin no zhes bsngags pa rjod par brtsams so/ /de na gang dag bdag gir byed pa de dag ni de dang lhan cig gzhog stegs dang / phyar g.yeng dang mtho 'tsham pa dang / kun tu rtse ba dang kun tu ca co 'don pa dang / rgod pa dang dregs pa dang lus sgyur bar byed do/ /gang dag bdag gir mi byed pa de dag ni de nas phyir byung ste/ 'chag sa dang / dang ra dang sgo khang dag na/ gang las chu 'byung de las 'bar/ /gang las skyob pa de las 'jigs/ /'jigs pa med las 'jigs pa skyes/ /skyabs las 'jigs pa skyes par gyur/ /bdag cag gis phyogs gcig tu bde bzhi ba de legs su 'gyur ba gang yin pa de las 'jigs pa dang yams dang gnod pa dang 'go ba'i nad dang 'khrug pa byung bar gyur to zhes smod par byed/ phyar ka gtong bar byed/ kha zer bar byed do| /de dag smod cing 'dong ba na/ dge slong dag gis mngon sum du gyur nas/ de dag gis de dag smod pa thos pa dang / de dag gis smras pa sring mo dag khyed cag su la smod/ 'phags pa dag khyed cag la'o/ /nged kyis ci byas/ 'phags pa dag bdag cag gis rang gi khyim thab las kyang tshig gang sngon ma thos pa de dag 'phags pa 'char ka las thos so/ /gal te bdag cag gis pha ma'am </font><hr>Ca310b<br><font size=+1>


phu nu mo dag gis thos par gyur na/ rgyal byed kyi tshal ga la ba der ltar yang mi ster na mchi bar lta smos kyang ci 'tshal/ sring mo dag kha rog cig /dge slong de ni 'dun na 'don gyi bu las rab tu byung ba tshul khrims dang ldan pa yin mod kyi/ 'on kyang 'dod chags shas che ba yin pas rtsom pa des nyon mongs pa sel bar byed do/ /'phags pa dag ci lags/ glang bu gang la rwa rnon po gnyis mchis pa des bdag nyid kyi dku 'dral bar bgyid dam de ni mi rigs so/ /sring mo dag kha rog cig dang / bzlog par bya'o/ /'phags pa dag gal te bzlog na de lta na legs/ gal te zlog par mi mdzad na bdag cag slan chad rgyal byed kyi tshal du mi mchi'o/ /sring mo dag kha rog cig dang / ci nas kyang phyin chad de ltar byed par mi 'gyur bar bzlog par bya'o/ /dge slong rnams kyis de dag la bsgo ste dong ba dang / lhag ma rnams kyang gtsug lag khang nas byung ste dong ngo / /de nas tshe dang ldan pa 'char ka yang dgod bzhin du gtsug lag khang nas byung ba dang / dge slong rnams kyis de mthong nas smras pa/ tshe dang ldan pa 'char ka khyod mi mdzes pa de lta bu de byas nas da ci dgod/ 'char kas smras pa/ kho bos chang 'thungs sam/ kun dong zos sam ci/ tshe dang ldan pa ci de yang byas sam/ gzhan ci zhig byas/ bram ze dang khyim bdag gi chung ma rab tu mang po de dag 'phya zhing dong ngo / /'char kas smras pa/ tshe dang ldan pa dag lhung bzed nag po can rnams kyi rang bzhin ni ser snas gang la yang tshig bzhi pa'i tshigs </font><hr>Ca311a<br><font size=+1>


@#/ /su bcad pa gcig tsam yang mi ston la de dag ni gang gzhan la ston pa de la 'phya bar byed do/ /de dag gis smras pa/ ci khyod kyis de dag bden pa dag la bkod dam/ des smras pa/ je de dag gi dbang po yongs su smin par bya ba brtsams nas mthar gyis bden pa yang mthong bar 'gyur ro/ /dge slong don nyung ngu dag ci'i phyir dge slong dag yan lag gang gis ngo tsha bar bya ba'i yan lag de nyid kyis khengs par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang| gleng gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das kyis tshe dang ldan pa 'char ka la rmas pa/ 'char ka khyod kyis mi mdzes pa de lta bu byas par gyur pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su mthun pa ma yin pa/ rung ba ma yin pa tshul dang mthun pa ma yin pa de ni rab tu byung bas bya ba ma yin no zhes rnam par smad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba </font><hr>Ca311b<br><font size=+1>


la bslab pa'i gzhi 'di ltar gdon par bya ste/ yang dge slong gang dral cing gyur pa'i sems kyis bud med kyi yul gyi mdun du bdag nyid lus kyi bsnyen bkur gyi phyir 'di lta ste/ nga lta bu dge sbyong tshul khrims dang ldan pa dge ba'i chos can tshangs par spyod pa la 'di ltar 'khrig pa dang ldan pa'i chos 'dis bsnyen bkur byas na sru 'di ni bsnyen bkur rnams kyi mchog yin no zhes bsngags par brjod na/ dge 'dun lhag ma'o/ /yang dge slong gang zhes bya ba ni 'char ka'am/ gzhan yang de 'dra ba gang yin pa'o/ /dral cing gyur pa'i sems kyis zhes bya ba ni/ sems dral cing ma gyur pa yang yod/ gyur cing ma dral ba yang yod/ dral cing gyur pa yang yod/ ma dral cing ma gyur pa yang yod/ de la re zhig dral cing ma gyur pa ni/ sems chags pa dang kun tu chags pa dang / kun nas dkris pa gang yin pa'o/ /gyur cing ma dral ba ni sems ltos pa dang ldan zhing sems 'bral ba gang yin pa'o/ /dral cing ma gyur pa ni chags pa dang kun tu chags pa dang / kun nas dkris pa'i sems dang / sems ltos pa dang bcas shing 'brel ba gang yin pa'o/ /ma dral cing ma gyur pa ni rnam pa de dag ma gtogs pa'o/ /bud med kyi yul gyi zhes bya ba ni bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa'i 'o/ /mdun du zhes bya ba ni mngon du'o/ /bdag nyid kyi lus bsnyen bkur gyi phyir zhes bya ba ni bdag nyid kyi lus kyi kun tu spyad pa'i phyir ro/ /'di </font><hr>Ca312a<br><font size=+1>


@#/ /lta ste/ nga lta bu zhes bya ba de ni nye bar bstan pa dang kun tu bstan pa'i tshig bla dwags yin no/ /dge slong zhes bya ba ni dge slong gi dngos po ji skad bstan pa dang ldan pa'o/ /tshul khrims dang ldan pa zhes bya ba ni tshul khrims kyi phung po ji skad bstan pa dang ldan pa'o/ /dge ba'i chos can zhes bya ba ni ting nge 'dzin gyi phung po ji skad bstan pa dang ldan pa'o/ /tshangs par spyod pa la zhes bya ba ni shes rab kyi phung po ji skad bstan pa dang ldan pa'o/ /'di 'khrig pa dang ldan pa'i zhes bya ba ni mi tshangs par spyod pa dang ldan pa'i'o/ /chos 'dis zhes bya ba ni chos ma yin pa chos kyi sgras bstan pa 'dis yin gyis gzhan gyis ni ma yin pa'o/ /bsnyen bkur byas na zhes bya ba ni kun tu spyad pa byas na'o/ /sru zhes bya ba ni dga' ba'i tshig bla dwags so/ /'di ni bsnyen bkur rnams kyi mchog yin no/ / zhes bya ba la mchog yin no zhes bya ba ni gtso bo yin no/ /bsngags pa brjod na zhes bya ba ni bstod pa byas na'o/ /dge 'dun lhag ma'o zhes bya ba ni ltung ba de dge 'dun la rag las pa dang zhes bya ba nas de ni dge 'dun lhag ma'o zhes gsungs so zhes bya ba'i bar du snga ma bzhin no/ /de la ltung ba ji ltar 'gyur zhe na/ gzhi bco brgyad kyis te/ mchog dang / phul dang / khyad par du 'phags pa dang / bzang ba dang / mdzes pa dang / dge ba dang / mchod par 'os pa dang / bstod par 'os pa dang / rgya che ba dang / ches mchog dang / ches phul dang / ches khyad par </font><hr>Ca312b<br><font size=+1>


du 'phags pa dang / ches bzang ba dang / ches mdzes pa dang / ches dge ba dang / ches mchod par 'os pa dang / ches bstod par 'os pa dang / ches rgya che bas so/ /de la ji ltar mchog gis she na/ dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ nga lta bu dge slong tshul khrims dang ldan pa la 'di ltar 'khrig pa dang ldan pa'i chos 'dis bsnyen bkur byas na sru 'di ni kun tu spyad pa rnams kyi mchog yin no zhes brjod na dge 'dun lhag mar 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ nga lta bu dge slong dge ba'i chos can la 'di ltar 'khrig pa dang ldan pa'i chos 'dis bsnyen bkur byas na sru 'di ni bsnyen bkur rnams kyi mchog yin no zhes brjod na dge 'dun lhag mar 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ nga lta bu dge slong tshangs par spyod pa la 'di ltar 'khrig pa dang ldan pa'i chos 'dis bsnyen bkur byas na sru 'di ni bsnyen bkur </font><hr>Ca313a<br><font size=+1>


@#/ /rnams kyi mchog yin no zhes brjod na dge 'dun lhag mar 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ nga lta bu dge slong tshul khrims dang ldan pa dge ba'i chos can la 'di ltar 'khrig pa dang ldan pa'i chos 'dis bsnyen bkur byas na/ sru 'di ni bsnyen bkur rnams kyi mchog yin no zhes brjod na dge 'dun lhag mar 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ nga lta bu dge slong tshul khrims dang ldan pa tshangs par spyod pa la 'di ltar 'khrig pa dang ldan pa'i chos 'dis bsnyen bkur byas na/ sru 'di ni bsnyen bkur rnams kyi mchog yin no zhes brjod na dge 'dun lhag mar 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ nga lta bu dge slong dge ba'i chos can tshul khrims dang ldan pa la 'di ltar 'khrig pa dang ldan pa'i chos 'dis bsnyen bkur byas na sru 'di ni bsnyen bkur </font><hr>Ca313b<br><font size=+1>


rnams kyi mchog yin no zhes brjod na dge 'dun lhag mar 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ nga lta bu dge slong dge ba'i chos can tshangs par spyod pa la 'di ltar 'khrig pa dang ldan pa'i chos 'dis bsnyen bkur byas na/ sru 'di ni bsnyen bkur rnams kyi mchog yin no zhes brjod na dge 'dun lhag mar 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ nga lta bu dge slong tshangs par spyod pa tshul khrims dang ldan pa la 'di ltar 'khrig pa dang ldan pa'i chos 'dis bsnyen bkur byas na/ sru 'di ni bsnyen bkur rnams kyi mchog yin no zhes brjod na dge 'dun lhag mar 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ nga lta bu dge slong tshangs par spyod pa dge ba'i chos can la 'di ltar 'khrig pa dang ldan pa'i chos 'dis bsnyen bkur byas na/ sru 'di ni bsnyen bkur rnams kyi mchog yin no zhes brjod na dge 'dun lhag mar 'gyur ro/ / </font><hr>Ca314a<br><font size=+1>


@#/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ nga lta bu dge slong tshul khrims dang ldan pa dge ba'i chos can tshangs par spyod pa la 'di ltar 'khrig pa dang ldan pa'i chos 'dis bsnyen bkur byas na sru 'di ni bsnyen bkur rnams kyi mchog yin no zhes brjod na dge 'dun lhag mar 'gyur ro/ /mchog ji lta ba bzhin du phul dang / khyad par du 'phags pa dang / bzang ba dang / mdzes pa dang / dge ba dang / mchod par 'os pa dang / bstod par 'os pa dang / rgya che ba dang / ches mchog dang / ches phul dang / ches khyad par du 'phags pa dang / ches bzang ba dang / ches mdzes pa dang / ches dge ba dang / ches mchod par 'os pa dang / ches bstod par 'os pa dang / ches rgya che bar yang de bzhin no/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ nga lta bu dge slong tshul khrims dang ldan pa la 'di ltar chos 'dis bsnyen bkur byas na/ sru 'di ni bsnyen bkur rnams kyi mchog yin no zhes zer zhing / 'di skad </font><hr>Ca314b<br><font size=+1>


ces 'khrig pa dang ldan pa zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ nga lta bu dge slong dge ba'i chos can la 'di ltar chos 'dis bsnyen bkur byas na| sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ nga lta bu dge slong tshangs par spyod pa la 'di ltar chos 'dis bsnyen bkur byas na/ sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ nga lta bu dge slong tshul khrims dang ldan pa dge ba'i chos can la 'di ltar chos 'dis bsnyen bkur byas na/ sru 'di </font><hr>Ca315a<br><font size=+1>


@#/ /ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang min pa de'i gan du song ste/ 'di skad ces 'di lta ste/ nga lta bu dge slong tshul khrims dang ldan pa tshangs par spyod pa la 'di ltar chos 'dis bsnyen bkur byas na/ sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ nga lta bu dge slong dge ba'i chos can tshul khrims dang ldan pa la 'di ltar chos 'dis bsnyen bkur byas na/ sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad </font><hr>Ca315b<br><font size=+1>


ces 'di lta ste/ nga lta bu dge slong dge ba'i chos can tshangs par spyod pa la 'di ltar chos 'dis bsnyen bkur byas na/ sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ nga lta bu dge slong tshangs par spyod pa tshul khrims dang ldan pa la 'di ltar chos 'dis bsnyen bkur byas na/ sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ nga lta bu dge slong tshangs par spyod pa dge ba'i chos can la 'di ltar chos 'dis bsnyen bkur byas na/ sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med </font><hr>Ca316a<br><font size=+1>


@#/ /dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ nga lta bu dge slong tshul khrims dang ldan pa dge ba'i chos can tshangs par spyod pa la 'di ltar chos 'dis bsnyen bkur byas na/ sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes ni mi zer na nyes pa sbom por 'gyur ro/ /mchog ji lta ba bzhin du phul dang / khyad par du 'phags pa dang / bzang ba dang / mdzes pa dang / dge ba dang / mchod par 'os pa dang / bstod par 'os pa dang / rgya che ba dang / ches mchog dang / ches phul dang / ches khyad par du 'phags pa dang / ches bzang ba dang / ches mdzes pa dang / ches dge ba dang / ches mchod par 'os pa dang / ches bstod par 'os pa dang / ches rgya che ba yang de bzhin no/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ dge slong tshul khrims dang ldan pa la 'di ltar 'khrig pa dang ldan pa'i chos 'dis bsnyen bkur byas na/ sru 'di ni bsnyen bkur rnams kyi mchog yin no zhes </font><hr>Ca316b<br><font size=+1>


zer zhing 'di skad ces nga lta bu zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ dge slong dge ba'i chos can la 'di ltar 'khrig pa dang ldan pa'i chos 'dis bsnyen bkur byas na/ sru 'di ni bsnyen bkur rnams kyi mchog yin no zhes zer zhing 'di skad ces nga lta bu zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ dge slong tshangs par spyod pa la 'di ltar 'khrig pa dang ldan pa'i chos 'dis bsnyen bkur byas na/ sru 'di ni bsnyen bkur rnams kyi mchog yin no zhes zer zhing 'di skad ces nga lta bu zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ dge slong tshul khrims dang ldan pa dge ba'i chos can la 'di ltar 'khrig pa dang ldan pa'i chos 'dis bsnyen </font><hr>Ca317a<br><font size=+1>


@#/ /bkur byas na/ sru 'di ni bsnyen bkur rnams kyi mchog yin no zhes zer zhing 'di skad ces nga lta bu zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ dge slong tshul khrims dang ldan pa tshangs par spyod pa la 'di ltar 'khrig pa dang ldan pa'i chos 'dis bsnyen bkur byas na/ sru 'di ni bsnyen bkur rnams kyi mchog yin no zhes zer zhing 'di skad ces nga lta bu zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ dge slong dge ba'i chos can tshul khrims dang ldan pa la 'khrig pa dang ldan pa'i chos 'dis bsnyen bkur byas na/ sru 'di ni bsnyen bkur rnams kyi mchog yin no zhes zer zhing 'di skad ces nga lta bu zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes </font><hr>Ca317b<br><font size=+1>


par nus pa gang yin pa de'i gan du song ste/ 'di skad ces 'di lta ste/ dge slong dge ba'i chos can tshangs par spyod pa la 'di ltar 'khrig pa dang ldan pa'i chos 'dis bsnyen bkur byas na| sru 'di ni bsnyen bkur rnams kyi mchog yin no zhes zer zhing 'di skad ces nga lta bu zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ dge slong tshangs par spyod pa tshul khrims dang ldan pa la 'di ltar 'khrig pa dang ldan pa'i chos 'dis bsnyen bkur byas na/ sru 'di ni bsnyen bkur rnams kyi mchog yin no zhes zer zhing 'di skad ces nga lta bu zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ dge slong tshangs par spyod pa dge ba'i chos can la 'di ltar 'khrig pa dang ldan pa'i chos 'dis bsnyen bkur byas na| sru 'di ni bsnyen bkur rnams kyi mchog yin no zhes zer zhing 'di skad ces nga lta bu zhes ni mi zer na nyes pa sbom por 'gyur ro/ /dge slong gis dral cing gyur pa'i sems kyis bud </font><hr>Ca318a<br><font size=+1>


@#/ /med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ dge slong tshul khrims dang ldan pa dge ba'i chos can tshangs par spyod pa la 'di ltar 'khrig pa dang ldan pa'i chos 'dis bsnyen bkur byas na/ sru 'di ni bsnyen bkur rnams kyi mchog yin no zhes zer zhing 'di skad ces nga lta bu zhes ni mi zer na nyes pa sbom por 'gyur ro/ /mchog ji lta bu bzhin du phul dang / khyad par du 'phags pa dang / bzang po dang / mdzes pa dang / dge ba dang / mchod par 'os pa dang / bstod par 'os pa dang / rgya che ba dang / ches mchog dang / ches phul dang / ches khyad par du 'phags pa dang / ches bzang ba dang / ches mdzes pa dang / ches dge ba dang / ches mchod par 'os pa dang / ches bstod par 'os pa dang / ches rgya che bar 'os pa yang de bzhin no// //'dul ba rnam par 'byed pa/ bam po bcu bdun pa/ dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ dge slong tshul khrims dang ldan pa la </font><hr>Ca318b<br><font size=+1>


'di ltar chos 'dis bsnyen bkur byas na/ sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes kyang mi zer la nga lta bu zhes kyang mi zer na nyes byas su 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ dge slong dge ba'i chos can la 'di ltar chos 'dis bsnyen bkur byas na/ sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes kyang mi zer la/ nga lta bu zhes kyang mi zer na nyes byas su 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ dge slong tshangs par spyod pa la 'di ltar chos 'dis bsnyen bkur byas na/ sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes kyang mi zer la/ nga lta bu zhes kyang mi zer na nyes byas su 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don </font><hr>Ca319a<br><font size=+1>


@#/ /kun shes par nus pa gang yin pa de'i gan du song ste/ 'di skad ces 'di lta ste/ dge slong tshul khrims dang ldan pa dge ba'i chos can la 'di ltar chos 'di bsnyen bkur byas na/ sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes kyang mi zer la/ nga lta bu zhes kyang mi zer na nyes byas su 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ dge slong tshul khrims dang ldan pa tshangs par spyod pa la 'di ltar chos 'dis bsnyen bkur byas na/ sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes kyang mi zer la/ nga lta bu zhes kyang mi zer na nyes byas su 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste| dge slong dge ba'i chos can tshul khrims dang ldan pa la 'di ltar chos 'dis bsnyen bkur byas na/ sru 'di ni bsnyen bkur rnams kyi mchog yin no zhes zer zhing 'di skad ces </font><hr>Ca319b<br><font size=+1>


'khrig pa dang ldan pa zhes kyang mi zer la/ nga lta bu zhes kyang mi zer na nyes byas su 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ dge slong dge ba'i chos can tshangs par spyod pa la 'di ltar chos 'dis bsnyen bkur byas na/ sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes kyang mi zer la/ nga lta bu zhes kyang mi zer na nyes byas su 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ dge slong tshangs par spyod pa tshul khrims dang ldan pa la 'di ltar chos 'dis bsnyen bkur byas na/ sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes kyang mi zer la/ nga lta bu zhes kyang mi zer na nyes byas su 'gyur ro/ /dge slong gis dral cing gyur pa'i sems kyis bud med dam/ gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di </font><hr>Ca320a<br><font size=+1>


@#/ /skad ces 'di lta ste/ dge slong tshangs par spyod pa dge ba'i chos can la 'di ltar chos 'dis bsnyen bkur byas na/ sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes kyang mi zer la/ nga lta bu zhes kyang mi zer na nyes byas su 'gyur ro/ /dge slong gis dral cing gyur pa'i sems kyis bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa gang yin pa de'i gan du song ste/ 'di skad ces 'di lta ste/ dge slong tshul khrims dang ldan pa dge ba'i chos can tshangs par spyod pa la 'di ltar chos 'dis bsnyen bkur byas na/ sru 'di ni bsnyen bkur rnams kyi mchog yin no zhes zer zhing 'di skad ces 'khrig pa dang ldan pa zhes kyang mi zer la/ nga lta bu zhes kyang mi zer na nyes byas su 'gyur ro/ /mchog ji lta ba bzhin du phul dang / khyad par du 'phags pa dang / bzang ba dang / mdzes pa dang / dge ba dang / mchod par 'os pa dang / bstod par 'os pa dang / rgya che ba dang / ches mchog dang / ches phul dang / ches khyad par du 'phags pa dang / ches bzang ba dang / ches mdzes pa dang / ches dge ba dang / chos mchod par 'os pa dang / ches bstod par 'os pa dang / ches rgya che ba yang de bzhin no/ /nus pa la dge 'dun </font><hr>Ca320b<br><font size=+1>


lhag ma gang yin pa de mi nus pa la nyes pa sbom po'o/ /skyes pa dang za ma dang ma ning dang mtshan gnyis pa la yang nyes pa sbom po'o/ /nus pa la nyes pa sbom po gang yin pa de mi nus pa la nyes byas so/ /skyes pa dang za ma dang ma ning dang mtshan gnyis pa la yang nyes byas so/ /dud 'gro'i skye gnas su skyes pa la yang nyes byas so/ /nus pa la nyes byas gang yin pa de mi nus pa la yang nyes byas nyid do/ /skyes pa dang za ma dang ma ning dang mtshan gnyis pa la yang nyes byas nyid do/ /dud 'gro'i skye gnas su skyes pa la yang nyes byas nyid do/ /las dang po pa dang / smyos pa dang sems 'khrugs pa dang / tshor bdag gis nyen pa la ltung ba med do/ /bsnyen bkur bsngags pa'i dge 'dun lhag ma ste bzhi pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na mnyan yod na ri dwags 'dzin gyi bu nag po zhes bya ba 'dug ste/ de mnyan yod pa'i bram ze dang khyim bdag rnams kyi gtam 'dre ba/ phebs par smra ba/ smos 'drin 'grogs bshes yid gcugs pa khyim du 'jug par byed pa yin pas/ gang yang rung ba dag la bu mo sbyin par bya ba yod pa de dag kyang ri dwags 'dzin gyi bu nag po'i gan du song ste/ 'di skad ces nag po khyod kyis khyim che ge mo zhig shes sam zhes 'dri'o/ / </font><hr>Ca321a<br><font size=+1>


@#/ /des shes so zhes smras pa dang / de dag de la nag po ji ltar de na khye'u de mkhas pa dang / le lo med pa dang / sgrub phod pa dang / khye'u de bu mo la bza' ba dang bgo ba mang po sbyin nus pa dang / las chung ba yin nam zhes 'dri'o/ /gal te ri dwags 'dzin gyi bu nag pos 'di skad ces khye'u de te por mi mkhas pa dang / le lo can sgrub mi phod pa dang / khye'u de bu mo la bza' ba dang / bgo ba mang po sbyin mi nus pa dang / las che ba yin no zhes bstan par gyur na des na de dag bu mo de khye'u de la sbyin par mi byed do/ /gal te ri dwags 'dzin gyi bu nag pos 'di skad ces khye'u de te por mkhas pa dang / le lo med pa dang sgrub phod pa dang / khye'u de bu mo la bza' ba dang bgo ba mang po sbyin nus pa dang / las chung ba yin no zhes bstan par gyur na des na de dag bu mo de khye'u de la sbyin par byed do/ /gang yang rung ba dag bu mo slong bar byed pa de dag kyang ri dwags 'dzin gyi bu nag po'i gan du song ste/ 'di skad ces nag po khyod kyis khyim che ge mo zhig shes sam zhes 'dri'o/ /des shes so zhes smras pa dang / de dag de la nag po ji lta de na bu mo de mkhas pa dang / le lo med pa dang / sgrub phod pa dang / bu mo de bag yod pas khyim na gnas par nus pa yin nam zhes 'dri'o/ /gal te ri dwags 'dzin gyi bu nag pos 'di skad ces bu mo de te por mi mkhas pa dang / le lo can dang / sgrub mi phod pa dang / bu mo de bag yod pas khyim na gnas par </font><hr>Ca321b<br><font size=+1>


mi nus pa yin no zhes bstan par gyur na des na de dag bu mo de slong bar mi byed do/ /gal te ri dwags 'dzin gyi bu nag pos 'di skad ces bu mo de te por mkhas pa dang / le lo med pa dang sgrub phod pa dang / bu mo de bag yod pas khyim na gnas par nus pa yin no zhes bstan par gyur na de dag bu mo de slong bar byed do/ /ri dwags 'dzin gyi bu nag pos de ltar bstan nas/ gang yang rung ba dag gi bu mo sbyin nyes par gyur na de dag 'di skad ces bdag cag gis ri dwags 'dzin gyi bu nag po la dris nas bu mo byin na khye'u de mi mkhas pa dang le lo can dang / sgrub mi phod pa dang / khye'u de bu mo la bza' ba dang / bgo ba mang po sbyin mi nus pa dang / las che ba yin pas gang dag la ri dwags 'dzin gyi bu nag pos gtam 'dres pa/ phebs par smra ba/ smos 'drin 'grogs bshes yid gcugs pa khyim du 'jug par byed par bdog pa de dag la yang 'di ltar 'gyur ro/ /zhes mi bsngags pa rjod par byed do/ /gang yang rung ba dag gi bu mo sbyin legs par gyur na de dag 'di skad ces bdag cag gis ri dwags 'dzin gyi bu nag po la dris nas bu mo byin na khye'u de mkhas pa dang / le lo med pa dang sgrub phod pa dang / khye'u de bu mo la bza' ba dang / bgo ba mang po sbyin nus pa dang / las chung ba yin pas gang dag la ri dwags 'dzin gyi bu nag po gtam 'dres pa/ phebs par smra ba/ smos 'drin 'grogs bshes yid gcugs pa khyim du 'jug par byed par bdog pa de dag la yang 'di ltar 'gyur </font><hr>Ca322a<br><font size=+1>


@#/ /ro zhes bsngags pa rjod par byed do/ /de bzhin du gang yang rung ba dag gis bu mo bslang nyes par gyur na/ de dag 'di skad ces bdag cag gis ri dwags 'dzin gyi bu nag po la dris nas bu mo bslangs na bu mo de mi mkhas pa dang / le lo can dang sgrub mi phod pa dang / bu mo de bag yod pas khyim na gnas par mi nus pa yin pas/ gang dag la ri dwags 'dzin gyi bu nag po gtam 'dres pa/ phebs par smra ba/ smos 'drin 'grogs bshes yid gcugs pa khyim du 'jug par byed par bdog pa de dag la yang 'di ltar 'gyur ro zhes mi bsngags pa rjod par byed do/ / gang yang rung ba dag gis bu mo bslang legs par gyur na de dag 'di skad ces bdag cag gis ri dwags 'dzin gyi bu nag po la dris na bu mo bslangs na bu mo de mkhas pa dang le lo med pa dang / sgrub phod pa dang / bu mo de bag yod pas khyim na gnas par nus pa yin pas/ gang dag la ri dwags 'dzin gyi bu nag po gtam 'dres pa/ phebs par smra ba/ smos 'drin 'grogs bshes yid gcugs pa khyim du 'jug par byed par bdog pa de dag la yang 'di ltar 'gyur ro zhes bsngags pa rjod par byed do/ /de na ri dwags 'dzin gyi bu nag po la mnyan yod na dus gcig tu bsngags pa dang bsngags pa ma yin pa dag kyang byung bar gyur to/ /de dus gzhan zhig na sangs rgyas la mngon par dad chos dang dge 'dun la mngon par dad/ sangs rgyas la skyabs su song / chos dang dge </font><hr>Ca322b<br><font size=+1>


'dun la skyabs su song zhing des srog gcod pa spangs te/ srog gcod pa las phyir log /ma byin par len pa dang / 'dod pa la log par g.yem pa dang / brdzun du smra ba dang / 'bru'i chang dang bcos pa'i chang myos par 'gyur ba bag med pa'i gnas spangs te 'bru'i chang dang / bcos pa'i chang myos par 'gyur ba bag med pa'i gnas las phyir ldog go /de dus cung zhig khyim par khyim na 'dug nas dad pa snga ma de nyid rjes su spel zhing skra dang kha spu bregs te gos ngur smrig dag bgos nas yang dag pa kho nar dad pas legs par gsungs pa'i chos 'dul ba la khyim nas khyim med par rab tu byung ngo / /de de ltar rab tu byung nas kyang mnyan yod pa'i bram ze dang / khyim bdag rnams dang sngon bshes pa nyid kyis de dag gi gtam 'dre ba/ phebs par smra ba/ smos 'drin 'grogs bshes yid gcugs pa khyim du 'jug par byed pa yin pas/ gang yang rung ba dag la bu mo sbyin par bya ba yod pa de dag kyang ri dwags 'dzin gyi bu nag po'i gan du song ste/ 'di skad ces 'phags pa khyod kyis khyim che ge mo zhig mkhyen tam zhes 'dri'o/ /des shes so zhes smras pa dang / de dag de la 'phags pa ji lta de na khye'u de mkhas pa dang le lo ma mchis pa dang / sgrub phod pa dang / khye'u de bu mo la bza' ba dang / bgo ba mang ba stsol rngo thog pa dang / las chung ba lags sam zhes 'dri'o/ /gal te ri dwags 'dzin gyi bu nag pos 'di skad ces bzhin bzang dag khye'u de te por mi mkhas pa dang / le lo can dang / sgrub mi </font><hr>Ca323a<br><font size=+1>


@#/ /phod pa dang / khye'u de bu mo la bza' ba dang / bgo ba mang po sbyin mi nus pa dang / las che ba yin no zhes bstan par gyur na des na de dag bu mo de khye'u de la sbyin pa mi byed do/ / gal te ri dwags 'dzin gyi bu nag pos 'di skad ces bzhin bzang dag khye'u de te por mkhas pa dang le lo med pa dang / sgrub phod pa dang / khye'u de bu mo la bza' ba dang bgo ba mang po sbyin nus pa dang / las chung ba yin no zhes bstan par gyur na des na de dag bu mo de khye'u de la sbyin par byed do/ /gang yang rung ba dag bu mo slong bar byed pa de dag kyang ri dwags 'dzin gyi bu nag po'i gan du song ste/ 'di skad ces 'phags pa khyod kyis khyim che ge mo zhig mkhyen tam zhes 'dri'o/ /des shes so zhes smras pa dang / de dag de la 'phags pa ji ltar de na bu mo de mkhas pa dang / le lo ma mchis pa dang / sgrub phod pa dang / bu mo de bag yod pas khyim na gnas par rngo thog pa lags sam zhes 'dri'o/ /gal te ri dwags 'dzin gyi bu nag pos 'di skad ces bzhin bzang dag bu mo de te por mi mkhas pa dang / le lo can dang / sgrub mi phod pa dang / bu mo de bag yod pas khyim na gnas par mi nus pa yin no zhes bstan par gyur na/ des na de dag bu mo de slong bar mi byed do/ /gal te ri dwags 'dzin gyi bu nag pos 'di skad ces bzhin bzang dag bu mo de te por mkhas pa dang / le lo med pa dang / sgrub phod pa dang / bu mo de bag yod pas khyim na gnas par nus pa yin </font><hr>Ca323b<br><font size=+1>


no zhes bstan par gyur na/ des na de dag bu mo de slong bar byed do/ /ri dwags 'dzin gyi bu nag pos de ltar bstan nas gang yang rung ba dag gi bu mo sbyin nyes par gyur na/ de dag 'di skad ces bdag cag gis ri dwags 'dzin gyi bu nag po la dris nas bu mo byin na khye'u de mi mkhas pa dang / le lo can dang / sgrub mi phod pa dang / khye'u de bu mo la bza' ba dang / bgo ba mang po sbyin mi nus pa dang las che ba yin pas gang dag la ri dwags 'dzin gyi bu nag po gtam 'dres pa/ phebs par smra ba/ smos 'drin 'grogs bshes yid gcugs pa khyim du 'jug par byed par bdog pa de dag la yang 'di ltar 'gyur ro zhes mi bsngags pa rjod par byed do/ /gang yang rung ba dag gi bu mo sbyin legs par gyur na de dag 'di skad ces bdag cag gis ri dwags 'dzin gyi bu nag po la dris nas bu mo sbyin na khye'u de mkhas pa dang / le lo med pa dang / sgrub phod pa dang / khye'u de bu mo la bza' ba dang bgo ba mang po sbyin nus pa dang / las chung ba yin pas gang dag la ri dwags 'dzin gyi bu nag po gtam 'dres pa| phebs par smra ba/ smos 'drin 'grogs bshes yid gcugs pas khyim du 'jug par byed par bdog pa de dag la yang 'di ltar 'gyur ro zhes bsngags pa rjod par byed do/ /de bzhin du gang yang rung ba dag gis bu mo bslangs nyes par gyur na de dag 'di skad ces bdag cag gis ri dwags 'dzin gyi bu nag po la dris nas bu mo bslangs na bu mo de mi mkhas pa dang / le lo can </font><hr>Ca324a<br><font size=+1>


@#/ /dang sgrub mi phod pa dang / bu mo de bag yod pas khyim na gnas par mi nus pa yin pas/ gang dag la ri dwags 'dzin gyi bu nag po gtam 'dre ba/ phebs par smra ba/ smos 'drin 'grogs bshes yid gcugs pa khyim du 'jug par byed par bdog pa de dag la yang 'di ltar 'gyur ro zhes mi bsngags pa rjod par byed do/ /gang yang rung ba dag gi bu mo bslangs legs par gyur na de dag 'di skad ces bdag cag gis ri dwags 'dzin gyi bu nag po la dris nas bu mo bslangs na bu mo de mkhas pa dang / le lo med pa dang / sgrub phod pa dang / bu mo de bag yod pas khyim na gnas par nus pa yin pas/ gang dag la ri dwags 'dzin gyi bu nag po gtam 'dre ba/ phebs pa smra ba/ smos 'drin 'grogs bshes yid gcugs khyim du 'jug par byed par bdog pa de dag la yang 'di ltar 'gyur ro zhes bsngags pa rjod par byed do/ /de na ri dwags 'dzin gyi bu nag po la mnyan yod na dus gcig tu bsngags pa dang bsngags pa ma yin pa dag byung bar gyur to/ /de ni re zhig byung ba yin gyi sangs rgyas bcom ldan 'das kyis re zhig 'dul ba la nyan thos rnams kyi bslab pa'i gzhi bca' ba ni ma mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong drug sde dag bud med la skyes pa'i tshig dang / skyes </font><hr>Ca324b<br><font size=+1>


pa la bud med kyi tshig gis chung ma nyid dam mdza' na mo nyid du smyan byed na/ mu stegs can dag/ shes ldan dag shAkya'i bu'i dge sbyong 'di dag ni bud med la skyes pa'i tshig dang / skyes pa la bud med kyi tshig gis chung ma nyid dam/ mdza' na mo nyid du smyan byed de/ bram ze dang khyim bdag bslab pa'i gzhi yang dag par ma blangs pa gzhan dag kyang bud med la skyes pa'i tshig dang / skyes pa la bud med kyi tshig gis chung ma nyid dam/ mdza' na mo nyid du smyan byed na shes ldan dag shAkya'i bu'i dge sbyong rnams bram ze dang khyim bdag bslab pa'i gzhi yang dag par ma blangs pa rnams la bye brag ni ci yod/ bsam pa ni ci yod/ tha dad du bya ba ni ci yod/ dge sbyong mgo reg 'di dag la su zhig bsod snyoms byin pa dang / bya bar sems zhes smod par byed/ phyar ka gtong bar byed/ kha zer ba byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang skabs 'di la dge slong gi dge 'dun bsdu ba mdzad do/ / de bzhin gshegs pa ni don gyi dbang gnyis gzigs pa na dge slong gi dge 'dun sdud par mdzad de/ 'di lta ste/ nga'i nyan thos rnams kyis kun shes pa nyid du bya ba'i phyir dang / ngas 'dul ba la bslab pa'i gzhi legs par bcas par 'gyur ba'o/ /sangs rgyas bcom ldan 'das rnams ni mkhyen bzhin du rmed par mdzad pa ste/ mkhyen bzhin du rmed pa mkhyen kyang mi rmed pa/ dus su rmed pa </font><hr>Ca325a<br><font size=+1>


@#/ /dus las yol bar mi rmed pa/ don dang ldan pa rmed pa don dang mi ldan pa mi rmed pas/ sangs rgyas bcom ldan 'das ni don dang mi ldan pa rmed pa la chu lon gyis zlog par mdzad pa yin no/ /de la sangs rgyas bcom ldan 'das rnams ni don dang ldan pa rmed pa la dus mkhyen pa yin pas/ sangs rgyas bcom ldan 'das kyis drug sde rnams la rmas pa/ dge slong dag khyed kyis mi mdzes pa de lta bu de byas par gyur pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes bya ba la sogs pas rnam par smad pa mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang bud med la skyes pa'i tshig dang / skyes pa la bud med kyi tshig gis chung ma nyid dam mdza' na mo nyid du smyan byed na tha na thang 'ga' phrad pa la yang rung ste dge 'dun lhag ma'o/ /yang dge slong gang zhes bya ba ni drug sde'am gzhan yang de dang 'dra ba gang yin pa'o/ / </font><hr>Ca325b<br><font size=+1>


bud med la skyes pa'i tshig dang zhes bya ba ni skyes pa'i kun tu spyad pa'i bsam pa'i tshig gang yin pa de bud med la rjod par byed pas so/ /skyes pa la bud med kyi tshig gis zhes bya ba ni/ bud med kyi kun tu spyad pa'i bsam pa'i tshig gang yin pa skyes pa la rjod par byed pas so/ /chung ma nyid dam mdza' na mo nyid du zhes bya ba ni chung ma bdun dang / mdza' na mo bcu nyid du'o/ /chung ma bdun gang zhe na/ chu tshigs kyis byin pa dang / rin chas nyos pa dang / btsan phrogs su thob pa dang / dang sam du 'dus pa dang / gos zas kyis 'tshol ba dang / kha dum pa dang / thang 'ga' phrad pa ni bdun pa'o/ /de la chu tshigs kyis byin pa'i chung ma gang zhe na/ bud med dam gzhon nu ma gang pha ma dag gis skyes pa la 'di khyod kyi chung ma skye dgu'i bdag mo byos shig ces chu tshigs kyis byin zhing de de'i chung ma skye dgu'i bdag mor gyur nas des de 'di la gzhan dag 'dod pa dag gi phyir spyod par ma gyur cig ces bsrungs pa shin tu bsrungs pa/ sbas pa shin tu sbas pa de ni chu tshigs kyis byin pa'i chung ma zhes bya'o/ /rin chas nyos pa'i chung ma gang zhe na/ bud med dam gzhon nu ma gang skyes pas 'di dag gi chung ma skye dgu'i bdag mo bya'o/ /zhes pha ma dag las rin chas nyos shing de de'i chung ma skye dgu'i bdag mor gyur nas des de 'di la gzhan dag 'dod pa dag gi phyir spyod par ma gyur cig ces bsrungs shin tu bsrungs pa/ sbas pa shin tu sbas pa de ni rin chas nyos pa'i chung ma zhes bya'o/ /btsan phrogs </font><hr>Ca326a<br><font size=+1>


@#/ /su thob pa'i chung ma gang zhe na/ 'di lta ste rgyal po rgyal rigs spyi bor dbang bskur bas dpung gi tshogs yan lag pa bzhi pa go bskon te/ pha rol gyi yul 'khor dang pha rol gyi yul du song nas ma phebs pa phab cing / phebs par gnas nas thob rgyal du sgrogs par byed pa'i tshe de na skyes pas rgyal po rgyal mtshan du byas nas bud med dam gzhon nu ma gang yin pa 'di bdag gi chung ma skye dgu'i bdag mo bya'o zhes phrogs shing de de'i chung ma skye dgu'i bdag mor gyur nas des de 'di la gzhan dag 'dod pa dag gi phyir spyod par ma gyur cig ces bsrungs pas shin tu bsrungs pa/ sbas pa shin tu sbas pa de ni btsan phrogs su thob pa'i chung ma zhes bya'o/ /gzhan yang btsan phrogs su thob pa'i chung ma gang zhe na/ 'di lta ste chom rkun pa dag gis grong gzhom pa'am/ grong khyer gzhom pa'am/ ljongs gzhom pa byas te/ rang gi mgo rgyal mtshan du byas nas bud med dam gzhon nu ma gang yin pa 'di bdag gi chung ma skye dgu'i bdag mo bya'o zhes phrogs shing de de'i chung ma skye dgu'i bdag mor gyur nas/ des de 'di la gzhan dag 'dod pa dag gi phyir spyod par ma gyur cig ces bsrungs pa shin tu bsrungs pa/ sbas pa shin tu sbas pa de ni btsan phrogs su thob pa'i chung ma zhes bya'o/ /dang sam du 'dus pa'i chung ma gang zhe na/ bud med dam gzhon nu ma gang rang gi dad pa dang / gcugs pa dang dga' </font><hr>Ca326b<br><font size=+1>


bas skyes pa'i gan du 'ongs te 'di skad ces rje'i sras tshur spyon khyod bdag gi khyim thab mdzod cig dang bdag gis khyod kyi btsun mo skye dgu'i bdag mo bgyi'o zhes zer zhing de de'i chung ma skye dgu'i bdag mor gyur nas des de 'di la gzhan dag 'dod pa dag gi phyir spyod par ma gyur cig ces bsrungs pa shin tu bsrungs pa/ sbas pa shin tu sbas pa de ni dang sam du 'dus pa'i chung ma zhes bya'o/ /gos zas kyis 'tsho ba'i chung ma gang zhe na/ bud med dam gzhon nu ma gang skyes pa'i gan du 'ongs te/ 'di skad ces rje'i sras tshur spyon khyod kyis bdag la gos dang zas stsol cig dang bdag gis khyod kyis btsun mo skye dgu'i bdag mo bgyi'o zhes zer zhing / de de'i chung ma skye dgu'i bdag mor gyur nas des de 'di la gzhan dag 'dod pa dag gi phyir spyod par ma gyur cig ces bsrungs pa shin tu bsrungs pa| sbas pa shin tu sbas pa de ni gos zas kyis 'tsho ba'i chung ma zhes bya'o/ /kha dum pa'i chung ma gang zhe na/ bud med dam gzhon nu ma gang skyes pa'i gan du 'ongs te/ 'di skad ces rje'i sras tshur spyon khyod kyi nor gang lags pa de dang / bdag gi nor gang lags pa de dag gcig tu bsdus te bdag cag gnyis mnyam du 'tsho bar bgyi zhing bdag cag gnyis las khye'u'am/ bu mo gang dag mchis par 'gyur ba de dag kyang bdag cag shi zhing dus la bab pa dag la nyung ngu'am mang po yang rung ba'i sbyin pa dag sbyin zhing bsod nams dag bgyis nas 'di de gnyis gang du </font><hr>Ca327a<br><font size=+1>


@#/ /skyes pa der 'gro zhing rjes su 'gro bar gyur cig ces ming gis yon bshad pa bgyid par gyur pa bgyi'o zhes zer zhing de de'i chung ma skye dgu'i bdag mor gyur nas des de 'di la gzhan dag 'dod pa dag gi phyir spyod par ma gyur cig ces bsrungs pa shin tu bsrungs pa/ sbas pa shin tu sbas pa/ de ni kha dum pa'i chung ma zhes bya'o/ /thang 'ga' phrad pa'i chung ma gang zhe na| bud med dam gzhon nu ma gang skyes pas deng bdag 'di dang lhan cig dga' mgur spyad par bya'o snyam nas de'i dus su glas shing yud tsam phrad par gyur nas des de 'di la gzhan dag 'dod pa dag gi phyir spyad par ma gyur cig ces bsrungs pa shin tu bsrungs pa/ sbas pa shin tu sbas pa de ni thang 'ga' phrad pa'i chung ma zhes bya'o/ /mdza' na mo bcu gang zhe na/ mas bsrungs pa dang / phas bsrungs pa dang / ming pos bsrungs pa dang / phu nu mos bsrungs pa dang / sgyug mos bsrungs pa dang / gyos pos bsrungs pa dang / nye dus bsrungs pa dang / rigs kyis bsrungs pa dang / rus chags kyis bsrungs pa dang / rnam par 'khrug pa med pa ni bcu pa'o/ /de la mas bsrungs pa'i mdza' na mo gang zhe na/ bud med dam gzhon nu ma gang gi khyim thab shi zhing dus la bab par gyur tam/ rgyal pos bcings sam bsad dam/ rgyal po'i 'jigs pas yul 'khor gzhan dang yul gzhan du bros par gyur tam/ smyos pa dang sems 'khrugs pa dang tshor ba </font><hr>Ca327b<br><font size=+1>


dag gis nyen par gyur nas/ de ma'i gan na gnas shing mas de 'di la gzhan dag 'dod pa dag gi phyir spyod par ma gyur cig ces bsrungs pa shin tu bsrungs pa/ sbas pa shin tu sbas pa de ni mas bsrungs pa'i mdza' na mo zhes bya'o/ /phas bsrungs pa'i mdza' na mo gang zhe na/ bud med dam gzhon nu ma gang gi khyim thab shi zhing dus la bab par gyur tam/ rgyal pos bcings sam bsad dam rgyal po'i 'jigs pas yul 'khor gzhan dang / yul gzhan du bros par gyur tam/ smyos pa dang sems 'khrugs pa dang / tshor ba dag gis nyen par gyur nas/ de'i pha'i gan na gnas shing phas de 'di la gzhan dag 'dod pa dag gi phyir spyod par ma gyur cig ces bsrungs pa shin tu bsrungs pa/ sbas pa shin tu sbas pa de ni phas bsrungs pa'i mdza' na mo zhes bya'o/ /ming pos bsrungs pa'i mdza' na mo gang zhe na/ bud med dam gzhon nu ma gang gi pha ma dang khyim thab shi zhing dus la bab par gyur tam/ rgyal pos bcings sam bsad dam/ rgyal po'i 'jigs pas yul 'khor gzhan dang yul gzhan du bros par gyur tam/ smyos pa dang sems 'khrugs pa dang / tshor ba dag gis nyen par gyur nas de ming po'i gan na gnas shing ming pos de 'di la gzhan dag 'dod pa dag gi phyir spyod par ma gyur cig ces bsrungs pa shin tu bsrungs pa/ sbas pa shin tu sbas pa de ni ming pos bsrungs pa'i mdza' na mo zhes bya'o/ /phu nu mos bsrungs pa'i mdza' na mo gang zhe na/ </font><hr>Ca328a<br><font size=+1>


@#/ /bud med dam gzhon nu ma gang gi pha ma dang khyim thab shi zhing dus la bab par gyur tam/ rgyal pos bcings sam bsad dam/ rgyal po'i 'jigs pas yul 'khor gzhan nam yul gzhan du bros par gyur tam/ smyos pa dang sems 'khrugs pa dang tshor ba dag gis nyen par gyur nas/ de phu nu mo'i gan na gnas shing phu nu mos de 'di la gzhan dag 'dod pa dag gi phyir spyod par ma gyur cig ces bsrungs pa shin tu bsrungs pa/ sbas pa shin tu sbas pa de ni phu nu mos bsrungs pa'i mdza' na mo zhes bya'o/ /sgyug mos bsrungs pa'i mdza' na mo gang zhe na| bud med dam gzhon nu ma gang gi pha ma dang / khyim thab shi zhing dus la bab par gyur tam/ rgyal pos bcings sam bsad dam/ rgyal po'i 'jigs pas yul 'khor gzhan dang / yul gzhan du bros par gyur tam/ smyos pa dang sems 'khrugs pa dang / tshor ba dag gis nyen par gyur nas/ de sgyug mo'i gan na gnas shing sgyug mos de la 'di skad ces kho mo'i bu mthong ba gang yin pa de ni khyod mthong ba yin la/ khyod mthong ba gang yin pa de yang kho mo'i bu mthong ba yin pas kho mo'i zas dang / gos kyis mna' ma gnas par gyis shig/ mna' ma dga' bar gyis shig ces smras nas sgyug mos de 'di la gzhan dag 'dod pa dag gi phyir spyod par ma gyur cig ces bsrungs pa shin tu bsrungs pa/ sbas pa shin tu sbas pa de ni </font><hr>Ca328b<br><font size=+1>


sgyug mos bsrungs pa'i mdza' na mo zhes bya'o/ /gyos pos bsrungs pa'i mdza' na mo gang zhe na/ bud med dam gzhon nu ma gang gis pha ma dang khyim thab shi zhing dus la bab par gyur tam/ rgyal pos bcings sam bsad dam/ rgyal po'i 'jigs pas yul 'khor gzhan dang yul gzhan du bros par gyur tam/ smyos pa dang sems 'khrugs pa dang tshor ba dag gis nyen par gyur nas/ de gyos po'i gan na gnas shing gyos pos de la 'di skad ces kho bo'i bu mthong ba gang yin pa de ni khyod mthong ba yin la khyod mthong ba gang yin pa de yang kho bo'i bu mthong ba yin pas kho bo'i zas dang gos kyis mna' ma gnas par gyis shig /mna' ma dga' bar gyis shig ces smras nas/ gyos pos de 'di la gzhan dag 'dod pa dag gi phyir spyod par ma gyur cig ces bsrungs pa shin tu bsrungs pa| sbas pa shin tu sbas pa de ni gyos pos bsrungs pa'i mdza' na mo zhes bya'o/ /nye dus bsrungs pa'i mdza' na mo gang zhe na/ nye du zhes bya ba ni khyim bdun pa tshun chad las brten pa ni nye du yin la de phan chad ni nye du ma yin te/ bud med dam gzhon nu ma gang gi pha ma dang khyim thab shi zhing dus la bab par gyur tam/ rgyal pos bcings sam bsad dam rgyal po'i 'jigs pas yul 'khor gzhan dang yul gzhan du bros par gyur tam/ smyos pa dang sems 'khrugs pa dang char ba dag gis nyen par gyur nas/ de nye du'i gan na gnas shing nye dus de 'di la gzhan </font><hr>Ca329a<br><font size=+1>


@#/ /dag 'dod pa dag gi phyir spyod par ma gyur cig ces bsrungs pa shin tu bsrungs pa/ sbas pa shin tu sbas pa de ni nye dus bsrungs pa'i mdza' na mo zhes bya'o/ /rigs kyis bsrungs pa'i mdza' na mo gang zhe na/ rigs zhes bya ba ni bram ze dang / rgyal rigs dang / rje'u rigs dang / dmangs rigs te/ bud med dam gzhon nu ma gang gi pha ma dang khyim thab shi zhing dus la bab par gyur tam/ rgyal pos bcings sam bsad dam/ rgyal po'i 'jigs pas yul 'khor gzhan dang yul gzhan du bros par gyur tam/ smyos pa dang sems 'khrugs pa dang tshor ba dag gis nyen par gyur nas/ de rigs gcig pa'i gan na gnas shing rigs gcig pas de 'di la gzhan dag 'dod pa dag gis phyir spyod par ma gyur cig ces bsrungs pa shin tu bsrungs pa/ sbas pa shin tu sbas pa de ni rigs kyis bsrungs pa'i mdza' na mo zhes bya'o/ /rus chags kyis bsrungs pa'i mdza' na mo gang zhe na/ rus zhes bya ba ni kud sa'i rigs dang / bad sa'i rigs dang / shan di li'i rigs dang / b+ha ra dwa dza'i rigs dang / lnga pa'i rigs dang / nye lnga'i rigs dang / go ta ma'i rigs te bud med dam gzhon nu ma gang gi pha ma dang khyim thab shi zhing dus la bab par gyur tam/ rgyal pos bcings sam bsad dam/ rgyal po'i 'jigs pas yul 'khor gzhan dang yul gzhan du bros par gyur tam/ smyos </font><hr>Ca329b<br><font size=+1>


pa dang sems 'khrugs pa dang tshor ba dag gis nyen par gyur nas/ de rus chags kyi gan na gnas shing rus chags kyis de 'di la gzhan dag 'dod pa dag gi phyir spyod par ma gyur cig ces bsrungs pa shin tu bsrungs pa/ sbas pa shin tu sbas pa de ni rus chags kyis bsrungs pa'i mdza' na mo zhes bya'o/ /rnam par 'khrug pa med pa'i mdza' na mo gang zhe na/ dge slong ma dang spyod pa can mo dang / kun tu rgyu'i mo dang khyim thab kyi mal gyi rjes su 'jug pa dang / chos bzhin spyod pa de ni rnam par 'khrug pa med pa'i mdza' na mo zhes bya'o/ /smyan zhes bya ba ni phrin byed pa'o/ /byed na zhes bya ba ni byed par gyur na'o/ /tha na thang 'ga' phrad pa la yang rung ste zhes bya ba ni/ tha na yud tsam la yang rung ste'o/ /dge 'dun lhag ma'o zhes bya ba ni snga ma bzhin no/ /de la ltung ba ji ltar 'gyur zhe na/ bar sdom la/ spring pa'i phrin dang dge slong gnyis/ /spyod lam dang ni sngon 'gro dang / /bdag dang bdag min yul phyogs tshig /spring yig lag yig chung ma'o/ /dge slong gis bdag nyid kyis spring pa mnos te| bdag nyid kyis phrin phar yang skyel bar byed cing / bdag nyid kyis phrin tshur yang skyel bar byed na dge 'dun lhag mar 'gyur ro/ /dge slong gis bdag nyid kyis spring pa mnos te/ bdag nyid kyis phrin phar skyel bar byed cing mngags pas phrin tshur skyel bar byed na dge 'dun lhag mar 'gyur ro/ /dge slong gis bdag nyid kyis spring pa mnos te mngags pas phrin phar skyel bar </font><hr>Ca330a<br><font size=+1>


@#/ /byed cing bdag nyid kyis phrin tshur skyel bar byed na dge 'dun lhag mar 'gyur ro/ /dge slong gis bdag nyid kyis spring pa mnos te/ mngags pas phrin par yang skyel bar byed cing / mngags pas phrin tshur yang skyel bar byed na dge 'dun lhag mar 'gyur ro/ /dge slong gis mngags pa las bdag nyid kyis spring pa mnos te/ bdag nyid kyis phrin phar mar skyel bar byed cing / bdag nyid kyis phrin tshur yang skyel bar byed na dge 'dun lhag mar 'gyur ro/ /dge slong gis mngags pa las bdag nyid kyis spring pa mnos te/ bdag nyid kyis phrin phar skyel bar byed cing / mngags pas phrin tshur skyel bar byed na dge 'dun lhag mar 'gyur ro/ /dge slong gis mngags pa las bdag nyid kyis spring pa mnos te/ mngags pas phrin phar skyel bar byed cing / bdag nyid kyis phrin tshur skyel bar byed na dge 'dun lhag mar 'gyur ro/ /dge slong gis mngags pa las bdag nyid kyis spring pa mnos te/ mngags pas phrin phar yang skyel bar byed cing / mngags pas phrin tshur yang skyel bar byed na dge 'dun lhag mar 'gyur ro/ /dge slong gis mngags pas mngags pa las bdag nyid kyis spring pa mnos te/ bdag nyid kyis phrin phar yang skyel bar byed cing / bdag nyid kyis phrin tshur yang skyel bar byed na dge 'dun lhag mar 'gyur ro/ /dge slong gis mngags pas mngags pa las bdag nyid kyis spring pa mnos </font><hr>Ca330b<br><font size=+1>


te| bdag nyid kyis phrin phar skyel bar byed cing / mngags pas mngags pas phrin tshur skyel bar byed na dge 'dun lhag mar 'gyur ro/ /dge slong gis mngags pas mngags pa las bdag nyid kyis spring pa mnos te/ mngags pas mngags pas phrin phar skyel bar byed cing / bdag nyid kyis phrin tshur skyel bar byed na dge 'dun lhag mar 'gyur ro/ /dge slong gis mngags pas mngags pa las bdag nyid kyis spring pa mnos te/ mngags pas mngags pas phrin phar yang skyel bar byed cing / mngags pas mngags pas phrin tshur yang skyel bar byed na dge 'dun lhag mar 'gyur ro| |dge slong gnyis kyis gnyi gas spring pa mnos te/ gnyi gas phrin phar yang skyel bar byed cing / gnyi gas phrin tshur yang skyel bar byed na gnyi ga la dge 'dun lhag mar 'gyur ro/ /dge slong gnyis kyis gnyi gas spring pa mnos te/ de na gcig 'di skad ces re zhig kho bo'i don du phrin phar yang skyol la/ phrin tshur yang skyol cig ces zer nas/ des de'i don du phrin phar yang skyel bar byed cing / phrin tshur yang skyel bar byed na gnyi ga la dge 'dun lhag mar 'gyur ro/ /dge slong gnyi gas spring pa mnos te de na gcig 'di skad ces kho bos ni phrin phar ni skyel lo/ /phrin tshur ni mi skyel lo zhes zer na de gnyis las gang phrin phar yang skyel bar byed cing / phrin tshur yang skyel bar byed pa de la ni dge 'dun lhag mar 'gyur la/ gang phrin phar ni skyel bar byed la phrin tshur ni skyel </font><hr>Ca331a<br><font size=+1>


@#/ /bar mi byed pa de la ni nyes pa sbom po gnyis su 'gyur ro/ /dge slong gnyis kyis gnyi gas spring pa mnos te/ de na gcig 'di skad ces kho bo ni phrin phar yang mi skyel la tshur yang mi skyel lo zhes zer na/ de gnyis las gang phrin phar yang skyel bar byed cing / phrin tshur yang skyel bar byed pa de la ni dge 'dun lhag mar 'gyur la/ gang phrin phar yang skyel bar mi byed la phrin tshur yang skyel bar mi byed pa de la ni nyes pa sbom po gcig tu 'gyur ro/ /dge slong gnyis kyis gnyi gas spring pa mnos te/ gnyi gas phrin phar ni skyel bar byed la/ phrin tshur ni skyel bar mi byed na gnyi ga la nyes pa sbom po gnyis gnyis su 'gyur ro/ /dge slong gnyis kyis gnyi gas spring pa mnos te de na gnyis ga 'di skad ces bdag cag gnyi ga phrin phar yang skyel bar mi byed la/ phrin tshur yang skyel bar mi byed do zhes zer na gnyi ga la nyes pa sbom po re rer 'gyur ro/ /dge slong gcig khyim pa gcig dang khyim pa mo gcig dang mgron lam du 'gro ba na de na gal te khyim pa de dge slong de la 'di skad ces 'phags pa khyod khyim pa mo 'di la 'di skad ces khyod khyim pa mo 'di'i chung ma dang mdza' na mo dang / smos 'drin gyis shig ces smra nus sam zhes zer ram/ yang na khyim pa mo de dge slong de la 'di skad ces 'phags pa khyod khyim pa 'di la 'di skad ces khyod khyim pa mo 'di'i khyo'am mdza' na pho'am smon 'drin gyis </font><hr>Ca331b<br><font size=+1>


shig ces smra nus sam zhes zer ba la dge slong des spring pa rnam pa de lta bu de mnos te phrin phar skyel bar byed dam phrin tshur skyel bar byed na dge 'dun lhag mar 'gyur ro/ /'gro ba la ji lta ba bzhin du sdod pa dang 'dug pa dang / nyal ba dag la yang de bzhin no/ /dge slong gcig dang khyim pa gcig dang khyim pa mo gcig la ji lta ba bzhin du dge slong gnyis dang / khyim pa gnyis dang / khyim pa mo gnyis dang / dge slong rab tu mang po dang / khyim pa rab tu mang po dang / khyim pa mo rab tu mang po la yang de bzhin du ci rigs par rgyas par sbyar ro/ /dge sbyong mdun du 'gro ba'i dge sbyong dang phyi bzhin du 'brang ba'i dge sbyong gnyis las mdun du 'gro ba'i dge sbyong gi spring pa mnos te/ mdun du 'gro ba'i dge sbyong gis phrin phar yang skyel bar byed cing mdun du 'gro ba'i dge sbyong gis phrin tshur yang skyel bar byed na mdun du 'gro ba'i dge sbyong la dge 'dun lhag mar 'gyur ro/ /mdun du 'gro ba'i dge sbyong gis spring pa mnos te/ mdun du 'gro ba'i dge slong sbyong gis phrin phar skyel bar byed cing / phyi bzhin 'brang ba'i dge sbyong gis phrin tshur skyel bar byed na mdun du 'gro ba'i dge sbyong la nyes pa sbom po gnyis su 'gyur la/ phyi bzhin 'brang ba'i dge slong la ni nyes pa sbom po gcig tu 'gyur ro/ /mdun du 'gro ba'i dge sbyong gis spring pa mnos te/ phyi bzhin 'brang ba'i dge sbyong gis phrin phar skyel bar </font><hr>Ca332a<br><font size=+1>


@#/ /byed cing / mdun du 'gro ba'i dge sbyong gis phrin tshur skyel bar byed na mdun du 'gro ba'i dge sbyong la nyes pa sbom po gnyis su 'gyur la phyi bzhin 'brang ba'i dge sbyong la ni nyes pa sbom po gcig tu 'gyur ro/ /mdun du 'gro ba'i dge sbyong gis spring pa mnos te/ phyi bzhin 'brang ba'i dge sbyong gis phrin phar yang skyel bar byed cing / phyi bzhin 'brang ba'i dge sbyong gis phrin tshur yang skyel bar byed na mdun du 'gro ba'i dge sbyong la nyes pa sbom po gcig tu 'gyur la/ phyi bzhin 'brang ba'i dge sbyong la ni nyes pa sbom po gnyis su 'gyur ro/ /dge sbyong mdun du 'gro ba'i dge sbyong dang / phyi bzhin 'brang ba'i dge sbyong gnyis las phyi bzhin 'brang ba'i dge sbyong gis spring pa mnos te/ phyi bzhin 'brang ba'i dge sbyong gis phrin phar yang skyel bar byed cing / phyi bzhin 'brang ba'i dge sbyong gis phrin tshur yang skyel bar byed na phyi bzhin 'brang ba'i dge sbyong la dge 'dun lhag mar 'gyur ro/ /phyi bzhin 'brang ba'i dge sbyong gis spring pa mnos te/ phyi bzhin 'brang ba'i dge sbyong gis phrin phar skyel bar byed cing mdun du 'gro ba'i dge sbyong gis phrin tshur skyel bar byed na phyi bzhin 'brang ba'i dge sbyong la nyes pa sbom po gnyis su 'gyur la/ mdun du 'gro ba'i dge sbyong la ni nyes pa sbom po gcig tu 'gyur ro/ /phyi bzhin 'brang ba'i dge sbyong gis spring pa mnos te/ mdun du 'gro ba'i dge sbyong gis phrin </font><hr>Ca332b<br><font size=+1>


phar skyel bar byed cing phyi bzhin 'brang ba'i dge sbyong gis phrin tshur skyel bar byed na/ phyi bzhin 'brang ba'i dge sbyong la nyes pa sbom po gnyis su 'gyur la/ mdun du 'gro ba'i dge sbyong la ni nyes pa sbom po gcig tu 'gyur ro/ /phyi bzhin 'brang ba'i dge sbyong gis spring pa mnos te/ mdun du 'gro ba'i dge sbyong gis phrin phar yang skyel bar byed cing / mdun du 'gro ba'i dge sbyong gis phrin tshur yang skyel bar byed na/ phyi bzhin 'brang ba'i dge sbyong la nyes pa sbom po gcig tu 'gyur la/ mdun du 'gro ba'i dge sbyong la ni nyes pa sbom po gnyis su 'gyur ro/ /khyim bdag ni gnyis te/ bdag po dang / bdag po ma yin pa'o/ /de la bdag po zhes bya ba ni bu mo sbyin pa dang / 'phrog pa'i bdag por gyur cing bla'i gra'i nang du song yang rung / 'og gzu'i nang du song yang rung ste/ de'i tshig yang dag pa ma yin pa yang gzung bar 'os par 'gyur ba gang yin pa de ni bdag po zhes bya'o/ /bdag po ma yin pa zhes bya ba ni bu mo sbyin pa dang / 'phrog pa'i bdag por gyur pa ma yin zhing bla'i gra'i nang du song yang rung / 'og gzu'i nang du song yang rung ste/ de'i tshig yang dag par yang gzung bar 'os par mi 'gyur ba gang yin pa de ni bdag po ma yin pa zhes bya'o/ /dge slong gis bdag po las spring pa mnos te/ bdag po las phrin phar yang skyel bar byed cing bdag po la phrin tshur yang skyel bar byed na dge 'dun lhag mar 'gyur ro/ /dge slong gis bdag </font><hr>Ca333a<br><font size=+1>


@#/ /po las spring pa mnos te/ bdag po la phrin phar skyel bar byed cing / bdag po ma yin pa la phrin tshur skyel bar byed na nyes pa sbom po gnyis dang / nyes byas gcig tu 'gyur ro/ /dge slong gis bdag po las spring pa mnos te/ bdag po ma yin pa la phrin phar skyel bar byed cing / bdag po la phrin tshur skyel bar byed na nyes pa sbom po gnyis dang / nyes byas gcig tu 'gyur ro/ /dge slong gis bdag po las spring pa mnos te/ bdag po ma yin pa las phrin phar skyel bar byed cing / bdag po ma yin pa la phrin tshur skyel bar byed na nyes pa sbom po gcig dang / nyes byas gnyis su 'gyur ro/ /dge slong gis bdag po ma yin pa las spring pa mnos te/ bdag po ma yin pa la phrin phar yang skyel bar byed cing / bdag po ma yin pa la phrin tshur yang skyel bar byed na/ nyes byas gsum du 'gyur ro/ /dge slong gis bdag po ma yin pa las spring pa mnos te/ bdag po la phrin phar skyel bar byed cing / bdag po ma yin pa las phrin tshur skyel bar byed na nyes pa sbom po gcig dang / nyes byas gnyis su 'gyur ro/ /dge slong gis bdag po ma yin pa las spring pa mnos te/ bdag po ma yin pa las phrin phar skyel bar byed cing / bdag po la phrin tshur skyel bar byed na nyes pa sbom po gcig dang / nyes byas gnyis su 'gyur ro/ /dge slong gis bdag po ma yin pa las </font><hr>Ca333b<br><font size=+1>


spring pa mnos te/ bdag po la phrin phar yang skyel bar byed cing / bdag po las phrin tshur yang skyel bar byed na nyes pa sbom po gnyis dang / nyes byas gcig tu 'gyur ro/ /rgyu gsum gyis spring pa'i phrin tshur bskyal bar 'gyur la phar bskyal bar ni mi 'gyur te/ gsum gang zhe na/ yul phyogs dang / brda dang / mtshan mas so/ /ji ltar yul phyogs kyis she na/ gang gi tshe kho bo skyed mos tshal lam mdun sa'am/ lha'i gnas ga ge mo zhig na 'dug pa khyod kyis mthong ba de'i tshe bya ba de byas par khyod kyis shes par gyis shig ces bya ba ste/ de ltar yul phyogs kyis so/ /ji ltar brdas she na/ gang gi tshe kho bo snga dro'am/ gung tshigs sam phyem bred na khyod kyis mthong ba de'i tshe bya ba de byas par khyod kyis shes par gyis shig ces bya ba ste/ de ltar brdas so/ /ji ltar mtshan mas she na/ gang gi tshe kho bo skra dang kha spu breg nas ring po ma lon pa'am/ snam sbyar dmar ser gyon pa'am/ lhung bzed zha nye'i dbyar 'dab can nam/ 'khar ba lcags sbubs can nam/ zhun mar gyi lhung bzed dam/ 'bru mar gyi lhung bzed dang / sbrang rtsi'i lhung bzed dam/ bu ram gyi dbu pa'i lhung bzed thogs pa khyod kyis mthong ba de'i tshe bya ba de byas par khyod kyis shes par gyis shig ces bya ba ste/ de ltar mtshan mas so/ /rgyu gsum gyis ni spring pa'i phrin phar bskyal bar yang 'gyur la/ phrin tshul bskyal bar yang 'gyur te/ gsum gang zhe na/ </font><hr>Ca334a<br><font size=+1>


@#/ /tshig dang / spring yig dang / lag yig gis so/ /dge slong gis tshig gis spring pa mnos te/ tshig gis phrin phar yang skyel bar byed cing / tshig gis phrin tshur yang skyel bar byed na dge 'dun lhag mar 'gyur ro/ /dge slong gis tshig gis spring pa mnos te/ tshig gis phrin phar skyel bar yang byed cing / spring yig gis phrin tshur skyel bar byed na dge 'dun lhag mar 'gyur ro/ /dge slong gis tshig gis spring pa mnos te/ spring yig gis phrin phar skyel bar byed cing / tshig gis phrin tshur skyel bar byed na dge 'dun lhag mar 'gyur ro| |dge slong gis tshig gis spring pa mnos te/ spring yig gis phrin phar skyel bar yang byed cing spring yig gis phrin tshur skyel bar yang byed na dge 'dun lhag mar 'gyur ro/ /dge slong gis tshig gis spring pa mnos te/ spring yig gis phrin phar skyel bar byed cing / yul phyogs dang brda dang mtshan mas phrin tshur skyel bar byed na dge 'dun lhag mar 'gyur ro/ / dge slong gis tshig gis spring pa mnos te/ tshig gis phrin phar yang skyel bar byed cing / tshig gis phrin tshur yang skyel bar byed na dge 'dun lhag mar 'gyur ro/ /dge slong gis tshig gis spring pa mnos te/ tshig gis phrin phar skyel bar byed cing / lag yig gis phrin tshur skyel bar byed na dge 'dun lhag mar 'gyur ro/ /dge slong gis tshig gis spring pa </font><hr>Ca334b<br><font size=+1>


mnos te/ lag yig gis phrin phar skyel bar byed cing / tshig gis phrin tshur skyel bar byed na dge 'dun lhag mar 'gyur ro/ /dge slong gis tshig gis spring pa mnos te/ lag yig gis phrin phar skyel bar yang byed cing / lag yig gis phrin tshur skyel bar yang byed na dge 'dun lhag mar 'gyur ro/ /dge slong gis tshig gis spring pa mnos te/ lag yig gis phrin phar skyel bar byed cing / yul phyogs dang brda dang mtshan mas phrin tshur skyel bar byed na dge 'dun lhag mar 'gyur ro/ /dge slong gis spring yig gis spring pa mnos te/ spring yig gis phrin phar yang skyel bar byed cing / spring yig gis phrin tshur yang skyel bar byed na dge 'dun lhag mar 'gyur ro/ /dge slong gis spring yig gis spring pa mnos te/ spring yig gis phrin phar skyel bar byed cing / tshig gis phrin tshur skyel bar byed na dge 'dun lhag mar 'gyur ro/ /dge slong gis spring yig gis spring pa mnos te/ tshig gis phrin phar skyel bar byed cing / spring yig gis phrin tshur skyel bar byed na dge 'dun lhag mar 'gyur ro/ /dge slong gis spring yig gis spring pa mnos te/ tshig gis phrin phar yang skyel bar byed cing / tshig gis phrin tshur yang skyel bar byed na dge 'dun lhag mar 'gyur ro/ /dge slong gis spring yig gis spring pa mnos te/ spring yig gis phrin phar skyel bar byed cing / yul phyogs dang brda dang mtshan mas phrin tshur skyel bar byed na dge 'dun lhag </font><hr>Ca335a<br><font size=+1>


@#/ /mar 'gyur ro/ /dge slong gis spring yig gis spring pa mnos te/ spring yig gis phrin phar yang skyel bar byed cing / spring yig gis phrin tshur yang skyel bar byed na dge 'dun lhag mar 'gyur ro/ /dge slong gis spring yig gis spring pa mnos te/ spring yig gis phrin phar skyel bar byed cing / lag yig gis phrin tshur skyel bar byed na dge 'dun lhag mar 'gyur ro/ /dge slong gis spring yig gis spring pa mnos te/ lag yig gis phrin phar skyel bar byed cing / spring yig gis phrin tshur skyel bar byed na dge 'dun lhag mar 'gyur ro| |dge slong gis spring yig gis spring pa mnos te/ lag yig gis phrin phar yang skyel bar byed cing / lag yig gis phrin tshur yang skyel bar byed na dge 'dun lhag mar 'gyur ro/ / dge slong gis spring yig gis spring pa mnos te/ spring yig gis phrin phar skyel bar byed cing / yul phyogs dang brda dang mtshan mas phrin tshur skyel bar byed na dge 'dun lhag mar 'gyur ro/ /dge slong gis lag yig gis spring pa mnos te/ lag yig gis phrin phar yang skyel bar byed cing / lag yig gis phrin tshur yang skyel bar byed na dge 'dun lhag mar 'gyur ro/ /dge slong gis lag yig gis spring pa mnos te/ lag yig gis phrin phar skyel bar byed cing / tshig gis phrin tshur skyel bar byed na dge 'dun lhag mar 'gyur </font><hr>Ca335b<br><font size=+1>


ro| |dge slong gis lag yig gis spring pa mnos te/ tshig gis phrin phar skyel bar byed cing / lag yig gis phrin tshur skyel bar byed na dge 'dun lhag mar 'gyur ro/ /dge slong gis lag yid gis spring pa mnos te/ tshig gis phrin phar yang skyel bar byed cing / tshig gis phrin tshur yang skyel bar byed na dge 'dun lhag mar 'gyur ro/ /dge slong gis lag yig gis spring pa mnos te| lag yig gis phrin phar skyel bar byed cing / yul phyogs dang brda dang / mtshan mas phrin tshur skyel bar byed na dge 'dun lhag mar 'gyur ro/ /dge slong gis lag yig gis spring pa mnos te/ lag yig gis phrin phar yang skyel bar byed cing / lag yig gis phrin tshur yang skyel bar byed na dge 'dun lhag mar 'gyur ro/ /dge slong gis lag yig gis spring pa mnos te/ lag yig gis phrin phar yang skyel bar byed cing / spring yig gis phrin tshur skyel bar byed na dge 'dun lhag mar 'gyur ro/ /dge slong gis lag yig gis spring pa mnos te/ spring yig gis phrin phar skyel bar byed cing lag yig gis phrin tshur yang skyel bar byed na/ dge 'dun lhag mar 'gyur ro/ /dge slong gis lag yig gis spring pa mnos te/ spring yig gis phrin phar yang skyel bar byed cing / spring yig gis phrin tshur yang skyel bar byed na dge 'dun lhag mar 'gyur ro/ /dge slong gis lag yig gis spring pa mnos te/ lag yig gis phrin phar </font><hr>Ca336a<br><font size=+1>


@#/ /skyel bar byed cing / yul phyogs dang brda dang / mtshan mas phrin tshur skyel bar byed na dge 'dun lhag mar 'gyur ro// //'dul ba rnam par 'byed pa/ bam po bco brgyad pa/ dge slong gis chung ma dang po gsum po chu tshigs kyis byin pa dang / rin chas nyos pa dang / btsan phrogs su thob pa 'thabs pa nyid kyi mod yin la 'thabs pa'i 'og ma yin pa dang / dum pa ma bcad pa dang / rde'u gsum ma gtor ba dang / cho ga ma gtang ba dang / chung ma ma yin par ma bsgrags pa dang / dril ma bsgrags pa dag gi sdum byed cing / mthun par gyur na nyes byas gcig tu 'gyur ro/ /dge slong gis chung ma dang po gsum po chu tshigs kyis byin pa dang / rin chas nyos pa dang / btsan phrogs su thob pa de dag nyid 'thabs pa nyid kyi mod dang / 'thabs pa'i 'og yin la dum pa ma bcad pa dang / rde'u gsum ma gtor ba dang / cho ga ma gtang ba dang / chung ma ma yin par ma bsgrags pa dang / dril ma bsgrags pa dag gi sdums byed cing mthun par gyur na nyes byas gnyis su 'gyur ro/ /dge slong gis chung ma dang po gsum po chu tshigs kyis byin pa dang / rin chas nyos pa dang / btsan phrogs su thob pa de dag nyid 'thabs pa nyid kyi mod dang / 'thabs pa'i 'og dang / dum pa bcad pa yin la/ rde'u gsum ma gtor ba dang / cho ga ma btang ba dang / chung ma ma yin par ma bsgrags pa dang / </font><hr>Ca336b<br><font size=+1>


dril ma bsgrags pa dag gi sdums byed cing mthun par gyur na nyes byas gsum du 'gyur ro/ /dge slong gis chung ma dang po gsum po chu tshigs kyis byin pa dang / rin chas nyos pa dang / btsan phrogs su thob pa 'thabs pa nyid kyi mod dang / 'thabs pa'i 'og dang / dum pa bcad pa dang / rde'u gsum gtor ba yin la/ cho ga ma btang ba dang / chung ma ma yin par ma bsgrags pa dang / dril ma bsgrags pa dag gi sdums byed cing mthun par gyur na nyes byas gsum dang / nyes pa sbom po gcig tu 'gyur ro/ /dge slong gis chung ma dang po gsum po chu tshigs kyis byin pa dang / rin chas nyos pa dang / btsan phrogs su thob pa 'thabs pa nyid kyi mod dang / 'thabs pa'i 'og dang / dum pa bcad pa dang / rde'u gsum gtor ba dang / tshe ga btang ba yin la/ chung ma ma yin par ma bsgrags pa dang / dril ma bsgrags pa dag gi sdums byed cing mthun par gyur na nyes byas gsum dang / nyes pa sbom po gnyis su 'gyur ro/ /dge slong gis chung ma dang po gsum po chu tshigs kyis byin pa dang / rin chas nyos pa dang / btsan phrogs su thob pa 'thabs pa nyid kyi mod dang / 'thabs pa'i 'og dang / dum pa bcad pa dang / rde'u gsum gtor ba dang / cho ga btang ba dang / chung ma ma yin par bsgrags pa yin la/ dril ma bsgrags pa dag gi sdums byed cing mthun par gyur na nyes byas gsum dang / nyes pa sbom po gsum dang / </font><hr>Ca337a<br><font size=+1>


@#/ /dge 'dun lhag ma gcig tu 'gyur ro/ /dge slong gi chung ma dang po gsum po chu tshigs kyis byin pa dang / rin chas nyos pa dang / btsan phrogs su thob pa 'thabs pa nyid kyi mod dang / 'thabs pa'i 'og dang / dum pa bcad pa dang / rde'u gsum gtor ba dang / cho ga btang ba dang / chung ma ma yin par bsgrags pa dang / dril bsgrags pa dag gi sdums byed cing mthun par gyur na nyes byas gsum dang / nyes pa sbom po bzhi dang / dge 'dun lhag ma gnyis su 'gyur ro/ /dge slong gis chung ma de las gzhan pa 'thabs pa nyid kyi mod dang / 'thabs pa'i 'og dang / dum pa bcad pa dang / rde'u gsum gtor ba dang / cho ga gtang ba dang / chung ma ma yin par bsgrags pa dang / dril bsgrags pa dag gi sdums byed cing mthun par gyur na dge 'dun lhag mar 'gyur ro/ /dge slong khyim du 'gro bas khyim du song ste/ 'di skad ces ci'i phyir khye'u chen po 'di'i khyim mi dbub ces zer na nyes byas su 'gyur ro/ /ci'i phyir bu mo chen mo 'di mi bkri zhes zer na nyes byas su 'gyur ro/ /ci'i phyir khye'u 'di dang bu mo 'di mi sprad ces zer na nyes byas su 'gyur ro/ /ci'i phyir khye'u 'di gyos po'i gan du mi 'gro zhes zer na nyes byas su 'gyur ro/ /ci'i phyir bu mo 'di gyos po'i gan du mi bkri zhes zer na nyes byas su 'gyur ro/ /dge slong khyim du 'gro bas de ltar de dang mthun pa'i tshig brjod na thams </font><hr>Ca337b<br><font size=+1>


cad du nyes byas su 'gyur ro/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /smyan byed pa'i dge 'dun lhag ma ste lnga pa rdzogs so// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong rnams la khang pa 'di lta bur mang ba nyid du gyur te/ kha cig ni khang pa 'di ha cang ring ngo zhes de bor nas gzhan byed du 'jud do/ /kha cig ni khang pa 'di ha cang thung ngo / /'di ha cang yang yangs so/ /'di ha cang dog go/ 'di ha cang rnyings so/ /'di ha cang stobs chung ngo / /'di ha cang brtsigs nyes so zhes de bor nas gzhan byed du 'jud do/ /de dag khang pa byed pa dang / byed du 'jud pas bya ba dang byed pa mang bar gyur nas/ lung mnod pa dang / klog pa dang / kha ton dang / rnal 'byor dang yid la byed pa gtong zhing yang dang yang du rtswa dang / shing dang / mi blas dang / shing rta'i las slong bar byed pas bram ze dang khyim bdag rnams kyis kha bya bar gyur to/ /de'i tshe na tshe dang ldan pa 'od srung chen po mnyan yod na/ shar gyi kun dga' ra ba ri dwags 'dzin gyi ma'i khang bzang na 'dug go/ de nas tshe dang ldan pa 'od srung chen pos dge slong rab tu mang po dag la khang pa de lta bur mang ba nyid du gyur pa thos so/ /thos nas kyang phyi dro nang du yang dag 'jog las langs nas/ bcom ldan 'das ga la ba der </font><hr>Ca338a<br><font size=+1>


@#/ /song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ mtha' gcig tu 'dug nas/ bcom ldan 'das la tshe dang ldan pa 'od srung chen pos 'di skad ces gsol to/ /btsun pa da ltar dge slong rnams la khang pa 'di lta bur mang ba nyid du gyur te/ kha cig ni khang pa 'di ha cang ring ngo zhes de bor nas gzhan bgyid du stsol to/ /kha cig ni khang pa 'di ha cang thung ngo / /'di ha cang yangs so/ /'di ha cang dog go/ /'di ha cang rnyings so/ /'di ha cang stobs chung ngo / /'di ha cang brtsigs nongs so zhes de bor nas gzhan bgyid du stsol to/ /de dag khang pa bgyid pa dang / bgyid du stsol bas bya ba dang byed pa mang bar gyur nas lung mnod pa dang / klog pa dang / kha ton dang rnal 'byor dang / yid la bgyid pa gtong zhing yang dang yang du ran dang zhugs shing dang / mi blas dang shing rta'i las slong bar bgyid pas bram ze dang khyim bdag rnams kyis kha bgyi bar gyur na/ bcom ldan 'das kyis thugs brtse ba'i slad du/ dge slong rnams la khang pa dang khang pa'i gzhi legs par bstan du gsol/ bcom ldan 'das kyis tshe dang ldan pa 'od srung chen po la cang mi gsung bas gnang ngo / /de nas tshe dang ldan pa 'od srung chen pos bcom ldan 'das kyis cang mi gsung bas gnang bar rig nas/ bcom ldan 'das kyi zhabs gnyis la mgo bos phyag 'tshal te/ </font><hr>Ca338b<br><font size=+1>


bcom ldan 'das kyi spyan snga nas song ngo / /de nas tshe dang ldan pa 'od srung chen po de nyid kyi mtshan mo 'das pa dang / tshangs pa mtshungs par spyod pa rnams kyi sems srung ba'i phyir lhung bzed dang chos gos thogs te/ ljongs rgyur song ngo / /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ / sangs rgyas bcom ldan 'das kyis dge slong rab tu mang po dag la rmas pa/ dge slong dag khyed cag la khang pa 'di lta bur mang ba nyid du gyur te/ kha cig ni khang pa 'di ha cang ring ngo zhes de bor nas gzhan byed du 'jug/ kha cig ni khang pa 'di ha cang thung ngo / /'di ha cang yangs so/ /'di ha cang dog go/ 'di ha cang rnyings so/ /'di ha cang stobs chung ngo / /'di ha cang brtsigs nyes so zhes de bor nas gzhan byed du 'jud pa bden nam/ btsun pa med do/ /sangs rgyas bcom ldan 'das kyis 'dod pa che ba dang / chog mi shes pa dang / gso dka' ba dang / dgang dka' ba rnam par smad do/ /de nas bcom ldan 'das kyis 'dod pa chung ba'i bsngags pa brjod de/ cho ga shes pa dang / gso sla ba dang / dgang sla ba dang / phri ba dang yo byad bsnyungs pa dang / sbyangs pa'i yon tan dang mdzes pa dang / tshod shes pa nyid kyi bsngags pa brjod nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas </font><hr>Ca339a<br><font size=+1>


@#/ /'dul ba la nyan thos rnams kyis bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis bdag gis bslangs pa bdag po med pa bdag gi phyir khang pa brtsig tu 'jud na/ dge slong des khang pa tshad bzhin du brtsig tu chug cig/ de la khang pa'i tshad ni 'di yin te/ nang srid du bde bar gshegs pa'i mtho'i mtho bcu gnyis/ zheng du mtho bdun no/ /gzhi blta ba'i phyir dge slong des dge slong dag bkri bar bya'o/ /khrid pa'i dge slong dag gis kyang gzhi rung ba dang / rtsod pa med pa dang / brtsam du rung bar blta bar bya'o/ /gal te dge slong gis gzhi mi rung ba'am/ rtsod pa dang bcas pa'am/ brtsam du mi rung ba bdag gis bslangs pa bdag po med pa bdag gi phyir khang pa brtsigs tu 'jud dam/ gzhi blta ba'i phyir dge slong dag kyang mi khrid dam/ dge slong khrid pa dag la gzhi mi ston tam/ tshad las 'das na dge 'dun lhag ma'o/ /dge slong gis zhes bya ba ni chos 'di pas so/ /bdag gis bslangs pa zhes bya ba ni/ 'dun pa las byung ba'i slong mos la la las ni shing / la la las ni rtswa/ la la las ni mi blas/ la la las ni shing rta'i las bslangs pa'o/ /bdag po med pa zhes bya ba ni/ gang la bdag po skyes pa'am bud med </font><hr>Ca339b<br><font size=+1>


dam/ ma ning med pa'o/ /bdag gi phyir zhes bya ba ni bdag nyid la bsngos te'o/ /khang pa zhes bya ba ni gang du spyod lam bzhi po 'chag pa dang / 'greng ba dang / 'dug pa dang / nyal ba dag kyang shong pa'o/ /brtsig tu 'jug na zhes bya ba ni bdag nyid kyis sam/ gzhan gyis so/ /dge slong des khang pa tshad bzhin du brtsig tu chug cig/ de la khang pa'i tshad ni 'di yin te/ nang srid du bde bar gshegs pa'i mtho'i mtho bcu gnyis/ zheng du mtho bdun no zhes bya ba la/ bde bar gshegs pa zhes bya ba ni ston pa ste/ de'i mtho bcu gnyis gang dag yin pa de dag la ni tshad dang ldan pa'i khru'i khru bco brgyad de/ nang srid du tshad dang ldan pa'i khru bco brgyad do/ /bde bar gshegs pa'i mtho bdun gang dag yin pa de dag ni tshad dang ldan pa'i khru'i khru phyed dang bcu gcig ste/ nang gi zheng du khru phyed dang bcu gcig go/ gzhi blta ba'i phyir dge slong des dge slong dag bkri bar bya'o zhes bya ba la/ gzhi blta ba'i phyir zhes bya ba ni/ sa gzhi rung ba dang / rtsod pa med pa dang / brtsam du rung ba nyid blta ba'i phyir ro/ /dge slong des zhes bya ba ni dge slong gang yin pa des so/ /dge slong dag bkri bar bya'o zhes bya ba ni/ de na dge slong gang dag yod pa dag yin gyi/ ji tsam gyis gzhi de mig gis bltas par 'gyur ba'i dge slong de tsam bkri bar bya ba ni ma yin no/ /gal te de na sbrul gyi gnas sam/ sdig pa'i gnas sam/ srin gyi gnas sam/ grog ma'i gnas yod </font><hr>Ca340a<br><font size=+1>


@#/ /pa yin na mi rung ba yin pa'i phyir bstan par mi bya'o/ /gal te rung ba yin na/ de'i 'og tu nye bar brtag par bya ste/ gal te rgyal po'i gzhi'am/ mchod rten gyi gzhi'am/ khyim bdag gi gzhi'am/ mu stegs can gyi gzhi'am/ dge slong ma'i dbyar khang ngam/ shing ljon pa gcad par bya ba yod na rtsod pa dang bcas pa yin pa'i phyir bstan par mi bya'o/ /gal te gzhi rung ba dang / rtsod pa med pa yin na de'i nye 'khor 'dom gang kho ra khor yug nye bar brtag par bya ste/ gal te de na gzhi chu klung la rten tam/ khron pa la rten tam/ lam la rten tam/ ngam grog la rten pa yin na brtsam du mi rung ba'i phyir bstan par mi bya'o/ /gal te gzhi de rung ba dang / rnam pa thams cad yongs su rdzogs pa yin na dge slong des gtsug lag khang du song ste/ gnas mal bsham pa byas nas gaN+DI brdungs te/ dris pa'i tshig gis dge slong dag la bskul nas/ dge 'dun thams cad 'dug cing mthun par gyur pa la mchil lham phud de/ bla gos phrag pa gcig tu byas nas rgan rims bzhin du phyag 'tshal te/ rgan pa'i mtha' logs su tsog pur 'dug nas thal mo sbyar te 'di skad ces brjod par bya'o/ / dge 'dun btsun pa rnams gsan du gsol/ bdag dge slong lag gi bla ming 'di zhes bgyi bas khang pa'i gzhi rung ba rtsod pa ma mchis pa brtsam du rung ba zhig btsal te/ bdag dge </font><hr>Ca340b<br><font size=+1>


slong lag gi bla ming 'di zhes bgyi ba dge 'dun las khang pa'i gzhi rung ba rtsod pa ma mchis pa brtsam du rung ba bstan pa gsol na/ thugs brtse ba can dge 'dun btsun pa rnams kyis thugs brtse ba'i slad du bdag dge slong lag gi bla ming 'di zhes bgyi ba la khang pa'i gzhi rung ba rtsod pa ma mchis pa brtsams du rung ba bstan pa stsal du gsol/ de bzhin du lan gnyis lan gsum du bzlas/ dge slong de dag gis kyang dge slong de la dad pas sam/ yid ches pas 'gro bar mi bya bar 'di ltar dge 'dun thams cad der 'gro bar bya ba'am/ dge 'dun gyis bskos pa'i dge slong dag gtang bar bya'o/ /de dag gis gzhi de mig gis blta bar bya zhing / gal te de na sbrul gyi gnas sam/ sdig pa'i gnas sam/ srin gyi gnas sam/ grog ma'i gnas yod pa yin na mi rung ba yin pa'i phyir bstan par mi bya'o/ /gal te rung ba yin na de'i 'og tu nye bar brtag par bya ste/ gal te rgyal po'i gzhi'am/ mchod rten gyi gzhi'am/ khyim bdag gi gzhi'am/ mu stegs can gyi gzhi'am/ dge slong ma'i dbyar khang ngam/ shing ljon pa gcad par bya ba yod na rtsod pa dang bcas pa yin pa'i phyir bstan par mi bya'o/ /gal te gzhi rung ba dang / rtsod pa med pa yin na de'i nye 'khor 'dom gang kho ra khor yug nye bar brtag par bya ste/ gal te de na gzhi chu klung la rten tam/ khron pa la rten tam/ lam la rten tam/ ngam grog la rten pa yin na brtsam du mi rung ba'i phyir </font><hr>Ca341a<br><font size=+1>


@#/ /bstan par mi bya'o/ /gal te gzhi de rung ba dang rnam pa thams cad yongs su rdzogs pa yin na/ de'i tshe dge slong de dag gis rgan pa'i mtha' logs su gus pa dang bcas pas 'dug ste 'di skad ces brjod par bya'o/ /gnas brtan dag gzhi de rung ba dang rtsod pa ma mchis dang brtsam du rung ba lags kyis/ da de'i dus la bab par mkhyen par mdzod cig/ de'i 'og tu dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong lag gi bla ming 'di zhes bgyi ba 'dis khang pa'i gzhi rung ba rtsod pa ma mchis pa brtsam du rung ba zhig bcal te/ dge slong lag gi bla ming 'di zhes bgyi ba 'di dge 'dun las khang pa'i gzhi rung ba rtsod pa ma mchis pa brtsam du rung ba bstan pa gsol na/ gal te dge 'dun gyis dus la bab cing bzod na/ dge 'dun gyis gnang bar mdzod cig dang / dge 'dun gyis dge slong lag gi bla ming 'di zhes bgyi ba la khang pa'i gzhi rung ba rtsod pa ma mchis ba brtsam du rung ba bstan pa stsol to/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong lag gi bla ming 'di zhes bgyi ba 'dis khang pa'i gzhi rung ba rtsod pa ma mchis pa brtsam du rung ba zhig btsal te/ dge slong lag gi bla ming 'di zhes bgyi ba 'di dge 'dun las khang pa'i gzhi rung la rtsod pa ma mchis pa </font><hr>Ca341b<br><font size=+1>


brtsam du rung ba bstan pa gsol te/ de'i slad du dge 'dun gyis dge slong lag gi bla ming 'di zhes bgyi ba la khang pa'i gzhi rung ba rtsod pa ma mchis pa brtsam du rung ba bstan pa stsol na/ tshe dang ldan pa gang dag dge slong lag gi bla ming 'di zhes bgyi ba la khang pa'i gzhi rung ba rtsod pa ma mchis pa brtsam du rung ba bstan par stsal bar bzod pa de dag ni cang ma gsungs shig/ gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong lag gi bla ming 'di zhes bgyi ba la khang pa'i gzhi rung ba rtsod pa ma mchis pa brtsam du rung ba bstan pa stsal lags te/ 'di ltar cang mi gsung bas de de bzhin du 'dzin to/ /dge 'dun gyis dge slong lag gi bla gang la khang pa'i gzhi rung ba rtsod pa med pa la brtsam du rung ba bstan pa byin pa des khang pa brtsig tu gzhug par bya ste 'di la 'gyod par mi bya'o/ /khrid pa'i dge slong dag gis kyang zhes bya ba ni/ der dge slong gang dag khrid pa dag gis kyang ngo / /gzhi zhes bya ba ni khang pa'i dbang du byas pa'i gzhi gang yin pa'o/ /rung ba zhes bya ba ni sbrul gyi gnas dang sdig pa'i gnas la sogs pa dang bral ba'o/ /rtsod pa med pa zhes bya ba ni 'thab mo dang mtshang 'bru ba sogs pa dang bral ba'o/ /brtsam du rung ba zhes bya ba ni de'i nye 'khor 'dom gang kho ra khor yug na skyon med par ro/ /blta bar bya'o zhes bya ba ni so sor brtag par bya'o/ /gal te dge </font><hr>Ca342a<br><font size=+1>


@#/ /slong gis gzhi mi rung ba'am zhes bya ba ni sbrul dang sdig pa la sogs pa'i gnas kyi che ba'o/ /rtsod pa dang bcas pa'am zhes bya ba ni 'thab mo dang bcas pa dang / mtshang 'bru ba dang bcas pa dang / rtsod pa dang bcas pa dang / 'gyed pa dang bcas pa'o/ /brtsam du mi rung ba zhes bya ba ni gang gi nye 'khor 'dom gang kho ra khor yug med par ro/ /bdag gis bslangs pa bdag po med par bdag gi phyir khang pa brtsig tu 'jud dam/ gzhi blta ba'i phyir dge slong dag kyang mi khrid dam/ dge slong khrid pa dag la gzhi mi ston tam/ tshad las 'das na zhes bya ba ni/ tshad ji skad bstan pa de las lhag par brtsig tu 'jud na'o/ /dge 'dun lhag ma'o zhes bya ba ni snga ma bzhin te/ des na dge 'dun lhag ma'o zhes gsungs so/ /de la ltung ba ji ltar 'gyur zhe na/ dge slong gis khang pa byed du 'jud cing mi rung ba byed du 'jud na nyes pa sbom por 'gyur ro/ /rtsod pa dang bcas pa byed du 'jud na nyes pa sbom por 'gyur ro/ /brtsam du mi rung bar byed du 'jud na nyes pa sbom por 'gyur ro/ /ma bstan par byed du 'jud na nyes pa sbom por 'gyur ro/ /tshad las 'das par byed du 'jud na nyes pa sbom por 'gyur ro/ /thams cad las 'das par byed du 'jud na dge 'dun lhag mar 'gyur ro/ /dge slong gis dge slong gi gan du song ste 'di skad ces kho bo'i phyir khang pa rung ba rtsod pa med pa brtsam du rung ba bstan </font><hr>Ca342b<br><font size=+1>


pa tshad dang ldan pa byed du chug cig ces smras pa las/ des de'i phyir khang pa byed du 'jud cing mi rung bar byed du 'jud na nyes pa sbom por 'gyur ro/ /rtsod pa dang bcas par byed du 'jug na byed pa po la nyes pa sbom por 'gyur ro/ /brtsam du mi rung bar byed du 'jud na byed pa po la nyes pa sbom por 'gyur ro/ /ma bstan par byed du 'jug na byed pa po la nyes pa sbom por 'gyur ro/ /tshad las 'das par byed du 'jud na byed pa po la nyes pa sbom por 'gyur ro/ /thams cad las 'das par byed du 'jud na byed pa po la dge 'dun lhag mar 'gyur ro/ /gal te de de'i gan du song ste/ 'di skad ces legs par byas so/ /shin tu byas so/ /ngas khyod la 'di ltar bsgo'o zhes zer zhing des kyang de la shing ngam rtswa'am lci ba'am sa 'jim 'bul bar byed la/ gal te des mi rung bar byed du 'jud na gnyi ga la nyes pa sbom por 'gyur ro/ /rtsod pa dang bcas par byed du 'jud na gnyi ga la nyes pa sbom por 'gyur ro/ /brtsam du mi rung bar byed du 'jud na gnyi ga la nyes pa sbom por 'gyur ro/ /ma bstan par byed du 'jud na gnyi ga la nyes pa sbom por 'gyur ro/ /tshad las 'das par byed du 'jud na gnyi ga la nyes pa sbom por 'gyur ro/ /thams cad las 'das par byed du 'jud na gnyi ga la dge 'dun lhag mar 'gyur ro/ /gal te de de'i gan du song ste 'di skad ces legs par ma byas so/ /shin tu ma byas so/ /ngas khyod la 'di ltar ma bsgo'o zhes zer </font><hr>Ca343a<br><font size=+1>


@#/ /zhing des de la shing ngam rtswa'am lci ba'am sa 'jim 'bul bar mi byed la/ gal te des mi rung bar byed du 'jud na byed pa po la nyes pa sbom por 'gyur ro/ /rtsod pa dang bcas par byed du 'jud na byed pa po la nyes pa sbom por 'gyur ro/ /brtsam du mi rung bar byed du 'jud na byed pa po la nyes pa sbom por 'gyur ro/ /ma bstan par byed du 'jud na byed pa po la nyes pa sbom por 'gyur ro/ /tshad las 'das par byed du 'jud na byed pa po la nyes pa sbom por 'gyur ro/ /thams cad las 'das par byed du 'jud na byed pa po la dge 'dun lhag mar 'gyur ro/ /byas pa rnyed pa dang / byas pa la longs spyod pa dag la ni ltung ba med do/ /rnying pa 'chos pa la ltung ba med do/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /khang pa'i dge 'dun lhag ma ste drug pa rdzogs so// //sangs rgyas bcom ldan 'das ko'u sham+b+hi na gdangs can gyi kun dga' ra ba na bzhugs so/ /drug sde dag gzhan gyis byed du bcug pa'i gtsug lag khang dag na gnas shing de dag de dag na gnas pa na dga' bo nye dga' ltos shig/ gtsug lag khang 'di ni gyong grugs su gyur pa yin no| |'di ni gas pa yin no/ /'di ni mtshams nyams pa yin no/ /'di ni ngos nyams pa yin no/ /'di ni ma mo'i khyim 'dra ba yin no zhes 'phya bar byed pa dang / dge slong rnams kyis de </font><hr>Ca343b<br><font size=+1>


dag la smras pa/ tshe dang ldan pa dag khyed cag re zhig gzhan gyis byed du bcug pa'i gtsug lag khang dag na gnas shing / khyed cag gis rdo yang sgreng bar mi nus la 'on kyang 'phya bar byed do/ /de skad ces smras pa dang / de dag nga rgyal gyis khengs par gyur nas phan tshun smra bar brtsams pa/ dga' bo nye dga' lhung bzed nag po can 'di dag gis bdag cag la khyed cag re zhig gzhan gyis byed du bcug pa'i gtsug lag khang dag na gnas shing / khyed cag gis rdo yang sgreng ba mi nus la 'on kyang 'phya bar byed do zhes ha cang zil gyis mnan gyis tshur sheg /bdag cag gis sngon lhung bzed nag po can gang gis kyang byed du ma bcug pa'i gtsug lag khang ci 'dra ba'i gtsug lag khang byed du gzhug go /gal te bdag cag thams cad lag gi bla la brtson par gyur na/ lhung bzed nag po can dag rtag pa kho nar bdag cag la skabs tshol bas de dag gis drug sde dag thams cad lag gi bla la zhugs so zhes skabs rnyed par yang 'gyur la/ bdag cag gis slong mo'i khyim gang dag yin pa de dag tu yang brel ba dag gi skyon brjod nas rjes su 'jug par 'gyur gyis/ bdag cag gis bdag cag gi nang na mkhas pa spyod pa gsal ba/ khab gzhug par gtun bu 'jud nus pa gang yin pa de'i gan du bdag cag dong la spro ba bskyed par bya gor ma chag na/ de'i phyir bdag cag gi nang na mkhas pa spyod pa gsal ba/ khab gzhug par gtun bu 'jud </font><hr>Ca344a<br><font size=+1>


@#/ /nus pa gang yin bdag cag gi nang na tshe dang ldan pa 'dun pa mkhas pa spyod pa gsal pa khab gzhug par gtun du 'jud nus pa yin gyis/ bdag cag de'i gan du dong la spro ba bskyed par bya'o zhes de dag 'dun pa'i gan du song ste smras pa/ tshe dang ldan pa 'dun pa lhung bzed nag po can 'di dag gis bdag cag la khyed cag re zhig gzhan gyis byed du bcug pa'i gtsug lag khang dag na gnas shing khyed cag gis rdo yang sgreng bar mi nus la/ 'on kyang 'phya bar byed do zhes ha cang zil gyis mnan nas/ kho bo cag 'di snyam du sems te/ lhung bzed nag po can 'di dag gis bdag cag la khyed cag re zhig gzhan gyis byed du bcug pa'i gtsug lag khang dag na gnas shing khyed cag gis rdo yang sgreng bar mi nus la/ 'on kyang 'phya bar byed do zhes ha cang zil gyis mnan gyis tshur sheg /bdag cag gis sngon lhung bzed nag po can gang gis kyang byed du ma bcug pa'i gtsug lag khang ci 'dra ba de 'dra ba'i gtsug lag khang byed du gzhug go/ gal te bdag cag thams cad lag gi bla la brtson par gyur na/ lhung bzed nag po can dag rtag pa kho nar bdag cag la skabs tshol bas/ de dag gis drug sde dag thams cad lag gi bla la zhugs so zhes skabs rnyed par yang 'gyur la/ bdag cag gi slong mo'i khyim gang dag yin pa de dag tu yang brel ba dag gi skyon brjod </font><hr>Ca344b<br><font size=+1>


nas rjes su 'jud par byed par 'gyur gyis/ bdag cag gis bdag cag gi nang na mkhas pa spyod pa gsal ba khab gzhug par gtun bu 'jud nus pa gang yin pa de'i gan du bdag cag dong la spro ba bskyed par bya gor ma chag na/ de'i phyir bdag cag gi nang na mkhas pa spyod pa gsal ba khab gzhug par gtun bu 'jud nus pa gang yin/ bdag cag gi nang na tshe dang ldan pa 'dun pa mkhas pa spyod pa gsal ba khab gzhug par gtun bu 'jud nus pa yin gyis/ bdag cag de'i gan du dong la spro ba bskyed par bya'o snyam nas/ bdag cag gis tshe dang ldan pa gtsug lag khang gi phyir spro bar bya zhing khyod la gsol ba 'debs kyis lhung bzed nag po can dag yan lag 'dis zil gyis non par gyis shig/ 'dun pas smras pa/ thabs yin gyis de ltar bya'o/ /de dag yid dga' nas dong ngo| |tshe dang ldan pa 'dun pa yang gtsug lag khang gi phyi rol du rkang ba gnyis bkrus nas/ gtsug lag khang du zhugs te 'dug nas/ thabs ci yod na des dge 'dun gyis gtsug lag khang 'grub par 'gyur snyam du sems pa la zhugs so/ /des su zhig su la mngon par dad snyam du rnam par dpyad par brtsams pa dang / de 'di snyam du sems te/ re zhig 'jig rten lha dang bcas pa ni bcom ldan 'das la mngon par dad pa yin/ khyim che ge mo zhig ni tshe dang ldan pa kun shes ko'u di n+ya la/ khyim che ge mo zhig ni tshe dang ldan pa 'od srung chen po la/ khyim che ge mo </font><hr>Ca345a<br><font size=+1>


@#/ /zhig ni tshe dang ldan pa shA ri'i bu la/ khyim che ge mo zhig ni tshe dang ldan pa mo'u dgal gyi bu chen po la/ khyim che ge mo zhig ni tshe dang ldan pa ma 'gags pa la/ khyim che ge mo zhig ni tshe dang ldan ba rta thul la/ khyim che ge mo zhig ni tshe dang ldan pa bzang ldan la/ khyim che ge mo zhig ni tshe dang ldan pa rlangs pa la/ khyim che ge mo zhig ni tshe dang ldan pa ming chen la| khyim che ge mo zhig ni tshe dang ldan pa gang po la/ khyim che ge mo zhig ni tshe dang ldan pa dri ma med pa la/ khyim che ge mo zhig ni tshe dang ldan pa ba lang bdag la/ khyim che ge mo zhig ni tshe dang ldan pa kun dga' bo la/ khyim che ge mo zhig ni bcom ldan 'das kyi gcung sru'i sras tshe dang ldan pa mdzes dga' la/ khyim che ge mo zhig ni bcom ldan 'das kyi sras tshe dang ldan pa sgra gcan 'dzin la/ khyim che ge mo zhig ni tshe dang ldan pa gyad bu nor la/ khyim che ge mo zhig ni tshe dang ldan pa dga' bo la/ khyim che ge mo zhig ni tshe dang ldan pa nye dga' la/ khyim che ge mo zhig ni tshe dang ldan pa 'gro mgyogs la/ khyim che ge mo zhig ni tshe dang ldan pa 'char ka la/ khyim che ge mo zhig ni tshe dang ldan pa nab so la mngon par dad pa yin pas de'i phyir de dag sbyor du gzhug tu ni mi nus te/ 'di ltar ko'u sham+b+hi na bram ze phyug pa nor mang ba longs spyod che ba yongs su bzung ba yangs shing rgya ba che ba zhig 'dug na/ de ni ser sna can mig </font><hr>Ca345b<br><font size=+1>


phra ba/ bya rog la yang gtor ma mi ster ba/ yo byad kun 'dzin pa yin la/ de la dbyig dang / gser mang po bdog pas/ gal te de ltar rjes su 'jug par byed nus na dge 'dun gyi gtsug lag khang 'grub par 'gyur ro snyam nas/ de de ltar sems pa la zhugs pas tshegs chen pos nam nangs par byas nas/ snga dro sham thabs bgos/ lhung bzed dang chos gos thogs te/ ko'u sham+b+hi ra bsod snyoms la zhugs so/ /des khyim gnyis sam gsum du bsod snyoms rgyus nas/ phye nyung shas shig khyer te bram ze de'i khyim du 'jug par brtsam pa dang / sgo bas 'phags pa sdod cig ma 'jug ces bgags so/ /des smras pa/ bzhin bzang bcom ldan 'das kyis kho bo cag gi spyod yul ma yin pa ni rnam pa lnga gsungs te/ rol mo mkhan gyi gnas dang / 'jud mthun ma'i gnas dang / chang ma'i gnas dang / gdol pa'i gnas dang / rgyal po'i pho brang yin na ci khyim 'di rol mo mkhan gyi gnas yin nam/ 'on te 'jud mthun ma'i gnas sam/ chang ma'i gnas sam/ gdol pa'i gnas sam/ rgyal po'i pho brang yin nam/ ci na de'i phyir kho bo 'gog par byed/ sgo bas smras pa/ 'phags pa khyod mang du bkyon par 'gyur mod kyi/ 'di ni rol mo mkhan gyi gnas kyang ma lags/ 'jud mthun ma'i gnas dang / chang ma'i gnas dang / gdol pa'i gnas dang / rgyal po'i pho brang yang ma lags te/ 'di ltar 'di ni bram </font><hr>Ca346a<br><font size=+1>


@#/ /ze che ge mo zhig gi khyim lags so/ /'dun pas bsams pa/ gang du re zhig ngo phrad par yang med pa der gzhan ci zhig yod par 'gyur snyam nas/ de de ltar sgor bgags te/ sems khong du chud cing 'dug pa na/ khyim bdag cig gi bu byung ba der bcu gnyis 'dus pa'i dga' 'dun gar dang glu dang sil snyan gyis zhugs pa dang / sgo ba des de dag la te por brtag par brtsams te sgo la mi lta ba'i tshe/ tshe dang ldan pa 'dun pas 'jug pa thob ste/ zhugs nas de'i spyod lam gyis 'dod chags dang bral ba'i sa sbyong bar byed pa de bram ze des mthong nas smras pa/ btsun pa 'dun pa byon pa legs so/ /gdan 'di la bzhugs shig /'dun pa don yod pas 'dug pa dang / gtam gyi skabs ma rnyed nas 'dun pas smras pa/ bram ze kho bos bsod snyoms kyi phye nyung shas shig rnyed pa 'di 'tshag tu chug ste byin cig /bram zes bu mo la bsgo ba/ bu mo 'phags pa'i bsod snyoms kyi phye tshogs te phul cig /bu mo des btsag par brtsams pa dang / tshe dang ldan pa 'dun pas phye la brtag par brtsams so/ /bram zes smras pa/ 'phags pa ci rtog /srog chags so/ /gal te mchis na ji ltar bgyi/ bza' bar mi bya'o/ /gal te gsol bar gyur na nongs pa ci mchis/ bram ze bcom ldan 'das kyis srog gcod pa kun tu rten cing goms par byas/ lan mang du byas </font><hr>Ca346b<br><font size=+1>


pas lus zhig ste shi ba'i 'og tu ngan song dang / ngan 'gro dang / log par ltung ba dang / sems can dmyal ba rnams su skye bar 'gyur zhing / gal te 'di lta bu nyid du mi rnams dang skal pa mnyam par 'ongs na yang tshe thung bar 'gyur ro/ /zhes gsungs so zhes bya ba la sogs pa mi dge ba bcu dang / dge ba bcu'i las kyi lam dag rgyas par rjod pa dang / bram ze de mngon par dad par gyur nas/ rang nyid kyis bza' ba dang bca' ba gtsang zhing bsod pas snod bkang ste smras pa/ 'phags pa thugs brtse ba'i slad du 'di bzhes su gsol/ tshe dang ldan pa 'dun pas bsams pa| gal te blangs par gyur na/ 'di lta ste dper na shing las byas pa'i snod du bskol ba dang 'dra bar bdag gi dang po 'di nyid tha mar 'gyur ro snyam du rig nas smras pa/ bram ze kho bos bsod snyoms kyi phye nyung shas shig rnyed pa 'di nyid yongs su longs spyod par bya'i/ /dad pas sbyin par bya ba blangs te dor du ga la rung / bram zes smras pa/ 'phags pa bdag cag bram ze rnams kyi kun tu spyod pa ni gal te ngan pa rnyed nas bzang po rnyed par gyur na/ ngan pa spangs te bzang po yongs su longs spyod par bgyid pa lags na/ de khyed cag la ci nongs/ bram ze kho bo cag ni bslab pa'i gzhi yang dag par blangs pa yin la/ khyed cag bram ze dag ni bslab pa'i gzhi yang dag par blangs pa ma yin pas khyed cag bram ze dag ni ci dgar 'jug par byed pa yin </font><hr>Ca347a<br><font size=+1>


@#/ /no| |kho bo cag la ni bcom ldan 'das kyis 'phags pa'i rigs bzhi bka' stsal te/ bzhi gang zhe na/ chos gos gang yang rung bas chog shes pa 'phags pa'i rigs dang / bsod snyoms gang yang rung bas chog shes pa 'phags pa'i rigs dang / gnas mal gang yang rung bas chog shes pa 'phags pa'i rigs dang / sbong ba la dga' ba dang / bsgom pa la dga' ba 'phags pa'i rigs so/ /bram ze de shin tu mngon par dad par gyur nas smras pa/ 'phags pa 'di ni khyod kyi khab lags kyis dus dang dus su gshegs su gsol/ bram ze khyod kyi sgo ba 'di ni gshin rje'i dbyug pa dang 'dra ba yin pas su yang 'jug tu mi ster gyis legs par bsgo ba gyis shig dang / des na kho bo la 'gog par mi byed do/ / bram zes sgo ba bkug ste legs par bsgo ba/ kwa'e nang rje khyim 'di 'phags pa 'dun pa'i yin gyis khyod kyis ma dgag cig /nang mi la yang bsgo ba khyed cag gis 'phags pa 'dun pa la mi gus par mi bya'o/ /tshe dang ldan pa 'dun pas bsams pa/ bram ze 'di ni mngon par dad par gyur na/ 'on kyang gal te 'dir lhung bzed nag po can 'jug par gyur na/ des 'di ci nas kyang 'khrug par byed par 'gyur bas/ thabs kyi rnam pa zhig bya'o snyam nas/ 'dun pas sgo ba de la smras pa/ kwa'e nang rje khyod kyis bram ze de ji ltar kho bo la mngon par </font><hr>Ca347b<br><font size=+1>


dad par gyur pa mthong ngam/ 'phags pa mthong ngo / /des kho bo 'ba' zhig 'dir 'jug tu gnang gis/ lhung bzed nag po can gzhan su yang 'jug tu ma gzhug cig /gal te 'dir lhung bzed nag po can 'ga' zhig 'jug tu bcug na/ kho bos khyod la khrims chen po 'char gzhug par bya'o/ /'phags pa shin tu bag yangs su bzhud cig /khyod nyid kyang re zhig de'u ma chud pa lags na lhung bzed nag po can gzhan 'jud par 'gyur ba lta smos kyang ci 'tshal/ tshe dang ldan pa 'dun pa yid bde ba skyes te song nas/ de dus dang dus su bram ze de'i khyim du 'gro bar byed do/ /bram zes kyang de kho na bzhin du yang dang yang stobs par byed na/ tshe dang ldan pa 'dun pas dang du len par mi byed par sbyin pa dang ldan pa'i chos bstan pa 'ba' zhig byas shing byas shing 'gro bar byed do/ /ji tsam dus gzhan zhig na tshe dang ldan pa 'dun pas bram ze de la rdzas las byung ba'i bsod nams bya ba'i gzhi bdun po dag gis bsngags pa rjod cing / de dag rgya cher legs par bshad pa dang / bram zes smras pa/ 'phags pa bdag gi kyang rdzas las byung ba'i bsod nams bya ba'i gzhi 'ga' zhig bgyi'o/ /bram ze de bzhin gyis shig /'phags pa ci zhig bgyi/ dge 'dun gyi gtsug lag khang byed du chug cig /bram zes bsams pa/ bdag gis 'phags pa 'dun pa la rnam pa du mar bstabs na/ 'dis </font><hr>Ca348a<br><font size=+1>


@#/ /lan 'ga' yang dang du ma blangs te/ da dang du blangs pa gang yin pa 'di yang dge 'dun gyi phyir ro snyam nas/ de ngo mtshar skyes nas smras pa/ 'phags pa bdag la kar sha pa na dag ni mchis na/ 'on kyang sa gzhi ni rgyal po dbang bas gang du dge 'dun gyi gtsug lag khang bgyid du stsal ba'i dogs ma mchis so/ /bram ze khyod snying las chung ngur gyis shig dang / kho bos rgyal po las sa bslang bar bya'o/ /'phags pa gal te de lta na legs so/ /tshe dang ldan pa 'dun pas bsams pa/ ji ltar bya/ je rgyal po la bsten par bya'am/ 'on te blon po rnams la bsten par bya snyam nas/ de 'di snyam du sems te/ la la na re 'di skad ces bsten la bsten par mi bya bar bsten pa la bsten pa bsten par bya'o zhes zer ro snyam nas des blon po rnams la bsten par brtsams te/ de dag la dus la cung zad cig bsten pa dang / blon po rnams kyis smras pa/ 'phags pa bka' stsal pa ci mchis/ 'dun pas smras pa bzhin bzang dag bram ze zhig gis dge 'dun gyi phyir gtsug lag khang byed du bcug na/ sa gzhi rgyal po dbang bas gang du gtsug lag khang brtsig tu gzhug pa'i sa med na de'i phyir sa gzhi'i ched du lha'i snyan du gsol ba zhig 'dod na/ de khyed cag gis grogs gyis shig /'phags pa gang gi tshe rgyal po tshogs nyung ngu dang dben pa na bzhugs pa de'i tshe </font><hr>Ca348b<br><font size=+1>


khyod sbran par bgyi'i spyon cig /ji tsam dus gzhan zhig na rgyal po tshogs nyung ngu dang dben pa na 'dug pa'i tshe/ blon po de dag gis tshe dang ldan pa 'dun pa la/ 'phags pa rgyal po tshogs nyung ngu dang dben pa na bzhugs kyis spyon cig ces bang chen btang ba dang / 'dun pa 'ongs nas rgyal po la a rog gya zhes byas te mtha' gcig tu 'dug go /blon po rnams kyis rgyal po la gsol pa/ lha 'di ni 'phags pa 'dun pa zhes bgyi ste/ shAkya las rab tu byung ba sde snod gsum dang ldan pa/ chos sgrog pa/ rig pa dang grol ba'i spobs pa dang ldan pa lags so/ /rgyal pos smras pa 'phags pa byon pa legs so/ /ci'i slad du byon/ 'dun pas smras pa/ lha bram ze zhig gis dge 'dun gyi slad du gtsug lag khang bgyid du stsal na/ sa gzhi rgyal po mnga' bas/ de'i dog sa ma mchis na lha dog sa stsal bar rigs so/ /'phags pa rgyal po'i pho brang 'ba' zhig ma gtogs pa gang du bzhed pa der gtsug lag khang bgyid du stsol cig /tshe dang ldan pa 'dun pas/ a rog gya zhes smras te/ yid bde ba skyes nas rgyal po'i pho brang nas phyir byung ste/ drug sde gzhan dag gi gan du song nas des smras pa/ dga' bo nye dga' bram ze che ge mo zhig gis dge 'dun gyi phyir gtsug lag khang byed du bcug nas/ kho bos rgyal po la sa gzhi'i phyir gsol ba byas na rgyal po na re/ 'phags pa rgyal po'i pho brang 'ba' zhig ma gtogs pa gang </font><hr>Ca349a<br><font size=+1>


@#/ /du bzhed pa der gtsug lag khang brtsig tu stsol cig ces zer gyis sa gzhi 'doms shig /de dag 'dus te bram ze de'i drung du song nas smras pa/ bram ze rgyal pos bdag cag la rgyal po'i pho brang 'ba' zhig ma gtogs pa gang du 'dod pa der gtsug lag khang brtsig tu chug cig /ces dam pa byin gyis kar sha pa na dag 'on cig dang gtsug lag khang brtsig tu gzhug go /bram ze des drug sde de dag la kar sha pa na dag byin nas/ de dag gis kar sha pa na dag blangs te/ phan tshun gros bya bar brtsams pa/ phyogs gang du gtsug lag khang brtsig tu gzhug ces glengs so/ /ko'u sham+b+hi dang gdang can gyi kun dga' ra ba'i bar dag na gnas kyi shing ljon pa zhig yod de'i drung du/ bram ze 'khor shin tu mang po dang ldan pa zhig bram ze'i khye'u lnga brgya bram ze'i gsang tshig dag klog tu 'jud pa de'i bram ze'i khye'u lnga brgya po de dag drug sde dag bsod snyoms la 'jug pa dang / 'byung ba na yang dang yang du/ kye drug sde dag ci bsod snyoms mchog dang / bsod snyoms dang po thob bam/ snod khengs sam zhes co 'dri bar byed pas/ de'i tshe drug sde dag 'di snyam du sems te/ gnas kyi shing ljon pa de'i drung na bram ze de'i slob ma bram ze'i khye'u de dag rtag tu bdag cag la/ kye drug sde dag ci bsod snyoms mchog dang bsod snyoms dang po </font><hr>Ca349b<br><font size=+1>


thob ba ma/ snod khengs sam zhes co 'dri bar byed kyis/ de dag mi dga' bar bya zhing gnas kyi shing ljon pa de gcod du bcug ste/ phyogs der gtsug lag khang brtsig tu bcug na/ des na phyin chad yang dang yang du co 'dri bar mi byed do zhes de dag gis gros byas nas/ kar sha pa NA dag khyer te gla mi'i srang du dong nas/ bzhin bzang dag gla sbyin gyis gtsug lag khang du las gyis shig ces smras nas/ de dag gis gla mi dag bsgrubs so/ /drug sde dag gis gla mi de dag khye'u sus byin te lus bsku ba dang / mgo bsku ba yang phyin pa dang / de dag mgu nas smras pa/ 'phags pa dag bzhud la bdag cag la sug las dag phob cig /drug sde dag gis smras pa/ las kyang 'byung bar 'gyur gyis re zhig sdod cig ces de dag gis de dag re zhig bgags pa dang / ji tsam na nyi ma nub nas de dag gis smras pa/ 'phags pa dag bdag cag da slar mchi'i deng gi gla stsol cig /drug sde dag gis smras pa/ khyed cag gis las mang po zhig byas pas de'i phyir gla ded dam/ de dag gis smras pa/ 'phags pa dag khyed cag gis bdag cag la bka' stsal pa/ gang zhig bdag cag gis ma bgyis/ bzhin bzang dag sta re dang gzhor dang gle ba dag longs shig dang las byed du 'dong ngo / /gla mi de dag drug sde dag dang lhan cig sta re dang gzhor dang gle ba dag thogs te/ mig lam chad pa dang / gnas kyi shing ljon pa de'i gan du dong nas </font><hr>Ca350a<br><font size=+1>


@#/ /drug sde dag gis smras pa/ shes ldan dag gnas kyi shing ljon pa 'di chod cig /de dag gis smras pa/ 'phags pa dag 'di ni gnas kyi shing ljon pa lags pas/ ci bdag cag la mgo gnyis mchis sam/ mi gcod do/ /bkren pa dag sa gzhi ni rgyal po dbang pas des kho bo cag la rgyal po'i pho brang 'ba' zhig ma gtogs pa gang du 'dod pa der gtsug lag khang brtsig tu chug cig ces dam pa byin pas/ su zhig khyed kyi mgo gcod par byed/ bag tsha ba med par chod cig /de dag gis gnas kyi shing ljon pa de bcad nas/ shing de thams cad kyang rtsa ba nas phyung / sa phyogs de yang ci nas kyang gnas kyi shing ljon pa de phyogs gang na 'dug 'dug par gyur ces bya bar mi shes pa de ltar mnyam par byas so/ / drug sde dag gis phyogs der mig gis brtag par brtsams te/ dga' bo nye dga' phyogs 'dir ni bcom ldan 'das kyi dri gtsang khang brtsig par bya'o/ /phyogs 'dir ni sgo khang bya'o/ / phyogs 'dir ni me khang bya'o/ /phyogs 'dir ni rung ba'i khang pa bya'o/ /phyogs 'dir ni nye bar gnas pa'i khang pa bya'o zhes mtshan ma byas te dong ngo / /bram ze'i khye'u de dag gi kun tu spyod pa ni res kyis gnas kyi shing ljon pa de'i drung du chag chag 'debs par byed/ legs par skud par byed/ ba lang gi lci ba sar ba'i byug pas nyug par byed pas/ ji tsam na bram </font><hr>Ca350b<br><font size=+1>


ze'i khye'u zhig la res bab nas/ de nang par sngar langs te song ba dang / des gnas kyi shing ljon pa de ma mthong nas/ de mkhan po'i gan du 'ongs nas smras pa/ mkhan po gnas kyi shing ljon pa de ma mchis so| |bram zes smras pa/ kwa'e bram ze'i khye'u ci log par ma song ngam/ mtshan mo gzhan gyis shing ljon pa de gar song / bram ze'i khye'u gzhan zhig kyang de dang lhan cig gad mos 'debs shing des smras pa/ mkhan po bram ze'i khye'u 'dis mdang sum 'bras khu'i rtsabs 'tshal bas des na ma mthong ngo zhes mchi'o/ /bram ze'i des bram ze'i khye'u ches sgrin pa gzhan zhig btang na des kyang de kho na bzhin du ma mthong nas/ de yang 'ongs te smras pa/ mkhan po de de bzhin te gnas kyi shing ljon pa de ye ma mchis so/ /de nas thams cad 'dus te dong ba dang / de dag gis de kho na bzhin du ma mthong nas/ bram ze'i khye'u dran pa dang ldan pa zhig yod pa de na re/ phyogs 'di na ni mkhan po gsang tshig 'don par mdzad mdzad do/ /phyogs 'di na ni bdag spyod spyod na de ci nongs/ ji ltar gyur pa ma 'tshal to zhes zer ro/ /de dag de ltar sems khong du chud cing 'dug pa na/ mi zhig 'ongs nas des smras pa/ bram ze ci'i phyir 'khor dang bcas pa de ltar sems khong du chud cing 'khod/ kye dang po phyogs 'di na gnas kyi shing ljon pa zhig 'dug par gyur pa de mtshan mo gzhan gyis gar song ma shes so/ /bam ze kho bos mdang sum mig la ma chad pa na/ phyogs 'di na drug sde dag mi </font><hr>Ca351a<br><font size=+1>


@#/ /sta re dang gzhor dang gle ba dag gis lag brel ba dang lhan cig 'dug pa mthong na de dag gis bcad par ma gyur tam/ bram zes smras pa/ kye nang po 'on tang de lags so/ / zhes de dag de bzhin du sems khong du chud cing 'khod pa na/ drug sde dag lhags nas de dag gis smras pa/ bram ze dag ci'i phyir sems khong du chud cing 'khod/ 'phags pa dag phyogs 'di na gnas kyi shing ljon pa zhig mchis par gyur pa de mtshan mo gzhan gyis gar mchis ma 'tshal to/ /drug sde dag gis bgad par brtsams pa dang / bram zes smras pa/ 'phags pa dag khyed cag gis ma bkum mam/ bkren pa dag khyed cag rtag tu de'i drung na 'khod cing kho bo cag la kye drug sde dag ci bsod snyoms mchog dang / bsod snyoms dang po thob bam/ snod khengs sam zhes co 'dri bar byed pas de'i phyir khyed cag mi dga' bar bya'o/ /de dag shAkya'i bu'i dge slong rnams kyi dge sbyong gi tshul ni tshig go/ bram ze'i tshul ni tshig ste/ 'di ltar gnas kyi shing ljon pa yang bcad par gyur to zhes smod par byed/ phyar ka gtong bar byed/ kha zer bar byed do/ /thos pa gcig nas gcig tu brgyud pas/ ko'u sham+b+hi na gnas pa'i skye bo'i tshogs dang / yul tha dad pa na gnas pa der lhags pa dag gis kyang thos nas/ de dag kyang lam po che dang srang dang bzhi mdo dang sum mdo dag na smod par byed/ phyar ka gtong bar byed/ kha zer bar byed cing </font><hr>Ca351b<br><font size=+1>


gang dag ma dad pa de dag gis ni bsod snyoms la zhugs pa dag la yang bsod snyoms sbyin par mi byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis bdag po yod pa dge 'dun gyi phyir gtsug lag khang chen po brtsig tu 'jud na gzhi blta ba'i phyir dge slong des dge slong dag bkri bar bya'o/ /khrid pa'i dge slong dag gis kyang gzhi rung ba dang / rtsod pa med pa dang / brtsam du rung bar blta bar bya'o/ /gal te dge slong gis gzhi mi rung ba'am/ rtsod pa dang bcas pa'am/ brtsam du mi rung bar bdag po yod pa dge 'dun gyi phyir gtsug lag khang chen po brtsig tu 'jud dam/ gzhi blta ba'i phyir dge slong dag kyang mi khrid dam/ dge slong khrid pa dag la gzhi mi ston na dge 'dun lhag ma'o/ /dge slong gis zhes bya ba ni drug sde'am gzhan yang chos 'dis pas so/ /bdag po yod pa zhes bya ba ni/ gang la bdag po skyes pa'am bud med dam ma ning yod pa'o/ /dge 'dun gyi phyir zhes bya ba ni de bzhin gshegs pa'i nyan thos kyi dge 'dun gyi phyir ro/ /gtsug lag khang zhes bya ba ni gang du spyod lam bzhi po 'chag pa dang / 'greng ba dang / 'dug pa dang / </font><hr>Ca352a<br><font size=+1>


@#/ /nyal ba dag shong pa'o/ /chen po zhes bya ba ni chen po gnyis po sbyin par bya ba dang tshad kyis te/ de las 'dir ni sbyin par bya bas chen por dgongs pa yin gyi tshad kyis ni ma yin no/ /brtsig tu 'jud na zhes bya ba ni bdag nyid kyis sam gzhan gyis so/ /gzhi blta ba'i phyir dge slong des dge slong dag bkri bar bya'o zhes bya ba la/ gzhi blta ba'i phyir zhes bya ba ni sa gzhi rung ba dang / rtsod pa med pa dang / brtsam du rung ba nyid blta ba'i phyir ro/ /dge slong des zhes bya ba ni dge slong gang yin pa des so/ /dge slong dag bkri bar bya zhes bya ba ni de na dge slong gang dag yod pa dag yin gyi/ ji tsam gyis gzhi de mig gis bltas par 'gyur pa'i dge slong de tsam bkri bar bya ba ni ma yin no/ /gal te de na sbrul gyi gnas sam/ sdig pa'i gnas sam/ srin gyi gnas sam/ grog ma'i gnas yod pa yin na mi rung ba yin pa'i phyir bstan par mi bya'o/ /gal te rung ba yin na de'i 'og tu nye bar brtag par bya ste/ gal te rgyal po'i gzhi'am/ mchod rten gyi gzhi'am/ khyim bdag gi gzhi'am/ mu stegs can gyi gzhi'am/ dge slong ma'i dbyar khang ngam/ shing ljon pa gcad par bya ba yod na rtsod pa dang bcas pa yin pa'i phyir bstan par mi bya'o/ /gal te gzhi rung ba dang rtsod pa med pa yin na de'i nye 'khor 'dom gang kho ra khor yug nye bar brtag par bya ste/ gal te de na gzhi chu klung </font><hr>Ca352b<br><font size=+1>


la rten tam/ khron pa la rten tam/ lam la rten tam/ ngam grog la rten pa yin na brtsam du mi rung ba'i phyi bstan par mi bya'o/ /gal te gzhi de rung ba dang rnam pa thams cad yongs su rdzogs pa yin na| dge slong des gtsug lag khang du song ste/ gnas mal bsham pa byas nas gaN+DI brdungs te dris pa'i tshig gis dge slong dag la bskul nas dge 'dun thams cad 'dug cing mthun par gyur pa la mchil lham phud de bla gos phrag pa gcig tu byas nas rgan rims bzhin du phyag 'tshal te/ rgan pa'i mtha' logs su tsog pur 'dug nas thal mo sbyar te 'di skad ces brjod par bya'o// dge 'dun btsun pa rnams gsan du gsol/ /bdag dge slong lag gi bla ming 'di zhes bgyi bas gtsug lag khang gi gzhi rung ba rtsod pa ma mchis pa brtsam du rung ba zhig btsal te/ bdag dge slong lag gi bla ming 'di zhes bgyi ba dge 'dun las gtsug lag khang gi gzhi rung ba rtsod pa ma mchis pa brtsam du rung ba bstan pa gsol na/ thugs brtse ba can dge 'dun btsun pa rnams kyis thugs brtse ba'i slad du/ bdag dge slong lag gi bla ming 'di zhes bgyi ba la/ gtsug lag khang gi gzhi rung ba rtsod pa ma mchis pa brtsam du rung ba bstan pa stsal du gsol/ de bzhin du lan gnyis lan gsum du bzlas/ dge slong de dag gis kyang dge slong de la dad pas sam/ yid ches pas 'gro bar mi bya bar 'di ltar dge 'dun thams cad der </font><hr>Ca353a<br><font size=+1>


@#/ /'gro bar bya ba'am/ dge 'dun gyis bskos pa'i dge slong dag btang bar bya'o/ /de dag gis gzhi de mig gis blta bar bya zhing / gal te de na sbrul gyi gnas sam/ sdig pa'i gnas sam/ srin gyi gnas sam/ grog ma'i gnas yod pa yin na mi rung ba yin pa'i phyir bstan par mi bya'o/ /gal te rung ba yin na de'i 'og tu nye bar brtag par bya ste/ gal te rgyal po'i gzhi'am/ mchod rten gyi gzhi'am/ khyim bdag gi gzhi'am/ mu stegs can gyi gzhi'am/ dge slong ma'i dbyar khang ngam/ shing ljon pa gcad par bya ba yod na rtsod pa dang bcas pa yin pa'i phyir bstan par mi bya'o/ /gal te gzhi rung ba dang rtsod pa med pa yin na/ de'i nyen kor 'dom gang kho ra khor yug nye bar brtag par bya ste/ gal te de na gzhi chu klung la rten tam/ khron pa la rten tam/ lam la rten tam/ ngam grogs la rten pa yin na brtsam du mi rung ba'i phyir bstan par mi bya'o/ /gal te gzhi de rung ba dang rnam pa thams cad yongs su rdzogs pa yin na/ de'i tshe dge slong de dag gis rgan pa'i mtha' logs su gus pa dang bcas pas 'dug ste/ 'di skad ces brjod par bya'o/ /gnas brtan dag gzhi de rung ba dang rtsod pa ma mchis pa dang brtsam du rung ba lags kyis/ da de'i dus la bab par mkhyen par mdzod cig/ de'i 'og tu dge slong gcig gis gsol ba byas te las bya'o/ /dge 'dun </font><hr>Ca353b<br><font size=+1>


btsun pa rnams gsan du gsol/ dge slong lag gi bla ming 'di zhes bgyi ba 'dis gtsug lag khang gi gzhi rung ba rtsod pa ma mchis pa brtsam du rung ba zhig btsal te/ dge slong lag gi bla ming 'di zhes bgyi ba 'di dge 'dun las gtsug lag khang gi gzhi rung ba rtsod pa ma mchis pa brtsam du rung ba bstan pa gsol na/ gal te dge 'dun gyis dus la bab cing bzod na dge 'dun gyis gnang bar mdzod cig dang / dge 'dun gyis dge slong lag gi bla ming 'di zhes bgyi ba la gtsug lag khang gi gzhi rung ba rtsod pa ma mchis pa brtsam du rung ba bstan pa stsol to/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong lag gi bla ming 'di zhes bgyi ba 'dis gtsug lag khang gi gzhi rung ba rtsod pa ma mchis pa brtsam du rung ba zhig btsal te/ dge slong lag gi bla ming 'di zhes bgyi ba dge 'dun las gtsug lag khang gi gzhi rung ba rtsod pa ma mchis pa brtsam du rung ba bstan pa gsol te/ de'i slad du dge 'dun gyis dge slong lag gi bla ming 'di zhes bgyi ba la gtsug lag khang gi gzhi rung ba rtsod pa ma mchis pa brtsam du rung ba bstan pa stsol na/ tshe dang ldan pa gang dag dge slong lag gi bla ming 'di zhes bgyi ba la gtsug lag khang gi gzhi rung ba rtsod pa ma mchis pa brtsam du rung ba bstan pa stsal bar bzod pa de dag ni cang ma gsungs shig/ gang dag mi bzod pa de dag ni gsungs shig/ dge </font><hr>Ca354a<br><font size=+1>


@#/ /'dun gyis bzod cing gnang nas dge 'dun gyi dge slong lag gi bla ming 'di zhes bgyi ba la gtsug lag khang gi gzhi rung ba rtsod pa ma mchis pa brtsam du rung ba bstan pa stsal lags te/ 'di ltar cang mi gsung bas de de bzhin du 'dzin to/ /dge 'dun gyis dge slong lag gi bla gang la gtsug lag khang gi gzhi rung ba rtsod pa med pa brtsam du rung ba bstan pa byin pa des gtsug lag khang brtsig tu gzhug par bya ste 'di la 'gyod par mi bya'o/ /khrid pa'i dge slong dag gis kyang zhes bya ba ni der dge slong gang dag khrid pa dag gis kyang ngo / /gzhi zhes bya ba ni gtsug lag khang gi dbang du byas pa'i gzhi gang yin pa'o/ /rung ba zhes bya ba ni sbrul gyi gnas dang sdig pa'i gnas la sogs pa dang bral ba'o/ /rtsod pa med pa zhes bya ba ni 'thab mo dang mtshang 'bru ba la sogs pa dang bral pa'o/ /brtsam du rung zhes bya ba ni de'i nye 'khor 'dom gang kho ra khor yug na skyon med par ro/ /blta bar bya'o zhes bya ba ni so sor brtag par bya'o/ /gal te dge slong gis gzhi mi rung ba'am zhes bya ba ni sbrul dang sdig pa la sogs pa'i gnas kyi shas che ba'o/ /rtsod pa dang bcas pa'am zhes bya ba ni 'thab mo dang bcas pa dang / mtshang 'bru ba dang bcas pa dang / rtsod pa dang bcas pa dang 'gyod pa dang bcas pa'o/ /brtsam du mi rung ba zhes bya ba ni gang gi nyen kor 'dom gang kho ra khor yug med par ro/ /bdag po yod pa </font><hr>Ca354b<br><font size=+1>


dge 'dun gyi phyir gtsug lag khang chen po brtsig tu 'jud dam/ gzhi blta ba'i phyir dge slong dag kyang mi khrid dam/ dge slong khrid pa dag la gzhi mi ston na dge 'dun lhag ma'o zhes bya ba ni snga ma bzhin te| des na dge 'dun lhag ma'o zhes gsungs so/ /de la ltung ba ji ltar 'gyur zhe na/ dge slong gis dge 'dun gyi phyir gtsug lag khang byed du 'jud cing mi rung bar byed du 'jud na nyes pa sbom por 'gyur ro/ /rtsod pa dang bcas par byed du 'jud na nyes pa sbom por 'gyur ro/ /brtsam du mi rung bar byed du 'jud na nyes pa sbom por 'gyur ro/ /ma bstan par byed du 'jud na nyes pa sbom por 'gyur ro// thams cad las 'das par byed du 'jud na dge 'dun lhag mar 'gyur ro/ /dge slong gis dge slong gi gan du song ste/ 'di skad ces dge 'dun gyi phyir gtsug lag khang rung ba rtsod pa med pa brtsam du rung ba bstan pa byed du chug cig ces smras pa las/ gal te des dge 'dun gyi phyir gtsug lag khang byed du 'jud cing / mi rung ba byed du 'jud na byed pa po la nyes pa sbom por 'gyur ro/ /rtsod pa pa dang bcas par byed du 'jud na byed pa po la nyes pa sbom por 'gyur ro/ /brtsam du mi rung bar byed du 'jud na byed pa po la nyes pa sbom por 'gyur ro/ /ma bstan par byed du 'jud na byed pa po la nyes pa sbom por 'gyur ro/ /thams cad las 'das par byed du 'jud na byed pa po la dge 'dun lhag mar 'gyur ro/ /gal te de de'i gan du song ste 'di skad ces legs par byas so/ /shin tu </font><hr>Ca355a<br><font size=+1>


@#/ /byas so/ /ngas khyod la 'di ltar bsgo'o zhes zer zhing des kyang de la shing ngam rtswam/ lci ba'am sa 'jim 'bul bar byed la/ gal te des mi rung bar byed du 'jud na gnyi ga la nyes pa sbom por 'gyur ro/ /rtsod pa dang bcas par byed du 'jud na gnyi ga la nyes pa sbom por 'gyur ro/ /brtsam du mi rung bar byed du 'jud na gnyi ga la nyes pa sbom por 'gyur ro// ma bstan par byed du 'jud na gnyi ga la nyes pa sbom por 'gyur ro/ /thams cad las 'das par byed du 'jud na gnyi ga la dge 'dun lhag mar 'gyur ro/ /gal te de de'i gan du song ste 'di skad ces legs par ma byas so/ /shin tu ma byas so/ /ngas khyod la 'di ltar ma bsgo'o zhes zer zhing des de la shing ngam rtswa'am/ lci ba'am sa 'jim 'bul bar mi byed la/ gal te des mi rung bar byed du 'jud na byed pa po la nyes pa sbom por 'gyur ro/ /rtsod pa dang bcas par byed du 'jud na byed pa po la nyes pa sbom por 'gyur ro/ /brtsam du mi rung bar byed du 'jud na byed pa po la nyes pa sbom por 'gyur ro/ /ma bstan par byed du 'jud na byed pa po la nyes pa sbom por 'gyur ro/ /thams cad las 'das par byed du 'jud na byed pa po la dge 'dun lhag mar 'gyur ro/ / byas pa rnyed pa dang byas pa la longs spyod pa la ni ltung ba med do/ /rnying pa 'chos pa la yang ltung ba med do/ /las dang po pa dang / smyos pa dang sems 'khrugs pa dang / tshor ba dag gis nyen pa la </font><hr>Ca355b<br><font size=+1>


ltung ba med do/ /gtsug lag khang gi dge 'dun lhag ma ste bdun pa rdzogs so// //'dul ba rnam par 'byed pa/ bam po bcu dgu pa/ sangs rgyas bcom ldan 'das rgyal po'i khab na 'od ma'i tshal bya ka lan da ka'i gnas na bzhugs so/ /de'i tshe na sdig byung na gyad kyi sna chen po la gtogs pa rgyal sde zhes bya ba nor mang ba longs spyod che ba yongs su gzung ba yangs shing rgya che ba rnam thos kyi bu'i nor dang ldan pa/ rnam thos kyi bu la nor gyis 'gran pa/ gyad rnams la cod pan med pa'i rgyal srid byed du 'jud pa zhig 'dug ste/ des rigs mnyam pa las chung ma blangs nas/ de de dang lhan cig rtse bar byed dga' bar byed dga' mgur spyod par byed do/ /rtse bar byed dga' bar byed dga' mgur spyod par byed pa de la bu yang med bu mo yang med nas/ des bu med cing bu mngon par 'dod pas zhi ba dang / chu lha dang lus ngan dang brgya byin dang tshangs pa la sogs pa dag la gsol ba 'debs shing lha'i bye brag gzhan 'di lta ste/ kun dga' ra ba'i lha dag dang tshal gyi lha dag dang / bzhi mdo'i lha dag dang / sum mdo'i lha dag dang gtor ma len pa'i lha dag dang / lhan cig skyes pa'i lha dag dang / chos mthun pa dag dang rjes su 'brang ba'i lha dag la yang gsol ba 'debs so/ /'jig rten na gang gsol ba 'debs pa'i rgyu las bu dang bu mo dag skye'o zhes bya ba'i gtam de lta bu yod de/ de ni de lta bu ma yin te/ gal te de ltar gyur du zin na re re la yang 'di lta ste/ dper na 'khor </font><hr>Ca356a<br><font size=+1>


@#/ /los sgyur ba'i rgyal po bzhin du bu stong yod par 'gyur ro/ /'di ltar gnas gsum po dag mngon du gyur pa las bu dang bu mo dag skye bar 'gyur te/ gsum po de dag gang zhe na/ pha dang ma gnyis chags par gyur cing 'dus pa dang / ma dus la bab cing zla mtshan dang ldan pa dang / dri za nye bar gnas shing 'jug 'dod pa ste/ gnas gsum pa de dag mngon du gyur pa las bu dang bu mo dag skye bar 'gyur ro/ /de de ltar gsol ba 'debs pa lhur len cing 'dug pa na/ sems can srid pa tha ma pa spyod pa tshol ba thar pa'i snying po bzung ba mya ngan las 'das pa la phyogs pa 'khor ba las phyir phyogs pa srid pa'i 'gro ba thams cad du 'chi 'pho ba dang / skye ba don du mi gnyer ba lus tha ma 'dzin pa zhig kyang lha'i rigs bzang po zhig nas shi 'phos te/ de'i skye dgu'i bdag mo'i mngal du zhugs so/ /bud med kyi yul mkhas pa'i rang bzhin can la la la ma 'dres pa'i chos lnga yod de/ lnga gang zhe na/ skyes pa chags par gyur pa shes shing chags pa dang bral ba shes pa dang / dus shes shing zla mtshan shes pa dang / mngal na gnas pa zhugs pa shes pa dang / gang las mngal na gnas pa zhugs pa de shes pa dang / khye'u shes shing bu mo shes pa ste/ gal te khye'u yin na dku g.yas par rten cing 'dug la/ gal te bu mo yin na dku g.yon par rten cing 'dug pa'o/ /de yid dga' zhing yid dga' nas khyim thab la smras pa/ rje'i sras </font><hr>Ca356b<br><font size=+1>


bdag la sems can zhugs par gyur pa ni 'di ltar bdag gi dku g.yas par rten cing mchis pas nges par khye'ur 'gyur gyis dgyes pa bskyed du gsol/ de yid dga' zhing yid dga' nas ro stod bsrang ste/ lag pa g.yas pa brkyang nas 'di skad ces kho bo yun ring po nas mngon par 'dod pas bu'i ngo mthong ba dang / kho bo dang mthun par skye zhing mi mthun par mi skye ba dang / kho bo'i bya ba dag byed pa dang / gsos pas phyir gso ba dang / bgo skal la spyod pa dang / kho bo'i rigs rgyud yun ring du gnas par 'gyur ba dang / bdag cag shi zhing dus la bab pa dag la nyung nu'am mang po yang rung ba'i sbyin pa dag byin zhing bsod nams dag byas nas/ 'di de gnyis gang du skyes pa der 'gro zhing rjes su 'gro bar gyur cig ces ming gis yon bshad pa byed par gyur cig ces ched du brjod pa ched du rjod par byed do/ /de la sems can zhugs par rig nas/ 'di lta ste mngal na gnas pa yongs su smin par bya ba'i phyir steng gi khang bzang gi gzhir grang ba na grang ba'i yo byad dag dang / dro ba na dro ba'i yo byad dag dang / sman pas bcas pa'i zas ha cang mi kha ba dang / ha cang mi skyur ba dang / ha cang lan tshwa mi che ba dang / ha cang mi mngar ba dang / ha cang mi tsha ba dang / ha cang mi bska ba dang / kha ba dang skyur ba dang / lan tshwa che ba dang mngar ba dang tsha ba dang / bska ba rnam par spangs pa'i zas dag dang / do shal dang se mo do dang / rgyan gyis klubs pa'i lus la lha'i bu mo dga' ba'i </font><hr>Ca357a<br><font size=+1>


@#/ /tshal na rnam par spyod pa lta bu dang / khri nas khrir dang / khri'u nas khri'ur dang / shod kyis gzhir mi 'bab pa dang / de sgra yid du mi 'ong ba cung zad kyang mi thos par gnod pa med pa nyid du rim gro byed du 'jud do/ /de zla ba brgyad dam dgu 'das te btsas pa las khye'u gzugs bzang ba blta na sdug pa/ mdzes pa gsal ba gser gyi mdog 'dra ba/ mgo bo gdugs lta bu dang ldan pa/ lag pa ring ba dpral ba'i dbyes che ba/ smin ma 'dzar ba/ sna'i gzengs mtho ba zhig byung ngo / /de'i nye du dag 'dus shing lhags nas nyi ma bdun gsum nyi shu rtsa gcig tu btsas pa'i btsas ston rgya cher byas te/ khye'u yi ming cir gdags zhes ming 'dogs par byed do/ /khye'u de'i kun tu spyod pa ni ji srid du mal chen po nas ma phab pa de srid du bshang ba dang gci ba mi byed pa yin la/ yul dbus na kun tu spyod pa ni gang mkhas pa spyod pa gsal ba de la nor lta bu zhes zer bas/ nye du de dag gis smras pa/ shes ldan dag khye'u 'di gyad kyi sna chen po la gtogs pa rgyal sde'i bu yang yin la/ ji srid du mal chen po nas ma phab pa de srid du bshang ba dang gci ba mi byed de/ mkhas pa spyod pa gsal bas nor lta bu yang yin pa'i phyir khye'u 'di'i ming gyad bu nor zhes bya'o zhes de'i ming gyad bu nor zhes bya bar btags so/ /nyi ma gang la gyad bu nor btsas pa'i nyi ma de nyid la blon po lnga brgya dag la yang bu dag btsas te/ de dag gi ming yang khyim dang </font><hr>Ca357b<br><font size=+1>


mthun pa dag tu btags shing / de dag kyang gyad bu nor gyis ne'u ldangs su byas so/ /khye'u gyad bu nor ma ma brgyad po bang na 'tsho ba'i ma ma gnyis dang / nu ma snun pa'i ma ma gnyis dang / dri ma 'phyi ba'i ma ma gnyis dang / rtse grogs byed pa'i ma ma gnyis la rjes su gtad do/ /de ma ma brgyad po dag gis 'o ma dang zho dang mar dang zhun mar dang mar gyi snying khu dang / gzhan yang yo byad kyi bye brag gtso bo dag gis sring par byed skyed par byed cing / rdzing na gnas pa'i pad+ma bzhin du myur du skyed par byed do/ /de ma ma'i bang na 'dug pa na bram ze mtshan mkhan zhig gis mthong nas/ des de la shin tu nges par brtag par bya ste/ des bsams pa/ khye'u 'di ni rkang gnyis pa'i bsod nams kyi zhing yin te/ gang dag 'di la mchod pa dag byed pa de dag gi mchod pa byas pa de dag ni shin tu 'bras bu chen po dang phan yon chen po dang gsal ba chen po dang yangs pa chen por 'gyur ro snyam nas/ bram ze mtshan mkhan des ma ma de la smras pa/ khye'u 'di kho bo la yud tsam zhig byin cig dang / kho bo 'di la mchod pa dag bya'o/ /ma mas smras pa/ bram ze kho mo la khye'u sbyin pa'i dbang med kyis gal te khyod khye'u 'dod na dmag dpon gyi gan du song la gsol cig/ de nas bram ze de gyad kyi sna chen po la gtogs pa'i gan du song ste/ shis pa brjod pa sngar byas nas smras pa/ dmag dpon khyod kyi khye'u 'di ni rkang gnyis pa'i bsod nams kyi zhing yin te/ gang dag 'di la mchod pa dag byed pa de dag gi </font><hr>Ca358a<br><font size=+1>


@#/ /mchod pa byas pa de dag ni shin tu 'bras bu chen po dang / phan yon chen po dang gsal ba chen po dang / yangs pa chen por 'gyur bas de'i phyir khye'u 'di kho bo la yud tsam zhig byin cig dang kho bos 'di la mchod pa dag bya'o/ /dmag dpon gyis smras pa/ bram ze gal te de lta na sbyin gyis khyer cig/ bram ze de yid rab tu dga' nas khye'u de rang gi khyim du khyer nas chung ma'i drung du yon tan brjod de smras pa/ bzang mo shes par gyis shig/ khye'u 'di ni rkang gnyis pa'i bsod nams kyi zhing yin te/ gang dag 'di la mchod pa dag byed pa de dag gi mchod pa byas pa de dag ni shin tu 'bras bu chen po dang phan yon chen po dang gsal ba chen po dang yangs pa chen por 'gyur bas de'i phyir 'di la mchod pa dag gyis shig/ des de'i yon tan brjod pa thos nas yid bde ba skyes te smras pa/ bram ze gal te de lta na re zhig gzhes shig dang khyim gyi go rims dag bgyi'o zhes des khyim byug pas byugs shing zhal zhal byas nas/ rtsa lag gi skye ba snying du sdug cing 'brel pa dag mgron du bos nas/ de'i 'og tu khye'u de bkur sti chen pos dril phyis byas shing khrus byas te/ spos dang me tog dag gis brgyan nas sbrang rtsi dang 'o mas legs par bsnyod do/ /de ltar brgyan cing gnyen 'dab kyis yongs su bskor nas rang gi khyim du phyir khrid do/ /de gang gi tshe chen por gyur pa de'i tshe yi </font><hr>Ca358b<br><font size=+1>


ge dang grangs dang rtsis dang lag rtsis dang / dbyung ba dang gzhug pa dang gzhag pa la nye bar zhugs nas/ de yi ge'i mthar phyin cing 'byed pa dang klog pa dang mkhas pa dang spyod pa gsal ba dang / brtag pa brgyad po 'di lta ste/ rin po che brtag pa dang / gzhi brtag pa dang / gos brtag pa dang / shing brtag pa dang / glang po che brtag pa dang / rta brtag pa dang / bud med brtag pa dang / skyes pa brtag pa la mkhas par gyur to/ /rgyal po rgyal rigs spyi bo nas dbang bskur ba/ ljongs kyi dbang phyug mthu dang brtson 'grus thob pa/ sa chen po'i dkyil 'khor mngon par rgyal bar byas te gnas pa rnams kyi bzo'i gnas dang las kyi gnas tha dad par gyur pa gang dag yin pa 'di lta ste/ glang po che'i gnyar bzhon pa dang / rta la bzhon pa dang / shing rta'i thabs dang / ral gri'i thabs dang / 'phong dang phyir bsnur ba dang / mdun du bsnur ba dang / lcags kyos bsgyur thabs dang / zhags pas gdab pa dang / mda' bo che 'phen thabs dang / 'dzin stangs dang gom stangs dang / thor tshugs dang gcad pa dang dral ba dang / dbug pa dang / gnas lnga po 'di lta ste/ rgyang nas phog pa dang / sgra grag par phog pa dang / gnad du phog pa dang / mi 'tshor bar phog pa dang / tshabs che ba de dag la yang zhugs shing byang bar gyur to/ /blon po'i bu lnga brgya po de dag kyang bzo'i gnas dang / las kyi gnas dag la byang bar gyur to/ /phas de'i chung ma'i 'khor gsum po rab dang </font><hr>Ca359a<br><font size=+1>


@#/ /'bring dang tha ma dag rnam par bzhag go/ 'dug pa'i gnas gsum po dgun gyi dang dpyid kyi dang dbyar gyi dag byed du bcug go/ skyed mos tshal gsum po dgun gyi dang dpyid kyi dang dbyar gyi dag byed du bcug go /de steng gi khang bzang gi gzhir gtogs pa na skyes pa med par sil snyan gyis rtse bar byed/ dga' bar byed/ dga' mgur spyod par byed do/ /de'i ne'u ldangs lnga brgya po de dag kyang dus gsum du de blta ba'i phyir 'ong zhing de dag dang lhan cig sten grogs kyi dga' bas rtse mo rnam pa sna tshogs dag gis rtse bar byed do/ /ji tsam dus gzhan zhig na gzhon nu lnga brgya po de dag nang par sngar langs te/ ri dwags gshor du dong ba dang / de dag gis de'i nyin mo ri dwags gcig kyang ma rnyed nas/ de dag gis bsams pa/ deng bdag cag gis ri dwags gcig kyang ma rnyed pas ji ltar lag pa stong pa dag gis khyim du 'dong bar bya/ deng 'di nyid du bsdad de sang ri dwags dag gshor la khyim du 'dong par bya'o snyam nas de dag de'i nub mo der 'khod nas phyi de nyin par ri dwags dag bshor te/ mtshan mo mig lam chad pa dang rang rang gi khyim du dong ngo / /de dag 'di snyam du sems te/ deng ni nam sros kyis sang gzhon nu ltar 'dong ngo snyam nas/ de dag mtshan mo nam langs pa dang / nyi ma gsum pa de la gzhon nu gyad bu nor ltar dong ba dang / gzhon nus smras pa/ shes </font><hr>Ca359b<br><font size=+1>


ldan dag khyed cag kho bo'i ne'u ldangs mnyam du skyes pas sa la lhan cig rtse ba dag yin na/ ci'i phyir khyed cag de bar kho bo'i gan du ma 'ongs par deng nyi ma gsum pa la gdod 'ongs/ gzhon nu bdag cag ri dwags gshor du mchis par gyur nas de'i slad du ma mchis so/ /khyed cag gis der ci zhig byas/ gzhon nu ri dwags dag bkum mo/ /ri dwags de dag ci za/ ci 'thungs/ gzhon nu ran dag 'tshal zhing / chab dag 'tshal lo/ /shes ldan dag gal te de lta na de dag gis khyed la gnod pa ci zhig byas na khyed cag de dag gsod par byed/ gzhon nu bdag cag des glo ba dga' ba nyid du 'gyur ro/ /shes ldan dag dga' ba de ni mi bzang ste/ gzhan la gnod pas dga' ba gang yin pa de thong zhig/ gzhon nu lnga brgya po de dag cang mi smra bar 'khod de/ rgyal po'i pho brang nas phyir byung nas smras pa/ shes ldan dag gzhon nu 'di chung ma'i 'khor spangs te 'gro mi 'dod pas de'i phyir bdag cag la smod par byed kyis/ de'i phyir bdag cag gis ci nas kyang dmag dpon la go bar bya ba'i thabs shig gis 'di yang ri dwags gshor du 'gro bar 'gyur ba de lta bu'i thabs shig byas na des na 'di yang bdag cag dang lhan cig ri dwags gshor du 'gro bar 'gyur ro zhes de dag gis gros byas nas dmag dpon gyi gan du dong ste/ rkang pa gnyis la phyag 'tshal nas smras pa/ dmag dpon gzhon nu gang dag grib mar skyes par gyur </font><hr>Ca360a<br><font size=+1>


@#/ /pa de dag ni nges par nyi 'og gi mkhar gyi rgyal po dag gis zil gyi gnon par 'gyur ba lags na ci'i slad du gzhon nu grib mar skye bar mdzad cing bdag dang lhan cig ri dwags gshor du mi gtong / bdag cag dang lhan cig mchis na gdug pa dang / rtsal che ba dang nyi 'og gi mkhar gyi rgyal po dag gis zil gyis mi non par 'gyur ro/ /shes ldan dag gal te de ltar na gzhon nu gtang gis deng zhig/ dmag dpon gyis gzhon nu bos te smras pa/ gzhon nu khyod kyi ne'u ldangs dag ri dwags gshor du 'dong gis khyod kyang de dag dang lhan cig song zhig/ yab bdag gzhan gyi srog la gnod par mi bgyid na/ ci'i slad du de dag dang lhan cig mchi/ gzhon nu bdag cag rgyal rigs dag ni mtshon gyis 'tsho ba yin pas chos 'di rgyal rigs dag dang mi 'gal gyis song zhig/ gzhon nu de pha la gus shing rjes byed pa yin pas des khas blangs te/ de phyi de nyin par de dag dang lhan cig ri dwags gshor du song ba dang / gzhon nu lnga brgya po de dag gis gros bya bar brtsams pa/ shes ldan dag gzhon nu 'di ni dmag dpon 'das nas dmag dpon du 'gyur bas 'di bsten pa'i dus kyis ni 'bras bu ster bar 'gyur gyis/ bdag cag gis da 'di bsten par bya'o zhes de dag gis blo gros gcig gis de la smras pa/ gzhon nu khyod 'di kho nar gzhes shig dang / bdag cag gis </font><hr>Ca360b<br><font size=+1>


ri dwags dag ci nas kyang khyod kyi drung kho nar mchi bar 'gyur ba de ltar gdab par bgyi'i/ /des na khyod kyis ri dwags mchis so 'tshal khum par 'gyur ro/ /de nas de dag gis gzhon nu de 'phan khar bzhag nas ri dwags mang po dag phyogs kun nas bskongs shing brims nas/ de dag 'chi ba'i 'jigs pas lus smas pa dang / rnam par smas bzhin du lce phyung ste gzhon nu'i drung du lhags so// gzhon nus ri dwags de dag gnas skabs de ltar gyur pa thag ring po kho na nas mthong nas des bsams pa/ snying rje med pa'i snying gis 'jig rten pha rol btang ste/ 'di dag la sems kyis rab tu sdang bar 'gyur ba yang su zhig yod na/ 'di dag gi srog gcod par 'gyur ba lta smos kyang ci dgos snyam du rig nas phyogs bzhir rnam par blta bar brtsams pa dang / de dang ha cang mi ring ba na mi zhig 'dug pa mthong nas des de'i sems bsrung ba'i phyir mda' gnyis sam gsum zhig 'phangs te/ mda' de dag kyang ri dwags de dag gi rwa'i bar dag dang rkang lag gi bar dag tu btang nas de'i 'og tu des brtsal ba btang ste 'dug pa dang / ri dwags de dag kyang byer te dong ngo / /blon po'i bu rnams kyis bsams pa/ gzhon nu ni gnas lnga dag la byang bar gyur pa yin pas/ des gdon mi za bar ri dwags mang po dag bsad par gyur gyis bdag cag myur du dong ngo snyam nas/ de dag myur du lhags pa dang ri dwags gcig kyang ma sod par mthong nas/ de dag </font><hr>Ca361a<br><font size=+1>


@#/ /'di snyam du sems te/ gzhon nus gdon mi za bar shing rta dag dang / rnga mo dag gis sngar bskyas par gyur pa lta snyam du rig nas smras pa/ gzhon nu ri dwags de dag gar mchis/ shes ldan dag ri dwags dag ga re/ ri dwags dag su'i yin/ de dag ni ri dwags nyid yin te/ phyir bcos par mi nus so/ /de dag spyod pa de lta bu dang shugs de lta bus rgyug pas de'i phyir/ de dag gis kho bo nyid kyang de'u bsad do/ /mi des smras pa/ shes ldan dag khyed kyis chos la dga' ba 'di 'phan khar bzhag pas ri dwags ga la sod/ gal te 'di mngon par 'dod par gyur na ri dwags gcig kyang bros par mi 'gyur ro/ /de dag mi bzod pa skyes nas mtha' gcig tu dong ste smras pa/ shes ldan dag bdag cag gi lus smas pa dang / rnam par smas pa dag gis ri dwags dag 'di ga la ba der btab ste/ 'dis bsad grang snyam na 'dis yal bar bor gyis 'dong la 'di nyid gsad par bya'o/ /de dag gis yang bsams pa/ gal te 'di bsad par gyur na thos pa gcig nas gcig tu brgyud pas dmag dpon gyis thos na bdag la gnod pa byed par 'gyur gyis/ 'di bsad par mi bya bar 'di 'di ltar 'di nyid du bskyur te bor la bdag cag 'dong bar bya'o snyam nas/ de dag gis de la ma bltas par dong ngo / /gzhon nus bsams pa/ de dag bdag gi ne'u </font><hr>Ca361b<br><font size=+1>


ldangs mnyam du skyes pa sa la lhan cig rtse rtse ba yin na/ ri dwags tsam gyi phyir de dag gis bdag dgon par bskyur te bor nas dong ba las na/ gang gi tshe bdag gi pha 'das nas bdag dmag dpon du gyur pa de'i tshe na bdag gis gdon mi za bar sems can gyi gnas la nyes par spyod pa mang po bya dgos pas 'gyur ro snyam nas/ de snying stong zhing zug rngus zug pa bzhin du rtog pa na/ khyim du song ste lag pa la 'gram pa gtad nas sems khong du chud cing 'dug go/ de'i gan du chung ma'i 'khor dag 'ong ba de dag des mthong ba dang / dbang po dag phyir glon par byed do/ /de dag gis gcig nas gcig tu brgyud pas dmag dpon la gzhon nu te bor sems khong du chud de mchis brang gi 'khor la yang mi sems par dbang po dag slar glon zhing mchis so zhes go bar byas so/ /dmag dpon gyis thos nas de yang yid mi bde bar gyur nas gzhon nu'i gan du song ste smras pa/ bu gzhon nu khyod ci'i phyir lag pa la 'gram pa gtad de sems khong du chud cing 'dug/ yab kyis bdag las mi 'dra bar bskos te/ gang gi tshe rngon pa drag shul can lag pa dmar ba bsnun pa dang rab tu bsnun pa la zhugs pa gzhan gyi srog 'phrog pa gzhan gyi srog gcod du 'jud pa/ gzhan gyi srog gcod pas 'tsho bar bgyid pa rnams kyi las de la nges par sbyar na/ bdag ji ltar sems khong du chud cing mi mchis su rung / bu gzhon nu gal te khyod bde </font><hr>Ca362a<br><font size=+1>


@#/ /bar 'dug la bsam pa thong ste phyin chad ma 'gro zhig/ de nas gzhon nu de sems can la gnod pa las skyes pa'i yid mi bde ba las nges par byung ste mngon par dga' bar gyur nas/ dge ba gang yin zhes tshol bas nges par 'byung ba'i mngon par dga' ba btsal bar brtsams so/ /de'i tshe na rdzogs byed la sogs pa ston pa drug po thams cad mkhyen pa ma yin par thams cad mkhyen par mngon pa'i nga rgyal can dag sdig byung na nye bar rten cing gnas so/ /de nas gzhon nu gyad bu nor gyis pha dang chung ma'i 'khor la ma bltas par 'od srung rdzogs byed ga la ba der song ste phyin nas/ 'od srung rdzogs byed la 'di skad ces smras so/ /shes can khyod kyi chos kyi tshul ni gang yin/ slob ma la gdams pa ni gang yin/ tshangs par spyod pa'i 'bras bu ni gang yin/ phan yon ni gang yin/ rdzogs byed kyis smras pa/ gzhon nu kho bo ni 'di ltar lta zhing 'di skad ces smra ste/ sbyin pa med do/ /mchod sbyin med do/ /sbyin sreg med do/ /legs par spyad pa med do/ /nyes par spyad pa med do/ /legs par spyad pa dang nyes par spyad pa'i las rnams kyi 'bras bu dang rnam par smin pa med do/ /'jig rten 'di ni med do/ /'jig rten pha rol med do/ /ma med do/ /pha med do/ /sems can rdzus te skyes pa med do/ /'jig rten na dgra bcom pa yang dag par rtogs pa/ yang dag par sgrub pa gang dag tshe 'di </font><hr>Ca362b<br><font size=+1>


nyid la rang gi mngon par shes pas 'jig rten 'di dang 'jig rten pha rol mngon sum du byas nas bsgrubs te/ bdag cag ni skye ba zad do/ /tshangs par spyad pa bsten to/ /bya ba byas so/ /srid pa 'di las gzhan mi shes so zhes go bar byed pa dag med do/ /srog 'di nyid la 'tsho zhing de phyis 'chad par 'gyur/ zhig par 'gyur te/ shi ba'i 'og tu mi 'byung ngo / /skyes bu'i lus ni 'byung ba chen po bzhi las gyur pa yin te/ de ni gang gi tshe dus byed pa na de'i sa'i lus ni sa'i bag la zha/ chu'i lus ni chu'i/ me'i lus ni me'i/ rlung gi lus ni rlung gi bag la zha bar 'gyur ro/ /dbang po rnams ni mkha'i rjes su 'gro bar 'gyur ro/ /skyes bu'i ro ni khri dang lnga'i mi dag gis khyer te/ dur khrod du 'gro zhing bsregs phan chad mi mngon par 'gyur ro/ /bsreg bya dag ni thal bar 'gyur ro/ /rus pa dag ni thi ba'i mdog 'dra bar gnas so/ /'di ltar rmongs pa nye bar bstan pa ni sbyin la/ mkhas pa nye bar bstan pa ni len te/ de la gang dag yod par smra ba de dag thams cad ni gsob gsog brdzun du smra ba dag yin no/ /'di ltar byis pa dang mkhas pa de gnyis ni phyis 'chad par 'gyur/ zhig par 'gyur te/ shi ba'i 'og tu mi 'byung ngo / /de nas gyad bu nor 'di snyam du sems te| ston pa shes ldan 'di ni lam gol bar zhugs pa/ lam ngan pa legs par sgrub pa yin te/ lam 'jigs pa dang bcas pa ji lta ba bzhin du mkhas pa rnams kyis spang bar bya ba yin no snyam </font><hr>Ca363a<br><font size=+1>


@#/ /du rig nas tshigs su bcad pa smras pa/ blo ngan log par ston byed pa/ /dman pa ston par grags pa ste/ /gang gi chos 'di de 'dra ba/ /de yi chos min ci zhig 'dra/ /zhes smras nas snod stong pa bzhin du brdabs te song ngo / /de nas gyad bu nor gnag lhas kyi bu kun tu rgyu ga la ba der song ste phyin nas/ gnag lhas kyi bu kun tu rgyu la 'di skad ces smras so| |shes ldan khyod kyi chos kyi tshul ni gang yin/ slob ma la gdams pa ni gang yin/ tshangs par spyod pa'i 'bras bu ni gang yin/ phan yon ni gang yin/ kun tu rgyus smras pa/ gzhon nu kho bo ni 'di ltar lta zhing 'di skad smra ste/ sems can rnams kun nas nyon mongs par gyur pa la rgyu med rkyen med do/ /sems can rnams rgyu med rkyen med par kun nas nyon mongs par 'gyur ro/ /sems can rnams rnam par dag par 'gyur ba la rgyu med rkyen med do/ /sems can rnams rgyu med rkyen med par rnam par dag par 'gyur ro/ /sems can rnams shes pa med par 'gyur ba dang / mthong ba med par 'gyur ba la rgyu med rkyen med do/ /sems can rnams rgyu med rkyen med par shes pa med pa dang mthong ba med par 'gyur ro/ /sems can rnams shes par gyur pa dang mthong bar 'gyur ba la rgyu med rkyen med do/ /sems can rnams rgyu med rkyen med par shes pa dang mthong bar 'gyur ro/ /stobs med do/ /brtson 'grus med do// </font><hr>Ca363b<br><font size=+1>


stobs dang brtson 'grus med do/ /skyes bu'i rtsal med do/ /pha rol gnon pa med do/ /skyes bu'i rtsal dang pha rol gnon pa med do/ /bdag gi rtsal med do/ /gzhan gyi rtsal med do/ /bdag gi rtsal dang gzhan gyi rtsal med do/ /sems can thams cad dang srog chags thams cad dang 'byung po thams cad mthu med stobs med dbang med brtson 'grus med pha rol gnon pa med do/ /'gro ba mtshams sbyor ba'i srid pa dag nges par gyur to/ /'di ltar 'gro ba drug po dag tu bde ba dang sdug bsngal so sor myong bar 'gyur ro/ /de nas gyad bu nor 'di snyam du sems te/ ston pa shes ldan 'di yang lam gol bar zhugs pa/ lam ngan pa legs par sgrub pa yin te/ lam 'jigs pa dang bcas pa ji lta ba bzhin du mkhas pa rnams kyis spang bar bya ba yin no snyam du rig nas tshigs su bcad pa smras pa/ blo ngan log par ston byed pa/ /dman pa ston par grags pa ste/ /gang gi chos 'di de 'dra ba/ /de yi chos min ci zhig 'dra/ /zhes smras nas/ snod stong pa bzhin du brdabs te song ngo / /de nas gyad bu nor smra 'dod kyi bu mo'i bu yang dag rgyal ba can ga la ba der song ste phyin nas/ smra 'dod kyi bu mo'i bu yang dag rgyal ba can la 'di skad ces smras so/ /shes ldan khyod kyi chos kyi tshul ni gang yin/ slob ma la gdams pa ni gang yin/ tshangs par spyod pa'i 'bras bu ni gang yin/ phan yon ni gang yin/ yang dag rgyal ba can gyis smras pa/ gzhon nu kho bo ni </font><hr>Ca364a<br><font size=+1>


@#/ /'di ltar lta zhing 'di skad smra ste/ byed pa dang / byed du 'jud pa dang / gcod pa dang gcod du 'jud pa dang / sreg pa dang sreg tu 'jud pa dang / rdeg pa dang rdeg tu 'jud pa dang / srog chags la 'tshe ba dang / ma byin par len pa dang / 'dod pa la log par spyod pa dang / shes bzhin du brdzun du smra ba dang myos par 'gyur ba'i btung ba 'thung ba dang / khyim 'bigs pa dang / mdun pa 'grol ba dang / ril gyis 'phrog pa dang / lam 'gog cing 'dug pa dang / grong 'joms par byed pa dang / grong khyer 'joms par byed pa dang / yul 'joms par byed pa dang / sa gzhi chen po 'di la sems can gang dag yod pa de dag thams cad 'khor lo'i mtha' spu gri las byas pas kun tu gcod par byed/ kun tu 'tshog par byed/ kun tu rdung bar byed/ kun tu 'dral bar byed cing / sems can de dag thams cad kun tu gcad/ kun tu gshegs/ kun tu brdungs/ kun tu dal nas/ sha'i thang ma gcig tu byed/ sha'i tshoms gcig tu byed/ sha'i bungs gcig tu byed/ sha'i phung po gcig tu byed cing / sha'i thang ma gcig tu byas/ sha'i tshoms gcig tu byas/ sha'i bungs gcig tu byas/ sha'i phung po gcig tu byas nas/ da ltar kun tu sgrub pa byed pa la/ gzhi de las sdig pa yang med/ gzhi de las sdig par 'gyur ba yang med do/ /chu klung gang+gA'i lho nas kun tu gcod par byed/ kun tu 'tsheg par byed/ kun </font><hr>Ca364b<br><font size=+1>


tu rdung bar byed/ kun tu 'bral bar byed cing 'gro la/ chu klung gang+gA'i byang nas sbyin pa byed/ mchod sbyin byed cing 'gro bar gyur na/ gzhi de las sdig pa dang bsod nams kyang med/ gzhi de las sdig pa dang bsod nams su 'gyur ba yang med do/ /sbyin pa dang dul ba dang yang dag par sdom pa dang / don spyod pa dang don mthun pas de ltar byed pa yang bsod nams mi byed pa kho na yin no/ /de nas gyad bu nor 'di snyam du sems te/ ston pa shes ldan 'di yang lam gol bar zhugs pa/ lam ngan pa yang dag par sgrub pa yin te/ 'jigs pa dang bcas pa'i lam ji lta ba bzhin du mkhas pa rnams kyis spang bar bya ba yin no snyam du rig nas/ tshigs su bcad pa smras pa/ blo ngan log par ston byed pa/ /dman pa ston par grags pa ste/ / gang gi chos 'di de 'dra ba/ /de yi chos min ci zhig 'dra/ zhes smras nas snod stong pa bzhin du brdabs te song ngo / /de nas gyad bu nor mi pham skra'i la ba can ga la ba der song ste phyin nas mi pham skra'i la ba can la 'di skad ces smras so/ /shes ldan khyod kyi chos kyi tshul ni gang yin/ slob ma la gdams pa ni gang yin/ tshangs par spyod pa'i 'bras bu ni gang yin/ phan yon ni gang yin/ mi pham gyis smras pa/ gzhon nu kho bo ni 'di ltar lta zhing 'di skad smra ste lus bdun po 'di dag ni ma byas pa/ byas par ma byas pa/ ma sprul pa sprul pas ma </font><hr>Ca365a<br><font size=+1>


@#/ /byas pa/ gnod par bya ba ma yin pa/ ther zug tu gnas pa/ ka ba bzhin du gnas pa dag yin te/ bdun gang zhe na/ 'di lta ste/ sa'i lus dang / chu'i lus dang / me'i lus dang / rlung gi lus dang / bde ba dang sdug bsngal ba dang srog gson pa nyid ni bdun pa ste/ lus bdun po de dag ni ma byas pa/ byas pas ma byas pa/ ma sprul pa sprul pas ma byas pa/ gnod par bya ba ma yin pa/ ther zug tu gnas pa/ ka ba bzhin du gnas pa dag yin no/ /de dag ni 'di lta ste/ bsod nams su 'gyur ba'i phyir ram/ sdig par 'gyur ba'i phyir ram/ bsod nams dang sdig par 'gyur ba'i phyir ram/ bde bar 'gyur ba'i phyir ram/ sdug bsngal bar 'gyur ba'i phyir ram/ bde ba dang sdug bsngal bar 'gyur ba'i phyir g.yo bar mi byed/ rnam par 'gyur bar mi byed/ gcig la gcig gnod par mi byed do/ /skyes bu gang gis skyes bu mgo gcod par byed pa des kyang 'jig rten na g.yo ba'am gnas pa la gnod pa cung zad kyang mi byed de/ lus bdun po dag la bar med par mtshon thal byung du 'gro zhing der srog la yang gnod pa med do/ /de la gsod par byed pa'am/ gsod du bcug pa'am/ skul bar byed pa'am/ skul du bcug pa'am/ dran par byed pa'am/ dran par </font><hr>Ca365b<br><font size=+1>


byed du bcug pa'am/ rnam par rig par byed pa'am/ rnam par rig par byed du bcug pa 'ga' yang med do/ /byis pa'am mkhas pa gang dag yin pa dag ni skye gnas gtso bo dang ldan pa khri bzhi stong dang / rtog pa chen po drug khri dang drug brgya dang / las lnga dang / las gsum dang / las gnyis dang / las dang / las byed dang / las drug cu rtsa gnyis dang / rtog pa bar ma drug cu rtsa gnyis dang / sems can dmyal ba brgya nyi shu dang / dbang po brgya nyi shu dang / rdul gyi khams drug cu rtsa gnyis dang / klu'i rigs bzhi khri dgu stong dang / nam mkha' lding gi rigs bzhi khri dgu stong dang / kun tu rgyu'i rigs bzhi khri dgu stong dang / kun tu 'tsho'i rigs bzhi khri dgu stong dang / gcer bu ba'i rigs bzhi khri dgu stong dang / 'du shes can gyi gnas bdun dang / 'du shes med pa'i gnas bdun dang / gcer pu ba'i gnas bdun dang / lha ma yin bdun dang / sha za bdun dang / lha bdun dang / mi bdun dang / mtsho chen po bdun dang / mtsho bdun brgya dang / rmi lam chen po bdun dang / rmi lam bdun brgya dang / 'bri ba chen po bdun dang / 'bri ba bdun brgya dang / 'phel ba chen po bdun dang / 'phel ba bdun brgya dang / sad pa chen po bdun dang / sad pa bdun brgya dang / g.yang sa chen po bdun dang / g.yang sa bdun brgya dang / rigs btsun pa bdun dang / mngon par mtho ba bcu dang / skyes bu chen po'i sa brgyad po de dag tu bskal pa chen po brgyad khri bzhi stong du mtshams sbyar cing 'khor nas sdug </font><hr>Ca366a<br><font size=+1>


@#/ /bsngal mthar byed do/ /'di lta ste dper na/ skud pa'i drug bu yang ba steng gi nam mkha' la 'phangs pa gzangs ba na/ sa la 'bab pa de bzhin du byis pa'am mkhas pa gang dag yin pa dag kyang de dag tu bskal pa chen po brgyad khri bzhi stong du mtshams sbyar cing 'khor nas sdug bsngal mthar byed do/ /de la dge sbyong ngam/ bram ze gang 'di skad ces bdag tshul khrims sam/ brtul zhugs sam/ dka' thub bam/ tshangs par spyod pa la gnas pa 'dis las yongs su ma smin pa ni yongs su smin par bya zhing / yongs su smin pa ni reg par byas nas byang bar bya'o zhes zer ba 'ga' yang med do/ /bde ba dang sdug bsngal 'di ni nges pa yin no/ /yar skye ba dang mar 'grib pa ni mi srid do/ /'di lta bu nyid dang gzhan ma yin pas 'khor ba gzhal lo/ /de nas gyad bu nor 'di snyam du sems te/ ston pa shes ldan 'di yang lam gol bar zhugs pa/ lam ngan pa legs par sgrub pa yin te/ lam 'jigs pa dang bcas pa ji lta ba bzhin du mkhas pa rnams kyis spang bar bya ba yin no snyam du rig nas/ tshigs su bcad pa smras pa/ blo ngan log par ston byed pa/ /dman pa ston pa grags thob pa/ /gang gi chos 'di de 'dra ba/ /de yi chos min ci zhig 'dra/ /zhes smras nas snod stong pa bzhin du brdabs te song ngo / /de nas gyad bu nor ka t+ya'i bu nog can ga la ba der song ste phyin nas/ ka t+ya'i bu nog can la 'di skad ces smras so/ /shes ldan khyod kyi chos kyi tshul ni gang yin/ </font><hr>Ca366b<br><font size=+1>


slob ma la gdams pa ni gang yin/ tshangs par spyod pa'i 'bras bu ni gang yin/ phan yon ni gang yin/ nog can gyis smras pa/ gzhon nu kho bo ni 'di ltar lta zhing 'di skad smra ste/ gal te 'ga' zhig kho bo'i gan du 'ongs te 'di skad ces 'jig rten pha rol yod dam zhes dri ba 'dri na/ de la kho bo 'jig rten pha rol yod do zhes dri ba dris pa'i lan 'debs par byed do| |'jig rten pha rol med dam zhes dri ba 'dri na de la kho bo 'jig rten pha rol med do zhes dri ba dris pa'i lan 'debs par byed do/ /'jig rten pha rol yod pa dang med pa yin nam zhes dri ba 'dri na/ de la kho bo 'jig rten pha rol yod pa dang med pa yin no/ /zhes dri ba dris pa'i lan 'debs par byed do/ /'jig rten pha rol yod pa yang ma yin med pa yang ma yin nam zhes dri ba 'dri na/ de la kho bo 'jig rten pha rol yod pa yang ma yin med pa yang ma yin no zhes dri ba dris pa'i lan 'debs par byed do/ /de bzhin du gal te 'ga' zhig kho bo'i gan du 'ongs te 'di skad ces 'jig rten pha rol 'di lta bu nyid dang 'di lta bu ma yin nam zhes dri ba 'dri na de la kho bo 'jig rten pha rol 'di lta bu dang 'di lta bu nyid ma yin pa yin no zhes dri ba dris pa'i lan 'debs par byed do/ /'jig rten pha rol gzhan nyid dang gzhan nyid ma yin pa yin nam zhes dri ba 'dri na de la </font><hr>Ca367a<br><font size=+1>


@#/ /kho bo 'jig rten pha rol gzhan nyid dang gzhan nyid ma yin pa yin no zhes dri ba dris pa'i lan 'debs par byed do/ /'jig rten pha rol gzhan ma yin pa nyid dang gzhan ma yin pa ma yin nam zhes dri ba 'dri na de la kho bo 'jig rten pha rol gzhan ma yin pa nyid dang gzhan ma yin pa ma yin no zhes dri ba dris pa'i lan 'debs par byed do/ /'jig rten pha rol de nyid dang de nyid ma yin pa nyid yin nam zhes dri ba 'dri na de la kho bo 'jig rten pha rol de nyid dang de nyid ma yin pa yin no zhes dri ba dris pa'i lan 'debs par byed do/ /de nas gyad bu nor 'di snyam du sems te/ ston pa shes ldan 'di yang lam gol bar zhugs pa/ lam ngan pa legs par sgrub pa yin te/ lam 'jigs pa dang bcas pa ji lta ba bzhin du mkhas pa rnams kyis spang bar bya ba yin no snyam du rig nas/ tshigs su bcad pa smras pa/ blo ngan log par ston byed pa/ /dman pa ston par grags pa ste| |gang gi chos 'di de 'dra ba/ /de yi chos min ci zhig 'dra/ /zhes smras nas snod stong pa bzhin du brdabs te song ngo / /de nas gyad bu nor gnyen gyi bu gcer bu ga la ba der song ste phyin nas/ gnyen gyi bu gcer bu la 'di skad ces smras so/ /shes ldan khyod kyi chos kyi tshul ni gang yin/ slob ma la gdams pa ni gang yin/ tshangs par </font><hr>Ca367b<br><font size=+1>


spyod pa'i 'bras bu ni gang yin/ phan yon ni gang yin/ gcer bus smras pa/ gzhon nu kho bo 'di ltar lta zhing 'di skad ces smra ste/ skyes bu gang dag 'dis so sor myong ba gang yin pa ci yang rung ste/ de thams cad sngon byas pa'i rgyu las byung ba yin no/ /las rnying pa rnams ni dka' thub gyis 'byang bar 'gyur la/ las sar pa rnams ni mi bya pas chu lon gyis bzlog par bya'o| |de ltar na phyin chad zag pa med do/ /zag pa med na las zad do/ /las zad na sdug bsngal zad do/ /sdug bsngal zad na sdug bsngal mthar byed par 'gyur ro/ /de nas gyad bu nor 'di snyam du sems te/ ston pa shes ldan 'di yang lam gol bar zhugs pa/ lam ngan pa legs par sgrub pa ste/ lam 'jigs pa dang bcas pa ji lta ba bzhin du mkhas pa rnams kyis spang bar bya ba yin no/ / snyam du rig nas/ tshigs su bcad pa smras pa/ blo ngan log par ston byed pa/ /dman pa ston par grags pa ste/ /gang gi chos 'di de 'dra ba/ /de yi chos min ci zhig 'dra/ /zhes smras nas snod stong pa bzhin du brdabs te song ngo / /de nas gyad bu nor rang gi khyim ga la ba der song ste phyin nas steng gi khang bzang gi gzhir gtogs pa na lag pa la 'gram pa gtad de sems khong du chud cing 'dug nas de 'di snyam du sems te/ ma la 'jig rten lha dang bcas pa bdud dang bcas pa tshangs pa dang bcas pa dang / dge sbyong dang bram zer </font><hr>Ca368a<br><font size=+1>


@#/ /bcas pa'i skye dgu dang / lha dang mir bcas pa'i nang na gang gis bdag 'khor ba dgon pa 'di nas rab tu thar bar byed pa'i dge sbyong ngam bram ze sman dang gsang sngags rig sngags tshig gcig gam/ tshig gnyis sam/ tshig bzhi tsam 'chang pa de lta bu su yod snyam du sems so/ /de'i skabs su sangs rgyas bcom ldan 'das rnams la ni mi mkhyen pa dang / ma gzigs pa dang / ma rig pa dang / rnam par mi mkhyen pa cung zad kyang mi mnga' bas/ sangs rgyas bcom ldan 'das thugs rje chen po dang ldan pa/ 'jig rten la phan par zhugs pa/ srung ba gcig pu pa nyag gcig dpa' pa/ gnyis pa med pa/ gnyis su mi gsung ba/ zhi gnas dang lhag mthong gis bzhugs pa/ rig pa gsum gsal bar mdzad pa/ bslab pa gsum la legs par bslabs pa/ 'dul ba'i gnas gsum gyi gzhi la mkhas pa/ chu bo bzhi las rgal ba/ rdzu 'phrul gyi rkang pa bzhis spyod pa'i gzhi la legs par gnas pa/ bsdu ba'i dngos po bzhi la yun ring po nas yongs su sbyang ba mdzad pa/ mi 'jigs pa bzhis bsnyengs pa mi mnga' ba/ yan lag lnga spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas pa drug gis gnas pa/ byang chub kyi yan lag </font><hr>Ca368b<br><font size=+1>


bdun gyi me tog gis phyug pa/ lam gyi yan lag brgyad ston pa/ mthar gyis snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur snyan pas yang dag par rgyas pa/ brgya phrag bcur dbang sgyur ba la khyad par du 'phags pa rnams kyi chos nyid ni nyin lan gsum mtshan lan gsum sangs rgyas kyi spyan gyis 'jig rten la rnam par gzigs nas| gang ni nyams par 'gyur/ gang ni 'phel bar 'gyur/ gang ni gnod par 'gyur/ gang ni nyam nga bar 'gyur/ gang ni mi bde bar gyur/ gang ni gnod pa dang nyam nga ba dang mi bde bar 'gyur/ gang ni ngan song la gzhol/ gang ni ngan song la 'bab/ gang ni ngan song la bab/ ngas gang ni ngan song gi lam nas bslang ste/ mtho ris dang thar pa dang 'bras bu la gzhag par bya/ 'dod pa'i 'dam du bying ba gang gi lag nas ni drang bar bya/ 'phags pa'i nor gyi dbyig dang bral ba gang ni 'phags pa'i nor gyi dbang phyug la gzhag par bya/ gang gi sangs rgyas 'byung bas brgyan pa'i 'jig rten ni 'bras bu dang bcas par bya/ gang gi dge ba'i rtsa ba dag ma bskyed pa ni bskyed par bya/ dge ba'i rtsa ba dag bskyed pa gang ni yongs su smin pa bya/ yongs su smin pa gang ni rnam par grol bar bya zhes mkhyen pa dang gzigs pa 'jug go /yang smras pa/ chu srin gnas kyi dug can pa/ /dus las 'das par 'gyur srid kyi/ /sangs rgyas 'dul </font><hr>Ca369a<br><font size=+1>


@#/ /la byams pa ni/ /dus las 'da' bar mi 'gyur ro/ /ji ltar ma ni bu sdug gcig bu la/ /rtog par byed cing de srog srung byed ltar/ /de bzhin gshegs pa'ang gdul ba'i skye bo la/ /rtog par mdzad cing de srog srung bar mdzad/ /kun mkhyen rgyud la mnga' pa'i thugs rje yi/ /gzhon ma gdul ba'i be'u tshol mi skyo ste/ /srid dang ngan 'gros nyams pa'i gdul ba la/ /rab nyams be'u la byams pa'i ba bzhin no/ /de ltar bcom ldan 'das kyis sangs rgyas kyi spyan gyis 'jig rten la rnam par gzigs na/ sdig byung na gyad bu nor de rgyud yongs su smin pa/ sngon gyi sangs rgyas rnams la bya ba lhag par byas pa yin te/ de gdul ba'i dus ni dper na 'bras yongs su smin pa mtshon gyis brtol ba la sdod pa lta bu yin par gzigs nas bcom ldan 'das 'di snyam du dgongs te/ ci 'di re zhig ston pas gdul ba yin nam/ 'on te nyan thos kyis gdul ba yin snyam du dgongs na nyan thos kyis gdul ba yin par gzigs so/ /sgo gang nas 'jug par 'gyur/ ci rdzu 'phrul gyis gdul ba yin nam/ 'on te spyod lam gyis gdul ba yin snyam du dgongs na spyod lam gyis gdul ba yin pa gzigs so/ /bcom ldan 'das ni gang la spyod lam gyis gdul ba de la tshe dang ldan pa rta thul gtong par mdzad de/ 'di ltar de'i spyod lam gyis ni lha dang </font><hr>Ca369b<br><font size=+1>


mi yid sdud par byed pa yin pa'i phyir ro/ /de nas bcom ldan 'das kyis tshe dang ldan pa rta thul la bka' stsal pa/ rta thul khyod kyis sdig byung na gyad bu nor 'dug pa la soms shig / tshe dang ldan pa rta thul gyis cang mi smra bas bcom ldan 'das las dang du blangs so/ /de nas tshe dang ldan pa rta thul bcom ldan 'das kyi bka' la lhag par bya ba byed pa yin pas/ bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas song ngo / /de nas tshe dang ldan pa rta thul de nyid kyi mtshan mo 'das nas/ snga dro sham thabs bgos/ lhung bzed dang chos gos thogs te rgyal po'i khab tu bsod snyoms la zhugs so/ /rgyal po'i khab tu bsod snyoms brgyus nas zas kyi bya ba byas te phyi ma'i zas kyi bsod snyoms las phyir log pas ji ltar yongs su spyad pa'i gnas mal mkhos su phab ste/ lhung bzed dang chos gos thogs nas sdig byung ga la ba der rgyu zhing song ba na/ mthar gyis rgyu zhing 'gro ba'i tshe sdig byung du phyin nas/ sdig byung na pad+ma'i nags khrod na 'dug go /de nas tshe dang ldan pa rta thul snga dro sham thabs bgos/ lhung bzed dang chos gos thogs te/ 'gro ba dang ldog pa dang cung zad blta ba dang / rnam par blta ba dang / bskum pa dang brkyang ba dang snam sbyar dang chos gos dang lhung bzed thogs pa mdzes pas sdig byung du bsod snyoms la zhugs so/ / </font><hr>Ca370a<br><font size=+1>


@#/ /de'i tshe gyad bu nor steng gi khang bzang gi gzhir gtogs pa na dge ba gang yin tshol bas grong khyer la lta zhing 'dug pas/ gyad bu nor gyis tshe dang ldan pa rta thul 'gro ba dang ldog pa dang / cung zad blta ba dang / rnam par blta ba dang / bskum pa dang / brkyang pa dang snam sbyar dang chos gos dang lhung bzed thogs pa mdzes pas sdig byung na bsod snyoms la rgyu ba thag ring po kho na nas mthong ngo / /mthong nas kyang 'di snyam du sems te/ sdig byung 'dir rab tu byung ba ji snyed cig lhags shing gnas pa dag las 'di lta ste| rab tu byung ba 'di'i spyod lam lta bu ni bdag gis sngon chad 'ga' yang ma mthong ngo snyam nas/ yang 'di snyam du sems te/ rab tu byung ba dag la ni gang dag grong du spyod lam 'chos la dgon par ci dgar spyod pa dag kyang yod pas/ bdag gis dgon par 'di'i spyod lam brtag par bya'o snyam du rigs nas mi zhig la smras pa/ kwa'e nang rje tshur shog rab tu byung ba 'di'i phyi bzhin du rjes su song la/ 'di ji ltar grong du spyod lam zhi ba ltar dgon par yang de bzhin nam/ 'on te ma yin par rtogs shig /mi des gzhon nu bka' bzhin 'tshal zhes gyad bu nor las mnyan nas/ tshe dang ldan pa rta thul gyi phyi bzhin phyi bzhin rjes su song ngo / /de nas tshe dang ldan pa rta thul sdig byung du bsod snyoms brgyus nas/ pad+ma'i nags khrod ga la ba der song </font><hr>Ca370b<br><font size=+1>


ste phyin pa dang / lhung bzed dang chu tshags mtha' gcig tu bzhag nas snam sbyar sbrugs te/ rkang pa gnyis bkrus nas lag pa gnyis bsnyal te chu btsags nas/ lo ma lhags pa dag blangs te 'dug nas zas kyi bya ba byas te lo ma lhags pa dag bor nas/ lag pa gnyis bsnyal te/ lhung bzed dang chu tshags mtha' gcig tu bzhag nas rkang pa gnyis bkrus te/ shing ljon pa zhig gis drung du brten nas brang 'gro'i rgyal po nyal ba'i lus bskyil ba ltar skyil mo krung bcas te spyod lam zhi bar 'dug go /de nas mi de tshe dang ldan pa rta thul gyi spyod lam zhi bas lha dang mi'i sems sdud par byed pas yid bsdus nas/ gyad bu nor ga la ba der song ste phyin nas gyad bu nor la 'di skad ces smras so/ /gzhon nu mkhyen par mdzod cig /khyod kyis rab tu byung ba de spyod lam ji lta bus grong du bsod snyoms rgyu ba gzigs pa de bas brgya stong gis lhag pa'i spyod lam gyis dgon par mchis te gnas so/ /de nas gyad bu nor tshe dang ldan pa rta thul gyi spyod lam 'byor pa phun sum tshogs pa de thos pas yid bsdus nas/ gus par bsgrim pa dang bcas pas mi de la smras pa/ kwa'e nang rje myur du bzhon pa bde ba stod cig dang / kho bo de la zhon te deng rab tu byung ba de ltar 'gro'o/ /mi des gzhon nu bka' bzhin 'tshal zhes gyad bu nor las mnyan nas myur du bzhon pa bde ba bstad de gyad bu nor ga la ba der song nas phyin pa dang gyad bu nor la </font><hr>Ca371a<br><font size=+1>


@#/ /'di skad ces smras so/ /gzhon nu gor bu bsgron lags kyis/ da de'i dus la bab par mkhyen par mdzod cig /de nas gyad bu nor bzhon pa bde ba la zhon te/ sdig byung nas phyir byung nas pad+ma'i nags khrod ga la ba der shing rta bsgyur te bzhon pa'i sa ji srid pa de srid du bzhon pas song nas/ bzhon pa las babs te rkang pa dag nyid kyis pad+ma'i nags khrod du zhugs pa dang / gyad bu nor gyis tshe dang ldan pa rta thul dbang po shin tu mnyam par bzhag cing spyod lam zhi bas 'dug pa mthong ngo / /mthong nas kyang 'di snyam du sems te 'di ltar bdag gis rab tu byung ba ting nge 'dzin 'di las bslang ba ni bdag gi tshul dang mthun pa ma yin gyis/ gang gi tshe 'di ting nge 'dzin las langs par gyur pa de'i tshe de'i drung du 'gro bar bya'o snyam du rig nas mtha' gcig tu 'dug ste de ldang ba la sdod cing 'dug go /de nas tshe dang ldan pa rta thul phye ma bred nang du yang dag 'jog las langs nas mtha' gcig tu 'dug go/ de nas gyad bu nor tshe dang ldan pa rta thul ga la ba der song ste phyin nas/ tshe dang ldan pa rta thul dang lhan cig mngon du yang dag par dga' bar 'gyur ba dang / yang dag par mgu bar 'gyur ba'i gtam sna tshogs byas te mtha' gcig tu 'dug go /mtha' gcig tu 'dug nas gyad bu nor gyis tshe dang ldan pa rta thul la 'di skad ces smras so/ /shes ldan ci khyod ston </font><hr>Ca371b<br><font size=+1>


pa lags sam/ 'on te nyan thos lags/ bzhin bzang kho bo ni nyan thos ston pa'i lam gyi rjes su zhugs pa yin no/ /shes ldan ston pa dang / nyan thos la khyad par ci mchis/ bzhin bzang khyad par shin tu che ste/ 'di lta ste/ dper na ri'i rgyal po ri rab dang / yungs kar lta bu dang / rgya mtsho chen po dang / ba lang gi rjes lta bu dang / nyi ma dang / srin bu me khyer lta bu dang / nam mkha' dang / pad+ma'i rtsa ba'i bu ga lta bu'o/ /de la ri'i rgyal po ri rab ci lta ba de ltar ni ston pa blta bar bya la/ yungs kar ji lta ba de ltar ni nyan thos blta bar bya'o/ /rgya mtsho chen po ji lta ba de ltar ni ston pa blta bar bya la/ ba lang gi rjes ji lta ba de ltar ni nyan thos blta bar bya'o/ /nyi ma ji lta ba de ltar ni ston pa blta bar bya la/ srin bu me khyer ji lta ba de ltar ni nyan thos blta bar bya'o/ /nam mkha' ji lta ba de ltar ni ston pa blta bar bya la/ pad+ma'i rtsa ba'i bu ga ji lta ba de ltar ni nyan thos blta bar bya'o zhes smras nas/ tshigs su bcad pa smras pa/ ri rgyal yungs kar gnyis la khyad par gang yod dang / /dug can glang rjes chu la khyad par gang yod dang / /nyi ma me khyer srin la khyad par gang yod pa/ /nam mkha' pad+ma'i bu gar khyad par gang yod pa/ /sangs rgyas nyan thos byang chub khyad par de yod do/ /de nas gyad bu nor 'di snyam du sems te/ ji ltar rab tu byung ba 'di'i ston pa la bstod par byed cing / bdag nyid la smad par </font><hr>Ca372a<br><font size=+1>


@#/ /byed pa las na/ sangs rgyas ni dam pa ma yin par mi 'gyur la/ chos bstan pa yang dam pa ma yin par mi 'gyur ro snyam du rig nas/ tshe dang ldan pa rta thul la 'di skad ces smras so/ /'phags pa bdag legs par gsungs pa'i chos 'dul ba la rab tu 'byung ba dang / bsnyen par rdzogs pa dge slong gi dngos po thob par bgyi'o/ /bdag 'phags pa'i drung du tshangs par spyod pa spyad par bgyi'o/ /bzhin bzang khyod pha ma dag gis gnang ngam/ 'phags pa/ ma gnang ngo / /bzhin bzang de bzhin gshegs pa dang de bzhin gshegs pa'i nyan thos ni pha ma dag gis ma gnang ba'i rigs kyi bu rab tu 'byin par mi mdzad/ bsnyen par rdzogs par mi mdzad do/ /'phags pa khyod kyis bdag rab tu dbyung ba 'ba' zhig mdzod cig dang / ci nas kyang bdag pha ma dag gis gnang bar 'gyur ba de ltar bdag bgyid do/ /tshe dang ldan pa rta thul gyis de la bzhin bzang legs kyis de ltar byos shig ces smras so/ /de nas gyad bu nor gyis tshe dang ldan pa rta thul gyis smras pa la mngon par bstod pa byas shing rjes su yi rangs ba byas nas rang gi khyim ga la ba der stong ste phyin nas/ pha ma gnyis la 'di skad ces smras so/ /yab yum mkhyen par mdzod cig /bdag legs par gsungs pa'i chos 'dul ba la yang dag pa </font><hr>Ca372b<br><font size=+1>


kho nar dad pas khyim nas khyim med par rab tu 'byung ngo / /bu gzhon nu shes par gyis shig /khyod nged kyi bu gcig pa sdug pa yid du 'ong ba bzod pa mthong na mi mthun pa med pa yin pas/ khyod shi bar gyur na nged mi 'dod bzhin du 'bral ba kho na yin gyis/ gson bzhin du btang ba lta smos kyang ci dgos/ yab yum gal te gnang na de lta na legs/ gal te ma gnang na deng slan chad 'tshal ma yang mi 'tshal/ phyag kyang mi 'tshal lo/ /bu gzhon nu mi gnang gis ji srid nged gson gyi bar du khyod nged kyi mig lam na 'dug la bya ba gzhan ma sems shig /de nas gyad bu nor gyis nyi ma gcig kyang zan bcad pa byas so/ /gnyis pa dang gsum nas drug gi bar du yang zan bcad pa byas so/ /de nas gyad bu nor gyi pha ma gnyis kyis gyad bu nor la 'di skad ces smras so/ /bu gzhon nu shes par gyis shig /khyod ni shin tu gzhon pa bde ba 'dod pa yin pas/ khyod kyis sdug bsngal mi shes te/ tshangs par spyod pa spyad dka'o/ /rab tu dben pa bya dka'o/ /gcig pu nyid la mngon par dga' bar dka' ba'o/ /gnas mal dgon pa nags khrod dang ri drung dang bas mtha' dag tu gnas pa khong du chud pa dka'o/ /gcig pu dgon par gnas pa sdug bsngal lo/ /khyod kyis ji srid 'tsho'i bar du ri dwags gdug pa dag dang lhan cig gnas par bya dgos so/ /khyod </font><hr>Ca373a<br><font size=+1>


@#/ /kyis ji srid 'tsho'i bar du gzhan gyis byin pas 'tsho bar bya dgos so/ /khyod kyis ji srid 'tsho'i bar du mi'i 'dod pa dag las dben par bya dgos so/ /khyod kyis ji srid 'tsho'i bar du mi'i dga' ba dang rtsed mo dag las dben par bya dgos so/ /gzhon nu tshur shog /'dug la 'dod pa dag la yongs su spyod cig /sbyin pa dag kyang byin cig /bsod nams dag kyang gyis shig /de skad smras kyang gyad bu nor cang mi smra'o/ /de nas gyad bu nor gyi pha ma gnyis kyis nye du rnams la bsgo ba/ kye nye du dag tshur sheg bu gzhon nu gyad bu nor slongs shig /de nas gyad bu nor gyi nye du dag gyad bu nor ga la ba der dong ste phyin nas/ gyad bu nor la 'di skad ces smras so/ /sras gzhon nu mkhyen par mdzod cig /khyod ni shin tu gzhon pa bde ba bzhed pa lags pas khyod kyis sdug bsngal mi mkhyen te/ tshangs par spyod pa spyad dka'o/ /rab tu dben pa bgyid dka'o/ /gcig pu nyid la mngon par dga' bar dka'o/ /gnas mal dgon pa nags khrod dang ri drung dang bas mtha' dag tu gnas pa khong du chud par dka'o/ /gcig pu dgon par gnas pa sdug bsngal lo/ /khyod kyis ji srid 'tsho'i bar du ri dwags gdug pa dag dang lhan cig gnas par bgyi 'tshal lo/ /khyod kyis ji srid 'tsho'i bar du gzhan gyis byin pas 'tsho bar bgyi 'tshal lo/ /khyod kyis ji srid 'tsho'i bar du mi'i 'dod </font><hr>Ca373b<br><font size=+1>


pa dag las dben par bgyi 'tshal lo/ /khyod kyis ji srid 'tsho'i bar du mi'i dga' ba dang rtsed mo dag las dben par bgyi 'tshal lo/ /sras gzhon nu tshur spyon/ bzhugs la 'dod pa dag la yang yongs su spyod cig /sbyin pa dag kyang stsol cig /bsod nams dag kyang mdzod cig /de skad smras kyang gyad bu nor cang mi smra'o/ /de nas gyad bu nor gyi pha ma gnyis kyis gyad bu nor gyi ne'u ldangs rnams la bsgo ba/ kye gzhon nu dag tshur sheg bu gzhon nu gyad bu nor slongs shig /de nas gyad bu nor gyi ne'u ldangs dag kyang gyad bu nor ga la ba der song ste phyin nas/ gyad bu nor la 'di skad ces smras so/ /sras gzhon nu mkhyen par mdzod cig /khyod ni shin tu gzhon pa bde ba bzhed pa lags pas khyod kyis sdug bsngal mi mkhyen te/ tshangs par spyod pa spyad dka'o/ /rab tu dben pa bgyi dka'o/ /gcig pu nyid la mngon par dga' bar dka'o/ /gnas mal dgon pa nags khrod dang ri drung dang bas mtha' dag tu gnas par khong du chud par dka'o/ /gcig pu dgon par gnas pa sdug bsngal lo/ /khyod kyis ji srid 'tsho'i bar du ri dwags gdug pa dag dang lhan cig gnas par bgyi 'tshal lo/ /khyod kyis ji srid 'tsho'i bar du gzhan gyis byin pas 'tsho bar bgyi 'tshal lo/ /khyod kyis ji srid 'tsho'i bar du mi'i 'dod pa dag las dben par bgyi 'tshal lo/ /khyod kyis ji srid 'tsho'i bar du mi'i dga' ba dang rtse mo dag las dben par bgyi </font><hr>Ca374a<br><font size=+1>


@#/ /'tshal lo/ /sras gzhon nu tshur spyon/ bzhugs la 'dod pa dag la yang yongs su spyod cig/ /sbyin pa dag kyang stsol cig /bsod nams dag kyang mdzod cig /de skad smras kyang gyad bu nor cang mi smra'o/ /de nas gyad bu nor gyi ne'u ldangs rnams gyad bu nor gyi pha ma gnyis ga la ba der song ste phyin nas/ gyad bu nor gyi pha ma gnyis la 'di skad ces smras so/ /yab yum dag mkhyen par mdzod cig /zhi ba gzhon nu gum pas ci zhig bgyi/ rab tu byung ba ni mkhas pas bsngags pa lags pas gal te rab tu byung nas mngon par dga' bar gyur na yang de gson po nyid du gzigs par 'gyur la/ mngon par dga' bar ma gyur na yang / drang srong dag ni slar ldog pa lags pas bu'i gnas pha ma gnyis ma gtogs pa gzhan su zhig mchis par 'gyur gyis rab tu byung na legs so/ /de nas gyad bu nor gyi pha ma gnyis kyis gyad bu nor la 'di skad ces smras so/ /bu gzhon nu khyod la rab tu 'byung ba legs par byed pa yin la/ khyim na gnas pa legs par byed pa ma yin nam/ yab yum bdag la rab tu 'byung ba legs pa bgyid pa lags la/ khyim na gnas pa legs par bgyid pa ma lags so/ /bu gzhon nu da de'i dus la bab par shes par gyis shig /de nas gyad bu nor pha ma gnyis gyis gnang nas 'bras khu'i rim gyis </font><hr>Ca374b<br><font size=+1>


lus kyi mthu dang stobs dang / brtson 'grus bskyed de/ sdig byung nas phyir byung nas tshe dang ldan pa rta thul ga la ba der song ste phyin nas/ tshe dang ldan pa rta thul gyi rkang pa gnyis la mgo bos phyag 'tshal te mtha' gcig tu 'dug go /mtha' gcig tu 'dug nas gyad bu nor gyis tshe dang ldan pa rta thul la 'di skad ces smras so/ /'phags pa mkhyen par mdzod cig /bdag pha ma gnyis kyis gnang gis bdag legs par gsungs pa'i chos 'dul ba la rab tu 'byung ba dang / bsnyen par rdzogs pa dge slong gi dngos po thob par bgyi'o/ /bdag 'phags pa'i drung na tshangs par spyod pa spyad par bgyi'o/ /tshe dang ldan pa rta thul gyis smras pa/ bzhin bzang legs so/ /longs spyod dag ni mi rtag pa yin na rab tu 'byung ba ni legs pa yin gyis de ltar gyis shig /bcom ldan 'das kyis kyang phan yon lnga yang dag par rjes su mthong ba'i mkhas pas rab tu 'byung ba la mos par bya ba kho nar rigs te/ lnga gang zhe na/ bdag gis rang gi don ma 'dres pa rjes su thob par 'gyur ro zhes bya bar yang dag par rjes su mthong ba'i mkhas pas rab tu 'byung ba la mos par bya ba kho nar rigs pa dang / bdag gang dag gi bran dang / mngag gzhug dang / bsgo ba dang / rang dbang med pa dang / dga' mgur 'gror med pa yin pa de dag gi mchod par bya ba dang / bstod par bya bar 'gyur ro zhes yang dag par rjes su mthong ba'i mkhas pas rab </font><hr>Ca375a<br><font size=+1>


@#/ /tu 'byung ba la mos par bya ba kho nar rigs pa dang / grub pa dang bde ba bla na med pa'i mya ngan las 'das pa thob par 'gyur ro zhes bya bar yang dag par rjes su mthong ba'i mkhas pas rab tu 'byung ba la mos par bya ba kho nar rigs pa dang / grub pa dang bde ba bla na med pa'i mya ngan las 'das pa 'thob pa las nyams na yang lha rnams kyi nang du skye bar 'gyur ro zhes bya bar yang dag par rjes su mthong ba'i mkhas pas rab tu 'byung ba la mos par bya ba kho nar rigs pa dang / rab tu byung ba ni sangs rgyas rnams dang / sangs rgyas kyi nyan thos dam pa yang dag par rtogs pa/ yang dag par sgrub pa/ skyes bu dam pa rnams kyis rnam grang du mas bsngags so zhes yang dag par rjes su mthong ba'i mkhas pas rab tu 'byung ba la mos par bya ba kho nar rigs so zhes gsungs kyis rab tu byung zhig /de nas tshe dang ldan pa rta thul gyis rigs kyi bu gyad bu nor rab tu phyung ba snyen par rdzogs par byas nas smras pa/ bu dge slong gi las ni gnyis te/ bsam gtan dang / klog pa yin na/ khyod bsam gtan dang / klog pa gang 'dod/ gyad bu nor gyis smras pa/ mkhan po gnyis ka yang bgyi ste/ gdugs la ni klog par bgyi/ dgung la ni bsam gtan bgyi'o/ /tshe dang ldan pa rta thul gyis smras pa/ bu de bzhin gyis shig /de nas </font><hr>Ca375b<br><font size=+1>


tshe dang ldan pa gyad bu nor gyis nyin mo klog pa dang kha ton byas pas sde snod gsum po dag lhogs par gyur to/ /mtshan mo bsam gtan byas pas gong nas gong du yid la byed pa'i khyad par thob nas 'khor ba'i 'khor lo cha lnga pa g.yo ba dang mi g.yo ba 'di nyid rig ste/ 'du byed kyi rnam pa thams cad nyams pa dang ltung ba dang rnam par 'thor ba dang rnam par 'jig pa'i chos nyid kyi zil gyis mnan nas/ nyon mongs pa thams cad spangs pas rigs kyi bu dag gang gi phyir skra dang kha sbu bregs te gos ngur smrig dag bgos nas/ yang dag pa kho nar dad pas khyim nas khyim med par rab tu 'byung bar byed pa tshangs par spyod pa'i mtha' bla na med pa de/ tshe de nyid la rab tu mngon par shes pas mngon sum du byas te bsgrubs nas bdag gi skye ba zad do| |tshangs par spyod pa spyad do/ /bya ba byas so/ /srid pa 'di las gzhan mi shes so zhes go bar byed cing / dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan dan bzhag pa lta bu/ rig pas sgo nga'i sbubs dral bar gyur cing rig pa dang mngon par shes pa dang so so yang dag par rig pa thob bo/ /srid pa dang 'dod pa'i rnyed pa dang bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod </font><hr>Ca376a<br><font size=+1>


@#/ /par bya ba dang / rjed par bya ba dang / mngon du smra bar gyur to// //'dul ba rnam par 'byed pa/ bam po nyi shu pa/ ji ltar sangs rgyas bcom ldan 'das gson zhing bzhugs te/ 'tsho zhing gzhes pa rnams la chos nyid kyis nyan thos rnams kyi 'dus pa chen po gnyis yod de/ gcig ni dbyar zla 'bring po nya la dbyar nye bar sgrub pa'i tshe'o/ /gnyis pa ni ston zla 'bring po'i zla ba nya la yin pa de bzhin du nyan thos chen po rnams la yang nyan thos rnams kyi 'dus pa chen po gnyis yod de/ gcig ni dbyar zla 'bring po nya la dbyar nye bar sgrub pa'i tshe'o/ /gnyis pa ni ston zla 'bring po'i zla ba nya la'o/ /de la gang dag dbyar zla 'bring po'i nya la dbyar nye bar sgrub pa'i tshe gdams ngag mnos te/ grong dang grong khyer dang yul 'khor dang rgyal po'i pho brang dag tu dbyar gnas par khas len pa de dag ni ston zla 'bring po'i zla ba nya la lhags nas ji ltar thob pa ni rjod par byed/ ma thob pa ni thob par byed pa'i phyir 'og tu mdo sde dang 'dul ba dang chos mngon pa de dag gi kha ton dag dang / yongs su 'bri ba dag tshol bar byed do/ /de nas tshe dang ldan pa rta thul gyi lhan cig gnas pa dang / nye gnas gang dag ljongs su dbyar gnas par khas blangs pa de dag dbyar gyi zla ba gsum po dag 'das nas chos gos byas pa dang ldan/ chos gos zin pa dang ldan zhing lhung bzed dang chos gos thogs te/ </font><hr>Ca376b<br><font size=+1>


tshe dang ldan pa rta thul ga la ba der dong nas phyin pa dang / tshe dang ldan pa rta thul gyi rkang pa gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas/ de dag kha cig ni ji ltar thob pa rjod par byed do/ /kha cig ni mdo sde dang / 'dul ba dang chos mngon pa dag gi kha ton dag dang yongs su 'dri ba dag tshol bar byed do/ /tshe dang ldan pa rta thul gyis de dag gi sde snod gsum dang bsam gtan gyi lam la som nyi dang yid gnyis yang dag par bcad nas de dag gis phan tshun smra bar brtsams pa/ tshe dang ldan pa dag bdag cag gis mkhan po mthong zhing bsnyen bkur byas zin gyis/ da ni rgyal po'i khab tu bcom ldan 'das la bsnyen bkur byed du 'dong ngo / /de nas tshe dang ldan pa gyad bu nor gyis de dag gis gtam 'dre ba thos nas/ de la kye ma bdag gis kyang bcom ldan 'das blta'o snyam pa'i 'dod pa skyes shing rig nas/ tshe dang ldan pa rta thul ga la ba der song ste phyin nas/ tshe dang ldan pa rta thul gyi rkang pa gnyis la mgo bos phyag 'tshal te| tshe dang ldan pa rta thul la 'di skad ces smras so/ /mkhan po mkhyen par mdzod cig /bdag gis bcom ldan 'das chos kyi sku'i sgo nas ni mthong / gzugs kyi sku'i sgo nas ma mthong bas de'i slad du bcom ldan 'das kyi gzugs kyi sku blta bar 'tshal na mchi bar ci gnang / tshe dang ldan pa rta thul gyis smras pa/ bu mnyes kyis blta bar gyis shig /bu de bzhin gshegs pa dgra </font><hr>Ca377a<br><font size=+1>


@#/ /bcom pa yang dag par rdzogs pa'i sangs rgyas rnams dang / de dag 'byung ba ni 'di lta ste dper na/ u dum wA ra'i me tog bzhin du dkon pa yin gyis de bzhin gyis shig / de nas tshe dang ldan pa gyad bu nor mkhan pos gnang nas/ bcom ldan 'das la blta bar spro ba'i blo gros kyis yid bde ba skyes nas de nyid kyis mtshan mo 'das pa dang / snga dro sham thabs bgos/ lhung bzed dang chos gos thogs te sdig byung du bsod snyoms la zhugs so/ /sdig byung du bsod snyoms brgyus nas zas kyi bya ba byas te/ phyi ma'i zas kyi bsod snyoms las phyir ldog pas ji ltar longs spyad pa'i gnas mal mkhos su phab nas/ lhung bzed dang chos gos thogs te/ mkhan po gcig pa dang slob dpon gcig pa dang lhan cig rgyal po'i khab ga la ba der rgyu zhing song nas/ mthar gyis rgyu zhing 'gro ba na rgyal po'i khab tu phyin to/ /de nas tshe dang ldan pa gyad bu nor gyis lhung bzed dang / chos gos mkhos su phab ste/ rkang pa gnyis bkrus nas/ bcom ldan 'das ga la ba der song ngo / /de'i tshe na bcom ldan 'das dge slong gi 'khor brgya phrag du ma'i mdun na bzhugs shing chos ston te/ bcom ldan 'das kyis tshe dang ldan pa gyad bu nor thag ring po kho na nas gzigs so/ /gzigs nas kyang tshe dang ldan pa gyad bu nor la bka' stsal pa/ gyad bu nor tshur shog 'ongs pa legs so/ /khyod dus su phyin to/ /gyad bu nor rang </font><hr>Ca377b<br><font size=+1>


gi stan ji lta ba la 'dug cig /de nas tshe dang ldan pa gyad bu nor gyis bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /de'i tshe na rgyal po'i khab na gnas mal mi mthun pa 'bog par byed do/ /mdo sde 'dzin pa rnams dang 'dul ba 'dzin pa rnams kyi/ mdo sde 'dzin pa rnams dang ma mo 'dzin pa rnams kyi/ mdo sde 'dzin pa rnams dang chos sgrog pa rnams kyi/ mdo sde 'dzin pa rnams dang spong ba pa rnams kyi gnas mal lhan cig tu 'bog par byed/ 'dul ba 'dzin pa rnams dang mdo sde 'dzin pa rnams kyi/ 'dul ba 'dzin pa rnams dang ma mo 'dzin pa rnams kyi/ 'dul ba 'dzin pa rnams dang chos sgrog pa rnams kyi/ 'dul ba 'dzin pa rnams dang spong ba pa rnams kyi gnas mal lhan cig 'bog par byed/ ma mo 'dzin pa rnams dang mdo sde 'dzin pa rnams kyi| ma mo 'dzin pa rnams dang 'dul ba 'dzin pa rnams kyi/ ma mo 'dzin pa rnams dang chos sgrog pa rnams kyi/ ma mo 'dzin pa rnams dang spong ba pa rnams kyi gnas mal lhan cig tu 'bog par byed/ chos sgrog pa rnams dang mdo sde 'dzin pa rnams kyi/ chos sgrog pa rnams dang 'dul ba 'dzin pa rnams kyi/ chos sgrog pa rnams dang ma mo 'dzin pa rnams kyi/ chos sgrog pa rnams dang spong ba pa rnams kyi gnas mal lhan cig tu 'bog par byed/ spong ba pa rnams dang mdo sde 'dzin pa rnams kyi/ spong ba pa rnams dang 'dul ba 'dzin pa rnams kyi/ spong ba pa rnams </font><hr>Ca378a<br><font size=+1>


@#/ /dang ma mo 'dzin pa rnams kyi/ spong ba pa rnams dang chos sgrog pa rnams kyi gnas mal lhan cig tu 'bog par byed do/ /gnas mal mi mthun par 'bog pa na dge slong dag phan tshun sems srung bas/ dge ba'i phyogs dag mi byed cing / de dag dge ba'i chos rnams kyis mi 'phel te/ dper na chu med pa na ut+pal bzhin no/ /bcom ldan 'das kyis dgongs pa gyad bu nor 'dis sngon gyi sangs rgyas rnams dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od srung gi spyan sngar kye ma bdag skye dgu'i tshe lo brgya pa na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i bstan pa la rab tu byung nas/ gnas mal 'bog pa rnams kyi mchog tu gyur cig ces smon lam btab pas/ 'di dge slong rnams kyi gnas mal 'bog par skor gzhug go snyam du dgongs nas/ de nas bcom ldan 'das kyis dge slong rnams la bka' stsal pa| dge slong dag khyed kyis dge slong gyad bu nor ram/ gzhan yang de lta bu gang yin pa gnas mal 'bog par bsko bar bya'o/ /gnas mal 'bog pa chos lnga dang ldan pa ni/ ma bskos pa yang bsko bar mi bya la/ bskos pa yang dbyung bar bya ste/ lnga gang zhe na 'dun pas 'gro ba dang / zhe sdang gis 'gro ba dang / gti mug gis 'gro ba dang / 'jigs pas 'gro ba dang / gnas mal </font><hr>Ca378b<br><font size=+1>


phog pa dang ma phog pa mi shes pa'o/ /gnas mal 'bog pa chos lnga dang ldan pa ni/ ma bskos pa yang bsko bar bya/ bskos pa yang dbyung bar mi bya ste/ lnga gang zhe na/ 'dun pas mi 'gro ba dang / zhe sdang gis mi 'gro ba dang / gti mug gis mi 'gro ba dang / 'jigs pas mi 'gro ba dang / gnas mal phog pa dang ma phog pa shes pa'o/ /'di ltar bsko bar bya ste/ gnas mal bsham par byas nas gaN+DI brdungs te dris pa'i tshig gis dge slong rnams la bskul nas dge 'dun thams cad 'dug cing mthun par gyur pa la je dang por spro bar bya ste/ ming 'di zhes bya ba khyod dge 'dun la gnas mal 'bog par spro'am/ gal te spro na des spro'o zhes brjod par bya'o/ /de'i 'og tu dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun la gnas mal 'bog par spro na/ gal te dge 'dun gyis dus la bab cing bzod na dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba 'di dge 'dun la gnas mal 'bog par bsko bar bgyi ste/ dge slong ming 'di zhes bgyi ba 'di dge 'dun la gnas mal 'bog go/ 'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun la gnas mal 'bog par spro ste/ de'i slad du dge </font><hr>Ca379a<br><font size=+1>


@#/ /'dun gyis dge slong ming 'di zhes bgyi ba dge 'dun la gnas mal 'bog par bsko na/ tshe dang ldan pa gang dag dge slong ming 'di zhes bgyi ba 'di dge 'dun la gnas mal 'bog par bsko bar bzod pa de dag ni cang ma gsungs shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi ba 'di dge 'dun la gnas mal 'bog par bskos lags te/ 'di ltar cang mi gsung bas de de bzhin du 'dzin to/ /gang gi tshe tshe dang ldan pa gyad bu nor gnas mal 'bog par bskos pa de'i tshe na des gnas mal de dag mthun par rnam par bzhag ste/ mdo sde 'dzin pa rnams kyang mdo sde 'dzin pa rnams dang lhan cig rnam par bzhag/ 'dul ba 'dzin pa rnams kyang 'dul ba 'dzin pa rnams dang / ma mo 'dzin pa rnams kyang ma mo 'dzin pa rnams dang / chos sgrog pa rnams kyang chos sgrog pa rnams dang / spong ba pa rnams kyang spong ba pa rnams dang lhan cig rnam par bzhag go /de dag gnas mal mthun par phog pas phan tshun gtam dang / 'bel ba'i gtam gyis rnam par gtan la 'bebs pas dge ba'i chos rnams kyis rnam par 'phel te/ dper na chu nas ut+pal bzhin no/ /de na gang dag mtshan mo 'ong ba de dag la ni tshe dang ldan pa gyad bu nor gyis rdzu 'phrul gyis sor mo gcig las 'od sbar te gnas </font><hr>Ca379b<br><font size=+1>


mal 'bog par byed do/ /de na gang dag mtshan mo ches 'phyi ba na 'ong ba de dag la ni tshe dang ldan pa gyad bu nor gyis rdzu 'phrul gyis sor mo gnyis las 'od spar te gnas mal 'bog par byed do/ / de na dge slong gang dag tshe dang ldan pa gyad bu nor gyis mi'i chos bla ma rdzu 'phrul gyi cho 'phrul lta bar 'dod pa de dag ni ched du bsams te/ mtshan mo 'ong bar byed pas/ de dag la tshe dang ldan pa gyad bu nor gyis rdzu 'phrul gyis sor mo lnga char las 'od spar te/ gnas mal 'bog par byed do/ /de dag 'di snyam du sems te/ bdag cag gis ston pa dang 'dra ba'i nyan thos chen po 'di lta bus gnas mal phog pa la glos phab ste/ gnyid log par byed pa ni bdag cag gi tshul dang mthun pa ma yin gyis/ bdag cag gis nam gyi cha stod dang nam gyi cha smad la mi nyal bar sbyor ba'i rjes su brtson par gnas par bya'o snyam nas/ de dag nam gyi cha stod dang nam gyi cha smad la mi nyal bar sbyor ba'i rjes su brtson par gnas pas ma thob pa ni thob par gyur cing / thob pa las ni yongs su mi nyams par gyur to/ /de nas bcom ldan 'das kyis dge slong rnams la bka' stsal pa/ dge slong dag nga'i nyan thos kyi dge slong gnas mal 'bog pa rnams kyi nang na 'di lta ste nga'i gyad bu nor 'di mchog yin no/ /gang gi tshe bcom ldan 'das kyis bstan pa rgyas par gyur pa de'i tshe bram ze dang khyim bdag dad pa rnams kyis khyim dag tu dge </font><hr>Ca380a<br><font size=+1>


@#/ /'dun gyi zas dag bshams pa na/ drug sde dag gang na zas dag bsod pa der dong ste/ yongs su longs spyod par byed nas bram ze dang / khyim bdag dad pa de dag gis smras pa/ 'phags pa dag khyed cag 'ba' zhig gdugs gcig bzhin du byon na ci'i slad du dge slong gnas brtan gnas brtan de dag ma byon/ drug sde dag gis smras pa/ de dag zas 'di lta bu dag la yongs su longs spyod par mi byed do/ /'o na ji lta bu dag la yongs su longs spyod par mdzad/ bsod pa dag la'o/ /'phags pa dag bcom ldan 'das kyis bdag cag bsod pa sbyin par byed pa rnams kyis mchog tu bstan na/ khyed cag ci'i slad du de skad ces de dag zas 'di lta bu dag la yongs su longs spyod par mi byed do zhes gsung / bcom ldan 'das kyis 'phags pa'i rigs kyi mdo las chos gos gang yang rung bas chog shes pa 'phags pa'i rigs dang / bsod snyoms gang yang rung bas chog shes pa 'phags pa'i rigs dang / gnas mal gang yang rung bas chog shes pa 'phags pa'i rigs dang / spong ba la mngon par dga' ba dang / sgom pa la mngon par dga' ba 'phags pa'i rigs zhes gsungs na/ khyed cag legs par gsungs pa'i chos 'dul ba la rab tu byung nas ci'i slad du byung rgyal du smra bar mdzad/ bzhud la slan chad 'dir ma byon cig /drug sde dag spobs pa med par </font><hr>Ca380b<br><font size=+1>


gyur nas cang mi smra bar dong ngo / /thos pa gcig nas gcig tu brgyud pas dge slong dag gis thos nas dge slong dag gis skabs de bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge slong gyad bu nor ram/ gzhan yang de lta bu gang yin pa zas las sko bar bsgo bar bya'o/ /zas la sko ba chos lnga dang ldan pa ni ma bskos pa yang bsko bar mi bya la/ bskos pa yang dbyung bar bya ste/ lnga gang zhe na/ 'dun pas 'gro ba dang / zhe sdang gis 'gro ba dang / gti mug gis 'gro ba dang / 'jigs pas 'gro ba dang / zas la bskos pa dang ma bskos pa mi shes pa'o/ /zas la sko ba chos lnga dang ldan pa ni ma bskos pa yang bsko bar bya la/ bskos pa yang dbyung bar mi bya ste/ lnga gang zhe na/ 'dun pas mi 'gro ba dang / zhe sdang gis mi 'gro ba dang / gti mug gis mi 'gro ba dang / 'jigs pas mi 'gro ba dang / zas la bskos pa dang ma bskos pa shes pa'o/ /'di ltar bsko bar bya ste/ gnas mal bsham pa byas nas gaN+DI brdungs te dris pa'i tshig gis dge slong rnams la bskul nas/ dge 'dun thams cad 'dug cing mthun par gyur pa la je dang por spro bar bya ste/ ming 'di zhes bya ba khyod dge slong rnams la zas la bsko bar spro'am/ gal te spro na des spro'o zhes brjod par bya'o/ /de'i 'og tu dge slong gcig gis gsol ba byas te las bya'o/ /dge 'dun btsun pa rnams gsan du gsol/ </font><hr>Ca381a<br><font size=+1>


@#/ /dge slong ming 'di zhes bgyi ba 'di dge slong rnams la zas la sko bar spro na/ gal te dge 'dun gyis dus la bab cing bzod na dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba 'di dge slong rnams la zas la sko bar bsko bar bgyi ste/ dge slong ming 'di zhes bgyi ba 'di dge slong rnams la zas la bsko'o/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong ming 'di zhes bgyi ba 'di dge slong rnams la zas la bsko bar spro ste/ de'i slad du dge 'dun gyis dge slong ming 'di zhes bgyi ba dge slong rnams la zas la bsko bar bsko na/ tshe dang ldan pa gang dag dge slong ming 'di zhes bgyi ba dge slong rnams la zas la sko bar bsko bar bzod pa de dag ni cang ma gsungs shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi ba dge slong rnams la zas la sko bar bskos lags te/ 'di ltar cang mi gsung bas de de bzhin du 'dzin to/ /gang gi tshe tshe dang ldan pa gyad bu nor zas la sko bar bskos pa de'i tshe na des dge 'dun la zas rnam pa gsum bshams te/ bsod pa dag dang / 'bring dag dang / ngan pa dag go /dge slong gang dag glo bur du lhags pa de dag la ni nyi ma dang po la ni zas bsod pa dag tu sko bar byed/ nyi ma </font><hr>Ca381b<br><font size=+1>


gnyis pa ni 'bring du/ gsum pa la ni ngan par sko bar byed do/ /nyi ma bzhi pa la ni de dag rang gi spyod yul shes pas bsod snyoms la 'jug par byed do/ /de'i tshe na tshe dang ldan pa gyad bu nor rgyal po'i khab na gnas pa dang / gnyug mar gnas pa dang / gsol ba byed pa dang / gtams pa 'dzin pa dang / gnas mal 'bog pa dang / zas la sko bar byed pas de dge 'dun la lugs ji lta ba bzhin dang / rgan rims ji lta ba bzhin dang / go rims ji lta ba bzhin dang / thod rgal med par zas la sko bar byed do/ /tshe dang ldan pa gyad bu nor dang / dge slong mdza' bo dang sa las skyes gnyis tshe rabs tshe rabs su 'khon yod pas de gnyis lha'i ri bo dag tu ljongs rgyu zhing 'dong ba na rgyal po'i khab tu phyin nas de gnyis kyis dge slong zhig la dris pa/ tshe dang ldan pa dge 'dun gyis gnas mal 'bog par bskos pas yin/ des smras pa tshe dang ldan pa gyad bu nor ro/ /de nas de gnyis tshe dang ldan pa gyad bu nor ga la ba der dong ste phyin nas/ tshe dang ldan pa gyad bu nor la 'di ces smras so/ /kho bo cag gnyis kyi gnas mal phog cig /de'i tshe na mal cha bzang po gang dag yin pa de dag ni gnas brtan gnas brtan rnams la phog zin pas lhag ma ngan pa dag lus so/ / gtsug lag khang yang nyen kor gyi gang dag yin pa de dag ni gnas brtan gnas brtan rnams kyis bskos zin pas mtha'i gtsug lag khang dag 'ba' zhig lus nas/ tshe dang ldan pa gyad bu </font><hr>Ca382a<br><font size=+1>


@#/ /nor gyis de gnyis la mal cha ngan pa dag phog cing / gtsug lag khang yang mtha' dag tu bskos so/ /de gnyis kyis smras pa/ dge 'dun gyi zas la sko ba su yin/ tshe dang ldan pa gyad bu nor gyis smras pa/ bdag ste gyad bu nor ro/ /kho bo cag gnyis kyi zas skos shig /tshe dang ldan pa gyad bu nor gyis nyi ma dang po la de gnyis zas bsod pa dag tu bskos pa dang / bram ze dang khyim bdag dad pa can dag gis dris pa/ sang bdag cag gi 'dir mgron su 'ong bar 'gyur/ gzhan dag gis smras pa/ mdza' bo dang sa las skyes gnyis so/ /de dag gis bsams pa| de gnyis ni gnas ngan len kun tu spyod pa yin pas su zhig de gnyis kyi phyir gus par byed par 'gyur te/ ci yang rung ba zos shing 'gro bar gyur cig snyam nas de dag gis de gnyis la gus pa ma byas par zas ngan pa byin no/ /tshe dang ldan pa gyad bu nor gyis nyi ma gnyis pa la de gnyis zas 'bring du bskos pa dang / de bzhin du bram ze dang khyim bdag dad pa dag gis dris pa/ sang bdag cag gi 'dir su mgron du 'ong bar 'gyur/ gzhan dag gis smras pa/ mdza' bo dang sa las skyes gnyis so/ /de dag gis bsams pa/ de gnyis ni gnas ngan len kun tu spyod pa yin pas su zhig /de gnyis kyi phyir gus par byed par 'gyur te/ ci yang rung ba zos shing 'gro bar gyur cig snyam nas/ de dag gis de gnyis la gus pa ma byas par zas ngan pa dag byin no/ / </font><hr>Ca382b<br><font size=+1>


tshe dang ldan pa gyad bu nor gyis nyi ma gsum pa la ni de gnyis rang bzhin gyis zas ngan pa dag tu bskos so/ /de nas mdza' bo dang sa las skyes gnyis 'di snyam du sems te/ kye ma'o sdug bsngal lo// kye ma'o mi bzod do/ /tshe dang ldan pa gyad bu nor gyis bsams bzhin du bdag cag gnyis lan gsum gyi bar du gang dag zos na rjud par 'gyur ba'i zas ngan pa shin tu yid du mi 'ong ba dag gis mtho btsams gyis bdag cag gnyis kyis 'di la gnod pa ji lta bu zhig bya snyam mo/ /de'i tshe na dge slong mdza' bo dang sa las skyes gnyis kyi sring mo dge slong ma mdza' mo zhes bya ba rgyal po'i khab na/ dge slong ma'i dbyar khang rgyal po'i kun dga' ra ba na 'dug go /de nas dge slong ma mdza' mo dge slong mdza' bo dang sa las skyes gnyis ga la ba der song ste phyin nas/ dge slong mdza' bo dang sa las skyes gnyis kyi rkang pa gnyis la mgo bos phyag 'tshal te/ mtha' gcig tu 'dug go /mtha' gcig tu 'dug nas/ dge slong mdza' bo dang sa las skyes gnyis dge slong ma mdza' mo la gtam 'dre bar mi byed/ phebs par smra bar mi byed/ cung zad lta bar mi byed/ rnam par lta bar mi byed do/ /de nas dge slong ma mdza' mos dge slong mdza' bo dang sa las skyes gnyis la 'di skad ces smras so/ /'phags pa gnyis ci'i slad du khyed gnyis bdag la gtam 'dre par mi mdzad/ phebs par smra bar mi mdzad/ cung zad lta bar mi mdzad/ rnam par lta bar mi mdzad/ sring mo/ kho bo cag gnyis tshe dang ldan pa gyad bu nor gyis </font><hr>Ca383a<br><font size=+1>


@#/ /bsam bzhin du lan gsum gyi bar du gang dag zos na rjud par 'gyur ba'i zas ngan pa shin tu yid du mi 'ong ba dag gis mtho btsams na de khyod kyis yal bar dor ram/ 'phags pa gnyis 'o na bdag gis ci zhig bgyi/ sring mo tshur shog /bcom ldan 'das ga la ba der song la phyin nas/ bcom ldan 'das la 'di skad ces btsun pa 'di ltar 'phags pa gyad bu nor bdag dang lhan cig mi tshangs par spyad de pham par gyur pa de ni mi mdzes shing tshul dang mthun pa ma lags so zhes smros shig dang / kho bo cag gnyis kyis kyang 'di skad ces bcom ldan 'das de de bzhin no/ /bde bar gshegs pa de de bzhin te/ bdag cag gnyis kyi sring mos ji skad gsol ba de kho na bzhin du bdag cag gnyis kyis kyang 'tshal to zhes smra bar bya'o/ /'phags pa gnyis ji ltar bdag gis dge slong dag pa ltung ba ma mchis pa la gzhi ma mchis par pham par 'gyur ba'i chos kyis skur pa gdab par bgyi/ sring mo khyod ji srid du de skad mi zer ba de srid du kho bo cag gnyis khyod la gtam 'dre bar mi byed/ phebs par smra bar mi byed/ cung zad lta bar mi byed/ rnam par lta bar mi byed do/ /de nas dge slong ma mdza' mo yud tsam zhig cang mi smra bar 'dug nas/ dge slong mdza' bo dang sa las skyes gnyis la 'di skad ces smras so/ /'phags pa gnyis de lta na bdag gis de skad bgyi'o/ / </font><hr>Ca383b<br><font size=+1>


sring mo de'i phyir khyod ji srid du kho bo cag gnyis bcom ldan 'das ga la ba der ma son pa de srid du re zhig tu sdod la/ gang gi tshe kho bo cag gnyis bcom ldan 'das kyi drung du son pa de'i tshe na khyod phyi bzhin shog cig /de nas dge slong mdza' bo dang sa las skyes gnyis bcom ldan 'das ga la ba der dong ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /de nas dge slong ma mdza' mos dge slong mdza' bo dang sa las skyes gnyis dong nas ring po ma lon par rig nas/ bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das la dge slong ma mdza' mos 'di skad ces gsol to/ /btsun pa 'di ltar 'phags pa gyad bu nor bdag dang lhan cig mi tshangs par spyad de pham par gyur pa de ni mi mdzes shing tshul dang mthun pa ma lags so/ /dge slong mdza' bo dang sa las skyes gnyis kyis kyang 'di skad ces gsol to/ /bcom ldan 'das de de bzhin no/ /bde bar gshegs pa de de bzhin te/ bdag cag gnyis kyi sring mos ji skad gsol pa de kho na bzhin du bdag cag gnyis kyis kyang 'tshal to/ /de'i tshe na tshe dang ldan pa gyad bu nor 'khor de nyid na 'dug cing mthun par gyur to/ /de nas bcom ldan 'das kyis tshe dang ldan pa gyad bu nor la bka' stsal pa/ gyad bu </font><hr>Ca384a<br><font size=+1>


@#/ /nor khyod kyis thos sam/ bcom ldan 'das bdag gis thos so/ /gyad bu nor khyod kyis thos sam/ bde bar gshegs pa bdag gis thos so/ /gyad bu nor khyod de la ji snyam du sems/ bcom ldan 'das kyis bdag la ji ltar mkhyen pa lags so/ /bde bar gshegs pas bdag la ji ltar mkhyen pa lags so/ /gyad bu nor khyod de skad ces bcom ldan 'das kyis bdag la ji ltar mkhyen pa lags so/ /bde bar gshegs pas bdag la ji ltar mkhyen par lags so zhes zer ba de ni dus ma yin/ 'di ni skabs ma yin te/ 'di ltar dran na yang dran zhes brjod par bya'o/ /mi dran na yang mi dran zhes brjod par bya'o/ /bcom ldan 'das mi dran no/ /bde bar gshegs pa mi dran no/ /de'i tshe na tshe dang ldan pa sgra gcan zin bcom ldan 'das kyi snam logs na 'dug par gyur cing rdul yab thogs te bcom ldan 'das la g.yob par byed do/ /de nas bcom ldan 'das la tshe dang ldan pa sgra gcan zin gyis 'di skad ces gsol to/ /btsun pa 'di ltar dge slong ma mdza' mo bcom ldan 'das ga la ba der mchis te phyin nas/ bcom ldan 'das kyi zhabs gnyis la mgo bos phyag 'tshal te/ mtha' gcig tu mchis shing / mtha' gcig tu mchis nas bcom ldan 'das la dge slong ma mdza' mos 'di skad ces/ btsun pa 'di ltar 'phags </font><hr>Ca384b<br><font size=+1>


pa gyad bu nor bdag dang lhan cig mi tshangs par spyad de pham par gyur pa de ni mi mdzes shing tshul dang mthun pa ma lags so zhes gsol nas/ dge slong mdza' bo dang sa las skyes gnyis kyis kyang 'di skad ces bcom ldan 'das da de bzhin no/ /bde bar gshegs pa de de bzhin te/ bdag cag gnyis kyi sring mos 'di skad ces gsol pa de kho na bzhin du bdag cag gnyis kyis kyang 'tshal to zhes gsol na/ btsun pa de'i slad du tshe dang ldan pa gyad bu nor la rma ci 'tshal/ sgra gcan zin de'i phyir de khyod nyid la dri'i khyod kyis ji ltar bzod pa de kho na bzhin du lan thob cig/ sgra gcan zin gal te dge slong ma mdza' mo de ga la ba der 'ongs te phyin nas/ nga'i zhabs gnyis la mgo bos phyag 'tshal te mtha' gcig tu 'dug cing / mtha' gcig tu 'dug nas nga la dge slong ma mdza' mos 'di skad ces btsun pa 'di ltar 'phags pa sgra gcan zin bdag dang lhan cig mi tshangs par spyad de pham par gyur pa de ni mi mdzes shing tshul dang mthun pa ma lags so/ /zhes gsol nas/ dge slong mdza' bo dang sa las skyes gnyis kyis kyang 'di skad ces bcom ldan 'das de de bzhin no/ /bde bar gshegs pa de de bzhin te/ bdag cag gnyis kyi sring mos ji skad gsol pa de kho na bzhin du bdag cag gnyis kyis kyang 'tshal to zhes gsol nas/ ngas khyod la sgra gcan zin de la khyod ji snyam du sems shes rmas na/ khyod ji skad lan 'debs par byed/ </font><hr>Ca385a<br><font size=+1>


@#/ /btsun pa bdag 'di skad ces dran na yang dran zhes gsol lo/ /mi dran na yang mi dran zhes gsol lo/ /mi gti mug can 'o na khyod kyis don de 'thob na dge slong gyad bu nor dag pa ltung ba med pas ci'i phyir mi 'thob/ de nas bcom ldan 'das kyis dge slong rnams la bka' stsal pa/ dge slong dag khyod kyis dge slong gyad bu nor ni dran pa dang ldan par zung zhig /dge slong ma mdza' mo ni rang gis khas blangs pas bsnyil par bya'o/ /dge slong mdza' bo dang sa las skyes gnyis la ni ci zhig mthong / ji ltar mthong / gang du mthong / khyed gnyis don ci la der son pas der mthong zhes legs par rab tu gleng bar gyis shing / brtag par gyis shig ces bka' stsal nas/ bcom ldan 'das gdan las bzhengs te nang du yang dag 'jog gi slad du gtsug lag khang du gshegs so/ /de nas dge slong rab tu mang po dag gis bcom ldan 'das nang du yang dag 'jog la zhugs nas ring po ma lon par rig nas/ tshe dang ldan pa gyad bu nor ni dran pa dang ldan par bzung / dge slong ma mdza' mo ni rang gis khas blangs pas bsnyil/ dge slong mdza' bo dang sa las skyes gnyis la ni ci zhig mthong / ji ltar mthong / gang du mthong / khyed gnyis ci'i phyir der son pas der mthong zhes legs par rab tu glengs shing brtags so/ /dge slong rab tu mang po dag gis legs par rab tu glengs </font><hr>Ca385b<br><font size=+1>


shing brtags pa na de gnyis kyis smras pa/ tshe dang ldan pa dag /tshe dang ldan pa gyad bu nor la mi tshangs par spyod pa'i pham par gyur pa ma byung ste/ 'di ltar tshe dang ldan pa gyad bu nor gyis bdag cag gnyis gang dag zos na rjud par 'gyur ba shin tu yid du mi 'ong ba'i zas ngan pa dag gis lan gsum gyi bar du mtho btsams pas bdag cag gnyis kyis tshe dang ldan pa gyad bu nor la 'dun pas smras/ zhe sdang dang gti mug dang 'jigs pas smras par zad kyis/ tshe dang ldan pa gyad bu nor la mi tshangs par spyod pa'i pham par 'gyur ba ma byung ste/ 'di ltar dge slong dag pa ltung ba med pa yin no/ /de nas bcom ldan 'das phye ma bred nang du yang dag 'jog las bzhengs nas/ dge slong gi dge 'dun gyi gung du gdan bshams pa nyid la bzhugs so/ /de nas bcom ldan 'das la dge slong rab tu mang po dag gis 'di skad ces gsol to/ /btsun pa 'di na bdag cag dge slong rab tu mang po dag gis bcom ldan 'das nang du 'jog la zhugs nas ring po ma lags par rig nas/ tshe dang ldan pa gyad bu nor ni dran pa dang ldan par bzung / dge slong ma mdza' mo ni rang gi mchid kyis 'tshal bas bsnyil/ dge slong mdza' bo dang sa las skyes gnyis la ni ci zhig mthong / ji ltar mthong gang du mthong / khyed gnyis ci'i phyir der son pas der mthong zhes legs par rab tu glengs shing brtags te/ bdag cag dge slong rab tu mang po dag gis legs par rab tu </font><hr>Ca386a<br><font size=+1>


@#/ /glengs shing brtags pa na/ de gnyis kyis mchid nas tshe dang ldan pa dag /tshe dang ldan pa gyad bu nor la mi changs par spyod pa'i pham par 'gyur ba ma byung ste/ 'di ltar tshe dang ldan pa gyad bu nor gyis bdag cag gnyis gang dag zos na rjud par 'gyur ba shin tu yid du mi 'ong ba'i zas ngan pa dag gis lan gsum gyi bar du mtho btsams pas bdag cag gnyis kyis tshe dang ldan pa gyad bu nor la 'dun pas smras/ zhe sdang dang gti mug dang 'jigs pas smras par zad kyis/ tshe dang ldan pa gyad bu nor la mi tshangs par spyod pa'i pham par 'gyur ba ma byung ste/ 'di ltar dge slong dag pa ltung ba med pa yin no zhes mchi'o/ /dge slong dag mi gti mug can de gnyis kyis ci'i phyir zang zing cung zad tsam gyi phyir shes bzhin du rdzun gyi tshig smras par gyur/ de nas bcom ldan 'das kyis de'i tshe tshigs su bcad pa gnyis bka' stsal pa/ lus can brdzun du smras pa yis/ /chos gcig las ni 'das gyur cing / /'jig rten pha rol dral ba yis/ /'di la sdig pa mi bya med/ /lcags gong me lce 'dra ba dag /zos pa gyur pa mchog yin gyi/ tshul 'tshal yang dag mi sdom pas/ /yul 'khor bsod snyoms za ba min/ /de'i skabs su nam mkha'i dkyil na gnas pa'i lha rnams kyis ngan to zhes bya ba brjod de kham gyi zas ni ngan to/ /mi bzod do/ /mchog tu mi bzod do/ /'di ltar dge </font><hr>Ca386b<br><font size=+1>


slong smas pa dag zang zing cung zad tsam gyi phyir dge slong dag pa ltung ba med pa la gzhi med par pham par 'gyur ba'i chos kyis skur ba 'debs par byed do/ /yang smras pa/ 'jig rten dag na 'khor ba la/ /blo ldan su zhig dga' bar byed/ /srid gsum grol ba'i nor gyis kyang / /skur pa thob par gyur phyir ro/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong mdza' bo dang sa las skyes gnyis la rmas pa/ mi gti mug can khyod gnyis kyis dge slong dag pa ltung ba med pa la gzhi med par pham par 'gyur ba'i chos kyis skur pa btab pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su mthun pa ma yin pa rung ba ma yin pa de ni rab tu byung bas bya ba ma yin no zhes bya ba la sogs pas rnam par smad par mdzad do/ /de nas bcom ldan 'das kyis dge slong rnams la bka' stsal pa/ dge slong dag gang zag gsum po 'di dag ni ma spangs na ngan song du 'gro ba dang sems can dmyal bar 'gro ba dag yin te/ gsum po gang zhe na/ 'di la gang zag 'dod pa dag kyang sten par byed la sdig </font><hr>Ca387a<br><font size=+1>


@#/ /pa'i las kyang byed pa 'di ni/ gang zag de ma spangs na ngan song du 'gro ba sems can dmyal bar 'gro ba dang po yin no/ /gzhan yang gang zag bdag nyid tshul khrims 'chal cing gzhan la tshul khrims kyi dbang du byas te smra ba 'di ni gang zag de ma spangs na ngan song du 'gro ba sems can dmyal bar 'gro ba gnyis pa yin no/ /gzhan gang zag bdag nyid mi tshangs par spyod cing gzhan la gzhi med par mi tshangs par spyod pa pham par 'gyur ba'i chos kyis skur ba 'debs par byed pa 'di ni gang zag de ma spangs na ngan song du 'gro ba sems can dmyal bar 'gro ba gsum pa yin no/ /bcom ldan 'das kyis de skad ces bka' stsal te/ bde bar gshegs pas de skad gsungs nas/ ston pas gzhan yang 'di skad ces bka' stsal to/ /tshig gi nyes smras rjod byed na/ /skyes bu skyes pa'i kha nas ni/ /sta re skye zhing de yis ni/ /bdag nyid la yang gcod par 'gyur/ /gang zhig smad bya bstod byed cing // bstod bya rnam par smod byed pa/ /de yi kha nas 'thab krol skyed/ /'thab grol can gyis bde mi myong / /gang 'dir cho los rang nor pham byed pa/ /'thab krol de ni cung zad tsam du zad// gang zhig bde gshegs yid rab khro byed pa/ /de 'dir 'thab krol shin tu chen po yin/ /'phags pas smad pa'i ngag yid sdig brten na/ /bye ba brgya stong dang ni dung phyur phrag / </font><hr>Ca387b<br><font size=+1>


sum cu drug dang lnga po ji snyed par/ /sems can dmyal ba rnams su 'gro bar 'gyur/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya sde zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang khros shing zhe sdang bar gyur nas/ ci nas kyang 'di tshangs par spyod pa dang dbral lo snyam nas dge slong dag pa ltung ba med pa la gzhi med par pham par 'gyur ba'i chos kyis skur pa las de dus gzhan zhig na dris kyang rung ma dris kyang rung rtsod pa de yang gzhi med pa yin la dge slong yang zhe sdang la gnas pas zhe sdang gis smras so zhe na dge 'dun lhag ma'o/ /yang dge slong gang zhes bya ba ni mdza' bo dang sa las skyes sam/ gzhan yang de lta bu gang yin pa'o/ /khros shing zhes bya ba ni 'khrugs shing ngo / /zhe sdang bar gyur nas zhes bya ba ni yid mi dga' bar gyur nas te/ 'khrugs pa ma bsal bar ro/ /ci nas kyang 'di tshangs par spyod pa dang dbral lo snyam nas zhes bya ba ni ci nas kyang 'di dge slong gi tshul dang dbral lo snyam nas so/ / dge slong dag pa zhes bya ba ni gyad bu nor ram/ gzhan yang de lta bu gang yin pa'o/ /ltung ba med pa la zhes bya ba ni gzhi de'i ltung ba med pa la'o/ /gzhi med par zhes bya ba ni/ gzhi gsum po </font><hr>Ca388a<br><font size=+1>


@#/ /mthong ba'i gzhi dang / thos pa'i gzhi dang / dogs pa'i gzhi med par ro/ /pham par 'gyur ba'i chos kyis zhes bya ba ni chos bzhi po gang yang rung bas te/ de ni chos ma yin pa chos kyi sgrar gsungs pa yin no/ /skur pa las zhes bya ba ni skur pa btab pa las so/ /de dus gzhan zhig na zhes bya ba ni de dus gzhan na'o/ /dris kyang rung zhes bya ba ni gzhan dag gis so/ /ma dris kyang rung zhes bya ba ni de rang nyid 'gyod pa dang / cung zad 'gyod pa dang / rnam par 'gyod pa dang rab tu 'gyod par gyur nas so/ /rtsod pa de yang zhes bya ba ni rtsod pa bzhi po 'gyed pa'i phyir rtsod pa dang / mi gdams pa'i phyir rtsod pa dang / ltung ba'i phyir rtsod pa dang / bya ba'i phyir rtsod pa'o/ /gzhi med pa yin la zhes bya ba ni gzhi gsum po dag med pa yin pa'o/ /dge slong yang zhe sdang la gnas pas zhes bya ba ni/ skur ba 'debs par 'dod pas so/ /zhe sdang gis smras so zhe na zhes bya ba ni/ skur pa btab par gyur to zhes zer na'o/ /dge 'dun lhag ma'o zhes bya ba ni snga ma bzhin te/ des na dge 'dun lhag ma'o zhes gsungs so/ /de la ltung ba ji ltar 'gyur zhe na/ gang zag dag pa la skur pa 'debs pa la bzhi bcus ni ltung bar 'gyur la/ gzhi lngas ni ltung bar mi 'gyur ro/ /ji ltar gzhi bcus ltung bar 'gyur zhe na/ de ma mthong ba dang / ma thos pa dang / mi dogs par 'du shes bsgyur cing bzod pa dang / 'dod pa dang blo gros dang rtog pa dang / </font><hr>Ca388b<br><font size=+1>


lta ba bsgyur te 'di skad ces bdag gis mthong ngo / /bdag gis thos so/ /bdag dogs so zhes zer na brjod do cog dge 'dun lhag mar 'gyur ro/ /des thos la de yang brjed pa dang / de dogs la de yang brjed bzhin du des 'du shes bsgyur cing bzod pa dang 'dod pa dang blo gros dang rtog pa dang lta ba bsgyur te 'di skad ces bdag gis thos te de yang ma brjed do/ /bdag dogs te de yang ma brjed do zhes zer na brjod do cog dge 'dun lhag mar 'gyur ro/ /thos pa la yid ches nas bdag gis mthong ngo zhes zer ba dang / thos pa la yid ma ches par bdag gis mthong ngo zhes zer ba dang / thos pa la dogs pa na bdag gis mthong ngo zhes zer ba dang / thos pa la mi dogs pa na bdag gis mthong zhes zer ba dang / dogs pa la dogs pa na bdag gis mthong ngo zhes zer na brjod do cog dge 'dun lhag mar 'gyur te/ de ltar gzhi bcus ltung bar 'gyur ro/ /ji ltar gzhi lngas ltung bar mi 'gyur zhe na/ des ma mthong ba dang / ma thos pa dang / ma dogs pa la des 'du shes ma bsgyur cing bzod pa dang 'dod pa dang blo gros dang rtog pa dang lta ba ma bsgyur bar 'di skad ces bdag gis mthong ngo / /thos so/ /dogs so zhes zer na ltung bar mi 'gyur ro/ /des thos la de yang brjed pa dang / de dogs la de yang brjed pa la des 'du shes ma bsgyur cing bzod pa dang 'dod pa dang blo gros dang rtog pa dang lta ba ma bsgyur bar 'di skad ces bdag gis thos so/ /de yang ma brjed do/ /bdag dogs </font><hr>Ca389a<br><font size=+1>


@#/ /te de yang ma brjed do zhes zer na ltung bar mi 'gyur te/ de ltar gzhi lngas ltung bar mi 'gyur ro/ /ji ltar gang zag dag pa la skur pa 'debs pa la gzhi bcus ltung bar 'gyur la/ gzhi lngas ltung bar mi 'gyur ba de bzhin du gang zag dag pa ma dag pa ltar bcos la skur pa 'debs pa la yang gzhi bcus ltung bar 'gyur la/ gzhi lngas ltung bar mi 'gyur ro| |gang zag ma dag pa la skur pa 'debs pa la ni gzhi bcu gcig gis ltung bar 'gyur la/ gzhi drug gis ltung bar mi 'gyur ro/ /ji ltar gzhi bcu gcig gis ltung bar 'gyur zhe na/ de ma mthong ba dang / ma thos pa dang / mi dogs pa la des 'du shes bsgyur cing bzod pa dang 'dod pa dang blo gros dang rtog pa dang / lta ba bsgyur cing 'di skad ces bdag gis mthong ngo / /bdag gis thos so/ /bdag dogs so zhes zer na brjod do cog dge 'dun lhag mar 'gyur ro/ /des mthong la de yang brjod pa dang / des thos la de yang brjed pa dang / de dogs la de yang brjed pa la des 'du shes bsgyur cing bzod pa dang 'dod pa dang blo gros dang rtog pa dang lta ba bsgyur te 'di skad ces bdag gis mthong ste de yang ma brjed do/ /bdag gis thos te de yang ma brjed do/ / bdag dogs te de yang ma brjed do zhes zer na brjod do cog dge 'dun lhag mar 'gyur ro/ /thos pa la yid ches nas bdag gis mthong ngo zhes zer ba dang / thos pa la yid ma ches par bdag </font><hr>Ca389b<br><font size=+1>


gis mthong ngo zhes zer ba dang / thos pa la dogs pa na bdag gis mthong ngo zhes zer ba dang / thos pa la mi dogs pa na bdag gis mthong ngo zhes zer ba dang / dogs pa la dogs pa na bdag gis mthong ngo zhes zer na/ brjod do cog dge 'dun lhag mar 'gyur te/ de ltar gzhi bcu gcig gis ltung bar 'gyur ro/ /ji ltar gzhi drug gis ltung ba med par 'gyur zhe na/ des ma mthong ba dang / ma thos pa dang / mi dogs pa la des 'du shes ma bsgyur cing bzod pa dang 'dod pa dang blo gros dang rtog pa dang lta ba ma bsgyur bar 'di skad ces bdag gis mthong ngo thos so dogs so zhes zer na ltung bar mi 'gyur ro/ /des mthong la de yang ma brjed pa dang / des thos la de yang ma brjed pa dang / de dogs la de yang ma brjed pa la des 'du shes ma bsgyur cing bzod pa dang 'dod pa dang blo gros dang rtog pa dang blta ba ma bsgyur bar 'di skad ces bdag gis mthong ste de yang ma brjed do/ /bdag gis thos te de yang ma brjed do/ bdag dogs te de yang ma brjed do zhes zer na ltung bar mi 'gyur te/ de ltar gzhi drug gis ltung bar mi 'gyur ro/ /ji ltar gang zag ma dag pa skur pa 'debs pa la gzhi bcu gcig gis ltung bar 'gyur la/ gzhi drug gis ltung bar mi 'gyur ba de bzhin du/ gang zag ma dag pa dag pa ltar bcos pa la skur pa 'debs pa la yang gzhi bcu gcig gis ltung bar 'gyur la/ gzhi drug gis ltung bar mi 'gyur ro/ /dril bsgrags pa la ni ltung ba med do/ /ngos </font><hr>Ca390a<br><font size=+1>


@#/ /la ri mo bris pa phan chad la yang ltung ba med de/ ji ltar bdag gis shes pa de bzhin du 'jig rten thams cad kyis kyang shes so snyam na'o/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa gyad bu nor gyis las ci zhig bgyis na/ las de'i rnam par smin pas phyug pa nor mang ba longs spyod che ba'i khyim du skyes/ las ci zhig bgyis na/ des bcom ldan 'das kyi bstan pa la rab tu byung nas nyon mongs pa thams cad spangs pas dgra bcom pa nyid mngon du bgyis/ las ci zhig bgyis na/ des dgra bcom pa nyid thob kyang yang dag pa ma lags pas skur bar gyur/ las ci zhig bgyis na/ de gnas mal 'bog pa rnams kyi mchog tu bstan/ bcom ldan 'das kyis bka' stsal pa/ dge slong dag rigs kyi bu gyad bu nor nyid kyis las tshogs rnyed pa rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas gyad bu nor nyid kyis las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i </font><hr>Ca390b<br><font size=+1>


khams la mi 'gyur/ rlung gi khams la mi 'gyur gyi 'di ltar las dge ba dang mi dge ba byas shing bsags pa dag ni zin pa'i phung po dang / khams dang skye mched dag la rnam par smin par 'gyur te| las rnams bskal ba brgyar yang ni/ /chud mi za pa'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba 'das pa'i dus na ri brags shig na/ ded dpon rgyal chen can zhes bya ba zhig 'dug ste/ de rgya mtsho chen por 'gro ba'i zong thogs te/ don mthun dang lhan cig rgya mtsho chen por 'phags so/ /sangs rgyas rnams 'byung ba med pa'i tshe/ rang sangs rgyas dman pa dang bkren pa la rjes su snying brtse ba bas mtha'i gnas mal la dga' ba/ bse ru lta bu gcig pu 'jig rten gyi yon gnas su gyur pa dag 'jig rten du byung ngo / /de nas rang sangs rgyas shig ded dpon de nyid dang lhan cig ljongs rgyur 'phags nas de'i mtshan mo me'i khams la snyoms par zhugs so/ /mi gtso bo dag gi kun tu spyod pa ni mi mel tshe byed pa mtshan mo res kyis res kyis mel tshe byed pas ji tsam na mi zhig la res bab ste mel tshe byed pas des de me'i phung po bzhin du 'bar ba mthong nas/ des ya mtshan gyis bsdus pa'i yid kyis mtshan mo nam nangs pa dang / ded dpon rgyal chen can la smras pa/ dad dpon rab tu byung ba ded dpon dang thabs cig 'phags pa 'di ni brtul zhugs grub pa </font><hr>Ca391a<br><font size=+1>


@#/ /bdag nyid chen po gcig lags te/ bdag gis mtshan mo zhugs kyi phung po ltar 'bar ba mthong ngo / /ded dpon gyis smras pa/ kye nang rje de phyogs gang na 'dug /ded dpon ga ge mo zhig na'o/ /ded dpon de dga' ba skyes nas de'i gan du song ste rkang pa gnyis la phyag 'tshal nas smras pa/ 'phags pa khyod ni bsod snyoms bzhed pa lags la| bdag kyang bsod nams 'tshal ba lags pas bdag gi bsod snyoms gsol zhing gshegs su gsol/ des de dang du blangs nas ji tsam na ded dpon rgyal chen can grong dang grong rdal dang yul 'khor dang rgyal po'i pho brang dang / tshong rdal dag tu mthar gyis rnam par rgyu ba na rgya mtsho chen po'i 'gram du phyin nas/ des lam gyis dub pa bsal te rnying pa lnga brgyas gru sbyar nas zho shas 'tsho ba lnga po stobs par byed pa dang / sel bar byed pa dang / rgyal chen dang / gru dang / rlung yor thogs pa dag khrid de/ rang sangs rgyas ga la ba der song nas phyin pa dang / rjes dang bcas pas rkang pa gnyis la phyag 'tshal te/ rang sangs rgyas la 'di skad ces smras so/ /'phags pa bdag ni rgya mtsho chen por 'jug na ci 'phags pa 'jug gam/ des smras pa/ bzhin bzang khyod ni re zhig pha ma dang / bu dang chung ma dang bran dang bran mo dang / las byed pa dang zho shas 'tsho ba dang / dge sbyong dang bram ze rnams dang / bkren pa dang sdug phongs pa'i skye bo </font><hr>Ca391b<br><font size=+1>


rnams kyi don du rgya mtsho chen por 'jug pa yin gyi/ kho bo ni khyim gyi las kyi mtha' spangs pa/ srid pa dang longs spyod la mi phyogs pa/ gcig pu gnyis pa med pa yin pas gang gi don du rgya mtsho chen por 'jug /ded dpon rgyal chen can gyis bsams pa/ bdag gis 'phags pa 'di la bsod snyoms ni phul na gos ma bskon gyis bdag gis da 'di zan byin la chen po la 'os pa'i ras yug chen po bskon par bya'o snyam nas/ ded dpon des de zas bsod pas tshim par byas nas chen po la 'os pa'i ras yug chen bskon no/ /de nas rang sangs rgyas kyis zas kyi bya ba byas nas/ de la snying brtse ba'i phyir ngang pa'i rgyal po 'dab ma brkyang pa ltar steng gi nam mkha' la mngon par 'phags nas 'bar ba dang gsal ba dang char 'bebs pa dang / glog 'byin pa'i cho 'phrul dag bya bar brtsams so/ /so so'i skye bo ni rdzu 'phrul la myur du sems gtod par byed pa yin pas/ ded dpon de shing ljon pa rtsa ba nas bcad pa bzhin du rang sangs rgyas de'i rkang pa gnyis kyi drung du 'gyel nas smon lam gdab par brtsams pa/ bdag gis yon gnas yang dag par gyur pa 'di lta bu la mchod pa byas pa gang yin pa'i dge ba'i rtsa ba 'dis bdag phyug pa nor mang ba longs spyod che ba'i khyim du skye bar gyur cig /'di bas ches khyad par du 'phags pa'i ston pa mnyes par byed cing thugs byung bar mi byed pa'i yon tan gyi rnam pa de lta bu dag kyang thob par gyur cig ces smon lam </font><hr>Ca392a<br><font size=+1>


@#/ /btab bo/ /dge slong dag de'i tshe de'i dus na ded dpon rgyal chen gang yin pa de ni gyad bu nor 'di yin te/ des rang sangs rgyas la mchod pa byas nas bdag gis yon gnas yang dag par gyur pa 'di lta bu la mchod pa byas pa gang yin pa'i dge ba'i rtsa ba 'dis bdag phyug pa nor mang ba longs spyod che ba'i khyim du skye bar gyur cig ces smon lam btab pa des ni/ phyug pa nor mang ba longs spyod che ba'i khyim du skyes so/ /'di bas ches khyad par du 'phags pa'i ston pa mnyes par byed cing thugs byung bar mi byed pa'i yon tan gyi rnam pa de lta bu dag kyang thob par gyur cig ces smon lam btab pa des ni nga'i bstan pa la rab tu byung nas nyon mongs pa thams cad spangs pas dgra bcom pa nyid mngon du byas shing 'dis rang sangs rgyas bye ba phrag 'bum pas ches khyad par du 'phags pa'i ston pa nga mnyes par byas shing thugs byung bar ma byas so/ /des dgra bcom pa nyid thob kyang yang dag pa ma yin pas skur bar gyur pa de nyon cig /dge slong dag sngon byung ba 'das pa'i dus na ri brags shig na khyim bdag phyug pa nor mang ba longs spyod che ba/ yongs su bzung ba yangs shing rgya che ba rnam thos kyi bu'i nor dang ldan pa/ rnam thos kyi bu la nor gyis 'gran pa zhig 'dug ste/ des rigs mnyam pa las chung ma blangs nas/ de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed dga' bar byed dga' mgur </font><hr>Ca392b<br><font size=+1>


spyod par byed pa de la bu yang med bu mo yang med nas/ de 'di snyam du bdag gi khyim nor du ma dang ldan na bdag la bu yang med bu mo yang med pas/ bdag 'das nas bu med pa'i phyir nor thams cad rgyal pos dbang du byas par 'gyur ro snyam nas/ lag pa la 'gram pa gtad de sems khong du chud cing 'dug go /chung mas de mthong nas smras pa/ rje'i sras khyod ci'i slad du lag pa la 'gram pa gtad de sems khong du chud cing bzhugs/ des smras pa/ bzang mo bdag gi khyim nor du ma dang ldan na bdag la bu yang med bu mo yang med pas bdag 'das nas bu med pa'i phyir nor thams cad rgyal pos dbang du byas par 'gyur ro snyam na/ ji ltar sems khong du chud cing mi 'dug tu rung / chung mas bsams pa/ ci 'di la skal ba med pas bu yang med bu mo yang med dam/ 'on te bdag la skal pa med pas bu yang med bu mo yang med pa gang yin pa ni gtol med na 'di ni nges par bdag la skyon 'dogs shing chung ma gzhan len par 'dod pas des ni 'di skad ces bdag gi khyim nor du ma dang ldan na bdag la bu yang med bu mo yang med pas/ bdag 'das nas bu med pa'i phyir nor thams cad rgyal pos dbang du byas par 'gyur ro zhes zer zhing bdag gi drung na lag pa la 'gram pa gtad de/ sems khong du chud pa ltar byed cing 'dug gis/ de'i phyir re zhig bdag nyid thar bar bya'o snyam du rig nas smras pa/ rje'i sras gal te bdag la skal pa ma mchis pas khyod </font><hr>Ca393a<br><font size=+1>


@#/ /la sras kyang mi mnga'/ sras mo yang mi mnga' ba lags na/ btsun mo gzhan bzhes shig /de'i 'og tu khyod la sras kyang mnga'/ sras mo yang mnga' bar 'gyur ro| |des smras pa/ bzang mo khyod kyis skyes pa gang la chung ma gnyis yod pa des lan 'ga' yang skyo ma grang mo mi 'thungs la rtag tu de'i khyim na 'thab mo dang mtshang 'dru ba dang rtsod pa dang 'gyed pas nang mi yongs su 'khrug par byed cing rang gi las yongs su bsgrub pa lhur len par yang mi 'gyur ro zhes bya ba de ma thos sam/ chung mas smras pa/ rje'i sras bzhes shig dang gal te re zhig phu nu mo lta bu zhig lags na ni phu nu mo'i 'du shes kyis bskyang bar bgyi'o/ /gal te bu mo lta bu zhig lags na ni bu mo'i 'du shes kyis bskyang bar bgyi'o/ /khyim bdag de chung ma des g.yo'i kun tu spyod pa smras pa na bu mo tshol bar rtsom mo/ /ji tsam na ri brags shig na khyim bdag cig 'dug pa des rigs mnyam pa las chung ma blangs nas/ de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed dga' bar byed dga' mgur spyod par byed pa de la bu gnyis dang / bu mo gcig btsas nas des de dag bsrings shing bskyed nas khyim bdag de dus la bab bo/ /de nas bu mo tshol ba'i khyim bdag des de gnyis las bu mo de blangs nas/ dpal dang ldan pa'i yo lang chen pos bag mar blangs so/ /chos nyid kyis na sar pa thams cad </font><hr>Ca393b<br><font size=+1>


kyis rnying pa zil gyis gnon pa yin pas/ khyim bdag de bag ma sar pa de la shin tu ltos pa dang ldan zhing sems 'brel bar gyur to/ /de nas de'i chung ma snga ma de phrag dog gi rang bzhin gyis mngal gyi gnas rnam par dag cing de'i mngal du sems can zhugs par gyur to/ /de nas de mchog tu dga' ba skyes nas khyim thab la smras pa/ rje'i sras bdag la sems can zhugs kyis dgyes pa skyed cig /khyim bdag gis smras pa/ bzang mo legs te/ gal te khye'ur skye bar 'gyur na/ kho bo 'das nas khyim gyi bdag por 'gyur ro/ /chung mas smras pa/ rje'i sras gal te khyod kyi bag sar gyi mngal na gnas pa rlugs par bgyi ba'i tshul gyis rlugs par ma bgyis na/ khye'u 'di khyim gyi bdag por 'gyur ro/ /khyim bdag gis smras pa/ bzang mo kho bos dang po nyid nas don de khyod la go bar ma byas sam/ da dung cir yang ma gyur pa nas/ khyod kyis brtsams so/ /chung ma de spobs pa med par gyur nas cang mi smra bar 'dug go /de zla ba brgyad dam dgu 'das te btsas pa las khye'u zhig byung nas de btsas pa'i btsas ston byas te/ khyim dang mthun pa'i ming btags nas/ de 'o ma dang zho dang mar dang zhun mar dang / mar gyi snying khu dang gzhan yang yo byad kyi bye brag gtso bo gtso bo dag gis sring bar byed skyed par byed cing / rdzing na gnas pa'i pad+ma bzhin du myur du skyed par byed do/ /de gang gi tshe tshig smra nus par gyur pa de'i tshe na/ gang cung </font><hr>Ca394a<br><font size=+1>


@#/ /zad cig smra ba de thams cad bden par smra zhing brdzun du mi smra bas de'i ming khyim dang mthun par btags pa gang yin pa de nub cing bden smra zhes bya ba'i ming chags par gyur te/ kha nas kyang ut+pal sngon po'i dri 'byung ngo / /de'i mas bsams pa/ bdag la bu yod kyang sngon skal ba med pa bzhin du khyim thab 'di da dung yang bag sar la ltos pa dang ldan zhing sems 'brel bar byed kyis/ de'i phyir thabs kyi rnam pa zhig bya'o snyam nas/ de phrag dog dang ser snas kun nas dkris pa'i sems kyis shugs mi bzod pa na khyim thab kyi gan du song ste smras pa/ rje'i sras khyod kyi bag sar 'di la khyod 'di ltar ha cang ltos pa dang ldan zhing sems 'brel bas dgyes par ma mdzad cig /khyim bdag gis smras pa/ bzang mo yang khyod kyis brtsams so/ /des spobs pa med par gyur nas/ cang mi smra bar 'dug go// //'dul ba rnam par 'byed pa/ bam po nyer gcig pa/ skyes pa'am bud med 'dod pa dag bsten pas ni sdig pa'i las mi bya ba ci yang med pas/ des bu la smras pa/ bu khyod kyis bud med rnams la shin tu gnod pa gang yin shes sam/ bus smras pa/ yum 'tshal te| phrag dog dang ser sna'o/ /bu mnyes te khyod ni shes rab kyis rtogs pa dang ldan pas de de bzhin no/ /kho mo khyod kyi ma yar mo sun 'byin par byed kyis khyod kyis che bzhi phye shig /yum ci </font><hr>Ca394b<br><font size=+1>


yang dag pas sam/ yang dag pa ma lags pas/ bu yang dag pa ma yin pas so/ /yum bdag 'jig rten thams cad la bden smra zhes bgyi bar grags na/ de'i slad du da ji ltar brdzun du smra bar bgyi/ bu khyod kho mos zla ba dgur lto na bsrel bsrel na re zhig de tsam yang smra bar mi nus te/ de ltar na khyod tshig tu ma smra bar gang gi tshe khyod la phas dris pa de'i tshe na khyod kyis mgo lcogs shig /bus bsams pa| ma'i tshig tshig ma yin par byar mi rung ngo snyam du rig nas smras pa/ yum gal te de lta na ma nongs kyis mgo lcog par bgyi'o/ /zhes bu de dam 'char bcug nas/ khyim bdag gi gan du song ste| smras pa/ rje'i sras khyod kyi bag sar gyi rtul ba bdag gis mthong ngo / /ci byas/ skyes pa gzhan dang lhan cig dga' mgur spyod do/ /khyim bdag de kun nas dkris pas smras pa/ sdig can ma yang khyod kyis brtsams so/ /rje'i sras khyod bden smra la yang thugs mi ches sam/ yid ches te de 'jig rten thams cad la bden par smra ba yin na/ kho bo la ji ltar brdzun du smra bar 'gyur/ rje'i sras gal te de lta na de rtse zhing mchis kyis bos shig /khyim bdag des bu de bos nas pang par bzhag ste/ smras pa/ bu khyod kyi ma yar mo 'dis skyes pa gzhan dang lhan cig dga' mgur spyod pa bden nam/ bud med kyi yul ni ma bslabs par mkhas pa yin pas/ des de'i kha lag pas bkab nas smras pa/ bu de khyod kyi ma dang 'dra ba yin gyis tshig tu ma smra </font><hr>Ca395a<br><font size=+1>


@#/ /zhig /gal te bden pa yin na mgo lcogs shig /khye'u des mgo lcogs so/ /las shin tu rngams che zhing yongs su rdzogs pa dag ni lus 'jig pa la mi ltos pas khye'u de'i kha nas tshe 'di nyid la dri nga ba byung bar gyur to/ /kun tu yang bden smra des ma yar mo la yang dag pa ma yin pas skur pas de ni bden smra ma yin gyi brdzun du smra ba yin no zhes bya ba'i sgras khyab par gyur te/ de'i ming bden smra zhes bya ba gang yin pa de nub par gyur cing / rdzun smra zhes bya ba'i ming chags par gyur to/ /de nas khyim bdag des chung ma de la smras pa/ khyod nyes par spyod pa yin gyis/ khyod kho bo'i khyim na ma 'dug cig /chung ma des mnyes so/ /zhes smra mod kyi 'on kyang 'jig rten dag tshig ngan smra bas 'jigs nas khyim nas bskrad pa dang / de ma rangs bzhin du ming po gnyis kyi khyim du song ngo / /ming po gnyis kyis de la smras pa/ sring mo khyod ci'i phyir 'dir 'ongs/ des smras pa/ bdag khyim thab kyis rang gi khyim nas bskrad do/ /ci'i phyir nyes par spyad ce'o/ /gal te de lta na khyod 'dir yang ma 'dug cig /des smras pa/ bdag gis nyes par ma spyad de/ 'di ltar bden smra mas bslus pa des/ yang dag pa ma yin par bskur te/ de ni bden smra ma yin gyi rdzun smra yin no/ /de ji ltar shes/ gal te khyed gnyis yid mi ches na sdum mtshes kyi skye </font><hr>Ca395b<br><font size=+1>


bo dag khyed gnyis la smra bar 'gyur bas de dag che bzhi yin no/ /de gnyis 'jig rten dag kha zer bas 'jigs pas song ste/ khyim bdag de'i sdum mtshes kyi skye bo dag la dris pa dang / de dag na re/ 'di ni nyes par spyod pa ma yin gyi 'di ltar bden smra mas slus pa de yang dag pa ma yin pas skur te/ de ni bden smra ma yin gyi rdzun smra yin no zhes zer ro/ /de nas de gnyis bden smra la khro ba'i kun nas dkris pa skyes nas nye du'i tshogs snying du sdug pa dag la ji ltar gyur pa go bar byas nas/ sring mo de rang gi khyim na bsrel zhing de la yang klan ka btsal ba lhur len cing 'khod do/ /sangs rgyas rnams 'byung ba med pa'i tshe rang sangs rgyas dman pa dang / bkren pa la rjes su snying brtse ba bas mtha'i gnas mal la dga' ba bse ru lta bu gcig pu 'jig rten gyi gnas su gyur pa dag 'jig rten du 'byung ngo / /ji tsam na rang sangs rgyas shig ljongs rgyu zhing 'gro ba na ri brags der phyin nas/ de snga dro sham thabs bgos/ lhung bzed dang chos gos thogs te/ bsod snyoms rgyu zhing khyim rim gyis 'gro ba na/ lha dang mi'i yid sdud par byed pa'i spyod lam zhi bas khyim der zhugs pa de bden smras yang dag pa ma yin pas skur ba'i chung ma des mthong nas/ des bsams pa/ rab tu byung ba 'di'i spyod lam 'di 'dra ba las na 'di ni brtul zhugs grub pa bdag nyid chen po yin te/ gang dag gis 'di la mchod pa byas shing smon lam 'debs par byed pa de dag/ gang sems </font><hr>Ca396a<br><font size=+1>


@#/ /pa dang gang 'dod pa de ni de dag las thams cad 'grub par 'gyur ro snyam du rig nas/ des de'i rkang pa gnyis la phyag 'tshal te/ smras pa/ 'phags pa khyod ni bsod snyoms bzhed pa lags la/ bdag ni bsod nams 'tshal ba lags kyis 'di nyid du gdugs tshod gsol cig /bdag nyid chen po de dag ni gzhan gyi don la zhugs pa yin pas des dang du blangs so/ /de nas des rang sangs rgyas de bsod pa dang bcas pa'i zas kyis tshim par byas nas rkang pa gnyis la phyag 'tshal te/ smon lam log pa 'di skad ces pa bdag gis yon gnas yang dag par gyur pa 'di lta bu la mchod pa dag byas pa'i dge ba'i rtsa ba 'dis ji ltar bden smra des bdag sun ma phyung pa gnod pa med pa la yang dag pa ma yin pas skur pa de ltar bdag gis kyang de gang dang gang du skyes pa de dang der des dgra bcom pa nyid thob kyi bar du yang yang dag pa ma yin pas de la skur pa 'debs par gyur cig ces btab bo/ /ming po gnyis kyis de la dris pa/ sring mo khyod kyis smon lam ci zhig btab/ des smras pa/ ming po gnyis 'di dang 'di lta bu zhig go /de gnyis kyis smras pa/ gal te de lta na kho bo cag gnyis kyang khyod kyi ming po yin pas che bzhi dbye bar bya'o/ /dge slong dag de la de'i tshe de'i dus na khyim bdag gi bu bden smra gang yin pa de ni gyad bu nor 'di yin no/ /de'i tshe de'i dus na de'i ma </font><hr>Ca396b<br><font size=+1>


yar mo gang yin pa de ni dge slong ma mdza' mo 'di yin no/ /de'i ming po gnyis gang dag yin pa de gnyis ni dge slong mdza' bo dang / sa las skyes gnyis yin no/ /des ma yar mo la yang dag pa ma yin pas skur ba gang yin pa'i las de'i rnam par smin pas lo brgya phrag mang po dang / lo stong phrag mang po dag tu sems can dmyal ba dag tu gdungs nas/ las de nyid kyi lhag mas tshe rabs lnga brgyar de la 'dis yang dag pa ma yin pas skur cing de gnyis kyis kyang che bzhi phye'o/ /de nas de ltar dgra bcom pa nyid thob kyang / dge slong ma mdza' mos yang dag pa ma yin pas skur cing| mdza' bo dang sa las skyes gnyis kyis che bzhi phye bar gyur to/ /gnas mal 'bog pa rnams kyi mchog tu bstan pa gang yin pa de ni smon lam gyi dbang gis te/ gang du smon lam btab ce na/ dge slong dag sngon byung ba 'das pa'i dus na/ bskal ba bzang po 'di nyid la skye dgu'i tshe lo nyi khri thub pa na/ ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang / zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das 'od srung 'jig rten du byung ste/ de wA ra NA si na drang srong smra ba ri dwags kyi nags na nye bar brten cing bzhugs so/ /de'i bstan pa la 'di rab tu byung nas/ dge slong gang </font><hr>Ca397a<br><font size=+1>


@#/ /gis de rab tu byung ba'i dge slong de de bzhin gshegs pa dgra bcom pa yang dag par rdzogs pa'i sangs rgyas 'od srung gis gnas mal 'bog pa rnams kyi mchog tu bstan to/ /de nas 'dis tshe ji srid par tshangs par spyod pa spyad na yon tan gyi tshogs 'ga' yang ma thob nas de'i 'og tu 'chi ba'i tshe smon lam 'di skad ces/ bdag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yon gnas bla na med pa 'od srung la tshe ji srid par tshangs par spyod pa spyad na yon tan gyi tshogs 'ga' yang ma thob ste/ bdag gis tshe ji srid par tshangs par spyod pa spyad pa'i dge ba'i rtsa ba 'dis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od srung gis/ bram ze'i khye'u bla ma la bram ze'i khye'u khyod ma 'ongs pa'i dus na skye dgu'i tshe lo brgya thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das shAkya thub pa zhes bya bar 'gyur ro zhes lung bstan pa de'i bstan pa la bdag rab tu byung nas/ nyon mongs pa thams cad spangs pas dgra bcom pa nyid mngon du byed cing / ji ltar </font><hr>Ca397b<br><font size=+1>


mkhan po 'di bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od srung gis gnas mal 'bog pa rnams kyi mchog tu bstan pa de bzhin du bdag kyang bcom ldan 'das shAkya thub pa shAkya seng ge shAkya'i rgyal po'i gtso bo des gnas mal 'bog pa rnams kyi mchog tu bstan par gyur cig ces gdab par brtsams pas/ smon lam de'i dbang gis da ltar de bzhin gshegs pas gnas mal 'bog pa rnams kyi mchog tu bstan to/ /dge slong dag de ltar na las gcig tu gnag pa rnams kyi rnam par smin pa ni gcig tu gnag pa yin/ las gcig tu dkar ba rnams kyi rnam par smin pa yang gcig tu dkar ba yin/ las 'dren ma rnams kyi rnam par smin pa yang 'dren ma yin no/ /dge slong dag de lta bas na las gcig tu gnag pa rnams dang / 'dren ma rnams spangs te/ las gcig tu dkar ba rnams la brtsal bar bya ste/ dge slong dag khyod kyis de ltar bslab par bya'o/ /gzhi med par skur pa 'debs pa'i dge 'dun lhag ma ste brgyad pa rdzogs so// //sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /de'i tshe na tshe dang ldan pa gyad bu nor rgyal po'i khab na bya rgod phung po'i ri la 'dug ste/ de dang ha cang mi ring ba na rdzing bu rdo rtsegs can zhes bya ba 'dug pa de'i 'gram na tshe </font><hr>Ca398a<br><font size=+1>


@#/ /dang ldan pa gyad bu nor nyin mo gnas par byed do/ /gang gi tshe ut+pa la'i mdog /dge ba'i bshes gnyen tshe dang ldan pa mo'u 'gal gyi bu chen po la brten te/ legs par gsungs pa'i chos 'dul ba la rab tu byung zhing dgra bcom pa rnam par rgyal bar bya ba las ni rnam par rgyal bar gyur pa de'i tshe na de shes nas dad pa dang ldan pas/ bcom ldan 'das dang dge slong gnas brtan gnas brtan rnams la yang dang yang du blta ba'i phyir 'gro zhing / lhag par yang tshe dang ldan pa gyad bu nor la 'di 'di ltar dgra bcom pa rnam par thar pa brgyad la bsam gtan par gyur kyang / bsam gtan dang rnam par thar pa dang / ting nge 'dzin la snyoms par 'jug pa'i bde ba dag spangs te/ dge 'dun gyi chos dang ldan pa'i zhal ta'i las dag la brtson par gyur pa ni dka' ba byed pa yin no snyam nas yang dang yang du de blta ba'i phyir 'gro'o/ /de dus gzhan zhig na bcom ldan 'das dang dge slong gnas brtan gnas brtan rnams kyi zhabs la phyag 'tshal nas/ tshe dang ldan pa gyad bu nor ga la ba der dong ste phyin nas/ tshe dang ldan pa gyad bu nor gyi rkang pa gnyis la mgo bos phyag 'tshal te/ chos nyan pa'i phyir mdun du 'dug go /de'i tshe na dge slong mdza' bo dang sa las skyes gnyis phyag dar khrod cig rnyed cing de gnyis tshe dang ldan pa gyad bu nor dang tshe rabs tshe rabs su 'khon byung ste rtag tu klan ka tshol </font><hr>Ca398b<br><font size=+1>


ba la brtson pa yin pas/ mdza' bos smras pa/ sa las skyes phyag dar khrod pa rnyed pa 'di gang du 'khrur gzhug /sa las skyes kyis smras pa/ rdzing bu rdo rtsigs can ni rgyun lugs nyung zhing nye 'khor gtsang ba yin pas der 'dong ngo / /de gnyis phyag dar khrod khyer te rdzing bu rdo rtsigs can du dong nas de gnyis kyis phyag dar khrod der 'khrur bcug nas/ nyi ma la bting ste 'khod do/ /de'i tshe na ri dwags kyi khyu dag rdzing bu rdo rtsigs can du lhags nas chu 'thungs te 'dong bar byed do/ /ri dwags dag gi chos nyid ni gcig gi rgyab tu gcig gi rgal bar byed pa yin pas/ ji tsam na ri dwags shig gis ri dwags mo zhig gi rgyab tu rgal te mi tshangs par spyod pa 'khrig pa'i chos bsten par brtsams so/ /de mdza' bos mthong nas des smras pa/ sa las skyes gyad bu nor 'di/ dge slong ma ut+pa la'i mdog la mi tshangs par spyod pa 'khrig pa'i chos bsten gyi 'dong la/ dge slong rnams la brjod par bya'o/ /sa las skyes kyis smras pa/ tshe dang ldan pa mdza' bo de'i tshe yang re zhig bdag cag gnyis gnas nas dbyung ba'i las byas na/ ci da yang gnas nas dbyung ba'i las byed du 'jud par 'dod dam/ mdza' bos smras pa/ tshe dang ldan pa sa las skyes de'i tshe na ni yang dag par ma yin pas yin gyi/ da ni bag tsam las bsam pa yod do/ /gyad bu nor dang / dge slong ma ut+pa la'i mdog dang mi tshangs par spyod pa 'khrig pa'i chos bsten pa ma mthong ngam/ tshe dang ldan pa 'di </font><hr>Ca399a<br><font size=+1>


@#/ /la brdzun du smra ba ga la yod kyis tshur sheg 'dong la dge slong rnams la brjod par bya'o/ /sa las skyes de mdza' bos bslus pa na btub par gyur nas/ de gnyis gtsug lag khang du dong ste dge slong rnams la smras pa/ tshe dang ldan pa dag 'di ltar bdag cag gnyis kyis tshe dang ldan pa gyad bu nor dge slong ma ut+pa la'i mdog dang mi tshangs par spyod pa 'khrig pa'i chos bstan pa mthong ste/ 'di la bdag cag gnyis gang gi dad pa'am yid ches pas 'gro bar bya/ dge slong rnams kyis smras pa/ tshe dang ldan pa gnyis ci khyed gnyis lha dang mi rnams gcig tu yongs su btang zhing sems can dmyal ba dang yi dwags dang dud 'gro rnams su gcig tu gnas sam ci na/ dge slong dgra bcom pa rnam par thar pa brgyad la bsam gtan pa mi'i chos bla ma'i rdzu 'phrul gyi cho 'phrul rnam par ston pa de la khyed gnyis gzhan gyi cha ma yin pa dang mthun par pham par 'gyur ba'i chos kyis skur ba 'debs par byed/ de gnyis kyis smras pa/ tshe dang ldan pa dag de ni bdag cag gnyis kyis mnyes kyi 'di ltar bdag cag gnyis kyi mig dag gis mthong bas mig dbyung bar bya grang / bcom ldan 'das kyis sngar ltar de gnyis la ci zhig mthong / ji ltar mthong / gang du mthong / khyed gnyis don ci zhig la der son pas der mthong zhes legs par rab tu gleng bar gyis shig /brtag par gyis shig ces bka' stsal pas/ dge slong </font><hr>Ca399b<br><font size=+1>


rnams kyis de gnyis la ci zhig mthong / ji ltar mthong / gang du mthong / khyed gnyis ci'i phyir der son pas der mthong zhes legs par rab tu glengs shing brtags so/ /dge slong rab tu mang po dag gis legs par rab tu glengs shing brtags pa na/ de gnyis kyis smras pa/ tshe dang ldan pa dag tshe dang ldan pa gyad bu nor gyis dge slong ma ut+pa la'i mdog la mi tshangs par spyod pa 'khrig pa'i chos ma brten te/ 'di ltar tshe dang ldan pa gyad bu nor gyis bdag cag gnyis gang dag zos na rjud par 'gyur ba shin tu yid du mi 'ong ba'i zas ngan pa dag gis lan gsum gyi bar du mtho btsams pas bdag cag gnyis kyis tshe dang ldan pa gyad bu nor la gzhan gyi cha ma yin pa dang mthun pa pham par 'gyur pa'i chos kyis skur ba btab par zad kyi tshe dang ldan pa gyad bu nor gyis dge slong ma ut+pa la'i mdog la mi tshangs par spyod pa 'khrig pa'i chos ma bsten te/ 'di ltar dge slong dag pa ltung ba med pa yin no/ /dge slong don nyung ngu dag ci'i phyir dge slong dag dge slong dag pa ltung ba med pa la gzhan gyi cha ma yin pa dang mthun pa pham par 'gyur pa'i chos kyis skur pa 'debs par byed ces smod par byed/ phyar ka gtong bar byed/ kha zer bar byed pa'i skabs de dag dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin </font><hr>Ca400a<br><font size=+1>


@#/ /no| |nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang khros shing zhe sdang bar gyur nas/ ci nas kyang 'di tshangs par spyod pa dang dbral lo snyam nas dge slong dag pa ltung ba med pa la gzhan gyi cha ma yin pa dang mthun pa pham par 'gyur ba'i chos kyis skur pa las de dus gzhan zhig na dris kyang rung ma dris kyang rung / rtsod pa de yang gzhan gyi cha ma yin la rtsod pa de gzhan gyi cha ma yin pa dang mthun pas bag tsam las bsams pa tsam gyi chos 'ga' zhig blangs par gyur la| dge slong yang zhe sdang la gnas pas zhe sdang gis smras so zhe na dge 'dun lhag ma'o/ /yang dge slong gang zhes bya ba ni/ mdza' bo dang sa las skyes sam gzhan yang de lta bu gang yin pa'o/ /khros shing zhes bya ba ni 'khrugs shing ngo / /zhe sdang bar gyur nas zhes bya ba ni yid mi dga' bar gyur nas te/ 'khrugs pa ma bsal bar ro/ /ci nas kyang 'di tshangs par spyod pa dang dbral lo snyam nas zhes bya ba ni/ ci nas kyang 'di dge sbyong gi tshul dang dbral lo snyam nas so/ /dge slong dag pa zhes bya ba ni gyad bu nor ram gzhan yang de lta bu gang yin pa'o/ /ltung ba med pa la zhes bya ba ni gzhi de'i ltung ba med pa'o/ /gzhan gyi cha ma yin pa dang mthun pa zhes bya ba la/ gzhan zhes bya ba ni mya ngan las 'das pa'o/ /de'i cha dang mthun </font><hr>Ca400b<br><font size=+1>


pa ma yin pa ni pham par 'gyur ba'i chos bzhi po dag go /pham par 'gyur ba'i zhes bya ba ni bzhi po gang yang rung ba'o/ /chos kyis zhes bya ba ni chos ma yin pa chos kyi sgrar gsungs pas so/ /skur pa las zhes bya ba ni skur ba btab pa las so/ /de dus gzhan zhig na zhes bya ba ni dus gzhan na'o/ /dris kyang rung zhes bya ba ni gzhan dag gis so/ /ma dris kyang rung zhes bya ba ni rang nyid 'gyod pa dang| cung zad 'gyod pa dang / rnam par 'gyod pa dang / rab tu 'gyod par gyur nas so/ /rtsod pa de yang zhes bya ba rtsod pa bzhi po 'gyed pa'i phyir rtsod pa dang / mi gdams pa'i phyir rtsod pa dang / ltung ba'i phyir rtsod pa dang / bya ba'i phyir rtsod pa'o/ /gzhan gyi cha ma yin pa dang mthun pa yin la zhes bya ba ni/ mya ngan las 'das pa'i cha ma yin pa dang mthun par pham par 'gyur ba zhes bya ba yin la'o/ /rtsod pa de gzhan gyi cha ma yin pa dang mthun pas bag tsam las bsam pa tsam gyis chos 'ga' zhig blangs par gyur la zhes bya ba la/ bag tsam las bsam pa tsam gyis zhes bya ba ni ri dwags dang ri dwags mo'i 'o/ chos zhes bya ba ni chos ma yin pa de chos kyi sgrar gsungs pa'o/ /blangs par gyur pa zhes bya ba ni bzung bar gyur la'o/ /dge slong yang zhe sdang la gnas pas zhes bya ba ni skur ba 'debs par 'dod pas so/ /zhe sdang gis smras so zhe na zhes bya ba ni skur pa btab par gyur to zhes zer na'o/ /dge 'dun lhag ma'o zhes bya ba ni snga ma bzhin te/ des na dge 'dun lhag </font><hr>Ca401a<br><font size=+1>


@#/ /ma'o zhes gsungs so/ /de la ltung ba ji ltar 'gyur zhe na/ dge slong gis dge slong pham par 'gyur ba'i ltung ba 'byin par mthong zhing / de de la ltung ba med pa'i lta ba thob par gyur nas des 'du shes bsgyur cing bzod pa dang / 'dod pa dang blo gros dang rtog pa dang lta ba bsgyur te/ 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong pham par 'gyur ba'i ltung ba 'byin pa mthong zhing de de la dge 'dun lhag ma'i lta ba thob par gyur nas des 'du shes bsgyur cing bzod pa dang / 'dod pa dang blo gros dang rtog pa dang lta ba bsgyur te/ 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong pham par 'gyur ba'i ltung ba 'byin pa mthong zhing de de la ltung byed kyi lta ba thob par gyur nas/ des 'du shes bsgyur cing bzod pa dang 'dod pa dang blo gros dang rtog pa dang lta ba sgyur te/ /'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong pham par 'gyur ba'i ltung ba 'byin pa mthong zhing de de la so sor bshags par bya ba'i lta ba thob par gyur nas des 'du shes bsgyur cing bzod pa dang 'dod pa dang blo gros dang rtog pa dang lta ba bsgyur te/ </font><hr>Ca401b<br><font size=+1>


'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na/ dge 'dun lhag mar 'gyur ro/ /dge slong gis dge slong pham par 'gyur ba'i ltung ba 'byin pa mthong zhing de de la nyes byas kyi lta ba thob par gyur nas des 'du shes bsgyur cing bzod pa dang 'dod pa dang blo gros dang rtog pa dang lta ba bsgyur te/ 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong dge 'dun lhag ma'i ltung ba 'byin pa mthong zhing de de la ltung ba med pa'i lta ba thob par gyur nas des 'du shes bsgyur cing bzod pa dang 'dod pa dang blo gros dang rtog pa dang lta ba bsgyur te/ 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong dge 'dun lhag ma'i ltung ba 'byin pa mthong zhing de de la dge 'dun lhag ma'i lta ba nyid thob par gyur nas des 'du shes bsgyur cing bzod pa dang 'dod pa dang| blo gros dang rtog pa dang lta ba bsgyur te/ 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong dge 'dun lhag ma'i ltung ba 'byin pa mthong zhing de de la ltung byed kyi lta ba thob par gyur nas des 'du shes bsgyur cing bzod pa dang 'dod pa dang blo gros dang rtog pa dang lta ba bsgyur </font><hr>Ca402a<br><font size=+1>


@#/ /te/ 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong dge 'dun lhag ma'i ltung ba 'byin pa mthong zhing des de la so sor bshags par bya ba'i lta ba thob par gyur nas des 'du shes bsgyur cing bzod pa dang 'dod pa dang blo gros dang rtog pa dang lta ba bsgyur te/ 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong dge 'dun lhag ma'i ltung ba 'byin pa mthong zhing de de la nyes byas kyi lta ba thob par gyur nas des 'du shes bsgyur cing bzod pa dang 'dod pa dang blo gros dang rtog pa dang lta ba bsgyur te/ 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong ltung byed kyi ltung ba 'byin pa mthong zhing de de la ltung ba med pa'i lta ba thob par gyur nas/ des 'du shes bsgyur cing bzod pa dang 'dod pa dang blo gros dang rtog pa dang lta ba bsgyur te/ 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong ltung byed kyi ltung ba 'byin pa mthong zhing de de la dge 'dun lhag ma'i lta ba thob par gyur nas/ des 'du shes bsgyur cing bzod pa dang 'dod pa dang blo </font><hr>Ca402b<br><font size=+1>


gros dang rtog pa dang lta ba bsgyur te/ 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong ltung byed kyi ltung ba 'byin pa mthong zhing des de la ltung byed kyi lta ba nyid thob par gyur nas/ des 'du shes bsgyur cing bzod pa dang 'dod pa dang blo gros dang rtog pa dang lta ba bsgyur te/ 'di skad ces bdag gis dge slong pham par 'gyur ba'i ltung ba 'byin par mthong ngo zhes zer na dge 'dun lhag mar 'gyur ro/ /dge slong gis dge slong ltung byed kyi ltung ba 'byin pa mthong zhing da de la so sor gshags par bya ba'i lta ba thob par gyur nas/ des 'du shes bsgyur cing bzod pa dang 'dod pa dang blo gros dang rtog pa dang lta ba bsgyur te/ 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong ltung byed kyi ltung ba 'byin pa mthong zhing de de la nyes byas kyi lta ba thob par gyur na/ des 'du shes bsgyur cing bzod pa dang 'dod pa dang blo gros dang rtog pa dang lta ba bsgyur te/ 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong so sor bshags par bya ba'i ltung ba 'byin pa mthong zhing de de la ltung ba med pa'i lta ba thob par gyur nas/ des 'du shes bsgyur cing bzod pa dang 'dod pa dang blo </font><hr>Ca403a<br><font size=+1>


@#/ /gros dang rtog pa dang lta ba bsgyur te/ 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ / dge slong gis dge slong so sor bshags par bya ba'i ltung ba 'byin pa mthong zhing de de la dge 'dun lhag ma'i lta ba thob par gyur nas/ des 'du shes bsgyur cing bzod pa dang 'dod pa dang blo gros dang rtog pa dang lta ba bsgyur te/ 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong so sor bshags par bya ba'i ltung ba 'byin pa mthong zhing de de la ltung byed kyi lta ba thob par gyur nas/ des 'du shes bsgyur cing bzod pa dang 'dod pa dang blo gros dang rtog pa dang lta ba bsgyur te/ 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong so sor bshags par bya ba'i ltung ba 'byin pa mthong zhing de de la so sor bshags par bya ba'i lta ba nyid thob par gyur nas/ des 'du shes bsgyur cing bzod pa dang 'dod pa dang blo gros dang rtog pa dang lta ba bsgyur te/ 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong so sor bshags par bya ba'i ltung ba </font><hr>Ca403b<br><font size=+1>


'byin pa mthong zhing de de la nyes byas kyi lta ba thob par gyur nas/ des 'du shes bsgyur cing bzod pa dang 'dod pa dang blo gros dang rtog pa dang lta ba bsgyur te/ 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong nyes byas kyi ltung ba 'byin pa mthong zhing de de la ltung ba med pa'i lta ba thob par gyur nas des 'du shes bsgyur cing bzod pa dang 'dod pa dang blo gros dang rtog pa dang lta ba bsgyur te/ 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong nyes byas kyi ltung ba 'byin pa mthong zhing de de la dge 'dun lhag ma'i lta ba thob par gyur nas/ des 'du shes bsgyur cing bzod pa dang 'dod pa dang blo gros dang rtog pa dang lta ba bsgyur te/ 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong nyes byas kyi ltung ba 'byin pa mthong zhing de de la ltung byed kyi lta ba thob par gyur nas/ des 'du shes bsgyur cing bzod pa dang 'dod pa dang blo gros dang rtog pa dang lta ba bsgyur te/ 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong nyes byas kyi ltung ba 'byin pa mthong </font><hr>Ca404a<br><font size=+1>


@#/ /zhing de de la so sor bshags par bya ba'i lta ba thob par gyur nas/ des 'du shes bsgyur cing bzod pa dang 'dod pa dang blo gros dang rtog pa dang lta ba bsgyur te/ 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dge slong gis dge slong nyes byas kyi ltung ba 'byin pa mthong zhing de de la nyes byas kyi lta ba nyid thob par gyur nas/ des 'du shes bsgyur cing bzod pa dang 'dod pa dang blo gros dang rtog pa dang lta ba bsgyur te/ 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na dge 'dun lhag mar 'gyur ro/ /dril bsgrags pa la ni ltung ba med do/ /ngos la ri mor bris pa phan chad kyang ltung ba med de/ ji ltar bdag gis shes pa de bzhin du 'jig rten thams cad kyis kyang shes so snyam na'o/ /las dang po pa dang / myos pa dang sems 'khrugs pa dang / tshor ba dag gis nyen pa la ltung ba med do/ /gzhan gyi cha ma yin pa dang mthun pa'i dge 'dun lhag ma ste/ dgu pa rdzogs so// //sangs rgyas bcom ldan 'das rgyal po'i khab na 'od ma'i tshal bya ka lan da ka'i gnas na bzhugs so| |de'i tshe na mu ge nyam nga ba dgon pa slong mo pas bsod snyoms rnyed par dka' ba byung ngo / /de na dge slong gang dag rdzu 'phrul thob pa de dag ni/ gang gi ming gis 'dzam bu'i gling zhes bya bar </font><hr>Ca404b<br><font size=+1>


shes pa'i shing 'dzam bu de las 'dzam bu'i 'bras bu lhags pa kha dog dang dri dang ro dang ldan pa dag dang / de'i nye 'khor na skyu ru ra'i tshal dang / bil pa'i tshal dang / ka pid tha'i tshal dang / de dag gi 'bras bu lhags pa kha dog dang dri dang ro dang ldan pa dag gis lhung bzed bkang ste/ khyer nas bdag nyid kyang yongs su longs spyod par byed/ lhag ma yod na dge slong rnams la yang bgo bsha' byed do/ /shar gyi lus 'phags dang / nub kyi ba lang spyod du yang song / byang gi sgra mi snyan du yang song ste/ ma rmos ma btab pa'i 'bras sA lu'i 'bru dag gis lhung bzed bkang ste khyer nas bdag nyid kyang yongs su longs spyod par byed/ lhag ma yod na dge slong rnams la bgo bsha' byed do/ /rgyal chen bzhi'i ris kyi lha rnams kyi nang du yang song / sum cu rtsa gsum pa'i ris kyi lha rnams kyi nang du yang song ste/ lha'i bdud rtsi dag gis lhung bzed bkang ste khyer nas bdag nyid kyang yongs su longs spyod par byed/ lhag ma yod na dge slong dag la yang bgo bsha' byed do/ /yul gang dag 'byor pa rgyas pa bde ba lo legs pa/ skye bo dang mi mang pos gang ba de dag tu yang song ste/ bca' ba dang bza' ba gtsang ba bsod pa dag gis lhung bzed bkang ste khyer nas bdag nyid kyang yongs su longs spyod par byed/ lhag ma yod na dge slong dag la yang bgo bsha' byed do/ /de nas lhas byin 'di snyam du sems te/ de ltar mu ge nyam nga ba dgon </font><hr>Ca405a<br><font size=+1>


@#/ /pa slong mo pas bsod snyoms rnyed par dka' ba byung ste/ 'di na dge slong gang dag rdzu 'phrul thob pa de dag ni gang gi ming gis 'dzam bu'i gling zhes bya bar shes pa'i 'dzam bu de las 'dzam bu'i 'bras bu lhags pa/ kha dog dang dri dang ro dang ldan pa dag dang / de'i nye 'khor na skyu ru ra'i tshal dang / bil ba'i tshal dang / ka pid tha'i tshal nas de dag gi 'bras bu lhags pa/ kha dog dang dri dang ro dang ldan pa dag gis lhung bzed bkang ste khyer nas bdag nyid kyang yongs su longs spyod par byed/ lhag ma yod na dge slong rnams la yang bgo bsha' byed/ shar gyi lus 'phags dang / nub kyi ba lang spyod du yang song / byang gi sgra mi snyan du yang song ste/ ma rmos ma btab pa'i 'bras sA lu'i 'bru dag gis lhung bzed bkang ste khyer nas bdag nyid kyang yongs su longs spyod par byed/ lhag ma yod na dge slong rnams la yang bgo bsha' byed/ rgyal chen bzhi'i ris kyi lha rnams kyi nang du yang song / sum cu rtsa gsum pa'i ris kyi lha rnams kyi nang du yang song ste/ lha'i bdud rtsi dag gis lhung bzed bkang ste khyer nas bdag nyid kyang yongs su longs spyod par byed/ lhag ma yod na dge slong rnams la bgo bsha' byed/ yul gang dag 'byor pa rgyas pa bde ba lo legs pa/ skye bo dang mi mang pos gang ba de dag tu yang song ste/ bca' ba dang bza' ba </font><hr>Ca405b<br><font size=+1>


gtsang ba bsod pa dag gis lhung bzed bkang ste khyer nas bdag nyid kyang yongs su longs spyod par byed/ lhag ma yod na dge slong dag la yang bgo bsha' byed kyis/ bdag gis kyang gal te rdzu 'phrul thob par gyur na/ bdag gis kyang gang gi ming gis 'dzam bu'i gling zhes bya bar shes pa'i shing 'dzam bu'i 'bras bu lhags pa/ kha dog dang dri dang ro dang ldan pa dag dang / de'i nye 'khor na skyu ru ra'i tshal dang / bil ba'i tshal dang / ka pid tha'i tshal nas de dag gi 'bras bu lhags pa/ kha dog dang dri dang ro dang ldan pa dag gis lhung bzed bkang ste khyer nas bdag nyid kyang yongs su longs spyod par bya/ lhag ma yod na dge slong rnams la yang bgo bsha' bya/ shar gyi lus 'phags dang / nub kyi ba lang spyod du yang song / byang gi sgra mi snyan du yang song ste/ ma rmos ma btab pa'i 'bras sA lu'i 'bru dag gis lhung bzed bkang ste khyer nas bdag nyid kyang yongs su longs spyod par bya/ lhag ma yod na dge slong rnams la yang bgo bsha' bya/ rgyal chen bzhi'i ris kyi lha rnams kyi nang du yang song / sum cu rtsa gsum pa'i ris kyi lha rnams kyi nang du yang song ste/ lha'i bdud rtsi dag gis lhung bzed bkang ste khyer nas bdag nyid kyang yongs su longs spyod par bya/ lhag ma yod na dge slong dag la yang bgo bsha' bya/ yul gang dag 'byor pa rgyas pa lo legs pa skye bo dang mi mang pos gang ba de dag tu yang song ste/ bca' ba dang </font><hr>Ca406a<br><font size=+1>


@#/ /bza' ba gtsang ba bsod pa dag gis lhung bzed bkang ste khyer nas bdag nyid kyang yongs su longs spyod par bya/ lhag ma yod na dge slong dag la yang bgo bsha' bya na/ de'i phyir bdag la rdzu 'phrul gyi lam ston par nus pa su yod snyam mo/ /de nas lhas byin bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te/ mtha' gcig tu 'dug go /mtha' gcig tu 'dug nas/ bcom ldan 'das la lhas byin gyis 'di skad ces gsol to/ /bcom ldan 'das kyis bdag la rdzu 'phrul gyi lam bstan du gsol/ de nas bcom ldan 'das kyis lhas byin la sdig pa can gyi 'dod pa'i rnam pa de lta bu de byung bar thugs su chud nas lhas byin la 'di skad ces bka' stsal to/ go'u ta ma'i bu khyod kyis lhag pa'i tshul khrims la mngon par brtson par gyis shig dang / khyod la rdzu 'phrul dang gzhan yang 'byung bar 'gyur ro/ /go'u ta ma'i bu khyod kyis lhag pa'i sems dang lhag pa'i shes rab la mngon par brtson par gyis shig dang / khyod la rdzu 'phrul dang gzhan yang 'byung bar 'gyur ro/ /de nas lhas byin 'di snyam du sems te/ bcom ldan 'das kyis bdag la rdzu 'phrul gyi lam mi ston to snyam du rig nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas song nas tshe dang ldan pa kun shes ko'u Di n+ya </font><hr>Ca406b<br><font size=+1>


ga la ba der song ste phyin nas/ tshe dang ldan pa kun shes ko'u Di n+ya la 'di skad ces smras so/ /gnas brtan gyis bdag la rdzu 'phrul gyi lam bstan du gsol/ tshe dang ldan pa kun shes ko'u Di n+yas bcom ldan 'das kyi thugs la yang rnam par bltas/ lhas byin la sdig pa can gyi 'dod pa'i rnam pa de lta bu de byung bar yang rig nas lhas byin la 'di skad ces smras so/ /lhas byin khyod kyis gzugs tshul bzhin yid la gyis shig dang khyod la rdzu 'phrul dang gzhan yang 'byung bar 'gyur ro/ /lhas byin khyod kyis tshor ba dang 'du shes dang 'du byed rnams dang / rnam par shes pa tshul bzhin yid la gyis shig dang khyod la rdzu 'phrul dang gzhan yang 'byung bar 'gyur ro/ /de nas lhas byin 'di snyam du sems te/ gnas brtan kun shes ko'u Di n+ya yang bdag la rdzu 'phrul gyi lam ston par mi byed do snyam du rig nas tshe dang ldan pa rta thul dang / bzang po dang / rlangs pa dang / ming chen dang / grags pa dang / gang po dang / dri med dang / ba lang bdag dang / lag bzang la sogs pa gnas brtan lnga brgya po dag ga la ba der song ste phyin nas/ gnas brtan lnga brgya po dag la 'di skad ces smras so/ /gnas brtan dag gis bdag la rdzu 'phrul gyi lam bstan du gsol/ de nas gnas brtan lnga brgya po bdag gis bcom ldan 'das dang dge slong gnas brtan gnas brtan rnams kyi thugs yid la rnam par bltas/ lhas byin la sdig pa can gyi 'dod pa'i rnam pa de lta bu de byung bar yang rig </font><hr>Ca407a<br><font size=+1>


@#/ /nas lhas byin la 'di skad ces smras so/ /lhas byin khyod kyis gzugs tshul bzhin yid la gyis shig dang khyod la rdzu 'phrul dang gzhan yang 'byung bar 'gyur ro/ /lhas byin khyod kyis tshor ba dang 'du shes dang 'du byed rnams dang rnam par shes pa tshul bzhin yid la gyis shig dang khyod la rdzu 'phrul dang gzhan yang 'byung bar 'gyur ro/ /de nas lhas byin 'di snyam du sems te/ gnas brtan lnga brgya po dag kyang bdag la rdzu 'phrul gyi lam mi ston te/ 'di ltar tshe dang ldan pa 'di dag gis sngar bcom ldan 'das dang lhan cig yang dag par bgros par gyur pas des na 'ga' yang bdag la rdzu 'phrul gyi lam ston par mi byed na/ bdag la rdzu 'phrul gyi lam ston par nus pa gzhan su yod snyam mo/ /de'i tshe na tshe dang ldan pa 'od srung stobs bcu pa rgyal po'i khab na sde can ma'i phug na 'dug go/ de nas lhas byin 'di snyam du sems te/ gnas brtan 'od srung stobs bcu pa 'di ni yun ring po nas g.yo med pa sgyu med pa drang po drang po'i rang bzhin can bdag gi phu nu bo rgan pa kun dga' bo'i mkhan po yin pas gnas brtan 'od srung stobs bcu pas bdag la rdzu 'phrul gyi lam ston par nus so snyam du rig nas/ tshe dang ldan pa 'od srung stobs bcu pa ga la ba der song ste phyin nas/ tshe dang ldan pa 'od srung stobs bcu pa'i rkang pa gnyis la mgo bos phyag 'tshal te mtha' gcig tu 'dug go /mtha' gcig </font><hr>Ca407b<br><font size=+1>


tu 'dug nas tshe dang ldan pa 'od srung stobs bcu pa la lhas byin gyis 'di skad ces smras so/ /gnas brtan gyis bdag la rdzu 'phrul gyi lam bstan du gsol/ de nas tshe dang ldan pa 'od srung stobs bcu pas/ bcom ldan 'das dang dge slong gnas brtan gnas brtan rnams kyi thugs yid dang / lhas byin la sdig pa can gyi 'dod pa'i rnam pa de lta bu de byung ba la rnam par ma bltas par lhas byin la rdzu 'phrul gyi lam bstan to/ /de nas lhas byin gyis nam gyi cha stod dang nam gyi cha smad la mi nyal bar sbyor ba'i rjes su brtson pas spyod cing bsam gtan dang po la brten nas 'jig rten pa'i lam gyi rdzu 'phrul mngon par bsgrubs nas/ de gcig tu gyur nas mang por 'gyur ro/ /mang por gyur nas gcig tu 'gyur ro/ /shes pa dang mthong bas snang ba dang mi snang ba yang nyams su myong bar byed do/ /ngos kyi rtsig pa dang ngos kyi ra ba dang ri la yang lus kyis mi thogs par 'gro ste/ dper na nam mkha' la bya ba bzhin no/ /sa la yang steng du 'byung ba dang bye'u zul byed do/ dper na chu la bya ba bzhin no/ /chu la yang mi nub par rgyun phyogs su 'gro ste/ dper na sa chen po la bya ba bzhin no/ /nam mkha' la yang skyil mo krung gis 'gro ste/ dper na 'dab chags bya bzhin no/ / du ba 'thul bar yang byed/ 'bar bar yang byed de/ dper na me'i phung po chen po bzhin no/ /lus las chu'i rgyun 'byin te/ dper na sprin chen po bzhin no/ /nyi ma dang zla 'di gnyis 'di ltar rdzu 'phrul che ba 'di ltar mthu </font><hr>Ca408a<br><font size=+1>


@#/ /che ba 'di ltar gzi brjid che ba la yang lag pas nom zhing nyug par byed do/ /de nas lhas byin 'di snyam du sems te/ bdag la gang gi ming gis 'dzam bu'i gling zhes bya bar shes pa'i shing 'dzam bu de las 'dzam bu'i 'bras bu lhags pa kha dog dang dri dang ro dang ldan pa rnams dang / de'i nye 'khor nas skyu ru ra'i tshal dang / bil ba'i tshal dang / ka pid tha'i tshal de las de dag gi 'bras bu lhags pa kha dog dang dri dang ro dang ldan pa rnams kyis lhung bzed bkang ste khyer nas bdag nyid kyang yongs su longs spyad par bya/ lhag ma yod na dge slong dag la yang bgo bsha' bya ba dang / shar gyi lus 'phags dang / nub kyi ba lang spyod du yang song / byang gi sgra mi snyan du yang song ste/ ma rmos ma btab pa'i 'bras sA lu'i 'bru dag gis lhung bzed bkang ste khyer nas bdag nyid kyang yongs su longs spyad par bya/ lhag ma yod na dge slong dag la yang bgo bsha' bya ba dang / rgyal chen bzhi'i ris kyis lha rnams kyi nang du yang song / sum cu rtsa gsum pa'i ris kyi lha rnams kyi nang du yang song ste/ lha'i bdud rtsi dag gis lhung bzed bkang ste khyer nas bdag nyid kyang yongs su longs spyad par bya/ lhag ma yod na dge slong dag la yang bgo bsha' bya ba dang / yul gang dag 'byor pa rgyas pa/ bde ba lo legs pa/ skye bo dang mi mang pos gang ba de dag nas bca' ba dang bza' ba gtsang ba bsod pa dag gis lhung bzed </font><hr>Ca408b<br><font size=+1>


bkang ste khyer nas bdag nyid kyang yongs su longs spyod par bya/ lhag ma yod na dge slong dag la yang bgo bsha' bya bas ci zhig byas/ bdag gis ma ga d+ha'i zhing 'di na mi gtso bo gang yin pa rjes su 'jug par bya na/ ma ga d+ha'i zhing 'di na gang rjes su 'jug par byas nas tshegs chung dus skye bo phal po che'i tshogs kyang rjes su 'jug par 'gyur ba'i mi'i gtso bo rjes su 'jug par bya ba gang yod snyam mo/ /de nas lhas byin 'di snyam du sems te/ gzhon nu ma skyes dgra 'di ni pha 'das nas pha'i rgyal srid kyi dbang phyug gi bdag po la gnas par gyur pa yin gyis/ bdag gis gzhon nu ma skyes dgra rjes su 'jug par byas te/ de rjes su zhugs na/ tshegs chung dus skye bo phal po che'i tshogs kyang rjes su 'jug par 'gyur ro snyam mo/ /de nas lhas byin gyis glang po che mthu dang ldan pa'i bu rigs btsun par bsgyur nas/ gzhon nu ma skyes dgra'i khyim du sgo nas zhugs te sge'u chung nas phyir byung zhing / sge'u chung nas zhugs te sgo nas phyir byung ngo / /rta mthu dang ldan pa'i bu rigs btsun par bsgyur nas/ sgo nas zhugs te sge'u chung nas phyir byung zhing / sge'u chung nas zhugs te sgo nas phyir byung ngo / /de nas dge slong mgo bregs pa snam sbyar gyon par bsgyur nas/ gzhon nu ma skyes dgra'i khyim du sgo nas zhugs te sge'u chung nas phyir byung zhing / sge'u chung nas zhugs te sgo nas phyir byung ba dang / gzhon nu ma skyes dgras kyang kye ma 'di ni 'phags pa lhas byin yin no snyam du shes so/ /de nas lhas byin gyis skyes </font><hr>Ca409a<br><font size=+1>


@#/ /phran gzhon nu gser gyi 'og pag can du bsgyur nas gzhon nu ma skyes dgra'i pang pa na 'gre bar byed/ ldog par byed cing gzhon nu ma skyes dgra yang de la 'khyud par byed/ kha sbyor bar byed/ kun tu 'khyud par byed cing / de'i khar mchil ma yang ldug par byed pa na/ 'di lta ste/ lhas byin rnyed pa dang / bkur stis zil gyis non cing sems yongs su gtugs pas de yang mid par byed do/ /gzhon nu ma skyes dgras kyang kye ma 'di ni 'phags pa lhas byin yin no snyam du yang shes so/ /de nas gzhon nu ma skyes dgras kye ma 'phags pa lhas byin ni ston pa bas kyang ches rdzu 'phrul che ba yin no snyam pa'i sdig pa can gyi lta ba rgya chen po thob par gyur cing de la dad par gyur nas dad pa'i ched du bya ba byed par gyur te/ nang par dang dgongs kar shing rta lnga brgya tsam dang lhan cig 'byung zhing de la bsnyen bkur byed do/ /de la snod du btsos pa lnga brgya tsam gyi zas kyi tshom bu tshom bu dag 'bul bar byed do/ /lhas byin yang dge slong lnga brgya tsam dang lhan cig zas kyi gral du bkad par byed do/ /de nas dge slong rab tu mang po dag snga dro sham thabs bgos/ lhung bzed dang chos gos thogs te/ rgyal po'i khab tu bsod snyoms la zhugs pa na/ dge slong rab tu mang po dag rgyal po'i khab na bsod snyoms rgyu bas lhas byin la rnyed pa dang bkur sti rnam pa 'di lta bu 'di 'byung ste/ lus 'phags ma'i bu ma ga d+har byung ba'i rgyal po ma skyes dgra nang par dang </font><hr>Ca409b<br><font size=+1>


dgongs kar shing rta lnga brgya tsam dang lhan cig 'byung zhing de la bsnyen bkur byed do/ /de la snod du btsos pa lnga brgya tsam gyi zas kyi tshom bu tshom bu dag kyang 'bul bar byed do/ /lhas byin yang dge slong lnga brgya tsam dang lhan cig zas kyi gral du bkad par byed do zhes thos so/ /thos nas kyang rgyal po'i khab tu bsod snyoms brgyus zas kyi bya ba byas te/ phyi ma'i zas kyi bsod snyoms las phyir log pas lhung bzed dang chos gos mkhos su phab ste/ rkang pa gnyis bkrus nas bcom ldan 'das ga la ba der dong ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas bcom ldan 'das la dge slong rab tu mang po dag gis 'di skad ces gsol to/ /btsun pa 'di na bdag cag dge slong rab tu mang po dang snga dro sham thabs 'tshal/ lhung bzed dang chos gos thogs/ rgyal po'i khab tu bsod snyoms la zhugs pa na/ bdag cag dge slong rab tu mang po dag rgyal po'i khab na bsod snyoms rgyu bas lhas byin la rnyed pa dang bkur sti rnam pa 'di lta bu 'di 'byung ste/ lus 'phags ma'i bu ma ga d+har byung ba'i rgyal po ma skyes dgra nang par dang dgongs kar shing rta lnga brgya tsam dang lhan cig 'byung zhing de la bsnyen bkur bgyid do/ /de la snod du bsgral ba lnga brgya tsam gyi zas kyi tshom bu tshom bu dag kyang 'bul bar bgyid do/ /lhas byin yang dge slong lnga brgya tsam dang lhan cig zas kyi gral du bkad par bgyid </font><hr>Ca410a<br><font size=+1>


@#/ /do zhes thos so/ /dge slong dag khyed cag lhas byin gyi rnyed pa dang bkur sti la dga' bar ma byed cig /de ci'i phyir zhe na/ dge slong dag lhas byin gyi rnyed pa dang bkur sti ni gsod par 'gyur ba dang / lhas byin gyi rnyed pa dang bkur sti ni zil gyis gnon par 'gyur ba yin pa'i phyir ro/ /dge slong dag 'di lta ste/ dper na chu shing 'bras bu rgyas pa ni gsod par 'gyur ba dang / chu shing 'bras bu rgyas pa ni zil gyis gnon par 'gyur ba de bzhin du/ lhas byin gyi rnyed pa dang bkur sti yang gsod par 'gyur ba dang / lhas byin gyi rnyed pa dang bkur sti yang zil gyis gnon par 'gyur ba yin no/ /'di lta ste dper na 'od ma dang 'dam bu 'bras bu rgyas pa ni gsod par 'gyur ba dang / 'od ma dang 'dam bu 'bras bu rgyas pa ni zil gyis gnon par 'gyur ba de bzhin du/ lhas byin gyi rnyed pa dang bkur sti yang gsod par 'gyur ba dang / lhas byin gyi rnyed pa dang bkur sti yang zil gyis gnon par 'gyur ba yin no/ /'di lta ste dper na dre'u mos mngal na gnas pa 'dzin pa ni gsod par 'gyur ba dang / dre'u mos mngal na gnas pa 'dzin pa ni zil gyis gnon par 'gyur ba de bzhin du/ lhas byin gyi rnyed pa dang bkur sti yang gsod par 'gyur ba dang / lhas byin gyi rnyed pa dang bkur sti yang zil gyis gnon par 'gyur ba yin no/ /dge slong dag lhas byin la ji tsam du rnyed pa dang bkur sti rnam pa de lta bu de 'byung bar 'gyur ba ni mi gti </font><hr>Ca410b<br><font size=+1>


mug can de la yun ring por don med pa dang gnod pa dang sdug bsngal du 'gyur ro/ /dge slong dag de lta bas na khyod kyis 'di ltar bslab par bya ste/ rnyed pa dang bkur sti zil gyis gnon par bya zhing rnyed pa dang bkur sti byung bas sems yongs su gtugs shing gnas par mi bya ste/ dge slong dag khyed kyis de ltar bslab par bya'o/ /bcom ldan 'das kyis de skad ces bka' stsal te| bde bar gshegs pas de skad gsungs nas/ ston pas gzhan yang 'di skad ces bka' stsal to/ /chu shing 'bras bus gsod par byed/ /'od 'bras 'dam bu 'bras bus gsod/ / dre'u mo rang gi mngal gyis ltar/ /mi ngan bkur stis gsod par byed/ /byis pa ji tsam grags gyur pa/ /don med nyid du 'gyur pa yin/ /byis pa'i dkar cha gsod byed cing / /rtse mo las kyang ltung bar 'gyur/ /de nas lhas byin rnyed pa dang bkur stis zil gyis non cing sems yongs su gtugs pa la sdig pa can gyi 'dod pa'i rnam pa 'di lta bu 'di byung ste/ da ltar bcom ldan 'das ni rgan po rgas pa dgog tu gyur pas 'khor bzhi po dge slong dang / dge slong ma dang / dge bsnyen dang / dge bsnyen ma la 'doms pas ngal bar 'gyur bas/ kye ma bcom ldan 'das kyis dge slong gi dge 'dun bdag la btang bar gyur na/ bdag gis kyang dge slong gi dge 'dun yongs su drang bar bya zhing / bcom ldan 'das kyang tshe 'di nyid la bde bar gnas pa la </font><hr>Ca411a<br><font size=+1>


@#/ /sbyor ba'i rjes su brtson pas thugs las chung ngur gnas par 'gyur ro snyam mo/ /sems bskyed ma thag tu de'i rdzu 'phrul yongs su nyams par gyur cing yongs su nyams kyang bdag yongs su nyams so snyam du mi shes par gyur to/ /de'i tshe na bcom ldan 'das kyi nyan thos ko'u 'di n+ya'i bu dge slong nog can gyis bcom ldan 'das kyi drung du tshangs par spyod pa spyad pa de/ tshangs pa'i gnas bzhi po dag bsgoms nas 'dod pa dag la 'dod pa la 'dun pa spangs te/ des mang du gnas pas tshangs pa'i 'jig rten dang ris mthun par skyes so/ / de'i tshe na tshe dang ldan pa mo'u 'gal gyi bu chen po ngan spong gi bu dag na chu srin byis pa gsod kyi ri la 'jigs rung gi tshal ri dwags kyi nags na 'dug go /de nas tshangs pa nog can gyis lhas byin rdzu 'phrul de las yongs su nyams par rig nas/ 'di lta ste dper na skyes bu stobs dang ldan pas lag ngar bskums pa las brkyang pa'am/ brkyangs pa las bskum par byed pa de bzhin du tshangs pa nog can tshangs pa'i 'jig rten nas mi snang bar gyur nas ngan spong gi bu dag tu chu srin byis pa gsod kyi ri la 'jigs rung gi tshal ri dwags kyi nags su tshe dang ldan pa mo'u 'gal gyi bu chen po'i mdun du 'dug go /de nas tshe dang ldan pa mo'u 'gal gyi bu chen po la tshangs pa nog can gyis 'di skad ces smras so/ /'phags pa mo'u 'gal gyi bu mkhyen par mdzod </font><hr>Ca411b<br><font size=+1>


cig /lhas byin gyi rnyed pa dang bkur stis zil gyis non cing sems yongs su gtugs pa la sdig pa can gyis 'dod pa'i rnam pa 'di lta bu 'di byung ste/ da ltar bcom ldan 'das ni rgan po rgas pa dgog tu gyur pas 'khor bzhi po dge slong dang / dge slong ma dang / dge bsnyen dang / dge bsnyen ma la 'doms pas ngal bar 'gyur bas/ kye ma bcom ldan 'das kyis dge slong gi dge 'dun bdag la btang bar gyur na/ bdag gis kyang dge slong gi dge 'dun drang bar bya zhing / bcom ldan 'das kyang tshe 'di la bde bar gnas pa la sbyor ba'i rjes su brtson pas thugs las chung ngur gnas par 'gyur ro snyam nas sems bskyed ma thag tu de rdzu 'phrul yongs su nyams par gyur cing / yongs su nyams kyang bdag yongs su nyams so snyam du mi shes par gyur gyis btsun pa mo'u 'gal gyi bu chen po bcom ldan 'das ga la ba der bzhud de/ byon nas don de bcom ldan 'das la rgyas par gsol na legs so/ /tshe dang ldan pa mo'u 'gal gyi bu chen pos tshangs pa nog can la cang mi smra bas dang du blangs so/ /de nas tshangs pa nog can gyis tshe dang ldan pa mo'u 'gal gyi bu chen pos cang mi smra bas dang du blangs par rig nas/ tshe dang ldan pa mo'u 'gal gyi bu chen po'i rkang pa gnyis la mgo bos phyag 'tshal te/ de nyid du mi snang bar gyur to/ /de nas tshe dang ldan pa mo'u 'gal gyi bu chen pos tshangs pa nog can song nas ring po ma lon par rig nas/ ji </font><hr>Ca412a<br><font size=+1>


@#/ /ltar sems mnyam par bzhag na 'di lta ste dper na/ skyes bu stobs dang ldan pas lag ngar bskums pa las brkyang pa'am/ brkyangs pa las bskum par byed pa de bzhin du| tshe dang ldan pa mo'u 'gal gyi bu chen po ngan spong gi bu dag nas mi snang bar gyur cing / rgyal po'i khab tu 'od ma'i tshal bya ka lan da ka'i gnas su gnas par gyur pa de lta bu'i ting nge 'dzin la snyoms par zhugs so/ /de nas tshe dang ldan pa mo'u 'gal gyi bu chen pos bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas tshe dang ldan pa mo'u 'gal gyi bu chen pos de la tshangs pa nog can dang lhan cig par du gtam brjod pa ci byung bar gyur pa de dag thams cad bcom ldan 'das la rgyas par gsol to/ /de skad ces gsol pa dang / bcom ldan 'das kyis tshe dang ldan pa mo'u 'gal gyi bu chen po la 'di skad ces bka' stsal to/ /mo'u 'gal gyi bu khyod kyis ches sngar lhas byin gyi sems la sems kyis khyab par byas te rig nas/ de'i 'og tu tshangs pa nog can gyis ma brjod dam/ btsun pa de lags te/ bdag gis ches sngar lhas byin gyi sems la sems kyis khyab par bgyis te rig nas de'i 'og tu tshangs pa nog can gyi brjod lags so/ /bcom ldan 'das tshe dang ldan pa mo'u 'gal gyi bu chen po </font><hr>Ca412b<br><font size=+1>


dang thabs cig bar du bka' mchid 'di gsung ba'i skabs su lhas byin grogs dge slong bzhi po ko ka li dang / khan da drab bya dang / ka ta mo ra ka ti sh+ya dang / rgya mtshos byin dang lhan cig bcom ldan 'das ga la ba der song ngo / /bcom ldan 'das kyis lhas byin thag ring po kho na nas gzigs so/ /gzigs nas kyang tshe dang ldan pa mo'u 'gal gyi bu chen po la bka' stsal pa/ mo'u 'gal gyi bu lhas byin de 'ong zhing da mi gti mug can de nga'i mdun du bdag nyid kyi bdag nyid lung ston par byed kyis da tshig srungs shig /de nas tshe dang ldan pa mo'u 'gal gyi bu chen pos bcom ldan 'das kyi zhabs gnyis la mgo bos phyag 'tshal te/ ji ltar sems mnyam par bzhag na 'di lta ste dper na/ skyes bu stobs dang ldan pas lag ngar bskums pa las brkyang ba'am/ brkyangs pa las bskum par byed pa de bzhin du tshe dang ldan pa mo'u 'gal gyi bu chen po rgyal po'i khab kyi 'od ma'i tshal bya ka lan da ka'i gnas nas mi snang bar gyur cing ngan spong gi bu dag na chu srin byis pa gsod kyi ri la 'jigs rung gi tshal ri dwags kyi nags su gnas par gyur pa de lta bu'i ting nge 'dzin la snyoms par zhugs so/ /de nas lhas byin bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das la lhas byin gyis 'di skad ces </font><hr>Ca413a<br><font size=+1>


@#/ /gsol to/ /da ltar bcom ldan 'das bgres po bgres pa dgog tu gyur pas 'khor bzhi po dge slong dang / dge slong ma dang / dge bsnyen dang / dge bsnyen ma la 'doms pas bsnyel bar gyur pas/ bcom ldan 'das kyis dge slong gi dge 'dun bdag la btang na legs te/ bdag gis dge slong gi dge 'dun yongs su drang bar bgyi zhing / bcom ldan 'das kyang tshe 'di la bde bar gnas pa la sbyor ba'i rjes su brtson pas thugs las chung ngur gnas par 'gyur ro/ /mi gti mug can shA ri'i bu dang / mo'u 'gal gyi bu tshangs pa mtshungs par spyod pa/ des pa des pa dag la yang re zhig dge slong gi dge 'dun gtong bar mi byed na/ ro dang 'dra ba mchil ma za ba khyod la gtong re skan/ de nas lhas byin 'di snyam du sems te/ bcom ldan 'das kyis shA ri'i bu dang / mo'u 'gal gyi bu gnyis kyi bsngags pa brjod cing / bdag la ro dang 'dra ba mchil ma za ba zhes brjod pas kun tu spyad do snyam nas/ de na lhas byin gyis de'i dang por bcom ldan 'das la kun nas mnar sems dang mi bzod pa dang yid mi ches pa byas par gyur to/ /de nas lhas byin gyis sdod cig ces brjod de/ mgo lan gsum lcogs nas bcom ldan 'das kyi spyan snga nas song ngo // //sarba mang+ga laM// </font><hr>Cha1b<br><font size=+1>


@##/ /'dul ba rnam par 'byed pa/ bam po nyer gnyis pa/ de'i tshe na tshe dang ldan pa kun dga' bo bcom ldan 'das kyi snam logs na bsil yab thogs te/ bcom ldan 'das la bsil yab kyis g.yob cing 'dug go /de nas bcom ldan 'das kyis lhas byin song nas ring po ma lon par thugs su chud nas/ tshe dang ldan pa kun dga' bo la bka' stsal pa/ kun dga' bo/ </font><hr>Cha2a<br><font size=+1>


@##/ /song la 'od ma'i tshal bya ka land ka'i gnas na dge slong ji snyed nye bar brten cing gnas pa de dag thams cad dpong sa'i khang par sdus shig /tshe dang ldan pa kun dga' bos/ btsun pa/ bka' bzhin 'tshal zhes bcom ldan 'das las mnyan nas 'od ma'i tshal ka land ka'i gnas na dge slong ji snyed nye bar brten cing gnas pa de dag thams cad dpong sa'i khang par bsdus nas/ bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das la tshe dang ldan pa kun dga' </font><hr>Cha2b<br><font size=+1>


bos 'di skad ces gsol to/ /btsun pa/ 'od ma'i tshal ka land ka'i gnas na dge slong ji snyed cig nye bar brten cing gnas pa de dag thams cad dpong sa'i khang par mchis shing mthun par gyur na/ bcom ldan 'das da de'i dus la bab par dgongs su gsol/ de nas bcom ldan 'das dpong sa'i khang pa ga la ba der gshegs te byon nas dge slong gi dge 'dun gyi gong du gdan bshams pa nyid la bzhugs so| |bzhugs nas bcom ldan 'das kyis dge slong rnams la bka' stsal pa/ dge slong dag /lnga po 'di dag ni/ 'jig rten na yod cing srid pa'i ston pa dag yin te/ lnga gang zhe na/ 'di na ston pa gcig ni/ tshul khrims yongs su ma dag bzhin du bdag gi tshul khrims yongs su dag cing kun nas nyon mongs pa med do/ /zhes dam 'cha' bar byed de/ de la nyan thos rnams kyis lhan cig 'grogs pa'i rgyus/ ston </font><hr>Cha3a<br><font size=+1>


@##/ /pa shes ldan 'di ni/ tshul khrims yongs su ma dag bzhin du bdag gi tshul khrims yongs su dag cing kun nas nyon mongs pa med do/ /zhes dam 'cha' bar shes mod kyi/ bdag cag gis gal te ston pa 'di gzhan la brjod par gyur na/ des 'di yid mi dga' bar 'gyur bas/ bdag cag la gang gis 'di yid mi dga' bar gyur pa des ston pa la kun tu spyad pas ci bya ste/ ston pa shes ldan 'di rang nyid kyis shes par zad do/ /'di bdag cag la 'di lta ste/ chos gos dang / bsod snyoms dang / gnas mal dang / na ba'i rkyen dang sman gyi yo byad dag gis sems par byed do/ /snyam pas nyan thos rnams kyang de la tshul khrims kyi sgo nas rjes su bsrung bar bya bar sems so/ /ston pa de lta bu ni| nyan thos rnams las tshul khrims rjes su bsrung bar re bar byed de/ 'di ni/ 'jig rten na yod cing srid pa'i ston pa dang po yin no/ /gzhan </font><hr>Cha3b<br><font size=+1>


yang / 'di na ston pa gcig ni/ 'tsho ba yongs su ma dag bzhin du bdag gi 'tsho ba yongs su dag cing kun nas nyon mongs pa med do/ /zhes dam 'cha' bar byed de/ de la nyan thos rnams kyis lhan cig 'grogs pa'i rgyus/ ston pa shes ldan 'di ni/ 'tsho ba yongs su ma dag bzhin du bdag gi 'tsho ba yongs su dag cing kun nas nyon mongs pa med do/ /zhes dam 'cha' bar shes mod kyi/ bdag cag gis ston pa 'di gzhan la brjod par gyur na/ des 'di yid mi dga' bar 'gyur bas bdag cag la gang gis 'di yid mi dga' bar gyur pa des ston pa la kun tu spyad pas ci bya ste/ ston pa shes ldan 'di rang nyid shes par zad do/ /'di bdag cag la 'di lta ste/ chos gos dang / bsod snyoms dang / gnas mal dang / na ba'i rkyen dang sman gyi yo byad dag gis sems par byed do/ /snyam pas nyan thos rnams kyang de la 'tsho ba'i sgo nas rjes su bsrung bar bya bar sems so/ /ston pa de lta bu ni/ nyan thos rnams las 'tsho ba rjes su bsrung ba re bar byed de/ 'di ni/ 'jig rten na yod cing srid pa'i ston pa gnyis pa yin no/ /gzhan yang / 'di na ston pa gcig ni/ shes pa dang mthong ba yongs su ma dag bzhin du bdag gis shes pa dang mthong ba yongs su dag cing kun nas nyon mongs pa med do/ /zhes dam 'cha' bar byed de/ de la nyan thos rnams kyis lhan cig 'grogs pa'i rgyus/ ston pa shes ldan 'di ni/ shes pa </font><hr>Cha4a<br><font size=+1>


@#/ /dang mthong ba yongs su ma dag bzhin du bdag gi shes pa dang mthong ba yongs su dag cing kun nas nyon mongs pa med do/ /zhes dam 'cha' bar shes mod kyi/ bdag cag gis ston pa 'di gzhan la brjod par gyur na/ des 'di yid mi dga' bar 'gyur pas/ bdag cag la gang gis 'di yid mi dga' bar gyur pa des ston pa la kun tu spyad pas ci bya ste| ston pa shes ldan 'di rang nyid shes par zad do/ /'di bdag cag la 'di lta ste/ chos gos dang / bsod snyoms dang / gnas mal dang / na ba'i rkyen dang sman gyi yo byad dag gis sems par byed do/ /snyam pas nyan thos rnams kyang de la shes pa dang mthong ba'i sgo nas rjes su bsrung bar bya bar sems so/ /ston pa de lta bu ni/ nyan thos rnams las shes pa dang mthong ba rjes su srung ba re bar byed de/ 'di ni/ 'jig rten na yod cing srid pa'i ston pa gsum pa yin no/ /gzhan yang / 'di na ston pa gcig ni/ brda sprod pa phun sum tshogs pa ma yin bzhin du bdag ni/ brda sprod pa phun sum tshogs shing kun nas nyon mongs pa med do/ /zhes dam 'cha' bar byed do/ /de la nyan thos rnams kyis lhan cig 'grogs pa'i rgyus/ ston pa shes ldan 'di ni/ brda sprod pa phun sum tshogs pa ma yin bzhin du bdag ni/ brda sprod pa phun sum tshogs shing kun nas nyon mongs pa med do/ /zhes dam 'cha' bar shes mod kyi/ </font><hr>Cha4b<br><font size=+1>


bdag cag gis ston pa 'di gzhan la brjod par gyur na/ des 'di yid mi dga' bar 'gyur bas/ bdag cag la gang gis 'di yid mi dga' bar gyur pa des ston pa la kun tu spyad pas ci bya ste/ ston pa shes ldan 'di rang nyid shes par zad do/ /'di bdag cag la 'di lta ste/ chos gos dang / bsod snyoms dang / gnas mal dang / na ba'i rkyen dang sman gyi yo byad dag gis sems par byed do| |snyam pas nyan thos rnams kyang de la brda sprod pa phun sum tshogs pa'i sgo nas rjes su bsrung bar bya bar sems so/ /ston pa de lta bu ni/ nyan thos rnams las brda sprod pa phun sum tshogs pa rjes su bsrung ba re bar byed de/ 'di ni/ 'jig rten na yod cing srid pa'i ston pa bzhi pa yin no/ /gzhan yang / 'di na ston pa gcig ni/ chos 'dul ba nyes par bshad pa dang ldan bzhin du bdag ni/ chos 'dul ba legs par gsungs pa dang ldan zhing kun nas nyon mongs pa med do/ /zhes dam 'cha' bar byed de/ de la nyan thos rnams kyis lhan cig 'grogs pa'i rgyus/ ston pa shes ldan 'di ni/ chos 'dul ba nyes par bshad pa dang ldan bzhin du bdag ni/ chos 'dul ba legs par gsungs pa dang ldan zhing kun nas nyon mongs pa med do/ /zhes dam 'cha' bar shes mod kyi/ bdag cag gis ston pa 'di gzhan la brjod par gyur na/ des 'di yid mi dga' bar 'gyur bas/ bdag cag la gang gis 'di yid mi dga' bar gyur pa des ston pa la kun tu spyad pas ci bya ste/ ston pa </font><hr>Cha5a<br><font size=+1>


@#/ /shes ldan 'di rang nyid shes par zad do/ /'di bdag cag la 'di lta ste/ chos gos dang / bsod snyoms dang / gnas mal dang / na ba'i rkyen dang sman gyi yo byad dag gis sems par byed do/ /snyam pas/ nyan thos rnams kyang de la chos 'dul ba legs par gsungs pa'i sgo nas rjes su bsrung bar bya bar sems so/ /ston pa de lta bu ni/ nyan thos rnams las chos 'dul ba legs par bshad pa rjes su bsrung ba re bar byed de/ 'di ni/ 'jig rten na yod cing srid pa'i ston pa lnga pa yin no/ /dge slong dag /nga ni/ tshul khrims yongs su dag pa kho na yin pas nga'i tshul khrims yongs su dag cing kun nas nyon mongs pa med do/ /zhes dam 'cha' bar byed de/ nga la nyan thos rnams tshul khrims kyi sgo nas rjes su bsrung bar bya bar mi sems shing nga yang nyan thos rnams las tshul khrims rjes su bsrung ba re bar mi byed do/ /dge slong dag /nga ni/ 'tsho ba yongs su dag pa kho na yin pas nga'i 'tsho ba yongs su dag cing kun nas nyon mongs pa med do/ /zhes dam 'cha' bar byed de/ nga la nyan thos rnams 'tsho ba'i sgo nas rjes su bsrung bar bya bar mi sems shing / nga yang nyan thos rnams las 'tsho ba rjes su bsrung ba re bar mi byed do/ /dge slong dag /nga ni/ shes pa dang mthong ba yongs su dag pa kho na yin pas nga'i shes pa dang mthong ba yongs su dag cing kun nas nyon mongs pa med </font><hr>Cha5b<br><font size=+1>


do| |zhes dam 'cha' bar byed de/ nga la nyan thos rnams shes pa dang mthong ba'i sgo nas rjes su bsrung bar bya bar mi sems shing / nga yang nyan thos rnams las shes pa dang mthong ba rjes su bsrung ba re bar mi byed do/ /dge slong dag /nga ni/ brda sprod pa phun sum tshogs pa kho na yin pas nga'i brda sprod pa phun sum tshogs shing kun nas nyon mongs pa med do/ /zhes dam 'cha' bar byed de/ nga la nyan thos rnams brda sprod pa phun sum tshogs pa'i sgo nas rjes su bsrung bar bya bar mi sems shing / nga yang nyan thos rnams las brda sprod pa phun sum tshogs pa rjes su bsrung ba re bar mi byed do/ /dge slong dag /nga ni/ chos 'dul ba legs par gsungs pa dang ldan pa kho na yin pas nga'i chos 'dul ba legs par gsungs pa yin zhing kun nas nyon mongs pa med do/ /zhes dam 'cha' bar byed de/ nga la nyan thos rnams chos 'dul ba legs par gsungs pa'i sgo nas rjes su bsrung bar bya bar mi sems shing / nga yang nyan thos rnams las chos 'dul ba legs par bshad pa rjes su bsrung ba re bar mi byed do/ /dge slong dag /nga ni/ khyed la tshar bcad cing tshar bcad cing smra bar byed/ zil gyis mnan cing zil gyis mnan cing smra bar byed de/ khyed la dbyig tu mi 'dzin cing rdza mkhan gyi snod som btang ba dag bzhin du gang snying po yod pa de 'jog par byed kyi/ nga'i tshig gi lam dag la bzod par gyis shig/ de nas lhas byin gyis ko ka li ka dang / khand drab bya dang / </font><hr>Cha6a<br><font size=+1>


@#/ /ka Ta mo ra ka ti sh+ya dang / rgya mtshos byin dag la smras pa/ ko ka li ka /khand drab bya/ ka Ta mo ra ka ti sh+ya/ rgya mtshos byin dag /khyed cag tshur sheg /dge sbyong go'u ta ma 'dug bzhin du nyan thos kyi dge 'dun mthun pa dbye bar bya zhing 'khor lo yang dbye bar bya ste/ des na bdag cag shi zhing dus la bab pa dag la dge sbyong go'u ta ma de tsam du rdzu 'phrul che ba| de tsam du mthu che ba 'dug bzhin du lhas byin dang / ko ka li ka dang / khand drab bya dang / ka Ta mo ra ka ti sh+ya dang / rgya mtshos byin gyis nyan thos kyi dge 'dun mthun pa phye zhing 'khor lo yang dbye ba byas so/ /zhes phyogs dang phyogs mtshams su snyan pa'i sgra'i tshogs rgya chen po dge ba mngon par grags par 'gyur ro/ /lhas byin/ bdag cag gis de ltar byar mi nus te/ de ci'i phyir zhe na/ bcom ldan 'das kyi nyan thos mthu che ba/ rdzu 'phrul che ba/ lha'i mig dang ldan pa/ gzhan gyi sems shes pa gang dag yod pa de dag ni/ thag ring po yang mthong la drung na 'dug pas kyang mi mthong zhing / de dag gi sems kyis bdag cag gi sems la khyab par byed de/ yid kyis kyang bdag cag rnam par shes par byed pas de dag gis bdag cag 'phags pa nyid kyang shes par 'gyur ba'i phyir ro/ /ko ka li ka/ thabs 'ga' zhig yod do/ /lhas byin/ thabs de gang yin/ tshur sheg dang bdag cag dge slong gnas brtan gnas brtan rnams kyi drung </font><hr>Cha6b<br><font size=+1>


du song ste/ gnas brtan dag /thugs las chung ngur mdzod cig dang bdag cag gis gnas brtan rnams yo byad thams cad kyis mi brel bar bgyi'o/ /zhes yo byad thams cad kyis bstab par bya'o// gzhon nu rnams la ni/ lhung bzed dang / chos gos dang / dra ba dang / phor bu dang / ska rags dang / lung 'bog pa dang / klag pa dang / kha ton dang / rnal 'byor dang / yid la bya bas bsnyen bkur dang stongs mo bya'o/ /lhas byin/ gal te thabs de lta bu yod na/ de ltar bya'o/ /de nas lhas byin gyis dge 'dun mthun pa dbye ba'i phyir brtul ba dang / dge slong gnas brtan gnas brtan rnams kyis 'phags ma thag tu lhas byin gyis dge 'dun mthun pa dbye ba'i phyir brtul to/ /zhes rnam par shes par gyur na/ dge slong rnams kyis skabs de/ bcom ldan 'das la gsol pa dang / de nas bcom ldan 'das kyis dge slong rnams la bka' stsal pa/ dge slong dag /lhas byin dang / gzhan yang de lta bu gang yin pa la bzhams te bsgo bar bya'o/ /'di skad ces bsgo bar bya ste/ tshe dang ldan pa lhas byin/ khyod dge 'dun mthun pa dbye ba'i phyir brtul par ma byed cig /dbyen byed par 'gyur ba'i rtsod pa yang dag par blangs nas rab tu bzung ste ma 'dug cig /tshe dang ldan pa lhas byin/ khyod dge 'dun dang mthun par gyis shig /dge 'dun mthun/ mi byed/ kun tu dga'/ mi rtsod/ mchog gcig /'don pa gcig cing / chu dang 'o ma gcig tu 'dres pa lta bur </font><hr>Cha7a<br><font size=+1>


@#/ /gyur la/ ston pa'i bstan pa gsal bar byed na/ bde ba la reg par gnas par 'gyur gyi/ tshe dang ldan pa lhas byin/ khyod dge 'dun 'byed par byed pa'i gzhi 'di lta bu 'di thong zhig ces bsgo bar bya'o/ /dge slong rnams kyis/ btsun pa/ bka' bzhin 'tshal zhes bcom ldan 'das las mnyan nas lhas byin la/ tshe dang ldan pa lhas byin/ khyod dge 'dun mthun pa dbye ba'i phyir brtul bar ma byed cig /dbyen byed par 'gyur ba'i rtsod pa yang dag par blangs nas rab tu bzung ste ma 'dug cig /tshe dang ldan pa lhas byin/ khyod dge 'dun dang mthun par gyis shig / dge 'dun mthun/ mi phyed/ kun tu dga'/ mi rtsod/ mchog gcig /'don pa gcig cing / chu dang 'o ma gcig tu 'dres pa lta bur gyur la/ ston pa'i bstan pa gsal bar byed na/ bde ba la reg par gnas par 'gyur gyi/ tshe dang ldan pa lhas byin/ khyod dge 'dun 'byed par byed pa'i gzhi 'di lta bu 'di thong zhing ces bzhams te bsgo'o/ /dge slong rnams kyis de la bzhams te bsgo yang / gzhi de nyid la nan gyis mchog tu bzung zhing mngon par zhen nas 'di nyid bden gyi/ gzhan ni/ rdzun pa'o/ /zhes rjes su tha snyad 'dogs par byed pa'i skabs de/ dge slong rnams kyis bcom ldan 'das la rgyas par gsol pa dang / bcom ldan 'das kyis bka' stsal pa/ dge slong dag/ khyed kyis lhas byin dang / gzhan yang / de lta bu gang yin pa la gsol pa dang bzhi'i </font><hr>Cha7b<br><font size=+1>


las kyis bsgo bar bya'o/ /'di ltar bsgo bar bya ste/ gnas mal bshams pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong lhas byin 'dis dge 'dun mthun par dbye ba'i slad du brtul te/ dbyen bgyid par 'gyur ba'i rtsod pa yang dag par blangs nas rab tu bzung ste mchis na/ 'di la dge slong mang pos bzhams te bsgo na/ 'di la dge slong mang pos bzhams te bsgo yang / gzhi de nyid la nan gyis mchog tu bzung zhing mngon par zhen nas 'di nyid bden gyi/ gzhan ni/ rdzun pa'o/ /zhes rjes su tha snyad 'dogs par bgyid na/ gal te dge 'dun gyis dus la bab cing bzod na/ dge 'dun gyis gnang bar mdzod cig dang / dge 'dun gyis lhas byin la/ tshe dang ldan pa lhas byin/ khyod dge 'dun mthun pa dbye ba'i phyir brtul bar ma byed cig /dbyen byed par 'gyur ba'i rtsod pa yang dag par blangs nas rab tu bzung ste ma 'dug cig /tshe dang ldan pa lhas byin/ khyod dge 'dun dang mthun par gyis shig /dge 'dun mthun/ mi phyed/ kun tu dga'/ mi rtsod/ mchog gcig /'don pa gcig cing / chu dang 'o ma gcig tu 'dres pa lta bur gyur la/ ston pa'i bstan pa gsal bar byed na/ bde ba la reg par gnas par 'gyur gyi/ tshe dang ldan pa lhas byin/ khyod dge 'dun 'byed </font><hr>Cha8a<br><font size=+1>


@#/ /pa'i gzhi 'di lta bu 'di thong zhig ces gsol ba dang bzhi'i las kyis bsgo ba mdzad do/ /'di ni/ gsol ba'o/ /las ni/ 'di ltar bya ste/ dge 'dun btsun pa rnams gsan du gsol/ dge slong lhas byin 'dis dge 'dun mthun pa dbye ba'i slad du brtul te/ dbyen bgyid par 'gyur ba'i rtsod pa yang dag par blangs nas rab tu bzung ste mchis nas/ 'di la dge slong mang pos bzhams te bsgo na/ 'di la dge slong mang pos bzhams te bsgo yang / gzhi de nyid la nan gyis mchog tu bzung zhing mngon par zhen nas 'di nyid bden gyi/ gzhan ni/ rdzun pa'o/ /zhes rjes su tha snyad 'dogs par bgyid de/ de'i slad du dge 'dun gyis lhas byin la/ tshe dang ldan pa lhas byin/ khyod dge 'dun mthun pa dbye ba'i phyir rtul bar ma byed cig/ dbyen byed par 'gyur ba'i rtsod pa yang dag par blangs nas rab tu bzung ste ma 'dug cig/ tshe dang ldan pa lhas byin/ khyod dge 'dun dang mthun par gyis shig/ dge 'dun mthun/ mi phyed/ kun tu dga'/ mi rtsod/ mchog gcig/ 'don pa gcig cing / chu dang 'o ma gcig tu 'dres pa lta bur gyur la/ ston pa'i bstan pa gsal bar byed na/ bde ba la reg par gnas par 'gyur gyi/ tshe dang ldan pa lhas byin| khyod dge 'dun 'byed par byed pa'i gzhi 'di lta bu 'di thong zhig ces gsol ba dang bzhi'i las kyis bsgo ba mdzad na/ tshe dang ldan pa gang dag lhas byin la gsol ba dang bzhi'i </font><hr>Cha8b<br><font size=+1>


las kyis bsgo ba mdzad par bzod pa de dag ni/ cang ma gsungs shig/ gang dag mi bzod pa de dag ni/ gsungs shig/ 'di ni/ las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas/ dge 'dun gyis lhas byin la gsol ba dang bzhi'i las kyis bsgo ba mdzad lags te/ 'di ltar/ cang mi gsung bas de de bzhin du 'dzin to/ / dge slong rnams kyis/ btsun pa/ bka' bzhin 'tshal zhes bcom ldan 'das las mnyan nas lhas byin la gsol ba dang bzhi'i las kyis bsgo'o/ /gsol ba dang bzhi'i las kyis bsgo yang / gzhi de nyid la nan gyis mchog tu bzung zhing mngon par zhen nas 'di nyid bden gyi/ gzhan ni/ rdzun pa'o zhes rjes su tha snyad 'dogs par byed do/ /de'i grogs byed pa'i dge slong mi mthun par smra ba'i rjes su phyogs pa bzhi po ko ka li ka dang / khand drab bya dang / ka Ta mo ra ka ti sh+ya dang / rgya mtshos byin de dag kyang dge slong rnams la 'di skad ces/ tshe dang ldan pa dag/ khyed cag dge yang rung / sdig kyang rung / dge slong 'di la ci yang ma smra zhig/ de ci'i phyir zhe na/ tshe dang ldan pa dag/ dge slong 'di ni/ chos smra ba/ 'dul ba smra ba/ dge slong 'di ni/ chos dang 'dul ba yang dag par blangs nas rab tu bzung ste rjes su tha snyad 'dogs par byed/ dge slong 'di ni/ shes bzhin du smra'i/ mi shes par ma yin pa'i phyir te/ dge slong 'di gang la 'dod cing bzod pa de la bdag cag kyang </font><hr>Cha9a<br><font size=+1>


@#/ /'dod cing bzod do/ /zhes zer ba'i skabs de/ dge slong rnams kyis bcom ldan 'das la rgyas par gsol ba dang / bcom ldan 'das kyis bka' stsal pa/ dge slong dag| ko ka li ka dang / khand drab bya dang / ka Ta mo ra ka ti sh+ya dang / rgya mtshos byin dang / gzhan yang / de lta bu gang yin pa la bzhams te bsgo bar bya'o/ /'di skad bsgo bar bya ste/ tshe dang ldan pa ko ka li ka dang / khand drab bya/ ka Ta mo ra ka ti sh+ya/ rgya mtshos byin/ khyed shes bzhin du dge slong gang dge 'dun mthun pa dbye ba'i phyir brtul bar byed cing / dbyen byed par 'gyur ba'i rtsod pa yang dag par blangs nas rab tu bzung ste 'dug pa de'i grogs byed cing mi mthun par smra ba'i rjes su phyogs par ma byed cig/ dge slong rnams la 'di skad ces/ tshe dang ldan pa dang / khyed cag dge yang rung / sdig kyang rung / dge slong 'di la ci yang ma smra zhig /de ci'i phyir zhe na/ tshe dang ldan pa dag /dge slong 'di ni/ chos smra ba/ 'dul ba smra ba/ dge slong 'di ni/ chos dang 'dul ba yang dag par blangs nas rab tu bzung ste rjes su tha snyad 'dogs par byed pa/ dge slong 'di ni/ shes bzhin du smra'i/ mi shes par ma yin pa'i phyir te/ dge slong 'di gang la 'dod cing bzod pa de la bdag kyang 'dod cing bzod do/ /zhes ma zer cig /de ci'i phyir zhe na/ tshe dang ldan pa dag /dge slong 'di ni/ chos smra ba ma yin/ 'dul ba smra ba ma yin gyi/ tshe dang ldan pa dag/ dge </font><hr>Cha9b<br><font size=+1>


slong 'di ni/ chos ma yin pa smra ba/ 'dul ba ma yin pa smra ba/ dge slong 'di ni/ chos ma yin pa dang 'dul ba ma yin pa yang dag par blangs nas rab tu bzung ste rjes su tha snyad 'dogs par byed pa/ dge slong 'di ni/ mi shes bzhin du smra'i/ shes par ma yin pa'i phyir te/ dge slong 'di gang la 'dod cing bzod pa de la tshe dang ldan pa dag 'dod cing bzod par ma byed cig/ tshe dang ldan pa dag/ khyed dge 'dun 'byed 'dod par ma byed par tshe dang ldan pa dag/ dge 'dun mthun pa nyid du 'dod par gyis shig/ tshe dang ldan pa dag/ dge 'dun dang mthun par gyis shig/ dge 'dun mthun/ mi phyed/ kun tu dga'| mi rtsod/ mchog gcig/ 'don pa gcig cing / chu dang 'o ma gcig tu 'dres pa lta bur gyur la/ ston pa'i bstan pa gsal bar byed na/ bde ba la reg par gnas par 'gyur gyi/ tshe dang ldan pa dag/ dge 'dun 'byed pa'i rjes su phyogs shing mi mthun par smra ba 'di lta bu 'di thong zhig ces bsgo bar bya'o/ /dge slong rnams kyis/ btsun pa/ bka' bzhin 'tshal zhes bcom ldan 'das las mnyan nas de'i grogs byed pa'i dge slong mi mthun par smra ba'i rjes su phyogs pa bzhi po ko ka li ka dang / khand drab bya dang / ka Ta mo ra ka ti sh+ya dang / rgya mtshos byin rnams la 'di skad ces/ tshe dang ldan pa dag/ khyed shes bzhin du dge slong gang dge 'dun mthun pa dbye ba'i phyir brtul bar byed cing / dbyen byed par 'gyur ba'i rtsod pa yang dag par blangs nas rab tu bzung ste 'dug pa de'i </font><hr>Cha10a<br><font size=+1>


@#/ /grogs byed cing mi mthun par smra ba'i rjes su phyogs par ma byed cig/ dge slong rnams la 'di skad ces/ tshe dang ldan pa dag/ khyed cag dge yang rung / sdig kyang rung / dge slong 'di la ci yang ma smra zhig/ de ci'i phyir zhe na/ tshe dang ldan pa dag/ dge slong 'di ni/ chos smra ba/ 'dul ba smra ba/ dge slong 'di ni/ chos dang 'dul ba yang dag par blangs nas rab tu bzung ste rjes su tha snyad 'dogs par byed pa/ dge slong 'di ni/ shes bzhin du smra'i/ mi shes par ma yin pa'i phyir te/ dge slong 'di gang la 'dod cing bzod pa de la bdag cag kyang 'dod cing bzod do/ /zhes ma zer cig/ de ci'i phyir zhe na/ tshe dang ldan pa dag/ dge slong 'di ni/ chos smra ba ma yin/ 'dul ba smra ba ma yin gyi/ tshe dang ldan pa dag/ dge slong 'di ni/ chos ma yin pa smra ba/ 'dul ba ma yin pa smra ba/ dge slong 'di ni/ chos ma yin pa dang 'dul ba ma yin pa yang dag par blangs nas rab tu bzung ste rjes su tha snyad 'dogs par byed pa/ dge slong 'di ni/ mi shes bzhin du smra'i/ shes par ma yin pa'i phyir te/ dge slong 'di gang 'dod cing bzod pa de la tshe dang ldan pa dag/ 'dod cing bzod par ma byed cig/ tshe dang ldan pa dag/ khyed dge 'dun 'byed 'dod par ma byed par tshe dang ldan pa dag/ dge 'dun mthun pa nyid du 'dod par gyis shig/ tshe dang ldan pa dag/ dge 'dun dang mthun par gyis shig/ dge 'dun mthun/ mi phyed/ kun tu dka'/ mi rtsod/ mchog gcig/ 'don </font><hr>Cha10b<br><font size=+1>


pa gcig cing / chu dang 'o ma gcig tu 'dres pa lta bur gyur la/ ston pa'i bstan pa gsal bar byed na/ bde ba la reg par gnas par 'gyur gyi/ tshe dang ldan pa dag/ dge 'dun 'byed pa'i rjes su phyogs shing mi mthun par smra ba 'di lta bu 'di thong zhig ces bsgo'o/ /dge slong rnams kyis de dag la bzhams te bsgo yang / gzhi de nyid la nan gyis mchog tu bzung zhing mngon par zhen nas 'di nyid bden gyi| gzhan ni/ rdzun pa'o/ /zhes rjes su tha snyad 'dags par byed pa'i skabs de/ dge slong rnams kyis bcom ldan 'das la rgyas par gsol pa dang / bcom ldan 'das kyis bka' stsal pa/ dge slong dag/ khyed kyis ko ka li ka dang / khand drab bya dang / ka Ta mo ra ka ti sh+ya dang / rgya mtshos byin rnams dang / gzhan yang / de lta bu gang yin pa la gsol ba dang bzhi'i las kyis bsgo bar bya'o/ / 'di ltar bsgo bar bya ste/ gnas mal bshams pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la/ dge slong gcig gis gsol ba byas te las bya'o/ /dge 'dun btsun pa rnams gsan du gsol/ ko ka li ka dang / khand drab bya dang / ka Ta mo ra ka ti sh+ya dang / rgya mtshos byin 'di dag /dge slong gang dge 'dun mthun pa dbye ba'i slad du brtul bar bgyid cing / dbyen bgyid par 'gyur ba'i rtsod pa yang dag par blangs nas rab tu bzung ste mchis pa de'i grogs bgyid cing mthun par smra na/ 'di </font><hr>Cha11a<br><font size=+1>


@#/ /dag la dge slong rnams kyis bzhams te bsgo na/ 'di dag la dge slong rnams kyis bzhams te bsgo yang / gzhi de nyid la nan gyis mchog tu bzung zhing mngon par zhen nas 'di nyid bden gyi/ gzhan ni/ rdzun pa'o/ /zhes rjes su tha snyad 'dogs par bgyid na/ gal te dge 'dun gyis dus la bab cing bzod na/ dge 'dun gyis gnang bar mdzod cig dang| dge 'dun gyis dge slong ko ka li ka dang / khand drab bya dang / ka Ta mo ra ka ti sh+ya dang / rgya mtshos byin rnams la/ tshe dang ldan pa dag /khyed shes bzhin du dge slong gang dge 'dun mthun pa dbye ba'i phyir brtul bar byed cing / dbyen byed par 'gyur ba'i rtsod pa yang dag par blangs nas rab tu bzung ste 'dug pa de'i grogs byed cing mi mthun par smra ba'i rjes su phyogs par ma byed cig| dge slong rnams la 'di skad ces/ tshe dang ldan pa dag /khyed cag dge yang rung / sdig kyang rung / dge slong 'di la ci yang ma smra zhig /de ci'i phyir zhe na/ tshe dang ldan pa dag /dge slong 'di ni/ chos smra ba/ 'dul ba smra ba/ dge slong 'di ni/ chos dang 'dul ba yang dag par blangs nas rab tu bzung ste rjes su tha snyad 'dogs par byed pa/ dge slong 'di ni/ shes bzhin du smra'i/ mi shes par ma yin pa'i phyir te/ dge slong 'di gang la 'dod cing bzod pa de la bdag cag kyang 'dod cing bzod do/ /zhes ma zer cig /de ci'i phyir zhe na/ tshe dang ldan pa dag/ </font><hr>Cha11b<br><font size=+1>


dge slong 'di ni/ chos smra ba ma yin/ 'dul ba smra ba ma yin gyi/ tshe dang ldan pa dag /dge slong 'di ni/ chos ma yin pa smra ba/ 'dul ba ma yin pa smra ba/ dge slong 'di ni/ chos ma yin pa dang 'dul ba ma yin pa yang dag par blangs nas rab tu bzung ste rjes su tha snyad 'dogs par byed pa/ dge slong 'di ni/ mi shes bzhin du smra'i/ shes par ma yin pa'i phyir te/ dge slong 'di gang la 'dod cing bzod pa de la tshe dang ldan pa dag /'dod cing bzod par ma byed cig /tshe dang ldan pa dag /khyed dge 'dun 'byed 'dod par ma byed par tshe dang ldan pa dag /dge 'dun mthun pa nyid du 'dod par gyis shig /tshe dang ldan pa dag /dge 'dun dang mthun par gyis shig /dge 'dun mthun/ mi phyed/ kun tu dga'/ mi rtsod/ mchog gcig/ 'dod pa gcig cing / chu dang 'o ma gcig tu 'dres pa lta bur gyur la/ ston pa'i bstan pa gsal bar byed na/ bde ba la reg par gnas par 'gyur gyi/ tshe dang ldan pa dag/ dge 'dun 'byed pa'i rjes su phyogs shing mi mthun par smra ba 'di lta bu 'di thong zhig ces gsol pa dang bzhi'i las kyis bsgo ba mdzad do/ /'di ni/ gsol ba'o/ /las ni/ 'di ltar bya ste/ dge 'dun btsun pa rnams gsan du gsol/ ko ka li ka dang / khand drab bya dang / ka Ta mo ra ka ti sh+ya dang / rgya mtshos byin 'di dag /dge slong gang dge 'dun mthun pa dbye ba'i slad du brtul bar bgyid cing / dbyen bgyid par 'gyur ba'i rtsod pa yang dag par blangs nas rab tu bzung </font><hr>Cha12a<br><font size=+1>


@#/ /ste mchis pa de'i grogs bgyid cing mi mthun par smra nas/ 'di dag la dge slong rnams kyis bzhams te bsgo na/ 'di dag la dge slong rnams kyis bzhams te bsgo yang / gzhi de nyid la nan gyis mchog tu bzung zhing mngon par zhen nas 'di nyid bden gyi/ gzhan ni/ rdzun pa'o/ /zhes rjes su tha snyad 'dogs par bgyid de/ de'i slad du dge 'dun gyis ko ka li ka dang / khand drab bya dang / ka Ta mo ra ka ti sh+ya dang / rgya mtshos byin rnams la/ tshe dang ldan pa dag /khyed shes bzhin du dge slong gang dge 'dun mthun pa dbye ba'i phyir brtul bar byed cing / dbyen byed par 'gyur ba'i rtsod pa yang dag par blangs nas rab tu bzung ste 'dug pa de'i grogs byed cing mi mthun par smra ba'i rjes su phyogs par ma byed cig /dge slong rnams la 'di skad ces/ tshe dang ldan pa dag /khyed cag dge yang rung / sdig kyang rung / dge slong 'di la ci yang ma smra zhig /de ci'i phyir zhe na/ tshe dang ldan pa dag /dge slong 'di ni/ chos smra ba/ 'dul ba smra ba/ dge slong 'di ni/ chos dang 'dul ba la yang dag par blangs nas rab tu bzung ste rjes su tha snyad 'dogs par byed pa/ dge slong 'di ni/ shes bzhin du smra'i/ mi shes par ma yin pa'i phyir te/ dge slong 'di gang la 'dod cing bzod pa de la bdag cag kyang 'dod cing bzod do/ /zhes ma zer cig /de ci'i phyir zhe na/ tshe dang ldan pa dag /dge slong 'di ni/ chos smra ba ma yin/ 'dul ba smra ba </font><hr>Cha12b<br><font size=+1>


ma yin gyi/ tshe dang ldan pa dag/ dge slong 'di ni/ chos ma yin pa smra ba/ 'dul ba ma yin pa smra ba/ dge slong 'di ni/ chos ma yin pa dang 'dul ba ma yin pa yang dag par blangs nas rab tu bzung ste rjes su tha snyad 'dogs par byed pa/ dge slong 'di ni/ mi shes bzhin du smra'i/ shes par ma yin pa'i phyir te/ dge slong 'di gang la 'dod cing bzod pa de la tshe dang ldan pa dag 'dod cing bzod par ma byed cig /tshe dang ldan pa dag /khyed dge 'dun 'byed 'dod par ma byed par tshe dang ldan pa dag /dge 'dun mthun pa nyid du 'dod par gyis shig /tshe dang ldan pa dag /dge 'dun dang mthun par gyis shig /dge 'dun mthun/ mi phyed/ kun tu dga'/ mi rtsod/ mchog gcig /'don pa gcig cing / chu dang 'o ma gcig tu 'dres pa lta bur gyur la/ ston pa'i bstan pa gsal bar byed na| bde ba la reg par gnas par 'gyur gyi/ tshe dang ldan pa dag /dge 'dun 'byed pa'i rjes su phyogs shing mi mthun par smra ba 'di lta bu thong zhig ces gsol ba dang bzhi'i las kyis bsgo ba mdzad na/ tshe dang ldan pa gang dag ko ka li ka dang / khand drab bya dang / ka Ta mo ra ka ti sh+ya dang / rgya mtshos byin rnams la gsol ba dang bzhi'i las kyis bsgo ba mdzad par bzod pa de dag ni/ cang ma gsungs shig /gang dag mi bzod pa dag ni/ gsungs shig /'di ni/ las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas/ dge 'dun gyis ko </font><hr>Cha13a<br><font size=+1>


@#/ /ka li ka dang / khand drab bya dang / ka Ta mo ra ka ti sh+ya dang / rgya mtshos byin rnams la gsol ba dang bzhi'i las kyis bsgo ba mdzad lags te/ 'di ltar/ cang mi gsung bas de de bzhin du 'dzin to/ /dge slong rnams kyis/ btsun pa/ bka' bzhin 'tshal zhes bcom ldan 'das las mnyan nas ko ka li ka dang / khand drab bya dang / ka Ta mo ra ka ti sh+ya dang / rgya mtshos byin rnams la gsol ba dang bzhi'i las kyis bsgo'o/ /gsol ba dang bzhi'i las kyis bsgo yang / gzhi de nyid la nan gyis mchog tu bzung zhing mngon par zhen nas 'di nyid bden gyi/ gzhan ni/ rdzun pa'o/ /zhes rjes su tha snyad 'dogs par byed pa'i skabs de/ dge slong rnams kyis bcom ldan 'das la rgyas par gsol to/ /de nas bcom ldan 'das kyis dge slong rnams la bka' stsal pa/ dge slong dag /lhas byin gyis nga'i nyan thos kyi dge 'dun mthun par dbye ba dang / 'khor lo yang 'byed par nus te/ 'di ltar/ de'i grogs byed pa'i dge slong mi mthun par smra ba nyid kyi rjes su phyogs pa bzhi po ko ka li ka dang / khand drab bya dang / ka Ta mo ra ka ti sh+ya dang / rgya mtshos byin dag yod pa'i phyir ro/ /lhas byin gyis/ dge sbyong go'u ta mas dge slong dag/ lhas byin gyis nga'i nyan thos kyi dge 'dun mthun pa dbye ba dang / 'khor lo yang 'byed par nus te/ 'di ltar/ de'i </font><hr>Cha13b<br><font size=+1>


grogs byed pa'i dge slong mi mthun par smra ba nyid kyi rjes su phyogs pa bzhi po ko ka li ka dang / khand drab bya dang / ka Ta mo ra ka ti sh+ya dang / rgya mtshos byin dag yod pa'i phyir ro/ /zhes bdag la lung bstan to/ /zhes thos so/ /thos nas kyang ko ka li ka dang / khand drab bya dang / ka Ta mo ra ka ti sh+ya dang / rgya mtshos byin rnams la smras pa/ ko ka li ka dang / khand drab bya dang / ka Ta mo ra ka ti sh+ya dang / rgya mtshos byin dag shes par gyis shig /dge sbyong go'u ta mas lhas byin gyis nga'i nyan thos kyi dge 'dun mthun pa dbye ba dang / 'khor lo yang 'byed par nus te/ 'di ltar de'i grogs byed pa'i dge slong mi mthun par smra ba nyid kyi rjes su phyogs pa bzhi po ko ka li ka dang / khand drab bya dang / ka Ta mo ra ka ti sh+ya dang / rgya mtshos byin dag yod pa'i phyir ro/ / zhes kho bo la lung bstan to/ /de dag gis smras pa/ lhas byin/ gal te de lta na legs so/ /des rgya tshor dge 'dun mthun pa dbye ba'i phyir brtul bar brtsams pa'i skabs de/ dge slong rnams kyis bcom ldan 'das la gsol to/ /de bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu bar mdzad do/ /zhes bya ba la sogs pa snga ma bzhin no/ /sangs rgyas bcom ldan 'das kyis lhas byin la smras pa/ lhas byin/ khyod kyis dge 'dun mthun pa dbye ba'i phyir brtul cing dbyen byed par 'gyur ba'i rtsod pa yang </font><hr>Cha14a<br><font size=+1>


@#/ /dag par blangs nas rab tu bzung ste 'dug pa bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes bya ba la sogs pas rnam par smad pa snga ma bzhin no/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag /de lta bas na/ phan yon bcu yang dag par rjes su gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyi 'dul ba la bslab pa'i gzhi 'di ltar gdon par bya ste/ yang dge slong gang dge 'dun mthun pa dbye ba'i phyir brtul bar byed cing dbyen byed par 'gyur ba'i rtsod pa yang dag par blangs nas rab tu bzung ste 'dug na/ dge slong de la dge slong rnams kyis 'di skad ces/ tshe dang ldan pa/ khyod dge 'dun mthun pa dbye ba'i phyir brtul bar ma byed cig /dbyen byed par 'gyur pa'i rtsod pa yang dag par blangs nas rab tu bzung ste ma 'dug cig /tshe dang ldan pa/ dge 'dun dang mthun par gyis shig /dge 'dun mthun/ mi phyed/ kun tu dga'/ mi rtsod/ mchog gcig /'don pa gcig cing / chu dang 'o ma gcig tu 'dres pa lta bur gyur la/ ston </font><hr>Cha14b<br><font size=+1>


pa'i bstan pa gsal bar byed na/ bde ba la reg par gnas par 'gyur gyi/ tshe dang ldan pa/ khyod dge 'dun 'byed par byed pa'i gzhi 'di lta bu 'di thong zhig ces bsgo bar bya'o/ /dge slong de la dge slong rnams kyis de skad bsgo ba na/ gal te gzhi de gtong na/ de lta na legs/ gal te mi gtong na/ gzhi de gtang bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo/ yang dag par bstan pa na/ gzhi de gtong na/ de lta na legs/ gal te mi gtong na/ dge 'dun lhag ma'o/ /yang dge slong gang zhes bya ba ni/ lhas byin nam/ gzhan yang de lta bu gang yin pa'o/ /dge 'dun zhes bya ba ni/ de bzhin gshegs pa'i nyan thos kyi dge 'dun no/ /mthun pa zhes bya ba ni/ ro gcig pa'o/ /dbye ba'i phyir zhes bya ba ni/ gnyis bya ba'i phyir ro/ /brtul bar byed cing zhes bya ba ni/ rtsol bar byed cing ngo / /dbyen byed par 'gyur ba'i rtsod pa yang dag par blangs nas rab tu bzung ste 'dug na zhes bya ba ni/ ko ka li ka dang / khand drab bya dang / ka Ta mo ra ka ti sh+ya dang / rgya mtshos byin dag yang dag par blangs nas rab tu bzung ste 'dug na'o/ /de dge slong de la zhes bya ba ni/ lhas byin la'o/ /dge slong rnams kyis zhes bya ba ni/ chos 'di pa rnams kyis so/ /'di skad ces zhes bya ba ni/ bzhams te bsgo ba ji skad sngar bstan pa ltar bsgo bar bya ba'o/ /dge slong rnams </font><hr>Cha15a<br><font size=+1>


@#/ /kyis de skad bsgo ba na zhes bya ba ni/ bzhams te bsgo ba na'o/ /gal te gzhi de gtong na zhes bya ba ni/ lta ba de yongs su gtong na'o/ /de lta na legs zhes bya ba ni/ de lta na bzang ba'o/ /gal te mi gtong na zhes bya ba ni/ yongs su mi gtong na'o/ /lan gnyis lan gsum du yang dag par bsgo bar bya/ yang dag par bstan par bya'o/ /zhes bya ba ni/ gsol ba dang bzhi'i las kyi bsgo ba ji skad sngar bstan pa ltar bsgo bar bya ba ste/ yang dag par bsgo ba de ni/ de yin/ yang dag par bstan pa de ni/ de yin no/ /dge 'dun lhag ma'o/ /zhes bya ba ni/ snga ma bzhin du ltung ba de/ dge 'dun la rag las pa yin te/ des na dge 'dun lhag ma'o/ /zhes gsungs so/ /de la ltung ba ji ltar 'gyur zhe na/ dge slong gis cung zad ji tsam du dge 'dun mthun pa dbye ba'i phyir brtul bar byed na/ thams cad du nyes byas su 'gyur ro/ /dge slong gis bzhams te bsgo ba na/ gzhi de gtong na/ de lta na legs/ gal te mi gtong na/ nyes pa sbom por 'gyur ro/ /gsol ba dang bzhi'i las kyis bsgo ba na/ gzhi de gtong na/ de lta na legs/ gal te mi gtong na/ gsol ba byas pa na nyes pa sbom por 'gyur ro/ /las brjod pa dang po brjod pa na| ma rdzogs par gzhi de gtong na/ de lta na legs/ gal te mi gtong na/ rdzogs par brjod pa na nyes pa sbom por 'gyur ro/ /las brjod pa gnyis pa brjod pa na/ ma rdzogs par </font><hr>Cha15b<br><font size=+1>


gzhi de gtong na/ de lta na legs/ gal te mi gtong na/ rdzogs par brjod pa na nyes pa sbom por 'gyur ro/ /las brjod pa gsum pa brjod pa na/ ma rdzogs par gzhi de gtong na/ de lta na legs/ gal te mi gtong na/ nyes pa sbom por 'gyur ro/ /rdzogs par brjod pa na/ gal te mthun pa dang chos ma yin pas sgo bar byed na/ ltung ba med do/ /mi mthun pa dang chos kyis sgo bar byed na/ ltung ba med do/ /mthun pa dang chos ltar bcos pas sgo bar byed na/ ltung ba med do/ /mi mthun pa dang chos ma yin pa ltar bcos pas sgo bar byed na/ ltung ba med do/ /chos ji lta ba dang / 'dul ba ji lta ba dang / ston pa'i bstan pa ji lta ba de ltar sgo bar mi byed na/ ltung ba med do/ /chos ji lta ba dang / 'dul ba ji lta ba dang / ston pa'i bstan pa ji lta ba de ltar mthun pas sgo bar byed na/ rdzogs par brjod na/ dge 'dun lhag mar 'gyur ro/ /dge slong des stan de la 'dug bzhin du 'di skad ces/ tshe dang ldan pa dag /bdag la dge 'dun lhag ma'i ltung ba byung ngo / /zhes brjod par bya ste/ gal te de skad brjod na/ de lta na legs/ gal te mi brjod na/ de phyin chad de la 'chab pa'i nyes pa 'byung bar 'gyur ro/ /de bas na dge slong gis ji tsam du gzhi de ma bshags shing so sor ma bshags par gsol ba dang / gsol ba dang gnyis dang / gsol ba dang bzhi'i las nyams su myong bar byed na/ thams cad du nyes byas su 'gyur ro/ /las dang po pa dang / smyos pa dang / sems </font><hr>Cha16a<br><font size=+1>


@#/ /'khrugs pa dang / tshor ba dag gis nyen pa la ltung ba med do/ /dge 'dun gyi dbyen byed pa'i dge 'dun lhag ma ste/ bcu pa rdzogs so// //de nas bcom ldan 'das kyis gdan de nyid la bzhugs bzhin du 'dul ba la nyan thos rnams kyi bslab pa'i gzhi gnyis pa bca' bar bzhed nas dge slong rnams la bka' stsal pa/ dge slong dag/ dge 'dun gyi bya ba cung zhig yod kyi/ re zhig stan las ma ldang zhig/ sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa snga ma bzhin no/ /sangs rgyas bcom ldan 'das kyis ko ka li ka dang / khand drab bya dang / ka Ta mo ra ka ti sh+ya dang / rgya mtshos byin rnams la smras pa/ ko la ki la/ khand drab bya/ ka Ta mo ra ka ti sh+ya/ rgya mtshos byin/ khyed shes bzhin du dge slong dang dge 'dun mthun pa dbye ba'i phyir brtul bar byed cing / dbyen byed par 'gyur ba'i rtsod pa yang dag par blangs nas rab tu bzung ste 'dug pa de'i grogs byed cing mi mthun par smra ba'i rjes su phyogs nas dge slong rnams la 'di skad ces/ tshe dang ldan pa dag/ khyed cag dge yang rung / sdig kyang rung / dge slong 'di la ci yang ma smra zhig/ de ci'i phyir zhe na/ tshe dang ldan pa dag/ dge slong 'di ni/ chos smra ba/ 'dul ba smra pa/ dge slong 'di ni/ chos dang 'dul ba yang dag par blangs nas rab tu bzung ste rjes su tha snyad 'dogs par byed </font><hr>Cha16b<br><font size=+1>


pa| dge slong 'di ni/ shes bzhin du smra'i/ mi shes par ma yin pa'i phyir te/ dge slong 'di gang la 'dod cing bzod pa de la bdag cag kyang 'dod cing bzod do/ /zhes smras pa bden nam/ btsun pa/ mad do| |sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes bya ba la sogs pas rnam par smad pa snga ma bzhin no/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag/ de lta bas na/ phan yon bcu yang dag par rjes su gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong de'i grogs byed pa'i dge slong mi mthun par smra ba nyid kyi rjes su phyogs pa gcig gam/ gnyis sam/ mang po dag yod cing / gal te de dag dge slong rnams la 'di skad ces/ tshe dang ldan pa dag/ khyed cag dge yang rung / sdig kyang rung / dge slong 'di la ci yang ma smra zhig/ de ci'i phyir zhe na/ tshe dang ldan pa dag/ dge slong 'di ni/ chos smra ba/ 'dul ba smra ba/ dge slong 'di ni/ chos dang 'dul ba yang dag par blangs nas rab tu bzung ste rjes su tha snyad 'dogs par byed pa/ dge slong 'di ni/ shes bzhin du smra'i/ mi shes par ma yin pa'i phyir te/ dge </font><hr>Cha17a<br><font size=+1>


@#/ /slong 'di gang la 'dod cing bzod pa de la bdag cag kyang 'dod cing bzod do/ /zhes zer na/ dge slong de dag la dge slong rnams kyis 'di skad ces/ tshe dang ldan pa dag khyed cag de skad ces/ dge slong 'di ni/ chos smra ba/ 'dul ba smra ba/ dge slong 'di ni/ chos dang 'dul ba yang dag par blangs nas rab tu bzung ste tha snyad 'dogs par byed pa/ dge slong 'di ni/ shes bzhin du smra'i/ mi shes par ma yin pa'i phyir te/ dge slong 'di gang la 'dod cing bzod pa de la bdag cag kyang 'dod do/ /zhes ma zer cig/ de ci'i phyir zhe na/ tshe dang ldan pa dag/ dge slong 'di ni/ chos smra ba ma yin/ 'dul ba smra ba ma yin gyi/ tshe dang ldan pa dag/ dge slong 'di ni/ chos ma yin pa smra ba/ 'dul ba ma yin pa smra ba/ dge slong 'di ni/ chos ma yin pa dang 'dul ba ma yin pa yang dag par blangs nas rab tu bzung ste rjes su tha snyad 'dogs par byed pa/ dge slong 'di ni/ chos mi shes bzhin du smra'i/ shes par ma yin pa'i phyir te/ dge slong 'di gang la 'dod cing bzod pa de la tshe dang ldan pa dag/ 'dod cing bzod par ma byed cig/ tshe dang ldan pa dag/ khyed dge 'dun 'byed 'dod par ma byed par tshe dang ldan pa dag/ dge 'dun mthun pa nyid du 'dod par gyis shig/ tshe dang ldan pa dag/ dge 'dun dang mthun par gyis shig/ dge 'dun mthun/ mi phyed/ kun tu dga'/ mi rtsod/ mchog gcig/ 'don pa </font><hr>Cha17b<br><font size=+1>


gcig cing / chu dang 'o ma gcig tu 'dres pa lta bur gyur la/ ston pa'i bstan pa gsal bar byed na/ bde ba la reg par gnas par 'gyur gyi/ tshe dang ldan pa dag/ dge 'dun 'byed pa'i rjes su phyogs shing mi mthun par smra ba 'di thong zhig ces bsgo bar bya'o/ /dge slong de dag la dge slong rnams kyis de skad bsgo ba na/ gal te gzhi de gtong na/ de lta na legs/ gal te mi gtong na/ gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo/ yang dag par bstan pa na/ gzhi de gtong na/ de lta na legs/ gal te mi gtong na/ dge 'dun lhag ma'o/ /dge slong de'i zhes bya ba ni/ lhas byin gyi'o/ /grogs byed pa'i dge slong zhes bya ba ni/ ko ka li ka dang / khand drab bya dang / ka Ta mo ra ka ti sh+ya dang / rgya mtshos byin dag go/ mi mthun par smra ba nyid kyi rjes su phyogs pa zhes bya ba ni/ lta ba de dag dang / 'dod pa de dag dang / bsam pa de dag dang ldan pa'o/ /gcig gam/ gnyis sam/ mang po dag yod cing zhes bya ba ni/ gnyis las lhag pa ni/ mang po'o/ /gal te de dag ces bya ba ni/ rjes su phyogs pa de dag go/ dge slong rnams la zhes bya ba ni/ chos 'di pa rnams la'o/ /'di skad ces zhes bya ba ni/ 'di skad ces zer na'o/ /dge yang rung zhes bya ba ni/ dge ba la sbyor bar yang ma byed cig ces bya'o/ /sdig kyang rung zhes bya ba ni/ sdig pa las zlog par yang ma byed ces pa'o/ /dge slong </font><hr>Cha18a<br><font size=+1>


@#/ /'di la zhes bya ba ni/ lhas byin la'o/ /ci yang ma smra zhig ces bya ba ni/ cung zad kyang ma smra zhig ba'o/ /de ci'i phyir zhe na/ tshe dang ldan pa dag/ dge slong 'di ni/ chos smra ba/ 'dul ba smra ba/ dge slong 'di ni/ chos dang 'dul ba yang dag par blangs nas rab tu bzung ste rjes su tha snyad 'dogs par byed pa zhes bya ba ni/ chos ji lta ba dang / 'dul ba ji lta ba dang / ston pa'i bstan pa ji lta ba de ltar rjes su tha snyad 'dogs par byed pa'o/ /dge slong 'di ni/ shes bzhin du smra'i/ mi shes par ma yin pa'i phyir te zhes bya ba ni/ don rtogs pa yin gyi/ don ma rtogs pa ma yin pa'i phyir ro/ /dge slong 'di gang la 'dod cing bzod pa de la bdag cag kyang 'dod cing bzod do/ /zhes zer na/ zhes bya ba ni/ dge slong lhas byin 'di gzhi gang 'dod pa de dag bdag cag kyang 'dong do/ /zhes zer na'o/ /dge slong de dag la zhes bya ba ni/ ko ka li ka dang / khand drab bya dang / ka Ta mo ra ka ti sh+ya dang / rgya mtshos byin dag la'o/ /dge slong rnams kyis zhes bya ba ni/ chos 'di pa rnams kyis so/ /'di skad ces zhes bya ba ni/ bzhams te bsgo ba ji skad sngar bstan pa ltar bsgo bar bya'o/ /dge slong de dag la dge slong rnams kyis de skad bsgo ba na zhes bya ba ni/ bzhams te bsgo ba na'o/ /gal te gzhi de gtong na zhes bya ba ni/ lta ba de yongs su gtong na'o/ /de lta na legs zhes bya ba ni/ de lta na bzang ba'o/ /gal te mi gtong na zhes bya ba ni/ yongs su mi gtong </font><hr>Cha18b<br><font size=+1>


na'o| |lan gnyis lan gsum du yang dag par bsgo bar bya/ yang dag par bstan par bya'o/ /zhes bya ba ni/ gsol ba dang bzhi'i las kyis bsgo ba ji ltar sngar bstan pa ltar bsgo bar bya ba ste/ yang dag par bsgo ba de ni/ de yin/ yang dag par bstan pa de ni/ de yin no/ /dge 'dun lhag ma'o/ /zhes bya ba ni/ snga ma bzhin du ltung ba de/ dge 'dun la rag las pa yin te/ des na dge 'dun lhag ma'o/ / zhes gsungs so/ /de la ltung ba ji ltar 'gyur zhe na/ dge slong gis cung zad ji tsam du dge slong gang dge 'dun mthun pa dbye ba'i phyir brtul bar byed cing / dbyen byed par 'gyur ba'i rtsod pa yang dag par blangs nas rab tu bzung ste 'dug pa de'i grogs byed cing mi mthun par smra ba'i rjes su phyogs par byed na/ thams cad du nyes byas su 'gyur ro/ /dge slong gis bzhams te bsgo ba na/ gzhi de gtong na/ de lta na legs/ gal te mi gtong na/ nyes pa sbom por 'gyur ro/ /gsol ba dang bzhi'i las kyis bsgo ba na/ gzhi de gtong na/ de lta na legs/ gal te mi gtong na/ gsol ba byas pa na/ nyes pa sbom por 'gyur ro/ /las brjod pa dang po brjod pa na/ ma rdzogs par gzhi de gtong na/ de lta na legs/ gal te mi gtong na/ rdzogs par brjod pa na/ nyes pa sbom por 'gyur ro/ /las brjod pa gnyis pa brjod pa na/ ma rdzogs par gzhi de gtong na/ de lta na legs/ gal te mi gtong na/ rdzogs par brjod pa na/ nyes pa sbom por 'gyur ro/ /las brjod </font><hr>Cha19a<br><font size=+1>


@#/ /pa gsum pa brjod pa na/ ma rdzogs par gzhi de gtong na/ de lta na legs/ gal te mi gtong na/ rdzogs par brjod pa na/ nyes pa sbom por 'gyur ro/ /gal te mthun pa dang chos ma yin pas sgo bar byed na/ ltung ba med do/ /mi mthun pa dang chos kyis sgo bar byed na/ ltung ba med do/ /mthun pa dang chos ltar bcos pas sgo bar byed na/ ltung ba med do/ /mi mthun pa dang chos ma yin pa ltar bcos pas sgo bar byed na/ ltung ba med do/ /chos ji lta ba dang / 'dul ba ji lta ba dang / ston pa'i bstan pa ji lta ba de ltar sgo bar mi byed na/ ltung ba med do/ /chos ji lta ba dang / 'dul ba ji lta ba dang / ston pa'i bstan pa ji lta ba de ltar mthun pas sgo bar byed na/ rdzogs par brjod pa na/ dge 'dun lhag mar 'gyur ro/ /dge slong des stan de la 'dug bzhin du 'di skad ces/ tshe dang ldan pa dag/ bdag la dge 'dun lhag ma'i ltung ba byung ngo / /zhes brjod par bya ste/ gal te de skad brjod na/ de lta na legs/ gal te mi brjod na/ de phyin chad nas de la 'chab pa'i nyes pa 'byung bar 'gyur ro/ /de bas na/ dge slong gis ji tsam du gzhi de ma bshags par gsol ba dang / gsol ba dang gnyis dang / gsol ba dang bzhi'i las nyams su myong bar byed na/ thams cad du nyes byas su 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /rjes su phyogs pa'i dge 'dun </font><hr>Cha19b<br><font size=+1>


lhag ma ste/ bcu gcig pa rdzogs so// //sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' ra ba na bzhugs so/ / de'i tshe na re lde ri la dge slong 'gro mgyogs dang / nab so gnyis dang / dge slong dmar ser can khyim sun 'byin pa/ sdig pa'i chos kun tu spyod pa dag 'khod de/ de dag bud med kyi yul dang lhan cig mtho 'tsham par byed/ kun tu rtse bar byed/ kun tu ca co 'don par byed/ rgod pa dang / dregs pa dang / lus sgyur bar byed/ stan gcig la 'dug par byed/ snod gcig tu za bar byed/ phor bu gcig tu myos par 'gyur ba'i btung ba sna tshogs dag 'thung bar byed/ me tog dag 'thog par byed/ 'thog tu 'jud par byed/ phreng ba dag rgyud par byed/ rgyud du 'jud par byed/ me tog rna rgyan dag thogs par byed/ thogs su 'jud par byed/ bro rdung bar byed/ bro rdung du 'jud par byed/ glu len par byed/ glu len tu 'jud par byed/ rol mo'i sgra 'byin par byed/ rol mo'i sgra 'byin du 'jug par byed/ bro mkhas pa dang / glu mkhas pa dang / rol mo'i sgra 'byin pa mkhas pa la ngo so las byung ba sbyin par byed/ chos gos dag brdzes te rgyug par byed/ mchong bar byed/ rab tu mchong bar byed/ brla bskor bar byed/ lag pa bskor bar byed/ nya ltar bskor bar byed/ chur 'phyo ba 'phen par byed/ chu la rnga ma du ka ltar rdung bar byed/ chu la rnga bo che ltar rdung bar </font><hr>Cha20a<br><font size=+1>


@#/ /byed/ glang po che'i skad kyi sgra 'byin par byed/ rta'i skad kyi sgra 'byin par byed/ khyu mchog gi skad kyi sgra 'byin par byed/ rma bya'i skad kyi sgra 'byin par byed/ khu byug gi skad kyi sgra 'byin par byed/ khas rdza rnga'i sgra 'byin par byed/ khas dung gi sgra 'byin par byed/ khas rnga bo che'i sgra 'byin par byed/ glang po che'i 'thab mo byed/ glang po che'i 'thab mo byed du 'jug par yang byed/ rta'i 'thab mo dang / khyu mchog gi 'thab mo dang / ma he'i 'thab mo dang / ra'i 'thab mo dang / lug gi 'thab mo dang / bud med kyi 'thab mo dang / skyes pa'i 'thab mo dang / gzhon nu'i 'thab mo dang / gzhon nu ma'i 'thab mo dang / bya gag gi 'thab mo dang / thi ba'i 'thab mo dang / 'ur pa'i 'thab mo yang byed/ byed du 'jug par yang byed de/ de dag dang / gzhan yang dge sbyong gi las ma yin pa dag byed cing byed du 'jud de/ de dag gi spyod tshul dang / spyod pa dang / log par sgrub pa des re lde'i ri la dge slong ma 'ongs pa dag kyang mi 'ongs la/ 'ongs pa dag kyang mngon par mi dga' zhing re lde'i ri'i gnas spong bar byed do/ /re lde ri la gnas pa'i bram ze dang / khyim bdag dag kyang yid mi dga' zhing zhe lci bar gyur nas dge slong gnyug mar gnas pa dag la yang bsod snyoms dbul ba dang / bya bar sems pa dga' na/ glo bur du lhags pa rnams la lta smos kyang ci dgos par gyur to/ /ji tsam dus gzhan zhig na/ </font><hr>Cha20b<br><font size=+1>


tshe dang ldan pa kun dga' bo yul ka shi ka dag tu ljongs rgyu zhing 'gro ba na re lde rir phyin nas/ re lde ri la re lde ri'i nags na 'dug go/ de nas tshe dang ldan pa kun dga' bo snga dro sham thabs bgos/ lhung bzed dang chos gos thogs te/ re lde ri la bsod snyoms la zhugs pa dang / de ji ltar lhung bzed bkrus pa kho nas re lde ri la bsod snyoms la zhugs/ de ltar lhung bzed bkrus pa kho nas sha na slong mo gcig sbyin pa yang ma thob/ phyir gtong ba yang ma thob par phyir byung ngo / /de nas tshe dang ldan pa kun dga' bo 'di snyam du sems te/ sngon ni/ re lde ri 'di 'byor pa dang / rgyas pa dang / bde ba dang / lo legs pa dang / skye bo dang mi mang pos kyang gang bar gyur la/ 'dir slong mo bas kyang bsod snyoms rnyed par sla bar gyur na/ da ltar yang re lde re 'di 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba ni/ yin na/ 'on kyang bdag ji ltar lhung bzed bkrus pa kho nas re lde ri la bsod snyoms la zhugs pa de ltar lhung bzed bkrus pa kho nas tha na slong mo gcig sbyin pa yang ma thob/ phyir gtong ba yang ma thob par phyir byung ba las na/ 'dir bcom ldan 'das kyi nyan thos/ byis pa/ blun pa/ mi gsal ba/ mi mkhas pa 'ga' zhig gis nyon mongs pa'i dbang du gyur pas spyod yul lam/ spyod yul gyi grong ngam/ rigs kyi bud med dam/ rigs kyi gzhon nu ma dag la kun tu smras pa'am/ nom pa'am/ nyug pa byas par ma gyur tam snyam </font><hr>Cha21a<br><font size=+1>


@#/ /mo| |de'i tshe na re lde ri ba'i bram ze dang khyim bdag rnams kyis dpong sa'i gnas na bram ze dang khyim bdag lnga brgya tsam bya ba zhig gi phyir 'dus te mthun par gyur to| |de nas tshe dang ldan pa kun dga' bo re lde ri ba'i bram ze dang / khyim bdag rnams kyi dpong sa'i gnas ga la ba der song ste phyin nas re lde ri ba'i bram ze dang khyim bdag rnams la 'di skad ces smras so/ /shes ldan dag/ sngon ni/ re lde ri 'di 'byor ba dang / rgyas pa dang / bde ba dang / lo legs pa dang / skye bo dang mi mang pos kyang gang bar gyur la/ 'dir slong mo bas kyang bsod snyoms rnyed sla bar gyur na/ da ltar yang re lde ri 'di 'byor ba dang / rgyas pa dang / bde ba dang / lo legs pa dang / skye bo dang mi mang pos gang ba ni/ yin na/ 'on kyang bdag ji ltar lhung bzed bkrus pa kho nas re lde ri la bsod snyoms la zhugs pa de ltar lhung bzed bkrus pa kho nas tha na slong mo gcig sbyin pa yang ma thob/ phyir gtong ba yang ma thob par phyir byung bar gyur to/ /de skad ces smras pa dang / re lde ri ba'i bram ze dang khyim bdag de dag dbang po rnams phyir blan te 'khod do/ /de'i tshe na dge bsnyen chu rgyun can 'khor de nyid du 'dug cing mthun par gyur to| |de nas dge bsnyen chu rgyun can gyis tshe dang ldan pa kun dga' bo'i lag pa gnyis nas bzung ste mtha' gcig tu khrid nas/ tshe dang ldan pa kun dga' bo la 'di skad ces smras so/ /btsun </font><hr>Cha21b<br><font size=+1>


pa| kun dga' bo mkhyen par mdzod cig /re lde ri 'di la dge slong 'gro mgyogs dang / nab so gnyis dang / dge slong dmar ser can khyim sun 'byin pa/ sdig pa'i chos kun tu spyod pa dag mchis te/ de dag bud med kyi yul dang lhan cig mtho 'tsham par bgyid/ kun tu rtse bar bgyid/ kun tu ca co 'don par bgyid/ rgod pa dang / dregs pa dang / lus sgyur bar bgyid/ stan gcig la mchis par bgyid/ snod gcig tu 'tshal bar bgyid/ phor bu gcig tu myos par 'gyur ba'i btung ba sna tshogs dag 'tshal bar bgyid/ me tog dag 'thog par bgyid/ 'thog tu stsol bar bgyid/ phreng ba dag rgyud par bgyid/ rgyud du stsol bar bgyid/ me tog rna rgyan dag thogs par bgyid/ thogs su stsol bar bgyid/ bro rdung bar bgyid/ bro rdung du stsol bar bgyid/ mchid mchi bar bgyid/ mchid mchir stsol bar bgyid/ rol mo'i sgra 'byin par bgyid/ rol mo'i sgra 'byin du stsol bar bgyid/ bro mkhas pa dang / glu mkhas pa dang / rol mo'i sgra 'byin pa la mkhas pa la ngo so las byung ba stsol bar bgyid/ chos gos dag brdzes te rgyug par byed/ mchong bar byed/ rab tu mchong bar byed/ brla bskor bar bgyid/ lag pa bskor bar bgyid/ nya ltar bskor bar bgyid/ chab tu 'phyo ba 'phen par bgyid/ chab la rnga ma du ka ltar rdung bar bgyid/ chab la rnga po che ltar rdung bar bgyid/ glang po che'i skad kyi sgra 'byin par bgyid/ rta'i skad kyi sgra 'byin par bgyid/ khyu mchog gi </font><hr>Cha22a<br><font size=+1>


@#/ /skad kyi sgra 'byin par bgyid/ rma bya'i skad kyi sgra 'byin par bgyid/ khu byug gi skad kyi sgra 'byin par bgyid/ khas rdza rnga'i sgra 'byin par bgyid/ khas dung gi sgra 'byin par bgyid/ khas rnga po che'i sgra 'byin par bgyid/ glang po che'i 'thab mo yang bgyid/ glang po che'i 'thab mo bgyid du stsol bar yang bgyid/ rta'i 'thab mo dang / khyu mchog gi 'thab mo dang / ma he'i 'thab mo dang / ra'i 'thab mo dang / lug gi 'thab mo dang / bud med kyi 'thab mo dang / skyes pa'i 'thab mo dang / gzhon nu'i 'thab mo dang / gzhon nu ma'i 'thab mo dang / bya gag gi 'thab mo dang / thi ba'i 'thab mo dang / 'ur pa'i 'thab mo yang bgyid/ bgyid du stsol bar yang bgyid de/ de dag dang / gzhan yang dge sbyong gi las ma lags pa dag bgyid cing bgyid du stsol te/ de dag gi spyod tshul dang / spyod pa log par sgrub pa des/ re lde ri la dge slong ma mchis pa dag kyang mi mchi la/ mchis pa dag kyang mngon par mi dga' zhing re lde ri'i gnas spong bar bgyid do/ /re lde ri la gnas pa'i bram ze dang khyim bdag kyang yid mi dga' zhing zhe lci bar gyur nas/ dge slong gnyug mar gnas pa dag la yang bsod snyoms dbul ba dang / bgyi bar sems pa dka' na/ glo bur du lhags pa rnams lta smos kyang ci 'tshal bar gyur gyi/ btsun pa kun dga' bo/ gal te khyod la mi dka' na/ khyod kyis thugs brtse ba'i slad du don 'di bcom ldan 'das la rgyas par </font><hr>Cha22b<br><font size=+1>


gsol cig /tshe dang ldan pa kun dga' bos dge bsnyen chu rgyun can la cang mi smra bas dang du blangs so/ /de nas dge bsnyen chu rgyun can gyis tshe dang ldan pa kun dga' bos cang mi smra bas dang du blangs par rig nas tshe dang ldan pa kun dga' bo la 'di skad ces smras so/ /btsun pa kun dga' bo/ bdag gi sdum par bsod snyoms shig gsol bar ci gnang / tshe dang ldan pa kun dga' bos dge bsnyen chu rgyun can la cang mi smra bas dang du blangs so/ /de nas dge bsnyen chu rgyun can gyis tshe dang ldan pa kun dga' bos cang mi smra bas dang du blangs par rig nas tshe dang ldan pa kun dga' bo bde bar 'dug pa la rang gi lag nas bca' ba dang bza' ba gtsang zhing bsod pas tshim par byed/ stob par byed cing / rang gi lag nas bca' ba dang bza' ba gtsang zhing bsod pa rnam grangs du mas tshim par byas shing bstabs nas/ tshe dang ldan pa kun dga' bos zos shing lag pa bsnyal/ lhung bzed bzhag par rig nas/ stan ches dma' ba zhig khyer te/ tshe dang ldan pa kun dga' bo'i mdun du chos mnyan pa'i phyir 'dug go |de nas tshe dang ldan pa kun dga' bos/ dge bsnyen chu rgyun can la chos dang ldan pa'i gtam yang dag par ston/ yang dag par 'dzin du bcug /yang dag par gzengs bstod/ yang dag par rab tu dga' bar byad cing / chos dang ldan pa'i gtam yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar byas nas stan las langs </font><hr>Cha23a<br><font size=+1>


@#/ /te song ngo // //'dul ba rnam par 'byed pa/ bam po nyer gsum pa/ de nas tshe dang ldan pa kun dga' bos ji ltar yongs su spyad pa'i gnas mal mkhos su phab nas lhung bzed dang chos gos thogs te mnyan yod ga la ba der rgyu zhing song nas mthar gyis rgyu zhing 'gro ba na mnyan yod du phyin to/ /de nas tshe dang ldan pa kun dga' bos lhung bzed dang / chos gos mkhos su phab ste rkang pa gnyis bkrus nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas tshe dang ldan pa kun dga' bos de la dge bsnyen chu rgyun can dang lhan cig skabs su gtam brjod pa ji snyed byung bar gyur pa de dag thams cad bcom ldan 'das la rgyas par gsol to/ /de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo/ khyod dge slong gnas brtan gnas brtan rnams dang lhan cig re lde ri la song la dge slong 'gro mgyogs dang nab so gnyis bskrad pa'i las gyis shig /'di ltar bya ste/ lam gyi bar du 'dug la dge slong gleng ba bo bsko bar bya ste/ dge slong gleng ba po chos lnga dang ldan pa ni/ ma bskos pa yang bsko bar mi bya zhing / bskos pa yang dbyung bar bya ste/ lnga gang zhe na/ 'dun pas 'gro ba dang / zhe sdang gis 'gro ba dang / gti mug </font><hr>Cha23b<br><font size=+1>


gis 'gro ba dang / 'jigs pas 'gro ba dang / gleng pa dang ma gleng pa mi shes pa ste/ dge slong gleng ba po chos lnga po de dag dang ldan pa ni/ ma bskos pa yang bsko bar mi bya zhing / bskos pa yang dbyung bar bya'o/ /dge slong gleng ba po chos lnga dang ldan pa ni/ ma bskos pa yang bsko bar bya zhing / bskos pa yang dbyung bar mi bya ste/ lnga gang zhe na/ 'dun pas mi 'gro ba dang / zhe sdang gis mi 'gro ba dang / gti mug gis mi 'gro ba dang / 'jigs pas mi 'gro ba dang / gleng pa dang ma gleng pa shes pa ste/ dge slong gleng pa po chos lnga po de dag dang ldan pa ni/ ma bskos pa yang bsko bar bya zhing / bskos pa yang dbyung bar mi bya'o/ /'di ltar bsko bar bya ste/ gnas mal bshams pa byas nas gaN+DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa la je dang por spro bar bya ste/ tshe dang ldan pa ming 'di zhes bya ba khyod re lde ri la song ste/ dge slong 'gro mgyogs dang nab so la dge sbyong gi chos ma yin pa rnam pa mang pos gleng bar spro'am/ gal te spro na/ des spro'o/ /zhes brjod par bya'o/ /de'i 'og tu dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong gleng ba po ming 'di zhes bgyi ba 'di| re lde ri la mchis te/ dge slong 'gro mgyogs dang nab so la dge sbyong gi chos ma lags pa rnam pa mang pos gleng bar spro na/ gal te dge 'dun gyis dus la bab cing bzod na/ dge 'dun gyis </font><hr>Cha24a<br><font size=+1>


@#/ /gnang bar mdzod cig dang / dge 'dun gyis dge slong gleng ba po ming 'di zhes bgyi ba/ dge slong 'gro mgyogs dang nab so la gleng bar bsko'o/ /'di ni/ gsol ba'o/ /las ni/ 'di ltar bya ste/ dge 'dun btsun pa rnams gsan du gsol/ dge slong gleng ba po ming 'di zhes bgyi ba 'di/ re lde ri la mchis nas dge slong 'gro mgyogs dang nab so la dge sbyong gi chos ma lags pa rnam pa mang pos gleng bar spro ste/ de'i slad du dge 'dun gyis dge slong gleng ba po ming 'di zhes bgyi ba/ dge slong 'gro mgyogs dang nab so la gleng bar bsko na/ tshe dang ldan pa gang dag/ dge slong gleng ba po ming 'di zhes bgyi ba/ dge slong 'gro mgyogs dang nab so la gleng bar bsko bar bzod pa de dag ni/ cang ma gsungs shig /gang dag mi bzod pa de dag ni/ gsungs shig /dge 'dun gyis bzod cing gnang nas/ dge 'dun gyis dge slong gleng ba po ming 'di zhes bgyi ba/ dge slong 'gro mgyogs dang nab so la gleng bar bskos lags te/ 'di ltar/ cang mi gsung bas de de bzhin du 'dzin to/ /dge slong dag/ ngas dge slong gleng ba po'i kun tu spyod pa'i chos bca' bar bya ste/ dge slong gleng ba pos srin bu can gyi ri la song ste/ gnas mal bshams pa byas nas gaN+DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa na/ dge slong 'gro mgyogs dang </font><hr>Cha24b<br><font size=+1>


nab so gnyis la gleng bar bya'o/ /gal te mthun pa mi sbyin na/ ma gus pa de nyid kyis gnas nas bskrad pa'i las bya'o/ /gal te mthun pa ster na/ skabs 'byed du gzhug par bya'o/ /gal te skabs mi 'byed na/ ma gus pa de nyid kyis bskrad pa'i las bya'o/ /gal te skabs 'byed na/ gleng bar bya'o/ /gal te ltung ba ma mthong ngo / /zhes zer na/ ma gus pa de nyid kyis bskrad pa'i las bya'o/ /gal te ltung ba mthong ngo / /zhes zer na/ 'di skad ces/ de kho na'i phyir dge 'dun gyis khyed gnyis la bskrad pa'i 'phrin las mdzad do/ /zhes brjod par bya'o/ /dge slong gleng ba bos chos ji ltar bcas pa dag yang dag par blangs te 'jug par mi byed na/ 'gal tshabs can du 'gyur ro/ /tshe dang ldan pa kun dga' bos/ btsun pa/ bka' bzhin 'tshal zhes bcom ldan 'das las mnyan nas dge slong gnas brtan gnas brtan rnams dang lhan cig re lde ri la song ste/ lam gyi bar du 'dug nas dge slong gleng ba po bskos so/ /de na dge slong dmar ser can/ gang dag dge slong 'gro mgyogs dang nab so gnyis dang mtshungs par byed pa de dag gis/ tshe dang ldan pa kun dga' bo dge slong gleng ba po dge slong gnas brtan gnas brtan rnams dang lhan cig 'dir 'ongs te/ lam gyi bar du 'dug nas dge slong gleng ba po bskos te/ dge slong 'gro mgyogs dang nab so gnyis skrod pa'i las byed par 'gyur ro/ /zhes thos so/ /thos nas kyang de dag 'di snyam du sems te/ tshe dang ldan pa 'di gnyis kun </font><hr>Cha25a<br><font size=+1>


@#/ /tu spyad pa dang / smras pa dang / brtul pa gang yin pa dag las bdag cag gis kun tu spyad pa dang / ma smras pa dang / ma brtul ba ci yang med pas de'i phyir 'di gnyis la skrod pa'i las byed na/ bdag cag la yang ci'i phyir mi byed de/ gang gi tshe tshe dang ldan pa kun dga' bo dang / dge slong gnas brtan gnas brtan rnams 'dir 'ongs te/ dang por 'gro mgyogs dang nab so gnyis bskrad pa'i las byas nas/ de'i 'og tu bdag cag la yang skrod pa'i las byed par 'gyur ba'i gnas yod par 'gyur bas/ bdag cag gtur bu'i khur drags te/ nyan rna ba bzhag cing 'khod nas tshe dang ldan pa kun dga' bo dang dge slong gnas brtan gnas brtan rnams sgo gcig nas 'jug par 'gyur ba na/ bdag cag gtur bu'i khur dag thogs te sgo gcig nas 'byung zhing mnyan yod du 'dong bar bya ba gor ma chag snyam mo/ /de nas dge slong gleng ba po re lde ri la song ste/ gnas mal bshams pa byas nas gaN+DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa na/ dge slong 'gro mgyogs dang nab so gnyis kyis mthun pa byin te skabs phye nas/ dge slong gleng ba pos gleng ba dang de gnyis kyis smras pa/ tshe dang ldan pa/ ltung ba mthong ngo / /gleng ba pos smras pa/ de kho na'i phyir dge 'dun gyis khyed gnyis la bskrad pa'i 'phrin las mdzad do/ /de nas tshe dang ldan pa kun </font><hr>Cha25b<br><font size=+1>


dga' bo dang / dge slong gnas brtan gnas brtan rnams sgo gcig nas zhugs par gyur pa na/ dge slong dmar ser can dag gtur bu'i khur dag thogs te sgo gcig nas byung zhing mnyan yod du dong nas de dag gis ltung ba bshags par bya ba gang dag yin pa de dag kyang bshags shing sems kyis rnam par rtog pa sna tshogs bsdam par bya ba dag kyang sems kyis bsdams te dge slong rang bzhin du gnas pa dag dang lhan cig gnas shing / dge 'dun gyi bya ba yang rjes su srung bar byed do/ /de nas tshe dang ldan pa kun dga' bo dang / dge slong gnas brtan gnas brtan rnams kyis dge slong 'gro mgyogs dang nab so gnyis la bskrad pa'i las byas nas mnyan yod ga la ba der song ste mthar gyis rgyu zhing 'dong ba na mnyan yod du phyin to/ /'gro mgyogs dang nab so gnyis kyis bsam pa/ gang sa la 'gyel ba de ni/ sa nyid la brten te ldang ba yin pas bdag cag gnyis kyang mnyan yod nyid du song ste/ bcom ldan 'das dang dge slong gi dge 'dun la bzod pa gsol bar bya'o/ /snyam nas 'gro mgyogs kyis smras pa/ nab so/ /gang sa la 'gyel ba de ni/ sa nyid la brten te ldang ba yin pas bdag cag gnyis kyang mnyan yod nyid du song ste/ bcom ldan 'das dang dge 'dun la bzod pa gsol ba bya'i/ 'dong ngo / /nab sos smras pa/ ma nyes kyi/ tshur shog/ bzod pa gsol du 'dong ngo / /de gnyis kyis gros byas nas de nyid kyi mtshan mo 'das pa dang / snga dro sham thabs bgos/ lhung </font><hr>Cha26a<br><font size=+1>


@#/ /bzed dang chos gos thogs te/ re lde ri la bsod snyoms la zhugs nas re lde ri la bsod snyoms brgyus te zas kyi bya ba byas nas phyi ma'i zas kyi bsod snyoms las phyir log pas ji ltar spyad pa'i gnas mal mkhos su phab ste/ lhung bzed dang chos gos thogs nas mnyan yod ga la ba der rgyu zhing dong ste/ mthar gyis rgyu zhing dong ba na mnyan yod du phyin nas dge slong gnas brtan gnas brtan rnams kyis de gnyis mthong ba dang de dag de gnyis la gtam 'dre bar mi byed/ phebs par smra bar mi byed do/ /dge slong dmar ser can dag gis kyang de gnyis mthong ba dang / de dag kyang de gnyis la gtam 'dre bar mi byed/ phebs par smra bar mi byed do/ /de nas dge slong 'gro mgyogs dang nab so gnyis kyis dge slong dmar ser can dag la smras pa/ tshe dang ldan pa dag /dge slong gnas brtan gnas brtan dag kho bo cag gnyis la gtam 'dre bar mi byed/ phebs par smra bar mi byed pa ni/ rigs na/ khyed cag ci'i phyir kho bo cag gnyis la gtam 'dre bar mi byed/ phebs par smra bar mi byed/ kho bo cag gnyis kyis kun tu spyad pa dang / smras pa dang / brtul ba gang yin pa dag las/ khyed cag gis kun tu ma spyad pa dang / ma smras pa dang / ma brtul pa ci zhig yod/ de dag gis smras pa/ tshe dang ldan pa gnyis/ de yang bden mod kyi/ 'on kyang kho bo cag gis ltung ba bshags par bya ba gang dag yin pa de dag kyang bshags shing / sems kyi </font><hr>Cha26b<br><font size=+1>


rnam par rtog pa sna tshogs bsdam par bya ba dag kyang sems kyis bsdams te/ da ltar dge slong rang bzhin du gnas pa dag dang lhan cig gnas shing / dge 'dun gyi bya ba yang rjes su srung bar byed pas kho bo cag phyin chad gnas ngan len kun tu spyod pa dag dang lhan cig longs spyod par mi byed do/ /de gnyis kyis/ tshe dang ldan pa dag /'di na dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar/ ltung ba 'dra ba kho na las/ dge slong kha cig ni/ skrod par byed/ kha cig ni/ skrod par mi byed do/ /zhes 'phya bar brtsams pa dang / dge slong rnams kyis de gnyis la smras pa/ tshe dang ldan pa gnyis/ khyed cag gnyis su la 'dun pas 'gro ba zhes zer/ zhe sdang gis 'gro ba/ gti mug gis 'gro ba/ 'jigs pas 'gro ba zhes zer/ tshe dang ldan pa dag/ dge slong tshe dang ldan pa kun dga' bo dang / gnas brtan gnas brtan gang dag re lde ri la dong nas bdag cag bskrad pa'i las byas pa dag la'o/ /dge slong don nyung du dag/ ci'i phyir dge slong dag/ dge slong tshe dang ldan pa kun dga' bo dang / gnas brtan gnas brtan gang dag re lde ri la dong nas/ bdag cag bskrad pa'i las byas par shes bzhin du de dag la 'dun pas 'gro ba zhes zer/ zhe sdang gis 'gro ba/ gti mug gis 'gro ba/ 'jigs pas 'gro ba zhes zer zhing / dge slong rnams la yang de skad ces/ tshe dang ldan pa dag/ 'di na dge slong kha cig 'dun pas 'gro ba/ zhe </font><hr>Cha27a<br><font size=+1>


@#/ /sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar/ ltung ba 'dra ba kho na las/ dge slong kha cig ni/ skrod par byed/ kha cig ni/ skrod par mi byed do/ /zhes smod par byed/ phyar kha gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag/ khyed kyis dge slong 'gro mgyogs dang nab so gnyis dang / gzhan yang de lta bu gang yin pa la bzhams te bsgo bar bya'o/ /'di skad ces bsgo bar bya ste/ tshe dang ldan pa 'gro mgyogs dang nab so gnyis/ khyed dge slong tshe dang ldan pa kun dga' bo dang / gnas brtan gnas brtan gang dag re lde ri la dong nas khyed bskrad pa'i las byas par shes bzhin du de dag la 'dun pas 'gro ba zhes ma zer cig /zhe sdang gis 'gro ba/ gti mug gis 'gro ba/ 'jigs pas 'gro ba zhes ma zer cig /dge slong rnams la yang 'di skad ces/ tshe dang ldan pa dag /'di na dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar/ ltung ba 'dra ba kho na las/ kha cig ni/ skrod par byed/ kha cig ni/ skrod par mi byed do/ /zhes ma zer cig /de ci'i phyir zhe na/ dge slong de dag ni/ 'dun pas 'gro ba ma yin/ zhe sdang gis 'gro ba ma yin/ gti mug gis 'gro ba ma yin/ 'jigs pas 'gro ba ma yin gyi/ </font><hr>Cha27b<br><font size=+1>


'di ltar/ tshe dang ldan pa dag nyid/ khyim sun 'byin pa/ sdig pa'i chos kun tu spyod pa dag yin te/ khyed nyid kyis khyim dag sun phyung bar yang mthong zhing thos la rab tu shes/ khyed sdig pa kun spyod par yang mthong zhing thos la rab tu shes pa'i phyir te/ tshe dang ldan pa dag/ 'dun pas 'gro ba zhes bya ba'i tshig gi lam dang / zhe sdang gis 'gro ba/ gti mug gis 'gro ba/ 'jigs pas 'gro ba zhes bya ba'i tshig gi lam 'di lta bu 'di thong zhig ces bsgo bar bya'o/ /dge slong rnams kyis/ btsun pa/ bka' bzhin 'tshal zhes bcom ldan 'das las mnyan nas dge slong 'gro mgyogs dang nab so gnyis la tshe dang ldan pa 'gro mgyogs dang nab so gnyis/ khyed dge slong tshe dang ldan pa kun dga' bo dang / gnas brtan gnas brtan gang dag re lde ri la dong nas khyed bskrad pa'i las byas par shes bzhin du de dag la 'dun pas 'gro ba zhes ma zer cig/ zhe sdang gis 'gro ba/ gti mug gis 'gro ba/ 'jigs pas 'gro ba zhes ma zer cig/ dge slong rnams la yang 'di skad ces/ tshe dang ldan pa dag/ 'di na dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar/ ltung ba 'dra ba kho na las/ dge slong kha cig ni/ skrod par byed/ kha cig ni/ skrod par mi byed do/ /zhes ma zer cig /de ci'i phyir zhe na/ dge slong de dag ni/ 'dun pas 'gro ba ma yin/ zhe sdang gis 'gro ba ma yin/ gti mug gis 'gro ba ma yin/ 'jigs </font><hr>Cha28a<br><font size=+1>


@#/ /pas 'gro ba ma yin gyi/ 'di ltar/ tshe dang ldan pa dag nyid/ khyim sun 'byin pa/ sdig pa'i chos kun tu spyod pa dag yin te/ khyed nyid kyis khyim dag sun phyung bar mthong zhing thos la rab tu shes/ khyed sdig pa kun tu spyod par yang mthong zhing thos la rab tu shes pa'i phyir te/ tshe dang ldan pa dag/ 'dun pas 'gro ba zhes bya ba'i tshig gi lam dang / zhe sdang gis 'gro ba/ gti mug gis 'gro ba/ 'jigs pas 'gro ba zhes bya ba'i tshig gi lam 'di lta bu 'di thong zhig ces bzhams te bsgo'o/ /dge slong rnams kyis de gnyis la bzhams te bsgo yang / gzhi de nyid la nan gyis mchog tu bzung zhing mngon par zhen nas 'di nyid bden gyi/ gzhan ni/ rdzun pa'o/ /zhes rjes su tha snyad 'dogs par byed pa'i skabs de/ dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ dge slong dag/ khyed kyis dge slong 'gro mgyogs dang nab so gnyis dang / gzhan yang / de lta bu gang yin pa la gsol ba dang bzhi'i las kyis bsgo bar bya'o/ /'di ltar bsgo bar bya ste/ gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la/ dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong 'gro mgyogs dang nab so 'di gnyis dge slong tshe dang ldan pa kun dga' bo dang gnas brtan gnas brtan </font><hr>Cha28b<br><font size=+1>


gang dag re lde ri la mchis nas 'di gnyis bskrad pa'i las bgyis par 'tshal bzhin du de dag 'dun pas 'gro ba zhes mchi/ zhe sdang gis 'gro ba/ gti mug gis 'gro ba/ 'jigs pas 'gro ba zhes mchi zhing / dge slong rnams la yang 'di skad ces/ tshe dang ldan pa dag/ 'di na dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar/ ltung ba 'dra ba kho na las/ dge slong kha cig ni/ skrod par byed/ kha cig ni/ skrod par mi byed do/ /zhes mchi nas/ 'di gnyis la dge slong mang pos bzhams te bsgo na/ 'di gnyis la dge slong mang pos bzhams te bsgo yang / gzhi de nyid la nan gyis mchog tu bzung zhing mngon par zhen nas 'di nyid bden gyi/ gzhan ni/ rdzun pa'o/ /zhes rjes su tha snyad 'dogs par bgyid na/ gal te dge 'dun gyis dus la bab cing bzod na/ dge 'dun gyis gnang bar mdzod cig dang / dge 'dun gyis dge slong 'gro mgyogs dang nab so gnyis la tshe dang ldan pa 'gro mgyogs dang nab so gnyis/ khyed dge slong tshe dang ldan pa kun dga' bo dang / gnas brtan gnas brtan gang dag re lde ri la dong nas khyed bskrad pa'i las byas par shes bzhin du de dag la 'dun pas 'gro ba zhes ma zer cig /zhe sdang gis 'gro ba/ gti mug gis 'gro ba/ 'jigs pas 'gro ba zhes ma zer cig /dge slong rnams la yang 'di skad ces/ tshe dang ldan pa dag/ 'di na dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas </font><hr>Cha29a<br><font size=+1>


@#/ /'gro ba dag yin te/ 'di ltar/ ltung ba 'dra ba kho na las/ dge slong kha cig ni/ skrod par byed/ kha cig ni/ skrod par mi byed do/ /zhes ma zer cig /de ci'i phyir zhe na/ dge slong de dag ni/ 'dun pas 'gro ba ma yin/ zhe sdang gis 'gro ba ma yin/ gti mug gis 'gro ba ma yin/ 'jigs pas 'gro ba ma yin gyi/ 'di ltar/ tshe dang ldan pa dag nyid khyim sun 'byin pa/ sdig pa'i chos kun tu spyod pa dag yin te/ khyed nyid kyis khyim dag sun phyung bar yang mthong zhing thos la rab tu shes/ khyed sdig pa kun tu spyod par yang mthong zhing thos la rab tu shes pa'i phyir te/ tshe dang ldan pa dag/ 'dun pas 'gro ba zhes bya ba'i tshig gi lam dang / zhe sdang gis 'gro ba/ gti mug gis 'gro ba/ 'jigs pas 'gro ba zhes bya ba'i tshig gi lam 'di thong zhig ces gsol ba dang bzhi'i las kyis bsgo ba mdzad do/ /'di ni/ gsol ba'o/ /las ni/ 'di ltar bya ste/ dge 'dun btsun pa rnams gsan du gsol/ dge slong 'gro mgyogs dang nab so 'di gnyis/ dge slong tshe dang ldan pa kun dga' bo dang / gnas brtan gnas brtan gang dag re lde ri la mchis nas 'di gnyis bskrad pa'i las bgyis par 'tshal bzhin du de dag la 'dun pas 'gro ba zhes mchi/ zhe sdang gis 'gro ba/ gti mug gis 'gro ba/ 'jigs pas 'gro ba zhes mchi zhing / dge slong rnams la yang 'di skad ces/ tshe dang ldan pa dag/ 'di na dge slong kha cig 'dun pas 'gro ba/ zhe sdang gis 'gro </font><hr>Cha29b<br><font size=+1>


ba| gti mug gis 'gro ba/ 'jigs pas 'gro ba dag yin te/ 'di ltar/ ltung ba 'dra ba kho na las/ dge slong kha cig ni/ bskrod par byed/ kha cig ni/ skrod par mi byed do/ /zhes mchi nas/ 'di gnyis la dge slong mang pos bzhams te bsgo na/ 'di gnyis la dge slong mang pos bzhams te bsgo yang / gzhi de nyid la nan gyis mchog tu bzung zhing mngon par zhen nas 'di nyid bden gyi/ gzhan ni/ rdzun pa'o/ /zhes rjes su tha snyad 'dogs par bgyid de/ de'i slad du dge 'dun gyis dge slong 'gro mgyogs dang nab so gnyis la tshe dang ldan pa 'gro mgyogs dang nab so gnyis/ khyed dge slong tshe dang ldan pa kun dga' bo dang / gnas brtan gnas brtan gang dag re lde ri la song nas khyed bskrad pa'i las byas par shes bzhin du de dag la 'dun pas 'gro ba zhes ma zer cig /zhe sdang gis 'gro ba/ gti mug gis 'gro ba/ 'jigs pas 'gro ba zhes ma zer cig /dge slong rnams la yang 'di skad ces/ tshe dang ldan pa dag /'di na dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar/ ltung ba dang 'dra ba kho na las/ dge slong kha cig ni/ skrod par byed/ kha cig ni/ skrod par mi byed do/ /zhes ma zer cig /de ci'i phyir zhe na/ dge slong de dag ni/ 'dun pas 'gro ba ma yin/ zhe sdang gis 'gro ba ma yin/ gti mug gis 'gro ba ma yin/ 'jigs pas 'gro ba ma yin gyi/ 'di ltar/ tshe dang ldan pa dag nyid khyim sun 'byin pa/ sdig pa'i chos kun tu spyod pa dag yin </font><hr>Cha30a<br><font size=+1>


@#/ /te| khyed nyid kyis khyim dag sun phyung bar yang mthong zhing thos la rab tu shes/ khyed sdig pa kun tu spyod par yang mthong zhing thos la rab tu shes pa'i phyir te/ tshe dang ldan pa dag/ 'dun pas 'gro ba zhes bya ba'i tshig gi lam dang / zhe sdang gis 'gro ba/ gti mug gi 'gro ba/ 'jigs pas 'gro ba zhes bya ba'i tshig gi lam 'di lta bu 'di thong zhig ces gsol ba dang bzhi'i las kyis bsgo ba mdzad na/ tshe dang ldan pa gang dag /dge slong 'gro mgyogs dang nab so gnyis la gsol ba dang bzhi'i las kyis bsgo ba mdzad par bzod pa de dag ni/ cang ma gsungs shig /gang dag mi bzod pa de dag ni/ gsungs shig /'di ni/ las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas/ dge 'dun gyis dge slong 'gro mgyogs dang nab so gnyis la gsol ba dang bzhi'i las kyis bsgo ba mdzad lags te/ 'di ltar/ cang mi gsung bas de de bzhin du 'dzin to/ /dge slong rnams kyis/ btsun pa/ bka' bzhin 'tshal zhes bcom ldan 'das las mnyan nas/ dge slong 'gro mgyogs dang nab so gnyis la gsol ba dang bzhi'i las kyis bsgo'o/ /gsol ba dang bzhi'i las kyi bsgo yang / gzhi de nyid la nan gyis mchog tu bzung zhing mngon par zhen nas 'di nyid bden gyi/ gzhan ni/ rdzun pa'o/ /zhes rjes su tha snyad 'dogs par byed pa'i skabs de/ dge slong rnams kyis bcom ldan 'das la </font><hr>Cha30b<br><font size=+1>


gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin no/ /nga'i nyan thos kyis 'dul ba la bslab pa'i gzhi 'di ltar gdon par bya ste/ dge slong rab tu mang po dag /grong ngam/ grong rdal zhig na nye bar brten cing gnas par gyur la/ de dag kyang khyim sun 'byin pa/ sdig pa'i chos kun tu spyod par rig cing / de dag gis khyim dag sun phyung bar mthong ngam/ thos sam/ rab tu shes sam/ de dag sdig pa kun tu spyod par mthong ngam/ thos sam/ rab tu shes na/ dge slong de dag la dge slong rnams kyis 'di skad ces/ tshe dang ldan pa dag/ khyim sun 'byin pa/ sdig pa'i chos kun tu spyod pa dag yin te/ khyed kyi khyim dag sun phyung bar yang mthong zhing thos la rab tu shes/ khyed sdig pa kun tu spyod par yang mthong zhing thos la rab tu shes kyi/ tshe dang ldan pa dag /khyed 'di na gnas pas chog gi/ gnas 'di nas dengs shig ces bsgo bar bya'o/ /gal te de dag dge slong rnams la 'di skad ces/ tshe dang ldan pa dag /'di na dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar/ ltung ba 'dra ba kho na las/ dge slong kha cig ni/ skrod par byed/ kha cig ni/ skrod par mi byed </font><hr>Cha31a<br><font size=+1>


@#/ /do| |zhes zer na/ dge slong de dag la dge slong rnams kyis 'di skad ces/ tshe dang ldan pa dag /khyed de skad ces/ tshe dang ldan pa dag /'di na dge slong kha cig 'dun pas 'gro ba| zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar/ ltung ba 'dra ba kho na las/ dge slong kha cig ni/ skrod par byed/ kha cig ni/ skrod par mi byed do/ /zhes ma zer cig /de ci'i phyir zhe na/ dge slong de dag ni/ 'dun pas 'gro ba ma yin/ zhe sdang gis 'gro ba ma yin/ gti mug gis 'gro ba ma yin/ 'jigs pas 'gro ba ma yin gyi/ 'di ltar/ tshe dang ldan bdag nyid khyim sun 'byin pa/ sdig pa'i chos kun tu spyod pa dag yin te/ khyed nyid kyis khyim sun phyung bar yang mthong zhing thos la rab tu shes/ khyed sdig pa kun tu spyod par yang mthong zhing thos la rab tu shes pa'i phyir te/ tshe dang ldan pa dag /'dun pas 'gro ba zhes bya ba'i tshig gi lam dang / zhe sdang gis 'gro ba/ gti mug gis 'gro ba/ 'jigs pas 'gro ba zhes bya ba'i tshig gi lam 'di lta bu 'di thong zhig ces bsgo bar bya'o/ /dge slong de dag la dge slong rnams kyis de skad bsgo ba ni/ gal te gzhi de gtong na/ de lta na legs/ gal te mi gtong na/ gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo/ yang dag par bstan pa na/ gzhi de gtong na/ de lta </font><hr>Cha31b<br><font size=+1>


na legs/ gal te mi gtong na/ dge 'dun lhag ma'o/ /dge slong zhes bya ba ni/ 'gro mgyogs dang nab so dag gam/ gzhan yang de lta bu gang yin pa'o/ /rab tu mang po dag ces bya ba ni/ gnyis las lhag pa ni/ rab tu mang po dag go /grong ngam grong rdal zhig na zhes bya ba ni/ re lde ri la'o/ /de dag kyang khyim sun 'byin pa zhes bya ba la/ khyim zhes bya ba ni/ bram ze dang khyim bdag gi khyim dag go/ de dag ni/ rgyu gnyis kyis sun 'byin par byed do/ /'grogs pa dang longs spyod pas so/ /ji ltar 'grogs pas she na/ bud med kyi yul dang lhan cig stan gcig la 'dug par byed/ snod gcig tu za bar byed/ phor bu gcig tu myos par 'gyur ba'i btung ba sna tshogs dag 'thung bar byed pa ste/ de ltar 'grogs pas so/ /ji ltar longs spyod pas she na/ zas kyis dang / skom gyis dang / gos kyis dang / me tog gis dang / 'bras bus dang / so shing gis de ltar longs spyod pas so/ /sdig pa'i chos kun tu spyod par gyur cing zhes bya ba ni/ gnas ngan len kun tu spyod par gyur cing ngo / /de dag gis khyim dag ces bya ba ni/ bram ze dang khyim bdag gi khyim bdag go /mthong ngam zhes bya ba ni/ mig gi rnam par shes pas so/ /thos sam zhes bya ba ni/ rna ba'i rnam par shes pas so/ /rab tu shes sam zhes bya ba ni/ de las gzhan pa'i rnam par shes pa'i tshogs dag gis so/ /de dag sdig pa kun tu spyod pa zhes bya ba ni/ gnas ngan len kun tu spyod par ro/ /dge slong de dag la dge slong rnams kyis zhes </font><hr>Cha32a<br><font size=+1>


@#/ /bya ba ni/ chos 'di pa rnams kyis so/ /de skad ces zhes bya ba ni/ bzhams te bsgo ba ji skad sngar bstan pa ltar bsgo bar bya ba'o/ /dge slong de dag la dge slong rnams kyis de skad bsgo ba na zhes bya ba ni/ bzhams te bsgo ba na'o/ /gal te gzhi de gtong na zhes bya ba ni/ lta ba de yongs su gtong na'o/ /de lta na legs zhes bya ba ni/ de lta na bzang ba'o/ /gal te mi gtong na zhes bya ba ni/ yongs su mi gtong na'o/ /lan gnyis lan gsum du yang dag par bsgo bar bya/ yang dag par bstan par bya'o/ /zhes bya ba ni/ gsol ba dang bzhi'i las kyis bsgo ba ji skad sngar bstan pa ltar bsgo bar bya ste| yang dag par bsgo ba de ni/ de yin/ yang dag par bstan pa de ni/ de yin no/ /dge 'dun lhag ma'o/ /zhes bya ba ni/ snga ma bzhin du ltung ba de/ dge 'dun la rag las pa yin te/ des na dge 'dun lhag ma'o/ /zhes gsungs so/ /de la ltung ba ji ltar 'gyur zhe na/ dge slong gis cung zad ji tsam du dge slong gang dag gis bdag nyid bskrad pa'i las byas par shes bzhin du de dag la 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba zhes zer na/ thams cad du nyes byas su 'gyur ro/ /dge slong gis bzhams te bsgo ba na/ gzhi de gtong na/ de lta na legs/ gal te mi gtong na/ nyes pa sbom por 'gyur ro/ /gsol ba dang bzhi'i las kyis bsgo ba na/ gzhi de gtong na/ de lta na legs/ gal te mi gtong na/ gsol ba byas na/ nyes pa sbom por 'gyur ro/ / </font><hr>Cha32b<br><font size=+1>


las brjod pa dang po brjod pa na/ ma rdzogs par gzhi de gtong na/ de lta na legs/ gal te mi gtong na/ rdzogs par brjod pa na/ nyes pa sbom por 'gyur ro/ /las brjod pa gnyis pa brjod pa na/ ma rdzogs par gzhi de gtong na/ de lta na legs/ gal te mi gtong na/ rdzogs par brjod pa na/ nyes pa sbom por 'gyur ro/ /las brjod pa gsum pa brjod pa na/ ma rdzogs par gzhi de gtong na/ de lta na legs gal te mi gtong na/ rdzogs par brjod pa na/ nyes pa sbom por 'gyur ro/ /gal te mthun pa dang chos ma yin pas sgo bar byed na/ ltung ba med do/ /mi mthun pa dang chos kyis sgo bar byed na/ ltung ba med do/ /mthun pa dang chos ltar bcos pas sgo bar byed na/ ltung ba med do/ /mi mthun pa dang chos ma yin pa ltar bcos pas sgo bar byed na/ ltung ba med do/ /chos ji lta ba dang / 'dul ba ji lta ba dang / ston pa'i bsten pa ji lta ba de ltar sgo bar mi byed na/ ltung ba med do/ /chos ji lta ba dang / 'dul ba ji lta ba dang / ston pa'i bstan pa ji lta ba de ltar mthun pas sgo bar byed na/ rdzogs par brjod pa na| dge 'dun lhag mar 'gyur ro/ /dge slong des stan de la 'dug bzhin du 'di skad ces/ tshe dang ldan pa dag /bdag la dge 'dun lhag ma'i ltung ba byung ngo / /zhes brjod par bya ste/ gal te de skad brjod na/ de lta na legs/ gal te mi brjod na/ de phyin chad nas de la 'chab pa'i nyes pa 'byung bar 'gyur ro/ /de ltar na/ dge slong gis ji tsam du gzhi de ma bshags shing so sor </font><hr>Cha33a<br><font size=+1>


@#/ /ma bshags par gsol ba dang / gsol ba dang gnyis dang / gsol ba dang bzhi'i las nyams su myong bar byed na/ thams cad du nyes byas su 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pha la ltung ba med do/ /khyim sun 'byin pa'i dge 'dun lhag ma ste/ bcu gnyis pa rdzogs so// // sangs rgyas bcom ldan 'das ko'u sham+b+hi na gdangs can gyi kun dga' ra ba na bzhugs so/ /de'i tshe na tshe dang ldan pa 'dun pa ltung ba byung ba chos bzhin du phyir mi byed nas/ de la dge slong don 'dod pa/ phan par 'dod pa/ bde ba 'dod pa/ bde ba la reg par 'dod pa/ grub pa dang bde ba 'dod pa rnams kyis/ tshe dang ldan pa 'dun pa/ khyod ltung ba byung ba de dag chos bzhin du phyir gyis shig ces gleng bar byed/ dran par byed pa na/ des smras pa/ su la ltung ba byung ba de phyir byed par 'gyur ro/ /khyod la ltung ba byung na/ su zhig phyir byed par 'gyur/ su 'gyod par 'gyur ba'o/ / khyod la ltung ba byung ba la su 'gyod par 'gyur/ de la dge slong rnams kyis phyir zhing phyir zhing smras pa na/ der thur du smras pa/ tshe dang ldan pa dag /khyed cag dge yang rung / sdig kyang rung / bdag la ci yang ma smra zhig /bdag kyang dge yang rung / sdig kyang rung / tshe dang ldan pa dag la ci yang mi smra'o/ /tshe dang ldan pa dag gis bdag la tshig gi lam thong zhig /khyed la yang bdag </font><hr>Cha33b<br><font size=+1>


gis smras pas ci zhig bya/ 'di ltar/ khyed cag ni/ rigs sna tshogs dang / rus sna tshogs dang / khyim sna tshogs nas rab tu byung ba dag yin te/ 'di lta ste/ dper na/ shing ljon pa dag gi lo ma sna tshogs rlung gis blags pa dag gcig tu ltung zhing gcig tu 'dug pa de bzhin du khyed cag kyang rigs sna tshogs dang / rus sna tshogs dang / khyim sna tshogs nas rab tu byung ba dag yin gyi/ kho bo'i 'phags pas ni/ byang chub thugs su chud pa yin no/ /dge slong don nyung ngu dag /ci'i phyir dge slong dag /dge slong rnams kyi gdon par gtogs pa bslab pa'i gzhi rnams dang / bde bar gshegs pa'i mdor gtogs pa rnams kyis chos dang mthun pa dang / 'dul ba dang mthun par smras pa na/ bdag nyid brjod par bya ba ma yin par byed ces smod par byed/ 'phyar kha gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ dge slong dag /khyed kyis dge slong 'dun pa dang / gzhan yang de lta bu gang yin pa la bzhams te bsgo bar bya'o/ /'di skad ces bsgo bar bya ste/ tshe dang ldan pa 'dun pa/ khyod dge slong rnams kyi gdon par gtogs pa bslab pa'i gzhi rnams dang / bde bar gshegs pa'i mdor gtogs pa rnams kyis chos dang mthun pa dang 'dul ba dang mthun par smras pa na/ bdag nyid brjod par bya ba ma yin par ma byed par tshe dang ldan pas bdag nyid brjod par bya ba kho nar </font><hr>Cha34a<br><font size=+1>


@#/ /gyis shig /dge slong rnams tshe dang ldan pa la chos dang mthun pa dang / 'dul ba dang mthun par smra ba na/ tshe dang ldan pa yang dge slong rnams la chos dang mthun pa dang / 'dul ba dang mthun par smros shig /'di lta ste/ gcig la gcig brjod par bya ba nyid du byed pa dang / gcig la gcig 'doms shing rjes su ston pa dang / gcig gis gcig ltung ba las slong ba nyid de lta bus/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i 'khor 'di 'phel bar 'gyur gyi/ tshe dang ldan pa 'dun pa/ khyod bdag nyid brjod par bya ba ma yin par byed pa'i las kyi mtha' 'di lta bu 'di thong zhig ces bsgo bar bya'o/ /dge slong rnams kyis/ btsun pa/ bka' bzhin 'tshal zhes bcom ldan 'das las mnyan nas tshe dang ldan pa 'dun pa la/ tshe dang ldan pa 'dun pa/ khyod dge slong rnams kyi gdon par gtogs pa bslab pa'i gzhi rnams dang / bde bar gshegs pa'i mdor gtogs pa rnams kyis chos dang mthun pa 'dul ba dang mthun par smras pa na/ bdag nyid brjod par bya ba ma yin par ma byed par tshe dang ldan pas bdag nyid brjod par bya ba kho nar gyis shig /dge slong rnams tshe dang ldan pa la chos dang mthun pa dang / 'dul ba dang mthun par smra ba na/ tshe dang ldan pa yang dge slong rnams la chos dang mthun pa dang / 'dul ba dang mthun par smros shig /'di lta ste/ gcig la </font><hr>Cha34b<br><font size=+1>


gcig brjod par bya ba nyid du byed pa dang / gcig la gcig 'doms shing rjes su ston pa dang / gcig gis gcig ltung ba las slong ba nyid de lta bus/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i 'khor 'di 'phel bar 'gyur gyi/ tshe dang ldan pa 'dun pa/ khyed bdag nyid brjod par bya ba ma yin par byed pa'i las kyi mtha' 'di lta bu 'di thong zhig ces bzhams te bsgo'o/ /de la dge slong rnams kyis bzhams te bsgo ba na/ gzhi de nyid la nan gyis mchog tu bzung zhing mngon par zhen nas 'di nyid bden gyi/ gzhan ni/ rdzun pa'o/ /zhes rjes su tha snyad 'dogs par byed pa'i skabs de/ dge slong rnams kyis bcom ldan 'das la gsol ba dang / bcom ldan 'das kyis bka' stsal ba/ dge slong dag /khyed kyis dge slong 'dun pa dang gzhan yang / de lta bu gang yin pa la gsol ba dang bzhi'i las kyis bsgo bar bya'o/ /'di ltar bsgo bar bya ste/ gnas mal bshams pa byams nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la/ dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong 'dun pa 'di ltung ba byung ba chos bzhin du slar mi bgyid nas/ 'di la dge slong rnams kyi gdon par gtogs pa'i bslab pa'i gzhi rnams dang / bde bar gshegs pa'i mdor gtogs </font><hr>Cha35a<br><font size=+1>


@#/ /pa rnams kyis chos dang mthun pa dang / 'dul ba dang mthun par smra ba na/ tshe dang ldan pa dag /khyed cag dge yang rung / sdig kyang rung / bdag la ci yang ma smra shig/ bdag kyang dge yang rung / sdig kyang rung / tshe dang ldan pa dag la ci yang mi smra'o/ /tshe dang ldan pa dag gis bdag la tshig gi lam thong zhig /khyed la yang bdag gis smras pas ci zhig bya zhes bdag nyid brjod par bgyi ba ma lags par bgyid nas 'di la dge slong mang pos bzhams te bsgo na/ 'di la dge slong mang pos bzhams te bsgo yang / gzhi de nyid la nan gyis mchog tu bzung zhing mngon par zhen nas 'di nyid bden gyi/ gzhan ni rdzun pa'o/ /zhes rjes su tha snyad 'dogs par bgyid na/ gal te dge 'dun gyis dus la bab cing bzod na/ dge 'dun gyis gnang bar mdzod cig dang / dge 'dun gyis dge slong 'dun pa la tshe dang ldan pa 'dun pa dang / khyod dge slong rnams kyi gdon par gtogs pa bslab pa'i gzhi rnams dang / bde bar gshegs pa'i mdor gtogs pa rnams kyis chos dang mthun pa dang / 'dul ba dang mthun par smra ba na/ bdag nyid brjod par bya ba ma yin par ma byed par tshe dang ldan pas bdag nyid brjod par bya ba kho nar gyis shig /dge slong rnams tshe dang ldan pa la chos dang mthun pa dang / 'dul ba dang mthun par smra ba na/ tshe dang ldan pa yang dge slong rnams la chos dang mthun pa dang / 'dul ba dang </font><hr>Cha35b<br><font size=+1>


mthun par smros shig /'di lta ste/ gcig la gcig brjod par bya ba nyid du byed pa dang / gcig la gcig 'doms shing rjes su ston pa dang / gcig gis gcig ltung ba las slong ba de nyid de lta bus bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i 'khor 'di 'phel bar 'gyur gyi/ tshe dang ldan pa 'dun pa/ khyod bdag nyid brjod par bya ba ma yin par byed pa'i las kyi mtha' 'di lta bu 'di thong zhig ces gsol ba dang bzhi'i las kyis bsgo ba mdzad do/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong 'dun pa 'di ltung ba byung ba chos bzhin du slar mi bgyid na 'di la dge slong rnams kyi gdon par gtogs pa bslab pa'i gzhi rnams dang / bde bar gshegs pa'i mdor gtogs pa rnams kyis chos dang mthun pa dang / 'dul ba dang mthun par smras pa na/ tshe dang ldan pa dag /khyed cag dge yang rung / sdig kyang rung / bdag la ci yang ma smra zhig /bdag kyang dge yang rung / sdig kyang rung / tshe dang ldan pa dag la ci yang mi smra'o/ /tshe dang ldan pa dag gis bdag la tshig gi lam thong zhig /khyed la yang bdag gis smras pas ci zhig bya zhes bdag nyid brjod par bgyi ba ma lags par bgyid nas/ 'di la dge slong mang pos bzhams te bsgo yang / gzhi de nyid la nan gyis mchog tu </font><hr>Cha36a<br><font size=+1>


@#/ /bzung zhing mngon par zhen nas 'di nyid bden gyi/ gzhan ni rdzun pa'o/ /zhes rjes su tha snyad 'dogs par bgyid de/ de'i slad du dge 'dun gyis dge slong 'dun pa la/ tshe dang ldan pa 'dun pa/ khyod dge slong rnams kyi gdon par gtogs pa bslab pa'i gzhi rnams dang / bde bar gshegs pa'i mdor gtogs pa rnams kyis chos dang mthun pa dang / 'dul ba dang mthun par smras pa na/ bdag nyid brjod par bya ba ma yin par ma byed par tshe dang ldan pas bdag nyid brjod par bya ba kho nar gyis shig /dge slong rnams tshe dang ldan pa la chos dang mthun pa dang / 'dul ba dang mthun par smra ba na/ tshe dang ldan pa yang dge slong rnams la chos dang mthun pa dang / 'dul ba dang mthun par smros shig /'di lta ste/ gcig la gcig brjod par bya ba nyid du byed pa dang / gcig la gcig 'doms shing rjes su ston pa dang / gcig gis gcig ltung ba las slong ba nyid de lta bus/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i 'khor 'di 'phel bar 'gyur gyi/ tshe dang ldan pa 'dun pa/ khyod bdag nyid brjod par bya ba ma yin par byed pa'i las kyi mtha' 'di lta bu 'di thong zhig ces gsol ba dang bzhi'i las kyis bsgo ba mdzad na/ tshe dang ldan pa gang dag dge slong 'dun pa la gsol ba dang bzhi'i las kyis bsgo ba mdzad par bzod pa de dag ni cang ma gsungs </font><hr>Cha36b<br><font size=+1>


shig /gang dag mi bzod pa de dag ni gsungs shig/ 'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong 'dun pa la gsol ba dang bzhi'i las kyis bsgo ba mdzad lags te/ 'di ltar cang mi gsung bas de de bzhin du 'dzin to/ /dge slong rnams kyis/ btsun pa/ bka' bzhin 'tshal zhes bcom ldan 'das las mnyan nas dge slong 'dun pa la gsol ba dang bzhi'i las kyis bsgo'o/ /gsol ba dang bzhi'i las kyis bsgo ba na gzhi de nyid la nan gyis mchog tu bzung zhing mngon par zhen nas 'di nyid bden gyi/ gzhan ni rdzun pa'o/ /zhes rjes su tha snyad 'dogs par byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu bar mdzad do/ /zhes bya ba la sogs pa snga ma bzhin no/ /sangs rgyas bcom ldan 'das ni mkhyen bzhin du rmed par mdzad pa ste/ zhes bya ba la sogs pa yang snga ma bzhin no/ /sangs rgyas bcom ldan 'das kyis 'dun pa la rmas pa/ 'dun pa/ khyod dge slong rnams kyi gdon par gtogs pa bslab pa'i gzhi rnams dang / bde bar gshegs pa'i mdor gtogs pa rnams kyis chos dang mthun pa dang / 'dul ba dang mthun par smras pa na/ bdag nyid brjod par bya ba ma yin par byed pa bden nam/ btsun pa/ </font><hr>Cha37a<br><font size=+1>


@#/ /mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag/ de lta bas na/ phan yon bcu yang dag par gzigs pas 'dul ba la nyan thos rnams kyis bslab pa'i gzhi bca' bar bya ste/ zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ 'di na dge slong 'ga' zhig bka' blo mi bde ba'i rang bzhin can du gyur la/ de la dge slong rnams kyi gdon par gtogs pa'i bslab pa'i gzhi rnams dang / bde bar gshegs pa'i mdor gtogs pa rnams kyis chos dang mthun pa dang / 'dul ba dang mthun par smras pa na/ tshe dang ldan pa dag khyed cag dge yang rung / sdig kyang rung / bdag la ci yang ma smra zhig/ bdag kyang dge yang rung / sdig kyang rung / tshe dang ldan pa dag la ci yang mi smra'o/ /tshe dang ldan pa dag gis bdag la tshig gi lam thong zhig/ khyod la yang bdag gis smras pas ci zhig bya zhes bdag nyid brjod par bya ba ma yin par byed na/ dge slong de la dge slong rnams kyis 'di skad ces/ tshe dang ldan pa/ khyod dge slong rnams kyi gdon </font><hr>Cha37b<br><font size=+1>


par gtogs pa'i bslab pa'i gzhi rnams dang / bde bar gshegs pa'i mdor gtogs pa rnams kyis chos dang mthun pa dang / 'dul ba dang mthun par smras pa na/ bdag nyid brjod par bya ba ma yin par ma byed par tshe dang ldan pas bdag nyid brjod par bya ba kho nar gyis shig/ dge slong rnams tshe dang ldan pa la chos dang mthun pa dang / 'dul ba dang mthun par smra ba na/ tshe dang ldan pa yang dge slong rnams la chos dang mthun pa dang / 'dul ba dang mthun par smros shig/ 'di lta ste/ gcig la gcig brjod par bya ba nyid du byed pa dang / gcig la gcig 'doms shing rjes su ston pa dang / gcig gis gcig ltung ba las slong ba nyid de lta bus/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i 'khor 'di 'phel bar 'gyur gyi/ tshe dang ldan pa/ khyod bdag nyid brjod par bya ba ma yin par byed pa'i las kyi mtha' 'di lta bu 'di thong zhig ces bsgo bar bya'o/ /dge slong de la dge slong rnams kyis de skad bsgo ba na/ gal te gzhi de gtong na/ de lta na legs/ gal te mi gtong na/ gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo/ yang dag par bstan pa na/ gzhi de gtong na/ de lta na legs/ gal te mi gtong na/ dge 'dun lhag ma'o/ /'di la dge slong 'ga' zhig ces bya ba ni/ 'dun pa'am/ </font><hr>Cha38a<br><font size=+1>


@#/ /gzhan yang de lta bu gang yin pa'o/ /bka' blo mi bde ba'i rang bzhin can du gyur la zhes bya ba la/ bka' blo mi bde ba zhes bya ba ni/ tshig gi lam rjes su mthun pa| rjes su mnyan par bya ba/ tshul dang mthun pa/ dang por 'jug pa 'grus skyong gi yan lag gi tshogs dag kun tu 'gog pa mi 'dzin pa dang / mi bya ba dang / mi byed pa dang / mi mthun par 'dzin pa'o/ /de la zhes bya ba ni/ 'dun pa la'o/ /dge slong rnams kyis zhes bya ba ni/ chos 'di pa rnams kyis so/ /gdon par gtogs pa'i bslab pa'i gzhi rnams zhes bya ba la/ gdon pa zhes bya ba ni/ pham par 'gyur ba'i chos bzhi dang / dge 'dun lhag ma'i chos bcu gsum dang / ma nges pa'i chos gnyis dang / spang ba'i ltung byed kyi chos sum cu dang / ltung byed kyi chos dgu bcu dang / so sor bshags par bya ba'i chos bzhi dang / bslab pa'i chos mang po dang / rtsod pa zhi bar bya ba'i chos bdun po dag go/ bde bar gshegs pa'i mdor gtogs pa rnams kyis zhes bya ba la/ bde bar gshegs pa zhes bya ba ni/ ston pa'o/ /mdo zhes bya ba ni/ des nye bar sbyar ba'i mdo'am/ yang na mdo yang dag par sbyor ba'o/ /chos dang mthun pa zhes bya ba ni/ mdo sde dang / ma mo dang ngo / /'dul ba dang mthun pa zhes bya ba ni/ 'dul ba nyid dang ngo / /smras pa na zhes bya ba ni/ bzlog pa na ste/ chos ji lta ba dang / 'dul ba ji lta ba dang / </font><hr>Cha38b<br><font size=+1>


ston pa'i bstan pa ji lta ba de ltar bsgo ba na'o/ /tshe dang ldan pa dag/ khyed cag dge yang rung / sdig kyang rung / bdag la ci yang ma smra zhig ces bya ba ni/ dge ba la sbyor bar yang ma byed la/ sdig pa las zlog par yang ma byed cig ces pa'o/ /bdag kyang dge yang rung / sdig kyang rung / tshe dang ldan pa dag la ci yang mi smra'o/ /zhes bya ba ni/ dge ba la sbyor bar yang mi byed la/ sdig pa las zlog par yang mi byed do/ /zhes pa'o/ /tshe dang ldan pa dag gis bdag la tshig gi lam thong zhig/ khyed la yang bdag gis smras pas ci zhig bya zhes bya ba ni/ rgya cher bdag nyid brjod par bya ba ma yin pa nyid du 'jog par byed pa'o/ /bdag nyid brjod par bya ba ma yin par byed na zhes bya ba ni/ bdag nyid brjod par bya ba ma yin pa nyid du 'jog par byed na'o/ /dge slong de la zhes bya ba ni/ 'dun pa la'o/ /dge slong rnams kyis zhes bya ba ni/ chos 'di pa rnams kyis so/ /'di skad ces zhes bya ba ni/ bzhams te bsgo ba ji skad sngar bstan pa ltar bsgo bar bya ba'o/ /dge slong la dge slong rnams kyis de skad bsgo ba zhes bya ba ni/ bzhams te bsgo bas bzlog pa na'o/ /gal te gzhi de zhes bya ba ni/ bka' blo mi bde ba nyid do/ /gtong na zhes bya ba ni/ yongs su gtong na'o/ /de lta na legs zhes bya ba ni/ de lta na bzang ba'o/ /gal te mi gtong na zhes bya ba ni/ yongs su mi gtong na'o/ /lan gnyis lan gsum du yang dag par bsgo bar bya/ yang dag par bstan par bya'o/ /zhes bya ba </font><hr>Cha39a<br><font size=+1>


@#/ /ni| gsol ba dang bzhi'i las kyis bsgo ba ji skad sngar bstan pa ltar bsgo bar bya ba ste/ yang dag par bsgo bar bya ba de ni/ de yin/ yang dag par bstan par bya ba de ni/ de yin no/ /dge 'dun lhag ma'o/ /zhes bya ba ni/ snga ma bzhin du ltung ba de/ dge 'dun la rag las pa yin te/ des na/ dge 'dun lhag ma'o/ /zhes gsungs so/ /de la ltung ba ji ltar 'gyur zhe na/ dge slong gis cung zad ji tsam du dge slong rnams kyi gdon par gtogs pa bslab pa'i gzhi rnams dang / bde bar gshegs pa'i mdor gtogs pa rnams kyis chos dang mthun pa dang / 'dul ba dang mthun par smras pa na/ bdag nyid brjod par bya ba ma yin par byed na/ thams cad du nyes byas su 'gyur ro/ /dge slong gis bzhams te bsgo ba na/ gzhi de gtong na/ de lta na legs/ gal te mi gtong na/ nyes pa sbom por 'gyur ro/ /gsol ba dang bzhi'i las kyis bsgo ba na/ gzhi de gtong na/ de lta na legs/ gal te mi gtong na/ gsol ba byas pa na nyes pa sbom por 'gyur ro/ /las brjod pa dang po brjod pa na/ ma rdzogs par gzhi de gtong na/ de lta na legs/ gal te mi gtong na/ rdzogs par brjod pa na nyes pa sbom por 'gyur ro/ /las brjod pa gnyis pa brjod pa na/ ma rdzogs par gzhi de gtong na/ de lta na legs/ gal te mi gtong na/ rdzogs par brjod pa na nyes pa sbom por 'gyur ro/ /las brjod pa gsum pa brjod pa </font><hr>Cha39b<br><font size=+1>


na| ma rdzogs par gzhi de gtong na/ de lta na legs/ gal te mi gtong na/ rdzogs par brjod pa na/ nyes pa sbom por 'gyur ro/ /gal te mthun pa dang chos ma yin pas sgo bar byed pa na/ ltung ba med do| |mi mthun pa dang chos kyis sgo bar byed na/ ltung ba med do/ /mthun pa dang chos ltar bcos pas sgo bar byed na/ ltung ba med do/ /mi mthun pa dang chos ma yin pa ltar bcos pas sgo bar byed na/ ltung ba med do/ /chos ji lta ba dang / 'dul ba ji lta ba dang / ston pa'i bstan pa ji lta ba de ltar sgo bar mi byed na/ ltung ba med do/ /chos ji lta ba dang / 'dul ba ji lta ba dang / ston pa'i bstan pa ji lta ba de ltar mthun pas sgo bar byed na/ rdzogs par brjod pa na dge 'dun lhag mar 'gyur ro/ /dge slong des stan de la 'dug bzhin du 'di skad ces/ tshe dang ldan pa bdag la dge 'dun lhag ma'i ltung ba byung ngo / /zhes brjod par bya ste/ gal te de skad brjod na/ de lta na legs/ gal te mi brjod na/ phyin chad nas de la 'chab pa'i nyes pa 'byung bar 'gyur ro/ /de bas na/ dge slong gis ji tsam du gzhi de bshags shing so sor ma bshags par gsol ba dang / gsol ba dang gnyis dang / gsol ba dang bzhi'i las nyams su myong bar byed na/ thams cad du nyes byas su 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do// //'dul ba rnam par 'byed pa/ bam po nyer bzhi pa/ dge slong rnams the tshom skyes </font><hr>Cha40a<br><font size=+1>


@#/ /nas the tshom thams cad gcod pa/ sangs rgyas bcom ldan 'das la zhus pa/ btsun pa/ tshe dang ldan pa 'dun pa 'di/ tshangs pa mtshungs par spyod pa des pa des pa rnams kyi mdun du bcom ldan 'das nye du lags par ston cing bdag nyid smra ba dang / rnam par smra bar bgyid pa la gzigs/ bcom ldan 'das kyis bka' stsal pa/ dge slong dag/ da ltar du ma zad de/ 'di ltar/ 'das pa'i dus na yang 'dis bram ze dang khyim bdag des pa rnams kyi mdun du nga nye du yin par bstan cing / bdag nyid smra ba dang rnam par smra bar byas pa de nyon cig/ dge slong dag/ sngon byung ba/ 'das pa'i dus na rdo 'jog na bram ze zla grags zhes bya ba 'dug pa des/ rigs mnyam pa las chung ma blangs nas/ de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod par byed pa de'i bu btsas nas de'i ming nyi zla zhes bya bar btags te/ de bsrings bskyed nas chen por gyur to/ / ji tsam dus gzhan zhig na bram ze zla grags na bar gyur nas/ de chung ma dang bus yal bar bor zhing / na ba ma sos nas de la bu mo mngag gzhug ma zhig yod pa des bsam pa/ bram ze zla grags kyis khrus gzhal brgya dag gis longs spyod dag bsgrubs te/ 'di na bar gyur na/ chung ma dang bus yal bar bor zhing na ba ma sos pas/ bdag gis jo bo yal ba 'dor ba ni/ bdag la tshul </font><hr>Cha40b<br><font size=+1>


dang mthun ma yin no/ /snyam nas/ de dge ba'i bsam pa dang jo bo la snying nye bas sman pa'i gan du song ste smras pa/ bzhin bzang / khyod kyis bram ze zla grags zhes bya ba de shes sam/ shes te/ de ci nyes/ de na bar gyur nas chung ma dang bus yal bar bor nas na ba ma sos kyi/ de'i sman ston cig /sman pas smras pa/ bu mo/ gal te de chung ma dang bus yal bar bor na/ g.yog su byed/ bzhin bzang / sman ston cig dang bdag gis g.yog bya'o/ /sman pa des de la nad ci las gyur pa dris nas sman bstan to/ /de nas bu mo des bram ze zla grags kyi g.yog byas nas de nad de las sos so/ / bram ze zla grags kyi bsam pa/ bdag nad de lta bus btab na/ chung ma dang bus yal bar bor nas srog dag dang cung zad ma bral bar gang yin pa de ni/ bu mo 'di'i mthu yin pas/ bdag gis 'di la ngal ba 'bras bu dang bcas pa bskyed par bya'o/ /snyam du rig nas/ bu mo de bos te smras pa/ bu mo/ kho bo nad de lta bus btab pa chung ma dang bus yal bar bor nas khyod kyi mthus srog dag dang ma bral bar kho bos shes kyi/ khyod la dam pa ci zhig sbyin par bya ba de smros shig/ jo bo/ gal te khyod bdag la dgyes na/ bdag khyod dang lhan cig mjal bar 'tshal lo/ /bu mo/ khyod la kho bo dang lhan cig 'phrad pas ci bya/ kho bos khyod la kaR+sha pa Na lnga brgya sbyin zhing bran mo las btang ngo / /jo bo/ bdag shin tu ring du mchis su lags kyang bran mo nyid lags kyi/ gal te khyod </font><hr>Cha41a<br><font size=+1>


@#/ /bdag la dgyes na/ bdag khyod dang lhan cig mjal bar 'tshal lo/ /des de gdon mi za bar dang na dus byed par rig nas smras pa/ bu mo/ gang gi tshe khyod dus la bab cing zla mtshan dang ldan par gyur pa de'i tshe khyod kho bo'i gan du shog cig/ bu mo/ de de'i tshig gis snying dga' bar gyur nas zla mtshan 'dzag pa'i nyi ma bgrang zhing 'dug 'dug nas/ gang gi tshe zla mtshan dang ldan par gyur pa de'i tshe bram ze de'i gan du song ba dang / des de dang lhan cig dga' mgur spyad nas de la sems can zhugs par gyur to/ /de'i chung ma bram ze mos bram ze 'di bu mo 'di dang lhan cig dga' mgur spyad do/ /snyam du rig nas/ de phrag dog gis kun nas dkris pa kun tu spyod pas mi bzod pa skyes nas bu mo de la rtag tu khu tshur dang thal lcag dag gis rdeg cing zas ngan pa dang gos ngan pa bsrel du 'jud do/ /bu mo des bsam pa/ bdag gis mngal du zhugs pa'i sems can skal chad 'di su zhig yin na/ 'di mngal du zhugs pa'i dus tshun chad nas bdag rtag tu khu tshur dang thal lcag dag gis rdeg cing zas ngan pa dang / gos ngan pa bsrel du bcug go/ snyam nas bdag nyid mya ngan byed cing 'dug go/ ji tsam na zla ba dgu tshang nas btsas pa las khye'u zhig byung nas des bsam pa/ sems can skal chad 'di bdag gi mngal du zhugs nas bdag gis de 'dra ba'i gnas skabs thob par gyur pas/ gal te 'di skyes par gyur na/ bdag thams cad kyi </font><hr>Cha41b<br><font size=+1>


thams cad du med par 'gyur ro/ /snyam du rig nas/ de chol zangs su bzhag ste dor bar brtsams pa dang / de'i tshe bram ze des mthong nas smras pa/ bu mo/ de ci yin/ des smras pa/ cang ma lags so/ / des chol zangs de bltas pa dang / ji tsam na khye'u zhig mthong nas des smras pa/ bu mo/ ci'i phyir 'di dor bar byed/ jo bo/ gang tshun chad nas sems can skad chad 'di bdag gi mngal du zhugs par gyur pa de tshun chad nas bdag bram ze mo 'dis rtag tu khu tshur dang thal lcag dag gis rdeg cing / 'tshal ma ngan pa dang / rad pa ngan pa bsrel du stsal bas/ gal te 'di skyes par gyur na/ bdag thams cad kyi thams cad du ma mchis par 'gyur ba'i slad du'o/ /des smras pa/ bu mo/ de ni/ des ma nyes kyi/ kho bos nyes kyi/ 'di skyed cig dang 'di la kho bos dus shes par bya'o/ /des de bsnyod par brtsams pa dang / bram zes kyang bram ze mo la smras pa/ gang gi tshe kho bo de ltar na bar gyur pa na/ khyod dang bus yal bar bor ba de'i tshe na bu mo 'dis sman dang g.yog gis legs par gsos par kho bos shes kyi/ de'i phyir gal te 'di la mkho ba stob par byed na/ de lta na legs/ gal te mi byed na/ kho bos 'di khyim bdag mor bzhag cing / khyod 'di'i bran mor bsko'o/ /bram ze mo de skrag ste bsam pa| bram ze 'di gtum pas gal te de ltar ma byas na/ de ltar byed par 'gyur ba'i gnas yod do/ /snyam du rig nas des smras pa/ bram ze/ khyod kyis bu mo mngag gzhug ma la dga' mgur spyad pa dang / </font><hr>Cha42a<br><font size=+1>


@#/ /khye'u 'di khyod kyi sras lags par yang bdag gis ma 'tshal te/ da slan chad cung zad kyang mtho 'tsham par mi bgyid do/ /khye'u de chos zangs su bcug pas de'i ming chol zangs pa/ chol zangs pa zhes bya bar chags so/ /bram ze de/ chol zangs pa la 'di'i mas bdag gis g.yog byas shing / 'di yang bdag las byung ba yin no/ /snyam pas shin tu byams pa dang ldan par gyur te/ de de dang lhan cig gcig tu za zhing / gang du mgron du bos par 'gro ba der yang de dang lhan cig 'gro'o/ /ji tsam dus gzhan zhig na bram ze de yang na bar gyur nas de rtsa ba dang / sdong bu dang / 'dab ma dang / me tog dang / 'bras bu'i sman dag gis gso bar byed de/ gso bar byed pa na/ na ba kho nar gyur nas gang gi tshe de 'chi ba la thug pa'i tshor ba byung zhing / ring por mi thogs par dus byed par 'gyur ba de'i tshe na/ des bu thu bo nyi zla bkug ste smras pa/ bu/ kho bo 'das nas khyod ni/ mya ngan bya ba ma yin gyi/ khyod kyi nu bo chol zangs pa 'di mya ngan bya bar 'gyur bas khyod kyis 'di la mkho ba bstab par bya'o/ /zhes smras nas/ bsags pa kun gyi mtha' 'dzad cing / /mthon po rnams kyi mtha' ltung 'gyur/ /'phrad pa'i mtha' ni 'bral ba ste/ /gson pa'i mtha' ni 'chi ba yin/ /zhes bya ba yin pas de dus kyi chos dang ldan par gyur nas de/ nyi zla dang chol zangs pa dang snying du sdug cing 'brel ba'i rtsa lag gzhan dag gis dur khrod du khyer te bsregs </font><hr>Cha42b<br><font size=+1>


nas de'i 'og tu mya ngan sangs pa byas te 'khod do/ /ji tsam dus gzhan zhig na/ nyi zlas zan gyi dus su chol zangs pa tshur shog/ 'dir zan zo zhig ces bos pa dang / de la mas smras pa/ bu/ khyod bran mo'i bu dang ji ltar lhan cig zan za bar byed/ ma/ bdag gis dus thams cad du nu bo 'di dang lhan cig zos shing 'thungs na/ da ji ltar bran mo'i bu zhes bya/ mas smras pa/ bu/ khyod kyi pha gtum par gyur pas de la cung zad smra bar sus nus/ 'di ni/ bran mo'i bu kho na yin no/ /chol zangs pas thos nas de ma'i gan du song ste smras pa/ ma/ bdag bran mo'i bu yin pa bden nam/ bu/ 'jig rten ni/ rang gi las kyi 'bras bu la spyod pa yin pas su zhig su'i bran yin/ bu/ yul gzhan du song la thos pa 'dzin cing 'dug cig/ de yul gzhan du song nas de yul gzhan du rang gi ming chol zangs pa zhes bya ba btang ste zla ba zhi ba zhes bya bar bsgrags nas/ ji tsam na mthar gyis mnyan yod du phyin nas de na bram ze mdun na 'don zhig 'dug nas de gcig nas gcig tu de'i gan du song ste/ cha lugs dul ba dang / spyod lam zhi bas gus par smra bar byas te mtha' gcig tu 'dug go/ de nas bram ze des/ 'ongs pa legs so/ /zhes bya ba'i tshig kun tu brjod pas rab tu dga' bar byas te dris pa/ kye bram ze'i khye'u/ khyod ga las 'ongs/ rdo 'jog nas mchis so/ /khyod kyis rdo 'jog na 'khod pa'i skye bo'i tshogs dag shes sam/ 'tshal to/ /de nas bram ze zla grags de'i gtam ci grags/ bram </font><hr>Cha43a<br><font size=+1>


@#/ /ze'i khye'u nges ngu bar brtsams pa dang / des smras pa/ bram ze'i khye'u/ ci'i phyir ngu / de bdag gi pha lags so/ /'o na ci'i phyir ngu / de gum mo/ /bram ze'i khye'u/ skyes pas na gdon mi za bar 'chi bar bya dgos kyi/ kho bo khyod kyi pha'i chung grogs yin gyi/ bag phobs shig dang thams cad bya'o/ /des smras pa/ mkhan po/ /re zhig bgyi ba gzhan btang ste je rig byed bklag par bgyi'o/ /bu/ ma nyes te/ bram ze rang gi rigs sgrog pas bya ba ni/ de yin no/ /des de'i drung du rig byed bklag par brtsams pa dang / de blo rno ba dang / brtan pa dang / brtson 'grus brtsams pa yin pas/ des dus cung zhig gis rig byed bzhi po dag bklags so/ /bram ze de mngon par dga' nas/ des de'i bu mo rgyan thams cad kyis brgyan te/ de'i chung mar byin zhing bdag dbang ba'i nor mang po dag kyang byin no/ /de bram ze mdun na 'don gyi mag par gyur cing / rig byed bzhi dang ldan pa zhes 'jig rten thams cad la rnam par grags shing / sbyin pa dang / mchod pa dang / bsnyen bkur dag gis khyim gyi 'byor pa nye bar bsags par gyur to/ /ji tsam dus gzhan zhig na rdo 'jog na gnas pa'i skye bo'i tshogs dag zong thogs te mnyan yod du lhags nas/ de dag gi chol zangs pa ji ltar bram ze mdun na 'don gyi mag par gyur cing rig byed bzhi dang ldan pa/ sbyin pa dang / mchod pa dang / bsnyen bkur dag gis khyim gyi 'byor pa </font><hr>Cha43b<br><font size=+1>


nye bar bsags par gyur pa thos so/ /thos nas kyang gros bya bar brtsams pa/ bdag cag 'dong zhing de mngon sum du byas te/ rdo 'jog na nyi zla bde ba'i gtam bya'o/ /snyam nas/ de dag de'i gan du dong ste/ de dag gis de ngo shes nas cang ma smras par de nas zong bsgyur te rin blangs nas rdo 'jog tu dong / de dag gis lam gyis ngal ba bsos te nyi zla la smras pa/ mnyan yod na khyod kyi nu bo chol zangs pa bram ze mdun na 'don gyi mag par gyur cing rig byed bzhi dang ldan par 'jig rten thams cad la rnam par grags te/ sbyin pa dang / mchod pa dang / bsnyen bkur dag gis khyim gyi 'byor pa nye bar bsags par gyur to/ /de yid dga' ba skyes nas ma la smras pa/ ma/ chol zangs pa de mnyan yod na bram ze mdun na 'don gyi mag par gyur cing rig byed bzhi dang ldan par 'jig rten thams cad la grags te/ sbyin pa dang / mchod pa dang / bsnyen bkur dag gis khyim gyi 'byor pa nye bar bsags zhes grag go /mas smras pa/ bu/ de ltar ga la 'gyur te/ bran mo'i bu de la su zhig sbyin pa dang / mchod pa dang / bsnyen bkur dag gis bsnyen bkur byed par 'os na/ de la bsnyen bkur byed par 'gyur/ de nas de cang mi smra bar 'dug go/ ji tsam dus gzhan zhig na nyi zla longs spyod bsrabs par gyur nas/ mas de la smras pa/ bu/ nu bo de'i gan du song zhig dang gal te na de khyod la longs spyod dag gis bgo bsha' byed par 'gyur ro/ /des smras pa/ ma/ de'i tshe na de bran mo'i bu yin na/ da ji </font><hr>Cha44a<br><font size=+1>


@#/ /ltar nu bor 'gyur/ mas smras pa/ bu/ gal te de ltar na yang song la de las blang ba ma zlog cig/ de mas nan gyis mnan pa na don 'thun btsal te mnyan yod du song ngo / / chol zangs pas ji ltar bdag gi phu bo nyi zla de don 'thun pa dang lhan cig 'dir 'ongs te/ phyogs ga ge mo zhig na 'dug go /zhes thos so/ /thos nas kyang bsu nas des de la 'ongs pa legs so/ / zhes bya ba'i tshig gis kun tu spyad nas smras pa/ bdag gis 'dir zla bzhi ba zhes bya ba'i ming btags kyi/ bdag la khyod chol zangs pa zhes ma 'bod cig/ nyi zlas smras pa/ khyod zla ba zhi ba yin na su zhig gzhan du 'bod par 'gyur/ des nyi zla khyim du khrid de bkur sti chen pos mkhos su phab nas zan byin te bram ze mo la smras pa/ khyed shes par gyis shig/ 'di ni/ kho bo'i phu bo nyi zla zhes bya ba yin gyi/ khyod kyis 'di la mkho ba thams cad bstab par bya zhing / tshig mi bcag pa dang / rtag tu gus pa dang bcas par gyis shig/ des kyang khas blangs so/ /nyi zla ni/ des shing 'grogs na bde ba yin la/ chol zangs pa ni/ gtum zhing gzu lum dang / drag shul can yin pas/ de chung ma de la nyes pa cung zad tsam gyis kyang khu tshur dang thal lcag dag gis rdeg par byed do/ /bram ze mo des nyi zla la smras pa/ jo bo/ khyed gnyis nu ma gcig la gsol gsol ba'i mched lags na/ gang gi slad du khyod ni/ des shing 'grogs na bde ba lags la/ khyod kyi gcung po 'di ni/ </font><hr>Cha44b<br><font size=+1>


gtum zhing gzu lum dang drag shul can lags pa/ 'di la rgyu ci mchis/ nyi zlas smras pa/ sru/ 'dis khyim gyi rig pa ma bklags so/ /jo bo/ bdag la khyim gyi rig pa de stsol cig/ nyi zlas tshigs su bcad pa smras pa/ rig pas su la'ang sbyin bya min/ /rig dang bcas te 'chi bar bya/ /rig pa rig dang gus pa dang / /nor gyis sbyin par bya ba yin/ /bram ze mos smras pa/ jo bo/ nor ji tsam gyis stsol bar mdzad/ sru/ kaR+sha pa Na lnga brgyas so/ /des kaR+sha pa Na lnga brgya thogs te/ de'i rkang pa gnyis la gtugs nas smras pa/ jo bo/ khyim gyi rig pa de stsol cig/ nyi zlas smras pa/ sru/ je kho bo rdzongs shig dang / nam 'gro ba'i tshe sbyin no/ /bram ze mo de khyim thab kyi gan du song ste smras pa/ rje'i sras/ khyod kyi gcen 'di khyim gyi bya ba sems pas mi dga' bar 'gyur gyi/ 'di slar thong zhig /des smras pa/ bzang mo/ gal te de lta na/ khyod kyis je 'di'i lam rgyags sta gon gyis shig dang / kho bos don 'thun btsal bar bya'o/ /des rdo 'jog tu 'gro ba'i don 'thun btsal bar brtsams nas/ bram ze mo des de'i lam rgyags sta gon byas nas kaR+sha pa Na lnga brgya thogs te/ nyi zla'i rkang pa gnyis la gtugs nas smras pa/ jo bo/ khyod brdzang ba'i dus 'di lags kyi/ khyim gyi rig pa de stsol cig/ nyi zlas smras pa/ sru/ gang gi tshe zla ba zhi pa khyod la rdeg par byed pa de'i tshe khyod kyis rig pa 'di bklag par bya'o/ /skye bo mang po gzhan dag dang / /gzhan gyis khyim du'ang shes gyur cing / /grong srung </font><hr>Cha45a<br><font size=+1>


@#/ /gis kyang shes gyur gyis/ /kha rog 'dug cig chol zangs pa/ /gal te smras pa/ 'di don ci zhes zer na/ de la gal te rdeg par byed na/ don yang bshad par bya'o/ / zhes brjod par bya'o/ /sru/ gsang sngags kyi tshig don dang ldan pa 'di dag ni/ brjod pa tsam kho nas 'bras bu dang bcas par 'gyur ba yin gyi/ phyis 'gyod par mi 'gyur bar legs par zungs shig/ bram ze mo des yi ge de dag legs par bzung nas/ zla ba zhi pas kyang rdo 'jog tu 'gro ba'i don 'thun btsal nas/ nyi zla la kaR+sha pa Na dag gis bgo bsha' byas te lam rgyags byin nas de skyel du song ngo / /bu mo des bsam pa/ ci/ gsang sngags kyi tshig 'di dag bden nam rdzun pa sad par bya'o/ /snyam nas/ des zla ba zhi bas nyi zla bskyal te phyir log pa'i tshe bza' ba dang / btung ba dang / khrus bya ba ci yang sta gon ma byas so/ /de nas zla bzhi pas smras pa/ bzang mo/ chu khyer te shog khrus bya'o/ /chung mas smras pa/ rje'i sras/ chab sta gon ma bgyis so/ /bzang mo/ gal te de ltar na/ zas khyer te shog /bza'o/ /rje'i sras/ de yang sta gon ma bgyis so/ /de khros te smras pa/ nga'i phu bo 'dug pa'i tshe na ngas re zhig khyod btang snyoms su bzhag par zad kyi/ khyod kyi rang bzhin ni/ ma brdegs kyi bar du byed du mi btub pa yin no/ /zhes des bsnun par gzas te rdeg par brtsams pa dang / chung mas smras pa/ rje'i sras/ re </font><hr>Cha45b<br><font size=+1>


zhig gzhes shig dang / khyim gyi rig pa je gsan par bgyi'o/ /des smras pa/ thos par gyis shig/ chung mas/ skye bo mang po gzhan dag dang / /gzhan gyi khyim du'ang shes gyur cing / /grong srung gis kyang shes gyur gyi/ /kha rog 'dug cig chol zangs pa/ /zhes smras pa dang / des smras pa/ bzang mo/ smras pa de'i don ci yin/ chung mas smras pa/ gal te rdeg par mdzad na/ don yang khyod la brjod par bgyi'o/ /de ri dwags gnad du phog pa ltar zug rngus zug nas smras pa/ mi rdeg gi/ thong la don ma smra zhig ces zer ro/ /dge slong dag /de'i tshe de'i dus na bram ze zla grags zhes bya ba gang yin pa de ni/ nga nyid yin no/ /de'i tshe de'i dus na chol zangs pa zhes bya ba gang yin pa de ni/ 'dun pa 'di yin no/ /dge slong dag/ de'i tshe yang 'dis bram ze dang khyim bdag des pa des pa dag gi mdun du nga nye dur brjod cing / bdag nyid smra ba dang / rnam par smra ba byas so/ /da ltar yang 'dis tshangs pa mtshungs par spyod pa des pa des pa rnams kyi mdun du nga nye dur brjod cing / bdag nyid smra ba dang rnam par smra bar byed do/ /dge slong dag/ de lta bas na/ nga la nye dur brjod pa rnams kyis tshangs pa mtshungs par spyod pa gnas brtan rnams dang / bar ma rnams dang / gsar bu rnams la yang gus pa dang bcas pa dang / rje sa dang bcas pa dang / 'jigs pa dang bcas pa'i dbang du gyur pa dag gis gnas par bya'o/ /bka' blo mi bde ba'i dge 'dun lhag ma ste/ bcu gsum pa </font><hr>Cha46a<br><font size=+1>


@#/ /rdzogs so// //tshe dang ldan pa dag /bdag gis dge 'dun lhag ma'i chos bcu gsum po dag bton zin to/ /de dag las dgu ni/ ltung ba dang po bdag nyid kyis so/ /bzhi ni/ lan gsum gyi bar gyis so/ /dge slong gis de dag las ltung ba gang yang rung ba zhig byas la/ ji srid du shes bzhin du 'chab par byed pa de srid du des mi 'dod bzhin du spo ba bya'o/ /dge slong gis mi 'dod bzhin du spo ba byas nas 'og tu zhag drug gi bar du dge 'dun mgu bar bya ba spyad par bya'o/ /dge slong gis mgu bar bya ba spyad nas dbyung ba la thogs te chos dang mthun par byas la/ dge slong gi dge 'dun gyi sems mgu bar byas nas/ gang na dge slong nyi shu'i tshogs kyi dge 'dun yod pa der dge slong de dbyung bar bya'o/ / gal te dge slong nyi shur gcig gis ma tshang ba'i tshogs kyi dge 'dun gyis dge slong de 'byin par byed na/ dge slong de yang ma phyin la/ dge slong de dag kyang smad par bya ba yin te/ de la de ni/ cho ga yin no/ /dge 'dun lhag ma rnams rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so| |de nas tshe dang ldan pa 'char ka snga dro sham thabs bgos/ lhung bzed dang chos gos thogs te/ mnyan yod du bsod snyoms la zhugs nas mthar gyis mnyan yod du bsod snyoms la rgyu </font><hr>Cha46b<br><font size=+1>


pa na/ khyim bdag gi chung ma sbed ma'i khyim ga la ba der song ngo / /khyim bdag gi chung ma sbed mas tshe dang ldan pa 'char ka thag ring po kho na nas mthong ste/ mthong nas kyang tshe dang ldan pa 'char ka'i phyir stan shom par byed cing 'di skad ces kyang smras so/ /btsun pa 'char ka tshur spyon/ btsun pa 'char ka byon pa legs so/ /btsun pa 'char ka gdan bshams pa nyid la bzhugs shig /tshe dang ldan pa 'char ka stan bshams pa de la 'dug go/ de nas khyim bdag gi chung ma sbed mas tshe dang ldan pa 'char ka'i rkang pa gnyis la mgo bos phyag 'tshal te/ pus mo gnyis la pus mo gnyis gtad de/ chos mnyan pa'i phyir 'dug go /tshe dang ldan pa 'char kas de chos snyan pa snyan pa dag bstan par brtsams so/ /de'i tshe na ri dwags 'dzin gyi ma sa ga khyim de'i nye 'khor na 'gro bas/ ri dwags 'dzin gyi ma sa gas khyim bdag chung ma sbed ma'i khyim na tshe dang ldan pa 'char ka'i skad kyi gdangs grags pa thos so/ /thos nas kyang de 'di snyam du sems te/ kye ma/ 'phags pa 'char ka skad kyi gdangs kyis khyim bdag gi chung ma sbed ma la sbrang bu sbrang rtsi 'byin pa dang 'dra bar chos snyan pa snyan pa dag ston par byed kyi/ bdag kyang gzhan la brtsams pa'i chos mnyan pa'i phyir 'gro'o/ /snyam mo/ / de nas ri dwags 'dzin gyi ma sa ga khyim bdag gi chung ma sbed ma'i khyim ga la ba der song ba dang ri dwags 'dzin gyi ma sa gas khyim bdag gi chung ma sbed ma/ tshe dang ldan pa 'char ka'i pus mo gnyis </font><hr>Cha47a<br><font size=+1>


@#/ /la pus mo gnyis gtad de chos mnyan pa'i phyir 'dug pa mthong ngo / /mthong nas kyang de 'di snyam du sems te/ gal te de khyim bdag gam/ khyim bdag gi chung ma'am/ khyim bdag gi bu ma dad pa 'ga' zhig gis 'di mthong bar gyur na/ 'phags pa 'char ka 'dis khyim bdag gi chung ma sbed ma dang lhan cig dben pa skyabs yod par dge sbyong gi tshul ma yin pa| sdig pa'i las cung zhig byas sam/ byed par sems so/ /snyam du gdon mi za bar mthar thug par 'gro bar 'gyur bas/ de'i phyir 'di ni/ bdag gi bya ba yin no/ /snyam nas/ de nas ri dwags 'dzin gyi ma sa ga bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ mtha' gcig tu 'dug nas bcom ldan 'das la ri dwags 'dzin gyi ma sa gas 'di skad ces gsol to/ /btsun pa/ bdag gis khyim bdag gi mchis brang sbed ma'i sdum pa na/ tshe dang ldan pa 'char ka'i skad kyi gdangs grags pa thos te/ thos nas kyang bdag 'di snyam du bgyid de/ kye ma/ 'phags pa 'char ka khyim bdag gi mchis brang sbed ma la sbrang bu sbrang rtsi 'byin pa dang 'dra bar chos snyan pa snyan pa dag ston par bgyid kyi/ bdag kyang gzhan la brtsams pa'i chos mnyan pa'i slad du mchi'o/ /snyam nas/ bdag kyang khyim bdag gi mchis brang sbed ma'i sdum pa ga la ba der mchis pa dang / bdag gis </font><hr>Cha47b<br><font size=+1>


khyim bdag gi mchis brang sbed ma tshe dang ldan pa 'char ka'i pus mo gnyis la pus mo gnyis gtad de mchis pa mthong ngo / /mthong nas kyang bdag 'di snyam du bgyid de/ gal te khyim bdag gam/ khyim bdag gi mchis brang ngam/ khyim bdag gi bu ma dad pa 'ga' zhig gis 'di mthong bar gyur na/ 'phags pa 'char ka 'dis khyim bdag gi mchis brang sbed ma dang lhan cig dben pa skyabs mchis par dge sbyong gi tshul ma lags pa/ sdig pa'i las cung zhig bgyis sam/ bgyid par sems so/ /snyam du gdon mi 'tshal bar mthar thug par mchi bar 'gyur bas/ de'i slad du 'di ni/ bdag gi bgyi ba lags so/ /snyam du bgyid na/ btsun pa/ de'i slad du bcom ldan 'das kyis thugs brtse ba'i slad du gang gis 'phags pa dag bud med kyi yul dang lhan cig gcig pu gcig dang dben pa skyabs mchis pa na stan la mchis par mi 'gyur bar 'phags pa rnams la dran par bgyi ba cung zhig bca' bar mdzad na legs so legs so/ /bcom ldan 'das kyis ri dwags 'dzin gyi ma sa ga la cang mi gsung bas gnang ngo / /de nas ri dwags 'dzin gyi ma sa gas bcom ldan 'das kyis cang mi gsung bas gnang bar rig nas/ bcom ldan 'das kyi zhabs gnyis la mgo bos phyag 'tshal te stan las langs nas song ngo / /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no// </font><hr>Cha48a<br><font size=+1>


@#/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa 'char ka la smras pa/ 'char ka khyod kyis mi mdzes pa de lta bu de byas par gyur pa bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes bya ba la sogs pas rnam par smad pa mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang bud med kyi yul dang lhan cig gcig pu gcig dang dben pa skyabs yod pa na/ 'dod pa byar rung bar stan la 'dug par byed cing / de la gal te dge bsnyen ma yid ches pa'i tshig dang ldan pas chos gsum po pham par 'gyur ba'am/ dge 'dun lhag ma'am/ ltung byed las chos gang yang rung bas smras par gyur la/ dge slong gis 'dug par khas blangs na/ chos gsum po pham par 'gyur ba'am/ dge 'dun lhag ma'am/ </font><hr>Cha48b<br><font size=+1>


ltung byed las chos gang yang rung bas byed du gzhug cing / dge slong de la dge bsnyen ma yid ches pa'i tshig dang ldan pas chos gang dang gang gis smras par gyur pa'i chos de dang des/ dge slong de byed du gzhug ste/ de ni/ ma nges pa'i chos so/ /yang / dge slong gang zhes bya ba ni/ 'char ka'am/ gzhan yang de lta bu gang yin pa'o/ /bud med kyi yul dang zhes bya ba ni/ bud med dam/ gzhon nu ma mi tshangs par spyad pa las byung ba'i chos bsten nus pa dang ngo / /lhan cig ces bya ba ni/ de dang lhan cig go /gcig pu gcig dang zhes bya ba ni/ de de dang ngo / /dben pa zhes bya ba ni/ gang na bud med dang / skyes pa dang / ma ning gzhan 'ga' yang med pa'o/ /skyabs yod pa na zhes bya ba ni/ lngas bskyabs pa na ste/ rtsig pas bskyabs pa dang / rib mas bskyabs pa dang / yol bas bskyabs pa dang / thibs pos bskyabs pa dang / mtshan mos bskyabs pa na'o/ /'dod pa byar rung bar zhes bya ba ni/ mi tshangs par spyod pa byar rung bar ro/ /stan la zhes bya ba ni/ gzhi la'o/ /'dug par byed cing zhes bya ba ni/ 'dom gang gi nang du rkub tshos 'jog par byed cing ngo / /de la gal te dge bsnyen ma yid ches pa'i tshig dang ldan pas zhes bya ba la/ yid ches pa zhes bya ba ni/ sangs rgyas la mngon par dad pa dang / chos dang / dge 'dun la mngon par dad pa dang / sangs rgyas la skyabs su song ba dang / chos dang / dge 'dun la skyabs su song ba dang / sangs rgyas la gcig tu gyur ba dang / chos dang / dge 'dun la gcig </font><hr>Cha49a<br><font size=+1>


@#/ /tu gyur pa dang / sangs rgyas la nem nur med cing the tshom med pa dang / chos dang / dge 'dun dang / sdug bsngal dang / kun 'byung ba dang / 'gog pa dang / lam la nem nur med cing the tshom med pa dang / bden pa mthong ba dang / 'bras bu thob pa dang / mngon par rtogs pa dang ldan pa dang / gang gis rang gi srog gi phyir yang shes bzhin du rdzun gyi tshig smra bar mi nus pa'o/ /chos gsum po zhes bya ba la/ gsum po zhes bya ba ni/ grangs bstan pa'o/ /pham par 'gyur ba'am/ dge 'dun lhag ma'am/ ltung byed las chos gang yang rung bas zhes bya ba la| pham par 'gyur ba zhes bya ba ni/ bzhi po dag las gang yang rung bas so/ /dge 'dun lhag ma zhes bya ba ni/ bcu gsum po dag las gang yang rung bas so/ /ltung byed ces bya ba ni/ dgu bcu po dag las gang yang rung bas so/ /'di ltar/ dge bsnyen ma yid ches pa'i tshig dang ldan pa ni/ ltung ba la mi mkhas pa dang / ltung ba'i gleng gzhi la mi mkhas pa dang / ltung ba kun nas slong ba la mi mkhas pa yin pas/ 'di ltar/ des dge slong ma'i chos bla ma smra ba'am/ bud med kyi yul dang lhan cig stan cig la lus kyis reg par byed pa'am/ snod gcig tu za bar byed pa'am phor bu gcig tu myos par 'gyur pa'i btung ba sna tshogs 'thung ba'am/ sa rko ba'am/ rtswa sngon po gcod pa'am/ dus ma yin par za ba'am/ gzhan yang / rang bzhin dang bcas pa'i kha na ma tho ba </font><hr>Cha49b<br><font size=+1>


dang bcas pa'i las gang byed par mthong ba de dag las/ gang khas blangs pa de byed du gzhug pa'o/ /byed du gzhug ces bya ba ni/ 'chags su gzhug pa'o/ /de ni ma nges pa'i chos so/ /zhes bya ba ni/ de ni| rnam par ma bzhag pa'i chos yin pa'o/ /de la ltung ba ji ltar 'gyur zhe na/ dge slong gis dge bsnyen ma yid ches pa'i tshig dang ldan pa'i tshig gis 'gro ba khas len cing / 'greng ba yang mi len/ 'dug pa yang mi len/ nyal ba yang mi len na/ gang khas len pa de byed du gzhug go/ dge slong gis dge bsnyen ma yid ches pa'i tshig dang ldan pa'i tshig gis 'gro ba dang 'greng ba khas len cing / 'dug pa yang mi len/ nyal ba yang mi len na/ gang khas len pa de byed du gzhug go/ dge slong gis dge bsnyen ma yid ches pa'i tshig dang ldan pa'i tshig gis 'gro ba dang / 'greng ba dang / 'dug pa khas len cing / nyal ba mi len na/ gang khas len pa de byed du gzhug go/ dge slong gis dge bsnyen ma yid ches pa'i tshig dang ldan pa'i tshig gis 'gro ba dang / 'greng ba dang / 'dug pa dang / nyal ba khas len na/ thams cad byed du gzhug go/ gal te dge slong gis dge bsnyen ma yid ches pa'i tshig dang ldan pa'i tshig gis 'gro ba yang khas mi len cing / 'greng ba yang mi len/ 'dug pa yang mi len/ nyal ba yang mi len na/ de la chad pa'i las 'os pa yin pas dge bsnyen ma yid ches pa'i tshig dang ldan pa'i tshig gis de'i ngo bo nyid tshol du gzhug pa sbyin par bya'o/ /'di ltar sbyin par </font><hr>Cha50a<br><font size=+1>


@#/ /bya ste/ gnas mal bshams pa byas nas gaN+DI brdungs te dris pa'i tshig gis dge 'dun thams cad la yang dag par bsgo nas dge 'dun thams cad 'dug cing mthun par gyur pa la/ dge slong gcig gis gsol ba byas te las bya'o/ /dge 'dun btsun pa rnams gsan du gsol/ tshe dang ldan pa 'char ka 'di dge bsnyen ma yid ches pa'i tshig dang ldan pa'i tshig gis 'gro ba yang mchid kyi mi 'tshal/ 'greng ba yang mi 'tshal/ 'dug pa yang mi 'tshal/ nyal ba yang mi 'tshal na/ gal te dge 'dun gyis dus la bab cing bzod na/ dge 'dun gyis gnang bar mdzod cig dang / dge 'dun gyis tshe dang ldan pa 'char ka la dge bsnyen ma yid ches pa'i tshig dang ldan pa'i tshig gis de'i ngo bo nyid tshol du gzhug pa stsol to/ /'di ni/ gsol ba'o// las ni/ 'di ltar bya ste/ dge 'dun btsun pa rnams gsan du gsol/ tshe dang ldan pa 'char ka 'di dge bsnyen ma yid ches pa'i tshig dang ldan pa'i tshig gis 'gro ba yang mchid kyis mi 'tshal/ 'greng ba yang mi 'tshal/ 'dug pa yang mi 'tshal/ nyal ba yang mi 'tshal te/ de slad du dge 'dun gyis tshe dang ldan pa 'char ka la dge bsnyen ma yid ches pa'i tshig dang ldan pa'i tshig gis de'i ngo bo nyid tshol du gzhug pa stsol na/ tshe dang ldan pa gang dag /tshe dang ldan pa 'char ka la dge bsnyen ma yid ches pa'i tshig dang ldan pa'i tshig gis de'i ngo bo nyid 'tshol du </font><hr>Cha50b<br><font size=+1>


gzhug pa stsal bar bzod pa de dag ni/ cang ma gsungs shig /gang dag mi bzod pa de dag ni/ gsungs shig/ 'di ni/ las brjod pa dang po ste/ de bzhin du lan gnyis lan gsum du bzlas dge 'dun gyis bzod cing gnang nas/ dge 'dun gyis tshe dang ldan pa 'char ka la dge bsnyen ma yid ches pa'i tshig dang ldan pa'i tshig gis de'i ngo bo nyid tshol du gzhug pa stsal lags te/ 'di ltar/ cang mi gsung bas de de bzhin du 'dzin to/ /dge slong dag/ ngas dge slong de'i ngo bo nyid tshol du gzhug pa byin pa'i kun tu spyod pa'i chos dag bca' bar bya ste/ dge slong de'i ngo bo nyid tshol du gzhug pa byin pas rab tu dbyung bar mi bya/ bsnyen par rdzogs par mi bya/ gnas sbyin par mi bya/ dge tshul nye bar gzhag par mi bya'o/ /des dge slong la tshul khrims nyams pa dang / lta ba nyams pa dang / cho ga nyams pa dang / 'tsho ba nyams pas gleng bar mi bya/ dran par mi bya'o/ /dge slong ma la ston par bsko bar mi bya'o/ /sngar bskos na yang des dge slong ma la bstan par mi bya'o/ /des gdams ngag gzhag par mi bya/ gso sbyong gzhag par mi bya/ dgag dbye gzhag par mi bya'o/ /des gsol ba mi bya/ gsol ba dang gnyis dang / gsol ba dang bzhi'i las mi bya'o/ /des dge 'dun gyi nang du gang zag 'dul ba 'dzin pa gzhan dag yod na/ so sor thar pa'i mdo gdon par mi bya'o/ /dge slong de'i ngo bo nyid tshol du gzhug pa byin pas kun tu spyad par bya ba'i chos ji ltar bcas pa yang </font><hr>Cha51a<br><font size=+1>


@#/ /dag par blangs te/ 'jug par mi byed na/ 'gal tshabs can du 'gyur ro/ /ma nges pa'i chos dang po rdzogs so// //sangs rgyas bcom ldan 'das rgyal po'i khab na 'od ma'i tshal ka land ka'i gnas na bzhugs so/ /de nas dge slong sha ri ka snga dro sham thabs dgos/ lhung bzed dang chos gos thogs te rgyal po'i khab tu bsod snyoms la zhugs nas/ mthar gyis rgyal po'i khab tu bsod snyoms rgyu ba na khyim bdag gi chung ma gso sbyong 'phags kyi khyim ga la ba der song ngo / khyim bdag gi chung ma gso sbyong 'phags kyis/ dge slong sha ri ka thag ring po kho na nas mthong ste/ mthong nas kyang dge slong sha ri ka'i phyir stan shom par byed cing 'di skad ces kyang smras so/ /btsun pa sha ri ka tshur spyon/ btsun pa sha ri ka byon pa legs so/ /btsun pa sha ri ka gdan bshams pa nyid la bzhugs shig /dge slong sha ri ka stan bshams pa de la 'dug go/ de nas khyim bdag gi chung ma gso sbyong 'phags kyis/ dge slong sha ri ka'i rkang pa gnyis la mgo bos phyag 'tshal te/ pus mo gnyis la pus mo gnyis ma reg par chos mnyan pa'i phyir 'dug go /dge slong sha ri kas de la chos snyan pa snyan pa dag bstan par brtsams so/ /de'i tshe na dge bsnyen ma legs skyes de'i nye 'khor na 'gro bas dge bsnyen ma legs skyes kyi/ khyim bdag gi chung ma gso sbyong 'phags kyi khyim na/ dge slong sha ri ka'i skad kyi gdangs grags pa thos so/ / </font><hr>Cha51b<br><font size=+1>


thos nas kyang de 'di snyam du sems te/ kye ma/ 'phags pa sha ri ka skad kyi gdangs kyis khyim bdag gi chung ma gso sbyong 'phags la sbrang bu sbrang rtsi 'byin pa dang 'dra bar chos snyan pa snyan pa dag ston par byed kyi/ bdag kyang gzhan la brtsams pa'i chos mnyan pa'i phyir 'gro'o/ /snyam mo/ /de nas dge bsnyen ma legs skyes khyim bdag gi chung ma gso sbyong 'phags kyi khyim ga la ba der song ba dang / dge bsnyen ma legs skyes kyis khyim bdag gi chung ma gso sbyong 'phags dge slong sha ri ka'i pus mo gnyis la pus mo gnyis ma reg par chos mnyan pa'i phyir 'dug pa mthong ngo / /mthong nas kyang de 'di snyam du sems te/ gal te khyim bdag gam/ khyim bdag gi chung ma'am/ khyim bdag gi bu ma dad pa 'ga' zhig gis 'di mthong bar gyur na/ 'phags pa sha ri ka 'dis khyim bdag gi chung ma gso sbyong 'phags dang lhan cig dben pa skyabs yod par dge sbyong gi tshul ma yin pa/ sdig pa'i las cung zhig byas sam/ byed par sems so/ /snyam du gdon mi za bar mthar thug par 'gro bar 'gyur bas/ de'i phyir 'di ni/ bdag gi bya ba yin no/ /snyam nas/ de nas dge bsnyen ma legs skyes bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das la dge bsnyen ma legs skyes kyis 'di skad ces gsol to/ /btsun pa/ bdag gis khyim bdag gi </font><hr>Cha52a<br><font size=+1>


@#/ /mchis brang gso sbyong 'phags kyi sdum pa na 'phags pa sha ri ka'i skad kyi gdangs grags pa thos te/ thos nas kyang bdag nyid 'di snyam bgyid de/ kye ma/ 'phags pa sha ri ka khyim bdag gi mchis brang mo gso sbyong 'phags la sbrang bu sbrang rtsi 'byin pa dang 'dra bar chos snyan pa snyan pa dag ston par bgyid kyi/ bdag kyang gzhan la brtsams pa'i chos mnyan pa'i slad du mchi'o/ / snyam nas/ bdag khyim bdag gi mchis brang gso sbyong 'phags kyi sdum pa ga la ba der mchis pa dang / bdag gis khyim bdag gi mchis brang gso sbyong 'phags dge slong sha ri ka'i pus mo gnyis la pus mo gnyis ma reg par mchis pa mthong ngo / /mthong nas kyang bdag 'di snyam bgyid de/ gal te khyim bdag gam/ khyim bdag gi mchis brang ngam/ khyim bdag gi bu ma dad pa 'ga' zhig gis 'di mthong bar gyur na/ 'phags pa sha ri ka 'dis khyim bdag gi mchis brang gso sbyong 'phags dang lhan cig dben pa skyabs mchis par dge sbyong gi tshul ma legs pa/ sdig pa'i las cung zhig bgyis sam/ bgyid par sems so/ /snyam du gdon mi 'tshal bar mthar thug par mchis par 'gyur bas/ de'i slad du 'di ni/ bdag gi bgyi ba lags so/ /snyam bgyid nas/ btsun pa/ de'i slad du bcom ldan 'das kyis thugs brtse ba'i slad du gang gis 'phags pa dag bud med kyi yul dang lhan cig gcig pu gcig dang dben pa skyabs mchis pa na/ stan la mchis par mi </font><hr>Cha52b<br><font size=+1>


'gyur bar 'phags pa rnams la dran par bgyi ba cung zhig bca' ba mdzad na legs so legs so/ /bcom ldan 'das kyis dge bsnyen ma legs skyes la cang mi gsung bas gnang ngo / /de nas dge bsnyen ma legs skyes kyis/ bcom ldan 'das kyis cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te/ stan las langs nas song ngo / /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste/ zhes bya ba la sogs pa yang snga ma bzhin te/ sangs rgyas bcom ldan 'das kyis dge slong sha ri ka la rmas pa/ sha ri ka khyod kyi mi mdzes pa de lta bu de byas par gyur pa bden nam/ btsun pa/ mad do/ /sangs rgyas bcom ldan 'das kyis dge slong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes bya ba la sogs pas rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa yang snga ma bzhin no/ /nga'i nyan thos rnams kyis 'dul ba la bslab </font><hr>Cha53a<br><font size=+1>


@#/ /pa'i gzhi 'di ltar gdon par bya ste/ yang dge slong gang bu med kyi yul dang lhan cig gcig pu gcig dang dben pa skyabs yod pa na 'dod pa byar mi rung bar stan la 'dug par byed cing / de la gal te dge bsnyen ma yid ches pa'i tshig dang ldan pas chos gnyis po dge 'dun lhag ma'am ltung byed las chos gang yang rung bas smras par gyur la/ dge slong gis 'dug par khas blangs na/ chos gnyis po dge 'dun lhag ma'am/ ltung byed las chos gang yang rung bas byed du gzhug cing / dge slong de la dge bsnyen ma yid ches pa'i tshig dang ldan pas chos gang dang gang gis smras par gyur pa'i chos de dang de/ dge slong de byed du gzhug ste/ de yang ma nges pa'i chos so/ /yang / dge slong gang zhes bya ba ni/ sha ri ka'am/ gzhan yang de lta bu gang yin ba'o/ /bud med kyi yul dang zhes bya ba ni/ bud med dam/ gzhon nu ma mi tshangs par spyad pa las byung ba'i chos bsten nus pa dang ngo / /lhan cig ces bya ba ni/ de dang lhan cig go/ gcig pu gcig dang zhes bya ba ni/ de de dang ngo / /dben pa zhes bya ba ni/ gang na yang bud med dang / skyes pa dang / ma ning gzhan 'ga' yang med pa'o/ /skyabs yod pa zhes bya ba ni/ lngas bskyabs pa ste/ rtsig pa skyabs pa dang / rib mas bskyabs pa dang / ra bas bskyabs pa dang / thibs pos bskyabs pa dang / mtshan mos bskyabs pa na'o/ /'dod pa byar mi rung bar zhes bya ba ni/ mi tshangs </font><hr>Cha53b<br><font size=+1>


par spyod pa byar mi rung bar ro/ /stan la zhes bya ba ni/ khri dang khri'u la'o/ /'dug par byed cing zhes bya ba ni/ 'dom gang gi nang ma yin par rkub tshos 'jog par byed cing ngo / /de de la gal te dge bsnyen ma yid ches pa'i tshig dang ldan pas zhes bya ba la/ yid ches pa'i zhes bya ba ni/ sangs rgyas la mngon par dad pa dang / chos dang / dge 'dun la mngon par dad pa dang / sangs rgyas la skyabs su song ba dang / chos dang / dge 'dun la skyabs su song ba dang / sangs rgyas la gcig tu gyur pa dang / chos dang / dge 'dun la gcig tu gyur pa dang / sangs rgyas la nem nur med cing the tshom med pa dang / chos dang / dge 'dun dang / sdug bsngal ba dang / kun 'byung ba dang / 'gog pa dang / lam la nem nur med cing the tshom med pa dang / bden pa mthong ba dang / 'bras bu thob pa dang / mngon pa rtogs pa dang ldan pa dang / gang gis rang gi srog gi phyir yang shes bzhin du rdzun gyi tshig smra bar mi nus pa'o/ /chos gnyis po zhes bya ba la/ gnyis po zhes bya ba ni/ grangs bstan pa'o/ /dge 'dun lhag ma'am/ ltung byed las chos gang yang rung bas zhes bya ba la/ dge 'dun lhag ma zhes bya ba ni/ bcu gsum po dag las gang yang rung bas so/ /ltung byed ces bya ba ni/ dgu bcu po dag las gang yang rung bas so/ / 'di ltar/ dge bsnyen ma yid ches pa'i tshig dang ldan pa ni/ ltung ba mi mkhas pa dang / ltung ba'i gleng gzhi la mi mkhas pa dang / ltung ba kun nas slong ba la mi mkhas pa yin pas/ 'di ltar/ dge </font><hr>Cha54a<br><font size=+1>


@#/ /slong des mi'i chos bla ma smra ba'am/ bud med kyi yul dang lhan cig stan gcig la lus kyis reg par byed pa'am/ snod gcig tu za bar byed pa'am/ phor bu gcig tu myos par 'gyur ba'i btung ba sna tshogs 'thung ba'am/ sa rko ba'am/ rtswa sngon po gcod pa'am/ dus ma yin par za ba dang / gzhan yang / rang bzhin dang bcas pa'i kha na ma tho ba dang bcas pa'i las gang byed par mthong ba de dag las/ gang khas blangs pa de byed du gzhug pa'o/ /byed du gzhug ces bya ba ni/ 'chags su gzhug pa'o/ /de yang ma nges pa'i chos so/ /zhes bya ba ni/ de yang rnam par ma bzhag pa'i chos yin pa'o/ /ltung ba rnam par gzhag pa dang / de'i ngo bo nyid tshol du gzhug pa sbyin pa dang / de'i ngo bo nyid tshol du gzhug par byin pa'i kun tu spyod pa'i chos dag ni/ snga ma bzhin du shes par bya'o/ /ma nges pa'i chos gnyis pa ste/ ma nges pa'i chos gnyis rdzogs so// //sdom la/ 'chang ba 'bral ba 'jog pa dang / 'khrur 'jug pa dang len pa dang / /slong dang stod g.yogs smad g.yogs bcas/ rin thang so sor bskur ba'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong rnams la chos gos mang ba nyid/ 'di lta bu 'di byung ste/ chos gos gzhan gyis ni/ gtsug lag khang du chag chag 'debs par byed/ gzhan gyis ni/ legs </font><hr>Cha54b<br><font size=+1>


par nyug par byed/ gzhan gyis ni/ lci ba gsar pa'i byug pas skud par byed/ gzhan gyis ni/ lag pa dang rkang pa dag 'khru bar byed/ gzhan gyis ni/ so shing 'dor bar byed/ gzhan gyis ni/ grong du bsod snyoms la rgyu bar byed/ gzhan gyis ni/ zas kyi gral du bkad par byed/ gzhan gyis ni/ mkhan po dang slob dpon dag la ltar 'gro bar byed/ gzhan gyis ni/ ston pa'i gdams ngag nyams su myong bar byed/ gzhan gyis ni/ nyin mo chos nyan pa nyams su myong bar byed/ gzhan gyis ni/ mtshan mo'i chos nyan pa nyams su myong bar byed/ de dag gyon pa dang 'bud par byed pa na/ bya ba mang ba dang / byed pa mang bar gyur cing / lus gnod pa dang / bklag pa dang / kha ton dang rnal 'byor dang / yid la bya ba dang / nang gi sems kyis zhi gnas gtong bar byed do/ /dge slong don nyung ngu dag /ci'i phyir dge slong rnams la chos gos mang ba nyid/ 'di lta bu 'di byung ste/ chos gos gzhan gyis ni/ gtsug lag khang du chag chag 'debs par byed/ gzhan gyis ni/ legs par nyug par byed/ gzhan gyis ni/ lci ba gsar pa'i byug pas skud par byed/ gzhan gyis ni/ lag pa dang rkang pa dag 'khru bar byed/ gzhan gyis ni/ so shing 'dor bar byed/ gzhan gyis ni/ grong du bsod snyoms la rgyu bar byed/ gzhan gyis ni/ zas kyi gral du bkad par byed/ gzhan gyis ni/ mkhan po dang slob dpon dag la bltar 'gro bar byed/ gzhan gyis ni/ ston pa'i gdams ngag </font><hr>Cha55a<br><font size=+1>


@#/ /nyams su myong bar byed/ gzhan gyis ni/ nyin mo'i chos nyan pa nyams su myong bar byed/ gzhan gyis ni/ mtshan mo'i chos nyan pa nyams su myong bar byed de/ de dag gyon pa dang 'bud par byed pa na/ bya ba mang ba dang / byed pa mang bar gyur cing / lung nod pa dang / bklag pa dang / kha ton dang / rnal 'byor dang / yid la bya ba dang / nang gi sems kyi zhi gnas gtong bar byed ces smod par byed/ 'phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang / skabs 'di la dge slong gi dge 'dun bsdu ba mdzad do/ /de bzhin gshegs pa ni/ don gyi dbang gnyis gzigs pa na/ dge slong gi dge 'dun sdud par mdzad de/ 'di lta ste/ nga'i nyan thos rnams kyis kun shes pa nyid du bya ba'i phyir dang / ngas 'dul ba la bslab pa'i gzhi legs par bcas par 'gyur ba'o/ /sangs rgyas bcom ldan 'das rnams ni/ mkhyen bzhi du rmed par mdzad pa ste/ mkhyen bzhin du rmed pa/ mkhyen kyang mi rmed pa/ dus su rmed pa/ dus las yol bar mi rmed pa/ don dang ldan pa rmed pa/ don dang mi ldan pa mi rmed pas/ sangs rgyas bcom ldan 'das rnams ni/ don dang mi ldan pa rmed pa chu lon gyis zlog par mdzad pa yin no/ /de la sangs rgyas bcom ldan 'das rnams ni/ don dang ldan pa rmed pa la dus mkhyen pa yin </font><hr>Cha55b<br><font size=+1>


pas/ sangs rgyas bcom ldan 'das kyis dge slong rnams la rmas pa/ dge slong dag khyed la chos gos mang ba nyid/ 'di lta bu 'di byung ste/ chos gos gzhan gyis ni/ gtsug lag khang du chag chag 'debs par byed/ gzhan gyis ni/ legs par nyug par byed/ gzhan gyis ni/ lci ba gsar pa'i byug pas skud par byed/ gzhan gyis ni/ lag pa dang rkang pa dag 'khru bar byed/ gzhan gyis ni/ so shing 'dor bar byed/ gzhan gyis ni/ grong du bsod snyoms la rgyu bar byed/ gzhan gyis ni/ zas kyi gral du bkad par byed/ gzhan gyis ni/ mkhan po dang slob dpon dag la bltar 'gro bar byed/ gzhan gyis ni/ ston pa'i gdams ngag nyams su myong bar byed/ gzhan gyis ni/ nyin mo chos nyan pa nyams su myong bar byed/ gzhan gyis ni/ mtshan mo chos nyan pa nyams su myong bar byed de/ khyed cag gyon pa dang / 'bud par byed pa na/ bya ba mang po byed pa mang bar gyur cing / lung nod pa dang / bklag pa dang / kha ton dang / rnal 'byor dang / yid la bya ba dang / nang gi sems kyis zhi gnas gtong bar byed pa bden nam/ btsun pa/ mad do/ sangs rgyas bcom ldan 'das kyis gso dka' ba dang / dgang dka' ba dang / 'dod pa che ba dang / chog mi shes pa rnam par smad do/ /de nas bcom ldan 'das kyis gso sla ba dang / dgang sla ba dang / 'dod pa chung ba dang / chog shes pa dang / phri ba dang / yo byad bsnyungs pa dang / sbyangs pa'i yon tan dang / mdzes pa dang / tshod shes pa nyid kyi bsngags pa brjod nas dge </font><hr>Cha56a<br><font size=+1>


@#/ /slong rnams la bka' stsal pa/ dge slong dag /de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste/ 'di lta ste| dge 'dun bsdu ba'i phyir dang / dge 'dun legs par bya ba'i phyir dang / dge 'dun bde bar gnas par bya ba'i phyir dang / gnong mi bkur ba'i gang zag rnams tshar gcad pa'i phyir dang / ngo tsha shes pa rnams bde bar gnas par bya ba'i phyir dang / mngon par ma dad pa rnams mngon par dad par bya ba'i phyir dang / mngon par dad pa rnams phyir zhing 'byung bar bya ba'i phyir dang / tshe 'di'i zag pa rnams bsdam par bya ba'i phyir dang / tshe rabs phyi ma'i rnams bzlog pa'i phyir dang / nga'i tshangs par spyod pa skye bo mang po la phan pa yangs par gyur pa lha dang mi rnams kyi bar dag la yang dag par rab tu bstan pa yun ring du gnas par 'gyur ba'o/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong chos gos zin pas sra brkyang phyung na/ chos gos gsum bcang bar bya'o/ /de las lhag par 'chang na/ spang ba'i ltung byed do/ /zhes bcom ldan 'das kyis 'dul ba la nyan thos rnams kyi bslab pa'i gzhi bca' ba mdzad do/ /sangs rgyas bcom ldan 'das rgyal po'i khab na 'od ma'i tshal ka land ka'i gnas na bzhugs so/ /de'i tshe na tshe dang ldan pa 'od srung chen po rgyal po'i khab na dgon pa'i spyil bu na 'dug ste/ gang gi </font><hr>Cha56b<br><font size=+1>


tshe bcom ldan 'das kyis tshe dang ldan pa 'od srung chen po dge 'dun la gtad pa'i tshe/ khyim bdag cig gis yun ring po nas smon pa/ kye ma/ bdag gis gnas brtan 'od srung chen po/ lha dang mis mchod pa bshos gsol te/ ras yug chen zhig bskon na ci ma rung snyam na/ de'i 'dod pa yongs su rdzogs par ma gyur nas/ de nas khyim bdag de ras yug chen thogs nas/ tshe dang ldan pa kun dga' bo ga la ba der song ste phyin nas/ tshe dang ldan pa kun dga' bo'i rkang pa gnyis la mgo bos phyag 'tshal te/ tshe dang ldan pa kun dga' bo la 'di skad ces smras so/ /btsun pa kun dga' bo/ khyod kyis da ltar gnas brtan 'od srung chen po ga la bzhugs ci gsan/ khyim bdag/ dgon pa'i spyil bu na 'dug ces thos so/ /ji tsam na byon par 'gyur/ 'di nyid kyi gso sbyong bco lnga pa'i tshe'o/ /btsun pa kun dga' bo mkhyen par mdzod cing / 'di na bdag yun ring po nas smon pa/ kye ma/ bdag gis gnas brtan 'od srung chen po/ lha dang mis mchod pa bshos gsol te/ ras yug chen zhig bskon na ci ma rung snyam nas/ bdag gis ras yug chen de yang 'tshal te mchis na/ btsun pa kun dga' bo mkhyen par mdzod cig /bdag cag khyim bdag ni/ bgyi ba mang ba dang / bgyid pa mang lags kyi/ kye ma/ btsun pa kun dga' bos bdag la thugs brtse ba'i slad du gnas brtan 'od srung chen po/ lha dang mis mchod pa la ras yug chen 'di bskon du gsol/ de nas tshe dang ldan pa </font><hr>Cha57a<br><font size=+1>


@#/ /kun dga' bo 'di snyam du sems te/ gal te bdag gis khyim bdag las ras yug chen blangs na ni/ bslab pa'i gzhi ral bar yang 'gyur/ gal te ma blangs na ni/ khyim bdag gi bsod nams kyi bar chad dang / gnas brtan 'od srung chen po'i rnyed pa'i bar chad du yang 'gyur na/ bdag gis blangs par gyur na/ dus yin pa'i phyir bcom ldan 'das kyis gnang bar 'gyur ba gang yin pa de'i gnas kyang yod par 'gyur grang snyam nas/ de nas tshe dang ldan pa kun dga' bos khyim bdag las ras yug chen blangs nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas tshe dang ldan pa kun dga' bos skabs de/ bcom ldan 'das la rgyas par gsol to/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ legs so legs so/ /ngas gnang ba gang yin pa de/ khyod kyis shes te/ de lta bas na/ dge slong zhag bcu'i bar du gos lhag pa/ rung bar ma byas pa bcang bar rjes su gnang ngo / /de nas bcom ldan 'das kyis bslab pa 'dod pa rnams dang / bslab pa la gus pa rnams dang / bslab pa la yo byad bsnyungs pa rnams dang / sbyangs pa'i yon tan rnams dang / mdzes pa rnams dang / tshod shes pa rnams kyi bsngags pa brjod nas dge slong rnams la bka' stsal pa/ </font><hr>Cha57b<br><font size=+1>


dge slong dag/ de lta bas na/ snga ma ni/ bcas pa yin la/ 'di ni/ gnang ba yin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong chos gos zin pas sra brkyang phyung na/ zhag bcu'i bar du gos lhag pa/ rung bar ma byas pa bcang bar bya'o/ /de las 'das par 'chang na/ spang ba'i ltung byed do/ /dge slong zhes bya ba ni/ chos 'di pa'o/ /chos gos zin pas sra brkyang phyung na zhes bya ba la/ chos gos zin la sra brkyang ma phyung ba yang yod/ sra brkyang phyung la chos gos ma zin pa yang yod/ chos gos zin cing sra brkyang phyung ba yang yod/ chos gos ma zin cing sra brkyang ma phyung ba yang yod do/ /de la re zhig ji tsam gyis na chos gos zin la sra brkyang ma phyung ba yin zhe na/ 'di lta ste/ dge slong gis chos gos dag bkru ba dang / dra ba dang / drub pa dang / kha bsgyur zin la/ dge 'dun gyis sra brkyang ma phyung ba yin te/ de tsam gyis na chos gos zin la sra brkyang ma phyung ba yin no/ /ji tsam gyis na sra brkyang phyung la chos gos ma zin pa yin zhe na| 'di lta ste/ dge slong gis chos gos dag bkru ba dang / dra ba dang / drub pa dang / kha bsgyur ma zin la/ dge 'dun gyis sra brkyang phyung ba yin te/ de tsam gyis na sra brkyang phyung la chos gos ma zin pa yin no/ /ji tsam gyis na chos gos zin cing sra brkyang phyung ba yin zhe na/ 'di lta ste/ dge slong gis chos gos dag bkru ba dang / dra ba dang / drub pa dang / kha bsgyur zin cing / dge 'dun gyis kyang </font><hr>Cha58a<br><font size=+1>


@#/ /sra brkyang phyung ba yin te/ de tsam gyis na sra brkyang phyung zhing chos gos zin pa yin no/ /ji tsam gyis na chos gos ma zin cing sra brkyang ma phyung ba yin zhe na/ rnam pa de dag ma gtogs pa'o/ /zhag bcu'i bar du zhes bya ba ni/ mtshan mo bcu'i mthar ro/ /gos lhag pa zhes bya ba ni/ byin gyis brlab par bya ba las lhag pa'o/ /rung bar ma byas pa zhes bya ba ni/ brtag par ma byas pa'o/ /bcang bar bya'o/ /zhes bya ba ni/ bdag gir bya ba'o/ /de las 'das par 'chang na zhes bya ba ni/ de las thal bar 'chang na'o/ /spang ba'i ltung byed do/ /zhes bya ba ni/ dngos po de spangs nas ltung byed kyi ltung ba bshags par bya ba ste/ des na spang ba'i ltung byed do/ /zhes gsungs so// //'dul ba rnam par 'byed pa/ bam po nyer lnga pa/ de la ltung bar ji ltar 'gyur zhe na/ 'di lta ste/ dge slong gis tshes la gos rnyed na/ dge slong des gos de zhag bcu po de nyid kyi nang du byin gyis brlab par bya ba'am/ gtang bar bya ba'am/ rung bar bya ba'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na/ nyi ma bcu gcig pa'i skya rengs shar na/ spang ba'i ltung byed du 'gyur ro/ /tshes la gos ma rnyed kyang tshes gnyis sam/ tshes gsum mam/ tshes dgu'am/ tshes bcu tshun chad kyis gos rnyed na/ dge slong des gos de </font><hr>Cha58b<br><font size=+1>


zhag bcu po de nyid kyi nang du byin gyis brlab par bya ba'am/ gtang bar bya ba'am/ rung bar bya ba'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na/ nyi ma bcu gcig pa'i skya rengs shar na/ spang pa'i ltung byed du 'gyur ro/ /dge slong gis tshes la gos shig rnyed cing des tshes gnyis la yang gzhan zhig rnyed na| dge slong des zhag bcu po de nyid kyi nang du snga ma byin gyis brlab par bya zhing phyi ma gtang bar bya ba'am/ rung bar bya ba'am/ gzhan la sbyin par bya'o/ /yang na phyi ma byin gyis brlab par bya zhing snga ma gtang bar bya ba'am/ rung bar bya ba'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na/ nyi ma bcu gcig pa'i skya rengs shar na/ spang ba'i ltung byed du 'gyur ro/ /tshes dang tshes gnyis la ma rnyed kyang / tshes gsum dang / tshes bcu tshun chad kyis gos shig rnyed na/ dge slong des zhag bcu po de nyid kyi nang du snga ma byin gyis brlab par bya zhing / phyi ma gtang bar bya ba'am/ rung bar bya ba'am/ gzhan la sbyin par bya'o/ /yang na phyi ma byin gyis brlab par bya zhing / snga ma gtang bar bya ba'am/ rung bar bya ba'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na/ nyi ma bcu gcig pa'i skya rengs shar na/ spang ba'i ltung byed </font><hr>Cha59a<br><font size=+1>


@#/ /du 'gyur ro/ /dge slong gis tshes la gos gnyis rnyed na/ dge slong des gos de gnyis zhag bcu po de nyid kyi nang du byin gyis brlab par bya ba'am/ gtang bar bya ba'am/ rung bar bya ba'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na/ nyi ma bcu gcig pa'i skya rengs shar na/ spang ba'i ltung byed du 'gyur ro/ /tshes la gos gnyis ma rnyed kyang / tshes gnyis sam/ tshes gsum mam/ tshes dgu'am/ tshes bcu tshun chad kyis gos gnyis rnyed na/ dge slong des gos de gnyis zhag bcu po de nyid kyi nang du byin gyis brlab par bya ba'am/ gtang bar bya ba'am/ rung bar bya ba'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na/ nyi ma bcu gcig pa'i skya rengs shar na/ spang ba'i ltung byed du 'gyur ro/ /dge slong gis tshes la gos gnyis shig rnyed cing / des tshes gnyis la yang gos gzhan gnyis shig rnyed na/ dge slong des zhag bcu po de nyid kyi nang du snga ma gnyis byin gyis brlab par bya zhing / phyi ma gnyis gtang bar bya ba'am/ rung bar bya ba'am/ gzhan la sbyin par bya'o/ / yang na phyi ma gnyis byin gyis brlab par bya zhing / snga ma gnyis gtang bar bya ba'am/ rung bar bya ba'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung ba </font><hr>Cha59b<br><font size=+1>


mi byed dam/ gzhan la sbyin par mi byed na/ nyi ma bcu gcig pa'i skya rengs shar na/ spang ba'i ltung byed du 'gyur ro/ /tshes dang tshes gnyis la ma rnyed kyang / tshes gsum dang / tshes bcu tshun chad kyis gos gnyis shig rnyed na/ dge slong des zhag bcu po de nyid kyi nang du snga ma gnyis byin gyis brlab par bya zhing / phyi ma gnyis gtang bar bya ba'am/ rung bar bya ba'am/ gzhan la sbyin par bya'o/ /yang na phyi ma gnyis byin gyis brlab par bya zhing / snga ma gnyis gtang bar bya ba'am/ rung bar bya ba'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na/ nyi ma bcu gcig pa'i skya rengs shar na/ spang ba'i ltung byed du 'gyur ro/ /dge slong gis tshes la gos mang po rnyed na/ dge slong des gos de dag zhag bcu po de nyid kyi nang du byin gyis brlab par bya ba'am/ gtang bar bya ba'am/ rung bar bya ba'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na/ nyi ma bcu gcig pa'i skya rengs shar na/ spang ba'i ltung byed du 'gyur ro/ /tshes la gos mang po ma rnyed kyang tshes gnyis sam/ tshes gsum mam/ tshes dgu'am/ tshes bcu tshun chad kyis gos mang po rnyed na/ dge slong des gos de dag zhag bcu po de nyid kyi nang du byin gyis brlab par bya ba'am/ gtang bar bya ba'am/ rung bar bya ba'am/ gzhan la sbyin par bya'o/ /byin gyis rlob </font><hr>Cha60a<br><font size=+1>


@#/ /par mi byed dam/ gtong bar mi byed dam/ rung bar mi byed dam/ gzhan la sbyin par mi byed na/ nyi ma bcu gcig pa'i skya rengs shar na/ spang ba'i ltung byed du 'gyur ro/ / dge slong gis tshes la gos mang po dag cig rnyed cing / des tshes gnyis la yang gzhan mang po dag cig rnyed na/ dge slong des zhag bcu po de nyid kyi nang du snga ma dag byin gyis brlab par bya zhing / phyi ma dag gtang bar bya ba'am/ rung bar bya ba'am/ gzhan la sbyin par bya'o/ /yang na phyi ma dag byin gyis brlab par bya zhing / snga ma dag kyang gtang bar bya ba'am/ rung bar bya ba'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na/ nyi ma bcu gcig pa'i skya rengs shar na/ spang ba'i ltung byed du 'gyur ro/ /tshes dang tshes gnyis la ma rnyed kyang / tshes gsum dang / tshes bcu tshun chad kyis gos mang po dag cig rnyed na/ dge slong des zhag bcu po de nyid kyi nang du snga ma dag byin gyis brlab par bya zhing / phyi ma dag kyang gtang bar bya ba'am/ rung bar bya ba'am/ gzhan la sbyin par bya'o/ yang na phyi ma dag byin gyis brlab par bya zhing / snga ma dag gtang bar bya ba'am/ rung bar bya ba'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la byin par mi byed na/ nyi ma bcu gcig pa'i skya rengs shar </font><hr>Cha60b<br><font size=+1>


na| spang ba'i ltung byed du 'gyur ro/ /dge slong gis gos spang bar gyur na/ de ma spangs shing bral bar ma byas la ltung ba ma bshags par gzhan zhig rnyed na/ de yang snga ma'i rgyud kyis spang bar 'gyur ro/ / dge slong gis gos spang bar gyur na/ de spangs shing bral bar ma byas la ltung ba ma bshags par gzhan zhig rnyed na/ de yang snga ma'i rgyud kyis spang bar 'gyur ro/ /dge slong gis gos spang bar gyur na| de spangs shing bral bar byas la ltung ba ma bshags par gzhan zhig rnyed na/ de yang snga ma'i rgyud kyis spang bar 'gyur ro/ /dge slong gis gos spang bar gyur na/ de spangs shing bral bar byas la ltung ba bshags nas gzhan zhig rnyed na/ de la ltung ba med do/ /de bzhin du dge slong gis ji srid du spang ba'i dngos po de ma bshags shing so sor ma bshags par lhung bzed dam/ chos gos sam/ dra ba'am/ phor bu'am/ ska rags sam/ dge sbyong gi 'tsho ba'i yo byad gang yang rung ba gzhan nye bar 'jog par byed na/ de yang snga ma'i rgyud kyis spang bar 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen ba la ltung ba med do/ /'chang ba'i spang ba ste/ dang po rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong rnams la chos gos mang ba nyid/ 'di lta bu 'di byung ste/ dge slong dbyar gnas par khas blangs pa gang yang </font><hr>Cha61a<br><font size=+1>


@#/ /rung bas chos gos rnyed nas des de bkrus shing dras te drubs nas kha bsgyur te gtur bu'i bam po bsgres nas/ dge slong gnas pa dang / gnyug mar gnas pa rnams la rjes su gtad de/ dge slong dag chos gos stod g.yogs smad g.yogs dang bcas pas ljongs rgyur 'dong zhing / de dag chos gos stod g.yogs smad g.yogs dang bcas pas ljongs rgyur 'dong ba na ma sbas pa dang / sbed du ma bcug par gyur to/ /dge slong gnas pa dang / gnyug mar gnas pa dag kyang chos gos de dag skem pa dang / bsang pa dang / 'ding ba dang / skrug pa dang / brtul ba dang / sbed pa dag byed pas bya ba mang ba dang / byed pa mang bar gyur cing / lung nod pa dang / bklag pa dang / kha ton dang / rnal 'byor dang / yid la bya ba dang / nang gi sems kyi zhi gnas gtong bar byed nas/ dge slong don nyung ngu dag /ci'i phyir dge slong rnams la chos gos mang ba nyid/ 'di lta bu 'di byung ste/ dge slong dbyar gnas par khas blangs pa gang yang rung bas chos gos rnyed nas des de bkrus shing / dras te drubs nas kha bsgyur te gtur bu'i bam po bsgres nas/ dge slong gnas pa dang gnyug mar gnas pa rnams la rjes su gtad de/ dge slong dag chos gos stod g.yogs smad g.yogs dang bcas pas ljongs rgyur 'dong zhing / de dag chos gos stod g.yogs smad g.yogs dang bcas pas ljongs rgyur 'dong ba na/ ma sbas pa dang / sbed du ma bcug par gyur/ dge slong </font><hr>Cha61b<br><font size=+1>


gnas pa dang / gnyug mar gnas pa dag kyang chos gos de dag skem pa dang / bsang ba dang / 'ding ba dang / sprug pa dang / brtul ba dang / sbed ba dag byed pas bya ba mang ba dang / byed pa mang bar gyur cing / lung nod pa dang / bklag pa dang / kha ton dang / rnal 'byor dang / yid la bya ba dang / nang gi sems kyi zhi gnas gtong bar byed ces smod par byed/ 'phyar ka gtong bar byed/ kha zer bar byed pa'i skabs de| dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong mang po dag la rmas pa/ dge slong dag/ khyed la chos gos mang ba nyid/ 'di lta bu 'di byung ste/ dge slong dbyar gnas par khas blangs pa gang yang rung bas chos gos rnyed nas de de bkrus shing / dras te drubs nas kha bsgyur te gtur bu'i bam po bsgres nas/ dge slong gnas pa dang / gnyug mar gnas pa rnams la rjes su gtad de/ dge slong dag chos gos stod g.yogs smad g.yogs dang bcas pas ljongs rgyur 'dong zhing / khyed cag chos gos stod g.yogs smad g.yogs dang bcas pas ljongs rgyur 'dong ba na/ ma sbas pa dang / sbed du ma bcug par gyur la/ dge slong gnas pa dang / gnyug mar gnas pa </font><hr>Cha62a<br><font size=+1>


@#/ /dag kyang chos gos de dag skem pa dang / bsang ba dang / 'ding ba dang / sprug pa dang / brtul ba dang / sbed pa dag byed pas bya ba mang ba dang / byed pa mang bar gyur cing / lung nod pa dang / bklag pa dang / kha ton dang / rnal 'byor dang / yid la bya ba dang / nang gi sems kyi zhi gnas gtong bar byed pa bden nam/ btsun pa/ mad do/ /sangs rgyas bcom ldan 'das kyis gso dka' ba dang / dgang dka' ba dang / 'dod pa che ba dang / chog mi shes pa rnam par smad pa mdzad do/ /de nas bcom ldan 'das kyis gso sla ba dang / dgang sla ba dang / 'dod pa chung ba dang / chog shes pa dang / phri ba dang / yo byad bsnyungs pa dang / sbyangs pa'i yon tan dang / mdzes pa nyid dang / tshod shes pa'i bsngags pa brjod nas dge slong rnams la bka' stsal pa/ dge slong dag de lta bas na/ phan yon bcu yang dag par rjes su gzigs pas 'dul ba la nyan thos rnams kyis bslab pa'i gzhi bca' bar bya ste zhes bya ba la sogs pa snga ma bzhin no/ /'dul ba la nyan thos rnams kyi bslab pa'i gzhi 'di ltar bca' bar bya ste/ dge slong chos gos zin bas sra brkyang phyung na/ gal te nub gcig kyang chos gos gsum las/ chos gos gang yang rung ba dang mtshams kyi phyi rol du 'bral bar byed na/ spang ba'i ltung byed do/ /zhes bcom ldan 'das kyis 'dul ba la nyan thos rnams kyi bslab pa'i gzhi bca' ba mdzad do/ /sangs rgyas bcom ldan 'das rgyal po'i </font><hr>Cha62b<br><font size=+1>


khab na 'od ma'i tshal ka land ka'i gnas na bzhugs so/ /de'i tshe na tshe dang ldan pa 'od srung chen po rgyal po'i khab na sde can ma'i phug na gso sbyong gcig pa'i gnas kyi sdom pas dge 'dun dang mthun par 'dug go /de nas dge slong rab tu mang po dag de nyid kyi gso sbyong bco lnga pa'i tshe/ gso sbyong gi gnas su 'dug cing mthun par gyur nas gtso cher tshe dang ldan pa 'od srung chen po 'ong ba la sdod do/ /de nas tshe dang ldan pa 'od srung chen po gso sbyong gi gnas su 'phags pa na/ chu klung dbyar bzang ldan brgal ba dang / chu rlabs chen po byung ba des de'i snam sbyar gshar bar gyur to/ /de nas tshe dang ldan pa 'od srung chen po snam sbyar de/ 'tshir ba dang / 'ding ba dang / skem pa na yun ring du thogs par gyur to/ /de nas tshe dang ldan pa 'od srung chen pos snam sbyar de/ btsir cing bting ste bskams nas gso sbyong gi gnas ga la ba der song ste phyin nas dge slong gi dge 'dun gyi gung du stan bshams pa nyid la 'dug go /de nas dge slong rab tu mang po dag gis tshe dang ldan pa 'od srung chen po la 'di skad ces smras so/ /btsun pa 'od srung chen po mkhyen par mdzod cig /'di na bdag cag dge slong rab tu mang po dag gso sbyong gi gnas su 'dug cing mthun par gyur nas gtso cher tshe dang ldan pa 'od srung chen po la sdod cing 'khod na| 'on kyang tshe dang ldan pa 'od srung chen po phyis par gyur to/ /tshe dang ldan pa dag /'di na bdag gso sbyong gi gnas su 'phags pa na/ chu klung dbyar bzang ldan brgal ba dang chu rlabs chen po byung ba </font><hr>Cha63a<br><font size=+1>


@#/ /des| bdag gi snam sbyar gsher bar gyur nas bdag snam sbyar 'tshir ba dang / 'ding ba dang / skem pa na yun ring zhig thogs par gyur to/ /tshe dang ldan pa dag /da ltar bdag dge slong 'od srung chen po rgan po/ rgas pa/ dgog tu gyur pa lags la/ bdag gi snam sbyar ni/ lci bas yongs su skyong bar rngo mi thogs na/ bdag gis ji ltar bgyi zhes zer ba'i skabs de| dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag /khyed kyis dge slong 'od srung chen po/ rgan po/ rgas pa/ dgog tu gyur pa dang / gzhan yang de lta bu gang yin pa la snam sbyar dang 'bral bar mi 'gyur ba'i gnang ba byin cig /'di ltar sbyin par bya ste/ gnas mal bshams pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dkyil 'khor par dge slong bzhi'i tshogs las mi nyung ba'i dge 'dun thams cad 'dug cing mthun par gyur pa la/ dge slong 'od srung gis bla gos phrag pa gcig tu byas te rgan rim bzhin du phyag 'tshal nas rgan pa'i mtha' logs su tsog pur 'dug ste thal mo sbyar nas/ dge 'dun la snam sbyar nye bar bstan te 'di skad ces brjod par bya'o/ /dge 'dun btsun pa rnams gsan du gsol/ bdag dge slong 'od srung rgan po/ rgas pa/ dgog tu gyur pa lags la/ bdag gi snam sbyar ni/ lci bas yongs su skyong bar rdo </font><hr>Cha63b<br><font size=+1>


mi thogs nas bdag dge slong 'od srung rgan po/ rgas pa/ dgog tu gyur pa/ dge 'dun las snam sbyar dang bral bar mi 'gyur ba'i gnang ba gsol na/ thugs brtse ba can dge 'dun btsun pa rnams kyis thugs brtse ba'i slad du bdag dge slong 'od srung rgan po/ rgas pa/ dgog tu gyur pa la/ snam sbyar dang 'bral bar mi 'gyur ba'i gnang ba stsal du gsol/ de bzhin du lan gnyis lan gsum du bzlas/ de'i 'og tu dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong 'od srung 'di/ rgan po/ rgas pa/ dgog tu gyur pa lags la/ 'di'i snam sbyar ni/ lci bas yongs su skyong bar rngo mi thogs nas/ dge slong 'od srung rgan po/ rgas pa/ dgog tu gyur pa 'di/ dge 'dun las snam sbyar dang 'bral bar mi 'gyur ba'i gnang ba gsol na/ gal te dge 'dun gyis dus la bab cing bzod na/ dge 'dun gyis gnang bar mdzod cig dang / dge 'dun gyis dge slong 'od srung rgan po/ rgas pa/ dgog tu gyur pa la snam sbyar dang 'bral bar mi 'gyur ba'i gnang ba stsol to/ /'di ni/ gsol ba'o/ /las ni/ 'di ltar bya ste/ dge 'dun btsun pa rnams gsan du gsol/ dge slong 'od srung 'di/ rgan po/ rgas pa/ dgog tu gyur pa la gsal/ 'di'i snam sbyar ni| lci bas yongs su skyong par rngo mi thogs nas/ dge slong 'od srung rgan po/ rgas pa/ dgog tu gyur pa 'di/ dge 'dun las snam sbyar dang 'bral bar mi 'gyur ba'i gnang ba gsol te/ de'i slad du dge </font><hr>Cha64a<br><font size=+1>


@#/ /'dun gyis dge slong 'od srung rgan po/ rgas pa/ dgog tu gyur pa la snam sbyar dang 'bral bar mi 'gyur ba'i gnang ba stsol na/ tshe dang ldan pa gang dag /dge slong 'od srung rgan po/ rgas pa/ dgog tu gyur pa la snam sbyar dang 'bral bar mi 'gyur ba'i gnang ba stsal bar bzod pa de dag ni/ cang ma gsungs shig /gang zag mi bzod pa de dag ni/ gsungs shig/ dge 'dun gyis bzod cing gnang nas dge 'dun gyis dge slong 'od srung rgan po/ rgas pa/ dgog tu gyur pa la snam sbyar dang 'bral bar mi 'gyur ba'i gnang ba stsal lags te/ 'di ltar/ cang mi gsung bas de de bzhin du 'dzin to/ /dge 'dun gyis dge slong gang yang rung ba la snam sbyar dang 'bral bar mi 'gyur ba'i gnang ba byin par gyur na/ des chos gos stod g.yogs smad g.yogs dang bcas pas ljongs rgyur 'gro bar bya ste/ 'di la 'gyod par mi bya'o/ /de'i tshe na tshe dang ldan pa shA ri'i bu 'khor de nyid du 'dug cing mthun par gyur to/ /de nas tshe dang ldan pa shA ri'i bus dge slong rnams la smras pa/ tshe dang ldan pa dag /da ltar bdag dge slong shA ri'i bu rlung nad can lags na/ bdag gi snam sbyar ni/ lci bas yongs su skyong bar rngo mi thogs na/ bdag gis ji ltar bgyi zhes zer ba'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag/ khyed kyis dge slong shA ri'i bu rlung nad can dang / gzhan yang de lta bu/ </font><hr>Cha64b<br><font size=+1>


gang yin pa la snam sbyar dang 'bral bar mi 'gyur ba'i gnang ba byin cig /'di ltar sbyin par bya ste/ gnas mal bshams pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dkyil 'khor par dge slong bzhi'i tshogs las mi nyung ba'i dge 'dun thams cad 'dug cing mthun par gyur pa la/ dge slong shA ri'i bus bla gos phrag pa gcig tu byas te rgan rim bzhin du phyag 'tshal nas rgan pa'i mtha' logs su tsog pur 'dug ste thal mo sbyar nas dge 'dun la snam sbyar nye bar bstan te 'di skad ces brjod par bya'o/ /dge 'dun btsun pa rnams gsan du gsol/ bdag dge slong shA ri'i bu rlung nad can lags la/ bdag gi snam sbyar ni/ lci bas yongs su skyong bar rngo mi thogs nas/ bdag dge slong shA ri'i bu rlung nad can dge 'dun las snam sbyar dang 'bral bar mi 'gyur ba'i gnang ba gsol na/ thugs brtse ba can/ dge 'dun btsun pa rnams kyis thugs brtse ba'i slad du/ bdag dge slong shA ri'i bu rlung nad can la snam sbyar dang 'bral bar mi 'gyur ba'i gnang ba stsal du gsol/ de bzhin du lan gnyis lan gsum du bzlas/ de'i 'og tu dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong shA ri'i bu 'di/ rlung nad can lags la/ 'di'i snam sbyar ni/ lci bas yongs su skyong bar rngo mi thogs nas/ dge slong shA ri'i bu rlung nad can 'di/ dge 'dun las snam sbyar dang 'bral bar </font><hr>Cha65a<br><font size=+1>


@#/ /mi 'gyur ba'i gnang ba gsol na/ gal te dge 'dun gyis dus la bab cing bzod na/ dge 'dun gyis gnang bar mdzod cig dang / dge 'dun gyis dge slong shA ri'i bu rlung nad can la snam sbyar dang 'bral bar mi 'gyur ba'i gnang ba stsol to/ /'di ni/ gsol ba'o/ /las ni/ 'di ltar bya ste/ dge 'dun btsun pa rnams gsan du gsol/ dge slong shA ri'i bu 'di rlung nad can lags la/ 'di'i snam sbyar ni/ lci bas yongs su skyong bar rngo mi thogs nas/ dge slong shA ri'i bu rlung nad can 'di/ dge 'dun las snam sbyar dang 'bral bar mi 'gyur ba'i gnang ba gsol te/ de'i slad du dge 'dun gyis dge slong shA ri'i bu rlung nad can la snam sbyar dang 'bral bar mi 'gyur ba'i gnang ba stsol na/ tshe dang ldan pa gang dag /dge slong shA ri'i bu rlung nad can la snam sbyar dang 'bral bar mi 'gyur ba'i gnang ba stsal bar bzod pa de dag ni/ cang ma gsungs shig/ gang dag mi bzod pa de dag ni/ gsungs shig/ dge 'dun gyis bzod cing gnang nas/ dge 'dun gyis dge slong shA ri'i bu rlung nad can la snam sbyar dang 'bral bar mi 'gyur ba'i gnang ba stsal lags te/ 'di ltar/ cang mi gsung bas de de bzhin du 'dzin to/ /dge 'dun gyis dge slong gang yang rung ba la snam sbyar dang 'bral bar mi 'gyur ba'i gnang ba byin par gyur na/ des chos gos stod g.yogs smad g.yogs dang bcas pas ljongs rgyur 'gro bar bya ste/ 'di la 'gyod </font><hr>Cha65b<br><font size=+1>


par mi bya'o/ /de nas bcom ldan 'das kyis bslab pa 'dod pa rnams kyi bsngags pa brjod cing / bslab pa la gus pa rnams dang / bslab pa la yo byad bsnyungs pa rnams dang / phri ba rnams dang / sbyangs pa'i yon tan rnams dang / mdzes pa rnams dang / tshod shes pa rnams kyi yon tan brjod nas dge slong rnams la bka' stsal pa/ dge slong dag /de lta bas na/ snga ma ni/ bcas pa yin la/ 'di ni/ gnang ba yin no/ /nga'i nyan thos rnams kyis 'dul ba rnams la bslab pa'i gzhi 'di ltar gdon par bya ste/ dge slong chos gos zin pas sra brkyang phyung na/ gal te nub gcig kyang chos gos gsum las chos gos gang yang rung ba dang mtshams kyi phyi rol tu 'bral bar byed na/ dge 'dun gyis gnang ba ma gtogs te/ spang ba'i ltung byed do/ /dge slong zhes bya ba ni/ chos 'di pa'o/ /chos gos zin pas sra brkyang phyung na zhes bya ba ni/ chos gos zin la sra brkyang ma phyung ba yang yod/ chos gos ma zin la sra brkyang phyung ba yang yod/ chos gos zin cing sra brkyang phyung ba yang yod/ chos gos ma zin cing sra brkyang ma phyung ba yang yod de/ snga ma bzhin du mu bzhir rgyas par sbyar ro/ /gal te nub gcig kyang zhes bya ba ni/ nub gcig gi mthar yang ngo / /chos gos gsum las chos gos gang yang rung ba dang zhes bya ba ni/ snam sbyar dang / bla gos dang / mthang gos las gang yang rung ba dang ngo / /mtshams kyi phyi rol du 'bral bar byed na zhes bya ba ni/ gzhan du skya rengs 'char bar byed na'o/ /dge 'dun gyis </font><hr>Cha66a<br><font size=+1>


@#/ /gnang ba ma gtogs te zhes bya ba ni/ dge 'dun gyis gnang ba bzhag ste'o/ /spang ba'i ltung byed do zhes bya ba ni/ dngos po de spangs nas ltung ba bshags par bya ba ste/ des na spang ba'i ltung byed do/ /zhes gsungs so/ /de la ltung bar ji ltar 'gyur zhe na/ bar sdom la/ khyim gcig pa dang khyim gnyis dang / /khyim gyi tshogs dang ldan pa dang / /rtsig pa rib ma 'obs bskor dang / /rnam bzhir bya ba grong dang khyim/ /bsten 'gro mu stegs tshong rdal dang / /tshong khang dgra khang g.yul dang ni/ /g.yul tshoms gru dang shing rta dang / /shing ljon kun dga'i ra ba yin/ /lam du 'gro sdod 'dug nyal dang / /thad kar yang ni de bzhin te/ /mtshams gzhan nyal ba tha ma yi/ /sde tshan yang dag bsdus pa yin/ /khyim gcig dang ldan pa'i grong dang / khyim gnyis dang ldan pa'i grong dang / khyim gyi tshogs dang ldan pa'i grong dang / rtsig pas bskor ba'i grong dang / rib mas bskor ba'i grong dang / 'obs kyis bskor ba'i grong dang / rnam pa bzhir bya ba grong nye 'khor gcig pa dang / grong nye 'khor tha dad pa dang / grong rab tu mang po nye 'khor gcig pa dang / grong rab tu mang po nye 'khor tha dad pa dang / khyim nye 'khor gcig pa dang / khyim nye 'khor tha dad pa dang / khyim rab tu mang po nye 'khor gcig pa dang / khyim rab tu mang po nye 'khor tha dad pa dang / bsten 'gro'i khyim nye 'khor gcig pa dang / bsten 'gro'i khyim nye 'khor tha dad pa dang / bsten </font><hr>Cha66b<br><font size=+1>


'gro'i khyim rab tu mang po nye 'khor gcig pa dang / bsten 'gro'i khyim rab tu mang po nye 'khor tha dad pa dang / mu stegs can gyi khyim nye 'khor gcig pa dang / mu stegs can gyi khyim nye 'khor tha dad pa dang / mu stegs can gyi khyim rab tu mang po nye 'khor gcig pa dang / mu stegs can gyi khyim rab tu mang po nye 'khor tha dad pa dang / tshong rdal nye 'khor gcig pa dang / tshong rdal nye 'khor tha dad pa dang / tshong rdal rab tu mang po nye 'khor gcig pa dang / tshong rdal rab tu mang po nye 'khor tha dad pa dang / tshong khang nye 'khor gcig pa dang / tshong khang nye 'khor tha dad pa dang tshong khang rab tu mang po nye 'khor gcig pa dang / tshong khang rab tu mang po nye 'khor tha dad pa dang / dgra khang nye 'khor gcig pa dang / dgra khang nye 'khor tha dad pa dang / dgra khang rab tu mang po nye 'khor gcig pa dang / dgra khang rab tu mang po nye 'khor tha dad pa dang / g.yul nye 'khor gcig pa dang / g.yul nye 'khor tha dad pa dang / g.yul rab tu mang po nye 'khor gcig pa dang / g.yul rab tu mang po nye 'khor tha dad pa dang / g.yul gyi tshoms nye 'khor gcig pa dang / g.yul gyi tshoms nye 'khor tha dad pa dang / g.yul gyi tshoms rab tu mang po nye 'khor gcig pa dang / g.yul gyi tshoms rab tu mang po nye 'khor tha dad pa dang / gru nye 'khor gcig pa dang / gru nye 'khor tha dad pa dang / gru rab tu mang po nye 'khor gcig pa dang / gru rab tu mang po nye 'khor tha dad pa dang / shing rta nye 'khor gcig pa dang / shing rta nye 'khor </font><hr>Cha67a<br><font size=+1>


@#/ /tha dad pa dang / shing rta rab tu mang po nye 'khor gcig pa dang / shing rta rab tu mang po nye 'khor tha dad pa dang / shing ljon pa nye 'khor gcig pa dang / shing ljon pa nye 'khor tha dad pa dang / shing ljon pa rab tu mang po nye 'khor gcig pa dang / shing ljon pa rab tu mang po nye 'khor tha dad pa dang / kun dga' ra ba nye 'khor gcig pa dang / kun dga' ra ba nye 'khor tha dad pa dang / kun dga' ra ba rab tu mang po nye 'khor gcig pa dang / kun dga' ra ba rab tu mang po nye 'khor tha dad pa dang / lam du 'gro ba la sogs pa dang / thad kar 'gro ba la sogs pa dang / mtshams gzhan dag gi gnas thun mong dang thun mong ma yin pa'i bye brag gis dge slong chos gos dang mi 'bral ba dang / 'bral ba'i ltung ba rnam par gzhag pa'i bye brag rgya cher ston to/ /de la khyim gcig pa dang ldan pa'i grong gang zhe na/ 'di lta ste/ ri khrod pa rnams dang / bod rnams dang / kla klo rnams kyi grong ngo / /de'i nye 'khor gang zhe na/ nang thams cad dang / phyi rol 'dom gang ngam/ gang du de dag rdung bar byed pa dang / rdo bar byed pa dang / 'thag par byed pa dang / 'cha' bar byed pa dang / za bar byed pa dang / 'thung bar byed pa dang / khye'u sus byed pa de ni/ de'i nye 'khor yin no/ / dge slong gi nang du chos gos dag bzhag ste/ nye 'khor du skya rengs 'char bar byed na/ ltung ba med do/ /nye 'khor du chos gos dag bzhag ste/ nang du skya rengs 'char bar byed na yang ltung ba med do// </font><hr>Cha67b<br><font size=+1>


nang ngam nye 'khor du chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /khyim gnyis dang ldan pa'i grong gang zhe na/ 'di lta ste/ khyim gcig dang ldan pa'i grong ji lta ba bzhin du khyim gnyis dang ldan pa'i grong yang de bzhin no/ /khyim gyi tshogs dang ldan pa'i grong gang zhe na/ 'di lta ste/ grong sgo sna tshogs nas kun nas gnas pa gang yin pa'o/ /de'i nye 'khor gang zhe na/ so so tha dad pa'o/ /ci zhig thun mong yin zhe na/ ci yang ma yin no/ /rtsig pas bskor ba'i grong gang zhe na/ 'di lta ste/ grong rtsig pas bskor ba gang yin pa'o/ /de'i nye 'khor gang zhe na/ nang thams cad dang / phyi rol 'dom gang ngam/ gang du ba lang drug dang ldan pa'i shing rta smig ma can gyis khyab cing 'dug pa dang / bya gag spar nas 'dug pa'i bar de ni/ de'i nye 'khor yin no/ /dge slong gis nang du chos gos dag bzhag ste/ nye 'khor du skya rengs 'char bar byed na/ ltung ba med do/ /nye 'khor du chos gos dag bzhag ste/ nang du skya rengs 'char bar byed na yang ltung ba med do/ /nang ngam nye 'khor du chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /rib mas bskor ba'i grong gang zhe na/ 'di lta ste/ grong rib mas bskor ba gang yin pa'o// de'i nye 'khor gang zhe na/ nang thams cad dang / phyi rol 'dom gang ngam/ gang du ra lug bton pa dag gis rmig pas bslang ba'i rdul 'bab pa dang / mi rang bzhin gyis ngo tsha dang ldan pa bshang sar </font><hr>Cha68a<br><font size=+1>


@#/ /'gro ba'i bar de ni/ de'i nye 'khor yin no/ /dge slong gis nang du chos gos dag bzhag ste/ nye 'khor du skya rengs 'char bar byed na/ ltung ba med do/ /nye 'khor du chos gos dag bzhag ste/ nang du skya rengs 'char bar byed na yang ltung ba med do/ /nang ngam nye 'khor du chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /'obs kyis bskor ba'i grong gang zhe na/ 'di lta ste/ grong 'obs kyis bskor ba gang yin pa'o/ /de'i nye 'khor gang zhe na/ nang thams cad dang / phyi rol 'dom gang ngam/ gang du skas gdang bu bcu gnyis pas khyab cing 'dug pa dang / phyag dar bor ba'i bong ba rags pa 'dril ba'i bar de ni/ de'i nye 'khor yin no/ /dge slong gis nang du chos gos dag bzhag ste/ nye 'khor du skya rengs 'char bar byed na ltung ba med do/ /nye 'khor du chos gos dag bzhag ste/ nang du skya rengs 'char bar byed na yang ltung ba med do/ /nang ngam nye 'khor du chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /grong nye 'khor gcig pa gang zhe na/ 'di lta ste/ grong gang na skyed mos tshal lam/ 'dun sa'am/ lha'i gnas gcig yod pa gang yin pa'o/ /de'i nye 'khor gang zhe na| so so tha dad pa'o/ /ci zhig thun mong yin zhe na/ lha'i gnas so/ /dge slong gis grong du chos gos dag bzhag ste/ lha'i gnas su skya rengs 'char bar byed na/ ltung ba med do/ /lha'i gnas su </font><hr>Cha68b<br><font size=+1>


chos gos dag bzhag ste/ grong du skya rengs 'char bar byed na yang ltung ba med do/ /grong ngam lha'i gnas su chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro| |grong nye 'khor tha dad pa gang zhe na/ 'di lta ste/ grong gang na skyed mos tshal lam/ 'dun sa'am/ lha'i gnas rab tu mang po dag yod pa gang yin pa'o/ /de'i nye 'khor gang zhe na/ so so tha dad pa'o/ /ci zhig thun mong yin zhe na/ ci yang ma yin no/ /grong rab tu mang po nye 'khor gcig pa gang zhe na/ 'di lta ste/ grong gang dag na skyed mos tshal lam/ 'dun sa'am/ lha'i gnas gcig yod pa gang yin pa'o/ /de dag gi nye 'khor gang zhe na/ so so tha dad pa'o/ /ci zhig thun mong yin zhe na/ lha'i gnas so/ /dge slong gis grong du chos gos dag bzhag ste/ lha'i gnas su skya rengs 'char bar byed na/ ltung ba med do/ /lha'i gnas su chos gos dag bzhag ste/ grong du skya rengs 'char bar byed na yang ltung ba med do/ /grong ngam lha'i gnas su chos gos bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /grong rab tu mang po nye 'khor tha dad pa gang zhe na/ 'di lta ste/ grong gang dag na skyed mos tshal lam/ 'dun sa 'am/ lha'i gnas rab tu mang po dag yod pa gang yin pa'o/ / de dag gi nye 'khor gang zhe na/ so so tha dad pa'o/ /ci zhig thun mong yin zhe na/ ci yang ma yin no/ /khyim nye 'khor gcig pa gang zhe na/ 'di lta ste/ mi gcig gi'am/ spun sgo ma bye ba dag gi khyim </font><hr>Cha69a<br><font size=+1>


@#/ /gang yin pa'o/ /de'i nye 'khor gang zhe na/ nang thams cad dang / phyi rol 'dom gang ngam/ gang du de dag rdung bar byed pa dang / rngo bar byed pa dang / 'thag par byed pa dang / 'cha' bar byed pa dang / za bar byed pa dang / 'thung bar byed pa dang / khye'u sus byed pa de ni/ de'i nye 'khor yin no/ /dge slong gis nang du chos gos dag bzhag ste/ nye 'khor du skya rengs 'char bar byed na/ ltung ba med do/ /nye 'khor du chos gos dag bzhag ste/ nang du skya rengs 'char bar byed na yang ltung ba med do/ /nang ngam nye 'khor du chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /khyim nye 'khor tha dad pa gang zhe na/ 'di lta ste/ mi tha dad pa dag gi'am/ spun sgo bye ba dag gi khyim gang yin pa'o/ /de'i nye 'khor gang zhe na/ so so tha dad pa'o/ /ci zhig thun mong yin zhe na/ sgo'o/ /dge slong gi nang du chos gos dag bzhag ste/ sgor skya rengs 'char bar byed na/ ltung ba med do/ /sgor chos gos dag bzhag ste/ nang du skya rengs 'char bar byed na yang ltung ba med do/ /nang ngam sgor chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /khyim rab tu mang po nye 'khor gcig pa gang zhe na/ 'di lta ste/ mi gcig gcig gi'am/ spun sgo ma bye ba dag gi khyim rab tu mang po dag gang yin pa'o/ /de dag gi nye 'khor gang zhe na/ nang thams cad dang / phyi </font><hr>Cha69b<br><font size=+1>


rol 'dom gang ngam/ gang du de dag rdung bar byed pa dang / rngo bar byed pa dang / 'thag par byed pa dang / 'cha' bar byed pa dang / za bar byed pa dang / 'thung bar byed pa dang / khye'u sus byed pa de ni/ de dag gi nye 'khor yin no/ /dge slong gis nang du chos gos dag bzhag ste/ nye 'khor du skya rengs 'char bar byed na/ ltung ba med do/ /nye 'khor du chos gos dag bzhag ste/ nang du skya rengs 'char bar byed na yang ltung ba med do/ /nang ngam nye 'khor du chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /khyim rab tu mang po nye 'khor tha dad pa gang zhe na/ 'di lta ste/ mi tha dad pa dag gi'am/ spun sgo bye ba dag gi khyim rab tu mang po gang dag yin pa'o/ /de dag gi nye 'khor gang zhe na/ so so tha dad pa'o/ /ci zhig thun mong yin zhe na/ ci yang ma yin no// bsten 'gro'i khyim nye 'khor gcig pa gang zhe na/ 'di lta ste/ mi gcig gi'am/ spun sgo ma bye ba dag gi bsten 'gro'i khyim gang yin pa'o/ /de'i nye 'khor gang zhe na/ nang thams cad dang / phyi rol 'dom gang ngam/ gang du de dag gi gling bu 'jog par byed pa dang / rnga pa Ta ha dang / pi wang dang / rdza rnga kha gcig pa dang / 'khar rnga dang / su g+ho sha ka 'jog par byed pa dang / mong phang dang / phang lo 'jog par byed pa dang / gang du rdung bar byed pa dang / rngo bar byed pa dang / 'thag par byed pa dang / 'cha' bar byed pa dang / za bar byed pa dang / 'thung bar byed pa dang / khye'u sus byed pa de ni/ de'i nye 'khor </font><hr>Cha70a<br><font size=+1>


@#/ /yin no/ /dge slong gis nang du chos gos dag bzhag ste/ nye 'khor du skya rengs 'char bar byed na/ ltung ba med do/ /nye 'khor du chos gos dag bzhag ste/ nang du skya rengs 'char bar byed na yang ltung ba med do/ /nang ngam nye 'khor du chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /bsten 'gro'i khyim nye 'khor tha dad pa gang zhe na/ 'di lta ste/ mi tha dad pa dag gi'am/ spun sgo bye ba dag gi bsten 'gro'i khyim gang yin pa'o/ /de'i nye 'khor gang zhe na/ so so tha dad pa'o/ /ci zhig thun mong yin zhe na/ rgyal mtshan gyi shing ngo / /dge slong gis nang du chos gos dag bzhag ste/ rgyal mtshan gyi shing la skya rengs 'char bar byed na ltung ba med do/ /rgyal mtshan gyi shing la chos gos dag bzhag ste/ nang du skya rengs 'char bar byed na yang ltung ba med do/ /nang ngam rgyal mtshan gyi shing la chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /bsten 'gro'i khyim rab tu mang po nye 'khor gcig pa gang zhe na/ 'di lta ste/ mi gcig gi'am/ spun sgo ma bye ba dag gi bsten 'gro'i khyim rab tu mang po gang dag yin pa'o/ /de dag gi nye 'khor gang zhe na| nang thams cad dang / phyi rol 'dom gang ngam/ gang du de dag gi gling bu 'jog par byed pa dang / rnga ba Ta ha dang / pi wang dang / rdza rnga kha gcig pa dang / 'khar rnga dang / su g+ho sha ka 'jog </font><hr>Cha70b<br><font size=+1>


par byed pa dang / mong phang dang / phang lo 'jog par byed pa dang / gang du rdung bar byed pa dang / rngo bar byed pa dang / 'thag par byed pa dang / 'cha' bar byed pa dang / za bar byed pa dang / 'thung bar byed pa dang / khye'u sus byed pa de ni/ de dag gi nye 'khor yin no/ /dge slong gis nang du chos gos dag bzhag ste/ nye 'khor du skya rengs 'char bar byed na/ ltung ba med do/ /nye 'khor du chos gos dag bzhag ste/ nang du skya rengs 'char bar byed na yang ltung ba med do/ /nang ngam nye 'khor du chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /bsten 'gro'i khyim rab tu mang po nye 'khor tha dad pa gang zhe na/ 'di lta ste/ mi tha dad pa dag gi'am/ spun sgo bye ba dag gi bsten 'gro'i khyim rab tu mang po gang dag yin pa'o/ /de dag gi nye 'khor gang zhe na/ so so tha dad pa'o/ / ci zhig thun mong yin zhe na/ ci yang ma yin no/ /mu stegs can gyi khyim nye 'khor gcig pa gang zhe na/ 'di lta ste/ mu stegs can gyi khyim lta ba gcig pa dang / bzod pa gcig pa dang / 'dod pa gcig pa dang / bsam pa gcig pa gang yin pa'o/ /de'i nye 'khor gang zhe na/ nang thams cad dang / phyi rol 'dom gang ngam/ gang du de dag lci bdag 'ding bar byed pa dang / yam bsreg shing dag 'jog par byed pa dang / g.yang gzhi dag dang / shing shun dag dang / dbyig gu dag dang / ril ba dag dang / blugs gzar dag dang / dgang gzar dag 'jog pa dang / me sbar bar byed pa dang / yam bsreg shing </font><hr>Cha71a<br><font size=+1>


@#/ /dag sreg par byed pa dang / gang du de dag rdung bar byed pa dang / rdo bar byed pa dang / 'thag bar byed pa dang / 'cha' bar byed pa dang / za bar byed pa dang / 'thung bar byed pa dang / khye'u sus byed pa de ni/ de'i nye 'khor yin no/ /dge slong gis nang du chos gos dag bzhag ste/ nye 'khor du skya rengs 'char bar byed na/ ltung ba med do/ /nye 'khor du chos gos dag bzhag ste/ nang du skya rengs 'char bar byed na yang ltung ba med do/ /nang ngam nye 'khor du chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /mu stegs can gyi khyim nye 'khor tha dad pa gang zhe na/ 'di lta ste/ mu stegs can gyi khyim lta ba tha dad pa dang / bzod pa tha dad pa dang / 'dod pa tha dad pa dang / bsam pa tha dad pa gang yin pa'o/ /de'i nye 'khor gang zhe na/ so so tha dad pa'o/ /ci zhig thun mong yin zhe na/ lha'i gnas so/ /dge slong gis mu stegs can gyi khyim du chos gos dag bzhag ste/ lha'i gnas su skya rengs 'char bar byed na/ ltung ba med do/ /lha'i gnas su chos gos dag bzhag ste/ mu stegs can gyi khyim du skya rengs 'char bar byed na yang ltung ba med do/ /mu stegs can gyi khyim mam/ lha'i gnas su chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /mu stegs can gyi khyim rab tu mang po nye 'khor gcig pa gang zhe na/ 'di lta ste/ mu stegs can </font><hr>Cha71b<br><font size=+1>


gyi khyim rab tu mang po lta ba gcig pa dang / bzod pa gcig pa dang / 'dod pa gcig pa dang / bsam pa gcig pa gang dag yin pa'o/ /de dag gi nye 'khor gang zhe na/ nang thams cad dang / phyi rol 'dom gang ngam/ gang du de dag lci ba dag 'ding bar byed pa dang / yam sreg shing dag 'jog par byed pa dang / g.yang gzhi dag dang / shing shun dag dang / dbyig gu dag dang / ril ba dag dang / blugs gzar dag dang / dgang gzar dag 'jog par byed pa dang / me sbar bar byed pa dang / yam sreg shing sreg par byed pa dang / gang du de dag rdung bar byed pa dang / rngo bar byed pa dang / 'thag par byed pa dang / 'cha' bar byed pa dang / za bar byed pa dang / 'thung bar byed pa dang / khye'u sus byed pa de ni/ de dag gi nye 'khor yin no/ /dge slong gis nang du chos gos dag bzhag ste/ nye 'khor du skya rengs 'char bar byed na/ ltung ba med do/ /nye 'khor du chos gos dag bzhag ste/ nang du skya rengs 'char bar byed na yang ltung ba med do/ /nang ngam nye 'khor du chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /mu stegs can gyi khyim rab tu mang po nye 'khor tha dad pa gang zhe na/ 'di lta ste/ mu stegs can gyi khyim rab tu mang po lta ba tha dad pa dang / bzod pa tha dad pa dang / 'dod pa tha dad pa dang / bsam pa tha dad pa gang dag yin pa'o/ /de dag gi nye 'khor gang zhe na/ so so tha dad pa'o/ /ci zhig thun mong yin zhe na/ ci yang ma yin no// </font><hr>Cha72a<br><font size=+1>


@#/ /tshong rdal nye 'khor gcig pa gang zhe na/ 'di lta ste/ mi gcig gi'am/ spun sgom bye ba dag gi tshong rdal gang yin pa'o/ /de'i nye 'khor gang zhe na/ nang thams cad dang / phyi rol 'dom gang ngam/ gang du de dag zong 'jog par byed pa dang / nyo bar byed pa dang / tshong bar byed pa dang / bgrang bar byed pa dang / 'jal bar byed pa dang / 'jog par byed pa de ni/ de'i nye 'khor yin no/ /dge slong gis nang du chos gos dag bzhag ste/ nye 'khor du skya rengs 'char bar byed na ltung ba med do/ /nye 'khor du chos gos dag bzhag ste/ nang du skya rengs 'char bar byed na yang ltung ba med do/ /nang ngam nye 'khor du chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /tshong rdal nye 'khor tha dad pa gang zhe na/ 'di lta ste/ mi tha dad pa dag gi'am/ spun sgo bye ba dag gi tshong rdal gang yin pa'o/ /de'i nye 'khor gang zhe na/ so so tha dad pa'o/ /ci zhig thun mong yin zhe na/ gzhag stegs so/ /dge slong gis nang du chos gos dag bzhag ste/ gzhag stegs su skya rengs 'char bar byed na/ ltung ba med do/ /gzhag stegs su chos gos dag bzhag ste/ nang du skya rengs 'char bar byed na yang ltung ba med do/ /nang ngam gzhag stegs su chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /tshong rdal rab tu mang po nye 'khor gcig </font><hr>Cha72b<br><font size=+1>


pa gang zhe na/ 'di lta ste/ mi gcig gi'am/ spun sgo ma bye ba dag gi tshong rdal rab tu mang po gang dag yin pa'o/ /de dag gi nye 'khor gang zhe na/ nang thams cad dang / phyi rol 'dom gang ngam/ gang du de dag zong 'jog par byed pa dang / nyo bar byed pa dang / tshong bar byed pa dang / bgrang bar byed pa dang / 'jal bar byed pa dang / 'jog par byed pa de ni/ de dag gi nye 'khor yin no/ /dge slong gis nang du chos gos dag bzhag ste/ nye 'khor du skya rengs 'char bar byed na/ ltung ba med do/ /nye 'khor du chos gos dag bzhag ste/ nang du skya rengs 'char bar byed na yang ltung ba med do/ /nang ngam nye 'khor du chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /tshong rdal rab tu mang po nye 'khor tha dad pa gang zhe na/ 'di lta ste/ mi tha dad pa dag gi'am/ spun sgo bye ba dag gi tshong rdal rab tu mang po gang dag yin pa'o/ /de dag gi nye 'khor gang zhe na/ so so tha dad pa'o/ /ci zhig thun mong yin zhe na/ ci yang ma yin no/ /tshong khang nye 'khor gcig pa gang zhe na/ 'di lta ste/ mi gcig gi'am/ spun sgo ma bye ba dag gi tshong khang gang dag yin pa'o/ /de'i nye 'khor gang zhe na/ nang thams cad dang / phyi rol 'dom gang ngam/ gang du de dag zong 'jog par byed pa dang / gro dag dang / nas dag dang / mon sran gre'u dag dang / sA lu dag dang / 'bras dag dang / til dag dang / 'bras thug po che dang / bu ram dag dang / bu ram dag dang / ras dag dang / ras bal </font><hr>Cha73a<br><font size=+1>


@#/ /dag dang / skud pa dag dang / gos dag 'jog par byed pa dang / 'bru spungs par byed pa dang / bre'u chung dang / gle ba 'jog bar byed pa dang / 'jal bar byed pa dang / rlung g.yor 'dzugs par byed pa dang / nyo bar byed pa dang / tshong bar byed pa dang / bgrang bar byed pa dang / 'jal bar byed pa dang / 'jog par byed pa de ni/ de'i nye 'khor yin no/ /dge slong gis nang du chos gos bzhag ste/ nye 'khor du skya rengs 'char bar byed na/ ltung ba med do/ /nye 'khor du chos gos dag bzhag ste/ nang du skya rengs 'char bar byed na yang ltung ba med do/ /nang ngam nye 'khor du chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /tshong khang nye 'khor tha dad pa gang zhe na/ 'di lta ste/ mi tha dad pa dag gi'am/ spun sgo bye ba dag gi tshong khang gang yin pa'o/ /de'i nye 'khor gang zhe na/ so so tha dad pa'o/ /ci zhig thun mong yin zhe na/ 'dug stegs so/ /dge slong gis nang du chos gos dag bzhag ste/ 'dug stegs su skya rengs 'char bar byed na/ ltung ba med do/ /'dug stegs su chos gos dag bzhag ste/ nang du skya rengs 'char bar byed na yang ltung ba med do/ /nang ngam 'dug stegs su chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /tshong khang rab tu mang po nye 'khor gcig pa gang zhe na/ 'di lta ste/ mi gcig gi'am/ spun </font><hr>Cha73b<br><font size=+1>


sgo ma bye ba dag gi tshong khang rab tu mang po gang dag yin pa'o/ /de dag gi nye 'khor gang zhe na/ nang thams cad dang / phyi rol 'dom gang ngam/ gang du de dag zong 'jog par byed pa dang / gro dag dang / nas dag dang / mon sran gre'u dag dang / sA lu dag dang / 'bras dag dang / til dag dang / 'bras thug po che dag dang / bu ram dag dang / mar dag dang / ras bal dag dang / skud pa dag dang / gos dag 'jog par byed pa dang / 'bru spungs par byed pa dang / bre'u chung dang / gle ba 'jog par byed pa dang / 'jal bar byed pa dang / rlung g.yor 'dzugs par byed pa dang / nyo bar byed pa dang / tshong bar byed pa dang / bgrang bar byed pa dang / 'jal bar byed pa dang / 'jog par byed pa de ni/ de dag gi nye 'khor yin no/ /dge slong gis nang du chos gos dag bzhag ste/ nye 'khor du skya rengs 'char bar byed na/ ltung ba med do/ /nye 'khor du chos gos dag bzhag ste/ nang du skya rengs 'char bar byed na yang ltung ba med do/ /nang ngam nye 'khor du chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /tshong khang rab tu mang po nye 'khor tha dad pa gang zhe na/ 'di lta ste/ mi tha dad pa dag gi'am/ spun sgo bye ba dag gi tshong khang rab tu mang po gang dag yin pa'o/ /de dag gi nye 'khor gang zhe na/ so so tha dad pa'o/ /ci zhig thun mong yin zhe na/ ci yang ma yin no/ /dgra khang nye 'khor gcig pa gang zhe na/ 'di lta ste/ mi gcig gam/ spun sgo ma bye ba </font><hr>Cha74a<br><font size=+1>


@#/ /dag gi dgra khang gang yin pa'o/ /de'i nye 'khor gang zhe na/ nang thams cad dang / phyi rol 'dom gang ngam/ gang du de dag glang dag 'dogs par byed pa dang / rtswa dag 'jog par byed pa dang / mun dza dag rdung bar byed pa dang / thag pa dag 'khal bar byed pa dang / gang du rdung bar byed pa dang / rngo bar byed pa dang / 'thag par byed pa dang / 'cha' bar byed pa dang / za bar byed pa dang / 'thung bar byed pa dang / khye'u sus byed pa de ni/ de'i nye 'khor yin no/ /dge slong gis nang du chos gos dag bzhag ste/ nye 'khor du skya rengs 'char bar byed na/ ltung ba med do/ /nye 'khor du chos gos dag bzhag ste/ nang du skya rengs 'char bar byed na yang ltung ba med do/ /nang ngam nye 'khor du chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /dgra khang nye 'khor tha dad pa gang zhe na/ 'di lta ste/ mi tha dad pa dag gi'am/ spun sgo bye ba dag gi dgra khang gang yin pa'o/ /de'i nye 'khor gang zhe na/ so so tha dad pa'o/ /ci zhig thun mong yin zhe na/ ya gad do/ /dge slong gis nang du chos gos dag bzhag ste/ ya gad la skya rengs 'char bar byed na/ ltung ba med do| |ya gad la chos gos dag bzhag ste/ dgra khang du skya rengs 'char bar byed na yang ltung ba med do/ /dgra khang ngam ya gad la chos gos bzhag ste/ gzhan du skya rengs 'char bar </font><hr>Cha74b<br><font size=+1>


byed na/ spang ba'i ltung byed du 'gyur ro/ /dgra khang rab tu mang po nye 'khor gcig pa gang zhe na/ 'di lta ste/ mi gcig gi'am/ spun sgo ma bye ba dag gi dgra khang rab tu mang po gang dag yin pa'o/ /de dag gi nye 'khor gang zhe na/ nang thams cad dang / phyi rol tu 'dom gang ngam/ gang du de dag glang dag 'dogs par byed pa dang / rtswa dag 'jog par byed pa dang / mun dza dag rdung bar byed pa dang / thag pa dag 'khal bar byed pa dang / gang du rdung bar byed pa dang / rngo bar byed pa dang / 'thag par byed pa dang / 'cha' bar byed pa dang / za bar byed pa dang / 'thung bar byed pa dang / khye'u sus byed pa de ni/ de dag gi nye 'khor yin no/ /dge slong gis nang du chos gos dag bzhag ste/ nye 'khor du skya rengs 'char bar byed na/ ltung ba med do/ /nye 'khor du chos gos bzhag ste/ nang du skya rengs 'char bar byed na yang ltung ba med do/ /nang ngam nye 'khor du chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /dgra khang rab tu mang po nye 'khor tha dad pa gang zhe na/ 'di lta ste/ mi tha dad pa dag gi'am/ spun sgo bye ba dag gi dgra khang rab tu mang po gang dag yin pa'o/ /de dag gi nye 'khor gang zhe na/ so so tha dad pa'o/ /ci zhig thun mong yin zhe na/ ci yang ma yin no/ /g.yul nye 'khor gcig pa gang zhe na/ 'di lta ste/ mi gcig gi'am/ spun sgo ma bye ba dag gi g.yul gang yin pa'o/ /de'i nye 'khor gang zhe na/ nang </font><hr>Cha75a<br><font size=+1>


@#/ /thams cad dang / phyi rol 'dom gang ngam/ gang du de dag 'bru rdung bar byed pa dang / 'phyar bar byed pa dang / 'khrab par byed pa dang / spungs par byed pa dang / bre'u chung dang / gle ba 'jog par byed pa dang / 'jal bar byed pa dang / rlung g.yor 'dzugs par byed pa de ni/ de'i nye 'khor yin no/ /dge slong gis nang du chos gos dag bzhag ste/ nye 'khor du skya rengs 'char bar byed na/ ltung ba med do/ /nye 'khor du chos gos dag bzhag ste/ nang du skya rengs 'char bar byed na yang ltung ba med do/ /nang ngam nye 'khor du chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /g.yul nye 'khor tha dad pa gang zhe na/ 'di lta ste/ mi tha dad pa dag gi'am/ spun sgo bye ba dag gi g.yul gang yin pa'o/ /de'i nye 'khor gang zhe na/ so so tha dad pa'o/ /ci zhig thun mong yin zhe na/ g.yul gyi dkyil lo/ /dge slong gis g.yul gyi dkyil du chos gos dag bzhag ste/ nye 'khor du skya rengs 'char bar byed na/ ltung ba med do| |nye 'khor du chos gos dag bzhag ste/ g.yul gyi dkyil du skya rengs 'char bar byed na yang ltung ba med do/ /g.yul gyi dkyil du 'am nye 'khor du chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /g.yul rab tu mang po nye 'khor gcig pa gang zhe na/ 'di lta ste/ mi gcig gi'am/ spun sgo ma bye ba dag gi g.yul rab tu mang po </font><hr>Cha75b<br><font size=+1>


gang dag yin pa'o/ /de dag gi nye 'khor gang zhe na/ nang thams cad dang / phyi rol 'dom gang ngam/ gang du de dag 'bru rdung bar byed pa dang / 'phyar bar byed pa dang / 'khrab par byed pa dang / spungs par byed pa dang / bre'u chung dang / gle ba 'jog bar byed pa dang / 'jal bar byed pa dang / rlung g.yor 'dzugs par byed pa de ni/ de dag gi nye 'khor yin no/ /dge slong gis nang du chos gos dag bzhag ste/ nye 'khor du skya rengs 'char bar byed na/ ltung ba med do/ /nye 'khor du chos gos dag bzhag ste/ nang du skya rengs 'char bar byed na yang ltung ba med do/ /nang ngam nye 'khor du chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /g.yul rab tu mang po nye 'khor tha dad pa gang zhe na/ 'di lta ste/ mi tha dad pa dag gi'am/ spun sgo bye ba dag gi g.yul rab tu mang po gang dag yin pa'o/ /de dag gi nye 'khor gang zhe na/ so so tha dad pa'o/ /ci zhig thun mong yin zhe na/ ci yang ma yin no// //'dul ba rnam par 'byed pa dang / bam po nyer drug pa/ g.yul gyi tshoms nye 'khor gcig pa gang zhe na/ 'di lta ste/ mi gcig gi'am/ spun sgo ma bye ba dag gi g.yul gyi tshoms gang yin pa'o/ /de'i nye 'khor gang zhe na/ nang thams cad dang / phyi rol 'dom gang ngam/ gang du de dag glang dag 'dogs par byed pa dang / rtswa dag 'jog par byed pa dang / mun dza dag rdung bar byed pa dang / thag pa dag 'khal bar byed pa dang / lci ba </font><hr>Cha76a<br><font size=+1>


@#/ /dag 'dor bar byed pa de ni/ de'i nye 'khor yin no/ /dge slong gis nang du chos gos dag bzhag ste/ nye 'khor du skya rengs 'char bar byed na/ ltung ba med do/ /nye 'khor du chos gos dag bzhag ste/ nang du skya rengs 'char bar byed na yang ltung ba med do/ /nang ngam nye 'khor du chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /g.yul gyi tshoms nye 'khor tha dad pa gang zhe na/ 'di lta ste/ mi tha dad pa dag gi'am/ spun sgo bye ba dag gi g.yul gyi tshoms gang yin pa'o/ /de'i nye 'khor gang zhe na/ so so tha dad pa'o| |ci zhig thun mong yin zhe na/ sgo'o/ /dge slong gis nang du chos gos dag bzhag ste/ sgor skya rengs 'char bar byed na/ ltung ba med do/ /sgor chos gos dag bzhag ste/ nang du skya rengs 'char bar byed na yang ltung ba med do/ /nang ngam sgor chos gos dag bzhag ste/ gzhan du skya rengs 'char bar byed na/ spang pa'i ltung byed du 'gyur ro/ /g.yul gyi tshoms rab tu mang po nye 'khor gcig pa gang zhe na/ 'di lta ste/ mi gcig gi'am/ spun sgo ma bye ba dag gi g.yul gyi tshoms rab tu mang po gang dag yin pa'o/ /de dag gi nye 'khor gang zhe na/ nang thams cad dang / phyi rol 'dom gang ngam/ gang du de dag glang dag 'dogs par byed pa dang / rtswa dag 'jog par byed pa dang / mun dza dag rdung bar byed pa dang / thag pa dag 'khal bar byed pa dang / lci ba dag </font><hr>Cha76b<br><font size=+1>


'dor bar byed pa de ni/ de dag gi nye 'khor yin no/ /dge slong gis nang du chos gos dag bzhag ste/ nye 'khor du skya rengs 'char bar byed na/ ltung ba med do/ /nye 'khor du chos gos dag bzhag ste/ nang du skya rengs 'char bar byed na yang ltung ba med do/ /nang ngam nye 'khor du chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /g.yul gyi tshoms rab tu mang po nye 'khor tha dad pa gang zhe na/ 'di lta ste/ mi tha dad pa dag gi'am/ spun sgo bye ba dag gi g.yul gyi tshoms rab tu mang po gang dag yin pa'o/ /de dag gi nye 'khor gang zhe na/ so so tha dad pa'o/ /ci zhig thun mong yin zhe na/ ci yang ma yin no/ /gru nye 'khor gcig pa gang zhe na/ 'di lta ste/ mi gcig gi'am/ spun sgo ma bye ba dag gi gru gang yin pa'o/ /de'i nye 'khor gang zhe na/ 'gro ba'i ni/ nang thams cad dang / phyi rol 'dom gang ngo / /'dug pa'i ni/ nang thams cad dang / phyi rol 'dom gang ngam/ gang du de dag phur pa 'debs par byed pa dang / gru rtod par byed pa dang / gdos pa dag 'jog par byed pa dang / gru skya dag 'jog par byed pa dang / mun dza dag rdung bar byed pa dang / thag pa dag 'khal bar byed pa dang / gang du rdung bar byed pa dang / rngo bar byed pa dang / 'thag par byed pa dang / 'cha' bar byed pa dang / za bar byed pa dang / 'thung bar byed pa dang / khye'u sus byed pa de ni/ de'i nye 'khor yin no/ /dge slong gis nang du chos </font><hr>Cha77a<br><font size=+1>


@#/ /gos dag bzhag ste/ nye 'khor du skya rengs 'char bar byed na/ ltung ba med do/ /nye 'khor du chos gos dag bzhag ste/ nang du skya rengs 'char bar byed na yang ltung ba med do/ / nang ngam nye 'khor du chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /gru nye 'khor tha dad pa gang zhe na/ 'di lta ste/ mi tha dad pa dag gi'am/ spun sgo bye ba dag gi gru gang yin pa'o/ /de'i nye 'khor gang zhe na/ so so tha dad pa'o/ /ci zhig thun mong yin zhe na/ gru gdong ngo / /dge slong gis nang du chos gos dag bzhag ste/ gru gdong du skya rengs 'char bar byed na/ ltung ba med do/ /gru gdong du chos gos dag bzhag ste/ nang du skya rengs 'char bar byed na yang ltung ba med do/ /nang ngam gru gdong du chos gos dag bzhag ste| gzhan du skya rengs 'char bar byed na/ spang ba'i ltung byed du 'gyur ro/ /gru rab tu mang po nye 'khor gcig pa gang zhe na/ 'di lta ste/ mi gcig gi'am/ spun sgo ma bye ba dag gi gru rab tu mang po gang dag yin pa'o/ /de dag gi nye 'khor gang zhe na/ 'gro ba'i ni/ nang thams cad dang / phyi rol 'dom gang ngo / /'dug pa'i ni/ nang thams cad dang / phyi rol 'dom gang ngam/ gang du de dag phur pa 'debs par byed pa dang / gru rtod par byed pa dang / gdos pa dag 'jog par byed pa dang / gru skya dag 'jog par byed pa dang / mun dza dag rdung bar byed pa dang / </font><hr>Cha77b<br><font size=+1>


thag pa dag 'khal bar byed pa dang / gang du rdung bar byed pa dang / rngo bar byed pa dang / 'thag par byed pa dang / 'cha' bar byed pa dang / za bar byed pa dang / 'thung bar byed pa dang / khye'u sus byed pa de ni/ de dag gi nye 'khor yin no/ /dge slong gis nang du chos gos dag bzhag ste/ nye 'khor du skya rengs 'char bar byed na/ ltung ba med do/ /nye 'khor du chos gos dag bzhag ste/ nang du skya rengs 'char bar byed na yang ltung ba med do/ /nang ngam nye 'khor du chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /gru rab tu mang po nye 'khor tha dad pa gang zhe na/ 'di lta ste/ mi tha dad pa dag gi'am/ spun sgo bye ba dag gi gru rab tu mang po gang dag yin pa'o/ /de dag gi nye 'khor gang zhe na/ so so tha dad pa'o/ /ci zhig thun mong yin zhe na/ ci yang ma yin no| |shing rta nye 'khor gcig pa gang zhe na/ 'di lta ste/ mi gcig gi'am/ spun sgo ma bye ba dag gi shing rta gang yin pa'o/ /de'i nye 'khor gang zhe na/ 'gro ba'i ni/ nang thams cad dang / phyi rol 'dom gang ngo / /'dug pa'i ni/ nang thams cad dang / phyi rol 'dom gang ngam/ gang du de dag phur pa 'debs par byed pa dang / glang dag 'dogs par byed pa dang / rtswa dag 'jog par byed pa dang / mun dza dag rdung bar byed pa dang / thag pa dag 'khal bar byed pa dang / gang du rdung bar byed pa dang / rngo bar byed pa dang / 'thag par byed pa dang / 'cha' bar byed pa dang / za bar byed pa dang / </font><hr>Cha78a<br><font size=+1>


@#/ /'thung bar byed pa dang / khye'u sus byed pa de ni/ de'i nye 'khor yin no/ /dge slong gis nang du chos gos dag bzhag ste/ nye 'khor du skya rengs 'char bar byed na/ ltung ba med do/ / nye 'khor du chos gos dag bzhag ste/ nang du skya rengs 'char bar byed na yang ltung ba med do/ /nang ngam nye 'khor du chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /shing rta nye 'khor tha dad pa gang zhe na/ 'di lta ste/ mi tha dad pa dag gi'am/ spun sgo bye ba dag gi shing rta gang yin pa'o/ /de'i nye 'khor gang zhe na/ so so tha dad pa'o/ /ci zhig thun mong yin zhe na/ kha lo pa'i gnas so/ /dge slong gis nang du chos gos dag bzhag ste/ kha lo pa'i gnas su skya rengs 'char bar byed na/ ltung ba med do/ /kha lo pa'i gnas su chos gos dag bzhag ste/ nang du skya rengs 'char bar byed na yang ltung ba med do/ /nang ngam kha lo pa'i gnas su chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ / shing rta rab tu mang po nye 'khor gcig pa gang zhe na/ 'di lta ste/ mi gcig gi'am/ spun sgo ma bye ba dag gi shing rta rab tu mang po gang dag yin pa'o/ /de dag gi nye 'khor gang zhe na/ 'gro ba'i ni/ nang thams cad dang / phyi rol 'dom gang ngo / /'dug pa'i ni/ nang thams cad dang / phyi rol 'dom gang ngam/ gang du de dag phur pa 'debs par byed pa dang / glang dag 'dogs par byed pa dang / rtswa </font><hr>Cha78b<br><font size=+1>


dag 'jog par byed pa dang / mun dza dag rdung bar byed pa dang / thag pa dag 'khal bar byed pa dang / gang du rdung bar byed pa dang / rngo bar byed pa dang / 'thag par byed pa dang / 'cha' bar byed pa dang / za bar byed pa dang / 'thung bar byed pa dang / khye'u sus byed pa de ni/ de dag gi nye 'khor yin no/ /dge slong gis nang du chos gos dag bzhag ste/ nye 'khor du skya rengs 'char bar byed na/ ltung ba med do/ / nye 'khor du chos gos dag bzhag ste/ nang du skya rengs 'char bar byed na yang ltung ba med do/ /nang ngam nye 'khor du chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro| |shing rta rab tu mang po nye 'khor tha dad pa gang zhe na/ 'di lta ste/ mi tha dad pa dag gi'am/ spun sgo bye ba dag gi shing rta rab tu mang po gang dag yin pa'o/ /de dag gi nye 'khor gang zhe na/ so so tha dad pa'o/ /ci zhig thun mong yin zhe na/ ci yang ma yin no/ /shing ljon pa nye 'khor gcig pa gang zhe na/ 'di lta ste/ shing ljon pa yal ga'i tshogs 'brel ba gang yin pa'o/ /de'i nye 'khor gang yin zhe na/ nang thams cad dang / phyi rol 'dom gang ngam/ gang du lo ma lhags pa rlung gis ma bdas pa dag 'bab pa dang / char chad pa'i thig pa sbom po dag 'bab pa dang / gang du gung tshigs kyi shing ljon pa'i grib mas khyab cing 'dug pa de ni/ de'i nye 'khor yin no/ /dge slong gis nang du chos gos dag bzhag ste/ nye 'khor du skya rengs 'char bar byed na/ ltung ba med do/ /nye 'khor du chos gos </font><hr>Cha79a<br><font size=+1>


@#/ /dag bzhag ste/ nang du skya rengs 'char bar byed na yang ltung ba med do/ /nang ngam nye 'khor du chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /shing ljon pa nye 'khor tha dad pa gang zhe na/ 'di lta ste/ shing ljon pa yal ga'i tshogs ma 'brel ba gang yin pa'o/ /de'i nye 'khor gang zhe na/ so so tha dad pa'o/ / ci zhig thun mong yin zhe na/ rtsa ba'o/ /dge slong gis rtsa bar chos gos dag bzhag ste/ yal gar skya rengs 'char bar byed na/ ltung ba med do/ /yal gar chos gos dag bzhag ste/ rtswa bar skya rengs 'char bar byed na yang ltung ba med do/ /rtsa ba'am yal gar chos gos dag bzhag ste/ gzhan du skya rengs 'char bar byed na/ spang pa'i ltung byed du 'gyur ro/ /shing ljon pa rab tu mang po nye 'khor gcig pa gang zhe na/ 'di lta ste/ shing ljon pa rab tu mang po'i yal ga'i tshogs 'brel ba gang dag yin pa'o/ /de dag gi nye 'khor gang zhe na/ nang thams cad dang / phyi rol 'dom gang ngam/ gang du lo ma lhags pa rlung gis ma bdas pa dag 'bab pa dang / char chad pa'i thigs pa spom po dag 'bab pa dang / gang du gung tshigs kyi tshe shing ljon pa'i grib mas khyab cing 'dug pa de ni/ de dag gi nye 'khor yin no/ /dge slong gis nang du chos gos dag bzhag ste/ nye 'khor du skya rengs 'char bar byed na/ ltung ba med do/ /nye 'khor du chos gos dag </font><hr>Cha79b<br><font size=+1>


bzhag ste/ nang du skya rengs 'char bar byed na yang ltung ba med do/ /nang ngam nye 'khor du chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /shing ljon pa rab tu mang po nye 'khor tha dad pa gang zhe na/ 'di lta ste/ shing ljon pa rab tu mang po yal ga'i tshogs ma 'brel ba gang dag yin pa'o/ /de dag gi nye 'khor gang zhe na/ so so tha dad pa'o/ /ci zhig thun mong yin zhe na/ ci yang ma yin no/ /kun dga'i ra ba nye 'khor gcig pa gang zhe na/ 'di lta ste/ mi gcig gi'am/ spun sgo ma bye ba dag gi kun dga'i ra ba gang yin pa'o/ /de'i nye 'khor gang zhe na/ nang thams cad dang / phyi rol 'dom gang ngam/ gang du de dag me tog dag 'thu bar byed pa dang / skon pa dag 'jog par byed pa dang / phreng ba dag rgyud par byed pa dang / 'jal bar byed pa dang / nyo bar byed pa dang / tshong bar byed pa dang / bre'u chung dang / phul 'jog par byed pa de ni/ de'i nye 'khor yin no/ /dge slong gis nang du chos gos dag bzhag ste/ nye 'khor du skya rengs 'char bar byed na/ ltung ba med do/ /nye 'khor du chos gos dag bzhag ste/ nang du skya rengs 'char bar byed na yang ltung ba med do/ /nang ngam nye 'khor du chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /kun dga'i ra ba nye 'khor tha dad pa gang zhe na/ 'di lta ste/ mi tha dad pa dag gi'am/ spun sgo bye ba dag gi kun dga'i ra ba gang yin pa'o/ /de'i nye 'khor gang zhe na/ </font><hr>Cha80a<br><font size=+1>


@#/ /so so tha dad pa'o/ /ci zhig thun mong yin zhe na/ khron pa'o/ /dge slong gis nang du chos gos dag bzhag ste/ khron par skya rengs 'char bar byed na/ ltung ba med do/ /khron par chos gos dag bzhag ste/ nang du skya rengs 'char bar byed na yang ltung ba med do/ /nang ngam khron par chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /kun dga' ra ba rab tu mang po nye 'khor gcig pa gang zhe na/ 'di lta ste/ mi gcig gi'am/ spun sgo ma bye ba dag gi kun dga' ra ba rab tu mang po gang dag yin pa'o| |de dag gi nye 'khor gang zhe na/ nang thams cad dang / phyi rol 'dom gang ngam/ gang du de dag me tog dag 'thu bar byed pa dang / skon pa dag 'jog par byed pa dang / phreng ba dag rgyud par byed pa dang / 'jal bar byed pa dang / nyo bar byed pa dang / tshong bar byed pa dang / bre'u chung dang / phul 'jog par byed pa de ni/ de dag gi nye 'khor yin no/ /dge slong gi nang du chos gos dag bzhag ste/ nye 'khor du skya rengs 'char bar byed na/ ltung ba med do/ /nye 'khor du chos gos dag bzhag ste/ nang du skya rengs 'char bar byed na yang ltung ba med do/ /nang ngam nye 'khor du chos gos dag bzhag ste/ gzhan du skya rengs 'char bar byed na/ spang ba'i ltung byed du 'gyur ro/ /kun dga' ra ba rab tu mang po nye 'khor tha dad pa gang zhe na/ 'di lta ste/ mi tha dad pa dag gi'am </font><hr>Cha80b<br><font size=+1>


spun sgo bye ba dag gi kun dga' ra ba rab tu mang po gang dag yin pa'o/ /de dag gi nye 'khor gang zhe na/ so so tha dad pa'o/ /ci zhig thun mong yin zhe na/ ci yang ma yin no/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa/ dge slong gis chos gos dag dge slong la gtad de/ mgron lam du mchi na/ btsun pa/ de'i nye 'khor gang lags/ nye bar 'khor/ ngas bram ze gro bzhin skyes la a mra'i sdong po shin tu me tog phun sum tshogs pa/ 'bras bu phun sum tshogs pa/ yal ga phun sum tshogs pa/ 'dom bdun gyis bar du chod pa'i a mra'i sdong po bdun po gang dag yin pa de dag la 'dom bzhi bcu rtsa dgu yod par bstan pa de ni/ dge slong lam du zhugs pa'i chos gos dag gi nye 'khor bzhin no/ /'greng ba dang / 'dug pa dang / nyal ba'i nye 'khor ni| 'dom gang kho ra khor yug go /thad kar 'gro ba'i nye 'khor yang / 'dom gang kho ra khor yug go /thad kar 'greng ba dang / nyal ba'i nye 'khor yang / 'dom gang kho ra khor yug go /btsun pa/ dge slong gis mtshams gzhan du mchis nas nyal bar bgyid na/ de'i chos gos dag gi nye 'khor gang lags/ nye bar 'khor/ ji tsam du chos gos kyi grwa lus dang ma bral ba tshun chad do/ /dge slong gis chos gos spang bar gyur na/ de ma spangs shing bral bar ma byas la ltung ba ma bshags par gzhan zhig rnyed na/ de yang snga ma'i rgyud kyis spang bar 'gyur ro/ /dge slong gis chos gos spang bar </font><hr>Cha81a<br><font size=+1>


@#/ /gyur na/ de spangs shing bral bar ma byas la ltung ba ma bshags par gzhan zhig rnyed na/ de yang snga ma'i rgyud kyis spang bar 'gyur ro/ /dge slong gis chos gos spang bar gyur na| de spangs shing bral bar byas la ltung ba ma bshags par gzhan zhig rnyed na/ de yang snga ma'i rgyud kyis spang bar 'gyur ro/ /dge slong gis chos gos spang bar gyur na/ de spangs shing bral bar byas la ltung ba bshags nas gzhan zhig rnyed na/ de la ltung ba med do/ /de bzhin du dge slong gis ji srid du spang ba'i dngos po de ma bshags shing / so sor ma bshags par lhung bzed dam/ chos gos sam/ dra ba'am/ phor bu'am/ ska rags sam/ dge sbyong gi 'tsho ba'i yo byad gang yang rung ba gzhan nye bar 'jog par byed na/ de yang snga ma'i rgyud kyis spang bar 'gyur ro/ / las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /'bral ba'i spang ba ste/ gnyis pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong rnams la gos mang ba nyid/ 'di lta bu 'di byung ste/ dge slong gang yang rung bas gos sngon po zhig rnyed na/ des de byed du mi 'jug par de gang gi tshe/ 'di dang 'dra ba rnyed par gyur pa de'i tshe gos byed du gzhug go/ snyam du re bas de 'jog par byed cing / sngon po ji lta ba </font><hr>Cha81b<br><font size=+1>


bzhin du ser po dang / dmar po dang / stug po dang / srab mo yang de bzhin no/ /dge slong don nyung ngu dag/ ci'i phyir dge slong rnams gos mang ba nyid/ 'di lta bu 'di byung ste/ dge slong gang yang rung bas gos sngon po zhig rnyed na/ des de byed du mi 'jug par de gang gi tshe 'di dang 'dra ba rnyed par gyur pa de'i tshe gos byed du gzhug go/ snyam du re bas de 'jog par byed cing / sngon po ji lta ba bzhin du ser po dang / dmar po dang / stug po dang / srab mo yang de bzhin no/ /zhes smod par byed/ 'phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni| mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong rab tu mang po dag la rmas pa/ dge slong dag/ khyed la gos mang ba nyid 'di lta bu 'di byung ste/ dge slong gang yang rung bas gos sngon po zhig rnyed na/ des de byed du mi 'jug par de gang gi tshe 'di 'dra rnyed par gyur pa de'i tshe byed du gzhug go/ snyam du re bas de 'jog par byed cing / sngon po ji lta ba bzhin du ser po dang / dmar po dang / stug po dang / srab mo yang de bzhin du bden nam/ btsun pa/ mad do/ /sangs rgyas bcom ldan 'das kyis 'dod pa che </font><hr>Cha82a<br><font size=+1>


@#/ /ba dang / chog mi shes pa dang / gso dka' ba dang / dgang dka' ba rnam par smad par mdzad do/ /de nas bcom ldan 'das kyis 'dod pa chung ba'i bsngags pa brjod cing / chog shes pa dang / gso sla ba dang / dgang sla ba dang / phri ba dang / yo byad bsnyungs pa dang / sbyangs pa'i yon tan rnams dang / mdzes pa nyid dang / drod rig pa'i bsngags pa brjod nas dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas 'dul ba la nyan thos rnams kyis bslab pa'i gzhi bca' bar bya ste zhes bya ba la sogs pa yang snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong chos gos zin pas sra brkyang phyur na/ dus ma yin pa'i gos shig rnyed la 'dod na/ dge slong des gos de blang bar bya'o/ /blangs nas gal te longs na/ myur ba kho nar gos su byas te bcang bar bya'o/ /gal te mi langs la kha ma longs pa kha skong ba'i gos la re ba yod na| dge slong des gos de zla ba gcig gi mthar gzhag par bya'o/ /de las 'das par 'jog na/ spang ba'i ltung byed do/ /dge slong zhes bya ba ni/ chos 'di pa'o/ /chos gos zin pas sra brkyang phyung na zhes bya ba ni/ chos gos zin la sra brkyang ma phyung ba yang yod/ chos gos ma zin la sra brkyang phyung ba yang yod/ chos gos zin cing sra brkyang phyung ba yang yod/ chos gos ma zin cing </font><hr>Cha82b<br><font size=+1>


sra brkyang ma phyung ba yang yod de/ mu bzhir bcad pa snga ma bzhin no/ /dus ma yin pa'i gos shig ces bya ba la/ dge slong gi gos kyi dus ni/ gang yin/ dus ma yin pa ni/ gang yin zhe na/ sra brkyang bting ba'i gnas na ni/ ston zla 'bring po'i nya nas dpyid zla ra ba'i nya'i bar gyi zla ba de dag ni/ gos kyis dus yin la/ de phan chad ni/ dus ma yin no/ /sra brkyang ma bting ba'i gnas na ni/ thams cad dus ma yin no/ /rnyed la zhes bya ba ni/ gzhan las so/ /'dod na zhes bya ba ni/ gal te don du gnyer na'o/ /dge slong des gos de blang bar bya'o/ /zhes bya ba ni/ bdag gir bya'o/ /gal te longs na zhes bya ba ni/ gal te chog na'o/ /myur ba kho nar gos su byas te bcang bar bya'o/ /zhes bya ba ni/ mi bsgyang ba kho nar byin gyis brlab tu rung bar byas te'o/ /kha ma longs pa kha skong ba'i zhes bya ba ni| snam sbyar ram/ bla gos sam/ mthang gos kha ma longs pa kha skong ba'o/ /gos la re ba yod na zhes bya ba ni/ dge slong la mas bdag la gos sbyin pa'i re ba'am/ pha'am/ bu nu'am/ sring mo'am/ slob dpon nam/ mkhan pos bdag la gos sbyin pa'i re ba'am/ lo lnga'i dus ston gyi tshe'am/ lo drug gi dus ston gyi tshe'am/ gtsug phud 'breg pa'i dus ston gyi tshe'am/ dus ston chen po'i che rnyed du re ba yod na'o/ /dge slong des gos de/ zla ba gcig gi mthar gzhag par bya'o/ /zhes bya ba ni/ zla ba gcig gi mtha' tshun chad du'o/ /de las 'das par 'jog na zhes bya ba ni/ de las thal bar </font><hr>Cha83a<br><font size=+1>


@#/ /ro| |spang ba'i ltung byed do/ /zhes bya ba ni/ dngos po de spangs nas ltung byed kyi ltung ba bshags par bya ba ste/ des na/ spang ba'i ltung byed do/ /zhes gsungs so/ /de la ltung bar ji ltar 'gyur zhe na/ bar sdom la/ dogs bcas dogs pa med pa dang / /nyams gyur grub par ma gyur dang / /rgyun chad gos lnga gos gnyis dang / /sbyar ba dang ni tshad rnams so/ /dge slong gis tshes la gos sngon po zhig rnyed nas/ des de byed du mi 'jug par de gang gi tshe 'di dang 'dra ba rnyed par gyur pa de'i tshe gos byed du gzhug go/ snyam du re bas de 'jog par byed cing / des tshes de nyid la gos sngon po dogs pa dang bcas pa gzhan zhig rnyed par gyur na/ dge slong des gos de nyi ma bcu po de nyid kyi nang du byin gyis brlab par bya ba'am/ gtang bar bya ba'am/ rung bar bya ba'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na/ nyi ma bcu gcig pa'i skya rengs shar na/ spang ba'i ltung byed du 'gyur ro/ /tshes la ma rnyed kyang tshes gnyis sam/ tshes gsum mam/ tshes bcu tshun chad kyis gos sngon po zhig rnyed na/ dge slong des gos de zhag bcu po de nyid kyi nang du byin gyis brlab par bya ba'am/ gtang bar bya ba'am/ rung bar bya ba'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin </font><hr>Cha83b<br><font size=+1>


par mi byed na/ nyi ma bcu gcig pa'i skya rengs shar na/ spang ba'i ltung byed du 'gyur ro/ /tshes bcu la ma rnyed kyang nyi ma bcu dgu tshun chad kyis rnyed na/ dge slong des gos de nyi ma nyi shu po de nyid kyi nang du byin gyis brlab par bya ba'am/ gtang bar bya ba'am/ rung bar bya ba'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na/ nyi ma nyi shu ba'i skya rengs shar na/ spang pa'i ltung byed du 'gyur ro/ /nyi ma nyi shu pa la ma rnyed kyang / nyi ma nyi shu rtsa dgu tshun chad kyis rnyed na/ dge slong des gos de zla ba de nyid kyi nang du byin gyis brlab par bya ba'am/ gtang bar bya ba'am/ rung bar bya ba'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na/ nyi ma sum cu gcig pa'i skya rengs shar na/ spang ba'i ltung byed du 'gyur ro/ /gos sngon po rnyed pa ji lta ba bzhin du ser po dang / dmar po dang / stug po dang / srab mo yang de bzhin no/ /dge slong gis tshes la gos sngon po zhig rnyed nas/ des de byed du mi 'jud par de gang gi tshe 'di dang 'dra ba rnyed par gyur ba de'i tshe gos byed du gzhug go/ snyam du re ba med pas de 'jog par byed cing / des tshes de nyid la gos sngon po dogs pa med pa gzhan zhig rnyed par gyur na/ dge slong des gos de nyi ma bcu po de nyid kyi nang du byin gyis brlab par bya ba'am/ gtang bar bya ba'am/ </font><hr>Cha84a<br><font size=+1>


@#/ /rung bar bya ba'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na/ nyi ma bcu gcig pa'i skya rengs shar na/ spang pa'i ltung byed du 'gyur ro/ /tshes la ma rnyed kyang tshes gnyis sam/ tshes bcu tshun chad dam/ nyi ma bcu dgu tshun chad dam/ nyi ma nyi shu rtsa dgu tshun chad kyis gos sngon po zhig rnyed na/ dge slong des gos de zla ba de nyid kyi nang du byin gyis brlab par bya ba'am/ gtong bar bya ba'am/ rung bar bya ba'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na/ nyi ma sum cu gcig pa'i skya rengs shar na/ spang ba'i ltung byed du 'gyur ro/ /gos sngon po rnyed pa ji lta ba bzhin du ser po dang / dmar po dang / stug po dang / srab mo yang de bzhin no/ /dge slong gis tshes la gos sngon po zhig rnyed nas/ des de phyed du mi 'jud par de gos la re ba yod pas de 'jog par byed cing / de'i gos la re ba gang yin pa de nyams par gyur/ 'gyang bar 'gyur/ nyam chung bar gyur cing / des tshes de nyid la gos sngon po gzhan zhig rnyed par gyur na/ dge slong des nyi ma bcu po de nyid kyi nang du byin gyis brlab par bya ba'am/ gtang bar bya ba'am/ rung bar bya ba'am/ gzhan la sbyin par bya'o/ /byin gyis rlob par mi byed dam/ </font><hr>Cha84b<br><font size=+1>


gtong bar mi byed dam/ rung bar mi byed dam/ gzhan la sbyin par mi byed na/ nyi ma bcu gcig pa'i skya rengs shar na/ spang ba'i ltung byed du 'gyur ro/ /tshes la ma rnyed kyang tshes gnyis sam/ tshes bcu tshun chad dam/ tshes bcu la ma rnyed kyang nyi shu rtsa dgu tshun chad kyis gos sngon po zhig rnyed na/ dge slong des gos de zla ba de nyid kyi nang du byin gyis brlab par bya ba'am/ gtang bar bya ba'am/ rung bar bya ba'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na/ nyi ma sum cu gcig pa'i skya rengs shar na/ spang ba'i ltung byed du 'gyur ro/ /gos sngon po rnyed pa ji lta ba bzhin du ser po dang / dmar po dang / stug po dang / srab mo yang de bzhin no/ /dge slong gis tshes la gos sngon po zhig rnyed nas/ des de byed du mi 'jud par de re bas de 'jog par byed cing / de'i gos la re ba gang yin pa grub par ma gyur/ rgyun chad par ma gyur par des tshes de nyid la gos sngon po gzhan zhig rnyed par gyur na/ dge slong des gos de nyi ma bcu po de nyid kyi nang du byin gyis brlab par bya ba'am/ gtang bar bya ba'am/ rung bar bya ba'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na/ nyi ma bcu gcig pa'i skya rengs shar na/ spang pa'i ltung byed du 'gyur ro/ /tshes la ma rnyed kyang tshes gnyis </font><hr>Cha85a<br><font size=+1>


@#/ /sam/ nyi ma nyi shu rtsa dgu tshun chad kyis rnyed na/ dge slong des gos de zla ba de nyid kyi nang du byin gyis brlab par bya ba'am/ gtang bar bya ba'am/ rung bar bya ba'am/ / gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na/ nyi ma sum cu gcig pa'i skya rengs shar na/ spang ba'i ltung byed du 'gyur ro/ /gos sngon po rnyed pa ji lta ba bzhin du ser po dang / dmar po dang / stug po dang / srab mo yang de bzhin no/ /dge slong gis tshes la gos sngon po zhig rnyed nas/ des de byed du mi 'jug par de re bas de 'jog par byed cing / de'i gos la re ba gang yin pa de thams cad kyi thams cad du rgyun chad par gyur na/ dge slong des gos de nyi ma bcu po de nyid kyi nang du byin gyis brlab par bya ba'am/ btang bar bya ba'am/ rung bar bya ba'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na/ nyi ma bcu gcig pa'i skya rengs shar na/ spang pa'i ltung byed du 'gyur ro/ /tshes la ma rnyed kyang tshes gnyis sam/ nyi ma nyi shu rtsa dgu tshun chad kyis rnyed nas/ des de byed du mi 'jud par de re bas de 'jog par byed cing / de'i gos la re ba gang yin pa de thams cad kyi thams cad du rgyun chad par gyur na/ dge slong des gos de nyi ma bcu po de nyid kyi nang du byin </font><hr>Cha85b<br><font size=+1>


gyis brlab par bya ba'am/ gtang bar bya ba'am/ rung bar bya ba'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rung bar mi byed dam/ gzhan la sbyin par mi byed na/ nyi ma bcu gcig pa'i skya rengs shar na/ spang ba'i ltung byed du 'gyur ro/ /gos sngon po ji lta ba bzhin du ser po dang / dmar po dang / stug po dang / srab mo yang de bzhin no/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa/ gos dag du mchis/ nye bar 'khor/ lnga ste/ gos bdag po yod pa dang / gos bdag po med pa dang / gos por blangs pa dang / gos dur khrod pa dang / gos phyag dar khrod pa nyid ni/ lnga pa'o/ /de la/ gos bdag po yod pa gang zhe na/ gang la bdag po skyes pa'am/ bud med dam/ ma ning yod pa de ni/ gos bdag po yod pa zhes bya'o/ /gos bdag po med pa gang zhe na/ gang la bdag po skyes pa'am/ bud med dam/ ma ning med pa de ni/ gos bdag po med pa zhes bya'o/ /gos bor blangs gang zhe na/ 'di lta ste/ nye du dag gis/ nye du nyams pa dang / shi ba dang / dus la bab par rig nas de'i rgyab nas gos kyis bka' ste dur khrod du khyer nas de dag gis gos de yang phyir khyer te 'ongs nas dge 'dun la phul ba de ni/ gos bor blangs zhes bya'o/ /gos dur khrod pa gang zhe na/ yongs su 'dzin pa med pa'i dur khrod nas blangs pa gang yin pa de ni/ gos dur khrod pa zhes bya'o/ /gos phyag dar khrod pa gang zhe na/ phyag dar khrod pa rnam pa lnga ste/ lam po </font><hr>Cha86a<br><font size=+1>


@#/ /che'i gos dang / dgon par bor ba dang / chu 'gram pa dang / sril zan dang / ral rul nyid ni/ lnga pa yin te/ ral rul zhes bya ba ni/ ha cang zegs pa gang yin pa'o/ / gzhan yang phyag dar khrod pa lnga ste/ mes tshig pa dang / chus reg pa dang / byi bas zos pa dang / be 'us zos pa dang / ma ma'i gos nyid ni/ lnga pa yin no/ /gzhan yang gos gnyis te/ gsar pa dang / dus tshigs su spyad pa'o/ /gos gsar pa gang zhe na/ thag pas gsar du btags pa/ dus tshigs gsum po dag las dus tshigs gang yang rung ba'i dus tshigs su ma spyad pa gang yin pa de ni| gos gsar pa zhes bya'o/ /gos dus tshigs su spyad pa gang zhe na/ dus tshigs gsum po dag las dus tshigs gang yang rung ba'i dus tshigs su spyad pa gang yin pa ste/ dus tshigs zhes bya ba ni| zla ba bzhi ste/ de ni/ gos dus tshigs su spyad pa zhes bya'o/ /dge slong gis gos gsar pa rnyed na/ gal te dge slong des bcag pa dang / gding ba dang / dra ba dang / bcom pa dang / kha bsgyur bar nus na/ dge slong des gos de las snam sbyar ni/ nyis rim du bya/ gding ba yang nyi rim du bya/ bla gos ni/ chig rkyang du bya/ mthang gos kyang chig rkyang du bya'o/ /dge slong gis snam sbyar nyis rim la rim pa gsum pa glon par byed na/ de glon par byed pa na/ nyes byas su 'gyur la/ zhag bcu 'das na spang ba'i ltung byed du 'gyur ro/ /dge slong gis snam sbyar nyis rim las </font><hr>Cha86b<br><font size=+1>


gzhan du glan no/ /snyam nas rim pa 'bogs par byed na/ de 'bogs pa na nyes byas su 'gyur la/ nyi ma bcu 'das na/ spang ba'i ltung byed du 'gyur ro/ /dge slong gis snam sbyar nyis rim las bkrus shing kha bsgyur te de nyid la glan no/ /snyam pas rim pa 'bogs par byed na/ de 'bogs pa na ltung ba med la/ nyi ma bcu 'das na/ spang ba'i ltung byed du 'gyur ro/ /snam sbyar la ji lta ba bzhin du gding ba la yang de bzhin no/ /dge slong gis bla gos chig rkyang la rim pa glon par byed na/ de glon pa na/ nyes byas su 'gyur la/ nyi ma bcu 'das na/ spang ba'i ltung byed du 'gyur ro/ /bla gos la ji lta ba bzhin du mthang gos la'ang de bzhin no/ /dge slong gis gos dus tshigs su spyad pa zhig rnyed la/ gal te dge slong des bcag pa dang / gding ba dang / 'dra ba dang / btsem pa dang / kha bsgyur bar nus na/ dge slong des gos de las snam sbyar ni/ bzhi rim du bya/ gding ba yang bzhi rim du bya/ bla gos ni/ nyis rim du bya/ mthang gos kyang nyi rim du bya'o/ /dge slong gis snam sbyar bzhi rim la lnga pa glon par byed na/ de glon pa na/ nyes byas su 'gyur la/ nyi ma bcu 'das na/ spang ba'i ltung byed du 'gyur ro/ /dge slong gis snam sbyar bzhi rim las gzhan du glan no/ /snyam pas rim pa 'bogs par byed na/ 'bogs pa na nyes byas su 'gyur la/ nyi ma bcu 'das na/ spang ba'i ltung byed du 'gyur ro/ /dge slong gis snam sbyar bzhi rim las bkrus shing kha bsgyur te/ 'di nyid glan par </font><hr>Cha87a<br><font size=+1>


@#/ /bya'o| |snyam pas rim pa 'bogs par byed na/ de 'bogs pa na ltung ba med la/ nyi ma bcu 'das na/ spang ba'i ltung byed du 'gyur ro/ /snam sbyar la ji lta ba bzhin du gding ba la yang de bzhin du brjod par bya'o/ /dge slong gis bla gos nyi rim la rim pa gsum pa glon par byed na/ de glon pa na nyes byas su 'gyur la/ nyi ma bcu 'das na/ spang ba'i ltung byed du 'gyur ro/ /dge slong gis bla gos nyi rim las gzhan du glan no/ /snyam pas rim pa 'bogs par byed na/ de 'bogs pa na nyes byas su 'gyur la/ nyi ma bcu 'das na/ spang ba'i ltung byed du 'gyur ro/ /dge slong gis bla gos nyi rim las 'di nyid bkrus shing kha bsgyur te 'di nyid du glan no/ /snyam pas rim pa 'bogs par byed na/ de 'bogs pa na ltung ba med la/ nyi ma bcu 'das na/ spang ba'i ltung byed du 'gyur ro/ /bla gos la ji lta ba bzhin du mthang gos la yang de bzhin no/ /phyag dar khrod la ni/ ji tsam 'dod pa glan par bya'o/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa/ snam sbyar dag gi snam phran du lags/ nye bar 'khor/ dgu ste/ snam phran dgu pa dang / snam phran bcu gcig pa dang / snam phran bcu gsum pa dang / snam phran bco lnga pa dang / snam phran bcu bdun pa dang / snam phran bcu dgu pa dang / snam phran nyi shu gcig pa dang / snam phran nyi shu gsum pa dang / snam phran </font><hr>Cha87b<br><font size=+1>


nyi shu lnga pa'o/ /nye bar 'khor/ de la snam phran dgu pa ni/ gsum sbyar gsum mo/ /snam phran bcu gcig pa ni/ gsum sbyar gsum dang / snam phran gnyis so/ /snam phran bcu gsum pa ni/ gsum sbyar bzhi dang snam phran gcig go /snam phran bco lnga pa ni/ gsum sbyar lnga pa'o/ /snam phran bcu bdun pa ni/ gsum sbyar lnga dang snam phran gnyis so/ /snam phran bcu dgu pa ni/ gsum sbyar drug dang snam phran gcig go /snam phran nyi shu gcig pa ni/ gsum sbyar bdun no/ /snam phran nyi shu gsum pa ni/ gsum sbyar bdun dang snam phran gnyis so/ /snam phran nyi shu lnga pa ni/ gsum sbyar brgyad dang snam phran gcig go /nye bar 'khor/ de la snam sbyar snam phran dgu pa gang yin pa dang / snam phran bcu gcig pa gang yin pa dang / snam phran bcu gsum pa gang yin pa de gsum ni/ glegs bu phyed dang gsum par byas te bcang bar bya'o/ /snam sbyar snam phran bco lnga pa gang yin pa dang / snam phran bcu bdun pa gang yin pa dang / snam phran bcu dgu pa gang yin pa de gsum ni/ glegs bu phyed dad bzhi par byas te bcang bar bya'o/ /snam sbyar snam phran nyi shu gcig pa gang yin pa dang / snam phran nyi shu gsum pa gang yin pa dang / snam phran nyi shu lnga pa gang yin pa de gsum ni/ glegs bu phyed dang lnga par byas te bcang bar bya'o/ /nye bar 'khor/ de yan chad ni/ tshem bu'o/ /btsun pa/ snam sbyar gyi tshad ji tsam lags/ nye bar 'khor gsum ste/ snam sbyar chen </font><hr>Cha88a<br><font size=+1>


@#/ /po dang / 'bring dang / chung ngur rig par bya'o/ /de la chen po ni/ khru gsum dang lnga'o/ /chung ngu ni/ khru phyed dang gsum dang / phyed dang lnga'o/ /'bring gi ni/ de gnyis kyi bar ma'o| |snam sbyar ji lta ba bzhin du bla gos dang / mthang gos kyang de bzhin no/ /gzhan yang / mthang gos rnam pa gnyis te/ khru do dang lnga pa dang / khru do dang bzhi pa'o/ /mthang gos tha ma ni/ 'khor gsum khebs pa gang yin pa'o/ /spang ba rnams kyi gos tha ma ni/ khru gang kho ra khor yug go /dge slong gis gos spang bar gyur na/ de spangs shing bral bar ma byas la ltung ba ma bshags par gzhan zhig rnyed na/ de yang snga ma'i rgyud kyis spang bar 'gyur ro/ /dge slong gis gos spang bar gyur na/ de spangs shing bral bar ma byas la ltung ba ma bshags par gzhan zhig rnyed na/ de yang snga ma'i rgyud kyis spang bar 'gyur ro/ /dge slong gis gos spang bar gyur na/ de spangs shing bral bar byas la ltung ba ma bshags par gzhan zhig rnyed na/ de yang snga ma'i rgyud kyis spang bar 'gyur ro/ /dge slong gis gos spang bar gyur na/ de spangs shing bral bar byas la ltung ba bshags nas gzhan zhig rnyed na/ de la ltung ba med do/ /de bzhin du ji tsam du dge slong gis spang ba'i dngos po de nyid kyis ma bshags shing so sor ma bshags par lhung bzed dam/ chos gos sam/ dra ba'am/ phor bu'am/ ska rags sam/ dge sbyong gi 'tsho ba'i yo byad </font><hr>Cha88b<br><font size=+1>


gang yang rung ba gzhan nye bar 'jog par byed na/ de yang snga ma'i rgyud kyis spang bar 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do| |'jog pa'i spang ba ste/ gsum pa rdzogs so// //gang gi tshe bcom ldan 'das byang chub sems dpa' dga' ldan gyi gnas na bzhugs nas gzigs pa lnga po/ /rigs dang / yul dang / dus dang / rus dang / bud med la gzigs pa dag gis 'jig rten la gzigs nas glang po cher snang bar bsgyur te yum gyi lhums su zhugs pa de'i tshe na/ sa chen po shin tu g.yos par gyur cing / 'jig rten gyi 'jig rten gyi bar gang na nyi ma dang zla ba 'di ltar rdzu 'phrul che ba/ 'di ltar mthu che ba 'di gnyis kyis 'od dag nyams su mi myong ba'i mun pa mun nag mun par byed pas nag par gyur pa gang dag yin pa de dag kyang de'i tshe na/ snang ba rgya chen pos khyab par gyur nas sems can gang dag der skyes pa dag gis rang gi lag pa brkyang pa yang mi mthong ba de dag gis kyang / 'od des sems can gcig gis gcig mthong nas shes ldan dag /sems can gzhan yang 'dir skyes so/ /shes ldan dag /sems can gzhan yang 'dir skyes so/ /zhes shes par gyur to| |gang gi tshe bcom ldan 'das byang chub sems dpa' zla ba bcu 'das nas yum gyi lhums nas bltams pa de'i tshe yang sa chen po shin tu g.yos par gyur cing / 'jig rten gyi 'jig rten gyi </font><hr>Cha89a<br><font size=+1>


@#/ /bar gang na nyi ma dang zla ba 'di ltar rdzu 'phrul che ba/ 'di ltar mthu che ba 'di gnyis kyi 'od dag nyams su mi myong ba'i mun pa mun nag mun par byed pas nag par gyur pa gang dag yin pa de dag kyang de'i tshe na/ snang ba chen pos khyab par gyur nas/ sems can gang dag der skyes pa dag gis rang gi lag pa brkyang ba yang mi mthong ba de dag gis kyang / 'od des sems can gcig gis gcig mthong nas/ shes ldan dag /sems can gzhan yang 'dir skyes so/ /shes ldan dag /sems can gzhan yang 'dir skyes so/ /zhes shes par gyur to| |gang gi nyin mo bcom ldan 'das byang chub sems dpa' bltams par gyur pa de'i nyin mo rgyal po chen po bzhi dag gi bu yang btsas par gyur te/ mnyan yod na rgyal po chen po rtsibs kyis 'phur tshangs sbyin gyi bu btsas nas de 'di snyam du sems te/ bdag gi bu btsas pa na 'jig rten gsal ba ltar snang bas/ gzhon nu 'di'i ming gsal rgyal du gdags so/ /snyam nas| bu de'i ming gsal rgyal zhes bya bar btags so/ /rgyal po'i khab na rgyal po che po pad+ma chen po'i bu btsas nas de 'di snyam du sems te/ bdag gi bu btsas pa na 'jig rten nyi ma'i gzugs shar ba ltar snang zhing / 'di btsun mo gzugs can gyi bu yin pas/ gzhon nu 'di'i ming gzugs can snying por gdags so/ /snyam nas/ bu de'i ming gzugs can snying po </font><hr>Cha89b<br><font size=+1>


zhes bya bar btags so/ /ko'u sham+b+hi na rgyal po chen po dmag brgya pa'i bu btsas nas de 'di snyam du sems te/ bdag gi bu btsas pa na 'jig rten nyi ma shar ba ltar snang bar gyur pas gzhon nu 'di'i ming shar bar gdags so/ /snyam nas/ bu de'i ming shar pa zhes bya bar btags so/ /'phags rgyal na rgyal po chen po mu khyud mtha' yas kyi bu btsas nas de 'di snyam du sems te/ bdag gi bu btsas pa na 'jig rten rab tu snang bas snang bar gyur pas/ gzhon nu 'di'i ming rab snang zhes bya bar gdags so/ /snyam nas/ bu de'i ming rab snang zhes bya bar btags so/ /rgyal po re res bsam pa/ yang bdag gi bu'i mthu yin no/ /bdag gi bu'i mthu yin no/ /snyam mod kyi/ de ni/ de lta ma yin te/ 'di ltar/ de dag thams cad ni/ byang chub sems dpa'i mthu yin pa'i phyir ro/ /gang gi nyin mo bcom ldan 'das byang chub sems dpa' bltams pa de nyid kyi nyin mo shAkya gzhon nu bzang ldan la sogs pa lnga brgya yang btsas so/ /bsnyen bkur ba 'dun byed la sogs pa lnga brgya yang btsas so// rta rgod ma lnga brgya las kyang rte'u bsngags ldan la sogs lnga brgya 'brangs so/ /lha rnams kyis kyang gter lnga brgya nye bar bstan to/ /bcom ldan 'das byang chub sems dpa' de bram ze ltas pa dang / mtshan mkhan dag gis lung bstan pa/ gal te gzhon nu pho brang gi nang na bzhugs par gyur na/ 'khor los bsgyur ba'i rgyal po mtha' bzhir rgyal ba/ chos kyi rgyal po chos dang ldan pa/ rin </font><hr>Cha90a<br><font size=+1>


@#/ /po che sna bdun dang ldan par 'gyur te/ de'i rin po che sna bdun po de dag ni/ 'di lta bur 'gyur te/ 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / dmag dpon rin po che nyid ni/ bdun pa yin no/ /'di la bu dpa' ba/ rtul phod pa/ yan lag mchog gi gzugs dang ldan pa/ pha rol gyi sde rab tu 'joms pa stong tshang ba yod par 'gyur ro/ /de rgya mtsho la thug pa'i sa chen po ma lus pa gnod par bsngo ba med cing 'tshe ba med pa 'di nyid chad pa med cing mtshon gyis bda' ba med la/ chos dang mthun zhing snyoms bas legs par phab ste gnas par 'gyur ro/ /gal te skra dang kha spu bregs te gos ngur smrig dag bgos nas yang dag pa kho nar dad pas khyim med par rab tu byung na ni/ de bzhin gshegs pa dgra bcom pa yang dag par rdzogs pa'i sangs rgyas 'jig rten du rnam par grags pa'i sgra dang ldan par 'gyur ro/ /zhes lung bstan to/ /gang gi tshe bcom ldan 'das byang chub sems dpa' 'jig rten du byung ba de'i tshe na/ thams cad du gangs kyi ngos dang nye ba/ chu klung skal ldan shing rta pa'i 'gram/ drang srong ser skya'i bsti gnas dang ha cang mi ring bar shAkya rnams kyi gzhon nu byung ste/ de bram ze ltas pa dang mtshan mkhan dag gis/ gal te gzhon nu de pho brang gi nang na bzhugs par gyur na/ 'khor </font><hr>Cha90b<br><font size=+1>


los bsgyur ba'i rgyal po mtha' bzhir rgyal ba/ chos kyi rgyal po chos dang ldan pa/ rin po che sna bdun dang ldan par 'gyur te/ de'i rin po che sna bdun po de dag ni/ 'di lta bur 'gyur te/ 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / dmag dpon rin po che nyid ni/ bdun pa yin no/ / 'di la bu dpa' ba/ rtul phod pa/ yan lag mchog gi gzugs dang ldan pa/ pha rol gyi sde rab tu 'joms pa stong tshang ba yod par 'gyur ro/ /de rgya mtsho la thug pa'i sa chen po ma lus pa gnod par bsngo ba med cing 'tshe ba med pa 'di nyid chad pa med cing mtshon gyis bda' ba med la/ chos dang mthun zhing snyoms pas legs par phab ste gnas par 'gyur ro/ /gal te skra dang kha spu bregs te gos ngur smrig dag bgos nas/ yang dag pa kho nar dad pas khyim nas khyim med par rab tu byung na ni/ de bzhin gshegs pa dgra bcom pa yang dag par rdzogs pa'i sangs rgyas 'jig rten du rnam par grags pa'i sgra dang ldan par 'gyur ro/ /zhes lung bstan to/ /zhes sgra grags par gyur to/ /nyi 'og gi khams kyi rgyal po dag gis kyang gangs ri'i ngos dang nye ba/ chu klung skal ldan shing rta pa'i 'gram/ drang srong ser skya'i bsti gnas dang ha cang mi ring bar shAkya rnams kyi gzhon nu byung ste/ de bram ze ltas pa dang mtshan mkhan dag gis/ gal te gzhon nu de pho brang gi nang na </font><hr>Cha91a<br><font size=+1>


@#/ /bzhugs par gyur na/ 'khor los bsgyur ba'i rgyal po mtha' bzhir rgyal ba/ chos kyi rgyal po chos dang ldan pa/ rin po che sna bdun dang ldan par 'gyur te/ de'i rin po che sna bdun po de dag ni/ 'di lta bur 'gyur te/ 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / dmag dpon rin po che nyid ni/ bdun pa yin no/ /'di la bu dpa' ba/ rtul phod pa/ yan lag mchog gi gzugs dang ldan pa/ pha rol gyi sde rab tu 'joms pa stong tshang ba yod par 'gyur ro/ /de rgya mtsho la thug pa'i sa chen po ma lus pa gnod par bsngo ba med cing 'tshe ba med pa 'di nyid chad pa med cing mtshon gyis bda' ba med la/ chos dang mthun zhing snyoms pas legs par phab ste gnas par 'gyur ro/ /gal te skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu byung na ni/ de bzhin gshegs pa dgra bcom pa yang dag par rdzogs pa'i sangs rgyas 'jig rten du rnam par grags pa'i sgra dang ldan par 'gyur ro/ /zhes lung bstan to/ /zhes thos so/ /thos nas kyang nyi 'og gi khams kyi rgyal po de dag 'di snyam du sems te/ da gzhon nu bsten na dus su 'bras bu ster bar 'gyur bas gang bsten na/ gzhon nu bsten par 'gyur snyam mo/ /de da </font><hr>Cha91b<br><font size=+1>


gis bsam pa/ rgyal po zas gtsang bsten par bya ste/ de bsten na/ gzhon nu bsten par 'gyur ro/ /snyam nas/ de dag gis rgyal po zas gtsang bsten par brtsams te/ dus dang mthun pa'i dus su 'dud pas pho nya dang dkor sgrom dag skur bar byed do/ /de nas rgyal po zas gtsang 'di snyam du sems te/ bdag gi bu btsas pa na don thams cad dang / las kyi mtha' thams cad grub pas/ de'i phyir gzhon nu 'di'i ming don thams cad grub pa zhes bya bar gdags so/ /snyam nas/ de'i ming don thams cad grub pa zhes bya bar btags so/ /gang gi tshe bcom ldan 'das byang chub sems dpa' chen por 'khrungs shing / des rgan po dang / nad pa dang / shi ba gzigs nas thugs phyung ste nags kyi nang du gshegs pa de'i tshe na/ rgyal po zas gtsang dang shAkya legs par rab rtogs kyis bka' mchid gsol ba'i mi nyis brgya lnga bcu nyis brgya lnga bcu bkye ste/ de dag gis nyi ma re re zhing deng ni/ gzhon nu til 'bru gcig gam/ 'bras thug po che 'bru gcig gam/ mon sran sde'u 'bru gcig gam/ mon sran gre'u 'bru gcig gam/ rgya shug gi 'bru gcig gam/ rgya sran 'bru gcig gis 'tsho bar mdzad do/ /zhes bcom ldan 'das byang chub sems dpa'i bka' mchid khyer te 'ong ngo / /nyi 'og gi khams kyi rgyal po dag gis de ltar gzhon nu don thams cad grub pa rgan po dang / nad pa dang / shi ba gzigs nas thugs byung ste rab tu byung ngo / /zhes thos nas de dag 'di </font><hr>Cha92a<br><font size=+1>


@#/ /snyam du sems te/ gang gi phyir bdag cag rgyal po zas gtsang la bsten par byed pa'i gzhon nu de rab tu byung ngo / /snyam nas/ de dag las ko sa lar byung ba'i rgyal po gsal rgyal ma gtogs pa gzhan thams cad kyis 'dud pa dang / pho nya dang / dkor sgrom 'bul ba rgyun bcad par gyur to/ /de'i tshe na ko sa lar byung ba'i rgyal po gsal rgyal la blon po'i mchog sbed pa zhes bya ba zhig yod la/ rgyal po zas gtsang la ni/ mdun na 'don gyi bu 'char ka zhes bya ba yod de/ gang gi tshe ko sa lar byung ba'i rgyal po gsal rgyal/ rgyal po zas gtsang gi gan du pho nya gtong bar byed pa de'i tshe na/ blon po'i mchog sbed pa gtong bar byed de/ des rgyal po'i bya ba dag dang / rgyal po'i byed pa dag kyang byas nas 'char ka'i khyim du 'jug par byed do/ /gang gi tshe rgyal po zas gtsang / ko sa lar byung ba'i rgyal po gsal rgyal gyi gan du pho nya gtong bar byed pa de'i tshe na ni/ mdun na 'don gyi bu 'char ka gtong bar byed de/ des kyang rgyal po'i bya ba dag dang / rgyal po'i byed pa dag byas nas blon po'i mchog sbed pa'i khyim du 'jug par byed do/ /sbed pa la chung ma sbed ma zhes bya ba gzugs bzang ba/ blta na sdug pa/ mdzes pa/ skyes bu dga' ba zhig yod de/ 'char ka sbed ma dang lhan cig kha dum par gyur te/ /sbed pas ji ltar 'char ka sped ma dang lhan cig kha dum par gyur par shes nas des bsam pa/ 'di gsad </font><hr>Cha92b<br><font size=+1>


par bya'o/ /snyam mo/ /yang bsam pa/ gal te 'di bsad par gyur na/ yul 'khor gnyis 'khrug pa chen por 'gyur bas/ bdag gis bud med kyi lus kyi phyir ci'i phyir bram ze gsad par bya snyam nas de btang snyoms su bzhag go /de nas 'char ka 'di snyam du sems te/ bdag sbed pas 'phrigs so/ /snyam du rig nas/ skrag ste khyim nas byung zhing gzhan na 'dug pa dang / sbed pas smras pa/ 'char ka /khyod ci'i phyir rang gi khyim spangs te gzhan na 'dug /tshur shog /'di khyod rang gi khyim yin gyi/ ci bder 'dug cig /de nas 'char ka 'di snyam du sems te/ don gyis na 'dis bdag la rjes su gnang ngo / /snyam du rig nas de nyid na 'dug go/ /'dul ba rnam par 'byed pa/ bam po nyer bdun pa/ de nas dus gzhan zhig na/ blon po'i mchog sbed pa dus la bab nas ko sa lar byung ba'i rgyal po gsal rgyal gyis de la bu med pa'i phyir nor thams cad rang gi mdzod dang bang bar bcug go/ /sbed mas 'char ka la gang gi tshe bdag gi khyim thab gson zhing 'dug ste/ 'tsho zhing sdod pa de'i tshe na khyod rtag pa kho nar byon na/ da de dus la bab ste/ ko sa lar byung ba'i rgyal po gsal rgyal gyis kyang bu ma mchis pa'i slad du nor thams cad rang gi mdzod dang bang bar stsal na/ da khyod kyis bka' mchid tsam yang mi spring ngam zhes yi ge spring ngo / /de nas 'char ka spring yig gi don thos nas 'di snyam du sems te/ gal te bdag der song </font><hr>Cha93a<br><font size=+1>


@#/ /bar gyur na/ gzhi de las 'char ka bud med la chags pa bud med kyi phyir der song ngo / /zhes gzhan dag kha zer bar 'gyur gyi/ bdag gis thabs kyi rnam pa zhig bya'o/ / snyam nas/ des lan gnyis sam gsum du rgyal po'i bya ba dag dang / rgyal po'i byed pa dag byas nas rgyal po zas gtsang ga la ba der song ste phyin nas rgyal po zas gtsang la 'di skad ces smras so// lha/ gang gi tshe gzhon nu don thams cad grub pa bltams pa de'i tshe na/ nyi 'og gi khams kyi rgyal po thams cad 'dud cing thams cad kyis pho nya dang dkor sgrom dag gsol nas/ gang gi tshe gzhon nu don thams cad grub pa rgan po dang / nad pa dang / gum pa gzigs nas thugs byung ste nags su gshegs pa de'i tshe na/ nyi 'og gi khams kyi rgyal po de dag las/ ko sa lar byung ba'i rgyal po gsal rgyal ma gtogs pa gzhan thams cad kyis pho nya dang dkor sgrom 'bul ba rgyun bkum nas/ lhas/ ko sa lar byung ba'i rgyal po gsal rgyal la pho nya dang dkor sgrom dag bka' stsal cing bskur nas de lta de ltar rkyen par gyur pa las de yal bar bor na/ slad kyis gnod pa chen por 'gyur bas/ de skol dang mtshams 'brel par mchis pas de dag lhan cig rkyen par mdzad pa'i rigs so/ /'char ka/ gal te de lta na/ khyod nyid pho nyar song zhig/ lha/ bka' bzhin 'tshal zhes de nas 'char kas dkor sgrom dag khyer te mnyan yod ga la ba der 'phags nas </font><hr>Cha93b<br><font size=+1>


mthar gyis mnyan yod du phyin to/ /de nas 'char ka 'di snyam du sems te/ sten pa la bsten par mi bya bar bsten pa la bsten par bya ba yin pas/ je dang por blon po rnams blta bar bya zhing / de'i 'og tu rgyal po blta ste/ sbed ma'i phyir rgyal po la gsol ba bya'o/ /snyam nas/ des blon po rnams blta bar brtsams te smras pa/ shes ldan dag/ khyed kyis kho bo ji ltar sbed ma dang lhan cig bshes pa de/ mi shes sam/ de'i khyim thab dus la bab nas/ ko sa lar byung ba'i rgyal po gsal rgyal gyis bu med pa'i phyir de'i nor thams cad rang gi mdzod dang bang bar bcug pas de'i phyir kho bo rgyal po la gsol ba byed kyi/ khyed kyis grogs kyis shig /de dag gis de bzhin du khas blangs so/ /de nas 'char ka ko sa lar byung ba'i rgyal po gsal rgyal ga la ba der song ste phyin nas/ ko sa lar byung ba'i rgyal po gsal rgyal la rgyal ba dang tshe spel ba byas te mtha' gcig tu 'dug nas/ lan gnyis sam gsum du rgyal po'i bya ba dag dang / rgyal po'i byed pa dag byas te/ ko sa lar byung ba'i rgyal po gsal rgyal la 'di skad ces smras so/ /lha/ bdag gi gnas stsol cig /'char ka khyod sngon gang du zhugs/ lha/ blon po'i mchog sped pa'i sdum par mchis so/ /'char ka song la de nyid du zhugs shig /lha/ blon po'i mchog sbed pa dus la bab po/ /gal te de dus la bab na/ ci/ de'i khyim thab kyang dus la bab bam/ lha/ de'i sdum pa ni/ dus la ma bab mod kyi/ 'on kyang de na </font><hr>Cha94a<br><font size=+1>


@#/ /stan tsam yang ma mchis so/ /rgyal pos blon po rnams la smras pa/ shes ldan dag /khyed kyis 'char ka'i gnas byin cig /'char ka phyir byung ba dang blon po rnams kyis smras pa/ lha/ ci lags/ 'char ka la gnas ma mchis snyam mam/ 'di ltar/ 'char ka sbed ma dang lhan cig mchid mjal bas don gyis na/ 'char kas sbed ma'i slad du lha la gsol ba bgyis kyi/ lha/ 'char ka ni/ bram ze mdun na 'don gyi bu lags pas/ bram ze ni/ mi 'dod bzhin du gzung bar bgyi ba lags te/ 'di legs par bzung na/ rgyal po zas gtsang legs par bzung bar 'gyur ro/ /de nas rgyal pos 'char ka bos te smras pa/ 'char ka/ ngas khyod ji ltar sbed ma dang lhan cig bshes par sngar ma shes kyi/ da song la sbed ma dang / de'i khyim dang / nor thams cad khyod khyer cig /lha/ bka' stsal pa bzhin 'tshal lo/ /zhes smras nas/ 'char ka sbed ma'i khyim ga la ba der song ba dang / sbed mas 'char ka 'ongs so/ /zhes thos nas sgo khang du 'dug ste ngu bar brtsams so/ /'char kas mthong nas smras pa/ sbed ma/ khyod ci'i phyir ru/ des smras pa/ bdag 'tshal ba'i khyim thab dus la bab na/ ci khyod kyis kyang yongs su gtang ngam/ de nas 'char ka 'di snyam du sems te/ gal te bdag gis mthun par smra na/ 'di shin tu ngu bar 'gyur bas/ bdag gis 'di tshar gcad par bya'o/ /snyam du rig nas/ 'char </font><hr>Cha94b<br><font size=+1>


kas sbed ma la smras pa/ sbed ma/ byang chub sems dpa' dka' ba byed pa gang gis btsun mo grags 'dzin dang / sa 'tshom dang / ri dwags skyes la sogs pa bud med drug khri spangs te rab tu byung ba dag gis rkang pa'i rdul tsam du yang khyod kyis mi phod do/ /de nas de cang mi smra bar 'dug pa dang / 'char kas smras pa/ kho bos khyod ma btang bas khyod nyid kyi phyir 'dir 'ongs pa yin no/ /kho bos rgyal po las khyod dang / khyim dang / nor thams cad thob na/ ci/ khyod 'di nyid du 'dug gam/ ser skya'i gnas su 'gro/ des bsam pa/ gal te ser skya'i gnas su song na/ bram ze mo las srog kyang mi thob bo/ /snyam du rig nas/ 'di nyid du mchis so/ /zhes smras te/ de de nyid du 'dug go/ de'i tshe na 'char ka la khyim gnyis yod de/ gcig ni/ mnyan yod na'o/ /gcig ni/ ser skya'i gnas na'o/ /gang gi tshe bcom ldan 'das byang chub sems dpas lo drug tu dka' ba spyad de/ dka' ba byed pa ci yang med par rig nas ci bder dbugs rngub par mdzad/ ci bder dbugs 'byin par mdzad cing / 'bras chan dang / zan dron la sogs pa zhal zas rgya chen po dag kyang gsol bar mdzad/ zhun mar dang 'bru mar dag gis sku dag kyang skud par mdzad/ chu dron pos kyang sku bsil bar mdzad cing / grong sde 'dong du gshegs nas grong ba'i bu mo dga' mo dang / dga' stobs ma gnyis las/ lan bcu drug bzlas pa'i 'o ma sbrang rtsi dang bsrel ba gsol te/ klu'i rgyal po nag pos mngon par bstod pa na/ rtswa bkra shis </font><hr>Cha95a<br><font size=+1>


@#/ /tshong pa las rtswa gser gyi mdog lta bu dag bzhes nas byang chub kyi gzhi ga la ba der gshegs te byon nas/ nyid kyis rtswa ma 'khrugs pa'i gdan bshams nas skyil mo krung bcas te sku drang por bsrangs nas dran pa phyogs par bzhag ste bzhugs nas thugs bskyed cing gsung brjod pa/ ji srid zag med ma thob par/ /de srid skyil krung gzhig mi bya/ /de yis ji srid zag med pa/ /ma brnyes skyil krung 'jig mi mdzad/ /gang gi tshe bcom ldan 'das kyis mtshan mo'i gung thun la bdud 'byung po dung phyur phrag gsum dang bye ba phrag drug gi 'khor dang ldan pa byams pa'i stobs kyis mngon par btul te/ bla na med pa'i mkhyen pa thugs su chud nas/ tshangs pas gsol te wA ra NA sir gshegs nas lan gsum du bzlas te rnam pa bcu gnyis su chos dang ldan pa'i chos kyi 'khor lo bskor ba de'i tshe lnga pa dang / nye lnga dag dang / grong pa'i khye'u mtho ba mtho ba lnga bcu btul to/ /wA ra NA si'i gseb tu gshegs nas bzang sde'i tshogs drug cu bden pa dag la bkod do/ /grong sde 'dong du gshegs nas grong ba'i bu mo dga' mo dang dga' stobs ma gnyis bden pa dag la bkod do/ /lteng rgyas su gshegs nas ral ba can stong rab tu byung zhing rdzogs par bsnyen par mdzad do/ /ga ya mgo'i mchod rten du gshegs nas dge slong stong po dag cho 'phrul gsum gyis gdams pa mdzad nas 'khor ba'i dgon pa las bsgral te </font><hr>Cha95b<br><font size=+1>


shin tu mthar thug pa/ grub pa dang bde ba bla na med pa'i mya ngan las 'das pa la bkod do/ /shar pa'i tshal gseb tu gshegs nas ma ga d+har byung ba'i rgyal po bzo sbyangs gzugs can snying po lha brgyad khri dang / ma ga d+har byung ba'i bram ze dang khyim bdag 'bum phrag du ma dang lhan cig bden pa dag la bzhag go/ rgyal po'i khab tu gshegs nas 'od ma'i tshal bzhes te/ shA ri'i bu dang / mo'u dgal gyi bu 'khor nyis brgya lnga bcu dang ldan pa rab tu byung zhing rdzogs par bsnyen par mdzad do/ /mnyan yod du gshegs nas rgyal byed kyi tshal bzhes te/ ko sa lar byung ba'i rgyal po gsal rgyal gzhon nu'i dpes mdos btul nas/ de nas sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de nas ko sa lar byung ba'i rgyal po gsal rgyal gyis/ rgyal po zas gtsang gi gan du pho nya btang ste/ lha dgyes pa skyed cig /khyod kyi sras kyis bdud rtsi thugs su chud de/ bdud rtsis 'gro ba tshim par mdzad cing mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /zhes spring ngo / /rgyal po zas gtsang gis thos nas/ bcom ldan 'das kyi spyan sngar pho nya btang ste/ gzhon nu bdag gis ring du ma mthong ste/ bdag gzhon nu mthong bas yongs su skom mo/ /zhes gsol pa dang / pho nya de de nyid du rab tu byung ngo / /pho nya gnyis pa btang ba dang / de yang de nyid du rab tu byung ngo / /bcom </font><hr>Cha96a<br><font size=+1>


@#/ /ldan 'das kyis 'dul ba ni/ legs par gsungs pa yin pa'i phyir gang dang gang pho nyar btang ba de dang de de nyid du rab tu byung ngo / /de nas dus gzhan zhig na rgyal po zas gtsang gis de thos nas lag pa la 'gram pa gtad de/ sems khong du chud cing 'dug pa 'char kas mthong nas smras pa/ lha ci'i slad du phyag la zhal gtad de/ thugs khong du chud cing bzhugs/ 'char ka gang gi tshe gzhon nu don thams cad grub pa dka' ba dag spyod pa de'i tshe/ ngas gtam rmed pa'i mi dag btang na/ de dag nyi ma re re zhing gtam khyer te 'ongs nas/ gzhon nu don thams cad grub pa gnas pa 'dis gnas so/ /zhes gtam bsnyad par byed na/ da gzhon nu don thams cad grub pas bdud rtsi thugs su chud de/ bdud rtsis 'gro ba tshim par mdzad cing mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /zhes thos nas/ ngas gtam rmed pa'i mi dag btang na/ 'gas kyang gzhon nu don thams cad grub pa'i gtam khyer te mi 'ong bar gang dang gang pho nyar btang ba de dang de/ de nyid du 'dug par gyur na/ nga ji ltar lag pa la 'gram pa gtad de sems khong du mi chud cing mi 'dug tu rung / 'char kas smras pa| lha/ bdag la bka' stsal du gsol/ khyod kyang der 'dug par 'gyur ro/ /lha/ bdag gis lha'i spyan sngar bka' mchid 'tshal te mchi'o/ /rgyal po zas gtsang gis rang nyid kyis 'phrin </font><hr>Cha96b<br><font size=+1>


yig 'di skad ces/ mal rum bzhugs pa tshun chad nas/ /bdag gis legs par khyod bsrungs te/ /nyon mongs gdugs kyis rab gdungs pas/ /rgyal ba'i ljon shing sdod cing mchis/ /slob ma'i yal ga rtsa lag gis/ /de ltar khyod ni rgyas gyur pas/ /gzhan dag bde bas dga' mdzad na/ /bdag ni sdug bsngal bsten par gyur/ /gang tshe dang po khyod 'khrungs tshe/ /shin tu don chen mdzad nas ni| |nye du rjes su gzung mdzad ces/ /de tshe khyod kyis thugs dam bcas/ /de slad go 'phang zhi brnyes khyod/ /bdag dang nye du'i tshogs rnams la/ /rjes su thugs brtse nyer bzung ste/ /byon pa'i blo gros mdzad du gsol/ /zhes bris so/ /de nas 'char ka 'phrin yig de blangs te/ mnyan yod du 'phags nas de mthar gyis mnyan yod ji tsam na 'char kas bcom ldan 'das la 'phrin yig phul ba dang / bcom ldan 'das nyid kyis 'phrin yig bklag pa mdzad dus/ 'char kas gsol pa/ bcom ldan 'das ser skya'i gnas su gshegs sam/ 'char ka 'ong ngo / /'char kas sngon gyi gcugs pa de nyid kyis 'di skad ces gsol to/ /gal te bcom ldan 'das mi gshegs na/ bdag gis mthus bkri bar bgyi'o/ /de nas bcom ldan 'das kyis de'i tshe tshigs su bcad pa bka' stsal pa/ gang la khrid byed sred pa yi/ /dra bkram gang na'ang yod min pa/ /spyod yas gzhi med sangs rgyas de/ /gang gi gzhis ni khrid par byed/ /gang la khrid byed sred pa yi/ /dra bkram gang na'ang yod min pa// </font><hr>Cha97a<br><font size=+1>


@#/ /rtsal yas gzhi med sangs rgyas de/ /gang gi gzhis ni khrid par byed/ /gang rgyal mi nyams gang la ni/ /'jig rten ma rgyal yong med pa/ /spyod yas gzhi med sangs rgyas de/ /gang gi gzhis ni khrid par byed/ /gang rgyal mi nyams gang la ni/ /'jig rten ma rgyal yong med pa/ /rtsal yas gzhi med sangs rgyas de/ /gang gi gzhis ni khrid par byed/ /'char kas gsol pa/ bcom ldan 'das/ bdag rgyal po zas gtsang la brjod du mchi'o/ /bcom ldan 'das kyis bka' stsal pa/ 'char ka/ rgyal ba'i pho nya dag ni/ de lta bu ma yin no/ /bcom ldan 'das/ 'o na rgyal ba'i pho nya dag ji lta bu lags/ skra bregs shing gos ngur smrig gyon pa rab tu byung ba dag yin no/ /bcom ldan 'das/ bdag gis rgyal po zas gtsang la slar mchi bar mchid kyis 'tshal to/ /bcom ldan 'das kyis bka' stsal pa/ rab tu byung ste song zhig/ 'di ltar/ bcom ldan 'das byang chub sems dpar gyur pas sngon tshe rabs brjes pa de dang de dag tu yab dang / yum dang / mkhan po dang / slob dpon dang / bla ma dang / bla ma'i gnas lta bu dag gi chos dang ldan pa'i tshig 'ga' yang ma bcags pas/ bka' stsal ma thag tu 'char kas gsol pa/ bcom ldan 'das/ bdag rab tu 'byung ngo / /de nas bcom ldan 'das kyis tshe dang ldan pa shA ri'i bu la bka' stsal pa/ shA ri'i bu/ 'char ka rab tu phyung zhig dang / de ni/ 'di </font><hr>Cha97b<br><font size=+1>


la yun ring por don dang / phan pa dang / bde bar 'gyur ro/ /tshe dang ldan pa shA ri'i bus/ btsun pa/ bka' bzhin 'tshal zhes bcom ldan 'das las mnyan nas 'char ka rab tu phyung bsnyen par rdzogs par byas te/ de la 'di ni/ khyod kyi bya ba yin no/ /'di ni/ khyod kyi bya ba ma yin/ 'char ka/ khyod kyis deng phyin chad bud med kyi yul dang lhan cig tu nyal bar mi bya'o/ /zhes bya ba la sogs pa kun tu spyad pa'i chos thams cad brjod do/ /'char kas/ mkhan po/ /bka' bzhin 'tshal zhes tshe dang ldan pa shA ri'i bu'i rkang pa gnyis la mgo bos phyag 'tshal te song nas/ bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te bcom ldan 'das la 'di skad ces gsol to/ /bcom ldan 'das ser skya'i gnas su mchi'o/ /bcom ldan 'das kyis bka' stsal pa/ 'char ka/ khyod kyis tsham tshom med par rgyal po'i pho brang du 'jug par mi bya bar sgor 'greng ste/ shAkya'i dge slong 'ongs so/ /zhes brjod par bya'o/ /gal te shAkya'i dge slong gzhan dag kyang yod dam zhes 'dri na/ shAkya'i dge slong gzhan dag kyang yod do/ /zhes brjod par bya'o/ /gal te zhugs shig ces zer na/ 'jug par bya'o/ /gal te gzhon nu don thams cad grub pa yang cha lugs 'di 'dra ba nyid yin na ma zhes dri na/ cha lugs 'di 'dra ba nyid yin no/ /zhes brjod par bya'o/ /khyod kyis rgyal po'i pho brang du gnas par mi bya'o/ /gal te gzhon nu don thams </font><hr>Cha98a<br><font size=+1>


@#/ /cad grub pa yang rgyal po'i pho brang du gnas 'cha' bar mi byed dam zhes 'dri na/ gnas 'cha' bar mi byed do/ /zhes brjod par bya'o/ /gal te gang du gnas 'cha' bar byed ces 'dri na/ dgon pa'am gtsug lag khang du'o/ /zhes brjod par bya'o/ /gal te gzhon nu don thams cad grub pa 'ong ngam zhes 'dri na/ 'ong ngo / /zhes brjod par bya'o/ /gal te yun ji tsam na 'ong zhes 'dri na/ zhag bdun 'das nas so/ /zhes brjod par bya'o/ /tshe dang ldan pa 'char kas/ bcom ldan 'das/ bka' bzhin 'tshal zhes bcom ldan 'das las mnyan nas/ bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /'char ka 'ong ba'i tshe mnyan yod du nyi ma mang po dag gis phyin na/ phyir 'gro ba'i tshe/ 'di lta ste/ sangs rgyas kyi sangs rgyas kyi mthu dang / lha rnams kyi lha rnams kyis mthus nyi ma gcig gis ser skya'i gnas su phyin to/ /de nas tshe dang ldan pa 'char kas rgyal po zas gtsang gi pho brang ga la ba der song ste phyin nas mi sgo ba bos te smras pa/ kye nang rje/ khyod song la rgyal po la shAkya'i dge slong 'ongs so/ /zhes sbron cig/ des smras pa/ shAkya'i dge slong gzhan dag kyang mchis sam/ 'char kas smras pa/ shAkya'i dge slong gzhan dag kyang yod do/ /sgo bas rgyal po la sbran pa dang / rgyal pos smras pa/ shAkya 'jug tu chug cig /su zhig shAkya zlog </font><hr>Cha98b<br><font size=+1>


par byed/ de nas tshe dang ldan pa 'char ka sgo bas ngo shes nas/ rgyal po zas gtsang ga la ba der song ste phyin nas rgyal po zas gtsang la 'di skad ces smras so/ /rgyal po chen po/ khyod la bcom ldan 'das a ro kya zhes gsung ngo / /rgyal po zas gtsang gis 'char ka skad las ngo shes nas smras pa/ khyod 'char ka yin nam/ lha/ bdag skye bos de ltar 'tshal to/ /rgyal pos smras pa/ gzhon nu don thams cad grub pa yang cha lugs 'di 'dra ba nyid yin nam/ lha/ cha lugs 'di 'dra ba nyid lags so/ /rgyal po seng ge'i khri las brgyal te sa la lhung nas chus dbang bskur bas srog phyir 'ongs nas dris pa/ gzhon nu don thams cad grub pa 'ong ngam/ lha/ mchi'o/ /yun ji tsam na 'ong / dgung bdun 'das nas so/ /rgyal pos blon po rnams la smras pa/ shes ldan dag /dengs la rgyal po'i pho brang dang / btsun mo'i 'khor dag byi dor gyis shig/ lha/ gzhon nu don thams cad grub pa de/ rgyal po'i pho brang ngam/ btsun mo'i 'khor gyi nang du gnas 'cha' bar mi bgyid do/ /'o na gang du gnas 'cha' bar byed/ dgon pa'am gtsug lag khang du'o/ /gtsug lag khang ji 'dra bar/ 'char kas mnyan yod na gtsug lag khang ji 'dra ba dag mthong ba de 'dra ba brjod do/ /de'i tshe na rgyal po zas gtsang la skyed mos tshal skye yod dang / n+ya gro d+ha'i kun dga' ra ba dang / tshangs pa'i gnas la sogs pa skyed mos tshal lnga brgya yod pas/ rgyal pos blon po rnams la smras pa/ </font><hr>Cha99a<br><font size=+1>


@#/ /shes ldan dag/ khyed dengs la skyed mos tshal gsum po skye yod dang / n+ya gro d+ha'i kun dga' ra ba dang / tshangs pa'i gnas dag tu skyed mos tshal re re yang rgyal byed kyi tshal 'dra ba'i gtsug lag khang dang / khang chen bcu drug dang / khang pa'i gzhi drug cu yod pa dag myur du byed du chug la/ grong khyer ser skya'i gnas thams cad kyang rdo dang / gseg ma dang / gyo mo med par gnas par gyis shig /rgyal po rnams ni tshig gis 'grub pa yin la/ lha rnams ni sems kyis 'grub pa yin/ rnal 'byor pa rnams ni sems bskyed pa tsam gyis thams cad 'grub pa yin pas/ blon po rnams kyis/ lha/ bka' bzhin 'tshal zhes rgyal po zas gtsang las mnyan nas skyed mos tshal gsum po skye yod dang / n+ya gro d+ha'i kun dga' ra ba dang / tshangs pa'i gnas dag tu skyed mos tshal re rer yang rgyal byed kyi tshal 'dra ba'i gtsug lag khang / khang chen bcu drug dang / khang pa'i gzhi drug cu yod pa dag byed du bcug cing / grong khyer ser skya'i gnas thams cad kyang rdo ba dang / gseg ma dang / gyo mo med par gnas par byas so/ /sangs rgyas bcom ldan 'das gson zhing bzhugs te 'tsho zhing gzhes pa rnams la ni chos nyid kyis gdon mi za bar bgyi ba bcu mnga' ste/ sangs rgyas bcom ldan 'das kyis ji srid du sangs rgyas su lung ma bstan pa dang / ji srid du sems can gzhan gyis bla na med pa'i byang chub tu phyir mi ldog pa'i sems ma bskyed </font><hr>Cha99b<br><font size=+1>


pa dang / sangs rgyas kyis gdul bar bya ba thams cad ma btul ba dang / ji srid du sku tshe'i cha lnga pa ma lus pa dang / ji srid du mtshams gcad pa ma mdzad pa dang / ji srid du nyan thos zung cig mchog tu ma bstan pa dang / ji srid du grong khyer kun 'od du lha las 'bab pa ma bstan pa dang / ji srid du mnyan yod du cho 'phrul chen po rnam par ma bstan pa dang / ji srid du mtsho chen po ma dros par nyan thos rnams dang thabs cig sngon gyi las kyi rgyu ba lung ma bstan pa dang / ji srid du yab yum gnyis bden pa dag la ma bkod pa de srid du yongs su mya ngan las mi 'da' ba yin no/ /de nas bcom ldan 'das 'di snyam du dgongs te/ rgyal po chen po zas gtsang dang / shAkya 'bum phrag du ma dag gdul ba'i dus nye bar gnas par gyur cing / 'di lta ste/ yab yum gnyis bden pa dag la gzhag pa de ni de bzhin gshegs pas gdon mi za bar mdzad pa yin no snyam du dgongs so/ /de nas bcom ldan 'das kyis tshe dang ldan pa mo'u dgal gyi bu chen po la bka' stsal pa/ mo'u dgal gyi bu khyod song la dge slong rnams la de bzhin gshegs pa ser skya'i gnas su gshegs kyi| khyed cag las gang de bzhin gshegs pa dang thabs cig ser skya'i gnas su 'gro ba dang / yab dang sras mjal ba lta bar spro ba des/ chos gos dag longs shig ces sgos shig/ tshe dang ldan pa mo'u dgal gyi bu chen pos/ btsun pa/ bka' bzhin 'tshal zhes bcom ldan 'das las mnyan nas dge slong rnams la/ tshe dang ldan pa dag/ bcom ldan 'das ser skya'i gnas su gshegs kyi/ khyed cag las </font><hr>Cha100a<br><font size=+1>


@#/ /gang de bzhin gshegs pa dang thabs cig ser skya'i gnas su 'gro ba dang / yab dang sras mjal ba lta bar spro ba des/ chos gos dag longs shig ces bsgo'o/ /dge slong de dag gis/ tshe dang ldan pa/ de bzhin bgyi'o/ /zhes tshe dang ldan pa mo'u dgal gyi bu chen po las mnyan to/ /de nas bcom ldan 'das dul ba 'khor dul ba dang ldan pa/ zhi ba 'khor zhi ba dang ldan pa/ grol ba 'khor grol ba dang ldan pa/ dbugs phyin pa 'khor dbugs phyin pa dang ldan pa/ thul ba 'khor thul ba dang ldan pa/ dgra bcom pa 'khor dgra bcom pa dang ldan pa/ 'dod chags dang bral ba 'khor 'dod chags dang bral ba dang ldan pa/ mdzes pa 'khor mdzes pa dang ldan pa/ khyu mchog ltar ba lang gi tshogs kyis yongs su bskor ba/ glang po che ltar glang po che'i phru gu'i tshogs kyis yongs su bskor ba/ seng ge ltar mche ba can gyi tshogs kyis yongs su bskor ba/ ngang pa'i rgyal po ltar ngang pa'i tshogs kyis yongs su bskor ba/ nam mkha' lding ltar bya'i tshogs kyis yongs su bskor ba/ bram ze ltar slob ma'i tshogs kyis yongs su bskor ba/ sman pa mkhas pa ltar nad pa'i tshogs kyis yongs su bskor ba/ dpa' bo ltar ru ba'i tshogs kyis yongs su bskor ba/ sa mkhan ltar lam du zhugs pa'i tshogs kyis yongs su bskor ba/ ded dpon ltar tshong pa'i tshogs kyis yongs su bskor ba/ tshong dpon ltar 'khor gyi tshogs kyis yongs su bskor ba/ mkhar gyi rgyal po ltar blon po'i tshogs </font><hr>Cha100b<br><font size=+1>


kyis yongs su bskor ba/ 'khor los bsgyur ba ltar bu stong gi tshogs kyis yongs su bskor ba/ zla ba ltar rgyu skar gyi tshogs kyis yongs su bskor ba/ nyi ma ltar 'od zer stong gi tshogs kyis yongs su bskor ba/ yul 'khor srung ltar dri za'i tshogs kyis yongs su bskor ba/ 'phags skyes po ltar grul bum gyi tshogs kyis yongs su bskor ba/ mig me bzang ltar klu'i tshogs kyis yongs su bskor ba/ gnod sbyin ltar gnod sbyin gyi tshogs kyis yongs su bskor ba/ thags bzang ris ltar lha ma yin gyi tshogs kyis yongs su bskor ba/ brgya byin ltar sum cu rtsa gsum pa'i tshogs kyis yongs su bskor ba/ tshangs pa ltar tshangs ris kyi tshogs kyis yongs su bskor ba/ dbang po rnams kyis shin tu dul ba/ spyod lam dang spyod pa ma 'khrugs pa/ chu gter ltar ting nge ba/ sprin ltar chu dang bcas pa/ glang po che'i rgyal po ltar dregs pa dang bral ba/ skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus sku rnam par mdzes pa/ 'od 'dom gang gis gzugs can brgyan pa/ nyi ma stong pas lhag pa'i 'od dang ldan pa/ rin po che'i ri bo 'gro ba ltar kun tu bzang po/ stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / thugs rje chen po dang ldan pa/ 'jig rten la phan par zhugs pa/ srung ba gcig pu pa/ nyag gcig dpa' ba/ gnyis pa med pa/ gnyis su mi gsung ba/ zhi gnas dang lhag mthong gis bzhugs pa/ rig pa gsum gsal bar mdzad pa/ </font><hr>Cha101a<br><font size=+1>


@#/ /bslab pa gsum la legs par bslab pa/ 'dul ba'i gnas gsum gyi gzhi la mkhas pa/ chu bo bzhi las brgal ba/ rdzu 'phrul gyi rkang pa bzhis spyod pa'i gzhi la legs par gnas pa/ bsdu ba'i dngos po gzhi la yun ring po nas yongs su sbyang ba mdzad pa/ mi 'jigs pa bzhis bsnyengs pa mi mnga' ba/ yan lag lnga slangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas pa drug gis gnas pa/ byang chub kyi yan lag bdun gyi me tog gis phyug pa/ lam gyi yan lag brgyad ston pa/ mthar gyis snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur snyan pas yang dag par rgyas pa/ brgya phrag bcur dbang bsgyur ba las khyad par du 'phags pa/ 'khor nyan thos chen po tshe dang ldan pa lteng rgyas 'od srung dang / ga ya 'od srung dang / chu klung 'od srung la sogs pa sngon gyi ral pa can stong dang / tshe dang ldan pa shA ri'i bu dang / mo'u dgal gyi bu la sogs pa dge slong gi dge 'dun mang pos mdun du bdar te ser skya'i gnas ga la ba der rgyu zhing gshegs so/ /de'i tshe na rgyal po zas gtsang gis nyi ma bdun pa la grong khyer ser skya'i gnas thams cad rdo ba dang / gseg ma dang / gyo mo med par bzhag cing / bdug pa dang / phye ma 'khrigs pa dang / me tog sna tshogs bkram pa dang / rgyal mtshan dang / ba dan bsgreng ba la sogs pa mchod pa'i yo byad rgya chen </font><hr>Cha101b<br><font size=+1>


po dag bshams shing / n+ya gro d+ha'i kun dga' ra bar sa phyogs go skabs yangs par gdan thabs zla gam lta bu bshams te/ n+ya gro d+ha'i kun dga' ra ba nas grong khyer ser skya'i gnas kyi bar/ lam thams cad mdzes shing / rdo ba dang / gseg ma dang / gyo mo med par bzhag ste spos chu'i chag chag btab cing / bar bar du dar gyi chun po mang po dpyangs shing / me tog gi tshogs dag kyang bshams/ bdug spos dri zhim po'i du ba 'khrigs pa dang / me tog sna tshogs bkram pa dang / rgyal mtshan dang / ba dan bsgreng ba dag rnam par bzhag go/ rgyal po zas gtsang nyid kyang rgyal po'i 'byor pa chen po dang / rgyal po'i mthu chen pos n+ya gro d+ha'i kun dga' ra ba na/ 'di lta ste/ bcom ldan 'das la sdod cing 'dug go /de nas bcom ldan 'das mthar gyis rgyu zhing gshegs pa na chu klung ro ha ka'i 'gram du gshegs so/ /de nas dge slong kha cig ni/ lag pa dang rkang pa dag 'khru bar byed/ kha cig so shing 'dor bar byed/ kha cig ni/ chu 'tshag par byed do/ /kha cig ni/ khrus byed/ grong khyer ser skya'i gnas na 'khod pa'i shAkya rnams kyis/ gzhon nu don thams cad grub pa 'ongs shing / rgyal po zas gtsang gis n+ya gro d+ha'i kun dga' ra bar sa phyogs go skabs yangs par gnas mal bshams zhes thos so/ /thos nas kyang shAkya 'bum phrag du ma dag n+ya gro d+ha'i kun dga' ra bar 'dus par gyur cing / de nas kha cig ni/ sngon gyi dge ba'i rtsa ba dag gis bskul cing lhags so/ /kha cig ni/ ya mtshan skyes te/ je dang por yab kyis </font><hr>Cha102a<br><font size=+1>


@#/ /sras kyi zhabs la phyag 'tshal bar mdzad dam/ 'on te sras kyis yab kyi zhabs la phyag 'tshal bar mdzad pa blta'o/ /snyam pas lhags so/ /de nas bcom ldan 'das 'di snyam du dgongs te/ gal te de bzhin gshegs pa zhabs kyis ser skya'i gnas su gshegs na shAkya nga rgyal can dag /gzhon nu don thams cad grub pas chen po ma rnyed de/ 'di ltar/ 'di sngon byang chub sems dpar gyur pa na/ grong khyer ser skya'i gnas nas lha 'bum phrag du mas bsus te steng gi nam mkha' las byung ste song nas/ da 'dis bla na med pa'i ye shes rtogs kyang rkang pas 'ongs so| |zhes ma dad pa skye bar 'gyur bas/ bdag rdzu 'phrul gyis ser skya'i gnas su 'jug par bya'o/ /snyam du dgongs shing rig nas dge slong rnams la bka' stsal pa/ dge slong dag /khyed ni/ rkang pa dag gis chu klung ro ha ka la rgol cig /de bzhin gshegs pa ni/ rdzu 'phrul gyis gshegs so/ /dge slong rnams kyis/ btsun pa/ bka' bzhin 'tshal zhes bcom ldan 'das las mnyan nas rkang pa dag gis chu klung ro ha ka brgal te n+ya gro d+ha'i kun dga' ra ba ga la ba der dong ngo / /de nas bcom ldan 'das kyis dge slong gi dge 'dun song nas ring po ma lon par thugs su chud nas ting nge 'dzin 'di lta bu la snyoms par zhugs te/ ji ltar thugs mnyam par bzhag na/ rdzu 'phrul gyis chu klung ro ha ka'i pha rol gyi 'gram nas mi snang bar gyur cing / steng gi nam mkha' la dang ba'i </font><hr>Cha102b<br><font size=+1>


rgyal po 'dab ma brkyangs pa ltar mngon par 'phags nas ser skya'i gnas kyi steng n+ya gro d+ha'i kun dga' ra ba ga la ba der gshegs te byon nas n+ya gro d+ha'i kun dga' ra ba'i steng gi nam mkha' la skyil mo krung bcas te bzhugs so/ /de nas bcom ldan 'das shar phyogs su spyod lam bzhi po 'di lta ste/ 'chag pa dang / bzhengs pa dang / bzhugs pa dang / mnal ba dag mdzad do/ /me'i khams la yang snyoms par 'jug par mdzad de/ sangs rgyas bcom ldan 'das me'i khams la snyoms par zhugs pa'i sku las 'od zer sna tshogs 'di lta ste/ sngon po dag dang / ser po dag dang / dmar po dag dang / dkar po dag dang / btsod ka dag dang / shel dang dngul gyi kha dog lta bu dag byung ngo / /cho 'phrul zung dag kyang rnam par ston par mdzad de/ sku'i smad nas me 'bar zhing / sku'i stod nas chu grang mo'i rgyun 'bab par mdzad do/ /sku'i stod nas me 'bar zhing / sku'i smad nas chu grang mo'i rgyun 'bab par mdzad do/ /shar phyogs su ji lta ba bzhin du lho phyogs dang / nub phyogs dang / byang phyogs su yang de bzhin mdzad de/ de ltar phyogs bzhir rdzu 'phrul gyi cho 'phrul rnam pa bzhi ston par mdzad do/ /de nas sangs rgyas bcom ldan 'das 'di snyam du dgongs te/ gal te de bzhin gshegs pas rgyal po zas gtsang gi rkang pa gnyis la gtugs par gyur na ni/ de'i spyi bo tshal ba bdun du 'gas par 'gyur la/ gal te rgyal po zas gtsang gis de bzhin gshegs pa'i zhabs gnyis la gtugs par gyur na ni/ shAkya </font><hr>Cha103a<br><font size=+1>


@#/ /nga rgyal can dag /ci'i phyir yab tu gyur pas sras kyi rkang pa gnyis la thug par byed ces ma dad pa skye bar 'gyur bas/ bdag gis kyang rgyal po zas gtsang gis lus ma btud bzhin du/ de bzhin gshegs pa'i zhabs gnyis la phyag 'tshal bar 'gyur ba de lta bu'i rdzu 'phrul mngon par 'du bya bar mngon par 'du bya'o/ /snyam du dgongs shing rig nas/ ta la bdun srid tsam gyi steng gi nam mkha' la bzhugs shing / ta la drug dang / lnga dang / bzhi dang / gsum dang / gnyis dang / gcig srid tsam na bzhugs so/ /de nas skyes bu bdun srid tsam na gzhes shing / skyes bu drug dang / lnga dang / bzhi dang / gsum dang / gnyis dang / gcig srid tsam na gzhes so/ /de nas rgyal po zas gtsang gis lus ma btud bzhin du de bzhin gshegs pa'i zhabs gnyis la mgo bos phyag 'tshal nas shAkya rnams la go bar bya ba'i phyir de'i tshe tshigs su bcad pa smras pa/ gang tshe khyod bltams dog sa rab g.yos dang / /'dzam bu'i grib mas khyod sku ma btang dang / /'di dang lan gsum kun gzigs mkhyen ldan pa/ /sangs rgyas khyod kyi zhabs la bdag phyag 'tshal/ /de nas bcom ldan 'das kyis rdzu 'phrul mngon par 'du mdzad pa de ltar bsdu ba mdzad nas n+ya gro d+ha'i kun dga' ra bar gshegs te dge slong gi dge 'dun gyi gong du gdan bshams pa nyid la bzhugs so/ /de nas rgyal po zas gtsang dang / bre bo zas dang / zas dkar dang / </font><hr>Cha103b<br><font size=+1>


bdud rtsi zas dang / shAkya 'bum phrag du ma dag gis bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /shAkya kha cig ni/ bcom ldan 'das ga la ba de logs su thal mo sbyar te mtha' gcig tu 'khod do/ /shAkya kha cig ni/ thag ring po khon nas bcom ldan 'das mthong nas cang mi smra bar mtha' gcig tu 'khod do/ /de nas rgyal po zas gtsang gis bcom ldan 'das la tshigs su bcad pa'i skad kyis zhu ba zhus pa/ dpa' bo bcibs pa glang po dang / /chibs dang shing rtas khab gshegs na/ /tsher bcas dog sa'i gzhi dag la/ /ji ltar zhabs kyis gshegs par mdzad/ /bcom ldan 'das kyis bka' stsal pa/ bdag ni rdzu 'phrul rkang pa dang / /yang dag rtsol ba'i bzhon pa yis/ /nyon mongs tsher mas ma rmas par/ /sa gzhi kun tu rnam par rgyu/ /rgyal pos gsol pa| dpa' bo sngon chad ka shi ka'i/ /na bza' gsol bas rnam mdzes na/ /ngur smrig na bza' rtsub po dag/ ji ltar khyod skus bzod par mdzad/ /bcom ldan 'das kyis bka' stsal pa/ rgyal po bdag gi khrel 'dzem pa'i/ /snam sbyar gos gyon mdzes pa yin/ /gang gi thub pa'i gos gyon pa/ /zhi ba'i nags na mdzes par gyur/ /rgyal pos gsol pa/ brtan pa sngon chad gser snod nas/ /zhal zas ro mang ldan gsol na/ /de ltar bsod snyoms ngan pa dag/ ji ltar khyod kyi mgur du byon/ /bcom ldan 'das kyis bka' stsal pa/ chos ldan dga' ba bdag gi zas/ /nges 'byung ldan zhing </font><hr>Cha104a<br><font size=+1>


@#/ /mnyam bzhag yin/ /zas sred spangs kyang 'jig rten kun/ /rjes su gzung phyir bdag spyod byed/ /rgyal pos gsol pa/ blo bzang khyod sngon yang thog gi/ gzhal med khang steng dus mthun bzhugs/ /nyag gcig nags na khyod bzhugs na/ /ji ltar bsnyengs dang bral bar 'gyur/ /bcom ldan 'das kyis bka' stsal pa/ go'u tam 'jigs kun rtsa dang srid/ /de bdag bag nyal bcas spangs pas/ /mya ngan 'jigs bral nags gnas te/ /de na bdag 'jigs ci yang med/ /rgyal pos gsol pa/ thub dbang khyod sngon rab dgyes pa'i/ /khab na rtag tu khrus mchog mdzad/ /nags na nyag gcig khyod bzhugs na/ /de na 'byor khrus su dag bgyid/ /bcom ldan 'das kyis bka' stsal pa/ go'u tam chos rdzing bsod nams 'gram/ /rnyog med dam pas bsngags pa ste/ /mi lus mi gsher der bkrus pa/ /rig byed yon tan pha rol 'gro/ rgyal pos gsol pa/ dpa' bo rang gi pho brang na/ /gser dngul bum pas khrus mdzad na// chab tshan rnyog dang bcas pa yis/ /ji ltar khyod kyis sku khrus mdzad/ /bcom ldan 'das kyis bka' stsal pa/ go'u tam dang klung tshul khrims 'gram/ /dang ba bsil ba mkhas pas bsngags// mi lus mi gsher der bkrus pa/ /rig byed yon tan pha rol 'gro/ rgyal po zas gtsang gis gsol pa/ zil gnon gang nas skye 'gyur zhing / /'jigs skrag gang nas 'byung bar 'gyur/ / </font><hr>Cha104b<br><font size=+1>


yid 'byung gang nas skye 'gyur ba/ /zhus pa de ni bdag la gsungs/ /bcom ldan 'das kyis bka' stsal pa/ zil gnon gang nas skye 'gyur zhing / /'jigs skrag gang nas 'byung 'gyur dang / /yid 'byung gang nas skye 'gyur ba/ /gson cig bdag gis khyod la bshad/ /rga dang na dang 'chi 'gyur ba/ /gal te de gsum yod min na/ /bdag kyang shin tu yid 'ong ba'i/ /yul rnams la ni dga' bar 'gyur/ /rgyal pos gsol pa/ shAkya'i rigs rnams dga' mdzad pa/ /dpa' bo 'jig rten chos brgyad kyis/ /khyod la gos pa mi mnga' ba/ /legs par 'khrungs pa legs pa lags/ /de nas rab dga' dang rgyas pas/ /drang srong dge 'dun bskor byas te/ /thub dbang zhabs la mgos gtugs nas/ /bde gshegs kun nas rtog cing sdod/ /de nas rgyal po zas gtsang 'di snyam du sems te/ bdag gi bu yon tan gyi tshogs 'di lta bu rtogs pa ni/ bdag gis rnyed pa legs par rnyed do/ /snyam mo/ /de nas bcom ldan 'das kyis skye bo phal po che'i tshogs de'i bsam pa dang / bag la nyal ba dang / khams dang / rang bzhin thugs su chud nas 'di ltar/ rgyal po zas gtsang dang / lhas byin sdig pa nga rgyal las kyang nga rgyal can ma gtogs pa/ zas dkar la sogs pa shAkya bdun khri bdun stong gis bden pa dag mthong bar gyur pa de ltar chos bstan pa mdzad do/ /de nas srog chags stong phrag mang po kha cig gis ni/ rgyun du zhugs pa'i 'bras bu mngon sum du byas/ kha cig gis ni/ lan gcig phyir 'ong ba'i </font><hr>Cha105a<br><font size=+1>


@#/ /'bras bu/ kha cig gis ni/ phyir mi 'ong ba'i 'bras sbu/ kha cig gis ni/ rab tu byung ste nyon mongs pa thams cad spangs pas dgra bcom pa nyid mngon sum du byas te/ 'khor de las phal cher sangs rgyas la gzhol ba dang / chos la 'bab pa dang / dge 'dun la bab par rnam par bzhag pa mdzad do/ /rgyal po zas gtsang ni/ bdag gi bu 'di ltar rdzu 'phrul che ba/ 'di ltar mthu che ba yin no/ /snyam du ha cang dga' bas bden pa ma mthong ngo / /lhas byin ni/ sdig pa 'dod pa dang / nga rgyal las kyang nga rgyal gyis bden pa ma mthong ngo / /lhas byin bden pa ma mthong zhing khro ba'i zil gyis non pas smras pa/ gal te bdag gis kyang 'di ltar rjes su 'jug par byed pa'i sgyu ma shes par gyur na/ bdag gis kyang 'jig rten thams cad rjes su 'jug par bya ba la rag go /shAkya gcugs par gyur pa dga' ba ston pa dag gis de la smras pa/ lhas byin/ thong zhig /bcom ldan 'das ni/ rdzu 'phrul che ba/ mthu che ba yin gyi/ de skad ma zer cig/ de nas de cang mi smra bar 'dug go /nyi ma gnyis pa la skyed mos tshal skye yod du sa phyogs go skabs yangs par gdan thabs zla gam lta bu bshams pa byas nas/ der yang bcom ldan 'das kyis skye bo phal po che'i tshogs de'i bsam pa dang / bag la nyal dang / khams dang / rang bzhin thugs su chud nas 'di ltar/ rgyal po zas gtsang dang / lhas byin sdig pa 'dod pa nga rgyal las kyang </font><hr>Cha105b<br><font size=+1>


nga rgyal can ma gtogs pa/ bre bo zas la sogs pa shAkya bdun khri drug stong gis bden pa dag mthong bar gyur pa de ltar chos bstan pa mdzad do/ /de na srog chags stong phrag mang po/ kha cig gis ni/ rgyun du zhugs pa'i 'bras bu mngon sum du byas/ kha cig gis ni/ lan gcig phyir 'ong ba'i 'bras bu/ kha cig gis ni/ phyir mi 'ong ba'i 'bras bu/ kha cig gis ni/ rab tu byung ste nyon mongs pa thams cad spangs pas dgra bcom pa nyid mngon sum du byas te/ 'khor de las phal cher sangs rgyas la gzhol ba dang / chos la 'bab pa dang / dge 'dun la bab par rnam par bzhag pa mdzad do/ /rgyal po zas gtsang ni/ bdag gi bu 'di ltar rdzu 'phrul che ba/ 'di ltar mthu che ba yin no/ /snyam du ha cang dga' bas bden pa ma mthong ngo / /lhas byin ni/ sdig pa 'dod pa dang / nga rgyal las kyang nga rgyal gyis bden pa ma mthong ngo / /lhas byin bden pa ma mthong zhing / khro bo'i zil gyis non pas smras pa/ gal te bdag gis kyang 'di ltar rjes su 'jug par byed pa'i sgyu ma shes par gyur na/ bdag gis kyang 'jig rten thams cad rjes su 'jug par bya ba la rag go/ shAkya gcugs pa dga' ba ston pa dag gis de la smras pa/ lhas byin/ thong zhig /bcom ldan 'das ni/ rdzu 'phrul che ba/ mthu che ba yin gyi/ de skad ma zer cig /de nas de cang mi smra bar 'dug go /nyi ma gsum pa la skyed mos tshal tshangs pa'i gnas su sa phyogs go skabs yangs par gdan thabs zla gam lta bu bshams pa byas nas/ </font><hr>Cha106a<br><font size=+1>


@#/ /der yang bcom ldan 'das kyis skye bo phal po che'i tshogs de'i bsam pa dang / bag la nyal dang / khams dang / rang bzhin thugs su chud nas 'di ltar/ rgyal po zas gtsang dang / lhas byin sdig pa 'dod pa nga rgyal las kyang nga rgyal can ma gtogs pa/ bdud rtsi zas la sogs pa shAkya bdun khri lnga stong gis bden pa dag mthong bar gyur pa de ltar chos bstan pa mdzad do/ de nas srog chags stong phrag mang po kha cig gis ni/ rgyun du zhugs pa'i 'bras bu mngon sum du byas/ kha cig gis ni/ lan gcig phyir 'ong ba'i 'bras bu/ kha cig gis ni/ phyir mi 'ong ba'i 'bras bu/ kha cig gis ni/ rab tu byung ste nyon mongs pa thams cad spangs pas dgra bcom pa nyid mngon sum du byas te/ 'khor de las phal cher sangs rgyas la gzhol ba dang / chos la 'bab pa dang / dge 'dun la bab par rnam par bzhag pa mdzad do/ /rgyal po zas gtsang ni/ bdag gi bu 'di ltar rdzu 'phrul che ba/ 'di ltar mthu che ba yin no/ /snyam du ha cang dga' bas bden pa ma mthong ngo / /lhas byin ni/ sdig pa 'dod pa dang / nga rgyal las kyang nga rgyal gyis bden pa ma mthong ngo / /de nas bcom ldan 'das 'di snyam du dgongs te/ ci'i phyir rgyal po zas gtsang bden pa mthong bar mi byed snyam dgongs na/ rgyu gnyis kyis bden pa mi mthong ste/ sems ha cang mtho ba dang / ha cang zhum pas so/ /de ltar rgyal po zas gtsang gi sems/ gzhon nu </font><hr>Cha106b<br><font size=+1>


don thams cad grub pa sngon chad lha dang mis mchod par gyur na/ da ni/ mis mchod cing lhas mchod par ma gyur to/ /snyam du ha cang zhum par gyur par thugs su chud do/ /de nas bcom ldan 'das 'di snyam du dgongs te/ bdag gis rgyal po zas gtsang 'dul ba'i phyir lha'i 'khor 'ba' zhig la chos bstan par bya'o/ /snyam du dgongs shing rig nas 'jig rten pa'i thugs bskyed pa mdzad do/ / sangs rgyas bcom ldan 'das rnams kyi chos nyid ni/ gal te 'jig rten pa'i thugs bskyed pa mdzad na ni/ tha na srog chags grog sbur gyis kyang bcom ldan 'das kyi thugs sems kyis shes la/ ji ste 'jig rten las 'das pa'i thugs bskyed par mdzad na ni/ rang sangs rgyas rnams kyis kyang bcom ldan 'das kyi thugs sems kyis mi shes na/ nyan thos la sogs pas lta smos kyang ci dgos de nas tshangs pa dang / brgya byin la sogs pa'i lha rnams 'di snyam du sems te/ ci'i slad du bcom ldan 'das kyis 'jig rten pa'i thugs bskyed pa mdzad snyam pa dang / bcom ldan 'das rgyal po zas gtsang gdul ba'i slad du lha'i 'khor 'ba' zhig la chos ston bzhed par mthong ngo / /de nas 'dod pa na spyod pa dang / gzugs na spyod pa'i lha rnams kyis bcom ldan 'das kyi thugs sems kyis shes nas 'di lta ste/ dper na/ skyes bu'i lag ngar bskums pa las rkyong bar byed pa'am/ brkyangs pa las bskum par byed pa de bzhin du 'dod pa na spyod pa dang / gzugs na spyod pa'i lha </font><hr>Cha107a<br><font size=+1>


@#/ /rnams lha'i 'jig rten nas mi snang bar gyur te skyed mos tshal tshangs pa'i gnas su bcom ldan 'das kyi spyan sngar lhags so/ /bcom ldan 'das kyis kyang rdzu 'phrul gyis rin po che sna bzhi las byas pa'i khang bzang sgo bzhi pa sprul par mdzad de/ sgo bzhi po dag tu 'jig rten skyong ba bzhi po dag sgo srung rnams su rnam par bzhag pa mdzad do/ /de nas gzugs na spyod pa'i lha rnams kyis bcom ldan 'das la lan gsum bskor ba byas te/ bcom ldan 'das kyi zhabs gnyis la mgo bos phyag 'tshal nas g.yas phyogs su nye bar brten te 'khod do| |'dod pa na spyod pa'i lha rnams kyis kyang bcom ldan 'das la lan gsum du bskor ba byas te bcom ldan 'das kyi zhabs gnyis la mgo bos phyag 'tshal nas g.yon phyogs su nye bar brten te 'khod do/ /rgyal po zas gtsang gi kun tu spyod pa ni/ nyin mo lan gsum bcom ldan 'das la blta ba dang / bsnyen bkur bya ba'i phyir 'gro'o/ /de nas rgyal po zas gtsang nang par sngar langs te khang bzang gi shar sgo ga la ba der song ba dang / yul 'khor srung gis smras pa/ rgyal po chen po/ khang par ma 'jug par sdod cig /ci'i phyir/ bcom ldan 'das lha'i 'khor 'ba' zhig la chos ston par mdzad pas/ 'dir mi tsam gyis tshod kyis mi chud do/ /bzhin bzang khyod su zhig yin/ rgyal po chen po/ kho bo ni/ rgyal po chen po yul 'khor srung yin </font><hr>Cha107b<br><font size=+1>


no| |de nas rgyal po zas gtsang khang bzang gi lho sgo ga la ba der song ba dang / 'phags skyes pos smras pa/ rgyal po chen po/ ma 'jug par sdod cig /ci'i phyir/ bcom ldan 'das lha'i 'khor 'ba' zhig la chos ston par mdzad pas 'dir mi tsam gyis tshod kyis mi chud do/ /bzhin bzang / khyod su zhig yin/ rgyal po chen po/ kho bo ni/ rgyal po chen po 'phags skyes po yin no/ /de nas rgyal po zas gtsang khang bzang gi nub sgo ga la ba der song ba dang / mig mi bzang gis smras pa/ rgyal po chen po/ ma 'dug par sdod cig /ci'i phyir/ bcom ldan 'das lha'i 'khor 'ba' zhig la chos ston par mdzad pas/ 'dir mi tsam gyis tshod kyis mi chud do/ /bzhin bzang / khyod su zhig yin/ rgyal po chen po/ kho bo ni/ rgyal po chen po mig mi bzang yin no/ /de nas rgyal po zas gtsang khang bzang gi byang sgo ga la ba der song ba dang rnam thos kyi bus smras pa/ rgyal po chen po/ ma 'dug par sdod cig /ci'i phyir/ bcom ldan 'das lha'i 'khor 'ba' zhig la chos ston par mdzad pas| 'dir mi tsam gyis tshod kyis mi chud do/ /bzhin bzang / khyod su zhig yin/ rgyal po chen po/ kho bo ni/ rgyal po chen po rnam thos kyi bu yin no/ /de nas rgyal po zas gtsang / kye ma bdag gis bcom ldan 'das lha'i 'khor 'ba' zhig la chos ston par mdzad pa mthong na ci ma rung snyam du 'dod pa skyes so/ /bcom ldan 'das kyis rgyal po zas gtsang gi sems thugs kyis mkhyen </font><hr>Cha108a<br><font size=+1>


@#/ /nas khang bzang shel gyi rang bzhin du sprul par mdzad pa dang / 'di ltar/ rgyal po zas gtsang gis bcom ldan 'das lha'i 'khor 'ba' zhig la chos ston pa me long gi gzugs kyi nang na 'dug pa ltar mthong ngo / /mthong nas kyang 'di snyam du sems te/ su la yang 'di lta ste/ da ltar bdag gi don thams cad grub pa lta bu'i bu med do/ /snyam mo/ / de nas rgyal po zas gtsang gi sems kyi rgyud ha cang mtho bar gyur to/ /de nas bcom ldan 'das kyi rdzu 'phrul mngon par 'du mdzad pa de slar bsdu ba mdzad nas rgyal po zas gtsang la chos bstan par brtsam pa mdzad do/ /de nas bcom ldan 'das 'di snyam du dgongs te/ ci'i phyir rgyal po zas gtsang bden pa mthong bar mi byed snyam du dgongs te/ da ltar rgyal po zas gtsang su la yang 'di lta ste/ da ltar bdag gi don thams cad grub pa lta bu'i bu med do/ /snyam du ha cang dga' bas sems kyi rgyud mtho bar gyur par thugs su chud do/ /de nas bcom ldan 'das kyis tshe dang ldan pa mo'u dgal gyi bu chen po la bka' stsal pa/ mo'u dgal gyi bu/ khyod kyis rgyal po zas gtsang la soms shig /tshe dang ldan pa mo'u dgal gyi bu chen pos/ btsun pa/ bka' stsal pa bzhin 'tshal zhes bcom ldan 'das las mnyan nas rgyal po zas gtsang ga la ba der song ngo / /rgyal po zas gtsang gis/ tshe dang ldan pa mo'u </font><hr>Cha108b<br><font size=+1>


dgal gyi bu chen po thag ring po kho na nas mthong ngo / /mthong nas kyang 'di skad ces smras so/ /btsun pa mo'u dgal gyi bu tshur gshegs/ btsun pa mo'u dgal gyi bu byon pa legs so/ /btsun pa mo'u dgal gyi bu gdan bshams pa nyid la bzhugs shig /de nas tshe dang ldan pa mo'u dgal gyi bu chen po bcom ldan 'das kyis skabs dbye ba mdzad pas/ ting nge 'dzin 'di lta bu la snyoms par zhugs te/ ji ltar sems mnyam par bzhag na rang gi stan las mi snang bar gyur cing / shar phyogs kyi steng gi nam mkha' la mngon par 'phags te spyod lam bzhi po 'di lta ste/ 'gro ba dang / 'greng ba dang / 'dug pa dang / nyal ba dag byed do/ /me'i khams la yang snyoms par 'jug ste/ tshe dang ldan pa mo'u dgal gyi bu chen po me'i khams la snyoms par zhugs pa'i lus 'od zer sna tshogs 'di lta ste/ sngon po dag dang / ser po dag dang / dmar po dag dang / dkar po dag dang / btsod ka dag dang / shel dang / dngul gyi kha dog lta bu byung ngo / /cho 'phrul zung dag kyang rnam par ston te/ lus kyi smad nas me 'bar zhing lus kyi stod nas chu grang mo'i rgyun 'bab par byed do/ /lus kyi stod nas me 'bar zhing lus kyi smad nas chu grang mo'i rgyun 'bab par byed do/ / shar phyogs su ji lta ba bzhin du lho dang / nub dang / byang phyogs su'ang de bzhin te/ phyogs bzhir rdzu 'phrul gyi cho 'phrul rnam pa bzhi bzhi bstan nas rdzu 'phrul mngon par 'du bya ba de phyir </font><hr>Cha109a<br><font size=+1>


@#/ /bsdus te stan bshams pa nyid la 'dug go /de nas rgyal po zas gtsang gis tshe dang ldan pa mo'u dgal gyi bu chen po la 'di skad ces smras so/ /btsun pa mo'u dgal gyi bu chen po/ bcom ldan 'das kyi nyan thos 'di ltar rdzu 'phrul che ba/ 'di ltar mthu che ba gzhan dag kyang mchis sam/ de nas tshe dang ldan pa mo'u dgal gyi bu chen pos de'i tshe tshigs su bcad pa smras pa/ thub pa'i nyan thos mthu che ba/ gsum rig sems kyi rnam grangs shes/ /zag pa zad par gyur pa dang / /dgra rnams bcom pa mang du yod/ /de nas rgyal po zas gtsang 'di snyam du sems te/ bcom ldan 'das nyag gcig rdzu 'phrul che ba/ mthu che bar ma zad kyi/ 'di ltar nyan thos rnams la yang rdzu 'phrul che ba/ mthu che ba dag yod do/ /snyam nas/ de nas rgyal po zas gtsang gi sems kyi rgyud snyoms par gyur to/ /de nas tshe dang ldan pa mo'u dgal gyi bu chen pos rgyal po zas gtsang khrid de bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /de nas bcom ldan 'das kyis rgyal po zas gtsang gi bsam pa dang / bag la nyal dang / khams dang / rang bzhin thugs su chud nas 'di ltar/ rgyal po zas gtsang gis stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs </font><hr>Cha109b<br><font size=+1>


pa'i 'bras bu mngon sum du byas pa de ltar chos bstan pa mdzad do/ /de nas bden pa mthong nas gsol ba/ btsun pa/ bdag gis dge ba'i bshes gnyen bcom ldan 'das la brten nas bcom ldan 'das kyis bdag la gang mdzad pa 'di lta bu ni/ bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang / bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang mchi ma'i rgya mtsho ni/ bskams/ rus pa'i ri dag las ni/ bsgral/ ngan song gi sgo dag ni/ bkum/ mtho ris dang thar pa'i sgo dag ni/ phye/ sems can dmyal ba dang / dud 'gro dang / yi dwags dag nas ni/ rkang pa phyung / lha dang / mi rnams kyi nang du ni/ bzhag /'khor ba ni/ mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras bu ni/ thob ste/ btsun pa/ bdag ni/ mngon par zhugs pa lags so/ /btsun pa/ bdag ni/ mngon par zhugs pa lags te/ btsun pa/ bdag bcom ldan 'das dang / chos dang / dge slong gi dge 'dun la skyabs su mchi'i/ bdag dge bsnyen du gzung du gsal/ deng slan chad nas ji srid 'tsho'i bar du glo ba thag pa nas rab tu dang bas skyabs su mchi'o/ / </font><hr>Cha110a<br><font size=+1>


@#/ /tshigs su bcad pa yang gsol pa/ bu pho bzang pos pha la ni/ /lan du phan gdags gang bgyi ba/ /de ni khyod kyis bdag la bgyis/ /sems ni mtho ris gzhol bar gyur/ /bu pho bzang pos pha la ni/ /lan du phan gdags gang bgyi ba/ /de ni khyod kyis bdag la bgyis/ /sems ni thar la gzhol bar gyur/ /ngan song dag las legs phyung zhing / /khyod kyis mtho ris thar pa la/ /rab tu 'bad pas bdag bzhag ste/ /khyod kyis dka' ba legs par mdzad/ /tshong pas khe spogs rnyed pa ltar/ /mtho ris rnyed pa bdag gis rnyed/ /dge ba'i bshes gnyen rnams la ni/ /nye bar brten pa bzang ba lags/ /de nas rgyal po zas gtsang gis bden pa mthong nas zas dkar la smras pa/ gzhon nu/ khyod kyis rgyal srid byed du chug cig /nga ni/ rgyal po'i drang srong gis tshangs par spyad pa spyod do/ /lha ci'i slad du rgyal srid bgyid du mi stsol/ ngas bden pa dag mthong ngo / /lhas nam gzigs/ deng nyid do/ /lhas deng nyid gzigs kyi| bdag gis gang gi gdugs la bcom ldan 'das 'dir gshegs pa nyid kyi gdugs la bden pa dag mthong ba lags so/ /de nas rgyal po zas gtsang gis bre bo zas dang / bdud rtsi zas la smras pa/ gzhon nu gnyis/ khyed kyis rgyal srid byed du chug cig/ nga ni/ rgyal po'i drang srong gis tshangs par spyad pa spyod do/ /ci'i slad du rgyal srid bgyid du mi stsol/ ngas bden pa </font><hr>Cha110b<br><font size=+1>


mthong ngo / /lhas nam gzigs/ deng nyid do/ /lhas deng nyid gzigs kyi/ bdag cag gis cher sngar mthong lags so/ /rgyal pos smras pa/ gzhon nu rnams kyi bu thu bo gang yin/ gzhon nu bzang ldan lags so/ /rgyal po zas gtsang gis gzhon nu bzang ldan shAkya'i rgyal por dbang bskur to/ /de'i tshe bcom ldan 'das nyan thos kyi dge 'dun dang bcas pa nyin gcig ma chad par rgyal po'i pho brang du gdugs tshod gsol ba dang / rgyal po zas gtsang gis ral pa can las rab tu byung ba dka' thub kyis lus mi sdug par snang ba mthong ngo / /mthong nas kyang de 'di snyam du sems te/ bdag nyid chen po 'di dag /sems ni/ bzang ba yin na/ lus mi bzang ste/ dka' thub drag po dag gis lus mi sdug par snang ba dag yin no/ /bcom ldan 'das kyi 'khor ni/ bcom ldan 'das nyid ji 'dra ba 'khor yang de 'dra ba nyid du gyur na/ de lta na bcom ldan 'das mdzes par 'gyur ro/ /snyam mo/ de nas rgyal po zas gtsang gis shAkya rnams bsdus te smras pa/ shes ldan dag / gal te gzhon nu don thams cad grub pa rab tu ma byung bar gyur na/ cir 'gyur/ lha/ 'khor los bsgyur ba'i rgyal por 'gyur ro/ /khyod kyi bu dag cir 'gyur/ lha/ zham ring bar 'gyur ro/ /'o na| da gzhon nu don thams cad grub pas bdud rtsi thugs su chud de bdud rtsis 'gro ba tshim par mdzad na/ khyod kyi bu dag ci'i phyir zham ring mi byed/ lha/ ci lags/ de dag rab tu byung ngam/ </font><hr>Cha111a<br><font size=+1>


@#/ /rab tu phyung zhig /lha/ shAkya'i rigs rgyun chad par 'gyur ro/ /rgyal pos smras pa/ khyim re re nas re re rab tu phyung zhig /lhas/ bka' stsal pa bzhin 'chal lo/ / rgyal po zas gtsang gis shAkya gzhon nu rnams kyi khyim re re nas re re rab tu 'byung bar bya'o/ /zhes dril bsgrags pa byas so/ /gang gi tshe rgyal po zas gtsang gis dril bsgrags de'i tshe na bzang ldan dang / ma 'gag pa dang / nam gru la sogs pa shAkya gzhon nu lnga brgya rab tu byung ngo / /gang gi tshe bcom ldan 'das kyis shAkya gzhon nu lnga brgya rab tu byung ba de'i tshe na/ bcom ldan 'das kyis 'di lta ste/ rigs mthon po las rab tu byung ba ni/ rnyed pa'i phyed dang nye ba yin no/ /zhes gsungs pas/ de dag las rnyed pa dang bkur sti chen po byung bar gyur to/ /bcom ldan 'das kyis dgongs pa/ rigs kyi bu 'di dag gzhan gyi phyir kho nar rab tu byung ba yin na/ gzhan kho na la chags so| |snyam du dgongs nas/ de nas bcom ldan 'das de dag la rnyed pa dang / bskur sti chen po byung ba gcad par bzhed nas ser skya'i gnas su ci dgyes par bzhugs nas mnyan yod ga la ba der gshegs te mthar gyis rgyu zhing gshegs pa na mnyan yod du byon nas/ mnyan yod na rgyal byed kyi tshal mgon med zas sbyin gyi kun dga' ra ba na bzhugs so// // </font><hr>Cha111b<br><font size=+1>


'dul ba rnam par 'byed pa/ bam po nye brgyad pa/ de nas tshe dang ldan pa 'char ka snga dro sham thabs dgos/ lhung bzed dang chos gos thogs te mnyan yod du bsod snyoms la zhugs nas mthar gyis mnyan yod na bsod snyoms la rgyu ba na/ khyim bdag gi chung ma sbed ma'i khyim ga la ba der song ngo / /khyim bdag gi chung ma sbed mas tshe dang ldan pa 'char ka thag ring po kho na nas mthong ngo / / mthong nas kyang brang brdungs te smras pa/ 'char ka ci'i slad du khyod kyis bdag spangs te rab tu byung / 'char kas smras pa/ byang chub sems dpas btsun mo grags 'dzin ma dang / sa 'tsho ma dang / ri dwags skyes la sogs pa bud med drug khri spangs te rab tu byung ba ni/ shin tu dka' ba yin gyi/ rdul gyi rdza ba 'dra ba khyod la mi bra ba ci yod/ 'char ka/ bdag kyang rab tu 'byung ngo / /de ltar gyis shig /khyim gyi bya ba legs par bsdu bar bgyi'o/ /'char ka de/ der dus dang mthun pa'i dus su 'ong zhing smras pa/ sbed ma rab tu mi 'byung ngam/ sbed mas smras pa/ da dung khyim gyi bya ba legs par ma bsdus so/ /sbed ma/ dus de tsam gyis ko sa lar byung ba'i khyim gyi bya ba yang legs par bsdus par 'gyur ro/ /'char ka/ deng legs par bsdus te sang rab tu 'byung ngo / /'char ka 'di snyam du sngon yang bdag cag lhung bzed nag po can rnams kyis zil gyis mnan par gyur pas/ gal te bdag gis dge slong ma rab tu phyung bar gyur na/ </font><hr>Cha112a<br><font size=+1>


@#/ /drug sde dag gis dge slong ma rab tu phyung ngo / /zhes rgya cher zil gyis gnon par 'gyur ro/ /snyam du 'gyod pa skyes nas/ de lhung bzed dang chos gos thogs te rgyal po'i khab ga la ba der rgyu zhing song nas mthar gyis rgyu zhing 'gro ba na rgyal po'i khab tu phyin nas/ de rgyal po'i khab tu dbyar gnas par khas blangs te 'dug go /sbed ma yang phyi de nyin bar khyim gyi bya ba legs par bsdus te rgyal byed kyi tshal du 'ongs nas de dge slong rnams kyi gan du song ste dris pa/ 'phags pa dag /de gar mchis/ de su yin/ 'phags pa 'char ka'o/ / de rgyal po'i khab tu song ngo / /sbed mas ngu bar brtsams pa dang / dge slong rnams kyis smras pa/ sbed ma ci'i phyir ngu / 'phags pa 'char ka'i mchid nas/ khyim gyi bya ba legs par bsdus la mchi zhig dang / bdag gis rab tu dbyung ngo / /zhes mchi nas/ bdag gis khyim gyi bya ba legs par bsdus te mchi na/ de rgyal po'i khab tu mchis pas/ da ni/ bdag khyim na gnas pa yang ma lags la/ rab tu byung ba yang ma lags so/ /dge slong rnams kyis de la smras pa/ sbed ma/ 'char kas spu gri'i phyir rgyal po'i khab tu song bas/ spu gri gsar pas khyod kyi skra 'breg par 'gyur ro/ /dge slong ma gso sbyong 'bul ba dag rgyal byed kyi tshal du lhags nas de dag gis sbed ma ngu ba mthong nas smras pa/ sbed ma ci'i phyir ngu / 'phags pa 'char ka'i </font><hr>Cha112b<br><font size=+1>


mchid nas/ khyim gyi bya ba legs par bsdus la mchi zhig dang / bdag gis rab tu dbyung ngo / /zhes mchi nas/ bdag gis khyim gyi bya ba legs par bsdus te mchis na/ de rgyal po'i khab tu mchis pas| da ni/ bdag khyim na gnas pa yang ma lags la/ rab tu byung ba yang ma lags so/ /g.yeng ma/ dge slong dag su zhig dge slong ma rab tu 'byin par byed/ 'di ltar dge slong ma rnams kyis dge slong ma rab tu 'byin par byed kyi/ tshur shog dang / 'phags ma skye rgu'i bdag mo chen mo go'u ta mis khyod rab tu 'byin par 'gyur ro/ /de dag gis de skye rgu'i bdag mo chen mo go'u ta mi'i gan du khrid nas smras pa/ 'phags ma/ khyim bdag gi mchis brang sbed ma 'di rab tu 'byung bar 'tshal lo/ /skye rgu'i bdag mo chen mo go'u ta mis de rab tu phyung / rdzogs par bsnyen par byas so/ /'char ka 'di snyam du/ bdag gis lhung bzed nag po can rnams rjes su srung bas khyim bdag gi chung ma sbed ma 'di rab tu ma phyung bas/ rgya cang dang / lcag pod dang / shur bu dang / shur bu phre'u dag gi bar chad kyang byas la/ de yang lhung bzed nag po can 'ga' zhig gis rab tu phyung bar gyur na/ de dang 'phrad du yang mi ster ro/ /snyam du 'gyod pa skyes nas/ de mi dga' bzhin du dbyar gnas par khas blangs so/ /mnyan yod na rgan zhugs shig mi dga' bzhin du dbyar gnas par khas blangs pa des/ lhung bzed dang chos gos mchan khung du bcug ste dgag dbye byas pa na/ dgag dbye legs </font><hr>Cha113a<br><font size=+1>


@#/ /par byas so/ /dgag dbye shin tu byas so/ /zhes de rgyal po'i khab ga la ba der song ste/ mthar gyis rgyu zhing 'gro ba na rgyal po'i khab tu phyin pa dang / tshe dang ldan pa 'char ka gtsug lag khang gi sgo na lam la rnam par lta zhing 'dug pa des/ thag ring po kho na nas rgan zhugs mgo spra ba'i me tog ltar skya ba/ smin ma 'phyang ba zhig 'ong ba de mthong nas 'char kas bsam pa/ dge slong 'ong ba 'di/ gnas brtan gang yin/ bsu'o/ /snyam nas/ des smras pa/ gnas brtan byon pa legs so/ /byon pa legs so/ /phyag 'tshal lo/ /des smras pa| slob dpon phyag 'tshal lo/ /'char kas/ 'di ni/ rgan zhugs shig ste/ slob dpon yang mi shes/ mkhan po yang mi shes pa zhig go/ /snyam du shes nas 'char kas de gtsug lag khang du 'jug tu bcug ste smras pa/ rgan zhugs/ khyod ga las 'ongs/ des smras pa/ mnyan yod nas so/ /'char kas bsam pa/ gal te dang po kho nar sbed ma'i gtam dris na/ 'phya bar 'gyur bas/ 'di ltar snga phyir byas te dri bar bya'o/ /snyam nas smras pa/ tshe dang ldan pa/ ji ltar bcom ldan 'das gnod pa chung ba dang / nyam nga ba chung ba dang / bde ba dang / snyan mi mnga' ba dang / stobs dang ldan par mnyan yod du dbyar gnas par zhal gyis bzhes sam/ btsun pa 'char ka/ de bzhin te/ bcom ldan 'das gnod ba chung ba dang / nyam nga ba chung </font><hr>Cha113b<br><font size=+1>


pa dang / bde ba dang / snyun mi mnga' ba dang / stobs dang ldan par mnyan yod du dbyar gnas par zhal gyis bzhes so/ /tshe dang ldan pa/ ji ltar dge slong gi dge 'dun dang / dge slong ma'i dge 'dun dang / dge bsnyen gyi 'khor dang / dge bsnyen ma'i 'khor gnod pa chung ba dang / nyam nga ba chung ba dang / bde ba dang / nad med pa dang / stobs dang ldan par mnyan yod na gnas sam/ ston pa la blta bar 'dod dam/ dam pa'i chos nyan par 'dod dam/ btsun pa 'char ka/ de bzhin te/ dge slong gi dge 'dun dang / dge slong ma'i dge 'dun dang / dge bsnyen gyi 'khor dang / dge bsnyen ma'i 'khor gnod pa chung ba dang / nyam nga ba chung ba dang / bde ba dang / nad med pa dang / stobs dang ldan par mnyan yod na gnas shing / ston pa la blta bar 'dod pa dang / dam pa'i chos nyan par 'dod do/ /tshe dang ldan pa/ ji ltar gnas brtan kun shes ko'u di n+ya dang / gnas brtan 'od srung chen po dang / gnas brtan mo'u dgal gyi bu chen po dang / gzhan yang / dge slong gnas brtan gnas brtan dag gnod pa chung ba dang / nyam nga ba chung ba dang / bde ba dang / nad med pa dang / stobs dang ldan par mnyan yod na gnas sam/ btsun pa 'char ka de de bzhin te/ gnod pa chung ba dang / nyam nga ba chung ba dang / bde ba dang / nad med pa dang / stobs dang ldan par mnyan yod na gnas so/ /tshe dang ldan pa/ ji ltar ko sa lar byung ba'i rgyal po gsal rgyal </font><hr>Cha114a<br><font size=+1>


@#/ /dang / bla mkhyen drang srong byin dang / rnying pa dang / khyim bdag gi chung ma ri dwags 'dzin gyi ma sa ga dang / legs skyes dag shes sam/ btsun pa 'char ka/ de bzhin te/ shes so/ /tshe dang ldan pa/ 'o na khyod kyis khyim bdag gi chung ma sbed ma shes sam/ btsun pa 'char ka/ shes te/ de ni/ btsun pa 'char ka'i sngon gyi chung ma yin no/ /rgan zhugs/ gtam shes so/ /de da dung yang khyod kyi khyim bdag gi chung ma yin snyam mam/ de ni/ rab tu byung ngo / /sus rab tu phyung / skye rgu'i bdag mo chen mo go'u ta mis so/ /'char kas bsam pa/ da dung spyod yul lhag ma dang bcas pa yin no/ /snyam nas smras pa/ rgan zhugs tshur shog /rkang pa dag khrus shig ces des de la rkang pa bkru ba dang / lag pa bsku ba mang po byin nas/ des de'i lhung bzed dang chos gos ya gad btsugs te/ zung mthon po la bzhag nas smras pa/ rgan zhugs/ gtsug lag khang 'di ni/ zas dang bcas pa/ rnyed pa dang bcas pa yin gyi/ gtsug lag khang 'dir mngon par dga' bar gyis shig /des smras pa/ btsun pa 'char ka/ bdag ni/ mchod rten la phyag 'tshal du 'ongs te/ 'gro ba yin pas bdag gnas 'di mi 'dod do/ /'char kas de'i mdun du sgo lcags dang lde mig kyog po dag bzhag ste 'di skad ces/ tshe dang ldan pa/ bcom ldan 'das kyis/ dge slong gis gtsug lag khang gnas </font><hr>Cha114b<br><font size=+1>


pa dang bcas par bya'i/ /mi gnas par mi bya'o/ /zhes bka' stsal to/ /zhes smras nas mig lam du mi snang bar song ste/ de mthar gyis rgyu zhing 'gro ba na mnyan yod du phyin nas 'char kas rang gi gtsug lag khang chag chag btab/ legs par byugs/ lci ba gsar pa'i byug pas byugs te sgo bcad nas khri steng na phyi gan du nyal zhing / skad kyi gdangs kyis kha ton byed cing 'dug go/ /dge slong ma 'dun pa 'bul ba dag lhags nas de dag gis/ de'i skad kyi gdangs thos nas de dag gis de la phyag 'tshal te smras pa/ 'phags pa 'char ka/ khyod gar bzhud/ 'char kas smras pa/ rgyal po'i khab tu'o/ /de dag dbyar khang du dong nas sbed ma la smras pa/ sbed ma dga' ba skyed cig /khyod kyi slob dpon 'ongs so/ /kho mo'i slob dpon gang / 'char ka'o/ /de ji ltar kho mo'i slob dpon/ ci/ kho mos de'i gan nas bklags sam/ g.yeng ma/ khyod kyis mi shes kyi/ dge slong ma rnams ni/ dge slong ma rag mang du las kyi/ khyod song la ltos shig /sbed mas nas kyi ngar phye dang / khrus kyi chal dang / 'bru mar thogs te 'char ka'i gtsug lag khang du song nas sbed mas 'char ka'i gtsug lag khang gi sgo brdungs pa dang / 'char kas smras pa/ de su yin/ sbed mas smras pa/ bdag sbed ma'o/ /khyim bdag gi chung ma sbed ma 'ongs pa legs so/ /bdag da dung yang khyod kyi khyim bdag gi chung ma lags sam/ 'o na ci yin/ /bdag rab tu byung ngo / /khyod sus rab </font><hr>Cha115a<br><font size=+1>


@#/ /tu phyung / 'phags ma skye rgu'i bdag mo chen mo go'u ta mis so/ /kho bo re zhig bya ba de lta bu zhig byung nas/ de'i phyir kho bo rgyal po'i khab tu song na/ khyod la brtad pa ci byung na/ de'i phyir khyod rab tu byung / khyod kyi zhal nas khyim gyi bya ba legs par bsdus la shog cig dang / kho bos khyod rab tu dbyung ngo / /zhes gsungs nas/ bdag gis khyim gyi bya ba legs par bsdus te mchis na/ khyod rgyal po'i khab tu bzhud de/ gal te bdag 'phags mas rab tu ma byung du lags na/ bdag khyim na gnas pa yang ma lags la/ rab tu byung ba yang ma lags par 'gyur ro/ /'char kas smras pa/ sbed ma/ ci/ kho bo bdag nyid kyi lag ngar la sos 'debs par byed dam/ skye rgu'i bdag mo chen mo go'u ta mis rab tu phyung yang rung / kho bos rab tu phyung yang rung ste/ legs kyi/ nang du zhugs shig dang chos bstan par bya'o/ /sbed mas 'char ka'i rkang pa gnyis la phyag 'tshal te chos mnyan pa'i phyir mdun du 'dug go /des de la chos bstan par brtsams te/ des de la ji tsam pa de tsam du chos bstan nas sngon gyi bgad pa dang / dga' bar byas pa dang / rtses pa dang / dga' mgur spyod pa dran par bya bar brtsams te/ sbed ma bdag cag gnyis kyis skyed mos tshal dang / 'dun sa dang / lha'i gnas ga ge mo zhig tu zas 'di dang 'di lta bu zos pa dang / bca' ba 'di dang 'di lta bu 'chos pa dang / btung ba 'di dang 'di lta bu </font><hr>Cha115b<br><font size=+1>


'thungs pa gang yin pa de dran nam zhes smras pa dang / 'char ka kun tu chags par gyur to/ /ji lta ji ltar kun tu chags par gyur pa de lta de ltar dral to/ /bud med kyi yul mkhas pa'i rang bzhin can la la la/ ma 'dres pa'i chos lnga yod de/ lnga gang zhe na/ skyes pa chags par gyur pa de shes shing chags pa dang bral ba shes pa dang / dus shes shing zla mtshan shes pa dang / mngal na gnas pa zhugs pa shes pa dang / gang las mngal na gnas pa zhugs pa de shes pa dang / khye'u shes shing bu mo shes pa ste/ gal te khye'u yin na/ dku g.yas par brten cing 'dug la/ gal te bu mo yin na/ dku g.yon par brten cing 'dug pa'o/ /sbed ma des 'char ka chags so/ /snyam du shes nas/ sbed mas smras pa/ slad rol tu mchi'i/ slar mchi'o/ /'char kas bsam pa/ 'di bshang ba byed 'dod dam/ gci ba byed 'dod gor ma chag snyam nas/ des smras pa/ song zhig/ sbed ma phyir byung nas shing nga dpung bcad brdzes te rgyug par brtsams pa dang / 'char ka de sgra la mkhas pa yin pas/ de nas de'i sgra thos nas de'i phyi bzhin du byung ste/ dge sbyong ma mgo reg mo gar 'bros zhes de de'i phyi bzhin rgyug par brtsams pa dang / de la brla'i reg pas khu ba byung nas de kun nas dkris pa dang / bral te glang po che chags pa dang bral ba bzhin du gzhi de dag nyid na 'dug go /sbed mas de kun nas dkris pa dang bral te phyir log pa mthong nas/ 'di kun nas dkris pa dang bral lo/ /snyam </font><hr>Cha116a<br><font size=+1>


@#/ /du rig nas drung du song ste/ tshe dang ldan pa 'char ka la 'di skad ces smras so/ /'phags pa/ gal te bdag gis dang du blangs par gyur na/ bdag kyang dge slong mar mi rung ba nyid du 'gyur la/ khyod kyang dge slong du mi rung ba nyid du 'gyur ro/ /sring mo/ /bcom ldan 'das kyis kyang bdag nyid srung na/ gzhan srung bar byed la/ gzhan srung na/ bdag nyid srung bar byed do/ /zhes pa legs par gsungs so/ /ji ltar bdag nyid srung na/ gzhan srung bar byed ce na/ sten par byed pa dang / goms par byed pa dang / lan mang du byed pa dang / rjes su srung bar byed pa dang / reg par byed pa dang / mngon sum du byed pa ste/ de ltar bdag nyid srung na/ gzhan srung bar byed do/ /ji ltar gzhan srung na/ bdag nyid srung bar byed ce na/ mtho mi 'tsham pa dang / mi gshe ba dang / mi 'tshe ba dang / rjes su brtse ba dang / rjes su snying brtse ba dang / byams pa'i sems kyis te/ de ltar gzhan srung na/ bdag nyid srung bar byed do/ / 'phags pa/ sham thabs 'di tshur stsol/ bkru bar bgyi'o/ /'char kas sham thabs de/ sbed ma la byin no/ /sbed mas khu ba de mthong nas 'gyod pa skyes te/ bdag gi lus kyi phyogs btsun pa 'char kas sngon ma mthong ba'am/ sngon ma mnams pa'am/ sngon ma byugs pa ci zhig yod na/ bdag gis dang du ma blangs pa ni/ ma legs pa zhig byas so/ /snyam du 'gyod pa </font><hr>Cha116b<br><font size=+1>


skyes so/ /sbed mas de ltar rnam par rtog pa na/ de kun tu chags shing dral bar gyur pa'i sems kyis khu ba de rang gi mngal gyi sgor blugs so/ /sems can rnams kyi las kyi rnam par smin pa bsam gyis mi khyab pas/ de la sems can zhugs par gyur to/ /de dge slong ma rnams kyis mthong nas smras pa/ sbed ma/ kho mo cag gi khyod chos bzang po'i chos kyis 'phags pa 'char ka'i gan du 'gro bar sems kyi/ kho mo cag gis des khyod gnas skabs 'di lta bur byas par mi sems so/ /sbed mas smras pa/ phu nu mo dag /dge slong de ni/ tshul khrims dang ldan pa yin te/ gang tshun chad rab tu byung nas/ des kho mo sngan chad lan 'ga' yang lag gis kyang ma byugs so/ /de dag gis smras pa/ ma byugs na yang des khyod gnas skabs 'di 'dra bar byas na/ gal te byugs na/ des khyod gnas skabs ji ltar byas par 'gyur zhes zer ba'i skabs de/ dge slong ma rnams kyis dge slong rnams la brjod do/ /dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag /dge slong ma de ni/ pham par ma gyur gyi/ 'di ltar/ phyogs dben par bzhag ste bsod snyoms kyis brel ba med par gyis shig dang / bu gzhon nu 'od srung zhes bya ba btsa' bar 'gyur zhing / nga'i bstan pa la rab tu byung nas nyon mongs pa thams cad spangs pas dgra bcom pa nyid mngon sum du byed par 'gyur te/ 'di lta ste/ dge slong gzhon nu 'od </font><hr>Cha117a<br><font size=+1>


@#/ /srung de ni/ nga'i gtam sna tshogs dang / gtam snyan pa dang / spobs pa dge ba can rnams kyi mchog tu 'gyur ro/ /bcom ldan 'das kyis dgongs pa/ dge slong rnams nyes dmigs byung ba gang yin pa de ni/ dge slong ma nye du ma yin pa la gos rnying pa 'khrur 'jug pa las gyur pa yin no/ /snyam du dgongs nas/ de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong ma nye du ma yin pa la gos rnying pa 'khrur 'jug gam/ 'tshed du 'jug gam/ 'chag tu 'jug na/ spang ba'i ltung byed do/ /yang dge slong gang zhes bya ba ni/ 'char ka'am/ gzhan yang de lta bu gang yin pa'o/ /dge slong ma zhes bya ba ni/ chos 'di pa'o/ /nye du ma yin pa la zhes bya ba ni/ phyi mo dang / mes pa dang / phrugs las brten pa'i bdun pa tshun chad ni/ nye du yin la/ de phan chad ni/ nye du ma yin no/ /gos zhes bya ba ni/ bdun po bal gos dang / sha na'i gos dang / zar ma'i gos dang / du gu la'i gos dang / ras bal gyi gos dang / ko tam pa'i gos dang / nyi 'og gi gos dag las gang yang rung ba'o/ /rnying pa zhes bya ba ni/ dus tshigs gsum po dag las dus tshigs gang yang rung bar spyad pa gang </font><hr>Cha117b<br><font size=+1>


yin pa'o/ /'khrur 'jug gam zhes bya ba ni/ tha na chur snyug par byed du 'jug na'o/ /'tshed du 'jug gam zhes bya ba ni/ tha na tshon snyug par byed du 'jug na'o/ /'chag tu 'jug na zhes bya ba ni/ tha na thal mos rdeb par byed du 'jug na'o/ /spang ba'i ltung byed do/ /zhes bya ba ni/ dngos po de spangs nas ltung byed kyi ltung ba bshags par bya ba ste/ des na spang pa'i ltung byed do/ /zhes gsungs so/ /de la ltung bar ji ltar 'gyur zhe na/ dge slong gis dge slong ma nye du ma yin pa la nye du ma yin par 'du shes pas gos rnying pa 'khrur 'jug na/ spang ba'i ltung byed du 'gyur ro/ /'tshed du 'jug na/ spang ba'i ltung byed du 'gyur ro/ /'chag tu 'jug na/ spang ba'i ltung byed du 'gyur ro/ /'khrur 'jug pa dang / 'tshed du 'jug gam/ 'chag tu 'jug gam/ 'tshed du 'jug pa dang / 'khrur 'jug gam/ 'tshed du 'jug pa dang / 'chag tu 'jug pa dang / 'khrur 'jug gam/ 'chag tu 'jug pa dang / 'tshed du 'jug gam/ 'khrur 'jug pa dang / 'tshed du 'jug gam/ 'chag tu 'jug pa spang ba'i ltung byed du 'gyur ro/ /dge slong gis dge slong ma nye du ma yin pa la yid gnyis za bas gos rnying pa 'khrur 'jug na/ spang ba'i ltung byed du 'gyur ro/ /'tshed du 'jug na/ spang ba'i ltung byed du 'gyur ro/ /'chag tu 'jug na/ spang ba'i ltung byed du 'gyur ro/ /'khrur 'jug pa dang / 'tshed du 'jug gam/ 'khrur 'jug pa dang / 'chag tu 'jug gam/ 'tshed du 'jug pa dang / 'khrur 'jug </font><hr>Cha118a<br><font size=+1>


@#/ /gam/ 'tshed du 'jug pa dang / 'chag tu 'jug gam/ 'chag tu 'jug pa dang / 'khrur 'jug gam/ 'chag tu 'jug pa dang / 'tshed du 'jug gam/ 'khrur 'jug pa dang / 'tshed du 'jug pa dang / 'chag tu 'jug na/ spang ba'i ltung byed du 'gyur ro/ /dge slong gis dge slong ma nye du la nye du ma yin par 'du shes pas gos rnying pa 'khrur 'jug na/ nyes byas su 'gyur ro/ /'tshed du 'jug na/ nyes byas su 'gyur ro/ /'chag tu 'jug na/ nyes byas su 'gyur ro/ /'khrur 'jug pa dang / 'tshed du 'jug gam/ 'khrur 'jug pa dang / 'chag tu 'jug gam/ 'tshed du 'jug pa dang / 'khrur 'jug gam/ 'tshed du 'jug pa dang / 'chag tu 'jug gam/ 'khrur 'jug gam/ 'chag tu 'jug pa dang / 'tshed du 'jug gam/ 'khrur 'jug pa dang / 'tshed du 'jug pa dang / 'chag tu 'jug na/ nyes byas su 'gyur ro/ /dge slong gis dge slong ma nye du la yid gnyis za bas gos rnying pa 'khrur 'jug na/ nyes byas su 'gyur ro// 'tshed du 'jug na nyes byas su 'gyur ro/ /'chag tu 'jug na/ nyes byas su 'gyur ro/ /'khrur 'jug pa dang / 'tshed du 'jug gam/ 'khrur 'jug pa dang / 'chag tu 'jug gam/ 'tshed du 'jug pa dang / 'khrur 'jug gam/ 'tshed du 'jug pa dang / 'chag tu 'jug gam/ 'chag tu 'jug pa dang / 'khrur 'jug gam/ 'chag tu 'jug pa dang / 'tshed du 'jug gam/ 'khrur 'jug pa dang / </font><hr>Cha118b<br><font size=+1>


'tshed du 'jug pa dang / 'chag tu 'jug na/ nyes byas su 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis/ dge slong dag /'di lta ste/ rigs mthon po las rab tu byung ba 'di ni/ rnyed pa rnams kyi phyed dang nye ba yin no/ /zhes bka' stsal pas/ de na yang shAkya'i khyim nas rab tu byung ba de dag la rnyed pa dang bkur sti chen po byung nas de dag shin tu gos kyi cha ba la sbyor ba'i rjes su brtson pas gnas shing / lhung bzed dang / chos gos dang / dra ba dang / phor bu dang / ska rags lhag pa dag kyang 'chang bar byed pas/ bcom ldan 'das kyis de dag la dus dang dus su chos bstan kyang de dag gis bden pa dag ma mthong ngo / /de nas bcom ldan 'das 'di snyam du dgongs te/ ci'i phyir shAkya rab tu byung ba dag bden pa dag mthong bar mi byed snyam du dgongs nas/ de dag shin tu gos kyis chab la sbyor ba'i rjes su brtson par gnas shing / de dag lhung bzed dang / chos gos dang / dra ba dang / phor bu dang / ska rags lhag pa dag 'chang ba'i phyir te/ gal te ngas shAkya rab tu byung ba rnams la smad na/ dbral dka' bar 'gyur ro/ /snyam du dgongs nas sangs rgyas bcom ldan 'das rnams ni/ 'dul ba la mkhas pa bla na med pa yin pas/ dre nas bcom ldan 'das kyis dge slong rnams la bka' </font><hr>Cha119a<br><font size=+1>


@#/ /stsal pa/ /dge slong dag/ nga zla ba gsum po 'di la nga nang du yang dag 'jog bzhed kyi/ nga'i spyan sngar dge slong bsod snyoms stob pa gcig dang / 'di nyid kyi gso sbyong bco lnga pa'i tshe ma gtogs par dge slong gang gis kyang nye bar 'ong bar mi bya'o/ /dge slong gi dge 'dun gyis kyang tshe dang ldan pa dag/ dbyar gyi nang dag tu dge slong bsod snyoms stob pa gcig dang / 'di nyid kyi gso sbyong bco lnga pa'i tshe ma gtogs par bdag cag las/ gang gis kyang bcom ldan 'das la bltar 'gro bar mi bya ste/ dbyar gyi nang dag tu dge slong bsod snyoms stobs pa gcig dang / 'di nyid kyi gso sbyong bco lnga pa'i tshe ma gtogs par bdag cag las/ gang bcom ldan 'das la bltar 'gro ba de/ bdag cag gis ltung byed kyi ltung ba byed du gzhug go/ /zhes khrims su bya ba bcas so/ /bcom ldan 'das zla ba gsum nang du yang dag 'jog la bzhugs pa na/ dge slong bsod snyoms stob pa gcig dang / de nyid kyi gso sbyong bco lnga pa'i tshe ma gtogs par der dge slong 'ga' yang mi 'gro'o/ /de'i tshe na tshe dang ldan pa nye sde zla ba shol ma bor bar dbyar ljongs su gnas par khas blangs la/ bcom ldan 'das ni/ zla ba shol bor bas dbyar ljongs su gnas par zhal gyis bzhes so/ /de nas tshe dang ldan pa nye sde dbyar gyi zla ba gsum po dag 'das nas chos gos byas pa dang ldan/ chos gos zin pa dang ldan zhing / mdzes pa </font><hr>Cha119b<br><font size=+1>


'khor mdzes pa dang ldan pas lhung bzed dang chos gos thogs te mnyan yod ga la ba der rgyu zhing song nas mthar gyis rgyu zhing 'gro ba na mnyan yod du phyin to/ /de nas tshe dang ldan pa nye sde lhung bzed dang chos gos mkhos su phab ste rkang pa gnyis bkrus nas/ bcom ldan 'das kyi gtsug lag khang ga la ba der song ba dang / dge slong drug sde dag gis tshe dang ldan pa nye sde thag ring po kho na nas mthong ngo / /mthong nas kyang 'di skad ces/ tshe dang ldan pa dag /da lta kho na na nyung ngus dge 'dun gyi khrims su bya ba 'dral bar 'gyur ro/ /zhes smras so/ /gzhan dag gis smras pa/ des de ltung byed kyi ltung ba byed du gzhug go /gzhan dag gis smras pa/ da lta sbyor ba la 'jug gi gang gi tshe dral bar gyur pa de'i tshe na des byed du gzhug go/ de nas tshe dang ldan pa nye sdes bcom ldan 'das kyi gtsug lag khang du dal bus khad kyis khad kyis sgo gtan brdungs pa dang / bcom ldan 'das kyis de la chab sgo dbye ba mdzad do/ /de nas tshe dang ldan pa nye sdes bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /sangs rgyas bcom ldan 'das rnams kyi chos nyid ni/ dge slong glo bur du 'ongs pa la/ dge slong khyod da ltar ga las 'ongs/ gang las dbyar gnas par khas blangs zhes bya ba'i so sor kun dga' bar mdzad pa 'dis so sor kun dga' bar mdzad pa yin la/ bcom ldan 'das kyis tshe dang ldan pa nye sde la/ nye sde/ khyod </font><hr>Cha120a<br><font size=+1>


@#/ /da ltar ga las 'ongs/ gang du dbyar gnas par khas blangs zhes so sor kun dga' bar mdzad pa dang / tshe dang ldan pa nye sdes gsol pa/ btsun pa/ bdag da ltar ljongs nas mchis so/ /bdag ljongs su dbyar gnas par mchid kyis 'tshal to/ /nye sde/ ljongs su dge slong rnams kyis dgag dbye byas sam/ btsun pa/ bgyis so/ /nye sde/ gang gis khyod mdzes pa dang ldan par gyur pa'i rgyu ni/ gang yin/ rkyen ni/ gang yin/ btsun pa/ 'di na gal te bdag gis g.yar sngar rab tu 'byung ba la ltos pa zhig mchi na/ bdag de la 'di skad ces bzhin bzang / khyod tshur mchi/ dgon pa pa tshol cig ces mchi zhing / dgon pa nyid kyi bsngags pa yang rjod par bgyid/ bsod snyoms pa dang / chos gos gsum pa dang / phyag dar khrod pa dang / shing drung pa tshol cig ces mchi zhing / shing drung pa nyid kyi bsngags pa yang rjod par bgyid do/ /gal te de ltar bgyi'o/ /zhes mchi na/ de rab tu 'byin par bgyid do/ /gal te rdzogs par bsnyen par 'tshal ba dang / gnas la zhugs pa dang / bklag pa la zhugs pa dang / mchid don la zhugs pa dang / yid la bgyi ba la zhugs pa zhig mchis na/ bdag de la yang 'di skad ces/ bzhin bzang / khyod tshur mchi/ dgon pa pa tshol cig ces mchi zhing / dgon pa pa nyid kyi bsngags pa yang rjod par bgyid/ bsod snyoms dang / chos gos gsum dang / phyag dar khrod pa </font><hr>Cha120b<br><font size=+1>


dang / shing drung pa tshol cig ces mchi zhing / shing drung pa nyid kyi bsngags pa yang rjod par bgyid do/ /gal te de ltar bgyi'o/ /zhes mchi na/ de la yid la bgyi ba stsol bar bgyid de/ btsun pa/ gang gis bdag mdzes pa 'khor mdzes pa dang ldan par gyur pa'i rgyu ni/ de lags/ rkyen ni/ de lags so/ /nye sde/ khyod skye bo mang po la phan pa dang / skye bo mang po la bde ba dang / 'jig rten la brtse ba dang / lha dang mi rnams kyi don dang / phan pa dang bde ba'i phyir zhugs pa legs so/ /legs so/ /nye sde/ gang la la zhig sbyangs pa'i yon tan de dag gi bsngags pa rjod par mi byed pa de ni/ nga'i bsngags pa rjod par mi byed pa yin no/ /gang la la sbyangs pa'i yon tan de dag gi bsngags pa rjod par byed pa de ni/ nga'i bsngags pa rjod par byed pa yin no/ /de ci'i phyir zhe na/ ngas sbyangs pa'i yon tan de dag yun ring po nas bstod pa dang / bkur ba dang / bsngags pa dang / rab tu bsngags pa'i phyir ro/ /nye sde/ khyod dge 'dun gyi khrims su bya ba mi srung ngam/ btsun pa/ bdag gis dge 'dun gyi khrims ni/ gang lags/ khrims su bgyi ba ni/ gang lags ma 'tshal to/ /nye sde/ 'di na ngas dge slong rnams la 'di skad ces/ dge slong dag /nga zla ba gsum po 'di la nang du yang dag 'jog bzhed kyi/ nga'i spyan sngar dge slong bsod snyoms stob pa gcig dang / 'di nyid kyi gso sbyong bco lnga pa'i tshe ma gtogs par dge slong gang gis kyang 'ong bar mi bya'o/ /zhes bka' stsal pa dang / dge slong gi dge 'dun </font><hr>Cha121a<br><font size=+1>


@#/ /gyis kyang tshe dang ldan pa dang / /dbyar gyi nang dag tu dge slong bsod snyoms stob pa gcig dang / 'di nyid kyi gso sbyong bco lnga pa'i tshe ma gtogs par bdag cag las/ gang gis kyang bcom ldan 'das la bltar 'gro bar mi bya ste/ dbyar gyi nang dag tu dge slong bsod snyoms stob pa gcig dang / 'di nyid kyi gso sbyong bco lnga pa'i tshe ma gtogs par bdag cag las/ gang bcom ldan 'das la bltar 'gro ba de/ bdag cag gis ltung ba byed du gzhug go/ zhes khrims su bya ba bcas so/ /btsun pa/ bdag ni/ glo bur du mchis pa lags te/ don de ni/ dge slong gnyug mar gnas pa rnams kyi bsrung bar bgyi ba lags so/ /nye sde/ dge slong glo bur du 'ongs pa dang / gnyug mar gnas pas kyang dge 'dun gyi khrims su bya ba bsrung bar bya ba kho na yin no/ /nye sde/ 'di ltar/ ngas dge slong glo bur bu lhags pa rnams kyi kun tu spyod pa'i chos dag bca' bar bya ste/ dge slong glo bur du 'ongs pas gtsug lag khang du zhugs nas dge slong dag la gnas 'di na khrims su bya ba ji lta bu yod ces dri bar bya'o/ /gal te 'dri na/ de lta na legs/ gal te mi 'dri na/ 'gal tshabs can du 'gyur ro/ /nye sde/ de lta mod kyi/ ngas dge slong dgon pa pa la dgon pa pa'i yongs su spang ba sbyin par bya ste/ de bzhin gshegs pa la bsnyen bkur bya ba'i phyir bltar 'gro ba'i dus ma yin pa med do/ /dge slong bsod snyoms pa dang / </font><hr>Cha121b<br><font size=+1>


rnyed pas chog pa'i bsod snyoms pa dang / zas phyis mi len pa dang / stan gcig pa dang / chos gos gsum pa dang / phying ba pa dang / phyag dar khrod pa dang / shing drung ba dang / dur khrod pa dang / tsog pu pa dang / bla gab med pa dang / gzhi ji bzhin pa la gzhi ji bzhin pa'i yongs su spang ba sbyin par bya ste/ dge slong gzhi ji bzhin pa la de bzhin gshegs pa la bsnyen bkur bya ba'i phyir 'gro ba'i dus ma yin pa med do/ /de nas tshe dang ldan pa nye sdes bcom ldan 'das kyis gsungs pa la mngon par bstod pa dang / rjes su yi rang bar byas te/ bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /de nas drug sde dag/ tshe dang ldan pa nye sde ga la ba der dong ste phyin nas tshe dang ldan pa nye sde la 'di skad ces smras so/ /tshe dang ldan pa nye sde/ ci/ skabs phye zhig/ ltung ba sde lnga po dag la skabs phye'o/ /khyod la ltung ba byung ba de chos bzhin du slar gyis shig /ltung ba ma mthong ngo / /khyod kyis dge 'dun gyi khrims su bya ba ma dral tam/ dge 'dun gyi khrims su bya ba ji lta bu yin/ drug sde dag gis skabs de rgyas par brjod pa dang / tshe dang ldan pa nye sdes de dag la 'di skad ces smras so/ /tshe dang ldan pa dag/ bcom ldan 'das kyis/ nye sde de lta mod kyi/ ngas dge slong dgon pa pa la dgon pa pa'i yongs su spang ba sbyin par bya ste/ dge slong dgon pa pa la de bzhin gshegs pa la bsnyen bkur bya ba'i phyir bltar 'gro ba'i dus ma yin pa med do/ /dge slong </font><hr>Cha122a<br><font size=+1>


@#/ /bsod snyoms pa dang / rnyed pas chog pa'i bsod snyoms pa dang / zas phyis mi len pa dang / stan gcig pa dang / chos gos gsum pa dang / phying ba pa dang / phyag dar khrod pa dang / shing drung pa dang / dur khrod pa dang / tsog pu pa dang / bla gab med pa dang / gzhi ji bzhin pa la gzhi ji bzhin pa'i yongs su spang ba sbyin par bya ste/ dge slong gzhi ji bzhin pa la de bzhin gshegs pa la bsnyen bkur bya ba'i phyir 'gro ba'i dus ma yin pa med do/ /zhes gsungs so/ /de nas shAkya rab tu byung ba de dag 'di snyam du sems te/ de ltar bcom ldan 'das kyis 'dod pa che ba rnam par smad cing / 'dod pa chung ba bstod pa ni/ don gyis na/ bcom ldan 'das kyis bdag cag smad pa mdzad pa yin gyi| bdag cag gis lhung bzed dang / chos gos dang / dra ba dang / phor bu dang / ska rags lhag pa dag khyer te tshe dang ldan pa kun dga' bo la gtad de rgyud dag pas bcom ldan 'das ga la ba der 'dong ngo / /snyam mo/ /de nas dge slong de dag lhung bzed dang / chos gos dang / dra ba dang / phor bu dang / ska rags lhag pa dag khyer te tshe dang ldan pa kun dga' bo ga la ba der dong nas phyin pa dang / tshe dang ldan pa kun dga' bo la 'di skad ces smras so/ /tshe dang ldan pa kun dga' bo/ thugs brtse ba'i slad du bdag cag las lhung bzed dang / chos gos dang / dra ba dang / phor bu dang </font><hr>Cha122b<br><font size=+1>


ska rags lhag pa 'di dag bzhes shig /tshe dang ldan pa dag/ de'i phyir bdag gis bcom ldan 'das la zhu'i/ de'i bar du sdod cig/ de nas tshe dang ldan pa kun dga' bo bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ mtha' gcig tu 'dug nas tshe dang ldan pa kun dga' bos skabs de/ bcom ldan 'das la rgyas par gsol to/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ de'i phyir longs la blangs nas kyang gtsug lag khang chen po zhig tu spungs te zhog la/ dge slong gang des brel ba'i dge slong de la de sbyin par bya'o/ /tshe dang ldan pa kun dga' bos/ btsun pa/ bka' bzhin 'tshal zhes bcom ldan 'das las mnyan nas shAkya rab tu byung ba rnams las lhung bzed dang / chos gos dang / dra ba dang / phor bu dang / ska rags lhag pa dag blangs nas gtsug lag khang chen po zhig tu spungs te bzhag go/ de nas shAkya rab tu byung ba de dag lhung bzed dang / chos gos dang / dra ba dang / phor bu dang / ska rags lhag pa dag nad ji lta ba dang / 'bras ji lta ba dang / zug rngu ji lta ba bzhin du spangs nas chos gos gsum pa lhur len cing rgyud dag pa dang / yo byad bsnyungs pa'i tshul dag gis bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal </font><hr>Cha123a<br><font size=+1>


@#/ /te mtha' gcig tu 'khod do/ /bcom ldan 'das kyis shAkya rab tu byung ba de dag gi bsam pa dang / bag la nyal dang / khams dang / rang bzhin thugs su chud nas/ 'di ltar/ shAkya gzhon nu lnga brgya po de dag gis stan de dag nyid la 'dug bzhin du 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras bu mngon sum du byas pa de ltar chos bstan par mdzad do/ /de dag gis bden pa mthong nas gsol pa/ btsun pa/ bdag cag gis dge ba'i bshes gnyen bcom ldan 'das la brten nas bcom ldan 'das kyis bdag cag la gang mdzad pa 'di lta bu ni/ bdag cag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang / bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang mchi ma'i rgya mtsho ni/ bskams/ rus pa'i ri dag las ni/ bsgral/ ngan song gi sgo dag ni/ bkum/ mtho ris dang thar pa'i sgo dag ni/ phye/ sems can dmyal ba dang / dud 'gro dang / yi dwags dag nas ni/ rkang pa phyung / lha dang mi rnams kyi nang du ni/ bzhag /'khor ba las ni/ mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho </font><hr>Cha123b<br><font size=+1>


ba| ye shes kyi rdo rjes bcom ste rgyun du zhugs pa'i 'bras bu ni/ mngon sum du bgyis so/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa| ji tsam du bcom ldan 'das kyis shAkya gzhon nu lnga brgya po dag tshe dang ldan pa nye sde la brten te 'dod pa che ba dang phral zhing 'dod pa chung ba nyid la bkod de/ shin tu mthar thug pa'i grub pa dang / bde ba mya ngan las 'das pa la bzhag par mdzad pa ni/ ngo mtshar to/ /dge slong dag/ da ltar nga 'dod chags dang bral ba/ sred pa med pa/ len pa med pa/ thams cad mkhyen pa dang / shes bya thams cad la mnga' rnyes pas/ shAkya gzhon nu lnga brgya po dag/ rigs kyi bu nye sde la brten te 'dod pa che ba dang phral zhing / 'dod pa chung ba nyid la bkod de/ shin tu mthar thug pa'i grub pa dang / bde ba mya ngan las 'das pa la bzhag par mdzad pa ngo mtshar ci che/ 'di ltar/ 'das pa'i dus na nga 'dod chags dang bcas pa/ zhe sdang dang bcas pa/ gti mug dang bcas pa/ sred pa dang bcas pa/ len pa dang bcas pa/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dag las rnam par ma grol bas kyang / shAkya gzhon nu lnga brgya po 'di dag/ rigs kyi bu nye sde la brten te 'dod pa che ba dang phral zhing / 'dod pa chung ba nyid la bkod de/ mngon par shes pa lnga po dag la bzhag par mdzad pa de nyon cig /dge slong dag/ sngon byung </font><hr>Cha124a<br><font size=+1>


@#/ /ba| 'das pa'i dus na grong khyer wA ra NA si na rgyal po tshangs sbyin zhes bya bas rgyal srid 'byor ba/ rgyas pa/ bde ba/ lo legs pa/ skye bo dang mi mang pos gang ba/ 'thab mo dang / 'thab pa dang / rtsod pa dang / 'gyed pa dang / 'khrug long dang / nad 'khrug dang / chom rkun dang / mu ge dang / nad rab tu zhi ba byed du bcug ste/ des bu gcig pa snying du sdug pa dang 'dra bar rgyal srid skyong du bcug go/ rgyal po tshangs sbyin la btsun mo tshangs ldan zhes bya ba dang / rdzing bu tshangs ldan zhes bya ba yod de/ rgyal po tshangs sbyin de la bu med nas/ de bu 'dod pas zhi ba dang / chu lha dang / lus ngan dang / brgya byin dang / tshangs pa dang / gzhan yang lha'i bye brag 'di lta ste/ kun dga' ra ba'i lha dag dang / tshal gyi lha dag dang / bzhi mdo'i lha dag dang / sum mdo'i lha dag dang / gtor ma len pa'i lha dag dang / lhan cig skyes pa dag dang / chos mthun pa dag dang / rtag tu rjes su 'brang ba'i lha dag la yang gsol ba 'debs so/ /'jig rten na gang gsol ba 'debs pa'i rgyu las bu dag dang / bu mo dag skye'o/ /zhes bya ba'i gtam de lta bu yod de/ de ni/ de lta ma yin te/ gal te de ltar 'gyur du zin na/ re re la yang 'di lta ste/ dper na/ 'khor los bsgyur ba'i rgyal po bzhin du bu stong yod par 'gyur ro/ /'di ltar/ gnas gsum po dag mngon du gyur pa las/ ma'i mngal du mngal na gnas pa 'jug par 'gyur te/ </font><hr>Cha124b<br><font size=+1>


gsum po de dag gang zhe na/ pha ma gnyis chags par gyur cing 'phrad pa dang / ma dus la bab cing zla mtshan dang ldan pa dang / dri za nye bar gnas shing 'jug 'dod pa ste/ gnas gsum po de dag mngon du gyur pa las/ bu dang bu mo skye bar 'gyur ro/ /de de ltar gsol ba 'debs pa lhur len pa la zhugs pa na/ sems can bla na med pa yang dag par rdzogs pa'i byang chub tu smon lam btab pa yi dam brtan pa zhig sems can dmyal ba nas shi 'phos nas btsun mo tshangs ldan gyi mngal du zhugs so/ /bud med kyi yul mkhas pa'i rang bzhin can la la la/ ma 'dres pa'i chos lnga yod do/ /lnga gang zhe na/ skyes pa chags par gyur pa shes shing chags pa dang bral ba shes pa dang / dus shes shing zla mtshan shes pa dang / mngal na gnas pa zhugs pa shes pa dang / gang las mngal na gnas pa zhugs pa de shes pa dang / khye'u shes shing bu mo shes pa ste/ gal te khye'u yin na/ dku g.yas par brten cing 'dug la/ gal te bu mo yin na/ dku g.yon par brten cing 'dug pa'o/ /de yid dga' zhing yid dga' nas rgyal po tshangs sbyin la smras pa/ lha dgyes pa bskyed du gsol/ bdag la sems can zhugs par gyur pa ni/ 'di ltar/ bdag gi dku g.yas par brten cing mchis pas/ nges par khye'ur 'gyur ro/ /rgyal po tshangs sbyin yang yid dga' yid dga' nas 'di skad ces/ kye ma/ kho bo yun ring po nas mngon par 'dod pa'i bu'i ngo mthong ba dang / kho bo dang mthun par skye zhing </font><hr>Cha125a<br><font size=+1>


@#/ /mi mthun par mi skye ba dang / kho bo'i bya ba dag byed pa dang / gsos pas phyir gso ba dang / bgo skal la spyod pa dang / kho bo'i rigs rgyud yun ring du gnas par 'gyur ba dang / bdag cag shi zhing dus las 'das pa dag la nyung ngu'am mang po yang rung ba'i sbyin pa dag byin zhing bsod nams dag byas nas/ 'di de gnyis gang du skyes pa der 'gro zhing rjes su 'gro bar gyur cig/ ces ming gis yon tan bshad pa byed par gyur cig ces ched du brjod pa ched du rjod par byed do/ /de la sems can zhugs par rig nas 'di lta ste/ mngal na gnas pa yongs su smin par bya ba'i phyir steng gi khang bzang gi gzhir gtogs pa na/ grang ba na grang ba'i yo byad dag dang / dro ba na dro ba'i yo byad dag dang / sman pas bcas pa'i kha zas ha cang mi kha ba dang / ha cang mi skyur ba dang / ha cang lan tshwa mi tsha ba dang / ha cang mi mngar ba dang / ha cang mi tsha ba dang / ha cang mi bska ba dang / kha ba dang / skyur ba dang / lan tshwa ba dang / mngar ba dang / tsha ba dang / bska ba rnam par spangs pa'i zas dag dang / do shal dang / se mo do dang / rgyan gyis klubs pa'i lus/ lha'i bu mo dga' ba'i tshal na rnam par spyod pa lta bu dang / khri nas khrir dang / khri'u nas khri'ur dang / shod kyi sa gzhir mi 'bab pa dang / des sgra yid du mi 'ong ba cung zad kyang mi thos par gnod pa med pa nyid du rim gro byed du 'jug go/ de nas dus gzhan </font><hr>Cha125b<br><font size=+1>


zhig na btsun mo tshangs ldan la 'dod pa 'di lta bu 'di skyes te/ kye ma/ lhas grong khyer gyi shar sgor sbyin pa dag byin par gyur cing / bsod nams dag byed par gyur cing / lho sgo dang / nub sgo dang / byang sgo dang / dbus kyi bzhi mdor yang sbyin par dag sbyin/ bsod nams dag byed cing / btson thams cad thar bar byed par gyur cig/ snyam mo/ /de nas rgyal po tshangs sbyin gyis btsun mo tshangs ldan la 'dod pa de lta bu de skyes par thos nas grong khyer gyi shar sgor sbyin pa dag sbyin zhing / bsod nams dag byed do/ /de bzhin du lho sgo dang / nub sgo dang / byang sgo dang / dbus kyi bzhi mdor yang sbyin pa dag sbyin/ bsod nams dag byed cing / btson thams cad thar bar byas so/ /yang btsun mo tshangs ldan la 'dod pa 'di lta bu 'di skyes te/ kye ma/ bdag lha dang lhan cig skyed mos tshal dang / dka' thub kyi nags su zhugs te rtse ba dang / dga' ba dang / dga' mgur spyod par gyur cig snyam mo/ /de nas rgyal po tshangs sbyin gyis btsun mo tshangs ldan la 'dod pa rnam pa de lta bu de skyes par thos nas/ btsun mo tshangs ldan dang lhan cig skyed mos tshal dang / dka' thub kyi nags su zhugs te rtse ba dang / dga' ba dang / dga' mgur spyod pa dag byas so/ /yang btsun mo tshangs ldan la 'dod pa'i rnam pa 'di lta bu 'di skyes te/ kye ma/ bdag lha dang thabs cig chur 'jug pa'i grur zhugs te rdzing bu tshangs ldan du rtse ba dang / dga' ba dang / dga' mgur spyod </font><hr>Cha126a<br><font size=+1>


@#/ /par gyur cig snyam mo/ /de nas rgyal po tshangs sbyin gyis btsun mo tshangs ldan la 'dod pa'i rnam pa de lta bu de byung bar thos nas btsun mo tshangs ldan dang lhan cig chur 'jug pa'i gru me tog ut+pa la dang / pad+ma dang / ku mu da dang / pad+ma dkar pos bkang bar zhugs te rdzing bu tshangs ldan du rtse ba dang / dga' ba dang / dga' mgur spyod pa byas so/ /de gru de nyid du btsas pa las/ khye'u tshe rabs dran pa/ gzugs bzang ba/ blta na sdug pa/ mdzes pa/ gsal ba/ gser gyi mdog 'dra ba/ mgo gdugs lta bu dang ldan pa/ lag pa ring ba/ dpral ba'i dbyes che ba/ smin ma 'dzar ba/ sna'i bzang mtho ba zhig byung ngo / /de'i nye du dag 'dus shing lhags nas nyi ma bdun gsum nyi shu gcig tu btsas pa'i btsas ston rgya cher byas nas khye'u'i ming cir gdags zhes ming 'dogs par byed do/ /de dag 'di snyam du sems te/ gang gi phyir khye'u 'di chu'i nang du btsas pa de'i phyir khye'u yi ming chu skyes zhes bya'o/ /zhes de'i ming chu skyes zhes bya bar btags so/ /gzhon nu chu skyes/ ma ma brgyad po pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'phyi ba'i ma ma gnyis dang / rtsed grogs kyi ma ma gnyis la rjes su gtad do/ /de ma ma brgyad po dag gis 'o ma dang / zho dang / zhun mar dang / mar gyi snying khu dang / gzhan yang yo byad kyi bye brag </font><hr>Cha126b<br><font size=+1>


gtso bo gtso bo dag gis sring bar byed/ skyed par byed cing / rdzing na gnas pa'i pad+ma bzhin myur du skyed par byed do/ /de nas gzhon nu chu skyes 'di snyam du sems te/ bdag gang nas shi 'phos te 'dir skyes snyam na/ sems can dmyal ba dag nas shi 'phos te 'dir skyes par shes so/ /las ci byas na/ des sems can dmyal ba rnams su skyes snyam na/ lo drug cur rgyal tshab kyi rgyal srid byed du bcug pas de dag tu skyes par shes so/ /da ltar gang du skyes snyam na/ mi rnams kyi nang du rgyal po'i rigs su skyes par shes nas/ de 'di snyam du sems te/ bdag kyang rgyal srid byed du bcug na/ yang sems can dmyal ba rnams su 'gro bar 'gyur na/ ma legs kyi/ bdag gis sgyu thabs cung zhig bya'o/ /snyam nas des bdag nyid 'phye bo nyid du bstan te 'dug go /gang gi nyin mo gzhon nu chu skyes btsas pa de nyid kyi nyin mo blon po lnga brgya dag gi bu dag kyang btsas te/ de dag kyang rang rang gi rigs dang mthun pa'i ming dag btags par gyur to/ /blon po de dag gi kun tu spyod pa ni/ nyi ma re re zhing rgyal po tshangs byin dang / gzhon nu chu skyes bltar 'ong ngo / /de nas dus gzhan zhig na/ gzhon nu lnga brgya po de dag mchong pa dang / dkyus mo byed nus par gyur to/ / de nas rgyal po tshangs byin 'di snyam du sems te/ gal te nga'i bu gzhon nu chu skyes kyang 'phye bor ma gyur tu zin na/ de yang da tsam mchod pa dang / dkyus mo byed nus par 'gyur gyi/ 'di ltar/ bdag </font><hr>Cha127a<br><font size=+1>


@#/ /gis de 'phye bo yin yang bla'i/ rgyal srid kyi dbang phyug la gzhag par bya'o/ /snyam mo/ /de nas gzhon nu chu skyes kyis de thos nas 'di snyam du sems te/ rgyal po 'di ni| gcugs med par gnod pa byed pa yin gyi/ bdag gis lkug pa nyid du bstan te 'dug par bya'o/ /snyam mo/ /des ched du bsam ste lkug pa nyid du bstan te 'dug go/ de na dus gzhan zhig na/ gzhon nu lnga brgya po de dag smra nus par gyur to/ /de nas rgyal po tshangs sbyin 'di snyam du sems te/ gal te bdag gi bu gzhon nu chu skyes kyang lkug par ma gyur tu zin na/ de yang da tsam smra nus par 'gyur ro/ /snyam mo/ /de'i tshe na gzhon nu chu skyes kyi ming / gzhon nu chu skyes/ gzhon nu chu skyes zhes bya ba gang yin pa de nub par gyur cing / gzhon nu lkug 'phye/ gzhon nu lkug 'phye zhes bya ba'i ming chags par gyur to/ /de nas dus gzhan zhig na/ rgyal po tshangs sbyin lag pa la 'gram pa gtad de/ sems khong du chud cing 'dug nas blon po rnams kyis smras pa/ lha ci'i slad du phyag la zhal gtad de thugs khong du chud cing bzhugs/ rgyal pos smras pa/ 'di ltar/ nga'i rgyal srid kyi dbang phyug 'di 'dra ba la/ bu yang med/ bu mo yang med pas nga 'das nas gdung chad par yang 'gyur la| bu gcig bdog pa de yang lkug 'phyer gyur na/ da ji ltar sems khong du chud cing mi 'dug tu rung / blon po rnams kyis smras pa gnyer te sman pa la rmas nas smras pa/ lha/ gzhon nu </font><hr>Cha127b<br><font size=+1>


'di'i dbang po gsal bar gda' ste/ 'di la bro nad kyi rnam pa ni/ cung zad kyang ma mchis pas bsdigs par bgyi ba'i rigs so/ /rgyal po tshangs sbyin gyis gshed ma dag bkug nas gsang ste bsgo ba| ngas gzhon nu lkug 'phye 'di skye bo phal po che'i mngon sum du yongs su btang bar bya'i/ khyed kyis gsad par mi bya'o/ /lha/ bka' bzhin 'tshal/ rgyal po tshangs sbyin 'khor gyi nang du song ste gshed ma rnams la bsgo ba/ ngas gzhon nu 'di yongs su btang gi/ khyed kyis 'or cig/ lha/ bka' bzhin 'tshal zhes de nas gshed ma'i mi de dag gis rgyal po tshangs sbyin las mnyan nas gzhon nu lkug 'phye shing rtar bcug de/ grong khyer wA ra NA si'i nang nas phyir khrid do/ /de nas gzhon nu lkug 'phyes grong khyer wA ra NA si 'byor pa dang / rgyas pa mthong nas 'di skad ces smras so/ /ci/ wA ra NA si 'di stong pa yin nam/ 'on te gnas pa yin/ gshed ma'i mi rnams kyis gzhon nu lkug 'phye rgyal po la phul nas/ lha/ gzhon nu lkug 'phyes tshig 'di lta bu 'di brjod do/ /zhes smras so/ / de nas rgyal po tshangs sbyin gyis gzhon nu lkug 'phye pang du bzhag ste 'di skad ces smras so/ /gzhon nu gang gsad par bya/ gzhon nu gang gsod du gzhug par bya/ gang srog dang dbral bar bya/ gang la ci zhig sbyin par bya/ de skad smras kyang gzhon nu lkug 'phye cang mi smra'o/ /rgyal po tshangs sbyin gyis yang gshed ma rnams la smras pa/ ngas gzhon nu 'di yongs su btang gi/ khyed kyis 'or cig /gshed </font><hr>Cha128a<br><font size=+1>


@#/ /ma'i mi rnams kyis/ lha/ bka' bzhin 'tshal zhes yang gzhon nu lkug 'phye shing rtar bcug ste grong khyer wA ra NA si'i nang nas phyir khrid pa dang / gzhon nu lkug 'phyes mi'i ro mi bzhis khyer ba zhig mthong nas smras pa/ ci/ ro 'di shi ba nyid kyi ro yin nam/ 'on te gson po'i ro yin/ gshed ma pa'i mi rnams kyis gzhon nu lkug 'phye rgyal po la phul nas/ lha| gzhon nus tshig 'di lta bu 'di brjod do/ /zhes smras so/ /rgyal po tshangs sbyin gyis yang gzhon nu lkug 'phye pang du bzhag ste 'di skad ces smras so/ /gzhon nu gang gsad par bya/ gang gsod du gzhug par bya/ gang srog dang dbral bar bya/ gang la ci zhig sbyin par bya/ de skad smras kyang gzhon nu lkug 'phye cang mi smra'o/ /yang rgyal po tshangs sbyin gyis gshed ma rnams la smras pa| ngas gzhon nu yongs su btang gi/ khyed kyis 'or cig/ gshed ma'i mi rnams kyis lha/ bka' bzhin 'tshal zhes yang gzhon nu lkug 'phye shing rtar bcug ste grong khyer wA ra NA si'i nang nas phyir khrid pa dang / gzhon nu lkug 'phyes 'bru'i phung po chen po zhig mthong nas smras pa/ gal te 'bru'i phung po 'di dang po nyid nas drung ma zos na/ chen por 'gyur ro/ /gshed ma'i mi rnams kyis kyang gzhon nu lkug 'phye rgyal po la phul nas/ lha/ gzhon nus tshig 'di lta bu brjod do/ /zhes smras so/ /rgyal po tshangs sbyin gyis kyang gzhon nu lkug 'phye pang du bzhag ste 'di skad ces </font><hr>Cha128b<br><font size=+1>


smras so/ /gzhon nu gang gsad par bya/ gang gsod du gzhug par bya/ gang srog dang dbral bar bya/ gang la ci zhig sbyin par bya/ de skad smras kyang gzhon nu lkug 'phye cang mi smra'o/ /rgyal po tshangs sbyin gyis yang gshed ma rnams la smras pa/ ngas gzhon nu yongs su gtang gi/ shes ldan dag song la gzhon nu nags khrod du myur du sa thams su chug cig/ lha/ bka' bzhin 'tshal zhes gshed ma'i mi rnams kyis yang gzhon nu lkug 'phye shing rtar bcug ste nags khrod ga la ba der song nas phyin pa dang / dong rko bar brtsams so/ /de nas gzhon nu lkug 'phyes de'i tshe tshigs su bcad pa smras pa/ kha lo sgyur ba ci'i phyir khyed/ /brtad dang bcas pas dong rko byed/ /ci'i phyir khyed cag dong rko ba/ /dris pa nga la myur du smros/ /kha lo sgyur bas smras pa/ rgyal po'i sras bu mi smra ba/ /lkug 'phye btsas nas de yis ni/ /myur bar 'di ni nags khrod du/ /dong du chug ces bka' stsal to/ /de nas gzhon nu lkug 'phye 'di snyam du sems te/ 'di dag ni/ drag shul can/ lag pa dmar ba/ snun pa dang / rab tu snun pa la zhugs pa/ gzhan gyi srog gcod pa/ gzhan gyi srog gcod pas 'tsho bar byed pa dag yin pas/ gal te na/ 'di dag gis bdag gsad par 'gyur du 'ong ngo / /snyam du rig nas/ de skrag ste gshed ma rnams la smras pa/ gal te lhas bdag la dam pa zhig stsal na/ bdag rkang pas grong khyer du 'jug cing / tshig kyang smra'o/ /gshed ma rnams kyis rgyal po'i gan du song ste rgyas </font><hr>Cha129a<br><font size=+1>


@#/ /par brjod pa dang / rgyal pos smras pa/ gzhon nu gal te da rgyal srid 'dod na/ ngas de yang gzhon nu la sbyin no/ /de nas rgyal po tshangs sbyin gyis yid dga' nas blon po rnams la smras pa/ shes ldan dag/ dengs la grong khyer thams cad myur du rdo ba dang / gseg ma dang / gyo mo med par zhog la/ bdug spos dang / phye ma 'khrigs pa/ rgyal mtshan dang / ba dan bsgreng ba dang / me tog sna tshogs bkram pa gyis shig/ rgyal po rnams ni/ tshig gis 'grub la/ lha rnams ni/ sems kyis 'grub/ rnal 'byor pa rnams ni/ sems bskyed pa tsam gyis thams cad 'grub pas/ blon po rnams kyis/ lha/ bka' stsal bzhin 'tshal zhes rgyal po las mnyan nas grong khyer thams cad rdo ba dang / gyo mo dang / gseg ma med par bzhag cing / bdug spos dang / phye ma 'khrigs pa dang / rgyal mtshan dang / ba dan bsgreng ba dang / me tog sna tshogs bkram pa byas so/ /ljongs kyi mi 'bum phrag du ma dag kyang gzhon nu lkug 'phye rkang pas grong khyer du 'jug cing / tshig kyang smra bar 'gyur ro/ /zhes ya mtshan skyes nas 'dus par gyur to// //'dul ba rnam par 'byed pa/ bam po nyer dgu pa/ de nas gzhon nu lkug 'phye rkang pas grong khyer du zhugs nas rgyal po tshangs sbyin ga la ba der song ste phyin nas rgyal po tshangs sbyin gyi rkang pa gnyis la gtugs te de'i tshe tshigs su bcad pa smras pa/ bdag lkug ma lags 'phye </font><hr>Cha129b<br><font size=+1>


ma lags/ /glen pa ma lags blo med min/ /gsal bar bgyid pa'i tshig rnams kyis/ /smra ba bdag lags mi dbang po/ /bdag lkug ma lags 'phye ma lags/ /glen pa ma lags blo med min/ /dbang po tshang ba gsal ba dang / /ldan pa bdag lags mi dbang po/ /rgyal pos smras pa/ bu khyod ci'i phyir tshig smra bar mi byed cing / rkang pas 'gro bar mi byed/ lha de'i slad du gson cig/ bdag gis sngon gyi tshe rabs su/ /dgung lo drug cur bdag gis ni/ /mi rnams nang du rgyal tshab kyi/ /rgyal srid rigs mthun bgyid stsal pas/ /dgung lo stong phrag drug cu ru/ /sems can dmyal bar rab tu bsregs/ /sems dmyal sdug bsngal mi bzad pa/ /drag po 'jigs rung dran gyur nas/ /rgyal srid mngon par mi 'tshal zhing / /slan chad sems dmyal mchi mi bgyid/ /yab kyis bdag ni rab 'byung bar| |rjes su gnang ba mdzad du gsol/ /rgyal pos smras pa/ bu/ drang srong dag gang gi phyir dka' thub kyis gdung ba dang / sbyin sreg dang / mchod sbyin byed pa ni/ rgyal srid kyi phyir yin na/ khyod ci'i phyir rgyal srid lag mthil na 'dug pa spangs te rab tu 'byung bar byed/ de na gzhon nu lkug 'phyes de'i tshe tshigs su bcad pa smras pa/ 'khon gcugs 'thab rtsod bgyid pa yi/ /'dod la spyod pa bdag mi 'tshal/ /'khon gcugs 'thab rtsod 'jig bgyid pa'i/ /tshangs spyod bdag gis spyad par bgyi/ /kim pa'i 'bras bu 'dra ba yi/ /'dod pa spyod par bdag mi 'tshal/ /'bras bu bdud rtsi'i </font><hr>Cha130a<br><font size=+1>


@#/ /ro bda' ba'i/ /tshangs spyod bdag gis spyad par bgyi/ /rgyal pos smras pa/ bde ba gang dang gang dag nyams su myong bar 'gyur ba de dag thams cad ni/ rgyal po nyid yin na| khyod ci'i phyir rgyal srid spangs te rab tu 'byung bar byed/ de nas gzhon nu lkug 'phyes de'i tshe tshigs su bcad pa smras pa/ gang las sdug bsngal skye 'gyur ba'i/ /bde ba de la bder mi sems/ / gang las bde ba skye 'gyur ba'i/ /sdug bsngal de la bde bar sems/ /yab kyis bdag ni dka' thub kyi/ /nags su mchi ba gnang bar mdzod/ /rgyal pos smras pa/ bu/ 'dir ni/ yang thog gi steng bdug spos dang phye ma 'khrigs par me tog sna tshogs bkram zhing gnas mal 'jam po legs par bshams pa dag tu gang nas kyang 'jigs pa med par nyal bar bya zhing / sil snyan gyi sgra snyan pa dag gis sad par bya ba dang / gos 'jam po bgo bar bya ba dang / zhim po bza' bar bya/ zhim po btung bar bya ba yin na/ dgon par rab tu byung bas rtag tu shing drung du rtswa bting ba'am/ lo ma bting ba la bred ngas kyis 'jigs pa dang bcas pa'i sems kyis ri dwags gdug pa dag dang lhan cig nyal bar bya ba dang / wa'i skad kyis sad par bya ba dang / g.yang gzhi dang / shing shun bgo bar bya ba dang / rtsa ba dang 'bras bu dag bza' bar bya ba dang / chu dron po rnyog pa can dag btung bar bya dgos na/ ci'i phyir khyod rgyal srid spangs te rab tu 'byung bar byed/ de nas gzhon nu lkug </font><hr>Cha130b<br><font size=+1>


'phyes de'i tshe tshigs su bcad pa smras pa/ nags na shing shun rtswa gyon zhing / /rtsa ba 'bras bu 'cha' ba dang / /ri dwags gdug pa rnams dang ni/ /lhan cig gnas pa mchog lags kyi/ /'jig rten pha rol 'jig bgyid pa'i/ /mkhas pa rgyal srid slad du ni/ /gsod dang 'ching dang rdeg pa dag/ bgyid pa de lta ma lags kyi/ /yab kyis bdag ni dka' thub kyi/ /nags su 'chi ba gnang bar mdzod// rgyal pos smras pa/ bu/ je kho bo'i the tshom gsum po 'di dag chod cig dang / de'i 'og tu khyod rab tu 'byung ba mi dka'o/ /khyod kyis grong khyer wA ra Na si 'byor pa dang rgyas pa mthong nas 'di skad ces/ ci| wA ra NA si 'di stong pa yin nam/ 'on te gnas pa yin zhes smras pa de/ khyod kyis ci las bsam ste smras/ lha/ de'i slad du gson cig/ lhas bdag rgyu ma mchis par khum zhig ces bka' stsal nas/ 'ga' yang ci'i slad du gzhon nu 'di dgum par bgyi zhes chos dang ldan pa'i tshig mi smra bas/ bdag gis de las bsam ste smras so/ /bu/ ma nyes so/ /khyod kyis mi'i ro mi bzhis khyer ba zhig mthong nas 'di skad ces/ ci/ ro 'di shi ba nyid kyi ro yin nam/ 'on te gson po'i ro yin zhes smras pa de/ khyod kyis ci las bsam ste smras/ lha/ de'i slad du gson cig/ gang nongs pa bgyid pa'i las bgyid pa'i ro de ni/ gum pa nyid kyi ro lags la/ gang legs pa bgyid pa'i las bgyid pa'i ro de ni/ gson po'i ro lags pas/ bdag gis de las bsam ste smras so/ /bu/ ma nyes so/ /khyod </font><hr>Cha131a<br><font size=+1>


@#/ /kyis 'bru'i phung po chen po zhig mthong ba dang 'di skad ces/ gal te 'bru'i phung po 'di dang po nyid nas drung ma zos na/ chen por 'gyur ro/ /zhes smras pa de/ khyod kyis ci las bsam ste smras/ lha/ de'i slad du gson cig /lha/ zhing pa gang dag 'dru skyin po bgyis te 'tshal nas bgyid pa de dag ni/ 'bru smin pa na 'bru'i phung po chen po bu lon pa dag la 'bul bar bgyid pas| de dag gis ni/ dang po nyid nas drung 'tshal ba lags so/ /de bzhin du dge ba bcu'i las kyi lam dag gis mi nyid rnyed pa na/ gal te de rnyed nas dge ba'i las kyi lam gsog par mi bgyid pa de'i| sngon gyi dge ba'i rtsa ba de yang rgyun chad par 'gyur zhing / dge ba'i rtsa ba rgyun chad na bde 'gro las yongs su nyams shing ngan 'gro la brten par 'gyur bas/ bdag gis de las bsam ste smras so| |de nas rgyal pos bu'i tshig thos nas mchi mas brnangs pas bu blangs te tshig smras pa/ brtul zhugs nges 'chang rang gi chos spyod cig /bdag kyang khyod kyi slob mar khas len to/ /de nas rgyal po tshangs sbyin gyis blon po rnams la smras pa/ shes ldan dag /gal te gzhon nu lkug 'phye rab tu ma byung na/ cir 'gyur/ lha/ rgyal por 'gyur ro/ /khyed kyi bu dag cir 'gyur/ lha/ zham ring bar 'gyur ro/ /'o na/ de da rab tu 'byung na/ khyed kyi bu de dag ci'i phyir rab tu mi 'byung / lha/ bka' stsal pa bzhin 'tshal lo/ /de'i tshe na grong khyer wA ra NA si dang ha cang mi ring ba na bsti gnas </font><hr>Cha131b<br><font size=+1>


shig yod pa de na/ drang srong byams pa'i bdag nyid can/ snying rje dang ldan pa/ brtse ba dang ldan pa/ sems can la byams pa zhig 'dug nas/ gzhon nu lkug 'phye 'khor lnga brgya dang ldan pa/ 'byor pa rgya chen pos drang srong de'i drung du rab tu byung ngo / /drang srong des lkug 'phye la gdams ngag byin nas lkug 'phyes brtsal ba dang / 'bad pa dang / bsgrims pa byas nas mngon par shes pa lnga mngon sum du byas so/ /de nas dus gzhan zhig na/ drang srong de dus kyi chos dang ldan par gyur nas gzhon nu lkug 'phyes drang srong de'i lus spos kyi shing sna tshogs kyi phung por bcer te bsregs nas mchod pa dang / bsnyen bkur chen po byas so/ /gzhon nu lkug 'phyes bram ze'i khye'u lnga brgya po de dag yongs su bskyang bar brtsams nas/ de'i ming gzhon nu lkug 'phye/ gzhon nu lkug 'phye zhes bya ba gang yin pa de nub par gyur cing / ston pa lkug 'phye/ ston pa lkug 'phye zhes bya ba'i ming chags par gyur to/ /de nas dus gzhan zhig na ston pa lkug 'phye 'di snyam du sems te/ ci'i phyir bram ze'i khye'u lnga brgya po 'di dag mngon par shes pa lnga mngon sum du mi byed snyam nas/ de 'di snyam du sems te/ 'di dag g.yang gzhi dang / shing shun dang / dbyug gu dang / ril ba dang / blugs gzar ba dang / dgang gzar lhag pa 'chang zhing / shin tu lo ma dang / khre rgod dang / ut+pa la'i rtsa ba la sbyor ba'i rjes su brtson par gnas pa'i phyir ro/ /snyam mo/ /de nas ston pa lkug 'phye 'di snyam du sems te/ </font><hr>Cha132a<br><font size=+1>


@#/ /gal te bdag gis bram ze'i khye'u 'di dag smad na/ dbral dka' bar 'gyur ro/ /snyam nas/ byang chub sems dpa' rnams ni/ 'dul ba la mkhas pa bla na med pa yin pas/ de nas ston pa lkug 'phyes bram ze'i khye'u rnams la smras pa/ bram ze'i khye'u dag /nga zla ba gsum po 'di la nang du yang dag 'jog 'dod kyi/ nga'i gan du bram ze'i khye'u rtsa ba dang / 'bras bu stob pa gcig dang / 'di nyid kyi gso sbyong bco lnga pa'i tshe ma gtogs par gang gis kyang nye bar 'ong bar mi bya'o/ /bram ze'i khye'u rnams kyis kyang / dbyar gyi nang dag tu bram ze'i khye'u rtsa ba dang 'bras bu stob pa gcig dang / 'di nyid kyi gso sbyong bco lnga pa'i tshe ma gtogs par bdag cag las/ bram ze'i khye'u gang gis kyang mkhan po la bltar 'gro bar mi bya'o/ /dbyar gyi nang dag tu bram ze'i khye'u rtsa ba dang 'bras bu stob pa gcig dang / 'di nyid kyi gso sbyong bco lnga pa'i tshe ma gtogs par bdag cag las/ bram ze'i khye'u gang mkhan po la bltar 'gro ba de/ bdag cag gis ltung byed kyi ltung ba byed du gzhug go /zhes khrims su byas pa bcas so/ /ston pa lkug 'phye zla ba gsum nang du yang dag 'jog la zhugs pa na/ de'i gan du bram ze'i khye'u rtsa ba dang 'bras bu stob pa gcig dang / de nyid kyi gso sbyong bco lnga pa'i tshe ma gtogs par bram ze'i khye'u gang yang nye bar mi 'gro'o/ /ston pa lkug 'phyes thag ring po kho na nas ri dwags mthong ngo / /mthong </font><hr>Cha132b<br><font size=+1>


nas kyang 'di skad ces smras so/ /ri dwags tshur shog /ri dwags khyod 'ongs pa legs so/ /khyod dang kho bo mtshungs te/ khyod kyang lto khengs pa'i zas kyis chog shes pa dang / kun tu chog pa yin la/ kho bo yang lto khengs pa'i bsod snyoms kyis chog shes pa dang / kun tu chog shes pa yin no/ /'di na kha cig shin tu lo ma dang / khre rgod dang / ut+pa la'i rtsa ba la sbyor ba'i rjes su brtson par gnas pa dag ni/ ma yin no/ /de nas bram ze'i khye'u de dag 'di snyam du sems te/ gor ma chag par mkhan po'i brtul zhugs rdzogs par gyur te/ 'di ltar/ mkhan po ri dwags dang lhan cig phebs par smras par byed do/ /snyam du rig nas/ ston pa lkug 'phye ga la ba der dong ste phyin nas ston pa lkug 'phye'i rkang pa gnyis la phyag 'tshal te mtha' gcig tu 'khod do/ /de nas ston pa lkug 'phye cang mi smra bar 'dug go /de nas bram ze'i khye'u de dag 'di snyam du sems te/ mkhan po dud 'gro rnams dang lhan cig phebs par smra bar byed kyi/ mi rnams dang mi byed gor ma chags snyam nas stan las langs te dong ngo / /de nas ri dwags kyi brtul zhugs can zhig ston pa lkug 'phye ga la ba der song ba dang / ston pa lkug 'phyes ri dwags kyi brtul zhugs can de thag ring po che kho na nas mthong nas kyang 'di skad ces smras so/ /ri dwags kyi brtul zhugs can tshur shog /ri dwags kyi brtul zhugs can khyod 'ongs pa legs so/ /khyod dang kho bo mtshungs te/ khyod kyang g.yang gzhi gcig 'chang la/ kho bo </font><hr>Cha133a<br><font size=+1>


@#/ /yang g.yang gzhi gcig 'chang ngo / /khyod kyang shing shun gcig dang / dbyug gu gcig dang / ril ba gcig dang / blugs gzar dang / dgang gzar gcig 'chang la/ kho bo yang shing shun gcig dang / dbyug gu gcig dang / ril ba gcig dang / blugs gzar dang / dgang gzar gcig 'chang ngo / /khyod kyang lto khengs pa'i bsod snyoms kyis chog shes pa dang / kun tu chog shes pa yin la/ kho bo yang lto khengs pa'i bsod snyoms kyis chog shes pa dang / kun tu chog shes pa yin no/ /'di na kha cig g.yang gzhi dang / shing shun dang / dbyug gu dang / ril ba dang / blugs gzar dang / dgang gzar dang / dgang gzar lhag par 'chang ba dag ni| ma yin no/ /de nas bram ze'i khye'u de dag 'di snyam du sems te/ 'di ltar/ mkhan pos 'dod pa che ba smad cing / 'dod pa chung ba nyid bstod pa ni/ don gyis na/ mkhan pos bdag cag smad pa yin gyi/ bdag cag gis g.yang gzhi dang / shing shun dang / dbyug gu dang / ril ba dang / blugs gzar dang / dgang gzar lhag par dag chu klung zlog byed kyi nang du bor te/ mkhan po ga la ba der dong ngo / /snyam nas/ de dag gis g.yang gzhi dang / shing shun dang / dbyug gu dang / ril ba dang / blugs gzar dang / dgang gzar lhag pa dag chu klung zlog byed du bor nas rgyud dag pa </font><hr>Cha133b<br><font size=+1>


dang / yo byad bsnyungs pa'i tshul dag gis ston pa lkug 'phye ga la ba der dong ste phyin nas ston pa lkug 'phye'i rkang pa gnyis la mgo bos phyag 'tshal te mtha' gcig tu 'khod do/ /de nas ston pa lkug 'phyes bram ze'i khye'u de dag gi bsam pa dang / bag la nyal dang / khams dang / rang bzhin khong du chud nas/ 'di ltar/ bram ze'i khye'u lnga brgya po de dag gis mngon par shes pa lnga mngon du byas par gyur pa de ltar chos bstan par byas so/ /dge slong dag/ de'i tshe de'i dus na ston pa lkug 'phye gang yin pa de ni/ nga byang chub sems dpa'i spyod pa la 'jug pa yin no/ /de'i tshe de'i dus na bram ze'i khye'u lnga brgya po gang dag yin pa de dag ni/ shAkya gzhon nu lnga brgya po 'di dag yin no/ /de'i tshe de'i dus na ri dwags kyi brtul zhugs can gang yin pa de ni/ dge slong nye sde yin te/ de'i tshe yang ngas shAkya gzhon nu lnga brgya po 'di dag rigs kyi bu nye sde la brten nas 'dod pa che ba dang phral zhing / 'dod pa chung ba nyid la bkod de/ mngon par shes pa lnga po dag la bzhag par byas la/ da ltar yang ngas shAkya gzhon nu lnga brgya po 'di dang / rigs kyi bu nye sde la brten nas 'dod pa che ba dang phral zhing 'dod pa chung ba nyid la bkod de/ shin tu mthar thug pa'i grub pa dang / bde ba mya ngan las 'das pa la bzhag pa mdzad do/ /dge slong dag /de ltar na/ las gcig tu nag pa rnams kyi rnam par smin pa ni/ gcig tu nag pa yin la/ gcig tu dkar ba rnams kyi rnam par smin pa ni/ gcig </font><hr>Cha134a<br><font size=+1>


@#/ /tu dkar ba yin/ 'dres ma rnams kyi rnam par smin pa yang 'dres ma yin no/ /dge slong dag /de lta bas na/ las gcig tu nag pa dang / 'dres ma spangs nas/ las gcig tu dkar ba dag la brtsal bar bya/ dge slong dag /de ltar khyed kyis bslab par bya'o/ /'khrur 'jug pa'i spang ba ste/ bzhi pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe bcom ldan 'das kyis dge slong rnams kyi dgon par gnas pa ma bkag pa de'i tshe na/ dge slong ma rnams kyang dgon pa'i gnas su dong ste/ bsam gtan dang / rnam par thar pa dang / ting nge 'dzin dang / snyoms par 'jug pa'i bde ba dag nyams su myong bar byed do/ /de nas dge slong ma ut+pa la'i mdog 'khor lnga brgya dang nags mun pa can ga la ba der song ste phyin nas shing ljon pa'i drung zhig tu brten te skyil mo krung phyed kyis 'dug nas bsam gtan dang / rnam par thar pa dang / ting nge 'dzin dang / snyoms par 'jug pa'i bde ba dag nyams su myong bar byed do/ /dge slong ma de dag phye ma red mnyan yod du 'jug 'dod nas smras pa/ 'phags ma ut+pa la'i mdog bslang bar bya'o/ /kha cig gis smras pa/ 'phags ma ut+pa la'i mdog ni/ mthu che ba/ rdzu 'phrul che ba yin pas/ dang po kho nar dbyar khang du 'gro bar 'gyur pa'i gnas kyang yod do/ /zhes zer nas/ de dag gis de </font><hr>Cha134b<br><font size=+1>


ma bslangs pa kho nar dong ngo / /ut+pa la'i mdog kyang phye ma red langs nas dge slong ma de dag thams cad dong bar mthong ba dang / des bsam pa/ ci/ da 'gro'am/ 'on te 'di nyid du 'dug snyam nas de de nyid du 'gog pa la snyoms par zhugs so/ /g.yon can lnga brgya rtsam gyis las dag byas nas nags mun pa can du lhags te de dag gis smras pa/ bdag cag las nyis brgya lnga bcus ni/ skal ba dag bgo bar bya'o/ /nyis brgya lnga bcus ni/ nags byul bar bya'o/ /zhes de dag las nyis brgya lnga bcus ni/ skal ba dag bgo bar brtsams/ nyis brgya lnga bcus ni/ nags byul bar brtsams pa dang / de dag gis ut+pa la'i mdog 'dug pa mthong ngo / /de na kha cig na re/ shes ldan dag /'di ni/ tho yor zhig yin no/ /zhes zer/ kha cig na re/ 'di ni/ mi zhig yin no/ /zhes zer/ kha cig na re/ 'di ni/ dge slong zhig yin no/ /zhes zer ro/ /de na dge slong gi rgyus shes pa zhig 'dug pa des smras pa/ 'di ni/ dge slong ma zhig yin gyi/ dge slong ni/ ma yin no/ /ji ltar shes/ dge slong dag ni/ skyil mo krung gis 'dug la/ dge slong ma rnams ni/ skyil mo krung phyed kyis 'dug go/ de dag ngo mtshar skyes nas shes ldan dag/ 'di lta bu'i nags 'jigs su rung ba'i nang na/ dge slong ma gcig pu mtshan mo gnas par khas blangs pa la ltos zhes zer ro/ /de dag dmag dpon gyi gan du dong ba dang / dmag dpon gyis de dag la dris pa/ shes ldan dag/ khyed kyis nags </font><hr>Cha135a<br><font size=+1>


@#/ /mun pa can 'di na ngo mtshar can cung zad mthong ba yod dam/ mchis te/ 'di lta bu'i nags 'jigs su rung ba'i nang na dge slong ma gcig pu mtshan mo gnas pa khas blangs pa mchis so/ /de blta'i/ /'dong ngo / /zhes de dag de'i drung du dong ba dang / dmag dpon gyis dge slong ma ut+pa la'i mdog gzugs bzang ba/ blta na sdug pa/ mdzes pa mthong ngo / /mthong nas kyang mngon par dad par gyur nas/ de mngon par dad pa skyes pas smras pa/ kye ma/ dge slong ma 'di ni/ gnyi ga nas bzang ba yin te/ mtshan mo zla nyi mo ltar 'dug pa gang yin pa dang / gzugs bzang ba/ blta na sdug pa/ mdzes pa gang yin pas so/ /zhes de bslang bar brtsams pa dang / de dag gis smras pa/ ci'i phyir 'di slong bar byed/ zas sbyin par bya'o/ /dge slong gi rgyus shes pa zhig gis smras pa/ 'di ni/ dus ma yin par mi za'o/ /dmag dpon gyis smras pa/ ci'i phyir/ des smras pa/ 'di ni/ dus ma yin pa'i zas spangs pa yin no/ /dmag dpon gyis smras pa/ kye ma/ dge slong ma 'di ni/ gnyi ga nas bzang ba yin te/ gzugs bzang ba/ blta na sdug pa/ mdzes pa gang yin pa dang / dus ma yin pa'i zas spangs pa gang yin pas so/ /yang smras pa/ 'di la chang blud par bya'o/ / dge slong gi rgyus shes pa des smras pa/ 'di ni/ myos par 'gyur ba'i btung ba spangs pa yin no/ /dmag dpon gyis smras pa/ kye ma/ dge slong ma 'di ni/ gnyi ga nas bzang ba yin no/ gzugs </font><hr>Cha135b<br><font size=+1>


bzang ba/ blta na sdug pa/ mdzes pa gang yin pa dang / myos par 'gyur ba'i btung ba spangs pa gang yin pas so/ /yang smras pa/ kho bos yon gnas zhing 'di lta bu la bsod snyoms kyis bsgrub par ma nus so| |zhes des ras yug chen po la 'os pa gcig dang / bsod snyoms kyi phud cig phul nas/ shing ljon pa'i yal ga la btags te bzhag nas smras pa/ 'phags ma/ 'di ltar khyod la mi mkhyen pa dang / mi gzigs pa dang / ma rig pa dang / rnam par mi mkhyen pa ci yang mi mnga' bas/ bdag gis khyod la bsod snyoms dang na bza' 'di 'bul lo/ /zhes smras te song ngo / /ut+pa la'i mdog nang par sngar langs pas skye bo phal po che'i rjen shul mthong nas des bsam pa dang / g.yon can lnga brgya nye bar 'ongs par mthong nas mi mdzes pa 'ga' zhig rig par ma byas sam snyam nas/ 'ga' yang ma byas par mthong ngo // shing ljon pa'i yal ga la ras yug chen dang bsod snyoms btags te bzhag pa mthong nas des bsam pa/ 'di ni/ dad par gyur pa rnams kyis dad pa'i dbang du byas pa yin no/ /snyam nas des bsam pa| gal te byin len stob pa la bsdad na/ bya'am spre'us chud gzan par 'gyur bas/ bdag ni/ dge 'dun la bsod snyoms kyi phud 'bul ba yin la/ 'di ltar dge slong rnams la mi rung ba gang yin pa de ni/ dge slong ma rnams la rung ba yin la/ dge slong ma rnams la mi rung ba gang yin pa de ni/ dge slong rnams la rung ba yin pas bdag rang nyid kyis 'di khyer te dge 'dun la bsod snyoms </font><hr>Cha136a<br><font size=+1>


@#/ /kyi phud 'bul du 'gro'o/ /snyam nas des de khyer te rgyal byed kyi tshal du song ngo / /drug sde rnams kyi kun tu spyod pa ni/ drug sde las gang yang rung bas rgyal byed kyi tshal gyi sgo stong par mi 'jog pas/ nye dga' rgyal byed kyi tshal gyi sgo na 'chag cing 'dug pa des/ ut+pa la'i mdog mthong nas smras pa/ sring mo/ ci'i phyir nang par sngar mnyan yod kyi sgo dag phye ste 'ongs/ des smras pa/ bdag mnyan yod du ma mchis kyi/ bdag mdang sum nags mun pa can du mchis par khas blangs so/ /nye dgas smras pa/ nye dga' ni/ nyin mo nyid nags mun pa can du zhugs na yang spu dag gyen du 'greng bar 'gyur ro/ /sring mo/ khyer ba 'di ci yin/ des smras pa/ chom rkun pa lnga brgya tsam der mchis nas/ de dag dad par gyur pas bdag la dad pa'i dbang du bgyis pa stsal to| |sring mo/ khyod ni/ chom rkun pas kyang dad par bya ba yin gyi/ gal te nye dga' de dag gis mthong du zin na/ lcag rgod mang pos btab ste khur tsha bar 'khrid par 'gyur ro/ /'di ltar/ gang la ras yug chen 'di lta bu yod pa de ni/ gos gsar pa las snam sbyar nyi rim byas te sems las chung ngus dge ba'i phyogs la tron byed par 'gyur ro/ /'phags pa/ khyod ras yug chen 'di bzhed dam/ lha'i gnas kyi lhag ma bzhin du'o/ /'phags pa/ bdag gis dge 'dun la bsod snyoms kyi phud phul te slar mchis kyi bar du gzhes shig dang / de'i 'og khyod la ras yug </font><hr>Cha136b<br><font size=+1>


chen gsol lo/ /nye dgas bsam pa/ lhung bzed nag po can 'ga' zhig gis 'di la bslangs pa dang / de la sbyin par 'gyur ro/ /snyam nas/ sring mo/ bdag gis bsod snyoms kyi phud len pa dag khrid de 'ong gi/ de'i bar du 'di nyid du sdod cig /nye dga' rgyal byed tshal du zhugs pa dang / des dge slong bsod snyoms kyi phud len pa dag snying las chung ngur 'khod pa mthong nas/ des smras pa/ tshe dang ldan pa dag /sbyin bdag dag ni/ khur gyis ngal zhing sdod la/ khyed cag ni/ 'di na snying las chung ngur 'khod na tshur sheg /bsod snyoms kyi phung longs shig /de dag gis gzhong bu thogs te dong ba dang / ut+pa la'i mdog gis de dag la bsod snyoms kyi phud phul nas ras yug chen sprugs nas nye dga' la phul lo/ /nye dgas/ khyod sbyin pa 'dis sems kyi rgyan dang / sems kyi yo byad dang / rnal 'byor gyi tshogs dang / don gyi mchog dang / lha dang mi rnams kyi gos dag thob par gyur cig /ces smras so/ /ut+pa la'i mdog gis bsam pa/ da dbyar khang du song ste ci rung / bcom ldan 'das kyi zhabs la phyag 'tshal du 'gro bar bya'o/ /snyam nas/ de nas ut+pa la'i mdog / bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /de'i tshe na ut+pa la'i mdog gi chos gos lnga ngan cing snam sbyar yang rnying par gyur nas/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ /dge </font><hr>Cha137a<br><font size=+1>


@#/ /slong ma rnams kyis dbyar gyi gos rnyed pa ma grub bam/ btsun pa/ grub bo/ /'o na/ ci'i phyir dge slong ma ut+pa la'i mdog gi chos gos lnga ngan cing snam sbyar yang rnying par gyur/ btsun pa/ sring mo 'di ni/ dad pa ldan zhing bzang la dge ba'i bsam pa can lags te/ 'dis sangs rgyas sam/ chos sam/ dge 'dun nam/ dge slong yid du 'thad pa dag la ma phul ba'am/ yongs su ma btang ba ci yang ma mchis te/ 'dis deng yang ras yug chen rnyed nas/ de yang 'dis btsun pa nye dga' la phul bar gyur to/ /kun dga' bo/ dge slong dag/ dge slong ma nye du ma yin pa la gos lhag pa len tam/ btsun pa/ len to/ /kun dga' bo/ dge slong dag /dge slong ma nye du ma yin pa la/ 'di snyam du 'di'i chos gos lnga tshang ngam/ 'on te ma tshang snyam du mi sems par 'di ltar thob bo cog len par byed kyi/ nye du la ni/ byin yang len par mi byed do/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ dge slong ma ut+pa la'i mdog la gtsug lag khang chen po nas chos gos lnga byin cig /tshe dang ldan pa kun dga' bos dge slong ma ut+pa la'i mdog la gtsug lag khang chen po nas chos gos lnga byin no/ / de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /nga'i nyan thos </font><hr>Cha137b<br><font size=+1>


rnams kyis 'dul ba la bslab pa'i gzhi 'di ltar gdon par bya ste/ yang dge slong gis dge slong ma nye du ma yin pa las gos len na/ spang ba'i ltung byed do/ /zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ / mnyan yod na khyim bdag cig 'dug pa des rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed do/ /de bdag gi khyim nor du ma dang ldan na/ bdag gis 'jig rten pha rol gyi lam rgyags cung zhig kyang ma khyer ro/ /snyam nas/ lag pa la 'gram pa gtad de/ sems khong du chud cing 'dug pa chung mas mthong nas smras pa/ rje'i sras/ khyod ci'i slad du phyag la 'gram pa gtad de/ sems khong du chud cing bzhugs/ bzang mo/ /kho bo'i khyim nor du ma dang ldan na/ bdag gis 'jig rten pha rol gyi lam rgyags cung zad kyang ma khyer te/ gal te bdag gis sangs rgyas la sogs pa dge slong gi dge 'dun bshos gsol te/ re re la ras bcos bu gsar pa phrugs re bskon na/ des bdag gi 'jig rten pha rol gyi lam rgyags khyer bar 'gyur ro/ /chung mas smras pa/ rje'i sras/ de bzhin mdzod cig /de nas khyim bdag de bcom ldan 'das ga la ba der song ste phyin nas bcom ldan 'das kyi zhabs gnyis la </font><hr>Cha138a<br><font size=+1>


@#/ /mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das kyis khyim bdag de la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzengs bstod par mdzad/ yang dag par rab tu dga' bar mdzad/ rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas cang mi gsung ngo / /de nas khyim bdag de stan las langs nas bla gos phrag pa gcig tu byas te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das sang bdag gi sdum par dge slong gi dge 'dun dang thabs cig gdugs tshod gsol ba ci gnang / bcom ldan 'das kyis khyim bdag de la cang mi gsung bas gnang ngo / /de nas khyim bdag des/ bcom ldan 'das cang mi gsung bas gnang bar rig nas bcom ldan 'das kyis bka' stsal pa la mngon par dga' ba dang / rjes su yi rang bar byas te/ bcom ldan 'das kyi zhabs gnyis la mgo bos phyag 'tshal nas bcom ldan 'das kyi spyan snga nas song ngo / /de nas khyim bdag des de nyid kyi mtshan mo bca' ba dang / bza' ba gtsang zhing bsod pa legs par sbyar nas nang par sngar langs te/ </font><hr>Cha138b<br><font size=+1>


gdan bshams nas chu ra bzhag ste/ bcom ldan 'das la spyan 'dren gyis/ btsun pa/ gdugs tshod sbyor ba'i dus lags na/ da bcom ldan 'das kyis de'i dus la bab par mkhyen par mdzad du gsol zhes gdugs tshod la spyan drangs so/ /de nas bcom ldan 'das snga dro sham thabs gsol/ lhung bzed dang / chos gos bsnams te/ dge slong gi tshogs kyis yongs su bskor cing / dge slong gi dge 'dun gyis mdun du bdar te/ khyim bdag de'i bkad sa ga la ba der gshegs te byon no/ /dge slong gi dge 'dun gyi gong du gdan bshams pa nyid la bzhugs so/ /de nas khyim bdag des sangs rgyas la sogs pa dge slong gi dge 'dun bde bar bzhugs par rig nas/ rang gi lag nas bca' ba dang bza' ba gtsang zhing bsod pas tshim par byed/ stob par byed do/ /rnam grangs du mas bca' ba dang / bza' ba gtsang zhing bsod pas rang gi lag nas tshim par byas shing bstabs na/ sangs rgyas la sogs pa dge slong gi dge 'dun re re la ras bcos bu gsar pa phrugs re gsol to/ / de nas khyim bdag des stan ches dma' ba zhig blangs nas bcom ldan 'das kyi spyan sngar chos mnyan pa'i phyir 'dug go/ de nas bcom ldan 'das kyis khyim bdag de la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzengs bstod par mdzad/ yang dag par rab tu dga' bar mdzad de/ rnam grangs du mar chos dang </font><hr>Cha139a<br><font size=+1>


@#/ /ldan pa'i gtam gyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas gdan las bzhengs te gshegs so/ /de nas khyim bdag des bcom ldan 'das kyi slad bzhin pha zad tsam du song nas bcom ldan 'das kyi zhabs gnyis la mgo bos phyag 'tshal te/ bcom ldan 'das la lan gsum bskor ba byas nas bcom ldan 'das kyi spyan snga nas phyir log ste rang gi khyim ga la ba der song nas phyin pa dang / steng gi khang bzang gi gzhir gtogs pa na/ gtong ba rjes su dran pa sgom pa na chung ma la smras pa/ bzang mo/ bdag cag gis 'jig rten pha rol gyi lam rgyags mang du khyer gyi/ mchog tu dga' ba dang / rjes su yi rang bar gyis shig /chung mas smras pa/ rje'i sras kyis ni/ 'jig rten pha rol gyi lam rgyags bsnams na/ bdag gis ma 'tshal to/ /bzang mo/ bdag cag gnyis kyi longs spyod dag thun mong ma yin nam/ rje'i sras/ 'di ltar skol cag gi longs spyod dag thun mong lags mod kyi/ 'on kyang bdag gis kyang skye rgu'i bdag mo chen po go'u ta mi la sogs pa dge slong ma'i dge 'dun bshos gsol te chen po la 'os pa'i gos dag phul na/ de lta na/ bdag gis kyang 'jig rten pha rol gyi lam rgyags 'tshal bar 'gyur ro/ /khyim bdag gis smras pa/ bzang mo/ ci sngar sbyin pa byin nas/ </font><hr>Cha139b<br><font size=+1>


phyis sbyin par byar med dam/ de bzhin gyis shig /de nas khyim bdag gi chung ma de/ skye rgu'i bdag mo chen mo go'u ta mi ga la ba der song ste phyin nas skye rgu'i bdag mo chen mo go'u ta mi'i rkang pa gnyis la mgo bos phyag 'tshal te mtha' gcig tu 'dug go /mtha' gcig tu 'dug nas skye rgu'i bdag mo chen mo go'u ta mis khyim bdag gi chung ma de la chos dang ldan pa'i gtam gyis yang dag par ston par byed/ yang dag par 'dzin du 'jug par byed/ yang dag par gzengs bstod par byed/ yang dag par rab tu dga' bar byed de/ rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar byas nas cang mi smra'o/ /de nas khyim bdag gi chung ma de stan las langs te/ skye rgu'i bdag mo chen mo go'u ta mi ga la ba de logs su thal mo sbyar ba btud nas skye rgu'i bdag mo chen mo go'u ta mi la 'di skad ces smras so/ /'phags ma/ sang bdag gi sdum par dge slong ma'i dge 'dun dang thabs cig gdugs tshod gsol bar ci gnang / skye rgu'i bdag mo chen mo go'u ta mis khyim bdag gi chung ma de la cang mi smra bas dang du blangs so/ /de nas khyim bdag gi chung ma des/ skye rgu'i bdag mo chen mo go'u ta mis cang mi smra bas dang du blangs par rig nas/ skye rgu'i bdag mo chen mo go'u ta mis smras pa la mngon par dga' ba dang / rjes su yi rang bar byas te/ skye rgu'i bdag mo chen </font><hr>Cha140a<br><font size=+1>


@#/ /mo go'u ta mi'i rkang pa gnyis la mgo bos phyag 'tshal nas/ skye rgu'i bdag mo chen mo go'u ta mi'i drung nas song ngo / /de nas khyim bdag gi chung ma des de nyid kyi mtshan mo bca' ba dang / bza' ba gtsang zhing bsod pa legs par sbyar nas nang par sngar langs te stan bshams nas chu ra bzhag ste/ skye rgyu'i bdag mo chen mo go'u ta mi la spyan 'dren gyis/ 'phags ma| gdugs tshod sbyar ba'i dus lags na/ da 'phags mas de'i dus la bab par mkhyen par mdzad du gsol zhes dro la bos so/ /de nas skye rgu'i bdag mo chen mo go'u ta mi snga dro sham thabs bgos/ lhung bzed dang chos gos thogs te dge slong ma'i tshogs kyis yongs su bskor cing / dge slong ma'i dge 'dun gyis mdun du bdar te/ khyim bdag gi chung ma de'i bkad sa ga la ba der song ste phyin nas dge slong ma'i dge 'dun gyi gong du stan bshams pa nyid la 'dug go/ de nas khyim bdag gi chung ma des/ skye rgu'i bdag mo chen mo go'u ta mi la sogs pa dge slong ma'i dge 'dun bde bar 'dug par rig nas rang gi lag nas bca' ba dang / bza' ba gtsang zhing bsod pas tshim par byed/ stob par byed do/ /rnam grangs du mas bca' ba dang bza' ba gtsang zhing bsod pas/ rang gi lag nas tshim par byas shing bstabs nas/ des chen po la 'os pa'i gos dag gi sprog ma phye nas/ chen po la 'os pa'i gos dag thogs te rgan pa'i mtha' logs </font><hr>Cha140b<br><font size=+1>


su 'dug go/ de nas skye rgu'i bdag mo chen mo go'u ta mi 'di snyam du sems te/ bcom ldan 'das kyis dge slong ma rnams la chen po la 'os pa'i gos dag dgag pa mdzad pa/ gal te re zhig blangs par gyur na ni/ bslab pa'i gzhi 'khrugs par yang 'gyur/ gal te ma blangs na ni/ khyim bdag gi chung ma'i bsod nams kyi bar chad dang / dge slong ma'i dge 'dun gyi rnyed pa'i bar chad du 'gyur ro| |snyam mo/ /dge slong ma rnams kyis bsam pa/ kye ma/ 'phags ma skye rgu'i bdag mo chen mo go'u ta mis chen po la 'os pa'i gos dag blangs par gyur cig /bdag cag gis blangs par gyur na/ bcom ldan 'das kyis kyang dus lags pa'i slad du gnang bar 'gyur ro/ /snyam mo/ /de nas skye rgu'i bdag mo chen mo go'u ta mis chen po la 'os pa'i gos dag blangs nas/ khyim bdag gi chung ma la yon bshad pa byas te stan las langs nas song ste/ bcom ldan 'das ga la ba der song ste phyin pa dang / bcom ldan 'das kyi zhabs gnyis la mgo bos phyag 'tshal te mtha' gcig tu 'dug go |mtha' gcig tu 'dug nas skye rgu'i bdag mo chen mo go'u ta mis skabs de/ bcom ldan 'das la rgyas par gsol to/ /de skad ces gsol pa dang / bcom ldan 'das kyis skye rgu'i bdag mo chen mo go'u ta mi la 'di skad ces bka' stsal to/ /go'u ta mi/ ngas gnang ba gang yin pa de khyod kyis shes pa legs so/ /legs so/ de lta bas na/ ngas dge slong ma rnams kyis chen po la </font><hr>Cha141a<br><font size=+1>


@#/ /'os pa'i gos dag blangs nas dge slong rnams dang lhan cig brje bar bya ba rjes su gnang ngo / /de nas dge slong ma bcu gnyis sde dag gis/ gos de dag khyer te drug sde dag gi gan du dong nas smras pa/ 'phags pa dag /bcom ldan 'das kyis dge slong ma rnams la chen po la 'os pa'i gos dag dgag pa mdzad de/ bdag cag gis chen po la 'os pa'i gos rnyed pa 'di dag khyed bzhes la/ bdag cag la ngan pa dag stsol cig /drug sde dag gis smras pa/ sring mo dag /bdag cag la dge slong ma'i ras ma dag dgos pa med de/ de'i tshe yang bdag cag byis pa| rmongs pa/ mi gsal pa/ mi mkhas pa dag la khur dag bslang bar gyur gyi/ bdag cag mi len to/ /dge slong ma gzhan dag /dge slong gnas brtan gnas brtan rnams kyi drung du dong ste smras pa| 'phags pa dag /bcom ldan 'das kyis dge slong ma rnams la chen po la 'os pa'i gos dag dgag pa mdzad de/ bdag cag gis chen po la 'os pa'i gos rnyed pa 'di dag khyed bzhes la/ bdag cag la ngan pa dman pa dag stsol cig /sring mo dag/ bcom ldan 'das la zhu'o/ /zhes zer ba'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ brjes pa ma gtogs so/ /de la brje ba ni/ 'di yin te/ de tsam gyis sam/ ji tsam gyis dge slong ma dga' bar 'gyur bas brje bar bya'o/ /de nas </font><hr>Cha141b<br><font size=+1>


bcom ldan 'das kyis bslab pa 'dod pa'i bsngags pa brjod de/ bslab pa la gus pa dang / bslab pa la yo byad bsnyungs pa dang / sbyangs pa'i yon tan dang / phri ba dang / drod rig pa'i bsngags pa brjod do| |dge slong rnams la yang de dang mthun pa dang / de dang 'tsham pa dang / de'i shas che ba dang / de dang ldan pa'i chos dang mthun pa'i bka' mchid mdzad nas/ dge slong rnams la bka' stsal pa/ dge slong dag /de lta bas na/ snga ma ni/ bcas pa yin la/ 'di ni/ gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong ma nye du ma yin pa las gos len na/ brjes pa ma gtogs te/ spang pa'i ltung byed do/ /yang dge slong gang zhes bya ba ni/ nye dga'am/ gzhan yang de lta bu gang yin pa'o/ /dge slong ma zhes bya ba ni/ chos 'di pa'o| |nye du ma yin pa las zhes bya ba ni/ phyi mo dang / mes po dang / phrugs bdun pa tshun chad ni/ nye du yin la/ de phan chad ni/ nye du ma yin no/ /gos zhes bya ba ni/ gos bdun po bal gos dang / sha na'i gos dang / zar ma'i gos dang / du gu la'i gos dang / ras bal gyi gos dang / ko tam pa'i gos dang / nyi 'og gi gos las gang yang rung ba'o/ /len na zhes bya ba ni/ bdag gir byed na'o/ / brjes pa ma gtogs te zhes bya ba ni/ brjes pa bzhag ste'o/ /spang ba'i ltung byed do/ /zhes bya ba ni/ dngos po de spangs nas/ ltung byed kyi ltung ba bshags par bya ste/ de na spang ba'i ltung byed do/ / </font><hr>Cha142a<br><font size=+1>


@#/ /zhes gsungs so/ /de la ltung bar ji ltar 'gyur zhe na/ dge slong gis dge slong ma nye du ma yin pa las nye du ma yin pa'i 'du shes kyis gos len na/ spang ba'i ltung byed du 'gyur ro/ /dge slong gis dge slong ma nye du ma yin pa las yid gnyis za bas gos len na/ spang ba'i ltung byed du 'gyur ro/ /dge slong gis dge slong ma nye du las nye du ma yin pa'i 'du shes kyis gos len na/ nyes byas su 'gyur ro/ /dge slong gis dge slong ma nye du las yid gnyis za bas gos len na/ nyes byas su 'gyur ro/ /dge 'dun la gos 'bul ba dang / legs par smra ba la ltung ba med do/ /rdzogs par brnyan par byed pa dang / bor brlag byung ba la ltung ba med do/ /rin gyis len pa dang brjes pa la ltung ba med do/ /dge slong ma grags pa bsod nams che ba yin la/ des dge slong gi mdun du bzhag nas 'di skad ces/ 'phags pa/ bdag la rdzas 'di lta bu dag mchis kyi/ 'phags pas bdag la thugs brtse ba'i slad du bzhes shig ces brjod de/ mi ltos par song ba la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /len pa'i spang ba ste/ lnga pa rdzogs so// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa des/ rigs mnyam pa las </font><hr>Cha142b<br><font size=+1>


chung ma blangs te/ de de dang lhan cig rtse bar byed/ dga' bar byed/ dga' mgur spyod par byed pa des chung ma la smras pa/ bzang mo/ kho bo zong thogs te yul gzhan du 'gro'o/ /rje'i sras/ re zhig gzhon pa'i gnas skabs su rol ba dang / dgyes pa dang / dgyes mgur spyod pa mdzod la/ bgres pa'i gnas skabs su nor sgrub par mdzod cig/ bzang mo/ ji tsam du gzhon pa'i 'byung ba chen po dag ni/ grang ba dang / dro ba bzod pa yin pas/ je nor bsgrub par bya zhing / rgas pa'i gnas skabs su bde ba spyod cing 'dug par bya'o/ /chung mas bsam pa/ bdag gis bskur bar bya ba gang yin pa de rang nyid byed do/ /snyam nas smras pa/ rje'i sras/ de ltar mdzod cig /khyim bdag des chung ma de la kha zas tsam byin nas zong khyer te yul gzhan du song ngo / /de'i chung ma des bsam pa/ bdag gis khyim thab grang ba na grang bas sbrebs bzhin pa dang / tsha ba na tsha bas gdungs bzhin pa dang / bkres pa dang skom pas gnod bzhin pa dang / sha sbrang dang / sbrang bu dang / rlung dang / nyi ma dang / sdig sbrul gyi reg pa dag gis nyen bzhin du longs spyod dag mngon par bsgrub pa'i phyir spro bar byed/ 'bad par byed/ rtsol bar byed pa gang yin pa de dag thams cad bdag gi phyir bya'o/ /snyam pa yin pas/ bdag las med par 'dug pa ni/ bdag gi tshul dang mthun pa ma yin no/ /snyam nas/ des tshong 'dus su song ste ras bal bzang po blangs nas dog pa bzang po bkal te/ tha ga pa mkhas pa la ras zung bzang </font><hr>Cha143a<br><font size=+1>


@#/ /po 'thag tu bcug nas/ des ras de spos sna tshogs kyis bsgo ste/ gos kyi za ma tog tu bcug ste bzhag go /khyim bdag des kyang don legs par grub nas khe spogs rnyed de legs par 'ongs nas/ chung ma des khyim bdag de khrus byas nas de la ras zung de phul lo/ /khyim bdag des bsam pa/ bdag gis 'di la kha zas tsam bzhag pa gang yin pa de dag thams cad kyis kyang ras zung 'di mi rnyed do/ /snyam du rig nas chung ma la smras pa/ bzang mo/ /ras zung 'di ga las rnyed/ rje'i sras/ je gsol cig /khyim bdag des de gyon nas yang dris pa/ bzang mo| |ras zung 'di ga las rnyed/ rje'i sras/ je bshos snoms shig /des zan zos nas yang dris pa/ bzang mo/ /ras zung 'di ga las rnyed/ des skabs de rgyas par brjod pa dang / khyim bdag gis smras pa/ bzang mo/ /legs so/ /kho bo ni/ sgrub pa yin la/ khyod kyang 'di ltar sbed pa yin na/ bdag cag gi longs spyod dag ring por mi thogs pa kho nar 'phel zhing rgyas pa dang / yangs par 'gyur ro| |chung mas smras pa/ rje'i sras/ 'di dag ni/ bdag gis dka' bas bsgrubs pa lags kyi/ khyod kyis su la yang ma stsol cig /khyim bdag de dad pa dang ldan pa/ bzang ba/ dge ba'i bsam pa can yin pas/ de bcom ldan 'das kyi zhabs la phyag 'tshal du rgyal byed kyi tshal du byung ste 'gro ba na/ mi sgo bas mthong nas des bsam pa/ khyim bdag 'di ras zung 'di lta bu gyon pa las na/ </font><hr>Cha143b<br><font size=+1>


'dis ni/ rnyed pa mang po rnyed pa yin no/ /snyam mo/ /drug sde dag gi kun tu spyod pa ni/ drug sde dag las gang yang rung bas rgyal byed kyi tshal gyi sgo stong par mi 'jog pas/ nye dga' rgyal byed kyi tshal gyi sgo na 'chag cing 'dug pa des/ khyim bdag de mthong nas bsam pa/ khyim bdag 'di/ ras zung 'di lta bu gyon pa las na/ 'dis ni/ rnyed pa mang po rnyed pa yin gyi/ gal te bdag gis 'di ma 'phrog na/ nye dga' zhes bya ba'i ming mi gzung ngo / /snyam nas/ des de la smras pa/ khyim bdag /'ongs pa legs so/ /'ongs pa legs so/ /khyod yun ring mo ring mo nas zla ba bzhin du ga las 'khor 'khor/ 'phags pa/ bdag zong thogs te yul gzhan du mchis par gyur to/ /khyim bdag /khyod kyis rnyed pa mang po grub bam/ 'phags pa/ chang chung tsam mo/ /khyim bdag /mtshe'u ni/ rnyog pa can nam/ dang ba'i rgyu mthun pas rig par bya ste/ khyod ras zung 'di lta bu gyon pa las na/ khyod kyis rnyed pa mang po grub par mngon pas tshur shog /chos bstan par bya'o/ /drug sde dag gi kun tu spyod pa ni/ gal te tshul khrims kyi gtam dag byed na/ nyan pa po dag /bdag cag lha rnams su skyes so/ /snyam du sems la/ gal te sbyin pa'i gtam dag byed na/ nyan pa po dag /rang gi sha gang yin pa de yang bcad cing bcad cing sbyin par bya'o/ /snyam du sems so/ /gal te ngan song gi gtam dag byed na/ nyan pa po dag /bdag cag ngan song rnams su skyes so/ /snyam du sems par 'gyur ba yin no/ /khyim </font><hr>Cha144a<br><font size=+1>


@#/ /bdag des/ nye dga'i rkang pa gnyis la phyag 'tshal te chos mnyan pa'i phyir mdun du 'dug pa dang / nye dgas de la chos bstan par brtsams nas des de la ci nas kyang de'i sems dad par 'gyur ba de ltar chos kyi gtam byas so/ /de dad par gyur nas smras pa/ bdag gis 'phags pa la legs par gsungs pa'i na bza' phrugs cig 'bul lo/ /bzhin bzang / a rog kya/ sbyin pa 'dis khyod sems kyi rgyan dang / sems kyi yo byad dang / rnal 'byor gyi tshogs dang / don gyi mchog dang / lha rnams kyi gos dag thob par gyur cig/ bzhin bzang bcom ldan 'das kyis kyang 'di skad ces/ sang dag 'chi yang sus shes kyi/ /de ring nyid du brtul te bya/ /'chi bdag sde chen de dang ni/ /khyed cag bshes pa ma yin no/ /zhes gsungs kyi/ bzhin bzang / khyed kyis ras zung bzang po gyon pa 'di nyid kho bo la byin cig dang / kho bos 'di la snam sbyar nyis rim byas te/ sems las chung dus dge ba'i phyogs la bde bar tron bya'o/ /'phags pa| khyod 'di bzhed dam/ lha'i gnas kyi lhag ma ji lta ba bzhin du'o/ /'phags pa/ bdag khyod la mi 'bul ba ma lags na/ 'di ltar/ 'di ni/ mchis brang gis bdag la stsal pa lags so| |khyim bdag/ kho bos khyod gzhan la dad par byas na/ khyod ko bud med kho na'i dbang yin nam zhes nye dgas dngan dus kyi phyed kyis de'i bla gos blangs nas/ de lag pa gnyis 'dril </font><hr>Cha144b<br><font size=+1>


bar byed/ bzhin sgyur bar byed do/ /khyim bdag gis de la smras pa/ 'phags pa/ 'di ci'i tha tshig /khyim bdag /'di ni/ khyod la yongs su btang ba las byung ba'i bsod nams bya ba'i gzhi ni/ yod na/ yongs su longs spyod pa las byung ba'i bsod nams bya ba'i gzhi ni med de/ nam zhig na 'di dang 'dra ba rnyed nas/ 'di las chos gos byed par 'gyur bas/ 'di chos gos kyi rdang kho na la zad par 'gyur ro/ /'phags pa/ ci/ bdag sgren mor mchi bar bgyi'am/ khyim bdag /khyod la gos gyon pas ci zhig bya/ tshul khrims dang / rigs dang / spyod pa gyon pas chog mod/ gcer bu pa ngo tsha shes pa dang / khrel yod pa nyams pa de dag ni/ sgren mor 'gro na/ mi sdug pa yin gyi/ khyod lta bu ngo tsha shes pa dang / khrel yod pa dang ldan pa la sgren mor 'gro ba mi sdug pa ci yod/ khyim bdag/ khyod dor thung mi gyon nam/ 'phags pa/ 'tshal lo/ /khyim bdag /khyim bdag rnams kyi kun tu spyod pa ni/ dor thung gyon te/ shing tshal thogs nas ba lang gi phyi bzhin 'gro ba yin pas/ khyod kyang shing tshal thogs la ba lang gi phyi bzhin song zhig dang / skye bo dag gis ba lang bsur 'gro ba phyir byung ba zhig yin par shes par 'gyur ro/ /zhes nye dgas dang na dus kyi phyed kyis de'i smad g.yogs kyang blangs so| |khyim bdag de shing tshal thogs te ba lang gi phyi bzhin zhugs pa dang / mi sgo bas mthong nas smras pa/ khyim bdag /kho bos da ci kho na khyod chen po la 'os pa'i ras zung gyon par mthong na/ ci/ </font><hr>Cha145a<br><font size=+1>


@#/ /de dag chom rkun pa dag gis bcom mam/ bzhin bzang / kho bo chom rkun pa dag gis ni/ ma bcom mod kyi/ 'di ltar/ btsun pa nye dgas kha'i chos kyis bcom mo| |khyim bdag mgon med zas sbyin gyi kun tu spyod pa ni/ nang bar sngar langs te 'khor lnga brgya dang lhan cig bcom ldan 'das dang dge slong gnas brtan gnas brtan rnams kyi zhabs la phyag 'tshal du 'gro ba yin pas/ khyim bdag mgon med zas sbyin nang par sngar langs te 'khor lnga brgya dang lhan cig mnyan yod nas byung ste 'gro ba/ mi sgo bas mthong nas des smras pa/ khyim bdag /khyod kyis don mthun mang du khrid de 'ongs kyi/ ci nas kyang mi chom par bag gyis shig /kye nang rje/ rgyal byed kyi tshal dang lam gyi bar na chom rkun pa dag 'khod dam ci/ lam gyi bar ma yin gyi/ rgyal byed kyi tshal nyid na 'khod do/ /kye nang rje/ khyod ni/ bal gyi rigs nag po dang 'dra ste/ sgo 'di nas bcom ldan 'das dang / dge slong gnas brtan gnas brtan dag gshegs pa gang gis kyang khyod dkar por mdzad ma spyod do/ /bcom ldan 'das dang / dge slong gnas brtan gnas brtan rnams kyi zhabs kyi rdul ni/ bdag gis mgos blangs pa yin na/ kha stsang gi nyin mo khyim bdag cig chen po la 'os pa'i ras zung gyon te byung ba de'i ras de/ nye dgas kha'i chos kyis 'phrog nas/ khyim bdag de smad cing dor thung gis zhugs par gyur to/ /de nas khyim bdag </font><hr>Cha145b<br><font size=+1>


mgon med zas sbyin 'di snyam du sems te/ de ni/ bdag gi bya ba yin no/ /snyam nas rgyal byed kyi tshal du song ba dang / nye dgas mthong nas smras pa/ khyim bdag a rog kya/ khyim bdag gis smras pa/ a rog ma kya yang rung ngo / /khyim bdag /khyod kho bo la sngan chad du ba 'thul na/ de ni/ me kho nar 'bar ro/ /kho bo mer mi 'bar du ji ltar rung / gzhan dag rab tu byung ba ni/ 'dod pa spang ba'i phyir yin na/ btsun pa nye dga' ni/ 'dod pa mngon par spel ba'i phyir kho nar yin no/ /kho bos ci byas/ khyed kyis khyim bdag cig rgyal byed kyi tshal bltar 'ongs pa de'i ras zung dang na dus kyis 'phrog nas khyim bdag de smod par mi byed dam/ nye dgas smras pa/ de ni/ 'jig rten na lha ni/ sbyin par byed la/ yi dwags ni/ zlog par byed do/ /zhes zer ba yin no/ /ci/ des khyod la ril ba b+hing gar thogs te phul lam/ khyim bdag /gal te mi bzod na/ bslab pa'i gzhi 'char chug cig /ci/ kho bos de yal bar bor du re'am/ de nas khyim bdag mgon med zas sbyin/ bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das la khyim bdag mgon med zas sbyin gyis 'di skad ces gsol to/ /btsun pa/ 'phags pa 'di dag khyim bdag gam/ khyim bdag gi mchis brang nye du ma lags pa las gos slong bar bgyid na/ kye ma bcom ldan 'das kyis/ gang gis 'phags pa dag </font><hr>Cha146a<br><font size=+1>


@#/ /khyim bdag gam/ khyim bdag gi mchis brang nye du ma lags pa las gos slong bar mi 'gyur bar 'phags pa rnams la dran par bgyi ba cung zhig bca' bar mdzad pa'i rigs so/ /bcom ldan 'das kyis khyim bdag mgon med zas sbyin la cang mi gsung pas gnang ngo / /de nas khyim bdag mgon med zas sbyin gyis/ bcom ldan 'das kyis cang mi gsung bas gnang bar rig nas stan las langs te bcom ldan 'das kyi zhabs gnyis la mgo bos phyag 'tshal nas bcom ldan 'das kyi spyan snga nas dong ngo / /de nas bcom ldan 'das kyis/ byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad de zhes bya ba la sogs pa yang snga ma bzhin te/ sangs rgyas bcom ldan 'das kyis nye dga' la rmas pa/ nye dga'/ khyod kyis khyim bdag gam/ khyim bdag gi chung ma nye du ma yin pa las gos bslangs pa bden nam/ btsun pa/ mad do/ /sangs rgyas bcom ldan 'das kyis/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad pa mdzad do/ /de nas bcom ldan 'das kyis rnam grang du mas rnam par smad nas dge slong rnams la bka' stsal pa/ dge </font><hr>Cha146b<br><font size=+1>


slong dag/ de lta bas na/ phan yon bcu yang dag par gzigs pas/ 'dul ba la nyan thos rnams kyis bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang khyim bdag gam khyim bdag gi chung ma nye du ma yin pa'i gan du song ste/ gos slong na/ spang ba'i ltung byed do/ /zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad do// //'dul ba rnam par 'byed pa/ bam po sum cu ba/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /grong phreng ba can pa'i dge slong bzhi bcu don mthun pa dang lhan cig ljongs rgyu zhing dong pa na chom rkun pa dag gis bcom nas/ de dag 'di snyam du sems te/ bcom ldan 'das kyis yang dge slong gang khyim bdag gam/ khyim bdag gi chung ma nye du ma yin pa'i gan du song ste gos slong na spang ba'i ltung byed do/ /zhes bslab pa'i gzhi bca' ba mdzad pas/ 'di na bdag la nye du 'ga' yang med kyi/ bdag cag mnyan yod du song na/ der bdag cag la tshangs pa mtshungs par spyod pa rnams kyis gos dag gis bgo bsha' byed par 'gyur ro/ snyam nas de dag gis smras pa/ ci/ bdag cag sgren mor 'dong bar bya'am/ mtshan mo 'gebs par 'dong bar bya zhing / nyin mo tshang tshing gi nang du zhugs te 'khod la/ mtshan mo lam </font><hr>Cha147a<br><font size=+1>


@#/ /du 'jug par bya'o/ /zhes de dag mtshan mo 'gegs pas rgyal byed kyi tshal du song ba dang / dge slong nam gyi cha stod dang / nam gyi cha smad la mi nyal bar sbyor ba'i rjes su brtson pa dag gis de dag mthong nas smras pa/ gcer bu sgre byi dag/ 'di khyed kyi 'dug gnas kyang ma yin/ gtsug lag khang yang ma yin na/ khyed ga las 'ongs/ tshe dang ldan pa dag/ bdag cag ni/ gcer bu ma yin no/ /'o na/ khyed cag su yin/ dge slong dag go /dge slong la 'di lta bu dag yod dam/ gang dag chom rkun pa dag gis bcom pa dag ci 'dra ba yin/ khyed cag ming ci/ grong phreng ba can de'i dge slong bzhi bcu'o/ /tshe dang ldan pa dag 'ongs pa legs so/ /'ongs pa legs so/ /zhes de dag gis de dag la la las ni/ snam sbyar byin/ /la las ni| bla gos byin/ la las ni/ mthang gos byin/ la las ni/ rdul zan byin pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ dus ma gtogs te/ de la dus ni/ 'di yin te/ dge slong gos 'phrog gam/ gos brlags sam/ gos tshig gam/ gos rlung gis khyer tam/ gos chus khyer na/ de la de ni/ dus yin no/ /de nas bcom ldan 'das kyis bslab pa 'dod pa dang / bslab pa gus pa dang / bslab pa la yo byad bsnyungs pa'i bsngags pa brjod nas dge slong rnams la yang de dang mthun </font><hr>Cha147b<br><font size=+1>


pa dang / de'i shas che ba dang / de dang ldan pa'i chos dang mthun pa'i bka' mchid mdzad nas dge slong rnams la bka' stsal pa/ dge slong dag /de lta bas na/ snga ma ni/ bcas pa yin la/ 'di ni/ gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang khyim bdag gam khyim bdag gi chung ma nye du ma yin pa'i gan du song song ste/ gos slong na| dus ma gtogs te/ spang pa'i ltung byed do/ /de la dus ni/ 'di yin te/ dge slong gos 'phrog gam/ gos brlags sam/ gos tshig gam/ gos rlung gis khyer tam/ gos chus khyer na/ de la de ni/ dus yin no/ /yang dge slong gang zhes bya ba ni/ nye dga'am/ gzhan yang de lta bu gang yin pa'o/ /khyim bdag gam zhes bya ba ni/ skyes pa'o/ /khyim bdag gi chung ma zhes bya ba ni/ bud med do/ / nye du ma yin pa'i zhes bya ba ni/ phyi mo dang / mes po dang / phrugs kyi bdun ba tshun chad ni/ nye du yin la/ de phan chad ni/ nye du ma yin no/ /gan du song ste zhes bya ba ni/ drung du song ste'o/ /gos zhes bya ba ni/ bdun po bal gos dang / sha na'i gos dang / zar ma'i gos dang / ras bal gyi gos dang / du gu la'i gos dang / ko tam pa'i gos dang / nyi 'og gi gos las gang yang rung ba'o/ /slong na zhes bya ba ni/ slong mo byed na'o/ /dus ma gtogs te zhes bya ba ni/ dus bzhag ste'o/ /spang ba'i ltung byed do/ /zhes bya ba ni/ dngos po de spangs nas ltung byed kyi ltung ba bshags par bya'o/ /de </font><hr>Cha148a<br><font size=+1>


@#/ /la dus ni/ 'di yin te/ dge slong gos 'phrog gam zhes bya ba ni/ 'di lta ste/ dge slong gi gos dag chom rkun pa dag gam/ g.yon can dag gis 'phrog par gyur pa'o/ /gos brlags sam zhes bya ba ni/ 'di lta ste/ dge slong gi gos dag brlags par gyur pa'am/ 'khyams par gyur pa'o/ /gos tshig gam zhes bya ba ni/ 'di lta ste/ dge slong gi gos dag mes tshig par gyur pa'o/ /gos rlung gis khyer tam zhes bya ba ni/ 'di lta ste/ dge slong gi gos dag rlung gis khyer bar gyur pa'o/ /gos chus khyer na zhes bya ba ni/ 'di lta ste/ dge slong gi gos dag chus khyer bar gyur ba'o/ /de la ltung bar ji ltar 'gyur zhe na/ rin thang dang / kha dog dang / khru tshad las te/ ji ltar rin thang las she na/ dge slong gis gos kaR+sha pa Na lnga ri ba slong bar byed cing / des kaR+sha pa Na lnga ri ba'i gos thob na/ de slong ba la nyes byas su 'gyur la/ thob na/ spang ba'i ltung byed du 'gyur ro/ /kaR+sha pa Na lnga ri ba ji lta ba bzhin du/ kaR+sha pa Na bcu ri ba dang / kaR+sha pa Na bco lnga ri ba dang / kaR+sha pa Na nyi shu ri ba dang / kaR+sha pa Na lnga bcu ri ba'i bar gyi gos slong bar byed cing / des kaR+sha pa Na lnga bcu ri ba'i gos thob na/ de slong ba la nyes byas su 'gyur la/ thob na/ spang ba'i ltung byed du 'gyur ro/ /dge slong gis kaR+sha pa Na lnga ri ba'i gos slong bar byed cing / lhag pa thob na/ de slong ba la nyes byas su 'gyur ro/ /lhag pa thob na/ ltung ba med </font><hr>Cha148b<br><font size=+1>


do| |kaR+sha pa Na lnga ri ba ji lta ba de bzhin du/ kaR+sha pa Na bcu ri ba dang / kaR+sha pa Na bco lnga ri ba dang / kaR+sha pa Na nyi shu ri ba dang / kaR+sha pa Na lnga bcu'i bar ri ba'i gos slong zhing lhag pa thob na/ de slong ba la nyes byas su 'gyur la/ lhag pa thob na/ ltung ba med do/ /de ltar rin thang las so/ /ji ltar kha dog las she na/ dge slong gis gos sngon po slong bar byed cing / des gos sngon po thob na/ de slong ba la nyes byas su 'gyur la/ thob na/ spang ba'i ltung byed du 'gyur ro/ /sngon po ji lta ba de bzhin du ser po dang / dmar po dang / gos stug po dang / srab mo slong bar byed cing / des gos srab mo thob na/ slong ba la nyes byas su 'gyur la/ thob na/ spang ba'i ltung byed du 'gyur ro/ /dge slong gis gos sngon po slong bar byed na/ ser po thob na/ sngon po slong ba de la nyes byas su 'gyur la/ ser po thob pa la ltung ba med do/ /sngon po slong ba la ji lta ba de bzhin du/ ser po dang / dmar po dang / stug po dang srab mo slong ba na/ stug po thob pa na/ srab mo slong ba de la nyes byas su 'gyur la/ gong ma thob pa la ltung ba med do| de ltar kha dog las so/ /ji ltar khru tshad las she na/ dge slong gis gos khru lnga pa slong bar byed cing / des gos khru lnga pa thob na/ de slong ba la nyes byas su 'gyur la/ thob na spang ba'i ltung byed du 'gyur ro| |khru lnga pa thob pa ji lta ba de bzhin du khru bcu pa dang / khru bco lnga pa dang / khru nyi shu pa dang / khru lnga bcu pa'i bar gyi gos slong bar byed cing / gos khru lnga bcu pa thob na/ de slong ba la nyes byas su </font><hr>Cha149a<br><font size=+1>


@#/ /'gyur la/ thob na/ spang ba'i ltung byed du 'gyur ro/ /dge slong gis gos khru lnga pa slong ba na/ lhag pa thob pa na/ khru lnga pa slong ba de la nyes byas su 'gyur ro/ / lhag pa thob pa la ltung ba med do/ /khru lnga pa ji lta ba de bzhin du khru bcu pa dang / khru bco lnga pa dang / khru nyi shu pa dang / khru lnga bcu pa'i bar gyi gos slong bar byed cing / de gos khru lnga bcu pa slong bar byed na/ lhag pa thob pa na/ gos khru lnga bcu pa slong bar byed pa de la nyes byas su 'gyur la/ lhag pa thob pa la ltung ba med de/ de ltar khru tshad las so/ /ras ma slong ba na/ kha tshar thob pa dang / kha star slong ba na/ ras ma thob pa dang / ras ma slong ba na/ ras yug tshan dang ras yug phran thob pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /slong ba'i spang ba ste/ drug pa rdzogs so// //sangs rgyas bcom ldan 'das rgyal byed kyi tshal mgon med zas sbyin gyi kun dga' ra ba na bzhugs so/ /nye dga' la blo skyes pa/ 'di dag thams cad khyim bdag mgon med zas sbyin gyi bslab pa'i gzhi dag gis bsdams pas phyin chad gang nas kyang bca' ba'i rin tsam yang bslab par mi nus na/ 'di ltar/ bcom ldan 'das kyis grong phreng ba can ba'i dge slong bzhi bcu la brten nas bslab pa'i gzhi bag yangs su mdzad pa yod pas/ bdag gis grong phreng ba can pa'i </font><hr>Cha149b<br><font size=+1>


slong bzhi bcu po sngon du btang ste rnyed pa bsgrub par bya'o/ /snyam nas/ de grong phreng ba can pa'i dge slong bzhi bcu po dag ga la ba der song ba dang / ji tsam na grong phreng ba can pa'i dge slong bzhi bcu po dag rnyang rnying dag 'tshem zhing 'khod pa mthong nas/ des de dag la smras pa/ tshe dang ldan pa dag /bdag gis gzhan thos la/ gzhan mthong ste/ bdag grong phreng ba can pa'i dge slong bzhi bcu po dag bsam gtan dang / rnam par thar pa dang / ting nge 'dzin dang / snyoms par 'jug pa'i bde ba dag nyams su myong bar byed cing 'dug par sems kyi/ bdag tshe dang ldan pa dag/ 'di ltar/ rnyang rnying dag 'tshem zhing 'khod par mi sems so/ /gnas brtan/ bdag cag chom rkun pa dag gis bcom mo/ /kye ma/ ma legs so/ /ma legs so/ /gnas brtan su'i mya ngan byed/ ci/ kho bo cag gi'am/ ma yin te| gang dag gis khyed cag bcom pa'i ma byin pa len pa de dag sgren mo kho nar skye bar 'gyur zhing / sgren mo kho nar dus byed par 'gyur bas/ de dag gi mya ngan byed do/ /tshe dang ldan pa dag/ khyed ci'i phyir gos dag mi slong / gnas brtan/ su zhig sangs rgyas dang / chos dang / dge 'dun spangs te kho bo cag la sbyin pa dang / bya bar sems par 'gyur/ tshe dang ldan pa dag/ khyed cag bcom ldan 'das kyis mdo sde'i mtha' de dang de dag tu nges par bstod pa dang / bkur ba dang / bsngags pa dang / rab tu bsngags pa dag ma yin nam/ gnas brtan/ kho bo cag gis su la bslang ba yang mi shes so/ /tshe dang </font><hr>Cha150a<br><font size=+1>


@#/ /ldan pa dag/ dge slong rab tu shes pa gang gis khyed cag gi gos dag slong bar 'gyur ba 'ga' zhig la ci'i phyir mi bcol/ gnas brtan/ dge slong rab tu shes pa su zhig bdag nyid kyi dge ba'i phyogs su nyams par byas te/ kho bo cag gi don du gos dag slong bar 'gyur/ tshe dang ldan pa dag/ re zhig kho bo bdag nyid dang bcu pa la yang thabs yod la/ gzhan yang kho bo cag mi drug re re yang bdag nyid dang bcu pa yin pas/ kho bo cag mi drug cu la yang thabs yod do/ /gzhan yang gal te khyed cag la mi gnod na/ kho bo cag kyang gzhon nu dag gi don du ras yug phran dang / ras yug chen slong bar byed do/ /gnas brtan de la kho bo cag la gnod pa ci yod/ re zhig re res kyang chos gos gsum gsum slong la rag go/ tshe dang ldan pa dag/ kho bo cag gis bsod snyoms la rgyu ba dang / gos dag bslang ba gnyi ga mi nus kyi/ 'di ltar/ gang gi tshe phyi rol tu zas la bos pa de'i tshe bslang bar bya'o/ /zhes nye dga' de gtsug lag khang gi phyi rol du rkang pa gnyis bkrus nas gtsug lag khang gi nang du zhugs nas des bsam pa/ thabs ci zhig byas na/ des mnyan yod thams cad chub par 'gyur snyam nas/ des yang bsam pa/ je dang po kho nar dbul po'i srang du 'gro bar bya zhing / de'i 'og tu phyug po'i srang du 'gro bar bya/ de'i 'og tu ko sa lar byung ba rgyal po gsal rgyal gyi pho brang dang / btsun mo </font><hr>Cha150b<br><font size=+1>


rgyal rigs dbyar tshul ma'i khyim dang / btsun mo phreng ldan ma'i khyim dang / khyim bdag mgon med zas sbyin gyi khyim dang / bla mkhyen drang srong byin pa dang rnying pa gnyis kyi khyim dang / dge bsnyen ma ri dwags 'dzin gyi mas ga'i khyim dang / dge bsnyen ma khyim bdag gi chung ma legs skyes kyi khyim dag tu 'gro bar bya'o/ /snyam mo/ /de'i tshe na khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs nas nye dgas gzhon nu rnams la smras pa/ tshe dang ldan pa dag /gal te khyed cag la las su bsko ba dag 'ongs par gyur na/ khyed cag gis mi mnod par 'di skad ces/ bdag cag la mkhan po dang / slob dpon dag gi bya ba cung zhig yod do/ /zhes brjod par bya'o/ /nye dgas/ phyi de nyin par gzhon nu zhig grong phreng ba can pa'i dge slong bzhi bcu po dag gi gan du btang ste/ chos gos dag bslang gi/ tshur shog cig ces spring ngo / /gzhon nu der song ba dang / ji tsam na de dag snyoms par zhugs pa mthong nas des bsam pa/ snying rje med pa'i snying dang ldan pa/ 'jig rten pha rol btang ba su zhig 'di dag ting nge 'dzin 'di las slong bar 'gyur snyam nas de nye dga'i gan du song ste smras pa/ slob dpon/ de dag snyoms par zhugs shing mchis pas/ sus kyang de dag ting nge 'dzin de las slong bar ma nus so/ /nye dgas smras pa/ bkren pa/ khyod brtson 'grus 'di lta bus zag pa zad pa mngon sum du byed par 'gyur </font><hr>Cha151a<br><font size=+1>


@#/ /ram/ nye dga' rang nyid 'gro'o/ /zhes de song nas dpong sa'i khang par sgo glegs la rting bas brdabs pa dang / dpong sa'i khang pa thams cad 'gul nas/ de dag ting nge 'dzin de las langs nas smras pa/ tshe dang ldan pa dge slong bzhi bcu po dag /chos gos gsum bslang bar bya na/ khyed cag snying las chung ngur 'khod dam/ tshur sheg /'dong ngo / /gnas brtan/ je so shing bor nas 'dong ngo / /tshur sheg /lam ga nyid du 'or cig /de dag 'phags pa dang nye dgas smras pa/ tshe dang ldan pa dag/ kho bo cag drug sde dag ni/ bya rog dkar po dang 'dra bas/ kho bo cag gis rgan rim bzhin du 'khod par mi bya bar/ bar bar du rgan pa dag gis 'khod par bya'o/ /de dag dbul po'i srang du dong nas dngar kha byas te bsdad pa dang / de dag gis mthong nas nyam nga bar gyur te smras pa/ 'phags pa dag/ nyes dmigs 'ga' zhig ma byung ngam/ bzhin bzang dag/ nyes dmigs byung ngo / /ci nongs/ khyod kyis grong phreng ba can pa'i dge slong bzhi bcu po gang dag/ bcom ldan 'das kyis mdo sde'i mtha' de dang de dag tu bstod pa/ bkur ba/ bsngags pa/ rab tu bsngags pa de dag thos sam/ thos so/ /de dag chom rkun pa dag gis bcom mo/ /de dag gis smras pa/ shes ldan dag /mda' gzhu longs shig /phub dang / dbyug pa dag longs shig /chom rkun pa dag 'dzin tu 'dong ngo / /drug sde dag gis smras pa/ de dag </font><hr>Cha151b<br><font size=+1>


bcom nas yun ring du lon cing / yul 'khor gzhan du bcom par gyur to/ /'o na ji ltar bgyi/ de dag la gos dag byin cig /de dag gis de dag la gos gsar pa dang rnying pa dag byin no/ /de dag gis gos de dag khur du drags te/ gzhon nu dag la gtad nas smras pa/ dengs la 'di dag gtsug lag khang du skyol cig /gzhon nu dag gis de dag khyer te gtsug lag khang du dong ba dang / de dag phyug po'i srang du dong nas dngar kha byas te bsdad pa dang / de dag nyam nga bar gyur te smras pa/ 'phags pa dag/ nyes dmigs 'ga' zhig ma byung ngam/ nyes dmigs byung ngo / /ci nongs/ khyed kyis grong phreng ba can pa'i dge slong bzhi bcu po gang dag bcom ldan 'das kyis mdo sde'i mtha' de dang de dag tu bstod pa/ bkur ba/ bsngags pa/ rab tu bsngags pa de dag thos sam/ thos so// de dag chom rkun pa dag gis bcom mo/ /de dag gis smras pa/ shes ldan dag /mda' gzhu longs shig /phub dang / dbyug pa dag longs shig /chom rkun pa dag 'dzin du 'dong ngo / /drug sde/ dag gis smras pa/ de dag bcom nas yun ring du lon cing yul 'khor gzhan du bcom par gyur to/ /'o na/ ji ltar bgyi/ de dag la gos dag byin cig/ de dag gis de dag la chen po la 'os pa'i gos dag byin to/ /drug sde dag gis gos de dag khur du drags te gzhon nu dag la gtad nas smras pa/ dengs la 'di dag gtsug lag khang du skyol cig /de dag gis gos de dag khyer te gtsug </font><hr>Cha152a<br><font size=+1>


@#/ /lag khang du dong ba dang / de dag ko sa lar byung ba'i rgyal po gsal rgyal gyi pho brang du dong nas dngar kha byas te bsdad pa dang / ko sa lar byung ba'i rgyal po gsal rgyal gyis de dag mthong nas nyam nga bar gyur te smras pa/ 'phags pa dag/ nyes dmigs 'ga' zhig ma byung ngam/ lha/ nyes dmigs byung ngo / /ci nongs/ lhas grong phreng ba can pa'i dge slong bzhi bcu po gang dag /bcom ldan 'das kyis mdo sde'i mtha' de dang de dag tu bstod pa/ bkur ba/ bsngags pa/ rab tu bsngags pa de dag gsan tam/ thos so/ /de dag chom rkun pa dag gis bcom mo/ /rgyal pos dmag dpon 'phags skyes po la bsgo ba/ song la myur du chom rkun pa dag dang / rkun rdzas dag khug cig/ drug sde dag gis smras pa/ lha/ de dag ni/ bcom nas yun ring du lon cing yul 'khor gzhan du bcom par gyur to/ /'o na/ ji ltar bya/ lha/ de dag la gos stsol cig /rgyal pos dge slong re re la yo byad bcu gsum bcu gsum byin no/ /drug sde dag gis gos de dag khur du drags te gzhon nu rnams la gtad nas smras pa/ dengs la 'di dag gtsug lag khang du skyol cig /de dag gis gos de dag khyer te gtsug lag khang du dong ba dang / grong phreng ba can pa'i dge slong bzhi bcu po dag gis smras pa/ gnas brtan dag/ da chog gi/ thong zhig/ drug sde dag gis smras pa/ tshe dang ldan pa dag/ ha cang </font><hr>Cha152b<br><font size=+1>


brtabs ma ngas shig /khyed la kho bo cag gis dang po nyid nas/ tshe dang ldan pa dag /gal te khyed la mi gnod na/ kho bo cag kyang gzhon nu dag gi don du ras yug phran dang / ras yug chen po dge slong ngo / /zhes ma smras sam/ de dag dge slong dbang cher grags pas bsgo bas cang mi smra bar 'khod do/ /de dag btsun mo rgyal rigs dbyar tshul ma'i khyim dang / btsun mo phreng ldan ma'i khyim dang / khyim bdag mgon med zas sbyin gyi khyim dang / bla mkhyen drang srong byin dang / rnying pa gnyis kyi khyim dang / dge bsnyen ma ri dwags 'dzin gyi ma sa ga'i khyim dang / dge bsnyen ma khyim bdag gi chung ma legs skyes kyi khyim du mthar gyis dong ste sngar bsten pa skad brjod pa dang / de dag gis kyang dge slong re re la yo byad bcu gsum bcu gsum byin no/ /de nas drug sde dag gis smras pa/ tshe dang ldan pa dag/ gal te dge slong brgya gral du ma bkod na/ gral stongs par 'gyur gyi/ dengs la gral du bkod cig /ma nyes te/ bdag cag kyang bsod snyoms blangs te 'ong ngo / /drug sde dag gis gtsug lag khang du dong ste/ rnyang rnying dag las bzhi bcu phung por byas te bzhag go/ /dge slong bzhi bcu po dag zas kyi bya ba byas te 'ongs pa dang / drug sde dag gis/ lhan cig gnas pa dang nye gnas dag la smras pa/ tshe dang ldan pa dag /tshur sheg /don nyung du dag bos shig /de dag gis de dag pos pa dang drug sde dag gis smras pa/ tshe dang ldan pa dag/ ci/ kho bo cag khyod kyi gos </font><hr>Cha153a<br><font size=+1>


@#/ /srung ba yin nam/ rang gi gos dag longs shig /dge slong bzhi bcu po dag gis phan tshun gdong du lta bar brtsams pa dang / drug sde dag gis smras pa/ tshe dang ldan pa dag/ ci'i phyir phan tshun gdong du lta/ gnas brtan dag/ thams cad rnyang rnying sha stag yin no/ /tshe dang ldan pa dag/ 'di dag mdud pa 'or cig dang / snam sbyar yin no/ /'di dag ni/ drubs shig dang / bla gos yin no/ / 'di dag ni/ drubs shig dang mthang gos yin no/ /'di dag ni/ drubs shig dang rdul gzan yin no/ /gal te mi dga' na/ 'dong dang yang bslang bar bya'o/ /kye ma'o/ /gnas brtan dag /'di dag nyid kyang ma blangs kyang rung ngo / /de dag gis rnyang rnying de dag khyer te dgon par dong nas 'tshem zhing 'khod do/ /thams cad du sgra grags pa/ grong phreng ba can pa'i dge slong bzhi bcu po dag re res kyang yo byad bcu gsum bdun bdun rnyed do/ /zhes de dag dge slong rnams kyis mthong nas smras pa/ tshe dang ldan pa dag/ bdag cag gis gzhan thos la gzhan mthong ste/ bdag cag gis grong phreng ba can pa'i dge slong bzhi bcu po dag re res kyang yo byad bcu gsum bdun bdun rnyed do/ /zhes thos na/ tshe dang ldan pa dag/ gos rnyang rnying dag 'tshem zhing 'khod do/ /de dag gis smras pa/ khyed cag gis lta kho bo cag rang rang gis 'phrag pa dag gis kyang khyer zhes kyang thos so/ /zhes zer ba'i skabs de/ dge slong rnams la brjod nas dge slong rnams kyis bcom ldan 'das la gsol te/ de nas bcom ldan </font><hr>Cha153b<br><font size=+1>


'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste/ zhes bya ba la sogs pa yang snga ma bzhin te/ sangs rgyas bcom ldan 'das kyis/ grong phreng ba can pa'i dge slong bzhi bcu po dag la rmas pa/ dge slong dag /khyed len pa'i drod mi shes pa bden nam/ btsun pa/ med do/ /sangs rgyas bcom ldan 'das kyis mi brtson pa dang / mi sbyor ba dang / ma brtags par spyod pa rnam par smad pa mdzad do/ /de nas bcom ldan 'das kyis/ brtson pa dang / sbyor ba dang / brtags te spyod pa'i bsngags par mdzad nas dge slong rnams la bka' stsal pa/ dge slong dag/ de lta bas na/ phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste/ zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gos 'phrog gam/ gos brlags sam/ gos tshig gam/ gos rlung gis khyer tam/ gos chus khyer na/ khyim bdag gam khyim bdag gi chung ma nye du ma yin pa'i gan du song la gos bslang bar bya'o/ /gal te de la bram ze'am khyim bdag dad pa can zhig gis/ dus kyi gos mang po stob par 'dod na/ dge slong des de las gos stod g.yogs smad g.yogs dang bcas pa'i </font><hr>Cha154a<br><font size=+1>


@#/ /mthar thug par blang bar bya'o/ /de las lhag par len na/ spang ba'i ltung byed do/ /dge slong zhes bya ba ni/ chos 'di pa'o/ /gos 'phrog gam zhes bya ba ni/ 'di lta ste| dge slong gis gos dag chom rkun pa dag gam/ g.yon can dag gis 'phrog par gyur pa'o/ /gos brlags sa ma zhes bya ba ni/ 'di lta ste/ dge slong gi gos dag brlags sam/ 'khyams par gyur pa'o/ /gos tshig gam zhes bya ba ni/ 'di lta ste/ dge slong gi gos dag mes tshig par gyur pa'o/ /gos rlung gis khyer tam zhes bya ba ni/ 'di lta ste/ dge slong gi gos dag rlung gis khyer bar gyur pa'o/ /gos chus khyer na zhes bya ba ni/ 'di lta ste/ dge slong gi gos dag chus khyer bar gyur pa'o/ /khyim bdag ces bya ba ni/ skyes pa'o/ /khyim bdag gi chung ma zhes bya ba ni/ bud med do| |nye du ma yin pa zhes bya ba ni/ phyi mo dang / mes po dang / phrugs kyi bdun pa tshun chad ni/ nye du yin la/ de phan chad ni/ nye du ma yin no/ /gan du song la zhes bya ba ni/ gan du song ste'o/ /gos zhes bya ba ni/ bdun po bal gos dang / sha na'i gos dang / zar ma'i gos dang / du gu la'i gos dang / ras bal gyi gos dang / ko tam pa'i gos dang / nyi 'og gi gos las gang yang rung ba'o/ /blang bar bya'o/ /zhes bya ba ni/ slong mo bya ba'o/ /'dod na zhes bya ba ni/ gal te don du gnyer na'o/ /gos stod g.yogs smad g.yogs dang bcas pa'i mthar thug pa blang bar bya'o/ /zhes bya ba ni/ </font><hr>Cha154b<br><font size=+1>


stod g.yogs smad g.yogs dang bcas pa ni/ gnyis te/ dge slong gi stod g.yogs smad g.yogs dang bcas pa dang / khyim pa'i stod g.yogs smad g.yogs dang bcas pa'o/ /dge slong gi stod g.yogs smad g.yogs dang bcas pa ni/ gsar pa las snam sbyar nyis rim dang / ras yug phran khru lnga pa dang / do pa'o/ /khyim pa'i stod g.yogs smad g.yogs dang bcas pa ni/ ras yug chen khru bcu gnyis pa dang / ras yug phran khru bdun pa dang / do pa'o/ /de las lhag par len na zhes bya ba ni/ gong ma'o/ /spang ba'i ltung byed do/ /zhes bya ba ni/ dngos po de spangs nas ltung byed kyi ltung ba bshags par bya ba ste/ des na spang pa'i ltung byed do/ /zhes gsungs so/ /de la ltung bar ji ltar 'gyur zhe na/ dge slong khyim pa'i stod g.yogs smad g.yogs dang bcas pa slong bas/ khyim pa'i stod g.yogs smad g.yogs dang bcas pa thob pa na/ lhag pa slong ba na/ de slong ba la nyes byas su 'gyur la/ thob na/ spang ba'i ltung byed du 'gyur ro/ /dge slong dge slong gi stod g.yogs smad g.yogs dang bcas pa slong bas dge slong gi stod g.yogs smad g.yogs dang bcas pa thob pa na/ lhag pa slong na/ de slong ba la nyes byas su 'gyur la/ thob na/ spang ba'i ltung byed du 'gyur ro/ /dge slong khyim pa'i stod g.yogs smad g.yogs dang bcas pa slong bas/ khyim pa'i stod g.yogs smad g.yogs dang bcas pa thob pa na/ gal te chung na yang bslang bar mi bya la/ lhag na yang sbyin par mi bya'o/ /dge </font><hr>Cha155a<br><font size=+1>


@#/ /slong dge slong gi stod g.yogs smad g.yogs dang bcas pa slong bas/ dge slong gi stod g.yogs smad g.yogs dang bcas pa thob pa na/ gal te chung na yang bslang bar bya la/ lhag na yang sbyin par bya'o/ /de ltar na/ dge slong gis khyim pa'i stod g.yogs smad g.yogs dang bcas pa las/ lhag par slong ba dang / dge slong gi stod g.yogs smad g.yogs dang bcas pa las lhag pa sbyin par mi byed na/ thams cad du spang ba'i lhung byed du 'gyur ro/ /dge slong gi gos spang bar gyur na/ de ma spangs shing bral bar ma byas la/ ltung ba ma bshags par gzhan zhig rnyed na/ de yang snga ma'i rgyud kyis spang bar 'gyur ro/ /dge slong gi gos spang bar gyur na/ de spangs shing bral bar ma byas la/ ltung ba ma bshags par gzhan zhig rnyed na/ de yang snga ma'i rgyud kyis spang bar 'gyur ro/ /dge slong gi gos spang bar gyur na/ de spangs shing bral bar byas la ltung ba ma bshags par gzhan zhig rnyed na/ de yang snga ma'i rgyud kyis spang bar 'gyur ro/ /dge slong gi gos spang bar gyur na/ de spangs shing bral bar byas la ltung ba bshags nas gzhan zhig rnyed na/ de la ni/ ltung ba med do/ /de bzhin du dge slong gis ji tsam du spang ba'i dngos po de nyid kyis ma bshags shing so sor ma bshags par ltung bzed dam/ chos gos sam/ dra ba'am/ phor bu'am/ ska rags sam/ dge sbyong gi 'tsho ba'i yo byad </font><hr>Cha155b<br><font size=+1>


gang rung ba nye bar 'jog par byed na/ de yang snga ma'i rgyud kyis spang bar 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /slong bar rigs pa'i spang ba ste/ bdun pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa des/ rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed do/ /khyim bdag de gzhan gyi chung ma la chags par gyur nas/ de la chung mas/ rje'i sras/ de ltar ma mdzad cig ces phyir bzlog na/ ji tsam du de phyir bzlog kyang phyir ma log pa de tsam du de'i chung ma de yang skyes pa gzhan dag dang lhan cig 'khrul pa rtsom par byed do/ /khyim bdag de yang bud med gzhan dag la sbyin par byed la/ chung ma de yang skyes pa gzhan dag la sbyin par byed pas/ de ltar khyim de gnyi ga nas rgud par gyur nas/ de gnyis la bu mo mngag gzhug ma zhig yod nas/ khyim bdag des bu mo de la 'dis khyim rgud par byas so/ /zhes khu tshur dang / thal lcag dag gis rdeg par byed do/ /bu mo des smras pa/ bdag gis khyim rgud par gyur pa 'di ci las gyur par 'tshal mod kyi/ 'on kyang bdag gis ji ltar rje dag la bsngags pa ma lags par brjod par bgyir rung / nye dgas de tshor nas khyim bdag de dang khyim bdag </font><hr>Cha156a<br><font size=+1>


@#/ /gi chung ma de'i gan du song ste/ ci nas kyang de gnyis skyabs su 'gro ba dang / bslab pa'i gzhi dag la gnas par 'gyur pa de lta de ltar tshul khrims kyi bsngags pa brjod cing / tshul khrims 'chal ba'i bsngags pa ma yin pa brjod nas/ des de gnyis skyabs su 'gro ba dang / bslab pa'i gzhi dag la gnas par byas so/ /khyim bdag de gtum pa/ rtun ngas pa/ drag shul che ba yin pas/ yang bu mo de la rdeg par brtsams pa dang / chung mas de la smras pa/ rje'i sras/ gang gi tshe bdag cag las dang las kyi rnam par smin pa mi mkhyen pa de'i tshe ko rdeg par mdzad mod/ da bdag cag dge ba'i bshes gnyen 'phags pa nye dga' la brten nas las dang las kyi rnam par smin pa mkhyen pas/ 'di ltar/ 'jig rten ni/ rang gi las kyi 'bras bu la spyod pa lags pas/ su zhig su'i bran lags/ bu mo 'di la rdeg par ma mdzad cig/ bzang mo/ khyod zer ba ma nyes so/ /bu mo tshur shog /khrus gyis la shog cig /bu mo de khrus byas te 'ongs pa dang / des de la gos phrugs gcig bskon nas smras pa/ bu mo/ /dga' zhing las byos shig /bu mo des bsam pa khyim bdag khyo shug 'di/ sngon gtum pa/ rtun ngas pa/ drag shul che ba yin te/ yang dang yang du bdag la khu tshur dang / thal lcag dag gis rdeg par byed cing / zas dang gos ngan pa dag sbyin par byed na/ da 'di bdag gi pham dang </font><hr>Cha156b<br><font size=+1>


'dra bar gyur to/ /snyam nas/ yang bsam pa/ gang tshun chad nas 'phags pa nye dga' khyim 'dir 'jug par brtsams pa de tshun chad nas khyim bdag 'di pha ma dang 'dra bar gyur pas/ bdag gis 'phags pa nye dga' la ci zhig gis dga' bar bya snyam nas/ des bsam pa/ gal te bdag gis 'di las cung zhig brkus te dbul du ni/ khyim bdag 'dis bdag rdeg 'tshog mang po byas te/ sngon gyi gnas su 'jog par 'gyur ro/ /snyam nas/ de sdod cing 'dug go/ khyim bdag gi chung ma des khyim bdag de la smras pa/ rje'i sras mkhyen par mdzod cig /'phags pa nye dga' ni/ bdag cag gi dge ba'i bshes gnyen lags te/ 'phags pa nye dgas bdag cag las dri ma can dang phral nas skyabs su 'gro ba dang / bslab pa'i gzhi dag la bkod de/ yang dang yang du bdag cag la chos kyis sdud par byed pas/ bdag cag gis kyang de la zang zing cung zad kyis bsdu bar bgyi'o/ /bzang mo/ de bzhin bya'o/ /ci zhig bgyi/ de la ras yug chen gcig dbul bar bya'o/ /bu mo des de thos nas bsam pa/ bdag gis 'phags pa nye dga' la dga' ba de sbran par bya'o/ /snyam mo/ /nye dga' yang snga dro sham thabs bgos/ lhung bzed dang chos gos thogs te mnyan yod du bsod snyoms la zhugs te/ mthar gyis bsod snyoms la rgyu ba na khyim der zhugs pa dang / bu mo des khyim legs par byugs shing phyag dar bor nas/ des nye dga' mthong ba dang rkang pa gnyis la phyag 'tshal </font><hr>Cha157a<br><font size=+1>


@#/ /te smras pa/ bdag gis 'phags pa nye dga' la dgyes pa sbran par bgyi'o/ /khyim bdag 'di khyod la ras yug chen 'bul bar 'gyur ro/ /nye dgas bsam pa/ sa'i steng na 'dod pa'i bdag nyid can gang ji snyed pa de dag dang bdag mnyam par deng bu mo 'dis kyang 'phrigs so/ /snyam nas/ des gshe ste smras pa/ bu mo/ /gal te bden par gyur na ni/ ngas khyed la gshe ba dag la chugs ma bya'o/ /ji ste rdzun par gyur na ni/ rdeg 'tshog mang po byed du bcug ste sngon gyi gnas ji lta bar gzhag par bya'o/ /'phags pa spyo ba mang du mdzad na/ bzhud cig dang khyod nyid kyis mkhyen par 'gyur ro/ /de zhugs nas/ stan bshams pa nyid la 'dug pa dang / khyim bdag de chung ma dang bcas pas rkang pa la phyag 'tshal te/ stan ches dma' ba blangs nas chos mnyan pa'i phyir mdun na 'dug go/ nye dgas smras pa/ khyim bdag de kho bo la bskon par bya ba'i ras yug chen gang yin pa de blta'o/ /de gnyis kyis phan tshun gdong du blta bar brtsams te 'di skad ces smras so/ /'phags pa/ bdag cag gis kyang gsang ste smras pa de/ 'phags pa la sus bgyis/ ci/ 'phags pas gzhan gyi sems kyang mkhyen tam/ nye dgas smras pa/ kho bo lhung bzed du zos shing so lhags pa dang / skra dkar por gyur pa yin na/ kho bo la de tsam yang mi srid dam/ khyim bdag des ras yug chen de blangs te nye dga' la </font><hr>Cha157b<br><font size=+1>


phul ba dang / nye dgas ras yug chen de mthong nas lag pa gnyis 'dril bar byed/ bzhin sgyur bar byed do/ /khyim bdag gis smras pa/ 'phags pa/ ci'i slad du phyag gnyis 'dril bar mdzad/ zhal sgyur bar mdzad/ nye dgas smras pa/ khyim bdag/ 'di ni/ khyod la yongs su btang ba las byung ba'i bsod nams ni/ yod na/ yongs su longs spyad pa las byung ba'i bsod nams ni/ med de/ ras yug chen 'di ni/ mchil lham 'phyi ba'am/ skar khung glan par rung ste/ 'di ni/ chos gos kyi rdang la yongs su zad pa dang / mthar thug par 'gyur ro/ /'o na/ ji ltar bgyi/ ras yug chen bzang po gzhan byin cig /ras yug chen gzhan ma mchis so/ /tshong dus nas nyos la byin cig /rin ma mchis so/ /dus thob la byin cig /khyim bdag des chung ma'i gdong du blta bar brtsams pa dang / chung mas smras pa/ rje'i sras/ bdag cag la 'phags pa nye dgas phan btags kyi/ ras yug chen 'jol la de la phul cig /khyim bdag de nye dga' dang lhan cig tu srang du song nas tshong khang du phyin pa dang / nye dgas bsam pa/ tshong pa 'di nga rgyal bskyed par bya ste/ des na ras yug chen bzang po ster bar 'gyur ro/ /snyam nas/ nye dgas khyim bdag la smras pa/ khyim bdag/ tshong pa 'di ni/ bcam bu zhig yin pas/ 'di la ras yug chen bzang po med kyi/ gzhan du 'dong ngo / /tshong pa des de thos nas des chen po la 'os pa'i ras yug chen bstan te smras pa/ 'phags pa/ ras yug chen la </font><hr>Cha158a<br><font size=+1>


@#/ /gzigs/ ras yug chen 'di ni/ bzang na/ 'di rin ji tsam/ 'di dang 'di tsam mo/ /khyim bdag 'di 'jal lo/ /khyim bdag 'jal lam/ 'jal lo/ /dus ji tsam na/ dus 'di tsam na'o/ /tshong pa des khyim bdag de la ras yug chen de byin nas/ khyim bdag des nye dga' la phul ba dang / nye dgas khyim bdag a rog kya zhes smras nas/ khyod sbyin pa 'dis sems kyi rgyan dang / sems kyi yo byad dang / rnal 'byor gyi tshogs dang / don gyi mchog thob pa dang / lha dang mi rnams kyi gos dag thob par gyur cig /ces smras te song ngo / /khyim bdag de longs spyod bsrabs nas/ des rin de dus de tsam gyis 'bul bar ma nus nas/ tshong pa des khyim bdag de nyi ma la btags pa dang / de chung po grogs dag gis mthong nas smras pa/ ci/ khyod zhun mar 'thungs sam/ 'on te rims kyis btab/ bu lon pas bzung ste 'dug go/ khyod kyi phas kyang bu lon pa yod par ma byas/ mes po dag gis kyang ma byas na/ bu lon pa ga las gyur/ des smras pa/ gang dag shAkya'i bu'i dge sbyong dag la dad par byed pa de dag 'di ltar 'gyur te/ 'di ltar/ gang byin pa de mi len par lhag pa slong bar byed do/ /zhes zer ba'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes </font><hr>Cha158b<br><font size=+1>


bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis nye dga' la rmas pa/ nye dga'/ khyod gang byin pas mi mgu zhing lhag pa slong ba bden nam/ btsun pa/ mad do/ /sangs rgyas bcom ldan 'das kyis/ dge sbyong gi tshul ma yin pa/ rung ba ma yin pa/ rjes su mthun pa yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste dge slong gi phyir khyim bdag gam/ khyim bdag gi chung ma nye du ma yin pas gos kyi rin dag spags nas/ bdag gis gos kyi rin 'di dag gis/ gos 'di dang 'di lta bu zhig nyos la/ dge slong ming 'di zhes bya ba 'ongs pa dang de la gos rung ba dus su bskon no/ /snyam pa las/ de na gal te dge slong de la sngar ma bstabs bar rnam par rtog pa 'ga' zhig byung ste/ bzang po 'dod pa'i phyir khyim bdag gam khyim bdag gi chung ma nye du ma yin pa de'i gan du song nas 'di skad ces/ tshe </font><hr>Cha159a<br><font size=+1>


@#/ /dang ldan pas bdag gi phyir gos kyi rin gang dag spags pa'i rin de dag gis tshe dang ldan pa gos 'di dang 'di lta bu zhig nyos la bdag la gos rung ba dus su legs par skon cig ces smas te gos grub na/ spang ba'i ltung byed do/ /dge slong gi phyir zhes bya ba ni/ shAkya'i bu nye dga'am/ gzhan yang de lta bu gang yin pa'o/ /khyim bdag ga ma zhes bya ba ni/ skyes pa'o/ /khyim bdag gi chung ma zhes bya ba ni/ bud med do/ /nye du ma yin pas zhes bya ba ni/ phyi mo dang / mes po dang / phrugs kyi bdun pa tshun chad ni/ nye du yin la/ de phan chad ni/ nye du ma yin no/ /gos kyi rin dag ces bya ba ni/ gser ram dngul lo/ /gos 'di dang 'di lta bu zhig ces bya ba ni/ bdun po bal gos dang / sha na'i gos dang / zar ma'i gos dang / du gu la'i gos dang / ras bal gyi gos dang / ko tam pa'i gos dang / nyi 'og gi gos las gang yang rung ba'o/ /nyos la zhes bya ba ni/ nyos te'o/ /dge slong ming 'di zhes bya ba 'ongs pa dang zhes bya ba ni/ shAkya'i bu nye dga'o/ /de la gos rung ba dus su bskon no/ /snyam pa las zhes bya ba ni/ longs spyad par bzod pa'o/ /de na gal te dge slong de la de sngar ma bstabs par zhes bya ba ni/ sngar mgron du ma bos par ro/ /rnam par rtog pa 'ga' zhig byung ste zhes bya ba ni/ bsnyen bkur byed po zhig byung ste'o/ /bzang po 'dod pa'i phyir zhes bya ba ni/ rab dang mchog gi </font><hr>Cha159b<br><font size=+1>


phyir ro/ /khyim bdag gam/ khyim bdag gi chung ma nye du ma yin pa de'i gan du song nas zhes bya ba ni/ drung du song nas so/ /gos grub na zhes bya ba ni/ gos thob na'o/ /spang ba'i ltung byed do/ /zhes bya ba ni/ dngos po de spangs nas ltung byed kyi ltung ba bshags par bya ba ste/ des na spang pa'i ltung byed do/ /zhes gsungs so/ /de la ltung bar ji ltar 'gyur zhe na/ rin thang dang / kha dog dang / khru tshad las te/ ji ltar rin thang las she na/ dge slong gis kaR+sha pa Na lnga ri ba'i gos thob pa na/ de de las lhag pa slong na/ lhag pa slong ba de la nyes byas su 'gyur la/ thob pa na/ spang ba'i ltung byed du 'gyur ro| |snga ma la ni/ ltung ba med do/ /kaR+sha Na lnga ri ba ji lta ba de bzhin du kaR+sha pa Na bcu ri ba dang / kaR+sha pa Na nyi shu ri ba dang / kaR+sha pa Na lnga bcu ri ba'i bar gyi gos thob pa na/ de de las lhag pa slong ba na/ lhag pa slong ba de la nyes byas su 'gyur la/ thob na/ spang ba'i ltung byed du 'gyur ro/ /snga ma la ni/ ltung ba med do/ /de ltar rin thang las so/ /ji ltar kha dog las she na/ dge slong gis gos sngon po thob pa na/ de de las lhag pa slong na/ lhag pa slong ba de la nyes byas su 'gyur la/ thob na/ spang ba'i ltung byed du 'gyur ro/ /snga ma la ni/ ltung ba med do/ /sngon po ji lta ba de bzhin du ser po dang / dmar po dang / stug po dang / srab mo thob pa na/ de de las lhag pa slong na/ lhag pa slong ba de la nyes byas su 'gyur la/ thob pa na/ spang ba'i ltung byed du 'gyur ro/ /snga ma la ni/ ltung ba </font><hr>Cha160a<br><font size=+1>


@#/ /med do/ /de ltar kha dog la sa so/ /ji ltar khru tshad las she na/ dge slong gis gos khru lnga pa thob pa na/ de de las lhag pa slong na/ lhag pa slong ba de la nyes byas su 'gyur la/ thob na/ spang pa'i ltung byed du 'gyur ro/ /snga ma la ni/ ltung ba med do/ /khru lnga pa ji lta ba de bzhin du khru bcu pa dang / khru nyi shu pa dang / khru lnga bcu pa'i bar gyi gos thob na/ da de las lhag pa slong na/ lhag pa slong ba de la nyes byas su 'gyur la/ thob na/ spang ba'i ltung byed du 'gyur te/ de ltar khru tshad las so/ /dge slong gi gos spang bar gyur na/ de ma spangs shing bral bar ma byas la/ ltung ba ma bshags par gzhan zhig rnyed na/ de yang snga ma'i rgyud kyis spang bar 'gyur ro/ /dge slong gi gos spang bar gyur na/ de spangs shing bral bar ma byas la/ ltung ba ma bshags par gzhan zhig rnyed na/ de yang snga ma'i rgyud kyis spang bar 'gyur ro/ /dge slong gi gos spang bar gyur na/ de spangs shing bral bar byas la/ ltung ba ma bshags par gzhan zhig rnyed na/ de yang snga ma'i rgyud kyis spang bar 'gyur ro/ /dge slong gi gos spang bar gyur na/ de spangs shing bral bar byas la/ ltung ba bshags nas gzhan zhig rnyed na/ de la ltung ba med do/ /do bzhin du dge slong gi gos spang bar gyur na/ ji srid du dngos po de ma bshags shing so sor ma bshags par lhung bzed dam/ chos gos sam/ dra ba'am/ phor bu'am/ ska rags </font><hr>Cha160b<br><font size=+1>


sam/ dge slong gi 'tsho ba'i yo byad gang yang rung ba nye bar 'jog na/ de yang snga ma'i rgyud kyis spang par 'gyur ro/ /kha tshar slong ba na/ lhan par thob pa dang / lhan pa slong ba na/ ras yug phran nam ras yug chen thob pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /spags pa las lhag pa slong ba'i spang ba ste/ brgyad pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa des/ rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed do/ /khyim bdag de gzhan gyi chung ma la chags par gyur nas/ de la chung mas/ rje'i sras/ de lta ma mdzad cig ces phyir bzlog na/ ji tsam du de phyir bzlog kyang phyir ma log pa de tsam du/ de'i chung ma des kyang skyes pa gzhan dag dang lhan cig 'khrul pa rtsom par byed do/ /khyim bdag de'ang bud med gzhan la sbyin par byed la/ chung ma de yang skyes pa gzhan dag la sbyin par byed pas/ de ltar khyim de gnyi ga nas rgud par gyur nas/ de gnyis la bu mo mngag gzhug ma zhig yod nas khyim bdag des bu mo de la 'dis khyim rgud par byas so/ /zhes khu tshur dang thal lcag dag gis rdeg par byed do/ /bu mos smras pa/ bdag </font><hr>Cha161a<br><font size=+1>


@#/ /gis khyim rgud par gyur pa 'di ci las gyur pa 'tshal mod kyi/ 'on kyang bdag gis ji ltar rje dag la bsngags pa ma lags pa brjod par bgyir rung / nye dgas de tshor nas khyim bdag de dang khyim bdag gi chung ma de'i gan du song ste/ ci nas kyang de gnyis skyabs su 'gro ba dang / bslab pa'i gzhi dag la gnas par 'gyur ba de lta de ltar tshul khrims kyi bsngags pa brjod cing / tshul khrims 'chal ba'i bsngags pa ma yin pa brjod nas des de gnyis skyabs su 'gro ba dang / bslab pa'i gzhi dag la gnas par byas so/ /khyim bdag de gtum pa/ rtun ngas pa/ drag shul che ba yin pas/ yang bu mo de la rdeg par brtsams pa dang / chung mas de la smras pa/ rje'i sras/ gang gi tshe bdag cag las dang / las kyi rnam par smin pa mi mkhyen pa de'i tshe ke rdog par mdzad mod/ da bdag cag dge ba'i bshes gnyen 'phags pa nye dga' la brten nas las dang / las kyi rnam par smin pa mkhyen pas/ 'di ltar/ 'jig rten ni/ rang gi las kyi 'bras bu la spyod pa lags pas su zhig su'i bran lags/ bu mo 'di la rdeg par ma mdzad cig /bzang mo/ khyod zer ba ma nyes so/ /bu mo/ tshur shog /khrus kyis la shog cig /bu mo des khrus byas te 'ongs pa dang / des de la gos phrugs gcig bskon nas smras pa/ bu mo/ dga' zhing las byos shig/ bu mo des bsam pa/ </font><hr>Cha161b<br><font size=+1>


khyim bdag khyo shug 'di/ sngon gtum pa/ rtun ngas pa/ drag shul che ba yin te/ yang dang yang du bdag la khu tshur dang thal lcag gis rdeg par byed cing / zas dang gos ngan pa dag sbyin par byed na| da 'di bdag gi pha ma dang 'dra bar gyur to/ /snyam nas/ yang bsam pa/ gang tshun chad nas 'phags pa nye dga' khyim 'dir 'jug par brtsams pa de tshun chad nas khyim bdag 'di pha ma dang 'dra bar gyur pas/ bdag gis 'phags pa nye dga' la ci zhig gis dga' bar bya snyam nas des bsam pa/ gal te bdag gis 'di las cung zhig brkus te dbul du ni/ khyim bdag gis bdag rdeg 'tshog mang po byas te/ sngon gyi gnas su 'jog par 'gyur ro/ /snyam nas/ de sdod cing 'dug go /khyim bdag gi chung ma des khyim bdag de la smras pa/ rje'i sras mkhyen par mdzod cig/ 'phags pa nye dga' ni/ bdag cag gi dge ba'i bshes gnyen lags te/ 'phags pa nye dgas bdag cag las dri ma can dang phral nas skyabs su 'gro ba dang / bslab pa'i gzhi dag la bkod de/ yang dang yang du bdag cag la chos kyis sdud par byed pas/ bdag cag gis kyang de la zang zing cung zad kyis bsdu bar bgyi'o/ /bzang mo/ de bzhin bya'o/ /ci zhig bgyi/ de la bdag cag so so nas ras yug chen dbul bar bya'o/ /bu mo des de thos nas bsam pa/ bdag gis 'phags pa nye dga' la dga' ba de sbran par bya'o/ /snyam mo/ /nye dga' yang snga dro shams </font><hr>Cha162a<br><font size=+1>


@#/ /thabs bgos/ lhung bzed dang chos gos thogs te/ mnyan yod du bsod snyoms la zhugs te/ mthar gyis bsod snyoms la rgyu ba na khyim der zhugs pa dang / bu mo des khyim legs par byugs shing phyag dar bor nas/ des nye dga' mthong ba dang rkang pa gnyis la phyag 'tshal te smras pa/ bdag gis 'phags pa nye dga' dgyes pa sbran par bya'o// khyim bdag dang khyim bdag gi chung ma 'di/ khyod la so so nas ras yug chen 'bul bar 'gyur ro/ /nye dgas bsam pa/ sa'i steng na 'dod pa'i bdag nyid can gang ji snyed pa de dag dang bdag mnyam par deng bu mo 'dis kyang 'phrigs so/ /snyam nas/ des gshe ste smras pa/ bu mo/ /gal te bden par gyur na ni/ ngas khyod la gshe ba dag la chugs ma bya'o/ /ji ste rdzun par gyur na ni/ rdeg 'tshog mang po byed du bcug ste sngon gyi gnas ji lta bar gzhag par bya'o/ /'phags pa spyo ba mang du mdzad na/ bzhud cig dang khyod nyid kyis mkhyen par 'gyur ro/ /de zhugs nas stan bshams pa nyid la 'dug pa dang / khyim bdag de chung ma dang bcas pas rkang pa la phyag 'tshal te stan ches dma' ba blangs nas chos mnyan pa'i phyir mdun du 'dug go/ /nye dgas smras pa/ khyim bdag kho bo la so so nas ras yug chen sbyin par byas pa de blta'o/ /de gnyis kyis phan tshun gdong du blta bar brtsams te 'di skad ces kyang smras so/ /'phags pa/ bdag cag gis gsang </font><hr>Cha162b<br><font size=+1>


ste smras pa de/ 'phags pa la sus bgyis/ ci/ 'phags pas gzhan gyi sems kyang mkhyen nam/ nye dgas smras pa/ kho bo lhung bzed du zos shing so lhags pa dang / skra dkar por gyur pa yin na/ kho bo la de tsam yang mi srid dam/ khyim bdag dang / chung ma so so nas ras yug chen blangs te nye dga' la phul ba dang / nye dgas ras yug chen de dag mthong nas lag pa gnyis 'dril bar byed/ bzhin sgyur bar byed do/ /khyim bdag gis smras pa/ 'phags pa/ ci'i slad du phyag gnyis 'dril bar mdzad/ zhal sgyur bar mdzad/ nye dgas smras pa/ khyim bdag/ 'di dag ni/ khyed la yongs su btang ba las byung ba'i bsod nams ni/ yod na/ yongs su longs spyod pa las byung ba'i bsod nams ni/ med de/ ras yug chen 'di dag ni/ mchil lham 'phyi ba'am/ skar khung glan par rung ste| 'di dag ni/ chos gos kyi rdang bu la yongs su zad pa dang / mthar thug par 'gyur ro/ /'o na/ ji ltar bgyi/ ras yug chen bzang po gzhan dag byin cig/ ras yug chen dag ma mchis so/ / tshong dus nas nyos te byin cig /rin dag ma mchis so/ /dus thob la byin cig/ khyim bdag des chung ma'i gdong du lta bar brtsams pa dang / chung mas smras pa/ rje'i sras/ bdag cag la 'phags pa nye dgas phan btags kyi/ ras yug chen dag 'jol la de phul cig/ khyim bdag de nye dga' dang lhan cig srang du song nas tshong khang du phyin pa dang nye dgas bsam pa/ tshong pa 'di nga rgyal </font><hr>Cha163a<br><font size=+1>


@#/ /bskyed par bya ste/ des na/ ras yug chen bzang po ster bar 'gyur snyam nas nye dgas khyim bdag la smras pa/ khyim bdag/ tshong pa 'di ni/ gcam bu zhig yin pas 'di la ras yug chen bzang po med kyi/ gzhan du 'dong ngo / /tshong pa des de thos nas des chen po la 'os pa'i ras yug chen bstan te smras pa/ 'phags pa/ ras yug chen la gzigs/ ras yug chen 'di ni/ bzang na/ 'di'i rin ji tsam/ 'di dang 'di tsam mo/ /khyim bdag 'di 'jal lo/ /khyim bdag/ 'jal lam/ 'jal lo/ /dus ji tsam na/ dus 'di tsam na'o/ /tshong pa des khyim bdag de la ras yug chen de byin nas/ khyim bdag des nye dga' la phul ba dang / nye dgas khyim bdag a rog kya zhes smras nas/ khyod sbyin pa 'dis sems kyi rgyan dang / sems kyi yo byad dang / rnal 'byor gyi tshogs dang / don gyi mchog thob pa dang / lha dang mi rnams kyi gos dag thob par gyur cig /ces smras te song ngo / /khyim bdag de longs spyod bsrabs nas des rin de dus de tsam gyis 'bul bar ma nus nas/ tshong pa des khyim bdag de nyi ma la btags pa dang / de chung po grogs dag gis mthong nas smras pa/ ci/ khyod zhun mar 'thungs sam/ 'on te rims kyis btab/ bu lon pas bzung ste 'dug go /khyod kyi phas kyang bu lon bdag yod par ma byas/ mes po dag gis kyang ma byas na/ bu lon pa dag las byung / des smras pa/ gang dag shAkya'i </font><hr>Cha163b<br><font size=+1>


bu'i dge slong la dad par byed pa de dag/ 'di ltar 'gyur te/ 'di ltar/ gang byin pa de mi len par lhag pa slong bar byed do/ /zhes zer ba'i skabs de/ dge slong rnams kyis/ bcom ldan 'das la gsol to| |de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis nye dga' la rmas pa/ nye dga'/ khyod gang byin pas mi mgu zhing lhag par slong ba bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag/ de lta bas na/ phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gi phyir khyim bdag gam khyim bdag gi chung ma nye du ma yin pas gos kyi rin so so bdag spags nas/ bdag cag gnyis kyis gos kyi rin so so ba </font><hr>Cha164a<br><font size=+1>


@#/ /'di dag gis gos 'di dang 'di lta bu so so ba dag nyos la/ dge slong ming 'di zhes bya ba 'ongs pa dang bdag cag gnyis kyis so so nas de la gos rung ba dus su bskon no| |snyam pa las/ de na gal te dge slong de la sngar ma bstabs par rnam par rtog pa 'ga' zhig byung ste/ bzang po 'dod pa'i phyir khyim bdag dang / khyim bdag gi chung ma nye du ma yin pa de dag gi gan du song nas 'di skad ces/ tshe dang ldan pa dag gi phyir gos kyi rin so so ba gang dag spags pa'i gos kyi rin so so ba de dag gis tshe dang ldan pa dag gos 'di dang 'di lta bu so so ba dag nyos la gnyi ga 'dus te bdag la gos rung ba zhig dus su legs par skon cig ces smras te gos grub na/ spang ba'i ltung byed do/ /dge slong gi phyir zhes bya ba ni/ shAkya'i bu nye dga'am/ gzhan yang de lta bu gang yin pa'o/ /khyim bdag ces bya ba ni/ skyes pa'o/ /khyim bdag gi chung ma zhes bya ba ni/ bud med do/ /nye du ma yin pas zhes bya ba ni/ phyi mo dang / mes po dang / phrugs kyi bdun pa tshun chad ni/ nye du yin la/ de phan chad ni/ nye du ma yin no/ /gos kyi rin zhes bya ba ni/ gser ram dngul lo/ /gos 'di dang 'di lta bu zhig ces bya ba ni/ bdun po bal gos dang / sha na'i gos dang / zar ma'i gos dang / du gu la'i gos dang / ras bal gyi gos dang / ko tam pa'i gos dang / nyi 'og gi gos las gang yang rung ba'o/ /nyos la zhes bya ba ni/ nyos te'o/ /dge slong ming 'di zhes bya ba 'ongs pa dang zhes bya </font><hr>Cha164b<br><font size=+1>


ba ni/ shAkya'i bu nye dga'o/ /de la gos rung ba dus su bskon no/ /snyam pa las zhes bya ba ni/ longs spyad par bzed pa'o/ /de na gal te dge slong de la sngar ma bstabs par zhes bya ba ni/ sngar mgron du ma bos gyur ro/ /rnam par rtog pa 'ga' zhig byung ste zhes bya ba ni/ bsnyen bkur byed pa zhig byung ste'o/ /bzang po 'dod pa'i phyir zhes bya ba ni/ rab dang mchog gi phyir ro/ /khyim bdag dang khyim bdag gi chung ma nye du ma yin pa de dag gi gan du song nas zhes bya ba ni/ drung du song nas so/ /gnyi ga 'dus te zhes bya ba ni/ gnyi ga tshogs te'o/ /gos grub na zhes bya ba ni/ gos thob na'o/ /spang ba'i ltung byed do/ /zhes bya ba ni| dngos po de spangs nas ltung byed kyi ltung ba bshags par bya ba ste/ des na spang ba'i ltung byed do/ /zhes gsungs so/ /de la ltung bar ji ltar 'gyur zhe na/ rin thang dang / kha dog dang / khru tshad las te/ ji ltar rin thang las she na/ dge slong gis kaR+sha pa Na lnga ri ba'i gos thob pa na/ de de las lhag pa slong na/ lhag pa slong ba de la nyes byas su 'gyur la/ thob pa na/ spang ba'i ltung byed du 'gyur ro/ /snga ma la ni| ltung ba med do/ /kaR+sha pa Na lnga ri ba ji lta ba de bzhin du/ kaR+sha pa Na bcu ri ba dang / kaR+sha pa Na nyi shu ri ba dang / kaR+sha pa Na lnga bcu ri ba'i bar gyi gos thob pa na/ de de las lhag pa slong na/ lhag pa slong ba de la nyes byas su 'gyur la/ thob na/ spang ba'i ltung byed du 'gyur ro/ /snga ma la ni/ ltung ba med do/ /de de ltar rin thang las so/ /ji ltar kha dog las she na/ dge slong gis sngon po thob pa na/ de de las lhag </font><hr>Cha165a<br><font size=+1>


@#/ /pa slong na/ lhag pa slong ba de la nyes byas su 'gyur la/ thob na/ spang ba'i ltung byed du 'gyur ro/ /snga ma la ni/ ltung ba med do/ /sngon po la ji lta ba de bzhin du ser po dang / dmar po dang / stug po dang / srab mo thob pa na/ de las lhag pa slong na/ lhag pa slong ba de la nyes byas su 'gyur la/ thob na/ spang ba'i ltung byed du 'gyur ro/ /snga ma la ni/ ltung ba med do/ /de ltar kha dog las so/ /ji ltar khru tshud las she na/ dge slong gis gos khru lnga pa thob pa na/ de de las lhag pa slong na/ lhag pa slong ba de la nyes byas su 'gyur la/ thob na/ spang ba'i ltung byed du 'gyur ro/ /snga ma la ni/ ltung ba med do/ /khru lnga pa ji lta ba de bzhin du khru bcu pa dang / khru nyi shu pa dang / khru lnga bcu pa'i bar gyi gos thob na/ de de las lhag pa slong na/ de lhag pa slong ba de la nyes byas su 'gyur la/ thob na/ spang ba'i ltung byed du 'gyur ro/ /de ltar khru tshad las so/ /dge slong gis gos dag spang bar gyur na/ de ma spangs shing bral bar ma byas la/ ltung ba ma bshags par gzhan zhig rnyed na/ de yang snga ma'i rgyud kyis spang bar 'gyur ro/ /dge slong gi gos spang bar gyur na/ de spangs shing bral bar ma byas la/ ltung ba ma bshags par gzhan zhig rnyed na/ de yang snga ma'i rgyud kyis spang bar 'gyur ro/ /dge slong gi gos spang bar gyur na/ de spangs shing bral bar byas la/ ltung ba ma bshags par gzhan zhig rnyed na/ de yang snga ma'i </font><hr>Cha165b<br><font size=+1>


rgyud kyis spang bar 'gyur ro/ /dge slong gi gos spang bar gyur na/ de spangs shing bral bar byas la ltung ba bshags nas gzhan zhig rnyed na/ de la ltung ba med do/ /de bzhin du dge slong gi gos spang bar gyur na/ ji srid du dngos po de ma bshags shing so sor ma bshags par lhung bzed dam/ chos gos sam/ dra ba'am/ phor bu'am/ ska rags sam/ dge slong gi 'tsho ba'i yo byad gang yang rung ba nye bar 'jog na/ de yang snga ma'i rgyud kyis spang bar 'gyur ro/ /kha tshar slong ba na/ lhan pa thob pa dang / lhan pa slong ba na/ ras yug phran nam/ ras yug chen thob pa la ltung ba med do// las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /so so nas spangs pa las lhag pa slong ba'i spang ba ste/ dgu pa rdzogs so// // 'dul ba rnam par 'byed pa/ bam po so gcig pa/ sangs rgyas bcom ldan 'das rgyal po'i khab na/ 'od ma'i tshal ka land ka'i gnas na bzhugs so/ /nye dga' la blo skyes pa/ 'di thams cad khyim bdag mgon med zas sbyin gyis bslab pa'i gzhi dag gis bsdams par byas pas/ phyin cad ras yug phran sgre bo yang su las kyang bslang bar mi nus kyi/ 'di ltar/ bdag dang lhan cig yi ge'i grwa na yig 'bru'i yi ge dag slob slob pa bram ze dbyar tshul yod kyi/ de'i gan du song ste bltas na/ de las cung zad 'thob kyang srid do/ /snyam nas/ de de'i khyim du song ba dang / sgo bas/ 'phags </font><hr>Cha166a<br><font size=+1>


@#/ /pa| ma 'jug cig ces bkag go /nye dgas smras pa/ bzhin bzang / bcom ldan 'das kyis bdag cag gi spyod yul ma yin pa ni/ rnam pa lnga gsungs te/ rol mo mkhan gyi khyim dang / 'jud mthun ma'i khyim dang / chang ma'i khyim dang / rgyal po'i pho brang dang / gdol ba'i khyim yin na/ ci 'di rol mo mkhan gyi khyim mam/ 'jud mthun ma'i khyim mam/ chang ma'i khyim mam/ rgyal po'i pho brang ngam/ gdol pa'i gnas yin nam/ 'phags pa/ khyod spyo ba mang du mdzad de/ 'di ni/ rol mo mkhan gyi khyim yang ma lags/ 'jud mthun ma'i khyim yang ma lags/ chang ma'i khyim yang ma lags/ rgyal po'i pho brang yang ma lags/ gdol ba'i gnas kyang ma lags te/ 'di ltar/ 'di ni/ bram ze dbyar tshul gyi sdum pa lags so/ /kwa'i nang rje| song la bram ze dbyar tshul la nye dga' shes ldan lta bar 'dod cing sgo na sdod do/ /zhes gyis shig /sgo bas smras pa/ khyod rgyal po gzugs can snying po'i snying tshoms mchis pa lags snyam mam/ bkren pa/ gal te sbron na sbron cig /mi sbron na/ khyod la mtshams chen po gcad pa sbyin par bya'o/ /sgo bas bsam pa/ 'di ni/ 'di ltar 'jigs pa med pa dang / bag tsha ba med par tshig gtong ba las na/ ma sbran na gnod pa byed kyi/ song la sbran no/ /snyam nas de der song ste smras pa/ jo bo/ btsun pa nye dga' jo bo lta bar 'tshal zhing chab sgo na sdod do/ / </font><hr>Cha166b<br><font size=+1>


dbyar tshul gyis smras pa/ btsun pa nye dga' la su 'gog /btsun pa nye dga' 'jug tu chug cig /nye dga' zhugs pa dang / dbyar tshul gyis smras pa/ btsun pa nye dga' byon pa legs so/ /btsun pa nye dga' gdan bshams pa nyid la bzhugs shig /nye dga' de'i mdun du 'dug ste/ des sgra mthon po dang / sgra yid du 'ong ba dang / sgra zab mos sbyin pa'i bsngags pa brjod par brtsams so/ / gang gi tshe nye dga' yid dga' zhing yid dga' nas sbyin pa'i bsngags pa rjod par byed pa de'i tshe na bram ze dang khyim bdag dad pa can dag 'di snyam du/ kye ma rang gi sha dag kyang bcad cing bcad cing sbyin par bya'o/ /snyam du sems pas bram ze dbyar tshul gyis smras pa/ btsun pa nye dga' dbyar gnas pa la kaR+sha pa Na drug cu 'bul lo/ /a rog kya/ sbyin pa 'dis khyod sems kyi rgyan dang / sems kyi yo byad dang / rnal 'byor gyi tshogs dang / don gyi mchog thob pa dang / lha dang mi rnams kyi longs spyod kyang thob par gyur cig ces smras te song ngo / /mnyan yod nas dge slong gnyis shig bcom ldan 'das kyi zhabs la phyag 'tshal du rgyal po'i khab tu 'ongs so/ /bcom ldan 'das kyis kyang tshe dang ldan pa kun dga' bo la bka' stsal pa/ kun dga' bo/ khyod song la dge slong rnams la/ de bzhin gshegs pa ko sa la dag tu ljongs rgyur gshegs kyi/ khyed cag las gang / de bzhin gshegs pa dang thabs cig ko sa la dag tu ljongs rgyur 'gro bar spro ba des/ chos gos kyi las gyis </font><hr>Cha167a<br><font size=+1>


@#/ /shig ces sgos shig /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas dge slong rnams la tshe dang ldan pa dag / bcom ldan 'das ko sa la dag tu ljongs rgyur gshegs kyi/ khyed cag las gang de bzhin gshegs pa dang thabs cig ko sa la dag tu ljongs rgyur 'gro bar spro ba des/ chos gos kyi las gyis shig /dge slong rnams kyis/ tshe dang ldan pa kun dga' bo la bka' bzhin 'tshal zhes tshe dang ldan pa kun dga' bo las mnyan to/ /mnyan yod nas 'ongs pa'i dge slong de gnyis kyis de thos nas bdag cag kyang mnyan yod du 'gro dgos so/ /snyam nas mi dga' bar gyur to/ /nye dgas thos nas nyam nga bar gyur to/ bdag la brgya la brgya lam na rnyed pa byung ba de'i bar chad byung ngo / /snyam nas/ de bram ze dbyar tshul gyi gan du song ste sgra dma' ba dang / yid du mi 'ong ba dang / sgra zhum pas sbyin pa'i bsngags pa brjod par brtsams pa dang / dbyar tshul gyis smras pa/ btsun pa nye dga'/ khyod sngon sgra mthon po dang / sgra yid du 'ong ba dang / sgra zab mo sbyin pa'i bsngags pa brjod par mdzad na/ khyod da ltar sgra dma' ba dang / sgra yid du mi 'ong ba dang / sgra mi zab pas sbyin pa'i bsngags pa rjod par mdzad pa 'di la rgyu ci mchis/ chung bo grogs/ bdag cag brgya la brgya lam na phrad pa 'byung na/ de yang yun mi ring ba kho </font><hr>Cha167b<br><font size=+1>


nar 'bral bar 'gyur ba'i phyir ro/ /ma ga d+ha pa zur gyis go /ko sa lab brjod na shes/ /ban tsa la pa yig phyed kyis/ /nub mi ma smras mi shes so/ /zhes bya ba yin pas dbyar tshul gyis bsam pa/ 'di ni/ shAkya'i rigs rgya chen po de snyed spangs te rab tu byung ba yin pas/ 'di bdag dang 'bral ba la mya ngan mi byed kyi/ kaR+sha pa Na drug cu 'chor ba'i mya ngan byed do/ /snyam nas smras pa/ btsun pa nye dga' gang dang gang du gnas par bdag gis kaR+sha pa Na drug cu bskur bar bgyi'o/ /a rog kya/ de lta na phan phun med pa dang / kun nas nyon mongs pa med pa'i sbyin pa dag sbyin zhing bsod nams dag byed pa yin no/ /zhes smras nas stan las langs te song ngo / /de nas bcom ldan 'das dul ba 'khor dul ba dang ldan pa/ zhi ba 'khor zhi ba dang ldan pa/ grol ba 'khor grol ba dang ldan pa/ dbugs phyin pa 'khor dbugs phyin pa dang ldan pa/ thul ba 'khor thul ba dang ldan pa/ dgra bcom pa 'khor dgra bcom pa dang ldan pa/ 'dod chags dang bral ba 'khor 'dod chags dang bral ba dang ldan pa/ mdzes pa 'khor mdzes pa dang ldan pa/ khyu mchog ltar ba lang gi tshogs kyis yongs su bskor ba/ glang po che ltar glang po che'i phru gu'i tshogs kyis yongs su bskor ba/ seng ge ltar mche ba can gyi tshogs kyis yongs su bskor ba/ ngang pa'i rgyal po ltar ngang pa'i tshogs kyis yongs su bskor ba/ nam mkha' lding ltar bya'i tshogs kyis yongs su bskor ba/ bram ze ltar </font><hr>Cha168a<br><font size=+1>


@#/ /slob ma'i tshogs kyis yongs su bskor ba/ sman pa mkhas pa ltar nad pa'i tshogs kyis yongs su bskor ba/ dpa' bo ltar ru ba'i tshogs kyis yongs su bskor ba| sa mkhan ltar lam du zhugs pa'i tshogs kyis yongs su bskor ba/ ded dpon ltar tshong pa'i tshogs kyis yongs su bskor ba/ tshong dpon ltar 'khor gyi tshogs kyis yongs su bskor ba/ mkhar gyi rgyal po ltar blon po'i tshogs kyis yongs su bskor ba/ 'khor los bsgyur ba ltar bu stong gi tshogs kyis yongs su bskor ba/ zla ba ltar rgyu skar gyi tshogs kyis yongs su bskor ba/ nyi ma ltar 'od zer stong gi tshogs kyis yongs su bskor ba/ yul 'khor srung ltar dri za'i sogs kyis yongs su bskor ba/ 'phags skyes po ltar grul bum gyi tshogs kyis yongs su bskor ba/ mig mi bzang ltar klu'i tshogs kyis yongs su bskor ba/ gnod sbyin ltar gnod sbyin gyi tshogs kyis yongs su bskor ba/ thags bzang ris ltar lha ma yin gyi tshogs kyis yongs su bskor ba| brgya byin ltar sum cu rtsa gsum pa'i tshogs kyis yongs su bskor ba/ tshangs pa ltar tshangs ris kyi tshogs kyis yongs su bskor ba/ dbang po rnams ni/ shin tu dul ba/ spyod lam dang / spyod pa ma 'khrugs pa/ chu gter ltar ting nge ba/ sprin ltar chu dang bcas pa/ glang po che'i rgyal po ltar dregs pa dang bral ba/ skyes bu chen po'i mtshan sum cu rtsa gnyis kyis legs par </font><hr>Cha168b<br><font size=+1>


brgyan pa/ dpe byad bzang po brgyad cus sku rnam par mdzes pa/ 'od 'dom gang gis gzugs can brgyan pa/ nyi ma stong bas lhag pa'i 'od dang ldan pa/ rin po che'i ri bo 'gro ba ltar kun tu bzang ba| stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / thugs rje chen po dang ldan pa/ 'jig rten la phan par zhugs pa/ srung ba gcig pu pa/ nyag gcig dpa' ba/ gnyis pa med pa/ gnyis su mi gsung ba/ zhi gnas dang lhag mthong gis bzhugs pa/ rigs pa gsum gsal bar mdzad pa/ bslab pa gsum la legs par bslab pa| dul ba'i gnas gsum gyi gzhi la mkhas pa/ chu bo bzhi las brgal ba/ rdzu 'phrul gyi rkang pa bzhis spyod pa'i gzhi la legs par gnas pa/ bsdu ba'i dngos po bzhi la yun ring po nas yongs su sbyangs par mdzad pa/ mi 'jigs pa bzhis bsnyengs pa mi mnga' ba/ yan lag lnga spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas pa drug gis gnas pa/ byang chub kyi yan lag bdun gyi me tog gis phyug pa/ lam gyi yan lag brgyad ston pa/ mthar gyis snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur snyan pas yang dag par rgyas pa brgya phrag bcur dbang bsgyur ba las khyad par 'phags pa/ kun shes ko'u di n+ya dang / rlangs pa </font><hr>Cha169a<br><font size=+1>


@#/ /dang / ming chen dang / ma 'gag pa dang / shA ri'i bu dang / mo'u dgal gyi bu dang / 'od srung dang / kun dga' bo dang / nam gru la sogs pa nyan thos chen po dag dang / gzhan yang dge slong gi dge 'dun mang pos yongs su bskor cing mdun du bdar nas ko sa la dag tu ljongs rgyur gshegs te mnyan yod du byon nas/ mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod pa'i tshong pa dag zong thogs te rgyal po'i khab tu dong ba dag gal te don mthun mang na/ de la rgyal po'am bram ze dbyar tshul sho gam gcod par byed pas/ bram ze dbyar tshul gyis sho gam pa dag la smras pa/ gang gi tshe mnyan yod pa'i tshong pa dag mnyan yod du phyir 'gro ba de'i tshe na kho bo la sbron cig /sho gam pa dag gis tshong pa dag la bsgo nas/ de dag gis zong bsgyur te rin blangs nas bram ze dbyar tshul gyi gan du dong ste/ bdag cag mnyan yod du mchi na/ bgyi ba ci mchis zhes smras pa dang / bram ze dbyar tshul gyis tshong pa gcig la kaR+sha pa Na drug cu gtad de/ khyod kyis 'di btsun pa nye dga'i gan du khyer la phul cig ces bsgo'o/ /tshong pa des bsam pa/ gang bram ze dbyar tshul gyis dad par bya ba'i dge slong de'i ni/ gdon mi za bar grags pa yin pas bdag gis kyang de la dga' ba cung zad bya'i/ gos dag bskon no/ /snyam nas/ de 'od ma'i tshal du song ste/ dge slong </font><hr>Cha169b<br><font size=+1>


gi gan du phyin nas dris pa/ 'phags pa/ dge slong gi tshul dang mthun pa'i gos dag ji lta bu lags/ bzhin bzang / ci/ dge 'dun la ras yug chen gyi sbyin pa byed dam/ 'phags pa/ dge 'dun la ras yug chen gyi sbyin pa mi bgyid de/ 'di ltar/ bram ze dbyar tshul gyis btsun pa nye dga' la kaR+sha pa Na drug cu bskur pa dag de'i gos dag tu bsgyur te mchi'o/ /dge slong des smras pa/ bzhin bzang / gos dag kyang len cing khyod kaR+sha pa Na drug cu yang 'bul du 'jug pa gang yin pa de lta bu'i gnas yod par 'gyur ro/ /tshong pa des bsam pa/ 'di ni/ gor ma chag par de dang 'khon yod pa yin no/ /snyam nas dge slong gzhan zhig gi gan du song ste dris pa/ 'phags pa/ dge slong gi tshul dang mthun pa'i gos dag ji lta bu lags/ bzhin bzang / ci/ dge 'dun la ras yug chen gyi sbyin pa byed dam/ 'phags pa/ dge 'dun la ras yug chen gyi sbyin pa mi bgyid de/ 'di ltar/ bram ze dbyar tshul gyis btsun pa nye dga' la kaR+sha pa Na drug cu bskur ba dag de'i gos dag tu bsgyur te mchi'o/ /dge slong des smras pa/ gal te rgyas ma btab par khyer na/ khyod kyi khe spogs 'bul du 'jug pa gang yin pa de lta bu'i gnas yod par 'gyur ro/ /tshong pa des bsam pa/ 'di dang de gnyis mthun no/ /snyam nas de bram ze dbyar tshul gyi gan du song ste smras pa/ dbyar tshul/ kaR+sha pa Na 'di dag rgyas thob cig /bzhin bzang / yid ches kyi/ khyod nyid khyer cig /dbyar tshul </font><hr>Cha170a<br><font size=+1>


@#/ /bdag la thugs ches mod kyi/ 'on kyang bdag gis legs par bgyi ba bgyi'o/ /dbyar tshul gyis rgyas btab nas des de dag khyer te mnyan yod du song nas de rgyal byed kyi tshal du song ste dge slong rnams la dris pa/ 'phags pa dag /'phags pa nye dga'i gtsug lag khang gang lags/ de dag gis de'i gtsug lag khang 'di yin no/ /zhes bstan nas/ de der song ba dang nye dga' mi snang nas des dge slong zhig la dris pa/ 'phags pa/ btsun pa nye dga' gar bzhud/ des smras pa/ nyin mo spyod pa'i phyir ro/ /tshong pa des smras pa| bram ze dbyar tshul gyis de la kaR+sha pa Na drug cu bskur ba 'di dag zhog la/ de mchis na stsol cig /bzhin bzang / khyod kyis sgron ma rab tu 'bar ba mgo bos 'dzin pa 'ga' mthong ngam/ des bsam pa/ 'di ni/ gdon mi za bar de dang 'khon yod pa yin no/ /snyam nas de dge slong gzhan zhig gi gan du song ste smras pa/ 'phags pa/ bram ze dbyar tshul gyis btsun pa nye dga' la kaR+sha pa Na drug cu bskur ba 'di dag zhog la/ de mchis na stsol cig /bzhin bzang / gal te khyod kyis rgyas ma btab par 'ongs na/ khyod yul gyi khe spogs 'jal du 'jug pa gang yin pa de lta bu'i gnas yod par 'gyur ro/ /des bsam pa/ 'di dang de gnyis mthun gyi/ khyim du song la de nyid du de 'ongs pa la bde bar tshig gi lan gdab bo/ /snyam nas smras pa/ </font><hr>Cha170b<br><font size=+1>


'phags pa/ btsun pa nye dga' la khyim bdag gi mchid nas 'di skad ces/ bdag gi sdum pa ni/ phyogs ga ge mo zhig na mchis kyi/ gal te kaR+sha pa Na bzhed na/ gshegs su gsol zhes gsungs shig ces smras te song ngo / /nye dga' yang gtsug lag khang du 'ongs nas dge slong rnams kyis smras pa/ btsun pa nye dga'/ bcom ldan 'das kyis tshul khrims dang ldan pa'i sems smon pa 'grub ste/ de yang tshul khrims rnam par dag pa'i phyir ro/ /zhes bya ba de/ legs par gsungs pa yin te/ khyod deng kho na nyin mo spyod yul du song bas deng nyid du kaR+sha pa Na drug cu grub bo| |gang gis bcom ldan 'das kyi 'khor stong nyis brgya lnga bcu re re la kaR+sha pa Na drug cu drug cu sbyin pa'i sbyin bdag de lta bu de gang yin/ btsun pa nye dga'/ dge 'dun thams cad la ma yin gyi/ khyod cig pu la'o/ /gang gis nye dga' la kaR+sha pa Na drug cu sbyin pa'i sbyin bdag de lta bu de gang yin/ bram ze dbyar tshul gyis bskur ro/ /de ni/ phyi rol gyi rnyed pa kho na yin na/ rgya ma byid dam/ ma zhu'am/ sgyu ma zhugs sam/ sus brtags/ ma brtags pa kho nar blangs sam/ sus blangs/ kho bo ni/ dgra bo sha stag gi nang na 'dug go/ de la dge slong gzhan des smras pa/ btsun pa nye dga'/ yi chad du ci yod/ khyim bdag de na re/ bdag gi sdum pa ni/ phyogs ga ge mo zhig na mchis kyi/ gal te kaR+sha pa Na bzhed na/ gshegs su gsol zhes zer ro/ /nye dgas snam </font><hr>Cha171a<br><font size=+1>


@#/ /sbyar blangs te gom pa bskyod de song ba dang / khyim bdag des de thag ring po kho na nas 'ongs pa mthong nas des bsam pa/ dge sbyong hral po gom pa 'di lta bus 'ong ba 'di ni/ btsun pa nye dga' yin gor ma chag snyam nas/ des thag ring po kho na nas de la smras pa/ khyod btsun pa nye dga' ma lags sam/ kho bo yin no/ /bram ze dbyar tshul gyis khyod la kaR+sha pa Na drug cu bskur bar 'di lags kyi/ bzhes shig/ a rog kya/ sbyin pa 'dis ni/ khyod sems kyi rgyan dang / sems kyi yo byad dang / rnal 'byor gyi tshogs dang / don gyi mchog thob pa dang / lha dang mi rnams kyi longs spyod kyang thob par gyur cig/ 'phags pa ci'i slad du bdag gi ming gis yon bshad pa mdzad/ bram ze dbyar tshul gyi ming gis yon bshad pa mdzod cig/ bkren pa/ 'di la dogs pa ci yod/ 'di ltar/ khyod kyis kyang mang du byas te/ khyod kyis khyer te 'ongs pa'i phyir ro/ /gang gis 'di khyer te srang du 'gro ba'i khye'u zhig re zhig rnyos shog/ 'phags pa/ bdag la khye'u ma mchis so/ /bkren pa/ rgyal po'i khab nas thag ring po 'di srid du khyer te 'ongs na/ srang du skyel mi nus sam/ des khye'u la smras pa/ kaR+sha pa Na khyer te 'phags pa'i phyi bzhin song la phyi rol du ma 'byung zhig/ 'dis khyod la bca' ba'i rin sbyin du ma gzhug cig/ khye'u des kaR+sha pa Na de khyer te de'i phyi bzhin srang du song nas tshong rdal dang por phyin pa dang </font><hr>Cha171b<br><font size=+1>


des smras pa/ 'phags pa kaR+sha pa Na 'di dag 'dir 'jog tu stsol cig/ nye dgas/ khye'u khyod shin tu legs par bslab bo/ /zhes des spos tshong gi khye'u zhig la smras pa/ bzhin bzang / kaR+sha pa Na 'di dag re zhig zhog cig/ 'phags pa/ bdag ni/ bla ma la rag las pa lags so/ /khyod nam yang rang la rag las par ma gyur cig/ de spos tshong gi khye'u gzhan zhig gi gan du song ste smras/ pa| bzhin bzang kaR+sha pa Na 'di dag re zhig zhog cig/ 'phags pa/ bdag gi bla ma slad rol du mchis so/ /nam yang 'jug par ma gyur cig/ de spos tshong gi khye'u dad pa gsar dang ldan pa zhig yod pa de'i gan du song ste smras pa/ bzhin bzang / kaR+sha pa Na 'di dag re zhig zhog cig/ 'phags pa/ bdag bla ma la rag las pa lags so/ /kho bos khyod ko dad pa dang ldan par shes kyi/ kho bos khyod ji ltar rtug pa la dad par ni/ mi shes so/ /gal te khyod kyis dad pa ma thob tu zin na/ khyod kyis shing tshal blangs te dge slong skrod par yang 'gyur ro/ /de skyengs nas smras pa/ 'phags pa| gzhag tu gsol/ nye dgas kaR+sha pa Na de dag der bzhag ste/ khyim bdag gi khye'u de phyir btang ste song ngo / /tshong pa'i tshogs kyis kyang bdag cag las/ gang nyi ma shar nas 'ong ba de/ bdag cag gis kaR+sha pa Na drug cu 'jal du gzhug ces khrims su bya ba bcas nas spos tshong gi khye'u de la smras pa/ bu/ ci nas kyang bdag nyid kaR+sha pa Na drug cu 'jal du mi 'jug pa de ltar gyis </font><hr>Cha172a<br><font size=+1>


@#/ /shig| /nye dga' mtshan mo 'gyod pa skyes te spos tshong gi khye'u de dad pa gsar dang ldan pa yin pas kaR+sha pa Na de dag bsnyon par 'gyur ba'i gnas gang yin pa de lta bu yod par 'gyur ro/ /snyam nas de nang par sngar langs te khye'u zhig khrid nas de'i tshong rdal du song ba dang / spos tshong gi khye'u de tshong rdal 'byed cing 'dug pa des mthong nas smras pa/ bzhin bzang| kaR+sha pa Na de dag byin cig/ 'phags pa/ tshong pa'i tshogs kyis bdag cag las/ gang gdugs shar nas mchi ba de/ kaR+sha pa Na drug cu 'jal du stsal ba'i khrims su bgyi ba bcas pas/ bdag cag tshong pa'i tshogs kyi nang du mchis te slar mchis kyi bar du yud tsam zhig gzhes su gsol/ bkren pa/ su zhig khyod kyi lto gol ba yin snyam su zhig sgyid pa gnyis skrangs skrangs su sdod par 'gyur/ gal te ma byin par 'gro na/ ko sa lar byung ba'i rgyal po gsal rgyal gyis kaR+sha pa Na drug cu 'jal du gzhug pa'i gyod la bskrin par bya'o/ /spos tshong gi khye'u de khros nas kaR+sha pa Na'i thum po de 'phangs pa dang de'i rgya gogs so/ /nye dgas smras pa/ rgya ma byid dam/ ma zhu'am/ sgyu ma zhugs sam/ blta'o/ /ci/ kho bo la khyod kyis brtags te gtad dam| gal te khyod kyis brtags te ma blangs na/ ci'i phyir rgya gcog par byed/ nye dgas spos tshong gi khye'u de de srid du bskor gyi bar du tshong pa'i tshogs kyis de'i khyim nas kaR+sha pa Na drug </font><hr>Cha172b<br><font size=+1>


cu'i gta' bcad nas/ de la mas smras pa/ bu/ khyod kyis las ci byas na/ des khyod kyis bdag nyid kaR+sha pa Na drug cu'i gyod la bskrin par gyur/ khye'us smras pa/ gang dag shA'i sras kyi dge sbyong rnams la mngon par dad par byed pa de dag 'di ltar 'gyur te/ dad pa'i myu gu skyes ma thag pa nyid nyams par byas so/ /zhes zer ba'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin no/ /sangs rgyas bcom ldan 'das kyis tshe dang ldan pa nye dga' la rmas pa| nye dga'/ khyod kyis mi mdzes pa de lta bu de byas pa bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag/ de lta bas na/ phan yon bcu yang dag par gzigs pas 'dul ba la nyan thos rnams kyis bslab pa'i gzhi bca' bar bya ste zhes bya ba la </font><hr>Cha173a<br><font size=+1>


@#/ /sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gi phyir rgyal po'am/ blon po chen po'am/ bram ze'am/ khyim bdag gam/ grong rdal gyi mi'am/ yul gyi mi'am/ nor can nam/ tshong dpon nam/ ded dpon gyis pho nya'i lag tu gos kyi rin dag bskur bar sgyur la| de nas pho nya de gos kyi rin de dag khyer nas de ga la ba der song ste phyin nas dge slong de la 'di skad ces/ 'phags pa mkhyen par mdzod cig/ khyod la rgyal po'am/ blon po chen po'am/ bram ze'am/ khyim bdag gam/ grong rdal gyi mi'am/ yul gyi mi'am/ nor can nam/ tshong dpon nam/ ded dpon che ge mos gos kyi rin 'di dag bskur gyi/ 'phags pas thugs brtse ba'i slad du 'di dag bzhes shig /ces zer na/ dge slong des pho nya de la 'di skad ces/ tshe dang ldan pa pho nya/ dge slong dag ni/ gos kyi rin dag len du mi gyur te/ bdag cag gos rung ba dus su rnyed na ni/ len to/ /zhes brjod par bya'o/ /gal te pho nya de/ dge slong de la 'di skad ces/ 'phags pa rnams kyi zhal ta bgyid pa/ 'phags pa rnams kyi zhal ta nyams su len pa gang lags pa 'ga' mchis sam zhes zer na/ dge slong gos 'dod pas/ pho nya/ 'di ni/ dge slong rnams kyi zhal ta byed pa ste/ 'di ni/ dge slong rnams kyi </font><hr>Cha173b<br><font size=+1>


zhal ta nyams su len pa'o/ /zhes kun dga'i ra ba'am/ dge bsnyen zhal ta byed pa bstan par bya'o/ /de nas pho nya des gos kyi rin de dag khyer nas zhal ta byed pa ga la ba der 'gro bar bya zhing / phyin nas zhal ta byed pa de la 'di skad ces/ tshe dang ldan pa zhal ta byed pa shes par gyis shig/ khyod kyis gos kyi rin 'di dag gis gos 'di dang 'di lta bu zhig nyos la/ dge slong ming 'di zhes bya ba 'ongs pa dang de la gos rang ba dus su skon cig ces brjod par bya'o/ /de nas pho nya des zhal ta byed pa de la shin tu legs par yang dag par bsgo zhing yang dag par bstan nas dge slong de ga la ba der 'gro bar bya zhing / phyin nas dge slong de la 'di skad ces/ 'phags pas/ zhal ta bgyid pa bstan pa gang lags pa de la bdag gis yang dag par bstan lags kyi/ de'i gan du bzhud cig dang / des khyod la gos rung ba dus su bskon par 'gyur ro/ /zhes brjod par bya'o/ /dge slong gos 'dod pas zhal ta byed pa'i gan du song la/ tshe dang ldan pa zhal ta byed pa/ bdag gos 'dod do/ /tshe dang ldan pa zhal ta byed pa/ bdag gos 'dod do/ /zhes lan gnyis lan gsum du bskul bar bya/ dran par bya'o/ /lan gnyis lan gsum du bskul zhing dran par byas pa na/ gal te gos de grub na/ de lta na legs/ gal te ma grub na/ lan bzhi/ lan lnga/ lan drug gi bar du phyogs su cang mi smra bar bsdad par bya'o/ /lan bzhi/ lan lnga ldan drug gi bar du phyogs </font><hr>Cha174a<br><font size=+1>


@#/ /su cang mi smra bar bsdad pa na/ gal te gos de grub na/ de lta na legs/ gal te ma grub na/ de'i 'og tu gos bsgrub pa'i phyir brtsal te gos grub pa na/ spang ba'i ltung byed do/ /gal te ma grub na/ phyogs gang nas gos kyi rin de dag 'ongs pa der bdag 'gro bar bya'o/ /yang na yid brtan pa'i pho nya las tshe dang ldan pa dag gis dge slong che ge mo'i phyir gos kyi rin gang dag bskur ba de dag ni/ dge slong de'i don ci yang ma grub kyi/ shes par gyis shig/ tshe dang ldan pa dag gis rang gi nor chud ma gzan cig/ ces spring bar bya ste| de la de ni/ cho ga yin no/ /dge slong gi phyir zhes bya ba ni/ shAkya'i bu nye dga'am/ gzhan yang de lta bu gang yin pa'i phyir ro/ /rgyal po'am zhes bya ba ni/ 'di lta ste/ bud med rgyal srid la dbang bskur bas dbang bskur bar gyur na/ de yang rgyal po rgyal rigs spyi bor dbang bskur ba yin la/ rgyal rigs dang / bram ze dang / rje rigs dang / dmangs rigs dag rgyal srid la dbang bskur bas dbang bskur bar gyur na/ de yang rgyal po rgyal rigs spyi bor dbang bskur ba yin no/ /blon po chen po'am zhes bya ba ni/ rgyal po las gzhan pa blon po dang / rtsis mkhan dang / sna chen po la gtogs pa rgyal srid byed pa gsang tshig mthun pas 'tsho ba gang dag rgyal po la brten nas 'tsho bar byed pa dag go/ bram ze'am zhes bya ba ni/ bram ze gtsang sbra can no/ / </font><hr>Cha174b<br><font size=+1>


khyim bdag gam zhes bya ba ni/ phyug pa'o/ /grong rdal gyi mi'am zhes bya ba ni/ grong khyer gyi mi'o/ /yul gyi mi'am zhes bya ba ni/ yul gyi mi'o/ /nor can nam zhes bya ba ni/ nor bye bas phyug pa'o/ / tshong dpon nam zhes bya ba ni/ cod pan bcings pa'o/ /ded dpon gyis zhes bya ba ni/ gang gis lan gnyis sam gsum don mthun bzlas par gyur pas so/ /pho nya'i lag tu zhes bya ba ni/ skyes pa dang / bud med dang / ma ning gi'o/ /gos kyi rin dag ces bya ba ni/ gser dngul dag go /zer na zhes bya ba ni/ smra na'o/ /gos rung ba zhes bya ba ni/ spyad bzod pa'o/ /dge slong gos 'dod pas zhes bya ba ni/ gal te don du gnyer na'o/ /kun dga' ra ba pa zhes bya ba ni/ rung ba byed pa'o/ /dge bsnyen zhes bya ba ni/ gsum la skyabs su song ba bslab pa'i gzhi lnga blangs pa'o| |phyogs su zhes bya ba ni/ phyogs bzhi po dag tu ste/ phyogs bzhi po dag gang zhe na/ 'bod gnas dang / khyim gnas dang / las kyi mtha' dang / las kyi gnas dag go/ 'bod gnas ni| rdza mkhan gyi gnas dang / 'breg mkhan gyi gnas so/ /khyim gnas ni/ khyim mam chu'i gnas so/ /las kyi mtha' ni/ bu ram shing gi las kyi mtha' dang / sA lu'i las kyi mtha' dang / lan tshwa'i las kyi mtha' dag go/ las kyi gnas ni/ tshong khang dang / tshong rdal lo/ /cang mi smra bar bsdad par bya'o/ /zhes bya ba ni/ bskul ba'i sgo drug po dag gis te/ bskul ba'i </font><hr>Cha175a<br><font size=+1>


@#/ /sgo drug po dag gang zhe na/ khyod 'ongs sam zhes zer ba la/ de'i phyir ro/ /zhes bya ba dang / 'ongs pa legs so/ /zhes zer ba la/ de'i phyir rol/ /zhes bya ba dang / stan 'di la 'dug cig ces zer ba la/ de'i phyir ro/ /zhes bya ba dang / rkang pa khrus shig ces zer ba la/ de'i phyir ro/ /zhes bya ba dang / bca' ba dang bza' ba dag zo zhig ces zer ba la/ de'i phyir ro/ / zhes bya ba dang / btung ba 'thung zhig ces zer ba la/ de'i phyir ro/ /zhes bya ba'o/ /bskul ba'i sgo drug po de dag ha cang myur ba dang / thogs pa med par rjod cing / de la gzhan gyi tshig gi skabs med par byed na/ bskul ba'i sgo drug po dag yongs su ma rdzogs par brjod par bya'o/ /bskul ba'i sgo drug po de dag ha cang mi myur ba dang / thogs pa dang bcas par rjod par byed cing / de la gzhan gyi tshig gi skabs yod par byed na/ bskul ba'i sgo drug po dag yongs su rdzogs par brjod par bya'o/ /de'i 'og tu zhes bya ba ni/ de'i 'og rol tu'o/ /gos grub na zhes bya ba ni/ thob na'o/ / spang ba'i ltung byed do/ /zhes bya ba ni/ dngos po de spangs nas ltung byed kyi ltung ba bshags par bya ba ste/ des na spang ba'i ltung byed do/ /zhes gsungs so/ /gal te ma grub na/ phyogs gang nas gos kyi rin de dag 'ongs pa der bdag 'gro bar bya'o/ /zhes bya ba ni/ bdag nyid 'gro bar bya'o/ /yang na yid brtan pa'i pho nya la zhes bya ba ni/ lhan cig gnas pa'am/ nye gnas las so/ </font><hr>Cha175b<br><font size=+1>


de la de ni/ cho ga yin no/ /zhes bya ba ni/ de la de ni/ rjes su mthun pa'i chos yin pa'o/ /de la ltung ba ji ltar 'gyur zhe na/ gal te zhal byed pa de/ dge slong de'i gan du 'ongs nas 'di skad ces 'phags pa gos 'di dag bzhes shig ces zer na/ dge slong des zhal ta byed pa de la 'di skad ces/ bdag gis 'di dag spangs zin gyi/ song la de nyid la byin cig ces brjod par bya'o/ /gal te zhal ta byed pa da/ dge slong de la 'di skad ces/ 'phags pa/ bdag gis de'i sems bsdu ba rjes su sgrub kyi/ bzhes shig ces zer na/ blang bar bya'o/ /dge slong gis go rim de lta bu ma byas par gang cung zad len na/ thams cad du nyes byas su 'gyur ro/ /mi ma yin pas sbyin par byed cing / mi ma yin pa'i pho nya dang / mi ma yin pas rung bar byed na/ nyes byas su 'gyur ro/ /mi ma yin pas sbyin par byed cing / mi ma yin pa'i pho nya dang mis rung bar byed na yang nyes byas su 'gyur ro/ /mi ma yin pas sbyin par byed cing / mi'i pho nya dang mi ma yin pas rung bar byed na yang nyes byas su 'gyur ro/ / mis sbyin par byed cing / mi ma yi pa'i pho nya dang mi ma yin pas rung bar byed na yang nyes byas su 'gyur ro/ /mis sbyin par byed cing / mi ma yin pa'i pho nya dang mi ma yin pas rung bar byed na yang nyes byas su 'gyur ro/ /mis sbyin par byed cing / mi ma yin pa'i pho nya dang mis rung bar byed na yang nyes byas su 'gyur ro/ /mi ma yin pas sbyin par byed cing / mi'i pho nya dang mis rung bar byed na yang </font><hr>Cha176a<br><font size=+1>


@#/ /nyes byas su 'gyur ro/ /mis sbyin par byed cing / mi'i pho nya dang mis rung bar byed na ni/ spang ba'i ltung byed du 'gyur ro/ /dge slong gi gos spang bar gyur na/ de ma spangs shing bral bar ma byas la ltung ba ma bshags par gos gzhan zhig rnyed na/ de yang snga ma'i rgyud kyis spang par 'gyur ro/ /dge slong gi gos spang bar gyur na/ de spangs shing bral bar ma byas la ltung ba ma bshags par gos gzhan zhig rnyed na/ de yang snga ma'i rgyud kyis spang bar 'gyur ro/ /dge slong gi gos spang bar gyur na/ de spangs shing bral bar byas la ltung ba ma bshags par gzhan zhig rnyed na/ de yang snga ma'i rgyud kyis spang bar 'gyur ro/ /dge slong gis gos spang bar gyur na/ de spangs shing bral bar byas la ltung ba bshags nas gos gzhan zhig rnyed na/ de la ni ltung ba med do/ /de bzhin du dge slong gis ji srid du gzhi de ma bshags shing so sor ma bshags par lhung bzed dam/ chos gos sam/ dra ba'am/ phor bu'am/ ska rags sam/ dge sbyong gi 'tsho ba'i yo byad gang yang rung ba nye bar 'jog na/ de yang spang bar 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bskur ba'i spang ba ste/ bcu pa rdzogs so// //sdom la/ srin bal 'ba' zhig cha gnyis dang / /drug dang mtho gang lam dang ni/ /'khru ba dang ni gser dngul dang / /mngon </font><hr>Cha176b<br><font size=+1>


mtshan can dang nyo tshong ngo / /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong dag srin bal gyi stan gsar pa byed pa dang byed du 'jug ste/ dge slong dag srin bal gyi stan gsar pa byed pa dang byed du 'jug pa na/ srin bal dkon zhing rin che bas bya ba mang ba dang byed pa mang bar gyur cing / lung nod pa dang / klog pa dang / kha ton dang / rnal 'byor dang / yid la bya ba dang / nang gi sems kyi zhi gnas kyang gtong bar byed/ srin bal 'dod pa dang / srin bal gyi don nyid du 'ongs pa dag/ bram ze dang / khyim bdag rnams la yang dang yang du rig par byed nas gzhan mu stegs can dag /shes ldan dag/ shAkya'i bu'i dge sbyong 'di dag ni/ srog gcod pa byed pa dag ste/ srog gcod pa las ma log/ ma spangs/ so sor ma spangs pa des na/ srin bal gyi stan gsar pa byed pa dang byed du 'jug ste/ de dag srin bal gyi stan gsar pa byed pa dang byed du 'jug pas srin bal 'byung ba'i srin bu srog chags mang po'i tshogs bsgrubs shing srog gcod par byed de/ su zhig dge sbyong mgo reg 'di dag la bsod snyoms sbyin par bya bar sems zhes smod par byed/ 'phyar ka gtong bar byed/ kha zer bar byed pa'i skabs de/ dge slong dag gis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu </font><hr>Cha177a<br><font size=+1>


@#/ /ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin no/ /sangs rgyas bcom ldan 'das kyis dge slong rnams la smras pa/ dge slong dag/ khyed srin bal gyi stan gsar pa byed pa bden nam/ btsun pa/ mad do/ /sangs rgyas bcom ldan 'das kyis 'dod pa che ba dang / chog mi shes pa dang / gso dka' ba dang / dgang dka' ba rnam par smad pa mdzad do/ /de nas bcom ldan 'das kyis 'dod pa chung ba dang / chog shes pa dang / gso sla ba dang / dgang sla ba dang / phri ba dang / yo byad bsnyungs pa dang / sbyangs pa'i yon tan dang / mdzes pa dang / drod rig pa nyid kyi bsngags pa brjod nas dge slong rnams la bka' stsal pa/ dge slong dag/ de lta bas na/ phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang srin bal gyi stan gsar pa byed na/ spang ba'i ltung byed do/ /yang dge slong gang zhes bya ba ni/ chos 'di pa'o/ /srin bal gyi stan zhes bya ba ni/ stan gnyis te/ nang tshangs can dang / rlings pa ste/ don 'dir ni/ gnyi ga yin par dgongs so/ /gsar pa zhes bya </font><hr>Cha177b<br><font size=+1>


pa ni/ gsar pa gnyis te/ gsar pas gsar pa dang / rnyed pas gsar pa ste/ don 'dir ni/ gsar pas gsar pa yin par dgongs so/ /byed na zhes bya ba ni/ bdag nyid kyis sam/ gzhan byed du 'jug na'o/ /spang ba'i ltung byed do/ /zhes bya ba ni/ dngos po de spangs nas ltung byed kyi ltung ba bshags par bya ba ste/ des na/ spang ba'i ltung byed do/ /zhes gsungs so/ /de la ltung bar ji ltar 'gyur zhe na/ chun po dang / 'da' ba dang / phung po las te/ dge slong gis srin bal dag gi chun po 'byed par byed/ 'jig par byed/ rmel bar byed cing / ji srid du stan mi byed pa de srid du nyes byas su 'gyur la/ stan byas zin na/ spang ba'i ltung byed du 'gyur ro/ /dge slong gis srin bal dag gis 'da' ba 'byed par byed/ 'jig par byed/ rmel bar byed cing / ji srid du stan mi byed pa de srid du nyes byas su 'gyur la/ stan byas zin na/ spang ba'i ltung byed du 'gyur ro/ /dge slong gis srin bal dag gi phung po 'byed par byed/ 'jig par byed/ rmel bar byed cing ji srid du stan mi byed pa de srid du nyes byas su 'gyur la/ stan byas zin na/ spang ba'i ltung byed du 'gyur ro/ /dge slong gis srin bal dag gi chun po dang 'da' ba dang / chun po dang phung po dang / 'da' ba dang chun po dang / 'da' ba dang phung po dang / phung po dang chun po dang / phung po dang 'da' ba dang / chun po dang 'da' ba dang / phung po 'byed par byed/ 'jig par byed/ rmel bar byed cing / ji srid du </font><hr>Cha178a<br><font size=+1>


@#/ /stan mi byed pa de srid du nyes byas su 'gyur la/ stan byas zin na/ spang ba'i ltung byed du 'gyur ro/ /byas zin pa rnyed pa dang / byas zin pa la yongs su longs spyod pa dang / rnying pa mngon par 'du byed pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /srin bal gyi spang ba ste| bcu gcig pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong dag lug bal na ga po 'ba' zhig gi stan gsar pa byed pa dang byed du 'jug ste/ dge slong dag lug bal nag po 'ba' zhig gi stan gsar pa byed pa dang byed du 'jug pa na| lug bal nag po 'ba' zhig dkon zhing rin che bas bya ba mang ba dang byed pa mang bar gyur cing / lung nod pa dang / klog pa dang / kha ton dang / rnal 'byor dang / yid la bya ba dang / nang gi sems kyi zhi gnas kyang gtong bar byed/ lug bal nag po 'ba' zhig 'dod pa dang / lug bal nag po 'ba' zhig gi don nyid du 'ongs pa dag bram ze dang khyim bdag rnams la yang dang yang du rig par byed nas dge slong don nyung ngu dag/ ci'i phyir dge slong dag lug gi bal nag po 'ba' zhig gi stan gsar pa byed pa dang byed du 'jug ste/ dge slong dag </font><hr>Cha178b<br><font size=+1>


lug bal nag po 'ba' zhig gi stan gsar pa byed pa dang byed du 'jug pa na lug bal nag bo 'ba' zhig dkon zhing rin che bas bya ba mang ba dang byed pa mang bar gyur cing / lung nod pa dang / klog pa dang / kha ton dang / rnal 'byor dang / yid la bya ba dang / nang gi sems kyi zhi gnas kyang gtong bar byed/ lug bal nag po 'ba' zhig 'dod pa dang / lug bal nag po 'ba' zhig gi don du 'ongs pa dag bram ze dang khyim bdag rnams la yang dang yang du rig par byed ces smod par byed/ 'phyar ka gtong bar byed/ kha zer bar byed pa'i skabs de/ dge slong dag gis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no| |sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin no/ /sangs rgyas bcom ldan 'das kyis dge slong rnams la rmas pa| dge slong dag/ khyed lug bal nag po 'ba' zhig gi stan gsar pa byed pa bden nam/ btsun pa mad do/ /sangs rgyas bcom ldan 'das kyis 'dod pa che ba dang / chog mi shes pa dang / gso dka' ba dang / dgang dka' ba rnam par smad par mdzad do/ /de nas bcom ldan 'das kyis 'dod pa chung ba dang / chog shes pa dang / gso sla ba dang / dgang sla ba dang / phri ba dang / yo </font><hr>Cha179a<br><font size=+1>


@#/ /byad bsnyungs pa dang / sbyangs pa'i yon tan dang / mdzes pa dang / drod rig pa nyid kyi bsngags pa brjod nas dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang lug bal nag po 'ba' zhig gi stan gsar pa byed na/ spang ba'i ltung byed do/ /yang dge slong gang zhes bya ba ni/ chos 'di pa'o/ /lug bal zhes bya ba ni/ lug gi bal lo/ /nag po 'ba' zhig gi zhes bya ba ni/ nag po bzhi ste/ rang bzhin gyis nag pa dang / sngo bas nag pa dang / 'dam kha dang / kham pa'o/ /stan zhes bya ba ni/ stan gnyis te/ nang tshangs can dang / rlings pa ste/ don 'dir ni/ rlings pa yin par dgongs so/ gsar pa zhes bya ba ni/ gsar pa gnyis te| gsar pas gsar pa dang / rnyed pas gsar pa ste/ don 'dir ni/ gsar pas gsar pa yin par dgongs so/ /byed na zhes bya ba ni/ bdag nyid kyis sam/ gzhan byed du 'jug na'o/ spang ba'i ltung byed do/ /zhes bya ba ni/ dngos po de spangs nas ltung byed kyi ltung ba bshags par bya ba ste/ des na spang ba'i ltung byed do/ /zhes gsungs so/ /de la ltung bar ji ltar 'gyur zhe </font><hr>Cha179b<br><font size=+1>


na| chun po dang / 'da' ba dang / phung po las te/ dge slong gis lug bal nag po 'ba' zhig dag gi chun po 'byed par byed/ 'jig par byed/ rmel bar byed cing / ji srid du stan mi byed pa de srid du nyes byas su 'gyur la/ stan byas zin na/ spang ba'i ltung byed du 'gyur ro/ /dge slong gis lug bal nag po 'ba' zhig dag gi 'da' ba 'byed par byed/ 'jig par byed/ rmel bar byed cing / ji srid du stan mi byed pa de srid du nyes byas su 'gyur la/ stan byas zin na/ spang ba'i ltung byed du 'gyur ro/ /dge slong gis lug bal nag po 'ba' zhig gi phung po 'byed par byed/ 'jig par byed| rmel bar byed cing / ji srid du stan mi byed pa de srid du nyes byas su 'gyur la/ stan byas zin na/ spang ba'i ltung byed du 'gyur ro/ /dge slong gis lug bal nag po 'ba' zhig gi chun po dang 'da' ba dang / chun po dang phung po dang / 'da' ba dang chun po dang / 'da' ba dang phung po dang / phung po dang chun po dang / phung po dang 'da' ba dang / chun po dang 'da' ba dang phung po 'byed par byed| 'jig par byed/ rmel bar byed cing / ji srid du stan mi byed pa de srid du nyes byas su 'gyur la/ stan byas zin na/ spang ba'i ltung byed du 'gyur ro/ /byas zin pa rnyed pa dang / byas zin pa la yongs su longs spyod pa dang / rnying pa mngon par 'du byed pa la ltung ba mad do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med/ </font><hr>Cha180a<br><font size=+1>


@#/ /do| |bal nag po 'ba' zhig gi spang ba ste/ bcu gnyis pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas byin gyi kun dga' ra ba na bzhugs so/ /bcom ldan 'das kyis dge slong gis lug gi bal nag po 'ba' zhig gi stan gsar pa mi bya'o/ /zhes gsungs pas/ de dag bal dkar po dang / mkho ba bal cung zhig bcu gnas lug gi bal nag po 'ba' zhig gi stan gsar pa byed pa dang byed du 'jug ste/ des kyang de dag bya ba mang ba dang / byed pa mang bar gyur cing / lung nod pa dang / klog pa dang / kha ton dang / rnal 'byor dang / yid la bya ba dang / nang sems kyi zhi gnas kyang gtong bar byed de/ 'dod pa dang / de'i don nyid du 'ongs pa dag bram ze dang khyim bdag rnams la yang dang yang du rig par byed nas dge slong don nyung ngu dag/ ci'i phyir dge slong dag bal dkar po dang mkho ba bal cung zhig bcug nas lug bal nag po 'ba' zhig gi stan gsar pa byed pa dang byed du 'jug ste/ des kyang de dag bya ba mang ba dang / byed pa mang bar gyur cing / lung nod pa dang / klog pa dang / kha ton dang / rnal 'byor dang / yid la bya ba dang / nang gi sems kyi zhi gnas kyang gtong bar byed de/ 'dod pa dang / de'i don nyid du 'ongs pa dag bram ze dang khyim bdag rnams la yang dang yang du </font><hr>Cha180b<br><font size=+1>


rig par byed ces smod par byed/ 'phyar ka gtong bar byed/ kha zer bar byed pa'i skabs de/ dge slong dag gis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin no/ /sangs rgyas bcom ldan 'das kyis dge slong rnams la rmas pa/ dge slong dag/ khyed cag ngas dge slong gis lug gi bal nag po 'ba' zhig gi stan gsar pa mi bya'o/ /zhes gsungs pas/ bal dkar po dang mkho ba bal cung zhig bcug nas lug gi bal nag po 'ba' zhig gi stan gsar pa byed pa dang byed du 'jug pa bden nam/ btsun pa/ mad do/ /sangs rgyas bcom ldan 'das kyis 'dod pa che ba dang / chog mi shes pa dang / gso dka' ba dang / dgang dka' ba rnam par smad par mdzad do/ /de nas bcom ldan 'das kyis 'dod pa chung ba dang / chog shes pa dang / gso sla ba dang / dgang sla ba dang / phri ba dang / yo byad bsnyungs pa dang / sbyangs pa'i yon tan dang / mdzes pa dang / drod rig pa nyid kyi bsngags pa brjod nas dge slong rnams la bka' stsal pa/ dge slong dag/ de lta bas na/ phan yon bcu yang dag par gzigs pas 'dul ba la nyan thos rnams kyi bslab pa'i </font><hr>Cha181a<br><font size=+1>


@#/ /gzhi bca' bar bya ba ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis stan gsar pa byed na/ cha gnyis ni/ lug bal nag po 'ba' zhig las gzhug par bya/ gsum pa ni/ dkar po las/ bzhi pa ni/ mkho ba bal las gzhug par bya'o/ /gal te dge slong gis cha gnyis lug bal nag po 'ba' zhig las ma bcug gam/ gsum pa la dkar po las/ bzhi pa la mkho ba bal las ma bcug par stan gsar pa byed na/ spang ba'i ltung byed do/ /dge slong gis zhes bya ba ni/ chos 'di pas so/ /stan zhes bya ba ni/ /stan gnyis te/ nang tshangs can dang / rlings pa ste/ don 'dir ni/ rlings pa yin par dgongs so/ /gsar pa zhes bya ba ni/ gsar pa gnyis te/ gsar pas gsar pa dang / rnyed pas gsar pa ste/ don 'dir ni/ gsar pas gsar pa yin par dgongs so/ /byed na zhes bya ba ni/ bdag nyid kyis sam/ gzhan byed du 'jug na'o/ /cha gnyis ni/ lug bal nag po 'ba' zhig las gzhug par bya zhes bya ba la/ lug bal zhes bya ba ni/ lug gi bal lo/ /nag po 'ba' zhig ces bya ba ni/ nag po bzhi ste/ rang bzhin gyis nag pa dang / sngo bas nag pa dang / 'dam kha dang / kham pa'o/ /gsum pa ni/ dkar po las zhes bya ba la/ dkar po zhes bya ba ni/ </font><hr>Cha181b<br><font size=+1>


glo'i bal dang / rgyab kyi bal dang / gnya' ba'i bal lo/ /bzhi pa ni/ mkho ba bal las gzhug par bya'o/ /zhes bya ba la/ mkho ba bal zhes bya ba ni/ rkang pa'i bal dang / mgo'i bal dang / lto'i bal lo/ /ma bcug ces bya ba ni/ ma bsres par ro/ /spang ba'i ltung byed do/ /zhes bya ba ni/ dngos po de spangs nas ltung byed kyi ltung ba bshags par bya ba ste/ des na/ spang ba'i ltung byed do/ / zhes gsungs so/ /de la ltung bar ji ltar 'gyur zhe na/ dge slong gis stan srang bcu pa byed na/ des lug bal nag po 'ba' zhig las srang lnga dang / dkar po las srang phyed dang gsum dang / mkho ba bal srang phyed dang gsum gzhug par bya'o/ /gal te dge slong gis cha gnyis lug bal nag po 'ba' zhig las ma bcug gam/ gsum pa dkar po las/ bzhi pa mkho ba bal las ma bcug par stan gsar pa byed na/ stan zin na/ spang ba'i ltung byed du 'gyur ro/ /srang bcu pa ji lta ba de bzhin du dge slong gis stan srang nyi shu pa dang / srang sum cu pa dang / srang bzhi bcu pa dang / srang lnga bcu pa byed na/ des lug bal nag po 'ba' zhig las srang nyi shu rtsa lnga dang / dkar po las srang phyed dang bcu gsum dang / mkho ba bal las srang phyed dang bcu gsum gzhug par bya'o| |gal te dge slong gis cha gnyis lug bal nag po 'ba' zhig las ma bcug gam/ gsum pa dkar po las/ bzhi pa mkho ba bal las ma bcug par stan gsar pa byed na/ stan zin </font><hr>Cha182a<br><font size=+1>


@#/ /na| spang ba'i ltung byed du 'gyur ro/ /dge slong gis dkar po dang mkho ba bal las srang gcig gam/ srang byed phri ste lug bal nag po 'ba' zhig las stan gsar pa byed na/ thams cad du spang ba'i ltung byed du 'gyur ro/ /nag po 'ba' zhig mod pa dang / rin mnyam pa dang / dkar po dang / mkho ba bal dkon pa dang / rin che bar gyur na/ ltung ba med do/ / las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /cha gnyis bsre ba'i spang ba ste/ bcu gsum pa rdzogs so// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong rnams la stan mang ba nyid 'di lta bu 'di byung bar gyur te/ de dag stan 'di ni/ ha cang ring ngo / /'di ni/ ha cang thung ngo / /zhes de bor nas gzhan byed du 'jug go /stan 'di ni/ ha cang dog go/ 'di ni/ ha cang yangs so/ /'di ni/ thams cad kyi thams cad du bug rdol dang / sha zad pa dang / bcos dka' ba nyid yin no/ /zhes de bor nas gzhan byed du 'jug pas/ dge slong de dag stan byas shing byas shing 'dor ba na/ bya ba mang ba dang / byed pa mang bar gyur cing / lung nod pa dang / klog pa dang / kha ton dang / rnal 'byor dang / yid la bya ba dang / nang gi sems kyi zhi gnas gtong bar byed nas dge slong don </font><hr>Cha182b<br><font size=+1>


nyung ngu dag /ci'i phyir dge slong rnams la stan mang ba nyid 'di lta bu byung bar gyur te/ 'di dag /stan 'di ni/ ha cang ring ngo / /'di ni/ ha cang thung ngo / /zhes de bor nas gzhan byed du 'jug / stan 'di ni/ ha cang dog go/ 'di ni/ ha cang yangs so/ /'di ni/ thams cad kyi thams cad du bug rdol dang / sha zad pa dang / bcos dka' ba nyid yin no/ /zhes de bor nas gzhan byed du 'jug pas/ dge slong 'di dag stan byas shing byas shing 'dor ba na/ bya ba mang ba dang / byed pa mang bar gyur cing / lung nod pa dang / klog pa dang / kha ton dang / rnal 'byor dang / yid la bya ba dang / nang gi sems kyi zhi gnas gtong bar byed pas/ smod par byed/ kha zer bar byed/ 'phyar ka gtong bar byed pa'i skabs de/ dge slong dag gis bcom ldan 'das la gsol to/ / de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin no/ /sangs rgyas bcom ldan 'das kyis dge slong rnams la rmas pa/ dge slong dag /khyed la stan mang ba nyid 'di lta bu 'di byung bar gyur te/ khyed cag stan 'di ni/ ha cang ring ngo / /'di ni/ ha cang thung ngo / /zhes de bor nas gzhan byed du 'jug /stan 'di ni/ ha cang dog go/ 'di </font><hr>Cha183a<br><font size=+1>


@#/ /ni| ha cang yangs so/ /'di ni/ thams cad kyi thams cad du bug rdol dang / sha zad pa dang / bcos dka' ba dag nyid yin no/ /zhes de bor nas gzhan byed du 'jug pa bden nam/ btsun pa/ mad do/ /sangs rgyas bcom ldan 'das kyis 'dod pa che ba dang / chog mi shes pa dang / gso dka' ba dang / dgang dka' ba rnam par smad par mdzad do/ / de nas bcom ldan 'das kyis 'dod pa chung ba dang / chog shes pa dang / gso sla ba dang / dgang sla ba dang / phri ba dang / yo byad bsnyungs pa dang / sbyangs pa'i yon tan dang / mdzes pa dang / drod rig pa nyid kyi bsngags pa brjod nas dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis stan gsar pa byed na/ mi 'dod bzhin du lo drug tu bcang bar bya'o/ /gal te dge slong gis lo drug tshun chad du stan rnying pa de spangs kyang rung / ma spangs kyang rung / stan gsar pa gzhan byed na/ spang ba'i ltung byed do/ /zhes bcom ldan 'das kyis 'dul ba la nyan thos rnams kyi bslab pa'i gzhi bca' ba mdzad do/ /sangs rgyas bcom ldan 'das 'brog gnas na 'brog gi nags na bzhugs so/ /'brog </font><hr>Cha183b<br><font size=+1>


gnas grang zhing rlung che bas dge slong lag gi bla dag lo drug tu stan gyis mi thub pa de dag grang ba dag gis las gsar pa dag rgyun bcad par gyur to/ /sangs rgyas bcom ldan 'das rnams ni/ mkhyen bzhin du rmed par mdzad pa ste/ mkhyen bzhin du rmed pa/ mkhyen kyang mi rmed pa/ dus su rmed pa/ dus las yol par mi rmed pa/ don dang ldan pa rmed pa/ don dang mi ldan pa mi rmed pas/ sangs rgyas bcom ldan 'das rnams ni/ don dang mi ldan pa rmed pa la chu lon gyis zlog par mdzad pa yin no/ /de la sangs rgyas bcom ldan 'das ni/ don dang ldan pa rmed pa la dus mkhyen pa yin pas/ sangs rgyas bcom ldan 'das kyis tshe dang ldan pa kun dga' bo la rmas pa/ kun dga' bo/ ci'i phyir dge slong lag gi bla dag gis las gsar pa dag rgyun bcad par gyur/ btsun pa/ bcom ldan 'das kyis 'di ltar dge slong gis stan gsar pa byed na/ mi 'dod bzhin du lo drug tu bcang bar bya'o/ /gal te dge slong gis lo drug tshun chad du stan rnying pa de spangs kyang rung / ma spangs kyang rung / stan gsar pa gzhan byed na/ spang ba'i ltung byed do/ /zhes 'dul ba la nyan thos rnams kyi bslab pa'i gzhi bca' ba mdzad pas/ dge slong lag gi bla dag dgung lo drug gi bar du stan gyi mi thub pa de dag grang ba dag gis las gsar pa dag rgyun bkum par gyur to/ /bcom ldan 'das kyis bka' stsal pa/ kun dga' bo/ dge slong lag gi bla </font><hr>Cha184a<br><font size=+1>


@#/ /gang la lo drug tu stan gyis mi thub pa'i dge slong des dge 'dun las lo drug tshun chad du stan gyi gnang ba gsol bar bya'o/ /'di ltar gsol bar bya ste/ gnas mal bshams pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la/ dge slong lag gi bla des bla gos phrag pa gcig tu byas te rgan rim gyis phyag 'tshal nas rgan pa'i mtha' logs su tsog pur 'dug ste thal mo sbyar nas 'di skad ces brjod par bya'o/ /dge 'dun btsun pa rnams gsan du gsol/ bdag dge slong lag gi bla ming 'di zhes bgyi ba lo drug tu stan mi bgyid pa las/ bdag dge slong lag gi bla ming 'di zhes bgyi ba dge 'dun las lo drug tshun chad du stan gnang ba gsol na/ thugs brtse ba can dge 'dun btsun pa rnams kyis thugs brtse ba'i slad du bdag dge slong lag gi bla ming 'di zhes bgyi ba la lo drug tshun chad du stan gnang ba stsal du gsol/ de bzhin lan gnyis lan gsum du bzlas/ dge slong de dag gis dge slong lag gi bla de la dad pa'am/ yid ches pas 'gro bar mi bya bar dge 'dun thams cad der 'dong bar bya ba'am/ dge 'dun gyis bskos pa'i dge slong dag gtang bar bya zhing de dag gis stan de rang gi mig sngar dbab par bya ba'am/ </font><hr>Cha184b<br><font size=+1>


yang na stan de dge 'dun gyi dbus su dbyung bar bya ste/ gal te stan de ha cang ring ba yin na de dag gis gcad par bya'o/ /gal te ha cang thung ba yin na bal sbyin par bya'o/ /gal te ha cang yangs pa yin na| de dag gis gcad par bya'o/ /gal te ha cang dog pa yin na bal sbyin par bya'o/ /gal te ral pa dang rdol ba yin na bal sbyin par bya'o/ /gal te thams cad kyi thams cad du bug rdol dang / sha zad pa dang / bcos dka' ba nyid yin na de'i 'og tu dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong lag gi bla ming 'di zhes bgyi ba 'di lo drug tu stan mi bgyid pa las/ dge slong lag gi bla ming 'di zhes bgyi ba 'di dge 'dun las lo drug tshun chad du stan gnang ba gsol na/ gal te dge 'dun gyis dus la bab cing bzod na/ dge 'dun gyis gnang bar mdzod cig dang / dge 'dun gyis dge slong lag gi bla ming 'di zhes bgyi ba la lo drug tshun chad du stan gnang ba stsal to/ /'di ni gsol ba'o/ / las ni 'di ltar bya ste/ dge 'dun btsun pa rnams gsan du gsol/ dge slong lag gi bla ming 'di zhes bgyi ba 'di lo drug tu stan mi bgyid pa las/ dge slong lag gi bla ming 'di zhes bgyi ba 'di dge 'dun las lo drug tshun chad du stan gnang ba gsol te/ de'i slad du dge 'dun gyis dge slong lag gi bla ming 'di zhes bgyi ba la lo drug tshun chad du stan gnang ba </font><hr>Cha185a<br><font size=+1>


@#/ /stsol na/ tshe dang ldan pa gang dag/ dge slong lag gi bla ming 'di zhes bgyi ba 'di la lo drug tshun chad du stan gnang ba stsal bar bzod pa de dag ni/ cang ma gsungs shig /gang dag mi bzod pa de dag ni/ gsungs shig/ dge 'dun gyis bzod cing gnang nas dge 'dun gyis dge slong lag gi bla ming 'di zhes bgyi ba la lo drug tshun chad du stan gnang ba stsal lags te/ 'di ltar/ cang mi gsung bas de de bzhin du 'dzin to/ /dge 'dun gyis dge slong lag gi bla gang la lo drug tshun chad du stan gnang ba byin pa des lo drug tshun chad du stan gnang ba byin pa des lo drug tshun chad du stan byed du gzhug ste/ 'di la 'gyod par mi bya'o/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod de/ dge slong rnams la yang de dang mthun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag/ de lta bas na/ snga ma ni/ bcas pa yin la/ 'di ni/ gnang ba yin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis stan gsar pa byed na/ mi 'dod bzhin du lo drug tu bcang bar bya'o/ /gal te dge slong gis lo drug tshun chad du stan rnying </font><hr>Cha185b<br><font size=+1>


pa de spangs kyang rung / ma spangs kyang rung / stan gsar pa gzhan byed na/ dge 'dun gyis gnang ba ma gtogs te/ spang ba'i ltung byed do/ /dge slong gis zhes bya ba ni/ chos 'di pas so/ /stan zhes bya ba ni/ stan gnyis te/ nang tshangs can dang / rlings pa ste/ don 'dir ni/ rlings pa yin par dgongs so/ /gsar pa zhes bya ba ni/ gsar pa gnyis te/ gsar pas gsar pa dang / rnyed pas gsar pa ste/ don 'dir ni/ gsar pas gsar pa yin par dgongs so/ /byed na zhes bya ba ni/ bdag nyid kyis sam/ gzhan byed du 'jug na'o/ /mi 'dod bzhin du lo drug tu bcang bar bya'o/ / zhes bya ba ni/ lo drug tshun chad du bcang bar bya'o/ /gal te dge slong gis lo drug tshun chad du zhes bya ba ni/ de tshun chad du'o/ /stan rnying pa zhes bya ba ni/ stan gang yod pa de'o/ /spangs kyang rung / ma spangs kyang rung / stan gsar pa gzhan byed na zhes bya ba ni/ gnyis pa'o/ /dge 'dun gyis gnang ba ma gtogs te zhes bya ba ni/ dge 'dun gyis gnang ba gzhag ste'o/ /spang ba'i ltung byed do| |zhes bya ba ni/ dngos po de spangs nas ltung byed kyi ltung ba bshags par bya ba ste/ des na spang ba'i ltung byed do/ /zhes gsungs so/ /de la ltung bar ji ltar 'gyur zhe na/ bar sdom la/ gnyis brtsams phyi ma zin pa dang / /gnyis brtsams snga ma zin pa dang / /gnyi ga zin nas gcig spong dang / /gnyi ga brtsams te gtong ba dang / /lo drug pa la nyes med pa/ /de ni stan gyi bsdu ba </font><hr>Cha186a<br><font size=+1>


@#/ /yin/ /dge slong gis lo gang la stan rtsom par byed pa'i lo de nyid la stan gnyis pa rtsom par byed na/ gnyis pa rtsom pa de la nyes byas su 'gyur la/ byas zin na yang nyes byas su 'gyur ro/ /snga ma la ni/ ltung ba med do/ /lo de nyid la stan gnyis pa mi rtsom yang lo gnyis pa dang / gsum pa dang / bzhi pa dang / lo lnga pa la stan gnyis pa rtsom par byed na/ gnyis pa rtsom pa de la nyes byas su 'gyur la/ byas zin na yang nyes byas su 'gyur ro/ /snga ma la ltung ba med do/ /dge slong gis lo gang la stan rtsom par byed pa'i lo de nyid la stan gnyis pa brtsams nas snga ma zin par byed na/ gnyis pa rtsom pa de la nyes byas su 'gyur la/ byas zin na/ spang ba'i ltung byed du 'gyur ro/ /lo de nyid la stan gnyis pa brtsams nas zin par mi byed kyang lo gnyis pa dang / gsum pa dang / bzhi pa dang / lnga pa la stan gnyis pa brtsams nas snga ma zin par byed na/ de rtsom pa la nyes byas su 'gyur la/ byas zin na/ spang ba'i ltung byed du 'gyur ro/ /dge slong gis lo gang la stan byas pa'i lo de nyid la stan gnyis pa yang byas nas/ des snga ma shos bzhag ste phyi ma shos gtong bar byed dam/ phyi ma shos bzhag ste snga ma shos gtong bar byed na/ gnyis pa rtsom pa de la nyes byas su 'gyur la/ byas zin na/ spang ba'i ltung byed du 'gyur ro/ /snga ma la ni/ ltung ba med do/ /lo de nyid la stan gnyis pa ma byas kyang lo gnyis </font><hr>Cha186b<br><font size=+1>


pa dang / gsum pa dang / bzhi pa dang / lnga pa la stan gnyis pa byas nas/ des snga ma shos bzhag ste phyi ma shos gtong bar byed dam/ phyi ma shos bzhag ste snga ma shos gtong bar byed na/ gnyis pa rtsom pa de la nyes byas su 'gyur la/ byas zin na/ spang ba'i ltung byed du 'gyur ro/ /snga ma la ni/ ltung ba med do/ /dge slong gis lo gang la stan rtsom pa'i lo de nyid la stan gnyis pa yang brtsams nas de ma zin par gtong bar byed dam/ lo gnyis pa dang / gsum pa dang / bzhi pa dang / lnga pa la brtsams nas/ de ma zin par gtong bar byed na/ de rtsom par byed pa la nyes byas su 'gyur la/ snga ma la ni/ ltung ba med do/ /dge slong gis lo gang la stan byed pa'i lo de nyid la stan gnyis pa mi byed cing / lo gnyis pa la yang mi byed/ gsum pa la yang mi byed/ bzhi pa la yang mi byed/ lnga pa la yang mi byed par lo drug pa la byed na/ ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /lo drug tu bcang ba'i spang ba ste/ bcu bzhi pa rdzogs so// //'dul ba rnam par 'byed pa/ bam po so gnyis pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe bcom ldan 'das kyis bla na med pa'i mkhyen pa thugs su chud pa de'i tshe na/ thams cad du yul dbus su sangs rgyas 'jig rten du byung zhes sgra </font><hr>Cha187a<br><font size=+1>


@#/ /grags so/ /byang lam na tshong pa dag gis yul dbus su sangs rgyas 'jig rten du byung ste gang dag de la mchod pa dag byed pa de dag gi mchod pa byas pa de dag ni/ shin tu 'bras bu che ba dang / phan yon che ba dang / gsal ba che ba dang / rgya chen por 'gyur ro/ /zhes thos so/ /thos nas kyang de dag 'di snyam du sems te/ bdag cag zong dag thogs te mnyan yod du 'dong zhing der bdag cag gis khe spogs kyang bsgrub par bya/ bcom ldan 'das la yang bsnyen bkur bya'o/ /snyam du rig nas tshong pa lnga brgya byang lam nas zong dag thogs te yul dbus su 'phags so/ /de dag mthar gyis mnyan yod du phyin nas de dag gis zong mkhos su phab ste/ khyim bdag mgon med zas sbyin ga la ba der dong nas phyin pa dang / khyim bdag mgon med zas sbyin la 'di skad ces smras so/ /khyim bdag/ bdag cag sangs rgyas bcom ldan 'das blta bar 'dod do/ /shes ldan dag/ de bzhin gshegs pa dgra bcom pa yang dag par rdzogs pa'i sangs rgyas rnams ni/ blta bar bya ba rin po che kho na yin te/ de bzhin gshegs pa dgra bcom pa yang dag par rdzogs pa'i sangs rgyas rnams ni/ 'di lta ste/ dper na/ u dum wa ra'i me tog ltar blta ba dang / 'byung ba dkon pa yin no/ /de nas khyim bdag mgon med zas sbyin gyis tshong pa lnga brgya po de dag khrid nas bcom ldan 'das ga la ba der song ste phyin nas bcom ldan 'das kyi </font><hr>Cha187b<br><font size=+1>


zhabs la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das tshong ba de dag la chos dang ldan pa'i gtam gyis yang dag par ston par mdzad/ yang dag par 'dzin tu 'jug par mdzad/ yang dag par gzengs bstod par mdzad/ yang dag par rab tu dga' bar mdzad do/ /rnam grangs du mas chos dang ldan pa'i gtam gyis yang dag par bstan/ yang dag par 'dzin tu bcug /yang dag par gzengs bstod/ yang dag par rab tu dga' bar mdzad nas cang mi gsung ngo / /de nas tshong pa de dag gis bcom ldan 'das la bsnyen bkur byas nas dge slong gnas brtan gnas brtan rnams kyi gtsug lag khang blta bar brtsams pa dang / tshong pa de dag gis dge slong gnas brtan gnas brtan rnams kyi ma dag na gding pa dbus rdol ba dag mthong ngo / /mthong nas kyang khyim bdag mgon med zas sbyin la 'di skad ces smras so/ /khyim bdag/ ci'i phyir dge slong gnas brtan gnas brtan 'di dag gi gding ba dag dbus rdol bar gyur/ khyim bdag mgon med zas sbyin gyis smras pa/ bdag nyid chen po 'di dag ni/ phal cher mtshan mo skyil mo krung gis 'da' bar byed do/ /de dag sems mngon par dad par gyur nas dad pa skyes pa de dag gis dge slong rnams la ras yug chen lnga brgya phul lo/ /dge slong rnams kyis gding ba rnying ba de dag khang pa chen po'i gtsug lag khang bla gab med pa zhig tu bzhag go/ /de'i tshe na khyim bdag cig gis </font><hr>Cha188a<br><font size=+1>


@#/ /sangs rgyas la sogs pa dge slong gi dge 'dun khyim gzhan du gdugs tshod la spyan drangs pa dang / dge slong gi dge 'dun ni/ zhugs so/ /bcom ldan 'das ni/ rdzas las byung ba ni bzhugs shing / bsod snyoms mngon par bsgrubs so/ /sangs rgyas bcom ldan 'das ni/ rgyu lngas rdzas las byung ba na bzhugs shing / bsod snyoms mngon par sgrub par mdzad de/ lnga gang zhe na/ nang du yang dag 'jog bzhed pa dang / lha rnams la chos ston par bzhed pa dang / nad pa la lta bar bzhed pa dang / gnas mal rtog par bzhed pa dang / 'dul ba la nyan thos rnams kyi bslab pa'i gzhi bca' bar bzhed pa'o/ /don 'dir ni/ bcom ldan 'das gnas mal la rtog par bzhed pa dang / 'dul ba la nyan thos rnams kyi bslab pa'i gzhi bca' bar bzhed pas rdzas las byung ba na bzhugs shing / bsod snyoms mngon par sgrub par mdzad do/ /de nas bcom ldan 'das kyis dge slong gi dge 'dun song nas ring po ma lon par thugs su chud nas lde mig bsnams te kun dga' ra pa nas kun dga' ra bar/ gtsug lag khang nas gtsug lag khang du/ khang khyim nas khang khyim du/ 'chag sa nas 'chag sar dang / gol bar gshegs shing mthar gyis gshegs pa na khang pa chen po'i gtsug lag khang ga la ba der gshegs so/ /de'i tshe na khang pa chen po'i gtsug lag khang de na gding ba rnying ba rdol ba dang ral ba/ sa rdul gyi phye ma dang / </font><hr>Cha188b<br><font size=+1>


'dres pa rab tu mang po dag sa la bkram zhing 'dug go/ bcom ldan 'das kyis gding ba rnying ba rdol ba dang ral ba/ sa rdul gyi phye ma dang 'dres pa rab tu mang po dag sa la bkram zhing 'dug pa dag gzigs so| |gzigs nas kyang e ma zhes gsung zhing smad nas/ 'di snyam du dgongs te/ bram ze dang / khyim bdag dad pa can dag gis pags pa dang / sha dang / khrag dag btsir cing btsir cing sbyin pa dag sbyin/ bsod nams dag byed pa gang yin pa de la dge slong dag drod mi shes pa dang / so sor mi rtog par yongs su longs spyod par byed do/ /snyam du dgongs so/ /de nas bcom ldan 'das kyis gding ba rnying ba de dag legs par brtul cing sprugs nas bting zhing bskams te rtsig pa la mi reg par mdzad nas gtsug lag khang gi slad rol du zhabs gnyis gsil te nang du yang dag 'jog gi slad du gtsug lag khang du gshegs so/ /de nas dge slong bsod snyoms sgrub pas bsod snyoms blangs nas bcom ldan 'das ga la ba der song ngo / /sangs rgyas bcom ldan 'das rnams ni/ chos nyid kyis bsod snyoms sgrub pa'i dge slong la dge slong ji ltar zas bsod dam/ dge slong gi dge 'dun tshim par byas sam zhes so sor kun dga' bar mdzad pa 'dis so sor kun dga' bar mdzad pa yin pas/ bcom ldan 'das kyis dge slong bsod snyoms sgrub pa la/ dge slong ji ltar zas bsod dam/ dge slong gi dge 'dun tshim par byas sam zhes so sor kun dga' bar mdzad pa dang / des </font><hr>Cha189a<br><font size=+1>


@#/ /gsol pa/ btsun pa/ te bor zas bsod cing dge slong gi dge 'dun chim par bgyis so/ /de nas bcom ldan 'das zhal zas kyi bya ba mdzad nas gtsug lag khang gi slad rol du zhabs gnyis gsil te nang du yang dag 'jog gi slad du gtsug lag khang du gshegs so/ /de nas bcom ldan 'das phyi dro nang du yang dag 'jog las bzhengs nas dge slong gi dge 'dun gyi gong du gdan bshams pa nyid la bzhugs so/ /bzhugs nas bcom ldan 'das kyis dge slong rnams la bka' stsal pa/ dge slong dag/ 'di na ngas dge slong gi dge 'dun song nas ring ba ma lon par shes nas lde mig khyer te kun dga' ra ba nas kun dga' ra bar/ gtsug lag khang nas gtsug lag khang du/ khang khyim nas khang khyim du/ 'chags nas 'chag sar dang / gol bar song zhing mthar gyis 'gro ba na khang pa chen po'i gtsug lag khang zhig ga la ba der phyin nas/ ngas khang pa chen po'i gtsug lag khang de na gding ba rnying pa rdol ba dang ral ba/ sa rdul gyi phye ma dang 'drel pa rab tu mang po dag sa la bkram zhing 'dug pa mthong ngo / /mthong nas e ma zhes byas te smad nas 'di snyam du bram ze dang / khyim bdag dad pa can dag gis bags pa dang sha dang / khrag btsir cing btsir cing sbyin ba dag sbyin/ bsod nams dag byed pa gang yin pa de la dge slong dag drod mi shes pa dang / so sor mi rtog par yongs su longs spyod par byed do/ / </font><hr>Cha189b<br><font size=+1>


snyam du dgongs kyi/ dge slong dag/ khyed kyis dad pas sbyin par bya ba la drod ran par yongs su longs spyad pa dang / spang zhing yongs su longs spyod pa dang / dus su yongs su longs spyad pa dang / brtag cing yongs su longs spyad pa dang / khad kyis yongs su longs spyad na legs so/ /bar sdom la/ drod ran pa dang spang ba dang / /de bzhin dus dang brtag pa dang / /khad kyis yongs su spyad pa yin/ /de nas bcom ldan 'das kyis drod ran pa dang / spang ba dang / dus dang / brtag pa dang / khad kyis yongs su longs spyod pa'i bsngags pa brjod nas dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis gding ba gsar pa byed na/ gsar pa kha dog mi sdug par bya ba'i phyir gding ba rnying ba bde bar gshegs pa'i mtho gang 'khor bas glan par bya'o/ /gal te dge slong gos gsar pa kha dog mi sdug par bya ba'i phyir gding ba rnying pa de bde bar gshegs pa'i mtho gang 'khor bas ma glan par gding ba gsar pa spyod na/ spang ba'i ltung byed do/ /dge slong gis zhes bya ba ni/ chos 'di pas so/ /gding ba zhes bya ba ni/ so sor gding pa'o/ /gsar pa zhes bya ba ni/ gsar pa gnyis te/ gsar pas gsar </font><hr>Cha190a<br><font size=+1>


@#/ /pa dang / rnyed pas gsar pa ste/ don 'dir ni/ gsar pas gsar pa yin par dgongs so/ /byed na zhes bya ba ni/ bdag nyid kyis sam/ gzhan byed du 'jug na'o/ /gsar pa kha dog mi sdug par bya ba'i phyir zhes bya ba ni/ gsar pa sra bar bya ba'i phyir ro/ /gding ba rnying pa bde bar gshegs pa'i mtho gang 'khor bas glan par bya'o/ /zhes bya ba ni/ gal te de la gding ba rnying ba bde bar gshegs pa'i mtho gang 'khor ba gzhan yod na'o/ /bde bar gshegs pa zhes bya ba ni/ ston pa'o/ /bde bar gshegs pa'i mtho gang la ni/ tshad dang ldan pa'i khru'i khru phyed dang do yod do/ /'khor bas zhes bya ba ni/ kun nas mtho res yod pas so/ /glan par bya'o/ /zhes bya ba ni/ sbyar bar bya ba'o/ /ma glan par zhes bya ba ni/ ma sbyar bar ro/ /spang ba'i ltung byed do/ /zhes bya ba ni/ dngos po de spangs nas ltung byed kyi ltung ba bshags par bya ba ste/ des na spang ba'i ltung byed do/ /zhes gsungs so/ /de la ltung bar ji ltar 'gyur zhe na/ dge slong gis gding ba rnying pa bde bar gshegs pa'i mtho gang 'khor bas ma glan par ji tsam cung zad du gding ba gsar pa spyod par byed na/ thams cad kyi thams cad du spang ba'i ltung byed du 'gyur ro/ /gding ba rnying pa thams cad kyi thams cad du sha zad pa dang / bug rdol du gyur pa dang / bcos su mi rung ba yin na/ ltung ba med do/ /de tsam med na/ ltung ba med do/ /las </font><hr>Cha190b<br><font size=+1>


dang po dang / smyos pa dang / sems 'khrugs pa dang / tshor ba dag gis nyen pa la ltung ba med da/ /mtho gang gi spang ba ste/ bco lnga ba rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /drug sde dag gis smras pa/ dga' bo nye dga'/ lhung bzed nag po can 'di dag ni/ rkang pa spe'u'i zhag gis bskus te 'gro ma yang 'gro bar chas pa'i rnyed pa sgrub par byed/ 'ong na yang glo bur 'ongs pa'i rnyed pa sgrub par byed cing / skye bo mang po dga' ba dang / yid du 'ong bar yang 'gyur ro/ / yu bu cag ni/ khron pa'i rus sbal dang 'dra bar gar yang mi 'dong / gang nas kyang mi 'ong bas rnyed pa thob pa dang / skye bo mang po dga' ba dang / yid du 'ong bar ga la 'gyur gyi/ yu bu cag kyang 'dong ngo / /gang du 'dong / gang du don mthun 'grub par ro/ /de dag gis bsam pa/ gal te thams cad dong bar gyur na/ bdag cag gis nye bar spyod pa'i khyim gang dag yin pa de dag kyang lhung bzed nag po can dag gis rjes su 'jug par byed par 'gyur gyi/ bdag cag gis gcig bzhag ste 'dong bar bya na/ su gzhag par bya/ btsun pa 'char ka'o/ /btsun pa 'char ka/ khyod 'di nyid du 'dug cig /kho bo cag 'dong bar bya'o/ /de bzhin gyis shig ces 'char ka de nyid du 'dug go/ lnga po dag gis don mthun bcal bar brtsams pa dang / de dag gis </font><hr>Cha191a<br><font size=+1>


@#/ /bal yul du 'gro ba'i don mthun mthong nas de'i drung du song ste smras pa/ bzhin bzang dag/ khyed gang du 'phags/ 'phags pa dag bal yul du'o/ /bzhin bzang dag /kho bo cag kyang khyed dang lhan cig 'dong ngo / /'phags pa dag/ bal yul ni/ rnga mo'i rgyab 'dra ba lags pas khyed cag der dgyes par mi 'gyur ro/ /bzhin bzang dag/ gal te de lta bu yin du zin kyang yul mthong bar 'gyur bas 'dong bar bya'o/ /'phags pa dag/ gal te de ltar na tshur spyon/ bzhud do/ /drug sde dag don mthun de dang lhan cig bal yul du 'phags nas mthar gyis bal yul du phyin pa dang / nyi ma gang kho na la bal yul du phyin pa'i nyi ma de nyid la mngon par mi dga' bar gyur nas de dag nang par sngar langs te lam srang du dong ba dang / tshong pa dag gis drug sde dag mthong nas/ de dag gi rkang pa la phyag 'tshal te smras pa/ 'phags pa dag/ bal yul ci 'dra/ khyed cag mngon par mi dgyes par ma gyur tam/ bzhin bzang dag/ nyi ma gang kho na la bal yul du phyin pa'i nyi ma de nyid la mngon par mi dga' bar gyur to/ /'phags pa dag/ bdag cag gis khyed dang po kho nar bal yul ni/ rnga mo'i rgyab 'dra ba lags pas khyed cag der dgyes par mi 'gyur ro/ /zhes ma bgyis sam/ bzhin bzang dag/ ci/ de ltar na 'gro'am/ 'dong ngo / /'phags pa dag/ bdag cag gis zong ma </font><hr>Cha191b<br><font size=+1>


bsgyur te/ de lta lags mod kyi/ 'on kyang bdag cag dang bshes pa'i tshong pa gzhan dag mchis pa de dag gis zong bsgyur bas de dag la gtad par bgyi'i/ de dag dang thabs cig bzhud cig/ drug sde dag gis smras pa/ de ma nongs kyi/ de bzhin bgyi'o/ /bal yul na bal dang ldong ros gnyis mod pas don mthun de dag gis bal gyis shing rta bkang ste chas pa dang drug sde dag kyang don mthun dang lhan cig 'phags so/ /drug sde dag gi kun tu spyod pa ni/ rdul gyis 'jigs pas yang na ni/ don mthun gyi mdun du 'gro/ yang na ni/ phyi bzhin 'brang zhing 'gro bas| de dag don mthun gyi phyi bzhin 'gro bar brtsams pa dang / ji tsam na tshong pa de dag gi shing rta'i srog shing chag nas tshong pa de dag gis bsam pa/ gal te shing rta'i srog shing bcos na/ sgras chom rkun pa dag 'ong bar 'gyur zhing / de dag gis dang por bdag cag gsod par 'gyur la/ de'i 'og tu nor yang 'phrog par 'gyur gyi/ bdag cag gis gces pa dag khyer te 'dong ngo| |snyam nas yid mi dga' zhing 'khod pa dang / drug sde dag lhags nas/ de dag gis smras pa/ shes ldan dag/ ci'i phyir yid mi dga' zhing 'khod/ 'phags pa dag/ shing rta'i srog shing chag ste gal te shing rta'i srog shing bcos na/ sgras chom rkun pa dag mchi bar 'gyur zhing / de dag gis dang por bdag cag bkum par 'gyur la/ de'i 'og tu nor yang 'phrog </font><hr>Cha192a<br><font size=+1>


@#/ /bar 'gyur bas/ bdag cag gis gces pa dag 'chal te mchi'o/ /snyam nas yid mi dga' zhing mchis so/ /bzhin bzang dag/ khyed kyis bal dag yongs su btang ngam/ yongs su btang ngo / /gal te khyed cag la mi gnod na/ zhwa dang / lham sgreg gu can dang / stod kor nang tshangs can dang / rgya cang dang / lcag bod dang / shur bu phre'u la sogs pa'i don du cung zhig bkur ro/ /'phags pa dag/ bdag cag la 'dis ci bgyi/ thams cad snoms shig/ drug sde dag gis smras pa/ dga' bo nye dga'/ phyag dar khrod rnyed do| |zhes de dag lnga char gyi lhung bzed dang / chos gos dag gcig gis bkur nas mi bzhis de nyid las thag pa bkal te khur po che bzhi drags nas de dag gis de khur te dong ngo / /de dag gis khur de dag khyer te 'phags pa dang / tshong pa de dag gis drug sde dag bal gyi khur blangs te phyi bzhin 'ong ba mthong nas smras pa/ 'phags pa dag/ bdag cag gis gla mi dag khrid de mchi'o/ /snyam du bsam na/ khyed cag gis bal 'di thams cad bsnams te byon gyi/ 'phags pa dag la gla gsol lo/ /bkren pa dag/ kho bo cag khyed kyi gla mi dag yin nam/ 'phags pa dag/ mad kyang bzhad gad bgyi'o/ /don mthun de'i nang na mu stegs can dag cig 'dong ba de dag gis smras pa/ kye ma drug sde dag/ khyed cag gang du khur 'jig par </font><hr>Cha192b<br><font size=+1>


'gyur/ gang du rnyed pa 'grub par 'gyur/ khyed kyi ma'i lto dral te der khur 'jig par 'gyur zhing / der rnyed pa 'grub par 'gyur ro/ /drug sde dag gis smras pa/ dga' bo nye dga'/ gal te don mthun dang lhan cig 'dong na/ mtho 'tsham pa mang du 'byung gi don mthun gyi mdun du 'dong ngo / /zhes de dag don mthun gyi mdun du 'phags te 'dong ba dang / ri brag cig na chom rkun pa gcad pa'i phyir yang rgod kyi mi mang po bkod cing 'khod pa de dag gis de dag ring po kho na nas mthong ngo / /mthong nas kyang nyam nga bar gyur nas de dag gis smras pa/ shes ldan dag/ glang po che dang bcas pa'i dmag byung ngo / /zhes ri brag pa de dag thams cad skrag nas nags khrod du byer ro/ /de dag gi nang nas kha cig gis smras pa/ 'di dag ni/ glang po che dang bcas pa'i dmag ma yin gyi| 'di ltar/ rnga mo dag cig 'ong ba yin no/ /kha cig gis smras pa/ 'di dag ni/ rnga mo ma yin gyi/ 'di ltar glang dag cig yin no/ /kha cig gis smras pa/ 'di dag ni/ glang ma yin gyi/ 'di dag ni/ khur thogs pa dag cig yin no/ /de dag thag nye bar gyur pa dang / yang rgod de dag gis smras pa/ 'phags pa dag/ khyed cag 'di lta bu'i khur dag thogs pas de'i phyir ri brag pa thams cad skrag ste nags khrod du byer ro/ /bkren pa dag/ gal te chom rkun pa dag gis khyed cag de ltar bred ngas par shes par gyur nas nyin mo'i nyi ma kho na la yang bcings te nags </font><hr>Cha193a<br><font size=+1>


@#/ /khrod du khrid par 'gyur ro/ /dga' bo nye dga'/ gal te lam du 'dong na/ mtho 'tsham pa mang du 'byung gi/ lam gol bar 'dong ngo / /zhes de dag lam gol bar zhugs te dong ba dang / sho gam pa dag gis tshong pa sho gam 'dral ba bsgugs pa'i phyir 'ge 'gu pa'i mi mang po dag bkod cing 'khod pa dag gis de dag mthong nas smras pa/ e ma'o/ / tshong pa sho gam 'dral ba dag ci'i phyir sho gam dral te 'dong / bkren pa dag/ kho bo cag khyed kyi tshong pa sho gam 'dral ba dag yin na/ khyed cag su yin/ 'phags pa drug sde dag gam/ yin no/ /bzhud cig/ de dag gis smras pa/ dga' bo nye dga'/ gal te rgyal byed kyi tshal gyi sgo nas zhugs na/ lhung bzed nag po can dag las mtho 'tsham pa mang du 'byung gi| sge'u chung nas 'jug par bya'o/ /zhes de dag sge'u chung nas zhugs pa dang rgan zhugs shig gis mthong nas des smras pa/ e ma'o/ /khur tsha ba dag/ ci'i phyir grong dral te 'jug par byed/ rgan zhugs/ kho bo cag khyod kyi khur tsha ba dag yin nam/ des smras pa/ khyed su yin/ tshe dang ldan pa drug sde dag gam/ yin no/ /tshe dang ldan pa dag byon pa legs so/ /byon pa legs so/ /de dag nang du zhugs nas de dag gis bal gyi khur de dag bshig pa dang / ri rab kyi rnam pa 'dra ba'i phung po chen por rnam par gnas so/ de dag la dge slong rnams kyis </font><hr>Cha193b<br><font size=+1>


smras pa/ tshe dang ldan pa dag/ khyed cag khur 'di lta bu dag thogs na/ khyed la mtho 'tsham pa dag mi 'byung ngam/ tshe dang ldan pa dag/ ci/ kho bo cag gis bza' ba kho na'i phyir kha mngon par bsgrubs sam/ gang kho bo cag la mtho 'tsham par byed pa de la kho bo cag gis kyang nyis 'gyur sbyin par bya'o/ /dge slong don nyung ngu dag/ ci'i phyir dge slong dag yan lag gang gis ngo tsha bar bya ba'i yan lag de nyid kyis khengs par byed ces smod par byed/ 'phyar kha gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to| |de nas bcom ldan 'das kyis byung ba 'di dang gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la rmas pa/ dge slong dag/ khyed kyis mi mdzes pa de lta bu de byas par gyur pa bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad par mdzad do/ /de nas bcom ldan 'das kyis rnam grangs du mas rnam par smad pa mdzad nas/ dge </font><hr>Cha194a<br><font size=+1>


@#/ /slong rnams la bka' stsal pa/ dge slong dag/ de lta bas na/ phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong lam du zhugs pas lug bal dag rnyed la 'dod na| dge slong des blang bar bya'o/ /blangs nas 'khyer ba med na/ dpag tshad gsum gyi mtha'i bar du bdag nyid kyis bkur bar bya'o/ /de las 'das par khyer na/ spang ba'i ltung byed do/ /dge slong zhes bya ba ni/ drug sde dag gam/ gzhan yang de lta bu gang yin pa'o/ /lam du zhugs pas zhes bya ba ni/ dgon pa'i lam du zhugs pas so/ /lug bal dag ces bya ba ni/ lug gi bal dag go| rnyed la zhes bya ba ni/ gzhan las so/ /'dod na zhes bya ba ni/ gal te don du gnyer na'o/ /dge slong des blang bar bya'o/ /zhes bya ba ni/ mnod par bya'o/ /blangs nas 'khyer ba med na zhes bya ba ni/ rung bar byed pa med na'o/ dpag tshad gsum gyi mtha'i bar du zhes bya ba ni/ dpag tshad gsum gyi mthar thug pa'i bar tshun chad du'o/ /bdag nyid kyis bkur bar bya'o/ /zhes bya ba ni/ bdag rang gis bkur bar bya'o/ /de las 'das par khyer na zhes bya ba ni/ de las thal bar khyer na'o/ /spang ba'i ltung byed do/ /zhes bya ba ni/ dngos po de spangs nas ltung byed kyi ltung ba </font><hr>Cha194b<br><font size=+1>


bshags par bya ba ste/ des na spang ba'i ltung byed do/ /zhes gsungs so/ de la ltung bar ji ltar 'gyur zhe na/ dge slong gis lug bal dag rnyed la khyer ba med na/ bdag nyid kyis dpag tshad gsum gyi mtha' las 'das par khyer na/ rgyang grags phyed du phyin na/ nyes byas su 'gyur la/ rgyang grags kyi mthar phyin na/ spang ba'i ltung byed du 'gyur ro/ /'khyer ba yod bzhin du bdag nyid kyis khyer na/ rtsom pa'i dus kho na na/ nyes byas su 'gyur la/ rgyang grags phyed du phyin na/ nyes byas gzhan zhig tu 'gyur/ rgyang grags kyi mthar phyin na/ spang ba'i ltung byed du 'gyur ro/ /rdul phra rab drug la rdul phra mo gcig go/ rdul phra mo drug la chu rdul gcig go/ chu rdul drug la lcags rdul gcig go/ lcags rdul drug la ri bong rdul gcig go/ ri bong rdul drug la lug rdul gcig go/ lug rdul drug la glang rdul gcig go/ glang rdul drug la nyi zer gyi rdul gcig go/ nyi zer gyi rdul drug la sro ma gcig go /sro ma drug la shig gcig go/ shig drug la nas gcig go/ nas drug la sor gcig go/ sor bzhi drug la khru gang ngo / /khru phyed dang bzhi la mi'i srid do/ /khru bzhi la gzhu'o/ /gzhu lnga brgya la rgyang grags gcig go/ rgyang grags brgyad la dpag tshad gcig go/ de la dge slong dgon pa ba lam du zhugs pas lug bal dag rnyed la de blangs te 'khyer ba med na/ rgyang grags kyis chod pa'i grong bdun po dag gi grong phyed du </font><hr>Cha195a<br><font size=+1>


@#/ /ni| nyes byas su 'gyur la/ grong gi mthar ni/ spang ba'i ltung byed du 'gyur ro/ /grong nas dgon pa'i lam du 'jug na/ rgyang grags phyed phyed du nyes byas su 'gyur la/ rgyang grags re rer spang ba'i ltung byed du 'gyur ro/ /zhwa dang / lham sgro gu can dang / stod kor nang tshangs can dang / rgya cang dang / lcag bod dang / shur bu phre'u la sogs pa'i don du de tsam dag khyer ba la ni/ ltung ba med do/ /las dang po ba dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bal thogs pa'i spang ba ste/ bcu drug pa rdzogs so// //sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' ra ba na bzhugs so/ /drug sde dag gis smras pa/ dga' bo nye dga'/ bal bgo bar bya'o/ /cha dur bya/ de dag gis smras pa/ bdag cag gis btsun pa 'char ka 'di nyid na 'dug 'dug pa la ci'i phyir skal pa sbyin/ cha ldar bya'o/ /'char kas thos nas des smras pa/ tshe dang ldan pa dag/ khyed kyis der rnyed pa gang grub pa de yang khyed kyis gyis shig/ kho bo 'di nyid na 'dug 'dug pas rnyed pa gang grub pa de yang kho bo nyid kyir bya'o/ / nye dgas bsam pa/ 'di 'di nyid na 'dug 'dug pas rnyed pa mang po grub gor ma chag snyam nas des smras pa/ tshe dang ldan pa dag/ bdag cag dus thams cad du drug sde yin na/ da </font><hr>Cha195b<br><font size=+1>


ci'i phyir lnga sder 'gyur bar bya/ cha drug kho nar bya'o/ /sus dgod du gzhug/ btsun pa 'char ka ma dub pa yin gyi/ de 'god du gzhug go/ 'char kas drug tu byas te bdag nyid kyi skal ba rang gi gnas khang du bcug ste bzhag go/ de dag gis smras pa/ btsun pa 'char ka/ khyod kyis rnyed pa gang grub pa de khyer shog/ bgo'o/ /'char kas smras pa/ kho bos de'i bar du ka ka ni/ gcig tsam yang ma rnyed do/ /khyod kyis kho bo cag bslus so/ /'char kas bsam pa/ bdag gis bal nyung du ma zhig rnyed pa 'di/ su rmal du gzhug/ gal te khyim pa dag la bcol na ni/ de dag bslab pa yang dag par ma blangs pa yin pas thams cad brkus par 'gyur ro/ /gal te bcu gnyis sde dag la bcol na ni/ bca' ba'i rin du 'jog par 'gyur ro/ /chos sbyin la bcol du yang / chos sbyin ma ni/ mdo sde'i mtha' pa yin la/ 'khor yang mdo sde'i mtha' pa dang ldan pa yin pas/ de mdo sde'i tshig dag sems pa na/ dus 'gyang par 'gyur ro/ /go'u ta mi skem mo la bcol du yang / go'u ta mi skem mo ni/ 'dul ba 'dzin pa yin la/ 'khor yang 'dul ba 'dzin pa dang ldan pa yin pas/ de 'di ni/ ltung ba yin no/ /'di ni/ ltung ba ma yin no// zhes sems pa na/ dus 'gyang par 'gyur ro/ /skye rgu'i bdag mo chen mo go'u ta mi ni/ spong ba pa yin la/ 'khor yang spong ba pa dang ldan pa yin pas/ de sems rtse gcig tu 'jog pa </font><hr>Cha196a<br><font size=+1>


@#/ /la bal rmel ba mi gnod kyi/ bdag gis de la bal rmel du bcol snyam nas/ de de snyam zhing 'dug pa na/ skye rgu'i bdag mo chen mo go'u ta mi bcom ldan 'das ga la ba der 'ongs pa de/ tshe dang ldan pa 'char kas thag ring po kho na nas mthong nas smras pa/ go'u ta mi/ bcom ldan 'das kyis tshul khrims dang ldan pa'i sems kyi smon pa 'grub ste/ de yang tshul khrims rnam par dag pa'i phyir ro/ /zhes bka' stsal pa de/ legs par gsungs pa yin te/ da gzod kho na bdag kye ma skye rgu'i bdag mo chen mo go'u ta mi 'ongs na ci ma rung snyam pa'i blo skyes na/ khyed kyang 'dir 'ongs so/ /bdag gis bal nyung zhig rnyed pa de khyod kyis rmel du chug ste byin cig /'phags pa/ bdag bcom ldan 'das kyi zhabs la phyag 'tshal te slar mchis nas dge slong ma gnyis btang gi/ de gnyis kyi sug par stsol cig /'char kas bal de dag gzar thag gis bam po gnyis su dam du rab tu bcings te sgo glegs kyi phag tu bzhag go/ de nas skya rgu'i bdag mo chen mo go'u ta mi bcom ldan 'das kyi zhabs la phyag 'tshal te dbyar khang du song nas des de'i gan du dge slong ma gnyis btang ste/ 'phags pa 'char ka'i gan du dengs la bal de bskur du gsol zhes gyis shig ces bsgo'o/ /de gnyis dong ste smras pa/ 'phags pa/ go'u ta mi'i mchid nas bal de </font><hr>Cha196b<br><font size=+1>


bskur du gsol zhes mchi'o/ /'char kas de gnyis la smras pa/ sgo glegs kyi phag na bam po gnyis 'dug pa de gnyis khyer la dengs shig /de gnyis gnas khang du zhugs te gdeg par brtsams pa dang / bsgul ba tsam du yang ma nus nas de gnyis kyis smras pa/ 'phags pa/ ci/ 'dir rang 'thag gi gor ma dag stsal tam/ gzhon nu ma gnyis/ ci khyed gnyis gzhon nu ma gta' gam pa yin nam zhes des mthe'u chung gis btegs te/ gcig ni/ gcig gi mgor bskur/ gcig ni/ gcig gi rked du bskur ro/ /de gnyis mgo chag la thug go /rked pa chag la thug go /zhes zer zhing dbyar khang du dong nas khur sa la bzhag ste khri'i steng du bsgyel cing 'dug go/ dge slong ma rnams kyis de gnyis la smras pa/ khyed gnyis/ gzhon nu ma gta' gam pa yin nam/ de gnyis kyis smras pa/ khyed cag las/ stobs dang ldan pa gang yin pa des je 'di thogs shig /de dag gis de gdeg par brtsams pa dang / bsgul ba tsam du yang ma nus nas de dag gis smras pa/ 'phags ma gnyis/ ci/ 'dir rang 'thag gi rdo dag bcug gam zhes de dag gis bam po de gnyis bshig pa dang / ji tsam na phung po chen por rnam par gnas par gyur to/ /dge slong ma rnams kyis rta bgad kyis btab ste smras pa/ 'phags pa 'char ka na re/ bal cung zhig ces zer na/ gal te mang bar gyur na ni/ ji lta bur 'gyur/ skye rgu'i bdag </font><hr>Cha197a<br><font size=+1>


@#/ /mo chen mo go'u ta mis smras pa/ nu mo dag/ mgo bregs shing mchan khung ral bu can dag yin na/ dgod du ci yod/ 'phags pa 'char ka'i mchid nas bal nyung zhig ces mchi na/ gal te mang bar gyur na/ ji lta bur 'gyur/ skye rgu'i bdag mo chen mo go'u ta mis smras pa/ nu mo dag de dag ni/ gnas ngan len kun tu spyod pa dag yin pas/ de dag gis bcom ldan 'das kyis bstan pa la 'drums pa ltung bas ltung bar byed do/ /nu mo dag/ bcom ldan 'das kyis 'di gnyis ni/ skyes bu dam pa yin te/ khur ma blangs pa mi len pa gang yin pa dang / khur blangs pa mthar phyin pa byed pa gang yin pa'o/ /zhes gsungs pas/ 'di ni/ khur blangs pa yin pas mthar phyin par bya dgos kyi/ khyed cag las/ gang gis ji tsam rmel bar spro ba des de tsam rmel la/ de'i gan du khyer te byin cig /de dag yun ring du thogs pa dang 'char kas bsam pa/ de dag gis bal de bca' ba'i rin du bzhag gor ma chag/ bdag gis ma legs pa zhig byas te/ bdag gis bal de ni/ char pas 'jigs pas gang la khar bzhag pa dang 'dra bar gyur to/ /snyam mo/ /dge slong ma gnyis kyis bal kha cig rmel te khyer te 'ongs nas smras pa/ 'phags pa 'char ka/ bal dag 'tshal te mchis na/ gang du gzhag par bgyi/ 'char kas bsam pa/ da dung spyod yul lhag ma dang </font><hr>Cha197b<br><font size=+1>


bcas pa yin no/ /snyam nas smras pa/ gnas khang du chug ste zhog cig /de gnyis kyis bzhag ste song ba dang / gzhan dag gis kyang khyer te 'ongs so/ /ji tsam na thams cad kyis kyang khyer te 'ongs so| |de nas skye rgu'i bdag mo chen mo go'u ta mi bcom ldan 'das ga la ba der song ste phyin nas bcom ldan 'das kyi zhabs la phyag 'tshal nas mtha' gcig tu 'dug go/ de'i tshe na skye rgu'i bdag mo chen mo go'u ta mi'i lag pa gnyis 'di lta ste/ dper na/ btso blag mkhan gyi lag pa dmar ba ltar/ dmar pa dang / shin tu dmar bar gyur to/ /de nas bcom ldan 'das kyis skye rgu'i bdag mo chen mo go'u ta mi la 'di skad ces bka' stsal to/ /go'u ta mi/ ci'i phyir khyod kyi lag pa gnyis 'di lta ste/ dper na/ btso blag mkhan gyi lag pa dmar ba ltar/ dmar ba dang / shin tu dmar bar gyur/ bcom ldan 'das/ 'di ni/ bgyi ba gzhan lags na/ gzhan bgyid do/ /ji ltar gyur/ 'phags pa 'char kas bdag bal rmel du stsal to/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ dge slong dag dge slong ma nye du ma yin pa la lug bal dag rmel du 'jug gam/ btsun pa/ rmel du stsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams kyis </font><hr>Cha198a<br><font size=+1>


@#/ /mkhyen bzhin du rmed par mdzad pa ste/ zhes bya ba la sogs pa yang snga ma bzhin no/ /sangs rgyas bcom ldan 'das kyis tshe dang ldan pa 'char ka la rmas pa/ 'char ka khyod dge slong ma nye du ma yin pa la lug bal dag rmel du 'jug pa bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong ma nye du ma yin pa la lug bal 'khrur 'jug gam/ 'tshed du 'jug gam/ rmel du 'jug na/ spang ba'i ltung byed do/ /yang dge slong gang zhes bya ba ni/ 'char ka'am/ gzhan yang de lta bu gang yin pa'o/ /dge slong ma zhes bya ba ni/ chos 'di pa'o/ /nye du ma yin pa la zhes bya ba ni/ phyi mo dang / mes po dang / phrugs kyi bdun pa tshun chad ni/ nye du yin la/ de phan chad ni/ nye du ma yin no/ /lug </font><hr>Cha198b<br><font size=+1>


bal zhes bya ba ni/ lug bal lo/ /'khrur 'jug gam zhes bya ba ni/ tha na chur snyug pa byed du 'jug na'o/ /'tshed du 'jug gam zhes bya ba ni/ tha na tshon du snyug pa byed du 'jug na'o/ /rmel du 'jug na zhes bya ba ni/ tha na 'da' bar byed du 'jug na'o/ /spang ba'i ltung byed do/ /zhes bya ba ni/ dngos po de spangs nas ltung byed kyi ltung ba bshags par bya ba ste/ des na spang ba'i ltung byed do// zhes gsungs so/ /de la ltung bar ji ltar 'gyur zhe na/ dge slong gis dge slong ma nye du ma yin pa la nye du ma yin par 'du shes pas lug bal dag 'khrur 'jug na/ spang ba'i ltung byed du 'gyur ro// 'tshed du 'jug na/ spang ba'i ltung byed du 'gyur ro/ /rmel du 'jug na/ spang ba'i ltung byed du 'gyur ro/ /'khrur 'jug pa dang / 'tshed du 'jug gam/ 'khrur 'jug pa dang rmel du 'jug gam/ 'tshed du 'jug pa dang 'khrur 'jug gam/ 'tshed du 'jug pa dang / rmel du 'jug pa dang / 'khrur 'jug gam/ rmel du 'jug pa dang / 'tshed du 'jug gam/ 'khrur 'jug pa dang / 'tshed du 'jug pa dang / rmel du 'jug na/ spang ba'i ltung byed du 'gyur ro/ /dge slong gis dge slong ma nye du ma yin pa la yid gnyis za bas lug bal dag 'khrur 'jug na/ spang ba'i ltung byed du 'gyur ro| 'ched du 'jug na/ spang ba'i ltung byed du 'gyur ro/ /rmel du 'jug pa na/ spang ba'i ltung byed du 'gyur ro/ /'khrur 'jug pa dang / 'ched du 'jug gam/ 'khrur 'jug pa dang / rmel du </font><hr>Cha199a<br><font size=+1>


@#/ /'jug gam/ 'tshed du 'jug pa dang / 'khrur 'jug gam/ 'tshed du 'jug pa dang / rmel du 'jug gam/ rmel du 'jug pa dang 'khrur 'jug gam/ rmel du 'jug pa dang 'tshed du 'jug gam/ 'khrur 'jug pa dang 'tshed du 'jug pa dang / rmel du 'jug na/ spang ba'i ltung byed du 'gyur ro/ /dge slong gis dge slong ma nye du la nye du ma yin par 'du shes pas lug bal dag 'khrur 'jug na/ nyes byas su 'gyur ro/ /'tshed du 'jug na/ nyes byas su 'gyur ro/ /rmel du 'jug na/ nyes byas su 'gyur ro/ /'khrur 'jug pa dang 'tshed du 'jug gam/ 'khrur 'jug pa dang rmel du 'jug gam/ 'tshed du 'jug pa dang 'khrur 'jug gam/ 'tshed du 'jug pa dang rmel du 'jug gam/ rmel du 'jug pa dang 'khrur 'jug gam/ rmel du 'jug pa dang / 'tshed du 'jug gam/ 'khrur 'jug pa dang / 'tshed du 'jug pa dang / rmel du 'jug na/ nyes byas su 'gyur ro/ /dge slong gis dge slong ma nye du la yid gnyis za bas lug bal dag 'khrur 'jug na/ nyes byas su 'gyur ro/ /'tshed du 'jug na/ nyes byas su 'gyur ro/ /rmel du 'jug na/ nyes byas su 'gyur ro/ /'khrur 'jug pa dang / 'tshed du 'jug gam/ 'khrur 'jug pa dang rmel du 'jug gam/ 'tshed du 'jug pa dang / 'khrur 'jug gam/ 'tshed du 'jug pa dang rmel du 'jug gam/ rmel du 'jug pa dang / 'khrur 'jug gam/ rmel du </font><hr>Cha199b<br><font size=+1>


'jug pa dang / 'tshed du 'jug gam/ 'khrur 'jug pa dang 'tshed du 'jug pa dang / rmel du 'jug na/ nyes byas su 'gyur ro/ /las dang po pa dang / /smyos pa dang / sems 'khrugs pa dang / tshor ba dag gis nyen pa la ltung ba med do/ /bal rmel du 'jug pa'i spang ba ste/ bcu bdun pa rdzogs so// //sangs rgyas bcom ldan 'das rgyal po'i khab na 'od ma'i tshal ka land ka'i gnas na bzhugs so/ /de nas grong dpon gtsug na nor bu bcom ldan 'das ga la ba der song ste phyin nas bcom ldan 'das kyis zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das la grong dpon gtsug na nor bus 'di skad ces gsol to/ /btsun pa/ sngon gyi gdugs rnams kyi ches snga ba zhig na/ rgyal po'i pho brang na rgyal po dang / blon po'i 'khor mchis shing mthun par gyur pa rnams la par skabs kyi bka' mchid kun tu brjod pa 'di lta bu byung bar gyur to/ /shes ldan dag /ci/ dge slong rnams mngon mtshan can rung ngam/ shAkya'i sras kyi dge sbyong rnams gser bdag gir bgyid dam/ 'on te dge slong rnams la mngon mtshan can mi rung zhing / shAkya'i sras kyi dge slong rnams gser bdag gir mi bgyid ces mchi nas/ de na kha cig ni/ 'di skad ces/ dge slong rnams la mngon mtshan can rung zhing / shAkya'i sras kyi dge sbyong rnams gser bdag gir bgyid do/ /zhes mchi/ kha cig ni/ </font><hr>Cha200a<br><font size=+1>


@#/ /'di skad ces/ dge slong rnams la mngon mtshan can mi rung zhing / shAkya'i sras kyi dge sbyong rnams gser bdag gir mi bgyid do/ /zhes mchi na/ btsun pa/ de la gang dag de skad ces/ dge slong rnams la mngon mtshan can rung zhing / shAkya'i sras kyi dge sbyong rnams gser bdag gir bgyid do/ /zhes mchi na/ btsun pa/ ji ltar gang dag de skad mchi ba de dag de ltar brda sprod par bgyid pa na/ bcom ldan 'das la skur ba 'debs par mi bgyid cing / ha cang thal bar yang mi bgyid pa dang / de dag bcom ldan 'das kyis gsungs pa'i rjes su smra ba dang / chos smra ba dang / chos kyi rjes su mthun pa'i chos brda sprod par bgyid pa dang / gsungs pa'i rjes su smra ba de dag la gzhan las chos dang mthun pas smad pa'i gnas lta bu'i chos 'ga' yang mi mchi ba lags sam/ grong dpon/ gang dag de skad ces/ dge slong rnams la mngon mtshan can rung zhing / shAkya'i sras kyi dge sbyong rnams gser bdag gir byed do/ /zhes zer ba de dag de ltar brda sprod par byed pa na/ nga la skur ba 'debs par byed cing / ha cang thal bar byed pa dang / de dag ngas smras pa'i rjes su smra ba ma yin pa dang / chos smra ba ma yin pa dang / chos kyi rjes su mthun pa'i chos brda sprod par byed pa ma yin pa dang / smras pa'i rjes su smra ba ma yin pa de dag la gzhan las chos dang mthun pas smad pa'i gnas lta bu'i chos shin tu 'ong </font><hr>Cha200b<br><font size=+1>


ba yin no/ /de ci'i phyir zhe na/ grong dpon/ dge slong rnams la mngon mtshan can mi rung zhing / shAkya'i sras kyi dge sbyong rnams gser bdag gir mi byed de/ gang la la la mngon mtshan can rung zhing gser bdag gir byed pa de ni/ dge sbyong gi chos ma yin zhing / de ni/ shAkya'i sras kyi chos ma yin pa'i phyir ro/ /grong dpon/ ngas khyod la don de nyid kyi phyir lan gnyis lan gsum gyi bar du brjod par bya ste/ dge slong rnams la mngon mtshan can mi rung zhing / shAkya'i sras kyi dge sbyong rnams gser bdag gir mi byed de/ gang la la la mngon mtshan can rung zhing / gsar bdag gir byed pa de ni/ dge sbyong gi chos ma yin zhing / de ni/ shAkya'i sras kyi chos ma yin no/ /btsun pa/ gang gi slad du bcom ldan 'das kyis de skad ces/ dge slong rnams la mngon mtshan can mi rung zhing / shAkya'i sras kyi dge sbyong rnams gser bdag gir mi bgyid de/ gang la la mngon mtshan can rung zhing gser bdag gir bgyid pa de ni/ dge sbyong gi chos ma lags shing / de ni/ shAkya'i sras kyi chos ma lags so/ /zhes bka' stsal te/ ji tsam du bcom ldan 'das kyis legs par gsungs pa ni/ ngo mtshar to/ /btsun pa/ gang gi slad du bcom ldan 'das kyis de skad ces/ grong dpon/ ngas khyod la don de nyid kyi phyir lan gnyis lan gsum gyi bar du brjod par bya ste/ dge slong rnams la mngon mtshan can mi rung zhing / shAkya'i sras kyi dge slong rnams gser bdag gir mi bgyid de/ gang </font><hr>Cha201a<br><font size=+1>


@#/ /la la la mngon mtshan can rung zhing gser bdag gir bgyid pa de ni/ dge sbyong gi chos ma lags shing / de ni/ shAkya'i sras kyi chos ma lags so/ /zhes bka' stsal pa'i bcom ldan 'das kyi bka' de ni/ rgya cher bzang ba lags so/ /btsun pa/ bdag kyang 'di snyam bgyid do/ /dge slong rnams la mngon mtshan can mi rung zhing / shAkya'i sras kyi dge sbyong rnams gser bdag gir mi bgyid de/ gang la la la mngon mtshan can rung zhing gser bdag gir bgyid pa de ni/ 'dod pa'i yon tan lnga po dag kyang rung ba kho na lags so/ / grong dpon/ de de bzhin no/ /de de bzhin te/ dge slong rnams la mngon mtshan can mi rung zhing / shAkya'i sras kyi dge sbyong rnams gser bdag gir mi bgyid de/ gang la la la mngon mtshan can rung zhing / gser bdag gir byed pa de ni/ dge sbyong gi chos ma yin zhing / de ni/ shAkya'i sras kyi chos ma yin no/ /de nas grong dpon gtsug na nor bus bcom ldan 'das kyis bka' stsal pa la mngon par dga' ba dang / rjes su yi rang ba byas nas bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /de'i tshe na tshe dang ldan pa kun dga' bo bcom ldan 'das kyi snam logs na 'dug par gyur cing bsil yab thogs te bcom ldan 'das la g.yob cing 'dug go/ de nas bcom ldan 'das kyis grong dpon </font><hr>Cha201b<br><font size=+1>


gtsug na nor bu song nas ring po ma lon par thugs su chud nas tshe dang ldan pa kun dga' bo la bka' stsal pa/ kun dga' bo/ song la 'od ma'i tshal ka land ka'i gnas na dge slong ji snyed nye bar brten cing gnas pa de dag thams cad dpong sa'i khang par sdus shig/ tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas 'od ma'i tshal ka land ka'i gnas na/ dge slong ji snyed nye bar brten cing gnas pa de dag thams cad dpong sa'i khang par bsdus nas bcom ldan 'das ga la ba der song ste phyin nas bcom ldan 'das kyi zhabs la phyag 'tshal te mtha' gcig tu 'dug go/ mtha' gcig tu 'dug nas bcom ldan 'das la tshe dang ldan pa kun dga' bos 'di skad ces gsol to/ /btsun pa/ 'od ma'i tshal ka land ka'i gnas na dge slong ji snyed nye bar brten cing gnas pa de dag thams cad dpong sa'i khang par mchis shing mthun par gyur na bcom ldan 'das kyis da de'i dus la bab par mkhyen par mdzad du gsol/ de nas bcom ldan 'das dpong sa'i khang pa ga la ba der gshegs te byon nas dge slong gi dge 'dun gyi gong du gdan bshams pa nyid la bzhugs so/ /bzhugs nas bcom ldan 'das kyis dge slong rnams la bka' stsal pa/ dge slong dag/ da ci grong dpon gtsug na nor bung la ba der 'ongs te phyin nas nga'i rkang pa gnyis la phyag 'tshal te mtha' gcig tu 'dug go/ mtha' gcig </font><hr>Cha202a<br><font size=+1>


@#/ /tu 'dug nas/ nga la grong dpon gtsug na nor bu 'di skad ces/ btsun pa/ sngon gyi gdugs rnams kyi ches snga ba zhig na/ rgyal po'i pho brang na rgyal po dang / blon po'i 'khor mchis shing mthun par gyur pa rnams la bar skabs kyi bka' mchid kun tu brjod pa 'di lta bu 'di byung bar gyur te/ shes ldan dag/ ci/ dge slong rnams la mngon mtshan can rung ngam| shAkya'i sras kyi dge sbyong rnams gser bdag gir bgyid dam/ 'on te dge slong rnams la mngon mtshan can mi rung zhing / shAkya'i sras kyi dge sbyong rnams gser bdag gir mi bgyid ces mchi nas/ de na kha cig ni/ 'di skad ces/ dge slong rnams la mngon mtshan can rung zhing / shAkya'i sras kyi dge sbyong rnams gser bdag gir bgyid do/ /zhes mchi/ kha cig ni/ 'di skad ces| dge slong rnams la mngon mtshan can mi rung zhing / shAkya'i sras kyi dge sbyong rnams gser bdag gir mi bgyid do/ /zhes mchi na/ btsun pa/ de la gang dag de skad ces/ dge slong rnams la mngon mtshan can rung zhing / shAkya'i sras kyi dge sbyong rnams gser bdag gir bgyid do/ /zhes mchi na/ btsun pa/ ji ltar gang dag de skad mchi ba de dag de ltar brda sprod par bgyid pa na| bcom ldan 'das la skur pa 'debs par mi bgyid cing / ha cang thal ba mi bgyid pa dang / de dag bcom ldan 'das kyis gsungs pa'i rjes su smra ba dang / chos smra ba dang / chos kyi rjes su </font><hr>Cha202b<br><font size=+1>


mthun pa'i chos brda sprod par bgyid pa dang / gsungs pa'i rjes su smra ba de dag la gzhan las chos mthun pas smad pa'i gnas lta bu'i chos 'ga' yang mi mchi ba lags sam zhes zer na/ ngas de la 'di skad ces/ grong dpon/ gang dag de skad ces dge slong rnams la mngon mtshan can rung zhing / shAkya'i sras kyi dge sbyong rnams gser bdag gir byed do/ /zhes zer ba de dag de ltar brda sprod par byed pa na nga la skur pa 'debs par byed cing ha cang thal bar byed pa dang / de dag las smras pa'i rjes su smra ba ma yin pa dang / chos smra ba ma yin pa dang / chos kyi rjes su mthun pa'i chos brda sprod par byed pa ma yin pa dang / smra ba'i rjes su smra ba ma yin pa de dag la gzhan las chos dang mthun pas smad pa'i gnas lta bu'i chos shin tu 'ong ba yin no/ /de ci'i phyir zhe na/ grong dpon/ dge slong rnams la mngon mtshan can mi rung zhing shAkya'i sras kyi dge sbyong rnams gser bdag gir mi byed de/ gang la la la mngon mtshan can rung zhing gser bdag gir byed pa de ni/ dge sbyong gi chos ma yin zhing / de ni| shAkya'i sras kyi chos ma yin pa'i phyir ro/ /grong dpon/ ngas khyed la don de nyid kyi phyir lan gnyis lan gsum gyi bar du brjod par bya ste/ dge slong rnams la mngon mtshan can mi rung zhing / shAkya'i sras kyi dge sbyong rnams gser bdag gir mi byed de/ gang la la la mngon mtshan can rung zhing / gser bdag gir byed pa de ni/ dge sbyong gi chos ma yin zhing / de ni/ shAkya'i sras kyi </font><hr>Cha203a<br><font size=+1>


@#/ /chos ma yin no/ /zhes smras pa dang / de nga la 'di skad ces/ btsun pa/ gang gi slad du bcom ldan 'das kyis de skad ces dge slong rnams la mngon mtshan can mi rung zhing| shAkya'i sras kyi dge sbyong rnams gser bdag gir mi bgyid de/ gang la la la mngon mtshan can rung zhing / gser bdag gir bgyid pa de ni/ dge sbyong gi chos ma lags shing / de ni/ shAkya'i sras kyi chos ma lags so/ /zhes bka' stsal te/ ji tsam du bcom ldan 'das kyis legs par gsungs pa ni/ ngo mtshar to/ /btsun pa/ gang gi slad du bcom ldan 'das kyis de skad ces| grong dpon/ ngas khyod la don de nyid kyi phyir lan gnyis lan gsum gyi bar du brjod par bya ste/ dge slong rnams la mngon mtshan can mi rung zhing / shAkya'i sras kyi dge sbyong rnams gser bdag gir mi bgyid de/ gang la la la mngon mtshan can rung zhing / gser bdag gir bgyid pa de ni/ dge sbyong gi chos ma lags shing / de ni shAkya'i sras kyi chos ma lags so/ /zhes bka' stsal ba'i bcom ldan 'das kyi bka' de ni/ rgya cher bzang ba lags so/ /btsun pa/ bdag kyang 'di snyam bgyid de/ dge slong rnams la mngon mtshan can mi rung zhing / shAkya'i sras kyi dge sbyong rnams gser bdag gir mi bgyid de/ gang la la la mngon mtshan can mi rung zhing / gser bdag gir bgyid pa de la ni/ 'dod pa'i yon tan lnga po dag kyang rung ba kho na lags </font><hr>Cha203b<br><font size=+1>


so| |zhes zer ro/ /ngas de la 'di skad ces/ grong dpon/ de de bzhin no/ /de de bzhin te/ dge slong rnams la mngon mtshan can mi rung zhing / shAkya'i sras kyi dge sbyong rnams gser bdag gir mi byed de| gang la la la mngon mtshan can rung zhing / gser bdag gir byed pa de ni/ dge sbyong gi chos ma yin zhing / de ni/ shAkya'i sras kyi chos ma yin no/ /zhes smras pa/ de nas grong dpon gtsug na nor bu des ngas smras pa la mngon par dga' ba dang rjes su yi rang ba byas nas nga'i rkang pa gnyis la mgo bos phyag 'tshal te nga'i drung nas song ngo / /dge slong dag/ de ltar grong dpon gtsug na nor bu des rgyal po dang bcas pa'i 'khor gyi mdun du dge slong rnams la mngon mtshan can mi rung zhing / shAkya'i sras kyi dge sbyong rnams gser bdag gir mi byed de/ gang la la la mngon mtshan can rung zhing / gser bdag gir byed pa de la ni/ 'dod pa'i yon tan lnga po dag kyang gdon mi za bar rung ba yin no/ /zhes cha gcig bzung ste/ khyu mchog gi tshig rgya chen po smras shing / 'khor gyi nang du yang dag par seng ge'i sgra bsgrags so/ /dge slong dag/ ngas kyang de skad ces/ dge slong rnams la mngon mtshan can mi rung zhing / shAkya'i sras kyi dge sbyong rnams gser bdag gir mi byed de/ gang la la la mngon mtshan can rung zhing gser bdag gir byed pa de ni/ dge sbyong gi chos ma yin zhing de ni/ shAkya'i sras kyi chos ma yin no/ /zhes smras so/ /dge slong dag/ de lta bas na khyed kyis </font><hr>Cha204a<br><font size=+1>


@#/ /gang dang phyin chad shing 'dod pa dag gis shing yongs su btsal bar bya/ rtswa 'dod pa dag gis ni/ rtswa/ shing rta'i las 'dod pa dag gis ni/ shing rta'i las/ mi blas 'dod pa rnams kyis ni/ mi blas yongs su btsal bar bya'o/ /zhes smra'i/ 'di skad ces/ rnam grangs gang gis kyang gser bdag gir bya ba ni/ mi smra'o/ /'di ni/ re zhig byung ba yin gyi/ sangs rgyas bcom ldan 'das re zhig 'dul ba la nyan thos rnams kyi bslab pa'i gzhi bca' bar ni/ mi mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong drug sde dag rang gi lag gis gser dang dngul len par byed/ len du 'jug par byed/ phung po gcig tu byed/ phung po gnyis su byed/ khri dang / khri'u dang / khri'u chung ngu dag tu 'jog par byed nas gzhan mu stegs can dag shes ldan dag/ shAkya'i bu'i dge sbyong dag ni/ ma log /ma spangs/ so sor ma spangs pa yin te/ 'di ltar/ rang gi lag gis gser dang dngul len par byed/ len du 'jug par byed/ phung po gcig tu byed/ phung po gnyis su byed/ khri dang / khri'u dang / khri'u chung du dag tu 'jog par byed do/ /bram ze dang / khyim bdag dag kyang rang gi lag gis gser dang dngul len par byed/ len du 'jug par byed/ phung po gcig tu byed </font><hr>Cha204b<br><font size=+1>


phung po gnyis su byed/ khri dang / khri'u dang / khri'u chung ngur 'jug par byed na/ shes ldan dag/ shAkya'i bu'i dge sbyong rnams dang / bram ze dang khyim bdag rnams kyi 'di la bye brag ni/ ci yod| bsam pa ni/ ci yod/ tha dad tu bya ba ni/ ci yod/ su zhig dge sbyong mgo reg 'di dag la bsod snyoms sbyin pa dang bya bar sems zhes smod par byed/ 'phyar kha gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong drug sde dag la rmas pa/ dge slong dag/ khyed rang gi lag gis gser dang dngul len pa dang len du 'jug par byed pa bden nam/ btsun pa/ mad do/ /sangs rgyas bcom ldan 'das kyis/ dge sbyong gi tshul ma yin pa dang / rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag/ de lta bas na/ phan yon bcu yang dag par </font><hr>Cha205a<br><font size=+1>


@#/ /gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos kyis 'dul ba la bslab pa'i gzhi 'di ltar gdon par bya ste/ yang dge slong gang rang gi lag gis gser dang dngul len tam/ len du 'jug na/ spang ba'i ltung byed do/ /yang dge slong gang zhes bya ba ni/ drug sde dag gam/ gzhan yang de lta bu gang yin pa'o/ /rang gi lag gis zhes bya ba ni/ rang gi lag pas so/ /gser dang dngul zhes bya ba ni/ dbyig dang gser ro/ /len tam zhes bya ba ni/ bdag nyid kyis so/ /len du 'jug na zhes bya ba ni/ gzhan no/ spang ba'i ltung byed do/ /zhes bya ba ni/ dngos po de spangs nas ltung byed kyi ltung ba bshags par bya ba ste/ des na spang ba'i ltung byed do/ /zhes gsungs so/ /de la ltung bar ji ltar 'gyur zhe na/ gzhi bco brgyad kyis te/ 'di longs shig/ 'di nas longs shig/ 'di tsam longs shig ces bya ba dang / 'di khyer shog/ 'di nas khyer shog/ 'di tsam khyer shog ces bya ba dang / 'di zhog cig/ 'dir zhog cig/ 'di tsam zhog cig ces bya ba dang / de longs shig/ de nas longs shig/ de tsam longs shig ces bya ba dang / de khyer shog/ de nas khyer shog/ de tsam khyer shog ces bya ba dang / de zhog cig/ der zhog cig/ de tsam zhog cig ces bya bas so/ /de la/ 'di </font><hr>Cha205b<br><font size=+1>


longs shig ces bya ba ni/ 'thob par 'gyur ba'i phyogs su dbyig gam/ gser 'di longs shig ces sgo bar byed pa ste/ de sgo bar byed pa la nyes byas su 'gyur la/ blangs pa na/ spang ba'i ltung byed du 'gyur ro/ /'di nas longs shig ces bya ba ni/ 'thob par 'gyur ba'i phyogs su zangs po che nas sam/ zangs nas sam/ rdza bo nas sam/ sgrom nas sam/ ko lpags nas sam/ za ma tog nas longs shig ces sgo bar byed pa ste/ de sgo bar byed pa la nyes byas su 'gyur la/ blangs pa na/ spang ba'i ltung byed du 'gyur ro/ /'di tsam longs shig ces bya ba ni/ 'thob par 'gyur ba'i phyogs su brgya'am/ stong ngam/ 'bum longs shig sgo bar byed pa ste/ de sgo bar byed pa la nyes byas su 'gyur la/ blangs na/ spang ba'i ltung byed du 'gyur ro/ /'di khyer shog ces bya ba ni/ 'thob par 'gyur ba'i phyogs su dbyig gam gser 'di khyer shog ces sgo bar byed pa ste/ de sgo bar byed pa la nyes byas su 'gyur la/ khyer na/ spang ba'i ltung byed du 'gyur ro/ /'di nas khyer shog ces bya ba ni/ 'thob par 'gyur ba'i phyogs su zangs po che nas sam/ zangs nas sam/ rdza bo nas sam/ sgrom nas sam/ ko lpags nas sam/ za ma tog nas khyer shog ces sgo bar byed pa ste de sgo bar byed pa la nyes byas su 'gyur la/ blangs pa na/ spang ba'i ltung byed du 'gyur ro/ /'di tsam khyer shog ces bya ba ni/ 'thob par 'gyur ba'i phyogs su brgya'am/ stong ngam/ 'bum </font><hr>Cha206a<br><font size=+1>


@#/ /khyer shog ces sgo bar byed pa ste/ de sgo bar byed pa la nyes byas su 'gyur la/ khyer ba la spang ba'i ltung byed du 'gyur ro/ /'di zhog cig ces bya ba ni/ 'thob par 'gyur ba'i phyogs su dbyig gam/ gser 'di zhog cig ces sgo bar byed pa ste/ de sgo bar byed pa la nyes byas su 'gyur la/ bzhag pa na/ spang ba'i ltung byed du 'gyur ro/ /'dir zhog cig ces bya ba ni/ 'thob par 'gyur ba'i phyogs su zangs po cher ram/ zangs su'am/ rdza bor ram/ sgrom du'am/ ko lpags su'am/ za ma tog tu zhog cig ces sgo bar byed pa ste/ sgo bar byed pa la nyes byas su 'gyur la/ bzhag pa na/ spang ba'i ltung byed du 'gyur ro/ /'di tsam zhog cig ces bya ba ni/ 'thob par 'gyur ba'i phyogs su brgya'am/ stong ngam/ 'bum zhog cig ces sgo bar byed pa ste/ de sgo bar byed pa la nyes byas su 'gyur la/ bzhag pa na/ spang ba'i ltung byed du 'gyur ro/ /de longs shig ces bya ba ni/ 'thob par 'gyur ba'i phyogs su dbyig gam/ gser de longs shig ces sgo bar byed pa ste/ de sgo bar byed pa la nyes byas su 'gyur la/ blangs pa na/ spang ba'i ltung byed du 'gyur ro/ /de nas longs shig ces bya ba ni/ 'thob par 'gyur ba'i phyogs su zangs po che nas sam/ zangs nas sam/ rdza bo nas sam/ sgrom nas sam/ ko lpags nas sam/ za ma tog nas longs shig ces sgo bar byed pa ste/ de </font><hr>Cha206b<br><font size=+1>


sgo bar byed pa la nyes byas su 'gyur la/ blangs pa na/ spang ba'i ltung byed du 'gyur ro/ /de tsam longs shig ces bya ba ni/ 'thob par 'gyur ba'i phyogs su brgya'am/ stong ngam/ 'bum longs shig ces sgo bar byed pa ste/ de sgo bar byed pa la nyes byas su 'gyur la/ blangs pa na/ spang pa'i ltung byed du 'gyur ro/ /de khyer shog ces bya ba ni/ 'thob par 'gyur ba'i phyogs su dbyig gam gser de khyer shog ces sgo bar byed pa ste/ de sgo bar byed pa la nyes byas su 'gyur la/ khyer ba na/ spang ba'i ltung byed du 'gyur ro/ /de nas khyer shog ces bya ba ni/ 'thob par 'gyur ba'i phyogs su zangs po che nas sam/ zangs nas sam/ rdza bo nas sam/ sgrom nas sam/ ko lpags nas sam/ za ma tog nas khyer shog ces sgo bar byed pa ste/ de sgo bar byed pa la nyes byas su 'gyur la/ blangs na/ spang ba'i ltung byed du 'gyur ro/ /de tsam khyer shog ces bya ba ni/ 'thob par 'gyur ba'i phyogs su brgya'am/ stong ngam/ 'bum khyer shog ces sgo bar byed pa ste/ de sgo bar byed pa la nyes byas su 'gyur la/ khyer na/ spang pa'i ltung byed du 'gyur ro/ /de zhog cig ces bya ba ni/ 'thob par 'gyur ba'i phyogs su dbyig gam/ gser de zhog cig ces sgo bar byed pa ste/ de sgo bar byed pa la nyes byas su 'gyur la/ bzhag pa na/ spang ba'i ltung byed du 'gyur ro/ /der zhog cig ces bya ba ni/ 'thob par 'gyur ba'i phyogs su zangs po cher ram/ zangs su'am/ rdza bor </font><hr>Cha207a<br><font size=+1>


@#/ /ram/ sgrom du'am/ ko lpags su'am/ za ma tog tu zhog cig ces sgo bar byed pa ste/ de sgo bar byed pa la nyes byas su 'gyur la/ bzhag pa na/ spang ba'i ltung byed du 'gyur ro/ /de tsam zhog cig ces bya ba ni/ 'thob par 'gyur ba'i phyogs su brgya'am/ stong ngam/ 'bum zhog cig ces sgo bar byed pa la nyes byas su 'gyur la/ bzhag pa na/ spang ba'i ltung byed du 'gyur ro/ /'di longs shig /'di nas longs shig /'di tsam longs shig ces bya ba dang / 'di khyer cig /'di nas khyer cig /'di tsam khyer cig ces bya ba dang / 'di zhog cig /'dir zhog cig /'di tsam zhog cig ces bya ba dang / de longs shig /de nas longs shig /de tsam longs shig ces bya ba dang / de khyer cig /de nas khyer cig /de tsam khyer shog ces bya ba dang / de zhog cig /der zhog cig /de tsam zhog cig ces bya ba de dag 'thob par 'gyur ba ma yin pa'i phyogs su sgo bar byed pa la nyes byas su 'gyur la/ blangs pa dang / khyer ba dang / bzhag pa na yang nyes byas su 'gyur ro/ /dge slong gis dbyig la reg na/ spang ba'i ltung byed du 'gyur ro/ /gser la reg na/ spang ba'i ltung byed du 'gyur ro/ /dbyig dang gser la reg na/ spang ba'i ltung byed du 'gyur ro/ /dge slong gis dbyig gam gser brdungs pa la reg na/ spang ba'i ltung byed du 'gyur ro/ /dbyig dang gser mngon mtshan can la reg </font><hr>Cha207b<br><font size=+1>


na/ spang pa'i ltung byed du 'gyur ro/ /dngul la reg na/ spang pa'i ltung byed du 'gyur ro/ /nor bu la reg na/ spang ba'i ltung byed du 'gyur ro/ /mu tig la reg na/ spang ba'i ltung byed du 'gyur ro/ / bai 
 la reg na/ spang ba'i ltung byed du 'gyur ro/ /nor bu dang / mu tig dang / bai 
 la reg na/ spang ba'i ltung byed du 'gyur ro/ /dge slong gis yul gyi tha snyad can gyi dbyig dang gser la reg na/ nyes byas su 'gyur ro/ /ra gan dang / zangs ma dang / lcags dang / rno lcags dang / ro nye dang / zha nye dang / khro chu la reg pa la ltung ba med do/ /zhes de ltar bcom ldan 'das kyis 'dul ba la nyan thos rnams kyi bslab pa'i gzhi bca' bar mdzad do// //'dul ba rnam par 'byed pa/ bam po so gsum pa/ sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na tsam pa ka na khyim bdag dad pa dang ldan pa/ bzang ba/ dge ba'i bsam pa can/ bzang po sbyin pa zhig 'dug pa des/ de bzhin gshegs pa'i nyan thos kyi dge 'dun gyi phyir gtsug lag khang rta babs mthon po dang / skar khung dang / skar khung dra ba can dang / lan kan gyis brgyan pa snying dang / mig 'phrog pa/ mtho ris kyi them skas su gyur pa zhig byed du bcug nas der dge slong mang po dag dbyar gnas par khas blangs te/ de dag gis dgag dbye byas nas smras pa/ khyim bdag /bdag cag mnyan yod du ston pa dang / </font><hr>Cha208a<br><font size=+1>


@#/ /dge slong gnas brtan gnas brtan rnams kyi zhabs la phyag 'tshal du 'gro'i/ bdag cag la gos dag byin cig /khyim bdag des smras pa/ 'phags pa dag /'di na gos bzang po dag ma mchis te/ don mthun dag mchis zhes grag gi /don mthun dag mchis kyi bar du re zhig gzhes shig dang / de nas gos bzang po dag 'jal te gsol lo/ /de dag gis smras pa/ khyim bdag gal te gros bzang po dag med na/ gos ngan po dag byin cig /'phags pa dag /bdag ni/ bzang po sbyin pa lags na/ ji ltar bdag gis ngan pa dag gsol bar bgyi/ gal te khyed cag rings na/ gos kyi rin kaR+sha pa Na dag snoms la bzhud cig /khyim bdag /bcom ldan 'das kyis kaR+sha pa Na dag bkag bas bdag cag mi len to/ /'phags pa dag /'di ltar bdag la ma byin pa ni/ mi mnga'i/ gos ngan pa dag sbyin du mi rung ngo / /dge slong de dag gis kaR+sha pa Na dag ma blangs par gos ngan pa dag kho nas dong ste/ mthar gyis mnyan yod du phyin pa dang / de dag la dge slong rnams kyis smras pa/ tshe dang ldan pa dag /khyed cag gis dbyar gnas pa'i gos kyi rnyed pa ma rnyed dam ci nas gang gi phyir khyed cag gos dag ngan par gyur/ ma rnyed do/ /khyed cag gang du dbyar gnas par khas blangs/ tsam par ro/ /khyim bdag gang la brten/ che ge mo zhig la'o/ /khyim </font><hr>Cha208b<br><font size=+1>


bdag de bzang po sbyin pa zhes grags so/ /de'i phyir ma rnyed do/ /de'i phyir de dag gis skabs de/ rgyas par brjod pa dang / dge slong rnams kyis bcom ldan 'das la gsol to/ /de nas bcom ldan 'das 'di snyam du dgongs te/ kye ma bram ze dang khyim bdag dad pa can dag kyang gos kyi rin dag sbyin par byed la/ nga'i nyan thos rnams kyang gos kyi rin dag 'dod kyi/ ngas nyan thos rnams la rung bar bya ba cung zhig gnang bar bya'o/ /snyam du dgongs nas/ bcom ldan 'das kyis bka' stsal pa/ blang bar bya zhing blangs nas kyang sbyin bdag de nyid la yid brtan te bcang bar bya'o/ /gzhan yang dge slong gis zhal ta byed pa spro bar bya'o/ /dge slong dag gis zhal ta byed pa gang spro bar bya ba mi shes nas/ bcom ldan 'das kyis bka' stsal pa/ kun dga' ra ba pa'am/ dge bsnyen spro bar bya ste/ kun dga' ra ba pa zhes bya ba ni/ rung bar byed pa'o/ /dge bsnyen zhes bya ba ni/ gsum la skyabs su song ba bslab pa'i gzhi lnga bzung ba'o/ /dge slong dag yul gzhan du 'dong ba na/ de dag 'di na bdag cag la sbyin pa dag 'ga' yang med do/ /zhes 'gyod pa skyes pa dang / bcom ldan 'das kyis bka' stsal pa/ sbyin bdag de nyid ji srid du gson pa dang / 'dug pa dang / 'tsho ba dang / sdod pa'i bar du shin tu ring du song ba yang nyams pa med do/ /dge slong rnams kyis chos gos kyi rin dag rnyed la sbyin bdag med nas de dag 'gyod pa skyes te mi len pa'i skabs de/ </font><hr>Cha209a<br><font size=+1>


@#/ /dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ blang bar bya zhing blangs nas kyang dge slong gi mdun du 'greng ste 'di skad ces brjod par bya'o/ /tshe dang ldan pa dgongs su gsol/ bdag dge slong ming 'di zhes bgyi bas dngos po rung ba ma lags pa 'di rnyed de/ bdag dge slong ming 'di zhes bgyi bas dngos po rung ba ma lags pa 'di byin gyis brlab bo/ /dngos po rung ba ma lags pa 'dis dngos po rung ba bsgrub par bgyi'o/ /de bzhin lan gnyis lan gsum du brjod par bya ste/ 'di la 'gyod par mi bya'o/ /bram ze dang khyim bdag dad pa can dag gis mtha' 'khob dag tu gtsug lag khang dag byed du bcug nas de na dus dang dus su skrag pa dag byung nas dge slong dag gis gtsug lag khang stong par bor te byer ro/ /ma byin par len pa dag gis gtsug lag khang stong par rig nas gtsug lag khang bcom pa dang / bcom ldan 'das kyis bka' stsal pa/ dge 'dun gyi'am mchod rten gyi dbyig dang gser sbas te 'gro bar bya'o/ /bcom ldan 'das kyis sba bar bya'o/ /zhes bka' stsal nas/ de dag gis gang gis sba par bya ba mi shes nas bcom ldan 'das kyis bka' stsal pa/ kun dga' ra ba pa'am/ dge bsnyen gyis sba bar bya'o/ /gang dag sbed par byed pa de dag nyid rku bar byed nas bcom </font><hr>Cha209b<br><font size=+1>


ldan 'das kyis bka' stsal pa/ dge bsnyen dad pa can gyis sba bar bya'o/ /dge bsnyen dad pa can med na/ dge tshul gyis sba bar bya'o/ /dge tshul med na/ dge slong dag gis rang gis sba bar bya'o/ /de la dong brko bar bya ba yod nas gang gis brko bar bya ba mi shes nas bcom ldan 'das kyis bka' stsal pa/ kun dga' ra ba pa'am/ dge bsnyen gyis brko bar bya'o/ /de nyid rku bar byed nas/ bcom ldan 'das kyis bka' stsal pa/ dge bsnyen dad pa can gyis brko bar bya'o/ /dge bsnyen dad pa can med na/ dge tshul gyis brko bar bya'o/ /dge tshul med na/ dge slong dag gis rang gis brko bar bya'o/ /'jigs pa dang bral na/ rnam pa de lta bu nyid kyis phyung ste dge 'dun la dbul bar bya'o/ /dge slong dag /ngas phongs pa'i dus dag tu gnang ba gang yin pa de/ bde ba'i gnas skabs dag tu spyad par mi bya ste/ spyod na/ 'gal tshabs can du 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /gser dang dngul dag la reg pa'i spang ba ste/ bco brgyad pa rdzogs so// //sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe bcom ldan 'das 'jig rten du byung ba de'i tshe na thams cad du yul dbus su sangs rgyas bcom ldan 'das byung ngo / / </font><hr>Cha210a<br><font size=+1>


@#/ /zhes sgra grags te/ de'i nyan thos rnams 'bar ba dang / gsal ba dang / char 'bab pa dang / glog 'byin pa'i cho 'phrul dag phyed pas/ gang dag de la mchod pa dag byed pa de dag ni/ shin tu 'bras bu che ba dang / phan yon che ba dang / gsal ba che ba dang / rgyas pa che bar 'gyur ro/ /zhes byang lam pa'i tshong pa dag gis thos nas de dag gis smras pa/ shes ldan dag/ yul dbus su 'dong ngo / /der khe spogs mang po yang bsgrub par bya/ sangs rgyas dang / chos dang / dge 'dun dag la yang mchod par bya'o/ /zhes byang lam pa'i tshong pa de dag zong thogs te de la dbus su 'phags nas mthar gyis mnyan yod du phyin to/ /mnyan yod na shes pa can rtsis mkhas pa zhig 'dug pa des/ byang lam nas tshong pa don mthun 'ongs zhes thos nas des bsam pa/ song ste je bltas na/ der cung zad 'thob bo/ /snyam nas/ des cung zad dmigs pas kyang shes/ cung zad rtog ges kyang shes nas des song ste ded dpon la ming dang rus nas brjod cing / 'di zhes bya ba 'ongs pa legs so/ /'ongs pa legs so/ /khyod kyi ma ni/ ming 'di zhes bya/ khyod kyi pha ni/ ming 'di zhes bya/ khyod kyi rdzas ni/ 'di snyed cig 'ongs so/ /nyi ma ga ge mo zhig la ni/ khal 'jig par 'gyur ro/ /khe spogs ni/ 'di snyed cig 'grub par 'gyur ro/ /zhes smras pa dang / ded dpon des bsam pa/ bcom ldan 'das kyi nyan thos gang dag 'bar ba dang / </font><hr>Cha210b<br><font size=+1>


gsal ba dang / char 'bab pa dang / glog 'byin pa'i cho 'phrul byed ces grags pa de dag las/ 'ga' zhig 'di yin gor ma chag snyam nas/ des de la dad pas byang lam gyi nags kyi 'bras bus slong phor bkang ste phyin nas la ba srin bu'i mdog lta bu zhig kyang bskon no/ /shes pa can des/ de blangs shing gyon te tshangs pa mtshungs par spyod pa rnams kyi gan du song ba dang / de dag gis de mthong nas smras pa/ shes pa can/ khyod kyis mgo bzlog ste nyal ba gang zhig las thob/ des smras pa/ byang lam nas tshong pa don mthun 'ongs nas der kho bo ded dpon la ming dang rus nas brjod nas/ des kho bo la dad pas dad par bya ba'i dbang du byas pa yin no/ /de dag gis smras pa/ shes pa can/ bdag cag shAkya'i bu'i dge sbyong de dag rtag tu khyed cag la tha ga pa dag dang / phreng rgyud dag dang 'bru mar mkhan dag las/ gzhan pa mi gtso bo 'ga' yang mngon par dad par mi byed do/ /zhes mtho 'tsham par byed kyi/ khyod la ba 'di gyon te song la shAkya'i bu'i dge sbyong de dag gi snying dag gas par gyis shig /de ltar bya'o/ /zhes smras te/ de nas shes pa can de/ la ba de gyon nas rgyal byed kyi tshal du song ngo / /drug sde dag gi kun tu spyod pa ni/ 'dir bdag cag gis bram ze dang khyim bdag 'ongs pa rnams la yang chos bstan par bya/ rgol ba dag kyang tshar gcad par bya/ rang gi grags pa yang bsgrag par bya'o/ /snyam pas drug sde las gang yang rung bas rgyal byed kyi tshal gyi sgo stong bar mi 'jog </font><hr>Cha211a<br><font size=+1>


@#/ /pas| nye dga' rgyal byed kyi tshal gyi sgo na 'chag cing 'dug pa des/ shes pa can de thag ring po kho na nas mthong ngo / /de nas nye dgas bsam pa/ gcer bu pa ngan pa 'di la ba bzang po zhig gyon te 'ongs kyi/ gal te bdag gis de ma 'phrog na/ nye dga' zhes bya ba'i ming mi gzung ngo / /snyam nas/ des de la smras pa/ shes pa can/ khyod gcer bu pa yin la/ la ba 'di lta bu gyon na/ phyir babs sam ci/ kho bo phyir ma babs te/ 'di ltar byang lam nas tshong pa don mthun 'ongs nas der kho bos ded dpon la ming dang rus brjod nas/ des kho bo la dad pas dad pa'i dbang du byas pa yin no/ /ma legs so/ /ma legs so/ /khyod kyis rgas pa'i gnas skabs su tshul khrims 'chal ba kun tu spyad do/ /tshur shog/ 'dug cig dang chos bstan par bya'o/ /shes pa can de/ nye dga'i mdun du 'dug pa dang / nye dga' yid dga' zhing yid dga' nas de la sbyin pa'i bsngags pa brjod par brtsams so/ /drug sde dag gi kun tu spyod pa ni/ gal te tshul khrims kyi gtam dag byed na/ nyan pa po dag bdag cag lha rnams su skyes so/ /snyam du sems la/ gal te sbyin pa'i gtam dag byed na/ nyan pa po dag rang gi sha gang yin pa de yang bcad cing bcad cing sbyin par bya'o/ /snyam du sems so/ /gal te ngan song gi gtam dag byed na/ nyan pa po dag bdag cag ngan song rnams su </font><hr>Cha211b<br><font size=+1>


skyes so/ /snyam du sems par 'gyur ba yin pas/ nye dgas shes pa can de la smras pa/ shes pa can/ khyod kyi ston pa ni/ ngan pa la mos pa yin te/ gal te de bzang po 'dod par gyur na/ des khyed cag la gos 'bum ri ba dang / zas ro brgya ba dang ldan pa dang / khang pa brtsegs pa mig lnga brgya ba yang gnang bar 'gyur ba zhig na ma gnang ngo / /kho bo cag gi ston pa ni/ bzang po la mos pa yin pas des kho bo cag la gos 'bum ri ba dang / zas ro brgya dang ldan pa dang / khang pa brtsegs pa mig lnga brgya ba yang gnang ngo / /gal te khyod la ba 'di lta bu gyon te slong mo la 'gro bar gyur na/ bram ze dang khyim bdag dad pa can dag gis/ shes pa can 'dis tshul khrims 'chal ba kun tu spyad do/ /snyam du shes pas khyod kyis slong mo yang mi rnyed par 'gyur gyi khyod kyi la ba 'di kho bol byin cig dang / kho bos khyod la la ba gzhan zhig sbyin no/ /kho bo la ba 'di gyon te bsod snyoms la 'jug pa na/ bram ze dang khyim bdag dad pa can dag gis kho bo mthong nas btsun pa nye dgas la ba 'di lta bu ga las rnyed ces zer na/ kho bos de dag la 'di skad ces/ shes pa can che ge mo zhig gis byin no/ /zhes brjod par bya ste/ des na de dag gis shes pa can dad pa dang ldan par gyur to/ /snyam du shes par 'gyur zhing / de dag gis khyod slong mo la zhugs pa la chang dang nu rtsis slong phor bkang ste sbyin par 'gyur ro/ /des smras pa/ btsun pa nye dga' </font><hr>Cha212a<br><font size=+1>


@#/ /bzhes shig /nye dgas smras pa/ shes pa can/ khyod kyi tshangs pa mtshungs par spyod pa dag ni/ tshul khrims 'chal ba yin pas khyod de dag gi tshig thos nas yang phyir 'phrog tu 'ong bar 'gyur ba de lta bu'i gnas yod do/ /btsun pa nye dga'/ ci/ kho bo'i la ba 'di tshangs pa mtshungs par spyod pa de dag dbang ba yin nam/ la ba 'di ni/ kho bo nyid dbang ba yin gyi/ bzhes shig dang slar 'phrog tu mi 'chi'o/ /nye dgas la ba de blangs nas/ la ba rtsub po gzhan zhig de la byin nas shes pa can de/ la ba rtsub po de gyon nas tshangs pa mtshungs par spyod pa rnams kyi gan du phyir song ba dang / de dag gis de mthong nas smras pa/ shes pa can/ khyod kyis yang mgo bsgyur te nyal ba gang zhig las thob/ des smras pa/ 'di ni/ glo gzhan nas grub pa yin no/ /ji ltar gyur/ kho bos la ba de btsun pa nye dga' la byin nas/ des kyang kho bo la la ba 'di byin to/ /de dag gis spyos te smras pa/ shes pa can/ shAkya'i bu'i dge sbyong rnams ni| yu bu cag gson pas kyang mi dga' ba yin no/ /drug sde dag ji lta bar gzhan de lta ma yin la/ nye dga' ji lta bar drug sde gzhan de lta ma yin no/ /gal te khyod kyis dge slong gnas brtan gzhan 'ga' zhig la byin par gyur na/ kho bo cag kyang rjes su yi rang bar byed na/ khyod kyis nye dga' la byin te/ de ni/ bdag cag las zong gis kyang khrag gi phyis bu </font><hr>Cha212b<br><font size=+1>


lan par 'dod pa yin gyi/ gal te la ba khyer te 'ong na/ de lta na legs/ gal te khyer te mi 'ong na/ kho bo cag gis khyod tshangs pa mtshungs par spyod pa'i nang nas gnas nas dbyung bar bya zhing / tshul shing yang dbyung bar bya/ spang leb khri'u yang bskyur bar bya/ slong phor yang khas dbub par bya/ 'khar ba yang dor bar bya'o/ /de skrag nas nye dga' ga la ba der song ba dang / nye dgas thag ring po kho na nas de 'ong ba mthong nas des bsam pa/ shes pa can 'gros 'di lta bus 'ong ba 'di ni/ bdag gi la ba 'phrog par byed pa yin snyam nas/ de gtsug lag khang gi nang du zhugs nas sgo bcad de 'dug go/ shes pa can des bsgo brdung bar brtsams te btsun pa nye dga' btsun pa nye dga'/ zhes bos pa dang / nye dga' cang mi smra bar 'dug go /dge slong rnams kyis de la smras pa/ shes pa can/ khyod la btsun pa nye dgas ci bya/ des smras pa/ des kho bo'i la ba zhig khyer ro/ /shes pa can/ gal te khyod la ba 'dod na/ song la bcom ldan 'das la skyabs su sgrubs shig /de bcom ldan 'das ga la ba der song ba dang / bcom ldan 'das kyis shes pa can de thag ring po kho na nas 'ong ba gzigs so/ /gzigs nas kyang dge slong rnams la bka' stsal pa/ dge slong dag/ khyed shes pa can thag ring po kho na nas 'ong ba la ltos shig/ btsun pa/ bka' bzhin 'tshal/ 'di ni/ la ba'i phyir 'ongs te/ gal te la ba thob na/ de lta na legs/ gal te ma thob na/ khrag tsha ba skyugs te dus byed par 'gyur ro/ /de nas shes pa can de phyin nas bcom ldan 'das la 'di skad ces gsol </font><hr>Cha213a<br><font size=+1>


@#/ /to| |bcom ldan 'das/ btsun pa nye dgas bdag gi la ba 'tshal ba de/ bcom ldan 'das kyis bdag la slar stsal du gsol cig/ gal te bcom ldan 'das kyis bdag la la ba slar stsal du ma stsal na/ 'di ltar bdag tshangs pa mtshungs par spyod pa'i nang nas gnas phyung bar 'gyur zhing / tshul shing yang phyung bar 'gyur/ spang leb khri'u yang bskyur bar 'gyur/ slong phor yang khas phub par 'gyur/ 'khar ba yang bor bar 'gyur ro/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ song la nye dga'i gan du song ste/ shes pa can gyi la ba phyir byin cig /gal te mi sbyin na/ shes pa can 'di khrag tsha ba skyugs te dus byed par 'gyur ba'i gnas de lta bu yod do/ /zhes gyis shig /tshe dang ldan pa kun dga' bos/ btsun pa| bka' bzhin 'tshal zhes bcom ldan 'das las mnyan nas nye dga' ga la ba der song ba dang / nye dgas tshe dang ldan pa kun dga' bo thag ring po kho na nas 'ong ba mthong nas des bsam pa/ shes pa can gyis pho nya 'di lta bu khrid de 'ong bas 'dis kho bo'i la ba 'phrog par 'gyur ro/ /snyam mo/ /de nas tshe dang ldan pa kun dga' bos nye dga' la 'di skad ces smras so/ /bcom ldan 'das kyis bka' stsal pa/ shes pa can gyi la ba phyir byin cig/ gal te 'di'i la ba phyir myur bar ma byin na/ shes pa can 'di khrag tsha ba skyugs te dus byed par 'gyur ba'i gnas </font><hr>Cha213b<br><font size=+1>


de lta bu yod par 'gyur ro/ /zhes byung ngo / /nye dgas smras pa/ btsun pa kun dga' bo/ ston pa'i bka' mnyan par zad kyi/ gzhan du na sgre byi gcer bu 'di phrag tsha ba skyugs te dus byed par 'gyur ba bas gal te shes pa can sha stag gis 'dzam bu'i gling 'di lta ste/ dper na/ bu ram shing gi tshal lam/ 'dam bu'i tshal lam/ 'od ma'i tshal bzhin du gang bar gyur la/ de dag thams cad khrag tsha ba skyugs te kha dag cing dus byed par gyur kyang nye dga'i spu'i rtse mo tsam yang mi g.yo ste/ 'on kyang bzhud cig dang sbyin no/ /tshe dang ldan pa kun dga' bo song ba dang / nye dgas smras pa/ kwa'i gcer bu pa nyon cig /khyod kyi ston pa rdzun ma des brdzun du smra bas 'jig rten bslus nas sems can dmyal ba rnams su skyes te/ de'i lce la thong gshol lnga brgyas rmed par byed na/ khyod kyang de bas kyang rdzun ma chen po yin pas/ khyod kyi lce la yang thong gshol stong gis rmo bar 'gyur ro/ /gzhan yang kho bo'i la ba khyod kyis spyad na/ ci/ kho bos kyang khyod kyi la ba spyad snyam mam/ btsun pa nye dga' ma lags so/ /nye dga' de'i la ba des 'doms kyi phyogs thams cad phyis nas bzhi ltab tu bltab ste lag pa g.yon pa'i stong du bzhag nas lag pa g.yas pas thal lcag gis bsnun pa dang rim pa thams cad rdol bar gyur nas smras pa/ shes pa can/ lag pa gnyis rkyongs shig/ des lag pa gnyis brkyangs pa dang nye dgas gang gis de khas bub tu sgyel bar </font><hr>Cha214a<br><font size=+1>


@#/ /'gyur ba de lta bu'i shugs kyis la ba lag tu phyin pa dang / de khas bub tu sgyel nas/ nye dgas rdog pas bsnun te smras pa/ gcer bu pa sgre byi/ gtsug lag khang sla btsas ma gtal bar song zhig /btsun pa nye dga'/ gal te ma gum na/ mchis te slan chad rgyal byed kyi tshal du mi mchi'o/ /de ni/ re zhig byung ba yin gyi/ bcom ldan 'das re zhig 'dul ba la nyan thos rnams kyi bslab pa'i gzhi 'cha' bar ni/ ma mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong drug sde dag mngon mtshan can gyi spyod pa rnam pa sna tshogs byed de/ kun tu sbyor bar byed/ rab tu sbyor bar byed/ bun 'gyed par byed/ skyed 'gyed par byed/ byas pa'i phyir byas pa dang / byas pa'i phyir ma byas pa dang / ma byas pa'i phyir byas pa dang / ma byas pa'i phyir ma byas pa gtong bar byed do/ /ji ltar kun tu sbyor bar byed ce na/ kun tu rtsom par byed/ yul tshol bar byed/ shing rta gsog par byed/ yul du 'gro ba'i rdzas shom par byed/ le'u pa dang / gro ga dang / snag tsha dang / smyu gu dang / yi ge pa tshol bar byed de/ de ltar kun tu sbyor bar byed do/ /ji ltar rab tu sbyor bar byed ce na/ brgya shas dang / bcu shas dang / bcu gnyis shas kyi phyir dpang po dang / gro </font><hr>Cha214b<br><font size=+1>


ga dang / snag cha dang / smyug gu dang / yi ge pa tshol bar byed de/ de ltar rab tu sbyor bar byed do/ /ji ltar bun 'gyed par byed ce na/ nas dang / 'bru rnying pa gser phye dang nyi sde'i phyir gtong ba dang gzhal ba'i snod dang / bre'u chung dang / phul dang / gro ga dang / snag tsha dang / smyug gu dang / yi ge pa tshol bar byed do/ /de ltar bun 'gyed par byed do/ /ji ltar skyed 'gyed par byed ce na/ dung gi tshogs kyi phyir nor bu'i tshogs gtong bar byed pa dang / nor bu'i tshogs kyi phyir mu tig gi tshogs gtong bar byed pa dang / mu tig tshogs kyi phyir bai DUR+Ya tshogs gtong bar byed cing / dbang po dang / gro ga dang / snag tsha dang / smyug gu dang / yi ge pa tshol bar byed do/ /de ltar skyed 'gyed par byed do/ /ji ltar byas pa'i phyir byas pa gtong bar byed ce na/ gser mngon mtshan can gyi phyir mngon mtshan can gtong bar byed do/ de ltar byas pa'i phyir byas pa gtong bar byed do/ /ji ltar byas pa'i phyir ma byas pa gtong bar byed ce na/ gser mngon mtshan can gyi phyir mngon mtshan med pa gtong bar byed do/ /de ltar byas pa'i phyir ma byas pa gtong bar byed do/ /ji ltar ma byas pa'i phyir byas pa gtong bar byed ce na/ gser mngon mtshan can ma yin pa'i phyir mngon mtshan can gtong bar byed de/ de ltar ma byas pa'i phyir byas pa gtong bar byed do/ /ji ltar ma byas pa'i phyir ma byas pa gtong bar byed ce na/ gser mngon mtshan can </font><hr>Cha215a<br><font size=+1>


@#/ /ma yin pa'i phyir mngon mtshan can ma yin pa gtong bar byed de/ de ltar ma byas pa'i phyir ma byas pa gtong bar byed do/ /gzhan mu stegs can dag shes ldan dag/ shAkya'i bu'i dge sbyong rnams ni/ ma log /ma spangs/ so sor ma spangs pa yin te/ 'di ltar mngon mtshan can gyi spyod pa rnam pa sna tshogs byed de/ kun tu sbyor bar byed| rab tu sbyor bar byed/ bun 'gyed par byed/ byas pa'i phyir byas pa dang / byas pa'i phyir ma byas pa dang / ma byas pa'i phyir byas pa dang / ma byas pa'i phyir ma byas pa gtong bar byed do/ / bram ze dang khyim bdag rnams kyang mngon mtshan can gyi spyod pa rnam pa sna tshogs byed de/ kun tu sbyor bar byed/ rab tu sbyor bar byed/ bun 'gyed par byed/ skyed 'gyed par byed/ byas pa'i phyir byas pa dang / byas pa'i phyir ma byas pa dang / ma byas pa'i phyir byas pa dang / ma byas pa'i phyir ma byas pa gtong bar byed na/ shes ldan dag/ shAkya'i dge sbyong rnams dang / bram ze dang khyim bdag rnams la bye brag ci yod/ bsam pa ni/ ci yod/ tha dad du bya ba ni/ ci yod/ su zhig dge sbyong mgo reg 'di dag la bsod snyoms sbyin par bya bar sems zhes smod par byed/ 'phyar kha gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs </font><hr>Cha215b<br><font size=+1>


'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin no/ /sangs rgyas bcom ldan 'das kyis dge slong drug sde dag la rmas pa/ dge slong dag/ khyed mngon mtshan can gyi spyod pa rnam pa sna tshogs byed pa bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa/ de ni rab tu byung bas bya ba ma yin no| |zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag/ de lta bas na/ phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang mngon mtshan can gyi spyod pa rnam pa sna tshogs byed na/ spang ba'i ltung byed do/ /yang dge slong gang zhes bya ba ni/ drug sde dag gam/ gzhan yang de lta bu gang yin pa'o/ /mngon mtshan can gyi spyod pa rnam pa sna tshogs zhes bya ba ni/ rnam pa du ma'o/ /byed na zhes bya ba ni/ kun tu spyod par byed pa dang / rab tu sbyor bar byed </font><hr>Cha216a<br><font size=+1>


@#/ /pa dang / bun 'gyed par byed pa dang / skyed 'gyed par byed pa lhag par spyod pa byed na'o/ /spang ba'i ltung byed do/ /zhes bya ba ni/ dngos po de spangs nas ltung byed kyi ltung ba bshags par bya ba ste/ des na spang ba'i ltung byed do/ /zhes gsungs so/ /de la ltung bar ji ltar 'gyur zhe na/ dge slong gis rnyed pa 'dod pas yul gyi tha snyad kyi zong kun tu sbyor bar byed cing / de de la shing rta dang / glang dang / gla mi dang / dpang po dang / gro ga dang / snag tsha dang / smyug gu dang / yi ge pa tshol bar byed de/ sho gam dang / la gcan dang / gru btsas sbyin par byed na/ ji srid du rnyed pa dag bdag gir mi byed pa de srid du nyes byas su 'gyur la/ rnyed pa bdag gir byed na/ spang ba'i ltung byed du 'gyur ro/ /dge slong gis rnyed pa 'dod pas dbyig gam/ gser rab tu sbyor bar byed cing / de de la dpang po dang / gro ga dang / snag tsha dang / smyug gu dang / yi ge pa tshol bar byed na/ ji srid du rnyed pa bdag gir mi byed pa de srid du nyes byas su 'gyur la/ rnyed pa dag bdag gir byed na/ spang ba'i ltung byed du 'gyur ro/ /dge slong gis rnyed pa 'dod pas nas dang / 'bru'i bun 'gyed par byed cing / de de la gzhal blugs dang / bre'u chung dang / phul dang / dpang po dang / gro ga dang / snag tsha dang / smyug gu dang / yi ge pa tshol bar byed na/ ji srid du rnyed pa bdag gir mi byed pa de srid du nyes byas su 'gyur la/ </font><hr>Cha216b<br><font size=+1>


rnyed pa bdag gir byed na/ spang ba'i ltung byed du 'gyur ro/ /dge slong rnyed pa 'dod pas dung gi tshogs kyi phyir nor bu'i tshogs gtong bar byed pa dang / nor bu'i tshogs kyi phyir mu tig gi tshogs gtong bar byed pa dang / mu tig gi tshogs kyi phyir baiDUR+Ya'i tshogs gtong bar byed cing / de de la dbang po dang / gro ga dang / snag tsha dang / smyug gu dang / yi ge pa tshol bar byed na/ ji srid du rnyed pa bdag gir mi byed pa de srid du nyes byas su 'gyur la/ rnyed pa bdag gir byed na/ spang ba'i ltung byed du 'gyur ro/ /zhes de ltar bcom ldan 'das kyis 'dul ba la nyan thos rnams kyi bslab pa'i gzhi bca' bar mdzad do/ /sangs rgyas bcom ldan 'das yangs pa can na spre'u rdzing gi 'gram na khang pa brtsegs pa'i khang bzang na bzhugs so/ /de'i tshe na yangs pa can pa'i li tsa byi dag gi khang pa drug brtsegs dang bdun brtsegs su byed do/ /yangs pa can gyi li tsa byi rnams kyi khang pa ji lta ba de bzhin du gtsug lag khang dag kyang drug brtsegs dang bdun brtsegs su byed pas/ de dag mtho ches pas brtsigs shing brtsigs shing rdib nas sbyin bdag dag gis bsam pa/ bdag cag gson zhing 'dug ste/ 'tsho zhing sdod pa rnams kyi gtsug lag khang dag kyang 'di ltar 'jig na/ shi ba rnams kyi ji ltar 'gyur/ bdag cag gis mkhar lan gyi rgyur dge 'dun la mi zad pa dbul bar bya'o/ /snyam nas de dag mi zad pa thogs te dge slong rnams kyi gan du song nas phyin pa dang </font><hr>Cha217a<br><font size=+1>


@#/ /dge slong rnams la 'di skad ces smras so/ /'phags pa dag /mkhar lan gyi slad du mi zad pa 'di dag bzhes shig /dge slong rnams kyis smras pa/ bzhin bzang dag/ bcom ldan 'das kyis bslab pa'i gzhi bca' bar mdzad pas/ bdag cag mi len to/ /zhes zer ba'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge 'dun gyi phyir mkhar lan gyi rgyu mi zad pa blang bar bya'o/ /gzhan yang dge slong gi dge 'dun gyi gtsug lag khang ni/ sum brtsegs su bya'o/ /dge slong ma'i dge 'dun gyi dbyar khang ni/ nyis brtsegs su bya'o/ /dge slong rnams kyis bcom ldan 'das las mnyan nas mi zad pa blangs nas dge 'dun gyi mdzod du bcug ste bzhag go/ sbyin bdag 'ongs te smras pa/ 'phags pa dag /ci'i slad du gtsug lag khang gi mkhar len mi bgyid/ kaR+sha pa Na dag med do/ /'o na bdag cag gis khyed la mi zad pa dag ma phul lam/ dge slong rnams kyis smras pa/ ci/ kho bo cag gis mi zad pa dag zos snyam mam/ dge 'dun gyi mdzod na 'dug go/ 'phags pa dag/ de ltar na/ mi zad par mi 'gyur gyi/ 'di ltar zad par 'gyur te/ ci/ bdag cag gi sdum pa na gnas ma mchis snyam mam/ ci'i slad du rab tu sbyor bar mi mdzad/ dge slong rnams kyis smras pa/ bcom ldan 'das kyis bslab pa'i gzhi </font><hr>Cha217b<br><font size=+1>


bca' bar mdzad pas/ bdag cag rab tu sbyor bar mi byed do/ /zhes zer ba'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge 'dun gyi phyir mkhar lan gyi rgyu mi zad pa rab tu sbyar bar bya'o/ /de bzhin du bram ze dang khyim bdag dad pa can dag/ sangs rgyas dang / chos dang / dge 'dun gyi phyir mi zad pa 'bul nas/ bcom ldan 'das kyis bka' stsal pa/ sangs rgyas dang / chos dang / dge 'dun gyi phyir mi zad pa rab tu sbyar bar bya zhing / de las skyed gang grub pa des/ sangs rgyas dang / chos dang / dge 'dun la mchod par bya'o/ /de dag gis de dag nyid la byin nas de dag la bdas pa na rtsod par byed cing / 'phags pa dag /ci'i phyir bdag nyid kyi nor las rtsod pa byung zhes zer ba'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de dag la sbyin par mi bya'o/ /de dag gis phyug po dag la byin nas/ de dag la bdas pa na mthu dang ldan pa la brten cing mi ster ba dang / bla'i grwa'i mthus mi ster nas/ bcom ldan 'das kyis bka' stsal pa/ de dag la sbyin par mi bya'o/ /de dag gis dbul po rnams la byin nas de dag gis kyang 'jal mi nus nas bcom ldan 'das kyis bka' stsal ba/ gta' nyi rir blangs te dbang po dang bcas pa'i dam rgya'i glegs bu bris te sbyin par bya'o/ /glegs bu de la yang lo dang / </font><hr>Cha218a<br><font size=+1>


@#/ /zla ba dang / nyi ma dang / dge 'dun gyi gnas brtan dang / dge skos dang / len pa po dang / rdzas dang / skyed rnams kyi ming bri bar bya'o/ /gang la sbyin par bya ba dge bsnyen dad pa can bslab pa'i gzhi lnga bzung ba la yang gta' nyi ri kho nas sbyin par bya'o/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ / mngon mtshan can gyi spyod pa'i spang ba ste/ bcu dgu pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so// de'i tshe na dge slong drug sde dag nyo tshong rnam pa sna tshogs byed de/ len par byed/ gtong bar byed/ nyo bar byed/ tshong bar byed do/ /ji ltar len par byed ce na/ gang gi tshe ljongs su lo legs shing grong khyer du lo nyes pa de'i tshe na/ ljongs nas grong khyer du len par byed do/ /de ltar len par byed do/ /ji ltar gtong bar byed ce na/ gang gi tshe grong khyer du lo legs shing ljongs su lo nyes pa de'i tshe na/ grong khyer nas ljongs su gtong bar byed de/ de ltar gtong bar byed do/ /ji ltar nyo bar byed ce na/ gang gi tshe rin chung ba de'i tshe na nyo bar byed de/ de ltar nyo bar byed do/ /ji ltar tshong bar byed ce na/ gang gi tshe na rin che ba de'i tshe na tshong bar byed de/ de ltar tshong bar byed do/ /gzhan mu stegs can dag shes ldan dag/ shAkya'i bu'i dge sbyong rnams ni/ ma log/ ma spangs/ so sor ma spangs pa yin te/ </font><hr>Cha218b<br><font size=+1>


'di ltar nyo tshong rnam pa sna tshogs byed de/ len par byed/ gtong bar byed/ nyo bar byed/ tshong bar byed cing / bram ze dang / khyim bdag rnams kyang nyo tshong rnam pa sna tshogs byed de/ len par byed/ gtong bar byed/ nyo bar byed/ tshong bar byed na/ shAkya'i dge sbyong rnams dang / bram ze dang khyim bdag 'di la bye brag ni/ ci yod/ bsam pa ni/ ci yod/ tha dad du bya ba ni/ ci yod/ su zhig dge sbyong mgo reg 'di dag la bsod snyoms sbyin pa dag bya bar sems zhes smod par byed/ 'phyar kha gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to| |de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong drug sde dag la rmas pa/ dge slong dag/ khyed nyo tshong rnam pa sna tshogs byed de/ len par byed/ gtong bar byed/ nyo bar byed/ tshong bar byed pa bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad par mdzad do/ de nas bcom ldan 'das kyis rnam grangs du mas </font><hr>Cha219a<br><font size=+1>


@#/ /rnam par smad nas dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas/ 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa yang snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang nyo tshong rnam pa sna tshogs byed na/ spang ba'i ltung byed do/ /yang dge slong gang zhes bya ba ni/ drug sde dag gam/ gzhan yang de lta bu gang yin pa'o/ /nyo tshong rnam pa sna tshogs zhes bya ba ni/ rnam pa mang po'o/ /byed na zhes bya ba ni/ len par byed pa dang / gtong bar byed pa dang / nyo bar byed pa dang / tshong bar byed pa dag lhag par spyod par byed na'o/ /spang ba'i ltung byed do/ /zhes bya ba ni/ dngos po spangs nas ltung byed kyi ltung ba bshags par bya ba ste/ des na spang ba'i ltung byed do/ /zhes gsungs so/ /de la ltung bar ji ltar 'gyur zhe na/ dge slong gis rnyed pa 'dod pas nyo bar byed/ tshong bar byed na/ de nyo bar byed pa la nyes byas su 'gyur la/ tshong ba la spang ba'i ltung byed du 'gyur ro/ /dge slong gis rnyed pa 'dod pas nyo bar byed cing / rnyed pa mi 'dod pas tshong bar byed na/ nyo bar byed pa de la nyes byas su 'gyur la/ tshong bar byed pa la ltung ba med do/ /dge slong gis rnyed pa mi 'dod pas nyo bar byed cing / rnyed pa 'dod pas tshong bar byed na/ nyo bar byed pa la ltung </font><hr>Cha219b<br><font size=+1>


ba med la/ tshong bar byed pa la spang ba'i ltung byed du 'gyur ro/ /dge slong gis rnyed pa mi 'dod pas nyo bar byed cing / rnyed pa mi 'dod pas tshong bar byed na/ gnyi ga la ltung ba med do/ /yul gzhan gyi sbyor bas snga ma'i rgyud sbyong bar byed pa la ltung ba med do/ /zhes bcom ldan 'das kyis 'dul ba la nyan thos rnams kyi bslab pa'i gzhi bca' ba mdzad do/ /sangs rgyas bcom ldan 'das yangs pa can na spre'u rdzing gi 'gram na khang pa brtsegs pa'i khang bzang na bzhugs so/ /de'i tshe na byang lam pa'i tshong pa lam gyi bgrod par zhugs pa dag gis gtsug lag khang rta babs mthon po dang ldan pa/ skar khung skar khung dra ba can dang / lan kan gyis brgyan pa/ mig dang snying 'phrog pa mtho ris kyi them skas su gyur pa dag mthong nas de dag dad par gyur te/ de dag gtsug lag khang du dong nas dge slong rnams la 'di skad ces smras so/ /'phags pa dag/ bdag cag gis dge 'dun la mchod ston bgyi'o/ /dge slong rnams kyis smras pa/ mchod ston gyi yo byad dag khyer te shog rtsig/ de dag gis smras pa/ bdag cag glo bur du lhag pa dag lags te/ 'di ltar/ bdag cag rin dbul gyi/ khyed kyis 'bras dag stsol cig /bcom ldan 'das kyis bslab pa'i gzhi bca' ba mdzad pas bdag cag 'bras dag mi tshong ngo / /zhes zer ba'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de ltar mi </font><hr>Cha220a<br><font size=+1>


@#/ /bya bar 'di ltar gang dge 'dun gyi phyir mchod ston byed pa de la rin gyis 'bras sbyin par bya'o/ /dge slong dag/ ri ba kho nas sbyin par byed nas bcom ldan 'das kyis bka' stsal pa/ gang gtsug lag khang de nyid du mchod ston byed pa de la 'theb dang bcas pa sbyin par bya'o/ /bcom ldan 'das kyis rin gyis 'bras sbyin par bya'o/ /zhes bca' bar mdzad pas/ mang po dag mchod ston byed nas thams cad la byin nas 'bras dag spyad pas/ spyi bungs chad par gyur ba'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de ltar mi bya bar 'di ltar rin des 'bras gzhan dag nyo bar bya'o/ /'bras rnying pa dag kyang so sor brtags nas gal te srog chags med na/ dus su btsongs te 'bras gsar pas bang ba dag dgang bar bya'o/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /nyo tshong byed pa'i spang ba ste| nyi shu pa rdzogs so// //sdom la/ lhung bzed gnyis dang tha ga gnyis/ sbyin 'phrog ston zla tha chung dang / /dgon pa pa dang ras chen dang / bsngos pa dang ni gsog 'jog go| sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de nas tshe dang ldan pa nye dga' 'di snyam du sems te/ 'di dag </font><hr>Cha220b<br><font size=+1>


thams cad khyim bdag mgon med zas sbyin gyis bslab pa'i gzhi dag gis khyab par byas pas phyin chad gang nas kyang rnyed pa sgrub par mi nus so/ /snyam nas de de snyam sems pa na/ dga' 'dun drug cu skyed mos tshal du dong ba de dag nye dgas mthong ngo / /mthong nas kyang 'di snyam du sems te/ gal te 'di dag las rnyed pa ma grub na/ nye dga' zhes bya ba'i ming gzung bar mi bya'o/ /snyam mo/ /drug sde dag gi kun tu spyod pa ni/ gal te sbyin pa'i gtam dag byed na/ nyan pa po dag bdag cag gis rang gi sha dag bcad cing bcad cing sbyin par bya'o/ /snyam du sems la/ gal te tshul khrims kyi gtam dag byed na/ nyan pa po dag bdag cag lha rnams kyi nang du skyes so/ /snyam du sems so/ /gal te ngan song gi gtam dag byed na/ nyan pa po dag bdag cag ngan song rnams su skyes so/ /snyam du sems pa yin pas/ des lhung bzed gsal ba/ zlum pa/ longs spyad par bzod pa mchan khung gis khyer te dga' 'dun de dag ga la ba der dong ste phyin nas dga' 'dun pa gcig la ci nas kyang de'i sems mngon par dad par 'gyur ba de ltar sbyin pa'i gtam byas nas sems dad par gyur te smras pa/ 'phags pa/ ci'i phyir byon/ nye dgas smras pa/ bzhin bzang / bdag la lhung bzed dgos so/ /'phags pa/ bdag la lhung bzed ma mchis te/ gal te rin gyis rnyed na/ bdag gis 'jal te gsol lo/ /nye dgas lhung bzed mchan khung nas phyung ste de la bstan nas smras pa/ </font><hr>Cha221a<br><font size=+1>


@#/ /bzhin bzang / lhung bzed 'di yang rin gyis rnyed pa yin no/ /'phags pa/ 'di'i rin ci tsam/ kaR+sha pa Na drug cu'o/ /bdag gis 'di'i rin kaR+sha pa Na drug cu 'bul lo/ /bzhin bzang / a rog kya/ de dag khyod kyir gyur cig /sbyin pa 'dis khyod sems kyi rgyan dang / sems kyi yo byad dang / rnal 'byor gyi tshogs dang / don gyi mchog thob pa dang / lha dang mi rnams kyi nang du snod du 'gyur bar gyur cig /de bzhin du des dga' 'dun drug cu po dag re re yang kaR+sha pa Na drug cu drug cu sbyor du bcug nas song ngo / /dga' 'dun de dag thams cad gcig tu 'dus par gyur nas/ de na dga' 'dun gcig gis smras pa/ shes ldan dag /kho bos btsun pa nye dga' shAkya'i rigs las rab tu byung ba/ chos sgrog pa/ rig pa dang grol ba'i spobs pa dang ldan pa la lhung bzed kyi rin du kaR+sha pa Na drug cu phul gyi/ rjes su yi rang bar gyis shig /gzhan zhig gis smras pa/ kho bos kyang phul lo/ /yang gzhan zhig gis smras pa/ kho bos kyang phul lo/ /de bzhin du thams cad kyis kho bos kyang phul lo/ /kho bos kyang phul lo/ /zhes smras nas de dag phan tshun blta bar brtsams te/ shes ldan dag/ dge slong gcig la lhung bzed du dgos zhes de dag gis dge slong zhig la dris pa/ 'phags pa/ dge slong gcig la lhung bzed du 'tshal/ des smras pa/ bzhin bzang dag/ gcig kho na dgos so/ /de dag gis </font><hr>Cha221b<br><font size=+1>


shAkya'i sras kyi dge sbyong rnams ni/ rnyed pa 'dod pas zil gyis non pa dag yin no/ /zhes smad par brtsams so/ /de ni/ re zhig byung ba yin gyi/ sangs rgyas bcom ldan 'das re zhig 'dul ba la nyan thos rnams kyi bslab pa'i gzhi 'cha' bar mi mdzad do/ /sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong drug sde dag lhung bzed rnyed do cog gsog par byed cing / bdag nyid kyang spyod par mi byed/ dge slong gzhan dag la yang sbyin par mi byed nas dge slong don nyung du dag/ ci'i phyir dge slong dag lhung bzed rnyed do cog gsog par byed cing / bdag nyid kyang spyod par mi byed/ dge slong gzhan dag la yang sbyin par mi byed ces smod par byed/ 'phyar ka gtong bar byed/ kha zer bar byed pa'i skabs de dge slong rnams kyis/ bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong drug sde dag la rmas pa/ dge slong dag /khyed lhung bzed rnyed do cog gsog par byed cing / bdag nyid kyang spyod par mi byed/ dge slong gzhan dag la yang </font><hr>Cha222a<br><font size=+1>


@#/ /sbyin par mi byed pa bden nam/ btsun pa/ mad do/ /sangs rgyas bcom ldan 'das kyis dge sbyong gi tshul dang mthun pa ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gi lhung bzed lhag pa zhag bcu'i bar du bcang bar bya'o/ /de las 'das par 'chang na/ spang ba'i ltung byed do/ /dge slong gis zhes bya ba ni/ chos 'di pas so/ /lhung bzed lhag pa zhes bya ba ni/ byin gyis brlab par bya ba las lhag pa'o/ /zhag bcu'i bar du zhes bya ba ni/ nyin mtshan bcu'i mtha'i bar du'o/ /bcang bar bya'o/ /zhes bya ba ni/ bdag gir bya'o/ /de las 'das par 'chang na zhes bya ba ni/ de las thal bar 'chang ba'o/ /spang ba'i ltung byed do zhes bya ba ni/ dngos po de spangs nas ltung byed kyi ltung ba bshags par bya ba ste/ des na spang ba'i ltung byed do/ /zhes gsungs so/ /de la ltung bar ji ltar 'gyur zhe na/ 'di lta ste/ </font><hr>Cha222b<br><font size=+1>


dge slong gis ches la lhung bzed rnyed na/ dge slong des lhung bzed de zhag bcu po de nyid kyi nang du byin gyis brlab par bya ba'am/ gtang bar bya ba'am/ rnam par brtag par bya ba'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rnam par rtog par mi byed dam/ gzhan la sbyin par mi byed na/ nyi ma bcu gcig pa'i skya rengs shar na/ spang ba'i ltung byed du 'gyur ro/ /tshes la lhung bzed ma rnyed kyang tshes gnyis sam/ tshes gsum mam/ tshes dgu'am/ tshes bcu tshun chad kyis lhung bzed rnyed na/ dge slong des lhung bzed de zhag bcu po de nyid kyi nang du byin gyis brlab par bya ba'am/ gtang bar bya ba'am/ rnam par brtag par bya ba'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rnam par rtog par mi byed dam/ gzhan la sbyin par mi byed na/ nyi ma bcu gcig pa'i skya rengs shar na/ spang ba'i ltung byed du 'gyur ro/ /dge slong gi tshes la lhung bzed gcig rnyed cing / des tshes gnyis la yang gzhan zhig rnyed na/ dge slong des zhag bcu po de nyid kyi nang du snga ma byin gyis brlab par bya zhing / phyi ma gtang bar bya ba'am/ rnam par brtag par bya ba'am/ gzhan la sbyin par bya'o/ /yang na phyi ma byin gyis brlab par bya zhing / snga ma gtang bar bya ba'am/ rnam par brtag par bya ba'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rnam par rtog par </font><hr>Cha223a<br><font size=+1>


@#/ /mi byed dam/ gzhan la sbyin par mi byed na/ nyi ma bcu gcig pa'i skya rengs shar na/ spang ba'i ltung byed du 'gyur ro/ /tshes dang tshes gnyis la ma rnyed kyang tshes gsum dang tshes bcu tshun chad kyis lhung bzed cig rnyed na/ dge slong des zhag bcu po de nyid kyi nang du snga ma byin gyis brlab par bya zhing / phyi ma gtang bar bya ba'am/ rnam par brtag par bya ba'am/ gzhan la sbyin par bya'o/ /yang na phyi ma byin gyis brlab par bya zhing snga ma gtang bar bya ba'am/ rnam par brtag par bya ba'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rnam par rtog par mi byed dam/ gzhan la sbyin par mi byed na/ nyi ma bcu gcig pa'i skya rengs shar na/ spang ba'i ltung byed du 'gyur ro/ /dge slong gis tshes la lhung bzed gnyis rnyed na/ dge slong des lhung bzed de gnyis zhag bcu po de nyid kyi nang du byin gyis brlab par bya ba'am/ gtang bar bya ba'am/ rnam par brtag par bya ba'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rnam par rtog par mi byed dam/ gzhan la sbyin par mi byed na/ nyi ma bcu gcig pa'i skya rengs shar na/ spang ba'i ltung byed du 'gyur ro/ /tshes la lhung bzed gnyis ma rnyed kyang tshes gnyis sam/ tshes gsum mam/ tshes dgu'am/ tshes bcu tshun chad kyis lhung bzed gnyis rnyed na/ dge slong des </font><hr>Cha223b<br><font size=+1>


lhung bzed de gnyis zhag bcu po de nyid kyi nang du byin gyis brlab par bya ba'am/ gtang bar bya ba'am/ rnam par brtag par bya ba'am/ gzhan la sbyin par bya'o/ /byin gyi rlob par mi byed dam/ gtong bar mi byed dam/ rnam par rtog par mi byed dam/ gzhan la sbyin par mi byed na/ nyi ma bcu gcig pa'i skya rengs shar na/ spang ba'i ltung byed du 'gyur ro/ /dge slong gis tshes la lhung bzed gnyis shig rnyed cing / des tshes gnyis la yang lhung bzed gzhan gnyis shig rnyed na/ dge slong des zhag bcu po de nyid kyi nang du snga ma gnyis byin gyis brlab par bya zhing / phyi ma gnyis gtang bar bya ba 'am| rnam par brtag par bya ba'am/ gzhan la sbyin par bya'o/ /yang phyi ma gnyis byin gyis brlab par bya zhing / snga ma gnyis gtang bar bya ba'am/ rnam par brtag par bya ba'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rnam par rtog par mi byed dam/ gzhan la sbyin par mi byed na/ nyi ma bcu gcig pa'i skya rengs shar na spang ba'i ltung byed du 'gyur ro/ /tshes dang tshes gnyis la ma rnyed kyang tshes gsum dang / tshes bcu tshun chad kyis lhung bzed gnyis shig rnyed na/ dge slong des zhag bcu po de nyid kyi nang du snga ma gnyis byin gyis brlab par bya zhing / phyi ma gnyis gtang bar bya ba'am/ rnam par brtag par bya ba'am/ gzhan la sbyin par bya'o/ /yang na phyi ma gnyis byin gyis brlab par bya zhing / snga ma gnyis gtang bar bya ba'am/ </font><hr>Cha224a<br><font size=+1>


@#/ /rnam par brtag par bya ba'am/ gzhan la sbyin par bya ba'o/ /byin gyis rlob par mi byed dam/ gtong bar mi byed dam/ rnam par rtog par mi byed dam/ gzhan la sbyin par mi byed na/ nyi ma bcu gcig pa'i skya rengs shar na/ spang ba'i ltung byed du 'gyur ro/ /dge slong gis tshes la lhung bzed mang po rnyed na/ dge slong des lhung bzed de dag zhag bcu po de nyid kyi nang du byin gyis brlab par bya ba'am/ gtang bar bya ba'am/ rnam par brtag par bya ba'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rnam par rtog par mi byed dam/ gzhan la sbyin par mi byed na/ nyi ma bcu gcig pa'i skya rengs shar na spang ba'i ltung byed du 'gyur ro/ /tshes la lhung bzed mang po ma rnyed kyang / tshes gnyis sam/ tshes gsum mam/ tshes dgu'am/ tshes bcu tshun chad kyis lhung bzed mang po rnyed na/ dge slong des lhung bzed de zhag bcu po de nyid kyi nang du byin gyis brlab par bya ba'am gtang bar bya ba'am/ rnam par brtag par bya ba'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rnam par rtog par mi byed dam/ gzhan la sbyin par mi byed na/ nyi ma bcu gcig pa'i skya rengs shar na/ spang ba'i ltung byed du 'gyur ro/ /dge slong gis tshes la lhung bzed mang po dag cig rnyed cing / des tshes gnyis la yang gzhan mang po </font><hr>Cha224b<br><font size=+1>


dag cig rnyed na/ dge slong des zhag bcu po de nyid kyi nang du snga ma dag byin gyis brlab par bya zhing / phyi ma dag gtang bar bya ba'am/ rnam par brtag par bya ba'am/ gzhan la sbyin par bya'o/ / yang phyi ma dag byin gyis brlab par bya zhing / snga ma dag gtang bar bya ba'am/ rnam par brtag par bya ba'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rnam par rtog par mi byed dam/ gzhan la sbyin par mi byed na/ nyi ma bcu gcig pa'i skya rengs shar na/ spang ba'i ltung byed du 'gyur ro/ /tshes dang tshes gnyis la ma rnyed kyang tshes gsum dang tshas bcu tshun chad kyis lhung bzed mang po dag cig rnyed na/ dge slong des zhag bcu po de nyid kyi nang du snga ma dag byin gyis brlab par bya zhing / phyi ma dag gtang bar bya ba'am/ rnam par brtag par bya ba'am/ gzhan la sbyin par bya'o/ /yang na phyi ma dag byin gyis brlab par bya zhing / snga ma dag gtang bar bya ba'am/ rnam par brtag par bya ba'am/ gzhan la sbyin par bya'o/ /byin gyis rlob par mi byed dam/ gtong bar mi byed dam/ rnam par rtog par mi byed dam/ gzhan la sbyin par mi byed na/ nyi ma bcu gcig pa'i skya rengs shar na/ spang ba'i ltung byed du 'gyur ro/ /dge slong gi lhung bzed spang bar gyur na/ de ma spangs shing bral bar ma byas la ltung ba ma bshags par gzhan zhig rnyed na/ de yang snga ma'i rgyud kyis spang bar 'gyur ro/ /dge slong gi lhung bzed spang bar </font><hr>Cha225a<br><font size=+1>


@#/ /gyur na/ de spangs shing bral bar ma byas la ltung ba ma bshags par gzhan zhig rnyed na/ de yang snga ma'i rgyud kyis spang bar 'gyur ro/ /dge slong gi lhung bzed spang bar gyur na/ de spangs shing bral bar byas la ltung ba ma bshags par gzhan zhig rnyed na/ de yang snga ma'i rgyud kyis spang bar 'gyur ro/ /dge slong gi lhung bzed spang bar gyur na/ de spangs shing bral bar byas la ltung ba bshags nas gzhan zhig rnyed na/ de la ltung ba med do/ /de bzhin du dge slong gis dza srid du spang ba'i dngos po de ma bshags shing / so sor ma bshags par lhung bzed dam/ chos gos sam/ dra ba'am/ phor bu'am/ ska rags sam/ dge sbyong gi 'tsho ba'i yo byad gang yang rung ba gzhan nye bar 'jog par byed na/ de yang snga ma'i rgyud kyis spang bar 'gyur ro/ /lhung bzed chung ngu dang / lhung bzed skya ba dang / lhung bzed che ba dang / lhung bzed ma tshos pa 'chang ba la ltung ba med do/ /rab tu byung ba la ltos pa'i don du lhung bzed 'chang ba la thams cad du ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /lhung bzed 'chang ba'i spang ba ste/ nyi shu gcig pa rdzogs so// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na spos tshong gi khye'u zhig 'dug pa des/ lhung bzed shin tu gsal </font><hr>Cha225b<br><font size=+1>


ba| dbyibs legs pa/ longs spyad par bzod pa zhig rnyed do/ /bsod snyoms pa zhig kyang snga dro sham thabs bgos/ lhung bzed dang chos gos thogs te/ mnyan yod du bsod snyoms la zhugs nas/ des bsod snyoms rgyus te srang du phyin pa dang / spos tshong gi khye'u des de mthong nas smras pa/ 'phags pa/ bdag gis lhung bzed shin tu gsal ba/ dbyibs legs pa/ longs spyad par bzod pa zhig rnyed kyi/ gal te bzhed na/ snoms shig /bzhin bzang / bdag la lhung bzed yod do/ /'phags pa/ gal te dge slong gzhan 'ga' zhig lhung bzed 'tshal ba mchis na/ de gtang du gsol/ gtang bar bya'o| |de nas bsod snyoms pa des mnyan yod du bsod snyoms la rgyus nas rgyal byed kyi tshal du song ste des zan zos nas lhung bzed 'khru ba na/ dge slong rnams la smras pa/ tshe dang ldan pa dag srang ga ge mo zhig na spos tshong gi khye'u zhig 'dug pa des lhung bzed shin tu gsal ba/ dbyibs legs pa/ longs spyad par bzod pa zhig rnyed kyi/ khyed cag las gang lhung bzed 'dod pa de song zhig/ de dang ha cang thag mi ring ba na nye dga' 'dug pa des thos nas des bsam pa/ lhung bzed nag po can 'ga' zhig gis thos nas rab tu rgyur par gyur na mi rung gi/ smad par bya'o/ /snyam nas des de la smras pa/ tshe dang ldan pa/ khyod dad pas byin pa zos nas lhung bzed kyi gtam dang / chos gos kyi gtam las gzhan pa'i gtam 'ga' yang med mod/ des bsam pa/ 'jig rten na 'dod pa'i bdag </font><hr>Cha226a<br><font size=+1>


@#/ /nyid can gang ji snyed pa de dag dang nye dga' mtshungs pa yin na/ 'dis kyang re zhig bdag smad par gyur na/ gal te dge slong gnas brtan gzhan 'ga' zhig gis thos par gyur na/ des rgya cher smad par 'gyur ro/ /snyam nas de cang mi smra bar 'dug go /nye dgas de bkar te smras pa/ tshe dang ldan pa/ khyod kyi mkhan po dang kho bo bshes pas de'i phyir kho bos khyed smad kyis ma gshe cig /gnas brtan/ gal te bdag yang smra bar gyur na/ khyod kyis bdag la yang smad par mdzod cig /tshe dang ldan pa/ kho bos yang nye bar ma zhi ba tsam du zad kyi/ ci/ lhung bzed de lhung bzed ma yin nam/ gnas brtan/ snga ma yang smra bar mi bgyi ba lags kyi/ 'tshal to/ /tshe dang ldan pa/ de lta mod kyi/ 'on kyang re zhig smros shig /gnas brtan/ srang che ge mo zhig na spos tshong gi khye'u zhig mchis pa des/ lhung bzed shin tu gsal ba/ dbyibs legs pa/ longs spyad par bzod pa zhig rnyed nas/ de'i mchid nas/ gal te dge slong lhung bzed 'tshal ba 'ga' mchis na/ de gtang du gsol/ zhes mchi'o/ /de ni/ de tsam du zad de/ de yang nye bar ma zhi ba tsam kho nar zad do/ /de nas nye dga' snam sbyar gyon te 'gros bskyed nas/ phya ra ra song ba dang spos tshong gi khye'u des/ de 'gros bskyed de 'ong ba thag ring po kho na nas mthong nas des bsam pa/ dge sbyong hral po 'gros 'di lta bus 'ong ba 'dis bdag gi lhung bzed 'di 'phrog par </font><hr>Cha226b<br><font size=+1>


'gyur du 'ong ngo snyam nas/ des lhung bzed de blangs te 'jong tshe'i 'og tu bcug ste bzhag pa dang / nye dgas de sbed pa'i tshe mthong nas des smras pa/ bzhin bzang ci/ lhung bzed 'di nal gyi bu yin nam/ ci na de phyir sbed par byed ces des lag pa brkyang ste lhung bzed blangs nas smras pa/ bzhin bzang / a rog kya/ sbyin pa 'dis khyod sems kyi rgyan dang / sems kyi yo byad dang / rnal 'byor gyi tshogs dang / don gyi mchog thob pa dang / lha dang mi rnams kyi nang na snod du 'gyur bar gyur cig/ 'phags pa/ bdag cag tshong pa dag khe spogs 'tshal bas 'tsho ba lags pas/ 'di rin ma mchis par mi 'bul te/ 'di ltar rin gyi phyir 'bul lo/ /bzhin bzang / ci/ khyod drang srong gi snod tshong bar byed dam/ tshigs su bcad pa yang smras pa/ gal te skyes bus sa snod kyis// gser gyi snod ni thob gyur na/ /de yis mya ngan ci phyir bya/ /bslus pa med par kho bos mthong / /'phags pa/ khyod mang du gsungs mod kyi/ 'on kyang rin ma mchis par mi 'bul lo/ /nye dgas smras pa/ khyod kyi lhung bzed la lhag par chags pa 'dis yi dwags lkog wa can dag gi nang du skye bar bya dgos so/ /zhes de de skad spyo bar byed pa na/ khyim bdag cig phyogs der 'ongs nas des smras pa| 'phags pa la phyag 'tshal lo/ /btsun pa nye dga' la phyag 'tshal lo/ /nye dgas smras pa/ bzhin bzang / khyod kyi phyag skam po 'dis ci bya/ 'phags pa/ bdag la btsun pa nye dgas bka' </font><hr>Cha227a<br><font size=+1>


@#/ /stsal pa gang zhig bdag gis ma bsgrubs lhung bzed 'di/ nyos te byin cig /khyim bdag des spos tshong gi khye'u de la smras pa/ bzhin bzang lhung bzed 'di rin ji tsam/ 'di dang 'di tsam mo/ /kho bos khyod la sbyin no/ /spos tshong gi khye'u des lhung bzed de/ khyim bdag de la byin nas khyim bdag des kyang nye dga' la phul lo/ /nye dgas smras pa/ a rog kya/ sbyin pa 'dis khyod kyi sems kyi rgyan dang / sems kyi yo byad dang / rnal 'byor gyi tshogs dang / don gyi mchog thob pa dang / lha dang mi rnams kyi nang na snod du 'gyur bar gyur cig /khyim bdag de song ba dang / nye dgas spos tshong gi khye'u de la smras pa/ bkren pa/ khyod kyis nye dgas lhung bzed kyi rin sbyor du mi 'jug mi nus snyam du shes sam/ khyod kyi lhung bzed la lhags par chags pa 'dis yi dwags wa ba can dag gi nang du skye bar bya dgos so/ /'phags pa/ ci zhig sbyor mchis/ khyod kyis kyang lhung bzed thob la/ bdag gis kyang rin thob kyi bzhud cig/ nye dga' yang lhung bzed khyer te gtsug lag khang du song nas des lhung bzed de dge slong rnams la bstan te smras pa/ tshe dang ldan pa dag ltos shig kho bo'i lhung bzed ci 'dra/ gzhon nu zhig gis smras pa/ gnas brtan/ ci/ khyod la lhung bzed gzhan ma mchis sam/ yod do/ /'o na gnas brtan gyis lhung bzed yod cing bdog bzhin du lhung bzed gzhan btsal </font><hr>Cha227b<br><font size=+1>


du rung ngam/ dgra bo rnams kyi gre bar rkang pas mnan nas so/ /gnas brtan la dgra bo dag kyang mchis sam/ gang gi phyir khyod kho bo'i lhung bzed gnyis pa yang mi bzod pas/ je khyod kho bo'i dgra bo thu bo yin no/ /dge slong don nyung ngu dag ci'i phyir dge slong dag lhung bzed yod cing bdog bzhin du lhung bzed gzhan tshol bar byed ces smod par byed/ 'phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la/ dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis nye dga' la rmas pa/ nye dga'/ khyod lhung bzed yod cing bdog bzhin du lhung bzed gzhan tshol ba bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag/ de lta bas na/ dge slong gis lhung bzed yod cing bdog bzhin du lhung bzed gzhan btsal bar </font><hr>Cha228a<br><font size=+1>


@#/ /mi bya'o// //'dul ba rnam par 'byed pa/ bam po so bzhi pa/ bcom ldan 'das kyis dge slong gis lhung bzed yod cing bdog bzhin du lhung bzed gzhan btsal bar mi bya'o/ /zhes bka' stsal nas bsod snyoms pa zhig gi lhung bzed cung zhig rdol nas des de thogs te mnyan yod du bsod snyoms la zhugs pa dang / des phye dag rnyed nas des de dag lhung bzed kyi snod kyis mnos so/ /'bras can gsher pa rnyed nas des de dag lhung bzed kyis mnos pa dang / de nas zags pas phye dag gsher bar gyur pa de dag gis lhung bzed kyi snod ma rung bar gyur nas de sbrang bu dag gis yongs su bskor bar gyur pa dang / de la khye'u dang bu mo dag gis smras pa/ 'phags pa/ nor can dang / tshong dpon dang / ded dpon dag bzhin du 'khor mang por 'gyur ba'i las byas pas sbrang bu dag gis yongs su bskor cing bzhud do/ /khyim bdag mgon med zas sbyin gyis de mthong nas smras pa/ byis pa dag /ci'i phyir 'phags pa la mtho 'tsham par byed/ khyim bdag/ 'phags pa la mtho 'tsham du ci mchis/ 'phags pas/ nor can dang / tshong dpon dang / ded dpon dag bzhin du 'khor mang po 'gyur ba'i las bgyis pas sbrang bu dag gis yongs su bskor cing bzhud do/ /khyim bdag mgon med zas sbyin gyis dge slong de la smras pa/ 'phags pa/ bcom ldan 'das kyis bstan pa kun tu mdzes pa la khyod ci cal col byed/ </font><hr>Cha228b<br><font size=+1>


khyim bdag 'di la cal col du gyur pa ci yod/ khyod kyis kho bo rol mo mkhan gyi khyim dang / 'jud mthun ma'i khyim dang / chang ma'i khyim dang / rgyal po'i pho brang dang / gdol pa'i khyim du zhugs par mthong ngam/ 'phags pa/ 'o na ci'i phyir khyod byis pa dag gis bskor te 'phya bar byed/ khyim bdag /kho bo'i lhung bzed 'di zag go/ 'o na ci'i phyir lhung bzed gzhan mi tshol/ bcom ldan 'das kyis dge slong gis lhung bzed yod cing bdog bzhin du lhung bzed gzhan btsal bar mi bya'o/ /zhes gsungs so/ /'phags pa/ khyod kyi lhung bzed 'di 'dra ba yod cing bdog pa yin nam/ zhes zer ba'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gang gi lhung bzed rdol ba des glan par bya'o/ /bcom ldan 'das kyis gang gi lhung bzed rdol pa des glan par bya'o/ /zhes bca' bar mdzad nas dge slong dag lhan pa snyi ba lnga po bu ram dang / rgya skyegs kyi tshigs ma dang / spra tshil dang / ro nye dang / tshon mo steng dag gis glon par byed nas de dag tsha ba dang phrad nas yang zag par gyur pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ lhan pa snyi ba lnga po de dag spangs te lhan pa sra ba lnga po gzhan dag gis glan par bya'o/ /dge slong dag gis lhan pa sra ba lnga po dag ci 'dra ba mi shes nas bcom ldan 'das kyis bka' stsal pa/ </font><hr>Cha229a<br><font size=+1>


@#/ /lhan ring dang / tham phran dang / lhan pa dang / chu srin gyi so lta bu dang / phye mas so/ /dge slong rnams kyis phye ma du yod mi shes nas bcom ldan 'das kyis bka' stsal pa/ phye ma gnyis te/ lcags kyi phye ma dang / rdo'i phye mas so/ /lcags kyi lhung bzed la lcags kyi phye mas glan par bya'o/ /sa'i lhung bzed la ni/ rdo'i phye mas glan par bya'o| |de dag chur phye ma bdar te glon par byed nas de de bzhin du gogs nas bcom ldan 'das kyis bka' stsal pa/ 'bru mar du bdar bas glan par bya'o/ /de dag ha cang drag tu sreg pas de gogs pa dang / ha cang chung ngur srod pas mi 'chags nas bcom ldan 'das kyis bka' stsal pa/ ci ran tsam du bsro bar bya'o/ /ha cang rtsub por gyur nas bcom ldan 'das kyis bka' stsal pa/ bdar bar bya'o/ /de dag chus blugs te bdar bar byed pas de yang gogs nas bcom ldan 'das kyis bka' stsal pa/ 'bru mar blugs te bdar bar bya'o| |sa las byas pa'i lhung bzed dag rdol nas bcom ldan 'das kyis bka' stsal pa/ bu ram dang / 'jim pas glan nas de dag bsro bar bya'o/ /bcom ldan 'das kyis de ltar lhan pa lnga po dag gis glan par bya'o/ /zhes bca' bar mdzad nas dge slong bsod snyoms pa zhig gis sa las byas pa'i lhung bzed lag pa nas shor te/ gyo dum lngar </font><hr>Cha229b<br><font size=+1>


gyur nas des de dag bug gu phug ste/ gyo dum dag skud pas brgyud nas bsod snyoms la rgyu bar byed do/ /bcom ldan 'das kyis lhung bzed la zas med par bya'o/ /zhes bka' stsal nas des de rung bar byed pa na/ bshig cing brgyud par byed pas snga dro thams cad zad par gyur nas dge slong rnams kyis de la smras pa/ tshe dang ldan pa/ ci/ khyod kyi dge ba'i phyogs 'di lta ste/ bcings pa grol ba 'di kho na yin nam/ des smras pa/ tshe dang ldan pa dag/ bcom ldan 'das kyis lhung bzed chags pa la lhan pa sra ba lnga po dag gis glan par bya'o/ /zhes bca' bar mdzad do/ /zhes zer ba'i skabs dang / dge slong rnams kyis bcom ldan 'das la gsol to/ /de nas bcom ldan 'das kyis rnam grangs du mas bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas/ dge slong rnams la de dang rjes su mthun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyi 'dul ba la bslab pa'i gzhi 'di ltar gdon par bya ste/ yang dge slong gang lhung bzed lhan pa lnga med pa spyad bzod pa </font><hr>Cha230a<br><font size=+1>


@#/ /yod bzhin du bzang po 'dod pa'i phyir lhung bzed gsar pa gzhan tshol zhing lhung bzed grub na/ spang ba'i lhung byed do/ /dge slong des lhung bzed de/ dge slong gi 'khor la dbul bar bya'o/ /dge slong gi 'khor de'i lhung bzed tha mar gyur pa gang yin pa de/ dge slong de la/ dge slong / khyod kyis lhung bzed 'di byin gyis brlab par mi bya/ gtang bar mi bya/ gzhan la sbyin par mi bya bar chag pa'i mthar thug pa'i bar du khad kyis dal bu dal bus spyad par bya'o/ /zhes sbyin par bya ste/ de la de ni cho ga yin no/ /yang dge slong gang zhes bya ba ni chos 'di pa'o// lhung bzed lhan pa lnga med pa zhes bya ba ni lhung bzed lhan pa lngar ma tshang ba'o/ /spyad bzod pa yod bzhin du zhes bya ba ni yongs su longs spyad par bzod pa yod bzhin du'o/ /bzang po 'dod pa'i phyir zhes bya ba ni mchog 'dod pa'i phyir ram/ yang dang yang 'dod pa'i phyir ro/ /lhung bzed gsar pa zhes bya ba ni gsar pa gnyis te/ gsar pas gsar pa dang / rnyed pas gsar pa ste/ don 'dir ni gnyi ga yin par dgongs so/ /gzhan zhes bya ba ni gnyis pa'o/ /tshol zhing zhes bya ba ni tshol bar byed cing ngo / /lhung bzed grub na zhes bya ba ni lhung bzed thob na'o/ /spang pa'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do/ /zhes gsungs so/ /dge slong des zhes bya ba ni dge slong gang yin </font><hr>Cha230b<br><font size=+1>


pa des so/ /lhung bzed de zhes bya ba ni lhung bzed 'brel pa med pa de'o/ /dge slong gi 'khor la dbul bar bya'o/ /zhes bya ba ni de na dge slong gang dag 'khod pa la'o/ /dge slong gi 'khor de'i lhung bzed tha mar gyur pa gang yin pa de/ dge slong de la/ dge slong khyod kyis lhung bzed 'di byin gyis brlab par mi bya/ gtang bar mi bya/ gzhan la sbyin par mi bya bar chag pa'i mthar thug gi bar du khad kyis dal bu dal bus spyad par bya'o/ /zhes sbyin par bya ste zhes bya ba la dge slong gi dge 'dun gyis kyang lhung bzed 'brel pa med pa 'brim pa'i dge slong bsko bar bya ste/ lhung bzed 'brel pa med pa 'brim pa'i dge slong chos lnga dang ldan pa ni ma bskos pa yang bsko bar mi bya la/ bskos pa yang dbyung bar bya ste/ lnga gang zhe na/ 'dun pas 'gro ba dang / zhe sdang gis 'gro ba dang / gti mug gis 'gro ba dang / 'jigs pas 'gro ba dang / lhung bzed 'brel pa med pa brims pa dang ma brims pa mi shes pa'o/ /lhung bzed 'brel pa med pa 'brim pa'i dge slong chos lnga dang ldan pa ni ma bskos pa yang bsko bar bya la/ bskos pa yang dbyung bar mi bya ste/ lnga gang zhe na/ 'dun pas mi 'gro ba dang / zhe sdang gis mi 'gro ba dang / gti mug gis mi 'gro ba dang / 'jigs pas mi 'gro ba dang / lhung bzed 'brel pa med pa brims pa dang mi brims pa shes pa'o/ /'di ltar bsko bar bya ste/ je dang por spro bar bya ste/ ming 'di zhes bya ba khyod/ dge 'dun la lhung bzed 'brel pa med pa 'brim par spro'am/ gal te spro na des spro'o </font><hr>Cha231a<br><font size=+1>


@#/ /zhes brjod par bya'o/ /de'i 'og tu des gnas mal bshams pa byas te gaN+DI brdungs nas dris pa'i tshig gis dge slong rnams la yang dag par bsgo ste/ dge 'dun thams cad 'dug cing mthun par gyur pa la dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong ming 'di zhes bgyi ba 'di/ dge 'dun la lhung bzed 'brel ba med pa 'brim par spro na/ gal te dge 'dun gyis dus la bab cing bzod na/ dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba 'di/ dge 'dun la lhung bzed 'brel ba med pa 'brim par bsko'o/ /'di ni/ gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong ming 'di zhes bgyi ba 'di| dge 'dun la lhung bzed 'brel ba med pa 'brim par spro ste/ de'i slad du dge 'dun gyis dge slong ming 'di zhes bgyi ba 'di/ dge 'dun la lhung bzed 'brel ba med pa 'brim par bsko na/ tshe dang ldan pa gang dag dge slong ming 'di zhes bgyi ba 'di/ dge 'dun la lhung bzed 'brel pa med pa 'brim par bsko bar bzod pa de dag ni/ cang ma gsungs shig /gang dag mi bzod pa de dag ni/ gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi ba 'di/ dge 'dun la lhung bzed 'brel ba med pa 'brim par bskos </font><hr>Cha231b<br><font size=+1>


lags te/ 'di ltar/ cang mi gsung bas de de bzhin du 'dzin to/ /ngas lhung bzed 'brel ba med pa 'brim pa'i dge slong gi kun tu spyod pa'i chos dag bca' bar bya ste/ lhung bzed 'brel ba med pa 'brim pa'i dge slong gis tshogs pa'i dus su dge 'dun la tshe dang ldan pa dag /bdag sang dag 'dun la lhung bzed 'brel ba med pa 'brim par 'gyur gyi/ khyed cag nang par gaN+DI brdungs pa na rang rang gi lhung bzed dag thogs la dge 'dun gyi nang du gshegs par mdzod cig ces bsgo bar bya'o/ /de nas lhung bzed 'brel ba med pa 'brim pa'i dge slong gis phyi de nyin par gnas mal bshams pa byas te gaN+DI brdungs nas dris pa'i tshig gis dge slong rnams la yang dag par bsgo bar bya'o/ /dge slong rnams kyis rang rang gi lhung bzed dag byin gyis brlabs pa phyung zhing thogs te dge 'dun gyi nang du 'jug par bya'o/ /de nas lhung bzed 'brel ba med pa 'brim pa'i dge slong gis dge 'dun thams cad 'dug cing mthun par gyur pa la lhung bzed 'brel pa med pa thogs te rgan pa'i mtha' logs su phyag 'tshal nas dge 'dun gyi gnas brtan gyi mdun du 'dug ste/ gnas brtan/ lhung bzed 'di ni/ shin tu gsal ba/ dbyibs legs pa/ longs spyad par bzod pa lags kyi/ gal te bzhed na/ snoms shig ces yon tan ji lta ba bzhin du lhung bzed 'brel ba med pa'i bsngags pa brjod de dbul bar bya'o/ /dge 'dun gyi gnas brtan gyis kyang gal te 'dod na/ blang bar </font><hr>Cha232a<br><font size=+1>


@#/ /bya'o| |gal te dge 'dun gyi gnas brtan gyis lhung bzed de blangs na/ dge 'dun gyi gnas brtan gyi lhung bzed gang yin pa de/ gnas brtan gnyis pa la dbul bar bya'o/ /gnas brtan gnyis pa'i lhung bzed gang yin pa de/ gnas brtan gsum pa la dbul bar bya'o/ /de bzhin du dge 'dun gyi gsar bu gnyis pa'i lhung bzed gang yin pa de/ dge 'dun gyi gsar bu la dbul ba'i bar du'o/ /gal te dge 'dun gyi gnas brtan gyis ma blangs na/ gnas brtan gnyis pa la dbul bar bya'o/ /gal te gnas brtan gnyis pas ma blangs na/ gnas brtan gsum pa la dbul bar bya'o/ /gal te gnas brtan gsum pas blangs pa na/ dge 'dun gyi gnas brtan slong bar byed na/ brjod pa dang po la sbyin par mi bya zhing / brjod pa gnyis pa la yang sbyin par mi bya'o/ /brjod pa gsum pa la sbyin par bya ste/ dge 'dun gyi gnas brtan gyis 'dul ba dang 'gal ba'i nyes byas kyi ltung ba bshags par bya'o/ /de bzhin du dge 'dun gyi gsar bu gsum pas ma blangs na/ gsar bu gnyis pa la dbul bar bya'o/ /gal te gsar bu gnyis pas ma blangs na/ gsar bu la dbul bar bya'o/ /gal te dge 'dun gyi gsar bus blangs pa na/ gsar bu gsum pa slong bar byed na/ brjod pa dang po la sbyin par mi bya zhing / brjod pa gnyis pa la yang sbyin par mi bya'o/ /brjod pa gsum pa la sbyin par </font><hr>Cha232b<br><font size=+1>


bya ste/ dge 'dun gyi gsar bu gsum pas 'dul ba dang 'gal ba'i nyes byas kyi ltung ba bshags pa'i bar du bya'o/ /dge slong gi 'khor de'i lhung bzed tha mar gyur pa gang yin pa de/ dge slong de la/ dge slong / khyod kyis lhung bzed 'di byin gyis brlab par mi bya/ gtang bar mi bya/ gzhan la sbyin par mi bya bar chag pa'i mthar thug gi bar du khad kyis dal bu dal bus spyad par bya'o/ /zhes sbyin par bya'o/ /lhung bzed 'brel pa med pa 'brim pa'i dge slong gi kun tu spyad par bya ba'i chos ji ltar bcas pa dag yang dag par blangs te 'jug par mi byed na/ 'gal tshabs can du 'gyur ro/ /ngas lhung bzed 'brel pa med pa 'chang ba'i dge slong gi kun tu spyad par bya ba'i chos dag bca' bar bya ste/ lhung bzed 'brel pa med pa 'chang ba'i dge slong gis lhung bzed kyi snod gnyis nye bar gzhag par bya zhing de la bzang po gang yin pa der lhung bzed 'brel pa med pa gzhug par bya zhing / cig shos su lhung bzed byin gyis brlabs pa gzhug par bya'o/ / des lhung bzed gnyi ga thogs te bsod snyoms la 'jug par bya zhing / gal te 'bras chan skam po rnyed na/ lhung bzed 'brel pa med pas blang bar bya'o/ /gal te 'bras chan gsher ba rnyed na/ lhung bzed byin gyis brlabs pas blang bar bya'o/ /gtsug lag khang du 'ongs nas dkyil 'khor byas te lhung bzed 'brel pa med pa mdun du bzhag nas lhung bzed byin gyis brlab par bza' bar </font><hr>Cha233a<br><font size=+1>


@#/ /bya'o| |zos zin nas byi dor dang kha zas 'bags pa'i dril phyi bya ba yang dang por lhung bzed 'brel pa med pa la bya zhing / de'i 'og tu lhung bzed byin gyis brlabs pa la bya'o| |bkru ba dang / bskam pa dang / lci bas drud pa la yang de bzhin du bya'o/ /gal te lhung bzed kyi ngos khung gnyis yod na/ bzang po gang yin pa der lhung bzed 'brel pa med pa gzhug par bya zhing / gcig shos su lhung bzed byin gyis brlabs pa gzhug par bya'o/ /gal te ngos khung gcig yod la gal te shod bzang na/ shod du lhung bzed 'brel pa med pa gzhag par bya zhing / ngos khung du lhung bzed byin gyis brlabs pa gzhug par bya'o/ /gal te ngos khung bzang na/ ngos khung du lhung bzed 'brel pa med pa gzhug par bya zhing / shod du lhung bzed byin gyis brlabs pa gzhag par bya'o/ /lhung bzed kyi las byed pa na/ gal te rdza bo gnyis yod na/ rdza bo bzang po gang yin pa der lhung bzed 'brel pa med pa bsreg par bya zhing / gcig shos su lhung bzed byin gyis brlabs pa bsreg par bya'o/ /gal te rdza bo gcig yin na/ gal te 'og ma legs par tshos par 'gyur na/ 'og tu lhung bzed 'brel pa med pa gzhug par bya zhing / steng du lhung bzed byin gyis brlabs pa gzhag par bya'o/ /gal te steng du bzhag pa legs par tshos par 'gyur na/ steng du lhung bzed 'brel pa med pa gzhag par bya zhing / 'og tu lhung bzed byin gyis </font><hr>Cha233b<br><font size=+1>


brlabs pa gzhug par bya'o/ /lam du 'gro ba na lhung bzed kyi snod gnyis bskur bar bya ste/ de la bzang po gang yin pa der lhung bzed 'brel pa med pa gzhug par bya zhing / gcig shos su lhung bzed byin gyis brlab pa gzhug par bya'o/ /gal te khur tsha ba 'ga' zhig yod na/ de la lhung bzed byin gyis brlabs pa bkur bar bya zhing / bdag nyid kyis lhung bzed 'brel pa med pa bkur bar bya'o/ / gal te khur tsha ba 'ga' yang med na/ phrag pa g.yon pas lhung bzed 'brel pa med pa bkur bar bya zhing / phrag pa g.yas pas lhung bzed byin gyis brlabs pa bkur bar bya'o/ /'di ni/ re zhig chad pa'i las yin te/ tshul khrims yang dag par rjes su srung bas ji srid 'tsho'i bar du spyad par bya'o/ /lhung bzed 'brel pa med pa 'chang ba'i dge slong gis kun tu spyod pa'i chos ji ltar bcas pa dag yang dag par blangs te 'jug par mi byed na/ 'gal tshabs can du 'gyur ro/ /de la de ni/ cho ga yin no/ /zhes bya ba ni/ de la de ni/ rjes su mthun pa'i chos yin pa'o/ /de la ltung bar ji ltar 'gyur zhe na/ dge slong gi lhung bzed chag kyang lhan pa gcig gis glan par 'os shing ma glan la spyad bzod pa yin na/ de lhung bzed spyad bzod pa de yod bzhin du lhung bzed gsar pa gzhan tshol bar byed na de tshol ba la nyes byas su 'gyur la/ thob na/ spang ba'i ltung byed du 'gyur ro/ /dge slong gi lhung bzed chag kyang lhan pa gnyis kyis glan par 'os shing ma glan la spyad bzod pa yin na/ </font><hr>Cha234a<br><font size=+1>


@#/ /de lhung bzed spyad bzod pa de yod bzhin du lhung bzed gsar pa gzhan tshol bar byed na/ de tshol ba la nyes byas su 'gyur la/ thob na/ spang ba'i ltung byed du 'gyur ro/ /dge slong gi lhung bzed chag kyang lhan pa gsum gyis glan par 'os shing ma glan la spyad bzod pa ma yin na/ de la lhung bzed spyad bzod pa yod bzhin du lhung bzed gsar pa gzhan tshol bar byed na/ de tshol ba la nyes byas su 'gyur la/ thob pa na/ spang ba'i ltung byed du 'gyur ro/ /dge slong gi lhung bzed chag kyang lhan pa bzhis glan par 'os shing ma glan la spyad bzod pa yin na/ de lhung bzed spyad bzod pa de yod bzhin du lhung bzed gsar pa gzhan tshol bar byed na/ de tshol ba la nyes byas su 'gyur la/ thob na/ spang ba'i ltung byed du 'gyur ro/ /dge slong gi lhung bzed chag kyang lhan pa gcig gi glan par 'os shing glan la spyad bzod pa yin na/ de lhung bzed spyad bzod pa de yod bzhin du lhung bzed gsar pa gzhan tshol bar byed na/ de tshol ba la nyes byas su 'gyur la/ thob na/ spang ba'i ltung byed du 'gyur ro/ /dge slong gi lhung bzed chag kyang lhan pa gnyis kyis glan par 'os shing glan la spyad bzod pa yin na/ de lhung bzed spyad bzod pa de yod bzhin du lhung bzed gsar pa gzhan tshol bar byed na/ de tshol ba la nyes byas su 'gyur la/ thob na/ spang ba'i ltung byed du 'gyur ro/ /dge slong gi lhung bzed chag kyang lhan pa gsum </font><hr>Cha234b<br><font size=+1>


gyis glan par 'os shing glan la spyad bzod pa yin na/ de lhung bzed spyad bzod pa de yod bzhin du lhung bzed gsar pa gzhan tshol bar byed na/ de tshol ba la nyes byas su 'gyur la/ thob na/ spang ba'i ltung byed du 'gyur ro/ /dge slong gis lhung bzed chag kyang lhan pa bzhis glan par 'os shing glan la spyad bzod pa yin na/ lhung bzed spyad bzod pa de yod bzhin du lhung bzed gsar pa gzhan tshol bar byed na/ de tshol ba la nyes byas su 'gyur la/ thob na/ spang ba'i ltung byed du 'gyur ro/ /dge slong gi lhung bzad chag cing lhan pa lngas glen par 'os pa yin na/ de des glan yang rung / ma glan yang rung / spyad bzod kyang rung / spyad mi bzod kyang rung / lhung bzed gsar pa gzhan tshol bar byed na/ de tshol ba la yang ltung ba med la/ thob na yang ltung ba med do/ /rin gyis len pa dang / brje bas len pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /lhung bzed tshol ba'i spang ba ste/ nyi shu gnyis pa rdzogs so// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /nye dgas bsam pa/ 'di dag thams cad khyim bdag mgon med zas sbyin gyis bslab pa'i gzhi dag gis bsdams pas/ phyin chad ras yug phran sbom po gcig gi rin yang gang las kyang bslang bar mi nus kyi/ song ste bltas la/ gal te la la las bslang bar nus kyang </font><hr>Cha235a<br><font size=+1>


@#/ /srid do/ /snyam nas de snga dro sham thabs bgos lhung bzed dang chos gos thogs te mnyan yod du shar sgo nas bsod snyoms la zhugs pa dang / skyed mos tshal zhig na yugs sa mo lnga brgya tsam dog pa 'khal zhing 'khod pa de dag des mthong nas bsam pa/ 'di dag ni/ las bdag gir bya ba dang ldan pa dag cig ste/ nyin mtshan du thong gshol dkar po spyod kyang ko sa lar byung ba'i rgyal po gsal rgyal la rgyu dpya 'jal bar mi byed pa dag yin no/ /snyam nas des de dag la smras pa/ sring mo dag /a rog kya/ a rog kya/ de dag cang mi smra bas 'khod pa dang des de dag la smras pa/ sring mo dag /skye bo mang po mi 'dod pa dang / skye bo mang po mi dga' ba dang / skye bo mang po la mi sdug pa dang / skye bo mang po'i yid du mi 'ong ba 'jig rten thams cad dang thun mong ba/ 'di lta ste/ 'chi ba zhes bya ba'i chos de 'ong bar 'gyur bas khyed cag de'i tshe tshig smrar ni/ dang po nyid nas mi nus par 'gyur ro/ /de na gzhon nu ma bsod nams 'dod pa zhig 'dug pa des stan las langs te nye dga'i stan bting ba dang nye dga' de la 'dug nas/ des nye dga'i rkang pa la phyag 'tshal te mdun du 'dug go /nye dgas de dag la smras pa/ sring mo dag / khyed cag la dge ba'i chos yang dag par blangs te 'jug par bya ba cung zad yod dam/ 'phags pa/ ci yang ma mchis so/ /sring mo dag /ma legs so/ /bu mo 'dis ni/ re zhig dge ba'i </font><hr>Cha235b<br><font size=+1>


chos gnyis byas shing bsags te/ 'dis kho bo la sems mngon par dad par byas pa gang yin pa de ni/ 'dis phyug por 'gyur ba'i las byas shing bsags pa yin no/ /'dis kho bo la sngon du ldang ba byas shing / stan bting ba dang / phyag byas pa gang yin pa de ni/ 'dis rigs mthon por 'gyur ba'i las byas shing bsags pa yin no/ /gal te cung zad sbyin par byed na/ de ni/ 'di'i longs spyod chen por 'gyur ba yin no/ /sring mo dag /khyed cag gi 'tsho tshis dag ga las 'byung / 'phags pa/ bsgyur ba 'di nyid las so/ /gos dag ga las 'byung / bsgyur ba 'di nyid las so| |khyed cag gis 'jig rten pha rol tu 'gro ba'i lam rgyags cung zad khyer ba yod dam/ 'phags pa/ de ni/ thams cad kyi thams cad du ma mchis so/ /sring mo dag /ma legs so/ /ma legs so/ /'phags pa/ su la thugs ngan mdzad/ khyed cag la ste/ khyed cag 'jig rten pha rol nas kyang bcom zhing 'dir 'ongs la/ 'di nas kyang bcom bzhin du 'jig rten pha rol tu 'gro bar byed do/ /'phags pa/ gang gis bdag cag gis 'jig rten pha rol tu mchi ba'i shul rgyags cung zad bkur ba'i thabs ci mchis/ sring mo dag /gal te khyod kyis dge sbyong shAkya'i rigs las rab tu byung ba/ sde snod gsum dang ldan pa/ chos sgrog pa/ rig pa dang grol ba'i spobs pa dang ldan pa gang yin pa de la ras yug chen po bskon na/ des khyed cag gis 'jig rten pha rol </font><hr>Cha236a<br><font size=+1>


@#/ /tu 'gro ba'i lam rgyags mang po khyer bar 'gyur ro/ /'phags pa/ bdag cag gis dge slong de lta bu ga las rnyed/ sring mo dag /khyed kyis kho bo shAkya'i rigs las rab tu byung ba/ sde snod gsum dang ldan pa/ chos sgrog pa/ rig pa dang grol ba'i spobs pa dang ldan pa yin par mi shes sam/ 'phags pa/ bdag cag la ras yug chen gyi 'byor pa ga las mchis/ sring mo dag /khyod kyis/ bsod nams chung yang brnyas mi bya/ /'di ni bdag la mi 'ong min/ /chu yi thigs pa 'dzag pa yis/ /snod chen gang bar 'gyur ba bzhin/ / brtan pa rnams kyis bsod nams ni/ /cung zad cung zad bsags na rdzogs/ /zhes bya ba de ni/ mi shes sam/ khyod kyis re zhig dog pa srang gcig sbyin nus sam/ rngo thogs so/ /gzhan zhig gis smras pa/ bdag gis kyang srang phyed 'bul lo/ /gzhan zhig gis kyang smras pa/ bdag gis kyang srang gi bzhi cha gcig dbul lo/ /de bzhin du thams cad kyis kyang shas shas kyi dbul bar khas blangs so/ /nye dgas smras pa/ sring mo dag /dog pa phra mo dag byin cig /'phags pa/ bdag cag thams cad ni/ sbom po 'khal ba dag lags so/ /bdag cag gi nang na bde gnas ma zhig ni/ phra mor 'khal lo/ /sring mo dag /de je bos shig /de dag gis de bos pa dang / nye dgas de la smras pa/ bu mo/ je dog ba phrar khol cig /des phrar bkal ba dang </font><hr>Cha236b<br><font size=+1>


nye dgas smras pa/ bu mo de bas kyang phrar khol cig /des de bas kyang phrar bkal ba dang / nye dgas yang dang yang du bu mo de bas kyang phrar khol cig /ces smras pa dang / des smras pa/ 'phags pa/ 'di las phra bar ni rngo mi thogs so/ /nye dgas de dag la smras pa/ sring mo dag /khyed cag thams cad kyis dog pa 'di 'dra ba sha stag byin cig /'phags pa/ bdag cag gis dog pa 'di 'dra bar 'khal du rngo mi thogs so/ /bu mo 'dis kyang mi nus sam ci/ khyed cag gis 'di'i don du khol la 'di khyed cag gi don du 'khal du cug cig /'phags pa/ gal te btub na'o/ /nye dgas de la smras pa| bu mo/ gyis shig dang khyod la bsod nams su 'gyur ro/ /'phags pa/ dog pa 'di ni/ phra bdar che ba lags pas yun ring mos bka' 'tshal gyi/ ha cang dos drag tu ma mdzad par dus 'di tsam na spyon cig /nye dgas de la a rog kya/ zhes smras nas stan las langs te song ngo / /bde gnas ma des dus de srid kyi dog pa bkal nas de gzhan dag gi gan du song ste thams cad 'dus nas dog pa de nye dga' la phul lo/ /nye dgas de dag la a rog kya/ sbyin pa 'di khyod kyi sems kyi rgyan dang / sems kyi yo byad dang / rnal 'byor gyi tshogs dang / don gyi mchog thob pa dang / lha dang mi rnams kyi gos dag thob par gyur cig /ces smras te song ngo / /de nas nye dgas dog pa de khyer te gtsug lag khang du song nas/ des dge slong rnams la dog pa de bstan te smras pa/ tshe dang ldan pa dag / </font><hr>Cha237a<br><font size=+1>


@#/ /kho bo'i dog pa ci 'dra ltos/ gnas brtan/ dog pa bzang ngo / /gnas brtan gyis gang ras yug chen 'thag par 'gyur ba'i tha ga pa 'ga' btsal pa mchis sam| tshe dang ldan pa dag /ci khyod kyis nye dga' zil gyis gnon tam/ gal te nye dga' rab tu ma byung du zin na/ nye dga' rang nyid 'thag par 'gyur ro/ /gnas brtan/ bdag cag gis gnas brtan ga la zil gyis gnon/ 'di ltar/ ra ba ga ge mo'i drung na tha ga pa spyi cer khyo shug mchis te/ gal te des dog pa 'di snyed du lags na/ chen po la 'os pa'i ras yug chen 'grub par 'gyur ro/ /bu dag /a rog kya/ don gyis na/ khyed kyis kho bo'i ras yug chen 'thag tu bcug go /zhes des dog pa de khyer te tha ga pa de'i khyim du song ba dang / des tha ga pa de thag ring po kho na nas mthong nas tshigs su bcad pa smras pa/ mkhas pa ring nas rab snang ba/ /gangs dang ldan pa'i ri bo bzhin/ /mi mkhas rab tu mi snang ba/ /mun pa'i nang du mda' 'phangs bzhin/ / bzhin bzang / khyod kyi grags pas mnyan yod thams cad gang bar gyur pa ni/ khyod kyis rnyed pa legs par rnyed pa yin no/ /dog pa 'di ci 'dra je ltos shig /'phags pa/ dog pa bzang ngo| |dog pa ni/ 'di lags la/ tha ga pa ni/ bdag lags na/ chen po la 'os pa'i ras yug chen du 'gyur ro/ /bzhin bzang / thogs shig /'phags pa/ bdag la thags gla sus </font><hr>Cha237b<br><font size=+1>


stsol bar 'gyur/ bzhin bzang / khyod rtag pa nyid du thags glas mi ngoms sam/ 'jig rten pha rol tu 'gro ba'i lam rgyags kyang bkur bar gyis shig /de la chung mas smras pa/ rje'i sras/ 'dis thag ring po kho na nas bdag cag gnyis kyi bsngags pa brjod kyi/ 'di'i ras yug chen thogs shig /'phags pa/ dog pa 'di phra bdar che ba lags kyi/ yun 'di tsam na spyon cig /nye dgas a rog kya/ zhes smras te song ngo / /tha ga pa des ras yug chen de dus de tsam gyis btags so/ /nye dga' yang dus de tsam gyis der song ba dang / tha ga pa des de la ras yug chen de phul lo| |nye dgas de khyer te gtsug lag khang du song nas des dge slong rnams la ras yug chen de bstan te smras pa/ tshe dang ldan pa dag /kho bo'i ras yug chen ci 'dra ba ltos/ gnas brtan/ ras yug chen bzang ngo / /'di ltar gang la 'di lta bu gnyis pa yang mchis pa de ni/ gsar pa las snam sbyar nyi rim du bgyis te/ dge ba'i phyogs la snying las chung ngus tron bgyid par 'gyur ro| |tshe dang ldan pa dag ci/ khyod kyis snying lam na nye dgas ras yug chen 'di 'dra ba gnyis pa sbyor du 'jug mi nus snyam mam/ ji ltar sbyor du 'jug pa ltos shig /de nas nye dgas snga dro sham thabs bgos/ lhung bzed dang chos gos thogs te/ mnyan yod du nub sgo nas bsod snyoms la zhugs pa dang / skyed mos tshal zhig na yug sa mo lnga brgya tsam dog pa 'khal zhing 'khod pa </font><hr>Cha238a<br><font size=+1>


@#/ /dag des mthong nas bsam pa/ 'di dag ni/ las bdag gir bya ba dang ldan pa dag cig ste/ nyin mtshan du thong gshol dkar po spyod kyang ko sa lar byung ba'i rgyal po gsal rgyal la rgyu dpya 'jal bar mi byed pa dag yin no/ /snyam nas des de dag la smras pa/ sring mo dag /a rog kya/ a rog kya/ de dag cang mi smra bar 'khod pa dang des de dag la smras pa/ sring mo dag /skye bo mang po mi 'dod pa dang / skye bo mang po mi dga' ba dang / skye bo mang po la mi sdug pa dang / skye bo mang po'i yid du mi 'ong ba dang / 'jig rten thams cad dang thun mong ba/ 'di lta ste| 'chi ba zhes bya ba'i chos de 'ong bar 'gyur bas khyed cag de'i tshe tshig smrar ni/ dang po nyid nas mi nus par 'gyur ro/ /de na gzhon nu ma bsod nams 'dod pa gcig 'dug pa des stan las langs te/ nye dga'i stan bting ba dang / nye dga' de la 'dug nas/ des nye dga'i rkang pa la phyag 'tshal te mdun du 'dug go /nye dgas de dag la smras pa/ sring mo dag /khyed cag la dge ba'i chos yang dag par blangs te 'jug par bya ba cung zad yod dam/ 'phags pa/ ci yang ma mchis so/ /sring mo dag /ma legs so/ /bu mo 'dis ni/ re zhig dge ba'i chos gnyis byas shing bsags te| 'dis kho bo la sems mngon par dad par byas pa gang yin pa de ni/ 'dis phyug par 'gyur ba'i las byas shing bsags pa yin no/ /'dis kho bo la mngon du ldang ba byas shing stan bting ba </font><hr>Cha238b<br><font size=+1>


dang| phyag byas pa gang yin pa de ni/ 'dis rigs mthon por 'gyur ba'i las byas shing bsags pa yin no/ /gal te cung zad sbyin par byed na/ de ni/ 'di'i longs spyod chen por 'gyur ba yin no// sring mo dag /khyed cag gi 'tsho tshis dag ga las 'byung / 'phags pa/ bsgyur ba 'di nyid las so/ /gos dag ga las 'byung / bsgyur ba 'di nyid las so/ /khyed cag gis 'jig rten pha rol tu 'gro bas lam rgyags cung zad khyer ba yod dam/ 'phags pa/ de ni/ thams cad kyi thams cad du ma mchis so/ /sring mo dag/ ma legs so/ /ma legs so/ /'phags pa su la thugs ngan mdzad/ khyed cag la ste/ khyed cag 'jig rten pha rol nas kyang bcom zhing 'dir 'ongs la/ 'di nas kyang bcom bzhin du 'jig rten pha rol tu 'gro bar byed do/ /'phags pa/ gang gis bdag cag gis 'jig rten pha rol tu mchi ba'i shul rgyags cung zad bkur ba'i thabs ci mchis/ sring mo dag /gal te khyed kyis dge slong shAkya'i rigs las rab tu byung ba/ sde snod gsum dang ldan pa/ chos sgrog pa/ rig pa dang grol ba'i spobs pa dang ldan pa gang yin pa de la ras yug chen bskon na/ des khyed cag gis 'jig rten pha rol tu 'gro ba'i lam rgyags mang por khyer bar 'gyur ro/ /'phags pa bdag cag gis dge slong de lta bu ga las rnyed/ sring mo dag /khyed kyis kho bo shAkya'i rigs las rab tu byung ba/ sde snod gsum dang ldan pa/ chos sgrog pa/ rig pa dang grol ba'i spobs pa dang </font><hr>Cha239a<br><font size=+1>


@#/ /ldan pa yin par mi shes sam/ 'phags pa/ bdag cag la ras yug chen gyi 'byor ba ga las mchis/ sring mo dag /khyed kyis/ bsod nams chung yang brnyas mi bya/ / de ni bdag la mi 'ong min/ /chu yi thigs pa 'dzag pa yis/ /snod chen gang bar gyur pa bzhin/ /brtan pa rnams kyis bsod nams ni/ /cung zad cung zad bsags na rdzogs/ /zhes bya ba de ni/ mi shes sam/ khyod kyis re zhig dog pa srang gcig sbyin nus sam/ rngo thogs so/ /gzhan zhig gis smras pa/ bdag gis kyang srang phyed dbul lo/ /gzhan zhig gis kyang smras pa/ bdag gis kyang srang gi bzhi cha gcig dbul lo/ /de bzhin du thams cad kyis kyang shas shas kyis dbul bar khas blangs so/ /nye dgas smras pa/ sring mo dag /dog pa phra mo dag byin cig /'phags pa| bdag cag thams cad ni/ sbom po 'khal ba dag lags so/ /bdag cag gi nang na bde gnas ma zhig ni/ phra mor 'khal lo/ /sring mo dag /de je bos shig /de dag gis de bos pa dang / nye dgas de la smras pa/ bu mo/ je dog pa phrar khol cig /dog pa de des phrar bkal ba dang / nye dgas smras pa/ bu mo de bas kyang phrar khol cig /des de bas kyang phrar bkal ba dang / nye dgas smras pa/ bu mo de bas kyang phrar khol cig /des de bas kyang phrar bkal ba dang / nye dgas yang dang yang du bu mo de bas kyang phrar khol cig /ces smras pa dang / des smras pa/ 'phags pa/ 'di </font><hr>Cha239b<br><font size=+1>


las phra ba ni/ rngo mi thogs so/ /nye dgas de dag la smras pa/ sring mo dag/ khyed cag thams cad kyis dog pa 'di 'dra ba sha stag byin cig /'phags pa/ bdag cag gis dog pa 'di 'dra bar 'khal rngo mi thogs so/ /bu mo 'dis kyang mi nus sam/ ci/ khyed cag gis 'di'i don du khol la/ 'di khyed cag gi don du 'khal du chug cig /'phags pa/ gal te btub na'o/ /nye dgas de la smras pa/ bu mo/ gyis shig dang khyed la bsod nams su 'gyur ro/ /'phags pa/ dog pa 'di ni/ phra bdar che ba lags pas yun ring mos bkal 'tshal gyi/ ha cang dos drag par ma mdzad par dus 'di tsam na spyon cig/ nye dgas de la a rog kya zhes smras nas stan las langs te song ngo / /bde gnas ma des dus de srid kyi dog pa bkal nas de gzhan gyi gan du song ste thams cad 'dus nas dog pa de nye dga' la phul lo// nye dgas de dag la a rog kya/ sbyin pa 'dis khyed sems kyi rgyan dang / sems kyi yo byad dang / rnal 'byor gyi tshogs dang / don gyi mchog thob pa dang / lha dang mi rnams kyi gos dag thob par gyur cig ces smras te song ngo / /de nas nye dgas dog pa de khyer te gtsug lag khang du song nas/ des dge slong rnams la dog pa de bstan te smras pa dang / tshe dang ldan pa dag /kho bo'i dog pa ci 'dra ltos/ gnas brtan/ dog pa bzang ngo / /gnas brtan gyis gang ras yug chen 'thag par 'gyur ba'i thag pa 'ga' btsal ba mchis sam/ tshe dang ldan pa dag /ci/ khyed kyis nye dga' zil gyis gnon </font><hr>Cha240a<br><font size=+1>


@#/ /tam/ gal te nye dga' rab tu ma byung du zin na/ nye dga' rang nyid 'thag par 'gyur ro/ /gnas brtan/ bdag cag gis gnas brtan ga las zil gyis gnon/ 'di ltar/ ra ba ga ge mo'i drung na tha ga pa spyi cer khyo shug mchis te/ gal te des dog pa 'di snyed du lags na/ chen po la 'os pa'i ras yug chen 'grub par 'gyur ro/ /bu dag /a rog kya/ don gyis na/ khyed kyis kho bo'i ras yug chen 'thag tu bcug go /zhes des dog pa de khyer te tha ga pa de'i khyim du song ba dang / des tha ga pa ring po kho na nas mthong nas tshigs su bcad pa smras pa| mkhas pa ring nas rab snang ba/ /gangs dang ldan pa'i ri bo bzhin/ /mi mkhas rab tu mi snang ba/ /mun pa'i nang du mda' 'phangs bzhin/ /bzhin bzang / khyod kyi grags pas mnyan yod thams cad gang bar gyur pa ni/ khyod kyis rnyed pa legs par rnyed pa yin no/ /dog pa 'di ci 'dra je ltos shig /'phags pa/ dog pa bzang ngo / /dog pa ni/ 'di lags la/ tha ga pa ni/ bdag lags na/ chen po la 'os pa'i ras yug chen du 'gyur ro/ /bzhin bzang / 'di yang thogs shig /'phags pa/ bdag la thags gla sus stsol bar 'gyur/ bzhin bzang / khyod rtag pa nyid du thags glas mi ngoms sam/ 'jig rten pha rol du 'gro ba'i lam rgyags kyang bkur bar gyis shig /'phags pa/ ras yugs chen snga ma de 'thag pa na/ bdag gis bu lon gang blangs pa </font><hr>Cha240b<br><font size=+1>


de dag kyang da dung ma 'khor ro/ /des chung ma'i gdong du lta bar brtsams pa dang / chung mas smras pa/ 'phags pa/ gal te 'di 'tshal yang bdag mi 'tshal lo/ /nye dgas spyos te smras pa/ kwa'i tha ga pa spyi cer nyon cig /kho bos gal te khyod ras yug chen 'di 'thag tu ma bcug na/ spyi cer gyi mgo 'dis mna' 'dor ro/ /tha ga pa des kyang spyos te smras pa/ kwa'i dge sbyong mgo reg nyon cig/ kho bo gal te khyod kyis ras yug chen 'thag na/ mgo reg gi mgo 'dis mna' 'dor ro/ /nye dgas spyos te song nas ko sa lar byung ba'i rgyal po gsal rgyal gyi pho brang gi yid brten pa che ba zhes bya ba nye dga'i mdza' bo zhig yod do/ /nye dga' de'i sdum par song ste g.yog 'khor dag la smras pa/ kye nang je dag /che ba gar song / de dag gis smras pa/ 'phags pa/ srang du mchis so/ /nye dgas de 'ong ba'i srang du song ba dang / che ba chang tshong ba'i tshong brdal zhig tu zhugs so/ /nye dgas tshong rdal de'i sgor bsdad de/ che ba la nye dga' sgo na sdod kyi/ phyir byung zhig ces 'phrin spring ba dang / che ba phyir phyung nas smras pa dang / btsun pa nye dga' phyag 'tshal lo/ /phyag 'tshal lo/ /nye dgas smras pa/ che ba/ kho bos ko /khyod rgyal po'i bya ba dang / rgyal po'i byed pa dag la brtson par gyur snyam du bsam kyi/ kho bos khyod 'di ltar chang tshong ba'i khyim nas chang tshong ba'i khyim du 'phyan par ni/ ma bsam mo/ /'phags pa/ bdag rgyal po'i dgos pas 'dir zhugs so/ /btsun pa nye dga'/ byon </font><hr>Cha241a<br><font size=+1>


@#/ /pa'i dgos pa ci mchis/ che ba dog pa cung zhig rnyed pa 'dis re zhig ras yug chen 'thag tu chug cig /bdag gis btsun pa nye dga' la ras yug chen nyid dbul lo| |de yang bkur na/ ci/ dad pas sbyin par bya ba 'di/ dor bar bya ba'am/ che bas mi zhig la bsgo ba/ kye nang rje/ tha ga pa'i sna bo'i gan du song la/ 'phags pa nye dga'i ras yug chen 'di thogs la phul cig ces gyis shig /nye dgas smras pa/ 'di tha ga pa'i sna bo 'thag tu ma gzhug par 'di ltar ra ba ga ge mo zhig gi drung na tha ga pa spyi cer khyo shug 'dug pa des 'di btag par bya'o/ /che bas mi de la smras pa/ kye nang rje/ tha ga pa spyi cer de'i gan du song la 'di skad ces/ che ba na re/ ras yug chen 'di thogs la byin cig ces zer ro/ /zhes gyis shig/ mi des dog pa de khyer te tha ga pa spyi cer gyi gan du song nas smras pa/ kye spyi cer/ che ba'i zhal nas khyod kyis dog pa 'di las ras yug chen thogs shig /ces gsung ngo / /spyi cer gyis dog pa de/ ngo shes nas des smras pa/ bdag gi res 'khor ro/ /mi de song ste che ba la smras pa/ tha ga pa spyi cer gyi mchid nas bdag gi res 'khor ro/ /zhes mchi'o/ /che bas smras pa/ kye nang rje/ spyi cer gyi gan du song la 'di skad ces/ res gzhan byed du mi gzhug go/ zhes gyis shig /mi de song ste smras pa/ kye spyi cer/ che ba'i zhal nas res gzhan du byed du mi gzhug go/ /zhes gsung </font><hr>Cha241b<br><font size=+1>


ngo| |spyi cer gyis smras pa/ kye nang rje/ che ba mnyan yod du dbang byed na/ kho bo mnyan yod du mi gnas par zad mod/ kho bo skal ba ma yin pa'i las mi byed do/ /mi de che ba'i gan du song ste smras pa/ spyi cer gyi mchid nas/ che ba mnyan yod du dbang byed na/ kho bo mnyan yod du mi gnas par zad mod/ kho bo'i skal pa ma yin pa'i las mi byed do/ /zhes mchi'o/ /che bas smras pa/ kye nang rje/ tha ga pa'i sna bo'i gan du song la dog pa 'di las ras yug chen thogs shig ces gyis shig /nye dgas smras pa/ 'di tha ga pa'i sna bos btag par mi bya bar 'di ltar tha ga pa spyi cer gyis btag par bya'o| |che bas mi de la smras pa/ kye nang rje/ tha ga pa spyi cer gyi gan du song la/ che ba na re/ skom zong sbyin gyi/ ras yug chen thogs shig ces zer ro/ /zhes gyis shig /de 'phags pa dang / nye dgas de la smras pa/ bkren pa/ khyod su zhig gis rgyal po'i mir bzhag /khyod lcag rgod mang pos brdabs te sa dang shing dag skyed du gzhug par bya ba yin no/ /thag pa spyi cer gyi gan du song ste 'di skad ces| che ba'i zhal nas ras yug chen thogs shig ces byung ngo / /zhes zer mi nus sam/ gal te mi 'thag go /zhes na/ thor to dag nas bzung ste khug la khu tshur gyis gtogs shig /gal te ngu na/ thags mi mthun par dril shig /gal te de'i chung ma ngu na/ lan bu nas bzung ste drang bar bya zhing / khyed gnyis che ba'i mchid bcag pas khyed gnyis ko sa lar byung ba'i rgyal po gsal rgyal la </font><hr>Cha242a<br><font size=+1>


@#/ /kaR+sha pa Na lnga brgya gzhal dgos pa'i gyod la bskrin no/ /zhes brjod par bya'o/ /de lta na kho bo'i ras yug chen yang 'grub par 'gyur la/ khyod kyis kyang gsug mang po 'thob par 'gyur ro/ /de song ste smras pa/ che ba'i zhal nas skom zod sbyin gyi/ ras yug chen thogs shig ces byung ngo / /spyi cer gyis smras pa/ kho bo skal pa ma yin pa 'thag mi nus so/ / des de'i thor to dag nas bzung ste bkug nas khu tshur gyis btags so/ /des ngu bar brtsams pa dang / des de'i thags mi mthun par dril bar brtsams so/ /de'i chung mas ngu bar brtsams pa dang / des de'i lan bu nas bzung ste drang bar brtsams shing / khyed gnyis kyis che ba'i mchid bcag pas khyed gnyis ko sa lar byung ba'i rgyal po gsal rgyal la kaR+sha pa Na lnga brgya gzhal dgos pa'i gyod la bskrin par bya'i/ tshur shog /rgyal po'i pho brang du 'dong ngo / /zhes des de gnyis khrid de 'phags pa dang / chung mas spyi cer la smras pa/ rje'i sras/ gal te bdag cag gnyis btson rar bcug par gyur na/ bdag cag gnyis la thar par byed pa 'ga' yang med pas/ btson rar gnod pa dag gis 'chi bar bya dgos kyis/ ras yug chen 'di thogs shig/ spyi cer gyis smras pa| kye nang po/ bdag cag rgyal po'i pho brang du ma bkri bar dog pa zhog la bzhud cig dang / bdag cag gis ras yug chen yang btag cing / khyod la yang gsug mang po dbul lo/ /des dog </font><hr>Cha242b<br><font size=+1>


pa bzhag ste song ba dang / spyi cer gyis chung ma la smras pa/ bzang mo/ ras yug chen 'di gang gis dog par yang mi rung la/ ras yug chen du yang mi rung bar 'gyur ba de ltar btag par bya'o/ /chung mas smras pa/ rje'i sras/ de dge sbyong hral po de lta bu yin pas bdag cag gis ras yug chen de lta bur byas na/ des gtang re skan/ des ras yug chen de btags nas/ des ras yug chen de thags las 'grol zhing 'dug pa na/ nye dga' yang 'ongs nas/ nye dgas ras yug chen de blangs pa dang / spyi cer gyis smras pa/ 'phags pa/ bdag la skom zong stsol cig /bkren pa/ kho bo khyod kyi skom zong dbul ba yin na/ dug ci'i phyir mi brgyud/ nur rtsi ci'i phyir mi brgyud/ de shAkya'i bu'i dge sbyong rnams kyi dge sbyong gi tshul ni/ tshig go/ bram ze'i tshul ni/ tshig ste/ 'di ltar/ kha'i chos cung zad kyis kyang 'thag tu bcug go /rgyal po'i pho brang gi mthu cung zad kyis kyang 'thag tu bcug go /zhes smod par byed/ 'phyar kha gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis nye dga' la rmas </font><hr>Cha243a<br><font size=+1>


@#/ /pa| nye dga'/ khyod kyis mi mdzes pa de lta bu de byas par gyur ba bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas/ 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang rang gis bslangs pa'i dog pas tha ga pa nye du ma yin pa la gos 'thag tu 'jug na/ gos grub na/ spang ba'i ltung byed do/ /yang dge slong gang zhes bya ba ni/ shAkya'i bu nye dga'am/ gzhan yang de lta bu gang yin pa'o| |rang gis bslangs pa'i dog pas zhes bya ba ni/ 'dun pas la la las srang gcig/ la la las srang phyed/ la la las zho gnyis/ la la las zho gcig bslangs pa'i dog pas so// tha ga pa zhes bya ba ni/ thags mkhan no/ /nye du ma yin pa la zhes bya ba ni/ phyi mo dang / mes po dang / phrugs las brten pa'i bdun pa tshun chad ni/ nye du yin la/ de phan chad ni/ nye du ma </font><hr>Cha243b<br><font size=+1>


yin no/ /gos 'thag tu 'jug na zhes bya ba ni/ bdun po bal gos dang / sha na'i gos dang / zar ma'i gos dang / du gu la'i gos dang / ras bal gyi gos dang / ko tam pa'i gos dang / nyi 'og gi gos las gang yang rung ba'o/ /gos grub na zhes bya ba ni/ gos thob na'o/ /spang ba'i ltung byed do/ /zhes bya ba ni/ dngos po de spangs nas ltung byed kyi ltung ba bshags pa bya ba ste/ des na spang ba'i ltung byed do/ /zhes gsungs so/ /de la ltung bar ji ltar 'gyur zhe na/ dge slong gi nye du ma yin pa las dog pa bslangs te tha ga pa nye du ma yin pa la gos 'thag tu 'jug na/ de slong ba la nyes byas su 'gyur la/ tha ga pa nye du ma yin pa la 'thag tu 'jug pa la spang ba'i ltung byed du 'gyur ro/ /dge slong gis nye du ma yin pa las dog pa bslangs te/ tha ga pa nye du la gos 'thag tu 'jug na/ de slong ba la nyes byas su 'gyur la/ tha ga pa nye du la 'thag tu 'jug pa la ltung ba med do/ /dge slong gis nye du ma yin pa las dog pa bslangs te bdag nyid kyis 'thag par byed na/ de slong ba la nyes byas su 'gyur la/ bdag nyid kyis 'thag pa la yang nyes byas nyid du 'gyur ro/ /dge slong gis nye du ma yin pa las dog pa bslangs te tha ga pa nye du dang nye du ma yin pa la gos 'thag tu 'jug na| slong ba la nyes byas su 'gyur la/ tha ga pa nye du la 'thag tu 'jug pa la ltung ba med do/ /tha ga pa nye du ma yin pa la 'thag tu 'jug pa la spang ba'i ltung byed du 'gyur ro/ dge slong gis </font><hr>Cha244a<br><font size=+1>


@#/ /nye du ma yin pa las dog pa bslangs te bdag nyid dang tha ga pa nye du ma yin pa la gos 'thag tu 'jug na/ de slong ba la nyes byas su 'gyur la/ bdag nyid kyis 'thag pa la yang nyes byas su 'gyur ro/ /tha ga pa nye du ma yin pa la 'thag tu 'jug pa la spang ba'i ltung byed du 'gyur ro/ /dge slong gis nye du ma yin pa las dog pa bslangs te/ bdag nyid dang tha ga pa nye du la gos 'thag tu 'jug na/ de slong ba la nyes byas su 'gyur la/ bdag nyid kyis 'thag pa la yang nyes byas nyid du 'gyur ro/ /tha ga pa nye du la 'thag tu 'jug pa la ltung ba med do/ /dge slong gis nye du las dog pa bslangs te tha ga pa nye du ma yin pa la gos 'thag tu 'jug na/ de slong ba la ltung ba med la/ tha ga pa nye du ma yin pa la gos 'thag tu 'jug pa la spang ba'i ltung byed du 'gyur ro/ /dge slong gis nye du las dog pa bslangs te tha ga pa nye du la gos 'thag tu 'jug na/ de slong ba la ltung ba med la/ tha ga pa nye du la gos 'thag tu 'jug pa la yang ltung ba med do/ /dge slong gi nye du la dog pa bslangs te bdag nyid kyis 'thag par byed na/ de slong ba la ltung ba med la/ bdag nyid kyis 'thag pa la nyes byas nyid du 'gyur ro/ /dge slong gis nye du las dog pa blangs te/ tha ga pa nye du ma yin pa la gos 'thag tu 'jug na/ de slong ba la ltung ba med la/ tha ga pa nye du la gos 'thag tu 'jug pa la yang ltung ba med do/ /tha </font><hr>Cha244b<br><font size=+1>


ga pa nye du ma yin pa la gos 'thag tu 'jug pa la spang ba'i ltung byed du 'gyur ro/ /dge slong gis nye du las dog pa bslangs te bdag nyid dang tha ga pa nye du ma yin pa la gos 'thag tu 'jug na/ de slong ba la ltung ba med la/ bdag nyid kyis 'thag pa la nyes byas nyid du 'gyur ro/ /tha ga pa nye du ma yin pa la 'thag tu 'jug pa la spang ba'i ltung byed du 'gyur ro/ /dge slong gis nye du las dog pa bslangs te bdag nyid dang tha ga pa nye du la gos 'thag tu 'jug na/ de slong ba la ltung ba med la/ bdag nyid kyis 'thag pa la nyes byas nyid du 'gyur ro/ /tha ga pa nye du la gos 'thag tu 'jug pa la ltung ba med do/ /gla rngan gyis 'thag tu 'jug pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /'thag tu 'jug pa'i spang ba ste/ nyi shu gsum pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa des/ rigs mnyam pa las chung ma blangs te de de dang lhan cig rtse bar byed/ dga' bar byed/ dga' mgur spyod par byed do/ /khyim bdag de dus gzhan zhig na gzhan gyi chung ma la chags par gyur nas de la chung mas/ rje'i sras/ de ltar ma mdzad cig ces phyir bzlog na/ ji tsam du de phyir bzlog kyang ma log pa de tsam du de'i chung ma de yang skyes pa gzhan dag dang </font><hr>Cha245a<br><font size=+1>


@#/ /lhan cig 'khrul pa rtsom par byed do/ /khyim bdag de yang bud med gzhan dag la sbyin par byed la/ chung ma de yang skyes pa gzhan dag la sbyin par byad pas/ de ltar khyim bdag de gnyi ga nas rgud par gyur nas/ de gnyis la bu mo mngag gzhug ma zhig yod nas/ khyim bdag des bu mo de la 'dis khyim rgud par byas so/ /zhes khu tshur dang / thal lcag dag gis rdeg par byed do/ /bu mo des smras pa/ bdag gis khyim rgud par gyur pa 'di/ ci las gyur pa 'tshal mod kyi/ 'on kyang bdag gis ji ltar rje dag la bsngags pa ma lags pa brjod par bgyir rung / nye dgas de tshor nas khyim bdag de dang / khyim bdag gi chung ma de'i gan du song ste/ ci nas kyang de gnyis skyabs su 'gro ba dang / bslab pa'i gzhi dag la gnas par 'gyur pa de lta de ltar tshul khrims kyi bsngags pa brjod cing / tshul khrims 'chal ba'i bsngags pa ma yin pa brjod nas/ des de gnyis skyabs su 'gro ba dang / bslab pa'i gzhi dag la gnas par byas so/ /khyim bdag de gtum pa/ brtun ngas pa/ drag shul che ba yin pas/ yang bu mo de la brdeg par brtsams pa dang chung mas de la smras pa/ rje'i sras/ gang gi tshe bdag cag las dang las kyi rnam par smin pa mi mkhyen pa de'i tshe ko rdeg par mdzad mod de/ da bdag cag dge ba'i bshes gnyen 'phags pa nye dga' la brten nas las dang las kyi rnam par </font><hr>Cha245b<br><font size=+1>


smin pa mkhyen pas/ 'di ltar/ 'jig rten ni/ rang gi las kyi 'bras bu la spyod pa lags pas/ su zhig su'i bran lags/ bu mo 'di la rdeg par ma mdzad cig /bzang mo/ khyod zer ba ma nyes so| |bu mo tshur shog/ khrus gyis la shog cig /bu mo des khrus byas te 'ongs pa dang / des de la gos phrugs gcig bskon nas smras pa/ bu mo/ dga' zhing las byos shig /bu mo des bsam pa/ khyim bdag khyo shug 'di/ sngon gtum pa/ brtun ngas pa/ drag shul che ba yin te/ yang dang yang du bdag la khu tshur dang thal lcag gis rdeg par byed cing / zas dang gos ngan pa dag sbyin par byed na/ da 'di bdag gi pha ma dang 'dra bar gyur to/ /snyam nas yang bsam pa/ gang tshun chad nas 'phags pa nye dga' khyim 'dir 'jug par brtsams pa de tshun chad nas khyim bdag 'di pha ma dang 'dra bar gyur pas/ bdag gis 'phags pa nye dga' la ci zhig gis dga' bar bya snyam nas/ des bsam pa/ gal te bdag gis 'di las cung zhig brkus te dbul du ni/ khyim bdag 'dis bdag brdeg 'tshog mang po byas te sngon gyi gnas su gzhag par 'gyur ro/ /snyam nas de sdod cing 'dug go /khyim bdag gi chung ma des khyim bdag de la smras pa/ rje'i sras/ mkhyen phar mdzod cig /'phags pa nye dga' ni/ bdag cag gi dge ba'i bshes gnyen lags te/ 'phags pa nye dgas bdag cag las dri ma can dang phral nas skyabs su 'gro ba dang / bslab pa'i </font><hr>Cha246a<br><font size=+1>


@#/ /gzhi dag la bkod de/ yang dang yang du bdag cag la chos kyis sdud par byed pas/ bdag cag gis kyang de la zang zing cung zad kyis bsdu bar bgyi'o/ /bzang mo| de bzhin bya'o/ /rje'i sras/ bdag gis dog pa 'jam po bkal te/ dog pa de las tha ga pa che ge mo zhig la ras yug chen 'thag tu stsol cing / slad kyis ras yug chen bskon par bgyi'o/ /khyim bdag des dog pa de tha ga pa la byin nas smras pa/ bzhin bzang / khyod kyis dog pa 'di las ras yug chen thogs shig dang / 'phags pa nye dga' la dbul bar bya'o// de ltar bya'o/ /bu mo des de thos nas bsam pa/ bdag gis 'phags pa nye dga' la dga' ba de sbran par bya'o/ /snyam mo/ /nye dga' yang snga dro sham thabs bgos/ lhung bzed dang chos gos thogs te mnyan yod du bsod snyoms la zhugs nas mthar gyis bsod snyoms la rgyu ba na khyim der zhugs pa dang / bu mo des khyim legs par byugs shing phyag dar bor nas/ des nye dga' mthong ba dang rkang pa gnyis la phyag 'tshal te smras pa/ bdag gis 'phags pa nye dga' la sbran par bgyi'o/ /nye dgas smras pa/ bu mo khyod kyis kho bo la dga' ba ci zhig sbran par bya/ khyim bdag 'di khyod la ras yug chen 'bul bar 'gyur ro/ /nye dgas bsam pa/ sa'i steng na 'dod pa'i bdag nyid can gang ji snyed yod pa de dag dang bdag mnyam par </font><hr>Cha246b<br><font size=+1>


deng bu mo 'dis kyang 'phrigs so/ /snyam du rig nas bu mo de la 'di skad ces smras so/ /bu mo khyod ci kho bo la mtho mtsham par byed dam/ bu mos smras pa/ bdag ci'i slad du 'phags pa la mtho 'tsham par bgyid/ nye dgas smras pa/ bu mo/ gal te bden par gyur na ni/ ngas khyod la gshe ba dag la chugs ma bya'o/ /ci ste rdzun par gyur na ni/ brdeg 'tshog mang po byed du bcug ste sngon gyi gnas ji ltar bar gzhag par bya'o/ /'phags pa gal te bdag la thugs mi ches na/ phyogs ga ge mo zhig na tha ga pa mchis pa der bzhud cig dang / khyod nyid kyis mkhyen par 'gyur ro/ /de der song ste tha ga pa la smras pa/ bzhin bzang / ras yug chen 'thag pa 'di su'i yin/ 'phags pa/ btsun pa nye dga'i lags so/ /khyod kyis nye dga' shes sam/ ma 'tshal to/ /de ni/ kho bo yin no| |bzhin bzang srid du 'di tsam gyis bsrings shig /'phags pa/ dog pa sus stsol bar 'gyur/ khyim bdag de nyid kyis sbyin par 'gyur ro/ /kho bos kyang khyod la cung zhig nye bar bsgrub par bya'o/ /nye dga' phyi de nyin par snga dro sham thabs bgos/ lhung bzed dang chos gos thogs te mnyan yod du bsod snyoms la zhugs nas/ de mthar gyis bsod snyoms la rgyu ba na/ btsun mo phreng ldan ma'i khyim na bzhugs nas des de'i stan bting ba dang / de de la 'dug nas btsun mo/ phreng ldan mas nye dga'i rkang pa la phyag 'tshal te chos mnyan pa'i phyir mdun na 'dug go/ </font><hr>Cha247a<br><font size=+1>


@#/ /des de la chos bstan nas des smras pa/ 'phags pa/ ci lags/ deng spyan drangs sam/ bsod snyoms mdzad/ bsod snyoms bgyid do/ /des bsam pa/ su zhig bdag pas bsod snyoms ches bzang ba 'bul bar 'gyur snyam nas/ des de la hwags kyi la du dag gis lhung bzed bkang ste phul lo/ /nye dgas de dag blangs te tha ga pa de'i gan du song nas des de la smras pa/ bzhin bzang je lag pa gnyis zed cig /des lag pa gnyis bzed pa dang / des de la la du gcig byin nas smras pa/ bzhin bzang je zo zhig /des zos pa dang / des de la smras pa| bzhin bzang la du'i ro ci 'dra/ 'phags pa bda'o/ /khyod kyis sngon lan 'ga' la du 'di 'dra ba zos sam/ 'phags pa/ lan 'ga' yang ma 'tshal to/ /thu ba zed cig /des thu ba bzed pa dang / des de'i thu bar la du thams cad blugs te smras pa/ bzhin bzang kho bo'i ras yug chen 'di legs par thogs shig /kho bos khyod la phyis kyang cung zad nye bar bsgrub par bya'i/ zheng du 'di tsam gyis skyed cig /'phags pa/ dog pa su stsol bar 'gyur/ khyim bdag de nyid kyis sbyin par 'gyur ro/ /des ras yug chen de 'thag pa na/ dog pa de zad nas de khyim bdag de'i gan du song ba dang / ji tsam na khyim bdag gi chung ma ni med/ khyim bdag ni/ 'dug nas tha ga pa des khyim bdag de la smras pa/ khyim bdag/ ras yug chen de btag pa'i dog pa zad kyi/ dog pa byin </font><hr>Cha247b<br><font size=+1>


cig /khyim bdag des byin te btang ngo / /yang 'thag pa na dog pa zad nas de yang khyim bdag de'i gan du song ba dang / ji tsam na khyim bdag ni med/ khyim bdag gi chung ma ni/ 'dug nas tha ga pa des khyim bdag gi chung ma de la smras pa/ sru ras yug chen de btag pa'i dog pa zad kyi/ dog pa byin cig /des byin te btang ngo / /yang 'thag pa na dog pa zad nas de khyim bdag de'i khyim du song ba dang / ji tsam na/ khyim bdag dang khyim bdag gi chung ma gnyi ga 'dug nas tha ga pa des khyim bdag de la smras pa/ khyim bdag/ yang ras yug chen de btag pa'i dog pa zad kyi/ yang dog pa byin cig /khyim bdag gi chung mas smras pa/ kye tha ga pa/ ci/ ras yug chen de bskyed dam/ khyim bdag gis chung ma la smras pa/ bzang mo/ ci/ khyod kyis kyang 'di la dog pa byin nam/ stsal to/ /khyim bdag gis smras pa/ kye tha ga pa ci/ ras yug chen de bskyed dam/ tha ga pas smras pa/ khyim bdag/ ci/ deng bskyed par brtsams snyam mam/ nyi ma gang kho na la btsun pa nye dga' mchis nas 'di skad ces/ srid du 'di tsam gyis bsrings shig /zheng du 'di tsam gyis skyed cig /ces mchi ba'i nyi ma de kho na la skyed par brtsams so/ /khyim bdag gi chung mas bsam pa/ ras yug de ci 'dra/ je bltar 'gro'o/ /snyam nas de der song ba dang / ji tsam na chen po la 'os pa'i ras yug chen mthong ngo / /de mthong nas de'i mig khrag gis gang ste smras pa/ kho mos ras yug chen 'di/ 'phags pa nye dga' la mi sbyin no/ /kho </font><hr>Cha248a<br><font size=+1>


@#/ /mos de'i don du ras yug chen gzhan zhig 'thag tu gzhug go /zhes zer te song ngo / /nye dga' dus dang dus su der 'ongs nas smras pa/ kye tha ga pa/ rung ngam/ 'phags pa| bdag gi ni/ rung na/ khyod kyi ni/ mi rung ngo / /kye tha ga pa/ ji ltar gyur/ des smras pa/ khyim bdag gi chung ma mchis par gyur te/ des ras yug chen mthong nas de'i mig khrag gis gang ste kho mos 'phags pa nye dga' la ras yug chen 'di mi sbyin no/ /kho mos de'i don du ras yug chen gzhan 'thag tu gzhug go /zhes mchi ste mchis so/ /kye tha ga pa/ khyod la kho bas cung zhig byas pa yod pa shes sam/ des smras pa/ ci'i slad du ma 'tshal/ bdag da dung yang khyod kyi la du dag 'tshal zhing mchis so/ /kye tha ga pa/ gang gi tshe kho bo khyim der 'ongs par gyur pa de'i tshe na khyod kyis ras yug chen de khyer te shog cig /'phags pa/ je bzhud cig dang / bdag gis kyang kha tshar bkal te mchi'o/ /nye dga' de'i khyim du song ste sgo'i thad kar 'dug pa dang / khyim bdag gi chung ma des rkang pa la phyag 'tshal te kha sgor lta zhing mdun du 'dug go /tha ga pa des kyang ras yug chen de'i kha tshar dril nas de khyer te der song ba dang / khyim bdag gis chung ma des de thag ring po kho na nas mthong nas/ des lag brdas ma 'ongs shig ces byas pa dang / tha ga pa des phyogs bzhir rnam par bltas nas ltos bzung bas mgo smad de nang du zhugs nas des ras yug </font><hr>Cha248b<br><font size=+1>


chen de/ khyim bdag gi chung ma de'i pang du bzhag pa dang / nye dgas tsham tshom med par blangs te smras pa/ a rog kya/ sbyin pa 'dis khyod sems kyi rgyan dang / sems kyi yo byad dang / rnal 'byor gyi tshogs dang / don gyi mchog thob pa dang / lha dang mi rnams kyi gos thob par gyur cig /khyim bdag gi chung mas smras pa/ 'phags pa/ khyim bdag gis rang gi sug pa nas dbul gyi/ slar stsol cig /nye dgas smras pa/ kho bos 'di je rung bar byas/ de'i 'og tu khyim bdag drang srong gi rgyal mtshan bskon du gzhug go /khyim bdag gis chung mas smras pa/ 'phags pa/ bcom ldan 'das kyis kha dog dkar por bsngags so/ /nye dgas smras pa/ drang srong gi rgyal mtshan bskon du chug cig ces smras nas langs te song ngo // //'dul ba rnam par 'byed pa/ bam po so lnga pa| tha ga pas smras pa/ khyim bdag gis btsun mo/ bdag la gla byin cig /des smras pa/ kho mo'i ras yug chen gcig kyang 'phrog tu bcug nas gla gzhan yang ded dam/ song la khyod kyis gang la ras yug chen byin pa de nyid la gla dos shig /de nye dga'i gan du song ste smras pa/ 'phags pa/ bdag la gla stsol cig /song la khyim bdag gi chung ma de nyid la dos shig /'phags pa| khyim bdag gi mchis brang de mchi 'bo zhing 'di skad ces/ khyod kyis gang la ras yug chen byin pa de nyid la gla dos shig ces mchi'o/ /nye dgas smras pa/ song zhig dang byin par 'gyur ro/ / </font><hr>Cha249a<br><font size=+1>


@#/ /tha ga pa de yang de'i gan du song ste smras pa/ khyim bdag gi btsun mo/ bdag la gla byin cig /des smras pa/ kwa'i khyo ga khyod 'dug mi phod dam/ gal te 'dug na ni/ 'dug cig /mi 'dug na/ kho mos khyod kyi mgrin par chol zangs btags te mnyan yod thams cad du bskor bar bya'o/ /tha ga pa de yang nye dga'i thad du song ste smras pa/ 'phags pa/ khyim bdag gi mchis brang bdag spyos te/ kwa'i khyo ga khyod 'dug mi phod dam/ gal te 'dug na ni/ 'dug cig /mi 'dug na/ kho mos khyod kyi mgrin par chol zangs btags te mnyan yod thams cad du bskor bar bya'o/ /zhes mchi yi/ 'phags pa/ bdag la gla stsol cig /nye dgas smras pa/ kye nang rje/ gal te gang gis kho bo'i ras yug chen 'thag tu bcug pa de'i gla kho bo 'jal bar gyur na/ kho bo'i lhung bzed dang chos gos kyang med par 'gyur ro/ /gzhan yang tshur shog /rtsis bya'i/ khyod kyis kho bo las bag phye'i rin dang / zhun mar dang / hwags la sogs pa ji tsam khyer ba dag khod cig /ces rtsis byas pa dang / ji tsam na ches lhag par khyer bar gyur nas/ nye dgas tha ga pa de yud tsam zhig nyi tshan la btags te btang ngo / /tha ga pa de shAkya'i bu'i dge sbyong rnams kyi dge sbyong gi tshul ni/ tshig go/ bram ze'i tshul ni/ tshig ste/ 'di ltar/ lhag pa kho na bya'o/ /zhes zer la/ 'bri ba kho nar byed do/ /zhes smod par byed/ 'phyar kha gtong bar byed/ kha zer bar </font><hr>Cha249b<br><font size=+1>


byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do| |zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis nye dga' la rmas pa/ nye dga'/ khyod kyis mi mdzes pa de lta bu de byas par gyur pa bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gi phyir khyim bdag gam/ khyim bdag gi chung ma nye du ma yin pas tha ga pa nye du ma yin pa la gos 'thag tu bcug pa las/ de na gal te dge slong de la sngar ma bstabs par rnam par rtog pa 'ga' zhig byung nas tha ga pa nye du ma yin pa'i gan du song ste 'di skad ces/ tshe dang ldan pa tha ga pa shes </font><hr>Cha250a<br><font size=+1>


@#/ /par gyis shig /gos 'di kho bo'i phyir 'thag gi /tshe dang ldan pa tha ga pa/ gos 'di zheng che ba dang / khrun ring ba dang / thar gyis zhag pa dang / thag ran bzang bar legs par gyis shig /tshe dang ldan pa tha ga pa/ 'di ltar kho bos gla rngan 'di lta ste/ bza' ba'am/ bca' ba tsam mam/ bza' rgyu cung zad sbyin no/ /zhes smras nas/ de la gal te dge slong des gos bsgrub pa'i phyir gla rngan 'di lta ste/ bza' ba'am/ bca' ba tsam mam/ bza' rgyu cung zad cig sbyin zhig gos grub na/ spang ba'i ltung byed do/ /dge slong gi phyir zhes bya ba ni/ shAkya'i bu nye dga' 'am| gzhan yang de lta bu gang yin pa'o/ /khyim bdag ces bya ba ni/ skyes pa'o/ /khyim bdag gi chung ma zhes bya ba ni/ bud med do/ /nye du ma yin pa zhes bya ba ni/ phyi mo dang / mes po dang / phrugs kyi bdun pa tshun chad ni/ nye du yin la/ de phan chad ni/ nye du ma yin no/ /tha ga pa zhes bya ba ni/ thags mkhan no/ /nye du ma yin pa la zhes bya ba ni/ phyi mo dang / mes po dang / phrugs kyi bdun pa tshun chad ni/ nye du yin la/ de phan chad ni/ nye du ma yin no/ /gos 'thag tu bcug pa las zhes bya ba ni/ bdun po bal gos dang / sha na'i gos dang / zar ma'i gos dang / du gu la'i gos dang / ras bal gyi gos dang / ko tam pa'i gos dang / nyi 'og gi gos dag las gang yang rung ba'o/ /de na gal te dge slong de la zhes bya ba ni/ shAkya'i bu nye dga' la'o/ /sngar ma bstabs par </font><hr>Cha250b<br><font size=+1>


zhes bya ba ni/ sngar mgron du ma bos par ro/ /rnam par rtog pa 'ga' zhig byung nas zhes bya ba ni/ bsnyen bkur byed pa 'ga' zhig byung nas so/ /tha ga pa nye du ma yin pa'i gan du song ste zhes bya ba ni/ drung du song ste'o/ /'di skad ces tshe dang ldan pa tha ga pa shes par gyis shig /gos 'di kho bo'i phyir 'thag gi /zhes bya ba ni/ bdag nyid nye bar ston par byed pa'o/ /zhes che ba zhes bya ba ni/ rgyar che ba'o| |khrun ring ba zhes bya ba ni/ chur ring ba'o/ /thar gyis zhag pa zhes bya ba ni/ 'jur mdud med pa'o/ /thag ran bzang bar zhes bya ba ni/ byer zug snyoms pa dang / shas bzang ba dang / sang seng med par ro/ /bza' ba'am zhes bya ba ni/ bza' ba lnga po dag go/ bca' ba tsam mam zhes bya ba ni/ bca' ba lnga po dag go/ bza' rgyu zhes bya ba ni/ bza' ba'i rgyu'o/ /de la gal te dge slong des zhes bya ba ni/ shAkya'i bu nye dgas so/ /gos bsgrub pa'i phyir zhes bya ba ni/ gos thob par bya ba'i phyir ro/ /gos grub na zhes bya ba ni/ gos thob na'o/ /spang ba'i ltung byed do zhes bya ba ni/ dngos po de spang nas ltung byed kyi ltung ba bshags par bya ba ste/ des na spang ba'i ltung byed do/ /zhes gsungs so/ /de la ltung bar ji ltar 'gyur zhe na/ dge slong gis ji tsam du gos bsgrub pa'i phyir khri las ldang bar byed/ gos dag dang sham thabs gon par byed/ lag pa dang lhung bzed 'khru bar byed/ bsod snyoms la 'jug par byed/ bca' ba lnga dang bza' ba lnga dag slong bar byed/ tha ga pa la </font><hr>Cha251a<br><font size=+1>


@#/ /sbyin par byed cing ji srid du gos thob par mi byed kyi bar du nyes byas su 'gyur ro/ /gos thob na/ spang ba'i ltung byed du 'gyur ro/ /gal te phyogs ga ge mo zhig tu gos 'thag tu bcug gi/ de khyod kyis blta bar bya'o/ /zhes sngar bstabs par gyur na/ ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ / 'thag pa bskyed pa'i spang ba ste/ nyi shu bzhi pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ / dga' bo la lhan cig gnas pa chos zhes bya ba ngo tsha shes pa/ 'gyod pa dang ldan pa/ bsdams pa/ bslab pa 'dod pa zhig yod pa des/ ji srid du de gnas ngan len kun tu spyod par mi shes pa de srid du de dang lhan cig gnas so/ /gang gi tshe des de gnas ngan len kun tu spyod par shes pa de'i tshe na/ de rang bzhin du gnas pa'i dge slong rnams dang lhan cig gnas par brtsams te/ bcom ldan 'das kyis bka' lung gis dus gsum du rkang pa la phyag 'tshal du 'gro ba 'ba' zhig byed do/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ song la dge slong rnams la de bzhin gshegs pa ko sa la dag tu ljongs rgyur gshegs kyi/ khyed cag las gang de bzhin gshegs pa dang thabs cig ko sa la dag tu ljongs rgyur 'gro bar spro ba des/ </font><hr>Cha251b<br><font size=+1>


chos gos kyi las kyis shig ces sgos shig /tshe dang ldan pa kun dga' bos/ btsun pa/ bka' bzhin 'tshal zhes bcom ldan 'das las mnyan nas dge slong rnams la smras pa/ tshe dang ldan pa dag/ bcom ldan 'das ko sa la dag tu ljongs rgyur gshegs kyi/ khyed cag las gang bcom ldan 'das dang thabs cig ko sa la dag tu ljongs rgyur 'gro bar spro bar des chos gos kyi las gyis shig /dga' bos thos te thos nas kyang nye dga' la smras pa/ tshe dang ldan pa nye dga' shes par gyis shig /tshe dang ldan pa kun dga' bos dge slong rnams la tshe dang ldan pa dag shes par gyis shig /bcom ldan 'das ko sa la dag tu ljongs rgyur gshegs kyi/ khyed cag las gang bcom ldan 'das dang thabs cig ko sa la dag tu ljongs rgyur 'gro bar spro ba des/ chos gos kyi las kyis shig ces bsgo na/ gal te bdag cag 'di nyid du 'dug na ni/ sgo 'phar brgya dag 'das te/ ci nas kyang lto dgang ba bsgrub par bya dgos so/ /ci ste bcom ldan 'das dang thabs cig tu 'gro na ni/ bcom ldan 'das kyis sangs rgyas gshegs pa la phan yon bco brgyad yod par gsungs pas/ srog chags brgya stong phrag du ma dag kyang bcom ldan 'das dang thabs cig 'gro bar 'gyur bas/ gal te bcom ldan 'das dang thabs cig 'gro na/ re zhig chu yang rnyog ma can dag btung dgos par 'gyur la/ shing ljon pa'i drung du yang gos thob par mi 'gyur gyi/ bdag cag dge slong rab tu bshes pa 'ga' zhig khrid </font><hr>Cha252a<br><font size=+1>


@#/ /de/ sangs rgyas dang / chos dang / dge 'dun gyi bsngags pa brjod cing mdun du dong na/ de lta na/ bdag cag bde bar rgyu bar 'gyur zhing / rnyed pa mang po yang 'grub par 'gyur ro/ /nye dgas smras pa/ slob dpon/ re zhig gser gyi snod spangs te sa'i snod kyis bsod snyoms rgyu bar byed dam/ khyod kyi lhan cig gnas pa chos lta bu ngo tsha shes pa/ 'gyod pa dang ldan pa/ bsdams pa/ bslab pa 'dod pa su la yod/ des kho bo mthong bar yang mi 'dod do/ /slob dpon/ bcom ldan 'das kyis bsdu ba'i dngos po bzhi po sbyin pa dang / snyan par smra ba dang / don spyod pa dang / don mthun pa gang dag bka' stsal pa de dag las/ slob dpon gyis 'ga' zhig yang dag par blangs te 'jug par byas pa yod dam/ de ni/ thams cad kyi thams cad du med do/ /de'i phyir khyod kyi gnas skabs de lta bu der gyur to/ /tshe dang ldan pa chos kyi snam sbyar rnying nas des ras yug chen zhig rnyed nas bsam pa/ bdag song la mkhan po la zhus te snam sbyar btsem par bya'o/ /snyam nas/ des de khyer te dga' bo'i gan du 'phags pa dang / de 'gro ba na bsod snyoms pa zhig gis mthong nas des smras pa/ tshe dang ldan pa/ khyod gar 'gro/ des smras pa/ kho bo'i snam sbyar rnying ste/ kho bos ras yug chen 'di rnyed pas/ bdag song ste mkhan po la zhus la snam sbyar btsem par bya'o/ /bsod snyoms pas smras pa/ gal te khyod </font><hr>Cha252b<br><font size=+1>


snam sbyar gsar ba gzhan 'tshem na/ snam sbyar rnying pa 'di kho bo la byin cig /de bzhin bya'o/ /de dga' bo'i gan du song ste smras pa/ mkhan po/ bdag gi snam sbyar rnying ste/ bdag gis ras yug chen 'di rnyed pas snam sbyar btsem par zhu'o/ /nye dgas smras pa/ slob dpon/ 'di ni/ de'i dus lags so/ /dga' bos smras pa/ tshe dang ldan pa chos/ kho bo nyid la snam sbyar zhig yod pa de kho bos khyod la sbyin no/ /mkhan po/ mi 'tshal te/ bdag gis ras yug chen 'di nyid las snam sbyar drubs te bcang bar bgyi'o/ /nye dgas smras pa/ tshe dang ldan pa chos/ kho bos ko gzhan thos la gzhan mthong ste/ kho bos khyod ngo tsha shes pa/ 'gyod pa dang ldan pa/ bsdams pa/ bslab pa 'dod pa yin par shes kyi/ kho bos khyod 'di ltar mkhan po'i chos dang ldan pa'i tshig gcog par mi shes so| |ci khyod/ mkhan po dang mi mthun pa'i don yang dag par len par byed dam/ de dge slong dbang chen pos smad pas cang mi smra bar 'dug pa dang / dga' bos kyang de la snam sbyar byin no/ /des de blangs nas smras pa/ mkhan po/ khyod ras yug chen 'di bzhes shig /tshe dang ldan pa chos/ ci/ kho bos khyod la brje ba'i phyir snam sbyar byin pas ras yug chen gang khyod nyid khyer cig /des bsam pa/ bdag la yo byad don med pa 'dis ci bya/ bdag gis ras yug chen 'di dge 'dun la dbul bar bya zhing / snam sbyar rnying pa 'di yang bsod snyoms pa de la sbyin pa mkhan po la zhu'o/ / </font><hr>Cha253a<br><font size=+1>


@#/ /snyam nas smras pa/ mkhan po/ bdag gis ras yug chen 'di dge 'dun la dbul bar bgyi zhing / snam sbyar rnying pa 'di yang bsod snyoms pa zhig gis bslangs bas de la stsal bar bgyi ba mkhan po la zhu'o/ /de bzhin gyis shig /des ras yug chen de dge 'dun la phul zhing / snam sbyar rnying pa de yang bsod snyoms pa de la byin no/ /phyi de nyin par de snam sbyar de gyon te mkhan po'i rkang pa la phyag 'tshal du 'ongs pa dang / dga' bos smras pa/ tshe dang ldan pa khyod shes par gyis shig /tshe dang ldan pa kun dga' bos/ dge slong rnams la tshe dang ldan pa dag shes par gyis shig /bcom ldan 'das ko sa la dag tu ljongs rgyur gshegs kyi/ khyed cag las gang bcom ldan 'das dang thabs cig ko sa la dag tu ljongs rgyur 'gro bar spro ba des/ chos gos kyi las gyis shig ces bsgo na/ gal te bdag cag 'di nyid du 'dug na ni/ sgo 'phar brgya dag 'das te ci nas kyang lto dgang ba bsgrub par bya dgos so/ /ci ste bcom ldan 'das dang thabs cig 'gro na ni/ bcom ldan 'das kyis sangs rgyas gshegs pa la phan yon bco brgyad yod par gsungs pas/ srog chags brgya stong phrag du ma dag kyang bcom ldan 'das dang thabs cig 'gro bar 'gyur bas/ gal te bcom ldan 'das dang thabs cig 'gro na/ re zhig chu yang rnyog ma can dag btung dgos par 'gyur la/ shing ljon pa'i drung du yang go thob </font><hr>Cha253b<br><font size=+1>


par mi 'gyur gyi/ bdag cag sangs rgyas dang / chos dang / dge 'dun gyi bsngags pa brjod cing mdun du dong na/ de lta na/ bdag cag bde bar rgyu bar 'gyur zhing / rnyed pa mang po yang 'grub par 'gyur ro| |mkhan po/ bcom ldan 'das kyis sangs rgyas gshegs pa la phan yon bco brgyad mchis par bka' stsal pa/ gang dag lags pa de dag mkhan po la nyes dmigs kho nar gyur te/ bdag ni/ re zhig bcom ldan 'das nyid dang thabs cig mchi'o/ /dga' bos smras pa/ kho bo dang lhan cig 'dong ngo / /des smras pa/ bcom ldan 'das nyid dang lhan cig mchi'o/ /dga' bos spyos te smras pa/ ngan pa/ ci/ kho bos khyod la chos la chos nyid bzang pos snam sbyar byin snyam nas khyod kho bo dang lhan cig 'gro ba'i phyir byin pa yin na/ gal te kho bo dang lhan cig mi 'gro na/ snam sbyar 'on cig /khyod la mi sbyin no/ /tshe dang ldan pa chos kyis bsam pa/ bdag la chos gos 'phrog pa ni/ bla'i/ bdag gnas ngan len kun tu spyod pa dag dang lhan cig ljongs rgyur 'gro ba ni/ mi rung ngo / /snyam nas/ des de la snam sbyar phyir byin no/ /de nas bcom ldan 'das dul ba 'khor dul ba dang ldan pa/ zhi ba 'khor zhi ba dang ldan pa/ grol ba 'khor grol ba dang ldan pa/ dbugs phyin pa 'khor dbugs phyin pa dang ldan pa/ thul ba 'khor thul ba dang ldan pa/ dgra bcom pa 'khor dgra bcom pa dang ldan pa/ 'dod chags dang bral ba 'khor 'dod chags dang bral ba dang ldan pa/ mdzes pa 'khor mdzes pa dang / </font><hr>Cha254a<br><font size=+1>


@#/ /ldan pa/ khyu mchog ltar pa lang gi tshogs kyis yongs su bskor ba/ glang po che ltar glang po che'i phru gu'i tshogs kyis yongs su bskor ba/ seng ge ltar mche ba can gyi tshogs kyis yongs su bskor ba/ ngang pa'i rgyal po ltar ngang pa'i tshogs kyis yongs su bskor ba/ nam mkha' lding ltar bya'i tshogs kyis yongs su bskor ba/ bram ze ltar slob ma'i tshogs kyis yongs su bskor ba/ sman pa mkhas pa ltar nad pa'i tshogs kyis yongs su bskor ba/ dpa' bo ltar ru pa'i tshogs kyis yongs su bskor ba/ sa mkhan ltar lam du zhugs pa'i tshogs kyis yongs su bskor ba/ ded dpon ltar tshong pa'i tshogs kyis yongs su bskor ba/ tshong dpon ltar 'khor gyi tshogs kyis yongs su bskor ba/ mkhar gyi rgyal po ltar blon pa'i tshogs kyis yongs su bskor ba/ 'khor los bsgyur ba ltar bu stong gi tshogs kyis yongs su bskor ba/ zla ba ltar rgyu skar gyi tshogs kyis yongs su bskor ba/ nyi ma ltar 'od zer stong gi tshogs kyis yongs su bskor ba| yul 'khor srung ltar dri za'i tshogs kyis yongs su bskor ba/ 'phags skyes po ltar grul bum gyi tshogs kyis yongs su bskor ba/ mig mi bzang ltar klu'i tshogs kyis yongs su bskor ba/ gnod sbyin ltar gnod sbyin gyi tshogs kyis yongs su bskor ba/ thags bzang ris ltar lha ma yin gyi tshogs kyis yongs su bskor ba/ brgya byin ltar sum cu rtsa gsum pa'i tshogs kyis yongs su </font><hr>Cha254b<br><font size=+1>


bskor ba/ tshangs pa ltar tshangs ris kyi tshogs kyis yongs su bskor ba/ dbang po rnams shin tu dul ba/ spyod lam dang spyod pa ma 'khrugs pa/ chu gter ltar ting nge ba/ sprin ltar chu dang bcas pa/ glang po che'i rgyal po ltar dregs pa dang bral ba/ skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus sku rnam par mdzes pa/ 'od 'dom gang gis gzugs can brgyan pa/ nyi ma stong bas lhag pa'i 'od dang ldan pa/ rin po che'i ri bo 'gro ba ltar kun tu bzang ba/ stobs bcu dang / mi 'jigs pa bzhi dang / ma 'dres pa'i dran pa nye bar bzhag pa gsum dang / thugs rje chen po ldan pa/ 'jig rten la phan par zhugs pa/ srung ba gcig pu pa/ nyag cig dpa' ba/ gnyis pa med pa/ gnyis su mi gsung ba/ zhi gnas dang lhag mthong gis zhugs pa/ rig pa gsum gsal bar mdzad pa/ bslab pa gsum la legs par bslab pa/ dul ba'i gnas gsum gyi gzhi la mkhas pa/ chu bo bzhi las brgal ba/ rdzu 'phrul gyi rkang pa bzhis spyod pa'i gzhi la legs par gnas pa/ bsdu ba'i dngos po bzhi la yun ring po nas yongs su sbyang ba mdzad pa/ mi 'jigs pa bzhis bsnyengs pa mi mnga' ba/ yan lag lnga spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas pa drug gis gnas pa/ byang chub kyi yan lag bdun gyi me tog gis phyug pa/ lam gyi yan </font><hr>Cha255a<br><font size=+1>


@#/ /lag brgyad ston pa/ mthar gyis snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur snyan pas yang dag par rgyas pa brgya phrag bcur dbang bsgyur ba las khyad par du 'phags pa/ 'khor nyan thos chen po tshe dang ldan pa lteng rgyas 'od srung dang / ga ya 'od srung dang / chu klung 'od srung la sogs pa sngon gyi ral pa can stong dang / tshe dang ldan pa shA ri'i bu dang / mo'u dgal gyi bu chen po la sogs pa dge slong gi dge 'dun mang pos mdun du bdar te ko sa la dag tu ljongs rgyur gshegs so/ /sangs rgyas bcom ldan 'das ljongs rgyur gshegs pa rnams ni/ chos nyid kyis na/ sku thams cad kyis g.yas phyogs su glang po che'i lta ltangs kyis la las legs par ma bgos pa dang / legs par ma sbyangs par ma gyur tam snyam du rnam par gzigs par mdzad pas/ bcom ldan 'das kyis sku thams cad kyis g.yas phyogs su glang po che'i lta stangs kyis rnam par gzigs pa na/ tshe dang ldan pa chos/ chos gos stod g.yogs smad g.yogs dang bcas pas ljongs rgyur 'gro ba gzigs so/ /gzigs nas kyang tshe dang ldan pa kun dga' bo la bka' stsal pa/ kun dga' bo/ dge slong dbyar gnas pa rnams kyis chos gos kyi rnyed pa ma grub bam/ bcom ldan 'das/ grub bo/ 'o na ci'i phyir dge slong chos/ chos gos stod g.yogs smad g.yogs dang bcas pas ljongs rgyur 'gro/ des skabs de/ </font><hr>Cha255b<br><font size=+1>


bcom ldan 'das la rgyas par gsol ba dang / bcom ldan 'das kyis bka' stsal pa/ kun dga' bo/ dge slong dag/ dge slong la gos byin nas 'phrog par byed dam/ btsun pa/ 'phrog par bgyid do| |de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dga' bo la rmas pa/ dga' bo/ khyod kyis dge slong la gos byin nas yang phyir 'phrog pa bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rung ba ma yin pa/ rjes su mthun pa ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas/ 'dul ba la nyan thos rnams kyis bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong la gos byin nas de'i 'og tu khros 'khrugs rngam par gyur te/ yid ma rangs nas 'phrog gam/ 'phrog tu 'jug cing / de la </font><hr>Cha256a<br><font size=+1>


@#/ /'di skad ces/ dge slong khyod la gos mi sbyin gyi/ phyir byin ces zer na/ dge slong des lhag ma yod pa phyir sbyin par bya zhing / btang na/ spang ba'i ltung byed do/ / yang dge slong gang zhes bya ba ni/ shAkya'i bu dga' bo'am/ gzhan yang de lta bu gang yin pa'o/ /dge slong la zhes bya ba ni/ chos 'di pa'o/ /gos zhes bya ba ni/ bdun po bal gos dang / sha na'i gos dang / zar ma'i gos dang / du gu la'i gos dang / ras bal gyi gos dang / ko tam pa'i gos dang / nyi 'og gi gos las gang yang rung ba'o/ /byin nas zhes bya ba ni/ phyir sbyin mi dgos par ro/ /de'i 'og tu zhes bya ba ni/ dus gzhan no/ /khros 'khrugs rngam par 'gyur te/ yid ma rangs nas zhes bya ba ni/ khro ba ma sangs par ro/ /'phrog gam zhes bya ba ni/ bdag nyid kyis so/ /'phrog tu 'jug cing zhes bya ba ni/ gzhan no/ /dge slong des zhes bya ba ni/ dge slong gang yin pa des so/ /lhag ma yod pa zhes bya ba ni/ de'i lhag ma gang yod pa'o/ /phyir sbyin par bya zhing zhes bya ba ni/ gtang bar bya zhing ngo / /btang na zhes bya ba ni/ lus dang bral bar byas na'o/ /spang ba'i ltung byed do/ /zhes bya ba ni/ dngos po de spangs nas ltung byed kyi ltung ba bshags par bya ba ste/ des na spang ba'i ltung byed do/ /zhes gsungs so/ /de la ltung bar ji ltar 'gyur zhe na/ lus g.yo bar byed pa dang / tshig rjod par byed pa dang / de gnyi ga dang ldan pa dang / gzhan dag </font><hr>Cha256b<br><font size=+1>


gis so/ /de la ji ltar lus g.yo bar byed pas she na/ dge slong gis dge slong la gos byin nas de'i 'og tu khros 'khrugs rngam par gyur te/ yid ma rangs nas lus kyis rtul bar byed cing 'dren par byed/ khrid par byed la/ tshig gis dge slong khyed la gos mi sbyin gyi/ phyir byin ces ni/ mi zer na/ ji srid du gos kyi grwa lus las bral bar mi byed pa de srid du nyes byas su 'gyur la/ gos kyi grwa lus las bral bar byed na/ spang ba'i ltung byed du 'gyur te/ de ltar lus g.yo bar byed pas so/ /ji ltar tshig rjod par byed pas she na/ dge slong gis dge slong la gos byin nas de'i 'og tu khros 'khrugs rngam par gyur te/ yid ma rangs nas dge slong khyod la gos mi sbyin gyi/ phyir byin cig/ ces tshig rjod par byed la/ lus kyis rtul bar mi byed na/ ji srid du gos kyi grwa lus las bral bar mi byed pa de srid du nyes byas su 'gyur la/ gos kyi grwa lus las bral bar byed na/ spang ba'i ltung byed du 'gyur te/ de ltar tshig rjod pas so/ /ji ltar de gnyi ga dang ldan pas she na/ dge slong gis dge slong la gos byin nas de'i 'og tu khros 'khrugs rngam par gyur te/ yid ma rangs nas/ lus kyis kyang rtul bar byed cing / tshig gis kyang dge slong khyod la gos mi sbyin gyi/ phyir byin cig ces zer na/ ji srid du gos kyi grwa lus las bral bar mi byed pa de srid du nyes byas su 'gyur la/ gos kyi grwa lus las bral bar byed na/ spang ba'i ltung byed du 'gyur te/ de ltar gnyi ga dang ldan pas so/ /ji ltar gzhan dag </font><hr>Cha257a<br><font size=+1>


@#/ /gis she na/ dge slong gis dge slong la gos byin nas/ de'i 'og tu khros 'khrugs rngam par gyur te/ yid ma rangs nas/ dge slong 'phrog tu 'jug na ji srid du gos kyi grwa lus las bral bar mi byed pa de srid du gnyi ga la nyes byas re rer 'gyur la/ gos kyi grwa lus las bral bar byed na/ gnyi ga la spang ba'i ltung byed re rer 'gyur ro/ /dge slong gis dge slong la gos byin nas de'i 'og tu khros 'khrugs rngam par gyur te/ yid ma rangs nas dge slong ma 'phrog tu 'jug na/ ji srid gos kyi grwa lus las bral bar mi byed pa de srid du gnyi ga la nyes byas re rer 'gyur la/ gos kyi grwa lus las bral bar byed na/ dge slong ma la nyes byas nyid du 'gyur la/ dge slong la spang ba'i ltung byed du 'gyur ro/ /dge slong gis dge slong la gos byin nas de'i 'og tu khros 'khrugs rngam par gyur te/ yid ma rangs nas dge slob ma 'phrog tu 'jug na/ ji srid du gos kyi grwa lus las bral bar mi byed pa de srid du gnyi ga la nyes byas re rer 'gyur la/ gos kyi grwa lus las bral bar byed na/ dge slob ma la nyes byas nyid du 'gyur la/ dge slong la spang ba'i ltung byed du 'gyur ro/ /dge slong gis dge slong la gos byin nas de'i 'og tu khros 'khrugs rngam par gyur te/ yid ma rangs nas dge tshul 'phrog tu 'jug na/ ji srid du gos kyi grwa lus las bral bar mi byed pa de srid du gnyi ga la nyes byas re rer 'gyur la/ gos kyi grwa lus las bral bar </font><hr>Cha257b<br><font size=+1>


byed na/ dge tshul la nyes byas nyid du 'gyur la/ dge slong la spang ba'i ltung byed du 'gyur ro/ /dge slong gis dge slong la gos byin nas de'i 'og tu khros 'khrugs rngam par gyur te/ yid ma rangs nas dge tshul ma 'phrog tu 'jug na/ ji srid du gos kyi grwa lus las bral bar mi byed pa de srid du gnyi ga la nyas byas re rer 'gyur la/ gos kyi grwa lus las bral bar byed na/ dge tshul ma la nyes byas nyid du 'gyur la/ dge slong la spang ba'i ltung byed du 'gyur ro/ /dge slong gis dge slong la gos byin nas de'i 'og tu khros 'khrugs rngam par gyur te/ yid ma rangs nas khyim pa 'phrog tu 'jug na/ ji srid du gos kyi grwa lus las bral bar mi byed pa de srid du khyim pa la bsod nams ma yin pa mang po skye bar 'gyur zhing / dge slong la nyes byas su 'gyur la/ gos kyi grwa lus las bral bar byed na/ khyim pa la bsod nams ma yin pa ches mang du skye bar 'gyur zhing / dge slong la spang ba'i ltung byed du 'gyur ro/ /dge slong gis dge slong la gos byin nas/ de'i 'og tu khros 'khrugs rngam par gyur te/ yid ma rangs nas khyim pa mo 'phrog tu 'jug na/ ji srid gos kyi grwa lus las bral bar mi byed pa de srid du khyim pa mo la bsod nams ma yin pa mang du skye bar 'gyur zhing / dge slong la nyes byas su 'gyur la| gos kyi grwa lus las bral bar byed na/ khyim pa mo la bsod nams ma yin pa ches mang du skye bar 'gyur zhing / dge slong la spang ba'i ltung byed du 'gyur te/ de ltar gzhan dag gis so/ /don gzhan </font><hr>Cha258a<br><font size=+1>


@#/ /dang 'dul ba'i yo byad kyis ni/ ltung ba med do/ /ji ltar don gzhan gyis she na/ 'di lta ste/ slob dpon dang / mkhan po'i lhan cig gnas pa dang / nye gnas dag 'jigs pa dang bcas pa'i phyogs su dus ma yin pa dang / chu klung gi kha'am/ yur po che'i khar 'gro ba de dag la slob dpon dang / mkhan pos chom rkun pa dang / g.yon can dag gis gos dag 'phrog par gyur na mi rung ngo / /snyam pas 'phrog gam 'phrog tu 'jug pa ste/ de ltar don gzhan gyis so/ /ji ltar 'dul ba'i yo byad kyis she na/ 'di lta ste/ dge slong rnams kyi lhan cig gnas pa dang / nye gnas dag sdig pa'i grogs po dang / sdig pa'i zla bo dang / sdig pa'i bsten grogs dag dang lhan cig sdig pa bsten cing lam du 'gro bar gyur na/ de dag la mkhan po dang / slob dpon gyis 'di dag sdig pa'i grogs po dang / sdig pa'i zla bo dang / sdig pa'i bsten grogs la bsten par gyur na mi rung ngo / /snyam pas gos dag 'phrog gam 'phrog tu 'jug pa ste/ de de ltar 'dul ba'i yo byad kyis so/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /'phrog pa'i spang ba ste/ nyi shu lnga pa rdzogs so// sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /ri brag cig na/ khyim bdag dad pa dang ldan pa/ bzang ba/ dge ba'i bsam </font><hr>Cha258b<br><font size=+1>


pa can zhig 'dug pa de dgon par dge 'dun gyi gtsug lag khang rta babs mthon po dang ldan pa/ mthong khung dang / skar khung dra ba can dang / lan kan gyis brgyan pa/ snying dang mig 'phrog par byed pa| mtho ris kyi them skas su gyur pa/ khri dang / khri'u dang / yo byad phun sum tshogs pa zhig byed du bcug ste/ de na dge slong drug cu gnas pa de dag la khyim bdag des chos gos dang / bsod snyoms la sogs pas mkho ba stob par byed do/ /de nas dus gzhan zhig na khyim bdag de dus kyi chos dang ldan par gyur nas khyim bdag de la bu zhig yod pa de'i gan du dge slong de dag dong ste smras pa/ bzhin bzang / khyod kyi phas dge slong drug cu la chos gos dang / bsod snyoms la sogs pas mkho ba bstabs pa byas par gyur na/ khyod kyis kyang kho bo cag dge slong drug cu la chos gos dang / bsod snyoms la sogs pas mkho ba stob par byed nus sam/ des smras pa/ 'phags pa dag/ la la ni/ brgya la bsnyen bkur byed/ la la ni/ stong la/ la la ni/ 'bum la bsnyen bkur byed pa yang yod/ la las ni/ bdag nyid kyang gso bar dka' bas bdag gis rngo mi thogs so/ /de nas dge slong de dag gtsug lag khang de nas dong ngo / /rgan zhugs ri brag de nyid nas rab tu byung ba gnyis shig/ bsod snyoms rgyus nas gtsug lag khang de nyid na 'khod do/ /byang lam nas don mthun dag lhags nas de dag gis gtsug lag khang de thag ring po kho na nas mthong nas de dag der </font><hr>Cha259a<br><font size=+1>


@#/ /dong ste tshigs su bcad pa'i skad kyis mchod rten la phyag 'tshal nas gtsug lag khang du zhugs pa dang / ji tsam na gtsug lag khang ston par 'dug nas de dag gis bsam pa| dge slong dag nang du yang dag 'jog la zhugs sam/ yang na nyin mo spyod du dong gor ma chag snyam nas/ de dag de na yongs su bskor ba na rgan zhugs de gnyis mthong nas de dag gis de gnyis la smras pa| 'phags pa gnyis/ dge slong dag gar dong / de gnyis kyis smras pa/ bzhin bzang dag/ 'di na dge slong dag mi 'khod do/ /ci'i slad du/ khyim bdag gang gis gtsug lag khang 'di byed du bcug pa des dge slong drug cu la chos gos dang / bsod snyoms la sogs pas mkho ba bstabs pa byas par gyur te/ de dus kyi chos dang ldan par gyur nas/ dge slong rnams kyis de la bu zhig yod pa de'i gan du song ste/ bzhin bzang khyod kyi phas dge slong drug cu la chos gos dang / bsod snyoms la sogs pas mkho ba bstabs pa byas par gyur na/ khyod kyis kyang kho bo cag dge slong drug cu la chos gos dang / bsod snyoms la sogs pas mkho ba stob par byed nus sam zhes smras pas/ de na re/ 'phags pa dag /la la ni/ brgya la bsnyen bkur byed/ la la ni/ stong la/ la la ni/ 'bum la bsnyen bkur byed pa yang yod/ la las ni/ bdag nyid kyang gso bar dka' bas bdag gis rngo mi thogs so/ /zhes zer nas dge slong de dag </font><hr>Cha259b<br><font size=+1>


dong ngo / /kho bo cag gnyis ni/ bsod snyoms rgyus nas gtsug lag khang 'di nyid na 'khod do/ /ded dpon gyis smras pa/ shes ldan dag/ bdag cag yun ring po nas smon pa/ kye ma bdag cag gis dge 'dun gyi gtsug lag khang byed du gzhug cing / gtsug lag khang byed du bcug nas dge slong rnams la mkho ba bstab par bya'o/ /snyam na/ gtsug lag khang 'di ni/ byas zin pa yin pas| gtsug lag khang 'di nyid du dge slong rnams la mkho ba bstab par bya'o/ /zhes des ras yug chen bting ste shes ldan dag/ khyed cag las gang gis ci yongs su btang ba de 'dir phul cig ces smras pa dang / de dag gis kyang ci 'byor pa de phul nas der rnyed pa mang po 'dus par gyur pa dang / ded dpon gyis rgan zhugs de gnyis la smras pa/ 'phags pa gnyis/ 'di ni/ dge slong drug cu'i zla ba gsum gyi bsod snyoms lags so/ /'di ni/ brgyad ston dang / bcu bzhi ston dang / nya ston gyi bsod snyoms lags so/ /'di ni/ na ba'i rkyen dang / sman gyi yo byad lags so/ /'di ni/ rnyed pa lags so/ /'di ni/ chos gos kyi zong lags kyi/ dge slong bzang po dag spyan drongs shig/ bdag cag dbyar 'das nas 'dir mchis te/ dge slong brgya la mkho ba bstab par bgyi'o/ / zhes smras te dong ngo / /rgan zhugs gcig gis smras pa/ rgan zhugs/ dge 'dun gyi rnyed pa sus sba bar bya/ gcig shos kyis smras pa/ gang gzhon pas so/ /de gnyis las gang gzhon pas rnyed pa </font><hr>Cha260a<br><font size=+1>


@#/ /de sbas nas des smras pa/ rgan zhugs mnyan yod nas dge slong dag 'bod na/ der gang 'gro bar bya/ rgan pas smras pa/ gang gzhon pa 'gro bar bya'o/ /gzhon pas smras pa/ kho bos rnyed pa sbas kyi/ khyod der song zhig /rgan bshos mnyan yod du dge slong sbron du song ngo / drug sde dag gi kun tu spyod pa ni/ 'dir bdag cag gis bram ze dang / khyim bdag 'ongs shing lhags pa rnams la yang chos bstan par bya/ rgol ba dag kyang tshar gcad par bya/ rang gi grags pa yang bsgrag par bya'o/ /snyam pas drug sde las gang yang rung bas/ rgyal byed kyi tshal gyi sgo stong par mi 'jog pas tshe dang ldan pa nye dga'/ rgyal byed kyi tshal gyi sgo na 'chag cing 'dug pa des/ thag ring po kho na nas rgan zhugs mgo spra ba'i me tog ltar skya ba/ smin ma 'phyar ba zhig 'ong ba de mthong nas des bsam pa/ dge slong gnas brtan zhig 'ongs pa 'di/ gang yin pa bsu'o/ /snyam nas des de la gnas brtan byon pa legs so/ byon pa legs so| |phyag 'tshal lo/ /zhes smras pa dang / de na re/ slob dpon phyag 'tshal lo/ /zhes zer nas nye dgas bsam pa/ kye ma/ 'di ni/ rgan zhugs shig ste slob dpon yang mi shes/ mkhan po yang mi shes so/ /snyam nas des de la smras pa/ rgan zhugs/ ga las 'ongs/ ri brag gi gtsug lag khang ga ge mo zhig nas mchis so/ /rgan zhugs/ ci/ de gtsug lag khang yin </font><hr>Cha260b<br><font size=+1>


nam| 'on te phongs pa yin/ gtsug lag khang ni/ ci 'dra/ phong pa ni/ ci 'dra/ gang na yo byad thams cad dang ldan pa ni/ gtsug lag khang yin la/ gang na yo byad thams cad dang bral ba ni/ phongs pa yin no/ /de sngon ni/ phongs par gyur la/ da ni/ gtsug lag khang du gyur to/ /ji ltar gyur/ byang lam nas don mthun dag lhags nas de dag gis der dge slong drug cu'i zla ba gsum gyi bsod snyoms dang / brgyad ston dang / bcu bzhi ston dang / nya ston dang / na ba'i rkyen dang / sman gyi yo byad dang / rnyed pa dang / chos gos kyi zor dag phul nas 'di skad ces/ 'phags pa/ dge slong bzang po dag pos shig/ bdag cag kyang dbyar 'das nas 'dir mchis te/ dge slong brgya la mkho ba bstab par bgyi'o/ /zhes mchi'o/ /nye dgas smras pa/ 'on tang khyod dge slong rkur 'ongs mod/ lags so| rgan zhugs/ ko sa lar byung ba'i rgyal po gsal rgyal dang / btsun mo phreng ldan ma dang / rgyal rigs dbyar tshul ma dang / khyim bdag mgon med zas sbyin dang / bla mkhyen drang srong byin dang / rnying pa dang / khyim bdag gi chung ma ri dwags 'dzin gyi ma sa ga dang / legs skyes dang / bram ze dang khyim bdag dad pa can mang po gzhan dag gis kyang dge slong rnams la yo byad thams cad kyis bsnyen bkur byas shing / dge 'dun gyi gnas brtan nyi ma re re zhing yon bshad pa byed pa na yang gnas 'dir dge slong gang dag ma 'ongs pa de dag kyang 'ong bar 'gyur zhing / 'ongs pa dag kyang mngon </font><hr>Cha261a<br><font size=+1>


@#/ /par dga' bar gyur cig /ces zer la/ de dag kyang 'di lta ste/ chos gos dang / bsod snyoms dang / gnas mal dang / na ba'i rkyen sman gyi yo byad dag gis brel ba med cing / bcom ldan 'das kyang mngon sum du chos ston par mdzad pas/ 'di na chos kyi longs spyod dang / zang zing gi longs spyod phun sum tshogs pa yin pas/ gal te dge slong rnams kyis khyod dge slong rkur 'dir 'ongs par shes par gyur na/ khyod gnas nas dbyung ba'i las byed par 'gyur ba gang yin pa de lta bu'i gnas yod par 'gyur gyi/ dge slong gzhan la de skad ma zer cig /'di ltar/ kho bo cag mi drug re re la yang 'khor bcu bcu yod pas khyod la snying brtse ba'i phyir 'ong ngo / /slob dpon/ bdag bcom ldan 'das kyi zhabs la phyag 'tshal du mchis te slad kyis mchi'o/ /nye dgas bsam pa/ lhung bzed nag po can 'ga' zhig gis 'di mthong zhing / de thos nas dang po kho nar 'gro bar gyur na mi rung ngo / /snyam nas smras pa/ rgan zhugs/ khyod kyis lha ni/ yid kyis bskor ba yin gyi/ lus kyis bskor ba ma yin no/ /zhes bya ba ma thos sam/ bcom ldan 'das kyis kyang / chos rnams yid kyis 'dren byed cing / /yid gtso yid kyi 'gros can yin/ /zhes gsungs kyi/ 'di nyid nas bcom ldan 'das kyi zhabs la phyag 'tshol cig /ces des de'i gnya' ba nas bzung ste/ rgan zhugs/ sangs rgyas la phyag 'tshal lo/ /chos la phyag </font><hr>Cha261b<br><font size=+1>


'tshal lo/ /dge 'dun la phyag 'tshal lo/ /zhes gyis shig ces 'dud du bcug go /slob dpon/ skom gyi/ je skom 'thung du mchi'o/ /'di nyid du sdod cig dang / kho bos skom gyis phor bu bkang ste khyer te 'ong ngo / /zhes des skom gyis phor bu bkang ste blud nas smras pa/ rgan zhugs/ da song zhig ces des de thag ring por bskyal nas da phyir ma ldog cig /ces bsgos te bdag nyid phyir log go /drug sde dag gi kun tu spyod pa ni/ gang cung zad ci thos pa de phye ma red kyi dus kyi tshe gcig tu 'dus nas phan tshun rjod par byed pa yin pas/ nye dga' gtsug lag khang du song ste drug sde rnams la smras pa/ tshe dang ldan pa dag /bdag cag gis yun ji srid kyis brel ba spang bar bya/ khyod kyis thos pa cung zhig yod dam/ yod de/ ri brag gi gtsug lag khang ga ge mo zhig tu byang lam nas don mthun dag lhags nas de dag gis der dge slong drug cu'i dbyar zla ba gsum gyi bsod snyoms dang / brgyad ston dang / bcu bzhi ston dang / nya ston dang / na ba'i rkyen dang / sman gyi yo byad dang / rnyed pa dang / chos gos kyi zong dag phul gyi/ der dong ngo / /ci/ de nyid du dbyar gnas par bya ba'am/ mi bya ste/ 'di ltar/ dbyar gyi nang nyid du de dag zos te/ 'di nyid du 'ongs la dbyar phyi ma nye bar sgrub pa'i dus su gnas par khas blang bar bya'o/ /de dag der 'ongs pa dang / rgan zhugs gnyis kyis de dag thag ring po kho na nas 'ong ba mthong nas/ tshe dang ldan pa dag 'ongs pa legs so/ /'ongs pa </font><hr>Cha262a<br><font size=+1>


@#/ /legs so/ /zhes de gnyis kyis de dag gi gnas khang dag bsko shing / gnas mal dang / khri dang / khri'u dang / chu ra dang / phor bu dang / chu tshags dang / lde mig kyog po dag phog go /de dag gis bsam pa/ bdag cag don gang gi phyir lhags pa de/ je brtag par bya'o/ /snyam nas de dag gis smras pa/ rgan zhugs gnyis/ 'dir rnyed pa ci grub pa dag je blta'i/ 'on cig /rgan zhugs de gnyis drang po'i rang bzhin can yin pas/ de gnyis kyis/ 'di ni/ dge slong drug cu'i zla ba gsum gyi bsod snyoms so/ /'di ni/ brgyad ston no/ /'di ni/ bcu bzhi ston no/ /'di ni/ nya ston no/ /'di ni/ na ba'i rkyen to/ /'di ni/ sman gyi yo byad do/ /'di ni/ 'di'i rnyed pa'o/ /'di ni/ chos gos kyi zong ngo / /zhes rnyed pa/ de dag thams cad bstan to/ /de dag gis smras pa/ tshe dang ldan pa dag /rgan zhugs ser sna can yin pas zas bsod pa sbyin par mi nus la/ 'di ltar/ rgan zhugs 'di gnyis kyis dge 'dun la bsnyen bkur byas pas yongs su spangs pa sbyin no/ /zhes de dag gis de gnyis la yongs su spangs pa byin nas de gnyis kyis kyang bdag cag gnyis kyis yongs su spangs pa thob bo/ /zhes dga' bar gyur to/ /de dag gis smras pa/ tshe dang ldan pa dag/ dge slong lto 'dun can 'ga' zhig la bcol na/ dge 'dun la nyi ma re re zhing bca' ba rnam pa bco brgyad dang / </font><hr>Cha262b<br><font size=+1>


tshod ma snum bag can mang po sna tshogs dag dang / legs par sbyar ba'i btung ba yang 'brim par 'gyur ro/ /zhes de dag gis dge slong lto 'dun can zhig la bcol ba dang / des de dag la nyi ma re re zhing bca' ba rnam pa bco brgyad dang / tshod ma snum bag can mang po sna tshogs dag dang / legs par sbyar ba'i btung ba yang 'brim par byed pas dus cung zad cig gis bsod snyoms thams cad spyad pa dang / dge bskos kyis rgan pa'i mtha' logs su 'dug ste smras pa/ tshe dang ldan pa dag /da ni/ dge 'dun gyis gdugs gcig kho na'i spyi bungs shig mchis so/ /de dag gis smras pa/ tshe dang ldan pa dag/ gang dag bslab pa yang dag par ma blangs pa de dag ni/ brgyad ston dang / bcu bzhi dang / nya ston byed kyi/ bdag cag bslab pa yang dag par blangs pa dag de mi byed kyi/ de yang bza'o/ /zhes de dag gis de yang zos pa dang / dge bskos kyis yang rgan pa'i mtha' logs su 'dug ste smras pa/ tshe dang ldan pa dag/ da ni/ dge 'dun gyi gdugs gcig kho na'i spyi bungs shig mchis so/ /drug sde dag gis smras pa/ tshe dang ldan pa dag/ ji srid du nye bar len pa'i phung po lnga 'tsho ba de srid du bdag cag rtag tu nad pa yin pas/ na ba'i sman de yang bza'o/ /zhes de dag gis de yang zos nas/ de dag gis smras pa/ tshe dang ldan pa dag /khur ya gcig ni/ 'dug par dga' ba yin gyi/ gos kyi rnyed pa 'di yang bgos la khur do mnyam pas/ bde bar 'dong </font><hr>Cha263a<br><font size=+1>


@#/ /bar bya'o/ /zhes de dag gis de yang bgos pa dang / dge bskos kyis yang rgan pa'i mtha' logs su 'dug ste smras pa/ da ni/ dge 'dun gyi gdugs gcig kho na'i spyi bungs las ma mchis so/ /de dag gis smras pa/ rgan zhugs gnyis/ khyed gnyis na re/ dge slong drug cu'i zla ba gsum gyi bsod snyoms yod do/ /zhes zer na/ dbyar gyi nang du zad par gyur to/ /de gnyis kyis smras pa/ ci/ de dag gis bca' ba rnam pa bco brgyad dang tshod ma snum bag can mang po sna tshogs dang / legs par sbyar ba'i btung ba sha stag rims shig /ces smras sam/ de dag gis smras pa/ rgan zhugs gnyis gnya' ba smad de spyod spyod la da smod par byed kyi/ tshe dang ldan pa dag/ 'di gnyis gnas nas dbyung ba'i las gyis shig /kha cig gis smras pa/ rgan zhugs gnyis/ myur du bzod pa gsol cig /phyir bzod pa gsol na/ ltag pa'i spu byi bar 'gyur ro/ /de gnyis kyis bzod pa gsol bar brtsams pa dang / kha cig gis smras pa/ tshe dang ldan pa dag/ rgan zhugs 'di gnyis drang po'i rang bzhin can yin gyi/ 'di gnyis la bzod pa gyis shig /de dag gis smras pa/ rgan zhugs gnyis bzod par bya'o/ /ri brag 'di na ma dad pa mang pos 'dir bsod snyoms kyang mi rnyed kyi/ gal te lhag rol cung zad yod na/ de yang byin cig /'on te med na ni/ kho bo cag 'dong </font><hr>Cha263b<br><font size=+1>


ngo / /tshe dang ldan pa dag/ ci yang med kyi/ dengs shig /de dag de nas dong ste mnyan yod du song nas de dag der phyin pa dang dbyar phyi mar gnas par khas blangs so/ /dbyar 'das pa dang don mthun de dag yang lhags nas/ de dag gis de bzhin du tshigs su bcad pa'i skad kyis mchod rten la phyag 'tshal te/ gtsug lag khang du zhugs pa dang / ji tsam na gtsug lag khang stong par mthong nas de dag gis bsam pa/ dge slong dag nang du yang dag 'jog la zhugs sam/ nyin mo spyod du dong gor ma chag snyam nas de dag de na yongs su bskor ba na/ rgan zhugs de gnyis mthong nas de dag gis smras pa/ 'phags pa gnyis/ dge slong dag gar dong / bzhin bzang dag/ 'di na dge slong dag mi 'khod do/ /'phags pa gnyis/ bdag cag gis dge slong drug cu'i zla ba gsum gyi bsod snyoms ma phul lam/ de gnyis kyis smras pa/ dge slong dag lhags par gyur nas/ de dag gis dbyar gyi nang nyid du thams cad zos te dong ngo / /khyed gnyis kyis dge slong gang dag khrid de 'ongs/ drug sde dag go /'phags pa gnyis/ khyed gnyis rgya mtsho chen por dong nas nor bu mching bu dag khyer te 'ongs so/ /de na dge slong gzhan dag med dam/ ci na drug sde dag khrid de 'ongs/ de dag shAkya'i bu'i dge sbyong rnams kyi dge sbyong gi tshul ni/ tshig go /bram ze'i tshul ni/ tshig ste/ 'di ltar/ bdag cag gi dad pa'i myu gu skyes ma thag tu bcom mo/ / </font><hr>Cha264a<br><font size=+1>


@#/ /zhes smod par byed/ 'phyar kha gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong drug sde dag la rmas pa/ dge slong dag/ khyed kyis dbyar gyi rnyed pa dbyar gyi nang du bgos pa bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag/ de lta bas na/ phan yon bcu yang dag par gzigs pas/ 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /'dul ba la nyan thos rnams kyis bslab pa'i gzhi 'di ltar gdon par bya ste/ de lta bas na/ dge slong rnams kyis dbyar gyi rnyed par dbyar gyi nang du bgo bar mi bya'o/ /dge slong </font><hr>Cha264b<br><font size=+1>


rnams kyis dbyar gyi rnyed par dbyar gyi nang du 'god par byed na/ 'gal tshabs can du 'gyur ro/ /zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' bar mdzad do/ /sangs rgyas bcom ldan 'das mnyan yod na rgyal byed tshal mgon med zas sbyin gyi kun dga' ra ba na bzhugs so/ /mnyan yod na dge slong ma skye rgu'i bdag mo chen mo go'u ta mi dang chos sbyin gnyis las skye rgu'i bdag mo chen mo go'u ta mi ni/ spong ba ma/ 'khor yang spong ba ma dang ldan pa yin la/ chos sbyin ni/ mdo sde'i mtha' pa/ 'khor yang mdo sde'i mtha' pa dang ldan pa yin te/ de gnyis dbyar khang gcig tu dbyar gnas par khas blangs nas gang gi tshe skye rgu'i bdag mo chen mo go'u ta mi'i 'khor rnam par langs par gyur pa de'i tshe na chos sbyin gyis rang gi 'khor la/ nu mo dag/ bcom ldan 'das dge slong rnams la rab tu 'byung ba dang rdzogs par bsnyen pa dge slong ma'i dngos po rjes su gnang ba gang yin pa de thams cad/ skye rgu'i bdag mo chen mo go'u ta mi la brten pa yin la/ bcom ldan 'das kyis kyang gzhan gyi sems srung ba'i gang zag ni/ bsod nams mang du bskyed par byed do/ /zhes gsungs kyi/ khyed cag kyang re zhig mi rtag pa nyid yid la bya ba sgoms shig /ces 'doms par byed cing / de dag kyang mi rtag pa nyid yid la bya ba sgom par rtsom mo/ /gang gi tshe chos sbyin gyi 'khor rnam par langs par gyur pa de'i tshe na skye </font><hr>Cha265a<br><font size=+1>


@#/ /rgu'i bdag mo go'u ta mi yang rang gi 'khor la/ nu mo dag /bcom ldan 'das kyis bskal pa grangs med pa gsum gyis dka' ba spyod pa brgya stong phrag du ma dag gis pha rol tu phyin pa drug yongs su rdzogs par mdzad de/ bla na med pa'i mkhyen pa thugs su chud pa gang yin pa de dag thams cad/ sems can la phan pa'i rgyu yin la/ bcom ldan 'das kyis kyang gzhan gyi sems srung ba'i gang zag ni/ bsod nams mang po skyed par byed do/ /zhes gsungs kyi/ khyed cag kyang re zhig mi rtag pa nyid dang ldan pa'i mdo sde'i mtha' dag kha ton gyis shig /ces 'doms par byed cing / de dag kyang mi rtag pa nyid dang ldan pa'i mdo sde'i mtha' dag kha ton byed par rtsom mo/ /dge slong ma dag /de ltar phan tshun sems rjes su srung bas dge ba'i chos rnams kyis mi 'phel te/ chu med pa nas ut+pa la bzhin no/ /chos sbyin la dge bsnyen sa ga zhes bya ba mngon par dad pas des yo byad thams cad kyis de mgron du bos so/ /dus gzhan zhig na dge bsnyen sa ga chos sbyin gyi rkang pa la phyag 'tshal du 'ongs pa dang / chos sbyin gyis de la smras pa/ bzhin bzang / dge slong ma rab tu mang po dag dbyar khang gcig tu dbyar gnas par khas blangs pa de dag phan tshun sems rjes su srung bas dge ba'i chos rnams kyis mi 'phel te/ chu med pa nas ut+pa la bzhin du gyur na/ khyod kyis dge slong ma'i dge 'dun gyi phyir dbyar </font><hr>Cha265b<br><font size=+1>


khang byed du 'jug nus sam/ des smras pa/ 'phags ma/ bdag la kaR+sha pa Na dag ni/ mchis na/ sa gzhi rgyal po dbang bas sa gzhi'i slad du rgyal po la gsol ba mdzod cig dang / der bdag gis dbyar khang bgyid du stsal to/ /dge slong ma chos sbyin btsun mo phreng ldan ma'i gan du song ba dang / btsun mo phreng ldan mas smras pa/ 'phags ma byon pa legs so/ /byon pa legs so/ /'phags ma sku don ci zhig gi slad du byon/ bdag dge slong ma'i dbyar khang zhig bgyid du stsol bar 'tshal na/ sa gzhi rgyal po mnga' bas sa gzhi'i slad du rgyal po la gsol ba bgyi bar 'tshal lo/ /'phags ma khyod bzhud cig dang / bdag gis 'phags ma'i slad du lha la gsol bar bgyi'o/ /chos sbyin song ba dang / btsun mo phreng ldan ma ko sa lar byung ba'i rgyal po gsal rgyal gyi gan du song ste/ des smras pa/ lha/ khyod kyi pho brang du 'phags ma chos sbyin byon par gyur pa ni/ khyod kyis rnyed pa legs par rnyed do/ /de ci'i slad du byon/ de dge slong ma'i dbyar khang zhig bgyid du stsol bar bzhed na/ dog sa rgyal po mnga' bas dog sa'i slad du rgyal po la gsol bar bgyid ces mchi'o/ /rgyal pos smras pa/ gal te 'phags ma chos sbyin re zhig gnas 'di nyid bzhed na yang de 'di nyid du bzhugs la rag ste/ nga'i pho brang gzhan du byed du gzhug go /gal te mi bzhed na/ gang du dgyes pa der dbyar khang bgyid du stsol la rag go/ btsun mo phreng ldan mas chos sbyin la lhas 'phags ma la dam pa </font><hr>Cha266a<br><font size=+1>


@#/ /gsol te/ gal te 'phags ma chos sbyin gnas 'di nyid bzhed na yang de 'di nyid du bzhugs la rag ste/ nga'i pho brang gzhan du byed du gzhug go /gal te mi bzhed na| gang du dgyes pa der dbyar khang bgyid du stsal la rag ces byung ngo / /zhes spring ngo / /chos byin gyis dge bsnyen sa ga la ko sa lar byung ba'i rgyal po gsal rgyal gyis bdag la dam pa byin te/ gal te 'phags ma chos sbyin re zhig gnas 'di nyid bzhed na yang de 'di nyid du bzhugs la rag ste/ nga'i pho brang gzhan du byed du gzhug go /gal te mi bzhed na/ gang du dgyes pa der dbyar khang bgyid du stsal la rag ces byung ngo / /zhes spring ngo / /ko sa lar byung ba'i rgyal po gsal rgyal la ral gri'i mthu can dang / rgyal rigs bzang po pa zhes bya ba'i khrom gnyis yod pa las/ ral gri'i mthu can gyi khrom dmag gi gnas su song ba dang / de dag gi chung ma rnams skyes pa gzhan dag dang lhan cig dga' mgur spyod par byed pas phyogs de go skabs dben par gyur nas/ chos sbyin gyis smras pa/ phyogs 'dir dbyar khang byed du chug cig /dge bsnyen sa gas phyogs der dbyar khang byed du bcug nas/ dge slong ma rnams kyi der gnas par brtsams so| |ral gri'i mthu can gyi khrom de dmag gi gnas nas phyir 'ongs te/ de dag gis chung ma de dag bkug cing bkug cing brdeg par brtsams pa dang / srang dag na de dag ngu ba'i sgra rta'i skad dang / </font><hr>Cha266b<br><font size=+1>


glang po che'i skad lta bu'i skad mthon po dang skad chen po dag byung ngo / /dge slong ma rnams kyis smras pa/ 'phags ma bdag cag dgung char gyis 'jigs pas dang la kha'i 'og tu zhugs so/ /chos sbyin gyis bsam pa/ 'di dag las/ kha cig la dge ba'i rtsa ba yod dam snyam du bsam na/ yod par mthong ngo / /su la rag lus snyam du bsam na/ bdag nyid la rag lus par mthong nas des smras pa/ nu mo dag /gdul ba la ltos pas thams cad bzod par bya'o/ /chos sbyin gyis phyogs gcig tu gyo mo gsar pa bzhag ste dge slong ma rnams la smras pa/ nu mo dag /khyed cag gang la sder lhag yod pa de thams cad gyo mo 'dir chug cig /de dag la sngar lhag ci yod pa de thams cad gyo mo der 'jug par byed do/ /de nas byis pa dag der 'ongs par gyur nas chos sbyin gyis de ni/ khye'u gang dag yin pa de dag la ni/ 'bru mar byin nas gcig gis gcig gi mgo skud du bcug ste/ rang gi lag gis bca' ba dag sbyin par byed do/ /bu mo gang dag yin pa de dag la ni/ bdag nyid kyi 'bru mar gyis mgo bskus nas rang gi lag gis bca' ba dag sbyin par byed do/ /byis pa de dag gis de dag khyer te rang rang gi khyim dag tu dong ba dang / de dag gi ma dag gis dris pa/ khyed cag la 'di dag sus byin/ de dag gis smras pa/ 'phags ma chos sbyin gyis so/ /chung ma de dag gis bsam pa/ don gyis na/ 'phags ma chos sbyin ni/ bdag cag la ma ma'i bya ba mdzad do/ /snyam du </font><hr>Cha267a<br><font size=+1>


@#/ /rig nas de la mngon par dad par gyur te/ de dag gis bsam pa/ gang gi tshe bdag cag gis khyim thab dag dmag gi gnas su 'dong ba de'i tshe na bdag cag gis khyim thab dag bskyal nas 'phags ma chos sbyin la bsnyen bkur bya'o/ /snyam mo/ /dus gzhan zhig na de dag gi khyim thab dag dmag gi gnas su 'phags pa dang / chos sbyin gyis de dag gdul ba'i dus shes nas gtsug lag khang chag chag btab/ legs par byugs/ lci ba gsar pa'i byugs pas bskus te 'dag rdzas dang / chu dang / dri dang / bdug pa dang / me tog dang / pog phor bzhag nas dge slong ma skad snyan pa dag bskos te bsdad pa dang / chung ma de dag kyang khyim thab dag bskyal te chos sbyin gyi drung du lhags nas chos sbyin gyis de dag la 'dag rdzas dang / lag pa bsnyal ba'i chu dang / dri dang / bdug pa dang / me tog dang / pog phor dag byin nas tshigs su bcad pa'i skad kyis mchod rten la phyag 'tshal te dge slong ma'i dge 'dun gyi gong du stan bshams pa nyid la 'dug go /de dag kyang de'i rkang pa la phyag 'tshal te/ chos mnyan pa'i phyir mdun du 'khod do/ /chos sbyin gyis de dag gi bsam pa dang bag la nyal dang / khams dang / rang bzhin khong du chud nas ci nas kyang de dag gis 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras </font><hr>Cha267b<br><font size=+1>


bu mngon sum du byas pa de ltar chos bstan pa byas so/ /de dag gis bden pa mthong nas smras pa/ 'phags ma/ bdag cag gis dge ba'i bshes gnyen 'phags ma la brten nas 'phags mas bdag cag la gang mdzad pa 'di lta bu ni/ bdag cag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes rnams kyis kyang ma bgyis/ dge sbyong dang bram ze dag gis kyang ma bgyis/ byams pa dang mdza' bshes dang rtsa lag gi tshogs kyis kyang ma bgyis te/ khrag dang mchi ma'i rgya mtsho ni/ bskams/ rus pa'i ri dag las ni/ bsgral/ ngan song gi sgo dag ni/ bkum/ mtho ris dang thar pa'i sgo dag ni/ phye/ sems can dmyal ba dang / dud 'gro dang / yi dwags dag nas ni/ rkang pa phyung / lha dang mi rnams kyi nang du ni/ bzhag /'khor ba ni/ mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras bu ni/ thob ste/ 'phags ma bdag cag ni/ mngon par zhugs pa lags so/ /'phags ma/ bdag cag bcom ldan 'das dang / chos dang / dge slong gi dge 'dun la skyabs su mchi'i/ bdag cag dge bsnyen mar gzung du gsol/ deng slan chad ji srid 'tsho'i bar du glo ba thag pa nas skyabs su mchi'o/ /de dag mngon par dad par gyur nas khyim khyim du </font><hr>Cha268a<br><font size=+1>


@#/ /dong ste khyim chag chag btab/ legs par byugs/ lci ba gsar pa'i byugs pas bskus te spyod lam zhi bas 'khod do/ /de dag gi khyim thab dag dmag gi gnas nas phyir 'ongs pa na bsam pa/ bdag cag gi chung ma glang po che 'tsho ba'am/ ba lang rdzi'am/ su zhig dang lhan cig dga' mgur spyod par byed cing 'dug snyam mo/ /de dag gis bdag cag gi khyim thab dag 'ongs zhes thos so/ /thos nas kyang bshes pa'i tshig gis rje'i sras dag /byon pa legs so/ /byon pa legs so/ /zhes bsus nas de dag rang rang gi khyim du dong ba dang / de dag rang rang gi chung ma dag gis bsku mnye dang dril phyi byas te khrus byas nas lag pas bskus te zas byin no/ /de dag gis bsam pa/ 'di dag gi spyod lam 'di lta bu ni/ sngon ma byung ngo / /snyam nas de dag la dris pa/ bzang mo dag /khyod kyi spyod lam 'di lta bu 'di sngon ma byung ba yin na/ ci las gyur/ de dag gis smras pa/ rje'i sras dag /'phags ma chos sbyin gyis bdag cag la ci nas kyang bdag cag 'khor ba na 'khor ba rnams slan chad nyon mongs pa de lta bu kun tu 'byung bar mi 'gyur ba de ltar chos bstan pa mdzad do/ /de dag gis bsam pa/ 'phags ma chos sbyin ni/ ma dul ba 'dul bar mdzad pa yin te/ des 'di dag btul ba lta ste/ gang gi phyir bdag cag gis 'di dag gsad pa dang / bcing pa dang / brdeg pa dang / spyo bas gdul bar ma nus pa dag </font><hr>Cha268b<br><font size=+1>


'phags ma chos sbyin gyis chos bstan pas btul bas/ 'phags ma chos sbyin gyis bdag cag la phan btags kyi/ bdag cag gis kyang rgyal po bltas te 'phags ma chos sbyin la bsnyen bkur bya'o// snyam mo/ /chos sbyin gyis kyang de dag gdul ba'i dus shes nas gtsug lag khang chag chag btab/ legs par byugs/ lci ba gsar pa'i byug pas bskus te 'dag rdzas dang / chu dang / dri dang / bdug pa dang / me tog dang / pog phor dag bzhag nas dge slong ma skad snyan pa dag bskos te bsdad pa dang / de dag kyang rgyal po bltas nas chos sbyin gyi drung du lhags pa dang / chos sbyin gyis de dag la 'dag rdzas dang / lag pa snyal ba'i chu dang / dri dang / bdug pa dang / me tog dang / pog phor dag byin nas tshigs su bcad pa'i skad kyis mchod rten la phyag 'tshal te dge slong ma'i dge 'dun gyi gong du stan bshams pa nyid la 'dug go /de dag kyang de'i rkang pa la phyag 'tshal te chos mnyan pa'i phyir mdun du 'khod do/ /chos sbyin gyis de dag gi bsam pa dang / bag la nyal dang / khams dang rang bzhin khong du chud nas ci nas kyang de dag gis 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras bu mngon sum du byas pa de ltar chos bstan par byas so/ /de dag gis bden pa mthong nas smras pa/ 'phags ma/ bdag cag gis dge ba'i bshes gnyen 'phags ma la brten nas 'phags mas bdag cag la gang mdzad pa 'di lta bu </font><hr>Cha269a<br><font size=+1>


@#/ /ni| bdag cag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang / bram ze dag gis kyang ma bgyis/ byams pa dang / mdza' bshes dang / rtsa lag gi tshegs kyis kyang ma bgyis te/ khrag dang mchi ma'i rgya mtsho ni/ bskams/ rus pa'i ri dag las ni/ bsgral/ ngan song gi sgo dag ni/ bkum/ mtho ris dang thar pa'i sgo dag ni phye/ sems can dmyal ba dang / dud 'gro dang / yi dwags dag nas ni/ rkang pa phyung / lha dang mi rnams kyi nang du ni/ bzhag /'khor ba ni/ mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu ni/ thob ste/ 'phags ma/ bdag cag ni/ mngon par zhugs pa lags so/ /'phags ma/ bdag cag ni/ mngon par zhugs pa lags te/ 'phags ma/ bdag cag bcom ldan 'das dang / chos dang / dge slong gi dge 'dun la skyabs su mchi'i/ bdag cag dge bsnyen du gzung du gsol/ deng slan chad ji srid 'tsho'i bar du glo ba thag pa nas skyabs su mchi'o/ /de dag mngon par dad par gyur nas yang smras pa/ 'phags ma/ bdag cag gis da ni/ srog chags grog sbur la yang bsam bzhin du srog 'gum pa'i rngo mi thogs </font><hr>Cha269b<br><font size=+1>


la| bdag cag ni/ mtshon chas 'tsho ba lags na/ bdag cag gis ji ltar bsgrub par bgyi/ chos sbyin gyis smras pa/ gzhu rgyud med pa dag dang / mda' mde'u med pa dang / shing gi ral gri dag thogs shig /de dag gzhu rgyud med pa dag dang / mda' mde'u med pa dag dang / shing gi ral gri dag thogs so/ /gang gi tshe de dag gis bden pa dag mthong ba de'i tshe na/ phyin chad rgyan po rtse bar mi byed/ chang 'thung bar mi byed/ bud med gzhan dag dang lhan cig dga' mgur spyod par mi byed pas/ de dag longs spyod dag gis phyug pa dang / nye bar bsags par gyur to/ /de dag gis glang po che dag dang / rta dag kyang yongs su ma spyad pas/ tsho ba dang / pags pa dang / sha dang / khrag rgyas par gyur to/ /ko sa lar byung ba'i rgyal po gsal rgyal gyis ri brag pa zhig log nas der dmag ru zhig btang nas bcom pa dang / rab tu bcom pa dang / so sor bcom par gyur te phyir 'ongs so/ /de bzhin du ru gnyis pa btang na/ de yang bcom pa dang / rab tu bcom pa dang / so sor bcom par gyur te phyir 'ongs nas blon po rnams kyis rgyal po la smras pa/ lha/ ri brag pa'i dpung ni/ skyes shing / lha'i dpung ni/ nyams te/ gal te lha nyid der ma gshegs na/ ri brag pa sgrub dka' bar 'gyur ro/ /rgyal pos dril bsgrags pa byas te nga'i yul na mtshon chas 'tsho ba ji snyed 'khod pa de dag thams cad der 'gro bar bya'o/ /zhes bsgos nas rgyal po yang </font><hr>Cha270a<br><font size=+1>


@#/ /dpung gi tshogs yan lag bzhi pa go bskon te chas so/ /ko sa lar byung ba'i rgyal po gsal rgyal la ral gri'i mthu can dang / rgyal rigs bzang po pa zhes bya ba'i khrom gnyis yod pa las/ ral gri'i mthu can gyi khrom ni/ mdun du 'gro ba'i mi yin la/ rgyal rigs bzang po pa'i khrom ni/ phyi nas 'ong ba'i mi yin pas/ rgyal pos ral gri'i mthu can gyi khrom mdun du song ba'i mi dag tsho zhing / pags pa dang / sha dang / khrag rgyas dang / de dag gi glang po che dag dang / rta dag kyang tsho zhing pags pa dang / sha dang / khrag rgyas par mthong ngo / /mthong nas kyang blon po rnams la rmas pa/ shes ldan dag /khrom 'di gang gi yin/ de dag gis smras pa/ lha'i khrom ral gri'i mthu can zhes bgyi ba mdun du mchi ba lags so/ /rgyal pos rgyab tu bltas pa dang / ji tsam na rgyal rigs bzang po pa'i khrom gyi mi dag rid pa dang / nyam chung pa dang / rke ba dang / skam pa dang / lus ma thob pa dang / de dag gi glang po che dag dang / rta dag kyang rid pa dang / nyam chung ba dang / rke ba dang / skam pa dang / lus ma thob par mthong ngo / /mthong nas kyang blon po rnams la smras pa/ shes ldan dag /'di gang gi khrom yin/ de dag gis smras pa/ lha'i khrom rgyal rigs bzang po zhes bgyi bslad bzhin mchi ba lags so/ /rgyal pos smras pa/ shes ldan dag /ci 'di dag dbang thang mnyam par mi sbyin nas/ de dag gis smras pa/ lha/ dbang thang mnyam par </font><hr>Cha270b<br><font size=+1>


stsol to/ /de dag pos shig /de dag bos pa dang / rgyal pos de dag la smras pa/ shes ldan dag /khyed cag dbang thang mnyam par mi sbyin nam/ lha/ mnyam par stsol to/ /'o na ci'i phyir ral gri mthu can gyi khrom 'di dag ni/ 'byor pa dang / pags pa dang / sha dang / khrag rgyas par gyur la/ rgyal rigs bzang po pa'i khrom khyed ni/ rgud pa dang / nyam chung ba dang / rke ba dang / skam pa dang / lus ma thob par gyur/ lha/ gal te bdag cag kyang gzhu rgyud ma mchis pa dang / mda' mde'u ma mchis pa dang / zhugs shing gi ral gri dag thogs shing / mtshon cha dag btsongs shing btsongs shing 'tshal bar gyur na/ bdag cag kyang 'byor pa dang / pags pa dang / sha dang / khrag rgyas par 'gyur ro/ /gzhan yang / 'di dag gi glang po che dag dang / rta dag ni/ yongs su ma spyad la/ bdag cag gi rta dang / glang po che dag ni/ yongs su spyad do/ /rgyal pos de dag la rmas pa/ shes ldan dag /khyed de ltar gyur pa bden nam/ lha/ mad do/ /ci khyed cag nga der khrid la ri brag tu gsad par 'dod dam/ de dag gis smras pa/ lha/ ci lags/ mtshon chas g.yul sprod dam/ mis g.yul sprod/ rgyal pos spyos te smras pa/ gal te mtshon chas g.yul mi sprod na/ khyed cag nyid dengs la ri brag pa de phob cig ces smras te/ rgyal po de nyid nas phyir log go /ral gri'i mthu can gyi khrom de dag chos sbyin gyi gan du song ste smras pa/ 'phags ma/ bdag cag </font><hr>Cha271a<br><font size=+1>


@#/ /rgyal pos dmag gi gnas su bskos na/ bdag cag gis ji ltar bsgrub par bgyi/ chos sbyin gyis smras pa/ dengs shig dang khyed cag der song ba rnams la nyes dmigs 'ga' yang 'byung bar mi 'gyur ro/ /'di ltar/ gang dang gang du brang 'debs pa de dang der rgyud chags gsum pa ltos shig /nyi ma gang la ri brag bskor bar byed pa'i nyi ma de la mtshan thams cad du chos mnyan pa byin la mi mjed kyi bdag po tshangs pa dang / lha'i dbang po brgya byin dang / 'jig rten skyong ba bzhi dang / gnod sbyin gyi dmag dpon chen po nyi shu rtsa brgyad dang / gnod sbyin gyi dmag dpon chen po lnga rtsen dang / klu'i rgyal po dga' bo dang / nye dga'i ming gis yon bshad pa gyis shig /de dag gis 'phags ma chos sbyin gyis smras pa la mngon par bstod pa dang / rjes su yi rang bar byas te 'phags nas de dag gang dang gang du brang 'debs pa de dang der rgyud chags gsum pa klog par byed cing / gang gi nyin mo ri brag bskor bar byed pa de'i nyin mo mtshan thams cad du chos mnyan pa byin nas mi mjed kyi bdag po tshangs pa dang / lha'i dbang po brgya byin dang / 'jig rten skyong ba bzhi dang / gnod sbyin gyi dmag dpon chen po nyi shu rtsa brgyad dang / gnod sbyin gyi dmag dpon chen po lnga rtsen dang / klu'i rgyal po dga' bo dang / nye dga'i ming gis yon bshad pa byas pa dang / de'i tshe na rgyal po chen po rnam </font><hr>Cha271b<br><font size=+1>


thos kyi bu gnod sbyin gnod sbyin rnams 'dul bar 'phags pa des/ yon bshad pa byed pa de thos nas des bsam pa/ bdag gi ming gis yon bshad pa byed pa 'di su zhig snyam nas ji tsam na chos kyi spun dag gnas ma yin par bskos pa mthong ngo / /mthong nas kyang gnod sbyin gyi dmag dpon chen po lngas rtsen la smras pa/ nga'i chos kyi spun 'di dag gnas ma yin par bskos kyi/ song la ri brag de phab ste 'di dag la byin la/ srog chags 'ga' la yang mi gnod par gyis shig /gnod sbyin gyi dmag dpon chen po lngas rtsen gyis rgyal po rnam thos kyi bu las mnyan nas ri'i rtse mo lta bu'i glang po che dag dang / rnga mo lta bu'i rta dang / gzhal med khang lta bu'i shing rta dag dang / gnod sbyin gdug pa lta bu'i mi dag mngon par sprul nas ri brag pa dag gis de dag thag ring po kho na nas 'ongs pa mthong ngo / /de dag gis de dag mthong nas skrag ste bsam pa/ yul dang srog la gnod byung na/ /skyes bus kun tu srog bsrung bya/ /blo yis gnyi ga dpyad byas nas/ /yul ni yang rnyed srog rnams min/ /snyam nas de dag gis ral gri mgul du btags te ri brag nas byung ba dang / de dag gis de dag bzung nas rgyu dpya dang bcas te mnyan yod du bdas nas ko sa lar byung ba'i rgyal po gsal rgyal gyi gan du dong ste smras pa/ lha/ ri brag pa ni/ 'di lags/ rgyu dpya ni/ 'di dag lags so/ rgyal po dga' nas des smras pa/ shes ldan dag /rgyu dpya dag </font><hr>Cha272a<br><font size=+1>


@#/ /khyed cag nyid khyer cig /de dag gis bsam pa/ bdag cag gson zhing lhags pa gang yin pa de thams cad 'phags ma chos sbyin gyi mthu yin pas/ bdag cag dong la rgyu dpya 'di dag 'phags ma chos sbyin la dbul lo/ /snyam nas de dag gis de dag khyer te chos sbyin gyi gan du song nas smras pa/ 'phags ma/ bdag cag gson zhing lhags pa dang / bdag cag gi dpal dang / skal pa bzang po phun sum tshogs pa gang lags pa de thams cad 'phags ma kho na'i mthu lags kyi/ rgyal pos bdag cag la rgyu dpya stsal pa 'di dag 'phags mas thugs brtse ba'i slad du bzhes su gsol/ des smras pa/ bu dag /lha rnams kyi nang na yang lha dbul po yod kyi/ sangs rgyas dang / chos dang / dge 'dun la mchod pa gyis shig dang / des khyed cag gi yun ring po'i don dang / phan pa dang / bde bar 'gyur ro/ /de dag gis bcom ldan 'das nyan thos kyi dge 'dun dang bcas pa zla ba gsum du yo byad thams cad kyis spyan drangs nas de dag snga dro ni/ sangs rgyas dang / chos dang / dge 'dun la mchod pa byed/ phyi dro ni/ chos nyan par byed do// //'dul ba rnam par 'byed pa/ bam po so drug pa/ dus gzhan zhig na ko sa lar byung ba'i rgyal po gsal rgyal gyi ri brag pa gzhan zhig logs nas/ rgyal pos rgyal rigs bzang po pa'i khrom la </font><hr>Cha272b<br><font size=+1>


bsgo ba/ deng la ri brag pa de phob cig /de dag gis smras pa/ lha/ bdag cag ni/ rgud pa lags la/ ral gri'i mthu can gyi khrom ni/ 'byor pa lags na/ 'di'i tshe de dag la bka' stsal cing / bdag cag res gzhan la mchi bar ci gnang / rgyal pos ral gri'i mthu can gyi khrom la bsgo ba/ dengs la ri brag pa che ge mo zhig phob cig /de dag gis smras pa/ lha/ bdag cag gis res 'khor lags so/ /dengs shig dang res gzhan la mi gtang ngo / /de dag gis bsam pa/ de'i tshe ni/ bdag cag gis gnod sbyin gyi dmag dpon chen po lngas rtsen gyi mthus ri brag pa de phab kyi/ da ni/ bdag cag gis de nyid du 'chi bar bya dgos par 'gyur bas/ 'di ltar/ bdag cag gis 'phags pa dag zla ba gsum du yo byad thams cad kyis spyan drangs pa de dag la chos gos dag phul te 'dong bar bya'o/ /snyam nas de dag chos gos dag thogs te gtsug lag khang du dong nas dge slong rnams la smras pa/ 'phags pa dag /bdag cag rgyal pos dmag gi gnas su btang ste/ gal te na bdag cag de nyid du 'gum par 'gyur ba gang lags pa de lta bu'i gnas kyang mchis par 'gyur bas/ chos gos 'di dag bzhes su gsol/ dge slong rnams kyis smras pa/ bzhin bzang dag / bcom ldan 'das kyis dge slong rnams kyis dbyar gyi rnyed pa dbyar gyi nang du bgo bar mi bya'o/ /zhes bslab pa'i gzhi bca' bar mdzad pas bdag cag mi len to/ /de dag gis smras pa/ 'phags </font><hr>Cha273a<br><font size=+1>


@#/ /pa dag /khyed cag gis bzhes te zhog la dgag dbye bgyis nas bgo bar mdzod cig /ces de dag gis de dag gnas khang du bcug ste dong ngo / /de dag 'phags pa dang khyim bdag mgon med zas sbyin gyis mthong nas smras pa/ shes ldan dag /gar 'dong / khyim bdag /dmag gi gnas su mchi'o/ /khyed kyis res ma 'khor ram/ khyim bdag / res 'khor ro/ /'o na ci'i phyir 'dong / lha'i zhal nas/ dengs shig dang res gzhan du mi gtong ngo / /zhes byung ngo / /kho bos lha la zhu'i/ de'i bar du yud tsam zhig sdod cig /de rgyal po'i gan du song ste smras pa/ lhas ral gri'i mthu can gyi khrom gang du bka' stsal/ khyim bdag /ri brag pa che ge mo zhig log nas de 'bebs su'o/ lha/ de dag gis res ma 'khor ram/ khyim bdag res 'khor ro/ /'o na ji slad du bka' stsal/ res gzhan du mi gtong bar byas so/ /ci lhas gzhu gzhu rgyud ma mchis pa dang / mda' mde'u ma mchis pa dang / zhugs shing gi ral gri thogs pa de dag gis ri brag pa dag mi phebs par mi mkhyen tam/ gzhan yang de dag ni/ sangs rgyas kyi sras sha stag ste/ de dag gis srog chags grog sgur la yang bsam bzhin du srog 'gum pa'i rngo mi thogs so/ /'di ltar/ de'i tshe yang de dag gis gnod sbyin gyi dmag dpon chen po lngas rtsen gyi mthus ri brag pa de phab bo/ /'di ltar/ de dag der mchis </font><hr>Cha273b<br><font size=+1>


su lags na/ nongs dmigs 'ga' zhig kyang 'byung bar 'gyur zhing / des lha la yang ma legs par 'gyur gor ma bkum mo/ /khyim bdag /ci/ de dag sangs rgyas kyi sras sha stag yin nam| lha/ de lags te/ de dag gis dge ba'i bshes gnyen 'phags ma chos sbyin la brten nas thams cad kyis rgyun du zhugs pa'i 'bras bu mngon sum du bgyis so/ /ko sa lar byung ba'i rgyal po gsal rgyal gyis blon po rnams la bsgo ba/ shes ldan dag /deng phyin chad khyed kyi dmag dpon 'phags skyes po la bsgo bar bya'i/ ral gri'i mthu can gyi khrom la bsgo bar mi bya'o// de nas ral gri'i mthu can gyi khrom de dag phyir mkhos su phab nas dge slong rnams kyis dgag dbye byas pa'i tshe dge slong de dag gis de dag gis gan du song ste smras pa/ bzhin bzang dag /kho bo cag dgag dbye byas kyi/ chos gos dag byin cig /'phags pa dag /bdag cag gis chos gos dag phul lags kyi/ de dag bzhes shig /dge slong de dag dong ste gnas khang sgo phye ba dang / phyogs des snum zhing dngar bas chos gos de dag srin dag gis rmugs te rdul du brlags te 'dug par snang ba'i skabs de/ dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ dge slong dag /gos sbed pa'i dge slong bsko bar bya ste/ gos sbed pa'i dge slong chos lnga dang ldan pa ni/ ma bskos pa ni/ bsko </font><hr>Cha274a<br><font size=+1>


@#/ /bar mi bya la/ bskos pa yang dbyung bar bya ste/ lnga gang zhe na/ 'dun pas 'gro ba dang / zhe sdang gas 'gro ba dang / gti mug gis 'gro ba dang / 'jigs pas 'gro ba dang / gos kyi rnyed pa sbas pa dang ma sbas pa mi shes pa'o/ /gos sbed pa'i dge slong chos lnga dang ldan pa ni/ ma bskos pa yang bsko bar bya la/ bskos pa yang dbyung bar mi bya ste/ lnga gang zhe na/ 'dun pas mi 'gro ba dang / zhe sdang gis mi 'gro ba dang / gti mug gis mi 'gro ba dang / 'jigs pas mi 'gro ba dang / gos sbas pa dang ma sbas pa shes pa'o/ /'di ltar bsko bar bya ste/ je dang por spro bar bya ste/ ming 'di zhes bya ba khyod/ dbyar dge 'dun gyi gos kyi rnyed pa sbed par spro'am/ gal te spro na/ des spro'o/ /zhes brjod par bya'o/ /de'i 'og tu gnas mal bshams pa byas te gaN+DI brdungs nas dris pa'i tshig gis dge slong rnams la yang dag par bsgos nas dge 'dun thams cad 'dug cing mthun par gyur pa la/ dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong ming 'di zhes bgyi ba 'di/ dbyar dge 'dun gyi gos kyi rnyed pa sbed par spro na/ gal te dge 'dun gyis dus la bab cing bzod na/ dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba 'di/ dbyar dge 'dun gyi gos kyi </font><hr>Cha274b<br><font size=+1>


rnyed pa sbed par bsko bar bgyi ste/ dge slong ming 'di zhes bgyi ba 'di/ dbyar dge 'dun gyi gos kyi rnyed pa sbed do/ /'di ni/ gsol ba'o/ /las ni/ 'di ltar bya ste/ dge 'dun btsun pa rnams gsan du gsol/ dge slong ming 'di zhes bgyi ba 'di/ dbyar dge 'dun gyi gos kyi rnyed pa sbed par spro ste/ dge slong ming 'di zhes bya ba 'di/ dbyar dge 'dun gyi gos kyi rnyed pa sbed par bsko na/ tshe dang ldan pa gang dag /dge slong ming 'di zhes bgyi ba 'di/ dbyar dge 'dun gyi gos kyi rnyed pa sbed par bsko bar bzod pa de dag ni/ cang ma gsungs shig /gang dag mi bzod pa de dag ni/ gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi ba 'di/ dbyar dge 'dun gyi gos kyi rnyed pa sbed par bskos lags te| 'di ltar cang mi gsung bas de de bzhin du 'dzin to/ /de nas bcom ldan 'das kyis bslab pa 'dod pa rnams dang / bslab pa la gus pa rnams dang / bslab pa la yo byad bsnyungs pa rnams dang / phri ba rnams dang / sbyangs pa'i yon tan rnams dang / mdzes pa rnams dang / drod rig pa rnams kyi bsngags pa brjod nas dge slong rnams la bka' stsal pa/ dge slong dag |de lta bas na/ snga ma ni/ bcas pa yin la/ 'di ni/ gnang ba yin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis ston zla </font><hr>Cha275a<br><font size=+1>


@#/ /tha chung nyar zhag bcus ma tshang ba tshun chad du brtad pa las byung ba'i gos shig rnyed la 'dod na/ dge slong des gos de blang bar bya'o/ /blangs nas gos sbyin pa'i dus kyi bar du bcang bar bya'o/ /de las 'das par 'chang na/ spang ba'i ltung byed do/ /dge slong gis zhes bya ba ni/ chos 'di pas so/ /ston zla tha chung nyar zhag bcus ma tshang ba tshun chad du zhes bya ba ni/ zhag bcu na dgag dbye 'byung ba tshun chad du'o/ /brtad pa las byung ba'i gos shig ces bya ba ni/ brtad pa las byung ba'i gos lnga po dag ste/ lnga gang zhe na/ nad pa la sbyin pa dang / nad pa'i phyir sbyin pa dang / 'chi ba la sbyin pa dang / shi ba'i phyir sbyin pa dang / 'gro bar chas pa la sbyin pa'o/ /rnyed pa la zhes bya ba ni/ gzhan las so/ /'dod na zhes bya ba ni/ gal te don du gnyer na'o/ /dge slong des zhes bya ba ni/ dge slong gang yin pa nges so/ /gos de zhes bya ba ni/ bdun po bal gos dang / sha na'i gos dang / zar ma'i gos dang / du gu la'i gos dang / ral bal gyi gos dang / ko tam pa'i gos dang / nyi 'og gi gos las gang yang rung ba'o/ /blang bar bya'o/ /zhes bya ba ni/ bdag gir bya ba'o/ /blangs nas gos sbyin pa'i bar du bcang bar bya'o/ /zhes bya ba ni/ sba bar bya'o/ /dge slong gi gos sbyin pa'i dus ni/ gang yin/ dus ma yin pa ni/ gang yin zhe na/ sra brkyang ma bting </font><hr>Cha275b<br><font size=+1>


ba'i gnas ni/ ston zla tha chung nya tshun chad ni/ gos sbyin pa'i dus ma yin la/ lhag ma ni/ dus yin no/ /sra brkyang bting ba'i gnas na ni/ ston zla tha chung nya phan chad nas dpyid zla 'bring po nya tshun chad ni/ dus ma yin la/ lhag ma ni/ dus yin no/ /de las 'das par 'chang na zhes bya ba ni/ de las thal bar 'chang na'o/ /spang ba'i ltung byed do/ /zhes bya ba ni/ dngos po de spangs nas ltung byed kyi ltung ba bshags par bya ba ste/ des na spang ba'i ltung byed do/ /zhes gsungs so/ /de la ltung bar ji ltar 'gyur zhe na/ dge slong gis ji tsam du dbyar gyi rnyed pa dbyar gyi nang du bdag gir byed dam/ gos sbyin pa'i dus las 'das par 'chang na/ thams cad du spang ba'i ltung byed du 'gyur ro/ /brtad pa las byung ba'i gos lnga po dag bdag gir byed pa dang / sbyin bdag gis rang gi lag nas sbyin par byed na/ ltung ba med do/ /gos sbed pa'i dge slong bskos pa dang / sbyin bdag 'ongs te 'phags pa dag bzhes shig dang / gos 'di dag bdag mchis nas rang gi sug pa nyid las dbul lo/ /zhes zer ba la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /brtad pa las byung ba'i spang ba ste/ nyi shu drug pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' </font><hr>Cha276a<br><font size=+1>


@#/ /ra ba na bzhugs so/ /mnyan yod nas ha cang mi ring ba na ri brag cig yod pa de na khyim bdag phyug pa/ nor mang la longs spyod che ba zhig 'dug ste/ de yang dad pa can/ bzang ba/ dge ba'i bsam pa can yin pas/ des dge 'dun la bsngos te gtsug lag khang rta babs mthon po dang / skar khung dang / skar khung dra ba can dang / lan kan gyis brgyan pa/ snying dang mig 'phrog pa/ mtho ris kyi them skas su gyur pa zhig byed du bcug go /gtsug lag khang der dge slong drug cus dbyar gnas dag byas te dong nas khyim bdag des der ma byin par len pa dag gis khri'am/ khri'u dag ma brkus par gyis shig /ces srung ma'i mi bzhag go /ji tsam dus gzhan zhig na dge slong gzhan drug cu ljongs rgyu zhing 'gro ba na ri brag der phyin nas bsti gnas rnyed par byed pa na mi zhig gis smras pa/ 'phags pa dag /khyed ci'i slad du gtsug lag khang du mi gnas/ bzhin bzang / gtsug lag khang ga la yod/ 'phags pa dag /dgon pa 'di na'o/ /dge slong dag der dong ba dang / srung ma'i mis mthong nas des/ 'ongs pa legs so/ /zhes bya ba'i tshig gis bsnyen bkur byas te gnas khang dag bskos nas khri dang / khri'u dang / stan nang tshangs can dang / la ba la sogs pa dag phul te/ spyangs tshags g.yar nas smras pa/ 'phags pa dag /re </font><hr>Cha276b<br><font size=+1>


zhig chab bcag par mdzod cig dang / de'i bar du bdag gis khyim bdag la brjod par bgyi'o/ /zhes mi de khyim bdag gi drung du song ste smras pa/ khyim bdag dgyes pa skyed cig /khyed kyi gtsug lag khang du dge slong glo bur du lhags pa drug cu mchis so/ /khyim bdag gus par sgrim pa dang bcas pas nang mi dag la smras pa/ shes ldan dag /kho bo'i gtsug lag khang du dge slong gi dge 'dun byon pa de dag legs par sbyar ba'i btung bas tshim par bya'i/ /bu ram dang / hwags dang / li kha ra dang / rgun 'brum dang / bal po se'u longs shig ces khyim bdag des legs par sbyar ba'i btung ba sbyar nas gtsug lag khang du song ba dang / dge slong dag kyang chu btsags te rang rang gi spyod lam gyis 'khod do/ /khyim bdag des dge slong de dag thag ring po kho nas mthong ste/ des gtsug lag khang de mtsho pad+mas gang ba bzhin du mthong nas rgya cher dad pa'i shugs kyis bsgrubs pa'i rgyud kyis tshigs su bcad pa smras pa/ grong ngam yang na dgon pa'ang rung / /gshong ngam yang na thang yang rung / gang na 'os pa gnas pa yi/ /sa gzhi de ni dga' byed yin/ /de nas legs par sbyar ba'i btung ba sta gon byas te rang gi lag nas dge slong gi dge 'dun de tshim par byas nas rang nyid kyis spog phor thogs te dge slong gi dge 'dun dang lhan cig mchod rten la phyag 'tshal nas gtsug lag khang du zhugs te rgan pa'i mtha' logs su 'dug go /dge 'dun gyi gnas brtan </font><hr>Cha277a<br><font size=+1>


@#/ /gyis yon bshad nas/ khyim bdag des rkang pa gnyis la phyag 'tshal te sang bdag gi sdum par 'phags pa'i dge 'dun gyis gdugs tshod gsol bar ci gnang zhes smras pa dang / dge slong rnams kyis kyang dang du blangs nas khyim bdag des rkang pa gnyis la phyag 'tshal te song ngo / /khyim bdag des phyi de nyin par zas bsod pas dge slong dag tshim par byas shing / dus ma yin par yang btung ba blud nas/ dge slong rnams kyis kyang chos bstan to/ /phyis kyang de kho na bzhin du dge 'dun gyi gnas brtan gyis yon bshad pa dang / khyim bdag de rgan pa'i mtha' logs su 'dug ste smras pa/ 'phags pa dag /bdag gi gtsug lag khang 'di/ bdag nyid kyi slad du yang bgyid du ma stsal/ nye du rnams kyi slad du yang bgyid du ma stsal gyi/ 'di ltar/ 'phags pa rnams kyi slad du bgyid du stsal pa lags kyi/ 'di nyid du dbyar gnas par zhal gyis bzhes shig dang / bdag gis 'phags pa rnams la yo byad thams cad kyis mi brel bar bgyi'o/ /dge slong rnams kyis smras pa/ khyim bdag /mnyan yod na bcom ldan 'das chos kyi rje mngon sum du bzhugs shing / dus dang dus su dge slong che ge mo zhig gis ni/ dgra bcom pa nyid mngon sum du byas/ che ge mo zhig gis ni/ mi sdug pa grub bo/ /zhes shes pa brda sprod pa dag kyang thos par 'gyur/ rgyal po yang bstan pa </font><hr>Cha277b<br><font size=+1>


la shin tu dad/ btsun mo phreng ldan ma dang / rgyal rigs dbyar tshul ma dang / bla mkhyen drang srong byin dang / rnying pa dang / dge bsnyen ma sa ga dang / ri dwags 'dzin gyi ma dang / gzhan yang dad pa can mang du yod pas der zang zing gi longs spyod dang / chos kyi longs spyod chen po yang 'grub pas/ bdag cag de nyid du 'dong ngo / /'phags pa dag /chos kyi longs spyod ni/ 'phags pa dag nyid la rag las pa lags kyi/ zang zing gi longs spyod ni/ bdag la rag las pa lags pas/ dgyes pa skyed cig dang / cung zad kyang nyams par mi 'gyur ro/ /dge 'dun gyi gnas brtan gyis smras pa/ tshe dang ldan pa dag /bcom ldan 'das kyis dad pa can gyi dad pa spel bar bya zhing / sbyin bdag la rjes su snying brtse bar bya'o/ /zhes gsungs pas/ 'di nyid du 'khod par bya'o| |zhes de dag der 'khod nas blo brtan pas gtsug lag khang de'i phyi nang bcas par so sor brtag par brtsams pa dang / gtsug lag khang de me tog phun sum tshogs pa/ 'bras bu phun sum tshogs pa/ shin tu dga' bar mthong nas dge 'dun gyi gnas brtan gyis smras pa/ tshe dang ldan pa dag /gtsug lag khang 'di/ me tog phun sum tshogs pa/ 'bras bu phun sum tshogs pa| shin tu dga' ba yin pas/ gal te bdag cag gis 'dir dbyar snga mar gnas par khas blangs nas me tog dang 'bras bu thams cad yongs su spyad par mi gyur gyi/ bdag cag gis </font><hr>Cha278a<br><font size=+1>


@#/ /nges par dbyar phyi mar gnas par khas blang bar bya'o/ /zhes de dag gis der dbyar phyi mar gnas par khas blangs so/ /khyim bdag de la gtsug lag khang de gcig pu 'ba' zhig yod pas sbyin pa dang / bya bar sems pa gang yin pa de thams cad gtsug lag khang de nyid du sbyin zhing byed do/ /ri brag de na yang gtsug lag khang gzhan med pas ri brag pa de dag kyang sbyin pa dang / bya bar sems pa gang yin pa de thams cad gtsug lag khang de nyid du sbyin par byed do/ /ri brag de'i nye 'khor na yang gtsug lag khang gzhan med pas/ ri brag gi nye 'khor pa de dag kyang sbyin pa dang / bya bar sems pa gang yin pa de thams cad gtsug lag khang de nyid du sbyin zhing byed pas/ der dbyar gnas par khas blangs pa'i dge slong rnams la rnyed pa mang po byung ngo / /ston zla tha chung gi g.yon can dag gi kun tu spyod pa ni/ dgag dbye byas ma thag tu 'dus te bdag cag gis las ci zhig byas na/ des btsal mi dgos par lo skor du longs spyod cing / bde bar 'khod par 'gyur zhes phan tshun gros byed do/ /de dag 'di snyam du sems te/ shAkya'i sras kyi dge slong 'di dag gzhom par bya'o/ /snyam mo/ /gzhan dag gis smras pa/ de dag ni/ sgo 'phar brgya rnyed bda' bar byas kyang lto khengs pa 'grub par dga' bas/ de dag la ci yang med </font><hr>Cha278b<br><font size=+1>


na| bdag cag ci'i phyir yun de srid du bsdad par bya/ de na dge slong gi rgyus shes pa zhig 'dug pas smras pa/ khyed ci shes/ de dag la mang du yod do/ /ji ltar re zhig gtsug lag khang 'di gang gi yin pa'i khyim bdag de ni/ dad pa can/ bzang ba/ dge ba'i bsam pa can yin la/ khyim bdag de la yang gtsug lag khang de gcig pu 'ba' zhig yod pas/ de sbyin pa dang / bya bar sems pa gang yin pa de thams cad gtsug lag khang 'di nyid du sbyin zhing byed do/ /ri brag 'di na yang gtsug lag khang gzhan med pas/ ri brag 'di dag kyang sbyin pa dang / bya bar sems pa gang yin pa de thams cad gtsug lag khang 'di nyid du sbyin zhing byed do/ /ri brag 'di'i nye 'khor na yang gtsug lag khang gzhan med pas ri brag gi nye 'khor pa 'di dag kyang sbyin pa dang / bya bar sems pa gang yin pa de thams cad gtsug lag khang 'di nyid du sbyin zhing byed pas/ 'dir dbyar gnas par khas blangs pa'i dge slong rnams la rnyed pa mang po byung ngo / /gal te yid mi ches na/ song la ltos shig dang / rang nyid kyi mngon sum du 'gyur ro/ /gal te de lta na/ khyed nyid ji song la mngon sum du gyis shig dang / kho bo cag phyis 'ong ngo / /des smras pa/ legs kyi/ de bzhin gyis shig dang / kho bo 'gro'o/ /zhes de gos tshags bcos te 'phags shing / de nas tshigs su bcad pa'i dbyangs </font><hr>Cha279a<br><font size=+1>


@#/ /kyis mchod rten la phyag 'tshal te gtsug lag khang der zhugs so/ /ji tsam na sgo khang na rgan zhugs can de 'dug nas g.yon can des de'i rkang pa la phyag 'tshal te dri bar brtsams pa/ 'phags pa/ gtsug lag khang snying dang mig 'phrog pa/ mtho ris kyi them skas su gyur pa 'di su'i lags/ bzhin bzang / khyim bdag che go mo zhig gi yin no/ /'phags pa/ ci/ 'di gtsug lag khang lags sam/ 'on te phongs pa lags/ bzhin bzang / gtsug lag khang ni/ ji lta bu yin/ phongs pa ni/ ji lta bu yin| 'phags pa/ gang na yo byad phun sum tshogs pa ni/ gtsug lag khang lags so/ /gang na yo byad ma mchis pa ni/ phongs pa lags so/ /bzhin bzang / 'o na 'di ni/ gtsug lag khang yin gyi/ phongs pa ma yin te/ 'di na yo byad phun sum tshogs pa yod kyi/ 'di na yo byad med pa ma yin no/ /'phags pa/ zas za ba ni/ 'ga' yang rdul mi za la/ gos dag gyon pa ni/ 'ga' yang shing shun dag mi gyon pas/ khyed cag la gos cung zad ma mchis sam/ rgan zhugs de drang po'i rang bzhin can yin pas/ des g.yon can de'i lag nas bzung ste gnas khang du bcug nas smras pa/ bzhin bzang / gos kyi rdang gos dag gis phur shog cing 'dug pa la ltos/ 'phags pa/ ci/ 'di khyod kyi lags sam/ 'on te </font><hr>Cha279b<br><font size=+1>


dge 'dun gyi lags/ bzhin bzang / 'di kho bo gang zag gi yin no/ /'phags pa/ 'o na khyod ni/ gor ma bkum par dge 'dun gyi gnas brtan nam/ chos sgrog pa zhig lags so/ /bzhin bzang / kho bo ni/ dge 'dun gyi gnas brtan yang ma yin la/ chos sgrog pa yang ma yin te/ 'di ltar/ kho bo ni/ dge 'dun gyi gsar bu dge tshul zhig yin no/ /'phags pa/ de ni/ 'jal na| 'di na dge 'dun gyi gnas mal cung zad ma mchis sam/ bzhin bzang / mang du yod do/ /re zhig kho bo'i byug ris su yang dngos po bdun po dag thob bo/ /'phags pa/ de yang 'jal gyi/ 'di zhu'o/ /gtsug lag khang 'di na gang la la 'tshal ma bgyid na/ de rdza mkhan gyi snod du 'tshod dam/ 'on te zangs mi'i snod du 'tshod/ bzhin bzang / khyod kyis gnas khang 'di dag mthong ngam/ 'phags pa| mthong ngo / /bzhin bzang / gnas khang 'di dag zangs ma'i snod kyis gang zhing 'dug go /g.yon can des bsam pa/ legs par bris zin gyi/ da ni/ 'gro'o/ /snyam nas g.yon can des smras pa/ 'phags pa/ khyod kyis dge ba'i phyogs yongs su nyams pa ni/ bdag gi don yongs su nyams pa lags bas bdag slad kyis kyang mchi yi/ de ni/ mchi'o/ /bzhin bzang / de bzhin gyis shig /g.yon can des rgan zhugs de'i rkang pa la phyag 'tshal te song nas g.yon can de chom rkun pa de dag gi drung du song ste smras pa/ pad+ma'i mig can dag /rdzas thams cad kyis gang ba'i grub bo che skam sa la 'dug gi/ 'phrog </font><hr>Cha280a<br><font size=+1>


@#/ /cig /'phrog cig /de na gcig gis smras pa/ de na 'khod pa'i rab tu byung ba drug cu po dag ni/ 'phong gi slob dpon sha stag yin zhes grags pas/ de bzhin du gzhom par mi nus kyi/ gang gi tshe de dag mtshan mo chos nyan pa de'i tshe gzhom mo/ /gzhan dag gis smras pa/ nyi ma gang la de dag gi chos nyan pa 'byung bar 'gyur/ des smras pa/ tshes brgyad dang / bcu bzhi la 'byung ste/ de la tshes brgyad ni/ thal zin pas tshes bcu bzhi la 'byung bar 'gyur ro/ /de dag sor mo dag gis nyi ma bgrang zhing 'khod nas/ ji tsam na tshes bcu bzhi la bab ste/ dge 'dun gyis gnas brtan gyis so sor thar pa'i mdo bton te dge 'dun gyis gso sbyong byas nas chos sgrog bseng ge'i khri la 'dzeg ste 'di skad ces/ mi mchog gdul ba'i kha lo sgyur mdzad pa/ / kun sbyor 'ching ba gcod pa de bzhin gshegs/ /dbang po zhi zhing nyer zhi zhi la mkhas/ /mnyan yod bzhugs pas bka' bzhin byed la gsungs/ /zhes smra bar brtsams pa dang / g.yon can de dag gis sgo brdungs so/ /dge slong dag gis tshor nas smras pa/ shes ldan dag /khyed cag su yin/ 'phags pa dag/ bdag cag rigs kyi bu dag go/ dge slong rnams kyis bsam pa/ ri brag nas skye bo'i tshogs dag chos nyan du lhags gor ma chag gi/ sgo dbye'o/ /snyam nas de dag gis sgo phye ba dang de dag zhugs so/ /ji tsam na gzhom par brtsams pa dang dge slong rnams kyis smras pa/ shes ldan </font><hr>Cha280b<br><font size=+1>


dag /khyed cag na re/ bdag cag rigs kyi bu dag go /zhes zer na/ da nged cag 'joms par byed dam/ de dag gis smras pa/ 'phags pa dag /bdag cag la ming gnyis mchis te/ slad rol du ni/ rigs kyi bu dag ces bgyi la/ nang du ni/ chom rkun pa dag ces bgyi'o/ /khyed cag gi ming 'dogs par byed pa ni/ nyams so/ /g.yon can de dag gis dge slong de dag bcom ste dong nas dge slong bcom pa de dag gis gros byas pa/ tshe dang ldan pa dag /bcom ldan 'das kyis lhag ma dang bcas par bzhom par bya'o/ /zhes gsungs pas/ re zhig khyim bdag 'di phyogs bzhi'i dge slong gi dge 'dun la sbyin du bcug ste yang ci bya/ bdag cag la sbyin du bcug ste yang ci bya/ bdag cag mnyan yod nyid du dong na der bdag cag la tshangs pa mtshungs par spyod pa dag gis/ chos gos dag gis mi phongs par byed par 'gyur ro/ /zhes gros byas so/ /ji ltar 'dong bar bya/ mtshan mo 'gebs par 'dong zhing / nyin mo thibs por zhugs te 'gro bar bya'o/ /zhes de dag gis khyim bdag la yang ma bltas par dong ngo / /ji tsam na mthar gyis mnyan yod du phyin pa dang / dge slong dag /nam gyi cha stod dang / nam gyi cha smad la mi nyal bar sbyor ba'i rjes su brtson par gnas pa de dag gis dge slong de dag sgren mor sgo'i gam yo na rgyu ba mthong nas smras pa/ gcer bu sgre byi dag/ khyed cag 'dir ci 'dod/ 'di khyed kyi gtsug lag khang yang ma yin la/ 'dug gnas kyang ma yin no/ /de dag gis smras pa/ tshe dang ldan pa dag /bdag cag gcer bu dag </font><hr>Cha281a<br><font size=+1>


@#/ /ma yin no/ /'o na khyed su yin/ dge slong dag go/ 'di lta bu dag dge slong yin nam/ gang dag chom rkun pa dag gis bcom pa de dag ji lta bu yin/ khyed cag ming ci/ sangs rgyas 'tsho'o/ /chos 'tsho'o/ /dge 'dun 'tsho'o/ /tshe dang ldan pa dag 'ongs pa legs so/ /'ongs pa legs so/ /zhes de dag gis sgo phye nas dge slong de dag 'jug tu bcug ste/ de dag la la las ni/ chos gos byin/ la las ni/ sham thabs byin/ la las ni/ rdul gzan byin/ la las ni/ lhung bzed byin/ la las ni/ chu tshags byin te bgo bsha' ji lta ba bzhin du thams cad du thams cad bgo bsha' byas pa'i skabs de/ dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ de lta bas na/ dge slong dgon pa pas/ chos gos gsum las chos gos gang yang rung ba khyim gzhan du gzhag par bya'o/ /bcom ldan 'das kyis chos gos gsum las chos gos gang yang rung ba khyim gzhan du gzhag par bya'o/ /zhes bka' stsal nas/ de dag de nyid du dong ste nyal bar byed pa dang / bram ze dang khyim bdag rnams kyis smras pa/ 'phags pa dag/ khyed cag ci'i slad du 'dir gzims par mdzad/ kho bo cag gis chos gos dag 'dir bzhag go| 'phags pa dag /ci/ khyed kyi chos gos dag rku bar bgyid dam/ gal te thugs mi ches na/ bsnams te bzhud cig /ces zer ba'i skabs de/ dge slong rnams kyis bcom ldan 'das la gsol </font><hr>Cha281b<br><font size=+1>


pa dang / bcom ldan 'das kyis bka' stsal pa/ der nyal bar mi bya'o/ /de dag phyir dong ste skya rengs 'char bar byed pa dang / bud med kyi yul sgren mor nyal ba de dag gis smras pa/ 'phags pa dag/ khyed cag ci'i slad du mtshan mo nyid la 'dir byon/ /kho bo cag gis 'dir chos gos dag bzhag go/ 'phags pa dag /ci/ khyed cag gis chos gos dag rku bar bgyid dam/ gal te thugs mi ches na/ bsnams te bzhud cig /ces zer ba'i skabs de/ dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ der skya rengs 'char bar mi bya'o/ /de dag phyis dong ste bang rim du skya rengs 'char bar byed pa dang / de dag chom rkun pa dag dang / g.yon can dag dang / seng ge dag dang / stag dag dang / gung dag gi dbang du gyur pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gtsug lag khang nyid du skya rengs 'char bar bya'o/ /dge slong rnams la dge 'dun gyi dang / mchod rten gyi dang / gang zag gi bya ba'i phyir mtshams kyi phyi rol du 'gro dgos par gyur pa de dag bdag cag gis khyim gzhan du chos gos dag bzhag go/ zhes der mi 'gro ba'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dgon pa pas zhag drug gi mtha' tshun chad du chos gos de dang mtshams kyi phyi rol du 'bral bar bya'o/ /dge slong drug sde dag bsam bzhin du zhag bdun du 'bral bar byed </font><hr>Cha282a<br><font size=+1>


@#/ /pa'i skabs de/ dge slong rnams kyis bcom ldan 'das la gsol pa dang / de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong drug sde dag la rmas pa/ dge slong dag /ngas dgon pa bas zhag drug gi mtha' tshun chad du chos gos de dang mtshams kyi phyi rol du 'bral bar bya'o/ /zhes gsungs na/ khyed cag bsam bzhin du zhag bdun du mtshams kyi phyi rol du 'bral bar byed pa bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no/ /zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag/ de lta bas na/ phan yon bcu yang dag par gzigs pas/ 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong rab tu mang po dag gnas mal dgon pa dogs pa dang </font><hr>Cha282b<br><font size=+1>


bcas par grags pa/ 'jigs pa dang bcas par grags pa/ 'jigs pa tha dad pas 'jigs su rung ba dang bcas par grags pa dag tu dbyar phyi mar gyur la/ dge slong dgon pa pas 'dod na/ chos gos gsum las chos gos gang yang rung ba khyim gzhan du gzhag par bya'o/ /dge slong dgon pa pa la mtshams kyi phyi rol du 'gro dgos pa de lta bu'i rkyen zhig byung na/ dge slong dgon pa pa des zhag drug gi mtha' tshun chad du chos gos de dang mtshams kyi phyi rol tu 'bral bar bya'o/ /de las 'das par 'bral na/ spang ba'i ltung byed do/ /dge slong zhes bya ba ni/ chos 'di pa'o/ /rab tu mang po dag ces bya ba ni/ gnyis yan chad rab tu mang po dag yin no/ /gnas mal zhes bya ba ni/ gtsug lag khang ngo / /dgon pa zhes bya ba ni/ rdul phra rab drug la rdul phra mo gcig go/ rdul phra mo drug la chu rdul gcig go |chu rdul drug la lcags rdul gcig go /lcags rdul drug la ri bong rdul gcig go/ ri bong rdul drug la lug rdul gcig go/ lug rdul drug la glang rdul gcig go/ glang rdul drug la nyi zer gyi rdul gcig go /nyi zer gyi rdul drug la sro ma gcig go /sro ma drug la shig gcig go /shig drug la nas gcig go/ nas drug la sor gcig go /sor bzhi drug la khru gang ngo / /khru phyed dang bzhi la mi'i srid do /khru bzhi la gzhu'o/ /gzhu lnga brgya la rgyang grags te/ de phan chad dgon pa'o/ /dogs pa dang bcas par grags pa zhes bya ba ni/ chom rkun pa dang g.yon can gyis 'jigs par grags pa'o/ / </font><hr>Cha283a<br><font size=+1>


@#/ /'jigs pa dang bcas par grags pa zhes bya ba ni/ seng ge dang stag dang gung gis 'jigs par grags pa'o/ /'jigs pa tha dad pas 'jigs su rung ba dang bcas par grags pa dag tu zhes bya ba ni/ sha sbrang dang / sbrang bu mchu ring dang / rlung dang / nyi ma dang / sdig sbrul gyis 'jigs pa tha dad pas 'jigs su rung ba dang bcas par grags pa dag tu'o/ /dbyar phyi mar gyur la zhes bya ba ni/ dbyar phyi mar gnas par khas blangs par gyur pa'o/ /dge slong dgon pa pas zhes bya ba ni/ dge slong gang yin pa des so/ /'dod na zhes bya ba ni/ gal te don du gnyer na'o/ / chos gos gsum las chos gos gang yang rung zhes bya ba ni/ snam sbyar dang / bla gos dang / mthang gos las gang 'dod pa'o/ /khyim gzhan du zhes bya ba ni/ gang na lam po che dang / srang dang / bzhi mdo dang / sum mdo dag yod par ro/ /gzhag par bya'o/ /zhes bya ba ni/ gtams par bya ba'o/ /dge slong dgon pa pa la mtshams kyi phyi rol tu 'gro dgos pa de lta bu'i rkyen zhig byung na zhes bya ba ni/ dge 'dun gyi'am/ mchod rten gyi'am/ gang zag gi bya ba'i phyir mtshams kyi phyi rol tu 'gro dgos pa de lta bu'i rkyen zhig byung na'o/ /dge slong dgon pa pa des zhes bya ba ni/ dge slong gang yin pa des so| |zhag drug gi mtha' tshun can du zhes bya ba ni/ nyin mtshan drug gi mtha' tshun chad do/ /chos gos de dang mtshams kyi phyi rol tu 'bral bar bya'o/ /zhes bya ba ni/ chos gos bzhag pa gang yin pa </font><hr>Cha283b<br><font size=+1>


de dang ngo / /de las 'das par 'bral na zhes bya ba ni/ de las lhag par skya rengs 'char bar byed na'o/ /spang ba'i ltung byed do/ /zhes bya ba ni/ dngos po de spangs nas ltung byed kyi ltung ba bshags par bya ba ste/ des na spang ba'i ltung byed do/ /zhes gsungs so/ /de la ltung bar ji ltar 'gyur zhe na/ 'di ltar/ de dge slong dgon pa pas chos gos gsum las chos gos gang yang rung ba dang mtshams kyi phyi rol du 'bral na/ thams cad du spang ba'i ltung byed du 'gyur ro/ /'di'am/ der bar chad brgyad po 'di lta ste/ rgyal po'i 'jigs pa dang / chom rkun gyi 'jigs pa dang / me'i 'jigs pa dang / chu'i 'jigs pa dang / seng ge'i 'jigs pa dang / stag gi 'jigs pa dang / mi'i 'jigs pa dang / mi ma yin pa'i 'jigs pa las/ gang yang rung ba nye bar gnas pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /zhag bdun gyis 'bral ba'i spang ba ste/ nyi shu bdun pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis dge slong gis dbyar gyi gos ras chen bcang bar bya'o/ /zhes bka' stsal nas/ de na dge slong gang dag snga ma'i dbyar gnas pa khas len pa de dag ni/ rang gi dus yin no/ /zhes tshol bar byed cing / bdag cag gis ci'i phyir mi bcang zhes 'chang bar byed do/ /phyi ma'i dbyar gnas par khas len pa de </font><hr>Cha284a<br><font size=+1>


@#/ /dag kyang rang gi dus yin no/ /zhes 'chang bar byed cing / bdag cag gis ci'i phyir mi btsal zhes tshol bar byed do/ /de dag ha cang myur bar tshol ba dang / ha cang yun ring du 'chang bar byed pas/ bya ba mang ba dang / byed pa mang bar gyur te/ lung nod pa dang / kha ton dang / rnal 'byor yid la bya ba dang / nang gi sems kyi zhi gnas gtong bar byed nas/ dge slong don nyung ngu dag/ bcom ldan 'das kyis dge slong gis dbyar gyi gos ras chen bcang bar bya'o/ /zhes gsungs na/ ci'i phyir dge slong dag ha cang myur du tshol bar byed cing / ha cang yun ring du 'chang bar byed pas bya ba dang byed pa mang bar gyur te/ lung nod pa dang / kha ton dang / rnal 'byor yid la bya ba dang / nang gi sems kyi zhi gnas gtong bar byed ces smod par byed/ 'phyar ka gtong bar byed/ kha zer par byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong rnams la rmas pa/ dge slong dag /khyed ngas dge slong gis dbyar gyi gos ras chen bcang bar bya'o/ /zhes gsungs na/ khyed cag ha cang myur du tshol ba </font><hr>Cha284b<br><font size=+1>


dang / ha cang yun ring du 'chang bar byed pa bden nam/ btsun pa/ mad do/ /sangs rgyas bcom ldan 'das kyis gso dka' ba dang / dgang dka' ba dang / 'dod pa che ba dang / chog mi shes pa rnam par smad par mdzad do/ /de nas bcom ldan 'das kyis gso sla ba dang / dgang sla ba dang / 'dod pa chung ba dang / chog shes pa dang / phri ba dang / sbyangs pa'i yon tan dang / mdzes pa dang / drod rig pa'i bsngags pa brjod nas dge slong rnams la bka' stsal pa/ dge slong dag/ de lta bas na/ phan yon bcu yang dag par gzigs pas/ 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis so ga rnams kyi zla ba gcig lus na/ dbyar gyi gos ras chen btsal bar bya'o/ /dbyar zad nas 'og tu zla ba phyed kyi bar du bcang bar bya'o/ /gal te dge slong gis so ga rnams kyi zla ba gcig lus pa'i sngon rol tu dbyar gyi gos ras chen tshol bar byed dam/ dbyar zad nas 'og tu zla ba phyed las 'das par 'chang na/ spang ba'i ltung byed do/ /dge slong gis zhes bya ni/ chos 'di pas so/ /so ga rnams kyi zla ba gcig lus na zhes bya ba ni/ zla ba gcig na dbyar nye bar sgrub pa 'byung bar 'gyur ba na'o/ /dbyar gyi gos ras chen zhes bya ba ni/ char 'bab pa'i gos so/ /btsal bar bya'o/ /zhes bya ba ni/ gzhan las so/ /dbyar zad nas 'og tu zla ba phyed kyi bar bcang </font><hr>Cha285a<br><font size=+1>


@#/ /bar bya'o/ /zhes bya ba ni/ dgag dbye byas nas zla ba phyed kyi bar du'o/ /gal te dge slong gis so ga rnams kyi zla ba gcig lus pa'i sngon rol du dbyar gyi gos ras chen tshol bar byed dam zhes bya ba ni/ de'i mdun rol tu'o/ /dbyar zad nas 'og tu zla ba phyed las 'das par 'chang na zhes bya ba ni/ de las 'das par ro/ /spang ba'i ltung byed do/ /zhes bya ba ni/ dngos po de spangs nas ltung byed kyi ltung ba bshags par bya ba ste/ des na spang ba'i ltung byed do/ /zhes gsungs so/ /de la ltung bar ji ltar 'gyur zhe na/ snga ma dang / phyi ma las te/ de las gang dag dbyar snga mar gnas par khas len pa de dag la ni/ ha cang yang yun ring du 'chang na/ spang ba'i ltung byed du 'gyur ro/ /gang dag dbyar phyi mar gnas par khas len pa de dag ni/ ha cang myur du tshol na/ spang ba'i ltung byed du 'gyur ro/ /de ltar na/ dge slong gis ji tsam du ha cang myur du tshol bar byed pa dang / ha cang yun ring du 'chang bar byed na/ thams cad spang ba'i ltung byed du 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /dbyar gyi ras chen gyi spang ba ste/ nyi shu brgyad pa rdzogs so// //sangs rgyas bcom ldan 'das shAkya'i nang na shAkya rnams kyi grong rdal wa tshong can zhes bya ba na bzhugs so/ /de'i tshe na khyim bdag cig gis rang gi dad pa dang / rang gi gcugs pa dang / rang gi dang bas gtsug lag khang byed du bcug nas tshe dang </font><hr>Cha285b<br><font size=+1>


ldan pa sgra gcan zin la gang zag gir phul lo/ /de nas tshe dang ldan pa sgra gcan zin gtsug lag khang der ji tsam pa de tsam 'dug nas lhung bzed dang chos gos thogs te ljongs rgyur song ngo / /khyim bdag des 'phags pa sgra gcan zin gtsug lag khang der ji tsam pa de tsam 'dug nas lhung bzed dang chos gos thogs te ljongs rgyur song zhes thos so/ /thos nas kyang khyim bdag des gtsug lag khang de dge 'dun la phul lo/ /de nas tshe dang ldan pa sgra gcan zin ci dgar ljongs su 'dug nas shAkya rnams kyi grong rdal wa tshong can ga la der rgyu zhing song ba na mthar gyis rgyu zhing 'gro ba'i tshe na wa tshong can du phyin nas tshe dang ldan pa sgra gcan zin gyis khyim bdag des/ gtsug lag khang de dge 'dun la phul zhes thos so/ /thos nas kyang bcom ldan 'das ga la ba der song ste phyin to/ /bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas/ bcom ldan 'das la tshe dang ldan pa sgra gcan zin gyis 'di skad ces gsol to/ /btsun pa/ 'di na khyim bdag cig gis rang gi dad pa dang / rang gi gcugs pa dang / rang gi dad pas gtsug lag khang bgyid du stsal nas bdag la gang zag gir stsal te/ bdag gtsug lag khang der ji tsam pa de tsam mchis nas lhung bzed dang chos gos 'tshal te ljongs rgyur mchis pa dang / khyim bdag des 'phags pa sgra gcan zin gtsug lag khang der ji tsam pa de tsam mchis nas lhung bzed dang chos gos 'tshal te ljongs </font><hr>Cha286a<br><font size=+1>


@#/ /rgyur mchis zhes thos te/ thos nas kyang khyim bdag des gtsug lag khang de dge 'dun la phul na/ btsun pa/ de la bdag gis da ji ltar bgyi/ sgra gcan zin tshur shog /khyod khyim bdag de ga la ba der song la phyin nas khyim bdag de la 'di skad ces/ khyim bdag /khyod kho bo'i lus sam ngag la cung zad smod par mi byed dam zhes smros shig /tshe dang ldan pa sgra gcan zin gyis/ btsun pa/ bka' bzhin 'tshal zhes bcom ldan 'das las mnyan nas khyim bdag ga la ba der song ste phyin nas khyim bdag de la 'di skad ces smras so/ /khyim bdag/ khyod kho bo'i lus sam/ ngag la cung zad smod par mi byed dam/ 'phags pa sgra gcan zin/ bdag khyod kyi sku'am/ gsung la cung zad kyang smod par mi bgyid do/ /de nas tshe dang ldan pa sgra gcan zin bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das la tshe dang ldan pa sgra gcan zin gyis 'di skad ces gsol to/ /btsun pa/ 'di na bdag khyim bdag de ga la ba der mchis te phyin nas khyim bdag de la 'di skad ces/ khyim bdag/ khyod kho bo'i lus sam/ ngag la cung zad smod pa mi bgyid dam zhes bgyis na/ de 'di skad ces/ 'phags pa sgra gcan zin/ bdag khyod kyi sku'am/ gsung la smod pa cung zad kyang ma mchis so/ /zhes mchi'o/ /de'i tshe na tshe dang ldan </font><hr>Cha286b<br><font size=+1>


pa kun dga' bo bcom ldan 'das kyi snam logs na 'dug par gyur cing bsil yab thogs te/ bcom ldan 'das la g.yob cing 'dug go /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ song la dge slong ji snyed wa tshong can na nye bar brten cing 'khod pa de dag thams cad dpong sa'i khang par sdus shig /tshe dang ldan pa kun dga' bos/ btsun pa/ bka' bzhin 'tshal zhes bcom ldan 'das las mnyan nas dge slong ji snyed wa tshong can na nye bar brten cing 'khod pa de dag thams cad dpong sa'i khang par bsdus nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das la tshe dang ldan pa kun dga' bos 'di skad ces gsol to/ / btsun pa/ dge slong ji snyed wa tshong can na nye bar brten cing mchis pa de dag thams cad dpong sa'i khang par mchis shing / mthun par gyur na/ bcom ldan 'das kyis da de'i dus la bab par mkhyen par mdzad du gsol/ de nas bcom ldan 'das dpong sa'i khang pa ga la ba der gshegs te byon nas dge slong gi dge 'dun gyi gong du gdan bshams pa nyid la bzhugs so/ /bzhugs nas bcom ldan 'das kyis dge slong rnams la bka' stsal pa/ dge slong dag/ gang gis gang zag gcig la sbyin pa byin nas gzhan gcig la sbyin par byed pa ni/ chos dang ldan pa'i sbyin pa ma yin zhing / chos dang </font><hr>Cha287a<br><font size=+1>


@#/ /ldan pa'i len pa ma yin la/ longs spyad du rung ba ma yin no/ /gzhan gnyis sam/ rab tu mang po'am/ dge 'dun la sbyin par byed pa yang chos dang ldan pa'i sbyin pa ma yin zhing / chos dang ldan pa'i len pa ma yin la/ longs spyod du rung ba ma yin no/ /dge slong dag/ gang gis gnyis la sbyin pa byin nas gzhan gcig la sbyin par byed pa ni/ chos dang ldan pa'i sbyin pa ma yin zhing / chos dang ldan pa'i len pa ma yin la/ longs spyad du rung ba ma yin no/ /gzhan gnyis sam/ rab tu mang po'am/ dge 'dun la sbyin par byed pa yang chos dang ldan pa'i sbyin pa ma yin zhing / chos dang ldan pa'i len pa ma yin la/ longs spyad du rung ba ma yin no/ /dge slong dag/ gang gis rab tu mang po la sbyin pa byin nas gzhan gcig la sbyin par byed pa ni/ chos dang ldan pa'i sbyin pa ma yin zhing / chos dang ldan pa'i len pa ma yin la/ longs spyad du rung ba ma yin te/ gzhan gnyis sam/ rab tu mang po'am/ dge 'dun la sbyin par byed pa yang chos dang ldan pa'i sbyin pa ma yin zhing / chos dang ldan pa'i len pa ma yin la/ longs spyad du rung ba ma yin no/ /dge slong dag/ gang gis dge 'dun la sbyin pa byin nas gzhan gcig la sbyin par byed pa ni| chos dang ldan pa'i sbyin pa ma yin zhing / chos dang ldan pa'i len pa ma yin la/ longs spyad du rung ba ma yin no/ /gzhan gnyis sam/ rab tu mang po'am/ dge 'dun la sbyin par byed pa yang </font><hr>Cha287b<br><font size=+1>


chos dang ldan pa'i sbyin pa ma yin zhing / chos dang ldan pa'i len pa ma yin la/ longs spyad du rung ba ma yin no/ /dge slong dag/ gang gis dge 'dun bye zhing gnyis su gyur te/ phyogs dang / gzhan gyi phyogs su rnam par gnas pa phyogs gcig la sbyin pa byin nas phyogs gnyis pa la sbyin par byed pa ni/ chos dang ldan pa'i sbyin pa ma yin zhing / chos dang ldan pa'i len pa ma yin la/ longs spyad du rung ba ma yin no/ /dge slong dag/ gang gis gang zag gcig la sbyin pa byin nas gzhan gcig la sbyin par mi byed pa ni/ chos dang ldan pa'i sbyin pa yin zhing / chos dang ldan pa'i len pa yin la/ longs spyod du rung ba yin no/ /gzhan gnyis sam/ rab tu mang po'am/ dge 'dun la sbyin par mi byed pa yang chos dang ldan pa'i sbyin pa yin zhing / chos dang ldan pa'i len pa yin la/ longs spyad du rung ba yin no/ /dge slong dag/ gang gis gnyis la sbyin pa byin nas gzhan gcig la sbyin par mi byed pa ni/ chos dang ldan pa'i sbyin pa yin zhing / chos dang ldan pa'i len pa yin la/ longs spyad du rung ba ma yin no/ /gzhan gnyis sam/ rab tu mang po'am/ dge 'dun la sbyin par mi byed pa yang chos dang ldan pa'i sbyin pa yin zhing / chos dang ldan pa'i len pa yin la/ longs spyad du rung ba yin no/ / dge slong dag/ gang gis rab tu mang po la sbyin pa byin nas gzhan gcig la sbyin par mi byed pa ni/ chos dang ldan pa'i sbyin pa yin zhing / chos dang ldan pa'i len pa yin la/ longs spyad du rung ba yin no/ / </font><hr>Cha288a<br><font size=+1>


@#/ /gzhan gnyis sam/ rab tu mang po'am/ dge 'dun la sbyin par mi byed pa yang chos dang ldan pa'i sbyin pa yin zhing / chos dang ldan pa'i len pa yin la/ longs spyad du rung ba yin no/ /dge slong dag/ gang gis dge 'dun la sbyin pa byin nas gzhan gcig la sbyin par mi byed pa ni/ chos dang ldan pa'i sbyin pa yin zhing / chos dang ldan pa'i len pa yin la/ longs spyad du rung ba yin no/ /gzhan gnyis sam/ rab tu mang po'am/ dge 'dun la sbyin par mi byed pa yang chos dang ldan pa'i sbyin pa yin zhing / chos dang ldan pa'i len pa yin la/ longs spyad du rung ba yin no/ /dge slong dag/ gang gis dge 'dun bye zhing gnyis su gyur la/ phyogs dang / gzhan gyi phyogs su rnam par gnas pa na/ phyogs gcig la sbyin pa byin nas phyogs gnyis pa la sbyin par mi byed pa ni/ chos dang ldan pa'i sbyin pa yin zhing / chos dang ldan pa'i len pa yin la/ longs spyad du rung ba yin no/ /dge slong dag/ de lta bas na/ snga ma ni/ sbyin pa yin la/ phyi ma ni/ ma yin no/ /rgyal po ni/ sa gzhi la dbang la/ bdag po ni/ gnas mal la dbang / dge slong ni/ lhung bzed dang chos gos la dbang ngo / /sbyin pa po dang sbyin bdag gis rang gi sbyin par bya ba'i chos mngon par 'du bya ba ni/ rung gi /gzhan la sbyin du ni/ mi rung ngo / /dge slong dag/ dge slong sgra gcan zin la gtsug lag khang de phyin byin cig /dge slong de dag gis tshe dang ldan pa </font><hr>Cha288b<br><font size=+1>


sgra gcan zin la gtsug lag khang de phyir byin no/ /'di ni/ re zhig byung ba yin gyi/ bcom ldan 'das re zhig 'dul ba la nyan thos rnams kyi bslab pa'i gzhi 'cha' bar ni/ ma mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /bsod snyoms pa zhig gis khyim bdag cig skyabs su 'gro ba dang bslab pa'i gzhi dag la bzhag nas dus gzhan zhig na bsod snyoms pa des/ khyim bdag de la rdzas las byung ba'i bsod nams bya ba'i gzhi bdun po dag gi bsngags pa brjod pa dang / khyim bdag des smras pa/ 'phags pa/ bdag gis kyang re zhig rdzas las byung ba'i bsod nams bgyi ba'i gzhi cung zhig bgyi'o/ /de bzhin gyis shig/ ci zhig bgyi/ sangs rgyas la sogs pa dge slong gi dge 'dun mchod ston gsol cig/ de bzhin bgyi'o/ /na bza' dbul ba yang cung zad yod dam/ 'phags pa/ bdag ni/ longs spyod srab pa lags mod kyi/ ras zung gcig dbul lo/ /'phags pa/ khyod kyis sang bdag gi ming gis sangs rgyas la sogs pa dge slong gi dge 'dun gdugs tshod la spyan drang du gsol/ bsod snyoms pa des tshogs pa'i dus su khyim bdag de'i ming gis sangs rgyas la sogs pa dge slong gi dge 'dun khyim gzhan du gdugs tshod la spyan drangs pa dang / dge slong rnams kyi smras pa/ bsod snyoms pa/ khyod khyim dad par byed par gyur to/ /bsod snyoms pa/ ci/ khyim bdag gis yon </font><hr>Cha289a<br><font size=+1>


@#/ /dang bcas pa'i mchod ston gsol lam/ 'on te yon pa med pa'i mchod ston gsol/ tshe dang ldan pa dag/ yon dang bcas pa ste/ 'on kyang khyim bdag de longs spyod srab pa lags pas 'di ltar ras zung gcig 'bul lo/ /nye dgas thos nas des bsam pa/ gang gis sangs rgyas la sogs pa dge slong gi dge 'dun la ras zung gcig 'bul ba de ni/ chen po la 'os pa zhig 'byung gor ma chag gi gal te bdag gis ras zung de ma 'phrog na/ nye dga' zhes bya ba'i ming mi gzung ngo / /snyam nas nye dga' de'i phyi de nyin par snga dro sham thabs bgos/ lhung bzed dang chos gos thogs te khyim bdag de'i khyim du song ba dang / ji tsam na/ des khyim bdag de mchod ston sbyor ba mthong nas des khyim bdag de la dris pa/ khyim bdag ci byed/ 'phags pa/ mchod ston sbyor ro/ /khyim bdag /bcom ldan 'das kyis sems can gang dag snga dro'i dus kyi tshe lus kyis legs par spyad cing spyod/ ngag dang yid kyis legs par spyad cing spyod pa'i sems can de dag la dus de la snga dro bzang por nye bar gnas par 'gyur la/ sems can gang dag gung tshigs kyi dus kyi tshe dang / phye ma red kyi dus kyi tshe lus kyis legs par spyad cing spyod/ ngag dang yid kyis legs par spyad cing spyod pa'i sems can de dag la dus de na gung tshigs bzang po dang / phye ma red bzang por nye bar gnas par 'gyur ro/ /zhes bka' stsal pa de </font><hr>Cha289b<br><font size=+1>


ni| legs par gsungs pa yin no/ /khyim bdag/ gos sbyin pa yang cung zad yod dam/ 'phags pa/ bdag ni/ longs spyod srab pa lags te/ 'on kyang ras zung gcig 'bul lo/ /khyim bdag ras zung de ci 'dra blta'o/ /des bstan pa dang / ji tsam na/ bzang bar mthong nas nye dgas smras pa/ khyim bdag/ khyod la yongs su btang ba las byung ba'i bsod nams ni/ yod na/ yongs su longs spyod pa las byung ba'i bsod nams ni/ lan 'ga' yang med de/ bcom ldan 'das kyi 'khor stong nyis brgya lnga bcu la ras zung stong nyis brgya lnga bcus 'grub pas 'dis ni/ re zhig chos gos kyi rdang kho na la yongs su zad par bya dgos par 'gyur ro/ /bcom ldan 'das kyis kyang zas kyi rnyed pa byung na ni/ pu la sa'i 'dab mas kyang bgo bar bya la/ gos kyi rnyed pa byung na ni/ mar me'i snying por rung bas kyang bgo bar bya'o/ /zhes gsungs na/ gal te bged par mi byed na ni/ khyod kyi 'di yang longs spyad par mi 'gyur ro/ /des smras pa/ 'phags pa/ gang gis bdag la yongs su btang ba las byung ba'i bsod nams kyang mchis la/ yongs su longs spyad pa las byung ba'i bsod nams kyang mchis par 'gyur ba'i thabs ci mchis/ khyim bdag/ gal te khyod kyis shAkya'i rigs las rab tu byung ba sde snod gsum dang ldan pa/ chos sgrog pa/ rig pa dang grol ba'i spobs pa can gang yin pa de la ras zung 'di bskon na/ de lta na/ khyod la yongs su btang ba las byung ba'i bsod </font><hr>Cha290a<br><font size=+1>


@#/ /nams dang / yongs su spyad pa las byung ba'i bsod nams yang 'gyur ro/ /des smras pa/ 'phags pa/ shAkya'i rigs las rab tu byung ba/ sde snod gsum dang ldan pa/ chos sgrog pa/ rig pa dang grol ba'i spobs pa can su mchis/ khyim bdag/ kho bo nyid shAkya'i rigs las rab tu byung ba sde snod gsum dang ldan pa/ chos sgrog pa/ rig pa dang grol ba'i spobs pa can yin no/ /khyim bdag des nye dga' la/ 'phags pa/ khyod ras zung 'di bzhes shig /ces sbyin par brtsams pa dang / nye dgas smras pa/ khyim bdag /khyod sbyin pa yin yang mi shes sam/ gang gi tshe sangs rgyas la sogs pa dge slong gi dge 'dun mchod ston gsol ba de'i tshe na khyod kyis rgan pa'i mtha' logs su rjes su yi rang bar byed du chug la kho bo la byin cig/ 'phags pa/ de bzhin bgyi'o/ /zhes khyim bdag des de las mnyan nas/ khyim bdag des de'i 'og tu sangs rgyas la sogs pa dge slong gi dge 'dun mchod ston gsol nas ras zung de rgan pa'i mtha' logs su rjes su yi rang bar mdzod cig /rjes su yi rang bar mdzod cig/ ces rjes su yi rang bar byed du bcug nas nye dga' la byin no/ /dge slong rnams kyis dge bskos la smras pa/ nye dga' las ras zung longs shig/ dag bskos kyis nye dga' la smras pa/ ras zung de 'on cig/ ci/ gtsug lag khang du khyer te sbyin nam/ dge bskos kyis smras pa/ ma yin te/ 'di </font><hr>Cha290b<br><font size=+1>


ni| dge 'dun la phul ba yin no/ /nye dgas smras pa/ khyod ci'i phyir rang gi lhung bzed dang / chos gos dge 'dun la dbul bar mi byed/ 'di ni/ kho bo la byin pa yin no/ /de nas bcom ldan 'das kyis yon bshad pa mdzad nas gdan las bzhengs te gshegs pa dang / bsod snyoms pa de skyengs nas de nyid du 'dug go/ de nas bsod snyoms pa des/ sangs rgyas sogs pa dge slong gi dge 'dun bzhud nas ring po ma lon par rig nas khyim bdag de la 'di skad ces smras so/ /khyim bdag gis gzhan du 'brug bsgrags la/ gzhan du char phab bo/ /'phags pa/ ji ltar bgyis/ btsun pa nye dga'i mchid nas khyim bdag /khyod la yongs su btang ba las byung ba'i bsod nams ni/ yod na/ yongs su longs spyod pa las byung ba'i bsod nams ni/ lan 'ga' yang med de/ bcom ldan 'das kyis 'khor stong nyis brgya lnga bcu la ras zung stong nyis brgya lnga bcus 'grub pas/ 'dis ni/ re zhig chos gos kyi rdang kho na la yongs su zad par bya dgos par 'gyur ro/ /bcom ldan 'das kyis kyang zas kyi rnyed pa byung na ni/ pu la sa'i 'dab mas kyang bgo bar bya la/ gos kyi rnyed pa byung na ni/ mar me'i snying por rung bas kyang bgo bar bya'o/ /zhes gsungs nas/ gal te 'ged par mi byed na ni/ khyod kyi 'di yang longs spyad par mi 'gyur ro/ /zhes mchid nas bdag gis de la 'di skad ces/ 'phags pa/ gang gis bdag la yongs su btang ba las byung ba'i bsod nams kyang mchis la/ yongs su longs spyad pa las byung </font><hr>Cha291a<br><font size=+1>


@#/ /ba'i bsod nams kyang mchis pa'i thabs ci mchis zhes bgyis na/ btsun pa/ nye dga'i mchid nas khyim bdag /gal te khyod kyis shAkya'i rigs las rab tu byung ba/ sde snod gsum dang ldan pa/ chos sgrog pa/ rig pa dang grol ba'i spobs pa can gang yin pa de la ras zung 'di bskon na/ de lta na/ khyod la yongs su btang ba las byung ba'i bsod nams dang / yongs su longs spyad pa las byung ba'i bsod nams su yang 'gyur ro/ /zhes mchi'o/ /bdag gis de la 'di skad ces/ 'phags pa/ shAkya'i rigs las rab tu byung ba/ sde snod gsum dang ldan pa/ chos sgrog pa/ rig pa dang grol ba'i spobs pa can su mchis zhes bgyis na/ btsun pa nye dga' bdag la 'di skad ces/ khyim bdag /kho bo nyid shAkya'i rigs las rab tu byung ba/ sde snod gsum dang ldan pa/ chos sgrog pa/ rig pa dang grol ba'i spobs pa can yin no/ /zhes mchid nas/ bdag gis btsun pa nye dga' la/ 'phags pa/ khyod ras zung 'di bzhes shig /ces sbyin par brtsams pa dang / btsun pa nye dga'i mchid nas khyim bdag/ khyod sbyin pa sbyin yang mi shes sam/ gang gi tshe sangs rgyas la sogs pa dge slong gi dge 'dun mchod ston gsol ba de'i tshe khyod kyis rgan pa'i mtha' logs su rjes su yi rang ba byed du chug la kho bo la byin cig ces mchid nas bdag gis de kho na bzhin du bgyis pas/ 'di la bdag gis nongs pa ci mchis/ </font><hr>Cha291b<br><font size=+1>


bsod snyoms pa de gtsug lag khang du song ba dang / dge slong rnams kyis de la smras pa/ bsod snyoms pa dang ris mthun pa gang yin pas kyang khyim bdag cig ji ltar dad pas bskyed na/ des kyang gzhan du 'brug bsgrags la/ gzhan du char phab bo/ /des smras pa/ des ci nyes/ 'di ltar/ der gcig cig gis song ste 'di skad ces/ khyim bdag/ 'di ni/ khyod la yongs su btang ba las byung ba'i bsod nams ni/ yod na/ yongs su longs spyad pa las byung ba'i bsod nams ni/ lan 'ga' yang med de/ bcom ldan 'das kyi 'khor stong nyis brgya lnga bcu la ras zung stong nyis brgya lnga bcus grub pas/ 'dis ni/ re zhig chos gos kyi rdang kho na la yongs su zad par bya dgos par 'gyur ro/ /bcom ldan 'das kyis kyang zas kyi rnyed pa byung na ni/ pu la sa'i 'dab mas kyang bgo bar bya la/ gos kyi rnyed pa byung na ni/ mar me'i snying por rung bas kyang bgo bar bya'o/ /zhes gsungs na/ gal te bged par mi byed na ni/ khyod kyi 'di yang longs spyad par mi 'gyur ro/ /zhes zer nas/ des 'di skad ces 'phags pa/ gang gis bdag la yongs su btang ba las byung ba'i bsod nams kyang mchis la/ yongs su longs spyad pa las byung ba'i bsod nams kyang mchis par 'gyur ba'i thabs ci mchis zhes byas na/ de na re/ 'di skad ces/ gal te khyod kyis shAkya'i rigs las rab tu byung ba/ sde snod gsum dang ldan pa/ chos sgrog pa/ rig pa dang grol ba'i spobs pa can </font><hr>Cha292a<br><font size=+1>


@#/ /gang yin pa de la ras zung 'di bskon na/ de ltar na/ khyod la yongs su btang ba las byung ba'i bsod nams dang / yongs su longs spyad pa las byung ba'i bsod nams su yang 'gyur ro/ /zhes zer ro/ /des 'di skad ces/ shAkya'i rigs las rab tu byung ba/ sde snod gsum dang ldan pa/ chos sgrog pa/ rig pa dang grol ba'i spobs pa can su yod ces byas na/ de na re/ kho bo nyid shAkya'i rigs las rab tu byung ba/ sde snod gsum dang ldan pa chos sgrog pa/ rig pa dang grol ba'i spobs pa can yin no/ /zhes zer nas/ des de la ras zung de sbyin par brtsams pa dang / de na re/ khyim bdag /khyod sbyin pa byin yang mi shes sam/ gang gi tshe sangs rgyas la sogs pa dge slong gi dge 'dun mchod ston gsol bar de'i tshe khyed kyis rgan pa'i mtha' logs su rjes su yi rang ba byed du chug la kho bo la byin cig ces zer nas/ des de kho na bzhin byas pas des nyes pa ci yod/ dge slong don nyung ngu dag /ci'i phyir dge slong dag dge 'dun la bsngos pa'i rnyed pa shes bzhin du gang zag bdag la bsngor 'jug ces smod par byed/ 'phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs </font><hr>Cha292b<br><font size=+1>


rgyas bcom ldan 'das rnams ni/ mkhyen bzhin du rmed pa mdzad pa ste zhes bya ba la sogs pa yang snga ma bzhin no/ /sangs rgyas bcom ldan 'das kyis nye dga' la rmas pa/ nye dga'/ khyod dge 'dun la bsngos pa'i rnyed pa shes bzhin du gang zag bdag la bsngor 'jug pa bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa| rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste/ zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge 'dun la bsngos pa'i rnyed pa shes bzhin du gang zag bdag la bsgyur du 'jug na/ spang ba'i ltung byed do/ /yang dge slong gang zhes bya ba ni/ shAkya'i bu nye dga'am/ gzhan yang de lta bu gang yin pa'o/ /dge 'dun la zhes bya ba ni/ de bzhin gshegs pa'i nyan thos kyi dge 'dun la'o/ /bsngos pa'i zhes bya ba ni/ gzas pa'i'o/ /rnyed pa zhes bya ba ni/ rnyed pa gnyis te/ gos kyi rnyed pa dang / zas kyi rnyed pa ste/ don 'dir ni/ gos kyi rnyed pa yin par dgongs so/ /shes bzhin du zhes bya ba ni/ bdag </font><hr>Cha293a<br><font size=+1>


@#/ /nyid kyis de shes par gyur pa'am/ gzhan dag gis brjod pas so/ /gang zag bdag la bsgyur du 'jug na zhes bya ba ni/ bdag nyid la 'bul du 'jug na'o/ /spang ba'i ltung byed do/ /zhes bya ba ni/ dngos po de spangs nas ltung byed kyi ltung ba bshags par bya ste/ des na/ spang ba'i ltung byed do/ /zhes gsungs so// //'dul ba rnam par 'byed pa/ bam po so bdun pa/ de la ltung bar ji ltar 'gyur zhe na/ dge slong gis gang zag gcig la bsngos pa'i rnyed pa gang zag bdag la 'jug na/ de bsgyur du 'jug pa la nyes byas su 'gyur la/ thob na/ spang ba'i ltung byed du 'gyur ro/ /dge slong gis gang zag gnyis la bsngos pa'i rnyed pa gang zag bdag la bsgyur du 'jug na/ de bsgyur du 'jug pa la nyes byas su 'gyur la/ thob na/ spang ba'i ltung byed du 'gyur ro/ /dge slong gis gang zag rab tu mang po dag la bsngos pa'i rnyed pa gang zag bdag la bsgyur du 'jug na/ de bsgyur 'jug pa la nyes byas su 'gyur la/ thob na/ spang ba'i ltung byed du 'gyur ro/ /dge slong gis dge 'dun la bsngos pa'i rnyed pa gang zag bdag la bsgyur du 'jug na/ de bsgyur du 'jug pa la nyes byas su 'gyur la/ thob na/ spang ba'i ltung byed du 'gyur ro/ /dge slong gis gang zag gcig la bsngos pa'i rnyed pa gang zag gzhan gcig la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur ro/ /dge slong gis gang zag gcig la bsngos pa'i rnyed pa gang zag </font><hr>Cha293b<br><font size=+1>


gzhan gnyis la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur ro/ /dge slong gis gang zag gcig la bsngos pa'i rnyed pa gang zag gzhan rab tu mang po dag la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur ro/ /dge slong gis gang zag gcig la bsngos pa'i rnyed pa dge 'dun la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas su 'gyur ro/ /dge slong gis gang zag gnyis la bsngos pa'i rnyed pa gang zag gzhan gcig la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur ro/ /dge slong gis gang zag gnyis la bsngos pa'i rnyed pa gang zag gzhan gnyis la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur ro/ /dge slong gis gang zag gnyis la bsngos pa'i rnyed pa gang zag gzhan rab tu mang po dag la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur ro/ /dge slong gis gang zag gnyis la bsngos pa'i rnyed pa dge 'dun la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur ro/ /dge slong gis gang zag rab tu mang po dag la bsngos pa'i rnyed pa gang zag gzhan gcig la bsgyur du 'jug na/ de bsgyur du 'jug pa la nyes byas su </font><hr>Cha294a<br><font size=+1>


@#/ /'gyur la/ thob na yang nyes byas nyid du 'gyur ro/ /dge slong gis gang zag rab tu mang po dag la bsngos pa'i rnyed pa gang zag gzhan gnyis la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur ro/ /dge slong gis gang zag rab tu mang po dag la bsngos pa'i rnyed pa gang zag gzhan rab tu mang po dag la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur ro/ /dge slong gis gang zag rab tu mang po dag la bsngos pa'i rnyed pa dge 'dun la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur ro/ /dge slong gis dge 'dun la bsngos pa'i rnyed pa gang zag gcig la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur ro/ /dge slong gis dge 'dun la bsngos pa'i rnyed pa gang zag gnyis la bsgyur du 'jug na/ de bsgyur du 'jug pa la nyes byas su 'gyur la| thob na yang nyes byas nyid du 'gyur ro/ /dge slong gis dge 'dun la bsngos pa'i rnyed pa gang zag rab tu mang po dag la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur ro/ /dge slong gis dge 'dun la bsngos pa'i rnyed pa dge 'dun gzhan la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas </font><hr>Cha294b<br><font size=+1>


nyid du 'gyur ro/ /dge slong gis dge 'dun la bsngos pa'i rnyed pa dge slong ma'i dge 'dun la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur ro/ / dge slong gis dge slong ma'i dge 'dun la bsngos pa'i rnyed pa dge slong gi dge 'dun la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur ro/ /dge slong gis gnyi ga'i dge 'dun la bsngos pa'i rnyed pa dge slong gi dge 'dun la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur ro/ /dge slong gis gnyi ga'i dge 'dun la bsngos pa'i rnyed pa dge slong ma'i dge 'dun la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur ro/ /dge slong gis dge 'dun bye zhing gnyis su gyur te phyogs dang / gzhan gyi phyogs su rnam par gnas pa na/ phyogs gcig la bsngos pa'i rnyed pa phyogs gnyis pa la bsngor 'jug na/ de bsngor 'jug pa la nyes byas su 'gyur la/ thob na yang nyes byas nyid du 'gyur ro/ /dge slong gis gnas khang gcig la bsngos pa'i rnyed pa gnas khang gzhan la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur ro/ /dge slong gis gnas khang la bsngos pa'i rnyed pa khyams la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes </font><hr>Cha295a<br><font size=+1>


@#/ /byas nyid du 'gyur ro/ /dge slong gis khyams la bsngos pa'i rnyed pa gnas khang la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur ro/ /dge slong gis ka ba gzhan gcig la bsngos pa'i rnyed pa ka ba gzhan gnyis pa la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur ro/ /dge slong gis ka ba gzhan gcig la bsngos pa'i rnyed pa sgo khang la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur ro/ /dge slong gis sgo khang la bsngos pa'i rnyed pa bang rim la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur ro/ /dge slong gis bang rim la bsngos pa'i rnyed pa sgo khang la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur ro/ /dge slong gis sangs rgyas kyi sku gzugs gcig la bsngos pa'i rnyed pa sangs rgyas kyi sku gzugs gzhan gnyis pa la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur te/ g.yar po'i chos kyi sbyin pa la ni/ ltung ba med do/ /dge slong gis mchod rten gcig la bsngos pa'i rnyed pa mchod rten gzhan la bsgyur du 'jug na/ de bsgyur du 'jug pa la nyes byas su 'jug la/ thob na </font><hr>Cha295b<br><font size=+1>


yang nyes byas nyid du 'gyur te/ g.yar po'i chos kyi sbyin pa la ni/ ltung ba med do/ /dge slong gis mchod rten gyi them skas kyi gzhi dang po la bsngos pa'i rnyed pa them skas kyi gzhi gnyis pa la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur te/ g.yar po'i chos kyi sbyin pa la ni/ ltung ba med do/ /them skas kyi gzhi gnyis pa dang / gsum pa dang / bzhi pa dang / thams cad kyi steng ma'i bar la yang de bzhin no/ /dge slong gi them skas kyi gzhi thams cad kyi steng ma la bsngos pa'i rnyed pa me tog khang la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur te/ g.yar po'i chos kyi sbyin pa la ni ltung ba med do/ /dge slong gis me tog khang la bsngos pa'i rnyed pa ba gam la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur te/ g.yar po'i chos kyi sbyin pa la ni ltung ba med do/ /dge slong gi ba gam gcig la bsngos pa'i rnyed pa ba gam gnyis pa la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur te/ g.yar po'i chos kyi sbyin pa la ni/ ltung ba med do/ /ba gam gnyis pa dang / gsum pa dang / bzhi pa la yang de bzhin no/ /dge slong gis ba gam bzhi pa la bsngos pa'i rnyed pa mchod rten gyi bum pa la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes </font><hr>Cha296a<br><font size=+1>


@#/ /byas nyid du 'gyur te/ g.yar po'i chos kyi sbyin pa la ni/ ltung ba med do/ /dge slong gis mchod rten gyi bum pa la bsngos pa'i rnyed pa pu shu la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur te/ g.yar po'i chos kyi sbyin pa la ni/ ltung ba med do/ /dge slong gis pu shu la bsngos pa'i rnyed pa gdugs tha ma la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur ro/ /g.yar po'i chos kyi sbyin pa la ni/ ltung ba med do/ /gdugs gnyis pa dang / gsum pa dang / bzhi pa nas thams cad kyi steng ma'i bar la yang de bzhin no/ /dge slong gis gdugs thams cad kyi steng ma la bsngos pa'i rnyed pa char khebs la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur te/ g.yar po'i chos kyi sbyin pa la ni/ ltung ba med do/ /dge slong gis char khebs la bsngos pa'i rnyed pa gdugs thams cad kyi steng ma la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur te/ g.yar po'i chos kyi sbyin pa la ni/ ltung ba med do/ /dang 'og dang / gsum pa dang / gdugs tha ma'i bar la yang de bzhin no/ /dge slong gis gdugs tha ma la bsngos pa'i rnyed pa bu shu la bsgyur du 'jug na/ de bsgyur du 'jug pa la nyes byas su 'gyur la/ thob na yang </font><hr>Cha296b<br><font size=+1>


nyes byas nyid du 'gyur te/ g.yar po'i chos kyi sbyin pa la ni/ ltung ba med do/ /dge slong gis pu shu la bsngos pa'i rnyed pa mchod rten gyi bum pa la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur te/ g.yar po'i chos kyi sbyin pa la ni/ ltung ba med do/ /dge slong gis mchod rten gyi bum pa la bsngos pa'i rnyed pa ba gam la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur te/ g.yar po'i chos kyi sbyin pa la ni/ ltung ba med do/ /dge slong gis ba gam la bsngos pa'i rnyed pa me tog khang la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur te/ g.yar po'i chos kyi sbyin pa la ni/ ltung ba med do/ /dge slong gis me tog khang la bsngos pa'i rnyed pa them skas kyi gzhi steng ma la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur te/ g.yar po'i chos kyi sbyin pa la ni/ ltung ba med do/ /them skas kyi gzhi dang 'og dang / gsum pa nas thams cad kyi tha ma'i bar la yang de bzhin no/ /dge slong gis mu lto ba gcig la bsngos pa'i rnyed pa mu lto ba gzhan la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur te/ btsal te ma rnyed pa la ni/ ltung ba med do/ /dge slong gis dud 'gro'i skye gnas su skyes pa'i srog chags gcig la bsngos pa'i rnyed pa dud 'gro'i skye gnas su skyes pa'i srog </font><hr>Cha297a<br><font size=+1>


@#/ /chags gzhan la bsgyur du 'jug na/ de bsgyur du 'jug pa la nyes byas su 'gyur la/ thob na yang nyes byas nyid du 'gyur te/ btsal te ma rnyed pa la ni/ ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bsngos pa las bsgyur ba'i spang ba ste/ nyi shu dgu pa rdzogs so// //sangs rgyas bcom ldan 'das rgyal po'i khab na 'od ma'i tshal ka land ka'i gnas na bzhugs so/ /de'i tshe na tshe dang ldan pa pi la ni da'i bu'i lhan cig gnas pa dang / nye gnas dge slong dag sman gang dag de nas lag nyar blangs pa dang / de las byin len byas pa dang / zas kyi phye ma dang 'dres pa dang / phan tshun 'dres pa dang / rang gi rgyud kyis myags pa gang dag rnam par dbyer yang mi mngon pa de dag dus su yang za bar byed/ dus ma yin par yang za bar byed cing de dag la bza' bar rnam par dbye ba yang mi mngon nas/ dge slong don nyung ngu dag /ci'i phyir dge slong dag sman gang de nas lag nyar blangs pa dang / de las byin len byas pa dang / zas kyi phye ma dang 'dres pa dang / phan tshun 'dres pa dang / rang gi rgyud kyis myags pa gang dag rnam par dbyer yang mi mngon pa de dag dus su yang za bar byed/ dus ma yin par yang zla bar byed cing / de dag la bza' bar rnam par dbye ba yang mi mngon zhes smod par byed/ 'phyar ka gtong bar byed/ kha zer bar byed pa'i skabs </font><hr>Cha297b<br><font size=+1>


de| dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa pi linada'i bu'i lhan cig gnas pa dang / nye gnas dge slong rnams la smras pa/ dge slong dag /khyed sman gang dag de nas lag nyar blangs pa dang / de las byin len byas pa dang / zas kyi phye ma dang 'dres pa dang / phan tshun 'dres pa dang / rang gi rgyud kyis myags pa gang dag rnam par dbyer yang mi mngon pa de dag dus su yang za bar byed/ dus ma yin par yang za bar byed cing / de dag la bza' bar rnam par dbye bar yang mi mngon pa bden nam/ btsun pa/ mad do/ /sangs rgyas bcom ldan 'das kyis gso dka' ba dang / dgang dka' ba dang / 'dod pa che ba dang / chog mi shes pa rnam par smad par mdzad do/ /de nas bcom ldan 'das kyis gso sla ba dang / dgang sla ba dang / 'dod pa chung ba dang / chog shes pa dang / sbyangs pa'i yon tan rnams dang / mdzes pa dang / drod rig pa'i bsngags pa brjod nas dge slong rnams la bka' stsal pa/ dge slong dag/ de lta bas na/ phan yon bcu yang dag par gzigs pas/ 'dul ba la nyan thos rnams kyis bslab pa'i gzhi bca' bar bya ste zhes bya ba la sogs pa </font><hr>Cha298a<br><font size=+1>


@#/ /snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ bcom ldan 'das kyis dge slong na ba rnams la phan pa so sor bsten par bya ba'i sman gang dag bka' stsal pa 'di lta ste/ zhun mar dang / 'bru mar dang / sbrang rtsi dang / bu ram gyi lbu ba de dag las/ dge slong na bas 'dod na/ rang gis zhag bdun par byin gyis brlabs te/ gsog 'jog gi yongs su longs spyod pas yongs su longs spyad par bya'o/ /de las 'das par yongs su longs spyod par byed na/ spang ba'i ltung byed do/ /bcom ldan 'das kyis zhes bya ba ni/ de bzhin gshegs pa dgra bcom pa yang dag par rdzogs pa'i sangs rgyas kyis so/ /dge slong zhes bya ba ni/ chos 'di pas so/ /na ba rnams la zhes bya ba ni/ nad pa rnams la'o/ /phan pa zhes bya ba ni/ rjes su mthun pa'o/ /so sor bsten par bya ba'i zhes bya ba ni/ rung ba'i'o/ /sman gang dag bka' stsal pa zhes bya ba ni/ rab tu bstan pa'o/ /'di lta ste/ zhun mar zhes bya ba ni/ bzhus pa'o// 'bru mar zhes bya ba ni/ 'bru mar nyid do/ /sbrang rtsi zhes bya ba ni/ sbrang bu'i sbrang rtsi'o/ /bu ram gyi lbu ba zhes bya ba ni/ bu ram mo/ /dge slong zhes bya ba ni/ dge slong gang yin pa de'o/ /na bas zhes bya ba ni/ nad pas so/ /'dod na zhes bya ba ni/ gal te don du gnyer na'o/ /rang gis zhes bya ba ni/ bdag nyid kyis so/ /zhag bdun par byin gyis brlabs te zhes bya ba ni/ nyin mtshan bdun par </font><hr>Cha298b<br><font size=+1>


ro| |gsog 'jog gi yongs su longs spyod pas yongs su longs spyod par bya'o/ /zhes bya ba ni/ rang gis blangs te bza' bar bya'o/ /de las 'das par yongs su longs spyod par byed na zhes bya ba ni/ zhag bdun las 'das par ro/ /spang ba'i ltung byed do/ /zhes bya ba ni/ dngos po de spangs nas ltung byed kyi ltung ba bshags par bya ba ste/ des na/ spang ba'i ltung byed do/ /zhes gsungs so/ /de la ltung bar ji ltar 'gyur zhe na/ dge slong gis tshes la na ba'i sman zhig rnyed na/ dge slong des sman de nyi ma bdun po de nyid kyi nang du yongs su longs spyad par bya ba'am/ gtang bar bya ba'am/ gzhan la sbyin par bya'o/ / yongs su longs spyod par mi byed dam/ gtong bar mi byed dam/ gzhan la sbyin par mi byed na/ nyi ma brgyad pa'i skya rengs shar na/ spang ba'i ltung byed du 'gyur ro/ /tshes la ma rnyed kyang tshes gnyis sam/ gsum mam/ tshes bdun tshun chad kyis na ba'i sman zhig rnyed na/ dge slong des sman de nyi ma bdun po de nyid kyi nang du yongs su longs spyad par bya ba'am/ gtang bar bya ba'am/ gzhan la sbyin par bya'o| |yongs su longs spyod par mi byed dam/ gtong bar mi byed dam/ gzhan la sbyin par mi byed na/ nyi ma brgyad pa'i skya rengs shar na/ spang ba'i ltung byed du 'gyur ro/ /dge slong gis tshes la na ba'i sman zhig rnyed cing / des tshes gnyis la yang sman gzhan zhig rnyed na/ dge slong des nyi ma bdun po de nyid kyi nang du sman snga ma shos yongs su longs spyad par bya zhing / phyi ma shos gtang bar bya ba'am/ gzhan la </font><hr>Cha299a<br><font size=+1>


@#/ /sbyin par bya'o/ /yang na/ phyi ma shos yongs su longs spyad par bya zhing / snga ma shos gtang bar bya ba'am/ gzhan la sbyin par bya'o/ /yongs su longs spyod par mi byed dam/ gtong bar mi byed dam/ gzhan la sbyin par mi byed na/ nyi ma brgyad pa'i skya rengs shar na/ spang ba'i ltung byed du 'gyur ro/ /tshes gcig dang / gnyis la ji lta ba de bzhin du des tshes drug gi bar la na ba'i sman zhig rnyed cing / des tshes bdun gyi bar la yang gzhan zhig rnyed na/ dge slong des nyi ma bdun po de nyid kyi nang du snga ma shos yongs su longs spyad par bya zhing / phyi ma shos gtang bar bya ba'am/ gzhan la sbyin par bya'o/ /yang na/ phyi ma shos yongs su longs spyad par bya zhing / snga ma shos gtong bar bya ba'am/ gzhan la sbyin par bya'o/ /yongs su longs spyod par mi byed dam| gtong bar mi byed dam/ gzhan la sbyin par mi byed na/ nyi ma brgyad pa'i skya rengs shar na/ spang ba'i ltung byed du 'gyur ro/ /dge slong gis tshes la na ba'i sman gnyis shig rnyed na/ dge slong des sman de gnyis nyi ma bdun po de nyid kyi nang du yongs su longs spyad par bya ba'am/ gtang bar bya ba'am/ gzhan la sbyin par bya ba'o/ /yongs su longs spyod par mi byed dam/ gtong bar mi byed dam/ gzhan la sbyin par mi byed na/ nyi ma brgyad pa'i skya rengs shar na/ spang ba'i ltung byed du 'gyur ro/ /ches lam rnyed kyang tshes gnyis sam/ tshes gsum mam/ tshes bdun tshun chad </font><hr>Cha299b<br><font size=+1>


kyis na ba'i sman gnyis shig rnyed na/ dge slong des sman de gnyis nyi ma bdun po de nyid kyi nang du yongs su longs spyad par bya ba'am/ gtang bar bya ba'am/ gzhan la sbyin par bya'o/ /yongs su longs spyod par mi byed dam/ gtong bar mi byed dam/ gzhan la sbyin par mi byed na/ nyi ma brgyad pa'i skya rengs shar na/ spang ba'i ltung byed du 'gyur ro/ /dge slong gis tshes lan pa'i sman gnyis shig rnyed cing / des tshes gnyis la yang gzhan gnyis shig rnyed na/ dge slong des nyi ma bdun po de nyid kyi nang du sman snga ma gnyis yongs su longs spyad par bya zhing / phyi ma gnyis gtang bar bya ba'am/ gzhan la sbyin par bya'o/ / yang na/ phyi ma gnyis yongs su longs spyad par bya zhing / snga ma gnyis gtong bar bya ba'am/ gzhan la sbyin par bya'o/ /yongs su longs spyod par mi byed dam/ gtong bar mi byed dam/ gzhan la sbyin par mi byed na/ nyi ma brgyad pa'i skya rengs shar na/ spang ba'i ltung byed du 'gyur ro/ /tshes gcig dang / tshes gnyis la ji lta ba de bzhin du des tshes drug gi bar lan pa'i sman gnyis shig rnyed cing / des tshes bdun gyi bar la yang gzhan gnyis shig rnyed na/ dge slong des nyi ma bdun po de nyid kyi nang du snga ma gnyis yongs su longs spyad par bya zhing / phyi ma gnyis gtang bar bya ba'am/ gzhan la sbyin par bya'o/ / yang na/ phyi ma gnyis yongs su longs spyad par bya zhing / snga ma gnyis gtang bar bya ba'am/ gzhan la sbyin par bya'o/ /yongs su longs spyod par mi byed dam/ gtong bar mi byed dam/ gzhan la sbyin </font><hr>Cha300a<br><font size=+1>


@#/ /par mi byed na/ nyi ma brgyad pa'i skya rengs shar na/ spang ba'i ltung byed du 'gyur ro/ /dge slong gis tshes la na ba'i sman rab tu mang po dag cig rnyed na/ dge slong des sman de dag nyi ma bdun po de nyid kyi nang du yongs su longs spyod par bya ba'am/ gtang bar bya ba'am/ gzhan la sbyin par bya'o/ /yongs su longs spyod par mi byed dam/ gtong bar mi byed dam/ gzhan la sbyin par mi byed na/ nyi ma brgyad pa'i skya rengs shar na/ spang pa'i ltung byed du 'gyur ro/ /tshes la ma rnyed kyang tshes gnyis sam/ tshes gsum mam/ tshes bdun tshun chad kyis na ba'i sman rab tu mang po dag cig rnyed na dge slong des sman de dag nyi ma bdun po de nyid kyi nang du yongs su longs spyad par bya ba'am/ gtang bar bya ba'am/ gzhan la sbyin par bya ba'o/ /yongs su longs spyod par mi byed dam/ gtong bar mi byed dam/ gzhan la sbyin par mi byed na/ nyi ma brgyad pa'i skya rengs shar na/ spang ba'i ltung byed du 'gyur ro/ /dge slong gis tshes lan pa'i sman rab tu mang po dag cig rnyed cing / des tshes gnyis la yang gzhan rab tu mang po dag cig rnyed na/ dge slong des nyi ma bdun po de nyid kyi nang du sman snga ma dag yongs su longs spyad par bya zhing / phyi ma dag gtang bar bya ba'am/ gzhan la sbyin par bya'o/ /yang na/ phyi ma dag yongs su longs spyad par bya zhing / snga ma dag gtang bar bya ba'am/ gzhan la sbyin par bya'o/ /yongs su longs spyod par mi byed dam/ gtong bar mi </font><hr>Cha300b<br><font size=+1>


byed dam/ gzhan la sbyin par mi byed na/ nyi ma brgyad pa'i skya rengs shar na/ spang ba'i ltung byed du 'gyur ro/ /tshes gcig dang tshes gnyis la ji lta ba de bzhin du des tshes drug gi bar na ba'i sman rab tu mang po dag cig rnyed cing / des tshes bdun gyi bar la yang gzhan rab tu mang po dag rnyed na/ dge slong de nyi ma bdun po de nyid kyi nang du snga ma dag yongs su longs spyad par bya zhing / phyi ma dag gtang bar bya ba'am/ gzhan la sbyin par bya'o/ /yang na/ phyi ma dag yongs su longs spyad par bya zhing / snga ma dag gtang bar bya ba'am gzhan la sbyin par bya'o/ /yongs su longs spyod par mi byed dam/ gtong bar mi byed dam/ gzhan la sbyin par mi byed na/ nyi ma brgyad pa'i skya rengs shar na/ spang ba'i ltung byed du 'gyur ro/ /de la sman gang dag de nas lag nyar blangs pa dang / de las byin len byas pa dang / zas kyi phye ma dang 'dres pa dang / phan tshun 'dres pa dang / rang rgyud kyis myags pa gang dag rnam par dbyer yang mi mngon pa de dag ni/ kun dga' ra ba pa'am/ dge tshul dag la spang bar bya'o/ /de la sman gang dag de nas lag nyar ma blangs pa dang / de las byin len ma byas pa dang / zas kyi phye ma dang 'dres pa dang / phan tshun ma 'dres pa dang / rang gi rgyud kyi sa ma myags pa gang dag rnam par dbyer yang mngon pa de dag ni/ dge slong gis rang gi rgyud kyis zhag bdun par byin gyis brlabs te gsog 'jog gi yongs su longs spyod pas yongs su longs spyad par </font><hr>Cha301a<br><font size=+1>


@#/ /bya'o| |'di ltar byin gyis brlab par bya ste/ lag pa bsnyal nas sman byin len byas te tshangs pa mtshungs par spyod pa'i mdun du 'dug nas 'di skad ces brjod par bya'o/ / tshe dang ldan pa dgongs su gsol/ bdag dge slong ming 'di zhes bgyi bas sman rung ba 'di/ bdag nyid dang tshangs pa tshungs par spyod pa rnams kyis bgyi ba'i slad du zhag bdun par byin gyis brlab bo| |de bzhin lan gnyis lan gsum du bzlas par bya'o/ /ji tsam yongs su longs spyad pa yang tshangs pa tshungs par spyod pa la brjod par bya ste/ deng du bdag gis nyi ma gcig yongs su longs spyad lags te/ lhag ma rnams kyang yongs su longs spyad par bgyi'o/ /zhes de bzhin du nyi ma bdun gyi bar du brjod par bya'o/ /gal te lhag ma yod na/ de kun dga' ra ba ba'am/ dge tshul rnams la spang bar bya'o/ /dge slong gi na ba'i sman spang bar gyur na/ de ma spangs shing bral bar ma byas la/ ltung ba ma bshags par gzhan zhig rnyed na/ de yang snga ma'i rgyud kyis spang bar 'gyur ro/ /dge slong gi na ba'i sman spang bar gyur na/ de spangs shing bral bar ma byas la/ ltung ba ma bshags par gzhan zhig rnyed na/ de yang snga ma'i rgyud kyis spang bar 'gyur ro/ /dge slong gi na ba'i sman spang bar gyur na/ de spangs shing bral bar byas la ltung ba ma bshags par gzhan zhig rnyed na/ de yang snga ma'i rgyud kyis spang bar 'gyur ro/ /dge slong gi na ba'i sman spang bar gyur na/ de spangs shing </font><hr>Cha301b<br><font size=+1>


bral bar byas la/ ltung ba bshags nas gzhan zhig rnyed na/ de la ltung ba med do/ /de bzhin du dge slong gis ji tsam du na ba'i sman spang ba des ma spangs shing so sor ma spangs la/ ma bshags shing so sor ma bshags par lhung bzed dam/ chos gos sam/ dra ba'am phor bu'am/ ska rags sam/ dge sbyong gi 'tsho ba'i yo byad gang yang rung ba'i bar dag nye bar 'jog par byed na/ de yang snga ma'i rgyud kyis spang bar 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /sogs 'jog gi spang ba ste/ sum cu pa rdzogs so// //spang ba'i ltung byed rnams rdzogs so// //spyi sdom la/ shes bzhin dang ni sa bon dang / /ma bskos pa dang yang yang dang / /chu dang khyim dang bsam bzhin dang / /mgron mang rkun ma mchod ston no/ /sdom la/ rdzun skyon dge slong phra ma dang / /skyo ngogs byed dang ston pa dang / /'don dang gnas ngan len dang chos/ /bshes ngor byed dang khyad du gsod/ /sangs rgyas bcom ldan 'das rgyal po'i khab na 'od ma'i tshal ka land ka'i gnas na bzhugs so/ /de'i tshe na tshe dang ldan pa sgra gcan zin rgyal po'i khab na chu dron gyi kun dga' ra ba na 'dug ste/ bram ze dang khyim bdag dad pa can dag tshe dang ldan pa sgra gcan zin ga la ba der dong ste phyin nas tshe dang ldan pa sgra gcan zin la btsun pa sgra gcan zin/ bcom ldan 'das ga la bzhugs zhes 'dri ba na/ gal te bcom ldan 'das 'od ma'i tshal na bzhugs na ni/ de na re/ bya rgod </font><hr>Cha302a<br><font size=+1>


@#/ /phung po la bzhugs so/ /zhes zer/ gal te bcom ldan 'das bya rgod phung po la bzhugs na ni/ de na re/ 'od ma'i tshal na bzhugs so/ /zhes zer/ gal te bcom ldan 'das pi pa la'i phug na bzhugs na ni/ de na re/ sde can ma'i phug na bzhugs so/ /zhes zer/ gal te bcom ldan 'das sde can ma'i phug na bzhugs na ni/ pi pa la'i phug na bzhugs so/ / zer nas/ de dag gis bcom ldan 'das btsal na ma rnyed nas/ de dag lus ngal ba dang / lus dub pa dang / lus rgud pas tshe dang ldan pa sgra gcan zin ga la ba der dong ba dang / tshe dang ldan pa sgra gcan zin gyis de dag la dris pa/ shes ldan dag/ bcom ldan 'das mthong ngam/ btsun pa/ sgra gcan zin/ ma mthong ngo / /de dgod pa dang de dag gis smras pa/ btsun pa sgra gcan zin/ bsam bzhin du bdag cag la mtho 'tsham par mi mdzad dam/ de yin no/ /de dag smod par byed/ 'phyar kha gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das snga dro sham thabs gsol/ lhung bzed dang chos gos bsnams te rgyal po'i khab tu bsod snyoms la gshegs nas/ rgyal po'i khab tu bsod snyoms rgyus te zas kyi bya ba mdzad nas/ phyi ma'i zas kyi bsod snyoms las slar log pas/ chu dron gyi kun dga' ra bar tshe dang ldan pa sgra gcan zin gyi gtsug lag khang ga la ba der gshegs </font><hr>Cha302b<br><font size=+1>


so| |tshe dang ldan pa sgra gcan zin gyi thag ring po kho na nas bcom ldan 'das mthong ngo / /mthong nas kyang bcom ldan 'das kyi slad du gdan shom par byed/ zhabs bsil ba'i chab dang / zhabs rten mtha' gcig tu 'jog par byed cing / bsus nas chos gos len par byed cing 'di skad ces/ bcom ldan 'das gshegs su gsol/ bcom ldan 'das byon pa legs so/ /bcom ldan 'das gdan bshams pa nyid la bzhugs su gsol zhes kyang smras so/ /bcom ldan 'das gdan bshams pa nyid la bzhugs nas de nas bcom ldan 'das kyis nyid kyi zhabs gnyis bsil nas chu snod du chu'i lhag ma nyung zhig bzhag nas tshe dang ldan pa sgra gcan zin la bka' stsal pa/ sgra gcan zin/ ngas chu'i snod du chu'i lhag ma nyung zhig bzhag pa khyod kyis mthong ngam/ btsun pa/ mthong ngo / /sgra gcan zin/ de bzhin dung ni/ mi gti mug can gang la la shes bzhin du rdzun smra zhing ngo tsha med pa/ 'dzem pa med pa/ 'gyod pa med pa de'i dge sbyong gi tshul nyung bar smra'o/ /de nas bcom ldan 'das kyis chu'i lhag ma nyung ngu des la pho nas tshe dang ldan pa sgra gcan zin la bka' stsal pa/ sgra gcan zin/ ngas chu'i lhag ma nyung du ma sa la pho ba khyod kyis mthong ngam/ btsun pa/ mthong ngo / /sgra gcan zin/ de bzhin du nga ni/ mi gti mug can gang la la shes bzhin du rdzun smra zhing ngo tsha med pa/ 'dzem pa med pa/ 'gyod pa med pa de'i dge sbyong gi tshul bo bar smra'o/ /de nas bcom ldan 'das kyis chu snod de sa la bzur nas tshe dang ldan pa sgra gcan </font><hr>Cha303a<br><font size=+1>


@#/ /zin la bka' stsal pa/ sgra gcan zin/ ngas chu snod sa la bzur ba khyod kyis mthong ngam/ btsun pa mthong ngo / /sgra gcan zin/ de bzhin du nga ni/ mi gti mug can gang la la shes bzhin du rdzun smra zhing ngo tsha med pa/ 'dzem pa med pa/ 'gyod pa med pa de'i dge sbyong gi tshul bzur bar smra'o/ /de nas bcom ldan 'das kyis chu snod de sa la khas phub nas tshe dang ldan pa sgra gcan zin la bka' stsal pa/ sgra gcan zin/ nga'i chu'i snod sa la khas phub pa khyod kyis mthong ngam/ btsun pa/ mthong ngo / /sgra gcan zin/ de bzhin du nga ni/ mi gti mug can gang la la shes bzhin du rdzun smra zhing ngo tsha med pa/ 'dzem pa med pa/ 'gyod pa med pa de'i dge sbyong gi tshul khas phub bar smra'o/ /sgra gcan zin/ 'di lta ste/ dper na/ rgyal po'i glang po che dregs pa/ ma tang gnas byung ba/ gzhon pa/ lo drug cu lon pa/ mche ba shing rta'i mda' tsam dang ldan pa/ brang dkyil che ba/ g.yul ngor spyad pa/ g.yul gyi nang du son ba/ lag pa gnyis dang / rkang pa gnyis dang / brla gnyis dang / rked pa dang / mjug ma dang / glo gnyis dang / rgyab dang / za 'gram gnyis dang / mgrin pa dang / rna ba gnyis dang / mche ba gnyis kyis las byed cing snas las mi byed pa/ pha rol gyi dpung dang / pha rol gyi dmag tshogs 'joms par byed na/ de na rgyal po'i glang po che la zhon pa 'di snyam du/ 'di ltar rgyal po'i glang po che dregs pa/ ma tang gnas byung ba/ gzhon pa/ lo drug cu lon pa/ </font><hr>Cha303b<br><font size=+1>


mche ba shing rta'i mda' tsam dang ldan pa/ brang dkyil che ba/ g.yul ngor spyad pa/ g.yul gyi nang du son pa/ lag pa gnyis dang / rkang pa gnyis dang / brla gnyis dang / rked pa dang / mjug ma dang / glo gnyis dang / rgyab dang / za 'gram gnyis dang / mgrin pa dang / rna ba gnyis dang / mche ba gnyis kyis las byed cing snas las mi byed pa/ pha rol gyi dpung dang / pha rol gyi dmag tshogs 'joms par byed pa'i rgyal po'i glang po che ni/ sna srung bar byed pas/ rgyal po'i glang po ches srog yongs su mi gtang ngo / /snyam du sems so/ /sgra gcan zin/ gang gi phyir rgyal po'i glang po che dregs pa/ ma tang ga nas byung ba/ gzhon pa/ lo drug cu lon pa/ mche ba shing rta'i mda' tsam dang ldan pa/ brang dkyil che ba/ g.yul ngor spyad pa/ g.yul gyi nang du son pa/ lag pa gnyis dang / rkang pa gnyis dang / brla gnyis dang / rked pa dang / mjug ma dang / glo gnyis dang / rgyab dang / za 'gram gnyis dang / mgrin pa dang / rna ba gnyis dang / mche ba gnyis dang / snas kyang las byed pa pha rol gyi dpung dang / pha rol gyi dmag 'joms par byed pa na/ de na rgyal po glang po che la zhon pa 'di snyam du/ 'di ltar rgyal po'i glang po che dregs pa/ ma gtang ga nas byung ba/ gzhon pa/ lo drug cu lon pa/ mche ba shing rta'i mda' tsam dang ldan pa/ brang dkyil che ba/ g.yul ngor spyad pa/ g.yul gyi nang du son pa/ lag pa gnyis dang / rkang pa gnyis dang / brla gnyis dang / rked pa dang / mjug ma dang / glo gnyis dang / rgyab dang / za 'gram gnyis dang / </font><hr>Cha304a<br><font size=+1>


@#/ /mgrin pa dang / rna ba gnyis dang / mche ba gnyis dang / snas kyang las byed pa/ pha rol gyi dpung dang / pha rol gyi dmag 'joms par byed pa'i rgyal po'i glang po che ni/ sna srung bar mi byed pas rgyal po'i glang po ches srog yongs su gtang ngo / /snyam du sems te/ sgra gcan zin/ nga ni/ de'i tshe na rgyal po'i glang po che des las mi bya ba ci yang med par smra'o/ /sgra gcan zin/ de bzhin du gang la las shes bzhin du rdzun smra zhing ngo tsha med pa/ 'dzem pa med pa/ 'gyod pa med par gyur na/ nga ni/ mi gti mug can des/ sdig pa'i las mi bya ba cung zad kyang med par smra'o/ /de nas bcom ldan 'das kyis de'i tshe tshigs su bcad pa gnyis bka' stsal pa/ lus can brdzun du smra ba yi/ chos gcig las ni 'das gyur cing / /'jig rten pha rol bral ba yis/ /'di la sdig pa mi bya med/ /lcags gong me lce 'dra ba dag /zos par gyur pa mchog yin gyi/ /tshul 'chal yang dag mi sdom pas/ /yul 'khor bsod snyoms za ba min/ /sgra gcan zin ji snyam du sems/ mi rnams kyi me long ci'i phyir 'chang / btsun pa/ 'di ltar/ rang gi bzhin gyi gzugs so sor brtag pa'i slad du'o/ /sgra gcan zin/ de bzhin du khyod kyis kyang lus kyi las bya bar bsam pa gang yin pa'i lus kyi las de la/ ci/ bdag gi lus kyi las bya bar bsam pa'i lus kyi las gang yin pa de/ bdag dang gzhan la gnod par 'gyur ba/ mi dge ba sdug bsngal 'byung ba/ rnam </font><hr>Cha304b<br><font size=+1>


par smin pa sdug bsngal ba yin nam/ 'on te lus kyi las de/ bdag dang gzhan la phan par 'gyur ba/ dge ba/ bde ba 'byung ba/ rnam par smin pa bde ba yin zhes yang dang yang du so sor brtag par bya'o| |sgra gcan zin/ khyod de ltar so sor rtog pa na/ gal te bdag gis lus kyi las bya bar bsam pa gang yin pa'i lus kyi las de/ bdag dang gzhan la gnod par 'gyur ba/ mi dge ba/ sdug bsngal 'byung ba/ rnam par smin pa sdug bsngal ba yin par shes na/ sgra gcan zin/ khyod kyis lus kyi las de gtang bar bya'o/ /sgra gcan zin/ khyod de ltar so sor rtog pa na/ gal te bdag gi lus kyi las bya bar bsam pa gang yin pa'i lus kyi las de/ bdag dang gzhan la phan par 'gyur ba/ dge ba/ bde ba 'byung ba/ rnam par smin pa bde ba yin par shes na/ sgra gcan zin/ khyod kyis lus kyi las de rjes su bsgrub par bya'o/ /sgra gcan zin/ khyod kyis lus kyi las byed pa gang yin pa'i lus kyi las de la/ ci/ bdag gis lus kyi las byed pa'i lus kyi las gang yin pa de| bdag dang gzhan la gnod par 'gyur ba/ mi dge ba/ sdug bsngal 'byung ba/ rnam par smin pa sdug bsngal ba yin nam/ 'on te lus kyi las de/ bdag dang gzhan la phan par 'gyur ba/ dge ba/ bde ba 'byung ba/ rnam par smin pa bde ba yin zhes yang dang yang du so sor brtag par bya'o/ /sgra gcan zin/ khyod de ltar so sor rtog pa na/ gal te bdag gis lus kyi las byed pa gang yin </font><hr>Cha305a<br><font size=+1>


@#/ /pa'i lus kyi las de/ bdag dang gzhan la gnod par 'gyur ba/ mi dge ba/ sdug bsngal 'byung ba/ rnam par smin pa sdug bsngal ba yin par shes na/ sgra gcan zin/ khyod kyi lus kyi las de gtang bar bya'o/ /sgra gcan zin/ khyod de ltar so sor rtog pa na/ gal te bdag gis lus kyi las byed pa gang yin pa'i lus kyi las de/ bdag dang gzhan la phan par 'gyur ba| dge ba/ bde ba 'byung ba/ rnam par smin pa bde ba yin par shes na/ sgra gcan zin/ khyod kyis lus kyi las de rjes su bsgrub par bya'o/ /sgra gcan zin/ khyod kyis lus kyi las byas pa gang yin pa'i lus kyi las de la/ ci/ bdag gis lus kyi las byas pa/ 'das pa/ zad pa/ 'gag pa/ bral ba/ rnam par gyur pa gang yin pa de/ bdag dang gzhan la gnod par 'gyur ba/ mi dge ba/ sdug bsngal 'byung ba/ rnam par smin pa sdug bsngal ba yin nam/ 'on te lus kyi las de/ bdag dang gzhan la phan par 'gyur ba/ dge ba/ bde ba 'byung ba/ rnam par smin pa bde ba yin zhes yang dang yang du so sor brtag par bya'o/ /sgra gcan zin/ khyod de ltar so sor rtog pa na/ gal te bdag gi lus kyi las byas pa 'das pa/ zad pa/ 'gag pa/ bral ba/ rnam par gyur pa gang yin pa'i lus kyi las de/ bdag dang gzhan la gnod par 'gyur ba/ mi dge ba/ sdug bsngal 'byung ba/ rnam par smin pa sdug bsngal ba yin par shes na/ sgra gcan </font><hr>Cha305b<br><font size=+1>


zin/ khyod kyis lus kyi las de ston pa dang / tshangs pa mtshungs par spyod pa mkhas pa rnams kyi mdun du so sor bshags par bya zhing / phyin chad kyang bsdam pa bsgrub par bya'o/ /sgra gcan zin/ khyad de ltar so sor rtog pa na/ gal te bdag gis lus kyi las byas pa/ 'das pa/ zad pa/ 'gag pa/ bral ba/ rnam par gyur pa gang yin pa'i lus kyi las de/ bdag dang gzhan la phan par 'gyur ba/ dge ba/ bde ba/ 'byung ba/ rnam par smin pa bde ba yin par shes na/ sgra gcan zin/ khyod kyis dga' ba dang / mchog tu dga' ba de nyid kyis nyin mtshan du rjes su bslab cing dran pa dang / shes bzhin gyis mang du gnas par bya'o/ /sgra gcan zin/ khyod kyis ngag gi las bya bar bsam pa gang yin pa'i ngag gi las de la/ ci bdag gi ngag gi las bya bar bsam pa'i ngag gi las gang yin pa de/ bdag dang gzhan la gnod par 'gyur ba/ mi dge ba/ sdug bsngal 'byung ba/ rnam par smin pa sdug bsngal ba yin nam/ 'on te ngag gi las de/ bdag dang gzhan la phan par 'gyur ba/ dge ba/ bde ba 'byung ba/ rnam par smin pa bde ba yin zhes yang dang yang du so sor brtag par bya'o/ /sgra gcan zin/ khyod de ltar so sor rtog pa na/ gal te bdag gis ngag gi las bya bar bsam pa gang yin pa'i ngag gi las de/ bdag dang gzhan la gnod par 'gyur ba/ mi dge ba/ sdug bsngal 'byung ba/ rnam par smin pa sdug bsngal ba yin par shes na/ sgra gcan zin/ khyod </font><hr>Cha306a<br><font size=+1>


@#/ /kyis ngag gi las de gtang bar bya'o/ /sgra gcan zin/ khyod de ltar so sor rtog pa na/ gal te bdag gis ngag gi las bya bar bsam pa gang yin pa'i ngag gi las de/ bdag dang gzhan la phan par 'gyur ba/ dge ba/ bde ba 'gyur ba/ rnam par smin pa bde ba yin par shes na/ sgra gcan zin/ khyod kyis ngag gi las de rjes su bsgrub par bya'o/ /sgra gcan zin/ khyod kyis ngag gi las byed pa gang yin pa'i ngag gi las de la/ ci/ bdag gis ngag gi las byed pa'i ngag gi las gang yin pa de/ bdag dang gzhan la gnod par 'gyur ba/ mi dge ba/ sdug bsngal 'byung ba/ rnam par smin pa sdug bsngal ba yin nam/ 'on te ngag gi las de/ bdag dang gzhan la phan par 'gyur ba/ dge ba/ bde ba 'byung ba/ rnam par smin pa bde ba yin zhes yang dang yang du so sor brtag par bya'o/ /sgra gcan zin/ khyod de ltar so sor rtog pa na/ gal te bdag gis ngag gi las byed pa gang yin pa'i ngag gi las de/ bdag dang gzhan la gnod par 'gyur ba/ mi dge ba/ sdug bsngal ba 'byung ba/ rnam par smin pa sdug bsngal ba yin par shes na/ sgra gcan zin/ khyod kyis ngag gi las de gtang bar bya'o/ /sgra gcan zin/ khyod de ltar so sor rtog pa na/ gal te bdag gis ngag gi las byas pa gang yin pa'i ngag gi las de/ bdag dang / gzhan la phan par 'gyur ba/ dge ba/ bde ba 'byung ba/ rnam par smin pa bde ba yin </font><hr>Cha306b<br><font size=+1>


par shes na/ sgra gcan zin/ khyod kyis ngag gi las de rjes su bsgrub par bya'o/ /sgra gcan zin/ khyod kyis ngag gi las byas pa gang yin pa'i ngag gi las de la/ ci/ bdag gis ngag gi las byas pa| 'das pa/ zad pa/ 'gag pa/ bral ba/ rnam par gyur pa gang yin pa de/ bdag dang / gzhan la gnod par 'gyur ba/ mi dge ba/ sdug bsngal 'byung ba/ rnam par smin pa sdug bsngal ba yin nam/ 'on te ngag gi las de/ bdag dang / gzhan la phan par 'gyur ba/ dge ba/ bde ba 'byung ba/ rnam par smin pa bde ba yin zhes yang dang yang du so sor brtag par bya'o/ /sgra gcan zin| khyod de ltar so sor rtog pa na/ gal te bdag gis ngag gi las byas pa/ 'das pa/ zad pa/ 'gag pa/ bral ba/ rnam par gyur pa gang yin pa'i ngag gi las de/ bdag dang gzhan la gnod par 'gyur ba/ mi dge ba/ sdug bsngal 'byung ba/ rnam par smin pa/ sdug bsngal ba yin par shes na/ sgra gcan zin/ khyod kyis ngag gi las de ston pa dang / tshangs pa mtshungs par spyod pa mkhas pa rnams kyi mdun du so sor bshags par bya zhing / phyin chad kyang bsdam pa bsgrub par bya'o/ /sgra gcan zin/ khyod de ltar so sor rtog pa na/ gal te de bdag gis ngag gi las byas pa/ 'das pa/ zad pa/ 'gag pa dang / bral ba/ rnam par gyur pa gang yin pa'i ngag gi las de/ bdag dang gzhan la phan par 'gyur ba/ dge ba/ bde bar 'byung ba rnam par smin pa bde ba yin par shes na/ </font><hr>Cha307a<br><font size=+1>


@#/ /sgra gcan zin/ khyod kyis dga' ba dang / mchog tu dga' ba de nyid kyis nyin mtshan du rjes su bslab cing dran pa dang / shes bzhin gyis mang du gnas par bya'o/ /sgra gcan zin/ yid ni/ 'das pa'i 'du byed rnams la brten te skyes pas khyod kyis yid kyi las de la/ ci/ bdag gi yid 'das pa'i 'du byed rnams la brten te skyes pa gang yin pa'i yid kyi las de/ bdag dang gzhan la gnod par 'gyur ba/ mi dge ba/ sdug bsngal 'byung ba/ rnam par smin pa sdug bsngal ba yin nam/ 'on te yid kyi las de/ bdag dang / gzhan la phan par 'gyur ba/ dge ba/ bde ba 'byung ba/ rnam par smin pa bde ba yin zhes yang dang yang du so sor brtag par bya'o/ /sgra gcan zin/ khyod de ltar so sor rtog pa na/ gal te bdag gis yid 'das pa'i 'du byed rnams la brten te skyes pa gang yin pa'i yid kyi las de/ bdag dang / gzhan la gnod par 'gyur ba/ mi dge ba/ sdug bsngal 'byung ba/ rnam par smin pa sdug bsngal ba yin par shes na/ sgra gcan zin/ khyod kyis yid kyi las de gtang bar bya'o/ /sgra gcan zin/ khyod de ltar so sor rtog pa na/ gal te bdag gi yid 'das pa'i 'du byed rnams la brten te skyes pa gang yin pa'i yid kyi las de/ bdag dang / gzhan la phan par 'gyur ba/ dge ba/ bde ba 'byung ba/ rnam par smin pa bde ba yin par shes na/ sgra gcan zin/ khyod kyis yid kyi las de rjes su bsgrub par bya'o/ /sgra gcan zin/ </font><hr>Cha307b<br><font size=+1>


yid ni/ ma 'ongs pa'i 'du byed rnams la brten te skye bas/ khyod kyis yid kyi las de la/ ci/ bdag gi yid ma 'ongs pa'i 'du byed rnams la brten te skyes pa gang yin pa'i yid kyi las de/ bdag dang / gzhan la gnod par 'gyur ba/ mi dge ba/ sdug bsngal 'byung ba/ rnam par smin pa sdug bsngal ba yin nam/ 'on te yid kyi las de/ bdag dang / gzhan la phan par 'gyur ba/ dge ba/ bde ba 'byung ba/ rnam par smin pa bde ba yin zhes yang dang yang du so sor brtag par bya'o/ /sgra gcan zin/ khyod de ltar so sor rtog pa na/ gal te bdag gi yid ma 'ongs pa'i 'du byed rnams la brten te skyes pa gang yin pa'i yid kyi las de/ bdag dang / gzhan la gnod par 'gyur ba/ mi dge ba/ sdug bsngal 'byung ba/ rnam par smin pa sdug bsngal bar shes na/ sgra gcan zin/ khyod kyis yid kyi las de gtang bar bya'o/ /sgra gcan zin/ khyod de ltar so sor rtog pa na/ gal te bdag gi yid ma 'ongs pa'i 'du byed rnams la brten te skyes pa gang yin pa'i yid kyi las de/ bdag dang / gzhan la phan par 'gyur ba| dge ba/ bde ba 'byung ba/ rnam par smin pa ma yin par shes na/ sgra gcan zin/ khyod kyis yid kyi las de rjes su bsgrub par bya'o/ /sgra gcan zin/ yid ni/ da ltar byung ba'i 'du byed rnams la brten te skye bas/ khyod kyis yid kyi las de la/ ci/ bdag gi yid da ltar byung ba'i 'du byed rnams la brten te skyes pa gang yin pa'i yid kyi las de/ bdag dang / gzhan la gnod par 'gyur ba/ mi dge ba/ sdug </font><hr>Cha308a<br><font size=+1>


@#/ /bsngal 'byung ba/ rnam par smin pa sdug bsngal ba yin nam/ 'on te yid kyi las de/ bdag dang / gzhan la phan par 'gyur ba/ dge ba/ bde ba/ 'byung ba/ rnam par smin pa bde ba yin zhes yang dang yang du so sor brtag par bya'o/ /sgra gcan zin/ khyod de ltar so sor rtog pa na/ gal te bdag gi yid da ltar byung ba'i 'du byed rnams la brten te skyes pa gang yin pa'i yid kyi las de/ bdag dang gzhan la gnod par 'gyur ba/ mi dge ba/ sdug bsngal 'byung ba/ rnam par smin pa sdug bsngal par shes na/ sgra gcan zin/ khyod kyis yid kyi las de gtang bar bya'o/ /sgra gcan zin/ khyod de ltar so sor rtog pa na/ gal te bdag gi yid da ltar byung ba'i 'du byed rnams la brten te skyes pa gang yin pa'i yid kyi las de/ bdag dang / gzhan la phan par 'gyur ba/ dge ba/ bde ba 'byung ba/ rnam par smin pa bde ba yin par shes na/ sgra gcan zin/ khyod kyis yid kyi las de rjes su bsgrub par bya'o/ /sgra gcan zin/ dge sbyong ngam/ bram ze gang dag/ da ltar lus kyi las dang / ngag gi las dang / yid kyi las la so sor brtags shing / so sor brtags nas yongs su sbyangs shing / yongs su sbyangs te mang du gnas par byed pa de dag thams cad kyang lus kyi las dang / ngag gi las dang / yid kyi las la de ltar so sor brtags shing / so sor brtags nas yongs su sbyangs shing / yongs su sbyangs te mang du gnas par byed do/ /dge sbyong ngam/ </font><hr>Cha308b<br><font size=+1>


bram ze gang dag /'das pa'i dus na lus kyi las dang / ngag gi las dang / yid kyi las la so sor brtags shing / so sor brtags nas yongs su sbyangs shing / yongs su sbyangs te mang du gnas par gyur pa de dag thams cad kyis kyang lus kyi las dang / ngag gi las dang / yid kyi las la de ltar so sor brtags shing / so sor brtags nas yongs su sbyangs shing / yongs su sbyangs te mang du gnas par gyur to/ /dge sbyong dang / bram ze gang dag ma 'ongs pa'i dus na lus kyi las dang / ngag gi las dang / yid kyi las la so sor brtags shing / so sor brtags nas yongs su sbyangs shing / yongs su sbyangs te mang du gnas par 'gyur ba de dag thams cad kyang lus kyi las dang / ngag gi las dang / yid kyi las la de ltar so sor brtags shing / so sor brtags nas yongs su sbyangs shing / yongs su sbyangs te mang du gnas par 'gyur ro/ /sgra gcan zin/ de lta bas na/ 'di ltar/ lus kyi las dang / ngag gi las dang / yid kyi las de la so sor brtags shing / so sor brtags nas yongs su sbyangs shing / yongs su sbyangs te mang du gnas par bya'o/ /zhes bslab par bya ste/ sgra gcan zin/ khyod kyis de ltar bslab par bya'o/ /bcom ldan 'das kyis de skad ces bka' stsal te/ bde bar gshegs pas de skad ces gsungs nas/ ston pas gzhan yang 'di skad ces bka' stsal to/ /sangs rgyas bstan pa dran byed na/ /lus kyi las dang ngag las dang / /yid kyi las la mang du ni// </font><hr>Cha309a<br><font size=+1>


@#/ /so sor rtogs shig sgra gcan zin/ /'di ni dge sbyong las yin te/ /'di la slobs shig sgra gcan zin/ /'di la khyod ni slob byed na/ /dge bar 'gyur zhing sdig med yin/ /de nas bcom ldan 'das kyis tshe dang ldan pa sgra gcan zin la chos dang ldan pa'i gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par rab tu dga' bar mdzad nas gdan las bzhengs te gshegs so/ /'di ni/ re zhig byung ba yin te/ sangs rgyas bcom ldan 'das re zhig 'dul ba la nyan thos rnams kyi bslab pa'i gzhi bca' bar ni/ mi mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na mnyan yod na shAkya'i bu dge slong lag brgyud ces bya ba zhig 'dug pa de/ shin tu smra ba dang / gzhan gyi smra ba'i rjes su brtson par gnas so/ /de nas shed bu gsang tshig 'dod pa gsang tshig tshol ba zhig yul dbus nas lho lam du song ngo / /de na bram ze rig byed dang / rig byed kyi yan lag gi pha rol tu son pa yul tha dad pa na gnas pa'i bram ze rnams kyi ston par gyur pa zhig 'dug nas/ shed bu de bram ze de'i drung du song ste phyin nas zhi ba dang / spyod lam zhi bas phyag 'tshal te mtha' gcig tu 'dug go/ de nas bram ze des/ shed bu de la 'ongs pa legs so/ /zhes bya ba'i tshig gi kun tu spyod pas smras pa/ kye shed bu/ khyod ga las 'ongs/ ci zhig 'dod/ </font><hr>Cha309b<br><font size=+1>


shed bus smras pa/ bdag yul dbus nas mchis te/ mkhan po'i zhabs la srid zhu bgyid par 'tshal lo/ /ci zhig gi phyir/ rig byed bklag pa'i slad du'o/ /shed bu/ legs kyi/ de bzhin gyis shig/ de ni| bram ze bya ba yin no/ /shed bu des/ bram ze de'i drung du rig byed bklag par bya bar brtsams so/ /shed bu rnams kyi kun tu spyod pa ni/ 'di yin te/ gang gi tshe mi klog par gyur pa de'i tshe na/ lan 'ga' ni/ chu ngogs su nye reg byed du 'dong ngo / /lan 'ga' ni/ grong khyer lta bar 'dong ngo / /lan 'ga' ni/ yam sreg shing 'thur 'dong ngo / /ji tsam dus gzhan zhig na/ de dag mi klog par gyur nas/ de'i tshe de dag yam sreg shing 'thur dong ba dang / de dag la lam gyi bar du bar skabs kyi gtam brjod pa 'di lta bu 'di byung ste/ kye kud sa'i rigs dag/ bad sa'i rigs dag/ shan+di la'i rigs dag/ b+ha ra d+h+wa dza'i rigs dang / lnga pa'i rigs dag/ nye lnga'i rigs dag /je khyed cag las/ gang ni/ yul gnas 'ongs pa dri bar bya'o/ /de nas shed bu zhig gis smras pa/ kho bo ni/ yul shar nas so/ /gzhan dag gis smras pa/ kho bo ni/ lho lam nas so/ /yang gzhan gyis smras pa/ kho bo ni/ nub kyi nas so/ /yang gzhan dag gis smras pa/ kho bo ni/ byang lam nas so/ /shed bu des smras pa/ kho bo ni/ yul dbus nas so| |de dag gis smras pa/ shes ldan dag/ bdag cag gis yul thams cad mthong zhing thos nas/ yul dbus ni/ ma mthong ma thos so/ /shar na blo can gnas pa ste/ /lho lam na ni yon byed 'dug /nub </font><hr>Cha310a<br><font size=+1>


@#/ /kyi yul na phra ma can/ /byang lam na ni tshig rtsub bo/ /zhes tshigs su bcad pa yang smras so/ /de nas dris pa/ shed bu/ yul dbus ci 'dra/ shes ldan dag/ yul dbus ni/ yul rnams kyi mchog yin te/ sA lu dang / bu ram shing gi phreng ba dang / ba lang dang ma he phun sum tshogs pa/ slong mo pa brgyas khyab pa/ dbus pa'i skye bos gang la mtha' 'khob pa'i skye bos spangs pa| skye bo mkhas pas bsten pa/ de na chu klung gang+gA kha rje dang / bsod nams dang / bkra shis dang / gtsang ba dang / gtsang ba nyid kyi gnas su grags pa/ 'gram gnyis nas rlan 'phyo ba/ drang srong rnams kyi bsti gnas zhes bya ba chu mgur bco brgyad 'bab pa yod de/ der drang srong rnams kyis dka' thub spyad na/ rang gi lus nyid kyis mtho ris su 'dong pa yin no/ /kye shed bu/ de ni/ 'jal gyi gzhan 'di 'dri'o/ /yul dbus na mkhas par bgrang ba dag yod dam/ shes ldan dag/ kho bos dang po nyid nas/ shes ldan dag/ yul dbus ni/ dbus pa'i skye bos gang ba/ mtha' 'khob pa'i skye bos spangs pa/ skye bo mkhas pas bsten pa'o/ /zhes ma smras sam/ shed bu/ khyod kyis de skad smras so/ /shed bu yul dbus na/ 'di lta ste/ dper na/ bdag cag gi mkhan po dang 'dra ba/ smra ba'i khyu mchog de lta bu dag yod dam/ shes ldan dag/ yul dbus na bdag cag gi mkhan pos gang dag gi gdong du lta bar yang mi nus pa/ snyan par smra ba/ smra ba'i khyu mchog de lta bu dag yod do/ /shed bu des </font><hr>Cha310b<br><font size=+1>


de dag la de lta de ltar yul dbus kyi bsngags pa brjod pa dang / 'di ltar/ de dag thams cad dbus su 'dong 'dod par gyur to/ /de nas shed bu de dag gis yam sreg shing dag btsal te yam sreg shing gi khur thogs nas bram ze de'i khyim ga la ba der dong ste phyin nas/ yam sreg shing gi khur mtha' gcig tu bzhag ste bram ze de ga la ba der dong nas phyin pa dang / bram ze de la 'di skad ces smras so/ /mkhan po mkhyen par mdzod cig /shed bu 'dis ci nas kyang bdag cag thams cad yul dbus su mchi 'tshal bar gyur pa de ltar yul dbus kyi bsngags pa brjod do/ /bram ze des smras pa/ bu dag/ ci snyed thos pa de snyed bgrod par bya ba yin nam/ 'di ltar/ yul dag ni/ thos na dga' bar 'gyur ba yin pas mnyan par bya'o/ /bgrod par ni/ mi bya'o/ /mkhan po/ shed bu 'di'i mchid nas/ yul dbus na bdag cag gi mkhan pos gang dag gi gdong du lta bar yang mi nus pa/ snyan par smra ba/ smra ba'i khyu mchog de lta bu dag mchis so/ /zhes mchi'o/ /bu dag /ci/ kho bo na re/ sa'i steng na kho bo gcig pu kho na smra ba yin gyi| smra ba gzhan 'ga' yang med do/ /zhes zer ram/ sa ni rin po che mang po 'dzin pa yin pas/ sa gzhi ni/ mdzes pa dag gis gang ba yin no/ /mkhan po/ re zhig yul de yang mthong bar 'gyur zhing / chu ngogs su nye reg kyang bgyi/ smra ba'i khyu mchog de dag la yang bsnyen bkur bgyi/ rgol ba dag kyang gcad par bgyi/ rang gi grags pa yang bsgrag par bgyi/ rnyed pa yang bsgrub par bgyi'i/ bdag cag </font><hr>Cha311a<br><font size=+1>


@#/ /yul dbus su mchi'o/ /bram ze de slob ma la rjes su chags pa dang bcas pa dang / 'khor nyung ba yin pas/ des shed bu de dag la 'di skad ces smras so/ /bu dag/ gal te de lta na| g.yang gzhi dag dang / shing shun dag dang / dbyu gu dag dang / blugs gzar dag dang / dgang gzar dag dang / ril ba dag longs shig dang / yul dbus su 'dong ngo / /de dag gis de dag blangs nas bram ze de shed bu de dag dang lhan cig yul dbus su 'phags pa dang / des rgol ba kha cig ni/ tshar bcad de/ rgol ba'i shing rta la sbyor bar byed/ kha cig ni/ mgor thal ba'i bum pa dag gis bsnun/ kha cig ni/ 'phong gi dpong sar khwa bzhin du thag ring po nas yongs su spong bar byed/ kha cig ni/ gdugs dang / rgyal mtshan dang / ba dan dag gis bsu bar byed/ kha cig ni/ slob ma nyid du khas len par byed cing / de mthar gyis grong dang / grong rdal dang / dbye tshong dang / tshong rdal dag tu rgol ba 'dul zhing mnyan yod du phyin to// //'dul ba rnam par 'byed pa/ bam po so brgyad pa/ mnyan yod na bram ze 'khor shin tu mang ba zhig gis lho lam nas bram ze rgol ba zhig 'ongs zhes thos so/ /thos nas kyang des rang gi 'khor rnams la smras pa/ shes ldan dag/ shes par gyis shig /kho bos lho lam nas bram ze rgol ba zhig mnyan yod du 'ongs zhes thos kyi/ de gal te rig pa'i gnas che ge mo zhig la gtam 'dre bar byed na/ khyod kyis de dang lhan cig gtam </font><hr>Cha311b<br><font size=+1>


'dre bar bya'o/ /rig pa'i gnas che ge mo zhig la gtam 'dre bar byed na ni/ khyod kyis de dang lhan cig gtam 'dre bar bya'o/ /gal te re zhig tshar gcod par nus na/ de lta na legs/ gal te tshar gcad par ma nus na| shAkya'i bu'i dge sbyong rnams kyi nang du gtang bar bya'o/ /gal te re zhig shAkya'i bu'i dge sbyong rnams tshar gcod na/ bram ze mchog nyid du 'gyur la/ gal te shAkya'i bu'i dge sbyong rnams kyis tshar bcad par gyur na/ de lta na yang lho lam nas rgol ba zhig 'ongs pa de/ mnyan yod nas tshar bcad do/ /zhes bdag cag la phyogs dang phyogs mtshams rnams su snyan pa'i sgra'i tshogs rgya chen po dge ba mngon par 'byung bar 'gyur ro/ /lho lam nas 'ongs pa'i bram ze de/ nang bar sngar langs te gos kyis glo dkris nas rtsa'i sgron ma thogs te mnyan yod du zhugs pa dang / mnyan yod pa'i bram ze'i khye'u rnams kyis de la smras pa/ mkhan po/ /ci'i slad du gos kyis glo dkris par gyur/ kho bos thos pa de snyed bzung ba glo rdol te mi 'byung bar bya ba'i phyir ro/ /gal te de lta na/ zangs ma'i glegs bus dkri bar bgyi ba'i rigs so// ci'i slad du rtsa'i sgron ma bsnams/ 'jig rten mi shes pa'i mun pa can gyi nang du shes pa'i sgron mes 'jug par bya'o/ /de de dag dang lhan cig rig pa'i gnas gang dang gang la gtam 'dre bar byed pa de dang de la| des de dag spobs pa med par byed cing / gang gi tshe thams cad spobs pa med par byas pa de'i tshe na de dag gis smras pa/ mkhan po/ /ci/ rang gi phyogs 'joms pa kho na lags sam/ des smras pa/ ci/ </font><hr>Cha312a<br><font size=+1>


@#/ /kho bo la gzhan gyi phyogs 'ga' zhig kyang yod dam/ de dag gis/ smras pa/ mchis te/ shAkya'i bu'i dge sbyong byung nas dus ring po ma lags pa dag lags te/ de ni/ shin tu rigs bzhi po dag par 'dod pa dang / ston pa dang / 'dogs pa dang / rab tu 'jog par bgyid pa lags kyi/ de dag dang re zhig lhan cig gtam 'dre bar mdzod cig /de dag ga la 'khod/ mnyan yod 'di nyid na rgyal byed kyi tshal mgon med zas sbyin gyi kun dga' ra ba na'o/ /de dag gi smra ba'i khyu mchog gang yin/ de dag thams cad kyang mkhas pa/ spyod pa gsal ba sha stag lags mod kyi/ 'on kyang de dag gi smra ba'i khyu mchog ni/ dge slong lag brgyud ces bgyi ba lags so/ /de ga la 'dug/ mnyan yod 'di nyid na rgyal byed kyi tshal mngon med zas sbyin gyi kun dga' ra ba na'o/ /de dag de ltar gtam 'dre bar byed pa na/ shAkya'i bu lag brgyud de nyid du phyin nas bram ze'i khye'u de dag gis bram ze de la smras pa/ mkhan po/ /re zhig shAkya'i bu'i dge sbyong gzhan dag zhog la/ shAkya'i bu lag brgyud 'di dang lhan cig gtam 'dre bar mdzod cig /des de mthong nas smras pa/ 'di la slob dpon gyi mtshan yod pas/ 'di ni/ smra ba'i khyu mchog yin no zhes de de'i gan du song ste smras pa/ kye dge slong / bdag gis bla ma las yi ge cung zad blangs pa dag cig yod de/ bdag khyod dang lhan cig cung zad gtam rnam par gtan la dbab pa byed par 'dod do/ /bram ze/ ma nyes te/ kho bo la yang gang du bdag gi </font><hr>Cha312b<br><font size=+1>


gi phyir rgol ba'i bstan bcos rnon por bya snyam pa'i blo skyes na/ khyod kyang 'dir 'ongs kyi/ de bzhin bya'o/ /nyi ma gang la bya/ sang bya'o/ /phyogs gang du/ skyed mos tshal ga ge mo zhig tu'o/ /de bzhin bya'o// zhes smras te song ngo / /de nas bram ze de phyogs dang / gzhan gyi phyogs sems shing / gal te de skad ces zer na/ bdag gis 'di skad ces bya'o/ /snyam du sems pa na/ mtshan thams cad 'das par gyur to| |shAkya'i bu lag brgyud kyis bsam pa/ gal te bdag gis re zhig bram ze tshar bcad na ni/ de lta na yang bdag gis sgo 'phar brgya dag 'das te ji ltar lto dgang ba bsgrub par bya dgos so/ /gal te bram zes bdag tshar bcad na ni/ de lta na/ bdag gi grags pa'i phreng ba med par 'gyur ro/ /snyam mo/ /bram ze yang nang par sngar langs te/ skyed mos tshal du song nas des der de yun ring du bsdad de ma 'ongs par rig nas mnyan yod du zhugs so/ /shAkya'i bu lag brgyud kyang rtsod pa'i dus yol nas mnyan yod du bsod snyoms la zhugs pa dang / de bram ze des mthong nas smras pa/ kye/ dge slong khyod skyed mos tshal der ma 'ongs so/ /lag brgyud kyis smras pa/ kho bo skyed mos tshal gang du bos na ma 'ongs/ sangs skyed mos tshal ga ge mo zhig tu gtam rnam par gtan la dbab par bya'o/ /zhes so/ /lag brgyud kyis smras pa/ bram ze| kho bos ye brjed do/ /bram zes bsam pa/ bdag ni/ mtshan thog thag tu phyogs dang / gzhan gyi phyogs sems pas nam nangs par gyur na/ dge slong 'di na re/ kho bos ye brjed do/ /zhes zer ba las </font><hr>Cha313a<br><font size=+1>


@#/ /na| yang na ni/ blun po chen po zhig yin no/ /yang na ni/ shes pas mi 'khrugs pa zhig yin no/ /snyam nas des smras pa/ kye dge slong sang bya'o/ /bram ze/ de ltar bya'o/ /bram ze de phyi de nyin par yang nang par sngar langs te skyed mos tshal der song nas des der de yun ring du bsdad de ma 'ongs par rig nas yang mnyan yod du zhugs so/ /shAkya'i bu lag brgyud kyang rtsod pa'i dus yol nas mnyan yod du bsod snyoms la zhugs pa dang / de bram ze des mthong nas smras pa/ kye dge slong / khyod skyed mos tshal der ma 'ongs so/ /lag brgyud kyis smras pa/ bram ze/ ci/ kho bo'i bya ba de kho nar zad dam/ kho bos je ston pa la bsnyen bkur bya dgos so/ /thos pa gzung bar bya dgos so/ /tshogs klog tu gzhug dgos so/ /bram ze dang khyim bdag 'ongs shing lhags pa rnams la yang chos bstan par bya dgos so| |bram zes smras pa/ dge slong / khyod ched du bsam ste mtho 'tsham par mi byed dam/ de yin no/ /de'i tshe na shAkya'i bu lag brgyud yul phyogs byed cing / brda dang mtshan ma byed do/ /des yul phyogs byas shing / brda dang mtshan ma byas nas ched du bsam ste mi 'gro nas/ gzhan mu stegs can dag shes ldan dag/ shAkya'i bu'i dge sbyong 'di dag ni/ rdzun smra ba/ rdzun smra ba las ma logs /ma spangs/ so sor ma spangs pa dag yin te/ yul phyogs byed cing / brda dang mtshan ma byed la/ yul phyogs byas shig/ brda dang mtshan ma byas nas ched du bsam ste 'gro bar mi byed ces smod par byed/ 'phyar ka gtong </font><hr>Cha313b<br><font size=+1>


bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis shAkya'i bu lag brgyud la rmas pa/ lag brgyud/ khyod yul phyogs byed cing / brda dang mtshan ma byed la/ yul phyogs byas shing / brda dang mtshan ma byas nas ched du bsam ste mi 'gro ba bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag/ de lta bas na/ phan yon bcu yang dag par gzigs pas/ 'dul ba la nyan thos rnams kyi bslab pa gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon bar bya ste/ shes bzhin du rdzun smra na/ ltung byed do/ /shes bzhin du zhes bya ba ni/ rnam par dpyad nas so/ /rdzun smra na zhes bya ba la/ rdzun smra ba ni/ rnam pa dgu yang yod/ rnam pa brgyad kyang yod/ rnam pa </font><hr>Cha314a<br><font size=+1>


@#/ /bdun yang yod/ rnam pa drug kyang yod/ rnam pa lnga yang yod/ rnam pa bzhi yang yod/ rnam pa gsum yang yod/ rnam pa gnyis kyang yod/ de la brdzun du smra ba rnam pa dgu gang zhe na/ gzhi med par pham par 'gyur ba dang / dge 'dun lhag ma dang / ltung byed dang / so sor bshags par bya ba dang / nyes byas kyis gleng ba dang / gzhi med par tshul khrims nyams pa dang / lta ba nyams pa dang / cho ga nyams pa dang / 'tsho ba nyams pas gleng ba'o/ /brdzun du smra ba rnam pa brgyad gang zhe na/ gzhi med par pham par 'gyur ba dang / dge 'dun lhag ma dang / ltung byed dang / so sor bshags par bya ba dang / nyes byas kyis gleng ba dang / gzhi med par mthong ba dang / thos pa dang / dgos pas gleng ba'o/ /brdzun du smra ba rnam pa bdun gang zhe na/ gzhi med par tshul khrims nyams pa dang / lta ba nyams pa dang / cho ga nyams pa dang / 'tsho ba nyams pas gleng ba dang / gzhi med par mthong ba dang / thos pa dang / dogs pas gleng ba'o/ /brdzun du smra ba rnam pa drug gang zhe na/ dge slong brdzun du smra bar 'dod pa ni/ 'di snyam du rdzun smra bar bya'o/ /snyam pa dang / rdzun smra ba na/ 'di snyam du rdzun smra ba'o/ /snyam pa dang / rdzun smras pa na/ 'di snyam du rdzun smras so/ /snyam pa dang / dge slong gzhi med par mthong ba dang / thos pa dang / dogs pas rdzun smra ba'o/ /rdzun smra ba rnam pa lnga gang zhe na/ gzhi med par pham par 'gyur ba dang / dge 'dun lhag ma dang / ltung byed dang / so sor bshags pa dang / nyes </font><hr>Cha314b<br><font size=+1>


byas kyi gleng ba'o/ /brdzun du smra ba rnam pa bzhi gang zhe na/ gzhi med par tshul khrims nyams pa dang / lta ba nyams pa dang / cho ga nyams pa dang / 'tsho ba nyams pas gleng ba'o/ /brdzun du smra ba rnam pa gsum gang zhe na/ gzhi med par mthong ba dang / thos pa dang / dogs pas gleng ba'o/ /gzhan yang brdzun du smra ba rnam pa gsum gang zhe na/ rdzun smra bar 'dod pa na/ 'di snyam du rdzun smra bar bya'o/ /snyam pa dang / rdzun smra ba na/ 'di snyam du rdzun smra'o/ /snyam pa dang / rdzun smras pa na/ 'di snyam du rdzun smras so/ /snyam pa'o/ /brdzun du smra ba rnam pa gnyis gang zhe na/ rdzun smra ba na/ 'di snyam du rdzun smra'o/ /snyam pa dang / rdzun smras pa na| 'di snyam du rdzun smras so/ /snyam pa'o/ /rdzun smra ba la rnam pa gcig pu 'ba' zhig ni/ med do/ /brdzun du smra ba na/ pham par 'gyur ba yang yod/ brdzun du smra ba na/ dge 'dun lhag mar 'gyur ba yang yod| brdzun du smra ba na/ nyes pa sbom por 'gyur ba yang yod/ ltung byed du 'gyur ba yang yod/ nyes byas su 'gyur ba yang yod do/ /de la brdzun du smra ba pham par 'gyur ba gang zhe na/ 'di lta ste/ dge slong med la med bzhin du mi'i chos bla ma smra'o/ /brdzun du smra ba dge 'dun lhag mar 'gyur ba gang zhe na/ 'di lta ste/ dge slong khros shing zhe sdang bar gyur nas ci nas kyang 'di tshangs par spyod pa dang dbral lo/ /snyam nas dge slong dag pa ltung ba med pa la gzhi med par pham par 'gyur ba'i chos kyis skur ba 'debs pa'o/ /brdzun du smra ba nyes pa sbom por 'gyur ba gang zhe na/ 'di lta ste/ dge slong dge 'dun gyi nang du ched du bsam </font><hr>Cha315a<br><font size=+1>


@#/ /ste chos ma yin pa chos su ston pa dang / chos chos ma yin par ston pa dang / 'dul ba ma yin pa 'dul bar ston pa dang / 'dul ba 'dul ba ma yin par ston pa'o/ /brdzun du smra ba nyes byas su 'gyur ba gang zhe na/ 'di lta ste/ dge slong zla ba phyed phyed cing so sor thar pa'i mdo gdon pa na/ ci/ 'di la khyed yongs su dag gam zhes dris pa na/ yongs su ma dag bzhin du cang mi smra bar sdod pa'o| |brdzun du smra ba ltung byed du 'gyur ba gang zhe na/ 'di lta ste/ brdzun du smra ba rnam pa bzhi po de dag ma gtogs pa brdzun du smra ba gang yin pa de dag thams cad ni/ ltung byed du 'gyur ba yin no/ /ltung byed do| |zhes bya ba ni/ sems can dmyal ba dang / dud 'gro dang / yi dwags ngan song dang / ngan 'gro dang / log par ltung ba dag tu sreg par byed/ 'tshed par byed/ ltung bar byed pa'o/ /gzhan yang ltung ba de/ ma bshags shing so sor ma bshags na/ dge ba'i chos rnams la sgrib par byed pa ste/ des na ltung byed do/ /zhes gsungs so/ /de la ltung bar ji ltar 'gyur zhe na/ bar sdom la/ ma brjed pa dang yid gnyis dang / /'du shes pa ni tha ma yin/ /dge slong gis ma mthong ba dang / ma thos pa dang / ma rig pa dang / rnam par mi shes pa la des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces/ bdag gis mthong ngo / /bdag gis thos so/ /bdag gis rig go/ bdag gis rnam par shes so/ /zhes zer na/ smras so cog ltung byed du 'gyur ro/ /des </font><hr>Cha315b<br><font size=+1>


mthong la/ de yang brjed pa dang / thos shing rig ste rnam par shes la/ de yang brjed nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces/ bdag gis mthong ste/ de yang ma brjed do/ /bdag gis thos shing rig la rnam par shes te/ de yang ma brjed do/ /zhes zer na/ smras so cog ltung byed du 'gyur ro/ /des mthong la/ de la yid gnyis za ba dang / thos shing rig ste rnam par shes la/ de la yid gnyis za nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces/ bdag gis mthong ste/ de la yid gnyis mi za'o/ /bdag gis thos shing rig la rnam par shes te/ de la yid gnyis mi za'o/ /zhes zer na/ smras so cog ltung byed du 'gyur ro/ /des mthong ba la ma mthong bar 'du shes shing / thos pa dang / reg pa dang / rnam par shes pa la rnam par ma shes par 'du shes la/ des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces/ bdag gis mthong ngo / /thos so/ /rig go/ rnam par shes so/ /zhes zer na/ smras so cog ltung byed du 'gyur ro/ /des ma mthong zhing / thos pa dang / rig pa dang / rnam par shes la/ des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces/ bdag gis mthong gi/ ma thos/ ma rig/ rnam par ma shes so/ /zhes zer na/ smras so cog ltung byed du </font><hr>Cha316a<br><font size=+1>


@#/ /'gyur ro/ /des ma thos shing / mthong ba dang / rig pa dang / rnam par shes la/ des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces/ bdag gis thos kyi ma mthong / ma rig/ rnam par ma shes so/ /zhes zer na/ smras so cog ltung byed du 'gyur ro/ /des ma rig cing / mthong ba dang / thos pa dang / rnam par shes la/ des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces/ bdag gis rig gi/ ma mthong / ma thos/ rnam par ma shes so/ /zhes zer na/ smras so cog ltung byed du 'gyur ro/ /des rnam par ma shes shing / mthong ba dang / thos pa dang / rig la/ des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces/ bdag gis rnam par shes kyi/ ma mthong / ma thos/ ma rig go/ zhes zer na/ smras so cog ltung byed du 'gyur ro/ /des mthong la/ de yang brjed pa dang / thos shing rig ste rnam par shes la/ de yang brjed nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces/ bdag gis ma mthong ste/ de yang ma brjed do/ /ma thos/ ma rig /rnam par ma shes te/ de yang ma brjed do/ /zhes zer na/ smras so cog ltung byed du 'gyur ro/ /des mthong la/ de la yid gnyis za ba dang / thos shing rig ste rnam par shes la/ de la yid gnyis za </font><hr>Cha316b<br><font size=+1>


nas/ des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces/ bdag gis ma mthong ste/ de la yid gnyis mi za'o/ /bdag gis ma thos/ ma rig/ rnam par ma shes te/ de la yid gnyis mi za'o/ /zhes zer na/ smras so cog ltung byed du 'gyur ro/ /de mthong la mthong bar 'du shes nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces/ bdag gis ma mthong gi/ thos shing rig la rnam par shes so/ /zhes zer na/ smras so cog/ ltung byed du 'gyur ro/ /des thos la thos par 'du shes nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces/ bdag gis ma thos kyi/ mthong zhing rig ste rnam par shes so/ / zhes zer na/ smras so cog ltung byed du 'gyur ro/ /des rig la rig par 'du shes nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces/ bdag gi ma rig gi/ mthong zhing thos la rnam par shes so/ /zhes zer na/ smras so cog ltung byed du 'gyur ro/ /des rnam par shes la rnam par shes par 'du shes nas des 'du shes bsgyur cing / bzod pa dang / 'dod pa dang / blo gros dang / rtog pa dang / lta ba bsgyur te 'di skad ces/ bdag gis rnam par ma shes kyi/ mthong zhing thos la rig go /zhes zer na/ smras so cog ltung byed du 'gyur ro// </font><hr>Cha317a<br><font size=+1>


@#/ /dge slong gis mthong ba dang / thos pa dang / rig pa dang / rnam par shes la/ des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces/ bdag gis ma mthong ngo / /bdag gis ma thos so/ /bdag gis ma rig go/ bdag gis rnam par mi shes so/ /zhes zer na/ smras so cog ltung byed du 'gyur ro/ /des ma mthong la/ de yang ma brjed pa dang / ma thos ma rig rnam par ma shes la/ de yang ma brjed nas des 'du shes bsgyur cing bzod pa dang 'dod pa dang / blo gros dang / rtog pa dang / lta ba bsgyur te 'di skad ces/ bdag gis mthong ste/ de yang brjed do/ /bdag gis thos shing rig la rnam par shes te/ de yang brjed do/ /zhes zer na/ smras so cog ltung byed du 'gyur ro/ /des ma mthong la/ de la yang yid gnyis mi za ba dang| ma thos ma rig rnam par ma shes la/ de la yid gnyis mi za nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces/ bdag gis mthong ste/ de la yid gnyis za'o/ /bdag gis thos shing rig la rnam par shes te/ de la yid gnyis za'o/ /zhes zer na/ smras so cog ltung byed du 'gyur ro/ /des ma mthong ba la mthong bar 'du shes shing / ma thos pa dang / ma rig pa dang / rnam par ma shes pa la rnam par shes par 'du shes la/ des 'du shes bsgyur cing bzod pa dang / 'dod pa dang / blo gros dang / rtog pa dang / lta ba </font><hr>Cha317b<br><font size=+1>


bsgyur te 'di skad ces/ bdag gis ma mthong ngo / /ma thos so/ /ma rig go/ rnam par ma shes so/ /zhes zer na/ smras so cog ltung byed du 'gyur ro/ /des mthong zhing / ma thos pa dang / ma rig pa dang / rnam par ma shes la/ des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces/ bdag gis ma mthong gi/ thos shing rig la rnam par shes so/ /zhes zer na/ smras so cog ltung byed du 'gyur ro/ /des thos shing / ma mthong ma rig rnam par ma shes la/ des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces/ bdag gis ma thos kyi/ mthong zhing rig la rnam par shes so/ /zhes zer na/ smras so cog ltung byed du 'gyur ro/ /des rig cing / ma mthong ma thos rnam par ma shes la/ des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces/ bdag gis ma rig gi/ mthong zhing thos la rnam par shes so/ /zhes zer na/ smras so cog ltung byed du 'gyur ro/ /des rnam par shes shing / ma mthong / ma thos/ ma rig la/ des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces/ bdag gis rnam par ma shes kyi/ mthong zhing thos la rig go /zhes zer na/ smras so cog ltung byed du 'gyur ro/ /des ma mthong la/ de yang ma brjed pa dang / ma thos/ ma rig /rnam par ma shes la/ de yang ma brjed nas des 'du shes </font><hr>Cha318a<br><font size=+1>


@#/ /bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces/ bdag gis mthong ste/ de yang brjed do/ /thos shing rig la rnam par shes te| de yang brjed do/ /zhes zer na/ smras so cog ltung byed du 'gyur ro/ /des ma mthong ba de la yid gnyis mi za ba dang / ma thos/ ma rig/ rnam par ma shes la/ de la yid gnyis mi za nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces/ bdag gis mthong ste/ de la yid gnyis za'o/ /bdag gis thos shing rig la rnam par shes te/ de la yid gnyis za'o/ /zhes zer na/ smras so cog ltung byed du 'gyur ro/ /des ma mthong la ma mthong bar 'du shes nas des 'du shes bsgyur cing bzod pa dang / 'dod pa dang / blo gros dang| rtog pa dang / lta ba bsgyur te 'di skad ces/ bdag gis mthong gi/ /ma thos/ ma rig/ rnam par ma shes so/ /zhes zer na/ smras so cog ltung byed du 'gyur ro/ /de ma thos la ma thos par 'du shes nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces/ bdag gis thos kyi/ ma mthong / ma rig/ rnam par ma shes so/ /zhes zer na/ smras so cog ltung byed du 'gyur ro/ /des ma rig la ma rig par 'du shes nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces/ </font><hr>Cha318b<br><font size=+1>


bdag gis rig go/ ma mthong / ma thos/ rnam par ma shes so/ /zhes zer na/ smras so cog ltung byed du 'gyur ro/ /des rnam par ma shes la rnam par ma shes par 'du shes nas des 'du shes bsgyur cing bzod pa dang / 'dod pa dang / blo gros dang / rtog pa dang / lta ba bsgyur te 'di skad ces/ bdag gis rnam par shes kyi/ ma mthong / ma thos/ ma rig go/ zhes zer na/ smras so cog ltung byed du 'gyur ro| |dge slong ji tsam du 'du shes bsgyur te tshig smra bar byed na/ thams cad du ltung byed du 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do| |brdzun du smra ba'i ltung byed de/ dang po rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong drug sde dag /dge slong rnams la 'di lta ste/ zhar ba dag /'theng po dang / smad 'chal dag/ lag sor rdum po dag/ sgur po dag/ mi'u thung dag/ lba ba can dag/ lkug pa dag/ 'on pa dag / rten 'phye dag /rkang bam dag /gyol po dag/ mchu 'phyang dag/ mgo bo che dag ces mi'i skyon nas smra bas kun tu spyod par byed do/ /mi'i skyon nas smra bas kun tu spyod pa na/ dge slong dag spa gong ba dang / gzengs dmas pa dang / zhum par gyur nas/ lung nod pa dang / klog pa dang / kha ton dang / rnal 'byor dang / yid la bya ba dang / nang gi sems kyi zhi gnas gtong zhing / sdug bsngal dang / yid mi bde </font><hr>Cha319a<br><font size=+1>


@#/ /ba mang bar gnas so/ /dge slong don nyung ngu dag/ ci'i phyir dge slong dag/ dge slong rnams la 'di lta ste/ zhar ba dag/ 'theng po dag /smad 'chal dag/ lag sor rdum po dag/ sgur po dag /mi'u thung dag/ lba ba can dag /lkug pa dag /'on pa dag/ rten 'phye dag /rkang bam dag /gyol po dag/ mchu 'phyang dag /mgo bo che dag ces mi'i skyon nas smra bas kun tu spyod par byed ces smod par byed/ 'phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin no/ /sangs rgyas bcom ldan 'das kyis dge slong drug sde dag la rmas pa/ dge slong dag/ khyed dge slong rnams la 'di lta ste/ zhar ba dag/ 'theng po dag/ smad 'chal dag / lag sor rdum po dag /sgur po dag /mi'u thung dag/ lba ba can dag/ lkug pa dag /'on pa dag/ rten 'phye dag /rkang bam dag/ gyol po dag /mchu 'phyang dag/ mgo bo che dag ces mi'i skyon nas smras pas kun tu spyod par byed pa bden nam/ btsun pa/ med do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa </font><hr>Cha319b<br><font size=+1>


de ni/ rab tu byung bas bya ba ma yin no/ /zhes rnam par smad par mdzad do/ /dge slong dag/ sngon byung ba 'das pa'i dus na/ ri brag cig na khyim bdag cig 'dug pa des/ rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed do/ /de la bu mo zhig byung nas de bsrings bskyed nas chen mor gyur to/ /khyim bdag de zhing pa yin pas rang nyid zhing rmo bar byed do/ /khyim bdag cig gi bu pha ma dang bral nas dgon pa nas shing khur thogs te/ de'i zhing dang nye bar shing ljon pa'i drung du khur bzhag ste ngal bsos nas des smras pa/ zhang po/ ci'i phyir khyod rang nyid zhing rmo bar byed/ khyod kyis grong du grong gi bya ba bya ba'i rigs na/ khyod dgon par dgon pa'i bya ba byed dam/ tsha bo/ kho bo la bu yang med/ phu nu yang med do/ /zhang po/ gshol 'on cig dang kho bos rmo'i/ khyod re shig ngal sos shig / ces des zhing rmo bar brtsams pa dang / khyim bdag des de'i zan khyer te 'ongs nas smras pa/ tsha bo/ tshur shog/ zan bza'o/ /de gnyis kyis zan zos nas khyim bdag gi bu des smras pa/ zhang po/ kho bos khyod kyi khyim mi shes kyi khyod song zhig dang kho bos zhing rmo'i/ dgongs kar gsus shig /khyim bdag de song ba dang / khyim bdag gi bu des kyang yud tsam zhig zhing rmos nas zhing tshigs kyi phyogs su glang gnyis zar bcug ste/ dgongs kar rtswa khur zhig thogs nas ri brag der 'jug par brtsams pa dang / khyim bdag des kyang de bsus nas khyim bdag des de khyim du khrid do/ /khyim bdag gi bu des glang brag tu stsal te bcal </font><hr>Cha320a<br><font size=+1>


@#/ /bkram nas du ba btul te glang gnyis kyi mdun du rtswa bkram pa dang / khyim bdag des bsam pa/ bdag khyim bdag gi bu 'dis bde bar gyur gyi/ bdag gis bu mo 'di 'di la chung mar sbyin no/ /snyam nas des de la smras pa/ tsha bo/ mngon par dga' bzhin du las gyis shig dang / bu mo 'di khyod la chung mar sbyin no/ /des der khyim rtsig par brtsams pa dang / de'i glang zhing zan zhig zhing la bros nas/ des de bzlog kyang ma bzlog nas des de la spyos te shing tshal zhig 'phangs pa dang / des de'i rwa chag nas de'i ming ru chag ces bya bar btags so/ /dus gzhan zhig na yang de yang zhing la bros nas des de bzlog kyang ma bzlog nas/ des de la spyos te zor ba 'phangs pa dang / des de'i mjug mchad nas de'i ming mjug rdum zhes bya bar btags so/ /de ltar de'i ming ru chag dang mjug rdum zhes btags nas/ de phyin chad glang de'i ming chag rdum zhes bya bar btags so/ /dus gzhan zhig na khyim bdag gi bu des khyim bdag de la smras pa/ zhang po/ ji ltar khas blangs pa bzhin gyis shig /khyim bdag des chung ma la smras pa/ bzang mo/ bag rdzongs sta gon gyis shig /bu mo bag mar gtang bar bya'o/ /chung mas smras pa/ rje'i sras/ bu mo 'di su la yang ma stsal na/ ji ltar bag mar gtang bar bgyi/ des smras pa/ kho bos 'di gzhan la byin no/ /su la stsal/ khyim bdag gi bu 'di la'o/ /chung mas smras pa/ kho mos/ na le sham dkar po bzhin du ji ltar byung gtol </font><hr>Cha320b<br><font size=+1>


med pa gang yin pa 'di la bu mo sbyin re skan/ 'di ltar/ gang du kho mo bgo bar bya ba dang / bza' bar bya ba yod pa der kho mos bu mo sbyin par bya'o/ /des smras pa/ bzang mo/ khyim bdag gi bu 'dis kho bo bde bar gyur te/ gal te 'di 'gro bar gyur na yang kho bos zhing rmo dgos par 'gyur ro/ /chung mas smras pa/ kho mos/ lto khol ba 'di la bu mo sbyin par mi nus so/ /khyim bdag gis bsam pa/ gal te bdag gis khye'u 'di la kho bos khyod la bu mo mi sbyin no/ /zhes smras na/ deng nyid du 'di 'gro bar 'gyur zhing / bdag sdug bsngal bar 'gyur ro/ /snyam nas/ de la sgyong ba byas so/ /khyim bdag gi bu des khyim bdag de la yang smras pa/ zhang po/ ji ltar khas blangs pa bzhin gyis shig /des smras pa/ tsha bo/ kho bo nye du'i 'khor rgya chen po dag la zan sbyar dgos kyi/ re zhig sA lu dag sgrubs shig/ des sA lu dag bsgrubs nas smras pa/ zhang po/ /bag ma rdzongs shig/ des smras pa/ tsha bo/ de la bu ram dag kyang dgos kyi/ re zhig bu ram shing dag sgrubs shig/ des bu ram shing dag bsgrubs nas smras pa/ zhang po| da bag me rdzongs shig/ des smras pa/ tsha bo/ de la 'khur ba dag kyang dgos kyi/ re zhig gro dag sgrubs shig/ des gro dag kyang bsgrubs nas smras pa/ zhang po/ da bag ma rdzongs shig /khyim bdag gis smras pa/ tsha bo/ sA lu snga ma dag zad kyi/ da yang re zhig sA lu dag sgrubs shig /khyim bdag gi bu des bsam pa/ de gsum ni/ rang bzhin gyis dus gcig tu sgrub par mi nus pas 'di sgyong bar </font><hr>Cha321a<br><font size=+1>


@#/ /byed kyi/ skye bo phal po che'i nang du song ste khas len du bcug la/ gal te mi ster na/ rgyal po'i pho brang nas bde bar sbyin du gzhug go/ snyam nas/ des skye bo phal po che'i nang du de la smras pa/ zhang po/ bag ma rdzongs shig/ khyim bdag des spyos te smras pa/ shes ldan dag/ mi 'di kho bo'i lto khol pa/ lto glas las byed pa yin na/ kho bos 'di la bu mo sbyin re skan/ khyim bdag gi bu des bsam pa/ bdag gis kaR+sha pa Na dag kyang ma thob/ bu mo yang ma thob pas 'di la gnod pa cung zhig byas te 'gro'o/ /snyam nas/ des glang de dag nyin par zhing rmos nas lcag mang pos bzhus te nyi ma la shing skam la btags te song ngo / /chos nyid kyis na/ 'jig rten gnas pa chags nas ring po ma lon pa'i tshe na dud 'gro dag kyang smra shes pa yin pas glang de dag gis de la smras pa/ kye/ mi khyod/ kho bo cag gi pha ma 'dra bar 'dug 'dug ste/ rtag tu kho bo cag legs par bde bas yongs su skyong bar byed na/ de ci'i phyir nyin par zhing rmos nas lcag mang pos bzhus te nyi ma la shing skam la btags te 'gro/ ci kho bo cag gis khyod la nyes pa zhig byas sam/ khyed cag gis kho bo la nyes pa cung zad kyang ma byas te/ 'di ltar/ khyed cag gi bdag pos kho bo la nyes pa byas so/ /des ci byas/ kho bo la bu mo sbyin par khas blangs nas ma ster ro/ /'o na rgyal po'i pho brang du ci'i phyir mi 'gro/ che bzhi dag med do/ /song zhig dang / kho bo cag gis che bzhi dbye'o/ /ci/ mi'i skad du smra bar </font><hr>Cha321b<br><font size=+1>


'gyur ram/ ma yin te/ 'di ltar/ khyod kyis bden pas gsol bar bya ste/ kho bo cag zhag bdun gyi bar du brag tu btags te rtswa yang sbyin par mi bya/ chu yang blud par mi bya bar gzhag par bya zhing / nyi ma bdun pa la rtswa phun sum tshogs pa dang / chu phun sum tshogs pa'i phyogs su gtang bar bya ste/ de'i tshe khyod kyis rgyal po'i mdun du gal te bdag bden na/ glang 'di dag rtswa yang mi za/ chu yang mi 'thung bar gyur cig/ ces bden pa'i tshig gis gsol cig dang / kho bo cag ji srid du rgyal po yid ches par ma gyur gyi bar du rtswa yang mi za/ chu yang mi 'thung ngo / /khyim bdag gi bu des rgyal po'i pho brang du song ste rgyal po la gsol pa/ lha/ khyim bdag che ge mo zhig gis bdag la bu mo stsal bar mchid kyis 'tshal nas mi ster ro/ /rgyal pos smras pa/ khyod la che bzhi 'ga' yod dam/ lha/ mchis so/ /ci/ mi dag gam| mi ma yin pa dag/ mi ma lags pa glang dag go/ ci/ mi'i skad du smra bar 'gyur ram/ ma lags te/ 'di ltar/ bdag gis bden pas gsol bar bgyi ste/ bdag gis dgung bdun gyi bar du glang de dag brag tu btags te ngan yang stsal bar mi bgyi/ chab kyang stsal bar mi bgyi bar gzhag par bgyi zhing / gdugs bdun pa la ran phun sum tshogs pa dang / chab phun sum tshogs pa'i phyogs su gtang bar bgyi ste/ de'i tshe bdag gis lha'i spyan sngar gal te bdag med na/ glang 'di dag ran yang mi 'tshal/ chab kyang mi 'tshal bar gyur cig ces bden pa'i tshig gis gsol na/ ji srid du lha thugs </font><hr>Cha322a<br><font size=+1>


@#/ /ches par ma gyur gyi bar du de dag ran yang mi 'tshal/ chab kyang mi 'tshal bar 'gyur ro/ /rgyal pos blon po rnams la bsgo ba/ shes ldan dag /de ltar gyis shig/ de dag gis glang de dag brag tu btags te bzhag pa dang / chag rdum gyis smras pa/ nub phyogs nas nyi ma shar tam/ ci na gang gi tshe bdag cag gtong bar mi byed/ gzhan dag gis smras pa/ ma yin te/ bdag gis khyim bdag gi bu de la 'di ltar khyod kyis bden pas gsol bar bya ste/ kho bo cag zhag bdun gyi bar du brag tu btags te/ rtswa yang sbyin par mi bya/ chu yang blud par mi bya bar gzhag par bya zhing / nyi ma bdun pa la rtswa phun sum tshogs pa dang / chu phun sum tshogs pa'i stobs su gtang bar bya ste/ de'i tshe khyod kyis rgyal po'i mdun du gal te bdag bden na/ glang 'di dag rtswa yang mi za/ chu yang mi 'thung ba gyur cig / ces bden pa'i tshig gis gsol cig dang / kho bo cag ji srid du rgyal po yid ches par ma gyur gyi bar du rtswa yang mi za/ chu yang mi 'thung ngo / /zhes khas blangs so/ /chag rdum gyis smras pa/ kho bo ni/ gal te btang bar gyur na/ rdo ba la yang za na/ rtswa lta smos kyang ci dgos/ de dag gis smras pa/ khyim bdag gi bu de bdag cag gi pha ma 'dra bar 'dug 'dug gi de ltar ma byed cig /chag rdum gyis smras pa/ de bdag cag gi pha ma dang 'dra bar 'dug 'dug pa yang bden mod kyi/ 'on kyang de kho bo la chag rdum zhes 'bod pas/ kho bo ni/ de ltar mi 'dod de/ 'di ltar/ kho bo ni/ de'i lto 'dral bar yang </font><hr>Cha322b<br><font size=+1>


'dod do/ /khyim bdag gi bu de/ dus dang dus su glang de dag gi gan du song ste dris pa/ kwa'i glang dag /ji ltar khyod cag rung ngam/ de dag gis smras pa/ kho bo cag ni/ rung na/ khyod kyi mi rung ngo / /ci nyes chag rdum 'di na re/ kho bo ni/ gal te btang bar gyur na/ rdo ba yang za na/ rtswa lta smos kyang ci dgos zhes zer ro/ /'o na ci/ kho bo 'bros par bya ba'am/ ma 'bros par 'di ltar chag rdum 'di'i sna phug cig dang / gal te 'di rtswa za ba gyur tam/ chu 'thung bar gyur na/ kho bo cag gis rwa dag gis 'di'i sna blangs te kha gyen du gzung bar bya'i/ khyod kyis kyang de'i tshe 'di dag 'jig rten skyong ba lnga pa nyi ma yang che bzhir yod ces nyi ma ston par byed do/ /zhes smra bar bya'o/ /des de'i sna dbugs par brtsams pa dang des smras pa/ shes ldan dag/ 'di ltar/ kho bo la mtho 'tshams par byed pa la ltos shig /de dag gis smras pa/ 'di khyod la rgyan 'dogs par byed kyi/ kha rog cig/ de nas nyi ma bdun pa la rgyal po blon po rnams dang thabs cig tshogs pas glang de dag rtswa phun sum tshogs pa dang / chu phun sum tshogs pa'i phyogs su btang ba na/ chag rdum des rtswa'i kham blang bar brtsams pa dang / glang de dag gi rwa dag gis de'i sna blangs te nyi ma la lta zhing 'dzin to/ /rgyal pos blon po rnams la smras pa/ shes ldan dag/ ci'i phyir glang 'di dag nyi ma la lta zhing 'khod/ de na blon po gcig gis smras pa/ lha/ 'di dag don gyis na/ lha la gsol bar bgyid de/ bdag cag 'ba' zhig che bzhi lags par ma bas kyi/ 'jig rten skyong ba </font><hr>Cha323a<br><font size=+1>


@#/ /lnga pa gdugs 'di yang che bzhi gzhan lags so/ /zhes mchi'o/ /rgyal po ngo mtshar skyes nas blon po rnams la bsgo ba/ shes ldan dag/ mi ma yin par dag gis che bzhi phye'i| khyim bdag gi bu 'di la de'i bu mo sbyin du chug cig/ khyim bdag gi bu des khyim bdag de pham par byas nas de la bu mo byin no/ /dge slong dag re zhig dud 'gro'i skye gnas su skyes pa'i srog chags de dag kyang mis skyon nas smra bas kun tu spyod pa na gsod par sems na/ mi rnams lta smos kyang ci dgos/ de lta bas na/ dge slong gis dge slong la mi'i skyon nas smra bas kun tu spyad par mi bya'o| |dge slong dag/ sngon byung ba/ 'das pa'i dus na ri brag cig na khyim bdag shing rta spyod pa zhig 'dug pa de la/ ba dga' byed dang / sa ri zhes bya ba gnyis shig yod pa de gnyis las/ dpyid kyi zla ba la be'u khra bo dang / nye bkra gnyis shig 'brangs so/ /de nas dga' byed kyi be'u ni/ ru 'del zhig yin pa/ sa ri'i be'u ni/ khu yu zhig yin nas des gcig gi ming ni/ dga' byed ru 'del zhes bya bar btags/ gcig gi ming ni/ sa ri khu yu zhes bya bar btags te/ de gnyis dus gzhan na glang po che gnyis su gyur to/ /dus gzhan zhig na shing rta spyod pa dag chang gral du tshogs te gtam zer ba na/ shes ldan dag/ bdag cag las su'i glang dag bzang zhes smras pa dag/ de na gcig na re/ kho bo'i zang ngo / /zhes zer ro/ /yang gzhan zhig na re/ kho bo'i bzang </font><hr>Cha323b<br><font size=+1>


ngo| zhes zer ro/ /shing rta spyod pa de na re/ kho bo'i bzang ngo / /zhes zer ro/ /de dag gis smras pa/ ji ltar shes/ des smras pa/ lam dma' ba nas shing rtar khal 'di tsam bzhag ste kaR+sha pa Na lnga brgya skugs su btsugs la glang gnyis bda' bar bya'o/ /de dag gis yum dma' ba nas shing rtar khal de tsam bzhag ste kaR+sha pa Na lnga brgya skugs su btsugs nas glang de gnyis 'ded du bcug go/ shing rta spyod pa des/ dga' byed ru 'del song zhig /sa ri khu yu song zhig ces bda' bar brtsams pa dang / glang de gnyis mi 'gul bar 'khod nas/ des glang ngo gnyis la khag pas gtsag par brtsams pa dang / shing rta spyod pa gzhan dag gis smras pa/ khyod pham gyi/ ba lang ma gsod par glang 'di gnyis thong la skugs 'jol cig/ ces de dag gis de kaR+sha pa Na lnga brgya 'jal du bcug go/ shing rta spyod pa des glang de gnyis la spyos te lcag mang pos bzhus nas nyi ma la shing skam la btags te bzhag go /chos nyid kyis na/ 'jig rten gnas pa chags nas ring po ma lon pa'i tshe na dud 'gro dag kyang mi'i skad smra shes pas de gnyis kyis smras pa/ khyod bdag cag gi pha ma dang 'dra bar 'dug 'dug na/ bdag cag gis khyod la nyas pa byas sam/ ci na/ khyod kyis bdag cag lcag mang pos bzhus te nyi ma la shing skam la btags te 'jog par byed/ des smras pa/ khyed gnyis kyis nus bzhin du sgyu byas te kho bo kaR+sha pa Na lnga brgya'i skugs 'jal du bcug go /de gnyis kyis smras pa/ khyod rang gi lces </font><hr>Cha324a<br><font size=+1>


@#/ /lkugs 'jal du bcug go /ji ltar gyur/ bdag cag gnyis kyi gcig gi ming ni/ dga' byed ces bya/ gcig gi ming ni/ sa ri zhes bya ba na/ khyod ci'i phyir kho bo cag gnyis la ru 'del dang / khu yu zhes ming mi snyan par rjod par byed/ de lta mod kya/ da lam ches dma' ba nas shing rtar khal de'i nyis 'gyur bzhag ste kaR+sha pa Na de'i nyis 'gyur skugs su tshugs la kho bo cag gnyis dos shig /ci/ khyed gnyis yang kho bo skugs 'jal du gzhug par 'dod dam/ bdag cag gnyis la ming mi snyan pa ma rjod cig dang / khyod skugs nod du gzhug go/ dus gzhan zhig na shing rta spyod pa de dag yang chang gral du tshogs te gtam zer ba na/ shes ldan dag/ bdag cag las su'i glang dag bzang zhes smras pa dang / de na gcig na re/ kho bo'i bzang ngo / /zhes zer ro/ /yang gzhan zhig na re/ kho bo'i bzang ngo / /zhes zer ro/ /shing rta spyod pa de na re/ kho bo'i bzang ngo / /zhes zer ro/ /de dag gis smras pa/ kye nang rje/ khyod yang bdag nyid skugs 'jal du gzhug par 'dod dam/ des smras pa/ khyed cag la ci gnad/ da lam ches dma' ba nas shing rtar khal de nyis 'gyur bzhag ste kaR+sha pa Na stong skugs su gcugs la glang dag bda' bar bya'o/ /de dag gis lam ches dma' ba nas shing rtar khal de nyis 'gyur bzhag ste kaR+sha pa Na stong skugs su btsugs nas glang de gnyis 'ded du bcug go/ shing rta spyod pa des dga' byed song zhig/ sa ri song zhig/ ces bda' bar brtsams </font><hr>Cha324b<br><font size=+1>


pa dang / de gnyis kyis khal de myur ba myur ba kho nar thang la bskyal te shing rta spyod pa des skugs kaR+sha pa Na stong thob pa dang lhas tshigs su bcad pa dag smras pa/ gang tshe khal ni ches lci zhing / gang tshe lam yang ches dma' ba/ /de tshe de gnyis khal khyer zhing / /de tshe shing rta 'dren par byed/ /yid du 'ong ba brjod byas nas/ /shin tu lci ba'i khal khyer cing / /de yang rnyed dang ldan gyur la/ /de gnyis kyang ni yid dgar gyur/ de bas yid 'ong brjod bya zhing / /yid du mi 'ong nam yang min/ /yid du 'ong brjod byed na/ /dge bar 'gyur zhing sdig med yin/ /dge slong dag/ re zhig dud 'gro'i skye gnas su skyes pa'i srog chags de dag kyang mis skyon nas smra bas kun tu spyad pa na byams pa'i rgyun gcod par byed na/ mi rnams lta smos kyang ci dgos/ de lta bas na/ dge slong gis dge slong la mi'i skyon nas smra bas kun tu spyad par mi bya'o/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag/ de lta bas na/ phan yon bcu yang dag par gzigs pas/ 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi'i skyon nas smra na/ ltung byed do/ /mi'i skyon nas smra na zhes bya ba ni/ mi'i skyon nas smra ba'i bsam pas ngag dang / tshig dang tha snyad dang / skad dang / brjod pa dang / nges pa'i tshig gi dang / tshig gi lam dang / tshig gi sgra dang / ngag gi las dang / ngag gi rnam par </font><hr>Cha325a<br><font size=+1>


@#/ /rig byed smra na'o/ /ltung byed do/ /zhes bya ba ni/ sems can dmyal ba dang / dud 'gro dang / yi dwags ngan song dang / ngan 'gro dang / log par ltung ba dag tu sreg par byed/ 'tshed par byed/ ltung bar byed pa'o/ /gzhan yang ltung ba de ma bshags shing so sor ma bshags na/ dge ba'i chos rnams la sgrib par byed pa ste/ des na ltung byed do/ /zhes gsungs so/ /de la ltung bar ji ltar 'gyur zhe na/ bar sdom la/ rigs dang bzo dang las dang ni/ /rtags nang ltung ba sde lnga dang / /nye ba'i nyon mongs rnams dang ni/ /spyi bor byed pa tha ma yin/ /dge slong gis mi'i skyon nas smra ba'i bsam pas/ bram ze las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ bram ze las rab tu byung ba yin no// zhes smras na/ dge slong spa gong ba nyid du gyur kyang rung / ma gyur kyang rung / dge slong la nyes byas su 'gyur ro/ /dge slong gis mi'i skyon nas smra ba'i bsam pas/ rgyal rigs las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ rgyal rigs las rab tu byung ba yin no/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la nyes byas su 'gyur ro/ /dge slong gis mi'i skyon nas smra ba'i bsam pas/ rje'u rigs las rab tu byung ba'i gan du song ste 'di skad ces/ tshe dang ldan pa la dge </font><hr>Cha325b<br><font size=+1>


sbyong gi tshul ga la yod/ bram ze'i tshul ga la yod/ tshe dang ldan pa ni/ rje'u rigs las rab tu byung ba yin no/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ dmangs rigs las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod| tshe dang ldan pa ni/ dmangs rigs las rab tu byung ba yin no/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ tha ga pa las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ tha ga pa las rab tu byung ba yin no/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ khab ris mkhan las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ khab ris mkhan las rab tu byung ba yin no/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ bzang mkhan las rab tu byung ba'i gan du song ste 'di skad ces/ tshe dang ldan pa la dge </font><hr>Cha326a<br><font size=+1>


@#/ /sbyong gi tshul ga la yod/ bram ze'i tshul ga la yod/ tshe dang ldan pa ni/ bzang mkhan las rab tu byung ba yin no/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ lcags mgar las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ lcags mgar las rab tu byung ba yin no/ /zhes smras na/ dge slong spa gong ba nyid du gyur kyang rung / ma gyur kyang rung dge slong la ltung byed du 'gyur ro/ /dge slong gis mi'i skyon nas smra ba'i bsam pas/ rdungs mgar las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ rdungs mgar las rab tu byung ba yin no/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ ko lpags mkhan las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ ko lpags mkhan las rab tu byung ba yin no/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ </font><hr>Cha326b<br><font size=+1>


rdza mkhan las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ rdza mkhan las rab tu byung ba yin no/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ 'breg mkhan las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ 'breg mkhan las rab tu byung ba yin no/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ shing mkhan las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ shing mkhan las rab tu byung ba yin no/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ / dge slong gis mi'i skyon nas smra ba'i bsam pas/ smyig ma mkhan las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ smyig ma mkhan las rab tu byung ba yin no/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i </font><hr>Cha327a<br><font size=+1>


@#/ /bsam pas/ bran las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ bran las rab tu byung ba yin no/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ bram ze las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ bram ze las rab tu byung ba yin gyi/ tshe dang ldan pas rang gi bzo 'di lta ste/ bram ze'i spyod tshul dang / spyod pa dang / gtsang sbra dang / kun tu spyod pa dang / thal ba blang ba dang / bya ma bum blang ba dang / sa blang ba dang / lag stangs dang / thor tshugs dang / rab bsngags bya ba dang / kye zhes bya ba dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / srid srung gi rig byed dang / mchod sbyin byed pa dang / mchod sbyin byed du 'jug pa dang / klog pa dang / klog tu 'jug pa dang / sbyin pa dang / len pa dag bslab par bya'o/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la nyes byas su 'gyur ro/ / dge slong gis mi'i skyon nas smra ba'i bsam pas/ rgyal rigs las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang </font><hr>Cha327b<br><font size=+1>


ldan pa ni/ rgyal rigs las rab tu byung ba yin gyi/ tshe dang ldan pas rang gi bzo 'di lta ste/ glang po che'i gnyar zhon pa dang / rta la zhon pa dang / shing rta'i thabs dang / ral gri'i thabs dang / 'phong dang phyir bsnur ba dang / mdun du bsnur ba dang / lcags kyus sgyur thabs dang / zhags pa gdab pa dang / mda' bo che'i 'phen thabs dang / 'dzin stangs dang / gom stabs dang / thor tshugs dang / gcad pa dang / dral ba dang / dbug pa dang / rgyang nas phog pa dang / sgra grags par phog pa dang / gnad du phog pa dang / mi 'chor bar phog pa dang / tshabs che ba dag bslab par bya'o/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la nyes byas su 'gyur ro/ /dge slong gis mi'i skyon nas smra ba'i bsam pas/ rje'u rigs las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ rje'u rigs las rab tu byung ba yin gyi/ tshe dang ldan pas rang gi bzo 'di lta ste/ zhing rmo ba dang / ba lang srung ba dang / tshong bya ba bslab par bya'o/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ dmangs rigs las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ dmangs rigs las rab tu byung ba yin gyi/ </font><hr>Cha328a<br><font size=+1>


@#/ /tshe dang ldan pas rang gi bzo 'di lta ste/ zor ba dang / phrag rdang bslab par bya'o/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ thag pa las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ tha ga pa las rab tu byung ba yin gyi/ tshe dang ldan pas rang gi bzo 'di lta ste/ dar dag dang / ras yug chen dag dang / be'u ras dag dang / dar la dag dang / du gu la dag dang / ko tam pa dag bslab par bya'o/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ khab ris mkhan las rab tu byung ba'i gan du song ste 'di skad ces tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ khab ris mkhan las rab tu byung ba yin gyi/ tshe dang ldan pas rang gi bzo 'di lta ste/ be'u ras dang / yug chen dang / par thang dang / khab ris dang / khri'u tshe dang / gor bu bslab par bya'o/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ bzang mkhan las rab tu byung ba'i gan du song ste 'di skad ces/ tshe dang ldan pa la dge sbyong gi tshul </font><hr>Cha328b<br><font size=+1>


ga la yod/ bram ze'i tshul ga la yod/ tshe dang ldan pa ni/ bzang mkhan las rab tu byung ba yin gyi/ tshe dang ldan pas rang gi bzo 'di lta ste/ zhwa dang / zhwa sgre bo dang / byis pa'i gos dang / shing nga dpung chad dang / dor mang dag dang / dor thung dag dang / bzang mkhan gyi bzo gzhan gang yin pa dag bslab par bya'o/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ lcags mkhar las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ lcags mkhar las rab tu byung ba yin gyi/ tshe dang ldan pas rang gi bzo 'di lta ste/ lhung bzed dang / lhung bzed chung du dang / khab dang / gri dag dang / sen gri dag dang / lcags mkhar gyi bzo gzhan gang yin pa dag bslab par bya'o/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ rdungs mgar las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ rdungs mgar las rab tu byung ba yin gyi/ tshe dang ldan pas rang gi bzo 'di lta ste/ 'khar gzhong dag dang / gzhong bu dag dang / cha lang dag dang / skom por dang / ril ba dag dang / rdungs mgar gyi bzo gzhan gang yin pa dag </font><hr>Cha329a<br><font size=+1>


@#/ /bslab par bya'o/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ ko lpags mkhan las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ ko lpags mkhan las rab tu byung ba yin gyi/ tshe dang ldan pas rang gi bzo 'di lta ste/ lham sgrog gu can dag dang / lham yu chad dag dang / mchil lham dag dang / sgra dag dang / dong pa dag dang / ko lpags mkhan gyi bzo gzhan gang yin pa dag bslab par bya'o/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon smra ba'i bsam pas/ rdza mkhan las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ rdza mkhan las rab tu byung ba yin gyi/ tshe dang ldan pas rang gi bzo 'di lta ste/ rdza ma dag dang / bum pa dag dang / ril ba dag dang / rdze'u dag dang / kham phor dag dang / rdza mkhan gyi bzo gzhan gang yin pa dag bslab par bya'o/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ 'breg mkhan las rab tu byung ba'i gan du song ste 'di skad </font><hr>Cha329b<br><font size=+1>


ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ 'breg mkhan las rab tu byung ba yin gyi/ tshe dang ldan pas rang gi bzo 'di lta ste/ skra 'breg pa dang / sen mo 'breg pa dang / kha spu 'breg pa dang / byin pa bcos pa dang / 'breg mkhan gyi bzo gzhan gang yin pa dag bslab par bya'o/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ shing mkhan las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ shing mkhan las rab tu byung ba yin gyi/ tshe dang ldan pas rang gi bzo 'di lta ste/ khri dag dang / khri'u dag dang / an dag dang / an khri'u dag dang / sgo glegs dag dang / shing mkhan gyi bzo gzhan gang yin pa dag bslab par bya'o/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ smyig ma mkhan las rab tu byung ba'i gan du song sta 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ smyig ma mkhan las rab tu byung ba yin gyi/ tshe dang ldan pas rang gi bzo 'di lta ste/ skon bu dag dang / sprog ma dag dang / gdugs dag dang / bsil yab dag dang / dud gzeb dag dang / smyig ma mkhan gyi bzo gzhan </font><hr>Cha330a<br><font size=+1>


@#/ /gang yin pa dag bslab par bya'o/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ bran las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ bran las rab tu byung ba yin gyi/ tshe dang ldan pas rang gi bzo 'di lta ste/ bsku mnye dang / dril phyi dang / khrus dang / pho nyar 'gro ba dang / mngag pa dang / bran gyi bzo gzhan gang yin pa dag bslab par bya'o/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro// //'dul ba rnam par 'byed pa/ bam po so dgu pa/ dge slong gis mi'i skyon nas smra ba'i bsam pas/ bram ze las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ bram ze las rab tu byung ba yin gyi/ tshe dang ldan pas rang gi las 'di lta ste/ bram ze'i spyod tshul dang / spyod pa dang / gtsang sbra dang / kun tu spyod pa dang / thal ba blang ba dang / bya ma bum blang ba dang / sa blang ba dang / lag stangs dang / thor tshugs dang / rab bsngags bya ba dang / kye zhes bya ba dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / srid srung gi rig byed dang / mchod sbyin byed pa dang mchod sbyin byed du 'jug </font><hr>Cha330b<br><font size=+1>


pa dang / klog pa dang klog tu 'jug pa dang / sbyin pa dang / len pa dang / bram ze'i las gzhan gang yin pa dag kyang bya'o/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la nyes byas su 'gyur ro/ /dge slong gis mi'i skyon nas smra ba'i bsam pas/ rgyal rigs las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ rgyal rigs las rab tu byung ba yin gyi/ tshe dang ldan pas rang gi las 'di lta ste/ glang po che'i gnyar zhon pa dang / rta la zhon pa dang / shing rta'i thabs dang / ral gri'i thabs dang / 'phong dang phyir bsnur ba dang / mdun du bsnur ba dang / lcags kyu'i sgyur thabs dang / zhags pa gdab pa dang / mda' bo che 'phen thabs dang / 'dzin stangs dang / gom stangs dang / thor tshugs dang / gcad pa dang / dral ba dang / dbug pa dang / rgyang nas phog pa dang / sgra grag par phog pa dang / gnad du phog pa dang / mi 'tshor bar phog pa dang / tshabs che ba dang / rgya la rigs kyi las gzhan gang yin pa dag kyang bya'o/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la nyes byas su 'gyur ro/ /dge slong gis mi'i skyon nas smra ba'i bsam pas/ rje'u rigs las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ rje'u rigs las rab tu byung ba yin gyi/ tshe dang ldan pas rang gi las </font><hr>Cha331a<br><font size=+1>


@#/ /'di lta ste/ zhing rmo ba dang / ba lang srung ba dang / tshong bya ba dang / rje'u rigs kyi las gzhan gang yin pa dag kyang bya'o/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ dmangs rigs las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ dmangs rigs las rab tu byung ba yin gyi/ tshe dang ldan pas rang gi las 'di lta ste/ zor ba dang / phrag rdang dang / dmangs rigs kyi las gzhan gang yin pa dag kyang bya'o/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ tha ga pa las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ thag pa las rab tu byung ba yin gyi/ tshe dang ldan pas 'di lta ste/ thag bzang dang / son pa dang / dru gu dang / snas la sogs pas rang gi las bya'o/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ khab ris mkhan las rab tu byung ba'i gan du song ste 'di skad ces/ tshe dang ldan pa la dge sbyong gi </font><hr>Cha331b<br><font size=+1>


tshul ga la yod/ bram ze'i tshul ga la yod/ tshe dang ldan pa ni/ khab ris mkhan las rab tu byung ba yin gyi/ tshe dang ldan pas 'di lta ste/ rgyang shing dang / skud pa dang / tshon dang / phur pa dang / so mang gis rang gi las bya'o/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ bzang mkhan las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ bzang mkhan las rab tu byung ba yin gyi/ tshe dang ldan pas 'di lta ste/ khab dang / skud pa dang / gri dang / chan pa dang / lcug mos rang gi las bya'o/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ lcags mkhar las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ lcags mkhar las rab tu byung ba yin gyi/ tshe dang ldan pas 'di lta ste/ sbud pa dang / sbud ru dang / ti tsha dang / skam pa dang / tho bas rang gi las bya'o/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ rdungs mgar las rab tu byung ba'i gan du song ste 'di skad ces/ tshe dang ldan pa la dge sbyong gi tshul </font><hr>Cha332a<br><font size=+1>


@#/ /ga la yod/ bram ze'i tshul ga la yod/ tshe dang ldan pa ni/ rdungs mgar las rab tu byung ba yin gyi/ tshe dang ldan pas 'di lta ste/ sbud pa dang / sbud ru dang / ti tsha dang / skam pa dang / tho bas rang gi las bya'o/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ ko lpags mkhan las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ ko lpags mkhan las rab tu byung ba yin gyi/ tshe dang ldan pas 'di lta ste/ rgyus pa dang / rgyi'u dang / 'breng bu dang / dra gri dang / smyung dang / smyung bus rang gi las bya'o/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ rdza mkhan las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ rdza mkhan las rab tu byung ba yin gyi/ tshe dang ldan pas 'di lta ste/ 'khor lo dang / dbyig gu dang / tha gu dang / 'khor lo'i rten ma dang / gsal gyis rang gi las bya'o/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis </font><hr>Cha332b<br><font size=+1>


mi'i skyon nas smra ba'i bsam pas/ 'breg mkhan las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ 'breg mkhan las rab tu byung ba yin gyi/ tshe dang ldan pas 'di lta ste/ spu gri dang / chan pa dang / bdar dang / smang tsher dang / sen gris rang gi las bya'o/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ shing mkhan las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ shing mkhan las rab tu byung ba yin gyi/ tshe dang ldan pas 'di lta ste/ ste'u dang / sta re dang / gzong dang / sog le dang / tho bas rang gi las bya'o/ / zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ smyig ma mkhan las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ smyig ma mkhan las rab tu byung ba yin gyi/ tshe dang ldan pas 'di lta ste/ smyig ma dang / gri dang / tshon dang / smyug tho dang / lhang tsher gyi rang gi las bya'o/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i </font><hr>Cha333a<br><font size=+1>


@#/ /skyon nas smra ba'i bsam pas/ bran las rab tu byung ba'i gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ bran las rab tu byung ba yin gyi/ tshe dang ldan pas 'di lta ste/ bsku mnye dang / dril phyi dang / khrus dang / pho nyar 'gro ba dang / mngag pas rang gi las bya'o/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ dge slong gi gan du song ste 'di skad ces/ tshe dang ldan pa la dge sbyong gi tshul ga la yod/ bram ze tshul ga la yod/ tshe dang ldan pa ni/ 'theng po dang / smad 'chal dang / zhar ba dang / lag sor rdum po dang / sgur po dang / mi'u thung dang / lba ba can dang / glen pa dang / lkug pa dang / grum po dang / 'on pa dang / rten 'phye dang / rkang bam las rab tu byung ba yin no/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ dge slong gi gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ mdze can dang / 'brum bu phra mo can dang / ngal skyen pa can dang / shu ba can dang / g.yan pa can dang / khyi rdo can dang / glog pa can dang / rkang shu can dang / skyigs bu can dang / skyug bro can dang </font><hr>Cha333b<br><font size=+1>


khong skem can dang / rims can dang / rims drag po can dang / lud pa can dang / dbugs mi bde ba can dang / skem nad can dang / brjed byed can dang / bkres pa can dang / skya rbab can dang / tshil po che dang / skran can dang / khrag nad can dang / mkhris nad can dang / mtshan par rdol ba las rab tu byung ba yin no/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ dge slong gi gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ pham par 'gyur ba dang / dge 'dun lhag ma dang / ltung byed dang / so sor bshags par bya ba dang / nyes byas kyi ltung ba byung ba yin no/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i bsam pas/ dge slong gi gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ khro ba dang / 'khon du 'dzin pa dang / 'chab pa dang / dngan dus can dang / phrag dog can dang / ser sna can dang / g.yon can dang / sgyu can dang / ngo tsha med pa dang / khrel med pa dag/ sdig pa 'dod pa dang / log par lta ba yin no/ /zhes smras na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /dge slong gis mi'i skyon nas smra ba'i </font><hr>Cha334a<br><font size=+1>


@#/ /bsam pas/ dge slong gi gan du song ste 'di skad ces/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ ro lta bu yin no/ /zhes bya ba la sogs pa'i spyo ba dag gis spyo bar byed na/ dge slong spa gong ba nyid du gyur kyang rung / ma gyur kyang rung / dge slong la ltung byed du 'gyur ro/ /gal te ming de lta bu mang po dag yod par gyur na/ de la lan gdab par smra ba sangs rgyas skyong gang yin zhes zer ba la/ bram ze las rab tu byung ba gang yin pa de'o/ /zhes bya ba la sogs pa snga ma lta bu dag brjod pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /mi'i skyon nas smra ba'i ltung byed de/ gnyis pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong drug sde dag dge slong rnams la phra mas kun tu spyod par byed de/ phra mas kun tu spyod pa na dge slong dag spa gong ba dang / gzengs dmas pa dang / zhum par gyur nas lung mnod pa dang / klog pa dang / kha ton dang / rnal 'byor dang / yid la bya ba dang / nang gi sems kyi zhi gnas kyang gtong bar byed/ 'di ltar dus yun ring po nas nye bar bsags pa/ chos dang ldan pa'i gcugs pa'i rgyun yad gcod par byed nas/ dge slong don nyung ngu dag/ ci'i phyir dge slong dag dge slong rnams la phra </font><hr>Cha334b<br><font size=+1>


mas kun tu spyod par byed ces smod par byed/ 'phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong drug sde dag la rmas pa/ dge slong dag/ khyed dge slong rnams la phra mas kun tu spyod pa bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad par mdzad do/ /dge slong dag/ sngon byung ba/ 'das pa'i dus na nags tshal zhig na seng ge mo sbrum ma zhig 'dug ste/ seng ge mo rnams kyi kun tu spyod pa ni/ gang gi tshe 'brang pa'i dus la bab pa de'i tshe na sha'i tshogs byas te 'brang bar byed pas/ seng ge mo de/ ba lang gi tshogs chen po zhig gi phyi bzhin du rjes su song ba dang / ba 'brangs nas ring po ma lon pa be'u rjes su skyong bar byed pa zhig khyu'i phyi bzhin 'brang zhing 'gro ba de/ seng ge mo des bsad nas sha khyer te rang gi tshang du song ngo / /be'u de yang ma'i nu ma 'thung 'dod pas de'i phyi bzhin phyi bzhin du song ba dang / seng ge mos bsam pa/ be'u </font><hr>Cha335a<br><font size=+1>


@#/ /'di yang gsad par bya'o/ /snyam na yang bsam pa/ gal te bdag gis bu 'brangs par gyur na/ 'di de'i chung po grogs su 'gyur gyi/ mi gsad do snyam mo/ /seng ge mo de 'brangs nas de las phru gu pho zhig byung ba dang / seng ge mo des rang gi phru gu dang / be'u de gnyis ka nu ma bsnun par brtsams nas ji tsam dus gzhan zhig na de gnyi ga chen por gyur to/ /dus gzhan zhig na seng ge de na bar gyur nas 'chi ba'i dus kyi tshe smras pa/ bu gnyis/ khyed gnyis nu ma gcig la nu nu ba'i spun yin la/ phra ma can snod 'byed pa dag gis 'jig rten gang bar 'khod kyi/ kho mo 'das pa'i 'og tu khyed gnyis kyis 'ga' yang mnyan par mi bya'o/ /zhes smras nas/ bsags pa kun gyi mtha' 'dzad cing / mthon po rnams kyi mtha' ltung 'gyur/ /'phrad pa'i mtha' ni 'bral ba ste/ /gson pa'i mtha' ni 'chi ba yin/ /zhes bya ba yin pas dus kyi chos dang ldan par gyur to/ /seng ge de ri dwags dam pa dam pa dag bsad nas sha dam pa dam pa dag za zhing khrag mang po dag 'thung bas chen por gyur to/ /khyu mchog de yang seng ges bsrungs pa'i rtswa bzang po dag za zhing chu gtsang ma dag 'thung bas chen por gyur to/ /ri dwags kyi rgyal po seng ge de la wa rgan po rab tu brkam pa/ lhag ma za ba zhig 'khor zhing / phyi bzhin phyi bzhin rjes su 'brang nas seng ge des ri dwags dam pa dam pa dag bsad nas sha dam pa dag zos shing / khrag dam pa dag 'thungs nas/ bag tsha ba med par de na 'dug pas/ phyogs der gcan </font><hr>Cha335b<br><font size=+1>


gzan phra mo gzhan dag gis nye mi phod pas/ wa rgan po de seng ge des ri dwags dam pa dag bsad nas sha dam pa dag zos shing khrag dam pa 'thungs pa'i sha'i lhag ma dang / khrag gi lhag ma dag za zhing 'thung bas/ pags pa dang / sha dang / khrag rgyas par gyur to/ /ji tsam dus gzhan zhig na seng ge de ri dwags dam pa dam pa dag bsad nas sha dam pa dag zos shing khrag dam pa dag 'thungs nas myur ba myur bar kho nar tshang du song ste khyu mchog de dang lhan cig rtse zhing 'dug par byed nas/ sha'i lhag ma de dag kyang gcan gzan phra mo gzhan dag gis zos nas wa rgan po des bsam pa/ seng ge 'di gang du 'gro ba je blta bar bya'o/ /snyam nas/ de de'i phyi bzhin phyi bzhin du song ba dang / ji tsam na khyu mchog dang lhan cig rtse zhing 'dug pa mthong nas/ des bsam pa/ khyu mchog 'di/ bdag gi lto'i dgrar gyur pa yin gyi/ bdag gi 'di gnyis dbye bar bya'o/ /snyam nas wa rgan po des khyu mchog de'i mdun du rna ba phab ste 'dug pa dang / khyu mchog gis smras pa/ zhang po/ rlung tsha ba dag mi ldang ngam/ was smras pa/ tsha bo/ rlung rab tu 'bar ba dag ldang ngo / /ci nyes/ seng ge 'di na re/ kho bo'i sha tshogs rgyu khyu mchog de gar song / gang gi tshe kho bos sha gzhan ma rnyed pa de'i tshe kho bos khyu mchog 'di bza' bar bya'o/ /zhes zer ro/ /khyu mchog gis smras pa/ zhang po/ kho bo cag gnyis la mas 'chi khar/ bu gnyis/ khyed nu ma gcig la nu nu ba'i spun yin la/ phra ma can snod 'byed pa dag gis 'jig rten gang bar 'khod kyi/ kho </font><hr>Cha336a<br><font size=+1>


@#/ /mo 'das pa'i 'og tu khyed gnyis 'ga' yang mnyan par mi bya'o/ /zhes kha chems bzhag gi khyod de skad ma zer cig /was smras pa/ tsha bo/ khyod da kho bo phan par 'dod pa'i tshig mi nyan na/ chud zos par 'ong ngo / /khyu mchog gis smras pa/ zhang po/ go rim ji ltar 'ong bar 'gyur/ was smras pa/ tsha bo/ seng ge 'di tshang nas byung nas bya smyangs byed par 'gyur la/ bya smyangs byas nas glal bar 'gyur zhing / glal nas phyogs bzhir rnam par blta bar 'gyur/ phyogs bzhir rnam par bltas nas seng ge'i skad thang gsum phyung ste khyod kyi mdun du 'ong bar 'gyur ba na/ khyod kyis bdag 'dis gsad do/ /snyam du shes par gyis shig /wa de/ de'i 'og tu seng ge'i mdun du rna ba phab ste 'dug pa dang / seng ges smras pa/ zhang po/ rlung tsha ba dag mi ldang ngam/ was smras pa/ tsha bo/ rlung rab tu 'bar ba dag ldang ngo / /ci nyes/ khyu mchog 'di na re/ kho bo rtswa'i seng ge gar song / 'di'i mas kho bo'i ma bsad kyi/ 'di'i lto nges par dral bar bya'o/ /zhes zer ro/ /seng ges smras pa/ zhang po| kho bo cag gnyis la mas 'chi khar/ bu gnyis/ khyod gnyis nu ma gcig la nu nu ba'i spun yin la/ phra ma can snod 'byed pa dag gis 'jig rten gang bar 'khod kyi/ kho mo 'das pa'i 'og tu khyed cag gnyis kyis 'ga' yang mnyan par mi bya'o/ /zhes kha chems bzhag gi/ khyod de skad ma zer cig /was smras pa/ tsha bo/ khyod da kho bo phan par 'dod pa'i tshig mi nyan na/ chud zos </font><hr>Cha336b<br><font size=+1>


par 'ong ngo / /seng ges smras pa/ zhang po/ go rims ji ltar 'ong bar 'gyur/ was smras pa/ tsha bo/ khyu mchog 'di lhas nas byung nas bya smyangs byed par 'gyur la/ bya smyangs byas nas 'bu sgra 'byin par 'gyur zhing / 'bu sgra phyung nas phug thrig byed par 'gyur/ phug thrig byas nas rngam pa byas te khyod kyi mdun du 'ong bar 'gyur pa na/ khyod kyis bdag 'dis gsad do/ /snyam du shes par gyis shig /de gnyis rang bzhin gyis rtag tu de ltar byed mod kyi/ lan 'ga' yang phan tshun mtshan mar ma bzung ngo / /de nas dus gzhan zhig na ri dwags kyi rgyal po seng ge de tshang nas byung nas bya smyangs byas te glal nas phyogs bzhir rnam par bltas te/ seng ge'i skad thang gsum phyung nas khyu mchog gi mdun du song ngo / /khyu mchog de yang lhas nas byung nas bya smyangs byas te/ 'bu sgra phyung nas phug thrig byas te rngam pa byas nas seng ge'i mdun du song ngo / /de gnyis rang bzhin gyis rtag tu de ltar byed mod kyi/ lan 'ga' yang mtshan mar ma bzung ste/ gang gi tshe rgyud la dbyen gyi sa bon btab pa de'i tshe na mtshan mar bzung bas/ khyu mchog gis kyang bdag 'dis gsad do/ /snyam du bsam la/ seng ges kyang bdag 'dis gsad do/ /snyam du bsam nas/ seng ges khyu mchog gi brang la sder mo btab pa dang / khyu mchog gis kyang rwas seng ge'i lto dral nas/ de gnyis ka dus la bab pa dang / lhas tshigs su bcad pa smras pa/ bzang po dag la lta ba'i mis/ /skye bo ngan pa bsten mi bya/ /seng ge khyu mchog mdza' ba la/ /wa yis tha dad phye la ltos/ /dge slong dag /re </font><hr>Cha337a<br><font size=+1>


@#/ /zhig dud 'gro'i skye gnas su skyes pa'i srog chags de dag kyang phra mas kun nas spyod pa na gsod par sems na/ mi rnams lta smos kyang ci dgos/ dge slong dag /de lta bas na/ dge slong gis dge slong la phra mas kun tu spyad par mi bya'o/ /dge slong gis dge slong la phra mas kun tu spyod par byed na/ 'gal tshabs can du 'gyur ro/ /dge slong dag /sngon byung 'das pa'i dus na/ nags tshal zhig na seng ge mo phru gu dang bcas pa zhig dang / stag mo phru gu dang bcas pa zhig 'dug ste/ seng ge mo spyod yul du song ba dang / de'i phru gu de 'khyams pa na stag mo'i gan du song nas stag mos de mthong nas bsam pa/ 'di gsad par bya'o/ /snyam nas yang bsam pa/ 'di bdag gi bu'i chung po grogs su 'gyur gyi/ mi gsad do/ /snyam nas des de nu ma bsnun par brtsams so/ /seng ge mo des kyang spyod yul rgyus te phyir 'ongs pa dang / ji tsam na phru gu mi snang nas des de btsal bar brtsams pa dang / des phru gu stag mos bsnun pa mthong ngo / /stag mo des kyang seng ge mo de mthong nas skrag ste 'bros par brtsams pa dang / seng ge mo des stag mo la smras pa/ nu mo/ ma 'bros shig dang lhan cig 'khod par bya ste/ 'di ltar/ kho mo spyod yul du song ba na/ khyod kyis kho mo'i phru gu la mkho ba bstabs pas| gal te spyod yul du 'gro bar gyur na/ kho mos kyang khyod kyi phru gu la mkho ba bstab par bya'o/ /de gnyis lhan cig 'khod par brtsams nas de gnyis kyis/ seng ge'i phru gu'i ming ni/ mche </font><hr>Cha337b<br><font size=+1>


bzang zhes bya bar btags/ stag gi phru gu'i ming ni/ dpung bzang zhes bya bar btags nas de gnyis dus gzhan zhig na chen por gyur to/ /dus gzhan zhig na seng ge mo dang stag mo gnyis na bar gyur nas de gnyis 'chi ba'i dus kyi tshe bu gnyis la smras pa/ bu gnyis khyed gnyis nu ma gcig la nu nu ba'i spun yin la/ phra ma can snod 'byed pa dag gis 'jig rten gang bar 'khod kyi/ kho mo cag gnyis 'das pa'i 'og tu khyed gnyis kyis 'ga' yang mnyan par mi bya'o/ /zhes smras nas/ bsags pa kun gyis mtha' 'dzad cing / /mthon po rnams kyi mtha' ltung 'gyur/ /'phrad pa'i mtha' ni 'bral ba ste/ /gson po'i mtha' ni 'chi ba yin/ /zhes bya ba yin pas dus kyi chos dang ldan par gyur to/ /seng ge ni/ ri dwags dam pa dam pa dag bsad nas sha dam pa dag za bar byed/ khrag dam pa dag 'thung bar byed cing / de sha dam pa dag zos shing khrag dam pa dag 'thungs nas myur ba myur ba kho nar tshang du 'gro bar byed do/ /stag ni/ spyod yul du song nas tshegs chen pos ri dwags dag bsad de/ sha dang khrag zos shing 'thungs nas yun ring pos phyir 'ong ngo / /dus gzhan zhig na stag gi lhag rol dag sbas nas des de zos te myur du phyir 'ongs pa dang / seng ges stag la smras pa/ khyod sngon chad ni/ yun ring zhig gis phyir 'ong na/ deng myur du phyir 'ongs pa 'di la rgyu ci yod/ stag gis smras pa/ kho bos/ lhag rol sbas par gyur pa de zos te phyir 'ongs so/ /seng ges smras pa/ khyod lhag rol sbed dam/ stag gis smras pa/ sbed </font><hr>Cha338a<br><font size=+1>


@#/ /do| |seng ges smras pa/ kho bo ni/ ri dwags dam pa dam pa dag bsad nas sha dam pa zos shing khrag dam pa 'thungs nas ltos pa med par 'gro'o/ /stag gis smras pa/ khyod ni/ stobs dang ldan pa yin gyi/ kho bos ni/ de ltar byed mi nus so/ /seng ges smras pa/ bdag cag lhan cig 'dong ngo / /de gnyis lhan cig 'dong bar brtsams so/ /ri dwags kyi rgyal po seng ge de la wa rgan po rab tu gdu ba/ lhag ma za ba zhig 'khor zhing phyi bzhin phyi bzhin du 'brang ba des bsam pa/ stag 'di/ bdag gi lto'i dgrar gyur pa yin gyi/ 'di gnyis dbye bar bya'o/ /snyam nas/ de nas wa rgan po der seng ge'i mdun du rna ba phab ste 'dug pa dang / seng ges smras pa/ zhang po/ rlung tsha ba dag mi ldang ngam/ was smras pa/ tsha bo/ rlung rab tu 'bar bdag ldang ngo / /ci nyes/ stag 'di na re/ kho bo'i rtswa'i seng ge de gar song / des kho bo lhag ma zar bcug gi/ kho bos de nges par gsad par bya'o/ /zhes zer ro/ /seng ges smras pa/ zhang po/ kho bo cag gnyis la ma gnyis kyis 'chi khar/ bu gnyis/ khyod gnyis nu ma gcig la nu nu ba'i spun yin la/ phra ma can snod 'byed pa dag gis 'jig rten gang bar 'khod kyi/ kho mo cag gnyis 'das pa'i 'og tu khyed gnyis kyis 'ga' yang mnyan par mi bya'o/ /zhes kha chems bzhag gi/ khyod de skad ma zer cig /was smras pa/ tsha bo/ khyod da kho bo phan par 'dod pa'i tshig mi nyan na/ chud zos par 'ong ngo / /seng ges </font><hr>Cha338b<br><font size=+1>


smras pa/ zhang po/ go rim ji ltar 'ong bar 'gyur/ was smras pa/ tsha bo stag 'di tshang nas bya smyangs byed par 'gyur la/ bya smyangs byas nas glal bar 'gyur zhing / glal nas phyogs bzhir rnam par lta bar 'gyur/ phyogs bzhir rnam par bltas nas stag gi skad thang gsum phyung ste khyod kyi mdun du 'ongs par 'gyur ba na/ khyod kyis bdag 'dis gsad do/ /snyam du shes par gyis shig /de'i 'og tu stag gi mdun du rna ba phab ste 'dug pa dang / stag gis smras pa/ zhang po/ rlung tsha ba dag mi ldang ngam/ was smras pa/ tsha bo/ rlung rab tu tsha ba 'bar ba dag ldang ngo / /ci nyes/ seng ge 'di na re/ kho bo'i rtsa'i stag de gar song / de nges par gsad par bya'o/ /zhes zer ro/ /stag gis smras pa/ zhang po/ kho bo cag gnyis la ma gnyis kyis 'chi khar/ bu gnyis/ khyed gnyis nu ma gcig la nu nu ba'i spun yin la/ phra ma can snod 'byed pa dag gis 'jig rten gang bar 'khod kyi/ khyed gnyis kyis 'ga' yang mnyan par mi bya'o/ /zhes kha chems bzhag gi/ khyod de skad ma zer cig /was smras pa/ tsha bo/ khyod da kho bo phan par 'dod pa'i tshig mi nyan na/ chud zos par 'ong ngo / /zhang po/ go rim ji ltar 'ong bar 'gyur/ was smras pa/ tsha bo/ seng ge 'di tshang nas byung nas bya smyangs byed par 'gyur la/ bya smyangs byas nas glal bar 'gyur zhing / glal nas phyogs bzhir rnam par lta bar 'gyur/ phyogs bzhir rnam par bltas nas seng ge'i skad thang gsum phyung ste khyod kyi mdun du 'ong bar 'gyur ba na/ </font><hr>Cha339a<br><font size=+1>


@#/ /khyod kyis bdag 'dis gsad par 'gyur ro/ /snyam du shes par bya'o/ /de gnyis rang bzhin gyis rtag tu de ltar byed mod kyi/ lan 'ga' yang mtshan mar ma bzung ngo / /dus gzhan zhig na ri dwags kyi rgyal po seng ge de tshang nas bya smyangs byas te/ glal nas phyogs bzhir rnam par bltas te seng ge'i skad thang gsum phyung nas stag gi mdun du song ngo / /stag kyang tshang nas byung nas bya smyangs byas te glal nas phyogs bzhir rnam par bltas te/ stag skad thang gsum phyung nas seng ge'i mdun du song ngo / /de gnyis rtag tu de ltar byed mod kyi/ lan 'ga' yang mtshan mar ma bzung ste/ gang gi tshe rgyud la dbyen gyi sa bon btab pa de'i tshe mtshan mar bzung bas/ seng ges kyang bdag 'dis gsad do/ /snyam du bsam la/ stag gis kyang bdag 'dis gsad do/ /snyam bsam mo/ /yang seng ges bsam pa/ bdag ni/ stobs dang ldan pa yin la/ stag ni/ de lta ma yin pas 'dis bdag la rgol mi nus kyi/ je brtag par bya'o/ /snyam nas/ des tshigs su bcad pas smras pa/ chu zheng phun sum tshogs pa dang / /rtsal dang shugs dang ldan pa yi/ /mche ba bzang la rgol byed pa/ /dpung bzang de ni rigs pa min/ /stag gis kyang tshigs su bcad pas smras pa/ chu zheng phun sum tshogs pa dang / /rtsal dang shugs dang ldan pa yi/ /dpung bzang la ni rgol byed pa/ /mche bzang de ni rigs pa min/ /seng ges smras pa/ khyod la sus smras/ stag gis smras pa/ wa </font><hr>Cha339b<br><font size=+1>


'dis so/ /stag gis smras pa/ khyod la sus smras/ seng ges smras pa/ wa 'dis so/ /seng ges bsam pa/ 'dis bdag cag gnyis 'byed par byed do/ /snyam nas/ des wa de thal lcag gis bsnun te bsad pa dang / lhas tshigs su bcad pa smras pa/ gzhan gyi tshig gis mdza' bshes mi spang zhing / /gzhan gyis smras pa dag la brtag par bya/ /'byed par 'dod pa skabs tshol byed pas na/ /skye bo phra ma can la yid mi rton/ /wa skyes grong pa rdzun du smra byed pa/ /mdza' bshes 'byed par byed pas skyes ta re/ /phra ma smra ba de ni bsad gyur nas/ /bde bas mdza' bshes dga' bar byed la ltos/ /dge slong dag/ re zhig dud 'gro'i skye gnas su skyes pa'i srog chags de dag kyang phra mas kun tu spyod pa na/ gsod par sems na mi rnams la lta smos kyang ci dgos/ dge slong dag /de lta bas na/ dge slong gis dge slong la phra mas kun tu spyad par mi bya'o/ /dge slong gis dge slong la phra mas spyod par byed na/ 'gal tshabs can du 'gyur ro/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas/ 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong la phra ma byed na/ ltung byed do/ /dge slong la phra ma byed na zhes bya ba ni/ dge slong la phra ma bya </font><hr>Cha340a<br><font size=+1>


@#/ /ba'i bsam pas ngag dang / tshig dang / tha snyad dang / skad dang / rjod pa dang / nges pa'i tshig dang / tshig gi lam dang / tshig gi sgra dang / ngag gi las dang / ngag gi rnam par rig byed smras pa'o/ /ltung byed do zhes bya ba ni/ sems can dmyal ba dang / dud 'gro dang / yi dwags ngan song dang / ngan 'gro dang / log par ltung bdag tu sreg par byed/ 'tshod par byed/ ltung bar byed pa'o/ / gzhan yang ltung ba de ma bshags shing / so sor ma bshags nas/ dge ba'i chos rnams la sgrib par byed pa ste/ de na ltung byed do/ /zhes gsungs so/ /de la ltung bar ji ltar 'gyur zhe na/ bar sdom la| rigs dang bzo dang las dang ni/ /rtag nad ltung ba sde lnga dang / /nye ba'i nyon mongs rnams dang ni/ /spyo bar byed pa tha ma yin/ /dge slong gis phra ma bya ba'i bsam pas bram ze las rab tu byung ba'i gan du song ste 'di skad ces/ tshe dang ldan pa khyed la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ bram ze las rab tu byung ba yin zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la nyes byas su 'gyur la/ rigs dang / rus brjod pa la nyes byas phra mor 'gyur ro/ /dge slong gis phra ma bya ba'i bsam pas/ rgyal rigs las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga </font><hr>Cha340b<br><font size=+1>


la yod/ bram ze'i tshul ga la yod/ tshe dang ldan pa ni/ rgyal rigs las rab tu byung ba yin no/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na| ming brjod pa la nyes byas su 'gyur la/ rigs dang / rus brjod pa la nyes byas phra mor 'gyur ro/ /dge slong gis phra ma bya ba'i bsam pas/ rje'u rigs las rab tu byung ba'i gan du song ste 'di skad ces/ tshe dang ldan pa khyod dge sbyong gi tshul ga la yod/ bram ze'i tshul ga la yod/ tshe dang ldan pa ni/ rje'u rigs las rab tu byung ba yin no/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ dmangs rigs las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ dmangs rigs las rab tu byung ba yin no/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ tha ga pa las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i </font><hr>Cha341a<br><font size=+1>


@#/ /tshul ga la yod/ tshe dang ldan pa ni/ tha ga pa las rab tu byung ba yin no/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ khab ris mkhan las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ khab ris mkhan las rab tu byung ba yin no/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ bzang mkhan las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ bzang mkhan las rab tu byung ba yin no/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ lcags mkhar las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan </font><hr>Cha341b<br><font size=+1>


pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ lcags mkhar las rab tu byung ba yin no/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas rdungs mgar las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ rdungs mgar las rab tu byung ba yin no/ / zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ ko lpags mkhan las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ ko lpags mkhan las rab tu byung ba yin no/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ rdza mkhan las rab tu byung ba'i gan du song ste 'di </font><hr>Cha342a<br><font size=+1>


@#/ /skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ rdza mkhan las rab tu byung ba yin no/ / zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ 'breg mkhan las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ 'breg mkhan las rab tu byung ba yin no/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ shing mkhan las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ shing mkhan las rab tu byung ba yin no/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur ro/ /rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ </font><hr>Cha342b<br><font size=+1>


smyig ma mkhan las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ smyig ma mkhan las rab tu byung ba yin no/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ bran las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ bran las rab tu byung ba yin no/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ bram ze las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ bram ze las rab tu byung ba yin gyi/ tshe dang ldan pas rang gi bzo 'di lta ste/ bram ze'i spyod tshul dang / spyod pa dang / gtsang sgra dang / kun tu spyod pa dang / thal ba blang ba dang / bya ma bu ma blang ba dang / sa blang ba dang / lag stangs dang / thor tshugs dang / rab bsngags bya ba dang / kye zhes bya ba dang / nges brjod </font><hr>Cha343a<br><font size=+1>


@#/ /kyi rig byed dang / mchod sbyin gyi rig byed dang / snyan tshig gi rig byed dang / srid srung gi rig byed dang / mchod sbyin byed pa dang mchod sbyin byed du 'jug pa dang / klog pa dang klog tu 'jug pa dang / sbyin pa dang / len pa dag bslab par bya'o/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la nyes byas su 'gyur la/ rigs dang / rus brjod pa la nyes byas phra mor 'gyur ro/ /dge slong gis phra ma bya ba'i bsam pas/ rgyal rigs las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ rgyal rigs las rab tu byung ba yin gyi/ tshe dang ldan pas rang gi bzo 'di lta ste/ glang po che'i gnyar zhon pa dang / rta la zhon pa dang / shing rta'i thabs dang / ral gri'i thabs dang / 'phong dang phyir bsnur ba dang / mdun du bsnur ba dang / lcags kyus bsgyur thabs dang / zhags pas gdab pa dang / mda' bo che 'phen thabs dang / 'dzin stangs dang / gom stangs dang / thor tshugs dang / gcad pa dang / dral ba dang / dbug pa dang / rgyang nas phog pa dang / sgra grag par phog pa dang / gnad du phog pa dang / mi tshor bar phog pa dang / tshabs che ba dag bslab par bya'o/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming </font><hr>Cha343b<br><font size=+1>


brjod pa la nyes byas su 'gyur la/ rigs dang / rus brjod pa la nyes byas su phra mor 'gyur ro/ /dge slong gis phra ma bya ba'i bsam pas/ rje'u rigs las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ rje'u rigs las rab tu byung ba yin gyi/ tshe dang ldan pas rang gi bzo 'di lta ste/ zhing rmo ba dang / ba lang srung ba dang / tshong bya ba bslab par bya'o/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ dmangs rigs las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ dmangs rigs las rab tu byung ba yin gyi/ tshe dang ldan pas rang gi bzo 'di lta ste/ zor ba dang / phrag rdang bslab par bya'o/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ tha ga pa las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul </font><hr>Cha344a<br><font size=+1>


@#/ /ga la yod/ bram ze'i tshul ga la yod/ tshe dang ldan pa ni/ tha ga pa las rab tu byung ba yin gyi/ tshe ldan pas rang gi bzo 'di lta ste/ dar dag dang / ras yug chen dag dang / be'u ras dag dang / dar la dag dang / du gu la dag dang / ko tam pa dag bslab par bya'o/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ khab ris mkhan las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ khab ris mkhan las rab tu byung ba yin gyi/ tshe dang ldan pas rang gi bzo 'di lta ste/ be'u ras yug chen dang / par thang dang / khab ris dang / khri'u tshe dang / gong bu bslab par bya'o/ /zhes zer te/ dge slong gang zhe na/ ming ni/ 'di zhes bya/ rigs ni| 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ bzang mkhan las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ bzang </font><hr>Cha344b<br><font size=+1>


mkhan las rab tu byung ba yin gyi/ tshe dang ldan pas rang gi bzo 'di lta ste/ zhwa dang / zhwa sgre bo dang / byis pa'i gos dag dang / shing nga dpung chad dag dang / dor mang dag dang / dor thung dag dang / bzang mkhan gyi bzo gzhan gang yin pa dag bslab par bya'o/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ lcags mkhar las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ lcags mkhar las rab tu byung ba yin gyi/ tshe dang ldan pas rang gi bzod 'di lta ste/ lhung bzed dang / lhung bzed chung ngu dang / khab dang / gri dag dang / sen gri dag dang / lcags mkhar gyi bzo gzhan gang yin pa dag bslab par bya'o/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni| 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ rdungs mgar las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ rdungs mgar las rab tu byung ba yin gyi/ tshe dang ldan </font><hr>Cha345a<br><font size=+1>


@#/ /pas rang gi bzo 'di lta ste/ 'khar gzhong dag dang / gzhong bu dang / cha lang dag dang / skom por dag dang / ril ba dag dang / rdungs mgar gyi bzo gzhan gang yin pa dag bslab par bya'o| |zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ ko lpags mkhan las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ ko lpags mkhan las rab tu byung ba yin gyi/ tshe dang ldan pas rang gi bzo 'di lta ste/ lham sgrog gu can dag dang / lham yu chad dag dang / mchil lham dag dang / sga dag dang / dong pa dag dang / ko lpags mkhan gyi bzo gzhan gang yin pa dag bslab par bya'o/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gi phra ma bya ba'i bsam pas/ rdza mkhan las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ rdza mkhan las </font><hr>Cha345b<br><font size=+1>


rab tu byung ba yin gyi/ tshe dang ldan pas rang gi bzo 'di lta ste/ rdza ma dag dang / bum pa dang / ril ba dag dang / rje'u dag dang / kham phor dag dang / rdza mkhan gyi bzo gzhan gang yin pa dag bslab par bya'o/ / zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ 'breg mkhan las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod / bram ze'i tshul ga la yod/ tshe dang ldan pa ni/ 'breg mkhan las rab tu byung ba yin gyi/ tshe dang ldan pas rang gi bzo 'di lta ste/ skra 'breg pa dang / sen mo 'breg pa dang / kha spu 'breg pa dang / byin pa bcos pa dang / 'breg mkhan gyi bzo gzhan gang yin pa dag bslab par bya'o/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras nas/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ shing mkhan las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa dge sbyong gi tshul ga la yod/ bram ze'i tshul ga la yod/ tshe dang ldan pa shing mkhan las rab tu byung ba yin gyi/ tshe dang ldan pas rang gi bzo 'di lta ste/ khri dag dang / khri'u </font><hr>Cha346a<br><font size=+1>


@#/ /dag dang / an dag dang / an khri'u dag dang / sgo glegs dang / shing mkhan gyi bzo gzhan gang yin pa dag bslab par bya'o/ /zhes zer te/ dge slong gang zhe na/ ming ni/ /'di zhes bya| rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ smyig ma mkhan las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ smyig ma mkhan las rab tu byung ba yin gyi/ tshe dang ldan pas rang gi bzo 'di lta ste/ skon bu dag dang / sprog ma dag dang / gdugs dang / bsil yab dag dang / dud gzeb dag dang / smyig ma mkhan gyi bzo gang yin pa dag bslab par bya'o/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ bran las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ bran las rab tu byung ba yin gyi/ tshe dang ldan pas rang gi bzo 'di lta ste/ bsku ma nye dang / dril phyi dang / khrus dang / pho nyar </font><hr>Cha346b<br><font size=+1>


'gro ba dang / mngag pa dang / bran gyi bzo gzhan gang yin pa dag bslab par bya'o/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro// //'dul ba rnam par 'byed pa/ bam po bzhi bcu pa/ dge slong gis phra ma bya ba'i bsam pas/ bram ze las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ bram ze las rab tu byung ba yin gyi/ tshe dang ldan pas rang gi las 'di lta ste/ bram ze'i spyod tshul dang / spyod pa dang / gtsang sbra dang / kun tu spyod pa dang / thal ba blang ba dang / bya ma bum blang ba dang / lag stangs dang / thor tshugs dang / rab bsngags bya ba dang / kye zhes bya ba dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / srid srung gi rig byed dang / mchod sbyin byed pa dang / /mchod sbyin byed du 'jug pa dang / klog pa dang klog tu 'jug pa dang / sbyin pa dang / len pa dang / bram ze'i las gzhan gang yin pa dag kyang bya'o/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la nyes byas su 'gyur la/ rigs dang / rus brjod pa la nyes byas phra mor 'gyur ro// </font><hr>Cha347a<br><font size=+1>


@#/ /dge slong gis phra ma bya ba'i bsam pas/ rgyal rigs las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ rgyal rigs las rab tu byung ba yin gyi/ tshe dang ldan pas rang gi las 'di lta ste/ glang po che'i gnyar zhon pa dang / rta la zhon pa dang / shing rta'i thabs dang / ral gri'i thabs dang / 'phong dang phyir bsnur ba dang / mdun du bsnur ba dang / lcags kyus sgyur thabs dang / zhags pas gdab dang / mda' bo che 'phen thabs dang / 'dzin stangs dang / gom stangs dang / thor tshugs dang / bcad pa dang / dral ba dang / dbug pa dang / rgyang nas phog pa dang / sgra grag par phog pa dang / gnad du phog pa dang / mi 'chor bar phog pa dang / tshabs che bar phog pa dang / rgyal rigs kyi las gzhan gang yin pa dag kyang bya'o/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la nyes byas su 'gyur la/ rigs dang / rus brjod pa la nyes byas phra mor 'gyur ro/ /dge slong gis phra ma bya ba'i bsam pas/ rje'u rigs las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ rje'u rigs las rab tu byung ba yin gyi/ tshe dang ldan pas </font><hr>Cha347b<br><font size=+1>


rang gi las 'di lta ste/ zhing rmo ba dang / ba lang srung ba dang / tshong bya ba dang / rje'u rigs kyi las gzhan gang yin pa dag kyang bya'o/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya| rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ dmangs rigs las rab tu byung ba gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ dmangs rigs las rab tu byung ba yin gyi/ tshe dang ldan pas rang gi las 'di lta ste/ zor ba dang / phrag rdang dang / dmangs rigs kyi las gzhan gang yin pa de dag kyang bya'o/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ tha ga ba las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ tha ga pa las rab tu byung ba yin gyi/ tshe dang ldan pas 'di lta ste/ thag bzang dang / son pa dang / dru pu dang / snal ma la sogs pas rang gi las bya'o/ /zhes zer te/ dge slong gang zhe na/ ming ni/ 'di zhes bya/ </font><hr>Cha348a<br><font size=+1>


@#/ /rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ khab ris mkhan las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ khab ris mkhan las rab tu byung ba yin gyi/ tshe dang ldan pas 'di lta ste/ rgyang shing dang / skud pa dang / tshon dang / phur pa dang / so mang gis rang gi las bya'o/ / zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ mi brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ bzang mkhan las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ bzang mkhan las rab tu byung ba yin gyi/ tshe dang ldan pas 'di lta ste/ khab dang / skud pa dang / gri dang / chan pa dang / lcug mos rang gi las bya'o/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs </font><hr>Cha348b<br><font size=+1>


dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ lcags mkhar las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ lcags mkhar las rab tu byung ba yin gyi/ tshe dang ldan pas 'di lta ste/ sbud pa dang / sbud ru dang / ti tsa dang / skam pa dang / tho bas rang gi las bya'o/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ rdungs mgar las rab tu byung ba'i gan du song ste 'di skad cas/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ rdungs mgar las rab tu byung ba yin gyi/ tshe dang ldan pas 'di lta ste/ spud pa dang / sbud ru dang / ti tsa dang skam pa dang / tho bas rang gi las bya'o/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rigs ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ ko lpags mkhan las rab tu byung ba'i gan du song ste 'di skad ces/ tshe dang ldan pa khyod la </font><hr>Cha349a<br><font size=+1>


@#/ /dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ ko lpags mkhan las rab tu byung ba yin gyi/ tshe dang ldan pas 'di lta ste/ rgyus pa dang / rgyi'u dang / 'breng bu dang / dra gri dang / smyung dang / smyung bus rang gi las bya'o/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ rdza mkhan las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ rdza mkhan las rab tu byung ba yin gyi/ tshe dang ldan pas 'di lta ste/ 'khor lo dang / dbyig gu dang / tha gu dang / 'khor lo'i rten ma dang / gsal gyis rang gi las bya'o/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ 'breg mkhan las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ 'breg </font><hr>Cha349b<br><font size=+1>


mkhan las rab tu byung ba yin gyi/ tshe dang ldan pas 'di lta ste/ spu gri dang / chan pa dang / bdar dang / smang tsher dang / sen gris rang gi las bya'o/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ shing mkhan las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ shing mkhan las rab tu byung ba yin gyi/ tshe dang ldan pas 'di lta ste/ ste'u dang / sta re dang / gzong dang / sog le dang / tho bas rang gi las bya'o/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ smyig ma mkhan las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ smyig ma mkhan las rab tu byung ba yin gyi/ tshe dang ldan pas 'di lta ste/ smyig ma dang / gri dang / tshon dang / smyug tho dang / lhang tsher gyis rang gi las bya'o/ /zhes zer te/ dge </font><hr>Cha350a<br><font size=+1>


@#/ /slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya/ zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ bran las rab tu byung ba'i gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ bran las rab tu byung ba yin gyi/ tshe dang ldan pas 'di lta ste/ bsku mnye dang / dril phyi dang / khrus dang / pho nyar 'gro ba dang / mngag pas rang gi las bya'o/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ dge slong gi gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ 'theng po dang / smad 'chal dang / zhar ba dang / lag sor rdum po dang / sgur po dang / mi'u thung dang / wa ba can dang / glen pa dang / lkug pa dang / rdum po dang / 'on pa dang / rten 'phye dang / rkang bam las rab tu byung ba yin no/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes </font><hr>Cha350b<br><font size=+1>


smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ dge slong gi gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ mdze can dang / 'brum bu phra mo can dang / ngal skyen pa dang / shu ba can dang / g.yan pa can dang / khyi rdo can dang / glog pa can dang / rkang shu can dang / skyigs bu can dang / skyug bro ba dang / khong skem can dang / rims can dang / rigs drag po can dang / lud pa can dang / dbugs mi bde ba can dang / skem nad can dang / brjed byed dang / bkres ngab can dang / skya rbab can dang / tshil po che dang / skran can dang / khrag nad can dang / mkhris nad can dang / mtshan par rdol pa las rab tu byung ba yin no/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ dge slong gi gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ pham par 'gyur ba dang / dge 'dun lhag ma dang / ltung byed dang / so sor bshags </font><hr>Cha351a<br><font size=+1>


@#/ /par bya ba dang / nyes byas kyi ltung ba byung ba yin no/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ dge slong gi gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ khro ba dang / 'khon du 'dzin pa dang / 'chab pa dang / dngan dus can dang / phrag dog can dang / ser sna can dang / g.yon can dang / sgyu can dang / ngo tsha med pa dang / khrel med pa dang / sdig pa 'dod pa dang / log par lta ba yin no/ /zhes zer te/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ ming brjod pa la ltung byed du 'gyur la/ rigs dang / rus brjod pa la nyes byas su 'gyur ro/ /dge slong gis phra ma bya ba'i bsam pas/ dge slong gi gan du song ste 'di skad ces/ tshe dang ldan pa khyod la dge slong na re/ tshe dang ldan pa la dge sbyong gi tshul ga la yod/ bram ze'i tshul ga la yod/ tshe dang ldan pa ni/ ro lta bu yin no/ /zhes bya ba la sogs pa'i spyo ba dag gis spyo bar byed de/ dge slong gang zhe na/ ming ni/ 'di zhes bya/ rigs ni/ 'di zhes bya/ rus ni/ 'di zhes bya zhes smras na/ </font><hr>Cha351b<br><font size=+1>


ming brjod pa la ltung byed du 'gyur la/ rigs dang rus brjod pa la nyes byas su 'gyur ro/ /de bzhin du dge slong gis ji tsam du phra ma bya ba'i bsam pas/ dge slong dag dbye ba'i tshig smras na/ bden yang rung / rdzun yang rung / thams cad du ltung byed du 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /dge slong la phra ma byed pa'i ltung byed de| gsum pa rdzogs so// //sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong drug sde dag dge 'dun mthun pas chos bzhin du rtsod pa sbyangs par shes bzhin du rtsod pa 'di ni/ shad kyis ma byang ba dang / legs par bshad kyis ma byang ba yin gyi/ yang bshad kyis sbyang bar bya'o/ /rtsod pa 'di ni/ nges par ma brtags pa dang / legs par nges par ma brtags pa yin gyi/ yang des par brtag par bya'o/ /rtsod pa 'di ni/ nye bar ma zhi ba dang / legs par nye bar ma zhi ba yin gyi/ yang nye bar zhi bar bya'o/ /zhes yang las kyis skyo sngogs byed de/ dge slong dag yang dang mang du rtsod pa nye bar zhi bar byed pa na/ bya ba mang ba dang / byed pa mang bar gyur nas lung mnod pa dang / klog pa dang / kha ton dang / rnal 'byor dang / yid la bya ba dang / nang gi sems kyi zhi gnas gtong bar byed do/ /dge slong don nyung ngu dag /ci'i phyir dge slong dag dge 'dun mthun pas chos bzhin du rtsod pa sbyangs par shes bzhin </font><hr>Cha352a<br><font size=+1>


@#/ /du rtsod pa 'di ni/ shad kyis ma byang ba dang / legs par shad kyis ma byang ba yin gyi/ yang shad kyis sbyang bar bya'o/ /rtsod pa 'di ni/ nges par ma brtags pa dang / legs par nges par ma brtags pa yin gyi/ yang nges par brtag par bya'o/ /rtsod pa 'di ni/ nye bar ma zhi ba dang / legs par nye bar ma zhi ba yin gyi/ yang nye bar zhi bar bya'o/ /zhes yang las kyis skyo sngogs byed ces smod par byed/ 'phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong drug sde dag la rmas pa/ dge slong dag /khyed dge 'dun mthun pas chos bzhin du rtsod pa sbyangs par shes bzhin du yang las kyis skyo sngogs byed pa bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas dge slong </font><hr>Cha352b<br><font size=+1>


rnams la bka' stsal pa/ dge slong dag /de lta bas na/ phan yon bcu yang dag par gzigs pas/ 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge 'dun mthun pas chos bzhin du rtsod pa sbyangs par shes bzhin du yang las kyis skyo sngogs byed na/ ltung byed do/ /yang dge slong gang zhes bya ba ni/ drug sde'am/ gzhan yang de lta bu gang yin pa'o/ /dge 'dun zhes bya ba ni/ de bzhin gshegs pa'i nyan thos kyi dge 'dun no/ mthun pas zhes bya ba ni/ blo mthun pas so/ /chos bzhin du zhes bya ba ni/ chos ji lta ba dang / 'dul ba ji lta ba dang / ston pa'i bstan pa ji lta ba bzhin du'o/ /rtsod pa zhes bya ba ni/ rtsod pa bzhi po 'thab pa'i phyir rtsod pa dang / mi gdams pa'i phyir rtsod pa dang / ltung ba'i phyir rtsod pa dang / bya ba'i phyir rtsod pa'o/ /sbyangs pa zhes bya ba ni/ nye bar zhi bar byas pa'o/ /shes bzhin du zhes bya ba ni/ rang nyid kyis de yongs su rig pa'am/ gzhan dag gis brjod pas so/ /yang las kyis skyo sngogs byed na zhes bya ba ni/ yang byed na'o/ /ltung byed do/ /zhes bya ba ni/ sems can dmyal ba dang / dud 'gro dang / yi dwags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ltung ba de ma bshags shing / so sor ma bshags na/ dge ba'i </font><hr>Cha353a<br><font size=+1>


@#/ /chos rnams la sgrib par byed pa ste/ des na ltung byed do/ /zhes gsungs so/ /de la ltung bar ji ltar 'gyur zhe na/ dge slong gis 'thab pa'i phyir rtsod pa la 'thab pa'i phyir rtsod par 'du shes nas shad kyis byang ba la shad kyis byang bar 'du shes shing / yang las kyis skyo sngogs byed na/ ltung byed du 'gyur ro/ /shad kyis byang ba la yid gnyis za zhing / yang las kyis skyo sngogs byed na/ ltung byed du 'gyur ro/ /shad kyis ma byang ba la shad kyis byang bar 'du shes shing / yang las kyis skyo sngogs byed na/ nyes byas su 'gyur ro/ /shad kyis ma byang ba la yid gnyis za zhing / yang las kyis skyo sngogs byed na/ nyes byas su 'gyur ro/ /dge slong gis 'thab pa'i phyir rtsod pa la mi gdams pa'i phyir rtsod par 'du shes nas shad kyis byang ba la shad kyis byang bar 'du shes shing / yang las kyis skyo sngogs byed na/ ltung byed du 'gyur ro/ /shad kyis byang ba la yid gnyis za zhing / yang las kyis skyo sngogs byed na/ ltung byed du 'gyur ro/ /shad kyis ma byang ba la shad kyis byang bar 'du shes shing / yang las kyis skyo sngogs byed na/ nyes byas su 'gyur ro/ /shad kyis ma byang ba la yid gnyis za zhing / yang las kyis skyo sngags byed na/ nyes byas su 'gyur ro/ /dge slong gis 'thab pa'i phyir rtsod pa la ltung ba'i phyir rtsod par 'du shes nas/ shad kyis byang ba la shad kyis byang bar 'du shes shing / yang las kyis skyo sngogs byed na/ </font><hr>Cha353b<br><font size=+1>


ltung byed du 'gyur ro/ /shad kyis byang ba la yid gnyis za zhing / yang las kyis skyo sngogs byed na/ ltung byed du 'gyur ro/ /shad kyis ma byang ba la shad kyis byang bar 'du shes shing / yang las kyis skyo sngogs byed na/ nyes byas su 'gyur ro/ /shad kyis ma byang ba la yid gnyis za zhing / yang las kyis skyo sngogs byed na nyes byas su 'gyur ro/ /dge slong gis 'thab pa'i phyir rtsod pa la bya ba'i phyir rtsod par 'du shes nas/ shad kyis byang ba la shad kyis byang bar 'du shes shing / yang las kyis skyo sngogs byed na/ ltung byed du 'gyur ro/ /shad kyis byang ba la yid gnyis za zhing / yang las kyis skyo sngogs byed na/ ltung byed du 'gyur ro/ /shad kyis ma byang ba la shad kyis byang bar 'du shes shing / yang las kyis skyo sngogs byed na/ nyes byas su 'gyur ro/ /shad kyis ma byang ba la yid gnyis za zhing / yang las kyis skyo sngogs byed na/ nyes byas su 'gyur ro/ /dge slong gis mi gdams pa'i rtsod pa byung ba la mi gdams pa'i phyir rtsod par 'du shes nas/ shad kyis byang ba la shad kyis byang bar 'du shes shing / yang las kyis skyo sngogs byed na/ ltung byed du 'gyur ro/ /shad kyis byang ba la yid gnyis za zhing / yang las kyis skyo sngogs byed na/ ltung byed du 'gyur ro/ /shad kyis ma byang ba la shad kyis byang bar 'du shes shing / yang las kyis skyo sngogs byed na/ nyes byas su 'gyur ro/ /shad kyis ma byang ba la yid gnyis za zhing / yang las kyis skyo sngogs byed na/ nyes byas su 'gyur ro/ / </font><hr>Cha354a<br><font size=+1>


@#/ /dge slong gis mi gdams pa'i phyir rtsod pa la 'thab pa'i phyir rtsod par 'du shes nas/ shad kyis byang ba la shad kyis byang bar 'du shes shing / yang las kyis skyo sngogs byed na/ ltung byed du 'gyur ro/ /shad kyis byang ba la yid gnyis za zhing / yang las kyis skyo sngogs byed na/ ltung byed du 'gyur ro/ /shad kyis ma byang ba la shad kyis byang bar 'du shes shing / yang las kyis skyo sngogs byed na/ nyes byas su 'gyur ro/ /shad kyis ma byang ba la yid gnyis za zhing / yang las kyis skyo sngogs byed na/ nyes byas su 'gyur ro/ /dge slong gis mi gdams pa'i phyir rtsod pa la ltung ba'i phyir rtsod par 'du shes nas/ shad kyis byang ba la shad kyis byang bar 'du shes shing / yang las kyis skyo sngogs byed na/ ltung byed du 'gyur ro/ /shad kyis byang ba la yid gnyis za zhing / yang las kyis skyo sngogs byed na/ ltung byed du 'gyur ro/ /shad kyis ma byang ba la shad kyis byang bar 'du shes shing / yang las kyis skyo sngogs byed na nyes byas su 'gyur ro/ /shad kyis ma byang ba la yid gnyis za zhing / yang las kyis skyo sngogs byed na/ nyes byas su 'gyur ro/ /dge slong gis mi gdams pa'i phyir rtsod pa la bya ba'i phyir rtsod par 'du shes nas/ shad kyis ma byang ba la shad kyis byang bar 'du shes shing / yang las kyis skyo sngogs byed na/ ltung byed du 'gyur ro/ /shad kyis byang ba la yid gnyis za zhing / </font><hr>Cha354b<br><font size=+1>


yang las kyis skyo sngogs byed na/ ltung byed du 'gyur ro/ /shad kyis ma byang ba la shad kyis byang bar 'du shes shing / yang las kyis skyo sngogs byed na/ ltung byed du 'gyur ro/ /shad kyis ma byang ba la yid gnyis za zhing / yang las kyis skyo sngogs byed na/ nyes byas su 'gyur ro/ /dge slong gis ltung ba'i phyir rtsod pa la ltung ba'i phyir rtsod par 'du shes nas/ shad kyis byang ba la shad kyis byang bar 'du shes shing / yang las kyis skyo sngogs byed na/ ltung byed du 'gyur ro/ /shad kyis byang ba la yid gnyis za zhing / yang las kyis skyo sngogs byed na/ ltung byed du 'gyur ro/ /shad kyis ma byang ba la shad kyis byang bar 'du shes shing / yang las kyis skyo sngogs byed na/ nyes byas su 'gyur ro/ /shad kyis ma byang ba la yid gnyis za zhing / yang las kyis skyo sngogs byed na/ nyes byas su 'gyur ro/ /dge slong gis ltung ba'i phyir rtsod pa la 'thab pa'i phyir rtsod par 'du shes nas/ shad kyis byang ba la shad kyis byang bar 'du shes shing / yang las kyis skyo sngogs byed na/ ltung byed du 'gyur ro/ /shad kyis byang ba la yid gnyis za zhing / yang las kyis skyo sngogs byed na/ ltung byed du 'gyur ro/ /shad kyis ma byang ba la shad kyis byang bar 'du shes shing / yang las kyis skyo sngogs byed na/ nyes byas su 'gyur ro/ /shad kyis ma byang ba la yid gnyis za zhing / yang las kyis skyo sngogs byed na/ nyes byas su 'gyur ro/ /dge slong gis ltung ba'i phyir rtsod pa la mi gdams </font><hr>Cha355a<br><font size=+1>


@#/ /pa'i phyir rtsod par 'du shes nas/ shad kyis byang ba la shad kyis byang bar 'du shes shing / yang las kyis skyo sngogs byed na/ ltung byed du 'gyur ro/ /shad kyis byang ba la yid gnyis za zhing / yang las kyis skyo sngogs byed na/ ltung byed du 'gyur ro/ /shad gyis ma byang ba la shad kyis byang bar 'du shes shing / yang las kyis skyo sngogs byed na/ nyes byas su 'gyur ro/ /shad kyis ma byang ba la yid gnyis za zhing / yang las kyis skyo sngogs byed na/ nyes byas su 'gyur ro/ /dge slong gis ltung ba'i rtsod pa la bya ba'i phyir rtsod par 'du shes nas/ shad kyis byang ba la shad kyis byang bar 'du shes shing / yang las kyis skyo sngogs byed na/ ltung byed du 'gyur ro/ /shad kyis byang ba la yid gnyis za zhing / yang las kyis skyo sngogs byed na/ ltung byed du 'gyur ro/ /shad kyis ma byang ba la shad kyis byang bar 'du shes shing / yang las kyis skyo sngogs byed na/ nyes byas su 'gyur ro/ /shad kyis ma byang ba la yid gnyis za zhing / yang las kyis skyo sngogs byed na/ nyes byas su 'gyur ro/ /dge slong gis bya ba'i phyir rtsod pa la bya ba'i phyir rtsod par 'du shes nas/ shad kyis byang ba la shad kyis byang bar 'du shes shing / yang las kyis skyo sngogs byed na/ ltung byed du 'gyur ro/ /shad kyis byang ba la yid gnyis za zhing / yang las kyis skyo sngogs byed na/ ltung byed </font><hr>Cha355b<br><font size=+1>


du 'gyur ro/ /shad kyis ma byang ba la shad kyis byang bar 'du shes shing / yang las kyis skyo sngogs byed na/ nyes byas su 'gyur ro/ /shad kyis ma byang ba la yid gnyis za zhing / yang las kyi skyo sngogs byed na/ nyes byas su 'gyur ro/ /dge slong gis bya ba'i phyir rtsod pa la 'thab pa'i phyir rtsod par 'du shes nas/ shad kyis byang ba la shad kyis byang bar 'du shes shing / yang las kyis skyo sngogs byed na/ ltung byed du 'gyur ro/ /shad kyis byang ba la yid gnyis za zhing / yang las kyis skyo sngogs byed na/ ltung byed du 'gyur ro/ /shad kyis ma byang ba la shad kyis byang bar 'du shes shing / yang las kyis skyo sngogs byed na/ nyes byas su 'gyur ro/ /shad kyis ma byang ba la yid gnyis za zhing / yang las kyis skyo sngogs byed na/ nyes byas su 'gyur ro/ /dge slong gis bya ba'i phyir rtsod pa la mi gdams pa'i phyir rtsod par 'du shes nas/ shad kyis byang ba la shad kyis byang bar 'du shes shing / yang las kyis skyo sngogs byed na/ ltung byed du 'gyur ro/ /shad kyis byang ba la yid gnyis za zhing / yang las kyis skyo sngogs byed na/ ltung byed du 'gyur ro/ /shad kyis ma byang ba la shad kyis byang bar 'du shes shing / yang las kyis skyo sngogs byed na/ nyes byas su 'gyur ro/ /shad kyis ma byang ba la yid gnyis za zhing / yang las kyis skyo sngogs byed na/ nyes byas su 'gyur ro/ /dge slong gis bya ba'i phyir rtsod pa la ltung ba'i phyir rtsod par 'du shes nas/ shad kyis byang ba la shad kyis byang bar 'du shes </font><hr>Cha356a<br><font size=+1>


@#/ /shing / yang las kyis skyo sngogs byed na/ ltung byed du 'gyur ro/ /shad kyis byang ba la yid gnyis za zhing / yang las kyis skyo sngogs byed na/ ltung byed du 'gyur ro/ / shad kyis ma byang ba la shad kyis byang bar 'du shes shing / yang las kyis skyo sngogs byed na/ nyes byas su 'gyur ro/ /shad kyis ma byang ba la yid gnyis za zhing / yang las kyis skyo sngogs byed na/ nyes byas su 'gyur ro/ /de dag ni/ gang zag lnga ste/ gnyug mar gnas pa dang / las byed pa dang / 'dun pa 'bul ba dang / lta ba smra ba dang / glo bur du 'ongs pa dag go /de la/ gang zag gnyug mar gnas pa gang zhe na/ gang gis rtsod pa de'i thog ma dang / dbus dang / tha ma dag shes pa'o/ /gang zag las byed pa gang zhe na/ gang gis rtsod pa de nye bar zhi bar bya ba'i phyir las byas pa'o| |gang zag 'dun pa 'bul ba gang zhe na/ gang gis las de bya ba'i phyir 'dun pa phul bar gyur pa'o/ /gang zag lta ba smra ba gang zhe na/ gang gis rtsod pa de la rang gi lta ba smras par gyur pa'o/ / gang zag glo bur du 'ongs pa gang zhe na/ gang gis rtsod pa de'i thog ma dang / dbus dang / tha ma dag mi shes pa'o/ /de la gang zag dang po gsum po gnyug mar gnas pa dang / las byed pa dang / 'dun pa 'bul ba'i gang zag de gsum gyis/ dge 'dun mthun pas chos bzhin du rtsod pa sbyangs par shes bzhin du yang las kyis skyo sngogs byed na/ ltung byed du 'gyur ro/ /gang zag </font><hr>Cha356b<br><font size=+1>


tha ma gnyis po lta ba smra ba dang / glo bur du 'ongs pa'i gang zag de gnyis/ dge 'dun mthun pas chos bzhin du rtsod pa sbyangs par shes bzhin du yang las kyis skyo sngogs byed na/ nyes byas su 'gyur ro| |las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /skyo sngogs byed pa'i ltung byed de/ bzhi pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /tshe dang ldan pa 'char ka sha mtshan gyi rig pa shes te/ de snga dro sham thabs bgos/ lhung bzed dang chos gos thogs te mnyan yod du bsod snyoms la 'jug go /de bram ze dang / khyim bdag gi khyim bdag tu song ste chos ston par byed cing / chos bstan nas mna' ma la dris pa/ sru mo/ /khyod kyi sgyug mo ci 'dra/ des smras pa/ 'phags pa/ ri bong ma mdas phog pa ci 'dra ba de 'dra'o/ /'char kas smras pa/ sru mo/ ci/ de de'i nyes pa yin snyam mam/ 'di ltar/ de la gtum pa'i mtshan nu ma'i bar dang / 'doms kyi bar dang / rked pa'i bar dag na sha sman dang / 'dzer bu dang / sme ba dang / sme ba dmar po dang / spu 'khyil ba dag yod pas/ de ni/ de'i nyes pa yin no/ /de'i 'og tu sgyug mo'i gan du song ste dris pa/ sru mo/ khyod kyi mna' ma ci 'dra/ 'phags pa/ de'i skyon ni/ seg rdar gyis brdar 'tshal te/ le lo can/ sgrub mi phod pa/ gtum pa/ gshe ba/ spyo bar bgyid </font><hr>Cha357a<br><font size=+1>


@#/ /pa lags so/ /sru mo/ ci/ de de'i nyes pa yin snyam mam/ 'di ltar/ de la gtum pa'i mtshan nu ma'i bar dang / 'doms kyi bar dang / rked pa'i bar dag na sha sman dang / 'jer bu dang / sme ba dang / sme ba dmar po dang / spu 'khyil ba dag yod pas/ de ni/ de'i nyes pa yin no/ /de dus gzhan zhig na yang sham thabs bgos/ lhung bzed dang chos gos thogs te mnyan yod du bsod snyoms la 'jug go /de bram ze dang / khyim bdag gi khyim bdag tu song ste chos ston par byed cing chos bstan nas sgyug mo la dris pa/ sru mo/ khyod kyi mna' ma ci 'dra/ 'phags pa/ bu mo'am nu mo ci 'dra ba de 'dra'o/ /sru mo/ de ni/ 'di'i yon tan ma yin te/ 'di ltar/ de la des pa'i mtshan nu ma'i bar dang 'doms kyi bar dang / rked pa'i bar dag na/ 'di lta ste/ dpal be'u dang / bum pa gang ba dang / bkra shis dang / g.yung drung dag yod pas/ de ni/ de'i yon tan yin no/ /de'i 'og tu de'i mna' ma'i gan du song ste dris pa/ sru mo/ khyod kyi sgyug mo ci 'dra/ 'phags pa/ ma'am phu nu mo ci 'dra ba de 'dra'o/ /sru mo/ de ni/ 'di'i yon tan ma yin te/ 'di ltar/ de la des pa'i mtshan nu ma'i bar dang / 'doms kyi bar dang / rked pa'i bar dag na/ 'di lta ste/ dpal be'u dang / bum pa gang ba dang / bkra shis dang / g.yung drung dag yod pas/ de ni/ de'i yon tan yin no/ /de nas dus gzhan zhig na bud med de dag bsku mnye dang / dril phyi </font><hr>Cha357b<br><font size=+1>


dang / khrus bdag gir byed pa'i tshe/ gcig la gcig gsang ba'i gnas kyi mtshan ma rtog par byed pa ni/ ji tsam na tshe dang ldan pa 'char kas ji skad bstan pa de kho na lta bu'i mtshan bzang po dang / mtshan ngan pa dag mthong ngo / /de dag gang gi tshe 'thab mo byung ba de'i tshe na gcig la gcig gleng bar byed de/ khyod kyang kho mo dang lhan cig smra bar byed dam/ khyod skyes pa gzhan dag dang lhan cig 'di dang 'di ltar byed do/ /sdig pa zhi'o/ /'o na khyod kyi 'doms kyi bar dag na mtshan dang / mtshan ngan pa dag yod pa skyes pa gzhan gyis ji ltar shes/ gal te de ltar na/ kho mo yang ci'i phyir mi smra/ khyod kyang kho mo dang lhan cig smra bar byed dam/ khyod skyes pa gzhan dag dang lhan cig 'di dang 'di ltar byed do/ /sdig pa zhi'o/ /'o na khyod kyi 'doms kyi bar dag na mtshan ma dang / mtshan ngan pa dag yod pa skyes pa gzhan gyis ji ltar shes/ gang gi tshe de dag gis gcig la gcig bzod pa gsol ba de'i tshe na/ gcig gis gcig la dris pa/ khyod la sus smras/ 'phags pa 'char kas so/ /khyod la yang sus smras/ 'phags pa 'char kas so/ /de dag 'phags pa 'char kas bsam bzhin du bdag cag 'thab tu bcug go /zhes smod par byed/ 'phyar ka gtong bar byed/ kha zer bar byed do/ /de dag the tshom skyes nas dge slong gnas brtan gnas brtan dag bsod snyoms la zhugs pa na/ de dag gis de dag la dris pa/ 'phags pa dang / 'phags pa 'char ka </font><hr>Cha358a<br><font size=+1>


@#/ /dge slong ji lta bu lags/ sring mo dag /de ni/ mdun na 'don gyi bu las rab tu byung ba/ dge slong tshul khrims dang ldan pa yin no/ /'phags pa dag gal te de dge slong tshul khrims dang ldan pa lags na/ des ji ltar bud med kyi yul gyi gsang ba'i phyogs dag na sha smen mchis pa dag 'tshal/ de dag gis smras pa/ sring mo dag/ des sha mtshan brtag pa'i rig pa shes pas de'i mthus shes so/ /'phags pa dag /ci/ ji tsam 'tshal ba de dag thams cad bstan par bgyi'am zhes smod par byed/ 'phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das 'di snyam du dgongs te/ gang gi phyir nyes dmigs cung zad ci byung ba de dag thams cad dge slong bud med kyi yul la chos ston pa las gyur pa yin gyi/ de'i phyir dge slong gis bud med kyi yul la chos bstan par mi bya'o// snyam du dgongs nas/ de lta bas na/ dge slong gis bud med kyi yul la chos bstan par mi bya'o/ /zhes bka' stsal to/ /bcom ldan 'das kyis dge slong gis bud med kyi yul la chos bstan par mi bya'o/ /zhes bka' stsal nas dge slong dag bsod snyoms la zhugs pa na/ bud med kyi yul dag gis smras pa/ 'phags pa dag /chos bstan du gsol/ sring </font><hr>Cha358b<br><font size=+1>


mo dag /bcom ldan 'das kyis ma gnang ngo / /de dag gis smras pa/ gal te khyod chos mi ston na/ bdag cag kyang bsod snyoms mi 'bul lo/ /zhes zer ba'i skabs de/ dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ tshig lngas chos bstan par bya ste/ sring mo dag /'di ltar/ gzugs ni/ mi rtag pa'o/ /tshor ba dang / 'du shes pa dang / 'du byed rnams dang / rnam par shes pa ni/ mi rtag pa'o/ /zhes bya bas so/ /dge slong dag /bsod snyoms la zhugs pa na| bud med kyi yul dag gis smras pa/ 'phags pa dag /chos bstan du gsol/ dge slong rnams kyis/ sring mo dag /'di ltar/ gzugs ni/ mi rtag pa'o/ / tshor ba dang / 'du shes dang / 'du byed rnams dang / rnam par shes pa ni/ mi rtag pa'o/ /zhes tshig lngas chos bstan pa dang / de dag gis smras pa/ 'phags pa dag /yang chos bstan du gsol/ sring mo dag /bcom ldan 'das kyis re zhig de tsam zhig rjes su gnang ngo / /de dag gis smras pa/ 'phags pa dag /legs kyi/ bdag cag kyang bsod snyoms cung zhig 'bul lo/ /zhes zer ba'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ tshig drug gis chos bstan </font><hr>Cha359a<br><font size=+1>


@#/ /par bya ste/ sring mo dag/ 'di ltar/ mig ni/ mi rtag pa'o/ /rna ba dang / sna dang / lce dang / lus dang / yid ni/ mi rtag pa'o/ /zhes bya bas so/ /dge slong dag bsod snyoms la zhugs pa na/ bud med kyi yul dag gis smras pa/ 'phags pa dag /chos bstan du gsol/ dge slong rnams kyis/ sring mo dang / 'di ltar/ mig ni/ mi rtag pa'o/ /rna ba dang / sna dang / lce dang / lus dang / yid ni/ mi rtag pa'o/ /zhes tshig drug gis chos bstan pa dang / de dag gis smras pa/ 'phags pa dag /yang chos bstan du gsol/ sring mo dag /bcom ldan 'das kyis re shig de tsam zhig rjes su gnang ngo / /de dag gis smras pa/ 'phags pa dag /legs kyi/ bdag cag kyang bsod snyoms cung zhig 'bul lo/ /zhes zer ba'i skabs de/ dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ skyes pa bzhag ste ji tsam 'dod par chos bstan par bya'o/ /dge slong dag bsod snyoms la zhugs pa na/ bud med kyi yul dag gis smras pa/ 'phags pa/ chos bstan du gsol/ dge slong rnams kyis smras pa/ sring mo dag /skyes pa 'ga' zhig khrid de shog /'phags pa dag/ skyes pas ci bgyi/ sring mo dag/ bcom ldan 'das kyis skyes pa bzhag </font><hr>Cha359b<br><font size=+1>


ste ji tsam 'dod par chos bstan par bya'o/ /zhes bslab pa'i gzhi bca' bar mdzad do/ /'phags pa dang / legs te/ bdag cag kyang shin tu sbas pa dang / shin tu bsrungs par 'gyur la/ 'phags pa dag kyang mi bsnyengs par chos ston par 'gyur ro/ /zhes de dag gis skyes pa khrid de 'ongs nas dge slong dag gis kyang ci 'dod pa'i chos bstan te dong ngo / /drug sde dag bsod snyoms la zhugs nas de dag gis bud med kyi yul dag la smras pa/ sring mo dag/ 'khod cig dang chos bstan par bya'o/ /de dag gis smras pa/ 'phags pa dag /skyes pa 'ga' zhig khrid de mchi'i/ bar du re zhig yud tsam zhig gzhes su gsol/ drug sde dag gis smras pa/ khyi dang / spre'u dang / be'u dang / phyi gan du nyal ba dang / gog pa dang / khye'u 'dug pa 'di las gzhan pa'i skyes pa ci dgos zhes de dag la chos bstan nas dong ngo / /dge slong gnas brtan gnas brtan dag bsod snyoms la zhugs pa na/ bud med kyi yul dag gis smras pa| 'phags pa dag/ chos bstan du gsol/ sring mo dag/ skyes pa 'ga' zhig khrid de shog/ de dag gis smras pa/ 'phags pa/ ci lags/ khyi dang / spre'u dang / be'u dang / phyi gan du nyal ba dang / gog pa dang / khye'u 'di dag ma mchis sam/ sring mo dag /kho bo cag skyes pa 'di lta bu dang chos mi ston te/ khyed cag la skyes pa 'di lta bu </font><hr>Cha360a<br><font size=+1>


@#/ /dang chos ston par byed pa de su yin/ de dag gis smras pa/ 'phags pa drug sde dag go /de kho na'i phyir de dag gis gnas skabs de 'dra'o/ /zhes zer ba'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ rig pa'i skyes pa bzhag ste ci 'dod par chos bstan par bya'o// bcom ldan 'das kyis bud med kyi yul la tshig lnga'am drug gis chos bstan par bya'o/ /zhes bka' stsal nas/ drug sde dag tshig lngas chos ston pa na/ bsam bzhin du tshig drug pa la 'jug par byed cing / tshig drug gis chos ston pa na yang bsam bzhin du tshig bdun pa la 'jug par byed nas dge slong rnams kyis de dag la smras pa/ tshe dang ldan pa dag /bcom ldan 'das kyis tshig lnga'am drug gis chos bstan par bya'o/ /zhes bka' stsal na/ khyed cag tshig lngas chos ston pa na/ bsam bzhin du tshig drug pa la 'jug par byed cing / tshig drug gis chos ston pa na/ yang bsam bzhin du tshig bdun pa la 'jug par byed dam/ de dag gis smras pa/ tshe dang ldan pa dag / gang la tshig lnga pa rung ba de la tshig drug pa yang rung la/ gang la tshig drug pa rung ba de la tshig bdun pa yang rung ste/ tshig drug pa dang bdun pas kun dong zos sam/ chang 'thungs </font><hr>Cha360b<br><font size=+1>


sam/ ci na/ dmigs kyis dgag par bya/ dge slong don nyung ngu dag/ bcom ldan 'das kyis bud med kyi yul la tshig lnga'am drug gis chos bstan par bya'o/ /zhes bka' stsal na/ ci'i phyir dge slong dag tshig lngas chos ston pa na/ bsam bzhin du tshig drug pa la 'jug par byed cing / tshig drug gis chos ston pa na/ yang bsam bzhin du tshig bdun pa la 'jug par byed ces smod par byed/ 'phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong drug sde dag la rmas pa /dge slong dag /ngas bud med kyi yul la tshig lnga'am drug gis chos bstan par bya'o/ /zhes bstan na/ khyed tshig lngas chos ston pa na/ bsam bzhin du tshig drug pa la 'jug par byed cing / tshig drug gis chos ston pa na/ yang bsam bzhin du tshig bdun pa la 'jug pa bden nam/ btsun pa/ mad do/ /sangs rgyas bcom ldan 'das kyis dge sbyong </font><hr>Cha361a<br><font size=+1>


@#/ /gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung ba'i bya ba ma yin no/ /zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas/ 'dul ba nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang bud med kyi yul la tshig lnga'am drug las lhag pa'i chos ston na/ rig pa'i skyes pa ma gtogs te/ ltung byed do/ /yang dge slong gang zhes bya ba ni/ drug sde'am/ gzhan yang de lta bu gang yin pa'o/ /bud med kyi yul la zhes bya ba ni/ bud med dam/ gzhon nu ma legs par smras pa dang / nyes par smras pa'i chos rnams kyi don kun tu shes par nus pa la'o/ /tshig lnga'am drug las lhag par zhes bya ba ni/ tshig lngas chos ston pa na/ bsam bzhin du tshig drug pa la thal bar byed pa dang / tshig drug gis chos ston pa na/ yang bsam bzhin du tshig bdun pa la thal bar byed pa'o/ /chos zhes bya ba ni/ sangs rgyas kyis gsungs pa'am/ </font><hr>Cha361b<br><font size=+1>


sangs rgyas kyi nyan thos kyis bshad pa'o/ /ston na zhes bya ba ni/ 'chad na'o/ /rig pa'i skyes pa ma gtogs te zhes bya ba ni/ rig pa'i skyes pa bzhag ste'o/ /ltung byed do/ / zhes bya ba ni/ sems can dmyal ba dang / dud 'gro dang / yi dwags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ltung ba de ma bshags shing / so sor ma bshags na/ dge ba'i chos rnams la sgrib par byed pa ste/ des na ltung byed do/ /zhes gsungs so| |de la ltung bar ji ltar 'gyur zhe na/ dge slong steng gi khang thog tu bud med kyi yul la chos ston par byed na/ des tshig lnga'am drug gis chos bstan par bya ste/ dge slong gis tshig lngas chos ston pa na/ bsam bzhin du tshig drug pa la thal bar byed na/ ltung byed du 'gyur ro/ /tshig drug gis chos ston pa na/ bsam bzhin du tshig bdun pa la thal bar byed na/ ltung byed du 'gyur ro/ /chos bstan nas khang thog par mar zhugs pa na/ de'i phyi bzhin du 'ong zhing 'phags pa chos bstan du gsol zhes zer ba la| sring mo khyod la chos bstan zin to/ /zhes byas nas/ 'phags pa 'dir yang chos bstan du gsol zhes zer na/ der yang tshig lnga'am drug gis chos bstan par bya ste/ </font><hr>Cha362a<br><font size=+1>


@#/ /dge slong gis tshig lngas chos ston pa na/ bsam bzhin du tshig drug pa la thal bar byed na/ ltung byed du 'gyur ro/ /tshig drug gis chos ston pa na/ bsam bzhin du tshig bdun pa la thal bar byed na/ ltung byed du 'gyur ro/ /'og gzhi'i sa dang / sgo khang dang / bang rim gyi bar du yang de bzhin du sbyar ro/ /bud med kyi yul mkhas pa'i rang bzhin can gyis gong nas gong du dris pa gtan la dbab pa byas pa dang / slob gnyer bsod pa dang / kha ton zhu ba dang / dmigs kyis 'dri ba dang / dus khrims dpog pa dang / yon bshad pa byed pa la ltung ba med do/ /dge slong gis ji tsam 'dod pa bkag pa dang / ldab ldib can dang / smra ba myur ba la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /ston pa'i ltung byed de/ lnga pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong drug sde dag gang zag rdzogs par ma bsnyen pa dag dang tshig gis chos 'don par byed de/ des kun dga' ra ba'i mthar sgra mthon po dang / sgra chen po skye bo phal po che'i tshogs kyi sgra lta bu 'di lta ste/ dper na/ bram ze rnams bram ze'i gsang tshig 'don pa lta bu dang / rtsis mkhan rnams </font><hr>Cha362b<br><font size=+1>


rtsis kyi gnas na smra ba lta bu grag par gyur to/ /bcom ldan 'das kyis kun dga'i ra ba'i mthar de dag gi sgra mthon po dang sgra chen po skye bo phal po che'i tshogs kyi sgra lta bu de gsan to// gsan nas kyang tshe dang ldan pa kun dga' bo la bka' stsal pa/ kun dga' bo/ kun dga'i ra ba'i mtha' na sgra mthon po dang / sgra chen po skye bo phal po che'i tshogs kyi sgra lta bu 'di lta ste/ dper na/ bram ze rnams bram ze'i gsang tshig 'don pa lta bu dang / rtsis mkhan rnams rtsis kyi gnas na smra ba lta bu 'di ci yin/ btsun pa/ dge slong drug sde dag gang zag rdzogs par ma bsnyen pa dag dang tshig gis chos 'don par bgyid de/ des kun dga'i ra ba'i mthar sgra mthon po dang / sgra chen po skye bo phal po che'i tshogs kyi sgra lta bu 'di lta ste/ dper bgyi na/ bram ze rnams bram ze'i gsang tshig 'don pa lta bu dang / rtsis mkhan rnams rtsis kyi gnas na smra ba lta bu 'di grag par gyur to/ / kun dga' bo/ dge slong dag gang zag rdzogs par ma bsnyen pa dang lhan cig tshig gis chos 'don par byed dam/ btsun pa/ bgyid do/ /de nas bcom ldan 'das kyis byung ba 'di dang| gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du </font><hr>Cha363a<br><font size=+1>


@#/ /rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong drug sde dag la rmas pa/ dge slong dag /khyed gang zag rdzogs par ma bsnyen pa dang lhan cig tshig gis chos 'don par byed pa bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas/ 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang zag rdzogs par ma bsnyen pa dang tshig gis chos 'don na/ ltung byed do/ /yang dge slong gang zhes bya ba ni/ drug sde'am/ gzhan yang de lta bu gang yin pa'o/ /gang zag rdzogs par ma bsnyen pa dang zhes bya ba la/ rdzogs par bsnyen pa ni/ gnyis te/ dge slong dang / dge slong ma'o/ /de las gzhan pa rdzogs par ma bsnyen pa'o/ /tshig gis zhes bya ba ni/ tshig mnyam pa dang / tshig snga ba dang / yi ge </font><hr>Cha363b<br><font size=+1>


mnyam pa dang / yi ge snga bas so/ /ji ltar tshig mnyam pas she na/ slob dpon 'di skad ces/ sdig pa thams cad mi bya ste/ /zhes 'don pa na/ nye gnas kyang dus gcig tu/ sdig pa thams cad mi bya ste/ zhes 'don pa ste/ de ltar tshig mnyam pas so/ /ji ltar tshig snga bas she na/ slob dpon gyis re zhig /sdig pa thams cad mi bya ste/ /zhes ma bton par nye gnas/ dge ba phun sum tshogs par bya/ /zhes 'don pa ste| de ltar tshig snga bas so/ /ji ltar yi ge mnyam pas she na/ slob dpon a zhes 'don pa na/ nye gnas kyang dus gcig tu a zhes 'don pa ste/ de ltar yi ge mnyam pas so/ /ji ltar yi ge snga bas she na| slob dpon gyis re zhig a zhes ma bton par nye gnas a zhes 'don pa ste/ de ltar yi ge snga bas so/ /chos zhes bya ba ni/ sangs rgyas kyis gsungs pa dang / sangs rgyas kyis nyan thos kyis bshad pa'o/ / 'don na zhes bya ba ni/ 'dzin du 'jug na'o/ /ltung byed do/ /zhes bya ba ni/ sems can dmyal ba dang / dud 'gro dang / yi dwags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ltung ba de ma bshags shing so sor ma bshags na/ dge ba'i chos rnams la sgrib par byed pa ste/ des na ltung byed do/ /zhes gsungs so/ /de la ltung bar ji ltar 'gyur zhe na/ dge slong gis gang zag rdzogs par ma bsnyen pa la rdzogs par ma bsnyen par 'du shes pas tshig mnyam pas chos 'don na/ ltung byed du 'gyur ro/ /dge slong gis gang zag </font><hr>Cha364a<br><font size=+1>


@#/ /rdzogs par ma bsnyen pa la rdzogs par ma bsnyen par 'du shes pas/ tshig snga bas chos 'don na/ ltung byed du 'gyur ro/ /dge slong gis gang zag rdzogs par ma bsnyen pa la rdzogs par ma bsnyen par yid gnyis za bas tshig mnyam pas chos 'don na/ ltung byed du 'gyur ro/ /dge slong gis gang zag rdzogs par ma bsnyen pa la rdzogs par ma bsnyen par yid gnyis za bas tshig snga bas chos 'don na/ ltung byed du 'gyur ro/ /dge slong gis gang zag rdzogs par ma bsnyen pa la rdzogs par ma bsnyen par 'du shes pas yi ge mnyam pas chos 'don na/ ltung byed du 'gyur ro/ /dge slong gis gang zag rdzogs par ma bsnyen pa la rdzogs par ma bsnyen par 'du shes pas yi ge snga bas chos 'don na/ ltung byed du 'gyur ro/ /dge slong gis gang zag rdzogs par ma bsnyen pa la rdzogs par ma bsnyen par yid gnyis za bas yi ge mnyam pas chos 'don na/ ltung byed du 'gyur ro/ /dge slong gis gang zag rdzogs par ma bsnyen par la rdzogs par ma bsnyen par yid gnyis za bas yi ge snga bas chos 'don na/ ltung byed du 'gyur ro/ /dge slong gis gang zag rdzogs par ma bsnyen pa la rdzogs par ma bsnyen par 'du shes pas tshig mnyam pas chos 'don na/ nyes byas su 'gyur ro/ /dge slong gis gang zag rdzogs par bsnyen pa la rdzogs par ma bsnyen par 'du shes pas tshig snga bas chos 'don na/ nyes byas su 'gyur </font><hr>Cha364b<br><font size=+1>


ro| |dge slong gis gang zag rdzogs par bsnyen pa la rdzogs par ma bsnyen par yid gnyis za bas tshigs mnyam pas chos 'don na/ nyes byas su 'gyur ro/ /dge slong gis gang zag rdzogs par bsnyen pa la rdzogs par ma bsnyen par yid gnyis za bas tshig snga bas chos 'don na/ nyes byas su 'gyur ro/ /dge slong gis gang zag rdzogs par bsnyen pa la rdzogs par ma bsnyen par 'du shes pas yi ge mnyam pas chos 'don na/ nyes byas su 'gyur ro/ /dge slong gis gang zag rdzogs par ma bsnyen pa la rdzogs par ma bsnyen par 'du shes pas yi ge snga bas chos 'don na/ nyes byas su 'gyur ro/ /dge slong gis gang zag rdzogs par bsnyen pa la rdzogs par ma bsnyen par yid gnyis za bas yi ge mnyam pas chos 'don na/ nyes byas su 'gyur ro/ /dge slong gis gang zag rdzogs par bsnyen pa la rdzogs par ma bsnyen par yid gnyis za bas yi ge snga bas chos 'don na/ nyes byas su 'gyur ro/ /ldab ldib can dang / smra ba myur ba la ltung ba med do/ /kha ton zhur gzhug pa dang / yongs su 'drir 'jug pa la ltung ba med do/ /rjes su bsgrags te lung 'bog pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ / 'don pa'i ltung byed de/ drug pa rdzogs so// //'dul ba rnam par 'byed pa/ bam po zhes gcig pa/ sangs rgyas bcom ldan 'das mnyan yod na rgyal byed kyi tshal mgon med zas </font><hr>Cha365a<br><font size=+1>


@#/ /sbyin gyi kun dga' ra ba na bzhugs so/ /'dod chags dang bral ba med pa nyon mongs pa rnams ma spangs pa'i phyir dge slong dag dge 'dun lhag ma'i ltung ba 'byin par byed pa dang / kha cig ni/ lam gol bar rgas pas de dag gang gi tshe dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la thos pa de'i tshe na/ de dag ltung ba de chos bzhin du phyir byed cing de dag yongs su gnas pa dang / mgu bar bya ba spyod pa na/ dge 'dun la chu 'brim pa'i tshe bram ze dang / khyim bdag dad pa can dag gis smras pa/ gang dag rin po che rtog pa dag kyang de la nye bar brtags shing rin po che de dag sdud par byed do/ /dge slong gnas brtan gnas brtan bsod snyoms pa 'di dag kyang dge 'dun la chu 'brim zhing bsod nams gsog par byed do/ /drug sde lto 'dun can 'di dag ni/ za zhing 'khod par byed do/ /de dag smod par byed pa na/ drug sde dag gis thos nas de dag gis smras pa/ shes ldan dag /ci/ 'di dag chos bzang po'i chos kyis dge 'dun la chu 'brim par byed snyam mam/ 'di ltar/ 'di dag ni/ chad pa'i las byed pa yin no/ /de dag gis dris pa/ 'di dag gis ci byas/ drug sde dag gis/ lag pas bya ba ma yin pa byas te/ 'di ltar byas so/ /zhes smras pa dang / de dag dge slong gnas brtan gnas brtan gang dag yin pa de dag gi </font><hr>Cha365b<br><font size=+1>


gnas skabs kyang re zhig 'di 'dra na/ dge slong bar ma dang / gsar bu gang dag yin pa de dag gi gnas skabs ci 'dra bar 'gyur zhes smod par byed/ 'phyar ka gtong bar byed/ kha zer bar byed do/ /dge slong yongs su gnas par byed pa de dag phyi dro dbu skra dang / sen mo'i mchod rten dag la lci ba 'jam po'i byug pas nyug par byed pa na/ drug sde dag gis de dag gi lhan cig gnas pa dang / nye gnas dag la dris pa/ dge tshul dag /khyod kyi mkhan po dang / slob dpon de dag gar dong / de dag gis smras pa/ bsod nams dag byed de/ bcom ldan 'das kyi dbu skra dang / sen mo'i mchod rten dag la lci ba 'jam po'i byug pas nyug par byed do/ /khyed cag kyang de lta bu'i bsod nams dag gyis shig /ci/ de dag chos bzang po'i chos kyis dbu skra dang / sen mo'i mchod rten dag la lci ba 'jam po'i byug pas nyug par byed snyam mam/ 'di ltar/ de dag ni/ chad pa'i las byed pa yin no/ /de dag gis de dag la dris pa/ de dag gis ci byas/ drug sde dag gis lag pas bya ba ma yin par byas te/ 'di ltar 'di ltar byas so/ /zhes smras so/ /gang gi tshe dge slong yongs su gnas pa byed pa de dag ltung ba de las langs par gyur pa de'i tshe na dge tshul dag la/ dge tshul dag /'di dang 'di gyis shig ces bsgo ba dang / dge tshul de dag gis smras pa/ khyed dag ci'i phyir mi byed/ kho bo cag gis byar mi rung ngo / /de dag gis smras pa/ khyed kyis 'di lta 'di ltar byar rung </font><hr>Cha366a<br><font size=+1>


@#/ /na| 'di ci'i phyir byar mi rung / de dag gis smras pa/ de lta bu yang yod mod kyi/ 'on kyang kho bo cag gis ltung ba de chos bzhin du phyir byas zin to/ /khyed la sus smras| drug sde dag gis so/ /dge slong don nyung ngu dag /ci'i phyir dge slong dag gang zag rdzogs par ma bsnyen pa la gnas ngan len gyi ltung ba rjod par byed ces smod par byed/ 'phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de dag la 'di skad ces lan gdab par bya ste/ gang la nyes pa med pa yin/ /skyon mi byed pa'i mi gang yin/ /su zhig kun tu rmongs mi 'gyur/ /su zhig rtag tu brtan par gsungs/ /yang dag mkhyen pas rnam grol ba| |rdzogs pa'i sangs rgyas rab mkhyen pa/ /de la nyes pa med pa yin/ /skyon mi byed pa'i mi de yin/ /de ni kun tu rmongs mi 'gyur/ /de ni rtag tu brtan par gsungs/ /de nas bcom ldan 'das kyis byung ba 'di dang / gleng gzhi dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni| mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong drug sde dag la rmas pa/ dge slong dag /khyed gang </font><hr>Cha366b<br><font size=+1>


zag rdzogs par ma bsnyen pa la gnas ngan len gyi ltung ba brjod pa bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smod par mdzad do/ /de nas bcom ldan 'das kyis rnam par smad nas dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa yang snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang zag rdzogs par ma bsnyen pa la gnas ngan len gyi ltung ba brjod na/ ltung byed do/ /zhes bcom ldan 'das kyis 'dul ba la nyan thos rnams kyi bslab pa'i gzhi bca' bar mdzad do/ /mnyan yod na dge slong 'phral ba dang / dge slong ma gsal ma zhes bya ba/ ci nas kyang skye bo phal po che'i tshogs ma dad par rig par 'gyur ba de lta de ltar khyim rnams su spyod par byed pa'i skabs de/ dge slong rnams kyis bcom ldan 'das la gsol pa dang| bcom ldan 'das kyis bka' stsal pa/ dge slong khyed kyis dge slong 'phral ba dang / dge slong ma gsal ma khyim rnams su so sor go bar byed pa'i dge slong bsko bar bya ste/ khyim </font><hr>Cha367a<br><font size=+1>


@#/ /rnams su so sor go bar byed pa'i dge slong chos lnga dang ldan pa ni/ ma bskos pa yang bsko bar mi bya la/ bskos pa yang dbyung bar bya ste/ lnga gang zhe na/ 'dun pas 'gro ba dang / zhe sdang gis 'gro ba dang / gti mug gis 'gro ba dang / 'jigs pas 'gro ba dang / go bar byas pa dang ma byas pa'i khyim mi shes pa'o/ /khyim rnams su so sor go bar byed pa'i dge slong chos lnga dang ldan pa ni/ ma bskos pa yang bsko bar bya la/ bskos pa yang dbyung bar mi bya ste/ lnga gang zhe na/ 'dun pas mi 'gro ba dang / zhe sdang gis mi 'gro ba dang / gti mug gis mi 'gro ba dang / 'jigs pas mi 'gro ba dang / go bar byas pa dang ma byas pa'i khyim shes pa'o/ /'di ltar bsko bar bya ste/ gnas mal bshams pa byas nas gaN+DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa na/ je dang por spro bar bya ste/ dge slong ming 'di zhes bya ba khyod/ dge slong 'phral ba dang / dge slong ma gsal ma khyim rnams su so sor go bar byed par spro'am/ gal te spro na/ des spro'o/ /zhes brjod par bya'o/ /de'i 'og tu dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong 'phral ba dang / dge slong ma gsal ma/ ci nas kyang skye bo phal po </font><hr>Cha367b<br><font size=+1>


che'i tshogs ma dad par rig par 'gyur ba de lta de ltar khyim rnams su spyod par bgyid de/ dge slong ming 'di zhes bgyi ba 'di/ dge slong 'phral ba dang / dge slong ma gsal ma khyim rnams su so sor go bar bgyid par spro na/ gal te dge 'dun gyis dus la bab cing bzod na/ dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba 'di/ khyim rnams su so sor go bar bgyid par bsko ste/ dge slong ming 'di zhes bgyi ba 'di/ dge slong 'phral ba dang / dge slong ma gsal ma khyim rnams su so sor go bar bgyid do/ /'di ni/ gsol ba'o| |las ni/ 'di ltar bya ste/ dge 'dun btsun pa rnams gsan du gsol/ dge slong 'phral ba dang / dge slong ma gsal ma/ ci nas kyang skye bo phol po che'i tshogs ma dad par rig par 'gyur ba de lta de ltar khyim rnams su spyod par bgyid nas dge slong ming 'di zhes bgyi ba 'di/ dge slong 'phral ba dang / dge slong ma gsal ma khyim rnams su so sor go bar bgyid par spro ste| de'i slad du dge 'dun gyis dge slong ming 'di zhes bgyi ba 'di/ khyim rnams su so sor go bar bgyid par bsko ste/ dge slong ming 'di zhes bgyi ba 'di/ dge slong 'phral ba dang| dge slong ma gsal ma khyim rnams su so sor go bar bgyid na/ tshe dang ldan pa gang dge slong ming 'di zhes bgyi ba 'di/ khyim rnams su so sor go bar bgyid par bsko bar bzod </font><hr>Cha368a<br><font size=+1>


@#/ /pa de dag ni/ cang ma gsungs shig /gang dag mi bzod pa de dag ni/ gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi ba 'di/ khyim rnams su so sor go bar bgyi bar bskos lags te/ 'di ltar/ cang mi gsung bsad de bzhin du 'dzin to/ /dge slong dag /ngas dge slong khyim rnams su so sor go bar byed pa'i kun tu spyod pa'i chos dag bca' bar bya ste/ dge slong khyim rnams su so sor go bar byed pas 'di skad ces brjod par bya ste/ tshe dang ldan pa dag /khyed nyon cig /khyim rnams su khyim sun par byed pa dang / gnas rnams su gnas su na par byed pa 'di lta ste/ dper na/ 'bras sA lu'i zhing phun sum tshogs pa la ser pa'i 'khor lo mi bzad pa bab na/ 'di ltar/ 'bras sA lu de nyid shin te ma dang / chud za ba dang / tshul ma yin pas ma rungs par 'gyur ba dang / bu ram shing gi zhing phun sum tshogs pa la nad kyi rigs dmar po zhes bya ba byung na/ 'di ltar| bu ram shing de nyid shin te ma dang / chud za ba dang / tshul ma yin pas ma rungs par 'gyur ba lta bu dag yod kyi/ tshe dang ldan pa dag /khyed cag dge slong 'di dang / dge slong ma 'dis bstan pa'i tshod ma 'dzin cig /'di ltar/ dge slong 'di dang / dge slong ma 'di ni/ yos tshig pa bzhin du chos 'dul ba 'di la skyer mi rung ba'i chos can yin gyi/ </font><hr>Cha368b<br><font size=+1>


bcom ldan 'das dang / gnas brtan kun shes ko'u di n+ya dang / rlangs pa dang / rta thul dang / bzang ldan dang / gnas brtan grags pa dang / gang po dang / dri med dang / ba lang bdag dang / lag bzang dang / shA ri'i bu dang / mo'u dgal gyi bu chen po dang / gsus po che chen po dang / skul byed chen po dang / ka t+ya'i bu chen po dang / lteng rgyas 'od srung dang / chu klung 'od srung dang / ga ya 'od srung dang / 'gab ma 'od srung dang / 'od srung chen po dang / dga' byed dang / kim pi la dang / legs skyes dang / nam gru dang / sa ri dang / nye sde dang| som nyi nam gru dang / lam bstan dang / lam phran bstan dang / brtag pa'i shing rta dang / chen po pa dang / grags sbyin dang / de dag la sogs pa dge slong gnas brtan gnas brtan rnams la ltos shig /ces brjod par bya'o/ /dge slong khyim rnams su so sor go bar byed pa de/ khyim rnams su so sor go bar byed du song ba dang / dge slong 'phral bas/ dge 'dun gyis dge slong ming 'di zhes bya ba de/ khyim rnams su so sor go bar byed par bskos so/ /zhes thos nas de de'i gan du song ste smras pa/ khyod khyim rnams su kho bo sun 'byin du 'gro'am/ dge 'dun gyi chos dang ldan pa'i bka' bsgrub par bya'o/ /kho bos de dang de byar rung na/ khyod kyi lto dral te rgyu ma dag gis rgyal byed kyi tshal dkri bar bya ba dang / mgo yang 'bru </font><hr>Cha369a<br><font size=+1>


@#/ /mar gyi snod bzhin du rgyal byed kyi tshal gyi sgor dbyangs la gdags par mi rung ba ci yod/ dge slong des dge slong rnams pa 'phral bas bdag spyos te/ de na re/ kho bos de dang de byar rung na/ khyod kyi lto dral te rgyu ma dag gis rgyal byed kyi tshal dkri bar bya ba dang / mgo yang 'bru mar gyi snod bzhin du rgyal byed kyi tshal gyi sgor dpyangs la gdags par mi rung ba ci yod ces zer gyi/ bdag de khyim rnams su so sor go bar byed par mi spro zhes zer ba'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag /mi gti mug can des gang zag ni/ gsod par nus kyi/ dge 'dun ni/ mi nus pas de'i phyir dge 'dun gyis khyim rnams su so sor go bar bya'o/ /'di ltar so sor go bar bya ste/ gsol ba 'ba' zhig gi las bya'o/ /de yang 'di ltar bya ste/ gnas mal bshams pa byas nas gaN+DI brdungs te dris pa'i tshig gis dge slong rnams la yang dag par bsgos nas dge 'dun thams cad 'dug cing mthun par gyur pa la/ dge slong gcig gis gsol ba bya ste/ dge 'dun btsun pa rnams gsan du gsol| dge slong 'phral ba 'di dang / dge slong ma gsal ma 'di/ ci nas kyang skye bo phal po che'i tshogs ma dad par rig par 'gyur ba de lta de ltar khyim rnams su spyod </font><hr>Cha369b<br><font size=+1>


par bgyid de/ dge slong 'phral ba dang / dge slong ma gsal ma ci nas kyang skye bo phal po che'i tshogs ma dad par rig par 'gyur ba de lta de ltar khyim rnams su spyod par bgyid kyang / dge slong 'phral ba dang / dge slong ma gsal ma/ khyim rnams su so sor go bar bgyid par spro ba su yang ma mchis na/ gal te dge 'dun gyis dus la bab cing bzod na/ dge 'dun gyis gnang bar mdzod cig dang / dge 'dun gyis dge slong 'phral ba dang / dge slong ma gsal ma/ ci nas kyang skye bo phal po che'i tshogs ma dad par rig par 'gyur ba de lta de ltar khyim rnams su spyod par bgyid par gang gis mthong zhing gang du mthong ba des/ khyim der khyed dge slong 'di dang / dge slong ma 'dis bstan pa'i tshod ma 'dzin cig /dge slong 'di dang / dge slong ma 'di ni/ yos tshig pa bzhin du chos 'dul ba 'di la skyer mi rung ba'i chos can yin gyi/ bcom ldan 'das dang / dge slong gnas brtan gnas brtan rnams la ltos shig /ces so sor go bar bgyid du stsal to/ / 'di ni| gsol ba'o/ /bcom ldan 'das kyis/ so sor rig pa'i khyim dag tu so sor go bar bya'o/ /zhes bka' stsal na/ de dag so sor rig pa dang / so sor ma rig pa'i khyim dag tu so sor go bar byed pa na/ de dag bsod snyoms kyis phongs par gyur pa'i skabs de/ dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ </font><hr>Cha370a<br><font size=+1>


@#/ /so sor rig pa'i khyim dag tu so sor go bar bya'i/ so sor ma rig pa'i khyim dag tu so sor go bar mi bya ste/ de lta bas na/ dge 'dun gyis gnang ba ma gtogs so| |de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas de dang mthun pa dang / de'i shas che ba dang| de dang tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag /de lta bas na/ snga ma ni/ bcas pa yin la/ 'di ni/ gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang gang zag rdzogs par ma bsnyen pa la gnas ngan len gyi ltung ba brjod na/ dge 'dun gyis gnang ba ma gtogs te/ ltung byed do/ /yang dge slong gang zhes bya ba ni/ drug sde'am/ gzhan yang de lta bu gang yin pa'o/ /gang zag rdzogs par ma bsnyen pa la zhes bya ba la/ rdzogs par bsnyen pa ni/ gnyis te/ dge slong dang / dge slong ma'o/ /de las gzhan pa ni/ rdzogs par ma bsnyen pa'o/ /gnas ngan len ces bya ba la/ gnas ngan len ni/ gnyis te/ pham par 'gyur ba kun nas slong ba dang / dge 'dun lhag ma kun nas slong ba'o/ /ci'i phyir de dag gnas ngan len ces bya zhe na/ ngo bo nyid las dang / </font><hr>Cha370b<br><font size=+1>


kun nas slong ba las so/ /ltung ba brjod na zhes bya ba ni/ smra na'o/ /dge 'dun gyis gnang ba ma gtogs te zhes bya ba ni/ dge 'dun gyis gnang ba bzhag ste'o/ /ltung byed do/ /zhes bya ba ni| sems can dmyal ba dang / dud 'gro dang / yi dwags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ltung ba de ma bshags shing / so sor ma bshags na/ dge ba'i chos rnams la sgrib par byed pa ste/ des na ltung byed do/ /zhes gsungs so/ /de la ltung bar ji ltar 'gyur zhe na/ dge slong gis so sor ma rig pa'i khyim dag tu so sor ma rig par 'du shes pas dge slong so sor go bar byed na/ ltung byed du 'gyur ro/ /dge slong gis so sor rig pa'i khyim dag tu so sor ma rig par yid gnyis za bas dge slong so sor go bar byed na/ ltung byed du 'gyur ro/ /dge slong gis so sor rig pa'i khyim dag tu so sor ma rig par 'du shes pas dge slong so sor go bar byed na/ nyes byas su 'gyur ro/ /dge slong gis so sor rig pa'i khyim dag tu so sor ma rig par yid gnyis za bas dge slong so sor go bar byed na/ nyes byas su 'gyur ro| /dril bsgrags pa la ni/ ltung ba med do/ /ngos la ri mor bris pa phan chad la yang ltung ba med do/ /ji ltar bdag gis shes pa de bzhin du 'jig rten thams cad kyis kyang shes so// </font><hr>Cha371a<br><font size=+1>


@#/ /snyam na'o/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /gnas ngan len brjod pa'i ltung byed de/ bdun pa rdzogs so// //sangs rgyas bcom ldan 'das yangs pa can na spre'u rdzing gi 'gram na khang pa brtsegs pa'i khang bzang na bzhugs so/ /de'i tshe na nya ba lnga brgya chu klung yid 'ong ldan la brten cing 'khod do/ /de dag la rgya mo spyod pa dang / spyod pa chen mo/ /zhes bya ba gnyis shig yod do/ /de dag lan 'ga' ni/ rgya mo spyod pa 'jug par byed la/ lan 'ga' ni/ spyod pa chen mo 'jug par byed do/ /gang gi tshe nya dag nyo ba med pa de'i tshe ni/ rgya mo spyod pa 'jug par byed la/ gang gi tshe nya dag nyo ba yod pa de'i tshe ni/ spyod pa chen mo 'jug par byed do/ /ji tsam dus gzhan zhig na yangs pa can du dus ston byung nas de dag gis rgya mo gnyis ka bcug ste nyis brgya lnga bcus ni/ rgya mo spyod pa bcug /nyis brgya lnga bcus ni/ spyod pa chen mo bcug go /gang dag gis rgya mo spyod pa bcug pa de dag gis ni/ nya dang / rus sbal dang / sbal pa dang / chu srin byis pa gsod pa dang / nya khyi ba la sogs pa mang po dag 'di lta ste/ dper na/ til dang / 'bras thug po che dang / rgya shug dang / rgya sran la sogs pa bzhin du phung po chen por rnam </font><hr>Cha371b<br><font size=+1>


par bzhag go /gang dag gis rgya mo spyod pa chen mo bcug pa de dag gis ni/ rgya mtsho chen po nas chu klung yid 'ong ldan du zhugs pa chu srin nya'i rigs/ bong tshod chen po nyal ba zin nas de dag gis de drang bar brtsams so/ /de dag gis drangs pa na/ de sad nas nya pa nyis brgya lnga bcu po de dag dang / rgya mo spyod pa chen mo khyer te rgyun phyogs su zhugs so/ /nya pa de dag gis nya pa nyis brgya lnga bcu po gzhan dag la/ shes ldan dag /rgya mo spyod pa chen mo dang bdag cag khyer gyi/ ram mda' log cig ces byas so/ /de dag gis thos nas nya pa nyis brgya lnga bcu po gzhan dag kyang lhags te/ de nyid la rub pa dang des nya pa lnga brgya dang / rgya mo spyod pa chen mo khyer te rgyun phyogs su zhugs nas gzung bar ma nus so/ /skyabs med pa de dag gis/ kun tu shes ldan dag /rgya mo spyod pa chen mo dang bdag cag khyer gyi/ grogs gyis shig ces ram mda' ba bzlog pa dang / las ma mthong ba'i mi ba lang rdzi dag dang / phyugs rdzi dag dang / shing 'thun dag dang / rtswa 'thun dag dang / lam gyis 'tsho ba dag dang / lam gol bas 'tsho ba'i mi dag dang / gzhan yang srog chags brgya stong phrag du ma dag log nas de dag gis lus rmas pa dang / rnam par rmas pa dag gis rgya mo ral pa dang / rab tu ral pas chu srin de chu nas skam la phyung ngo / /de la mgo bco brgyad dang / mig sum cu rtsa drug yod do/ /de'i mgo la la ni/ glang po </font><hr>Cha372a<br><font size=+1>


@#/ /che'i mgo 'dra/ la la ni/ rta'i mgo 'dra/ la la ni/ rnga mo'i mgo dang / bong bu'i mgo dang / ba lang gi mgo dang / spre'u'i mgo dang / seng ge'i mgo dang / stag gi mgo dang / dom gyi mgo dang / dred mo'i mgo dang / gung gi mgo dang / byi la'i mgo dang / ra'i mgo dang / lug gi mgo dang / ri dwags kyi mgo dang / ma he'i mgo dang / phag gi mgo dang / khyi'i mgo 'dra'o/ /kun tu chu klung yid 'ong ldan pa'i nya pa lnga brgyas rgya mtsho chen po nas chu klung yid 'ong ldan du zhugs pa'i chu srin nya'i rigs/ bong tshod chen po zhig rgya mo spyod pa chen mos zin te chu nas skam la phyung zhing / de la mgo bco brgyad dang / mig sum cu rtsa drug yod do/ /zhe sgras khyab par gyur to/ /de thos nas srog chags brgya stong phrag du ma dag chu klung yid 'ong ldan gyi 'gram du lhags te/ kha cig ni/ ltad mo skyes par gyur/ kha cig ni/ sngon gyi dge ba'i rtsa ba dag gis bskul bar gyur to/ /rdzogs byed la sogs pa ston pa drug po yangs pa can na brten cing gnas pa de dag kyang ltad mo skyes te der lhags so/ /skye bo'i tshogs chen po yang ya mtshan skyes te mig tshugs su rtog cing / shes ldan dag /'di'i mgo la la ni/ glang po che'i mgo 'dra la/ de nas rtog par byed/ 'di'i mgo la la ni/ khyi'i bar gyi go 'dral de nas rtog par byed do/ /zhes kyang zer ro/ /de'i skabs su sangs rgyas bcom </font><hr>Cha372b<br><font size=+1>


ldan 'das rnams la ni/ mi mkhyen pa dang / ma gzigs pa dang / ma rig pa dang / rnam par mi mkhyen pa cung zad kyang mi mnga' bas zhes bya ba nas bcom ldan 'das kyis nya pa lnga brgya po de dag rab tu phyung / rdzogs par bsnyen par mdzad pa'i bar du sngar pham par 'gyur ba bzhi pa'i skabs su bstan pa bzhin du rgyas par sbyar ro/ /de nas dus gzhan zhig na chu klung yid 'ong ldan gyi 'gram gyi dge slong lnga brgya po de dag gis gdos bu dang / pho long gi sbyor bas spro bar byed/ 'bad par byed/ rtsol bar byed pa dag gis gcig pu dben pa/ bag yod pa/ rtun pa dang ldan pa/ bdag nyid btang bar gnas pa na rigs kyi bu dag gang gi phyir skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu 'byung bar byed pa tshangs par spyod pa'i mtha' bla na med pa de tshe 'di nyid la rang gi mngon par shes pas mngon sum du byas te bsgrubs nas bdag gi skye ba zad do/ /tshangs par spyod pa spyad do/ / bya ba byas so/ /srid pa 'di las gzhan mi shes so/ /zhes go bar byed cing / dgra bcom pa khams gsum las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan+dan bzhag pa lta bu rig pas sgo nga'i spubs dral bar gyur cing / rig pa dang / mngon par shes pa dang / so sor yang dag par </font><hr>Cha373a<br><font size=+1>


@#/ /rig pa thob pa/ srid pa dang / 'dod pa'i rnyed pa dang / bkur sti la rgyab kyis phyogs pa/ dbang po dang / nye dbang dang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur to/ /de'i tshe na mu ge nyam nga ba/ dgon pa slong mo pas zas rnyed par dka' zhing / pha ma dag kyang rang gi bu dag la zas sbyin pa dang bya bar sems pa dka' na/ slong mo pa dag lta la smos kyang ci dgos pa byung ngo / /de nas bcom ldan 'das kyis dge slong rnams la bka' stsal pa/ dge slong dag /da ltar mu ge nyam nga ba/ dgon pa slong mo bas zas rnyed par dka' zhing / pha ma dag kyang rang gi bu dag la zas sbyin pa dang bya bar sems pa dka' na/ slong mo pa dag lta la smos kyang ci dgos pa byung gi/ dge slong dag /khyed cag tshur shog la smos 'drin ji lta ba dang / phebs par smra ba ji lta ba dang / 'grogs bshes ji lta bas yangs pa can gyi nye 'khor spong byed kyi grong du dbyar gnas par khas longs shig /nga yang 'od ma can gyi grong 'di nyid du bsnyen bkur ba dge slong kun dga' bo dang dbyar gnas par khas len gyi/ thams cad ni/ bsod snyoms kyis nyon mongs par gyur na mi rung ngo / /dge slong dag gis/ btsun pa/ bka' bzhin 'tshal zhes bcom ldan 'das las mnyan nas smos 'drin ji lta ba dang / phebs par smra ba ji lta ba dang / 'grogs bshes </font><hr>Cha373b<br><font size=+1>


ji lta bas yangs pa can gyi nye 'khor spong byed kyi grong du dbyar gnas par khas blangs so/ /bcom ldan 'das kyang 'od ma can gyi grong de nyid du bsnyen bkur ba tshe dang ldan pa kun dga' bo dang dbyar gnas par zhal gyis bzhes so/ /de nas dge slong lnga brgya po de dag 'di snyam du sems te/ bcom ldan 'das kyis de skad ces bka' stsal na/ 'di na bdag cag la nye du 'ga' yang med de| nya pa'i grong na bdag cag gi nye du dag 'khod kyi/ bdag cag nya pa'i grong du dong ste nye du rnams bltas nas nya pa'i grong gi nye 'khor du lo ma dang / 'dab ma'i spyil bu dag byas te dbyar gnas par khas blang bar bya gor ma chag snyam mo/ /de nas chu klung yid 'ong ldan gyi 'gram gyi dge slong lnga brgya po de dag 'di snyam du sems te/ bdag cag gis sngon ni/ nya pa'i grong du dong ste nye du rnams la gcig gis gcig gi yang dag pa ma yin pa'i yon tan bsgrags pa byas pas/ da ni/ gcig gis gcig gi yang dag pa'i yon tan bsgrag par bya'o/ /snyam nas dge slong lnga brgya po de dag nya pa'i grong du dong ste nye du dag bltas nas nya ba'i grong gi nye 'khor du lo ma dang / 'dab ma'i spyil bu dag byas te dbyar gnas par khas blangs so/ /de dag gis nye du dag nye bar 'ongs par gyur nas de dag gis nye du nye bar 'ongs pa de dag la smras pa/ nye du dag /khyed cag gang dag gi grong tshigs na/ dge slong gi dge 'dun yon tan gyi gnas 'di lta </font><hr>Cha374a<br><font size=+1>


@#/ /bu 'di ltar dbyar gnas par khas blangs par gyur pa'i nye du de dag gis ni/ rnyed pa legs par rnyed pa yin te/ dge slong 'di ni/ mi rtag pa'i 'du shes dang / mi rtag pa la sdug bsngal ba'i 'du shes dang / sdug bsngal ba la bdag med pa'i 'du shes dang / zas la mi mthun pa'i 'du shes dang / 'jig rten thams cad la mngon par mi dga' ba'i 'du shes dang / nyes dmigs kyi 'du shes dang / spong ba'i 'du shes dang / 'dod chags dang bral ba'i 'du shes dang / 'gog pa'i 'du shes dang / 'chi ba'i 'du shes dang / mi sdug pa'i 'du shes dang / rnam par sngos pa'i 'du shes dang / rnam par rnags pa'i 'du shes dang / rnam par bam pa'i 'du shes dang / rnam par 'bus gzhig pa'i 'du shes dang / rnam par zos pa'i 'du shes dang / rnam par dmar ba'i 'du shes dang / rnam par 'thor ba'i 'du shes dang / rus gong gi 'du shes dang / stong pa nyid du so sor rtog pa'i 'du shes thob pa yin no/ /dge slong 'di ni/ bsam gtan dang po dang / gnyis pa dang / gsum pa dang / bzhi pa dang / byams pa dang / snying rje dang / dga' ba dang / btang snyoms dang / nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched dang / rgyun du zhugs </font><hr>Cha374b<br><font size=+1>


pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / rdzu 'phrul gyi yul dang / lha'i rna ba dang / sems yongs su shes pa dang / sngon gyi gnas dang| 'chi 'pho dang / skye ba dang / zag pa zad pa thob pa yin no/ /dge slong 'di ni/ dgra bcom pa rnam par thar pa brgyad la bsam gtan pa yin no/ /dge slong 'di ni/ gnyi ga'i cha las rnam par grol ba yin no/ /de dag gis smras pa/ 'phags pa dag /khyed kyis yon tan gyi tshogs de lta bu dag thob bam/ thob bo/ /'jig rten ni/ yon tan la dga' ba yin pas/ re zhig rang gi bu dag las kyang 'phrog ste de dag la bsod snyoms sbyin pa dang / bya bar sems so/ /sangs rgyas bcom ldan 'das gson zhing bzhugs te/ 'tsho zhing gzhes pa rnams la chos nyid kyis/ nyan thos rnams kyi 'dus pa chen po gnyis yod de/ gcig ni/ dbyar zla 'bring po'i nya la dbyar nye bar sgrub pa'i tshe'o/ /gnyis pa ni/ ston zla 'bring po'i nya la'o/ /de la gang dag dbyar zla 'bring po'i nya la dbyar nye bar sgrub pa'i tshe gdams ngag mnos te/ grong dang / grong rdal dang / yul 'khor dang / rgyal po'i pho brang dag tu dbyar gnas par khas len pa de dag ni/ ston zla 'bring po'i zla ba nya la lhags nas ji ltar thob pa ni/ rjod par byed/ ma thob pa ni/ thob par bya ba'i phyir 'og tu 'dri bar byed do/ /de nas dge slong gang dag yangs pa can gyi nye 'khor </font><hr>Cha375a<br><font size=+1>


@#/ /spong byed kyi grong du dbyar gnas par khas blangs pa de dag /dbyar gyi zla ba gsum po dag 'das nas chos gos byas pa dang ldan/ chos gos zin pa dang ldan zhing / rid pa dang / nyam chung ba dang / rke ba dang / skam pa dang / lus ma thob pas lhung bzed dang chos gos thogs te/ 'od ma can gyi grong ga la ba der rgyu zhing 'dong ba na/ mthar gyis rgyu zhing 'dod pa'i tshe 'od ma can gyi grong du phyin pa dang / tshe dang ldan pa kun dga' bos dge slong rab tu mang po de dag thag ring po kho na nas mthong ngo / /mthong nas kyang tshangs pa mtshungs par spyod pa la mnyes gshin pas/ bshes pa dang bcas pa nyid kyi tshig gis bsus nas lhung bzed dang / chos gos dang / 'khar ba dang / gtur bu dang / ril ba spyi blugs dang / 'bru mar snod dang / zhwa dang / lham yu chad dang / mchil lham len par byed cing / 'di skad ces kyang smras so/ /tshe dang ldan pa dag tshur shog /'ongs pa legs so/ /tshe dang ldan pa dag /khyed cag gang nas da ltar 'dir 'ongs/ khyed cag gang du dbyar gnas par khas blangs/ tshe dang ldan pa kun dga' bo/ bdag cag spong byed kyi grong nas 'dir 'ongs so/ /bdag cag spong byed kyi grong du dbyar gnas par khas blangs so/ /tshe dang ldan pa dag /ji ltar spong byed kyi grong du bde ba la reg par dbyar gnas par khas blangs sam/ khyed cag bsod snyoms kyis </font><hr>Cha375b<br><font size=+1>


ngal bar ma gyur tam/ tshe dang ldan pa kun dga' bo/ bdag cag spong byed kyi grong du te bor bde ba la reg par dbyar gnas par khas blangs mod kyi/ bdag cag bsod snyoms kyis ngal bar gyur to/ /tshe dang ldan pa dag /de kho na ltar snang ste/ 'di ltar/ bsod snyoms kyis brel bas rid pa dang / nyam chung ba dang / rke ba dang / skam pa dang / lus ma thob pa dang / pags pa dang / sha dang / khrag bri bar gyur to/ /dge slong gang dag nya pa'i grong gi nye 'khor du dbyar gnas par khas blangs pa de dag kyang dbyar gyi zla ba gsum po dag 'das nas chos gos byas pa dang ldan/ chos gos zin pa dang ldan zhing / tsho ba dang / pags pa dang / sha dang / khrag rgyas pas lhung bzed dang chos gos thogs te 'od ma can gyi grong ga la ba der rgyu zhing 'dong ba na| mthar gyis rgyu zhing 'dong ba'i tshe 'od ma can gyi grong du phyin pa dang / tshe dang ldan pa kun dga' bos dge slong rab tu mang po de dag thag ring po kho na nas mthong ngo / /mthong nas kyang tshangs pa mtshungs par spyod pa la mnyes gshin pas bshes pa dang bcas pa nyid kyi tshig gis bsus nas lhung bzed dang / chos gos dang / 'khar ba dang / gtur bu dang / ril ba spyi blugs dang / 'bru mar snod dang / zhwa dang / lham yu chad dang / mchil lham len par byed cing / 'di skad ces kyang smras so/ /tshe dang ldan pa dag tshur shog /'ongs pa legs so/ /tshe dang ldan pa </font><hr>Cha376a<br><font size=+1>


@#/ /dag /khyed cag gang nas da ltar 'dir 'ongs/ khyed cag gang du dbyar gnas par khas blangs/ tshe dang ldan pa kun dga' bo/ bdag cag nya ba'i grong nas 'dir 'ongs so/ / bdag cag nya ba'i grong du dbyar gnas par khas blangs so/ /tshe dang ldan pa dag /ji ltar nya ba'i grong du bde bar reg par dbyar gnas par khas blangs sam/ khyed cag bsod snyoms kyis ngal bar ma gyur tam/ tshe dang ldan pa kun dga' bo/ bdag cag nya ba'i grong du te bor bde ba la reg par dbyar gnas par khas blangs te/ bdag cag bsod snyoms kyis kyang ngal bar ma gyur to/ /tshe dang ldan pa dag /de kho na ltar snang ste/ 'di ltar/ bsod snyoms kyis brel ba med pas tsho ba dang / pags pa dang / sha dang / khrag rgyas par gyur to/ /tshe dang ldan pa dag /de ltar mu ge nyam nga ba/ dgon pa slong mo pas zas rnyed par dka' zhing / pha ma dag kyang rang gi bu dag la zas sbyin pa dang / bya ba sems par dka' na/ slong mo lta smos kyang ci dgos pa byung na/ 'dir tshe dang ldan pa khyed cag bsod snyoms kyis brel ba med par gyur pa'i rgyu ni/ gang yin/ rkyen ni/ gang yin/ tshe dang ldan pa kun dga' bo/ bdag cag gis nye du rnams kyi mdun du gcig gis gcig gi yang dag pa'i yon tan bsgrags pa byas te/ dge slong 'di ni/ mi rtag pa'i 'du shes dang / mi rtag pa la sdug bsngal ba'i 'du </font><hr>Cha376b<br><font size=+1>


shes dang / sdug bsngal ba la bdag med pa'i 'du shes dang / zas la mi mthun pa'i 'du shes dang / 'jig rten thams cad la mngon par mi dga' ba'i 'du shes dang / nyes dmigs kyi 'du shes dang / spong ba'i 'du shes dang / 'dod chags dang bral ba'i 'du shes dang / 'gog pa'i 'du shes dang / 'chi ba'i 'du shes dang / mi sdug pa'i 'du shes dang / rnam par sngos pa'i 'du shes dang / rnam par rnags pa'i 'du shes dang / rnam par bam pa'i 'du shes dang / rnam par 'bus gzhigs pa'i 'du shes dang / rnam par zos pa'i 'du shes dang / rnam par dmar ba'i 'du shes dang / rnam par 'thor ba'i 'du shes dang / rus gong gi 'du shes dang / stong pa nyid du so sor rtog pa'i 'du shes thob pa yin no/ /dge slong 'di ni/ bsam gtan dang po dang / gnyis pa dang / gsum pa dang / bzhi pa dang / byams pa dang / snying rje dang / dga' ba dang / btang snyoms dang / nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched dang / rgyun du zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / rdzu 'phrul gyi yul dang / lha'i rna ba dang / sems yongs su shes pa dang / sngon gyi gnas dang / 'chi 'pho ba dang / skye ba dang / zag pa </font><hr>Cha377a<br><font size=+1>


@#/ /zad pa thob pa yin no/ /dge slong 'di ni/ dgra bcom pa rnam par thar pa brgyad la bsam gtan ba yin no/ /dge slong 'di ni/ gnyi ga'i cha las rnam par grol ba yin no/ /zhes gcig gis gcig gi yang dag pa'i yon tan bsgrags par byas so/ /ci/ yang dag pas sam/ yang dag par ma yin pas/ yang dag pas so/ /tshe dang ldan pa dag /khyed cag gang zag rdzogs par ma bsnyen pa la mi'i chos bla ma bden pa rjod du rung ngam/ rung yang srid/ mi rung yang srid de/ 'di ltar/ bdag cag gis ni/ smras so| |dge slong don nyung ngu dag /ci'i phyir dge slong dag gang zag rdzogs par ma bsnyen pa la mi'i chos bla ma bden pa rjod ces smod par byed/ 'phyar kha gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis chu klung yid 'ong ldan gyi 'gram na gnas pa'i dge slong rnams la rmas pa/ dge slong dag /khyed kyis gang </font><hr>Cha377b<br><font size=+1>


zag rdzogs par ma bsnyen ba la mi'i chos bla ma bden pa smras pa bden nam/ btsun pa/ mad do/ /sangs rgyas bcom ldan 'das kyis mi brtson pa dang / mi sbyor ba dang / ma brtags par spyod pa rnams rnam par smad par mdzad do/ /de nas sangs rgyas bcom ldan 'das kyis brtson pa dang / sbyor ba dang / brtags te spyod pa'i bsngags pa brjod nas dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas/ 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang zag rdzogs par ma bsnyen pa la mi'i chos bla ma bden pa brjod na| ltung byed do/ /yang dge slong gang zhes bya ba ni/ chos 'di pa'o/ /gang zag rdzogs par ma bsnyen pa la zhes bya ba la/ rdzogs par bsnyen pa ni/ gnyis te/ dge slong dang / dge slong ma'o/ /de las gzhan pa ni/ rdzogs par ma bsnyen pa'o/ /mi'i chos zhes bya ba ni/ mi rnams kyi chos mya ngan las 'das pa ste/ de mi rnams kyis 'thob kyi/ za ma dang / ma ning dang / mtshan gnyis pa dag gis kyang mi 'thob na/ sems can dmyal ba dang / dud 'gro dang / yi dwags rnams kyis lta smos kyang ci dgos pa'i phyir ro/ /bla ma zhes bya ba ni/ </font><hr>Cha378a<br><font size=+1>


@#/ /'dod pa'i khams pas gzugs kyi khams bla ma yin la/ gzugs kyi khams pas/ gzugs med pa'i khams bla ma yin pa'o/ /yang na mi'i chos zhes bya ba ni| sgrib pa lnga po dag go /bla ma zhes bya ba ni/ de dag spangs pa gang yin pa'o/ /bden pa zhes bya ba ni/ de'i dngos po bden pa kho na yin pa'o/ /smra na zhes bya ba ni/ brjod na'o/ /ltung byed do/ /zhes bya ba ni/ sems can dmyal ba dang / dud 'gro dang / yi dwags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o| |gzhan yang ltung ba de ma bshags shing so sor ma bshags na/ dge ba'i chos rnams la sgrib par byed pa ste/ des na ltung byed do/ /zhes gsungs so/ /de la ltung bar ji ltar 'gyur zhe na/ bar sdom la/ 'du shes ma bsgyur dgon pa dang / /khyim rnams su ni stan bkra dang / /rang gi mtshan nyid 'dzin pa dang / /bdag nyid nye bar ston pa'o/ /dge slong gis 'du shes ma bsgyur cing / bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces/ lha rnams mthong ngo / /zhes zer na/ ltung byed du 'gyur ro| |klu rnams dang / gnod sbyin rnams nas snga ma bzhin du lus srul po rnams kyi bar du mthong ngo / /zhes zer na/ ltung byed du 'gyur ro/ /tha na 'di skad ces/ rdul khrod kyi sha za </font><hr>Cha378b<br><font size=+1>


rnams mthong ngo / /zhes zer na/ nyes byas su 'gyur ro/ /dge slong gis 'du shes ma bsgyur cing bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces/ lha rnams kyi sgra thos so/ /zhes zer na/ ltung byed du 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi bar gyi sgra thos so/ /zhes zer na/ ltung byed du 'gyur ro/ /tha na 'di skad ces/ rdul khrod kyi sha za rnams kyi sgra thos so/ /zhes zer na/ nyes byas su 'gyur ro/ /dge slong gis 'du shes ma bsgyur cing / bzod pa dang / 'dod pa dang / blo gros dang| rtog pa dang / lta ba ma bsgyur bar 'di skad ces/ lha rnams blta ba'i phyir 'gro'o/ /zhes zer na/ ltung byed du 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi bar du blta ba'i phyir 'gro'o/ /zhes zer na/ ltung byed du 'gyur ro/ /tha na 'di skad ces/ rdul khrod kyi sha za rnams blta ba'i phyir 'gro'o/ /zhes zer na/ nyes byas su 'gyur ro/ /dge slong gis 'du shes ma bsgyur cing / bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces/ lha rnams bdag blta ba'i phyir 'ong ngo / /zhes zer na/ ltung byed du 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi bar dag bdag blta ba'i phyir 'ong ngo / /zhes zer na/ </font><hr>Cha379a<br><font size=+1>


@#/ /ltung byed du 'gyur ro/ /tha na 'di skad ces/ rdul khrod kyi sha za rnams kyang bdag blta ba'i phyir 'ong ngo / /zhes zer na/ nyes byas su 'gyur ro/ /dge slong gis 'du shes ma bsgyur cing / bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces/ lha rnams dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed ces zer na/ ltung byed du 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi bar dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed ces zer na| ltung byed du 'gyur ro/ /tha na 'di skad ces/ rdul khrod kyi sha za rnams dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed ces zer na/ nyes byas su 'gyur ro/ /dge slong gis 'du shes ma bsgyur cing / bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces/ lha rnams bdag dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed </font><hr>Cha379b<br><font size=+1>


ces zer na/ ltung byed du 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi par yang bdag dang lhan cig gtam 'dre bar byed/ phebs par smra bar byed| so sor kun dga' bar byed/ rtag tu yang lhan cig gnas par byed ces zer na/ ltung byed du 'gyur ro/ /tha na 'di skad ces/ rdul khrod kyi sha za rnams kyang bdag dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed ces zer na/ nyes byas su 'gyur ro/ /dge slong gis 'du shes ma bsgyur cing / bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces/ thob bzhin du bdag gis mi rtag pa'i 'du shes thob bo/ /zhes zer na/ ltung byed du 'gyur ro/ /mi rtag pa la sdug bsngal ba'i 'du shes nas snga ma bzhin du stong pa nyid du so sor rtog pa'i 'du shes kyi bar du thob bo/ /zhes zer na/ ltung byed du 'gyur ro/ /dge slong gis 'du shes ma bsgyur cing / bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces/ thob bzhin du bdag gis bsam gtan dang po thob bo/ / zhes zer na/ ltung byed du 'gyur ro/ /de bzhin du gnyis pa dang / gsum pa dang / bzhi pa nas snga ma bzhin du bdag dgra bcom pa rnam par thar pa brgyad la bsam gtan pa dang / gnyi </font><hr>Cha380a<br><font size=+1>


@#/ /ga'i cha las rnam par grol ba'o/ /zhes zer na/ ltung byed du 'gyur ro/ /'di ltar/ dge slong rab tu mang po dag grong med pa'i dgon pa'i gnas shig na gnas shing de na de dag la mi ma yin pa dag gis 'tshe ba de na dge slong gang rgyun du zhugs pa dang / lan gcig phyir 'ong ba dang / phyir mi 'ong ba dang / dgra bcom pa yin pa de la de na mi ma yin pa dag gis 'tshe bar mi byed nas dge slong gis 'du shes ma bsgyur cing / bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces/ bdag kyang grong med pa'i dgon pa'i gnas de na gnas te/ de na bdag la mi ma yin pa rnams 'tshe bar mi byed do/ /zhes zer na/ ltung byed du 'gyur ro/ /'di ltar/ dge slong rab tu mang po dag khyim rnams su mgron du bos te za bar byed cing / de na de dag la stan khra bo bkra ba dag bshams shing / de na dge slong gang rgyun du zhugs pa dang / lan gcig phyir 'ong ba dang / phyir mi 'ong ba dang / dgra bcom pa yin pa de la de na stan khra bo nye bar bkra ba dag shom par byed nas dge slong gis 'du shes ma bsgyur cing / bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces/ bdag kyang khyim der mgron du bos shing zos te/ de na bdag la yang stan khra bo nye bar bkra ba dag shom par byed do/ /zhes zer na/ ltung byed du 'gyur </font><hr>Cha380b<br><font size=+1>


ro| |'di ltar/ dge slong rab tu mang po dgon pa na gnas pa dag gis zhi gnas kyi rgyu mtshan rang gi mtshan nyid 'dzin pa cung zad cig la brten nas 'jig rten pa'i lam gyis nyon mongs pa dag rnam par mnan pas/ 'dod pa la 'dod chags dang / gnod sems dag rgyud la kun tu mi 'byung nas dge slong gis 'du shes ma bsgyur cing / bzod pa dang / 'dod pa dang / blo gros dang / rtog pa dang| lta ba ma bsgyur bar 'di skad ces/ bdag kyang grong med pa'i dgon pa'i gnas de na gnas shing / bdag gis kyang de na gnas pa na zhi gnas kyi rgyu mtshan gang gi mtshan nyid 'dzin pa cung zad cig la brten nas 'jig rten pa'i lam gyis nyon mongs pa dag rnam par mnan pas/ 'dod pa la 'dod chags dang / gnod sems dag bdag gi rgyud la yang kun tu mi 'byung ngo / /zhes zer na/ nyes byas su 'gyur ro/ /dge slong gis bdag nyid la nye bar ston pas 'du shes ma bsgyur cing / bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces/ dge slong gang gis lha rnams mthong ba de ltar yod do/ /zhes zer zhing / 'di skad ces/ kho bo'o/ /zhes ni/ mi zer na/ nyes byas su 'gyur ro/ /klu rnams dang| gnod sbyin rnams nas snga ma bzhin du lus srul po rnams kyi bar du mthong ba de yod do/ /zhes zer zhing / 'di skad ces/ kho bo'o/ /zhes ni/ mi zer na/ nyes byas su 'gyur ro/ /tha </font><hr>Cha381a<br><font size=+1>


@#/ /na 'di skad ces/ dge slong gang gis rdul khrod kyi sha za rnams mthong ba de yod do/ /zhes zer zhing / 'di skad ces/ kho bo'o/ /zhes ni/ mi zer na/ nyes byas su 'gyur ro/ /dge slong gis bdag nyid la nye bar ston pas 'du shes ma bsgyur cing / bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces/ dge slong gang gis lha rnams kyi sgra thos pa de yod do/ /zhes zer zhing / 'di skad ces/ kho bo'o/ /zhes ni/ mi zer na/ nyes byas su 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi bar gyi sgra thos pa de yod do/ /zhes zer zhing / 'di skad ces/ kho bo'o/ /zhes ni/ mi zer na/ nyes byas su 'gyur ro/ /tha na 'di skad ces/ dge slong gang gis rdul khrod kyi sha za rnams kyi sgra thos pa de yod do/ /zhes zer zhing / 'di skad ces/ kho bo'o/ /zhes ni/ mi zer na/ nyes byas su 'gyur ro/ /dge slong gis bdag nyid la nye bar ston pas 'du shes ma bsgyur cing / bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces/ dge slong gang lha rnams blta ba'i phyir 'gro ba de yod do/ / zhes zer zhing / 'di skad ces/ kho bo'o/ /zhes ni/ mi zer na/ nyes byas su 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi bar du blta ba'i phyir </font><hr>Cha381b<br><font size=+1>


'gro ba de yod do/ /zhes zer zhing / 'di skad ces/ kho bo'o/ /zhes ni/ mi zer na/ nyes byas su 'gyur ro/ /tha na 'di skad ces/ dge slong rdul khrod kyi sha za rnams blta ba'i phyir 'gro ba de yod do/ /zhes zer zhing / 'di skad ces/ kho bo'o/ /zhes ni/ mi zer na/ nyes byas su 'gyur ro/ /dge slong gis bdag nyid la nye bar ston pas 'du shes ma bsgyur cing / bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces/ dge slong gang la lha rnams blta ba'i phyir 'ong ba de yod do/ /zhes zer zhing / 'di skad ces/ kho bo'o/ /zhes ni/ mi zer na/ nyes byas su 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi bar du blta ba'i phyir 'ong ba de yod do/ /zhes zer zhing / 'di skad ces/ kho bo'o/ /zhes ni/ mi zer na/ nyes byas su 'gyur ro/ /tha na 'di skad ces/ dge slong gang la rdul khrod kyi sha za rnams blta ba'i phyir 'ong ba de yod do/ /zhes zer zhing / 'di skad ces/ kho bo'o/ /zhes ni/ mi zer na/ nyes byas su 'gyur ro/ /dge slong gis bdag nyid la nye bar ston pas 'du shes ma bsgyur cing / bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces/ dge slong gis lha rnams dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed pa de yod do/ /zhes zer zhing / 'di skad </font><hr>Cha382a<br><font size=+1>


@#/ /ces/ kho bo'o/ /zhes ni/ mi zer na/ nyes byas su 'gyur ro/ /klu rnams dang / gnod sbyin rnams nas snga ma bzhin du lus srul po rnams kyi bar dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed pa de yod do/ /zhes zer zhing / 'di skad ces/ kho bo'o/ /zhes ni/ mi zer na/ nyes byas su 'gyur ro/ /tha na 'di skad ces/ dge slong gang rdul khrod kyi sha za rnams dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed pa de yod do/ /zhes zer zhing / 'di skad ces/ kho bo'o/ /zhes ni/ mi zer na/ nyes byas su 'gyur ro/ /dge slong gis bdag nyid la nye bar ston pas 'du shes ma bsgyur cing / bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces/ dge slong gang dang lhan cig lha rnams gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed pa de yod do/ /zhes zer zhing / 'di skad ces/ kho bo'o/ /zhes ni/ mi zer na/ nyes byas su 'gyur ro/ / klu rnams dang / gnod sbyin rnams nas snga ma bzhin du lus srul po rnams kyi bar du yang lhan cig gtam 'dre bar byed/ phebs par smra bar byed/ so sor kun dga' bar byed/ rtag </font><hr>Cha382b<br><font size=+1>


tu yang lhan cig gnas par byed pa de yod do/ /zhes zer zhing / 'di skad ces/ kho bo'o/ /zhes ni/ mi zer na/ nyes byas su 'gyur ro/ /tha na 'di skad ces/ dge slong gang dang lhan cig rdul khrod kyi sha za rnams gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed pa de yod do/ /zhes zer zhing / 'di skad ces/ kho bo'o/ /zhes ni/ mi zer na/ nyes byas su 'gyur ro/ /dge slong gis bdag nyid la nye bar ston pas 'du shes ma bsgyur cing / bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces/ dge slong gis mi rtag pa'i 'du shes thob pa de yod do/ /zhes zer zhing / 'di skad ces/ kho bo'o/ /zhes ni/ mi zer na/ nyes byas su 'gyur ro/ /mi rtag pa'i 'du shes ji lta ba de bzhin du gang gis snga ma bzhin du stong pa nyid du so sor rtog pa'i 'du shes kyi bar du thob pa de yod do/ /zhes zer zhing / 'di skad ces/ kho bo'o/ /zhes ni/ mi zer na/ nyes byas su 'gyur ro/ /dge slong gis bdag nyid la nye bar ston pas 'du shes ma bsgyur cing / bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces/ dge slong gang gis bsam gtan dang po thob pa de yod do/ /zhes zer zhing / 'di skad ces/ kho bo'o/ /zhes ni/ mi zer na/ nyes byas su 'gyur ro/ /bsam gtan dang po ji lta ba de bzhin du gang </font><hr>Cha383a<br><font size=+1>


@#/ /gis snga ma bzhin du gnyis pa dang / gsum pa dang / bzhi pa nas dge slong gang dgra bcom pa rnam par thar pa brgyad la bsam gtan pa dang / gnyi ga'i cha las rnam par grol ba'i bar de yod do/ /zhes zer zhing / 'di skad ces/ kho bo'o/ /zhes ni/ mi zer na/ nyes byas su 'gyur ro/ /'di ltar/ dge slong rab tu mang po dag grong med pa'i dgon pa'i gnas shig na gnas shing / de la de dag na mi ma yin pa dag gis 'tshe ba na/ dge slong gang rgyun du zhugs pa dang / lan gcig phyir 'ong ba dang / phyir mi 'ong ba dang / dgra bcom pa yin pa de la de na mi ma yin pa dag gis 'tshe bar mi byed nas dge slong gis bdag nyid la nye bar ston pas 'du shes ma bsgyur cing / bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces/ dge slong gang grong med pa'i dgon pa'i gnas de na gnas pa de la ni mi ma yin pa rnams 'tshe bar mi byed pa de yod do/ /zhes zer zhing / 'di skad ces/ kho bo'o/ /zhes ni/ mi zer na/ nyes byas su 'gyur ro/ /'di ltar/ dge slong rab tu mang po dag khyim rnams su mgron du bos te za bar byed cing / de na de dag la stan khra bo nye bar bkra ba dag bshams shing / de na dge slong gang rgyun du zhugs pa dang / lan gcig phyir 'ong ba dang / phyir mi 'ong ba dang / dgra bcom pa yin pa de la de na stan khra bo nye bar bkra ba dag shom </font><hr>Cha383b<br><font size=+1>


par byed nas dge slong gis bdag nyid la nye bar ston pas 'du shes ma bsgyur cing / bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces/ dge slong gang khyim der mgron du bos shing zos te/ de na de la yang stan khra bo nye bar bkra ba dag shom par byed pa de yod do/ /zhes zer zhing / 'di skad ces/ kho bo'o/ /zhes ni/ mi zer na/ nyes byas su 'gyur ro/ /'di ltar/ dge slong rab tu mang po dag dgon pa na gnas pa dag gis zhi gnas kyi rgyu mtshan rang gi mtshan nyid 'dzin pa cung zad cig la brten nas 'jig rten pa'i lam gyis nyon mongs pa dag rnam par mnan pas/ 'dod pa la 'dod chags dang / gnod sems dag rgyud la kun tu mi 'byung nas dge slong gis bdag nyid la nye bar ston pas 'du shes ma bsgyur cing / bzod pa dang / 'dod pa dang / blo gros dang / rtog pa dang / lta ba ma bsgyur bar 'di skad ces/ dge slong gis grong med pa'i dgon pa'i gnas de na gnas shing / zhi gnas kyi rgyu mtshan rang gi mtshan nyid 'dzin pa cung zad cig la brten nas 'jig rten pa'i lam gyis nyon mongs pa dag rnam par mnan pas 'dod pa la 'dod chags dang / gnod sems dag rgyud la kun tu mi 'byung ba de yod do/ /zhes zer zhing / 'di skad ces/ kho bo'o/ /zhes ni/ mi zer na/ nyes byas su 'gyur ro/ /mi'i chos bla ma brjod pa'i ltung byed de/ brgyad pa rdzogs so// //'dul ba rnam par 'byed pa/ bam po zhe gnyis pa/ sangs rgyas bcom ldan </font><hr>Cha384a<br><font size=+1>


@#/ /'das rgyal po'i khab na 'od ma'i tshal ka land ka'i gnas na bzhugs so/ /gang gi tshe tshe dang ldan pa gyad bu nor gnas mal 'bog pa dang / zas la sko bar bskos pa de'i tshe na/ de dad pa dang ldan zhing bzang la/ dge ba'i bsam pa can yin pas/ dge 'dun la chos dang ldan pas zhal ta byed pa'i las la brtson pa yin la/ des sangs rgyas sam/ chos sam/ dge 'dun nam/ yid du 'thad pa'i dge slong rnams la ma phul ba'am yongs su ma btang ba ci yang med de/ des de ltar phul zhing yongs su btang bas chos gos gsum ngan cing snam sbyar yang yongs su rnying nas dge slong rnams kyis smras pa/ tshe dang ldan pa dag /tshe dang ldan pa gyad bu nor 'di/ dad pa dang ldan zhing bzang la/ dge ba'i bsam pa can yin pas/ dge 'dun la chos dang ldan pas zhal ta byed pa'i las la brtson pa yin la/ des sangs rgyas sam/ chos sam/ dge 'dun nam/ yid du 'thad pa'i dge slong rnams la ma phul ba'am/ yongs su ma btang ba ci yang med de/ des de ltar phul zhing yongs su btang bas/ chos gos gsum ngan cing snam sbyar yang yongs su rnying gi gal te dge 'dun gyis ras yug chen 'ga' zhig rnyed na/ tshe dang ldan pa gyad bu nor la sbyin par bya'o/ /zhes smras nas/ dge 'dun gyis kyang ras yug chen rnyed pa'i skabs de/ dge slong rnams kyis bcom ldan 'das la gsol pa dang / bcom ldan 'das </font><hr>Cha384b<br><font size=+1>


kyis bka' stsal pa/ gsol pa byas te byin na/ mi g.yo bar 'gyur ro/ /'di ltar bya ste/ gnas mal bshams pa byas nas gaN+DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa la dge slong gcig gis gsol ba bya ste/ dge 'dun btsun pa rnams gsan du gsol/ tshe dang ldan pa gyad bu nor 'di ni/ dad pa dang ldan zhing bzang la/ dge ba'i bsam pa can de/ dge 'dun la yang chos kyis zhal ta bgyid pa'i las la brtson pa lags la/ des sangs rgyas sam/ chos sam/ dge 'dun nam/ yid du 'thad pa'i dge slong rnams lam phul ba'am/ yongs su ma btang ba ci yang ma mchis te/ des de ltar phul zhing yongs su btang bas/ chos gos gsum ngan cing snam sbyar yang yongs su rnying la/ dge 'dun la ni/ ras yug chen po 'byor par mnga' na/ gal te dge 'dun gyis dus la bab cing bzod na/ dge 'dun gyis gnang bar mdzod cig dang / dge 'dun gyis tshe dang ldan pa gyad bu nor la ras yug chen po stsol to/ /'di ni/ gsol ba'o/ /phyis dge 'dun gyis de la ras yug chen byin pa dang / dge slong mdza' bo dang / sa las skyes gnyis/ tshe dang ldan pa gyad bu nor dang tshe rabs tshe rabs nas rjes su 'brel ba'i 'khon yod pas/ de gnyis dge slong rnams kyi mdun na/ tshe dang ldan pa dag /'di ltar dge 'dun gyi rnyed pa rnyed do cog cig gis gang </font><hr>Cha385a<br><font size=+1>


@#/ /zag la yongs su bsngo bar byed na/ dge 'dun gyis rnyed pa 'grub par ga la 'gyur zhes smod par byed nas dge slong rnams kyis de gnyis la smras pa/ tshe dang ldan pa gnyis/ khyed gnyis der ma 'dus sam/ 'dus so/ /'o na ci'i phyir smod par byed/ de gnyis kyis smras pa/ ci/ kho bo cag gnyis 'dur yang mi gnang ngam/ dge slong don nyung ngu dag /ci'i phyir dge slong dag sngar legs par rung bar byas nas de'i 'og tu 'di skad ces/ tshe dang ldan pa dag gis 'di ltar bshes ngor byas te dge 'dun gyi rnyed par bsngos pa bdag gis gang zag la bsngos zhes zer zhing smod par byed/ 'phyar kha gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong mdza' bo dang / sa las skyes gnyis la rmas pa/ dge slong gnyis/ khyed gnyis kyis sngar legs par rung bar byas nas de'i 'og tu 'di skad ces/ tshe dang ldan pa dag gis 'di ltar bshes ngor dge 'dun gyi rnyed par bsngos pa bdag gis gang zag la bsngos so/ / </font><hr>Cha385b<br><font size=+1>


zhes smras pa bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag/ de lta bas na/ phan yon bcu yang dag par gzigs pas/ 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang sngar legs par rung bar byas nas de'i 'og tu 'di skad ces/ tshe dang ldan pa dag gis 'di ltar bshes ngor byas te dge 'dun gyi rnyed par bsngos pa/ bdag gi gang zag la bsngos so/ /zhes zer na/ ltung byed do/ /yang dge slong gang zhes bya ba ni/ mdza' bo dang / sa las skyes sam/ gzhan yang de lta bu gang yin pa'o/ /sngar legs par rung bar byas nas zhes bya ba ni/ sngar dad pa phul nas so/ /de'i 'og tu zhes bya ba ni/ dus gzhan na'o/ /'di skad ces zhes bya ba ni/ 'di skad ces zer na'o/ /tshe dang ldan pa dag gis 'di ltar bshes ngor byas te zhes bya ba la/ dge slong gi bshes pa gang zhe na/ mkhan po'i ni/ lhan cig gnas pa'o/ /lhan cig gnas pa yi ni/ /mkhan po'o/ / </font><hr>Cha386a<br><font size=+1>


@#/ /slob dpon gyi ni/ nye gnas so/ /nye gnas kyi ni/ slob dpon no/ /mkhan po gcig pa yi ni/ mkhan po gcig pa'o/ /slob dpon gcig pa'i ni/ slob dpon gcig pa'o/ /mdza' bo yi ni/ mdza' bo'o/ /dge 'dun gyi zhes bya ba ni/ de bzhin gshegs pa'i nyan thos kyi dge 'dun gyi'o/ /rnyed pa zhes bya ba la/ rnyed pa ni/ gnyis te/ gos kyi rnyed pa dang / zas kyi rnyed pa ste/ don 'dir ni/ gos kyi rnyed pa yin par dgongs so/ /bsngo ba zhes bya ba ni/ dge 'dun gyi nang du grub pa'o/ /bdag gi gang zag la bsngos so/ /zhes bya ba ni| bdag gi don du'o/ /ltung byed do/ /zhes bya ba ni/ sems can dmyal ba dang / dud 'gro dang / yi dwags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na/ dge ba'i chos rnams la sgrib par byed pa ste/ des na ltung byed do/ /zhes gsungs so| |de la ltung bar ji ltar 'gyur zhe na/ dge slong gis ji tsam du cung zad sngar mthun zhing rung bar byas nas de'i 'og tu 'di skad ces/ tshe dang ldan pa dag gis 'di ltar bshes ngor byas te dge 'dun gyi rnyed par bsngos pa/ bdag gi gang zag la bsngos so/ /zhes zer na/ thams cad nas thams cad du ltung byed du 'gyur ro/ /bshes nor byas te dge 'dun gyi rnyed par bsngos </font><hr>Cha386b<br><font size=+1>


pa| bdag gi gang zag la bsngos pa bden na/ ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /skur pa 'debs pa'i ltung byed de/ dgu pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis zla ba phyed phyed cing so sor thar pa'i mdo gdon par bya'o/ /zhes bka' stsal nas dge slong rnams zla ba phyed phyed cing so sor thar pa'i mdo gdon pa 'don par byed pa na/ drug sde dag pham par 'gyur ba bzhi po dag 'don pa'i tshe ni/ cang mi smra bar 'khod do/ /dge 'dun lhag ma bcu gsum 'don pa'i tshe na/ 'di skad ces/ tshe dang ldan pa dag /gang la gzhi nges pa dang / gang zag nges pa rab tu shes pa yod bzhin du/ bdag cag gi rma sos pa sos pa ci'i phyir 'dral bar byed/ gang dag gis dge slong rnams 'gyod pa dang / yid la gcags pa dang / gnod par 'gyur pa bslab pa'i gzhi phran tshegs rab tu phra ba 'di dag gis zla ba phyed phyed cing so sor thar pa'i mdo gdon pa bton pa dag gis ci bya zhes zer ro/ /de bzhin du ma nges pa gnyis dang / spang ba'i ltung byed kyi chos sum cu dang / ltung byed kyi chos dgu bcu dang / so sor bshags par bya ba'i chos bzhi dang / bslab pa'i chos mang po dang / rtsod pa zhi bar bya ba'i chos bdun po dag </font><hr>Cha387a<br><font size=+1>


@#/ /'don pa'i tshe na yang 'di skad ces/ tshe dang ldan pa dag /gang la gzhi nges pa dang / gang zag nges par rab tu shes pa yod bzhin du bdag cag gi rma sos pa sos pa dag ci'i phyir 'dral bar byed/ gang dag gis dge slong rnams 'gyod pa dang / yid la gcags pa dang / gnod par 'gyur ba bslab pa'i gzhi phran tshegs rab tu phra ba 'di dag gis zla ba phyed phyed cing so sor thar pa'i mdo gdon pa bton pa dag gis ci bya zhes zer nas/ dge slong rnams kyis smras pa/ tshe dang ldan pa dag gi phyir kho bo cag zla ba phyed cing so sor thar pa'i mdo gdon pa 'don pa ma yin gyi/ 'di ltar/ kho bo cag ni/ ston pa'i bka' lung gis 'don to/ /gal te khyed cag sdug bsngal ba dang / yid mi bde ba skye na/ ci'i phyir lhag par spyod par byed/ dge slong don nyung dag /ci'i phyir dge slong dag pham par 'gyur ba bzhi po dag bton pa'i tshe ni/ cang mi smra bar 'khod la/ dge 'dun lhag ma bcu gsum 'don pa'i tshe na/ 'di skad ces/ tshe dang ldan pa dag /gang la gzhi nges pa dang / gang zag nges pa rab tu shes pa yod bzhin du bdag cag gi rma sos pa sos pa dag ci'i phyir 'dral bar byed/ gang dag gis dge slong rnams 'gyod pa dang / yid la gcags pa dang / gnod par 'gyur ba bslab pa'i gzhi phran tshegs rab tu phra ba 'di dag gis zla ba phyed phyed cing so sor thar pa'i mdo </font><hr>Cha387b<br><font size=+1>


gdon pa 'don pa dag gis ci bya zhes zer/ de bzhin du ma nges pa gnyis dang / spang ba'i ltung byed kyi chos sum cu dang / ltung byed kyi chos dgu bcu dang / so sor bshags par bya ba'i chos bzhi dang / bslab pa'i chos mang po dang / rtsod pa zhi bar bya ba'i chos bdun po dag 'don pa'i tshe na yang 'di skad ces/ tshe dang ldan pa dag gang la gzhi nges pa dang / gang zag nges pa rab tu shes pa yod bzhin du bdag cag gi rma sos pa sos pa dag ci'i phyir 'dral bar byed/ gang dag gis dge slong rnams 'gyod pa dang / yid la gcags pa dang / gnod par 'gyur ba bslab pa'i gzhi phran tshegs rab tu phra ba 'di dag gis zla ba phyed phyed cing so sor thar pa'i mdo gdon pa bton pa dag gis ci bya zhes zer zhes smod par byed/ 'phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ / zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong drug sde dag la rmas pa/ dge slong dag /khyed pham par 'gyur ba bzhi po dag 'don pa'i tshe ni/ cang ma smra bar 'khod la/ dge 'dun lhag ma bcu gsum 'don pa'i tshe ni/ 'di skad </font><hr>Cha388a<br><font size=+1>


@#/ /ces/ tshe dang ldan pa dag /gang la gzhi nges pa dang / gang zag nges pa rab tu shes pa yod bzhin du bdag cag gi rma sos pa sos pa dag ci'i phyir 'dral bar byed/ gang dag gis dge slong rnams 'gyod pa dang / yid la gcags pa dang / gnod par 'gyur ba bslab pa'i gzhi phran tshegs rab tu phra ba 'di dag gis zla ba phyed phyed cing so sor thar pa'i mdo gdon pa bton pa dag gis ci bya/ de bzhin du ma nges pa gnyis dang / spang ba'i ltung byed kyi chos sum cu dang / ltung byed kyi chos dgu bcu dang / so sor bshags par bya ba'i chos bzhi dang bslab pa'i chos mang po dang / rtsod pa zhi bar bya ba'i chos bdun po dag 'don pa'i tshe na yang 'di skad ces/ tshe dang ldan pa dag /gang la gzhi nges pa dang / gang zag nges pa rab tu shes pa yod bzhin du bdag cag gi rma sos pa sos pa dag ci'i phyir 'dral bar byed/ gang dag gis dge slong rnams 'gyod pa dang / yid la gcags pa dang / gnod par 'gyur ba bslab pa'i gzhi phran tshegs rab tu phra ba 'di dag gis zla ba phyed phyed cing so sor thar pa'i mdo gdon pa bton pa dag gis ci bya zhes smras pa bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad par mdzad </font><hr>Cha388b<br><font size=+1>


do| |de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas/ 'dul ba la nyan thos rnams kyis bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang zla ba phyed phyed cing so sor thar pa'i mdo gdon pa 'don pa na/ 'di skad ces/ tshe dang ldan pa dag /gang dag gis dge slong rnams 'gyod pa dang / yid la gcags pa dang / gnod par 'gyur ba bslab pa'i gzhi phran tshegs rab tu phra ba 'di dag gis zla ba phyed phyed cing so sor thar pa'i mdo gdon pa bton pa dag gis ci bya zhes zer zhing bslab pa khyad du gsod na/ ltung byed do| |yang dge slong gang zhes bya ba ni/ drug sde'am/ gzhan yang de lta bu gang yin pa'o/ /zla ba phyed phyed cing zhes bya ba ni/ zla ba phyed phyed cing ngo / /so sor thar pa zhes bya ba ni/ pham par 'gyur ba'i ches bzhi dang / dge 'dun lhag ma'i chos bcu gsum dang / ma nges pa'i chos gnyis dang / spang ba'i ltung byed kyi chos sum cu dang / ltung byed kyi chos dgu bcu dang / so sor bshags par bya ba'i chos bzhi dang / bslab pa'i chos mang po dang / rtsod pa zhi bar bya ba'i chos bdun po dag go /mdo zhes bya ba ni/ des nye bar sbyar ba'i mdo'am/ yang na mdo yang dag par sbyor ba'o/ / </font><hr>Cha389a<br><font size=+1>


@#/ /gdon pa 'don pa na zhes bya ba ni/ rab tu ston pa na'o/ /'di skad ces/ tshe dang ldan pa dag /gang dag gis dge slong rnams 'gyod pa dang / yid la gcags pa dang / gnod par 'gyur ba bslab pa'i gzhi phran tshegs rab tu phra ba 'di dag gis zla ba phyed phyed cing so sor thar pa'i mdo gdon pa bton pa dag gis ci bya zhes zer zhing bslab pa khyad du gsod na zhes bya ba ni/ khyad du gsod pa'i bsam pas/ ngag dang / tshig dang / tha snyad dang / skad dang / brjod pa dang / nges pa'i tshig dang / tshig gi lam dang / tshig gi sgra dang / ngag gi las dang / ngag gi rnam par rig byed rjod pa'o/ /ltung byed do/ /zhes bya ba ni/ sems can dmyal ba dang / dud 'gro dang / yi dwags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na/ dge ba'i chos rnams la sgrib par byed pa ste/ des na/ ltung byed do/ /zhes gsungs so/ /de la ltung bar ji ltar 'gyur zhe na/ dge slong pham par 'gyur ba bzhi po dag 'don pa na 'di skad ces/ tshe dang ldan pa dag /gang dag gis dge slong rnams 'gyod par 'gyur ba 'di dag bton pas ci bya zhes zer na/ ltung byed du 'gyur ro/ /dge slong pham par 'gyur ba bzhi po dag 'don pa na 'di skad ces/ tshe dang ldan pa </font><hr>Cha389b<br><font size=+1>


dag /gang dag gis dge slong rnams yid la gcags par 'gyur ba 'di dag bton pas ci bya zhes zer na/ ltung byed du 'gyur ro/ /dge slong pham par 'gyur ba bzhi po dag 'don pa na 'di skad ces/ tshe dang ldan pa dag /gang dag gis/ dge slong rnams la gnod par 'gyur ba 'di dag bton pas ci bya zhes zer na/ ltung byed du 'gyur ro/ /dge slong pham par 'gyur ba bzhi po dag 'don pa na 'di skad ces| tshe dang ldan pa dag gis dge slong rnams gdung bar 'gyur ba 'di dag bton pas ci bya zhes zer na/ ltung byed du 'gyur ro/ /dge slong pham par 'gyur ba bzhi po dag 'don pa na 'di skad ces/ tshe dang ldan pa dag /gang dag gis dge slong rnams kun tu gdung bar 'gyur ba 'di dag bton pas ci bya zhes zer na/ ltung byed du 'gyur ro/ /dge slong pham par 'gyur ba bzhi po dag 'don pa na 'di skad ces/ tshe dang ldan pa dag gang gis dge slong rnams yongs su gdung bar 'gyur ba 'di dag bton pas ci bya zhes zer na/ ltung byed du 'gyur ro/ /dge slong pham par 'gyur ba bzhi po dag 'don pa na 'di skad ces/ tshe dang ldan pa dag /gang dag gis dge slong rnams 'gyod par 'gyur ba 'di dag bton pas ci bya zhes zer na/ ltung byed du 'gyur ro/ /dge slong pham par 'gyur ba bzhi po dag 'don pa na 'di skad ces/ tshe dang ldan pa dag /gang dag gis dge slong rnams mngon par mi dga' bar 'gyur ba 'di dag bton pas ci bya zhes zer na/ ltung byed du 'gyur ro/ /dge slong pham </font><hr>Cha390a<br><font size=+1>


@#/ /par 'gyur ba bzhi po dag 'don pa na 'di skad ces/ tshe dang ldan pa dag /gang dag gis dge slong rnams rnam par 'khyams par 'gyur ba 'di dag bton pas ci bya zhes zer na/ ltung byed du 'gyur ro/ /de bzhin du dge slong dge 'dun lhag ma'i chos bcu gsum dang / ma nges pa'i chos gnyis dang / spang ba'i ltung byed kyi chos sum cu dang / ltung byed kyi chos dgu bcu dang / so sor bshags par bya ba'i chos bzhi dang / bslab pa'i chos mang po dang / rtsod pa zhi bar bya ba'i chos bdun po dag 'don pa na 'di skad ces/ tshe dang ldan pa dag/ gang dag gis dge slong rnams 'gyod pa dang / yid la gcags pa dang / gnod pa dang / gdung ba dang / kun tu gdung ba dang / yongs su gdung ba dang / 'dod pa dang / mngon par mi dga' ba dang / rnam par 'khyams par 'gyur ba 'di dag bton pas ci bya zhes zer na/ ltung byed du 'gyur ro/ /de bzhin du dge slong gzhi dag dang / phran tshegs dag dang / gleng gzhi dag dang / sil bu dag dang / 'dul ba lnga pa dag dang / 'dul ba drug pa dag dang / 'dul ba'i ma mo dang / de las gzhan pa 'dul ba dang ldan pa'i mdo dag 'don pa na 'di skad ces/ tshe dang ldan pa dag /gang dag gis dge slong rnams 'gyod pa dang / yid la gcags pa dang / gnod pa dang / gdung ba dang / kun tu gdung ba dang / yongs su gdung ba dang / 'dod pa dang / </font><hr>Cha390b<br><font size=+1>


mngon par mi dga' ba dang / rnam par 'khyams par 'gyur ba 'di dag bton pas ci bya zhes zer na/ ltung byed du 'gyur ro/ /dge slong de las gzhan pa'i mdo sde dag 'don pa na 'di skad ces/ tshe dang ldan pa dag /gang dag gis dge slong rnams 'gyod pa dang / yid la gcags pa dang / gnod pa dang / gdung ba dang / kun tu gdung ba dang / yongs su gdung ba dang / 'dod pa dang / mngon par mi dga' ba dag dang / rnam par 'khyams par 'gyur ba 'di dag bton pas ci bya zhes zer na/ nyes byas su 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab pa khyad du gsod pa'i ltung byed de/ bcu pa rdzogs so// //sdom la/ sa bon 'phya ba bsgo ba dang / /khri dang gding dang skrod pa dang / /phyis gnon 'byung ba 'debs pa dang / /rim pa gnyis su rtsig pa'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na sngon shing mkhan rgan zhugs/ byis pa/ rmongs pa/ mi gsal ba/ mi mkhas pa zhig gis shing ljon pa bcad nas dge 'dun gyi gtsug lag khang byed du bcug go /de nas shing ljon pa de la gnas pa'i lha kha dog shin tu 'das pa gang yin pa de/ mtshan mo nam sros pa dang bcom ldan 'das ga la ba der song ste phyin nas bcom ldan 'das kyi zhabs gnyis la mgo bo phyag 'tshal te mtha' </font><hr>Cha391a<br><font size=+1>


@#/ /gcig tu 'dug pa dang / 'di ltar/ lha de'i kha dog gi mthus rgyal byed kyi tshal thams cad snang ba rgya chen pos khyab par gyur to/ /mtha' gcig tu 'dug nas bcom ldan 'das la lha des 'di skad ces gsol to/ /btsun pa/ sngon shing mkhan rgan zhugs/ byis pa/ rmongs pa/ mi gsal ba/ mi mkhas pa zhig gis bdag gi gnas dang / gling dang / skyob pa dang / skyabs dang / dpung gnyen dang / gnas mal dang / gzhi dang / rten gyi zhugs shing gang lags pa de bkum nas dge 'dun gyi gtsug lag khang bgyid du stsal te/ btsun pa/ dgun gyi dgung ni/ ring / dgun smad kyi dus kyi tshe ni/ tshes brgyad kyi bar la 'od ma 'gas pa'i bser ma dag ldang zhing / btsun pa/ bdag gi bu dang / phru gu dag ni/ chung na/ bdag gis ji ltar bgyi/ de nas bcom ldan 'das kyis lha zhig la bka' stsal pa/ lha/ khyod kyi gnas su lha 'di'i gnas byin cig /lha des 'di lta ste/ ston pa'i bka' lung gis rang gi gnas su lha de'i gnas byin no/ /de nas bcom ldan 'das de nyid kyi mtshan mo 'das pa dang / dge slong gi dge 'dun gyi gong du gdan bshams pa nyid la bzhugs so/ /bzhugs nas bcom ldan 'das kyis dge slong rnams la bka' stsal pa/ dge slong dag/ mdang lha kha dog shin tu 'das pa zhig mtshan mo nam sros pa dang nga ga la ba der </font><hr>Cha391b<br><font size=+1>


'ongs te phyin nas nga'i zhabs gnyis la mgo bos phyag 'tshal te mtha' gcig tu 'dug pa dang / 'di ltar/ lha de'i kha dog gi mthus rgyal byed kyi tshal thams cad snang brgya chen pos khyab par gyur to/ /mtha' gcig tu 'dug nas nga la lha de 'di skad ces/ btsun pa/ sngon shing mkhan rgan zhugs/ byis pa/ rmongs pa/ mi gsal ba/ mi mkhas pa zhig gis bdag gi gnas dang / gling dang / skyob pa dang / skyabs dang / dpung gnyen dang / gnas mal dang / gzhi dang / rten gyi zhugs shing ljon pa gang lags pa de bkum nas dge 'dun gyi gtsug lag khang bgyid du stsal te/ btsun pa/ dgun gyi dgung ni/ ring / dgun smad kyi dus kyi tshe ni/ tshes brgyad kyi bar la 'od ma 'gas pa'i bser ma dag ldang zhing / btsun pa bdag gi bu dang / phru gu dag ni/ chung na/ bdag gis ji ltar bgyi zhes zer bas/ dge slong dag/ 'di ltar/ lha dag de skad ces/ kye ma shAkya'i bu'i dge sbyong rnams ni/ 'di lta ste/ dge ba'i chos rnams kyis yongs su nyams par 'gyur ro/ /zhes smod par byed/ 'phyar ka gtong bar byed/ kha zer bar byed pa de ni/ mi mdzes shing / tshul dang mthun pa ma yin no/ /de nas bcom ldan 'das 'di snyam du dgongs te/ nyes dmigs gang cung zad ci byung ba de ni/ dge slong dag shing ljon pa gcod par byed pa las gyur ba yin no/ /snyam du dgongs nas dge slong rnams la bka' </font><hr>Cha392a<br><font size=+1>


@#/ /stsal pa/ dge slong dag/ de lta bas na/ dge slong gis shing ljon pa gcad par mi bya'o/ /gcod na/ 'gal tshabs can du 'gyur ro/ /sangs rgyas bcom ldan 'das 'brog gnas na 'brog gi nags mchog na bzhugs so/ /bcom ldan 'das kyis dge slong gi shing ljon pa gcad par mi bya'o/ /zhes bka' stsal nas dge slong lag gi bla dag gis shing med pas mkhar len dag btang bar gyur to/ /sangs rgyas bcom ldan 'das rnams ni/ mkhyen bzhin du rmed par mdzad pas/ sangs rgyas bcom ldan 'das kyis tshe dang ldan pa kun dga' bo la rmas pa/ kun dga' bo/ ci'i phyir dge slong lag gi bla dag gis mkhar lan dag btang bar gyur/ btsun pa/ bcom ldan 'das kyis dge slong gis shing ljon pa gcad par mi bya'o/ / zhes bka' stsal nas dge slong lag gi bla dag gis zhugs shing ma mchis pas mkhar lan btang bar gyur to/ /kun dga' bo/ ngas dge slong lag gi bla'i kun du spyod pa'i chos dag bca' bar bya ste/ dge slong lag gi blas zhag bdun nam/ brgyad kyis shing ljon pa gcod par 'gyur pa na/ shing ljon pa de'i drung du dkyil 'khor bya zhing / spos dang / me tog dang / gtor ma yang sbyin par bya/ rgyud chags gsum pa yang bklag par bya/ yon bshad pa yang bya zhing dge ba bcu'i las kyi lam dag nye bar gzhag par yang bya/ mi dge ba bcu'i las kyi lam </font><hr>Cha392b<br><font size=+1>


dag gi bsngags pa ma yin pa dag kyang brjod par bya/ 'di skad ces/ shing ljon pa 'di la lha gang gnas pa de/ gnas gzhan tshol cig /shing ljon pa 'dis mchod rten gyi'am/ chos kyi'am/ dge 'dun gyi bya ba byed par 'gyur ro/ /zhes kyang brjod par bya'o/ /de'i 'og tu nyi ma bdun nam/ brgyad kyis shing ljon pa de gcad par bya'o/ /gal te 'gyur ba ston na/ gcad par mi bya'o/ /'on te mi ston na/ gcad par bya'o/ /dge slong lag gi blas kun du spyad pa'i chos ji ltar bcas pa yang dag par blangs te 'jug par mi byed na/ 'gal tshabs can du 'gyur ro/ /'di ni/ re zhig byung ba yin te/ sangs rgyas bcom ldan 'das re zhig 'dul ba la nyan thos rnams kyi bslab pa'i gzhi bca' bar ni/ mi mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong drug sde dag /rang gi lag gis shing ljon pa gcod cing gcod du 'jug par yang byed/ rtswa sngon po rnga zhing rngar 'jug par yang byed/ me tog dag 'thog cing 'thog tu 'jug par yang byed nas gzhan mu stegs can dag shes ldan dag /shAkya'i bu'i dge sbyong 'di dag ni/ rang gi lag gis shing ljon pa gcod cing gcod du 'jug par yang byed/ rtswa sngon po rnga zhing rngar 'jug par yang byed/ me tog dag 'thog cing 'thog tu 'jug par yang byed pas/ bram ze dang khyim bdag 'di dag kyang rang gi lag </font><hr>Cha393a<br><font size=+1>


@#/ /gis shing ljon pa gcod cing gcod du 'jug par yang byed/ rtswa sngon po rnga zhing rngar 'jug par yang byed/ me tog dag 'thog cing 'thog tu 'jug par yang byed pas shes ldan dag /shAkya'i bu'i dge sbyong 'di dag dang / bram ze dang / khyim bdag 'di dag la bye brag ni ci yod/ bsam pa ni ci yod/ tha dad du bya ba ni ci yod/ su zhig dge sbyong mgo reg 'di dag la bsod snyoms sbyin pa dang / bya bar sems zhes smod par byed/ 'phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ / sangs rgyas bcom ldan 'das rnams ni mkhyen bzhin du rmed par mdzad pa ste/ zhes bya ba la sogs pa snga ma bzhin te/ sangs rgyas bcom ldan 'das kyis dge slong drug sde dag la rmas pa/ dge slong dag /khyed cag rang gi lag gis shing ljon pa gcod cing gcod du 'jug par yang byed/ rtswa sngon po rnga zhing rngar 'jug par yang byed/ me tog dag 'thog cing 'thog tu 'jug par yang byed pa bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni </font><hr>Cha393b<br><font size=+1>


rab tu byung bas bya ba ma yin no/ /zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas/ 'dul ba la nyan thos rnams kyi bslab pa'i gzhi bca' bar bya ste/ zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ sa bon gyi tshogs dang / 'byung po'i gnas 'jig gam 'jig tu 'jug na/ ltung byed do/ /sa bon gyi tshogs zhes bya ba ni sa bon lnga ste/ rtsa ba'i sa bon dang / sdong bu'i sa bon dang / thog gu'i sa bon dang / 'gas pa'i sa bon dang / sa bon gyi sa bon nyid ni lnga pa'o/ /rtsa ba'i sa bon gang zhe na/ gla sgang dang / shu dag dang / yung dang / sge'u gsher dang / bong nga dkar po dang / gzhan yang / rtsa ba btab pa las rtsa ba nyid skye ba gang yin pa'o/ /sdong bu'i sa bon gang zhe na/ shing ka na tsa na dang / ka pi ta la dang / a shwat+tha dang / u dum wa ra dang / n+ya gro d+ha dang / gzhan yang / sdong bu btab pa las sdong bu nyid skye ba gang yin pa'o/ /thog gu'i sa bon gang zhe na/ bu ram shing dang / 'dam bu dang / smig ma dang / rgya mtsho nas 'byung ba dang / gzhan yang thog gu btab pa las thog gu nyid skye ba gang yin pa'o/ /'gas pa'i sa bon gang zhe na/ a rdza ka dang / sa rdza ka dang / pha nin dza ka dang / pU s+t+rin dang / dzam+b+ha ri dang / </font><hr>Cha394a<br><font size=+1>


@#/ /gzhan yang 'gas pa btab pa las 'gas pa nyid skye ba gang yin pa'o/ /sa bon gyi sa bon gang zhe na/ sA lu dang / nas dang / gro dang / mon sran sde'u dang / mon gre'u dang / yungs kar dang / gzhan yang sa bon btab pa las sa bon nyid skye ba gang yin pa'o/ /'byung po'i gnas zhes bya ba la/ 'byung po zhes bya ba ni/ grog sbur dag dang / phye ma leb dag dang / sbrang bu dag dang / til dang phub ma za ba dag dang / sbrul dag dang / sdig pa dag dang / sbrang bu tre ma bu ka dag dang / tre la ta ka dag go /de dag gi gnas zhes bya ba ni/ shing ljon pa la sogs pa'o/ /de dag 'jig gam 'jig tu 'jug na zhes bya ba ni/ 'byin pa dang / snyol pa dang / gcod pa dang / 'bigs pa dang / 'tsheg pa dang / 'tsheg tu 'jug na'o// ltung byed do/ /zhes bya ba ni/ sems can dmyal ba dang / dud 'gro dang / yi dwags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na/ dge ba'i tshes rnams la sgrib par byed pa ste/ des na ltung byed do/ /zhes gsungs so/ /de la ltung bar ji ltar 'gyur zhe na/ bar sdom la/ sa bon lA dang nyams byed dang / /ljon shing gcod dang rtswa rnga dang / /sngo dang 'chag dang rtswa rgyun dang / /nya lcibs sha mo rlam nyid do/ /dge slong gis rtsa </font><hr>Cha394b<br><font size=+1>


ba'i sa bon la rtsa ba'i sa bon du 'du shes shing / sngon po la sngon por 'du shes nas gcod dam gcod du 'jug na/ ltung byed du 'gyur ro/ /sngon po la yid gnyis za bas gcod dam gcod du 'jug na/ ltung byed du 'gyur ro/ /skam po la sngon por 'du shes pas gcod dam gcod du 'jug na/ nyes byas su 'gyur ro/ /skam po la yid gnyis za bas gcod dam gcod du 'jug na/ nyes byas su 'gyur ro/ /dge slong gis rtsa ba'i sa bon la sdong bu'i sa bon du 'du shes shing / sngon po la sngon por 'du shes pas gcod dam gcod du 'jug na/ ltung byed du 'gyur ro/ /sngon po la yid gnyis za bas gcod dam gcod du 'jug na/ ltung byed du 'gyur ro/ /skam po la sngon por 'du shes pas gcod dam gcong du 'jug na/ nyes byas su 'gyur ro/ /skam po la yid gnyis za bas gcod dam gcod du 'jug na/ nyes byas su 'gyur ro/ /dge slong gis rtsa ba'i sa bon la thog gu'i sa bon du 'du shes shing / sngon po la sngon por 'du shes pas gcod dam gcod du 'jug na/ ltung byed du 'gyur ro/ /sngon po la yid gnyis za bas gcod dam gcod du 'jug na/ ltung byed du 'gyur ro/ /skam po la sngon por 'du shes pas gcod dam gcod du 'jug na/ nyes byas su 'gyur ro/ /skam po la yid gnyis za bas gcod dam gcod du 'jug na/ nyes byas su 'gyur ro/ /dge slong gis rtsa ba'i sa bon la 'gas pa'i sa bon du 'du shes shing / sngon po la sngon por 'du shes pas gcod dam gcod du </font><hr>Cha395a<br><font size=+1>


@#/ /'jug na/ ltung byed du 'gyur ro/ /sngon po la yid gnyis za bas gcod dam gcod du 'jug na/ ltung byed du 'gyur ro/ /skam po la sngon por 'du shes pas gcod dam gcod du 'jug na/ nyes byas su 'gyur ro/ /skam po la yid gnyis za bas gcod dam gcod du 'jug na/ nyes byas su 'gyur ro/ /dge slong gis rtsa ba'i sa bon la sa bon gyi sa bon du 'du shes shing / sngon po la sngon por 'du shes pas gcod dam gcod du 'jug na/ ltung byed du 'gyur ro/ /sngon po la yid gnyis za bas gcod dam gcod du 'jug na/ ltung byed du 'gyur ro/ /skam po la sngon por 'du shes pas gcod dam gcod du 'jug na/ nyes byas su 'gyur ro/ /skam po la yid gnyis za bas gcod dam gcod du 'jug na/ nyes byas su 'gyur ro/ /de bzhin du dge slong gis sngon bu'i sa bon la sdong bu'i sa bon du 'du shes shing / sngon po la sngon por 'du shes pas/ gcod dam gcod du 'jug na/ ltung byed du 'gyur ro/ /sngon po la yid gnyis za bas gcod dam gcod du 'jug na/ ltung byed du 'gyur ro/ /skam po la sngon por 'du shes pas gcod dam gcod du 'jug na/ nyes byas su 'gyur ro/ /skam po la yid gnyis za bas gcod dam gcod du 'jug na/ nyes byas su 'gyur ro/ /dge slong gis sdong bu'i sa bon la rtsa ba'i sa bon du 'du shes shing / sngon po la sngon por 'du shes pas/ gcod dam gcod du 'jug na/ ltung byed du 'gyur </font><hr>Cha395b<br><font size=+1>


ro/ /sngon po la yid gnyis za bas gcod dam gcod du 'jug na/ ltung byed du 'gyur ro/ /skam po la sngon por 'du shes pas gcod dam gcod du 'jug na/ nyes byas su 'gyur ro/ /skam po la yid gnyis za bas gcod dam gcod du 'jug na/ nyes byas su 'gyur ro/ /dge slong gis sdong bu'i sa bon la thog gu'i sa bon du 'du shes shing / sngon po la sngon por 'du shes pas gcod dam gcod du 'jug na/ ltung byed du 'gyur ro/ /sngon po la yid gnyis za bas gcod dam gcod du 'jug na/ ltung byed du 'gyur ro/ /skam po la sngon por 'du shes pas gcod dam gcod du 'jug na/ nyes byas su 'gyur ro/ /skam po la yid gnyis za bas gcod dam gcod du 'jug na/ nyes byas su 'gyur ro/ /dge slong gis sdong bu'i sa bon la 'gas pa'i sa bon du 'du shes shing / sngon po la sngon por 'du shes pas gcod dam gcod du 'jug na/ ltung byed du 'gyur ro/ /sngon po la yid gnyis za bas gcod dam gcod du 'jug na/ ltung byed du 'gyur ro/ /skam po la sngon por 'du shes pas gcod dam gcod du 'jug na/ nyes byas su 'gyur ro/ /skam po la yid gnyis za bas gcod dam gcod du 'jug na/ nyes byas su 'gyur ro/ /dge slong gis sdong bu'i sa bon la sa bon gyi sa bon du 'du shes shing / sngon po la sngon por 'du shes pas gcod dam gcod du 'jug na/ ltung byed du 'gyur ro/ /sngon po la yid gnyis za bas gcod dam gcod du 'jug na/ ltung byed du 'gyur ro/ /skam po la </font><hr>Cha396a<br><font size=+1>


@#/ /sngon por 'du shes pas gcod dam gcod du 'jug na/ nyes byas su 'gyur ro/ /skam po la yid gnyis za bas gcod dam gcod du 'jug na/ nyes byas su 'gyur ro/ /de bzhin du dge slong gis thog gu'i sa bon la thog gu'i sa bon du 'du shes shing / sngon po la sngon por 'du shes pas gcod dam gcod du 'jug na/ ltung byed du 'gyur ro/ / sngon po la yid gnyis za bas gcod dam gcod du 'jug na/ ltung byed du 'gyur ro/ /skam po la sngon por 'du shes pas gcod dam gcod du 'jug na/ nyes byas su 'gyur ro/ /skam po la yid gnyis za bas gcod dam gcod du 'jug na/ nyes byas su 'gyur ro/ /dge slong gis thog gu'i sa bon la rtsa ba'i sa bon du 'du shes shing / sngon po la sngon par 'du shes pas gcod dam gcod du 'jug na/ ltung byed du 'gyur ro/ /sngon po la yid gnyis za bas gcod dam gcod du 'jug na/ ltung byed du 'gyur ro/ /skam po la sngon por 'du shes pas gcod dam gcod du 'jug na/ nyes byas su 'gyur ro/ /skam po la yid gnyis za bas gcod dam gcod du 'jug na/ nyes byas su 'gyur ro/ /dge slong gis thog gu'i sa bon la sdong bu'i sa bon du 'du shes shing / sngon po la sngon por 'du shes pas gcod dam gcod du 'jug na/ ltung byed du 'gyur ro/ /sngon po la yid gnyis za bas gcod dam gcod du 'jug na/ ltung byed du 'gyur ro/ /skam po la </font><hr>Cha396b<br><font size=+1>


sngon por 'du shes pas gcod dam gcod du 'jug na/ nyes byas su 'gyur ro/ /skam po la yid gnyis za bas gcod dam gcod du 'jug na/ nyes byas su 'gyur ro/ /dge slong gis thog gu'i sa bon la 'gas pa'i sa bon du 'du shes shing / sngon po la sngon por 'du shes pas gcod dam gcod du 'jug na/ ltung byed du 'gyur ro/ /sngon po la yid gnyis za bas gcod dam gcod du 'jug na/ ltung byed du 'gyur ro/ /skam po la sngon por 'du shes pas gcod dam gcod du 'jug na/ nyes byas su 'gyur ro/ /skam po la yid gnyis za bas gcod dam gcod du 'jug na/ nyes byas su 'gyur ro/ /dge slong gi thog gu'i sa bon la sa bon gyi sa bon du 'du shes shing / sngon po la sngon por 'du shes pas gcod dam gcod du 'jug na/ ltung byed du 'gyur ro/ /sngon po la yid gnyis za bas gcod dam gcod du 'jug na/ ltung byed du 'gyur ro/ /skam po la sngon por 'du shes pas gcod dam gcod du 'jug na/ nyes byas su 'gyur ro/ /skam po la yid gnyis za bas gcod dam gcod du 'jug na/ nyes byas su 'gyur ro/ /de bzhin du dge slong gis 'gas pa'i sa bon la 'gas pa'i sa bon du 'du shes shing / sngon po la sngon por 'du shes pas gcod dam gcod du 'jug na/ ltung byed du 'gyur ro/ /sngon po la yid gnyis za bas gcod dam gcod du 'jug na/ ltung byed du 'gyur ro/ /skam po la sngon por 'du shes pas gcod dam gcod du 'jug na/ nyes byas su </font><hr>Cha397a<br><font size=+1>


@#/ /'gyur ro/ /skam po la yid gnyis za bas gcod dam gcod du 'jug na/ nyes byas su 'gyur ro/ /dge slong gi 'gas pa'i sa bon la rtsa ba'i sa bon du 'du shes shing / sngon po la sngon por 'du shes pas gcod dam gcod du 'jug na/ ltung byed du 'gyur ro/ /sngon po la yid gnyis za bas gcod dam gcod du 'jug na/ ltung byed du 'gyur ro/ /skam po la sngon por 'du shes pas gcod dam gcod du 'jug na/ nyes byas su 'gyur ro/ /skam po la yid gnyis za bas gcod dam gcod du 'jug na/ nyes byas su 'gyur ro/ /dge slong gis 'gas pa'i sa bon la sdong bu'i sa bon du 'du shes shing / sngon po la sngon por 'du shes pas gcod dam gcod du 'jug na/ ltung byed du 'gyur ro/ / sngon po la yid gnyis za bas gcod dam gcod du 'jug na/ ltung byed du 'gyur ro/ /skam po la sngon por 'du shes pas gcod dam gcod du 'jug na/ nyes byas su 'gyur ro/ / skam po la yid gnyis za bas gcod dam gcod du 'jug na/ nyes byas su 'gyur ro/ /dge slong gis 'gas pa'i sa bon la thog gu'i sa bon du 'du shes shing / sngon po la sngon por 'du shes pas gcod dam gcod du 'jug na/ ltung byed du 'gyur ro/ /sngon po la yid gnyis za bas gcod dam gcod du 'jug na/ nyes byas su 'gyur ro/ /skam po la sngon por </font><hr>Cha397b<br><font size=+1>


'du shes pas gcod dam gcod du 'jug na/ nyes byas su 'gyur ro/ /skam po la yid gnyis za bas gcod dam gcod du 'jug na/ nyes byas su 'gyur ro/ /dge slong gis 'gas pa'i sa bon la sa bon gyi sa bon du 'du shes shing / sngon po la sngon por 'du shes pas gcod dam gcod du 'jug na/ ltung byed du 'gyur ro/ /sngon po la yid gnyis za bas gcod dam gcod du 'jug na/ ltung byed du 'gyur ro/ /skam po la sngon por 'du shes pas gcod dam gcod du 'jug na/ nyes byas su 'gyur ro/ /skam po la yid gnyis za bas gcod dam gcod du 'jug na/ nyes byas su 'gyur ro/ /de bzhin du dge slong gis sa bon gyi sa bon la sa bon gyi sa bon du 'du shes shing / sngon po la sngon por 'du shes pas gcod dam gcod du 'jug na/ ltung byed du 'gyur ro/ /sngon po la yid gnyis za bas gcod dam gcod du 'jug na/ ltung byed du 'gyur ro/ /skam po la sngon por 'du shes pas gcod dam gcod du 'jug na/ nyes byas su 'gyur ro/ /skam po la yid gnyis za bas gcod dam gcod du 'jug na/ nyes byas su 'gyur ro/ /dge slong gis sa bon gyi sa bon la rtsa ba'i sa bon du 'du shes shing / sngon po la sngon por 'du shes pas gcod dam gcod du 'jug na/ ltung byed du 'gyur ro/ /sngon po la yid gnyis za bas gcod dam gcod du 'jug na/ ltung byed du 'gyur ro/ /skam </font><hr>Cha398a<br><font size=+1>


@#/ /po la sngon por 'du shes pas gcod dam gcod du 'jug na/ nyes byas su 'gyur ro/ /skam po la yid gnyis za bas gcod dam gcod du 'jug na/ nyes byas su 'gyur ro/ /dge slong gis sa bon gyi sa bon la sdong bu'i sa bon du 'du shes shing / sngon po la sngon por 'du shes pas gcod dam gcod du 'jug na/ ltung byed du 'gyur ro/ /sngon po la yid gnyis za bas gcod dam gcod du 'jug na/ ltung byed du 'gyur ro/ /skam po la sngon por 'du shes pas gcod dam gcod du 'jug na/ nyes byas su 'gyur ro/ /skam po la yid gnyis za bas gcod dam gcod du 'jug na/ nyes byas su 'gyur ro/ /dge slong gis sa bon gyi sa bon la thog gu'i sa bon du 'du shes shing / sngon po la sngon por 'du shes pas gcod dam gcod du 'jug na/ ltung byed du 'gyur ro/ /sngon po la yid gnyis za bas gcod dam gcod du 'jug na/ ltung byed du 'gyur ro/ /skam po la sngon por 'du shes pas gcod dam gcod du 'jug na/ nyes byas su 'gyur ro/ /skam po la yid gnyis za bas gcod dam gcod du 'jug na/ nyes byas su 'gyur ro/ /dge slong gis sa bon gyi sa bon la 'gas pa'i sa bon du 'du shes shing / sngon po la sngon por 'du shes pas gcod dam gcod du 'jug na/ ltung byed du 'gyur ro/ /sngon po la yid gnyis za bas gcod dam gcod du </font><hr>Cha398b<br><font size=+1>


'jug na/ ltung byed du 'gyur ro/ /skam po la sngon por 'du shes pas gcod dam gcod du 'jug na/ nyes byas su 'gyur ro/ /skam po la yid gnyis za bas gcod dam gcod du 'jug na/ nyes byas su 'gyur ro/ /dge slong gis sa bon nyams par gyur cig /sa bon rnam par nyams par gyur cig/ snyam pas/ sa bon gyi rigs lnga po dag mer 'jug par byed cing / sa bon nyams pa dang / sa bon rnam par nyams par gyur na/ dge slong la ltung byed lngar 'gyur ro/ /sa bon nyams par ma gyur cing / sa bon rnam par nyams par ma gyur na/ nyes byas su 'gyur ro/ /dge slong gis sa bon nyams par gyur cig/ sa bon rnam par nyams par gyur cig /snyam pas/ sa bon gyi rigs lnga po dag chur 'jug cing / sa bon nyams pa dang / sa bon rnam par nyams par gyur na/ dge slong la ltung byed lngar 'gyur ro/ /sa bon nyams par ma gyur cing / sa bon rnam par nyams par ma gyur na nyes byas lngar 'gyur ro/ /dge slong gis sa bon nyams par gyur cig /sa bon rnam par nyams par gyur cig/ snyam pas/ sa bon gyi rigs lnga po dag gtun du blugs te gtun bus brdung zhing / sa bon nyams pa dang / sa bon rnam par nyams par gyur na/ dge slong la ltung byed lngar 'gyur ro/ /sa bon nyams par ma gyur cing / sa bon rnam par nyams par ma gyur na/ nyes byas lngar 'gyur ro/ /dge slong gis sa bon nyams par gyur cig/ sa bon rnam par nyams par gyur cig/ snyam pas/ sa bon gyi rigs lnga po dag sa skam po la 'jog cing / sa bon nyams </font><hr>Cha399a<br><font size=+1>


@#/ /pa dang / sa bon rnam par nyams par gyur na/ dge slong la ltung byed lngar 'gyur ro/ /sa bon nyams par ma gyur cing / sa bon rnam par nyams par ma gyur na/ nyes byas lngar 'gyur ro/ /dge slong gis sa bon nyams par gyur cig /sa bon rnam par nyams par gyur cig/ snyam pas/ sa bon gyi rigs lnga po dag tshwa rgo'am/ 'gyur byed dam/ lci ba'am/ sas 'gebs par byed cing / sa bon nyams pa dang / sa bon rnam par nyams par gyur na/ dge slong la ltung byed lngar 'gyur ro/ /sa bon nyams par ma gyur cing / sa bon rnam par nyams par ma gyur na/ nyes byas lngar 'gyur ro/ /dge slong gis sa bon nyams par gyur cig/ sa bon rnam par nyams par gyur cig /snyam pas sa bon gyi rigs lnga po dag la khu tshan nam/ 'bras khu'am/ sran tshod ldugs par byed cing sa bon nyams pa dang / sa bon rnam par nyams par gyur na/ dge slong la ltung byed lngar 'gyur ro/ /sa bon nyams par ma gyur cing / sa bon rnam par nyams par ma gyur na/ nyes byas lngar 'gyur ro/ /dge slong gis sbyor ba gcig gis shing ljon pa gcig gcod na/ nyes byas gcig dang / ltung byed gcig tu 'gyur ro/ /dge slong gis sbyor ba gcig gis shing ljon pa gnyis gcod na/ nyes byas gcig dang / ltung byed gnyis su 'gyur ro/ /dge slong gis sbyor ba gcig gis shing ljon pa rab tu mang po gcod na/ nyes byas gcig dang / ltung byed rab tu mang por 'gyur </font><hr>Cha399b<br><font size=+1>


ro/ /dge slong gis sbyor ba gnyis kyis shing ljon pa gcig gcod na/ nyes byas gnyis dang / ltung byed gcig tu 'gyur ro/ /dge slong gis sbyor ba gnyis kyis shing ljon pa gnyis gcod na/ nyes byas gnyis dang / ltung byed gnyis su 'gyur ro/ /dge slong gis sbyor ba gnyis kyis shing ljon pa rab tu mang po gcod na/ nyes byas gnyis dang / ltung byed rab tu mang por 'gyur ro/ /dge slong gis sbyor ba rab tu mang pos shing ljon pa gcig gcod na/ nyes byas rab tu mang po dang / ltung byed gcig tu 'gyur ro/ /dge slong gis sbyor ba rab tu mang pos shing ljon pa gnyis gcod na/ nyes byas rab tu mang po dang / ltung byed gnyis su 'gyur ro/ /dge slong gis sbyor ba rab tu mang pos shing ljon pa rab tu mang po gcod na/ nyes byas rab tu mang po dang / ltung byed rab tu mang por 'gyur ro/ /dge slong gis sbyor ba gcig gis rtswa gcig brnga na/ nyes byas gcig dang / ltung byed gcig tu 'gyur ro/ /dge slong gis sbyor ba gcig gis rtswa gnyis brnga na/ nyes byas gcig dang / ltung byed gnyis su 'gyur ro/ /dge slong gis sbyor ba gcig gis rtswa rab tu mang po brnga na/ nyes byas gcig dang / ltung byed rab tu mang por 'gyur ro/ / dge slong gis sbyor ba gnyis kyis rtswa gcig brnga na/ nyes byas gnyis dang / ltung byed gcig tu 'gyur ro/ /dge slong gis sbyor ba gnyis kyis rtswa gnyis brnga na/ nyes byas gnyis dang / </font><hr>Cha400a<br><font size=+1>


@#/ /ltung byed gnyis su 'gyur ro/ /dge slong gis sbyor ba gnyis kyis rtswa rab tu mang po brnga na/ nyes byas gnyis dang / ltung byed rab tu mang por 'gyur ro/ /dge slong gis sbyor ba rab tu mang pos rtswa gcig brnga na/ nyes byas rab tu mang po dang / ltung byed gcig tu 'gyur ro/ /dge slong gis sbyor ba rab tu mang pos rtswa gnyis brnga na/ nyes byas rab tu mang po dang / ltung byed gnyis su 'gyur ro/ /dge slong gis sbyor ba rab tu mang pos rtswa rab tu mang po brnga na/ nyes byas rab tu mang po dang / ltung byed rab tu mang por 'gyur ro/ /ut+pal dang / pad+ma la sogs pa la yang de bzhin du rgyas par sbyar ro/ /dge slong gis sngo nyams par gyur cig /sngo rnam par nyams par gyur cig /snyam pas sngo'i phyogs su tshwa rgo'am/ 'gyur byed dam/ lci ba'am/ sas nyug par byed cing / sngo nyams pa dang / rnam par nyams par gyur na/ ltung byed du 'gyur ro/ /sngo nyams par ma gyur cing / rnam par nyams par ma gyur na/ nyes byas su 'gyur ro/ /nyug pa'i bsam pa la ni/ ltung ba med do/ /dge slong gis sngo nyams par gyur cig /sngo rnam par nyams par gyur cig /snyam pas/ sngo'i phyogs su khu tshan nam/ 'bras khu'am/ sran tshod 'thor bar byed cing / sngo nyams pa dang / rnam par nyams par gyur na/ ltung byed du 'gyur ro/ /sngo nyams par ma gyur cing / sngo rnam par nyams par ma gyur </font><hr>Cha400b<br><font size=+1>


na/ nyes byas su 'gyur ro/ /'dor ba'i bsam pa la ni/ ltung ba med do/ /dge slong gis sngo nyams par gyur cig /sngo rnam par nyams par gyur cig /snyam pas/ sngo'i phyogs su 'chag par byed cing / sngo nyams pa dang / rnam par nyams par gyur na/ ltung byed du 'gyur ro/ /sngo nyams par ma gyur cing / sngo rnam par nyams par ma gyur na/ nyes byas su 'gyur ro/ /'chag pa'i bsam pa la ni/ ltung ba med do/ /dge slong gis sngo nyams par gyur cig /sngo rnam par nyams par gyur cig /snyam pas/ sngo'i phyogs su yal ga'am/ seg gam/ re lde 'dren par byed cing / sngo nyams pa dang / sngo rnam par nyams par gyur na/ ltung byed du 'gyur ro/ /sngo nyams par ma gyur cing / sngo rnam par nyams par ma gyur na/ nyes byas su 'gyur ro/ /'drud pa'i bsam pa la ni/ ltung ba med do/ /dge slong gis sha bal nyams par gyur cig/ sha bal rnam par nyams par gyur cig/ snyam pas/ sha bal chags pa'i phyogs su 'chag par byed cing / sha bal nyams pa dang / rnam par nyams par gyur na/ nyes byas su 'gyur ro/ /sha bal nyams par ma gyur cing / rnam par nyams par ma gyur na yang nyes byas nyid du 'gyur ro/ /'chag pa'i bsam pa la ni/ ltung ba med do/ /dge slong gis sha bal nyams par gyur cig /sha bal rnam par nyams par gyur cig /snyam pas/ sha bal chags </font><hr>Cha401a<br><font size=+1>


@#/ /pa'i phyogs su khu tshan nam/ 'bras khu'am/ sran tshod 'thor bar byed cing / sha bal nyams pa dang / sha bal rnam par nyams par gyur na/ nyes byas su 'gyur ro/ /sha bal nyams par ma gyur cing / rnam par nyams par ma gyur na yang nyes byas nyid du 'gyur ro/ /'dor ba'i bsam pa la ni/ ltung ba med do/ /dge slong gis sha bal nyams par gyur cig /sha bal rnam par nyams par gyur cig /snyam pas/ sha bal chags pa'i phyogs su tshwa rgo'am/ 'gyur byed dam/ lci ba'am/ sas nyug par byed cing / sha bal nyams pa dang / sha bal rnam par nyams par gyur na/ nyes byas su 'gyur ro/ /sha bal nyams par ma gyur cing / rnam par nyams par ma gyur na yang nyes byas nyid du 'gyur ro/ /nyug pa'i bsam pa la ni/ ltung ba med do/ /dge slong gis shing ljon pa'i rtswa rgyun 'byin par byed na nyes byas su 'gyur ro/ /dge slong gis shing ljon pa'i rtsa ba 'byin par byed na/ ltung byed du 'gyur ro/ /dge slong gis shing ljon pa'i shun pa 'chu bar byed na/ nyes byas su 'gyur ro/ /dge slong gis shing ljon pa'i bri 'chu bar byed na| nyes byas su 'gyur ro/ /dge slong gis shing ljon pa'i snying po 'chu bar byed na/ ltung byed du 'gyur ro/ /dge slong gis shing ljon pa'i lo ma rlon pa rlog par byed na/ ltung </font><hr>Cha401b<br><font size=+1>


byed du 'gyur ro/ /dge slong gis shing ljon pa'i lo ma ser po rlog par byed na/ nyes byas su 'gyur ro/ /dge slong gis shing ljon pa'i me tog kha ma phye ba rlog par byed na/ ltung byed du 'gyur ro/ /dge slong gis shing ljon pa'i me tog kha phye ba rlog par byed na/ nyes byas su 'gyur ro/ /dge slong gis shing ljon pa'i 'bras bu ma smin pa rlog par byed na/ ltung byed du 'gyur ro/ /dge slong gis shing ljon pa'i 'bras bu smin pa rlog par byed na/ nyes byas su 'gyur ro/ /dge slong gis nya lcibs 'byin par byed na/ ji srid du chu nas skam la 'don par mi byed kyi bar du nyes byas su 'gyur ro/ /chu nas skam la 'don par byed na/ ltung byed du 'gyur ro/ /dge slong gis nya tshang 'don par byed na/ ji srid du chu nas skam la 'don par mi byed kyi bar du nyes byas su 'gyur ro/ /chu nas skam la 'don par byed na/ ltung byed du 'gyur ro/ /dge slong gis sha mo 'thog par byed na/ nyes byas su 'gyur ro/ /dge slong gis pha ba lgo lgo 'thog par byed na/ nyes byas su 'gyur ro/ /dge slong gis rdza ma'am/ phru ba'am/ ril ba'am/ gos sam/ gos kyi rdang la rlam chags pa skyod par byed na/ nyes byas su 'gyur ro/ /rung bar byas te skyod pa la ni/ ltung ba med do/ /las dang po pa dang / smyos pa dang / sems 'khrugs pa </font><hr>Cha402a<br><font size=+1>


@#/ /dang| tshor ba dag gis nyen pa la ltung ba med do/ /sa bon dang skye ba 'jig pa'i ltung byed de/ bcu gcig pa rdzogs so// </font><hr>Ja1b<br><font size=+1>


@##/ /'dul ba rnam par 'byed pa/ bam po zhe gsum pa/ sangs rgyas bcom ldan 'das rgyal po'i khab na/ 'od ma'i tshal ka lan dka'i gnas na bzhugs so/ /gang gi tshe tshe dang ldan pa gyad bu nor dge 'dun gyis gnas mal 'bogs pa dang / zas la sko bar bskos pa'i tshe na/ dge slong mdza' bo dang sa </font><hr>Ja2a<br><font size=+1>


@#/ /las skyes gnyis/ tshe dang ldan pa gyad bu nor dang tshe rabs tshe rabs nas khon yod pas dge slong mdza' bo dang sa las skyes gnyis/ tshe dang ldan pa nye dga' dang lhan cig tu| 'du 'dzi'i gtam gyis 'khod pa na/ tshe dang ldan pa gyad bu nor phyogs der 'ongs pa dang / de gnyis kyis nye dga' la smras pa/ tshe dang ldan pa nye dga'/ gal te khyod kyang dge 'dun gyis gnas mal 'bogs pa dang / zas la sko bar bskos par gyur na/ khyod kyang kho bo cag la 'di lta ste dper </font><hr>Ja2b<br><font size=+1>


na| tshe dang ldan pa gyad bu nor bzhin du mtho 'tsham par 'gyur ro/ /nye dgas de gnyis la smras pa/ tshe dang ldan pa gnyis khyed dge 'dun mthun pas/ dge slong gnas mal 'bog pa dang / zas la sko bar bskos par shes bzhin du| de la ngor 'phya'am/ de gnyis kyis smras pa/ ci kho bo cag gnyis 'dur yang mi dbang ngam/ dge slong don nyung ngu dag ci'i phyir/ dge slong dag dge 'dun mthun pas dge slong gang gnas mal 'bog pa dang / zas la sko bar bskos par shes bzhin du de la ngor 'phya bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge </font><hr>Ja3a<br><font size=+1>


@#/ /slong mdza' bo dang sa las skyes gnyis sam/ gzhan yang de lta bu gang yin pa de/ ngor 'phya ba'i grangs su chug cig /'di ltar grangs su gzhug par bya ste/ gnas mal bshams pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la/ dge slong gcig gis gsol ba byas te/ dge 'dun btsun pa rnams gsan du gsol/ dge slong mdza' bo dang sa las skyes 'di gnyis 'tshal bzhin du dge slong gang dge 'dun mthun pas gnas mal 'bog pa dang / zas la sko bar bskos pa tshe dang ldan pa gyad bu nor de la ngor 'phya na/ gal te dge 'dun gyis dus la bab cing bzod na/ dge 'dun gyis gnang bar mdzod cig </font><hr>Ja3b<br><font size=+1>


dang / dge 'dun gyis dge slong mdza' bo dang sa las skyes ngor 'phya ba'i grangs su stsal to/ /'di ni gsol ba'o/ /gang gi tshe dge 'dun gyis dge slong mdza' bo dang sa las skyes gnyis ngor 'phya ba'i grangs su bcug pa de'i tshe na/ de gnyis tshe dang ldan pa nye dga' dang lhan cig gtam zer zhing 'dug pa na/ tshe dang ldan pa gyad bu nor phyogs der 'ongs pa dang / de gnyis kyis nye dga' la smras pa/ tshe dang ldan pa nye dga' gal te khyod kyang dge 'dun gyis gnas mal 'bog pa dang / zas la sko bar bskos par gyur na/ khyod kyang kho bo cag 'di lta ste dper na/ kha cig bzhin du mtho 'tsham par 'gyur ro/ /nye dgas de gnyis la smras pa/ tshe dang ldan pa gnyis khyed dge 'dun mthun pas dge slong gang gnas mal 'bog pa dang / zas la sko bar bskos par shes bzhin du de la gzhog 'phyas byed dam/ de gnyis kyis smras pa/ ci kho bo cag gnyis kyis 'ga' zhig gi ming ngam rus nas smos sam/ nye dgas smras pa/ gal te ming dang rus ma smas par gzhog 'phyas byed du gnang na/ nye dgas kyang 'jig rten thams cad la ming dang rus mi smos par gzhog 'phyas byas par 'gyur ro/ /dge slong don nyung ngu dag ci'i phyir dge slong dag dge 'dun mthun pas dge slong gang gnas mal 'bog pa dang / zas la sko bar bskos par shes bzhin du de la gzhog 'phyas byed ces smod </font><hr>Ja4a<br><font size=+1>


@#/ /par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ dge slong dag khyed kyis dge slong mdza' bo dang sa las skyes gnyis sam/ gzhan yang de lta bu gang yin pa de gzhog 'phyas byed pa'i grangs su chug cig /'di ltar grangs su gzhug par bya ste/ gnas mal bshams pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la/ dge slong gcig gis gsol ba bya ste/ dge 'dun btsun pa rnams gsan du gsol/ dge slong mdza' bo dang sa las skyes 'di gnyis 'tshal bzhin du dge slong gang dge 'dun mthun pas gnas mal 'bog pa dang / zas la sko bar bskos pa tshe dang ldan pa gyad bu nor de la gzhog 'phyas bgyid na/ gal te dge 'dun gyis dus la bab cing bzod na dge 'dun gyis gnang bar mdzod cig dang / dge 'dun gyis dge slong mdza' bo dang sa las skyes gzhog 'phyas bgyid pa'i grangs su stsal to/ /'di ni gsol ba'o/ /gang gi tshe dge 'dun gyis dge slong mdza' bo dang sa las skyes ngor 'phya ba dang gzhog 'phyas byed pa'i grangs su bcug pa de'i tshe na/ de gnyis tshe dang ldan pa gyad bu nor la ngor 'phya ba dang gzhog 'phyas </font><hr>Ja4b<br><font size=+1>


byed nas/ dge slong don nyung ngu dag ci'i phyir dge slong dag dge 'dun mthun pas/ dge slong gang gnas mal 'bog pa dang / zas la sko bar bskos par shes bzhin du de la ngor 'phya ba dang gzhog 'phyas byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste/ zhes bya ba la sogs pa yang snga ma bzhin te/ sangs rgyas bcom ldan 'das kyis dge slong mdza' bo dang sa las skyes gnyis la rmas pa/ dge slong khyed gnyis shes bzhin du dge slong gang dge 'dun mthun pas gnas mal 'bog pa dang / zas la sko bar bskos pa dge slong gyad bu nor de la ngor 'phya ba dang / gzhog 'phyas byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas </font><hr>Ja5a<br><font size=+1>


@#/ /na phan yon bcu yang dag pa gzigs pas/ 'dul ba la nyan thos rnams kyi bslab pa'i gzhi bca' bar bya ste/ zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ 'phya'am gzhog 'phyas byed na ltung byed do/ /'phya'am gzhog 'phyas byed na zhes bya ba ni/ 'phya ba dang gzhog 'phyas bya ba'i bsam pas ngag dang / tshig dang / tha snyad dang / skad dang / rjod pa dang / nges pa'i tshig dang / tshig gi lam dang / tshig gi sgra dang / ngag gi las dang / ngag gi rnam par rig byed rjod pa'o/ /ltung byed do zhes bya ba ni sems can dmyal ba dang / dud 'gro dang / yi dwags dang / ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do/ / zhes gsungs so/ /de la ltung ba ji ltar 'gyur zhe na/ dge slong dge 'dun gyis bgrangs shing de yang gang zag bcu gnyis su bskos pa sbyor ba ma btang ba dag la 'phya na ltung byed du 'gyur ro| |gzhog 'phyas byed na ltung byed du 'gyur ro/ /'phya ba dang gzhog 'phyas byed na ltung byed du 'gyur ro/ /dge slong dge 'dun gyis bgrangs shing de yang gang zag bcu gnyis su bskos pa </font><hr>Ja5b<br><font size=+1>


sbyor ba btang ba dag la 'phya na ltung byed du 'gyur ro/ /gzhog 'phyas byed na ltung byed du 'gyur ro/ /'phya ba dang gzhog 'phyas byed na ltung byed du 'gyur ro/ /dge slong dge 'dun gyis bgrangs shing de yang gang zag bcu gnyis su ma bskos pa sbyor ba ma btang ba dag la 'phya na ltung byed du 'gyur ro/ /gzhog 'phyas byed na ltung byed du 'gyur ro/ /'phya ba dang gzhog 'phyas byed na ltung byed du 'gyur ro/ /dge slong dge 'dun gyis bgrangs shing de yang gang zag bcu gnyis su ma bskos pa sbyor ba btang ba dag la 'phya na ltung byed du 'gyur ro/ /gzhog 'phyas byed na ltung byed du 'gyur ro| |'phya ba dang gzhog 'phyas byed na nyes ltung byed du 'gyur ro/ /dge slong dge 'dun gyis ma bgrangs shing de yang gang zag bcu gnyis su bskos pa sbyor ba ma btang ba dag la 'phya na nyes byas su 'gyur ro/ /gzhog 'phyas byed na nyes byas su 'gyur ro/ /'phya ba dang gzhog 'phyas byed na nyes byas su 'gyur ro/ /dge slong dge 'dun gyis ma bgrangs shing de yang gang zag bcu gnyis su bskos pa sbyor ba btang ba dag la 'phya na nyes byas su 'gyur ro/ /gzhog 'phyas byed na nyes byas su 'gyur ro/ /'phya ba dang gzhog 'phyas byed na nyes byas su 'gyur ro/ /dge slong dge 'dun gyis ma bgrangs shing de yang gang zag bcu gnyis sum bskos pa sbyor ba ma btang ba dag la 'phya na nyes byas su 'gyur ro/ /gzhog 'phyas byed na nyes byas su 'gyur ro/ /'phya ba dang gzhog </font><hr>Ja6a<br><font size=+1>


@#/ /'phyas byed na nyes byas su 'gyur ro/ /dge slong dge 'dun gyis ma bgrangs shing de yang gang zag bcu gnyis su ma bskos pa sbyor ba btang ba dag la 'phya na nyes byas su 'gyur ro/ /gzhog 'phyas byed na nyes byas su 'gyur ro/ /'phya ba dang gzhog 'phyas byed na nyes byas su 'gyur ro/ /las dang po pa dang smyos pa dang sems 'khrugs pa dang / tshor ba dag gis nyen pa la ltung ba med do/ /'phya ba'i ltung byed de bcu gnyis pa rdzogs so// //sangs rgyas bcom ldan 'das go'u sham+b+hi na gdangs can gyi kun dga' ra ba na bzhugs so/ /de'i tshe tshe dang ldan pa 'dun pa ltung ba byung ba chos bzhin du phyir mi byed nas/ de la dge slong don 'dod pa/ phan pa 'dod pa/ bde ba la reg pa 'dod pa grub pa dang bde ba 'dod pa rnams kyis de la smras pa/ tshe dang ldan pa 'dun pa chos bzhin du phyir gyis shig /des smras pa/ su la ltung ba byung ba de phyir byed par 'gyur ro/ /khyod la ltung ba byung ba su zhig phyir byed par 'gyur/ su 'gyod par 'gyur ba'o/ /khyod la ltung ba byung ba la su 'gyod par 'gyur/ gal te tshe dang ldan pa khyed cag la ltung ba byung na/ kho bo'i mdun du ma chags par gzhan gyi mdun du shog cig /tshe dang ldan pa dag khyed cag ni rigs sna tshogs dang rus sna tshogs dang khyim sna tshogs nas rab tu byung ba dag yin te/ 'di lta ste dper </font><hr>Ja6b<br><font size=+1>


na| shing ljon pa dag gi lo ma sna tshogs rlung gis blags pa dag gcig tu 'dug pa de bzhin du khyed cag kyang rigs sna tshogs dang rus sna tshogs dang khyim sna tshogs nas rab tu byung ba dag yin gyi/ kho bo'i 'phags pas ni byang chub thugs su chud pa yin no zhes de dge slong rnams kyis bsgo ba rna la gzon par byed nas/ dge slong don nyung du dag ci'i phyir dge slong dag dge slong rnams kyis bsgo ba rna la gzon par byed ces smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge slong 'dun pa dang gzhan yang de lta bu gang yin pa de bsgo ba rna la gzon pa'i grangs su chug cig /'di ltar grangs su gzhug par bya ste| gnas mal bshams pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la dge slong gcig gis gsol pa bya ste/ dge 'dun btsun pa rnams gsan du gsol/ tshe dang ldan pa 'dun pa 'di ltung ba byung yang chos bzhin du slar mi bgyid de/ 'di la dge slong don 'tshal ba| phan pa 'tshal ba/ bde ba 'tshal ba/ bde ba la reg pa 'tshal ba/ grub pa dang bde ba 'tshal ba rnams kyis gzhi des glengs kyang dge slong rnams kyis bsgo ba rna la gzon na gal te </font><hr>Ja7a<br><font size=+1>


@#/ /dge 'dun gyis dus la bab cing bzod na/ dge 'dun gyis gnang bar mdzod cig dang / dge 'dun gyis tshe dang ldan pa 'dun pa bsgo ba rna la gzon pa'i grangs su stsal to/ /'di ni gsol ba'o/ /gang gi tshe na tshe dang ldan pa 'dun pa bsgo ba rna la gzon pa'i grangs su bcug pa de'i tshe na/ des bsams pa/ bdag la nyes pa gang byung ba de ni bdag gis de dag la tshig smras pa las gyur pa yin te gang gis/ skyes bu mkhas dang ldan pa yis/ /ngag rnam bzhi po bsrung bya ste/ /nags kyi nang du gong ma sreg /sgra 'byin pas ni zin la ltos/ /zhes smras pa ni legs pa yin no snyam nas/ de dge slong rnams kyis smras pa na/ cang mi smra bas dge slong rnams kyis bsgo ba rna la gzon par byed nas/ dge slong don nyung ngu dag ci'i phyir dge slong dag dge slong rnams kyis smras pa na/ cang mi smra bas dge slong rnams kyis bsgo ba rna la gzon par byed ces smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge slong 'dun pa'am gzhan yang de lta bu gang yin pa de cang mi smra bas bsgo ba rna la gzon pa'i grangs su chug cig /'di ltar gzhug par bya ste/ gnas mal bshams pa byas nas gaN+DI brdungs te/ dris </font><hr>Ja7b<br><font size=+1>


pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la/ dge slong gcig gis gsol ba bya ste/ dge 'dun btsun pa rnams gsan du gsol/ tshe dang ldan pa 'dun pa 'di ltung ba byung yang chos bzhin du slar mi bgyid de/ 'di la dge slong don 'tshal ba/ phan pa 'tshal ba/ bde ba 'tshal ba/ bde ba la reg pa 'tshal ba| grub pa dang bde ba 'tshal ba rnams kyis gzhi des glengs kyang dge slong rnams la cang mi smra bas rna la gzon na gal te dge 'dun gyis dus la bab cing bzod na/ dge 'dun gyis gnang bar mdzod cig dang / dge 'dun gyis tshe dang ldan pa 'dun pa cang mi smra bas rna la gzon pa'i grangs su stsal to/ /'di ni gsol ba'o/ /gang gi tshe dge 'dun gyis dge slong 'dun pa bsgo ba rna la gzon pa dang / cang mi smra bas rna la gzon pa'i grangs su bcug pa de'i tshe na/ dge slong rnams kyis bsgo ba rna la gzon pa dang / cang mi smra bas rna la gzon par byed nas/ dge slong don nyung ngu dag ci'i phyir dge slong dag dge slong rnams kyis bsgo ba rna la gzon pa dang / cang mi smra bas rna la gzon par byed ces smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la </font><hr>Ja8a<br><font size=+1>


@#/ /sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong 'dun pa la rmas pa/ dge slong khyod dge slong rnams kyis bsgo ba rna la gzon pa dang / cang mi smra bas rna la gzon pa bden nam/ btsun pa mad do/ / sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no/ / zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas na/ phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ bsgo ba rna la gzhon na ltung byed do/ /bsgo ba rna la gzon na zhes bya ba ni bsgo ba rnal gzon pa'i bsam pas/ ngag dang / tshig dang / tha snyad dang / skad dang / rjod pa dang / nges pa'i tshig dang / tshig gi lam dang / tshig gi sgra dang / ngag gi las dang / ngag gi rnam par rig byed rjod pa'o/ /ltung byed do zhes bya ba ni/ sems can dmyal ba dang / dud 'gro dang / </font><hr>Ja8b<br><font size=+1>


yi dwags dag ngan song dang / ngan 'gro log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung ba ji ltar 'gyur zhe na/ dge slong dge slong gi gan du 'ongs te/ 'di skad ces tshe dang ldan pa khyod kyis dge slong skra dang kha spu bregs nas ring po ma lon pa snam sbyar dmar ser dang / lhung bzed zha nye'i dbyar 'dab kyis sbyar ba dang / 'khar ba sbu bus dkris pa dang / zhun mar gyi lhung bzed dam/ 'bru mar gyi lhung bzed dam/ sbrang rtsi'i lhung bzed dam/ bu ram gyi dbu ba'i lhung bzed kyis 'ong ba mthong ngam zhes zer ba la/ des 'di skad ces tshe dang ldan pa kho bos dge slong skra dang kha spu bregs nas ring po ma lon pa na snam sbyar dmar ser dang / lhung bzed zha nye'i dbyar 'dab kyis sbyar ba dang / 'khar ba sbu bus dkris pa dang / zhun mar gyi lhung bzed dam/ 'bru mar gyi lhung bzed dam/ sbrang rtsi'i lhung bzed dam/ bu ram gyi dbu ba'i lhung bzed kyis 'ong ba ni ma mthong gi /'di ltar kho bos dge slong rkang pa gnyis kyis 'ong ba mthong ngo zhes smras na ltung byed du 'gyur ro/ /dge slong dge slong gi gan du 'ongs te/ 'di skad ces tshe dang ldan pa khyod kyis dge slong ma skra bregs nas ring po ma lon pa snam sbyar dmar ser dang / lhung bzed zha nye'i dbyar 'dab kyis </font><hr>Ja9a<br><font size=+1>


@#/ /sbyar ba dang / zhun mar gyi lhung bzed dam/ 'bru mar gyi lhung bzed dam/ sbrang rtsi'i lhung bzed dam/ bu ram gyi dbu ba'i lhung bzed kyis 'ong ba mthong ngam/ zhes zer ba la/ des 'di skad ces tshe dang ldan pa kho bos dge slong ma skra bregs nas ring po ma lon pa/ snam sbyar dmar ser dang / lhung bzed zha nye'i dbyar 'dab kyi sbyar ba dang / zhun mar gyi lhung bzed dam/ 'bru mar gyi lhung bzed dam/ sbrang rtsi'i lhung bzed dam/ bu ram gyi dbu ba'i lhung bzed kyis 'ong ba ni ma mthong gi /'di ltar kho bos dge slong ma rkang pa gnyis kyis 'ong ba mthong ngo zhes smras na ltung byed du 'gyur ro/ /dge slong ma dang / dge tshul dang / dge tshul ma la yang de bzhin ci rigs par sbyar ro/ /dge slong dge slong gi gan du 'ongs te/ 'di skad ces tshe dang ldan pa ji lta khyim pa bu ram shing gi khur gyis sam/ smig ma'i khur gyis sam/ 'dam bu'i khur gyis sam/ shing gi khur gyis sam/ zhun mar gyi bum pas sam/ 'bru mar gyi bum pas sam/ sbrang rtsi'i bam pas sam/ bu ram gyi dbu ba'i bum pas 'ong ba mthong ngam zhes zer ba la/ des 'di skad ces tshe dang ldan pa kho bos khyim pa bu ram shing gi khur gyis sam/ smig ma'i khur gyis sam/ 'dam bu'i khur gyis sam/ shing gi khur gyis sam/ zhun mar gyi bum pas sam/ 'bru mar gyi bum pas sam/ sbrang rtsi'i bum pas </font><hr>Ja9b<br><font size=+1>


sam/ bu ram gyi dbu ba'i bum pas 'ong ba ni ma mthong gi /'di ltar kho bos khyim pa rkang pa gnyis kyis 'ong ba mthong ngo zhes smras na ltung byed du 'gyur ro/ /dge slong dge slong gi gan du 'ongs ste/ 'di skad ces tshe dang ldan pa ji ltar khyim pa mo gos thams cad sngon pos sam/ thams cad ser pos sam/ thams cad dmar pos sam/ thams cad dkar pos sam/ zhun mar gyi bum pas sam/ 'bru mar gyi bum pas sam/ sbrang rtsi'i bum pas sam/ bu ram gyi dbu ba'i bum pas 'ong ba mthong ngam zhes zer ba la/ des 'di skad ces tshe dang ldan pa kho bos khyim pa mo gos thams cad sngon pos sam/ thams cad ser pos sam/ thams cad dmar pos sam/ thams cad dkar pos sam/ zhun mar gyi bum pas sam/ 'bru mar gyi bum pas sam/ sbrang rtsi'i bum pas sam/ bu ram gyi dbu ba'i bum pas 'ong ba ni ma mthong gi /'di ltar kho bos khyim pa mo rkang pa gnyis kyis 'ong ba mthong ngo zhes smras na ltung byed du 'gyur ro/ /dge slong gis ji tsam du gzhan 'dri ba la lan gzhan 'debs na thams cad du ltung byed du 'gyur ro/ /rnam grangs de dag thams cad la cang mi smra bas rna la gzon na nyes byas su 'gyur ro/ / gshed ma'i gsad par bya ba bros nas dge slong gi gan du 'ongs te/ 'phags pa ji lta gsad par bya ba mthong ngam zhes 'dri na gal te grang ba'i dus yin na dge slong gis gshed ma </font><hr>Ja10a<br><font size=+1>


@#/ /la bzhin bzang me khang du zhugs la me 'di zhig ces brjod par bya'o/ /gal te tsha ba'i dus yin na bzhin bzang je dpong sa'i khang par zhugs shig / je skom 'thungs shig /je ngal so zhig ces brjod par bya'o/ /gal te de 'di skad ces bdag mi grang ngo / /bdag mi cha'o \ TSA'O?\/ /bdag mi skom mo/ /bdag ma chad do/ /'di ltar bdag gsad par bya ba 'dri'o zhes zer na/ je sen mo la ltas te/ sen mo mthong ngo zhes brjod par bya'o/ /nam mkha' la ltas te nam mkha' mthong ngo zhes brjod par bya'o/ /gal te de 'di skad ces bdag sen mo mi 'dri'o/ /bdag nam mkha' mi 'dri'o/ /'di ltar bdag gsad par bya ba 'dri'o/ /zhes zer na/ dge slong des phyogs bzhir rnam par bltas te 'du byed thams cad bdag med pa yid la byas nas/ don dam par na sems can ma mthong ngo zhes brjod par bya ba la ltung ba med do/ /kha na ba dang khas sman 'dzin pa la ltung ba med do/ / las dang po pa dang smyos pa dang / sems 'khrugs pa dang / tshor ba dag gis nyen pa la ltung ba med do/ /sangs rgyas bcom ldan 'das la dge slong rnams kyis zhus pa/ btsun pa tshe dang ldan pa 'dun pa tshangs pa mtshungs par spyod pa rnams kyi ngag mi nyan nas bsgo ba rna la gzhon pa dang cang mi smra bas rna la gzon pa'i grangs su stsal pa la gzigs/ dge slong </font><hr>Ja10b<br><font size=+1>


dag da ltar du ma zad kyi 'di ltar 'das pa'i dus na yang 'di dge ba'i bshes gnyen rnams kyi ngag mi nyan nas tshul ma yin pas sdug bsngal bar gyur te/ de nyon cig /dge slong dag /sngon byung ba 'das pa'i dus na/ rdzing zhig na rus sbal gcig dang ngang pa gnyis shig 'khod de/ da nas dus gzhan zhig na/ lo bcu gnyis su than pa byung nas des rdzing de bskam par brtsams so| |chos nyid kyis na 'jig rten gnas pa chags nas ring po ma lon pa'i tshe na dud 'gro dag kyang smra shes pas/ ngang pa gnyis kyis rus sbal la smras pa/ grogs po kho bo cag gnyis ni rdzing gzhan du 'gro'o/ /rus sbal gyis smras pa/ grogs po gnyis kho bo yang khrid de song zhig /ngang pa gnyis kyis smras pa/ khyod ji ltar khrid de 'gro bar bya/ rus sbal gyis smras pa/ kho bos shing gi dbus su khas gzung bar byas/ khyed gnyis kyis rtse mo gnyis nas bzung la deng zhig /ngang pa gnyis kyis smras pa/ khyod smra 'dod pa yin pas tshig srung mi nus kyi/ kho bo cag gnyis khyer te mi 'gro'o/ /rus sbal gyis smras pa/ tshig bsrung bar bya'o/ /ngang pa gnyis kyis rus sbal de khyer te steng gi nam mkha' la 'phags nas ji tsam na ri brags shig gi steng na phar song ba dang / khye'u dang bu mo dag gis mthong nas de dag gis smras pa/ shes ldan dag ltos shig /ngang pa gnyis kyis rus sbal zhig khyer te song ngo zhes zer ba na/ rus </font><hr>Ja11a<br><font size=+1>


@#/ /sbal des kyang dang du blangs so/ /de nas ri brags gzhan zhig gi steng na phar song ba dang / yang khye'u dang bu mo dag gis mthong nas de dag gis smras pa/ shes ldan dag ltos shig /ngang pa gnyis kyis rus sbal zhig khyer te song ngo zhes zer ba dang / rus sbal des bsams pa/ bdag gis yun ji srid du mtho 'tsham pa mnags par bya snyam nas smras pa/ ngang pa gnyis kyis kho bo khyer ba ma yin gyi 'di ltar kho bo rang 'gro'o zhes byas pa dang / shing shor nas de sa la lhung ste/ de dag gis bzung nas tshul ma yin pas sdug bsngal bar byas pa dang / lhas tshigs su bcad pa smras pa/ mdza' bshes phan par 'dod rnams kyis/ /smras pa gang zhig mi 'dzin pa/ /rus sbal gyis ni shing btang ltar/ /de ni lhung zhing las par gyur/ /dge slong dag de'i tshe de'i dus na ngang pa ches rgan pa cig shos gang yin pa de ni nga yin no/ /de'i tshe de'i dus na ngang pa cig shos gang yin pa de ni kun dga' bo yin no/ /de'i tshe de'i dus na rus sbal gang yin pa de ni 'dun pa 'di yin te/ 'di de'i tshe na yang dge ba'i bshes gnyen rnams kyi ngag mi nyan pas tshul ma yin pas sdug bsngal bar gyur la/ da ltar yang 'di tshangs pa mtshungs par spyod pa rnams kyi ngag mi nyan pas bsgo ba rna la gzon pa dang cang mi smra bas rna la gzon pa'i grangs su bcug go / </font><hr>Ja11b<br><font size=+1>


bsgo ba rna la gzon pa'i ltung byed de bcu gsum pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na khyim bdag gcig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs pa dang dge slong gi dge 'dun ni zhugs so/ / bcom ldan 'das ni rdzas las byung ba na bzhugs shing / bsod snyoms mngon par bsgrubs so/ /sangs rgyas bcom ldan 'das ni rgyu lngas rdzas las byung ba na bzhugs shing bsod snyoms mngon par bsgrubs par mdzad de/ lnga gang zhe na/ nang du yang dag 'jog la bzhed pa dang / lha rnams la chos ston par bzhed pa dang / nad pa la lta bar bzhed pa dang / gnas mal la rtog par bzhed pa dang / 'dul ba la nyan thos rnams kyi bslab pa'i gzhi bca' bar bzhed pa'o/ /don 'dir ni bcom ldan 'das gnas mal la rtog par bzhed pa dang / 'dul ba la nyan thos rnams kyi bslab pa'i gzhi 'cha' bar bzhed pas rdzas las byung ba na bzhugs shing / bsod snyoms mngon par bsgrub pa mdzad do/ /de nas bcom ldan 'das kyis dge slong gi dge 'dun song nas ring po ma lon par thugs su chud nas lde mig bsnams te kun dga'i ra ba nas kun dga'i ra bar/ gtsug lag khang nas gtsug lag khang du/ khang khyim nas khang khyim </font><hr>Ja12a<br><font size=+1>


@#/ /du/ 'chag sa nas 'chag sar dang / gol bar gshegs shing mthar gyis gshegs pa na/ khang pa chen po'i gtsug lag khang zhig ga la ba der gshegs so/ /de'i tshe na khang pa chen po'i gtsug lag khang de na gnas mal rab tu mang po dag bla gab med par bzhag cing / dus ma yin pa'i sprin chen po yang 'dus par gyur ro/ /bcom ldan 'das kyis khang pa chen po'i gtsug lag khang de na gnas mal rab tu mang po dag bla gab med par bzhag cing dus ma yin pa'i sprin chen po 'dus pa yang gzigs so/ /gzigs nas kyang e ma zhes gsung zhing smad nas 'di snyam du dgongs te bram ze dang khyim bdag dad pa can dag gis pags pa dang sha dang khrag dag btsir cing btsir cing sbyin pa dag sbyin/ bsod nams dag byed pa gang yin pa de la dge slong dag drod mi shes pa dang / so sor mi rtog par yongs su longs spyod do snyam du dgongs so/ /de nas bcom ldan 'das kyis rdzu 'phrul gyis dus ma yin pa'i sprin chen po de phyir dgag pa mdzad de/ bcom ldan 'das kyis rdzu 'phrul gyis dgag pa mdzad pas de steng gi bar snang la chu lon lta bur gyur te/ mtha' na 'dug cing shas cher bcom ldan 'das la sdod cing 'dug go /de nas bcom ldan 'das kyis gnas mal rab tu mang po de dag skyabs yod par brubs nas dbyar gyi na bza' ras chen bsnams te/ sku bsil bar </font><hr>Ja12b<br><font size=+1>


bzhed nas bang rim na bzhugs so/ /de nas bcom ldan 'das kyis dus ma yin pa'i sprin chen po de dgag pa'i rdzu 'phrul de slar bsdu ba mdzad do/ /bcom ldan 'das kyis rdzu 'phrul de slar bsdu ba mdzad nas/ 'brug grags shing char gyis gshong dang thang thams cad tshim par gyur to/ /de nas bcom ldan 'das kyis sku dag bsil nas zhabs gnyis bsil te/ nang du yang dag 'jog gi slad du gtsug lag khang du gshegs so/ /de nas dge slong bsod snyoms sgrub pas bsod snyoms blangs nas bcom ldan 'das ga la ba der song ngo / /sangs rgyas bcom ldan 'das rnams ni chos nyid kyis bsod snyoms sgrub pa'i dge slong la/ dge slong ji lta ba zas bsod dam/ dge slong gi dge 'dun tshim par byas sam zhes so sor kun dga' bar mdzad pa 'dis so sor kun dga' bar mdzad pa yin pas/ bcom ldan 'das kyis dge slong bsod snyoms sgrub pa la/ dge slong ji lta zas bsod dam/ dge slong gi dge 'dun tshim par byas sam zhes so sor kun dga' bar mdzad pa dang / des gsol ba/ btsun pa te por zas bsod cing / dge slong gi dge 'dun tshim par bgyis so/ /de nas bcom ldan 'das zhal zas kyi bya ba mdzad nas gtsug lag khang gi slad rol tu zhabs gnyis bsil te/ nang du yang dag 'jog gi slad du gtsug lag khang du gshegs so/ /de nas bcom ldan 'das phyi dro nang du yang dag 'jog las bzhengs nas/ </font><hr>Ja13a<br><font size=+1>


@#/ /dge slong gi dge 'dun gyi gong du gdan bshams pa nyid la bzhugs so/ /bzhugs nas bcom ldan 'das kyis/ dge slong rnams la bka' stsal pa/ dge slong dag ngas 'di na dge slong gi dge 'dun song nas ring po ma lon par shes nas/ lde mig khyer te kun dga'i ra ba nas kun dga'i ra bar/ gtsug lag khang nas gtsug lag khang du/ khang khyim nas khang khyim du/ 'chag sa nas 'chag sar dang / gol bar song zhig mthar gyis 'gro na/ khang pa chen po'i gtsug lag khang zhig ga la ba der phyin nas ngas khang pa chen po'i gtsug lag khang de na/ gnas mal rab tu mang po dag bla gab med par bzhag cing dus ma yin pa'i sprin chen po 'dus pa mthong ngo / /mthong nas kyang e ma zhes byas te smad nas/ 'di snyam du bram ze dang khyim bdag dad pa can dag gis pags pa dang sha dang khrag dag btsir cing btsir cing sbyin pa dag sbyin/ bsod nams dag byed pa gang yin pa de la dge slong dag drod mi shes pa dang / so sor mi rtog par yongs su longs spyod do snyam du dgongs kyi/ dge slong dag khyed kyis dad pas sbyin par bya ba la drod ran par yongs su longs spyod pa dang / spang zhing yongs su longs spyad pa dang dus su yongs su longs spyad pa dang / brtag cing yongs su longs spyad pa dang / khad kyis yongs su longs </font><hr>Ja13b<br><font size=+1>


spyad na legs so/ /bar sdom la/ drod ran pa dang spong ba dang / de bzhin dus dang brtag pa dang / /khad kyis yongs su spyad pa yin/ de nas bcom ldan 'das kyis drod ran pa dang spang ba dang / dus dang / brtag pa dang / khad kyis yongs su longs spyod pa'i bsngags pa brjod nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge 'dun gyi khri'am khri'u 'am/ stan nang tshangs can nam/ la ba'am/ sngas sam/ gor bu bla gab med par bting ngam/ 'ding du bcug nas ma bsdus sam/ sdud du ma bcug par de nas song na ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi bca' ba mdzad do/ /dge slong rab tu mang po dag don mthun dang lhan cig ljongs rgyur dong pa na ri brags shig tu phyin nas/ de dag gis ri brags der gnas btsal bar brtsams pa dang / ri brags de na gtsug lag khang zhig yod nas de na/ de dag la mi zhig gis smras pa/ 'phags pa dag khyed cag gtsug lag khang du mi gnas sam/ bzhin bzang mi gnas te/ kho bo cag ni don mthun la rag </font><hr>Ja14a<br><font size=+1>


@#/ /las pa yin pas/ gal te kho bo cag gtsug lag khang du gnas par gyur na/ don mthun gyis kho bo cag bor te 'gro bar 'gyur ro/ /des smras pa/ 'phags pa dag bzhud la gtsug lag khang du gzims shig dang / don mthun cha ba'i dus kyi tshe na bdag gis 'phags pa dag bslang bar bgyi'o/ /de dag gtsug lag khang du dong ste gnas mal bshams nas nyal ba dang / don mthun chas te/ glang tha ma bkal zin pa dang / de nas mi de sad nas de song ste/ dge slong rnams la smras pa/ 'phags pa dag don mthun chas kyi/ myur du spyon cig /de dag ji srid du lag pa dag bsnyal bar byed/ so shing dag 'dor bar byed/ gnas mal dag gtod par byed pa de srid du don mthun thal bar gyur nas/ de dag phyi bzhin 'brang zhing 'dong ba na/ chom rkun pa dag gis bcom par gyur nas/ de dag mthar gyis gtsug lag khang du phyin pa dang / de dag dge slong rnams kyis mthong nas smras pa/ tshe dang ldan pa dag 'ongs pa legs so/ /'ongs pa legs so/ /ji lta bde bar brgyus sam/ tshe dang ldan pa dag bde bar brgyus re skan/ ci nyes/ tshe dang ldan pa dag /kho bo cag chom rkun pa dag gis bcom zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal </font><hr>Ja14b<br><font size=+1>


pa/ dge slong 'khod pa dag la bcol bar bya'o/ /bcom ldan 'das kyis dge slong 'khod pa dag la bcol bar bya'o zhes bka' stsal nas/ mnyan yod na khyim bdag gnyis shig 'khod pa de gnyis phan tshun 'khon yod cing gcig ni dad pa dang ldan pa yin la gcig ni ma dad pa yin nas/ dad pa can gyis bsams pa/ khon spel bas ci bya ste/ khon zhi bar byas te/ song la rab tu 'byung bar bya'o snyam nas/ de rgyal byed kyi tshal du song ste/ dge slong gi gan du rab tu byung ngo / /khyim bdag ma dad pa shos des mi zhig la dris pa/ bzhin bzang khyim bdag che ge mo zhes bya ba de gar song / des smras pa/ rab tu byung ngo / /gang du/ shAkya'i bu'i dge sbyong rnams kyi nang du'o/ /ci de mi 'jigs pa'i grong khyer yin nam/ kho bo der yang song la de la gnod pa bya'o/ /'jig rten ni mdza' bshes dang / dgra bo dang tha mal pa yin pas gzhan zhig de'i gan du song ste smras pa/ khyod la khyim bdag de gshe'o/ /des bsams pa/ bdag nyes dmigs gang gis rab tu byung ba'i nyes dmigs de nyid kyis rjes su 'brel to snyam nas de mkhan po'i drung du song ste smras pa/ mkhan po bdag nyes dmigs gang gis rab tu byung ba'i nyes dmigs de nyid kyis rjes su 'brel bar gyur gyi/ mchi'o/ /bu gang du 'gro/ rgyal po'i khab tu'o/ /de ltar gyis shig /de rgyal po'i khab tu 'phags pa dang / khyim </font><hr>Ja15a<br><font size=+1>


@#/ /bdag de yang rgyal byed kyi tshal du 'ongs nas/ dge slong la dris pa/ 'phags pa khyim bdag 'di zhes bgyi ba de ci rab tu byung ngam/ rab tu byung ngo / /de gar mchis/ rgyal po'i khab tu song ngo / /des bsams pa/ ci de mi 'jigs pa'i grong khyer yin nam/ bdag der yang song la mtshams gcad par bya'o snyam nas/ de yang rgyal po'i khab tu 'phags so/ /dge slong ni dus su 'gro zhing dus ma yin par mi 'gro la/ khyim pa ni dus su yang 'gro/ /dus ma yin par yang 'gro bas/ dge slong de ri brags kyi gtsug lag khang zhig tu zhugs pa dang / khyim bdag des mthong nas des bsams pa/ gal te bdag gis 'di la cung zad smra ba'i rigs na 'di'i grogs dge slong dag mang bas bdag la gnod pa byed par 'gyur gyi/ bdag gis sang 'di shes par bya'o snyam mo/ /dge slong de yang nang par sngar langs te dge slong rnams la smras pa/ tshe dang ldan pa dag / bdag 'gros gnas mal 'di re zhes gnas mal gtad pa dang / dge slong rnams kyis smras pa/ khyod gar 'gro/ rgyal po'i khab tu'o/ /tshe dang ldan pa lam 'di ni dogs pa dang bcas pa yin gyi/ 'di nas ma 'gro zhig/ 'di ni lam gzhan yin gyi/ de nas song zhig /de lam de nas song ba dang / khyim bdag de yang nang par sngar langs nas gtsug lag </font><hr>Ja15b<br><font size=+1>


khang du song ste dge slong la dris pa/ 'phags pa dge slong 'di zhes bgyi ba gar mchis/ rgyal po'i khab tu'o/ /shul gang nas/ che ge mo zhig nas so/ /de de'i phyi bzhin song ba dang / dge slong des de mthong nas des de la smras pa/ bzhin bzang 'khon zhi bar gyur cig /des smras pa/ de bzhi bar bya'o zhes khyim bdag des dge slong de shin tu brdeg brdeg nas lhung bzed kyang bcag/ chos gos kyang dral te tha ma mi shi tsam byas te btang nas dbugs de'u chad pa las sos te phyir log nas gtsug lag khang de nyid du phyin pa dang / dge slong rnams kyis de mthong nas smras pa/ tshe dang ldan pa ci'i phyir khyod gnas skabs 'di lta bur gyur/ des skabs de dge slong rnams la rgyas par brjod nas/ yang smras pa/ gal te kho bos tshe dang ldan pa dag gis bstan pa ltar ma byas nas kho bo gnas skabs 'di 'dra bar mi 'gyur ro zhes zer ba'i skabs de/ dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ de 'dra ba'i rkyen ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas/ dge slong rnams la de dang mthun pa dang / de'i shas che ba dang / de dang 'tsham pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la/ </font><hr>Ja16a<br><font size=+1>


@#/ /'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge 'dun gyi khri'am khri'u 'am/ stan nang tshangs can nam/ la ba'am/ sngas sam/ gor bu bla gab med par gting ngam/ 'ding du bcug nas ma bsdus sam/ sdud du ma bcug gam/ dge slong 'khod pa la ma bcol bar de nas song na de 'dra ba'i rkyen ma gtogs te ltung byed do/ /yang dge slong gang zhes bya ba ni chos 'di pa'o/ /dge 'dun gyi zhes bya ba ni de bzhin gshegs pa'i nyan thos kyi dge 'dun gyi'o/ /khri zhes bya ba ni khri nyid do/ /khri'u zhes bya ba ni khri'u nyid do/ /stan nang tshangs can zhes bya ba ni shing bal can no/ /la ba zhes bya ba ni la ba nyid do/ /sngas zhes bya ba ni sngas su gzhug pa'o/ /gor bu zhes bya ba ni gru bzhi'o/ /bla gab med par zhes bya ba ni ma g.yogs par ro/ /bting ngam zhes bya ba ni rang gis so/ /'ding du bcug nas zhes bya ba ni gzhan no/ /ma bsdus sam zhes bya ba ni rang gis so/ /sdud du ma bcug gam zhes bya ba ni gzhan no/ /dge slong 'khod pa la zhes bya ba ni de na dge slong gang 'dug pa la'o/ /ma bcol bar zhes bya ba la bcol ba ni rnam pa lnga ste/ gtsug lag khang 'di re zhes bya ba dang / gtsug lag khang ltos shig ces bya ba dang / gnas mal 'di re zhes bya ba dang / gnas mal </font><hr>Ja16b<br><font size=+1>


bsdus shig ces bya ba dang / sgo lcags chug cig ces bya ba nyid ni lnga pa'o/ /gal te dge slong med na dge tshul la bcol bar bya'o/ /gal te dge tshul med na khyim bdag la bcol bar bya'o/ / gal te khyim bdag med na phyogs bzhir rnam par bltas te/ lde mig sbas nas 'gro bar bya'o/ /gal te lam kar dge slong mthong na/ kho bos phyogs ga ge mo zhig tu lde mig sbas kyi/ long zhig ces brjod par bya'o/ /de nas song na zhes bya ba ni nye 'khor spangs na'o/ /sangs rgyas bcom ldan 'das la/ tshe dang ldan pa nye bar 'khor gyis zhus pa/ btsun pa dge slong gi gnas mal gyi nye 'khor gang lags/ nye bar 'khor/ ngas bram ze gro bzhin skyes la/ a mra'i sdong po shin tu me tog phun sum tshogs pa/ 'bras bu phun sum tshogs pa/ yal ga'i tshogs phun sum tshogs pa/ 'dom bdun gyis bar du chod pa'i a ma'i sdong po gang dag yin pa de dag la 'dom bzhi bcu rtsa dgu yod par bstan pa de ni/ dge slong gnas mal gyi nye 'khor yin no| |de 'dra ba'i rkyen ma gtogs te zhes bya ba ni de 'dra ba'i rkyen bzhag ste'o/ /ltung byed do zhes bya ba ni sems can dmyal ba dang / dud 'gro dang / yi dwags dang / ngan song dang ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib pa ste/ des </font><hr>Ja17a<br><font size=+1>


@#/ /na ltung byed do zhes gsungs so/ /de la ltung ba ji ltar 'gyur zhe na/ 'di lta ste dge slong gis dge 'dun gyis gnas mal bla gab med par bzhag ste/ de nas song na ji srid du nye 'khor ma spangs kyi bar du nyes byas su 'gyur la/ nye 'khor spangs na ltung byed du 'gyur ro/ /gal te lam kar bdag gis dge 'dun gyi gnas mal phyogs 'di lta bu zhig tu bzhag go snyam du dran zhing / gal te 'di snyam du bdag gi tshangs pa mtshungs par spyod pa mkhas pa dag sdud par 'gyur ro snyam na dge slong des phyin chad de ltar mi bya'o snyam du sems bskyed par bya zhing tshig tu yang brjod par bya ste/ ltung ba de yang chos bzhin du phyir bya'o/ /gal te lam kar dge slong der 'gro ba mthong zhing gal te de 'di snyam du 'dis sdud par 'gyur ro snyam na de la 'di skad ces tshe dang ldan pa kho bos dge 'dun gyi gnas mal phyogs ga ge mo zhig tu bzhag pa de sdus shig ces brjod par bya zhing dge slong des phyin chad de ltar mi bya'o/ / snyam du sems bskyed par bya zhing tshig tu yang brjod par bya ste/ ltung ba de yang chos bzhin du phyir bya'o/ /dge slong des kyang dge slong de la khas blangs nas/ gus par bya ste bsdu bar bya'o/ /gal te sdud par mi byed na 'gal tshabs can du 'gyur ro/ /gal te der song nas bdag gis dge 'dun gyi gnas mal phyogs 'di lta bu zhig tu bzhag go snyam du dran zhing </font><hr>Ja17b<br><font size=+1>


gal te de 'di snyam du bdag gi tshangs pa mtshungs par spyod pa mkhas pa dag sdud par 'gyur ro snyam nas dge slong des phyin chad de ltar mi bya'o snyam du sems bskyed par bya zhing tshig tu yang brjod par bya ste/ ltung ba de yang chos bzhin du phyir bya'o/ /gal te der song nas dge slong der 'gro ba mthong zhing / gal te de 'di snyam du 'dis sdud par 'gyur ro snyam na de la 'di skad ces tshe dang ldan pa kho bos dge 'dun gyi gnas mal phyogs ga ge mo zhig tu bzhag pa de sdus shig ces brjod par bya zhing / dge slong des phyin chad de ltar mi bya'o snyam du sems bskyed par bya zhing tshig tu yang brjod par bya ste/ ltung ba de yang chos bzhin du phyir bya'o/ /dge slong des kyang dge slong de la khas blangs nas gus par bya ste bsdu bar bya'o/ /gal te sdud par mi byed na 'gal tshabs can du 'gyur ro/ /dge slong gis dge 'dun gyi gnas mal bla gab med par bzhag nas gtsug lag khang du 'dir bdag gis sems mnyam par ma bzhag pa mnyam par gzhag go snyam pa'am/ sems mnyam par bzhag pa rnam par grol bar bya'o snyam pas nang du yang dag 'jog gi phyir 'jug par byed cing / de ting nge 'dzin de las mtshan mo'i thun dang po'am/ thun phyed na ldang bar byed na gal te gnas mal phan phun du ma gyur na nyes byas su 'gyur la/ gal te phan phun du gyur na ltung byed du 'gyur ro/ /dge slong gis </font><hr>Ja18a<br><font size=+1>


@#/ /dge 'dun gyi gnas mal bla gab med par bzhag nas/ gtsug lag khang du 'dir bdag gis sems mnyam par ma bzhag pa mnyam par gzhag go snyam pa'am/ sems mnyam par bzhag pa rnam par grol bar bya'o snyam pas nang du yang dag 'jog gi phyir 'jug par byed cing de ting nge 'dzin de las mtshan mo'i gung thun nam/ thun tha ma'am/ skya rengs ma shar ba'am/ skya rengs shar ba'am/ nyi ma ma shar ba'am/ nyi ma shar ba'am/ nyi ma'i brgyad cha shar ba'am/ nyi ma'i bzhi cha shar ba'am/ phyed ma yol ba'am/ phyed yol ba'am/ nyi ma'i bzhi cha lus pa'am/ nyi ma'i brgyad cha lus pa'am/ nyi ma ma nub pa'am/ nyi ma nub pa'am/ rgyu skar dag ma shar ba'am/ rgyu skar dag shar ba na ldang bar byed na gal te gnas mal phan phun du ma gyur na nyes byas su 'gyur la/ gal te phan phun du gyur na ltung byed du 'gyur ro/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa gnas mal gyi phan phun du mchis/ nye bar 'khor gnyis te/ rlung gi phan phun dang / char pa'i phan phun no/ /rlung gi phan phun gang zhe na/ rim pa gcig nas rim pa gnyis pa'i bar du bzlog par gyur pa'o/ /char pa'i phan phun gang zhe na/ rim pa gcig nas rim pa gnyis pa'i bar du thal bar gyur pa'o/ /bar sdom la/ chos bstan </font><hr>Ja18b<br><font size=+1>


pa dang mgron 'bod dang / /gtsug lag khang dang chos mnyan dang / /'dug pa dag ni gnyis po dang / /sku gzugs dang ni nad pa dang / /stan dang lnga dang gcig la gnyis/ /phyi bzhin 'gro dang grogs bya dang / /kha ton pa dang zhu ba dang / /sten bskur ba dang zan gcad dang / /grub pa dang ni bcol ba dang / /me dang chu yang de bzhin no/ /bram ze dang khyim bdag dad pa can dag dge slong dag gi gan du 'ongs te smras pa/ 'phags pa dag chos bstan du gsol/ dge slong dag gis smras pa/ bcom ldan 'das 'dir ma bzhugs kyi/ bcom ldan 'das kyi gan du deng zhig dang / bcom ldan 'das ston par 'gyur ro/ /'phags pa dag ston pa nyag gcig lags pas/ re zhig lha rnams la chos ston tam/ 'on te klu rnams la'am/ 'on te gnod sbyin rnams la'am/ 'on te dri za rnams la'am/ 'on te mi rnams la chos ston sus 'tshal gyi/ khyod kyis kyang ston cig /bcom ldan 'das kyis ma gnang ngo zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag de lta bas na/ rjes su gnang gi /dge slong rnams kyis kyang chos bstan par bya'o/ /bcom ldan 'das kyis dge slong rnams kyis kyang chos bstan par bya'o zhes bka' stsal nas/ dge slong dag 'greng bzhin du chos ston par byed pa na/ de dag skye bo phal po che'i tshogs kyis </font><hr>Ja19a<br><font size=+1>


@#/ /yongs su bskor bar gyur nas/ bram ze dang khyim bdag dad pa can dag gis smras pa/ 'di dag skyes 'bul ba dag 'ongs pa yin nam ci zhes zer ba'i skabs de| dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ 'dug ste chos bstan par bya'o/ /dge slong dag rang rang gi stan dag thogs te 'dong ba na/ ma dad pa dag gis mthong nas/ rol mo ltar 'dong ngam ci zhes co 'dri bar byed pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na rjes su gnang gi/ dge 'dun gyi stan dag nye bar gzhag par bya'o/ /bcom ldan 'das kyis dge 'dun gyi stan dag nye bar gzhag par rjes su gnang ba khyim bdag mgon med zas sbyin gyis thos nas/ des dge 'dun la khri lnga brgya phul ba dang / de dag thams cad chos ston par byed pa na ca cor gyur pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gcig gis chos bstan par bya'o/ /de dag gis gang gis bstan par bya ba mi shes nas/ bcom ldan 'das kyis bka' stsal pa/ dge 'dun gyi gnas brtan nas bzung ste/ dge 'dun gyi gsar bu'i bar gyis chos bstan par bya'o/ /gal te gsar </font><hr>Ja19b<br><font size=+1>


bu'i mtha' dag tu chos ston par byed pa na/ rgan pa'i mtha' dag mi brjid par gyur nas/ bcom ldan 'das kyis bka' stsal pa/ rgan pa'i mtha' logs su 'dug ste chos bstan par bya'o/ /dge 'dun gyi gnas brtan mi brjid par gyur nas/ bcom ldan 'das kyis bka' stsal pa/ rgan pa'i mtha' logs su stan gnyis sam gsum bzhag ste/ chos bstan par bya'o/ / der yang chos ston pa mi brjid par gyur nas/ bcom ldan 'das kyis bka' stsal pa/ rgan pa'i mtha' logs su stan gnyis sam gsum bzhag ste/ seng ge'i khri bsham par bya'o/ / chos ston pas 'dzeg dka' nas/ bcom ldan 'das kyis bka' stsal pa/ gal te phyogs nges pa yin na/ so phag dag gis them skas bya'o/ /gal te phyogs nges pa ma yin na shing dag gis them skas bya'o/ /de mchil ma 'dor bas yid du mi 'ong bar gyur nas/ bcom ldan 'das kyis bka' stsal pa/ mchil ma'i snod gzhag par bya'o/ /der sbrang bu dag 'du nas/ bcom ldan 'das kyis bka' stsal pa/ gcal blugs par bya'o/ /dge slong rnams kyis ci zhig blugs pa mi shes nas/ bcom ldan 'das kyis bka' stsal pa/ bye ma'am thal pa blugs par bya'o/ /de dri nga bar byung nas bcom ldan 'das kyis bka' stsal pa/ dus dus su sbyang ba dang / bskam par bya'o/ /de dag gral tshar gcig kho nar ring por shom par byed pa na/ gzhan </font><hr>Ja20a<br><font size=+1>


@#/ /pa'i mtha' dag gis mi thos nas/ bcom ldan 'das kyis bka' stsal pa/ gnas mal rnam pa gnyis su bsham par bya ste/ zla gam gyi rnam pa lta bu'am rdzing bu'i rnam pa lta bur ro/ /bram ze dang khyim bdag dad pa can dag gis dge slong rnams khyim gzhan du mgron du bos pa na/ dge slong dag dang du mi len nas/ bram ze dang khyim bdag dad pa can dag gis smras pa/ 'phags pa dag gang gi tshe sangs rgyas 'jig rten du ma byung ba de'i tshe na ni/ mu stegs can dag sbyin gnas lags mod/ da ni bcom ldan 'das 'jig rten du byung bas khyed cag sbyin gnas lags te/ gal te khyed cag dang du mi bzhes na/ ci bdag cag dge ba'i shul rgyags ma mchis par 'jig rten 'di nas 'jig rten pha rol tu mchis par bgyi'am/ zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dang du blang bar bya'o/ /de dag stan dag g.yar po byed pa na dge slong rnams kyis mi ster nas/ bcom ldan 'das kyis bka' stsal pa/ stan dag brnyan par bya'o/ /dge slong dag zan zos nas stan de dag khyer te 'dong ba na de dag gis smras pa/ 'phags pa dag khyed bzhud cig dang bdag cag gis 'tshal te mchi'o zhes zer ba na/ dge slong dag 'gyod pas mi </font><hr>Ja20b<br><font size=+1>


'jog nas/ bcom ldan 'das kyis bka' stsal pa/ gzhag par bya'o/ /de dag gis smras pa/ 'phags pa dag /skom mnabs te bzhud kyi bar du re zhig gzhes shig ces zer ba na/ dge slong dag mi sdod nas bcom ldan 'das kyis bka' stsal pa/ bsdad par bya'o/ /de dag la de lta bu'i rkyen byung nas/ des na stan de dag mi skyel nas/ bcom ldan 'das kyis bka' stsal pa| blang bar bya'o/ /bcom ldan 'das kyis blang bar bya'o zhes bka' stsal nas/ de dag gis gang gis blang ba mi shes nas/ bcom ldan 'das kyis bka' stsal pa/ gnas pa dag gis gaN+DI chung ngu brdungs te blang bar bya'o/ /bram ze dang khyim bdag dad pa can dag gtsug lag khang du lhags te/ dge slong dag mgron du 'bod pa na dge slong dag dang du mi len nas| bcom ldan 'das kyis bka' stsal pa/ dang du blang bar bya'o/ /de dag dge slong dag zan zos nas stan dag g.yar po byed pa na/ dge slong dag gis mi ster nas/ de dag gis smras pa| 'phags pa dag bdag cag ni khyed la bshos gsol ba lags na khyed kyis bdag cag la stan dag mi g.yar ram zhes zer nas/ bcom ldan 'das kyis bka' stsal pa/ stan dag brnyan par bya'o/ /de dag gis de nyid du bor te dong ba na/ de dag ma byin par len pa dag gis brkus nas/ bcom ldan 'das kyis bka' stsal pa/ srung ba'i dge slong gzhag par bya'o/ /de de dag gi </font><hr>Ja21a<br><font size=+1>


@#/ /nang nyid du zhugs pa dang / de dag gis smras pa/ 'phags pa ci yang bzhed dam/ des smras pa/ kho bo mi 'dod de/ 'di ltar kho bo stan dag srung ngo / /de dag gis smras pa/ 'phags pa ci bdag cag khyed kyi gdan dag brku snyam mam/ gal te thugs mi ches na snoms te bzhud cig zer nas/ bcom ldan 'das kyis bka' stsal pa/ de'i nang du 'jug par mi bya bar mtha' gcig tu 'dug ste/ gal te kha ton pa yin na ni des kha ton bya zhing de la yang sems gtad par bya'o/ /gal te spong ba pa yin na ni des kyang mtha' gcig tu 'dug ste yid la bya ba bskyed par bya zhing de la yang sems gtad par bya'o/ /gang gi tshe dong bar gyur pa de'i tshe na brub par bya'o/ /de dag chang gi tshigs ma dang / snum deng / bshang ba dang / gci bas ma rung bar gyur ba na/ dge slong dag 'dor bar byed nas/ bcom ldan 'das kyis bka' stsal pa/ de dag dor bar mi bya bar gang dag chang gi tshigs ma sa ma rung bar gyur pa de dag ni chu dag gis sbyang bar bya'o/ /gang dag snum gyis ma rung bar gyur pa de dag ni chal gyis sbyang bar bya'o/ /gang dag bshang ba dang gci bas ma rung bar gyur pa de dag ni sa'am 'dag rdzas sam lci bas sbyang bar bya'o/ /bcom ldan 'das kyis chos mnyan par bya'o zhes bka' stsal nas/ dge slong dag bla gab med par </font><hr>Ja21b<br><font size=+1>


byed pa na nyi ma tsha nas/ bcom ldan 'das kyis bka' stsal pa/ bla re gdags par bya'o/ /rlung dang char byung nas de dag gis gnas mal bor te 'dong bas de ma rung bar gyur nas/ bcom ldan 'das kyis bka' stsal pa/ brub par bya'o/ /de dag gis sus brub pa mi shes te/ su gang la la 'dug pa des de 'brub par byed pa na rgan pa'i mtha' dag la gzhi bzang po bshams pa de dag /dge slong gnas brtan dag gis 'brub par mi nus nas bcom ldan 'das kyis bka' stsal pa/ rgan pa'i mtha' dag gi ni gzhon pa rnams kyis brub par bya zhing / gzhon pa'i mtha' dag gi ni rgan pa rnams kyis brub par bya'o/ /brugs nas tshoms gcig tu byed pas de dag ma rung bar gyur nas/ bcom ldan 'das kyis bka' stsal pa/ mthun pa dang mthun par bzhag par bya'o/ /de dag phyis chos mnyan pa mi byed nas/ bcom ldan 'das kyis bka' stsal pa/ g.yogs pa'am bla gab med par bya'o/ /de ltar chos nyan pa na bram ze dang khyim bdag dad pa can dag gis nor bus spras pa dang / gser dang dngul gyis brgyan pa'i gos dag gis seng ge'i khri bshams pa dang dge slong dag 'gyod pas mi 'dug nas/ bcom ldan 'das kyis bka' stsal pa/ khyim pa'i gos dag yin par bya ste/ mi rtag pa nyid yid la bya bas zil gyis mnan nas 'dug par bya ste/ 'di la 'gyod par mi bya'o/ /dge slong dag dge </font><hr>Ja22a<br><font size=+1>


@#/ /'dun gyis gnas mal mi 'brub cing de nyid du 'dor ba na de dag ma rung bar gyur nas/ bcom ldan 'das kyis bka' stsal pa/ de dag kyang brub par bya'o/ /khyim bdag cig la gtsug lag khang dgon pa dang / grong mtha' ba gnyis yod nas de'i gtsug lag khang grong mtha' pa na ni gnas mal mang du yod la/ gtsug lag khang dgon pan ni gnas mal nyung ngo / /dus gzhan zhig na dgon pa'i gtsug lag khang du dus ston byung nas dge slong dgon pa bdag gi grong mtha'i gtsug lag khang nas gnas mal g.yar ba dang / dge slong grong mtha' pa dag gis ma ster nas/ bcom ldan 'das kyis bka' stsal pa/ brnyan par bya'o/ /gal te char 'bab bam/ char 'bab tu dogs na brnyan par mi bya'o/ lam kar rlung dang char bab pas de dag ma rung bar gyur nas/ bcom ldan 'das kyis bka' stsal pa/ shing ljon pa'i drung ngam rtsig drung du bcer te rdzas gcig gis g.yogs par bya'o/ /de dag rdzas bzang pos g.yogs par byed nas/ bcom ldan 'das kyis bka' stsal pa/ rdzas ngan pas g.yogs par bya'o/ /dus ston zin nas de dag gtsug lag khang 'di yang khyim bdag de'i yin no snyam pas phyir mi 'bul nas/ bcom ldan 'das kyis bka' stsal pa/ mthus dgug par bya'o/ /ngo mi shes nas/ bcom ldan 'das </font><hr>Ja22b<br><font size=+1>


kyis bka' stsal pa/ gnas mal 'di ni khyim bdag che ge mo zhig gi dgon pa'i gtsug lag khang gi yin no/ /'di ni grong mtha'i gtsug lag khang gi yin no zhes yi ge bris zhing gnas mal ji ltar nges par byas pa de bzhin du longs spyod par bya'o/ /khyim bdag mgon med zas sbyin bcom ldan 'das ga la ba der song ste phyin nas/ bcom ldan 'das kyis zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas/ bcom ldan 'das la khyim bdag mgon med zas sbyin gyis 'di skad ces gsol to/ /gang gi tshe bcom ldan 'das bgres pa'i mtha' logs na bzhugs pa de'i tshe na bgres pa'i mtha' brjid par gyur cing / gang gi tshe bcom ldan 'das bgres pa'i mtha' logs na mi bzhugs pa de'i tshe na bgres pa'i mtha' mi brjid par gyur na/ gal te bcom ldan 'das kyis gnang na bdag gis 'dzam bu'i grib ma la bzhugs pa'i sku gzugs bgyid du stsal to/ /bcom ldan 'das kyis bka' stsal pa/ gnang gi /byed du chug cig /des 'dzam bu'i grib ma la bzhugs pa'i sku gzugs byed du bcug ste/ de rgan pa'i mtha' logs su bzhag go/ /rlung dang char pa byung nas dge slong rnams kyis de bor te dong ba dang / bram ze dang khyim bdag dad pa can dag khyed kyis ston pa yang bor ro zhes smod par byed nas/ bcom ldan 'das </font><hr>Ja23a<br><font size=+1>


@#/ /kyis bka' stsal pa/ khyim ba'am dge tshul gyis spyan drang bar bya'o/ /khyim pa yang med/ dge tshul yang med nas/ bcom ldan 'das kyis bka' stsal ba/ dge slong rnams kyis ston pa'i 'du shes bskyed de spyan drang bar bya'o/ /dge slong dag na bar gyur nas/ de dag la su yang mi lta nas/ bcom ldan 'das kyis bka' stsal ba/ nad pa dus gsum du blta bar bya'o/ /bcom ldan 'das kyis nad pa dus gsum du blta bar bya'o zhes bka' stsal nas/ de dag gis nang gi blta bar bya ba mi shes nas/ bcom ldan 'das kyis bka' stsal pa/ dge 'dun gyi gnas brtan nas bzung ste dge 'dun gyi gsar bu'i bar gyis blta bar bya'o/ /bcom ldan 'das kyis nad pa blta bar bya'o zhes bka' stsal nas/ dge slong gnas brtan gnas brtan dag nad pa lta bar byed pa na/ de dag 'greng bzhin du nad pa lta bar byed pas/ nad pa dag nyam nga bar gyur nas/ bcom ldan 'das kyis bka' stsal pa/ 'dug ste nad pa blta bar bya'o/ /bcom ldan 'das kyis 'dug ste nad pa blta bar bya'o zhes bka' stsal nas/ dge slong dag rang rang gi stan dag khyer te dong ba na/ ma dad pa dag 'phags pa dag rol mo ltar 'dong ngam ci zhes mtho 'tsham pa'i skabs de/ dge slong rnams kyis bcom ldan 'das la gsol ba dang / bcom ldan 'das </font><hr>Ja23b<br><font size=+1>


kyis bka' stsal pa/ stan dag khyer te 'dong bar mi bya bar 'di ltar nad g.yog gis stan dag pa sham par bya'o/ /drug ste dag nad pa ltar dong ba na de nyid na 'du 'dzi'i gtam gyis yun ring du 'khod nas/ nad g.yog rnams kyis smras pa/ tshe dang ldan pa dag nad pa'i bya ba yongs su nyams par gyur gyi/ deng zhig /de dag gis smras pa/ de yang gyis la gnas mal yang ltos shig dang / de lta na nad pa shi ba'i yo byad drug 'thob par 'gyur ro/ /gzhan yang khyed nad pa'i bya ba yongs su nyams par ma byed par deng zhig dang / kho bo cag gis blta bar bya'o/ /nad g.yog de dag gis nad pa la ma bcol par 'dong ba dang / drug sde dag kyang dong nas/ rlung dang char byung ba na nad pas gnas mal rtul ma nus nas de dag ma rung bar gyur pa'i skabs de dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ dge slong dag lnga po 'di dag la bcol bar mi bya ste/ ngo tsha med pa dang / nad dang bcas pa dang / rgas pa 'khogs shing nyam chung ba dang / na ba sbyor mi bzod pa dang / rdzogs par ma bsnyen pa thams cad la'o// //'dul ba rnam par 'byed pa/ bam po zhe bzhi pa/ sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa khri gcig la dge slong gnyis mchis na de gang dag gis brub par bgyi/ gang phyis langs pas so/ / </font><hr>Ja24a<br><font size=+1>


@#/ /gnyis dus gcig tu langs na gang gzhon pas so/ /gnyis ka gzhon na gnyis kas brub bar bya'o/ /slob dpon dang mkhan po dag 'chag tu 'dong pa na/ dge slong lhan cig gnas pa dang / nye gnas gtsug lag khang na 'khod pa na/ de dag chu med pa nas/ ut+pa la bzhin du dge ba'i chos rnams kyis mi 'phel nas/ bcom ldan 'das kyis bka' stsal pa/ dge slong lhan cig gnas pa dang / nye gnas dag gis slob dpon dang mkhan po dag gi phyi bzhin 'gro bar bya'o/ /slob dpon dang mkhan po dag stan dag khyer te 'dong zhing / lhan cig gnas pa dang / nye gnas dag lag pa brkyang ste 'gro nas/ bcom ldan 'das kyis bka' stsal pa/ dge slong lhan cig gnas pa dang / nye gnas dag gis slob dpon dang mkhan po dag gi stan dag khyer te 'gro bar bya'o/ /slob dpon dang mkhan po dag 'chag sa na phyag dar byed pa na lhan cig gnas pa dang nye gnas dag lag pa brkyang ste 'khod nas/ bcom ldan 'das kyis bka' stsal pa/ lhan cig gnas pa dang nye gnas dag gis phyags ma blangs te/ slob dpon dang mkhan po dag snying las chung ngur bya'o/ /mkhar lan byed par bskos na ni ltung ba med do/ /slob dpon dang mkhan po dag gos dag 'tshem pa na lhan cig gnas pa dang / nye gnas </font><hr>Ja24b<br><font size=+1>


dag snying las chung ngur 'khod nas/ bcom ldan 'das kyis bka' stsal pa/ lhan cig gnas pa dang nye gnas dag gis khab blang zhing slob dpon dang mkhan po dag snying las chung ngur bya'o/ /tshem bu 'brub par bskos na ni ltung ba med do/ /lhan cig gnas pa dang nye gnas dag gis slob dpon dang mkhan po dag las lung mnos te/ de dag nyid kyi mdun na klog nas/ bcom ldan 'das kyis bka' stsal pa/ dge slong kha ton slob po dag gis lung mnos nas thos pa'i nye 'khor spangs te/ snang ba'i nye 'khor du 'dug nas/ lung phog pa bklag par bya'o/ /dge slong spong ba pa dag gis gdams ngag mnos nas mtha' gcig tu song ste/ yid la bya ba bskyed par bya'o/ /lhan cig gnas pa dang nye gnas de dag las su bskos par 'gro ba na/ de dag slob dpon dang mkhan po dag la zhus te song ba na/ der song ba de dag la las gzhan byung nas de dag kyang phyir 'ong zhing 'ong zhing zhu bar byed nas/ bcom ldan 'das kyis bka' stsal pa/ gal te der dor ba rnams la las gzhan byung na/ de dag gis yang dang yang du phyir 'ongs te zhu bar mi bya bar de nyid du las byas te/ de dag gis sngar zhus pa de nyid kyis thams cad zhus pa yin no/ /de dag gis der stan dag khyer ba phyir khyer te mi 'ongs nas/ bcom ldan 'das kyis bka' stsal pa/ de dag gis stan khyer te 'ong bar bya'o/ /de dag </font><hr>Ja25a<br><font size=+1>


@#/ /gis ches sngar stan dag khyer te dong ba na/ slob dpon dang mkhan po dag la gang gis de dag mi 'gro ba de 'dra ba'i rkyen byung nas/ bcom ldan 'das kyis bka' stsal pa/ de dag gis slob dpon dang mkhan po dag la 'chag tu 'gro'am mi 'gro zhes zhu bar bya zhing gal te 'gro'o zhes zer na stan dag bskur bar bya'o/ /gal te mi 'gro zhes zer na stan dag bskur bar mi bya'o/ /khyim bdag gcig gis sangs rgyas la sogs pa'i dge slong gi dge 'dun khyim gzhan du bshos la spyan drangs pa na/ gzhon nu zhig dge ba'i phyogs la shin tu brtson nas/ des bsams pa/ deng bdag bsod snyoms la 'jug mi dgos pas/ ji srid du gdugs tshod la bab par ma gyur ba de srid kyi bar du dge ba'i phyogs la tron bya'o snyam nas de stan khyer te phyi rol du song ba dang / dge slong rnams dus snga tshoms su gtsug lag khang gi sgo bcad de dong ngo / /des kyang dus shes par byas te 'ongs pa dang / ji tsam na gtsug lag khang gi sgo bcad pa mthong nas/ des bsams pa/ bdag zan bcad pa ni bla'i/ bdag ltung ba dang bcas na mi rung ngo snyam nas/ des zan bcad pa byas pa dang / de'i lus la ji srid du mdangs yod pa de srid du des dge ba'i phyogs la tron byas so/ /gang gi tshe lus las mdangs yol ba de'i tshe na glos phab ste nyal ba dang / dge </font><hr>Ja25b<br><font size=+1>


slong rnams kyis de la smras pa/ tshe dang ldan pa gal te zan gzhan gyi yin zhes te/ lto yang gzhan gyi yin snyam mam ci na/ khyod ji tsam gyis dge ba'i phyogs la tron byed kyang mi nus pa de tsam za 'am/ sus zos/ khyod kyis ma zos sam/ ma zos so/ /ci'i phyir/ des skabs de dge slong rnams la brjod nas/ dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ dge slong rnams kyis dus snga tshogs su khyim gzhan du 'jug par mi bya bar dus shes par byas te gaN+DI brdungs nas 'jug par bya'o/ /slob dpon dang mkhan po dag gis kyang rang rang gi 'khor la blta bar bya'o/ /glo bur du 'ongs pa 'ga' zhig yod na/ de ni dge 'dun gyi gnas brtan gyis blta bar bya'o/ /gal te dge slong sgo gcod par 'ongs na des stan de rtsig pa'i drung ngam shing ljon pa'i drung du bzhag ste 'gro bar bya'o/ /dge slong gis gya tshom du zan gcad par mi bya'o/ /dge slong gis gya tshom du zan gcod par byed na 'gal tshabs can du 'gyur ro/ /bram ze dang khyim bdag dad pa can dag gtsug lag khang du 'ongs te/ de dag stan dag la 'dug 'dug nas/ de nyid du bor te dong nas/ de dag sus kyang ma brubs pas de nyid du ma rung bar gyur nas/ bcom ldan 'das kyis bka' stsal pa/ gang gis mthong ba des brub par bya'o/ /dge slong rgan po 'khogs pa nyam chung ba dang / nad pa </font><hr>Ja26a<br><font size=+1>


@#/ /sbyor mi bzod pa dag gis de dag bla gab med par bzhag pa mthong zhing de dag gis 'brub par mi nus nas/ bcom ldan 'das kyis bka' stsal pa/ de dag gis dge skos la brjod par bya zhing / des kyang gus par bya ste brub par bya'o/ /dge slong rnams kyis gnas mal dag bla gab med par bting nas dge slong gcig pu zhig la bcol nas bsod snyoms la zhugs shing / gzhan gyis kyang de nyid la bcol/ yang gzhan gyis kyang de nyid la bcol te/ bsod snyoms la zhugs pa dang / rlung dang char byung ste des brub par mi nus nas/ bcom ldan 'das kyis bka' stsal pa/ rab tu mang po dag gis dge slong gcig la bcol bar mi bya'o/ /gal te de lta bu'i rkyen byung na/ des gaN+DI brdung bar bya zhing / de na dge slong gang dag 'khod pa de dag gis gus par bya ste brub par bya'o/ /de dag gis kyang gaN+DI thos nas gus pas 'gro bar bya'o/ /nags kyi nang na gtsug lag khang 'dug pa la me shong nas mes grong ngam grong khyer dang / rgyal po'i pho brang dang / yul 'khor yang tshig la thug /spyod yul dang spyod yul gyi lam dang / 'chag sa dang / dang ra dang / sgo khang dang / gtsug lag khang yang tshig la thug pa na/ dge slong rnams kyis rang rang gi lhung bzed dang chos gos dag ni phyung / dge 'dun gyi gnas mal dag ni tshig nas khyim </font><hr>Ja26b<br><font size=+1>


bdag 'ongs te/ dge slong rnams la dris pa/ 'phags pa dag ci dag ma tshig gam/ ci yang ma tshig go /dge 'dun gyi gnas mal dag ga re tshig go /ci yang ma tshig pa de de 'dra'am/ kho bo cag gi ci yang ma tshig go /des smras pa/ kye ma'o dge 'dun gyi gnas mal tsam 'byin kyang ma phod ces zer ba'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge 'dun gyi gnas mal yang dbyung bar bya'o/ /de dag dge 'dun gyi gnas mal 'byin pa na de dag gi gang zag gi gnas mal dang / lhung bzed dang chos gos dag tshig nas/ de dag phongs par gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gang zag ni phongs par gyur la dge 'dun ni mi 'gyur bas/ je dang por gang zag gi lhung bzed dang / chos gos dbyung bar bya zhing de'i 'og tu dge 'dun gyi dbyung bar bya'o/ /de dag phyung ba na ma byin par len pa dag gis brkus nas/ bcom ldan 'das kyis bka' stsal pa/ der srung ma dge slong gzhag par bya'o/ /de dag mthu dang ldan par 'jog par byed nas/ bcom ldan 'das kyis bka' stsal pa/ mthu chung ngu gzhag par bya'o/ /de dag me mi bzod par 'jug par byed nas/ bcom ldan 'das kyis bka' stsal pa/ gal te me mi bzod pa yin na </font><hr>Ja27a<br><font size=+1>


@#/ /'jug par mi bya ste gal te tshig na yang de la 'gyod par mi bya'o/ /ser che ba'i dbus na gtsug lag khang 'dug cing / steng gi ri kha nas char pa'i rgyun sbom po bab pa na gtsug lag khang du chu byung zhing grong dang grong khyer dang / rgyal po'i pho brang dang / yul 'khor yang khyer la thug /spyod yul dang spyod yul gyi lam dang / dang ra dang sgo khang / gtsug lag khang yang khyer la thug pa na dge slong rnams kyis rang rang gi lhung bzed dang chos gos dag ni phyung / dge 'dun gyi gnas mal dag ni khyer nas/ khyim bdag 'ongs nas/ dge slong rnams la dris pa/ 'phags pa dag ci dag ma khyer ram/ ci yang ma khyer ro/ /dge 'dun gyi gnas mal dag ga re/ khyer ro/ /ci yang ma khyer ba de de 'dra'am/ kho bo cag gi ci yang ma khyer ro/ /des smras pa/ kye ma'o dge 'dun gyi gnas mal tsam 'byin kyang ma phod ces zer ba'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge 'dun gyi gnas mal yang dbyung bar bya'o/ /de dag dge 'dun gyi gnas mal 'byin pa na| de dag gis gang zag gi gnas mal dang / lhung bzed dang / chos gos dag khyer nas de dag phongs par gyur pa'i skabs de/ dge slong rnams kyis bcom ldan 'das la </font><hr>Ja27b<br><font size=+1>


gsol pa dang / bcom ldan 'das kyis bka' stsal pa/ gang zag ni phongs par gyur la/ dge 'dun ni mi 'gyur bas/ je dang por gang zag gi lhung bzed dang chos gos dbyung bar bya zhing / de'i 'og tu dge 'dun gyi dbyung bar bya'o/ /de dag phyung ba na ma byin par len pa dag gis brkus nas/ bcom ldan 'das kyis bka' stsal pa/ der srung ma dge slong gzhag par bya'o/ /de dag mthu dang ldan pa 'jog par byed nas/ bcom ldan 'das kyis bka' stsal pa/ mthu chung ngu gzhag par bya'o/ /de dag chu mi bzod par 'jug par byed nas/ bcom ldan 'das kyis bka' stsal pa/ gal te chu mi bzod pa yin na 'jug par mi bya ste/ gal te khyer na yang de la 'gyod par mi bya'o/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /gnas mal gyi ltung byed de bcu bzhi pa rdzogs so// //bar sdom la/ lho lam dang ni ma bor dang / /ma dris 'dor dang mthus 'dor dang / /khron pa dang ni blang ba dang / /dang ra dang ni 'chag sa dang / /lci ba gzhag pa tha ma yin/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /lho lam nas dge slong rgan pa dang / gzhon pa gnyis shig bcom ldan 'das kyi zhabs la phyag 'tshal du mnyan yod du 'ongs nas/ </font><hr>Ja28a<br><font size=+1>


@#/ /rgan pa shos kyis gtsug lag khang ni gnas mal dang bcas pa zhig tu bskos/ gzhon pa shos kyi gtsug lag khang ni gnas mal med pa zhig tu bskos pa dang / gzhon pa shos de sgrub phod pa zhig yin pas/ des rtswa mang po dag blangs nas pus mo nub tsam gyi gding ba bshams so/ /rgan pa des bsams pa/ gzhon nu de'i gtsug lag khang ji lta bu zhig tu bskos pa je bltas 'gro'o snyam nas/ de der song ba dang ji tsam na gding ba bzang po bshams pa mthong nas/ des bsams pa/ bdag ji srid du gnas mal phyir gtod par byed pa de srid du sang 'gro ba 'phyis par 'gyur gyi/ 'di nyid du 'dug go snyam nas/ des gnas mal dang bcas pa'i gtsug lag khang de dge slong gnas mal 'bogs pa la phyir gtad nas/ de gnyis gtsug lag khang der mtshan mo gnas nas nang par sngar langs te dong ngo / /phyogs de sa snum zhing mngar ba yin pas rtswa bting ba dag la srin dag chags nas gtsug lag khang de'i phyi nang bcas pa thams cad srin gyis khyab par gyur to/ /de'i tshe na khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs pa dang dge slong gi dge 'dun ni bzhugs so/ /bcom ldan 'das ni rdzas las byung ba na bzhugs shing bsod snyoms </font><hr>Ja28b<br><font size=+1>


mngon par bsgrubs so/ /sangs rgyas bcom ldan 'das rnams ni rgyu lngas rdzas las byung ba na bzhugs shing bsod snyoms mngon par bsgrub pa mdzad de/ lnga gang zhe na/ nang du yang dag 'jog bzhed pa dang / lha rnams la chos ston par bzhed pa dang / nad pa la lta bar bzhed pa dang / gnas mal la rtog par bzhed pa dang / 'dul ba la nyan thos rnams kyi bslab pa'i gzhi 'cha' bar bzhed pa'o/ /don 'dir ni bcom ldan 'das gnas mal la rtog par bzhed pa dang / 'dul ba la nyan thos rnams kyi bslab pa'i gzhi 'cha' bar bzhed pas rdzas las byung ba na bzhugs shing bsod snyoms mngon par bsgrub pa mdzad do/ /de nas bcom ldan 'das kyis dge slong gi dge 'dun song nas ring po ma lon par thugs su chud nas/ lde mig bsnams te kun dga'i ra ba nas kun dga'i ra bar/ gtsug lag khang nas gtsug lag khang du/ khang khyim nas khang khyim du/ 'chag sa nas 'chag sar dang / gol bar gshegs shing mthar gyis gshegs pa na gtsug lag khang de ga la ba der gshegs pa dang / bcom ldan 'das kyis gtsug lag khang de srin dag gis phyi nang thams cad khyab par gzigs so/ /gzigs nas kyang e ma zhes gsung zhing / smad nas 'di snyam du dgongs te/ bram ze dang khyim bdag dad pa can dag gis pags pa dang sha dang khrag dag </font><hr>Ja29a<br><font size=+1>


@#/ /btsir cing btsir cing sbyin pa dag sbyin/ bsod nams dag byed pa gang yin pa de la dge slong dag drod mi shes pa dang so sor mi rtog par yongs su longs spyod do snyam du dgongs so/ /de nas bcom ldan 'das 'di snyam du dgongs te/ bdag gis ci nas kyang srin dag logs shig tu 'gyur zhing sa dag kyang logs shig tu gyur pa de lta bu'i rdzu 'phrul mngon par 'du bya ba mngon par 'du bya'o snyam du dgongs so/ /de nas bcom ldan 'das kyis ci nas kyang srin dag kyang logs shig tu 'gyur zhing sa dag kyang logs shig tu 'gyur ba de lta bu'i rdzu 'phrul mngon par 'du bya ba mngon par 'du mdzad do/ /de nas bcom ldan 'das kyis 'khor lo dang bkra shis dang g.yung drung gi lcags kyo dag dang ldan pa'i phyag dra pa 'brel ba/ bsod nams brgya phrag du ma las 'khrungs pa gnyis kyis srin de dag legs par bsdus te bsil ba'i phyogs su bzhag pa mdzad do/ /de nas bcom ldan 'das kyis gtsug lag khang de chag chag btab ste phyag dar mdzad nas/ nyal nyil gtsug lag khang gi phyi rol tu bor te/ phyag dang zhabs gnyis bsil nas nang du yang dag 'jog gi slad du gtsug lag khang du gshegs so/ /de nas dge slong bsod snyoms sgrub pas bsod snyoms blangs nas/ bcom ldan 'das ga </font><hr>Ja29b<br><font size=+1>


la ba der song ngo / /sangs rgyas bcom ldan 'das rnams ni chos nyid kyis bsod snyoms sgrub pa'i dge slong la/ dge slong ji lta zas bsod dam/ dge slong gi dge 'dun tshim par byas sam zhes so sor kun dga' bar mdzad pa 'dis so sor kun dga' bar mdzad pa yin pas/ bcom ldan 'das kyis dge slong bsod snyoms sgrub pa la dge slong ji lta zas bsod dam/ dge slong gi dge 'dun tshim par byas sam zhes so sor kun dga' bar mdzad pa dang / des gsol pa/ btsun pa zas te por bsod cing dge slong gi dge 'dun tshim par bgyis so/ /de nas bcom ldan 'das zhal zas kyi bya ba mdzad nas/ gtsug lag khang gi slad rol tu zhabs gnyis bsil te/ nang du yang dag 'jog gi slad du gtsug lag khang du gshegs so/ /de nas bcom ldan 'das phyi dro nang du yang dag 'jog las bzhengs nas/ dge slong gi dge 'dun gyi gong du gdan bshams pa nyid la bzhugs so/ /bzhugs nas bcom ldan 'das kyis dge slong rnams la bka' stsal pa/ dge slong dag 'di na ngas dge slong gi dge 'dun song nas ring po ma lon par shes nas lde mig khyer te kun dga'i ra ba nas kun dga'i ra bar/ gtsug lag khang nas gtsug lag khang du/ khang khyim nas khang khyim du/ 'chag sa nas 'chag sar dang / gol bar song zhing mthar gyis 'gro ba na/ gtsug lag khang zhig ga la ba der phyin </font><hr>Ja30a<br><font size=+1>


@#/ /nas ngas gtsug lag khang de srin dag gis phyi nang thams cad khyab par mthong ngo / /mthong nas kyang e ma zhes byas te smad nas/ 'di snyam du bram ze dang khyim bdag dad pa can dag gis pags pa dang sha dang khrag dag btsir cing btsir cing sbyin pa dag sbyin/ bsod nams dag byed pa gang yin pa de la/ dge slong dag drod mi shes pa dang so sor mi rtog par yongs su longs spyod do snyam du dgongs kyi/ dge slong dag khyed kyis dad pas sbyin par bya ba la drod ran par yongs su longs spyad pa dang / spang zhing yongs su longs spyad pa dang / dus su yongs su longs spyad pa dang / brtag cing yongs su longs spyad pa dang / khad kyis yongs su longs spyad na legs so/ /bar sdom la| drod ran pa dang spang ba dang / /de bzhin dus dang brtag pa dang / /khad kyis yongs su spyad pa yin/ /de nas bcom ldan 'das kyis drod ran pa dang / spang ba dang / dus dang / brtag pa dang / khad kyis yongs su longs spyod pa'i bsngags pa brjod nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas/ 'dul bas la nyan thos rnams kyis bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi </font><hr>Ja30b<br><font size=+1>


'di ltar gdon par bya ste/ yang dge slong gang dag dge 'dun gyi gtsug lag khang du rtswa'i gding ba'am/ lo ma'i gding ba bting ngam 'ding du bcug nas ma bsdus sam/ sdud du ma bcug par de nas song na ltung byed do/ /zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' bar mdzad do/ /dge slong rab tu mang po dag don mthun dang lhan cig ljongs rgyur dong ba na/ ri brags shig tu phyin nas/ de na de dag khyim bdag gi gan du song ste/ khyim bdag kho bo cag la gnas g.yor cig/ ces gnas brnyas pa dang / khyim bdag gis smras pa/ dam tshig gis g.yar bar bgyi ste/ gal te bdag gi bsod snyoms gsol te gshegs na g.yar ro/ /dge slong rnams kyis smras pa/ khyim bdag kho bo cag ni don mthun la rag las pa yin pas gal te don mthun sdod na bza' bar bya'o/ /khyim bdag 'di na khri'am khri'u lta bu yod dam/ 'phags pa dag ma mchis so/ /dge slong de dag la khyim pa dang / dge tshul mang du yod pas/ de dag gis rtswa mang po blangs te/ pus mo nub tsam gyi gding ba bshams so/ /don mthun nam ma nangs pa nyid du 'phags nas/ dge slong de dag gis kyang gding ba ma bor bar dong ngo / /khyim bdag gis bsams pa/ gal te 'phags pa dag bzhugs na de dag gi gdugs tshod lta gon byas/ je blta'o snyam nas de song ba dang / ji tsam </font><hr>Ja31a<br><font size=+1>


@#/ /na dge slong de dag nam ma nangs pa kho nar dong ba mthong ngo / /khyim bdag de chung ma dang bcas pas gding ba de dag 'dor ba na snga dro ril gyis yol bar gyur to/ / dge slong rab tu mang po gzhan dag don mthun dang lhan cig ljongs gyur dong ba na ri brags de nyid du phyin nas/ de na de dag khyim bdag gi gan du song ste/ khyim bdag kho bo cag la gnas g.yor cig ces gnas brnyas pa dang / khyim bdag gis smras pa/ 'phags pa dag dam tshig gis g.yar bar bgyi ste gal te khyed cag ran gyi gding ba mi gding na/ g.yar bar bgyi'o/ /khyim bdag 'di na gang du kho bo cag nyal bar bya ba'i khri'am khri'u lta yod dam/ 'phags pa dag ma mchis so/ /khyim bdag sa sgre bo la ji ltar nyal bar bya/ 'phags pa dag khyed cag nyid kyi tshangs pa mtshungs par spyod pa dag lhags par gyur nas/ de dag gis ran gyi gding ba bting nas ma bor bar dong nas bdag mchis brang dang bcas pa de 'dor ba na/ snga dro ril gyis yol bar gyur to/ /dge slong de dag sa sgre bo la mtshan mo 'da' ba byas nas/ nang par sngar langs te dong ngo / /de dag mthar gyis rgyu zhing dong ba na mnyan yod du phyin nas/ dge slong rnams kyis de dag mthong nas smras pa/ tshe dang ldan pa dag 'ongs pa legs so/ /'ongs pa legs so/ /ji lta bde bar brgyus sam/ ji ltar </font><hr>Ja31b<br><font size=+1>


bde bar brgyus/ sa sgre bo la mtshan thog thag 'gre ldog pas 'da' ba byas so/ /khyed cag ri brags gang du zhig /ga ge mo zhig tu'o/ /khyim bdag gang gi sdum par/ che ge mo zhig gi'o/ /de na dge slong kha cig gis smras pa/ kho bo cag ni khyim bdag de'i sdum par gding ba la nyal te 'ongs so/ /khyed cag gis gding ba de gang du bor/ de nyid du bor ro/ /de'i phyir khyim bdag de smad par byed do zhes zer ba'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ khyim gzhan nas kyang gding ba dor bar bya'o/ /bcom ldan 'das kyis khyim gzhan nas kyang gding ba dor bar bya'o zhes bka' stsal nas/ dge slong rab tu mang po dag don mthun dang lhan cig ljongs rgyur 'dong ba na ri brags shig tu phyin to/ /ri brags de na khyim bdag cig gis dge sbyong bram ze dang glo bur du lhags pa rnams kyi don du thag ring po nas rtswa mang po dag blangs te/ gding ba bshams so/ /dge slong de dag khyim bdag de'i gan du song ste/ khyim bdag kho bo cag la gnas g.yor cig ces gnas brnyas pa dang / khyim bdag des smras pa/ 'phags pa dag bdag gis dge sbyong dang / bram ze dang glo bur du lhags pa rnams kyi don du thag ring po nas rtswa mang po dag blangs te/ gding ba 'di bshams kyi/ 'dir gzims shig/ de dag der nyal nas nam ma nangs pa kho nar khyim </font><hr>Ja32a<br><font size=+1>


@#/ /bdag la ma dris par gding ba bor te dong ngo / /khyim bdag de nang par sngar langs nas de bor te dong ba mthong nas khyim bdag des bsams pa/ bltar 'gro'o/ /gal te phyogs gtsang mar bor bar gyur na/ yang blang ngo snyam nas de ltar song ba dang / ji tsam na phyogs mi gtsang bar bor ba mthong na des de ma blangs so/ /dge slong rab tu mang po gzhan dag don mthun dang lhan cig ljongs rgyur 'dong ba na/ ri brags de nyid du phyin nas/ de dag khyim bdag de'i gan du song ste/ khyim bdag kho bo cag la gnas g.yor cig ces gnas brnyas pa dang / khyim bdag des smras pa/ 'phags pa dag bzhugs su gsol/ khyim bdag/ 'di na khri'am khri'u dag yod dam/ 'phags pa dag ma mchis so| |khyim bdag sa sgre bo 'di la ji ltar nyal bar bya/ 'phags pa dag bdag gis dge sbyong dang bram ze glo bur du lhags pa rnams kyi don du thag ring po nas rtswa mang po blangs te gding ba bshams par gyur pa las khyed cag nyid kyi tshangs pa mtshungs par spyod pa dag lhags par gyur to/ /de dag der nyal nas nam ma nangs pa kho nar bdag la ma dris par gding ba de dag phyogs mi gtsang bar bor te dong ngo / /de dag der sa sgre bo la nyal te dong ngo / /de dag mthar gyis rgyu zhing 'dong ba na mnyan yod du phyin nas dge slong rnams kyis de dag mthong </font><hr>Ja32b<br><font size=+1>


nas smras pa/ tshe dang ldan pa dag 'ongs pa legs so/ /'ongs pa legs so/ /ji ltar bde bar brgyus sam/ de dag gis smras pa/ ji ltar bde bar rgyus/ sa sgre bo la mtshan thog thag 'gres ldog ste nam nangs so/ /khyed cag ri brags gang du zhig /ga ge mo zhig tu'o/ /khyim bdag gang gi sdum par/ che ge mo zhig gi'o/ /de na dge slong kha cig gis smras pa/ kho bo cag ni khyim bdag de'i sdum par gding ba la nyal te 'ongs so/ /khyod kyis gding ba de gar bzhag /phyi rol tu bor ro/ /de'i phyir khyim bdag de smod do zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ khyim bdag 'dug pa la dri bar bya ste/ gal te 'or cig ces zer na dor bar bya'o/ /gal te ma dor cig ces zer na dor bar mi bya'o/ /ri brags shig na gtsug lag khang gnas mal med pa zhig yod pa der/ dge slong rnams kyis dge slong glo bur du lhags pa rnams kyi don du thag ring po nas rtswa mang po dag blangs te gding ba bshams so/ /dge slong rab tu mang po dag don mthun dang lhan cig ljongs rgyu zhing 'dong ba na ri brags der phyin nas/ de dag gtsug lag khang der zhugs nas de dag gis dge slong rnams la dris pa/ tshe dang ldan pa dag 'di na gnas mal cung zad yod dam/ de dag gis smras pa/ yod de/ 'di ltar kho bo cag gis dge </font><hr>Ja33a<br><font size=+1>


@#/ /slong glo bur du lhags pa rnams kyi don du thag ring po nas rtswa mang po blangs te/ gding ba bshams kyi/ 'dir nyol cig /de dag der nyal nas nang par sngar langs te gding ba de dor bar brtsams pa dang / dge slong rnams kyis de dag la smras pa/ tshe dang ldan pa dag gding ba 'di ma dor cig /kho bo cag gis tshangs pa mtshungs par spyod pa glo bur du lhags pa rnams kyi don du thag ring po nas rtswa mang po blangs te bting ba yin no/ /de dag gis smras pa/ tshe dang ldan pa dag khyed cag gis re zhig bdag nyid ltung ba dang bcas par byas so/ /kho bo cag gis ji ltar bdag nyid ltung ba dang bcas par byas/ de dag gis de dag spyos te/ gding ba de dag mthus bor nas dong ngo / /dge slong rab tu mang po gzhan dag don mthun dang lhan cig ljongs rgyur 'dong ba na/ gtsug lag khang de nyid du phyin nas/ de dag gis dge slong de dag la gnas mal brnyas pa dang / dge slong rnams kyis dge slong de dag la smras pa/ tshe dang ldan pa dag gtsug lag khang 'di gnas mal med pa yin nam/ kho bo cag gis tshangs pa mtshungs par spyod pa glo bur du lhags pa rnams kyi don du thag ring po nas rtswa mang po dag blangs te gding ba bshams par gyur ba la/ tshangs pa mtshungs par spyod pa gzhan dag cig don mthun dang lhan cig ljongs rgyur 'dong ba na/ </font><hr>Ja33b<br><font size=+1>


gtsug lag khang 'dir lhags te de dag de la nyal nas nang par sngar langs te gding ba de dor bar brtsams pa dang kho bo cag gis ma dor cig ces byas na/ de dag gis kho bo cag spyos te/ mthus bor nas dong ngo / /de dag kyang der sa sgre bo la nyal nas nang par sngar langs te dong ngo / /de dag mthar gyis ljongs rgyu zhing 'dong ba na mnyan yod du phyin nas dge slong rnams kyis de dag mthong nas smras pa/ tshe dang ldan pa 'ongs pa legs so/ /'ongs pa legs so/ /ji lta bde bar brgyus sam/ de dag gis smras pa/ ji ltar bde bar brgyus/ mtshan thog thag sa sgre bo la 'gres ldog ste nam nangs so/ /tshe dang ldan pa dag ri brags gang du zhig /gtsug lag khang ge mo zhig tu'o/ /de na dge slong kha cig gis smras pa/ kho bo cag ni gtsug lag khang der gding ba la nyal te 'ongs so/ /khyed cag gis gding ba de gar bzhag /kho bo cag gis rgan zhugs de dag smra bzhin du mthus phyi rol du bor ro/ /de'i phyir tshangs pa mtshungs par spyod pa de dag smod par byed do zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de bzhin du dor bar mi bya bar dge slong 'khod pa dag la dri bar bya'o/ /dge slong rab tu mang po dag don mthun dang lhan cig ljongs rgyu zhing 'dong ba na/ khron pa'i drung zhig tu mtshan mo zhig nas de dag gis rtswa mang po dag blangs te rtswa'i gding ba </font><hr>Ja34a<br><font size=+1>


@#/ /bshams so/ /de dag dang ha cang thag mi ring ba na bram ze zhig kyang mtshan mo zhag go /dge slong dag don mthun dang bcas te nang par sngar langs te dong ba dang / don mthun phyir 'gro ba yang 'ongs so/ /bram ze de don mthun de la don bsgrubs nas de don mthun de nyid dang lhan cig phyir log pa dang / don mthun de yang khron pa'i drung de nyid du gding ba ji ltar bshams pa dag la mtshan mo nyal lo/ /don mthun de dang gcer bu pa dag lhan cig 'dong ba de dag gding ba gang la dge slong dag nyal nyal ba'i gding ba de nyid la nyal ba dang / de nas gcer bu pa gcig gis smras pa/ shes pa can nga ji zhig gis zin/ gcer bu pa gzhan zhig gis smras pa/ khyod kyis chang gi tshigs ma mang du zos pas khyod 'dod pa'i rnam par rtog pas zin to/ /des gding ba de la bltas pa dang / ji tsam na srin dag mthong nas des smras pa/ gding ba 'di la su nyal bar gyur/ de dag dang ha cang thag mi ring ba na bram ze nyal ba des de smra pa thos nas des smras pa/ shAkya'i bu'i dge sbyong dag gding ba 'di la nyal bar gyur to/ /de dag gis smras pa/ shes ldan dag shAkya'i bu'i dge slong dag 'jig rten la bdag nyid mkhas par bgrangs par byed na 'di ltar dgon par gding ba dor bar bya ba de yang mi shes so zhes zer ba'i skabs de dge slong rnams </font><hr>Ja34b<br><font size=+1>


gyis bcom ldan 'das la gsol pa dang / bcom ldan 'das kyis bka' stsal pa/ dgon par yang rtswa'i gding ba dor bar bya'o/ /bcom ldan 'das kyis dgon par yag rtswa'i gding ba dor bar bya'o/ /zhes bka' stsal nas/ dge slong rab tu mang po dag don mthun dang lhan cig ljongs rgyu zhing 'dong ba na/ dgon pa'i gnas shig tu zhag pa dang / don mthun de nam ma nangs pa nyid du 'phags nas/ dge slong de dag ji srid du gding ba 'dor bar byed pa de srid du don mthun thal nas de dag phyi bzhin 'brang zhing 'dong ba na chom rkun pa dag gis bcom mo/ /de dag mthar gyis rgyu zhing 'dong ba na mnyan yod du phyin nas dge slong rnams kyis de dag mthong nas smras pa/ tshe dang ldan pa dag 'ongs pa legs so/ /'ongs pa legs so/ /ji lta bde bar brgyus sam/ tshe dang ldan pa dag ji ltar bde bar brgyus/ kho bo cag chom rkun pa dag gis bcom mo/ /gang gis ji ltar gyur/ de dag gis skabs de dge slong rnams la brjod nas dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ thams cad kyi thams cad du dor bar mi bya bar 'di ltar glongs te 'gro bar bya'o/ /dge slong dag tshon rtswa'i las byed pa na/ dang ra dag tu rtswa dag bkram ste/ gos dag skems par byed cing de dag rtswa de dag 'dor </font><hr>Ja35a<br><font size=+1>


@#/ /bar mi byed nas/ der sril dag byung bar gyur nas/ bcom ldan 'das kyis bka' stsal pa/ rtswa dag dor bar bya'o/ /dge slong gzhan dag tshon rtsi'i las byed par 'dod nas/ de dag gis smras pa/ tshe dang ldan pa dag rtswa 'di dag ma dor cig dang kho bo cag gis kyang 'dir gos dag bskam par bya'o/ /de dag gis de dag la mi ster nas/ bcom ldan 'das kyis bka' stsal pa/ sbyin par bya'o/ /de dag gis de dang de dag tu gos dag bskams nas/ kho bo cag gis ma bting ngo zhes rtswa de dag 'dor bar mi byed nas/ bcom ldan 'das kyis bka' stsal pa/ de dag la rtswa 'dor ram mi 'dor zhes dri bar bya zhing / gal te 'dor ro zhes zer na sbyin par bya'o/ /gal te mi 'dor ro zhes zer na sbyin par mi bya'o/ /dge slong dag 'chag sa dag tu 'chag pa na de nas rtsub pas de dag gi rkang mthil tsha nas bcom ldan 'das kyis bka' stsal pa/ der rtsa dag gding bar bya'o/ /rtswa dag bting ba dang / der sril dag byung nas/ bcom ldan 'das kyis bka' stsal pa/ dor bar bya'o/ /de dag nyi ma re re zhing 'dor bar byed nas/ bcom ldan 'das kyis bka' stsal pa/ nyi ma re re zhing dor bar mi bya bar 'di ltar dus dang dus su so sor brtag par bya'o/ /gal te thams cad kyi thams cad du 'dong ba na/ de'i tshe bsdus </font><hr>Ja35b<br><font size=+1>


te 'dong bar bya'o/ /dge slong dag 'chag sa dag tu rtswa'i chun po dag sa la 'jog par byed pa na der sril dag byung nas/ bcom ldan 'das kyis bka' stsal pa/ thag pas bcings nas shing ljon pa dag la dpyangs te gzhag par bya'o/ /dge slong dag lci ba dag sa la 'jog par byed pa na de dag tu sril dag byung nas bcom ldan 'das kyis bka' stsal pa/ gyo mor gzhag par bya'o/ /de nas bcom ldan 'das kyis bslab pa 'dod pa dang / bslab pa gus pa dang / bslab pa la yo byad bsnyungs pa'i bsngags pa brjod nas/ dge slong rnams la de dang mthun pa dang / de'i shad che ba dang / de dang 'brel ba'i chos dang ldan pa'i bka' mchid mdzad nas/ dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge 'dun gyi gtsug lag khang du rtswa'i gding ba'am/ lo ma'i gding ba bting ngam/ 'ding du bcug nas ma bsdus sam/ sdud du ma bcug gam/ dge slong 'khod pa la ma bcol bar de nas song na/ de 'dra ba'i rkyen ma gtogs te ltung byed do/ /yang dge slong gang zhes bya ba ni chos 'di pa'o/ /dge 'dun gyi zhes bya ba ni de bzhin gshegs pa'i nyan thos kyi dge 'dun gyi'o/ /gtsug lag khang du zhes bya </font><hr>Ja36a<br><font size=+1>


@#/ /ba ni gang du spyod lam bzhi po 'gro ba dang / 'greng ba dang / 'dug pa dang / nyal bar byar rung bar ro/ /rtswa'i gding ba zhes bya ba ni rtswa dag go /lo ma'i gding ba zhes bya ba ni lo ma dag go /bting ngam zhes bya ba ni bdag nyid kyis so/ /'ding du bcug nas zhes bya ba ni gzhan no/ /ma bsdus sam zhes bya ba ni bdag nyid kyis so/ / sdud du ma bcug gam zhes bya ba gzhan no/ /dge slong 'khod pa la zhes bya ba ni de na dge slong gang yod pa la'o/ /ma bcol bar zhes bya ba ni ma gtad par ro/ /de nas song na zhes bya ba ni nye 'khor spangs na'o/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa gding ba'i nye 'khor gang lags/ nye bar 'khor/ ngas bram ze gro bzhin skyes la/ a mra'i sdong po shin tu me tog phun sum tshogs pa/ 'bras bu phun sum tshogs pa/ yal ga'i tshogs phun sum tshogs pa 'dom bdun gyis bar du chod pa'i a mra'i sdong po bdun gang dag yin pa de dag la 'dom bzhi bcu rtsa dgu yod par bstan pa de ni gding ba'i nye 'khor yin no/ /de 'dra ba'i rkyen ma gtogs te zhes bya ba ni de 'dra ba'i rkyen bzhag ste'o/ /ltung byed do zhes bya ba ni sems can dmyal ba dang / dud 'gro dang / yi dwags ngan song dang / ngan 'gro dang / log par ltung </font><hr>Ja36b<br><font size=+1>


ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na/ dge ba'i chos rnams la sgrib par byed pa ste des na ltung byed do zhes gsungs so/ /de la ltung ba ji ltar 'gyur zhe na/ dge slong gis dge 'dun gyi gtsug lag khang du rtswa'i gding ba'am lo ma'i gding ba gting ngam/ 'ding du bcug nas ma bsdus sam/ sdud du ma bcug gam/ dge slong 'khod pa la ma bcol bar de nas song na ji srid du nye 'khor ma spangs kyi bar du nyes byas su 'gyur la/ nye 'khor spangs na ltung byed du 'gyur ro/ /gal te lam kar bdag gis dge 'dun gyi gtsug lag khang du rtswa'i gding ba'am/ lo ma'i gding ba bting ngo snyam du dran zhing gal te de 'di snyam du bdag gi tshangs pa mtshungs par spyod pa mkhas pa dag sdud par 'gyur ro snyam na/ dge slong des phyin chad de ltar mi bya'o snyam du sems bskyed par bya zhing tshig tu yang brjod par bya ste/ ltung ba de yang chos bzhin du phyir bya'o/ /gal te lam kar dge slong der 'gro ba mthong zhing gal te/ de 'di snyam du 'dis sdud par 'gyur ro snyam na de la 'di skad ces tshe dang ldan pa kho bos dge 'dun gyi gtsug lag khang gi phyogs ga ge mo zhig tu rtswa'i gding ba'am lo ma'i gding ba bting ba de sdus shig ces brjod par bya zhing dge slong des phyin chad de ltar mi bya'o snyam du sems bskyed </font><hr>Ja37a<br><font size=+1>


@#/ /par bya zhing tshig tu yang brjod par bya ste/ ltung ba de yang chos bzhin du phyir bya'o/ /dge slong des kyang dge slong de la khas blangs nas gus par byas te bsdu bar bya'o/ /gal te sdud par mi byed na 'gal tshabs can du 'gyur ro/ /gal te der song nas bdag gis dge 'dun gyi gtsug lag khang du rtswa'i gding ba'am lo ma'i gding ba bting ngo snyam du dran zhing gal te de 'di snyam du/ bdag gi tshangs pa mtshungs par spyod pa mkhas pa dag sdud par 'gyur ro snyam na dge slong des phyin chad de ltar mi bya'o snyam du sems bskyed par bya zhing tshig tu yang brjod par bya ste/ ltung ba de yang chos bzhin du phyir bya'o/ /gal te der son nas dge slong der 'gro ba mthong zhing gal te 'di snyam du 'dis sdud par 'gyur ro snyam na/ de la 'di skad ces tshe dang ldan pa kho bos dge 'dun gyi gtsug lag khang du rtswa'i gding ba'am lo ma'i gding ba bting ba de sdus shig ces brjod par bya zhing / dge slong des phyin chad de lta bu mi bya'o snyam du sems bskyed par bya zhing tshig tu yang brjod par bya ste/ ltung ba de yang chos bzhin du phyir bya'o/ /dge slong des kyang dge slong de la khas blangs nas gus par bya ste bsdu bar bya'o/ /gal te sdud par mi byed na 'gal chabs can du 'gyur ro/ /dge slong gis dge 'dun gyi gtsug lag khang du rtswa'i gding ba'am </font><hr>Ja37b<br><font size=+1>


lo ma'i gding ba bting ngam 'ding du bcug nas/ ma bsdus sam sdud du ma bcug gam/ dge slong 'khod pa la ma bcol bar gtsug lag khang du 'dir bdag gis sems mnyam par ma bzhag pa mnyam par gzhag go snyam pa'am/ sems mnyam par bzhag pa rnam par grol bar bya'o snyam pas nang du yang dag par 'jog gi phyir 'jug par byed cing / de ting nge 'dzin de las mtshan mo'i thun dang po'am thun phyed na ldang bar byed na/ gal te phan phun du ma gyur na nyes byas su 'gyur la/ gal te phan phun du gyur na byed du 'gyur ro/ /dge slong gis dge 'dun gyi gtsug lag khang du rtswa'i gding ba'am lo ma'i gding ba bting ngam 'ding du bcug nas ma bsdus sam/ sdud du ma bcug gam/ dge slong 'khod pa la ma bcol bar gtsug lag khang du 'dir bdag gis sems mnyam par ma bzhag pa mnyam par gzhag go snyam pa'am/ sems mnyam par bzhag pa rnam par grol bar bya'o snyam pas/ nang du yang dag 'jog gi phyir 'jug par byed cing de ting nge 'dzin de las mtshan mo'i gung thun nam/ thun tha ma'am skya rengs ma shar ba'am/ skya reng sa shar ba'am/ nyi ma ma shar ba'am/ nyi ma shar ba'am/ nyi ma'i brgyad cha shar ba'am/ nyi ma'i bzhi cha shar ba'am/ phyed ma yol ba'am/ phyed yol ba'am/ nyi ma'i bzhi cha lus pa'am/ nyi ma'i </font><hr>Ja38a<br><font size=+1>


@#/ /brgyad cha lus pa'am/ nyi ma ma nub pa'am/ nyi ma nub pa'am/ rgyu skar dag ma shar ba'am/ rgyu skar dag shar ba na ldang bar byed na/ gal te phan phun du ma gyur na nyes byas su 'gyur la/ gal te phan phun du gyur na ltung byed du 'gyur ro/ /sangs rgyas bcom ldan 'das la/ tshe dang ldan pa nye bar 'khor gyis zhus pa/ btsun pa gding ba'i phan phun du mchis/ nye bar 'khor gnyis te/ rlung gi phan phun dang / sril gyi phan phun no/ /rlung gi phan phun gang zhe na/ ri ma pa gcig nas rim pa gnyis pa'i bar du bzlog par gyur pa'o/ /sril gyi phan phun gang zhe na/ rim pa gcig nas rim pa gnyis kyi bar du phan phun du gyur pa'o/ /sa gzhi rdo ba'i gzhi can dang / bye ma'i gzhi can gang du nyes dmigs de lta bu mi 'byung ba la ni ltung ba med do/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /gding ba'i ltung byed de bco lnga pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ / de'i tshe na tshe dang ldan pa 'char kas dge slong gsar bu gsar bu dag la tshe dang ldan pa dag tshur sheg /ljongs rgyur 'dong dang der bdag cag gis rgol ba dag kyang tshar </font><hr>Ja38b<br><font size=+1>


gcad par bya/ rang gi grags pa yang bsgrag par bya/ rnyed pa yang bsgrub par bya zhing khyed cag kyang lhung bzed dang / chos gos dang / dra ba dang / phor bu dang / ska rags dang / lung dbog pa dang / bklag pa dang / kha ton dang / rnal 'byor dang / yid la bya bas brel ba med par bya'o zhes spro bar byas pa dang / de dag gis slob dpon dang mkhan po dag la zhus pa/ mkhan po bdag cag ljongs rgyur mchi'o/ /su dang lhan cig tu/ btsun pa 'char ka dang ngo / /tshe dang ldan pa dag de ni gnas ngan len kun tu spyod pa yin pas/ khyed la mtho 'tsham par 'gyur ro/ /mkhan po btsun pa 'char ka ni bdag cag gi pha ma lta bur rnam par gnas pa lags pas/ ci'i skad du de bdag cag la mtho 'tsham par 'gyur zhes de dag gis de dag gi tshig tshig ma yin par byas te de dang lhan cig ljongs rgyur 'phags so/ /'char kas gang gi tshe phyi rol gyi mtshams 'das pa de'i tshe na smras pa/ tshe dang ldan pa dag khyed cag ci'i phyir gnas ma bcas par ljongs rgyur 'dong bar byed/ tshur sheg /gnas chos shig ces des de dag mdun du tsog pur 'dug tu bcug ste gnas 'char bcug go /des de dag la la la gtur bu gtad/ la la la lhung bzed kyi snod gtad/ la la la bar bur snod gtad/ la la la phor bu gtad/ la la la ril ba spyi blugs </font><hr>Ja39a<br><font size=+1>


@#/ /gtad nas/ de lag pa gnyis brkyang ste/ rdul zan las gzhan med par 'jig rten la mtho 'tshams zhing 'gro ba na/ de dag ri brags shig tu phyin nas de dag der khron pa zhig gi drung du ngal so bar byed pa na/ de na ri brags kyi gtsug lag khang zhig yod pa der gaN+DI brdungs pa dang / de dag gis thos nas smras pa/ slob dpon gtsug lag khang du gaN+DI brdungs kyi/ bzhud do/ /'char kas smras pa/ lhung bzed nag po can las med pa de dag gis las kyi gaN+DI brdungs shing bdag cag ngal ba dag gis las bya dgos par 'gyur ba de lta bu'i gnas yod par 'gyur ro/ /slob dpon rnyed pa'i gaN+DI ma lags sam/ de yin na bdag cag mtshams su phyin na 'thob bo/ /slob dpon ni grags pa bsod nams che ba lags pas 'thob kyi/ bdag cag sus stsol bar 'gyur/ deng la gal te rnyed pa yod na kho bo'i yang nos shig /de dag dong ba dang ci tsam na der gnas mal gyi gaN+DI brdungs nas/ dge slong rnams kyis smras pa/ tshe dang ldan pa dag gnas mal nos shig /de dag gis smras pa/ bdag cag las ches rgan pa yang yod do/ /su yin/ slob dpon 'char ka'o/ /de'i yang nos shig /de dag gis gnas mal mnos so/ /tshe dang ldan pa 'char ka yang de na 'du 'dzi'i gtam gyis 'dug ste/ </font><hr>Ja39b<br><font size=+1>


ri brags 'di su'i/ gtsug lag khang 'di su'i/ lha khang 'di su'i/ skyed mos tshal 'di su'i/ kun dga' ra ba 'di su'i/ khron pa 'di su'i/ zhing 'di su'i/ ba lang 'di dag su'i/ ma he 'di dag su'i zhes 'du 'dzi'i gtam gyis 'dug go /de dag gis kyang bsams pa/ slob dpon 'char ka yun ring du thogs par 'gyur ro snyam nas/ de dag gis gcig la gcig zhus te/ tshe dang ldan pa 'char ka'i mal bshams nas/ rkang pa'i chu dang rkang pa bsku ba mtha' gcig tu bzhag ste/ rkang pa gnyis bkrus nas me khang du zhugs te nyal lo/ /tshe dang ldan pa 'char ka yang ji srid du de'i 'du 'dzi'i gtam gyi zla yod pa de srid du 'dug 'dug nas/ gang gi tshe de'i 'du 'dzi'i gtam gyi zla med pa de'i tshe na mig lam chad pa'i dus kyi tshe/ gtsug lag khang du 'ongs te/ tshe dang ldan pa dag tshe dang ldan pa dag tshe dang ldan pa dag ces bod par brtsams pa dang / dge slong rnams kyis de la smras pa/ tshe dang ldan pa 'char ka 'dam bu'i thibs po'i gseb tu zhugs pa bzhin du ci 'bod/ 'char kas smras pa/ 'di na kho bo gzhon nu dag cig 'khod na/ de dag las 'ga' zhig na bar ma gyur tam/ de dag gis de thos nas smras pa/ slob dpon ma 'bod cig /gnas khang 'o nir gzims mal bshams te/ zhabs kyi chab dang / zhabs bsku ba yang bzhag gi /der </font><hr>Ja40a<br><font size=+1>


@#/ /gzims shig /'char kas smras pa/ tshe dang ldan pa dag khyed kyis su la zhus te rkang pa dag bkrus/ slob dpon yun ring du thogs par gyur nas gcig la gcig zhus te sug pa dag bkrus so/ /'char kas spyos te smras pa/ gtsug lag khang nas phyir byung la/ gang 'di ltar gus pa med pa dang / rje sa med pa dag la gnas sbyin par byed pa de'i gan du song la gnas chos shig ces des de dag gtsug lag khang nas phyi rol tu bskrad do/ /de dag de na mtshan thog thag bla gab med par lhags pas nyen par gyur to/ /de dag nang par sngar langs te smras pa/ slob dpon la phyag 'tshal lo/ /bdag cag mchi'o/ /gar 'dong / mnyan yod du'o/ /sdod cig dang / kho bos khyed cag na ba rnams kyi nad g.yog bya'o/ /slob dpon khyod kyis bdag cag mi na ba yang na bar byas pas/ na ba rnams kyi nad g.yog byas re skan zhes de dag mnyan yod du dong ba dang / dge slong rnams kyis de dag la smras pa/ tshe dang ldan pa dag 'ongs pa legs so/ /'ongs pa legs so/ /ji ltar bde bar brgyus sam/ ji ltar bde bar brgyus/ bdag cag slob dpon 'char kas mtshan thog thag lhags pas mtho btsams so/ /ci'i phyir de dag gis skabs de rgyas par brjod pa dang / dge slong don nyung du dag ci'i phyir dge slong dag dge </font><hr>Ja40b<br><font size=+1>


'dun gyi gtsug lag khang nas dge slong skrod par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis 'char ka la rmas pa/ 'char ka khyod dge 'dun gyi gtsug lag khang nas dge slong skrod pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung ba'i bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal ba/ dge slong dag de lta bas na phan yon bcu yang dag par gzigs pas/ 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang khres 'khrugs rngam </font><hr>Ja41a<br><font size=+1>


@#/ /par 'gyur te/ yi ma rangs nas dge 'dun gyi gtsug lag khang nas dge slong skrod dam skrod du 'jug na ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi bca' ba mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na sa'i gtsug lag khang zhig yod pa de na dge slong nad pa zhig 'dug nas/ ji tsam na sprin kha dog lnga pa 'dus nas/ dge slong rnams kyis de la smras pa/ tshe dang ldan pa sprin kha dog lnga 'dus pas gtsug lag khang rdib par 'gyur srid kyi/ phyir byung zhig /kho bo rang 'byung mi nus so/ /dge slong rnams 'gyod pas bsam phyung nas char bab ste gtsug lag khang rdibs nas/ des dge slong de non te dus la bab pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs ba'i bsngags pa brjod nas/ dge slong rnams la de dang mthun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni gnang ba yin te/ nga'i nyan thos rnams kyis 'dul ba la bslab </font><hr>Ja41b<br><font size=+1>


pa'i gzhi 'di ltar gdon par bya ste/ yang dge slong gang khros 'khrugs rngam par gyur te yi ma rangs nas dge 'dun gyi gtsug lag khang nas dge slong skrod dam skrod du 'jud na de 'dra ba'i rkyen ma gtogs te ltung byed do/ /yang dge slong gang zhes bya ba ni/ 'char ka'am gzhan yang de lta bu gang yin pa'o/ /khros 'khrugs rngam par gyur te yi ma rangs nas zhes bya ba ni/ khros shing khro ba'i zil gyis non nas so/ /dge 'dun gyi zhes bya ba ni de bzhin gshegs pa'i nyan thos kyi dge 'dun gyi'o/ /gtsug lag khang nas zhes bya ba ni gang du spyod lam bzhi po 'gro ba dang / 'greng ba dang / 'dug pa dang / nyal ba dag byar rung ba nas so/ /dge slong zhes bya ba ni chos 'di pa'o/ /skrod dam zhes bya ba ni bdag nyid kyis so/ /skrod du 'jud na zhes bya ba ni gzhan no/ /de 'dra ba'i rkyen ma gtogs te zhes bya ba ni de 'dra ba'i rkyen bzhag ste'o/ /ltung byed do zhes bya ba ni sems can dmyal ba dang / dud 'gro dang / yi dwags dang / ngan song dang / ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des ltung byed do zhes gsungs so/ /de la ltung ba ji ltar 'gyur zhe na/ dge slong gis ji tsam du khros 'khrugs rngam par gyur te/ yi ma rangs nas dge 'dun gyi gtsug lag khang nas dge slong skrod </font><hr>Ja42a<br><font size=+1>


@#/ /dam skrod du 'jud na thams cad du ltung byed du 'gyur ro/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /skrod pa'i ltung byed de bcu drug pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na tshe dang ldan pa 'char kas dge slong gsar bu gsar bu dag la tshe dang ldan pa dag tshur shog /ljongs rgyur 'dong dang der bdag cag gis rgol ba dag kyang tshar gcad par bya/ rang gi grags pa yang bsgrag par bya/ rnyed pa yang bsgrub par bya zhing / khyed cag kyang lhung bzed dang chos gos dang dra ba dang phor bu dang ska rags dang / lung dbog pa dang / bklag pa dang / kha ton dang rnal 'byor dang yid la bya bas brel ba med par bya'o zhes spro bar byas pa dang / de dag gis slob dpon dang mkhan po dag la zhus pa/ mkhan po bdag cag ljongs rgyur mchi'o/ /su dang lhan cig tu/ btsun pa 'char ka dang ngo / /tshe dang ldan pa dag de ni gnas ngan len kun tu spyod pa yin pas khyed la mtho 'tsham par 'gyur ro/ /mkhan po btsun pa 'char ka ni bdag cag gi pha ma lta bur rnam par gnas pa lags pas ci'i slad du de bdag cag la mtho 'tsham par 'gyur zhes de dag gis de dag gi tshig tshig ma yin par byas te/ de dang lhan cig ljongs </font><hr>Ja42b<br><font size=+1>


rgyur 'phags so/ /'char kas gang gi tshe phyi rol gyi mtshams 'das pa de'i tshe na smras pa/ tshe dang ldan pa dag khyed cag ci'i phyir gnas ma bcas par ljongs rgyur 'dong bar byed/ tshur sheg /gnas chos shig ces des de dag mdun du tsog bur 'dug tu bcug ste/ gnas 'char bcug go /des de dag la la la gtur pu gtad/ la la la lhung bzed kyi snod gtad/ la la la bar bur gyi snod gtad/ la la la phor bu gtad/ la la la ril ba spyi blugs gtad nas de lag pa gnyis brkyang ste/ rdul zan las gzhan med par 'jig rten la mtho 'tsham zhing 'gro ba na de dag ri brags shig tu phyin nas/ de dag der khron pa zhig gi drung du ngal so bar byed pa na/ de na ri brags kyi gtsug lag khang zhig yod pa der gaN+DI brdungs pa dang / de dag gis thos nas smras pa| slob dpon gtsug lag khang du gaN+DI brdungs kyi/ bzhud do/ /'char kas smras pa/ lhung bzed nag po can las med pa dag gis las kyi gaN+DI brdungs shing bdag cag ngal ba dag gis las bya dgos par 'gyur ba de lta bu'i gnas yod par 'gyur ro/ /slob dpon rnyed pa'i gaN+DI brdungs pa ma lags sam/ de yin na bdag cag mtshams su phyin na 'thob bo/ /slob dpon ni grags pa bsod nams che ba lags pas 'thob kyi/ bdag cag sus stsol bar 'gyur/ deng la gal te rnyed pa yod na kho bo'i yang nos shig /de dag dong ba dang ji tsam na der gnas mal gyi </font><hr>Ja43a<br><font size=+1>


@#/ /gaN+DI brdungs nas dge slong rnams kyis smras pa/ tshe dang ldan pa dag gnas mal nos shig /de dag gis smras pa/ bdag cag las ches rgan pa yang yod do/ /su yin/ slob dpon 'char ka'o/ /de'i yang nos shig /de dag gis gnas mal mnos so/ /tshe dang ldan pa 'char ka yang de na 'du 'dzi'i gtam gyis 'dug ste/ ri brags 'di su'i/ gtsug lag khang 'di su'i/ lha khang 'di su'i/ skyed mos tshal 'di su'i/ kun dga' ra ba 'di su'i/ khron pa 'di su'i/ zhing 'di su'i/ ba lang 'di dag su'i/ ma he 'di dag su'i/ zhes 'du 'dzi'i gtam gyis 'dug go /de dag gis kyang bsams pa/ slob dpon 'char ka yun ring du thogs par 'gyur ro snyam nas/ de dag gis gcig la gcig zhus te/ tshe dang ldan pa 'char ka'i mal bshams nas/ rkang pa'i chu dang rkang pa bsku ba mtha' gcig tu bzhag ste/ rkang pa gnyis bkrus nas me khang du zhugs te nyal lo/ /tshe dang ldan pa 'char ka yang ji srid du de'i 'du 'dzi'i gtam gyi zla yod pa de srid du 'dug 'dug nas/ gang gi tshe 'du 'dzi'i gtam gyi zla med pa de'i tshe na/ mig lam chad pa'i dus kyi tshe gtsug lhag khang du 'ongs te tshe dang ldan pa dag tshe dang ldan pa dag ces bod par brtsams pa dang / dge slong rnams kyis de la smras pa/ tshe dang ldan pa 'char ka 'dam bu thibs po'i gseb tu zhugs pa bzhin du ci 'bod/ 'char kas smras pa/ </font><hr>Ja43b<br><font size=+1>


'di na kho bo'i gzhon nu dag cig 'khod na/ de dag las 'ga' zhig na bar ma gyur tam/ de dag gis de thos nas smras pa/ slob dpon ma 'bod cig /gnas khang 'o nir gzims mal bshams te/ zhabs kyi chab dang zhabs bsku ba yang bzhag gi/ der gzims shig /'char kas smras pa/ tshe dang ldan pa dag khyed kyis su la zhus te rkang pa dag bkrus/ slob dpon yun ring du thogs par gyur nas gcig la gcig zhus te sug pa dag bkrus so/ /'char kas spyos te smras pa/ kho bo khyed dang lhan cig bya ba cung zhig yod kyi/ sgo phye zhig /de dag gis sgom phye ba dang / des spyos te sgo glegs la rdog pas brdabs nas des me khang thams cad 'gul bar gyur to/ /de dag skrag nas bsams pa/ 'di stobs dang ldan pa yin pas dge 'dun gyi gtsug lag khang brdib par gyur na mi rung gi /sgo dbye'o snyam nas/ de dag gis sgo phye ba dang / de nang du zhugs nas de dag gi dbus bsgyel te/ des de dag kha cig la ni gru mos bsnun/ kha cig la ni pus mos bsnun nas de dag gis smras pa/ slob dpon bdag cag snad do/ /bdag cag snad do/ /'char kas smras pa/ su la gnod pa de 'gro bar 'gyur ro/ /de dag gis gcig la gcig smras pa/ tshe dang ldan pa dag 'di ni stobs dang ldan pa yin pas 'dis bdag cag thams cad kyi thams cad du srog dang bral bar byed par 'gyur ba gang yin pa de lta </font><hr>Ja44a<br><font size=+1>


@#/ /bu'i gnas yod par 'gyur gyi/ phyir 'byung bar bya'o zhes de dag phyir byung ngo / /de dag de na mtshan thog thag bla gab med pa na lhags pas nyen par gyur to /de dag nang par sngar langs te smras pa/ slob dpon la phyag 'tshal lo/ /bdag cag mchi'o/ /gar 'dong / mnyan yod du'o/ /sdod cig dang / kho bos khyed cag na ba rnams kyi nad g.yog bya'o/ / slob dpon khyod kyis bdag cag mi na ba yang na bar byas pas na ba rnams kyi nad g.yog byas re skan zhes de dag mnyan yod du dong ba dang / dge slong rnams kyis de dag la smras pa/ tshe dang ldan pa dag 'ongs pa legs so/ /'ongs pa legs so/ /ji lta bde bar brgyus sam/ ji ltar bde bar brgyus/ bdag cag slob dpon 'char kas mtshan thog thag lhags pas mtho btsams so| |ci'i phyir de dag gis skabs de rgyas par brjod pa dang / dge slong don nyung du dag ci'i phyir dge slong dag dge 'dun gyi gtsug lag khang na dge slong dag snga na 'khod par shes bzhin du phyis 'ongs nas su la gnod pa de 'gro bar 'gyur ba de nyid rkyen du byas te phyis gnon byed cing / stan la nyal ba dang 'dug par byed ces smod par byed/ phyar ka gtong bar byad/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang skabs 'di la dge slong gi dge </font><hr>Ja44b<br><font size=+1>


'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed pa mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa 'char ka la rmas pa/ 'char ka khyod dge 'dun gyi gtsug lag khang na dge slong dag snga na 'khod par shes bzhin du phyis 'ongs nas su la gnod pa de 'gro bar 'gyur ba de nyid rkyen du byas te phyis gnon byas nas stan la nyal lam 'dug pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi 'di ltar bca' bar bya ste zhes bya ba la sogs pa yang snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar 'don par bya ste/ yang dge slong gang dge 'dun gyi gtsug lag khang na dge slong dag snga na 'khod par shes bzhin du phyis 'ongs nas su la gnod pa de 'gro bar 'gyur ba de nyid rkyen du </font><hr>Ja45a<br><font size=+1>


@#/ /byas te/ phyis gnon byas nas stan la nyal lam 'dug na ltung byed do/ /yang dge slong gang zhes bya ba ni 'char ka'am gzhan yang de lta bu gang yin pa'o/ /dge 'dun gyi zhes bya ba ni de bzhin gshegs pa'i nyan thos kyi dge 'dun gyi'o/ /gtsug lag khang na zhes bya ba ni gang du spyod lam bzhi po 'gro ba dang / 'greng ba dang / 'dug pa dang / nyal ba dag byar rung ba na'o/ /dge slong dag ces bya ba ni chos 'di pa dag go /snga na 'khod pa zhes bya ba ni snga na gnas par ro/ /shes bzhin du zhes bya ba ni de rang gis rig par gyur pa'am/ gzhan dag gis bstan pas so/ /phyis 'ongs nas zhes bya ba ni de'i 'og tu 'ongs nas so/ /su la gnod pa zhes bya ba ni su bde ba la reg par mi 'gyur ba'o/ /de 'gro bar 'gyur ba zhes bya ba ni/ de de nas gzhan du 'gro bar 'gyur ba'o/ /de nyid rkyen du byas te zhes bya ba ni gzhan ma yin pa'o/ /phyis gnon byas nas zhes bya ba ni gnod pas zil gyis mnan nas so/ /stan la zhes bya ba ni gnas mal la'o/ /nyal na zhes bya ba ni lus bsnyal na'o/ /'dug na zhes bya ba ni rkub tshos bzhag na'o/ /ltung byed do zhes bya ba ni sems can dmyal ba dang / dud 'gro dang / yi dwags ngan song dang / ngan 'gro dang log par ltung ba dag tu sreg par byed/ 'tshod </font><hr>Ja45b<br><font size=+1>


par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do/ /zhes gsungs so/ /de la ltung ba ji ltar 'gyur zhe na/ dge slong gis ji tsam du cung zad dge 'dun gyi gtsug lag khang na dge slong dag snga na 'khod par shes bzhin du phyis 'ongs nas su la gnod pa de 'gro bar 'gyur ba de nyid rkyen du byas te phyis gnon byas nas/ stan la nyal lam 'dug na thams cad du ltung byed du 'gyur ro/ /bar sdom la/ ngan dang gsod dang grang dro dang / chol zangs dang ni bkru sman dang / /rnal 'byor mthun dang kha ton dang / 'jigs dang bcas dang 'jigs med do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na tshe dang ldan pa 'char kas dge slong gsar bu dag la tshe dang ldan pa dag tshur sheg / ljongs rgyur 'dong dang der bdag cag gis rgol ba dag kyang tshar gcad par bya/ rang gi grags pa yang bsgrag par bya/ rnyed pa yang bsgrub par bya zhing khyed cag kyang lhung bzed dang chos gos dang / dra ba dang phor bu dang / ska rags dang lung dpog pa dang / bklag pa dang / kha ton dang / rnal 'byor dang / yid la bya bas brel ba med par bya'o/ /zhes spro </font><hr>Ja46a<br><font size=+1>


@#/ /bar byas pa dang / de dag gis slob dpon dang mkhan po dag la zhus pa/ mkhan po bdag cag ljongs rgyur mchi'o/ /su dang lhan cig tu/ btsun pa 'char ka dang ngo / /tshe dang ldan pa dag de ni gnas ngan len kun tu spyod pa yin pas khyed la mtho 'tsham par 'gyur ro/ /mkhan po btsun pa 'char ka ni bdag cag gi pha ma lta bur rnam par gnas pa lags pas ci'i slad du bdag cag la mtho 'tsham par 'gyur zhes de dag gis de dag gi tshig tshig ma yin par byas te de dang lhan cig ljongs rgyur 'phags so/ / 'char kas gang gi tshe phyi rol gyi mtshams 'das pa de'i tshe na smras pa/ tshe dang ldan pa dag khyed cag ci'i phyir gnas ma bcas par ljongs rgyur 'dong bar byed/ tshur sheg / gnas chos shig ces des de dag mdun du tsog pur 'dug tu bcug ste gnas 'char bcug go /des de dag la la la gtur bu gtad/ la la la lhung bzed kyi snod gtad/ la la la bar pur snod gtad/ la la la phor bu gtad/ la la la ril pa spyi blugs gtad nas de lag pa gnyis brkyang ste/ rdul zan las gzhan med par 'jig rten la mtho 'tsham zhing 'gro ba na de dag ri brags shig tu phyin nas/ de dag der khron pa zhig gi drung du ngal so bar byed pa na de na ri brags kyi gtsug lag khang zhig yod pa der gaN+DI brdungs pa </font><hr>Ja46b<br><font size=+1>


dang de dag gis thos nas smras pa/ slob dpon gtsug lag khang du gaN+DI brdungs kyi/ bzhud do/ /'char kas smras pa/ lhung bzed nag po can las med pa dag gis las kyi gaN+DI brdungs shing / bdag cag ngal ba dag gis las bya dgos par 'gyur ba de lta bu'i gnas yod par 'gyur ro/ /slob dpon rnyed pa'i gaN+DI ma lags sam/ de yin na bdag cag mtshams su phyin na 'thob bo/ /slob dpon ni grags pa dang bsod nams che ba lags pas 'thob kyi bdag cag la sus stsol bar 'gyur ro/ /deng la gal te rnyed pa yod na kho bo'i yang nos shig/ de dag dong pa dang ji tsam na der gnas mal gyi gaN+DI brdungs nas/ dge slong rnams kyis smras pa/ tshe dang ldan pa dag gnas mal nos shig /de dag gis smras pa/ bdag cag las ches rgan pa yang yod do/ /su yin/ slob dpon 'char ka'o/ /de'i yang nos shig /de dag gis gnas mal mnos so/ /tshe dang ldan pa 'char ka yang de na 'du 'dzi'i gtam gyis 'dug ste/ ri brags 'di su'i/ gtsug lag khang 'di su'i/ lha khang 'di su'i/ skyed mos tshal 'di su'i/ kun dga' ra ba 'di su'i/ khron pa 'di su'i/ zhing 'di su'i/ ba lang 'di dag su'i/ ma he 'di dag su'i zhes 'du 'dzi'i gtam gyis 'dug go /de dag gis kyang bsams pa/ slob dpon 'char ka yun ring du thogs par </font><hr>Ja47a<br><font size=+1>


@#/ /'gyur ro snyam nas de dag gis gcig la gcig zhus te/ tshe dang ldan pa 'char ka'i mal bshams nas/ rkang pa'i chu dang rkang pa bsku ba mtha' gcig tu bzhag ste/ gcig la gcig smras pa/ tshe dang ldan pa dag deng bdag cag gis kha zas ngan pa dag zos pas kha ton mi nus kyi/ re zhig yid la byed pa bskyed par bya'o zhes de dag dpong sa'i khang par zhugs nas/ skyil mo krung bcas te bsam gtan bya bar brtsams so/ /tshe dang ldan pa 'char ka yang ji srid du de'i 'du 'dzi'i gtam gyi zla yod pa de srid du 'dug 'dug nas gang gi tshe de'i 'du 'dzi'i gtam gyi zla med pa de'i tshe na/ mig lam chad pa'i dus kyi tshe gtsug lag khang du 'ongs te/ tshe dang ldan pa dag tshe dang ldan pa dag ces bod par brtsams pa dang / dge slong rnams kyis de la smras pa/ tshe dang ldan pa 'char ka 'dam bu thibs po'i gseb tu zhugs pa bzhin du ci 'bod/ 'char kas smras pa/ 'di na kho bo'i gzhon nu dag cig 'khod na/ de dag las 'ga' zhig na bar ma gyur tam/ de dag gis de thos nas smras pa/ slob dpon ma 'bod cig /gnas khang 'o nir gzims mal bshams te/ zhabs kyi chab dang zhabs bsku ba yang bzhag gi/ der gzims shig /bdag cag deng kha zas ngan pa </font><hr>Ja47b<br><font size=+1>


dag 'tshal bas kha ton rngo mi thogs nas re zhig dpong sa'i khang pa 'dir bsam gtan bgyid do/ /'char kas smras pa/ tshe dang ldan pa dag bcom ldan 'das kyis mi klog pa la shes rab med do zhes ma gsungs sam/ tshur sheg kha ton gyis shig ces des de dag zung du lhan cig bzhag ste/ mtshan thog thag kha ton byed du bcug go /de dag nang par sngar langs te smras pa/ slob dpon phyag 'tshal lo/ /bdag cag mchi'o/ /gar 'dong / mnyan yod du'o/ /sdod cig dang / kho bos khyed cag na ba rnams kyi nad g.yog bya'o/ /slob dpon khyod kyis bdag cag mi na ba yang na bar byas pas na ba rnams kyi nad g.yog byas re skan zhes de dag mnyan yod du dong ba dang / dge slong rnams kyis de dag la smras pa/ tshe dang ldan pa dag 'ongs pa legs so/ /'ongs pa legs so/ /ji lta bde bar brgyus sam/ ji ltar bde bar brgyus/ bdag cag slob dpon 'char kas mtshan thog thag mtho btsams so/ /ji ltar mtho btsams de dag gis skabs de dge slong rnams la rgyas par brjod do/ /dge slong don nyung ngu dag ci'i phyir dge slong dag ched du bsams te dge slong rnams la mtho 'tsham par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong gis ji </font><hr>Ja48a<br><font size=+1>


@#/ /tsam cung zad dge slong la mtho 'tsham par byed na thams cad du ltung byed du 'gyur ro// //'dul ba rnam par 'byed pa/ bam po zhe lnga pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na tshe dang ldan pa 'char kas/ dge slong gsar bu gsar bu dag la tshe dang ldan pa dag tshur sheg /ljongs dag rgyur 'dong dang der bdag cag gis rgol ba dag kyang tshar gcad par bya/ rang gi grags pa yang bsgrag par bya/ rnyed pa yang bsgrub par bya zhing / khyed cag kyang lhung bzed dang / chos gos dang / dra ba dang / phor bu dang / ska rags dang / lung 'bog pa dang / bklag pa dang / kha ton dang / rnal 'byor dang / yid la bya bas brel ba med par bya'o/ / zhes spro bar byas pa dang / de dag gis slob dpon dang / mkhan po dag la zhus pa/ mkhan po bdag cag ljongs rgyur mchi'o/ /su dang lhan cig tu/ btsun pa 'char ka dang ngo / /tshe dang ldan pa dag de ni gnas ngan len kun tu spyod pa yin pas/ khyed la mtho 'tsham par 'gyur ro/ /mkhan po btsun pa 'char ka ni bdag cag gi pha ma lta bur rnam par gnas pa lags pas/ ci'i slad du bdag cag mtho 'tsham par 'gyur zhes de dag gis de dag gi tshig tshig ma yin par byas te/ de dang lhan cig ljongs rgyur 'phags so/ /'char kas gang gi tshe phyi </font><hr>Ja48b<br><font size=+1>


rol gyi mtshams 'das pa de'i tshe na smras pa/ tshe dang ldan pa dag khyed cag ci'i phyir gnas ma bcas par ljongs rgyur 'dong bar byed/ tshur sheg/ gnas chos shig ces des de dag mdun du tsog pur 'dug tu bcug ste/ gnas 'char bcug go /des de dag la la la gtur bu gtad/ la la la lhung bzed kyi snod gtad/ la la la bar bur snod gtad/ la la phor bu gtad/ la la la ril pa spyi blugs gtad nas/ de lag pa gnyis brkyang ste/ rdul zan las gzhan med par 'jig rten la mtho 'tsham zhing 'gro ba na/ de dag ri brags shig tu phyin nas de dag der khron pa zhig gi drung du ngal so bar byed pa na/ de na ri brags kyi gtsug lag khang zhig yod pa der gaN+DI brdungs pa dang / de dag gis thos nas smras pa/ slob dpon gtsug lag khang du gaN+DI brdungs kyi/ bzhud do/ 'char kas smras pa/ lhung bzed nag po can las med pa dag gis las kyi gaN+DI brdungs shing bdag cag ngal ba dag gis las bya dgos par 'gyur ba de lta bu'i gnas yod par 'gyur ro/ /slob dpon/ rnyed pa'i gaN+DI ma lags sam/ de yin na bdag cag mtshams su phyin na 'thob bo/ /slob dpon ni grags pa bsod nams che ba lags pas 'thob kyi/ bdag cag sus stsol bar 'gyur/ deng la gal te rnyed pa yod na kho bo'i yang nos shig /de dag dong ba dang ji tsam na der gnas mal gyi gaN+DI brdungs nas dge slong rnams kyis smras pa/ tshe dang ldan pa dag gnas mal nos shig /de dag gis </font><hr>Ja49a<br><font size=+1>


@#/ /smras pa/ bdag cag las ches rgan pa yang yod do/ /su yin/ slob dpon 'char ka'o/ /de'i yang nos shig /de dag gis gnas mal mnos so/ /tshe dang ldan pa 'char ka yang de na 'du 'dzi'i gtam gyis 'dug go/ ri brags 'di su'i/ gtsug lag khang 'di su'i/ lha khang 'di su'i/ skyed mos tshal 'di su'i/ kun dga' ra ba 'di su'i/ khron pa 'di su'i/ zhing 'di su'i/ ba lang 'di dag su'i/ ma he 'di dag su'i/ zhes 'du 'dzi'i gtam gyis 'dug go /de dag gis kyang bsams pa/ slob dpon 'char ka yun ring du thogs par 'gyur ro/ /snyam nas de dag gis gcig la gcig zhus te/ tshe dang ldan pa 'char ka'i mal bshams nas/ rkang pa'i chu dang / rkang pa bsku ba mtha' gcig tu bzhag ste gcig la gcig smras pa/ tshe dang ldan pa dag /deng bdag cag gis kha zas bsod pa dag zos pas re zhig zung gis lhan cig kha ton bya'o zhes de dag gis zung gis kha ton bya bar brtsams so/ /tshe dang ldan pa 'char ka yang ji srid du de'i 'du 'dzi'i gtam gyi zla yod pa de srid du 'dug 'dug nas gang gi tshe de'i 'du 'dzi'i gtam gyi zla med pa de'i tshe na mig lam chad pa'i dus kyi tshe/ gtsug lag khang du 'ongs te de dag la dris pa/ tshe dang ldan pa dag ci byed/ slob dpon bdag cag gis deng kha zas bsod pa dag 'tshal bas re zhig zung gis kha ton bgyid do/ /'char kas smras pa/ tshe dang </font><hr>Ja49b<br><font size=+1>


ldan pa dag /bcom ldan 'das kyis bsam gtan mi byed pa la shes rab med do zhes ma gsungs sam/ tshur sheg /bsam gtan gyis shig ces des de dag dpong sa'i khang par btsud de/ skyil mo krung 'char bcug nas mtshan thog thag bsrel to/ /de dag nang par sngar langs te smras pa/ slob dpon phyag 'tshal lo/ /bdag cag mchi'o/ /gar 'dong / mnyan yod du'o/ /sdod cig dang kho bos khyed cag na ba rnams kyi nad g.yog bya'o/ /slob dpon khyod kyis bdag cag mi na ba yang na bar byas pas/ na ba rnams kyi nad g.yog byas re skan zhes de dag mnyan yod du dong ba dang / dge slong rnams kyis de dag la smras pa/ tshe dang ldan pa dag 'ongs pa legs so/ /'ongs pa legs so/ /ji lta bde bar brgyus sam/ ji ltar bde bar brgyus/ bdag cag slob dpon 'char kas mtshan thog thag mtho btsams so| |ji ltar mtho btsams/ de dag gis skabs de dge slong rnams la rgyas par brjod do/ /dge slong don nyung ngu dag ci'i phyir dge slong dag ched du bsams te dge slong rnams la mtho 'tsham par byed/ ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong gis ji tsam cung zad dge slong la mtho 'tsham par byed na thams cad du ltung byed du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na </font><hr>Ja50a<br><font size=+1>


@#/ /bzhugs so/ /de'i tshe na tshe dang ldan pa 'char kas dge slong gsar bu gsar bu dag la/ tshe dang ldan pa dag tshur sheg/ ljongs rgyur 'dong dang der bdag cag gis rgol ba dag kyang tshar gcad par bya/ rang gi grags pa yang bsgrag par bya/ rnyed pa yang bsgrub par bya zhing / khyed cag kyang lhung bzed dang / chos gos dang / dra ba dang / phor bu dang / ska rags dang / lung 'bogs pa dang / bklag pa dang / kha ton dang / rnal 'byor dang / yid la bya bas brel ba med par bya'o zhes spro bar byas pa dang / de dag gis slob dpon dang / mkhan po dag la zhus pa/ mkhan po bdag cag ljongs rgyur mchi'o/ /su dang lhan cig tu/ btsun pa 'char ka dang ngo / /tshe dang ldan pa dag de ni gnas ngan len kun tu spyod pa yin pas khyed la mtho 'tsham par 'gyur ro/ /mkhan po btsun pa 'char ka ni bdag cag gi pha ma lta bur rnam par gnas pa lags pas/ ci'i slad du bdag cag la mtho 'tsham par 'gyur zhes/ de dag gis de dag gi tshig tshig ma yin par byas te/ de dang lhan cig ljongs rgyur 'phags so/ /'char kas gang gi tshe phyi rol gyi mtshams 'das pa de'i tshe na smras pa/ tshe dang ldan pa dag khyed cag ci'i phyir gnas ma bcas par ljongs rgyur 'dong bar byed/ tshur sheg gnas chos shig ces des de dag mdun du tsog pur 'dug tu bcug ste/ gnas 'char </font><hr>Ja50b<br><font size=+1>


bcug go /des de dag la la la gtur bu gtad/ la la la lhung bzed kyi snod gtad/ la la la bar bur snod gtad/ la la la phor bu gtad/ la la la ril ba spyi blugs gtad nas de lag pa gnyis brkyang ste/ rdul zan las gzhan med par 'jig rten la mtho 'tsham zhing 'gro ba na/ de dag ri brags shig tu phyin nas de dag der khron pa zhig gi drung du ngal so bar byed pa na de na ri brags kyi gtsug lag khang zhig yod pa der gaN+DI brdungs pa dang / de dag gis thos nas smras pa/ slob dpon gtsug lag khang du gaN+DI brdungs kyi/ bzhud do/ /'char kas smras pa| lhung bzed nag po can las med pa dag gis las kyi gaN+DI brdungs shing bdag cag ngal ba dag gis las bya dgos par 'gyur ba de lta bu'i gnas yod par 'gyur ro/ /slob dpon rnyed pa'i gaN+DI ma lags sam/ de yin na bdag cag mtshams su phyin na 'thob bo/ /slob dpon ni grags pa bsod nams che ba lags pas 'thob kyi bdag cag sus stsol bar 'gyur/ deng la gal te rnyed pa yod na kho bo'i yang nos shig /de dag dong ba dang / ji tsam na der gnas mal gyi gaN+DI brdungs nas/ dge slong rnams kyis smras pa/ tshe dang ldan pa dag gnas mal nos shig /de dag gis smras pa/ bdag cag las ches rgan pa yang yod do/ /su yin/ slob dpon 'char ka'o/ /de'i yang nos shig /de dag gis gnas mal mnos so/ /tshe dang </font><hr>Ja51a<br><font size=+1>


@#/ /ldan pa 'char ka yang de na 'du 'dzi'i gtam gyis 'dug ste/ ri brags 'di su'i/ gtsug lag khang 'di su'i/ lha khang 'di su'i/ skyed mos tshal 'di su'i/ kun dga' ra ba 'di su'i/ khron pa 'di su'i/ zhing 'di su'i/ ba lang 'di dag su'i/ ma he 'di dag su'i zhes 'du 'dzi'i gtam gyis 'dug go /de dag gis kyang bsams pa/ slob dpon 'char ka yun ring du thogs par 'gyur ro snyam nas/ de dag gis gcig la gcig zhus te/ tshe dang ldan pa 'char ka'i mal bshams nas/ rkang pa'i chu dang rkang pa bsku ba mtha' gcig tu bzhag ste/ gcig la gcig smras pa/ tshe dang ldan pa dag da ltar grang ba'i dus la bab kyi/ bdag cag me khang du zhugs te nyal lo zhes de dag me khang du zhugs te nyal lo/ /tshe dang ldan pa 'char ka yang ji srid du de'i 'du 'dzi'i gtam gyi zla yod pa de srid du 'dug 'dug nas/ gang gi tshe de'i 'du 'dzi'i gtam gyi zla med pa de'i tshe na/ mig lam chad pa'i dus kyi tshe / gtsug lag khang du 'ongs te tshe dang ldan pa dag /tshe dang ldan pa dag ces bod par brtsams pa dang / dge slong rnams kyis de la smras pa/ tshe dang ldan pa 'char ka 'dam bu thibs po'i gseb tu zhugs pa bzhin du ci 'bod/ 'char kas smras pa/ 'di na kho bo'i gzhon nu dag cig 'khod na de dag las 'ga' zhig na bar ma gyur tam/ de dag gis de thos nas smras pa/ slob </font><hr>Ja51b<br><font size=+1>


dpon ma 'bod cig /gnas khang 'o nir gzims mal bshams te zhabs kyi chab dang zhabs bsku ba yang bzhag gi/ der gzims shig /bdag cag da ltar grang ba'i dus la bab pas/ me khang du zhugs te mchis nyal lo/ /tshe dang ldan pa dag khyed cag gal te khrag nad dam/ mkhris nad g.yos par gyur na kho bos yun de srid du khyod kyi nad g.yog byed par ga la nus/ phyir byung zhig / ces des de dag bla gab med par bton te chu grang mos btab nas mtshan thog thag bsil yab kyis g.yabs so/ /de dag gis mtshan mo'i nam nangs nas smras pa/ slob dpon phyag 'tshal lo/ /bdag cag mchi'o/ /gar 'dong / mnyan yod du'o/ /sdod cig dang kho bos khyed cag na ba rnams kyi nad g.yog bya'o/ /slob dpon khyod kyis/ kho bo cag mi na ba yang na bar byas pas na ba rnams kyi nad g.yog byas re skan zhes de dag mnyan yod du dong ba dang / dge slong rnams kyis de dag la smras pa/ tshe dang ldan pa dag 'ongs pa legs so/ /'ongs pa legs so/ /ji lta bde bar brgyus sam/ ji ltar bde bar brgyus/ bdag cag slob dpon 'char kas mtshan thog thag mtho btsams so/ /ji ltar mtho btsams/ de dag gis skabs de dge slong rnams la rgyas par brjod do/ /dge slong don nyung ngu dag ci'i phyir dge slong dag ched du bsams te dge slong rnams la mtho 'tsham par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis </font><hr>Ja52a<br><font size=+1>


@#/ /bcom ldan 'das la gsol pa dang / bcom ldan 'das kyis bka' stsal pa/ dge slong dag ji tsam cung zad dge slong la mtho 'tsham par byed na thams cad du ltung byed du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na tshe dang ldan pa 'char kas dge slong gsar bu gsar bu dag la/ tshe dang ldan pa dag tshur sheg /ljongs rgyur 'dong dang / der bdag cag gis rgol ba dag tshar gcad par bya/ rang gi grags pa yang bsgrag par bya/ rnyed pa yang bsgrub par bya zhing / khyed cag kyang lhung bzed dang / chos gos dang / dra ba dang / phor bu dang / ska rags dang / lung 'bogs pa dang / bklag pa dang / kha ton dang / rnal 'byor dang / yid la bya bas brel pa med par bya'o/ /zhes spro bar byas pa dang / de dag gis slob dpon dang / mkhan po dag la zhus pa/ mkhan po bdag cag ljongs rgyur mchi'o/ /su dang lhan cig tu/ btsun pa 'char ka dang ngo / /tshe dang ldan pa dag de ni gnas ngan len kun tu spyod pa yin pas khyed la mtho 'tsham par 'gyur ro/ /mkhan po btsun pa 'char ka ni bdag cag gi pha ma lta bur rnam par gnas pa lags pas ci'i slad du bdag cag la mtho 'tsham par 'gyur zhes de dag gis de dag gi tshig tshig ma yin par byas te/ de dang lhan cig ljongs </font><hr>Ja52b<br><font size=+1>


rgyur 'phags so/ /'char kas gang gi tshe phyi rol gyi mtshams 'das pa de'i tshe na smras pa/ tshe dang ldan pa dag khyed cag ci'i phyir gnas ma bcas par ljongs rgyur 'dong bar byed/ tshur sheg / gnas chos shig /des de dag mdun du tsog pur 'dug tu bcug ste/ gnas 'char bcug go/ des de dag la la la gtur bu gtad/ la la la lhung bzed kyi snod gtad/ la la la bar bur snod gtad/ la la la phor bu gtad/ la la la ril ba spyi blugs gtad nas/ de lag pa gnyis brkyang ste/ rdul zan las gzhan med par 'jig rten la mtho mtsham zhing 'gro ba na/ de dag ri brags shig tu phyin nas de dag der khron pa zhig gi drung du ngal so bar byed pa na de na ri brags kyi gtsug lag khang zhig yod pa der gaN+DI brdungs pa dang / de dag gis thos nas smras pa/ slob dpon gtsug lag khang du gaN+DI brdungs kyi/ bzhud do/ /'char kas smras pa/ lhung bzed nag po can las med pa dag gis las kyi gaN+DI brdungs shing / bdag cag ngal ba dag gis las bya dgos par 'gyur ba de lta bu'i gnas yod par 'gyur ro/ /slob dpon rnyed pa'i gaN+DI ma lags sam/ de yin na bdag cag mtshams su phyin na 'thob bo/ /slob dpon ni grags pa bsod nams che ba lags pas 'thob kyi bdag cag sus stsol bar 'gyur/ deng la gal te rnyed pa yod na kho bo'i yang nos shig /de dag dong ba dang ji tsam na der gnas mal gyi gaN+DI brdungs nas/ dge slong </font><hr>Ja53a<br><font size=+1>


@#/ /rnams kyis smras pa/ tshe dang ldan pa dag gnas mal nos shig /de dag gis smras pa/ bdag cag las ches rgan pa yang yod do/ /su yin/ slob dpon 'char ka'o/ /de'i yang nos shig /de dag gis gnas mal mnos so/ /tshe dang ldan pa 'char ka yang de na 'du 'dzi'i gtam gyis 'dug ste/ ri brags 'di su'i/ gtsug lag khang 'di su'i/ lha khang 'di su'i/ skyed mos tshal 'di su'i/ kun dga' ra ba 'di su'i/ khron pa 'di su'i/ zhing 'di su'i/ ba lang 'di dag su'i/ ma he 'di dag su'i zhes 'du 'dzi'i gtam gyis 'dug go /de dag gis kyang bsams pa/ slob dpon 'char ka yun ring du thogs par 'gyur ro snyam nas/ de dag gis gcig la gcig zhus te tshe dang ldan pa 'char ka'i mal bshams nas rkang pa'i chu dang rkang pa bsku ba mtha' gcig tu bzhag ste/ gcig la gcig smras pa/ tshe dang ldan pa dag da ltar dro ba'i dus la bab kyi/ bdag cag dpong sa'i khang par zhugs te nyal lo// zhes de dag dpong sa'i khang par zhugs te nyal lo/ /tshe dang ldan pa 'char ka yang ji srid du de'i 'du 'dzi'i gtam gyi zla yod pa de srid du 'dug 'dug nas gang gi tshe/ de'i 'du 'dzi'i gtam gyi zla med pa de'i tshe na/ mig lam chad pa'i dus kyi tshe gtsug lag khang du 'ongs te/ tshe dang ldan pa dag tshe dang ldan pa dag ces bod par brtsams pa dang / dge slong rnams kyis de la smras pa/ </font><hr>Ja53b<br><font size=+1>


tshe dang ldan pa 'char ka 'dam bu'i thibs po'i gseb tu zhugs pa bzhin du ci 'bod/ 'char kas smras pa/ 'di na kho bo'i gzhon nu dag cig 'khod na de dag las 'ga' zhig na bar ma gyur tam/ de dag gis de thos nas smras pa/ slob dpon ma 'bod cig /gnas khang 'o nir gzims mal bshams te/ zhabs kyi chab dang / zhabs bsku ba yang bzhag gi/ der gzims shig / bdag cag da ltar dro ba'i dus la bab pas dpong sa'i khang par zhugs te nyal lo/ /tshe dang ldan pa dag khyed cag gal te rlung ngam bad kan g.yos par gyur na kho bos yun de srid du khyed kyi nad g.yog byed par ga la nus/ byi bas shig ces de dag nang du btsud nas/ skar khung dag bcad de/ me spar nas sgo bcad de la ba ji snyed yod pa dag gis dkris te steng du mnan nas 'dug go /de dag gis mtshan mo'i nam nangs nas smras pa/ slob dpon phyag 'tshal lo/ /bdag cag mchi'o/ /gar 'dong / mnyan yod du'o/ /sdod cig dang kho bos khyed cag na ba rnams kyi nad g.yog bya'o/ /slob dpon khyod kyis bdag cag min pa yang na bar byas na/ na ba rnams kyi nad g.yog byas re skan zhes de dag mnyan yod du dong ba dang / dge slong rnams kyis de dag la smras pa/ tshe dang ldan pa dag 'ongs pa legs so/ /'ongs pa legs so/ /ji ltar bde bar brgyus sam/ ji ltar bde bar brgyus/ bdag cag slob dpon 'char kas mtshan thog thag mtho btsams so/ /ji ltar mtho btsams/ </font><hr>Ja54a<br><font size=+1>


@#/ /de de dag gis skabs de dge slong rnams la rgyas par brjod do/ /dge slong don nyung ngu dag ci'i phyir dge slong dag ched du bsams te dge slong rnams la mtho mtsham par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong gis ji tsam du cung zad dge slong la mtho mtsham par byed na thams cad du ltung byed du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na tshe dang ldan pa 'char kas/ dge slong gsar bu gsar bu dag la tshe dang ldan pa dag tshur sheg /ljongs rgyur 'dong dang der bdag cag gis rgol ba dag kyang tshar gcad par bya| rang gi grags pa yang bsgrag par bya/ rnyed pa yang bsgrub par bya zhing / khyed cag kyang lhung bzed dang chos gos dang / dra ba dang / phor bu dang / ska rags dang / lung dbog pa dang / bklag pa dang / kha ton dang / rnal 'byor dang / yid la bya bas brel ba med par bya'o/ /khyed cag na ba dag gi nad g.yog kyang bya'o zhes spro bar byas pa dang / de gang gi tshe na dge slong rnams kyis 'di gnas ngan len kun tu spyod pa yin no zhes bya bar shes par gyur pa de'i tshe na/ 'ga' yang de dang lhan cig ljongs rgyur 'gro bar spro ba med nas/ de gcig pu ljongs rgyur song ba na/ ri brags </font><hr>Ja54b<br><font size=+1>


kyi gtsug lag khang zhig tu phyin to/ /gtsug lag khang de na bshang ba'i skyabs kyang med/ gci ba'i skyabs kyang med de de na dge slong dag gis gyo mo dag bzhag ste/ der bshang ba dang gci ba dag byas nas 'dor bar byed do/ /'char ka gtsug lag khang der zhugs pa na/ dge slong rnams kyis 'di gnas ngan len kun tu spyod pa yin no zhes bya bar de shes nas/ dge slong 'gas kyang de mkhos su ma phab pa dang / des bsams pa/ lhung bzed nag po can 'di dag mi dga' bar bya'o snyam nas de gtsug lag khang de'i steng du 'dzegs pa dang / ci tsam na des de na gyo mo dag bzhag pa mthong nas/ des smras pa/ ci 'di gtsug lag khang chol zangs can yin nam zhes gyo mo de dag rkang pa'i mthe bos bzung ste phyi rol tu bor ro/ /dge slong dag mtshan mo langs pa dang ji tsam na gyo mo dag mi snang nas/ de dag gis wa'i khar bshang ba dang gci ba byas so/ /de nas mtshan mo'i nam nangs pa na/ bram ze dang khyim bdag dad pa can dag lhags pa dang / des de dag la smras pa/ shes ldan dag ji ltar lhung bzed nag po can gnas ngan len kun tu spyod pa dag gis gtsug lag khang thams cad bshang ba dang gci bas ma rung bar byas pa la ltos zhes zer ba'i skabs de dge slong rnams kyis/ bcom ldan 'das la gsol pa dang / bcom ldan 'das kyis bka' stsal pa/ dge slong gis ji tsam cung zad dge slong la mtho 'tsham par byed na thams cad du ltung byed du 'gyur ro/ /sangs rgyas </font><hr>Ja55a<br><font size=+1>


@#/ /bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na tshe dang ldan pa 'char kas dge slong gsar bu gsar bu dag la/ tshe dang ldan pa dag tshur sheg/ ljongs rgyur 'dong dang der bdag cag gis rgol ba dag kyang tshar gcad par bya/ rang gi grags pa yang bsgrag par bya/ rnyed pa yang bsgrub par bya zhing khyed cag kyang lhung bzed dang chos gos dang / dra ba dang / phor bu dang / ska rags dang / lung 'bog pa dang / bklag pa dang / kha ton dang rnal 'byor dang / yid la bya bas brel ba med par bya'o/ /khyed cag na ba dag gi nad g.yog kyang bya'o zhes spro bar byas pa dang / de gang gi tshe na dge slong rnams kyis 'di gnas ngan len kun tu spyod pa yin no zhes bya bar shes par gyur pa de'i tshe na 'ga' yang de dang lhan cig ljongs rgyur 'gro bar spro ba med nas/ de dag gcig pu ljongs rgyur song ba na ri brags kyi gtsug lag khang zhig tu phyin to/ /'char ka gtsug lag khang der zhugs pa na dge slong rnams kyis 'di gnas ngan len kun tu spyod pa yin no zhes bya bar de shes nas/ dge slong 'gas kyang de mkhos su ma phab pa dang / des bsams pa/ lhung bzed nag po can 'di dag mi dga' bar bya'o snyam nas des bkru sman gyi ril lu zos nas me khang du zhugs te 'dug pa na der des 'khru bar brtsams so/ /bcom ldan 'das kyis nad pa dus gsum du blta bar bya'o zhes bka' stsal </font><hr>Ja55b<br><font size=+1>


pa| dge slong gnas brtan gnas brtan dag de nad 'dris lhags nas/ de dag gis de la dris pa/ tshe dang ldan pa rung ngam/ des smras pa/ me rung ngo / /gnas brten dag yud tsam zhig 'khod nas 'dong bar brtsams pa dang / des smras pa/ gnas brtan dag re zhig yud tsam zhig gzhes shig /de dag gis yud tsam zhig 'khod nas 'dong bar brtsams pa dang / des yang smras pa/ gnas brtan dag da dung yang yud tsam zhig gzhes shig /tshe dang ldan pa ched du bsams te/ mtho 'tsham par mi byed dam/ lhung bzed nag po can khyed de ltar mi dga' bar bya'o zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong gis ji tsam cung zad dge slong la mtho 'tsham par byed na/ thams cad du ltung byed du 'gyur ro/ / sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na tshe dang ldan pa 'char kas dge slong gsar bu gsar bu dag la tshe dang ldan pa dag tshur sheg /ljongs rgyur 'dong dang der bdag cag gis rgol ba dag kyang tshar gcad par bya/ rang gi grags pa yang bsgrag par bya/ rnyed pa yang bsgrub par bya zhing / khyed cag kyang lhung bzed dang / chos gos dang / dra ba dang / phor bu dang / ska rags dang / lung 'bog pa dang / bklag pa dang / kha ton dang / rnal 'byor dang / yid la bya bas brel ba med par bya'o/ /khyed </font><hr>Ja56a<br><font size=+1>


@#/ /cag na ba dag gis nad g.yog kyang bya'o zhes spro bar byas pa dang / de gang gi tshe/ dge slong rnams kyis 'di gnas ngan len kun tu spyod pa yin no zhes bya bar shes par gyur pa de'i tshe na 'ga' yang de dang lhan cig ljongs rgyur 'gro bar spro ba med nas de gcig pu ljongs rgyur song ba na ri brags kyi gtsug lag khang zhig tu phyin to/ /gtsug lag khang de na dge slong spong ba pa sha stag 'khod do/ /'char ka gtsug lag khang der zhugs pa na/ dge slong rnams kyis 'di gnas ngan len kun tu spyod pa yin no zhes bya bar de shes na/ dge slong 'gas kyang de mkhos su ma phab pa dang / des bsams pa/ lhung bzed nag po can 'di dag mi dga' bar bya'o snyam zhing gtsug lag khang de yang phyed byas zin par 'dug nas/ tshe dang ldan pa 'char ka khyim bdag de'i gan du song ste phyin nas smras pa/ khyim bdag ci'i phyir gtsug lag khang zin par mi byed/ bcom ldan 'das kyis kyang / myur bar dge la 'jug bya zhing / /sdig las sems kyang bzlog par bya/ /bsod nams bul bar byed gyur na/ /yid ni sdig la dga' bar 'gyur/ /zhes ma gsungs sam/ 'phags pa bdag la kar sha pa na dag ni mchis na gla mi dag ma mchis so/ /khyim bdag| bcom ldan 'das kyis dge slong dag gis mkhar lan bya'o zhes ma gsungs sam/ gal te 'phags pas mkhar lan bgyid du stsal na legs so/ /'char kas gtsug lag </font><hr>Ja56b<br><font size=+1>


khang du stong ste phyin nas gaN+DI brdungs so/ /bcom ldan 'das kyis gaN+DI bsu bar bya'o zhes sngags pas dge slong rnams kyis gaN+DI bsu ba dang / ji cam \ TZAM\ na che \ TSE\ dang ldan pa 'char kas so phag dag gdeg par brtsams pa mthong nas/ dge slong de dag gis kyang so phag dag gdeg par brtsams so/ /'char kas dge slong de dag nyin thog thag so phag dag skyed du bcug pa dang / de dag gis smras pa| tshe dang ldan pa dag gtsug lag khang 'di sngon ni rnal 'byor dang mthun par gyur na/ da ni mkhar lan dang mthun par gyur gyi/ mnyan yod du 'dong ngo zhes de dag mnyan yod du dong ba dang / dge slong rnams kyis de dag la smras pa/ tshe dang ldan pa dag 'ongs pa legs so/ /'ongs pa legs so/ /kho bo cag khyed mthong bar ni dga'i 'ong bar ni mi dga'o/ /gtsug lag khang de rnal 'byor dang mthun pa yin no/ /khyed cag ci'i phyir gtsug lag khang de bor te 'dir 'ongs/ tshe dang ldan pa dag /gtsug lag khang de sngon ni rnal 'byor dang mthun par gyur na da ni mkhar lan dang mthun par gyur to/ /ji ltar gyur/ tshe dang ldan pa 'char ka der 'ongs nas/ mkhar lan byung ngo zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong gis ji tsam cung zad dge slong la mtho 'tsham par byed na thams cad du ltung byed du 'gyur ro/ /sangs rgyas bcom ldan 'das mnyan yod na rgyal byed kyi </font><hr>Ja57a<br><font size=+1>


@#/ /tshal mgon med zas sbyin gyi kun dga' ra ba na bzhugs so/ /de'i tshe na tshe dang ldan pa 'char kas dge slong gsar bu gsar bu dag la tshe dang ldan pa dag tshur sheg / ljongs rgyur 'dong dang der bdag cag gis rgol ba dag kyang char gcad par bya/ rang gi grags pa yang bsgrag par bya/ rnyed pa yang bsgrub par bya zhing khyed cag kyang lhung bzed dang / chos gos dang / dra ba dang / phor bu dang / ska rags dang / lung dbog pa dang / bklag pa dang / kha ton dang rnal 'byor dang yid la bya bas brel ba med par bya'o/ /khyed cag na ba dag gis nad g.yog kyang bya'o zhes spro bar byas pa dang / de gang gi tshe na dge slong rnams kyis 'di gnas ngan len kun tu spyod pa yin no zhes bya bar shes par gyur pa de'i tshe na/ 'ga' yang de dang lhan cig ljongs rgyur 'gro bar spro ba med nas/ de gcig pu ljongs rgyur song ba na ri brags kyi gtsug lag khang zhig tu phyin to/ /gtsug lag khang de na dge slong kha ton pa sha stag 'khod do/ /'char ka gtsug lag khang der zhugs pa na dge slong rnams kyis 'di gnas ngan len kun tu spyod pa yin no zhes bya bar de shes nas dge slong 'gas kyang de mkhos su ma phab pa dang / des bsams pa/ lhung bzed nag po can 'di dag mi dga' bar bya'o snyam zhing gtsug lag khang de yang phyed byas zin par 'dug nas tshe dang ldan pa 'char ka khyim bdag </font><hr>Ja57b<br><font size=+1>


de'i gan du song ste phyin nas smras pa/ khyim bdag ci'i phyir gtsug lag khang zin par mi byed/ bcom ldan 'das kyis kyang / myur bar dag la 'jug bya zhing / /sdig las sems kyang bzlog par bya| |bsod nams bul bar byed gyur na/ /yid ni sdig la dga' bar 'gyur/ /zhes ma gsungs sam/ 'phags pa/ bdag la kar sha pa na dag ni mchis na/ gla mi dag ma mchis so/ /khyim bdag bcom ldan 'das kyis dge slong dag gis mkhar lan bya'o zhes ma gsungs sam/ gal te 'phags pas mkhar lan bgyid du stsal na legs so/ /'char kas gtsug lag khang du song ste gaN+DI brdungs so/ /bcom ldan 'das kyis gaN+Di bsu bar bya'o zhes gsungs pas/ dge slong rnams kyis gaN+DI bsu ba dang / ji tsam na tshe dang ldan pa 'char kas so phag dag gdeg par brtsams pa mthong nas/ dge slong dag gis kyang so phag gdeg par brtsams so/ /'char kas dge slong de dag nyin thog thag so phag dag skyed du bcug pa dang / de dag gis smras pa/ tshe dang ldan pa dag gtsug lag khang 'di sngon ni kha ton dang mthun par gyur na/ da ni mkhar lan dang mthun par gyur gyi/ mnyan yod du 'dong ngo zhes de dag mnyan yod du dong ba dang / dge slong rnams kyis de dag la smras pa/ tshe dang ldan pa dag 'ongs pa legs so/ /'ongs pa legs so/ /kho bo cag khyed cag mthong bar ni dga'i/ 'ong bar mi dga'o/ /gtsug lag khang de kha ton dang mthun pa yin na/ khyed cag ci'i phyir gtsug </font><hr>Ja58a<br><font size=+1>


@#/ /lag khang de bor te 'dir 'ongs/ tshe dang ldan pa dag gtsug lag khang de sngon ni kha ton dang mthun par gyur na da ni mkhar lan dang mthun par gyur to/ /ji ltar gyur/ tshe dang ldan pa 'char ka der 'ongs nas mkhar lan byung ngo zhes zer ba'i skabs de dge slong rnams kyis/ bcom ldan 'das la gsol pa dang / bcom ldan 'das kyis bka' stsal pa/ dge slong gis ji tsam cung zad tsam dge slong la mtho 'tsham par byed na thams cad du ltung byed du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na tshe dang ldan pa 'char kas dge slong gsar bu gsar bu dag la/ tshe dang ldan pa dag tshur sheg /ljongs rgyur 'dong dang der bdag cag gis rgol ba dag kyang tshar gcad par bya/ rang gi grags pa yang bsgrag par bya/ rnyed pa yang bsgrub par bya zhing khyed cag kyang lhung bzed dang chos gos dang / dra ba dang / phor bu dang / ska rags dang / lung dbog pa dang / bklag pa dang / kha ton dang rnal 'byor dang / yid la bya bas brel ba med par bya'o/ /khyed cag na ba dag gi nad g.yog kyang bya'o zhes spro bar byas pa dang / de gang gi tshe na dge slong rnams kyis 'di gnas ngan len kun tu spyod pa yin no zhes bya bar shes par gyur pa de'i tshe na 'ga' yang de dang lhan cig ljongs rgyur 'gro bar spro bar med nas </font><hr>Ja58b<br><font size=+1>


de gcig pu ljongs rgyur song ba na/ ri brags kyi gtsug lag khang zhig tu phyin to/ /gtsug lag khang de chom rkun pas 'jigs pa dang bcas pa yin no/ 'char kas gtsug lag khang der zhugs pa na dge slong rnams kyis 'di gnas ngan len kun tu spyod pa yin no zhes bya ba de shes nas dge slong 'gas kyang de mkhos su ma phab pa dang / des bsams pa/ lhung bzed nag po can 'di dag mi dga' bar bya'o snyam nas des sgo phye ste sgo khang du 'dug pa dang / dge skos kyis smras pa/ btsun pa 'char ka kho bo sgo gcod par byed kyi/ khyod phyogs 'dir 'dug cig /'char kas smras pa/ khyod rang gi gnas khang gi sgo legs par chod la 'dug cig ces des sgo gcod du ma ster to/ /dge slong de dag 'jigs pa dang bcas par gtsug lag khang gi sgom bcad pas mtshan thog thag tron byed byed nas mtshan mo'i nam nangs par gyur pa'i skabs de dge slong rnams kyis/ bcom ldan 'das la gsol pa dang / bcom ldan 'das kyis bka' stsal pa/ dge slong gis ji tsam cung zad dge slong la mtho 'tsham par byed na thams cad du ltung byed du 'gyur ro/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na tshe dang ldan pa 'char kas dge slong gsar bu gsar bu dag la tshe dang ldan pa dag tshur sheg/ ljongs rgyur 'dong dang der bdag cag gis rgol ba dag kyang tshar gcad par bya/ rang gi grags pa yang </font><hr>Ja59a<br><font size=+1>


@#/ /bsgrag par bya/ rnyed pa yang bsgrub par bya zhing / khyed cag kyang lhung bzed dang chos gos dang / dra ba dang / phor bu dang / ska rags dang / lung dbog pa dang / bklag pa dang / kha ton dang / rnal 'byor dang / yid la bya bas brel ba med par bya'o/ /khyed cag na ba dag gi nad g.yog kyang bya'o zhes spro bar byas pa dang / de gang gi tshe na dge slong rnams kyis 'di gnas ngan len kun tu spyod pa yin no zhes bya bar shes par gyur pa de tshe na 'ga' yang de dang lhan cig ljongs rgyur 'gro bar spro ba med nas/ de gcig pu ljongs rgyur song ba na ri brags kyi gtsug lag khang zhig tu phyin to/ /gtsug lag khang de ni 'jigs pa med pa yin no/ /'char ka gtsug lag khang der zhugs pa na/ dge slong rnams kyis 'di gnas ngan len kun tu spyod pa yin no zhes bya bar de shes nas dge slong 'gas kyang de mkhos su ma phab pa dang / des bsams pa/ lhung bzed nag po can 'di dag mi dga' bar bya'o snyam zhing gtsug lag khang de yang 'jigs pa med pa yin pas de na dge slong dag phyi rol tu bshang ba dang / gci ba byed du 'dong nas 'char kas sgo bcad de sgo khang du mal bshams nas nyal lo/ /dge slong dag mtshan mo bshang ba dang / gci ba dag byed du 'dong 'dod nas smras pa/ tshe dang ldan pa 'char ka kho bo cag phyi rol tu 'dong gis khyod phyogs 'dir nyol cig /'char kas smras pa/ khyed cag rang gi gnas khang gi glo phug la phyi rol tu deng zhig/ dge </font><hr>Ja59b<br><font size=+1>


slong de dag bshang ba dang gci ba bdo bas kha cig gis ni khyams su bshang ba dang gci ba byas/ kha cig gis ni rdzing drung du bshang ba dang gci ba byas so/ /de nas mtshan mo'i nam nangs pa na bram ze dang khyim bdag dad pa can dag gtsug lag khang du lhags pa dang / 'char kas de dag la smras pa/ shes ldan dag ji ltar lhung bzed nag po can gnas ngan len kun tu spyod pa 'di dag gis gtsug lag khang thams cad bshang ba dang / gci bas ma rung bar byas pa la ltos zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa| dge slong gis ji tsam cung zad dge slong la mtho 'tsham par byed na thams cad du ltung byed du 'gyur ro/ /dge slong dag gzhan yang drug po 'di dag ni bsgo bar mi bya ste/ drug gang zhe na/ sgo khang them skas kyi gzhi dang khyams dang dpong sa'i khang pa dang me khang dang bkad sa'o/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /phyis gnon gyi ltung byed de bcu bdun pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na tshe dang ldan pa nye dgas dge slong gsar bu gsar bu dag la tshe dang ldan pa dag tshur sheg /ljongs rgyur 'dong dang / der bdag cag gis rgol ba dag kyang tshar gcad par bya/ rang gi grags pa yang bsgrag par bya/ rnyed pa </font><hr>Ja60a<br><font size=+1>


@#/ /yang bsgrub par bya zhing / khyed cag kyang lhung bzed dang / chos gos dang / dra ba dang / phor bu dang / ska rags dang / lung dbog pa dang / bklag pa dang / kha ton dang / rnal 'byor dang / yid la bya bas brel ba med par bya'o/ /khyed cag na ba dag gi nad g.yog kyang bya'o/ /zhes spro bar byas pa dang / de gang gi tshe na dge slong rnams 'di gnas ngan len kun tu spyod pa yin no zhes bya bar shes par gyur pa de'i tshe na 'ga' yang de dang lhan cig ljongs rgyur 'gro bar spro ba med do/ /bsod snyoms pa zhig gis smras pa/ btsun pa nye dga' kho bo cag khyod dang lhan cig ljongs rgyur 'gro'o/ /dge slong rnams kyis bsod snyoms pa de la smras pa/ bsod snyoms pa/ de ni gnas ngan len kun tu spyod pa yin pas khyod la mtho mtsham par 'gyur/ bsod snyoms pas smras pa/ kho bo ni lo 'das pa yin pas kho bo de la gnas bca' ba dang / lung mnod pa dang / bklag pa dang / kha ton dang / rnal 'byor dang / yid la bya ba'i rag lus pa cung zad kyang med pas/ des kho bo la ci byar yod ces des dge slong de dag gi tshig tshig ma yin par byas te de dang lhan cig ljongs rgyur song ngo / /nye dgas gang gi tshe phyi rol gyi mtshams 'das pa de'i tshe na smras pa| bsod snyoms pa gtur bu 'di re zhig khyer cig /btsun pa nye dga' ci khyod kyis/ sangs rgyas dang / chos dang / dge 'dun ma mthong ngam/ yo byad don med pa 'dis ci bya/ nye dgas smras </font><hr>Ja60b<br><font size=+1>


pa| bsod snyoms pa khyod re zhig mi khyer ba ni yus na/ ci khyod kho bo bas kyang mkhas pa yin snyam mam/ ci na khyod kho bo la de skad zer/ bsod snyoms pas smras pa/ mkhas pa ma yin yang rigs pa tsam smra'o/ /nye dgas bsams pa/ bsod snyoms pa 'di mi dga' bar bya'o snyam nas de gnyis mthar gyis ljongs rgyu zhing 'gro ba na/ de gnyis ri brags shig tu phyin nas/ de gnyis der khron pa zhig gi drung du ngal so bar byed pa na de na ri brags kyi gtsug lag khang zhig yod pa der gaN+DI brdungs pa dang / bsod snyoms pa des thos nas smras pa/ btsun pa nye dga' gtsug lag khang du gaN+DI brdungs kyi/ 'dong ngo / /nye dgas smras pa/ bsod snyoms pa lhung bzed nag po can las med pa dag gis las kyi gaN+DI brdungs shing bdag cag ngal ba dag gis las bya dgos par 'gyur ba de lta bu'i gnas yod par 'gyur ro/ /btsun pa nye dga' rnyed pa'i gaN+DI ma yin nam/ bsod snyoms pa de yin na bdag cag mtshams su phyin na 'thob bo/ /btsun pa nye dga' ni grags pa bsod nams che ba yin pas 'thob kyi/ kho bos sus byin par 'gyur/ bsod snyoms pa song la gal te rnyed pa yod na kho bo'i yang nos shig /de song ba dang ji tsam na der gnas mal gyi gaN+DI brdungs nas dge slong rnams kyis smras pa/ bsod snyoms pa gnas mal nos shig /des smras pas/ kho bo las ches rgan pa yang yod do/ /su yin/ btsun pa nye dga'o/ /de'i yang nos shig /des gnas mal mnos </font><hr>Ja61a<br><font size=+1>


@#/ /so| |tshe dang ldan pa nye dga' yang de na 'du 'dzi'i gtam gyis 'dug ste/ ri brags 'di su'i/ gtsug lag khang 'di su'i/ lha khang 'di su'i/ skyed mos tshal 'di su'i/ kun dga' ra ba 'di su'i/ khron pa 'di su'i/ zhing 'di su'i/ ba lang 'di dag su'i/ ma he 'di dag su'i zhes 'du 'dzi'i gtam gyis 'dug go/ bsod snyoms pas kyang bsams pa| btsun pa nye dga' yun ring du thogs par 'gyur ro snyam nas/ des khang thog tu de'i mal bshams nas rkang pa'i chu dang / rkang pa bsku ba mtha' gcig tu bzhag ste/ gtsug lag khang gi phyi rol du rkang pa gnyis bkrus nas 'og khang du mal bshams par zhugs te nyal lo/ /tshe dang ldan pa nye dga' yang ji srid du de'i 'du 'dzi'i gtam gyi zla yod pa de srid du 'dug 'dug nas gang gi tshe de'i 'du 'dzi'i gtam gyi zla med pa de'i tshe na mig lam chad pa'i dus kyi tshe gtsug lag khang du 'ongs te/ bsod snyoms pa bsod snyoms pa zhes bod par brtsams pa dang / dge slong rnams kyis de la smras pa/ tshe dang ldan pa nye dga' 'dam bu thibs po'i gseb tu zhugs pa bzhin du ci 'bod/ nye dgas smras pa/ 'di na kho bo'i grogs po bsod snyoms pa zhig 'dug na/ de na bar ma gyur tam/ bsod snyoms pas de thos nas smras pa/ btsun pa nye dga' ma 'bod cig /kho bos khyod kyi mal khang thog tu bshams te/ rkang pa'i chu dang rkang pa bsku ba yang mtha' </font><hr>Ja61b<br><font size=+1>


gcig tu bzhag gi/ der song la nyol cig /nye dgas smras pa/ bsod snyoms pa 'tham pa cung zhig yod kyi/ je sgo phye zhig/ btsun pa nye dga' kho bo chad kyi/ sang 'tham mo/ /bsod snyoms pa kho bo khyod dang ji srid mtshan thog thag zad par 'gyur ba de srid du 'tham par bya'o/ /btsun pa nye dga' kho bo chad kyi/ khyod la sgo mi dbye'o/ /nye dga' khang thog tu 'dzegs nas rkang pa gnyis bkrus te gnas khang du zhugs nas bsod snyoms pa zhes bos pa dang / bsod snyoms pas/ btsun pa nye dga' ci zer zhes byas so/ /nye dga' sgra la mkhas pas des bsod snyoms pa'i dpral ba'i thad kar khri rkang gtad de ci nas kyang khri rkang gis khang thog brtol nas bsod snyoms pa de'i dpral bar 'bab par 'gyur ba de ltar shugs drag pos mnan pa dang / des bsod snyoms pa de'i dpral bar phog ste dpral ba gzhom mo/ /bsod snyoms pas smras pa/ btsun pa nye dga' kho bo snad do/ /kho bo snad do/ /kwa'i bsod snyoms pa ci zer/ bsod snyoms pas bsams pa/ gal te skad phyung na 'dis rgan rims kyis bdag gi khri yang phrogs par 'gyur ro snyam nas de cang mi smra bar 'dug go /de nang par sngar langs te smras pa/ btsun pa nye dga' phyag 'tshal lo/ /kho bo 'gro'o/ /bsod snyoms pa gar 'gro/ mnyan yod du'o/ /bsod snyoms pa sdod cig dang / kho bos khyod na ba'i nad g.yog bya'o/ /btsun pa nye dga' khyod kyis kho bo mi na ba yang na bar byas pas na ba'i nad g.yog byas re skan </font><hr>Ja62a<br><font size=+1>


@#/ /zhes de mnyan yod du song ba dang / dge slong rnams kyis de la smras pa/ tshe dang ldan pa bsod snyoms pa 'ongs pa legs so/ /'ongs pa legs so/ /ji ltar bde bar brgyus sam/ tshe dang ldan pa dag ji ltar bde bar brgyus/ btsun pa nye dgas bdag cag gi dpral ba bcom mo/ /ji ltar bcom/ des skabs de dge slong rnams la rgyas par brjod do/ /dge slong don nyung du dag ci'i phyir dge slong dag dge 'dun gyi gtsug lag khang gi steng gi nam mkha' la thog bor bar khri'am khri'u rtsa ba 'byung ba la shes bzhin du ljid kyis phab ste 'dug pa dang nyal bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa nye dga' la rmas pa/ nye dga' khyod dge 'dun gyi gtsug lag khang gi steng gi nam mkha' la thog bor bar khri'am khri'u rtsa ba byung ba la shes bzhin du ljid kyis phab ste 'dug pa dang nyal bar byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma </font><hr>Ja62b<br><font size=+1>


yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas/ 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge 'dun gyi gtsug lag khang gi steng gi nam mkha' la thog bor bar khri'am khri'u rtsa ba 'byung ba la shes bzhin du ljid kyis phab ste 'dug gam nyal na ltung byed do/ /yang dge slong gang zhes bya ba ni shAkya'i bu nye dga' ma gzhan yang de lta bu gang yin pa'o/ /dge 'dun gyi zhes bya ba ni/ de bzhin gshegs pa'i nyan thos kyi dge 'dun gyi'o/ /gtsug lag khang gi zhes bya ba ni gang du spyod lam bzhi po 'gro ba dang / 'greng ba dang / 'dug pa dang / nyal ba dag byar rung bar ro/ /steng gi nam mkha' la zhes bya ba ni khang steng gi nam mkha' la'o/ /thog bor bar zhes bya ba ni rtswa'i thog gam lo ma'i thog bor bar ro/ /khri zhes bya ba ni khri nyid do/ /khri'u zhes bya ba yang khri'u nyid do/ /rtsa ba 'byung ba la zhes bya ba ni rkang pa 'byung ba la'o/ /shes bzhin du zhes bya ba ni de rang nyid kyis rig par gyur pa'am/ gzhan </font><hr>Ja63a<br><font size=+1>


@#/ /dag gis brjod pas so/ /ljid kyis phab ste zhes bya ba ni mthus mnan te'o/ /'dug gam zhes bya ba ni rkub tshos 'jog par byed pa'o/ /nyal na zhes bya ba ni lus bsnyal na'o/ /ltung byed do zhes bya ba ni sems can dmyal ba dang dud 'gro dang yi dwags ngan song dang ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung ba ji ltar 'gyur zhe na/ dge slong gis ji tsam cung zad dge 'dun gyi gtsug lag khang gi steng gi nam mkha' la thog bor bar khri'am khri'u rtsa ba 'byung ba la shes bzhin du ljid kyis phab ste 'dug gam nyal na thams cad du ltung byed du 'gyur ro/ /spang leb kyis g.yogs pa dang / spang leb chung dus g.yogs pa dang / shing leb kyis g.yogs pa dang / shing leb 'bur can gyis g.yogs pa dang / byin gyis gzhol ba la ni ltung ba med do/ /rkang rten bcug pa dang / bkan pa byas pa la yang ltung ba med do/ /las dang po ba dang / smyos pa dang sems 'khrugs pa dang / tshor ba dag gis nyen pa la ltung ba med do/ /rtsa ba 'byung ba la 'dug pa'i ltung byed de bco brgyad pa rdzogs so// //sangs rgyas bcom </font><hr>Ja63b<br><font size=+1>


ldan 'das ko'u sham+b+hi na gdangs can gyi kun dga' ra ba na bzhugs so/ /de'i tshe na tshe dang ldan pa 'dun pa shes bzhin du srog chags dang bcas pa'i chus rtswa dang lci ba dang sa la 'debs par byed/ 'debs su 'jug par byed nas/ dge slong rnams kyis de la smras pa/ tshe dang ldan pa 'dun pa khyod shes bzhin du srog chags dang bcas pa'i chus rtswa dang lci ba dang sa la ma 'debs shig / 'debs su ma 'jug cig /'dun pas smras pa/ kho bo la 'ga' zhig gis bgrangs te gtad dam ci/ shar gyi rgya mtsho chen por 'dong na ci nyes/ lho dang nub dang byang gi rgya mtsho chen por 'dong na ci nyes/ 'bab chu dang / mtsho dang / lteng ka dag tu 'dong na ci nyes/ dge slong don nyung du dag ci'i phyir dge slong dag shes bzhin du srog chags dang bcas pa'i chus rtswa dang lci ba dang sa la 'debs pa dang / 'debs su 'jug par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin no/ /sangs rgyas bcom ldan 'das kyis tshe dang ldan pa 'dun pa la rmas pa/ 'dun pa khyed shes bzhin du srog chags dang </font><hr>Ja64a<br><font size=+1>


@#/ /bcas pa'i chus rtswa dang lci ba dang sa la 'debs pa dang / 'debs su 'jug par byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang shes bzhin du srog chags dang bcas pa'i chus rtswa'am lci ba'am/ sa la 'debs sam sa la 'debs su 'jug na ltung byed do/ /yang dge slong gang zhes bya ba ni 'dun pa'am gzhan yang de lta bu gang yin pa'o/ /shes bzhin du zhes bya ba ni de rang nyid kyis rig par gyur pa'am gzhan dag gis brjod pas so/ /srog chags dang bcas pa zhes bya ba la srog chags dang bcas pa ni gnyis te| gang dag mig gis mthong bar 'gyur ba dang / gang dag chu tshags kyis zin par 'gyur ba'o/ /chus zhes bya ba ni chu nyid kyis so/ /rtswa zhes bya ba ni rtswa nyid do/ /lci ba zhes bya ba yang </font><hr>Ja64b<br><font size=+1>


lci ba nyid do/ /sa zhes bya ba yang sa nyid la'o/ /'debs sam zhes bya ba ni rang gis so/ /'debs su 'jug na zhes bya ba ni gzhan no/ /ltung byed do zhes bya ba ni sems can dmyal ba dang dud 'gro dang yi dwags ngan song dang / ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing / so sor ma bshags na dge ba'i chos rnams la sgrib par byed pa ste des na ltung byed do zhes gsungs so/ /de la ltung ba ji ltar 'gyur zhe na/ dge slong gis srog chags dang bcas pa'i chu la srog chags dang bcas par 'du shes pas rtswa'am lci ba'am sa la 'debs sam/ 'debs su 'jug na ltung byed du 'gyur ro/ /dge slong gis srog chags dang bcas pa'i chu la yid gnyis za bas rtswa'am lci ba'am sa la 'debs sam/ 'debs su 'jug na ltung byed du 'gyur ro/ /dge slong gis srog chags med pa'i chu la srog chags dang bcas par 'du shes pas rtswa'am lci ba'am sa la 'debs sam/ 'debs su 'jug na nyes byas su 'gyur ro/ / dge slong gis srog chags med pa'i chu la yid gnyis za bas rtswa'am lci ba'am sa la 'debs sam/ 'debs su 'jug na nyes byas su 'gyur ro/ /dge slong gis srog chags dang bcas pa'i yur po che 'debs par byed na/ srog chags ji snyed dus byed pa de snyed kyi ltung byed du 'gyur ro/ /srog chags ji snyed dus mi byed pa de snyed kyi nyes byas su 'gyur ro/ /dge slong gis srog chags dang bcas </font><hr>Ja65a<br><font size=+1>


@#/ /pa'i yur po che gcod par byed na/ srog chags ji snyed dus byed pa de snyed kyi ltung byed du 'gyur ro/ /srog chags ji snyed dus mi byed pa de snyed kyi nyes byas su 'gyur ro/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /srog chags dang bcas pa la spyod pa'i ltung byed de bcu dgu pa rdzogs so// // sangs rgyas bcom ldan 'das ko'u sham+b+hi na gdangs can gyi kun dga' ra ba na bzhugs so/ /drug sde dag gzhan gyis byed du bcug pa'i gtsug lag khang dag na gnas shing de dag de na gnas pa na dga' bo nye dga' ltos shig /gtsug lag khang ni gyong grugs su gyur pa yin no/ /'di ni gas pa yin no/ /'di ni mtshams nyams pa yin no/ /'di ni ngos nyams pa yin no| |'di ni ma mo'i khyim 'dra ba yin no zhes 'phya bar byed pa dang / dge slong rnams kyis de dag la smras pa/ tshe dang ldan pa dag khyed cag re zhig gzhan gyis byed du bcug pa'i gtsug lag khang dag na gnas shing / khyed cag gis rdo yang sgreng bar mi nus la 'on kyang 'phya bar byed do/ /de skad ces smras pa dang / de dag nga rgyal gyis khengs par gyur nas/ phan tshun smras par brtsams pa/ dga' bo nye dga' lhung bzed nag po can 'di dag gis bdag cag la khyed cag re zhig gzhan gyis byed du bcug pa'i gtsug lag khang dag na gnas shing khyed cag gis rdo yang </font><hr>Ja65b<br><font size=+1>


sgreng bar mi nus la 'on kyang 'phya bar byed do zhes ha cang zil gyis mnan gyi/ tshur sheg bdag cag gis sngon lhung bzed nag po can gang gis kyang byed du ma bcug pa'i gtsug lag khang ci 'dra ba'i gtsug lag khang byed du gzhug go /gal te bdag cag thams cad lag gi bla la brtson par gyur na/ lhung bzed nag po can dag rtag pa kho nar bdag cag la skabs tshol bas/ de dag gis drug sde dag thams cad lag gi bla la zhugs so zhes skabs rnyed par 'gyur la/ bdag cag gi slong mo'i khyim gang dag yin pa de dag tu yang brel ba dag gi skyon brjod nas rjes su 'jug par byed par 'gyur gyi/ bdag cag gis bdag cag gi nang na mkhas pa spyod pa gsal ba/ khab gzhug par gtun bu 'jug nus pa gang yin pa de'i gan du bdag cag dong la spro ba skyed par bya gor ma chag na/ de'i phyir bdag cag gi nang na mkhas pa spyod pa gsal ba/ khab gzhug par gtun bu 'jud par nus pa gang yin pa bdag cag gi nang na/ tshe dang ldan pa 'dun pa mkhas pa spyod pa gsal ba/ khab gzhug par gtun bu 'jud nus pa yin gyi/ bdag cag de'i gan du song la spro ba bskyed par bya'o zhes de dag 'dun pa'i gan du dong ste smras pa/ tshe dang ldan pa 'dun pa lhung bzed nag po can 'di dag gis/ bdag cag la re zhig gzhan gyis byed du bcug pa'i gtsug lag khang dag na gnas shing / khyed cag gis rdo yang sgreng bar mi nus la 'on kyang 'phya bar byed do zhes ha cang zil gyis mnan nas/ </font><hr>Ja66a<br><font size=+1>


@#/ /kho bo cag 'di snyam du sems te/ lhung bzed nag po can 'di dag gis bdag cag la/ khyed cag re zhig gzhan gyis byed du bcug pa'i gtsug lag khang dag na gnas shing khyed cag gis rdo yang sgreng bar mi nus la/ 'on kyang 'phya bar byed do zhes ha cang zil gyis mnan gyi/ tshur sheg bdag cag gis sngon lhung bzed nag po can gang dag gis kyang byed du ma bcug pa'i gtsug lag khang ci 'dra ba de 'dra ba'i gtsug lag khang byed du gzhug go/ gal te bdag cag thams cad lag gi bla la brtson par gyur na/ lhung bzed nag po can dag rtag pa kho nar bdag cag la skabs tshol bas/ de dag gis drug sde dag thams cad lag gi bla la zhugs so zhes skabs rnyed par yang 'gyur la/ bdag cag gi slong mo'i khyim gang dag yin pa de dag tu yang brel ba dag gi skyon brjod nas rjes su 'jug par byed par 'gyur gyi/ bdag cag gi nang na mkhas pa spyod pa gsal ba/ khab gzhug par gtun bu 'jud nus pa gang yin pa de'i gan du bdag cag dong la/ spro ba bskyed par bya gor ma chag na/ de'i phyir bdag cag gi nang na mkhas pa spyod pa gsal ba/ khab gzhug par gtun bu 'jud nus pa gang yin pa bdag cag gi nang na tshe dang ldan pa 'dun pa mkhas pa spyod pa gsal ba/ khab gzhug par gtun bu 'jud nus pa yin gyi/ bdag cag de'i gan du dong la spro ba bskyed par bya'o snyam nas bdag </font><hr>Ja66b<br><font size=+1>


cag gis tshe dang ldan pa gtsug lag khang gi phyir spro bar bya zhing khyod la gsol ba 'debs kyis/ lhung bzed nag po can dag yan lag 'dis zil gyis non par gyis shig /'dun pas smras pa/ thabs yin gyi/ de ltar bya'o/ /de dag yid dga' nas dong ngo / /tshe dang ldan pa 'dun pa yang gtsug lag khang gi phyi rol tu rkang pa gnyis bkrus nas gtsug lag khang du zhugs te/ 'dug nas thabs ci yod na des dge 'dun gyi gtsug lag khang 'grub par 'gyur snyam du sems pa la zhugs so/ /des su zhig su la mngon par dad snyam du rnam par dpyad par brtsams pa dang / de 'di snyam du sems te/ re zhig 'jig rten lha dang bcas pa ni/ bcom ldan 'das la mngon par dad pa yin/ khyim che ge mo zhig ni/ tshe dang ldan pa kun shes ko'u di n+ya la/ khyim che ge mo zhig ni tshe dang ldan pa 'od srung chen po la/ khyim che ge mo zhig ni tshe dang ldan pa shA ri'i bu la/ khyim che ge mo zhig ni tshe dang ldan pa mo'u dag la gyi bu chen po la/ khyim che ge mo zhig ni tshe dang ldan pa ma 'gags pa la/ khyim che ge mo zhig ni tshe dang ldan pa rta thul la/ khyim che ge mo zhig ni tshe dang ldan pa bzang ldan la/ khyim che ge mo zhig ni tshe dang ldan pa rlangs pa la/ khyim che ge mo zhig ni tshe dang ldan pa ming chen la/ khyim che ge mo zhig na tshe dang ldan pa gang po la/ khyim che ge mo zhig ni tshe dang ldan pa dri ma med pa la/ khyim che ge mo zhig ni tshe dang ldan pa ba lang bdag la/ khyim che ge mo zhig ni </font><hr>Ja67a<br><font size=+1>


@#/ /tshe dang ldan pa kun dga' bo la/ khyim che ge mo zhig ni bcom ldan 'das kyi gcung sru'i sras tshe dang ldan pa mdzes dga' la/ khyim che ge mo zhig ni bcom ldan 'das kyi sras tshe dang ldan pa sgra gcan zin la/ khyim che ge mo zhig ni tshe dang ldan pa gyad bu nor la/ khyim che ge mo zhig ni tshe dang ldan pa dga' bo la/ khyim che ge mo zhig ni tshe dang ldan pa nye dga' la khyim che ge mo zhig ni tshe dang ldan pa 'gro mgyogs la/ khyim che ge mo zhig ni tshe dang ldan pa 'char ka la/ khyim che ge mo zhig ni tshe dang ldan pa nabs so la mngon par dad pa yin pas/ de'i phyir de dag sbyor du gzhug tu ni mi nus kyis/ 'di ltar ko'u sham+b+hi na bram ze phyug pa nor mang ba longs spyod che ba yongs su gzung ba yangs shing rgya che ba zhig 'dug na de ni ser sna can mig phra ba/ bya rog la yang gtor ma mi ster ba/ yo byad kun 'dzin pa yin la/ de la dbyig dang gser mang po bdog pas gal te de rjes su 'jug par byed nus na/ dge 'dun gyi gtsug lag khang 'grub par 'gyur ro snyam nas/ de de ltar sems pa la zhugs pas/ tshegs chen pos nam nangs par byas nas snga dro shams thabs bgos/ lhung bzed dang chos gos thogs te/ ko'u sham+b+hir bsod snyoms la zhugs so/ /khyim gnyis sam gsum du bsod snyoms brgyus nas phye nyung shas shig khyer te bram ze de'i khyim du 'jug par brtsams pa dang / sgo bas 'phags </font><hr>Ja67b<br><font size=+1>


pa sdod cig /ma 'jug cig ces bgags so/ /des smras pa/ bzhin bzang bcom ldan 'das kyis/ kho bo cag gi spyod yul ma yin pa ni rnam pa lnga gsungs te/ rol mo mkhan gyi gnas dang / 'jud mthun ma'i gnas dang / chang pa'i gnas dang / gdol pa'i gnas dang / rgyal po'i pho brang yin na/ ci khyim 'di rol mo mkhan gyi gnas yin nam/ 'on te 'jud mthun ma'i gnas sam/ chang pa'i gnas sam/ gdol pa'i gnas sam/ rgyal po'i pho brang yin nam ci na/ de'i phyir kho bo 'gog par byed/ sgo bas smras pa/ 'phags pa khyod mang du bkyon par gyur mod kyi/ 'di ni rol mo mkhan gyi gnas kyang ma lags/ 'jud mthun ma'i gnas dang / chang pa'i gnas dang / gdol pa'i gnas dang / rgyal po'i pho brang yang ma lags te/ 'di ltar 'di ni bram ze che ge mo zhig gi khyim lags so/ /'dun pas bsams pa/ gang du re zhig ngo phrad pa yang med pa der gzhan ci zhig yod par 'gyur snyam nas/ de de ltar sgor bgags te sems khong du chud cing 'dug pa na/ khyim bdag gcig gi bu byung bar der bcu gnyis 'dus pa'i dga' 'dun gar dang glu dang sil snyan gyis zhugs pa dang / sgo ba des de dag la te por brtag par brtsams te sgo la mi lta ba'i tshe/ tshe dang ldan pa 'dun pas 'jug pa thob ste zhugs nas/ de'i spyod lam gyis 'dod chags dang bral ba'i sa sbyong bar byed pa de bram ze des mthong nas smras pa/ </font><hr>Ja68a<br><font size=+1>


@#/ /btsun pa 'dun pa byon pa legs so/ /gdan 'di la bzhugs shig /'dun pa de na yod pas 'dug pa dang / gtam gyi skabs ma rnyed nas 'dun pas smras pa| bram ze kho bos bsod snyoms kyi phye nyung shas shig rnyed pa 'di 'tshag tu chug ste byin cig /bram zes bu mo la bsgo ba/ bu mo 'phags pa'i bsod snyoms kyi phye tshags te phul cig / bu mo des de btsag par brtsams pa dang / tshe dang ldan pa 'dun pas phye la brtag par brtsams so/ /bram zes smras pa/ 'phags pa ci rtog/ srog chags so/ /gal te mchis na ji ltar bgyi/ bza' bar mi bya'o/ /gal te gsol bar gyur na nongs pa ci mchis/ bram ze bcom ldan 'das kyis srog gcod pa kun tu bsten cing goms par byas/ lan mang du byas pas lus zhig ste/ shi ba'i 'og tu ngan song dang / ngan 'gro dang / log par ltung ba dang / sems can dmyal ba rnams su skye bar 'gyur zhing gal te 'di lta bu nyid du mi rnams dang skal ba mnyam par 'ong na yang tshe thung bar 'gyur ro zhes gsungs so zhes bya ba la sogs pa mi dge ba bcu dang / dge ba bcu'i las kyi lam dag rgyas par brjod pa dang / bram ze de mngon par dad par gyur nas rang nyid kyis bza' ba dang bca' ba gtsang zhing bsod pas snod bkang ste smras pa/ 'phags pa thugs brtse ba'i slad du 'di bzhes su gsol/ tshe dang ldan pa 'dun pas bsams pa/ </font><hr>Ja68b<br><font size=+1>


gal te blangs par gyur na 'di lta ste/ dper na shing las byas pa'i snod du bskol ba dang 'dra bar bdag gi dang po 'di nyid tha mar 'gyur ro snyam du rig nas/ smras pa/ bram ze kho bos bsod snyoms kyi phye nyung shas shig rnyed pa 'di nyid yongs su longs spyad par bya'i dad pas sbyin par bya ba blangs te dor du ga la rung / bram zes smras pa/ 'phags pa bdag cag bram ze rnams kyi kun tu spyod pa/ ni gal te ngan pa rnyed nas bzang po rnyed par gyur na/ ngan pa spangs te bzang po yongs su longs spyod par bgyid pa lags na/ de khyed cag la ci nongs/ bram ze kho bo cag ni bslab pa'i gzhi yang dag par blangs pa yin la khyed cag bram ze dag ni bslab pa'i gzhi yang dag par blangs pa ma yin pas/ khyed cag bram ze dag ni ci dga' 'jug par byed pa yin no/ /kho bo cag la ni bcom ldan 'das kyis 'phags pa'i rigs bzhi bka' stsal te/ bzhi gang zhe na/ chos gos gang yang rung bas chog shes pa 'phags pa'i rigs dang / bsod snyoms gang yang rung bas chog shes pa 'phags pa'i rigs dang / gnas mal gang yang rung bas chog shes pa 'phags pa'i rigs dang / spong ba la dga' ba dang sgom pa la dga' ba 'phags pa'i rigs so/ / bram ze de shin tu mngon par dad par gyur nas/ smras pa/ 'phags pa 'di ni khyod kyi khab lags kyi/ dus dang dus su gshegs su gsol/ bram ze khyod kyi sgo ba 'di ni gshin rje'i dbyug </font><hr>Ja69a<br><font size=+1>


@#/ /pa dang 'dra ba yin pas su yang 'jug tu mi ster gyi/ legs par bsgo ba gyis shig dang / des na kho bo la 'gog par mi byed do/ /bram zes sgo ba bkug ste legs par bsgo ba/ kwa'e nang rje khyim 'di 'phags pa 'dun pa'i yin gyi/ khyod kyis ma 'gags shig /nang mi la yang bsgo ba/ khyed cag gis 'phags pa 'dun pa la mi gus par mi bya'o/ /tshe dang ldan pa 'dun pas bsams pa/ bram ze 'di ni mngon par dad par gyur na/ 'on kyang gal te 'dir lhung bzed nag po can 'jug par gyur na des 'di ci nas kyang 'khrugs par byed par gyur pas/ thabs kyi rnam pa zhig bya'o snyam nas/ 'dun pas sgo ba de la smras pa/ kwa'e nang rje khyod kyis bram ze de ji ltar kho bo la mngon par dad par gyur pa mthong ngam/ 'phags pa mthong ngo / /des kho bo 'ba' zhig 'dir 'jug tu gnang gi/ lhung bzed nag po can gzhan su yang 'jug tu ma gzhug cig /gal te 'dir lhung bzed nag po can 'ga' zhig 'jug tu bcug na/ kho bos khyod khrims chen po 'char gzhug par bya'o/ /'phags pa shin tu bag yangs su bzhud cig /khyod nyid kyang re zhig de'u ma chud pa lags na/ lhung bzed nag po can gzhan 'jug par 'gyur ba lta smos kyang ci 'tshal/ tshe dang ldan pa 'dun pa yid bde ba skyes te song nas dus dang dus su bram ze de'i khyim du 'gro bar byed do/ /bram zes kyang de kho na </font><hr>Ja69b<br><font size=+1>


bzhin du yang dang yang du stob par byed na/ tshe dang ldan pa 'dun pas dang du len par mi byed par sbyin pa dang ldan pa'i chos bstan pa 'ba' zhig byas shing 'gro bar byed do// // 'dul ba rnam par 'byed pa/ bam po zhe drug pa/ ji tsam dus gzhan zhig na/ tshe dang ldan pa 'dun pas bram ze de la rdzas las byung ba'i bsod nams bya ba'i gzhi bdun po dag gi bsngags pa brjod cing / de dag rgya cher legs par bshad pa dang / bram zes smras pa/ 'phags pa bdag gis kyang rdzas las byung ba'i bsod nams bya ba'i gzhi 'ga' zhig bgyi'o/ /bram ze de bzhin gyis shig/ 'phags pa ci zhig bgyi/ dge 'dun gyi gtsug lag khang byed du chug cig /bram zes bsams pa/ bdag gis 'phags pa 'dun pa la rnam pa du mar bstabs na/ 'dis lan 'ga' yang dang du ma blangs te dang du blangs pa gang yin pa 'di yang dge 'dun gyi phyir ro snyam nas de ngo mtshar skyes te smras pa/ btsun pa bdag la kar sha pa ni mchis na bsod nams kyi grogs ma mchis so/ /kho bos khyod kyi grogs byas 'di ltar/ khyod kyi kho bo dge 'dun gyis lag gi blar skor chug cig /khyim bdag de gtsug lag khang du song ste rgan pa'i mtha' logs su 'dug nas/ smras pa/ 'phags pa dag /'phags pa 'dun pa 'di bdag gi gtsug lag khang bgyid du stsol bar 'tshal na/ de'i slad du 'phags pa'i dge 'dun gyis bdag la thugs brtse ba'i </font><hr>Ja70a<br><font size=+1>


@#/ /slad du 'phags pa 'dun pa bdag gi gtsug lag khang bgyid pa'i lag gi blar skor gsol/ de na dge 'dun gyi nang na tshe dang ldan pa shA ri'i bu dge 'dun gyi gnas brtan byed pa des bsams pa/ drug sde dag las su ma bskos na yang dge slong dag la mtho 'tsham par byed na gal te lag gi blar bskos par gyur na rgya cher dge slong rnams la mtho 'tsham par 'gyur ro snyam nas/ tshe dang ldan pa shA ri'i bus 'dun pa la smras pa/ tshe dang ldan pa 'dun pa gang gi tshe kho bos rgyal byed kyi tshal brtsig tu bcug pa de'i tshe na yang kho bo sus kyang lag gi blar ma bskos so/ /gang gi tshe tshe dang ldan pa skul byed chen pos gdangs can gyi kun dga' ra ba brtsig tu bcug pa de'i tshe na yang de sus kyang lag gi blar ma bskos so| |khyod kyang gal te gtsug lag khang byed du 'jud par 'dod na ma bskos pa nyid du byed du chug cig /tshe dang ldan pa 'dun pas bsams pa/ lhung bzed nag po can dag bdag cag mthong bar yang mi dga' na lag gi blar bskor ster bar lta ga la 'gyur snyam nas/ de bram ze de'i gan du song ste/ kar sha pa na dag blangs nas so phag mkhan dag gi gan du song ste smras pa| bzhin bzang dag khyed kyis nyi ma gcig kho nas gtsug lag khang sum rtseg gi so phag sbyin par nus sam/ de dag gis smras pa/ 'phags pa kar sha pa na dag stsol cig dang / </font><hr>Ja70b<br><font size=+1>


log ste dbul bar bgyi'o/ /des de dag la kar sha pa na dag byin no/ /'dun pa phya mkhan dag gi gan du song ste smras pa/ bzhin bzang dag khyed kyis nyi ma gcig kho nas gtsug lag khang sum rtseg zin par nus sam/ 'phags pa kar sha pa na dag stsol cig dang / log ste legs par bgyi'o/ /des de dag la kar sha pa na dag byin no/ /'dun pa shing mkhan dag gi gan du song ste smras pa/ bzhin bzang dag khyed kyis nyi ma gcig kho nas gtsug lag khang sum rtseg gi shing dag 'jog nus sam/ 'phags pa kar sha pa na dag stsol cig dang / log ste gzhog par bgyi'o/ /des de dag la kar sha pa na dag byin no/ /'dun pa zhal zhal mkhan dag gi gan du song ste smras pa/ bzhin bzang dag khyod kyis nyi ma gcig kho nas gtsug lag khang sum rtseg zhal zhal skud nus sam/ 'phags pa kar sha pa na dag stsol cig dang / log ste bsku bar bgyi'o/ /des de dag la kar sha pa na dag byin no/ /'dun pa ri mo mkhan dag gi gan du song ste smras pa/ bzhin bzang dag khyed kyis nyi ma gcig kho nas gtsug lag khang sum rtseg ri mo bri bar nus sam/ 'phags pa kar sha pa dag stsol cig dang / log ste bri bar bgyi'o/ /des de dag la kar sha pa na dag byin no/ /'dun pa gla mi'i srang dag tu song ste/ gla mi mang po bkug nas gtsug lag khang du 'ongs te/ des nyi ma gcig kho nas gtsug lag khang sum rtseg zin par byas so/ /des de la </font><hr>Ja71a<br><font size=+1>


@#/ /sgo'i sbubs kyi gnas dang / gtan pa'i gnas dang / skar khung dang / chu khung gi gnas dag kyang ma bzhag par de bzhin kho nar sbyang 'dra bar brtsigs so/ /de bram ze de'i gan du song ste smras pa/ bram ze khyod kyi gtsug lag khang zin gyi/ tshur shog /dge 'dun la phul cig/ bram zes smras pa/ 'phags pa deng bdag gis zhal zas sta gon ma bgyis kyi/ sang bdag gis zhal zas sta gon bgyis te mchi'o/ /bcom ldan 'das kyis dgongs pa/ gtsug lag khang 'di deng nyid du rding par 'gyur te gal te yongs su ma spyad pa kho nar rdib par gyur na khyim bdag 'di khrag tsha ba skyugs te dus byed par 'gyur ba gang yin pa de lta bu'i gnas yod par 'gyur ro snyam du dgongs nas/ de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo song la/ dge slong rnams la 'di skad ces ngas dge slong dag khyed dge ba mi spyoms pa dang / sdig pa bshags par gyis shig ces bstan mod kyi 'on kyang khyed cag las gang gis gnas pa/ gang gis snyoms par 'jug pa thob pa des gnas pa de'i snyoms par 'jug pas bram ze de'i gtsug lag khang du mtshan mo'i thun dang po 'da' bar gyis shig ces bsgo zhig /tshe dang ldan pa kun dga' bos/ btsun pa bka' bzhin 'tshal zhes bcom ldan 'das las mnyan nas dge slong rnams la smras pa/ tshe dang ldan pa dag bcom ldan 'das kyis </font><hr>Ja71b<br><font size=+1>


bka' stsal pa/ ngas dge slong dag khyed dge ba mi spyoms pa dang / sdig pa bshags par gyis shig ces bstan mod kyi/ 'on kyang khyed cag las gang gis gnas pa gang gis snyoms par 'jug pa thob pa des gnas pa'i snyoms par 'jug pa des bram ze 'di'i gtsug lag khang du mtshan mo'i thun dang po 'da' bar gyis shig ces byung ngo / /dge slong de dag gis tshe dang ldan pa kun dga' bo bka' bzhin 'tshal zhes/ tshe dang ldan pa kun dga' bo las mnyan nas gang gis gnas pa gang gis snyoms par 'jug pa thob pa des gnas pa'i snyoms par 'jug pa des bram ze de'i gtsug lag khang du mtshan mo'i thun dang po 'da' bar byas so/ /de nas bcom ldan 'das mtshan mo'i gung thun la der gshegs nas/ bcom ldan 'das kyis 'jig rten pa'i thugs bskyed pa mdzad do/ /sangs rgyas bcom ldan 'das rnams kyi chos nyid ni gal te 'jig rten pa'i thugs bskyed par mdzad na ni tha na srog chags grog sbur gyis kyang bcom ldan 'das kyi thugs sems kyis shes la/ ji ste 'jig rten las 'das pa'i thugs bskyed par mdzad na ni/ rang sangs rgyas rnams kyis kyang bcom ldan 'das kyis thugs sems kyis mi shes na| nyan thos la sogs pas lta smos kyang ci dgos/ de nas tshangs pa dang brgya byin la sogs pa lha rnams 'di snyam du sems te/ ci'i slad du bcom ldan 'das kyi 'jig rten pa'i thugs bskyad \ BSKYED?\ </font><hr>Ja72a<br><font size=+1>


@#/ /pa mdzad snyam pa dang / bcom ldan 'das bram ze de'i gtsug lag khang du mtshan mo'i gung thun la lha rnams la chos ston par bzhed par mthong ngo / /de nas brgya byin dang / tshangs pa la sogs pa lha rnams kyis/ bcom ldan 'das kyi thugs sems kyis shes nas/ 'di lta ste dper na/ skyes bu'i lag pa bskum pa las rkyong bar byed pa'am/ brkyang ba las skum par byed pa de bzhin du tshangs pa dang brgya byin la sogs pa lha rnams lha'i 'jig rten nas mi snang bar gyur te/ bcom ldan 'das kyi spyan sngar lhags nas bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /bcom ldan 'das kyis de dag la chos bstan pa mdzad nas de dag gis bcom ldan 'das kyis bka' stsal pa la mngon par dga' ba dang rjes su yi rang ba byas te/ bcom ldan 'das kyi zhabs gnyis la mgo bos phyag 'tshal te de nyid du mi snang bar gyur to/ /bcom ldan 'das kyang der mtshan mo'i gung thun 'da' ba mdzad nas gshegs so/ /mtshan mo'i thun tha ma la sprin kha dog lnga pa 'dus nas/ des gtsug lag khang der ji tsam du dper na/ sbyang chus gang bar gyur pa bzhin du chus gang bar gyur pa de tsam gyi char phab nas/ chu des ci nas kyang gtsug lag khang de thams cad rdib par gyur de tsam du bangs \?\ par gyur to/ /drug sde dag gis/ de ltar gtsug </font><hr>Ja72b<br><font size=+1>


lag khang de thams cad rdib par gyur to zhes thos so/ /thos nas kyang de dag skrag ste bros so/ /bram ze des kyang phyi de nyin par bca' ba dang bza' ba gtsang zhing bsod pas shing rta bkang ste gtsug lag khang du 'ongs nas/ des dge slong rnams la dris nas/ 'phags pa dag bdag gi gtsug lag khang de gang lags/ de na rgan zhugs drug sde dag dang 'khon yod pa zhig 'dug pa des smras pa| bram ze khyod kyi gtsug lag khang de ni rnga mo sgyel ba bzhin du 'dug pa 'di yin gyi/ ci nas kyang sgo skyes kyis dpral ba mi bcom pa de ltar bag gyis la 'dir zhugs shig /bram ze des smras pa/ bdag gis gtsug lag khang la nor gyi phung po 'di snyed cig yongs su btang na gtsug lag khang de yang yongs su ma spyad pa kho nar rdib bo zhes rig nas brgyal te sa la 'gyel to/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la/ bram ze de la 'di skad ces lha dang mi mang po dag gis de bzhin gshegs pa la bsngos te gtsug lag khang dag byed du bcug pa de dag ni/ de bzhin gshegs pas yongs su ma spyad kyi/ khyod kyi gtsug lag khang gang yin pa 'di ni/ dge slong gnas brtan gnas brtan dag gis mtshan mo'i thun dang po la yongs su spyad cing / bcom ldan 'das brgya byin dang tshangs pa la sogs pa lha rnams dang bcas pas kyang mtshan mo'i gung thun la yongs su spyad pas/ khyod kyis ni rnyed pa legs par rnyed do zhes </font><hr>Ja73a<br><font size=+1>


@#/ /gyis shig /tshe dang ldan pa kun dga' bos/ btsun pa bka' bzhin 'tshal zhes bcom ldan 'das las mnyan nas/ bram ze de ga la ba der song ste phyin nas/ bram ze de la 'di skad ces smras so/ /bram ze bcom ldan 'das kyis bka' stsal pa/ lha dang mi mang po dag gis de bzhin gshegs pa la bsngos te gtsug lag khang dag byed du bcug pa de dag ni de bzhin gshegs pas yongs su ma spyad kyi/ khyod kyi gtsug lag khang 'di ni dge slong gnas brtan gnas brtan dag gis mtshan mo'i thun dang po la yongs su spyad cing / bcom ldan 'das brgya byin dang tshangs pa la sogs pa lha rnams dang bcas pas kyang mtshan mo'i gung thun la yongs su spyad pas/ khyod kyis ni rnyed pa legs par rnyed do zhes byung ngo / /btsun pa kun dga' bo bdag gi gtsug lag khang la bcom ldan 'das kyis yongs su spyad dam/ bram ze yongs su spyad do/ /btsun pa kun dga' bo gal te bdag gi gtsug lag khang bcom ldan 'das kyis yongs su spyad na/ bdag bcom ldan 'das kyi slad du gdugs re re zhing gtsug lag khang 'di lta bu sha stag bgyid du stsol bar yang spro'o/ /bdag gi dge ba'i bshes gnyen de dag gar mchi/ drug sde dag gis bram ze de de ltar bdag cag 'dri'o zhes thos so/ /thos nas kyang myur ba myur bar lhags pa dang / bram ze des de dag la ras yug chen sar pa re re bskon </font><hr>Ja73b<br><font size=+1>


cing yo byad thams cad kyis kyang bstabs so/ /dge slong rnams kyis de dag la drug sde dag gis gtsug lag khang 'di 'dra ba byed du bcug go zhes smras pa dang / drug sde dag gis smras pa/ kho bo cag gis de ltar bram ze de'i nor de snyed chud zos par gyur du zin kyang 'on kyang des kho bo cag la ras yug chen sar pa re re bskon cing yo byad thams cad kyis kyang bstabs par gyur pa de ltar kho bo cag gis bram ze de mngon par dad par byas so/ /dge slong don nyung ngu dag ci'i phyir dge slong dag yan lag gang gis ngo tsha bar bya ba'i yan lag de nyid kyis rlom par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyi byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la rmas pa/ dge slong dag khyed kyis mi mdzes pa de lta bu de byas par gyur pa bden nam/ btsun pa mad do/ /sangs rgyas bcom ldan 'das kyis mi mdzes so zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs </font><hr>Ja74a<br><font size=+1>


@#/ /pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis gtsug lag khang chen po zhig rtsig tu 'jug na sgo'i sbubs dang / gtan pa dang / snang ba'i gnas ji tsam pa'i 'du shes kyis sa brtag pa nas bzung ste| pha gu'i rim pa 'jim pa dang bcas pa gnyis sam gsum brtsig par bya'o/ /de las lhag par rtsig na ltung byed do/ /dge slong gis zhes bya ba ni drug sde'am gzhan yang de lta bu gang yin pas so/ /gtsug lag khang zhes bya ba ni gang du spyod lam bzhi po 'gro ba dang / 'greng ba dang / 'dug pa dang / nyal ba dag byar rung ba'o/ /chen po zhes bya ba ni chen po gnyis te/ sbyin par byas pa las dang tshad las te/ don 'dir ni gnyi ga yin par dgongs so/ /brtsig tu 'jug na zhes bya ba ni bdag nyid kyis sam gzhan no/ /sgo'i sbubs dang gtan pa zhes bya ba ni/ sgo'i sbubs dang gtan pa gzhug par bya'o/ /snang ba'i gnas ji tsam pa'i 'du shes kyis zhes bya ba ni skar khung dag dang / chu khung gi gnas ji tsam gdod par bya ba'i 'du shes kyis so/ /sa brtag pa nas bzung ste pha gu'i rim pa 'jim pa dang bcas pa gnyis sam gsum zhes bya ba la pha gu'i rim pa zhes bya ba ni pha gu'i rtseg ma'o/ /'jim pa dang bcas pa zhes bya ba ni sa 'jim pa dang bcas pa'o/ /brtsig par </font><hr>Ja74b<br><font size=+1>


bya'o zhes bya ba ni gzhag par bya ba'o/ /de las lhag par brtsig na zhes bya ba ni de las lhag par 'jog na'o/ /ltung byed do zhes bya ba ni sems can dmyal ba dang dud 'gro dang yi dwags ngan song dang ngan 'gro log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste des na ltung byed do zhes gsungs so/ /de la ltung ba ji ltar 'gyur zhe na/ dge slong gis ji tsam cung zad pha gu'i rim pa gnyis sam gsum las lhag par brtsig na thams cad du ltung byed du 'gyur ro/ /rdo 'ba' zhig gam so phag gam thams cad shing las byas pa'am/ sbyin bdag na re/ byas nas blta'o zhes zer ba la ltung ba med do/ /sangs rgyas bcom ldan 'das la dge slong rnams kyis zhus pa| btsun pa tshe dang ldan pa shA ri'i bus/ tshe dang ldan pa 'dun pa lag gi blar bsko bar bgyis pa bzlog pa la gzigs/ dge slong dag da ltar du ma zad de 'di ltar 'das pa'i dus na yang 'dis de bya'i rgyal por dbang bskur bar byas pa bzlog ste de nyon cig /dge slong dag sngon byung ba 'das pa'i dus na gangs kyi ser ga na bya'i tshogs chen po 'khod pa de dag gi bya'i rgyal po dus la bab nas/ gcig la gcig gnod pa byed par brtsams pa dang / de dag gis smras pa/ shes ldan bdag cag gis bdag cag gis nang na gang bdag cag la chad pas gcod pa dang / phan 'dogs par </font><hr>Ja75a<br><font size=+1>


@#/ /nus pa 'ga' zhig bya'i rgyal por dbang bskur bar bya na/ bdag cag gis gang zhig bya'i rgyal por dbang bskur bar bya/ de na ha cang thag mi ring ba zhig na 'ug pa rgan po zhig 'dug nas/ de dag gis smras pa/ 'ug pa rgan po 'di bya'i rgyal por dbang bskur bar bya'o/ /de dang ha cang thag mi ring ba zhig na ne tso rgan po zhig 'dug nas de dag gis smras pa/ re zhig ne tso rgan po 'di la yang dri bar bya'o zhes de dag de'i gan du song ste dris pa dang / ne tso rgan po des tshigs su bcad pa smras pa/ bya rnams 'ug par dbang bskur du/ /bdag ni mos pa ma yin te/ / ma khros pa yi bzhin la ltos/ /khros na ji ltar byed par 'gyur/ /de dag gis de dbang ma bskur bar/ ne tso rgan po de nyid bya'i rgyal por dbang bskur to/ /dge slong dag de'i tshe de'i dus na/ ne tso rgan po gang yin pa de ni shA ri'i bu 'di yin no/ /de'i tshe de'i dus na 'ug pa rgan po gang yin pa de ni 'dun pa 'di nyid yin te/ de'i tshe na yang 'dis de bya'i rgyal por dbang bskur bar byas pa bzlog la/ da ltar yang 'dis de lag gi blar bsko bar byas pa bzlog go/ las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /gtsug lag khang gi ltung byed de nyi shu pa rdzogs so/ /sdom la/ ma bskos nyi ma nub pa dang / /zas dang chos gos gnyis dag dang / /don mthun gru dang dben </font><hr>Ja75b<br><font size=+1>


pa gnyis/ /dge slong ma yis sbyor bcug pa'o/ /bar sdom la/ dga' byed bstan pa'i mdo sde dang / /drug sde lam mdo byi ro dang / mdzod gsum phag 'tshong 'du shes med/ /'tsho byed rta dang smon lam mo/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong ma 'phags ma nyan thos chen po gnas brtan mo gnas brtan mo 'di lta bu 'di dag mnyan yod du dge slong ma'i dbyar khang rgyal po'i kun dga' ra bar dbyar gnas par khas blangs te/ 'di lta ste skul byed ma dang / min da dang / ma da ba dang / ba Thad tsa ra dang / 'brog gnas dang / bde ba dang / zla ba dang / go'u ta mi skem mo dang / ut+pa la'i mdog dang / dge slong ma skye dgu'i bdag mo chen po go'u ta mi dang / de dag dang gzhan yang dge slong ma 'phags ma nyan thos chen mo gnas brtan mo gnas brtan mo dag mnyan yod du dge slong ma'i dbyar khang rgyal po'i kun dga' ra bar dbyar gnas par khas blangs so// de nas skye dgu'i bdag mo chen mo go'u ta mi 'khor dge slong ma lnga brgya dang bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das skye dgu'i bdag mo chen mo go'u ga mi la chos dang ldan pa'i bka' mchid kyis yang dag par ston par mdzad/ yang dag par </font><hr>Ja76a<br><font size=+1>


@#/ /'dzin tu 'jud par mdzad/ yang dag par gzengs bstod par mdzad/ yang dag par rab tu dga' bar mdzad do/ /rnam grangs du mas chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas/ go'u ta mi khyod kyi dus yin gyi/ song zhig ces skul bar mdzad do/ /de nas skye dgu'i bdag mo chen mo go'u ta mis bcom ldan 'das kyis bka' stsal pa la mngon par dga' ba dang rjes su yi rang ba byas te/ bcom ldan 'das kyis zhabs gnyis la mgo bos phyag 'tshal nas/ bcom ldan 'das kyi spyan snga nas song ngo / /de nas bcom ldan 'das kyis/ skye dgu'i bdag mo chen mo go'u ta mi song nas ring po ma lon par thugs su chud nas/ dge slong rnams la bka' stsal pa/ dge slong dag nga ni da rgan po rgas pa dgog tu gyur pa yin pas 'khor bzhi po dge slong dang / dge slong ma dang / dge bsnyen dang / dge bsnyen ma dag la ston na ngal bar 'gyur gyi/ dge slong dag de lta bas na deng phyin chad dge slong gnas brtan gnas brtan rnams kyis res kyis dge slong ma la ston cig /de'i tshe na dge slong gnas brtan gnas brtan rnams res kyis dge slong ma rnams la ston par byed do/ /tshe dang ldan pa dga' byed ni res bab pa na dge slong ma rnams la chos ston par mi btub bo/ /de nas skye dgu'i bdag </font><hr>Ja76b<br><font size=+1>


mo chen mo go'u ta mi'i 'khor dge slong ma lnga brgya dang bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ mtha' gcig tu 'dug nas bcom ldan 'das skye dgu'i bdag mo chen mo go'u ta mi la chos dang ldan pa'i bka' mchid kyis yang dag par ston par mdzad/ yang dag par 'dzin du 'jud par mdzad/ yang dag par gzengs stod par mdzad/ yang dag par rab tu dga' bar mdzad do/ /rnam grangs du mas chos dang ldan pa'i bka' mchid kyis yang dag par bstan/ yang dag par 'dzin tu bcug /yang dag par gzengs bstod/ yang dag par rab tu dga' bar mdzad nas/ go'u ta mi khyod kyis dus yin gyi/ song zhig ces skul bar mdzad do/ /de nas skye dgu'i bdag mo chen mo go'u ta mis/ bcom ldan 'das kyis bka' stsal pa la mngon par dga' ba dang / rjes su yi rang ba byas te bcom ldan 'das kyi zhabs gnyis la mgo bos phyag 'tshal nas bcom ldan 'das kyi spyan snga nas song ngo / /de nas bcom ldan 'das kyis skye dgu'i bdag mo chen mo go'u ta mi song nas ring po ma lon par thugs su chud nas/ tshe dang ldan pa kun dga' bo la bka' stsal pa/ kun dga' bo dge slong gnas brtan gang dag dge slong ma la res kyis ston par byed dam/ btsun pa dge slong gnas brtan gnas brtan dag phal cher dge slong ma la res kyis ston par bgyid de/ </font><hr>Ja77a<br><font size=+1>


@#/ /tshe dang ldan pa dga' byed ni res bab kyang dge slong ma la ston par mi 'tshal lo/ /de'i tshe na tshe dang ldan pa dga' byed 'khor de nyid na 'dug cing mthun par gyur to/ / de nas bcom ldan 'das kyis tshe dang ldan pa dga' byed la bka' stsal pa/ dga' byed khyod kyis dge slong ma la soms shig /dga' byed khyod kyis dge slong ma la rjes su ston cig /dga' byed khyod kyis dge slong ma rnams la chos dang ldan pa'i gtam gyis shig /de ci'i phyir zhe na/ dga' byed dge slong ma la nga'am khyod kyis gtam kyang rung zhing dge slong ma la nga'am khyed kyis rjes su bstan kyang rung la/ dge slong ma rnams la nga'am khyod kyis chos dang ldan pa'i gtam byar yang rung ba'i phyir ro/ /tshe dang ldan pa dga' byed kyis cang mi smra bas bcom ldan 'das las dang du blangs so/ /de nas tshe dang ldan pa dga' byed kyis bcom ldan 'das kyis bka' stsal pa la mngon par dga' ba dang / rjes su yi rang ba byas te/ bcom ldan 'das kyi zhabs gnyis la mgo bos phyag 'tshal nas/ bcom ldan 'das kyi spyan snga nas song ngo / /de nas tshe dang ldan pa dga' byed de nyid kyi mtshan mo 'das nas/ snga dro sham thabs bgos/ lhung bzed dang chos gos thogs te mnyan yod du bsod snyoms la zhugs so/ /de nas mnyan yod du bsod snyoms brgyus nas zas kyi bya ba byas te/ phyi ma'i zas kyi bsod snyoms las phyir log pas </font><hr>Ja77b<br><font size=+1>


lhung bzed dang chos gos mkhos su phab ste/ rkang pa gnyis bkrus nas nang du yang dag 'jog gi phyir gtsug lag khang du zhugs so/ /de nas tshe dang ldan pa dga' byed phyem bred nang du yang dag 'jog las langs nas snam sbyar thogs te phyi bzhin 'brang ba'i dge sbyong dge slong zhig dang / dge slong ma'i dbyar khang rgyal po'i kun dga' ra ba ga la ba der song ngo / /dge slong ma de dag gis tshe dang ldan pa dga' byed thag ring po kho na nas mthong ngo / /mthong nas kyang tshe dang ldan pa dga' byed kyis phyir stan shom par byed cing 'di skad ces kyang smras so/ /btsun pa dga' byed tshur shog/ btsun pa dga' byed byon pa legs so/ /btsun pa dga' byed gdan bshams pa nyid la bzhugs su gsol/ tshe dang ldan pa dga' byed stan bshams pa nyid la 'dug go /de nas dge slong ma de dag gis/ tshe dang ldan pa dga' byed kyi rkang pa gnyis la phyag 'tshal te/ mtha' gcig tu 'khod do/ /mtha' gcig tu 'khod nas tshe dang ldan pa dga' byed kyis dge slong ma de dag la 'di skad ces smras so/ /sring mo dag khyed cag rnam bar sel ba yongs su dris shig dang / chos dang ldan pa'i gtam brjod par bya'o/ /de la khyod kyis kun shes pa dag gis kun shes so zhes brjod par gyis shig /kun mi shes pa dag gis kyang kun mi shes so zhes brjod par gyis shig /gang gis smras pa gang gi don kun shes pa des ni de kho na bzhin du zung zhig /gang gis smras pa gang gi don kun mi shes pa des ni </font><hr>Ja78a<br><font size=+1>


@#/ /bdag nyid la btsun pa dga' byed smras pa 'di'i don ci lags/ 'di ji lta bu lags zhes yongs su dris shig /btsun pa dga' byed gang gi slad du/ btsun pa dga' byed kyis de skad ces sring mo dag khyed cag rnam par sel ba dris shig dang chos dang ldan pa'i gtam brjod par bya'o/ /de la khyod kyis kun shes pa dag gis kyang kun shes so zhes brjod par gyis shig /kun mi shes pa dag gis kyang kun mi shes so zhes brjod par gyis shig /gang gis smras pa gang gi don kun shes pa des ni de kho na bzhin du zung zhig /gang gis smras pa gang gi don kun mi shes pa des ni bdag nyid la btsun pa dga' byed smras pa 'di'i don ci lags 'di ji lta bu lags zhes yongs su dris shig ces bka' stsal pa/ de nyid kyis bdag cag glo ba dga' zhing rangs par gyur to/ /btsun pa dga' byed chos gsungs shig dang bdag cag gis kun 'tshal bdag gis kyang kun 'tshal to zhes brjod par bgyi'o/ /kun ma 'tshal ba dag gis kyang kun ma 'tshal to zhas brjod par bgyi'o/ /gang gis smras pa gang gi don kun 'tshal ba des ni de kho na bzhin du gzung bar bgyi'o/ /gang gis smras pa/ gang gi don kun ma 'tshal ba des ni btsun pa dga' byed nyid la/ btsun pa dga' byed smras pa 'di'i don ci lags/ 'di ji lta bu lags zhes yongs su dri bar bgyi'o/ /sring mo dag khyed kyis nang gi skye mched mig la 'di ni bdag </font><hr>Ja78b<br><font size=+1>


gi'o/ /'di ni bdag go /'di ni bdag gi bdag go zhes bya bar yang dag par rjes su mthong ngam/ btsun pa dga' byed ma mthong ngo / /sring mo dag khyed kyis nang gi skye mched rna ba dang / sna dang / lce dang / lus dang / yid dag la 'di ni bdag gi'o/ /'di ni bdag go/ 'di ni bdag gi bdag go zhes bya bar yang dag par rjes su mthong ngam/ btsun pa dga' byed ma mthong ngo / /de ci'i slad du zhe na/ btsun pa dga' byed bdag cag gis dang po nyid nas ji ltar nang gi skye mched drug po 'di dag bdag ma mchis pa de ltar yang dag pa'i shes rab kyis yang dag pa ji lta ba bzhin du mthong zhing bdag cag gi sems kyang ji ltar nang gi skye mched drug po 'di dag bdag ma mchis pa de ltar de la mos pa'i slad du'o/ /sring mo dag legs so legs so/ /smras pa de'i don ni/ ji ltar nang gi skye mched drug po 'di dag bdag med pa de kho na bzhin du blta bar bya'o/ /sring mo dag khyed kyis phyi rol gyi skye mched gzugs dag la/ 'di ni bdag gi'o/ /'di ni bdag go /'di ni bdag gi bdag go zhes bya bar yang dag par rjes su mthong ngam/ btsun pa dga' byed ma mthong ngo / /sring mo dag khyed kyis phyi rol gyi skye mched sgra dag dang / dri dag dang / ro dag dang / reg bya dag dang / chos dag la 'di ni bdag gi'o/ /'di ni bdag go/ /'di ni bdag gi bdag go zhes bya bar yang dag par rjes su mthong ngam/ btsun pa dga' byed ma mthong ngo / /de ci'i slad du zhe na/ btsun pa dga' byed </font><hr>Ja79a<br><font size=+1>


@#/ /bdag cag gis dang po nyid nas ji ltar slad rol gyi skye mched drug po 'di dag bdag ma mchis pa de ltar yang dag pa'i shes rab kyis yang dag pa ji lta ba bzhin du mthong zhing / bdag cag gis sems kyang ji ltar slad rol gyi skye mched drug po 'di dag bdag ma mchis pa de ltar de la mos pa'i slad du'o/ /sring mo dag legs so legs so/ /smras pa de'i don ni ji ltar phyi rol gyi skye mched drug po 'di dag bdag med pa de kho na bzhin du blta bar bya'o/ /sring mo dag khyed kyis mig dang gzugs rnams la brten nas mig gi rnam par shes pa'i skye ba'i mig gi rnam par shes pa de la 'di ni bdag gi'o/ /'di ni bdag go /'di ni bdag gi bdag go zhes bya bar yang dag par rjes su mthong ngam/ btsun pa dga' byed ma mthong ngo / /sring mo dag khyed kyis rna ba dang / rna dang / lce dang / lus dang / yid dang / chos rnams la bsten te yid kyi rnam par shes pa skye ba'i yid kyi rnam par shes pa de la 'di ni bdag gi'o/ /'di ni bdag go/ 'di ni bdag gi bdag go zhes bya bar yang dag par rjes su mthong ngam/ btsun pa dga' byed ma mthong ngo / /de ci'i slad du zhe na/ btsun pa dga' byed bdag cag gis dang po nyid nas/ ji ltar rnam par shes pa'i tshogs drug po 'di dag bdag ma mchis pa de ltar yang dag pa'i shes rab kyis yang dag pa ji lta ba bzhin du ma mthong zhing / bdag cag gi sems kyang ji ltar rnam par shes pa'i </font><hr>Ja79b<br><font size=+1>


tshogs drug po 'di dag bdag ma mchis pa de ltar de la mos pa'i slad du'o/ /sring mo dag legs so legs so/ /smras pa de'i don ni ji ltar rnam par shes pa'i tshogs drug po 'di dag bdag med bde kho na bzhin du blta bar bya'o/ /sring mo dag khyed kyis mig dang gzugs rnams la brten nas mig gi rnam par shes pa skye zhing gsum 'dus pa las reg pa'i mig gi 'dus te reg pa de la 'di ni bdag gi'o/ /'di ni bdag go/ 'di ni bdag gi bdag go zhes bya bar yang dag par rjes su mthong ngam/ btsun pa dga' byed ma mthong ngo / /sring mo dag khyed kyis rna ba dang / sna dang / lce dang / lus dang / yid dang / chos rnams la brten te yid kyi rnam par shes pa skye zhing / gsum 'dus pa las reg pa'i yid kyi 'dus te reg pa de la 'di ni bdag gi'o/ /'di ni bdag go /'di ni bdag gi bdag go zhes bya bar yang dag par rjes su mthong ngam/ btsun pa dga' byed ma mthong ngo / /de ci'i slad du zhe na/ btsun pa dga' byed bdag cag gis dang po nyid nas ji ltar reg pa'i tshogs drug po 'di dag bdag ma mchis pa de ltar yang dag pa'i shes rab kyis yang dag pa ji lta ba bzhin du mthong zhing bdag cag gis sems kyang ji ltar reg pa'i tshogs drug po 'di dag bdag ma mchis pa de ltar de la mos pa'i slad du'o/ /sring mo dag legs so legs so/ /smras pa/ de'i don ni ji ltar reg pa'i tshogs drug po 'di dag bdag med pa de kho na bzhin du blta bar bya'o/ /sring mo dag khyed kyis mig dang </font><hr>Ja80a<br><font size=+1>


@#/ /gzugs rnams la brten nas mig gi rnam par shes pa skye zhing gsum 'dus pa las reg pa/ reg pa'i rkyen gyis tshor ba'i mig gi 'dus te reg pa las byung ba'i tshor ba de la 'di ni bdag gi'o/ /'di ni bdag go /'di ni bdag gi bdag go zhes bya bar yang dag par rjes su mthong ngam/ btsun pa dga' byed ma mthong ngo / /sring mo dag khyed kyis rna ba dang / sna dang / lce dang / lus dang / yid dang / chos rnams la brten te yid kyi rnam par shes pa skye zhing gsum 'dus pa las reg pa/ reg pa'i rkyen gyis tshor ba'i yid kyi 'dus te reg pa las byung ba'i tshor ba de la 'di ni bdag gi'o/ /'di ni bdag go /'di ni bdag gi bdag go zhes bya bar yang dag par rjes su mthong ngam/ btsun pa dga' byed ma mthong ngo / /de ci'i slad du zhe na/ btsun pa dga' byed bdag cag gis dang po nyid nas ji ltar tshor ba'i tshogs drug po 'di dag bdag ma mchis par de ltar yang dag pa'i shes rab kyis yang dag pa ji lta ba bzhin du mthong zhing bdag cag gis sems kyang ji ltar tshor ba'i tshogs drug po 'di dag bdag ma mchis pa de ltar de la mos pa'i slad du'o/ /sring mo dag legs so legs so/ /smras pa de'i don ni ji ltar reg pa'i tshogs drug po 'di dag bdag med pa de kho na bzhin du blta bar bya'o/ /sring mo dag khyed kyis mig dang gzugs rnams la brten nas mig gi rnam par shes pa skye zhing / gsum 'dus pa las reg pa/ reg pa'i rkyen gyis </font><hr>Ja80b<br><font size=+1>


tshor ba/ tshor ba'i rkyen gyis sred pa'i mig gi 'dus te reg pa las byung ba'i sred pa de la 'di ni bdag gi'o/ /'di ni bdag go /'di ni bdag gi bdag go zhes bya bar yang dag par rjes su mthong ngam/ btsun pa dga' byed ma mthong ngo / /sring mo dag khyed kyis rna ba dang / sna dang / lce dang / lus dang / yid dang / chos rnams la brten te yid kyi rnam par shes pa skye zhing / gsum 'dus pa las reg pa/ reg pa'i rkyen gyis tshor ba/ tshor ba'i rkyen gyis sred pa'i yid kyi 'dus te reg pa las byung ba'i sred pa de la 'di ni bdag gi'o/ /'di ni bdag go /'di ni bdag gi bdag go zhes bya bar yang dag par rjes su mthong ngam/ btsun pa dga' byed ma mthong ngo / /de ci'i slad du zhe na/ btsun pa dga' byed bdag cag gis dang po nyid nas ji ltar sred pa'i tshogs drug po 'di dag ni bdag ma mchis pa de ltar yang dag pa'i shes rab kyis yang dag pa ji lta ba bzhin du mthong zhing bdag cag gi sems kyang ji ltar sred pa'i tshogs drug po 'di dag bdag ma mchis pa de ltar de la mos pa'i slad du'o/ / sring mo dag legs so legs so/ /smras pa de'i don ni ji ltar sred pa'i tshogs drug po 'di dag bdag med pa de kho na bzhin du blta bar bya'o/ /sring mo dag 'di lta ste dper na/ 'bru mar dang mar me'i snying po la brten nas 'bru mar gyi mar me 'bar bar 'gyur zhing 'bru mar gyi mar me de'i 'bru mar yang mi rtag pa yin/ mar me'i snying po dang / me lce dang snod kyang mi rtag pa yin na/ sring mo dag </font><hr>Ja81a<br><font size=+1>


@#/ /gang 'di skad ces de'i 'bru mar med pa dang mar me'i snying po dang me lce dang / snod med na yang de la brten pa'i snang ba gang yin pa de rtag pa brtan pa ther zug pa rnam par mi 'gyur ba'i chos can yang dag pa de kho na bzhin du gnas par 'gyur ro zhes zer na/ de skad zer ba de yang dag par smra ba yin nam/ btsun pa dga' byed ma lags so/ /de ci'i slad du zhe na/ btsun pa dga' byed 'di ltar 'bru mar gyi mar me de'i 'bru mar yang mi rtag pa lags/ mar me'i snying po dang me lce dang snod kyang mi rtag pa lags la/ de'i 'bru mar ma mchis shing zhugs mar gyi snying po dang me lce dang snod ma mchis na de la brten pa'i snang ba gang lags pa de thams cad kyi thams cad du mi 'byung ba'i slad du'o/ /sring mo dag de bzhin du nang gi skye mched drug po mi rtag pa 'di dag la gang 'di skad ces nang gi skye mched drug po mi rtag pa 'di dag la brten nas bde ba dang / yid bde ba skyes pa gang yin pa de/ rtag pa brtan pa ther zug pa rnam par mi 'gyur ba'i chos can yang dag pa de kho na bzhin du gnas par 'gyur ro zhes zer na/ de skad ces zer ba de yang dag par smra ba yin nam/ btsun pa dga' byed ma lags so/ /de ci'i slad du zhe na/ btsun pa dga' byed bdag cag gis dang po nyid nas ji ltar nang gi skye mched drug po 'di dag mi rtag pa de ltar yang dag pa'i shes rab kyis yang dag pa ji lta ba bzhin du mthong zhing bdag cag gi sems kyang ji ltar chos de </font><hr>Ja81b<br><font size=+1>


dang de dag skyes pas chos de dang de dag skye bar 'gyur zhing / chos de dang de dag 'gags pas chos de dang de dag 'gag par 'gyur ba dang nye bar zhi bar 'gyur ba dang / bsil bar 'gyur ba dang / nub par 'gyur pa de ltar de la mos pa'i slad du'o/ /sring mo dag legs so legs so/ /smras pa de'i don ni ji ltar nang gi skye mched drug po 'di dag mi rtag cing chos de dang de dag skyes pas chos de dang de dag skye bar 'gyur zhing / chos de dang de dag 'gags pas chos de dang de dag 'gag par 'gyur ba dang nye bar zhi bar 'gyur ba dang / bsal bar 'gyur ba dang / nub par 'gyur ba de kho na bzhin du blta bar bya'o/ /sring mo dag 'di lta ste dper na/ shing ljon pa chen po rtsa ba dang ldan pa/ sdong po dang ldan pa/ snying po dang ldan pa/ yal ga dang / lo ma dang / me tog dang / 'bras bu dang ldan pa'i rtsa ba yang mi rtag pa yin/ sdong po dang / snying po dang / yal ga dang lo ma dang me tog dang 'bras bu yang mi rtag pa yin na/ sring mo dag gang 'di skad ces de'i rtsa ba med pa dang / sdong po dang / snying po dang / yal ga dang / lo ma dang / me tog dang / 'bras bu med na yang de la rten pa'i grib ma gang yin pa de rtag pa brtan pa ther zug pa rnam par mi 'gyur ba'i chos can yang dag pa de kho na bzhin du gnas par 'gyur ro zhes zer na/ de skad zer ba de yang dag par smra ba yin nam/ btsun pa dga' byed ma lags so/ /de ci'i slad du zhe na/ btsun pa dga' byed 'di ltar zhugs </font><hr>Ja82a<br><font size=+1>


@#/ /shing ljon pa chen po rtsa ba dang ldan pa/ sdong po dang ldan pa/ snying po dang ldan pa/ yal ga dang ldan pa/ lo ma dang me tog dang 'bras bu dang ldan pa de'i rtsa ba yang mi rtag pa lags/ sdong po dang snying po dang yal ga dang lo ma dang me tog dang / 'bras bu yang mi rtag pa lags la/ de'i rtsa ba ma mchis shing sdong po dang / snying po dang yal ga dang / lo ma dang / me tog dang 'bras bu ma mchis na/ de la brten pa'i grib ma gang lags pa de thams cad kyi thams cad du mi 'byung ba'i slad du'o/ /sring mo dag de bzhin du phyi rol gyi skye mched drug po mi rtag pa 'di dag la gang 'di skad ces phyi rol gyi skye mched drug po mi rtag pa 'di dag la brten nas bde ba dang yid bde ba bskyed pa gang yin pa de rtag pa brtan pa ther zug pa rnam par mi 'gyur ba'i chos can yang dag pa de kho na bzhin du gnas par 'gyur ro zhes zer na de skad ces zer ba de yang dag par smra ba yin nam/ btsun pa dga' byed ma lags so/ /de ci'i slad du zhe na/ btsun pa dga' byed bdag cag gis dang po nyid nas ji ltar slad rol gyi skye mched drug po 'di dag mi rtag pa de ltar yang dag pa'i shes rab kyis yang dag pa ji lta ba bzhin du mthong zhing bdag cag gi sems kyang ji ltar chos de dang de dag skyes pas chos de dang de dag skye bar 'gyur zhing chos de dang de dag 'gags pas chos de dang de dag 'gag par 'gyur ba dang / nye bar zhi bar 'gyur ba dang / </font><hr>Ja82b<br><font size=+1>


bsil bar 'gyur ba dang / nub par 'gyur ba de ltar de la mos pa'i slad du'o/ /sring mo dag legs so legs so/ /smras pa de'i don ni ji ltar phyi rol gyi skye mched drug po 'di dag mi rtag cing chos de dang / de dag skyes pas chos de dang de dag skye bar 'gyur zhing / chos de dang de dag 'gags pas chos de dang de dag 'gag par 'gyur ba dang nye bar zhi bar 'gyur ba dang / bsil bar 'gyur ba dang / nub par 'gyur ba de kho na bzhin du blta bar bya'o/ /sring mo dag 'di na skyes bu mkhas pa dag dpes smras pa'i don kun shes par 'gyur bas de'i phyir re zhig dpe nyon cig/ sring mo dag 'di lta ste/ dper na ba lang gsod pa'am ba lang gsod pa'i slob ma mkhas pa zhig gis ba lang bsha' ba'i gri rnon pos ba lang bsad de de'i nang gi sha'i tshogs kyang ma nyams phyi rol gyi pags pa'i tshogs kyang ma nyams par bar gyi chu rgyus dang bar gyi glo ba dang bar gyi mchin pa dang bar gyi rtsa rgyun gang yin pa de dag thams cad kun tu bcad kun tu dral nas kun tu rdung bar byed kun tu dmyal bar byed cing de dag thams cad kun tu bcad/ kun tu dral nas kun tu brdungs/ kun tu dmyal te/ yang ba lang gi ko bas g.yogs par gyur pa de la/ sring mo dag gang 'di skad ces ba lang ko ba dang ldan pa yin gyi dral ba ma yin no/ /zhes zer na/ de skad ces zer ba de yang dag par smra ba yin nam/ btsun pa dga' byed ma lags so/ /de ci'i slad du zhe na/ btsun pa dga' byed 'di ltar ba lang 'gums pa'am/ ba lang 'gums </font><hr>Ja83a<br><font size=+1>


@#/ /pa'i slob ma mkhas pas ba lang 'gums pa'i gri rnon pos ba lang bkum ste/ de'i nang gi sha'i tshogs kyang ma nyams/ slad rol gyi pags pa'i tshogs kyang ma nyams par bar gyi chu rgyus dang / bar gyi glo ba dang / bar gyi mchin pa dang / bar gyi rtsa rgyun gang lags pa de dag thams cad kun tu bcad/ kun tu bral nas kun tu brdungs par bgyid/ kun tu dmyal bar bgyid cing de dag thams cad kun tu bcad/ kun tu dral nas kun tu brdungs/ kun tu dmyal te de yang ba lang gi ko bas g.yogs par gyur pa de ni btsun pa dga' byed pa lang gi ko ba dang ldan pa ma lags kyi bral ba lags pa'i slad du'o/ /sring mo dag de ltar ji tsam du don rnam par rig par bya ba'i phyir dpe de byas te/ 'di la don ni 'di yin par blta bar bya ste/ sring mo dag ba lang zhes bya ba de ni lus gzugs can rags pa 'byung ba chen po bzhi las gyur pa/ pha ma'i mi gtsang ba mer mer po las byung ba 'bras chan dang zan dron gyis nye bar bsags pa/ rtag tu byug pa dang / khrus dang mnye ba dang / 'byed pa dang / rnam par 'thor ba dang / rnam par 'jig pa'i chos can gang yin pa'i tshig bla dwags yin no/ /nang gi sha'i tshogs zhes bya ba de ni nang gi skye mched drug po dag gi tshig bla dwags yin no/ /phyi rol gyi pags pa'i tshogs zhes bya ba de ni phyi rol gyi skye mched drug po dag gi tshig bla dwags yin no/ /bar gyi chu rgyus dang bar gyi glo ba dang </font><hr>Ja83b<br><font size=+1>


bar gyi mchin pa dang / bar gyi rtsa rgyun zhes bya ba de ni dga' ba'i 'dod chags kyi tshig bla dwags yin no/ /ba lang gsod pa'am/ ba lang gsod pa'i slob ma mkhas pa zhes bya ba de ni 'phags pa'i nyan thos thos pa dang ldan pa'i tshig bla dwags yin no/ /gri zhes bya ba de ni shes rab kyi mtshon gyi tshig bla dwags yin no/ /sring mo dag 'phags pa'i nyan thos thos pa dang ldan pas shes rab kyi mtshon gyis kun tu sbyor ba dang / 'ching ba dang / bag la nyal ba dang / nye ba'i nyon mongs pa dang / kun nas dkris pa thams cad kun tu gcod par byed/ kun tu 'dral bar byed/ kun tu rdung bar byed/ kun tu dmyal bar byed do/ /sring mo dag de lta bas na 'di ltar bslab par bya ste/ 'dod chags spang ba'i phyir chags par 'gyur ba'i chos rnams la bdag gi sems gang yin pa chags par mi 'gyur ba dang / zhe sdang spang ba'i phyir zhe sdang bar 'gyur ba'i chos rnams la bdag gi sems gang yin pa zhe sdang bar mi 'gyur ba dang / gti mug spang ba'i phyir rmongs par 'gyur ba'i chos rnams la bdag gi sems gang yin pa rmongs par mi 'gyur ba de ltar bslab par bya'o/ /sring mo dag de lta bas na 'di ltar bslab par bya ste/ nye bar len pa'i phung po lnga po dag la 'byung ba dang / 'jig par rjes su lta zhing gnas par bya'o/ /reg pa'i skye mched drug po dag la kun 'byung ba dang nub par 'gyur bar rjes su lta zhing gnas par bya'o/ /dran pa nye bar gzhag pa bzhi po dag la sems nye bar bzhag </font><hr>Ja84a<br><font size=+1>


@#/ /cing gnas par bya'o/ /dran pa nye bar gzhag pa bzhi po dag sems legs par nye bar bzhag cing gnas na byang chub kyi yan lag bdun po dag kun tu bsten par bya/ goms par bya/ lan mang du bya'o zhes de ltar bslab par bya'o/ /sring mo dag khyed kyis byang chub kyi yan lag bdun po dag tu kun tu bsten pa'i rgyu dang / goms par byas pa'i rgyu dang / lan mang du byas pa'i rgyu dang / legs par yid la byas pa'i rgyus 'dod pa'i zag pa las sems 'dod chags dang bral zhing rnam par grol ba dang / srid pa'i zag pa dang / ma rig pa'i zag pa las sems 'dod chags dang bral zhing rnam par grol bar 'gyur ro/ /sring mo dag khyed cag rnam par grol ba dag la/ bdag cag skye ba ni zad/ tshangs par spyod pa ni bsten/ bya ba ni byas/ srid pa 'di las gzhan ni mi shes so zhes rnam par grol ba'i shes pa dang mthong ba skye bar 'gyur gyi/ sring mo dag khyed kyis de ltar bslab par bya'o/ /de nas tshe dang ldan pa dga' byed/ dge slong ma de dag la chos dang ldan pa'i gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par rab tu dga' bar byas nas stan las langs te song ngo / /de nas skye dgu'i bdag mo chen mo go'u ta mi 'khor dge slong ma lnga brgya dang / bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ mtha' gcig tu </font><hr>Ja84b<br><font size=+1>


'dug nas bcom ldan 'das skye dgu'i bdag mo chen mo go'u ta mi la chos dang ldan pa'i bka' mchid kyis yang dag par ston par mdzad/ yang dag par 'dzin du 'jud par mdzad/ yang dag par gzengs bstod/ yang dag par rab tu dga' bar mdzad do/ /rnam grangs du mas chos dang ldan pa'i bka' mchid kyis yang dag par bstan/ yang dag par 'dzin du bcug/ yang dag par gzengs bstod/ yang dag par rab tu dga' bar mdzad nas/ go'u ta mi khyod kyi dus yin gyi/ song zhig ces skul bar mdzad do/ /de nas skye dgu'i bdag mo chen mo go'u ta mis/ bcom ldan 'das kyis bka' stsal pa la mngon par dga' ba dang rjes su yi rang ba byas te/ bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas song ngo / /de nas bcom ldan 'das kyis skye dgu'i bdag mo chen mo go'u ta mi song nas ring po ma lon par thugs su chud nas/ dge slong rnams la bka' stsal pa/ dge slong dag rigs kyi bu dga' byed kyis dge slong ma lnga brgya po dag legs par gtams shing legs par rjes su bstan nas/ rnam par grol zhing mthar thug pa nyid ma thob kyang / 'di'i tshe dus byed par gyur na ngas de dag kun tu sbyor ba gang dang ldan pas yang 'jig rten 'dir 'ong bar 'gyur ba'i kun tu sbyor ba gcig ma spangs par yang dag par rjes su ma mthong ba la ltos/ dge slong dag 'di lta ste dper na/ zla ba yar gyi ngo de nyid kyi tshes bcu bzhi la bab pa na mi dag zla ba la nya'am nya ma yin zhes </font><hr>Ja85a<br><font size=+1>


@#/ /gnyis su 'byed par byed de/ 'di ltar nya ma yin pa'i phyir mthar thug pa nyid du ma gyur pa de bzhin du rigs kyi bu dga' byed kyi bu dga' byed kyis dge slong ma lnga brgya po dag la legs par gtams shing legs par rjes su bstan nas rnam par grol zhing mthar thug pa nyid ma thob kyang 'di'i tshe dus byed par gyur na/ ngas de dag kun tu sbyor ba gang dang ldan pa'i yang 'jig rten 'dir 'ongs par 'gyur ba'i kun tu sbyor ba gcig ma spangs bar yang dag par rjes su ma mthong ngo / /de ltar de na bcom ldan 'das kyis dge slong ma lnga brgya po dag phyir mi 'ong ba nyid du lung bstan to/ /de nas bcom ldan 'das kyis yang lan gnyis su tshe dang ldan pa dga' byed la bka' stsal pa/ dga' byed khyod kyis dge slong ma la soms shig/ dga' byed khyod kyis dge slong ma la rjes su ston cig/ dga' byed khyod kyis dge slong ma rnams la chos dang ldan pa'i gtam gyis shig/ de ci'i phyir zhe na/ dga' byed dge slong ma la nga'am khyod kyis gtams kyang rung zhing / dge slong ma la nga'am khyod kyis rjes su bstan kyang rung la/ dge slong ma rnams la nga'am khyod kyis chos dang ldan pa'i gtam byar yang rung ba'i phyir ro/ /tshe dang ldan pa dga' byed kyis cang mi smra bas bcom ldan 'das las dang du blangs so/ /de nas tshe dang ldan pa dga' byed kyis bcom ldan 'das kyis bka' stsal pa la mngon par dga' ba dang rjes su yi rang ba byas te/ bcom ldan 'das </font><hr>Ja85b<br><font size=+1>


kyi zhabs gnyis la mgo bos phyag 'tshal nas bcom ldan 'das kyi spyan snga nas song ngo / /de nas tshe dang ldan pa dga' byed de nyid kyi mtshan mo 'das nas snga dro sham thabs bgos/ lhung bzed dang chos gos thogs te mnyan yod du bsod snyoms la zhugs so/ /des mnyan yod du bsod snyoms la brgyus nas zas kyi bya ba byas te phyi ma'i zas kyi bsod snyoms las phyir log pas/ lhung bzed dang chos gos mkhos su phab ste rkang pa gnyis bkrus nas nang du yang dag 'jog gi phyir gtsug lag khang du zhugs so/ /de nas tshe dang ldan pa dga' byed phyem bred nang du yang dag 'jog las langs nas snam sbyar thogs te phyi bzhin 'brang ba'i dge sbyong dge slong zhig dang dge slong ma'i dbyar khang rgyal po'i kun dga' ra ba ga la ba der song ngo / /dge slong ma de dag gis tshe dang ldan pa dga' byed thag ring po kho na nas mthong ngo / /mthong nas kyang tshe dang ldan pa dga' byed kyi phyir stan shom par byed cing 'di skad ces kyang smras so/ /btsun pa dga' byed tshur sheg/ btsun pa dga' byed byon pa legs so/ /btsun pa dga' byed gdan bshams pa nyid la bzhugs su gsol/ tshe dang ldan pa dga' byed gdan bshams pa nyid la 'dug go/ de nas dge slong ma de dag gis tshe dang ldan pa dga' byed kyi rkang pa gnyis la phyag 'tshal te mtha' gcig tu 'khod do/ /mtha' gcig tu 'khod nas tshe dang ldan pa dga' byed kyis dge slong ma de dag la chos dang ldan pa'i gtam gyis yang dag par ston par byed/ yang dag par </font><hr>Ja86a<br><font size=+1>


@#/ /'dzin tu 'jud par byed/ yang dag par gzengs stod par byed/ yang dag par rab tu dga' bar byed/ rnam grangs du mas chos dang ldan pa'i gtam gyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar byas nas stan las langs te song ngo / /de nas skye dgu'i bdag mo chen mo go'u ta mi 'khor dge slong ma lnga brgya dang bcom ldan 'das ga la ba der song ste/ phyin nas bcom ldan 'das kyis zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas/ bcom ldan 'das skye dgu'i bdag mo chen mo go'u ta mi la chos dang ldan pa'i bka' mchid kyis yang dag par ston par mdzad/ yang dag par 'dzin tu 'jug par mdzad/ yang dag par gzengs stod par mdzad/ yang dag par rab tu dga' bar mdzad do/ /rnam grangs du mas chos dang ldan pa'i bka' mchid kyis yang dag par bstan/ yang dag par 'dzin tu bcug /yang dag par gzengs bstod/ yang dag par rab tu dga' bar mdzad nas/ go'u ta mi khyod kyi dus yin gyi/ song zhig /ces skul bar mdzad do/ /de nas skye dgu'i bdag mo chen mo go'u ta mis bcom ldan 'das kyis bka' stsal pa la mngon par dga' ba dang / rjes su yi rang ba byas te/ bcom ldan 'das kyi zhabs gnyis la mgo bos phyag 'tshal nas bcom ldan 'das kyi spyan snga nas song ngo / /de nas bcom ldan 'das kyis skye dgu'i </font><hr>Ja86b<br><font size=+1>


bdag mo chen mo go'u ta mi song nas ring po ma lon par thugs su chud nas/ dge slong rnams la bka' stsal pa/ dge slong dag rigs kyi bu dga' byed kyis dge slong ma lnga brgya po dag la legs par gtams shing legs par rjes su bstan nas rnam par grol zhing mthar thug pa nyid thob ste/ 'di'i tshe dus byed par gyur na de dag gis lam gdags su med de 'di nyid sdug bsngal gyi mthar gyur pa la ltos/ dge slong dag 'di lta ste/ dper na zla ba yar gyi ngo de nyid kyi tshes bco lnga la bab pa na/ mi dag zla ba nya'am nya ma yin zhes gnyis su 'byed par mi byed de 'di ltar nya yin pa'i phyir mthar thug pa nyid du gyur pa de bzhin du/ rigs kyi bu dga' byed kyis dge slong ma lnga brgya po dag la legs par gtams shing legs par rjes su bstan nas rnam par grol zhing mthar thug pa nyid thob ste/ 'di'i tshe dus byed par 'gyur na de dag gis lam gdags su med de 'di nyid sdug bsngal gyi mthar gyur pa yin no/ /de ltar de na bcom ldan 'das kyis dge slong ma lnga brgya po dag mchog nyid du lung bstan to/ /'di ni re zhig byung ba yin te/ sangs rgyas bcom ldan 'das re zhig 'dul ba la nyan thos rnams kyi bslab pa'i gzhi bca' bar ni mi mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ba na bzhugs so/ /bcom ldan 'das kyis dge slong gnas brtan gnas brtan dag gis res kyis dge slong ma la bstan par bya'o zhes bka' stsal nas/ dge slong drug sde dag la dge slong </font><hr>Ja87a<br><font size=+1>


@#/ /ma la ston pa'i res bab pa na de dag ji tsam ba de tsam bstan nas/ de dag dang lhan cig mtho 'tsham par byed/ kun tu rtse bar byed/ kun tu ca co 'don par byed/ gzhog stegs dang phyar g.yeng dang lus sgyur ba byed de/ de na gang dag bdag gir byed pa de dag ni de dag dang lhan cig mtho 'tsham par byed/ kun tu rtse bar byed/ kun tu ca co 'don par byed/ gzhog stegs dang phyar g.yeng dang / lus sgyur bar byed do/ /gang dag bdag gir mi byed pa de dag ni 'chag sa dag dang / dang ra dag dang / sgo khang dag na gnas ngan len kun tu spyod pa 'di lta bu dag bdag cag la kun tu ston par byed do zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ drug sde dag dge slong ma'i ston par bsko bar mi bya'o/ /de ltar bcom ldan 'das kyis drug sde dag dge slong ma'i ston par bsko bar mi bya'o zhes bka' stsal nas/ de dag gcig gis gcig bskos te dge slong ma la ston par byed pa na nyes dmigs de nyid du gyur nas/ bcom ldan 'das kyis bka' stsal pa/ ma bskos par dge slong ma la bstan par mi bya'o/ /de dag gis mtshams kyi phyi rol tu dong ste gcig gis gcig bskos nas dge slong ma la ston par byed pa na nyes dmigs de nyid du gyur nas/ bcom ldan 'das kyis bka' stsal pa/ mtshams kyi phyi rol tu bskos pas dge slong ma la bstan par mi bya'o/ / </font><hr>Ja87b<br><font size=+1>


de dag gis mtshams kyi nang du dge slong nad pa rnams kyis 'dun pa blangs te/ lhag ma rnams brel bar byas nas gcig gis gcig bskos te dge slong ma la ston par byed pa na nyes dmigs de nyid du gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ mtshams kyi nang du dge slong nad pa rnams kyi 'dun pa blangs te lhag ma rnams brel bar byas nas gcig gis gcig bskos te dge slong ma la bstan par mi bya bar 'di ltar gso sbyong bco lnga pa de nyid kyi tshe/ dge 'dun thams cad 'dug cing mthun par gyur pa na/ dge slong ma'i ston pa bsko bar bya'o/ /'di ltar bsko bar bya ste/ je dang por spro bar bya ste/ ming 'di zhes bya ba khyod dge slong ma'i ston par spro'am/ gal te spro na spro'o zhes brjod par bya'o/ /de'i 'og tu dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge slong ma'i ston par spro na gal te dge 'dun gyis dus la bab cing bzod na/ dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba dge slong ma'i ston par bskos te dge slong ming 'di zhes bya ba 'di dge slong ma la ston to/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong ming 'di zhes bgyi ba 'di dge slong ma'i ston par spro na de'i slad du dge 'dun gyis dge slong ming 'di zhes bgyi ba dge slong ma'i ston par bskos </font><hr>Ja88a<br><font size=+1>


@#/ /te/ dge slong ming 'di zhes bgyi ba 'di dge slong ma la ston na/ tshe dang ldan pa gang dag dge slong ming 'di zhes bgyi ba dge slong ma'i ston par bsko bar bzod pa de dag ni cang mi gsungs shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi ba dge slong ma'i ston par bskos lags te 'di ltar cang mi gsung bas de de bzhin du 'dzin to/ /bcom ldan 'das kyis dge slong ma'i ston pa bsko bar bya'o zhes bka' stsal nas/ de dag bus pa yang rung / rmongs pa yang rung / mi gsal ba yang rung / mi mkhas pa yang rung ste bye brag med par bsko bar byed nas/ de dag re zhig bdag nyid ma dul bas gzhan 'dul bar 'gyur ba de ni gnas med pa dang / bdag nyid ma zhi bas gzhan zhi bar byed pa de ni gnas med pa dang / bdag nyid 'dam las ma rgal bas gzhan 'dam las sgrol bar byed pa de ni gnas med pa dang / de dag re zhig bdag nyid yongs su mya ngan las ma 'das pas gzhan yongs su mya ngan las 'da' bar byed pa de yang gnas med pas/ bcom ldan 'das kyis bka' stsal pa/ chos lnga dang ldan pa dge slong ma'i ston par bsko bar bya ste/ lnga gang zhe na/ tshul khrims dang ldan pa dang / mang du thos pa dang / gnas brtan rgyal tshab lta bu dang / grong khyer ba'i skad dang ldan pa dang / des dge slong ma la lus kyis reg pas sun ma phyung zhing gal te sun phyung na yang des </font><hr>Ja88b<br><font size=+1>


ltung ba de chos bzhin du phyir byas pa'o/ /ji ltar tshul khrims dang ldan pa yin zhe na/ pham par 'gyur ba bzhi bo dag las gang yang rung ba'i ltung ba ma byung ba ste de ltar tshul khrims dang ldan pa yin no/ /ji ltar mang du thos pa yin zhe na/ des so sor thar pa'i mdo gdon pa rgya cher thon pa dang / lobs pa ste/ de ltar mang du thos pa yin no/ /ji ltar gnas brtan rgyal tshab lta bu yin zhe na/ rdzogs par bsnyen nas lo nyi shu'am lhag pa ste/ de ltar gnas brtan rgyal tshab lta bu yin no/ /ji ltar grong khyer ba'i skad dang ldan pa yin zhe na/ pho brang 'khor ni grong khyer zhes bya ste/ de'i skad dang ldan pa ste/ de ltar grong khyer ba'i skad dang ldan pa yin no/ /ji ltar des dge slong ma la lus kyis reg pas sun ma phyung ba yin zhe na/ des dge slong ma'i lus la lus nye bar gzhol ba ma byas pa ste/ de ltar na des dge slong ma la lus kyis reg pas sun ma phyung ba yin te/ chos lnga po de dag dang ldan pa dge slong ma'i ston par bsko bar bya'o/ /bcom ldan 'das kyis chos lnga dang ldan pa dge slong ma'i ston par bsko bar bya'o zhes bka' stsal nas/ dge slong drug sde dag ma bskos pa kho nar dge slong ma la ston par byed nas/ dge slong don nyung ngu dag ci'i phyir dge slong dag ma bskos pa kho nar dge slong ma la ston par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / </font><hr>Ja89a<br><font size=+1>


@#/ /gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong drug sde dag la rmas pa/ dge slong dag ngas ma bskos par dge slong ma la bstan par mi bya'o zhes gsungs na/ khyed ma bskos pa kho nar dge slong ma la ston par byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge 'dun gyis ma bskos par dge slong ma la ston na ltung byed do zhes bcom ldan 'das kyis 'dul </font><hr>Ja89b<br><font size=+1>


ba la nyan thos rnams kyi bslab pa'i gzhi de ltar bca' ba mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ / mnyan yod na bram ze zhig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /de'i bu btsas so cog dus byed nas dus gzhan zhig na de'i chung ma la sems can zhugs par gyur nas/ de nas bram ze de lag pa la 'gram pa gtad de sems khong du chud cing 'dug pa dang / de dang ha cang thag mi ring ba zhig na bud med rgan mo zhig 'dug pa des de mthong nas des smras pa/ bram ze ci'i slad du khyod lag pa la 'gram pa gtad de sems khong du chud cing bzhugs/ bram ze des smras pa/ kho bo'i bu btsas so cog dus byed de/ de yang kho bo'i chung ma la sems can zhugs par gyur pas/ bu gzhan btsa' bar 'gyur ba gang yin pa de yang dus byed par 'gyur bas mya ngan mang po byin te 'gro bar 'gyur ro/ /rgan mos smras pa/ gang gi tshe khyod kyi btsun mo btsa' bar 'gyur ba de'i tshe na/ kho mo sbron cig /des nas dus gzhan zhig na de'i chung ma btsa' ba'i dus la bab nas/ bram ze des bud med rgan mo de bos nas de yang 'ongs so/ /ji tsam na btsas pa dang / de las khye'u zhig byung nas/ bud med rgan mo des </font><hr>Ja90a<br><font size=+1>


@#/ /khye'u de khrus byas te ras dkar bos dkris nas de'i kha zhun mar gyis bkang ste bu mo zhig gi lag tu byin nas/ des bu mo la smras pa/ bu mo khye'u 'di lam po che'i bzhi mdor bzung la gal te dge sbyong ngam/ bram ze 'ga' snang na de la rjes dang bcas/ gus pa dang bcas pas rkang pa la phyag 'tshal la/ de la 'di skad ces/ khye'u 'di 'phags pa dag gi zhabs la phyag 'tshal lo zhes gyis shig /nyi ma nub pa na gal te gson na khyer te shog cig /gal te dus byed na de nyid du 'or cig /bu mo de grims pa sgrub phod pa yin pas/ des khye'u de khyer nas lam po che'i bzhi mdor song ste 'dug go /mu stegs can dag gis kun tu spyod pa ni nang par sngar langs te chu ngogs su reg pa'i phyir 'gro ba yin pas/ mu stegs can chu ngogs su reg pa'i phyir 'dong ba dag der lhags pas bu mo des rjes dang bcas/ gus pa dang bcas pas rkang pa la phyag 'tshal te smras pa/ 'phags pa dag khye'u 'di 'phags pa dag gi zhabs la phyag 'tshal lo/ /de dag gis smras pa/ yun ring du 'tsho bar gyur cig /tshe ring du skyong bar gyur cig /pha ma gnyis kyi yid la bsam pa yongs su rdzogs par gyur cig /dge slong gnas brtan gnas brtan dag snga dro shams thabs bgos </font><hr>Ja90b<br><font size=+1>


lhung bzed dang chos gos thogs te mnyan yod du bsod snyoms la zhugs pa dang / bu mo des rje sa dang bcas/ gus pa dang bcas pas gnas brtan gnas brtan dag gis rkang pa la phyag 'tshal te smras pa/ 'phags pa khye'u 'di 'phags pa dag gi zhabs la phyag 'tshal lo/ /gnas brtan gnas brtan dag gis smras pa/ yun ring du 'tsho bar gyur cig /tshe ring du skyong bar gyur cig /pha ma gnyis kyi yid la bsam pa yongs su rdzogs par gyur cig /bu mo des khye'u de rgyal byed kyi tshal gyi lam kar khyer ba dang / bcom ldan 'das kyang snga dro sham thabs gsol/ lhung bzed dang chos gos bsnams te mnyan yod du bsod snyoms la gshegs nas/ bu mo des rgya cher rjes dang bcas/ gus pa dang bcas pas bcom ldan 'das kyi zhabs la phyag 'tshal te gsol pa/ bcom ldan 'das khye'u 'di/ bcom ldan 'das kyi zhabs la phyag 'tshal lo/ /bcom ldan 'das kyis bka' stsal pa/ yun ring du 'tsho bar gyur cig /tshe ring du skyong bar gyur cig /pha ma gnyis kyi chos dang ldan pa'i yid la bsam pa yongs su rdzogs par gyur cig /bu mo des nyi ma nub khar bltas na de gson par mthong nas des de khyer te khyim du 'ongs pa dang / de dag gis bu mo de la dris pa/ khye'u gson nam/ </font><hr>Ja91a<br><font size=+1>


@#/ /bu mos smras pa/ gson no/ /de dag gis smras pa/ khyod kyis gang du bzung / lam po che ga ge mo zhig tu'o/ /de dag gis smras pa/ khye'u'i ming cir gdags/ khye'u 'di lam po cher bzung bas 'di'i ming lam chen pa zhes gdags so/ /zhes de'i ming lam chen pa zhes btags so/ /khye'u lam chen pa de bsrings bskyed de chen por gyur to/ /de gang gi tshe chen por gyur pa de'i tshe na yi ge dang / grangs dang / rtsis dang / lag rtsis dang / dbyung ba dang / gzhug pa dang / gzhag pa dang / 'byed pa dang / klog pa'i pha rol tu son cing / de'i tshe na bram ze'i spyod tshul dang / spyod pa dang / gtsang sbra dang / kun tu spyod pa dang / thal ba blang ba dang / bya ma bum blang ba dang / sa blang ba dang / lag stangs dang / thor tshugs dang / rab bsngags bya ba dang / kye zhes bya ba dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / srid srung gi rig byed dang / bram ze'i las drug po mchod sbyin byed pa dang / mchod sbyin byed du 'jud pa dang / bklag pa dang / klog tu 'jud pa dang / sbyin pa dang / len pa la mkhas pa'i bram ze rig byed dang / rig byed kyi yan lag gi pha rol tu son pa shes pas/ rang gi smra ba gsal bar byed </font><hr>Ja91b<br><font size=+1>


pa| gzhan gyi smra ba tshar gcod nus par gyur to/ /de'i tshe na bram ze lam chen pa des/ bram ze'i khye'u lnga brgya tsam dag /bram ze'i gsang tshig dag 'don du bcug go /ji tsam dus gzhan zhig na/ yang bram ze de chung ma dang lhan cig rtse bar byed/ dga' bar byed/ dga' mgur spyod par byed pa de'i chung ma la sems can zhugs par gyur nas/ de btsa' ba'i dus la bab pa'i tshe/ bram ze des bud med rgan mo de bos nas de yang 'ongs so/ /ji tsam na btsas pa dang / de las khye'u zhig byung nas bud med rgan mo des/ khye'u de khrus byas te ras dkar pos dkris nas de'i kha zhun mar gyis bkang ste/ bu mo zhig gi lag tu byin nas/ des bu mo de la smras pa/ bu mo khye'u 'di lam po che'i bzhi mdor bzung la/ gal te dge sbyong ngam bram ze 'ga' snang na de la rjes dang bcas/ gus pa dang bcas pas rkang pa la phyag 'tshol la/ 'di skad ces khye'u 'di 'phags pa dag gi zhabs la phyag 'tshal lo zhes gyis shig /nyi ma nub pa na gal te gson na khyer te shog cig /gal te dus byed na de nyid du 'or cig /bu mo de blun mo le lo can yin pas/ des khye'u de khyer nas lam phran du song ste 'dug go /mu stegs can dag gi kun tu spyod pa ni/ nang par sngar langs te chu ngogs su reg pa'i phyir 'gro ba yin pas/ mu stegs can chu ngogs su </font><hr>Ja92a<br><font size=+1>


@#/ /reg pa'i phyir 'dong ba dag der lhags nas bu mo des rje sa dang bcas/ gus pa dang bcas pas rkang pa la phyag 'tshal te smras pa/ 'phags pa dag /khye'u 'di 'phags pa dag gi zhabs la phyag 'tshal lo/ /de dag gis smras pa/ yun ring du 'tsho bar gyur cig /tshe ring du skyong bar gyur cig /pha ma gnyis kyi yid la bsam pa yongs su rdzogs par gyur cig /bu mo des nyi ma nub khar bltas na/ de gson par mthong nas des de khyer te khyim du 'ongs pa dang / de dag gis bu mo de la dris pa/ khye'u gson nam/ bu mos smras pa/ gson no/ /de dag gis smras pa/ khyod kyis gang du bzung / lam phran ga ge mo zhig tu'o/ /de dag gis smras pa/ khye'u'i ming cir gdags/ khye'u 'di lam phran du bzung bas/ 'di'i ming lam phran pa zhes gdags so/ /zhes de'i ming lam phran pa zhes btags so/ /khye'u lam phran pa de bsrings bskyed de chen por gyur to/ /de gang gi tshe chen por gyur pa de'i tshe na/ yi ge la bcug na des sid ces brjod na/ d+ham brjed par byed la/ d+ham zhes brjod na ni sid brjed par byed nas/ de'i slob dpon des bram ze la smras pa/ bram ze kho bos bram ze'i khye'u mang po gzhan dag kyang klog tu gzhug dgos pas kho bo lam phran pa klog tu 'jud mi nus so/ /lam chen pa ni/ nyung ngu brjod pas mang </font><hr>Ja92b<br><font size=+1>


po 'dzin par nus na/ lam phran pa 'di ni/ sid ces brjod na d+ham brjed par byed la/ d+ha ma zhes brjod na sid brjed par byed do/ /bram zes bsams pa/ bram ze thams cad yi ge dang 'bru la mkhas pa ma yin te/ 'di rig byed kyi bram zer 'gyur ro snyam nas/ des klog mkhan la rig byed klog par phul pa dang / des oM brjod na b+hu brjed par byed la/ b+hu zhes brjod na oM brjed par byed nas/ klog mkhan gyis bram ze la smras pa/ bram ze kho bos bram ze'i khye'u mang po gzhan dag kyang klog tu gzhug dgos pas/ kho bo lam phran pa klog tu 'jud mi nus so/ /lam chen pa ni/ nyung ngu brjod pas mang po 'dzin par nus na/ lam phran pa 'di ni/ oM zhes brjod na b+hu brjed par byed la/ b+hu zhes brjod na oM brjed par byed do/ /bram zes bsams pa/ bram ze thams cad rig byed klog pa ma yin te/ mkhas kyang rung / mi mkhas kyang rung / gtsang yang rung / mi gtsang yang rung ste/ bram ze gang yin pa de nyid lha yin pas 'di ni rigs bram ze kho nar 'gyur snyam mo/ /de bul ba mchog tu bul ba/ chung ba mchog tu chung ba yin pas de'i ming lam chung ba/ lam chung ba zhes bya bar gyur to/ /bram ze de'i gang du cung zad ci la mgron du bos par lam chung ba de khrid de 'gro'o/ /dus gzhan zhig na bram ze de na bar gyur nas/ de rtsa ba dang / </font><hr>Ja93a<br><font size=+1>


@#/ /sdong bu dang / 'dab ma dang / me tog dang / 'bras bu'i sman dag gis bsnyen bkur byas kyang nyams pa nyid du gyur nas/ des lam chen pa bos te smras pa/ bu kho bo 'das nas khyod ni mya ngan bya mi dgos kyi/ khyod kyi nu bo lam chung ba 'di la khyod kyis mkho ba bstab par gyis shig /ces bsnyad nas/ bsags pa kun gyi mtha' zad pa/ /mthon po rnams kyi mtha' ltung 'gyur/ /phrad pa'i mtha' ni 'bral ba ste/ /gson pa'i mtha' ni 'chi ba yin/ /zhes bya ba yin pas de dus kyi chos dang ldan par gyur to/ /de gnyis kyis gos sngon po dang / ser po dang / dmar po dang / dkar po dag gis khyogs spyil brgyan te dur khrod du bskyal nas bsregs te/ de'i 'og tu mya ngan bsang ba byas te 'khod do// //'dul ba rnam par 'byed pa/ bam po zhe bdun pa/ bram ze lam chen pa de mnyan yod dang rgyal byed kyi tshal gyi bar na gnas kyi shing ljon pa zhig yod pa de'i drung na bram ze'i khye'u lnga brgya tsam bram ze'i gsang tshig klog tu 'jud cing 'dug go /tshe dang ldan pa shA ri'i bu dang / tshe dang ldan pa mo'u 'gal gyi bu chen po gnyis kyis 'dul ba'i bya ba byas nas 'khor lnga brgya dang / ko sa la dag tu ljongs rgyu zhing 'dong </font><hr>Ja93b<br><font size=+1>


ba na mnyan yod du phyin to/ /mnyan yod du skye bo phal po che'i tshogs kyis 'phags pa shA ri'i bu dang / mo'u dgal gyi bu chen po gnyis 'khor lnga brgya dang ko sa la dag tu ljongs rgyu ba na mnyan yod du phyin to/ /zhes thos so/ /thos nas kyang srog chags brgya phrag du ma dag phyir 'byung bar brtsams pa dang / lam chen pas de dag phyir 'byung ba mthong nas smras pa/ shes ldan dag gar 'dong / de dag gis smras pa/ 'phags pa shA ri'i bu dang / mo'u dgal gyi bu chen po gnyis ko sa la dag tu ljongs rgyu shing gshegs pa na/ mnyan yod du byon te de gnyis ltar 'dong ngo / /lam chen pas smras pa/ de gnyis ni rigs mchog spangs te rigs gnyis pa dge sbyong go'u ta ma'i gan du rab tu byung ba yin pas/ de gnyis mthong bas ci bya/ de na bram ze'i khye'u dad pa can zhig 'dug pa des smras pa/ mkhan po de skad ma gsungs shig /de gnyis ni bdag nyid chen po lags pas/ gal te mkhan pos de gnyis las chos gsan par gyur na/ mkhan po'i thugs mngon par dad par 'gyur ba gang lags pa de lta bu'i gnas mchis so/ / lam chen pas bsams pa/ brtag par byas/ re zhig gang gi tshe bram ze'i khye'u dag mi klog par 'gyur ba de'i tshe/ bdag kyang 'gro bar bya'o snyam mo/ /bram ze'i khye'u de dag gi </font><hr>Ja94a<br><font size=+1>


@#/ /kun tu spyod pa ni gang gi tshe mi klog pa de'i tshe na lan 'ga' ni grong khyer ltar 'dong bar byed/ lan 'ga' ni yam sreg shing thur 'dong bar byed pas/ dus gzhan zhig na/ de dag mi klog par gyur nas de dag yam sreg shing thur dong ba dang / lam chen pa de yang rgyal byed kyi tshal ga la ba der song ngo / /dge slong zhig rgyal byed kyi tshal gyi sgo na shing ljon pa'i drung na 'chag cing 'dug pa de bram ze des thag ring po kho na nas mthong nas de'i gan du song ste smras pa/ kye dge slong sangs rgyas kyi bka' cung zhig smros shig /dge slong des bsams pa/ bram ze 'di ni rgol ba yin pas/ 'di la byung rgyal du smra bar mi nus so snyam nas/ des bram ze de la dge ba bcu'i las kyi lam dang / mi dge ba bcu'i las kyi lam rgya cher bstan to/ /bram zes smras pa/ kye dge slong kho bo yang bya ba yongs su nyams la khyod kyang dge ba'i phyogs yongs su nyams na ma legs kyi/ kho bo 'gros phyis kyang 'ong ngo zhes smras te song ngo / /dus gzhan zhig na yang bram ze'i khye'u de dag mi klog par gyur nas de dag yam sreg shing thur dong ba dang / lam chen pa yang gcig pu rgyal byed kyi tshal du song ngo / /dge slong des bram ze de thag ring po kho na nas mthong ngo / /mthong nas kyang des bsams pa/ de'i tshe na bdag gis bram ze 'di la dge ba bcu'i las kyi lam dang / mi dge ba bcu'i las kyi lam rgya cher bstan gyi/ da ni bdag gis 'di la rten cing 'brel par </font><hr>Ja94b<br><font size=+1>


'byung ba'i yan lag bcu gnyis lugs su 'byung ba dang / lugs las bzlog pa rgya cher bstan par bya'o snyam nas/ bram ze de dge slong de ga la ba der song ste byin nas/ dge slong de'i rkang pa gnyis la mgo bos phyag 'tshal te mtha' gcig tu 'dug go /mtha' gcig tu 'dug nas dge slong des bram ze de la rten cing 'brel par 'byung ba'i yan lag bcu gnyis lugs su 'byung ba dang / lugs las bzlog pa rgya cher bstan to/ /bram ze de mngon par dad par gyur nas smras pa/ dge slong bdag rab tu dbyung du gsol/ dge slong des bsams pa/ bram ze 'di ni rgol ba yin pas rab tu byung na bstan pa la gces pa byed par 'gyur gyi/ rab tu dbyung ngo snyam nas des smras pa/ bram ze de ltar gyis shig/ bram zes smras pa/ kye dge slong bdag ni bram ze grags pa can lags pas bdag gis 'di nyid du rab tu 'byung ba'i rngo mi thog na ljongs su bzhud do/ /de ltar gyis shig /dge slong des bram ze de ljongs su khrid de rab tu phyung rdzogs par bsnyen par byas nas smras pa/ bzhin bzang dge slong gi las ni gnyis te bsam gtan dang klog pa yin na khyod bsam gtan dang klog pa gang 'dod/ lam chen pas smras pa/ mkhan po gnyis ka yang bgyi ste/ gdugs la ni bklag par bgyi/ dgung la ni bsam gtan bgyi'o/ /bu de bzhin gyis shig /de nas tshe dang ldan pa lam chen pas nyin mo bklag pa dang kha ton byas pas sde snod gsum po dag lhogs par gyur te/ sde snod gsum dang ldan pa/ </font><hr>Ja95a<br><font size=+1>


@#/ /chos sgrog pa/ rig pa dang grol ba'i spobs pa can du gyur to/ /mtshan mo bsam gtan byas pas gong nas gong du yid la byed pa'i khyad par thob nas/ 'khor ba'i 'khor lo cha lnga pa g.yo ba dang / mi g.yo ba 'di nyid rig ste 'du byed kyi rnam pa thams cad nyams pa dang / ltung ba dang / rnam par 'thor ba dang / rnam par 'jig pa'i chos nyid kyis zil gyis mnan nas nyon mongs pa thams cad spangs pas rigs kyi bu dag gang gi phyir skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu 'byung bar byed pa tshangs par spyod pa'i mtha' bla na med pa de/ tshe de nyid la rang gi mngon par shes pas mngon sum du byas te bsgrubs nas/ bdag gi skye ba zad do/ /tshangs par spyod pa spyad do| |bya ba byas so/ /srid pa 'di las gzhan mi shes so zhes go bar byed cing dgra bcom pa khams gsum pa las 'dod chags dang bral ba/ bong pa dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan dan bzhag pa lta bu rigs pas sgo nga'i sbubs dral bar gyur cing / rig pa dang mngon par shes pa dang so so yang dag par rig pa thob ba/ srid pa dang 'dod pa'i rnyed pa dang bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod par bya ba dang / rjed par bya ba dang / mngon du smra </font><hr>Ja95b<br><font size=+1>


bar bya bar gyur to/ /gang gi tshe tshe dang ldan pa lam chen pa rab tu byung ba de'i tshe na/ lam chung ba'i longs spyod srabs pa dang / yongs su zad pa dang / yongs su gtugs par gyur nas/ des tshegs chen pos 'tsho ba sbyar bar brtsams so/ /de nas tshe dang ldan pa lam chen po 'di snyam du sems te/ bdag gis thos pas thob par bya ba gang yin pa de bdag gis thob kyi/ bdag mnyan yod du song la bcom ldan 'das la bsnyen bkur bya'o snyam mo/ /de nas tshe dang ldan pa lam chen pa 'khor lnga brgya dang ko sa la dag tu rgyu zhing 'gro ba na mnyan yod du phyin to/ /mnyan yod na skye bo phal po che'i tshogs kyis/ 'phags pa lam chen pa 'khor lnga brgya dang ko sa la dag tu ljongs rgyu zhing 'gro ba na mnyan yod du phyin to zhes thos so/ /thos nas kyang skye bo phal po che'i tshogs phyir 'byung bar brtsams pa lam chung bas mthong nas dris pa/ shes ldan dag gang 'dod/ de dag gis smras pa/ 'phags pa lam chen pa 'khor lnga brgya dang ko sa la dag tu ljongs rgyur gshegs pa na/ gnyan yod du 'ong ste de ltar 'dong ngo / /lam chung bas bsams pa/ de 'di dag gi phu nu yang ma yin/ nye du yang ma yin yang 'di dag de ltar 'dong na/ de bdag gi phu bo yin na bdag ci'i phyir de ltar mi 'gro snyam nas lam chung ba yang 'phags pa lam chen pa blta ba'i phyir song ngo / /tshe dang ldan pa lam chen pas de mthong nas smras pa/ lam pa 'tsho'am/ 'phags pa 'tsho'o/ /ji ltar 'tsho/ </font><hr>Ja96a<br><font size=+1>


@#/ /des smras pa/ 'phags pa tshegs chen pos so/ /tshe dang ldan pa lam chen pas smras pa/ ji ltar rab tu mi 'byung ngam/ lam chung bas smras pa/ 'phags pa bdag ni bul ba mchog tu bul ba/ chung ba mchog tu chung ba lags na/ bdag bcom ldan 'das kyi bstan pa la rab tu 'byung bar 'gyur ram/ tshe dang ldan pa lam chen pas de la dge ba'i rtsa ba cung zad yod dam zhes bltas na/ yod par mthong ngo / /su la rag lus snyam na/ bdag nyid la rag las par mthong nas des smras pa/ lam pa thub pa'i dbang po'i gsung rab 'di la ni rig gces pa ma yin/ rus gces pa ma yin/ thos pa gces pa ma yin gyi/ thub pa'i dbang po'i gsung rab 'di la ni sgrub pa gces pa yin gyi/ gal te 'dod na rab tu byung zhig/ 'phags pa rab tu 'byung ngo / /tshe dang ldan pa lam chen pas lam chung ba de rab tu phyung / rdzogs par bsnyen par byas nas des de klog tu gzhug par brtsams pa dang / lus ngag yid kyis sdig pa mi bya zhing / /'jig rten kun las yongs 'dzin 'dod bral ba/ /dran dang ldan zhing shes bzhin can gyis ni/ /gnod ldan sdug bsngal gang yin bsnyen mi bya/ /zhes bya ba'i tshigs su bcad pa 'di zla ba gsum gyis kyang lob par ma gyur to/ /ba lang rdzi dang phyugs rdzi gzhan dag gis thos nas lobs par gyur pa dang / de rje sa dang bcas/ gus pa dang bcas pas de dag gi gan du song ste dris pa dang de dag gis de la </font><hr>Ja96b<br><font size=+1>


bstan to/ /ji ltar sangs rgyas bcom ldan 'das gson zhing bzhugs te 'tsho zhing bzhes pa rnams la chos nyid kyis nyan thos rnams kyi 'dus pa chen po gnyis yod de/ gcig ni dbyar zla 'bring po nya la dbyar nye bar sgrub pa'i tshe'o/ /gnyis pa ni ston zla 'bring po nya la'o/ /nyan thos chen po rnams la yang de bzhin no/ /de la gang dag dbyar zla 'bring po nya la dbyar nye bar sgrub pa'i tshe/ gdams ngag mnos te grong dang grong rdal dang yul 'khor dang rgyal po'i pho brang dag tu dbyar gnas par khas len pa de dag ni ston zla 'bring po'i zla ba nya la lhags nas ji ltar thob pa ni rjod par byed/ ma thob pa ni thob par bya ba'i phyir 'og tu 'dri bar byed pas/ tshe dang ldan pa la ma chen pa'i lhan cig gnas pa dang / nye gnas gang dag ljongs su dbyar gnas par khas blangs pa de dag dbyar gyi zla ba gsum po dag 'das nas/ chos gos byas pa dang ldan pa chos gos zin pa dang ldan zhing lhung bzed dang chos gos thogs te/ tshe dang ldan pa lam chen pa ga la ba der dong nas phyin pa dang / tshe dang ldan pa lam chen pa'i rkang pa gnyis la phyag 'tshal te mtha' gcig tu 'khod do/ /mtha' gcig tu 'khod nas de dag kha cig ni ji ltar thob pa rjod par byed de/ kha cig ni mdo sde dang 'dul ba dang chos mngon pa dag gi kha ton dag dang yongs su dri ba dag tshol bar byed do/ /de na gang dag bul ba mchog tu bul ba/ chung ba mchog tu chung ba de dag drug sde dag la sten par byed/ bsnyen par </font><hr>Ja97a<br><font size=+1>


@#/ /byed/ bsnyen bkur byed pas/ tshe dang ldan pa lam chung ba yang drug sde dag la sten par byed/ snyen par byed/ bsnyen bkur byed pa na nye dgas tshe dang ldan pa lam pa la smras pa/ lam pa khyod kyi mkhan po gcig pa 'di dag kyang mkhan po las kha ton dag dang yongs su dri ba dag tshol bar byed kyi/ khyod kyang song la re zhig mkhan po las kha ton dag dang yongs su dri ba dag tshol cig/ lam pas smras pa/ bdag gis ci yang ma bklags te zla ba gsum gyis tshigs su bcad pa gcig bklags na de yang ma lobs pas bdag gis kha ton dag dang / yongs su dri ba dag ci ltar btsal/ nye dgas smras pa/ bcom ldan 'das kyis gsang tshig gi dri ma ni mi klog pa yin no zhes ma gsungs sam/ re zhig lhogs shig dang tshigs su bcad pa ci'i phyir lobs par mi 'gyur tshol cig dang / lam pa song ste smras pa/ mkhan po bdag la re zhig kha ton dag stsol cig/ tshe dang ldan pa lam chen pas bsams pa/ ci 'di re zhig rang gi blos gsol bar byed dam/ 'on te gzhan gyis gtang snyam du bsams na de gzhan gyis btang bar mthong nas tshe dang ldan pa lam chen pas bsams pa| ci 'di re zhig smad pas gdul ba yin nam/ 'on te bstod pas gdul ba yin snyam du bsams na smad pas gdul ba yin par mthong nas des de'i gnya' ba nas bzung ste/ rgyal </font><hr>Ja97b<br><font size=+1>


byed kyi tshal gyi phyi rol tu bskrad nas smras pa/ khyod ni re zhig bul ba mchog tu bul ba/ chung ba mchog tu chung ba yin na/ khyod bcom ldan 'das kyi bstan pa la rab tu byung ste ci bya/ 'di nyid na 'dug cig /lam pa da ni bdag dge sbyong yang ma yin/ bram ze yang ma yin no snyam nas des du bar brtsams pa dang / bcom ldan 'das kyis tshe dang ldan pa lam pa/ rgyal byed kyi tshal gyi phyi rol tu ngu ba gzigs so/ /de nas bcom ldan 'das thugs rje chen pos bskul ba na/ tshe dang ldan pa lam pa ga la ba der gshegs te byon nas/ tshe dang ldan pa lam pa la 'di skad ces bka' stsal to/ /lam pa khyod ci'i phyir rgyal byed kyi tshal gyi phyi rol na du/ lam pas gsol pa/ bcom ldan 'das bdag mkhan pos gnya' ba nas bzung ste/ rgyal byed kyi tshal gyi slad rol tu bskrad nas khyod ni re zhig bul ba mchog tu bul ba/ chung ba mchog tu chung ba yin na/ khyod bcom ldan 'das kyi bstan pa la rab tu byung ste ci bya/ 'di nyid na 'dug cig ces mchi bas da ni bdag dge sbyong yang ma lags/ bram ze yang ma lags par gyur to/ /de nas bcom ldan 'das kyis de'i tshe tshigs su bcad pa bka' stsal pa/ byis pa bstod pa gang yin dang / /mkhas pa smad pa gang yin pa/ /'dir ni mkhas smod mchog yin gyi/ /byis pa bstod pa ma yin no/ /de nas bcom ldan 'das kyis bka' stsal pa/ bu khyod kyi mkhan pos ni bskal pa grangs med pa gsum </font><hr>Ja98a<br><font size=+1>


@#/ /gyis bya dka' ba 'bum phrag du ma dag gis pha rol tu phyin pa drug yongs su rdzogs par byas te thub pa'i dbang po'i gsung rab 'di yang dag par bsgrubs pa ma yin gyi| ngas ni bskal pa grangs med pa gsum gyis bya dka' ba 'bum phrag du ma dag gis pha rol tu phyin pa drug yongs su rdzogs par byas te thub pa'i dbang po'i gsung rab 'di yang dag par bsgrubs pa yin na/ khyod de bzhin gshegs pa las klog nus sam/ btsun pa bdag ni bul ba mchog tu bul ba/ chung ba mchog tu chung ba lags so/ /de nas bcom ldan 'das kyis byung ba 'di la tshigs su bcad pa bka' stsal pa/ gang gis byis pa byis nyid rig /de la des na de mkhas yin/ /byis pa mkhas par rlom byed pa/ /de 'dir shin tu byis pa yin/ /sangs rgyas bcom ldan 'das rnams tshig re re nas chos 'don par mdzad pa ni gnas ma yin/ skabs ma yin te/ de ni gnas med pas de na bcom ldan 'das kyis tshe dang ldan pa kun dga' bo la bka' stsal to/ /kun dga' bo khyod kyis lam pa klog tu chug cig /tshe dang ldan pa kun dga' bos lam pa klog tu gzhug par brtsams pa dang / des klog ma nus nas bcom ldan 'das la| tshe dang ldan pa kun dga' bos 'di skad ces gsol to/ /btsun pa bdag gis re zhig ston pa la yang bsnyen bkur bgyi 'tshal/ thos pa yang gzung 'tshal/ tshogs dag kyang klog tu </font><hr>Ja98b<br><font size=+1>


stsal 'chal bram ze dang khyim bdag mchis shing lhags pa rnams la yang chos bstan par bgyi 'tshal bas/ bdag gis lam pa klog tu stsol ba'i rngo mi thog go/ bcom ldan 'das kyis de la rdul spang ngo / /dri ma spang ngo zhes bya ba'i tshig gnyis stsal na/ des tshig de gnyis ma zin nas/ bcom ldan 'das kyis 'di'i las sbyang bar bya'o snyam du dgongs nas/ de nas bcom ldan 'das kyis tshe dang ldan pa lam pa la bka' stsal pa/ lam pa khyod kyis dge slong rnams kyi mchil lham dang lham sgro gu can dag 'phyi nus sam/ btsun pa rngo thog go /song la dge slong rnams kyi mchil lham dang lham sgro gu can dag phyis shig /des dge slong rnams kyi mchil lham dang lham sgro gu can dag phyi bar brtsams pa dang / dge slong rnams kyis de la mi ster nas/ bcom ldan 'das kyis bka' stsal pa/ dge slong dag lam pa mchil lham dang lham sgro gu can dag phyir chug cig /de ci'i phyir zhe na/ 'di'i las sbyang bar bya ba'i phyir ro/ /'di la tshig gnyis kyi kha ton dag kyang rjes su slobs shig /lam pas dge slong rnams kyi mchil lham dang lham sgro gu can dag 'phyi ba na dge slong rnams kyis de la rdul spang ngo dri ma spang ngo zhes bya ba'i kha ton gnyis po dag kyang bslabs nas/ lam pas dus gzhan zhig na/ kha ton gnyis po de yang lobs par gyur to/ /de nas tshe dang ldan pa lam pa mtshan mo'i nam nangs pa'i tshe/ 'di snyam du sems te bcom ldan 'das kyis rdul spang ngo dri ma spang ngo zhes bka' stsal pa gang yin pa de </font><hr>Ja99a<br><font size=+1>


@#/ /ci| bcom ldan 'das kyis nang gi rdul las dgongs te bka' stsal tam/ 'on te phyi rol gyi rdul las dgongs te bka' stsal snyam mo/ /de de ltar sems pa na de'i tshe de la sngon ma thob pa'i tshigs su bcad pa gsum po 'di dag blo la snang bar gyur to/ /rdul 'dir 'dod chags de ni sa rdul min/ /rdul ni 'dod chags ming ste rdul gyi min/ /mkhas pa gang gis rdul de rnam spangs pa/ /de dag bde gshegs bstan la bag yod 'gyur/ /rdul 'dir zhe sdang de ni sa rdul min/ /rdul ni zhe sdang ming ste rdul gyi min/ /mkhas pa gang gis rdul de rnam spangs pa/ /de dag bde gshegs bstan la bag yod 'gyur/ /rdul 'dir gti mug de ni sa rdul min/ /rdul ni gti mug ming ste rdul gyi min/ /mkhas pa gang gis rdul de rnam spangs pa/ / de dag bde gshegs bstan la bag yod 'gyur/ /des spro ba dang 'bad pa dang btsal ba byas pas gong nas gong du yid la byed pa'i khyad par thob nas 'khor ba'i 'khor lo cha lnga pa g.yo ba dang mi g.yo ba 'di nyid rig ste 'du byed kyi rnam pa thams cad nyams pa dang ltung ba dang rnam par 'thor ba dang rnam par 'jig pa'i chos nyid kyis zil gyis mnan nas nyon mongs pa thams cad spangs pas rigs kyi bu dag gang gi phyir skra dang kha spu dag bregs te gos ngur smrig dag bgos nas yang dag pa kho nar dad pas khyim nas khyim med par rab tu 'byung bar byed pa tshangs par </font><hr>Ja99b<br><font size=+1>


spyod pa'i mtha' bla na med pa de'i tshe de nyid la rang gi mngon par shes pas mngon sum du byas te bsgrubs nas bdag gi skye ba zad do/ /tshangs par spyod pa spyad do/ /bya ba byas so/ /srid pa 'di las gzhan mi shes so zhes go bar byed cing / dgra bcom pa khams gsum pa las 'dod chags dang bral ba/ bong ba dang gser du mnyam pa nam mkha' dang lag mthil du mtshungs pa'i sems dang ldan pa/ tsan dan bzhag pa lta bu rig pas sgo nga'i sbubs dral bar gyur cing / rig pa dang mngon par shes pa dang / so so yang dag par rig pa thob pa/ srid pa dang 'dod pa'i rnyed pa dang bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur to/ /tshe dang ldan pa lam pa skyil mo krung gis 'dug pa/ tshe dang ldan pa lam chen pas mthong nas/ dgra bcom pa dag ni ma bsams par shes pa dang / mthong ba mi 'jug pas/ tshe dang ldan pa lam chen pas lag pa gnyis kyis tshe dang ldan pa lam pa bzung ste smras pa/ lam pa re zhig kha ton dag gyis shig dang / de'i 'og tu bsam gtan par 'gyur ro/ /tshe dang ldan pa lam pas glang po che'i sna 'dra ba'i lag pa brkyang pa dang / tshe dang ldan pa lam chen pas rgyab tu rnam par bltas nas mthong ste/ des smras pa/ tshe dang ldan pa lam pa khyod kyis yon tan gyi tshogs de lta bu dag rtogs sam/ rtogs so/ /thams cad du bcom </font><hr>Ja100a<br><font size=+1>


@#/ /ldan 'das kyis lam chung ba rab tu phyung ngo zhes sgra grags nas/ rgyal po'i khab na 'tsho byed gzhon nus gsos kyis/ bcom ldan 'das kyis lam chung ba rab tu byung ngo zhes thos nas/ des bsams pa/ gal te bcom ldan 'das rgyal po'i khab tu gshegs par gyur na btsun pa lam pa ma gtogs pa sangs rgyas la sogs pa dge slong gi dge 'dun khyim gzhan du spyan drangs te gdugs tshod gsol lo snyam mo/ /gzhan mu stegs can dag/ shes ldan dag dge sbyong go'u ta ma 'di skad ces nga'i chos ni zab pa zab par snang ba/ mthong bar dka' ba/ rtogs par dka' ba/ brtag mi nus pa/ rtog ge'i spyod yul ma yin pa zhib mo brtags pa mkhas shing mdzangs pas rig par bya ba yin no zhes zer na 'di ltar lam chung pa la sogs pa bul ba mchog tu bul ba/ chung ba mchog tu chung ba dag kyang rab tu 'byin par byed na de'i chos ji ltar zab pa yin zhes smod par byed/ phyar ka gtong bar byed/ kha zer bar byed do/ /bcom ldan 'das kyis nyan thos chen po ri rab dang 'dra ba la skye bo phal po che'i tshogs kyis smad pa mi dge ba skyed par byed kyi/ 'di'i yon tan bsgrag par bya'o snyam du dgongs nas/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la lam pa la de bzhin gshegs pa'i zhal nas khyod kyis dge slong ma la ston cig ces bka' stsal to zhes gyis shig /tshe dang </font><hr>Ja100b<br><font size=+1>


ldan pa kun dga' bos btsun pa bka' bzhin 'tshal zhes bcom ldan 'das las mnyan nas tshe dang ldan pa lam pa ga la ba der song ste phyin nas/ tshe dang ldan pa lam pa la smras pa/ tshe dang ldan pa lam pa/ bcom ldan 'das kyis bka' stsal pa/ khyod kyis dge slong ma la ston cig ces byung ngo / /tshe dang ldan pa lam pas bsams pa/ bcom ldan 'das kyis ci'i slad du dge slong gnas brtan gnas brtan dag bzhag ste bdag la bka' stsal snyam nas/ des bcom ldan 'das bdag gi yon tan bsgrag par bzhed par rig nas/ ston pa'i thugs la dgongs pa yongs su rdzogs par bya'o snyam nas smras pa/ btsun pa kun dga' bo/ bcom ldan 'das kyis bka' stsal pa bzhin 'tshal lo/ /dge slong ma gso sbyong 'bul ba gnyis rgyal byed kyi tshal du 'ongs te/ de gnyis kyis smras pa| bdag cag dge slong ma'i ston pa su bskos/ dge slong rnams kyis smras pa/ tshe dang ldan pa lam pa'o/ /ci lags/ 'phags pa lam chen pa'am/ tshe dang ldan pa lam pa'o/ /de gnyis kyis smras pa/ phu nu mo ji ltar bud med kyi yul brnyas pa la ltos/ des zla ba gsum gyis tshigs su bcad pa gcig bklags na de yang ma lobs pa yin la/ dge slong ma rnams ni sde snod gnyis pa dang / sde snod gsum pa dang chos sgrog pa rig pa dang grol ba'i spobs pa can dag yin na/ des dge slong ma la ston par 'gyur ba/ ji lta byed pa bltas 'dong ngo zhes tshe dang ldan pa lam pa </font><hr>Ja101a<br><font size=+1>


@#/ /ga la ba der song ste phyin nas/ tshe dang ldan pa lam pa'i rkang pa gnyis la mgo bos phyag 'tshal te smras pa/ btsun pa lam pa dgongs su gsol/ rgyal po'i kun dga' ra ba'i dge slong ma'i dge 'dun mthun pa/ rgyal byed kyi tshal gyi dge slong gi dge 'dun mthun pa'i zhabs la mgo bos phyag 'tshal lo/ /gnod pa nyung ngam/ nyam nga ba chung ngam/ bskyod pa yang ngam/ 'tsho'am/ stobs dang ldan nam/ bde'am kha na ma tho ba ma mchis sam/ bde ba la reg par gnas sam zhes snyun gsol lo/ /zla ba phyed phyed cing gdams ngag dang rjes su bstan pa gsol lo/ / 'dun pa dang gso sbyong bgyi bar gsol ba 'debs so/ /gsol pa yang mkhyen par gsol lo/ /thabs yin no/ /de gnyis kyis smras pa/ thabs yin no zhes bya ba tsam yang shes pa lta zhes de gnyis dbyar khang du dong ba dang / dge slong ma rnams kyis mthong nas smras pa/ bdag cag dge slong ma'i ston par su byon/ de gnyis kyis smras pa/ 'phags pa lam pa'o/ /ci 'phags pa lam chen pa'am/ 'phags pa lam chen pa ma yin gyi 'di ltar lam pa'o/ /de dag gis smras pa/ phu nu mo dag ji ltar bud med kyi yul la brnyas pa la ltos/ de zla ba gsum gyis tshigs su bcad pa gcig bklags na de yang ma lobs pa yin la/ dge slong ma rnams ni sde snod gnyis pa dang sde snod gsum pa dang / chos sgrog pa rig pa dang / grol ba'i spobs pa can dag </font><hr>Ja101b<br><font size=+1>


yin na/ des ji ltar dge slong ma la ston par 'gyur/ bdag cag ji ltar bcom ldan 'das kyis zil gyis mnan pa ltar ni ya mtshan can dgu bcu rtsa drug po dag gis kyang bud med kyi yul 'ga' yang zil gyis ma mnan to/ /dge slong ma bcu gnyis sde dag gis de ltar 'phags pa lam pa dge slong ma la ston par 'ong ngo zhes thos nas de dag gis smras pa/ phu nu mo dag bdag cag gis ci nas kyang phyin chad thos pa nyung ngu 'ga' yang dge slong ma la ston par mi 'gyur ba de lta bu zan mo'i bu de mi dga' bar bya'o zhes de dag gis smras pa/ phu nu mo dag bdag cag las mi mo drug gis ni yal ga khru bcu gnyis pa dag las seng ge'i khri shoms shig /mi mo drug gis ni mnyan yod du zhugs la lam po che dang / srang dang bzhi mdo dang sum mdo dag tu skye bo phal po che'i tshogs la sang bdag cag dge slong ma'i ston pa nyan thos chen po 'di 'dra ba zhig byon par 'gyur gyi/ khyed cag las gang gis der bden pa dag mthong bar ma gyur pa des yun ring por 'khor bar 'khor bar bya dgos par 'gyur ro/ / zhes sgrogs shig /de dag las mi mo drug gis ni yal ga khru bcu gnyis pa dag las seng ge'i khri bshams so/ /mi mo drug gis ni mnyan yod du zhugs te lam po che dang / srang dang bzhi mdo dang sum mdo dag tu skye bo phal po che'i tshogs la sang bdag cag dge slong ma'i ston pa nyan thos chen po 'di 'dra ba zhig byon par 'gyur gyi/ khyed cag las gang gis der bden pa dag mthong </font><hr>Ja102a<br><font size=+1>


@#/ /bar ma gyur pa des yun ring por 'khor bar 'khor bar bya dgos par 'gyur ro zhes bsgrags pa dang / srog chags 'bum phrag du ma dag kha cig ni ltad mo skyes pa na/ kha cig ni sngon gyi dge ba'i rtsa ba dag gis bskul ba na der 'dus par gyur to/ /de nas tshe dang ldan pa lam pa de nyid kyi mtshan mo 'das nas snga dro sham thabs bgos/ lhung bzed dang chos gos thogs te mnyan yod du bsod snyoms la zhugs so/ /de mnyan yod du bsod snyoms brgyus nas zas kyi bya ba byas te phyi ma'i zas kyi bsod snyoms las phyir log pas lhung bzed dang chos gos mkhos su phab ste/ rkang pa gnyis bkrus nas nang du yang dag 'jog gi phyir gtsug lag khang du zhugs so/ /de nas tshe dang ldan pa lam pa phye ma bred nang du yang dag 'jog las langs te snam sbyar thogs nas phyi bzhin 'brang ba'i dge sbyong dge slong zhig dang dge slong ma'i dbyar khang rgyal po'i kun dga' ra ba ga la ba der song ngo / /skye bo phal po che'i tshogs kyis de mthong nas/ de dag gis smras pa/ dge slong ma'i ston pa de gang yin/ ci dge sbyong snga ma yin nam/ 'on te phyi bzhin 'brang ba'i dge sbyong yin/ de dag gis smras pa/ khyed kyis phyi bzhin 'brang ba'i dge sbyong 'ga' zhig dge slong ma la ston par byed ces thos sam/ dge sbyong snga ma 'di nyid dge slong ma'i ston pa yin no/ /de dag gis smras pa/ 'dis zla ba gsum gyis tshigs su bcad pa gcig </font><hr>Ja102b<br><font size=+1>


bklags na de yang ma lobs pa yin na/ des dge slong ma sde snod gnyis pa dang / sde snod gsum pa dang / chos sgrogs pa/ rig pa dang grol ba'i spobs pa can dag la ji ltar ston par 'gyur/ dge sbyong ma sgre byi mo 'di dag gis bdag cag brid par gyur gyi/ tshur sheg 'dong ngo / /gzhan dag gis smras pa/ ji lta byed pa yang bltas te re zhig sdod cig /de nas tshe dang ldan pa lam pa 'khor de'i nang du zhugs nas seng ge'i khri ga la ba der song ba dang / ji tsam na yal ga khru bcu gnyis pa dag las seng ge'i khri bshams pa mthong nas des bsams pa/ ci re zhig dad par gyur pa dag gis bshams pa yin nam/ 'on te mtho 'tsham pa'i bsam pa can dag gis bshams pa yin snyam na/ ji tsam na mtho 'tsham pa'i bsam pa can dag gis bshams par mthong ngo / / de nas tshe dang ldan pa lam pas/ glang po'i sna lta bu'i lag pa brkyang ste seng ge'i khri de ji ltar gnas su bzhag pa de ltar mnan nas tshe dang ldan pa lam pa ci nas kyang kha cig gis mthong / kha cig gis ni ma mthong ba de ltar seng ge'i khri la 'dug go /de nas tshe dang ldan pa lam pa ting nge 'dzin 'di lta bu la snyoms par zhugs te/ ji ltar sems mnyam par bzhag na rang gi stan las mi snang bar gyur cing shar phyogs kyi steng gi nam mkha' la mngon par 'phags te/ spyod lam bzhi po 'di lta ste/ 'gro ba dang 'greng ba dang 'dug pa dang nyal ba dag byed do/ /me'i khams </font><hr>Ja103a<br><font size=+1>


@#/ /la yang snyoms par 'jug ste/ tshe dang ldan pa lam pa me'i khams la yang snyoms par zhugs pa'i lus las 'od zer sna tshogs 'di lta ste sngon po dag dang / ser po dag dang / dmar po dag dang / dkar po dag dang / btsod ka dag dang / shel dang dngul gyi kha dog lta bu dag byung ngo / /cho 'phrul zung dag kyang rnam par ston te/ lus kyi smad nas me 'bar zhing lus kyi stod nas chu grang mo'i rgyun dag 'byin par byed do/ /lus kyi stod nas me 'bar zhing lus kyi smad nas chu grang mo'i rgyun dag 'byin par byed do/ /shar phyogs su ji lta ba bzhin du lho dang nub dang byang phyogs su yang de bzhin te/ de phyogs bzhir rdzu 'phrul gyi cho 'phrul rnam pa bzhi bzhi bstan nas rdzu 'phrul mngon par 'du bya ba de phyir bsdus te 'khor gyi gong du seng ge'i khri bshams pa nyid la 'dug go /'dug nas tshe dang ldan pa lam pas dge slong ma rnams la smras pa/ sring mo dag kho bos zla ba gsum gyis tshigs su bcad pa gcig bzung ste/ kho bo tshigs su bcad pa de nyid nyin mtshan bdun gyi bar du tshig gzhan dag dang yi ge gzhan dag dang tshig dang yi ge gzhan dag gis don rnam par 'byed par spro'o/ /sring mo dag de la lus zhes bya bas ni bcom ldan 'das kyis lus kyis nyes par spyod pa gsum mi bya ba bstan to/ /ngag ces bya bas ni/ bcom ldan 'das kyis ngag gis nyes par spyod pa bzhi mi bya ba bstan to/ /yid kyis zhes bya </font><hr>Ja103b<br><font size=+1>


bas ni bcom ldan 'das kyis yid kyis nyes par spyod pa gsum mi bya ba bstan to/ /sdig pa mi bya zhing zhes bya bas ni bcom ldan 'das kyis sdig pa thams cad mi bya ste zhes bya ba bstan to/ /'jig rten kun la zhes bya bas ni bcom ldan 'das kyis nye bar len pa'i phung po thams cad bstan to/ /yongs 'dzin zhes bya bas ni/ bcom ldan 'das kyis yongs 'dzin rnam pa gsum bstan te/ 'dod chags kyi yongs 'dzin dang / zhe sdang gi yongs 'dzin dang / gti mug gi yongs 'dzin to/ /tshe dang ldan pa lam pas ji tsam gyis tshigs su bcad pa phyed kyi don kyang rnam par phye ba de tsam gyis srog chags khri nyis stong gis bden pa dag mthong ste/ kha cig gis ni rgyun du zhugs pa'i 'bras bu mngon sum du byas/ kha cig gis ni lan cig phyir 'ong ba'i 'bras bu mngon sum du byas/ kha cig gis ni phyir mi 'ong ba'i 'bras bu mngon sum du byas/ kha cig gis ni rab tu byung ste nyon mongs pa thams cad spangs pas dgra bcom pa nyid mngon sum du byas so/ /kha cig gis ni nyan thos kyi byang chub tu sems bskyed/ kha cig gis ni rang byang chub tu sems bskyed/ kha cig gis ni bla na med pa yang dag par rdzogs pa'i byang chub tu sems bskyed do/ /'khor phal cher ni sangs rgyas la gzhol ba dang / chos la 'bab pa dang / dge 'dun la bab par bkod do/ /de nas tshe dang ldan pa lam pas 'khor de dag phal cher sangs rgyas la gzhol ba dang / chos la 'bab pa dang / </font><hr>Ja104a<br><font size=+1>


@#/ /dge 'dun la bab par rnam par bkod nas stan las langs te song ngo / /dge slong dag rgyal byed kyi tshal gyi sgo na 'chag cing 'khod pa de dag gis/ tshe dang ldan pa lam pa thag ring po kho na nas 'ong ba mthong nas de dag gis smras pa/ tshe dang ldan pa dag tshe dang ldan pa lam pas deng skye bo phal po che'i tshogs mngon par ma dad par gyur par byas gor ma chag na/ mngon sum du mi dga' ba brjod pa ni sdug bsngal ba yin pas/ phyi bzhin 'brang ba'i dge sbyong la dri'o zhes de dag gis de'i phyi bzhin 'brang ba'i dge sbyong la smras pa/ tshe dang ldan pa deng tshe dang ldan pa lam pas skye bo phal po che'i tshogs ji snyed cig mngon par ma dad par byas/ des smras pa/ sus ma dad pa byas/ bcom ldan 'das kyis wA ra NA sir drang srong smra ba ri dwags kyi nags su lan gsum du bzlas te rnam pa bcu gnyis su chos dang ldan pa'i chos kyi 'khor lo bskor ces gang thos pa de deng tshe dang ldan pa lam pas rjes su bskor to/ /de dag gis smras pa/ ji ltar gyur/ des smras pa/ tshe dang ldan pa lam pas ji tsam gyis tshigs su bcad pa phyed kyi don kyang rnam par phye ba de tsam gyis/ srog chags khri nyis stong gis bden pa dag mthong ste/ kha cig gis ni rgyun du zhugs pa'i 'bras bu mngon sum du byas/ kha cig gis ni lan cig phyir 'ong ba'i 'bras bu mngon sum du byas/ kha cig gis ni phyir mi 'ong ba'i 'bras bu mngon sum du byas/ kha cig gis ni </font><hr>Ja104b<br><font size=+1>


rab tu byung ste nyon mongs pa thams cad spangs pas dgra bcom pa nyid mngon sum du byas so/ kha cig gis ni nyan thos kyi byang chub tu sems bskyed/ kha cig gis ni rang sangs rgyas kyi byang chub tu sems bskyed/ kha cig gis ni bla na med pa yang dag par rdzogs pa'i byang chub tu sems bskyed do/ /'khor phal cher ni sangs rgyas la gzhol ba dang chos la 'bab pa dang dge 'dun la bab par rnam par bkod do/ /de nas bcom ldan 'das kyis dge slong rnams la bka' stsal pa/ dge slong dag nga'i nyan thos sems bsgyur ba la mkhas pa rnams kyi nang na 'di lta ste/ lam pa 'di ni mchog yin no/ /de lta bas na chos 'di lta bu dang ldan pa ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang mthun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas/ dge slong rnams la bka' stsal pa/ dge slong dag de lta bas na snga ma ni bcas pa yin la 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge 'dun gyis ma bskos par dge slong ma la ston na chos 'di lta bu dang ldan pa ma gtogs te ltung byed do/ /yang dge slong gang zhes bya ba ni drug sde'am/ gzhan yang de lta bu gang yin pa'o/ /dge 'dun gyis zhes bya ba ni/ de </font><hr>Ja105a<br><font size=+1>


@#/ /bzhin gshegs pa'i nyan thos kyi dge 'dun gyis so/ /ma bskos par zhes bya ba ni/ gsol ba dang gnyis kyi las kyis so/ /dge slong ma zhes bya ba ni/ chos 'di ba la'o/ /ston pa zhes bya ba ni lhag pa'i tshul khrims dang lhag pa'i sems dang / lhag pa'i shes rab bo/ /chos 'di lta bu dang ldan pa ma gtogs te zhes bya ba ni chos 'di lta bu dang ldan pa bzhag ste'o/ /ltung byed do zhes bya ba ni sems can dmyal ba dang dud 'gro dang yi dwags ngan song dang / ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste des na ltung byed do zhes gsungs so/ /de la ltung ba ji ltar 'gyur zhe na| dge slong dge 'dun gyis bskos kyang mtshams kyi phyi rol tu bskos shing mtshams kyi nang du ma bskos na/ gang dag sko bar byed pa de dag la nyes byas su 'gyur la/ de bskos pa des dge slong ma la ston na ltung byed du 'gyur ro/ /dge slong dge 'dun gyis mtshams kyi nang du bskos shing mtshams kyi phyi rol tu ma bskos kyang gso sbyong bco lnga pa de nyid la ma bskos na gang dag sko bar byed pa de dag la nyes byas su 'gyur la/ de bskos pa des dge slong ma la ston na ltung byed du 'gyur ro/ /dge slong dge 'dun gyis mtshams kyi nang du bskos shing mtshams kyi phyi rol tu ma </font><hr>Ja105b<br><font size=+1>


bskos te/ gso sbyong bco lnga pa de nyid la bskos kyang dge 'dun thams cad 'dug cing mthun pa ma yin na/ gang dag sko bar byed pa de dag la nyes byas su 'gyur la/ de bskos pa des dge slong ma la ston na ltung byed du 'gyur ro/ /dge slong dge 'dun gyis mtshams kyi nang du bskos shing mtshams kyi phyi rol tu ma bskos te/ gso sbyong bco lnga pa de nyid la bskos shing dge 'dun thams cad 'dug cing mthun par gyur kyang tshul khrims dang ldan pa ma yin na/ gang dag sko bar byed pa de dag la nyes byas su 'gyur la/ de bskos pa des dge slong ma la ston na ltung byed du 'gyur ro/ /dge slong dge 'dun gyis mtshams kyi nang du bskos shing mtshams kyi phyi rol tu ma bskos te/ gso sbyong bco lnga pa de nyid la bskos shing dge 'dun thams cad 'dug cing mthun par gyur la de yang tshul khrims dang ldan pa yin yang mang du thos pa ma yin na gang dag sko bar byed pa de dag la nyes byas su 'gyur la/ de bskos pa des dge slong ma la ston na ltung byed du 'gyur ro/ /dge slong dge 'dun gyis mtshams kyi nang du bskos shing mtshams kyi phyi rol tu ma bskos te/ gso sbyong bco lnga pa de nyid la bskos shing dge 'dun thams cad 'dug cing mthun par gyur la de yang tshul khrims dang ldan zhing mang du thos pa yin yang gnas brtan rgyal tshab lta bu ma yin na/ gang dag sko bar byed pa de dag la nyes byas su 'gyur la/ de bskos pa des dge slong ma la ston na ltung byed du 'gyur ro/ /dge slong dge </font><hr>Ja106a<br><font size=+1>


@#/ /'dun gyis mtshams kyi nang du bskos shing mtshams kyi phyi rol tu ma bskos te/ gso sbyong bco lnga pa de nyid la bskos shing dge 'dun thams cad 'dug cing mthun par gyur la de yang tshul khrims dang ldan zhing mang du thos la gnas brtan rgyal tshab lta bu yin yang grong khyer ba'i skad dang ldan pa ma yin na gang dag sko bar byed pa de dag la nyes byas su 'gyur la| de bskos pa des dge slong ma la ston na ltung byed du 'gyur ro/ /dge slong dge 'dun gyis mtshams kyi nang du bskos shing mtshams kyi phyi rol tu ma bskos te gso sbyong bco lnga pa de nyid la bskos shing dge 'dun thams cad 'dug cing mthun par gyur la/ de yang tshul khrims dang ldan zhing mang du thos la gnas brtan rgyal tshab lta bu yin zhing grong khyer ba'i skad dang ldan yang 'di ltar des dge slong ma la lus kyis reg pas sun phyung bar gyur cing des ltung ba de yang chos bzhin du phyir ma byas na gang dag sko bar byed pa de dag la nyes byas su 'gyur la/ des bskos pa des dge slong ma la ston na ltung byed du 'gyur ro/ /dge slong dge 'dun gyis mtshams kyi nang du bskos shing mtshams kyi phyi rol tu ma bskos te/ gso sbyong bco lnga pa de nyid la bskos shing dge 'dun thams cad 'dug cing mthun par gyur la/ de yang tshul khrims dang ldan zhing mang du thos pa yang yin la gnas brtan rgyal tshab lta bu yin zhing grong khyer ba'i skad dang ldan la des dge slong </font><hr>Ja106b<br><font size=+1>


ma la lus kyis reg pas sun ma phyung zhing / gal te sun phyung bar gyur na yang des ltung ba de yang chos bzhin du phyir byas pa yin yang pham par 'gyur ba'i chos brgyad po dag rgya cher brjod par mi nus na gang dag sko bar byed pa dag la nyes byas su 'gyur la/ de bskos pa des dge slong ma la ston na ltung byed du 'gyur ro/ /dge slong dge 'dun gyis mtshams kyi nang du bskos shing / mtshams kyi phyi rol tu ma bskos te/ gso sbyong bco lnga pa de nyid la bskos shing / dge 'dun thams cad 'dug cing mthun par gyur la/ de yang tshul khrims dang ldan zhing / mang du thos la gnas brtan rgyal tshab lta bu yin zhing grong khyer ba'i skad dang ldan la des dge slong ma la lus kyis reg pas sun ma phyung zhing gal te sun phyung bar gyur na yang des ltung ba de yang chos bzhin du phyir byas la pham par 'gyur ba'i chos brgyad po dag rgya cher rjod par nus kyang lci ba'i chos brgyad po dag rgya cher rjod par mi nus na gang dag sko bar byed pa de dag la nyes byas su 'gyur la/ de bskos pa des dge slong ma la ston na ltung byed du 'gyur ro/ /dge slong dge 'dun gyis mtshams kyi nang du bskos shing mtshams kyi phyi rol tu ma bskos te/ gso sbyong bco lnga pa de nyid la bskos shing dge 'dun thams cad 'dug cing mthun par gyur la/ de yang tshul khrims dang ldan zhing mang du thos la gnas brtan rgyal tshab lta bu yin zhing grong khyer pa'i skad dang ldan la des dge slong ma la </font><hr>Ja107a<br><font size=+1>


@#/ /lus kyis reg pas sun ma phyung zhing gal te sun phyung bar gyur na yang des ltung ba de yang chos bzhin du phyir byas la pham par 'gyur ba'i chos brgyad po dag rgya cher rjod nus shing lci ba'i chos brgyad po dag kyang rgya cher rjod nus na gang dag sko bar byed pa de dag ltung ba med la/ de bskos pa des dge slong ma la ston na yang ltung ba med do/ /dge slong ma la ston pa phyi ma ni sring mo dag ci khyed cag dge slong ma'i dge 'dun tshogs sam/ yongs su dag gam/ mthun nam/ khan ma tho ba med dam/ khyed cag la dge 'dun gyis ma bskos pa'i gang zag 'ga' zhig ston par mi byed dam/ khyed cag la ston pa'i gang zag ni 'ga' zhig dge 'dun las 'ong ngo / /khyed cag la dge slong 'ga' yang ston par mi spro'o/ /khyed cag gi gdams ngag dang rjes su bstan pa ni dge 'dun las so/ /sring mo dag gis bag yod par sgrubs shig ces bya ba de ston nus pa'o/ /sangs rgyas bcom ldan 'das la dge slong rnams kyis zhus pa/ btsun pa dge slong ma bcu gnyis sde dag gis tshe dang ldan pa lam pa la gnod pa bgyi'o snyam pa las/ phan pa nyid bgyis pa la gzigs/ dge slong dag da ltar 'ba' zhig tu ma zad kyi/ 'di ltar 'das pa'i dus na yang de dag gis de la gnod pa bya'o snyam pa las phan pa nyid byas par gyur te/ de nyon cig /dge slong dag sngon byung ba 'das pa'i dus na ri brags shig na bram ze zhig 'dug pa des rigs mnyam pa </font><hr>Ja107b<br><font size=+1>


las chung ma blangs nas de de dang lhan cig rtse bar byed/ dga' bar byed/ dga' mgur spyod par byed pa de la bu btsas so/ /'dod pa 'di dag ni lan tsha dang 'dra ste ji lta ji ltar bsten pa de lta de ltar skom par 'gyur bas de yang dang yang du rtse bar byed/ dga' bar byed/ dga' mgur spyod par byed pa de la ji tsam na bu bcu gnyis btsas nas des de dag khyim dbub bcug go /dus gzhan zhig na de'i chung ma dus la bab nas/ bram ze de yang rgas pa'i gnas skabs su mya ngan gyis non pas mig gnyis ldongs par gyur to/ /de'i mna' ma bcu gnyis po de dag nyes par spyod pa sha stag yin te| gang gi tshe de dag gi khyim thab dag phyi rol du dong ba de'i tshe na skyes pa gzhan dag dang lhan cig dga' mgur spyod par byed do/ /bram ze de sgra la mkhas pas des 'di ni bdag gi bu rnams kyi sgra yin no/ /'di ni skyes pa gzhan dag gi sgra yin no zhes bya bar shes pas des skyes pa gzhan dag gi sgra thos pa na mna' ma rnams bsdigs pa dang / de dag gis bsams pa/ bram ze 'di bdag cag la gnod pa'i phyir zhus pa yin gyi/ bza' nar bya'o snyam nas/ de dag gis de la 'bras chan rtsub po dang rtsabs bskol ba byin no/ /bram ze des bu rnams la smras pa/ bu dag kho bo mna' ma 'di dag gis 'bras chan rtsub po dang rtsabs bskol ba byin no/ de dag gis chung ma dag la smras pa/ khyed cag gis ci'i phyir yab la 'bras chan rtsub po dang rtsabs bskol ba gsol/ de dag gis </font><hr>Ja108a<br><font size=+1>


@#/ /smras pa/ yab kyi bsod nams dag pas te/ de'i don du snod du 'bras sA lu thug po che dag stsal na 'bras chan rtsub por 'gyur zhing chab zho stsal na rtsabs bskol bar 'gyur ro/ /ci'i phyir de dag de ltar 'gyur/ de dag gis smras pa/ gal te khyed cag thugs mi ches na/ bdag cag gis khyed kyi mngon sum du bgyi'o/ /de dag gis gcig la gcig smras pa/ bdag cag gis khyim thab dag la dam bcas pa'i skabs de grub par bya dgos so zhes de dag gis rdza mkhan bos te smras pa/ bzhin bzang khyod kyis rdze'u kha cig la nang gnyis yod pa byed nus sam/ des smras pa/ nus so zhes de rdze'u kha gcig la nang du gnyis yod pa byas so/ /de dag gis rdze'u nang gcig tu 'bras rtsub po dag blugs la/ nang gcig tu ni 'bras sA lu thug po che dag blugs so/ /rdze'u cig shos kyi nang gcig tu ni zho blugs la/ nang gcig tu rtsab mo blugs te g.yos byas nas/ khyim thab dag la smras pa/ rje'i sras dag ci lags/ je dang por yab bshos gsol lam/ 'on te rje'i sras dag gsol/ de dag gis smras pa/ je dang por yab bshos gsol pa de'i 'og tu kho bo cag la byin cig /de dag gis de dag gi mdun du rdze'u'i nang gcig phye ste/ 'bras chan rtsub mo bcus shing rdze'u cig shos kyi nang gcig phye ste rtsab mo bskol ba bcus nas gyos po la byin no/ /de'i 'og tu rdze'u yi nang gcig bye ste 'bras sA </font><hr>Ja108b<br><font size=+1>


lu thug po che'i chan bcus shing rdze'u cig shos kyi nang gcig phye ste zho'i tshod ma bcus nas khyim thab rnams la byin no/ /bu rnams kyis pha la smras pa/ yab khyod kyi bsod nams dag pas te/ bdag cag gi mngon sum kho nar rdze'u gcig gi nang du 'bras sA lu thug po che dag stsal cing rdze'u cig shos kyi nang du chab zho stsal te g.yos bgyid du stsal na/ khyod kyi zhal du ni 'bras chan rtsub po dang rtsabs bskol ba mchis la/ bdag cag gi g.yar du ni 'bras sA lu thug po che'i chan dang chab zho'i tshod ma mchis pas bud med dag gis ma nongs so/ /bram zes bsams pa/ kho bos lag pas gcal ba brgya dag gis longs spyod dag bsgrubs na/ ci'i phyir kho bo'i bsod nams dag zad par gyur snyam nas/ des de dag gis ma tshor bar lkog tu de dag gi tshang mang du song ste lag nom gyis btsal ba dang / rdze'u kha gcig la nang gnyis yod pa dag lag pas zin nas de dag gzhan du sbas te/ bu dag 'ongs shing lhags pa na/ bu dag kho bo'i bsod nams dag zad pa la ltos zhes rdze'u de dag bstan nas tshigs su bcad pa smras pa/ bu rnams gzhan gyi khyim dag na/ /rdze'u gcig la ni kha gcig yod/ bdag cag skal pa med rnams kyi/ / rdze'u nang gnyis la'ang kha gcig yod/ /de dag gis chung ma de dag te por brdegs pa dang / de dag gis bsams pa/ bram ze 'di bdag cag la gnod pa'i phyir zhugs pa yin gyi/ bdag </font><hr>Ja109a<br><font size=+1>


@#/ /cag gis 'di gsad par bya'o snyam nas/ phyogs der sbrul khas bsdigs pa zhig 'ongs nas de dag gis de la dris pa/ bzhin bzang sbrul yod dam/ des smras pa| sbrul ji lta bu 'dod/ ci shi ba'am/ 'on te gson po/ de dag gis smras pa/ shi pa'o/ /des bsams pa/ 'di dag la sbrul shi bas ci bya ste 'di dag bram ze 'di gsod par 'dod gor ma chag snyam mo/ /chos nyid kyis na sbrul khros pa'i dug ni mgo dang mjug ma'i gnas gnyis su 'pho bas/ des sbrul nag po khros par byas te mgo dang mjug ma bcad nas rked pa'i cha de dag la byin no| |de dag gis pho sha'i khu sha byas te bram ze de la smras pa/ yab pho sha'i khu sha gsol lam/ bram ze des bsams pa/ ci'i phyir 'di dag gis bdag la pho sha'i khu sha ldud par 'gyur te/ dug cung zhig sbyin 'dod gor ma chag snyam nas des bsams pa/ ji ltar shi yang blas btung ngo snyam nas de dag gis de la sbrul gyi pho sha'i khu sha blud nas/ des de 'thungs pa dang / de'i rlangs pas ling tog phyid nas bram ze des mig mthong bar gyur to/ /des bsams pa/ ci nas kyang snon du gzhug pa'i thabs bya'o snyam nas/ des sa la bsgyel te nyal nas smras pa/ kho bo shi la thug go /kho bo shi la thug go /de dag gis bsams pa/ myur du shi bar gyur cig snyam nas smras pa/ yab yang gsol cig dang / khyod sos par 'gyur ro/ /des smras pa/ btung ngo / /de dag </font><hr>Ja109b<br><font size=+1>


gis de la yang sbrul gyi pho sha'i khu sha blud nas/ de yang 'thungs pa dang de'i rlangs pas de'i ling tog rgya cher phyid de/ de'i mig gis snga mkho bzhin gsal bar mthong nas de cang mi smra bar 'dug go / mna' ma de dag sngon bram ze ldongs par gyur ba'i gnas skabs na de khyad du bsad de bag med par spyod pa de bzhin du yang spyad par brtsams pa dang / bram ze de dbyug pa thogs te langs nas smras pa/ khyed ji snyam du sems/ da ltar kho bos mi mthong snyam mam/ da kho bo'i mig sbrul gyi pho sha'i khu sha'i rlangs pas phog pas ling tog thams cad phyid de sngon gyi gnas skabs bzhin du thams cad gsal bar mthong gi /bu mo dag phyin chad bag yod par spyod cig /dge slong dag /de'i tshe/ de'i dus na bram ze gang yin pa de ni lam pa 'di nyid yin no/ /de'i tshe de'i dus na/ mna' ma bcu gnyis po gang yin pa de dag ni dge slong ma bcu gnyis sde 'di dag yin te/ de'i tshe na yang 'di dag gis de la gnod par bya'o snyam pa las phan pa nyid byas par gyur to/ /yang sangs rgyas bcom ldan 'das la dge slong rnams kyis zhus pa/ btsun pa bcom ldan 'das kyis tshe dang ldan pa lam pa gdams ngag cung zhig gis gdams pa mdzad pas 'khor ba'i dgon pa nas phyung ste shin tu mthar thug pa grub pa dang bde ba bla na ma mchis pa'i mya ngan las 'das pa la bzhag pa mdzad pa la gzigs/ dge slong dag da ltar du ma zad de 'di ltar 'das pa'i dus na yang ngas 'di gdams ngag </font><hr>Ja110a<br><font size=+1>


@#/ /cung zhig gis gdams pas dbang phyug gi bdag po chen po la bzhag par gyur te/ de nyon cig /dge slong dag sngon byung ba 'das pa'i dus na ri brags shig na khyim bdag phyug pa nor mang ba longs spyod che ba yongs su gzung ba yangs shing rgya che ba zhig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed dga' bar byed dga' mgur spyod pa de la bu byung nas/ des chung ma la smras pa/ bzang mo bdag cag la bu lon 'phrog pa nor 'phrog pa byung gi / kho bo zong thogs te/ rgya mtsho chen por 'jug tu 'gro'o/ /rje'i sras de bzhin mdzod cig /khyim bdag des bsams pa/ gal te chung ma 'di la kar sha pa na mang po dag gtad par gyur na| skyes pa gzhan dang lhan cig 'gyur pa sten par 'gyur ro snyam nas des de la kar sha pa na nyung zad cig byin no/ /ri brags de na tshong dpon zhig 'dug pa de khyim bdag de'i chung po grogs yin pas khyim bdag des tshong dpon de'i lag tu kar sha pa na mang po dag gtams nas smras pa/ gal te kho bo'i chung ma gos dang zas yongs su nyams par gyur na/ khyod kyis zas dang gos kyis de la mkho ba bstabs par gyis shig ces smras nas/ de zong thogs te rgya mtsho chen por zhugs pa dang / de nyid du tshul ma yin pas sdug bsngal bar gyur to/ /chung ma des khye'u de nye du'i </font><hr>Ja110b<br><font size=+1>


stobs dang lag stobs kyis bsnyod cing gsos te bskyed pa dang / khye'u des ma la dris pa/ ma bdag gi pha dang mes po dag gis las ci zhig byas par gyur/ mas bsams pa/ gal te 'di la rgya mtsho chen por gru po che spyod par gyur to zhes byas na 'di yang rgya mtsho chen por 'jug par 'gyur zhing de nyid du tshul ma yin pas sdug bsngal bar 'gyur ba gang yin pa de lta bu'i gnas yod par 'gyur ro snyam nas smras pa/ bu khyod kyi pha dang mes po dag 'di nyid ni tshong ba byed par gyur to/ /ma kar sha pa na dag byin cig dang bdag gis kyang 'di nyid du tshong bya'o/ /bu kho mo la kar sha ba na dag ga la yod/ bu kho mos khyod kyang nye du'i stobs dang lag stobs kyis bsnyod cing gsos te bskyed pa yin pas kho me la kar sha pa na dag gis 'byor pa yod re skan/ 'di ltar tshong dpon 'di khyod kyi pha'i chung po grogs yin gyi/ 'di las kar sha pa na dag long la las gyis shig /khye'u de tshong dpon de'i gan du song ba dang / tshong dpon de yang mi gzhan zhig gis lan gsum gyi bar du tshong la dor byas pas de de la nan tur byed cing 'dug pa na/ de'i khyim nas bu mo mngag gzhug mas phyag dar gyi steng du byi ba'i ro zhig bzhag ste phyir phyung nas dor bar brtsams pa dang / tshong dpon des mi de la smras pa/ mi gang nus pa yin na des byi ba'i ro 'dis kyang bdag nyid 'dzin par nus so/ /khye'u des de thos nas bsams pa/ tshong dpon 'di ni bdag nyid chen po yin pas </font><hr>Ja111a<br><font size=+1>


@#/ /'di byung rgyal du smras par mi byed pas byi ba'i ro 'dis bdag nyid 'dzin par nus gor ma chag snyam nas/ khye'u de bu mo mngag gzhug de'i phyi bzhin song song ste/ bu mo mngag gzhug ma des phyag dar por ba dang / khye'u des byi ba'i ro de blangs nas tshong dus su song ngo / /de na tshong khang na byi la zhig btags shing 'dug nas khye'u des byi ba'i ro de byi la la bstan pa dang / des de mthong nas mchong par brtsams pa dang / tshong pa des khye'u de la smras pa/ byi ba'i ro'o ni byi la 'di la byin cig /khye'u des smras pa/ 'dir rin med par ji ltar sbyin/ rin byin cig dang / sbyin no/ /tshong pa des khye'u de la sran ma dag gis snyim pa bkang ste byin no/ /khye'us bsams pa/ gal te bdag gis 'di chos par gyur na/ gzhi chad par 'gyur ro snyam nas/ khye'u de sran ma de dag sla nga la brngos nas/ chu grang mos ril ba bkang ste ri brags su song nas phyogs gang du shing thun dag ngal so bar 'gyur ba'i phyogs der song ste bsdad pa dang / shing thun dag lhags nas khye'u des de dag la smras pa/ zhang po dag shing khur zhog la yud tsam zhig ngal sos shig /de nas shing thun de dag gis shing khur dag bzhag pa dang / khye'u des de dag la sran ma nyung zad nyung zad byin zhing chu grang mo yang 'thung du bcug go /shing thun rnams kyis smras pa/ tsha bo khyod gar 'gro shing thur 'gro'o/ /kho bo cag ji tsam du sngar dong na yang da 'khor ba yin na/ khyod da song </font><hr>Ja111b<br><font size=+1>


na nam zhig 'khor bar 'gyur zhes de dag gis de la shing re re byin no/ /shing re re bo de dag gis khye'u de'i shing khur longs nas des de khyer te phyir log go /des de dag btsongs te sran ma dag nyos nas de dag brngos te chu grang mos bum pa bkang nas yang phyogs de nyid du song ste bsdad pa dang / shing thun de dag kyang lhags nas/ des de dag la smras pa/ zhang po dag shing khur zhog la yud tsam zhig ngal sos shig /de nas shing thun de dag gis shing khur dag bzhag pa dang / khye'u de yang de dag la sran ma dag gis bgo bsha' byas shing / chu grang mos ngoms par byas pa dang / de dag gis smras pa/ tsha bo khyod nyin gcig bzhin du sran ma dang chu thogs la 'di nyid du sdod cig dang / kho bo cag gis khyod la shing khur gyi gong shing khyer te 'ong ngo / /khye'u des nyi ma re re zhing de bzhin bya bar brtsams nas des de dag la smras pa/ zhang po dag khyed cag shing khur dag tshong 'dus su ma khyer bar kho bo'i sdum par zhog cig dang / kho bos khyed cag la rin bsdoms te byin no/ /de dag gis shing khur de dag de'i khyim du bzhag go /dus gzhan zhig na nyi ma bdun du yul ngan byung nas khye'u des shing de dag btsongs pa dang / des khe sbogs mang po grub bo/ /de nas khye'u des bsams pa/ tshong pa rnams kyi nang na 'di lta ste shing 'tshong ba 'di ni tha chad yin te 'di ltar tsan dan gyis 'tsho na yang shing gis 'tsho ba kho nar zad pas bdag </font><hr>Ja112a<br><font size=+1>


@#/ /gis bza' bca'i zong dgram par bya'o snyam nas/ des bza' bca'i zong dgram zhing de chos dang rigs pas tshong byed pas de der yang khe sbogs mang po grub par gyur to/ /des yang bsams pa/ tshong pa rnams kyi nang na 'di lta ste bza' bca' 'tshong pa 'di ni tha chad yin gyi/ bdag gis spos 'tshong gi zong dgram par bya'o snyam nas/ des spos 'tshong gi zong dgram zhing des chos dang rigs pas tshong byed pas des der yang khe spogs mang po grub par gyur to/ /des yang bsams pa/ tshong pa rnams kyi nang na 'di lta ste spos 'tshong 'di ni tha chad yin gyi/ bdag gis dbyig gi zong dgram par bya'o snyam nas/ des dbyig gi zong dgram zhing des chos dang rigs pas tshong byed pas des dbyig tshong pa thams cad zil gyis mnan nas/ de'i ming byi dbyig pa byi dbyig pa zhes bya bar gyur to/ /dbyig tshong pa de dag gis smras pa/ byi dbyig pa 'dis bdag cag thams cad zil gyis mnan gyi/ ci nas kyang 'di rgya mtsho chen por 'jug cing der tshul ma yin pas sdug bsngal bar 'gyur ba de ltar nga rgyal bskyed par bya'o snyam nas/ de dang ha cang thag mi ring bar 'khod de longs gtam smra bas 'khod cing / shes ldan dag 'di lta ste dper na/ mi glang po che'i gnyar zhon nas rta'i rgyab tu zhon pa dang / rta'i rgyab tu zhon nas khyogs spyil la zhon pa dang / khyogs spyil </font><hr>Ja112b<br><font size=+1>


la zhon nas rkang pas 'gro ba de bzhin du byi dbyig pa 'di yang pha mes dag rgya mtsho chen por gru bo che spyod cing 'gro bar gyur pa las 'di da ltar dbyig tshong nyid kyis tshegs chen pos 'tsho ba sbyor bar byed do zhes smras pa dang / byi dbyig pas thos nas des smras pa/ shes ldan dag ci zer/ khyod kyi pha mes dag rgya mtsho chen por gru bo che spyod cing 'gro bar gyur ba las der yang de dag shi nas khyod dbyig tshong tsam gyis tshegs chen pos 'tsho ba sbyor bar byed do/ /byi dbyig pa khyim du song ste ma la dris pa/ ma kho bo'i pha mes dag rgya mtsho chen por gru bo che spyod par gyur pa bden nam/ mas bsams pa/ 'dis 'ga' zhig las thos par gyur gor ma chag gi /'di la rdzun gyi tshig smra ba ni bdag gi tshul dang mthun pa ma yin no snyam nas/ des smras pa/ bu bden no/ /byi dbyig pas smras pa/ ma bdag kyang rgya mtsho chen por 'jug gi gnong zhig /mas smras pa bu 'di nyid du 'dug cig /byi dbyig pas yang dang yang du 'gro'o zhes smras pa dang / mas de dus kyis 'chu bar shes nas gnang ngo / byi dbyig pas srang chen por tshong pa'i tshogs rnams la/ khyed cag las gang ded dpon byi dbyig pa dang lhan cig sho gam med pa dang / la gcan med pa dang / gru btsas med par rgya mtsho chen por 'jug par spro ba des rgya mtsho chen por 'gro ba'i zong sta gon gyis shig ces dril bsgrag par bya'o/ /de nas tshong pa lnga brgya tsam gyis rgya mtsho chen por 'gro </font><hr>Ja113a<br><font size=+1>


@#/ /ba'i zong sta gon byas so/ /de nas ded dpon byi dbyig pas dge mtshan dang bkra shis dang dge bar 'gyur ba byas te shing rta dag dang / khur dag dang / spyad dag dang / gle ba dag dang / rnga mo dag dang / ba lang dag dang / bong bu dag la zong mang po bkal te tshong pa de dag dang lhan cig rgya mtsho chen por 'phags so/ /de na de la mi lnga yod de sdud par byed pa dang / tshar gcod par byed pa dang / byi dor ba dang / chu phyags pa dang / rlung yor thogs pa'o/ /sdud par byed pa gang zhe na/ de na bza' ba dang btung ba sbyor ba gang yin pa'o/ /tshar gcod par byed pa gang zhe na/ de na rtsod pa byung ngo cog nye bar zhi bar byed pa gang yin pa'o/ /byi dor ba gang zhe na/ gru 'chos par byed par gang yin pa'o/ chu phyags pa gang zhe na/ de na chu phyags par byed pa gang yin pa'o/ /rlung yor thogs pa gang zhe na/ de na rgyu skar dag la rnam par lta bar byed pa gang yin pa'o/ /de mthar gyis rgya mtsho'i 'gram du phyin pa dang / tshong pa de dag gis rgya mtsho chen po mthong nas skrag ste gru bo cher po 'jug par mi spro nas/ ded dpon byi dbyig pas rlung yor thogs pa la smras pa/ kwa'e nang rje rgya mtsho chen po'i bsngags pa ji lta ba bzhin du sgrogs shig /de nas rlung yor thogs pas bsgrag par brtsams pa/ 'dzam bu gling pa'i tshong pa shes ldan dag nyon cig /rgya mtsho chen </font><hr>Ja113b<br><font size=+1>


po 'di ni/ rin po che chen po che ba 'di lta bu 'di lta ste nor bu dag dang / mu tig dang / baiDUR+Ya dang / man shel dkar po dang / byu ru dang / dngul dang / sa le sbram dang / rdo'i snying po dang / spug dang / dmar po dang / g.yas su 'khyil ba dag yod kyi/ khyed cag las gang rin po che de lta bu dag gis bdag nyid dang / pha ma dang / bu dang chung ma dang / bran dang / bran mo dang las byed pa dang / zho shas 'tsho ba dang / mdza' bshes dang / blon po dang nye du dang / snag gi gnyen mtshams dag legs par bde bas tshim par bya ba dang / dus dang dus su dge sbyong dang bram ze dag la mthon por 'gro ba dang / skal ba can du 'gyur ba dang / rnam par smin pa bde ba dang / phyi ma la mtho ris su 'gro ba'i yon 'bul bar 'dod pa de rgya mtsho chen por zhugs shig /'jig rten ni 'byor ba 'dod pas skye bo phal po che'i tshogs gru bo cher zhugs pa dang / des de dag gru bo ches mi bzod par gyur nas/ ded dpon byi dbyig pas bsams pa/ da bdag gis phyir zhugs shig ces ji skad smra bar bya snyam nas/ des rlung yor thogs pa la smras pa/ kwa'e nang rje rgya mtsho chen po'i bsngags pa ma yin pa ji lta ba bzhin du sgrogs shig /de nas rlung yor thogs pas bsgrag par brtsams pa/ 'dzam bu gling pa'i tshong pa shes ldan dag nyon cig /rgya mtsho chen po 'di na 'jigs pa chen po che ba 'di lta ste/ nya chen gyi 'jigs pa dang / nya chen </font><hr>Ja114a<br><font size=+1>


@#/ /mid kyi 'jigs pa dang / nya chen mid pa mid kyi 'jigs pa dang / chu rlabs kyi 'jigs pa dang / dba' klong gi 'jigs pa dang / chu srin kum+b+hi ra'i 'jigs pa dang / chu srin byis pa gsod kyi 'jigs pa dang / chu'i nang nas byung ba'i ri dwags la thug pa'i 'jigs pa dang / rlung nag po'i 'jigs pa dag yod cing / 'dir chom rkun pa nor 'phrog pa sngon po dang dkar po dag kyang 'ong bar 'gyur ro/ /de dag gis khyed cag thams cad kyi thams cad du srog dang 'bral bar byed par 'gyur gyi/ khyed cag las gang bdag nyid dang pha ma dang bu dang / chung ma dang bran mo dang bran mo dang / las byed pa dang / zho shas 'tsho ba dang mdza' bshes dang blon po dang nye du dang / snag gi gnyen mtshams sdug pa dag yongs su gtong bar mi 'dod pa de rgya mtsho chen por ma 'jug cig /'jig rten ni dpa' bo nyung la sngar ma mang bas/ skye bo phal po che'i tshogs phyir byung ba dang de de dag grus bzod par gyur nas/ de'i 'og tu rlung yor thogs pas sgra lan gsum bsgrag pa byas te/ de'i 'og tu nyag thag gcig bkrol zhing gnyis pa dang gsum pa'i bar du bkrol nas/ des gru bo che rlung yor chen po thogs pas legs par bzung ba/ rlung gi shugs stobs dang ldan pas bskyod pa/ sprin chen po bzhin du song ste rjes su mthun pa'i rlung gi phul nas ji tsam na rin po che'i gling du phyin te/ de nas </font><hr>Ja114b<br><font size=+1>


rlung yor thogs pas sgra bsgrag par brtsams pa/ 'dzam bu gling pa'i tshong pa shes ldan dag nyon cig /rin po che'i gling 'di nyid na/ nor bu mching bu rin po che 'dra ba dag kyang yod kyi/ khyed kyis de dag nye bar brtag cing brtag cing phyis khyed cag 'dzam bu gling du son pa na 'gyod par mi 'gyur bar de ltar rin po che dag long zhig /rin po che'i gling 'di nyid na srin mo khrung khrung gzhon nu ma zhes bya ba dag yod de de dag gis skyes pa dag ci nas kyang 'di nyid du tshul ma yin pas sdug bsngal bar 'gyur ba de lta de ltar mtho 'tsham par 'gyur gyi/ khyod kyis de dag bsnyen par mi bya'o/ /rin po che'i gling 'di nyid na myos par 'gyur ba'i 'bras bu dag yod de/ gang gis de dag zos pa de zhag bdun du brgyal zhing 'dug par 'gyur bas khyed kyis de dag bza' bar mi bya'o/ /rin po che'i gling 'di nyid ni mi ma yin pa dag 'khod de de dag zhag bdun las lhag par khyed 'khod par mi bzod pas zhag bdun 'das nas rlung gang gis 'di lta ste/ gru bo che bya ba ma byas par khyer bar 'gyur ba de lta bu gtong bar 'gyur bas khyed kyis de la yang ma thug par bya'o/ /tshong pa de dag gis de thos nas sems bsdus shing bag yod par 'khod do/ /de dag gis rin po che dag nye bar brtags shing brtags shing gru bo che 'di lta ste/ dper na til dang 'bras thug po che dang rgya shugs dang rgya sran dag bzhin du bkang ste rin po </font><hr>Ja115a<br><font size=+1>


@#/ /che'i gling nas 'phags nas rjes su mthun pa'i rlung gis bdas te/ 'dzam bu'i gling du phyin par gyur to/ /de bzhin du lan bdun gyi bar du gru bo che legs par grub ste/ 'dzam bu'i gling du 'ongs so/ /de nas ded dpon byi dbyig pa la mas smras pa/ bu khyim phub cig /des smras pa/ ma ci bu lon pa dag bcad nas de'i 'og tu khyim dbub par bya'o/ /mas de la smras pa/ bu khyod kyi phas kyang bu lon pa yod par ma byas/ mes bos kyang ma byas na/ khyod la bu lon pa ga las byung / des smras pa/ ma kho bo nyid shes so/ / zhes des rin po che bzhi las byas pa'i byi ba bzhi byed du bcug nas/ sprog ma gser gyis bkang ste byi ba bzhi po de dag sprog ma'i phyogs bzhir bzhag nas/ tshong dpon de'i gan du song ngo / / tshong dpon de yang de nyid kyi bsngags pa brjod cing 'dug ste/ shes ldan dag ded dpon byi dbyig pa des rtswa'am/ bong ba'am/ gang dang gang blangs pa de dang de dag thams cad gser du 'gyur te ji tsam du de bsod nams dang ldan zhing dbang che bar grags pa la ltos zhes de'i bsngags brjod cing 'dug go /de de ltar de'i bsngags pa rjod pa'i gtam zer zhing 'dug pa na/ sgo ba de'i gan du song ste ded dpon byi dbyig pa sgo na sdod cing mchis so zhes brjod pa dang / tshong dpon gyis smras pa/ ded dpon byi dbyig pa 'jug tu chug cig /su zhig ded dpon byi </font><hr>Ja115b<br><font size=+1>


dbyig pa zlog par byed/ de nas ded dpon byi dbyig pa nang du zhugs nas des tshong dpon de la smras pa/ tshong dpon 'di ni gzhi lags/ 'di ni khe sbogs lags kyi/ bzhes shig /tshong dpon gyis smras pa/ ded dpon kho bos khyod la cung zad kyang byin par mi dran no/ /des dpon gyis smras pa/ bdag gis khyod dran par bya'o zhes des dran par byas pa dang / tshong dpon gyis dris pa/ khyod su'i bu yin/ khyim bdag che ge mo zhig gi'o /tshong dpon gyis smras pa/ 'o na khyod kho bo'i chung po grogs kyi bu yin te/ khyed kyi pha 'gro ba na kho bo'i lag tu kar sha ba na mang po dag gtams pas kho bo nyid kyis khyod la sbyin par bya ba yin no zhes tshong dpon des gser gyi ril ba chus bkang ba'i mchod yon gyis bsus nas bu mo thu mo rgyan thams cad kyis brgyan te ded dpon byi dbyig pa'i chung mar byin no/ /dge slong dag de'i tshe de'i dus na tshong dpon gang yin pa de ni nga nyid yin no/ /de'i tshe de'i dus na ded dpon byi dbyig pa gang yin pa de ni lam pa 'di yin te/ de'i tshe yang ngas 'di la gdams ngag cung zhig gis gtams pas dbang phyug gi bdag po chen po la bzhag par gyur la/ da ltar yang ngas 'di la gdams ngag cung zhig gis gtams pas 'khor ba'i dgon pa nas phyung ste shin tu mthar thug pa grub pa dang bde ba bla na med pa'i mya ngan las 'das pa la bzhag go/ //'dul ba rnam par 'byed pa/ bam po zhe brgyad pa/ sangs rgyas bcom </font><hr>Ja116a<br><font size=+1>


@#/ /ldan 'das la dge slong rnams kyis zhus pa/ btsun pa tshe dang ldan pa lam pas ci zhig bgyis na/ las de'i rnam par smin pas/ bul ba mchog tu bul ba/ chung ba mchog tu chung bar gyur/ bcom ldan 'das kyis bka' stsal pa/ dge slong dag rigs kyi bu lam pa nyid kyis las tshogs rnyed pa rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas lam pa nyid kyis las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi| 'di ltar las dge ba dang mi dge ba byas shing bsags pa dag ni zin pa'i phung po dang khams dang skye mched dag la rnam par smin par 'gyur te/ las rnams bskal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ ston pa de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa 'jig </font><hr>Ja116b<br><font size=+1>


rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das 'od srung 'jig rten du byung ste/ de dge slong gi 'khor nyi khri dang wA ra NA si na nye bar rten cing bzhugs so/ /de'i gsung rab la lam pa 'di dge slong sde snod gsum par gyur te/ des chos kyi ser snas 'ga' la yang tshig bzhi pa'i tshigs su bcad pa yang ma bstan to/ /yang ri brags shig na phag 'tshong zhig 'dug ste/ chu klung gi pha rol dang tshul rol gyi ri brags der dus ston byung ba nas/ phag 'tshong des bsams pa/ gal te phag dag gsad du ni sha de snyed nyo bar mi 'gyur pas gson po nyid du bkur bar bya zhing der 'phral la bsad cing bsad cing btsong bar bya'o snyam nas/ des phag mang po dag gcig la gcig sbrel te grur bcug nas 'phags pa dang / de dag gis/ gru de bskyod pa na bub par gyur nas de dag der tshul ma yin pas sdug bsngal bar gyur to/ /phag 'tshong de yang rgyun phyogs su khyer ba na chu klung de'i 'gram na rang sangs rgyas lnga brgya tsam 'khod nas/ de dag las rang sangs rgyas gcig cig chu'i don du chu 'gram du song ba dang / des de mthong nas des bsams pa/ ci 'di re zhig shi ba yin nam/ 'on te gson pa yin snyam nas/ des glang po che'i sna 'dra ba'i lag pa brkyang ste de phyung nas bye ma bdal te/ der kha sbub tu bzhag nas song ngo / /de'i rgyun thams cad nas </font><hr>Ja117a<br><font size=+1>


@#/ /chu zag nas des 'du shes phyir rnyed de langs pa dang / mi'i rjes mthong nas de de'i rjes bzhin du song ba dang / ji tsam na rang sangs rgyas lnga brgya mthong nas des de dag la lo ma dang 'bras bu dang so shing gis bsnyen bkur bya bar brtsams pa dang / de dag gis de la lhung bzed kyi lhag ma byin no/ /gang gi tshe rang sangs rgyas de dag skyil mo krung bcas te bsam gtan byed pa de'i tshe na de yang mtha' gcig tu 'dug nas skyil mo krung bcas te bsam gtan byed do/ /des der 'du shes med pa'i snyoms par 'jug pa bskyed nas 'du shes med pa'i sems can lha rnams kyi nang du skyes so/ /dge slong dag de'i tshe de'i dus na yang dag par rdzogs pa'i sangs rgyas 'od srung gi gsung rab la dge slong sde snod gsum dang ldan par gyur pa gang yin pa dang / phag 'tshong du gyur pa gang yin pa de ni dge slong lam pa 'di nyid yin te 'dis chos kyi ser snas 'ga' la yang tshig bzhi pa'i tshigs su bcad pa yang ma bstan pa gang yin pa dang / phag dag bsad pa gang yin pa dang / 'du shes med pa'i sems can rnams kyi nang nas 'dir skyes pa gang yin pa'i las de'i rnam par smin pas bul pa mchog tu bul ba/ chung ba mchog tu chung bar gyur to/ /dge slong dag de ltar na gdams ngag med pa la nyes dmigs 'di dang gzhan dag kyang yod de </font><hr>Ja117b<br><font size=+1>


de lta bas na dge slong gis gdams ngag med par bsam gtan mi bya'o/ /bsam gtan byed na 'gal tshab can du 'gyur ro/ /de nas bcom ldan 'das mnyan yod du ci dgyes par bzhugs nas rgyal po'i khab ga la ba der gshegs te mthar gyis rgyu zhing gshegs pa na rgyal po'i khab tu byon nas rgyal po'i khab na 'od ma'i tshal ka lan da ka'i gnas na bzhugs so/ /rgyal po'i khab na 'tsho byed gzhon nus gsos kyis/ bcom ldan 'das mthar gyis rgyu zhing gshegs pa na rgyal po'i khab tu byon nas rgyal po'i khab na 'od ma'i tshal ka lan da ka'i gnas na bzhugs shes thos nas/ bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas/ bcom ldan 'das 'tsho byed gzhon nus gsos la/ chos dang ldan pa'i bka' mchid kyis yang dag par ston par mdzad/ yang dag par 'dzin du 'jug par mdzad/ yang dag par gzengs bstod par mdzad/ yang dag par rab tu dga' bar mdzad do/ /rnam grangs du mas chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas cang mi gsung ngo / /de nas 'tsho byed gzhon nus gsos stan las langs te/ bla gos phrag pa gcig tu </font><hr>Ja118a<br><font size=+1>


@#/ /byas nas/ bcom ldan 'das ga la ba der logs su thal mo sbyar ba btud de bcom ldan 'das la 'di skad ces gsol to/ /bcom ldan 'das kyis sang bdag gi sdum par dge slong gi dge 'dun dang thabs cig tu gdugs tshod gsol bar ci gnang / bcom ldan 'das rnams ni bsnyen par dka' ba dang / bzod par dka' ba yin pas 'tsho byed gzhon nus gsos kyis sangs rgyas bcom ldan 'das la btsun pa lam pa ma gtogs so zhes gsol ma nus so/ /bcom ldan 'das cang mi gsung bas 'tsho byed gzhon nus gsos la gnang ngo / /de nas 'tsho byed gzhon nus gsos kyis bcom ldan 'das kyis cang mi gsung bas gnang bar rig nas/ bcom ldan 'das kyis bka' stsal pa la mngon par dga' ba dang / rjes su yi rang ba byas nas bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas song nas tshe dang ldan pa kun dga' bo ga la ba der song ste phyin nas/ tshe dang ldan pa kun dga' bo'i rkang pa gnyis la phyag 'tshal te mtha' gcig tu 'dug go/ mtha' gcig tu 'dug nas 'tsho byed gzhon nus gsos kyis tshe dang ldan pa kun dga' bo la 'di skad ces smras so/ /btsun pa kun dga' bo mkhyen par mdzod cig /bdag gis sangs rgyas la sogs pa dge slong gi </font><hr>Ja118b<br><font size=+1>


dge 'dun sang bdag gi sdum par gdugs tshod la spyan drangs te btsun pa lam pa ni ma gtogs so/ /'tsho byed khyod kyi dge ba'i chos rnams ji ltar 'phel bar gyur cig /de nas 'tsho byed gzhon nus gsos kyis tshe dang ldan pa kun dga' bos smras pa la mngon par dga' ba dang / rjes su yi rang ba byas nas tshe dang ldan pa kun dga' bo'i rkang pa gnyis la mgo bos phyag 'tshal te song ngo / /de nas tshe dang ldan pa kun dga' bos 'tsho byed gzhon nus gsos song nas ring po ma lon par rig nas tshe dang ldan pa lam pa ga la ba der song ste phyin nas/ tshe dang ldan pa lam pa la 'di skad ces smras so/ /tshe dang ldan pa lam pa mkhyen par mdzod cig /'tsho byed gzhon nus gsos kyis sangs rgyas la sogs pa dge slong gi dge 'dun sang khyim gzhan du gdugs tshod la spyan drangs te/ tshe dang ldan pa lam pa gcig pu ma gtogs so/ /btsun pa kun dga' bo de'i dge ba'i chos rnams ji ltar 'phel bar gyur cig /de nas 'tsho byed gzhon nus gsos kyis de nyid kyi mtshan mo bca' ba dang bza' ba gtsang zhing bsod pa sta gon byas nas nang par sngar langs te gdan dag bshams nas chur bzhag ste/ bcom ldan 'das la spyan 'dren gyis btsun pa gdugs tshod g.yar dgongs 'tshal na/ bcom ldan 'das kyis da de'i dus la bab par dgongs su gsol zhes spyan drangs so/ /de nas bcom ldan </font><hr>Ja119a<br><font size=+1>


@#/ /'das snga dro shams thabs gsol/ lhung bzed dang chos gos bsnams te/ dge slong gi tshogs kyis yongs su bskor cing dge slong gi dge 'dun gyis mdun du bdar nas 'tsho byed gzhon nus gsos kyi bkad sa ga la ba der gshegs te/ byon nas dge slong gi dge 'dun gyi gong du gdan bshams pa nyid la bzhugs so/ /bzhugs nas bcom ldan 'das kyis tshe dang ldan pa kun dga' bo la bka' stsal pa/ kun dga' bo lam pa'i byug ris zhog cig /'tsho byed gzhon nus gsos kyis gser gyi ril ba b+h+ring ga ra thogs te/ rgan pa'i mtha' logs su bsdad pa dang / bcom ldan 'das kyis chab kyi rgyun ma bzhes so/ /'tsho byed gzhon nus gsos kyis gsol pa/ ci'i slad du bcom ldan 'das chab kyi rgyun bzhes par mi mdzad/ bcom ldan 'das kyis bka' stsal pa/ da dung dge slong gi dge 'dun ma tshogs so/ /'tsho byed gzhon nus gsos kyis gsol pa/ bcom ldan 'das gang ma mchis/ bcom ldan 'das kyis bka' stsal pa/ dge slong lam pa'o/ /'tsho byed gzhon nus gsos kyis gsol pa/ bcom ldan 'das de bdag gis g.yar ma drangs so/ /bcom ldan 'das kyis bka' stsal pa/ gal te 'tsho byed khyed kyis sangs rgyas bcom ldan 'das la sogs pa dge slong gi dge 'dun spyan drangs sam/ bcom </font><hr>Ja119b<br><font size=+1>


ldan 'das/ spyan drangs so/ /'o na ci lam pa dge 'dun las phyi rol tu gyur pa yin nam/ bcom ldan 'das ma lags so/ /song la des bos shig /'tsho byed gzhon nus gsos kyis bsams pa/ 'di ltar bdag gis bcom ldan 'das kyi bkas bod par ni bya mod kyi de la gus par byas te brim par ni mi bya'o snyam nas des mngag pa btang ste song la de bos shig ces bsgo'o/ /tshe dang ldan pa lam pa yang 'di lta bu'i ting nge 'dzin la snyoms par zhugs te/ ji ltar sems mnyam par bzhag na dge slong stong nyis brgya lnga bcu sprul te 'dug go /mngag pa de song ste lam pa lam pa zhes bos pa dang / dge slong du ma dag gis ang zhes lan btab ste/ mi de 'ongs te 'tsho byed gzhon nus gsos la smras pa/ bdag der mchi ste lam pa lam pa zhes bos na 'od ma'i tshal bya ka lan ka'i gnas na sngar dge slong dag gis gang zhing 'khod pa de bzhin du dge slong dag gis gang zhig 'khod nas/ dge slong du ma dag gis ang zhes lan btab na de dag las gang bod/ 'tsho byed gzhon nus gsos kyis skabs de bcom ldan 'das la gsol pa dang / bcom ldan 'das kyis bka' stsal pa/ song zhig song la/ lam pa yang dag pa gang yin pa de shog cig ces gyis shig /de song ste smras pa/ lam pa yang dag pa gang lags pa de gshegs su gsol/ de nas tshe dang ldan </font><hr>Ja120a<br><font size=+1>


@#/ /pa lam pas rdzu 'phrul mngon par 'du bya ba de phyir bsdus nas der song ste rang gi byug ris su 'dug pa dang / 'tsho byed gzhon nus gsos kyis sangs rgyas la sogs pa dge slong gi dge 'dun la brim par brtsams nas tshe dang ldan pa lam pa la gus pa ma byas par brims so/ /bcom ldan 'das kyis dgongs pa/ nyan thos chen po ri rab dang 'dra ba la 'tsho byed gzhon nus gsos kyis smad pa len par byed kyi/ 'di'i yon tan bsgrag par bya'o snyam nas/ tshe dang ldan pa kun dga' bo bcom ldan 'das kyis lhung bzed len par byed pa yin na/ bcom ldan 'das de la ma stsal to/ /chos nyid kyis ni ji srid du bcom ldan 'das kyis lhung bzed blangs par ma gyur gyi bar du dge slong gnas brtan gnas brtan dag gi lhung bzed dag len par mi byed do/ /tshe dang ldan pa lam pas bsams pa/ ci'i phyir bcom ldan 'das dang dge slong gnas brtan gnas brtan dag gi lhung bzed dag len par mi byed snyam na/ bdag nyid kyis yon tan bsgrag pa'i phyir ro snyam du rig nas ston pa'i thugs la dgongs pa yongs su rdzogs par bya'o snyam nas tshe dang ldan pa lam pas stan phyed las 'phags pa byas te glang po che'i sna lta bu'i lag pa brkyang nas/ bcom ldan 'das kyis lhung bzed blangs pa dang / 'tsho byed gzhon nus gsos rgan pa'i mtha' logs </font><hr>Ja120b<br><font size=+1>


na 'dug pas mthong nas des bsams pa/ rdzu 'phrul gyi cho 'phrul rnam par ston pa 'di gnas brtan gang yin snyam nas/ de lhung bzed kyi rjes bzhin song ba dang ji tsam na tshe dang ldan pa lam pa yin par mthong ngo / /mthong nas de brgyal te sa la 'gyel ba dang / chus btab pas srog phyir lon nas tshe dang ldan pa lam pa'i rkang pa gnyis la gtugs te bzod pa gsol zhing tshigs su bcad pa smras pa/ tsan dan rtag tu bsil ngad yon tan ldan/ /ut+pal rtag tu dri bda' dri med gser/ /rtag gsal dag pa'i bai DUR+Ya 'od bzhin/ /byis pa'i skye bo'i sdig pa rtag tu ni/ / mtshungs med gor ma'i ri mo rtag pa bzhin/ /'phags pa'i skye bo rtag tu thugs rje mnga'/ /dgra bcom dag gi bzod pa brtan pa lags/ /tshe dang ldan pa lam pas smras pa/ 'tsho byed bzod do/ / bcom ldan 'das kyis yon bshad pa mdzad nas gdan las bzhengs te gshegs so/ /sangs rgyas bcom ldan 'das la dge slong rnams kyis zhus pa/ btsun pa 'tsho byed gzhon nus gsos kyis gang gi tshe dang ldan pa lam pa'i yon tan dag mngon par ma 'tshal ba de'i tshe na gus pa ma lags pa la brtson zhing / gang gi tshe yon tan dag mngon par 'tshal ba de'i tshe na rkang pa gnyis la gtugs te bzod pa gsol bar bgyi ba la gzigs/ dge slong dag da ltar du ma zad de 'di ltar 'das pa'i dus na yang des gang gi tshe 'di'i yon tan dag mngon par mi shes </font><hr>Ja121a<br><font size=+1>


@#/ /pa de'i tshe na gus pa ma yin pa la brtson zhing / gang gi tshe yon tan dag mngon par shes pa de'i tshe na rkang pa gnyis la gtugs te bzod pa gsol bar gyur te/ de nyon cig /dge slong dag sngon byung ba 'das pa'i dus na byang lam nas ded dpon zhig gis zong rta lnga brgya bdas te yul dbus su phyin to/ /de'i rgod ma'i mngal du rta cang shes zhugs nas de gang gi nyi ma la zhugs pa de nyid kyi nyi ma nas bzung ste/ rta de dag phyin chad skad 'byin par mi byed nas ded dpon gyis bsams pa/ bdag gi rta rnams la nad 'ga' zhig byung ngam ci na des rta 'di dag skad 'byin par mi byed do snyam mo/ /dus gzhan zhig na rgod ma de 'brangs pa las rte'u pho zhig byung nas de gang gi nyi ma la byung ba de nyid kyi nyi ma nas bzung ste| rta de dag phyin chad sna sgra 'byin par yang mi brtson nas ded dpon gyis bsams pa/ rte'u sems can skal chad 'di byung bas 'di'i nyes pas bdag gi rta rnams la nad byung bar gyur to snyam nas des rgod ma de rtag tu zhon zhing de la rtswa dang chas kyang sbyin par mi byed do/ /de mthar gyis mchod gyur ces bya ba'i gnas su phyin pa dang / der de dbyar gyi nam la bab nas des bsams pa/ gal te da song bar gyur na rta rnams kyi rmig pa 'drul bar 'gyur bas bzod du mi rung bar 'gyur gyi/ dbyar gyi nam la 'di nyid du 'dug par bya'o snyam nas de </font><hr>Ja121b<br><font size=+1>


dbyar gyi nam la de nyid du 'dug pa dang / de na gnas pa'i bzo bo dag gis de la rang rang gi bzo dag gis bsnyen bkur byas so/ /de 'gro ba'i dus kyi tshe bzo bo dag lhags pa dang / des de dag la bgo bsha' dag byas so/ /de na rdza mkhan gcig cig 'dug pa des kyang de la bzos bsnyen bkur byas pas de la chung mas smras pa/ rje'i sras ded dpon de'i phyir bzhud la cung zhig slongs shig /rdza mkhan des ded dpon 'phags pa'i mdun du 'jim pa'i gong bu thogs te bsdad pa dang / ded dpon des de mthong nas de la smras pa/ kwa'i nang rje khyed ha cang phyis te 'ongs pas nga'i phan thams cad thal lo/ /ded dpon de rte'u de la bkra mi shis pa'i blo skyes pas ded dpon des rdza mkhan de la smras pa/ 'di ltar kho bo la rte'u gcig cig yod kyi/ gal te 'dod na khrid de song zhig /rdza mkhan gyis smras pa/ ma nongs so/ /bdag ni rdza ma bgyid par 'gyur la 'dis kyang gcog par 'gyur ro/ /de nas rte'u des rdza mkhan de'i rkang pa gnyis la lces bldag par brtsams pa dang / de rdza mkhan de rte'u de la rjes su chags pa skyes nas de khrid de khyim du 'ongs so/ /de la chung mas smras pa/ rje'i sras khyod kyis de las cung zad thob bam/ rte'u de thob bo/ /mnongs \ MA NONGS?\ so/ / khyod ni rdza ma byed par 'gyur la/ 'dis kyang gcog par 'gyur ro/ /rte'u des chung ma'i rkang pa gnyis la yang lces bldag par brtsams pa dang chung ma de yang rte'u de la rjes su chags pa skyes so/ / </font><hr>Ja122a<br><font size=+1>


@#/ /rte'u de rdza ma so btang ba dang ma btang ba dag gi nang du 'gro ba na rdza ma 'ga' yang mi gcog nas rdza mkhan des chung ma la smras pa/ rte'u bzang po zhig ste/ shes bzhin du 'gro bar byed do/ /dus gzhan zhig na rdza mkhan de sgro ba thogs te sa len du song ba dang / rte'u de yang de'i phyi bzhin thog thag 'brang zhing 'ongs so/ /rdza mkhan des sas sgro ba bkang ba dang rte'u des rgyab bzed nas rdza mkhan des sa'i sgro ba de rte'u de'i rgyab tu bkal nas des de khrid de khyim du 'ongs nas/ rdza mkhan des chung ma la smras pa/ bzang mo rte'u bzang po zhig ste kho bos phyin chad sa bskur dgos par mi 'gyur ro/ /kho bos der dgal bar byas khyod kyis 'dir phog cig /chung mas de legs so zhes rte'u de la phub ma dang / sran phub dag byin no/ /de'i tshe na wA ra NA si na rgyal po tshangs byin zhes bya ba rgyal srid 'byor pa rgyas pa bde ba lo legs pa skye bo dang mi mang pos gang ba 'thab mo dang 'thab pa dang 'khrug long dang / nang 'khrug rab tu zhi ba chom rkun dang mu ge dang nad dang bral ba/ sA lu dang bu ram shing gi phreng ba dang ba lang dang ma he phun sum tshogs pa byed du bcug ste chos dang ldan pa chos kyi rgyal pos chos kyi rgyal srid byed du bcug go /de'i rta cang shes dus la bab nas nyi 'og gi rgyal po rnams kyis/ rgyal po tshangs byin gyi rta cang shes dus la bab po zhes thos pa dang / </font><hr>Ja122b<br><font size=+1>


de dag gis de la yang na ni sgyu dpya 'jol cig /yang na ni wA rA NA si'i phyi rol tu skyed mos tshal du ma byung zhig /de lta mi byed na gnya' ba nas btags te bkri'o zhes phrin spring ngo / /rgyal po tshangs byin de dag la sgyu dpyal 'jal bar yang mi byed/ 'jigs pas phyi rol gyi skyed mos tshal du yang 'byung bar mi byed cing 'dug go /ded dpon de yang mthar gyis wA ra NA sir phyin pa dang rgyal po tshangs byin gyis byang lam nas ded dpon zhig gis zong rta lnga brgya ded de wA ra NA sir phyin zhes thos nas des blon po rnams la smras pa/ shes ldan dag ngas yun ji srid cig tu 'dir zhugs te 'dug par bya/ deng la rta cang shes tshol cig /de dag ded dpon de'i gan du dong ste de dag gis rta de dag mthong nas gcig la gcig smras pa/ shes ldan dag / rta 'di dag ni rta cang shes kyis btul ba sha stag yin na 'di na rta cang shes ni 'ga' yang mi snang ngo / /de dag gis rgod ma de mthong nas smras pa/ shes ldan dag rgod ma 'di las rta cang shes 'brangs na de ni mi snang ngo / /de dag ded dpon gyi gan du song ste dris pa/ ded dpon khyod kyis rta 'ga' zhig btsongs pa'am/ gzhan la byin pa yod dam/ ded dpon gyis smras pa/ btsongs pa ni 'ga' yang med de/ 'di ltar kho bos mchod gyur gyi gnas su rte'u zhig bkra mi shis so snyam nas rdza mkhan zhig la byin pa ni yod do/ /de dag gis gcig la gcig smras pa/ shes ldan dag/ </font><hr>Ja123a<br><font size=+1>


@#/ /ded dpon 'di ni blun po zhig yin te/ snying po gang yin pa bor nas snyigs ma dag ded de 'dir 'ongs so/ /de dag gis rgyal po la zhus te mchod gyur du dong nas de dag rdza mkhan de'i drung du song ste dris pa/ khyod la rte'u 'dis ci bya/ rdza mkhan gyis smras pa/ 'di kho bo'i sa dgal lo/ /de dag gis smras pa/ kho bo cag gis khyod la bong bu sbyin gyi/ khyod kyis kho bo cag la 'di byin cig /rdza mkhan gyis smras pa/ kho bo la 'di nyid mkho'o/ /de dag gis smras pa/ glang bzhi dang ldan pa'i shing rta byin no/ /rdza mkhan gyis smras pa/ kho bo la 'di nyid mkho'o/ /de dag gis smras pa/ khyod deng gros kyis shig dang kho bo cag sang yang 'ong ngo zhes zer te dong ngo / /chos nyid kyis ni 'jig rten gnas pa chags nas ring po ma lon pa'i tshe na dud 'gro dag kyang smra shes pa yin pas rte'u des rdza mkhan de la smras pa/ de dag ci 'dod/ khyod 'dod do/ /ci'i phyir sbyin par mi byed/ ci khyod kyi snying lam na kho bo ji srid 'tsho'i bar du khyod kyis khal byed cing phub ma dang sran phub za snyam mam/ kho bos rgyal po rgyal rigs spyi bor dbang bskur bar bya zhing gser gyi snod nas bzang chas zil dngar gyis bcin pa dag bza' bar bya dgos so/ /de dag rte'u zhes zer na de dag la rta cang shes zer du ngo tsha'am ci zhes brjod par bya'o/ /gal te rin gyi phyir byin cig ces zer na/ de dag la yang na gser 'bum byin cig / </font><hr>Ja123b<br><font size=+1>


yang na 'di'i brla g.yas pas gser ci tsam 'dren nus pa de tsam byin cig ces brjod par bya'o/ /phyi de nyin par de dag 'ongs te rdza mkhan la dris pa/ kwa'i nang rje khyed kyis gros byas sam/ gros byas so/ /'o na rte'u 'di byin cig /khyed rta cang shes zer zhes zer du ngo tsha'am ci/ de dag gis bsams pa/ glen pa 'dis 'di rta cang shes yin nam ma yin ci shes te/ 'di ltar rta 'di nyid byas pa gzo ba yin pas 'di nyid kyis 'di la smras par gyur gor ma chag snyam nas/ de dag gis smras pa/ rta cang shes yin yang rung rte'u yin yang rung gi/ rin gyi phyir byin cig /rdza mkhan gyis smras pa/ yang na gser 'bum byin cig /yang na 'di'i brla g.yas pas gser ji tsam 'dren nus pa de tsam byin cig /de dag gis bsams pa/ 'di mthu dang ldan yin pas ches mang po dag 'dren par 'gyur pa gang yin pa de lta bu'i gnas yod par 'gyur ro snyam nas smras pa/ gser 'bum sbyin no/ /de dag gis rgyal po tshangs byin la gser 'bum gyis rta cang shes khugs so| |zhes spring pa dang / rgyal po tshangs byin gyis de dag la rin ci tsam gyis khugs pa de tsam gyis long zhig ces spring ngo / /de dag gis gser 'bum gyis blangs nas de dag rta cang shes de khrid de wA ra NA sir lhags nas de dag gis de rta bres kyi dang por btags te de la rtswa dang chas byin na/ de de mi za nas rgyal pos smras pa/ khyod kyis rta cang shes nad pa zhig khrid de 'ongs sam ci/ de dag </font><hr>Ja124a<br><font size=+1>


@#/ /gis smras pa/ 'di bro 'chal ba ma lags te/ 'di ltar je 'di la rma'o zhes de nas 'dul sbyong bas tshigs su bcad pa smras pa/ mgyogs 'gro gang tshe ran chas chu med pa'i/ /rdza mkhan bres na mgo skam rus pags tsam/ /rang sos gtubs pa'i rtswa dag za ba soms/ /de'i tshe mang pos khyod la bsams ma gyur/ /'di na mgyogs 'gro stong gi thogs 'dren cing / /rgyal pos chibs ran mchog dag nyer bstabs pa/ /ci'i phyir mi za dris pa bdag la smros/ /de nas rab mgyogs drang po brtan ldan pa/ /ma bzod 'khrugs bcas mgyogs 'gro mchog gis ni/ /de las nyer zhi legs par bsams byas nas/ /'dul sbyong blo ldan mi mchog de la smras/ /'dir khyod kho bo yon tan de nyid shes/ /kho bo ji bzhin khyod kyis ma rig min/ /mkhas pas brnyas na sa steng mi rgyu zhing / /kho bo 'di na myur du shi yang bla/ /skye bo ngan pas yun ring brnyas gyur kyang / /gal te yon tan khyod ldan de brnyas min/ /skye bo mdzangs pas skad cig brnyas gyur na| |zhi ba gal te yon tan de brnyas yin/ /'dul sbyong bas rgyal po la smras pa/ lha 'di ni bro 'tshal ba ma lags kyi/ 'di ltar rim pa ma bgyis pas de'i slad du 'di ran dang chas mi 'tshal lo// 'di'i rim pa ji ltar bya/ lha shul dpag tshad phye dang gsum tshun chad du mdzes par bgyi zhing grong khyer yang mdzes par bgyi/ rgyal po rgyal rigs spyi bor dbang bskur ba/ dpung gi tshogs yan </font><hr>Ja124b<br><font size=+1>


lag bzhi dang bcas pas bsu bar bgyi/ phyogs gang du bzhag pa'i phyogs de zangs ma'i glegs bu dag gis g.yog par bgyi/ rgyal po'i sras bu thu bos mgo'i steng du gdugs srog shing brgya ba gzung bar bgyi/ rgyal po'i sras mo thu mos rnga yab gser can nor bus spras pas sbrang ma dag bskyab par bgyi/ rgyal po'i btsun mo dam pas gser gyi snod nas zil dngar gyis bcin pa'i bzang chas kyi zas bstab par bgyi/ rgyal po'i blon po dam pas gser gyi chol zangs kyis rtug pa dor bar bgyi'o/ /rgyal pos smras pa/ de lta na 'di rgyal po yin gyi/ nga rgyal po ma yin no/ /'dul sbyong bas smras pa/ lha 'di la dus thams cad du bsnyen bkur de ltar bgyi mi 'tshal te/ 'di ltar dgung bdun gyi bar du bgyi'o/ /dgung bdun 'das nas bka' nyan par 'gyur ro/ /'das pa gang lags pa de da bgyi bar mi spyod kyang lhag ma gang lags pa de mdzad du gsol/ rgyal pos phyogs gang du bzhag pa'i phyogs de zangs ma'i glegs bu dag gis kyang g.yogs/ rgyal po'i bu thu bo yang mgo'i steng du gdugs srog shing brgya pa 'dzin tu bcug /rgyal po'i bu mo thu mo yang rnga yab gser can nor bus spras pas sbrang ma dag skyob tu bcug/ rgyal po'i btsun mo dam pa yang gser gyi snod nas zil mngar gyis bcin pa'i bzang chas kyis zas stobs su bcug/ rgyal po'i blon po dam pa yang gser gyi chol zangs kyis rtug pa 'dor du bcug go /sa bdag 'dul sbyong bcas pa de la chags/ </font><hr>Ja125a<br><font size=+1>


@#/ /shin tu dri zhim byug pa mchog 'chang zhing / /sa bdag btsun mo zil mngar bzang chas kyis/ /snod bkang mgyogs 'gro mchog phyir 'dzin par byed/ /rgyal po skyed mos tshal gyi sar 'gro bar 'dod pa la rta cang shes phul ba dang / des rgyab smad nas rgyal pos 'dul sbyong ba la smras pa/ 'di rgyab mi na'am/ des smras pa/ lha bro ma 'tshal te/ 'di ltar rgyal po bcibs dka' bar 'gyur snyam nas/ de'i slad du 'di 'dis rgyab smad do/ /rgyal po zhon te song ba dang / de 'gro ba na chu byung nas de de la mi rgal ba dang / rgyal pos 'dul sbyong ba la smras pa/ 'di mi 'jigs sam/ lha mi 'jigs te 'di ltar rnga ma'i chab kyis rgyal po gsher bar gyur na mi rung ngo snyam pas de'i slad du rgal bar mi bgyid do/ /rgyal pos de'i rnga ma gser gyi sbubs su bcug pa dang / de de las rgal to/ /rgyal po de skyed mos tshal du song ste bag med par 'dug pa dang / nyi 'og gi rgyal po dag gis rgyal po tshangs byin skyed mos tshal du song ngo // zhes thos nas/ de dag lhags nas grong khyer gyi sgo dag bzung ngo / /rgyal po tshangs byin gyis nyi 'og gi rgyal po dag gis grong khyer gyi sgo dag bzung ngo zhes thos nas/ de rta cang shes la zhon pa dang wA ra NA si dang / skyed mos tshal gyi bar du rdzing bu tshangs ldan zhes bya ba ut+pal dang / pad+ma dang / ku mu da dang / pad+ma dkar pos khebs pa zhig gis chod nas rta cang shes kyis bsams </font><hr>Ja125b<br><font size=+1>


pa| rgyal po rgyal rigs spyi bor dbang bskur ba gnod pa dang nyam nga ba dang / phongs par gyur pa bdag gis yal bar dor ba ni/ bdag gi tshul dang mthun pa ma yin no snyam nas/ rta cang shes des pad+ma'i 'dab ma dag gi steng du rkang pa bzhag ste sge'u chung nas wA ra NA sir zhugs pa dang / rgyal po dga' nas blon po rnams la smras pa/ shes ldan dag gang gis rgyal po rgyal rigs spyi bor dbang bskur ba'i srog phyung ba de la ci sbyin/ lha rgyal srid kyi phyed do/ /rgyal pos smras pa/ 'di ni dud 'gro yin pas 'di la rgyal srid kyi phyed kyis ci bya ste/ 'di ltar 'di las brten te zhag bdun du sbyin pa dag sbyin/ bsod nams dag bya zhing dus ma yin par ku mu da'i dus ston bya'o snyam nas/ rgyal pos de las brten te zhag bdun du sbyin pa dag sbyin pa dang bsod nams dag bya bar brtsams shing zhag bdun du dus ma yin par ku mu da'i dus ston dag byas pa dang / ded dpon des mi dag la dris pa/ shes ldan dag ci'i phyir dus ma yin par ku mu da'i dus ston 'di byung bar gyur/ de dag gis de la smras pa/ rgyal pos mchod gyur ces bya ba'i gnas de nas rdza mkhan zhig las gser 'bum gyis rta cang shes nyos te 'dir 'ongs nas/ des rgyal po 'di'i srog phyung nas rgyal pos de las brten te zhag bdun du sbyin pa dag sbyin/ bsod nams dag byed cing dus ma yin par ku mu da'i dus ston byas gso/ /ded dpon gyis bsams pa/ ma la rte'u de cang shes su ma </font><hr>Ja126a<br><font size=+1>


@#/ /gyur grang / je song la de lta'o snyam nas de'i gan du song ba dang / rta cang shes des smras pa/ kwa'i nang rje khyod kyis rta lnga brgya po dag gis ci thob/ gser 'bum mo/ /kho bo gcig pus kyang rdza mkhan de la gser 'bum byin no/ /de brgyal te sa la 'gyel nas chus btab pas srog phyir rnyed nas rta cang shes kyi rkang pa gnyis la gtugs te bzod pa gsol to/ /dge slong dag de'i tshe de'i dus na ded dpon gang yin pa de ni 'tsho byed gzhon nus gsos 'di nyid yin no/ /de'i tshe de'i dus na rta cang shes gang yin pa de ni lam pa 'di nyid yin te/ /de'i tshe yang des gang gi tshe de'i yon tan dag mngon par mi shes pa de'i tshe na de la gus pa ma yin pa la zhugs par gyur la/ gang gi tshe de'i yon tan dag mngon par shes par gyur pa de'i tshe na rkang pa gnyis la gtugs te bzod pa gsol bar gyur la/ da ltar yang des gang gi tshe 'di'i yon tan dag mngon par mi shes pa de'i tshe na 'di la gus pa ma yin pa la zhugs la/ gang gi tshe yon tan dag mngon par shes par gyur pa de'i tshe na rkang pa gnyis la gtugs te bzod pa gsol bar byed do/ /sangs rgyas bcom ldan 'das la dge slong rnams kyis zhus pa/ btsun pa tshe dang ldan pa lam pas las ci bgyis na las de'i rnam par smin pas bcom ldan 'das kyis sems sgyur ba la mkhas pa rnams kyi mchog tu lung bstan/ bcom ldan 'das </font><hr>Ja126b<br><font size=+1>


kyis bka' stsal pa/ smon lam gyi dbang gis so/ /gang du smon lam btab/ dge slong dag sngon byung ba yang dag par rdzogs pa'i sangs rgyas 'od srung gi bstan pa la 'di rab tu byung bar gyur pa na gang las rab tu byung ba'i mkhan po de yang dag par rdzogs pa'i sangs rgyas 'od srung gis sems sgyur ba la mkhas pa rnams kyi mchog tu lung bstan no/ /de na 'dis tshe ji srid par tshangs par spyod pa spyad na yon tan gyi tshogs 'ga' yang ma thob nas de'i 'og tu 'chi ba'i tshe/ smon lam 'di skad ces bdag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yon gnas bla na med pa 'od srung la tshe ji srid par tshangs par spyod pa spyad na yon tan gyi tshogs 'ga' yang ma thob ste/ bdag gis tshe ji srid par tshangs par spyod pa spyad pa'i dge ba'i rtsa ba 'dis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od srung gis bram ze'i khye'u bla ma la bram ze'i khye'u khyod ma 'ongs pa'i dus na skye dgu'i tshe lo brgya thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das shAkya thub pa zhes bya bar 'gyur ro zhes lung bstan pa de'i bstan pa la bdag rab tu byung nas </font><hr>Ja127a<br><font size=+1>


@#/ /nyon mongs pa thams cad spangs pas dgra bcom pa nyid mngon sum du byed cing ji ltar mkhan po 'di bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od srung gis sems sgyur ba la mkhas pa rnams kyi mchog tu bstan pa de bzhin du bdag kyang bcom ldan 'das shAkya thub pa/ shAkya'i seng ge shAkya'i rgyal po'i gtso bo des sems sgyur ba la mkhas pa rnams kyi mchog tu bstan par gyur cig ces gdab par brtsams pas smon lam de'i dbang gis da ltar de bzhin gshegs pas sems sgyur ba la mkhas pa rnams kyi mchog tu bstan to/ /dge slong dag de ltar na las gcig tu gnag pa rnams kyi rnam par smin pa gcig tu gnag pa yin la/ las gcig tu dkar ba rnams kyi rnam par smin pa yang gcig tu dkar pa yin/ las 'dren ma rnams kyi rnam par smin pa yang 'dren ma yin no/ /dge slong dag de lta bas na las gcig tu gnag pa dang 'dren ma rnams spangs te las gcig tu dkar ba rnams la brtsal bar bya ste/ dge slong dag khyed kyis de ltar bslab par bya'o/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /ma bskos par ston pa'i ltung byed de nyi shu gcig pa rdzogs so// //sangs rgyas bcom ldan 'das mnyan yod </font><hr>Ja127b<br><font size=+1>


na rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis dga' byed khyod kyis dge slong ma la soms shig /dga' byed khyod kyis dge slong ma la rjes su ston cig /dga' byed khyod kyis dge slong ma rnams la chos dang ldan pa'i gtam gyis shig ces bka' stsal nas/ de nas ut+pa la'i mdog 'khor dge slong ma lnga brgya tshe dang ldan pa dga' byed ga la ba der song ste/ phyin nas tshe dang ldan pa dga' byed kyi rkang pa gnyis la mgo bos phyag 'tshal te mtha' gcig tu 'dug go /tshe dang ldan pa dga' byed kyis bsams pa/ bud med kyi yul ni shes rab chung ba yin no snyam nas des de la don dang tshig dang yi ge mdor 'dus pa 'dus pa dag gis chos bstan to/ /de shes rab can yin pas gong nas gong du 'dri bar byed nas tshe dang ldan pa dga' byed kyis lan btab cing des de la ji tsam na nyi ma nub pa'i dus la bab pa de tsam gyi bar du chos bstan nas/ de dag gis de'i rkang pa gnyis la mgo bos phyag 'tshal te/ stan las langs te dong ba dang / ji tsam na mnyan yod kyi sgo dag bcad par gyur nas dge slong ma rnams kyis sgo btsal ba dang / sgo bas smras pa/ sgo bcad lags so/ /de dag gis smras pa/ phye shig /lde mig dag rgyal po'i pho brang du 'tshal to/ /de dag gis bsams pa/ 'di nyid du 'khod do snyam nas mnyan yod dang ha cang mi ring ba na kun dga' ra ba zhig 'dug pa der de dag dong </font><hr>Ja128a<br><font size=+1>


@#/ /ngo / /bcom ldan 'das kyis shing ljon pa yang rgan rims kyis bsko bar bya'o zhes bka' stsal pas de dag gis shing ljon pa dag rgan rigs kyis bsko bar brtsams pa dang / de na de dag shing ljon pa dag sgo ba rnams la a y+Ya a y+Ya a ha da ag e a ga ha de zhes 'bod pa'i sgra mthon po dang sgra chen po byung ngo / /g.yon can lnga brgya tsam mnyan yod 'joms par 'dod pa dag lhags pa de dag gis sgra mthon po dang sgra chen po de thos nas de dag gis smras pa/ shes ldan dag mnyan yod re zhig sdod cig /shes ldan dag je btsun mo'i 'khor gyis thos pa 'di dag gzhom par bya'o/ /ut+pa la'i mdog gis bsams pa/ mi mdzes pa 'ga' zhig gis rig par mi 'gyur ram snyam na/ ji tsam na 'joms par 'dod pa'i g.yon can lnga brgya tsam po de dag mthong nas des 'phags skyes po'i dpung sprul te rnga pa Ta had brdungs pa dang / de dag gis smras pa/ shes ldan dag bdag cag 'phags skyes po'i dpung gis bskor te bdag cag zin par gyur na mi rung gi /'bros par bya'o zhes de ltar rig nas de dag bros so/ /ut+pa la'i mdog gis dge slong ma de dag la smras pa/ nu mo dag g.yon can 'joms par 'dod pa lnga brgya tsam 'dir lhags nas kho mos de dag bsdigs nas bros kyi/ khad kyis dal bu dal bus lag brdas sgo phye shig /dag nang phar sngar </font><hr>Ja128b<br><font size=+1>


langs te mnyan yod du zhugs pa dang / bram ze dang khyim bdag gis mthong nas de dag gis smras pa/ shAkya'i bu'i dge sbyong rnams kyi chos 'dre ba dang / lhag par 'dre shing tshangs par spyad pa spyod par byed pa bzang ngo / /dge slong don nyung ngu dag ci phyir dge slong dag nyi ma nub pa'i dus kyi bar du dge slong ma la ston par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa dga' byed la rmas pa/ dga' byed khyod kyis nyi ma nub pa'i dus kyi bar du dge slong ma la ston pa bden nam/ btsun pa med do/ /sangs rgyas bcom ldan 'das kyis mi brtson pa dang / mi sbyor ba dang ma brtags par spyod pa rnam par smad par mdzad do/ /de nas bcom ldan 'das kyis brtson pa dang / sbyor ba dang / brtags te spyod pa'i bsngags pa brjod nas/ dge slong rnams la bka' stsal ba/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' </font><hr>Ja129a<br><font size=+1>


@#/ /bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong dge 'dun gyis bskos kyang nyi ma nub pa'i dus kyi bar du dge slong ma la ston na ltung byed do/ /dge slong zhes bya ba ni chos 'di pa'o/ /dge 'dun gyis zhes bya ba ni de bzhin gshegs pa'i nyan thos kyi dge 'dun gyis so/ /bskos kyang zhes bya ba ni gsol ba dang gnyis kyi las kyis so/ /nyi ma nub pa'i dus kyi bar du zhes bya ba ni nyi ma nub pa'i dus la bab par ro/ /dge slong ma zhes bya ba ni chos 'di pa la'o/ /ston na zhes bya ba ni lhag pa'i tshul khrims dang lhag pa'i sems dang lhag pa'i shes rab bo/ /ltung byed do zhes bya ba ni sems can dmyal ba dang / dud 'gro dang yi dwags ngan song dang / ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste des na ltung byed do zhes gsungs so/ /de la ltung ba ji ltar 'gyur zhe na/ dge slong gis nyi ma nub pa la nyi ma nub par 'du shes pas dge slong ma la ston na ltung byed du 'gyur ro/ /dge slong gis nyi ma nub pa la yid gnyis za bas dge slong ma la ston na ltung byed du 'gyur ro/ /dge slong gis nyi ma nub pa </font><hr>Ja129b<br><font size=+1>


la nyi ma nub par 'du shes pas dge slong ma la ston na nyes byas su 'gyur ro/ /dge slong gis nyi ma ma nub pa la yid gnyis za bas dge slong ma la ston na nyes byas su 'gyur ro/ /mtshan thog thag chos nyan par gyur pa dang / gtsug lag khang gi sgo drung du ston pa dang / sgo ma bcad par 'dug pa dang / grong khyer gyi nang na gtsug lag khang ngam dbyar khang 'dug pa dang / khyim gzhan du song ste ston pa la ltung ba med do/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa ut+pa la'i mdog gis dge slong ma lnga brgya g.yon can gyi 'jigs pa las yongs su bskyabs pa la gzigs/ bcom ldan 'das kyis bka' stsal pa/ dge slong dag da ltar du ma zad de/ 'di ltar 'das pa'i dus na yang 'dis don mthun mang po seng ge'i 'jigs pa las yongs su bskyabs par gyur te/ de nyon cig /dge slong dag sngon byung ba 'das pa'i dus na ri brags shig na khyim bdag cig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /des chung ma la smras pa bzang mo kho bo zong thogs te yul gzhan du 'gro'o/ /chung mas smras pa/ rje'i sras bdag kyang mchi'o/ /khyim bdag gis smras pa/ lam du khyod kyi g.yog sus byed par </font><hr>Ja130a<br><font size=+1>


@#/ /'gyur/ khyod 'di nyid du 'dug cig /chung mas bdag mi khrid do snyam nas du bar brtsams pa dang / zho shas 'tsho ba dag gis khyim bdag la dris pa/ jo bo sa ci'i slad du 'di dur stsal/ khyim bdag gis smras pa/ mi khrid do snyam nas so/ /de dag gis smras pa/ ci'i slad du mi bkri/ khyim bdag gis smras pa/ der 'di'i g.yog su byed par 'gyur/ de dag gis smras pa/ der bdag cag gis 'di'i g.yog bgyi'o/ /khyim bdag gis de khrid de song nas don mthun de dag dgon pa'i lam zhig tu mtshan mo btab pa dang / don mthun de dag lam gyis dub pas nyal nas khyim bdag gi chung ma de mel tshe byed do/ /ji tsam na der seng ge 'ongs nas de sa mgal dum thogs te de bsdigs pa dang bros par 'gyur nas/ lhas tshigs su bcad pa smras pa/ gang phyir bya ba thams cad la/ /skyes pa 'ba' zhig mkhas pa min/ /de dang de la bud med kyang / /zin la mkhas pa nyid du 'gyur/ /dge slong dag de'i tshe de'i dus na khyim bdag gi chung ma gang yin pa de ni ut+pa la'i mdog 'di nyid yin la/ de'i tshe de'i dus na don mthun lnga brgya gang yin pa de dag ni dge slong ma lnga brgya po 'di dag yin te/ de'i tshe na yang 'dis don mthun mang pos seng ge'i 'jigs pa las yongs su bskyabs par gyur/ da ltar yang 'dis dge slong ma lnga brgya g.yon can gyi 'jigs pa las yongs su </font><hr>Ja130b<br><font size=+1>


bskyabs par byas so/ /nyi ma nub kyi bar du ston pa'i ltung byed de nyi shu gnyis pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis dga' byed khyod kyis dge slong ma la soms shig /dga' byed khyod kyis dge slong ma la rjes su ston cig /dga' byed khyod kyis dge slong ma rnams la chos dang ldan pa'i gtam gyis shig ces bka' stsal nas de nas skye dgu'i bdag mo chen mo go'u ta mi 'khor dge slong ma lnga brgya dang tshe dang ldan pa dga' byed ga la ba der song ste phyin nas/ tshe dang ldan pa dga' byed kyi rkang pa gnyis la mgo bos phyag 'tshal te mtha' gcig tu 'dug go /tshe dang ldan pa dga' byed kyis de la don dang tshig dang yi ge zab pa zab pa dag gis chos bstan to/ /bud med kyi yul ni shes rab 'chal ba'i phyir brda mi phrad cing 'jigs pa'i phyir 'dri mi nus so/ /de nas skye dgu'i bdag mo chen mo go'u ta mis/ tshe dang ldan pa dga' byed kyis smras pa la mngon par dga' ba dang rjes su yi rang ba byas te/ tshe dang ldan pa dga' byed kyi rkang pa gnyis la mgo bos phyag 'tshal nas stan las langs te song nas/ bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te/ mtha' gcig tu 'dug go /mtha' gcig tu 'dug nas/ bcom ldan 'das la skye dgu'i </font><hr>Ja131a<br><font size=+1>


@#/ /bdag mo chen mo go'u ta mis 'di skad ces gsol to/ /btsun pa 'phags pa dga' byed kyis dge slong ma rnams la don dang tshig dang yi ge zab pa zab pa dag gis chos bstan na bud med kyi yul ni shes rab 'chal ba'i slad du brda mi 'jal cing 'jigs pa'i slad du 'dri ba'i rngo mi thog ste/ bcom ldan 'das kyis sbyin pa ni mi 'jigs pa'i rgyu lags so zhes bka' stsal na/ gal te bcom ldan 'das kyis gnang na/ dge slong ma rnams kyis dge slong rnams la kun dga' bar 'gyur ba dag bgyi'o/ /bcom ldan 'das kyis bka' stsal pa/ de ltar na gnang gi/ dge slong ma rnams kyis dge slong rnams la kun dga' bar 'gyur ba dag bya'o/ /bcom ldan 'das kyis dge slong ma rnams kyis dge slong rnams la kun dga' bar 'gyur ba dag bya'o/ / zhes bka' stsal nas/ de dag gis ji ltar bya ba dag mi shes nas bcom ldan 'das kyis bka' stsal pa/ bca' ba lnga po rtsa ba dang / sdong bu dang / 'dab ma dang / me tog dang / 'bras bu dag dang / bza' ba lnga po 'bras chan dang / zan dron dang / 'de gu dang / sha dang / snum khur dag dang / lhung bzed dang chos gos dang / dra ba dang phor bu dang / shur bu dang lcag phod dang / shur bu phre'u dang / rgya cang dag gis bya'o/ /dge slong ma zhig gis 'o thug khyer te rgyal byed kyi tshal du song ba dang / drug sde dag gi kun tu spyod pa ni 'dir bdag cag gis bram ze dang khyim bdag 'ongs shing lhags pa la chos bstan par bya/ rgol ba dag kyang </font><hr>Ja131b<br><font size=+1>


tshar gcad par bya/ rang gi grags pa yang bsgrag par bya'o snyam nas/ drug sde dag las gang yang rung bas rgyal byed kyi tshal gyi sgo stong par mi 'jog pas nye dga' nang par sngar langs te so shing bor nas snam sbyar dmar ser gyon te rgyal byed kyi tshal gyi sgo na 'chag cing 'dug go /nye dga' dge slong ma de mthong nas de la dris pa/ khyer te 'ongs pa 'di ci/ 'o thug go /su la blud/ 'phags pa dga' byed do/ / gal te nye dgas kyang 'o thug rnyed par 'gyur na rtag pa kho nar dge slong ma la ston par 'gyur ro/ /de bzhin du dge slong ma kha cig gis ni zho thug khyer te 'ongs/ kha cig gis ni hwags kyi la du khyer te 'ongs pa dang / nye dgas smras pa/ kho bo ko tshe dang ldan pa dga' byed chos bzang po'i chos kyis dge slong ma la ston snyam gyi/ kho bo tshe dang ldan pa dga' byed zas cung zad tsam gyi phyir dge slong ma la ston snyam mi sems so/ /dge slong don nyung du dag ci'i phyir dge slong dag dge slong ma rnams la 'di skad ces dge slong dag zas cung zad tsam gyi phyir dge slong ma rnams la ston par byed ces zer zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas </font><hr>Ja132a<br><font size=+1>


@#/ /bcom ldan 'das kyis nye dga' la rmas pa/ nye dga' khyod dge slong rnams la 'di skad ces dge slong dag ni zas cung zad tsam gyi phyir dge slong ma la ston to zhes zer ba bden nam/ btsun pa mad do/ /sangs rgyas bcom ldan 'das kyis dge slong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong rnams la 'di skad ces dge slong dag zas cung zad tsam gyi phyir dge slong ma la ston to zhes zer na ltung byed do/ /yang dge slong gang zhes bya ba ni shAkya'i bu nye dga'am/ gzhan yang de lta bu gang yin pa'o/ /dge slong rnams la zhes bya ba ni chos 'di pa rnams la'o/ /'di skad ces zhes bya ba ni 'di skad zer na'o/ /dge slong dag ces bya ba ni chos 'di ba dag go /zas cung zad tsam gyi phyir zhes bya ba ni/ bca' ba lnga dang bza' ba lnga'i phyir ro/ /dge slong ma la zhes bya ba ni chos 'di pa la'o/ /ston to zhes </font><hr>Ja132b<br><font size=+1>


zer na zhes bya ba ni lhag pa'i tshul khrims dang / lhag pa'i sems dang / lhag pa'i shes rab bo/ /ltung byed do zhes bya ba ni sems can dmyal ba dang / dud 'gro dang yi dwags ngan song dang / ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung ba ji ltar 'gyur zhe na/ dge slong gis ji tsam cung zad tsam dge slong rnams la 'di skad ces dge slong dag zas cung zad tsam gyi phyir dge slong ma la ston to zhes zer na thams cad du ltung byed du 'gyur ro/ /zas cung zad tsam gyi phyir dge slong ma la ston pa bden na ltung ba med do/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /zas cung zad tsam gyi phyir ston pa'i ltung byed de nyi shu gsum pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na tshong dpon zhig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /de rgas pa'i gnas skabs su nye du zad par gyur cing nor zad pa dang longs spyod zad par gyur nas/ des chung ma la smras pa/ bzang mo kho bos da nor sgrub par </font><hr>Ja133a<br><font size=+1>


@#/ /mi nus kyi/ kho bo rab tu 'byung du 'gro'o/ /chung mas smras pa/ rje'i sras bdag kyang rab tu 'byung ngo / /de ltar gyis shig ces des chung ma skye dgu'i bdag mo chen mo go'u ta mi'i gan du khrid de smras pa/ 'phags ma bdag gi mchis brang 'di legs par gsungs pa'i chos 'dul ba la rab tu 'byung bar 'tshal na 'phags mas 'di rab tu dbyung du gsol/ rdzogs par bsnyen par mdzad du gsol/ skye dgu'i bdag mo chen mo go'u ta mis de rab tu phyung zhing rdzogs par bsnyen par byas so/ /des tshong dpon la smras pa/ rje'i sras bud med kyi yul ni/ sred pa spyad pa lags kyi/ dus dang dus su spyon cig /tshong dpon de yang rgyal byed kyi tshal du song ste/ dge slong gi gan du rab tu byung ngo / /mnyan yod pa'i tshong dpon rab tu byung ngo zhes de grags shing bsod nams che bas des de'i chos gos dang bsod snyoms dang gnas mal dang na ba'i rkyen dang sman gyi yo byad dag grub bo/ /dus gzhan zhig na snam sbyar dmar ser gyon te/ dge slong ma de'i dbyar khang du song ba dang / dge slong ma des de'i rkang pa gnyis la mgo bos phyag 'tshal te/ mdun du 'dug nas de de'i snam sbyar de la yang yang du rtogs nas/ dge slong des smras pa/ sring mo snam sbyar 'di 'dod dam/ des smras pa/ lha'i gnas kyi lhag ma bzhin du'o/ /des bsams pa/ bdag gis 'di la rnam sbyar 'di sbyin par bya zhing bdag gis snam sbyar gzhan btsem par bya'o/ </font><hr>Ja133b<br><font size=+1>


snyam nas/ des de la snam sbyar de byin te song ngo / /de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo song la dge slong rnams la dge slong dag de bzhin gshegs pa ko sa la dag tu ljongs rgyur gshegs kyi/ khyed cag las gang de bzhin gshegs pa dang thabs cig ljongs rgyur 'gro ba spro ba des/ chos gos dag longs shig ces gyis shig /tshe dang ldan pa kun dga' bos/ btsun pa bka' bzhin 'tshal zhes bcom ldan 'das las mnyan nas dge slong rnams la tshe dang ldan pa dag /bcom ldan 'das ko sa la dag tu ljongs rgyur gshegs kyi/ khyed cag las gang de bzhin gshegs pa dang thabs cig ljongs rgyur 'gro bar spro ba des chos gos dag longs shig ces bsgo'o/ /de nas bcom ldan 'das dul ba 'khor dul ba dang ldan pa/ zhi ba 'khor zhi ba dang ldan pa/ grol ba 'khor grol ba dang ldan pa/ dbugs phyin pa 'khor dbugs phyin pa dang ldan pa/ thul ba 'khor thul ba dang ldan pa/ dgra bcom pa 'khor dgra bcom pa dang ldan pa/ 'dod chags dang bral ba 'khor 'dod chags dang bral ba dang ldan pa/ mdzes pa 'khor mdzes pa dang ldan pa/ khyu mchog ltar ba lang gi tshogs kyis yongs su bskor ba/ glang po che ltar glang po che'i phru gu'i tshogs kyis yongs su bskor ba/ seng ge ltar mche ba can gyi tshogs kyis yongs su bskor ba/ ngang pa'i rgyal po ltar ngang pa'i tshogs kyis yongs su bskor ba/ nam mkha' lding </font><hr>Ja134a<br><font size=+1>


@#/ /ltar bya'i tshogs kyis yongs su bskor ba/ bram ze ltar slob ma'i tshogs kyis yongs su bskor ba/ sman pa mkhas pa ltar nad pa'i tshogs kyis yongs su bskor ba/ dpa' bo ltar ru pa'i tshogs kyis yongs su bskor ba/ sa mkhan ltar lam du zhugs pa'i tshogs kyis yongs su bskor ba/ ded dpon ltar tshong pa'i tshogs kyis yongs su bskor ba/ tshong dpon ltar 'khor gyi tshogs kyis yongs su bskor ba/ mkhar gyi rgyal po ltar blon po'i tshogs kyis yongs su bskor ba/ 'khor los sgyur ba ltar bu stong gi tshogs kyis yongs su bskor ba/ zla ba ltar rgyu skar gyi tshogs kyis yongs su bskor ba/ nyi ma ltar 'od zer stong gi tshogs kyis yongs su bskor ba/ yul 'khor srung ltar dri za'i tshogs kyis yongs su bskor ba/ 'phags skyes po ltar grul bum gyi tshogs kyis yongs su bskor ba/ mig mi bzang ltar klu'i tshogs kyis yongs su bskor ba/ nor sbyin ltar gnod sbyin gyi tshogs kyis yongs su bskor ba/ thags bzang ris ltar lha ma yin gyi tshogs kyis yongs su bskor ba/ brgya byin ltar sum cu rtsa gsum pa'i tshogs kyis yongs su bskor ba/ tshangs pa ltar tshangs ris kyi tshogs kyis yongs su bskor ba/ dbang po rnams kyis shin tu dul ba/ spyod lam dang spyod </font><hr>Ja134b<br><font size=+1>


pa ma 'khrugs pa/ chu gter ltar ting nge ba/ sprin ltar chu dang bcas pa/ glang po che'i rgyal po ltar dregs pa dang bral ba/ skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus sku rnam par mdzes pa/ 'od 'dom gang gis gzugs can brgyan pa/ nyi ma stong bas lhag pa'i 'od dang ldan pa/ rin po che'i ri bo 'gro ba ltar kun tu bzang ba/ stobs bcu dang mi 'jigs pa bzhi dang / ma 'dres pa'i dran pa nye bar gzhag pa gsum dang / thugs rje chen po dang ldan pa kun shes ko'u di n+ya dang / rlangs pa dang / ming chen dang / ma 'gags pa dang / shA ri'i bu dang / mo'u dgal gyi bu chen po dang / 'od srung dang / kun dga' bo dang / nam gru la sogs pa nyan thos chen po dag dang / gzhan yang dge slong gi dge 'dun mang pos bskor te/ ko sa la dag tu ljongs rgyur gshegs so/ /chos nyid kyis na sangs rgyas bcom ldan 'das dag ljongs rgyur gshegs pa na 'ga' zhig chos gos stod g.yogs smad g.yogs dang bcas pa ljongs rgyu bar mi 'gyur ram snyam nas/ sku thams cad kyis g.yas phyogs nas glang po che'i lta stangs kyis rnam par gzigs pa yin pas bcom ldan 'das kyis dge slong de chos gos stod g.yogs smad g.yogs </font><hr>Ja135a<br><font size=+1>


@#/ /dang bcas pas ljongs rgyur 'gro ba gzigs so/ /gzigs nas kyang tshe dang ldan pa kun dga' bo la bka' stsal pa/ kun dga' bo dge slong dbyar gnas bdag gis chos gos kyi rnyed pa ma grub bam/ bcom ldan 'das grub bo/ /kun dga' bo 'o na ci'i phyir dge slong 'di chos gos stod g.yogs smad g.yogs dang bcas pas ljongs rgyur 'gro/ tshe dang ldan pa kun dga' bos skabs de bcom ldan 'das la rgyas par gsol pa dang / bcom ldan 'das kyis bka' stsal pa/ kun dga' bo dge slong dag dge slong ma nye du ma yin pa la gos dag sbyin nam/ btsun pa stsol to/ /bcom ldan 'das kyis bka' stsal pa/ kun dga' bo dge slong ma nye du ma yin pa ni 'di snyam du 'di'i chos gos gsum tshang ngam/ 'on te ma tshang snyam du mi sems par 'di ltar thob bo cog len par byed kyi/ nye du la ni byin yang len par mi byed do/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ / zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas </font><hr>Ja135b<br><font size=+1>


bcom ldan 'das kyis dge slong de la rmas pa/ dge slong khyod dge slong ma nye du ma yin pa la gos sbyin pa bden nam/ btsun ma mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad pa mdzad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon bar bya ste/ yang dge slong gang dge slong ma nye du ma yin pa la gos sbyin na ltung byed do/ yang dge slong gang zhes bya ba ni chos 'di pa'o/ /dge slong ma zhes bya ba yang chos 'di pa'o/ /nye du ma yin pa la zhes bya ba ni phyi mo dang mes po dang phrugs pa las brten pa'i bdun pa tshun chad ni nye du yin la de phan chad ni nye du ma yin no/ /gos zhes bya ba ni bdun po bal gos dang / sha na'i gos dang / zar ma'i gos dang / du gu la'i gos dang / ras bal gyi gos dang / ko tam pa'i gos dang / nyi 'og gi gos dag las gang yang rung ba'o/ /sbyin na zhes bya ba </font><hr>Ja136a<br><font size=+1>


@#/ /ni bslang ba mi dgos par ro/ /ltung byed do zhes bya ba ni sems can dmyal ba dang / dud 'gro dang yi dwags ngan song dang / ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste des na ltung byed do zhes gsungs so/ /de la ltung ba ji ltar 'gyur zhe na/ dge slong gis dge slong ma nye du ma yin pa la nye du ma yin par 'du shes pas gos sbyin na ltung byed du 'gyur ro/ /dge slong gis dge slong ma nye du ma yin pa la yid gnyis za bas gos byin na ltung byed du 'gyur ro/ /dge slong gis dge slong ma nye du la nye du ma yin par 'du shes pas gos byin na nyes byas su 'gyur ro/ /dge slong gis dge slong ma nye du la nye du ma yin par yid gnyis za bas gos byin na nyes byas su 'gyur ro/ /bor brlag byung ba la sbyin pa dang / legs par smra ba la sbyin pa dang / dge slong ma'i dge 'dun la gos kyi sbyin pa dang / rdzogs par bsnyen par byed pa la sbyin pa dang / rin gyi phyir sbyin pa dang / brje ba'i phyir sbyin pa la ltung ba med do/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /gos sbyin pa'i ltung byed de nyi shu bzhi pa rdzogs so// //'dul ba rnam </font><hr>Ja136b<br><font size=+1>


par 'byed pa/ bam po zhe dgu pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /dge slong ma sbed ma'i chos gos lnga ngan cing snam sbyar yang rnyings nas/ des ras yug chen zhig rnyed pa dang / de su zhig bdag gi chos gos 'tshem par 'gyur snyam du sems khong du chud cing 'dug pa na/ dge slong ma rnams kyis de la smras pa/ sbed ma khyod ci'i phyir sems khong du chud cing 'dug /phu nu mo dag kho mo chos gos lnga ngan cing snam sbyar yang rnyings nas/ kho mos ras yug chen po zhig rnyed na/ kho mo'i chos gos su 'drub par 'gyur mi shes so/ /sbed ma khyod gser gyi snod kyi slong mo la rgyu'am/ khyod kyi dge slong 'phags pa 'char ka rab tu shes pa yin no/ /sbed mas smras pa/ des kho mo'i chos gos drubs par mi 'gyur ro/ /khyod kyis de lan 'ga' bcol ba yod dam/ lan 'ga' yang bcol ba med do/ /ci khyod chu sgra grags pas lham 'bud dam/ song la chol cig dang 'drub par 'gyur ro/ /sbed ma 'char ka'i gan du song ste/ de'i rkang pa gnyis la mgo bos phyag 'tshal nas mdun du 'dug pa dang / tshe dang ldan pa 'char kas de'i ras yug chen mthong nas des smras pa/ sbed ma gang la ras yug chen 'di lta bu yod pa des ni/ sar pa las snam sbyar nyis rim byas te snying las chung </font><hr>Ja137a<br><font size=+1>


@#/ /ngus \ DUS?\ dge ba'i phyogs la tron byed par 'gyur ro/ /sped mas smras pa/ 'phags pa bdag khyod la ras yug chen mi 'bul ba ni ma lags na/ 'di ltar bdag gis chos gos lnga ngan cing snam sbyar yang rnyings pas khyod kyis bdag gi snam sbyar tshems te stsol cig /'char kas bsams pa/ gal te re zhig btsem par byar yang bcu gnyis sde dag las gang dang gang dag la chos gos btsem par bya ba byung bar gyur pa de dag thams cad kyang bdag gi gan du khyer te 'ong bas de snyed cig btsem par yang ji ltar nus/ gal te mi btsem du ni tshig pa'i g.yar tshul kyang mi ster bar 'gyur bas/ 'di ltar ci nas kyang shing gi snod du bskol ba bzhin du dang po gang yin pa de nyid tha mar 'gyur ba de ltar btsem par bya'o snyam nas/ des de la smras pa/ zhog la song zhig /sbed ma bzhag ste song ba dang / drug sde dag der dong nas de dag gis ras yug chen de mthong nas smras pa/ btsun pa 'char ka ras yug chen 'di su'i lags/ bdag gir bya ba de'i 'o/ /gang gi/ sbed ma'i 'o/ /'o na 'khod de ci rung btsem par bya'o/ /de ltar gyis shig de dag gis ras yug chen de brgyangs te/ dras shing drubs nas 'char kas snam sbyar de dang tshon sna lnga'i skud pa khyer te 'chag tu song nas/ des der song ste snam </font><hr>Ja137b<br><font size=+1>


sbyar de la tshon sna lnga'i skud pas bdag nyid sbed ma'i mgul nas 'khyud de 'dug pa zhig skud ris su btsems nas de gtsug lag khang du 'ongs te snam sbyar de bltab nas chos gos kyi gdang la bkal te bzhag pa dang / sbed ma yang 'ongs nas 'char kas smras pa/ sbed ma kho bos kyang snam sbyar btsems na khyod kyang 'ongs so/ /des snam sbyar de bzhin blta ba bzhin du sbed ma'i phrag pa la bkal te smras pa/ re zhig ji srid du tshon gyis ma bcal ba de srid du ma dbye zhig/ /ltung ba bcas par gyur ta re/ sbed mas snam sbyar de de bzhin blta ba bzhin kho nar dbyar khang du 'phags pa dang / de la dge slong ma khrims zlas smras pa/ sbed ma/ 'phags pa 'char kas snam sbyar ji ltar btsems pa bltas 'on cig /sbed mas de la smras pa/ 'phags pa 'char ka na re/ re zhig ji srid du tshon gyis ma bcal ba de srid du ma dbye zhig /ltung ba dang bcas par gyur ta re zhes zer ro zhes ltar ma ster ro/ /sbed ma dbyar khang du song ba dang / de la dge slong ma rnams kyis smras pa/ sbed ma 'phags pa 'char kas snam sbyar ji ltar btsems pa bltas 'on cig /sbed mas smras pa/ 'phags pa 'char ka na re/ re zhig ji srid du tshon gyis ma bcal ba de srid du ma dbye zhig /ltung ba dang bcas par gyur te zhes zer </font><hr>Ja138a<br><font size=+1>


@#/ /ro| |dge slong ma grogs mo dag 'di la ltung bar 'gyur ba ci yod ces de'i rgyab logs su 'dug ste snam sbyar hu ra ces phrogs nas phye ste bltas pa dang / dge slong ma rnams kyis de la tshon sna lnga'i skud pas 'char ka sbed ma'i mgul nas 'khyud de 'dug pa skud ris su btsems pa mthong nas/ rta gad kyis btab ste smras pa/ sbed ma khyod la 'phags pa 'char kas yun ring po zhig gis gzod 'khyud do/ /skye dgu'i bdag mo chen mo go'u ta mis thos nas des smras pa/ nu mo dag khyed mgo byi zhing mchan khung spun pa yin na ci dgod/ de dag gis smras pa/ 'phags ma ji ltar 'phags pa 'char kas mi mdzes pa bgyis pa la gzigs/ nu mo dag drug sde gnas ngan len kun tu spyod pa dag gis 'drums pa ltung bas bcom ldan 'das kyi bstan pa 'jig par byed do zhes zer ba'i skabs de dge slong ma rnams kyis dge slong rnams la brjod nas/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du </font><hr>Ja138b<br><font size=+1>


rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa 'char ka la rmas pa/ 'char ka khyod dge slong ma nye du ma yin pa'i gos byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste yang dge slong gang dge slong ma nye du ma yin pa'i gos byed na ltung byed du 'gyur ro/ /yang dge slong gang zhes bya ba ni 'char ka'am gzhan yang de lta bu gang yin pa'o/ /dge slong ma zhes bya ba ni chos 'di pa'o/ /nye du ma yin pa'i zhes bya ba ni phyi mo dang mes po dang phrugs kyi bdun pa tshun chad ni nye du yin la de phan chad ni nye du ma yin no/ /gos zhes bya </font><hr>Ja139a<br><font size=+1>


@#/ /ba ni bdun po bal gos dang / sha na'i gos dang / zar ma'i gos dang / du gu la'i gos dang / ras bal gyi gos dang / ko tam pa'i gos dang / nyi 'og gi gos dag las gang yang rung ba'o/ /byed na zhes bya ba ni 'tshem na'o/ /ltung byed do zhes bya ba ni sems can dmyal ba dang / dud 'gro dang yi dwags ngan song dang ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung ba ji ltar 'gyur zhe na/ dge slong gis dge slong ma nye du ma yin pa la nye du ma yin par 'du shes pa'i gos byed na ltung byed du 'gyur ro/ /dge slong gis dge slong ma nye du ma yin pa la yid gnyis za bas gos byed na ltung byed du 'gyur ro/ /dge slong gis dge slong ma nye du la nye du ma yin par 'du shes pas byed na nyes byas su 'gyur ro/ /dge slong gis dge slong ma nye du la yid gnyis za bas gos byed na nyes byas su 'gyur ro/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ gos byed pa'i ltung byed de nyi shu lnga pa rdzogs so// //sangs rgyas bcom ldan 'das mnyan yod na rgyal byed kyi tshal mgon </font><hr>Ja139b<br><font size=+1>


med zas sbyin gyi kun dga' ra ba na bzhugs so/ /drug sde dag gis smras pa/ dga' bo nye dga' lhung bzed nag po can 'di dag ni rkang ba spre'u zhag gis bskus te 'gro na yang 'gro bar chas pa'i rnyed pa sgrub par byed/ 'ong na yang glo bur du 'ongs pa'i rnyed pa sgrub par byed cing / skye bo mang po dga' ba dang yid du 'ong bar yang 'gyur ro/ /yu bu cag ni khron pa'i rus sbal dang 'dra bar gar yang mi 'dong / gang nas kyang mi 'ong bas rnyed pa 'thob pa dang / skye bo mang po dga' ba dang / yid du 'ong bar ga la 'gyur gyi/ yu bu cag kyang 'dong ngo / /gang du 'dong / ljongs rgyur 'dong ngo / /je sring mo dag blta'o zhes de dag snga dro shams thabs bgos/ lhung bzed dang chos gos thogs te mnyan yod du bsod snyoms la zhugs so/ /de dag dge slong ma'i dbyar khang du dong ste bcu gnyis sde dag gi gan du song nas smras pa/ sring mo dag khyed cag bltas kyi/ kho bo cag ljongs rgyur 'dong ngo / /de dag ngus pa dang / drug sde dag gis smras pa/ sring mo dag ngur ci yod/ gal te khyed cag ljongs rgyur bzhud na bdag cag la rgyal byed kyi tshal stongs par 'gyur ro/ /drug sde dag gis smras pa/ sring mo dag bcom ldan 'das 'khor stong nyis brgya lnga bcu dang bzhugs na/ khyed cag bdag cag la rgyal byed kyi tshal stongs par 'gyur ro zhes zer ram/ de dag gis smras pa/ lhung bzed nag po can dag bdag cag mthong bar yang mi dga' </font><hr>Ja140a<br><font size=+1>


@#/ /na mchi ba dang / stan gding ba dang / chos ston par lta ga la 'gyur/ nye dgas smras pa/ sring mo dag 'o na lhan cig 'dong ngo / /sbom dga' mos smras pa/ dge slong ma dag dge slong dag dang lhan cig mchir rung ngam/ nye dgas smras pa/ legs par rung ngo / /shin tu rung ngo / /gang du bkag /sus bkag /lam rgyags mang po dag sta gon gyis shig /de dag gis lam rgyags mang po dag sta gon byas so/ /drug sde dag snga dro sham thabs bgos/ lhung bzed dang chos gos thogs te mnyan yod du bsod snyoms la zhugs nas/ de dag mnyan yod du bsod snyoms brgyus nas dge slong ma'i dbyar khang du dong pa dang / de dag la bcu gnyis sde dag gis smras pa/ jo bo cag je zhal tshus gsol cig /de dag gis g.yar tshus byas byas pa na/ de dag gi lam rgyags sbyar ba thams cad zos nas de dag gis smras pa/ sring mo dag khyed kyis lam rgyags ji snyed sta gon byas pa bltas 'on cig /de dag gis smras pa| khyed kyis gsol ba de dag lags so/ /drug sde dag gis smras pa/ lam rgyags de tsam gyis ljongs rgyur ji ltar nus/ 'di ltar lam kar lhag par bkres par 'gyur gyi/ lam rgyags mang du sta gon gyis shig /de dag gis lam rgyags mang po dag sta gon byas te drug sde dag dang lhan cig ljongs rgyur 'phags so/ /bsod snyoms pa zhig kyang de dag dang </font><hr>Ja140b<br><font size=+1>


lhan cig ljongs rgyur 'phags pa dang / dge slong rnams kyis de la smras pa/ bsod snyoms pa/ 'di dag ni gnas ngan len kun tu spyod pa yin gyi/ khyod 'di dag dang lhan cig ljongs rgyur ma 'gro zhig khyod la mtho 'tsham par 'gyur ro/ /bsod snyoms pas smras pa/ kho bo lo thal ba yin pas 'di dag la lung mnod pa dang / bklag pa dang / kha ton dang / yongs su dri ba dang| rnal 'byor dang / yid la bya ba 'ga' yang rag pa'i las pas 'di dag gis kho bo la mtho 'tsham du ci yod ces des de dag gi tshig tshig ma yin par byas te drug sde dag dang lhan cig ljongs rgyur 'phags so/ /de dag gis gang gi tshe mtshams kyi phyi rol tu son pa de'i tshe na smras pa/ dga' bo nye dga' bdag cag gis yun ji srid du gzhan gyi spyod lam gyis 'khod par bya/ tshur sheg /bdag cag rang rang gi spyod lam gyis 'khod par bya'o zhes dang bor dga' bo 'dug nas/ de'i 'og tu sbom dga' mo 'dug /de'i 'og tu dga' bo'i lhan cig gnas pa 'dug/ de'i 'og tu sbom dga' mo'i lhan cig gnas pa 'dug /de'i 'og tu dga' bo'i dge tshul 'dug /de'i 'og tu sbom dga' mo'i dge tshul ma 'dug go /de bzhin du nye dga' dang gtsug dga' mo la sogs pa'i yang spel mar bkod de dong ngo / /don mthun de dang bram ze zhig 'gro ba des de dag mthong nas smras pa/ 'di ni dge sbyong yin/ de'i chung ma ni 'di yin/ </font><hr>Ja141a<br><font size=+1>


@#/ /de'i bu ni 'di yin/ de'i mna' ma ni 'di yin/ de'i tsha bo ni 'di yin/ de'i tsha bo'i chung ma ni 'di yin par shes so/ /nye dgas thos nas smras pa/ bkren pa khyod kyi gnya' ba rdog pas mnan nas/ 'di ni kho bo'i chung ma yin/ 'di ni kho bo'i bu yin/ 'di ni kho bo'i mna' ma yin/ 'di ni kho bo'i tsha bo yin no/ /'di ni kho bo'i tsha bo'i chung ma yin no/ /bsod snyoms pa des bsams pa/ bdag shi ba ni bla'i/ gnas ngan len kun tu spyod pa 'di dag dang lhan cig ljongs rgyur 'gro ba ni mi rung ngo snyam nas de phyir log ste/ rgyal byed kyi tshal du song ba dang| dge slong rnams kyis de mthong nas smras pa/ bsod snyoms pa ji lta bde bar brgyus sam/ tshe dang ldan pa dag ji lta bde bar brgyus/ drug sde gnas ngan len kun tu spyod pa dag gis 'drums pa ltung bas bcom ldan 'das kyi bstan pa 'jig par byed do/ /ci byas/ des skabs de dge slong rnams la rgyas par brjod pa dang / dge slong don nyung ngu dag ci'i phyir dge slong dag dge slong ma'i don mthun dang lhan cig 'thams nas mgron lam du 'jug par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la </font><hr>Ja141b<br><font size=+1>


sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la rmas pa/ dge slong dag khyed dge slong ma'i don mthun pa dang lhan cig 'thams nas mgron lam du 'jug pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong ma'i don mthun dang lhan cig 'thams nas mgron lam du 'jug na ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' rab na bzhugs so/ /dge slong ma rab tu mang po dag rgyal po'i khab tu dge slong ma'i dbyar khang rgyal </font><hr>Ja142a<br><font size=+1>


@#/ /po'i kun dga' ra ba na dbyar gnas par khas blangs nas de dag dbyar gyi zla ba gsum po dag 'das nas/ bcom ldan 'das kyi zhabs la phyag 'tshal du mnyan yod du 'phags nas de dag gis mnyan yod du 'gro ba'i don mthun btsal bar brtsams pa dang / ji tsam na de dag gis dge slong dang bcas pa'i don mthun mthong nas smras pa/ phu nu mo dag don mthun 'di ni dge slong dang bcas pa yin gyi/ dge slong med pa'i don mthun gzhan btsal bar bya'o zhes de dag gis dge slong med pa'i don mthun gzhan btsal bar brtsams pa dang / ji tsam na dge slong med pa'i don mthun ma rnyed nas de dag gis smras pa/ phu nu mo dag bdag cag gis shin tu yun ring por bsdad na yang dge slong med pa'i don mthun ma rnyed kyi/ don mthun 'di nyid dang mgo snang tsam gyis 'dong bar bya'o zhes de dag don mthun de dang lhan cig mgo snang tsam gyis 'phags so/ /don mthun de shin tu ring par song nas de dag phyi bzhin 'brang zhing 'gro ba na chom rkun pa dag gis bcom ldan nas de dag mthar gyis mnyan yod du phyin te dge slong ma'i dbyar khang du dong ba dang / dge slong ma rnams kyis mthong nas smras pa/ phu nu mo dag ji ltar bde bar brgyus sam/ ji ltar bde bar brgyus/ bdag cag chom rkun pa dag gis bcom mo/ /phu nu mo dag ji ltar bdag cag bcom ldan 'das kyis yongs su btang ba de ltar ni ya mtshan can dgu bcu rtsa drug po dag </font><hr>Ja142b<br><font size=+1>


gis kyang bud med kyi yul 'ga' yang yongs su ma btang ngo zhes zer ba'i skabs de dge slong ma rnams kyis dge slong rnams la brjod nas/ dge slong rnams kyis bcom ldan 'das la gsol pa dang| bcom ldan 'das kyis bka' stsal pa/ de lta bas na dus ma gtogs so/ /dge slong dag don mthun dang lhan cig ljongs rgyur 'dong ba na/ de dag bsod snyoms kyis phongs par gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ lam rgyags bskur bar bya'o/ /bcom ldan 'das kyis lam rgyags bskur bar bya'o zhes bka' stsal nas/ de dag gis sus bskur bar bya bar mi shes nas/ bcom ldan 'das kyis bka' stsal pa/ rtse rgod kyis bskur bar bya'o/ /rtse rgod med na/ rtse rgod mos bskur bar bya'o/ /rtse rgod mo med na dge tshul gyis bskur bar bya'o/ /dge tshul med na dge tshul mas bskur bar bya'o/ /dge tshul ma med na/ dge slong rnams kyis dge slong ma'i lam rgyags bskur bar bya zhing / dge slong ma rnams kyis dge slong rnams kyi lam rgyags bskur bar bya ste dge slong rnams kyis dge slong ma rnams kyi byin len bstab par bya zhing dge slong ma rnams kyis dge slong rnams kyi byin len bstab par bya'o/ /dge slong dag ljongs rgyu zhing 'dong ba na na bar gyur nas/ dge slong ma dag gis de dag bor te dong nas/ bcom ldan 'das kyis bka' stsal pa/ dge slong ma rnams </font><hr>Ja143a<br><font size=+1>


@#/ /kyis kyang dge slong dag bskur bar bya'o/ /dge slong ma dag rkang pa logs nas 'dzin cing / dge slong dag mgo logs nas 'dzin pa na dge slong ma dag 'dod chags skyes nas/ bcom ldan 'das kyis bka' stsal pa/ dge slong dag gis rkang pa logs nas gzung bar bya zhing / dge slong ma dag gis mgo logs nas gzung bar bya'o/ /de dag grong du phyin nas thams cad sdod pa na/ de dag bsod snyoms kyis phongs par gyur nas/ bcom ldan 'das kyis bka' stsal pa/ thams cad kyis bsdad par mi bya bar de na ba'i sman dang / zan legs par sbyar te/ dge slong gcig bzhag nas lhag ma rnams 'dong bar bya'o/ /dge slong ma rnams la yang de bzhin du bya'o/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang mthun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas/ dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong ma'i don mthun dang lhan cig 'thams nas mgron lam du 'jug na dus ma gtogs te/ ltung byed do/ /de la dus ni 'di yin te/ lam </font><hr>Ja143b<br><font size=+1>


don mthun gyis bgrod par bya ba dogs pa dang bcas par grags pa/ 'jigs pa dang bcas par grags pa/ 'jigs pa tha dad pas 'jigs su rung ba dang bcas par grags pa zhig na/ de la de ni dus yin no/ /yang dge slong gang zhes bya ba ni drug sde'am/ gzhan yang de lta bu gang yin pa'o/ /dge slong ma'i don mthun dag lhan cig ces bya ba ni chos 'di pa'o/ /'thams nas/ zhes bya ba ni brda byas nas so/ /mgron lam du zhes bya ba ni/ dgon pa'i lam du'o/ /'jug na zhes bya ba ni 'gro na'o/ /dus ma gtogs te zhes bya ba dus bzhag ste'o/ /ltung byed do zhes bya ba ni sems can dmyal ba dang dud 'gro dang yi dwags ngan song dang ngan 'gro log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na/ dge ba'i chos rnams la sgrib par byed pa sde des na ltung byed do zhes gsungs so/ /de la dus ni 'di yin te lam don mthun gyis bgrod par bya zhes bya ba ni don mthun med par bgrod mi nus pa'o/ /dogs pa dang bcas par grags par zhes bya ba ni chom rkun pa dang g.yon can gyi 'jigs par grags pa'o/ /'jigs pa dang bcas par grags pa zhes bya ba ni/ seng ge dang stag dang gung gis 'jigs par grags pa'o/ /'jigs pa tha dad pas 'jigs su rung ba dang bcas par grags pa zhig na zhes bya ba ni/ sha sbrang </font><hr>Ja144a<br><font size=+1>


@#/ /dang sbrang bu mchu rings dang / rlung dang nyi ma dang / sdig sbrul gyi 'jigs pa tha dad pas 'jigs su rung ba dang bcas par grags pa zhig na'o/ /de la ltung ba ji ltar 'gyur zhe na/ dge slong gis ji tsam cung zad dge slong ma'i don mthun dang lhan cig 'thams nas mgron lam du 'jug na rgyang grags phyed phyed du nyes byas su 'gyur la/ rgyang grags re rer ltung byed du 'gyur ro/ /dge slong gis dge slong ma'i don mthun dang lhan cig 'thams nas grong nas dgon pa'i mgron lam du 'jug na grong rgyang grags kyis bar du chod pa bdun po dag gis rgyang grags phyed phyed du nyes byas su 'gyur la/ rgyang grags re rer ltung byed du 'gyur ro/ /dge slong gis dge slong ma'i don mthun dang lhan cig 'thams nas dgon pa nas grong gi mgron lam du 'jug na grong rgyang grags kyis bar du chod pa bdun po dag gi rgyang grags phyed phyed du nyes byas su 'gyur la/ rgyang grags re rer ltung byed du 'gyur ro/ /las dang po ba dang| smyos pa dang sems 'khrugs pa dang / tshor ba dag gis nyen pa la ltung ba med do/ /dge slong ma dang lhan cig mgron lam du 'jug pa'i ltung byed de nyi shu drug pa rdzogs so// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /drug sde dag gis smras pa/ dga' bo nye dga' lhung bzed </font><hr>Ja144b<br><font size=+1>


nag po can 'di dag ni rkang pa spre'u zhag gis bskus te 'gro na yang 'gro bar chas pa'i rnyed pa sgrub par byed/ 'ong na yang glo bur du 'ongs pa'i rnyed pa grub par byed cing skye bo dag dga' ba dang yid du 'ong bar yang 'gyur ro/ /yu bu cag ni khron pa'i rus sbal dang 'dra bar gar yang mi 'dong / gang nas kyang mi 'ong bas/ rnyed pa 'thob pa dang / skye bo mang po dag dga' ba dang / yid du 'ong bar ga la 'gyur gyi/ yu bu cag kyang 'dong ngo / /gang du 'dong / ljongs rgyur 'dong ngo / /je sring mo dag blta'o zhes de dag snga dro sham thams bgos/ lhung bzed dang chos gos thogs te mnyan yod du bsod snyoms la zhugs nas de dag dge slong ma'i dbyar khang du dong ste bcu gnyis sde dag gi gan du dong nas smras pa/ sring mo dag khyed cag bltas kyi/ kho bo cag ljongs rgyur 'dong ngo / /de dag dus pa dang / drug sde dag gis smras pa/ sring mo dag ngur ci yod/ gal te khyed cag ljongs rgyur bzhud na/ bdag cag la rgyal byed kyi tshal stongs par 'gyur ro/ / drug sde dag gis smras pa/ sring mo dag bcom ldan 'das 'khor stong nyis brgya lnga bcu dang bzhugs na/ khyed cag bdag cag la rgyal byed kyi tshal stongs par 'gyur ro zhes zer ram/ de dag gis smras pa/ lhung bzed nag po can dag bdag cag mthong bar yang mi dga' na/ mchi ba dang stan gding ba dang / chos ston par lta ga la 'gyur/ nye dgas smras pa/ sring mo dag 'o na </font><hr>Ja145a<br><font size=+1>


@#/ /lhan cig 'dong ngo / /de dag gis smras pa/ bcom ldan 'das kyis dge slong dge slong ma'i don mthun dang lhan cig 'thams nas mgron lam du 'jug na dus ma gtogs te ltung byed do zhes bslab pa'i gzhi bca' ba mdzad dam/ nye dgas smras pa/ de ni skam sa'i lam du bca' ba mdzad pas bdag cag gru'i lam du 'dong ngo / /sbom dga' mos smras pa/ dge slong ma dag dge slong dag dang lhan cig gru'i lam du mchir rung ngam/ nye dgas smras pa/ legs par rung ngo / /shin tu rung ngo / /gang du bkag /sus bkag /lam rgyags mang po dag sta gon gyis shig /de dag gis lam rgyags mang po dag sta gon byas so/ /drug sde dag snga dro sham thabs bgos/ lhung bzed dang chos gos thogs te mnyan yod du bsod snyoms la zhugs nas/ de dag mnyan yod du bsod snyoms brgyus nas dge slong ma'i dbyar khang du 'dong ba dang / de dag la bcu gnyis sde dag gis smras pa/ kho bo cag je zhal tshus gsol cig / de dag gis g.yar tshus byas pa na de dag gi lam rgyags sbyar ba thams cad zos nas/ de dag gis smras pa/ sring mo dag khyod kyis lam rgyags ji rnyed cig sta gon byas pa bltas 'on cig/ de dag gis smras pa/ khyed kyis gsol pa de dag lags so/ /drug sde dag gis smras pa/ lam rgyags de tsam gyis ljongs rgyur ji ltar nus/ 'di ltar lam kar lhag par bkres par </font><hr>Ja145b<br><font size=+1>


'gyur gyi/ lam rgyags mang du sta gon gyis shig /de dag gis lam rgyags mang po dag sta gon byas te/ drug sde dag dang lhan cig ljongs rgyur 'phags so/ /bsod snyoms pa zhig kyang de dag dang ljongs rgyur 'phags pa dang / dge slong rnams kyis de la smras pa/ bsod snyoms pa/ 'di dag ni gnas ngan len kun tu spyod pa yin gyi/ 'di dag dang lhan cig ljongs rgyur ma 'gro zhig /khyod la mtho 'tsham par 'gyur ro/ /bsod snyoms pas smras pa/ kho bo lo 'das pa yin pas 'di dag la lung mnod pa dang / bklag pa dang / kha ton dang yongs su dri ba dang / rnal 'byor dang / yid la bya ba 'ga' yang rag ma lus pas 'di dag gis kho bo la mtho 'tsham du ci yod ces de dag gi tshig tshig ma yin par byas te drug sde dag dang lhan cig grur 'jug tu 'phags so/ /de dag gis gang gi tshe mtshams kyi phyi rol tu son pa de'i tshe na smras pa/ dga' bo nye dga' bdag cag gis yun ji srid du gzhan gyi spyod lam gyis 'khod par bya/ tshur sheg /bdag cag rang rang gi spyod lam gyis 'khod par bya'o zhes dang por dga' bo 'dug nas de'i 'og tu dga' mo 'dug /de'i 'og tu dga' bo'i lhan cig gnas pa 'dug /de'i 'og tu dga' mo'i lhan cig gnas pa 'dug/ /de'i 'og tu dga' bo'i dge tshul 'dug /de'i 'og tu dga' mo'i dge tshul ma 'dug /de bzhin du nye dga' dang gtsug dga' mo la sogs pa'i yang spel mar bkod de 'dong ngo / /don </font><hr>Ja146a<br><font size=+1>


@#/ /mthun de dang / bram ze zhig lhan cig 'gro ba des de dag mthong nas des smras pa/ 'di ni dge sbyong yin/ de'i chung ma ni 'di yin/ de'i bu ni 'di yin/ de'i mna' ma ni 'di yin/ de'i tsha bo ni 'di yin/ de'i tsha bo'i chung ma ni 'di yin par shes so/ /nye dgas thos nas smras pa/ bkren pa khyod kyi gnya' ba rdog pas mnan nas 'di ni kho bo'i chung ma yin/ 'di ni kho bo'i bu yin/ 'di ni kho bo'i mna' ma yin/ 'di ni kho bo'i tsha bo yin/ 'di ni kho bo'i tsha bo'i chung ma yin no/ /bsod snyoms pa des bsams pa/ bdag shi ba ni bla'i/ gnas ngan len kun tu spyod pa 'di dag dang lhan cig grur zhugs te 'gro ba ni mi rung do snyam nas de phyir log ste rgyal byed kyi tshal du song ba dang / dge slong rnams kyis de mthong nas smras pa/ bsod snyoms pa ji lta bde bar brgyus sam/ tshe dang ldan pa ji ltar bde bar brgyus/ drug sde gnas ngan len kun tu spyod pa dag gis 'drums pa ltung bas bcom ldan 'das kyi bstan pa 'jig par byed do/ /ci byas/ des skabs de dge slong rnams la rgyas par brjod pa dang / dge slong don nyung du dag ci'i phyir dge slong dag dge slong ma'i don mthun dang lhan cig 'thams nas gru gcig tu 'jug par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba </font><hr>Ja146b<br><font size=+1>


'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa snga ma bzhin te sangs rgyas bcom ldan 'das kyis drug sde dag la rmas pa/ dge slong dag khyed dge slong ma'i don mthun dang lhan cig 'thams nas gru gcig tu 'jug pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong ma'i don mthun dang lhan cig 'thams nas gru gcig tu 'jug cing gyen du 'gro'am thur du 'gro na ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin kyi kun dga' ra ba na bzhugs so/ /de'i </font><hr>Ja147a<br><font size=+1>


@#/ /tshe na khyim bdag cig gis chu klung gnas can gyi pha rol tu thib can gyi kun dga' ra bar dge 'dun gyi phyir gtsug lag khang byed du bcug nas des gtsug lag khang de dbul ba'i phyir gnyi ga'i dge 'dun spyan drangs so/ /dge slong ma zhig dge ba'i phyogs la brtson par gyur pa des bsams pa/ deng bdag gis bsod snyoms la brgyu mi dgos pas ji srid du gdugs tshod la nye bar ma gyur ba de srid kyi bar du dge ba'i phyogs la tron bya zhing de'i 'og tu dus shes par byas te 'gro'o snyam nas des ji srid du gdugs tshod la nye bar ma gyur pa de srid kyi bar du dge ba'i phyogs la tron byas nas/ de'i 'og tu dus shes par byas te chu klung gi 'gram du song ba dang / ji tsam na dge slong dag grur zhugs nas gru pas smras pa/ 'phags ma grur zhugs shig /bzhin bzang je song zhig dang gru gzhan bkang ba na 'gro'o/ /gru pa des yang dang yang du 'ongs te smras pa/ 'phags ma grur zhugs shig /des kyang smras pa/ bzhin bzang je song zhig dang / gru gzhan bkang pa na 'gro'o/ /gru pa de song nas chu klung gi pha rol tu gru phur pa la brtod de skye bo phal po che'i tshogs kyi nang du zhugs shing 'dug go /dge slong ma des yang dang yang du bos pa dang gru pa des tshig kyang ma ster nas de de na sdod sdod nas ji tsam na gdugs tshod yol nas de'i 'og tu dbyar khang du phyir log ste je srid du lus las ma mdangs ma </font><hr>Ja147b<br><font size=+1>


yal ba de srid kyi bar du dge ba'i phyogs la tron byas nas/ gang gi tshe lus las mdangs yal ba de'i tshe na glos phab ste nyal ba dang / dge slong ma rnams lhags te de la smras pa/ 'phags ma/ gal te zas gzhan gyi yin zhes te lto yang gzhan gyi yin snyam mam/ ci byas/ ji tsam gyis glos phab ste nyal bar gyur pa de tsam gyis zas zos so/ /sus zos/ khyod kyis so/ /kho mos ma zos so/ /'o na ci'i phyir glos phab ste nyal/ des skabs de rgyas par dge slong ma rnams la brjod nas/ dge slong ma rnams kyis dge slong rnams la brjod do/ /dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag de lta bas na thad kar pha rol tu 'gro ba ma gtogs so/ /de nas bcom ldan 'das kyis bslab pa 'dod pa dang bslab pa la gus pa dang bsab pa la yo byad bsnyungs pa'i bsngags pa brjod nas/ dge slong rnams la de dang mthun pa dang de'i shas che ba dang de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong ma'i don mthun dang lhan cig 'thams nas gru gcig tu 'jug cing gyen du 'gro'am thur du 'gro na thad kar pha rol tu 'gro ba ma gtogs te ltung byed </font><hr>Ja148a<br><font size=+1>


@#/ /do/ /yang dge slong gang zhes bya ba ni drug sde'am gzhan yang de lta bu gang yin pa'o/ /dge slong ma'i don mthun dang lhan cig ces bya ba ni chos 'di pa'i'o/ / 'thams nas zhes bya ba ni brda byas nas so/ /gru gcig tu zhes bya ba ni sho gam gcig pa dang / la gcan gcig pa dang / gru btsas gcig par ro/ /'jug cing zhes bya ba ni/ zhon zhing ngo / /gyen du 'gro'am zhes bya ba ni rgyun las bzlog phyogs su 'gro ba'o/ /thur du 'gro na zhes bya ba ni rgyun phyogs su 'gro ba'o/ /thad kar pha rol tu 'gro ba ma gtogs te zhes bya ba ni thad kar pha rol tu 'gro ba bzhag ste'o/ /ltung byed do zhes bya ba ni sems can dmyal ba dang dud 'gro dang yi dwags ngan song dang ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste des na ltung byed do/ / zhes gsungs so/ /de la ltung ba ji ltar 'gyur zhe na/ dge slong gis ji tsam cung zad dge slong ma'i don mthun dang lhan cig 'thams nas gru gcig tu 'jug cing gyen du 'gro'am thur du 'gro na rgyang grags phyed phyed du nyes byas su 'gyur la/ rgyang grags re rer ltung byed du 'gyur ro/ /dge slong gis dge slong ma'i don mthun dang lhan cig 'thams nas grong nas dgon </font><hr>Ja148b<br><font size=+1>


par gru gcig tu 'jug cing gyen du 'gro'am thur du 'gro na grong rgyang grags kyis bar du chod pa bdun po dag gi rgyang grags phyed phyed du nyes byas su 'gyur la/ rgyang grags re rer ltung byed du 'gyur ro/ /dge slong gis dge slong ma'i don mthun dang lhan cig 'thams nas dgon pa nas grong du gru gcig tu 'jug cing gyen du 'gro'am thur du 'gro na grong rgyang grags kyis bar du chod pa bdun po dag gi rgyang grags phyed phyed du nyes byas su 'gyur la rgyang grags re rer ltung byed du 'gyur ro/ /yo ba las bzur ba dang / gtib chad pa las bzur ba dang / dpa' klong las bzur ba dang / ru skya chag pa dang / gdos pa chag pa dang / ru skya 'dzin pa mi nyan pa la ltung ba med do/ /'gram gnyis na bar chad brgyad po dag las gang yang rung ba nye bar gnas na ltung ba med do/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /dge slong ma dang lhan cig grur 'jug pa'i ltung byed de nyi shu bdun pa rdzogs so// //sangs rgyas bcom ldan 'das mnyan yod na rgyal byed kyi tshal dgon med zas sbyin gyi kun dga' ra ba na bzhugs so/ /de nas tshe dang ldan pa 'char ka snga dro sham thabs bgos/ lhung bzed dang chos gos thogs te mnyan yod du bsod snyoms la zhugs nas mthar gyis mnyan yod na bsod snyoms la rgyu ba na/ khyim bdag gi chung ma sbed ma'i khyim ga la ba der song ngo / /khyim bdag gi chung ma </font><hr>Ja149a<br><font size=+1>


@#/ /sbed mas tshe dang ldan pa 'char ka rgyang ring po kho na nas mthong ste mthong nas kyang tshe dang ldan pa 'char ka'i phyir stan shom par byed cing 'di skad ces smras so/ /btsun pa 'char ka tshur spyon/ btsun pa 'char ka byon pa legs so/ /btsun pa 'char ka gdan bshams pa nyid la bzhugs shig /tshe dang ldan pa 'char ka kha nang du bltas te 'dug go / khyim bdag gi chung ma sbed ma yang tshe dang ldan pa 'char ka'i rkang pa gnyis la phyag 'tshal te kha phyir bltas te 'dug go /'char kas de la ji tsam pa de tsam gyis chos bstan nas/ sngon dgod pa dang / rtses pa dang / dga' ba byas pa dang / dga' mgur spyad pa dag dran par bya bar brtsams pa dang / sbed ma khyod kyis bdag cag gnyis skyed mos tshal dang 'dun sa dang lha'i gnas ga ge mo zhig tu bca' ba 'di dang 'di lta bu 'chos pa dang / bza' ba 'di dang 'di lta bu zos pa dang / btung ba 'di dang 'di lta bu 'thungs pa dang / gnas mal 'di dang 'di lta bu bshams pa dang / 'bru mar gyi mar me 'di dang 'di lta bu gtsugs shing der bdag cag gnyis kyis 'di dang 'di lta bu byas pa dran nam/ sbed mas smras pa dran no/ /bsod snyoms pa zhig snga dro sham thabs bgos/ lhung bzed dang chos gos thogs te mnyan yod du bsod snyoms la zhugs nas/ de mthar gyis mnyan yod du bsod snyoms la rgyu ba na khyim bdag gi </font><hr>Ja149b<br><font size=+1>


chung ma sbed ma'i khyim ga la der song ba dang / khyim bdag gi chung ma sbed mas de mthong nas des bsams pa/ gal te langs te bsod snyoms phul bar gyur na btsun pa 'char ka'i gtam spangs par 'gyur ro snyam nas des lag pas song zhig ces brda byas so/ /'char kas sbed ma lag brda byed pa mthong nas des smras pa/ sbed ma khyod kho bo 'dug bzhin du skyes pa gzhan dang lhan cig lag brda byed dam/ sbed mas smras pa/ 'phags pa bdag skyes pa gzhan dang lag brda mi bgyid de 'di ltar bsod snyoms pa zhig mchis nas/ bdag gis bsams pa/ gal te langs te bsod snyoms phul bar gyur na 'phags pa'i bka' mchid spangs par 'gyur ro snyam nas/ bdag gis de la mchis shig ces lag brda bgyis so/ /'char kas smras pa/ sbed ma khyod kyi snying lam du kho bos khyod la 'phags pa'i bden pa bzhi'i gtam byas snyam mam ci/ 'di ltar kho bos lag pas bcal ba brgya dag gis longs spyod dag bsgrubs na khyod kyis sbyin pa dag sbyin zhing bsod nams dag byed kyang mi nus sam/ sbed mas bsod snyoms pa de bos te bca' ba dang bza' ba gtsang zhing bsod pa dag gis lhung bzed bkang ste byin nas/ des de khyer te song ngo / /tshe dang ldan pa 'char kas zas kyi bya ba byas te gtsug lag khang du song ba dang / bsod snyoms pa des bsam pa/ btsun pa 'char ka la gtam bya zhing </font><hr>Ja150a<br><font size=+1>


@#/ /thos nas mchog tu dga' ba bskyed par bya'o snyam nas des de la smras pa/ btsun pa 'char ka mchog tu dga' ba bskyed cig /deng don gyis na bdag gis khyod kyi bsod snyoms zos so/ /bsod snyoms pa shes te/ des dang por khyod bos snyam mam ci/ des khyod song zhig ces lag brda byas nas/ kho bos de'i 'og tu de phyir 'bod du bcug go /ci byin/ bca' ba dang bza' ba gtsang zhing bsod pas lhung bzed bkang ste byin te btsun pa 'char ka de ni khyod kyi yin no/ /de'i tshe na btsun pa 'char ka de nyid na 'dug par gyur tam/ 'dug go/ khyod bud med kyi yul dang lhan cig gcig pu gcig dang dben pa skyabs yod pa na stan la 'dug tu rung ngam/ rung yang srid/ mi rung yang srid de kho bo de ltar 'dug go/ bsod snyoms pa khyod kyis deng de ltar kho bo'i bsod snyoms zos shing gal te mi bzod na kho bo las brten te bslab pa'i gzhi 'char chug cig /ci de kho bos yal par bor du re'am zhes zer ba'i skabs de dge slong rnams la brjod pa dang / dge slong don nyung du dag ci'i phyir dge slong dag bud med kyi yul dang lhan cig gcig pu gcig dang dben pa skyabs yod pa na stan la 'dug par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to// </font><hr>Ja150b<br><font size=+1>


de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa 'char ka la rmas pa/ 'char ka khyod bud med kyi yul dang lhan cig gcig pu gcig dang dben pa skyabs yod pa na stan la 'dug par byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang bud med kyi yul dang lhan cig gcig pu gcig dang dben pa skyabs yod pa na stan la 'dug na ltung byed do/ /yang dge slong gang zhes bya ba ni 'char ka'am gzhan yang de lta bu gang yin </font><hr>Ja151a<br><font size=+1>


@#/ /pa'o/ /bud med kyi yul dang zhes bya ba ni bud med dam gzhon nu ma mi tshangs par spyod pa sprod pa las byung ba'i chos sten nus pa dang ngo / /lhan cig ces bya ba ni de dang lhan cig go /gcig pu gcig dang zhes bya ba ni de dang ngo / /dben pa zhes bya ba ni gang na bud med dang skyes pa dang ma ning gzhan 'ga' yang med na'o/ /skyabs yod pa na zhes bya ba ni lngas bskyabs pa na ste/ rtsig pas bskyabs pa dang / rib mas bskyabs pa dang / yol bas bskyabs pa dang / thibs pos bskyabs pa dang / mtshan mos bskyabs pa'o/ /stan la zhes bya ba ni gzhi la'o/ /'dug na zhes bya ba ni 'dom gang gi nang du rkub tshos 'jog par byed pa'o/ /ltung byed do zhes bya ba ni sems can dmyal ba dang dud 'gro dang yi dwags ngan song dang ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste des na ltung byed do zhes gsungs so/ /de la ltung ba ji ltar 'gyur zhe na/ dge slong gis ji tsam cung zad bud med kyi yul dang lhan cig gcig pu gcig dang dben pa bskyabs yod pa na stan la 'dug na thams cad du ltung byed du 'gyur ro/ /sgo khang na 'dug pa dang / </font><hr>Ja151b<br><font size=+1>


sman 'thag tu 'jud pa dang / sgo ma bcad par 'dug pa dang / gzhan dag 'jug cing gzhan dag 'byung na ltung ba med do/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /gcig pu 'dug pa'i ltung byed de nyi shu brgyad pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe sbed ma rab tu byung nas de dge skos byed pa na dge slong ma rnams snga dro sham thabs bgos/ lhung bzed dang chos gos thogs te bsod snyoms la dong ba na sbed ma gtsug lag khang du phyag dar byed cing 'dug go /tshe dang ldan pa 'char ka yang snga dro sham thabs bgos/ lhung bzed dang chos gos thogs te mnyan yod du bsod snyoms la rgyu ba na/ dge slong ma'i dbyar khang ga la ba der song ngo / /sbed ma dge slong ma'i dbyar khang na phyag dar byed cing 'dug pa des tshe dang ldan pa 'char ka thag ring po kho na nas mthong ste mthong nas kyang 'di skad ces smras so/ /'phags pa 'char ka byon pa legs so byon pa legs so zhes des phyags ma phyogs gcig tu bzhag nas/ tshe dang ldan pa 'char ka'i rkang pa gnyis la phyag 'tshal te mdun du 'greng ngo / /'char kas de la ji tsam pa de tsam gyis chos bstan nas/ sngon dgod pa dang rtses pa </font><hr>Ja152a<br><font size=+1>


@#/ /dang dga' ba byas pa dang dga' mgur spyod pa dag dran par bya bar brtsams te/ sbed ma khyod kyis bdag cag skyed mos tshal dang 'dun sa dang / lha'i gnas ga ge mo zhig tu bca' ba 'di dang 'di lta bu 'chos pa dang / bza' ba 'di dang 'di lta bu zos pa dang / btung ba 'di dang 'di lta bu 'thungs pa dang / gnas mal 'di dang 'di lta bu bshams pa dang / 'bru mar gyi mar gyi mar me 'di dang 'di lta bu btsugs shing der bdag cag gnyis kyis 'di dang 'di lta bu byas pa dran nam/ sbed mas smras pa/ dran no/ /de na dge slong ma rgan mo nad pa zhig 'dug nas des bsams pa/ 'di gnyis ci'i phyir ma bag mar blangs pa tshun chad kyang gcig la gcig rjod par byed snyam mo/ / sbed mas smras pa/ 'phags pa da bzhud cig /dge slong ma dag mchi bar 'gyur zhing dbyar khang du phyag dar ma bgyis par mchis pas dge slong ma dag smod par 'gyur ro/ / zhes des phyags ma blangs pa dang 'char ka song ngo / /sbed mas gtsug lag khang phyag dar bya bar brtsams pa dang dge slong ma de dag kyang lhags nas de la de dag gis smras pa/ sbed ma khyod kyis ci byas na dbyar khang 'di de kho na bzhin du phyag dar dang bcas par 'dug /sbed mas smras pa/ phu nu mo dag gang tshun chad nas khyed cag bsod snyoms la dong </font><hr>Ja152b<br><font size=+1>


ba de tshun chad nas kho mo sa la ma 'dug go /dge slong ma rgan mo nad pa des thos nas des dge slong ma rnams la smras pa/ gang tshun chad khyed cag bsod snyoms la dong ba de tshun chad nas sbed ma ma 'dug pa de ni bden te/ 'di ltar 'phags pa 'char ka byon par gyur nas 'di de dang lhan cig 'greng zhing ma bag ma blangs pa tshun chad kyang gcig gis gcig la brjod do| |dge slong ma de dag gis sbed ma la dris pa/ sbed ma khyod kyis de lta byas pa bden nam/ phu nu mo dag bden no/ /dge slong ma de dag ci'i phyir dge slong dag dge slong ma dang lhan cig gcig pu gcig dang dben pa skyabs yod pa na 'greng bar byed ces smod par byed/ phyar ka gtong bar byed/ kha zer bar byed pa'i skabs de dge slong ma rnams kyis dge slong rnams la brjod pa dang / dge slong don nyung ngu dag ci'i phyir dge slong dag dge slong ma dang lhan cig gcig pu gcig dang dben pa skyabs yod pa na 'greng bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed </font><hr>Ja153a<br><font size=+1>


@#/ /pa mdzad pa ste zhes bya ba la sogs pa snga ma bzhin te/ sangs rgyas bcom ldan 'das kyis tshe dang ldan pa 'char ka la rmas pa/ 'char ka khyod dge slong ma dang lhan cig gcig pu gcig dang dben pa skyabs yod pa na 'greng ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste| yang dge slong gang dge slong ma dang lhan cig gcig pu gcig dang dben pa skyabs yod pa na 'greng na ltung byed do/ /yang dge slong gang zhes bya ba ni 'char ka'am/ gzhan yang de lta bu gang yin pa'o/ /dge slong ma dang zhes bya ba ni chos 'di pa dang ngo / /lhan cig ces bya ba ni de de dang lhan cig go /gcig pu gcig dang zhes bya ba </font><hr>Ja153b<br><font size=+1>


ni de de dang ngo / /dben pa zhes bya ba ni gang na skyes pa dang bud med dang ma ning gzhan 'ga' yang med pa'o/ /skyabs yod pa zhes bya ba ni lngas bskyabs pa na ste/ rtsig pas bskyabs pa dang / rib mas bskyabs pa dang / yol bas bskyabs pa dang / thibs pos bskyabs pa dang / mtshan mos bskyabs pa na'o/ /'greng na zhes bya ba ni 'dom gang gi nang na 'greng na'o/ /ltung byed do zhes bya ba ni sems can dmyal ba dang dud 'gro dang yi dwags ngan song dang / ngan 'gro log par ltung ba dag tu sreg par byed/ /'tshod par byed| ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do/ /zhes gsungs so/ /de la ltung ba ji ltar 'gyur zhe na/ dge slong gis ji tsam cung zad dge slong ma dang lhan cig gcig pu gcig dang dben pa skyabs yod pa na 'greng na thams cad du ltung byed du 'gyur ro/ /sgo khang na 'greng ba dang / sman 'thag tu 'jud pa dang / sgo ma bcad par 'greng ba dang / gzhan dag 'jug cing gzhan dag 'byung ba na ltung ba med do/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /gcig pu 'greng ba'i ltung byed de nyi shu dgu pa rdzogs so// // </font><hr>Ja154a<br><font size=+1>


@#/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na tshe dang ldan pa 'od srung chen po mnyan yod na shar gyi kun dga' ra ba na ri dwags 'dzin gyi ma'i khang bzang na 'dug go /de nas tshe dang ldan pa 'od srung chen po phye ma bred nang du yang dag 'jog las langs nas bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas/ bcom ldan 'das kyis tshe dang ldan pa 'od srung chen po la 'di skad ces bka' stsal to/ /'od srung da ltar khyod ni rgan po rgas pa gog tu gyur pa yin la/ nga'i smad g.yogs sha na'i gos phyag dar khrod dag ni lcis/ 'od srung khyod dge 'dun gyi gtsug lag khang du shog la gang zag gis mgron du bos pa dag bdag gir gyis shig /khyim bdag gi gos mtshon gyis dras pa dag kyang kha dog ngan par gyis la chongs shig /tshe dang ldan pa 'od srung chen pos cang mi smra bas bcom ldan 'das las mnyan to/ /de nas tshe dang ldan pa 'od srung chen pos bcom ldan 'das kyis bka' stsal pa la mngon par dga' ba dang / rjes su yi rang ba byas te bcom ldan 'das kyi zhabs gnyis la mgo bos phyag 'tshal te </font><hr>Ja154b<br><font size=+1>


song ngo / /de'i tshe na mnyan yod na khyim bdag cig 'dug pa de la yun ring po nas smon pa 'di lta bu skyes te kye ma bdag gis gnas brtan 'od srung chen po lha dang mis mchod pa khyim gzhan du spyan drangs te bshos gsol na ci ma rung snyam nas/ khyim bdag des bcom ldan 'das kyis 'phags pa 'od srung chen po dge 'dun la gtad pa thos so/ /thos nas kyang tshe dang ldan pa 'od srung chen po ga la ba der song ste phyin nas tshe dang ldan pa 'od srung chen po'i rkang pa gnyis la mgo bo phyag 'tshal te mtha' gcig tu 'dug go /mtha' gcig tu 'dug nas tshe dang ldan pa 'od srung chen pos khyim bdag de la chos dang ldan pa'i gtam gyis yang dag par ston par byed/ yang dag par 'dzin tu 'jug par byed/ yang dag par gzengs bstod par byed/ yang dag par rab tu dga' bar byed do/ /rnam grangs du mas chos dang ldan pa'i gtam gyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar byas nas cang mi smra'o/ /de nas khyim bdag de 'di snyam du sems te gal te bdag gis 'phags pa 'od srung chen po nyag gcig khyim gzhan du spyan drangs par gyur na/ mi gnang bar 'gyur ba de lta bu'i gnas yod par 'gyur gyi/ bdag gis de dag nyid dang bzhi spyan drangs ngo snyam mo/ /de nas khyim bdag </font><hr>Ja155a<br><font size=+1>


@#/ /de stan las langs te bla gos phrag pa gcig tu byas nas/ tshe dang ldan pa 'od srung chen po ga la ba de logs su thal mo sbyar ba btud nas tshe dang ldan pa 'od srung chen po la 'di skad ces smras so/ /'phags pa 'od srung chen pos sang bdag gis sdum par bdag nyid dang bzhi gdugs tshod gsol bar ci gnang / tshe dang ldan pa 'od srung chen pos khyim bdag de la cang mi smra bas dang du blangs so/ /de nas khyim bdag des tshe dang ldan pa 'od srung chen pos cang mi smra bas dang du blangs par rig nas tshe dang ldan pa 'od srung chen po'i rkang pa gnyis la mgo bos phyag 'tshal te song nas rang gi sdum pa ga la ba der song ste phyin nas chung ma la smras pa/ bzang mo kho bo la yun ring po nas smon pa 'di lta bu skyes te kye ma bdag gis gnas brtan 'od srung chen po lha dang mis mchod pa khyim gzhan du spyan drangs te ba shos gsol na ci ma rung snyam nas/ kho bos de bdag nyid dang bzhi sang khyim gzhan du gdugs tshod la spyan drangs na des kyang cang mi gsung bas gnang gi /zhal zas bsod pa mang po dag sta gon gyis shig /khyim bdag gi chung ma des khyim bdag las mnyan nas/ kha zas grang cha gang dag yin pa de dag ni de nyid kyi nyin mo sta gon byas/ dro bag gang dag yin pa de dag ni phyi de nyin par </font><hr>Ja155b<br><font size=+1>


sta gon byas nas/ khyim bdag de nang par sngar langs te bsams pa/ gal te 'og gis gzhir gdan bshams na ni slong mo pa dag 'dod pa na lang long byed par 'gyur la gal te steng gis gzhir gdan bshams na ni der sbrang bu dag gis 'khrug long byed par 'gyur bas bar gyi sa gzhir gdan bsham par bya'o/ /snyam nas des bar gyi sa gzhir stan bshams nas tshe dang ldan pa 'od srung chen po la mngag pas/ btsun pa 'od srung chen po gdugs tshod g.yar dgongs 'tshal na de'i dus la bab par dgongs su gsol zhes bskul to/ /bcom ldan 'das kyis gang gi ngor mgron du bos pa des dus sngar der 'gro bar bya'o zhes bka' stsal pas de nas tshe dang ldan pa 'od srung chen po dus snga ba kho nas sham thabs bgos/ lhung bzed dang chos gos thogs ta khyim bdag de'i sdum pa ga la ba der song ste phyin nas bar gyi sa gzhir 'dzegs te stan bshams pa nyid la 'dug go /de nas khyim bdag des tshe dang ldan pa 'od srung chen po'i rkang pa gnyis la mgo bos phyag 'tshal te mtha' gcig tu 'dug go /mtha' gcig tu 'dug nas tshe dang ldan pa 'od srung chen po khyim bdag de la chos dang ldan pa'i gtam gyis yang dag par ston par byed/ yang dag par 'dzin du 'jug par byed/ yang dag par gzengs bstod par byed/ yang dag par rab tu dga' bar byed do/ /de nas dge </font><hr>Ja156a<br><font size=+1>


@#/ /slong ma sbo ma dga' mo snga dro sham thabs bgos/ lhung bzed dang chos gos thogs te mnyan yod du bsod snyoms la zhugs nas de mthar gyis bsod snyoms rgyu ba na khyim der zhugs te 'di skad ces smras so/ /mtshan bzang a rog gya/ bsod snyoms byin cig /khyim bdag gis smras pa/ 'phags ma/ deng 'phags pa 'od srung chen po lha dang mis mchod pa bdag gi sdum par spyan drangs te zhal zas sta gon bgyis pas re zhig cung brel gyi/ bzhud cig /sbom dga' mos smras pa/ de ni gzhan mu stegs can las rab tu byung ba/ bul ba mchog tu bul ba/ chung ba mchog tu chung ba yin la/ kho mo ni shAkya'i bu mo las rab tu byung ba sde snod gsum dang ldan pa'i chos sgrog pa/ rig pa dang grol ba'i spobs pa can yin na de'i zas sbyor zhing kho mo la bsod snyoms mi ster mod/ tshe dang ldan pa 'od srung chen pos de thos te thos nas kyang bsams pa/ de la bsod nams ma yin pa mang po skye bar gyur na mi rung ngo snyam nas des mgul bsal ba'i sgra phyung ba dang / tshe dang ldan pa 'od srung chen po dbyig gi gdangs dang ldan pa yin pas de'i sgras khyim thams cad gang bar gyur to/ sbom dga' mos de'i sgra thos nas smras pa/ klu'i ming can 'di nyid na bzhugs so/ /khyim bdag des thos nas smras pa/ da gzos kho na de ni gzhan mu stegs can las rab tu byung </font><hr>Ja156b<br><font size=+1>


ba| bul ba mchog tu bul ba/ chung ba mchog tu chung ba yin la zhes zer zhing / da ni klu'i ming can zhes zer ro zhes de gshe zhing bar gyi nas 'bab par brtsams pa dang / sbom dga' mos de 'bab pa'i sgra thrig thrig zer ba thos nas des bsams pa/ khyim bdag 'di shugs 'di lta bus 'bab pa las na/ bdag la gnod pa byed par 'gyur gor ma chag snyam nas/ des shing nga dpung chad ba rdzes te 'bros par brtsams pa dang / khyim bdag des smras pa/ dge sbyong ma mgo reg mo ma 'bros par sdod cig /ci 'bros/ khyod kyis kho bo'i khyim du 'jug par mi bya'o/ /sbom dga' mos smras pa/ khyod kyi khyim rtug khung dang btson rar gyur cig /khyod kyi khyim du gdol pa dag 'jug par gyur cig /kho mo cag gis rgyal po las btsun mo'i 'khor gyis yongs su spang ba thob pas kho mo la ji tsam du reg par byed pa de tsam du kho mos khyod kyi klag pa gnyis mkhrig ma nas gcod du gzhug go / khyim bdag des smras pa/ dge sbyong ma mgo reg mo dge sbyong ma gnas brtan mo gnas brtan mo dag gis rgyal po las btsun mo'i 'khor gyis yongs su spang ba thob pa yin gyi/ gnas ngan len kun tu spyod pa khyod kyis ma thob bo/ /de nas khyim bdag de phyir log nas tshe dang ldan pa 'od srung chen po la bca' ba dang bza' ba gtsang zhing bsod pas rang gi lag </font><hr>Ja157a<br><font size=+1>


@#/ /nas tshim par byed/ stob par byed do/ /rnam grangs du mas bca' ba dang bza' ba gang gtsang zhing bsod pas rang gi lag nas tshim par byas shing bstabs nas tshe dang ldan pa 'od srung chen po zan zos shing lag pa bsnyal lhung bzed bzhag par rig nas stan ches dma' ba zhig blangs te tshe dang ldan pa 'od srung chen po'i mdun du chos mnyan pa'i phyir 'dug go /de nas tshe dang ldan pa 'od srung chen po khyim bdag de la chos dang ldan pa'i gtam gyis yang dag par chos ston par byed/ yang dag par 'dzin du 'jug par byed/ yang dag par gzengs bstod par byed/ yang dag par rab tu dga' bar byed do/ rnam grangs du mas chos dang ldan pa'i gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par rab tu dga' bar byas nas stan las langs te song nas/ bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas/ bcom ldan 'das la tshe dang ldan pa 'od srung chen pos 'di skad ces gsol to| |btsun pa bcom ldan 'das kyis bdag deng kho na dge 'dun la gtad par gyur na bdag deng kho na gzhan mu stegs can las rab tu byung ba/ bul ba mchog tu bul ba/ </font><hr>Ja157b<br><font size=+1>


chung ba mchog tu chung ba zhes bgyi bar yang gyur/ bdag deng kho na klu'i ming can zhes bgyi bar yang gyur te btsun pa bdag ni yun ring po nas dgon pa pa legs shing dgon pa pa nyid kyi bsngags pa yang brjod/ bsod snyoms pa lags shing bsod snyoms pa nyid kyi bsngags pa yang brjod/ phyag dar khrod pa lags shing phyag dar khrod pa nyid kyi bsngags pa yang brjod pa lags so/ /'od srung khyod kyis don gyi dbang du zhig yang dag par mthong na dgon pa pa yin zhing dgon pa pa nyid kyi bsngags pa yang brjod/ bsod snyoms pa yin zhing bsod snyoms pa nyid kyi bsngags pa yang brjod/ phyag dar khrod pa yin zhing phyag dar khrod pa nyid kyi bsngags pa yang brjod/ btsun pa gnyis te bdag nyid tshe 'di la bde bar gnas pa'i slad du dang / slad ma'i skye bo dag la snang ba bgyis par 'gyur ba'i slad du ste/ dge slong gnas brtan rgyal tshab lta bu rab tu byung nas yun ring du lags pa tshangs par spyod pa mngon par spyad pa/ ston pas bsngags pa/ tshangs pa mtshungs par spyod pa mkhas pa rnams kyis bkur ba/ gang dag 'das par gyur pa de dag yun ring po nas dgon pa par gyur cing dgon pa nyid kyi bsngags pa yang brjod/ bsod snyoms par gyur cing bsod snyoms pa nyid kyi bsngags pa yang brjod/ phyag dar khrod par gyur cing phyag dar khrod pa nyid </font><hr>Ja158a<br><font size=+1>


@#/ /kyi bsngags pa yang brjod par gyur pa de dag thos nas de lta de ltar sgrub par 'gyur zhing / de dag la yun ring po'i don dang sman pa dang bde bar 'gyur ro/ /'od srung khyod yun ring po nas skye bo mang po la phan pa dang / skye bo mang po bde ba dang / 'jig rten la snying brtse ba dang / lha dang mi rnams kyi don dang phan pa dang bde ba'i phyir zhugs pa legs so legs so/ /'od srung gang la la zhig sbyangs pa'i yon tan de dag gi bsngags pa ma yin pa rjod par byed pa de ni nga'i bsngags pa ma yin pa rjod par byed pa yin la/ gang la la zhig sbyangs pa'i yon tan de dag gi bsngags pa rjod par byed pa de ni nga'i bsngags pa rjod par byed pa yin no/ /de ci'i phyir zhe na/ ngas yun ring po nas sbyangs pa'i yon tan de dag bstod cing bkur la bsngags shing rab tu bsngags pa'i phyir ro/ /'od srung de lta bas na khyod ni dgon pa pa yin zhing dgon pa pa nyid kyi bsngags pa rjod pa dang / bsod snyoms pa yin zhing bsod snyoms pa nyid kyi bsngags pa rjod pa dang / phyag dar khrod pa yin zhing phyag dar khrod pa nyid kyi bsngags pa rjod pa yin te 'od srung khyod kyis de ltar bslab par bya'o/ /'di ni re zhig byung ba yin te/ sangs rgyas bcom ldan 'das re zhig 'dul ba la nyan thos rnams kyi bslab pa'i gzhi 'cha' bar ni mi mdzad do// // </font><hr>Ja158b<br><font size=+1>


'dul ba rnam par 'byed pa/ bam po lnga bcu pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /phongs pa dang bcas pa'i dus byung nas bram ze dang khyim bdag dad pa can dag gis dge slong gnas brtan gnas brtan dag gi bsod snyoms sbyor te/ /drug sde dag snga dro sham thabs bgos/ lhung bzed dang chos gos thogs te mnyan yod du bsod snyoms la zhugs nas/ de dag bcu gnyis sde dag gi gan du dong ba dang / de dag gis smras pa/ 'phags pa dag bzhugs la zhal tshus gsol cig /sus sbyin par 'gyur/ de dag gis smras pa/ bdag cag gis gsol lo/ /sang sus sbyin par 'gyur/ bdag cag gis gsol lo/ /drug sde dag gis smras pa/ sring mo dag de tsam gyis kho bo cag 'tsho bar mi nus kyi 'di ltar bram ze dang khyim bdag dad pa can gang dag gis dge slong gnas brtan gnas brtan dag gi bsod snyoms sbyar ba de dag gal te khyod kyis kho bo cag gi phyir sbyor du bcug na de lta na kho bo cag 'tsho bar nus so/ /sbom dga' mos smras pa/ 'phags pa dag de ltar bgyir rung ngam/ drug sde dag gis smras pa/ ci kho bo cag ltogs te 'chi bar bya'am/ legs par rung ngo / /shin tu rung ngo / /gang du bkag /sus bkag /de nas dge slong ma sbom dga' mo snga dro sham thabs </font><hr>Ja159a<br><font size=+1>


@#/ /bgos/ lhung bzed dang chos gos thogs te mnyan yod du bsod snyoms la zhugs nas/ de khyim gang du tshe dang ldan pa kun shes ko'u 'di n+ya'i bsod snyoms sbyar ba'i khyim der song ste 'di skad ces smras so/ /khyed kyis su'i bsod snyoms sbyar/ de dag gis smras pa/ 'phags pa kun shes ko'u di n+ya'i'o/ /sbom dga' mos smras pa/ khyed kyis shAkya'i rigs las rab tu byung ba sde snod gsum dang ldan pa chos sgrog pa rig pa dang grol ba'i spobs pa can gang yin pa de'i bsod snyoms sbyar na de lta na khyed la bsod nams che bar 'gyur ro/ /de dag gis smras pa/ 'phags pa shAkya'i rigs las rab tu byung ba sde snod gsum dang ldan pa chos sgrog pa rig pa dang grol ba'i spobs pa can de gang lags/ sbom dga' mos smras pa/ 'phags pa dga' bo shAkya'i rigs las rab tu byung ba sde snod gsum dang ldan pa chos sgrog pa rig pa dang grol ba'i spobs pa can yin no/ /de dag gis smras pa/ de ltar bgyi'o zhes de dag gis 'phags pa kun shes ko'u di n+ya'i bsod snyoms byar ba gang yin pa de dga' bo'i phyir sbyor du bcug go /de bzhin du gang dag gis dge slong gnas brtan gnas brtan dag gis bsod snyoms sbyar ba de dag thams cad drug sde dag gi phyir sbyor du bcug go/ /drug </font><hr>Ja159b<br><font size=+1>


sde dag snga dro sham thabs bgos/ lhung bzed dang chos gos thogs te mnyan yod du bsod snyoms la dong ba dang / de dag lhung bzed snod khas btags pa'i bsod snyoms dag gis 'ongs pa dge slong rnams kyis mthong nas smras pa/ e ma'o drug sde dag gis lhung bzed snod dag khas btags so/ /drug sde dag gis smras pa/ gang dag gis bdag cag gi phyir bsod snyoms dag sbyor du bcug pa'i sring mo dag nad med par gyur cig /dge slong rnams kyis smras pa/ khyed cag shes bzhin du dge slong mas sbyor du bcug pa'i zas zar rung ngam/ drug sde dag gis smras pa/ rung yang srid/ mi rung yang srid de ci kho bo cag ltogs te 'chi bar bya'am/ dge slong don nyung ngu dag ci'i phyir dge slong dag dge slong mas sbyor du bcug pa'i zas za bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la rmas pa/ dge slong dag khyed shes bzhin du dge slong mas sbyor du bcug pa'i zas za ba bden nam/ btsun </font><hr>Ja160a<br><font size=+1>


@#/ /pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang shes bzhin du dge slong mas sbyor du bcug pa'i zas za na ltung byed do/ /zhes bcom ldan 'das kyis 'dul ba la nyan thos rnams kyi bslab pa'i gzhi 'di ltar bca' ba mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa de las kyi mtha' gnyis byed du 'dzud de tshong dang / zhing blas kyi mtha'o/ /des dgon par zhing rmos nas sa bon btab ste zhing de'i drung du spyil bu byas nas zong thogs te yul gzhan du song ngo / /bsod snyoms pa zhig ljongs rgyu zhing 'gro ba na mnyan yod du phyin nas/ des der byul na zhing de'i drung na spyil bu </font><hr>Ja160b<br><font size=+1>


mthong nas/ des bsams pa/ phyogs 'di go skabs dben pa yin gyi/ 'di nyid du 'dug par bya'o snyam nas des de nyid du 'dug par brtsams te/ mnyan yod du bsod snyoms brgyus nas de nyid du gnas 'cha'o/ /der mi'i dris ri dwags dang bya 'ga' yang mi 'ong zhing der lhas kyang dus dang dus su char gyi rgyun legs par phab pas zhing de shin tu phun sum tshogs par gyur to/ / khyim bdag de yang don legs par grub ste bkra shis shing bde bar 'ongs so/ /de nas khyim bdag des rdzas sbas nas khrus byas te/ zan zos pa dang / chung mas smras pa/ rje'i sras khyod kyis dgon pa'i zhing de la sa bon btab nas yul gzhan du bzhud na gal te sa bon gyi skyin pa tsam grub par gyur tam je gzigs shig /khyim bdag de der song ba dang / ji tsam na zhing de lo tog shin tu phun sum tshogs pa mthong nas/ des bsams pa/ bdag gis 'dir rib ma yang ma byas/ srung ma'i mi 'ga' yang ma bzhag par zhing 'di lo tog shin tu phun sum tshogs par gyur ba de la rgyu ci yod snyam nas de der byul ba dang / mi'i rjes mthong nas de rjes bzhin du spyil bu der song ba dang / ji tsam na dge slong bsod snyoms pa zhig /skyil mo krung gis 'dug pa mthong nas/ des bsams pa/ 'di'i mthus zhing 'di shin tu lo tog phun tshogs par gyur to snyam nas des smras pa/ 'phags pa spyil bu 'di na bzhugs sam/ des smras pa/ khyim bdag /yin no/ / </font><hr>Ja161a<br><font size=+1>


@#/ /khyim bdag gis smras pa/ 'phags pa zhing 'di bdag gi lags kyi/ 'phags pas me tog dang 'bras bu dang tshems shing dag ci ba der longs spyod du gsol/ 'phags pas sang bdag gi sdum par bsod snyoms gsol bar ci gnang / khyim bdag kho bo ni bsod snyoms pa yin pas bsod snyoms 'ba' zhig la rgyu'o zhes des de dang du ma blangs nas khyim bdag des de'i rkang pa gnyis la mgo bos phyag 'tshal te song nas rang gi khyim ga la ba der song ste phyin nas chung ma la 'di skad ces smras so/ /bzang mo bang ba sta gon gyis shig /zhing las lo tog shin tu phun sum tshogs par gyur to/ /chung mas bsams pa/ 'di bdag la ku re zer snyam nas des smras pa/ rje'i smras khyod kyis der rib ma yang ma bgyis/ srung ma'i mi 'ga' yang ma bzhag na bdag la ku re bgyir ci mchis/ khyim bdag gis smras pa/ bzang mo ci kho bo khyod la ku re byed snyam mam 'di ltar yid ches par gyis shig /zhing de'i lo tog shin tu phun sum tshogs par gyur to/ /chung mas smras pa ci'i slad du/ khyim bdag gis smras pa/ kho bos zhing de'i drung du spyil bu byas te spyil bu der dge slong bsod snyoms pa zhig 'dug pas de'i mthus zhing de shin tu lo tog phun sum tshogs par gyur to/ /chung mas smras pa/ 'o na khyod kyis ci'i slad du de sang bsod </font><hr>Ja161b<br><font size=+1>


snyoms la spyan ma drangs/ khyim bdag gis smras pa/ kho bos de spyan drangs na bsod snyoms pa de'i zhal nas khyim bdag kho bo ni bsod snyoms pa yin pas bsod snyoms 'ba' zhig la rgyu'o zhes des dang du ma blangs so/ /chung mas smras pa/ de dag ni zhabs la phyag 'tshal te spyan drangs pa legs so/ /khyim bdag gis smras pa/ 'o na khyod kyis zhal zas sta gon gyis shig dang kho bo der song la zhabs la phyag 'tshal te spyan drang bar bya'o zhes de song ste de'i rkang pa gnyis la mgo bos phyag 'tshal te smras pa/ 'phags pas sang bdag gi sdum par bsod snyoms gsol bar ci gnang / bsod snyoms pa des smras pa/ khyim bdag kho bo ni bsod snyoms 'ba' zhig la rgyu'o/ /khyim bdag gis smras pa/ 'phags pa khyod kyis bdag gi sdum par bsod snyoms mi gsol du mi rung ngo / /bsod snyoms pa des/ khyim bdag de dus kyis 'chu bar shes nas cang mi smra bas dang du blangs so/ /khyim bdag des cang mi smra bas dang du blangs par rig nas rkang pa la phyag 'tshal te song nas rang gi khyim ga la ba der song ste phyin nas chung ma la smras pa/ bzang mo kho bos bsod snyoms pa de sang gdugs tshod la spyan drangs na des kyang cang mi smra bas dang du blangs kyi/ zhal zas gtsang zhing bsod pa dag sta gon gyis shig /khyim bdag gi chung ma des kha zas grang cha gang dag yin pa de dag ni </font><hr>Ja162a<br><font size=+1>


@#/ /de nyid kyi nyin mo sta gon byas/ drod bag gang dag yin pa de dag ni phyi de nyin par sta gon byas so/ /dge slong bsod snyoms bdag bsod snyoms la 'jug par brtsams pa dang / bsod snyoms pa gzhan zhig bsod snyoms pa de'i gan du song ste smras pa/ bsod snyoms pa tshur shog /bsod snyoms la 'dong ngo / /des smras pa/ kho bo khyim bdag cig gis mgron du bos pas dus shes par byas te 'gros khyod song zhig /des smras pa/ bsod snyoms pa rnyed pa dang ldan zhing bsod snyoms pa bsod nams chen por gyur gyi/ zas kyi tshod shes par gyis shig /kho bos kyang de la dus shes par bya'o/ /dge slong ma sbom dga' mos snga dro sham thabs bgos/ lhung bzed dang chos gos thogs te mnyan yod du bsod snyoms la zhugs nas de mthar gyis bsod snyoms la rgyu ba na khyim der zhugs te smras pa/ mtshan bzang a rog gya/ bsod snyoms byin cig /khyim bdag gis chung mas smras pa/ 'phags ma bdag gis bsod snyoms pa zhig spyan drangs pa de 'phyis te zan gcad par gyur na mi rung bas bdag brel gyi/ re zhig bzhud cig /sbom dga' mos smras pa/ gal te kho mos bsod snyoms pa de khrid de 'ong na khyod kyis kho mo la bsod snyoms sbyin nam/ des smras pa/ gsol lo/ phyi bzhin 'brang ba'i dge sbyong ma 'di la sus sbyin par 'gyur/ bdag gis gsol </font><hr>Ja162b<br><font size=+1>


lo| |gtsug lag khang srung ba dag sus sbyin par 'gyur/ bdag gis gsol lo/ /sbom dga' mos bsams pa/ bsod snyoms pa dag gis bsod snyoms brgyus nas da tsam phyir 'byung bas/ gang da gzod 'jug pa de bsod snyoms pa de yin no snyam nas de grong khyer gyi sgor song ste bsdad do/ /bsod snyoms pa des kyang bsams pa/ deng bdag gis bsod snyoms la brgyu mi dgos pas dge ba'i phyogs la tron bya zhing dus shes par byas te 'gro snyam nas des dus shes par byas nas snga dro sham thabs bgos/ lhung bzed dang chos gos thogs te mnyan yod du bsod snyoms la 'jug par brtsams pa dang / de sbom dga' mos mthong nas bsams pa/ bsod snyoms pa de 'di yin no snyam nas des de la dris pa/ 'phags pa sdum pa ga ge mo zhig tu spyan drangs sam/ sring mo g.yar drangs so/ /'phags pa bdag gis khyim der khyod kyi bsngags pa brjod do/ /des smras pa/ sring mo ci kho bos khyod la kho bo'i bsngags pa rjod cig ces byas sam/ 'phags pa bka' ma stsal to/ /bsod snyoms pa des bsams pa/ 'di ni dge slong mas sbyor du bcug pa'i zas yin par gyur gyi/ bdag gis zan gcad pa ni bla'i bdag ltung ba dang bcas par gyur na mi rung ngo snyam nas de phyir ldog par brtsams pa dang / sbom dga' mos smras pa/ 'phags pa bdag gis khyod kyi gdung </font><hr>Ja163a<br><font size=+1>


@#/ /yang ma 'tshal mtshan yang ma 'tshal bas bdag gis khyod kyi bsngags pa brjod re skan/ bsod snyoms pas smras pa/ sring mo gal te khyod kyi tshig snga ma bden na phyi ma rdzun la/ gal te phyi ma bden na ni snga ma rdzun no zhes de phyir log ste spyil bu de nyid du song nas de ji srid du lus las mdangs ma yal ba de srid du dge ba'i phyogs la tron byas nas gang gi tshe lus las mdangs yal ba de'i tshe na glos phab ste nyal ba dang / bsod snyoms pa gzhan dag gis de la smras pa/ gal te zas gzhan gyi yin zhes de lto yang gzhan gyi yin snyam mam/ ci byas/ ji tsam gyis dge ba'i phyogs la tron byed kyang mi nus pa de tsam gyis zas zos so/ /sus zos/ khyod kyis zos so/ /kho bos ma zos so/ /'o na ci'i phyir glos phab ste nyal/ des skabs de dge slong rnams la rgyas par brjod nas dge slong rnams kyis bcom ldan la gsol pa dang / bcom ldan 'das kyis bka' stsal pa/ de lta bas na sngar khyim du bos pa ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang mthun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong de lta bas na </font><hr>Ja163b<br><font size=+1>


snga ma ni bcas pa yin la 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang shes bzhin du dge slong mas sbyor du bcug pa'i zas za na sngar khyim du bos pa ma gtogs te ltung byed do/ /yang dge slong gang zhes bya ba ni drug sde'am/ gzhan yang de lta bu gang yin pa'o/ shes bzhin du zhes bya ba ni de bdag nyid kyis rig pa'am gzhan gyis brjod pas so/ /dge slong mas zhes bya ba ni chos 'di pas so/ /sbyor du bcug pa'i zhes bya ba ni sbyor du bcug pa ni gnyis te tshul khrims kyis sbyor du bcug pa dang / thos bas spyor du bcug pa'o/ /zas zhes bya ba ni bca' ba lnga dang bza' ba lnga'o/ /za na zhes bya ba ni mgul du mid na'o/ /sngar khyim du bos pa ma gtogs te zhes bya ba ni sngar khyim du mgron du bos pa bzhag ste'o/ /ltung byed do zhes bya ba ni sems can dmyal ba dang dud 'gro dang yi dwags ngan song dang ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge pa'i chos rnams la sgrib par byed pa ste des na ltung byed do/ zhes gsungs so/ /de la ltung ba ji ltar 'gyur zhe na/ 'di lta ste dge slong rab tu mang po dag khyim gzhan du mgron du bos par gyur ban des slong ma 'ongs te dris pa/ khyed cag gis </font><hr>Ja164a<br><font size=+1>


@#/ /dge slong gang dag mgron du bos/ che ge mo dang che ge mo la sogs pa dag go /zan ci lta bu dag sbyin/ sum phel gyi zan dag go /mi rung ste dge slong de dag ni rgyun du zhugs pa dang lan cig phyir 'ong ba dang / phyir mi 'ong ba dang / dgra bcom pa dag yin pas de dag la gtsang phye sbyin par bya'o/ /zhun mar ji lta bu sbyin/ ra'i zhun mar sbyin no/ /mi rung ste dge slong de dag ni rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dag yin pas de dag la ba mar sbyin par bya'o/ /lan tshwa ji lta bu sbyin/ 'gyur byed kyi lan tshwa'o/ /mi rung ste dge slong de dag ni rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dag yin pas de dag la rgya ma tshwa dang ba tshwa dang / rgya mtsho'i tshwa sbyin par bya'o/ /btung ba ji lta bu blud/ rtsab mo'o/ /mi rung ste dge slong de dag ni rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dag yin pas de dag la dar ba blud par bya'o/ /zan spag pa ji lta bu sbyin/ tsha dang sbyar ba'i ldum mo/ mi rung ste dge slong de dag ni rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dag </font><hr>Ja164b<br><font size=+1>


yin pas de dag la tshogs pa dang btsos pa zho thug blud par bya'o/ /'khur ba ji lta bu sbyin/ mon sran gre'u'i 'khur ba'o/ /mi rung ste dge song de dag ni rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dag yin pas de dag lo hwags kyi 'khur ba dang mon 'khur ba dang / bog ran sbyin par bya'o/ /mon 'khur sbag par ji lta bu sbyin/ tsha dang sbyar ba'i ldum mo/ /mi rung ste dge slong de dag ni rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dag yin pas de dag la rngo sha dang sreg sha dang sha rnams mang po sbyin par bya'o/ /skom ji lta bu blud/ bu ram chab bo/ /mi rung ste dge slong de dag ni rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dag yin pas de dag la hwags chab dang li khar chab dang dro 'jam blud par bya'o/ /'bras chen ji lta bu sbyin/ 'bras chan rtsub po dang ko tra ba'i chan no/ mi rung ste dge slong de dag ni rgyun du zhugs pa dang / lan cig phyir mi 'ong ba dang / phyir mi 'ong ba dang / dgra bcom pa dag yin pas de dag la 'bras sA lu'i chan sbyin par bya'o/ /sran tsho ji lta bu blud/ mon sran gro'u'i sran tshod do/ /mi rung ste/ dge slong de dag ni rgyun du zhugs pa dang / lan cig phyir 'ong ba dang / phyir mi 'ong ba </font><hr>Ja165a<br><font size=+1>


@#/ /dang / dgra bcom pa dag yin pas de dag la mon sran sde'u'i sran tshod blud par bya'o/ /bya na ji lta bu sbyin/ sngo tshod do/ mi rung ste dge slong de dag ni rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dag yin pas de dag la sha rnams sna tshogs dang hwags tshod dang zha dang tshan blud par bya'o/ / zhes sbyor du bcug nas dge slong gis gal te shes bzhin du zos na ltung byed du 'gyur ro/ /rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dag yin pa bden na ltung ba med do/ /'di lta ste/ dge slong rab tu mang po dag khyim gzhan du mgron du bos par gyur pa na/ der dge slong ma 'ongs te dris pa/ khyed cag gis dge slong gang dag mgron du bos/ che ge mo dag dang che ge mo las sogs pa dag go /zan ji lta bu dag sbyin/ sum phel gyi zan dag go /mi rung ste dge song de dag ni mdo sde 'dzin pa dag/ 'dul ba 'dzin pa dang / ma mo 'dzin pa dag yin pas de dag la gtsang phye sbyin par bya'o/ zhun mar ji lta bu sbyin/ ra'i zhun mar sbyin no/ /mi rung ste dge slong de dag ni mdo sde 'dzin pa dang / 'dul ba 'dzin pa dang / ma mo 'dzin pa dag yin pas de dag la ba mar sbyin par bya'o/ /lan tshwa ji lta bu sbyin/ 'gyur byed </font><hr>Ja165b<br><font size=+1>


kyi lan tshwa'o/ /mi rung ste dge slong de dag ni mdo sde 'dzin pa dang / 'dul ba 'dzin pa dang / ma mo 'dzin pa dag yin pas de dag la rgyam tshwa dang ba tshwa dang / rgya mtsho'i tshwa sbyin par bya'o/ /btung ba ji lta bu blud/ rtsab mo'i/ /mi rung ste dge slong de dag ni mdo sde 'dzin pa dang / 'dul ba 'dzin pa dang / ma mo 'dzin pa dag yin pas de dag la dar ba blud par bya'o/ /zan spag pa ji lta bu sbyin/ tshwa dang sbyar ba'i ldum mo/ /mi rung ste dge song de dag ni mdo sde 'dzin pa dag/ 'dul ba 'dzin pa dang / ma mo 'dzin pa dag yin pas de dag la tshogs pa dang btsos pa dang / zho thug blud par bya'o/ /'khur ba ji lta bu sbyin/ mon sran gre'u'i 'khur ba'o/ /mi rung ste dge slong de dag ni mdo sde 'dzin pa dang / 'dul ba 'dzin pa dang / ma mo 'dzin pa dag yin pas de dag la hwags kyi 'khur ba dang / mon 'khur ba dang / bog ran sbyin par bya'o/ /mon 'khur sbag par ji lta bu sbyin/ tshwa dang sbyar ba'i ldum mo/ mi rung ste dge slong de dag ni mdo sde 'dzin pa dang / 'dul ba 'dzin pa dag/ ma mo 'dzin pa dag yin pas de dag la bsngo sha dang / sreg sha dang sha rnam pa sna tshogs sbyin par bya'o/ /skom ji lta bu blud/ bu ram chab bo /mi rung ste dge slong de dag ni mdo sde 'dzin pa dang / 'dul ba 'dzin pa dang / ma mo 'dzin pa dag yin pas de dag la hwags chab dang / li kha ra'i chab dang / dro 'jam blud </font><hr>Ja166a<br><font size=+1>


@#/ /par bya'o/ /'bras chan ji lta bu sbyin/ 'bras chan rtsub po dang / ko dra ba'i chan no/ /mi rung ste dge slong de dag ni mdo sde 'dzin pa dang / 'dul ba 'dzin pa dang / ma mo 'dzin pa dag yin pas de dag la 'bras sA lu'i chan sbyin par bya'o/ /sran tshod ji lta bu blud/ mon sran gre'u'i sran tshod do/ /mi rung ste dge slong de dag ni mdo sde 'dzin pa dang / 'dul ba 'dzin pa dang / ma mo 'dzin pa dag yin pas/ de dag la mon sran sde'u'i sran tshod blud par bya'o/ /bya na ji lta bu sbyin/ sngo tshod do/ /mi rung ste dge slong de dag ni mdo sde 'dzin pa dang / 'dul ba 'dzin pa dang / ma mo 'dzin pa dag yin pas de dag la sha rnam pa sna tshogs dang hwags tshod dang zho dang 'o tshan blud par bya'o zhes sbyor du bcug nas dge slong gis gal te shes bzhin du zos na ltung byed du 'gyur ro/ /mdo sde 'dzin pa dang / 'dul ba 'dzin pa dang / ma mo 'dzin pa dag yin pa bden na ltung ba med do/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /dge slong mas sbyor du bcug pa za ba'i ltung byed de sum cu pa rdzogs so// //sdom la/ yang yang dang ni 'dug gnas gcig /phye dang bca' dang stobs pa dang / /'dus dang dus min gsog 'jogs </font><hr>Ja166b<br><font size=+1>


dang| |kha nas mid dang bsod pa nyid/ /sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /tshe dang ldan pa shA ri'i bu dang mo'u dgal gyi bu chen po gnyis kyi kun tu spyod pa ni dus dang dus su sems can dmyal ba rgyu ba dang / dud 'gro rgyu ba dang / yi dwags rgyu ba dang / lha rgyu ba dang / mi rgyur 'gro ba yin pas de gnyis kyi de dag tu brgyus nas 'dzam bu gling du 'ongs te 'khor bzhi po dag la sems can dmyal ba pa'i sems can rnams kyi dbyung ba dang gtub pa dang gcad pa dang gshegs pa la sogs pa'i sdug bsngal dang / dud 'gro rnams kyi gcig la gcig za ba la sogs pa'i sdug bsngal dang / yi dwags rnams kyi bkres pa dang skom pa la sogs pa'i sdug bsngal dang / lha rnams kyi 'chi 'pho dang ltung ba dang rnam par 'thor ba dang rnam par 'jig pa la sogs pa'i sdug bsngal dang / mi rnams kyi tshol ba dang / chags pa la sogs pa'i sdug bsngal gang dag yin pa de dag rjod par byed pas/ gang la la'i lhan cig gnas pa dang nye gnas tshangs par spyod pa la mngon par mi dga' ba de dag des khrid de tshe dang ldan pa shA ri'i bu dang mo'u dgal gyi bu chen po gnyis ga la ba der song ste phyin nas/ tshe dang ldan pa shA ri'i bu dang / mo'u dgal gyi bu chen po gnyis la yang dag </font><hr>Ja167a<br><font size=+1>


@#/ /par 'doms su 'tshol bar byed/ yang dag par rjes su ston du 'tshol bar byed cing / tshe dang ldan pa shA ri'i bu dang mo'u dgal gyi bu chen po gnyis kyang de la yang dag par 'doms par byed/ yang dag par rjes su ston par byed do/ /tshe dang ldan pa shA ri'i bu dang mo'u dgal gyi bu chen po gnyis kyis yang dag par gtams shing yang dag par rjes su bstan pa na de dag tshangs par spyod pa la mngon par dga' zhing gong du khyad par yang rtogs par byed do/ /de'i tshe na tshe dang ldan pa shA ri'i bu dang mo'u dgal gyi bu chen po gnyis 'khor bzhi po dag gis kun tu bskor cing 'khod do/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo gang gis dge slong shA ri'i bu dang mo'u dgal gyi bu gnyis 'khor bzhi po dag gis kun tu bskor cing 'khod pa'i rgyu ni gang yin rkyen ni gang yin/ btsun pa tshe dang ldan pa shA ri'i bu dang mo'u dgal gyi bu chen po gnyis kyi kun tu spyod pa ni dus dang dus su sems can dmyal ba rgyu ba dang dud 'gro rgyu ba dang yi dwags rgyu ba dang lha rgyu ba dang mi rgyur mchis pa lags pas/ de gnyis kyis de dag tu brgyus nas 'dzam bu gling du mchis te/ 'khor bzhi po dag la sems can dmyal ba pa'i sems can rnams kyi dbyung </font><hr>Ja167b<br><font size=+1>


ba dang gtub pa dang gcad pa dang gshegs pa la sogs pa'i sdug bsngal dang / dud 'gro rnams kyi gcig la gcig 'tshal ba la sogs pa'i sdug bsngal dang / yi dwags rnams kyi bkres pa dang / skom pa la sogs pa'i sdug bsngal dang / lha rnams kyi 'chi 'pho dang ltung ba dang rnam par 'thor ba dang rnam par 'jig pa la sogs pa'i sdug bsngal dang / mi rnams kyi tshol ba dang chags pa la sogs pa'i sdug bsngal gang dag lags pa de dag brjod par bgyi pas/ gang la la'i lhan cig gnas pa dang nye gnas tshangs par spyod pa la mngon par mi dga' ba de dag des khrid de tshe dang ldan pa shA ri'i bu dang mo'u dgal gyi bu chen po gnyis ga la ba der mchis te mchis nas/ tshe dang ldan pa shA ri'i bu dang mo'u dgal gyi bu chen po gnyis la yang dag par 'doms su 'tshol bar bgyid/ yang dag par rjes su ston du 'tshol bar bgyid cing / tshe dang ldan pa shA ri'i bu dang mo'u dgal gyi bu chen po gnyis kyang de dag la yang dag par 'dom par bgyid/ yang dag par rjes su ston par bgyid do/ /tshe dang ldan pa shA ri'i bu dang mo'u dgal gyi bu chen po gnyis kyis yang dag par gtams shing yang dag par rjes su bstan pa na de dag tshangs par spyod pa la mngon par dga' zhing gong du khyad par yang rtogs par bgyid de/ </font><hr>Ja168a<br><font size=+1>


@#/ /btsun pa tshe dang ldan pa shA ri'i bu dang mo'u dgal gyi bu chen po gnyis 'khor bzhi po dag gis kun tu bskor cing mchis pa'i rgyu ni de lags/ rkyen ni de lags so/ /kun dga' bo thams cad du dge slong shA ri'i bu dang mo'u dgal gyi bu chen po gnyis dang shA ri'i bu dang mo'u dgal gyi bu chen po gnyis lta bu dag mi 'byung bas de'i phyir sgo khang du cha lnga pa'i 'khor lo bri bar rjes su gnang ngo / /bcom ldan 'das kyis sgo khang du cha lnga pa'i 'khor lo bri bar bya'o zhes bka' stsal nas/ dge slong rnams kyis ji ltar bri ba mi shes nas/ bcom ldan 'das kyis bka' stsal pa/ 'gro ba lnga po sems can dmyal ba'i 'gro ba dang / dud 'gro'i 'gro ba dang / yi dwags kyi 'gro ba dang / lha'i 'gro ba dang / mi'i 'gro ba bri bar bya'o/ /dge slong rnams kyis gang du gang bri bar bya ba mi shes nas/ bcom ldan 'das kyis bka' stsal pa/ mthar sems can dmyal ba dang / dud 'gro dang / yi dwags kyi 'gro ba bri bar bya'o/ /shar gyi lus 'phags dang / nub kyi ba lang spyod dang / byang gi sgra mi snyan dang / 'dzam bu'i gling yang bri bar bya'o/ /dbus su 'dod chags dang zhe sdang dang gti mug dag bri bar bya'o/ /sangs rgyas kyi sku gzugs mya ngan las 'das pa'i dkyil 'khor dkar po ston par </font><hr>Ja168b<br><font size=+1>


bri bar bya'o/ /brdzus te skyes pa'i sems can zo chun rgyud mo'i tshul gyis 'chi 'pho ba dang skye ba dag kyang bri bar bya'o/ /kho ra khor yug tu rten cing 'brel par 'byung ba'i yan lag bcu gnyis lugs su 'byung ba dang lugs las ldog pa dag bri bar bya zhing / thams cad mi rtag pas bzung ba bri bar bya'o/ /tshigs su bcad pa gnyis po/ brtsam par bya zhing 'byung bar bya/ /sangs rgyas bstan la 'jug par bya/ /'dam bu'i khyim la glang chen bzhin/ /'chi bdag sde ni gzhom par bya/ /gang zhig rab tu bag yod par/ / chos 'dul 'di la spyod 'gyur ba/ /skye ba'i 'khor ba rab spangs nas/ /sdug bsngal tha mar byed par 'gyur/ /zhes bya ba yang bri bar bya'o/ /bcom ldan 'das kyis sgo khang du cha lnga pa'i 'khor lo bri bar bya'o zhes bka' stsal nas/ dge slong rnams kyi sgo khang du cha lnga pa'i 'khor lo 'drir bcug pa dang / bram ze dang khyim bdag dag lhags nas 'phags pa dag /bris pa 'di ci lags zhes 'dri ba na de dag gis kho bo cag gis kyang mi shes so zhas smras pa dang / bcom ldan 'das kyis bka' stsal pa/ der bram ze dang khyim bdag 'ongs shing lhags pa rnams la de ston par 'gyur ba'i dge slong bsko bar bya'o/ /bcom ldan 'das kyis dge slong bsko bar bya'o zhes bka' stsal nas </font><hr>Ja169a<br><font size=+1>


@#/ /de dag bye brag med par byis pa yang rung rmongs pa yang rung mi gsal ba yang rung mi mkhas pa yang rung ba las sko bar byed nas/ de dag bdag nyid kyis kyang mi shes na bram ze dang khyim bdag 'ongs shing lhags pa rnams la ston par 'gyur ba lta ga la shes nas/ bcom ldan 'das kyis bka' stsal pa/ nus pa las bsko bar bya'o/ /rgyal po'i khab na khyim bdag cig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed pa de'i bu byung nas/ des chung ma la smras pa/ bzang mo bdag cag gi nor 'phrog pa longs spyod 'phrog pa byung gi/ kho bo zong thogs te rgya mtsho chen por 'jug go |rje'i sras de ltar mdzod cig /de zong thogs te rgya mtsho chen por zhugs pa dang / de de nyid du tshul ma yin pas sdug bsngal bar gyur to/ /chung ma des khye'u de nye ngu'i stobs dang lag stobs kyis bsnyod cing gsos te bskyed nas des yi ge dang yig 'bru dag slob tu bcug nas de 'jig rten gyi gtam rgyud la shin tu mkhas par gyur to/ / khye'u de ne'u ldangs dang lhan cig 'od ma'i tshal du song ste gtsug lag khang du zhugs pa dang / des sgo khang na cha lnga pa'i 'khor lo bris pa mthong nas des dge slong la dris </font><hr>Ja169b<br><font size=+1>


pa| 'phags pa bris pa 'di ci lags/ dge slong des smras pa/ bzhin bzang 'di dag ni 'gro ba lnga ste/ sems can dmyal ba dang / dud 'gro dang / yi dwags dang / lha dang / mi dag go |des yang dris pa/ 'phags pa 'di dag gis las ci bgyis na las de'i rnam par smin pas sems can dmyal ba dag tu skyes shing des da ltar dbyung ba dang gtub pa dang gcad pa dang gshegs pa la sogs pa'i sdug bsngal nyams su myong bar gyur/ bzhin bzang 'di dag gis mi dge ba bcu'i las kyi lam dag cher kun tu bsten cing goms par byas/ lan mang du byas pas las de'i rnam par smin pas sems can dmyal ba rnams su skyes shing des da ltar dbyung ba dang gtub pa dang gcad pa dang gshegs pa la sogs pa'i sdug bsngal dag nyams su myong bar 'gyur ro/ /'phags pa 'di dag gis kyang las ci bgyis na las de'i rnam par smin pas dud 'gro rnams su skyes shing des da ltar gcig la gcig 'tshal ba la sogs pa'i sdug bsngal dag nyams su myong bar 'gyur/ bzhin bzang 'di dag gis ni mi dge ba bcu'i las kyi lam dag ches srab pa dang ches chung ba dag kun tu bsten cing goms par byas lan mang du byas pas las de'i rnam par smin pas dud 'gro rnams su skyes shing de da ltar gcig la gcig za ba'i sdug bsngal dag nyams su myong bar </font><hr>Ja170a<br><font size=+1>


@#/ /gyur to/ /'phags pa 'di dag gis kyang las ci bgyis na las de'i rnam par smin pas yi dwags rnams su skyes shing des da ltar bkres pa dang skom pa la sogs pa'i sdug bsngal dag nyams su myong bar gyur/ bzhin bzang 'di dag gis ni ser sna kun tu bsten cing goms par byas lan mang du byas pas las de'i rnam par smin pas yi dwags rnams su skyes shing des da ltar bkres pa dang skom pa la sogs pa'i sdug bsngal dag nyams su myong bar gyur to/ /'phags pa 'o na 'di dag gis las ci bgyis na las de'i rnam par smin pas lha rnams su skyes shing des da ltar lha'i bde ba dag nyams su myong bar gyur/ bzhin bzang 'di dag gis dge ba bcu'i las kyi lam cher kun tu bsten cing goms par byas lan mang du byas pas las de'i rnam par smin pas lha rnams su skyes shing des da ltar lha'i bde ba dag nyams su myong bar gyur to/ /'phags pa 'di dag gis las ci bgyis na las de'i rnam par smin pas mi rnams su skyes shing des da ltar bde ba chung ngu nyams su myong bar gyur/ bzhin bzang 'di dag gis ni dge ba bcu'i las kyi lam chung ngu kun tu bsten cing goms par byas lan mang du byas pas las de'i rnam par smin pas mi rnams su skyes shing des da ltar bde ba chung ngu nyams su myong </font><hr>Ja170b<br><font size=+1>


bar gyur to/ /'phags pa 'di la bdag 'gro ba gsum po sems can dmyal ba dang dud 'gro dang yi dwags dag ni mi 'tshal lo/ /'gro ba gnyis po lha dang mi gnyis ni 'tshal lo| |'phags pa bdag gis las ci bgyis na des bdag lhar skye bar 'gyur ba mchis sam/ bzhin bzang yod do/ /gang lags/ bzhin bzang bcom ldan 'das kyis spyan sngar rab tu byung la tshangs par spyad pa spyod cig dang / gal te tshe 'di nyid la kun shes pa rtogs par gyur na de nyid khyod kyi sdug bsngal gyi mtha' yin no/ /gal te kun tu spyod pa lhag ma dang bcas pas dus byed par gyur na khyod lha rnams su skye bar 'gyur ro/ /'phags pa yun ji srid du/ bzhin bzang ji srid 'tsho'i bar du'o/ /de ni rngo mi thog na thabs gzhan 'ga' mchis sam/ yod do/ /gang lags/ bzhin bzang bcom ldan 'das kyis spyan sngar lnga pa tshangs par spyod pa'i bslab pa'i gzhi dag long zhig /'phags pa yun ji srid du/ bzhin bzang ji srid 'tsho'i bar du'o/ /'phags pa de yang rngo mi thog na thabs gzhan ci mchis/ yod do/ /gang lags/ bzhin bzang sangs rgyas la sogs pa dge slong gi dge 'dun gdugs tshod gsol cig dang lha rnams su skye bar 'gyur ro/ /'phags pa kar sha pa na du tsam dag gis sangs rgyas la sogs pa dge slong gi dge 'dun gdugs </font><hr>Ja171a<br><font size=+1>


@#/ /tshod khyed par 'gyur/ bzhin bzang kar sha pa na lnga brgyas so/ /'phags pa de ni rngo thog go zhes des dge slong de'i rkang pa la phyag 'tshal te song nas rang gi khyim ga la ba der song ste phyin nas/ ma la 'di skad ces smras so/ /yum bdag deng 'od ma'i tshal du mchis nas bdag gi de na cha lnga pa'i 'khor lo bris pa mthong ste de na 'gro ba lnga po sems can dmyal ba dang dud 'gro dang yi dwags dang / lha dang mi dag bris na/ yum khyod ngan bu lha rnams su skye bar bzhed dam/ bu kho mo sems can thams cad lha rnams su skye ba yang 'dod na khyod lta smos kyang ci dgos/ yum khyod kyis bdag la kar sha pa na lnga brgya stsol cig dang bdag gis sangs rgyas la sogs pa'i dge slong gi dge 'dun gdugs tshod gsol lo/ /bu khyod kyang kho mos nye du'i stobs dang lag stobs kyis bsnyod cing gsos te bskyed pa yin pas kho mo la kar sha pa na lnga brgya'i 'byor pa ga la yod/ yum bdag gla rngan gyi slad du las bgyid du mchi'o/ /bu khyod ni shin tu gzhon pa yin pas khyod kyis gla rngan gyi phyir las byed par mi nus so/ / yum rngo thog gi mchi'o/ /des de dus kyis 'chu bar shes te gnang nas khye'u de gla mi'i srang du song ste bsdad pa dang / bram ze dang khyim bdag dag gis gla mi gzhan dag khrid na </font><hr>Ja171b<br><font size=+1>


de 'gas kyang ma khrid nas des der nyi ma nub par byas nas nam sros pa dang khyim du 'ongs so/ /mas de mthong nas dris pa/ bu khyod kyis ded gla rngan gyi phyir las byas sam/ khye'us smras pa/ yum bdag sus kyang ma khrid do/ /bu gla mi dag ni 'di mi 'dra ste/ gla mi dag ni skra yegs shing gos dri ma can dag gyon nas gla mi'i srang du song ste sdod kyi/ khyod kyang gal te gla rngan gyi phyir las byed par 'dod na skra yegs par gyis la gos dri ma can dag gyon te gla mi'i srang du song la sdod cig /des phyi de nyin par skra yegs par byas shing gos dri ma can dag gyon nas/ gla mi'i srang du song ste bsdad pa dang tshong dpon zhig khyim rtsig par byed pa de gla mi'i srang du 'ongs nas des gla mi gzhan dag khrid de khye'u de ma khrid pa dang / khye'us smras pa/ yab bdag gis kyang gla rngan gyi slad du las bgyi'o/ /tshong dpon gyis smras pa/ bu khyod shin tu gzhon pas khyod kyis gla rngan gyi phyir las byed par mi nus so/ / khye'us smras pa/ ci khyod kyis bdag la dang por gla rngan stsal tam/ tshong dpon gyis smras pa/ mjug tu gla rngan sbyin no/ /khye'us smras pa/ bdag gis je deng las bgyi yi/ gal te khyod mnyes par gyur na gla rngan stsol cig /tshong dpon des khye'u de khrid nas khye'u des tshong dpon de'i khyim du gla rngan gyi phyir las bya bar brtsams so/ /gla mi gzhan dag </font><hr>Ja172a<br><font size=+1>


@#/ /g.yos las byed pa na khye'u de myur ba myur bar las byed nas/ de dag gis de la smras pa/ tsha bo khyod ci'i phyir g.yos las mi byed/ khye'us smras pa/ zhang po dag kho bo sngon nyes par spyad pas dbul po'i khyim dag tu skyes shing des da ltar gla rngan gyi phyir las byed pa yin na gal te da g.yos las byas par gyur na 'di nas shi 'phos pa dag gi 'gro ba ji ltar 'gyur/ de dag gis smras pa/ tsha bo khyod gsar bu bul ba yin pas thams cad kyi tha na las par 'gyur ba gang yin pa de lta bu'i gnas yod do| |khye'u de 'jig rten pa'i gtam rgyud la mkhas pa yin pas des gla mi de dag la gtam rgyud smra zhing myur ba myur bar song ba dang / gla mi de dag kyang gtam rgyud mi thos kyis dogs nas de'i phyi bzhin myur ba myur bar lhags nas de'i nyin mo gla mi de dag gis las mang du byas so/ /khyim bdag gis kun tu spyod pa ni phye ma bred kyi dus kyi tshe las kyi mtha' dag la so sor rtog pa yin pas/ tshong dpon de dgongs kar 'ongs te las kyi mtha' dag la so sor brtags pa dang ci tsam na nyis 'gyur gyi las byas par mthong nas des lag dpon gyi mi la dris pa/ ci khyod kyis las mi gzhan dag bkug gam/ des smras pa/ ma bkug go /tshong dpon gyis smras pa/ 'o na ci'i phyir deng las mang du zin/ des smras pa/ / </font><hr>Ja172b<br><font size=+1>


khyim bdag gi bu 'di nad med par gyur cig /'di 'jig rten gyi gtam rgyud la mkhas pas 'di 'jig rten gyi gtam rgyud zer zhing myur bar myur bar las byed pa na gla mi gzhan dag kyang gtam rgyud mi thos kyis dogs pas myur ba myur bar 'di'i phyir bzhin 'dong zhing las byed pas des na deng las mang du zin to/ /tshong dpon des khye'u de la gla rngan nyis 'gyur sbyin par brtsams pa dang khye'us smras pa/ ci lags/ bdag la gdugs tshod gnyis kyi gla rngan gcig car stsal tam/ ma yin te 'di ltar kho bo khyod la dga' bas bya dga' sbyin no/ /khye'us smras pa/ gal te khyod bdag la dgyes na ji srid du bdag khyod kyi sdum pa na sug las 'tshal ba de srid du bdag gi gla rngan khyod kyi phyag tu gzhag tu gsol/ tshong dpon gyis smras pa/ de ltar gyis shig |gang gi tshe de'i khyim zin pa de'i tshe na khye'u de'i gla rngan brtsis na kar sha pa na lnga brgyar ma chog nas/ khye'u de ngu bar brtsams pa dang / tshong dpon des smras pa/ bu ci ngu / kho bos brid par ma gyur tam/ yab khyod bdag nyid chen po lags pas khyod kyis bdag ga la brid de 'di ltar bdag gis kar sha pa na lnga brgya'i ched du gla rngan gyi slad du las bgyis shing| sangs rgyas la sogs pa'i dge slong gi dge 'dun gdugs tshod gsol te/ bdag lha rnams kyi nang du skye bar bgyi'o snyam na de dag ma 'tshal bas yang bdag gi gzhan du </font><hr>Ja173a<br><font size=+1>


@#/ /gla rngan gyi slad du las bgyi 'tshal bar 'gyur ro/ /tshong dpon de dad pa can zhig yin pas des smras pa/ bu kho bos kha bskang bar bya'o/ /yab bdag lha rnams kyi nang du skya bar mi 'gyur ba snyam/ bu khyod bcom ldan 'das la mngon par dad dam/ mngon par dad do/ /song la bcom ldan 'das la zhus shig /de nas khye'u de bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la khyim bdag gi bu des 'di skad ces gsol to/ /bcom ldan 'das bdag gis kar sha pa na lnga brgya'i tshad du gla rngan gyi ched du tshong dpon che ge mo zhig gi sug las bgyis na de dag ma 'tshal nas tshong dpon des de'i kha skong bar bgyid na blang bar bgyi'am/ bzhin bzang tshong dpon de dad pa can yin pas long zhig /bcom ldan 'das bdag lha rnams kyi nang du skye bar mi 'gyur lags pa snyam/ skye bar 'gyur ro/ /khye'u des bcom ldan 'das kyi zhabs gnyis la mgo bos phyag 'tshal te song ngo / /de nas khyim bdag gi bu des tshong dpon de las kar sha pa na lnga brgya mnos te ma'i gan du song nas smras pa/ yum kar sha pa na lnga brgya po 'di dag gis zhal zas sta gon mdzod cig </font><hr>Ja173b<br><font size=+1>


dang sangs rgyas la sogs pa dge slong gi dge 'dun gdugs tshod gsol lo/ /bu kho mo la snod spyad 'ga' yang med cing mi blas dang gnas mal 'ga' yang med kyi/ tshong dpon de nyid snod spyad dang mi blas dang gnas mal mang ba yin la dad pa can yin gyi song la de nyid la gyis shig /khye'u de tshong dpon de'i gan du song ste smras pa/ yab bdag gi sdum pa na snod spyad dang mi blas dang gnas mal cung zad kyang ma mchis kyi/ khyod nyid kyis zhal zas sta gon mdzod cig dang bdag mchis nas/ rang \ NGANG?\ gi sug pa nas sangs rgyas la sogs pa dge slong gi dge 'dun gdugs tshod gsol lo/ /tshong dpon de dad pa can yin pas des bsams pa/ bdag gi khyim gsar du brtsigs pa der sangs rgyas la sogs pa dge slong gi dge 'dun gyis gdugs tshod gsol bar gyur na/ legs so snyam nas des smras pa/ bu zhog ste song la sangs rgyas la sogs pa dge slong gi dge 'dun sang gdugs tshod la spyan drongs shig dang kho bos zhal zas sta gon bya'o/ /de nas khyim bdag gi bu des tshong dpon de'i lag tu kar sha pa na lnga brgya gtad nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te rgan pa'i mtha' logs su 'dug nas gsol pa/ bcom ldan 'das sang bdag gis sangs rgyas la sogs pa'i dge </font><hr>Ja174a<br><font size=+1>


@#/ /slong gi dge 'dun gdugs tshod la spyan 'dren to/ /bcom ldan 'das kyis khyim bdag gi bu de la cang mi gsung bas gnang ngo / /de nas khyim bdag gi bu des bcom ldan 'das kyis cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te song ngo / /tshong dpon des kyang de nyid kyi mtshan mo zhal zas sta gon byas nas nang par sngar langs te gdan bshams nas chur bzhag ste bcom ldan 'das la spyan 'dren gyis btsun pa gdugs tshod g.yar dgongs 'tshal na bcom ldan 'das kyis da de'i dus la bab par dgongs su gsol zhes spyan drangs so/ /de nas bcom ldan 'das snga dro sham thabs gsol/ lhung bzed dang chos gos bsnams te dge slong gi tshogs kyis yongs su bskor cing dge slong gi dge 'dun gyis mdun du bdar nas tshong dpon de'i khyim ga la ba der gshegs so/ /drug sde dag gis dris pa/ su'i khyim du sangs rgyas la sogs pa dge slong gi dge 'dun spyan drangs/ khyim bdag gi bu che ge mo zhig gi'o/ /drug sde dag gis smras pa/ de ni gla mi yin pas de ci zhig sbyin par 'gyur/ khyim du 'gro ba'i khyim du dong la g.yar tshus bzar 'dong ngo zhes de dag khyim du 'gro ba'i khyim dag tu dong ba dang / de dag gis smras pa/ 'phags </font><hr>Ja174b<br><font size=+1>


pa dag gdan tshus gsol cig /de ltar bya'o zhes de dag gis khye'u tshus zos so/ /de nas bcom ldan 'das tshong dpon de'i bkad sa ga la ba der gshegs te byon nas/ dge slong gi dge 'dun gyi gong du gdan bshams pa nyid la bzhugs so/ /drug sde dag kyang khyim du 'gro ba'i khyim dag tu khye'u tshus zos nas de nyid du dong ste 'khod do/ /de nas khyim bdag gi bu des sangs rgyas la sogs pa dge slong gi dge 'dun bde bar bzhugs par rig nas bca' ba dang bza' ba gtsang zhing bsod pas rang gi lag nas tshim par byed cing stobs par byed do/ /de de na rgyu ba na drug sde dag gus par byas te/ mi za ba mthong ngo / /mthong nas kyang bcom ldan 'das kyi spyan sngar 'dug ste gsol pa/ bcom ldan 'das 'di na 'phags pa kha cig gus par bgyis te mi 'tshal na bdag lha rnams kyi nang du skye bar mi 'gyur lags pa snyam/ bcom ldan 'das kyis bka' stsal pa/ bzhin bzang re zhig gnas mal gyi longs spyod kyis kyang khyod lha rnams kyi nang du skye bar 'gyur na/ kha zas kyi longs spyod kyis lta smos kyang ci dgos/ de nas bcom ldan 'das khyim bdag gi bu de la chos dang ldan pa'i bka' mchid kyis yang dag par ston par mdzad/ yang dag par 'dzin du 'jug par mdzad/ yang dag par gzengs bstod par </font><hr>Ja175a<br><font size=+1>


@#/ /mdzad/ yang dag par rab tu dga' bar mdzad do/ /rnam grangs du mas chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas gdan las bzhengs te gshegs so/ /tshong pa lnga brgya tsam rgya mtsho chen po nas rgyal po'i khab tu lhags nas rgyal po'i khab tu dus ston byung bas tshong cung zad kyang ma rnyed nas de na tshong pa dge slong gi rgyus shes pa zhig 'dug pa des smras pa/ shes ldan dag shes par gyis shig /khyim gang du sangs rgyas la sogs pa dge slong gi dge 'dun gyi gdugs tshod gsol pa'i khyim de na gor ma chags par bza' ba dang btung ba lhag pa'i chos cung zad yod kyi/ der dong la rin gyis btsal lo/ /de dag gis smras pa dang / tshong dpon che ge mo zhig gi khyim du sangs rgyas la sogs pa dge slong gi dge 'dun gyis gdugs tshod gsol to zhes thos nas de dag zong thogs te der dong nas smras pa/ tshong dpon bdag cag tshong pa lnga brgya tsam rgya mtsho chen po nas rgyal po'i khab tu lhags nas rgyal po'i khab tu dus ston byung bas tshong cung zad kyang ma rnyed nas bdag cag ltog par gyur na/ khyod kyi khyim du sangs rgyas la sogs pa dge slong gi dge 'dun gyis gdugs tshod dag </font><hr>Ja175b<br><font size=+1>


gsol bas bza' ba dang btung ba lhag pa'i chos cung zad yod na rin gyi phyir byin cig /tshong dpon gyis smras pa/ bzhin bzang dag je lta'o zhes de khyim bdag gi bu de'i gan du song ste smras pa| bu tshong pa lnga brgya tsam rgya mtsho chen po nas rgyal po'i khab tu lhags nas rgyal po'i khab tu dus ston byung bas tshong cung zad kyang ma rnyed nas de dag ltogs par gyur te rin gyis bza' ba dang| btung ba tshol du 'dir lhags kyi/ lhag pa'i chos mang du yod nas rin gyi phyir byin cig /khye'us smras pa/ yab bdag rin gyi slad du mi stsol gyi/ sbyin pa'i chos kyi slad du de bzhin du stsol gyi/ de dag mchis su stsol cig /tshong dpon des tshong pa de dag 'dug tu bcug pa dang / khye'u des bza' ba dang btung bas de dag tshim par byas so/ /tshong pa de dag lus tshim pas ched du brjod pa 'di skad ces ched du brjod do/ /tshong dpon gang gi khyim du sangs rgyas la sogs pa'i dge slong gi dge 'dun gyis gdugs tshod gsol cing bdag cag tshong pa lnga brgya yang bza' ba dang btung bas tshim par byas pa'i tshong dpon des ni rnyed pa dag legs par rnyed do/ /tshong dpon des smras pa/ bzhin bzang dag 'di ni kho bo'i zas ma yin te/ khyim bdag gi bu 'di'i zas yin no/ /de dag gis dris pa/ 'di khyim bdag gang gi bu yin/ tshong dpon gyis smras pa/ khyim bdag che ge mo zhig gi'o/ /de dag gi ded dpon gyis </font><hr>Ja176a<br><font size=+1>


@#/ /smras pa/ 'o na 'di bdag gi chung po grogs kyi bu yin no/ /gzhan dag gis smras pa/ de lta na 'di bdag cag gi zhang po yin no/ /gzhan dag gis kyang smras pa| de lta na 'di bdag cag gi tsha bo yin no/ /ded dpon des smras pa/ mang po dag gis ni gcig dbyung bar nus la gcig gis ni mang po dag kyang dbyung bar mi nus so zhes des gzhi gting ste rin po che bzhag nas smras pa/ shes ldan dag gang gis ci yongs su btang ba des de bzhin 'dir zhog cig /der la las ni rin po che gcig /la las ni gnyis bzhag /la las ni mang po dag bzhag ste/ de ltar der rin po che'i phung po chen po rnam par bzhag nas/ ded dpon gyis khye'u la smras pa/ bu long zhig /khye'us smras pa/ shes ldan dag bdag gis rin gyi phyir ma byin no/ /ded dpon gyis smras pa/ kho bo cag khyod la rin byin pa ma yin te 'di ltar rin po che gcig gis kyang zas 'di lta bu brgya snyed 'grub pas/ 'di ltar kho bo cag khyod la dga' bas dga' ba'i dbang du byas bar bya'o/ /khye'us smras pa/ bdag lha rnams kyi nang du skye bar mi 'gyur ba snyam/ khyod bcom ldan 'das la mngon par dad dam/ mngon par dad do/ /song la bcom ldan 'das la zhus shig /de nas khye'u de bcom ldan 'das ga la ba der song ste phyin nas/ bcom </font><hr>Ja176b<br><font size=+1>


ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das la khyim bdag gi bu des 'di skad ces gsol to| |bcom ldan 'das 'di na bdag gis tshong pa lnga brgya tsam la bza' ba dang btung ba stsal nas/ de dag bdag la dga' bas dga' ba'i dbang du bgyis pa bgyid na bdag gis blang bar bgyi'am/ bzhin bzang long zhig /bcom ldan 'das bdag lha rnams kyi nang du skye bar mi 'gyur lags pa snyam/ bcom ldan 'das kyis bka' stsal pa/ bu de ni me tog yin gyi/ longs shig /'bras bu gzhan 'byung bar 'gyur ro/ /khye'u des rin po che de dag blangs so/ /rgyal po'i khab na tshong dpon bu med pa zhig dus la bab nas/ nor can dag dang tshong dpon dag dang ded dpon dag 'dus te smras pa/ shes ldan dag bdag cag gis gang zhig grong khyer gyi tshong dpon du dbang bskur bar bya/ bdag cag gi nang na sems can gang bsod nams che bar grags pa'o/ /de dag gis smras pa/ bdag cag gis ji ltar shes par bya/ de dag gis smras pa/ sa bon kha dog sna tshogs dag rdza ma so btang ba'i nang du blugs shing gang gis kha dog gcig pa sha stag zin par 'gyur ba de bdag cag gis tshong dpon du dbang bskur bar bya'o/ /de dag gis sa bon kha dog sna tshogs dag </font><hr>Ja177a<br><font size=+1>


@#/ /rdza ma so btang ba'i nang du blugs te/ de dag gis gzung bar brtsams pa dang gzhan thams cad kyis ni sa bon kha dog sna tshogs dag zin/ khyim bdag gi bu des ni sa bon kha dog gcig pa sha stag zin nas de dag gis smras pa/ bdag cag gis gla mi tshong dpon du dbang bskur bar ji ltar bya zhes de dag gis lan gsum gyi bar du de ltar byas pa dang / gzhan thams cad kyis ni sa bon kha dog sna tshogs dag zin/ khyim bdag gi bu des ni sa bon kha dog gcig pa sha stag zin nas de dag gis smras pa/ shes ldan dag /mi ma yin pa dag gis che bzhi phyes/ khyim bdag gi bu 'di nyid tshong dpon du dbang bskur bar bya'o/ /zhes de dag gis khye'u de grong khyer gyi tshong dpon du dbang bskur to/ /tshong dpon des bsams pa/ sems can 'di ni bsod nams dang dbang che bar grags pa yin gyi/ 'di la gcam gsag par bya'o snyam nas tshong dpon des kyang rang gi bu mo rgyan thams cad kyis brgyan te/ grong khyer gyi tshong dpon de'i chung mar byin nas de'i khyim nor mang zhing longs spyod dag gis 'phral kho na mngon par mtho bar gyur nas/ de'i ming 'phral la mthos 'phral la mthos zhes bya bar gyur to/ /de nas tshong dpon 'phral la mthos 'di snyam du sems te bdag gi khyim na dpal gyi 'byor pa phun sum tshogs pa gang yin pa de dag thams cad </font><hr>Ja177b<br><font size=+1>


sangs rgyas bcom ldan 'das la brten nas bdag gis sangs rgyas la sogs pa dge slong gi dge 'dun khyim gzhan du spyan drangs te gdugs tshod gsol ba las gyur pa yin no snyam nas/ de nas tshong dpon 'phral la mthos bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das tshong dpon 'phral la mthos la chos dang ldan pa'i bka' mchid kyis yang dag par ston par mdzad/ yang dag par 'dzin du 'jug par mdzad/ yang dag par gzengs bstod par mdzad/ yang dag par rab tu dga' bar mdzad do/ /rnam grangs du mas chos dang ldan pa'i bka' mchid kyis yang dag par bstan/ yang dag par 'dzin tu bcug /yang dag par gzengs bstod/ yang dag par rab tu dga' bar mdzad nas cang mi gsung ngo / /de nas tshong dpon 'phral la mthos stan las langs te bla gos phrag pa gcig tu byas nas bcom ldan 'das ga la ba de longs su thal mo sbyar ba btud de bcom ldan 'das la 'di skad ces gsol to/ /bcom ldan 'das kyis sang bdag gi sdum par dge slong gi dge 'dun dang thabs cig gdugs tshod gsol bar ci gnang / bcom ldan 'das kyis tshong dpon 'phral la mthos la cang mi gsung bar gnang ngo / /de nas tshong </font><hr>Ja178a<br><font size=+1>


@#/ /dpon 'phral la mthos kyis bcom ldan 'das cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas song ngo / /de nas tshong dpon 'phral la mthos kyis de nyid kyi mtshan mo bca' ba dang bza' ba gtsang zhing bsod pa sta gon byas nas/ nang par sngar langs te gdan bshams nas chur bzhag ste/ bcom ldan 'das la spyan 'dren gyis btsun pa gdugs tshod g.yar dgongs 'tshal nas/ bcom ldan 'das kyis da de'i dus la bab par dgongs su gsol zhes spyan drangs so/ /de nas bcom ldan 'das snga dro sham thabs gsol/ lhung bzed dang chos gos bsnams te dge slong gi tshogs kyis yongs su bskor cing / dge slong gi dge 'dun gyis mdun du bdar nas tshong dpon 'phral la mthos kyi bkad sa ga la ba der gshegs te byon nas/ dge slong gi dge 'dun gyi gong du gdan bshams pa nyid la bzhugs so/ /de nas tshong dpon 'phral la mthos kyis sangs rgyas la sogs pa dge slong gi dge 'dun bde bar bzhugs par rig nas bca' dang bza' ba gtsang zhing bsod pas rang gi lag nas tshim par byed cing stobs par byed do/ /rnam grangs du mas bca' ba dang bza' ba gtsang zhing bsod pas rang gi lag nas tshim </font><hr>Ja178b<br><font size=+1>


par byas shing bstabs nas/ bcom ldan 'das gdugs tshod gsol zhing phyag bcabs te lhung bzed dag bzhag par rig nas/ stan ches dma' ba zhig blangs te khyo shug gnyis bcom ldan 'das kyi spyan sngar chos mnyan pa'i phyir 'dug go /bcom ldan 'das 'das kyis tshong dpon 'phral la mthos khyo shug gnyis kyi bsam pa dang / bag la nyal dang khams dang rang bzhin thugs su chud nas/ ci nas kyang tshong dpon 'phral la mthos khyo shug gnyis kyis 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste/ rgyun du zhugs pa'i 'bras bu mngon sum du byas pa de ltar chos bstan par mdzad do/ /des bden pa mthong nas gsol pa/ btsun pa bdag gis dge ba'i bshes gnyen bcom ldan 'das la brten nas/ bcom ldan 'das kyis bdag la phan pa mdzad pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang bram ze dag gis kyang ma bgyis/ byams pa dang mdza' bshes dang rtsa lag gi tshogs kyis kyang ma bgyis/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang dud 'gro dang yi dwags </font><hr>Ja179a<br><font size=+1>


@#/ /dag nas ni rkang pa phyung / lha dang mi rnams kyi nang du ni bzhag /'khor ba ni mthar bgyis/ thog ma ma mchis pa'i dus nas bsags pa'i 'jig tshogs la lta pa'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu ni thob ste/ btsun pa bdag ni mngon par zhugs pa lags so/ /btsun pa bdag ni mngon par zhugs pa lags te/ btsun pa bdag bcom ldan 'das dang chos dang dge slong gi dge 'dun la skyabs su mchi yi/ bdag dge bsnyen du gzung du gsol/ deng slan chad ji srid 'tsho'i bar du glo ba thag pa nas skyabs su mchi'o/ /de nas bcom ldan 'das tshong dpon 'phral la mthos la chos dang ldan pa'i bka' mchid kyis yang dag par ston par mdzad/ yang dag par 'dzin du 'jud par mdzad/ yang dag par gzengs bstod par mdzad/ yang dag par rab tu dga' bar mdzad do/ /rnam grangs du mas chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas gdan las bzhengs te gshegs so/ /'di ni re zhig byung ba yin te/ sangs rgyas bcom ldan 'das re zhig 'dul ba la nyan thos rnams kyi bslab pa'i gzhi 'cha' bar ni mi mdzad do// //'dul ba rnam par 'byed pa/ bam po nga </font><hr>Ja179b<br><font size=+1>


gcig pa/ de nas bcom ldan 'das rgyal po'i khab tu ci dgyes par bzhugs nas/ yangs pa can ga la ba der logs su ljongs rgyu zhing gshegs so/ /de nas bcom ldan 'das spong byed dag tu ljongs rgyu zhing gshegs pa na yangs pa can du byon nas/ yangs pa can na spre'u rdzing gi 'gram khang pa brtsegs pa'i khang bzang na bzhugs so/ /khyim bdag drag shul can gyis bcom ldan 'das spong byed dag tu ljongs rgyu zhing gshegs pa na yangs pa can du byon nas yangs pa can spre'u rdzing gi 'gram khang pa brtsegs pa'i khang bzang na bzhugs so zhes thos so/ / thos nas kyang bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das kyis khyim bdag drag shul can la chos dang ldan pa'i bka' mchid kyis yang dag par ston par mdzad/ yang dag par 'dzin du 'jud par mdzad/ yang dag par gzengs bstod par mdzad/ yang dag par rab tu dga' bar mdzad do/ /rnam grangs du mas chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas cang mi gsung ngo / /de nas khyim bdag drag shul can stan las langs te bla gos phrag pa gcig tu byas nas </font><hr>Ja180a<br><font size=+1>


@#/ /pus mo g.yas pa'i lha nga sa la btsugs te bcom ldan 'das ga la ba der logs su thal mo sbyar ba btud nas bcom ldan 'das la 'di skad ces gsol to/ / bcom ldan 'das kyis sang bdag gi sdum par dge slong gi dge 'dun dang thabs cig tu gdugs tshod gsol bar ci gnang / bcom ldan 'das kyis khyim bdag drag shul can la cang mi gsung bas gnang ngo / /de nas khyim bdag drag shul can gyis bcom ldan 'das kyis cang mi gsung bas gnang bar rig nas bcom ldan 'das kyi spyan snga nas song ste/ des zho shas 'tsho rnams la smras pa/ shes ldan dag bcom ldan 'das dge slong gi dge 'dun dang bcas pa yongs su bsnyel cing gshegs kyi/ zhal zas gtsang zhing bsod pa mang po dag sta gon gyis shig /de dag gis zhal zas gtsang zhing bsod pa mang po dag sta gon byas so/ /de nas khyim bdag drag shul can nang par sngar langs te gdan bshams nas chur bzhag ste/ bcom ldan 'das la spyan 'dren gyis btsun pa gdugs tshod g.yar dgongs 'tshal na bcom ldan 'das kyis da de'i dus la bab par dgongs su gsol zhes spyan drangs so/ /drug sde dag gis smras pa/ dga' bo nye dga' khyim du 'gro ba'i khyim dag tu 'dong / de ltar bya'o/ /de dag gis bsod snyoms pa zhig mthong nas smras pa/ tshur shog khyim du 'gro ba'i khyim du 'dong ngo / / </font><hr>Ja180b<br><font size=+1>


zhes de khrid nas de dag ches sngar yangs pa can du zhugs nas khyim du 'gro ba'i khyim dag tu dong ba dang / de dag gis smras pa/ 'phags pa dag zhal chus gsol cig /drug sde dag gis smras pa| kho bo cag mgron du bos so/ /sus/ khyim bdag drag shul can gyis so/ /de dag gis smras pa/ 'phags pa dag 'o na a mra'i 'khur ba dag gsol cig /de ltar bya'o zhes de dag gis a mra'i 'khur ba dag zos so/ /bsod snyoms pa de mi za nas de dag gis smras pa/ 'phags pa khyod kyis kyang a mra'i 'khur ba dag gsol cig /des smras pa/ kho bo stan gcig pa yin no| |de dag gis smras pa/ 'o na snoms te bzhud la de nyid du gsol cig /des lhung bzed chung ngu bkang ste der song ba dang / dge slong gi dge 'dun ni zhugs so/ /bcom ldan 'das ni rdzas las byung ba na bzhugs shing bsod snyoms mngon par bsgrubs so/ /sangs rgyas bcom ldan 'das rnams ni rgyu lngas rdzas las byung ba na bzhugs shing bsod snyoms mngon par bsgrub par mdzad de/ lnga gang zhe na/ nang du yang dag 'jog par bzhed pa dang / lha rnams la chos ston par bzhed pa dang / nad pa lta bar bzhed pa dang / gnas mal la rtog par bzhed pa dang / 'dul ba la nyan thos rnams kyi bslab pa'i gzhi bca' bar bzhed pa'o/ /don 'dir ni bcom ldan 'das 'dul ba la nyan thos rnams kyi bslab pa'i gzhi 'cha' bar bzhed pas rdzas </font><hr>Ja181a<br><font size=+1>


@#/ /las byung ba ni bzhugs shing / bsod snyoms mngon par bsgrub pa mdzad do/ /de nas khyim bdag drag shul can gyis dge slong gi dge 'dun bde bar 'khod par rig nas/ bca' ba dang bza' ba gtsang zhing bsod pas rang gi lag nas tshim par byed cing stobs par byed do/ /de nas khyim bdag drag shul can bsod snyoms pa de'i mdun du 'dug pa dang / bsod snyoms pa des bsams pa/ khyim bdag la 'di ltar 'dis a mra'i 'khur ba zos so zhes bya ba de ltar rig par gyur gyi/ ji srid du 'dis bdag klan ka ma rnyed pa de srid du bdag gis 'di la brjod par bya'o snyam nas des khyim bdag drag shul can la 'di skad ces smras so/ /khyim bdag bdag 'ba' zhig gis a mra'i 'khur ba dag zos par ma zad kyi drug sde 'di dag gis kyang a mra'i 'khur ba dag zos so/ /khyim bdag gis smras pa/ 'phags pa ci'i phyir de skad ces bdag 'ba' zhig gis a mra'i 'khur ba dag zos par ma zad kyi drug sde 'di dag gis kyang a mra'i 'khur ba dag zos so/ /zhes zer zhes des spyos te smras pa/ 'phags pa ci kho bo la a mra'i 'khur ba dag med snyam mam/ des zho shas 'tsho ba dag la smras pa/ shes ldan dag a mra'i 'khur ba dag gis sprog ma dag phye shig /de dag gis phye'o/ /de nas dge slong bsod snyoms sgrub pas bsod snyoms blangs nas bcom ldan 'das </font><hr>Ja181b<br><font size=+1>


ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /sangs rgyas bcom ldan 'das rnams ni chos nyid kyis bsod snyoms sgrub pa'i dge slong la dge slong ji ltar zas bsod dam/ dge slong gi dge 'dun tshim par byas sam zhes so sor kun dga' bar mdzad pa 'dis so sor kun dga' bar mdzad pa yin pas/ / bcom ldan 'das kyis dge slong bsod snyoms sgrub pa la dge slong ji lta zas bsod dam/ dge slong gi dge 'dun tshim par byas sam zhes so sor kun dga' bar mdzad pa dang / des gsol pa| btsun pa te por zas bsod cing dge slong gi dge 'dun tshim par ni bgyis na/ 'di ltar khyim bdag drag shul can gyis dge slong gi dge 'dun spyos so/ /don gang la/ des skabs de bcom ldan 'das la rgyas par gsol pa dang / bcom ldan 'das kyis bka' stsal pa/ dge slong khyim bdag drag shul can gyis dge slong gi dge 'dun gnas su spyos so/ /de nas bcom ldan 'das zhal zas kyi bya ba mdzad nas gtsug lag khang gi slad rol tu zhabs gnyis bsil te nang du yang dag 'jog gi slad du gtsug lag khang du gshegs so/ /de nas bcom ldan 'das nang du yang dag 'jog las bzhengs nas dge slong gi dge 'dun gyi gong du gdan bshams pa nyid la bzhugs so/ /de nas bcom ldan 'das kyis byung ba 'di dang / gleng gzhi 'di dang / skabs 'di la </font><hr>Ja182a<br><font size=+1>


@#/ /dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong rnams la rmas pa/ dge slong dag khyed yang yang za ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang yang za na ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad do/ /sangs rgyas bcom ldan 'das yangs pa can na spre'u rdzing gi 'gram khang pa brtsegs pa'i khang bzang na bzhugs so| |dge slong na ba zhig sman pa'i gnas su song ba dang des de mthong nas smras pa/ bzhin bzang kho bo la sman ston cig /'phags pa je zhal tshus gsol cig /bzhin bzang bcom ldan 'das kyis </font><hr>Ja182b<br><font size=+1>


ma gnang ngo / /'phags pa de khyod kyi sman lags te/ gzhan du khyod kyis 'tsho bar mi spyod do/ /bzhin bzang bcom ldan 'das kyis bslab pa'i gzhi bca' bar mdzad de/ /'phags pa khyod kyi ston pa thugs rje can lags pas de nyid rkyen du mdzad nas gnang bar 'gyur ba gang lags pa de lta bu'i gnas mchis par 'gyur ro/ /dge slong rnams kyis skabs de bcom ldan 'das la gsol pa dang / bcom ldan 'das kyis bka' stsal pa/ de lta bas na na ba'i dus ma gtogs so/ /dge slong dag mchod rten gyi las dang dge 'dun gyi las dag byas pa na de dag bkres nas glos phab ste nyal zhing dge ba'i phyogs la tron byed par mi nus pa na bram ze dang khyim bdag dad pa can dag gtsug lag khang du lhags nas de dag gis smras pa/ 'phags pa dag bstan pa la gcig tu brtson par bgyi ba lags na/ ci'i slad du glos phab ste gzims shing dge ba'i phyogs la tron mi mdzad/ bzhin bzang dag kho bo cag bkres so/ /'phags pa dag zhal tshus gsol cig /bzhin bzang dag bcom ldan 'das kyis bslab pa'i gzhi bca' bar mdzad do/ /zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na las kyi dus ma gtogs so/ /dge slong gzhan dag lam du zhugs pa na bkres par gyur nas glos phab ste nyal zhing dge ba'i phyogs la tron byed par mi nus pa na/ bram ze dang khyim bdag dad pa can dag </font><hr>Ja183a<br><font size=+1>


@#/ /lhags nas de dag gis smras pa/ 'phags pa dag bstan pa la gcig tu brtson par bgyi ba lags na ci'i slad du glos phab ste gzims shing dge ba'i phyogs la tron mi mdzad/ bzhin bzang dag kho bo cag bkres so/ /'phags pa dag zhal tshus gsol cig /bzhin bzang dag bcom ldan 'das kyis bslab pa'i gzhi bca' bar mdzad do/ /zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na lam gyi dus ma gtogs so/ /de nas bcom ldan 'das yangs pa can du ci dgyes par bzhugs nas mnyan yod ga la ba der logs su ljongs rgyu zhing gshegs pa na mnyan yod du byon nas/ mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa de'i kun tu spyod pa ni tshes brgyad dang bcu bzhi la bsnyen gnas la gnas shing ji srid du dge 'dun bkrabs pa dag zan ma zos pa de srid du bdag nyid zan za bar mi byed do/ /khyim bdag cig gis sangs rgyas la sogs pa dge slong gi dge 'dun khyim gzhan du spyan drangs nas/ sangs rgyas la sogs pa dge slong gi dge 'dun gshegs so/ /khyim bdag des gtsug lag khang du mi mngags te song la dge slong dag spyan drongs shig dang gdugs tshod gsol lo/ /mi de gtsug lag khang du song ba dang / ji tsam </font><hr>Ja183b<br><font size=+1>


na dge slong gcig kyang mi snang nas de phyir log ste smras pa/ khyim bdag de na dge slong med de bdag gis gcig kyang ma mthong ngo / /khyim bdag des smras pa/ song la gang du sangs rgyas la sogs pa dge slong gi dge 'dun spyan drangs pa de nas dge slong dag spyan drongs shig dang gdugs tshod gsol lo/ /mi de der song ba dang ji tsam na dge slong dag zan zos te phyir byung ba mthong nas des smras pa/ 'phags pa dag tshur gshegs/ khyim bdag che ge mo zhig gi sdum par gdugs tshod gsol bar ci gnang / dge slong rnams kyis smras pa/ kho bo cag zan zos zin to/ /mi de song ste khyim bdag de la smras pa/ khyim bdag dge slong dag gi zhal nas kho bo cag zan zos zin to zhes byung ngo / /kwa'i nang rje song la khyim bdag gi mchid nas tshur spyon gdugs tshod gsol dang ras yug chen 'bul lo zhes byos shig /de song ste smras pa/ 'phags pa dag khyim bdag gi mchid nas tshur gshegs gdugs tshod gsol dang / ras yug chen 'bul lo zhes mchi'o/ /dge slong rnams kyis smras pa/ kho bo cag gis spangs so/ /mi de song ste khyim bdag la smras pa/ khyim bdag dge slong rnams kyi zhal nas bdag cag gis spangs so zhes byung ngo / /khyim bdag des bdag gis bkrabs pa'i dge 'dun gyis bshos ma gsol to zhes zan bcad pa bsgrubs pa dang / de'i ngos kyi khyim mtshes dag shAkya'i bu'i dge sbyong 'di dag gos byin na'ang longs spyod par mi btub pas khyim bdag 'dis dge slong dag gis zan ma zos pa'i phyir zas bcad pa byas so zhes smod par byed/ phyar ka gtong </font><hr>Ja184a<br><font size=+1>


@#/ /bar byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na gos sbyin pa'i dus ma gtogs so/ /de nas bcom ldan 'das kyis bslab par 'dod pa dang bslab pa la gus pa dang bslab pa la yo byad bsnyungs pa'i bsngags pa brjod nas/ dge slong rnams la de dang mthun pa dang de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang yang za na dus ma gtogs te ltung byed do/ /de la dus ni 'di yin te/ na ba dus so/ / las dus so/ /lam dus so/ /gos sbyin pa'i tshe dus te/ de la de ni dus yin no/ /yang yang za na zhes bya ba ni yang dang yang du za na'o/ /dus ma gtogs te zhes bya ba ni dus bzhag ste'o/ /ltung byed do zhes bya ba ni sems can dmyal ba dang / dud 'gro dang / yi dwags ngan song dang ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la dus ni 'di yin te na ba dus so/ /zhes bya ba ni 'di lta ste dge slong zas </font><hr>Ja184b<br><font size=+1>


gcig gis 'tsho bar mi nus na'o/ /las dus so zhes bya ba ni/ 'di lta ste dge slong gis dge 'dun gyi'am/ mchod rten gyi las sde las tha na phyag dar re lde tsam byas sam/ dkyil 'khor ba mal tsam byas na'o/ /lam dus so zhes bya ba ni/ 'di lta ste dge slong dpag tshad phyed du song ngam/ de'i phyed du song ste phyir log na'o/ /gos sbyin pa'i tshe dus te zhes bya ba ni/ ras yug phran nam ras yug chen thob na'o/ /de la ltung ba ji ltar 'gyur zhe na/ gos dang bcas pa dang / gos med pa dang / gos dang bcas shing gos kyi rin dang yang bcas pa dang / gos med cing gos kyi rin yang med pa las te/ de la dge slong gos dang bcas par mgron du bos shing / de gos dang bcas pa gzhan du yang mgron du bos na/ dge slong des gnyi ga yang khas blang bar bya zhing gnyi ga yang bza' bar bya ste de khas len pa la yang ltung ba med la za ba la yang ltung ba med do/ /dge slong gos dang bcas par mgron du bos shing de gos med pa gzhan du yang mgron du bos na/ dge slong des snga ma khas blang bar bya zhing gnyis pa spang bar bya ba'am/ gzhan la sbyin par bya'o/ /gnyi ga khas len par byed cing gnyi ga za bar byed na/ de khas len pa la nyes byas su 'gyur la za ba la ltung byed du 'gyur te snga ma la ni ltung ba med do/ /dge slong gos dang bcas par mgron du bos shing / de gos dang bcas shing gos kyi rin dang yang bcas pa gzhan du yang mgron du bos na/ dge slong des gnyi ga khas blang bar bya </font><hr>Ja185a<br><font size=+1>


@#/ /zhing gnyis ka bza' bar bya ste/ de khas len pa la yang ltung ba med la za ba la yang ltung ba med do/ /dge slong gos dang bcas par mgron du bos shing de gos med cing gos kyi rin yang med pa gzhan du yang mgron du bos na/ dge slong des snga ma khas blang bar bya zhing gnyis pa spang bar bya ba'am/ gzhan la sbyin par bya'o/ /gnyi ga khas len par byed cing gnyi ga za bar byed na/ de khas len pa la nyes byas su 'gyur la za ba la ltung byed du 'gyur te/ snga ma la ni ltung ba med do/ /dge slong gos med par mgron du bos shing de gos med pa gzhan du yang mgron du bos na dge slong des snga ma khas blang bar bya zhing gnyis pa spang bar bya ba'am/ gzhan la sbyin par bya'o/ /gnyi ga khas len par byed cing gnyi ga za bar byed na de khas len pa la nyes byas su 'gyur la za ba la ltung byed du 'gyur te/ snga ma la ni ltung ba med do/ /dge slong gos med par mgron du bos shing / de gos dang bcas pa gzhan du yang mgron du bos na/ dge slong des gnyi ga khas blang bar bya zhing gnyi ga bza' bar bya ste de khas len pa la'ang ltung ba med la za ba la'ang ltung ba med do/ /dge slong gos med par mgron du bos shing de gos dang bcas shing gos kyi rin dang yang bcas pa gzhan du'ang mgron du bos na dge slong des gnyi ga khas blang bar bya zhing gnyi ga bza' bar bya ste/ de khas len pa la'ang ltung ba med la za ba </font><hr>Ja185b<br><font size=+1>


la'ang ltung ba med do/ /dge slong gos med par mgron du bos shing de gos med cing gos kyi rin yang med pa gzhan du 'ang mgron du bos na dge slong des snga ma khas blang bar bya zhing gnyis pa spang bar bya ba'am/ gzhan la sbyin par bya'o/ /gnyi ga khas len par byed cing gnyi ga za bar byed na/ de khas len pa la nyes byas su 'gyur la/ za ba la ltung byed du 'gyur te/ snga ma la ni ltung ba med do/ /dge slong gos dang bcas shing gos kyi rin dang yang bcas par mgron du bos shing de gos dang bcas shing gos kyi rin dang yang bcas pa gzhan du yang mgron du bos na/ dge slong des gnyi ga khas blang bar bya zhing gnyis ka bza' bar bya ste/ de khas len pa la'ang ltung ba med la za ba la'ang ltung ba med do/ /dge slong gos dang yang bcas shing gos kyi rin dang yang bcas par mgron du bos shing de gos dang bcas pa gzhan du'ang mgron du bos na dge slong des gnyi ga khas blang bar bya zhing gnyi ga za bar bya ste/ de khas len pa la'ang ltung ba med la za ba la'ang ltung ba med do/ /dge slong gos dang bcas shing gos kyi rin dang yang bcas par mgron du bos shing de gos med pa gzhan du'ang mgron du bos na dge slong des snga ma khas blang bar bya zhing gnyis pa spang bar bya ba'am/ gzhan la sbyin par bya'o/ /gnyi ga khas len par byed cing gnyi ga za bar byed na de khas len pa la nyes byas su 'gyur la za ba la </font><hr>Ja186a<br><font size=+1>


@#/ /ltung byed du 'gyur te/ snga ma la ni ltung ba med do/ /dge slong gos dang bcas shing gos kyi rin dang yang bcas par mgron du bos shing de gos med cing gos kyi rin yang med pa gzhan du'ang mgron du bos na/ dge slong des snga ma khas blang bar bya zhing gnyis pa spang bar bya ba'am/ gzhan la sbyin par bya'o/ /gnyi ga khas len par byed cing gnyi ga za bar byed na de khas len pa la nyes byas su 'gyur la za ba la ltung byed du 'gyur te/ snga ma la ni ltung ba med do/ /dge slong gos med cing gos kyi rin yang med par mgron du bos shing de gos med cing gos kyi rin yang med pa gzhan du'ang mgron du bos na dge slong des snga ma khas blang bar bya zhing gnyis pa spang bar bya ba'am gzhan la sbyin par bya'o/ /gnyi ga khas len par byed cing gnyi ga za bar byed na de khas len pa la nyes byas su 'gyur la za ba la'ang ltung byed du 'gyur te/ snga ma la ni ltung ba med do/ /dge slong gos med cing gos kyi rin yang med par mgron du bos shing de gos dang bcas pa gzhan du yang mgron du bos na/ dge slong des gnyi ga khas blang bar bya zhing gnyi ga za bar bya ste de khas len pa la'ang ltung ba med la za ba la'ang ltung ba med do/ /dge slong gos med cing gos kyi rin yang med par mgron du bos shing de gos med pa gzhan du'ang mgron du bos na dge slong des snga ma khas </font><hr>Ja186b<br><font size=+1>


blang bar bya zhing gnyis pa spang bar bya ba'am gzhan la sbyin par bya'o/ /gnyi ga khas blang bar byed cing gnyi ga za bar byed na de khas len pa la nyes byas su 'gyur la za ba la ltung byed du 'gyur te/ snga ma la ni ltung ba med do/ /dge slong gos med cing gos kyi rin yang med par mgron du bos shing gos kyi rin dang bcas pa gzhan du bos na/ dge slong des gnyi ga khas blang bar bya zhing / gnyi ga za bar bya ste de khas len pa la yang ltung ba med la za ba la ltung ba med do/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ / yang yang za ba'i ltung byed de sum cu gcig pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so| |ri brags shig na khyim bdag cig 'dug pa des phyogs bzhi'i dge sbyong dang bram ze rnams kyi don du 'dug gnas byed du bcug ste/ de 'dug gnas de na phyogs bzhi'i dge sbyong dang / bram ze de gang 'dug pa de la bsod snyoms kyis mkho ba stobs par byed do/ /gang gi tshe bcom ldan 'das kyis mnyan yod na cho 'phrul chen po rnam par bstan te/ gzhan mu stegs can dag tshar bcad cing lha dang mi rnams kun tu dga' bar mdzad/ skye bo mdzangs pa dag gi snying dag rangs par mdzad pa de'i tshe na gzhan mu stegs can dag mtha' 'khob dag na brten cing </font><hr>Ja187a<br><font size=+1>


@#/ /gnas so/ /dus gzhan zhig na gcer bu pa drug cu ri brags der lhags nas de dag khyim bdag de'i gan du dong ste 'di skad ces smras so/ /bzhin bzang chos thob par gyur cig /chos thob par gyur cig /khyim bdag des smras pa/ shes ldan dag rab tu byung ba yin nam ci/ rab tu byung ba dag yin no/ /khyim bdag gis smras pa/ ma nongs te bdag gis phyogs bzhi'i dge sbyong dang bram ze rnams kyi don du 'dug gnas bgyid du stsal ba der zhugs shig dang / bdag gis khyed cag la bsod snyoms kyis mkho ba bstab par bgyi'o/ /de dag gis der gnas par brtsams nas khyim bdag de de dag la bsod snyoms kyis mkho ba stobs par byed do/ /mnyan yod na khyim bdag dad pa can zhig 'dug pa de zong thogs te ri brags der 'ongs nas de khyim bdag de'i tshong khang du zhugs nas khyim bdag de de dang lhan cig bshes par gyur to/ /khyim bdag des gcer bu pa de dag la brim par brtsams nas/ des khyim bdag de'i gan du mi mngags te grogs po dag tshur shog dang sbyin gnas dag la brim par bya'o zhes sbran pa dang / khyim bdag de dad pa can yin pas des bsams pa/ bcom ldan 'das kyi nyan thos dag yin gor ma chags gi /song la blta'o snyam nas de der song ba dang / ji tsam na gcer bu pa ngo tsha dang khrel bor ba sha stag yin </font><hr>Ja187b<br><font size=+1>


par mthong nas/ mngon sum du mi snyan pa brjod pa ni sdug bsngal ba yin pas de cang mi smra bar 'dug go /gcer bu pa dag gis zan zos te song nas/ khyim bdag des de la smras pa/ grogs po sa bon bzang zhing zhing bzang ngam/ des smras pa/ grogs po sa bon ni bzang na zhing ni gcer bu pa ngo tsha dang khrel bor ba sdig pa'i lta ba can dgon dung tshwa sgo can tha chad sdig pa can gyi sa gzhi sha stag yin no/ /khyim bdag gis smras pa/ grogs po zhing bzang po gzhan 'ga' yod dam/ des smras pa/ yod de bcom ldan 'das kyi nyan thos dag go /khyim bdag gis smras pa/ gal te de dag 'dir byon na bdag gis de dag la bsod snyoms kyis mkho ba bstab par bya'o/ /khyim bdag de zong bsgyur te rin blangs nas mnyan yod du phyin pa dang / des zong dag tshong khang du mkhos su phab nas rgyal byed kyi tshal du song ngo / /drug sde dag gis kun tu spyod pa ni/ 'dir bdag cag gis bram ze dang khyim bdag 'ongs shing lhags pa rnams la yang chos bstan par bya/ rgol ba dag kyang tshar gcad par bya'o/ /rang gi grags pa yang bsgrag par bya'o snyam pas drug sde dag las gang yang rung bas rgyal byed kyi tshal gyi sgo stong par mi 'jog pas tshe dang ldan pa nye dga' nang bar sngar langs te so shing por nas snam sbyar dmar ser gyon te rgyal byed kyi tshal gyi sgo na 'chag cing 'dug go /nye dgas khyim bdag de thag ring po kho na nas </font><hr>Ja188a<br><font size=+1>


@#/ /mthong nas smras pa/ khyim bdag 'ongs pa legs so 'ongs pa legs so/ /khyod gang nas zla ba bzhin du yun ring mo nas ring mo nas 'khod cing 'ongs/ des smras pa/ 'phags pa ri brags ga ge mo zhig na khyim bdag che ge mo zhig mchis pa des phyogs bzhi'i dge sbyong dang bram ze rnams kyi don du 'dug gnas bgyid du stsal nas/ de bcom ldan 'das kyi nyan thos dag mthong bar 'tshal lo/ /nye dgas bsams pa/ gal te lhung bzed nag po can 'ga' zhig gis thos par gyur na de shin tu myur ba der 'gro bar 'gyur bas bdag gis khyim bdag 'di smad na lhung bzed nag po can 'ga' la yang brjod par mi 'gyur ro snyam nas des khyim bdag la smras pa/ khyod kyi snying lam na kho bo cag zan sus sbyin par 'gyur/ gos sus sbyin par 'gyur snyam pa las gzhan pa bsam gtan nam klog pa 'ga' yang mi sems snyam mam/ khyim bdag des bsams pa/ 'dod pa'i bdag nyid can gang dag yin pa de dag gi nang na nye dga' las lhag pa med na 'dis kyang re zhig bdag smad par gyur na gal te bdag gis dge slong rang bzhin du gnas pa gzhan dag la brjod par gyur na/ de dag gis bdag rgya cher smad par 'gyur ro snyam nas/ de cang mi smra bar 'dug go /nye dgas kyang khyim bdag de smad nas drug sde dag gi </font><hr>Ja188b<br><font size=+1>


gan du song ste smras pa/ tshe dang ldan pa dag bdag cag gis yun ji srid kyis phongs pa spang bar bya/ de dag gis smras pa/ khyod kyis thos pa cung zhig yod dam/ yod de ri brags ga ge mo zhig na khyim bdag che ge mo zhig 'dug pa des phyogs bzhi'i dge sbyong dang bram ze rnams kyi don du 'dug gnas byed du bcug nas/ de nas gang dag 'dug pa de dag la chos gos dang bsod snyoms kyis mkho ba stobs par byed kyi/ der 'dong ngo / /de dag gis smras pa/ ci thams cad 'dong ngam/ nye dgas smras pa/ mi drug kho na 'dong ngo / /de ltar bya'o zhes drug po de dag ri brags ga la ba der rgyu zhing dong ngo / /gcer bu pa de dag gis kyang smras pa/ shes pa can dag spyod yul rjes su 'jug par byas 'dong ngo / /zhes de dag gis 'dug gnas der srung ma gcer bu pa gcig bzhag ste gzhan du dong ngo / /drug sde dag kyang mthar gyis rgyu zhing 'dong pa na ri brags der phyin nas de dag khyim bdag de'i gan du dong ste smras pa/ khyim bdag a rog gya a rog gya/ khyim bdag gis smras pa/ khyed cag su yin/ bcom ldan 'das kyi nyan thos dag go /khyim bdag gis smras pa/ ma nongs te bdag kyang bcom ldan 'das kyis nyan thos dag mthong bar 'tshal na khyed cag kyang byon no/ /'phags pa dag bdag gis phyogs bzhi'i dge sbyong dang bram ze rnams kyi don du 'dug gnas bgyid du stsal pa der bzhugs shig dang / bdag </font><hr>Ja189a<br><font size=+1>


@#/ /gis khyed cag la bsod snyoms kyis mkho ba bstab par bgyi'o/ /drug sde dag gis smras pa/ gnas mal khri'am khri'u cung zad yod dam/ khyim bdag gis smras pa/ ma mchis so/ /drug sde dag gis smras pa/ khyim bdag kho bo cag sa la mal 'cha' bar mi byed do/ /khyim bdag des der gnas mal btsal nas khri dang khri'u dag 'dug gnas der bskur ro/ /gcer bu pa des smras pa/ kye shAkya'i bu'i dge sbyong dag 'di khyed kyi gtsug lag khang yang ma yin la 'dug gnas kyang ma yin na khyed cag 'dir gar 'jug /drug sde dag gis smras pa/ kwa'e shes pa can ci zer/ 'di kho bo cag gi gtsug lag khang yang ma yin la 'dug gnas kyang ma yin no/ /zhes ma zer cig /gal te 'dug na ni 'dug tu zad/ gal te mi 'dug na khyod la mtshams chen po gcad par bya'o/ /gcer bu pa des bsams pa/ 'di dag ni mi drug yod la/ bdag ni gcig pu yin pas bdag gis 'di dag la ci yang bya bar mi nus pas 'di dag gis bdag la gnod pa byas par gyur na mi rung ngo / /snyam nas de skrag ste bros so| |drug sde dag nyi ma re re zhing khyim bdag de'i khyim du dong ste za bar byed do/ /dus gzhan zhig na khyim bdag de la ri brags gzhan zhig tu bya ba cung zhig byung nas des drug sde </font><hr>Ja189b<br><font size=+1>


dag la smras pa/ 'phags pa dag bdag la ri brags gzhan zhig tu bgyi ba cung zhig byung ste bdag der mchis khyed cag bdag gi sdum pa na ji ltar gsol ba de bzhin du bdag slar mchis kyi bar du gsol cig /drug sde dag gis smras pa/ de ltar bya'o/ /khyim bdag des nang mi la smras pa/ khyod kyis 'phags pa dag la ji ltar bsnyen bkur byas pa de bzhin du kho bo phyir 'ongs kyi bar du yang gyis shig /de ri brags der song ba dang drug sde dag nyi ma re re zhing der dong ste de bzhin du za bar byed pa na de dag gis smras pa/ dga' bo nye dga' bdag cag gis yun ji srid du gzhan gyi spyod lam gyis 'khod par bya/ rang gi spyod lam bstan par bya'o/ /de ltar bya'o zhes de dag gis smras pa/ dga' bo nye dga' bud med 'di'i mig dag dang rna ba dag dang so dag dang mchu dag dang nu ma dag dang rked pa dag dang brla dag dang rkang pa dag mdzes pa la ltos shig /ltos shig /bud med de ngo tsha nas gnas khang du zhugs te 'dug go /khyim bdag de yang ri brags de nas 'ongs nas des nang mi la dris pa/ khyod kyis sbyin gnas dag byon nas de bzhin du gsol tam/ des smras pa/ 'di 'dra ba'i sbyin gnas dag ni 'ga' yang ma mchis kyang mi dngo'o/ /bdag gis dwa dag dang rol mo mkhan dag dang nal gyi bu dag las kyang sngon lan 'ga' yang ma thos pa'i tshig dag khyod kyi sbyin gnas dag las thos so/ /khyim </font><hr>Ja190a<br><font size=+1>


@#/ /bdag des bsams pa/ bud med kyi yul dag ni skyes pa la sems pa yin pas gcer bu ba sgren mo dag zhugs pa de dag mthong ba na chags par 'gyur gyi/ bcom ldan 'das kyi nyan thos sham thabs legs par bgos pa/ chos gos legs par bgos pa de dag la 'di mi dga'o snyam nas/ des de la smras pa/ khyod gcer bu pa sgren mo dag la dga'i/ bcom ldan 'das kyi nyan thos sham thabs legs par bgos pa/ chos gos legs par bgos pa dag la khyod dga' bar ga la 'gyur/ chung mas smras pa/ rje'i sras gal te khyod bdag la thugs mi ches na bdag gis khyod kyi mngon sum du 'gyur bar bgyi'o/ /khyim bdag gis bsams pa/ je bgam par bya'o snyam nas de nyi ma nyung shas shig 'dug nas drug sde dag la smras pa/ 'phags pa dag yang bdag la ri brags der bgyi ba cung zhig byung ste bdag der mchi yi/ khyed cag bdag gi sdum pa na ji ltar gsol ba de bzhin du bdag slar mchis kyi bar du gsol cig /drug sde dag gis smras pa/ de ltar bya'o/ /khyim bdag de yang gnas khang du zhugs te 'dug pa dang / drug sde dag kyang de bzhin du de'i khyim du zhugs te 'khod nas/ de dag la de'i chung ma des brim par brtsams pa dang / drug sde dag gis smras pa/ dga' bo nye dga' bud med 'di'i mig dag dang rna ba dag dang so dag </font><hr>Ja190b<br><font size=+1>


dang mchu dag dang nu ma dag dang rked pa dag dang brla dag dang rkang pa dag mdzes pa la ltos shig /ltos shig /khyim bdag des de thos nas bsams pa/ bdag gis 'phral kho na la 'di dag gi bsod snyoms bcad pa ni bdag gis tshul dang mthun pa ma yin gyi/ thabs kyi rnam pa zhig bya'o snyam nas/ des de'i nyin mo 'khur ba gcig phri ba dang / drug sde dag gis smras pa/ dga' bo nye dga' spyod yul tshig go zhes de dag gis smras pa/ tshe dang ldan pa dag bdag cag gis mu to ba dag la 'khur pa gcig sbyin par bya ba de deng phyin chad sbyin du med do/ /de phyi de nyin par 'khur ba gnyis pa phri ba dang de dag gis smras pa/ dga' bo nye dga' spyod yul tshig go zhes de dag gis smras pa/ tshe dang ldan pa dag bdag cag gis 'khur ba gzhan gcig lhung bzed kyi 'og gzhir dor ba de yang deng phyin chad dor du med do/ /de bzhin du rim gyis ji tsam na 'bras chan rtsub po dang rtsabs mo bskol ba dag sbyin par brtsams pa dang / de dag gis smras pa/ dga' bo nye dga' spyod yul tshig go /yang smras pa/ 'dir ji ltar tshig /bdag cag sgo 'phar brgya snyed 'das kyang lto khengs pa ba sgrub par dka' na da ltar 'di na bdag cag grib ma bsil ba dag la 'khod du yod na 'bras chan rtsub po dang rtsabs bskol ba yang mi 'dod dam/ gcer bu pa des kyang 'khor 'khor nas gcer bu pa de dag mthong nas smras pa/ shes pa can dag </font><hr>Ja191a<br><font size=+1>


@#/ /bdag cag gi spyod yul phrogs kyi/ phyir khug cig /de dag gis smras pa/ khyod 'dug gnas por te 'dir gar 'ong / des smras pa/ kho bo de nas bskrad do/ /sus shAkya'i bu'i dge sbyong dag gis so/ /de dag gis smras pa/ shAkya'i bu'i dge sbyong ji snyed lhags/ des smras pa/ mi drug go /de dag gis smras pa/ bdag cag mi drug cu yod na de dag shin tu brdegs te bskrad par mi nus sam/ tshur sheg 'dong ngo / /bdag cag gis shes pa can rem zhig /ces brjod pa na drug sde re re la bdag cag mi bcu bcu rub ste shin tu brdeg par bya'o/ /de dag gis smras pa/ je khyim bdag la dri bar bya ba snyam/ de ltar bya'o zhes de dag khyim bdag gi gan du dong ste smras pa/ khyim bdag khyod kyis 'dug gnas su la phul/ khyim bdag gis smras pa/ su la yang ma phul te 'di ltar gang de na 'dug pa da la bdag bsod snyoms kyis mkho ba stobs par byed do/ /de dag gis smras pa| khyim bdag ni re zhig dbus na gnas pa yin no/ /zhes de dag 'dug gnas su dong nas drug sde dag la smras pa/ kwa'e shAkya'i bu'i dge sbyong dag khyed gang nas lhags te 'dir 'khod/ 'di khyed kyi gtsug lag khang yang ma yin la 'dug gnas kyang ma yin gyi phyir byung zhig /gal te byung na ni byung du zad/ mi 'byung na kho bo cag gis khyed la mtshams chen po </font><hr>Ja191b<br><font size=+1>


gcad par bya'o/ /drug sde dag gis smras pa/ kwa'e gcer bu pa sgre byi dag ci zer/ 'di khyed kyi gtsug lag khang yang ma yin la 'dug gnas kyang ma yin gyi phyir byung zhig /ces ma zar cig /gal te 'khod na ni 'khod du zad gal te mi 'khod na kho bo cag gis khyed la mtshams chen po gcad par bya'o/ /gcer bu pa can gyis shes pa can rem zhig ces smras nas/ drug sde re re la gcer bu pa bcu bcu rub ste de dag gis brdeg par brtsams pa dang / drug sde dag gis smras pa/ dga' bo nye dga' tshangs par mtshungs par spyod pa dag gis smad par gyur na mi rung gi / mig dang rna ba dag srungs shig ces de dag gis smras pa/ sgra byi dag phod yang dag na phyogs 'dir snun cig ces rkub tshos la sogs pa bstan te de dag rdeg tu bcug go /gang gi tshe gcer bu pa dag ngal bar gyur cing rdeg mi nus pa de'i tshe na drug sde dag gis tshe dang ldan pa dag shin tu rem zhig ces drug sde re res kyang lag ngar brkyang pas kyang gcer bu pa lnga lnga sa la brdabs shing lag ngar bskums pas kyang gcer bu pa lnga lnga sa la brdabs nas de dag shin tu brdegs par brtsams te smras pa/ dga' bo nye dga' pham par 'gyur ba'i ltung bar byung bar gyur na mi rung gi/ rtsa ba'i ltung ba srungs shig ces drug sde dag gis de dag thal lcag dag dang khu tshur dag dang rdeg pa dag dang lcug ma dag gis shin tu gtal cing brims nas de dag gis gcer bu ba dag rdeg bzhin </font><hr>Ja192a<br><font size=+1>


@#/ /du 'dug gnas kyi nang nas phyi rol tu 'dzings te byung ba dang / bram ze dang khyim bdag dag gis de dag mthong nas/ de dag gis smras pa/ shes ldan dag ltos shig /ltos shig /dge sbyong g.yul 'gyed pas char 'bab par 'gyur ro/ /drug sde dag gis smras pa/ dga' bo nye dga' spyod yul tshig cing me mdag zhi bar ma gyur gyi/ tshur sheg mnyan yod du 'dong ngo zhes de dag mnyan yod du dong ngo / /lho lam nas 'jig rten rgyang phan pa'i rgol ba 'char ka zhes bya bar mnyan yod du 'ongs nas de 'gyed 'dod cing 'gyed pa'i yo byad kyi phyir tshe dang ldan pa kun shes ko'u di n+ya'i drung du song ste smras pa/ kye dge slong kho bos bla ma las yi ge nyung shas shig bslabs te de'i phyir kho bo khyod dang lhan cig gtam rnam par gtan la dbab par byed par 'dod do/ /tshe dang ldan pa kun shes ko'u di n+yas smras pa/ bram ze kho bo khyod dang 'gyed par mi 'dod kyi/ song zhig /de nas 'jig rten rgyang phan pa de tshe dang ldan pa rta thul dang / bzang ldan dang / rlangs pa dang / ming chen dang / grags pa dang / gang po dang / dri med dang / ba lang bdag dang / lag bzang ga la ba der song ste de dag la smras pa/ kye dge slong kho bos bla ma las yi ge nyung shas shig blangs te de'i phyir kho bo khyed dang lhan cig gtam rnam par gtan la dbab par byed par 'dod do/ /de dag gis </font><hr>Ja192b<br><font size=+1>


smras pa/ bram ze kho bo cag khyed dang 'gyed par mi 'dod kyi/ song zhig /de nas 'jig rten rgyang pan pa de tshe dang ldan pa shA ri'i bu ga la ba der song ste phyin nas/ tshe dang ldan pa shA ri'i bu la 'di skad ces smras so/ /kye dge slong kho bos bla ma las yi ge nyung shas shig blangs te de'i phyir kho bo khyod dang lhan cig gtam rnam par gtan la dbab pa byed par 'dod do/ /tshe dang ldan pa shA ri'i bus 'di la dge ba'i rtsa ba dag cung zad yod dam snyam du bsams na yod par mthong ngo / /su la rag las snyam na bdag nyid la rag las par mthong ngo / /'gyed pas gdul ba yin nam snyam na yin par mthong ngo / /yun ji srid kyis 'dul bar 'gyur snyam na zhag bdun 'das nas 'dul bar 'gyur bar mthong nas tshe dang ldan pa shA ri'i bus smras pa/ bram ze tshur shog /de ltar bya'o zhes des nyi ma dang po la 'gyed pa lhag ma dang bcas par btang ngo / /phyi de nyin par yang 'gyed pa lhag ma dang bcas par gtang ngo / /de bzhin du nyi ma bdun pa'i bar du yang 'gyed pa lhag ma dang bcas par btang ngo / /thams cad du lho lam nas 'jig rten rgyang phan pa'i rgol ba 'char ka zhes bya ba 'ongs nas de dang 'phags pa shA ri'i bu gnyis nyi ma bdun pa deng gi bar du bkye na gcig gis kyang tshar ma chod la gnyis pas kyang tshar mchod do ces sgra grags nas srog chags 'bum phrag du ma dag kha cig na ltad mo skyes </font><hr>Ja193a<br><font size=+1>


@#/ /pa dang / kha cig ni sngon gyi dge ba'i rtsa ba dag gis bskul ba na der 'dus par gyur nas/ tshe dang ldan pa shA ri'i bus bsams pa/ bdag gi 'gyed pas gdul ba dag 'dus sam snyam na 'dus par mthong nas/ tshe dang ldan pa shA ri'i bus 'jig rten rgyang phan pa de pham par byas shing rdugs par byas te 'gyed pa lhag ma ma lus par btang nas 'jig rten rgyang phan pa kun tu rgyu 'char ka tshar bcad pa dang de yang dad par gyur nas smras pa/ btsun pa shA ri'i bu bdag gis bcom ldan 'das kyis legs par gsungs pa'i chos 'dul ba la rab tu 'byung ba rdzogs par bsnyen pa dge slong gi dngos po 'thob na/ bdag bcom ldan 'das kyi spyan sngar tshangs par spyad pa spyod do/ /tshe dang ldan pa shA ri'i bus de rab tu phyung zhing rdzogs par bsnyen par byas so/ /de de ltar rab tu phyung nas gcig pu dben pa bag yod pa rtun pa dang ldan pa bdag nyid btang bar gnas pa na rigs kyi bu gang gi phyir skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu byung bar byed pa/ tshangs par spyod pa'i mtha' bla na med pa de'i tshe de nyid la rang gi mngon par shes pas mngon sum du byas te bsgrubs nas bdag gi skye ba zad do/ /tshangs par spyod pa spyad do/ /bya ba byas so/ /srid pa 'di las gzhan mi shes so </font><hr>Ja193b<br><font size=+1>


zhes go bar byed cing dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa| tsan dan bzhag pa lta bur rig pas sgo nga'i sbubs dral bar gyur pa rig pa dang mngon par shes pa dang so so yang dag par rig pa thob pa srid pa dang 'dod pa'i rnyed pa dang bkur sti la rgyab kyis phyogs pa dbang po dang nye dbang dang bcas pa'i lha rnams kyis mchod par bya ba dang / brjed par bya ba dang / mngon du smra bar bya bar gyur to/ /de nas 'khor de tshe dang ldan pa shA ri'i bus 'di lta bu'i rgol ba tshar bcad do zhes ya mtshan skyes par gyur to/ /de nas tshe dang ldan pa shA ri'i bus 'khor de'i bsam pa dang bag la nyal dang khams dang rang bzhin shes nas 'di ltar srog chags 'bum phrag du ma dag gis bden pa dag mthong zhing kha cig gis ni rgyun du zhugs pa'i 'bras bu mngon sum du byas/ kha cig gis ni lan cig phyir 'ong ba'i 'bras bu mngon sum du byas/ kha cig gis ni phyir mi 'ong ba'i 'bras bu mngon sum du byas/ kha cig gis ni rab tu byung ste nyon mongs pa thams cad spangs pas dgra bcom pa nyid mngon sum du byas pa de ltar chos bstan par byas te 'khor de las phal cher sangs rgyas la gzhol pa dang chos la 'bab pa dang dge 'dun la bab par rnam </font><hr>Ja194a<br><font size=+1>


@#/ /par bzhag go /tshe dang ldan pa shA ri'i bus 'jig rten rgyang phan pa 'char ka snga dro tshar bcad nas phyi dro drug sde dag mnyan yod du lhags nas/ dge slong rnams kyis de dag la smras pa/ tshe dang ldan pa dag 'ongs pa legs so 'ongs pa legs so/ /khyed cag ga la 'ongs/ tshe dang ldan pa shA ri'i bus lho lam nas 'jig rten rgyang phan pa'i rgol ba bram ze kun tu rgyu 'char ka zhes bya ba 'gyed 'dod cing 'gyed pa'i yo byad kyi phyir 'ongs pa tshar bcad de g.yul las rnam par rgyal lo/ /drug sde dag gis smras pa/ tshe dang ldan pa dag /'di ltar tshe dang ldan pa shA ri'i bu tshogs can gnyis pa chos kyi dmag dpon chos kyi 'khor lo rjes su bskor bas rgol ba gcig tshar bcad pa 'di ngo mtshar ci che/ gal te tshe dang ldan pa shA ri'i bus tshar bcad par ma gyur na yang bcom ldan 'das slad na bzhugs pas de ngo mtshar mi che'o/ /kho bo cag mi drug gis gcer bu pa drug cu tshar bcad pa ngo mtshar che'o/ /rig pa'i gnas gang la dbyug pa'i rig pas lus la chos bshad pas so/ /ci 'tsho'am 'on te shi /de'i tshe na ni 'tsho na da tsam 'tsho'am shi gtol med do/ /dge slong don nyung du dag ci'i phyir dge slong dag yan lag gang gis ngo tsha bar bya ba'i yan lag de nyid kyis rlom par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan </font><hr>Ja194b<br><font size=+1>


'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu bar mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la rmas pa/ dge slong dag khyed kyis mi mdzes pa de lta bu de byas par gyur ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ 'dug gnas gcig tu zhag lon pa'i dge slong gis bsod snyoms gcig bza' bar bya'o/ /de las lhag par za na ltung byed do/ /zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' bar mdzad do/ /sangs rgyas bcom ldan 'das mnyan </font><hr>Ja195a<br><font size=+1>


@#/ /yod na rgyal byed kyi tshal mgon med zas sbyin gyi kun dga' ra ba na bzhugs so/ /de nas khyim bdag de zong thogs te ri brags de nyid du phyin nas de khyim bdag de'i tshong khang du zhugs pa dang / khyim bdag gis gcer bu pa dag la brims par brtsams nas des khyim bdag de'i gan du mi mngags te grogs po sbyin gnas dag la brim par byas tshur shog ces sbran pa dang / khyim bdag de dad pa can yin pas des bsams pa/ bcom ldan 'das kyi nyan thos dag yin gor ma chag gi /song la blta'o snyam nas de der song ba dang / ji tsam na gcer bu pa ngo tsha dang khrel bor ba dag cig yin par mthong nas/ mngon sum du mi snyan pa brjod pa ni sdug bsngal ba yin pas de cang mi smra bar 'dug go /de dag zos te dong ba dang khyim bdag gis de la smras pa/ grogs po zhing bzang zhing sa bon bzang ngam/ khyim bdag des smras pa/ grogs po sa bon ni bzang na zhing ni gcer bu pa ngo tsha dang khrel bor ba'i sdig pa'i lta ba can dgon dung tshwa sgo can tha chad sdig pa can gyi sa gzhi sha stag yin no/ /khyim bdag des smras pa/ grogs po zhing ches bzang ba gzhan yod dam/ des smras pa/ yod de bcom ldan 'das kyi nyan thos dag go /khyim bdag gis smras pa/ grogs po de dag gi ming yang ma smros shig /des smras pa/ ci de dag 'dir lhags par gyur tam/ lhags so/ / </font><hr>Ja195b<br><font size=+1>


gang dag drug sde dag go /de dag gis re zhig ci byas/ 'di dang 'di lta'o/ /des smras pa/ grogs po khyod kyis rgya mtsho chen po nas nor bu mching bu dag blangs so/ /khyim bdag gis smras pa| bcom ldan 'das kyi nyan thos bzang po gzhan dag kyang yod dam/ yod de gal te khyod kyis tshe dang ldan pa shA ri'i bu dang / mo'u dgal gyi bu chen po dang / nam gru dang / ma 'gags pa la sogs pa bcom ldan 'das kyi nyan thos chen po gzhan dag mthong bar gyur na khyod mngon par dad par 'gyur ba de lta bu'i gnas yod do/ /khyim bdag gis smras pa/ gal te de dag 'dir byon par gyur na bdag gis de dag la bsod snyoms kyis mkho ba bstab par bya'o/ /khyim bdag des bsams pa/ da ni bdag song la bcom ldan 'das la gsol bar bya'o snyam nas/ khyim bdag des zong bsgyur te rin blangs nas mnyan yod ga la ba der song ste mthar gyis mnyan yod du phyin to/ /de nas khyim bdag des zong tshong khang du sbas nas/ bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la khyim bdag des 'di skad ces gsol to/ /btsun pa ri brags ga ge mo zhig na khyim bdag che ge mo zhig mchis pa des phyogs bzhi'i dge sbyong dang bram ze rnams kyi slad du 'dug </font><hr>Ja196a<br><font size=+1>


@#/ /gnas bgyid du stsal te de de na gang gnas pa de la bsod snyoms kyis mkho ba stobs par bgyid cing / de bcom ldan 'das kyi nyan thos dag mthong bar 'tshal nas bcom ldan 'das kyis de la thugs brtse ba'i slad du der dge slong dag cig bka' stsal na legs so/ /bcom ldan 'das kyis khyim bdag de la cang mi gsung bas gnang ngo / /de nas khyim bdag des bcom ldan 'das kyis cang mi gsung bas gnang bar rig nas/ bcom ldan 'das kyis zhabs gnyis la mgo bos phyag 'tshal te bcom ldan 'das kyi spyan snga nas song ngo / /de nas bcom ldan 'das kyis dge slong gang gis khyim bdag de 'khor dang bcas pa dang / ri brags de na gnas pa'i skye bo'i tshogs dag 'dul bar 'gyur snyam du dgongs na/ dge slong shA ri'i bus 'dul bar gzigs nas/ de nas bcom ldan 'das kyis tshe dang ldan pa shA ri'i bu la bka' stsal pa/ shA ri'i bu khyod kyis ri brags ga ge mo zhig na khyim bdag che ge mo 'khor dang bcas pa dang / ri brags na gnas pa'i skye bo'i tshogs la soms shig /tshe dang ldan pa shA ri'i bus/ btsun pa bka' bzhin 'tshal zhes bcom ldan 'das las mnyan nas 'khor lnga brgya dang ri brags de ga la ba der logs su ljongs rgyu zhing song nas mthar gyis rgyu zhing 'gro ba na ri brags der </font><hr>Ja196b<br><font size=+1>


phyin nas khyim bdag de'i 'dug gnas su zhugs so/ /khyim bdag des btsun pa shA ri'i bu 'khor lnga brgya dang ri brags 'dir 'ongs te bdag gi 'dug gnas su zhugs so zhes thos so/ / thos nas kyang tshe dang ldan pa shA ri'i bu ga la ba der song ste phyin nas tshe dang ldan pa shA ri'i bu'i rkang pa gnyis la mgo bos phyag 'tshal te mtha' gcig tu 'dug go /mtha' gcig tu 'dug nas tshe dang ldan pa shA ri'i bus khyim bdag de la chos dang ldan pa'i gtam gyis yang dag par ston par byed/ yang dag par 'dzin du 'jud par byed/ yang dag par gzengs bstod par byed/ yang dag par rab tu dga' bar byed do/ /rnam grangs du mas chos dang ldan pa'i gtam gyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas cang mi smra'o/ /de nas khyim bdag de stan las langs te bla gos phrag pa gcig tu byas nas/ tshe dang ldan pa shA ri'i bu ga la ba der logs su thal mo sbyar ba btud nas/ tshe dang ldan pa shA ri'i bu la 'di skad ces smras so/ /btsun pa shA ri'i bus sang bdag gi sdum par dge slong gi dge 'dun dang thabs cig gdugs tshod gsol bar ci gnang / tshe dang ldan pa shA ri'i bus khyim bdag de la cang mi smra bas dang du blangs so/ /de nas khyim bdag des tshe dang ldan pa shA ri'i bus cang mi smra bas dang du blangs par </font><hr>Ja197a<br><font size=+1>


@#/ /rig nas tshe dang ldan pa shA ri'i bu'i rkang pa gnyis la mgo bos phyag 'tshal te/ tshe dang ldan pa shA ri'i bu'i drung nas song ngo / /de nas khyim bdag des de nyid kyi mtshan mo bca' ba dang bza' ba gtsang zhing bsod pa sta gon byas nas/ nang par sngar langs te stan bshams nas chu ra bzhag ste/ tshe dang ldan pa shA ri'i bu la/ mngag pas btsun pa shA ri'i bu gdugs tshod g.yar dgongs 'tshal na bcun pa shA ri'i bus da de'i dus la bab par dgongs su gsol zhes bskul lo/ /de nas tshe dang ldan pa shA ri'i bu snga dro sham thabs bgos/ lhung bzed dang chos gos thogs te dge slong gi tshogs kyis yongs su skor cing dge slong gi dge 'dun gyi mdun du bdar nas/ khyim bdag de'i khyim ga la ba der song ste phyin nas dge slong gi dge 'dun gyi gong du stan bshams pa nyid la 'dug go /de nas khyim bdag des tshe dang ldan pa shA ri'i bu la sogs pa dge slong gi dge 'dun bde bar 'dug par rig nas bca' ba dang bza' ba gtsang zhing bsod pas rang gi lag nas tshim par byed cing stobs par byed do/ /rnam grangs du mar bca' ba dang / bza' ba gtsang zhing bsod pas rang gi lag nas tshim par byas shing bstabs te/ tshe dang ldan pa shA ri'i bu zan zos zhing lag pa bsnyal lhung bzed bzhag par rig nas/ stan ches </font><hr>Ja197b<br><font size=+1>


dma' ba zhig blangs te tshe dang ldan pa shA ri'i bu'i mdun du chos mnyan pa'i phyir 'dug go /'dug nas khyim bdag des tshe dang ldan pa shA ri'i bu la 'di skad ces smras so/ /btsun pa shA ri'i bu chos bstan du gsol/ khyim bdag de'i phyir khyod kyis sa phyogs go skabs yangs par stan 'ding du chug la/ ri brags 'dir skye bo phal po che'i tshogs la sang 'phags pa shA ri'i bu chos ston par 'gyur gyi/ khyed cag las gang chos nyan par 'dod pa de shog cig ces dril bsgrag pa byed du chug cig /tshe dang ldan pa shA ri'i bus yon bshad pa byas nas stan las langs te song ngo / /khyim bdag de ri brags de na gtso bor grags pa yin pas des sa phyogs go skabs yangs par stan shom du bcug nas ri brags der skye bo phal po che'i tshogs la sang 'phags pa shA ri'i bu chos ston par 'gyur gyi/ khyed cag las gang chos nyan par 'dod pa de shog cig /khyed cag las gang gis der bden pa dag mthong bar ma gyur pa des 'khor bar yun ring du 'khor par bya dgos so zhes dril bsgrag pa byed du bcug go /de nas tshe dang ldan pa shA ri'i bu phyogs der song ste dge slong gi dge 'dun gyi gong du stan bshams pa nyid la 'dug pa dang / srog chags 'bum phrag du ma dag kyang kha cig ni ltad mo skyes pa na/ kha cig ni sngon gyi dge ba'i rtsa ba dag gis bskul ba na 'dug par gyur nas/ tshe dang ldan pa shA ri'i bus 'khor de'i bsam pa dang bag </font><hr>Ja198a<br><font size=+1>


@#/ /la nyal dang khams dang rang bzhin shes nas 'di ltar khyim bdag de 'khor dang bcas pa dang / srog chags khri nyis stong gis bden pa dag mthong zhing / kha cig gis ni rgyun du zhugs pa'i 'bras bu mngon sum du byas/ kha cig gis ni lan cig phyir 'ong ba'i 'bras bu mngon sum du byas/ kha cig gis ni phyir mi 'ong ba'i 'bras bu mngon sum du byas/ kha cig gis ni rab tu byung ste nyon mongs pa thams cad spangs pas dgra bcom pa nyid mngon sum du byas/ kha cig gis nyan thos kyi byang chub tu sems bskyed/ kha cig gis ni rang sangs rgyas kyi byang chub tu sems bskyed/ kha cig gis ni bla na med pa yang dag par rdzogs pa'i byang chub tu sems bskyed pa de ltar chos bstan pa byas te 'khor de las phal cher sangs rgyas la gzhol ba dang chos la 'bab pa dang dge 'dun la bab par rnam par bzhag go /tshe dang ldan pa shA ri'i bus ha cang yun ring du chos bstan pas gdugs tshod yol zhing rlung gis de'i rgyab na bar gyur nas/ khyim bdag des smras pa/ btsun pa shA ri'i bus de'i slad du bdag gi 'dug gnas su bzhugs shig dang bdag gis khyod la bsod snyoms kyis mkho ba bstab par bgyi'o/ /khyim bdag khyod nyid la brten nas bcom ldan 'das kyis 'dul ba la nyan thos rnams kyi bslab pa'i gzhi bca' ba </font><hr>Ja198b<br><font size=+1>


mdzad kyi 'gro'o/ /de nas tshe dang ldan pa shA ri'i bu na bzhin du zan bcad de ri brags de nas mnyan yod ga la ba der logs su rgyu zhing song ste mthar gyis rgyu zhing 'gro ba na mnyan yod du phyin nas/ dge slong rnams kyis tshe dang ldan pa shA ri'i bu'i lhan cig gnas pa dang nye gnas dag la dris pa/ tshe dang ldan pa dag ji lta bde bar brgyus sam/ tshe dang ldan pa dag cung zhig bde bar yang brgyus/ cung zhig sdug bsngal bar yang brgyus so/ /ci zhig bde bar brgyus/ mkhan pos gdul bar bya ba 'di snyed cig mdzad pa gang yin pa de ni bde bar brgyus pa yin no/ /ci zhig sdug bsngal bar brgyus/ mkhan pos snyung bzhin du gdugs tshod bcad de ri brags de nas bzhud pa gang yin pa de ni sdug bsngal bar brgyus pa yin no zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na na ba ma gtogs te/ dge slong gis pus khyud bcang bar rjes su gnang ngo / /de nas bcom ldan 'das kyis bslab pa 'dod pa dang bslab pa la gus pa dang bslab pa la yo byad bsnyungs pa'i bsngags pa brjod nas/ dge slong rnams la de dang mthun pa dang de'i shas che ba dang de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na </font><hr>Ja199a<br><font size=+1>


@#/ /snga ma ni bcas pa yin la 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ 'dug gnas gcig tu zhag lon pa'i dge slong mi na bas bsod snyoms gcig bza' bar bya'o/ /de las lhag par za na ltung byed do/ /'dug gnas gcig tu zhag lon pa'i zhes bya ba ni mu stegs can gyi 'dug gnas su zhag lon pa'o/ /dge slong zhes bya ba ni chos 'di pa'o/ /mi na bas zhes bya ba ni na ba ma gtogs pas so/ /bsod snyoms gcig bza' bar bya'o zhes bya ba zan lan gcig go /de las lhag par za na zhes bya ba ni de las mang du za na'o/ /ltung byed do zhes bya ba ni sems can dmyal ba dang / dud 'gro dang yi dwags ngan song dang ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na/ dge ba'i chos rnams la sgrib par byed pa ste des na ltung byed do// zhes gsungs so/ /de la ltung ba ji ltar 'gyur zhe na/ der gnas shing der za na/ der gnas pa la nyes byas su 'gyur la der za ba la ltung byed du 'gyur ro/ /der gnas shing gzhan du za na/ der gnas pa la nyes byas su 'gyur la gzhan du za ba la ltung ba med do/ /gzhan du gnas shing der za na/ gzhan du gnas pa la ltung ba med la/ der za ba la ltung byed du 'gyur </font><hr>Ja199b<br><font size=+1>


ro| |gzhan du gnas shing gzhan du za na gnyi ga la ltung ba med do/ /tshogs kyi dang nye du'i dang sbyin bdag na re de nyid du 'dug cig ces zer ba la ltung ba med do/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /'dug gnas su za ba'i ltung byed de sum cu gnyis pa rdzogs so// //'dul ba rnam par 'byed pa/ bam po nga gnyis pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /byang lam nas don mthun dag mnyan yod du lhags pa na drug sde dag gis de thos nas smras pa/ dga' bo nye dga' bdag cag gis byang lam nas don mthun dag mnyan yod du lhags zhes thos kyi/ gal te na cung zad sgrub par nus kyang srid kyi 'dong ngo / /gal te bsod snyoms zo zhig ces zer na lto gang bas chog go zhes brjod par bya'o/ /gal te gos long zhig ces zer na blang bar bya'o/ /zhes de dag dong ste smras pa/ bzhin bzang dag 'khod cig dang chos bstan par bya'o/ /de dag gis rkang pa la phyag 'tshal te mdun du chos mnyan pa'i phyir 'khod pa dang / de dag gis de dag la chos bstan nas de dag gis smras pa/ 'phags pa dag 'di nyid du bsod snyoms gsol cig /drug sde dag gis smras pa/ bzhin bzang dag lto gang bas </font><hr>Ja200a<br><font size=+1>


@#/ /chog go /drug sde dag gis kyang yang dang yang du 'ongs te chos bstan pa dang don mthun dag gis kyang yang dang yang du smras pa/ 'phags pa dag 'di nyid du bsod snyoms gsol cig /drug sde dag gis kyang yang dang yang smras pa/ bzhin bzang dag lto gang bas chog go /dus gzhan zhig na don mthun dag gis smras pa/ shes ldan dag 'di na glang dag gi rtswa med kyi/ re zhig ri brags gzhan zhig tu 'dong la glang dag gzon zhing 'khod par bya ste ji tsam na zong bsgyur te 'gro ba na mnyan yod du 'dong bar bya'o zhes de dag gis glang dag ded nas ri brags shig tu glang dag gzon du dong ngo / /drug sde dag kyang nang par sngar langs te chos ston du dong ba dang ji tsam na don mthun de dag mi snang nas de dag sems khong du chud cing 'khod pa dang / ji tsam na der mi zhig 'ongs te smras pa/ 'phags pa dag ci'i slad du sems khong du chud cing bzhugs/ drug sde dag gis smras pa/ bzhin bzang phyogs 'di na kho bo cag gi mdza' bo don mthun dag cig 'khod 'khod na de dag gis kho bo cag lam bltas pa kho nar dong ngo / /des smras pa/ 'phags pa dag de dag ni thams cad kyi thams cad du mchis pa ma lags te 'di ltar de dag gi glang dag gi ran ma mchis nas de dag ri brags shig na glang dag gzon cing mchis te slar yang 'dir mchi </font><hr>Ja200b<br><font size=+1>


bar 'gyur ro/ /bzhin bzang nad med par gyur cig ces drug sde dag ri brags der dong ba dang / ji tsam na de dag gis don mthun de dag thag ring po kho na nas mthong nas tshigs su bcad pa dag smras pa/ rtsub pa'i ri la 'gro mi bya/ /song na'ang yun ring gnas mi bya/ /rtsub pa'i ri dag ji bzhin du/ /ri la 'khod pa'ang de bzhin no/ /ri la 'khod pa dang por ni/ /gser dag bdar ba ji bzhin te/ /mi la 'tshe ba rnams brtag na/ /ri dag ji lta de bzhin no/ /don mthun de dag gis thos nas smras pa/ 'phags pa dag khyed cag ci skyon/ bzhin bzang dag khyed cag kho bo cag gis mdza' bo dag yin pas kho bo cag gi dge ba'i phyogs dag yongs su nyams par byas te khyed cag la chos bstan na khyed cag kho bo cag la ma bltas pa kho nar 'dir dong ngo / /'phags pa dag bdag cag thams cad kyi thams cad 'dir mchis pa ma lags te/ 'di ltar de na bdag cag gi glang dag gi ran ma mchis pas de'i slad du bdag cag 'di na glang dag gzon cing mchis te/ ji tsam na zong dag bsgyur te mchi ba na bdag cag slar yang mnyan yod du mchi'o/ /bzhin bzang dag 'khod cig dang chos bstan par bya'o/ /de dag gis drug sde dag gi rkang pa la phyag 'tshal te| stan ches dma' ba dag blangs nas mdun du chos mnyan pa'i phyir 'khod pa dang / drug sde dag gis de dag la chos bstan nas de dag gis smras pa/ 'phags pa dag 'di nyid du bsod </font><hr>Ja201a<br><font size=+1>


@#/ /snyoms gsol zhig /bzhin bzang dag lto gang bas chog go /ded dpon gyis smras pa/ shes ldan dag 'phags pa dag yang dang yang du lto gang bas chog go zhes gsung ba las na 'di dag la na bza' mi mnga' gor ma chag gi/ 'di dag la na bza' dbul bar bya'o/ /de ltar bgyi'o zhes de dag gis drug sde dag la la ba srin bu'i mdog lta bu re re bskon to/ /de nas drug sde dag gis smras pa/ bzhin bzang dag khyed cag yang dang yang du bsod snyoms zo zhig ces zer na bsod snyoms ji lta bu sbyin pa bltas 'on cig /drug sde dag las gcig gis thab snod lta bu bzed nas 'dir lugs shig ces smras pa dang / don mthun de dag gis bsams pa/ snod 'di re che zhig bkang bas 'di dag thams cad kyi lto khengs pa'i bsod snyoms 'byung bar 'gyur ro snyam nas de dag gis lam rgyags las snod de bkang ste phul/ drug sde gzhan gyis kyang de bzhin gzhan du mthar gyis re re nas thab snod lta bu re re bzed pa dang ji tsam na don mthun de dag gis lam brgyags las thab snod lta bu'i snod drug bkang ste phul ba dang / don mthun de dag gi lam brgyags thams cad zad par gyur nas de dag gis smras pa/ 'phags pa dag bdag cag gis 'dir shul brgyags nyung shas shig 'tshal te mchis pa de dag thams cad bas kyi/ bdag </font><hr>Ja201b<br><font size=+1>


cag gis mi 'di kar sha pa na dag bskur te 'phags pa dag dang thabs cig mnyan yod du gtang gi /'phags pa dag gis bdag cag gi shul rgyags dag 'jol te stsol la sel ba dang bcas te gtang du gsol/ bzhin bzang dag de ltar bya'o/ /don mthun de dag gis drug sde dag gi phyi bzhin mi zhig kar sha ba na dag bskur te btang ba dang / drug sde dag gtsug lag khang du dong ste mi de la smras pa/ bzhin bzang je las 'di gyis shig /des de byas nas drug sde dag gis yang smras pa/ bzhin bzang las gzhan 'di yang gyis shig /des de yang byas pa dang drug sde dag gis mi de ring zhig bkol bkol nas ji tsam na nyi ma yol bar gyur pa dang / de'i 'og tu btang ste smras pa/ da nyos la song zhig /mi de rang gis lam brgyags dag nyos te 'phags pa dang mnyan yod kyi nye 'khor thibs bor son pa na chom rkun pa dag gis bcom nas de gcig pu don mthun dag gi nang du song ngo / /don mthun dag gis de mthong nas smras pa/ khyod kyis ci khyer te 'ongs/ des smras pa/ ci yang ma 'ongs so/ /ci'i phyir chom rkun pa dag gis bcom mo/ /de dag gis smras pa/ 'phags pa dag gis khyod kyi sel ba ma btang ngam/ des smras pa/ shes ldan dag don gyis na de dag nyid kyis bcom mo/ /de dag gis smras pa/ ji ltar gyur/ des smras pa/ de dag gis kho bo las sha stag byed du bcug nas ji tsam na </font><hr>Ja202a<br><font size=+1>


@#/ /nyi ma yol bar gyur pa dang / de'i 'og tu btang ste da nyos la song shig ces zer nas kho bo rang gis lam rgyags dag nyos te 'phags pa dang / mnyan yod kyi nye 'khor thibs por son pa na chom rkun pa dag gis bcom mo/ /de dag shAkya'i bu'i dge sbyong rnams kyi dge sbyong gi tshul ni tshig go /bram ze'i tshul ni tshig ste 'di ltar phan pa bya'o zhes zer la gnod pa kho na byed do zhes smod par byed/ phyar ka gtong bar byed/ kha zer bar byed do/ /'di ni re zhig byung ba yin te/ sangs rgyas bcom ldan 'das re zhig 'dul ba la nyan thos rnams kyi bslab pa'i gzhi 'cha' bar ni mi mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /de la bu mo g.yas zhar ma zhig byung nas de bsrings shing bskyed de chen mor gyur to/ /bu mo de'i na zla gzhan thams cad bag mar btang ba na bu mo de g.yas zhar yin pa'i phyir slong ba 'ga' yang ma 'ongs so/ /mnyan yod na khyim bdag gzhan zhig 'dug pa des rigs mnyam pa las chung ma blangs nas de'i chung ma de rang </font><hr>Ja202b<br><font size=+1>


gi las dag gis dus la bab bo/ /gnyis pa blangs pa dang de yang dus la bab bo/ /de bzhin du chung ma bdun pa'i bar du blangs pa dang de yang dus la bab bo/ /khyim bdag de yang skur pa gdab par 'gyur ba'i las dag gis chung ma gsod pa chung ma gsod pa zhes bya ba'i ming du gyur to/ /khyim bdag des yang bu mo bslangs pa dang mi ster cing / nged kyis ci'i phyir bu mo yongs su gtang mi sbyin no zhes kyang zer ro/ /khyim bdag des yugs mo dag bslangs pa dang yugs sa mo de dag kyang kho mo cag gis ci'i phyir bdag yongs su btang na khyod kyi khyim du 'jug ces zer ro/ /khyim bdag de rnam pa thams cad du yi chad nas rang nyid kyis khyim gyi so tshis dag bya bar brtsams pa dang / dus gzhan zhig na khyim bdag de'i chung po grogs shig 'ongs nas des khyim bdag de mthong nas dris pa/ khyod ci byed/ khyim bdag gis smras pa/ khyim gyis so tshis dag byed do/ /des smras pa/ khyed ci'i phyir rang nyid kyis khyim gyi so tshis dag byed/ khyim bdag gis smras pa/ kho bos chung ma gcig blangs pa dang de rang gi las dag gis dus la bab bo/ /gnyis pa blangs pa dang de yang dus la bab bo/ / de bzhin du bdun pa'i bar du blangs pa dang de yang dus la bab bo/ /des smras pa/ gzhan dag ci'i phyir mi slong / khyim bdag gis smras pa/ bslangs na mi ster cing / nged kyis ci'i phyir </font><hr>Ja203a<br><font size=+1>


@#/ /bu mo yongs su gtang mi sbyin no zhes zer ro/ /des smras pa/ yugs mo dag ci'i phyir mi slong / khyim bdag gis smras pa/ bslangs te de dag kyang kho mo cag gis ci'i phyir bdag yongs su gtang na khyod kyi khyim du 'jug ces zer ro/ /des smras pa/ g.yas zhar ma ci'i phyir mi slong / mi ster ro/ /song la slongs shig dang de dag bu mos yongs su skyo ba yin pas ster bar 'gyur ro/ /khyim bdag de g.yas zhar ma'i pha'i khyim du song ste bde legs bde legs zhes smras pa dang / de dag gis smras pa/ ci slong / des smras pa/ bu mo'i slong mo slong ngo / /bu mo gang / g.yas zhar ma'o/ /de dag des yongs su skyo ba yin pas smras pa/ sbyin no/ /des smras pa/ nam bag mar gtang / nyi ma mang ge mo zhig la'o/ /des de ltar gyis shig ces smras te song ngo / /de'i chung po grogs de yang 'gyod pa skyes te bdag gis grogs po la g.yas zhar ma slongs shig ces bskul ba de ni bdag gis ma legs pa zhig byas te/ de mtshan ngan pa yin pas des grogs po gsad par gyur na mi rung ngo snyam nas de khyim bdag de'i gan du song ste smras pa/ khyed kyis g.yas zhar ma thob bam/ khyim bdag gis smras pa/ thob bo/ /des tshigs su bcad pa dag smras pa/ rgya skegs shing gi so shing dang / /nub tu sngas bstan </font><hr>Ja203b<br><font size=+1>


nyal ba dang / /shin tu gnyid che zho 'thung dang / /chung ma g.yas zhar len byed na/ /zhi ba'ang gnas nas nyams par 'gyur/ /'gog la 'gog byed bab pa dang / /rdo la lcags ni bab pa ltar/ /khyod kyang chung ma gsod byed la/ /de yang g.yas zhar yin pas na/ khyed gnyis gang rgyal gang pham lta'o/ /grogs po bu mo da mtshan ngan ma yin pas khyod dus byed par gyur na mi rung gi |de bor la kho bo'i sring mo yugs sa mo zhig yod pa de long zhig /khyim bdag gis smras pa/ grogs po da dor bar mi nus te 'on kyang 'di la thabs kyi rnam pa zhig bya'o/ /g.yas zhar ma'i ma des kyang bag rdzongs sta gon bya bar brtsams so/ /khyim de drug sde dag gis khyim du 'gro ba'i khyim yin pas drug sde dag snga dro sham thabs bgos/ lhung bzed dang chos gos thogs te mnyan yod du bsod snyoms la zhugs nas mthar gyis bsod snyoms la rgyu ba na khyim der zhugs pa dang / ji tsam na 'khur ba dag sreg par byed pa mthong nas de dag gis smras pa/ sring mo dus ston la bab tu nye'am ci/ des smras pa/ 'phags pa dag khyed kyi lcam mo bag mar mchi ba la thug nas/ de'i bag rdzongs sta gon bgyid do/ /drug sde dag gis smras pa/ sring mo kho cag gis cung zad mi thob bam/ 'phags pa dag khyed cag la su zhig gis dbul 'tshal/ 'di khyed nyid kyi lags so/ /drug sde dag gis smras pa/ sring mo re zhig phugs na yod pa na gzhan </font><hr>Ja204a<br><font size=+1>


@#/ /thams cad lta zhog gi /da 'phral du ci sbyin pa bltas 'on cig /des bag brkyang ste de dag gi lhung bzed thams cad 'khur ba dag gis bkang nas drug sde dag gis de'i kha zas thams cad bsdus te dong ngo / /ji tsam na khyim bdag de 'ongs pa dang chung mas smras pa/ rje'i sras sbyin gnas dag byon par gyur nas de dag gis kha zas thams cad bzhes kyi/ bzhud la/ khyo ga de la bag rdzongs sta gon byed kyi bar du re zhig nyi ma nyung shas shig sdod cig ces gsungs shig /khyim bdag gis smras pa/ bzang mo des sdod par mi nus kyi/ je bu mo bag mar gtang bar gyis shig dang / phyis nye du dag zan sbyin par bya'o/ /chung mas smras pa/ rje'i sras de ni chung ma gsod pa lags pas de la gzhan sus kyang bu mo stsol bar mi 'gyur gyi/ bzhud cig dang / sdod par 'gyur ro/ /khyim bdag de de'i gan du song ste smras pa/ bu bdag cag gis kha zas dag sta gon byas par gyur pa gang yin pa de sbyin gnas dag gis bzhes kyi/ de nye du dag gi phyir/ kha zas sta gon byed kyi bar du nyi ma nyung shas shig sdod cig /de smras pa/ kho bo mi sdod/ gal te nyi ma de nyid la bag mar rdzong zhing sbyin na bag mar blang ngo / /gal te mi sbyin na kho bo chung ma gzhan len gyi/ khyod kyi bu mo dor bar bya'o/ /khyim bdag de chung ma'i gan du song ste smras pa/ bzang mo khyo ga de na re/ gal te nyi ma de </font><hr>Ja204b<br><font size=+1>


nyid la bag ma rdzong zhing sbyin na bag ma blang bar bya'o/ /gal te ma sbyin na/ kho bo chung ma gzhan len gyi/ khyod kyi bu mo dor bar bya'o zhes zer ro/ /chung mas smras pa/ rje'i sras de chung ma gsod pa lags pas gzhan su zhig gis de la bu mo stsol bar 'gyur zhes des bag rdzongs sta gon bya bar brtsams so/ /khyo ga des kyang grogs po'i sring mo yugs sa mo blangs so/ /g.yas zhar ma'i ma des kyang kha zas sta gon byas nas yang khyim bdag de la smras pa/ rje'i sras da khyo ga de'i gan du bzhud la bag ma len du shog cig ces gsungs shig /khyim bdag de de'i gan du song ste smras pa/ bu da bag ma len du shog cig /des smras pa/ khyed kyis nyi ma de las yol bar byas pas da kho bo mi len to/ /khyim bdag des khyo ga de bzung ste rgyal po'i pho brang du 'o dod bos nas shags la bkug pa dang / khyo ga des khyim bdag de pham par byas so/ /g.yas zhar ma'i ma des bdag gi bu mo ma lom mo zhes ngu zhing 'dug pa dang / de'i ngos kyi sdum mtshes dag/ shAkya'i bu'i dge sbyong rnams kyi dge sbyong gi tshul ni tshig go /bram ze'i tshul ni tshig ste 'di ltar bu mo byin zin pa'i bar chad byed do zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs </font><hr>Ja205a<br><font size=+1>


@#/ /'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa snga ma bzhin te/ sangs rgyas bcom ldan 'das kyis drug sde dag la rmas pa/ dge slong dag khyed kyis mi mdzes pa de lta bu byas par gyur pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste/ zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong rab tu mang po dag khyim rnams su dong ba las gal te de dag la bram ze dang khyim bdag dad pa can dag gis phye dag dang 'khur ba dag dus kyis stobs par gyur la 'dod na dge slong de dag gis lhung bzed gang ba gnyis sam gsum blang bar bya'o/ /de las lhag par len na ltung </font><hr>Ja205b<br><font size=+1>


byed do/ /lhung bzed gang ba gnyis sam gsum blangs nas phyi rol kun dga' ra bar dong la dge slong 'khod pa rnams la'ang bgo bsha' bya/ bdag cag kyang bza' bar bya ste de la de ni cho ga yin no/ /dge slong zhes bya ba ni/ drug sde dag go /rab tu mang po dag ces bya ba ni/ gnyis las lhag pa ni rab tu mang po dag go /khyim rnams su zhes bya ba ni bram ze dang khyim bdag dag gis khyim rnams su'o/ /dong ba las zhes bya ba ni song ba las so/ /gal te de dag la zhes bya ba ni dge slong de dag la'o/ /bram ze dang khyim bdag dad pa can dag gis zhes bya ba la dad pa can zhes bya ba ni/ sangs rgyas la mngon par dad pa dang / chos dang dge 'dun la mngon par dad pa dang / sangs rgyas la skyabs su song ba dang / chos dang dge 'dun la skyabs su song ba dag go /phye dag ces bya ba ni phye dang 'de gu dag go /'khur ba dag ces bya ba ni bag tshos dag go /dus kyis stobs par gyur la zhes bya ba ni yang dang yang du stobs par gyur la'o/ /'dod na zhes bya ba ni gal te don du gnyer na'o/ /dge slong de dag gis zhes bya ba ni dge slong gang yin pa dag gis so/ /lhung bzed gang ba gnyis sam gsum blang bar bya'o zhes bya ba la lhung bzed ni gsum ste chen po dang 'bring dang chung ngu'o/ /de la chen po ni gang du 'bras thug po che ma ga d+ha'i bre'u chung do btsos pa/ sran tshod dang bcas tshod ma dang </font><hr>Ja206a<br><font size=+1>


@#/ /bcas pa blugs na kha'i cha'i mtha' kho na nas mthe bo'i lto gang gis mi reg pa'o/ /chung ngu ni gang du 'bras thug po che ma ga d+ha'i bre chung gang btsos pa sran tshod dang bcas tshod ma dang bcas pa blugs na kha'i cha'i mtha' kho na nas mthe bo'i lto gang gis mi reg pa'o/ /'bring po de gnyis kyi bar ro/ /de las lhag par len na zhes bya ba ni de las mang du'o/ /ltung byed do zhes bya ba ni sems can dmyal ba dang dud 'gro dang yi dwags ngan song dang ngan 'gro dang log par ltung ba dag tu sreg par byed/ 'tshong bar byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste des na ltung byed do zhes gsungs so/ /lhung bzed gang ba gnyis sam gsum blangs nas phyi rol kun dga' ra bar dong la dge slong 'khod pa rnams la yang bgo bsha' bya zhes bya ba ni/ khyim gyi phyi rol gtsug lag khang du dong la de na dge slong gang dag 'khod pa rnams la yang sbyin par bya'o/ /de la ltung ba ji ltar 'gyur zhe na/ dge slong gis lhung bzed chen po gsum len par byed na de len pa la nyes byas su 'gyur la za ba la ltung byed du 'gyur ro/ / dge slong gis lhung bzed chen po gnyis dang 'bring gcig len par byed na de len pa la nyes byas su 'gyur la za ba la ltung byed du 'gyur ro/ /dge slong gis lhung bzed chen po gnyis dang </font><hr>Ja206b<br><font size=+1>


chung ngu gcig len par byed na/ de len pa la nyes byas su 'gyur la/ za ba la ltung byed du 'gyur ro/ /dge slong gis lhung bzed 'bring gnyis dang chen po gcig len par byed na/ de len pa la nyes byas su 'gyur la za ba la ltung byed du 'gyur ro/ /dge slong gis ji tsam du bre'u chung phyed dang lnga las lhag pa'i bsod snyoms len na thams cad du ltung byed du 'gyur ro/ /sbyin bdag gis ci bder byas pa la ltung ba med do/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /lhung bzed do gsum tsam las lhag par len pa'i ltung byed de sum cu gsum pa rdzogs so// //bar sdom la/ stan gcig dang ni chu bzhin spong / /'bags dang zas yod rung ba dang / /thong zhig lhag por thug pa dang / skyo ma'i sde tshan bsdus pa yin/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de nas bcom ldan 'das kyis dge slong rnams la bka' stsal pa/ dge slong dag nga ni stan gcig pa'i zas za ste/ nga stan gcig pa'i zas za ba na snying las chung ngur 'tsho zhing / gnod pa nyung ba dang nyam nga ba chung ba dang / bskyod pa yang pa dang 'tsho ba dang stobs dang ldan pa dang / bde ba dang kha na ma tho ba med pa dang bde ba la reg par gnas par 'tsho'o/ /dge slong dag khyed kyang tshur sheg la stan gcig pa'i zas zo zhig </font><hr>Ja207a<br><font size=+1>


@#/ /dang| khyed kyang stan gcig pa'i zas za ba na snying las chung ngur 'tsho zhing gnod pa nyung ba dang nyam nga ba chung ba dang / bskyod pa yang ba dang 'tsho ba dang stobs dang ldan pa dang bde ba dang kha na ma tho ba med pa dang bde ba la reg par gnas par 'tsho bar 'gyur ro/ /dge slong rnams stan gcig pa'i zas za bar byed de/ de dag stan gcig pa'i zas za ba na slob dpon mthong na yang ldang bar byed/ mkhan po dang bla ma dang bla ma lta bu mthong na yang ldang bar byed pas/ de dag bdag cag gis spangs so zhes za bar mi byed pas de dag rid pa dang nyam chung ba dang rke pa dang / skam pa dang lus ma thob par gyur to/ /sangs rgyas bcom ldan 'das rnams ni mkhyen bzhin du rmed par mdzad pas/ sangs rgyas bcom ldan 'das kyis tshe dang ldan pa kun dga' bo la rmas pa/ kun dga' bo/ ngas dge slong dag nga ni stan gcig pa'i zas za ste nga stan gcig pa'i zas za ba na snying las chung ngur 'tsho zhing gnod pa nyung ba dang nyam nga ba chung ba dang / bskyod pa yang ba dang 'tsho ba dang stobs dang ldan pa dang bde ba dang kha na ma tho ba med pa dang bde ba la reg par gnas par 'tsho'o/ /dge slong dag khyed kyang tshur sheg la stan gcig pa'i zas zo zhig dang khyed kyang stan gcig pa'i zas za na/ snying las chung ngur 'tsho zhing gnod pa nyung ba dang nyam nga ba chung ba dang bskyod pa yang pa dang / </font><hr>Ja207b<br><font size=+1>


'tsho ba dang stobs dang ldan pa dang bde ba dang kha na ma tho ba med pa dang bde ba la reg par gnas par 'tsho bar 'gyur ro zhes byas na/ gang gis da ltar dge slong dag rid pa dang nyam chung ba dang rke ba dang skam pa dang / lus ma thob par gyur pa'i rgyu ni gang yin/ rkyen ni gang yin/ btsun pa bcom ldan 'das kyis dge slong dag nga ni stan gcig pa'i zas za ste/ nga stan gcig pa'i zas za ba na snying las chung ngur 'tsho zhing gnod pa nyung ba dang nyam nga ba chung ba dang / bskyod pa yang ba dang 'tsho ba dang stobs dang ldan pa dang bde ba dang kha na ma tho ba med pa dang bde ba la reg par gnas par 'tsho'o/ /dge slong dag khyed kyang chur sheg la stan gcig pa'i zas zo zhig dang / khyed kyang stan gcig pa'i zas za ba na snying las chung ngur 'tsho zhing gnod pa nyung ba dang nyam nga ba chung ba dang / bskyod pa yang ba dang 'tsho ba dang stobs dang ldan pa dang bde ba dang kha na ma tho ba med pa dang bde ba la reg par gnas par 'tsho bar 'gyur ro zhes bka' stsal nas/ dge slong rnams stan gcig pa'i 'tshal ma 'tshal bar bgyid de/ de dag stan gcig pa'i 'tshal ma 'tshal ba na/ slob dpon mthong ba na yang ldang bar bgyid/ mkhan po dang bla ma dang bla ma lta bu mthong na yang ldang bar bgyid pas/ de dag bdag cag gis spangs so zhes 'tshal bar mi bgyid pas/ de dag rid pa dang nyam chung ba dang rke ba dang skam pa dang lus ma thob </font><hr>Ja208a<br><font size=+1>


@#/ /par gyur te/ btsun pa gang gis da ltar dge slong dag rid ba dang nyam chung ba dang rke ba dang skam pa dang lus ma thob par gyur pa'i rgyu ni de lags/ rkyen ni de lags so/ kun dga' bo de lta bas na ma spangs pas ji tsam gyis chog par bza' bar bya zhing / kha zas brtsams pas slob dpon dang mkhan po dang bla ma dang bla ma lta bu mthong na ldang bar mi bya'o/ /bcom ldan 'das kyis ma spangs pas ji tsam gyis chog pa bza' bar bya zhing / zas brtsams pas slob dpon dang mkhan po dang bla ma dang bla ma lta bu mthong na ldang bar mi bya'o zhes bka' stsal nas/ de dag chu bzhin du spong bas lo ma dang sran tshod dang ldam ldum dang skam tshod kyis kyang spong bar byed cing / de dag bdag cag gis spangs so zhes za bar mi byed pas/ de dag rid pa dang nyam chung ba dang rke ba dang skam pa dang lus ma thob par gyur to/ /sangs rgyas bcom ldan 'das rnams ni mkhyen bzhin du rmed par mdzad pas/ sangs rgyas bcom ldan 'das kyis tshe dang ldan pa kun dga' bo la rmas pa/ kun dga' bo ngas ma spangs pas ji tsam gyis chog pa za bar bya zhing / zas brtsams pas slob dpon dang mkhan po dang bla ma dang bla ma lta bu mthong na ldang bar mi bya'o zhes byas na/ gang gis da ltar dge slong dag rid pa dang nyam chung ba dang rke ba dang / skam pa dang lus ma thob par gyur pa'i rgyu ni gang yin rkyen ni gang yin/ btsun </font><hr>Ja208b<br><font size=+1>


pa bcom ldan 'das kyis ma spangs pas ji tsam gyis chog pa bza' bar bya zhing / zas brtsams pas slob dpon dang mkhan po dang bla ma dang bla ma lta bu mthong na ldang bar mi bya'o zhes bka' stsal nas/ de dag chab bzhin du spong bas lo ma dang sran tshod dang ldam ldum dang / skam tshod kyis kyang spong bar bgyid cing de bdag cag gis spangs so zhes 'tshal bar mi bgyid pas de dag rid pa dang nyam chung ba dang rke ba dang skam pa dang lus ma thob par gyur to/ /btsun pa gang gis/ da ltar dge slong dag rid pa dang nyam chung ba dang rke ba dang skam pa dang lus ma thob par gyur ba'i rgyu ni de lags/ rkyen ni de lags so/ /kun dga' bo de lta bas na bca' ba lnga po dag gis ni spangs par mi 'gyur la bza' ba lnga po dag gis ni spang bar 'gyur te/ bca' ba lnga po gang dag gis spangs par mi 'gyur zhe na/ bca' bar bya ba rtsa ba dang / sdong bu dang / 'dab ma dang / me tog dang / 'bras bu dag ste/ bca' ba lnga po de dag gis ni spangs par mi 'gyur ro/ /bza' ba lnga po gang dag gis spangs par 'gyur ba dag gang zhe na/ bza' bar bya ba 'bras chan dang / zan dron dang / sha dang / snum 'khur dang / 'de gu dag ste/ bza' ba lnga po de dag gis ni spangs par 'gyur ro/ /bca' ba lnga po dag 'chos nas ni bza' ba lnga po dag bza' bar bya'i/ bza' ba lnga po dag zos nas na/ bca' ba lnga po dag bca' bar mi bya'o/ /dge slong gis bza' ba lnga po dag zos </font><hr>Ja209a<br><font size=+1>


@#/ /nas bca' ba lnga po dag 'cha' na 'gal tshabs can du 'gyur ro/ /bcom ldan 'das kyis bca' ba lnga po dag gis ni spangs bar mi 'gyur la/ bza' ba lnga po dag gis ni spangs par 'gyur ro zhes bka' stsal nas de dag des 'bags pa'i lag pa dag dang des gos pa'i lhung bzed dag gis bdag cag gis spangs so zhes za bar mi byed pas de dag rid pa dang nyam chung ba dang rke ba dang skam pa dang lus ma thob par gyur to/ /sangs rgyas bcom ldan 'das rnams ni mkhyen bzhin du rmed par mdzad pas/ sangs rgyas bcom ldan 'das kyis tshe dang ldan pa kun dga' bo la rmas pa/ kun dga' bo ngas bca' ba lnga po dag gis ni spangs par mi 'gyur la/ bza' ba lnga po dag gis ni spangs par 'gyur ro zhes byas na/ gang dag gis da ltar dge slong dag rid pa dang nyam chung ba dang rke ba dang skam pa dang lus ma thob par gyur pa'i rgyu ni gang yin rkyen ni gang yin/ btsun pa bcom ldan 'das kyis bca' ba lnga po dag gis ni spangs par mi 'gyur la/ bza' ba lnga po dag gis ni spangs par 'gyur ro zhes bka' stsal nas de dag des 'bags pa'i sug pa dag dang das gos pa'i lhung bzed dag gis bdag cag gis spangs so zhes 'tshal bar mi bgyid pas de dag rid pa dang nyam chung ba dang rke ba dang skam pa dang lus ma thob par gyur to/ /btsun pa gang gis da ltar dge slong dag rid pa dang nyam chung ba </font><hr>Ja209b<br><font size=+1>


dang rke ba dang skam pa dang lus ma thob par gyur pa'i rgyu ni de lags/ rkyen ni de lags so/ /kun dga' bo de lta bas na rgyu lngas ni spangs par brjod par bya zhing / rgyu lngas ni ma spangs par brjod par bya'o/ /rgyu lnga po gang dag gis spangs par brjod par bya zhe na/ zas yod pa dang / zas stobs pa yod pa dang / zas brtsams pa yod pa dang / zas spangs pa yod pa dang / spyod lam las nyams pas so/ /ji ltar zas yod pas she na/ bca' ba lnga po dang bza' ba lnga po dag yod pas te/ ji ltar zas yod pas so/ /ji ltar zas stobs pa yod pas she na/ bud med dam skyes pa'am ma ning yod pas te/ de ltar zas stobs pa yod pas so/ /ji ltar zas brtsams pa yod pas she na/ bca' ba lnga po dang bza' ba lnga po dag kun tu brtsams pa yod pas te/ de ltar zas brtsams pa yod pas so/ /ji ltar zas spangs pa yod pas she na/ bca' ba lnga po dang bza' ba lnga po dag spangs pa yod pas te/ de ltar zas spangs pa yod pas so/ /ji ltar spyod lam las ma nyams pas she na/ stan gang la 'dug par gyur pa'i stan de las langs par gyur pas te/ de ltar spyod lam las nyams pas te/ rgyu lnga po de dag gis ni spangs par brjod par bya'o/ / rgyu lnga po gang dag gis ma spangs par brjod par bya zhe na/ zas med pa dang / zas stobs pa med pa dang / zas brtsams pa med pa dang / zas spangs pa med pa dang / spyod lam las ma nyams </font><hr>Ja210a<br><font size=+1>


@#/ /pas so/ /ji ltar zas med pas she na/ bca' ba lnga po dang bza' ba lnga po dag med pas te/ de ltar zas med pas so/ /ji ltar zas stobs pa med pas she na/ bud med dam skyes pa'am ma ning med pas te/ de ltar zas stobs pa med pas so/ /ji ltar zas brtsams pa med pas she na/ bca' ba lnga po dag dang bza' ba lnga po dag kun tu brtsams pa med pas te/ de ltar zas brtsams pa med pas so/ /ji ltar zas spangs pa med pas she na/ bca' ba lnga po dag dang bza' ba lnga po dag spangs pa med pas te/ de ltar zas spangs pa med pas so// ji ltar spyod lam las ma nyams pas she na/ stan gang la 'dug par gyur pa'i stan de las langs par ma gyur pas te/ de ltar spyod lam las ma nyams pas te/ rgyu lnga po de dag gis ni ma spangs par brjod par bya'o/ /gzhan yang rgyu lngas ni spangs par brjod par bya zhing rgyus lngas ni ma spangs par brjod par bya'o/ /rgyu lnga po gang gis spangs par brjod par bya zhe na/ rung bas spong bar byed pa dang / rung ba dang 'dres pas spong bar byed pa dang / gsog 'jog ma byas pas spong bar byed pa dang / gsog 'jog ma byas pa dang 'dres pas spong bar byed pa dang / spyod lam las ma nyams pas te/ rgyu lnga po de dag gis ni spangs par brjod par bya'o/ /rgyu lnga po gang dag gis ma spangs par brjod par bya zhe na/ mi rung bas spong bar byed pa dang / mi rung ba </font><hr>Ja210b<br><font size=+1>


dang 'dres pas spong bar byed pa dang / gsog 'jog byas pas spong bar byed pa dang / gsog 'jog byas pa dang 'dres pas spong bar byed pa dang / spyod lam las ma nyams pas te/ rgyu lnga po de dag gis ni ma spangs par brjod par bya'o/ /gzhan yang tshig lhag ma med pa lngas ni spangs par brjod par bya zhing tshig lhag ma dang bcas pa lngas ni ma spangs par brjod par bya'o/ /tshig lhag ma med pa lnga gang zhe na/ thong zhig ces bya ba dang / byin cig ces bya ba dang / song zhig ces bya ba dang / zos zin to zhes bya ba dang / chog go zhes bya ba ste/ tshig lhag ma med pa lnga po de dag gis ni spangs par brjod par bya'o/ /tshig lhag ma dang bcas pa lnga gang zhe na/ re zhig thong zhig ces bya ba dang / re zhig byin cig ces bya ba dang / re zhig song zhig ces bya ba dang / re zhig zos zin to zhes bya ba dang / re zhig chog go zhes bya ba ste/ tshig lhag ma dang bcas pa lnga po de dag gis ni ma spangs par brjod par bya'o/ /bcom ldan 'das kyis dge slong gis spangs pa bza' bar mi bya'o zhes bka' stsal nas drug sde dag spangs pas kyang za bar byed/ ma spangs pas kyang za bar byed nas dge slong don nyung ngu dag bcom ldan 'das kyis dge slong gis spangs pas bza' bar mi bya'o zhes bka' stsal na ci'i phyir dge slong dag spangs pas kyang za bar byed/ ma spangs pas kyang za bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams </font><hr>Ja211a<br><font size=+1>


@#/ /kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi dang / skabs 'di la dge slong gi dge 'dun bsdu ba mdzad do zhes bya ba la sogs pa yang snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa snga ma bzhin te/ sangs rgyas bcom ldan 'das kyis dge slong drug sde dag la rmas pa/ dge slong dag ngas dge slong gis spangs pas bza' bar mi bya'o zhes bka' stsal na khyed spangs pas kyang za bar byed/ ma spangs pas kyang za bar byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de ltar bas na phan yon bcu yang dag par gzigs pas 'dul ba la nyan thos rnams kyis bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang zas zos zin cing spangs pa las bca' ba'am bza' ba 'cha' ba'am za na ltung byed do zhes bcom ldan </font><hr>Ja211b<br><font size=+1>


'das kyis 'dul ba la nyan thos rnams kyi bslab pa'i gzhi de ltar bca' ba mdzad do/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs nas dge slong nad pa rab tu mang po dag gi nad g.yog rab tu mang po dag yod pa de dag gis bdag nyid zos nas nad pa rnams kyi lto khengs pa'i bsod snyoms dag mnos pa dang / dge slong nad pa rnams kyis za bar ma nus shing / dge slong nad g.yog gis kyang bdag cag gis spangs so zhes za bar mi byed/ kun dga' ra ba pa dang dge tshul dag kyang med nas/ de dag gis kun dga' ra ba'i nang du zas kyi phung po chen po rnam par bzhag pa dang / der bya rog dag za ba na bya rog gi sgra 'byin pa chen po byung bar gyur to/ /sangs rgyas bcom ldan 'das rnams ni mkhyen bzhin du rmed par mdzad pas/ sangs rgyas bcom ldan 'das kyis tshe dang ldan pa kun dga' bo la bka' stsal pa/ kun dga' bo kun dga' ra ba'i nang na bya rog gi sgra 'byin pa chen po byung bar gyur ba 'di ci las gyur/ btsun pa khyim bdag gcig gis sangs rgyas la sogs pa dge slong gi dge 'dun sdum pa gzhan du gdugs tshod la spyan drangs nas dge slong bro 'tshal ba rab tu mang po dag gi bro g.yog rab tu mang po dag mchis pa de dag gis bdag nyid 'tshal nas bro 'tshal ba rnams kyis </font><hr>Ja212a<br><font size=+1>


@#/ /g.yar bltams pa'i bsod snyoms dag mnos pa dang / dge slong bro 'tshal ba rnams kyis 'tshal bar rngo ma thog cing dge slong bro g.yog dag gis kyang bdag cag gis spangs so zhes 'tshal bar mi bgyid/ kun dga' ra ba pa dang dge tshul dag kyang ma mchis nas de dag gis kun dga' ra ba'i nang du zas kyi phung po chen po rnam par bzhag pa dang / der bya rog dag 'tshal ba na bya rog gi sgra 'byin pa chen po byung bar gyur to/ /de nas bcom ldan 'das 'di snyam du dgongs te/ ngas dge slong rnams bde ba la reg par gnas par bya ba'i phyir dang / sbyin pa po rnams kyis sbyin par bya ba'i chos yongs su longs spyad par bya ba'i phyir lhag por gnang bar bya'o snyam du dgongs nas dge slong rnams la bka' stsal pa/ dge slong dag de lta bas na lhag bor byas te bza' bar rjes su gnang ngo / /bcom ldan 'das kyis lhag por byas te bza' bar rjes su gnang ngo zhes bka' stsal nas dge slong rnams kyis lhag por ji ltar bya ba mi shes nas/ bcom ldan 'das kyis bka' stsal pa/ dge slong zas zos zin cing spangs te yongs su rdzogs shing mthar thug par byas pa gang yang rung ba zhig gis bca' ba'am bza' ba rnyed cing za bar 'dod na dge slong des lag pa gnyis bsnyal te/ byin len byas la dge slong zas zos zin cing ma spangs la spyod lam las </font><hr>Ja212b<br><font size=+1>


ma nyams pa gang yin pa'am/ dge slong zas zos zin cing spangs la spyod lam las ma nyams pa gang yin pa de'i mdun du tsog bur 'dug ste/ 'di skad ces brjod par bya'o/ /tshe dang ldan pa dgongs su gsol/ bdag dge slong ming 'di zhes bgyi ba 'tshal ma 'tshal lags shing spangs te/ yongs su rdzogs shing mthar thug par bgyis pa las bca' ba dang bza' ba rnyed cing 'tshal bar 'tshal na lhag por bgyis te bdag la stsal du gsol/ des kham gnyis sam gsum zos nas 'di skad ces khyod kyir gyur gyi/ bzhud cig ces brjod par bya'o/ /de la dge slong zas zos zin cing ma spangs la spyod lam las ma nyams pa gang yin pa des ni bdag nyid kyis khams gnyis sam gsum zos nas lhag por bya'o/ /de la dge slong zas zos zin cing spangs la spyod lam las ma nyams pa gang yin pa des ni/ bza' bar mi bya bar lag par byin nas khyod kyir \ KYIS\ gyur gyi/ bzhud cig ces brjod par bya bas lhag por bya'o/ /gal te ze na 'ga' tshabs can du 'gyur ro/ /rgyu lngas lhag por ma byas par brjod par bya ste/ lnga gang zhe na/ mtshams kyi phyi rol tu dang / mi 'thob pa'i phyogs su dang / rgyab nas dang / glo nas dang / spyod lam las nyams pa byed du 'jud pa ste/ rgyu lnga po de dag gis ni lhag por ma byas par brjod par bya'o/ /rgyu lngas ni lhag por byas par brjod par bya ste/ lnga gang zhe na/ mtshams kyi phyi rol ma yin pa dang / 'thob </font><hr>Ja213a<br><font size=+1>


@#/ /pa'i phyogs su dang / rgyab ma yin pa nas dang / glo ma yin pa nas dang / spyod lam las ma nyams pa byed du 'jud pa ste/ rgyu lnga po de dag gis ni lhag por byas par brjod par bya'o/ /gzhan yang rgyu lngas ni lhag por ma byas par brjod par bya ste/ lnga gang zhe na/ mtshams kyi phyi rol du dang / 'thob pa'i phyogs su dang / lhung bzed kyi gzhir dang / thu bar dang / spyod lam las nyams pa byed du 'jud pa ste/ rgyu lnga po de dag gis ni lhag por ma byas par brjod par bya'o/ /rgyu lngas ni lhag por byas par brjod par bya ste/ lnga gang zhe na/ mtshams kyi phyi rol ma yin pa dang / 'thob pa'i phyogs su dang / lhung bzed kyi gzhir ma yin pa dang / thu bar ma yin pa dang / spyod lam las ma nyams pa byed du 'jud pa ste/ rgyu lnga po de dag gis ni lhag por byas par brjod par bya'o/ /gcig gis lhag por byas pa mang po dag gis bza' bar bya ste 'di la 'gyod par mi bya'o/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas/ dge slong rnams la de dang mthun pa dang de'i shas che ba dang de dang 'tsham pa'i chos dang ldan pa'i bka' mchid mdzad nas/ dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par </font><hr>Ja213b<br><font size=+1>


bya ste/ yang dge slong gang zas zos zin cing spangs pa las lhag por ma byas par bca' ba'am bza' ba 'cha' 'am za na ltung byed do/ /yang dge slong gang zhes bya ba ni/ drug sde'am gzhan yang de lta bu gang yin pa'o/ /zas zos zin cing spangs pa las zhes bya ba ni yongs su rdzogs shing mthar thug par byas pa las so/ /lhag por ma byas par zhes bya ba ni lhag mar ma byas shing ma bor yongs su ma btang bar ro/ /bca' ba'am bza' ba zhes bya ba ni bca' ba lnga po dang bza' ba lnga po dag go /'cha' 'am zan zhes bya ba ni mgul du mid na'o/ /ltung byed do zhes bya ba ni sems can dmyal ba dang dud 'gro dang yi dwags ngan song dang ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste des na ltung byed do zhes gsungs so/ /de la ltung bar ji ltar 'gyur zhe na dge slong gis spangs pa la spangs par 'du shes pas lhag por ma byas par bca' ba'am bca' ba 'cha' 'am zan ltung byed du 'gyur ro/ /dge slong gis spangs pa la yid gnyis za bas lhag por ma byas par bca' ba'am bza' ba 'cha' 'am za na ltung byed du 'gyur ro/ /dge slong gis ma spangs pa la spangs pa la 'du shes pas lhag por ma byas par bca' ba'am bza' ba 'cha' 'am zan nyes byas su 'gyur ro/ / </font><hr>Ja214a<br><font size=+1>


@#/ /dge slong gis ma spangs pa la yid gnyis za bas lhag por ma byas par bca' ba'am bza' ba 'cha' 'am za na nyes byas su 'gyur ro/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa thug pa ji lta bu spang bar bgyi 'tshal/ nye bar 'khor gang la kha gzar gyen du 'greng ba'o/ /btsun pa skyo ma ji lta bu spang bar bgyi 'tshal/ nye bar 'khor gang la sor mo lnga mngon pa'o/ /nye bar 'khor mgul du btung ba la ni spangs pa med do/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /stan gcig pa'i zas kyi ltung byed de sum cu bzhi pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa des rigs mnyam pa las chung ma blangs nas de de dang lhan cig rtse bar byed dga' bar byed dga' mgur spyod par byed do/ /de rgas pa'i gnas skabs su nye du zad pa dang nor zad pa dang longs spyod zad par gyur nas des chung ma la smras pa/ bzang mo kho bos rgas pa'i gnas skabs su nor sgrub pa mi nus kyi/ rab tu 'byung du 'gro'o/ /rje'i sras de bzhin mdzod cig /de rgyal byed kyi tshal du song ste dge slong gi gan du song ste phyin nas rkang pa gnyis la </font><hr>Ja214b<br><font size=+1>


mgo bos phyag 'tshal te smras pa/ 'phags pa bdag rab tu 'byung gi /rab tu dbyung du gsol/ des smras pa/ bzhin bzang kho bo rab tu byung nas gsar bu yin pas/ kho bos rab tu 'byin du mi rung ngo / / de smras pa/ 'phags pa bdag dang po kho nar khyed kyi gan du mchis pas khyod kyis bdag dge slong 'ga' zhig la gtad du gsol/ dge slong de'i mkhan po spong ba pa dgon pa na bsam gtan byed pa zhig yod nas des de khrid de mkhan po'i gan du song nas smras pa/ mkhan po rigs kyi bu 'di legs par gsungs pa'i chos 'dul ba la rab tu 'byung bar 'tshal na mkhan pos thugs brtse ba'i slad du 'di rab tu dbyung du gsol/ rdzogs par bsnyen par mdzad du gsol/ mkhan pos smras pa/ bu bcom ldan 'das kyis dge slong dag shan pa'i gnas su gtang ba ni bla'i rab tu phyung zhing rdzogs par bsnyen par byas nas 'doms par mi byed rjes su ston par mi byed pa ni mi rung ngo zhes bka' stsal to/ /des smras pa/ mkhan po rab tu dbyung ba dang rdzogs par bsnyen pa 'ba' zhig mdzod cig dang bdag gis 'di klog pa dang slob tu stsal to/ /dge slong des de rab tu phyung zhing rdzogs par bsnyen par byas nas smras pa/ bzhin bzang 'di khyed kyi slob dpon yin pas klog pa dang slob tu 'jud par 'gyur gyi/ kun tu spyad pa gang yin pa de 'di la dris te gyis shig /des klog pa dang slob tu 'jud pa na </font><hr>Ja215a<br><font size=+1>


@#/ /rgan zhugs de brjed ngas pas yang dang yang du ltung ba 'byin nas des de mdun du tsog pur 'dug tu bcug ste/ ltung ba 'chags su 'jud par byed do/ /rgan zhugs des bsams pa/ bdag gis slob dpon 'dis bdag rtag tu mdun du tsog pur 'dug tu bcug ste/ ltung ba 'chags su 'jud pas bdag gis kyang 'di mdun du tsog pur 'dug tu bcug ste/ ltung ba 'chags su bzhugs pa'i thabs ci yod snyam mo/ /khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs nas sangs rgyas la sogs pa dge slong gi dge 'dun gshegs te/ bcom ldan 'das kyis gdugs tshod gsol nas khyim bdag de la chos bstan par brtsams so/ /dge slong des rgan zhugs de la smras pa/ rgan zhugs tshur shog /khyim du 'gro ba'i khyim dag ltar 'dong ngo / /de gnyis khyim du 'gro ba'i khyim dag tu dong ba dang / de dag gis smras pa/ 'phags pa gnyis gdugs tshod gsol cig /khyim bdag kho bo cag gnyis zan zos zin to/ /des smras pa/ snoms te bzhud la lhag por mdzad de gsol cig /des rgan zhugs kyi gdong du bltas te smras pa/ rgan zhugs 'dod dam/ 'tshal lo/ /de gnyis kyis byin len byas te dong nas rgyal byed kyi tshal du phyin pa dang / dge slong des smras pa/ rgan zhugs khyod chu 'tshag gam 'on te </font><hr>Ja215b<br><font size=+1>


gtsug lag khang du song ste lhag por byed du 'jud/ rgan zhugs kyis smras pa/ lhag por bgyid du stsol to/ /dge slong des chu btsag par btsams pa dang / rgan zhugs kyis bsod snyoms khyer te/ gtsug lag khang du zhugs nas des bdag nyid kyi bsod snyoms la lhag por byed du bcug cing / de'i bsod snyoms la lhag por byed du ma bcug go /dge slong des chu btsags te/ gtsug lag khang du zhugs nas smras pa/ rgan zhugs lhag por byed du bcug gan/ des smras pa/ bgyid du stsal to/ /dge slong des 'dug ste zos pa dang rgan zhugs kyis smras pa/ slob dpon je skabs phye shig / phye'o/ /rgan zhugs kyis smras pa khyod la ltung ba byung gi /chos bzhin du slar mdzod cig /des smras pa/ ltung ba ma mthong ngo / /rgan zhugs kyis smras pa/ khyod kyis lhag por ma byas pa'i bca' ba dang bza' ba zos so/ /des smras pa/ kho bos khyed la lhag por byed du bcug gam zhes ma dris sam/ rgan zhugs kyis smras pa/ bdag gis bdag nyid kyi bgyid du stsal to/ /des smras pa/ rgan zhugs kho bo ltung ba mi 'chags kyi 'di ltar khyod ltung ba dang bcas par 'gyur ba gang yin pa de lta bu'i gnas yod par 'gyur ro zhes des dge slong rnams la brjod pa dang / dge slong don nyung du dag ci'i phyir dge slong dag shes bzhin du dge slong zas zin cing spangs pa la skabs tshol zhing ci nas kyang dge slong 'di nyes pa 'byung bar bya'o snyam pa de nyid rkyen du byas nas tshe dang </font><hr>Ja216a<br><font size=+1>


@#/ /ldan pa 'di 'cho zhig /'di zo zhig ces lhag por ma byas pa'i bca' ba dang bza' ba dus kyis stobs par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te| sangs rgyas bcom ldan 'das kyis dge slong de la rmas pa/ dge slong khyod shes bzhin du dge slong zas zos zin cing spangs pa skabs tshol zhing ci nas kyang dge slong 'di nyes pa 'byung bar bya'o snyam pa de nyid rkyen du byas nas tshe dang ldan pa 'di 'cho zhig /'di zo zhig ces lhag por ma byas pa'i bca' ba dang bza' ba dus kyis stobs pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag </font><hr>Ja216b<br><font size=+1>


de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang shes bzhin du dge slong zas zos zin cing spangs pa la skabs tshol zhing ci nas kyang dge slong 'di nyes pa 'byung bar bya'o snyam pa de nyid rkyen du byas nas/ tshe dang ldan pa 'di 'cho zhig /'di zo zhig ces lhag por ma byas pa'i bca' ba dang bza' ba dus kyis stobs na ltung byed do/ /yang dge slong gang zhes bya ba ni chos 'di pa'o/ /shes bzhin du zhes bya ba ni de rang nyid kyis rig pa'am gzhan dag gis brjod pas so/ /dge slong zhes bya ba ni chos 'di pa'o/ /zas zos zin cing spangs pa la zhes bya ba ni/ yongs su rdzogs shing mthar thug par byas pa la'o/ /skabs tshol zhing zhes bya ba ni/ klan ka tshol zhing ngo / /ci nas kyang dge slong 'di nyes pa 'byung bar bya'o snyam pa zhes bya ba ni ci nas kyang dge slong 'di ltung ba dang bcas par 'gyur ro snyam pa'o/ /de nyid rkyen du byas nas zhes bya ba ni/ gzhan ma yin pa'o/ /tshe dang ldan pa 'di 'cho zhig / 'di zo zhig ces bya ba ni bca' ba dang bza' ba'o/ /lhag por ma byas pa'i zhes bya ba ni lhag mar ma byas shing ma bor yongs su ma btang ba'o/ /bca' ba dang bza' ba zhes bya </font><hr>Ja217a<br><font size=+1>


@#/ /ba ni bca' ba lnga po dang bza' ba lnga mo dag go /dus kyis stobs na zhes bya ba ni yang dang yang du stobs na'o/ /ltung byed do zhes bya ba ni/ sems can dmyal ba dang dud 'gro dang yi dwags ngan song dang ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung ba ji ltar 'gyur zhe na/ dge slong gis ji tsam du cung zad shes bzhin du dge slong zas zos zin cing spangs pa la skabs tshol zhing ci nas kyang dge slong 'di nyes pa 'byung bar bya'o snyam pa de nyid rkyen du byas nas tshe dang ldan pa 'di 'cho zhig /'di zo zhig ces lhag por ma byas pa'i bca' ba dang bza' ba dus kyis stobs na thams cad du ltung byed du 'gyur ro/ /las dang po dang / smyos pa dang sems 'khrugs pa dang / tshor ba dag gis nyen pa la ltung ba med do/ /spangs pa la stobs pa'i ltung byed de sum cu lnga pa rdzogs so// //'dul ba rnam par 'byed pa/ bam po nga gsum pa/ sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /de'i tshe na lhas byin dge slong rab tu mang po dag dang lhan cig kun dga' ra ba'i nang na 'dus shing bza' ba za nas dge slong don nyung </font><hr>Ja217b<br><font size=+1>


ngu dag ci'i phyir dge slong dag kun dga' ra ba'i nang na 'dus shing bza' ba za bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis lhas byin la rmas pa/ lhas byin khyod dge slong rab tu mang po dag dang lhan cig kun dga' ra ba'i nang na 'dus shing za ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ 'dus shing za na ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad </font><hr>Ja218a<br><font size=+1>


@#/ /do| |dge slong rab tu mang po na ba dag sman pa'i gnas su dong ste/ de dag gis de mthong nas smras pa/ bzhin bzang kho bo cag la je sman ston cig /des smras pa/ 'phags pa dag zhal tshus gsol cig /sus sbyin par 'gyur/ bdag gis gsol lo/ /ci dge 'dun thams cad dam/ ma lags te dge slong snyung ba ji snyed pa dag go /bzhin bzang bcom ldan 'das kyis 'dus shing za ba la bslab pa'i gzhi bca' ba mdzad do/ /'phags pa dag khyed kyi ston pa thugs rje can lags pas de nyid rkyen du mdzad nas gnang bar 'gyur ba de lta bu'i gnas mchis so/ / zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na na ba'i dus ma gtogs so/ /dge slong dag gis dge 'dun gyi dang mchod rten gyi las dag byas nas de dag bkres pas glos phab ste nyal cing dge ba'i phyogs la tron byed par mi nus pa na/ bram ze dang khyim bdag dad pa can dag gtsug lag khang du lhags nas/ de dag gis dris pa 'phags pa dag bstan pa la gcig tu brtson par bgyi ba lags na/ ci'i slad du glos phab ste gzims shing dge ba'i phyogs la tron mi mdzad/ de dag gis smras pa/ kho bo cag bkres so/ /ci'i slad du zhal tshus mi gsol/ sus sbyin par 'gyur /bdag cag gis gsol/ ci dge 'dun thams cad gsol lam/ ma lags te khyed cag kho na </font><hr>Ja218b<br><font size=+1>


gsol lo/ /bzhin bzang dag bcom ldan 'das kyis 'dus shing za ba la bslab pa'i gzhi bca' ba mdzad do zhes zer ba'i skabs de dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ de lta bas na las kyi dus ma gtogs so/ /dge slong dag don mthun dang lhan cig mgron lam du 'dong ba na ci tsam du ri brags shig tu phyin nas de dag gis smras pa| bzhin bzang dag kho bo cag ri brags su bsod snyoms la rgyu'i bar du re zhig yud tsam zhig sdod cig /don mthun dag gis smras pa/ 'phags pa dag shul 'di na chom rkun pa'i 'jigs pa mchis kyi/ tshur gshegs dang bdag cag nyid kyis bsod snyoms gsol lo/ /ci gcig gis thams cad sbyin nam/ ma lags te la las bzhi la'o/ /la las lnga la'o/ /bzhin bzang dag bcom ldan 'das kyis 'dus shing za ba la bslab pa'i gzhi bca' ba mdzad do zhes dge slong de dag gis shas cher zan bcad pa byas pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na lam gyi dus ma gtogs so/ /dge slong rab tu mang po dag don mthun dang lhan cig grur zhugs te/ ljongs rgyur 'dong ba na ri brags zhig tu phyin nas de dag gis smras pa/ bzhin bzang dag kho bo cag ri brags su bsod snyoms la rgyu'i bar du re zhig yud tsam zhig sdod cig /don mthun dag gis smras pa/ 'phags pa </font><hr>Ja219a<br><font size=+1>


@#/ /dag gru'i shul 'di na chom rkun pa'i 'jigs pa mchis kyis tshur gshegs dang bdag cag nyid kyis bsod snyoms gsol lo/ /ci gcig gis thams cad sbyin nam/ ma lags te la las bzhi la'o/ /la las lnga la'o/ /bzhin bzang dag bcom ldan 'das kyis 'dus shing za ba la bslab pa'i gzhi bca' ba mdzad do zhes dge slong de dag gis shas cher zan bcad par byas pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na grur zhugs pa ma gtogs so/ /bcom ldan 'das kyis gtsug phud kyi dus ston dang / dus ston chen po dang / lo lnga'i dus ston bya'o zhes bka' stsal nas/ de na dge slong rnams kyis 'dus pa chen po byung bar gyur nas/ bram ze dang khyim bdag dad pa can dag gis dge slong rnams la smras pa/ 'phags pa dag tshur gshegs/ gdugs tshod gsol cig /dge slong rnams kyis smras pa/ ci dge 'dun thams cad gsol lam/ 'phags pa dag bdag cag la dge 'dun thams cad gsol ba'i 'byor pa gang lags pa de lta bu ga la mchis te/ 'di ltar la las nyi shu gsol lo/ / la las sum cu gsol lo/ /bzhin bzang dag bcom ldan 'das kyi 'dus shing za ba la bslab pa'i gzhi bca' bar mdzad do zhes zer ba'i skabs de dge slong rnams kyis bcom </font><hr>Ja219b<br><font size=+1>


ldan 'das la gsol pa dang / bcom ldan 'das kyis bka' stsal pa/ de lta bas na 'dus pa chen po'i dus ma gtogs so/ /gang gi tshe rgyal po gzugs can snying pos bden pa dag ma mthong ba de'i tshe na 'od ma'i tshal kun tu 'tsho dag la phul bar gyur to/ /gang gi tshe bden pa dag mthong ba de'i tshe/ 'od ma'i tshal kun tu 'tsho dag las phrogs te bcom ldan 'das kyi nyan thos kyi dge 'dun la phul lo| |rgyal po gzugs can snying po'i zhang po kun tu 'tsho dag gi nang du rab tu byung nas/ rgyal pos smras pa/ 'phags pa dag 'di bdag gi zhang po lags kyi/ ji srid du 'gyur ba bsten par mi bgyid kyi bar du 'di gcig pu gzhag tu gsol/ gang gi tshe 'gyur ba bsten par 'gyur ba de'i tshe na/ bdag gis 'di yang bskrad par bgyi'o/ /zhes rgyal po gzugs can snying pos kun tu 'tsho de la kha zas kyi mkho ba stobs par byed do/ /dge slong dag nam gyi cha stod dang nam gyi cha smad la mi nyal bar sbyor ba'i rjes su brtson par gnas pa de dag kun tu 'tsho des mthong nas de shin tu dad pa skyes te/ des dge slong rnams la smras pa/ bdag gis kyang dge slong rnams kyi gdugs tshod bgyi'o/ /de ltar gyis shig /ci dge 'dun thams cad kyi byed dam/ ma lags te bdag gis rgyal pos zhal zas kyi mkho ba stobs par bgyid pa ltar bdag la dge 'dun thams cad kyi gdugs tshod bgyi ba'i 'byor pa gang lags pa de lta bu ma mchis te/ 'di ltar dge slong </font><hr>Ja220a<br><font size=+1>


@#/ /nyi shu'am nyi shu rtsa lnga'i gdugs tshod bgyi'o/ /dge slong rnams kyis smras pa/ bcom ldan 'das kyis 'dus shing za ba la bslab pa'i gzhi bca' ba mdzad do zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong gi zas kyi dus ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang mthun pa dang de'i shas che ba dang de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ 'dus shing za na dus ma gtogs te ltung byed do/ /de la dus ni 'di yin te/ na ba dus so/ /las dus so/ /lam dus so/ / grur zhugs pa dang / 'dus pa chen po dang / dge sbyong gi zas dus te/ de la de ni dus yin no/ /'dus shing za na zhes bya ba ni mi mthun par za na'o/ /dus ma gtogs te zhes bya ba ni/ dus bzhag ste'o/ /ltung byed do zhes bya ba ni sems can dmyal ba dang dud 'gro dang yi dgas ngan song dang ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan </font><hr>Ja220b<br><font size=+1>


yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la dus ni 'di yin te/ na ba dus so zhes bya ba ni 'di lta ste/ dge slong na ba zas gcig gis 'tsho bar mi nus pa'o/ /las dus so zhes bya ba ni 'di lta ste/ dge slong gis dge 'dun gyi'am mchod rten gyi las tha na phyag dar re lde tsam mam/ dkyil 'khor ba ma la tsam byas pa'o/ /lam dus so zhes bya ba ni 'di lta ste/ dge slong dpag tshad phyed du song ba'am/ de'i phyed du song ste phyir 'ongs pa'o/ /grur zhugs pa dus so zhes bya ba ni 'di lta ste/ dge slong grur zhugs te dpag tshad phyed du song ba'am de'i phyed du song ste phyir 'ongs pa'o/ /'dus pa chen po dus so zhes bya ba ni spags pa'o/ /dge sbyong gi zas dus te zhes bya ba ni 'di las phyi rol pa'i rab tu byung ba dag 'khod na/ de yang dge sbyong zhes bya ba'i grangs su 'gro'o/ /de la de ni dus yin no zhes bya ba ni de la de ni mthun pa'i chos yin pa'o/ /de la ltung ba ji ltar 'gyur zhe na/ dge slong gis mtshams kyi nang la mtshams kyi nang du 'du shes pas 'dus shing bza' ba za na ltung byed du 'gyur ro/ /dge slong gis mtshams kyi nang du yid gnyis za bas 'dus shing bza' ba za na ltung byed du 'gyur ro/ /dge slong gis mtshams kyi phyi rol tu mtshams kyi nang du 'du shes pas 'dus shing bza' ba za na nyes byas su 'gyur ro/ /dge slong gis </font><hr>Ja221a<br><font size=+1>


@#/ /mtshams kyi phyi rol tu yid gnyis za bas 'dus shing bza' ba za na nyes byas su 'gyur ro/ /gnas gnyis po gzhi'i gnas dang / khang khyim gyi gnas de gnyis yod na de na gang dag gzhi'i gnas su za ba de dag gis khang khyim nas dge slong dag 'ongs sam zhes dri bar bya'o/ /ma dris par za na nyes byas su 'gyur ro/ /gang dag khang khyim du za ba de dag gis kyang gzhi'i gnas nas dge slong dag 'ongs sam zhes dri bar bya'o/ /ma dris par za na ltung byed du 'gyur ro/ /gsum za zhing gcig las byed pa dang / gsum rdzogs par bsnyen cing gcig rdzogs par ma bsnyen pa dang / zas brim pa tha na lan tshwa pho tshums gang ngam/ ldam ldum srang gcig tsam 'ongs pa dang / gnas so sor nges pa dang / sbyin bdag na re gang dag 'di na 'khod pa de dag la sbyin no zhes zer na ltung ba med do/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do| |'dus shing za ba'i ltung byed de sum cu drug pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa mo'u dgal gyi bu chen pos nye bar 'khor la sogs pas sar pa skyes phran gzhon nu bcu bdun sde'i tshogs rab tu phyung zhing rdzogs par bsnyen par byas </font><hr>Ja221b<br><font size=+1>


pa de'i tshe na de dag snga dro sham thabs bgos lhung bzed dang chos gos thogs te mnyan yod du bsod snyoms la zhugs so/ /bud med kyi yul ni sred pa spyad pa yin pas bud med kyis de dag mthong nas brang brdungs te smras pa/ 'di dag skyed pa gang dag gis 'di dag skyes ma thag gi kha lan tshwas 'gengs par mi nus pa dang bla phrag tu khron pa bcug ste 'brang bar ma nus pa de dag gis ci thob/ bcu bdun sde dag nyam nga bar gyur nas smras pa/ bdag cag gis zan bcad par gyur pa ni bla'i tshig ngan pa rnam pa 'di lta bu dag thos par gyur pa ni mi rung ngo zhes de dag de nyid nas phyir log ste de dag gis zan bcad par byas nas de dag gis ji srid du lus la mdangs yod pa de srid du dge ba'i phyogs la tron byas nas gang gi tshe lus las mdangs yal bar gyur pa de'i tshe na glos phab ste nyal ba dang / nye dgas de dag mthong nas smras pa/ e ma'o bcu bdun sde dag ci gal te zas gzhan gyi yin zhes te lto yang gzhan gyi yin snyam mam/ ci byas/ ci tsam gyis dge ba'i phyogs la tron byed kyang mi nus pa tsam gyi zas zos so/ /sus zos/ khyed kyis so/ /kho bo cag gis ma zos so/ / 'o na ci'i phyir glos phab ste nyal/ de dag gis skabs de rgyas par brjod do/ /grong khyer gyi skabs mo can dag ni skyed mos tshal la dga' bas de dag bza' ba dang btung ba khyer </font><hr>Ja222a<br><font size=+1>


@#/ /te mnyan yod kyi phyi rol rgyal byed kyi tshal du dong nas 'cha' bar byed za bar byed 'thung bar byed pa na bcu bdun sde dag gis de dag mthong nas/ lto ba la nyug par byed cing / tshigs su bcad pa dag smras pa/ mgon po khyed kyis legs gsungs mang po dang / /rgyu dang mi rgyu'i 'jig rten 'di na spyod/ /bkres nyams lus kyi tshor ba ma mchis pa/ /thub pa de ni khyod kyis legs gsungs mchog /de dag gis smras pa/ 'phags pa dag gsol na bzhed dam/ 'dod do/ /de dag gis bcu bdun sde dag las bza' ba dang btung ba byin pa dang / de dag gis longs spyad nas de dag gis zung du bsdebs te 'chag cing kha don bya bar brtsams pa dang / nye dgas de dag kha ton byed pa mthong nas smras pa/ kye ma'o/ /bcu bdun sde dag gis shin tu brtson 'grus brtsams so/ /btsun pa nye dga' bcom ldan 'das kyis bden chos mngon par brjod par bya'o/ /sbyin pa po dang sbyin bdag gis len pa po la zas sbyin pa ni gnas lnga sbyin par byed de/ tshe sbyin pa dang / kha dog sbyin pa dang / stobs sbyin pa dang / bde ba sbyin pa dang / spobs pa sbyin pa ni/ bde bar 'gyur ro zhes bka' stsal pa ni legs par gsungs pa yin te/ zos na stobs dang ldan par 'gyur gyi/ mi zos na mi 'gyur ro/ /khyod </font><hr>Ja222b<br><font size=+1>


kyis zos sam/ zos so/ /khyed dus ma yin par bzar rung ngam/ gal te dus su ma rnyed na kho bo cag gis ltogs te 'chi bar bya'am ci/ dge slong don nyung ngu dag ci'i phyir dge slong dag dus ma yin par bca' ba dang bza' ba za bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no// sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong bcu bdun sde dag la rmas pa/ dge slong dag khyed dus ma yin par bca' ba dang bza' ba 'cha' zhing za ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos </font><hr>Ja223a<br><font size=+1>


@#/ /rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dus ma yin par bca' ba'am bza' ba 'cha'am za na ltung byed do/ /yang dge slong gang zhes bya ba ni bcu bdun sde'am/ gzhan yang de lta bu gang yin pa'o/ /dus ma yin par zhes bya ba ni dus ma yin pa gnyis te/ skya rengs ma shar ba dang / phyed yol bar ro/ /bca' ba'am bza' ba zhes bya ba ni/ bca' ba lnga po dang bza' ba lnga po dag go /'cha'am za na zhes bya ba ni/ mgul du mid na'o/ /ltung byed do zhes bya ba ni sems can dmyal ba dang dud 'gro dang yi dwags ngan song dang ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung ba ji ltar 'gyur zhe na/ dge slong gis dus ma yin pa la dus ma yin par 'du shes pas bca' ba dang bza' ba 'cha'am za na ltung byed du 'gyur ro/ /dge slong gis dus ma yin pa la yid </font><hr>Ja223b<br><font size=+1>


gnyis za bas bca' ba dang bza' ba 'cha'am za na ltung byed du 'gyur ro/ /dge slong gis dus su dus ma yin par 'du shes pas bca' ba dang bza' ba 'cha'am za na nyes byas su 'gyur ro/ /dge slong gis dus su yid gnyis za bas bca' ba dang bza' ba 'cha'am za na nyes byas su 'gyur ro/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /dus ma yin par za ba'i ltung byed de sum cu bdun pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /tshe dang ldan pa nag po'i kun tu spyod pa ni grong ngam grong rdal gang na/ nye bar rten cing gnas pa na/ de snga dro sham thabs bgos lhung bzed dang chos gos thogs te/ grong ngam grong rdal de nyid du lus shin tu bsrungs pa dang / dbang po rnams kyis shin tu bsdams pa dang / dran pa shin tu nye bar bzhag pas bsod snyoms la 'jug cing gal te 'bras chan gsher pa rnyed na ni/ lhung bzed kyis len par byed/ gal te 'bras chan skam po rnyed na ni lhung bzed kyi snod kyis len par byed de/ de grong ngam grong rdal der bsod snyoms la brgyus nas gtsug lag khang du song ste/ 'bras chan gsher ba ni za bar byed/ 'bras </font><hr>Ja224a<br><font size=+1>


@#/ /chan skam po ni bskams nas rdza ma so btang ba bkang ste 'jog par byed cing / de rlung ldang ba'am yul ngan 'byung ba'am char pa 'bab pa'am/ lhags pa 'byung ba gang dag byung bar gyur pa na/ rlung langs pa'am yul ngan byung ba'am char pa bab pa'am/ lhags pa byung ba de lta bu'i tshe 'bras chan skam po chu dron mos sbangs te zos nas bsam gtan dang rnam par thar pa dang ting nge 'dzin la snyoms par 'jug pa'i bde ba dag nyams su myong bar byed de/ /sangs rgyas bcom ldan 'das 'tsho zhing bzhugs la gson zhing gzhes pa rnams kyi chos nyid ni gdul bar gyur pa'i skye bo la rjes su thugs brtse bas dus dang dus su sems can dmyal ba rgyur gshegs pa dang / dud 'gro rgyu ba dang / yi dwags rgyu ba dang / lha rgyu ba dang / ljongs rgyu ba dang / chu klung rgyu ba dang / ri rgyu ba dang / dur khrod rgyu ba dang / gtsug lag khang rgyur gshegs pas don 'dir ni sangs rgyas bcom ldan 'das gtsug lag khang rgyur gshegs par bzhed nas/ tshe dang ldan pa kun dga' bo la bka' stsal pa/ kun dga' bo song la dge slong rnams la dge slong dag de bzhin gshegs pa gtsug lag khang rgyur gshegs kyi/ khyed cag las gang de bzhin gshegs pa dang thabs cig tu gtsug lag khang </font><hr>Ja224b<br><font size=+1>


rgyur 'gro bar spro ba des chos gos dag long zhig ces gyis shig /tshe dang ldan pa kun dga' bos/ btsun pa bka' bzhin 'tshal zhes bcom ldan 'das las mnyan nas dge slong rnams la tshe dang ldan pa dag bcom ldan 'das gtsug lag khang rgyur gshegs kyi/ khyed cag las gang de bzhin gshegs pa dang thabs cig tu gtsug lag khang rgyur 'gro bar spro ba des chos gos dag long zhig /de nas bcom ldan 'das dge slong gi tshogs kyis yongs su bskor cing dge slong gi dge 'dun gyis mdun du bdar te/ gtsug lag khang rgyu zhing gshegs pa na tshe dang ldan pa nag po'i gtsug lag khang ga la ba der gshegs so/ /de'i tshe na tshe dang ldan pa nag po'i gtsug lag khang na 'bras chan skam po rab tu mang po dag bting zhing 'dug go /bcom ldan 'das kyis tshe dang ldan pa nag po'i gtsug lag khang na 'bras chan skam po rab tu mang po dag bting zhing 'dug pa gzigs so/ /gzigs nas kyang tshe dang ldan pa kun dga' bo la bka' stsal pa/ kun dga' bo 'bras chan skam po rab tu mang po bting ba 'di dag su'i/ btsun pa tshe dang ldan pa nag po'i kun tu spyod pa ni/ grong ngam grong rdal gang na nye bar rten cing gnas pa na/ de snga dro sham thabs bgos/ lhung bzed dang chos gos thogs te grong ngam grong rdal de nyid du lus shin tu bsrungs pa dang </font><hr>Ja225a<br><font size=+1>


@#/ /dbang po rnams kyis shin tu bsdams pa dang / dran pa shin tu nye bar bzhag pas bsod snyoms la 'jug cing gal te 'bras chan gsher ba rnyed na ni lhung bzed kyis len par bgyid/ gal te 'bras chan skam po rnyed na ni lhung bzed kyi snod kyis len par bgyid de/ de grong ngam grong rdal der bsod snyoms la brgyus nas/ gtsug lag khang du mchis te 'bras chan gsher ba ni 'tshal bar bgyid/ 'bras chan skam po ni bsams nas rdza ma so btang ba bkang ste 'jog par bgyid cing de bser ma ldang ba'am yul ngan byung ba'am dgung char 'bab pa'am dgung lhags 'byung ba gang dag byung bar gyur ba na/ bser ma langs pa'am yul ngan byung ba'am/ dgung char 'bab pa'am dgung lhags byung ba de lta bu'i tshe 'bras chan skam po chab dron mos sbangs te 'tshal nas/ bsam gtan dang rnam par thar pa dang / ting nge 'dzin la snyoms par 'jug pa'i bde ba dag nyams su myong bar bgyid do/ /kun dga' bo dge slong dag gsog 'jog byas pa za'am/ btsun pa 'tshal lo/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la </font><hr>Ja225b<br><font size=+1>


sogs pa yang snga ma bzhin te/ sangs rgyas bcom ldan 'das kyis tshe dang ldan pa nag po la rmas pa/ nag po khyod bca' ba dang bza' ba gsog 'jog byas pa za ba bden nam/ btsun pa mad do/ /sangs rgyas bcom ldan 'das kyis mi brtson pa dang mi sbyor ba dang / ma brtags par spyod pa rnam par smad pa mdzad do/ /de nas bcom ldan 'das kyis brtson pa dang sbyor ba dang / brtags te spyod pa'i bsngags pa brjod nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang bca' ba dang bza' ba gsog 'jog byas pa 'cha' 'am za na ltung byed do/ /yang dge slong gang zhes bya ba ni tshe dang ldan pa nag po'am/ gzhan yang de lta bu gang yin pa'o/ /bca' ba dang bca' ba zhes bya ba ni bca' ba lnga po dang bza' ba lnga po dag go /gsog 'jog byas pa zhes bya ba ni/ gsog 'jog byas pa rnam pa gnyis te/ snga dro byin len byas pa phyi dro'i bar du gsog 'jog byas pa dang / phyi dro byin len byas pa thun stod las yol bar gsog 'jog byas pa'o/ /'cha' 'am za na zhes bya ba ni/ mgul du mid na'o/ /ltung byed do zhes bya ba ni sems can dmyal ba dang dud 'gro dang yi dwags ngan song dang ngan 'gro dang </font><hr>Ja226a<br><font size=+1>


@#/ /log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste des na ltung byed do zhes gsungs so/ /de la ltung ba ji ltar 'gyur zhe na/ dge slong gis gsog 'jog byas pa la gsog 'jog byas par 'du shes pas bca' ba dang bza' ba 'cha' 'am za na ltung byed du 'gyur ro/ /dge slong gis gsog 'jog byas pa la yid gnyis za bas bca' ba dang bca' ba 'cha' 'am za na ltung byed du 'gyur ro/ /dge slong gis gsog 'jog ma byas pa gsag 'jog byas par 'du shes pas bca' ba dang bza' ba 'cha' 'am za na nyes byas su 'gyur ro/ /dge slong gis gsag 'jog ma byas pa la yid gnyis za bas bca' ba dang bza' ba 'cha' 'am za na nyes byas su 'gyur ro/ /dge slong gis lhung bzed dang lhung bzed chung ngu dang kha gzar dang kha phor dang tsha khug dang lhung bzed kyi snod dang gos dang man shel dang khri dang khri'u dang 'khar ba dang bum pa dang ril ba dang lde mig dang lde mig kyog po gsog 'jog byas pas 'bags pa za na thams cad du nyes byas su 'gyur ro/ /dge slong gis gsog 'jog byas pas kha dang gsog 'jog byas pas lag pa dag gis bca' ba dang bza' ba 'cha' 'am za na nyes byas su 'gyur ro/ /dge slong gis me tog dang 'bras bu gsog </font><hr>Ja226b<br><font size=+1>


'jog byas pa dang dge slong ji tsam du gsog 'jog byas pa za na thams cad du ltung byed du 'gyur ro/ /dge slong gis kha ma bkrus par skom 'thung na nyes byas su 'gyur ro/ /las dang po ba dang / smyos pa dang sems 'khrugs pa dang / tshor ba dag gis nyen pa la ltung ba med do/ /gsog 'jog gi ltung byed de sum cu brgyad pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /tshe dang ldan ba nag po chen po ni thams cad dur khrod pa dang ldan pa yin te/ de'i lhung bzed kyang dur khrod pa yin/ chos gos kyang dur khrod pa yin/ bsod snyoms kyang dur khrod pa yin/ gnas mal yang dur khrod pa yin no/ /ji ltar lhung bzed dur khrod pa yin zhe na/ 'di lta ste nye du dag gis shi zhing dus la bab pa'i rdze'u dur khrod du 'dor bar byed pa de tshe dang ldan pa nag po chen pos gyo mo kha gzhogs te bsregs nas lhung bzed du byin gyis brlabs shing 'chang bar byed de de ltar lhung bzed dur khrod pa yin no/ /ji ltar chos gos dur khrod pa yin zhe na/ 'di lta ste nye du dag gis shi zhing dus la bab pa'i gos dag /dur khrod du 'dor bar byed pa de dag tshe dang ldan pa nag po chen pos bkrus te drubs shing khab sgyur nas chos gos su byin gyis brlabs shing 'chang bar byed de de ltar chos </font><hr>Ja227a<br><font size=+1>


@#/ /gos dur khrod pa yin no/ /ji ltar bsod snyoms dur khrod pa yin zhe na/ 'di lta ste nye du dag gis shi zhing dus la bab pa'i zas lnga dur khrod du 'dor bar byed pa de dag tshe dang ldan pa nag po chen pos blangs shing za bar byed de de ltar bsod snyoms dur khrod pa yin no/ /ji ltar gnas mal dur khrod pa yin zhe na/ 'di lta ste tshe dang ldan pa nag po chen po dur khrod du gnas mal byed de de ltar gnas mal dur khrod pa yin no/ /gang gi tshe skye bo phal po che la mi ngas byung ba de'i tshe na tshe dang ldan pa nag po chen po tsho ba dang pags pa dang sha dang khrag rgyas par gyur cing de yang dang yang du grong du bsod snyoms la 'jug par mi byed de/ gang gi tshe skye bo phal po che la mi ngas ma byung ba de'i tshe na tshe dang ldan pa nag po chen po rid pa dang nyam chung ba dang rke ba dang skem pa dang / lus ma thob par gyur cing de yang dang yang du grong du bsod snyoms la 'jug par byed do/ /sgo bas de mtshan mar bzung nas 'phags pa nag po chen po 'di gang gi tshe skye bo phal po che la mi ngas byung ba de'i tshe na tsho ba dang pags pa dang sha dang khrag rgyas par gyur cing 'di yang dang yang du grong du bsod snyoms la 'jug par mi byed la/ gang gi tshe skye bo phal po che la mi ngas ma byung ba de'i tshe na 'phags pa nag po chen po 'di ring ba dang nyam chung ba dang rke ba dang skem pa dang / lus ma thob </font><hr>Ja227b<br><font size=+1>


par gyur cing 'di yang dang yang du grong du bsod snyoms la 'jug par byed pa las na/ 'phags pa nag po chen po 'di mi sha mi za'am snyam mo/ /thams cad du yang 'phags pa nag po mi sha za'o zhes sgra grags so/ /mnyan yod na bram ze zhig 'dug pa des rigs mnyam pa las chung ma blangs nas de de dang lhan cig rtse bar byed dga' bar byed dga' mgur spyod par byed do/ /rtse bar byed dga' bar byed dga' mgur spyod par byed pa de'i bu mo zhig byung nas bsrings shing bskyed de chen mor gyur to/ /dus gzhan zhig na bram ze de dus la bab nas nye du rnams kyis/ gos sngon po dang / ser po dang / dmar po dang / dkar po dag gis khyogs spyil brgyan nas dur khrod du khyer te/ bsregs shing dong nas de'i chung ma dang bu mo gnyis mtha' gcig tu dong ste bsdad pa dang / tshe dang ldan pa nag po chen po de'i gdong du lta zhing sdod do/ /bu mo des 'phags pa nag po chen po de'i gdong du lta zhing sdod pa mthong ngo / /mthong nas kyang ma la smras pa/ yum 'phags pa nag po chen po 'di bya rog mo zhar ma bzhin du nges par rtog cing sdod do/ /de nas bcom ldan 'das kyis dge slong rnams la bka' stsal pa/ dge slong dag bram ze'i bu mo zhig smras pa dang / nye bar smras par gyur te des nyan thos chen po ri rab dang 'dra ba la ngag gi las rtsub po smras pas bram ze'i bu mo de tshe rabs lnga brgyar bya rog mo zhar mar 'gyur ro/ /thams cad du </font><hr>Ja228a<br><font size=+1>


@#/ /bcom ldan 'das kyis bram ze'i bu mo de tshe rabs lnga brgyar bya rog mo zhar mar 'gyur ro zhes lung bstan to zhes sgra grags so/ /bram ze mo des bcom ldan 'das kyis bdag gi bu mo tshe rabs lnga brgyar bya rog mo zhar mar 'gyur bar lung bstan to zhes thos so/ /de nas bram ze mo des bu mo de khrid nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te/ bcom ldan 'das la 'di skad ces gsol to/ /bcom ldan 'das bu mo 'di la bzod pa mdzad du gsol/ 'dis rab tu sdang pa'i sems kyis ngag gi las rtsub po ma smras so/ /bram ze mo/ ci ngas 'ga' zhig la mna' 'dor bar bya'am/ gal te bu mo 'dis rab tu sdang pa'i sems kyis ngag gi las rtsub po smras par gyur na sems can dmyal ba rnams su skye bar 'gyur ba de lta bu'i gnas yod par 'gyur ro/ /mnyan yod na bram ze'i khye'u dag gis 'phags pa nag po chen po mi sha za'o zhes thos nas/ de dag gis smras pa/ shes ldan dag ci yang dag pa yin nam/ 'on te de yang dag pa ma yin ba bdag cag gis 'phags pa nag po chen po bgam par byas bdag cag las gcig shi ba'i cha lugs su byas la de bdag cag gis dur khrod du bskur bar bya'o/ /bdag cag </font><hr>Ja228b<br><font size=+1>


las gang zhig shi ba'i cha lugs su bya/ khyod shi ba'i cha lugs su gyis shig /des smras pa/ kho bo mi zos sam/ de dag gis smras pa/ kho bo cag gis khyod bsrung bar bya'o/ /des shi ba'i cha lugs su byas pa dang / de dag gis de khur dang 'bru mar gyis bskus te khyogs spyil du bzhag nas mnyan yod nas phyir 'byung bar brtsams pa dang / tshe dang ldan pa nag po chen po yang mnyan yod du bsod snyoms la zhugs te des de mthong nas bsams pa/ bdag dgang dka' ba 'di'i don du grong du bsod snyoms la zhugs te ci rung phyir log la zas lnga po 'di dag nyid bza' bar bya'o snyam nas de phyir log go /bram ze'i khye'u des de dag la smras pa/ shes ldan dag 'phags pa nag po chen po 'di phyir log pas kho bo zos par mi 'gyur ram/ de dag gis smras pa/ kho bo cag 'khod bzhin du ji ltar za bar 'gyur/ de dag gis de dur khrod du bor te/ mtha' gcig tu dong nas tshang tshing dang lhab lhub dag gi nang du mgo bsrings te bsdad do/ /der wa zhig gis bgrod par brtsams pa dang / tshe dang ldan pa nag po chen pos bsams pa/ was zas lnga po dag zos shing bdag gi zan gcad par gyur na mi rung ngo / /snyam du rig nas/ des myur ba myur bar 'gro bar brtsams pa dang / bram ze'i khye'u de skrag ste kho bo zos kho bo zos zhes ngu bar brtsams so/ /bram ze'i </font><hr>Ja229a<br><font size=+1>


@#/ /khye'u de dag dbyug pa thogs te myur ba myur bar dong nas de dag gis smras pa/ 'phags pa drang srong gi rgyal mtshan thogs shing sdig pa'i las rtsub po 'di dang 'di lta bu lhag par spyod dam/ des smras pa/ ci byas/ ci mi sha za'o/ /bzhin bzang dag khyed kyis kho bo mtshon thogs te sha gcod cing za ba mthong ngam/ de dag gis smras pa/ 'o na ci'i slad du myur ba myur bar byon/ bzhin bzang dag kho bo la blo skyes pa wa 'dis zas lnga po dag zos shing bdag gi zan chad par gyur na mi rung ngo snyam du rig nas myur ba myur bar 'ongs so/ /'phags pa zas lnga po dag gsol lam/ mi sha gsol ni ma 'tshal gyi 'di ltar thams cad du 'phags pa nag po chen po mi sha gsol zhes sgra grags bar gyur to zhes zer ba'i skabs de dge slong rnams kyis bcom ldan 'das la gsol to/ /de nas bcom ldan 'das 'di snyam du dgongs te nyes dmigs gang cung zad byung ba de ni/ dge slong dag byin len byed du ma gzhug par za ba las gyur pa yin pas/ de lta bas na dge slong rnams kyis byin len byed du bcug ste za na de nyid dpang por 'gyur ro snyam du dgongs nas bka' stsal pa/ de lta bas na dge slong rnams kyis byin len byed du bcug ste bza' bar bya'o/ /bcom ldan 'das kyis dge slong rnams kyis byin </font><hr>Ja229b<br><font size=+1>


len byed du bcug ste bza' bar bya'o zhes bka' stsal nas/ de dag gis byin len du yod mi shes nas/ bcom ldan 'das kyis bka' stsal pa/ byin len ni rnam pa lnga ste/ lnga gang zhe na/ lus kyis lus su dang / lus dang 'brel bas lus su dang / lus kyis lus dang 'brel bar dang / lus dang 'brel bas lus dang 'brel bar dang / bzhag pa'i cho ga nyid ni lnga pa'o/ /ji ltar lus kyis lus su zhe na/ lus kyis sbyin par byed cing lus su len par byed pa ste/ de ltar lus kyis lus su'o/ /ji ltar lus dang 'brel bas lus su zhe na/ lhung bzed kyis sbyin par byed cing lus su len par byed pa ste de ltar lus dang 'brel bas lus su'o/ /ji ltar lus kyis lus dang 'brel bar zhe na/ lus kyis sbyin par byed cing lhung bzed du len par byed pa ste/ de ltar lus kyis lus dang 'brel bar ro/ /ji ltar lus dang 'brel bas lus dang 'brel bar zhe na/ lhung bzed kyis sbyin par byed cing lhung bzed du len par byed pa ste/ de ltar lus dang 'brel bas lus dang 'brel bar ro/ /ji ltar bzhag pa'i cho ga nyid ni lnga pa yin zhe na/ dge slong dag smad pa zhes bya ba'i yul gyi mi dag yod de/ de dag ma yang smod par byed/ pha yang smod par byed/ phu nu dang bu sring yang smod par byed do/ /dge slong gang der 'gro ba des dkyil 'khor byas te 'dir zhog cig ces brjod par bya zhing de dag gis der gang bzhag pa de byin len byas par </font><hr>Ja230a<br><font size=+1>


@#/ /brjod par bya zhing / byang gi sgra mi snyan gyi dus byin gyis brlabs te bza' bar bya zhing 'di la 'gyod par mi bya ste/ de ltar bzhag pa'i cho ga nyid ni lnga pa yin no/ /bram ze dang khyim bdag dad pa can dag gis dge slong rnams la shing tog dag 'bul bar byed pa na dge slong rnams de dag mi len nas de dag gis smras pa/ 'phags pa dag gang gi tshe bcom ldan 'das 'jig rten du ma gshegs pa de'i tshe na ni gzhan mu stegs can dag sbyin gnas lags mod/ de ni bcom ldan 'das 'jig rten du gshegs pas khyed cag sbyin gnas lags la/ gal te khyed cag mi bzhes na ci bdag cag dge ba'i shul rgyags dang bral ba dag gis 'jig rten 'di nas 'jig rten pha rol tu 'chi bar bgyi'am/ bzhes shig ces zer ba'i skabs de dge slong rnams kyis/ bcom ldan 'das la gsol pa dang / bcom ldan 'das kyis bka' stsal pa/ blang bar bya zhing blangs nas rung bar bya ste bza' bar bya'o/ /de dag gis rung ba du yod mi shes nas/ bcom ldan 'das kyis bka' stsal pa/ rung ba ni rnam pa lnga ste/ lnga gang zhe na mes rung ba dang / mtshon gyis rung ba dang / sen mos rung ba dang / rnyis pas rung ba dang / ne tsos rma phyung bas rung ba nyid ni lnga pa'o/ /gzhan yang rung ba lnga ste/ lnga gang zhe na/ phyung ba dang / gshegs pa dang / bcad pa dang / </font><hr>Ja230b<br><font size=+1>


phug pa dang / sa bon gyi chos med pa nyid ni lnga pa'o/ /bcom ldan 'das kyis shing tog dag byin len byed du bcug ste/ bza' bar bya'o zhes bka' stsal nas/ de dag gis byin len du yod mi shes nas/ bcom ldan 'das kyis bka' stsal pa/ lag pa bkan par byin len lnga ste/ lnga gang zhe na/ man shel dang / khri dang / khri'u dang / thu ba dang / lhung bzed kyi gzhi nyid ni lnga pa'o/ /dge slong rnams shing tog dag re re nas rung bar byed du 'jug pas yun ring du thogs nas/ bcom ldan 'das kyis bka' stsal pa phung por byas te mes gnas gnyis sam gsum du reg par byas na thams cad du rung bar 'gyur ro/ /mtshon dang sen mos ni re re nas so/ /khyim pa rnams shing tog dag mi snyoms par 'drim par byed nas/ bcom ldan 'das kyis bka' stsal pa/ dge tshul dag 'drim du gzhug par bya'o/ /dge tshul dag kyang mi snyoms par 'drim par byed nas/ bcom ldan 'das kyis bka' stsal pa/ dge slong dag gis lag pa dag bsnyal te byin len byas nas brim par bya'o/ /'on kyang ma snyoms par gyur nas/ bcom ldan 'das kyis bka' stsal pa/ brim par bya ba gces pa dang / bar ma dang / tha ma dag so sor bya'o/ /gang dag 'drim par byed pa de dag gis phyis thams cad kyi tha chad dag thob nas/ bcom ldan 'das kyis bka' stsal pa/ 'drim par byed pa'i skal ba ni mkhan </font><hr>Ja231a<br><font size=+1>


@#/ /po dang slob dpon dag gis mnod par bya'o/ /de dag gis bzang po dag thob nas/ bcom ldan 'das kyis bka' stsal pa/ de dag gi drung na 'dug pa dag gis mnod par bya'o/ /de dag langs shing langs shing rab tu mang po dag gi skal pa dag byin len byed du 'jug nas/ bcom ldan 'das kyis bka' stsal pa/ stan las ma 'phags pas| ji tsam nus pa de tsam dag byin len byed du gzhug go /'drim pa na de dag yang byin len byed du 'jud nas/ bcom ldan 'das kyis bka' stsal pa/ stan las ma 'phags pas gang dag len nus pa de dag ni byin len byed du bcug zin par brjod par bya'o/ /stan pas ma 'phags pas gang dag len mi nus pa de dag ni yang byin len byed du gzhug par bya'o/ / khyim pa dag na re 'phags pa dag bdag cag gis kyang brim par bgyi'o/ /zhes zer ba na dge slong dag mi btub nas/ bcom ldan 'das kyis bka' stsal pa/ 'drim du gzhug par bya'o| |de dag dang por 'dzin cing dge slong dag phyis 'dzin nas/ bcom ldan 'das kyis bka' stsal pa/ dge slong dag gis dang por gzung bar bya zhing / phyis khyim pa dag gis gzung bar bya'o| |dge slong rnams dge slong dag las blangs pa gang dag yin pa de dag /yang byin len byed du 'jud nas/ bcom ldan 'das kyis bka' stsal pa/ dge slong dag las blangs gang dag </font><hr>Ja231b<br><font size=+1>


yin pa de dag gi byin len ni de nyid yin no/ /khyim pa dag las blangs pa gang dag yin pa de dag ni byin len byed du gzhug go /gtong ba na dang por khyim pa dag gis gtong zhing phyis dge slong dag gis gtong bar byed nas/ dge slong rnams de dag gsog 'jog byas pa yin no zhes 'dor bar byed nas/ bcom ldan 'das kyis bka' stsal pa/ dang por dge slong dag gis gtang bar bya zhing phyis khyim pa dag gis gtang bar bya ste/ phyi de nyin par dge 'dun la brim par bya'o/ /bram ze dang khyim bdag dad pa can dag gis dge 'dun la zhun mar gyi bum pa dang / 'bru mar gyi bum pa dang / sbrang rtsi'i bum pa dang / bu ram gyi dbu ba'i bum pa dag 'bul ba na dge slong dag mi len nas bcom ldan 'das kyis bka' stsal pa/ blang bar bya zhing blangs nas dge 'dun la brim par bya'o/ /de dag gis chos gos dag snum par gyur nas/ bcom ldan 'das kyis bka' stsal pa/ bar du rtswa'am lo ma dag bcug ste brim par bya'o/ /de dag bzung ste 'greng ba na ngal bar gyur nas/ bcom ldan 'das kyis bka' stsal pa/ gzhag par bya'o/ /de dag gis bzhag pa dang / 'dril nas bcom ldan 'das kyis bka' stsal pa/ 'og gzhi la gzhag par bya'o/ /de dag gis de dag zos nas de dag nyid la phyir sbyin nas de dag gis smras pa/ 'phags pa gzhun mar dang 'bru mar dang sbrang rtsi dang bu </font><hr>Ja232a<br><font size=+1>


@#/ /ram gyi dbu ba dag phul na bum pa dag ma phul lam ci/ bum pa dag kyang khyed nyid snoms shig /de dag gis mnos te 'dug pa dang / bcom ldan 'das kyis bka' stsal pa/ de dag chu'i rdzing bu zab mo'i nang du zhag bdun nam/ brgyad gzhug par bya zhing gang gi tshe nya'am rus sbal lam sbal pa'am chu srin byis pa gsod dam/ nya khyi ba dag gis ma lus par ldog par gyur pa de'i tshe na rung ba'i khang par bcug ste spyad par bya'o/ /bcom ldan 'das kyis byin len byed du bcug ste bza' bar bya'o zhes bka' stsal nas de dag gis ji ltar byin len byed du bcug pa dang / ji ltar byin len byed du ma bcug pa mi shes nas/ bcom ldan 'das kyis bka' stsal pa/ rnam pa lngas ni byin len byed du ma bcug par brjod par bya la/ rnam pa lngas ni byin len byed du bcug par brjod par bya'o/ /rnam pa lnga po gang dag gis byin len byed du ma bcug par brjod par bya zhe na/ mtshams kyi phyi rol na 'dug pas dang / mi 'thob pa'i phyogs nas dang / glo nas dang / rgyang nas dang / lag pa khas phub pas byin len byed du 'jug pa ste/ rnam pa lnga po de dag gis ni byin len byed du ma bcug par brjod par bya'o/ /rnam pa lnga po gang dag gis ni byin len byed du bcug par brjod par bya zhe na/ mtshams kyi phyi rol ma yin pa na 'dug pas dang / </font><hr>Ja232b<br><font size=+1>


mi 'thob pa'i phyogs ma yin pa nas dang / glo ma yin pa nas dang / rgyab ma yin pa nas dang / lag pa khas phub pa ma yin pas byin len byed du 'jud pa ste/ rnam pa lnga po de dag gis ni byin len byed du bcug par brjod par bya'o/ /bcom ldan 'das kyis byin len byed du bcug ste bza' bar bya'o zhes bka' stsal nas/ drug sde dag byin len byed du bcug pa dang byin len byed du ma bcug pa yang za bar byed nas dge slong don nyung du dag bcom ldan 'das kyis byin len byed du bcug ste bza' bar bya'o zhes bka' stsal na/ ci'i phyir dge slong dag byin len byed du bcug pa dang byin len byed du ma bcug pa yang za bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste/ zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la rmas pa/ dge slong dag ngas byin len byed du bcug ste bza' bar bya'o zhes bka' stsal na khyed byin len byed du bcug pa dang / byin len byed du ma bcug pa yang za ba bden nam/ </font><hr>Ja233a<br><font size=+1>


@#/ /btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi 'di ltar bca' bar bya ste/ zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang ma byin par kha nas mid pa'i zas za na ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad do/ /dge slong dgon pa dgon pa na gnas pa rnams la chu dang so shing gi byin len stobs pa med nas de dag gis dgon pa'i gnas mal dag bor te/ grong mtha'i gnas mal dag tu zhugs so/ /sangs rgyas bcom ldan 'das rnams ni mkhyen bzhin du rmed par mdzad pas/ sangs rgyas bcom ldan 'das kyis tshe dang ldan pa kun dga' bo la rmas pa/ kun dga' bo ci'i phyir dge slong dgon pa pa dag gis dgon pa'i gnas mal dag bor te/ grong </font><hr>Ja233b<br><font size=+1>


mtha'i gnas mal dag tu zhugs/ btsun pa bcom ldan 'das kyis yang dge slong gang ma byin par kha nas mid pa'i zas za na ltung byed do zhes 'dul ba la nyan thos rnams kyi bslab pa'i gzhi de ltar bca' ba mdzad pas dge slong dgon pa pa dgon pa na gnas pa rnams la chab dang so shing gi byin len stobs pa ma mchis nas de dag gis dgon pa'i gnas mal dag bor te/ grong mtha'i gnas mal dag tu zhugs so/ /bcom ldan 'das kyis bka' stsal pa/ de lta bas na chu dang so shing ma gtogs so/ /glang po che cang shes dang spre'u cang shes dang dom cang shes dag yod nas de dag gis dge slong rnams la shing tog dag 'bul ba na dge slong rnams 'gyod pas de dag mi len nas bcom ldan 'das kyis bka' stsal pa/ gang la len pa yod pa de la stobs pa yang yod pas de dag gis bstabs pa ni byin len byas par brjod par bya ste/ de la 'gyod par mi bya'o/ /de nas bcom ldan 'das kyis bslab pa 'dod pa dang bslab pa la gus pa dang bslab pa la yo byad bsnyungs pa'i bsngags pa brjod nas/ dge slong rnams la de dang mthun pa dang de'i shas che ba dang de dang 'tsham pa'i chos dang ldan pa'i bka' mchid mdzad nas/ dge slong rnams la bka' stsal pa/ dge slong dag de lta bas na snga ma ni bcas pa yin la 'di ni gnang ba yin te/ nga'i nyan thos rnams kyis 'dul ba la bslab </font><hr>Ja234a<br><font size=+1>


@#/ /pa'i gzhi 'di ltar gdon par bya ste yang dge slong gang ma byin par kha nas mid pa'i zas za na chu dang so shing ma gtogs te ltung byed do/ /yang dge slong gang zhes bya ba ni drug sde'am gzhan yang de lta bu gang yin pa'o/ /ma byin par zhes bya ba ni de la skyes pa'am bud med dam/ ma ning gang dag gis kyang ma byin par ro/ /kha nas mid pa'i zas zhes bya ba ni/ bca' ba lnga po dang bza' ba lnga po dag go/ za na zhes bya ba ni mgul du mid na'o/ /chu dang so shing ma gtogs te zhes bya ba ni chu dang so shing bzhag ste'o/ / ltung byed do zhes bya ba ni sems can dmyal ba dang dud 'gro dang yi dwags ngan song dang ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung ba ji ltar 'gyur zhe na/ dge slong gis byin len ma byas pa la byin len ma byas par 'du shes pas bca' ba dang bza' ba 'cha' 'am za na ltung byed du 'gyur ro/ /dge slong gis byin len ma byas pa la yid gnyis za bas bca' ba dang bza' ba 'cha'am za na ltung byed du 'gyur ro/ /dge slong gis byin len byas pa la byin len ma byas par 'du shes pas bca' ba dang bza' ba </font><hr>Ja234b<br><font size=+1>


'cha' 'am za na nyes byas su 'gyur ro/ /dge slong gis byin len byas pa la yid gnyis za bas bca' ba dang bza' ba 'cha'am za na nyes byas su 'gyur ro/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /sangs rgyas bcom ldan 'das la dge slong rnams kyis zhus pa/ btsun pa tshe dang ldan pa nag po chen pos las ci bgyis na las de'i rnam par smin pas/ bcom ldan 'das kyi spyan sngar rab tu byung nas thams cad dur khrod pa dang ldan zhing nyon mongs pa thams cad spangs pas dgra bcom pa nyid mngon sum du bgyis shing dgra bcom pa nyid thob nas yang dag pa ma lags pas skur bar gyur/ bcom ldan 'das kyis bka' stsal pa/ dge slong dag rigs kyi bu nag po chen po nyid kyis las tshogs rnyed pa rkyen yongs su bsgyur ba 'od pa bzhin du nye bar gnas pa gdon mi za bar 'byung bar 'gyur ba dag byas shing bsags pas nag po chen po nyid kyis las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi 'di ltar las dge ba dang mi dge ba byas shing bsags pa dag ni zin pa'i phung po dang khams dang skye mched dag la rnam par smin par 'gyur te/ </font><hr>Ja235a<br><font size=+1>


@#/ /las rnams bskal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba 'das pa'i dus na/ grong khyer wA ra NA sir rang sangs rgyas bla ma zhes bya ba zhig nye bar rten cing gnas pa de lha'i tshogs 'bum phrag du mas yongs su bskor cing mdun du bdar te dur khrod chen po'i dbus nas wA ra NA sir bsod snyoms la zhugs so/ /dur khrod chen po de na gnod sbyin gdug pa zhig 'dug pa de de na mi ro myags pa za'o/ /gang gi tshe rang sangs rgyas bla ma dur khrod chen po der phyin pa de'i tshe na/ gnod sbyin gdug pa de lha'i mthus dur khrod chen po de nas bros pa dang / de'i mi ro myags pa de dag wa la sogs pas zos nas/ gnod sbyin gdug pa des bsams pa/ rab tu byung ba 'di bdag gi lto'i gegs su gyur gyi/ bdag gis 'di la bsnyen bkur ma yin pa bya'o snyam nas des de'i lhung bzed du mi'i lag pa bcug pa dang / wA ra NA si thams cad du rab tu byung ba de mi sha za'o zhes sgra grags par gyur to/ /rang sangs rgyas bdag nyid chen po des bsams pa/ gnod sbyin gdug pa nyon mongs pa 'di ha cang smras pa dang nyams par gyur na mi rung gi/ 'di lta lag nas drang ba sbyin no snyam nas de de la snying brtse ba'i phyir des ngang pa'i rgyal po 'dab ma brkyang pa ltar </font><hr>Ja235b<br><font size=+1>


steng gi nam mkha' la mngon par 'phags nas 'bar ba dang gsal ba dang char 'bab pa dang glog 'byin pa'i cho 'phrul dag bya bar brtsams so/ /so so'i skye bo ni rdzu 'phrul la myur du sems gtod par byed pa yin pas/ gnod sbyin gdug pa de shing ljon pa rtsa ba nas bcad pa bzhin du rang sangs rgyas de'i rkang pa gnyis kyi drung du 'gyel nas smras pa/ yon gnas yang dag par gyur pa mar gshegs su gsol/ mar gshegs su gsol/ nyon mongs pa'i 'dam du bying ba bdag gi sug pa nas drang ba stsal du gsol/ bdag gis khyed la yang dag pa ma lags pa'i bsngags pa ma lags pa brjod do/ /wA ra NA si thams cad du yang rab tu byung ba de mi sha mi za yi/ 'dis de la yang dag pa ma yin pa'i mi bsngags pa brjod do/ / zhes sgra grags par gyur to/ /rang sangs rgyas de gnod sbyin gdug pa de la rjes su snying brtse ba'i phyir/ steng gi nam mkha' las shod du babs so/ /de nas gnod sbyin gdug pa des de'i lhung bzed nas/ mi'i lag pa sa la bor te rkang pa gnyis la phyag 'tshal nas smon lam 'di skad ces bdag yon gnas yang dag par gyur pa 'di lta bu la gnod pa byas pa gang yin pa'i las de'i cha dang mthun par ma gyur bar mchod pa byas pa gang yin pa'i dge ba'i rtsa ba 'dis 'dri bas ches khyad par du 'phags pa'i ston pa mnyes par byed cing thugs byung bar mi </font><hr>Ja236a<br><font size=+1>


@#/ /byed pa'i yon tan gyi rnam pa de lta bu thob par gyur cig ces smon lam btab bo/ /dge slong dag de la de'i dus na gnod sbyin gdug pa gang yin pa de ni nag po chen po 'di yin te/ des rang sangs rgyas la yang dag pa ma yin pas skur pa btab pa gang yin pa'i las de'i rnam par smin pas tshe rabs mang po dag tu sems can dmyal ba rnams su gdungs nas las de nyid kyi lhag mas tshe rabs lnga brgyar yang dag pa ma yin pas skur nas da ltar dgra bcom pa thob kyang yang dag pa ma yin pas skur to/ /mchod pa byas nas smon lam btab pa gang yin pa'i las de'i rnam par smin pas ni nga'i drung du rab tu byung nas nyon mongs pa thams cad spangs pas dgra bcom pa nyid mngon sum du byas shing 'dis rang sangs rgyas bye ba phrag 'bum pas ches khyad par du 'phags pa'i ston pa nga mnyes par byas shing thugs byung bar ma byas so/ /'di dur khrod de na gnas gnas pa gang yin pa de'i bag chags kyis da ltar yang thams cad dur khrod pa dang ldan par gyur to/ /dge slong dag de ltar na las gcig tu gnag pa rnams kyi rnam par smin pa ni gcig tu gnag pa yin/ las gcig tu dkar ba rnams kyi rnam par smin pa yang gcig tu dkar ba yin/ las 'dren ma rnams kyi rnam par smin pa yang 'dren ma yin no/ /dge slong dag de lta bas na las gcig tu gnag </font><hr>Ja236b<br><font size=+1>


pa rnams dang / 'dren ma rnams spangs te/ las gcig tu dkar ba rnams la brtsal bar bya ste/ dge slong dag khyod kyis de ltar bslab par bya'o/ /bar sdom la/ thams cad dur khrod ldan pa dang / /sgo ba dang ni bu mo dang / /bram zes bgam dang byin len lnga/ /shing tog lnga sogs gzhan lnga dang / /chu dang so shing gnang ba dang / /glang po spre'u dang dom dang ni/ /sngon gyi tshul dang sbyar ba yin/ /byin len ma byas par za ba'i ltung byed de sum cu dgu pa rdzogs so// //'dul ba rnam par 'byed pa/ bam po nga bzhi pa/ sangs rgyas bcom ldan 'das shAkya rnams kyi nang du ljongs rgyu zhing gshegs pa na ser skya'i gnas su byon nas/ ser skya'i gnas na n+ya gro d+ha'i kun dga' ra ba na bzhugs so/ /shAkya ming chen gyis bcom ldan 'das shAkya rnams kyi nang du ljongs rgyu zhing gshegs pa na ser skya'i gnas su byon nas ser skya'i gnas na n+ya gro d+ha'i kun dga' ra ba na bzhugs so zhes thos so/ /thos nas kyang ser skya'i gnas nas byung nas bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das shAkya ming chen la chos dang ldan pa'i bka' mchid kyis yang dag par ston par mdzad/ yang dag par 'dzin du 'jud par mdzad/ yang dag par gzengs bstod par mdzad/ yang dag par rab </font><hr>Ja237a<br><font size=+1>


@#/ /tu dga' bar mdzad do/ /rnam grangs du mas chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas cang mi gsung ngo / /de nas shAkya ming chen stan las langs te/ bla gos phrag pa gcig tu byas nas bcom ldan 'das ga la ba de logs su thal lo sbyar ba btud de/ bcom ldan 'das la 'di skad ces gsol to/ /bcom ldan 'das sang bdag gi sdum par dge slong gi dge 'dun dang thabs cig gdugs tshod gsol bar ci gnang / bcom ldan 'das kyis shAkya ming chen la cang mi gsung bas gnang ngo / /de nas shAkya ming chen gyis bcom ldan 'das kyis cang mi gsung bas gnang bar rig nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas song nas rang gi khyim ga la ba der song ste phyin nas zho shas 'tsho ba dag la smras pa/ shes ldan dag bcom ldan 'das dang dge slong gi dge 'dun shul gyis bsnyel te gshegs kyi/ gdugs tshod snga rab tu zhal zas bsod pa sta gon gyis shig /drug sde dag nang par sngar langs te smras pa/ dga' bo nye dga' je khyim du 'gro ba'i khyim dag bltas 'dong ngo / /de ltar bya'o zhes de dag khyim du 'gro ba'i khyim dag tu dong ba dang / </font><hr>Ja237b<br><font size=+1>


de dag gis smras pa/ 'phags pa dag 'di nyid du gdugs tshod gsol cig /drug sde dag gis smras pa/ kho bo cag mgron du bos so/ /sus shAkya ming chen gyis so/ /'o na sang gdugs tshod gsol cig /de ltar bya'o/ /de nas shAkya ming chen nang par sngar langs te gdan dag bshams nas chu ra bzhag ste/ bcom ldan 'das la spyan 'dren gyis btsun pa gdugs tshod g.yar dgongs 'tshal na/ bcom ldan 'das kyis da de'i dus la bab par dgongs su gsol zhes spyan drangs so/ /de nas bcom ldan 'das snga dro sham thabs gsol/ lhung bzed dang chos gos bsnams te dge slong gi tshogs kyis yongs su bskor cing dge slong gi dge 'dun gyis mdun du bdar nas shAkya ming chen gyi bkad sa ga la ba der gshegs te byon nas dge slong gi dge 'dun gyi gong du gdan bshams pa nyid la bzhugs so/ /de nas shAkya ming chen gyis sangs rgyas la sogs pa dge slong gi dge 'dun bde bar bzhugs par rig nas bca' ba dang bza' ba gtsang zhing bsod pas rang gi lag nas tshim par byed cing stobs par byed do/ /rnam grangs du mas bca' ba dang bza' ba gtsang zhing bsod pas rang gi lag nas tshim par byas shing bstabs nas bcom ldan 'das gdugs tshod gsol cing phyag bcabs te lhung bzed bzhag par rig nas stan ches dma' ba blangs te bcom ldan 'das kyi spyan sngar chos mnyan pa'i phyir 'dug go /de nas </font><hr>Ja238a<br><font size=+1>


@#/ /bcom ldan 'das kyis shAkya ming chen la chos dang ldan pa'i bka' mchid kyis yang dag par bstan par mdzad/ yang dag par 'dzin du 'jud par mdzad/ yang dag par gzengs bstod par mdzad/ yang dag par rab tu dga' bar mdzad do/ /rnam grangs du mas chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas gdan las bzhengs te gshegs so/ /de nas shAkya ming chen re zhig bcom ldan 'das kyi slad bzhin slad bzhin du song nas bcom ldan 'das kyi zhabs gnyis la mgo bos phyag 'tshal te bcom ldan 'das la lan gsum bskor ba byas nas/ bcom ldan 'das kyi spyan snga nas phyir log ste de steng gi khang bzang gi gzhir gtogs pa na gtong ba rjes su dran pa sgom par byed do/ /zho shas 'tsho ba dag gis kyang de'i gnas mal dag brtul cing kha zas dag bsdus so/ /drug sde dag gis smras pa/ dga' bo nye dga' gdugs tshod la bab pas zan chad par gyur na mi rung gi/ 'dong ngo zhes de dag gis khyim du 'gro ba'i khyim dag tu zan drug cu sbyor du bcug nas shAkya ming chen gyi khyim du dong ba dang / ji tsam na de na kha zas sta gon byas pa yang med/ gnas mal bshams pa yang med par </font><hr>Ja238b<br><font size=+1>


mthong nas drug sde dag gis zho shas 'tsho ba de dag la smras pa/ shes ldan dag sangs rgyas la sogs pa dge slong gi dge 'dun spyan drangs nas snying las chung dur 'khod cing gdugs tshod kyang sta gon mi byed/ gnas mal yang shom par mi byed na ji sangs rgyas la sogs pa dge slong gi dge 'dun gdugs tshod gcod par byed dam/ de dag gis smras pa/ 'phags pa dag khyed cag mnal bar gyur tam ci/ sangs rgyas la sogs pa dge slong gi dge 'dun gdugs tshod gsol te gshegs lags so/ /drug sde dag gis smras pa/ kho bo cag gi zan gcad par bya'am/ de dag gis smras pa/ 'phags pa dag bdag cag gis shAkya ming chen la sbran gyi bar du re zhig yud tsam zhig gzhes shig ces de dag dong ste shAkya ming chen la smras pa/ 'phags pa drug sde dag da gzod mchis te 'tshal ma slod ngo / /shAkya ming chen gyis smras pa/ deng la lhag rol cung zad ci yod pa de byin cig /de dag dong ste smras pa/ 'phags pa dag bzhugs la gsol cig ces de dag gis brim par brtsams pa dang / drug sde dag gis smras pa/ shAkya ming chen gyis kha shin tu chen pos bcom ldan 'das kyis sang bdag gi sdum par dge slong gi dge 'dun dang thabs cig tu gdugs tshod gsol bar ci gnang zhes sangs rgyas la sogs pa dge slong gi dge 'dun spyan drangs na gal te zan 'di 'dra bas sangs </font><hr>Ja239a<br><font size=+1>


@#/ /rgyas la sogs pa dge slong gi dge 'dun spyan drang du rung na ni nye dgas kyang nyi ma re re zhing sangs rgyas la sogs pa dge slong gi dge 'dun spyan 'dren par 'gyur ro| |'di ltar bkren pa 'di la ci bdog go /deng la khyim bdag che ge mo'i khyim nas 'o ma long zhig /che ge mo'i khyim nas zho long zhig /che ge mo'i khyim nas mar long zhig /che ge mo'i khyim nas nya sha long zhig /che ge mo'i khyim nas sha long zhig /che ge mo'i khyim nas sha sham dag long zhig ces de dag gis bdag nyid kyi phyir zas bsod pa de lta bu dag gzhan gyi khyim dag nas blangs te/ der zos nas dong ste gtsug lag khang du dong ba dang / dge slong rnams kyis de dag la smras pa/ tshe dang ldan pa dag khyed kyis gang du zan zos de nyid du'o/ / khyed cag de na ma mthong ngo / /drug sde dag gis smras pa/ kho bo cag phyis lhags so/ /khyed cag gis zan ji lta bu zos/ drug sde dag gis smras pa/ 'o ma dang zho dang mar dang nya sha dang sha dang sha skam dag go /dge slong rnams kyis smras pa/ kho bo cag gis zas de lta bu ma thob pa/ /drug sde dag gis smras pa/ bkren pa de la zas de lta bu ga la yod/ kho bo cag gis khyim du 'gro ba'i khyim dag nas bslangs te der zos so/ /khyed cag bdag nyid kyi phyir zas bsod pa de lta bu dag gzhan gyi khyim dag nas bslangs te zar rung ngam/ rung yang srid/ </font><hr>Ja239b<br><font size=+1>


mi rung yang srid/ ci kho bo cag gis ltogs te 'chi bar bya'am/ dge slong don nyung du dag ci'i phyir dge slong dag bdag nyid kyi phyir zas bsod pa de lta bu dag gzhan gyi khyim dag nas bslangs te/ 'cha' ba dang za bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la rmas pa/ dge slong dag ngas dge slong rnams kyi zas bsod pa gang dag gsungs pa 'di lta ste/ 'o ma dang zho dang mar dang nya sha dang sha dang sha skam dag ste/ khyed kyis bdag nyid kyi phyir zas bsod pa de lta bu dag gzhan gyi khyim dag nas bslangs te zos pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la </font><hr>Ja240a<br><font size=+1>


@#/ /bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ bcom ldan 'das kyis dge slong rnams kyi zas bsod pa gang dag gsungs pa 'di lta ste/ 'o ma dang zho dang mar dang nya sha dang sha dang sha skam dag ste/ yang dge slong gang bdag nyid kyi phyir zas bsod pa de lta bu dag gzhan gyi khyim dag nas bslangs te 'cha' 'am za na ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad do/ /dge slong na ba zhig gis sman pa la dris pa/ bzhin bzang je kho bo la sman ston cig /'phags pa 'o ma gsol cig /bzhin bzang kho bo la 'o ma sus sbyin par 'gyur/ 'phags pa khyim dag nas slongs shig /bzhin bzang bcom ldan 'das kyis bslab pa'i gzhi bca' ba mdzad do/ /'phags pa khyod kyi ston pa thugs rje can lags pas de nyid rkyen du mdzad nas gnang bar 'gyur ba gang lags pa de lta bu'i gnas mchis par 'gyur ro zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de </font><hr>Ja240b<br><font size=+1>


lta bas na na ba'i dus ma gtogs so/ /de bzhin du dge slong gzhan la 'o ma dang zho dang mar dang nya sha dang sha dang sha skam dag khyim dag nas slong du gnang ba'i bar du snga ma bzhin no/ /de nas bcom ldan 'das kyis bslab par 'dod pa dang bslab pa la gus pa dang bslab pa la ye byad bsnyungs pa'i bsngags pa brjod nas/ dge slong rnams la de dang mthun pa dang de'i shas che ba dang de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ bcom ldan 'das kyis dge slong rnams kyi zas bsod pa gang dag gsungs pa 'di lta ste/ 'o ma dang zho dang mar dang nya sha dang sha skam dag ste/ yang dge slong gang mi na bar bdag nyid kyi phyir zas bsod pa de lta bu dag gzhan gyi khyim dag nas bslangs te/ 'cha' 'am za na ltung byed do/ / bcom ldan 'das kyis zhes bya ba ni de bzhin gshegs pa dgra bcom pa yang dag par rdzogs pa'i sangs rgyas kyis so/ /dge slong rnams kyi zhes bya ba ni/ chos 'di pa rnams kyi'o/ /zas bsod pa gang dag gsungs pa zhes bya ba ni rab tu bstan pa'o/ /'di lta ste 'o ma dang zho dang mar dang nya sha dang sha dang skam dag ste zhes bya ba ni zas bsod pa dag go /yang dge slong gang </font><hr>Ja241a<br><font size=+1>


@#/ /zhes bya ba ni drug sde'am gzhan yang de lta bu gang yin pa'o/ /mi na bar zhes bya ba ni na ba ma gtogs par ro/ /bdag nyid kyi phyir zhes bya ba ni bdag nyid la bsngos te'o/ /zas bsod pa de lta bu dag ces bya ba ni 'o ma dang zho dang mar dang nya sha dang sha dang sha skam dag go /gzhan gyi khyim dag nas zhes bya ba ni bram ze dang khyim bdag gi khyim dag nas so/ /bslangs te zhes bya ba ni gsol te'o/ /'cha' 'am za na zhes bya ba ni/ mgul du mid na'o/ /ltung byed do zhes bya ba ni sems can dmyal ba dang dud 'gro dang yi dwags ngan song dang ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste des na ltung byed do zhes gsungs so/ /de la ltung ba ji ltar 'gyur zhe na/ dge slong gis mi na bas slong zhing mi na bas za na de slong ba la nyes byas su 'gyur la za ba la ltung byed du 'gyur ro/ /dge slong gis mi na bas slong zhing na bas za na de slong ba la nyes byas su 'gyur la za ba la ltung ba med do/ /dge slong gis na bas slong zhing mi na bas za na de slong ba la ltung ba med la za ba la ltung byed du 'gyur ro/ /dge slong gis na bas slong zhing na bas za na gnyi ga la ltung ba med do/ /dge </font><hr>Ja241b<br><font size=+1>


slong bsod snyoms la rgyu zhing khyim dag tu 'gro ba na bud med kyi yul zas thogs te phyir 'byung ba'i tshe/ dge slong cang mi smra bar sdod pa na/ bud med kyi yul na re/ 'phags pa ci bzhed ces dris na bstabs par brjod par bya ste/ ci 'dod pa de bslang bar bya ba la ltung ba med do/ /sbyin bdag gis ci bder byas pa la ltung ba med do/ /zho sbyin pa na chur khu dang dar ba slong ba la ltung ba med do/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /bsod pa slong ba'i ltung byed de bzhi bcu pa rdzogs so// // sdom la/ srog chags bcas dang nyal sar 'dug /'greng dang gcer bu dmag dang ni/ /zhag gnyis bshams dkrugs 'gro ba dang / /rdeg dang gzas dang gnas ngan len/ /sangs rgyas bcom ldan 'das ko'u sham+b+hi na gdangs can gyi kun dga' ra ba na bzhugs so/ /tshe dang ldan pa 'dun pa shes bzhin du srog chags dang bcas pa'i chu la spyod nas/ de la dge slong rnams kyis smras pa/ tshe dang ldan pa 'dun pa khyod shes bzhin du srog chags dang bcas pa'i chu la ma spyod cig /des smras pa/ kho bo la 'ga' zhig gis bgrangs te gtad dam ci/ shar gyi rgya mtsho chen por ci'i phyir mi 'gro /lho dang nub dang byang gi rgya mtsho chen por ci'i phyir mi 'gro /'bab chu dang mtsho dang lteng ka dag tu ci'i phyir mi 'gro zhes zer nas dge slong don nyung du dag </font><hr>Ja242a<br><font size=+1>


@#/ /ci'i phyir dge slong dag shes bzhin du srog chags dang bcas pa'i chu la spyod ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ / zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa 'dun pa la rmas pa/ 'dun pa khyod shes bzhin du srog chags dang bcas pa'i chu la spyod pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon </font><hr>Ja242b<br><font size=+1>


par bya ste/ yang dge slong gang shes bzhin du srog chags dang bcas pa'i chu la spyod na ltung byed do/ /yang dge slong gang zhes bya ba ni 'dun pa'am gzhan yang de lta bu gang yin pa'o/ /shes bzhin du zhes bya ba ni de rang nyid kyis rig par gyur pa'am/ gzhan dag gis brjod pas so/ /srog chags dang bcas pa'i zhes bya ba ni srog chags dang bcas pa rnam pa gnyis te/ gang dag mig sngar snang bar gyur pa dang / gang dag chu tshags kyis zin par 'gyur ba'o/ /chu la spyod na zhes bya ba ni chu'i spyad pa gnyis su ste nang gi dang phyi rol gyis so/ /nang gir spyad pa ni khrus byed pa dang 'thung ba dang so shing 'dor ba dang lag pa dang rkang pa dag 'khru ba'o/ /phyi rol gyir spyad pa ni lhung bzed 'khru ba dang / lhung bzed chung ngu 'khru ba dang / chos gos dag 'khru ba dang / tshon gyi las byed pa dang / gtsug lag khang du chag chag 'debs pa dang / zhal zhal skud pa dang / lci ba sar pa'i byug pas nyug pa'o/ /ltung byed do zhes bya ba ni sems can dmyal ba dang dud 'gro dang yi dwags ngan song dang ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor bshags na dge ba'i chos rnams la sgrib par byed pa ste des na ltung byed do/ /zhes gsungs so/ /de la ltung ba ji ltar 'gyur zhe na/ dge slong gis srog chags </font><hr>Ja243a<br><font size=+1>


@#/ /dang bcas pa'i chu la srog chags dang bcas par 'du shes pas spyod na ltung byed du 'gyur ro/ /dge slong gis srog chags dang bcas pa'i chu la yid gnyis za bas spyod na ltung byed du 'gyur ro/ /dge slong gis srog chags med pa'i chu la srog chags dang bcas par 'du shes pas spyod na nyes byas su 'gyur ro/ /dge slong gis srog chags med pa'i chu la yid gnyis za bas spyod na nyes byas su 'gyur ro/ /dge slong gis srog chags dang bcas pa'i zhun mar dang 'bru mar dang sbrang rtsi dang / bu ram gyi dbu pa dang 'o ma dang zho dang mar za na ltung byed du 'gyur ro/ /dge slong gis srog chags dang bcas pa'i tshwa dang 'bru'i tshwa dang zhog chu dang rtsab mo 'thung na ltung byed du 'gyur ro/ /dge slong gis srog chags dang bcas pa'i shing tog dang bca' ba 'cha' na ltung byed du 'gyur ro/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /srog chags dang bcas pa'i chu la spyod pa'i ltung byed de bzhi bcu rtsa gcig pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /tshe dang ldan pa 'char gas bsam pa'i nor bu'i rig pa shes te/ de snga dro sham thabs bgos/ lhung bzed </font><hr>Ja243b<br><font size=+1>


dang chos gos thogs te mnyan yod du bsod snyoms la zhugs so/ /mnyan yod na spos 'tshong gi khye'u chung ma blangs nas ring po ma lon pa zhig 'dug pa des zong bkram pa na bdag chung ma dang lhan cig dga' mgur spyod du 'gro'o snyam pa'i tshul bzhin ma yin pa yid la byed pa skyes nas des zong phyir bsdu bar brtsams pa dang tshe dang ldan pa 'char kas de mthong nas bsams pa/ da ltar tshong pa gzhan dag zong 'grems par byed na spos 'tshong gi khye'u 'di zong sdud par byed pa ci'i phyir snyam nas des yang bsams pa dang / 'di chung ma blangs nas ring po ma lon pas 'di chung ma dang lhan cig dga' mgur spyod par 'dod do snyam du shes nas de dag song la re ba med par bya'o snyam nas de dang por de'i khyim du song ste stan la 'dug nas 'di skad ces smras so/ /bu mo tshur shog /'dug cig dang chos bstan par bya'o/ /bu mo des de'i rkang pa la phyag 'tshal te mdun du chos mnyan pa'i phyir 'dug pa dang des de la chos bstan par brtsams so/ /ji tsam na spos 'tshong gi khye'u de 'ongs nas des chung ma la smras pa/ 'phags pa 'char ka la bsod snyoms phul la bzhud du gsol cig /tshe dang ldan pa 'char kas smras pa/ bzhin bzang kho bos bdag nyid kyi dge ba'i phyogs yongs su nyams par byas te 'ongs nas chos ston par byed na khyod chos nyan mi 'dod dam/ 'dug la chos nyon </font><hr>Ja244a<br><font size=+1>


@#/ /cig ces des de nan kyis 'dug tu bcug ste des ji tsam gyis de'i kun nas dkris pa dang bral ba de tsam du chos bstan pa dang / de shAkya'i bu'i dge sbyong rnams kyi dge sbyong gi tshul ni tshig go /bram ze'i tshul ni tshig ste/ 'di ltar rang gi chung ma la yang dbang med do zhes smod par byed/ phyar ka gtong bar byed/ kha zer bar byed nas dge slong don nyung du dag ci'i phyir dge slong dag shes bzhin du nyal po byed par shom pa'i khyim du phyis gnon byas te stan la 'dug par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa 'char ka la rmas pa/ 'char ka khyod shes bzhin du nyal po byed par shom pa'i khyim du phyis gnon byas te stan la 'dug pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma </font><hr>Ja244b<br><font size=+1>


yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas/ 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang shes bzhin du nyal po byed par shom pa'i khyim du phyis gnon byas te stan la 'dug na ltung byed do/ /yang dge slong gang zhes bya ba ni 'char ka'am gzhan yang de lta bu gang yin pa'o/ /shes bzhin du zhes bya ba ni de rang nyid kyis rig par gyur pa'am/ gzhan dag gis brjod pas so/ /nyal po byed par shom pa'i zhes bya ba ni bud med ni skyes pa'i nyal po bya ba yin la skyes pa ni bud med kyi nyal po byed pa yin no/ / khyim du zhes bya ba ni bram ze dang khyim bdag gi khyim du'o/ /phyis gnon byas te zhes bya ba ni phyis zhugs te'o/ /stan la zhes bya ba ni gzhi la'o/ /'dug na zhes bya ba ni 'dom gang gi nang du rkub tshos bzhag na'o/ /ltung byed do zhes bya ba ni sems can dmyal ba dang dud 'gro dang yi dwags ngan song dang ngan 'gro dang / log par ltung ba dag tu sreg par byed/ 'tshod </font><hr>Ja245a<br><font size=+1>


@#/ /par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung ba ji ltar 'gyur zhe na/ dge slong gis ji tsam cung zad shes bzhin du nyal po byed par shom pa'i khyim du phyis gnon byas te stan la 'dug na thams cad du ltung byed du 'gyur ro/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /nyal po byed par shom pa'i khyim na 'dug pa'i ltung byed de bzhi bcu gnyis pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /tshe dang ldan pa 'char ka bsam pa'i nor bu'i rig pa shes te snga dro sham thabs bgos/ lhung bzed dang chos gos thogs te/ mnyan yod du bsod snyoms la zhugs so/ / mnyan yod na spos 'tshong gi khye'u chung ma blangs nas ring po ma lon pa zhig 'dug pa des zong bkram pa na bdag chung ma dang lhan cig dga' mgur spyod du 'gro'o snyam pa'i tshul bzhin ma yin pa yid la byed pa skyes nas des zong phyir bsdu bar brtsams pa dang / tshe dang ldan pa 'char kas de mthong nas bsams pa/ da ltar tshong pa gzhan dag zong 'grems par </font><hr>Ja245b<br><font size=+1>


byed na spos 'tshong gi khye'u 'di zong sdud par byed pa ci'i phyir snyam nas des yang bsams pa dang / 'di chung ma blangs nas ring po ma lon pas 'di chung ma dang lhan cig dga' mgur spyod par 'dod do snyam du shes nas de dag song la blta'o snyam nas de dang por de'i khyim du song ste sgo glegs kyi rgyab na mgo sri zhing 'greng ngo / /de'i 'og tu spos 'tshong gi khye'u de 'ongs nas des chung ma khrid de gnas khang du zhugs pa dang / bu mo des 'char ka dben pa na 'greng ba mthong nas des khyo la smras pa/ rje'i sras 'phags pa 'char ka sgo glegs kyi rgyab na 'greng ngo / /spos 'tshong gi khye'us smras pa/ 'phags pa 'char ka gtsug lag khang na bsam gtan dang rnam par thar pa dang ting nge 'dzin la snyoms par 'jug pa'i bde ba dag nyams su myong zhing 'greng ngo / /zhes des chung ma la dga' mgur spyad nas gang gi tshe de'i kun nas dkris pa dang bral bar gyur pa de'i tshe na/ des 'char ka mthong ba dang de shAkya'i bu'i dge sbyong rnams kyi dge slong gi tshul ni tshig go /bram ze'i tshul ni tshig ste 'di ltar rang gi chung ma la yang dbang med do zhes smod par byed/ phyar ka gtong bar byed/ kha zer bar byed nas/ dge slong don nyung du dag ci'i phyir dge slong dag shes bzhin du nyal po byed par shom pa'i khyim du dben pa skyabs yod par 'greng bar byed ces smod par byed/ phyar ka gtong bar byed/ kha zer bar </font><hr>Ja246a<br><font size=+1>


@#/ /byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa 'char ka la rmas pa/ 'char ka khyod shes bzhin du nyal po byed par shom pa'i khyim du dben pa skyabs yod par 'greng ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su mthun pa ma yin pa/ rung ba ma yin pa tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang shes bzhin du nyal po byed par shom pa'i khyim du dben pa </font><hr>Ja246b<br><font size=+1>


skyabs yod par 'greng na ltung byed do/ /yang dge slong gang zhes bya ba ni 'char ka'am/ gzhan yang de lta bu gang yin pa'o/ /shes bzhin du zhes bya ba ni de rang nyid kyis rig par gyur pa'am gzhan dag gis brjod pas so/ /nyal po byed par shom pa'i zhes bya ba ni bud med ni skyes pa'i nyal po bya ba yin la/ skyes pa ni bud med kyi nyal po byed pa yin no/ /khyim du zhes bya ba ni bram ze dang khyim bdag gi khyim du'o/ /dben pa zhes bya ba ni gang na bud med dang skyes pa dang ma ning gzhan 'ga' yang med pa'o/ /skyabs yod par zhes bya ba na lngas bskyabs par te| rtsig pas bskyabs pa dang / rib mas bskyabs pa dang / yol bas bskyabs pa dang / thibs pos bskyabs pa dang / mtshan mos bskyabs par ro/ /'greng na zhes bya ba ni 'dom gang gi nang du 'greng na'o/ /ltung byed do zhes bya ba ni sems can dmyal ba dang dud 'gro dang yi dwags ngan song dang ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste des na ltung byed do zhes gsungs so/ /de la ltung ba ji ltar 'gyur zhe na/ dge slong gis ji tsam cung zad shes bzhin du nyal bo byed par shom pa'i khyim du dben pa skyabs yod par 'greng na thams cad du ltung byed du 'gyur ro/ / </font><hr>Ja247a<br><font size=+1>


@#/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /nyal po byed par shom pa'i khyim na 'greng ba'i ltung byed de bzhi bcu gsum pa rdzogs so// //sangs rgyas bcom ldan 'das rgyal po'i khab na 'od ma'i tshal ka lan dka'i gnas na bzhugs te/ de nas rgyal po'i khab pa'i tshong pa rab tu mang po dag bcom ldan 'das ga la der dong ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ / mtha' gcig tu 'khod nas bcom ldan 'das rgyal po'i khab pa'i tshong pa rab tu mang po dag la chos dang ldan pa'i bka' mchid kyis yang dag par ston par mdzad/ yang dag par 'dzin du 'jug par mdzad/ yang dag par gzengs bstod par mdzad/ yang dag par rab tu dga' bar mdzad do/ /rnam grangs du mas chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas cang mi gsung ngo / /de nas rgyal po'i khab pa'i tshong pa rab tu mang po dag gis bcom ldan 'das kyis bka' stsal pa la mngon par dga' ba dang rjes su yi rang bar byas nas/ bcom ldan 'das kyi zhabs gnyis la mgo bos </font><hr>Ja247b<br><font size=+1>


phyag 'tshal te/ bcom ldan 'das kyi spyan snga nas dong nas tshe dang ldan pa kun dga' bo ga la ba der dong ste phyin nas tshe dang ldan pa kun dga' bo'i rkang pa gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas tshe dang ldan pa kun dga' bo rgyal po'i khab pa'i tshong pa rab tu mang po dag la chos dang ldan pa'i gtam gyis yang dag par ston par byed/ yang dag par 'dzin du 'jud par byed/ yang dag par gzengs bstod par byed/ yang dag par rab tu dga' bar byed do/ /rnam grangs du mas chos dang ldan pa'i gtam gyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar byas nas cang mi smra'o/ /de nas rgyal po'i khab pa'i tshong pa rab tu mang po dag stan las langs te bla gos phrag pa gcig tu byas nas/ tshe dang ldan pa kun dga' bo ga la ba de logs su thal mo sbyar ba btud nas tshe dang ldan pa kun dga' bo la 'di skad ces smras so/ /btsun pa kun dga' bo bcom ldan 'das dbyar gnas par zhal gyis bzhes nas gang du gshegs par 'gyur/ shes ldan dag sangs rgyas bcom ldan 'das la zhus shig /btsun pa kun dga' bo sangs rgyas bcom ldan 'das ni bsnyen par dga' ba dang bzod par dka' ba lags pas/ bdag cag gis sangs rgyas </font><hr>Ja248a<br><font size=+1>


@#/ /bcom ldan 'das la zhu ba'i rngo mi thog go /shes ldan dag kho bo la yang sangs rgyas bcom ldan 'das bsnyen par dka' ba dang bzod par dka' ba nyid yin pas kho bos kyang sangs rgyas bcom ldan 'das la zhu bar mi nus so/ /btsun pa kun dga' bo gal te btsun pa kun dga' bo la yang sangs rgyas bcom ldan 'das bsnyen par dka' ba dang bzod par dka' ba lags pas/ btsun pa kun dga' bos kyang sangs rgyas bcom ldan 'das la zhu bar mi spro na/ btsun pa kun dga' bos mtshan ma'am/ bka' mchid kyis bcom ldan 'das dbyar gnas par zhal gyis bzhes nas phyogs ga ge mor gshegs par 'gyur bar ji ltar mkhyen/ mtshan mas ni ji ltar mkhyen/ bka' mchid kyis ni ji ltar mkhyen/ shes ldan dag bcom ldan 'das dbyar gnas par zhal gyis bzhes nas phyogs gang du gshegs par bzhed pa'i phyogs su bcom ldan 'das zhal gzigs shing bzhugs la de dag gi bsngags pa yang brjod par mdzad do/ /btsun pa kun dga' bo bcom ldan 'das zhal gar gzigs shing bzhugs/ mi gang dag gi bsngags pa yang brjod par mdzad/ shes ldan dag bcom ldan 'das ko sa lar zhal gzigs shing bzhugs la mnyan yod pa'i mi dag gi bsngags pa yang brjod par mdzad do/ /de dag gis tshe </font><hr>Ja248b<br><font size=+1>


dang ldan pa kun dga' bos smras pa la mngon par dga' ba dang rjes su yi rang bar byas nas/ tshe dang ldan pa kun dga' bo'i rkang pa gnyis la mgo bos phyag 'tshal te dong nas de dag gis bsams pa/ bcom ldan 'das dbyar gnas par zhal gyis bzhes nas mnyan yod du gshegs par 'gyur ro snyam nas de dag gis mnyan yod du 'dong ba'i zong sta gon byas so| |de nas bcom ldan 'das dbyar gnas par zhal gyis bzhes te dbyar gyi zla ba gsum po dag 'das nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la dge slong rnams la dge slong dag de bzhin gshegs pa ko sa la dag tu ljongs rgyur gshegs kyi/ khyed cag las gang dag de bzhin gshegs pa dang thabs cig ko sa la dag tu ljongs rgyur 'gro bar spro ba des chos gos kyi las gyis shig ces bsgo zhig /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas dge slong rnams la tshe dang ldan pa dag de bzhin gshegs pa ko sa la dag tu ljongs rgyur gshegs kyi/ khyed cag las gang de bzhin gshegs pa dang thabs cig ko sa la dag tu ljongs rgyur 'gro bar spro ba des chos gos kyi las gyis shig ces bsgo'o/ /rgyal po'i khab pa'i tshong pa dag gis tshe dang ldan pa kun dga' bos dge slong rnams la </font><hr>Ja249a<br><font size=+1>


@#/ /tshe dang ldan pa dag de bzhin gshegs pa ko sa la dag tu ljongs rgyur gshegs kyi/ khyed cag las gang de bzhin gshegs pa dang thabs cig ko sa la dag tu ljongs rgyur 'gro bar spro ba des chos gos kyi las gyis shig ces bsgo ba thos so/ /thos nas kyang bcom ldan 'das ga la ba der dong ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas bcom ldan 'das rgyal po'i khab pa'i tshong ba rab tu mang po dag la chos dang ldan pa'i bka' mchid kyis yang dag par ston par mdzad/ yang dag par 'dzin du 'jud par mdzad/ yang dag par gzengs bstod par mdzad/ yang dag par rab tu dga' bar mdzad do/ /rnam grangs du mas chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas cang mi gsung ngo / /de nas rgyal po'i khab pa'i tshong pa rab tu mang po dag stan las langs te bla gos phrag pa gcig tu byas nas/ bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /bcom ldan 'das dge slong gi dge 'dun dang bcas pas rgyal po'i khab nas mnyan yod kyi bar ji </font><hr>Ja249b<br><font size=+1>


tsam par bdag cag las na bza' dang / bsod snyoms dang / gnas mal dang / snyung ba'i rkyen sman gyi yo byad dag bzhes par ci gnang / bcom ldan 'das kyis rgyal po'i khab pa'i tshong pa rab tu mang po dag la cang mi gsung bas gnang ngo / /de nas rgyal po'i khab pa'i tshong pa rab tu mang po dag gis bcom ldan 'das kyis cang mi gsung pas gnang bar rig nas/ bcom ldan 'das kyis bka' stsal pa la mngon par dga' ba dang rjes su yi rang ba byas te/ bcom ldan 'das kyi zhabs gnyis la mgo bos phyag 'tshal nas bcom ldan 'das kyi spyan snga nas dong ngo / / de nas rgyal po'i khab pa'i tshong pa rab tu mang po dag tshe dang ldan pa kun dga' bo ga la ba der dong ste phyin nas/ tshe dang ldan pa kun dga' bo'i rkang pa gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas rgyal po'i khab pa'i tshong pa rab tu mang po dag gis tshe dang ldan pa kun dga' bo la 'di skad ces smras so/ /btsun pa kun dga' bo bcom ldan 'das shul dag tu ji tsam du gshegs/ shes ldan dag 'di lta ste dper na/ 'khor los sgyur ba'i rgyal po tsam du'o/ /btsun pa kun dga' bo 'khor los sgyur ba'i rgyal po ci tsam du mchi/ shes ldan dag 'khor los sgyur ba'i rgyal po ni lam dag tu rgyang grags bcur 'gro'o/ /de dag gis rgyang grags bcur bcom ldan 'das dge slong gi dge 'dun dang bcas pa'i tshogs </font><hr>Ja250a<br><font size=+1>


@#/ /dag bshams shing / de dag gi zhal zas grang cha gang dag yin pa de dag ni de nyid kyi nyin mo sta gon byas/ drod bag gang dag yin pa de dag ni nyi ma re re zhing sta gon byed de/ /de nas bcom ldan 'das dul ba 'khor dul ba dang ldan pa/ zhi ba 'khor zhi ba dang ldan pa/ grol ba 'khor grol ba dang ldan pa/ dbugs phyin pa 'khor dbugs phyin pa dang ldan pa/ thul ba 'khor thul ba dang ldan pa/ dgra bcom pa 'khor dgra bcom pa dang ldan pa/ 'dod chags dang bral ba 'khor 'dod chags dang bral ba dang ldan pa/ mdzes pa 'khor mdzes pa dang ldan pa/ khyu mchog ltar ba lang gi tshogs kyis yongs su bskor ba/ glang po che ltar glang po che'i phru gu'i tshogs kyis yongs su bskor ba/ seng ge ltar mche ba can gyi tshogs kyis yongs su bskor ba/ ngang pa'i rgyal po ltar ngang pa'i tshogs kyis yongs su bskor ba/ nam mkha' lding ltar bya'i tshogs kyis yongs su bskor ba/ bram ze ltar slob ma'i tshogs kyis yongs su bskor ba/ sman pa mkhas pa ltar nad pa'i tshogs kyis yongs su bskor ba/ dpa' bo ltar ru ba'i tshogs kyis yongs su bskor ba/ sa mkhan ltar lam du zhugs pa'i tshogs kyis yongs su bskor ba/ ded dpon ltar tshong pa'i tshogs kyis yongs su bskor ba/ tshong dpon ltar 'khor gyi tshogs kyis yongs su bskor ba/ </font><hr>Ja250b<br><font size=+1>


mkhar gyi rgyal po ltar blon po'i tshogs kyis yongs su bskor ba/ 'khor los sgyur ba'i rgyal po ltar bu stong gi tshogs kyis yongs su bskor ba/ zla ba ltar rgyu skar gyi tshogs kyis yongs su bskor ba/ nyi ma ltar 'od zer stong gi tshogs kyis yongs su bskor ba/ yul 'khor srung ltar dri za'i tshogs kyis yongs su bskor ba/ 'phags skyes po ltar grul bum gyi tshogs kyis yongs su bskor ba/ mig mi bzang ltar klu'i tshogs kyis yongs su bskor ba/ nor sbyin ltar gnod sbyin gyi tshogs kyis yongs su bskor ba/ thags bzang ris ltar lha ma yin gyi tshogs kyis yongs su bskor ba/ brgya byin ltar sum cu pa'i tshogs kyis yongs su bskor ba/ tshangs pa ltar tshangs pa ris kyis tshogs kyis yongs su bskor ba/ dbang po rnams kyis shin tu dul ba spyod lam dang spyod pa ma 'khrugs pa/ chu gter ltar ting nge ba/ sprin ltar chu dang bcas pa/ glang po che'i rgyal po ltar dregs pa dang bral ba/ skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus sku rnam par mdzes pa/ 'od 'dom gang gis gzugs can brgyan pa/ nyi ma stong bas lhag pa'i 'od dang ldan pa/ rin po che'i ri bo 'gro ba ltar kun tu bzang ba/ stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / thugs rje chen po dang ldan pa/ kun shes </font><hr>Ja251a<br><font size=+1>


@#/ /ko'u di n+ya dang / rta thul dang / bzang ldan dang / rlangs pa dang / ming chen dang / grags pa dang / gang bo dang / dri med dang / ba lang bdag dang / lag bza' la sogs pa nyan thos chen po de dag dang / gzhan yang dge slong gi dge 'dun rab tu mang pos yongs su bskor cing mdun du bdar te mnyan yod ga la der logs su ljongs rgyu zhing gshegs so/ /don mthun de dang shes pa can zhig lhan cig 'gro ba de phongs pa'i dus la bab cing bkres pas nyam thag par gyur nas/ des bsams pa/ bdag gang gis bkres pas nyam thag par mi 'gyur ba'i thabs ci yod snyam nas des yang bsams pa/ shAkya'i bu'i dge sbyong rnams la skyabs btsal na des bdag bde bar lam du 'gro bar 'gyur ro snyam du rig nas de dge slong rnams kyi gan du song ste smras pa/ khyed cag gi ston pa ni bzang po la mos pa yin te/ de gser gyi gshol gyis zhing rmo bas des khyed cag la zas ro brgya pa dang / gos 'bum ri ba dang khang pa brtsegs pa lnga brgya pa yang rjes su gnang bas khyed cag ni re zhig tshe 'di nyid la yang bde ba la reg par gnas la/ 'di nas shi 'phos pa rnams kyang lha rnams kyi nang du skye bar 'gyur ro/ /kho bo cag gi ston pa ni ngan pa la mos pa yin te/ de til gyi tshigs ma'i gshol gyis zhing rmo bas des kho bo cag la gcer bu dang sgre byi dang / sbrang zan </font><hr>Ja251b<br><font size=+1>


dang / yul rgyu ba dang / sa la nyal ba las gzhan rjes su ma gnang bas kho bo cag ni re zhig tshe 'di nyid la yang sdug bsngal la reg par gnas shing / 'di nas shi 'phos pa rnams kyang sems can dmyal ba pa rnams kyi nang du skye bar 'gyur ro/ /dge slong rnams kyis bsams pa/ shes pa can 'di dad par gyur to snyam nas de dag gis de la smras pa/ shes pa can ji ltar 'tshor dka' bas so/ /dge slong rnams kyi lhung bzed kyi lhag ma 'dod dam/ shes pa can des bsams pa/ gal te dge slong rnams kyi lhung bzed kyi lhag ma ma zos na ltogs te 'chi bar 'gyur ro snyam nas des smras pa/ 'tshal lo/ /dge slong rnams kyis smras pa/ shes pa can dge slong rnams zan za ba'i mig lam du 'dug cig dang / dge slong rnams khyod la lhung bzed kyi lhag ma sbyin par 'gyur ro/ /shes pa can de dge slong rnams za na za ba'i mig lam du 'dug pa dang / dge slong rnams kyis de la lhung bzed kyi lhag ma byin nas de'i slong phor 'khur bas byur bur byas so/ /de slong phor 'khur bas byur bur byas pa thogs te phyir byung ba ded dpon gyis mthong nas des smras pa/ shes pa can khyod la 'khur ba sus byin/ des smras pa/ khyed kyi yon gnas ni dge slong de dag yin la de dag gi yon gnas ni kho bo yin pas kho bo la de dag gis phul lo/ /ded dpon gyis smras pa/ shes pa can dge </font><hr>Ja252a<br><font size=+1>


@#/ /slong rnams kyis khyod la snying rje bas byin na khyod de skad ces de dag gis yon gnas kho bo yin zhes zer ram/ gal te bcom ldan 'das kyis gsan par gyur na/ bcom ldan 'das kyis 'dul ba la nyan thos rnams kyi bslab pa'i gzhi bca' ba mdzad par 'gyur ba gang yin pa de lta bu'i gnas yod do/ /des smras pa/ ded dpon mad kyang bzhad gad bgyis so/ /lam de nas don mthun tshur 'ong ba dag cig lhags nas don mthun de dang lhan cig shes pa can zhig 'ongs pa des de mthong nas smras pa/ shes pa can nyod pa nyod dam des smras pa/ nyod do/ /gang nas/ des smras pa/ khyim bdag sgre byi 'di dag kho bo la mkho bo stobs par byed do/ /des smras pa/ shes pa can khyod ni byis pa mi shes pa yin te/ 'di dag khyod kyi khyim bdag sgre byi dag yin nam/ 'di dag las ni lnga brgya pa'i tshogs dag yongs su mya ngan las 'da' bar snang gi khyod kyis shes pa can ni gcig 'ga' yang yongs su mya ngan las 'da' bar mthong ngam zhes des tshigs su bcad pa dag smras pa/ ngan pa ci phyir sa la 'bying mi byed/ /ci phyir lce yang tshal ba brgyar mi 'gas/ / khyod kyi lus la ci phyir gsar ba dag /rdo rje'i ser ba mdung thung mda' mi 'phen/ /ji ltar seng ge'i lhag ma za ba'i wa/ /seng ge nyid la gsod pa 'dod pa ltar/ /de bzhin khyod kyang stobs </font><hr>Ja252b<br><font size=+1>


bcu'i khyos za zhing / /stobs bcu nyid la smod byed ma 'phags pa/ /gang du gang la nye bar brten byas nas/ /mi ngan 'di 'dras 'tsho ba 'thob pa las/ /de ni nges par mdza' bshes dgra rnams la| |mnyam mdzad blo ldan thams cad mkhyen pa yin/ /mi rnams gang dag byas pa mi shes pa/ /de dag khyi bas shin tu ngan par bsam/ /khyi yang mi la byas pa shes snang na/ /sbrul 'dra'i mi dag dug ni gtong bar byed/ /'di ni re zhig byung ba yin te/ sangs rgyas bcom ldan 'das re zhig 'dul ba la nyan thos rnams kyi bslab pa'i gzhi bca' bar ni mi mdzad do/ /de nas bcom ldan 'das ko sa la dag tu ljongs rgyu zhing gshegs pa na/ mnyan yod du byon to/ /mnyan yod na skyed mos tshal zhig na yugs sa mo lnga brgya tsam dog pa 'khal zhing 'khod pa de dag gis sangs rgyas bcom ldan 'das skyes bu chen po'i mtshan sum cu rtsa gnyis kyis gzugs can brgyan cing gsal ba/ gzugs can lta bu chos dang ldan pa/ bsreg byas btab ba'i me lta bu/ gser gyi snod na 'dug pa'i mar me lta bu/ gser gyi ri bo 'gro ba lta bu/ rin po che sna tshogs kyis spras pa'i gser gyi mchod sdong lta bu grags pa dang gsal ba dang / mi bsnyengs pa dang / dri ma med pa dang / rnam par dag pa'i blo dang ldan pa mthong ngo / /mthong nas kyang 'di lta ste dge ba'i rtsa ba bsags pa'i rgyu las byung ba'i sems can gyis dang por sangs </font><hr>Ja253a<br><font size=+1>


@#/ /rgyas mthong ba na sems nyams bde ba skyed par byed pa de ltar ni lo bcu gnyis su zhi gnas kyi sems goms par byas pa dang / dbul pos gter mthong ba dang / bu med pas bu thob pa dang / rgyal srid la mngon par dga' ba rgyal srid la dbang bskur ba yang sems nyams bde ba skyed par mi byed pas/ de dag bcom ldan 'das ga la ba der dong ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas bcom ldan 'das kyis de dag gi bsam pa dang / bag la nyal dang khams dang rang bzhin thugs su chud nas ci nas kyang de dag gi 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste/ rgyun du zhugs pa'i 'bras bu mngon sum du byas pa de ltar chos bstan pa mdzad do/ /de dag gis bden pa dag mthong nas gsol ba/ btsun pa bcom ldan 'das kyis bdag cag la gang mdzad pa 'di lta bu ni bdag cag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang bram ze dag gis kyang ma bgyis/ byams pa dang mdza' bshes dang rtsa lag gi tshogs kyis kyang ma bgyis te/ khrag dang mchi ma'i rgya mtsho ni bskams/ rus </font><hr>Ja253b<br><font size=+1>


pa'i ri dag las ni bsgral/ ngan song gi sgo dag ni bkum/ mtho ris dang thar pa'i sngo dag ni phye/ sems can dmyal ba dang / dud 'gro dang yi dwags dag nas ni rkang pa phyung / lha dang mi rnams kyi nang du ni bzhag /'khor ba ni mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste/ rgyun du zhugs pa'i 'bras bu ni thob ste/ btsun pa bdag cag ni mngon par zhugs pa lags so/ /btsun pa bdag cag ni mngon par zhugs pa lags te/ btsun pa bdag cag bcom ldan 'das dang chos dang dge 'dun la skyabs su mchi/ bdag cag dge bsnyen mar gzung du gsol/ deng slan chad nas ji srid 'tsho'i bar du glo ba thag pa nas skyabs su mchi'o/ /de dag gis bsams pa| gal te bcom ldan 'das mnyan yod du gshegs par gyur na/ der bdag cag gis skabs kyang mi rnyed kyi/ bdag cag gis 'di nyid du bcom ldan 'das dge slong gi dge 'dun dang bcas pa gdugs tshod la spyan drang ngo snyam nas/ de nas rigs kyi bu mo de dag stan las langs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das kyis sang dge slong gi dge 'dun dang thabs cig tu bdag cag gi gdugs tshod gsol bar ci gnang / bcom ldan 'das kyis rigs kyi </font><hr>Ja254a<br><font size=+1>


@#/ /bu mo dag la cang mi gsung bas gnang ngo / /de nas rigs kyi bu mo de dag gis/ bcom ldan 'das kyis cang mi gsung bas gnang bar rig nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas dong nas/ tshe dang ldan pa kun dga' bo ga la ba der dong ste phyin nas/ tshe dang ldan pa kun dga' bo'i rkang pa gnyis la mgo bos phyag 'tshal te/ mtha' gcig tu 'khod do/ /mtha' gcig tu 'khod nas rigs kyi bu mo de dag gis tshe dang ldan pa kun dga' bo la 'di skad ces smras so/ /btsun pa kun dga' bo bdag cag gis sangs rgyas la sogs pa dge slong gi dge 'dun sang gdugs tshod la spyan drangs na btsun pa kun dga' bo kar sha pa na ji tsam gyis sangs rgyas la sogs pa dge slong gi dge 'dun gyi gdugs tshod 'tshal bar 'gyur/ tshe dang ldan pa kun dga' bos smras pa/ kar sha pa na lnga brgyas so/ /de dag gis kar sha pa na re re bsdus te smras pa/ btsun pa kun dga' bo bdag cag la snod spyad dang / mi blas dang / gnas mal gyi 'byor pa ma mchis na khyod kyis zhal zas sta gon mdzod cig dang / bdag cag mchis te brim par bgyi'o/ /kar sha pa na dag zhog cig /de dag gis kar sha pa na dag mtha' gcig tu bzhag ste dong ngo // //'dul ba rnam par </font><hr>Ja254b<br><font size=+1>


'byed pa/ bam po nga lnga pa/ khyim bdag mgon med zas sbyin gyis bcom ldan 'das ko sa la dag tu ljongs rgyu zhing gshegs pa na mnyan yod du byon ces thos so/ /thos nas kyang bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das khyim bdag mgon med zas sbyin la chos dang ldan pa'i bka' mchid kyis yang dag par ston par mdzad/ yang dag par 'dzin tu 'jud par mdzad/ yang dag par gzengs bstod par mdzad/ yang dag par rab tu dga' bar mdzad do/ /rnam grangs du mas chos dang ldan pa'i bka' mchid kyis yang dag par bstan/ yang dag par 'dzin tu bcug /yang dag par gzengs bstod/ yang dag par rab tu dga' bar mdzad nas cang mi gsung ngo / /de nas khyim bdag mgon med zas sbyin stan las langs te bla gos phrag pa gcig tu byas nas bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /bcom ldan 'das kyis sang bdag gi sdum par dge slong gi dge 'dun dang thabs cig gdugs tshod gsol bar ci gnang / khyim bdag nga de'i dang por khyim bdag mo lnga brgyas spyan drangs so/ /de nas khyim bdag mgon med zas sbyin gyis bcom ldan </font><hr>Ja255a<br><font size=+1>


@#/ /'das kyis bka' stsal pa la mngon par dga' ba dang rjes su yi rang ba byas te/ bcom ldan 'das kyis zhabs gnyis la mgo bos phyag 'tshal nas bcom ldan 'das kyi spyan snga nas song ste tshe dang ldan pa kun dga' bo ga la ba der song nas phyin pa dang / tshe dang ldan pa kun dga' bo'i rkang pa gnyis la mgo bos phyag 'tshal te mtha' gcig tu 'dug go /des kar sha pa na de dag mthong nas smras pa/ btsun pa kun dga' bo kar sha pa na 'di dag su'i lags/ tshe dang ldan pa kun dga' bos smras pa/ khyim bdag mo lnga brgya tsam gyis bcom ldan 'das dge slong gi dge 'dun dang thabs cig tu sang khyim gzhan du gdugs tshod la spyan drangs nas de dag gis kar sha pa na 'di dag bzhag gi/ khyod kyis 'di dag dang bdag nyid kyi kar sha pa na gzhan dag bsres te zhal zas bsod pa sta gon gyis la 'dir skur cig /des kar sha pa na de dag khyer te song nas des kar sha pa na de dag dang bdag nyid kyi kar sha pa na gzhan dag bsres te zhal zas bsod pa sta gon byas nas rgyal byed kyi tshal du bskur ro/ /tshe dang ldan pa kun dga' bos de dag la zhal zas sta gon byas kyi/ tshur sheg la sangs rgyas la sogs pa dge slong gi dge 'dun la brims shig ces spring pa dang / de dag lhags te smras pa/ btsun pa kun dga' bo khyod bdag cag gi dge </font><hr>Ja255b<br><font size=+1>


ba'i bshes gnyen lags kyi/ tshur spyon la khyod kyis kyang brim du gsol/ tshe dang ldan pa kun dga' bos brim par brtsams pa dang / der gcer bu ma gnyis shig 'ongs te de gnyis kyis khyim bdag mo de dag la zas bslangs pa na de dag gis smras pa/ zas 'di ni rgyal bu 'di'i yin no/ /gcer bu ma de gnyis kyis tshe dang ldan pa kun dga' bo la rgyal bu bdag cag gnyis ni sdug bsngal ba lags kyis bdag cag gnyis la zas stsol cig ces zas bslangs pa dang / tshe dang ldan pa kun dga' bos smras pa/ 'dug cig dang sbyin no/ /de gnyis 'dug go /de na gcig rgan mo zhig yin/ cig shos ni gzhon nu ma zhig yin no/ /tshe dang ldan pa kun dga' bos ma bsams par brims pa dang / rgan mo de la ni 'khur ba gcig byin/ gzhon nu ma de la ni 'khur ba gnyis sbyin no/ /rgan mo des 'khur ba gcig po de zos nas gzhon nu ma la smras pa/ khyod kyis 'khur ba du thob/ smras pa/ gnyis thob bo/ /rgan mos smras pa/ rgyal bu des kho mo la ni 'khur ba gcig byin la/ khyod la gnyis byin pa las na rgyal bu des khyod don du gnyer gyi/ sta gon gyis shig /gzhon nu mas smras pa/ des btsun mo'i 'khor rgyas pa spangs te rab tu byung bas dri ma'i rdzab can kho mo lta bu don du gnyer bar ga la 'gyur/ rgan mos smras pa/ skyes pa dag ni bud med sna tshogs dag la bud med kyi 'dun pa yod pas rgyal bu 'dis khyod </font><hr>Ja256a<br><font size=+1>


@#/ /don du gnyer gyi/ sta gon gyis shig /dge slong don nyung ngu dag ci'i phyir dge slong dag gcer bu pa dang gcer bu ma dang kun tu rgyu dang kun tu rgyu mo la rang gi lag nas bca' ba dang bza' ba sbyin par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa kun dga' bo la rmas pa/ kun dga' bo khyod gcer bu pa dang gcer bu ma kun tu rgyu dang kun tu rgyu mo la rang gi lag nas bca' ba dang bza' ba sbyin par byed pa bden nam/ btsun pa mad do/ /sangs rgyas bcom ldan 'das kyis mi brtson pa dang mi sbyor ba dang ma brtags par spyod pa rnam par smad pa mdzad do/ /de nas bcom ldan 'das kyis brtson pa dang sbyor ba dang brtags te spyod pa'i bsngags pa brjod nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi </font><hr>Ja256b<br><font size=+1>


'di ltar bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang gcer bu pa'am gcer bu ma kun tu rgyu'am kun tu rgyu mo la rang gi lag nas bca' ba dang bza' ba sbyin na ltung byed do/ /yang dge slong gang zhes bya ba ni chos 'di pa'o/ /gcer bu pa'am gcer bu ma kun tu rgyu'am kun tu rgyu mo la rang gi lag nas zhes bya ba ni lag pas lag par ro/ /bca' ba dang bza' ba zhes bya ba ni bca' ba lnga dang bza' ba lnga'o/ /sbyin na zhes bya ba ni bsab mi dgos par ro/ / ltung byed do zhes bya ba ni sems can dmyal ba dang dud 'gro dang yi dwags ngan song dang ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste des na ltung byed do zhes gsungs so/ /de la ltung ba ji ltar 'gyur zhe na/ dge slong gis ji tsam cung zad gcer bu pa'am gcer bu ma kun tu rgyu'am kun tu rgyu mo la rang gi lag nas bca' ba dang bza' ba sbyin na thams cad du ltung byed du 'gyur ro/ /nye du dang nad pa dang sdig pa can gyi lta ba'i rnam pa las dbral 'dod pa yin na ltung ba med do/ /dum bur byas te sbyin pa dang / gzhan sbyin du 'jug pa la ltung ba med do/ /las dang po pa dang / smyos pa dang sems 'khrugs pa dang / </font><hr>Ja257a<br><font size=+1>


@#/ /tshor ba dag gis nyen pa la ltung ba med do/ /gcer bu la sbyin pa'i ltung byed de bzhi bcu bzhi pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /ko sa lar byung ba'i rgyal po gsal rgyal gyi ri brags pa zhig log nas der ru ba gcig btang ba dang / de bcom zhing rab tu bcom ste phyir 'ongs so/ /ru ba gnyis pa dang gsum pa btang ba dang de yang bcom zhing rab tu bcom ste phyir 'ongs nas blon po rnams kyis ko sa lar byung ba'i rgyal po gsal rgyal la smras pa/ lha ri brags pa'i dpung ni skyes/ lha'i dpung ni nyams pas gal te lha nyid der rang ma gshegs na ri brags pa phebs dka' bar 'gyur na lhas rang nyid der gshegs par mdzad du gsol/ ko sa lar byung ba'i rgyal po gsal rgyal gyis nga'i yul na mtshon gyis 'tsho ba gang dag 'khod pa de dag thams cad 'dong bar bya'o/ /gang mi 'gro ba des chad par kar sha pa na lnga brgya dbul bar bya'o zhes dril bsgrags pa byed du bcug ste/ rgyal po dpung gi tshogs yan lag bzhi pa dag 'phags pa dang / drug sde dag gis smras pa/ dga' bo nye dga' gsus po che'i dpung gi tshogs yan lag bzhi pa ci 'dra ba ltas 'dong ngo zhes de dag lam kar 'dong ste 'khod pa dang / ji tsam na glang po che'i tshogs 'ongs nas drug sde dag gis de dag </font><hr>Ja257b<br><font size=+1>


la smras pa/ shes ldan dag gar 'dong / 'phags pa dag ko sa lar byung ba'i rgyal po gsal rgyal gyi ri brags pa zhig log pa de 'bebs su mchi'o/ /bkren pa dag glang po che 'di lta bu dag gis ri brags pa phebs par 'gyur ram/ khyed kyi glang po che 'di dag ni phag 'dra la ri brags pa'i glang po che dag ni ri bo brtsegs pa 'dra bas khyed cag phar 'gro ba yod kyang phyir ldog pa med kyi/ phyir deng la pha ma dag la til gyi chu byin la gzod deng zhig /de dag mtha' gcig tu dong ste sems khong du chud cing 'khod do/ /de nas rta pa'i tshogs 'ongs nas drug sde dag gis de dag la smras pa/ shes ldan dag gar 'dong / 'phags pa dag ko sa lar byung ba'i rgyal po gsal rgyal gyi ri brags pa zhig log pa de 'bebs su mchi'o/ /bkren pa dag rta 'di lta bu dag gis ri brags pa phebs par 'gyur ram/ khyed kyi rta 'di dag ni bong bu 'dra la ri brags pa'i rta ni glang po che'i phru gu 'dra bas khyed cag phar 'gro ba yod kyang phyir ldog pa med kyi/ phyir deng la pha ma dag la til gyi chu byin la gzod deng zhig /de dag mtha' gcig tu dong ste sems khong du chud cing 'khod do/ /de nas shing rta pa'i tshogs 'ongs nas drug sde dag gis de dag la smras pa/ shes ldan dag gar 'dong / 'phags pa dag ko sa lar byung ba'i rgyal po gsal rgyal gyi ri brags pa zhig log pa de 'bebs su mchi'o/ /bkren </font><hr>Ja258a<br><font size=+1>


@#/ /pa dag shing rta 'di lta bu dag gis ri brags pa phebs par 'gyur ram/ khyed kyi shing rta 'di dag ni shing rta zhig pa 'dra la ri brags pa'i shing rta dag ni gzhal med khang 'dra bas khyed cag phar 'gro ba yod kyang phyir log pa med kyi/ phyir deng la pha ma dag la til gyi chu byin la gzod deng zhig /de dag mtha' gcig tu dong ste sems khong du chud cing 'khod do/ /de nas dpung bu chung gi tshogs 'ongs nas drug sde dag gis de dag la smras pa/ shes ldan dag gar 'dong / 'phags pa dag ko sa lar byung ba'i rgyal po gsal rgyal gyi ri brags pa zhig log pa de 'bebs su mchi'o/ /bkren pa dag mi 'di lta bu dag gis ri brags pa phebs par 'gyur ram/ khyod kyi mi 'di dag ni rtswa mi 'dra la ri brags pa'i mi dag ni gnod sbyin gdug pa 'dra bas khyed cag phar 'gro ba yod kyang phyir ldog pa med kyi/ phyir deng la pha ma dag la til gyi chu byin la gzod deng zhig /de dag mtha' gcig tu dong ste sems khong du chud cing 'khod do/ /ji tsam na ko sa lar byung ba'i rgyal po gsal rgyal 'ongs nas des smras pa/ khyed cag ci'i phyir mi 'dong bar mtha' gcig tu dong ste sems khong du chud cing 'khod/ de dag gis smras pa/ lha bdag cag rgyal bar ga la 'gyur/ 'di ltar dge sbyong mgo reg ras yug chen glegs pa 'tshal ba 'di dag mi mchi dgu mchi'o/ /gang dag /'phags </font><hr>Ja258b<br><font size=+1>


pa drug sde dag go/ shes ldan dag de dag ni dge sbyong hral po dag yin pas de dag gis smras pas khyed la ci gnod deng zhig /ko sa lar byung ba'i rgyal po gsal rgyal gyis bsams pa/ 'di dag yang dang yang du bdag la mtho 'tsham par 'gyur ro snyam du rig nas/ mi zhig la smras pa/ kwa'e nang rje tshur shog /bcom ldan 'das ga la ba der song ste nga'i tshig gis bcom ldan 'das kyi zhabs gnyis la mgo bos phyag 'tshal te/ bcom ldan 'das la gnod pa nyung ngam/ nyam nga ba chung ngam/ bskyod pa yang ngam/ 'tsho'am/ stobs dang bde ba la reg par gnas sam/ kha na ma tho ba ma mchis sam zhes snyun gsol la/ 'di skad ces ko sa lar byung ba'i rgyal po gsal rgyal gyi mchid nas btsun pa 'phags pa 'di dag dmag chas pa la ltar mchi na/ kye ma bcom ldan 'das kyis thugs brtse ba'i slad du gang gis 'phags pa dag dmag chas pa ltar 'chi bar mi 'gyur bar dran par bgyi ba cung zhig bca' ba mdzad na legs so zhes gsol cig /mi des lha bka' bzhin 'tshal zhes ko sa lar byung ba'i rgyal po gsal rgyal las mnyan nas bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas mi des bcom ldan 'das la 'di skad ces gsol to/ /btsun pa ko sa lar byung ba'i rgyal po gsal rgyal bcom ldan 'das </font><hr>Ja259a<br><font size=+1>


@#/ /kyi zhabs gnyis la mgo bos phyag 'tshal te/ bcom ldan 'das la gnod pa nyung ngam/ nyam nga ba chung ngam/ bskyod pa yang ngam/ 'tsho'am/ stobs dang bde ba la reg par gnas sam/ kha na ma tho ba ma mchis sam zhes snyun gsol lo/ /kwa'i nang rje ko sa lar byung ba'i rgyal po gsal rgyal dang khyod bde bar gyur cig /btsun pa ko sa lar byung ba'i rgyal po gsal rgyal gyi mchid nas/ btsun pa 'phags pa 'di dag dmag chas pa la ltar mchi na/ kye ma bcom ldan 'das kyis thugs brtse ba'i slad du gang gis 'phags pa dag dmag chas pa la ltar mchi ba mi 'gyur bar dran par bgyi ba chung zhig bca' ba mdzad na legs so/ /zhes mchi'o/ /bcom ldan 'das kyis mi de la cang mi gsung bas gnang ngo / /de nas mi des bcom ldan 'das kyis cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas song ngo / /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la rmas pa/ dge slong dag khyed dmag chas </font><hr>Ja259b<br><font size=+1>


pa la ltar 'gro ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rung ba ma yin pa/ rjes su mthun pa ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyi 'dul ba la bslab pa'i gzhi 'di ltar gdon par bya ste/ yang dge slong gang dmag chas pa la ltar 'gro na ltung byed do/ /yang dge slong gang zhes bya ba ni drug sde'am gzhan yang de lta bu gang yin pa'o/ /dmag ces bya ba la dmag ni yan lag gcig pa yang yod/ yan lag gnyis pa yang yod/ yan lag gsum pa yang yod/ yan lag bzhi pa yang yod do/ /dmag yan lag gcig pa gang zhe na/ glang po che'i tshogs so/ /dmag yan lag gnyis pa gang zhe na/ glang po che'i tshogs dang / rta pa'i tshogs so/ /dmag yan lag gsum pa gang zhe na/ glang po che'i tshogs dang / rta pa'i tshogs dang / shing rta pa'i tshogs so/ /dmag yan lag bzhi pa gang zhe na/ glang po che'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs so/ /chas pa la zhes bya ba ni/ </font><hr>Ja260a<br><font size=+1>


@#/ /g.yul 'gyed par mngon par dga' ba la'o/ /ltar 'gro na zhes bya ba ni 'gro na'o/ /ltung byed do zhes bya ba ni sems can dmyal ba dang dud 'gro dang yi dwags ngan song dang ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste des na ltung byed do zhes gsungs so/ /de la ltung ba ji ltar 'gyur zhe na/ dge slong ji tsam cung zad dmag chas pa ltar 'gro na thams cad du ltung byed du 'gyur ro// dge slong bsod snyoms la zhugs pa na dmag 'gro ba dang gtsug lag khang lam ka na 'dug pa dang / dmag gtsug lag khang du 'ongs pa dang / rgyal po dang btsun mo dang gzhon nu dang zhang blon dang khrom gyi ru sna dang grong rdal gyi mi dang ljongs kyi mis bkug pa la ltung ba med do/ /bar chad brgyad po dag las bar chad gang yang rung ba nye bar gnas par gyur pa la ltung ba med do/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /dmag la lta ba'i ltung byed de bzhi bcu lnga pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /ri brags pa de de ltar na yang ma phebs nas rgyal pos de nyid du phru ma btab ste 'dug pa dang / </font><hr>Ja260b<br><font size=+1>


blon po rnams kyis smras pa/ lha khyim bdag mgon med zas sbyin ni bsod nams kyi rnam par smin pa can dbang che bar grags pa lags pas/ gal te de mchis par gyur na de'i mthus ri brags pa 'di phebs par 'gyur ba gang lags pa de lta bu'i gnas mchis par 'gyur ba gda'o/ /rgyal pos khyim bdag mgon med zas sbyin la khyim bdag mthong bar 'dod do zhes yi ge spring pa dang / khyim bdag mgon med zas sbyin der 'ongs so/ /de lta na yang ri brags pa de ma phebs nas ko sa lar byung ba'i rgyal po gsal rgyal gyis khyim bdag mgon med zas sbyin la smras pa| khyim bdag khye'u dag mi dran nam/ lha khye'u dag ni mi dran te 'di ltar 'phags pa dag mthong bar 'tshal lo/ /ko sa lar byung ba'i rgyal po gsal rgyal gyis dge 'dun la 'phags pa dag mthong bar 'tshal lo/ /zhes yi ge spring pa dang dge skos kyis dge 'dun gyi dbus su yi ge bklags te gang der 'gro bar spro ba des tshul shing long zhig ces tshul shing brims pa dang / dge slong gnas brtan gnas brtan dag gis smras pa/ kho bo cag ni rgan po sbyor mi bzod pa dag yin pas der 'gro mi nus so/ /dge slong gsar bu gsar bu dag gis smras pa/ der chos bstan par bya dgos na bdag cag ni thos pa nyung ba yin pas chos ston par ni mi nus na der chu brim par bya'am ci/ bdag cag kyang der 'gro mi nus so/ /drug sde dag gis smras pa/ dga' </font><hr>Ja261a<br><font size=+1>


@#/ /bo nye dga' ji srid du bcom ldan 'das bzhugs shing bdag cag gson pa de srid du bstan pa gnas la bcom ldan 'das yongs su mya ngan las 'das shing bdag cag dus la bab na bstan pa nub par brjod par bya ste ji srid du bdag cag gson pa de srid du bstan pa la gces pa bskyed par byas tshul shing blang ngo zhes de dag gis tshul shing blangs te der dong nas/ rgyal po la chos bstan pas rgyal po mngon par dad par byas so/ /btsun mo dang gzhon nu dag dang zhang blon dang khrom gyi ru sna dag la yang chos bstan pas skye bo phal po che'i tshogs mngon par dad par byas so/ /ko sa lar byung ba'i rgyal po gsal rgyal gyis blon po rnams la smras pa/ ri brags pa bskor du 'dong ngo zhes de dag 'phags pa dang / drug sde dag gis smras pa/ dga' bo nye dga' bdag cag gis yun ji srid du gzhan gyi spyod lam gyis gnas par bya/ rang gi spyod lam gyis gnas par byas/ gsus po che'i dmag ci 'dra ba ltar 'dong ngo zhes de dag lam gar dong ste 'khod pa dang / ji tsam na glang po che'i tshogs 'ongs nas de dag gis smras pa/ 'phags pa dag shul phye shig shul phye shig / ci bya/ glang po che'i tshogs mchi'o/ /bkren pa dag 'di 'dra ba dag glang po che yin nam/ phag dag 'dra'o zhes de dag gis de dag gi mche ba dag nas bzung ste mtha' gcig tu bor ro/ / </font><hr>Ja261b<br><font size=+1>


ji tsam na rta pa'i tshogs 'ongs nas de dag gis smras pa/ 'phags pa dag shul phye shig shul phye shig /ci bya/ rta pa'i tshogs mchi'o/ /bkren pa dag 'di 'dra pa dag rta yin nam/ bong bu dag 'dra'o zhes de dag gis de dag gi mjug ma dag nas bzung ste mtha' gcig tu bor ro/ /ji tsam na shing rta pa'i tshogs 'ongs nas de dag gis smras pa/ 'phags pa dag shul phye shig shul phye shig /ci bya/ shing rta pa'i tshogs mchi'o/ /bkren pa dag 'di 'dra ba dag shing rta yin nam/ shing rta zhig pa dag 'dra'o zhes de dag gis de dag gi srog shing dag nas bzung ste mtha' gcig tu bor ro/ /ji tsam na dpung bu chung gi tshogs 'ongs nas de dag gis smras pa/ 'phags pa dag shul phye shig shul phye shig /ci bya/ dbung bu chung gi tshogs mchi'o/ /bkren pa dag 'di 'dra ba dag mi yin nam/ rtswa mi dag 'dra'o zhes de dag gis de dag gi gnya' ba dag nas bzung ste mtha' gcig tu bor nas de dag sems khong du chud cing 'khod do/ /ji tsam na ko sa lar byung ba'i rgyal po gsal rgyal 'ongs nas/ des smras pa/ shes ldan dag ci'i phyir khyed cag mi 'dong bar sems khong du chud cing 'khod/ lha bdag cag rgyal bar ga la 'gyur/ 'di ltar dge sbyong mgo reg ras yug chen glegs pa 'tshal ba 'di dag mi mchi dgu mchi'o/ /gang dag /'phags pa drug sde dag go /shes ldan dag 'di dag ni dge sbyong hral po dag yin pas de </font><hr>Ja262a<br><font size=+1>


@#/ /dag gis smras pas khyed la ci gnod/ deng zhig /ko sa lar byung ba'i rgyal po gsal rgyal gyis bsams pa/ 'di dag bdag la yang dang yang du mtho 'tsham par 'gyur ro snyam du rig nas/ mi zhig la smras pa/ kwa'e nang rje tshur shog /bcom ldan 'das ga la ba der song la nga'i tshig gis bcom ldan 'das kyi zhabs gnyis la mgo bos phyag 'tshal te bcom ldan 'das la gnod pa nyung ngam/ nyam nga ba chung ngam/ bskyod pa yang ngam/ 'tsho'am/ stobs dang bde ba la reg par gnas sam/ kha na ma tho ba ma mchis sam zhes snyun gsol la 'di skad ces btsun pa ko sa lar byung ba'i rgyal po gsal rgyal gyi mchid nas/ btsun pa 'phags pa 'di dag dmag chas pa la ltar mchis nas shin tu yun ring por dmag gi nang na gnas na/ kye ma bcom ldan 'das kyis thugs brtse ba'i slad du gang gis 'phags pa dag dmag chas pa la ltar mchis nas shin tu yun ring po dmag gi nang na gnas par mi 'gyur bar bcom ldan 'das kyis 'phags pa rnams la dran par bgyi ba cung zhig bca' ba mdzad na legs so zhes gsol cig /mi des lha bka' bzhin 'tshal zhes ko sa lar byung ba'i rgyal po gsal rgyal las mnyan nas/ bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug </font><hr>Ja262b<br><font size=+1>


go /mtha' gcig tu 'dug nas mi des bcom ldan 'das la 'di skad ces gsol to/ /bcom ldan 'das ko sa lar byung ba'i rgyal po gsal rgyal bcom ldan 'das kyi zhabs gnyis la mgo bos phyag 'tshal te/ bcom ldan 'das la nyam nga ba nyung ngam/ gnod pa chung ngam/ bskyod pa yang ngam/ 'tsho'am/ stobs dang bde ba la reg par gnas sam/ kha na ma tho ba ma mchis sam/ zhes snyun gsol la/ kwa'e nang rje ko sa lar byung ba'i rgyal po gsal rgyal dang khyod bde bar gyur cig /btsun pa ko sa lar byung ba'i rgyal po gsal rgyal gyi mchid nas/ btsun pa 'phags pa 'di dag dmag chas pa la ltar mchis nas/ shin tu yun ring por dmag gi nang na gnas na/ kye ma bcom ldan 'das kyis thugs brtse ba'i slad du gang gis 'phags pa dag dmag chas pa la ltar mchis nas/ shin tu yun ring por dmag gi nang na gnas par mi 'gyur bar bcom ldan 'das kyis 'phags pa rnams la dran par bgyi ba cung zhig bca' ba mdzad na legs so zhes mchi'o/ /bcom ldan 'das kyis mi de la cang mi gsung bas gnang ngo / /de nas mi des bcom ldan 'das kyis cang mi gsung bas gnang bar rig nas/ bcom ldan 'das kyis spyan snga nas song ngo / /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen du rmed par mdzad </font><hr>Ja263a<br><font size=+1>


@#/ /pa ste zhes bya ba la sogs pa snga ma bzhin te/ sangs rgyas bcom ldan 'das kyis drug sde dag la rmas pa/ dge slong dag khyed dmag chas pa la ltar song nas shin tu yun ring por dmag gi nang na gnas pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su mthun pa ma yin pa rung ba ma yin pa tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyi rnam grangs du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong dmag chas pa la ltar 'gro ba de lta bu'i rkyen zhig byung na/ dge slong des dmag de'i nang du zhag gnyis tshun chad gnas par bya'o/ /de las lhag par gnas na ltung byed do/ /dge slong zhes bya ba ni drug sde'am gzhan yang de lta bu gang yin pa'o/ /dmag ces bya ba la dmag ni yan lag gcig pa yang yod/ yan lag gnyis pa yang yod/ yan lag gsum pa yang yod/ yan lag bzhi pa yang yod do/ /dmag yan lag gcig pa gang zhe na/ glang po che yi tshogs so/ /dmag yan lag gnyis pa </font><hr>Ja263b<br><font size=+1>


gang zhe na/ glang po che pa'i tshogs dang / rta pa'i tshogs so/ /dmag yan lag gsum pa gang zhe na/ glang po che pa'i tshogs dang / rta pa'i tshogs dang / shing rta pa'i tshogs so/ /dmag yan lag bzhi pa gang zhe na/ glang po che ba'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs so/ /chas pa la zhes bya ba ni g.yul 'gyed par mngon par dga' ba la la'o/ /ltar 'gro ba zhes bya ba ni rgyu gang gis so/ /de lta bu'i rkyen zhig byung na zhes bya ba ni rgyal po dang / bcun mo dang gzhon nu dang zhang blon dang khrom gyi ru sna dang / grong rdal gyi mi dang ljongs kyi mis bkug na'o/ /dge slong des zhes bya ba ni dge slong gang yin pa des so/ /dmag de'i nang du zhes bya ba ni dmag chas pa de'i nang du'o/ /zhag gnyis tshun chad gnas par bya'o/ /zhes bya ba ni zhag gnyis kyi mtha' tshun chad gnas par bya ba'o/ /de las lhag par gnas pa zhes bya ba ni de las 'das par gnas na'o/ /ltung byed do zhes bya ba ni sems can dmyal ba dang dud 'gro dang yi dwags ngan song dang ngan 'gro dang log par ltung ba dag tu 'tshod par byed/ sreg par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na/ dge ba'i chos rnams la sgrib par byed pa ste/ des na ltung byed do zhes gsungs so/ /de la ltung ba ji ltar 'gyur zhe na/ dge slong gis ji tsam na cung zad zhag gnyis las lhag par dmag </font><hr>Ja264a<br><font size=+1>


@#/ /gi nang na gnas na thams cad du ltung byed du 'gyur ro/ /rgyal po dang btsun mo dang gzhon nu dang zhang blon dang khrom gyi ru sna dang / grong rdal gyi mi dang ljongs kyi mi na re/ 'dug cig ces zer ba la ltung ba med do/ /bar chad brgyad po dag las bar chad gang yang rung ba nye bar gnas par gyur na ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /dmag gi nang na gnas pa'i ltung byed de bzhi bcu drug pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /ri brags pa de de lta na yang ma phebs nas ko sa lar byung ba'i rgyal po gsal rgyal gyis khyim bdag mgon med zas sbyin la smras pa/ khyim bdag khye'u dag mi dran nam/ lha khye'u dag ni mi dran te 'di ltar 'phags pa dag mthong bar 'tshal lo/ /ko sa lar byung ba'i rgyal po gsal rgyal gyis dge slong gi dge 'dun la 'phags pa dag mthong bar 'tshal lo zhes yi ge spring pa dang / dge skos kyis dge 'dun gyi dbus su yi ge bklags te gang der 'gro bar spro ba des tshul shing long zhig ces tshul shing brims pa dang / dge slong gnas brtan gnas brtan dag gis smras pa/ kho bo cag ni rgan po sbyor mi bzod pa dag yin pas der 'gro bar mi nus so/ /dge slong gsar bu gsar </font><hr>Ja264b<br><font size=+1>


bu dag gis smras pa/ der chos bstan par bya dgos na bdag cag ni thos pa nyung ba yin pas chos ston par mi nus na der chu brims par bya'am/ ci bdag cag kyang der 'gro mi nus so/ /drug sde dag gis smras pa/ dga' bo nye dga' ji srid du bcom ldan 'das bzhugs shing bdag cag gson pa de srid du bstan pa gnas la/ bcom ldan 'das yongs su mya ngan las 'das shing bdag cag dus la bab na bstan pa nub par brjod par bya ste/ ji srid du bdag cag gson pa de srid du bstan pa la gces pa bskyed par bya'i tshul shing blang ngo zhes de dag gis tshul shing blangs te der dong nas rgyal po la chos bstan pas rgyal po mngon par dad par byas so/ /btsun mo dang gzhon nu dag dang / zhang lon dang khrom gyi ru sna dag la yang chos bstan pas skye bo phal po che'i tshogs mngon par dad par byas so/ /ko sa lar byung ba'i rgyal po gsal rgyal gyis blon po rnams la smras pa/ deng la g.yul shoms shig dang ri brags pa bskor bar bya'o/ /de dag gis g.yul bsham par brtsams pa dang / drug sde dag gis smras pa/ dga' bo nye dga' bdag cag gis yun ji srid du gzhan gyi spyod lam gyis gnas par bya/ rang gi spyod lam gyis gnas par byas/ gsus po che'i rgyal mtshan gyi mchog dang dpung gi mchog dang / g.yul bkod cing bshams pa'i dmag la lta ba nyams su myong bar byas 'dong ngo zhes de dag glang po che'i tshogs kyi </font><hr>Ja265a<br><font size=+1>


@#/ /gan du dong ste dris pa/ shes ldan dag ci byed/ de dag gis smras pa/ 'phags pa dag bkod pa shom mo/ /drug sde dag gis smras pa/ bkren pa dag glang po che bcos ma 'di lta bu dag phyogs 'dir 'jog gam/ 'di sol cig ces de dag gis de dag gi mche ba dag nas bzung ste mtha' gcig tu bor ro/ /de dag rta pa'i tshogs kyi gan du dong ste dris pa/ shes ldan dag ci byed/ de dag gis smras pa/ 'phags pa dag bkod pa shom mo/ /drug sde dag gis smras pa/ bkren pa dag rta theng po 'di lta bu dag phyogs 'dir 'jog gam/ 'di sol cig ces de dag gis de dag gi mjug ma dag nas bzung ste mtha' gcig tu bor ro/ /de dag shing rta pa'i tshogs kyi gan du dong ste dris pa/ shes ldan dag ci byed/ de dag gis smras pa/ 'phags pa dag bkod pa shom mo/ /drug sde dag gis smras pa/ bkren pa dag shing rta zhig pa 'di lta bu dag phyogs 'dir 'jog gam/ 'di sol cig ces de dag gis de dag gi srog shing dag nas bzung ste mtha' gcig tu bor ro/ /de dag dpung bu chung gi tshogs kyi gan du dong ste dris pa/ shes ldan dag ci byed/ de dag gis smras pa| 'phags pa dag bkod pa shom mo/ /drug sde dag gis smras pa/ bkren pa dag mi zhar ba 'di lta bu phyogs 'dir 'jog gam/ 'di sol cig ces de dag gis de dag gi </font><hr>Ja265b<br><font size=+1>


gnya' ba dag nas bzung ste mtha' gcig tu bor ro/ /drug sde dag de dag gi 'dun logs su ri brags pa dang ha cang thag mi ring bar 'khod de klag cor gyi sgra phyung ba dang / de dag gis bsams pa| ri brags pa dag rdzong nas rlugs te byung ngo snyam du rig nas skrag cing sdangs te 'bros par brtsams pa dang / drug sde dag myur ba myur bar dong ste/ khrom gyi ru sna'i mdun du 'khod nas smras pa| shes ldan dag ci'i phyir 'bros/ de dag gis smras pa/ 'phags pa dag ri brags pa dag rdzongs nas rlugs te byung ngo / /drug sde dag gis smras pa/ bkren pa dag de ni kho bo cag gis ku re cung zhig byas pa yin te/ gal te ri brags pa dag gis khyod cag de ltar bred ngas par shes shing rig par gyur na/ nang par snga ba kho nar yang khyod cag gnya' ba dag nas btags te ri brags su khrid par 'gyur gyi/ ma 'jigs par phyir log cig /de dag phyogs gcig tu dong ste sems khong du chud cing 'khod do/ /ji tsam na ko sa lar byung ba'i rgyal po gsal rgyal 'ongs nas/ des smras pa/ shes ldan dag /khyed kyis da dung yang g.yul gyi bkod pa ma bshams sam/ de dag gis smras pa/ lha bdag cag rgyal bar ga la 'gyur/ 'di ltar dge sbyong mgo reg ras yug chen glegs pa 'tshal pa 'di dag mchis nas bdag cag la mtho 'tsham zhing mi mchi dgu mchi'o/ /rgyal pos smras pa/ dge sbyong gang dag /'phags pa drug sde dag go /shes ldan dag </font><hr>Ja266a<br><font size=+1>


@#/ /'di dag ni dge sbyong hral po dag yin pas de dag gis smras pa khyod la ci gnod/ deng la g.yul gyi bkod pa shoms shig /ko sa lar byung ba'i rgyal po gsal rgyal gyis bsams pa/ 'di dag bdag la yang dang yang du mtho 'tsham par 'gyur ro snyam du rig nas mi zhig la smras pa/ kwa'i nang rje chur shog /bcom ldan 'das ga la ba der song la nga'i tshig gis bcom ldan 'das kyi zhabs gnyis la mgo bos phyag 'tshal te/ bcom ldan 'das la gnod pa nyung ngam/ nyam nga ba chung ngam/ bskyod pa yang ngam/ 'tsho'am/ stobs dang bde ba la reg par gnas sam/ kha na ma tho ba ma mchis sam zhes snyun gsol la 'di skad ces btsun pa ko sa lar byung ba'i rgyal po gsal rgyal gyi mchid nas/ btsun pa 'phags pa 'di dag shin tu yun ring por dmag gi nang na gnas pa'i tshe yang bshams pa 'khrug tu mchi zhing / rgyal mtshan gyi mchog dang dpung gi mchog dang g.yul bshams pa'i dmag la ltar nyams su myong bar bgyid na/ kye ma bcom ldan 'das kyis thugs brtse ba'i slad du gang gis 'phags pa dag shin tu yun ring por dmag gi nang na gnas pa'i tshe yang bshams pa 'khrug tu mi mchi zhing rgyal mtshan gyi mchog dang dpung gi mchog dang g.yul bshams pa'i dmag la lta ba nyams su myong bar bgyid par mi 'gyur bar dran par bgyi ba cung zhig bca' </font><hr>Ja266b<br><font size=+1>


ba mdzad na legs so zhes mchi'o zhes gsol cig /mi des lha bka' bzhin 'tshal zhes go sa lar byung ba'i rgyal po gsal rgyal las mnyan nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas mi des bcom ldan 'das la 'di skad ces gsol to/ /btsun pa ko sa lar byung ba'i rgyal po gsal rgyal bcom ldan 'das kyi zhabs gnyis la mgo bos phyag 'tshal te/ bcom ldan 'das la gnod pa nyung ngam/ nyam nga ba chung ngam/ bskyod pa yang ngam/ 'tsho'am/ stobs dang bde ba la reg par gnas sam/ kha na ma tho ba ma mchis sam zhes snyun gsol lo/ /kwa'e nang rje ko sa lar byung ba'i rgyal po gsal rgyal dang khyod bde bar gyur cig / btsun pa ko sa lar byung ba'i rgyal po gsal rgyal gyi mchid nas 'phags pa 'di dag shin tu yun ring por dmag gi nang na gnas pa'i tshe yang bshams pa 'khrug tu mchi shing / rgyal mtshan gyi mchog dang dpung gi mchog dang g.yul bshams pa'i dmag la lta ba nyams su myong bar bgyid na kye ma bcom ldan 'das kyis thugs brtse ba'i slad du gang gis 'phags pa 'di dag shin tu yun ring por dmag gi nang na gnas pa'i tshe yang bshams pa 'khrug tu mi mchi zhing / rgyal mtshan gyi mchog dang dpung gi mchog dang g.yul bshams pa'i dmag la lta ba nyams </font><hr>Ja267a<br><font size=+1>


@#/ /su myong bar bgyid par mi 'gyur bar dran par bgyi ba cung zhig bca' ba mdzad na legs so zhes mchi'o/ /bcom ldan 'das kyis mi de la cang mi gsung pas gnang ngo / /de nas mi des bcom ldan 'das kyis cang mi gsung bas gnang bar rig nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas song ngo / /de nas bcom ldan 'das kyis byung ba 'di dang gling gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la rmas pa/ dge slong dag khyed dmag gi nang na gnas pa'i bshams pa 'khrug tu 'gro zhing rgyal mtshan gyi mchog dang dpung gi mchog dang g.yul bshams pa'i dmag la lta ba nyams su myong bar byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su mthun pa ma yin pa rung ba ma yin pa tshul dang mthun pa ma yin pa de ni rab tu byung bas bya ba ma yin no/ /zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas na phan </font><hr>Ja267b<br><font size=+1>


yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gang zhag gnyis dmag de'i nang na gnas pa'i tshe yang gal te bshams pa 'khrug tu 'gro'am/ rgyal mtshan gyi mchog gam/ dpung gi mchog gam/ g.yul bshams pa'i dmag la lta ba nyams su myong bar byed na ltung byed do/ /dge slong gang zhes bya ba ni drug sde'am/ gzhan yang de lta bu gang yin pa'o/ /zhag gnyis zhes bya ba ni zhag gnyis tshun chad do/ /dmag ces bya ba la/ dmag ni yan lag gcig pa yang yod/ yan lag gnyis pa yang yod/ yan lag gsum pa yang yod/ yan lag bzhi pa yang yod do/ /dmag yan lag gcig pa gang zhe na/ glang po che pa'i tshogs so/ /dmag yan lag gnyis pa gang zhe na/ glang po che pa'i tshogs dang / rta pa'i tshogs so/ /dmag yan lag gsum pa gang zhe na/ glang po che ba'i tshogs dang / rta pa'i tshogs dang / shing rta ba'i tshogs so/ /dmag yan lag bzhi pa gang zhe na/ glang po che pa'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs so/ /de'i nang na gnas pa'i che yang zhes bya ba ni 'dug pa'i tshe yang ngo / /gal te bshams pa 'khrug tu 'gro'am zhes bya ba ni g.yul la chas pa 'khrug tu 'gro ba'o/ /rgyal </font><hr>Ja268a<br><font size=+1>


@#/ /mtshan gyi mchog ces bya ba ni rgyal mtshan rnam pa bzhi ste khyu mchog gi rgyal mtshan dang / chu srin gyi rgyal mtshan dang / seng ge'i rgyal mtshan dang / klu'i rgyal mtshan no/ /dpung gi mchog ces bya ba ni dpung gi tshogs yan lag bzhi pa ste glang po che'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs so| /g.yul bshams pa'i dmag la lta ba nyams su myong bar byed na zhes bya ba la/ bshams pa ni rnam pa bzhi ste/ 'bru'i kha lta bu dang / shing rta pa'i dbyibs lta bu dang / zla gam gyi rnam pa lta bu dang / nam mkha' lding gi 'dab ma lta bu'o/ /ltung byed do zhes bya ba ni sems can dmyal ba dang dud 'gro dang yi dwags ngan song dang ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing / so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung ba ji ltar gyur zhe na/ dge slong gis glang po che go bskon pa'i bshams pa 'khrug par byed na ltung byed du 'gyur ro// gom bskon pa'i bshams pa 'khrug par byed na nyes byas su 'gyur ro/ /dge slong gis rta go bskon pa'i bshams pa 'khrug par byed na ltung byed du 'gyur ro/ /go ma bskon pa'i </font><hr>Ja268b<br><font size=+1>


bshams pa 'khrug par byed na nyes byas su 'gyur ro/ /dge slong gis shing rta bcas pa'i bshams pa 'khrug par byed na ltung byed du 'gyur ro/ /ma bcas pa'i bshams pa 'khrug par byed na nyes byas su 'gyur ro/ /dge slong gis dpung bu chung go bskon pa'i bshams pa 'khrug par byed na ltung byed du 'gyur ro/ /go ma bskon pa'i bshams pa 'khrug par byed na nyes byas su 'gyur ro/ /dge slong gis bshams pa 'khrug tu 'gro na ltung byed du 'gyur ro/ /rgyal mtshan gyi mchog dang dpung gi mchog dang g.yul bshams pa'i dmag la lta ba nyams su myong bar byed pa'i ltung byed kyang de bzhin no/ /bar chad brgyad po dag las bar chad gang yang rung ba nye bar gnas par gyur pa la ltung ba med do/ /las dang po pa dang / smyos pa dang sems 'khrug pa dang / tshor ba dag gis nyen pa la ltung ba med do/ /dpung gi yan lag nyams su myong bar byed pa'i ltung byed de bzhi bcu bdun pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa mo'u dgal gyi bu chen pos nye bar 'khor la sogs pa sar pa skyes phran gzhon nu bcu bdun sde'i tshogs dag rab tu phyung / rdzogs par bsnyen par byas pa de'i tshe na de dag drug sde dag la sten par byed/ bsnyen par byed/ bsnyen bkur byed do/ /de nas 'char kas smras pa/ bcu bdun sde </font><hr>Ja269a<br><font size=+1>


@#/ /dag tshur sheg /'di dang 'di gyis shig /de dag gis smras pa/ ci khyod kho bo cag gi slob dpon yin nam mkhan po yin/ mi byed do/ /des glen pa dag khyed gzhan ci zhig byed ces de dag las gcig brdegs pa dang / de dag thams cad kyis bdag cag brdegs so/ /bdag cag brdegs so zhes phyis gan du 'gyel te du bar brtsams so/ /dge slong rnams kyis smras pa/ tshe dang ldan pa 'char ka ci'i phyir gzhon nu dag la rdeg par byed/ 'char kas smras pa/ tshe dang ldan pa dag kho bos gcig brdegs pa dang thams cad sa la 'gyel te ngu'o| /dge slong rnams kyis bcu bdun sde dag la smras pa/ tshe dang ldan pa dag khyed cag las gcig brdegs na ci phyir thams cad sa la 'gyel te ngu / de dag gis smras pa/ gal te ma ngus na thams cad brdeg par 'gyur ro/ /dge slong don nyung ngu dag ci'i phyir dge slong dag khros 'khrugs rngam par gyur te yi ma rangs nas dge slong la rdeg par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang </font><hr>Ja269b<br><font size=+1>


snga ma bzhin te/ sangs rgyas bcom ldan 'das kyis tshe dang ldan pa 'char ka la rmas pa/ 'char ka khyod khros 'khrugs rngam par gyur te yi ma rangs nas dge slong rnams la rdeg pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa tshul dang mthun pa ma yin pa de ni rab tu byung bas bya ba ma yin no/ / zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang khros 'khrugs rngam bar gyur te yi ma rangs nas dge slong la rdeg na ltung byed do/ /yang dge slong gang zhes bya ba ni 'char ka'am gzhan yang de lta bu gang yin pa'o/ /khros 'khrugs rngam par gyur te yi ma rangs nas zhes bya ba ni khros shing khro ba'i zil gyis non nas so/ /dge slong la zhes bya ba ni chos 'di pa la'o/ /rdeg na zhes bya ba ni rdeg par byed na'o/ /ltung byed do/ /zhes bya ba ni sems can dmyal ba dang dud 'gro dang yi dwags ngan song dang / ngan 'gro dang log par ltung ba dag tu sreg par byed/ 'tshod par </font><hr>Ja270a<br><font size=+1>


@#/ /byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste des na ltung byed do zhes gsungs so/ /de la ltung ba ji lta ba ji ltar 'gyur zhe na/ nang gis zin pa dang phyi rol tu 'phangs pa dang de gnyis ka dang ldan pas so/ /ji ltar nang gis zin pas she na/ dge slong khros 'khrugs rngam par gyur te yi ma rangs nas dge slong la sor mo gcig gis rdeg par byed na ltung byed du 'gyur ro/ /sor mo gnyis dang gsum dang bzhi dang sor mo lngas rdeg par byed na ltung byed lngar 'gyur ro/ /khu tshur dang / gru mo dang / phrag pa dang / mgo dang / glo dang / rgyab dang / rked pa dang / brla dang / bus mo dang / rje ngar dang / tha na rkang pa'i mthe bos rdeg par byed na ltung byed du 'gyur te/ de ltar nang gi zin pas so/ /ji ltar phyi rol tu 'phangs pas she na/ dge slong khros 'khrugs rngam par gyur te yi ma rangs nas dge slong la mdas 'phen par byed na ltung byed du 'gyur ro/ /mdas ji lta ba de bzhin du lcags mda' dang / mda' phyed lcags las byas pa dang / mde'u ste'u ka ma dang / mde'u be'u so lta bu dang / mde'u zur bzhi ma dang / mde'u ka ra bi ra'i 'dab ma lta bu dang / mde'u be'u snying ma dang / 'khor lo dang / rdo rje rtse gcig dang / mda' bo che dang / mtshon rtse gcig dang / rgya shug gi tshig gu dang / tha na </font><hr>Ja270b<br><font size=+1>


yungs kar spar gang 'phen par byed na yungs kar ji snyed lus la phog pa de snyed kyi ltung byed du 'gyur ro/ /yungs kar ji snyed lus la ma phog pa de snyed kyi nyes byas su 'gyur te/ de ltar phyi rol tu 'phangs pas so/ /ji ltar de gnyi ga dang ldan pas she na/ dge slong khros 'khrugs rngam par gyur te yi ma rangs nas dge slong la ral gris 'debs na ltung byed du 'gyur ro/ /ral gris ji lta ba bzhin du shang lang dang ral gri so gcig pa dang / ral gri so gnyis pa dang / mdung dang / 'phang mdung dang / chu gri dang / rtswa'i nyag ma dang / tha na phyags mas rdeg par byed na nyag ma ji snyed lus la phog pa de snyed kyi ltung byed du 'gyur ro/ /nyag ma ji snyed lus la ma phog pa de snyed kyi nyes byas su 'gyur te/ de ltar gnyi ga dang ldan pas so/ /brnangs pa dang thal lcag gi rig sngags grub par byed pa la ltung ba med do/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /rdeg pa'i ltung byed de bzhi bcu brgyad pa rdzogs so// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa mo'u dgal gyi bu chen pos nye bar 'khor la sogs pa sar pa skyes phran gzhon nu bcu bdun sde'i tshogs dag rab tu phyung rdzogs par bsnyen par byas pa de'i tshe na de dag drug sde dag la sten par byed/ bsnyen par byed/ bsnyen bkur byed do/ /de </font><hr>Ja271a<br><font size=+1>


@#/ /nas 'char kas smras pa/ bcu bdun sde dag tshur sheg /'di dang 'di gyis shig /de dag gis smras pa/ ci khyod kho bo cag gi slob dpon yin nam mkhan po yin/ mi byed do/ /des glen pa dag khyed gzhan ci zhig byed ces de dag las gcig la brdeg par gzas pa dang / de dag thams cad kyis bdag cag la brdeg par gzas so/ /bdag cag la brdeg par gzas so/ /zhes phyis gan du 'gyel te du bar brtsams so/ /dge slong rnams kyis smras pa/ tshe dang ldan pa 'char ka ci'i phyir gzhon nu dag la brdeg par gzas/ 'char kas smras pa/ tshe dang ldan pa dag kho bos gcig la brdeg par gzas pa dang thams cad sa la 'gyel te ngu'o/ /dge slong rnams kyis bcu bdun sde dag la smras pa/ tshe dang ldan pa dag khyed cag las gcig la brdeg par gzas na ci'i phyir thams cad sa la 'gyel te ngu / de dag gis smras pa/ gal te ma ngus na gang la cis rdeg gtol med do/ /dge slong don nyung ngu dag ci'i phyir dge slong dag khros 'khrugs rngam par gyur te yi ma rangs nas/ dge slong la rdeg par gza' bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs </font><hr>Ja271b<br><font size=+1>


rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa 'char ka la rmas pa/ 'char ka khyod khros 'khrugs rngam par gyur te yi ma rangs nas dge slong la brdeg par gzas pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa| dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang khros 'khrugs rngam par gyur te yi ma rangs nas dge slong la brdeg par gzas na thal mos kyang rung ste ltung byed do/ /yang dge slong gang zhes bya ba ni 'char ka'am gzhan yang de lta bu gang yin pa'o/ /khros 'khrugs rngam par gyur te yi ma rangs nas zhes bya ba ni khros shing khro ba'i zil gyis non nas so/ /dge slong la zhes bya ba ni chos 'di pa la'o/ /brdeg par gzas na zhes bya ba ni brdeg par bshams na'o/ /tha na thal mos kyang rung ste zhes bya ba ni tha na thal lcag tsam gzas kyang rung ste'o/ /ltung byed do zhes bya ba ni sems can dmyal ba dang dud 'gro dang yi dwags ngan </font><hr>Ja272a<br><font size=+1>


@#/ /song dang ngan 'gro log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste des na ltung byed do zhes gsungs so/ /de la ltung ba ji ltar 'gyur zhe na/ nang gis zin pa dang / phyi rol tu 'phangs pa dang / de gnyi ga dang ldan pas so/ /ji ltar nang gi zin pas she na/ dge slong khros 'khrugs rngam par gyur te yi ma rangs nas/ dge slong sor mo gcig gis brdeg par gzas na ltung byed du 'gyur ro/ /sor mo gnyis dang gsum dang bzhi dang sor mo lngas brdeg par gzas na ltung byed lngar 'gyur ro/ /khu tshur dang / gru mo dang / phrag pa dang / mgo dang / glo dang / rgyab dang / rked pa dang / brla dang / pus mo dang / rje dar dang / tha na rkang pa'i mthe bos brdeg par gzas na ltung byed du 'gyur te/ de ltar nang gis zin pas so/ /ji ltar phyi rol tu 'phangs pas she na/ dge slong khros 'khrugs rngam par gyur te/ yi ma rangs nas dge slong la mda' 'phen par gzas par byed na ltung byed du 'gyur ro/ /mda' 'phen par gzas pa ji lta ba de bzhin du lcags mda' dang / mda' phyed lcags las byas dang / mde'u ste'u ka ma dang / mde'u be'u so lta bu dang / mde'u zur bzhi ma dang / mde'u ka ra bi ra'i 'dab ma lta bu dang / mde'u be'u snying ma dang / 'khor lo dang rdo rje rtse gcig pa dang / mda' bo che dang / mtshon rtsa gcig dang / rgya shug gi tshig gu dang / tha na </font><hr>Ja272b<br><font size=+1>


yungs kar spar gang gzas par byed na yungs kar ji snyed gzas pa de snyed kyi ltung byed du 'gyur te/ de ltar phyi rol tu 'phangs pas se \ SO\/ /ji ltar de gnyi ga dang ldan pas she na/ dge slong khros 'khrugs rngam par gyur te/ yi ma rangs nas dge slong la ral gris gdab pa gzas par byed na ltung byed du 'gyur ro/ /ral gris ji lta ba de bzhin du shang lang dang / ral gri so gcig pa dang / ral gri so gnyis pa dang / mdung dang / 'phang mdung dang / chu gri dang / rtswa'i nyag ma dang / tha na phyags mas brdeg pa gzas par byed na nyag ma ji snyed gzas pa de snyed kyi ltung byed du 'gyur ro/ /phyags mas ji lta ba bzhin du thur ma'i chag pa dang / thag pa'i chun pos brdeg pa gzas pa yang de bzhin te de ltar gnyi ga dang ldan pas so/ /las dang po pa dang / smyos pa dang sems 'khrugs pa dang / tshor bdag gis nyen pa la ltung ba med do/ /gzas pa'i ltung byed de bzhi bcu dgu pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /dga' bo la lhan cig gnas pa'i dge slong chos zhes bya ba ngo tsha shes pa 'gyod pa dang ldan pa bsdams pa bslab pa 'dod pa zhig yod pa des de ji srid du gnas ngan len kun tu spyod par mi shes pa de srid du de dang lhan cig gnas so/ /gang gi tshe des gnas ngan len kun tu spyod par shes pa de'i tshe na de rang bzhin du gnas pa'i dge slong rnams dang lhan cig gnas par brtsams te/ bcom ldan 'das kyi bka' lung gis dus gsum </font><hr>Ja273a<br><font size=+1>


@#/ /du rkang pa la phyag 'tshal du 'gro ba 'ba' zhig byed do/ /de de'i gan du song ste mkhan po gdugs la spyod du mchi'o/ /zhes zhus pa dang / nye dgas thos nas smras pa/ bu chos kho bo'i stan yang khyer la song zhig /ci slob dpon yang gdugs la spyod du bzhud dam/ gleng pa khyod kyis kho bo la so sor brtag gam/ kho bos mi shes pa'i rnal 'byor spyod pa'i sa gang yod/ bdag slob dpon la so sor rtog par mi bgyid de/ 'di ltar ci slob dpon yang gdugs la spyod du bzhud dam zhes zhu bar byas te/ gdan 'tshal te mchi'o/ /des de'i stan khyer te nyin mo spyod du song nas des de'i stan de shing ljon pa'i drung du bzhag ste dben pa'i phyogs su 'dug nas yid la byed pa bskyed par brtsams so/ /de'i 'og tu nye dga' 'ongs nas chos kyis thag ring po kho na nas de mthong nas smras pa/ slob dpon gdan shing ljon pa'i drung du bzhag gi/ der bzhud la bzhugs shig /nye dga' der song nas mgo g.yogs te 'dug pa dang / des der mos pa ma rnyed nas stan las langs te| phyogs bzhir rnam par blta bar brtsams pa dang / ji tsam na bu mo zhig rgyal byed kyi tshal gyi rib ma 'dral ba mthong nas des chos la/ chos rib ma 'dral bar byed do/ /zhes bos pa dang / chos kyis de la smras pa/ slob dpon rgyal byed kyi tshal gyi mdo dgongs shig /glen pa khyod mdo sde'i mtha' la ston par gyur tam/ bcom ldan 'das kyis dge 'dun gyi rtswa yang yal mi 'dor ro zhes ma </font><hr>Ja273b<br><font size=+1>


gsungs sam/ kho bo rang nyid song la bzlog par bya'o/ /slob dpon nyid mkhyen no/ /nye dgas song ste smras pa/ bu mo khyod ci'i phyir rgyal byed kyi tshal gyi rib ma 'dral bar byed/ bu mo des 'dzum byung ba dang / nye dgas de yan lag dang nying lag nas mnams te'o byas nas/ de chos kyi gan du song ste dris pa/ bu chos/ khyod kyis cung zad mthong ngam/ slob dpon gzhug pa 'jud pa 'ba' zhig ma gtogs pa gzhan thams cad mthong ngo / /bu chos/ su la yang ma zer cig /slob dpon/ ji srid du rang bzhin du gnas pa'i dge slong ma mthong ba de srid kyi bar du su la yang mi mchi'o/ /nye dgas smras pa/ kho bo khyod kyi mkhan bo'i gnas ngan len gyi ltung ba 'chab par byed na/ khyod kho bo'i 'chab par mi byed dam/ chos kyis smras pa/ slob dpon khyod 'chab par mdzad kyang bdag ni 'chab par mi bgyid do zhes zer ba'i skabs de dge slong rnams la brjod pa dang / dge slong don nyung du dag ci'i phyir dge slong dag shes bzhin du dge slong gi gnas ngan len gyi ltung ba 'chab par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das </font><hr>Ja274a<br><font size=+1>


@#/ /kyis tshe dang ldan pa nye dga' la rmas pa/ nye dga' khyod shes bzhin du dge slong gi gnas ngan len gyi ltung ba 'chab pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su mthun pa ma yin pa tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang shes bzhin du dge slong gi gnas ngan len gyi ltung ba 'chab na ltung byed do/ /yang dge slong gang zhes bya ba ni shAkya'i bu nye dga' 'am/ gzhan yang de lta bu gang yin pa'o/ /shes bzhin du zhes bya ba ni de rang nyid kyis rig pa'am gzhan dag gis brjod pas so/ /dge slong gi zhes bya ba ni chos 'di pa'i'o/ /gnas ngan len gyi ltung ba zhes bya ba ni gnas ngan len gnyis te pham par 'gyur ba kun nas slong ba dang / dge 'dun lhag ma kun nas slong ba'o/ /ci'i phyir de dag gnas ngan len ces bya zhe na/ ngo bo nyid dang / kun nas slong ba las so/ /'chab na zhes bya ba ni mkhyud na'o/ /ltung byed do/ / </font><hr>Ja274b<br><font size=+1>


zhes bya ba ni sems can dmyal ba dang dud 'gro dang yi dwags ngan song dang ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung ba ji ltar 'gyur zhe na dge slong gis dge slong pham par 'gyur ba'i ltung ba 'byin pa mthong zhing de de la bcab pa'i sems skyes na ji srid du skya rengs ma shar gyi bar du nyes byas su 'gyur la/ skya rengs shar na ltung byed du 'gyur ro/ /dge slong gis dge 'dun lhag ma'i ltung ba 'byin pa mthong zhing de de la bcab pa'i sems skyes na ji srid du skya rengs ma shar gyi bar du nyes byas su 'gyur la/ skya rengs shar na ltung byed du 'gyur ro/ /dge slong gis dge slong ltung byed kyi ltung ba 'byin pa mthong zhing de de la bcab pa'i sems skyes na ji srid du skya rengs ma shar gyi bar du nyes byas su 'gyur la/ skya rengs shar na yang nyes byas su 'gyur ro| |dge slong gis dge slong so sor bshags par bya ba'i ltung ba 'byin pa mthong zhing de de la bcab pa'i sems skyes na ji srid du skya rengs ma shar gyi bar du nyes byas su 'gyur la/ skya rengs shar na yang nyes byas nyid du 'gyur ro/ /dge slong gis dge slong nyes byas kyi ltung ba 'byin pa mthong zhing de de la bcab pa'i sems skyes na ji srid du skya rengs ma shar gyi bar du nyes byas su </font><hr>Ja275a<br><font size=+1>


@#/ /'gyur la/ skya rengs shar nas yang nyes byas nyid du 'gyur ro/ /bdag la gzhi 'dis bde ba la mi reg pa dang dge sbyong gi tshul dang tshangs par spyod pa'i bar chad du 'gyur na ltung ba med do/ /bdag la gzhi 'dis dge 'dun dbye ba dang dge 'dun 'khrugs pa dang dge 'dun gnyis su 'gyur ba dang dge 'dun tha dad par 'gyur na ltung ba med do| |las dang po pa dang / smyos pa dang sems 'khrugs pa dang / tshor bdag gis nyen pa la ltung ba med do/ /gnas ngan len 'chab pa'i ltung byed de lnga bcu pa rdzogs so// // 'dul ba rnam par 'byed pa/ bam po nga drug pa/ sdom la/ bde dang me dang 'dun pa dang / rdzogs par ma bsnyen chos dang smra/ /dge tshul kha dog bsgyur ba dang / /rin po che dang tsha ba'i dus/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /dga' bo la lhan cig gnas pa dge slong chos zhes bya ba ngo tsha shes pa 'gyod pa dang ldan pa bsdams pa bslab pa 'dod pa zhig yod pa des ji srid du de gnas ngan len kun tu spyod par mi shes pa de srid du de dang lhan cig gnas so/ /gang gi tshe des de gnas ngan len kun tu spyod pa shes pa de'i tshe na de rang bzhin du gnas pa'i dge slong rnams dang lhan cig gnas par brtsams te/ bcom ldan 'das kyi bka' lung gis dus </font><hr>Ja275b<br><font size=+1>


gsum du rkang pa la phyag 'tshal du 'gro ba 'ba' zhig byed do/ /nye dgas dga' bo la smras pa/ slob dpon chos 'dis kho bo sangs rgyas la sogs pa dge slong gi dge 'dun gyi mdun du mtho btsams pa ltos/ kho bos kyang 'di la nges par gnod pa cung zhig bya'o/ /dga' bos smras pa/ dge slong 'di ni ngo tsha shes pa 'gyod pa dang ldan pa bsdams pa bslab pa 'dod pa yin pas khyod kyis 'di la gnod pa ci zhig byar yod/ nges par 'di'i zan gcad par bya'o/ /de ni nus so/ /khyim bdag cig gis dga' bo dang nye dga' gnyis zan la mgron du bos pa dang / nye dgas bsams pa/ deng chos 'di'i zan gcad par bya'o snyam mo/ /chos dga' bo'i gan du song ste smras pa/ mkhan po bdag bsod snyoms la mchi ba zhu'o/ / dga' bos smras pa/ chos kho bo cag deng khyim bdag cig gis zan la mgron du bos kyi/ tshur shog la 'di nyid du zan zo zhig /chos kyis smras pa/ bdag mkhan po dang lhan cig sngan chad mgron du bos pa 'ga' yang mchis sam/ nye dgas smras pa/ chos kho bos gzhan thos la gzhan mthong ste/ kho bos ko khyod ngo tsha shes pa 'gyod pa dang ldan pa bsdams pa bslab pa 'dod pa yin par shes na/ khyod mkhan pos mi rung ba'i dngos po yang dag par 'dzin du bcug gam ci na gang gi phyir mkhan po'i chos dang ldan pa'i tshig </font><hr>Ja276a<br><font size=+1>


@#/ /gcog par byed/ bcom ldan 'das kyis 'dul ba las slob dpon dang mkhan pos bsgo ba na khas blang bar bya'o/ /khas mi len na nyes byas su 'gyur ro zhes ma gsungs sam/ de la dge slong rab tu grags pas smad pas cang mi smra bar 'dug nas/ des smras pa/ lhung bzed dang chu tshags blangs te mchi'o/ /dga' bos smras pa/ der lhung bzed dang chu tshags kyis ci bya/ der snod bkrus pa dag dang chu btsags pa dag 'thob kyi/ tshur shog 'dong ngo / /chos de gnyis dang lhan cig 'phags pa bsod snyoms pa zhig gis mthong nas des smras pa/ chos gar 'gro/ mgron du bos pas 'gro'o/ /zas kyi tshod shes par gyis shig /chos kyis smras pa/ zan za bar 'gyur ram/ 'on te zan gcad par 'gyur gtol med do/ /de de gnyis dang lhan cig mnyan yod du zhugs pa dang de gnyis srang du dong ste tshong khang du 'khod nas nye dga' khyim bdag de'i khyim du song ste zan zos nas phyir 'ongs so/ /de'i 'og tu dga' bo yang khyim bdag de'i khyim du song ste zan za zhing 'dug go /chos kyis nye dga' la smras pa/ slob dpon gdugs tshod la bab kyi/ bzhud do/ /nye dgas smras pa/ der thams cad sta gon byas zin pas der song ste bza' ba las gzhan pa'i bya ba ci yang med kyi/ </font><hr>Ja276b<br><font size=+1>


gdugs tshod kyi kha kho nar 'dong ngo / /chos langs te/ rkang pa gnyis kyis grib tshod gzhal bar brtsams pa dang / nye dgas smras pa/ glen pa khyod kho bo cag gi bslab pa la cung zad yid mi ches sam/ ci khyod kyi snying lam na kho bo cag dus ma yin par za bar 'gyur snyam mam/ kho bo la khyod dang lhan cig smra ba'am/ 'dug pa bde ba ma yin gyi/ 'di ltar kho bo gcig pu kho na smra ba'am/ 'dug na bdes khyod song zhig /chos kyis bsams pa/ gal te bdag gis lhung bzed dang chu tshags khyer te 'ongs par gyur na/ bdag bsod snyoms la rgyu bar 'gyur ba zhig na/ da ni ci byar yang med do snyam nas/ de gtsug lag khang du song ste ji srid du de'i lus la mdangs yod pa de srid du dge ba'i phyogs la tron byas nas gang gi tshe de'i lus las mdangs yal ba de'i tshe na glos phab ste nyal ba dang / dge slong rnams kyis de la smras pa/ tshe dang ldan pa chos gal te zan gzhan gyi yin zhes te lto yang gzhan gyi yin nam ci na ji tsam gyis dge ba'i phyogs la tron byed kyang mi nus pa de tsam gyi zan zos/ chos kyis smras pa/ sus zos/ khyod kyis ma zos sam/ ma zos so/ /ci'i phyir des skabs de rgyas par brjod pa dang / dge slong don nyung ngu dag ci'i phyir dge slong dag gis bsam ste/ dge slong zan gcod du 'jud ces smod </font><hr>Ja277a<br><font size=+1>


@#/ /bar byed/ phyar ka gtong bar byed/ kha zer ba'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das ni mkhyen bzhin du rmed par mdzad pa ste/ zhes bya ba la sogs pa yang snga ma bzhin te/ sangs rgyas bcom ldan 'das kyis nye dga' la rmas pa/ nye dga' khyod klan ka tshol zhing ci nas kyang dge slong 'di la klan ka btsal bar 'gyur ro snyam pa de nyid rkyen du byas te/ dge slong la 'di skad ces tshe dang ldan pa tshur shog /khyim dag tu 'dong dang der khyod la bca' ba dang bza' ba ji tsam 'dod pa sbyin du gzhug go zhes smras nas/ khyod kyis de la sbyin du ma bcug par de'i 'og tu 'di skad ces tshe dang ldan pa kho bo la khyod dang lhan cig smra ba'am/ 'dug pa bde ba ma yin gyi 'di ltar kho bo gcig pu kho na smra'am/ 'dug na bdes/ khyod song zhig ces zer zhing zan gcod du 'jug pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa rung ba ma yin pa/ tshul </font><hr>Ja277b<br><font size=+1>


dang mthun pa ma yin pa de ni rab tu byung bas bya ba ma yin no/ /zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste/ zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang klan ka tshol zhing ci nas kyang dge slong 'di la klan ka btsal bar 'gyur ro/ /snyam pa de nyid rkyen du byas te/ dge slong la 'di skad ces tshe dang ldan pa tshur shog /khyim dag tu 'dong dang der khyed la bca' ba dang bza' ba bsod pa ji tsam 'dod pa sbyin du gzhug go /zhes smras nas/ des de la sbyin du ma bcug par de'i 'og tu 'di skad ces tshe dang ldan pa kho bo la khyod dang lhan cig smra ba'am/ 'dug pa bde ba ma yin gyi 'di ltar kho bo gcig pu kho na smra'am/ 'dug na bdes khyod song zhig ces zer na ltung byed do/ /yang dge slong gang zhes bya ba ni/ shAkya'i bu nye dga' 'am/ gzhan yang de lta bu gang yin pa'o/ /klan ka tshol zhing ci nas kyang dge slong 'di la klan ka btsal bar 'gyur ro snyam pa zhes bya ba ni/ ci nas kyang dge slong 'di'i zan gcod </font><hr>Ja278a<br><font size=+1>


@#/ /du bcug par 'gyur ro snyam pa'o/ /de nyid rkyen du byas te/ zhes bya ba ni/ gzhan ma yin pa'o/ /dge slong la zhes bya ba ni chos 'di pa la'o/ /'di skad ces zhes bya ba ni 'di skad ces smras nas so/ /tshe dang ldan pa tshur shog /khyim dag tu 'dong dang zhes bya ba ni bram ze dang khyim bdag gi khyim dag tu'o/ /der khyod la bca' ba dang bza' ba bsod pa zhes bya ba ni bca' ba lda dang bza' ba lda'o/ /ji tsam 'dod pa sbyin du gzhug go zhes smras nas zhes bya ba ni/ ji tsam gyis chog par ro/ /des de la sbyin du ma bcug par de'i 'og tu 'di skad ces tshe dang ldan pa kho bo la khyod dang lhan cig smra ba'am/ 'dug pa bde ba ma yin gyi 'di ltar kho bo gcig pu kho na smra'am/ 'dug na bdes khyod song zhig ces zer na zhes bya ba ni/ de skad ces zer na'o/ /ltung byed do zhes bya ba ni/ sems can dmyal ba dang dud 'gro dang yi dwags ngan song dang ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung ba ji ltar 'gyur zhe na/ dge slong gis ji tsam cung zad ched du bsams te/ dge slong gis zan </font><hr>Ja278b<br><font size=+1>


gcod du 'jud na thams cad du ltung byed du 'gyur ro/ /nad pa'i byed du 'jug pa dang / sman pas bstan pa byed du 'jug pa la ltung ba med do/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /zan gcod du 'jug pa'i ltung byed de lnga bcu gcig pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de nas mnyan yod pa'i tshong pa rab tu mang po dag bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te/ mtha' cig tu 'khod do/ /mtha' cig tu 'khod nas/ bcom ldan 'das mnyan yod pa'i tshong pa rab tu mang po dag la chos dang ldan pa'i bka' mchid kyis yang dag par ston par mdzad/ yang dag par 'dzin tu 'jud par mdzad/ yang dag par gzengs bstod par mdzad/ yang dag par rab tu dga' bar mdzad do/ /rnam grangs du mas chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas cang mi gsung ngo / /de nas mnyan yod pa'i tshong ba rab tu mang po dag gis/ bcom ldan 'das kyis bka' stsal pa la mngon par </font><hr>Ja279a<br><font size=+1>


@#/ /dga' ba dang / rjes su yi rang ba byas nas bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas dong nas/ tshe dang ldan pa kun dga' bo ga la ba der song ste phyin nas tshe dang ldan pa kun dga' bo'i rkang pa gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas tshe dang ldan pa kun dga' bos mnyan yod pa'i tshong pa rab tu mang po dag la chos dang ldan pa'i gtam gyis yang dag par ston par byed/ yang dag par 'dzin du 'jug par byed/ yang dag par gzengs bstod par byed/ yang dag par rab tu dga' bar byed do/ /rnam grangs du mas chos dang ldan pa'i gtam gyis yang dag par bstan/ yang dag par 'dzin tu bcug /yang dag par gzengs bstod/ yang dag par rab tu dga' bar byas nas cang mi smra'o/ /de nas mnyan yod pa'i tshong pa rab tu mang po dag stan las langs te/ bla gos phrag pa gcig tu byas nas tshe dang ldan pa kun dga' bo ga la ba de logs su thal mo sbyar ba btud nas/ tshe dang ldan pa kun dga' bo la 'di skad ces smras so/ /btsun pa kun dga' bo/ /bcom ldan 'das dbyar gnas par zhal gyis bzhes nas gang du gshegs par 'gyur/ shes ldan dag /sangs rgyas bcom ldan 'das la zhus shig /btsun </font><hr>Ja279b<br><font size=+1>


pa kun dga' bo sangs rgyas bcom ldan 'das ni/ bsnyen par dka' ba dang / bzod par dka' ba lags pas bdag cag gis sangs rgyas bcom ldan 'das la zhu ba'i rdo mi thog go shes ldan dag /kho bo la yang sangs rgyas bcom ldan 'das bsnyen par dka' ba dang bzod par dka' ba nyid yin pas kho bos kyang sangs rgyas bcom ldan 'das la zhu bar mi nus so/ / btsun pa kun dga' bo/ gal te btsun pa kun dga' bo la yang sangs rgyas bcom ldan 'das ni bsnyen par dka' ba dang bzod par dka' ba lags pas btsun pa kun dga' bos kyang sangs rgyas bcom ldan 'das la zhu bar mi spyod na/ btsun pa kun dga' bos mtshan ma'am/ bka' mchid kyis bcom ldan 'das dbyar gnas par zhal gyis bzhes nas phyogs ga ge mor gshegs par 'gyur bar ji ltar mkhyen/ mtshan mas ni ji ltar/ bka' mchid kyis ni ji ltar mkhyen/ shes ldan dag /bcom ldan 'das dbyar gnas par zhal gyis bzhes nas phyogs gang du gshegs par bzhed pa'i phyogs de logs su bcom ldan 'das zhal gzigs shing bzhugs la de dag gi bsngags pa yang brjod par mdzad do/ / btsun pa kun dga' bo/ bcom ldan 'das zhal gar gzigs shing bzhugs/ mi gang dag gi bsngags pa yang brjod par mdzad/ shes ldan dag /bcom ldan 'das ma </font><hr>Ja280a<br><font size=+1>


@#/ /ga d+har zhal gzigs shing bzhugs la/ rgyal po'i khab pa'i mi dag gi bsngags pa yang brjod par mdzad do/ /de dag gis tshe dang ldan pa kun dga' bos smras pa la mngon par dga' ba dang rjes su yi rang ba byas nas tshe dang ldan pa kun dga' bo'i rkang pa gnyis la mgo bos phyag 'tshal te dong nas de dag gis bsams pa/ bcom ldan 'das dbyar gnas par zhal gyis bzhes nas rgyal po'i khab tu gshegs par 'gyur ro/ /snyam nas de dag gis rgyal po'i khab tu dong ba'i zong sta gon byas so| |de nas bcom ldan 'das dbyar gnas par zhal gyis bzhes te/ dbyar gyi zla ba gsum po dag 'das nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la dge slong rnams la dge slong dag de bzhin gshegs pa ma ga d+ha dag tu ljongs rgyur gshegs kyi/ khyed cag las gang de bzhin gshegs pa dang thabs cig ma ga d+ha dag tu ljongs rgyur 'gro bar spro ba des chos gos kyi las kyis shig ces bsgo zhig /tshe dang ldan pa kun dga' bos btsun pa bka' bzhin 'tshal/ zhes bcom ldan 'das las mnyan nas dge slong rnams la/ tshe dang ldan pa dag /de bzhin gshegs pa ma ga d+ha dag tu ljongs rgyur gshegs kyi/ khyed cag las </font><hr>Ja280b<br><font size=+1>


gang de bzhin gshegs pa dang thabs cig tu ma ga d+ha dag tu ljongs rgyur 'gro bar spro ba des chos gos kyi las gyis shig ces bsgo'o/ /mnyan yod pa'i tshong pa dag gis tshe dang ldan pa kun dga' bos dge slong rnams la tshe dang ldan pa dag de bzhin gshegs pa ma ga d+ha dag tu ljongs rgyur gshegs kyi/ khyed cag las gang de bzhin gshegs pa dang thabs cig ma d+ha dag tu ljongs rgyur 'gro bar spro ba des chos gos kyi las gyis shig ces bsgo ba thos so/ /thos nas kyang bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas bcom ldan 'das mnyan yod pa'i tshong ba rab tu mang po dag la chos dang ldan pa'i bka' mchid kyis yang dag par ston par mdzad/ yang dag par 'dzin tu 'jud par mdzad/ yang dag par gzengs bstod par mdzad/ yang dag par rab tu dga' bar mdzad do/ /rnam grangs du mas chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas cang mi gsung ngo / /de nas mnyan yod pa'i tshong ba rab tu mang po dag stan las langs te bla gos phrag pa gcig tu byas nas bcom </font><hr>Ja281a<br><font size=+1>


@#/ /ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das dge slong gi dge 'dun dang bcas pas mnyan yod nas rgyal po'i khab kyi bar ji tsam bar bdag cag las na bza' dang / bsod snyoms dang / gnas mal dang / snyung ba'i rkyen dang / sman gyi yo byad dag bzhes bar ci gnang / bcom ldan 'das kyis mnyan yod pa'i tshong pa rab tu mang po dag la cad mi gsung bas gnang ngo / /de nas mnyan yod pa'i tshong pa rab tu mang po dag gis bcom ldan 'das kyis cang mi gsung bas gnang bar rig nas/ bcom ldan 'das kyis bka' stsal pa la mngon par dga' ba dang rjes su yi rang bar byas te/ bcom ldan 'das kyi zhabs gnyis la mgo bos phyag 'tshal nas bcom ldan 'das kyi spyan snga nas dong ngo / /de nas mnyan yod pa'i tshong ba rab tu mang po dag tshe dang ldan pa kun dga' bo ga la ba der dong ste phyin nas tshe dang ldan pa kun dga' bo'i rkang pa gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas mnyan yod pa'i tshong pa rab tu mang po dag gis tshe dang ldan pa kun dga' bo la 'di skad ces smras so/ /btsun pa kun dga' bo/ bcom ldan 'das shul dag tu ji tsam du gshegs/ </font><hr>Ja281b<br><font size=+1>


shes ldan dag 'di lta ste/ dper na 'khor los sgyur ba'i rgyal po tsam du'o/ /btsun pa kun dga' bo/ 'khor los sgyur ba'i rgyal po ji tsam du mchi/ shes ldan dag 'khor los sgyur ba'i rgyal po ni lam dag tu rgyang grags bcur 'gro'o/ /de dag gis rgyang grags bcu bcur bcom ldan 'das dge slong gi dge 'dun dang bcas pa'i tshogs dag bshams shing de dag gi zhal zas grang cha gang dag yin pa de dag ni de nyid kyi nyin mo sta gon byas/ drod bag gang dag yin pa de dag ni nyi ma re re zhing sta gon byed do/ /de nas bcom ldan 'das dul ba 'khor dul ba dang ldan pa/ zhi ba 'khor zhi ba dang ldan pa/ grol ba 'khor grol ba dang ldan pa/ dbugs phyin pa 'khor dbugs phyin pa dang ldan pa/ thul ba 'khor thul ba dang ldan pa/ dgra bcom pa 'khor dgra bcom pa dang ldan pa/ 'dod chags dang bral ba 'khor 'dod chags dang bral ba dang ldan pa/ mdzes pa 'khor mdzes pa dang ldan pa/ khyu mchog ltar ba lang gi tshogs kyis yongs su bskor ba/ glang po che ltar glang po che'i phrug gu'i tshogs kyis yongs su bskor ba/ seng ge ltar mche ba can gyi tshogs kyis yongs su bskor ba/ ngang pa'i rgyal po ltar ngang pa'i tshogs kyis yongs su bskor ba/ nam mkha' lding ltar bya'i tshogs kyis yongs su bskor ba/ bram ze ltar slob ma'i tshogs kyis yongs su bskor </font><hr>Ja282a<br><font size=+1>


@#/ /ba| sman pa mkhas pa ltar nad pa'i tshogs kyis yongs su bskor ba/ dpa' bo ltar ru pa'i tshogs kyis yongs su bskor ba/ sa mkhan ltar lam du zhugs pa'i tshogs kyis yongs su bskor ba/ ded dpon ltar tshong pa'i tshogs kyis yongs su bskor ba/ tshong dpon ltar 'khor gyi tshogs kyis yongs su bskor ba/ mkhar gyi rgyal po ltar blon po'i tshogs kyis yongs su bskor ba/ 'khor los sgyur ba'i rgyal po ltar bu stong gi tshogs kyis yongs su bskor ba/ zla ba ltar rgyu skar gyi tshogs kyis yongs su bskor ba/ nyi ma ltar 'od zer stong gi tshogs kyis yongs su bskor ba/ yul 'khor srung ltar dri za'i tshogs kyis yongs su bskor ba/ 'phags skyes po ltar grul bum gyi tshogs kyis yongs su bskor ba/ mig mi bzang ltar klu'i tshogs kyis yongs su bskor ba/ nor sbyin ltar gnod sbyin gyi tshogs kyis yongs su bskor ba/ thags bzang ris ltar lha ma yin gyi tshogs kyis yongs su bskor ba/ brgya byin ltar sum cu rtsa gsum pa'i tshogs kyis yongs su bskor ba/ tshangs pa ltar tshangs ris kyi tshogs kyis yongs su bskor ba/ dbang po rnams shin tu dul ba spyod lam dang spyod pa ma 'khrugs pa chu gter ltar ting nge ba/ sprin ltar chu dang bcas pa/ glang po che'i rgyal po ltar dregs pa dang </font><hr>Ja282b<br><font size=+1>


bral ba/ skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus sku rnam par mdzes pa/ 'od 'dom gang gis gzugs can brgyan pa/ nyi ma stong bas lhag pa'i 'od dang ldan pa/ rin po che'i ri bo 'gro ba ltar kun tu bzang ba/ stobs bcu dang mi 'jigs pa bzhi dang / ma 'dres pa'i dran pa nye bar gzhag pa gsum dang / thugs rje chen po dang ldan pa/ kun shes ko'u di n+ya dang / rta thul dang / bzang ldan dang / rlangs pa dang / ming chen dang / grags pa dang / gang bo dang / dri med dang / ba lang bdag dang / lag bzang la sogs pa nyan thos chen po de dag dang / gzhan yang dge slong gi dge 'dun rab tu mang pos yongs su bskor cing mdun du bdar te/ rgyal po'i khab ga la ba der logs su ljongs rgyu zhing gshegs so/ /tshe dang ldan pa kun dga' bo don mthun gyi mdun du song ba dang / ji tsam na lam kha brag mthong nas/ des bcom ldan 'das ma gshegs kyi bar du der bsdad do/ /bcom ldan 'das gshegs nas/ bcom ldan 'das kyis bka' stsal pa/ kun dga' bo khyod ci sdod/ btsun pa 'di ni shul kha brag lags te/ shul 'di ni drang la seng ge'i 'jigs pa dang bcas pa lags/ shul 'di ni 'khyog la bde ba lags na shul gang nas mchi bar bgyi/ kun dga' bo lam </font><hr>Ja283a<br><font size=+1>


@#/ /drang po nas song zhig dang / de bzhin gshegs pa ni seng ge'i 'jigs pa dang bral ba yin no/ /de nas bcom ldan 'das shul drang po nas gshegs par brtsams nas ji tsam na lam de na ri brags shig yod pa der byon pa dang / ri brags de nas byis pa khye'u gnyis shig lam kar 'ongs te rtse zhing 'dug go /de nas gcig gi lag na ni rnga pa Ta ha thogs/ cig shos kyi lag na ni gzhu thogs so/ /de gnyis kyis bcom ldan 'das mthong nas 'di skad ces gsol to/ /bcom ldan 'das tshur gshegs su gsol/ bcom ldan 'das byon pa legs so/ /bcom ldan 'das 'jigs pa dang bcas pa'i shul du gar gshegs/ 'on kyang bcom ldan 'das mi bsnyengs su gsol/ bdag cag gnyis kyis bcom ldan 'das kyi sel bgyi'o/ /de na dad pa skyes pa gcig gis ni rnga pa Ta ha brdungs/ dad pa skyes pa cig shog kyis ni gzhu brdungs te/ de gnyis bcom ldan 'das kyi mdun du 'gro bar brtsams pa dang / bcom ldan 'das 'di snyam du dgongs te/ khye'u 'di gnyis kyis dge ba'i rtsa ba dag bskyed do snyam du rig nas/ bcom ldan 'das kyis khye'u de gnyis la 'di skad ces bka' stsal to/ /khye'u gnyis phyir log cig /de bzhin gshegs pa ni seng </font><hr>Ja283b<br><font size=+1>


ge'i 'jigs pa dang bral ba yin no/ /de gnyis kyis bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas dong ba dang / bcom ldan 'das 'dzum pa mdzad do/ /chos nyid kyi na gang gi tshe sangs rgyas bcom ldan 'das rnams 'dzum pa mdzad pa de'i tshe na zhal nas 'od zer sngon po dang ser po dang dmar po dang dkar po dang / btsod ka dang shel dang dngul gyi kha dog lta bu dag byung nas/ kha cig ni 'og logs su 'dong / kha cig ni steng logs su 'dong bas gang dag 'og logs su 'dong ba de dag ni sems can dmyal ba yang sos dang / thig nag dang / bsdus gzhom dang / ngu 'bod dang / ngu 'bod chen po dang / tshab dang / rab tu tsha ba dang / mnar med pa dang / chu bur can dang / chu bur rdol ba dang / so tham tham pa dang / kyi hud zer ba dang / a chu zer ba dang / ut+pa la ltar gas pa dang / pad ma ltar gas pa dang / pad ma ltar gas pa chen por dong ste/ sems can dmyal ba tsha ba gang dag yin pa de dag tu ni bsil bar gyur te 'bab par byed la/ sems can dmyal ba grang ba gang dag yin pa de dag tu ni dro bar gyur te 'bab par byed do/ /des sems can de dag gi gnod pa'i bye brag gang dag rgyun gcod par byed cing / de dag 'di snyam du shes ldan dag /ci bdag cag 'di nas shi 'phos sam/ </font><hr>Ja284a<br><font size=+1>


@#/ /'on te gzhan du skyes snyam du sems so/ /de dag dad pa bskyed par bya ba'i phyir bcom ldan 'das kyi sprul pa gtong bar mdzad de/ de dag gis sprul pa mthong nas 'di snyam du shes ldan dag bdag cag 'di nas shi 'phos pa yang ma yin la/ gzhan du skyes pa yang ma yin te/ 'di ltar sems can sngon ma mthong ba 'di'i mthus bdag cag gi gnod pa'i bye brag dag rgyun chad par gyur to snyam du sems so/ /de dag sprul pa la sems mngon par dad par gyur nas/ sems can dmyal ba myong bar 'gyur ba'i las de zad par byas nas/ gang du bden pa dag gi snod du gyur pa 'gyur ba'i lha dang mi rnams kyi nang du nying mtshams sbyor ba len par byed do/ /gang dag steng logs su 'dong ba de dag ni rgyal chen bzhi pa dang / sum cu rtsa gsum pa dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che ba dang / mi che ba dang / mi gdung ba dang / gya nom snang dang / shin tu mthong dang / 'og min gyi lha rnams kyi nang du dong nas mi rtag </font><hr>Ja284b<br><font size=+1>


pa dang / sdug bsngal dang / stong pa dang / bdag med pa zhes bya ba'i sgra sgrogs par byed cing / tshigs su bcad pa gnyis po/ brtsams par bya zhing 'byung bar bya/ /sangs rgyas bstan la 'jug par bya/ 'dam bu'i khyim du glang chen bzhin/ 'chi bdag sde ni gzhom par bya/ /gang zhig rab tu bag yod par/ /chos 'dul 'di la spyod 'gyur ba/ /skye ba'i 'khor ba rab spangs nas/ /sdug bsngal tha mar byed par 'gyur/ /zhes bya ba yang smras so/ /de nas 'od zer de dag gis stong gsum gyi stong chen po'i 'jig rten gyi khams byul nas/ bcom ldan 'das nyid kyi slad bzhin slad bzhin du rjes su 'dong ste/ de la gal te bcom ldan 'das 'das pa'i las lung ston par bzhed na ni bcom ldan 'das kyi snam logs su nub par 'gyur ro/ /ma 'ongs pa'i las lung ston par bzhed na ni/ mdun logs su nub par 'gyur ro/ /sems can dmyal bar skye ba lung ston par bzhed na ni zhabs kyi mthil du nub par 'gyur ro/ /dud 'gror skye ba lung ston par bzhed na ni long bur nub par 'gyur ro/ /yi dwags su skye bar lung ston par bzhed na ni zhabs kyi mthe bor nub par 'gyur/ mir skye ba lung ston par bzhed na ni/ pus mor nub par 'gyur/ stobs kyi 'khor los sgyur ba'i rgyal srid lung ston par bzhed na ni phyag mthil g.yon par nub par 'gyur/ 'khor </font><hr>Ja285a<br><font size=+1>


@#/ /los sgyur ba'i rgyal srid lung ston par bzhed na ni phyag mthil g.yas par nub par 'gyur/ lhar skye bar lung ston par bzhed na ni lte bar nub par 'gyur/ nyan thos kyi byang chub lung ston par bzhed na ni zhal du nub par 'gyur/ rang sangs rgyas kyi byang chub lung ston par bzhed na ni mdzod spur nub par 'gyur/ bla na med pa yang dag par rdzogs pa'i byang chub lung ston par bzhed na ni gtsug tor du nub par 'gyur ro/ /de na 'od zer de dag gis bcom ldan 'das la lan gsum bskor ba byas te bcom ldan 'das kyi mdzod spur nub bo/ /de nas tshe dang ldan pa kun dga' bos thal mo sbyar te bcom ldan 'das la zhus pa/ kha dog sna tshogs stong gis bkra ba yi/ /tshogs rnams zhal gyi sgros nas byung gyur te/ /de yis phyogs rnams thams cad snang bgyis pa/ /nyi gdugs bdal bar gyur pa ji bzhin no/ /yang tshigs su bcad pa smras pa/ rgod bral zhum dang rgyags pa rab spangs pa/ /sangs rgyas 'gro ba mchog gi rgyur gyur pa/ /rgyal ba dgra thul byed rgyu ma mchis par/ /rtsa lag dung ltar dkar 'dzum ston mi mdzad/ /de slad bstan pa rang blos dus mkhyen nas/ /thub pa khyu mchog dge sbyong skye dbang po/ /nyan pa'i skye bo som nyi ldan rnams la/ /the tshom skyes pa gsung tshig bstan pa dang / /dam pa dge ba dag gis </font><hr>Ja285b<br><font size=+1>


bsal du gsol/ /tshwa chu ri rgyal lta bur brtan pa yi/ /sangs rgyas mgon rnams glo bur 'dzum mi ston/ /brtan rnams ji slad 'dzum pa ston mdzad pa/ /skye bo'i tshogs rnams de ni nyan par 'tshal/ /btsun pa de bzhin gshegs pa dgra bcom pa yang dag par rdzogs pa'i sangs rgyas rnams ni rgyu ma mchis rkyen ma mchis par 'dzum pa mi mdzad na/ btsun pa/ 'dzum pa mdzad pa'i rgyu ni gang lags rkyen ni gang lags/ bcom ldan 'das kyis bka' stsal pa/ kun dga' bo de de bzhin no/ /de de bzhin te/ kun dga' bo/ /de bzhin gshegs pa dgra bcom pa yang dag par rdzogs pa'i sangs rgyas rnams ni/ rgyu med rkyen med par 'dzum pa mi mdzad do/ /kun dga' bo khyod kyis gang dag gis de bzhin gshegs pa'i sel byas pa'i byis pa khye'u gnyis mthong ngam/ btsun pa mthong ngo / /kun dga' bo khye'u 'di gnyis ni dge ba'i rtsa ba 'di dang legs par spyad pa 'dis bskal pa bcu gsum du log par ltung bar 'gro bar mi 'gyur zhing de gnyis lha dang mi rnams su nying mtshams sbyar cing 'khod nas srid pa tha ma dang / gnas tha ma dang / gzugs tha ma dang / lus tha ma thob pa na las de nyid dang / dge ba'i rtsa ba de nyid dang / legs par spyad pa de nyid kyis rab tu byung nas rang byang chub mngon du byed par 'gyur te /gcig ni rang sangs rgyas rnga sgra zhe </font><hr>Ja286a<br><font size=+1>


@#/ /bya bar 'gyur/ cig shos ni rang sangs rgyas mi 'jigs sbyin zhes bya bar 'gyur ro/ /de nas bcom ldan 'das grong khyer med pa'i dgon pa'i gnas shig tu mtshan mo gnas par zhal gyis bzhes so/ /bcom ldan 'das kyis shing ljon pa yang rgan rims kyis bsko bar bya'o zhes bka' stsal pas drug sde dag gis shing ljon pa khong stong zhig thob nas de dag grang ba dag gis shing ljon pa khong stong de la me btang ba dang / shing ljon pa khong stong de la sbrul dug myur du khyab par byed pa zhig gnas pa de du bas dkrugs nas steng gi yal ga la 'dzegs te 'phyang zhing 'dug go /drug sde dag gis de 'phyang zhing 'dug pa mthong nas de dag gis smras pa/ byung ngo byung ngo zhes bgyis pa dang / don mthun gyis de thos nas bsams pa/ ci seng ge byung ngo snyam nas don mthun skrag ste phyogs bzhir bros so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo ci'i phyir don mthun 'di phyogs bzhir bros/ btsun pa bcom ldan 'das kyis zhugs shing ljon pa yang rgan rims kyis bsko bar bya'o zhes bka' stsal pas/ drug sde dag gis zhugs shing ljon pa khong stong zhig thob nas de dag grang ba dag gis zhugs shing ljon pa khong stong de la zhugs btang ba dang zhugs shing ljon pa khong stong de la sbrul dug myur du </font><hr>Ja286b<br><font size=+1>


khyab par bgyid pa zhig gnas pa de du bas dkrugs nas steng gi yal ga la 'dzegs te 'phyang zhing mchis pa drug sde dag gis mthong nas de dag gis byung ngo byung ngo zhes bgyis pa dang / don mthun gyis de thos nas seng ge byung ngo snyam nas don mthun skrag ste phyogs bzhir bros so/ /bcom ldan 'das kyis bka' stsal pa/ kun dga' bo song la don mthun la de bzhin gshegs pa ni seng ge'i 'jigs pa dang bral ba yin gyi/ phyir log cig ces bsgo zhig /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas/ don mthun gyi gan du song ste shes ldan dag de bzhin gshegs pa ni seng ge'i 'jigs pa dang bral ba yin gyi/ phyir log cig ces smras nas de'i phyir log par gyur to/ /dge slong rnams kyis bcom ldan 'das la zhus pa/ btsun pa drug sde dag gis don mthun skrag par bgyis te phyogs bzhir bros pa/ bcom ldan 'das kyis dbugs phyung ba la gzigs/ dge slong dag da ltar du ma zad de 'di ltar 'das pa'i dus na yang 'di dag gis ri dwags kyi tshogs chen po skrag par byas te phyogs bzhir bros pa ngas dbugs phyung ste/ de nyon cig /dge slong dag sngon byung ba 'das pa'i dus na mtshe'u zhig gi 'gram na shing bil ba'i tshal yod de shing bil ba'i tshal de na ri bong drug cig gnas so/ /shing bil ba'i tshal de </font><hr>Ja287a<br><font size=+1>


@#/ /nas shing bil ba zhig mtshe'u'i nang du rdib pa na sgra cal zhes zer ba byung ngo / /ri bong drug po de dag gis sgra thos nas/ de dag lus chung bas skrag ste 'bros par brtsams so/ /de dag 'bros pa wa dag gis mthong nas de dag gis smras pa/ shes ldan dag ci'i phyir 'bros/ ri bong dag gis smras pa/ cal cal zer ba byung ngo / / de nas wa de dag gis kyang 'bros par brtsams so/ /de dag 'bros pa sbre dag gis mthong nas de dag gis smras pa/ shes ldan dag ci'i phyir 'bros/ wa dag gis smras pa/ cal cal zer ba byung ngo / /de nas spre de dag gis kyang 'bros par brtsams so/ /de dag 'bros pa ri dwags dag gis mthong nas de dag gis smras pa/ shes ldan dag ci'i phyir 'bros/ sbre dag gis smras pa/ cal cal zer ba byung ngo / /de nas ri dwags dag gis kyang 'bros par brtsams so/ /de dag 'bros pa phag dag gis mthong nas de dag gis smras pa/ shes ldan dag ci'i phyir 'bros/ ri dwags dag gis smras pa/ cal cal zer ba byung ngo / /de nas phag de dag kyang 'bros par brtsams so/ /de dag 'bros pa ma he dag gis mthong nas de dag gis smras pa/ shes ldan dag ci'i phyir 'bros/ phag dag gis smras pa/ cal cal zer ba byung ngo / /de nas ma he dag gis kyang </font><hr>Ja287b<br><font size=+1>


'bros par brtsams so/ /de dag 'bros pa bse dag gis mthong nas de dag gis smras pa/ shes ldan dag ci'i phyir 'bros/ ma he dag gis smras pa/ cal cal zer ba byung ngo / /de nas bse dag gis kyang 'bros par brtsams so/ /de dag 'bros pa glang po che dag gis mthong nas de dag gis smras pa/ shes ldan dag ci'i phyir 'bros/ bse dag gis smras pa/ cal cal zer ba byung ngo / /de nas glang po che de dag gis kyang 'bros par brtsams so/ /de dag 'bros pa dom dag gis mthong nas de dag gis smras pa/ shes ldan dag ci'i phyir 'bros/ glang po che dag gis smras pa/ cal cal zer ba byung ngo / /de nas dom de dag gis kyang 'bros par brtsams so/ /de dag 'bros pa dred dag gis mthong nas de dag gis smras pa/ shes ldan dag ci'i phyir 'bros/ dom dag gis smras pa/ cal cal zer ba byung ngo / /de nas dred de dag gis kyang 'bros par brtsams so/ /de dag 'bros pa gung dag gis mthong nas de dag gis smras pa/ shes ldan dag ci'i phyir 'bros/ dred de dag gis smras pa/ cal cal zer ba byung ngo / /de nas gung de dag gis kyang 'bros par brtsams so/ /de dag 'bros pa stag dag gis mthong nas de dag gis smras pa/ shes ldan dag ci'i phyir 'bros/ gung de dag gis smras pa/ cal cal zer ba byung ngo / /de nas stag de dag gis 'bros par brtsams so/ /de dag </font><hr>Ja288a<br><font size=+1>


@#/ /'bros pa seng ge dag gis mthong nas de dag gis smras pa/ shes ldan dag ci'i phyir 'bros/ stag dag gis smras pa/ cal cal zer ba byung ngo / /de nas seng ge dag gis kyang 'bros par brtsams so/ /ji tsam na ri drung dang nye ba zhig na seng ge ral ba can cod ban lta bu dang ldan pa zhig 'dug pa des seng ge de dag 'bros pa mthong nas des smras pa/ shes ldan dag khyed cag thams cad ni sder mo'i stobs can dang / mche ba'i stobs can sha stag yin na ci'i phyir 'bros/ seng ge de dag gis smras pa/ cal cal zer ba byung ngo / /shes ldan dag cal cal zer ba de ga las byung / bdag cag gis kyang cal cal zer ba de ga las byung mi shes so/ /seng ge des smras pa/ shes ldan dag ma 'bros shig /cal cal zer ba ga las byung ba brtag par bya'o zhes des stag dag la rmas pa/ khyed cag la sus smras/ stag gis smras pa/ gung dag gis so/ /des gung dag la rmas pa/ khyed cag la sus smras/ gung dag gis smras pa/ dred dag gis so/ /des dred dag la rmas pa/ khyed cag la sus smras/ dred dag gis smras pa/ dom dag gis so/ /des dom dag la rmas pa/ khyed cag la sus smras/ dom dag gis smras pa/ glang po che dag gis so/ /des glang po che dag la rmas pa/ khyed cag la sus smras/ glang po che dag gis smras pa/ </font><hr>Ja288b<br><font size=+1>


bse dag gis so/ /des bse dag la rmas pa/ khyed cag la sus smras/ bse dag gis smras pa/ ma he dag gis so/ /des ma he dag la rmas pa/ khyed cag la sus smras/ ma he dag gis smras pa/ phag dag gis so/ /des phag dag la rmas pa/ khyed cag la sus smras/ phag dag gis smras pa/ ri dwags dag gis so/ /des ri dwags dag la rmas pa/ khyed cag la sus smras/ ri dwags dag gis smras pa/ sbre dag gis so/ /des sbre dag la rmas pa/ khyed cag la sus smras/ sbre dag gis smras pa/ wa dag gis so/ /des wa dag la rmas pa/ khyed cag la sus smras/ wa dag gis smras pa/ ri bong dag gis so/ /des ri bong dag la rmas pa/ khyed cag la sus smras/ ri bong dag gis smras pa/ bdag gis 'jigs pa de mngon sum du mthong gi/ tshur shog dang cal cal zer ba de ga las byung ba bstan par bya'o/ /zhes de dag gis seng ge de khrid de shing bil ba'i tshal de bstan nas cal cal zer ba de 'di nas byung ngo zhes smras pa dang / ji tsam na shing bil ba'i tshal de nas yang shing bil ba zhig mtshe'u de'i nang du rdib pa na sgra cal zhes zer ba byung nas/ seng ge des smras pa/ shes ldan dag 'di ni cal ba yin gyi/ ma 'jigs shig ces thams cad dbugs phyung ba dang / lhas tshigs su bcad pa smras pa/ rab tu grags pas 'gro mi bya/ /bdag nyid kyis ni mngon sum bya/ /bil ba rdib pas </font><hr>Ja289a<br><font size=+1>


@#/ /nags tshal ni/ /rkang bzhi med bar bros la ltos/ /dge slong dag de'i tshe de'i dus na seng ge ral pa can cod pan lta bu dang ldan pa gang gis ri dwags kyi tshogs chen po skrag pa phyogs bzhir 'bros pa dag dbugs phyung bar gyur pa de ni nga nyid yin no/ /de'i tshe de'i dus na ri bong drug po gang gis ri dwags kyi tshogs chen po skrag par byas pa de dag ni drug sde dag yin te/ dge slong dag de ltar 'das pa'i dus na yang 'di dag gis ri dwags kyi tshogs chen po skrag par byas te phyogs bzhir bros pa ngas dbugs phyung la/ da ltar yang 'di dag gis don mthun skrag par byas te phyogs bzhir bros pa ngas dbugs phyung ngo / /'di ni re zhig byung ba yin te sangs rgyas bcom ldan 'das re zhig 'dul ba la nyan thos rnams kyi bslab pa'i gzhi 'cha' bar mi mdzad do/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la don mthun la khyed cag las gang yang don mthun gyi mdun du ma 'gro zhig /de bzhin gshegs pa nyid don mthun gyi mdun du gshegs so zhes bsgo zhig/ tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas don mthun gyi gan du song ste smras pa/ shes ldan dag de bzhin gshegs pas bka' stsal </font><hr>Ja289b<br><font size=+1>


pa/ khyed cag las gang yang don mthun gyi mdun du ma 'gro zhig /de bzhin gshegs pa nyid don mthun gyi mdun du gshegs so zhes byung ngo zhes bsgo'o/ /de nas de bzhin gshegs pa nyid don mthun gyi mdun du gshegs pa dang ji tsam na seng ge ral pa can cod pan lta bu dang ldan pa zhig rngam ste bcom ldan 'das kyi spyan sngar 'dor cing byung ba dang / bcom ldan 'das kyis phyag g.yas pa'i mthil du seng ge ral pa can cod pan lta bu dang ldan pa lnga sprul pa mdzad nas/ des de dag gi dri tshor nas skrag ste 'bros par brtsams pa dang / ldan 'das kyis phyogs bzhir me sprul pa mdzad do/ /seng ge des phyogs bzhir 'bar/ rab tu 'bar/ kun tu rab tu 'bar te me lce gcig tu gyur cing 'bar bar mthong zhing bcom ldan 'das nyid kyi zhabs kyi drung 'ba' zhig na zhi bar mthong nas/ des bcom ldan 'das kyi zhabs gnyis la gtugs pa dang / bcom ldan 'das kyis phyag 'khor lo dang bkra shis dang g.yung drung dang dra bas 'brel pa bsod nams brgya phrag du ma las 'khrungs pa/ 'jigs pa rnams dbugs 'byin par mdzad pas mgo la byugs te bka' stsal pa/ bzhin bzang khyod sngon gyi nyes par spyad pa dang ldan pas dud 'gro'i skye gnas su skyes te/ khyod da ltar drag shul can lag pa dmar ba/ snun pa dang rab tu snun pa la gzhug pa/ gzhan gyi </font><hr>Ja290a<br><font size=+1>


@#/ /srog 'phrog pa/ gzhan gyi srog gcod du 'jud pa/ gzhan gyi srog gcod bas 'tsho bar byed pa yin pas khyod 'di nas shi 'phos pa'i 'gro ba ni cir 'gyur/ skye ba ni cir 'gyur/ tshe phyi ma ni cir 'gyur/ bzhin bzang 'di ltar 'du byed thams cad ni mi rtag pa'o/ /chos thams cad ni bdag med pa'o/ /mya ngan las 'das pa ni zhi ba'o zhes tshig gsum gyi chos bstan nas bzhin bzang khyod nga la sems mngon par dad par gyis shig dang des dud 'gro'i skye gnas kyi 'dod chags dang bral bar 'gyur ro zhes bka' stsal to/ /dge slong dag seng ge de la reg par byed pa na de sgra 'byin to/ /de nas bcom ldan 'das kyis dge slong rnams la bka' stsal pa/ dge slong dag khyed seng ge la ma reg cig /de ci'i phyir na dge slong dag seng ge ni bzod par dka' ba dang / bsnyen par dka' ba yin pa'i phyir ro/ /dge slong dag de lta bas na/ dge slong gis seng ge de la reg par mi bya'o/ /dge slong seng ge la reg par byed na 'gal tshabs can du 'gyur ro/ /de nas ri dwags kyi rgyal po seng ge de 'di snyam du sems te/ gang gi phyir bdag gis bcom ldan 'das kyi spyan sngar tshig gsum gyi chos thos nas zas za bar byed pa ni bdag gi tshul dang mthun pa ma yin no snyam nas/ de zas mi za ba la zhugs so/ /dud 'go'i skye </font><hr>Ja290b<br><font size=+1>


gnas su skyes pa rnams kyi me ni rno ba yin pas de bkres pas nyam dmas pa na bcom ldan 'das la sems mngon par dad par byas nas dus la bab pa dang rgyal chen bzhi pa'i lha rnams kyi nang du skyes so/ /lha'i bu'am lha'i bu mo'i chos nyid ni skyes nas ring po ma lon pa la sems gsum skye ste/ gang nas shi 'phos pa dang / gang du skyes pa dang / las gang gis skyes pa'o/ /des dud 'gro rnams kyi nang nas shi 'phos pa dang / rgyal chen bzhi pa'i lha rnams kyi nang du skyes pa dang / bcom ldan 'das la sems mngon par dad par byas pas skyes par mthong ngo / /de nas sngon seng ge lha'i bu de 'di snyam du sems te gang gi phyir bdag yongs su gnas pa bsten te/ bcom ldan 'das la blta ba dang bsnyen bkur bya ba'i phyir nye bar 'gro ba ni bdag gi tshul dang mthun pa ma yin gyi/ bdag yongs su gnas pa ma bsten pa kho nar bcom ldan 'das la blta ba dang bsnyen bkur bya ba'i phyir nye bar 'gro'o snyam mo/ /de nas sngon seng ge lha'i bu rna cha gdub kor g.yo zhing dri ma med pa thogs te do shal dang / se mo dos brgyan pa'i lus kyis lha'i ut+pa la dang / pad+ma dang / ku mu ta dang / pad+ma dkar po dag gis thu ba bkang ste kha dog shin tu 'das pas mtshan mo la bab pa dang bcom ldan 'das ga la ba der song ste phyin nas/ bcom ldan 'das la me tog dag gis mngon par gtor te/ </font><hr>Ja291a<br><font size=+1>


@#/ /bcom ldan 'das kyi zhabs gnyis la mgo bos phyag 'tshal nas mtha' gcig tu 'dug pa dang / 'di ltar sngon seng ge lha'i bu'i kha dog gi mthus grong med pa'i dgon pa'i gnas thams cad snang ba rgya chen pos khyab par gyur to/ /de nas bcom ldan 'das kyis sngon seng ge lha'i bu'i bsam pa dang / bag la nyal dang / khams dang rang bzhin thugs su chud nas gang thos nas sngon seng ge lha'i bus stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon sum du byas pa de lta bur 'phags pa'i bden pa bzhi yang dag par so sor rtog par byed pa'i chos bstan par mdzad do/ /des bden pa mthong nas/ btsun pa bcom ldan 'das kyis bdag la gang mdzad pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang bram ze dag gis kyang ma bgyis/ byams pa dang mdza' bshes dang rtsa lag gi tshogs kyis kyang ma bgyis te/ khrag dang mchi ma'i rgya mtsho ni bskams/ rus pa'i ri dwags las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang dud 'gro dang yi </font><hr>Ja291b<br><font size=+1>


dwags dag nas ni rkang pa phyung / lha dang mi rnams kyi nang du ni bzhag go zhes lan gsum ched du brjod pa ched du brjod do/ /yang smras pa/ khyod mthus rab drags nyes pa mang ldan pa'i/ / ngan song shul bkag bsod nams rab ldan pa'i/ /mtho ris 'gro ba phye zhing bdag gis ni/ /mya ngan 'das pa'i shul yang thob par gyur/ /shin tu rnam dag khyed brten bdag gis ni| |de ring skyon bral dag pa'i mig thob cing / /go 'phang zhi ba 'phags pa dgyes thob ste/ /sdug bsngal rgya mtsho'i pha rol rdal bar 'gyur/ /'gro ba lha min mi dang lhas mchod pa/ / skye dang rga dang na 'chi bral ba bo/ /srid pa stong du mthong ba rab dkon pa/ /thub pa de ring khyod mthong 'bras bu mchis/ /de nas 'dud byas do shal rab 'phyang bas/ /zhabs la phyag 'tshal rangs pa skyes gyur nas/ /dgra thul g.yas nas yongs su bskor byas te/ /lha yi 'jig rten mngon phyogs mkha' la song / /de nas sngon seng ge lha'i bu tshong pa khe spogs rnyed pa lta bu dang / zhing pa lo tog 'byor pa lta bu dang / dpa' bo g.yul las rnam par rgyal ba lta bu dang / nad pa nad thams cad las yongs su thar pa lta bur gyur te/ cha lugs gang gis bcom ldan 'das kyi spyan sngar 'ongs pa'i cha lugs de nyid kyis rang gi gnas su song ngo / /dge slong dag nam gyi cha stod dang / nam gyi cha smad la mi nyal bar sbyor ba'i rjes su brtson </font><hr>Ja292a<br><font size=+1>


@#/ /par gnas pa de dag gis bcom ldan 'das kyi spyan sngar snang ba rgya chen pos khyab par gyur pa mthong ngo / /mthong nas the tshom za ba'i yid kyis mtshan mo nam nangs pa dang / bcom ldan 'das la zhus pa/ bcom ldan 'das ci lags/ mdang sum mi mjed kyi bdag po tshangs pa'am/ lha'i dbang po brgya byin nam/ 'jig rten skyong ba bzhi'am/ lha'i bu 'byor ba che ba mthu che ba gzhan zhig /bcom ldan 'das la lta ba'i slad du nye bar mchis sam/ bcom ldan 'das kyis bka' stsal pa/ dge slong dag mi mjed kyi bdag po tshangs pa nga la blta ba'i phyir nye bar 'ongs pa yang ma yin/ lha'i dbang po brgya byin yang ma yin/ 'jig rten skyong ba bzhi yang ma yin/ lha'i bu 'byor pa che ba mthu che ba gzhan yang ma yin te/ dge slong dag 'di ltar khyed kyis ngas ri dwags kyi rgyal po seng ge gang la tshig gsum gyi chos bstan pa de mthong ngam/ bcom ldan 'das mthong ngo / /dge slong dag de de nas shi 'phos te rgyal chen bzhi ba'i lha rnams kyi nang du skyes nas/ de mdang sum nga'i gan du 'ongs te/ ngas de la chos bstan nas des bden pa mthong ste rang gi gnas su song ngo / /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa sngon seng ge lha'i bus </font><hr>Ja292b<br><font size=+1>


las ci bgyis na/ las de'i rnam par smin pas seng ge rnams kyi nang du skyes par gyur/ las ci bgyis na las de'i rnam par smin pas rgyal chen bzhi pa'i lha rnams kyi nang du skyes par gyur/ las ci bgyis na las de'i rnam par smin pas bden pa mthong nas rang gi gnas su mchis/ bcom ldan 'das kyis bka' stsal pa/ dge slong dag sngon seng ge lha'i bu nyid kyi las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar gyur pa dag byas shing bsags pas sngon seng ge lha'i bus las byas shing bsags pa gzhan su zhig gis nyams su myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur te/ 'di ltar las dge ba dang mi dge ba byas shing bsags pa dag ni zin pa'i phung po dang / khams dang / skye mched dag kho na la rnam par smin par 'gyur ro/ /las rnams bskal ba brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba 'das pa'i dus na bskal ba bzang po 'di nyid la skye dgu'i tshe lo nyi khri thub pa na ston pa de bzhin gshegs pa dgra bcom pa yang dag par rdzogs </font><hr>Ja293a<br><font size=+1>


@#/ /pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba bla na med pa lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de dge slong nyi khris bskor cing grong khyer wA ra NA si na drang srong smra ba ri dwags kyi gnas na nye bar rten cing bzhugs so/ /gang gi tshe yang dag par rdzogs pa'i sangs rgyas 'od srung 'jig rten du byung bar ma gyur pa de'i tshe/ wA ra NA si na bram ze 'khor shin tu mang ba rig byed dang rig byed kyi yan lag gi pha rol tu son pa/ yul tha dad pa na gnas pa'i bram ze rnams kyi ston par gyur pa zhig 'dug pa de 'jig rten thams cad kyis shin tu bkur stir byas/ bla mar byas/ rjed par byas/ mchod par byas so/ /gang gi tshe yang dag par rdzogs pa'i sangs rgyas 'od srung 'jig rten du byung bar gyur ba de'i tshe na de la phyin chad 'ga' yang bkur stir mi byed/ bla mar mi byed/ rjed par mi byed/ mchod par mi byed do/ /yang dag par rdzogs pa'i sangs rgyas 'od srung 'khor ba brgya phrag du ma'i mdun na bzhugs shing chos ston par mdzad pa na/ bram ze 'khor shin tu mang ba de phyogs de nas song ba dang / bram ze des yang dag par rdzogs pa'i sangs rgyas 'od srung 'khor brgya </font><hr>Ja293b<br><font size=+1>


phrag du ma'i mdun na bzhugs shing chos ston pa mthong ngo / /mthong nas kyang smras pa/ dge sbyong 'di ni seng ge bzhin du 'jigs pa med pa dang bag tsha ba med par 'khor la chos ston par byed la/ nyan thos 'di dag ni ri dwags phra mo dag bzhin du chos nyan par byed do/ /yang dag par rdzogs pa'i sangs rgyas 'od srung gis de gsan to/ /gsan nas kyang bram ze de la bka' stsal pa/ bram ze khyod kyis ngag gi las rtsub bo smras kyi/ nyes pa nyes pa'i sgo nas shogs shig dang / de lta na khyod kyi las de srabs pa nyid dang / yongs su zad pa dang / yongs su mthar thug par 'gyur ro/ /bram ze des nyes pa nyes pa'i sgo nas bshags te yang dag par rdzogs pa'i sangs rgyas 'od srung gi spyan sngar skyabs su 'gro ba dang / bslab pa'i gzhi dag blangs so/ /dge slong dag de'i tshe de'i dus na gang gis yang dag par rdzogs pa'i sangs rgyas 'od srung la seng ge zhes brjod pas kun tu spyod pa gang yin pa de ni sngon seng ge lha'i bu 'di nyid yin te/ de'i tshe 'dis yang dag par rdzogs pa'i sangs rgyas 'od srung la seng ge zhes brjod pas kun tu spyad pa'i las de'i rnam par smin pas tshe rabs lnga brgyar seng ge rnams kyi nang du skyes par gyur nas/ da ltar gyi bar du yang seng ge rnams kyi nang du skyes par gyur to/ /'dis nga la sems mngon par dad par byas pa'i las de'i rnam par </font><hr>Ja294a<br><font size=+1>


@#/ /smin pas ni shi zhing dus la bab nas rgyal chen bzhi pa'i lha rnams kyi nang du skyes so/ /'dis yang dag par rdzogs pa'i sangs rgyas 'od srung gi spyan sngar skyabs su 'gro ba dang / bslab pa'i gzhi 'di dag blangs pa'i las de'i rnam par smin pas ni/ nga'i spyan sngar bden pa dag mthong zhing des bden pa dag mthong nas rang gi gnas su phyin to/ /dge slong dag de ltar na las gcig tu gnag pa rnams kyi rnam par smin pa ni gcig tu gnag pa yin la/ las gcig tu dkar ba rnams kyi rnam par smin pa yang gcig tu dkar ba yin/ las 'dren ma rnams kyi rnam par smin par yang 'dren ma yin no/ /dge slong dag de lta bas na gcig tu gnag pa rnams dang / 'dres ma rnams spangs te/ las gcig tu dkar ba rnams la brtsal bar bya ste/ dge slong dag khyed kyis de ltar bslab par bya'o/ /de nas bcom ldan 'das ma ga d+ha dag tu ljongs rgyu zhig gshegs pa na/ rgyal po'i khab tu byon nas rgyal po'i khab na 'od ma'i tshal ka lan da ka'i gnas na bzhugs so/ /de'i dus na drug sde dag gis mes gzhan la gtong bas rtse bar byed cing / zla ba yang byed/ nyi ma yang byed/ mgal me'i 'khor lo yang byed nas/ gzhan mu stegs can dag shes ldan dag shAkya'i bu'i dge sbyong 'di dag ni mes gzhan la </font><hr>Ja294b<br><font size=+1>


gtong bas rtse bar byed cing / zla ba yang byed/ nyi ma yang byed/ 'gal me'i 'khor lo yang byed de byis pa khye'u 'di dag kyang mes gzhan la gtong bas rtse bar byed cing / zla ba yang byed/ nyi ma yang byed/ 'gal me'i 'khor lo yang byed/ shes ldan dag byis pa khye'u 'di dag dang shAkya'i bu'i dge sbyong 'di dag la bye brag ni ci yod/ bsam pa ni ci yod/ tha dad du bya ba ni ci yod/ su zhig dge sbyong mgo reg 'di dag la bsod snyoms sbyin pa dang bya bar sems zhes smod par byed/ phyar ka gtod bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ / sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa snga ma bzhin te/ sangs rgyas bcom ldan 'das kyis drug sde dag la rmas pa/ dge slong dag byed mes gzhan la gtong bas rtse bar byed cing / zla ba yang byed/ nyi ma yang byed/ 'gal me'i 'khor lo yang byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam bar smad pa mdzad </font><hr>Ja295a<br><font size=+1>


@#/ /do| |de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang me la reg gam reg tu 'jud na ltung byed do/ /zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' bar mdzad do/ /dge slong dag phyin chad de bzhin gshegs pa'i dbu skra dang sen mo'i mchod rten dag la bdug spos kyang gsol bar mi byed/ mar me yang spar bar mi byed/ slob dpon dang mkhan po dag la yang chu dron 'bul bar yang mi byed/ lhung bzed kyi las kyang mi byed/ tshon gyi las kyang mi byed nas/ sangs rgyas bcom ldan 'das rnams ni mkhyen bzhin du rmed par mdzad pa yin pas/ sangs rgyas bcom ldan 'das kyis tshe dang ldan pa kun dga' bo la rmas pa/ kun dga' bo ci'i phyir na de bzhin gshegs pa'i dbu skra dang sen mo'i mchod rten dag la bdug spos kyang gsol bar mi byed/ mar me yang spar bar mi byed/ slob dpon dang mkhan po dag la yang chu dron 'bul bar mi byed/ lhung bzed </font><hr>Ja295b<br><font size=+1>


kyi las kyang mi byed/ tshon gyi las kyang mi byed/ btsun pa bcom ldan 'das kyis 'di ltar yang dge slong gang me la reg gam/ reg tu 'jud na ltung byed do zhes 'dul ba la nyan thos rnams kyi bslab pa'i gzhi bca' ba mdzad pas dge slong de dag slan chad de bzhin gshegs pa'i dbu skra dang sen mo'i mchod rten dag la bdug spos dag kyang gsol bar mi bgyid/ mar me yang spar bar mi bgyid/ slob dpon dang mkhan po dag la yang chab dron 'bul bar mi bgyid/ lhung bzed kyi las kyang mi bgyid/ tshon kyi las kyang mi bgyid do/ /kun dga' bo de lta bas na dus byin gyis brlab bar bya'o/ /bcom ldan 'das kyis dus byin gyis brlab par bya'o zhes bka' stsal nas/ de dag gis ji ltar dus byin gyis brlab par bya ba mi shes nas/ bcom ldan 'das kyis bka' stsal pa/ ston pa dang / chos dang / dge 'dun dang / slob dpon dang mkhan po dang / tshangs pa mtshungs par spyod pa rnams kyi chos ldan pa'i bya ba'i don nyid kyis dus byin gyis brlab par bya'o/ /dge slong dag lhung bzed kyi las dang tshon gyi las dag byed pa na/ yang dang yang du brjed ngas pas de me la reg nas de dag 'gyod pa skyes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dus yun ring du byin gyis brlab par bya'o/ /dge slong zhig na zhing </font><hr>Ja296a<br><font size=+1>


@#/ /rlung nad can du gyur nas/ de sman pa'i gan du song ste dris pa/ bzhin bzang kho bo la sman ston cig /'phags pa zhugs sten cig /bzhin bzang bcom ldan 'das kyis bslab pa'i gzhi bca' ba mdzad do/ /'phags pa khyod kyi ston pa ni thugs rje can lags pas 'di ltar de nyid rkyen du mdzad nas rjes su gnang bar 'gyur ba gang lags pa de lta bu'i gnas mchis par 'gyur ro zhes zer ba'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na na ba'i dus ma gtogs so/ /de nas bcom ldan 'das kyi bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas/ dge slong rnams la de dang mthun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas/ dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni rjes su gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang mi na bar bdag nyid kyi phyir me la reg gam/ reg tu 'jud na ltung byed do/ /yang dge slong gang zhes bya ba ni drug sde'am/ gzhan yang de lta bu gang yin pa'o/ /mi na bar zhes bya ba ni na </font><hr>Ja296b<br><font size=+1>


ba bzhag ste'o/ /bdag nyid kyi phyir zhes bya ba ni bdag nyid kyi ched du'o/ /me la reg gam zhes bya ba ni bdag nyid kyis so/ /reg tu 'jud na zhes bya ba ni gzhan no/ /ltung byed do zhes bya ba ni/ sems can dmyal ba dang / dud 'gro dang / yi dwags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na/ dge ba'i chos rnams la sgrib par byed pa ste des na ltung byed do/ /zhes gsungs so/ /de la ltung ba ji ltar 'gyur zhe na/ dge slong gis mes gzhan la gtong bas rtse bar byed na ltung byed du 'gyur ro/ /zla ba byed na ltung byed du 'gyur ro/ /nyi ma byed na ltung byed du 'gyur ro/ /mgal me'i 'khor lo byed na ltung byed du 'gyur ro/ /dge slong me spar bar byed na des dus byin gyis brlab par bya'o/ /dus byin gyis ma brlabs par spar bar byed na ltung byed du 'gyur ro/ /dge slong me gsod par byed na des dus byin gyis brlab par bya'o/ /dus byin gyis ma brlabs par gsod par byed na ltung byed du 'gyur ro/ /dge slong bud shing skul bar byed dam/ bud shing 'dren par byed na des dus byin gyis brlab par bya'o/ /dus byin gyis ma brlabs par bud shing skul bar byed dam/ 'dren par byed na ltung byed du 'gyur ro/ /dge slong mdag ma spung bar byed dam/ mdag ma 'dru bar </font><hr>Ja297a<br><font size=+1>


@#/ /byed na des dus byin gyis brlab par bya'o/ /dus byin gyis ma brlabs par mdag ma spung bar byed dam/ 'dru bar byed na ltung byed du 'gyur ro/ /dge slong me ma mur spung bar byed dam/ 'dru bar byed na dus byin gyis brlab par bya'o/ /dus byin gyis ma brlabs par me ma mur spung bar byed dam/ 'dru bar byed na nyes byas su 'gyur ro| |dge slong mer skra dang / spu dang / rus pa dang / sen mo dag 'jud na nyes byas su 'gyur ro/ /dge slong mer mchil ma dang / snabs dang / skyugs pa dang / rlugs pa dag 'jud na nyes byas su 'gyur ro/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /me la reg pa'i ltung byed de lnga bcu gnyis pa rdzogs so|| ||'dul ba rnam par 'byed pa/ bam po nga bdun pa/ sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa 'char kas nyon mongs pa thams cad spangs pas dgra bcom pa nyid mngon sum du byas pa dang / tshe dang ldan pa 'dun pa ni ko'u shim+b+hir song ste/ snying las chung ngur 'dug pa dang / 'gro mgyogs dang / nab so gnyis ni dus la bab pa dang / dga' bo dang nye dga' gnyis ni dge 'dun gyi nang na gnas pa de'i tshe na bcu bdun sde </font><hr>Ja297b<br><font size=+1>


dag gdug pa dang pha rol gnon par gyur cing mdo sde 'dzin pa dang / 'dul ba 'dzin pa dang / ma mo 'dzin pa yang yin pas de dag gis smras pa/ tshe dang ldan pa dag bdag cag yun ring po nas drug sde dag gis mtho btsams te/ ji ltar dga' bo dang nye dga' gnyis kyis mtho btsams pa ltar yang gzhan dag gis mtho ma btsams la ji ltar nye dgas mtho btsams pa ltar yang dga' bos mtho ma btsams kyi/ tshur sheg /de gnas nas dbyung ba'i las bya'o/ /de na gcig gis smras pa/ phu nu bo dag de'i phu bo dga' bo rtsod pa la mkhas pas bdag cag gis nye dga' gnas nas dbyung ba'i las bya bar mi nus so/ /de brel ba bskyed par bya'o zhes de dag dga' bo'i gan du song ste smras pa/ gnas brtan phyag 'tshal lo/ /tshe dang ldan pa dag a rog gya| gnas brtan gyi chos gos dag dri ma can du gyur to/ /bu dag kho bo rgas par gyur pas dge slong lhan cig gnas pa dang / nye gnas dag gis kyang rgas pa'i phyir brnyas te phyin chad chos gos kyi las byed du mi btub bo/ /bdag cag gis gnas brtan gyi chos gos dag bkru bar bgyi yi/ chos gos dag tshur stsol/ dga' bos bcu bdun sde dag la chos gos dag byin no/ /de dag gis smras pa/ gnas brtan chos gos dag gcig car bkrus /chos gos thams cad tshur stsol/ dga' bos rnyang rnying dag gyon te chos gos thams cad bcu bdun </font><hr>Ja298a<br><font size=+1>


@#/ /sde dag la byin no/ /bcu bdun sde dag gis chos gos de dag 'gyur byed kyis btsal nas/ gnas mal bshams te gaN+DI brdungs nas dga' bo'i gan du song ste smras pa/ gnas brtan dge 'dun gyi bya ba cung zhig mchis te/ gaN+DI brdungs kyi/ tshur spyon/ dga' bos smras pa/ bu dag kho bo 'di 'dra ba'i gnas skabs kyis dge 'dun gyi nang du ji ltar 'gro bar bya/ dge 'dun gyi bya ba chos dang ldan pa la 'dun pa 'bul lo/ /de nas dge 'dun thams cad 'dug cing mthun par gyur pa na dge slong gleng ba po rgan pa'i mtha' logs su 'dug ste/ nye dga' la rmas pa/ btsun pa nye dga' khyod kyis bcu bdun sde dag gi lto dral te rgyu ma dag gis rgyal byed kyi tshal dgang bar bya'o zhes bya ba de lta bu'i tshig smras pa gang yin pa de dran nam/ tshe dang ldan pa dag rma sos pa dag dran te ci byed de ni 'das pa'i don yin no/ /de dag gis smras pa/ bcom ldan 'das kyis 'das pa'i dus kho na las btsams te 'dul ba la nyan thos rnams kyi bslab pa'i gzhi bca' ba mdzad do zhes de dag gis nye dga' la gya tshom du nan gyis gnas nas dbyung ba'i las byas so| |nye dga' gnas nas dbyung ba'i las byas nas phu bo dga' bo'i gan du song ste/ ngu bar brtsams pa dang / dga' bos smras pa/ nye dga' ci'i phyir du/ nye dgas smras pa/ </font><hr>Ja298b<br><font size=+1>


lhung bzed nag po can dag gis kho bo gnas nas dbyung ba'i las byas so/ /dga' bos smras pa/ gang dag gis kho bo'i nu bo gnas nas dbyung ba'i las byas pa de dag grong dang grong khyer dang ljongs dang khams gsum nas gnas nas phyung bar gyur cig /'on kyang gnas nas dbyung ba'i las byas pa rnams la grong dang grong khyer med dam ci/ sdod cig dang bzod pa gsol bar bya'o/ /'di ltar de dag gis mi mthun pa kho nar las byas so/ /gang zhig der ma 'dus/ kho bo'o/ /slob dpon gyis der 'dun pa phul lo/ /ci kho bos bdag gi nu bo gnas nas dbyung ba'i las byed par shes sam/ kho bo dge 'dun gyi bya ba de lta bu la 'dun pa mi 'bul gyi/ kho bos 'dun pa ma phul lo/ /kho bos 'dun pa nyes par phul lo/ /dge slong don nyung ngu dag ci'i phyir dge slong dag dge 'dun gyi bya ba chos dang ldan pa la dge slong la 'dun pa phul nas de'i 'og tu khros 'khrugs rngam par gyur te yi ma rangs nas spong ba'i chos su byed cing 'di skad ces dge slong 'dun pa phyir byin cig /khyod la mi sbyin no zhes zer zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ / </font><hr>Ja299a<br><font size=+1>


@#/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dga' bo la rmas pa/ dga' bo khyod dge 'dun gyi bya ba chos dang ldan pa la dge slong la 'dun pa phul nas de'i 'og tu khros 'khrugs rngam par gyur te/ yi ma rangs nas spong ba'i chos su byed cing 'di skad ces dge slong 'dun pa phyir byin cig /khyod la mi sbyin no zhes zer ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su mthun pa ma yin pa rung ba ma yin pa tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge 'dun gyi bya ba chos dang ldan pa la dge slong la 'dun pa phul nas de'i 'og tu khros 'khrugs rngam par gyur te yi ma rangs nas/ spong ba'i chos su byed cing 'di skad ces dge slong 'dun pa </font><hr>Ja299b<br><font size=+1>


phyir byin cig /khyod la mi sbyin no zhes zer na ltung byed do/ /yang dge slong gang zhes bya ba ni shAkya'i bu dga' bo'am/ gzhan yang de lta bu gang yin pa'o/ /dge 'dun gyi zhes bya ba ni de bzhin gshegs pa'i nyan thos kyi dge 'dun gyi'o/ /bya ba chos dang ldan pa la zhes bya ba ni las chos dang ldan pa la'o/ /dge slong la zhes bya ba ni chos 'di pa la'o/ /'dun pa phul nas zhes bya ba ni 'dun pa byin nas so/ /de'i 'og tu zhes bya ba ni dus gzhan na'o/ /khros khrugs rngam par gyur te yi ma rangs nas zhes bya ba ni khros shing khro ba'i zil gyis non nas so/ /spong ba'i chos su byed cing zhes bya ba ni bsnyon pa'i chos su byed cing ngo / /'di skad ces zhes bya ba ni 'di skad ces zer na'o/ /dge slong 'dun pa phyir byin cig /khyod la mi sbyin no zhes zer na zhes bya ba ni de skad ces zer na'o/ /ltung byed do zhes bya ba ni sems can dmyal ba dang dud 'gro dang yi dwags ngan song dang ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung ba ji ltar 'gyur zhe na/ dge slong gis ji tsam cung zad dge 'dun gyi bya ba chos dang ldan pa la dge slong la 'dun pa phul nas/ de'i 'og tu khros khrugs rngam par gyur te yi ma rangs nas spong ba'i </font><hr>Ja300a<br><font size=+1>


@#/ /chos su byed cing 'di skad ces dge slong 'dun pa phyir byin cig /khyod la mi sbyin no zhes zer na thams cad du ltung byed du 'gyur ro/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /'dun pa phyir sgyur ba'i ltung byed de lnga bcu gsum pa rdzogs so// //bar sdom la/ chos mnyan pa dang sgra gcan zin/ /nad dang dge slong sdig can dang / /don mthun gnyis su byas pa dang / /mdun du btud dang dge tshul lo/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /bram ze dang khyim bdag dad pa can dag gtsug lag khang du lhags nas dge slong rnams la smras pa/ 'phags pa dag chos bstan du gsol/ dge slong rnams kyis smras pa/ bzhin bzang dag bcom ldan 'das kyi spyan sngar deng zhig dang / bcom ldan 'das khyed cag la chos ston par mdzad do/ / de dag gis smras pa/ 'phags pa dag ston pa nyag gcig tu bas re zhig lha rnams la chos ston par mdzad dam/ 'on te klu rnams la'am/ gnod sbyin rnams la'am/ mi rnams la chos ston par mdzad sus 'tshal gyi/ khyed cag gis kyang chos bstan du gsol/ bzhin bzang dag bcom ldan 'das kyis ma gnang ngo zhes zer ba'i skabs de dge </font><hr>Ja300b<br><font size=+1>


slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong rnams kyis kyang chos bstan par bya bar gnang ngo / /bcom ldan 'das kyis dge slong rnams kyang chos bstan par bya'o zhes bka' stsal nas/ de dag nyin mo chos ston par byed do/ /de na gang dag bsod nams kyi 'bras bu 'tsho ba de dag ni nyin mo chos mnyan nas mtshan mo rtsol ba'i 'bras bus 'tsho ba rnams la/ shes ldan dag 'phags pa dag chos snyan pa snyan pa ston par mdzad cing sbrang rtsi byed pa'i sbrang bu bzhin du chos sbrang rtsi lta bu ston cing stobs par mdzad do zhes rjod par byed do/ /rtsol ba'i 'bras bu 'tsho ba dag gis smras pa/ khyed cag las gang dag chos nyan pa de dag gis sangs rgyas 'byung ba ni 'bras bu dang bcas pa yin no/ /'o na khyed cag ci'i phyir chos nyan par mi byed/ khyed cag ni bsod nams kyi 'bras bus 'tsho ba dag yin pas nyin mo chos nyan par byed kyi/ kho bo cag ni rtsol ba'i 'bras bus 'tsho ba dag yin pas gal te nyin mo las dag ma byas na ltogs te 'chi bar 'gyur ro/ /gal te 'phags pa dag mtshan mo chos ston par 'gyur na de lta na bdag cag gis kyang chos mnyan par bya'o zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ mtshan mo chos bstan par bya'o/ /da </font><hr>Ja301a<br><font size=+1>


@#/ /dag mtshan thams cad kho nar chos ston par byed cing de dag ngal ba dang / bcom ldan 'das kyis bka' stsal pa/ mtshan thams cad kho nar chos bstan par mi bya'o/ /de dag nam phyed kyi bar du chos ston par byed pa na de lta na yang ngal bar gyur nas bcom ldan 'das kyis bka' stsal pa/ tshes brgyad dang tshes bcu bzhi la chos bstan par bya'o/ / de dag tshes brgyad dang / tshes bcu bzhi la chos ston par byed pa na bsod snyoms pa zhig gtsug lag khang du chos nyan du 'ongs nas dge slong rnams kyis nam phyed kyi bar du chos bstan pa dang / bsod snyoms pa des bsams pa/ da ni 'gro ba'i dus ma yin gyi/ 'di nyid du 'dug par bya'o zhes de mtha' gcig tu song nas skyil mo krung bcas te 'dug go /der lhags pa'i khyim pa de dag kyang de nyid du nyal nas/ dge skos kyis mar me gsad par brtsams pa dang / de dag gis smras pa/ 'phags pa zhugs mar ma dgum zhig dang bdag cag gis 'bru mar dbul lo/ /dge skos kyis mar me gsos te song nas khyim pa de dag de na 'khod cing de dag gis smras pa/ 'phags pa che ge mo zhig gis ni chos snyan pa snyan pa dag ston to/ /'phags pa che ge mo zhig gis ni chos ches snyan pa snyan pa dag ston to zhes zer ro/ /de na dge slong rgan zhugs rjed ngas pa zhig nyal ba des rmi lam na sngon gyi rnying pa dang lhan cig nyal bar rmis </font><hr>Ja301b<br><font size=+1>


nas/ des ci dang ci dag tshig brdol par brtsams pa dang / khyim pa de dag gis smras pa/ shes ldan dag khyim pa ci dang ci dag brdol ba 'di su yin zhes de dag gis de bskyod par brtsams pa dang / ji tsam du rgan zhugs de phyis gan du nyal zhing ci dang ci dag brdol ba mthong ba la de dag gis smras pa/ shes ldan dag rgan po rnams kyi gnas skabs kyang re zhig 'di 'dra na 'di dag ni rab tu byung ba gzhon nu dag yin pas 'di dag gi gnas skabs ji lta bur 'gyur zhes ma dad pa go bar byed do/ /bsod snyoms pa de nang par sngar langs te dgon pa'i gnas su song ba dang dge slong spong pa dag gis de mthong nas smras pa/ tshe dang ldan pa ji lta tshangs pa mtshungs par spyod pa dag gis chos snyan pa snyan pa dag bstan cing skye bo phal po che'i tshogs mngon par dad par byas sam/ des smras pa/ tshangs pa mtshungs par spyod pa dag gis chos snyan pa snyan pa dag bstan cing skye bo phal po che'i tshogs te por mngon par dad par byas so/ /rgan zhugs shig gis ni skye bo phal po che'i tshogs mngon par ma dad par byas so/ /ji ltar gyur/ des skabs de dge slong rnams la brjod nas dge slong rnams kyis bcom ldan 'das la rgyas par gsol to/ /de nas bcom ldan 'das 'di snyam du dgongs te nyes dmigs gang cung zad byung ba ni dge slong rnams rdzogs par ma bsnyen pa dang lhan cig </font><hr>Ja302a<br><font size=+1>


@#/ /nyal bar byed pa dang / snang ba la nyal bar byed pa las gyur to snyam nas bcom ldan 'das kyis bka' stsal pa/ de lta bas na dge slong gis gang zag rdzogs par ma bsnyen pa dang lhan cig nyal bar mi bya zhing snang ba la yang nyal bar mi bya'o/ /nyal bar byed na 'gal tshabs can du 'gyur ro/ /'di ni re zhig byung ba yin te sangs rgyas bcom ldan 'das re zhig 'dul ba la nyan thos rnams kyi bslab pa'i gzhi bca' bar ni mi mdzad do/ /tshe dang ldan pa shA ri'i bu la dge tshul sgra gcan zin dang / skul byed ces bya ba gnyis yod de/ dge slong glo bur du 'ongs pa zhig 'ongs pa na tshe dang ldan pa sgra gcan zin nyin mo spyod du song ba'i gtsug lag khang du dge slong glo bur du 'ongs pa de'i gtsug lag khang du bskos nas dge slong des tshe dang ldan pa sgra gcan zin gyi lhung bzed dang chos gos phyi rol tu phyung ste mtha' gcig tu bzhag go /tshe dang ldan pa sgra gcan zin nyin mo spyod pa nas phyir 'ongs pa dang / ji tsam na rang gi lhung bzed dang chos gos phyi rol tu phyung ste mtha' gcig tu bzhag pa mthong nas des sems khong du chud cing 'dug go /ji tsam na dge tshul skul byed 'ongs nas smras pa/ tshe dang ldan pa sgra gcan zin ci'i phyir sems khong du chud cing 'dug /sgra gcan zin gyis smras pa/ kho bo nyin mo spyod du song ba'i gtsug lag khang dge slong </font><hr>Ja302b<br><font size=+1>


glo bur du 'ongs pa'i gtsug lag khang du bskos nas des kho bo'i lhung bzed dang chos gos phyi rol tu phyung ste mtha' gcig tu bzhag na sprin kha dog lnga pa 'dus pas kho bo deng mal gang du bsham par bya ba mi shes so/ /skul byed kyis smras pa/ tshe dang ldan pa sgra gcan zin ci'i phyir sems khong du chud cing 'dug tu yod/ gar yang rung nyol cig /sgra gcan zin gyis smras pa/ tshe dang ldan pa skul byed khyod ni rdzu 'phrul che ba dang / mthu che ba yin pas lo ma ma yin pa'i spyil bu sprul te/ mal 'cha' bar byed mod/ kho bos ji ltar bya/ de'i tshe na bram ze dang khyim bdag dad pa can dag gis bcom ldan 'das kyi snam phyis spos kyi byug pas bskus nas/ tshe dang ldan pa sgra gcan zin gyis bsams pa/ sangs rgyas bcom ldan 'das rnams la dus ma yin par bshang ba mdzad par 'gyur ba gang yin pa de ni gnas med cing skabs ma yin gyi/ song la/ der nyal bar bya'o snyam nas de der song ste snyam phyi sa'i zhabs rten la mgo bzhag ste nyal lo/ /de'i mtshan mo sprin kha dog lnga pa 'dus nas der char 'bab par brtsams pa dang / snam phyi sa de dang ha cang thag mi ring ba na sbrul dug myur du khyab par byed pa'i gtso bo zhig gi tshang 'dug pa der char bab pa'i chus gang nas/ sbrul dug myur du khyab par byed pa'i gtso bo de bcom ldan 'das kyi snam phyi sa ga lab der 'phags so/ /sangs rgyas bcom ldan 'das rnams ni bsnyel ba mi mnga' </font><hr>Ja303a<br><font size=+1>


@#/ /ba'i chos nyid can yin pas bcom ldan 'das kyis dgongs pa/ gal te sbrul dug myur du khyab par byed pa'i gtso bo des sgra gcan zin rnyed par gyur na ming gi lhag ma tsam las par byed par 'gyur te/ shAkya nga rgyal can dag gal te gzhon nu sgra gcan zin bzang po rab tu byung bar ma gyur na rgyal po dngos brtsan par 'gyur ba zhig na de rab tu phyung nas mgon med pa'i bya bas dus la bab bo zhes ma dad pa go bar byed par 'gyur bar thugs su chud nas glang po che'i sna 'dra ba'i phyag brkyang ste sgra gcan zin blangs nas nyid kyi gzims mal du bsnyal te bzhag go /sangs rgyas bcom ldan 'das rnams gang zag rdzogs par ma bsnyen pa dang lhan cig gnas gcig na gzims par 'gyur ba ni gnas ma yin zhing skabs med pas bcom ldan 'das kyis dgung la 'chag pa dang bzhugs pa gnyis kyis shas cher mtshan mo 'da' bar mdzad do/ /dge slong gnas brtan gnas brtan dag nang par sngar langs te bcom ldan 'das kyi zhabs la mgo bos phyag 'tshal du 'ong ba/ sangs rgyas bcom ldan 'das rnams kyi chos nyid ni gal te 'dul ba la nyan thos rnams kyi bslab pa'i gzhi 'cha' bar bzhed na de'i tshe dge slong ma 'ongs pa rnams la ni gzhes par mdzad la dge slong 'ongs pa rnams ni phyir gtong bar mi mdzad pas/ tshe dang ldan pa skul byed bcom ldan </font><hr>Ja303b<br><font size=+1>


'das kyi zhabs gnyis la mgo bos phyag 'tshal du song ba dang / ji tsam na tshe dang ldan pa sgra gcan zin bcom ldan 'das kyi gzims mal na nyal ba mthong ngo / /mthong nas kyang se gol gyi sgras tshe dang ldan pa sgra gcan zin sad par byas te/ smras pa/ tshe dang ldan pa sgra gcan zin khyod gang du nyal/ de sad pa dang / ji tsam na bdag nyid bcom ldan 'das kyi gzims mal na nyal bar mthong nas/ des myur ba myur bar kho nar langs te bcom ldan 'das kyi gzims mal nas babs pa dang / skul byed kyis smras pa/ tshe dang ldan pa sgra gcan zin gal te khyod la bcom ldan 'das kyis ma dgongs su zin na sbrul dug myur du khyab par byed pa'i gtso bos khyed ming gi lhag ma tsam las bar byed par 'gyur ro/ /de nas bcom ldan 'das kyis dge slong rnams la bka' stsal pa/ dge slong dag dge tshul 'di dag la ni/ ma yang med pha yang med/ byams pa dang mdza' bshes kyi tshogs gzhan 'ga' yang med de/ tshangs pa mtshungs pa spyod pa khyed cag 'ba' zhig tu zad cing 'di dag ni dgra bcom pa'i sgo nga dad ldan pa dag yin te/ gal te khyed cag gis 'di dag yongs su skyong bar mi byed na gzhan su zhig byed par 'gyur/ dge slong dag de lta bas na gang zag rdzogs par ma bsnyen pa dang lhan cig nub gnyis tshun chad gnas gcig tu nyal bar rjes su gnang ngo / /dge slong zhig la 'khru ba'i nad byung nas de </font><hr>Ja304a<br><font size=+1>


@#/ /mun pa'i nang du bshang ba byed pa na rkang pa gnyis la gos nas rkang pa gnyis brkyang ste nyal ba dang / de'i gan du nang par sngar dge slong lhan cig gnas pa dang nye gnas dag 'ongs nas de dag gis dris pa dang / mkhan po thugs bde'am/ des smras pa/ mi bde'o/ /ji ltar mi bde/ des skabs de rgyas par brjod nas dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na snang ba bya'o/ /snang ba byas pa dang / de 'gyod pas mi nyal nas nyes dmigs de nyid du gyur pa dang / bcom ldan 'das kyis bka' stsal pa/ nyal bar bya ste 'di la 'gyod par mi bya'o/ /dge slong nad g.yog dag 'gyod par mi nyal ba na de dag na bar gyur pas/ bcom ldan 'das kyis bka' stsal pa/ de dag gis kyang nyal bar bya'o/ /der byin len stobs pas bya ba byung nas/ bcom ldan 'das kyis bka' stsal pa/ rdzogs par ma bsnyen pas kyang der nyal bar bya'o/ /de dag nub gnyis 'das nas/ phyir 'byin par byed pa na nad pa la gnod par gyur nas/ bcom ldan 'das kyis bka' stsal pa/ nub gsum la yang nyal bar bya'o/ /nad pa 'gyod par gyur nas/ bcom ldan 'das kyis bka' stsal pa/ 'di la 'gyod par mi bya bar nyal bar bya'o/ /nad g.yog dag 'gyod pas mi nyal </font><hr>Ja304b<br><font size=+1>


nas/ bcom ldan 'das kyis bka' stsal pa/ nyal bar bya ste/ 'di la 'gyod par mi bya'o/ /dge slong gnas brtan dag na bar gyur nas de dag langs shing rang nyid kyis byin len byas te za bar mi nus nas/ bcom ldan 'das kyis bka' stsal pa/ de dag gis nad g.yog dag gi lag pa bsnyal te byin len byas nas lhan cig 'dug ste bza' bar bya'o/ /de dag gi nad g.yog dag gzhon pa yin na yang de dag gis kyang de bzhin du bza' bar bya'o/ /rdzogs par bsnyen pa dag med nas/ bcom ldan 'das kyis bka' stsal pa/ rdzogs par ma bsnyen pas bza' bar bya'o/ /ji ltar rgan pa rnams la gsar bu rnams dang rdzogs par ma bsnyen pa rnams nad g.yog byed pa de bzhin du rgan pa rnams kyis kyang gsar bu rnams dang rdzogs par ma bsnyen pa rnams kyi nad g.yog bya'o/ /zla ba'i snang ba dang / nyi ma'i snang ba byung nas dge slong dag 'gyod pas nyal bar mi byed nas/ bcom ldan 'das kyis bka' stsal pa/ de dag ni tha snyad du bya ba ma yin pas nyal bar bya ste 'di la 'gyod par mi bya'o/ /bcom ldan 'das kyis gang zag rdzogs par ma bsnyen pa dang lhan cig nub gnyis las lhag par gnas gcig tu nyal bar mi bya'o/ /zhes bka' stsal nas/ dge slong rnams kyis gang zag rdzogs par ma bsnyen pa de dag gtsug lag khang nas phyir phyung nas/ chom rkun pa dag dang g.yon can dag </font><hr>Ja305a<br><font size=+1>


@#/ /dang seng ge dag dang stag dang gung dag gis bgrod par gyur nas/ bcom ldan 'das kyis bka' stsal pa/ de dag gtsug lag khang nas phyir dbyung bar mi bya'o/ /dge slong rnams kyis de dag khyams nas phyir phyung ba dang / bcom ldan 'das kyis bka' stsal pa/ khyams nas phyir dbyung bar mi bya bar 'di ltar nye 'khor du spang bar bya'o/ / dge slong zhig la dge tshul zhig yod de/ gtsug lag khang der dge slong sdig can 'ongs nas des dge tshul de la smras pa/ dge tshul khyod gang du nyal/ des smras pa/ sgo khang 'dir ro| |dge tshul de'i mkhan pos de thos nas des dge tshul de la dris pa/ khyod smras pa de ci/ des smras pa/ 'dis bdag la khyod gang du nyal zhes 'dri'o/ /mkhan po des dge tshul de bdag nyid kyi gnas khang du bsnyal nas mkhan po des kyang 'chag pa dang 'dug pa dag gis mtshan mo 'da' bar byas so/ /de nang par sngar langs nas dge slong lhan cig gnas pa dang nye gnas dag 'ongs te dris pas/ mkhan po thugs bde'am/ des smras pa/ mi bde'o/ /ci'i slad du des skabs de rgyas par brjod pa dang / de dag gis smras pa/ mkhan po bcom ldan 'das kyis skyes bu dam pa ni gnyis te/ gang khur ma blangs pa len par mi byed pa dang / gang khur blangs pa mthar phyin par byed pa'o zhes bka' stsal pas/ khur </font><hr>Ja305b<br><font size=+1>


blangs pa 'di mthar phyin par bgyi 'tshal lo zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gal te gnas par khas ma blangs pa rnams kyi nang du dge slong sdig can 'ongs shing dge slong sdig can de skrod par nus na de bskrad par bya'o/ /gal te skrod par mi nus na dge tshul khrid de gtsug lag khang gzhan du 'gro bar bya'o/ /gal te gnas par khas blangs pa rnams kyi nang du dge slong sdig can 'ongs shing dge slong sdig can de skrod par nus na de bskrad par bya'o/ /gal te skrod par ma nus na dge tshul dge slong mdza' bo'i gan du gzhag par bya'o/ /gal te dge slong mdza' bo med na gnas gcig tu lhan cig zla ba gsum 'da' bar bya'o/ /dgag dbye byas nas gal te dge slong sdig can de skrad par nus na de bskrad par bya'o/ /gal te mi nus na dge tshul khrid de gtsug lag khang gzhan du 'gro bar bya'o/ /dge slong dag lam du 'dong ba na de na dge tshul yang 'dong nas dge slong rnams kyis dge tshul de dag nub gnyis 'das shing don mthun gyi phyi rol tu 'byin par byed pa na/ de dag chom rkun pa dag dang g.yon can dag dang seng ge dag dang stag dag dang gung dag gis bgrod par gyur nas/ bcom ldan 'das kyis bka' stsal pa/ phyi rol tu dbyung bar mi bya bar 'di ltar don mthun gnyis su bya'o/ /don mthun gnyis su byas pa dang / de dag dpung chung bas chom rkun pa dag dang g.yon can </font><hr>Ja306a<br><font size=+1>


@#/ /dag dang seng ge dag dang stag dag dang gung dag gi bgrod par gyur nas/ bcom ldan 'das kyis bka' stsal pa/ gal te don mthun dpung chung na gnyis su mi bya bar dge slong rnams kyis mi nyal bar tron bya'o/ /dge slong rnams mtshan thams cad du mi nyal bar tron byed pa na ngal bar gyur nas/ bcom ldan 'das kyis bka' stsal pa/ mtshan thams cad du tron mi bya bar thun gsum mam gnyis sam gcig gam tha na skya rengs 'char bar tron bya'o/ /de lta na yang ngal bar gyur nas/ bcom ldan 'das kyis bka' stsal pa/ nyal bar bya ste 'di la 'gyod par mi bya'o/ /dge slong rnams kyis dge tshul dag lam kar rjes su bor te dong ba na de dag chom rkun pa dag dang / g.yon can dang / seng ge dag dang stag dag dang / gung dag gis bgrod par gyur nas/ bcom ldan 'das kyis bka' stsal pa/ mdun tu btang ste 'gro bar bya'o/ /dge tshul de dag nang par snga ba kho nar bkres par gyur nas/ bcom ldan 'das kyis bka' stsal pa/ de dag la g.yar sus sbyin par bya'o/ /dge tshul de dag dro khar yang zan slong nas dge slong rnams kyis khyed cag da nang g.yar sus byin zin na da yang slong ngam ci zhes zer nas/ bcom ldan 'das kyis bka' stsal pa/ dge tshul dag ni me'i khams che ba yin gyi/ de dag la dro khar yang zan sbyin par bya'o/ /nye dga' la dge tshul tsher ma dang / chen po pa zhes bya ba gnyis </font><hr>Ja306b<br><font size=+1>


yod de/ de de gnyis dang lhan cig nub gnyis las lhag par gnas gcig tu nyal bar byed nas/ dge slong rnams kyis de la smras pa/ che \ TSE?\ dang ldan pa nye dga' bcom ldan 'das kyis dge slong gis gang zag rdzogs par ma bsnyen pa dang lhan cig nub gnyis las lhag par gnas gcig tu nyal bar mi bya'o zhes bka' stsal gyi/ khyod gang zag rdzogs par ma bsnyen pa dang lhan cig nub gnyis las lhag par gnas gcig tu ma nyal cig /nye dgas smras pa/ gang la nub gnyis rung ba de la nub gsum pa yang rung mod/ nub gsum pas chang 'thungs sam/ kun dong zos sam ci nyes/ dge slong don nyung ngu dag bcom ldan 'das kyis dge slong gis gang zag rdzogs par ma bsnyen pa dang lhan cig nub gnyis las lhag par gnas gcig tu nyal bar mi bya'o zhes bka' stsal na/ ci'i phyir dge slong dag ched du bsams te/ nub gnyis las lhag par 'da' bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no| |sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis nye dga' la rmas pa/ nye </font><hr>Ja307a<br><font size=+1>


@#/ /dga'/ ngas dge slong gis gang zag rdzogs par ma bsnyen pa dang lhan cig nub gnyis las lhag par gnas gcig tu nyal bar mi bya'o zhes gsungs nas khyed ched du bsams te nub gnyis las lhag par 'da' bar byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su mthun pa ma yin pa rung ba ma yin pa tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang zag rdzogs par ma bsnyen pa dang lhan cig nub gnyis las lhag par gnas gcig tu nyal na ltung byed do/ /yang dge slong gang zhes bya ba ni shAkya'i bu nye dga' 'am gzhan yang de lta bu gang yin pa'o/ /gang zag rdzogs par ma bsnyen pa dang lhan cig ces bya ba la rdzogs par bsnyen pa ni gnyis te dge slong dang dge slong ma'o/ /de las gzhan pa ni rdzogs par ma bsnyen pa'o/ /nub gnyis las lhag par zhes bya ba nub gnyis </font><hr>Ja307b<br><font size=+1>


las 'das par ro/ /gnas gcig tu nyal na zhes bya ba ni gnas bzhi po thams cad g.yogs shing thams cad bskor ba dang / thams cad g.yogs shing phal cher bskor ba dang / phal cher g.yogs shing thams cad bskor ba dang / phal cher g.yogs shing phal cher bskor ba dag tu nyal bas skya rengs 'char bar byed na'o/ /thams cad g.yogs shing thams cad bskor ba ni gnas khang ngam 'khor gyi khyams sam khang pa brtsegs pa dag go /thams cad g.yogs shing phal cher bskor ba ni sgo bcu pa dang sgo bcu gnyis pa dag go /phal cher g.yogs shing thams cad bskor ba ni khyams ngos bzhi pa dag go /phal cher g.yogs shing phal cher bskor ba ni khyams ngos gsum pa dang 'khor gyi khyams dag go /ltung byed do zhes bya ba ni sems can dmyal ba dang dud 'gro dang / yi dwags ngan song dang ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste des na ltung byed do zhes gsungs so/ /de la ltung ba ji ltar 'gyur zhe na dge slong gis gang zag rdzogs par ma bsnyen pa la rdzogs par ma bsnyen par 'du shes shing lhan cig nub gnyis las lhag par gnas gcig tu nyal na ltung byed du 'gyur ro/ /gang zag rdzogs par ma bsnyen pa la yid gnyis za bas lhan cig nub gnyis las </font><hr>Ja308a<br><font size=+1>


@#/ /lhag par gnas gcig tu nyal na ltung byed du 'gyur ro/ /dge slong gis gang zag rdzogs par bsnyen pa la rdzogs par ma bsnyen par 'du shes pas lhan cig nub gnyis las lhag par gnas gcig tu nyal na nyes byas su 'gyur ro/ /rdzogs par bsnyen pa la yid gnyis za bas lhan cig nub gnyis las lhag par gnas gcig tu nyal na nyes byas su 'gyur ro/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /rdzogs par ma bsnyen pa dang lhan cig nyal ba'i ltung byed de lnga bcu bzhi pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na sngon bong rdzi dge slong 'chi ltas la sdig pa can gyi lta ba'i rnam pa 'di lta bu 'di byung ste ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes zer ro/ /dge slong rab tu mang po dag gis sngon bong rdzi dge slong 'chi ltas la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis bar du gcod pa'i chos su gsungs pa </font><hr>Ja308b<br><font size=+1>


gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes zer ba thos nas dge slong rnams kyis skabs de bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis sngon bong rdzi dge slong 'chi ltas dang / gzhan yang de lta bu gang yin pa la bzhams te bsgo bar bya'o/ /'di skad ces bsgo bar bya ste/ tshe dang ldan pa 'chi ltas khyod ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes de skad ma zer cig /bcom ldan 'das la skur pa ma 'debs shig /bcom ldan 'das la skur pas legs par mi 'gyur ro/ /bcom ldan 'das ni de skad mi gsung ngo / /'chi ltas bar du gcod pa'i chos rnams ni bar du gcod pa nyid do/ /zhes bcom ldan 'das kyis rnam grangs du mar gsungs te/ de dag bsten na bar du gcod par 'gyur gyi/ 'chi ltas khyod sdig pa can gyi lta ba'i rnam pa 'di lta bu 'di thong zhig ces bsgo bar bya'o/ /dge slong rnams kyis btsun pa bka' bzhin 'tshal zhes bcom ldan 'das las mnyan nas 'chi ltas la tshe dang ldan pa 'chi ltas khyod ji ltar bcom ldan 'das kyis bar du gcod pa'i chos su gsungs pa gang dag yin </font><hr>Ja309a<br><font size=+1>


@#/ /pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes de skad ma zer cig /bcom ldan 'das la skur pa ma 'debs shig /bcom ldan 'das la skur pas legs par mi 'gyur ro/ /bcom ldan 'das ni de skad mi gsung ngo / /'chi ltas par du gcod pa'i chos rnams ni bar du gcod pa nyid do zhes bcom ldan 'das kyis rnam grangs du mar gsungs te/ de dag bsten na bar du gcod par 'gyur gyi/ 'chi ltas khyod sdig pa can gyi lta ba'i rnam pa 'di lta bu 'di thong zhig ces bzhams te bsgo'o/ /dge slong rab tu mang po dag gis de la bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi/ gzhan ni rdzun pa'o/ /zhes rjes su tha snyad 'dogs par byed pa'i skabs de dge slong rnams kyis bcom ldan 'das la rgyas par gsol pa dang / bcom ldan 'das kyis bka' stsal pa/ dge slong dag khyed kyis sngon bong rdzi dge slong 'chi ltas dang gzhan yang de lta bu gang yin pa la gsol pa dang bzhi'i las kyis bsgo bar bya'o/ /'di ltar bsgo bar bya ste/ gnas mal bshams pa byas nas gaN+DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa la dge slong gcig gis gsol ba byas te </font><hr>Ja309b<br><font size=+1>


las bya'o/ /dge 'dun btsun pa rnams gsan du gsol/ dge slong 'chi ltas 'di la sdig pa can gyi lta ba'i rnam pa 'di lta bu 'di byung ste ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes mchi nas/ 'di la dge slong rab tu mang pos bzhams te bsgo na 'di la bzhams te bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi/ gzhan ni rdzun pa'o zhes rjes su tha snyad 'dogs na/ gal te dge 'dun gyis dus la bab cing bzod na dge 'dun gyis gnang bar mdzod cig dang / dge 'dun gyis dge slong 'chi ltas la 'chi ltas khyod ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te de ltar bcom ldan 'das kyis chos bstan pa bdag gis shes so zhes de skad ma zer cig /bcom ldan 'das la skur pa ma 'debs shig /bcom ldan 'das la skur pas legs par mi 'gyur ro/ /bcom ldan 'das ni de skad mi gsung ngo| /'chi ltas bar du gcod pa'i chos rnams ni bar du gcod pa nyid do zhes bcom ldan 'das kyis rnam grangs du mar gsungs te de dag bsten na bar du gcod par 'gyur gyi/ 'chi ltas khyod </font><hr>Ja310a<br><font size=+1>


@#/ /sdig pa can gyi lta ba'i rnam pa 'di lta bu 'di thong zhig ces gsol ba dang bzhi'i las kyis bsgo ba mdzad do/ /'di ni gsol ba'o/ /las ni 'di lta bya ste/ dge 'dun btsun pa rnams gsan du gsol/ dge slong 'chi ltas 'di la sdig pa can gyi lta ba'i rnam pa 'di lta bu 'di byung ste ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes mchi nas/ 'di la dge slong rab tu mang pos bzhams te bsgo na/ 'di la bzhams te bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi/ gzhan ni rdzun pa'o/ / zhes rjes su tha snyad 'dogs te/ de'i slad du dge 'dun gyis dge slong 'chi ltas khyod ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes de skad ma zer cig /bcom ldan 'das la skur pa ma 'debs shig /bcom ldan 'das la skur pas legs par mi 'gyur ro/ /bcom ldan 'das ni de skad mi gsung ngo / /'chi ltas bar du gcod pa'i chos rnams ni bar du gcod pa nyid do zhes bcom ldan 'das </font><hr>Ja310b<br><font size=+1>


kyis rnam grangs du mar gsungs te/ de dag bstan na bar du gcod par 'gyur gyi/ 'chi ltas khyod sdig pa can gyi lta ba'i rnam pa 'di lta bu 'di thong zhig ces gsol ba dang bzhi'i las kyis bsgo ba mdzad na tshe dang ldan pa gang dag dge slong 'chi ltas la gsol ba dang bzhi'i las kyis bsgo ba mdzad par bzod pa de dag ni cang ma gsungs shig /gang dag mi bzod pa de dag ni gsungs shig/ 'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas/ dge 'dun gyis dge slong 'chi ltas la gsol ba dang bzhi'i las kyis bsgo ba mdzad lags te 'di ltar cang mi gsung bas de de bzhin du 'dzin to/ /dge slong rnams btsun pa bka' bzhin 'tshal zhes bcom ldan 'das las mnyan nas 'chi ltas la gsol ba dang bzhi'i las kyis bsgo'o/ /gsol ba dang bzhi'i las kyis bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi/ gzhan ni rdzun pa'o zhes rjes su tha snyad 'dogs par byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge slong 'chi ltas sdig pa can gyi lta ba'i rnam pa mi gtong ba dang gzhan yang de lta bu gang yin pa la smad pa'i las bya'o/ /'di ltar bya ste/ gnas mal bshams pa byas nas gaN+DI brdungs te dris pa'i tshig gis dge </font><hr>Ja311a<br><font size=+1>


@#/ /slong rnams la yang dag par bsgo nas dge 'dun thams cad 'dug cing mthun par gyur pa la/ dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong 'chi ltas 'di la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te de ltar bcom ldan 'das kyis chos bstan pa bdag gis shes so mchi nas 'di la dge slong rab tu mang pos bzhams te bsgo na 'di la dge slong rab tu mang pos bzhams te bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni rdzun pa'o/ /zhes rjes su tha snyad 'dogs te/ 'di la dge 'dun gyis gsol ba dang bzhi'i las kyis bsgo na 'di la gsol ba dang bzhi'i las kyis bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi/ gzhan ni rdzun pa'o zhes rjes su tha snyad 'dogs na gal te dge 'dun gyis dus la bab cing bzod na dge 'dun gyis gnang bar mdzod cig dang / dge 'dun gyis dge slong 'chi ltas sdig pa can gyi lta ba'i rnam pa mi gtong ba la smad pa'i las bgyi ste/ ji srid du dge slong 'chi ltas </font><hr>Ja311b<br><font size=+1>


sdig pa can gyi lta ba'i rnam pa 'di lta bu 'di thams cad kyi thams cad dang rnam pa thams cad kyi thams cad du mi gtong ba de srid du gtam 'dre bar mi bgyi/ phebs par smra bar mi bgyi zhing / dper na gdol bu bzhin du smad par bgyi zhing mchog tu smad par bgyi'o/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong 'chi ltas 'di la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang par du gcod bar mi 'gyur te/ de ltar bcom ldan 'das kyis chos bstan pa bdag gis shes so zhes mchi nas/ 'di la dge slong rab tu mang pos bzhams te bsgo na 'di la dge slong rab tu mang pos bzhams te bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi/ gzhan ni rdzun ba'o zhes rjes su tha snyad 'dogs te/ 'di la dge 'dun gyis gsol ba dang bzhi'i las kyis bsgo na 'di la gsol ba dang bzhi'i las kyis bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi/ gzhan ni rdzun pa'o zhes rjes su tha snyad 'dogs na/ de'i slad du dge 'dun gyis dge slong 'chi ltas sdig pa can gyi lta ba'i rnam pa mi gtong ba la </font><hr>Ja312a<br><font size=+1>


@#/ /smad pa'i las bgyi ste/ ji srid du dge slong 'chi ltas sdig pa can gyi lta ba'i rnam pa 'di lta bu 'di thams cad kyi thams cad dang rnam pa thams cad kyi thams cad du mi gtong ba de srid du gtam 'dre bar mi bgyi/ phebs par smra bar mi bgyi zhing dper na gdol bu bzhin du smad par bgyi zhing mchog tu smad par bgyi na tshe dang ldan pa gang dag dge slong 'chi ltas sdig pa can gyi lta ba'i rnam pa mi gtong ba la smad pa'i las bgyi zhing ji srid du dge slong 'chi ltas sdig pa can gyi lta ba'i rnam pa 'di lta bu 'di thams cad kyi thams cad dang rnam pa thams cad kyi thams cad du mi gtong ba de srid du gtam 'dre bar mi bgyi/ phebs par smra bar mi bgyi zhing dper na gdol bu bzhin du smad par bgyi zhing / mchog tu smad par bgyi bar bzod pa de dag ni cang ma gsungs shig/ gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnad nas/ dge 'dun gyis dge slong 'chi ltas sdig pa can gyi lta ba'i rnam pa mi gtong ba la smad pa'i 'phrin las mdzad cing / ji srid du dge slong 'chi ltas sdig pa can gyi lta ba'i rnam pa 'di lta bu 'di thams cad kyi thams cad dang / rnam pa thams cad kyi thams cad du mi gtong ba de srid du gtam 'dre bar mi bgyi/ phebs par smra bar mi bgyi zhing dper na gdol </font><hr>Ja312b<br><font size=+1>


bu bzhin du smad par bgyi shing mchog tu smad par bgyis lags te/ 'di ltar cang mi gsung bas de de bzhin du 'dzin to/ /dge slong rnams kyis btsun pa bka' bzhin 'tshal zhes bcom ldan 'das las mnyan nas/ dge slong 'chi ltas sdig pa can gyi lta ba'i rnam pa mi gtong ba la smad pa'i las byas shing ji srid du dge slong 'chi ltas sdig pa can gyi lta ba'i rnam pa de lta bu de thams cad kyi thams cad dang rnam pa thams cad kyi thams cad du mi gtong ba de srid du gtam 'dre bar mi bgyi/ phebs par smra bar mi bya zhing dper na gdol bu bzhin du smad par byas shing mchog tu smad par byas so/ /dge slong de dag gis dge slong 'chi ltas sdig pa can gyi lta ba'i rnam pa mi gtong ba la smad pa'i las byas shing / ji srid du sdig pa can gyi lta ba'i rnam pa de lta bu de thams cad kyi thams cad dang rnam pa thams cad kyi thams cad du mi gtong ba de srid du gtam 'dre bar mi bya/ phebs par smra bar mi bya zhing dper na gdol bu bzhin du smad par byas shing mchog tu smad par byas kyang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi/ gzhan ni rdzun pa'o zhes rjes su tha snyad 'dogs pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga </font><hr>Ja313a<br><font size=+1>


@#/ /ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis 'chi ltas la rmas pa/ 'chi ltas khyod ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te| de ltar bcom ldan 'das kyis chos bstan pa bdag gis shes so zhes zer ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa rung ba ma yin pa tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang 'di skad ces ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis </font><hr>Ja313b<br><font size=+1>


shes so zhes zer na dge slong de la dge slong rnams kyis 'di skad ces tshe dang ldan pa khyod ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes de skad ma zer cig /bcom ldan 'das la skur pa ma 'debs shig /bcom ldan 'das la skur pas legs par mi 'gyur ro/ /bcom ldan 'das ni de skad mi gsung ngo / /tshe dang ldan pa bar du gcod pa'i chos rnams ni bar du gcod pa nyid do/ /zhes bcom ldan 'das kyis rnam grangs du mar gsungs te/ de dag bsten na bar du gcod par 'gyur gyi/ tshe dang ldan pa khyod sdig pa can gyi lta ba'i rnam pa 'di lta bu 'di thong zhig ces bsgo bar bya'o/ /dge slong de la dge slong rnams kyis de skad bsgo na gal te gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo/ yang dag par bstan pa na gzhi de gtong na de lta na legs/ gal te mi gtong na ltung byed do/ /yang dge slong gang zhes bya ba ni 'chi ltas sam gzhan yang de lta bu gang yin pa'o/ /'di skad ces zhes bya ba ni 'di skad ces zer na'o/ /ji ltar bcom ldan 'das kyis bar du gcod pa'i </font><hr>Ja314a<br><font size=+1>


@#/ /chos su gsungs pa gang dag yin pa zhes bya ba la bar du gcod pa'i chos zhes bya ba ni/ pham par 'gyur ba'i chos bzhi dang / dge 'dun lhag ma'i chos bcu gsum dang / ma nges pa'i chos gnyis dang / spang ba'i ltung byed kyi chos sum cu dang / ltung byed kyi chos dgu bcu dang / so sor bshags par bya ba'i chos bzhi dang / bslab pa'i chos mang po dang / rtsod pa zhi bar bya ba'i chos bdun po gang dag bcom ldan 'das kyis gsungs pa dag go /de dag bsten kyang zhes bya ba ni de dag lhag par spyad kyang ngo / /bar du gcod par mi 'gyur te zhes bya ba ni des dge sbyong gi tshul gyi bar du gcod par mi 'gyur te zhes zer ba'o/ /de ltar bcom ldan 'das kyis zhes bya ba ni de bzhin gshegs pa dgra bcom pa yang dag par rdzogs pa'i sangs rgyas kyi'o/ /chos zhes bya ba ni sangs rgyas kyis gsungs pa dang / nyan thos kyis bshad pa'o/ /bstan pa zhes bya ba ni rab tu bstan pa'o/ /bdag gis shes so/ / zhes zer na zhes bya ba ni bdag gis kun shes so zhes zer na'o/ /dge slong de la zhes bya ba ni 'chi ltas la'o/ /dge slong rnams kyis zhes bya ba ni chos 'di pa rnams kyis so/ /'di skad ces zhes bya ba ni bzhams te bsgo ba ji skad sngar bstan pa ltar bsgo bar bya'o/ /dge slong de la dge slong rnams kyis de skad bsgo ba na zhes bya ba ni bzhams te bsgo ba na'o/ /gal te gzhi de gtong na </font><hr>Ja314b<br><font size=+1>


zhes bya ba ni lta ba'i rnam pa de yongs su gtong na'o/ /de lta na legs zhes bya ba ni/ de lta na bzang ba'o/ /gal te mi gtong na zhes bya ba ni yongs su mi gtong na'o/ /lan gnyis lan gsum du yang dag par bsgo bar bya'o/ yang dag par bstan par bya'o/ /zhes bya ba ni gsol ba dang bzhi'i las kyis bsgo ba ji skad sngar bstan pa ltar bsgo bar bya ste/ yang dag par bsgo ba de ni de yin/ yang dag par bstan pa de ni de yin no/ /ltung byed do zhes bya ba ni sems can dmyal ba dang dud 'gro dang yi dwags ngan song dang ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste des na ltung byed do zhes gsungs so/ /de la ltung ba ji ltar 'gyur zhe na dge slong ji tsam cung zad 'di skad ces ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes zer na thams cad du nyes byas su 'gyur ro/ /dge slong gis bzhams te bsgo ba na gzhi de gtong na de lta na legs/ gal te mi gtong na nyes byas su 'gyur ro/ /gsol ba dang bzhi'i las kyis bsgo na gzhi de gtong na de ltan legs/ gal te mi gtong na gsol ba byas pa na nyes byas su 'gyur ro/ /las brjod pa dang po brjod pa </font><hr>Ja315a<br><font size=+1>


@#/ /na/ ma rdzogs par gzhi de gtong na de lta na legs/ gal te mi gtong na rdzogs par brjod pa na nyes byas su 'gyur ro/ /las brjod pa gnyis pa brjod pa na/ ma rdzogs par gzhi de gtong na de lta na legs/ gal te mi gtong na rdzogs par brjod pa na nyes byas su 'gyur ro/ /las brjod pa gsum pa brjod pa na/ ma rdzogs par gzhi de gtong na de lta na legs/ gal te mi gtong na rdzogs par brjod pa na gal te mi mthun pa dang chos ma yin pas sgo bar byed na ltung ba med do/ /mi mthun pa dang chos kyis sgo bar byed na ltung ba med do/ / mthun pa dang chos ltar bcos pas sgo bar byed na ltung ba med do/ /mi mthun pa dang chos ma yin pa ltar bcos pas sgo bar byed na ltung ba med do/ /chos ji lta ba dang / 'dul ba ji lta ba dang / ston pa'i bstan pa ji lta ba de ltar sgo bar mi byed na ltung ba med do/ /chos ji lta ba dang / 'dul ba ji lta ba dang / ston pa'i bstan pa ji lta ba de ltar mthun pas sgo bar byed na rdzogs par brjod pa na ltung byed du 'gyur ro/ /dge slong des stan de la 'dug bzhin du 'di skad ces tshe dang ldan pa dag bdag la ltung byed kyi ltung ba byung ngo / /zhes brjod par bya ste gal te de skad brjod na de lta na legs/ gal te mi brjod na de phyin chad de la 'chab pa'i nyes pa 'byung bar 'gyur ro/ /de bas na dge slong gis ji tsam du gzhi des ma bshags shing so sor ma </font><hr>Ja315b<br><font size=+1>


bshags par gsol ba dang / gsol ba dang gnyis dang / gsol ba dang bzhi'i las nyams su myong bar byed na thams cad du nyes byas su 'gyur ro/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /lta ba'i rnam pa mi gtong ba'i ltung byed de lnga bcu lnga pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /'chi ltas de gnas nas 'byung ba'i las byas pa na ngu zhing nye dga'i gan du song ba dang / nye dgas smras pa/ 'chi ltas khyod ci'i phyir ngu / 'chi ltas kyis smras pa/ lhung bzed nag po can dag gis kho bo gnas nas dgung ba'i las byas so/ /nye dgas smras pa/ gang dag gis 'chi ltas gnas nas dbyung ba'i las byas pa de dag grong dang grong khyer dang ljongs dang khams gsum nas gnas phyung bar gyur cig /'on kyang gnas nas dbyung ba'i las byas pa rnams la grong ngam grong rdal dag med dam ci/ sdod la bzod pa gsol cig ces nye dga' 'chi ltas dang lhan cig gtam 'dre bar byed/ phebs par smra bar byed/ kun tu gnas par byed/ kun tu longs spyod par byed cing / de dang lhan cig gnas gcig tu nyal bar byed do/ /dge slong don nyung ngu dag ci'i phyir dge slong dag shes bzhin du de skad zer ba'i gang zag chos bzhin du ma </font><hr>Ja316a<br><font size=+1>


@#/ /byas pa sdig pa can gyi lta ba'i rnam pa de ma spangs pa dang gtam 'dre bar byed/ phebs par smra bar byed/ kun tu smras par byed/ kun tu longs spyod par byed cing / de dang lhan cig gnas gcig tu nyal bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to| |de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis nye dga' la rmas pa/ nye dga' khyod shes bzhin du de skad zer ba'i gang zag chos bzhin ma byas pa sdig pa can gyi lta ba'i rnam pa de ma spangs pa dang gtam 'dre bar byed/ phebs par smra bar byed/ kun tu gnas par byed/ kun tu longs spyod par byed cing / de dang lhan cig gnas gcig tu nyal ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su mthun pa ma yin pa rung ba ma yin pa tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs </font><hr>Ja316b<br><font size=+1>


du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang shes bzhin du de skad zer ba'i gang zag chos bzhin ma byas pa sdig pa can gyi lta ba'i rnam pa de ma spangs pa dang gtam 'dre bar byed/ phebs par smra bar byed/ kun tu gnas par byed/ kun tu longs spyod par byed cing / de dang lhan cig gnas gcig tu nyal na ltung byed do/ /yang dge slong gang zhes bya ba ni shAkya'i bu nye dga'am/ gzhan yang de lta bu gang yin pa'o/ /shes bzhin du zhes bya ba ni der rang nyid kyis rig par gyur pa'am gzhan dag gis brjod pa'o/ /de skad zer ba'i gang zag ces bya ba ni 'chi ltas so/ /chos bzhin ma byas pa zhes bya ba ni chos dang mthun par ma byas pa'o/ /sdig pa can gyi lta ba'i rnam pa de ma spangs pa zhes bya ba ni lta ba'i rnam pa gang yin pa de'o/ /gtam 'dre bar byed ces bya ba ni lung 'bog pa sbyin par byed pa'o/ /phebs par smra bar byed ces bya ba ni dmigs kyis 'dri ba sbyin par byed pa'o/ /kun tu gnas par byed ces bya ba ni gnas sbyin par byed pa'o/ /kun tu longs spyod par byed cing zhes bya ba ni de las bsnyen bkur bdag gir byed cing ngo / /de </font><hr>Ja317a<br><font size=+1>


@#/ /dag lhan cig gnas gcig tu nyal na zhes bya ba ni gnas bzhi po thams cad g.yogs shing thams cad bskor ba dang / thams cad g.yogs shing phal cher bskor ba dang / phal cher g.yogs shing thams cad bskor ba dang / phal cher g.yogs shing phal cher bskor ba dag tu nyal bas skya rengs 'char bar byed na'o/ /gnas thams cad g.yogs shing thams cad bskor ba ni gnas khang dang 'khor gyi khyams dang khang pa brtsegs pa dag go /thams cad g.yogs shing phal cher bskor ba ni sgo bcu pa dang sgo bcu gnyis pa dag go / phal cher g.yogs shing thams cad bskor ba ni khyams ngos bzhi pa dag go /phal cher g.yogs shing phal cher bskor ba ni khyams ngos gsum pa dang 'khor gyi khyams dag go /ltung byed do/ zhes bya ba ni sems can dmyal ba dang dud 'gro dang yi dwags ngan song dang ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib pa byed pa ste des na ltung byed do zhes gsungs so/ /de la ltung ba ji ltar 'gyur zhe na/ dge slong gis ji tsam cung zad shes bzhin du de skad zer ba'i gang zag chos bzhin ma byas pa sdig pa can gyi lta ba'i rnam pa de ma spangs pa dang gtam 'dre bar byed na ltung byed du 'gyur ro/ / </font><hr>Ja317b<br><font size=+1>


phebs par smra bar byed na ltung byed du 'gyur ro/ /kun tu gnas par byed na ltung byed du 'gyur ro/ /kun tu longs spyod par byed na ltung byed du 'gyur ro/ /de dang lhan cig gnas bzhi po dag tu nyal bas skya rengs 'char bar byed na ltung byed du 'gyur ro/ /na bar gyur pa dang sdig pa can gyi lta ba'i rnam pa de dang bral bar 'dod pa la ltung ba med do/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /spangs pa'i rjes su phyogs pa'i ltung byed de lnga bcu drug pa rdzogs so// //'dul ba rnam par 'byed pa/ bam po nga brgyad pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /nye dga' la dge tshul tsher ma dang chen po pa zhes bya ba gnyis shig yod de/ 'dod chags dang bral ba med pa na dge slong rnams de gnyis dang lhan cig gzhogs stegs byed/ phyar g.yeng byed/ mtho 'tshams par byed/ kun tu rtse bar byed| ca co 'don par byed/ rgod pa dang dregs pa dang lus sgyur byed do/ /phyis de dag gis bsdam par bya ba'i ltung ba gang dag yin pa de dag kyang bsdam par byas/ bshags par bya ba'i ltung ba gang dag yin pa de dag kyang bshags par byas te/ spro bar byed/ 'bad par byed/ rtsol bar byed pa de dag gis nyon mongs pa thams cad spangs pas dgra bcom pa nyid mngon </font><hr>Ja318a<br><font size=+1>


@#/ /sum du byas shing rdzu 'phrul yang mngon par bsgrubs so/ /dus gzhan zhig na dge tshul tsher ma dang chen po pa gnyis me tog dag thu zhing 'khod pa na nam mkha' las dge slong dag cig rdzu 'phrul gyis 'dong ba mthong nas de gnyis kyis smras pa/ khyed cag su dag yin/ de dag gis smras pa/ kho bo cag ming 'di zhes bya ba dag yin no/ /de gnyis kyis smras pa/ khyed cag gis kho bo cag gnyis dang lhan cig 'di dang 'di ltar byas so/ /de dag gis smras pa/ de lta yin mod kyang kho bo cag gis bsdam par bya ba'i ltung ba gang dag yin pa de dag kyang bsdam par byas/ bshags par bya ba'i ltung ba gang dag yin pa de dag kyang bshags par byas te/ spro bar byed/ 'bad par byed/ rtsol bar byed pa dag gis nyon mongs pa thams cad spangs pas dgra bcom pa nyid mngon sum du byas shing rdzu 'phrul yang mngon par bsgrubs so/ /de nas dge tshul tsher ma dang chen po pa gnyis la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag cag gis shes so zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das </font><hr>Ja318b<br><font size=+1>


kyis bka' stsal pa/ dge slong dag khyed kyis dge tshul tsher ma dang chen po pa dang gzhan yang de lta bu gang yin pa de dag la bzhams te bsgo bar bya'o/ /'di skad ces bsgo bar bya ste tsher ma dang chen po pa khyed gnyis ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag cag gis shes so zhes de skad ma zer cig /bcom ldan 'das la skur pa ma 'debs shig /bcom ldan 'das la skur pas legs par mi 'gyur ro/ /bcom ldan 'das ni de skad mi gsung ngo| |tsher ma dang chen po pa 'dod pa bar du gcod pa rnams ni bar du gcod pa nyid do zhes bcom ldan 'das kyis rnam grangs du mar gsungs te/ de dag bsten na bar du gcod par 'gyur gyi/ tsher ma dang chen po pa khyed gnyis sdig pa can gyi lta ba'i rnam pa 'di lta bu 'di thong zhig ces bsgo bar bya'o/ /dge slong rnams kyis btsun pa bka' bzhin 'tshal zhes dge tshul tsher ma dang chen po pa gnyis la tsher ma dang chen po pa khyed gnyis/ ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag cag gis shes so zhes de skad ma zer cig /bcom ldan 'das la skur pa ma 'debs shig /bcom ldan 'das la skur pas legs par mi 'gyur ro/ / </font><hr>Ja319a<br><font size=+1>


@#/ /bcom ldan 'das ni de skad mi gsung ngo / /tsher ma dang chen po pa 'dod pa bar du gcod pa rnams ni bar du gcod pa nyid do zhes bcom ldan 'das kyis rnam grangs du mar gsungs te de dag bsten na bar du gcod par 'gyur gyi/ tsher ma dang chen po pa khyed gnyis sdig pa can gyi lta ba'i rnam pa 'di lta bu 'di thong zhig ces bzhams te bsgo'o/ /dge slong rab tu mang po dag gis dge tshul tsher ma dang chen po pa la bzhams te bsgo na/ de gnyis la bzhams te bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi/ gzhan ni rdzun pa'o zhes rjes su tha snyad 'dogs par byed pa'i skabs de dge slong rnams kyis bcom ldan 'das la gsol ba dang / bcom ldan 'das kyis bka' stsal pa| dge slong dag khyed kyis dge tshul tsher ma dang chen po pa dang gzhan yang de lta bu gang yin pa la gsol ba dang bzhi'i las kyis bsgo bar bya'o/ /'di ltar bsgo bar bya ste gnas mal bshams pa byas nas gaN+DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa na dge tshul tsher ma dang chen po pa gnyis thos pa'i nye 'khor nas spangs te mthong ba'i nye 'khor du bzhag nas de'i 'og tu dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge </font><hr>Ja319b<br><font size=+1>


tshul tsher ma dang chen po pa 'di gnyis la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag cag gis shes so zhes mchi nas 'di gnyis la dge slong rab tu mang pos bzhams te bsgo na 'di gnyis la bzhams te bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi/ gzhan ni rdzun pa'o zhes rjes su tha snyad 'dogs na gal te dge 'dun gyis dus la bab cing bzod na dge 'dun gyis gnang bar mdzod cig dang / dge 'dun gyis dge tshul tsher ma dang chen po pa la tsher ma dang chen po pa khyed gnyis ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag cag gis shes so zhes de skad ces ma zer cig /bcom ldan 'das la skur pa ma 'debs shig /bcom ldan 'das la skur pas legs par mi 'gyur ro/ /bcom ldan 'das ni de skad mi gsung ngo / /tsher ma dang chen po pa 'dod pa bar du gcod pa rnams ni bar du gcod pa nyid do zhes bcom ldan 'das kyis rnam grangs du mar gsungs te/ de dag bsten na bar du </font><hr>Ja320a<br><font size=+1>


@#/ /gcod par 'gyur gyi/ tsher ma dang chen po pa khyed gnyis sdig pa can gyi lta ba'i rnam pa 'di lta bu 'di thong zhig ces gsol ba dang bzhi'i las kyis bsgo ba mdzad do| |'di ni gsol ba'o/ /de'i 'og tu dge slong gcig gis de gnyis la khyod gnyis la dge 'dun gyis gsol pa dang bzhi'i las mdzad par 'gyur ba las gsol ba mdzad lags kyis khyed gnyis sdig pa can gyi/ lta ba'i rnam pa 'di lta bu thong zhig ces bsgo bar bya'o/ /de skad bsgo ba na gzhi de gtong na de lta na legs/ gal te mi gtong na de'i 'og tu las bya'o/ /las ni 'di ltar bya ste/ dge 'dun btsun pa rnams gsan du gsol/ /dge tshul tsher ma dang chen po pa 'di gnyis la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag cag gis shes so zhes mchi nas 'di gnyis la dge slong rab tu mang pos bzhams te bsgo na/ 'di gnyis la bzhams te bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi/ gzhan ni rdzun pa'o zhes rjes su tha snyad 'dogs nas/ de'i slad du dge 'dun gyis dge tshul tsher ma dang chen po pa la </font><hr>Ja320b<br><font size=+1>


tsher ma dang chen po pa khyed gnyis ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag cag gis shes so zhes de skad ma zer cig /bcom ldan 'das la skur pa ma 'debs shig /bcom ldan 'das la skur pas legs par mi 'gyur ro/ /bcom ldan 'das ni de skad mi gsung ngo / /tsher ma dang chen po pa 'dod pa bar du gcod pa rnams ni bar du gcod pa nyid do zhes bcom ldan 'das kyis rnam grangs du mar gsungs te de dag bsten na bar du gcod par 'gyur gyi/ tsher ma dang chen po pa khyed gnyis sdig pa can gyi lta ba'i rnam pa 'di lta bu 'di thong zhig ces gsol ba dang bzhi'i las kyis bsgo ba mdzad na tshe dang ldan pa gang dag dge tshul tsher ma dang chen po pa la gsol ba dang bzhi'i las kyis bsgo ba mdzad par bzod pa de dag ni cang ma gsungs shig /gang dag mi bzod pa de dag ni gsungs shig /'di ni las brjod pa dang pa'o/ /de'i 'og tu dge slong gcig gis de gnyis la khyed gnyis la dge 'dun gyis gsol ba dang bzhi'i las mdzad par 'gyur ba las/ las brjod pa dang po yang mdzad lags kyi/ khyed gnyis sdig pa can gyi lta ba'i rnam pa 'di lta bu 'di thong zhig ces bsgo bar bya'o/ /de skad bsgo ba na gzhi de gtong na de lta na legs/ gal te mi gtong na de'i 'og tu las brjod pa gnyis pa bya'o/ /las brjod pa </font><hr>Ja321a<br><font size=+1>


@#/ /gnyis pa byas nas kyang de'i 'og tu dge slong gcig gis de gnyis la khyed gnyis la dge 'dun gyis gsol ba dang bzhi'i las mdzad par 'gyur ba las/ las brjod pa gnyis pa yang mdzad lags kyi/ khyed gnyis sdig pa can gyi lta ba'i rnam pa 'di lta bu 'di thong zhig ces bsgo bar bya'o/ /de skad bsgo ba na gzhi de gtong na de lta na legs/ gal te mi gtong na de'i 'og tu las brjod pa gsum pa bya'o/ /las brjod pa gsum pa byas nas kyang de'i 'og tu dge slong gcig gis de gnyis la khyed gnyis la dge 'dun gyis gsol ba dang bzhi'i las mdzad par 'gyur ba las/ las brjod pa gsum pa yang mdzad lags kyi/ khyed gnyis sdig pa can gyi lta ba'i rnam pa 'di lta bu 'di thong zhig ces bsgo bar bya'o/ /de skad bsgo na gzhi de gtong na de lta na legs/ gal te mi gtong na de'i 'og tu mjug bsdu bar bya ste/ dge 'dun gyis bzod cing gnang nas dge 'dun gyis dge tshul tsher ma dang chen po pa la gsol ba dang bzhi'i las kyis bsgo ba mdzad lags te/ 'di ltar cang mi gsung bas de de bzhin du 'dzin to zhes brjod par bya'o/ /dge slong rnams kyis btsun pa bka' bzhin 'tshal zhes bcom ldan 'das las mnyan nas/ dge tshul tsher ma dang chen po pa la gsol ba dang bzhi'i las kyis bsgo'o/ /dge slong rnams kyis dge tshul tsher ma dang chen po pa la gsol </font><hr>Ja321b<br><font size=+1>


pa dang bzhi'i las kyis bsgo na/ de gnyis la bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi/ gzhan ni rdzun pa'o zhes rjes su tha snyad 'dogs par byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge tshul tsher ma dang chen po pa sdig pa can gyi lta ba'i rnam pa mi gtong ba dang gzhan yang de lta bu gang yin pa la gsol pa dang bzhi'i las kyis bsnyil ba'i las bya'o/ /'di ltar bya ste gnas mal bshams pa byas nas gaN+DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa na/ dge tshul tsher ma dang / chen po pa gnyis thos pa'i nye 'khor nas spangs te mthong ba'i nye 'khor du bzhag nas de'i 'og tu dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge tshul tsher ma dang chen po pa 'di gnyis la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag cag gis shes so zhes mchi nas 'di gnyis la dge slong rab tu mang </font><hr>Ja322a<br><font size=+1>


@#/ /pos bzhams te bsgo na/ 'di gnyis la dge slong rab tu mang pos bzhams te bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi/ gzhan ni rdzun pa'o zhes rjes su tha snyad 'dogs nas/ 'di gnyis la dge 'dun gyis gsol ba dang bzhi'i las kyis bsgo na 'di gnyis la dge 'dun gyis gsol ba dang bzhi'i las kyis bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi/ gzhan ni rdzun pa'o zhes rjes su tha snyad 'dogs na gal te dge 'dun gyis dus la bab cing bzod na dge 'dun gyis gnang bar mdzod cig dang / dge 'dun gyis dge tshul tsher ma dang chen po pa sdig pa can gyi lta ba'i rnam pa mi gtong ba la deng phyin chad dge tshul khyed gnyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de la ston pa'o/ / zhes ma zer cig /changs \ TSANGS?\ pa mtshungs par spyod pa mkhas pa bla ma'i gnas lta bu gang yang rung ba'i phyi bzhin phyi bzhin du yang ma 'gro zhig /dge slong rnams dang dge tshul lhan cig nub gnyis tshun chad gnas gcig tu nyal du dbang ba gang yin pa de yang deng phyin chad khyed la med de/ mi gti mug can khyed gnyis bsnyil gyi gzhan du song zhig ces bsnyil ba'i 'phrin las </font><hr>Ja322b<br><font size=+1>


mdzad do/ /'di ni gsol ba'o/ /de'i 'og tu dge slong gcig gis de gnyis la dge 'dun gyi gsol ba dang bzhi'i las mdzad par 'gyur ba las gsol ba mdzad lags kyi/ khyed gnyis sdig pa can gyi lta ba'i rnam pa 'di lta bu 'di thong zhig ces bsgo bar bya'o/ /de skad bsgo ba na gzhi de gtong na de lta na legs/ gal te mi gtong na de'i 'og tu las bya'o/ /las ni 'di ltar bya ste/ dge 'dun btsun pa rnams gsan du gsol/ dge tshul tsher ma dang chen po pa 'di gnyis la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag cag gis shes so zhes mchi nas 'di gnyis la dge slong rab tu mang pos bzhams te bsgo na 'di gnyis la bzhams te bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas/ 'di nyid bden gyi gzhan ni/ rdzun pa'o zhes rjes su tha snyad 'dogs nas 'di gnyis la dge 'dun gyis gsol ba dang bzhi'i las kyis bsgo na 'di gnyis la dge 'dun gyis gsol ba dang bzhi'i las kyis bsgo yang sdig pa can gyis lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni rdzun pa'o zhes rjes su tha snyad 'dogs te/ de'i slad du dge 'dun </font><hr>Ja323a<br><font size=+1>


@#/ /gyis dge tshul tsher ma dang chen po pa sdig pa can gyi lta ba'i rnam pa mi gtong ba la tsher ma dang chen po pa khyed gnyis deng phyin chad bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de la ston pa'o zhes ma zer cig /tshangs pa mtshungs par spyod pa mkhas pa bla ma'i gnas lta bu gang yang rung ba'i phyi bzhin phyi bzhin du yang ma 'gro zhig /dge slong rnams dang dge tshul lhan cig nub gnyis tshun chad gnas gcig tu nyal du dbang ba gang yin pa de yang deng phyin chad khyed la med de/ mi gti mug can khyed gnyis bsnyil gyi/ gzhan du song zhig ces bsnyil ba'i 'phrin las mdzad na/ tshe dang ldan pa gang dag dge tshul tsher ma dang chen po pa sdig pa can gyi lta ba'i rnam pa mi gtong ba la bsnyil ba'i 'phrin las mdzad par bzod pa de dag ni cang ma gsungs shig /gang dag mi bzod pa de dag ni gsungs shig /'di ni las brjod pa dang po'o/ /de'i 'og tu dge slong gcig gis de gnyis la khyed gnyis la dge 'dun gyis gsol ba dang bzhi'i las mdzad par 'gyur ba las/ las brjod pa dang po yang mdzad lags kyi/ khyed gnyis sdig pa can gyi lta ba'i rnam pa 'di lta bu 'di thong zhig ces bsgo bar bya'o/ /de skad ces bsgo ba na gzhi de gtong na de lta na legs/ gal te mi gtong na de'i 'og tu las brjod pa gnyis pa bya'o/ /las brjod pa gnyis pa byas nas </font><hr>Ja323b<br><font size=+1>


kyang de'i 'og tu dge slong gcig gis de gnyis la khyed gnyis la dge 'dun gyis gsol ba dang bzhi'i las mdzad par 'gyur ba las/ las brjod pa gnyis pa yang mdzad lags kyi/ khyed gnyis sdig pa can gyi lta ba'i rnam pa 'di lta bu 'di thong zhig ces bsgo bar bya'o/ /de skad bsgo ba na gzhi de gtong na de lta na legs/ gal te mi gtong na de'i 'og tu las brjod pa gsum pa bya'o/ / las brjod pa gsum pa byas nas kyang de'i 'og tu dge slong gcig gis de gnyis la khyed gnyis la dge 'dun gyis gsol ba dang bzhi'i las mdzad par 'gyur ba las/ las brjod pa gsum pa yang mdzad lags kyi/ khyed gnyis sdig pa can gyi lta ba'i rnam pa 'di lta bu 'di thong zhig ces bsgo bar bya'o/ /de skad bsgo ba na gzhi de gtong na de lta na legs/ gal te mi gtong na de'i 'og tu mjug bsdu bar bya ste/ dge 'dun gyis bzod cing gnang nas dge 'dun gyis dge tshul tsher ma dang chen po pa la gsol ba dang bzhi'i las kyis bsnyil ba'i 'phrin las mdzad lags te/ 'di ltar cang mi gsung bas de de bzhin du 'dzin to zhes brjod par bya'o/ /dge slong rnams kyis btsun pa bka' bzhin 'tshal zhes bcom ldan 'das las mnyan nas/ dge tshul tsher ma dang chen po pa la gsol ba dang bzhi'i las kyis bsnyil ba'i las byas so/ /de gnyis bsnyil ba'i las byas pa na ngu zhing nye dga'i gan du dong ba dang nye dgas smras pa/ tsher ma dang chen po pa khyed gnyis </font><hr>Ja324a<br><font size=+1>


@#/ /ci'i phyir ngu / de gnyis kyis smras pa/ lhung bzed nag po can dag gis bdag cag gnyis bsnyil ba'i las byas so/ /nye dgas smras pa/ gang dag gis khyed gnyis bsnyil ba'i las byas pa de dag grong dang grong khyer dang ljongs dang khams gsum nas bsnyil bar gyur cig /'on kyang bsnyil ba'i las byas pa dag la grong dang grong khyer dag med dam ci/ sdod la bzod pa gsol cig ces de gnyis nye bar 'jog par byed/ nye bar gtod par byed cing / de gnyis dang lhan cig gnas gcig tu nyal bar byed do/ /dge slong don nyung ngu dag ci'i phyir dge slong dag shes bzhin du de ltar bsnyil ba'i dge tshul dag nye bar 'jog par byed/ nye bar gtod par byed cing de dag dang lhan cig gnas gcig tu nyal bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do/ / zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis nye dga' la smras pa/ nye dga' khyed shes bzhin du de ltar bsnyil ba'i dge tshul dag nye bar 'jog par byed/ nye bar ston par byed cing de dag dang lhan cig gnas gcig tu nyal ba bden nam/ </font><hr>Ja324b<br><font size=+1>


btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su mthun pa ma yin pa/ rung ba ma yin pa tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge tshul zhig kyang 'di skad ces ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes zer na dge tshul de la dge slong rnams kyis 'di skad ces dge tshul khyod ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes de skad ces ma zer cig /bcom ldan 'das la skur pa ma 'debs shig /bcom ldan 'das la skur bas legs par mi 'gyur ro/ /bcom ldan 'das ni de skad mi gsung ngo / /tshe dang ldan pa dge tshul 'dod pa bar du gcod pa </font><hr>Ja325a<br><font size=+1>


@#/ /rnams ni bar du gcod pa nyid do zhes bcom ldan 'das kyis rnam grangs du mar gsungs te de dag bsten na bar du gcod par 'gyur gyi/ dge tshul khyod sdig pa can gyi lta ba'i rnam pa 'di lta bu 'di thong zhig ces bsgo bar bya'o/ /dge tshul de la dge slong rnams kyis de skad bsgo ba na gal te gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo/ yang dag par bstan pa na gzhi de gtong na de lta na legs/ gal te mi gtong na dge tshul de la dge slong rnams kyis deng phyin chad dge tshul khyed bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de la ston pa'o zhes ma zer cig /tshangs pa mtshungs par spyod pa mkhas pa bla ma'i gnas lta bu gang yang rung ba'i phyi bzhin phyi bzhin du yang ma 'gro zhig/ dge slong rnams dang dge tshul lhan cig nub gnyis tshun chad gnas gcig tu nyal du dbang ba gang yin pa de yang deng phyin chad khyed la med de/ mi gti mug can khyod bsnyil gyi/ gzhan du song zhig ces bsgo bar bya'o/ /yang dge slong gang shes bzhin du de ltar bsnyil ba'i dge tshul nye bar 'jog par byed dam/ nye bar gtod par byed dam/ de dang lhan cig gnas gcig tu nyal </font><hr>Ja325b<br><font size=+1>


na ltung byed do/ /dge tshul zhig kyang zhes bya ba na tsher ma dang chen po pa'am/ gzhan yang de lta bu gang yin pa'o/ /'di skad ces zhes bya ba ni 'di skad ces zer na'o/ /ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa zhes bya ba la 'dod pa dag ces bya ba ni/ 'dod pa'i yon tan lnga po dag go /de dag bsten kyang zhes bya ba ni de dag lhag par spyad kyang ngo / /bar du gcod par mi 'gyur te zhes bya ba ni dge sbyong gi tshul gyi bar du gcod par mi 'gyur te zhes zer ba'o/ /de ltar bcom ldan 'das kyis zhes bya ba ni de bzhin gshegs pa dgra bcom pa yang dag par rdzogs pa'i sangs rgyas kyi'o/ /chos zhes bya ba ni sangs rgyas kyis gsungs pa'am/ nyan thos kyis bshad pa'o/ /bstan pa zhes bya ba ni rab tu bstan pa'o/ /bdag gis shes so zhes zer na zhes bya ba ni bdag gis kun shes so zhes zer na'o/ /dge tshul de la zhes bya ba ni tsher ma dang chan po pa la'o/ /dge slong rnams kyis zhes bya ba ni chos 'di pa rnams kyis so/ /'di skad ces zhes bya ba ni/ bzhams te bsgo ba ji ltar sngar bstan pa ltar bsgo bar bya'o/ /dge tshul de la dge slong rnams kyis de skad bsgo ba na zhes bya ba ni bzhams te bsgo ba na'o/ /gal te gzhi de gtong na zhes bya ba ni lta ba'i rnam pa de yongs su gtong na'o/ /de lta na legs zhes bya ba ni de lta na bzang ba'o/ /gal te mi gtong na zhes bya ba ni yongs su mi gtong na'o/ /lan gnyis lan gsum </font><hr>Ja326a<br><font size=+1>


@#/ /du yang dag par bsgo bar bya/ yang dag par bstan par bya'o/ /zhes bya ba ni gsol ba dang bzhi'i las kyis bsgo ba ji skad sngar bstan pa ltar bsgo bar bya ste yang dag par bsgo ba de ni de yin/ yang dag par bstan pa de ni de yin/ dge tshul de la zhes bya ba ni tsher ma dang chen po pa la'o/ /dge slong rnams kyis zhes bya ba ni chos 'di pa rnams kyis so/ /deng phyin chad dge tshul khyod bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de la ston pa'o zhes ma zer cig /tshangs pa mtshungs par spyod pa mkhas pa bla ma'i gnas lta bu gang yang rung ba'i phyi bzhin phyi bzhin du yang ma 'gro zhig /dge slong rnams dang dge tshul lhan cig nub gnyis tshun chad gnas gcig tu nyal du dbang ba gang yin pa de yang deng phyin chad khyod la med de/ mi gti mug can khyod bsnyil gyi/ gzhan du song zhig bsgo bar bya'o zhes bya ba ni gsol ba dang bzhi'i las kyis bsnyil bar bya ba ji skad sngar bstan pa ltar bsgo bar bya'o/ / yang dge slong gang zhes bya ba ni shAkya'i bu nye dga' ma/ gzhan yang de lta bu gang yin pa'o/ /shes bzhin du zhes bya ba ni de rang nyid kyis rig par gyur pa'am/ gzhan dag gis brjod pas so/ / de ltar bsnyil ba'i dge tshul zhes bya ba ni tsher ma dang chen po pa ji lta bar ro/ /nye bar 'jog par byed ces bya ba ni gnas sbyin par byed pa'o/ /nye bar gtod par byed ces bya ba ni lhung bzed dang </font><hr>Ja326b<br><font size=+1>


chos gos dang dra ba dang phor bu dang ska rags dang / lung dbog pa dang klog pa dang kha ton dang dmigs kyis dri ba sbyin pas so/ /de dang lhan cig gnas gcig tu nyal na zhes bya ba ni gnas bzhi po thams cad g.yogs shing thams cad bskor ba dang / thams cad g.yogs shing phal cher bskor ba dang / phal cher g.yogs shing thams cad bskor ba dang / phal cher g.yogs shing phal cher bskor ba dag tu nyal bas skya rengs 'char bar byed na'o/ /gnas thams cad g.yogs shing thams cad bskor ba ni gnas khang dang 'khor gyi khyams dang khang ba brtsegs pa dag go /thams cad g.yogs shing phal cher bskor ba ni sgo bcu pa dang sgo bcu gnyis pa dag go/ phal cher g.yogs shing thams cad bskor ba ni khyams ngos bzhi pa dag go /phal cher g.yogs shing phal cher bskor ba ni khyams ngos gsum pa dang 'khor gyi khyams dag go /ltung byed do zhes bya ba ni sems can dmyal ba dang dud 'gro dang yi dwags ngan song dang ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste des na ltung byed do zhes gsungs so/ /de la ltung ba ji ltar 'gyur zhe na dge slong gis ji tsam cung zad shes bzhin du de ltar bsnyil ba'i dge tshul nye bar 'jog par byed na ltung byed du 'gyur ro/ /nye bar gtod par byed </font><hr>Ja327a<br><font size=+1>


@#/ /na ltung byed du 'gyur ro/ /de dang lhan cig gnas gcig tu nyal na ltung byed du 'gyur ro/ /na ba dang sdig pa can gyi lta ba'i rnam pa de dang bral bar 'dod pa la ltung ba med do/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /bsnyil ba sdud pa'i ltung byed de lnga bcu bdun pa rdzogs so// // sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /rgyal po'i khab na klu'i rgyal po ri bo dang yid 'ong zhes bya ba gnyis shig gnas pa de gnyis kyi mthus rgyal po'i khab kyi chu dron lnga brgya dang 'bab chu dag dang mtsho dag dang / lteng ga dag tu lhas dus dang dus su chu'i rgyun legs par 'bebs shing lo thog kyang shin tu phun sum tshogs par gyur to/ /gang gi tshe bcom ldan 'das kyis klu'i rgyal po dga' bo dang nye dga' gnyis btul ba de'i tshe na de gnyis tshes brgyad dang / tshes bcu bzhi dang / tshes bco lnga la ri rab kyi bang rim du 'ongs te bcom ldan 'das la bsnyen bkur byed de/ de na klu'i rgyal po ri bo dang yid 'ong gnyis 'di snyam du sems te klu'i rgyal po dga' bo dang nye dga' gnyis tshes brgyad dang tshes bcu bzhi dang tshes bco lnga la ri rab kyi bang rim du 'ongs te/ bcom ldan 'das la bsnyen bkur byed na/ bdag cag gnyis 'di na 'khod pas bcom ldan </font><hr>Ja327b<br><font size=+1>


'das la bsnyen bkur ma byas kyi/ bcom ldan 'das la bsnyen bkur byed du 'dong ngo snyam mo/ /de nas klu'i rgyal po ri bo dang yid 'ong gnyis bcom ldan 'das ga la ba der dong ste phyin nas bcom ldan 'das kyis zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas bcom ldan 'das kyis klu'i rgyal po ri bo dang yid 'ong gnyis skyabs su 'gro ba dang / bslab pa'i gzhi dag la bkod do/ /gang gi tshe bcom ldan 'das kyis de gnyis skyabs su 'gro ba dang bslab pa'i gzhi dag la bkod pa de'i tshe na/ de gnyis lus dang longs spyod dag gis shin tu mngon par mtho bar gyur to/ /gang gis tshe de gnyis lus dang longs spyod dag gis shin tu mngon par mtho bar gyur pa de'i tshe na de gnyis kyis bsams pa/ rgya mtsho chen por 'jug tu 'dong ngo snyam nas de gnyis bcom ldan 'das ga la ba der dong ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas bcom ldan 'das la klu'i rgyal po ri bo dang yid 'ong gnyis kyis 'di skad ces gsol to/ /btsun pa bcom ldan 'das gang gi tshe bdag cag gnyis skyabs su 'gro ba dang / bslab pa'i gzhi dag la bkod pa de'i tshe na bdag cag gnyis lus dang longs spyod dag gis shin tu mngon par mtho bar gyur pas gal te bcom ldan 'das kyis gnang na bdag </font><hr>Ja328a<br><font size=+1>


@#/ /cag gnyis rgya mtsho chen por 'jug tu mchi'o/ /bcom ldan 'das kyis bka' stsal pa/ klu'i dbang po gnyis khyed gnyis ma ga d+har byung ba'i rgyal po bzo sbyangs gzugs can snying po'i yul na gnas pa dag yin pas ma ga d+har byung ba'i rgyal po bzo sbyangs gzugs can snying po la zhus shig /de gnyis kyis bsams pa/ don gyis na bcom ldan 'das kyis bdag cag gnyis rgya mtsho chen por 'jug tu 'gro bar ma gnang ngo snyam mo/ /de gnyis gang gi tshe mtshan mo bcom ldan 'das la bsnyen bkur byed pa de'i tshe na ni gzhal med khang pa'i cha lugs kyis bsnyen bkur byed cing gang gi tshe nyin mo bcom ldan 'das la bsnyen bkur byed pa de'i tshe na ni khyim bdag gi cha lugs kyis bsnyen bkur byed do/ /de nas ma ga d+har byung ba'i rgyal po bzo sbyangs gzugs can snying po 'od ma'i tshal ka lan da ka'i gnas ga la ba der song ngo / /rgyal rigs ni mngon pa'i nga rgyal can yin pas rgyal po des lam kar bsdad de mi dag pa'i mtha' can zhig la smras pa/ kwa'e nang rje song la bcom ldan 'das la su dag bsnyen bkur byed pa ltos shig /mi dag pa'i mtha' can des lha bka' bzhin 'tshal zhes ma ga d+har byung ba'i rgyal po bzo sbyangs gzugs can snying po las mnyan nas/ bcom ldan 'das ga la ba der song ba dang / ji tsam na khyim bdag gnyis shig bcom ldan 'das la bsnyen bkur byed pa </font><hr>Ja328b<br><font size=+1>


mthong ngo / /mthong nas kyang ma ga d+har byung ba'i rgyal po bzo sbyangs gzugs can snying po ga la ba der song ste phyin nas ma ga d+har byung ba'i rgyal po gzo sbyangs gzugs can snying po la 'di skad ces smras so/ /lha khyim bdag gnyis shig bcom ldan 'das la bsnyen bkur bgyid de/ de gnyis lha'i yul na gnas pa dag lags gor ma bkum mo/ /rgyal pos bsams pa/ khyim bdag de gnyis bdag gi yul na gnas pa yin pas de gnyis kyis bdag mthong na mngon du ldang bar 'gyur grang snyam nas de bcom ldan 'das ga la ba der song ngo / /klu'i rgyal po ri bo dang yid 'ong gnyis kyis ma ga d+har byung ba'i rgyal po bzo sbyangs gzugs can snying po thag ring po kho na nas mthong ngo / /mthong nas kyang de gnyis kyis bcom ldan 'das la 'di skad ces gsol to/ /btsun pa ci lags/ re zhig dam pa'i chos la bsnyen bkur bgyi'am/ 'on te rgyal po la bsnyen bkur bgyi/ klu'i dbang po gnyis re zhig dam pa'i chos la bsnyen bkur gyis shig /sangs rgyas bcom ldan 'das rnams ni dam pa'i chos la gus par mdzad de dgra bcom pa dag kyang chos bla mar byed do/ /de nas bcom ldan 'das kyis byung ba 'di la tshigs su bcad pa dag bka' stsal pa/ sangs rgyas gang dag 'das pa dang / / sangs rgyas gang dag ma byon dang / /sangs rgyas mya ngan sel mdzad pa/ /da ltar mang po gang bzhugs dag /thams cad dam pa'i chos la ni/ /gus par gnas gyur gnas 'gyur zhing / / </font><hr>Ja329a<br><font size=+1>


@#/ /de bzhin gus par gnas mdzad de/ /de ni sangs rgyas chos nyid yin/ /de phyir bdag la legs 'dod cing / /bdag nyid chen po mngon 'dod pas/ /sangs rgyas bstan pa dran byed na/ /'di la dam chos gus par bya/ /de gnyis kyis ma ga d+har byung ba'i rgyal po bzo sbyangs gzugs can snying po la mngon du ldang ba ma byas pa dang / rgyal po khros te bsams pa/ khyim bdag 'di gnyis bdag gi yul na gnas pa dag yin na bdag la mngon du ldang bar mi byed do snyam nas/ de nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das la ma ga d+har byung ba'i rgyal po bzo sbyangs gzugs can snying pos 'di skad ces gsol to| |bcom ldan 'das chos bstan du gsol/ de nas bcom ldan 'das kyis byung ba 'di la tshigs su bcad pa dag bka' stsal pa/ rab tu dang sems med pa dang / /zhe sdang can dang 'khrugs pa yis/ /yang dag rdzogs sangs bstan pa yi/ /dam chos kun shes bya mi nus/ /gang gis nyes rtsom btul byas shing / /rab dang med pa'i sems gsal te/ /kun nas mnar sems 'dir spong ba/ /des ni legs gsungs shes par gyur/ /rgyal pos bsams pa/ khyim bdag 'di gnyis la brten nas bcom ldan 'das kyis chos mnyan pa yang rgyun </font><hr>Ja329b<br><font size=+1>


gsum mo snyam mo/ /de nas ma ga d+har byung ba'i rgyal po bzo sbyangs gzugs can snying pos bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas song nas des 'od ma'i tshal nas phyir 'byung ba na zho shas 'tsho ba rnams la bsgo ba/ gang gi tshe khyim bdag 'di gnyis bcom ldan 'das kyi spyan snga nas phyir byung bar gyur pa de'i tshe na 'di skad ces rgyal po'i zhal nas khyed gnyis nga'i yul na ma 'dug cig ces byung ngo zhes gyis shig ces smras te rgyal po song ngo / /zho shas 'tsho ba dag gis lha bka' bzhin 'tshal zhes rgyal po las mnyan nas de nyid du bsdad pa dang klu'i rgyal po ri bo dang yid 'ong gnyis bcom ldan 'das kyi zhabs la phyag 'tshal te/ bcom ldan 'das kyi spyan snga nas phyir byung nas de gnyis 'od ma'i tshal nas phyir 'byung ba na rgyal po zho shas 'tsho ba dag gis smras pa/ khyim bdag gnyis rgyal po'i zhal nas khyed gnyis nga'i yul na ma 'dug cig ces byung ngo / /de skad ces smras pa dang / klu'i rgyal po ri bo dang yid 'ong gnyis kyis bsams pa/ bdag cag gnyis kyis yun ring po nas smon pa gang yin pa de tshegs chung ngus grub bo snyam du rig nas/ de nyid du chu'i 'od pa chen po kun tu rab tu bskyed nas ngam grog chung ngu dag tu zhugs so/ /ngam grog chung ngu dag nas ngam grog chen po dag tu zhugs so/ /ngam grog chen po dag nas chu klung chung du dag tu zhugs so/ /chu klung </font><hr>Ja330a<br><font size=+1>


@#/ /chung ngu dag nas chu klung chen po dag tu zhugs so/ /chu klung chen po dag nas rgya mtsho chen por zhugs te gang gi tshe de gnyis rgya mtsho chen por zhugs pa de'i tshe na lus dang longs spyod dag gis ches shin tu mngon par mtho bar gyur to/ /gang gi tshe de gnyis rgya mtsho chen por zhugs pa de'i tshe na rgyal po'i khab kyi chu dron lnga brgya po dag kyang bskam par brtsams/ 'bab chu dag dang mtsho dag dang lteng ka dag tu yang lhas dus dang dus su chu'i rgyun legs par 'bebs par mi byed/ lo thog dag kyang shin tu rgud par gyur nas rgyal pos bsams pa/ rgyal po'i khab 'di na klu'i rgyal po ri bo dang yid 'ong zhes bya ba gnyis shig gnas pa de gnyis kyi mthus rgyal po'i khab na chu dron lnga brgya dang 'bab chu dag dang / mtsho dang lteng ka dag tu lhas dus dang dus su chu'i rgyun legs par 'bebs shing / lo thog dag kyang shin tu phun sum tshogs par gyur na/ da ltar rgyal po'i khab kyi chu dron lnga brgya po dag kyang bskam par brtsams/ 'bab chu dag dang mtsho dag dang lteng ka dag tu yang ltas dus dang dus su chu'i rgyun legs par mi 'bebs/ lo thog dag kyang shin tu rgud par gyur pa las na klu'i rgyal po ri bo dang yid 'ong gnyis nyams pa'am/ shi ba'am/ bros pa'am/ sprul khas sdig pas bzung ba'am gcig tu ma gyur tam/ 'di ltar sangs rgyas bcom </font><hr>Ja330b<br><font size=+1>


ldan 'das 'di thams cad mkhyen pa thams cad gzigs pa mkhyen pa dang shes bya la bla na med pa'i mnga' brnyes pa yin gyi/ sangs rgyas bcom ldan 'das la zhur 'gro'o snyam mo/ /de nas ma ga d+har byung ba'i rgyal po bzo sbyangs gzugs can snying po bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das la ma ga d+har byung ba'i rgyal po bzo sbyangs gzugs can snying pos 'di skad ces gsol to/ /btsun pa rgyal po'i khab 'di na klu'i rgyal po ri bo dang yid 'ong zhes bgyi ba gnyis shig gnas pa de gnyis kyi mthus rgyal po'i khab kyi chab dron lnga brgya dang 'bab chu dag dang mtsho dag dang lteng ka dag tu lhas dus dang dus su char kyi rgyun legs par 'bebs shing lo thog kyang shin tu phun sum tshogs par gyur na da ltar rgyal po'i khab kyi chab dron lnga brgya po dag kyang bskam par brtsams/ 'bab chu dag dang mtsho dag dang lteng ka dag tu yang lhas dus dang dus su chab kyi rgyun legs par mi 'bebs/ lo thog dag kyang shin tu rgud par gyur pa las na klu'i rgyal po ri bo dang / yid 'ong gnyis nyams pa'am/ gum pa'am/ bros pa'am/ sbrul khas sdigs pas bzung ba'am gcig tu ma gyur tam/ rgyal po chen po klu'i rgyal po ri bo dang yid 'ong gnyis ni nyams par </font><hr>Ja331a<br><font size=+1>


@#/ /yang ma gyur/ shi bar yang ma gyur/ bros par yang ma gyur/ sbrul khas sdigs pas bzung bar yang ma gyur te 'di ltar khyod nyid kyis bskrad do/ /btsun pa/ bdag gis klu'i rgyal po ri bo dang yid 'ong gnyis mthong bar yang mi dran na bskrad par lta ga la 'gyur/ rgyal po chen po ngas khyod la dran par bya'o/ /btsun pa bcom ldan 'das kyis dran par mdzad du gsol/ rgyal po chen po de'i tshe khyod kyis khyim bdag de gnyis la ji skad smras/ btsun pa bdag gis zho shas 'tsho ba dag la gang gi tshe khyim bdag 'di gnyis bcom ldan 'das kyi spyan snga nas phyir byung bar gyur pa de'i tshe na 'di skad ces rgyal po'i zhal nas khyed gnyis nga'i yul na ma 'dug cig ces byung ngo zhes gyis shig ces mchid stsal to/ /bcom ldan 'das kyis bka' stsal pa/ rgyal po chen po khyim bdag de gnyis ni klu'i rgyal po ri bo dang yid 'ong gnyis yin no/ /rgyal pos gsol pa/ btsun pa de'i tshe de gnyis ni gang du mchis/ rgya mtsho chen por zhugs so/ /rgyal pos gsol ba/ btsun pa de lta na bdag gi yul ma rung du bas so/ /bcom ldan 'das kyis bka' stsal pa/ rgyal po chen po khyed kyi yul ma rung bar mi 'gyur te 'di ltar khyod kyis de gnyis la bzod pa gsol bar bya/ btsun pa de gnyis ni rgya mtsho chen por zhugs la/ bdag ni 'di na mchis na bdag gis ji ltar de </font><hr>Ja331b<br><font size=+1>


gnyis la bzod pa gsol bar bgyi/ bcom ldan 'das kyis bka' stsal pa/ rgyal po chen po de gnyis tshes brgyad dang tshes bcu bzhi dang tshes bco lnga la nga'i rkang pa la phyag 'tshal du 'dir 'ong gi /khyod kyang tshes brgyad dang tshes bcu bzhi dang tshes bco lnga la 'dir shog cig dang / ngas khyod la de gnyis bstan par byas khyod kyis bzod pa gsol cig /btsun pa ci lags/ bdag gis de gnyis kyi rkang pa gnyis la gtugs par bgyi'am/ rgyal po chen po rkang pa gnyis la gtugs par mi bya ste/ 'di ltar mi ma rabs dag gis rkang pa la phyag 'tshal ba gang yin pa de ni mi gtso bo dag gis lag pa nas bzung ba yin gyi/ khyod kyi lag pa g.yas pa rkyong la klu'i dbang po gnyis la bzod pa mdzod cig ces bzod pa gsol cig /de nas dus gzhan zhig na klu'i rgyal po ri bo dang yid 'ong gnyis bcom ldan 'das ga la ba der dong ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /de'i tshe ma ga d+har byung ba'i rgyal po bzo sbyangs gzugs can snying po yang bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug pa dang / bcom ldan 'das kyis brda mdzad do/ /de nas ma ga d+har byung ba'i rgyal po bzo sbyangs gzugs can snying pos lag pa g.yas pa brkyang ste smras pa/ klu'i dbang po </font><hr>Ja332a<br><font size=+1>


@#/ /gnyis bzod pa mdzod cig /de gnyis kyis smras pa/ rgyal po chen po bzod par bgyi'o/ /klu'i dbang po gnyis gal te bzod na bdag gi yul du tshur spyon cig de gnyis kyis smras pa/ rgyal po chen po gang gi tshe bdag cag gnyis rgya mtsho chen por zhugs pa de'i tshe na lus dang longs spyod dag gis ches shin tu mngon par mtho bar gyur pas da gal te bdag gnyis 'dir mchis par gyur na 'dir bdag cag gnyis kyi go skabs nyid kyang ma mchis par 'gyur ro/ /rgyal pos smras pa/ klu'i dbang po gnyis de lta na bdag gi yul ma rung du bas so/ /de gnyis kyis smras pa/ rgyal po chen po khyod kyi yul ma rung bar mi 'gyur te/ 'di ltar khyod kyi lha khang gnyis rtsig tu stsol la gcig ni ri bo'i slad du/ cig shos ni yid 'ong gi slad du stsol cig dang der bdag cag gnyis kyi zho shas 'tsho ba gzhag par bgyi'o/ /zla ba drug drug na dus ston bgyid du stsol cig dang / der bdag cag gnyis kyang rang nyid mchis nas g.yar sngar brim par bgyi'o/ /de nas ma ga d+har byung ba'i rgyal po bzo sbyangs gzugs can snying pos lha khang gnyis brtsig tu bcug ste/ gcig ni ri bo'i phyir/ cig shos ni yid 'ong gi phyir brtsig tu bcug nas zla ba drug drug na dus ston byed du bcug go /gang gi tshe der dus ston byung ba de'i tshe na grong khyer chen po drug po dag nas skye bo phal po </font><hr>Ja332b<br><font size=+1>


che'i tshogs dag lhags te 'dug cing mthun par gyur to/ /de nas dus gzhan zhig na rgyal po'i khab tu klu'i rgyal po ri bo dang yid 'ong gnyis kyi dus ston la bab pa dang lho lam nas gar mkhan zhig kyang rgyal po'i khab tu 'ongs nas des bsams pa/ gang gis skye bo phal po che'i tshogs kyang mngon par dga' bar 'gyur zhing rnyed pa mang po yang 'grub par 'gyur ba'i thabs ci yod snyam nas/ des kyang bsams pa/ gal te skyes bu gtso bo'i bsngags pa brjod na de ltar skye bo phal po che'i tshogs kyang mngon par dga' bar 'gyur zhing rnyed pa mang po yang 'grub par 'gyur ro snyam mo/ /de'i tshe na skye bo phal po che'i tshogs phal cher bcom ldan 'das la mngon par dad par gyur nas/ gar mkhan des bsams pa/ re zhig lha dang bcas pa'i 'jig rten 'di ni bcom ldan 'das la mngon par dad pa yin pas sangs rgyas bcom ldan 'das kyi bsngags pa brjod na/ skye bo phal po che'i tshogs kyang mngon par dga' bar 'gyur zhing rnyed pa mang po yang 'grub par 'gyur bas bdag gis sangs rgyas bcom ldan 'das kyis bsngags pa brjod par bya'o snyam nas de dga' bo'i gan du song ste smras pa/ 'phags pa gang gi tshe bcom ldan 'das byang chub sems dpa' dga' ldan gyi gnas na bzhugs pas gzigs pa lnga po rigs dang rus dang yul dang dus dang bud med la gzigs pa dag gis </font><hr>Ja333a<br><font size=+1>


@#/ /'jig rten la gzigs nas 'dod pa na spyod pa'i lha drug po dag lan gsum yongs su sbyang ba bgyid du stsal te/ glang po cher snang bar bsgyur nas shes bzhin du yum gyi lhums su zhugs pa de'i tshe na/ sa chen po shin tu g.yos par gyur cing 'jig rten gyi bar gang na nyi ma dang zla ba 'di ltar rdzu 'phrul che ba 'di ltar mthu che ba 'di gnyis kyi 'od dag nyams su mi myong ba'i mun pa mun nag mun par byed pas gnag par gyur pa gang dag lags pa de dag kyang de'i tshe na snang ba rgya chen pos khyab par gyur nas/ sems can gang dag der skyes pa dag gis rang gis rang gi lag pa brkyang pa yang mi mthong ba de dag gis kyang 'od des sems can gcig gis gcig mthong nas shes ldan dag /sems can gzhan yang 'dir skyes so/ /shes ldan dag sems can gzhan yang 'dir skyes so zhes 'tshal bar gyur pa dang / gang gi tshe bcom ldan 'das byang chub sems dpa' zla ba bcu 'das nas yum gyi lhums nas bltams pa de'i tshe yang sa chen po shin tu g.yos par gyur cing 'jig rten gyi bar gang na nyi ma dang zla ba 'di ltar rdzu 'phrul che ba 'di ltar mthu che ba 'di gnyis kyi 'od dag nyams su mi myong ba'i mun pa mun nag mun par byed pas gnag par gyur pa gang dag yin pa de dag kyang de'i tshe snang ba chen pos khyab par gyur nas sems can </font><hr>Ja333b<br><font size=+1>


gang dag der skyes pa dag gis rang gi lag pa brkyang pa yang mi mthong ba de dag gis kyang 'od des sems can gcig gis gcig mthong nas/ shes ldan dag sems can gzhan yang 'dir skyes so/ /shes ldan dag sems can gzhan yang 'dir skyes so zhes 'tshal bar gyur pa dang / gang gi gdugs la bcom ldan 'das byang chub sems dpa' bltams par gyur pa de'i gdugs la rgyal po chen po bzhi dag gi bu yang btsas par gyur te/ mnyan yod na rgyal po chen po rtsibs kyi 'phur tshangs sbyin gyi bu btsas nas de 'di snyam du sems te/ bdag gi bu btsas pa na 'jig rten gsal ba gsal ba ltar snang bas gzhon nu 'di'i ming gsal rgyal du gdags so snyam nas bu de'i ming gsal rgyal zhes bgyi bar btags pa dang / rgyal po'i khab na rgyal po pad ma chen po'i bu btsas nas de 'di snyam du sems te/ bdag gi bu btsas pa na 'jig rten nyi ma'i gzugs shar ba ltar snang zhing 'di btsun mo gzugs can gyi bu yin pas gzhon nu 'di'i ming gzugs can snying por gdags so snyam nas bu de'i ming gzugs can snying po zhes bgyi bar btags pa dang / ko'u sham+b+hi na rgyal po chen po dmag brgya ba'i bu btsas nas de 'di snyam du sems te/ bdag gi bu btsas pa na 'jig rten nyi ma shar ba ltar snang bar gyur pas gzhon nu 'di'i ming shar par gdags snyam nas bu de'i ming shar pa zhes </font><hr>Ja334a<br><font size=+1>


@#/ /bgyi bar btags pa dang / 'phags rgyal na rgyal po chen po mu khyud mtha' yas kyi bu btsas nas de 'di snyam du sems te/ bdag gi bu btsas pa na 'jig rten rab tu snang bas snang bar gyur bas bu 'di'i ming rab snang zhes bya bar gdags so snyam nas de'i ming rab snang zhes bgyi bar btags pa dang / gang gi tshe gdugs la bcom ldan 'das byang chub sems dpa' bltams pa de nyid kyi gdugs la shAkya gzhon nu bzang ldan la sogs pa lnga brgya dang / bsnyen bkur ba 'dun byed la sogs pa lnga brgya yang btsas/ rta rgod ma lnga brgya las kyang rte'u bsngags ldan la sogs pa lnga brgya 'brangs/ lha rnams kyis kyang gter lnga brgya nye bar bstan pa dang / bcom ldan 'das byang chub sems dpa' de bram ze ltas pa dang mtshan mkhan dag gis lung bstan pa gal te gzhon nu pho brang gi nang na bzhugs par gyur na 'khor los sgyur ba'i rgyal po mtha' bzhir rgyal ba chos kyi rgyal po chos dang ldan pa rin po che sna bdun dang ldan par 'gyur te de'i rin po che sna bdun po de dag ni 'di lta bur 'gyur te/ 'di lta ste 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / dmag dpon rin po che nyid ni bdun pa yin no/ /'di la bu dpa' ba rtul phod </font><hr>Ja334b<br><font size=+1>


pa/ yan lag mchog gi gzugs dang ldan pa/ pha rol gyi sde rab tu 'joms pa stong tshang ba yod par 'gyur ro/ /de rgya mtsho la thug pa'i sa chen po ma lus pa gnod par sdo ba med cing 'tshe ba med pa 'di nyid chad pa med cing mtshon gyis bda' ba med la chos dang mthun zhing snyoms pas legs par phab ste gnas par 'gyur ro/ /gal te skra dang kha spu bregs te/ gos ngur smrig dag bgos nas yang dag pa kho nar dad pas khyim nas khyim med par rab tu byung na ni de bzhin gshegs pa dgra bcom pa yang dag par rdzogs pa'i sangs rgyas 'jig rten du rnam par grags pa'i sgra dang ldan par 'gyur ro zhes lung bstan pa dang / gang gi tshe bcom ldan 'das byang chub sems dpa' 'jig rten du byung ba de'i tshe na thams cad du gangs ri'i ngos dang nye ba chu klung skal ldan shing rta'i 'gram drang srong ser skya'i bsti gnas dang ha cang yang mi ring bar shAkya rnams kyi gzhon nu byung ste/ de bram ze ltas pa dang mtshan mkhan dag gis de skad lung bstan to/ /zhes sgra grags par gyur pa dang / nyi 'og gi khams kyi rgyal po dag gis kyang gangs ri'i ngos dang nye ba chu klung skal ldan shing rta'i 'gram drang srong ser skya'i bsti gnas dang ha cang mi ring bar shAkya rnams kyi gzhon nu byung ste/ de bram ze ltas pa dang mtshan mkhan dag gis de skad lung bstan to zhes thos pa dang thos nas kyang nyi 'og gi </font><hr>Ja335a<br><font size=+1>


@#/ /khams kyi rgyal po de dag 'di snyam du sems te da lta gzhon nu bsten na dus su 'bras bu ster bar 'gyur pas gang bsten na gzhon nu bsten par 'gyur snyam nas de dag gis bsams pa/ rgyal po zas gtsang bsten par bya ste de bsten na gzhon nu bsten par 'gyur ro snyam nas de dag gis rgyal po zas gtsang bsten par brtsams te/ dus dang mthun pa'i dus su pho nya dang dkor sgrom dag gtong zhing bskur bar bgyid pa dang / de nas rgyal po zas gtsang 'di snyam du sems te bdag gi bu btsas pa na don thams cad dang las kyi mtha' thams cad grub pas de'i phyir gzhon nu 'di'i ming don thams cad grub pa zhes bya bar gdags so snyam nas/ de'i mtshan don thams cad grub pa zhes bgyi bar gsol ba dang / shAkya rnams kyi lha gnod sbyin shAkya spel ba zhes bya ba la phyag 'tshal du khrid pa na shAkya de thub cing des phyag byas pas shAkya thub pa zhes bgyi ba dang / lha'i yang lha zhes bgyi bar mtshan gsol ba dang / gang gi tshe bcom ldan 'das byang chub sems dpa' sku chen por 'khrungs pa'i tshe rig pa'i gnas thams cad kyi mthar byon cing gzhon nu rol pa'i nang na rol par gyur pa dang / rgan po dang nad pa dang shi ba gzigs nas thugs byung ste/ nags kyi nang du gshegs te lo drug tu dka' ba spyad pa dang / de'i tshe rgyal po zas gtsang dang / </font><hr>Ja335b<br><font size=+1>


shAkya legs par rab tu rtogs kyis bka' mchid gsol ba'i mi nyis brgya lnga bcu/ nyis brgya lnga bcu bkye ste/ de dag gis nyi ma re re zhing bcom ldan 'das byang chub sems dpa'i bka' mchid 'tshal te mchi ba dang / gang gi tshe bcom ldan 'das byang chub sems dpas lo drug tu dka' ba spyad de/ dka' ba byed pa ci yang med par rig nas ci bder dbugs rngub par mdzad ci bder dbugs 'byin par mdzad cing 'bras chan dang / zan dron la sogs pa zhal zas rgya chen po dag kyang gsol bar mdzad/ zhun mar dang 'bru mar dag gis sku dag kyang skud par mdzad cing chab dron pos kyang sku bsil bar mdzad pa dang / grong sde 'dong du gshegs nas grong ba'i bu mo dga' mo dang dga' stobs ma gnyis las lan bcu drug bzlas pa'i 'o ma sbrang rtsi dang bsres pa gsol to/ /klu'i rgyal po nag pos mngon par bstod pa na/ rtswa bkra shis 'tshong pa las rtswa gser gyi mdog lta bu dag bzhes nas byang chub kyi gzhi ga la ba der gshegs te/ byon nas nyid kyis rtswa ma 'khrugs pa'i gdan bshams nas skyil mo krung bcas sku drang po srang nas dran pa phyogs par bzhag ste bzhugs nas/ ji srid zag med ma thob bar| |de srid skyil krung gzhig mi bya/ /zhes thugs bskyed cing gsung brjod pa dang / gang gi tshe bcom ldan 'das kyis mtshan mo'i gung thun la bdud 'byung po dung phyur phrag gsum 'dang / </font><hr>Ja336a<br><font size=+1>


@#/ /bye ba phrag drug gi 'khor dang ldan pa byams pa'i stobs kyis mngon par btul te bla na med pa yang dag par rdzogs pa'i byang chub ji ltar mngon par rdzogs par sangs rgyas pa rgya cher bstan du gsol/ dga' bos smras pa/ des khyod la ci bya/ gar mkhan gyis smras pa/ 'phags pa gar thabs sbyar bar bgyi'o/ /dga' bos smras pa/ bkren pa khyod kho bo cag gi ston pa ltar 'chos sam/ mi smras phar song zhig /de nas gar mkhan de nye dga'i gan du song ste de skad dris na des kyang de skad lan btab bo/ /de nas 'gro mgyogs dang nab so dang 'dun pa dang 'char ka dag gi gan du rims kyis song ste de skad dris na/ de dag thams cad kyis kyang so so nas de skad lan btab ste ma bstan to/ /de nas gar mkhan de dge slong ma bcu gnyis sde dag gi gan du song ste dang por dge slong ma sbom dga' mo la de skad ces dris pa dang / sbom dga' mos smras pa/ de khyod la ci bya/ gar mkhan gyis smras pa/ gar thabs sbyar bar bgyi'o/ /kho mo la bca' ba'i rin sbyin nam/ gsol lo/ /sbom dga' mo de mang du thos pa sde snod gsum dang ldan pa/ rig pa dang grol ba'i spobs pa can yin pas des de la gang gi tshe bcom ldan 'das byang chub sems dpa' dga' ldan gyi gnas na bzhugs pas gzigs pa lnga po rigs dang rus dang </font><hr>Ja336b<br><font size=+1>


yul dang dus dang bud med la gzigs pa dag gis 'jig rten la gzigs nas 'dod pa na spyod pa'i lha drug po dag lan gsum yongs su sbyang ba byed du bcug ste glang po cher snang bar bsgyur nas shes bzhin du yum gyi lhums su zhugs pa de'i tshe na sa chen po shin tu g.yos par gyur cing 'jig rten gyi bar gang na nyi ma dang zla ba 'di ltar rdzu 'phrul che ba 'di ltar mthu che ba 'di gnyis kyi 'od dag nyams su mi myong ba'i mun pa mun nag mun par byed pas gnag par gyur par gang dag yin pa de dag kyang de'i tshe na snang ba rgya chen pos khyab par gyur nas sems can gang dag der skyes pa dag gis rang gi lag pa brkyang pa yang mi mthong ba de dag gis kyang 'od des sems can gcig gis gcig mthong nas/ shes ldan dag / sems can gzhan yang 'dir skyes so/ /shes ldan dag sems can gzhan yang 'dir skyes so zhes shes par gyur pa nas gang gi tshe bcom ldan 'das kyis mtshan mo'i gung thun la bdud 'byung po dung phyur phrag gsum dang bye ba phrag drug gi 'khor dang ldan pa byams pa'i stobs kyis mngon par btul te/ bla na med pa yang dag par rdzogs pa'i byang chub ji ltar mngon par rdzogs par sangs rgyas pa'i bar dag mngon par 'byung ba'i mdo las rgya cher ji skad gsungs pa bzhin thams cad rgyas par bstan to/ /de nas gar mkhan des gar </font><hr>Ja337a<br><font size=+1>


@#/ /thabs sbyar nas yang bsams pa/ bdag gis 'di skye bo phal po che'i tshogs dad pa dang ldan pa rnams ni dad pa spel bar nus na gang gis ma dad pa dag kyang dad pa skye bar 'gyur ba'i thabs ci yod snyam nas/ de dge slong drug sde dag la snying na bas klan ka tshol zhing de dag gi phyi bzhin phyi bzhin rjes su 'brang zhing song ba dang / ci tsam na tshe dang ldan pa 'dun pas zan zos cing spangs pas bca' ba dang bza' ba bsod pa zhig rnyed cing de za bar 'dod nas des lag pa gnyis bsnyal te bca' ba dang bza' ba bsod pa de byin len byas nas tshe dang ldan pa 'char ka zan za ba na 'dun pas de'i mdun du tsog bur 'dug ste smras pa/ btsun pa 'char ka dgongs su gsol/ bdag dge slong 'dun pa zhes bgyi ba 'tshal ma 'tshal lags shing spangs te yongs su rdzogs shing mthar thug par bgyis pa las bca' ba dang bza' ba rnyed cing 'tshal bar 'tshal na/ lhag por bgyis te bdag la stsal du gsol/ 'char kas de las kham gnyis sam gsum zos nas khyod kyir 'gyur gyi/ bzhud cig ces smras pa/ gar mkhan des mthong nas des bsams pa/ bdag gis 'dis ma dad pa dag kyang dad par 'gyur bar nus so snyam nas de nas phyir song ngo // //'dul ba rnam par 'byed pa/ bam po nga dgu pa/ de nas </font><hr>Ja337b<br><font size=+1>


gar mkhan des rgyal po khab tu klu'i rgyal po ri bo dang yid 'ong gnyis kyi dus ston brtsams pa de'i nyin mo bla re bres te rdza rnga chen po brdungs pa dang skye bo phal po che'i tshogs der lhags te 'dug cing mthun par gyur pa'i tshe de gang gi tshe bcom ldan 'das byang chub sems dpa' dga' ldan gyi gnas na bzhugs pas gzigs pa lnga po rigs dang rus dang yul dang dus dang bud med la gzigs pa dag gis 'jig rten la gzigs nas 'dod pa na spyod pa'i lha drug po dag lan gsum yongs su sbyang ba byed du bcug ste glang po cher snang bar bsgyur nas/ shes bzhin du yum gyi lhums su zhugs pa de'i tshe na/ sa chen po shin tu g.yos par gyur cing / 'jig rten gyi 'jig rten gyi bar gang na nyi ma dang zla ba 'di ltar rdzu 'phrul che ba 'di ltar mthu che ba 'di gnyis kyi 'od dag nyams su mi myong ba'i mun pa mun nag mun par byed pas gnag par gyur pa gang dag yin pa de dag kyang de'i tshe na snang ba rgya chen pos khyab par gyur nas sems can gang dag der skyes pa dag gis rang gi lag pa brkyang pa yang mi mthong ba de dag gis kyang 'od des sems can gcig gis gcig mthong nas shes ldan dag sems can gzhan yang 'dir skyes so/ /shes ldan dag sems can gzhan yang 'dir skyes so zhes shes par gyur pa nas/ gang gi tshe bcom ldan 'das kyis mtshan mo'i gung thun la bdud </font><hr>Ja338a<br><font size=+1>


@#/ /'byung po dung phyur phrag gsum dang bye ba phrag drug gi 'khor dang ldan pa byams pa'i stobs kyis mngon par btul te/ bla na med pa yang dag par rdzogs pa'i byang chub ji ltar mngon par rdzogs par sangs rgyas pa'i bar dag mngon par 'byung ba'i mdo las rgya cher ji skad gsungs pa dang 'dra bar de ltar bcos pa thams cad gar thabs su rgya cher sbyar te gar byas pa dang / skye bo phal po che'i tshogs dad pa dang ldan pa dag dad pa mngon par 'phel bar gyur nas/ e ma'o gar byas so/ /e ma'o gar byas so zhes zer zhing gar mkhan des kyang rnyed pa mang po grub par gyur to/ /de nas gar mkhan des yang bsams pa/ bdag gis skye bo phal po che'i tshogs dad pa dang ldan pa dag ni dad pa mngon par 'phel bar byas zin gyi/ da ni ma dad pa dag kyang dad par 'gyur bar bya'o snyam nas de'i 'og tu gar mkhan gcig gis 'char ka'i cha lugs su byas shing gar mkhan cig shos kyis 'dun pa'i cha lugs su byas te des kham por thal bas bkang nas steng du bu ram gyi dum bu gnyis sam gsum bzhag ste 'char ka'i cha lugs can zan za ba'i mdun du tsog pur 'dug ste smras pa/ btsun pa 'char ka dgongs su gsol/ bdag dge slong 'dun pa zhes bgyi ba 'tshal ma 'tshal zhing spangs te/ yongs su rdzogs shing mthar thug par bgyis </font><hr>Ja338b<br><font size=+1>


pa las bca' ba dang bza' ba rnyed cing 'tshal bar 'tshal na lhag por bgyis te bdag la stsal du gsol/ 'char ka'i cha lugs can des de nas bu ram gyi dum bu gnyis sam gsum po dag blangs te zos nas pham phor gyi thal ba 'dun pa'i cha lugs can gyi mgo bo'i steng du gtor te khyod kyir gyur gyi/ bzhud cig ces smras pa dang / skye bo phal po che'i tshogs thams cad kyis ha ha zhes gad mo'i sgra chen po phyung ste/ ma dad pa dag kyang dad pa mngon par 'phel bar gyur nas e ma'o smyon thabs byas so/ /e ma'o smyon thabs byas so zhes zer zhing gar mkhan des kyang rnyed pa mang po grub par gyur to/ /de nas skye bo phal po che'i tshogs dad pa dang ldan pa dag ni shes ldan dag ltos shig /gar mkhan 'dis gang gi tshe bcom ldan 'das byang chub sems dpa' dga' ldan gyi gnas na bzhugs pas gzigs pa lnga po rigs dang rus dang yul dang dus dang bud med la gzigs pa dag gis 'jig rten la gzigs nas 'dod pa na spyod pa'i lha drug po dag la lan gsum yongs su sbyang ba byed du bcug ste glang po cher snang bar bsgyur nas shes bzhin du yum gyi lhums su zhugs pa de'i tshe na sa chen po shin tu g.yos bar gyur cing 'jig rten gyi 'jig rten gyi bar gang na nyi ma dang zla ba 'di ltar rdzu 'phrul che ba 'di ltar mthu che ba 'di gnyis kyi 'od dag nyams su mi myong ba'i mun pa </font><hr>Ja339a<br><font size=+1>


@#/ /mun nag mun par byed pas gnag par gyur pa gang dag yin pa de dag kyang de'i tshe na snang ba rgya chen pos khyab par gyur nas/ sems can gang dag der skyes pa dag gi rang gi lag pa brkyang pa yang mi mthong ba de dag gis kyang 'od des sems can gcig gis gcig mthong nas shes ldan dag sems can gzhan yang 'dir skyes so| |shes ldan dag sems can gzhan yang 'dir skyes so zhes shes par gyur pa nas/ gang gi tshe bcom ldan 'das kyis mtshan mo'i gung thun la bdud 'byung po dung phyur phrag gsum dang / bye ba phrag drug gi 'khor dang ldan pa byams pa'i stobs kyis mngon par btul te/ bla na med pa yang dag par rdzogs pa'i byang chub ji ltar mngon par rdzogs par sangs rgyas pa'i bar dag mngon par 'byung ba'i mdo las rgya cher ji skad gsungs pa dang 'dra bar de ltar bcos pa thams cad gar thabs su rgya cher sbyar te gar byas so zhes zer zhing dad pa mngon par 'phel bar gyur to/ /skye bo phal po che'i tshogs ma dad pa dag kyang shes ldan dag ltos shig /gar mkhan 'dis dge sbyong hral po drug sde dag mi byed dgu byed pa de ltar bcos pa thams cad smyon thabs su rgya cher sbyar te bzhad gang byas so zhes dad pa mngon par 'phel bar gyur to/ /ji tsam na mthar gyis drug sde dag gis gar </font><hr>Ja339b<br><font size=+1>


mkhan des bdag cag ltar bcos zhes grag go zhes thos nas de dag gis smras pa/ bdag cag gis gar mkhan de mi dga' bar byas sring mo dag gi gan du gros byed du 'dong zhes de dag dge slong ma bcu gnyis sde dag gi gan du dong nas smras pa/ sring mo dag bdag cag gis bcom ldan 'das byang chub sems dpa'i spyod pa la 'jug pa na sgra mi snyan ces bya ba'i gar thabs byas pa gang yin pa de las cung zad ci dran pa bgro'o zhes de rnams de dag dang lhan cig skyed mos tshal du dong ste bgro bar brtsams pa dang / ji tsam na cung zad kyang ma brjed nas de dag gis rgyal po'i pho brang nas rgyan dang cha lugs blangs te gar mkhan de dang ha cang thag mi ring bar bla re bres nas nye dga' mgo ras kyis dkris te rdza rnga chen po brdungs pa dang / gar la blta ba de'i nang nas/ skye bo phal po che'i tshogs phyir byung ste der lhags so/ /gar mkhan de yang der song ba dang ji tsam na lha'i gar thabs lta bu mthong nas/ des bsams pa/ 'di dag lha dag gar byed pa yin nam/ 'on te klu dag gam/ 'on te gnod sbyin dag gam/ dri za dag gam/ mi'am ci dag gam/ lto 'phye chen po dag gar byed pa yin snyam du rig nas ya mtshan skyes par gyur to/ /drug sde dag gis kyang gar byas nas cha spyad brtul te dong ba dang gar mkhan des bsams pa/ </font><hr>Ja340a<br><font size=+1>


@#/ /'di dag su zhig yin snyam nas de de dag gi phyi bzhin phyi bzhin 'brang zhing song ba dang ji tsam na de dag 'od ma'i tshal du zhugs nas/ gar mkhan des sgor bsdad pa dang / ji tsam na 'char ka rna ba bab las bskus bzhin du sgor byung nas gar mkhan des de la smras pa/ 'phags pa gar de khyod kyis bgyis sam/ 'char kas smras pa/ kho bo cag gis khyod de ltar mi dga' bar bya'o/ /bkren pa khyod kho bo cag kho na'i sgyu rtsal gyis nye bar 'tsho ba la kho bo cag nyid ltar bcos pa/ khyod gang dang gang du gar byed pa de dang der/ kho bo cag dong la khyod la mtho btsams par byas te/ kho bo cag gis rdza rnga chen po dang cha byad gzhan ci yang bskur mi dgos par 'ong ngo / /gar mkhan des smras pa/ 'phags pa de ni bdag cag gis 'tsho ba lags kyi/ bzod par mdzod cig /'char kas smras pa/ gal te khyod kyis rnyed pa ci rnyed pa de dag thams cad kho bo cag la byin na bzod par bya'o/ /des bsams pa/ 'di dag yang dang yang du mtho 'tsham par 'gyur gyi/ byin no snyam nas de rnyed pa thams cad de dag la byin nas sems khong du chud cing 'dug go /ji tsam na de'i chung po grogs 'ongs nas des de la dris pa/ grogs po khyod ci'i phyir sems khong du chud cing 'dug /des smras pa/ kho bo chad pas bcad do/ /sus/ shAkya'i bu'i </font><hr>Ja340b<br><font size=+1>


dge slong dag gis/ ci'i phyir/ des skabs de rgyas par brjod pa dang / de shAkya'i bu'i dge sbyong rnams kyi dge sbyong gi tshul ni tshig go /bram ze'i tshul ni tshig ste/ 'di ltar gar mkhan dag la yang chad pas gcod par byed do zhes smod par byed/ phyar ka gtong bar byed/ kha zer bar byed nas/ dge slong don nyung du dag ci'i phyir dge slong dag mi mdzes pa de lta bu byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das 'di snyam du dgongs te/ nyes dmigs gang cung zad byung ba 'di ni dge slong dag khyim pa'i gos gyon pa las gyur pa de'i phyir dge slong gis khyim pa'i gos bgo bar mi bya'o snyam du dgongs nas/ de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen pa nyid du rmed par mdzad pa ste zhes bya ba la sogs pa snga ma bzhin te/ sangs rgyas bcom ldan 'das kyis drug sde dag la rmas pa/ dge slong dag khyed kyis mi mdzes pa de lta bu de byas pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su mthun pa ma yin pa rung ba ma yin pa tshul </font><hr>Ja341a<br><font size=+1>


@#/ /dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste/ zhes bya ba la sogs pa yang snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong dag gis gos sar pa zhig rnyed na kha bsgyur ba gsum po sngon po'am/ dmar po'am/ ngur smrig las gang yang rung bar kha bsgyur bar bya'o/ /gal te dge slong gis gos sar pa kha bsgyur ba gsum po sngon po'am/ dmar po'am/ ngur smrig las gang yang rung bar kha ma bsgyur bar spyod na ltung byed do/ /dge slong gis zhes bya ba ni drug sdes so/ /gos zhes bya ba ni bdun po/ bal gos dang / sha na'i gos dang / zar ma'i gos dang / du gu la'i gos dang / ko tam pa'i gos dang / ras bal gyi gos dang / nyi 'og gi gos las gang yang rung ba'o/ /sar pa zhig ces bya ba ni sar pa gnyis te/ gsar pas gsar pa dang rnyed pas gsar pa ste/ don 'di ni rnyed pas gsar pa yin par dgongs so/ /rnyed na zhes bya ba ni gzhan las so/ /kha bsgyur ba gsum po sngon po'am/ dmar </font><hr>Ja341b<br><font size=+1>


po'am/ ngur smrig las gang yang rung bar zhes bya ba la/ sngon po zhes bya ba ni rams nyid do/ /dmar po zhes bya ba ni btsag go /ngur smrig ces bya ba ni shing shun no/ /kha bsgyur bar bya'o zhes bya ba ni kha dog ngan par bya'o/ /gal te dge slong gi gos sar pa kha bsgyur ba gsum po sngon po'am/ dmar po'am/ ngur smrig las gang yang rung bar kham bsgyur bar spyod na zhes bya ba ni gyon na'o/ /ltung byed do zhes bya ba ni sems can dmyal ba dang dud 'gro dang yi dwags ngan song dang ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung ba ji ltar 'gyur zhe na dge slong gis ji tsam cung zad gos sar pa zhig rnyed na tha na lhung bzed kyi kha g.yogs kyang rung ste/ kha bsgyur ba gsum po sngon po'am/ dmar po'am/ ngur smrig las gang yang rung bar kha bsgyur bar bya'o/ /gal te dge slong gis gos sar pa kha bsgyur ba gsum po sngon po'am/ dmar po'am/ ngur smrig las gang yang rung bar kha ma bsgyur bar spyod na thams cad du ltung byed du 'gyur ro/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /kha ma bsgyur ba'i gos gyon pa'i </font><hr>Ja342a<br><font size=+1>


@#/ /ltung byed de lnga bcu brgyad pa rdzogs so// //bar sdom la/ bya rgod phung po 'phongs dang ni/ /rol mo li tsa chen po dang / /sil snyan ri dwags 'dzin ma yi/ /sde tshan yang dag bsdus pa yin/ /sangs rgyas bcom ldan 'das rgyal po'i khab na bya rgod kyi phung po'i ri la bzhugs so/ /de nas bcom ldan 'das snga dro shams thabs gsol/ lhung bzed dang chos gos bsnams te/ bya rgod kyi phung po'i ri la babs nas slad bzhin 'brang ba'i dge sbyong tshe dang ldan pa kun dga' bo dang rgyal po'i khab tu bsod snyoms la gshegs pa dang / bcom ldan 'das kyis bskal ba dang po'i mi rnams kyis gter sbas pa/ lhas char phab pas phyogs der chu'i 'od pa bab cing de yang lam lam lam 'bar zhing 'dug pa gzigs so/ /gzigs nas kyang tshe dang ldan pa kun dga' bo la bka' stsal pa/ kun dga' bo sbrul dug myur du khyab par byed pa yin no/ /bcom ldan 'das sbrul dug drag po lags so/ /kun dga' bo sbrul dug myur du khyab par byed pa yin no/ /bde bar gshegs pa sbrul dug drag po lags so/ /de na ha cang thag mi ring ba na mi 'bras bu dang rtsa ba thu ba zhig 'dug pa des de thos nas/ des bsams pa/ bdag gis sbrul dug myur du khyab par byed pa ni mthong na sbrul dug drag po ni ma mthong bas shAkya'i bu'i dge sbyong </font><hr>Ja342b<br><font size=+1>


rnams kyi sbrul dug drag po ci 'dra/ bdag kyang phyogs 'dir nyin mtshan du rgyu bas bdag sbrul dug drag pos zin par gyur na mi rung gi /ji ltar 'gro'o snyam nas/ de der song ba dang / ji tsam na gter zhig lam lam lam 'bar zhing 'dug pa mthong nas/ des bsams pa/ shAkya'i bu'i dge sbyong rnams kyi sbrul dug drag po ni mdzes pa yin no/ /shAkya'i bu'i dge sbyong rnams kyi sbrul dug drag po ni shin tu bzang ba yin te/ 'di ltar sbrul dug drag po 'di lta bus ni pha dang ma sdug pa yang zin kyang bla'o/ /bu dang chung ma dang bran dang bran mo dang las mi dang zho shas 'tsho ba dang / mdza' bshes dang blon po dang nye du dang snag gi gnyen mtshams sdug pa yang zin kyang bla'o snyam nas/ mi des gter de lo ma'i chun po dag gis g.yogs shing / khad kyis khad kyis rim gyis rang gi khyim du bskyas so/ /gang gi tshe lus 'phags ma'i bu ma ga d+har byung ba'i rgyal po ma skyes dgra sdig pa'i grogs po lhas byin gyis nye bar bskor bas/ pha chos dang ldan pa chos kyi rgyal po gzugs can snying po srog dang phral te/ rang nyid cod pa na bcings nas rgyal srid kyi dbang phyug gi bdag por bzhag pa de'i tshe na/ des zho shas 'tsho ba rnams la bsgo ba/ shes ldan dag song la gang la 'du ba ni ci yod/ 'god pa ni ci yod/ gang na ci zhig gis 'tsho bar byed pa </font><hr>Ja343a<br><font size=+1>


@#/ /dag ltos shig /de nas zho shas 'tsho ba'i mi de dag gis lha bka' bzhin 'tshal/ zhes lus 'phags ma'i bu ma ga d+har byung ba'i rgyal po ma skyes dgra las mnyan nas/ rgyal po'i zho shas 'tsho ba'i mi de dag gis phyogs su byul ba na mi de khyim gyi 'byor ba dag byed pa mthong nas/ de dag gis de la smras pa/ kye nang rje khyod dbul po rtsa ba dang 'bras bu thu ba rtsa ba dang 'bras bu dag btsongs shing 'tsho ba dag sbyor bar byed pa yin na/ khyod kyis khyim gyi 'byor pa 'di ga las 'ongs/ khyod kyis gter ma rnyed dam/ des smras pa/ bdag gis gter ma rnyed de bdag nyid la 'byor ba 'di lta bu dag yod mod kyi sngan chad ni rgyal po chos dang mi ldan pa byung bas de'i phyir bdag gis ma phyung ngo / /da ni rgyal po chos dang ldan pa byung bas de'i phyir bdag gi khyim gyi 'byor pa byas te rgyal po gzugs can snying po la pho brang 'khor dang ljongs kyi mi dag rjes su dga' bar zad kyi de chos dang ldan pa ma yin no/ /rgyal po ma skyes dgra la ni pho brang 'khor dang ljongs kyi mi rjes su mi dga' yang de chos dang ldan pa'i rgyal po yin no/ /de dag gis smras pa/ kye nang rje rgyal po gzugs can snying po chos dang ldan pa ma yin na gang chos dang ldan pa de chos dang ldan pa ma yin par gyur la/ pha bsod pa gang yin pa de chos dang ldan par gyur tam khyod </font><hr>Ja343b<br><font size=+1>


kyis kho bo cag su yin shes sam/ des smras pa/ shes te rgyal po'i zho shas 'tsho ba dag yin pas/ khyod kyi mig gis rgyal po mthong ngo / /de dag gis smras pa/ kye nang rje kho bo cag rdzun kyis ma slu zhig /khyod kyis gter rnyed kyi/ phyed ni khyod khyer la phyed ni kho bo cag la byin cig /des smras pa/ kho bos gter ma rnyed de 'di ni kho bo nyid kyi yin mod kyi 'on kyang sum cha sbyin gyi/ kha rog par deng zhig /de dag gis spyos te lag pa gnyis phying ka log tu bcings nas gnya' zungs rgyud mos rgyal po'i drung du khrid de smras pa/ lha mi 'dis gter rnyed do/ /rgyal pos smras pa/ kwa'e nang rje nga su yin shes sam/ lha 'tshal te 'jig rten skyong ba bzhi ni 'jig rten skyong bar bgyid pa lags/ khyod ni rgyal po rgyal rigs spyi bor dbang bskur ba 'jig rten skyong ba lnga pa lags te skye dgu skyong bar mdzad pa lags so/ /kwa'e nang rje khyod kyis gter rnyed kyi/ nga la rdzun gyis ma slu bar bden par smros la phyed ni khyod khyer cig /phyed ni nga la byin cig /lha bdag gis gter ma rnyed do/ /kwa'e nang rje khyod kyis gter rnyed kyi sum cha nga la byin cig /lha bdag gis gter ma rnyed do/ /rgyal po khros te blon po rnams la smras pa/ shes ldan dag gang gis rgyal po rgyal rigs spyi bor dbang bskur ba'i bka' lan gsum gyi bar du bcag pa de la chad pa ci yod/ de dag gis smras </font><hr>Ja344a<br><font size=+1>


@#/ /pa/ lha dgum pa la thug pa'i chad pa mchis so/ /rgyal pos smras pa/ shes ldan dag ngas mi 'di yongs su gtang gi/ 'di'i nye du rnams kyang phyag sbal du chug la/ 'di'i nor thams cad kyang rgyal po'i pho brang du phul cig /de nas blon po rnams kyis lha bka' bzhin 'tshal zhes lus 'phags ma'i bu ma ga d+har byung ba'i rgyal po ma skyes dgra las mnyan nas mi de'i nye du rnams kyang btson rar bcug /de'i nor thams cad kyang rgyal po'i pho brang du phul/ mi de nyid kyang mi gos sngon po gyon pa lag na ral gri thogs pa dag gis ka ra bi ra'i me tog dmar po dag gis mgrin pa bcings te gsad sar khrid pa dang / mi des byung rgyal du smras pa/ kun dga' bo sbrul dug myur du khyab par byed pa yin no/ /bcom ldan 'das sbrul dug drag po lags so/ /kun dga' bo sbrul dug myur du khyab par byed pa yin no/ /bde bar gshegs pa sbrul dug drag po lags so/ /rgyal po de'i chos nyid ni gsad par bya ba'i mi gang / gzhan dris la lan gzhan 'debs par byed pa de ji srid du rgyal po la ma zhus kyi bar du re zhig gsod par mi byed pas blon po rnams kyis rgyal po la smras pa/ lha mi de gzhan dris na lan gzhan 'debs par bgyid do/ /rgyal pos smras pa/ khrid de shog cig /blon po rnams </font><hr>Ja344b<br><font size=+1>


kyis khrid de 'ongs nas/ rgyal po'i dris pa/ kwa'e nang rje khyod ci zer/ des smras pa/ kun dga' bo sbrul dug myur du khyab par byed pa yin no/ /bcom ldan 'das sbrul dug drag po lags so/ /kun dga' bo sbrul dug myur du khyab par byed pa yin no/ /bde bar gshegs pa sbrul dug drag po lags so/ /rgyal pos smras pa/ kwa'e nang rje smras pa de'i don ci/ lha je mi 'jigs pa stsal du gsol/ byin no/ /des skabs de rgyas par brjod nas 'di skad ces kyang smras so/ /gal te sbrul dug myur du khyab par bgyid pas bdag zin par gyur na/ bdag gcig pu dus la bab par 'gyur ba zhig na/ sbrul dug drag pos bdag zin pas de'i slad du bdag dang nye du dang nor thams cad kyang tshul ma lags pas sdug bsngal bar gyur to/ / de'i tshe na lus 'phags ma'i bu ma ga d+har byung ba'i rgyal po ma skyes dgras/ bcom ldan 'das la dad pa thob nas ring po ma lon pas des smras pa/ kwa'i nang rje/ khyod bcom ldan 'das la mngon par dad dam/ lha mngon par dad do/ /de nas lus 'phags ma'i bu ma ga d+har byung ba'i rgyal po ma skyes dgra mchi mas brnangs par gyur nas/ des smras pa/ kwa'i nang rje de khyod kyi yin gyi/ song zhig /de nas rgyal pos zho shas 'tsho ba rnams la bsgo ba/ mi 'di'i nye du rnams kyang thong la 'di'i nor thams cad kyang phyir byin cig /zho shas 'tsho ba </font><hr>Ja345a<br><font size=+1>


@#/ /rnams kyis de'i nye du rnams kyang btang / de'i nor thams cad kyang phyir byin no/ /de nas mi de 'di snyam du sems te bdag gi khyim na dpal dang skal ba bzang po phun sum tshogs pa gang cung zad ci yod pa de dag thams cad bcom ldan 'das la brten pa yin pas bdag gis sangs rgyas la sogs pa dge slong gi dge 'dun khyim gzhan du spyan drangs te gdugs tshod gsol lo snyam nas/ de nas mi de bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das kyis mi de la chos dang ldan pa'i bka' mchid kyis yang dag par ston par mdzad/ yang dag par 'dzin du 'jug par mdzad/ yang dag par gzengs bstod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i bka' mchid kyis yab dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas cang mi gsung ngo / /de nas mi de stan las langs te bcom ldan 'das ga la ba der logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das kyis sang bdag gi </font><hr>Ja345b<br><font size=+1>


sdum par dge slong gi dge 'dun dang thabs cig tu gdugs tshod gsol ba ci gnang / bcom ldan 'das kyis mi de la cang mi gsung bas gnang ngo / /de nas mi des bcom ldan 'das kyis cang mi gsung bas gnang bar rig nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas song ngo / /de nas mi des de nyid kyi mtshan mo bca' ba dang bza' ba gtsang zhing bsod pa sta gon byas nas nang par sngar langs te gdan bshams nas chur bzhag ste/ bcom ldan 'das la spyan 'dren gyis btsun pa gdugs tshod g.yar dgongs 'tshal na bcom ldan 'das kyis da de'i dus la bab par dgongs su gsol zhes spyan drangs so/ /de nas bcom ldan 'das snga dro sham thabs gsol/ lhung bzed dang chos gos bsnams te dge slong gi tshogs kyis yongs su bskor cing dge slong gi dge 'dun gyis mdun du bdar te/ mi de'i bkad sa ga la ba der gshegs te byon nas dge slong gi dge 'dun gyi gung la gdan bshams pa nyid la bzhugs so/ /de nas mi des sangs rgyas la sogs pa dge slong gi dge 'dun bde bar bzhugs par rig nas bca' ba dang bza' ba gtsang zhing bsod pas rang gi lag nas tshim par byed stobs par byed do/ /rnam grangs du mar bca' ba dang bza' ba gtsang zhing bsod pas rang gi lag </font><hr>Ja346a<br><font size=+1>


@#/ /nas bstabs shing tshim par byas nas/ bcom ldan 'das gdugs tshod gsol cing phyag bcabs te lhung bzed gyu bar rig nas stan ches dma' ba zhig blangs te chos mnyan pa'i phyir bcom ldan 'das kyi spyan sngar 'dug go /de nas bcom ldan 'das kyis mi de'i bsam pa dang bag la nyal dang khams dang rang bzhin thugs su chud nas 'di ltar mi de chung ma dang bcas pas stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste/ rgyun du zhugs pa'i 'bras bu mngon sum du byas pa de ltar chos bstan par mdzad do/ /des bden pa mthong nas gsol pa/ btsun pa bdag gis dge ba'i bshes gnyen bcom ldan 'das la brten nas/ bcom ldan 'das kyis bdag la gang mdzad pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang bram ze dag gis kyang ma bgyis/ byams pa dang mdza' shes dang rtsa lag gi tshogs kyis kyang ma bgyis te/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can </font><hr>Ja346b<br><font size=+1>


dmyal ba dang / yi dwags dang dud 'gro dag nas ni rkang pa phyung / lha dang mi rnams kyi nang du ni bzhag /'khor ba ni mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste/ rgyun du zhugs pa'i 'bras bu ni thob ste/ btsun pa bdag ni mngon par zhugs pa lags so/ /btsun pa bdag ni mngon par zhugs pa lags te/ btsun pa bdag bcom ldan 'das dang chos dang dge slong gi dge 'dun la skyabs su mchis/ bdag dge bsnyen du gzung du gsol/ deng slan chad ji srid 'tsho'i bar du glo ba thag pa nas dad pas skyabs su mchi'o/ /de nas bcom ldan 'das kyis mi de la chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas/ gdan las bzhengs te gshegs so/ /'di ni re zhig byung ba yin te/ sangs rgyas bcom ldan 'das re zhig 'dul ba la nyan thos rnams kyi bslab pa'i gzhi 'cha' bar ni mi mdzad do/ /sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /tshe dang ldan pa 'char ka snga dro sham thabs bgos/ lhung bzed dang chos gos thogs te rgyal po'i khab tu bsod snyoms la zhugs pa dang / ji tsam na des </font><hr>Ja347a<br><font size=+1>


@#/ /bsod snyoms brgyus nas 'phong gi dpong sa mthong nas de der zhugs pa dang 'phong gi slob dpon ni med/ khye'u dag 'khod nas des dris pa/ khye'u dag ci byed/ de dag gis smras pa/ 'phags pa/ 'phong slob bo/ /'char kas smras pa/ bu dag legs te khyed cag gis sgyu rtsal mchog las brgal to/ /bu dag ltas g.yon 'phongs dang / g.yas 'phongs dang / gom stabs dang / 'dzin stangs dang / zhags pa gdab pa dang / mda' bo che 'phang ba dang / gcad pa dang dral ba dang dbug pa dang / rdo rje rtse gcig pa dang / mtshon rtse gcig pa 'phangs pa gyis shig /de dag gis g.yon 'phongs dang / g.yas 'phongs dang / gom stabs dang 'dzin stangs dang / zhags pa gdab pa dang / mda' bo che 'phangs pa dang / gcad pa dang dral ba dang dbug pa dang / rdo rje rtse gcig pa dang / mtshon rtse gcig pa 'phang bar btsams pa dang / 'char ka lag pa gnyis 'dril bar byed/ bzhin sgyur bar byed nas de dag gis smras pa/ 'phags pa ci'i slad du phyag gnyis dril bar mdzad/ zhal bsgyur bar mdzad/ 'char kas smras pa/ da dung khyed cag gi slob dpon gyis kyang mi shes na khyed cag gis lta shes par 'gyur re skan/ de dag gis smras pa/ 'phags pa 'di la cung zad mkhyen pa </font><hr>Ja347b<br><font size=+1>


mnga' 'am/ 'char kas smras pa/ khye'u dag sa'i steng na gang kho bos mi shes pa'i las kyi gnas dang bzo'i gnas de gang yin/ de dag gis smras pa/ 'phags pa g.yar snga brim gyi/ g.yon 'phongs dang / g.yas 'phongs dang / goms stabs dang 'dzin stabs dang / zhags pa gdab pa dang / mda' bo che 'phang ba dang / gcad pa dang dral ba dang dbugs pa dang / rdo rje rtse gcig pa dang / mtshon rtse gcig pa 'phang ba mdzad du gsol/ 'char kas g.yon 'phongs dang / g.yas 'phongs dang / gom stabs dang 'dzin stangs dang / zhags pas gdab pa dang / mda' bo che 'phang ba sus kyang byed mi nus pa byas shing rked bcings kyis bcings te phub zlum thogs nas gcad pa dang dral ba dang dbug pa yang byas pa dang / de dag ya mtshan skyes nas smras pa/ 'phags pa legs so legs so/ /'char kas smras pa/ khye'u dag bzo'i gnas de ltar bslab par bya ba'am/ yang na slob dpon gzhan btsal bar bya yi 'bras bu med pa'i sbun pa phyar zhing 'khod de ci'i rung zhes smras te song ngo / /ci tsam na de dag gi slob dpon 'ongs nas des smras pa/ khye'u dag 'khod de ci rung / g.yon 'phongs dang g.yas 'phongs dang / gom stabs dang 'dzin stangs dang zhags pa gdab pa dang / mda' bo che 'phang ba dang / gcad pa dang bral ba dang dbug pa dang / rdo rje rtse </font><hr>Ja348a<br><font size=+1>


@#/ /gcig pa dang mtshon rtse gcig pa 'phang ba gyis shig /de dag lag pa gnyis dril bar byed/ bzhin sgyur bar byed cing smras pa/ slob dpon yang da dung ci yang mi mkhyen na bdag cag gis lta 'tshal bar 'gyur te skan/ slob dpon gyis smras pa/ khye'u dag sngon ma byung ba'i rnam par 'gyur ba 'di lta bu byung na/ 'ga' zhig 'dir 'ongs par ma gyur tam/ de dag gis smras pa/ mchis so/ /su/ 'phags pa 'char ka ste des g.yon 'phongs dang g.yas 'phongs dang / gom stabs dang / 'dzin stangs dang / zhags pa gdab pa dang / mda' bo che 'phang ba dang / gcad pa dang dral ba dang dbug pa dang / rdo rje rtse gcig pa dang mtshon rtse gcig pa 'phang ba sus kyang bgyi bar rngo mi thogs pa de lta bu bgyis so/ /des de dag la smras pa/ byang chub sems dpa' 'phong gi dpong sa gang du 'phong bslabs pa de'i drung du des kyang bslabs te gal te de rab tu byung bar ma gyur na 'dzam bu'i gling mtha' dag tu 'phong gi slob dpon gyi mchog tu 'gyur ro/ /'on kyang kho bos ci shes pa de je kho bo las slobs la/ lhag ma gzhan las slobs shig /slob dpon des bsams pa/ de yang dang yang du bdag la mtho 'tsham par 'gyur gyi/ de ltar 'gro'o snyam nas de 'char ka'i gan du song ste smras pa/ 'phags pa 'char </font><hr>Ja348b<br><font size=+1>


ka bdag cag gi 'phong gi dpong sar byon par gyur tam/ 'char kas smras pa/ son to/ /'phags pas khye'u dag cung zad tshar bkum mam/ 'char kas smras pa/ tshar bcad do/ /des smras pa/ 'phags pa de ni bdag gi 'tsho ba lags kyi/ khye'u dag tshar ma bkum zhig /bkren pa khyed kho bo cag gi sgyu rtsal gyis 'tsho ba kho bo cag la bca' ba'i rin cung zad kyang mi sbyin nam/ des smras pa/ 'phags pa bdag ni dbul po lags so/ /'char kas smras pa/ bkren pa gal te mi sbyin nas yang dang yang du kho bo song la tshar gcad bar bya'o/ /des bsams pa/ 'di la bca' ba'i rin ma byin na yang dang yang du song ste khye'u dag tshar gcod par 'gyur ro snyam nas de 'phong gi yo byad thams cad btsongs te de la bca' ba'i rin byin nas sems khong du chud cing 'dug go /ji tsam na de'i chung po grogs 'ongs nas des dris pa/ grogs po ci'i phyir sems khong du chud cing 'dug /des smras pa/ kho chad pas bcad do/ /sus/ shAkya'i bu'i dge sbyong dag gis so/ /ci'i phyir des skabs de rgyas par brjod pa dang des shAkya'i bu'i dge sbyong rnams kyi dge sbyong gi tshul ni tshig go /bram ze'i tshul ni tshig ste/ 'di ltar 'phong gi slob dpon dag kyang chad pas gcod par byed do zhes smod par byed/ phyar ka gtong bar byed/ kha zer bar byed do/ /'di yang re zhig byung ba yin te/ sangs rgyas bcom ldan 'das re zhig 'dul ba la nyan thos rnams kyi bslab pa'i gzhi 'cha' bar ni mi mdzad do/ / </font><hr>Ja349a<br><font size=+1>


@#/ /sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /tshe dang ldan pa 'char ka snga dro shams thabs bgos/ lhung bzed dang chos gos thogs te rgyal po'i khab tu bsod snyoms la zhugs pa dang ji tsam na des bsod snyoms la brgyus nas rol mo'i dpong sa mthong nas de der zhugs pa dang / rol mo'i slob dpon ni med/ khye'u dag 'khod nas/ des dris pa/ khye'u dag ci byed/ de dag gis smras pa/ 'phags pa rol mo slob bo/ /'char kas smras pa/ bu dag legs te khyed cag gis sgyu rtsal mchog las brgal to/ /bu dag ltas/ drug ldan dang drang srong dang sa 'dzin dang / blo gsal dang 'khor nyan dang / bar ma pa dang ko'u shi ka gyis shig /de dag gis drug ldan dang drang srong pa dang sa 'dzin pa dang / blo gsal dang 'khor nyan dang / bar ma pa dang ko'u shi ka bya bar brtsams pa dang / 'char ka lag pa gnyis 'dril bar byed/ bzhin sgyur bar byed nas de dag gis smras pa| 'phags pa ci'i slad du phyag gnyis 'dril bar mdzad zhal sgyur bar mdzad/ 'char kas smras pa/ da dung khyed cag gi slob dpon gyis kyang mi shes na khyod cag gis lta shes par 'gyur re skan/ de dag gis smras pa/ 'phags pa 'di la cung zad mkhyen pa mnga'am/ 'char kas smras pa/ khye'u dag sa'i steng na gang kho bos mi shes pa'i bzo'i gnas dang las kyi </font><hr>Ja349b<br><font size=+1>


gnas de gang yin/ de dag gis smras pa/ 'phags pa g.yar snga brim gyi drug ldan dang drang srong ba dang sa 'dzin pa dang blo gsal dang 'khor nyan pa dang / bar ma pa dang ko'u shi ka mdzod cig /'char kas drug ldan dang drang srong ba dang sa 'dzin pa dang blo gsal ba dang / 'khor nyan dang bar ma pa dang / ko'u shi ka sus kyang bya bar mi nus pa byas pa dang / de dag ya mtshan skyes nas smras pa/ 'phags pa legs so legs so/ /'char kas smras pa/ khye'u dag bzo'i gnas de ltar bslab par bya ba'am/ yang na slob dpon gzhan btsal bar bya'i 'bras bu med par sbun pa 'phyar zhing 'khod de ci rung zhes smras te song ngo / /ji tsam na de dag gi slob dpon 'ongs nas des smras pa/ khye'u dag 'khod de ci rung / drug ldan dang drang srong ba dang sa 'dzin pa dang blo gsal dang 'khor nyan dang bar ma ba dang ko'u shi ka gyis shig /de dag lag pa gnyis 'dril bar byed/ bzhin sgyur bar byed cing smras pa/ slob dpon yang da dung ci yang mi mkhyen na bdag cag gis lta 'tshal bar 'gyur re skan/ slob dpon gyis smras pa/ khye'u dag sngon ma byung ba'i rnam par 'gyur ba 'di lta bu byung na/ 'ga' zhig 'dir 'ongs par ma gyur tam/ de dag gis smras pa/ mchis so/ /su/ 'phags pa 'char ka ste des glu dang gar sus kyang brjod par rngo mi thog pa de lta bu bgyis so/ /des de dag la smras pa/ byang chub sems dpas rol mo'i dpong sa gang du rol mo bslabs pa de'i drung du des kyang bslabs te gal te rab tu </font><hr>Ja350a<br><font size=+1>


@#/ /byung bar ma gyur na 'dzam bu'i gling mtha' dag tu rol mo mkhan gyi slob dpon gyi mchog tu 'gyur ro/ /'on kyang kho bos ci shes pa de je kho bo las slobs la lhag ma gzhan la slobs shig /slob dpon des bsams pa/ de yang dang yang du bdag la mtho 'tsham par 'gyur gyi/ de blta bar 'gro'o snyam nas de 'char ka'i gan du song ste smras pa/ 'phags pa 'char ka bdag cag gi rol mo'i dpong sar byon par gyur tam/ 'char kas smras pa/ son to/ /'phags pas khye'u dag cung zad tshar bkum mam/ 'char kas smras pa/ tshar bcad do| |des smras pa/ 'phags pa de ni bdag gi 'tsho ba lags kyi/ khye'u dag tshar ma bkum zhig /bkren pa khyod kho bo cag gi sgyu rtsal gyis 'tsho ba kho bo cag la bca' ba'i rin cung zad kyang mi sbyin nam/ des smras pa/ 'phags pa bdag ni dbul po lags so/ /'char kas smras pa/ bkren pa gal te ma sbyin na/ yang dang yang du kho bo song la tshar gcad par bya'o/ / des bsams pa/ 'di la bca' ba'i rin ma byin na yang dang yang du song ste/ khye'u dag tshar gcod par 'gyur ro snyam nas des rol mo'i yo byad thams cad btsongs te de la bca' ba'i rin byin nas sems khong du chud cing 'dug go /ji tsam na de'i chung po grogs 'ongs nas/ des dris pa grogs po ci'i phyir sems khong du chud cing 'dug /des smras pa/ kho bo </font><hr>Ja350b<br><font size=+1>


chad pas gcad do/ /sus/ shAkya'i bu'i dge sbyong dag gis so/ /ci'i phyir des skabs de rgyas par brjod pa dang / de shAkya'i bu'i dge sbyong rnams kyi dge sbyong gi tshul ni tshig go /bram ze'i tshul ni tshig ste 'di ltar rol mo mkhan gyi slob dpon dag kyang chad pas gcod par byed do zhes smod par byed/ phyar ka gtong bar byed/ kha zer bar byed do/ /'di yang re zhig byung ba yin te/ sangs rgyas bcom ldan 'das re zhig 'dul ba la nyan thos rnams kyi bslab pa'i gzhi 'cha' bar ni mi mdzad do/ /de nas bcom ldan 'das rgyal po'i khab tu ci dgyes par bzhugs nas yangs pa can ga la ba de logs su ljongs rgyu zhing gshegs te mthar gyis rgyu zhing gshegs pa na yangs pa can du byon nas yangs pa can spre'u rdzing gi 'gram khang pa brtsegs pa'i khang bzang na bzhugs so/ /nye dga' snga dro na sham thabs bgos/ lhung bzed dang chos gos thogs te yangs pa can du bsod snyoms la zhugs pa dang / li tsa byi'i khye'u rab tu mang po dag kyang yangs pa can nas byung ste/ yangs pa can gyi phyi rol tu rgyan thams cad phyogs gcig tu bzhag ste rtse bar brtsams so/ /nye dgas de mthong nas des gnod sbyin gyi nor yin no/ / zhes rgyan de dag thams cad khyer te song ba dang / yangs pa can gyi li tsa byi'i khye'u de dag gis nye dga' la las ni lag pa nas bzung / la las ni rkang pa nas bzung / la las ni chos </font><hr>Ja351a<br><font size=+1>


@#/ /gos nas bzung ste 'phags pa ci'i phyir kho bo cag gi rgyan 'phrog par byed ces zer ro/ /li tsa byi chen pos yangs pa can gyi li tsa byi'i khye'u dag gis nye dga' bzung ste tho 'tsham pa mthong nas/ des smras pa/ khye'u dag ci'i phyir 'phags pa nye dga' la mtho 'tsham par byed/ de dag gis smras pa/ 'dis bdag cag gi rgyan dag phrogs so/ /des smras pa/ 'phags pa nye dga' ci'i slad du khye'u dag gi rgyan 'phrog par mdzad/ nye dgas smras pa/ kho bos gnod sbyin gyi nor 'di rnyed do/ /des smras pa/ 'di 'dra ba gnod sbyin gyi nor lags re skan/ gzhon nu dag gi rgyan lags kyi ma 'phrog par 'or cig /nye dgas de bor te rdul gyis gos pa'i chos gos dag gis gtsug lag khang du song ba dang / dge slong rnams kyis de la smras pa/ btsun pa nye dga' ci'i phyir rdul gyi tshogs kyis gos/ nye dgas smras pa/ li tsa byi chen po nad med par gyur cig /kho bos gnod sbyin gyi nor thob pa des 'dor du bcug go /'di yang re zhig byung ba yin te/ sangs rgyas bcom ldan 'das re zhig 'dul ba la nyan thos rnams kyi bslab pa'i gzhi 'cha' bar ni mi mdzad do/ /sangs rgyas bcom ldan 'das yangs pa can na spre'u rdzing gi 'gram khang pa brtsegs pa'i khang bzang na bzhugs so/ /drug sde dag snga dro sham thabs bgos/ lhung bzed dang chos gos thogs te yangs pa </font><hr>Ja351b<br><font size=+1>


can du bsod snyoms la zhugs so/ /lam gyi bar na yangs pa can gyi li tsa byi rnams kyi skyed mos tshal dag yod nas de dag gis smras pa/ dga' bo nye dga' bcom ldan 'das kyis yangs pa can gyi li tsa byi dag gis dpe sum cu rtsa gsum pa'i lha rnams las blangs kyi/ de dag gi skyed mos tshal dag ci 'dra ba bltas 'dong ngo zhes de dag der zhugs pa dang / ji tsam na de na yo byad rnam pa sna tshogs dang / khrus kyi chal dag dang so phag dag dang / bsku ba dag dang / phrug spyad dag dang / sa gar dag dang / skyu ru ra dag dang / mgo bkru ba dag dang / pi wang dang 'od ma dang / ma hA ti dang / bal la ri dang / su g+ho sha ka dag bzhag pa mthong nas de dag gis smras pa/ dga' bo nye dga' je dang por khrus bya'am/ 'on te glu blang zhing bro brdung bar bya/ de dag gis smras pa/ bdag cag gis yun ring po nas glu blangs shing bro brdungs kyi/ je glu blang shing bro brdung bar bya'o/ /zhes de dag gis glu blang zhing bro brdung bar brtsams so/ /rgyal po zas gtsang gi skyed mos tshal du spyad pa'i rol mo'i sgra gang yin pa de ni lus 'phags ma'i bu ma ga d+har byung ba'i rgyal po ma skyes dgra'i g.yul ngor spyad pa'i rol mo'i sgra yin pas de dag gis rol mo'i sgra 'byung bar brtsams pa dang / yangs pa can gyi li tsa byi dag gis thos so/ /thos nas de dag sngangs te smras pa/ shes ldan dag pha bsod pas ma sbran par dmag drangs te </font><hr>Ja352a<br><font size=+1>


@#/ /'ongs so zhes de dag go bgos te phyir 'byung bar brtsams so/ /drug sde dag kyang skyed mos tshal de nas phyir byung ba dang / de dag gis yangs pa can gyi li tsa byi dag go bgos te phyir byung ba mthong nas drug sde dag gis de dag la dris pa/ shes ldan dag gar 'dong / de dag gis smras pa/ 'dir pha gsod pa 'ongs pas de dang g.yul dgye ba'i phyir sur 'dong ngo / /de dag la 'dug /de dag gis smras pa/ 'dir lus 'phags ma'i bu ma ga d+har byung ba'i rgyal po ma skyes dgra'i g.yul ngor spyad pa'i rol mo'i sgra byung ngo / /shes ldan dag de ni kho bo cag gis bzhad gad byas pa yin na khyed cag de ltar bred ngas sam/ de dag gis smras pa/ 'phags pa dag khyed kyis rol mo'i sgra'i yo byad de dag sgra phyung ngam/ drug sde dag gis smras pa/ kho bo cag gis sgra phyung ngo / /de dag gis smras pa/ 'phags pa dag yangs pa can gyi li tsa byi dag sdangs pas khyed la gnod pa byed na mi rung gi /slar log cig /de dag phyir log pa dang dge slong rnams kyis de dag la smras pa/ tshe dang ldan pa dag khyed cag ji ste phyir log /drug sde dag gis smras pa/ tshe dang ldan pa dag kho bo cag de'u gsad do/ / sus/ yangs pa can gyi li tsa byi dag gis so/ /ci'i phyir de dag gis skabs de rgyas par brjod pa dang dge slong don nyung du dag ci'i phyir dge slong dag mi mdzes pa de lta bu byed ces smod par </font><hr>Ja352b<br><font size=+1>


byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste/ zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la rmas pa/ dge slong dag khyed kyis mi mdzes pa de lta bu de byas pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su mthun pa ma yin pa rung ba ma yin pa tshul dang mthun pa ma yin pa de ni rab tu byung bas bya ba ma yin no zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang rin po che'am rin po cher smos pa rang gi lag gis len tam len du 'jug na ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad do/ /de nas bcom ldan 'das </font><hr>Ja353a<br><font size=+1>


@#/ /yangs pa can du ci dgyes par bzhugs nas/ mnyan yod ga la ba der logs su ljongs rgyu zhing gshegs nas mthar gyis rgyu zhing gshegs pa na mnyan yod du byon nas mnyan yod na shar gyi kun dga' ra ba ri dwags 'dzin gyi mi'i khang bzang na bzhugs so/ /ri dwags 'dzin gyi ma sa gas bcom ldan 'das ko sa la dag tu ljongs rgyu zhing gshegs pa na mnyan yod du byon nas/ mnyan yod na bdag gi khang bzang na bzhugs zhes thos so/ /thos nas kyang rgyan thams cad kyis brgyan te mnyan yod nas byung nas bcom ldan 'das ga la ba der song ngo / /de ngo tsha dang ldan pa yin pas des rgyan bkrol te thum por bcings nas bu mo'i lag tu byin te de bcom ldan 'das kyis spyan sngar song nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /de na ha cang thag mi ring ba na sna ma'i yal ga me tog rgyas pa zhig 'dug nas bu mo des de mthong nas bsams pa/ 'di las me tog dag gtogs te bcom ldan 'das la me tog sil ma dag gis gtor gyi/ 'thog tu 'gro'o snyam nas des rgyan de mtha' gcig tu bzhag ste sna ma'i yal ga de las me tog dag gtogs nas bcom ldan 'das la me tog sil ma dag gis gtor te mtha' gcig tu 'dug go /bcom ldan 'das kyis de la yun </font><hr>Ja353b<br><font size=+1>


ring du chos bstan nas de bcom ldan 'das kyi zhabs la phyag 'tshal te song ba dang rgyan gyi thum po de nyid du brjed de lus so/ /tshe dang ldan pa kun dga' bos des rgyan de bor te song ba mthong nas des bsams pa/ 'di ltar bcom ldan 'das kyis ma gnang mod kyi 'di nyid rkyen du mdzad de/ gnang bar 'gyur ba gang yin pa de lta bu'i gnas yod par 'gyur ro snyam nas de nas tshe dang ldan pa kun dga' bos rgyan de sbed du bcug nas/ bcom ldan 'das ga la ba der song ste/ phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go / mtha' gcig tu 'dug nas bcom ldan 'das la tshe dang ldan pa kun dga' bos 'di skad ces gsol to/ /btsun pa ri dwags 'dzin gyi ma sa gas rgyan bskyud de mchis nas bdag la blo skyes pa 'di ltar bcom ldan 'das kyis ma gnang mod kyi 'di nyid rkyen du mdzad de gnang bar 'gyur ba gang lags pa de lta bu'i gnas mchis par 'gyur ro snyam nas bdag gis rgyan de sbed du stsal to/ /kun dga' bo 'di ltar ngas ma gnang yang gnang bar 'gyur ba gang yin pa de khyod kyis shes pa legs so legs so/ /kun dga' bo de la bas na kun dga'i ra bar gtogs pa na 'dug pa'am gnas khang du gtogs pa na 'dug pa ma gtogs so/ /bud med kyi yul ni rgyan la nye bar spyod pa yin pas sa gas phyi de nyin par rgyan de dran pas des bu </font><hr>Ja354a<br><font size=+1>


@#/ /mo de la smras pa/ bu mo rgyan ga re/ bu mos smras pa/ jo mo de nyid du bsgyud do/ /des smras pa/ song la long zhig /de'i bu dag gis de thos nas/ de dag gis smras pa/ yum mdzod khang du bzhag par mkhyen nam ci ga las blangs te mchi bar 'gyur/ sa gas bu rnams la smras pa/ bu dag kho mo ni nor chud mi za ba yin no/ /de nas bu mo de tshe dang ldan pa kun dga' bo'i gan du song ba dang tshe dang ldan pa kun dga' bos smras pa/ bu mo ci la 'ongs/ bu mos smras pa/ 'phags pa jo mos rgyan bskyud do/ / tshe dang ldan pa kun dga' bos smras pa/ 'di na 'dug gi/ khyer te song zhig /bu mo des khyer te song nas sa ga la smras pa/ jo mo rgyan de 'tshal te mchis pa 'di lags so/ /sa gas bu rnams la smras pa/ bu dag rgyan de khyer te 'ongs pa 'di yin te/ kho mos kho mo ni nor chud mi za bar yin no/ /zhes ma smras sam/ bu de dag gis bu mo de la dris pa/ bu mo 'phags pa gang gis sbed du bcug par gyur/ bu mos smras pa/ 'phags pa kun dga' bos so/ /de dag gis smras pa/ 'phags pa kun dga' bos gzigs pas/ des na thob par zad kyi gal te drug sde dag gis mthong bar gyur tu zin na de dag gis bca' ba'i rin du byin gyis brlab par 'gyur ba gang yin pa de lta bu'i gnas yod par 'gyur ro/ /de dag gis de bdag cag gis </font><hr>Ja354b<br><font size=+1>


ma 'di nor chud za ba yin nam ma yin pa brtags na shes par 'gyur ro snyam nas de dag gis ma'i sor gdub rgya blangs te khron pa'i nang du bcug pa dang / sa gas bu mo mngag gzhug ma la smras pa/ bu mo chu chus shig khrus bya'o/ /bu mo des chu bcu bar brtsams pa dang / de'i bum pa'i nang du sor gdub rgya de chud nas/ sa ga khrus byed pa na sor gdub rgya de phang par lhung nas/ sa gas bu rnams la bstan te smras pa/ bu dag kho mos kho mo ni nor chud mi za ba yin no/ /zhes ma smras sam/ yang de dag gis sor gdub rgya de chu klung gnas can gyi nang du 'phangs pa dang / de nya bo ches mid nas nya bo che de nya ba dag gis rgya mos bcus te phyung ngo / /sa ga'i bu mo mngag gzhug ma nya sha'i phyir chong 'dus su song nas des nya pa las nya bo che de nyos te bshas pa dang / ji tsam na de'i lto nas sor gdub rgya de byung ba mthong nas des sa ga la smras pa/ jo mo sor gdub rgya de 'di lags so/ /sa gas bu rnams la de bstan te smras pa/ bu dag kho mos kho mo ni nor chud mi za ba yin no zhes ma smras sam/ bu de dag gis smras pa/ yum nor chud mi za bar lags sam/ ma lags pa da dung yang brtag par bgyi'o/ /zhes de dag gis de na ra dag gis sre mo lta bu'i rkyal bu bkang ste lam po che'i bzhi mdor bor ba dang / skye bo phal po che de nas 'gro bas mthong nas sbrul dug myur du khyab par byed pa yin no zhes yongs su spangs te </font><hr>Ja355a<br><font size=+1>


@#/ /'gro zhing 'ga' yang len par mi byed nas/ de dag gis smras pa/ 'di ni sre mo lta bu'i rkyal bu de na ra dag gis gang ba 'dug na mi len tam/ de dag gis smras pa/ 'di ni sbrul dug myur du khyab par byed pa yin gyi sre mo lta bu rkyal bu de na ra dag gis gang ba ma yin gyi/ mi len to/ /de nas bu dag lhags te ma la smras pa/ yum khyod ni nor chud mi za ba lags mad do/ /thams cad du yang ri dwags 'dzin gyi ma sa ga ni nor chud mi za ba yin bden no zhes sgra grags par gyur to/ /dge slong gis kun dga'i ra bar gtogs par sre mo lta bu rkyal bu de na ra dag gis gang ba zhig lhung ba mthong nas phyogs der mi zhig 'ongs pa dang / dge slong des mi de la smras pa/ kye nang rje sre mo lta bu'i rkyal bu 'di khyod kyi ma yin nam/ 'phags pa lags so/ /khyer te song zhig /des de khyer te myur ba myur bar song ba dang / mi gzhan zhig mgo rdul gyis gang ste ngu zhing 'ongs nas des smras pa/ 'phags pa khyod kyis sre mo lta bu'i rkyal bu zhig gzigs sam/ dge slong des smras pa/ mi zhig gis khyer te song ngo / /des sre mo lta bu'i rkyal bu de ma rnyed pa na smyos shing sems 'khrugs pas de dang der tshol ba na tshul ma yin pas sdug bsngal bar gyur pa'i skabs de dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ de bzhin du gya </font><hr>Ja355b<br><font size=+1>


tshom du smra bar mi bya bar de la sre mo lta bu'i rkyal bu ci 'dra ba zhig srang du ba zhig ces dri bar bya'o/ /gal te rtags la bab par smra na sbyin par bya'o/ /gal te rtags la ma bab par sman sbyin par mi bya'o/ /de dag gis de der bor te dong ba na de gzhan dag gis brkus nas/ bcom ldan 'das kyis bka' stsal pa/ de bzhin du bor te 'dong bar mi bya bar 'gro ba'i lam g.yogs su sa'am lo ma'i tshogs dag gis g.yog par bya'o/ /de dag gis de yal ba kho nar bor nas/ bcom ldan 'das kyis bka' stsal pa/ de yal bar dor bar mi bya bar zhag bdun nam brgyad du der song ste bsdad par bya'o/ /gal te bdag po 'ongs shing rtags la bab par smra na sbyin par bya'o/ /gal te ma 'ongs na de'i 'og tu dge 'dun gyi mdzod du bcug ste gzhag par bya'o/ /gal te bdag bo zla ba drug 'das nas 'ongs shing rtags la bab par smra na sbyin par bya'o/ /gal te ma 'ongs na de'i 'og tu dngos po brtan por btsongs te gzhag par bya'o/ /gal te de'i tshe bdag po 'ongs par gyur na de la de dngos po 'dir btsongs kyi/ rjes su yi rang bar gyis shig ces brjod par bya'o/ /gal te rjes su yi rang na de lta na legs/ gal te rjes su yi rang bar mi byed na sbyin par bya'o/ /gal te skyed slong na kho bo cag gis yongs su bskyangs pa gang yin pa de nyid drin che bar mi sems sam/khyer te song zhig ces brjod par bya'o/ /de lta bas na kun dga'i ra bar </font><hr>Ja356a<br><font size=+1>


@#/ /gtogs pa na 'dug pa'am gnas khang du gtogs pa na 'dug pa ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang mthun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon bar bya ste/ yang dge slong gang rin po che'am/ rin po cher smos pa rang gi lag gis len tam len du 'jud na kun dga'i ra bar gtogs pa na 'dug pa'am/ gnas khang du gtogs pa na 'dug pa ma gtogs te ltung byed do/ /dge slong gis kun dga'i ra bar gtogs pa'am/ gnas khang du gtogs pa na rin po che'am/ rin po cher smos pa 'dug pa la 'di su'i yin pa de len par 'gyur grang snyam pa de lta bu'i sems kyis blang bar bya ste/ de la de ni cho ga yin no/ /yang dge slong gang zhes bya ba ni drug sde'am gzhan yang de lta bu gang yin pa'o/ /rin po che'am zhes bya ba la rin po che zhes bya ba ni nor bu dag dang mu tig dag dang bai DUR+Ya dang man shel dkar po dang byi ru dang gser dang dngul dang / rdo'i snying po dang spug dang dmar po dang / </font><hr>Ja356b<br><font size=+1>


g.yas su 'khyil ba'o/ /rin po cher smos pa zhes bya ba la rin po cher smos pa zhes bya ba ni/ g.yul ngor spyad pa'i mtshon cha thams cad dang rol mor spyad pa'i yo byad thams cad do/ / rang gi lag gis zhes bya ba ni lag pas lag par ro/ /len tam zhes bya ba ni bdag nyid kyis so/ /len du 'jud na zhes bya ba ni gzhan no/ /kun dga'i ra bar gtogs pa na 'dug pa zhes bya ba ni kun dga' ra ba'i phyi rol na'o/ /gnas khang du gtogs pa na 'dug pa zhes bya ba ni kun dga'i ra ba'i nang na'o/ /ma gtogs te zhes bya ba ni kun dga'i ra bar gtogs pa na 'dug pa 'am/ gnas khang du gtogs pa na 'dug pa na bzhag ste'o/ /ltung byed do zhes bya ba ni sems can dmyal ba dang dud 'gro dang yi dwags ngan song dang ngan 'gro log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ dge slong gis zhes bya ba ni chos 'di pas so/ /kun dga'i ra bar gtogs pa'am/ gnas khang du gtogs pa na rin po che'am rin po cher smos pa 'dug pa la 'di su'i yin pa de len par 'gyur grang snyam pa de lta bu'i sems kyis blang bar bya ste/ de la de ni cho ga yin no zhes bya ba la de la de ni rjes su mthun pa'i chos yin pa'o/ /de la ltung ba ji </font><hr>Ja357a<br><font size=+1>


@#/ /ltar 'gyur zhe na/ bar sdom la/ nor bu mgul rgyan pi wang dang / dung dang gzhu dang mda' dang ni/ /sku gzugs sku gdung bcas pa dang / /sngon gyi tshul ni tha ma yin/ /dge slong gis nor bu len na bdar ba len na ltung byed du 'gyur la/ ma bdar ba len na nyes byas su 'gyur ro/ /nor bu ji lta ba bzhin du mu tig dang bai DUR+Ya dang man shel dkar po dang byi ru dang dngul dang gser dang rdo'i snying po dang / spug dang dmar po dang g.yas su 'khyil ba yang de bzhin no/ /tha na nor bu mching bu len na yang nyes byas su 'gyur ro/ /dge slong gis mgul rgyan len na ltung byed du 'gyur ro/ /mgul rgyan ji lta ba bzhin du gdu bu rgyan can dang dpung rgyan dang ngo shal dang sen mo do yang de bzhin no/ /tha na sog ma'i phreng ba len na yang nyes byas su 'gyur ro/ /dge slong gis pi wang len na rgyud dang bcas pa len na ltung byed du 'gyur la/ rgyud med pa len na nyes byas su 'gyur ro/ /pi wang ji lta ba de bzhin du 'od ma dang bal la ri dang ma ha ti dang su g+ho sha ka yang de bzhin no/ /tha na mchu sbrang len na yang nyes byas su 'gyur ro/ /dge slong gis dung len na sgra 'byin pa len na ltung byed du 'gyur la/ sgra mi 'byin pa len na nyes byas su 'gyur ro/ /dung ji lta ba bzhin du rnga bo che dang / rnga pa Ta ha dang / rdza rnga yang de bzhin no/ /tha na rdza rnga kha cig pa len na yang nyes byas su 'gyur ro/ /dge slong gis </font><hr>Ja357b<br><font size=+1>


gzhu len na rgyud dang bcas pa len na ltung byed du 'gyur la/ rgyud med pa len na nyes byas su 'gyur ro/ /gzhu ji lta ba bzhin du ral gri dang ral gri khyog po dang ral gri so gnyis pa dang / mdung dang 'phang mdung dang lcags kyo yang de bzhin no/ /tha na gzhu len na nyes byas su 'gyur ro/ /dge slong gis mda' len na mde'u dang bcas pa len na ltung byed du 'gyur la/ mde'u med pa len na nyes byas su 'gyur ro/ /mda' ji lta ba bzhin du lcags mda' dang / mda' phyed lcags las byas pa yang de bzhin no/ /tha na mda' ltar bcos pa len na nyes byas su 'gyur ro/ /dge slong gis sku gzugs len na sku gdung dang bcas pa len na ltung byed du 'gyur la/ sku gdung med pa len na nyes byas su 'gyur ro/ /ston pa'i 'du shes nye bar bzhag ste len na ltung ba med do/ / las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /dge slong rnams la the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa ri dwags 'dzin gyi ma sa gas las ci zhig bgyis na las de'i rnam par smin pas nor chab mi 'tshal bar 'gyur/ bcom ldan 'das kyis bka' stsal pa/ dge slong dag ri dwags 'dzin gyi ma sa gnyid kyis las tshogs rnyed pa rkyen yongs su bsgyur ba 'od pa bzhin du nye bar gnas pa gdon mi za bar 'gyur pa dag byas shing bsags </font><hr>Ja358a<br><font size=+1>


@#/ /pas ri dwags 'dzin gyi ma sa gnyid kyis las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi 'di ltar las dge ba dang mi dge ba byas shing bsags pa dag ni zin pa'i phung po dang khams dang skye mched dag la rnam par smin par 'gyur te/ las rnams bskal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba bskal pa chen po bzang po 'di nyid la skye dgu'i tshe lo nyi khri thub pa na ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ngo / /gang gi tshe yang dag par rdzogs pa'i sangs rgyas 'od srung gis sangs rgyas kyi mdzad pa mtha' da mdzad nas/ phung po'i lhag ma med pa'i mya ngan las 'das pa'i dbyings su yongs su las 'das pa de'i tshe na/ rgyal po kri kri zhes bya ba rgyal srid dang 'byor pa dang rgyas pa bde ba lo legs pa/ skye </font><hr>Ja358b<br><font size=+1>


bo dang mi mang pos gang ba/ 'thab mo dang 'thab pa dang 'khrug long dang nang 'khrug dag rab tu zhi ba/ chom rkun dang mu ge dang nad dang bral ba/ sA lu dang bu ram shing gi phreng ba dang / ba lang dang ma he phun sum tshogs pa byed du 'jug pa chos dang ldan pa chos kyi rgyal po chos kyi rgyal srid byed du 'jud pa'i rin po che sna bzhi las byas pa'i mchod rten rgyar dpag tshad gcig pa phang du dpag tshad phyed pa byed du bcug go /de na bud med rgan mo skyabs su 'gro ba dang bslab pa'i gzhi blangs pa gcig cig bcom ldan 'das yang dag par rdzogs pa'i sangs rgyas 'od srung gi mchod rten la bsnyen bkur byed cing 'dug go /de nas rgyal po kri kri dpyid kyi dus kyi tshe shing ljon pa me tog kha bye zhing 'bras bu rgyas pa dang ngang pa dang khrung khrung dang rma bya dang ne tso dang ri skegs dang / khu byug dang / shang shang te'u sgra 'byin pa'i tshal gseb dag tu btsun mo'i 'khor dang lhan cig skyed mos tshal gyi sar byung nas/ rgyal pos de myur ba myur bar yang wA ra NA sir zhugs so/ /btsun mo'i 'khor gyi sna ma'i yal ga dag la mu tig gi chun po dpyangs te khrus bya bar brtsams pa dang / des rgyal po myur ba myur bar wA ra NA sir zhugs pa thos nas de yang brtad pa dang bcas pas mu tig gi chun po brjed de por nas wA ra NA sir zhugs so/ /bud med rgan mo des mu tig gi chun po de mthong nas/ des mu tig gi chun po de smyug ma la btags te bzhag go /bud med kyi yul ni rgyan la nye bar spyod pa yin pas des phyi de nyin </font><hr>Ja359a<br><font size=+1>


@#/ /par rgyan de dran nas/ des rgyal po la gsol pa dang / rgyal po zho shas 'tsho ba dag der btang nas de dag gis mu tig gi chun po smyug ma la btags pa de mthong ba dang / de dag gis bud med rgan mo la dris pa/ mu tig gi chun po 'di sus smyug ma la btags te bzhag /rgan mos smras pa/ kho mos so/ /de dag gis mu tig gi chun po de rgyal po la phul ba dang / rgyal pos zho shas 'tsho ba dag la smras pa/ khyed cag gis de ga las rnyed/ de dag gis smras pa/ bud med rgan mo zhig gis smyug ma la btags te bzhag pa de nas bdag gis rnyed do/ /rgyal pos smras pa/ bud med rgan mo de bos shig /de dag gis bos te smras pa/ lha bud med rgan mo de 'di lags so/ /rgyal pos smras pa/ khyed kyis mu tig gi chun po 'di smyug ma la btags te bzhag pa bden nam/ rgan mos smras pa/ lha mad do/ /rgyal pos smras pa/ khyod de la 'dod pa ma skyes sam/ rgan mos smras pa/ lha bdag gis bcom ldan 'das yang dag par rdzogs pa'i sangs rgyas 'od srung gi spyan snga nas skyabs su mchi ba dang bslab pa'i gzhi dag blangs pas/ bdag gzhan gyi rdzas la 'dod pa'i chos skyed par ga la 'gyur/ rgyal po dga' nas des de la mu tig gi chun po de nyid bya dga' byin te/ khyod kyir gyur gyi/ song zhig ces smras so/ /rgan mo des mu tig gi chun po de khyer te btsongs nas bcom ldan 'das yang dag par rdzogs </font><hr>Ja359b<br><font size=+1>


ba'i sangs rgyas 'od srung gi mchod rten la mchod pa dang / bsnyen bkur byas te/ zhabs gnyis la gtugs nas/ smon lam 'di skad ces bdag dge ba'i rtsa ba 'dis nor chud mi za bar gyur cig ces btab bo/ /dge slong dag de'i tshe de'i dus na/ bud med rgan mo gang yin pa de ni/ ri dwags 'dzin gyi ma sa ga 'di nyid yin te/ 'dis de'i tshe smon lam de ltar btab pa'i las de'i rnam par smin pas nor chud mi za bar gyur to/ /dge slong dag de ltar na las gcig tu gnag pa rnams kyi rnam par smin pa yang gcig tu gnag pa yin/ las gcig tu dkar ba rnams kyi rnam par smin pa yang gcig tu dkar ba yin/ las 'dren ma rnams kyi rnam par smin pa yang 'dren ma yin no/ /dge slong dag de lta bas na/ las gcig tu gnag pa dang / 'dren ma rnams spangs te/ las gcig tu dkar ba rnams la brtsal bar bya ste/ dge slong dag khyed kyis/ de ltar bslab par bya'o/ /longs pa'i gzhir gtogs pa'i ltung byed de/ lnga bcu dgu pa rdzogs so// // 'dul ba rnam par 'byed pa/ bam po drug cu pa/ sangs rgyas bcom ldan 'das rgyal po'i khab na 'od ma'i tshal ka lan da ga'i gnas na bzhugs so/ /rgyal po'i khab na chu dron gsum yod pa gcig tu ni ma ga d+har byung ba'i rgyal po bzo sbyangs gzugs can snying po khrus byed/ gnyis par ni btsun mo'i 'khor khrus byed/ gsum par ni grong rdal gyi mi dang yul gyi mi dag khrus byed </font><hr>Ja360a<br><font size=+1>


@#/ /do| |ma ga d+har byung ba'i rgyal po bzo sbyangs gzugs can snying pos bsams pa/ bdag gis bcom ldan 'das nyan thos kyi dge 'dun dang bcas pa la rnam pa du ma'i sgo nas yo byad thams cad kyis btab na khrus kyis ma bstabs kyi/ bdag gis bcom ldan 'das nyan thos kyi dge 'dun bcas pa la khrus kyis bstab par bya'o snyam du rig nas bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bo phyag 'tshal te mtha' gcig tu 'dug go /mtha' gcig tu 'dug nas bcom ldan 'das la ma ga d+har byung ba'i rgyal po bzo sbyangs gzugs can snying pos 'di skad ces gsol to/ /btsun pa rgyal po'i khab 'di na chab dron gsum mchis pa gcig tu ni bdag khrus bgyid/ gnyis par ni mchis brang gi 'khor khrus bgyid/ gsum par ni grong rdal gyi mi dang yul gyi mi dag khrus bgyid na/ btsun pa gang du bdag khrus bgyid pa der 'phags pa dag kyang khrus mdzad cing gang gi tshe 'phags pa dag khrus mdzad pa de'i tshe na bdag sdod par bgyid la/ gang gi tshe bdag khrus bgyid pa de'i tshe yang 'phags pa dag gis gzhes par mdzad du gsol/ gang du mchis 'brang gi 'khor khrus bgyid pa der yang 'phags ma dag khrus mdzad cing gang gi tshe 'phags ma dag khrus mdzad pa de'i tshe yang mchis brang gi 'khor sdod par bgyid la/ gang gi </font><hr>Ja360b<br><font size=+1>


tshe mchis brang gi 'khor khrus bgyid pa de'i tshe yang 'phags ma dag gis gzhes par mdzad du gsol/ /bcom ldan 'das kyis ma ga d+har byung ba'i rgyal po bzo sbyangs gzugs can snying po la cang mi gsung bas gnang ngo / /de nas ma ga d+har byung ba'i rgyal po bzo sbyangs gzugs can snying pos bcom ldan 'das kyis cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas song ngo / /drug sde dag la blo skyes pa dga' bo nye dga' ma ga d+har byung ba'i rgyal po bzo sbyangs gzugs can snying po dad pa dang ldan pa ni yin na dad pa ji lta bu dang ldan pa bltas khrus byed du 'dong ngo zhes de dag der khrus byed du dong nas/ de dag gis smras pa/ dga' bo nye dga' gal te bdag cag thams cad gcig car khrus byas na myur du zin par 'gyur gyi/ gnyis kyis khrus bya zhing bzhis grogs bya'o/ /de'i 'og tu gnyis kyis khrus bya zhing bzhis grogs bya'o/ /de'i 'og tu yang gnyis kyis kyang khrus bya zhing bzhis grogs bya'o/ /de ltar bya'o zhes de dag las gnyis kyis khrus bya bar brtsams te bzhis grogs byed cing 'dug go /de'i tshe ma ga d+har byung ba'i rgyal po bzo sbyangs gzugs can snying po yang der khrus byed du 'phags nas/ des mi gsang la gtogs pa la smras pa/ kwa'e nang rje song la da ltar su khrus byed ltos shig /mi des lha bka' bzhin 'tshal/ </font><hr>Ja361a<br><font size=+1>


@#/ /zhes ma ga d+har byung ba'i rgyal po bzo sbyangs gzugs can snying po las mnyan nas/ der song ste bltas na ji tsam na drug sde dag khrus byed pa mthong nas rgyal po'i gan du song ste smras pa/ lha 'phags pa drug sde dag khrus bgyid do/ /rgyal pos smras pa/ khri'u tshugs shig dang bsdad par bya'o/ /des khri'u btsugs nas rgyal pos bsdad pa dang / ji tsam na yun ring zhig lon nas rgyal pos yang mi gsang la gtogs pa la smras pa/ kwa'e nang rje song la da ltar su khrus byed ltos shig /mi des lha bka' bzhin 'tshal zhes ma ga d+har byung ba'i rgyal po bzo sbyangs gzugs can snying po las mnyan nas der song ste bltas na ji tsam na yang drug sde dag khrus byed pa mthong nas de rgyal po'i gan du song ste smras pa/ / lha 'phags pa drug sde de dag nyid khrus bgyid do/ /rgyal pos yang khri'u btsugs pa de nyid la bsdad pa dang / ji tsam na yun ring zhig lon nas yang rgyal pos mi gsang la gtogs pa la smras pa/ kwa'e nang rje song la da ltar su khrus byed ltos shig /mi des lha bka' bzhin 'tshal zhes ma ga d+har byung ba'i rgyal po bzo sbyangs gzugs can snying po las mnyan nas der song ste bltas na ji tsam na da rung yang drug sde dag khrus byed pa mthong nas/ de rgyal po'i gan du song ste smras pa/ lha da dud yang 'phags pa drug sde de dag nyid khrus bgyid do/ /rgyal pos </font><hr>Ja361b<br><font size=+1>


smras pa/ shes ldan dag 'o na ni de dag yun ring por da la mtho 'tsham par byed kyi/ chu 'on cig dang dbang bskur ba'i khrus kyis khrus bya'o/ /de dag gis chu blangs nas rgyal pos de nyid du dbang bskur ba'i khrus kyis khrus byas nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te/ chos mnyan pa ma mnyan pa kho nar bcom ldan 'das kyi spyan snga nas song ngo / /de nas bcom ldan 'das kyis tshe dang ldan pa kun dga' bo la bka' stsal pa/ dga' bo ci'i phyir rgyal po gzugs can snying pos chos mnyan pa ma mnyan par song / btsun pa rgyal po gzugs can snying po 'di drug sde dag gis mtho btsams so/ /ci'i phyir des skabs de rgyas par gsol to/ /de nas bcom ldan 'das 'di snyam du dgongs te nyes dmigs gang cung zad byung ba de ni dge slong dag khrus byed pa las gyur pas de'i phyir dge slong rnams kyis khrus mi bya'o snyam du dgongs nas bka' stsal pa/ de lta bas na dge slong rnams kyis khrus mi bya'o/ /bcom ldan 'das kyis dge slong rnams kyis khrus mi bya'o zhes bka' stsal nas/ dge slong dag phyin chad khrus mi byed pas de dag dri ma'i rdzab kyis gos pa'i lus dri nga bar gyur nas bram ze dang khyim bdag gis smras pa/ 'phags pa dag dri nga ba'i 'di su lags/ dge slong rnams kyis smras pa/ kho bo cag go /'phags pa dag ci'i slad du khrus mi mdzad/ bcom ldan 'das kyis </font><hr>Ja362a<br><font size=+1>


@#/ /ma gnang ngo / /ci khyed cag dri ma'i rdzab 'chang bas dag par 'gyur ram/ zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na zla ba phyed phyed cing khrus bya bar gnang ngo / bcom ldan 'das kyis zla ba phyed phyed cing khrus bya'o/ /zhes bka' stsal nas so ga'i dus la bab pa dang dge slong dag tsha bas snyom nas/ de dag skya bo bseng bseng bor gyur cing rid pa dang nyam chung ba dang rke ba dang lus ma thob par gyur nas/ bram ze dang khyim bdag dad pa can dag gis smras pa/ 'phags pa dag ci'i slad du khyed skya bo bser bseng bor gyur cing rid pa dang nyam chung ba dang rke ba dang lus ma thob par gyur/ dge slong rnams kyis smras pa/ tsha bas snyom mo/ / ci'i slad du khrus mi mdzad/ bcom ldan 'das kyis ma gnang ngo / /zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na tsha ba'i dus ma gtogs so/ /dge slong dag na bar gyur nas de dag sman pa'i gan du dong ste dris pa/ bzhin bzang kho bo cag na na kho bo cag la sman ston cig /des smras pa/ 'phags pa dag gdugs re re zhing khrus sten cig dang des sos par 'gyur ro/ /bzhin bzang bcom ldan 'das kyis ma gnang ngo / /'phags pa dag khyed kyi ston pa thugs rje dang </font><hr>Ja362b<br><font size=+1>


ldan pas de nyid rkyen du mdzad nas gnang bar 'gyur pa gang lags pa de lta bu'i gnas mchis par 'gyur ro zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na na ba'i dus ma gtogs so/ /dge slong dag gis dge 'dun dang mchod rten gyi las dag byas nas de dag 'jim rdzab kyis gos shing 'bags bzhin du 'khod nas/ bram ze dang khyim bdag dad pa can dag 'ongs te dris pa/ 'phags pa dag ci'i slad du/ khyed cag 'jim rdzab kyis gos shing 'bags bzhin du 'khod/ khrus mdzad na ci nongs/ bcom ldan 'das kyis ma gnang ngo / /zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na las kyi dus ma gtogs so| |dge slong dag lam du song zhing 'ongs par gyur pa na de dag lus ngal bas glos phab ste nyal ba na/ bram ze dang khyim bdag dad pa can dag 'ongs te dris pa/ 'phags pa dag bstan pa la gcig tu brtsal bar bgyi ba lags na ci'i slad du glos phab ste gzims shing dge ba'i phyogs la tron mi mdzad/ dge slong rnams kyis smras pa/ kho bo cag lam du song zhing 'ongs pas tsha bas snyoms nas glos phab ste nyal zhing dge ba'i phyogs la tron byed pa mi nus par gyur to/ /khrus mdzad na ni ci nongs/ bcom ldan 'das kyis ma gnang ngo zhes zer ba'i skabs de dge slong rnams kyis </font><hr>Ja363a<br><font size=+1>


@#/ /bcom ldan 'das la gsol ba dang / bcom ldan 'das kyis bka' stsal pa/ de lta bas na lam gyi dus ma gtogs so/ /rlung byung nas dge slong dag rdul gyis rdul can du gyur nas de dag kho na bzhin du 'khod pa na/ bram ze dang khyim bdag dad pa can dag 'ongs nas de dag gis mthong nas dris pa/ 'phags pa dag ci'i slad du rdul gyis gos shing bzhugs/ khrus mdzad na ci nongs/ bcom ldan 'das kyis ma gnang ngo / /zhes zer ba'i skabs de dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ de lta bas na rlung gi dus ma gtogs so/ /char 'bab nas dge slong dag mngon par lngar nas de dag kho na bzhin du 'khod pa dang / bram ze dang khyim bdag dad pa can dag gtsug lag khang du 'ongs te dris pa/ 'phags pa dag ci'i slad du char gyis mngon par lngar cing bzhugs/ khrus mdzad na ci nongs/ bcom ldan 'das kyis ma gnang ngo zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na char gyi dus ma gtogs so/ /rdzi char byung nas dge slong dag lus khra bor gyur nas de dag de kho na bzhin du 'khod pa dang / bram ze dang khyim bdag dad pa can dag gtsug lag khang du 'ongs te dris pa/ 'phags pa dag ci'i slad du </font><hr>Ja363b<br><font size=+1>


lus khra bor gyur cing bzhugs/ khrus mdzad na ci nongs/ bcom ldan 'das kyis ma gnang ngo zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na rdzi char gyi dus ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas/ dge slong rnams la de dang mthun pa dang de'i shas che ba dang de dang 'tsham pa'i chos dang ldan pa'i bka' mchid mdzad nas/ dge slong rnams la bka' stsal pa/ dge slong dag de bas na snga ma bcas pa yin la 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste bcom ldan 'das kyis zla ba phyed phyed cing khrus bya bar gsungs pa de las 'dums par byed na dus ma gtogs te ltung byed do/ /de la dus ni 'di yin te/ so ga rnams kyi zla ba lhag ma phyed dang gnyis dang / dbyar rnams kyi dang po dang zla ba phyed dang gsum po 'di dag ni tsha ba'i dus so/ /lhag ma ni na ba dus so/ /las dus so/ /lam dus so/ /rlung dus so/ /char dus so/ /rdzi char dus te/ de la de ni dus yin no/ / bcom ldan 'das kyis zhes bya ba ni de bzhin gshegs pa dgra bcom pa yang dag par rdzogs pa'i sangs rgyas kyis so/ /zla ba phyed phyed cing khrus bya bar gsungs pa zhes bya ba ni zla ba ngo phyed </font><hr>Ja364a<br><font size=+1>


@#/ /phyed la'o/ /de las 'dums par byed na zhes bya ba ni zla ba phyed phyed las 'dums par byed na'o/ /dus ma gtogs te zhes bya ba ni dus bzhag ste'o/ /ltung byed do// zhes bya ba ni sems can dmyal ba dang dud 'gro dang yi dwags ngan song dang ngan 'gro log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste des na ltung byed do/ /zhes gsungs so/ /de la dus ni 'di yin te/ so ka rnams kyi zla ba lhag ma phyed dang gnyis dang / dbyar rnams kyi dang po dang zla ba phyed dang gsum po 'di dag ni tsha ba'i dus so zhes bya ba la/ so ga rnams kyi zla ba lhag ma phyed dang gnyis zhes bya ba ni zla ba phyed dang gnyis ni dbyar nye bar bsgrub par 'byung bar 'gyur ba ste/ dbyar zla ra ba tshes nas dbyar zla 'bring po nya'i bar gyi zla ba phyed dang gnyis so/ /dbyar rnams kyi dang po zhes bya ba ni/ gnas par khas blangs pa rnams kyis dang po zla ba gcig ste/ dbyar zla 'bring po'i tshes bcu drug nas dbyar zla tha chung nya'i bar gyi zla ba gcig go /lhag ma ni na ba dus so/ /zhes bya ba ni 'di lta ste/ dge slong na ba khrus ma byas par 'tsho bar mi nus na'o/ /las dus so zhes bya ba ni 'di lta ste dge slong gis dge 'dun gyi'am/ mchod rten gyi las tha na re lde tsam zhig phyags </font><hr>Ja364b<br><font size=+1>


sam dkyil 'khor ba mal tsam zhig byug pa byas na'o/ /lam dus so zhes bya ba ni 'di lta ste dge slong dpag tshad gcig tu song ngam/ dpag tshad phyed du song ste phyir 'ong na'o/ /rlung dus so zhes bya ba ni 'di lta ste tha na rlung gis gos kyi gra bskul bar gyur na'o/ /char dus so zhes bya ba ni 'di lta ste tha na lus la char gyi thigs pa gnyis sam/ gsum bab par gyur na'o/ /rdze char dus so zhes bya ba ni 'di lta ste tha na rdzi char gyis gos kyi mtha' bskul bar gyur cing lus la char pa'i thigs pa gnyis sam gsum bab par gyur na'o/ /de la de ni dus yin no zhes bya ba ni de la de ni rjes su mthun pa'i chos yin pa'o/ /de la ltung ba ji ltar 'gyur zhe na/ dge slong gis dbang bskur ba'i khrus kyis khrus byed na des dus byin gyis brlab par bya'o/ /dus byin gyis ma brlabs par khrus byed na ji srid du chus lte bar ma son gyi bar du nyes byas su 'gyur la/ chus lte bar son na ltung byed du 'gyur ro/ /dge slong gi 'jug pa'i khrus kyis khrus byed na des dus byin gyis brlab par bya'o// dus byin gyis ma brlabs par khrus byed na ji srid du chus lte bar ma son gyi bar du nyes byas su 'gyur la/ chus lte bar son na ltung byed du 'gyur ro/ /dge slong gis dbang bskur ba'i khrus kyis khrus byas nas 'jug pa'i khrus kyis khrus byed na des dus byin gyis brlab par bya'o/ /dus byin gyis ma brlab par khrus byed na ji srid du chus lte bar ma son gyi bar du nyes byas su </font><hr>Ja365a<br><font size=+1>


@#/ /'gyur la/ chus lte bar son na ltung byed du 'gyur ro/ /dge slong gis 'jug pa'i khrus kyis khrus byed nas dbang bskur ba'i khrus kyis khrus byed na des dus byin gyis brlab par bya'o| |dus byin gyis ma brlabs par khrus byed na ji srid du chus lte bar ma son gyi bar du nyes byas su 'gyur la/ chus lte bar son na ltung byed du 'gyur ro/ /dge slong gis chu grang mos khrus byed na des dus byin gyis brlab par bya'o/ /dus byin gyis ma brlabs par khrus byed na ji srid du chus lte bar ma son gyi bar du nyes byas su 'gyur la/ chus lte bar son na ltung byed du 'gyur ro/ /dge slong gis chu dron mos khrus byed na des dus byin gyis brlab par bya'o/ /dus byin gyis ma brlabs par khrus byed na ji srid du chus lte bar ma son gyi bar du nyes byas su 'gyur la/ chus lte bar son na ltung byed du 'gyur ro/ /dge slong gis chu grang mos khrus byas nas chu dron mos khrus byed na des dus byin gyis brlab par bya'o/ /dus byin gyis ma brlabs par khrus byed na ji srid du chus lte bar ma son gyis bar du nyes byas su 'gyur la/ chus lte bar son na ltung byed du 'gyur ro/ /dge slong gis chu dron mos khrus byas nas chu grang mos khrus byed na des dus byin gyis brlab par bya'o/ /dus byin gyis ma brlabs par khrus byed na ji srid du chus lte bar ma son gyi bar du nyes byas su 'gyur la/ chus lte bar son na ltung byed du 'gyur ro/ /dge slong gis chu klung dal gyis 'bab par khrus </font><hr>Ja365b<br><font size=+1>


byed na des dus byin gyis brlab par bya'o/ /dus byin gyis ma brlabs par khrus byed na ji srid du chus lte bar ma son gyi bar du nyes byas su 'gyur la/ chus lte bar son na ltung byed du 'gyur ro/ /dge slong gis chu klung drag tu 'bab par khrus byed na des dus byin gyis brlab par bya'o/ /dus byin gyis ma brlabs par khrus byed na ji srid du chus lte bar ma son gyi bar du nyes byas su 'gyur la/ chus lte bar son na ltung byed du 'gyur ro/ /dge slong gis chu klung dal gyis 'bab par khrus byas nas chu klung drag tu 'bab par khrus byed na des dus byin gyis brlab par bya'o/ /dus phyin gyis ma brlabs par khrus byed na ji srid du chus lte bar ma son gyi bar du nyes byas su 'gyur la/ chus lte bar son na ltung byed du 'gyur ro/ /dge slong gis chu klung drag tu 'bab par khrus byas nas chu klung dal gyis 'bab par khrus byed na des dus byin gyis brlab par bya'o/ /dus byin gyis ma brlabs par khrus byed na ji srid du chus lte bar ma son gyi bar la nyes byas su 'gyur la/ chus lte bar son na ltung byed du 'gyur ro/ /dge slong dag chu klung rgal ba na de dag 'gyod par gyur nas/ bcom ldan 'das kyis bka' stsal pa/ 'di la 'gyod par mi bya bar gal te khrus byed par 'dod na dus byin gyis brlabs te khrus bya'o/ /dge slong dag skam sa'o snyam nas chur zhugs pa dang / de dag der lhung zhing de dag 'gyod pa skyes nas/ bcom ldan 'das kyis </font><hr>Ja366a<br><font size=+1>


@#/ /bka' stsal pa/ 'di la 'gyod bar mi bya bar gal te khrus byed par 'dod na dus byin gyis brlabs te khrus bya'o/ /de bzhin du dge slong dag 'chags na yengs pas chur lhung ba dang / brgyal ba la chus btab pa na de dag 'gyod par gyur nas/ bcom ldan 'das kyis bka' stsal pa/ 'di la 'gyod par mi bya bar gal te khrus byed par 'dod na/ dus byin gyis brlabs te khrus bya'o/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /khrus byed pa'i ltung byed de drug cu pa rdzogs so// // sdom la/ dud 'gro 'gyod pa sor mo dang / /rtse dang lhan cig sdangs byed dang / /sbed dang rdeng med gzhi med dang / /skyes pa med par lam 'gro ba'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /tshe dang ldan pa 'char ka snga dro sham thabs bgos/ lhung bzed dang chos gos thogs te mnyan yod du bsod snyoms la zhugs nas der bsod snyoms brgyus te 'phong gi dpong sa mthong nas de der zhugs pa dang 'phong gi slob dpon ni med/ khye'u dag 'khod nas des khye'u dag la dris pa/ khye'u dag ci byed/ de dag gis smras pa/ 'phags pa 'phong slob bo/ /'char kas smras pa/ bu dag legs te khyed kyis sgyu rtsal mchog la brgal te bltas/ g.yon 'phongs dang g.yas </font><hr>Ja366b<br><font size=+1>


'phongs dang mda' lnga 'phong ba byos shig /de dag gis g.yon 'phongs dang g.yas 'phongs dang / mda' lnga 'phang ba bya bar brtsams pa dang / de lag pa gnyis 'dril bar byed/ bzhin sgyur bar byed do| |de dag gis smras pa/ 'phags pa ci'i slad du phyag gnyis 'dril bar mdzad/ bzhin sgyur bar mdzad/ 'char kas smras pa/ da dung khyed cag gi slob dpon gyis kyang mi shes na khyed dag gis lta shes par 'gyur re skan/ de dag gis smras pa/ 'phags pa 'di la mkhyen pa cung zad mnga'am/ 'char kas smras pa/ sa'i steng na kho bos mi shes pa'i bzo'i gnas dang las kyi ga nas gang yod/ de dag gis smras pa/ 'phags pa g.yar snga brim gyi/ g.yon 'phongs dang g.yas 'phongs dang mda' lnga 'phang ba mdzad du gsol/ 'char kas smras pa/ gzhu 'on cig /de dag gis gzhu phul ba dang / 'char kas smras pa/ gzhu 'di ras bal gyi gzhu 'dras gzhan 'on cig /de dag gis gzhu gnyis pa dang / gsum pa phul ba dang / 'char kas smras pa/ gzhu 'di dag kyang ras bal gyi gzhu 'dras khyed kyi slob dpon gyi gzhu 'on cig /de dag gis slob dpon gyi gzhu phul ba dang / 'char kas smras pa/ 'di yang tshod yod pa zhig go zhes gzhu de ras bal gyi gzhu bzhin du brdungs te sgra sbrengs pa dang / steng gi nam mkha' la bya rog gi tshogs rgyu bar brtsams nas/ 'char kas smras pa/ ji ltar je bya rog 'di'i rkub tu bsnun la khar dbyung bar bya </font><hr>Ja367a<br><font size=+1>


@#/ /ba'am/ 'on te khar bsnun la rkub tu dbyung bar bya/ de dag gis smras pa/ 'phags pa rkub tu bsnun la khar dbyung du gsol/ 'char kas smras pa/ shar phyogs kyi steng gi nam mkha' la mda' gcig 'phangs shing lho dang nub dang byang phyogs kyi steng gi nam mkha' la yang mda' re re 'phangs pa dang bya rog des kha gyen du phyogs te 'gro bar brtsams pa nas/ 'char kas de'i phyi bzhin mda' gcig 'phangs pas rkub tu bsnun te khar byung nas bya rog des la lhung ba dang / de dag ya mtshan skye nas sems khong du chud cing 'khod do/ /'char kas smras pa/ bu dag bzo 'di ltar bslab par bya ba'am/ yang na slob dpon gzhan btsal bar bya'i 'bras bu med pa'i sbun pa 'phyar zhing 'khod de ci rung zhes smras te song ngo / /de dag sems khong du chud cing 'khod pa dang / ci tsam na de dag gi slob dpon 'ongs nas des smras pa/ khye'u dag ci'i phyir sems khong du chud cing 'khod/ g.yon 'phongs dang g.yas 'phongs dang mda' lnga 'phang ba byos shig /de dag lag pa gnyis 'dril bar byed/ bzhin sgyur bar byed pa dang / slob dpon gyis smras pa/ khye'u dag sngon ma byung ba'i rnam par 'gyur ba 'di lta bu byung na 'dir 'ga' zhig 'ongs par ma gyur tam/ mchis so/ /su/ 'phags pa 'char ka'o/ /des ci byas/ mda' lnga 'phangs pa </font><hr>Ja367b<br><font size=+1>


bgyis nas bya rog 'di'i rkub tu bsnun nas khar phyung ngo / /des smras pa/ khye'u dag byang chub sems dpas 'phong gi dpong sa gang du 'phong bslab par gyur ba der des kyang bslabs te/ gal te de rab tu byung bar ma gyur na 'dzam bu'i gling mtha' dag tu 'phong gi slob dpon mchog tu 'gyur ro/ /'on kyang kho bos ci shes pa re zhig kho bo las slobs la lhag ma gzhan las slobs shig / des bsams pa/ de yang dang yang du bdag la mtho 'tsham par 'gyur bas/ bdag gis de mi dga' bar bya'o snyam nas des khye'u de dag la smras pa/ khye'u dag khyed cag phyogs dang / phyogs mtshams rnams su btsun pa 'char ka'i sgra'i tshogs snyan pa rgya chen po grags pa 'dod dam/ de dag gis smras pa/ 'tshal lo/ /des smras pa/ gang gi tshe 'phags pa 'char ka bsod snyoms la zhugs pa de'i tshe na khyod kyis bya rog gi ro 'di smyug ma ring po'i rtse mo la thogs te/ de'i phyi bzhin phyi bzhin rjes su song la mi'o cog la 'di skad ces 'phags pa 'char kas mda' lnga 'phang ba 'di lta bu byas te/ bya rog 'di'i rkub tu bsnun nas khar phyung ba la ltos shig ces sgrogs la/ gal te phyir log cig ces zer na yang ma log cig /phyi de nyin par tshe dang ldan pa 'char ka snga dro sham thabs bgos/ lhung bzed dang chos gos thogs te mnyan yod du bsod snyoms la zhugs pa dang / khye'u de dag gis de mthong nas de dag gis bya rog gi ro de smyug ma ring po'i </font><hr>Ja368a<br><font size=+1>


@#/ /rtse mo la btags te tshe dang ldan pa 'char ka'i phyi bzhin du rjes su song nas mi'o cog la 'di skad ces 'phags pa 'char kas mda' lnga 'phang ba 'di lta bu byas pas bya rog 'di'i rkub tu ba snun nas khar phyung ba la ltos zhes bsgrags pa dang / 'char kas de dag mthong nas des smras pa/ khye'u dag ci'i phyir kho bo la mtho 'tsham par byed/ phyir ldog cig /'on kyang de dag phyir ma log par de skad sgrogs par byed nas bram ze dang khyim bdag shes ldan dag shAkya'i bu'i dge sbyong 'di dag ni srog gcod par byed pa ste/ srog gcod pa las ma log /ma spangs/ so sor ma spangs pa yin no/ /shes ldan dag shAkya'i bu'i dge sbyong sems can gang gi pags pa yang dgos par mi rung sha dang rgyus pa dang rus pa yang dgos par mi rung ba 'di lta bu yang gsod par byed pa la ltos/ su zhig dge sbyong mgo reg 'di dag la bsod snyoms sbyin pa dang bya bar sems shes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba </font><hr>Ja368b<br><font size=+1>


la sogs pa yang snga ma bzhin te sangs rgyas bcom ldan 'das kyis 'char ka la rmas pa/ 'char ka khyod kyis mi mdzes pa de lta bu de byas pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su mthun pa ma yin pa rung ba ma yin pa tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ / de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang bsams bzhin du dud 'gro skye gnas su gtogs pa'i srog chags gsod na ltung byed do/ /yang dge slong gang zhes bya ba ni 'char ka'am/ gzhan yang de lta bu gang yin pa'o/ /bsams bzhin du zhes bya ba ni rnam par brtags nas so/ /dud 'gro'i skye gnas su gtogs pa'i srog chags zhes bya ba ni bya rog gam gzhan yang de lta bu gang yin pa'o/ /gsod na zhes bya ba ni de'i srog gcod par byed na'o/ /ltung byed do zhes bya ba ni sems can dmyal ba dang dud 'gro dang yi dwags ngan song dang ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan </font><hr>Ja369a<br><font size=+1>


@#/ /yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste des na ltung byed do zhes gsungs so/ /de la ltung ba ji ltar 'gyur zhe na/ bar sdom la/ bdag nyid kyis ni zin pa dang / /phyi rol tu ni 'phangs pa dang / /gnyi ga dang ni ldan pa yi/ /sde tshan yang dag bsdus pa yin/ /ji ltar bdag nyid kyis zin pas she na dge slong gis dud 'gro'i skye gnas su gtogs pa'i sems can la gsad pa'i sems kyis 'di ltar rtsom pa 'dis 'di dus byed par gyur cig snyam nas sor mo gcig gis snun par byed cing / de yang rtsom pa des dus byed na dge slong la ltung byed du 'gyur ro/ /des de'i tshe ma yin yang des de'i 'og tu ni dge slong la ltung byed du 'gyur ro/ /des de'i tshe yang ma yin la/ des de'i 'og tu yang ma yin na/ dge slong la sbyor ba snga ma de nyid kyis nyes byas su 'gyur ro/ /sor mo gcig gis ji lta ba de bzhin du 'di ltar rtsom pa 'dis 'di dus byed par gyur cig snyam pas sor mo gnyis kyis sam/ gsum gyis sam/ bzhis sam/ lngas sam/ khu tshur gyis sam/ gru mos sam/ phrag pas sam/ mgo bos sam/ glos sam/ rked pas sam/ brlas sam/ pus mos sam/ rje ngar gyis sam/ long bus sam/ rkang mthil gyis sam/ tha na rkang pa'i mthe bos snun par byed cing de yang rtsom pa des dus byed na dge </font><hr>Ja369b<br><font size=+1>


slong la ltung byed du 'gyur ro/ /des de'i tshe ma yin kyang / des de'i 'og tu na/ dge slong la ltung byed du 'gyur ro/ /des de'i tshe yang ma yin la/ des de'i 'og tu yang ma yin na dge slong la sbyor ba snga ma de nyid kyis nyes byas su 'gyur te de ltar bdag nyid kyis zin pas so/ /ji ltar phyi rol tu 'phangs pas she na dge slong gis dud 'gro'i skye gnas su gtogs pa'i sems can la gsad pa'i sems kyis 'di ltar rtsom pa 'dis 'di dus byed par gyur cig snyam pas mdas snun par byed cing de yang rtsom pa des dus byed na dge slong la ltung byed du 'gyur ro/ /des de'i tshem yin yang des de'i 'og tu na dge slong la ltung byed du 'gyur ro/ /des de'i tshe yang ma yin la/ des de'i 'og tu yang ma yin na dge slong la sbyor ba snga ma de nyid kyis nyes byas su 'gyur ro/ /mdas ji lta ba de bzhin du 'di ltar rtsom pa 'dis 'di dus byed par gyur cig snyam pas lcag mdas sam/ mda' phyed lcags las byas pas sam/ ste'u kha mas sam/ mde'u be'u so lta bus sam/ mde'u zur bzhi pas sam/ mde'u ka ra bi ra'i lo ma lta bus sam/ mde'u bye'u snying mas sam/ 'khor los sam/ rdo rje rtse gcig pas sam/ mda' bo ches sam/ mtshon rtse gcig pas sam/ mtha' na rgya shug gi 'bras bus snun par byed cing / de yang rtsom pa des dus byed na dge slong la ltung byed du 'gyur ro/ /des de'i tshe ma yin yang des de'i 'og tu na dge slong la ltung byed du 'gyur ro/ /des de'i tshe yang ma yin </font><hr>Ja370a<br><font size=+1>


@#/ /la des de'i 'og tu yang ma yin na dge slong la sbyor ba snga ma de nyid kyis nyes byas su 'gyur te de ltar phyi rol tu 'phangs pas so/ /ji ltar de gnyi ga dang ldan pas she na dge slong gis dud 'gro'i skye gnas su gtogs pa'i srog chags la gsad pa'i sems kyis 'di ltar rtsom pa 'dis 'di'i dus byed par gyur cig snyam pas ral gris snun par byed cing de yang rtsom pa des dus byed na dge slong la ltung byed du 'gyur ro/ /des de'i tshe ma yin yang de'i 'og tu na dge slong la ltung byed du 'gyur ro/ /des de'i tshe yang ma yin la des de'i 'og tu yang ma yin na dge slong la sbyor ba snga ma de nyid kyis nyes byas su 'gyur ro/ /ral gris ji lta ba de bzhin du 'di ltar rtsom pa 'dis 'di dus byed par gyur cig snyam pas shang lang gis sam/ ral gri so gcig pas sam/ ral gri so gnyis pas sam/ mdung gis sam/ 'phang mdung gis sam/ kyo ba kha phrag gis sam/ tsha lcags kyis sam/ tha na rtswa mdas snun par byed cing de yang rtsom pa des dus byed na dge slong la ltung byed du 'gyur ro/ /des de'i tshe ma yin yang des de'i 'og tu na dge slong la ltung byed du 'gyur ro/ /des de'i tshe yang ma yin la des de'i 'og tu yang ma yin na dge slong la sbyor ba snga ma de nyid kyis nyes byas su 'gyur te de ltar gnyi ga dang ldan pas so/ /las dang po pa dang / smyos pa dang sems 'khrugs pa </font><hr>Ja370b<br><font size=+1>


dang / tshor ba dag gis nyen pa la ltung ba med do/ /dud 'gro gsod pa'i ltung byed de drug cu gcig pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa mo'u dgal gyi bu chen pos nye bar 'khor la sogs pa sar pa skyes phran gzhon nu bcu bdun sde'i tshogs dag rab tu phyung rdzogs par bsnyen par byas pa de'i tshe na de dag drug sde dag la bsten par byed bsnyen par byed bsnyen bkur byed do/ /de nas tshe dang ldan pa 'char kas bcu bdun sde dag la smras pa/ bcu bdun sde dag tshur shog /'di dang 'di gyis shig /de dag gis smras pa/ khyod kho bo cag gi slob dpon yin nam/ mkhan po yin nam ci mi byed do/ /'char kas smras pa/ glen pa dag 'o na gzhan ci byed ces des gnya' ba dag nas bzung ste phyi rol tu bskrad do/ /de dag gi smras pa/ tshe dang ldan pa dag bdag cag drug sde dag gis gang cung zad brnyas par gyur pa de dag thams cad ni bdag cag thos pa nyung ba las gyur pa yin gyi/ je thos pa 'dzin du 'dong dang / des na phyin chad drug sde dag la cung zad kyang dri mi dgos par 'gyur ro zhes de dag dge slong zhig gi gan du dong ste smras pa/ btsun pa bdag cag klog tu stsol cig /des de dag la thabs yin no zhes smras nas/ de dag gis de'i gan du bklag par brtsams so/ /nye dgas smras pa/ btsun pa 'char ka bcu bdun sde </font><hr>Ja371a<br><font size=+1>


@#/ /dag de bar bdag cag la bsten par mi byed bsnyen par mi byed bsnyen bkur mi byed do/ /'char kas smras pa/ kho bos de dag bskrad nas da ltar thos pa 'dzin par brtsams so/ /btsun pa 'char ka khyod kyis bdag cag gi sbrul nyal ba la lcag gis gzhus so/ /ji srid du glen pa de dag thos pa nyung ba de srid du de dag bdag cag la bsten par byed/ bsnyen par byed/ bsnyen bkur byed kyi/ gang gi tshe de dag thos pa mang por gyur cing mdo sde 'dzin pa dang / 'dul ba 'dzin pa dang / ma mo 'dzin pa dang / gdug cing pha rol gnon par gyur pa de'i tshe na de dag bdag cag la gnod pa bya bar sems par 'gyur ro/ /'char kas smras pa/ kho bos de dag ci nas kyang thos pa 'dzin par mi 'gyur ba dang thos pa gzung ba las kyang yongs su nyams par 'gyur ba de ltar bya'o zhes de dag gi gan du song ste 'di skad ces smras so/ /kye bcu bdun sde dag shin tu brtson 'grus brtsams sam/ de dag gis smras pa| brtsams so/ /brtson 'grus kyis ci bya/ thos pa bzung ngo / /thos pa bzung bas cir 'gyur/ mang du thos par 'gyur ro/ /mang du thos pas cir 'gyur/ dbang po yongs su smin par 'gyur ro/ /dbang po yongs su smin pas cir 'gyur/ nges pa la 'jug pa dang zag pa zad par 'gyur ro/ /khyed nges pa la 'jug pa dang / zag pa zad par 'gyur re skan/ </font><hr>Ja371b<br><font size=+1>


btsun pa 'char ka kho bo cag mtshams med pa'i las dag byas pa'am/ dge ba'i rtsa ba chad pa yin nam ci/ khyed cag mtshams med pa'i las dag byas pa yang ma yin/ dge ba'i rtsa ba chad pa yang ma yin mod kyi 'on kyang khyod kyis bcom ldan 'das kyis yang dge slong gang gang zag lo nyi shu ma lon pa dag dge slong gi dngos po rdzogs par bsnyen par byed na gang zag de yang rdzogs par bsnyen par mi 'gyur la dge slong de dag kyang smad par 'gyur ro zhes gsungs pa ma thos sam/ khyed cag lo nyi shu ma lon par rdzogs par bsnyen pas khyed cag nges pa la 'jug pa dang / zag pa zad par 'gyur re skan/ de dag gis de thos nas sems khong du chud cing 'khod pa dang / de dag gi slob dpon 'ongs nas des smras pa/ gzhon nu dag ci'i phyir sems khong du chud cing 'khod/ tshur shog la thos pa zung zhig /de dag gis smras pa/ slob dpon thos pa bzung bas cir 'gyur/ mang du thos par 'gyur ro/ /mang du thos pas cir 'gyur/ dbang po yongs su smin par 'gyur ro/ /dbang po yongs su smin pas cir 'gyur/ nges pa la 'jug pa dang zag pa zad par 'gyur ro/ /de dag gis smras pa/ slob dpon bdag cag nges pa la 'jug pa dang / zag pa zad par 'gyur re skan/ khyed cag mtshams med pa'i las dag byas pa dang dge ba'i rtsa ba chad pa yin nam ci/ de dag gis smras pa/ slob dpon bdag cag </font><hr>Ja372a<br><font size=+1>


@#/ /mtshams ma mchis pa'i las dag bgyis pa yang ma lags/ dge ba'i rtsa ba chad pa yang ma lags mod kyi 'on kyang bcom ldan 'das kyis yang dge slong gang gang zag nyi shu ma lon par dge slong gi dngos por rdzogs par bsnyen par byed na gang zag de yang rdzogs par bsnyen par mi 'gyur la dge slong de dag kyang smad par 'gyur ro/ /zhes gsungs pas bdag cag lo nyi shu ma lon par rdzogs par bsnyen pas/ bdag cag nges pa la 'jug pa dang zag pa zad pa 'gyur re skan/ des smras pa/ khyed kyis de ni thos na bcom ldan 'das kyis las dang po ba la ltung ba med do zhes gsungs pa de ma thos sam/ khyed cag las dang po pa yin pas rdzogs par bsnyen par gyur kyi/ tshur sheg la lung nos shig /gzhan yang 'di ltar khyed sus 'gyod pa bskyed/ btsun pa 'char kas so/ /dge slong don nyung ngu dag ci'i phyir dge slong dag bsams bzhin du dge slong la 'gyod pa skyed par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin </font><hr>Ja372b<br><font size=+1>


te| sangs rgyas bcom ldan 'das kyis tshe dang ldan pa 'char ka la rmas pa/ 'char ka khyod bsams bzhin du dge slong la 'gyod pa skyed par byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su mthun pa ma yin pa rung ba ma yin pa tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do| |de nas bcom ldan 'das kyis rnam grang du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa yang snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang bsams bzhin du ci nas kyang dge slong 'di yud tsam zhig kyang bde ba la mi reg par bya'o snyam pa de nyid rkyen du byas te dge slong la 'gyod pa skyed na ltung byed do/ /yang dge slong gang zhes bya ba ni 'char ka'am/ gzhan yang de lta bu gang yin pa'o/ /bsams bzhin du zhes bya ba ni rnam par brtags nas so/ /ci nas kyang dge slong 'di yud tsam zhig kyang bde ba la mi reg par bya'o snyam pa zhes bya ba ni tha na yud tsam zhig kyang yid mi dga' bar bya'o snyam pa'o/ /de nyid rkyen du byas te zhes bya ba ni gzhan ma yin pa'o/ /dge slong la zhes bya ba ni chos 'di pa'o/ / </font><hr>Ja373a<br><font size=+1>


@#/ /'gyod pa skyed na zhes bya ba ni sems la cung zad 'gyod pa dang rnam par 'gyod pa dang rab tu 'gyod pa skyed na'o/ /ltung byed do zhes bya ba ni sems can dmyal ba dang / dud 'gro dang yi dwags ngan song dang ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung ba ji ltar 'gyur zhe na dge slong gis dge slong la 'gyod pa skyed pa'i bsam pas gan du song ste/ 'di skad ces tshe dang ldan pas rgyal po dang / nor can dang / tshong dpon dang / ded dpon che ge mo zhig dran nam zhes dris te mi dran no zhes zer nas de ni dus snga ba ma yin gyi tshe dang ldan pa ni dus 'phyi ba ma yin pas tshe dang ldan pa rdzogs par ma bsnyen cing nyes par rdzogs par bsnyen pas yang rdzogs par bsnyen par bya dgos so zhes smras nas/ dge slong 'gyod pa skyes kyang rung ma skyes kyang rung dge slong la ltung byed du 'gyur ro/ /dge slong gis dge slong la 'gyod pa skyed pa'i bsam pas gan du song ste/ 'di skad ces tshe dang ldan pas zla ba gzas zin pa dang nyi ma gzas zin pa che ge mo zhig dran nam zhes dris te mi dran no zhes zer na/ de ni dus snga ma yin gyi tshe dang ldan pa ni dus 'phyi ba yin pas tshe dang ldan pa rdzogs par ma bsnyen cing </font><hr>Ja373b<br><font size=+1>


nyes par rdzogs par bsnyen pas yang rdzogs par bsnyen par bya dgos so zhes smras na dge slong 'gyod pa skyed kyang rung ma skyes kyang rung dge slong la ltung byed du 'gyur ro/ /dge slong gis dge slong la 'gyod pa skyed pa'i bsam pas gan du song ste/ 'di skad ces tshe dang ldan pa lo legs pa dang lo nyes pa che ge mo zhig dran nam zhes dris te mi dran no zhes zer na/ de ni dus snga ma yin gyi tshe dang ldan pa ni dus 'phyi ba yin pas tshe dang ldan pa rdzogs par ma bsnyen cing nyes par rdzogs par bsnyen pas yang rdzogs par bsnyen par bya dgos so zhes smras na/ dge slong 'gyod pa skyes kyang rung ma skyes kyang rung dge slong la ltung byed du 'gyur ro/ /dge slong gis dge slong la 'gyod pa bskyed pa'i bsam pas gan du song ste/ 'di skad ces tshe dang ldan pa gnas gang du rdzogs par bsnyen ces dris te/ ga ge mo zhig tu'o zhes zer nas gnas de ni mtshams ma bcad pa dang / dkyil 'khor bar blo mthun par ma byas pa yin pas tshe dang ldan pa rdzogs par ma bsnyen cing nyes par rdzogs par bsnyen pas yang rdzogs par bsnyen par bya dgos so zhes smras na dge slong 'gyod pa skyed kyang rung ma skyes kyang rung dge slong la ltung byed du 'gyur ro/ /dge slong gis dge slong la 'gyod pa skyed pa'i bsam pas gan du song ste/ 'di skad ces tshe dang ldan pa'i mkhan po ni gang yin/ slob dpon ni gang zhes dris te mkhan po ni che ge mo zhig yin/ slob dpon ni che ge mo zhig yin no zhes zer </font><hr>Ja374a<br><font size=+1>


@#/ /nas de gnyis ni tshul khrims 'chal ba yin pas tshe dang ldan pa rdzogs par ma bsnyen cing nyes par rdzogs par bsnyen pas yang rdzogs par bsnyen par bya dgos so zhes smras na dge slong 'gyod pa skyes kyang rung ma skyes kyang rung dge slong la ltung byed du 'gyur ro/ /dge slong gis dge slong la 'gyod pa skyed pa'i bsam pas gan du song ste/ 'di skad ces tshe dang ldan pa phyogs ga ge mo zhig tu 'gro'am zhes dris te/ 'gro'o zhes zer nas de ni gcan sgo yin pas tshe dang ldan pa pham par 'gyur ba'i ltung ba byung ngo zhes smras na/ dge slong 'gyod pa skyes kyang rung ma skyes kyang rung dge slong la ltung byed du 'gyur ro/ /dge slong gis dge slong la 'gyod pa skyed pa'i bsam pas gan du song ste/ 'di skad ces tshe dang ldan pas slob dpon dang mkhan po dag gi chos gos dag blangs sam zhes dris te blangs so zhes zer na tshe dang ldan pa rku sems kyis blangs pas tshe dang ldan pa pham par 'gyur ba'i ltung ba byung ngo zhes smras na dge slong 'gyod pa skyes kyang rung ma skyes kyang rung dge slong la ltung byed du 'gyur ro/ /dge slong gis dge slong la 'gyod pa skyed pa'i bsam pas gan du song ste/ 'di skad ces tshe dang ldan pas dge 'dun gyi nang du 'du byed thams cad ni mi rtag pa/ chos thams cad ni bdag med pa/ mya ngan las 'das pa ni zhi ba'o zhes bya smras sam zhes dris te smras </font><hr>Ja374b<br><font size=+1>


so zhes zer na tshe dang ldan pa mi chos bla ma smras pas tshe dang ldan pa pham par 'gyur ba'i ltung ba byung ngo zhes smras na/ dge slong 'gyod pa skyes kyang rung ma skyes kyang rung dge slong la ltung byed du 'gyur ro/ /don gzhan yang 'dul ba'i yo byad kyis ni ltung ba med do/ /ji ltar don gzhan gyis zhes na 'di lta ste/ dge slong gis dge slong gi gan du song ste/ 'di skad ces tshe dang ldan pas rgyal po dang / nor can dang / tshong dpon dang / ded dpon che ge mo zhig dran nam zhes dris te/ mi dran no zhes zer nas de ni dus snga ma yin pas tshe dang ldan pas mi dran te tshe dang ldan pa legs par rdzogs par bsnyen to zhes smras na ltung ba med do/ /'di lta ste dge slong gis dge slong gi gan du song ste/ 'di skad ces tshe dang ldan pas zla ba gzas zin pa dang / nyi ma gzas zin pa che ge mo zhig dran nam zhes dris te mi dran no zhes zer nas de ni dus snga ma yin pas tshe dang ldan pas mi dran te tshe dang ldan pa legs par rdzogs par bsnyen to/ /zhes smras na ltung ba med do/ /'di lta ste dge slong gis dge slong gi gan du song ste/ 'di skad ces tshe dang ldan pas lo legs pa dang nyes pa che ge mo zhig dran nam zhes dris te mi dran no zhes smras nas de ni dus snga ma yin pas tshe dang ldan pas mi dran te tshe dang ldan pa legs par rdzogs par bsnyen to zhes smras na ltung ba med de de ltar don gzhan gyis so/ /ji ltar 'dul ba'i </font><hr>Ja375a<br><font size=+1>


@#/ /yo byad kyis she na/ 'di lta ste/ dge slong gis dge slong gi gan du song ste/ 'di skad ces tshe dang ldan pa gnas gang du rdzogs par bsnyen ces dris te ga ge mo zhig tu'o zhes zer nas gnas de ni mtshams bcad pa dang dkyil 'khor bar blo mthun par byas pa yin pas tshe dang ldan pa legs par rdzogs par bsnyen to zhes smras na ltung ba med do/ /'di lta ste/ dge slong gis dge slong gi gan du song ste/ 'di skad ces tshe dang ldan pa'i mkhan po ni gang yin slob dpon ni gang yin zhes dris te mkhan po ni che ge mo zhig yin/ slob dpon ni che ge mo zhig yin no zhes zer nas de gnyis ni dge slong tshul khrims dang ldan pas de gnyis la bsnyen bkur byas na khyod la bsod nams mang du skye zhing tshe dang ldan pa legs par rdzogs par bsnyen pa yin no zhes smras na ltung ba med do/ /'di lta ste dge slong gis dge slong gi gan du song ste/ 'di skad ces tshe dang ldan pa mkhan po dang slob dpon dag gis chos gos dag blangs sam zhes dris te/ blangs so zhes zer nas brku sems kyis ma len cig pham par 'gyur ba'i ltung ba ma byung bar gyis shig ces smras na ltung ba med do/ /'di lta ste dge slong gis dge slong gi gan du song ste/ 'di skad ces tshe dang ldan pa phyogs ga ge mo zhig tu 'gro'am zhes dris te/ 'gro'o zhes zer nas tshe dang ldan pa phyogs de ni gcan sgo yin gyi/ phyogs der ma 'gro zhig /khyod tshangs </font><hr>Ja375b<br><font size=+1>


pa mtshungs par spyod pa mkhas pa rnams mi dogs pa'i gnas la dogs par 'gyur bar mi byed cig /ma rtog pa'i gnas la rtog par 'gyur bar ma byed cig ces smras na ltung ba med do/ /'di lta ste dge slong gis dge slong gi gan du song ste/ 'di skad ces tshe dang ldan pas dge 'dun gyi nang du 'du byed thams cad ni mi rtag pa/ chos thams cad ni bdag med pa/ mya ngan las 'das pa ni zhi ba'o zhes smras sam zhes dris te/ smras so zhes zer nas mi'i chos bla ma ma smra zhig/ pham par 'gyur ba'i ltung ba ma byung bar gyis shig ces smras na ltung ba med do/ /de ltar 'dul ba'i yo byad kyis so| |las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /'gyod pa skyed pa'i ltung byed de drug cu gnyis pa rdzogs so// // sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa mo'u dgal gyi bu chen pos nye bar 'khor la sogs pa sar pa skyes phran gzhon nu bcu bdun sde'i tshogs dag rab tu phyung rdzogs par bsnyen par byas pa de'i tshe na bcu bdun sde dag gal te gcig la las su bsko ba bab pa na yang de dag thams cad bsdongs te byed do/ /ji tsam dus gzhan zhig na gtsug lag khang der mtshan thog thag tu chos mnyan pa byung ba der de dag thams cad kyis bsdongs te tron byas so/ /phyi de nyin par dge 'dun </font><hr>Ja376a<br><font size=+1>


@#/ /gyi sro khang du chos mnyan pa byung nas der yang de dag thams cad kyis bsdongs te tron byas so/ /de'i phyi de nyin par bcu bdun sde las gcig la dge skos phab nas de'i nyin mo yang thams cad kyis gtsug lag khang brgyan te 'khod do/ /de nas dge skos tron byed pa'i tshe bcu bdun sde las gcig la blo byung ba bdag ni chad kyis nyal lo/ /mi bcu drug gis ci'i phyir tron mi nus snyam mo/ /de de bzhin du re re la yang blo de lta bu de lta bu byung nas gzhan bcu drug po thams cad so sor nyal du 'dong ngo / /dge skos 'ba' zhig gcig pus mtshan thog thag las byas te mtshan mo nam nangs pa dang mar me'i kong bu dag bsdus/ sgo dag phye/ gtsug lag khang chag chag btab/ byug pa byas te dus shes par byas nas stan bshams shing mchod rten gyi 'khor sar bdug spos brims te gtsug lag khang gi steng du 'greng nas gaN+DI brdungs par brtsams so/ /de nas bcu drug po de dag gaN+DI de'i sgras sad nas rang rang gi gnas khang dag nas lhung bzed thogs te byung ba dang / de dag gis dge skos de gcig pu phar rgyug tshur rgyug cing 'dug pa mthong nas/ de dag gis phan tshun smras pa/ tshe dang ldan pa dag 'di gcig pu phar rgyug tshur rgyug cing 'dug na yu bu cag las sus kyang 'di'i grogs ma byas sam/ gcig gis smras pa/ kho bo la blo byung ba bdag ni chad kyis nyal lo/ /mi </font><hr>Ja376b<br><font size=+1>


bcu drug gis ci'i phyir tron mi nus snyam mo/ /de bzhin du gzhan de skad zer/ gzhan dag kyang de skad zer te/ thams cad kyis de skad smras so/ /de nas bcu drug po dag gis smras pa/ tshe dang ldan ba dag 'di bdag cag gi 'phral gyi bya ba thams cad la thog mar 'gro ba yin na/ bdag cag gis 'di'i grogs ma byas pa yin na ni/ yu bu cag gi ma legs pa byas te 'di bdag cag la gshe bar 'gyur gyi/ zan zos ma thag tu gzod pa gsol par bya'o zhes de dag gis zan zos nas bzod pa gsol bar brtsams te/ gzhon pa rnams kyis ni de'i rkang pa la gtugs/ rgan pa rnams kyis ni mgul nas 'khyud de/ tshe dang ldan pa bzod pa gsol lo zhes byas na/ de cang mi smra ba nyid du 'dug go /de dang ches bshes pa gcig yod pa des ga ga tshil byas pa dang des dgod par brtsams te/ bzod do zhes kyang zer ro/ /de dag gis bsams pa/ de ni thabs legs pa yin no snyam nas/ gzhan gyis kyang ga ga tshil byas shing / de bzhin du thams cad kyi bar gyis ga ga tshil byas pa dang de rlung gyen du 'chugs te dus la bab bo/ /de dag brtad cing mya ngan bya bar brtsams pa dang / dge slong rnams kyis smras pa/ kye bcu bdun sde dag ci'i phyir brtad cing mya ngan byed/ de dag gis smras pa/ bdag cag sngon ni na bcu bdun sder gyur nad ni bcu drug sder 'gyur te/ tshangs pa mtshungs par spyod pa yid du 'ong ba dang bral zhing pham par 'gyur ba'i </font><hr>Ja377a<br><font size=+1>


@#/ /ltung ba byung ngo / /dge slong de dag gis ma legs so zhes smras te 'dong ngo / /bcu drug po de dag kyang mtha' gcig tu dong ste sems khong du chud cing 'khod pa de dge slong gzhan dag gis mthong nas de dge slong de dag gis sbyor ba brtsams te tshe dang ldan bcu bdun sde 'di dag ni sog ma'i me bzhin du skad cig gis 'bar zhing skad cig gis shi bar gyur te yud tsam zhig gis rgod bag byed cing yud tsam zhig gis sems khong du chud cing 'khod do zhes zer ro/ /de dag mya ngan gyi mes yid gdungs pas yongs su spyos kyang cang mi smra bar sems khong du chud cing 'khod do/ /de dag sems khong du chud cing 'khod pa 'char ka sa mthong nas/ des smras pa/ bcu bdun sde dag ci'i phyir sems khong du chud cing 'khod/ de dag gis smras pa/ kho bo cag da dung bcu bdun sde yin snyam mam/ ci'i phyir ma yin/ de dag gis skabs de rgyas par brjod pa na dge slong don nyung ngu dag ci'i phyir dge slong dag dge slong la sor mos ga ga tshil byed ces smod par byed/ phyar ka gtong bar byed/ kha zer bar byed pa'i skabs te dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni </font><hr>Ja377b<br><font size=+1>


mkhyen bzhin du rmed par mdzad pa ste/ zhes bya ba la sogs pa yang snga ma bzhin te/ sangs rgyas bcom ldan 'das kyis bcu bdun sde dag la rmas pa/ dge slong dag sor mos ga ga tshil byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa rung ba ma yin pa tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ sor mos ga ga tshil byed na ltung byed do/ /sor mos ga ga tshil byed na zhes bya ba ni sor mos ga ga tshil bya ba ni sor mos ga ga tshil bya ba'i bsam pas lus kyi las dang lus kyi spyod pa dang lus kyi g.yo ba gang yin pa byed na'o/ /ltung byed do zhes bya ba ni sems can dmyal ba dang / dud 'gro dang / yi dwags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung ba ji ltar 'gyur zhe </font><hr>Ja378a<br><font size=+1>


@#/ /na| dge slong gis dge slong la sor mo gcig gis ga ga tshil byed na ltung byed du 'gyur ro/ /sor mo gnyis dang gsum dang bzhi dang lngas ga ga tshil byed na yang ltung byed du 'gyur ro| |khu tshur dang gru mo dang phrag pa dang mgo dang glo dang rgyab dang rked pa dang brla dang byin pa dang / tha na rkang pa'i mthe bos ga ga tshil byed na yang ltung byed du 'gyur ro/ /rma ston pa dang / sbrang bu dang / 'brum bu dang / sme ba dang / spu'i tshangs ston pa la ltung ba med do/ /las dang po ba dang / smyos pa dang sems 'khrugs pa dang / tshor ba dag gis nyen pa la ltung ba med do/ /ga ga tshil byed pa'i ltung byed de drug cu gsum pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe bcu bdun sde dag las tshe dang ldan pa nye bar 'khor gyis nyon mongs pa thams cad spangs pas dgra bcom pa nyid mngon sum du byas pa de'i tshe na/ des bsams pa/ bdag gi tshangs pa mtshungs par spyod pa 'di dag la dge ba'i rtsa ba cung zad yod dam snyam na/ des yod par mthong ngo / /su la rag las snyam na/ bdag nyid la rag las par mthong nas de bcu drug po gzhan dag gdul ba la ltos pas de dag gis phyi bzhin phyi bzhin rjes su 'brang ba na/ de dag gis smras pa/ tshe dang ldan pa dag chu klung gnas can gyi ngogs su chu'i don du 'dong zhing des khrus kyang </font><hr>Ja378b<br><font size=+1>


bya'o zhes de dag la chu tshags dang chu bum thogs te chu klung gnas can ga la ba der dong nas/ de dag gis smras pa/ tshe dang ldan pa dag ji ltar je khrus bya'am/ 'on te chu btsag par bya/ de dag gis smras pa/ je chu btsag par bya ste/ de'i 'og tu khrus bya'o zhes de dag gis chu btsags nas/ gos dag mtha' gcig tu phud de khrus bya bar brtsams nas chur zhugs te de dag steng du 'byung bar yang byed/ 'og tu nub par yang byed/ tshu rol gyi 'gram nas pha rol gyi 'gram du 'gro bar yang byed/ pha rol gyi 'gram nas tshu rol gyi 'gram du 'ong bar yang byed/ rgyun phyogs su 'gro bar byed/ rgyun las ldog phyogs su 'gro bar yang byed/ chu la rnga bo che'i sgra 'byin par yang byed/ rdza rnga kha gcig pa'i sgra 'byin pa yang byed/ chu la gseg ma 'khrab pa dang 'phen par yang byed/ chu la khor yug dang rdo rje lta bu yang byed/ chu la khron pa dang rba klong dang / chu srubs 'dren pa yang byed/ chu la rgod bag dang phyar g.yeng dang lus sgyur ba dag kyang byed do/ /tshe dang ldan pa nye bar 'khor yang shes bzhin du khrus byas te/ chu klung gnas can rgal nas chos gos dag bgos te sdod do/ /de'i tshe ko sa lar byung ba'i rgyal po gsal rgyal steng gi khang bzang gi gzhir gtogs pa na btsun mo phreng ldan ma dang lhan cig 'dug pas ji tsam na bcu bdun sde dag chu la rtse bar rtse ba mthong ngo / /mthong nas kyang des btsun mo phreng ldan ma la smras pa/ phreng </font><hr>Ja379a<br><font size=+1>


@#/ /ldan ma yon gnas dag gis mdzes pa la ltos shig ltos shig /phreng ldan mas smras pa/ lha de ni ngo mtshar mi che ste/ lang tsho gsar du gyur nas tshangs par spyad pa spyod pa lags kyi/ lha bgres pa'i gnas skabs su gyur kyang da dung thugs ma byung ba ngo mtshar che lags so/ /rgyal po skyengs nas cang mi smra bar 'dug go /tshe dang ldan pa nye bar 'khor gyis la la zhig mi dga' bar sems par ma gyur tam snyam du bsams na/ des ji tsam na ko sa lar byung ba'i rgyal po gsal rgyal steng gi khang bzang gi gzhir gtogs pa na mi dga' bar sems pa mthong ngo / / mthong nas kyang de dag la smras pa/ tshe dang ldan pa dag ko sa lar byung ba'i rgyal po gsal rgyal mi dga' bar sems kyi/ byung zhig dang de dga' bar bya'o/ /de nas de dag byung ste gos dag gyon pa tshe dang ldan pa nye bar 'khor mos pa las byung ba'i ting nge 'dzin la snyoms par zhugs nas/ 'di ltar de dag thams cad chu tshags dang chu bum dang bcas te steng gi nam mkha' la ngang pa'i rgyal po 'dab ma brkyang pa ltar 'phags te 'dong ngo / /de dag steng gi nam mkha' la 'dong ba'i grib ma ko sa lar byung ba'i rgyal po gsal rgyal gyi steng gi khang bzang gi gzhir bab nas/ btsun mo phreng ldan mas de dag steng gi nam mkha' la ngang pa'i rgyal po 'dab ma brkyang ba ltar 'phags te 'dong ba mthong nas/ des ko sa lar byung ba'i rgyal po </font><hr>Ja379b<br><font size=+1>


gsal rgyal la smras pa/ lha yon gnas dag gi mdzes pa la gzigs shig gzigs shig /rgyal pos smras pa/ phreng ldan ma dgra bcom pa zag pa zad pa dag chu la phyar g.yeng gis rtse bar 'gyur ba de ni gnas ma yin skabs ma yin te de ni gnas med do/ /phreng ldan mas smras pa/ lhas de ni gsan na bcom ldan 'das kyis 'di na ngas dge slong 'dug pa na 'dod chags dang bcas zhe sdang dang bcas gti mug dang bcas par mthong la/ de nyid langs pa na/ 'dod chags dang bral zhe sdang dang bral gti mug dang bral bar yang mthong ngo / /dge slong dag de lta bas na sems ni glog dang 'dra la/ ting nge 'dzin ni rdo rje dang 'dra bas nyon mongs pa rnams ni ye shes kyis 'joms so zhes gsungs pa de ma gsan tam/ rgyal po thos pa nyung bas de cang mi smra bar 'dug go /phreng ldan mas kyang bsams pa/ dgra bcom pa zag pa zad pa dag chu la phyar g.yeng gis rtse ba de ni gnas ma yin skabs ma yin te/ de ni gnas med do snyam mo/ /de nas btsun mo phreng ldan mas mi zhig la smras pa/ kye nang rje khyod tshur shog /bcom ldan 'das ga la ba der song la phyin pa dang / kho mo'i tshig gis bcom ldan 'das kyi zhabs gnyis la mgo bos phyag 'tshol la 'di skad btsun mo phreng ldan ma'i mchid nas btsun pa 'phags pa 'di dag chab la phyar g.yeng gis rtse bar bgyis pas rgyal po glo ba mi dga' bar sems na/ kye ma bcom ldan 'das kyis gang gis 'phags pa </font><hr>Ja380a<br><font size=+1>


@#/ /dag chab la phyar g.yeng gis rtse bar mi 'gyur ba dran par bgyi ba cung zhig bca' bar mdzad na legs so zhes mchi'o zhes gsol cig /mi des jo mo bka' bzhin 'tshal zhes btsun mo phreng ldan ma las mnyan nas/ bcom ldan 'das ga la ba der song ste phyin nas/ bcom ldan 'das kyis zhabs gnyis la mgo bos phyag 'tshal te mtha' gcig tu 'dug go / mtha' gcig tu 'dug nas bcom ldan 'das la 'di skad ces gsol to/ /btsun pa btsun mo phreng ldan ma bcom ldan 'das kyi zhabs gnyis la mgo bos phyag 'tshal lo/ /btsun mo phreng ldan ma dang khyod bde bar gyur cig /btsun pa btsun mo phreng ldan ma'i mchid nas 'phags pa 'di dag chab la phyar g.yeng gis rtse bar bgyid pas rgyal po glo ba mi dga' bar sems na/ kye ma bcom ldan 'das kyis gang gis 'phags pa dag chab la phyar g.yeng gis rtse bar mi 'gyur ba'i dran pa bgyi ba cung zhig bca' ba mdzad na legs so zhes mchi'o/ /bcom ldan 'das kyis mi de la cang mi gsung bas gnang ngo / /de nas mi des bcom ldan 'das kyis cang mi gsung bas gnang bar rig nas/ bcom ldan 'das kyis zhabs gnyis la mgo bos phyag 'tshal te/ bcom ldan 'das kyi spyan snga nas song ngo / /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do/ /zhes bya ba </font><hr>Ja380b<br><font size=+1>


la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed pa mdzad pa ste/ zhes bya ba la sogs pa yang snga ma bzhin te sangs rgyas bcom ldan 'das kyis bcu bdun sde dag la rmas pa/ dge slong dag khyed chu la phyar g.yeng gis rtse ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa rung ba ma yin pa tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ chu la rtse na ltung byed do/ /chu la rtse na zhes bya ba ni chu la rtse ba'i bsam pas lus kyi las dang lus kyi spyod pa dang / lus kyi g.yo ba byed na'o/ /ltung byed do zhes bya ba ni sems can dmyal ba dang dud 'gro dang yi dwags ngan song dang ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yag ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung </font><hr>Ja381a<br><font size=+1>


@#/ /ba ji ltar 'gyur zhe na gzhi dgu las te rtse bar bya'o/ /rtser gzhug par bya'o/ /rtsed mo bya'o/ /rtsed mo byed du gzhug go /dga' bar bya'o/ /dga' bar byed du gzhug go /rgod bag bya'o/ /phyar g.yeng bya'o/ /lus bsgyur bar bya'o snyam pa'i bsam pas so/ /de la ji ltar rtse bar bya'o snyam pa'i bsam pas she na/ dge slong gis chu la rtse ba'i bsam pas khri las ldang bar byed/ sham thabs gyon par byed/ chos gos gyon par byed/ 'gro bar byed cing gos dag bzhag nas khrus ras gyon par byed/ chur 'jug par byed cing 'og tu nub par byed na ltung byed du 'gyur ro/ /steng du 'byung bar byed na ltung byed du 'gyur ro/ /sim par 'dod pa'i bsam pas ni ltung ba med do/ /tshu rol gyi 'gram nas pha rol gyi 'gram du 'gro bar byed na ltung byed du 'gyur ro/ /pha rol gyi 'gram nas tshu rol gyi 'gram du 'ongs na ltung byed du 'gyur ro/ /rgal ba'i bsam pas ni ltung ba med do/ /rgyun phyogs su rtsol na ltung byed du 'gyur ro| |rgyun las ldog phyogs su rtsol na ltung byed du 'gyur ro/ /slob pa'i bsam pas ni ltung ba med do/ /chu la rnga bo che rdung ngam/ chu la rdza rnga kha gcig pa rdung ngam/ chu la gseg ma 'khrab bam/ chu la khor yug byed dam/ chu la rdo rje byed dam/ chu la chu srubs 'dren na ltung byed du 'gyur ro/ /tha na chu la bem tol gyis brdeg na nyes byas su 'gyur ro/ /dge slong gis bum pa dang phru ba </font><hr>Ja381b<br><font size=+1>


dang ril ba dang kham phor du chu la rnga bo che rdung bar byed dam/ chu la rdza rnga kha gcig pa rdung bar byed dam/ tha na bem tol gyis rdeg na nyes byas su 'gyur ro/ /dge slong gis sran tshod dang 'u sha dang thang tsha bar chu la rnga bo che rdung bar byed dam/ rdza rnga kha gcig pa rdung bar byed dam/ tha na bem tol gyis rdeg na nyes byas su 'gyur ro/ /grangs par 'dod pa'i bsam pas ni ltung ba med de de ltar rtse bar bya'o/ / snyam pa'i bsam pas so/ /rtser gzhug go snyam pa'i bsam pa la sogs pa lhag ma rnams la yang de bzhin no/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /chu la rtse ba'i ltung byed de drug cu bzhi pa rdzogs so// //'dul ba rnam par 'byed pa/ bam po re gcig pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa ma 'gags pas nyon mongs pa thams cad spangs pas dgra bcom pa nyid mngon sum du byas shing rnam par grol ba'i bde ba nyams su myong ba'i tshe de 'di snyam du sems te bcom ldan 'das de ni bdag la phan pa mdzad pa yin no/ /bde bar gshegs pa de ni bdag la legs pa mdzad pa yin te/ 'di ltar bcom ldan 'das de ni bdag gi sdug bsngal gyi chos mang po sel bar mdzad pa/ bcom ldan 'das de ni bdag gi bde ba'i chos mang po sgrub par mdzad pa/ bcom </font><hr>Ja382a<br><font size=+1>


@#/ /ldan 'das de ni bdag gi sdig pa mi dge ba'i chos mang po sel bar mdzad pa/ bcom ldan 'das de ni bdag gi dge ba'i chos mang po sgrub par mdzad pa yin na/ bdag gis de la ci zhig byas na/ bdag gis bcom ldan 'das la lan byas pa dang / nye bar byas pa dang / rab tu byas par 'gyur snyam nas/ yang de 'di snyam du sems te/ sangs rgyas bcom ldan 'das dka' ba mdzad pa brgya stong du ma dag gis bskal pa grangs med pa gsum gyis pha rol tu phyin pa drug yongs su rdzogs par byas nas/ bla na med pa'i mkhyen pa thugs su chud pa gang yin pa de dag thams cad ni sems can gyi don gyi phyir yin pas bdag gis kyang gdul ba'i bya ba cung zhig bya'o snyam mo/ /de nas tshe dang ldan pa ma 'gags pa phye ma bred nang du yang dag 'jog las langs nas/ bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te/ mtha' gcig tu 'dug go /mtha' gcig tu 'dug nas bcom ldan 'das la tshe dang ldan pa ma 'gags pas 'di skad ces gsol to/ /btsun pa bdag ljongs rgyur mchi bar 'tshal lo/ /de nas bcom ldan 'das kyis tshe dang ldan pa ma 'gags pa'i sems thugs kyis mkhyen nas/ tshe dang ldan pa ma 'gags pa la 'di skad ces bka' stsal pa/ ma 'gags pa khyod song la sems can ma rgal ba </font><hr>Ja382b<br><font size=+1>


rnams ni sgrol cig /ma grol ba rnams ni khrol cig /dbugs ma byin pa rnams ni dbugs phyung zhig /yongs su mya ngan las ma 'das pa rnams ni yongs su mya ngan las zlos shig /de nas tshe dang ldan pa ma 'gags pas bcom ldan 'das kyis bka' stsal pa la mngon par dga' ba dang / rjes su yi rang ba byas te/ bcom ldan 'das kyi zhabs gnyis la mgo bos phyag 'tshal nas bcom ldan 'das kyi spyan snga nas song ngo / /de nas tshe dang ldan pa ma 'gags pa de nyid kyi mtshan mo 'das nas snga dro sham thabs bgos/ lhung bzed dang chos gos thogs te mnyan yod du bsod snyoms la zhugs so/ / mnyan yod du bsod snyoms brgyus nas zas kyi bya ba byas te/ phyi ma'i zas kyi bsod snyoms las phyir log pas ji ltar longs spyod pa'i gnas mal mkhos su phab nas/ lhung bzed dang chos gos thogs te ljongs rgyur song ngo / /ri brags shig na khyim bdag cig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /de la bu gnyis dang bu mo gcig yod nas des bu de gnyis kyi khyim phub cing bu mo de yang bag mar btang ngo / /dus gzhan zhig na khyim bdag de yang dus la bab/ de'i bu mo de yang khyo shi bar gyur nas/ ming po gnyis kyi khyim du gnas par brtsams shing de skyes pa gzhan dag dang lhan cig dga' mgur spyod par byed do/ /ri brags de na de'i ming po de gnyis gtso bor grags pa yin te/ gang gi tshe de </font><hr>Ja383a<br><font size=+1>


@#/ /gnyis 'ga' zhig dang lhan cig 'thab pa de'i tshe na 'thab zla de na re/ khyed gnyis kyang smra'am/ khyed gnyis kyi sring mo skyes pa gzhan dag dang lhan cig dga' mgur spyod par byed do zhes zer ro/ /de gnyis dong ste sring mo la smras pa/ sring mo kho bo cag gnyis mi dang 'thab pa na/ de na re khyed gnyis kyang smra'am/ khyed gnyis kyi sring mo skyes pa gzhan dang lhan cig dga' mgur spyod par byed do zhes zer ro/ /sring mos smras pa/ ming po gnyis bdag ni tshul khrims dang ldan pa lags na skye bo rdzun ma dag bdag la skur bar mchi'o/ /dus gzhan zhig na de la sems can zhugs par gyur te/ mngal na gnas pa'i mtshan ma dag kyang byung nas ming po gnyis kyis de la smras pa/ sring mo khyod na re/ bdag ni tshul khrims dang ldan pa lags na/ skye bo rdzun ma dag skur bar mchi'o zhes zer na 'di ga las byung / sring mos smras pa/ ming po gnyis 'di ni sems can spyi rdol can zhig nan gyis bdag gi mngal du zhugs pa lags so/ /dus gzhan zhig na de btsas pa las khye'u zhig byung nas de'i nye du dag 'dus shing lhags te khye'u 'di'i ming cir gdags zhes de'i ming 'dogs par byed pa na de dag 'di snyam du sems te khye'u 'di ma btsas pa kho na nas mas spyi rdol can zhes bya ba'i tshig kun tu brjod pas/ khye'u 'di'i ming spyi rdol can du gdags so zhes khye'u de'i ming spyi rdol can zhes bya bar btags so/ /de'i ma yang spyi rdol can gyi ma </font><hr>Ja383b<br><font size=+1>


zhes bya ba'i ming du gyur nas/ ming po gnyis kyis de gnas gzhan du bzhag go /tshe dang ldan pa ma 'gags pa ljongs rgyu zhing 'gro ba na ri brags der phyin nas des der bsti gnas brnyas pa dang / khye'u dag cig rtse zhing 'khod pa de dag gis de la smras pa/ 'phags pa spyi rdol can gyi ma la bsti gnas g.yor cag dang / de khyod la bsti gnas 'bul bar 'gyur ro/ /dgra bcom pa rnams kyi chos nyid ni ma bsams par shes pa dang mthong ba mi 'jug pas de der song ste bsti gnas brnyas pa dang / des de la bsti gnas phul te stan bshams nas 'dir bzhugs shig ces smras so/ /de der 'dug pa dang des de'i rkang pa bkru ba'i chu khyer te 'ongs nas smras pa/ 'phags pa zhabs bkru bar bgyi'o/ /tshe dang ldan pa ma 'gags pas smras pa/ kho bo ni bud med kyis rkang pa mi 'khru'o/ /des bsams pa/ rab tu byung ba dag la 'di lta bu'i brtul zhugs yang dag par blangs pa yod do snyam nas des de'i rkang pa bsku ba khyer te 'ongs nas smras pa/ 'phags pa zhabs bsku bar bgyi'o/ /tshe dang ldan pa ma 'gags pas smras pa/ kho bo ni bud med kyis rkang pa mi skud do/ /des bsams pa/ rab tu byung ba dag la 'di lta bu'i brtul zhugs yang dag par blangs pa yod do snyam nas/ des zan khyer te 'ongs nas smras pa| 'phags pa bshos gsol cig /tshe dang ldan pa ma 'gags pas smras pa/ kho bo ni dus ma yin par mi za'o/ /des bsams pa/ rab tu byung ba dag la brtul zhugs 'di lta bu yang dag par blangs </font><hr>Ja384a<br><font size=+1>


@#/ /ba yod do snyam nas/ des de'i mal bshams pa dang / tshe dang ldan pa ma 'gags pas mal der skyil mo krung bcas nas/ lus drang por bsrangs te dran pa mngon du phyogs par bzhag nas 'dug go /des de'i gan du 'ongs te/ bud med kyi g.yo dag dang / bud med kyi gya gyu dag dang / bud med kyi ya yo dag dang / bud med kyi sgyu gang dag yin pa de dag nye bar bstan par brtsams pa dang / tshe dang ldan pa ma 'gags pa dbang po dag 'bebs par byed do/ /des bsams pa/ 'di chad pas re zhig nyal du bcug ste nam phyed na 'gro bar bya'o snyam nas/ de nam phyed na song ste de bzhin du bud med kyi g.yo dag dang / bud med kyi gya gyu dag dang / bud med kyi ya yo dag dang / bud med kyi sgyu gang dag yin pa de dag bstan par brtsams pa dang / tshe dang ldan pa ma 'gags pas dbang po dag 'bebs par byed do/ /des bsams pa/ skyes bu 'di lta bu dang ni shin tu thag ring du song yang lhan cig dga' mgur spyad pa bya ba yin na/ gang gis 'di bdag gi dbang du 'gyur ba'i thabs des bsams pa/ bud med kyi yul gyi rig pa ni dug yin pas/ bdag gis 'khyud na 'di bdag gi dbang du 'gyur ro snyam nas des 'khyud par brtsams pa dang / tshe dang ldan pa ma 'gags pa ngang pa'i rgyal po 'dab ma brkyang pa ltar steng gi nam mkha' la mngon par 'phags nas 'bar ba dang gsal ba dang / char 'bebs pa dang glog </font><hr>Ja384b<br><font size=+1>


'byin pa'i cho 'phrul dag bya bar brtsams so/ /so so'i skye bo ni rdzu 'phrul la myur du sems gtod par byed pa yin pas/ bud med de shing ljon pa rtsa ba nas bcad pa bzhin du tshe dang ldan pa ma 'gags pa'i rkang pa gnyis kyi drung du 'gyel nas smras pa/ yon gnas yang dag par gyur pa mar gshegs su gsol/ mar gshegs su gsol/ nyon mongs pa'i 'dam du bying ba bdag gi sug pa nas drang ba stsal du gsol/ tshe dang ldan pa ma 'gags pa bud med de la rjes su snying brtse ba'i phyir steng gi nam mkha' las shod du babs so/ /de nas bud med des tshe dang ldan pa ma 'gags pa'i rkang pa gnyis la phyag 'tshal te stan shin tu dma' ba zhig blangs nas/ chos mnyan pa'i phyir de'i mdun du 'dug go /tshe dang ldan pa ma 'gags pas de'i bsam pa dang bag la nyal dang / khams dang rang bzhin khong du chud nas gang thos na bud med des stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon sum du byas pa de lta bur 'phags pa'i bden pa bzhi yang dag par so sor rtogs par byed pa'i chos bstan par byas so/ /des bden pa mthong nas smras pa/ btsun pa ma 'gags pas bdag la gang mdzad pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge </font><hr>Ja385a<br><font size=+1>


@#/ /sbyong dang bram ze dag gis kyang ma bgyis/ byams pa dang mdza' bshes dang rtsa lag gi tshogs dag gis kyang ma bgyis te/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang dud 'gro dang yi dwags dag nas ni rkang pa phyung / lha dang mi rnams kyi nang du ni bzhag /'khor ba ni mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste/ rgyun du zhugs pa'i 'bras bu ni thob ste/ btsun pa ma 'gags pa bdag ni mngon par zhugs pa lags so/ /btsun pa ma 'gags pa bdag ni mngon par zhugs pa lags te/ btsun pa ma 'gags pa bdag bcom ldan 'das dang / chos dang dge slong gi dge 'dun la skyabs su mchis/ bdag dge bsnyen mar gzung du gsol/ deng slan chad ji srid 'tsho'i bar du glo ba thag pa nas skyabs su mchi'o/ /btsun pa ma 'gags pa de'i slad du sang 'di nyid du gdugs tshod gsol ba ci gnang / sring mo dam tshig gis bza' bar bya ste/ gal te sgo bcad te sbyin par byed na bza'o/ /des smras pa chab sgo bkum ste gsol lo/ /des de nyid kyi mtshan mo kha zas sta gon byas nas/ nang par sngar langs te stan bshams nas sgo bcad de gdugs tshod la bab pa dang / tshe dang ldan pa </font><hr>Ja385b<br><font size=+1>


ma 'gags pa bde bar 'dug par rig nas bca' ba dang bza' ba gtsang zhing bsod pas rang gi lag nas tshim par byed/ stobs par byed do/ /rnam grangs du mar bca' ba dang gza' ba gtsang zhing bsod pas rang gi lag nas bstabs shing tshim par byas nas/ tshe dang ldan pa ma 'gags pa zan zos shing lag pa bsnyal/ lhung bzed bzhag par rig nas stan chos dma' ba zhig blangs te tshe dang ldan pa ma 'gags pa'i mdun du chos mnyan pa'i phyir 'dug go /de'i tshe na de'i ming po gnyis mi zhig dang lhan cig 'thab mo byung ba na mi de na re/ khyed gnyis kyang smra'am/ khyed gnyis kyi sring mo ya mtshan can sna tshogs dang ldan pa'i mchod sbyin byed pas/ shAkya'i bu'i dge sbyong yang ma btang ste/ shAkya'i bu'i dge sbyong khar tsang zhugs na da dung yang ma byung ngo zhes zer ro/ /de gnyis kyis bsams pa/ bdag cag gnyis gang cung zad mis brnyas par gyur pa thams cad ni 'di'i le lan yin gyi/ de gsod du 'dong ngo snyam nas ral gri shubs nas phyung ste de'i khyim ga la ba der logs su phyogs te brgyugs pa dang / srog chags brgya stong phrag du ma dag kyang kha cig ni ltad mo skyes pa na/ kha cig sngon gyi dge ba'i rtsa ba dag gis bskul ba na/ de gnyis kyi phyi bzhin phyir bzhin du rjes su 'brang ngo / /de nas tshe dang ldan pa ma 'gags pas smras pa/ sring mo kho bo phyir 'byung gi/ khyod kyis sgo chod cig /de phyir byung ba dang des sgo bcad do/ /de nas tshe dang ldan pa ma 'gags pas ngang pa'i rgyal </font><hr>Ja386a<br><font size=+1>


@#/ /po 'dab ma brkyang ba ltar steng gi nam mkha' la 'phags nas 'bar ba dang gsal ba dang / char 'bebs pa dang glog 'byin pa'i cho 'phrul dag bya bar brtsams so/ / so so'i skye bo ni rdzu 'phrul la myur du sems gtod par byed pa yin pas de gnyis shing ljon pa rtsa ba nas bcad pa bzhin du tshe dang ldan pa ma 'gags pa'i rkang pa gnyis kyi drung du 'gyel nas smras pa/ yon gnas yang dag par gyur pa mar gshegs su gsol/ mar gshegs su gsol/ nyon mongs pa'i 'dam du bying ba bdag cag gi sug pa nas drang ba stsal du gsol/ tshe dang ldan pa ma 'gags pa de gnyis la rjes su snying brtse ba'i phyir steng gi nam mkha' las shod du babs so/ /de nas de gnyis kyis tshe dang ldan pa ma 'gags pa'i rkang pa gnyis la phyag 'tshal te mtha' gcig tu 'khod do/ /tshe dang ldan pa ma 'gags pas 'khor de'i bsam pa dang bag la nyal dang / khams dang / rang bzhin khong du chud nas 'di ltar ji srid srog chags nyi khri 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste/ rgyun du zhugs pa'i 'bras bu mngon sum du byas pa dang / kha cig gis ni lan cig phyir 'ong ba'i 'bras bu| kha cig ni phyir mi 'ong ba'i 'bras bu/ kha cig gis ni rab tu byung ste/ nyon mongs pa thams cad spangs pas dgra bcom pa nyid mngon sum du byas/ kha cig gis ni nyan thos kyi byang chub tu </font><hr>Ja386b<br><font size=+1>


sems bskyed/ kha cig gis ni rang byang chub tu sems bskyed/ kha cig gis ni bla na med pa yang dag par rdzogs pa'i sangs rgyas kyi byang chub tu sems bskyed par gyur pa de ltar chos bstan par byas te/ 'khor de las phal cher sangs rgyas la gzhol ba dang chos la 'bab pa dang / dge 'dun la bab par gyur to/ /de nas tshe dang ldan pa ma 'gags pas 'khor de la chos bstan pa'i gtam gyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar byas nas/ stan las langs te song nas ri brags gzhan zhig ga la ba der logs su song ngo / /ri brags de dang ha cang mi ring ba na skyed mos chal zhig yod pa der mtshan mo gnas par khas blangs nas de skyil mo krung bcas nas 'dug go /chom rkun pa ri brags 'joms par 'dod pa lnga brgya tsam zhig kyang skyed mos tshal der zhugs nas/ de na chom rkun pa gcig gis tshe dang ldan pa ma 'gags pa sdong dum yin no snyam nas/ de'i steng du mda' dag bzhag ste/ chom rkun pa des mda' dag phyir blang bar brtsams pa dang / tshe dang ldan pa ma 'gags pas smras pa/ bzhin bzang rna sbrang chos gos la thogs kyi/ chos gos ral bar mi 'gyur bar dal bus long zhig /des smras pa khyod su zhig /dge sbyong ngo / /gang dag gis/ shAkya'i bu'i dge sbyong dag gi'o/ /des smras pa/ shes ldan dag bdag cag gis bkra mi shis pa mthong gi/ gsad </font><hr>Ja387a<br><font size=+1>


@#/ /par bya'o/ /de na dmag dpon gang yin pa de tshe dang ldan pa ma 'gags pa sngon khyim na gnas pa'i bran du gyur cing tshe dang ldan pa ma 'gags pas 'phong gi dpong sa gang du bslab pa der des kyang bslabs shing de gcad pa la mkhas par gyur to/ /gang gi tshe tshe dang ldan pa ma 'gags pa khyim nas rab tu byung ba de'i tshe na de yang chom rkun pa'i nang du zhugs te chom rkun pa lnga brgya'i dmag dpon du gyur pas des de skad las tshe dang ldan pa ma 'gags pa ngo shes nas des smras pa/ 'phags pa ma 'gags pa ma lags sam/ bzhin bzang skye bo dag gis de ltar shes so/ /des smras pa shes ldan dag 'di ma gsad cig /'di ni mi skal ba bzang po rab tu byung ba yin te 'di'i ming gis tshong ba dag rgya mtsho chen po nas kyang gru bo che legs par grub ste 'ong ngo / /ji ltar shes/ gal te bdag cag gis do mod ci yang mi thob na de'i 'og tu gzod gsad par bya'i/ thob na gsad par mi byas/ re zhig sdod cig ces de dag gis de'i srung ma chom rkun pa mi bzhi bzhag ste/ 'di bros par gyur ta re zhes bsgo nas de dag 'joms par 'dod pas ri brags der zhugs so/ /tshe dang ldan pa ma 'gags pas srung ma bzhi po de dag la smras pa/ bzhin bzang dag re zhig go phud cig /de dag gis smras pa/ khyod 'bros par 'gyur ro/ /khyed cag mi bzhi 'khod na kho bo ji ltar 'bros par 'gyur/ </font><hr>Ja387b<br><font size=+1>


de dag gis go phud de 'khod pa dang / tshe dang ldan pa ma 'gags pas/ de dag gi bsam pa dang bag la nyal dang khams dang rang bzhin khong du chud nas/ 'di ltar de dag gis stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste/ rgyun du zhugs pa'i 'bras bu mngon sum du byas pa de ltar chos bstan par byas so/ /de dag gis bden pa mthong nas smras pa/ btsun pa bdag cag gis dge ba'i bshes gnyen btsun pa la brten nas btsun pas bdag cag la gang mdzad pa 'di lta bu ni bdag cag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang bram ze dag gis kyang ma bgyis/ byams pa dang mdza' bshes dang rtsa lag gi tshogs kyis kyang ma bgyis te/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang dud 'gro dang yi dwags dag nas ni rkang pa phyung / lha dang mi rnams kyi nang du ni bzhag /'khor ba ni mthar bgyis /thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste/ rgyun du zhugs pa'i 'bras bu ni thob ste/ btsun pa bdag cag ni mngon par zhugs pa lags so/ /btsun pa bdag </font><hr>Ja388a<br><font size=+1>


@#/ /cag ni mngon par zhugs pa lags te/ btsun pa bdag cag bcom ldan 'das dang chos dang dge slong gi dge 'dun la skyabs su mchis/ bdag cag dge bsnyen du gzung du gsol/ deng slan chad nas ji srid 'tsho'i bar du glo ba thag pa nas rab tu dang bas skyabs su mchi'o/ /'phags pa bdag cag gi grogs gzhan de dag gis kyang chos 'di lta bu dag thob par 'gyur ram/ khyed cag las shas cher rten pa thams cad kyis 'thob par 'gyur ro/ /tshe dang ldan pa ma 'gags pas ci nas kyang ri brags de na khyi gcig kyang sod par ma gyur pa de ltar byin gyis brlabs nas/ chom rkun pa de dag gis las byas te phyir lhags nas/ de dag gis mi bzhi po dag la smras pa/ rab tu byung ba de ga re/ des ci bya/ kho bo cag gis las byas te lhags pas de la bsnyen bkur bya'o/ /tshe dang ldan pa ma 'gags pas de dag la smras pa/ bzhin bzang dag go phud la 'khod cig dang / khyed la chos bstan par bya'o/ /'phags pa bdag cag 'dzin pa mi mchi'am/ mi 'ong ngo / /mi dag gis go phud de/ tshe dang ldan pa ma 'gags pa'i mdun du chos mnyan pa'i phyir 'khod pa dang / tshe dang ldan pa ma 'gags pas de dag gi bsam pa dang / bag la nyal dang / khams dang rang bzhin khong du chud nas 'di ltar de dag gis stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes </font><hr>Ja388b<br><font size=+1>


bcom ste/ rgyun du zhugs pa'i 'bras bu mngon sum du byas pa de ltar chos bstan par byas so/ /de dag gis bden pa mthong nas smras pa/ btsun pa bdag cag gis dge ba'i bshes gnyen btsun pa la brten nas/ btsun pas bdag cag la gang mdzad pa 'di lta bu ni bdag cag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang bram ze dag gis kyang ma bgyis/ byams pa dang mdza' bshes dang / rtsa lag gi tshogs kyis kyang ma bgyis te/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang dud 'gro dang yi dwags nas ni rkang pa phyung / lha dang mi rnams kyi nang du ni bzhag /'khor ba ni mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste/ rgyun du zhugs pa'i 'bras bu ni thob ste/ btsun pa bdag cag ni mngon par zhugs pa lags so/ /btsun pa bdag cag ni mngon par zhugs pa lags te/ btsun pa bdag cag bcom ldan 'das dang chos dang dge slong gi dge 'dun la skyabs su mchis/ bdag cag dge bsnyen du gzung du gsol/ deng slan chad ji srid 'tsho'i bar du glo ba thag pas nas rab tu dang bas skyabs su mchi'o/ /'phags </font><hr>Ja389a<br><font size=+1>


@#/ /pa bdag cag gis da ni gzhan gyi til gyi phub ma tsam yang ma byin par len pa'i rdo mi thogs pas rdzas 'dis ci bgyi/ bzhin bzang dag de nyid du deng la zhog cig / 'phags pa bdag cag 'dzin pa mi mchi'am/ ci khyed kyis der khyi gcig tsam yang sad par gyur tam/ deng la de nyid du zhog cig /de dag gis der song ste rdzas de dag phyir bzhag go /de nas tshe dang ldan pa ma 'gags pa la mngon par dad pa'i lha gang yin pa des/ ri brags der smras pa/ khyed ma bcom pa gang yin pa de thams cad ni 'phags pa ma 'gags pa'i mthu yin te| 'phags pa ma 'gags pa skyed mos tshal 'di na bzhugs kyi/ deng la chos nyon cig /de nas srog chags brgya stong phrag du ma dag kha cig ni ltad mo skyes pa na/ kha cig ni sngon gyi dge ba'i rtsa ba dag gis bskul ba na/ de nas phyir 'thon nas 'phags pa ma 'gags pa ga la ba der dong ste phyin nas/ 'phags pa ma 'gags pa'i rkang pa gnyis la mgo bos phyag 'tshal te/ chos mnyan pa'i phyir 'phags pa ma 'gags pa'i mdun du 'khod do/ /tshe dang ldan pa ma 'gags pas 'khor de'i bsam pa dang / bag la nyal dang / khams dang rang bzhin khong du chud nas/ 'di ltar srog chags khri nyis stong gis stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste/ rgyun du zhugs pa'i 'bras bu mngon </font><hr>Ja389b<br><font size=+1>


sum du byas pa dang / kha cig gis ni lan cig phyir 'ong ba'i 'bras bu/ kha cig gis ni phyir mi 'ong ba'i 'bras bu/ kha cig gis ni rab tu byung ste nyon mongs pa thams cad spangs pas dgra bcom pa nyid mngon sum du byas/ kha cig gis ni nyan thos kyi byang chub tu sems bskyed/ kha cig gis ni rang byang chub tu sems bskyed/ kha cig gis ni bla na med pa yang dag par rdzogs pa'i sangs rgyas kyi byang chub tu sems bskyed pa de ltar chos bstan par byas te/ 'khor de las phal cher sangs rgyas la gzhol ba dang / chos la 'bab pa dang / dge 'dun la bab par gyur to| |de nas rigs kyi bu lnga brgya po de dag gis tshe dang ldan pa ma 'gags pa la 'di skad ces smras so/ /btsun pa ma 'gags pa bdag cag legs par gsungs pa'i chos 'dul ba la rab tu byung ba dang rdzogs par bsnyen pa dge slong gi dngos po thob na bdag cag bcom ldan 'das kyi spyan sngar tshangs par spyad pa spyod do/ /bzhin bzang dag tshur sheg dang bcom ldan 'das kyis khyed rab tu 'byin pa dang rdzogs par bsnyen pa dge slong gi dngos po 'thob par mdzad par 'gyur ro/ /de nas tshe dang ldan pa ma 'gags pas rigs kyi bu lnga brgya po de dag khrid nas bcom ldan 'das ga la ba der song ngo / /de'i tshe na bcom ldan 'das 'khor brgya phrag du ma'i mdun na bzhugs shing chos ston par mdzad do/ /bcom ldan 'das kyis tshe dang ldan pa ma 'gags pa thag ring po kho na </font><hr>Ja390a<br><font size=+1>


@#/ /nas gzigs so/ /gzigs nas kyang dge slong rnams la bka' stsal pa dang / dge slong dag khyed kyis dge slong ma 'gags pa thag ring po kho na nas 'ong ba mthong ngam/ btsun pa mthong ngo / /dge slong dag ma 'gags pa 'di de bzhin gshegs pa la skyes dang bcas shing 'ong ste/ de bzhin gshegs pa'i skyes ni 'di ltar 'dul ba las gzhan pa de lta bu med do/ /de nas tshe dang ldan pa ma 'gags pa bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go |mtha' gcig tu 'dug nas bcom ldan 'das la tshe dang ldan pa ma 'gags pas 'di skad ces gsol to/ /btsun pa rigs kyi bu lnga brgya po 'di dag legs par gsungs pa'i chos 'dul ba la rab tu 'byung ba dang rdzogs par bsnyen pa dge slong gi dngos po 'tshal na/ bcom ldan 'das kyis thugs brtse ba'i slad du 'di dag rab tu dbyung du gsol/ rdzogs par bsnyen par mdzad du gsol/ bcom ldan 'das kyis de dag la dge slong tshur shog /rab tu byung zhig /dge slong dag tshur shog /tshangs par spyad pa spyod cig ces bka' stsal pa dang / de dag bcom ldan 'das kyi bka'i mjug kho nar skra byi ba dang snam sbyar gyon par gyur te/ skra dang kha spu zhag bdun skyes pa tsam dang lag pa lhung bzed dang / bya ma bum gyis brel ba dang / dge </font><hr>Ja390b<br><font size=+1>


slong rdzogs par bsnyen nas lo brgya lon pa'i spyod lam lta bur gnas par gyur to/ /yang smras pa/ de bzhin gshegs pas tshur shog bka' stsal pa/ /skra byi snam sbyar gyon pa'i lus ldan zhing / / mod la dbang po rab zhi gnas gyur te/ /sangs rgyas dgongs pas lus gzugs bkab par gyur/ /de nas bcom ldan 'das kyis de dag la gdams ngag stsal to/ /gcig pu dben pa bag yod pa brtun pa dang ldan pa bdag nyid btang bar gnas pa na rigs kyi bu dag gang gi phyir skra dang kha spu bregs te gos ngur smrig dag bgos nas/ yang dag pa kho nar dad pas khyim nas khyim med par rab tu 'byung bar byed pa tshangs par spyod pa'i mtha' bla na med pa/ de'i tshe de nyid la rang gi mngon par shes pas mngon sum du byas te bsgrubs nas bdag gi skye bzad do/ /tshangs par spyod pa spyad do/ /bya ba byas so/ /srid pa 'di las gzhan mi shes so zhes go bar byed cing dgra bcom pa khams gsum pa las 'dod chags dang bral ba/ bong ba dang gser du mnyam pa nam mkha' dang lag mthil du mtshungs pa'i sems dang ldan pa/ tsan dan bzhag pa lta bu rig pas sgo nga'i sbubs dral bar gyur cing / rig pa dang mngon par shes pa dang so so yang dag par rig pa thob pa/ srid pa dang 'dod pa'i rnyed pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod par bya ba dang / brjed par bya ba dang / mngon </font><hr>Ja391a<br><font size=+1>


@#/ /du smra bar bya bar gyur to/ /dge slong rnams kyis tshe dang ldan pa ma 'gags pa la dris pa/ tshe dang ldan pa ma 'gags pa ji ltar bde bar brgyus sam/ tshe dang ldan pa dag cung zad bde bar yang brgyus/ cung zad sdug bsngal bar yang brgyus so/ /ji ltar bde bar brgyus/ ji ltar sdug bsngal bar brgyus/ 'di ltar re zhig 'dul ba'i bya ba byas pa gang yin pa de ni bde bar brgyus pa yin no/ /had por de'u gsad pa de ni sdug bsngal bar brgyus pa yin no/ /ci'i phyir skabs de rgyas par brjod pa dang / dge slong rnams kyis smras pa| tshe dang ldan pa ma 'gags pa khyod bud med kyi yul dang lhan cig gnas gcig tu nyal du rung ngam/ gang gi phyir mi rung ba de nyid kyi phyir nyes dmigs byung bar gyur to/ /dge slong don nyung ngu dag ci'i phyir dge slong dag bud med kyi yul dang lhan cig gnas gcig tu nyal zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das </font><hr>Ja391b<br><font size=+1>


kyis tshe dang ldan pa ma 'gags pa la rmas pa/ ma 'gags pa khyod bud med kyi yul dang lhan cig gnas gcig tu nyal ba bden nam/ btsun pa mad do/ /sangs rgyas bcom ldan 'das kyis mi brtson pa dang mi sbyor ba dang ma brtags par spyod pa rnam par smad pa mdzad do/ /de nas bcom ldan 'das kyis brtson pa dang sbyor ba dang brtags te spyod pa'i bsngags pa brjod nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang bud med kyi yul dang lhan cig gnas gcig tu nyal na ltung byed do/ /yang dge slong gang zhes bya ba ni chos 'di pa'o/ /bud med kyi yul dang zhes bya ba ni bud med dam/ gzhon nu ma mi tshangs par spyod pa dang sprod pa las byung ba'i chos sten nus pa dang ngo / /lhan cig ces bya ba ni de dang de'o/ /gnas gcig tu zhes bya ba ni gnas bzhi po thams cad g.yogs shing thams cad bskor ba dang / thams cad g.yogs shing phal cher bskor ba dang / phal cher g.yogs shing thams cad bskor ba dang / phal cher g.yogs shing phal cher bskor ba dag tu'o/ /gnas thams cad g.yogs shing thams cad bskor ba ni gnas khang dang 'khor gyi </font><hr>Ja392a<br><font size=+1>


@#/ /khyams dang khang pa brtsegs pa dag go /thams cad g.yogs shing phal cher bskor ba ni sgo bcu pa dang sgo bcu gnyis pa dag go /phal cher g.yogs shing thams cad bskor ba ni khyams ngos bzhi pa dag go /phal cher g.yogs shing phal cher bskor ba ni khyams ngos gsum pa dang 'khor gyi khyams dag go /nyal na zhes bya ba ni mtshan mo glos phab ste nyal na'o/ /ltung byed do zhes bya ba ni sems can dmyal ba dang dud 'gro dang yi dwags ngan song dang ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste des na ltung byed do zhes gsungs so/ /de la ltung ba ji ltar 'gyur zhe na/ dge slong bar khang na nyal zhing bud med kyi yul 'og khang na nyal na dge slong des skas bsdu bar bya ba'am/ sgo gtan pas gcad par bya ba'am/ srung ba dge slong gzhag par bya'o/ /skas sdud par mi byed dam/ sgo gtan pas gcod par mi byed dam/ srung ba dge slong 'jog par mi byed na ji srid du skya rengs ma shar gyi bar du nyes byas su 'gyur la/ skya rengs shar na ltung byed du 'gyur ro/ /dge slong steng khang na nyal zhing bud med kyi yul bar khang na nyal na/ dge slong des skas bsdu bar bya ba'am/ sgo gtan pas gcad par bya ba'am/ srung ba </font><hr>Ja392b<br><font size=+1>


dge slong gzhag par bya'o/ /skas sdud par mi byed dam/ sgo gtan pas gcod par mi byed dam/ srung ba dge slong 'jog par mi byed na ji srid du skya rengs ma shar gyi bar du nyes byas su 'gyur la/ skya rengs shar na ltung byed du 'gyur ro/ /dge slong bar khang na nyal zhing bud med kyi yul steng khang na nyal na dge slong des skas bsdu bar bya ba'am/ sgo gtan pas gcad par bya ba'am/ srung ba dge slong gzhag par bya'o/ /skas bsdu bar mi byed dam/ sgo gtan pas gcod par mi byed dam/ srung ba dge slong 'jog par mi byed na ji srid du skya rengs ma shar gyi bar du nyes byas su 'gyur la/ skya rengs shar na ltung byed du 'gyur ro/ /dge slong 'og khang na nyal zhing bud med kyi yul bar khang na nyal na dge slong des skas bsdu bar bya ba'am/ sgo gtan pas gcad par bya ba'am/ srung ba dge slong gzhag par bya'o/ /skas bsdu bar mi byed dam/ sgo gtan pas gcod par mi byed dam/ srung ba dge slong 'jog par mi byed na ji srid du skya rengs ma shar gyi bar du nyes byas su 'gyur la/ skya rengs shar na ltung byed du 'gyur la/ dge slong gnas khang na nyal zhing bud med kyi yul khyams na nyal na dge slong des sgo gtan pas gcad par bya ba'am/ srung ba dge slong gzhag par bya'o/ /sgo gtan pas gcod par mi byed dam/ srung ba dge slong 'jog par mi byed na ji srid du skya rengs ma shar gyi bar du nyes byas su 'gyur la/ skya rengs </font><hr>Ja393a<br><font size=+1>


@#/ /shar na ltung byed du 'gyur ro/ /dge slong khyim na nyal zhing bud med kyi yul gnas khang na nyal na dge slong des sgo phyi rol nas gcad par bya ba'am/ srung ba dge slong gzhag par bya'o/ /sgo phyi rol nas gcod par mi byed dam/ srung ba dge slong 'jog par mi byed na ji srid du skya rengs ma shar gyi bar du nyes byas su 'gyur la/ skya rengs shar na ltung byed du 'gyur ro/ /dge slong sgo khang na nyal zhing bud med kyi yul bang rim na nyal na/ dge slong des sgo nang nas gcad par bya ba'am/ srung ba dge slong gzhag par bya'o/ /sgo nang nas gcod par mi byed dam/ srung ba dge slong 'jog par mi byed na ji srid du skya rengs ma shar gyi bar du nyes byas su 'gyur la/ skya rengs shar na ltung byed du 'gyur ro/ /dge slong bang rim du nyal zhing bud med kyi yul sgo khang du nyal na dge slong des phyi rol nas gcad par bya ba'am/ srung ba dge slong gzhag par bya'o/ /sgo phyi rol nas gcod par mi byed dam/ srung ba dge slong 'jog par mi byed na ji srid du skya rengs ma shar gyi bar du nyes byas su 'gyur la/ skya rengs shar na ltung byed du 'gyur ro/ /khyim thab kyis bsrungs na ltung ba med do/ /dge slong ba lang gi lhas sam phyugs lhas su nyal na dge slong des phyogs de re lde dag gam/ gseg dag gam/ yol ba dag gis bskor bar bya ba'am/ srung ba dge slong gzhag par bya'o/ / </font><hr>Ja393b<br><font size=+1>


phyogs der re lde dag gam/ gseg dag gam/ yol ba dag gis bskor bar mi byed dam/ srung ba dge slong 'jog par mi byed na ji srid du skya rengs ma shar gyi bar du nyes byas su 'gyur la| skya rengs shar na yang nyes byas nyid du 'gyur ro/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa ma 'gags pas las ci zhig bgyis na las de'i rnam par smin pas phyug pa/ nor mang ba longs spyod che ba'i khyim du skyes shing bcom ldan 'das kyi bstan pa la rab tu byung nas nyon mongs pa thams cad spangs pas dgra bcom pa nyid mngon sum du bgyis te des 'dul ba'i bya ba de snyed bgyis/ bcom ldan 'das kyis bka' stsal pa/ dge slong dag rigs kyi bu ma 'gags pa nyid kyis las tshogs rnyed pa/ rkyen yongs su bsgyur ba 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas/ ma 'gags pa nyid kyis byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge </font><hr>Ja394a<br><font size=+1>


@#/ /ba dang / mi dge ba byas shing bsags pa dag ni zin pa'i phung po dang khams dang skye mched dag la rnam par smin par 'gyur te/ las rnams bskal pa brgyar yang ni/ / chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba bskal pa chen po bzang po 'di nyid la skye dgu'i tshe lo nyi khri thub pa na ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa lha dang mi rnams kyi ston pa sangs rgyas bcom ldan 'das 'od srung 'jig rten du byung ba na/ 'di de'i bstan pa la rab tu byung bar gyur nas ri brags shig na gtsug lag khang zhig yod pa de na 'di zhal ta byed par gyur cing / de lhan cig gnas pa dang nye gnas kyang lnga brgya yod/ ri brags na gnas pa'i skye bo'i tshogs kyang phal cher de la mngon par dad do/ / dus gzhan zhig na de na bar gyur nas/ de la lhan cig gnas pa dang nye gnas dag gis dris pa/ mkhan po khyod kyis yon tan gyi tshogs 'ga' zhig thob pa mchis sam/ des smras pa/ 'ga' yang med do/ /mkhan po smon lam ji ltar btab/ kho bos bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od srung gis bram ze'i </font><hr>Ja394b<br><font size=+1>


khye'u bla ma la bram ze'i khye'u khyod ma 'ongs pa'i dus na skye dgu'i tshe lo brgya thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang / zhabs su ldan pa bde bar gshegs pa/ 'jig rten mkhyen pa skyes bu 'dul ba'i kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das shAkya thub pa zhes bya bar 'gyur ro zhes nges par skal ba dang ldan pa nyid du lung bstan pa de'i gsung rab la bdag rab tu byung nas nyon mongs pa thams cad spangs pas dgra bcom pa nyid mngon sum du byed par gyur cig ces smon lam btab bo/ /de dag gis smras pa/ bdag cag kyang mkhan po la brten te/ bcom ldan 'das de'i gsung rab la rab tu byung nas nyon mongs pa thams cad spangs pas dgra bcom pa nyid mngon sum du bgyid par gyur cig /ri brags de na gnas pa'i skye bo'i tshogs des de ltar 'phags pa na'o zhes thos nas/ de dag de'i gan du song ste dris pa/ 'phags pas yon tan gyi tshogs 'ga' zhig thob pa mchis sam/ 'ga' yang med do/ /'phags pas smon lam ji ltar btab/ kho bos bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od srung gis bram ze'i khye'u bla ma la bram ze'i khye'u khyod ma 'ongs pa'i dus na skye dgu'i tshe lo brgya thub pa na/ de bzhin gshegs pa dgra bcom pa yang dag par rdzogs pa'i </font><hr>Ja395a<br><font size=+1>


@#/ /sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das shAkya thub pa zhes bya bar 'gyur ro zhes nges par skal pa dang ldan pa nyid du lung bstan pa de'i gsung rab la bdag rab tu byung nas/ nyon mongs pa thams cad spangs pas dgra bcom pa nyid mngon sum du byed par gyur cig ces smon lam btab bo/ /de dag gis smras pa/ bdag cag kyang 'phags pa la brten te/ bcom ldan 'das de'i gsung rab la bden pa dag mthong bar gyur cig /dge slong dag de'i tshe de'i dus na dge slong zhal ta byed par gyur pa gang yin pa de ni ma 'gags pa 'di yin te/ 'dis der chos dang ldan pas zhal ta byas pa'i las de'i rnam par smin pas ni phyug pa/ nor mang po longs spyod che ba'i khyim du skyes shing nga'i bstan pa la rab tu byung nas nyon mongs pa thams cad spangs pas/ dgra bcom pa nyid mngon sum du byas so/ /de'i tshe de'i dus na de'i lhan cig gnas pa dang / nye gnas lnga brgya po gang dag yin pa de dag ni dge slong lnga brgya po 'di dag yin te/ 'di dag gis der smon lam de skad btab pa'i dbang gis/ da ltar ma 'gags pa la brten te nga'i bstan pa la rab tu byung nas nyon mongs pa thams cad spangs pas/ dgra bcom pa nyid mngon </font><hr>Ja395b<br><font size=+1>


sum du byas so/ /de'i tshe de'i dus na ri brags de na gnas pa'i skye bo'i tshogs gang dag yin pa de dag ni/ da ltar ri brags na gnas pa'i skye bo'i tshogs 'di dag yin te/ 'di dag gis der smon lam de skad btab pa'i dbang gis da ltar ma 'gags pa la brten te nga'i gsung rab la bden pa dag mthong bar gyur to/ /btsun pa tshe dang ldan pa ma 'gags pas las ci zhig bgyis na/ las de'i rnam par smin pas lha'i mig dang ldan par gyur/ dge slong dag sngon byung ba bskal ba chen po 'di nyid la skye dgu'i tshe lo bzhi khri thub pa na ston pa de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshags pa/ 'jig rten mkhyen pa skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das 'khor ba 'jig ces bya ba 'jig rten du byung ste/ des sangs rgyas kyi mdzad pa mtha' dag mdzad nas phung po lhag ma med pa'i mya ngan las 'das pa'i dbyings su yongs su mya ngan las 'das nas rgyal po mdzes pas de'i mchod rten rin po che sna bzhi las byas pa rgyar dpag tshad gcig pa 'phang du dpag tshad phyed pa byed du bcug nas/ des de la dus ston bya ba yang bshams so/ /der dus ston la bab pa na chom rkun pa 'joms par 'dod pa lnga brgya der lhags nas de na chom rkun pa'i dmag dpon gyi lham ral nas de dang ha cang mi ring ba </font><hr>Ja396a<br><font size=+1>


@#/ /na dri gtsang khang 'dug pa de na mar me'i 'od tshod du mi gsal bar chom rkun pa'i dmag dpon des mthong nas de dri gtsang khang der zhugs te/ lham brub par brtsams pa na/ mar me'i 'od tshod du mi gsal bar 'bar nas/ des mar me'i snying po bskul ba dang / mar me de shin tu 'od gsal bar 'bar bar gyur nas/ ji tsam na des sku gzugs mthong ngo / /mthong nas kyang de shin tu dad pa skyes nas des dbyig gis mchod pa byas te/ bdag gi dge ba'i rtsa ba 'dis bdag lha'i mig dang ldan par gyur cig ces smon lam btab bo/ /dge slong dag de'i tshe de'i dus na chom rkun pa'i dmag dpon gang yin pa de ni dge slong ma 'gags pa 'di yin te/ 'dis mar me'i snying po bskul cing sems dad pa bskyed pa'i las de'i rnam par smin pas lha'i mig dang ldan par gyur to/ /btsun pa tshe dang ldan pa ma 'gags pas las ci zhig bgyis na las de'i rnam par smin pas bcom ldan 'das kyis lha'i mig can rnams kyi mchog tu bstan/ dge slong dag de yang smon lam gyi dbang gis te/ gang du smon lam btab ce na/ dge slong dag sngon byung ba bskal ba chen po bzang po 'di nyid la skye dgu'i tshe lo nyi khri thub pa na/ ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs </font><hr>Ja396b<br><font size=+1>


pa| 'jig rten mkhyen pa skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das 'od srung 'jig rten du byung ste de wA ra NA si na drang srong smra ba'i ri dwags kyi nags na nye bar rten cing bzhugs so/ /de'i bstan pa la 'di rab tu byung nas dge slong gang gis de rab tu byung ba'i dge slong de de bzhin gshegs pa dgra bcom pa yang dag par rdzogs pa'i sangs rgyas 'od srung gis lha'i mig can rnams kyi mchog tu bstan to/ /de na 'dis tshe ji srid par tshangs par spyod pa spyad na yon tan gyi tshogs 'ga' yang ma thob nas de'i 'og tu 'chi ba'i tshe smon lam 'di skad ces bdag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yon gnas bla na med pa 'od srung la tshe ji srid par tshangs par spyod pa spyad na yon tan gyi tshogs 'ga' yang ma thob ste/ bdag gis tshe ji srid par tshangs par spyod pa spyad pa'i dge ba'i rtsa ba 'dis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od srung gis bram ze'i khye'u bla ma la bram ze'i khye'u khyod ma 'ongs ba'i dus na skye dgu'i tshe lo brgya thub pa na/ de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan </font><hr>Ja397a<br><font size=+1>


@#/ /'das shAkya thub pa zhes bya bar 'gyur ro/ /zhes nges pa nyid du lung bstan pa de'i bstan pa la bdag rab tu byung nas nyon mongs pa thams cad spangs pas/ dgra bcom pa nyid mngon du byed cing / ji ltar mkhan po 'di bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od srung gis lha'i mig can rnams kyi mchog tu bstan pa de bzhin du bdag kyang / bcom ldan 'das shAkya thub pa/ shAkya seng ge /shAkya'i rgyal po'i gtso bo des lha'i mig can rnams kyi mchog tu bstan par gyur cig ces gdab par brtsams pas smon lam de'i dbang gis da ltar de bzhin gshegs pas lha'i mig can rnams kyi mchog tu bstan te/ dge slong dag de ltar na las gcig tu gnag pa rnams kyi rnam par smin pa ni gcig tu gnag pa yin la/ las gcig tu dkar ba rnams kyi rnam par smin pa yang gcig tu dkar ba yin/ las 'dren ma rnams kyi rnam par smin pa yang 'dren ma yin no/ /dge slong dag de lta bas na las gcig tu gnag pa rnams dang 'dren ma rnams spangs te/ las gcig tu dkar ba rnams la brtsal bar bya ste/ dge slong dag de ltar khyod kyis bslab par bya'o/ /bud med dang lhan cig nyal ba'i ltung byed de drug cu rtsa lnga pa rdzogs so// //sangs rgyas bcom ldan 'das mnyan yod na rgyal byed kyi </font><hr>Ja397b<br><font size=+1>


tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa mo'u dgal gyi bu chen pos nye bar 'khor la sogs pa sar pa skyes phran gzhon nu bcu bdun sde'i tshogs dag rab tu phyung / rdzogs par bsnyen par byas pa de'i tshe na de dag drug sde dag la sten par byed/ bsnyen par byed/ bsnyen bkur byed do/ /de nas 'char kas de dag la smras pa/ bcu bdun sde dag tshur shog 'di dang 'di gyis shig /de dag gis smras pa/ khyod kho bo cag gi slob dpon yin nam/ mkhan po yin nam ci/ mi byed do/ /'char kas smras pa/ glen pa dag 'o na gzhan ci byed ces des de dag gnya' ba dag nas bzung ste bskrad do/ /de dag gis smras pa/ tshe dang ldan pa dag bdag cag drug sde dag gis gang cung zad brnyas par gyur pa de dag thams cad ni bdag cag thos pa nyung ba las gyur pa yin gyi/ bdag cag thos pa 'dzin du 'dong dang / des na phyin chad drug sde dag la cung zad kyang dri bar mi bya'o zhes de dag dge slong zhig gi gan du song ste smras pa/ btsun pa bdag cag klog tu stsol cig/ /des de dag la thabs yin no zhes smras pa/ de dag gis de las bklag par brtsams so/ /nye dgas smras pa/ btsun pa 'char ka bcu bdun sde dag de bar bdag cag la sten par mi byed/ bsnyen par mi byed/ bsnyen bkur mi byed do/ /'char kas smras pa/ de dag kho bos bskrad nas thos pa </font><hr>Ja398a<br><font size=+1>


@#/ /'dzin par brtsams so/ /btsun pa 'char ka khyod kyis bdag cag gi sbrul nya la ba lcag gis gzhus so/ /ji srid du glen pa de dag thos pa nyung bar gyur pa de srid du de dag bdag cag la sten par byed/ bsnyen par byed/ bsnyen bkur byed kyi/ gang gi tshe de dag mang du thos par gyur cing mdo sde 'dzin pa dang / 'dul ba 'dzin pa dang / ma mo 'dzin pa dang / gdug cing pha rol gnon par gyur pa de'i tshe na de dag bdag cag la gnod pa bya bar sems par 'gyur ro/ /'char kas smras pa/ kho bo ci nas kyang de dag gis ma rtogs pa yang rtogs par mi 'gyur zhing / rtogs pa las kyang yongs su nyams par 'gyur ba de ltar bya'o/ /bcu bdun sde dag me khang du mar me btsugs te kha ton bya bar brtsams pa dang / ci tsam na tshe dang ldan pa 'char ka la ba zhig spu phyir bstan te gyon nas me khang du zhugs te mar me bsad nas 'byung po'o zhes smras pa dang / de dag sdangs cing skrag nas me khang nas phyir byung ste/ mtha' gcig tu 'khod do/ /de dag slob dpon gyis mthong nas des smras pa/ gzhon nu dag ci'i phyir kha ton mi byed par kha rog ste 'khod/ de dag gis smras pa/ slob dpon bdag cag mi ma lags pas gtses so/ /des bsams pa/ rgyal byed kyi tshal gnod sbyin gos sngon po gyon pa lnga brgyas rtag tu mi stong bas 'di na mi ma yin pa yod re </font><hr>Ja398b<br><font size=+1>


skan/ lhung bzed nag po can gnas ngan len kun tu spyod pa 'ga' zhig gis 'di dag bsdigs so snyam nas des smras pa/ gzhon nu dag khyed cag mi ma yin pa de 'dzin par 'dod dam/ de dag gis smras pa/ 'tshal lo/ /des smras pa/ gzhon nu dag me khang gi grwa bzhir mar me btsugs te rdza mas khob la dbus su mar me btsugs te kha ton gyis shig dang / gal te de 'ongs te dbus kyi mar me bsad nas 'byung po'o 'byung po'o zhes zer ba na sgo chod la me khang gi grwa bzhi'i mar me phye la zung zhig /de dag gis de ltar byas pa dang / ji tsam na tshe dang ldan pa 'char ka la ba zhig spu phyir bstan te gyon nas me khang du zhugs te dbus kyi mar me bsad nas 'byung po'o 'byung po'o zhes smras pa dang / de dag gis sgo bcad nas me khang gi grwa bzhi'i mar me phye ste bzung nas brdeg par brtsams pa dang / des smras pa/ 'char ka'o 'char ka'o/ /de dag gis smras pa/ khyod kyi snying lam na 'char ka kho bo cag gi grogs yin pas de yin no/ / zhes byas na btang bar 'gyur snyam mam/ shi drod kyis ma bzung gi bar du mi gtong ngo / /de dag gis smras pa/ tshe dang ldan pa dag mi ma yin pa shin tu chen po zhig bsad kyang nyes pa sbom por 'gyur bar zad pas bdag cag gi ltung ba mthol zhing bshags par byas/ te por brdeg go zhes de dag gis te por gtal te btang nas/ 'char kas 'phyes 'khrud de rang gi gnas </font><hr>Ja399a<br><font size=+1>


@#/ /su phyin nas/ de phyi de nyin par lus dag 'bru mar gyis bsku mnye byas nas khri la nyal zhing 'dug pa dang / dge slong rnams kyis de la smras pa/ tshe dang ldan pa 'char ka khyod ci nyes/ 'char kas smras pa/ tshe dang ldan pa dag kho bos ku re cung zhig byas na nyes dmigs 'di lta bu byung bar gyur to/ /ci byas/ des skabs de rgyas par brjod pa dang / dge slong rnams kyis de la smras pa/ khyod dge slong la sdangs par byed du rung ngam/ gang gi phyir mi rung ba de nyid kyi phyir nyes dmigs 'di lta bu byung bar gyur to/ /dge slong don nyung du dag ci'i phyir dge slong dag dge slong la sngangs par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ / de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa 'char ka la rmas pa/ 'char ka khyod dge slong la sngangs par byed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ </font><hr>Ja399b<br><font size=+1>


tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no| |nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong la sngangs par byed dam/ sdangs par byed du 'jug na tha na bzhad gad bya bar bsams kyang rung ste ltung byed do/ /yang dge slong gang zhes bya ba ni 'char ka'am gzhan yang de lta bu gang yin pa'o/ /dge slong la zhes bya ba ni chos 'di pa la'o/ /sngangs par byed dam zhes bya ba ni bdag nyid kyis so/ /sngangs par byed du 'jud na zhes bya ba ni gzhan no/ /tha na bzhad gad bya bar bsams kyang rung ste zhes bya ba ni tha na ku re bya bar bsams kyang rung ste'o/ /ltung byed do zhes bya ba ni sems can dmyal ba dang dud 'gro dang yi dwags ngan song dang / ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste des na ltung byed do zhes gsungs so/ /de la ltung bar ji ltar 'gyur zhe na dge slong </font><hr>Ja400a<br><font size=+1>


@#/ /gis dge slong la sngangs par bya ba'i bsam pas 'di lta ste/ dper na yi dwags dang sha za dang grul bum dang / lus srul po gzugs la ba nag po dang sol ba dang ka ba tshig pa lta bu gzugs yid du mi 'ong ba dag yod de/ de dag gis khyod khrid par 'gyur/ de dag gis khyod gsod par 'gyur/ de dag gis khyod srog dang bral bar byed par 'gyur ro zhes nye bar sgrub par byed na dge slong 'jigs pa skyes kyang rung ma skyes kyang rung dge slong la ltung byed du 'gyur ro/ /dge slong gis dge slong la sdangs par bya ba'i bsam pas 'di lta ste dper na yi dwags dang sha za dang grul bum dang lus srul po sgra seng ge dang stag dang gung dang mtsha' dang gzig dang wa'i skad lta bu sgra yid du mi 'ong ba dag yod de/ de dag gis khyod khrid par 'gyur/ de dag gis khyod srog dang bral bar 'gyur ro zhes nye bar sgrub par byed na dge slong 'jigs pa skyes kyang rung ma skyes kyang rung dge slong la ltung byed du 'gyur ro/ /dge slong gis dge slong la sdangs par bya ba'i bsam pas 'di lta ste dper na yi dwags dang sha za dang grul bum dang lus srul po dri bshang ba dang gci ba dang ra dang ra'i ze ba'i dri lta bu dri yid du mi 'ong ba dag yod de/ de dag gis khyod khrid par 'gyur/ de dag gis khyod gsod par 'gyur/ de dag gis khyod srog dang bral bar byed par 'gyur ro zhes nye bar sgrub par byed na dge </font><hr>Ja400b<br><font size=+1>


slong 'jigs pa skyes kyang rung ma skyes kyang rung dge slong la ltung byed du 'gyur ro/ /dge slong gis dge slong la sngangs par bya ba'i bsam pas 'di lta ste/ dper na yi dwags dang sha za dang grul bum dang lus srul po dang reg pa sreg dang / re lde dang phyar ba'i reg pa lta bu yid du mi 'ong ba dag yod de/ de dag gis khyod khrid par 'gyur/ de dag gis khyod gsod par 'gyur/ de dag gis khyod srog dang bral bar byed par 'gyur ro zhes nye bar sgrub par byed na dge slong 'jigs pa skyes kyang rung ma skyes kyang rung dge slong la ltung byed du 'gyur ro/ /dge slong gis dge slong la sdangs par bya ba'i bsam pas 'di lta ste/ dper na lha dang / klu dang / dri za dang / gnod sbyin dang / mi'am ci dang / lto 'phye chen po gzugs rgyal po dang / blon po dang / bram ze dang / khyim bdag dang / nor can dang / tshong dpon dang / ded dpon lta bu gzugs yid du 'ong ba dag yod de/ de dag gis khyod khrid par 'gyur/ de dag gis khyod gsod par 'gyur/ de dag gis khyod srog dang bral bar byed par 'gyur ro zhes nye bar sgrub par byed na/ dge slong 'jigs pa skyes kyang rung ma skyes kyang rung dge slong la nyes byas su 'gyur ro/ /dge slong gis dge slong la sdangs par bya ba'i bsam pas 'di lta ste/ dper na lha dang / klu dang / dri za dang / gnod sbyin dang / mi'am ci dang / lto 'phye chen po sgra pi wang dang / 'od ma dang / bal la ri dang / ma ha ti dang / su </font><hr>Ja401a<br><font size=+1>


@#/ /g+ho sha ka'i lta bu sgra yid du 'ong ba dag yod de/ de dag gis khyod khrid par 'gyur/ de dag gis khyod gsod par 'gyur/ de dag gis khyod srog dang bral bar byed par 'gyur ro zhes nye bar sgrub par byed na dge slong 'jigs pa skyes kyang rung ma skyes kyang rung dge slong la nyes byas su 'gyur ro/ /dge slong gis dge slong la sdangs par bya ba'i bsam pas 'di lta ste/ dper na lha dang klu dang dri za dang gnod sbyin dang mi'am ci dang lto 'phye chen po dri a ka ru dang / tsan dan dang / gur gum dang / ta ma la'i lo ma'i dri lta bu dri yid du 'ong ba dag yod de/ de dag gis khyod khrid par 'gyur/ de dag gis khyod gsod par 'gyur/ de dag gis khyod srog dang bral bar byed par 'gyur ro zhes nye bar sgrub par byed na dge slong 'jigs pa skyes kyang rung ma skyes kyang rung dge slong la nyes byas su 'gyur ro/ /dge slong gis dge slong la sdangs par bya ba'i bsam pas 'di lta ste/ dper na lha dang klu dang dri za dang gnod sbyin dang mi'am ci dang lto 'phye chen po reg pa dar dang / ras yug chen dang / be'u ras dang / dar la dang / du gu la'i ras dang / ko tam pa'i ras kyi reg pa lta bu reg pa yid du 'ong ba dag yod de/ de dag gis khyod khrid par 'gyur/ de dag gis khyod gsod par 'gyur/ de dag gis khyod srog dang bral bar byed par 'gyur ro zhes nye bar sgrub </font><hr>Ja401b<br><font size=+1>


bar byed na dge slong 'jigs pa skyes kyang rung ma skyes kyang rung dge slong la nyes byas su 'gyur ro/ /skyo bar bya ba'i ched du sems can dmyal ba'i gtam dang dud 'gro'i gtam dang yi dwags kyi gtam dang lha'i gtam dang mi'i gtam zer ba la ni ltung ba med do/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /sdangs par byed pa'i ltung byed do drug cu drug pa rdzogs so// //'dul ba rnam par 'byed pa/ bam po re gnyis pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa mo'u dgal gyi bu chen po nye bar 'khor la sogs pa sar pa skyes phran gzhon nu bcu bdun sde'i tshogs dag rab tu phyung / rdzogs par bsnyen par byas pa de'i tshe na de dag drug sde dag la sten par byed bsnyen par byed bsnyen bkur byed do/ /khyim bdag zhig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs nas sangs rgyas la sogs pa dge slong gi dge 'dun ni gshegs so/ /drug sde dag dang bcu bdun sde dag phyi bzhin 'brang zhing dong ngo / /de na lam ka na rdzing bu chus gang ba zhig 'dug nas drug sde dag gis bcu bdun sde dag la smras pa/ bcu bdun sde dag kye ma khyed cag dang kho bo cag lhan cig shin tu 'gran pa </font><hr>Ja402a<br><font size=+1>


@#/ /yin na tshur sheg yu bu cag chu'i nang du gang yun ring du nub cing 'dug sus phod pa lta'o/ /de dag gis smras pa/ de ltar bya'o zhes de dag thams cad chur zhugs pa dang / nye dga' chu nas byung ste bcu bdun sde dag gi gos dag sa 'bus pa zhig gi 'og tu sbas te bzhag pa dang / drug sde dag myur ba myur bar rdzing bu nas byung ste gos dag gyon nas dong ngo / /bcu bdun sde dag chu'i steng du byung ba dang / drug sde dag mi snang nas de dag gis bdag cag pham par byas na mi rung ngo zhes de dag yang chu'i 'og tu zhugs so/ /de dag yang dang yang du steng du byung ste bltas na drug sde dag mi snang nas/ de dag da dung yang chu'i 'og tu 'dug go snyam nas de dag gis smras pa/ tshe dang ldan pa dag drug sde dag gis gos dag sbas te 'dong ngo zhes bgros pa dang / ji tsam na gos gcig kyang mi snang nas de dag gis smras pa/ tshe dang ldan pa de dag gis bdag cag la mtho btsams so zhes de dag rdzing bu nas byung ste mtha' gcig na 'khod do/ /tshe dang ldan pa shA ri'i bu dang mo'u dgal gyi bu chen po gnyis 'khor lnga brgya dang ko sa la dag tu ljongs rgyu zhing 'dong ba na rgyal byed kyi tshal du phyin pa dang / ji tsam na rgyal byed kyi tshal stong par mthong nas/ de gnyis kyis smras pa/ sangs rgyas la sogs pa dge slong gi dge 'dun gar gshegs/ khyim bdag zhig gi spyan </font><hr>Ja402b<br><font size=+1>


drangs so/ /de gnyis kyis smras pa/ skol cag gnyis kyang der bzhud la bsod snyoms gsol lo zhes de gnyis dong ba dang / ji tsam na tshe dang ldan pa shA ri'i bus bcu bdun sde dag rdzing bu'i 'gram na rtse zhing 'dug pa mthong ngo / /mthong nas kyang tshe dang ldan pa mo'u dgal gyi bu chen po la smras pa/ slob ma rnams kyi 'byor ba la gzigs/ tshe dang ldan pa mo'u dgal gyi bu chen pos smras pa/ bdag gi mchid mi nyan pas bdag gis ji ltar bgyi/ tshe dang ldan pa mo'u dgal gyi bu chen pos bcu bdun sde dag la smras pa/ gzhon nu dag gdugs tshod yol na mi rung gi/ chu rgol cig dang 'dong ngo / /de dag gis smras pa/ mkhan po/ drug sde dag gis bdag cag gi rad pa dag sbas so/ /tshe dang ldan pa mo'u dgal gyi bu chen pos ci khyer te dong ngam 'on te 'di nyid du sbas te bzhag snyam du bsams na/ de ji tsam na de nyid du sbas te bzhag par mthong nas des blangs te de dag la byin no/ /bcu bdun sde dag gos dag gyon te der dong ba dang tshe dang ldan pa shA ri'i bu dang mo'u dgal gyi bu gnyis kyis dge slong dag la bshugs pa na/ bcu bdun sde dag kyang dge slong dag bshug par byed nas/ dge slong rnams kyis de dag la smras pa/ tshe dang ldan pa dag /tshe dang ldan pa shA ri'i bu dang mo'u dgal gyi bu chen po gnyis ni 'dul ba'i bya ba byas te 'ong ba yin pas de gnyis kyis re zhig dge slong dag bshugs pa ni rigs kyi/ rigs kyi bu </font><hr>Ja403a<br><font size=+1>


@#/ /khyed cag gis ci zhig byas na da 'dir lhags te dge slong dag bshug par byed/ de dag gis smras pa/ tshe dang ldan pa dag gal te kho bo cag la mkhan pos ma dgongs su zin na kho bo cag gi zan gcad par byas par 'gyur ro/ /ci'i phyir/ de dag gis skabs de rgyas par brjod pa dang dge slong don nyung du dag ci'i phyir dge slong dge slong gi gos dag sbed par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la rmas pa/ dge slong dag khyed dge slong dag gi gos dag sbed pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su mthun pa ma yin pa rung ba ma yin pa tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas </font><hr>Ja403b<br><font size=+1>


na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyi 'dul ba la bslab pa'i gzhi 'di ltar 'don par bya ste/ yang dge slong gang dge slong ngam/ dge slong ma'am/ dge slob ma'am/ dge tshul lam/ dge tshul ma'i lhung bzed dam/ gos sam/ dra ba'am/ phor bu 'am/ ska rags sam/ dge sbyong gi 'tsho ba'i yo byad gang yang rung ba sbed dam/ sbed du 'jug na ltung byed do zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad do/ /dge slong zhig gis dge slong zhig gi lag tu gos dag gtams nas/ 'jigs pa byung ba dang dge slong des rang gi gos dag ni sbas/ dge slong de'i gos dag ni ma sbas pa dang / de dag ma byin par len pa dag gis phrogs nas dge slong de phongs par gyur pa'i skabs de dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ de lta bas na de 'dra ba'i rkyen ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas/ dge slong rnams la de'i shas che ba dang de dang mthun pa dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni </font><hr>Ja404a<br><font size=+1>


@#/ /bcas pa yin la 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong ngam/ dge slong ma'am/ dge slob mam/ dge tshul lam/ dge tshul ma'i lhung bzed dam/ gos sam/ dra ba'am/ phor bu'am/ ska rags sam/ dge sbyong gi 'tsho ba'i yo byad gang ci yang rung ba sbed dam/ sbed du 'jug na de 'dra ba'i rkyen ma gtogs te ltung byed do/ /yang dag slong gang zhes bya ba ni shAkya'i bu nye dga'am gzhan yang de lta bu gang yin pa'o/ /dge slong ngam/ dge slong ma'am/ dge slong ma'am/ dge tshul lam/ dge tshul ma'i zhes bya ba ni chos 'di pa'i'o/ /lhung bzed ces bya ba ni lhung bzed nyid do/ /gos zhes bya ba ni bdun po dag las gang yang rung ba'o/ /dra ba zhes bya ba ni lhung bzed kyi snod do/ /phor bu zhes bya ba ni kha phor ro/ /ska rags zhes bya ba ni shur bu dang / lcag pod dang / rgya cang dang / shur bu phre'u'o/ /dge slong gi 'tsho ba'i yo byad gang yang rung ba zhes bya ba ni de dag las gzhan gang yang rung ba'o/ /sbed dam zhes bya ba ni bdag nyid kyis so/ /sbed du 'jug na zhes bya ba ni gzhan no/ /de 'dra ba'i rkyen ma gtogs te zhes bya ba de ni de 'dra ba'i rkyen bzhag ste'o/ /ltung byed do zhes bya ba ni sems can dmyal ba dang dud 'gro dang yi dwags ngan song dang ngan 'gro dang / log par ltung ba dag tu sreg par byed/ 'tshod </font><hr>Ja404b<br><font size=+1>


par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste des na ltung byed do zhes gsungs so/ /de la ltung bar ji ltar 'gyur zhe na/ dge slong gis ji tsam cung zad dge slong ngam/ dge slong ma'am/ dge slob ma'am/ dge tshul lam/ dge tshul ma'i lhung bzed dam/ gos sam dra ba'am/ phor bu'am/ ska rags sam/ dge sbyong gi 'tsho ba'i yo byad gang yang rung ba sbed dam sbed du 'jud na thams cad du ltung byed du 'gyur ro/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /sbed pa'i ltung byed de drug cu bdun pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa 'char kas ni nyon mongs pa thams cad spangs nas dgra bcom pa nyid du byas/ tshe dang ldan pa 'dun pa ko'u sham+b+hi ra song ste/ snying las chung ngur 'dug /'gro mgyogs dang nabs so gnyis ni dus la bab/ dga' bo dang nye dga' gnyis ni dge 'dun gyi nang na 'khod pa de'i tshe na/ tshe dang ldan pa nye dga' rgas par gyur nas de la lhan cig gnas pa dang / nye gnas 'ga' yang mi nyan pas de'i chos gos dag dri ma can du gyur kyang des 'khru ba dang kha sgyur bar mi nus pas/ de la blo byung ba thabs shig bya'o/ / </font><hr>Ja405a<br><font size=+1>


@#/ /snyam nas/ des chos gos de dag lhan cig gnas pa dang / nye gnas dag la/ la la la snam sbyar sbyin/ la la la bla gos sbyin/ la la la mthang gos sbyin no/ /de dag gis smras pa/ mkhan po ci 'di dag bkrus shing kha bsgyur te slar dbul lam/ des smras pa/ bu dag kho bo rgas pas 'di dag khyed nyid kyi yin no/ /de dag gis rang gi sred pas chos gos de dag legs par bkrus shing legs par kha bsgyur ba byas so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la dge slong rnams la de bzhin gshegs pa ko sa la dag tu ljongs rgyur gshegs kyi/ khyed cag las gang de bzhin gshegs pa dang thabs cig ko sa la dag tu ljongs rgyur 'gro bar spro ba des chos gos kyi las gyis shig ces bsgo zhig /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan nas/ dge slong rnams la tshe dang ldan pa dag de bzhin gshegs pa ko sa la dag tu ljongs rgyur gshegs kyi/ khyed cag las gang de bzhin gshegs pa dang thabs cig ko sa la dag tu ljongs rgyur 'gro bar spro ba des chos gos kyi las gyis shig ces bsgo'o/ /de dag gis de skad bsgo ba thos nas chos gos de dag khyer te dge slong zhig gi gan du dong nas smras pa/ btsun pa bdag cag gi chos gos 'di dag re zhig khyod la gtams so/ /bdag cag ni bcom </font><hr>Ja405b<br><font size=+1>


ldan 'das dang thabs cig ljongs rgyur 'gro'o/ /des smras pa/ ci khyod kyi mkhan po yang 'gro'am/ de dag gis smras pa mi 'gro'o/ /des smras pa/ deng la de nyid la thoms shig /kho bo la 'khor 'byed par byed do zhes zer dang / mi rung ngo / /de dag nye dga'i gan du song ste smras pa/ mkhan po chos gos 'di dag re zhig mkhan po'i gan du gtams so/ /bdag cag ni bcom ldan 'das dang thabs cig ljongs rgyur mchi'o/ /nye dgas smras pa/ tshe dang ldan pa dag kho bo ni dge slong tshul khrims dang ldan pa rtswas bcings na yang dus byed par 'gyur ba yin pas kho bo 'jog par mi spro'i/ dge slong mdza' bo gzhan 'ga' zhig gi lag tu thoms shig /de dag gis smras pa/ mkhan po bdag cag la mkhan po las chos lhag pa'i dge slong mdza' bo su zhig mchis/ mkhan po nyid kyi phyag tu bzhag go /nye dgas smras pa/ gal te de ltar na mtshan ma legs par thob la zhog cig dang / phyir lhags nas rang rang gis blang sla bar 'gyur ro/ /de dag gis chos gos der bzhag nas/ bcom ldan 'das dang thabs cig ljongs rgyur dong ngo / /nye dgas gtur bu gcig nas snam sbyar zhig phyung ste ji tsam gyis shin tu dri ma can du gyur pa de tsam du gyon gyon nas/ gtur bu de nyid kyi nang du phyir bcug go /de bzhin du gtur bu gcig nas bla gos phyung ste gyon zhing de bzhin du chos gos thams cad spyad nas ji tsam na shin tu dri ma can du gyur pa dang / des de dag sdam \ NGA MA?\ kho na </font><hr>Ja406a<br><font size=+1>


@#/ /bzhin du bcings te bzhag go /ji tsam na bcom ldan 'das ljongs brgyus nas mnyan yod du gshegs pa dang / khyim bdag zhig gis bcom ldan 'das dge slong gi dge 'dun dang thabs cig ljongs brgyus nas/ mnyan yod du byon ces thos nas/ des sangs rgyas la sogs pa dge slong gi dge 'dun glo bur du gshegs pa rnams gdugs tshod la spyan drangs so| |de dag gis bsams pa/ lam gyi chos gos dag bzhag ste/ chos gos gzhan dag gyon la 'dong ngo snyam nas/ de dag nye dga'i gan du dong ste chos gos gtams pa dag phyung ste bltas pa dang dri ma can du gyur pas ngo ma shes nas/ de dag gis smras pa/ mkhan po bdag cag gi chos gos de dag 'di lags sam/ nye dgas smras pa/ tshe dang ldan pa kho bos khyod la kho bo ni dge slong tshul khrims dang ldan pa yin pa rtswas bcings na yang dus byed par 'gyur gyi/ mtshan ma legs par thob la zhog cig dang / phyir lhags pa na rang rang gis blang sla bar 'gyur ro/ / zhes ma smras sam/ ji tsam na dge slong gcig gis rang gi chos gos srubs las ngo shes nas des smras pa/ tshe dang ldan pa dag chos gos 'di dag ni kho bo'i yin na mkhan pos spyad do/ / nye dgas smras pa/ bkren pa dag khyed cag de ltar mi dga' bar bya'o/ /de dag gis smras pa/ tshe dang ldan pa dag 'di dag pas ni lam gyi chos gos dag ches bzang gi/ de dag gyon te </font><hr>Ja406b<br><font size=+1>


'dong ngo zhes de dag lam gyi chos gos dag gyon te der dong ba dang / dge slong rnams kyis de dag la smras pa/ tshe dang ldan pa dag khyed cag gi chos gos dag gcig gtams te bzhag na ci'i phyir lam gyi chos gos dag gyon te 'ongs/ de dag gis smras pa/ gtams te bzhag go /'o na ci'i phyir de dag mi gyon/ de dag gis skabs de rgyas par brjod pa dang / dge slong don nyung ngu dag ci'i phyir dge slong dag dge slong la chos gos byin nas de'i 'og tu gdeng med par spyod par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis shAkya'i bu nye dga' la rmas pa/ nye dga' khyod dge slong la chos gos byin nas de'i 'og tu gdeng med par spyod pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su mthun pa ma yin pa/ rung ba ma yin pa tshul dang mthun pa ma yin pa de ni rab tu byung bas bya ba ma yin no zhes rnam par smad pa mdzad do/ /de nas bcom ldan 'das kyis </font><hr>Ja407a<br><font size=+1>


@#/ /rnam grangs du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong la gos byin nas/ de'i 'og tu gdeng med par spyod na ltung byed do/ /yang dge slong gang zhes bya ba ni shAkya'i bu nye dga'am/ gzhan yang de lta bu gang yin pa'o/ /dge slong la zhes bya ba ni chos 'di pa la'o/ /gos zhes bya ba ni snam sbyar dang bla gos dang mthang gos gsum las gang yang rung ba'o/ /byin nas zhes bya ba ni blang ba med par byin na'o/ /de'i 'og tu zhes bya ba ni dus gzhan du'o/ /gdeng med par zhes bya ba ni ma bslang bar ro/ /spyod na zhes bya ba ni gyon na'o/ /ltung byed do zhes bya ba ni sems can dmyal ba dang / dud 'gro dang yi dwags ngan song dang / ngan 'gro log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na/ dge ba'i chos rnams la sgrib par byed pa ste des na ltung byed do zhes gsungs so/ /de la ltung bar ji ltar 'gyur zhe na/ dge slong gis ji tsam cung zad dge slong la gos byin nas/ de'i 'og </font><hr>Ja407b<br><font size=+1>


tu gdeng med par spyod na thams cad du ltung byed du 'gyur ro/ /dga' ba dang gcugs pa dang yid du 'ong ba yin/ zhes thos nas mchog tu dga' ba bskyed par 'gyur na ltung ba med do/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /byin pas nye bar 'tsho ba'i ltung byed de drug cu brgyad pa rdzogs so// //sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /de'i tshe tshe dang ldan pa gyad bu nor rgyal po'i khab na bya rgod phung po'i ri la 'dug ste de dang ha cang mi ring ba na rdzing bu rdo rtsigs can zhes bya ba 'dug pa de'i 'gram na tshe dang ldan pa gyad bu nor nyin mo gnas par byed do/ /gang gi tshe ut+pa la'i mdog dge ba'i bshes gnyen tshe dang ldan pa mo'u dgal gyi bu chen po la brten te/ legs par gsungs pa'i chos 'dul ba la rab tu byung zhing dgra bcom pa rnam par rgyal bar bya ba las rnam par rgyal bar gyur pa de'i tshe na/ de shes nas dad pa dang ldan pas/ bcom ldan 'das dang dge slong gnas brtan gnas brtan rnams la yang dang yang du blta ba'i phyir 'gro zhing lhag par yang tshe dang ldan pa gyad bu nor la 'di 'di ltar dgra bcom pa rnam par thar pa brgyad la bsam gtan par gyur kyang / bsam gtan dang rnam par thar pa dang ting nge 'dzin la snyoms par 'jug pa'i bde ba dag spangs te/ dge 'dun gyi chos dang ldan pa'i zhal ta'i </font><hr>Ja408a<br><font size=+1>


@#/ /las dag la brtson par gyur pa ni dka' ba byed pa yin no snyam nas yang dang yang du de lta ba'i phyir 'gro'o/ /de dus gzhan zhig na bcom ldan 'das dang dge slong gnas brtan gnas brtan gyi zhabs la phyag 'tshal nas/ tshe dang ldan pa gyad bu nor ga la ba der song ste phyin nas/ tshe dang ldan pa gyad bu nor gyi rkang pa gnyis la mgo bos phyag 'tshal te/ chos mnyan pa'i phyir mdun du 'dug go /de'i tshe na dge slong mdza' bo dang sa las skyes gnyis kyis phyag dar khrod cig rnyed cing / de gnyis tshe dang ldan pa gyad bu nor dang tshe rabs tshe rabs su kho na byung ste rtag tu klan ka tshol ba la brtson pa yin pas mdza' bos smras pa/ sa las skyes phyag dar khrod rnyed pa ni gang du 'khrur gzhug /sa las skyes kyis smras pa| rdzing bu rdo rtsigs can ni rgyun lugs nyung zhing nye 'khor gtsang ba yin pas der 'dong ngo / /de gnyis phyag dar khrod khyer te rdzing bu rdo rtsigs can du dong nas/ de gnyis kyis phyag dar khrod der 'khrur bcug nas nyi ma la bting ste 'khod do/ /de'i tshe na tshe dang ldan pa gyad bu nor gyis chos gos kyi grwa rlung gis bskyod nas/ dge slong ma ut+pa la'i mdog gi mgo la reg go /de mdza' bos mthong nas des smras pa/ sa las skyes gyad bu nor 'di la dge slong ma ut+pa la'i mdog dang lhan cig lus kyis reg pa'i dge 'dun lhag ma byung gi /'dong </font><hr>Ja408b<br><font size=+1>


la dge slong rnams la brjod par bya'o/ /sa las skyes kyis smras pa/ tshe dang ldan pa mdza' bo de'i tshe yang re zhig bdag cag gnyis gnas nas dbyung ba'i las byas na/ ci da yang gnas nas dbyung ba'i las byed du 'jud par 'dod dam/ mdza' bos smras pa/ tshe dang ldan pa sa las skyes de'i tshe na ni yang dag pa ma yin pas yin gyi/ da ni yang dag pas yin te/ bcom ldan 'das kyis lan du zhes bya ba ni skra dag dang de dang 'brel ba'i gos yin no zhes ma gsungs sam/ tshe dang ldan pa 'di la brdzun du smra ba ga la yod kyi/ tshur shog 'dong la dge slong rnams la brjod par bya'o/ /sa las skyes de mdza' bos bslus pa na btub par gyur nas de gnyis gtsug lag khang du dong ste/ dge slong rnams la smras pa/ tshe dang ldan pa dag /'di ltar bdag cag gnyis kyis tshe dang ldan pa gyad bu nor la dge slong ma ut+pa la'i mdog dang lhan cig lus kyis reg pa'i dge 'dun lhag ma byung ba mthong ste/ 'di la bdag cag gnyis gang gi dad pa'am/ yid ches pas 'gro bar bya/ dge slong rnams kyis smras pa/ tshe dang ldan pa gnyis ci/ khyed gnyis lha dang mi rnams gcig tu yongs su btang zhing sems can dmyal ba dang yi dwags dang dud 'gro rnams su gcig tu gnas sam ci na dge slong dgra bcom pa rnam par thar pa brgyad la bsam gtan pa mi'i chos bla ma'i rdzu 'phrul gyi cho 'phrul rnam par ston pa de la khyed gnyis gzhi med pa'i dge 'dun </font><hr>Ja409a<br><font size=+1>


@#/ /lhag ma'i chos kyis skur ba 'debs par byed/ de gnyis kyis smras pa/ tshe dang ldan pa dag de ni bdag cag gnyis kyis ma nyes kyi 'di ltar bdag cag gnyis kyi mig dag gis mthong bas mig dbyung bar bya grang / bcom ldan 'das kyis de gnyis la ci zhig mthong / ji ltar mthong / gang du mthong / khyed gnyis don ci la der song bas der mthong zhes legs par rab tu gleng bar gyis shig /brtag par gyis shig ces bka' stsal pa/ dge slong rnams kyis de gnyis la ci zhig mthong ji ltar mthong gang du mthong / khyed gnyis ci'i phyir der song bas der mthong zhes legs par rab tu gleng zhing brtags so/ /dge slong rab tu mang po dag gis legs par rab tu gleng zhing brtags pa na/ de gnyis kyis smras pa/ tshe dang ldan pa dag tshe dang ldan pa gyad bu nor la/ dge slong ma ut+pa la'i mdog dang lhan cig lus kyis reg pa'i dge 'dun lhag ma ma byung ste/ 'di ltar bdag cag gnyis kyis tshe dang ldan pa gyad bu nor la 'dun pas smras/ zhe sdang dang gti mug dang 'jigs pas smras so/ /dge slong don nyung ngu dag ci'i phyir dge slong dag pa ltung ba med pa la gzhi med par dge 'dun lhag ma'i chos kyis bskur ba 'debs bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di </font><hr>Ja409b<br><font size=+1>


dang gleng gzhi 'di dang / skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin no/ /sangs rgyas bcom ldan 'das kyis mdza' bo dang sa las skyes gnyis la rmas pa/ dge slong dag khyed gnyis khros shing zhe sdang bar gyur nas/ dge slong dag pa ltung ba med pa la gzhi med par dge 'dun lhag ma'i chos kyis skur ba 'debs pa bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su mthun pa ma yin pa rung ba ma yin pa/ tshul dang mthun pa yin de ni rab tu byung bas bya ba ma yin no zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang khros shing zhe sdang bar gyur nas/ dge slong dag pa ltung ba med pa la gzhi med par dge 'dun lhag ma'i chos kyis skur na ltung byed do/ /yang dge slong gang zhes bya ba ni mdza' bo </font><hr>Ja410a<br><font size=+1>


@#/ /'am sa skyes sam/ gzhan yang de lta bu gang yin pa'o/ /khros shing zhes bya ba ni 'khrugs shing ngo / /zhe sdang bar gyur nas zhes bya ba ni yid mi dga' bar gyur nas te 'khrugs pa ma bsal bar ro/ /dge slong dag pa zhes bya ba ni tshe dang ldan pa gyad bu nor ram gzhan yang de lta bu gang yin pa'o/ /ltung ba med pa la zhes bya ba ni gzhi 'di'i ltung ba med pa la'o/ /gzhi med par zhes bya ba ni gzhi gsum po mthong ba'i gzhi dang / thos pa'i gzhi dang / dogs pa'i gzhi med par ro/ /dge 'dun lhag ma'i chos kyis zhes bya ba ni bcu gsum po gang yang rung ba ste/ de ni chos ma yin par chos kyi sgrar gsungs pa yin no/ /skur na zhes bya ba ni skur ba 'debs na'o/ /ltung byed do zhes bya ba ni sems can dmyal ba dang / dud 'gro dang yi dwags ngan song dang ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na/ dge ba'i chos rnams la sgrib par byed pa ste des na ltung byed do zhes gsungs so/ /de la ltung ba ji ltar 'gyur zhe na/ gang zag dag pa la skur ba 'debs pa la gzhi bcus ni ltung bar 'gyur la/ gzhi lngas ni ltung bar mi 'gyur ro/ /ji ltar gzhi bcus ltung bar 'gyur zhe na/ des ma mthong ba dang / ma thos pa dang / mi dogs par des 'du shes bsgyur cing bzod pa dang / </font><hr>Ja410b<br><font size=+1>


'dod pa dang / blo gros dang / rtog pa dang / lta ba bsgyur te 'di skad ces bdag gis mthong ngo / /bdag gis thos so/ /bdag dogs so zhes zer na brjod do cog ltung byed du 'gyur ro/ /des thos la de yang brjed pa dang / de dogs la de yang brjed bzhin du 'du shes bsgyur cing bzod pa dang 'dod pa dang blo gros dang rtog pa dang lta ba bsgyur te 'di skad ces bdag gis thos te de yang ma brjed do/ /bdag dogs te de yang ma brjed do zhes zer na brjod do cog ltung byed du 'gyur ro/ /thos pa la yid ches nas bdag gis mthong ngo zhes zer ba dang / thos pa la yid ma ches par bdag gis mthong ngo zhes zer ba dang / thos pa la dogs pa na bdag gis mthong ngo zhes zer ba dang / thos pa la mi dogs pa na bdag gis mthong ngo zhes zer ba dang / dogs pa la dogs pa na bdag gis mthong ngo zhes zer na brjod do cog ltung byed du 'gyur te/ de ltar gzhi bcus ltung bar 'gyur ro/ /ji ltar gzhi lngas ltung bar mi 'gyur zhe na/ de ma mthong ba dang / ma thos pa dang / mi dogs pa la des 'du shes ma bsgyur cing bzod pa dang / 'dod pa dang blo gros dang rtog pa dang lta ba ma bsgyur bar 'di skad ces bdag gis mthong ngo thos so dogs so zhes zer na ltung bar mi 'gyur ro/ /des thos la de yang brjed pa dang / de dogs la de yang brjed pa la/ des 'du shes ma bsgyur cing bzod pa dang 'dod pa dang blo gros dang rtog pa lta ba ma bsgyur bar 'di skad ces bdag gis thos </font><hr>Ja411a<br><font size=+1>


@#/ /te de yang brjed do/ /bdag dogs te de yang brjed do zhes zer na ltung bar mi 'gyur te/ de ltar gzhi lngas ltung bar mi 'gyur ro/ /ji ltar gang zag dag pa la skur pa 'debs pa la gzhi bcus ltung bar 'gyur la/ gzhi lngas ltung bar mi 'gyur ba de bzhin du gang zag dag pa ma dag pa ltar bcos pa la skur pa 'debs pa la yang gzhi bcus ltung bar 'gyur la/ gzhi lngas ltung bar mi 'gyur ro/ /gang zag ma dag pa la skur pa 'debs pa la ni gzhi bcu gcig gis ltung bar 'gyur la/ gzhi drug gis ltung bar mi 'gyur ro/ /ji ltar gzhi bcu gcig gis ltung bar 'gyur zhe na/ des ma mthong ba dang ma thos pa dang mi dogs pa la des 'du shes bsgyur cing bzod pa dang / 'dod pa dang / blo gros dang rtog pa dang lta ba bsgyur te 'di skad ces bdag gis mthong ngo / /bdag gis thos so/ /bdag dogs so zhes zer na brjod do cog ltung byed du 'gyur ro/ /des mthong la de yang brjed pa dang / des thos la de yang brjed pa dang / de dogs la de yang brjed pa la des 'du shes bsgyur cing bzod pa dang 'dod pa dang blo gros dang / rtog pa dang lta ba bsgyur te 'di skad ces bdag gis mthong ste de yang ma brjed do/ /de bdag gis thos te de yang ma brjed do/ /bdag dogs te de yang ma brjed do zhes zer na brjod do cog ltung byed </font><hr>Ja411b<br><font size=+1>


du 'gyur ro/ /thos pa la yid ches nas bdag gis mthong ngo zhes zer ba dang / thos pa la yid ma ches par bdag gis mthong ngo zhes zer ba dang / thos pa la dogs pa na bdag gis mthong ngo zhes zer ba dang / thos pa la mi dogs pa na bdag gis mthong ngo zhes zer ba dang / dogs pa la dogs pa na bdag gis mthong ngo zhes zer na brjod do cog ltung byed du 'gyur te/ de ltar gzhi bcu gcig gis ltung bar 'gyur ro/ /ji ltar gzhi drug gis ltung ba med par 'gyur zhe na/ des ma mthong ba dang ma thos pa dang mi dogs pa la des 'du shes ma bsgyur cing bzod pa dang / 'dod pa dang blo gros dang rtog pa dang lta ba ma bsgyur bar 'di skad ces bdag gis mthong ngo / /thos so/ /dogs so zhes zer na ltung bar mi 'gyur ro/ /de mthong la de yang brjed pa dang / des thos la de yang brjed pa dang / des dogs la de yang brjed pa la/ des 'du shes ma bsgyur cing bzod pa dang / 'dod pa dang blo gros dang / rtog pa dang / lta ba ma bsgyur bar 'di skad ces bdag gis mthong ste de yang ma brjed do/ /bdag gis thos te de yang ma brjed do/ /bdag dogs te de yang ma brjed do zhes zer na ltung bar mi 'gyur te de ltar gzhi drug gis ltung bar mi 'gyur ro/ /ji ltar gang zag ma dag pa la skur pa 'debs pa la gzhi bcu gcig gis ltung bar 'gyur la gzhi drug gis ltung bar mi 'gyur ba de bzhin du gang </font><hr>Ja412a<br><font size=+1>


@#/ /zag ma dag pa dag pa ltar bcos pa la skur pa 'debs pa la yang gzhi bcu gcig gis ltung bar 'gyur la/ gzhi drug gis ltung bar mi 'gyur ro/ / dril bsgrags pa la ni ltung ba med do/ /ngos la ri mor bris pa phan chad la yang ltung ba med de/ ji ltar bdag gis shes pa bzhin du 'jig rten thams cad kyis kyang shes so/ / snyam na'o/ /las dang po ba dang / smyos pa dang sems 'khrugs pa dang / tshor ba dag gis nyen pa la ltung ba med do/ /skur pa 'debs pa'i ltung byed de drug cu dgu pa rdzogs so|| ||sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /rgyal po'i khab na tha ga pa spyi cer zhes bya ba zhig 'dug pa des mnyan yod pa'i tha ga pa zhig gi bu mo bag mar blangs nas/ de bu mo de la yang dang yang du khu tshur dang thal lcag gis rdeg par byed do/ /de'i sdum tshes bud med rgan mo zhig 'dug nas/ bu mo de bud med rgan mo de'i gan du song ste smras pa/ yum bdag la khyim bdag 'di yang dang yang du khu tshur dang thal lcag dag gis rdeg bar bgyid pas/ bdag 'bros so/ /rgan mos smras pa/ bu mo khyod la ji srid du bu ma btsas pa de srid du khyod la khyim bdag 'dis rdeg par byed kyi/ gang gi tshe khyed la bu btsas </font><hr>Ja412b<br><font size=+1>


par gyur pa de'i tshe na 'di khyod la byams par 'gyur gyi/ ma 'bros par sdod cig dang kho mos bzlog par bya'o zhes bud med rgan mo des tha ga par spyi cer la smras pa/ bu khyod bu mo 'di la yang dang yang du khu tshur dang thal lcag dag gis rdeg pas 'di bros par gyur na mi rung gi /phyin chad ma rdegs shig /tha ga pa de de ltar bud med rgan mo des bzlog kyang ma btub ste/ phyin chad yang dang yang du bu mo de la khu tshur dang thal lcag dag gis rdeg par byed do/ /de nas dus gzhan zhig na tha ga pa de tshong khang du chang 'thungs te ra ro nas rang gi khyim ga la ba der song ste phyin nas/ des bu mo de shin tu brdegs pa dang / bu mo des bsams pa/ bdag bu btsas par ma gyur gyi bar skabs su 'dis gsad par gyur na mi rung gi / bdag la bu med kyang blas/ bdag bros te 'gro'o snyam nas/ bu mo des tha ga pa de gnyid log par rig nas/ sgo dang po phye ba kho na nas byung ste bros so/ /dge slong zhig rgyal po'i khab tu dbyar gnas par khas blangs nas mnyan yod du bcom ldan 'das kyi zhabs la phyag 'tshal du 'phags pa de yang sgo dang po phye ba kho na nas byung ste song ba dang / bu mo des dge slong de mthong nas des smras pa/ 'phags pa gar bzhud/ dge slong des smras pa/ sring mo mnyan yod du 'gro'o/ /bu mo des smras pa/ bdag kyang mnyan yon du mchis/ bdag 'phags pa dang lhan cig </font><hr>Ja413a<br><font size=+1>


@#/ /'grogs te mchi'o/ /de ltar gyis shig /bu mo de dge slong de dang lhan cig 'grogs te 'gro bar brtsams so/ /ji tsam na tha ga pa spyi cer ra ro ba sangs te sad nas bu mo de mi snang nas/ de bud med rgan mo'i gan du song ste dris pa/ yum bu mo de mi snang ngo / /rgan mos smras pa/ bu kho mos dang po nyid nas khyod la de bros par gyur na mi rung gi /ma rdegs shig ces ma byas sam/ de bros te song pa snyam gyi/ sgo ba la dris shig /tha ga pa de song ste sgo ba la dris pa/ kye nang rje'i sgo 'di nas bu mo zhig phyir byung ngam/ sgo bas smras pa/ sgo dang po phye ba kho na nas byung ste song ngo / /tha ga pa der ba las 'dzegs te phyi bzhin bltas pa dang / ji tsam na thag ring po kho na nas song ba mthong nas/ de myur ba myur bar babs te bsnyags pa dang / ji tsam na dge slong zhig dang lhan cig 'gro ba mthong nas/ des bsams pa/ bdag ni gcig pu yin la/ 'di gnyis ni gnyis yin pas gal te de bzung na 'di gnyis log ste/ bdag rdeg par 'gyur ba gang yin pa de lta bu'i gnas yod par 'gyur gyi/ gang gi tshe grogs rnyed par gyur pa de'i tshe na gzung bar bya'o snyam nas/ de de gnyis kyi phyi bzhin 'brang zhing song ba dang / ji tsam na ri brags zhig tu phyin nas/ ri brags de na tha ga pa lnga brgya tsam 'khod nas/ tha ga pa spyi cer song ste smras pa/ shes ldan dag khyed kho bo'i nye du yin na/ kho bo'i chung mar shAkya'i bu'i dge </font><hr>Ja413b<br><font size=+1>


sbyong gis phrogs kyi/ de la grogs kyis zhig ces ra mda' 'dog tu bcug go /tha ga pa dag ni yongs su mi rtog pa yin pas/ de dag gis thags zangs lnga brgya tsam thogs te/ ri brags nas phyir byung nas/ de dag gis dge slong de shin tu brdegs te/ lhung bzed kyang bcag /phor bu dang 'khar ba yang bcag /chos gos dag kyang ral nas shi'o snyam du bsams te bor ro/ /bu mo des dge slong de la smras pa/ 'phags pa khyed cag gis rgyal po las gzhon nu'i yongs su spang pa thob pa lags kyis/ rgyal po'i gan du bzhud de gsungs la/ 'di dag gi lag pa dang rkang pa dag gcod du stsol cig /de dag skrag nas dge slong de la bzod pa gsol bar brtsams te smras pa/ 'phags pa bdag cag la bzod pa mdzad du gsol/ dge slong gi snying ni mar dang 'dra bas/ des smras pa bzod par bya'o/ /bu mo des smras pa/ gal te 'phags pas bzod kyang bdag gis mi bzod do/ /de dag gis bu mo de la smras pa/ sring mo khyod bdag cag gi nye du yin pas/ khyod kyis kyang bzod par gyis shig /bu mo des smras pa/ khyed cag la ni bzod na/ tha ga pa spyi cer 'di la mi bzod do/ / bdag gis 'di'i lag pa dang rkang pa dag gcad par bya'o/ /de dag gis smras pa/ 'di la yang bzod par gyis shig /bu mo des smras pa/ dam tshig gis bzod par bya ste gal te </font><hr>Ja414a<br><font size=+1>


@#/ /phyin chad bdag la mi rdeg na bzod do/ /tha ga pa des smras pa/ phyin chad mi brdeg go /bu mo des smras pa/ gal te de ltar na bzod par bya'o/ /dge slong de mthar gyis mnyan yod du phyin nas/ dge slong rnams kyis de la smras pa/ tshe dang ldan pa 'ongs pa legs so/ /'ongs pa legs so/ /ji lta bde bar brgyus sam/ tshe dang ldan pa dag ji ltar bde bar brgyus/ kho bo tha ga pa dag gis had por srog dang de'u phral lo/ /ci'i phyir des skabs de rgyas par brjod pa dang / dge slong rnams kyis smras pa/ khyod skyes pa med par bud med dang lhan cig mgron lam du 'gror rung ngam/ gang gi phyir 'gror mi rung ba de nyid kyi phyir nyes dmigs 'di lta bu byung ngo| |dge slong don nyung du dag ci'i phyir dge slong dag skyes pa med par bud med dang lhan cig mgron lam du 'gro zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ </font><hr>Ja414b<br><font size=+1>


sangs rgyas bcom ldan 'das kyis dge slong de la rmas pa/ dge slong khyod skyes pa med par bud med dang lhan cig mgron lam du 'gro ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas/ dge slong rnams la bka' stsal pa/ dge slong dag de lta bas na phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang skyes pa med par bud med dang lhan cig mgron lam du 'gro na tha na grong bar du yang rung ste ltung byed do/ /yang dge slong gang zhes bya ba ni/ chos 'di pa'am/ gzhan yang de lta bu gang yin pa'o/ /skyes pa med par zhes bya ba ni de dang de'o/ /bud med dang lhan cig ces bya ba ni bud med dam gzhon nu ma mi tshangs par spyod pa 'khrig pa'i chos sten nus pa dang ngo / /mgron lam du 'gro na zhes bya ba ni dgon pa'i lam du 'gro na'o/ /tha na grong bar du yang rung ste zhes bya ba ni/ tha na rgyang grags kyi bar du yang rung </font><hr>Ja415a<br><font size=+1>


@#/ /ste'o/ /ltung byed do zhes bya ba ni sems can dmyal ba dang dud 'gro dang yi dwags ngan song dang ngan 'gro log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do/ /zhes gsungs so/ /de la ltung ba ji ltar 'gyur zhe na/ dge slong gis ji tsam cung zad skyes pa med par bud med dang lhan cig mgron lam du 'gro na thams cad du ltung byed du 'gyur ro/ /rgyang grags kyis bar du chod pa'i grong bdun las grong nas dgon par 'gro na/ rgyang grags phyed phyed du ni nyes byas su 'gyur la/ rgyang grags re rer ni ltung byed du 'gyur ro/ /dgon pa nas grong du 'gro na yang rgyang grags phyed phyed du ni nyes byas su 'gyur la/ rgyang grags re rer ni ltung byed du 'gyur ro/ /bud med bsel byed du 'dzud pa dang / lam nor ba bud med kyis lam du 'dzud pa dang / 'gro mi nus pa bud med kyis khrid pa la ni ltung ba med do/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /bud med dang lhan cig 'gro ba'i ltung byed de bdun cu pa rdzogs so// //sdom la/ rku dang nyi shu ma lon dang / /rko dang mgron dang bslab pa dang / /'thab dang mi smra 'gro ba dang / /mi </font><hr>Ja415b<br><font size=+1>


gus chang 'thung dus min pa'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /dge slong zhig rgyal po'i khab 'od ma'i tshal ka lan da ka'i gnas su dbyar gnas par khas blangs so/ /de nas dge slong de dbyar gyi zla ba gsum po dag 'das nas/ chos gos byas pa dang ldan chos gos zin pa dang ldan zhing lhung bzed dang chos gos thogs te/ bcom ldan 'das kyi zhabs la phyag 'tshal du 'phags nas/ mnyan yod du 'gro ba'i don mthun btsal ba dang / des tshong pa sho gam 'dral ba dag mthong nas/ des smras pa/ shes ldan dag gar 'dong / de dag gis smras pa/ 'phags pa mnyan yod du mchi'o/ /des smras pa/ shes ldan dag kho bo yang khyed cag dang lhan cig mnyan yod du 'gro'o/ /de dag gis smras pa/ 'phags pa de ltar mdzod cig /de dag gis thabs yin no zhes byas nas/ 'gyod pa skyes te/ de dag gis smras pa/ 'phags pa bdag cag ni tshong ba sho gam 'dral ba dag lags pas dus su yang mchi/ dus ma yin par yang mchi/ shul du yang mchi/ shul gol bar yang mchi bas/ khyod kyis bdag cag dang lhan cig bzhud mi spyod do/ /des smras pa/ ci khyed cag stong par 'dong ngam/ 'on te khur dag gis 'dong / de dag gis smras pa/ khur </font><hr>Ja416a<br><font size=+1>


@#/ /dag gis mchi'o/ /des smras pa/ khyed cag khur dag gis 'dong na kho bo stong par 'gro bas ci'i phyir khyod kyi phyi bzhin 'gro mi nus/ de dag gis smras pa/ gal te spyod na bzhud kyi/ phyogs 'dir bzhud la bdag cag ma mchis kyi bar du gzhes shig /der song ste bsdad pa dang / ji tsam na tshong pa sho gam 'dral ba de dag 'ongs nas de de dag dang lhan cig 'phags so/ /ji tsam na ri brags shig tu sho gam gyi gnas su phyin pa dang / tshong pa sho gam 'dral ba de dag sho gam gcod pa dag gis 'jigs pas lam gol ba nas 'gro bar brtsams pa dang / dge slong de yang mdun du song ngo / /de dag lam gol ba nas 'dong ba na de dag sho gam pa dag gis mthong nas/ de dag gis smras pa/ kwa'e tshong pa sho gam 'dral bdag gar 'dong / de dag gis dge slong de mdun du 'gro ba mthong nas/ de dag gis smras pa/ shes ldan dag tshong pa sho gam 'dral ba 'di dag gis ma nyes kyi/ shAkya'i bu'i dge sbyong mdun du 'gro ba 'dis nyes kyi 'di gsad par bya'o/ /zhes de dag gis dge slong de shin tu brdegs te/ lhung bzed kyang bcag phor bu dang 'khar ba dag kyang bcag /chos gos dag kyang bral te/ shi'o snyam nas bor ro/ /tshong pa sho gam 'dral ba de dag gis dge </font><hr>Ja416b<br><font size=+1>


slong de la smras pa/ 'phags pa khyed kyis rgyal po las gzhon nu'i yongs su spang ba thob pa lags kyi/ rgyal po'i gan du bzhud de gsungs la/ sho gam pa 'di dag gi lag pa dang / rkang pa dag gcod du stsol cig /sho gam pa de dag skrag nas/ dge slong de la bzod pa gsol bar brtsams te smras pa/ 'phags pa bdag cag la bzod par mdzad du gsol/ dge slong gi sems ni zhun mar dang 'dra bas des smras pa/ bzod do/ /tshong pa sho gam 'dral ba dag gis smras pa/ gal te 'phags pas bzod kyang bdag cag gis mi bzod do/ /sho gam pa dag gis smras pa/ khyed cag kyang bzod pa gyis shig /sho gam 'dral ba dag gis smras pa/ dam tshig gis bzod par bya ste/ khyed cag sho gam pa ji snyed pa dag gis kho bo cag tshong pa ji snyed pa dag sho gam 'jal du mi 'jug na kho bo cag gis kyang bzod par bya'o/ /sho gam pa de dag gis tshong pa de dag la gnang ngo / /dge slong de yang mthar gyis mnyan yod du phyin nas/ dge slong rnams kyis de la smras pa/ tshe dang ldan pa 'ongs pa legs so/ /'ongs pa legs so/ /ji lta bde bar brgyus sam/ tshe dang ldan pa dag ji ltar bde bar brgyus/ kho bo sho gam pa dag gis had por de'u gsad do/ /ci'i phyir des skabs de rgyas par brjod pa dang / dge slong rnams kyis smras pa/ khyod don mthun </font><hr>Ja417a<br><font size=+1>


@#/ /rkun ma dang lhan cig mgron lam du 'gror rung ngam/ gang gi phyir mi rung ba de nyid kyi phyir nyes dmigs 'di lta bu dag byung bar gyur to/ /dge slong don nyung du dag ci'i phyir dge slong don mthun rkun ma dang lhan cig mgron lam du 'gro zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad do zhes bya ba la sogs pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong de la rmas pa/ dge slong khyod don mthun rkun ma dang lhan cig mgron lam du 'gro ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no/ / zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag de lta bas na phan </font><hr>Ja417b<br><font size=+1>


yon bcu yang dag par gzigs pas 'dul ba la nyan thos rnams kyi bslab pa'i gzhi bca' ba bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang don mthun rkun ma dang lhan cig mgron lam du 'gro na tha na grong bar du yang rung ste ltung byed do/ /yang dge slong gang zhes bya ba ni chos 'di pa'am/ gzhan yang de lta bu gang yin pa'o/ /don mthun rkun ma dang lhan cig ces bya ba la rkun ma zhes bya ba la chom rkun pa grong 'joms par byed pa dang tshong pa sho gam 'dral ba dag go /mgron lam du 'gro na zhes bya ba ni dgon pa'i lam du 'gro na'o/ /tha na grong bar du yang rung ste zhes bya ba ni tha na rgyang grags kyi bar du yang rung ste'o/ /ltung byed do zhes bya ba ni sems can dmyal ba dang / dud 'gro dang yi dwags ngan song dang ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la ltung ba ji ltar 'gyur zhe na/ dge slong gis ji tsam cung zad don mthun rkun ma dang lhan cig mgron lam du 'gro na thams cad du ltung byed du 'gyur ro/ /grong bdun po rgyang grags kyis </font><hr>Ja418a<br><font size=+1>


@#/ /bar du chod pa dag las dge slong grong nas dgon par 'gro na rgyang grags phyed phyed du ni nyes byas su 'gyur la/ rgyang grags re rer ni ltung byed du 'gyur ro/ /dgon pa nas grong du 'gro na yang rgyang grags phyed phyed du ni nyes byas su 'gyur la/ rgyang grags re rer ni ltung byed du 'gyur ro/ /rkun ma bsel byed du 'jug pa dang / lam nor ba rkun mas lam 'jug pa dang / 'gro mi nus pa rkun mas khrid du 'jud pa la ltung byed do/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /rkun ma dang lhan cig 'gro ba'i ltung byed de bdun cu gcig pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa mo'u dgal gyi bu chen pos nye bar 'khor la sogs pa sar ba skyes phran gzhon nu bcu bdun sde'i tshogs dag rab tu phyung / rdzogs par bsnyen par byas pa de'i tshe na de dag mtshan mo'i tho rangs kyi dus kyi tshe bkres pa'i nyam chung bas yongs su gzir nas du'o/ /bcom ldan 'das kyis mtshan mo'i tho rangs kyi dus kyi tshe kun dga' ra ba'i nang na byis pa khye'u rab tu mang po dag du ba'i sgra gsan to/ /gsan nas kyang tshe dang ldan pa kun dga' bo la bka' stsal pa/ kun dga' </font><hr>Ja418b<br><font size=+1>


bo mtshan mo'i tho rangs kyi dus kyi tshe kun dga' ra ba'i nang na byis pa khye'u rab tu mang po du ba 'di dag su/ btsun pa 'di dag ni tshe dang ldan pa mo'u dgal gyi bu chen pos nye bar 'khor la sogs pa sar pa skyes phran gzhon nu bcu bdun sde'i tsho dag rab tu phyung / rdzogs par bsnyen par bgyis pa de dag mtshan mo'i tho rangs kyi dus kyi tshe bkres pa'i nyam chung pas yongs su gzir te du ba lags so/ /kun dga' bo dge slong dag gang zag lo nyi shu ma lon pa dge slong gi dngos por rdzogs par bsnyen par byed dam/ btsun pa bgyid do/ / kun dga' bo gang zag lo nyi shu ma lon pas ni grang ba dang tsha ba dang bkres pa dang / skom pa dang rlung dang nyi ma dang sha sbrang dang sbrang bu mchu rings dang sdig sbrul dag gi reg pa dag dang / / gzhan las tshig gi lam ngan par smras pa dang / ngan pa 'ongs pa dag dang / lus kyi tshor ba sdug bsngal mi bzad pa rtsub pa tsha ba yid du mi 'ong ba srog 'phrog par byed pa byung ngo cog dag mi bzod cing / zag pa dag la ji mi snyam par bya ba yang mi bzod cing dang du len mi nus pa'i rang bzhin can no/ /gang zag lo nyi shu lon pas ni grang ba dang tsha ba dang bkres pa dang skom pa dang rlung dang nyi ma dang sha sbrang dang sbrang bu mchu rings dang / sdig sbrul gyi reg pa dang / gzhan las tshig gi lam ngan par smras pa dang / ngan pa 'ongs pa dag dang / lus kyi tshor ba sdug </font><hr>Ja419a<br><font size=+1>


@#/ /bsngal mi bzad pa rtsub pa tsha ba yid du mi 'ongs pa srog 'phrog par byed pa byung ngo cog bzod cing / zag pa dag la ji mi snyam par bya ba yang bzod cing / dang du len nus pa'i rang bzhin can yin no/ /de nas bcom ldan 'das kyis byung ba 'di dang gleng gzhi 'di dang skabs di la dge slong gi dge 'dun bsdu ba mdzad do zhes bya ba la sos pa snga ma bzhin no/ /sangs rgyas bcom ldan 'das rnams ni mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa mo'u dgal gyi bu chen po la rmas pa/ mo'u dgal gyi bu khyod kyis gang zag lo nyi shu ma lon pa dge slong gi dngos por rdzogs par bsnyen par byed pa bden nam/ btsun pa mad do/ / sangs rgyas bcom ldan 'das kyis mi brtson pa dang / mi sbyor ba dang / ma brtags par spyod pa rnam par smad pa mdzad do/ /de nas bcom ldan 'das kyis brtson pa dang / sbyor ba dang / brtags te spyod pa'i bsngags pa brjod nas dge slong rnams la bka' stsal pa/ dge slong dag de lta bas na phan yon bcu yang dag par gzigs pas/ 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyi 'dul ba la bslab pa'i gzhi 'di ltar gdon par bya ste/ yang dge slong gang zag lo nyi shu ma lon pa </font><hr>Ja419b<br><font size=+1>


dge slong gi dngos por rdzogs par bsnyen par byed na ltung byed do/ /gang zag de yang rdzogs par bsnyen par mi 'gyur la dge slong de dag kyang mad par 'gyur te de la de ni cho ga yin no/ /yang dge slong gang zhes bya ba ni chos 'di pa'am/ gzhan yang de lta bu gang yin pa'o/ /gang zag ces bya ba ni dge slong bya ba gang yin pa de'o/ /lo nyi shu ma lon pa zhes bya ba ni lo nyi shu ma lon pa'o/ /dge slong gi dngos por rdzogs par bsnyen par byed na zhes bya ba ni gsol ba dang bzhi'i las kyis so/ /ltung byed do zhes bya ba ni sems can dmyal ba dang dud 'gro dang yi dwags ngan song dang ngan 'gro log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste des na ltung byed do/ / zhes gsungs so/ /gang zag de yang rdzogs par bsnyen par mi 'gyur la zhes bya ba ni gang zag gang yin pa de'o/ /dge slong de dag kyang smad par 'gyur te zhes bya ba ni de na dge slong gang dag 'khod pa de dag go /de la ni de ni ga yin no zhes bya ba ni de la de ni rjes su mthun pa'i chos yin no/ /de la ltung ba ji ltar 'gyur zhe na/ lo nyi shu ma lon par yang 'du shes shing de la dge slong rnams kyis khyod 'o nyi shu lon nam zhes dris pa na de 'di skad ces bdag lon nyi shu ma lon no zhes zer ba na dge slong rnams kyis gang zag de dge slong gi dngos por rdzogs par bsnyen par byed na gang zag de dang </font><hr>Ja420a<br><font size=+1>


@#/ /po nyid nas rdzogs par ma bsnyen cing 'grogs pa dang longs spyod pa la yang ltung bar 'gyur la/ des dge 'dun la yang 'gal tshabs can du 'gyur ro/ /lo nyi shu yang ma lon la lo nyi shu ma lon par yang 'du shes shing de dge slong rnams kyis khyod lo nyi shu lon nam zhes dris pa na/ de 'di skad ces bdag shes shing dran la yid gnyis mi za ste bdag lo nyi shu ma lon no zhes ze ba na dge slong rnams kyi gang zag de dge slong gi dngos por rdzogs par bsnyen par byed na gang zag de dang po nyid nas rdzogs par ma bsnyen cing 'grogs pa dang longs spyod pa la ltung bar 'gyur la/ de dge 'dun la yang 'gal tshabs can du 'gyur ro/ /lo nyi shu ma lon la lo nyi shu lon par 'du shes shing de la dge slong rnams kyis khyod lo nyi shu lon nas zhes dris pa na de 'di skad ces bdag lo nyi shu lon no zhes zer ba na dge slong rnams kyis gang zag de dge slong gi dngos por rdzogs par bsnyen par byed na/ gang zag de la de'i mod la rab tu 'byung ba dang rdzogs par bsnyen pa dge slong gi dngos po 'chags shing 'grogs pa dang longs spyod pa la yang ltung bar mi 'gyur la/ des dge 'dun la yang 'gal tshabs can du mi 'gyur ro/ /lo nyi shu ma lon la lo nyi shu lon par 'du shes shing de la dge slong rnams kyis khyod lo nyi shu lon nam zhes dris lan 'di skad ces bdag shes shing dran la </font><hr>Ja420b<br><font size=+1>


yid gnyis mi za ste/ bdag lo nyi shu lon zhes zer ba na dge slong rnams kyis gang zag de dge slong gi dngos por rdzogs par bsnyen par byed na gang zag de la de'i mod la rab tu byung ba dang rdzogs par bsnyen pa dge slong dngos par 'chags shing 'grogs pa dang longs spyod pa la yang ltung ba mi 'gyur la/ des dge 'dun la yang 'gal tshabs can du mi 'gyur ro/ lo nyi shu ma lon la des mi shes mi dran yid gnyis za zhing de la dge slong rnams kyis ma dris sam/ dris kyang lan mi 'debs pa na dge slong rnams kyis gang zag gi dngos par rdzogs par bsnyen par byed na gang zag de la de'i mod la rab tu 'byung ba dang rdzogs par bsnyen pa dge slong gi dngos po 'chags shing grogs pa dang longs spyod pa la yang ltung bar mi 'gyur la des dge 'dun la ni 'gal tshabs can du 'gyur ro/ /lo nyi shu lon la lo nyi shu ma lon par 'du shes shing de la dge slong rnams kyis khyod lo nyi shu lon nam zhes dris pa na de 'di skad ces bdag lo nyi shu ma lon no zhes zer ba na dge slong rnams kyis gang zag de dge slong gi dngos por rdzogs par bsnyen par byed na/ gang zag de dang po nyid nas legs par rdzogs par bsnyen cing 'grogs pa dang longs spyod pa la yang ltung bar mi 'gyur la/ des dge 'dun la ni 'gal tshabs can du 'gyur ro/ /lo nyi shu lon la lo nyi shu ma lon par 'du shes shing de la dge slong </font><hr>Ja421a<br><font size=+1>


@#/ /rnams kyis khyod lo nyi shu lon nam zhes dris pa na/ de 'di skad ces bdag gis shes shing dran la yid gnyis mi za ste/ bdag lo nyi shu ma lon no zhes zer ba na/ dge slong rnams kyis gang zag de dge slong gi dngos por rdzogs par bsnyen par byed na/ gang zag de dang po nyid nas legs par rdzogs par bsnyen cing 'grogs pa dang longs spyod pa la yang ltung bar mi 'gyur la/ des dge 'dun la ni 'gal tshabs can du 'gyur ro/ /lo nyi shu yang lon la lo nyi shu lon par yang 'du shes shing de la dge slong rnams kyis khyod lo nyi shu lon nam zhes dris pa na de 'di skad ces bdag lo nyi shu lon no zhes zer ba na dge slong rnams kyis gang zag de dge slong gi dngos por rdzogs par bsnyen par byed na/ gang zag de dang po nyid nas legs par rdzogs par bsnyen cing 'grogs pa dang longs spyod pa la ltung bar mi 'gyur la des dge 'dun la yang 'gal tshabs can du mi 'gyur ro/ /lo nyi shu yang lon la lo nyi shu lon par yang 'du shes shing de la dge slong rnams kyis khyod lo nyi shu lon nam zhes dris pa na/ de 'di skad ces bdag shes shing dran la yid gnyis mi za ste bdag lo nyi shu lon no zhes zer ba na dge slong rnams kyis gang zag de dge slong gi dngos por rdzogs par bsnyen par byed na gang zag de dang po nyid nas legs par rdzogs par bsnyen cing </font><hr>Ja421b<br><font size=+1>


'grogs pa dang / longs spyod pa la yang ltung bar mi 'gyur la/ des dge 'dun la yang 'gal tshabs can du mi 'gyur ro/ /lo nyi shu lon la des mi shes mi dran yid gnyis za zhing de la dge slong rnams kyis ma dris sam/ dris pas kyang lan mi 'debs pa na dge slong rnams kyis gang zag de dge slong gi dngos por rdzogs par bsnyen par byed na gang zag de dang po nyid nas legs par rdzogs par bsnyen cing 'grogs pa dang longs spyod pa la yang ltung bar mi 'gyur la/ des dge 'dun la ni 'gal tshabs can du 'gyur ro/ /de la gang zag dang po gnyis po gang dag yin pa de dag ni dang po 'khrugs pa yin pas dang po nyid nas rdzogs par ma bsnyen pa yin te/ gang zag rang bzhin du gnas pa rnams dang lhan cig lan gnyis sam gsum gso sbyong ngam/ las nyams su myong bar byed na rku thabs su gnas pa yin te gang zag bsnyil bar 'os pa dag yin no/ /de la gang zag lo nyi shu ma lon la lo nyi shu lon par 'du shes pa rdzogs par bsnyen pa gang yin pa de'i nye du dag 'ongs shing lhags nas/ mi 'di zhes bya ba de rdzogs par bsnyen tam zhes 'dri zhing de ni lo nyi shu ma lon no zhes zer ba de'i mngal na gnas pa'i zla ba dang shol gyi zla ba dag kyang brtsi bar bya ste/ gal te tshang na de lta na legs/ gal te ma tshang nas spo bar bya ba'am/ yang rdzogs par bsnyen par bya'o/ /sa spo bar mi byed dam/ yang rdzogs par bsnyen par mi byed par </font><hr>Ja422a<br><font size=+1>


@#/ /gang zag rang bzhin du gnas pa rnams dang lhan cig lan gnyis sam gsum gso sbyong ngam/ las nyams su myong bar byed na rku thabs su gnas pa yin te gang zag bsnyil bar 'os pa yin no/ /de la gang zag lo bcu dgu lon pa rdzogs par bsnyen pa gang yin pa des gal te lo ma tshang ba'i dran pa rnyed par gyur na des mngal na gnas pa'i zla ba dag dang shol gyi zla ba dag kyang brtsi bar bya ste/ gal te tshang na de lta na legs/ gal te ma tshang nas spo bar bya ba'am/ yang rdzogs par bsnyen par bya'o/ /sa spo bar min byed dam/ yang rdzogs par bsnyen par mi byed par gang zag rang bzhin du gnas pa rnams dang lhan cig lan gnyis sam gsum gso sbyong ngam/ las nyams su myong bar byed na rku thabs su gnas pa yin te/ gang zag bsnyil bar 'os pa yin no/ /gal te lo gcig gi dran pa rnyed na de ltar rdzogs par bsnyen pa ni legs par rdzogs par bsnyen pa yin te/ 'di ltar gang zag legs par gsungs pa'i chos 'dul ba la rab tu byung zhing rdzogs par bsnyen pa dge slong gi dngos po 'thob pa ni dkon pa'i phyir ro/ /de la gang zag lo bco brgyad lon na rdzogs par bsnyen pa gang yin pa des gal te lo mtshang ba'i dran pa rnyed par gyur na/ des sa spo bar bya ba'am/ yang rdzogs par bsnyen par bya'o/ /sa spo bar mi byed dam/ yang rdzogs </font><hr>Ja422b<br><font size=+1>


par bsnyen par mi byed par gang zag rang bzhin du gnas pa rnams dang lhan cig lan gnyis sam gsum gso sbyong ngam/ las nyams su myong bar byed na rku thabs su gnas pa yin te/ gang zag bsnyil bar 'os pa yin no/ /gal te lo gcig gis dran pa rnyed par gyur na des mngal na gnas pa'i zla ba dag dang / shol gyi zla ba dag kyang brtsi bar bya ste/ gal te tshang na de lta na legs/ gal te mtshang na sa spo bar bya ba'am/ yang rdzogs par bsnyen par bya ba'o/ /sa spo bar mi byed dam/ yang rdzogs par bsnyen par mi byed par gang zag rang bzhin du gnas pa rnams dang lhan cig lan gnyis sam gsum gso sbyong ngam/ las nyams su myong bar byed na rku thabs su gnas pa yin te/ gang zag bsnyil bar 'os pa yin no/ /gal te lo gnyis kyis dran pa rnyed par gyur na de ltar rdzogs par bsnyen par ni legs par rdzogs par bsnyen pa yin te/ 'di ltar gang zag legs par gsungs pa'i chos 'dul ba la rab tu phyung zhing rdzogs par bsnyen pa dge slong gi dngos po 'thob pa ni dkon pa'i phyir ro/ /de la gang zag lo nyi shu ma lon la des mi shes mi dran yid gnyis za zhing / rdzogs par bsnyen pa gang yin pa de la ni shes par bya/ dran par bya/ yid gnyis spang bar bya ste/ gang gi tshe de shes pa dang / dran pa dang / yid gnyis spangs par gyur pa na/ de'i mngal na gnas pa'i zla ba dag dang shol gyi zla ba dag kyang brtsi </font><hr>Ja423a<br><font size=+1>


@#/ /bar bya ste/ gal te tshang na de lta na legs gal te ma tshang na sa spo bar bya ba'am/ yang rdzogs par bsnyen par bya'o/ /sa spo bar ma byed dam/ yang rdzogs par bsnyen par mi byed par gang zag rang bzhin du gnas pa rnams dang lhan cig lan gnyis sam gsum gso sbyong ngam/ las nyams su myong bar byed na rku thabs su gnas pa yin te/ gang zag bsnyil bar 'os pa yin no/ /de la gang zag lo nyi shu lon la lo nyi shu ma lon par 'du shes pas rdzogs par bsnyen pa gang yin pa de ni dang po nyid nas rdzogs par bsnyen pa yin no/ /de la gang zag lo nyi shu lon la lo nyi shu lon par 'du shes pas rdzogs par bsnyen pa gang yin pa de yang dang po nyid nas legs par rdzogs par bsnyen pa yin no/ / las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /lo nyi shu ma lon par rdzogs par bsnyen par byed pa'i ltung byed de bdun cu gnyis pa rdzogs so// //bkra shis// // </font><hr>Nya1b<br><font size=+1>


@##/ /'dul ba rnam par 'byed pa/ bam po drug cu gsum pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so| |de'i tshe na drug sde dag rang gi lag gis sa rko bar byed/ rkor 'jug par byed/ rnang sgal spyur bar byed/ spyur du 'jug par byed/ yur ba 'dren par byed/ 'dren du 'jug par </font><hr>Nya2a<br><font size=+1>


@##/ /byed nas/ gzhan mu stegs can dag shes ldan dag /shAkya'i bu'i dge sbyong 'di dag rang gi lag gis sa rko bar byed/ rkor 'jug par byed/ rnang sgal spyur bar byed/ spyur du 'jug par byed/ yur ba 'dren par byed/ 'dren du 'jug par byed/ bram ze dang / khyim bdag dag kyang rang gi lag gis sa rko bar byed/ rkor 'jug par byed/ rnang sgal spyur bar byed/ spyur du 'jug par byed/ yur ba 'dren par byed/ 'dren du 'jug par byed/ shes ldan dag /shAkya'i bu'i dge sbyong 'di dag dang / bram ze dang / khyim bdag dag la bye brag ni/ </font><hr>Nya2b<br><font size=+1>


ci yod/ bsam pa ni/ ci yod/ tha dad du bya ba ni/ ci yod/ su zhig dge sbyong mgo reg 'di dag la bsod snyoms sbyin pa dang / bya bar sems zhes smod par byed/ 'phyar kha gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la rmas pa/ dge slong dag /khyed rang gi lag gis sa rko bar byed/ rkor 'jug par byed/ rnang sgal spyur par byed/ spyur du 'jug par byed/ yur ba 'dren par byed/ 'dren du 'jug par byed pa bden nam/ btsun pa/ mad do/ /sangs rgyas bcom ldan </font><hr>Nya3a<br><font size=+1>


@#/ /'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas/ 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang rang gi lag gi sa rko ba'am/ rkor 'jug na/ ltung byed do/ /yang dge slong gang zhes bya ba ni/ drug sde'am/ gzhan yang de lta bu gang yin pa'o/ /rang gi lag gis zhes bya ba ni/ lag nas lag pas so/ /sa zhes bya ba ni/ sa gnyis te/ rang bzhin can dang / rang bzhin can ma </font><hr>Nya3b<br><font size=+1>


yin pa'o/ /rang bzhin can zhes bya ba ni/ char chu zhod na/ zla ba gsum gyis sa 'thas par 'gyur pa'o/ /char chu ma zhod na/ zla ba drug gis sa 'thas par 'gyur ba'o/ /rang bzhin can ma yin pa ni/ de las gzhan pa'o/ /rko'am zhes bya ba ni/ bdag nyid kyis so/ /rkor 'jug na zhes bya ba ni/ gzhan no/ /ltung byed do/ /zhes bya ba ni/ sems can dmyal ba dang / dud 'gro dang / yi dwags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na/ dge ba'i chos rnams la sgrib par byed pa ste/ des na ltung byed do/ /zhes gsungs so/ /de la ltung bar ji ltar 'gyur zhe na/ dge slong sa rko na/ rang bzhin can rko na/ ltung byed du 'gyur la/ rang bzhin can ma yin pa rko na/ nyes byas su 'gyur ro/ /dge slong sa zhag 'gogs na/ sra ba 'gogs na/ ltung byed du 'gyur la/ grugs pa 'gogs na/ nyes byas su 'gyur ro/ /dge slong sa la phur pa 'debs na/ ltung byed du 'gyur la/ sa las phur pa 'byin na/ nyes byas su 'gyur ro/ /dge slong sa la ri mo 'dren na/ nyes byas su 'gyur ro/ /shod dgod pa'i bsam pa la ni/ ltung ba med do/ /dge slong sa dang 'byar ba'i lci ba 'gogs na/ nyes byas su 'gyur la/ lci ba 'ba' zhig 'gogs pa la ni/ ltung ba med do/ /dge slong dog sa rtib par byed na/ sra ba rtib par byed na/ ltung byed du 'gyur la/ grugs </font><hr>Nya4a<br><font size=+1>


@#/ /pa rtib par byed na/ nyes byas su 'gyur ro/ /dge slong 'dam skyod par byed na/ nyes byas su 'gyur ro/ /dge slong 'dam dang 'brel ba'i phru ba dang / bum pa dang / ril ba 'degs par byed na/ nyes byas su 'gyur ro/ /dge slong rtsig pa 'jig par byed na/ sra ba 'jig par byed na/ ltung byed du 'gyur la/ grugs pa 'jig par byed na/ nyes byas su 'gyur ro/ /dge slong rtsig pa'i skyang nul 'gogs par byed na/ sra ba 'gogs par byed na/ ltung byed du 'gyur la/ grugs pa 'gogs par byed na/ nyes byas su 'gyur ro/ /dge slong rtsig pa la phur pa 'debs na/ ltung byed du 'gyur la/ rtsig pa las phur pa 'byin na/ nyes byas su 'gyur ro/ /dge slong rtsig pa dang 'byar ba'i lci ba 'gogs par byed na/ nyes byas su 'gyur ro/ /dge slong rtsig pa la ri mo 'dren par byed na/ nyes byas su 'gyur ro/ /shod dgod pa'i bsam pa la ni/ ltung ba med do/ /dge slong rtsig pa las tshwa rgo 'brul bar byed na/ nyes byas su 'gyur ro/ /dge slong rdo ba can gyi sa rko bar byed na/ gal te sa ches mang la rdo ba ches nyung na/ ltung byed du 'gyur ro/ /gal te rdo ba ches mang la sa ches nyung na/ nyes byas 'gyur ro/ /rdo ba 'ba' zhig skyod par byed pa la ni/ ltung ba med do/ /dge slong bye ma can gyi sa rko bar byed na/ gal te sa ches mang la bye ma ches nyung na/ ltung byed du 'gyur ro/ /gal te bye ma ches mang la </font><hr>Nya4b<br><font size=+1>


sa ches nyung na/ nyes byas su 'gyur ro/ /bye ma 'ba' zhig rko ba la ni/ ltung ba med do/ /dge slong lag gi blas rgyu skar gyi sbyor bas rung bar byed pa med na/ thur ma sor bzhi tsam sa la 'dzugs pa la ltung ba med do/ /las dang po pa dang / skyos pa dang / sems 'khrugs pa dang / tshor ba dag gis nyen pa la ltung ba med do/ /sa rko ba'i ltung byed de/ bdun cu gsum pa rdzogs so// // sangs rgyas bcom ldan 'das shAkya rnams kyi nang du ljongs rgyu zhing gshegs pa na/ ser skya'i gnas su byon nas ser skya'i gnas na n+ya gro d+ha'i kun dga' ra ba na bzhugs so/ /shAkya ming chen gyis/ bcom ldan 'das shAkya rnams kyi nang du ljongs rgyu zhing gshegs pa na ser skya'i gnas su byon nas ser skya'i gnas na n+ya gro d+ha'i kun dga' ra ba na bzhugs so/ /zhes thos so/ /thos nas kyang de 'di snyam du sems te/ bdag gis bcom ldan 'das dge slong gi dge 'dun dang bcas pa lan mang du gdugs tshod la khyim gzhan du spyan drangs te bshos gsol na/ lan 'ga' yang yo byad thams cad kyis spyan ma drangs kyi/ bdag gis bcom ldan 'das dge slong gi dge 'dun dang bcas pa zla ba bzhir yo byad thams cad kyis spyan drang ngo / /snyam mo/ /de nas shAkya ming chen bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te thabs gcig tu 'dug go /thabs gcig tu 'dug nas bcom ldan 'das shAkya ming chen la chos dang ldan </font><hr>Nya5a<br><font size=+1>


@#/ /pa'i bka' mchid kyis yang dag par ston par mdzad/ yang dag par 'dzin du 'jug par mdzad/ yang dag par gzengs bstod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du 'jug /yang dag par gzengs bstod/ yang dag par rab tu dga' bar mdzad nas cang mi gsung ngo / /de nas shAkya ming chen stan las langs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das dge slong gi dge 'dun dang bcas pas dgung zla bzhir bdag gi na bza' dang / bsod snyoms dang / gnas mal dang / snyung ba'i rkyen dang / sman gyi yo byad dag bzhes par ci gnang / bcom ldan 'das kyis shAkya ming chen la cang mi gsung bas gnang ngo / /de nas shAkya ming chen gyis bcom ldan 'das kyis cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song nas/ des snyung ba'i rung ba'i khang pa rtsig tu bcug cing / snyung ba'i sman yang 'jog tu bcug /bde ba'i sman dus su rung ba dang / thun tshod du rung ba dang / zhag bdun pa dang / 'tsho ba'i bar du bcang ba dang / rtsa ba'i sman dang / sdong bu'i sman dang / lo ma'i </font><hr>Nya5b<br><font size=+1>


sman dang / me tog gi sman dang / 'bras bu'i sman dag kyang 'jog tu bcug /zhun mar ma bskol ba dang bskol ba dag kyang 'jog tu bcug /'bru mar bskol ba dang ma bskol ba dag kyang 'jog tu bcug /ba dag dang / ma he dag dang / ra bzhon dag kyang 'jog tu bcug /yo byad thams cad kyang 'jog tu bcug /sman pa dang / snyun g.yog dag kyang 'jog tu bcug ste/ dge slong dag la yang yo byad thams cad kyis bstabs so/ /drug sde dag gis smras pa/ dga' bo nye dga'/ bca' ba dang bza' ba 'di lta bu rnyed kyi/ thabs shig bya'o/ /zhes de dag gis sman pa la dris pa/ bzhin bzang / kho bo cag la nad ci yod pa je ltos shig /sman pas bsam pa/ 'di dag ni/ dge slong hral po dag yin pas za 'dod kyi/ 'di dag dang mthun par smra bar bya'o/ /snyam nas des de dag la smras pa/ 'phags pa dag /khyed cag ni/ shul gyis dub pa dag lags pas/ je skur snum bag gsol la/ de'i 'og tu bska ba gsol cig /de dag gis smras pa/ dga' bo nye dga'/ 'di ni/ sman pa chen po nad dang / nad kyi gzhi dang / khams la mkhas pa rgyal po la mkho ba yin te/ gal te bdag cag thams cad kyis dus gcig tu de ltar bya bar brtsams na/ myur du zin par 'gyur gyi/ je dang por gnyis kyis snum bag bsten cing / bzhis nad g.yog bya'o/ /de'i 'og tu yang gnyis kyis snum bag bsten cing / bzhis nad g.yog bya'o/ /de ltar </font><hr>Nya6a<br><font size=+1>


@#/ /bya'o| |zhes de dag las gnyis kyis snum bag bsten par brtsams shing / bzhis nad g.yog byed pa na/ ji tsam na zla ba gcig 'das so/ /de'i 'og tu gzhan gnyis snum bag bsten par brtsams shing / bzhis nad g.yog byed pa na/ zla ba gnyis pa 'das so/ /de'i 'og tu gzhan gnyis kyis snum bag bsten par brtsams shing / bzhis nad g.yog byed pa na/ zla ba gsum pa 'das so/ /zla ba bzhi pa la thams cad 'dus te bza' bar brtsams nas zla ba bzhi 'das pa dang / shAkya ming chen gyis bcom ldan 'das gshegs ston la spyan drangs pa dang nye dgas phyag tshang la 'phrin spring ste/ bzhin bzang / deng kho bo la khu sha dang / khu ba dang / sha tshod dag gyis shig ces spring ngo / /phyag tshang gis smras pa/ 'phags pa/ dgung zla bzhi 'das te shAkya ming chen gyis bcom ldan 'das gshegs ston la spyan drangs na/ khyod kyi bya ba da dung yang ma rdzogs sam/ nye dgas smras pa/ bkren pa/ shAkya ming chen kha shin tu chen pos sangs rgyas la sogs pa dge slong gi dge 'dun zla ba bzhir yo byad thams cad kyis spyan 'dren na/ gal te spyan drangs pa 'di lta bus sangs rgyas la sogs pa dge 'dun spyan drang du rung na ni/ nye dgas kyang sangs rgyas la sogs pa dge slong gi dge 'dun ji srid 'tsho ba'i bar du spyan 'dren par spro'o/ /des smras pa/ khyed cag zla ba bzhir sha dang / 'khur ba sha </font><hr>Nya6b<br><font size=+1>


stag zos par gyur kyang 'on kyang khyed cag smod par byed na/ gnas brtan gnas brtan gang dag gis zla ba bzhir a ru ra 'brum gcig kyang ma gsol ba de dag ni/ shin tu dka' ba byed pa yin no| |dge slong don nyung ngu dag /ci'i phyir dge slong dag ha cang slong bar byed ces smod par byed/ 'phyar kha gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ dge slong gis ha cang slong bar mi bya'o/ /dge slong dag /sngon byung ba/ 'das pa'i dus na/ grong med pa'i dgon pa'i gnas shig na drang srong zhig 'dug ste/ de'i bsti gnas de/ me tog phun sum tshogs pa/ 'bras bu phun sum tshogs pa/ nye 'khor phun sum tshogs pa yin no/ /de'i bsti gnas de dang ha cang mi ring ba na rdzing chen po zhig 'dug pa de na klu gzhon nu zhig 'dug go /gang gi tshe dang srong de skyil mo krung gis 'dug pa de'i tshe na klu gzhon nu de rdzing chen po de nas byung nas lus kyis drang srong de'i lus la lan bdun du dkris te steng du gdengs ka chen po byas te 'dug go /gang gi tshe drang srong de langs par gyur pa de'i tshe na/ klu gzhon nu des drang srong de'i lus la lus kyis dkrol nas dpung rgyan dang / rna cha gdub 'khor dang / phreng ba rgyu sna tshogs kyi rgyan dang / byug pas brgyan par gyur te thal mo sbyar nas mdun du 'dug ste/ drang srong de la yo byad thams cad kyis stob par </font><hr>Nya7a<br><font size=+1>


@#/ /byed do/ /drang srong de/ klu gzhon nu de'i lus kyis reg pas skya bo seng seng por gyur cing / rid pa dang / nyam chung ba dang / rke ba dang / lus ma thob par gyur to/ / dus gzhan zhig na drang srong gzhan zhig ljongs rgyu zhing 'gro ba na drang srong de'i bsti gnas su phyin nas des drang srong de la smras pa/ kye drang srong / khyod kyi bsti gnas 'di me tog phun sum tshogs pa/ 'bras bu phun sum tshogs pa/ nye 'khor phun sum tshogs pa yin na/ khyod ci'i phyir skya bo seng seng por gyur cing / rid pa dang / nyam chung ba dang / rke ba dang / lus ma thob par gyur/ des smras pa/ de de bzhin te/ kho bo'i bsti gnas 'di/ me tog phun sum tshogs pa/ 'bras bu phun sum tshogs pa/ nye 'khor phun sum tshogs pa yin mod kyi/ 'on kyang 'di na nyes dmigs dag kyang yod do/ /'di na nyes dmigs ci yod/ des smras pa/ rdzing chen po 'di na klu gzhon nu zhig 'dug ste/ gang gi tshe kho bo skyil mo krung gis 'dug pa de'i tshe na/ klu gzhon nu de rdzing chen po de nas byung nas lus kyis kho bo'i lus la lan bdun dkris te steng du gdengs ka chen po byas te 'dug go /gang gi tshe kho bo langs par gyur pa de'i tshe na/ des kho bo'i lus la lus kyis dkrol nas dpung rgyan dang / rna cha gdub 'khor dang / phreng ba rgyu sna tshogs kyi rgyan dang / byug pas brgyan par gyur te thal mo sbyar nas mdun du 'dug ste/ kho bo la yo byad thams </font><hr>Nya7b<br><font size=+1>


cad kyis stob par byed de/ de'i lus kyis reg pas kho bo seng seng por gyur cing / rid pa dang / nyam chung ba dang / rke ba dang / lus ma thob par gyur to/ /des smras pa/ khyod klu gzhon nu de phyin chad 'ong bar mi 'gyur bar 'dod dam/ des smras pa/ 'dod do/ /des smras pa/ gang gi tshe klu gzhon nu de khyod la yo byad thams cad kyis stob par byed pa de'i mgo la nor bu 'dug pa de slongs shig dang / klu rnams ni/ ser sna can yin pas mi ster bas phyin chad 'ong bar mi 'gyur ro/ /dus gzhan zhig na drang srong de skyil mo krung gis 'dug pa de'i tshe na klu gzhon nu de de bzhin du rdzing chen po de nas byung nas lus kyis drang srong de'i lus la lan bdun dkris te steng du gdengs ka chen po byas te 'dug go /gang gi tshe drang srong de langs par gyur pa de'i tshe na/ klu gzhon nu des drang srong de'i lus la lus kyis dkrol nas dpung rgyan dang / rna cha gdub 'khor dang / phreng ba rgyu sna tshogs kyi rgyan dang / byug pas brgyan par gyur te/ thal mo sbyar nas mdun du 'dug ste drang srong de la yo byad thams cad kyis stob par byed pa na/ drang srong des de la smras pa/ klu gzhon nu/ khyod kyi mgo la 'dug pa'i nor bu gang yin pa de/ kho bo la byin cig /des smras pa/ pha ma dag la dri bar bya'o/ /drang srong gis smras pa/ de ltar gyis shig /klu gzhon nu des pha ma gnyis la dris pa/ yab yum gnyis/ drang srong gis bdag gi nor bu slong na/ de la stsal bar bgyi'am/ de gnyis </font><hr>Nya8a<br><font size=+1>


@#/ /kyis smras pa/ nor bu 'di'i mthus bdag cag gi zas dang / skom dang / spos dang / phreng ba rgyu dang / rgyan dag rnyed pa yin gyi/ ma sbyin cig /de nas klu gzhon nu de rdzing de nas byung ste drang srong de'i mdun du 'dug pa dang / drang srong des de la smras pa/ klu gzhon nu/ khyod kyi mgo la 'dug pa'i nor bu gang yin pa de kho bo la sbyin cig /de nas klu gzhon nu des tshigs su bcad pa smras pa/ bza' dang btung dang de bzhin bgo ba dang / nor bu 'di yi mthu las 'grub 'gyur bas/ /de phyir khyod la nor bu 'di mi sbyin/ /ha cang slong bas zhe sdang gnas su gyur| |ha cang slong bas bdag la sdig byed pa/ /ral gri rdo dang 'bru mar bdar ba bzhin/ /gal te khyod gnas phyin chad bdag 'ong na/ /bdag gi klad pa rdo bas snun gyis shig /ces smras te/ mi snang ba'i lam na 'dug go /dge slong dag /re zhig dud 'gro'i skye gnas su skyes pa'i srog chags de dag kyang ha cang bslangs pa na/ mi snang ba'i lam na 'khod na/ mi dag lta smos kyang ci dgos/ de lta bas na/ dge slong gis ha cang bslang par mi bya'o/ /dge slong dag /gzhan yang sngon byung ba/ 'das pa'i dus na grong med pa'i dgon pa'i gnas shig na drang srong zhig 'dug ste/ de'i bsti gnas de me tog phun sum tshogs pa/ 'bras bu phun sum tshogs pa/ nye 'khor phun sum tshogs pa yin no/ /de na bya mang po dag gnas pa de dag der sgra 'byin te/ </font><hr>Nya8b<br><font size=+1>


bsam gtan dag gi tsher ma ni/ sgra yin pas drang srong des/ bya mang po dag gis sgra des sems rtse gcig pa nyid ma thob bo/ /de nas drang srong gzhan zhig ljongs rgyu zhing 'gro ba na drang srong de'i bsti gnas su phyin nas des drang srong de la smras pa/ kye drang srong / khyod kyi bsti gnas 'di ni/ me tog phun sum tshogs pa/ 'bras bu phun sum tshogs pa/ nye 'khor phun sum tshogs pa/ bzang ba yin na/ khyod kyis 'dir sems rtse gcig pa nyid thob bam/ des smras pa/ de de bzhin te/ kho bo'i bsti gnas 'di/ me tog phun sum tshogs pa/ 'bras bu phun sum tshogs pa/ nye 'khor phun sum tshogs pa/ bzang ba yin na/ 'on kyang 'di na nyes dmigs kyang yod do/ /des smras pa/ 'di na nyes dmigs ci yod/ des smras pa/ 'di na bya mang po dag gnas pa de dag 'dir sgra 'byin par byed de/ bsam gtan dag gi tsher ma ni/ sgra yin pas/ bdag gi bya mang po dag gi sgra des sems rtse gcig pa nyid ma thob bo/ /des smras pa/ khyod bya de dag phyin chad 'dir mi 'ong bar 'dod dam/ des smras pa/ 'dod do/ /des smras pa/ tshes nyi shu dgu'i mtshan mo rtswa'i me sgron spor la shing ljon pa dag gi drung du song ste 'di skad ces sgo nga dag bza'o/ /phru gu dag bza'o// zhes smros shig dang / phyin chad mi 'ong bar 'gyur ro/ /des de ltar bya bar brtsams pa dang / bya de dag gis bsam pa/ drang srong 'di/ smyos par gyur tam ci snyam nas bya de dag gi phru gu dag </font><hr>Nya9a<br><font size=+1>


@#/ /'dab ma skyes par gyur pa dang / de dag dong ste phyin chad mi 'ong zhing / ji tsam na mthar gyis thams cad mi snang ba'i lam na 'khod do/ /dge slong dag/ re zhig dud 'gro'i skye gnas su skyes pa'i srog chags de dag kyang ha cang bslangs pa na/ mi snang ba'i lam na 'khod na/ mi rnams lta smos kyang ci dgos/ de lta bas na/ dge slong gis ha cang bslang bar mi bya'o/ /ha cang slong na/ 'gal tshabs can du 'gyur ro/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do// zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis nye dga' la rmas pa/ nye dga'/ khyod zla ba bzhir mgron du bos pa bdag gir byas nas de las lhag par bdag gir byed pa bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal ba/ dge slong dag /de lta bas na/ phan yon bcu yang dag par gzigs </font><hr>Nya9b<br><font size=+1>


pas| 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis zla ba bzhir mgron du bos pa bdag gir bya'o/ /de las lhag par bdag gir byed na/ ltung byed do/ /zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' bar mdzad do/ /de nas bcom ldan 'das ser skya'i gnas su ci dgyes par bzhugs nas rgyal po'i khab ga la ba de logs su ljongs rgyu zhing gshegs te mthar gyis rgyu zhing gshegs pa na rgyal po'i khab tu byon nas rgyal po'i khab na 'od ma'i tshal ka land ka'i gnas na bzhugs so/ /ma ga d+har byung ba'i rgyal po bzo sbyangs gzugs can snying pos bcom ldan 'das shAkya rnams kyi nang du ljongs rgyu zhing gshegs pa na/ rgyal po'i khab tu byon nas rgyal po'i khab na 'od ma'i tshal ka land ka'i gnas na bzhugs zhes thos so/ /thos nas kyang 'di snyam du sems te| shAkya ming chen gyis bcom ldan 'das dge slong gi dge 'dun dang bcas pa zla ba bzhir yo byad thams cad kyis spyan drangs kyi/ bdag gis kyang bcom ldan 'das dge slong gi dge 'dun dang bcas pa lan mang du gdugs tshod la khyim gzhan du spyan drangs te bshos gsol na/ lan 'ga' yang yo byad thams cad kyis spyan ma drangs kyi/ bdag gis kyang bcom ldan 'das dge slong </font><hr>Nya10a<br><font size=+1>


@#/ /gi dge 'dun dang bcas pa zla ba bzhir yo byad thams cad kyis spyan drang ngo / /snyam mo/ /de nas ma ga d+har byung ba'i rgyal po bzo sbyangs gzugs can snying po bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das ma ga d+har byung ba'i rgyal po bzo sbyangs gzugs can snying po la chos dang ldan pa'i bka' mchid kyis yang dag par ston par mdzad/ yang dag par 'dzin du 'jug par mdzad/ yang dag par gzengs bstod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas cang mi gsung ngo / /de nas ma ga d+har byung ba'i rgyal po bzo sbyangs gzugs can snying po stan las langs te bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das dge slong gi dge 'dun dang bcas pas dgung zla bzhir bdag gi na bza' dang / bsod snyoms dang / gnas mal dang / snyung ba'i rkyen dang / sman gyi yo byad dag bzhes par ci gnang / bcom ldan 'das kyis ma ga d+har byung ba'i rgyal po bzo </font><hr>Nya10b<br><font size=+1>


sbyangs gzugs can snying po la cang mi gsung bas gnang ngo / /ma ga d+har byung ba'i rgyal po bzo sbyangs gzugs can snying pos/ bcom ldan 'das kyis cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas song nas des snyung ba'i rung ba'i khang pa rtsig tu bcug cing snyung ba'i sman yang 'jog tu bcug bde ba'i sman dus su rung ba dang / thun tshod du rung ba dang / zhag bdun pa dang / 'tsho ba'i bar du bcang ba dang / rtsa ba'i sman dang / sdong bu'i sman dang / lo ma'i sman dang / me tog gi sman dang / 'bras bu'i sman dag kyang 'jog tu bcug /zhun mar bskol ba dang / ma bskol ba dag kyang 'jog tu bcug /'bru mar bskol ba dang / ma bskol ba dag kyang 'jog tu bcug /ba dag dang / ma he mo dag dang / ra bzhon dag kyang 'jog tu bcug /sman pa dang / snyung g.yog dag kyang 'jog tu bcug go/ tshe dang ldan pa pi lin da'i bu'i sring mo'i khyos/ bcom ldan 'das shAkya rnams kyi nang du ljongs rgyu zhing gshegs pa na/ rgyal po'i khab na 'od ma'i tshal ka land ka'i gnas na bzhugs zhes thos so/ /thos nas kyang 'di snyam du sems te/ shAkya ming chen gyis bcom ldan 'das dge slong gi dge 'dun dang bcas pa zla ba bzhir yo byad thams cad kyis spyan drangs te bdag gis kyang bcom ldan 'das dge slong gi dge 'dun dang bcas pa lan mang du gdugs tshod la khyim </font><hr>Nya11a<br><font size=+1>


@#/ /gzhan du spyan drangs te bshos gsol na/ lan 'ga' yang yo byad thams cad kyis spyan ma drangs kyi/ bdag gis bcom ldan 'das dge slong gi dge 'dun dang bcas pa zla ba bzhir yo byad thams cad kyis spyan drang ngo / /snyam mo/ /de nas bram ze de bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das bram ze de la chos dang ldan pa'i bka' mchid kyis yang dag par ston par mdzad/ yang dag par 'dzin du 'jug par mdzad/ yang dag par gzengs bstod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas cang mi gsung ngo / /de nas bram ze de stan las langs te bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das dge slong gi dge 'dun dang bcas pas dgung zla bzhir bdag gi na bza' dang / bsod snyoms dang / gnas mal dang / snyung ba'i rkyen dang / sman gyi yo byad dag bzhes par ci gnang / bram ze de'i dang por ma ga d+har byung ba'i rgyal po bzo sbyangs gzugs can snying pos spyan </font><hr>Nya11b<br><font size=+1>


drangs so/ /bram ze des bsam pa/ 'phags pa pi linada'i bu bdag gi nye du yin pas de spyan drangs na/ gnang bar 'gyur grang snyam nas de tshe dang ldan pa pi linada'i bu ga la ba der song ste phyin nas/ tshe dang ldan pa pi linada'i bu'i rkang pa gnyis la mgo bos phyag 'tshal te mtha' gcig tu 'dug go/ mtha' gcig tu 'dug nas tshe dang ldan pa pi linada'i bu bram ze de la chos dang ldan pa'i gtam gyis yang dag par ston par byed/ yang dag par 'dzin du 'jug par byed/ yang dag par gzengs bstod par byed/ yang dag par rab tu dga' bar byed do/ /rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par rab tu dga' bar byas nas cang mi smra'o/ /de nas bram ze de stan las langs te tshe dang ldan pa pi linada'i bu ga la ba de logs su thal mo sbyar ba btud nas tshe dang ldan pa pi lin da'i bu la 'di skad ces smras so/ /'phags pa dgung zla bzhir bdag gi na bza' dang / bsod snyoms dang / gnas mal dang / snyung ba'i rkyen dang / sman gyi yo byad dag bzhes par ci gnang / tshe dang ldan pa pi linada'i bus smras pa/ bcom ldan 'das la zhu'o/ /de nas tshe dang ldan pa pi linada'i bu bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te/ bcom ldan 'das la 'di skad ces gsol to/ /btsun pa/ bdag </font><hr>Nya12a<br><font size=+1>


@#/ /gi mag pa bdag ga la ba der mchis nas/ de bdag la 'phags pas dgung zla bzhir bdag gi na bza' dang / bsod snyoms dang / gnas mal dang / snyung ba'i rkyen dang sman gyi yo byad dag bzhes par ci gnang zhes mchi na/ de la mchid kyis 'tshal lam/ bcom ldan 'das kyis bka' stsal pa/ de lta bas na/ so sor mgron du bos pa ma gtogs te/ dge slong gis so sor mgron du bos pa bdag gir bya'o/ /dge slong gzhan dag phyis lhags pa de dag gis bsam pa/ bdag cag rgyal pos mgron du ma bos kyi/ bsod snyoms la 'jug par bya'o/ /snyam du rig nas de dag bsod snyoms la zhugs pa dang / ma ga d+har byung ba'i rgyal po bzo sbyangs gzugs can snying po steng gi khang bzang gi gzhir gtogs pa na 'dug pas de dag bsod snyoms la rgyu ba mthong nas des blon po rnams la rmas pa/ shes ldan dag /ci'i phyir 'phags pa 'di dag bsod snyoms la zhugs/ de dag gis smras pa/ lha/ 'di dag slad kyis mchis pas 'di dag gi glo ba la dge slong gang dag bcom ldan 'das dang thabs cig lhags pa de dag rgyal pos mgron du bos kyi/ bdag cag phyis lhags pa dag rgyal pos mgron du ma bos so/ /snyam du rig nas bsod snyoms la zhugs so/ /rgyal pos smras pa/ de lta bas na/ 'phags pa dag /yang dang yang du mgron du 'bod do/ /zhes zer ba'i skabs de/ dge </font><hr>Nya12b<br><font size=+1>


slong rnams kyis bcom ldan 'das la gsol ba dang / bcom ldan 'das kyis bka' stsal pa/ de lta bas na/ yang dang yang du mgron du bos pa ma gtogs te/ dge slong gis yang dang yang du mgron du bos ba bdag gir bya'o/ /dge slong dag gis bsam pa/ rgyal po gzugs can snying po ni/ bya ba mang po dang / byed pa mang ba yin la/ bdag cag ni/ bya ba nyung ba dang / byed pa nyung ba yin gyi/ bdag cag bsod snyoms la 'jug par bya'o/ /snyam du rig nas de dag bsod snyoms la zhugs pa dang / ma ga d+har byung ba'i rgyal po bzo sbyangs gzugs can snying po steng gi khang bzang gi gzhir gtogs pa na 'dug pas de dag bsod snyoms la rgyu ba mthong nas des blon po rnams la rmas pa/ shes ldan dag /ci'i phyir 'phags pa 'di dag bsod snyoms la zhugs/ de dag gis skabs de rgyas par brjod pa dang / rgyal pos smras pa/ de lta bas na/ 'phags pa dag dus kyis mgron du 'bod do/ /zhes zer ba'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ dus kyis mgron du bos pa ma gtogs te/ dge slong gis dus kyis mgron du bos pa bdag gir bya'o/ /rgyal po gzugs can snying pos bcom ldan 'das gshegs ston la spyan drangs nas/ phyi de nyin par dge slong rab tu mang po dag bsod snyoms la zhugs pa dang / ma ga d+har byung ba'i rgyal po bzo </font><hr>Nya13a<br><font size=+1>


@#/ /sbyangs gzugs can snying po steng gi khang bzang gi gzhir gtogs pa na 'dug pas de dag bsod snyoms la rgyu ba mthong nas/ des blon po rnams la smras pa/ shes ldan dag/ ci'i phyir 'phags pa 'di dag bsod snyoms la zhugs/ de dag gis skabs de rgyas par brjod pa dang / rgyal pos smras pa/ de lta bas na/ 'phags pa dag rtag tu mgron du 'bod do/ / zhes zer ba'i skabs de/ dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ de lta bas na/ rtag tu mgron du bos pa ma gtogs te/ dge slong gis rtag tu mgron du bos pa bdag gir bya'o/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang mthun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag /de lta bas na/ snga ma ni/ bcas pa yin la/ 'di ni/ gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis zla ba bzhir mgron du bos pa bdag gir bya'o/ /de las lhag pa bdag gir byed na/ ltung byed do/ /so sor mgron du bos pa dang / yang dang yang mgron du bos pa dang / dus kyis mgron du bos pa dang / </font><hr>Nya13b<br><font size=+1>


rtag tu mgron du bos pa ni/ ma gtogs te/ de la de ni/ dus yin no/ /dge slong gis zhes bya ba ni/ chos 'di pas so/ /zla ba bzhir zhes bya ba ni/ zla ba bzhi tshun chad du'o/ /mgron du bos pa zhes bya ba ni/ bstabs pa'o/ /bdag gir bya'o/ /zhes bya ba ni/ khas blang par bya ba'o/ /de las lhag par bdag gir byed na zhes bya ba ni/ de las 'das par ro/ /ltung byed do/ /zhes bya ba ni| sems can dmyal ba dang / dud 'gro dang / yi dwags ngan song dang / ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na/ dge ba'i chos rnams la sgrib par byed pa ste/ des na ltung byed do/ /zhes gsungs so/ /so sor mgron du bos pa zhes bya ba ni/ 'di lta ste/ dge slong so sor tha dad par mgron du bos pa'o/ /yang dang yang mgron du bos pa zhes bya ba ni/ 'di lta ste/ dge slong yang dang yang mgron du bos pa'o/ /dus kyis mgron du bos pa zhes bya ba ni/ 'di lta ste/ dge slong nan gyis mgron du bos pa'o/ /rtag tu mgron du bos pa zhes bya ba ni/ 'di lta ste/ dge slong gtan du mgron du bos pa'o/ /ma gtogs te zhes bya ba ni/ bzhag ste'o/ /de la de ni/ dus yin no/ /zhes bya ba ni/ rjes su mthun pa'i chos yin pa'o/ /de la ltung bar ji ltar 'gyur zhe na/ dge slong gis ji tsam cung zad zla ba bzhir mgron du bos pa las lhag par bdag gir byed na/ thams </font><hr>Nya14a<br><font size=+1>


@#/ /cad du ltung byed du 'gyur ro/ /dge slong gis ngan pa la mgron du bos pa na bsod pa slong na/ de slong ba la nyes byas su 'gyur la/ za ba la ltung byed du 'gyur ro/ /dge slong gis bsod pa la mgron du bos pa na ngan pa slong na/ de slong ba la nyes byas su 'gyur la/ za ba la yang nyes byas nyid du 'gyur ro/ /dge slong bsod snyoms la zhugs pa na bud med kyi yul zas khyer te 'ongs na/ dge slong gis/ sring mo/ chog go /mi 'dod do/ /zhes brjod par bya ste/ gal te bud med kyi yul na re/ 'phags pa ci zhig bzhed ces zer na/ bstabs pa brjod par bya ste/ gang 'dod pa de bslang bar bya'o/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /mgron du gnyer ba las ring du 'dug pa'i ltung byed de/ bdun cu bzhi ba rdzogs so// //sangs rgyas bcom ldan 'das rgyal po'i khab na 'od ma'i tshal ka land ka'i gnas na bzhugs so/ /gang gi tshe bcom ldan 'das kyis 'dul ba la nyan thos rnams kyi bslab pa'i gzhi thun mong 'cha' ba mdzad pa de'i tshe na gnyi ga'i dge 'dun bsdu ba mdzad pas/ 'di yang bcom ldan 'das kyis 'dul ba la nyan thos rnams kyi bslab pa'i gzhi thun mong bca' ba mdzad pa yin na/ 'di la gnyi ga'i dge 'dun bsdu ba mdzad pas/ de nas bcom ldan 'das kyis tshe dang ldan pa kun dga' bo la bka' stsal pa/ </font><hr>Nya14b<br><font size=+1>


kun dga' bo/ song la dge slong rnams la dge slong zhig dge slong ma rnams kyi nang du thong la 'di skad ces/ sring mo dag /bcom ldan 'das kyis 'dul ba la nyan thos rnams kyi bslab pa'i gzhi thun mong 'di ltar bca' ba mdzad de/ dge slong gis zla ba bzhir mgron du bos pa bdag gir bya'o/ /de las lhag par bdag gir byed na/ ltung byed do/ /so sor mgron du bos pa dang / yang dang yang mgron du bos pa dang / dus kyis mgron du bos pa dang / rtag tu mgron du bos pa ni/ ma gtogs te/ de la de ni/ dus yin no/ /zhes bca' ba mdzad kyi/ khyed kyis bslab pa 'di la bslab par bya'o/ /zhes sgos shig ces gyis shig/ tshe dang ldan pa kun dga' bos/ btsun pa/ bka' bzhin 'tshal zhes bcom ldan 'das las mnyan nas tshe dang ldan pa lam pa ga la ba der song ste phyin nas/ tshe dang ldan pa lam pa la bsgo ba/ tshe dang ldan pa lam pa/ khyod bzhud la dge slong ma rnams la/ sring mo dag /bcom ldan 'das kyis 'dul ba la nyan thos rnams kyi bslab pa'i gzhi thun mong 'di ltar bca' ba mdzad de/ dge slong gis zla ba bzhir mgron du bos pa bdag gir bya'o/ /de las lhag par bdag gir byed na/ ltung byed do/ /so sor mgron du bos pa dang / yang dang yang mgron du bos pa dang / dus kyis mgron du bos pa dang / rtag tu mgron du bos pa ma gtogs te/ de la de ni/ dus yin no/ /zhes bca' ba mdzad kyi/ khyed kyis </font><hr>Nya15a<br><font size=+1>


@#/ /bslab pa 'di la bslab par bya'o/ /zhes sgos shig /tshe dang ldan pa lam pas/ btsun pa kun dga' bo/ bka' bzhin 'tshal zhes tshe dang ldan pa kun dga' bos las mnyan rnams dge slong ma'i dbyar khang ga la ba der song ba dang / ji tsam na drug sde dag gis de mthong nas de dag gis dris pa/ tshe dang ldan pa lam pa/ khyod gar 'gro /tshe dang ldan pa lam pas bsam pa/ 'di dag gis kyang ma thos pa 'dra'i/ 'di dag la yang brjod par bya'o/ /snyam nas des smras pa/ tshe dang ldan pa dag /bcom ldan 'das kyis 'dul ba la nyan thos rnams kyi bslab pa'i gzhi thun mong 'di ltar bca' ba mdzad de/ dge slong gis zla ba bzhir mgron du bos pa bdag gir bya'o/ /de las lhag par bdag gir byed na/ ltung byed do/ /so sor mgron du bos pa dang / yang dang yang du mgron du bos pa dang / dus kyis mgron du bos pa dang / rtag tu mgron du bos pa ni/ ma gtogs te/ de la de ni/ dus yin no/ /zhes bca' ba mdzad kyi/ khyed kyis kyang bslab pa 'di la bslab par bya'o/ /de dag gis smras pa/ bdag cag dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la 'dri'i/ bar du byis pa / rmongs pa/ mi gsal ba/ mi mkhas pa khyed kyi tshig gis bslab pa 'di la mi slob bo/ /zhes de dag gis byis pa dang / rmongs pa dang / mi gsal ba dang / mi mkhas pa zhes bya ba dag gis </font><hr>Nya15b<br><font size=+1>


khur bslang ngo / /tshe dang ldan pa lam pa de nas song ste 'gro ba na/ /dge slong ma bcu gnyis sde dag gis mthong nas de dag gis de la smras pa/ btsun pa lam pa/ gar bzhud/ des smras pa/ sring mo dag shes par gyis shig /bcom ldan 'das kyis 'dul ba la nyan thos rnams kyi bslab pa'i gzhi thun mong 'di ltar bca' ba mdzad de/ dge slong gis zla ba bzhir mgron du bos pa bdag gir bya'o/ /de las lhag par bdag gir byed na/ ltung byed do/ /so sor mgron du bos pa dang / yang dang yang mgron du bos pa dang / dus kyis mgron du bos pa dang / rtag tu mgron du bos pa ma gtogs te/ de la de ni/ dus yin no/ /zhes bca' ba mdzad kyi/ khyed kyis kyang bslab pa 'di la bslab par bya'o/ /de dag gis smras pa/ bdag cag dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la 'dri'i/ /bar du byis pa/ rmongs pa/ mi gsal ba/ mi mkhas pa khyed kyi tshig gis bslab pa 'di la mi slob bo/ /zhes byis pa dang / rmongs pa dang / mi gsal ba dang / mi mkhas pa zhes bya ba dag gis khur bslang ste dong ngo / /tshe dang ldan pa lam pas bsam pa/ bdag la gnas ngan len kun tu spyod pa 'di dag la brjod pas ci bya/ da ni/ song la skye rgu'i bdag mo chen mo gau'u ta mi ma gtogs pa gzhan gang la yang brjod par mi bya'o/ /snyam nas de skye rgu'i bdag mo chen mo gau ta mi ga la ba der song ste phyin nas skye rgu'i </font><hr>Nya16a<br><font size=+1>


@#/ /bdag mo gau ta mi chen mo la 'di skad ces smras so/ /gau ta mi shes par gyis shig /bcom ldan 'das kyis 'dul ba la nyan thos rnams kyi bslab pa'i gzhi thun mong 'di ltar bca' ba mdzad de/ dge slong gis zla ba bzhir mgron du bos pa bdag gir bya'o/ /de las lhag par bdag gir byed na/ ltung byed do/ /so sor mgron du bos pa dang / yang dang yang du mgron du 'bod pa dang / dus kyis mgron du bos pa dang / rtag tu mgron du bos pa ni/ ma gtogs te/ de la de ni/ dus yin no/ /zhes bca' ba mdzad kyi/ khyed kyis bslab pa 'di la bslab par bya'o/ /skye rgu'i bdag mo chen mos smras pa/ btsun pa lam pa/ bcom ldan 'das kyis 'dul ba la nyan thos rnams kyi bslab pa'i gzhi bca' ba mdzad de/ dge slong gis zla ba bzhir mgron du bos pa bdag gir bya'o/ /de las lhag par bdag gir byed na/ ltung byed do/ /so sor mgron du bos pa dang / yang dang yang du mgron du bos pa dang / dus kyis mgron du bos pa dang / rtag tu mgron du bos pa ni/ ma gtogs te/ de la de ni/ dus yin no/ /zhes bca' ba mdzad pa gang lags pa de/ bdag mgo dang / ngag dang / yid kyis kyang nod do/ /btsun pa lam pa/ 'di lta ste/ dper bgyi na/ rgyal rigs kyi phyug chung dag gam/ bram ze'i phyug chung dag gam/ rje'u rigs kyi phyug chung dag gam/ </font><hr>Nya16b<br><font size=+1>


dmangs rigs kyi phyug chung legs par khrus bgyis/ byug pas legs par byugs pa/ skra dang sen mo legs par bcos pa/ rad pa dkar po 'tshal ba dag gis ut+pa la'i phreng ba'am/ tsam pa ka'i phreng ba'am/ bar shi ka'i phreng ba'am/ a ti mug ta ka'i phreng ba 'ga' zhig stsal bar gyur na/ de yid dga' bas sug pa gnyis kyis blangs te yan lag gi dam pa mgo la btags par bgyi ba de bzhin du btsun pa lam pa/ bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad de/ dge slong gis zla ba bzhir mgron du bos pa bdag gir bya'o/ /de las lhag par bdag gir byed na/ ltung byed do/ /so sor mgron du bos pa dang / yang dang yang du mgron du bos pa dang / dus kyis mgron du bos pa dang / rtag tu mgron du bos pa ni/ ma gtogs te/ de la de ni/ dus yin no/ /zhes bca' ba mdzad pa gang lags pa de yang bdag mgo dang / ngag dang / yid kyis kyang nod do/ /tshe dang ldan pa lam pas bsgos te phyir 'ongs pa dang / tshe dang ldan pa kun dga' bos de mthong nas dris pa/ tshe dang ldan pa lam pa/ khyod kyis dge slong ma rnams la bsgos sam/ des smras pa/ bsgos te/ 'di ltar/ byis pa dang / rmongs pa dang / mi gsal ba dang / mi mkhas pa zhes bya ba dag gis khur bslang ngo / /sus/ drug sde dag gis so/ /ci'i phyir/ des skabs de rgyas par brjod pa dang / dge slong don </font><hr>Nya17a<br><font size=+1>


@#/ /nyung ngu dag /ci'i phyir dge slong rnams kyis tshe dang ldan pa khyed kyis bslab pa 'di la bslab par bya'o/ /zhes bsgo ba na/ de de dag la 'di skad ces/ bdag cag dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la 'dri'i/ bar du byis pa rmongs pa/ mi gsal ba/ mi mkhas pa khyed kyi tshig gis bslab pa 'di la mi slob bo/ /zhes smod par byed 'phyar kha gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la rmas pa/ dge slong dag /khyed dge slong rnams kyis/ tshe dang ldan pa dag khyed kyis bslab pa 'di la bslab par bya'o/ / zhes bsgo ba na/ de dag la 'di skad ces/ bdag cag dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la 'dri'i/ bar du byis pa/ rmongs pa/ mi gsal ba/ mi mkhas pa khyed kyi tshig gis bslab pa 'di la mi slob bo/ /zhes zer ba bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma </font><hr>Nya17b<br><font size=+1>


yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas dag slong rnams la bka' stsal pa/ dge slong dag /de lta bas na/ phan yon bcu yang dag par gzigs pas/ 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong rnams kyis tshe dang ldan pa khyod kyis bslab pa 'di la bslab par bya'o| |zhes bsgo ba na/ de dag la 'di skad ces/ bdag dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la yang 'dri'i/ bar du byis pa/ rmongs pa/ mi gsal ba/ mi mkhas pa khyed kyi tshig gis bslab pa 'di la mi slob po/ /zhes zer na/ ltung byed do/ /dge slong kun shes par 'dod pas kyang bslab pa de la bslab par bya'o/ /dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la yang dri bar bya ste/ de la de ni/ cho ga yin no/ /yang dge slong gang zhes bya ba ni/ drug sde'am/ gzhan yang de lta bu gang yin pa'o/ /dge slong rnams kyis zhes bya ba ni/ chos 'di pa rnams kyis so/ /tshe dang ldan pa khyod kyis bslab pa 'di la bslab par bya'o/ /zhes bsgo ba na zhes bya ba ni/ bslab pa gang yin pa de la'o/ /de dag la zhes bya ba ni/ dge </font><hr>Nya18a<br><font size=+1>


@#/ /slong de dag la'o/ /'di skad ces zhes bya ba ni 'di skad ces zer na'o/ /dge slong mdo sde 'dzin pa zhes bya ba ni mdo sde mtha' dag 'dzin pa gang dag yin pa rnams so/ /'dul ba 'dzin pa zhes bya ba ni 'dul ba mtha' dag 'dzin pa gang dag yin pa rnams so/ /ma mo 'dzin pa rnams la 'dri'i/ /bar du zhes bya ba ni ma mo mtha' dag 'dzin pa gang dag yin pa rnams la'o/ /byis pa zhes bya ba la/ byis pa zhes bya ba ni nyes par bsam pa sems pa dang / nyes par smra ba brjod pa dang / nyes par bya ba'i las byed pa'o/ /rmongs pa zhes bya ba la/ /rmongs pa zhes bya ba ni mdo sde 'dzin pa ma yin pa dang / 'dul pa 'dzin pa ma yin pa dang / ma mo 'dzin pa ma yin pa'o/ /mi gsal ba zhes bya ba la/ mi gsal ba zhes bya ba ni mdo sde la mi gsal ba dang / 'dul ba la mi gsal ba dang / ma mo la mi gsal ba'o/ /mi mkhas pa zhes bya ba la/ mi mkhas pa zhes bya ba ni mdo sde la mi mkhas pa dang / 'dul ba la mi mkhas pa dang / ma mo la mi mkhas pa'o/ /khyed kyi tshig gis bslab pa 'di la mi slob bo/ /zhes zer na zhes bya ba ni de skad ces zer na'o/ /ltung byed do/ /zhes bya ba ni sems can dmyal ba dang / dud 'gro dang / yi dwags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags </font><hr>Nya18b<br><font size=+1>


na| dge ba'i chos rnams sgrib par byed pa ste/ des na ltung byed do/ /zhes gsungs so/ /dge slong kun shes par 'dod pas kyang bslab pa de la bslab par bya'o/ /dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la yang dri bar bya ste/ de la de ni cho ga yin no/ /zhes bya ba ni de la de ni rjes su mthun pa'i chos yin pa'o/ /de la ltung bar ji ltar 'gyur zhe na/ dge slong gis ji tsam cung zad dge slong rnams kyis tshe dang ldan pa khyod kyis bslab pa 'di la bslab par bya'o/ /zhes bsgo ba na/ de dag la 'di skad ces/ bdag dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la 'dri'i/ bar du byis pa/ rmongs pa/ mi gsal ba/ mi mkhas pa khyed kyi tshig gis bslab pa 'di la mi slob bo/ /zhes zer na/ thams cad du ltung byed du 'gyur ro/ /byis pa khyod kyi tshig gis bslab pa 'di la mi slob bo/ /zhes zer na/ ltung byed du 'gyur ro/ /rmongs pa khyed kyi tshig gis bslab pa 'di la mi slob bo/ /zhes zer na/ ltung byed du 'gyur ro/ /mi gsal ba khyed kyi tshig gis bslab pa 'di la mi slob bo/ /zhes zer na/ ltung byed du 'gyur ro/ /mi mkhas pa khyed kyi tshig gis bslab pa 'di la mi slob bo/ /zhes zer na| ltung byed du 'gyur ro/ /yang dag pa kho nar byis pa dang / rmongs pa dang / mi gsal ba dang / mi mkhas pa yin na/ ltung ba med do/ /las dang po pa dang / smyos pa dang / sems 'khrugs </font><hr>Nya19a<br><font size=+1>


@#/ /pa dang / tshor ba dag gis nyen pa la ltung ba med do/ /bslab pa la nye bar 'jog pa spong ba'i ltung byed de/ bdun cu lnga ba rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa 'char kas ni/ nyon mongs pa thams cad spangs pas dgra bcom pa nyid mngon sum du byas/ tshe dang ldan pa 'dun pa ni/ ko'u sham+b+hir song ste snying las chung ngur 'dug /'gro mgyogs dang nab so gnyis ni/ dus la bab/ dga' bo dang nye dga' gnyis ni/ dge 'dun gyi nang na 'dug pa de'i tshe na/ bcu bdun sde'i tshogs dag 'dug cing pha rol gnon pa dang / mdo sde 'dzin pa dang / 'dul ba 'dzin pa dang / ma mo 'dzin par gyur nas de dag gis smras pa/ tshe dang ldan pa dag /bdag cag yun ring po nas drug sde dag gis mtho btsams te/ ji ltar dga' bo dang nye dga' gnyis kyis mtho btsams pa ltar yang gzhan gyis ma btsams la/ ji ltar nye dgas mtho btsams pa ltar yang dga' bos ma btsams kyi/ de gnas nas dbyung ba'i las bya'o/ /de dag gis smras pa/ 'di'i phu bo rtsod pa la mkhas pa yin gyi/ tshur shog /je gros bya'o/ /zhes de dag dpong sa'i khang par zhugs te sgo bcad nas gros bya bar brtsams pa dang / nye dga' skar khung na nyan cing des de dag bsdigs te/ kye ma bcu bdun sde dag /ci gros byed/ kho bo'i tshangs pa </font><hr>Nya19b<br><font size=+1>


mtshungs par spyod pa kha cig ni/ yongs su mya ngan las 'das/ kha cig ni/ snying las chung ngu kho nar 'dug /kha cig ni/ dus la bab pas da 'di gnas nas dbyung ba'i las bya'o/ /snyam du sems sam ci/ khyed kyis da kho bo cag zil gyis mnan te 'khod snyam mam/ kho bo cag gis kyang khyed la mtshams chen po gcad par bya'o/ /khyed kyis/ glang po'i thag pa nyi ma dang / /rlung gis yongs su bskams gyur cing / / glang po'i gnya' nas lhung gyur kyang / /lug ni lnga brgyas drang bar bya/ /zhes bya ba ma thos sam zhes bsdigs pa dang / de dag gis bsam pa/ 'dis bdag cag gros byed pa 'phrigs kyi/ gzhan du 'dong ngo / /zhes de dag me khang du zhugs te gros bya bar brtsams pa dang / nye dga' yang der 'jab cing 'ongs te nyan cing / des der yang de bzhin du bsdigs so/ /de dag steng khang du 'khod de gros bya bar brtsams pa dang / nye dga' bar khang du 'dug ste nyan cing / des der yang de bzhin du bsdigs so/ /de dag bar khang du 'khod de gros bya bar brtsams pa dang / nye dga' 'og tu 'dug ste nyan cing / des deng yang de bzhin du bsdigs so/ /de dag gnas khang du 'khod de gros bya bar brtsams pa dang / nye dga' khyams su 'dug ste nyan cing / des der yang de bzhin du bsdigs so/ /de dag khyams su 'khod de gros bya bar brtsams pa dang / nye dga' gnas khang du 'dug ste nyan cing / des der yang de bzhin du bsdigs so/ /de dag sgo khang du 'khod de gros bya bar brtsams pa dang / nye dga' bang rim </font><hr>Nya20a<br><font size=+1>


@#/ /du 'dug ste nyan cing / des der yang de bzhin du bsdigs so/ /de dag bang rim du 'khod de gros bya bar brtsams pa dang / nye dga' sgo khang du 'dug ste nyan cing / des der yang de bzhin du bsdigs so/ /de dag 'chag sar 'khod de gros bya bar brtsams pa dang / nye dga' span spun dag gis nang du 'dug ste nyan cing / des der yang de bzhin du bsdigs so/ / de dag span spun dag gi nang du 'khod de gros bya bar brtsams pa dang / nye dga' 'chag sar 'dug ste nyan cing / des der yang de bzhin du bsdigs so/ /de dag dgon par 'khod de gros bya bar brtsams pa dang / nye dga' tshang tshing dag gi nang du 'dug ste nyan cing / des der yang de bzhin du bsdigs so/ /de dag tshang tshing dag gi nang du 'khod de gros bya bar brtsams pa dang / nye dga' dgon par 'dug ste nyan cing / des der yang de bzhin du bsdigs so/ /de dag lam nas 'dong zhing gros bya bar brtsams pa dang / nye dga' phyi bzhin song ste nyan cing / des der yang de bzhin du bsdigs nas de dag gis smras pa/ tshe dang ldan pa dag /bdag cag gis 'di gnas nas dbyung ba'i las bya bar mi nus kyi/ 'di la bzod pa gsol bar bya'o/ / zhes de dag gis de la smras pa/ btsun pa nye dga'/ bdag cag la bzod par mdzod cig /nye dgas smras pa/ bzod par bya'o/ /de dag gis de la dris pa/ khyod kyis kho bo cag gros byed pa </font><hr>Nya20b<br><font size=+1>


ji ltar shes/ nye dgas smras pa/ gang gi tshe khyed cag dpong sa'i khang par zhugs te gros byed pa de'i tshe na/ kho bos skar khung nas mnyan to/ /gang gi tshe khyed cag me khang du zhugs te gros byed pa de'i tshe na kho bos bzhabs te mnyan to/ /gang gi tshe khyed cag steng khang du 'khod te gros byed pa de'i tshe na/ kho bos bar khang du 'dug ste mnyan to/ /gang gi tshe khyed cag bar khang du 'khod de gros byed pa de'i tshe na/ kho bos 'og khang du 'dug ste mnyan to/ /gang gi tshe khyed cag gnas khang du 'khod de gros byed pa de'i tshe na/ kho bos khyams su 'dug ste mnyan to/ /gang gi tshe khyed cag khyams su 'khod de gros byed pa de'i tshe na/ kho bos gnas khang du 'dug ste mnyan to/ /gang gi tshe khyed cag sgo khang du 'khod de gros byed pa de'i tshe na/ kho bos bang rim du 'dug ste mnyan to/ /gang gi tshe khyed cag bang rim du 'khod de gros byed pa de'i tshe na/ kho bos sgo khang du 'dug ste mnyan to/ /gang gi tshe khyed cag 'chag sar 'khod de gros byed pa de'i tshe na kho bos span spun dag gi nang du 'dug ste mnyan to/ /gang gi tshe khyed cag span spun dag gi nang du 'khod de gros byed pa de'i tshe na/ kho bos 'chag sar 'dug ste mnyan to/ /gang ti tshe khyed cag dgon par 'khod de gros byed pa de'i tshe na/ kho bos tshang tshing dag gi nang du 'dug ste mnyan to/ /gang gi tshe khyed cag tshang tshing dag gi nang du 'khod de gros byed pa de'i tshe na/ kho bos dgon par 'dug ste mnyan to/ /gang gi tshe khyed cag lam nas 'dong </font><hr>Nya21a<br><font size=+1>


@#/ /zhing gros byed pa de'i tshe na/ kho bos phyi bzhin song ste mnyan to/ /de dag gis smras pa/ khyed nyan rnas 'dug tu rung ngam/ nye dgas smras pa/ gal te kho bos khyed cag gros byed pa'i tshe nyan rnas 'dug par ma gyur tu zin na/ khyed cag gis kho bo gnas nas dbyung ba'i las byas par gyur to/ /dge slong don nyung ngu dag /ci'i phyir dge slong dag /dge slong rnams 'thab par gyur/ mtshang 'dru bar gyur/ mi mthun par gyur/ rtsod par gyur cing 'khod pa la/ dge slong 'di dag ji skad zer ba de bdag gis mnyan te de lta de ltar rjes su tha snyad gdags par bya'o| |snyam pa de nyid rkyen du byas te/ cang mi smra bar nyan rnas 'dug par byed ces smod par byed/ 'phyar kha gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis shAkya'i bu nye dga' la rmas pa/ nye dga' /khyod dge slong rnams 'thab par gyur/ mtshang 'dru bar gyur/ mi mthun par gyur/ rtsod par gyur cing 'khod pa la/ dge slong 'di dag ji skad zer ba de bdag gis </font><hr>Nya21b<br><font size=+1>


mnyan te de lta de ltar rjes su snyad gdags par bya'o/ /snyam pa de nyid rkyen du byas te cang mi smra bar nyan rnas 'dug pa bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas/ 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong rnams 'thab par gyur/ mtshang 'dru bar gyur/ mi mthun par gyur/ rtsod par gyur cing 'khod pa la/ dge slong 'di dag ji skad zer ba de bdag gis mnyan te/ de lta de ltar rjes su tha snyad gdags par bya'o/ /snyam pa de nyid rkyen du byas te cang mi smra bar nyan rnas 'dug na/ ltung byed do/ /yang dge slong gang zhes bya ba ni/ shAkya'i bu nye dga'am/ gzhan yang de lta bu gang yin pa'o/ /dge slong rnams zhes bya ba ni/ chos 'di ba rnams so/ /'thab par gyur/ mtshang 'dru bar gyur/ mi mthun par gyur/ rtsod par gyur cing 'khod pa la zhes bya ba ni/ phyogs dang / gzhan gyi phyogs su rnam par gnas pa </font><hr>Nya22a<br><font size=+1>


@#/ /la'o/ /dge slong 'di dag ji skad zer ba de bdag gis mnyan te de lta de ltar rjes su tha snyad gdags par bya'o/ /snyam pa zhes bya ba ni/ de lta bu'i bsam pas/ gnyen pos de lta de ltar pha rol gnon par bya'o/ /snyam pa'o/ /de nyid rkyen du byas te zhes bya ba ni/ gzhan ma yin pa'o/ /cang mi smra bar nyan rnas 'dug na zhes bya ba ni/ cang mi smra bar rna gtad pas 'dug na'o/ /ltung byed do/ /zhes bya ba ni/ sems can dmyal ba dang / dud 'gro dang / yi dwags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na/ dge ba'i chos rnams la sgrib par byed pa ste/ des na ltung byed do/ /zhes gsungs so/ / de la ltung bar ji ltar 'gyur zhe na/ dge slong dag steng khang na gros byed cing dge slong dag 'dzeg na/ dge slong des rting sgra'am/ se gol gyi sgra'am/ mgul bsal ba'i sgra bya'o/ /rting sgra 'am/ se gol gyi sgra'am/ mgul bsal ba'i sgra mi byed na/ ji srid du sgra de thos shing don ma go ba'i bar du dge slong la nyes byas su 'gyur la/ sgra'i don go na/ ltung byed du 'gyur ro/ /dge slong dag par khang dang / 'og khang dang / gnas khang dang / khyams dang / sgo khang dang / bang rim dang / 'chag sa dang / dgon pa dang / lam nas 'gro zhing gros byed la/ dge slong yang phyi bzhin </font><hr>Nya22b<br><font size=+1>


'gro na/ dge slong des rting sgra'am/ se gol gyi sgra'am/ mgul bsal ba'i sgra bya'o/ /rting sgra'am/ se gol gyi sgra'am/ mgul bsal ba'i sgra mi byed na/ ji srid du sgra thos la don ma go ba'i bar du dge slong la nyes byas su 'gyur la/ sgra'i don go na/ ltung byed du 'gyur ro/ /nang dang bcas pa ma yin pa dang / gya tsom du 'jug pa dang / mnyan nas nye bar zhi bar bya'o/ /snyam pa la ltung ba med do| |las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /nyan rna las gyur pa'i ltung byed de/ bdun cu drug pa rdzogs so// //'dul ba rnam par 'byed pa/ bam po re bzhi pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa 'char kas ni/ nyon mongs pa thams cad spangs pas dgra bcom pa nyid mngon sum du byas/ tshe dang ldan pa 'dun pa ni/ ko'u sham+b+hir song ste snying las chung ngur 'dug /'gro mgyogs dang / nabs so gnyis ni/ dus la bab/ dga' bo dang / nye dga' gnyis ni/ dge 'dun gyi nang na 'dug pa de'i tshe na bcu bdun sde'i tshogs dag gdug cing pha rol gnon pa/ mdo sde 'dzin pa dang / 'dul ba 'dzin pa dang / ma mo 'dzin par gyur nas de dag gis smras pa/ tshe dang ldan pa dag /bdag cag yun ring po nas drug sde dag gis mtho btsams te/ ji ltar dga' bo dang / nye dga' gnyis kyis mtho btsams pa ltar yang gzhan gyis ma btsams </font><hr>Nya23a<br><font size=+1>


@#/ /la| ji ltar nye dgas mtho btsams pa ltar yang dga' bos ma btsams kyi/ de gnas nas dbyung ba'i las bya'o/ /de na kha cig gis smras pa/ 'di'i phu bo dga' bo rtsod pa la mkhas pa yin pas/ bdag cag gis 'di gnas nas dbyung ba'i las bya bar mi nus so/ /kha cig gis smras pa/ gcig smra ba na/ gnyis kyis mnyan par mi bya'o/ /chogs smra na/ tshogs ni/ rgyal po dang 'dra bas gal te de cung zad smra bar gyur na/ de'i tshe gnas nas dbyung ba'i las bya'o/ /zhes de dag gis gnas mal bshams nas gaN+Di brdungs te dris pa'i tshig gis dge slong rnams la yang dag par bsgos nas dge 'dun thams cad 'dug cing mthun par gyur pa na/ gleng ba po rgan pa'i mtha' logs su 'dug ste smras pa/ btsun pa nye dga'/ khyod kyis bcu bdun sde'i tshogs dag gis lto dral ste rgyu ma dag gis rgyal byed kyi tshal bskor bar bya'o/ /zhes bya ba de lta bu'i tshig smra ba gang yin pa de dran nam/ nye dgas smras pa/ tshe dang ldan pa dag /de ni/ don 'das pa yin na/ rma sos pa gleng ste ci bya/ de dag gis smras pa/ bcom ldan 'das ni/ 'das pa'i don kho na la brten nas 'dul ba la nyan thos rnams kyi bslab pa'i gzhi bca' ba mdzad do| |dga' bos phyir zlog par brtsams pa dang / de dag gis smras pa/ gang gcig phyir zlog par byed pa de yang gnas nas dbyung ba'i las bya'o/ /dga' bos bsam pa/ 'di dag gi byed stangs </font><hr>Nya23b<br><font size=+1>


las na/ bdag la yang gnas nas 'byin pa'i las byed par 'gyur na/ ma legs par 'gyur ro/ /snyam nas/ de dgun gyi dus la bab pas/ la ba zhig gyon te des la ba de rtsig drung du bslang ste bzhag nas cang mi smra bar stan las langs te song ngo / /de dag gis smras pa/ tshe dang ldan pa dag 'dod pa smros shig /ces de dag gis gya tsom du nye dga' gnas nas dbyung ba'i las byas so/ /de gnas nas dbyung ba'i las byas pa na/ ngu zhing phu bo'i gan du song ba dang / dga' bos smras pa/ nye dga' ci'i phyir du/ lhung bzed nag po can dag gis gnas nas dbyung ba'i las byas so/ /dga' bos smras pa/ gang dag gis kho bo'i nu bo gnas nas dbyung ba'i las byas pa de dag grong dang / grong khyer dang / khams gsum nas gnas nas phyung bar gyur cig /'on kyang gnas nas dbyung ba'i las byas pa dag la grong dang / grong khyer med dam ci/ sdod la phyis bzod pa gsol cig /'di ltar/ de dag gis mi mthun pa kho nar las byas so/ /su zhig der ma 'ongs/ dga' bos smras pa/ kho bo'o/ /bdag gis de na rgan pa'i mtha' legs na| slob dpon gyi sgra thos so/ /dga' bos smras pa/ gang gi tshe de dag na re/ gang gcig phyir zlog par byed pa de yang gnas nas dbyung ba'i las bya'o/ /zhes zer ba de'i tshe na kho bos bsam pa/ 'di dag gi byed stangs las na/ bdag la yang gnas nas 'byin pa'i las byed par gyur na/ ma legs par 'gyur ro/ /snyam nas/ kho bo dgun gyi dus la bab pas/ la ba zhig gyon te kho bos la ba de rtsig drung du bslang ste </font><hr>Nya24a<br><font size=+1>


@#/ /bzhag nas cang mi smra bar stan las langs te song ngo / /dge slong don nyung ngu dag /ci'i phyir dge slong dag dge 'dun gyi chos dang ldan pa'i gtam rnam par gtan la 'bebs par byung na/ cang mi smra bar stan las langs te 'gro bar byed ces smod par byed/ 'phyar kha gtong bar byed/ kha zer bar byed pa'i skabs de/ dge slong rnams kyi bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ /mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis shAkya'i bu dga' bo la rmas pa/ dga' bo/ khyod dge 'dun gyi chos dang ldan pa'i gtam rnam par gtan la 'bebs pa byung na/ cang mi smra bar stan las langs te 'gro ba bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas/ 'dul ba la nyan thos kyi bslab pa'i gzhi bca' bar bya ste zhes bya ba la sogs </font><hr>Nya24b<br><font size=+1>


pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge 'dun gyi chos dang ldan pa'i gtam rnam par gtan la 'bebs pa byung ba na cang mi smra bar stan las langs te 'gro na ltung byed do/ /zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad do/ /dge slong nad ngan can dag 'khod pa de dag gis yun ring du 'dug par mi nus pa na/ dge slong nad g.yog dag gis kyang / nad pa dag gi bya ba nyams par byed/ dge slong zhal lta byed pa dag gis kyang dge 'dun gyi bya ba nyams par byed pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ dge slong 'dug pa la smras te 'gro bar bya'o/ /bcom ldan 'das kyis dge slong 'dug pa la smras te 'gro bar bya'o/ /zhes bka' stsal nas/ dge slong zhig gis khyim gzhan du lhung bzed dang / chos gos bzhag nas ji tsam na der me shor nas dge slong des der 'gro bar brtsams te de lam gyi phyed du phyin pa dang bdag gis dge slong 'dug pa la ma smras so/ /snyam pa'i dran pa skyes nas de phyir log ste ji srid du dge slong 'dug pa la smra bar byed pa de srid du de'i lhung bzed dang / chos gos tshig nas de der song ba dang khyim bdag gis smras pa/ 'phags pa/ khyod ci'i slad du 'phyis te byon/ des na/ khyod kyi lhung bzed dang / chos gos tshig gi /gal te khyod myur du byon par gyur na/ khyod kyi lhung bzed dang / chos gos tshig </font><hr>Nya25a<br><font size=+1>


@#/ /par mi 'gyur ro/ /zhes zer zhing / dge slong de yang phongs par gyur pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ de 'dra ba'i rkyen ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang mthun pa dang / de'i shas che ba dang / de dang 'tsham pa'i bka' mchid mdzad nas dge slong rnams la bka' stsal pa/ dge slong dag /de lta bas na/ snga ma ni/ bcas pa yin la/ 'di ni/ gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge 'dun gyi chos dang ldan pa'i gtam rnam par gtan la 'bebs pa byung ba na/ cang mi smra bar stan las langs te 'gro zhing dge slong 'dug pa la mi smra na/ de 'dra ba'i rkyen ma gtogs te ltung byed do/ /yang dge slong gang zhes bya ba ni/ shAkya'i bu dga' bo'am/ gzhan yang de lta bu gang yin pa'o/ /dge 'dun gyi zhes bya ba ni/ de bzhin gshegs pa'i nyan thos kyi dge 'dun gyi'o/ /tshe dang ldan pa'i gtam rnam par gtan la 'bebs pa byung ba na zhes bya ba ni/ gsol pa dang / gsol ba dang gnyis dang / gsol ba dang bzhi'i las byung ba na'o/ /cang mi smra bar stan las langs te 'gro zhing zhes bya ba ni/ thos pa'i nye 'khor </font><hr>Nya25b<br><font size=+1>


las 'das te 'gro zhing ngo / /dge slong 'dug pa la mi smra na zhes bya ba ni/ de na dge slong gang 'dug pa la'o/ /de 'dra ba'i rkyen ma gtogs te zhes bya ba ni/ de 'dra ba'i rkyen bzhag ste'o/ /ltung byed do/ /zhes bya ba ni/ sems can dmyal ba dang / dud 'gro dang / yi dwags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na/ dge ba'i chos rnams la sgrib par byed pa ste/ des na ltung byed do/ /zhes gsungs so/ /de la ltung bar ji ltar 'gyur zhe na/ dge slong ji tsam cung zad dge 'dun gyi chos dang ldan pa'i gtam rnam par gtan la 'bebs pa byung ba na/ cang mi smra bar stan las langs te 'gro zhing dge slong 'dug pa la mi smra na/ ji srid thos pa'i nye 'khor las ma 'das kyi bar nye byas su 'gyur la/ thos pa'i nye 'khor las 'das na/ ltung byed du 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /mi smra bar 'gro ba'i ltung byed de/ bdun bcu bdun pa rdzogs so// //sangs rgyas bcom ldan 'das rgyal po'i khab na 'od ma'i tshal ka land ka'i gnas na bzhugs so/ /de'i tshe na glang chen lhas kyi bdag po'i bu nag pa dge slong rab tu mang po dag 'di lta ste/ 'di ni/ chos so/ /'di ni/ 'dul ba'o/ /'di ni/ ston pa'i bstan pa'o/ /zhes rtsod pa nye bar zhi bar bya ba 'ga' zhig gi phyir dpong sa'i khang par 'dug cing mthun par gyur pa na/ gcig pus dge 'dun </font><hr>Nya26a<br><font size=+1>


@#/ /zlog par byed/ gcig pus dge 'dun mi mthun par byed cing / rtsod pa bzung ste rtsod cing 'dug la/ gtam gyi mjug sdod par mi byed/ gus par mi byed/ rje sa mi byed cing / phyir smra bar bya'o/ /snyam du sems nas/ dge slong don nyung ngu dag /ci'i phyir dge slong dag /dge slong rab tu mang po dag 'di lta ste/ 'di ni/ chos so/ /'di ni/ 'dul ba'o/ /'di ni/ ston pa'i bstan pa'o/ / zhes rtsod pa nye bar zhi bar bya ba 'ga' zhig gi phyir dpong sa'i khang par 'dug cing mthun par gyur pa na/ gcig pus dge 'dun zlog par byed/ gcig pus dge 'dun mi mthun par byed cing / rtsod pa bzung ste rtsod cing 'dug la/ gtam gyi mjug sdod par mi byed/ gus par mi byed/ rjes mi byed cing / phyir smra bar bya'o/ /snyam du sems zhes smod par byed/ 'phyar kha gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis glang chen lhas kyi bdag po'i bu nag pa la rmas pa/ dge slong / khyod dge slong rab tu mang po dag 'di lta ste/ 'di ni/ chos so/ /'di ni/ 'dul ba'o/ /'di ni/ ston pa'i bstan pa'o/ /zhes rtsod pa nye bar zhi bar bya ba 'ga' zhig gi phyir dpong sa'i khang par </font><hr>Nya26b<br><font size=+1>


'dug cing mthun par gyur pa na/ gcig pus dge 'dun zlog par byed/ gcig pus dge 'dun mi mthun par byed cing rtsod pa bzung ste rtsod cing 'dug la/ gtam gyi mjug sdod par mi byed/ gus par mi byed/ rje sa mi byed cing / phyir smra bar bya'o/ /snyam du sems pa bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad par mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas/ 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ gus par mi byed na/ ltung byed do/ /gus par mi byed na zhes bya ba ni/ gnyis ka la gus par mi byed na ste/ dge 'dun dang / gang zag la'o/ /de la dge 'dun ni/ de bzhin gshegs pa'i nyan thos kyi dge 'dun dang / dge 'dun gyi tha snyad pa'o/ / gang zag ni/ mkhan po dang / slob dpon dag go /ltung byed do/ /zhes bya ba ni/ sems can dmyal ba dang / dud 'gro dang / yi dwags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na/ dge ba'i chos rnams la sgrib par byed pa ste/ des na ltung byed do/ /zhes gsungs so/ /de la ltung bar ji ltar 'gyur zhe na/ dge slong gi </font><hr>Nya27a<br><font size=+1>


@#/ /dge 'dun gyis 'dug cig ces bsgo ba na/ mi 'dug na/ ltung byed du 'gyur ro/ /ma 'dug cig ces bsgo ba na/ 'dug na/ ltung byed du 'gyur ro/ /song zhig ces bsgo ba na/ mi 'gro na/ ltung byed du 'gyur ro/ /ma 'gro zhig ces bsgo ba na/ 'gro na/ ltung byed du 'gyur ro/ /gnas mal longs shig ces bsgo ba na/ mi len na/ ltung byed du 'gyur ro/ /gnas mal ma len gcig ces bsgo ba na/ len na/ ltung byed du 'gyur ro/ /gtsug lag khang longs shig ces bsgo ba na/ mi len na/ ltung byed du 'gyur ro/ /gtsug lag khang ma len cig ces bsgo ba na/ len na/ ltung byed du 'gyur ro/ /smros shig ces bsgo ba na/ mi smra na/ ltung byed du 'gyur ro/ /ma smra zhig ces bsgo ba na/ smra na/ ltung byed du 'gyur ro/ /chos dang ldan par shad kyis sbyang ba sbyin par byed na/ ltung ba med do/ /dge 'dun gyi tha snyad pas bsgo ba la yang de bzhin du sbyar ro/ /dge slong mkhan pos 'dug cig ces bsgo ba na/ mi 'dug na/ nyes byas su 'gyur ro/ /ma 'dug cig ces bsgo ba na/ 'dug na/ nyes byas su 'gyur ro/ /song zhig ces bsgo ba na/ mi 'gro na/ nyes byas su 'gyur ro/ /ma 'gro zhig ces bsgo ba na/ 'gro na/ nyes byas su 'gyur ro/ / gnas mal longs shig ces bsgo ba na/ mi len na/ nyes byas su 'gyur ro/ /gnas mal ma len cig ces bsgo ba na/ len na/ nyes byas su 'gyur ro/ /gtsug lag khang longs shig ces bsgo ba na/ mi len na/ nyes byas su 'gyur ro/ /gtsug lag khang ma len cig ces bsgo ba na/ len na/ nyes byas su 'gyur ro/ /smros shig ces bsgo ba na/ mi smra na/ nyes byas su 'gyur ro/ /ma smra zhig ces bsgo ba na/ smra na/ nyes byas su 'gyur ro// </font><hr>Nya27b<br><font size=+1>


chos dang ldan par shad kyis sbyang ba sbyin par byed na/ ltung ba med do/ /slob dpon rnams kyis bsgo ba la yang de bzhin du sbyar ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /ma gus pa'i tshul gyi ltung byed de/ bdun cu brgyad pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /chu srin byis pa gsod kyi ri la khyim bdag rtog ldan zhes bya ba/ phyug pa/ nor mang ba/ longs spyod che ba/ yongs su bzung ba yangs shing rgya che ba/ rnam thos kyi bu'i nor dang ldan pa/ rnam thos kyi bu la nor gyis 'gran pa zhig 'dug pa des/ rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /de la bu mo gzugs bzang ba/ blta na sdug pa/ mdzes pa zhig btsas nas de bsrings shing bskyed de chen mor gyur to/ /khyim bdag des bsam pa/ bdag gi bu mo 'di gzugs kyi phyir yang mi sbyin/ bzo'i phyir yang mi sbyin gyi/ bdag dang rigs dang / nor gyis 'dra ba'am/ lhag pa gang yin pa la bdag gis bu mo 'di sbyin no/ /snyam mo/ /des mnyan yod na khyim bdag mgon med zas sbyin zhes bya ba/ phyug pa/ nor mang ba/ longs spyod che ba/ yongs su bzung ba yangs shing rgya che ba/ rnam thos kyi bu'i nor dang ldan pa/ rnam thos kyi bu la nor gyis 'gran pa zhig 'dug pa de/ bdag dang rigs dang / nor gyis mnyam zhing / nor gyi rnam pas ches lhag pa yin no/ /zhes thos nas/ des bu mo de mnyan yod du khyim bdag mgon med zas sbyin gyi bu la byin no/ /khyim bdag mgon med zas sbyin gyis kyang dpal gyi 'byor </font><hr>Nya28a<br><font size=+1>


@#/ /pas bu'i chung mar blangs so/ /khyim bdag rtog ldan yang rtse bar byed/ dga' bar byed/ dga' mgur spyod par byed pas chung ma la sems can zhugs par gyur nas/ de la gang gi nyin mo sems can zhugs par gyur pa de nyid kyi nyin mo khyim bdag rtog ldan la gnod pa brgya dag byung ba gyur to/ /mngal na gnas pa de/ ji lta ji ltar skyes par gyur pa de lta de ltar khyim bdag rtog ldan la yang dang yang du rgya cher gnod pa brgya dag byung bar gyur to/ /khyim bdag rtog ldan gyis bsam pa/ bdag skyed mos tshal du song ste 'dug go snyam nas des zho shas 'tsho ba dag la bsgo ba/ shes ldan dag /gal te kho bo la gnod pa chen po zhig byung bar gyur na/ sbron cig /ji ste ma byung na/ ma sbron cig /ces bsgos nas des skyed mos tshal du dong ste 'dug go /de nas dus gzhan zhig na de'i chung ma btsas pa las khye'u zhig byung nas de gang gi nyi ma la byung ba de nyid kyi nyin mo khyim bdag rtog ldan la gnod pa stong dag byung bar gyur to/ /de nas mi zhig rings pa rings par khyim bdag rtog ldan ga la ba der song ba dang / khyim bdag rtog ldan gyis mi de thag ring po kho na nas rings pa rings par 'ongs pa mthong nas des bsam pa/ bdag la gnod pa chen po zhig byung bar gyur gor ma chag snyam nas des mi de la smras pa/ kwa'i nang rje/ ci'i phyir 'di ltar rings pa rings par 'ong / mi des smras pa/ khyod kyi sras bltams kyi/ dgyes bskyed cig /rtog ldan gyis smras pa/ kwa'i nang rje/ kho bo'i bus gnod pa brgya phrag mang po bskyed mod kyi/ 'on kyang bu 'ongs </font><hr>Nya28b<br><font size=+1>


pa legs so/ /nga'i nye du dag 'dus shing lhags nas khye'u 'di'i ming cir gdags snyam nas de dag de 'di snyam du sems te/ khye'u 'di la phas 'ongs pa legs so/ /zhes bya ba'i phyir tshig brjod pas khye'u 'di'i ming lags 'ongs zhes gdags so/ /zhes de'i ming legs 'ongs zhes bya bar btags so/ /legs 'ongs ji lta ji ltar skyes par gyur pa de lta de ltar khyim bdag rtog ldan gyi khyim na nor dang / 'bru dang / dbyig dang / gser dang bran dang / bran mo dang / las byed pa dang / zho shas 'tsho ba dag yongs su zad par gyur to/ /de nas dus gzhan zhig na khyim bdag rtog ldan yang dus la bab cing / de'i chung ma yang dus la bab/ de'i khyim yang mes tshig /bang mdzod kyi rnam pa dang / zhing gi rnam pa dang / nor gyi rnam pa dang / 'bru'i rnam pa thams cad kyang mes tshig go /grong pa'i mi gang dag zong thogs te yul gzhan du dong ba dag kyang de na kha cig ni/ rgya mtsho chen por gru bo che zhig par gyur kha cig ni/ zong zong ma yin par gyur/ kha cig ni/ de nyid du tshul ma yin pas sdug bsngal bar gyur/ kha cig ni/ de nyid du 'khod de tshig kyang mi ster ro/ /nye du dag kyang kha cig ni/ dus la bab/ kha cig ni/ bros/ kha cig ni/ de nyid na 'khod de tshig kyang mi ster ro/ /bran dang / bran mo dang / las byed pa dang / zho shas 'tsho ba dag kyang kha cig ni/ dus la bab/ kha cig ni/ bros/ kha cig ni/ de nyid na 'khod de tshig kyang mi ster ro/ /khyim bdag rtog ldan gyi sngon gyi bran mo rgan mo gcig pu zhig legs 'ongs kyi bsnyen bkur byed cing 'dug pa des/ legs 'ongs khye'u'i grwar yi ge dang / yig 'bru slob tu phul lo/ /rgan mo des bsam pa/ khyim bdag rtog ldan gyi bu khyim nor du/ </font><hr>Nya29a<br><font size=+1>


@#/ /ma dang ldan pa yongs su zad cing mthar thug par gyur na/ gang gi bsod nams med pas de ltar gyur pa/ ci bdag gi 'am/ 'on te legs 'ongs kyi bsod nams med pas de ltar gyur pa blta'o/ /snyam nas/ ji tsam na des legs 'ongs kyi ming gis phru rtog btsugs pa dang / de chud zos par gyur cig /bdag ming gis phru rtog btsugs pa dang / de tshos par gyur nas/ des bsam pa/ 'di ni/ sems can skal chad cig yin pas/ 'di'i le lan gyis khyim bdag rtog ldan gyi khyim nor du ma dang ldan pa tshul ma yin pas chud zos par gyur pas/ bdag kyang 'di'i le lan gyis tshul ma yin pas sdug bsngal bar 'gyur ba gang yin pa de lta bu'i gnas yod par 'gyur gor ma chag na/ 'di la ji ltar bya snyam nas des bsam pa/ 'bros so/ /snyam nas rgan mo des kyang de na gces pa cung zad ci yod pa de dag khyer te bros so/ /khyim stong pa der khyi dag zhugs nas zas zos te 'thab par brtsams pa dang / mi g.yo can zhig phyogs de nas 'gro ba des khyim de na khyi dag 'thab pa'i sgra thos nas des bsam pa/ khyim bdag rtog ldan gyi khyim stong par gyur tam/ ci na/ 'di ltar 'di na khyi dag 'thab cing 'khod/ bdag gis je blta'o/ /snyam nas/ de der zhugs pa dang / ji tsam na khyi rkun phal po che dag 'thab cing 'dug gi/ mi ni/ 'ga' yang med de stong par mthong nas/ </font><hr>Nya29b<br><font size=+1>


des de nas lhag rol gyi lhag ma cung zad ci yod pa de dag khyer nas song ngo / /de'i 'og tu legs 'ongs zan za'o/ /snyam nas khye'u'i grwa nas 'ongs te de der zhugs pa dang / ji tsam na stong par mthong nas/ des ma ma ma ma zhes bos na/ 'ga' yang lan 'debs pa med nas de dang ha cang thag mi ring ba na nye du'i khyim zhig yod pa der zhugs pa dang / ji tsam na der yang khyim mi dag 'thab mo byung bar gyur to/ /gang gi tshe de dag 'thab mo zhi ba gyur pa de'i tshe na gcig la gcig smras pa/ shes ldan dag /bdag gis sngan chad khyod mthong na snying du sdug na/ deng bdag gis khyod mthong na/ gsod do/ /snyam du sems so/ /gzhan dag kyang gcig la gcig de skad zer nas de dag gis bsam pa/ 'dir gzhan 'ga' zhig ma 'ongs sam blta'o/ /snyam nas de dag gis bltas na/ ji tsam na legs 'ongs der 'ongs pa mthong nas de dag gis smras pa/ shes ldan dag /'di ni/ legs 'ongs ma yin te/ nyes 'ongs yin te/ 'di'i le lan gyis bdag cag 'thab mo byung bar gyur to/ / zhes de dag gis bskrad de gzhan du song ba dang / der yang de dag de bzhin du gyur nas de dag gis kyang de skad smras te bskrad de btang ngo / /de mu lto ba dag gi nang du zhugs pa dang / ji tsam na mu lto ba de dag kyang lag pa stong pa dang / sprang phor stong par gyur te phyir lhags nas de dag gis smras pa/ shes ldan dag /bdag cag sngon chad gang du zhugs pa der lag pa gang ba dang / sprang phor </font><hr>Nya30a<br><font size=+1>


@#/ /gang bar gyur te phyir 'ong na/ deng bdag cag lag pa stong pa dang / sprang phor stong par gyur te phyir lhags pa 'di la rgyu ci yod/ de dag gis smras pa/ bdag cag gi nang du sems can skal chad 'ga' zhig zhugs pas/ des na/ bdag cag lag pa stong pa dang / sprang phor stong par gyur te phyir lhags so/ /yang de dag gis smras pa/ brtag par bya'i/ bdag cag kha gnyis su bcad de 'jug par bya'o/ /zhes de dag gis kha gnyis su bcad de zhugs pa dang / gang dag gi nang du legs 'ongs zhugs pa de dag lag pa stong pa dang / sprang phor stong par gyur te lhags so/ /de dag gis kyang kha gnyis su bcad de zhugs pa dang yang de ltar gyur to/ /de dag yang dang yang du kha gnyis su bcad de zhugs pa dang de lta de ltar gyur nas ji tsam na/ legs 'ongs dang mu lto ba gzhan gcig dang gnyis lhan cig zhugs pa yang so sor bye ba dang / legs 'ongs ni/ lag pa stong pa dang / sprang phor stong par gyur te 'ongs la/ gzhan thams cad lag pa gang ba dang / sprang phor gang bar gyur te 'ongs nas de dag gis smras pa/ sems can skal chad 'di bdag cag gi nang du zhugs pas/ des na/ bdag cag lag pa stong pa dang / sprang phor stong par gyur te lhags so/ /zhes de dag gis legs 'ongs shin tu brdegs te bskrad do/ /mnyan yod na khyim bdag rtog ldan gyi chung po grogs khyim bdag cig 'dug </font><hr>Nya30b<br><font size=+1>


pa de zong thogs te/ chu srin byis pa gsod kyi rir phyin nas khyim bdag des/ legs 'ongs lag na sprang phor thogs te srang du song ba mthong nas/ de bzhin gzugs las de'i ngo shes nas des de la smras pa/ bu/ khyod khyim bdag rtog ldan gyi bu ma yin nam/ legs 'ongs kyis smras pa/ yin no/ /des smras pa/ khyod kyi pha ma gnyis gar song / legs 'ongs kyis smras pa/ dus la bab bo/ /des smras pa/ de'i khyim dang / bang mdzod kyi rnam pa dang / zhing gi rnam pa dang / nor gyi rnam pa dang / 'bru'i rnam pa dag ga re/ legs 'ongs kyis smras pa/ thams cad mes tshig go /des smras pa/ grong ba'i mi gang dag zong thogs te yul gzhan du dong ba dag gar dong / legs 'ongs kyis smras pa/ kha cig ni/ rgya mtsho chen po gru bo che zhig par gyur/ kha cig ni/ zong zong ma yin par gyur/ kha cig ni/ de nyid du tshul ma yin pas sdug bsngal bar gyur/ kha cig ni/ de nyid du 'khod de tshig kyang mi ster ro/ /des smras pa/ nye du dag gar dong / legs 'ongs kyis smras pa/ kha cig ni/ dus la bab/ kha cig ni/ bros/ kha cig ni/ de nyid du 'khod de tshig kyang mi ster ro/ /des smras pa/ bran dang / bran mo dang / las byed pa dang / zho shas 'tsho ba dag gar dong / legs 'ongs kyis smras pa/ kha cig ni/ dus la bab/ kha cig ni/ bros/ kha cig ni/ de nyid na 'khod de chig kyang mi ster ro/ /khyim bdag des de </font><hr>Nya31a<br><font size=+1>


@#/ /mthong nas mchi mas brnangs te 'dug nas des smras pa/ bu/ kho bo dang lhan cig mnyan yod du 'dong ngo / /legs 'ongs kyis smras pa/ pha/ bdag der song na/ cir 'gyur/ des smras pa/ bu/ de na khyim bdag mgon med zas sbyin 'dug pa de'i bus khyod kyi sring mo chung mar blangs pas/ khyod der song na sring mo de khyod la mkho ba stob par 'gyur ro/ /legs 'ongs kyis smras pa/ pha/ 'gro'o/ /khyim bdag des legs 'ongs la kaR+sha pa Na gnyis byin te smras pa/ bu/ kho bo zong bsgyur gyi bar du khyod re zhig 'di gnyis za zhing sdod cig /legs 'ongs kyis kaR+sha pa Na de gnyis gos kyi grwar phur te bzhag pa dang / des las kyi rnam par smin pas de gnyis kyang brjed par gyur to/ /khyim bdag des zong bsgyur te rin blangs nas legs 'ongs khrid de 'phags pa dang / legs 'ongs kyang de dang lhan cig 'phags so/ /ji tsam na don mthun de dag 'thab par brtsams shing / glang dag kyang 'thab par brtsams nas de dag gis smras pa/ shes ldan dag/ bdag cag sngan chad gcig gis gcig mthong na snying du sdug na/ deng bdag cag gcig gis gcig mthong na/ 'thab par rtsom zhing / glang dag kyang gcig gis gcig mthong na/ 'thab par rtsom pa las na/ ma la 'dir nyes 'ongs de ma 'ongs sam zhes bltas pa dang / ji tsam na de dag gis legs 'ongs der 'ongs pa mthong nas de dag gis smras pa/ shes </font><hr>Nya31b<br><font size=+1>


ldan dag 'di ni legs 'ongs ma yin gyi nyes 'ongs yin te/ 'di'i le lan gyis bdag cag 'thab par brtsams shing / glang dag kyang 'thab par rtsom mo/ /zhes de dag gis de bskrad par brtsams pa dang / khyim bdag des smras pa/ shes ldan dag /'di ni kho bo'i chung po grogs kyi bu yin gyi/ ma bskrad cig /de dag gis smras pa/ khyim bdag /khyod ni don mthun la dbang ba yin mod kyi/ bdag cag 'di dang lhan cig 'gro mi phod de/ gal te 'di 'gro na/ bdag cag mi 'gro'o/ /khyim bdag des legs 'ongs la smras pa/ bu/ khyod phyi bzhin 'brang zhing shog cig dang / kho bos khyod kyi phyir zan gzhag par bya'o/ /legs 'ongs phyi bzhin 'brang zhing 'ong ba na| khyim bdag des kyang de'i don du zan 'jog par byed cing / kha cig ni sa gzhi la sas g.yogs te 'jog par byed/ kha cig ni shing ljon pa'i yal ga dag la lo ma dag gis g.yogs te 'jog par byed do/ /de'i zan gang dag sa gzhi la sas g.yogs te bzhag pa de dag ni wa dag gis zos/ gang dag ni shing ljon pa'i yal ga dag la lo ma dag gis g.yogs te bzhag pa de dag ni bya dang spre'u dag gis zos nas legs 'ongs kyis cung zad ni thob/ phal cher ni ma thob nas de shin tu nyam nga bas 'tsho zhing 'gro'o/ /srid pa tha ma pa'i sems can zag pa zad pa ma thob par bar ma dor rgyun chad cing dus byed par 'gyur ba ni gnas ma yin/ skabs ma yin te/ de ni gnas med pas legs 'ongs mthar gyis mnyan yod du phyin nas mnyan yod kyi phyi rol khron pa'i kha na ngal bso zhing 'dug go /legs 'ongs kyi sring mo khyim bdag mgon med zas </font><hr>Nya32a<br><font size=+1>


@#/ /sbyin gyi mna' ma byed pa de'i bu mo mngag zhug ma chu bum thogs te khron pa de'i drung du chu 'chur song ba dang / des legs 'ongs bzhin gzugs las ngo shes nas/ des de la smras pa/ jo bo/ khyod chu srin byis pa gsod kyi ri ba khyim bdag rtog ldan gyi bu legs 'ongs ma lags sam/ sring mo/ yin no/ /jo bo/ khyod kyi yab yum gnyis gar bzhud/ dus la bab bo/ /de'i khyim dang / bang mdzod kyi rnam pa dang / zhing gi rnam pa dang / nor gyi rnam pa dang / 'bru'i rnam pa dag gar mchis/ thams cad mes tshig go /grong ba'i mi gang dag zong thogs te yul gzhan du mchis pa dag gar mchis/ kha cig ni/ rgya mtsho chen por gru bo che zhig par gyur/ kha cig na/ zong zong ma yin par gyur/ kha cig ni/ de nyid du tshul ma yin pas sdug bsngal bar gyur/ kha cig ni/ de nyid du 'khod de tshig kyang mi ster ro/ /nye du dag gar mchis/ kha cig ni/ dus la bab/ kha cig ni/ bros/ kha cig ni/ de nyid na 'khod de tshig kyang mi ster ro/ /bran dang / bran mo dang / las byed pa dang / zho shas 'tsho ba dag gar mchis/ kha cig ni/ dus la bab/ kha cig ni/ bros/ kha cig ni/ de nyid na 'khod de tshig kyang mi ster ro/ /bu mo des de thos nas de mchi mas brnangs te 'dug nas/ des legs 'ongs la smras pa/ jo bo/ bdag gis khyod kyi lcam mo la sbran gyi bar du re zhig 'di nyid na gzhes shig ces smras te/ bu mo de song </font><hr>Nya32b<br><font size=+1>


nas jo mo la smras pa/ jo mo/ khyod kyi dral ba byon no/ /des smras pa/ zong ji lta bus byon/ bu mos smras pa/ jo mo/ 'khar ba dang / ral rul dang / sprang phor gyis byon no/ /des bu mo de'i lag tu gos dag dang / kaR+sha pa Na dag bskur nas smras pa/ jo bo la 'di skad ces/ snga ma 'di tsam je gsol zhing ma nobs shig dang / slad kyi gal te dbon po dag dang / dbon mo dag dang mjal bar gyur na/ de dag kaR+sha pa Na ji snyed cig 'bul bar 'gyur bas/ khyod nye du dag gis glo bas bas par mi 'gyur ro/ /zhes gyis shig /bu mo de der song ste legs 'ongs la gos dag dang / kaR+sha pa Na dag phul nas smras pa/ jo bo/ lcam gyi mchid nas snga ma 'di tsam je gsol zhing ma nobs shig dang / slad kyi gal te dbon po dag dang / dbon mo dag dang mjal bar gyur na/ de dag kaR+sha pa Na ji snyed cig 'bul bar gyur pas/ khyod nye du dag gis gle bas bas par mi 'gyur ro/ /zhes smras te song ngo / /legs 'ongs kyis bsam pa/ khyim bdag mgon med zas sbyin ni/ nye du'i 'khor rgya che ba yin la/ bdag kyang sngon nye du'i 'khor rgya che ba yin pas de der song na/ de dag bdag la gtam 'dri bas ring du thogs par 'gyur zhing / des bdag ltogs te 'chi bar 'gyur gyi/ je g.yar sus za zhing 'grangs nas der song ste/ nye du'i tshogs dag la bde bar sor sor kun dga' bar bya'o/ /snyam nas/ de chang ma'i khyim du song ste/ des ji tsam gyis ra ro bar </font><hr>Nya33a<br><font size=+1>


@#/ /'gyur ba de tsam gyis chang gsar pa 'thungs nas de ra ro ste skyed mos tshal du song nas nyal lo/ /mnyan yod na skyed mos tshal 'joms pa'i mi dag skyed mos tshal nyug par byed cing / de dag gis gal te mi gnyid log pa mthong na/ de rkang pas sgul bar byed cing / gal te sad na ni/ de la 'di skad ces/ kye nang rje/ khyod kyis mnyan yod na skyed mos tshal 'joms pa'i mi dag skyed mos tshal nyug par byed cing / de dag mi gnyid log pa 'joms par byed do/ /zhes ma thos sam/ longs la song zhig ces zer ro/ /gal te ma sad na ni/ bcom ste 'dong bar byed pas skyed mos tshal 'joms pa'i mi dag der lhags te legs 'ongs nyal ba mthong nas de dag gis de rkang pas bsgul na ma sad nas/ ji tsam na de dag gis de bcom ste dong ngo / /ji tsam na legs 'ongs sad pa dang / bdag nyid bcom par mthong nas/ des ral rul de dag nyid gyon te 'dug go /de'i sring mos bsam pa/ ci'i phyir bdag gi ming po de yun ring du thogs snyam nas/ des bu mo mngag gzhug ma mngags te bltar btang ba dang / de der song ste bltas na/ ji tsam na bcom pa mthong nas/ bu mo de song ste jo mo la smras pa/ jo mo/ jo bo bcom ste sngon gyi cha lugs nyid kyis bzhugs so/ /sring mos bsam pa/ de ni/ sems can skal chad cig yin pas/ de'i le lan gyis khyim bdag rtog ldan gyi khyim nor du ma dang </font><hr>Nya33b<br><font size=+1>


ldan pa tshul ma yin pas chud zos par gyur pas/ da gal te bdag gis de 'dir bcug par gyur na/ bdag gi gyos po'i khyim yang de'i le lan gyis tshul ma yin pas sdug bsngal bar 'gyur ba gang yin pa de lta bu'i gnas yod par 'gyur ro/ /snyam nas/ des de yal bar bor ro/ /legs 'ongs kyis kyang las kyi sgrib pas de brjed nas/ de mu lto ba dag gi nang du zhugs pa dang / ji tsam na mu lto ba de dag kyang lag pa stong pa dang / sprang phor stong par gyur te/ phyir lhags nas de dag gis smras pa/ shes ldan dag/ bdag cag sngon chad gar zhugs pa der lag pa gang ba dang / sprang phor gang bar gyur te phyir 'ong na/ deng bdag cag lag pa stong pa dang / sprang phor stong par gyur te phyir lhags pa 'di la rgyu ci yod/ de dag gis smras pa/ bdag cag gi nang du sems can skal chad 'ga' zhig zhugs pas/ des na/ bdag cag lag pa stong pa dang / sprang phor stong par gyur te phyir lhags so/ /yang de dag gis smras pa/ brtag par bya'i/ bdag cag kha gnyis su bcad de 'jug par bya'o/ /zhes de dag gis kha gnyis su bcad de zhugs pa dang / gang dag gi nang du legs 'ongs zhugs pa de dag lag pa stong pa dang / sprang phor stong par gyur te lhags so/ /de dag gis kyang kha gnyis su bcad de zhugs pa dang / gang dag gi nang du legs 'ongs zhugs pa de dag lag pa stong pa dang / sprang phor stong par gyur te lhags so/ /de dag gis kyang kha gnyis su bcad de zhugs pa dang / </font><hr>Nya34a<br><font size=+1>


@#/ /yang de ltar gyur to/ /de dag gis kyang yang dang yang du kha gnyis su bcad de zhugs pa dang / de lta de ltar gyur nas ji tsam na/ legs 'ongs dang mu lto ba gzhan gcig zhugs pa yang so sor bye ba dang / lags 'ongs ni/ lag pa stong pa dang / sprang phor stong par gyur te 'ongs la/ gzhan thams cad lag pa gang ba dang / sprang phor gang bar gyur te 'ongs nas de dag gis smras pa/ sems can skal chad 'di bdag cag gi nang du zhugs pas/ des na/ bdag cag lag pa stong pa dang / sprang phor stong par gyur te lhags so/ /zhes de dag gis legs 'ongs shin tu brdegs te sprang phor gyis de'i klad pa bcom nas nyes 'ongs khyod phar song zhig/ ces smras te bskrad do/ /khyim bdag mgon med zas sbyin gyis sangs rgyas la sogs pa dge slong gi dge 'dun khyim gzhan du gdugs tshod la spyan drangs nas de'i zho shas 'tsho ba dag la bsgo ba/ shes ldan dag/ ji srid du sangs rgyas la sogs pa dge slong gi dge 'dun gyis gdugs tshod ma gsol gyi bar du mu lto ba 'ga' yang 'jug tu ma gzhug cig/ de la phyis sbyin par bya'o/ /de na mu lto bas 'jug par brtsams pa na/ mi sgo bas de dag phyir zlog pa dang / de dag gis smras pa/ kye nang rje/ kho bo cag gi ming gis/ khyim bdag bzang sbyin gyi ming mgon med zas sbyin zhes bya bar grags pa yin na/ ci'i phyir khyod kho bo cag phyir zlog par byed/ yang de dag gis smras pa/ shes ldan dag/ bdag cag gi nang </font><hr>Nya34b<br><font size=+1>


du yang nyes 'ongs de zhugs par ma gyur tam/ ltos shig ces de dag gis bltas pa dang / ji tsam na/ de dag gis legs 'ongs der zhugs pa mthong nas/ de dag gis smras pa/ nyes 'ongs de 'di yin no/ /zhes de dag gis legs 'ongs shin tu 'debs te sprang phor gyis de'i klad pa bcom nas de dag gis lag pa dang / rkang pa dag nas bzung ste khrid nas phyag dar gyi phung po'i steng du bzhag ste/ nyes 'ongs khyod 'dir 'dug cig ces smras pa dang / legs 'ongs phyag dar gyi phung po'i steng na ngu zhing 'dug go/ de nas bcom ldan 'das snga dro sham thabs gsol/ lhung bzed dang chos gos bsnams te dge slong gi tshogs kyis yongs su bskor cing / dge slong gi dge 'dun gyi mdun du bdar te khyim bdag mgon med zas sbyin gyi gnas sa ga la ba de logs su gshegs pa dang / bcom ldan 'das kyis legs 'ongs phyag dar gyi phung po'i steng na klad pa zhom nas khrag 'dzag cing ngu zhing 'dug pa gzigs so/ /gzigs nas kyang dge slong rnams la bka' stsal pa/ dge slong dag /'di ltar srid pa tha ma pa'i sems can yang gnas skabs 'di lta bur gyur pas/ srid pa dag gis ngom par bya zhing / srid pa'i yo byad dag gis kyang ngom par bya'o/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ khyod kyis legs 'ongs la lhung bzed kyi lhag ma gzhag par bya'o/ /de nas bcom ldan 'das khyim bdag mgon med zas sbyin gyi gnas sa ga la </font><hr>Nya35a<br><font size=+1>


@#/ /ba der gshegs te byon nas/ dge slong gi dge 'dun gyi gong du gdan bshams pa nyid la bzhugs so/ /de nas khyim bdag mgon med zas sbyin gyis sangs rgyas la sogs pa dge slong gi dge 'dun bde bar bzhugs par rig nas bca' ba dang / bza' ba gtsang zhing bsod pas rang gi lag nas tshim par byed/ stob par byed do/ /rnam grangs du mar bca' ba dang / bza' ba gtsang zhing bsod pas rang gi lag nas tshim par byas shing bstabs nas bcom ldan 'das gdugs tshod gsol zhing phyag bcabs/ lhung bzed bzhag par rig nas stan ches dma' ba zhig blangs nas bcom ldan 'das kyi spyan sngar chos mnyan pa'i phyir 'dug go/ tshe dang ldan pa kun dga' bos legs 'ongs la lhung bzed lhag ma bzhag pa brjed do/ /sangs rgyas bcom ldan 'das rnams ni/ bsnyel ba mi mnga' ba'i chos nyid can yin pas/ bcom ldan 'das kyis legs 'ongs la lhung bzed kyi lhag ma bzhag pa mdzad do/ /de nas tshe dang ldan pa kun dga' bos bcom ldan 'das kyi lhung bzed kyi pham phabs blang bar brtsams pa dang / ji tsam na tshe dang ldan pa kun dga' bos bcom ldan 'das kyis bdag la legs 'ongs la lhung bzed kyi lhag ma zhog cig ces bka' stsal pa brjed pa dran nas des du bar brtsams pa dang / bcom ldan 'das kyis bka' stsal pa/ kun dga' bo/ khyod ci'i phyir du/ btsun pa/ bdag gis legs 'ongs la lhung </font><hr>Nya35b<br><font size=+1>


bzed kyi lhag ma bzhag pa bskyud de/ bdag gis bcom ldan 'das kyis bka' bcag go /kun dga' bo/ khyod kyis nga'i bka' bcag pa ma yin gyi/ 'di ltar legs 'ongs nyid kyis las kyi sgrib pas khyod kyis de la lhung bzed kyi lhag ma bzhag pa brjed par gyur to/ /kun dga' bo/ khyod song la legs 'ongs bos shig/ de song ste legs 'ongs/ legs 'ongs zhes bos pa dang / du ma dag gis ang zhes lan btab cing / de dag gis bsam pa/ deng bcom ldan 'das 'jig rten gsum gyi bla mas gang la dgongs snyam mo/ /tshe dang ldan pa kun dga' bo phyir log ste gsol ba/ btsun pa/ bdag gis legs 'ongs/ legs 'ongs zhes bos na/ du ma dag gis ang zhes lan btab na/ gang mchi bar bgyi/ kun dga' bo/ song la 'di skad ces/ chu srin byis pa gsod kyi ri pa khyim bdag rtog ldan gyi bu legs 'ongs gang yin pa de/ tshur shog ces bos shig /tshe dang ldan pa kun dga' bo song ste de skad bos pa dang / legs 'ongs kyis bdag gi ming dran nas des tshigs su bcad pa dag smras pa/ legs 'ongs sgra 'di bskyud gyur na/ /ga las 'dir ni mchis par gyur/ /nges par ma legs zad gyur cing / /legs pa byung bar gyur yang dag /gang dag khyod la skyabs mchis pa/ /de dag mgon ni kun mkhyen lags/ /gang dag khyod kyi gsung dga' dang / /'phags pa de dag legs 'ongs lags/ /bdag ni skal dang bral ba ste/ /rtsa lag </font><hr>Nya36a<br><font size=+1>


@#/ /kun gyis spangs gyur cing / /brtse gnas drag po'i gnas thob pa/ /mya ngan zug rngus gzir ba lags/ /tshe dang ldan pa kun dga' bos de khrid de zhugs nas gsol pa/ btsun pa/ legs 'ongs de/ 'di lags so/ /bcom ldan 'das kyis bka' stsal pa/ bu/ khyod bcom ldan 'das kyis lhung bzed kyi pham phabs za 'am/ bcom ldan 'das/ 'tshal lo| |bcom ldan 'das kyis de la lhung bzed kyi pham phabs stsal ba dang / ji tsam na des nyung ngur mthong nas des bsam pa/ bdag la bcom ldan 'das 'jig rten gsum gyi bla mas brgya lam na dgongs su zin kyang lhung bzed kyi pham phabs chung ngu zhig bzhag go/ snyam mo/ /bcom ldan 'das kyis de'i sems thugs kyis mkhyen nas bka' stsal pa/ bu legs 'ongs/ gal te khyod ri rab tsam gyi kham dag dang / rgya mtsho chen po tsam gyi ltos za bar byed na yang ji srid du khyod tshim par ma gyur pa de srid du de bzhin gshegs pa'i lhung bzed kyi pham phabs zad par mi 'gyur ro// des bcom ldan 'das kyi lhung bzed kyi pham phabs zos pa dang / de tshim par gyur nas/ de bcom ldan 'das kyi zhal du blta bar brtsams pa dang / bcom ldan 'das kyis bka' stsal pa/ bu legs 'ongs/ tshim mam/ bcom ldan 'das/ tshim mo/ /kham tha ma longs shig dang / mi snang bar 'gyur ro/ /des de blangs nas mi snang bar gyur to/ /khyim bdag mgon med zas </font><hr>Nya36b<br><font size=+1>


sbyin gyis gsol pa/ bcom ldan 'das/ 'di su lags/ bcom ldan 'das kyis bka' stsal pa/ khyim bdag chu srin byis pa gsod kyi ri ba khyim bdag rtog ldan gyi bu yin no/ /bcom ldan 'das/ 'o na bdag gi chung po grogs kyi bu lags so/ /khyim bdag/ de yin no/ /de nas bcom ldan 'das kyi yon bshad pa mdzad nas gdan las bzhengs te gshegs pa dang / srid pa tha ma pa'i sems can de/ bcom ldan 'das kyi slad bzhin slad bzhin rjes su 'brang zhing song nas/ bcom ldan 'das gtsug lag khang du gshegs te dge slong gi dge 'dun gyi gong du gdan bshams pa nyid la bzhugs pa dang / legs 'ongs kyang bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /bcom ldan 'das kyis de'i las sbyang bar bya'o/ /snyam du dgongs nas/ de nas bcom ldan 'das kyis legs 'ongs la bka' stsal pa/ legs 'ongs/ khyod la kaR+sha pa Na dag yod dam/ bcom ldan 'das/ ma mchis so/ /bcom ldan 'das kyis bka' stsal pa/ bu/ gos kyi grar ltos shig /des bltas pa dang / ji tsam na kaR+sha pa Na gnyis yod par mthong nas des gsol ba/ bcom ldan 'das/ mchis so/ / bcom ldan 'das kyis bka' stsal pa/ bu/ song la kun dga' ra ba pa rgyal bu dum pa'i gan nas ut+pa la sngon po dag khyer te shog cig /des bcom ldan 'das bka' bzhin 'tshal zhes </font><hr>Nya37a<br><font size=+1>


@#/ /bcom ldan 'das las mnyan nas kun dga' ra ba pa rgyal bu dum pa ga la ba der song ba dang / rgyal bu dum pas de thag ring po kho na nas 'ong ba mthong nas des bsam pa/ nyes 'ongs 'di gshed nas 'dir 'ongs pas/ bdag la gnod pa 'byung bar 'gyur ba gang yin pa de lta bu'i gnas yod par 'gyur ro/ /snyam nas des smras pa/ nyes 'ongs/ kun dga'i ra bar ma 'jug cig /legs 'ongs kyis tshigs su bcad pa smras pa/ bdag ni ut+pal mi sgrub ste/ /pad+ma bdag la dgongs pa med/ /kho bo kun mkhyen grags ldan pa/ /thub pa'i dbang po'i pho nya yin/ /dum pas tshigs su bcad pa smras pa/ gal te thub pa zhi bdag nyid/ /lha mi rnams kyi mchod gnas kyi/ /mchod pa'i gnas kyis ches mchod pa'i/ /pho nya lags na tshur gshegs byon/ /dum pas smras pa/ khyod sangs rgyas kyi pho nya yin nam/ legs 'ongs kyis smras pa/ kho bo sangs rgyas kyi pho nya yin no/ /don ci'i phyir 'ongs/ ut+pa la dag gi phyir 'ongs so/ /song la ji snyed 'dod pa de snyed khyer te song zhig /legs 'ongs kyis ut+pa la sngon po dag gi khur khyer te bcom ldan 'das kyi spyan sngar song ba dang / bcom ldan 'das kyis bka' stsal pa/ legs 'ongs/ dge slong rnams la brims shig /legs 'ongs kyis dge slong rnams la ut+pa la sngon po dag brim par brtsams pa dang / dge slong dag mi len nas bcom ldan 'das </font><hr>Nya37b<br><font size=+1>


kyis bka' stsal pa/ dge slong dag dri zhim po thams cad ni/ mig la phan zhing / 'di'i las sbyang bar yang bya'i/ longs shig /dge slong rnams kyis me tog de dag blangs so/ /legs 'ongs kyis sngon zad par sngon po'i skye mched bskyed pas de rgan pa'i mtha' logs na 'dug pas/ dge slong rnams kyi lag na ut+pa la sngon po dag thogs pa de dag mthong ngo / /mthong nas zad par sngon po'i skye mched mngon du gyur nas bcom ldan 'das kyis bka' stsal pa/ legs 'ongs/ khyod ci'i phyir rab tu mi 'byung / bcom ldan 'das/ bdag rab tu 'byung ngo / /bcom ldan 'das kyis de rab tu phyung / rdzogs par bsnyen par mdzad nas bcom ldan 'das kyis de la gdams ngag stsal to/ /de de ltar rab tu byung nas gcig pu dben pa/ bag yod pa/ rtun pa dang ldan pa/ bdag nyid btang bar gnas pa na rigs kyi bu dag gang gi phyir skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu byung bar byed la/ tshangs par spyod pa'i mtha' bla na med pa de'i tshe de nyid la rang gi mngon par shes pas mngon sum du byas te bsgrubs nas bdag gi skye ba zad do/ /tshangs par spyod pa spyad do/ /bya ba byas so/ /srid pa 'di las gzhan mi shes so/ /zhes go bar byed cing / dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i </font><hr>Nya38a<br><font size=+1>


@#/ /sems dang ldan pa/ tsan+dan bzhag pa lta bu rig pas sgo nga'i sbubs dral bar gyur cing / rig pa dang / mngon par shes pa dang / so sor yang dag par rig pa thob pa/ srid pa dang / 'ded pa'i rnyed pa dang / bkur sti la rgyab kyis phyogs pa/ dbang po dang / nye dbang dang bcas pa'i lha rnams kyis mchod par bya ba dang / brjed par bya ba dang / mngon du smra bar bya bar gyur to/ /de nas tshe dang ldan pa legs 'ongs kyis dgra bcom pa nyid thob nas rnam par grol ba'i dga' ba dang / bde ba nyams su myong ba na/ de'i tshe tshigs su bcad pa dag smras pa/ dbang po de nyid gzigs pa yis/ /thabs kyi zhags pas bdag bcings te/ /glang chen rgas pa 'dam phyung ltar/ /thugs rjes sdug bsngal 'dam nas phyung / /bdag ni sngon chad legs 'ongs gyur/ / de yi 'og tu nyes 'ongs lags/ /da ni thugs dbang khyod gsung gis/ /gsal bar legs 'ongs nyid du gyur/ /kun mkhyen lcags 'dra bdag gis ni/ /khyod kyi gsung mchog thos gyur nas/ /da ni gser dang 'dra ba yi/ /zag pa med pa'i lus kyang thob/ /rin chen la sogs thob pa dang / /mtho ris thar pa 'tshal ba yis/ /rtag tu phan pa bzhed pa yi/ /dge bshes bsten par bgyi ba bzang // //'dul ba rnam par 'byed pa/ bam po re lnga pa/ gang gi tshe tshe dang ldan pa legs 'ongs/ legs par gsungs pa'i chos 'dul </font><hr>Nya38b<br><font size=+1>


ba la rab tu byung ba de'i tshe na/ gzhan mu stegs can dang / shes ldan dag /dge sbyong go'u ta ma na re/ nga'i bstan pa ni/ kun tu mdzes pa yin no/ /zhes zer na/ 'di ltar/ nyes 'ongs la sogs pa mu lto ba dag kyang rab tu 'byin par byed na/ de'i bstan pa ji ltar kun tu mdzes pa yin zhes smod par byed/ 'phyar kha gtong bar byed/ kha zer bar byed nas bcom ldan 'das kyis dgongs pa| nyan thos chen po ri rab lta bu la skye bo phal po che'i tshogs dag smras pa skyed par byed pas 'di'i yon tan bsgrag par bya na/ gang du bya/ gang du skyes shing gang du rdib pa de nyid du bya'o/ /snyam du dgongs so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ song la dge slong rnams la de bzhin gshegs pa ngan spong gi bu dag tu ljongs rgyur gshegs kyi/ khyed cag las gang de bzhin gshegs pa dang thabs cig ngan spong gi bu dag tu ljongs rgyur 'gro bar spro ba des/ chos gos dag longs shig ces sgos shig /tshe dang ldan pa kun dga' bos/ btsun pa/ bka' bzhin 'tshal zhes bcom ldan 'das las mnyan nas dge slong rnams la tshe dang ldan pa dag /bcom ldan 'das ngan spong gi bu dag tu ljongs rgyur gshegs kyi/ khyed cag las gang bcom ldan 'das dang thabs cig tu ngan spong gi bu dag tu ljongs rgyur 'gro bar spro ba des/ chos gos dag longs shig ces bsgo'o/ /de nas bcom </font><hr>Nya39a<br><font size=+1>


@#/ /ldan 'das dul ba 'khor dul ba dang ldan pa/ zhi ba 'khor zhi ba dang ldan pa/ grol ba 'khor grol ba dang ldan pa/ dbugs phyin pa 'khor dbugs phyin pa dang ldan pa/ thul ba 'khor thul ba dang ldan pa/ dgra bcom pa 'khor dgra bcom pa dang ldan pa/ 'dod chags dang bral ba 'khor 'dod chags dang bral ba dang ldan pa/ mdzes pa 'khor mdzes pa dang ldan pa/ khyu mchog ltar ba lang gi tshogs kyis yongs su bskor ba/ glang po che ltar glang po che'i phrug gu'i tshogs kyis yongs su bskor ba/ seng ge ltar mche ba can gyi tshogs kyis yongs su bskor ba/ ngang pa'i rgyal po ltar ngang pa'i tshogs kyis yongs su bskor ba/ nam mkha' lding ltar bya'i tshogs kyis yongs su bskor ba/ bram ze ltar slob ma'i tshogs kyis yongs su bskor ba/ sman pa mkhas pa ltar nad pa'i tshogs kyis yongs su bskor ba/ dpa' bo ltar ru pa'i tshogs kyis yongs su bskor ba/ sa mkhan ltar lam du zhugs pa'i tshogs kyis yongs su bskor ba/ ded dpon ltar tshong pa'i tshogs kyis yongs su bskor ba/ tshong dpon ltar 'khor gyi tshogs kyis yongs su bskor ba/ khams kyi rgyal po ltar blon po'i tshogs kyis yongs su bskor ba/ 'khor los bsgyur ba ltar bu stong gi tshogs kyis yongs su bskor ba/ zla ba ltar rgyu skar gyi tshogs kyis yongs su bskor ba/ nyi ma ltar 'od zer </font><hr>Nya39b<br><font size=+1>


stong gi tshogs kyis yongs su bskor ba/ yul 'khor srung ltar dri za'i tshogs kyis yongs su bskor ba/ 'phags skyes po ltar grul bum gyis tshogs kyis yongs su bskor ba/ mig mi bzang ltar klu'i tshogs kyis yongs su bskor ba/ gnod sbyin ltar gnod sbyin gyi tshogs kyis yongs su bskor ba/ thag bzang ris ltar lha ma yin gyi tshogs kyis yongs su bskor ba/ brgya byin ltar sum cu rtsa gsum pa'i tshogs kyis yongs su bskor ba/ tshangs pa ltar tshangs ris kyi tshogs kyis yongs su bskor ba/ dbang po rnams shin tu dul ba/ spyod lam dang spyod pa ma 'khrugs pa/ chu gter ltar ting de ba/ sprin ltar chu dang bcas pa/ glang po che'i rgyal po ltar dregs pa dang bral ba/ skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus sku rnam par mdzes pa/ 'od 'dom gang gis gzugs can brgyan pa/ nyi ma stong bas lhag pa'i 'od dang ldan pa/ rin po che'i ri bo 'gro ba ltar kun tu bzang ba/ stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / thugs rje chen po dang ldan pa kun shes ko'u di n+ya dang / rta thul dang / bzang ldan dang / rlangs pa dang / ming chen dang / grags pa dang / gang po dang / dri med dang / ba lang bdag dang / lag bzang la sogs pa nyan thos chen po de dag dang / gzhan yang dge slong gi dge 'dun mang pos </font><hr>Nya40a<br><font size=+1>


@#/ /yongs su bskor cing mdun du bdar te ngan spong gi bu dag tu chu srin byis pa gsod kyi ri ga la ba de logs su ljongs rgyu zhing gshegs pa na chu srin byis pa gsod kyi rir byon nas chu srin byis pa gsod kyi ri la 'jigs rung gi cha la ri dwags kyi nags na bzhugs so/ /chu srin byis pa gsod kyi ri pa'i bram ze dang khyim bdag dag gis/ bcom ldan 'das ngan spong gi bu dag tu ljongs rgyu zhing gshegs pa na/ chu srin byis pa gsod kyi rir byon nas chu srin byis pa gsod kyi ri la 'jigs rung gi tshal ri dwags kyi nags na bzhugs zhes thos so/ thos nas kyang tshogs nas tshogs su/ byings nas byings su 'dus shing lhags te chu srin byis pa gsod kyi ri nas byung ste/ bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas bcom ldan 'das chu srin byis pa gsod kyi ri pa'i bram ze dang khyim bdag rnams la chos dang ldan pa'i bka' mchid kyis yang dag par ston par mdzad/ yang dag par 'dzin du 'jug par mdzad/ yang dag par gzengs bstod par mdzad/ yang dag par rab tu dga' bar mdzad do/ / rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzengs bstod par mdzad/ yang dag par rab tu dga' bar </font><hr>Nya40b<br><font size=+1>


mdzad nas cang mi gsung ngo / /de nas chu srin byis pa gsod kyi ri pa'i bram ze dang khyim bdag rnams stan las langs te bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das dge slong gi dge 'dun dang bcas pa sang bdag cag gi sdum par gdugs tshod gsol bar ci gnang / bcom ldan 'das kyis chu srin byis pa gsod kyi ri pa'i bram ze dang / khyim bdag rnams la cang mi gsung bas gnang ngo / /de nas chu srin byis pa gsod kyi ri pa'i bram ze dang khyim bdag rnams kyis bcom ldan 'das kyis cang mi gsung bas gnang bar rig nas/ bcom ldan 'das kyi zhabs gnyis la mgo bos phyag 'tshal te bcom ldan 'das kyis spyan snga nas dong ngo / /de nas chu srin byis pa gsod kyi ri pa'i bram ze dang / khyim bdag rnams kyis de nyid kyis mtshan mo bca' ba dang / bza' ba gtsang zhing bsod pa dag sta gon byas nas nang par sngar langs te/ gdan bshams shing chur bzhag nas/ bcom ldan 'das la spyan 'dren gyis/ btsun pa/ gdugs tshod g.yar dgongs 'tshal na/ bcom ldan 'das kyis da de'i dus la bab par dgongs su gsol zhes spyan drangs so/ /de nas bcom ldan 'das kyis snga dro sham thabs gsol/ lhung bzed dang chos gos bsnams te/ dge slong gi tshogs kyis yongs su bskor cing / dge slong gi dge 'dun gyi mdun du </font><hr>Nya41a<br><font size=+1>


@#/ /bdar nas chu srin byis pa gsod kyi ri pa'i bram ze dang khyim bdag rnams kyi bkad sa ga la ba der gshegs te byon nas/ dge slong gi dge 'dun gyi gong du gdan bshams pa nyid la bzhugs so/ /de nas chu srin byis pa gsod kyi ri pa'i bram ze dang / khyim bdag rnams kyi bcom ldan 'das dang / dge slong gi dge 'dun bde bar bzhugs par rig nas bca' ba dang / bza' ba gtsang zhing bsod pas rang gi lag nas tshim par byed/ stob par byed do/ /rnam grangs du mar bca' ba dang / bza' ba gtsang zhing bsod pas rang gi lag nas tshim par byas shing bstabs nas/ bcom ldan 'das gdugs tshod gsol zhing phyag bcabs/ lhung bzed bzhag par rig nas stan ches dma' ba dag blangs te bcom ldan 'das kyi spyan sngar chos mnyan pa'i phyir 'khod do/ /'khod nas bcom ldan 'das la chu srin byis pa gsod kyi ri ba'i bram ze dang khyim bdag rnams kyis 'di skad ces gsol to/ /btsun pa/ bcom ldan 'das kyis klu gdug pa dang / gnod sbyin gdug pa dang / sog ma med dang / 'brog gnas la sogs pa de dang de dag kyang btul nas/ btsun pa/ klu a mra'i chu ngogs pa 'di yun ring po nas bdag cag 'khon ma mchis pa rnams la 'khon du 'dzin/ mi 'gran pa rnams la 'gran du tshol/ mi 'khu ba rnams la 'khu bar bgyid cing / lo tog 'khrungs so 'tshal </font><hr>Nya41b<br><font size=+1>


ma rungs par bgyid na/ kye ma bcom ldan 'das kyis rjes su thugs brtse ba'i slad du klu a mra'i chu ngogs pa 'di 'dul du gsol/ bcom ldan 'das kyis chu srin byis pa gsod kyi ri pa'i bram ze dang khyim bdag rnams la cang mi gsung bas gnang ngo / /de nas bcom ldan 'das kyis chu srin byis pa gsod kyi ri pa'i bram ze dang khyim bdag rnams la chos dang ldan pa'i bka' mchid kyis yang dag par ston par mdzad/ yang dag par 'dzin du 'jug par mdzad/ yang dag par gzengs bstod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas gdan las bzhengs te gshegs so/ /de nas bcom ldan 'das gtsug lag khang ga la ba der gshegs te byon nas dge slong gi dge 'dun gyi gong du gdan bshams pa nyid la bzhugs so/ /bzhugs nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ song la dge slong rnams la/ khyed cag las gang klu a mra'i chu ngogs pa 'dul bar spro ba des tshul shing longs shig ces bsgo la/ dge 'dun la tshul shing brims shig /tshe dang ldan pa kun dga' bos/ btsun pa/ bka' bzhin 'tshal zhes bcom ldan 'das las mnyan </font><hr>Nya42a<br><font size=+1>


@#/ /nas dge slong rnams la khyed cag las gang klu a mra'i chu ngogs pa 'dul bar spro ba des/ tshul shing longs shig ces bsgo ste/ dge 'dun la tshul shing brims par brtsams pa dang / bcom ldan 'das kyis tshul shing ma bzhes nas dge slong gnas brtan gnas brtan dag gis bsam pa/ bcom ldan 'das kyis ci'i slad du tshul shing ma bzhes snyam du bsam na/ tshe dang ldan pa legs 'ongs kyi yon tan bsgrag par bzhed par rig nas de dag gis kyang tshul shing ma blangs so/ /tshe dang ldan pa legs 'ongs kyis bsam pa| bcom ldan 'das dang dge slong gnas brtan gnas brtan dag gis ci'i slad du tshul shing ma bzhes snyam du bsam na/ bdag gi yon tan bsgrag par bzhed nas ston pa'i thugs la dgongs pa yongs su rdzogs par bya'o/ /snyam nas/ des stan phyed las 'phags te glang po che'i sna lta bu'i lag pa brkyangs nas tshul shing blangs so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' po dge slong gnas brtan gang gis tshul shing blangs/ btsun pa/ tshe dang ldan pa legs 'ongs kyis blangs so/ / bcom ldan 'das kyis bka' stsal pa/ kun dga' bo/ song la dge slong legs 'ongs la 'di skad ces/ de ni/ klu gdug pa yin gyi khyod kyis lus kyi dbang po bsrung bar bya'o/ / </font><hr>Nya42b<br><font size=+1>


zhes gyis shig /tshe dang ldan pa kun dga' bos/ btsun pa/ bka' bzhin 'tshal zhes bcom ldan 'das las mnyan nas/ tshe dang ldan pa legs 'ongs la smras pa/ tshe dang ldan pa legs 'ongs/ bcom ldan 'das kyis bka' stsal pa/ de ni/ klu gdug pa yin gyi/ khyod kyis lus kyi dbang po bsrung bar bya'o/ /zhes gsung ngo / /tshe dang ldan pa legs 'ongs kyis smras pa/ btsun pa kun dga' bo/ ston pa'i bka' mnyan pas bka' bzhin 'tshal/ gzhan du na klu a mra'i chu ngogs lta bu sha stag gis 'dzam bu'i gling 'di lta ste/ dper na/ bu ram shing gi tshal lam/ 'dam bu'i tshal lam/ 'od ma'i tshal bzhin du gang bar gyur kyang de dag gis bdag gi spu'i rtse mo tsam yang g.yo bar mi nus na/ lus kyi dbang po 'gag par lta ga la nus te/ 'di ltar/ bdag gis bcom ldan 'das kyi spyan sngar rdzu 'phrul gyi rkang pa bzhi po dag kun tu bsten cing / goms par byas/ lan mang du byas pa'i phyir ro/ /de nas tshe dang ldan pa legs 'ongs de nyid kyi mtshan mo 'das nas snga dro sham thabs bgos/ lhung bzed dang chos gos thogs te chu srin byis pa gsod kyi rir bsod snyoms la zhugs so/ /chu srin byis pa gsod kyi rir bsod snyoms rgyus nas klu a mra'i chu ngogs pa'i gnas ga la ba der song ba dang / klu a mra'i chu ngogs pas tshe dang ldan pa legs 'ongs thag ring po kho na nas 'ong ba mthong ngo / /mthong nas kyang des bsam </font><hr>Nya43a<br><font size=+1>


@#/ /pa| dge sbyong 'dis bdag shi bar gtam thos sam/ ci na/ bdag gi gnas su 'ong / re zhig 'di ni/ glo bur ba yin gyi/ 'ong du chug cig snyam mo/ / de nas tshe dang ldan pa legs 'ongs kyis chu tshags dang lhung bzed mtha' gcig tu bzhag ste snam sbyar sbrugs nas rkang pa gnyis bkrus shing / lag pa gnyis bsnyal te tshu btsags nas lo ma lhags pa dag blangs te 'dug nas zas kyi bya ba bya bar brtsams so/ /de nas tshe dang ldan pa legs 'ongs kyis zas kyi bya ba byas nas bsam pa/ klu gdug pa ni/ 'khrugs par ma byas na/ 'dul ba'i gnas su mi rung bas/ 'di ni/ klu gdug pa yin pas 'khrugs par bya'o/ /snyam nas/ de lhung bzed bkrus te lhung bzed kyi 'khrud ma'i chu de/ de'i rdzing der blugs pa dang / klu a mra'i chu ngogs pa de 'khrugs nas des bsam pa/ bdag gis dge sbyong 'di 'ong ba dang / za ba yang yal bar bor na/ bdag la brnyas te bdag gi gnas su 'khrud ma'i chu ldugs par byed pas/ dge sbyong 'di ni/ nye bar ma zhi ba zhig yin no/ /snyam nas/ de khros te steng gi nam mkha' la mngon par 'phags nas 'brug sgra chen po phyung ste/ tshe dang ldan pa legs 'ongs kyi steng du rdo rje rtse gcig pa dang / 'khor lo dang / mda' bo che dang / mtshon rtse gcig pa la sogs pa mtshon cha sna tshogs </font><hr>Nya43b<br><font size=+1>


dbab par brtsams pa dang / tshe dang ldan pa legs 'ongs byams pa'i ting nge 'dzin la zhugs pas/ mtshon cha de dag lha'i me tog ut+pa la dang / pad+ma dang / ku mu da dang / pad+ma dkar po dag tu gyur te tshe dang ldan pa legs 'ongs kyi lus la 'bab bo/ /klu a mra'i chu ngogs pas me mdag gi char dbab par brtsams pa dang / tshe dang ldan pa legs 'ongs byams pa'i ting nge 'dzin la zhugs pas/ me mdag de dag lha'i me tog mnad ra ba dag tu gyur te tshe dang ldan pa legs 'ongs kyi lus la 'bab bo/ /klu a mra'i chu ngogs pas phyag dar gyi char dbab par brtsams pa dang / tshe dang ldan pa legs 'ongs byams pa'i ting nge 'dzin la zhugs pas/ phyag dar de dag lha'i a ka ru'i phye ma dag dang / tsan+dan gyi phye ma dag dang / rgya spos kyi phye ma dag dang / ta ma la'i lo ma'i phye ma dag tu gyur te tshe dang ldan pa legs 'ongs kyi lus la 'bab po/ /klu a mra'i chu ngogs pas khro ba'i mthus ngu ba btul ba dang / tshe dang ldan pa legs 'ongs kyis kyang rdzu 'phrul gyi mthus ngu ba btul te/ klu a mra'i chu ngogs pas khro pa'i mthus me spar ba dang / tshe dang ldan pa legs 'ongs me'i khams la snyoms par zhugs so/ /de na klu a mra'i chu ngogs pa'i khro ba'i mthu dang / tshe dang ldan pa legs 'ongs kyi rdzu 'phrul gyi mthus snang ba chen po byung bar gyur nas/ chu srin byis pa gsod kyi ri pa'i bram ze dang </font><hr>Nya44a<br><font size=+1>


@#/ /khyim bdag rnams kyis smras pa/ shes ldan dag /'di ni/ bcom ldan 'das klu a mra'i chu ngogs pa gdul bar mdzad pa yin no/ /de nas bcom ldan 'das kyis dge slong rnams la bka' stsal pa/ dge slong dag /nga'i nyan thos kyi dge slong yang dang yang du me'i khams la snyoms par 'jug pa rnams kyi nang na 'di lta ste/ dge slong legs 'ongs 'di mchog yin no/ /gang gi che klu a mra'i chu ngogs pa mtshon thams cad zad par gyur pa de'i tshe na des 'bros par brtsams pa dang / tshe dang ldan pa legs 'ongs kyis kun tu me mngon par sprul nas/ klu a mra'i chu ngogs pas tshe dang ldan pa legs 'ongs kyi rkang pa'i drung 'ba' zhig zhi bar mthong ba ma gtogs par thams cad kun tu 'bar/ rab tu 'bar/ kun tu rab tu 'bar zhing / me lce gcig tu gyur bar mthong nas de tshe dang ldan pa legs 'ongs ga la ba der song ste phyin nas tshe dang ldan pa legs 'ongs la 'di skad ces smras so/ /btsun pa legs 'ongs/ ci'i slad du bdag la mtho 'tsham par mdzad/ rga ba'i chas can/ kho bo khyod la mtho 'tsham pa ma yin gyi/ khyod kho bo la mtho 'tsham ste/ gal te kho bos yon tan gyi tshogs 'di lta bu thob par ma gyur tu zin na/ khyod kyis deng kho bo ming las lhag ma ma lus par byed par 'gyur ro/ /des smras pa/ btsun </font><hr>Nya44b<br><font size=+1>


pa legs 'ongs/ bdag gis ci bgyi ba bka' stsal du gsol/ bzhin bzang / tshur shog /bcom ldan 'das kyi spyan sngar song la skyabs su 'gro ba dang / bslab pa'i gzhi dag longs shig /de nas tshe dang ldan pa legs 'ongs kyis/ klu a mra'i chu ngogs pa lhung bzed du bcug nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das la tshe dang ldan pa legs 'ongs kyis 'di skad ces gsol to/ /btsun pa/ klu a mra'i chu ngogs pa de 'di lags so/ /bcom ldan 'das kyis bka' stsal pa/ bzhin bzang / khyod re zhig nyes par spyad pas/ da ltar dud 'gro'i skye gnas ngan par skyes shing / drag shul can/ lag pa dmar pa/ snun pa dang / rab tu snun pa la zhugs pa/ gzhan gyi srog 'phrog pa/ gzhan gyi srog gcod du 'jug pa/ gzhan gyi srog gcod pas 'tsho bar byed pa yin pas/ khyod 'di nas shi 'phos pa'i 'gro ba ni/ cir 'gyur/ skye ba ni/ cir 'gyur/ tshe phyi ma ni/ cir 'gyur/ bcom ldan 'das kyis bdag gis ji ltar bgyi ba bka' stsal du gsol/ bzhin bzang / khyod tshur shog la nga'i spyan sngar skyabs su 'gro ba </font><hr>Nya45a<br><font size=+1>


@#/ /dang / bslab pa'i gzhi dag longs la chu srin byis pa gsod kyi ri ba'i bram ze dang / khyim bdag rnams la mi 'jigs pa byin cig /btsun pa/ bdag bcom ldan 'das kyi spyan sngar skyabs su 'gro ba dang / bslab pa'i gzhi dag len cing / deng slan chad nas chu srin byis pa gsod kyi ri pa'i bram ze dang / khyim bdag rnams la mi 'jigs pa stsol to/ /de nas chu srin byis pa gsod kyi ri pa'i bram ze dang / khyim bdag rnams bya mo lab mang po thogs nas bcom ldan 'das ga la der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas bcom ldan 'das la chu srin byis pa gsod kyi ri pa'i bram ze dang / khyim bdag rnams kyis 'di skad ces gsol to/ /btsun pa/ bcom ldan 'das kyis klu a mra'i chu ngogs pa btul tam/ bcom ldan 'das kyis bka' stsal pa/ ngas klu a mra'i chu ngogs pa ma btul te/ dge slong legs 'ongs kyis klu a mra'i chu ngogs pa btul to/ /btsun pa/ legs 'ongs gang gis/ chu srin byis pa gsod kyi ri ba'i khyim bdag rtog ldan gyi bu legs 'ongs kyis so/ /de na kha cig gis smras pa/ bdag cag gi bu legs 'ongs yin no/ /kha cig gis smras pa/ bdag cag </font><hr>Nya45b<br><font size=+1>


gi tsha bo yin no/ /kha cig gis smras pa/ bdag cag gi zhang po yin no/ /kha cig gis smras pa/ bdag cag gi chung po grogs kyi bu yin no/ /zhes de dag gis de la bya mo lab mang po phul lo/ /de nas chu srin byis pa gsod kyi ri pa'i bram ze dang khyim bdag rnams stan las langs te bla gos phrag pa gcig tu byas nas bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /bcom ldan 'das dge slong gi dge 'dun dang bcas pas/ btsun pa legs 'ongs la brten te dgung bdun du bdag cag gi mchod pa'i dbang du bgyis pa'i gdugs tshod gsol bar ci gnang / bcom ldan 'das kyis chu srin byis pa gsod kyi ri pa'i bram ze dang / khyim bdag rnams la cang mi gsung bas gnang ngo / /de nas chu srin byis pa gsod kyi ri pa'i bram ze dang khyim bdag rnams kyis bcom ldan 'das kyis cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan nga nas dong ngo / /chu srin byi pa gsod kyi ri la khyim bdag rtog ldan gyi chung po grogs bram ze sbrul khas sdigs pa zhig 'dug pa de/ klu a mra'i chu ngogs pa'i 'jigs pas bros te mnyan yod du song ba de/ ko sa lar byung ba'i rgyal po gsal rgyal gyis glang po che'i chang pa'i blar bskos te bzhag go /de bya ba zhig gi phyir chu srin byis </font><hr>Nya46a<br><font size=+1>


@#/ /pa gsod kyi rir phyin pa dang / des ji ltar khyim bdag rtog ldan gyi bu btsun pa legs 'ongs kyis klu a mra'i chu ngogs pa btul ba thos so/ /thos nas kyang tshe dang ldan pa legs 'ongs ga la ba der song ste phyin nas tshe dang ldan pa legs 'ongs kyi rkang pa gnyis la mgo bos phyag 'tshal te mtha' gcig tu 'dug go /mtha' gcig tu 'dug nas tshe dang ldan pa legs 'ongs la bram ze des 'di skad ces smras so/ /btsun pa legs 'ongs kyis sang bdag gi sdum par gdugs tshod gsol bar ci gnang / bram ze/ chu srin byis pa gsod kyi ri pa'i bram ze dang khyim bdag rnams kyis kho bo la brten nas sangs rgyas la sogs pa dge slong gi dge 'dun zhag bdun du mchod pa'i dbang du byas pa'i gdugs tshod la spyan drangs kyi| mi 'tshal lo/ /bram zes smras pa/ gal te khyod kyis da mi gnang na/ gang gi tshe khyod mnyan yod du byon par gyur pa de'i tshe na khyod kyis dang po kho nar bdag gi bsod snyoms gsol bar mdzod cig /tshe dang ldan pa legs 'ongs kyis/ de ltar bya'o/ /zhes smras nas de langs te song ngo / /de nas bcom ldan 'das chu srin byis pa gsod kyi rir ci dgyes par bzhugs nas mnyan yod ga la de logs su ljongs rgyu zhing gshegs te mthar gyis rgyu zhing gshegs pa na/ mnyan yod du byon nas mnyan yod du rgyal byed kyi tshal mgon med zas sbyin </font><hr>Nya46b<br><font size=+1>


gyi kun dga' ra ba na bzhugs so/ /khyim bdag mgon med zas sbyin gyis bcom ldan 'das ngan spong gi bu dag tu ljongs rgyu zhing gshegs pa na/ mnyan yod du byon nas mnyan yod du rgyal byed kyi tshal bdag gi kun dga' ra ba na bzhugs zhes thos so/ /thos nas kyang mnyan yod nas byung nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das khyim bdag mgon med zas sbyin la chos dang ldan pa'i bka' mchid kyis yang dag par ston par mdzad/ yang dag par 'dzin du 'jug par mdzad/ yang dag par gzengs bstod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas cad mi gsung ngo / /de nas khyim bdag mgon med zas sbyin stan las langs te bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das dge slong gi dge 'dun dang bcas pas sang bdag gi sdum par gdugs tshod gsol </font><hr>Nya47a<br><font size=+1>


@#/ /bar ci gnang / bcom ldan 'das kyis khyim bdag mgon med zas sbyin la cang mi gsung bas gnang ngo / /de nas khyim bdag mgon med zas sbyin gyi bcom ldan 'das kyis cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /bram ze sbrul khas sdigs pa des bcom ldan 'das ngan spong gi bu dag tu ljongs rgyu zhing gshegs pa na/ mnyan yod du byon nas mnyan yod na rgyal byed kyi tshal mgon med zas sbyin gyi kun dga' ra ba na bzhugs zhes thos so/ /thos nas kyang che dang ldan pa legs 'ongs ga la ba de song ste phyin nas tshe dang ldan pa legs 'ongs kyi rkang pa gnyis la mgo bos phyag 'tshal te mtha' gcig tu 'dug go /mtha' gcig tu 'dug nas tshe dang ldan pa legs 'ongs bram ze de la chos dang ldan pa'i gtam gyis yang dag par ston par byed/ yang dag par 'dzin du 'jug par byed/ yang dag par gzengs bstod par byed/ yang dag par rab tu dga' bar byed do/ /rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar byas </font><hr>Nya47b<br><font size=+1>


nas cang mi smra'o/ /de nas bram ze de stan las langs te/ tshe dang ldan pa legs 'ongs ga la ba de logs su thal mo sbyar ba btud nas tshe dang ldan pa legs 'ongs la 'di skad ces smras so/ /btsun pa legs 'ongs kyis sang bdag gi sdum par gdugs tshod gsol bar ci gnang / bram ze/ bcom ldan 'das la zhu'o/ /de nas bcom ldan 'das la tshe dang ldan pa legs 'ongs kyis 'di skad ces gsol to/ /bcom ldan 'das/ bram ze de bdag gi gan du mchis te bdag sang sdum pa gzhan du 'tshal ma la g.yar 'dren na/ mchid kyis 'tshal lam/ bcom ldan 'das kyis bka' stsal pa/ sngar mgron du bos pas bdag gir bya'o/ /tshe dang ldan pa legs 'ongs kyis/ bram ze de la cang mi smra bas dang du blangs so| |de nas bram ze des tshe dang ldan pa legs 'ongs kyis cang mi smra bas dang du blangs par rig nas tshe dang ldan pa legs 'ongs kyi rkang pa gnyis la mgo bos phyag 'tshal te tshe dang ldan pa legs 'ongs kyi drung nas song ngo / /de nas khyim bdag mgon med zas sbyin gyis de nyid kyi mtshan mo bca' ba dang / bza' ba gtsang zhing bsod pa sta gon byed du bcug nas nang par sngar langs te gdan bshams shing chu ra bzhag nas bcom ldan 'das la spyan 'dren gyis/ btsun pa/ gdugs tshod gsol dgongs 'tshal na/ </font><hr>Nya48a<br><font size=+1>


@#/ /bcom ldan 'das kyis da de'i dus la bab par dgongs su gsol zhes spyan drangs so/ /de nas bcom ldan 'das snga dro sham thabs gsol/ lhung bzed dang chos gos bsnams te dge slong gi tshogs kyis yongs su bskor cing / dge slong gi dge 'dun gyis mdun du bdar nas khyim bdag mgon med zas sbyin gyi bkad sa ga la ba der gshegs te byon nas dge slong gi dge 'dun gyi gong du gdan bshams pa nyid la bzhugs so/ /bram ze des kyang tshe dang ldan pa legs 'ongs kyi kha zas bsod pa sta gon byas so/ /tshe dang ldan pa legs 'ongs kyang snga dro sham thabs bgos/ lhung bzed dang chos gos thogs nas bram ze de'i bkad sa ga la ba der song ste phyin nas stan bshams pa nyid la 'dug go /de nas bram ze des tshe dang ldan pa legs 'ongs bde bar 'dug par rig nas tshe dang ldan pa legs 'ongs kha zas bsod pas tshim par byas so/ /bram ze des bsam pa/ btsun pa legs 'ongs kyis kha zas bsod pa zos pas 'ju bar mi nus so/ / snyam du rig nas tshe dang ldan pa legs 'ongs la 'di skad ces smras so/ /btsun pa legs 'ongs/ rtsang nan gsol lam/ des smras pa/ 'thung ngo / /bram ze des glang po che'i chang gi nang du mdzub mo bcug ste skom gyi nang du krog krog dkrugs te/ tshe dang ldan pa legs 'ongs la phul lo/ /dgra bcom pa dag ni/ ma bsam par shes pa dang / mthong ba mi 'jug pas/ tshe dang </font><hr>Nya48b<br><font size=+1>


ldan pa legs 'ongs kyis de 'thungs te yon bshad pa byas nas stan las langs te song ngo / /de mnyan yod kyi srang re ldes g.yogs pa las thal nas nyi ma'i 'od zer dag gis lus la phog pa dang / ra ro nas de chang gis myos pa'i shugs kyis de brgyal to/ /sangs rgyas bcom ldan 'das rnams ni/ bsnyel ba mi mnga' ba'i chos nyid can yin pas/ bcom ldan 'das kyis der lo ma ma yin pa'i spyil bu zhig sprul pa mdzad de bkab bo/ /de nas khyim bdag mgon med zas sbyin gyis sangs rgyas la sogs pa dge slong ge dge 'dun bde bar bzhugs pa rig nas bca' ba dang / bza' ba gtsang zhing bsod pas rang gi lag nas tshim par byed/ stob par byed do/ /rnam grangs du mar bca' ba dang / bza' ba gtsang zhing bsod pas rang gi lag nas tshim par byas shing bstabs nas/ bcom ldan 'das gdugs tshod gsol cing phyag bcabs/ lhung bzed bzhag par rig nas stan ches dma' ba zhig blangs te bcom ldan 'das kyi spyan sngar chos mnyan pa'i phyir 'dug go/ de nas bcom ldan 'das khyim bdag mgon med zas sbyin la chos dang ldan pa'i bka' mchid kyis yang dag par ston par mdzad/ yang dag par 'dzin du 'jug par mdzad/ yang dag par gzengs bstod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu </font><hr>Nya49a<br><font size=+1>


@#/ /dga' bar mdzad nas yon bshad pa mdzad nas gdan las bzhengs te gshegs nas phyogs der byon to/ /de nas bcom ldan 'das kyis rdzu 'phrul mngon par 'du mdzad pa de brtul nas dge slong rnams la bka' stsal pa/ dge slong dag /'di ni/ gang gis klu a mra'i chu ngogs pa btul ba'i dge slong legs 'ongs zhes bya ba de yin na/ dge slong dag /ji snyam du sems dge slong legs 'ongs 'dis da ltar sbrul phrug kyang thul bar nus sam/ btsun pa/ rngo mi thogs so/ /dge slong dag /de ltar na/ nyes dmigs 'di dang / gzhan dag kyang myos par 'gyur ba 'thung ba las byung bas/ dge slong dag /nga la ston pa'o/ /zhes zer ba dag gis myos par 'gyur ba/ tha na rtswa'i rtse mos kyang btung bar mi bya zing / blud par yang mi bya'o/ /de nas bcom ldan 'das kyis tshe dang ldan pa legs 'ongs sad par mdzad nas bka' stsal pa/ legs 'ongs/ ci'i phyir 'di ltar gyur/ bcom ldan 'das/ ma bsam mo/ /bde bar gshegs pa/ ma bsam mo| |de nas bcom ldan 'das gtsug lag khang du gshegs te byon nas dge slong gi dge 'dun gyi gong du gdan bshams pa nyid la bzhugs so/ /bzhugs nas bcom ldan 'das kyis dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas/ 'dul ba la nyan thos rnams kyi bslab pa'i gzhi bca' bar bya </font><hr>Nya49b<br><font size=+1>


ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ 'bru'i chang dang / bcos pa'i chang myos par 'gyur ba 'thung na/ ltung byed do| |'bru'i chang zhes bya ba ni/ chan gyi btung ba dang / phabs kyi btung ba'o/ /bcos pa'i chang zhes bya ba ni/ rtsa ba'i btung ba dang / sdong bu'i btung ba dang / 'dab ma'i btung ba dang / me tog gi btung ba dang / 'bras bu'i btung ba'o/ /de gnyis ka bsres pa ni/ 'bru'i chang dang / bcos pa'i chang zhes bya'o/ /de 'thung na zhes bya ba ni/ mgul du mid na'o/ /ltung byed do/ /zhes bya ba ni/ sems can dmyal ba dang / dud 'gro dang / yi dwags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na/ dge ba'i chos rnams la sgrib par byed pa ste/ des na ltung byed do/ /zhes gsungs so/ /de la ltung bar ji ltar 'gyur zhe na/ dge slong myos par 'gyur ba'i kha dog dang ldan pa dang| smyos par 'gyur pa'i dri dang ldan pa dang / myos par 'gyur ba'i ro dang ldan pa dang / myos par 'gyur ba'i myang ba dang ldan pa 'thung na/ 'thungs na myos par 'gyur na/ ltung byed du 'gyur la/ 'thungs na myos par mi 'gyur na/ nyes byas su 'gyur ro/ /dge slong myos par 'gyur ba'i kha dog dang ldan pa dang / myos par 'gyur ba'i dri dang ldan pa dang / myos par 'gyur ba'i ro dang ldan pa 'thung na/ 'thungs </font><hr>Nya50a<br><font size=+1>


@#/ /nas myos par 'gyur na/ ltung byed du 'gyur la/ 'thungs nas myos par mi 'gyur na/ nyes byas su 'gyur ro/ /dge slong myos par 'gyur ba'i kha dog dang ldan pa dang / myos par 'gyur ba'i dri dang ldan pa 'thung na/ 'thungs nas myos par 'gyur na ltung byed du 'gyur la/ 'thungs nas myos par mi 'gyur na nyes byas su 'gyur ro/ /myos par 'gyur ba'i kha dog 'ba' zhig ma 'dres pa dang ldan pa 'thung ba la ni ltung ba med do/ /de yang tshwa nyid du gyur ba'o/ /dge slong 'bru'i chang 'thung na ltung byed du 'gyur ro/ /bcos pa'i chang 'thung na ltung byed du 'gyur ro/ /'bru'i chang dang bcos pa'i chang 'thung na ltung byed du 'gyur ro/ /dge slong 'bru'i chang gi nu rdzi 'thung na ltung byed du 'gyur ro/ /dge slong sbang ma za na ltung byed du 'gyur ro/ /dge slong tshigs ma za na ltung byed du 'gyur ro/ /dge slong phabs kyi chang bu za na nyes byas su 'gyur ro/ /dge slong me tog dang 'bras bu myos par 'gyur ba dag za na nyes su 'gyur ro/ /bskol ba 'thung ba dang / kha'i nad yod pa la sman pa'i lung gis khur bar bsrel ba dang / lus dag skud pa la ltung ba med do/ /las dang po pa dang / myos pa dang / sems 'khrugs pa dang / tshor ba dag gis nyen pa la ltung ba med do/ /dge slong rnams the tshom skyes nas/ the tshom thams cad gcod pa sangs rgyas bcom ldan 'das la zhus pa/ btsun pa/ tshe dang ldan pa legs 'ongs kyis las ci bgyis na/ las de'i rnam par smin pas phyug pa/ nor mang la longs spyod che ba'i khyim du skyes/ las ci bgyis na/ las de'i rnam par smin pas/ mu lto </font><hr>Nya50b<br><font size=+1>


ba rnams kyi nang du zhugs shing nyes 'ongs zhes bgyi ba'i ming du gyur/ las ci bgyis na/ las de'i rnam par smin pas/ bcom ldan 'das kyi bstan pa la rab tu byung nas nyon mongs pa thams cad spangs pas dgra bcom pa nyid mngon du bgyis/ bcom ldan 'das kyis bka' stsal pa/ dge slong dag /rigs kyi bu legs 'ongs nyid kyis las tshogs rnyed pa/ rkyen yongs su sgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas/ legs 'ongs nyid kyis las byas shing bsags pa dag gzhan su zhig gis so sor myong bar 'gyur/ dge slong dag /las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang / mi dge ba byas shing bsags pa dag ni zin pa'i phung po dang / khams dang / skye mched dag la rnam par smin par 'gyur te/ las rnams bskal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag /sngon byung ba 'das pa'i dus na ri brag cig na khyim bdag phyug pa/ nor mang ba/ longs spyod che ba zhig 'dug pa de/ 'khor dang bcas te skyed mos tshal gyi sar byung ngo / /sangs rgyas rnams 'byung ba med pa'i tshe rang sangs rgyas dman pa dang / bkren pa la rjes su snying brtse ba/ bas mtha'i gnas mal la </font><hr>Nya51a<br><font size=+1>


@#/ /dga' ba/ bse ru lta bu gcig pu 'jig rten gyi yon gnas su gyur pa dag 'jig rten du byung ngo / /rang sangs rgyas na ba zhig ri brag der bsod snyoms la zhugs pa dang / khyim bdag des rang sangs rgyas de thag ring po kho na nas mthong nas/ de zho shas 'tsho ba rnams la bsgo ba/ shes ldan dag /rab tu byung ba 'di skrod cig /de dag las 'ga' yang rang sangs rgyas de skrod par spro ba med nas/ khyim bdag des spyos te stan las langs te rang nyid kyis rang sangs rgyas de'i gnya' ba nas bzung ste bskrad nas smras pa/ nyes 'ongs/ mu lto ba rnams kyi nang du zhugs shig ces phul ba dang / de phyag dar gyi phung po'i nang du bsgyel to/ /rang sangs rgyas bdag nyid chen po des bsam pa/ khyim bdag nyon mongs pa 'di ha cang smras pa dang nyams bar gyur na/ mi rung gi /'di la lag nas drang pa sbyin no/ /snyam nas/ des ngang pa'i rgyal po 'dab ma brkyang ba ltar steng gi nam mkha' la mngon par 'phags nas 'bar ba dang / gsal ba dang / char 'bebs pa dang / glog 'byin pa'i cho 'phrul dag bya bar brtsams so/ /so so'i skye bo ni/ rdzu 'phrul la myur du sems gtod par byed pa yin pas/ khyim bdag de shing ljon pa rtsa ba nas bcad pa bzhin du rang sangs rgyas de'i rkang pa gnyis kyi drung du 'gyel nas smras pa/ yon gnas yang dag par gyur pa mar gshegs su gsol/ mar gshegs su </font><hr>Nya51b<br><font size=+1>


gsol/ nyon mongs pa'i 'dam du bying ba bdag gi sug pa nas drang ba stsal du gsol/ rang sangs rgyas de khyim bdag de la rjes su snying brtse ba'i phyir steng gi nam mkha' las shod du babs so/ /khyim bdag des de la mchod pa byas nas rkang pa gnyis la phyag 'tshal te smon lam 'di skad ces/ bdag yon gnas yang dag par gyur pa 'di lta bu la gnod pa byas pa gang yin pa'i las de'i cha dang mthun par ma gyur par mchod pa gang yin pa'i dge ba'i rtsa ba 'dis bdag phyug pa/ nor mang ba/ longs spyod che ba'i khyim du skye zhing / 'di pas ches khyad par du 'phags pa'i ston pa mnyes par byed cing / thugs byung bar mi byed pa'i yon tan gyi rnam pa de lta bu thob par gyur cig /ces smon lam btab bo/ /dge slong dag /de la de'i tshe de'i dus na khyim bdag gang yin pa de ni/ legs 'ongs 'di yin te/ 'dis rang sangs rgyas de la mchod pa byas nas smon lam btab pa gang yin pa'i las de'i rnam par smin pas ni/ da ltar phyug la nor mang ba longs spyod che ba'i khyim du skyes so/ /gnod pa byas pa dang / nyes 'ongs zhes brjod pa gang yin pa'i las de'i rnam par smin bas ni/ bskal par sems can dmyal ba chen po mnar med par gdungs nas las de nyid kyi lhag mas tshe rabs lnga brgyar mu lto pa nyid kyis 'phyan par gyur cing / nyes 'ongs zhes bya bar gyur te/ da ltar gyi bar du yang mu lto ba rnams kyi nang du zhugs shing / nyes 'ongs zhes bya ba'i ming du </font><hr>Nya52a<br><font size=+1>


@#/ /gyur to/ /bdag yon gnas yang dag par gyur pa 'di lta bu la gnod pa byas pa gang yin pa'i las de'i cha dang mthun par ma gyur par 'di bas ches khyad par du 'phags pa'i ston pa mnyes par byed cing / thugs byung bar mi byed pa'i yon tan gyi rnam pa de lta bu thob par gyur cig ces smon lam btab pa gang yin pa'i las de'i rnam par smin pas/ nga'i bstan pa la rab tu byung nas nyon mongs pa thams cad spangs pas dgra bcom pa nyid mngon du byas shing / 'dis rang sangs rgyas bye ba phrag 'bum pas ches khyad par du 'phags pa'i ston pa nga mnyes par byas shing thugs byung bar ma byas so/ /btsun pa/ tshe dang ldan pa legs 'ongs kyis las ci bgyis na/ las de'i rnam par smin pas/ bcom ldan 'das kyis yang dang yang du me'i khams la snyoms par 'jug pa rnams kyi mchog tu bstan/ de yang smon lam gyi dbang gis te/ gang du smon lam btab ce na/ dge slong dag/ sngon byung ba 'das pa'i dus na bskal pa chen po bzang po 'di nyid la skye rgu'i tshe lo nyi khri thub pa na/ ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'od srung 'jig rten du byung ste/ de wA ra NA si na drang srong smra ba ri dwags kyi nags na nye </font><hr>Nya52b<br><font size=+1>


bar brten cing bzhugs so/ /de'i bstan pa la 'di rab tu byung nas dge slong gang gis de rab tu byung ba'i dge slong de/ de bzhin gshegs pa dgra bcom pa yang dag par rdzogs pa'i sangs rgyas 'od srung gis yang dang yang du me'i khams la snyoms par 'jug pa rnams kyi mchog tu bstan to/ /de na 'dis tshe ji srid par tshangs par spyod pa spyad nas yon tan gyi tshogs 'ga' yang ma thob nas/ de'i 'og tu 'chi ba'i tshe smon lam 'di skad ces/ bdag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yon gnas bla na med pa 'od srung la tshe ji srid par tshangs par spyod pa spyad na/ yon tan gyi tshogs 'ga' yang ma thob ste/ bdag gis tshe ji srid par tshangs par spyod pa spyad pa'i dge ba'i rtsa ba 'dis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od srung gis bram ze'i khye'u bla ma la/ bram ze'i khye'u khyod ma 'ongs pa'i dus na skye rgu'i tshe lo brgya thub par gyur pa na de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das shAkya thub pa zhes bya bar 'gyur ro/ /zhes lung bstan pa de'i bstan pa la bdag rab tu byung nas nyon mongs pa thams cad spangs pas dgra bcom pa nyid mngon du byed cing / ji </font><hr>Nya53a<br><font size=+1>


@#/ /ltar mkhan po 'di/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od srung gis yang dang yang du me'i khams la snyoms par 'jug pa rnams kyi mchog tu bstan pa de bzhin du bdag kyang bcom ldan 'das shAkya thub pa/ shAkya seng ge /shAkya'i rgyal po'i gtso bo des/ yang dang yang du me'i khams la snyoms par 'jug pa rnams kyi mchog tu bstan par gyur cig /ces gdab par brtsams pas/ smon lam de'i dbang gis da ltar de bzhin gshegs pas yang dang yang du me'i khams la snyoms par 'jug pa rnams kyi mchog tu bstan to/ /dge slong dag /de lta bas na/ las gcig tu nag pa rnams kyi rnam par smin pa ni/ gcig tu nag pa rnams yin la/ las gcig tu dkar ba rnams kyi rnam par smin pa yang gcig tu dkar ba yin/ las 'dren ma rnams kyi rnam par smin pa yang 'dren ma yin no/ /dge slong dag /de lta bas na/ las gcig tu nag pa rnams dang / 'dren ma rnams spangs te/ las gcig tu dkar ba rnams la stsal par bya ste/ dge slong dag /khyed kyis de ltar bslab par bya'o/ /myos par 'gyur ba 'thung ba'i ltung byed de/ bdun cu dgu pa rdzogs so// // bar sdom la/ zhi pa ral ba nor bu dang / /sman pa dge 'dun lto dang skras/ /za dang gnyis gyur gtum mo dang / /gzhon nu lhung bzed stobs rnams so/ /sangs rgyas bcom ldan 'das mnyan </font><hr>Nya53b<br><font size=+1>


yod na rgyal byed kyi tshal mgon med zas sbyin gyi kun dga' ra ba na bzhugs so/ /ri brag cig na bram ze zhig 'dug pa des/ mnyan yod pa'i bu mo zhig bag mar blangs nas/ de de dang lhan cig rtse bar byed/ dga' bar byed/ dga' mgur spyod par byed do/ /de la bu mo zhig byung nas de bsrings shing bskyed de chen mor gyur to/ /bram ze de la re zhig mnyan yod du bya ba zhig byung nas/ des shing rta bcas te 'phags pa dang / bu mo des mthong nas des smras pa/ yab/ gar bzhud/ bram zes smras pa/ bu mo/ mnyan yod du'o/ /bu mos smras pa/ yab/ bdag kyang mchi'o/ /bram zes smras pa/ bu mo/ khyod da mchog thob pa yin pas/ khyod kyi lag pa'am/ rkang pa la 'ga' zhig gis reg par gyur na/ bdag cag la mi snyan par 'gyur gyi/ khyod 'di nyid na 'dug cig /bu mo des ngu bar brtsams pa dang / bram ze mos smras pa/ bu mo/ ci'i phyir du/ bu mos smras pa/ yab mnyan yod du bzhud nas bdag der khrid par mi bzhed do/ /bram ze mos smras pa/ rje'i sras/ bu mo yang khrid cig dang / nye du dag mthong bar 'gyur ro/ / bram zes smras pa/ bu mo da mchog 'thob par 'gyur bas/ 'di'i lag ba'am/ rkang pa la 'ga' zhig gis reg par gyur na/ bdag cag la mi snyan par 'gyur gyi/ 'di nyid du zhog cig /bram ze mos smras pa/ rje'i sras dang thabs cig mchi na/ legs par spas pa dang / legs par srung bar 'gyur ro/ /bram ze des bu mo de shing rtar bcug ste 'phags pa dang / bu mo de ltad mo'i rang bzhin can </font><hr>Nya54a<br><font size=+1>


@#/ /yin pas/ pha la dris pa/ yab/ 'di su'i kun dga' ra ba lags/ 'di su'i rdzing bu lags/ 'di su'i lha khang lags/ 'di su'i skyed mos tshal lags/ 'di su'i khron pa lags/ 'di su'i gtsug lag khang lags/ bram zes smras pa/ bu mo/ 'di ni shA kya'i bu dge spyod rnams kyi bsti gnas yin no/ /bu mos smras pa/ yab/ bltar mchi'o/ /bram zes smras pa/ bu mo/ bsti gnas 'di na rigs sna tshogs dang / rus sna tshogs las rab tu byung ba dag 'khod pas/ khyod kyi lag pa'am/ rkang pa la 'ga' zhig gis reg par gyur na/ bdag la mi snyan par 'gyur gyi/ tshur shog /'dong ngo / /zhes de 'phags pa dang / ji tsam na grong bar de nyid nas bram ze dang / khyim bdag gi chung ma rab tu mang po gtsug lag khang lta 'dod pa dag mnyan yod kyi phyi rol du byung ba de dag gis/ bram ze de mthong nas/ de dag gis smras pa/ snum zung byon pa legs so/ /byon pa legs so/ /khyod yun ring mo ring mo zhig gis gar bzhud/ bram zes smras pa/ kho bo khyed cag nyid bltar 'ongs na/ khyed cag gar 'dong / rgyal byed kyi tshal du gtsug lag khang bltar mchi'o/ /sru cag /tsha mo 'di yang khrid de dengs la 'di la yang gtsug lag khang ston cig bu mo de yang de dag dang lhan cig rgyal byed kyi tshal du song ngo / /drug sde dag gi kun tu spyod pa ni/ 'dir bdag cag gis bram ze dang / khyim bdag 'ongs shing lhags pa rnams la yang chos bstan par </font><hr>Nya54b<br><font size=+1>


bya| rgol ba dag kyang tshar gcad par bya/ rang gi grags pa yang bsgrag par bya'o/ /snyam pas/ drug sde dag las gang yang rung bas rgyal byed kyi tshal gyi sgo stong par mi 'jog pas/ tshe dang ldan pa 'char ka nang par sngar langs te so shing bor nas snam sbyar dmar ser gyon te/ rgyal byed kyi tshal gyi sgo na 'chag cing 'dug go /drug sde dag gis grong khyer chen po drug po dag na 'khod pa'i mi rnams 'di lta ste/ rigs las sam/ rus las sam/ rgyud las sam/ ming las sam/ gzugs las sam/ bzo las sam/ 'tsho ba las mi shes pa'am/ ma mthong ba'am/ ma thos pa'am/ ma rig pa'am/ rnam par mi shes pa 'ga' yang med pas/ tshe dang ldan pa 'char kas bram ze dang / khyim bdag gi chung ma rab tu mang po de dag thag ring po kho na nas mthong ste/ mthong nas kyang 'di skad ces smras so/ /che ge mo'i ma/ che ge mo'i chung ma/ che ge mo'i mna' ma/ che ge mo'i bu mo/ che ge mo'i sring mo/ 'ongs pa legs so/ /'ongs pa legs so/ /khyed cag ci'i phyir yun ring mo ring mo nas zla ba ltar rgyu bar byed/ de dag gis smras pa/ btsun pa 'char ka bcom ldan 'das kyis mi khom pa brgyad ni/ gang zag gis tshangs par spyad pa'i dus ma lags so/ /zhes legs par rab tu gsungs na/ bdag cag ni/ 'di lta ste/ khyim gyi 'du 'dzi dang ldan pas mi khom pa dgu pa lags so/ /'char kas smras pa/ sring mo dag /khyed kyis 'ga' zhig 'di skad ces/ dug can la sogs rgyal po </font><hr>Nya55a<br><font size=+1>


@#/ /yis| |bya ba dag ni ma byas par/ /de dag nyid dang bya ba rnams/ /zhig pa nyid du gyur pa yin/ /bya ba de dag nyid kyang ni/ /yongs su rdzogs par ma gyur par/ /'jig rten dgra bo 'chi bdag de/ /'ongs pa nyid du 'gyur ba yin/ /zhes smras pa ma thos sam/ de dag gis smras pa/ btsun pa 'char ka/ de'i slad du bdag cag skyed mos tshal du mchis te rgyal byed kyi tshal du 'jug pa dang / gtsug lag khang blta ba dang / bcom ldan 'das dang / dge slong gnas brtan gnas brtan rnams kyi zhabs la phyag 'tshal ba'i slad du mchis lags so/ /'char kas smras pa/ sring mo dag /gal te khyed cag de'i phyir 'ongs na/ bcom ldan 'das kyis kyang snying po med pa'i lus las snying po blang bar bya'o/ /zhes gsungs pas legs so/ /legs so/ sring mo dag /de ni/ 'jal gyi/ 'di ltar/ ltad mo ji ltar blta bar dri bar bya'o/ /sring mo dag /khyed cag gang du 'jug par byed/ btsun pa 'char ka /bdag cag kun dga' ra bar 'jug cing gtsug lag khang blta bar 'tshal lo/ /sring mo dag /bcom ldan 'das kyis/ mkhas pa gang zhig rab tu sems dang bas/ /sangs rgyas mchod rten dag la gom 'dor na/ dzam+bu chu bo'i gser ltar srang tshad ni/ /stong phrag brgya yang de dang mnyam pa min/ /zhes gsungs pas de yang legs so/ /sring mo dag /khyed kyis gang khyed cag gtsug lag khang ston par byed pa'i dge slong 'ga' zhig </font><hr>Nya55b<br><font size=+1>


btsal tam/ 'phags pa/ ci bdag cag sgron ma sug pa na thogs bzhin du zhugs gzhan du tshol lam/ btsun pa 'char ka spangs te dge slong gzhan ga la tshol/ khyod pas gzhan khyad par 'phags pa su zhig mchis kyi/ khyod nyid kyis bstan du gsol/ de nas tshe dang ldan pa 'char ka 'di snyam du sems te/ gal te 'di dag gtsug lag khang bstan par bya na ni/ bdag gi dge ba'i phyogs yongs su nyams par yang 'gyur/ gal te bstan par mi bya na ni/ tshig pa'i bsod snyoms kyang ster bar mi 'gyur la/ bcom ldan 'das kyis kyang ma dad pa rnams dad pa phun sum tshogs pa yang dag par 'dzin du gzhug par bya/ gdul bar bya/ gzung bar bya/ rab tu dgod par bya'o/ /zhes gsungs pas/ de'i phyir 'di dag dge ba la nges par sbyar bar bya'i/ /rnam pa thams cad du bstan par bya'o/ /snyam du rig nas des me tog dang / bdug spos la sogs pa mchod pa sna tshogs thogs te pog phor lag tu blangs nas go rim ji lta ba bzhin du bstan par brtsams te/ sring mo dag /'di ni/ bcom ldan 'das kyi dri gtsang khang ste/ gang du bcom ldan 'das nyin lan gsum mtshan lan gsum sangs rgyas bcom ldan 'das kyi spyan gyis 'jig rten la rnam par gzigs nas gang ni/ nyams par gyur/ gang ni/ 'phel bar gyur/ gang ni/ gnod par gyur/ gang ni/ nyam nga par gyur/ gang ni/ mi bde bar gyur/ gang ni/ gnod pa dang / nyam nga ba dang / mi bde bar gyur/ gang ni/ ngan song la gzhol/ gang </font><hr>Nya56a<br><font size=+1>


@#/ /ni| ngan song la 'bab/ gang ni/ ngan song la bab/ gang ni/ ngan song gi 'dam nas bslangs te mtho ris dang / thar pa dang / 'bras bu la gzhag par bya/ 'dod pa'i 'dam du bying ba gang gi lag nas ni/ drang bar bya/ 'phags pa'i nor gyi dbyig dang bral ba gang ni/ 'phags pa'i nor gyi dbang phyug la gzhag par bya/ gang gi sangs rgyas 'byung bas brgyan pa'i 'jig rten ni/ 'bras bu dang bcas par bya/ gang gi dge ba'i rtsa ba dag ma skyes pa ni/ bskyed par bya/ dge ba'i rtsa ba dag bskyed pa gang ni/ yongs su smin par bya/ yongs su smin pa gang ni/ rnam par grol bar bya zhes mkhyen pa dang / gzigs pa 'jug cing / 'di ltar/ chu srin gnas kyi dug can pa/ /dus las 'da' bar 'gyur srid kyi/ /sangs rgyas gdul la byams pa ni/ /dus las 'da' bar mi 'gyur ro/ /ji ltar ma ni bu sdug gcig pu la/ /rtog cing de srog srung bar byed pa ltar/ /de bzhin gshegs pa'ang gdul ba'i skye bo la/ /rtog par mdzad cing de srog srung bar mdzad/ /kun mkhyen rgyud la mnga' ba'i thugs rje yi/ /bzhon ma gdul ba'i be'u tshol mi skyo ste/ /srid dang ngan 'gros nyams la byams pa ni/ /rab nyams be'u la byams pa'i ba bzhin no/ /zhes bya ba 'jug pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas/ stobs bcu'i stobs dang ldan pa / </font><hr>Nya56b<br><font size=+1>


mi 'jigs pa bzhis bsnyengs pa mi mnga' ba/ khyu mchog rlabs po che'i gnas su dam bca' ba/ 'khor gyi nang du seng+ge'i sgra yang dag par sgrog pa gang yin pa de'i yin gyi/ 'di'i zhabs la phyag dag tshol cig /'di ni/ tshe dang ldan pa kun shes ko'u di n+ya'i gtsug lag khang ste/ bcom ldan 'das kyis 'jig rten mi shes pa'i mun pa dang / 'dren pa med pa dang / yongs su 'dren pa med pa na/ de'i dang por ye shes kyi mag sman gyi thur mas/ gang gi chos kyi mig rnam par sbyangs pa/ bcom ldan 'das kyis gnas brtan rnams dang / rgyal tshab lta bu rnams dang / yun ring po nas rab tu byung ba rnams dang / tshangs par spyod pa mngon par spyad pa rnams dang / snam sbyar gyi rgyal mtshan thogs pa rnams kyi mchog tu lung bstan pa gang yin pa/ gang gi rgyud la de'i dang por bcom ldan 'das kyis 'jig rten du dge slong ngam/ bram ze'am/ lha'am/ bdud dam/ tshangs pa'am/ sus kyang chos dang mthun par bskor mi nus pa/ chos dang ldan pa'i chos kyi 'khor lo 'gro ba mang po'i don dang / skye bo mang po la phan pa dang / bde ba dang / 'jig rten la rjes su thugs brtse ba dang / lha dang mi rnams kyi don dang / phan pa dang / bde ba'i phyir lan gsum du bzlas te/ rnam pa bcu gnyis su bskor ba de'i yin gyi/ 'dir yang zhabs la phyag dag tshol cig /'di ni/ tshe dang ldan pa 'od srung chen po'i gtsug lag khang ste/ bram ze shing sA la chen po lta bu rmon pa dor stong tu gcig gis mchog pa spangs </font><hr>Nya57a<br><font size=+1>


@#/ /te rab tu byung ba/ dbyig bye ba phrag drug cu dang ldan pa/ gser nas bang chung brgyad cu bdog pa/ bran gyi grong bco brgyad bdog pa/ sbyor ba'i grong bcu drug bdog pa/ ser skya bzang mo lus gser bas lhag pa dang ldan pa/ mchil ma'i thal ba smin pa ltar spangs te mtshan mo'i thun tha ma la ras sbyar ma'i snam sbyar rin thang 'bum ri ba thogs te/ 'jig rten na dgra bcom pa gang dag bzhugs pa de dag gi phyir rab tu byung ba bsam gtan dang / rnam par thar pa dang / ting nge 'dzin dang / snyoms par 'jug pa bskyed pa'i phyir nags na brtan pa gang yin pa/ gang mthong na spos kyi glang po che dag kyang rgyags pa dang bral bar 'gyur ba gang gi bu mang gi mchod rten du ston par khas blangs nas dge slong gi sdom pa thob pa/ bcom ldan 'das kyis kyang dge slong dag/ nga'i nyan thos kyi dge slong 'dod pa chung ba/ chog shes pa/ sbyangs pa'i yon tan smra ba rnams kyi nang na/ mchog ni/ 'di yin te/ 'di lta ste/ dge slong 'od srung chen po'o/ /zhes gsungs shing / bcom ldan 'das kyis rjes su bsngags pa gang yin pa de'i yin gyi/ 'dir yang zhabs la phyag dag tshol cig/ 'di ni/ tshe dang ldan pa shA ri'i bu'i gtsug lag khang ste/ mchog thob pa'i bu gang yin pa gang lo brgyad gnyis su dbang po'i brda sprod pa bklags pa/ rgol ba thams cad tshar gcod pa/ bcom ldan 'das kyi bstan pa la rab tu byung nas bcom ldan 'das kyis </font><hr>Nya57b<br><font size=+1>


shes rab chen po rnams dang / spobs pa chen po rnams kyi mchog tu bstan pa gang yin pa/ bcom ldan 'das kyis 'jig rten thams cad gang gi cha bcu drug par bzhag cing / bcom ldan 'das kyis/ de bzhin gshegs pa ma gtogs par/ /'jig rten kun gyi shes rab gang / /shA ri'i bu yi shes rab kyi/ /bcu drug char yang mi chog go /gal te lha bcas 'jig rten 'di/ /shA ri'i bu dang mnyam gyur pas/ /de bzhin gshegs pa'i shes rab kyi/ /bcu drug char yang mi chog go /zhes gsungs pa gang yin pa de'i yin gyi/ 'dir yang zhabs la phyag dag tshol cig /'di ni/ tshe dang ldan pa maung+gal gyi bu chen po'i gtsug lag khang ste/ mdun na 'don gyi bu cod pan med pa'i rgyal srid spangs te rab tu byung ba gang yin pa/ gang gis lha'i dbang po brgya byin gyi khang bzang rnam par rgyal byed rkang pa g.yas pa'i mthe bos lan gsum du bsgul/ kun tu bsgul/ kun tu rab tu bsgul ba/ gang gi rdzu 'phrul gyis bcom ldan 'das 'jig rten gyi khams 'od zer can du nyin mtshan bdun gyis gshegs pa/ bcom ldan 'das kyis rdzu 'phrul chen po rnams dang / mthu chen po rnams kyi mchog tu bstan pa gang yin pa de'i yin gyi/ 'dir yang zhabs la phyag dag tshol cig /'di ni/ tshe dang ldan pa ma 'gag pa'i gtsug lag khang ste/ mi skal pa bzang po las rab tu byung ba gang yin pa/ bcom ldan 'das kyi yab kyi mched kyi sras/ gang gi ming yang dag par bsgrags pas tshong </font><hr>Nya58a<br><font size=+1>


@#/ /pa dag rgya mtsho chen po nas bzhon pa'i snod legs par grub cing 'ong bar 'gyur ba/ bcom ldan 'das kyis lha'i mig can rnams kyi mchog tu bstan pa gang yin pa de'i yin gyi/ 'dir yang zhabs la phyag dag tshol cig /'di ni/ tshe dang ldan pa kun dga' bo'i gtsug lag khang ste/ yun ring po nas bcom ldan 'das kyis bsnyen bkur ba gang yin pa/ sangs rgyas bcom ldan 'das kyi zham ring na nye bar spyod pa/ ston pas yang dag par bsngags pa/ tshangs pa mtshungs par spyod pa mkhas pa rnams kyis yang dag par bkur ba gang yin pa/ bcom ldan 'das kyi yab kyi mched kyi sras las rab tu byung ba/ bcom ldan 'das kyis mang du thos pa rnams dang / thos pa 'dzin pa rnams dang / thos pa bsags pa rnams kyi mchog tu bstan pa gang yin pa de'i yin gyi/ 'dir yang zhabs la phyag dag tshol cig /'di ni/ tshe dang ldan pa mdzes dga'i gtsug lag khang ste/ bcom ldan 'das kyi gcung po sru'i sras las rab tu byung ba/ gal te rab tu ma byung na stobs kyi 'khor los bsgyur ba'i rgyal por 'gyur ba/ bcom ldan 'das kyis rab tu byung / dbang po dag gi sgo bsdams pa rnams kyi mchog tu bstan pa gang yin pa de'i yin gyi/ 'dir yang zhabs la phyag dag tshol cig /'di ni/ tshe dang ldan pa sgra gcan zin gyi gtsug lag khang ste/ bcom ldan 'das kyi sras las rab tu byung ba/ </font><hr>Nya58b<br><font size=+1>


gal te rab tu ma byung na/ mthu dang ldan pa'i rgyal por 'gyur ba gang yin pa/ gang rab tu byung bas rgyal po mang pos bkur gyi rgyud gcig nas gcig tu brgyud pa yang dag par rgyud chad pa/ bcom ldan 'das kyis bslab pa 'dod pa rnams dang / bslab pa la gus pa rnams dang / bslab pa la yo byad bsnyungs pa thob pa rnams kyi mchog tu bstan pa gang yin pa de'i yin gyi/ 'dir yang zhabs la phyag dag tshol cig /'di ni/ tshe dang ldan pa dga' bo'i gtsug lag khang ngo / /'di ni/ nye dga'i 'o/ /'di ni/ 'dun pa'i 'o/ /'di ni/ 'gro mgyogs kyi'o/ /'di ni/ nab so'i 'o/ /'di ni/ kho bo'i gtsug lag khang ngo / / ci| 'di yang blta bar byed dam/ 'phags pa/ ci bdag cag gi gtsug lag khang thams cad bltas nas/ gdod 'phags pa 'char ka'i gtsug lag khang blta bar mi bgyi'am/ bdag cag gis 'phags pa 'char ka'i gtsug lag khang 'di dag shin tu blta bar bgyi'o/ /sring mo dag /de bzhin gyis shig /tshe dang ldan pa 'char ka de 'dod chags spyad pa yin pas de'i gtsug lag khang gi gzhi mon sran gre'u'i phye mas bskus pa dang / rtsig pa bkra zhing nye bar bkra ba dang / mal stan be'u phrug gi snying po can bshams pa dang / bum pa btung bas bkang ba bcu snod dang bcas pa bzhag pa dang / skon pa'i nang na bca' ba sna tshogs kyis gang ba dag yod do/ /tshe dang ldan pa 'char kas bram ze dang khyim bdag gi chung ma rab tu mang po rang gi gtsug lag khang du 'ongs pa rnams la smras </font><hr>Nya59a<br><font size=+1>


@#/ /pa| sring mo dag /ci je khye'u sus bya'am/ 'on te btung ba 'thung / 'phags pa/ ci chu klung zlog phyogs su 'bab bab/ bdag cag gis 'phags pa la gsol bar bgyi ba gang lags pa de nyid 'phags pas bdag cag la stsol tam/ 'di ltar/ bdag cag la gang dkon pa de stsol cig /sring mo dag /khyed cag la ci zhig dkon/ 'phags pa/ chos mnyan pa'o/ / sring mo dag /bcom ldan 'das kyis gnas drug po dag 'jig rten du byung ba ni/ ngo mtshar rmad du byung ba yin te/ drug po de dag gang zhe na/ de bzhin gshegs pa dgra bcom pa yang dag par rdzogs pa'i sangs rgyas dang / de bzhin gshegs pas gsungs pa'i chos 'dul ba dang / mi nyid dang / dbus pa'i gnas su skye ba dang / dbang po ma tshang ba med pa dang / dge ba'i chos la 'dun pa'o/ /zhes legs par gsungs pas/ de'i phyir khyed cag dge ba'i chos la 'dun pa skyes pa 'di ni/ sangs rgyas 'byung ba dang 'dra ste/ legs so/ /legs so/ /sring mo dag 'khod cig dang / kho bo khyed la chos bstan par bya'o/ /de dag gis de'i rkang pa gnyis la phyag 'tshal te chos mnyan pa'i phyir mdun du 'khod pa dang / des de dag la chos bstan par brtsams so// // 'dul ba rnam par 'byed pa/ bam po re drug pa/ bu mo de yang ltad mo'i rang bzhin can yin pas ri mo blta zhing gzhan du song ngo / /de dag gis kyang chos mnyan nas tshe dang ldan pa 'char ka'i rkang </font><hr>Nya59b<br><font size=+1>


pa gnyis la phyag 'tshal te gtsug lag khang nas byung ngo / /bu mo des gzhan dag byung ba tshor nas sgo khang de nyid na ri mo blta zhing 'dug go /tshe dang ldan pa 'char kas de dag bskyal nas gtsug lag khang du 'jug par brtsams pa dang / des bu mo de sgo khang na 'dug pa mthong nas des de la smras pa/ bu mo khyod ma song ngam/ des 'dzum phyung ba dang / 'char kas de la 'o byas te yan lag dang nying lag dag mnams kun tu mnams so/ /bu mo de ngu zhing phyir byung nas pha'i gan du song ste smras pa/ yab/ bdag dge sbyong 'char kas gzhon nu ma dang bral bar bgyis so/ /bram ze des bsam pa/ gal te da cung zad smrar ni/ bdag gcig pu yin la/ 'di dag ni/ mang bas bdag la gnod pa byed par 'gyur ba gang yin pa de lta bu'i gnas yong bar 'gyur gyi/ gang du grogs rnyed par gyur pa na ra mda' bzlog par bya'o/ /snyam mo/ /rgyal byed kyi tshal dang mnyan yod kyi bar na gnas kyi shing ljon pa zhig yod pa de'i drung na bram ze'i khye'u lnga brgya tsam bram ze'i gsang tshig klog tu 'jug cing 'dug nas bram ze des/ de dag la smras pa/ shes ldan dag / dge sbyong 'char kas kho bo'i bu mo gzhon nu ma dang bral bar byas kyi/ khyed cag kho bo'i tshangs pa mtshungs par spyod pa yin gyi/ grogs gyis shig /bram ze dag ni/ yongs su mi rtog pa yin pas de dag dbyug pa dag thogs te der dong ngo / /tshe dang ldan pa 'char ka rgyal byed kyi tshal gyi sgo na 'chag cing 'dug pa de dag gis bzung zhing bkri bar brtsams pa dang / de dag gis de bsgul bar yang ma nus so/ /bcom </font><hr>Nya60a<br><font size=+1>


@#/ /ldan 'das kyis gdul ba'i dus mkhyen nas de'i stobs dbri bar mdzad pa dang / de dag gis tshe dang ldan pa 'char ka phar drangs/ tshur drangs te khrid do/ /tshe dang ldan pa 'char kas bsam pa/ bcom ldan 'das kyis bdag gnod pa dang / nyam nga ba dang / mi bde ba byung ba la mi dgongs so/ /snyam pa de/ bcom ldan 'das kyis dgongs pa/ 'di la gdams pa'i tha ma 'di yin pas khrid kyang bla'o/ /snyam du dgongs so/ /de nas bcom ldan 'das kyis ko sa lar byung ba'i rgyal po gsal rgyal steng gi khang bzang gi gzhir gtogs pa na gnyid log cing 'dug pa se gol gyi sgras sad par mdzad nas bka' stsal pa/ rgyal po chen po/ khyod kyis gya tsom du mi bya bar legs par brtag par bya'o/ /zhes go bar mdzad do/ /bcom ldan 'das kyis ko sa lar byung ba'i rgyal po gsal rgyal steng gi khang bzang gi gzhir gtogs pa na gnyid log cing 'dug pa lan gnyis lan gsum du se gol gyi sgras sad par mdzad nas bka' stsal pa/ rgyal po chen po/ khyod kyis gya tsom du mi bya bar legs par brtag par bya'o/ /zhes go bar mdzad do/ /bram ze de dag gis kyang tshe dang ldan pa 'char ka rgyal po'i pho brang gi sgor khrid do/ /de na rgyal po'i pho brang gi sgo na skye bo phal po che'i tshogs dag bram ze rnams kyis dge sbyong 'char ka bzung ste rgyal po'i sgor khrid de 'ongs so/ /zhes sgra mthon po dang / sgra chen po 'byin </font><hr>Nya60b<br><font size=+1>


to| |ko sa lar byung ba'i rgyal po gsal rgyal steng gi khang bzang gi gzhir gtogs pa na gnyid log pa skye bo phal po che'i tshogs des sad nas des zho shas 'tsho ba dag la smras pa/ shes ldan dag /ci'i phyir skye bo phal po che'i tshogs 'di dag sgra mthon po dang / sgra chen po 'byin par byed/ de dag gis smras pa/ lha/ btsun pa 'char ka dang / bram ze'i bu mo zhig dang / bram ze zhig dang / bram ze'i khye'u lnga brgya tsam rgyal po'i pho brang gi chab sgo na blag cor mchi zhing mchis so/ /ko sa lar byung ba'i rgyal po gsal rgyal gyis bsam pa/ bcom ldan 'das kyis 'di la dgongs nas bdag la rgyal po chen po/ khyod kyis gya tsom du mi bya bar legs par brtag par bya'o/ /zhes bka' stsal to/ /snyam du rig go /mnyan yod na chos nyid kyis gang gi tshe rtsod pa chen po byung ba de'i tshe na rnga bo che rdung zhing / dung sgril ma yang 'bud par byed pas/ rgyal po gsal rgyal gyis zho shas 'tsho ba dag la bsgo ba/ shes ldan dag /rnga bo che yang rdung zhig /dung sgril ma yang bus shig /de dag gis rnga bo che brdungs shing dung sgril ma bus pa dang / rgyal po dang bcas pa'i 'khor 'dus par gyur to/ /rgyal pos smras pa/ bram ze de dang / btsun pa 'char ka nang du thong zhig /de gnyis nang du 'ongs pa dang / rgyal pos bram ze de la smras pa/ bram ze/ khyed ci zer/ lha/ dge sbyong 'char kas bdag gi bu mo zhig gzhon nu ma dang bral bar bgyis so/ /rgyal pos smras pa/ btsun pa 'char ka/ bram ze 'di de skad mchi na/ </font><hr>Nya61a<br><font size=+1>


@#/ /khyod ci gsung / lha/ bdag gis de la sdig pa'i las ma bgyis so/ /rgyal pos blon po rnams la smras pa/ shes ldan dag /'di ji ltar dpyad par bya/ blon po rnams kyis smras pa/ lha/ bcom ldan 'das kyis khyod nyid spobs pa can rnams kyi mchog tu bstan pa lags pas/ lha nyid kyi zhal mchu 'di dgum du gsol/ rgyal pos smras pa/ shes ldan dag /'di la ji ltar shes pas ni/ gzugs dag mthong mod/ btsun mo'i 'khor gyis ni/ bu mo brtag mod/ bu mo de btsun mo'i 'khor gyi nang du thong la brtag tu chug cig /de dag gis bu mo de btsun mo'i 'khor gyi nang du btang ba dang / btsun mo phreng ldan mas bu mo de pang bar bsnyal te smras pa/ bu mo/ bden par smros shig /gal te khyod btsun pa 'char kas gzhon nu ma dang bral bar byas na yang / de ni/ bram ze mdun na 'don gyi bu las rab tu byung ba yin pas/ khyod kyi khyim thab kyi thab rir 'bab par 'gyur ro/ /'on te khyod phyug chung ma rmas pa tshul khrims dang ldan pa yin na ni/ dge slong la yang dag pa ma yin pas bskur na/ sems can dmyal ba chen por 'gro bar 'gyur ro/ /bu mo des smras pa/ rje mo/ bdag des gzhon nu ma dang bral bar ma bgyis te/ 'di ltar des 'o bgyis shing / yan lag dang / nyid lag dag kun tu mnams so/ /btsun mo phreng ldan mas smras pa/ bu mo/ khyod kyis don de tsam zhig la rgyal po dang bcas pa'i 'khor kun tu dkrugs so/ /ci/ pha dag kyang bu mo dag la 'o byed cing / yan </font><hr>Nya61b<br><font size=+1>


lag dang / nying lag drag la mi nom mam/ kun tu mi nom mam/ de nas bud med rgan mo rnams kyis bu mo de brtag na/ ji tsam na phyug chung ma nyams par 'gyur nas de dag gis rgyal po la smras pa/ lha/ bu mo 'di phyug chung ma nyams so/ /rgyal pos blon po rnams la smras pa/ shes ldan dag /'di la gang yus/ blon po rnams kyis smras pa/ lha/ btsun pa 'char ka yus so/ /rgyal pos smras pa/ shes ldan dag /dengs la bram ze 'di rgya skegs kyi khang par chug la/ mes sregs shig /bu mo de yang rte'u dmu rgod kyi rkang pa gnyis la thogs shig /bram ze'i khye'u lnga brgya po de dag kyang lag pa dang / rkang pa dag chod cig /tshe dang ldan pa 'char kas smras pa/ lha/ gal te bdag la brten te sems can de snyed cig chab stsal bar gyur na/ don gyis lhas bdag bcom ldan 'das kyi bstan pa las phyung lags so| |rgyal pos smras pa/ shes ldan dag /'o na dengs la bram ze'i khye'u lnga brgya po de dag thong la/ bram ze 'di ni/ rgya skegs kyi khang par chug la mes sregs shig /bu mo de yang rte'u dmu rgod kyi rkang pa gnyis la thogs shig /tshe dang ldan pa 'char kas smras pa/ lha/ gal te bdag la brten te tha na grog ma phra mo 'ga' zhig la gnod par gyur na yang don gyis lhas bdag bcom ldan 'das kyi bstan pa las phyung ba kho na lags so/ /rgyal pos blon po rnams la smras pa/ shes ldan dag /bcom ldan 'das kyi nyan thos 'dod chags dang ma bral na yang so sor rtog pa'i stobs la ltos/ gal te bram ze </font><hr>Nya62a<br><font size=+1>


@#/ /dag gis btsun pa 'char ka thub par gyur na ni/ rdo gcig gis kyang gsod par 'gyur ro/ /shes ldan dag /dengs la thams cad khye zhig /de dag bkye nas 'gyes rnga brdungs shing yol bas bcad pa dang / skye bo phal po che'i tshogs dag so sor gyes so/ /rgyal po dang / btsun mo phreng ldan ma dang / tshe dang ldan pa 'char ka gsum 'dug pa na/ rgyal pos btsun mo phreng ldan ma la smras pa/ phreng ldan ma/ btsun pa 'char kas ji ltar bu'i phan phun byas pas rgyal po dang bcas pa'i 'khor kun tu dkrugs pa la ltos/ btsun mo phreng ldan mas tshe dang ldan pa 'char ka la smras pa/ btsun pa 'char ka/ khyod pas slad kyis rab tu byung ba dge slong ma ut+pa la'i mdog dang / dge tshul ma skul byed dang / dge tshul ma ci ri ka dang / gzhan yang mang po gang lags pa de dag thams cad kyis nyon mongs pa thams cad spangs pas dgra bcom pa nyid mngon du bgyis na/ khyod kyis ni/ rgyal po dang bcas pa'i 'khor gyi nang du mi mdzes pa 'di lta bu bgyis par gyur kyang da dung skyo ba mi mnga'am/ tshe dang ldan pa 'char kas smras pa/ phreng ldan ma/ da phyin chad 'khor bar 'khor ba na nyon mongs pa de lta bu dag kun tu spyod par mi 'gyur ba de ltar bya'o/ /zhes smras nas de stan las langs te song ngo / /de ngo tsha bas bcom ldan 'das dang 'phrad par ma nus nas/ tshe dang ldan pa shA ri'i bu ga la ba der song ste phyin nas tshe dang ldan pa shA ri'i bu la 'di skad ces </font><hr>Nya62b<br><font size=+1>


smras so/ /mkhan po/ ji ltar bdag 'khor bar 'khor ba na nyon mongs pa de lta bu dag kun tu spyod par mi 'gyur pa de ltar bdag la chos bstan du gsol/ tshe dang ldan pa shA ri'i bus bsam pa| ltung ba lhag ma med pa byung bar ma gyur tam snyam na/ ji tsam na des lhag ma yod par mthong nas/ des de bshags par bya ba'i ltung ba gang dag yin pa de dag kyang 'chags su bcug /bsdam par bya ba'i ltung ba gang dag yin pa de dag kyang sdom du bcug nas des de la 'di dang 'di ltar yid la gyis la bag yod pas sgrubs shig /ces gdams ngag byin no/ /de nas tshe dang ldan pa 'char ka gcig pu dben pa/ bag yod pa/ rtun pa dang ldan pa/ bdag nyid btang bar gnas pa na/ rigs kyi bu dag gang gi phyir skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu 'byung bar byed pa tshangs par spyod pa'i mtha' bla na med pa de/ tshe de nyid la rang gi mngon par shes pas mngon sum du byas te bsgrubs nas/ bdag gi skye ba zad do| |tshangs par spyod pa spyad do/ /bya ba byas so/ /srid pa 'di las gzhan mi shes so/ /zhes go bar byed cing / dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan+dan bzhag pa lta bu/ rig pas sgo nga'i sbubs dral bar gyur cing / rig pa dang / mngon par shes pa dang / so so yang </font><hr>Nya63a<br><font size=+1>


@#/ /dag par rig pa thob pa/ srid pa dang / 'dod pa'i rnyed pa dang / bku sti la rgyab kyis phyogs pa/ dbang po dang / nye dbang dang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur to/ /de nas tshe dang ldan pa 'char ka dgra bcom pa nyid thob cing rnam par grol ba'i dga' ba dang bde ba nyams su myong ba na/ 'di snyam du sems te/ bcom ldan 'das ni/ bdag la phan pa mdzad pa/ bde bar gshegs pa ni/ bdag la legs par mdzad pa ste/ 'di ltar/ bcom ldan 'das de ni/ bdag gi sdug bsngal gyi chos mang po dag sel bar mdzad pa/ bcom ldan 'das de ni/ bdag gi bde ba'i chos mang po dag sgrub par mdzad pa/ bcom ldan 'das de ni/ bdag gi mi dge ba'i chos rnam pa du ma dag sel bar mdzad pa/ bcom ldan 'das de ni/ bdag gi dge ba'i chos rnam pa du ma dag sgrub par mdzad pa lags na/ bdag gis ci zhig byas na/ des bdag gis bcom ldan 'das la lan byas pa dang / nye bar byas pa dang / rab tu byas par 'gyur snyam nas/ des yang bsam pa/ sangs rgyas bcom ldan 'das rnams ni/ dka' ba mdzad pa brgya stong du ma dag gis bskal pa grangs med pa gsum gyis pha rol tu phyin pa drug yongs su rdzogs pa mdzad nas bla na med pa'i mkhyen pa thugs su chud pa gang yin pa de dag thams cad ni/ sems can la phan pa'i phyir yin pas/ bdag gis kyang sems can la phan pa bya'o/ /snyam mo// </font><hr>Nya63b<br><font size=+1>


des bsam pa/ bcom ldan 'das kyis khyim pa dad par byed pa rnams kyi mchog tu bstan pa 'ga' yod dam snyam na/ des ji tsam na med par mthong ngo / /su la ltos snyam na/ bdag nyid la ltos par mthong nas/ legs kyi/ bdag gis ston pa'i thugs la dgongs pa yongs su rdzogs par bya'o/ /snyam mo/ /gang 'dul ba'i dus yin snyam na/ mnyan yod na bram ze zhi ba la dad pa/ zhi ba la bsnyen bkur byed pa zhig 'dug nas tshe dang ldan pa 'char kas bsam pa/ bram ze de 'dul ba'i dus yin no/ /snyam nas de de'i gan du song ba dang / bram ze des kyang zhi ba la bsnyen bkur byas nas/ kye bram ze bram ze zhes bram ze tshol bar byed do/ /tshe dang ldan pa 'char kas smras pa/ kho bo bram ze yin no/ /des smras pa/ bram ze ni/ thor tshugs can gyi khyod ni/ dge sbyong mgo reg yin no/ /tshe dang ldan pa 'char kas smras pa/ 'di ltar/ kho bo bram ze yin zhing / kho bo'i ston pa yang bram ze'i mchog yin na/ khyod ni/ zhi ba 'di la mngon par dad dam/ des smras pa/ mngon par dad do/ /tshe dang ldan pa 'char kas smras pa/ kwa'i zhi ba smros shig /ji ltar kho bo bram ze yin zhing kho bo'i ston pa yang bram ze'i mchog yin nam/ zhi bas smras pa/ 'phags pa 'char ka/ de de bzhin te/ khyod ni/ bram ze lags shing / khyod kyi ston pa yang bram ze'i mchog lags so/ /bram ze des bsam pa/ bdag gis yun ring po nas zhi ba la bsnyen bkur byas na/ 'dis lan 'ga' rmi lam du yang ma bstan na/ btsun pa 'char kas </font><hr>Nya64a<br><font size=+1>


@#/ /smras pa la tshig smra bar byed pas/ kye ma btsun pa 'char ka ni/ rdzu 'phrul che ba/ mthu che ba yin no/ /snyam nas/ des smras pa/ btsun pa 'char ka/ /ci'i slad du byon/ khyod nyid 'dul ba'i don du'o/ /btsun pa 'char ka /de'i slad du 'di nyid du bzhugs te zhal zas kyi bya ba mdzod cig /tshe dang ldan pa 'char ka de nyid du 'dug ste zas kyi bya ba byas pa dang / bram ze de chung ma dang bcas pa tshe dang ldan pa 'char ka'i mdun du ches mnyan pa'i phyir 'dug nas tshe dang ldan pa 'char kas de'i bsam pa dang / bag la nyal dang / khams dang / rang bzhin khong du chud nas 'di ltar| bram ze de chung ma dang bcas pas stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun tu zhugs pa'i 'bras bu mngon du byas pa de ltar chos bstan to/ /des bden pa mthong nas smras pa/ btsun pa/ bdag gis dge ba'i bshes gnyen btsun pa 'char ka la brten nas btsun pa 'char kas bdag la gang mdzad pa 'di lta bu ni/ bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang / bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang / mchi ma'i rgya mtsho ni/ bskams/ rus pa'i ri dag ni/ bsgral/ ngan song gi sgo dag ni/ bkum/ mtho ris dang thar </font><hr>Nya64b<br><font size=+1>


pa'i sgo dag ni/ phye/ sems can dmyal ba dang / dud 'gro dang / yi dwags dag nas ni/ rkang pa phyung / lha dang mi rnams kyi nang du ni/ bzhag /'khor ba ni/ mthar bgyis/ thog ma ma mchis pa'i dus nas bas pa'i 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras bu ni/ thob ste/ btsun pa/ bdag ni/ mngon par zhugs pa lags so/ /btsun pa/ bdag ni| mngon par zhugs pa lags te/ btsun pa/ bdag bcom ldan 'das dang / chos dang / dge slong gi dge 'dun la skyabs su mchi yi/ bdag dge bsnyen du gzung du gsol/ deng slan chad nas ji srid 'tsho'i bar du glo ba thag pa nas rab tu dang bas skyabs su mchi'o/ /btsun pa 'char kas/ ji srid 'tsho'i bar du bdag gi bsod snyoms dang / na bza' dang / gnas mal dang / snyung ba'i rkyen dang / sman gyi yo byad dag bzhes bar ci gnang / tshe dang ldan pa 'char kas smras pa/ rab tu byung ba ni/ gzhan la phan pas rjes su 'dzin pa la zhugs pa yin pas/ bram ze gzhan dag la yang phan pa bya dgos so/ /zhes smras te/ dang du ma blangs so/ /de nas tshe dang ldan pa 'char kas mnyan yod du bram ze'i khyim dang po gnyis ka nas btul cing bzhag go /tshe dang ldan pa 'char kas bsam pa/ gang 'dul ba'i dus yin snyam na/ mnyan yod na bram ze zhi ba la dad pa/ zhi ba la bsnyen bkur byed pa zhig 'dug nas tshe dang ldan pa 'char kas bsam pa/ bram ze de 'dul ba'i dus yin no/ /snyam </font><hr>Nya65a<br><font size=+1>


@#/ /nas/ de de'i gan du song ba dang / bram ze des kyang zhi ba la bsnyen bkur byas nas/ kye bram ze bram ze zhes bram ze tshol bar byed do/ /tshe dang ldan pa 'char kas smras pa/ kho bo bram ze yin no/ /des smras pa/ mgo reg 'di lta bu bram ze ga la yin/ tshe dang ldan pa 'char kas smras pa/ bram ze ji lta bu yin/ des smras pa/ bram ze ni/ ral pa can yin no/ /tshe dang ldan pa 'char kas ral pa can du sprul pa dang / ji tsam na/ bram ze de ngo mtshar skyes nas/ des smras pa/ btsun pa 'char ka /ci'i slad du byon/ khyod nyid 'dul ba'i don du'o/ /btsun pa 'char ka /de'i slad du 'di nyid du bzhugs te zhal zas kyi bya ba mdzod cig /tshe dang ldan pa 'char ka der 'dug ste zas kyi bya ba byas pa dang / bram ze de chung ma dang bcas pa/ tshe dang ldan pa 'char ka'i mdun du chos mnyan pa'i phyir 'dug nas tshe dang ldan pa 'char kas de'i bsam pa dang / bag la nyal ba dang / khams dang / rang bzhin khong du chud nas/ 'di ltar bram ze de chung ma dang bcas bas stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste/ rgyun du zhugs pa'i 'bras bu mngon du byas pa de ltar chos bstan to/ /des bden pa mthong nas smras pa/ btsun pa/ bdag gis dge ba'i bshes gnyen btsun pa 'char ka la brten nas btsun pa 'char kas bdag la gang mdzad pa 'di lta bu ni/ bdag la </font><hr>Nya65b<br><font size=+1>


phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang / bram ze dag gis kyang ma bgyis/ byams pa dang / mdza' bshes dang / rtsa lag dag gis kyang ma bgyis te/ khrag dang / mchi ma'i rgya mtsho ni/ bskams/ rus pa'i ri dag las ni/ bsgral/ ngan song gi sgo dag ni/ bkum/ mtho ris dang thar pa'i sgo dag ni/ phye/ sems can dmyal ba dang / dud 'gro dang / yi dwags dag nas ni/ rkang pa phyung / lha dang mi rnams kyi nang du ni/ bzhag /'khor ba ni/ mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras bu ni/ thob ste/ btsun pa 'char ka/ bdag ni/ mngon par zhugs pa lags so/ /btsun pa| bdag ni/ mngon par zhugs pa lags te/ btsun pa/ bdag bcom ldan 'das dang / chos dang / dge slong gi dge 'dun la skyabs su mchi yi/ bdag dge bsnyen du gzung du gsol/ deng slan chad nas ji srid 'tsho ba'i bar du glo ba thag pa nas rab tu dang bas skyabs su mchi'o/ /btsun pa 'char kas ji srid 'tsho'i bar du bdag gi bsod snyoms dang / na bza' dang / gnas mal dang / snyung ba'i rkyen dang / sman gyi yo byad dag bzhes par ci gnang / tshe dang ldan pa 'char kas smras pa/ rab tu byung ba ni/ gzhan la phan pas rjes su 'dzin pa la zhugs pa yin pas/ bram </font><hr>Nya66a<br><font size=+1>


@#/ /ze gzhan dag la yang phan pa bya dgos so/ /zhes smras te/ dang du ma blangs so/ /de nas tshe dang ldan pa 'char kas mnyan yod du bram ze'i khyim gnyis pa gnyi ga nas btul cing bzhag go /tshe dang ldan pa 'char kas bsam pa/ gang 'dul ba'i dus yin snyam na/ mnyan yod na bram ze ser sna can zhig 'dug pa de'i chung ma nor bu la dga' nas/ tshe dang ldan pa 'char kas bsam pa/ bram ze de 'dul ba'i dus yin no/ /snyam nas/ tshe dang ldan pa 'char ka nor bu mkhan gyi cha lugs su byas te de'i khyim du song nas nor bu su nyo/ /nor bu su nyo/ /zhes byas pa dang / bram ze mo des thos nas des smras pa/ nor bu dag rin ji tsam du 'tshong / tshe dang ldan pa 'char kas smras pa/ nor bu 'di dag rin che mod kyi/ 'on kyang rin chung ngu'i phyir sbyin no/ /zhes tshe dang ldan pa 'char kas nor bu mkhan gyi cha lugs mi snang bar byas te rang gi cha lugs kyis 'dug pa dang / bram ze de ngo mtshar skyes nas des smras pa/ btsun pa 'char ka /ci'i slad du 'dir byon/ khyod nyid 'dul ba'i don du'o/ /btsun pa 'char ka /de'i slad du 'di nyid du bzhugs te zhal zas kyi bya ba mdzod cig /tshe dang ldan pa 'char kas der 'dug ste zas kyi bya ba byas pa dang / bram ze de chung ma dang bcas pa tshe dang ldan pa 'char ka'i mdun du chos mnyan pa'i phyir 'dug nas tshe dang ldan pa 'char kas de'i bsam pa dang / bag la </font><hr>Nya66b<br><font size=+1>


nyal dang / khams dang / rang bzhin khong du chud nas/ 'di ltar/ bram ze chung ma dang bcas pas stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras bu mngon du byas pa de ltar chos bstan to/ /des bden pa mthong nas smras pa/ btsun pa/ bdag gis dge ba'i bshes gnyen btsun pa 'char ka la brten nas btsun pa 'char kas bdag la gang mdzad pa 'di lta bu ni/ bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang / bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang mchi ma'i rgya mtsho ni/ bskams/ rus pa'i ri dag las ni/ bsgral/ ngan song gi sgo dag ni/ bkum/ mtho ris dang / thar pa'i sgo dag ni/ phye/ sems can dmyal ba dang / dud 'gro dang / yi dwags dag nas ni/ rkang pa phyung / lha dang / mi rnams kyi nang du ni/ bzhag /'khor ba ni/ mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras bu ni/ thob ste/ btsun pa/ bdag ni/ mngon par zhugs pa lags so/ /btsun pa/ bdag ni/ mngon par zhugs pa lags te/ btsun pa/ bdag bcom ldan 'das dang / chos dang / dge slong gi </font><hr>Nya67a<br><font size=+1>


@#/ /dge 'dun la skyabs su mchi yi/ bdag dge bsnyen du gzung du gsol/ deng slan chad nas ji srid 'tsho'i bar du glo ba thag pa nas rab tu dang bas skyabs su mchi'o/ /btsun pa 'char kas ji srid 'tsho'i bar du bdag gi bsod snyoms dang / na bza' dang / gnas mal dang / snyung ba'i rkyen dang / sman gyi yo byad dag bzhes par ci gnang / tshe dang ldan pa 'char kas smras pa/ rab tu byung ba ni/ gzhan la phan pas rjes su 'dzin pa la zhugs pa yin pas/ bram ze gzhan dag la yang phan par bya dgos so/ /zhes smras te/ dang du ma blangs so/ /de nas tshe dang ldan pa 'char kas mnyan yod du bram ze khyim gsum pa gnyi ga nas btul cing bzhag go /tshe dang ldan pa 'char kas bsam pa/ gang 'dul ba'i dus yin snyam na/ mnyan yod na bram ze nad pa zhig 'dug pa de/ sman pa dag gis sman kha ba dang / tsha ba dang / bska ba dag gis yid byung nas/ des sgo ba la khyod kyis sman pa 'ga' yang nang du ma gtang zhig ces bsgos nas/ tshe dang ldan pa 'char kas bsam pa/ bram ze de 'dul ba'i dus yin no/ /snyam nas/ tshe dang ldan pa 'char ka sman pa'i cha lugs su byas te bram ze de'i khyim sgor sman pa 'ongs so/ /zhes byas te bsdad pa dang / sgo bas smras pa/ kho bo la bram zes/ khyod kyis sman pa 'ga' yang nang du ma gtang zhig /ces sgo ba kho bo de nyid kyi phyir bzhag go /tshe dang ldan pa 'char kas smras pa/ khyod song la bram ze la sman pa </font><hr>Nya67b<br><font size=+1>


'ongs te/ de na re/ sman pa nga sman mi sbyin/ bya dga' yang mi slong bar gsang sngags dag gis sos par bya'o/ /zhes zer ro/ /zhes gyis shig /sgo ba song ste bram ze de la de skad rgyas par brjod pa dang / des smras pa/ nang du thong zhig /tshe dang ldan pa 'char ka nang du zhugs nas des gsang sngags dag gis de sos par byas nas tshe dang ldan pa 'char kas sman pa'i cha lugs mi snang bar byas te rang gi cha lugs kyis 'dug pa dang / bram ze de do mtshar skyes nas des smras pa/ btsun pa 'char ka /ci'i slad du 'dir byon/ khyod nyid 'dul ba'i don du'o/ /btsun pa 'char ka /de'i slad du 'di nyid du bzhugs te zhal zas kyi bya ba mdzod cig /tshe dang ldan pa 'char ka der 'dug ste zas kyi bya ba byas pa dang / bram ze de chung ma dang bcas pa tshe dang ldan pa 'char ka'i mdun du chos mnyan pa'i phyir 'dug nas tshe dang ldan pa 'char kas de'i bsam pa dang / bag la nyal dang / khams dang / rang bzhin khong du chud nas 'di ltar/ bram ze de chung ma dang bcas pas stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras bu mngon du byas pa de ltar chos bstan to/ /des bden pa mthong nas smras pa/ btsun pa/ bdag gis dge ba'i bshes gnyen btsun pa 'char ka la brten nas btsun pa 'char kas bdag la gang mdzad pa 'di lta bu ni/ bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis </font><hr>Nya68a<br><font size=+1>


@#/ /kyang ma bgyis/ sngon gyi pha mes dag gis kyang ma bgyis/ dge sbyong dang / bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang / mchi ma'i rgya mtsho ni/ bskams/ rus pa'i ri dag las ni/ bsgral/ ngan song gi sgo dag ni/ bkum/ mtho ris dang thar pa'i sgo dag ni/ phye/ sems can dmyal ba dang / dud 'gro dang / yi dwags dag nas ni/ rkang pa phyung / lha dang / mi rnams kyi nang du ni/ bzhag /'khor ba ni/ mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras bu ni/ thob ste/ btsun pa/ bdag ni/ mngon par zhugs pa lags so/ /btsun pa/ bdag ni/ mngon par zhugs pa lags te| btsun pa/ bdag bcom ldan 'das dang / chos dang / dge slong gi dge 'dun la skyabs su mchi yi/ bdag dge bsnyen du gzung du gsol/ deng slan chad nas ji srid 'tsho'i bar du glo ba thag pa nas rab tu dang bas skyabs su mchi'o/ /btsun pa 'char kas ji srid 'tsho'i bar du bdag gi bsod snyoms dang / na bza' dang / gnas mal dang / snyung ba'i rkyen dang / sman gyi yo byad dag bzhes par ci gnang / tshe dang ldan pa 'char kas smras pa/ rab tu byung ba ni/ gzhan la phan pas rjes su 'dzin pa la zhugs pa yin pas/ bram ze gzhan dag la yang phan pa bya </font><hr>Nya68b<br><font size=+1>


dgos so/ /zhes smras te/ dang du ma blangs so/ /de nas tshe dang ldan pa 'char kas mnyan yod du bram ze'i khyim bzhi pa gnyi ga nas btul cing bzhag go /tshe dang ldan pa 'char kas bsam pa/ gang 'dul ba'i dus yin snyam na/ mnyan yod na bram ze phyug pa/ nor mang ba/ longs spyod che ba/ yongs su bzung ba yangs shing rgya che ba/ ser sna can/ mig phra ba/ bya rog la yang gtor ma mi ster ba/ yo byad kun tu 'dzin pa zhig 'dug pa de/ sgo drung na bram ze'i khye'u lnga brgya tsam bram ze'i gsang tshig dag klog tu 'jug nas tshe dang ldan pa 'char kas bsam pa/ bram ze de 'dul ba'i dus yin no| |snyam nas/ tshe dang ldan pa 'char ka 'dul ba la ltos pas yang dang yang du der bsod snyoms la bzhugs nas/ des der lan 'ga' yang bsod snyoms ma thob nas/ de de nas phyir byung ba bram ze des mthong nas/ des smras pa/ kye dge sbyong / khyed yang dang yang du der 'jug na/ rnyed pa cung zad yod dam/ tshe dang ldan pa 'char kas de'i dad pa'i nor las bsam ste smras pa/ bram ze khyod nyid la yang med na/ ci zhig sbyin par byed/ bram ze des spyos te smras pa/ dge sbyong khyod khyim mi dang bcas pa thams cad la sbyin par bya'o/ /tshe dang ldan pa 'char kas thabs yin no/ / zhes smras te song ngo / /de na bram ze'i khye'u dge slong gi rgyus shes pa zhig gis bram ze de la smras pa/ mkhan pos/ de dag gis thabs yin no/ /zhes bgyis pa de'i don ci lags mkhyen tam </font><hr>Nya69a<br><font size=+1>


@#/ /des smras pa/ mi shes so/ /skol gyis dang du blang ngo / /zhes smras pa gang lags pa de'i don ni/ de dag gis thabs yin no/ /zhes smras pa de lags so/ /des yang smras pa/ mkhan pos/ de dag gi khyim mi dang bcas pa thams cad ces bgyi ba de'i don ci lags mkhyen tam/ des smras pa/ mi shes so/ /de dag gi khyim mi dang bcas pa thams cad ces bgyi ba ni| rgyal rigs dge sbyong gau ta ma 'khor stong nyis brgya lnga bcu dang bcas pa lags te/ de ltar na/ mkhan pos don gyis sangs rgyas la sogs pa dge slong gi dge 'dun spyan drangs par gyur to/ / bram ze des smras pa/ kho bos bram ze rig byed gsum pa dang ldan pa dag ma mthong ngam/ ci na/ gang gi phyir dge sbyong mgo reg dag la sbyin par byed/ des smras pa/ dge sbyong des deng mkhan po'i mtshan gyis sangs rgyas la sogs pa dge slong gi dge 'dun sang mkhan po'i sdum par spyan 'dren par bgyid do/ /bram zes smras pa/ ci'i phyir de de ltar byed/ des smras pa/ mkhan po| gal te bdag la thugs mi ches na/ bram ze'i khye'u zhig rtog tu gtang du gsol/ des bram ze'i khye'u zhig rtog tu btang ba dang / ji tsam na tshe dang ldan pa 'char kas sangs rgyas la sogs pa dge slong gi dge 'dun tshogs pa na/ rgan pa'i mtha' logs su 'dug ste/ bram ze che ge mo zhig sangs rgyas la sogs pa dge slong gi dge 'dun khyim gzhan du gdugs tshod la spyan </font><hr>Nya69b<br><font size=+1>


'dren to/ /zhes bram ze de'i ming gis sangs rgyas la sogs pa dge slong gi dge 'dun khyim gzhan du spyan drangs ba des thos so/ /bram ze'i khye'u des de thos nas phyir 'ongs te bram ze de la smras pa/ mkhan po/ de bzhin te/ btsun pa 'char kas mkhan po'i mtshan gyis sangs rgyas la sogs pa dge slong gi dge 'dun sang mkhan po'i sdum par spyan drangs kyi/ zhal zas sta gon bgyid du stsol cig /des smras pa/ kho bos bram ze'i rig byed gsum dang ldan pa dag ma mthong ngam/ ci na/ gang gi phyir dge sbyong mgo reg dag la sbyin par byed/ de dag khyim bdag mgon med zas sbyin gyi khyim du za bar 'gyur grang / ji tsam na de nang par langs pa dang dge slong chu'i gtsang sbyor dag bram ze de'i khyim du lhags te smras pa/ bram ze/ chu gang du gzhag par bya/ bram ze des smras pa/ khyim bdag mgon med zas sbyin gyi sdum par ro/ /de bzhin du bshos kyi gtsang sbyor dag lhags te smras pa/ bram ze/ zhal zas gang du brtag par bya/ bram ze des smras pa/ khyim bdag mgon med zas sbyin gyi sdum par ro| |bcom ldan 'das kyi gang gi ngor mgron du bos ba des dus sngar 'gro bar bya zhing / ma zin pa dag zin par bya'o/ /zhes bka' stsal pas/ tshe dang ldan pa 'char ka nang par sngar langs te 'phags pa dang / khyim bdag mgon med zas sbyin gyis lam kar de mthong nas smras pa/ btsun pa 'char ka /gar bzhud/ des smras pa/ bram ze zhig gis bdag la brten te sangs rgyas la sogs pa dge slong gi dge </font><hr>Nya70a<br><font size=+1>


@#/ /'dun khyim gzhan du gdugs tshod la spyan drangs pas der 'gro'o/ /khyim bdag gis smras pa/ bram ze de ni/ ma dad pa lags kyi/ sangs rgyas la sogs pa dge slong gi dge 'dun khyim gzhan du gdugs tshod bcad par gyur na mi rung gi /bdag kyang mchi'o/ /de gnyis der dong ba dang / ji tsam na bram ze de snying las chung ngur 'dug nas khyim bdag mgon med zas sbyin gyis de la smras pa/ bram ze/ khyod kyis sangs rgyas la sogs pa dge slong gi dge 'dun khyim gzhan du gdugs tshod la spyan drangs na/ ci'i phyir snying las chung ngur 'dug /zhal zas sta gon byed na/ ci nyes/ bram ze des smras pa/ kho bo bram ze rig byed gsum dang ldan pa dag ma mthong ngam/ ci na/ dge sbyong mgo reg dag la sbyin par byed/ khyod bdag gi khyim du zan byin cig /khyim bdag gis smras pa/ bram ze kho bo la 'byor pa med snyam mam/ kho bos sangs rgyas la sogs pa dge slong gi dge 'dun la ji srid 'tsho'i bar du bsod snyoms dang / na bza' dang / gnas mal dang / snyung ba'i rkyen dang / sman gyi yo byad dag gis bsnyen bkur byed par yang spro mod kyi/ 'on kyang kho bo khyod la phan gdags pa'i phyir smra'i/ khyod snying las chung ngur ma 'dug par zhal zas sta gon gyis shig /'di ltar/ sangs rgyas la sogs pa dge slong gi dge 'dun ni/ ko sa lar byung ba'i rgyal po gsal rgyal dang / btsun mo phreng ldan ma dang / rgyal rigs dbyar tshul ma dang / bla mkhyen </font><hr>Nya70b<br><font size=+1>


drang srong byin dang / rnying pa dang / kho bo dang / gzhan yang bram ze dang / khyim bdag rgya che rgu dag gis bkur stir byas/ bla mar byas/ ri mor byas/ mchod par byas pa yin pas/ gal te khyod la brten nas sangs rgyas la sogs pa dge slong gi dge 'dun gdugs tshod bcad par gyur na/ khyod la rgyal po gdon mi za bar gnod pa byed par 'gyur zhing / khyod phyag sbal du bcug pas 'chi dgos par 'gyur pa gang yin pa de lta bu'i gnas kyang yod par 'gyur ro/ /bram ze de skrag ste bsam pa/ de ltar 'gyur ro/ /snyam nas smras pa/ khyim bdag /bdag gis zhal zas sta gon ma byas na/ da ji ltar bya/ khyim bdag gis smras pa/ bram ze/ mnyan yod na gang nyo bas mi rnyed pa'i rdzas de lta bu med kyi/ kaR+sha pa Na 'on cig dang / kho bos zhal zas sta gon bya'o/ /bram zes smras pa/ khyim bdag /kaR+sha pa Na ji snyed dag gis sangs rgyas la sogs pa dge slong gi dge 'dun gyi gdugs tshod 'byor par 'gyur/ khyim bdag gis smras pa/ kaR+sha pa Na lnga brgyas so/ /bram ze des khyim bdag la kaR+sha pa Na lnga brgya phul nas/ khyim bdag mgon med zas sbyin gyis de dag gi steng du kaR+sha pa Na gzhan dag gis kyang bsnan te zhal zas sta gon byas so/ /bram ze des smras pa/ khyim bdag /bdag la stsang sder dag kyang mi bdog go /khyim bdag mgon med zas sbyin gyis smras pa/ bram ze/ khyod stsang sder dag gis ma 'tsher bar snying las chung ngur 'dug cig dang / de dag drang srong gi snod dang bcas te gshegs par 'gyur ro/ /de nas sangs rgyas </font><hr>Nya71a<br><font size=+1>


@#/ /la sogs pa dge slong gi dge 'dun gshegs te bzhugs nas dge slong rnams kyis lhung bzed dag byi dor byas pa bram ze des mthong nas des bsam pa/ re zhig snod dag kyang bdag gis byi dor bya mi dgos so/ /snyam nas de mngon par dad par gyur te/ tshe dang ldan pa 'char ka la smras pa/ btsun pa 'char ka/ khyod bdag gis dge ba'i bshes gnyen lags kyi/ khyod kyis kyang brim pa mdzod la slad kyis bshos gsol cig /sangs rgyas la sogs pa'i dge slong gi dge 'dun gdugs tshod gsol nas bcom ldan 'das kyis yon bshad pa mdzad de gdan las bzhengs te gshegs so/ /de nas bram ze des smras pa/ btsun pa 'char ka /da khyod bzhugs te zhal zas kyi bya ba mdzod cig /de 'dug pa dang bram ze de zas brims te des zas kyi bya ba byas pa dang| bram ze de chung ma dang bcas pa tshe dang ldan pa 'char ka'i mdun du chos mnyan pa'i phyir 'dug nas tshe dang ldan pa 'char kas de'i bsam pa dang / bag la nyal dang / khams dang / rang bzhin khong du chud nas 'di ltar/ bram ze de chung ma dang bcas pas stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras bu mngon du byas pa de ltar chos bstan to/ /des bden pa mthong nas smras pa/ btsun pa/ bdag gis dge ba'i bshes gnyen btsun pa 'char ka la brten nas btsun pa 'char kas bdag la gang </font><hr>Nya71b<br><font size=+1>


mdzad pa 'di lta bu ni/ bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang / bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang / mchi ma'i rgya mtsho ni/ bskams/ rus pa'i ri dag las ni/ bsgral/ ngan song gi sgo dag ni/ bkum/ mtho ris dang / thar pa'i sgo dag ni/ phye/ sems can dmyal ba dang / dud 'gro dang / yi dwags dag nas ni/ rkang pa phyung / lha dang / mi rnams kyi nang du ni/ bzhag /'khor ba ni/ mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras bu thob ste/ btsun pa| bdag ni/ mngon par zhugs pa lags so/ /btsun pa/ bdag ni/ mngon par zhugs pa lags te/ btsun pa/ bdag bcom ldan 'das dang / chos dang / dge 'dun la skyabs su mchi yi/ bdag dge bsnyen du gzung du gsol/ deng slan chad nas ji srid 'tsho'i bar du glo ba thag pa nas rab tu dang bas skyabs su mchi'o/ /btsun pa 'char kas ji srid 'tsho'i bar du bdag gi bsod snyoms dang / na bza' dang / gnas mal dang / snyung ba'i rkyen dang / sman gyi yo byad dag bzhes par ci gnang / tshe dang ldan pa 'char kas smras pa/ rab tu byung ba ni/ gzhan la phan pas rjes su 'dzin pa la zhugs pa yin </font><hr>Nya72a<br><font size=+1>


@#/ /pas/ bram ze gzhan dag la yang phan pa bya dgos so/ /zhes smras te dang du ma blangs so/ /de nas tshe dang ldan pa 'char kas mnyan yod du bram ze'i khyim lnga pa gnyi ka nas btul cing bzhag go /tshe dang ldan pa 'char kas bsam pa/ gang 'dul ba'i dus yin snyam na/ mnyan yod na bram ze zhig 'dug pa de'i chung ma gzugs bzang ba/ blta na sdug pa/ mdzes pa yin pas/ de de la shin tu lhag par chags pas khyim du 'ga' yang 'jug tu mi ster nas tshe dang ldan pa 'char kas bsam pa/ bram ze de 'dul ba'i dus yin no/ /snyam nas| de bram ze de'i khyim du song ba dang / ji tsam na bram ze de/ gcin gci zhing 'dug pas tshe dang ldan pa 'char ka mthong nas smras pa/ dge sbyong ma 'jug par sdod cig /tshe dang ldan pa 'char kas 'di ltar bram ze'i gcin gyi rgyun mi 'chad pa de ltar byin gyis brlabs nas/ tshe dang ldan pa 'char ka nang du zhugs te bram ze de'i chung ma de yang 'di ltar de'i lto na nang grol gang dag yod pa de dag thams cad phyi rol nas snang ba de ltar byin gyis brlabs nas/ tshe dang ldan pa 'char ka phyir byung ba dang / bram ze des smras pa/ btsun pa 'char ka /khyod kyis bdag gi mchis brang gzigs sam/ des smras pa/ mthong ngo / /ci 'dra/ khyod kyis ji ltar mthong bar gyur pa de 'dra'o/ /de zhugs te bltas na/ de ltar mi sdug par mthong nas des de la smras pa/ bram ze mo/ </font><hr>Nya72b<br><font size=+1>


khyod kyis btsun pa 'char ka la cung zhig ma smras sam/ des smras pa/ cung zad kyang ma smras te/ 'di ltar/ des bdag spyos te dmod mo bgyis kyi/ bzhud la de la bzod pa gsol cig /de song ste smras pa| btsun pa 'char ka /bdag gi mchis brang la bzod pa mdzad du gsol/ tshe dang ldan pa 'char kas smras pa/ bzod par bya'o/ /des de sngon ji lta ba bzhin du gyur pa dang / bram ze de dad par gyur nas des smras pa/ btsun pa 'char ka ci'i slad du byon/ khyod nyid 'dul ba'i don du'o/ /btsun pa 'char ka /de'i slad du 'di nyid du bzhugs te zhal zas kyi bya ba mdzod cig /tshe dang ldan pa 'char ka der 'dug ste zas kyi bya ba byas pa dang / bram ze de chung ma dang bcas pa tshe dang ldan pa 'char ka'i mdun du chos mnyan pa'i phyir 'dug nas/ tshe dang ldan pa 'char kas de'i bsam pa dang / bag la nyal dang / khams dang / rang bzhin khong du chud nas 'di ltar/ bram ze de chung ma dang bcas pas stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras bu mngon du byas pa de ltar chos bstan to/ /des bden pa mthong nas smras pa/ btsun pa/ bdag gis dge ba'i bshes gnyen btsun pa 'char ka la brten nas btsun pa 'char kas bdag la gang mdzad pa 'di lta bu ni/ bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes </font><hr>Nya73a<br><font size=+1>


@#/ /dag gis kyang ma bgyis/ dge sbyong dang / bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang / mchi ma'i rgya mtsho ni/ bskams/ rus pa'i ri dag las ni/ bsgral/ ngan song gi sgo dag ni/ bkum/ mtho ris dang thar pa'i sgo dag ni/ phye/ sems can dmyal ba dang / dud 'gro dang / yi dwags dag nas ni/ rkang pa phyung / lha dang / mi rnams kyi nang du ni/ bzhag /'khor ba ni/ mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras bu ni/ thob ste/ btsun pa/ bdag ni/ mngon par zhugs pa lags so/ /btsun pa/ bdag ni/ mngon par zhugs pa lags te/ btsun pa/ bdag ni/ bcom ldan 'das dang / chos dang / dge slong gi dge 'dun la skyabs su mchi yi/ bdag dge bsnyen du gzung du gsol/ deng slan chad nas ji srid 'tsho'i bar du glo pa thag pa nas rab tu dang bas skyabs su mchi'o/ /btsun pa 'char ka ji srid 'tsho'i bar du bdag gi bsod snyoms dang / na bza' dang / gnas mal dang / snyung ba'i rkyen dang / sman gyi yo byad dag bzhes par ci gnang / tshe dang ldan pa 'char kas smras pa/ rab tu byung ba ni/ gzhan la phan pas rjes su 'dzin pa la zhugs pa yin pas/ bram ze gzhan dag la yang phan pa bya dgos so/ /zhes smras te </font><hr>Nya73b<br><font size=+1>


dang du ma blangs so/ /de na tshe dang ldan pa 'char kas mnyan yod du bram ze'i khyim drug pa gnyi ga nas btul cing bzhag go /tshe dang ldan pa 'char kas bsam pa/ gang 'dul ba'i dus yin snyam na/ mnyan yod na bram ze zhig 'dug pa de'i chung ma gzugs bzang ba/ blta na sdug pa/ mdzes pa yin te/ bram ze des me tog dang / yam sreg shing gi phyir phyi rol tu byung ba dang / tshe dang ldan pa 'char kas bsam pa/ bram ze de 'dul ba'i dus yin no/ /snyam nas/ de bram ze'i khyim du song ba dang / de'i chung ma des tshe dang ldan pa 'char ka sgo khang du mthong nas de'i nang du zhugs pa dang / tshe dang ldan pa 'char ka yang khyim gyi nang du zhugs so/ /de gnas khang du zhugs pa dang / tshe dang ldan pa 'char ka yang de'i phyi bzhin gnas khang du bzhugs so/ /de gnas khang nas phyir byung ste skas las khang steng du 'dzeg par brtsams pa dang / tshe dang ldan pa 'char kas kyang de'i phyi bzhin skas las khang steng du 'dzeg par brtsams so/ /des skas phul ba dang / tshe dang ldan pa 'char ka sa la bsgyel nas de 'gog pa la snyoms par zhugs pa dang / des bsam pa/ ma shi'am snyam nas de babs te bslang bar brtsams nas/ 'gul bar yang ma nus so/ /bram ze 'ongs nas dris pa/ 'di ci yin/ bram ze mos rgyas par brjod pa dang / des smras pa/ khyod kyi 'di de ltar phul ba ni/ ma legs pa byas te/ 'di ni/ bram ze mdun na 'don gyi bu las rab tu byung ba/ rgyal po gsal rgyal gyi chung po </font><hr>Nya74a<br><font size=+1>


@#/ /grogs/ btsun mo phreng ldan ma'i slob dpon yin te/ 'di dag gis rgyal po las gzhon nu'i yongs su spangs pa thob pas/ bdag cag rgyal pos phyag sbal du bcug pas 'chi bar bya dgos pa gang yin pa de lta bu'i gnas yod par 'gyur ro/ /bram ze mos tshe dang ldan pa 'char ka'i rkang pa gnyis la gtugs te/ 'phags pa/ khyod kyis mi mkhyen pa dang / ma gzigs pa dang| ma rig pa dang / rnam par mi mkhyen pa ci yang ma mchis kyi/ bzod pa gsol zhes bzod pa gsol pa dang / tshe dang ldan pa 'char ka langs te smras pa/ bzod par bya'o/ /bram ze de ngo mtshar skyes nas des smras pa/ btsun pa 'char ka /ci'i slad du byon/ khyod nyid 'dul ba'i don du'o/ /btsun pa 'char ka /de'i slad du 'di nyid du bzhugs te zhal zas kyi bya ba mdzod cig |tshe dang ldan pa 'char kas der 'dug ste zas kyi bya ba byas pa dang / bram ze de chung ma dang bcas pa tshe dang ldan pa 'char ka'i mdun du chos mnyan pa'i phyir 'dug nas tshe dang ldan pa 'char kas de'i bsam pa dang / bag la nyal dang / khams dang / rang bzhin khong du chud nas 'di ltar/ bram ze de chung ma dang bcas pas stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras bu mngon du byas pa de ltar chos bstan to/ /des bden pa mthong nas smras pa/ btsun pa/ bdag gis dge ba'i </font><hr>Nya74b<br><font size=+1>


bshes gnyen btsun pa 'char ka la brten nas btsun pa 'char kas bdag la gang mdzad pa 'di lta bu ni/ bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyis pha mes dag gis kyang ma bgyis/ dge sbyong dang / bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang| mchi ma'i rgya mtsho ni/ bskams/ rus pa'i ri dag las ni/ bsgral/ ngan song gi sgo dag ni/ bkum/ mtho ris dang / thar pa'i sgo dag ni/ phye/ sems can dmyal ba dang / dud 'gro dang / yi dwags dag nas ni/ rkang pa phyung / lha dang / mi rnams kyi nang du ni/ bzhag /'khor ba ni/ mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras bu ni/ thob ste/ btsun pa/ bdag ni/ mngon par zhugs pa lags so/ /btsun pa/ bdag ni/ mngon par zhugs pa lags te/ btsun pa| bdag bcom ldan 'das dang / chos dang / dge slong gi dge 'dun la skyabs su mchi yi/ bdag dge bsnyen du gzung du gsol/ deng slad chad ji srid 'tsho'i bar du glo ba thag pa nas rab tu dang bas skyabs su mchi'o/ /btsun pa 'char kas ji srid 'tsho'i bar du bdag gi bsod snyoms dang / na bza' dang / gnas mal dang / snyung ba'i rkyen dang / sman gyi yo byad dag bzhes par ci gnang / </font><hr>Nya75a<br><font size=+1>


@#/ /tshe dang ldan pa 'char kas smras pa/ rab tu byung ba ni/ gzhan la phan pas rjes su 'dzin pa la zhugs pa yin pas/ bram ze gzhan dag la yang phan pa bya dgos so/ /zhes smras te/ dang du ma blangs so/ /de na tshe dang ldan pa 'char kas mnyan yod du bram ze'i khyim bdun pa gnyi ga nas btul cing bzhag go /tshe dang ldan pa 'char kas bsam pa/ gang 'dul ba'i dus yin snyam na/ /mnyan yod na bram ze zhig 'dug pa de'i chung ma gzugs bzang ba/ blta na sdug pa/ mdzes pa yin te/ bram ze de me tog dang yam sreg shing gi phyir phyi rol tu byung ba dang / tshe dang ldan pa 'char kas bsam pa/ bram ze de 'dul ba'i dus yin no/ /snyam nas/ de bram ze de'i khyim du song ba dang / bram ze mo de gzugs kyi rgyags pa dang / lang tsho'i rgyags pa dang / rigs kyi rgyags pa dang / dbang phyug gi rgyags pas rgyags nas tshig kyang mi ster ro/ /tshe dang ldan pa 'char kas de'i sngon gyi las zad pa las bsam nas tshigs su bcad pa smras pa/ sring mo rnying pa zad byed cing / /gsar pa cung zad skyed mi byed/ /bag med brgyan pa mthong nas ni/ /mchi mas brnangs pa'i bzhin gyis du/ /zhes smras te song ngo / /bram ze mo de 'dis bdag spyos so/ /zhes gshe zhing de gos dri ma can gyon te/ khri zhig pa'i steng du nyal te 'dug go /bram ze de 'ongs pa dang des de mthong nas smras pa/ bram ze mo 'di ci nyes/ bram ze mos bshes te smras pa/ gal te khyod la </font><hr>Nya75b<br><font size=+1>


gang sgo na 'greng ba'i mi gcig la yang bza' ba dang / bgo ba sbyin pa'i 'byor ba med na/ khyod la khyim mi mo blangs pas ci bya/ dge sbyong 'char ka gang yin pa des kho mo spyos so/ /bram zes smras pa/ bzang mo/ de ni/ bram ze mdun na 'don gyi bu las rab tu byung ba yin gyi/ de la bzod par gyis shig /bram ze mos smras pa/ gal te de gson na/ kho mo mi gson no/ /bram zes smras pa/ bzang mo/ 'di ni/ ko sa lar byung ba'i rgyal po gsal rgyal gyi chung po grogs/ btsun mo phreng ldan ma'i slob dpon yin te/ de dag gis rgyal po las gzhon nu'i yongs su spangs pa thob pas gal te bdag gis de la sdug bsngal cung zad bskyed par gyur na/ bdag cag rgyal pos phyag sbal du bcug pas 'chi bar bya dgos pa gang yin pa de lta bu'i gnas yod par 'gyur gyi/ bzod par gyis shig /bram ze mos smras pa/ bram ze/ mang du smras te ci rung / gal te de gson na/ kho mo mi gson no/ /'dod pa bsten pas ni/ sdig pa'i las mi bya ba ci yang med pas/ bram ze de ral gri mchan du bcug ste 'phags pa dang / tshe dang ldan pa 'char kas thag ring po kho nas de sems ji lta bus 'ong snyam na/ ji tsam na gsod pa'i sems kyis 'ong bar mthong nas/ tshe dang ldan pa 'char kas lo ma ma yin pa'i spyil bu mngon par sprul nas der zhugs te 'dug go /bram ze des smras pa/ btsun pa 'char ka/ sgo phye zhig /tshe dang ldan pa 'char kas smras pa/ khyod skyes bzang pos 'ongs par gyur na/ kho bos ci'i phyir sgo mi dbye/ ral gri 'or cig / </font><hr>Nya76a<br><font size=+1>


@#/ /bram zes bsam pa/ bgags te gsad do/ /snyam nas des ral gri bor ro/ /tshe dang ldan pa 'char kas smras pa/ sdig pa'i sems de yang 'or cig /bram ze des bsam pa/ 'di ni/ bdag nyid chen po zhig ste/ bdag gi sems kyang shes so/ /snyam nas de mngon par dad par gyur pa dang / tshe dang ldan pa 'char kas rdzu 'phrul mngon par 'du bya ba de'i phyir bsdus nas de bzhin du 'dug go /bram ze des tshe dang ldan pa 'char ka'i rkang pa gnyis la phyag 'tshal te chos mnyan pa'i phyir mdun du 'dug pa dang / tshe dang ldan pa 'char kas de'i bsam pa dang / bag la nyal dang / khams dang / rang bzhin khong du chud nas 'di ltar/ bram ze stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras bu mngon du byas pa de ltar chos bstan to/ /des bden pa mthong nas smras pa/ btsun pa/ bdag gis dge ba'i bshes gnyen btsun pa 'char ka la brten nas/ btsun pa 'char ka bdag la gang mdzad pa 'di lta bu ni/ bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang / bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang / mchi ma'i rgya mtsho ni/ bskams/ rus pa'i ri dag las ni/ bsgral/ ngan song gi sgo dag ni/ bkum/ </font><hr>Nya76b<br><font size=+1>


mtho ris dang / thar pa'i sgo dag ni/ phye/ sems can dmyal ba dang / dud 'gro dang / yi dwags dag nas ni/ rkang pa phyung / lha dang / mi rnams kyi nang du ni/ bzhag /'khor ba ni/ mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras bu ni/ thob ste/ btsun pa/ bdag ni/ mngon par zhugs pa lags so/ / bdag ni/ mngon par zhugs pa lags te/ btsun pa/ bdag ni/ bcom ldan 'das dang / chos dang / dge slong gi dge 'dun la skyabs su mchi yi/ bdag dge bsnyen du gzung du gsol/ deng slan chad nas ji srid 'tsho'i bar du glo ba thag pa nas rab tu dad pas skyabs su mchi'o/ /de nas bram ze des smras pa/ btsun pa/ 'char ka khyod bdag gi sdum par byon tam/ son to/ /btsun pa 'char kas bdag gi bram ze mo la ji skad bka' stsal/ tshe dang ldan pa 'char kas smras pa/ kho bo de la 'di skad ces/ sring mo rnying pa zad byed cing / /gsar pa cung zad skyed mi byed/ /bag med brgyan pa mthong nas ni/ / mchi mas brnangs pa'i bzhin gyis du/ /zhes smras so/ /btsun pa/ tshigs su bcad pa de'i don ci lags/ bram ze sngon byung ba/ 'das pa'i dus na/ ri brag cig tu dus ston byung nas de na khyim bdag gi chung ma rab tu mang po dag rang gi rgyan dag gis brgyan te/ skyed mos tshal gyi sar dong ba de dag grong sprang mo zhig gis mthong nas de bdag nyid rgud pa'i mya ngan byed do/ /sangs rgyas rnams 'byung ba med </font><hr>Nya77a<br><font size=+1>


@#/ /pa'i tshe rang sangs rgyas dman pa dang / bkren pa la rjes su snying brtse ba/ bas mtha'i gnas mal la dga' ba/ bse ru lta bu gcig pu 'jig rten gyi yon gnas su gyur pa dag 'jig rten du byung ngo / /rang sangs rgyas shig de la phan gdags pa'i phyir phyogs der song ba dang / de'i lus mdzes pa dang / sems mdzes pa grong sprang mo des mthong nas/ des sprang zan cung zad cig rnyed pa dang / des bsam pa/ bdag gis sbyin gnas 'di lta bu la mchod pa ma byas pas/ des na gnas skabs 'di lta bur gyur gor ma chag gi/ gal te bcom ldan 'das 'di bdag las bsod snyoms cung zad len par 'gyur na/ bdag gis 'di la dbul bar bya'o/ /snyam mo/ /rang sangs rgyas des de la snying brtse ba'i phyir lhung bzed bzed pa dang / des de la phul lo/ /rang sangs rgyas de de la snying brtse bas ngang pa'i rgyal po 'dab ma brkyang ba ltar steng gi nam mkha' la mngon par 'phags nas 'bar ba dang / gsal ba dang / char 'bebs pa dang / glog 'byin pa'i cho 'phrul dag bya bar brtsams so/ /so so'i skye bo rdzu 'phrul la myur du sems gtod par byed pa yin pas de shing ljon pa rtsa ba nas bcad pa bzhin du rang sangs rgyas de'i rkang pa gnyis kyi drung du 'gyel nas des smon lam 'di skad ces/ bdag las 'di'i rnam par smin pas nam yang sdug bsngal bar ma gyur cig /ces btab bo/ /bram ze/ de'i tshe de'i dus na/ grong sprang mo gang yin pa de ni/ khyod kyi chung ma de yin te/ des rang </font><hr>Nya77b<br><font size=+1>


sangs rgyas la mchod pa byas pa'i las de'i rnam par smin pas da ltar 'di lta bur skyes te kho bos de'i las kyi rnam par smin pa de zad pa las bsam nas de skad ces/ sring mo rnying pa zad byed cing // gsar pa cung zad skyed mi byed/ /bag med brgyan pa mthong nas ni/ /mchi mas brnangs pa'i bzhin gyis ngu / /zhes smras so/ /btsun pa 'char kas don gyis na bdag gi mchis brang la bskul ba mdzad do/ / btsun pa 'char ka sang bdag gi sdum par gdugs tshod gsol bar ci gnang / tshe dang ldan pa 'char kas/ bram ze de la cang mi smra bas dang du blangs so/ /de nas bram ze des tshe dang ldan pa 'char kas cang mi smra bas dang du blangs par rig nas song ngo / /bram ze mo de yang 'gyod pa skyes te bdag gis bram ze 'char ka sod cig /ces mngag pa ni/ ma legs pa byas te/ bram ze des btsun pa 'char ka bsad par ma gyur tam snyam mo/ /bram ze des 'ongs pa dang chung mas smras pa/ rje'i sras/ khyod kyis btsun pa 'char ka ma bkrongs sam/ bram zes smras pa/ de ni/ bdag nyid chen po yin pas su zhig gis bkrongs par nus/ chung mas smras pa/ 'o na khyod kyis spyan ma drangs sam/ bram zes smras pa/ kho bos sang khyim gzhan du gdugs tshod la spyan drangs kyi/ zhal zas sta gon gyis shig /bram ze mo des zhal zas grang cha gang dag yin pa de dag ni/ de nyid kyis nyin mo sta gon byas/ drod bag gang dag yin pa de dag ni/ phyi de nyin par sta gon byas so/ /tshe dang ldan pa 'char ka yang phyi de nyin par snga dro sham thabs bgos/ </font><hr>Nya78a<br><font size=+1>


@#/ /chos gos dang lhung bzed thogs te bram ze de'i khyim ga la ba der song nas phyin pa dang stan bshams pa nyid la 'dug go /de nas bram ze de chung ma dang bcas pas tshe dang ldan pa 'char ka bde bar 'dug par rig nas/ bca' ba dang / bza' ba gtsang zhing bsod pas rang gi lag nas tshim par byed/ stob par byed/ rnam grangs du mar bca' ba dang / bza' ba gtsang zhing bsod pas rang gi lag nas tshim par byas shing bstabs nas/ tshe dang ldan pa 'char kas zan zos shing lag pa bsnyal/ lhung bzed bzhag par rig nas stan ches dma' ba zhig blangs te tshe dang ldan pa 'char ka'i mdun du chos mnyan pa'i phyir 'dug pa dang / tshe dang ldan pa 'char kas bram ze mo de'i bsam pa dang / bag la nyal dang / khams dang / rang bzhin khong du chud nas 'di ltar/ bram ze mo de stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras bu mngon du byas pa de ltar chos bstan to/ /des bden pa mthong nas smras pa/ btsun pa/ bdag gi dge ba'i bshes gnyen btsun pa 'char ka la brten nas btsun pa 'char kas bdag la gang mdzad pa 'di lta bu ni/ bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang / bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang mchi </font><hr>Nya78b<br><font size=+1>


ma'i rgya mtsho ni/ bskams/ rus pa'i ri dag las ni/ bsgral/ ngan song gi sgo dag ni/ bkum/ mtho ris dang / thar pa'i sgo dag ni/ phye/ sems can dmyal ba dang / dud 'gro dang / yi dwags dag nas ni/ rkang pa phyung / lha dang mi rnams kyi nang du ni/ bzhag /'khor ba ni/ mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras bu ni/ thob ste/ btsun pa/ bdag ni/ mngon par zhugs pa lags so/ /btsun pa/ bdag ni/ mngon par zhugs pa lags te/ btsun pa/ bdag ni/ bcom ldan 'das dang / chos dang / dge slong gi dge 'dun la skyabs su mchi yi/ bdag dge bsnyen mar gzung du gsol/ deng slan chad nas ji srid 'tsho'i bar du glo ba thag pa nas rab tu dang bas skyabs su mchi'o/ /btsun pa 'char kas ji srid 'tsho'i bar du bdag gi bsod snyoms dang / na bza' dang / gnas mal dang / snyung ba'i rkyen dang / sman gyi yo byad dag bzhes par ci gnang / tshe dang ldan pa 'char kas smras pa/ rab tu byung ba ni/ gzhan la phan pas rjes su 'dzin pa la zhugs pa yin pas/ bram ze gzhan pa la phan pa bya dgos so/ /zhes smras te/ dang du ma blangs so/ /de na tshe dang ldan pa 'char kas mnyan yod du bram ze khyim brgyad pa gnyi ga nas btul cing bzhag go / tshe dang ldan pa 'char kas bsam pa/ gang 'dul ba'i dus yin snyam na/ mnyan yod na bram ze phyug pa/ nor mang ba/ longs spyod che ba/ yongs su bzung ba yang sa shing rgya che ba/ ser sna can/ mig phra ba/ bya rog la yang </font><hr>Nya79a<br><font size=+1>


@#/ /gtor ma mi ster ba/ yo byad kun tu 'dzin pa zhig 'dug pa des/ ri brag cig tu zhing blas kyi mtha' rmor bcug nas/ des bang ba dag rgyas btab ste chung ma la lto rgyags tsam byin nas ri brag der song ste rang gi zhal lta byas nas zhing blas kyi mtha' dag byed du 'jug go/ /tshe dang ldan pa 'char kas bsam pa/ bram ze de 'dul ba'i dus yin no/ /snyam nas des bsod snyoms rgyus te bram ze de'i khyim du song nas des smras pa/ bram ze mo/ lhung bzed kyi chu bslang ngo / /des de la 'bras chan phul ba dang / phru ba de de bzhin du gang bar 'dug go /bram ze mos smras pa/ 'phags pa/ bdag gi khyim thab ser sna can/ mig phra ba/ bya rog la yang gtor ma mi ster ba/ yo byad kun du 'dzin pa lags kyi/ slan chad ma byon cig /tshe dang ldan pa 'char kas smras pa/ thabs yin gyi/ sang kho bo bdag nyid dang gnyis 'ong ngo / /tshe dang ldan pa 'char ka phyi de nyin par bdag nyid dang gnyis der song ba dang / des de la de bzhin du 'bras chan phul lo/ /de bzhin du bdag nyid dang drug cu'i bar du nyin rer lan re song ste bram ze'i khyim der bsod snyoms zos pa dang / dgos kyi sdum tshes dag /shes ldan dag /ltos shig /bram ze des lag pa bcal ba brgya dag gis longs spyod dag bsgrubs na/ de dag bram ze mo des/ shAkya'i bu'i dge sbyong dag dang lhan cig za bar byed do/ /zhes smod par byed/ 'phyar kha gtong bar byed/ kha zer bar byed do/ /bram ze'i khye'u zhig bya ba 'ga' zhig la mnyan yod nas ri brag der song ba dang / bram ze des bram ze'i khye'u de thag </font><hr>Nya79b<br><font size=+1>


ring po kho na nas mthong nas des bram ze'i khye'u de la dris pa/ bram ze'i khye'u/ khyod ga las 'dir 'ongs/ des smras pa/ mnyan yod nas so/ /khyod kyis kho bo'i khyim gyi gtam thos sam/ thos te/ mnyan yod na khyim bdag mgon med zas sbyin gyi khyim ni/ shAkya'i bu'i dge sbyong dag gi khyim dang po lags so/ /mkhan po'i khyim ni/ shAkya'i bu'i dge sbyong dag gi khyim gnyis pa lags te/ shAkya'i bu'i dge sbyong drug cu nyin rer lan re mchis te bsod snyoms 'tshal lo/ /bram ze des bsam pa/ 'dis kho bo ser sna can la mtho 'tsham par byed kyi/ gzhan la yang dri bar bya'o/ /snyam nas/ de lam gar song ste bsdad pa dang / ji tsam na bram ze'i khye'u gzhan zhig bya ba 'ga' zhig la mnyan yod nas ri brag der song ba de/ bram ze des bram ze'i khye'u da thag ring po kho na nas mthong nas/ des bram ze'i khye'u de la dris pa/ bram ze'i khye'u/ khyod ga las 'dir 'ongs/ des smras pa/ mnyan yod nas so/ /khyod kyis kho bo'i khyim gyi gtam thos sam/ thos te/ mnyan yod na khyim bdag mgon med zas sbyin gyi khyim ni/ shAkya'i bu'i dge sbyong dag gi khyim dang po lags so/ /mkhan po'i khyim ni/ shAkya'i bu'i dge sbyong dag gi khyim gnyis pa lags te/ shAkya'i bu'i dge sbyong drug cu nyin rer lan re mchis te bsod snyoms 'tshal lo/ /bram ze des bsam pa/ de dang 'di mthun pas de ltar gyur gyi/ bram ze mo des longs spyod dag zos par gyur na mi rung gi/ 'gro'o/ /snyam mo/ /de nas bram ze de phyir 'ongs te bram ze de la smras pa/ bram ze mo </font><hr>Nya80a<br><font size=+1>


@#/ /ngan pa/ kho bos lag pas gzhal ba brgya dag gis longs spyod dag bsgrubs na/ khyod de dag shAkya'i bu'i dge sbyong dag dang lhan cig za bar byed dam/ khyod kyis bram ze rig byed gsum dang ldan pa dag ma mthong ngam/ ci na/ dge sbyong mgo reg de dag la sbyin par byed ces des de brdeg par brtsams pa dang / des smras pa/ bram ze/ khyod kyis kho mo la gtad pa'i bang ba dag kho mos rgya nyams par byas sam ci/ je so sor rtogs shig /bram ze des bang ba dag so sor brtags pa dang ji tsam na de bzhin du rgya ma nyams par 'dug pa dag mthong nas des chung ma la smras pa/ khyod kyi zas de snyed ga las rnyed/ des smras pa/ bdag gi phru ba 'dir 'bras chan dang / sran tshod btsos na/ 'bras chan des/ dge sbyong drug cu dang bdag kyang 'grangs par gyur to/ /bram ze des smras pa/ ci'i phyir de ltar du gyur/ des smras pa/ bdag gis khyod kyi mngon sum du 'gyur bar bya'o/ /zhes des phyi de nyin par tshe dang ldan pa 'char ka bdag nyid dang drug cu der 'ongs pa la de bzhin du bsod snyoms phul nas des smras pa/ bram ze/ khyod kyis mthong ngam/ bram ze de mngon par dad par gyur nas/ des smras pa/ btsun pa 'char kas sang bdag gi sdum par gdugs tshod gsol bar ci gnang / tshe dang ldan pa 'char kas smras pa/ bram ze/ ci/ 'di 'dra bas sam/ 'on te zas yang dag pas mgron du 'bod/ bshos yang dag pas spyan 'dren </font><hr>Nya80b<br><font size=+1>


to/ /tshe dang ldan pa 'char kas bram ze de la cang mi smra bas dang du blangs te song ngo / /de nas bram ze des tshe dang ldan pa 'char kas cang mi smra bas dang du blangs par rig nas/ de nyid kyi mtshan mo bca' ba dang / bza' ba gtsang zhing bsod pa dag sta gon byas so/ /tshe dang ldan pa 'char ka yang phyi de nyin par snga dro sham thabs bgos/ lhung bzed dang chos gos thogs te bram ze'i khyim ga la ba der song ste phyin nas stan bshams pa nyid la 'dug go /de nas bram ze de tshe dang ldan pa 'char ka bde bar 'dug par rig nas/ bca' ba dang / bza' ba gtsang zhing bsod pas rang gi lag nas tshim par byed / stob par byed do/ /rnam grangs du mar bca' ba dang / bza' ba gtsang zhing bsod pas rang gi lag nas tshim par byas shing bstabs nas/ tshe dang ldan pa 'char ka zan zos shing lag pa bsnyal/ lhung bzed bzhag par rig nas stan ches dma' ba zhig blangs te tshe dang ldan pa 'char ka'i mdun du chos mnyan pa'i phyir 'dug go /tshe dang ldan pa 'char kas de'i bsam pa dang / bag la nyal dang / khams dang rang bzhin khong du chud nas 'di ltar/ bram ze de chung ma dang bcas pas stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba/ ye shes kyi rdo rje bcom ste rgyun du zhugs pa'i 'bras bu mngon du byas pa de ltar chos bstan to/ /des bden pa mthong nas smras pa/ btsun pa/ bdag gis dge ba'i bshes gnyen btsun pa 'char ka la brten nas btsun pa 'char kas bdag </font><hr>Nya81a<br><font size=+1>


@#/ /la gang mdzad pa 'di lta bu ni/ bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang / bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang / mchi ma'i rgya mtsho ni/ bskams/ rus pa'i ri dag las ni/ bsgral/ ngan song gi sgo dag ni/ bkum/ mtho ris dang / thar pa'i sgo dag ni/ phye/ sems can dmyal ba dang / dud 'gro dang / yi dwags dag nas ni/ rkang pa phyung / lha dang / mi rnams kyi nang du ni/ bzhag /'khor ba ni/ mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras bu ni/ thob ste/ btsun pa/ bdag ni/ mngon par zhugs pa lags so/ /btsun pa/ bdag ni/ mngon par zhugs pa lags te/ btsun pa/ bdag bcom ldan 'das dang / chos dang dge slong gi dge 'dun la skyabs su mchi yi/ bdag dge bsnyen du gzung du gsol/ deng slan chad nas ji srid 'tsho'i bar du glo ba thag pa nas rab tu dang bas skyabs su mchi'o/ /btsun pa 'char kas ji srid 'tsho'i bar du bdag gi bsod snyoms dang / na bza' dang / gnas mal dang / snyung ba'i rkyen dang / sman gyi yo byad dag bzhes par ci gnang / tshe dang ldan pa 'char kas smras pa/ rab </font><hr>Nya81b<br><font size=+1>


tu byung ba ni/ gzhan la phan pas rjes su 'dzin pa la zhugs pa yin pas/ bram ze gzhan dag la yang phan pa bya dgos so/ /zhes smras te/ dang du ma blangs so/ /de nas tshe dang ldan pa 'char kas mnyan yod du bram ze khyim dgu pa gnyi nas btul cing bzhag go// //'dul ba rnam par 'byed pa/ bam po re bdun pa/ /tshe dang ldan pa 'char kas bsam pa/ gang 'dul ba'i dus yin snyam na/ mnyan yod na bram ze zhig 'dug pa des/ rigs mnyam pa la chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /de la bu zhig byung nas de bsrings shing bskyed de chen por gyur to/ /de'i chung ma de gtum pa/ brlang pa/ rtsub pa/ rgya ba/ gshe ba/ spyo ba zhig yin pas rtag tu ngos kyi sdum tshes dag dang lhan cig 'thab krol byed nas de'i ming gtum mo/ gtum mo/ zhes bya bar gyur to| |dus gzhan zhig na mnyan yod du dus ston byung nas bram ze des bu la smras pa/ bu/ khyod kyi ma 'di gtum pas gzhan dag dang lhan cig 'thab krol byed pas bdag cag khri mon du bcug pas 'chi bar bya dgos pa gang yin pa de lta bu'i gnas yod par 'gyur gyi/ re zhig dus ston thal gyi bar du ri brag gzhan zhig tu 'dong zhing 'khod la/ de'i 'og tu phyir 'ong bar bya'o/ /khyod song la ma la dris shig / bu des ma la smras pa/ yum/ bdag bgyi ba cung zhig gi slad du ri brag ga ge mo zhig tu mchi'o/ /gtum mos smras pa/ gang du kho mo'i dang po'i gos song ba der song zhig /bram zes kyang smras pa/ </font><hr>Nya82a<br><font size=+1>


@#/ /kho bo yang 'gro'o/ /gtum mos smras pa/ gang nas kyang mi 'ong ba der song zhig /de gnyis dong ba dang / gtum mos bu mo mngag gzhug ma la smras pa/ bu mo/ 'khur slang tshugs shig dang / je snog zan bya'o/ /des 'khur slang btsugs te 'khur ba dag bya bar brtsams pa dang / tshe dang ldan pa 'char kas bsam pa/ gtum mo da 'dul ba'i dus yin no/ /snyam nas/ de snga dro sham thabs bgos/ lhung bzed dang chos gos thogs te mnyan yod du bsod snyoms la zhugs nas/ de mthar gyis bsod snyoms la rgyu ba na/ gtum mo'i khyim du 'jug par brtsams pa dang / de 'jug pa gtum mos mthong nas/ des bu mo mngag gzhug ma la smras pa/ bu mo/ dge slong 'di skrod cig /des bskrad pa dang / tshe dang ldan pa 'char ka tshe dang por nang du zhugs shing / bu mo mngag gzhug ma phyis zhugs so/ /de gtum mos yang mthong nas/ des bu mo mngag gzhug ma la smras pa/ bu mo/ khyod kyis dge sbyong 'di ma bskrad dam/ des smras pa/ bskrad do/ /'o na 'di ga las zhugs/ yang skrod la sgo chod cig /des de bskrad de sgo bcad nas zhugs pa dang / tshe dang ldan pa 'char ka ches dang por zhugs so/ /de gtum mos yang mthong nas/ des bu mo mngag gzhug ma la smras pa/ bu mo/ khyod kyis dge sbyong 'di bskrad de sgo ma bcad dam/ bcad do/ /'o na 'di ga nas zhugs/ de nas gtum mos smras pa/ dge sbyong ci slong / tshe dang ldan pa 'char kas smras pa/ 'khur </font><hr>Nya82b<br><font size=+1>


ba'o/ /gtum mos smras pa/ khyod bu thu bor gyur te 'ongs na/ khyod la 'khur ba ci'i phyir mi sbyin/ tshe dang ldan pa 'char kas bu thu bor sprul te 'ongs pa dang / gtum mos smras pa/ gal te lag pa dang / rkang pa dag ser por byas kyang khyod la 'khur ba mi sbyin no/ /tshe dang ldan pa 'char kas lag pa dang / rkang pa dag ser por sprul pa dang / gtum mos smras pa/ gal te mig gnyis kham phor lta bur blta na yang khyod la 'khur ba mi sbyin no/ /tshe dang ldan pa 'char kas mig gnyis kham phor lta bur sprul pa dang / gtum mos smras pa/ gal te nam mkha' la dril bu bzhin du khral la 'khrol zhing 'dug na yang khyod la 'khur ba mi sbyin no/ /tshe dang ldan pa 'char kas nam mkha' la dril bu bzhin du khral la 'khrol zhing 'dug pa dang / gtum mos smras pa/ gal te khyod phyed phyed du dum bu gnyis su gas kyang khyod la 'khur ba mi sbyin no/ /tshe dang ldan pa 'char kas bdag nyid phyed phyed du dum bu gnyis su gas par sprul te sa la bsgyel ba dang / bu mo mngag gzhug mas smras pa/ jo mo/ khyed kyis gdung bar bgyid pa mang po dad bsgrubs pa de dag gi nang du 'di ni/ ches gdung bar bgyid pa lags te/ dge slong 'di ni/ ko sa lar byung ba'i rgyal po gsal rgyal gyi chung po grogs/ btsun mo phreng ldan ma'i slob dpon lags pas/ bdag ni/ shin tu thag ring por mchis kyang bran mo nyid du bas kyi/ jo mos ni/ gser gyi chu bum gyis rgyal po'i pho brang du chab bcu 'tsham par 'gyur ro/ /gtum mo skrag ste bsam pa/ de ltar 'gyur ro/ /snyam nas des smras pa/ </font><hr>Nya83a<br><font size=+1>


@#/ /bu mo/ dong rkos shig dang sba'o/ /zhes des dong bkos ste sba bar brtsams pa dang / tshe dang ldan pa 'char ka 'gog pa la snyoms zhugs nas des bsgul bar yang ma nus so/ /de nas gtum mos tshe dang ldan pa 'char ka'i rkang pa gnyis la gtugs te smras pa/ 'phags pa/ khyod kyis mi mkhyen pa dang / mi gzigs pa dang / ma rig pa dang / rnam par mi mkhyen pa ci yang ma mchis kyi/ bdag la bzod pa mdzod cig dang / khyod la 'khur ba gsol lo/ /tshe dang ldan pa 'char ka langs te cha lugs tha mal bstan pa dang / gtum mos bsam pa/ 'di la 'khur ba sbyin no/ / zhes khas blangs na/ 'khur ba 'di dag ni/ ha cang che ches bas phangs kyi/ 'di'i phyir 'khur ba chung ngu gzhan zhig bya'o/ /snyam nas/ des 'khur ba chung ngu zhig sreg par brtsams pa dang / 'khur ba des 'khur slang thams cad yog par gyur nas gtum mos bsam pa/ bdag gi khur ba 'di/ mi sbyin par 'khur ba snga ma las gcig sbyin no/ /snyam nas des 'khur ba gcig drang bar brtsams pa dang / ji tsam na khur ba thams cad 'ongs nas gtum mos smras pa/ ci/ 'phags pa 'khur ba thams cad bzhed dam/ tshe dang ldan pa 'char kas smras pa/ 'dod do/ /gtum mos smras pa/ bzhes su gsol/ tshe dang ldan pa 'char kas smras pa/ sring mo dang / gal te yongs su gtang na/ khyim bdag mgon med zas sbyin gyi deng sangs rgyas la sogs pa dge slong gi dge 'dun khyim gzhan du gdugs tshod </font><hr>Nya83b<br><font size=+1>


la spyan drangs kyi/ der dong la rang gi lag nas brims shig /gtum mos smras pa/ 'phags pa/ bdag gtum mo/ zhes thams cad du rig pas/ bdag der 'jug tu ga la chud/ tshe dang ldan pa 'char kas smras pa/ sring mo/ kho bos khyod 'jug tu gzhug go /de nas gtum mos 'khur ba de dag thogs te/ khyim bdag mgon med zas sbyin gyi khyim du 'jug par brtsams pa dang / sgo bas smras pa/ gtum mo/ don ci'i phyir 'dir 'ongs/ ma 'jug cig /tshe dang ldan pa 'char kas smras pa/ bzhin bzang / 'jug tu chug cig /sgo bas gtum mo nang du btang ba dang / des sangs rgyas la sogs pa dge slong gi dge 'dun mang po mthong nas 'khur ba de dag gtub par brtsams pa dang / tshe dang ldan pa 'char kas smras pa/ ma gtub par rangs par brims shig /gtum mos smras pa/ khyed par mi 'gyur ro/ /tshe dang ldan pa 'char kas smras pa/ brims shig dang khyed par 'gyur ro/ /zhes des 'di ltar sangs rgyas la sogs pa dge slong gi dge 'dun thams cad la khyed pa'i phyin lhag kyang byung ba de ltar byin gyis brlabs so/ /gtum mos sangs rgyas la sogs pa dge slong gi dge 'dun thams cad la 'khur bas khyed par brims te gsol nas/ bcom ldan 'das kyis yon bshad pa mdzad nas gdan las bzhengs te gshegs so| |gtum mos smras pa/ btsun pa 'char ka khyod bdag gi dge ba'i bshes gnyen lags kyi tshur gshegs/ bdag gi sdum par bzhud la khyod kyi der gdug tshod gsol cig /tshe dang ldan pa </font><hr>Nya84a<br><font size=+1>


@#/ /'char ka gtum mo'i khyim du song ba dang / gtum mos tshe dang ldan pa 'char ka la zan byin nas gtum mo tshe dang ldan pa 'char ka'i mdun du chos mnyan pa'i phyir 'dug pa dang / tshe dang ldan pa 'char kas de'i bsam pa dang / bag la nyal dang / khams dang / rang bzhin khong du chud nas 'di ltar/ gtum mos stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras bu mngon du byas pa de ltar chos bstan to/ /des bden pa mthong nas smras pa/ btsun pa/ bdag gis dge ba'i bshes gnyen btsun pa 'char ka la brten nas btsun pa 'char kas bdag la gang mdzad pa 'di lta bu ni/ bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang / bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang mchi ma'i rgya mtsho ni/ bskams rus pa'i ri dag las ni/ bsgral/ ngan song gi sgo dag ni/ bkum/ mtho ris dang / thar pa'i sgo dag ni/ phye/ sems can dmyal ba dang / dud 'gro dang / yi dwags dag nas ni/ rkang pa phyung / lha dang / mi rnams kyi nang du ni/ bzhag /'khor ba ni/ mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du </font><hr>Nya84b<br><font size=+1>


zhugs pa'i 'bras bu ni/ thob ste/ btsun pa/ bdag ni/ mngon par zhugs pa lags so/ /btsun pa/ bdag ni/ mngon par zhugs pa lags te/ btsun pa/ bdag bcom ldan 'das dang / chos dang / dge slong gi dge 'dun la skyabs su mchi yi/ bdag dge bsnyen mar gzung du gsol/ /deng slan chad nas ji srid 'tsho'i bar du glo ba thag pa nas rab tu dang bas skyabs su mchi'o/ /de nas tshe dang ldan pa 'char kas de la chos dang ldan pa'i gtam gyis yang dag par bstan/ yang dag par 'dzin 'jug /yang dag par gzengs bstod/ yang dag par rab tu dga' bar byas nas stan las langs te song ngo / /de nas gtum mos rang gi khyim phyag der legs par byas/ chag chag legs par btab/ byug pas legs par byugs te me tog dag dgram par byas nas spyod lam zhi bas 'dug go /bram ze de yang dus ston thal nas phyir 'ongs te skyed mos tshal du bsdad nas des bu la smras pa/ bu/ khyod song la khyod kyi ma khri mon gang du bcug cing 'dug pa ltos shig dang / dbyung bar bya'o/ /bu de khyim du song ba dang / gtum mos thag ring po kho na nas bu mthong nas des smras pa/ bu/ 'ongs pa legs so/ /'ongs pa legs so/ /tshur shog /ngal sos shig /khyod kyi pha de 'ongs sam/ bus smras pa/ mchis te/ skyed mos tshal na sdod cing mchis so/ /bu de zan zos nas pa'i gan du song ba dag phas dris pa/ bu/ khyim bde'am/ bus smras pa/ yab/ yum gyi spyod lam de lta bu ni/ sngon lan 'ga' yang mthong ste/ 'di ltar spyod lam zhi bas mchis so/ /bram ze de khyim du zhugs pa dang / </font><hr>Nya85a<br><font size=+1>


@#/ /gtum mos thag ring po kho na nas mthong nas des smras pa/ rje'i sras/ byon pa legs so/ /byon pa legs so/ /bzhugs su gsol/ de 'dug nas bsam pa/ bye brag 'di lta bu ni/ sngon ma byung na/ ci las gyur snyam nas des tshigs su bcad pa smras pa/ 'di ltar sngon dang mi 'dra bar/ /log pa nyid du khyod snang na/ /khyod ni smyo byed ldan gyur tam/ /'on te myos par gyur tam ci/ /gtum mos tshigs su bcad pa smras pa/ jo bo bdag ni smyos pa min/ myos par gyur pa'ang ma lags te/ /bdag gis sangs rgyas bstan pa la/ /'phags pa'i bden pa mthong bar bgyis/ / rje'i sras/ bdag la 'phags pa 'char kas 'di ltar/ bdag slan chad 'khor ba na 'khor ba'i tshe nyon mongs pa de lta bu dag kun tu spyod par mi 'gyur ba de ltar chos bstan pa mdzad do/ /bram ze de de ngo mtshar skyes te bsam pa/ bdag gis brdeg pa dang / bcing ba dang / smad pas thul bar ma nus pa gang yin pa de/ btsun pa 'char kas chos bstan pas btul bas/ gang gi phyir chos bstan pas 'di btul ba ni/ 'phags pa 'char kas bdag la phan pa mang du mdzad do/ /'phags pa 'char kas bdag la legs pa mang du mdzad kyi/ bdag song la 'phags pa 'char ka sang khyim gzhan du gdugs tshod la spyan drang ngo / /snyam nas tshe dang ldan pa 'char kas ga la ba der song ste phyin nas tshe dang ldan pa 'char ka'i rkang pa gnyis la mgo bos phyag 'tshal te mtha' gcig tu 'dug go / </font><hr>Nya85b<br><font size=+1>


mtha' gcig tu 'dug nas tshe dang ldan pa 'char ka bram ze de la chos dang ldan pa'i gtam gyis yang dag par ston par byed/ yang dag par 'dzin du 'jug par byed/ yang dag par gzengs bstod par byed/ yang par rab tu dga' bar byed do/ /rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas cang mi smra'o/ /de nas bram ze de stan las langs te tshe dang ldan pa 'char ka ga la ba de logs su thal mo sbyar ba btud nas tshe dang ldan pa 'char ka la 'di skad ces smras so/ /btsun pa 'char kas sang bdag gi sdum par gdugs tshod gsol bar ci gnang / tshe dang ldan pa 'char kas bram ze de la cang mi smra bas dang du blangs so/ /de nas bram ze des tshe dang ldan pa 'char kas cang mi smra bas dang du blangs par rig nas tshe dang ldan pa 'char ka'i rkang pa gnyis la mgo bos phyag 'tshal te song ngo / /de nas bram ze des de nyid kyi mtshan mo bca' ba dang / bza' ba gtsang zhing bsod pa dag sta gon byas so/ /tshe dang ldan pa 'char ka yang phyi de nyin par snga dro sham thabs bgos/ lhung bzed dang chos gos thogs te bram ze de'i khyim ga la ba der song ste phyin nas stan bshams pa nyid la 'dug go /de nas bram ze des tshe dang ldan pa 'char ka bde bar 'dug par rig nas bca' ba dang / bza' ba gtsang zhing bsod pas rang gi lag nas tshim par byed/ stob par byed do/ /rnam grangs du mar bca' ba dang / bza' ba gtsang zhing bsod </font><hr>Nya86a<br><font size=+1>


@#/ /pas rang gi lag nas tshim par byas shing bstabs nas tshe dang ldan pa 'char ka zan zos shing lag pa bsnyal/ lhung bzed bzhag par rig nas stan ches dma' ba zhig blangs te tshe dang ldan pa 'char ka'i mdun du chos mnyan pa'i phyir 'dug go /tshe dang ldan pa 'char kas de'i bsam pa dang / bag la nyal dang / khams dang / rang bzhin khong du chud nas 'di ltar/ bram ze des stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras bu mngon du byas pa de ltar chos bstan to/ /des bden pa mthong nas smras pa| btsun pa/ bdag gis dge ba'i bshes gnyen btsun pa 'char ka la brten nas btsun pa 'char kas bdag la gang mdzad pa 'di lta bu ni/ bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang / bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang / mchi ma'i rgya mtsho ni/ bskams/ rus pa'i ri dag las ni/ bsgral/ ngan song gi sgo dag ni/ bkum/ mtho ris dang / thar pa'i sgo dag ni/ phye/ sems can dmyal ba dang / dud 'gro dang / yi dwags dag nas ni/ rkang pa phyung / lha dang / mi rnams kyi nang du ni/ bzhag /'khor ba ni/ mthar bgyis/ thog ma ma mchis </font><hr>Nya86b<br><font size=+1>


pa'i dus nas bsags pa'i 'jigs tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras bu ni/ thob ste/ btsun pa/ bdag ni/ mngon par zhugs pa lags so// btsun pa/ bdag ni/ mngon par zhugs pa lags te/ btsun pa/ bdag ni/ bcom ldan 'das dang / chos dang / dge slong gi dge 'dun la skyabs su mchi yi/ bdag dge bsnyen du gzung du gsol deng slan chad nas ji srid 'tsho'i bar du glo ba thag pa nas rab tu dang bas skyabs su mchi'o/ /btsun pa 'char kas ji srid 'tsho'i bar du bdag gi bsod snyoms dang / na bza' dang / snyung ba'i rkyen dang / sman gyi yo byad dag bzhes par ci gnang / tshe dang ldan pa 'char kas smras pa/ rab tu byung ba ni/ gzhan la phan pas rjes su 'dzin pa la zhugs pa yin pas bram ze gzhan dag la yang phan par bya dgos so/ /zhes smras te/ dang du ma blangs so/ /bram ze des smras pa/ gal te btsun pa 'char kas dang du mi bzhes na/ bdag gis drang srong gi gdan bshams par bgyi yi/ btsun pa 'char ka gshegs te longs spyod par gsol/ tshe dang ldan pa 'char kas bram ze de la cang mi smra bas dang du blangs so/ /de nas tshe dang ldan pa 'char kas de la chos dang ldan pa'i gtam gyis yang dag par bstan yang dag par 'dzin du bcug /yang dag par gzengs bstod/ yang dag par rab tu dga' bar byas nas stan las langs te song ngo / /de nas tshe dang ldan pa 'char kas mnyan yod du bram ze'i khyim bcu </font><hr>Nya87a<br><font size=+1>


@#/ /pa gnyi ga nas btul cing bzhag go /tshe dang ldan pa 'char kas bsam pa/ gang 'dul ba'i dus yin snyam na/ mnyan yod na bram ze gzhon nu khye'u lnga brgya tsam chung ma dang bcas pa dag bca' ba dang / bza' ba dang / dri dang / phreng ba rgyu mang po thogs te rtse ba'i phyir skyed mos tshal gyi sar byung ba dang / tshe dang ldan pa 'char kas bsam pa/ 'di dag 'dul ba'i dus yin no/ /snyam nas de de dag gi gan du song ba dang / de dag gis smras pa/ btsun pa 'char ka khyod bram ze mdun na 'don gyi bu yin na/ ci'i phyir shAkya'i bu'i dge sbyong ba 'di dag thams cad za ba dag gi nang du rab tu byung / tshe dang ldan pa 'char kas 'di ltar/ de dag gi phreng ba gang dag yin pa de dag ni/ kun dong gi phreng bar gyur/ 'khur ba gang dag yin pa de dag ni/ ba lang gi ko bar gyur/ sha gang dag yin pa de dag ni/ ba lang gi shar gyur/ btung ba gang dag yin pa de dag ni/ chang du gyur pa de ltar byin gyis brlabs nas tshe dang ldan pa 'char kas de dag la lhung bzed bstan te smras pa| shes ldan dag ltos shig /kho bo'i lhung bzed na kun dong dang / ba lang gi rko ba dang / ba lang gi sha dang / chang yod snyam mam/ ci/ khyed cag ni/ mgo la yang kun dong gi phreng ba thogs/ zas su yang ba lang gi ko ba dang / ba lang gi sha za/ btung bar yang chang 'thung bas/ khyed cag thams cad za ba yin pas/ de dag gis gcig la gcig bltas nas ji tsam na/ bdag cag thams cad kyi </font><hr>Nya87b<br><font size=+1>


mgo la kun dong gi phreng ba thogs pa dang / 'khur ba thams cad ba lang gi ko bar gyur pa dang / sha thams cad ba lang gi shar gyur pa dang / btung ba thams cad chang du gyur par mthong nas de dag gis smras pa| 'phags pa 'char ka /khyod kyis bdag cag la dmod pa bor gyi/ bdag cag la bzod pa mdzad du gsol/ tshe dang ldan pa 'char kas smras pa/ bzod par bya'o/ /de nas de dag snga mkho bzhin du gyur pa dang / de dag ngo mtshar skyes nas de dag gis smras pa/ bcun pa 'char ka ci'i slad du byon/ khyed cag nyid gdul ba'i don du 'ongs kyi/ 'khod cig dang chos bstan par bya'o/ /de dag tshe dang ldan pa 'char ka'i mdun du chos mnyan pa'i phyir 'khod pa dang / tshe dang ldan pa 'char kas de dag chung ma dang bcas pa'i bsam pa dang / bag la nyal dang / khams dang / rang bzhin khong du chud nas 'di ltar/ bram ze de dag chung ma dang bcas pas stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras bu mngon du byas pa de ltar chos bstan to/ /de dag gis bden pa mthong nas smras pa/ btsun pa/ bdag cag gis dge ba'i bshes gnyen btsun pa 'char ka la brten nas btsun pa 'char kas bdag cag la gang mdzad pa 'di lta bu ni/ bdag cag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mas dag gis kyang ma bgyis/ dge sbyong dang / bram ze dag gis kyang ma bgyis </font><hr>Nya88a<br><font size=+1>


@#/ /byams pa dang / mdza' bshes dang / rtsa lag gi tshogs kyis kyang ma bgyis te/ khrag dang / mchi ma'i rgya mtsho ni/ bskams/ rus pa'i ri dag las ni/ bsgral/ ngan song gi sgo dag ni/ bkum/ mtho ris dang / thar pa'i sgo dag ni/ phye/ sems can dmyal ba dang / dud 'gro dang / yi dwags dag nas ni/ rkang pa phyung / lha dang / mi rnams kyi nang du ni/ bzhag / 'khor ba ni/ mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras bu ni/ thob ste/ btsun pa/ bdag cag ni/ mngon par zhugs pa lags so/ /btsun pa/ bdag cag ni/ mngon par zhugs pa lags te/ btsun pa/ bdag cag bcom ldan 'das dang / chos dang / dge slong gi dge 'dun la skyabs su mchi yi/ bdag cag dge bsnyen du gzung du gsol/ deng slan chad nas ji srid 'tsho'i bar du glo ba thag pa nas rab tu dang bas skyabs su mchi'o/ /btsun pa 'char kas ji srid 'tsho'i bar du bdag cag gi bsod snyoms dang / na bza' dang / gnas mal dang / snyung ba'i rkyen dang / sman gyi yo byad dag bzhes par ci gnang / tshe dang ldan pa 'char kas smras pa/ rab tu byung ba ni/ gzhan la phan pas rjes su 'dzin pa la zhugs pa yin pas/ bram ze gzhan dag la yang phan pa bya dgos so/ /zhes smras te dang du ma blangs so/ /bram ze de dag gis smras pa/ </font><hr>Nya88b<br><font size=+1>


gal te btsun pa 'char kas dang du mi bzhes na/ bdag cag gis drang srong gi gdan bshams pa bgyi'o/ /btsun pa 'char ka gshegs te longs spyod par gsol/ tshe dang ldan pa 'char kas bram ze de dag la cang mi smra bas dang du blangs so/ /de nas tshe dang ldan pa 'char kas de dag la chos dang ldan pa'i gtam gyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar byas nas stan las langs te song ngo / /de na tshe dang ldan pa 'char kas mnyan yod du bram ze'i khyim lnga brgya lhag tsam gnyi ga nas btul cing bzhag go /de nas bcom ldan 'das kyis dge slong rnams la bka' stsal pa/ dge slong dag /nga'i nyan thos kyi dge slong khyim pa dad par byed pa rnams kyi nang na mchog ni/ 'di lta ste/ dge slong 'char ka nag po 'di yin no/ /tshe dang ldan pa 'char kas bsam pa/ gang 'dul ba'i dus yin snyam na/ mnyan yod na bram ze zhig gsang sngags dag gis mi ma yin pa dbang du byas nas shing rta bcas te 'dren du 'jug par byed nas tshe dang ldan pa 'char kas bsam pa/ bram ze de gdul ba'i dus yin no/ /snyam nas/ tshe dang ldan pa 'char kas bram ze gdul ba'i phyir 'phags pa dang / ji tsam na bram ze de gsang sngags dag gis mi ma yin pa dbang du byas nas shing rta bcas te 'dren du bcug nas mnyan yod kyi phyi rol du song ba na/ bram ze de shing rta las babs nas gcin gci bar bsam pa dang / tshe dang ldan pa 'char kas 'di ltar/ bram ze de'i gcin rgyun mi </font><hr>Nya89a<br><font size=+1>


@#/ /'chad pa de ltar byin gyis brlabs nas tshe dang ldan pa 'char kas gsang sngags kyi phur bu byung ba dang / mi ma yin pa de bros te song ngo / /ji tsam na bram ze de langs pa dang / mi ma yin pa de bros par mthong nas des smras pa/ sus kho bo'i mi ma yin pa'i phur bu phyung / tshe dang ldan pa 'char kas smras pa/ kho bos so/ /ci'i phyir khyod bram zer gyur nas mi ma yin par spyod dam/ des smras pa/ su zhig bdag gi bsnyen bkur byed par 'gyur/ tshe dang ldan pa 'char kas de la lhung bzed bstan nas smras pa/ 'di khyod kyi bsnyen bkur byed par 'gyur ro/ /des smras pa/ 'dis ci 'grub par 'gyur/ tshe dang ldan pa 'char kas smras pa/ gang sems pa dang / gang 'dod pa de dag thams cad 'grub par 'gyur ro/ /ji tsam na bram ze de gang sems pa dang / gang 'dod pa de dag thams cad lhung bzed de las grub par gyur pa dang / bram ze de ngo mtshar skyes te/ des smras pa/ btsun pa 'char ka ci'i slad du 'di ltar 'gyur/ tshe dang ldan pa 'char kas smras pa/ kho bos lhung bzed kyi rig pa shes so/ /des smras pa/ btsun pa 'char ka/ lhung bzed kyi rig pa de bdag la stsol cig /tshe dang ldan pa 'char kas tshigs su bcad pa smras pa/ rig pa su la'ang sbyin mi bya/ /rig dang bcas te 'chi bar bya/ /rig pa rig dang gus pa dang / /nor gyi phyir ni sbyin par bya/ /bram zes smras pa/ bdag khyod la gus par bgyid do/ /tshe dang ldan pa 'char </font><hr>Nya89b<br><font size=+1>


kas smras pa/ kho bo khyim pa las bsnyen bkur bdag gir mi byed kyi/ kho bo ni/ rab tu byung ba las bsnyen bkur bdag gir byed do/ /des smras pa/ bdag rab tu byung ngo / /tshe dang ldan pa 'char kas smras pa/ rab tu phyung zhig /ces des rab tu phyung rdzogs par bsnyen par byas te gdams ngag byin no/ /de de ltar rab tu byung nas gcig pu dben pa/ bag yod pa/ rtun pa dang ldan pa/ bdag nyid btang bar gnas so/ /gcig pu dben pa/ bag yod pa/ rtun pa dang ldan pa/ bdag nyid btang bar gnas pa na/ rigs kyi bu dag /gang gi phyir skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu byung bar byed pa/ tshangs par spyod pa'i mtha' bla na med pa de'i tshe de nyid la rang gi mngon par shes pas mngon sum du byas te bsgrubs nas bdag gi skye ba zad do/ / tshangs par spyod pa spyad do/ /bya ba byas so/ /srid pa 'di las gzhan mi shes so/ /zhes go bar byed cing / dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan+dan bzhag pa lta bu rig pas sgo nga'i sbubs dral bar gyur cing / rig pa dang / mngon par shes pa dang / so so yang dag par rig pa thob pa dang / srid pa dang / 'dod pa'i rnyed pa dang / bkur sti la rgyab kyis phyogs pa/ dbang po dang / nye dbang dang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur to/ / </font><hr>Nya90a<br><font size=+1>


@#/ /tshe dang ldan pa 'char kas bsam pa/ gang gdul ba'i dus yin snyam na/ yul mi'i gyad cig gis yul dag tu gyad rnams brdabs nas mnyan yod du 'ongs nas mnyan yod na sgo khar rkang pa brkyang ste 'dug cing / de gang la 'ong ba de la 'di skad ces/ yang na ni/ kho bo la stobs rgol cig /yang na ni/ kho bo'i rlig bar du song zhig /ces zer ro/ /de na skye bo phal po che'i tshogs 'du ba dag las/ 'ga' yang de la stobs kyang mi rgol/ de'i rlig par du yang mi 'gro'o/ /tshe dang ldan pa 'char kas bsam pa/ gyad de gdul ba'i dus yin no/ /snyam nas/ tshe dang ldan pa 'char kas phyogs der song ste smras pa/ 'di su zhig yin/ skye bo phal po che'i tshogs kyis smras pa/ gyad 'di'i mchid nas 'di skad ces/ yang na ni/ kho bo la stobs rgol cig /yang na ni/ kho bo'i rlig bar du song zhig /ces mchi'o/ /tshe dang ldan pa 'char kas de la smras pa/ ci/ je kho bo dang lhan cig stobs bya'am/ 'on te kho bos brdabs pa'i gyad gsum po gang dag yin pa de dag dang lhan cig stobs 'gyed/ des smras pa/ khyod kyis brdabs pa'i gyad gsum po gang dag yin pa de dag dang lhan cig stobs bya'o/ /tshe dang ldan pa 'char kas smras pa/ kho bos 'dod chags kyi gyad brdabs/ zhe sdang gi gyad brdabs/ gti mug gi gyad brdabs kyi/ khyed de dag dang lhan cig stobs khye zhig /ces tshe dang ldan pa 'char kas de btul nas des rab tu phyung / rdzogs par bsnyen par byas te gdams </font><hr>Nya90b<br><font size=+1>


ngag byin no/ /de de ltar rab tu byung nas gcig pu dben pa/ bag yod pa/ rtun pa dang ldan pa/ bdag nyid btang bar gnas so/ /gcig pu dben pa/ bag yod pa/ rtun pa dang ldan pa/ bdag nyid btang bar gnas pa na/ rigs kyi bu dag /gang gi phyir skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu byung bar byed pa tshangs par spyod pa'i mtha' bla na med pa de/ tshe de nyid la rang gi mngon par shes pas mngon sum du byas te bsgrubs nas bdag gi skye ba zad do/ /tshangs par spyod pa spyad do/ /bya ba byas so/ /srid pa 'di las gzhan mi shes so| |zhes go bar byed cing / dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan+dan bzhag pa lta bu rig pas sgo nga'i sbubs dral bar gyur cing / rig pa dang / mngon par shes pa dang / so so yang dag par rig pa thob pa/ srid pa dang / 'dod pa'i rnyed pa dang / bku sti la rgyab kyis phyogs pa| dbang po dang / nye dbang dang bcas pa'i lha rnams kyis mchod pa bya ba dang / rjed par bya ba dang / mngon du smra bar bya bar gyur to/ /gtum mo des bu'i chung ma blangs nas dus gzhan zhig na gtum mo yang dus la bab/ de'i khyim thab kyang dus la bab bo/ /gtum mo'i bu de kha ton gyi zhor la yul gzhan du song ngo / /gtum mo'i mna' ma de gos dang / zas bza' zhing zhim pa la longs spyod spyod pa </font><hr>Nya91a<br><font size=+1>


@#/ /nyon mongs pa dag gis gdungs par gyur nas/ des bu mo mngag gzhug ma la smras pa/ bu mo/ song la skyes pa lus brtan pa/ mkhrang ba/ dam pa 'ga' ci snang tshol cig dang / de dang lhan cig dga' mgur spyad par bya'o/ /bu mo mngag gzhug mas smras pa/ jo mo/ khyod kyi gyos po dang / sgyug mo gnyis ni/ bden pa mthong ba lags na/ khyod drang srong gi khyim 'di lta bur byon na/ nyes par spyod pa de lta bu ji ltar bgyir rung / drang srong gi khyim gyi mi snyan pa skyed par mdzad dam ci/ des smras pa/ kwa'i/ khyod bsam pa des ci bya/ je song la khrid de shog cig /gal te khrid de ma 'ongs na/ khyod la mtshams chen po gcad par bya'o/ /bu mos bsam pa/ bu zan ma'i bu mo 'dis drang srong gi khyim rtsog gis dgang bar chad de/ bdag la dka' ba med kyi/ dgug go /snyam nas de srang du song ba dang / des de na chom rkun pa'i dmag dpon lus brtan pa/ mkhrang ba/ dam pa zhig mthong nas des de la smras pa/ kye btsun po/ khyod kho mo'i jo mo dang lhan cig dga' mgur spyod phod dam/ des smras pa/ phod do/ /des ni/ khrid de jo mo dang sprad nas de dang lhan cig dga' mgur spyod par byed do/ /tshe dang ldan pa 'char ka der dus dang / dus su 'gro bas de mthong nas tshe dang ldan pa 'char kas bsam pa/ bud med kyi yul 'di ni/ 'dod chags spyad pa zhig yin no/ /snyam nas/ des de la 'dod chags kyi bsngags pa ma yin pa brjod do/ / </font><hr>Nya91b<br><font size=+1>


des bsam pa/ 'phags pa 'char ka ni/ gzhan gyi sems shes pa la mkhas pa yin pas/ des bdag 'phrigs kyi/ gal te de ma bsad na/ bdag gi khyim thab la byas shing / de bdag la gnod pa byed par 'gyur du 'ong gi/ bdag gis de gsad do/ /snyam nas des chom rkun pa'i dmag dpon la smras pa/ 'phags pa 'char ka ni/ gzhan gyi sems shes pa la mkhas pa yin pas/ des bdag cag 'phrigs kyi/ gal te de ma bsad na/ bdag gi khyim thab la byas shing / de bdag cag la gnod pa byed par 'gyur du 'ong gi /khyod kyis de sod cig /chom rkun pa'i dmag dpon gyis smras pa/ kho bo de mi gsod de/ de ni/ ko sa lar byung ba'i rgyal po gsal rgyal gyi chung po grogs/ btsun mo phreng ldan ma'i slob dpon yin gyi/ kho bos de bsad par gyur na/ kho bo rgyal pos rgya skyegs kyi khang par bcug ste bsregs pas 'chi bar bya dgos pa gang yin pa de lta bu'i gnas yod par 'gyur ro/ /des smras pa/ gal te khyod de gsod na/ de lta na legs/ gal te mi gsod na/ khyod phyin chad kho mo'i khyim du 'jug par mi bya'o/ /'dod pa bsten pa dag gis ni/ sdig pa'i chos mi bya ba ci yang med pas/ chom rkun pa'i dmag dpon des smras pa/ gal te de gzhan gyi sems shes pa la mkhas pa yin na/ kho bos ji ltar gsad par bya/ des smras pa/ thabs kyi rnam pa zhig bya'o/ /zhes des dus ma yin par tshe dang ldan pa 'char ka'i gan du mngag pa btang ste/ btsun pa 'char ka/ bdag bro 'tshal </font><hr>Nya92a<br><font size=+1>


@#/ /bar gyur na/ khyod kyis bdag la gzigs par ci gnang zhes spring ngo / /dgra bcom pa dag ni/ ma bsam par shes pa dang / mthong ba mi 'jug pas tshe dang ldan pa 'char ka yang dus ma yin par zhugs te/ de la chos bstan par byas nas de phyir 'byung bar brtsams pa dang / des smras pa/ 'phags pa/ bdag khyod mthong na/ glo ba thag pa nas yud tsam zhig bzhugs su gsol zhes des tshe dang ldan pa 'char ka ji srid kyis shin tu nam sros par gyur pa de srid du bzung nas/ chom rkun pa'i dmag dpon yang ral gri shubs nas phyung ste sgo na sdod do/ /de nas tshe dang ldan pa 'char ka phyir phyung ba dang / chom rkun pa'i dmag dpon snying rje med pa'i sems dang ldan pa/ 'jig rten pha rol btang ba des/ tshe dang ldan pa 'char ka'i mgo drung pa nas bcad de sa la bsgyel to| |de 'phags pa gsod cing 'dug pa bud med rgan mo zhig gis mthong nas/ des smras pa/ gzu lums byed pa 'di su yin/ chom rkun pa'i dmag dpon gyis smras pa/ su la yang ma zer cig/ kho bos khyod kyang 'di'i gnas skabs lta bur byas par gyur ta re/ de skrag nas 'phral du smra ma phod do/ /bdag nyid chen po 'di'i rjes gcod pa 'ga' zhig phyis 'ong grang snyam nas/ de nyid na cang mi smra bar 'dug go /snying rje med pa'i sems dang ldan pa/ 'jig rten pha rol btang ba de gnyis kyis tshe dang ldan pa 'char ka'i lus de phyag dar gyi phung po zhig tu sbas te bzhag go /de'i nyin mo gso sbyong gi </font><hr>Nya92b<br><font size=+1>


zhal ta ba rgan pa'i mtha' logs su 'dug ste smras pa/ 'ga' zhig gis btsun pa 'char ka'i 'dun pa blangs sam/ btsun pa 'char ka med do/ /de nas bcom ldan 'das kyis dge slong rnams la bka' stsal pa/ dge slong dag /khyim pa dad par byed pa rnams kyi mchog de bsad kyi/ chos gos dag longs shig dang / de'i lus la mchod par bya'o/ /bcom ldan 'das 'phags pa dang / ji tsam na mnyan yod kyi sgo chod nas bcom ldan 'das kyis gser gyi 'od lta bu'i 'od gtong ba mdzad pa dang / des mnyan yod thams cad gser gtso ma'i 'od lta bus snang bar gyur to/ /ko sa lar byung ba'i rgyal po gsal rgyal gyis bsam pa/ ci'i phyir mnyan yod thams cad gser btso ma'i 'od lta bus snang bar gyur snyam nas des yang bsam pa/ bcom ldan 'das gshegs par bzhed gor ma chag snyam nas de btsun mo'i 'khor dang bcas pas mnyan yod kyi lde mig khyer te sgo phye ba dang / bcom ldan 'das mnyan yod du gshegs so/ /ko sa lar byung ba'i rgyal po gsal rgyal gyis bsam pa/ ci'i phyir bcom ldan 'das dus ma yin par mnyan yod du gshegs snyam nas/ sangs rgyas bcom ldan 'das rnams ni/ bsnyen par dka' ba dang / bzod par dka' ba yin pas des sangs rgyas bcom ldan 'das la zhu bar ma nus so/ /bcom ldan 'das nyan thos kyi dge 'dun dang bcas pa mdun du gshegs nas ko sa lar byung ba'i rgyal po gsal rgyal btsun mo'i 'khor dang bcas pa bcom ldan 'das kyi slad bzhin </font><hr>Nya93a<br><font size=+1>


@#/ /slad bzhin du rjes su 'brang zhing song ba dang / ji tsam na/ phyag dar gyi phung po'i phyogs der byon to/ /de nas bcom ldan 'das kyis dge slong rnams la bka' stsal pa/ dge slong dag /khyim pa dad par byed pa rnams kyi mchog de/ 'dir sbas kyi/ phyung zhig /de phyung ba dang / de na gang dag tshe dang ldan pa 'char ka la brten nas 'phags pa'i bden pa dag mthong ba de dag gis gsol pa/ 'di bdag cag gi dge ba'i bshes gnyen lags na/ bcom ldan 'das kyis bdag cag 'di'i lus la mchod pa bgyid par ci gnang / bcom ldan 'das kyis ma gnang ngo / /ko sa lar byung ba'i rgyal po gsal rgyal gyis gsol pa/ 'di bdag gi chung po grogs lags na/ bcom ldan 'das kyis bdag 'di'i lus la mchod pa bgyid par ci gnang / bcom ldan 'das kyis ma gnang ngo / /btsun mo phreng ldan mas gsol pa/ 'di bdag gi slob dpon lags na/ bcom ldan 'das kyis bdag 'di'i lus la mchod pa bgyid par ci gnang / bcom ldan 'das kyis gnang ngo / /de nas btsun mo phreng ldan mas tshe dang ldan pa 'char ka'i lus de/ sa dkar gyis dril phyi byed du bcug nas spos chus 'khrur bcug ste/ ras kha dog sna tshogs dag gi khyogs spyil brgyan nas der bcug ste bzhag go /de nas bcom ldan 'das nyan thos kyi dge 'dun dang bcas pa mdun du gshegs nas rgyal po btsun mo'i 'khor dang bcas pa de'i phyi bzhin du rjes su 'brang </font><hr>Nya93b<br><font size=+1>


zhing song ste/ sa phyogs go skabs yangs pa zhig tu bzhag nas btsun mo phreng ldan mas/ spos kyi shing thams cad kyis phung por bcer te bsregs nas phung po de/ 'o mas zhi bar byas te rus pa de dag gser gyi bum par bcug nas lam po che'i bzhi mdor lus kyi mchod rten rtsig tu bcug ste/ gdugs dang / rgyal mtshan dang / ba dan dag bsgreng zhing / dri dang / phreng ba rgyu dang / bdug spos dang / phye ma dang| sil snyan dag gis mchod pa byas/ rkang pa gnyis la phyag 'tshal nas bcom ldan 'das kyis yon bshad pa mdzad de gshegs so/ /de nas bcom ldan 'das gtsug lag khang du byon nas dge slong gi dge 'dun gyi gong du gdan bshams pa nyid la bzhugs so/ /bzhugs nas bcom ldan 'das kyis dge slong rnams la bka' stsal pa/ dge slong dag/ nyes dmigs 'di dang / gzhan dag kyang dge slong dus ma yin par grong du 'jug pa las gyur pas/ dge slong dag /de lta bas na/ phan yon bcu yang dag par gzigs pas/ 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dus ma yin par grong du 'jug na/ ltung byed do/ / zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' bar mdzad do/ /dge slong nad ngan can dag 'khod pa dag gis yun ring du 'jug par mi nus pa na dge slong </font><hr>Nya94a<br><font size=+1>


@#/ /nad g.yog dag gis kyang nad pa dag gis bya ba nyams par byed/ dge slong zhal ta byed pa dag gis kyang dge 'dun gyi bya ba nyams par byed pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ dge slong 'dug pa la smras te 'gro bar bya'o/ /bcom ldan 'das kyis dge slong 'dug pa la smra bar bya'o/ /zhes bka' stsal nas dge slong zhig gis khyim gzhan du lhung bzed dang / chos gos bzhag nas ji tsam na der me shor nas dge slong des der 'gro bar brtsams te/ de lam gyi phyed du son pa dang / bdag gis dge slong 'dug pa la ma smras so/ /snyam pa'i dran pa skyes nas de phyir log ste ji srid du dge slong 'dug pa la smra bar byed pa de srid du de'i lhung bzed dang / chos gos tshig nas de der song ba dang / khyim bdag gis smras pa/ 'phags pa/ khyod ci'i slad du 'phyis te byon/ des na khyod kyi lhung bzed dang / chos gos tshig gi /gal te khyod myur du byon par gyur na/ khyod kyi lhung bzed dang / chos gos tshig par mi 'gyur ro/ /zhes zer zhing / dge sbyong de yang phongs par gyur pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ de 'dra ba'i rkyen ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs </font><hr>Nya94b<br><font size=+1>


ba'i bsngags pa brjod nas dge slong rnams la de dang mthun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na/ snga ma ni/ bcas pa yin la/ 'di ni/ gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dus ma yin par grong du 'jug cing dge slong 'dug pa la mi smra na/ de 'dra ba'i rkyen ma gtogs te ltung byed do/ /yang dge slong gang zhes bya ba ni/ chos 'di pa'am/ gzhan yang de lta bu gang yin pa'o/ /dus ma yin par zhes bya ba ni| dus ma yin pa gnyis su ste/ skya rengs ma shar ba dang / phyed yol bar ro/ /grong du zhes bya ba ni/ gang na srang dang / bzhi mdo dang / sum mdo dag yod par ro/ /'jug cing zhes bya ba ni/ 'gro zhing ngo / /dge slong 'dug pa la mi smra na zhes bya ba ni/ de na dge slong gang 'dug pa la'o/ /de 'dra ba'i rkyen ma gtogs te zhes bya ba ni/ de 'dra ba'i rkyen bzhag ste'o/ /ltung byed do/ /zhes bya ba ni/ sems can dmyal ba dang / dud 'gro dang / yi dwags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na/ dge ba'i chos rnams la sgrib par byed pa ste/ des na ltung byed do/ /zhes gsungs so/ /de la ltung bar ji ltar 'gyur zhe na/ dge slong gis dus ma yin pa la dus ma </font><hr>Nya95a<br><font size=+1>


@#/ /yin par 'du shes pas grong du 'jug na/ ltung byed du 'gyur ro/ /dus ma yin pa la yid gnyis za bas grong du 'jug na/ ltung byed du 'gyur ro/ /dus la dus ma yin par 'du shes pas grong du 'jug na/ nyes byas su 'gyur ro/ /dus la yid gnyis za bas grong du 'jug na nyes byas su 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /btsun mo phreng ldan mas ko sa lar byung ba'i rgyal po gsal rgyal la smras pa/ lhas dge slong rnams la ni gzhon nu'i yongs su spangs pa stsal/ dge slong ma rnams la ni btsun mo'i 'khor gyi yongs su spangs pa rtsal cing / 'phags pa 'char ka/ lha'i ni chung po grogs lags/ bdag gi ni slob dpon lags te/ dge slong rab tu grags pa de lta bu yang btsan mthong du bkum na/ dge slong rab tu ma grags pa gzhan dag lha la bka' mchid kyang su rmed par 'gyur/ lhas 'phags pa 'char ka de sus 'gum du stsal pa dang / sus bkum pa bkas rma bar ci gnang / ko sa lar byung ba'i rgyal po gsal rgyal gyis zho shas 'tsho ba dag la bsgo ba/ shes ldan dag/ dengs la 'phags pa 'char ka sus gsod du bcug pa dang / sus bsad pa de dag rmos shig /de dag rmed cing phyogs </font><hr>Nya95b<br><font size=+1>


der dong ba dang / de dag gis de na bud med rgan mo de mthong zhing / des ni de dag ma mthong ba na/ bud med rgan mo des byung rgyal du smras pa/ phyogs 'dir khyim pa dad par byed pa rnams kyi mchog de sbas pa ni de dang de dag gis bsad do/ /de dag gis de thos nas smras pa/ rgan mo ci zer/ rgan mo des smras pa/ cang mi zer ro/ /de dag gis de bzung ste bsdigs nas de sus bsad smros shig /ces byas pa dang / des smras pa/ bram ze'i bu mo 'dis gsod du bcug go /chom rkun pa'i dmag dpon 'dis bsad do/ /de dag gis kyang bsdigs te| ci de gnyis kho nar zad dam zhes rmas pa dang / des smras pa/ gzhan yang g.yon can lnga brgya yod do/ /rgyal po'i mi de dag gis bram ze'i bu mo de dang / chom rkun pa'i dmag dpon de dang / g.yon can lnga brgya po de dag bzung ste rgyal po la phul nas smras pa/ lha/ 'phags pa 'char ka ni bram ze'i bu mo 'dis 'gum du stsal te/ chom rkun pa'i dmag dpon 'dis bkum mo/ /g.yon can lnga brgya po 'di dag gi dmag dpon ni 'di lags so/ /rgyal pos smras pa/ shes ldan dag /dengs la bram ze'i bu mo 'di ni rte'u dmu rgod kyi rkang pa gnyis la thogs shig /chom rkun pa'i dmag dpon 'di ni rgya skyegs kyi khang par chug la sregs shig/ g.yon can lnga brgya po 'di dag ni lag pa dang / rkang pa dag chod cig /de dag gis bram </font><hr>Nya96a<br><font size=+1>


@#/ /ze'i bu mo de ni/ rte'u dmu rgod kyi rkang pa gnyis la btags so/ /chom rkun pa'i dmag dpon de ni/ rgya skyegs kyi khang par bcug ste/ bsregs so/ /g.yon can lnga brgya po de dag ni/ lag pa dang / rkang pa dag bcad do/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa/ tshe dang ldan pa 'char kas las ci bgyis na/ las de'i rnam par smin pas sdang ba ma mchis pa dang / gnod pa ma bgyis bzhin du de gnyis kyis dgum par gyur cing / de gnyis kyang bkum par gyur/ g.yon can lnga brgya po dag kyang lag pa dang / rkang pa dag bkum par gyur/ bcom ldan 'das kyis bka' stsal pa/ dge slong dag /de dag nyid kyis las tshogs rnyed pa/ rkyen yongs su bsgyur pa| 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas/ de dag nyid kyis las byas shing bsags pa dag gzhan su zhig gis so sor myong bar 'gyur/ dge slong dag /las byas shing bsags pa dag ni/ phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur /rlung gi khams la mi 'gyur gyi/ 'di ltar/ las dge ba dang / mi dge ba byas shing bsags pa dag ni/ zin pa'i phung po dang / khams dang / skye mched dag la rnam par smin par 'gyur te/ </font><hr>Nya96b<br><font size=+1>


las rnams bskal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag /sngon byung ba/ 'das pa'i dus na wA ra NA si na rgyal po tshangs byin zhes bya bas rgyal srid byed du bcug pa'i tshe/ nyam nga ba dang bcas pa'i dus byung ba na mu stegs can dag gis lo bcu gnyis su than pa 'byung ngo / /zhes lung bstan nas rgyal po tshangs byin gyis dril sgrog pa byed du bcug ste gang la lo bcu gnyis kyi zan yod pa de ni/ 'dug cig /gang la med pa de ni/ song zhig /ces bsgo'o/ /de'i mdun na 'don de bram ze'i khye'u lnga brgya tsam bram ze'i gsang tshig klog tu 'jug pa de la bram ze'i khye'u dag gis smras pa/ mkhan po/ bdag cag la lo bcu gnyis kyi 'tshal ma ma mchis kyi/ bdag cag mchi'o/ /des smras pa/ bu dag 'khod cig dang / kho bos khyod la mkho ba bstab par bya'o/ /rgyal po tshangs byin gyi rmi lam na bdag gi rgyu ma dag gis grong khyer thams cad dkris par mthong ngo / /mthong nas kyang de gzhi 'dis bdag rgyal srid las nyams pa'am/ tshe'i bar chad 'byung ba'am/ gcig tu mi 'gyur grang snyam du 'jigs pa skyes par gyur nas/ des rmi lam de mdun na 'don de la bzlas pa dang / mdun na 'don des bsam pa/ lhas rmi lam bzang ba zhig gzigs mod kyi/ 'on kyang bram ze'i khye'u dag gi rnyed pa'i bar chad du gyur na/ mi rung gi /ngan par bsnyad par bya'o/ /snyam </font><hr>Nya97a<br><font size=+1>


@#/ /nas des rgyal po la smras pa/ lha/ rmi lam ngan pa zhig gzigs pas gzhi 'dis lha rgyal srid las nyams pa'am/ sku tshe'i bar chad 'byung ba'am/ gcig tu 'gyur ro/ /rgyal pos smras pa/ 'di la ci zhig bya/ des smras pa/ lha/ ba lang gi mchod sbyin stsal bar bgyi'o/ /rgyal pos smras pa/ de ltar bya'o/ /des ba lang stong phrag du ma dag bsregs pa dang / rgyal po phyir byung nas rgyal pos ba lang de dag mthong ba dang / ba lang de dag ba lang gi 'bu sgra chen po byung / rgyal pos de dag mthong zhing thos nas de snying rje skyes te/ des mdun na 'don la smras pa/ 'di dag thams cad gsad par bya'am/ mdun na 'don gyis bsam pa/ rgyal po/ 'di dag thams cad gsad par mi 'dod do/ /snyam nas des smras pa/ lha/ thams cad 'gum par mi bgyi'o/ /de'i tshe rnga bran zhig rnga bran mo zhig la rgyab rgal byed nas mdun na 'don gyis smras pa/ lha/ rnga bran dang / rnga bran mo 'di gnyis dgum par bgyi'o/ /bram ze'i khye'u de dag gis kyang lag pa brkyang ste 'di gnyis lags so/ /zhes bstan nas/ de gnyis bshas pa na sems pa g.yos pa/ bdag cag gnyis sdang ba med pa dang| gnod pa ma byas bzhin du bsad pa gang yin pa de thams cad ni/ mdun na 'don 'di dang / bram ze'i bu lnga brgya po 'di dag gi le lan yin gyi/ bdag cag gnyis gang du gang du skyes pa </font><hr>Nya97b<br><font size=+1>


na bdag cag gnyis kyis mdun na 'don 'di/ sdang ba med pa dang / gnod pa ma byas bzhin du gsod pa dang / bram ze'i khye'u lnga brgya po 'di dag kyang lag pa dang / rkang pa dag gcod du 'jug par gyur cig /snyam du dam bcas so/ /dge slong dag /de'i tshe de'i dus na rgyal po tshangs sbyin gang yin pa de ni/ da ltar ko sa lar byung ba'i rgyal po gsal rgyal yin no/ /de'i tshe de'i dus na rgyal po tshangs byin gyi btsun mo gang yin pa de ni/ da ltar btsun mo phreng ldan ma yin no/ /de'i tshe de'i dus na mdun na 'don gang yin pa de ni/ da ltar dge slong 'char ka yin no/ /de'i tshe de'i dus na bram ze'i khye'u lnga brgya po gang dag yin pa de dag ni/ da ltar g.yon can lnga brgya po 'di dag yin no/ /de'i tshe de'i dus na rnga bran gang yin pa de ni/ da ltar chom rkun pa'i dmag dpon yin no/ /de'i tshe de'i dus na rnga bran mo gang yin pa de ni/ da ltar bram ze'i bu mo yin te/ mdun na 'don de dang / bram ze'i khye'u lnga brgya po dag gis/ rnga bran dang / rnga bran mo de gnyis sdang ba med pa dang / gnod pa ma byas bzhin du gsod du bcug pa'i las de'i rnam par smin pas/ da ltar yang chom rkun pa'i dmag dpon 'di dang / bram ze'i bu mo 'di gnyis kyis 'char ka dang / g.yon can lnga brgya po dag sdang ba med pa dang / gnod pa ma byas bzhin du gsod du bcug go /btsun pa/ tshe dang ldan pa 'char kas las ci zhig bgyis na/ las de'i rnam par smin pas/ phyug pa/ nor mang ba/ longs </font><hr>Nya98a<br><font size=+1>


@#/ /spyod che ba'i khyim du skyes/ las ci zhig bgyis na/ des bcom ldan 'das kyi spyan sngar rab tu byung nas nyon mongs pa thams cad spangs pas dgra bcom pa nyid mngon sum du bgyis/ las ci zhig bgyis na/ des dgra bcom pa nyid thob kyang mtshon gyis yongs su mya ngan las 'das/ bcom ldan 'das kyis bka' stsal pa/ dge slong dag /rigs kyi bu 'char ka nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas/ 'char ka nyid kyi las byas shing bsags pa dag gzhan su zhig gis so sor myong bar 'gyur/ dge slong dag /las byas shing bsags pa dag ni/ phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar/ las dge ba dang mi dge ba byas shing bsags pa dag ni/ zin pa'i phung po dang / khams dang / skye mched dag la rnam par smin par 'gyur te/ las rnams bskal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag /sngon byung ba/ 'das pa'i dus na sangs rgyas rnams 'byung ba med pa'i tshe rang sangs rgyas dman pa dang / bkren pa la rjes su snying brtse ba/ bas mtha'i gnas mal la dga' ba/ </font><hr>Nya98b<br><font size=+1>


bse ru lta bu gcig pu 'jig rten gyi yon gnas su gyur pa dag 'jig rten du byung ngo / /ji tsam na ri brag cig na rngon pa zhig 'dug ste/ ri brag de dang ha cang mi ring ba zhig na ri dwags dang bya mang po dag gi rten du gyur pa/ mtshe'u zhig yod pa der rngon pa de nyi ma re re zhing ri dwags dang / bya mang po dag drungs dbyung ba'i phyir dang / nyams par bya ba'i phyir dang / tshul ma yin pas sdug bsngal bar bya ba'i phyir rngon spyad dang / rnyi dang / rnyong mang po dag 'dzugs par byed do/ /de'i rngon spyad dang / rnyi dang / rnyong de dag kyang don yod pa yin no/ /ji tsam dus gzhan zhig na rang sangs rgyas shig ljongs rgyu zhing song ba na ri brag der phyin nas lha'i gnas shig tu mtshan mo gnas par khas blangs nas de snga dro sham thabs bgos/ lhung bzed dang chos gos thogs te ri brag der bsod snyoms la zhugs so| |der bsod snyoms rgyus nas bsam pa/ lha'i gnas 'di nyin mo rgyun lugs mang ba yin gyi/ ri brag gi phyi rol gyi gnas zhi ba zhig tu bsod snyoms bza'o/ /snyam nas/ de ri brag nas byung ste| 'di ni/ zhi ba'o/ /'di ni/ zhi ba'o/ /zhes mtshe'u de ga la ba der song ste phyin nas lhung bzed dang chu tshags mtha' gcig tu bzhag ste rkang pa gnyis bkrus nas lag pa gnyis bsnyal te tshu btsags nas lo ma lhags pa dag blangs te 'dug nas zas kyi bya ba byas te/ lag pa gnyis bsnyal nas kha bkrus te lhung bzed dang chu tshags gnas ji lta ba bzhin du bzhag nas rkang pa gnyis bkrus te shing </font><hr>Nya99a<br><font size=+1>


@#/ /drung zhig tu brten nas brang 'gro'i rgyal po nyal ba'i lus bskyil ba ltar skyil mo krung bcas te spyod lam zhi bar 'dug pa dang / de'i nyin mo mi'i dris ri dwags gcig kyang ma zin to/ /de nas rngon pa de nang par sngar langs te mtshe'u de ga la ba der song nas des rngon spyad dang / rnyi dang / rnyong de dag byul bar brtsams pa dang / ri dwags gcig kyang ma mthong nas de 'di snyam du sems te/ bdag gi rngon spyad dang / rnyi dang / rnyong 'di dag don yod pa yin na/ gang gi phyir der ri dwags gcig kyang ma zin pa 'di'i rgyu gang yin snyam nas/ des mtshe'u de'i than kor byul bar brtsams pa dang / mi'i rjes mthong nas de rjes de'i phyi bzhin du song ba dang / rang sangs rgyas spyod lam zhi bas 'dug pa de mthong nas des bsam pa/ rab tu byung ba sems zhi ba 'di dag gnas 'di lta bu dag tu mngon par dga' bar byed pas/ gal te bdag gis 'di'i srog gcad par ma byas na/ 'di dag gis nges par bdag gi 'tsho ba gcod par byed kyi/ rnam pa thams cad du 'di gsad par bya'o/ /snyam nas snying rje med pa'i sems dang ldan pa/ 'jig rten pha rol btang ba des/ mda' dug can gyis gzhu rnga'i dbyibs 'dra bar rna drung du thug par bkang ste rang sangs rgyas de'i gnad du bsnun to/ /rang sangs rgyas bdag nyid chen po des bsam pa/ rngon pa nyon mongs pa 'di/ ha cang rmas pa dang / nyams par gyur na mi rung gi /da 'di </font><hr>Nya99b<br><font size=+1>


la lag nas drang ba sbyin no/ /snyam nas/ des ngang pa'i rgyal po 'dab ma brkyang ba ltar steng gi nam mkha' la mngon par 'phags nas 'bar ba dang / gsal ba dang / char 'bebs pa dang / glog 'byin pa'i cho 'phrul dag bya bar brtsams so/ /so so'i skye bo ni/ rdzu 'phrul la myur du sems gtod par byed pa yin pas/ rngon pa de shing ljon pa rtsa ba nas bcad pa bzhin du rang sangs rgyas de'i rkang pa gnyis kyi drung du 'gyel nas smras pa/ yon gnas yang dag par gyur pa mar gshegs su gsol/ mar gshegs su gsol/ nyon mongs pa'i 'dam du bying ba bdag gi sug pa nas drang ba stsal du gsol/ rang sangs rgyas de rngon pa de la rjes su snying brtse ba'i phyir steng gi nam mkha' las shod du babs so/ /de nas rngon pa des zug rngu med par byas te rma lhan gyis glan nas smras pa/ 'phags pa sdum par gshegs su gsol/ gal te 'dir gser gyi lhan pas glan par mdzad na/ de yang bdag gis sbyar bar bgyi'o/ /rang sangs rgyas kyis bsam pa/ bdag gi rnag gi lus 'dis thob par bya ba gang yin pa thob zin pas/ de'i phyir da ni/ phung po lhag ma med pa'i mya ngan las 'das pa'i dbyings su 'jug par bya'o/ /snyam nas/ de rngon pa de nyid kyi mdun du yang nam mkha'i dkyil du 'phags te/ cho 'phrul rnam pa sna tshogs dag rnam par bstan nas phung po'i lhag ma med pa'i mya ngan las 'das pa'i dbyings su mya ngan las 'das so/ /rngon pa de/ nor dang ldan pa yin pas des spos kyi shing thams cad kyis phung </font><hr>Nya100a<br><font size=+1>


@#/ /por bcer te bsregs nas phung po de 'o mas zhi bar byas te/ rus pa de dag gser gyi bum par bcug nas/ lam po che'i bzhi mdor lus kyi mchod rten rtsig tu bcug ste/ gdugs dang / rgyal mtshan dang / ba dan dag bsgreng zhing / dri dang / phreng ba rgyu dang / bdug spos dang / phye ma dang / sil snyan dag gis mchod pa byas nas rkang pa gnyis la phyag 'tshal te smon lam 'di skad ces/ bdag yon gnas yang dag par gyur pa 'di lta bu la gnod pa byas pa gang yin pa'i las de'i cha dang mthun par ma gyur par mchod par byas pa gang yin pa'i dge ba'i rtsa ba 'dis/ bdag phyug pa/ nor mang ba/ longs spyod che ba'i khyim du skye bar gyur cig /ces gdab bo/ /dge slong dag /de la de'i tshe de'i dus na rngon pa gang yin pa de ni/ 'char ka 'di yin te| des rang sangs rgyas kyi gnad du mda' dug can gyi bsnun pa gang yin pa'i las de'i rnam par smin pas/ bskal par sems can dmyal ba chen po mnar med par gdungs nas las de nyid kyi lhag mas tshe rabs lnga brgyar mtshe'u 'gram de nyid du ri dwags su skyes shing mtshon gyis dus la bab ste/ da ltar gyi bar du yang dgra bcom pa thob kyang de mtshon gyis yongs su mya ngan las 'das so/ /mchod pa byas nas smon lam btab pa gang yin pa des ni/ da ltar phyug pa/ nor mang ba/ longs spyod che ba'i khyim du skyes so/ /btsun pa/ tshe dang ldan pa 'char kas </font><hr>Nya100b<br><font size=+1>


las ci bgyis na/ las de'i rnam par smin pas 'di'i dus la bab pa'i lus phyag dar gyi phung por sbas pa dang / 'dis ston pa mnyes par bgyis shing thugs byung bar ma bgyis pa dang / 'di dus la bab pa'i lus la ston pa nyan thos kyi dge 'dun dang bcas pa dang / rgyal po btsun mo'i 'khor dang bcas pas lus kyi mchod pa bgyis pa de lta bu'i yon tan gyi tshogs thob par gyur/ dge slong dag /'char ka nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas/ 'char ka nyid kyis las byas shing bsags pa dag gzhan su zhig gis so sor myong bar 'gyur/ dge slong dag /las byas shing bsags pa dag ni/ phyi rol gyi sa'i khams la rnam par smin pa mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur/ 'di ltar/ las dge ba dang / mi dge ba byas shing bsags pa dag ni/ zin pa'i phung po dang / khams dang / skye mched dag la rnam par smin par 'gyur te/ las rnams bskal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag /sngon byung ba/ 'das pa'i dus na sangs rgyas rnams 'byung ba med pa'i tshe/ rang sangs rgyas dman pa dang / bkren pa la rjes su snying brtse ba/ bas mtha'i gnas mal la dga' ba/ bse ru lta bu gcig pu 'jig rten gyi yon gnas su gyur </font><hr>Nya101a<br><font size=+1>


@#/ /pa dag 'jig rten du byung ngo / /gangs kyi sul zhig na rang sangs rgyas lnga brgya gnas te/ de na rang sangs rgyas gcig cig na bar gyur nas gzhan dag gis de la smras pa/ khyod bzhud la sman pa la smos te cho ga mdzod cig /de ri brag gzhan zhig tu song nas mtshan mo rdza mkhan gyi ra ba zhig tu gnas par khas blangs pa dang / de mtshan mo na bar gyur nas dus la bab bo| |rdza mkhan des de mthong nas des bsam pa/ rab tu byung ba 'di/ rdza ma so btang ba dang / ma btang ba dag gi nang du dus la bab pas/ 'jig rten ni/ gtsang sbra 'dod pa yin pas gal te skye bo dag gis tshor bar gyur na/ 'ga' yang snod nyo bar mi 'gyur ro/ /snyam nas/ des rang sangs rgyas de'i lus de phyag dar gyi phung po zhig tu sbas te bzhag go /rang sangs rgyas gzhan dag gis bsam pa| bdag cag gi tshangs pa mtshungs par spyod par de gar song snyam nas bltas pa dang / ji tsam na yongs su mya ngan las 'das par mthong nas de dag gis de nyid nas spos kyi shing dag steng gi nam mkha' las khyer te 'ongs nas rdza mkhan gyi ra bar babs pa dang / rdza mkhan gyis de dag mthong nas des smras pa/ 'phags pa dag /gar gshegs/ de dag gis smras pa/ tshangs pa mtshungs par spyod pa la mchod pa byed du'o/ /rdza mkhan gyis smras pa/ 'dis kyang khyed kyi yon tan gyi tshogs 'di lta bu thob bam/ de dag gis smras pa/ thob bo/ /rdza mkhan gyis smras pa/ </font><hr>Nya101b<br><font size=+1>


bdag gis 'di la bkur sti ma lags pa bgyis pas/ da bkur sti bgyi ba'i bar du yud tsam zhig ba zhes su gsol/ de song ste rgyal po la smras pa/ lha/ bdag gi ra bar rab tu byung ba brtul zhugs grub pa zhig dus la bab kyi/ lhas de la bkur sti mdzad du gsol/ rgyal po btsun mo'i 'khor dang bcas pa phyir byung nas des rang sangs rgyas kyi lus de spos kyi shing thams cad kyi phung por bcer te bsregs nas phung po de 'o mas zhi bar byas te rus pa de dag gser gyi bum par bcug nas lam po che'i bzhi mdor lus kyi mchod rten rtsig tu bcug ste gdugs dang / rgyal mtshan dang / ba dan bsgreng zhing / dri dang / phreng ba rgyu dang / bdug spos dang / phye ma dang / sil snyan dag gis mchod par byas so/ /rdza mkhan des rkang pa gnyis la phyag 'tshal te smon lam 'di skad ces/ bdag yon gnas yang dag par gyur pa 'di lta bu la gnod pa byas pa gang yin pa'i las de'i cha dang mthun par ma gyur par mchod pa byas pa gang yin pa'i dge ba'i rtsa ba 'dis/ bdag 'di bas ches khyad par du 'phags pa'i ston pa mnyes par byed cing / thugs byung bar byed par mi 'gyur ba dang / bdag dus la bab pa'i lus la yang ston pa nyan thos kyi dge 'dun dang bcas pa dang / rgyal po btsun mo'i 'khor dang bcas pa mchod pa mdzad par gyur cig /ces btab bo/ /dge slong dag /de'i tshe de'i dus na rdza mkhan gang yin pa de ni/ da ltar dge slong 'char ka 'di </font><hr>Nya102a<br><font size=+1>


@#/ /yin te/ 'dis de'i tshe rang sangs rgyas de dus la bab pa'i lus phyag dar gyi phung por sbas pa'i las de'i rnam par smin pas ni/ da ltar 'di dus la bab pa'i lus phyag dar gyi phung por sbas so/ /'dis de'i tshe rang sangs rgyas kyi lus de la mchod pa byas te smon lam de skad btab pa'i las de'i rnam par smin pas ni/ da ltar 'dis rang sangs rgyas bye ba phrag 'bum pas ches khyad par du 'phags pa'i ston pa nga mnyes par byas shing / thugs byung bar ma byas te/ 'di dus la bab pa'i lus la ston pa nyan thos kyi dge 'dun dang bcas pa dang / rgyal po btsun mo'i 'khor dang bcas pas lus kyi mchod pa byas par gyur to/ /btsun pa/ tshe dang ldan pa 'char kas las ci bgyis na/ las de'i rnam par smin pas bcom ldan 'das kyis khyim pa dad par bgyid pa rnams kyi mchog tu bstan/ de ni/ smon lam gyi dbang gis te/ gang du smon lam btab ce na/ dge slong dag /sngon byung ba 'das pa'i dus na bskal pa chen po bzang po 'di nyid la skye rgu'i tshe lo nyi khri thub pa na ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa| skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das 'od srung 'jig rten du byung ste/ de wA ra NA si na drang srong smra ba ri dwags kyi nags </font><hr>Nya102b<br><font size=+1>


na nye bar brten cing bzhugs so/ /de'i bstan pa la 'di rab tu byung nas dge slong gang gis de rab tu phyung ba'i dge slong de/ de bzhin gshegs pa dgra bcom pa yang dag par rdzogs pa'i sangs rgyas 'od srung gis khyim pa dad par byed pa rnams kyi mchog tu bstan to/ /de na 'dis tshe ji srid par tshangs par spyod pa spyad na/ yon tan gyi tshogs 'ga' yang ma thob nas de'i 'og tu 'chi ba'i tshe smon lam 'di skad ces/ bdag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yon gnas bla na med pa 'od srung la tshe ji srid par tshangs par spyod pa spyad kyang yon tan gyi tshogs 'ga' yang ma thob ste/ bdag gis tshe ji srid par tshangs par spyod pa spyad pa'i dge ba'i rtsa ba 'dis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od srung gis bram ze'i khye'u bla ma la bram ze'i khye'u khyod ma 'ongs pa'i dus na skye rgu'i tshe lo brgya thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das shAkya thub pa zhes bya bar 'gyur ro/ /zhes lung bstan pa de'i bstan pa la bdag rab tu byung nas nyon mongs pa thams cad spangs pas dgra bcom pa nyid mngon du byed cing / ji ltar mkhan </font><hr>Nya103a<br><font size=+1>


@#/ /po 'di/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od srung gis khyim pa dad par byed pa rnams kyi mchog tu bstan pa de bzhin du bdag kyang bcom ldan 'das shAkya thub pa/ shAkya seng+ge/ shAkya'i rgyal po'i gtso bo des khyim pa dad par byed pa rnams kyi mchog tu bstan par gyur cig /ces btab par brtsams pas/ smon lam de'i dbang gis de ltar de bzhin gshegs pas khyim pa dad par byed pa rnams kyi mchog tu bstan to/ /dge slong dag /de ltar na/ las gcig tu nag pa rnams kyi rnam par smin pa yang gcig tu nag pa yin la/ gcig tu dkar ba rnams kyi rnam par smin pa yang gcig tu dkar ba yin la/ las 'dren ma rnams kyi rnam par smin pa yang 'dren ma yin no/ /dge slong dag/ de lta bas na/ las gcig tu nag pa rnams dang / 'dren ma rnams spangs te/ las gcig tu dkar ba rnams la brtsal bar bya ste/ dge slong dag /khyed kyis de ltar bslab par bya'o/ /dus ma yin par 'gro ba'i ltung byed de/ brgyad cu pa rdzogs so// //'dul ba rnam par 'byed pa/ bam po re brgyad pa/ sdom la/ zas bcas skya rengs da gdod dang / /khab ral dang ni khri rkang dang / /bdal dang 'ding dang g.yan pa dang / /ras chen bde gshegs chos gos so/ /sangs rgyas bcom ldan 'das mnyan yod na rgyal </font><hr>Nya103b<br><font size=+1>


byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa de'i khyim du nye dga' dus dang dus su 'gro zhing / des de skyabs su 'gro ba dang / bslab pa'i gzhi dag la bzhag go /dus gzhan zhig na des de la rdzas las byung ba'i bsod nams bya ba'i gzhi bdun po dag gi bsngags ba rgya cher brjod pa dang / des smras pa/ 'phags pa/ bdag gis kyang rdzas las byung ba'i bsod nams bya ba'i gzhi cung zad bgyi'o/ /nye dgas smras pa/ legs kyi/ de bzhin gyis shig /ci zhig byed/ sangs rgyas la sogs pa dge slong gi dge 'dun gdugs tshod gsol lo/ /khyim bdag /khyod kyis sems rgya chen po bskyed kyi/ gdugs tshod gsol cig /'phags pa/ khyod kyis bdag gi ming gis sangs rgyas la sogs pa dge slong gi dge 'dun sang bdag gi sdum par gdugs tshod la spyan drangs pa'i rigs so/ /des dang du blangs so/ /de nas tshe dang ldan pa nye dgas khyim bdag de la/ a rog gya zhes byas te song nas de gtsug lag khang du song ste/ des khyim bdag de'i ming gis sangs rgyas la sogs pa dge slong gi dge 'dun khyim gzhan du gdugs tshod la spyan drangs pa dang / dge slong rnams kyis smras pa/ tshe dang ldan pa nye dga'/ khyim bdag de ma dad pa yin na/ khyod kyis ji ltar rjes su 'jug par byas/ nye dgas smras pa/ tshe dang ldan pa dag /nye dga' la de tsam yang mi gnas sam/ rjes su 'jug par byas pa 'ba' zhig tu </font><hr>Nya104a<br><font size=+1>


@#/ /ma zad kyi/ skyabs su 'gro ba dang / bslab pa'i gzhi dag la yang bzhag go /dge slong rnams kyis smras pa/ legs par byas kyi/ 'dong la bza' bar bya'o/ /chos nyid kyis na/ gang gi ngor dge slong gi dge 'dun spyan drangs pa de dus sngar 'gro ba yin pas/ tshe dang ldan pa nye dga' dus der song nas des khyim bdag de la smras pa/ khyim bdag /kho bo khyim du 'gro ba'i khyim dag lta ba'i bar du khyod re zhig zhal zas sta gon gyis shig /kho bos ma 'ongs kyi bar du yang khyod kyi re zhig brim par mi bya'o/ /zhes smras te song ngo / /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ song la dge slong rnams la khyim bdag de rgyus mi shes pa yin pas/ des spyan 'dren gtong bar mi byed kyi/ dus sngar shig cig dang / 'dong ngo / /zhes sgog shig /tshe dang ldan pa kun dga' bos/ btsun pa/ bka' bzhin 'tshal zhes bcom ldan 'das las mnyan nas dge slong rnams la bsgo ba dang / dge slong rnams chas te lhags so/ /de nas bcom ldan 'das dge slong gi tshogs kyis yongs su bskor cing dge slong gi dge 'dun gyi mdun du bdar nas khyim bdag de'i khyim ga la ba der gshegs te sgo drung na gzhes so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ song la khyim bdag de la sangs rgyas la sogs pa dge slong gi dge 'dun sgo drung na </font><hr>Nya104b<br><font size=+1>


gzhes kyi/ ci bder gyis shig ces sgos shig /tshe dang ldan pa kun dga' bos/ btsun pa/ bka' bzhin 'tshal zhes bcom ldan 'das las mnyan nas nang du song ste/ khyim bdag de la khyim bdag /sangs rgyas la sogs pa dge slong gi dge 'dun sgo drung na gzhes kyi/ ci bder gyis shig /khyim bdag gis smras pa/ 'phags pa/ bdag gis khyed cag gi ci bde ci lags ni/ mi 'tshal gyi| 'di ltar khyed cag kho na'i slad du gdan dag bshams kyi/ bzhugs su gsol/ tshe dang ldan pa kun dga' bos bcom ldan 'das la gsol pa/ bcom ldan 'das/ khyim bdag de'i mchid nas/ bdag gis khyed cag gi ci bde ci lags ni/ ma 'tshal gyi/ 'di ltar khyed cag kho na'i slad du gdan bshams kyi/ bzhugs su gsol zhes mchi'o/ /bcom ldan 'das kyis bka' stsal pa/ gal te de skad zer na/ khyed cag kho na'i phyir stan dag bshams pas ci bde byas par brjod par bya ste/ 'dug par bya zhing / 'di la 'gyod par mi bya'o/ /sangs rgyas la sogs pa dge slong gi dge 'dun bzhugs pa dang / ji tsam na gdugs tshod la bab tu nye bas de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ song la khyim bdag la gdugs tshod bab tu nye'i/ zhal zas brims shig /zas 'dis khyod la ci zhig bya zhes gyis shig /tshe dang ldan pa kun dga' bos/ btsun pa/ bka' bzhin 'tshal zhes bcom ldan 'das las mnyan nas khyim </font><hr>Nya105a<br><font size=+1>


@#/ /bdag la bsgo ba dang / des smras pa/ 'phags pa nye dga' mchis sam/ tshe dang ldan pa kun dga' bos smras pa/ khyim bdag /ma 'ongs so/ /des smras pa/ 'phags pa| de mchi'i bar du yud tsam zhig gzhes su gsol/ bcom ldan 'das la tshe dang ldan pa kun dga' bos gsol pa/ bcom ldan 'das/ khyim bdag de'i mchid nas nye dga' mchis sam zhes mchi nas/ bdag gis ma mchis so/ /zhes bgyis pa dang / de'i mchid nas de mchi'i bar du yud tsam zhig gzhes su gsol zhes mchi'o/ /bcom ldan 'das kyis yud tsam zhig gzhes nas yang tshe dang ldan pa kun dga' bo la bka' stsal pa/ kun dga' bo/ song la khyim bdag la gdugs tshod la bab kyi/ zhal zas brims shig /zas rul bar gyur pa 'dis khyod la ci zhig bya zhes gyis shig /tshe dang ldan pa kun dga' bos/ btsun pa/ bka' bzhin 'tshal zhes bcom ldan 'das las mnyan nas khyim bdag la bsgo ba dang / des smras pa/ 'phags pa nye dga' mchis sam/ tshe dang ldan pa kun dga' bos smras pa/ khyim bdag /ma 'ongs so/ /des smras pa/ 'phags pa/ de mchi'i bar du yud tsam zhig gzhes su gsol/ bcom ldan 'das la tshe dang ldan pa kun dga' bos gsol ba/ bcom ldan 'das/ khyim bdag de'i mchid nas nye dga' mchis sam zhes mchi nas/ bdag gis ma mchis so/ /zhes bgyis pa dang / de mchid </font><hr>Nya105b<br><font size=+1>


nas de mchi'i bar du yud tsam zhig gzhes su gsol zhes mchi'o/ /bcom ldan 'das kyis bka' stsal pa/ kun dga' bo/ song la khyim bdag la nye dga' 'ongs par ma gyur na/ zan sbyin par mi byed dam zhes gyis shig /tshe dang ldan pa kun dga' bos/ btsun pa/ bka' bzhin 'tshal zhes bcom ldan 'das las mnyan nas khyim bdag la de skad smras pa dang / des smras pa/ 'phags pa| mi gsol lo/ /bcom ldan 'das la tshe dang ldan pa kun dga' bos gsol pa/ bcom ldan 'das/ mi gsol lo/ /zhes mchi'o/ /de nas bcom ldan 'das kyis de'i tshe tshigs su bcad pa bka' stsal pa/ gzhan dbang thams cad sdug bsngal te/ /bdag dbang thams cad bde ba yin/ /thun mong dag gis gnod byed de/ /'brel pa shin tu 'da' bar dka'/ /ji tsam na gdugs tshod kyi mtha' la bab pa na/ nye dga' 'ongs nas des smras pa/ khyim bdag /mi 'brim par cis sdod/ des smras pa/ 'phags pa/ khyod kyi zhal nas kho bo ma 'ongs kyi bar du re zhig brim par mi bya'o/ /zhes byung la/ da 'di skad ces gsung ngam/ nye dga' shags med nas cang mi smra bar 'dug go /de nas khyim bdag des brim par brtsams pa dang / ji tsam na gdugs tshod yol nas dge slong kha cig gis ni/ zan thob nas zan bcad pa byas/ kha cig gis ni/ zan ma thob pa kho nar zan bcad pa byas nas bcom ldan 'das kyis yon bshad pa mdzad de gshegs so/ /nye dga' ngo tsha bar gyur pa'i </font><hr>Nya106a<br><font size=+1>


@#/ /snying gis de nyid du 'dug go /de'i nyin mo gso sbyong gi zhal ta pa rgan pa'i mtha' logs su 'dug ste/ dge slong rnams la yang dag par bsgo zhing smras pa/ btsun pa nye dga' ma mchis sam/ 'ga' zhig gis de'i mdun pa blangs sam/ dge slong rnams kyis smras pa/ de ma 'ongs te/ sus kyang de'i 'dun pa yang ma blangs so/ /dge slong gzhan dag gis smras pa/ tshe dang ldan pa dag /nye dgas bdag cag snga dro/ zang zing gi phyed la mtho btsams la/ da ni/ chos kyi phyed la mtho 'tsham par byed do/ /dge slong don nyung ngu dag /ci'i phyir dge slong dag zas dang bcas pa'i khyim du mgron du bos nas snga dro dang phyi dro khyim dag tu rgyu bar byed ces smod par byed/ 'phyar kha gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed pa mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis nye dga' la rmas pa/ nye dga'/ khyod zas dang bcas pa'i khyim du mgron du bos nas snga dro dang / phyi dro khyim bdag tu rgyu bar byed pa bden nam/ btsun pa/ mad do/ /sangs rgyas bcom ldan 'das kyis dge </font><hr>Nya106b<br><font size=+1>


sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas/ 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang zas dang bcas pa'i khyim du mgron du bos nas snga dro dang phyi dro khyim dag tu rgyu na/ ltung byed do/ /zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' bar mdzad do/ /dge slong nad ngan can dag 'khod pa dag gis yun ring du 'dug mi nus nas/ dge slong nad g.yog rnams kyis nad pa'i bya ba nyams par byed cing / dge slong zhal ta byed pa dag gis kyang dge 'dun gyi bya ba nyams par byed nas bcom ldan 'das kyis bka' stsal pa/ khyim pa 'dug pa la bsgo par bya'o/ /bcom ldan 'das kyis khyim pa 'dug pa la bsgo bar bya'o/ /zhes bka' stsal nas dge slong zhig gis khyim gzhan du lhung bzed dang / chos gos bzhag nas/ ji tsam na der me shor nas dge slong des der 'gro bar brtsams te/ de lam gyi phyed du son pa dang / bdag </font><hr>Nya107a<br><font size=+1>


@#/ /gi khyim pa 'dug pa lam bsgos so/ /snyam pa'i dran pa skyes nas de phyir log ste ji srid du khyim pa 'dug pa la sgo bar byed pa de srid du de'i lhung bzed dang chos gos tshig nas de der song ba dang / khyim bdag gis smras pa/ 'phags pa/ khyod ci'i slad du 'phyis te byon/ khyod kyi lhung bzed dang / chos gos tshig gi /gal te khyod myur du byon par gyur na/ khyod kyi lhung bzed dang / chos gos tshig par mi 'gyur ro/ /zhes zer zhing / dge slong de yang phongs par gyur pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ de 'dra ba'i rkyen ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang mthun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag /de lta bas na/ snga ma ni/ bcas pa yin la/ 'di ni/ gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang / zas dang bcas pa'i khyim du mgron du bos nas snga dro dang phyi dro khyim dag tu rgyu zhing / khyim pa 'dug pa la mi sgo na/ de 'dra ba'i rkyen ma gtogs te ltung byed do/ / </font><hr>Nya107b<br><font size=+1>


yang dge slong gang zhes bya ba ni/ shAkya'i bu nye dga' 'am gzhan yang de lta bu gang yin pa'o/ /zas dang bcas pa'i zhes bya ba ni/ mgron du bos pa dang bcas pa'i'o/ /khyim zhes bya ba ni/ bram ze dang / khyim bdag gi khyim du'o/ /mgron du bos nas zhes bya ba ni/ bsod snyoms kyi phyir ro/ /snga dro zhes bya ba ni/ snga dro nyid de/ khyim gnyis las lhag par rgyu na'o/ /phyi dro zhes bya ba ni/ phyi dro nyid de/ khyim gsum las lhag par rgyu na'o/ /khyim dag tu zhes bya ba ni/ bram ze dang / khyim bdag dag gi khyim dag tu'o/ /rgyu zhing zhes bya ba ni/ 'gro zhing ngo / /khyim pa 'dug pa la mi sgo na zhes bya ba ni/ de na khyim pa gang 'dug pa la'o/ /de 'dra ba'i rkyen ma gtogs te zhes bya ba ni/ de 'dra ba'i rkyen bzhag ste'o/ /ltung byed do/ /zhes bya ba ni/ sems can dmyal ba dang / dud 'gro dang / yi dwags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na/ dge ba'i chos rnams la sgrib par byed pa ste/ des na ltung byed do/ /zhes gsungs so/ /de la ltung bar ji ltar 'gyur zhe na/ dge slong ji tsam cung zad zas dang bcas pa'i khyim du mgron du bos nas snga dro khyim gnyis las lhag par rgyu zhing / phyi dro yang khyim gsum las lhag par rgyu na/ thams cad ltung byed du 'gyur ro/ /de'i ngor mgron du bos pa ma yin na/ ltung ba med do/ /las dang po pa dang / smyos </font><hr>Nya108a<br><font size=+1>


@#/ /pa dang / sems 'khrugs pa dang / tshor ba dag gis nyen pa la ltung ba med do/ /grong rgyu ba'i ltung byed de/ brgyad cu rtsa gcig pa rdzogs so// // sgo gtan gyi bslab pa'i gzhi'i bar sdom la/ dga' bo nye dga' zhag bdun dang / /bzang sbyin sdum byed tshul khrims dang / /nag po'i tshigs bcad 'char ka dang / /bcu dang bslab bzhi'i rim pa dang / /grong khyer gnyis dang g.yul gzhi dang / /lha mo 'khar phor 'phyang ba dang / /sngo sangs rgyal srid bog ka na/ /ma la 'khar ba byin pa dang / /lham gyi dbang phyug mnyan yod dang / /sngon gyi tshul dang nor bzang dang / /drang srong rnams dang gtsug lag khang / /mgu byed dang ni gzung byed dang / /stong thub dang ni 'brog gnas dang / /lag brgyud dang ni sngo bsangs can/ /mi gdung rnams su skyes pa dang / /dpa' chen dang ni sgur mchog dang / /dpe med ma dang lcags mgar dang / /sing+ga la dang shar pa dang / /snyan smra dang ni tshig pa dang / /sgur dang thos pa 'dzin pa dang / /dran me dang ni bram ze mo/ /mgu byed dpal ldan gyur pa dang / /shA ri'i bu ni bzhugs pa dag /sgo gtan yang dag bsdus pa yin/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de nas bcom ldan 'das kyis dge slong rnams la bka' stsal pa/ dge slong dag /dgon pa dang / shing drung dang / khyim gyis stong pa dang / ri sul dang / ri </font><hr>Nya108b<br><font size=+1>


phug dang / rtswa spyil dang / bla gab med pa dang / ngur khrod dang / nags khrod dang / ri drung dang / bas mtha'i gnas mal 'di dag tu bsam gtan gyis shig /dge slong dag /bag yod par bsgrubs la phyis 'gyod par mi 'gyur bar gyis shig /'di ni/ nga'i gdams ngag dang / rjes su bstan pa yin no/ /bcom ldan 'das kyis dge slong rnams la de skad ces bka' stsal nas dge slong rnams dgon pa dang / shing drung dang / khyim gyis stong pa dang / ri sul dang / ri phug dang / rtswa spyil dang / bla gab med pa dang / dur khrod dang / nags khrod dang / ri drung dang / bas mtha'i gnas mal dag tu zhugs te| kha cig ni/ ri rab kyi bang rim na bsam gtan byed/ kha cig ni/ gser gyi ri bdun po dag la/ kha cig ni/ mtsho chen po ma dros pa na/ kha cig ni/ rdzing bu dal gyis 'bab na/ kha cig ni/ rnal 'byor pa'i skye bo dang rjes su mthun pa'i grong dang / grong rdal dang / yul dang / yul 'khor dang / rgyal po'i pho brang gi phyogs de dang de dag na bsam gtan byed do/ /ri'i rgyal po ri rab dpag tshad brgyad khri ni/ chu'i nang du nub/ dpag tshad brgyad khri ni/ chu las mngon par 'phags te/ de la dpag tshad 'bum drug khri yod do/ /ri'i rgyal po ri rab kyi ngos re re la dpag tshad brgyad khri brgyad khri yod do/ /de dag la dpag tshad sum 'bum nyi khri yod do/ /ri'i rgyal po ri rab rin po che sna bzhi las byas pa/ gzugs bzang ba/ blta na sdug pa/ mdzes pa yin te/ der klu'i rgyal po dga' bo dang / nye dga' </font><hr>Nya109a<br><font size=+1>


@#/ /gnyis skyes nas de gnyis kyi lus kyis de lan gsum dkris te 'khod cing bskal par gnas pas sa 'dzin pa/ 'dab chags kyi rgyal po 'dab bzang gis dbyung par mi nus pa yin no/ /de gnyis 'di snyam du sems te/ bdag cag gnyis kyi bsod nams kyis gnas 'di byung ngo / /snyam nas de gnyis ser snas kun nas dkris pas nyin mo lan gsum mi mthun pa'i rlung gtong ste/ des ri rab kyi bang rim la gnas pa'i ri dwags dang / bya mang po dag tshul ma yin pas sdug bsngal bar gyur to/ /de na dge slong gang dag ri rab kyi bang rim na bsam gtan byed pa de dag kyang mi mthun pa'i rlung des skya bo seng seng por gyur cing / rid pa dang / nyam chung ba dang / rke ba dang / lus ma thob par gyur nas de dag dbyar gyi zla ba gsum po dag 'das nas bcom ldan 'das kyi zhabs la phyag 'tshal du mnyan yod du lhags pa dang / dge slong rnams kyis de dag mthong nas smras pa/ tshe dang ldan pa dag 'ongs pa legs so/ /'ongs pa legs so/ /khyed cag ga las 'dir 'ongs/ khyed cag dbyar gang du gnas par khas blangs/ de dag gis smras pa/ tshe dang ldan pa dag /bdag cag ri rab kyi bang rim nas 'dir 'ongs so/ /bdag cag ri rab kyi bang rim du dbyar gnas par khas blangs so/ /dge slong rnams kyis smras pa/ tshe dang ldan pa dag /khyed cag ci'i phyir skya bo seng seng por </font><hr>Nya109b<br><font size=+1>


gyur cing / rid pa dang / nyam chung ba dang / rke pa dang / lus ma thob par gyur/ de dag gis smras pa/ tshe dang ldan pa dag /ri rab kyi bang rim du klu'i rgyal po dga' bo dang / nye dga' gnyis skyes nas de gnyis kyi lus kyis de lan gsum dkris te 'khod cing bskal bar gnas pas sa 'dzin pa/ 'dab chags kyi rgyal po 'dab bzang gis dbyung bar mi nus pa yin no/ /de gnyis 'di snyam du sems te/ bdag cag gnyis kyi bsod nams kyis gnas 'di byung ngo / /snyam nas de gnyis ser snas kun nas dkris pas nyin mo lan gsum mi mthun pa'i rlung gtong ste/ des ri rab kyi bang rim la gnas pa'i ri dwags dang / bya mang po dag tshul ma yin pas sdug bsngal bar gyur to/ /bdag cag kyang mi mthun pa'i rlung des skya bo seng seng por gyur cing / rid pa dang / nyam chung ba dang / rke pa dang / lus ma thob par gyur to/ /dge slong rnams kyis smras pa/ tshe dang ldan pa dag /khyed kyis de gnyis 'dul bar mi nus sam/ de dag gis smras pa/ tshe dang ldan pa dag /re zhig de gnyis bdag cag gis gdul ba ma yin no/ /'o na sus gdul ba yin/ nyan thos chen pos gdul ba yin no/ /zhes zer ba'i skabs de/ dge slong rnams kyis bcom ldan la gsol to/ /de nas bcom ldan 'das kyis dgongs pa/ de gnyis gang gis gdul ba yin snyam na/ dge slong mo'u 'gal gyi bu chen pos gdul ba yin par gzigs shing mkhyen nas tshe dang ldan pa mo'u 'gal gyi bu chen po la bka' stsal </font><hr>Nya110a<br><font size=+1>


@#/ /pa/ mo'u 'gal gyi bu/ ri rab kyi bang rim na klu'i rgyal po dga' bo dang / nye dga' bo gnyis la soms shig /tshe dang ldan pa mo'u 'gal gyi bu chen pos/ btsun pa/ bka' bzhin 'tshal zhes bcom ldan 'das las mnyan nas 'di lta bu'i ting nge 'dzin la snyoms par zhugs te/ ji ltar sems mnyam par bzhag na/ mnyan yod nas mi snang bar gyur cing / ri rab kyi bang rim du son par gyur pa de lta bu'i ting nge 'dzin la snyoms par zhugs so/ /de'i tshe na klu'i rgyal po dga' bo dang / nye dga' gnyis gnyis log par gyur nas des se gol gyis sad par bya bar brtsams na/ de gnyis ma sad do/ /des de gnyis kyi steng du bcag par brtsams na/ de lta na yang de gnyis ma sad do/ /des de gnyis kyi ltor zhugs te/ sprin chen po bzhin du 'brug bsgrag par brtsams na/ de lta na yang de gnyis ma sad do/ /des klu chen po'i lus kyis ri'i rgyal po ri rab la lan bdun dkris te steng du gdengs ka chen po byas te 'dug pa dang / de gnyis khur lci bas mnan pas sad de ji tsam na klu chen po zhig gis bdag cag gnyis mnan par mthong nas de gnyis kyis bsam pa/ klu rdzu 'phrul chen po zhig byung ste bdag cag gnyis gnas 'di nas nyams par gyur gyi/ bros te 'dong ngo / /snyam du rig nas skrag ste bram ze'i khye'u'i kha dog tu bdag nyid mngon par sprul nas 'bros par brtsams so/ /de nas tshe dang </font><hr>Nya110b<br><font size=+1>


ldan pa mo'u 'gal gyi bu chen pos rdzu 'phrul mngon par 'du bya ba de phyir bsdus nas de gnyis kyi mdun du 'dug ste smras pa/ klu'i dbang po gnyis gar 'dong / de gnyis kyis smras pa/ klu rdzu 'phrul chen po zhig byung ste/ bdag cag gnyis gnas 'di nas nyams par gyur gyi/ 'bros su 'gro'o/ /des smras pa/ tshur shog /klu de ci 'dra ba blta'o/ /de gnyis de dang lhan cig phyir log pa dang / ji tsam na mi snang nas de gnyis kyis smras pa/ 'phags pas bdag cag gnyis la ku re ma bgyis sam/ des smras pa/ de yin no/ /'o na/ bdag cag gnyis kyis nongs pa ci bgyis/ rga ba'i chos can/ khyed gnyis kyis sangs rgyas kyi pho nya 'ongs pa la ma bsam mo/ /'phags pa/ khyod sangs rgyas kyi pho nya lags sam/ sangs rgyas kyi pho nya yin no/ /'phags pa/ gal te khyod sangs rgyas kyi pho nya lags na/ bdag cag gnyis kyis ci bgyi ba bka' stsal du gsol/ tshur shog /bcom ldan 'das kyi spyan snga kho nar 'dong ngo / /'phags pa/ ma nongs te/ de bzhin bgyi'i/ /bzhud do/ /de nas tshe dang ldan pa mo'u 'gal gyi bu chen pos klu'i rgyal po dga' bo dang / nye dga' gnyis khrid nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das la tshe dang ldan pa mo'u 'gal gyi bu chen pos 'di skad ces gsol to/ </font><hr>Nya111a<br><font size=+1>


@#/ /btsun pa/ bcom ldan 'das kyis gang gi slad du bdag la bka' stsal pa'i klu'i rgyal po dga' bo dang / nye dga' de gnyis ni/ 'di lags so/ /de nas bcom ldan 'das kyis klu'i rgyal po dga' bo dang / nye dga' la 'di skad ces bka' stsal to/ /klu'i dbang po/ khyed gnyis sngon gyi nyes par spyad pas klu'i skye gnas ngan par skyes shing / khyed gnyis da ltar drag shul can/ lag pa khrag gis gos pa/ nyams pa dang / rab tu nyams pa la zhen pa/ gzhan gyi srog 'phrog pa/ gzhan gyi srog gcod pas 'tsho bar byed de/ 'di nas shi 'phos na/ khyed gnyis kyi 'gro ba ni/ cir 'gyur/ skye ba ni/ cir 'gyur/ tshe phyi ma ni/ cir 'gyur/ de gnyis kyis gsol pa/ bcom ldan 'das/ bdag cag gnyis kyis ci zhig bgyi ba bka' stsal du gsol/ bcom ldan 'das kyis bka' stsal pa/ klu'i dbang po gnyis tshur shog /nga'i drung du skyabs su 'gro ba dang / bslab pa'i gzhi dag longs la/ ri rab kyi bang rim la gnas pa'i ri dwags dang / bya rnams la mi 'jigs pa byin cig /de gnyis kyis gsol pa/ btsun pa/ bdag cag gnyis bcom ldan 'das kyi spyan sngar skyabs su mchi ba dang / bslab pa'i gzhi dag len cing / ri rab kyi bang rim la gnas pa'i ri dwags dang / bya rnams la mi 'jigs ba stsol to/ /de gnyis kyis bcom ldan 'das kyi spyan sngar skyabs su 'gro ba dang / bslab </font><hr>Nya111b<br><font size=+1>


pa'i gzhi dag blangs nas bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas dong ngo / /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa/ klu'i rgyal po dga' bo dang / nye dga' gnyis kyis las ci bgyis na/ de'i rnam par smin pas klu'i nang du skyes/ las ci bgyis na/ des rin po che sna bzhi las bgyis pa'i gnas mngon par grub cing / lha'i bdud rtsi'i zas dang / sbrang rtsi'i chang gi btung ba dang / re re la yang 'khor nyis stong lnga brgya dang ldan par gyur/ las ci bgyis na/ des na bskal par gnas pas sa 'dzin pa/ 'dab chags kyi rgyal po 'dab bzang gis dbyung bar rngo mi thogs par gyur/ bcom ldan 'das kyis bka' stsal pa/ dge slong dag / 'di gnyis kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas/ 'di gnyis kyis las byas shing bsags pa dag /gzhan su zhig gis so sor myong bar 'gyur/ dge slong dag /las byas shing bsags pa dag ni/ phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar/ las dge ba dang / mi dge ba byas shing bsags pa dag ni/ zin pa'i phung po dang / khams dang / </font><hr>Nya112a<br><font size=+1>


@#/ /skye mched dag la rnam par smin par 'gyur te/ las rnams bskal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag /sngon byung ba bskal pa chen po bzang po 'di nyid la skye rgu'i tshe lo nyi khri thub pa na/ ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de dge slong nyi khris bskor cing grong khyer wA ra NA si na drang srong smra ba ri dwags kyi nags na nye bar brten cing bzhugs so/ /de'i tshe na grong khyer wA ra NA si na rgyal po kri kri zhes bya bas/ rgyal srid 'byor ba rgyas pa/ bde ba/ lo legs pa/ skye bo dang mi mang pos gang ba/ 'thab mo dang / 'thab pa dang / phyi dgra dang / nang 'khrug rab tu zhi ba/ chom rkun dang / mu ge dang bral ba/ sA lu dang / bu ram shing gi phreng ba dang / ba lang dang / ma he phun sum tshogs pa byed du bcug ste/ chos dang ldan pa/ chos kyi rgyal pos chos kyi rgyal srid byed du bcug go /rgyal po kri kri de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig </font><hr>Nya112b<br><font size=+1>


rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'od srung 'jig rten du byung ste/ de dge slong nyi khris bskor cing grong khyer wA ra NA si na drang srong smra ba ri dwags kyi nags na nye bar brten cing bzhugs zhes thos so/ /thos nas kyang rgyal po'i 'byor pa chen po dang / rgyal po'i mthu chen pos yang dag par rdzogs pa'i sangs rgyas 'od srung ga la ba der song ste/ rgyal po kri kris yang dag par rdzogs pa'i sangs rgyas 'od srung skyes bu chen po'i mtshan sum cu rtsa gnyis kyis sku legs par brgyan pa/ dpe byad bzang po brgyad cus sku rnam par mdzes pa/ 'od 'dom gang gis gzugs can brgyan pa/ nyi ma stong pas lhag pa'i 'od dang ldan pa/ rin po che'i ri bo kun tu 'gro ba ltar bzang ba mthong ngo / /mthong ma thag tu rgyal po kri kri/ bcom ldan 'das 'od srung la shin tu dad pa skyes nas yang dag par rdzogs pa'i sangs rgyas 'od srung ga la ba der song ste phyin nas yang dag par rdzogs pa'i sangs rgyas 'od srung gi zhabs gnyis la mgo bos phyag 'tshal te mtha' gcig tu 'dug go /yang dag par rdzogs pa'i sangs rgyas 'od srung gis rgyal po kri kri'i bsam pa dang / bag la nyal dang / khams dang / rang bzhin thugs su chud nas gang thos na/ rgyal po kri kris stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste </font><hr>Nya113a<br><font size=+1>


@#/ /rgyun du zhugs pa'i 'bras bu mngon sum du byas pa de lta bur 'phags pa'i bden pa bzhi yang dag par so sor rtogs par byed pa'i chos bstan pa mdzad do/ /des bden pa mthong nas btsun pa/ bcom ldan 'das kyis bdag la gang mdzad pa 'di lta bu ni/ bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang / bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang / mchi ma'i rgya mtsho ni/ bskams/ rus pa'i ri dag las ni/ bsgral/ ngan song gi sgo dag ni/ bkum/ mtho ris dang / thar pa'i sgo dag ni/ phye/ sems can dmyal ba dang / dud 'gro dang / yi dwags dag nas ni/ rkang pa phyung / lha dang / mi rnams kyi nang du ni/ bzhag go /zhes lan gsum du ched du brjod pa ched du brjod do/ /yang smras pa/ khyod mthus rab drag nyes pa mang ldan pa'i/ /ngan song shul bkag bsod nams rab ldan pa'i/ /mtho ris 'gro ba phye zhing bdag gis ni/ /mya ngan 'das pa'i shul yang thob par gyur/ /shin tu rnam dag khyod brten bdag gis ni/ /de ring skyon bral dag pa'i mig thob cing / /go 'phang zhi ba 'phags pa dgyes thob ste/ /sdug bsngal rgya mtsho'i pha rol </font><hr>Nya113b<br><font size=+1>


brgal bar gyur/ /'gro bar lha min mi dang lhas mchod pa/ /skye dang rga dang na 'chi bral ba po/ /srid pa stong du mthong ba rab dkon pa/ /thub pa de ring khyod mthong 'bras bu mchis/ /zhes smras te stan las langs nas yang dag par rdzogs pa'i sangs rgyas 'od srung la lan gsum bskor ba byas te zhabs gnyis la mgo bos phyag 'tshal nas song ngo / /gang gi tshe rgyal po kri kris yang dag par rdzogs pa'i sangs rgyas 'od srung gi spyan sngar bden pa dag mthong ba de'i tshe na/ de don gyi gnas su 'dug ste blon po dang / grong khyer ba dang / yul mi rnams la smras pa/ kwa'i blon po dang / grong khyer ba dang / yul mi dag nyon cig /ngas bcom ldan 'das yang dag par rdzogs pa'i sangs rgyas 'od srung gi spyan sngar bden pa dag mthong bas/ da ngas chos dang / chos ma yin pas rgyal srid byed du 'jug mi nus kyi/ de'i phyir khyod kyis gzhon nu legs skyes rgyal srid kyi dbang phyug gi bdag por zhog cig /nga yang dag par rdzogs pa'i sangs rgyas 'od srung gi spyan sngar skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu byung ngo / /de la blon po'i mchog dga' bo dang / nye dga' zhes bya ba gnyis shig yod pa de gnyis kyis de'i rkang pa gnyis la gtugs te smras pa/ lhas mtshan ma tsam 'ba' zhig mdzod cig dang / bdag cag gnyis kyis chos kyis lha'i rgyal srid bgyid du stsal to/ /rgyal pos smras pa/ gal </font><hr>Nya114a<br><font size=+1>


@#/ /te de lta na/ byed du chug cig /de gnyis kyis ji srid pa de srid du chos kyis rgyal srid byed du bcug nas yang chos dang / chos ma yin pas rgyal srid byed du gzhug par brtsams pa dang / de gnyis kyi nye du yang dag par rdzogs pa'i sangs rgyas 'od srung gi bstan pa la rab tu byung ba de dag de gnyis kyi gan du 'ongs te smras pa/ tshe dang ldan pa gnyis/ chos kyis rgyal srid byed du chug cig /chos dang / chos ma yin pas byed du ma gzhug cig /sems can dmyal ba la gzhol bar 'gyur bar ma byed cig /de gnyis kyis de dag las thos nas ji srid pa de srid du chos kyi rgyal srid byed du bcug nas yang chos dang / chos ma yin pas rgyal srid byed du gzhug par brtsams pa dang / de dag yang de gnyis kyi gan du 'ong ste smras pa/ tshe dang ldan pa gnyis/ chos kyis rgyal srid byed du chug cig /chos dang / chos ma yin pas byed du ma gzhug cig /sems can dmyal ba la gzhol bar 'gyur bar ma byed cig /de gnyis kyis smras pa/ 'phags pa dag /bdag cag blon po dag ni/ rgyal srid bgyid du stsol ba/ gsang tshig mthun pas 'tsho ba lags pas/ gcig tu chos kyi rgyal srid bgyid du stsol ba'i rngo mi thogs te/ nges pa kho nar khyed par can ma lags pa dag ni/ char gcad par bgyi zhing / khyad par can dag ni/ yongs su bskyang bar bgyi 'tshal lo/ /de dag gis smras pa/ gal te de lta na/ yo byad thams cad phun </font><hr>Nya114b<br><font size=+1>


sum tshogs pa'i gtsug lag khang byed du bcug la/ yang dag par rdzogs pa'i sangs rgyas 'od srung nyan thos kyi dge 'dun dang bcas pa la phul la/ dge slong rnams la ni/ gzhon nu'i yongs su spangs pa byin cig /dge slong ma rnams la ni/ btsun mo'i 'khor gyi yongs su spangs pa byin cig dang / des khyed gnyis la yun ring po'i don dang / phan pa dang / bde bar 'gyur ro/ /de gnyis kyis smras pa/ 'phags pa dag /ma nongs kyi/ de bzhin bgyi'o/ /zhes de gnyis kyis yo byad thams cad phun sum tshogs pa'i gtsug lag khang byed du bcug ste/ yang dag par rdzogs pa'i sangs rgyas 'od srung nyan thos kyi dge 'dun dang bcas pa la phul zhing / dge slong rnams la ni/ gzhon nu'i yongs su spangs pa byin/ dge slong ma rnams la ni/ btsun mo'i 'khor gyi yongs su spangs pa byin no/ /dge slong dag /de'i tshe de'i dus na rgyal po kri kri'i blon po'i mchog dga' bo dang / nye dga' zhes bya ba de gnyis ni/ da ltar klu'i rgyal po dga' bo dang / nye dga' 'di gnyis yin te/ de gnyis kyis chos dang / chos ma yin pas rgyal srid byed du bcug pa gang yin pa des ni/ klu rnams kyi nang du skyes so/ /yo byad thams cad phun sum tshogs pa'i gtsug lag khang byed du bcug ste yang dag par rdzogs pa'i sangs rgyas 'od srung nyan thos kyi dge 'dun dang bcas pa la phul ba gang yin pa des ni/ rin po che sna bzhi las byas pa'i gnas mngon par grub cing / </font><hr>Nya115a<br><font size=+1>


@#/ /lha'i bdud rtsis zas dang / sbrang rtsi'i chang gi btung ba dang / re re la yang 'khor nyis stong lnga brgya dang ldan par gyur to/ /dge slong rnams la gzhon nu'i yongs su spangs pa byin pa dang / dge slong ma rnams la btsun mo'i 'khor gyi yongs su spangs pa byin pa gang yin pa des ni/ bskal par gnas pas sa 'dzin pa/ 'dab chags kyi rgyal po 'dab bzang gis dbyung bar mi nus par gyur to/ /dge slong dag /de lta bas na/ las gcig tu nag pa rnams kyi rnam par smin pa ni/ gcig tu nag pa yin la/ las gcig tu dkar ba rnams kyi rnam par smin pa yang gcig tu dkar ba yin la/ las 'dren ma rnams kyi rnam par smin pa yang 'dren ma yin no/ /dge slong dag /de lta bas na/ las gcig tu nag pa rnams dang / 'dren ma rnams spangs te/ las gcig tu dkar ba rnams la brtsal bar bya ste/ dge slong dag /khyed kyis de ltar bslab par bya'o/ /gang gi tshe bcom ldan 'das kyis klu'i rgyal po dga' po dang / nye dga' gnyis skyabs su 'gro ba dang / bslab pa'i gzhi dag la bkod pa de'i tshe na/ de gnyis tshes brgyad dang / tshes bcu bzhi dang / tshes bco lnga la ri rab kyi bang rim du 'ongs nas bcom ldan 'das la bsnyen bkur byed do/ /de gnyis gang gi tshe mtshan mo bcom ldan 'das la bsnyen bkur byed pa de'i tshe na ni/ gzhal med </font><hr>Nya115b<br><font size=+1>


khang pa'i cha lugs kyis bsnyen bkur byed cing / gang gi tshe nyin mo bcom ldan 'das la bsnyen bkur byed pa de'i tshe na ni/ khyim bdag gi cha lugs kyis bsnyen bkur byed do/ /dus gzhan zhig na de gnyis nyin mo khyim bdag gi cha lugs kyis bcom ldan 'das kyi spyan sngar song ngo / /ji tsam na ko sa lar byung ba'i rgyal po gsal rgyal yang rgyal byed kyi tshal ga la ba der song ngo / / rgyal rigs ni/ mngon pa'i nga rgyal can yin pas/ rgyal po de gang gi tshe bcom ldan 'das kyi spyan sngar 'gro ba de'i tshe na/ bdag bcom ldan 'das kyi spyan sngar song ba na 'ga' zhig bdag la mngon du ldang bar mi 'gyur ba med grang snyam nas mi dag pa'i mtha' can gtong bar byed pa yin pas/ de nas ko sa lar byung ba'i rgyal po gsar rgyal gyis rgyal byed kyi tshal gyi sgor bsdad de mi dag pa'i mtha' can zhig la smras pa/ kwa'i nang rje song la/ bcom ldan 'das la su dag bsnyen bkur byed pa ltos shig /mi dag pa'i mtha' can des/ lha/ bka' bzhin 'tshal zhes ko sa lar byung ba'i rgyal po gsal rgyal las mnyan nas bcom ldan 'das ga la ba der song ba dang / ji tsam na khyim bdag gnyis shig bcom ldan 'das la bsnyen bkur byed pa mthong ngo / /mthong nas kyang ko sa lar byung ba'i rgyal po gsal rgyal ga la ba der song ste phyin nas go sa lar byung ba'i rgyal po la 'di skad ces smras so/ /lha/ khyim bdag gnyis shig bcom ldan 'das la bsnyen </font><hr>Nya116a<br><font size=+1>


@#/ /bkur bgyid de/ de gnyis lha'i yul na gnas pa dag lags gor ma bkum mo/ /rgyal pos bsam pa/ khyim bdag de gnyis bdag gi yul na gnas pa yin pas/ de gnyis kyis bdag mthong na/ mngon du ldang bar 'gyur grang snyam nas de bcom ldan 'das ga la ba der song ngo / /klu'i rgyal po dga' bo dang / nye dga' gnyis kyis ko sa lar byung ba'i rgyal po gsal rgyal thag ring po kho na nas mthong ngo / /mthong nas kyang de gnyis kyis bcom ldan 'das la 'di skad ces gsol to/ /btsun pa/ ci lags/ re zhig dam pa'i chos la bsnyen bkur bgyi'am/ 'on te rgyal po la bsnyen bkur bgyi/ bcom ldan 'das kyis bka' stsal pa/ klu'i dbang po gnyis/ re zhig dam pa'i chos la bsnyen bkur gyis shig / sangs rgyas bcom ldan 'das rnams kyis dam pa'i chos la gus par mdzad de/ dgra bcom pa dag kyang chos bla mar byed do/ /de nas bcom ldan 'das kyis byung ba 'di la tshigs su bcad pa dag bka' stsal pa/ sangs rgyas gang dag 'das pa dang / /sangs rgyas gang dag ma byon dang / /sangs rgyas mya ngan sel mdzad pa/ /da ltar mang po gang bzhugs dag /thams cad dam pa'i chos la ni/ /gus par gnas gyur gnas 'gyur zhing / /de bzhin gus par gnas mdzad de/ /de ni sangs rgyas chos nyid yin/ /de phyir bdag la legs 'dod cing / /bdag nyid chen po mngon </font><hr>Nya116b<br><font size=+1>


'dod pas/ /sangs rgyas bstan pa dran byed na/ /'di la dam chos gus par bya/ /de gnyis kyis ko sa lar byung ba'i rgyal po gsal rgyal la mngon du ldang ba ma byas pa dang / rgyal po khros te bsam pa/ khyim bdag 'di gnyis bdag gi yul na gnas pa dag yin na/ bdag la mngon du ldang ba mi byed do/ /snyam nas de khros pas kun nas dkris bzhin du bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /bcom ldan 'das kyis 'di khro bas kun nas dkris so/ /snyam nas bka' mchid gzhan dag mdzad par brtsams te chos ston par mi mdzad pa dang / des gsol ba/ bcom ldan 'das/ chos bstan du gsol/ /bde bar gshegs pa/ chos bstan du gsol/ de skad ces gsol pa dang / bcom ldan 'das kyis tshigs su bcad pa dag bka' stsal pa/ rab tu dang sems med pa dang / /zhe sdang can dang 'khrugs pa yis/ /yang dag rdzogs sangs bstan pa yi/ /dam chos kun shes bya mi nus/ /gang gis nyes rtsom btul byas shing / /rab dang med pa'i sems bsal te/ /kun nas mnar sems 'di spong ba/ /des ni legs gsungs shes par 'gyur/ /rgyal po rgya cher de gnyis la khros te bsam pa/ 'di gnyis la brten nas bcom ldan 'das kyis chos mnyan pa yang rgyun bkum mo/ /snyam du rig nas sdod cig ces byas te/ bcom ldan 'das kyi zhabs gnyis la mgo bos </font><hr>Nya117a<br><font size=+1>


@#/ /phyag 'tshal te stan las langs te song ngo / /gang gi tshe klu'i rgyal po dga' bo dang / nye dga' gnyis nyin mo bcom ldan 'das la bsnyen bkur byed pa de'i tshe na/ de gnyis kyi zho shas 'tsho ba dag gis ri rab kyi bang rim nas mnyan yod kyi bar gyi lam ji srid pa'i lam gyi ngos gnyis su rtsig pa dngar te 'khod par byed do/ /ko sa lar byung ba'i rgyal po gsal rgyal gyis blon po rnams la bsgo ba/ shes ldan dag /gang gi tshe khyim bdag 'di gnyis bcom ldan 'das kyi spyan snga nas phyir byung bar gyur pa de'i tshe na 'di gnyis kyi mgo drung nas chod la sa la sgyel bar gyis shig /tshig de skad ces smras pa klu'i rgyal po dga' bo dang / nye dga' gnyis kyi zho shas 'tsho ba dag gis thos so/ /thos nas kyang de dag 'khrugs nas ko sa lar byung ba'i rgyal po gsal rgyal gyi steng du rdo rje rtse gcig pa dang / 'khor lo dang / mnga' bo che dang / mtshon rtse gcig pa la sogs pa'i mtshon dag 'phang bar brtsams so/ /sangs rgyas bcom ldan 'das rnams ni/ bsnyel ba mi mnga' ba'i chos can yin pas/ de nas bcom ldan 'das kyis tshe dang ldan pa mo'u 'gal gyi bu chen po la bka' stsal pa/ mo'u 'gal gyi bu/ ko sa lar byung ba'i rgyal po gsal rgyal 'khor dang bcas pa dang / mnyan yod na gnas pa'i skye bo'i tshogs la soms shig /tshe dang ldan pa mo'u 'gal gyi bu chen pos/ btsun pa/ bka' bzhin </font><hr>Nya117b<br><font size=+1>


'tshal zhes bcom ldan 'das las bka' mnyan nas byams pa'i ting nge 'dzin la snyoms par zhugs so/ /de la snyoms par zhugs pa'i bye brag gis rdo rje rtse gcig pa dang / 'khor lo dang / mda' po che dang / mtshon rtse gcig pa la sogs pa'i mtshon de dag lha'i me tog ut+pa la dang / pad+ma dang / ku mu ta dang / pad+ma dkar po dang / man dA ra ba dag tu gyur te ko sa lar byung ba'i rgyal po gsal rgyal gyi steng du 'bab par brtsams so/ /de lha'i me tog ut+pa la dang / pad+ma dang / ku mu ta dang / pad+ma dkar po dang / man dA ra ba dag gis gang bzhin du khyim du zhugs nas des btsun mo'i 'khor dang / gzhon nu dang / blon po dang / khrom gyi ru sna dang / grong rdal gyi mi dang / yul mi dang / bram ze dag la smras pa/ shes ldan dag /nga rgyal byed kyi tshal du zhugs tshun chad nas lha'i me tog ut+pa la dang / ku mu ta dang / pad+ma dkar po dang / man dA ra ba dag gis gang bzhin du khyim du zhugs pa 'di ci yin/ su'i mthu yin/ de na gang dag snyan pa dang / 'jam par smra ba la mkhas pa de dag gis smras pa/ lha/ gzhan su zhig gis 'di 'tshal bar 'gyur/ 'di gzhan su zhig gi mthu lags/ 'di ltar/ lha nyid chos kyi rgyal srid bgyid du stsol bas/ 'di lha nyid kyi mthu lags so/ /rgyal pos smras pa/ shes ldan dag /de bden te/ nga chos kyi rgyal srid byed du 'jug pas 'di gor ma chag par nga'i mthu yin no/ /btsun mo'i 'khor gyis smras pa/ </font><hr>Nya118a<br><font size=+1>


@#/ /bdag cag lha las gzhan pa'i skyes pa'i gan du mi mchi zhing / bdag po las mi 'phyo bas/ 'di ni/ bdag cag gi mthu lags so/ /gzhon nu rnams kyis smras pa| bdag cag yab yum la gus shing sri zhu che bas/ 'di ni/ bdag cag gi mthu lags so/ /blon po rnams kyis smras pa/ bdag cag chos kyis lha'i rgyal srid bgyid du stsol bas/ 'di ni| bdag cag gi mthu lags so/ /khrom gyi ru sna dag gis smras pa/ bdag cag lha'i bka' chos dang ldan pa sgrub par bgyid pas/ 'di ni/ bdag cag gi mthu lags so/ /grong rdal gyi mi dang / yul mi dag gis smras pa/ bdag cag lha la chos dang ldan par dpya 'bul bas/ 'di ni/ bdag gi mthu lags so/ /rgyal pos bsam pa/ 'di dag so so nas bdag gi mthu'o// bdag gi mthu'o/ /zhes zer na/ su'i mthu yin pa mi shes kyi/ 'di ltar/ sangs rgyas bcom ldan 'das 'di/ thams cad mkhyen pa/ thams cad gzigs pa/ mkhyen pa dang shes bya la bla na med pa'i mnga' brnyes pa yin gyi/ sangs rgyas bcom ldan 'das la zhur 'gro'o/ /snyam du rig nas lha'i me tog ut+pa la dang / pad+ma dang / ku mu ta dang / pad+ma dkar po dang / man dA ra ba de dag gis thu ba bkang nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug </font><hr>Nya118b<br><font size=+1>


nas ko sa lar byung ba'i rgyal po gsal rgyal gyis skabs de/ bcom ldan 'das la rgyas bar gsol pa dang / bcom ldan 'das kyi bka' stsal pa/ rgyal po chen po/ de ni/ khyod kyi mthu'ang ma yin/ btsun mo'i 'khor gyi'ang ma yin/ gzhon nu rnams kyi'ang ma yin/ blon po rnams kyi'ang ma yin/ /khrom gyi ru sna'i yang ma yin/ grong rdal gyi mi dang ljongs kyi mi rnams kyi'ang ma yin/ bram ze rnams kyi'ang ma yin te/ 'di ltar/ de ni/ dge slong mo'u 'gal gyi bu chen po'i mthu yin te/ gal te dge slong mo'u 'gal gyi bu chen pos khyod btsun mo'i 'khor dang / gzhon nu dang / blon po dang / grong rdal gyi mi dang bcas pa la ma bsam du zin na/ deng nyid du mnyan yod spyod yul du mi 'gyur ba zhig na/ de ni/ dge slong mo'u 'gal gyi bu des khyod btsun mo'i 'khor dang / gzhon nu dang / blon po dang / grong rdal gyi mi dang / yul mi dang bcas pa la bsam pa'i mthu yin gyi/ de la sems mngon par dad par gyis shig /rgyal pos gsol ba/ bcom ldan 'das/ de ltar de dge slong mo'u 'gal gyi bu'i mthu lags shing / bcom ldan 'das kyi'ang ma lags/ nyan thos chen po gzhan dag gi'ang ma lags par ji ltar 'tshal bar bgyi/ rgyal po chen po/ de ni/ nga'i mthu'ang ma yin/ nyan thos chen po gzhan dag gi'ang ma yin te/ 'di ltar/ de ni/ dge slong mo'u 'gal gyi bu'i mthu yin no/ /gal te khyod som nyi dang / yid gnyis za na/ lha'i me tog ut+pa la dang / pad+ma dang / </font><hr>Nya119a<br><font size=+1>


@#/ /ku mu ta dang / pad+ma dkar po dang / man dA ra ba 'di dag sa la bor cig /des de dag sa la bor ba dang / rdo rje rtse gcig pa dang / 'khor lo dang / mda' bo che dang / mtshon rtse gcig pa la sogs pa'i mtshon sha stag tu 'gyur to/ /des de dag mthong nas nyam nga bar gyur te gsol pa/ bcom ldan 'das/ 'di ci lags/ bcom ldan 'das kyis bka' stsal pa/ rgyal po chen po/ khyod kyis klu'i rgyal po dga' bo dang / nye dga' gnyis la rab tu sdang ba'i sems bskyed pas/ de las 'di byung ngo / /rgyal pos gsol pa/ btsun pa/ bdag gis klu'i rgyal po dga' bo dang / nye dga' gnyis mthong bar yang mi dran na/ rab tu sdang ba'i sems bskyed par lta ga la 'gyur/ rgyal po chen po/ ngas khyod la dran par bya'o/ /btsun pa/ bcom ldan 'das kyis dran par mdzad du gsol/ /rgyal po chen po/ khyod kyis nga'i mdun du khyim bdag gnyis shig chos nyan pa gang yin pa de gnyis kyis khyod la mngon du ldang ba ma byas pa de dran nam/ bcom ldan 'das/ de dran no/ /rgyal po chen po/ khyim bdag de gnyis ni/ klu'i rgyal po dga' bo dang / nye dga' gnyis yin no/ /des gsol ba/ bcom ldan 'das/ de gnyis 'khrugs par ma gyur tam/ rgyal po chen po/ de gnyis 'khrugs par ma gyur te/ de gnyis kyi zho shas 'tsho ba dag 'khrugs par gyur to/ /bcom ldan 'das/ bdag gis de gnyis la ji ltar bsgrub par bgyi/ </font><hr>Nya119b<br><font size=+1>


rgyal po chen po/ /bzod par gsol bar bya'o/ /bcom ldan 'das/ de gnyis ni/ ri rab kyi bang rim na mchis la/ bdag ni/ 'di na mchis na/ bdag gis ji ltar de gnyis la bzod par gsol bar bgyi/ bcom ldan 'das kyis bka' stsal pa/ rgyal po chen po/ de gnyis tshes brgyad dang / tshes bcu bzhi dang / tshes bco lnga la nga'i rkang pa gnyis la phyag 'tshal du 'dir 'ong gi /khyod kyang tshes brgyad dang / tshes bcu bzhi dang / tshes bco lnga la 'dir shog cig dang / ngas khyod la de gnyis bstan par bya'i/ khyod kyis bzod par gsol cig /des gsol pa/ btsun pa/ ci lags/ bdag gis de gnyis kyi rkang pa gnyis la gtugs par bgyi'am/ bcom ldan 'das kyis bka' stsal pa/ rgyal po chen po/ khyod kyis de gnyis kyi rkang pa gnyis la gtugs par mi bya ste/ 'di ltar/ mi ma rabs dag gis rkang pa la phyag 'tshal ba gang yin pa de ni| mi gtso bo dag gis lag pa nas bzung ba yin gyi/ khyod kyis lag pa g.yas pa rkyongs la klu'i dbang po gnyis bzod pa mdzod cig /ces bzod pa gsol cig dang / de gnyis bzod par 'gyur ro/ /des gsol ba/ btsun pa/ ma nongs te/ de bzhin du bgyi'o/ /zhes gsol nas bcom ldan 'das kyi zhabs gnyis la mgo bos phyag 'tshal te song ngo / /ji tsam dus gzhan zhig na klu'i rgyal po dga' bo dang / nye dga' gnyis ri rab kyi bang rim du 'ongs nas bdag nyid khyim bdag gi cha lugs su mngon par sprul te bcom ldan 'das ga la ba der song nas phyin pa dang / bcom ldan 'das kyi zhabs gnyis </font><hr>Nya120a<br><font size=+1>


@#/ /la mgo bos phyag 'tshal te mtha' gcig tu 'khod do/ /ko sa lar byung ba'i rgyal po gsal rgyal yang bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug pa dang / bcom ldan 'das kyis de la brda mdzad do/ /de nas ko sa lar byung ba'i rgyal po gsal rgyal stan las langs te bla gos phrag pa gcig tu byas lag pa g.yas pa brkyangs te smras pa/ klu'i dbang po gnyis/ bzod par mdzod cig /de gnyis kyis smras pa/ rgyal po chen po/ /bzod par bgyi'o/ /de nas ko sa lar byung ba'i rgyal po gsal rgyal gyis klu'i rgyal po dga' bo dang / nye dga' gnyis la bzod par gsol nas bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /bdag gis 'phags pa mo'u 'gal gyi bu chen po la mchod pa'i slad du bcom ldan 'das dge slong gi dge 'dun dang bcas pas bdag gi sdum par dgung bdun gyi bar du gdugs tshod gsol bar ci gnang / bcom ldan 'das kyis ko sa lar byung ba'i rgyal po gsal rgyal la cang mi gsung bas gnang ngo / /de nas ko sa lar byung ba'i rgyal po gsal rgyal gyis bcom ldan 'das kyis cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te song nas des blon po rnams la bsgo ba/ shes ldan dag /ngas 'phags pa mo'u </font><hr>Nya120b<br><font size=+1>


'gal gyi bu chen po mchod pa'i phyir bcom ldan 'das nyan thos kyi dge 'dun dang bcas pa zhag bdun du gdugs tshod la spyan drangs kyi/ khyed kyis grong khyer mdzes par gyis la gdugs tshod sta gon gyis shig /rgyal po rnams ni/ tshig gis 'grub pa yin la/ lha rnams ni/ sems kyis 'grub pa yin/ rnal 'byor pa rnams ni/ sems bskyed pa tsam gyis thams cad 'grub pa yin pas/ blon po rnams kyis/ lha/ bka' bzhin 'tshal zhes ko sa lar byung ba'i rgyal po gsal rgyal las mnyan nas rgyal byed kyi tshal dang / mnyan yod kyi bar gyi lam ji srid pa dag mchog tu mdzes par byas shing / mnyan yod kyang rdo ba dang / gseg ma dang / gyo mo med par rnam par gnas par byas te/ tsan+dan gyi chus chag chag btab cing / bdug spos dri zhim po'i snod nye bar bzhag ste dar gyi chun po'i tshogs dpyangs shing / rgyal mtshan dang / ba dan bsgrengs te me tog sna tshogs bkram zhing lha rnams kyi lha'i mdun sa chos bzang ltar nyams dga' bar byas so/ /zhal zas kyang kha dog dang / dri dang / ro phun sum tshogs pa dang ldan pa/ skyu rum sna tshogs dang bcas pa/ spyan gzigs sna tshogs kyis mdzes par byas pa bshams nas 'byor pa de lta bu 'dis nyi ma re re zhing sangs rgyas la sogs pa dge slong gi dge 'dun rgyal po'i pho brang du gdugs tshod gsol to/ /des na mtshan mo'i 'khur ba tshod pa dag tu me shor nas des ko sa lar byung ba'i rgyal po gsal rgyal gyi glang po che yan lag mchog dang ldan pa mang po </font><hr>Nya121a<br><font size=+1>


@#/ /dag tshig par gyur to/ /de nas gdugs tshod zhag bdun thal nas ko sa lar byung ba'i rgyal po gsal rgyal gyis mnyan yod du dril sgrog par byed du bcug nas mnyan yod du sus kyang mtshan mo me sbar bar mi bya'o/ /gang me sbar bar byed na/ de kaR+sha pa Na drug cu'i chad pas gcad par bya ba'am/ phyag sbal du bcug ste 'chi bar bya dgos so/ /zhes bsgo'o// de'i tshe mnyan yod na khyim bdag bzang sbyin zhes bya ba phyug pa/ nor mang ba/ longs spyod che ba/ yongs su bzung ba yangs shing rgya che ba/ rnam thos kyi bu'i nor dang ldan pa/ rnam thos kyi bu la nor gyis 'gran pa zhig 'dug ste/ des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /de dus gzhan zhig na bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das khyim bdag bzang sbyin la chos dang ldan pa'i bka' mchid kyis yang dag par ston par mdzad/ yang dag par 'dzin du 'jug par mdzad/ yang dag par gzengs bstod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar </font><hr>Nya121b<br><font size=+1>


mdzad nas cang mi gsung ngo / /de nas khyim bdag bzang sbyin stan las langs te bla gos phrag pa gcig tu byas nas bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das dge slong gi dge 'dun dang bcas pas sang bdag gi sdum par gdugs tshod gsol bar ci gnang / bcom ldan 'das kyis khyim bdag bzang sbyin la cang mi gsung bas gnang ngo / /de nas khyim bdag bzang sbyin gyis bcom ldan 'das cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /de nas khyim bdag bzang sbyin gyis de nyid kyi mtshan mo bca' ba dang / bza' ba gtsang zhing bsod pa sta gon byas te nang par sngar langs nas gdan dag bshams te chu ra bzhag nas bcom ldan 'das la spyan 'dren gyis gdugs tshod g.yar dgongs 'tshal na/ bcom ldan 'das kyis da de'i dus la bab par dgongs su gsol zhes spyan drangs so/ /de nas bcom ldan 'das snga dro sham thabs gsol/ lhung bzed dang chos gos bsnams te dge slong gi tshogs kyis yongs su bskor cing / dge slong gi dge 'dun gyis mdun du bdar nas khyim bdag bzang sbyin gyi khyim ga la ba der gshegs te byon nas dge slong gi dge 'dun gyi gong du gdan bshams pa nyid la bzhugs so/ /de nas khyim bdag bzang sbyin gyis sangs rgyas la sogs pa dge slong gi dge 'dun bde bar bzhugs par rig nas bza' </font><hr>Nya122a<br><font size=+1>


@#/ /ba dang / bca' ba gtsang zhing bsod pas rang gi lag nas tshim par byed/ stob par byed do/ /rnam grangs du mar bca' ba dang / bza' ba gtsang zhing bsod pas rang gi lag nas tshim par byas shing bstabs nas bcom ldan 'das gdugs tshod gsol cing phyag bcabs/ lhung bzed bzhag par rig nas stan ches dma' ba zhig blangs te chos mnyan pa'i phyir bcom ldan 'das kyi spyan sngar 'dug go /bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas 'di ltar/ khyim bdag bzang sbyin chung ma dang bcas pas stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras bu mngon sum du byas pa de lta bur 'phags pa'i bden pa bzhi yang dag par so sor rtogs par byed pa'i chos bstan par mdzad do/ /des bden pa mthong nas btsun pa/ bcom ldan 'das kyis bdag la gang mdzad pa 'di lta bu ni/ bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang / bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang / mchi ma'i rgya mtsho dag ni/ bskams/ rus pa'i ri dag las ni/ bsgral/ ngan song gi sgo dag ni/ bkum/ mtho ris dang / thar </font><hr>Nya122b<br><font size=+1>


pa'i sgo dag ni/ phye/ sems can dmyal ba dang / dud 'gro dang / yi dwags dag nas ni/ rkang pa phyung / lha dang / mi rnams kyi nang du ni/ bzhag go /zhes lan gsum du ched du brjod pa ched du brjod do/ /yang smras pa/ khyod mthus rab drag nyes pa mang ldan pa'i/ /ngan song shul bkag bsod nams rab ldan pa'i/ /mtho ris 'gro ba phye zhing bdag gis ni/ /mya ngan 'das pa'i shul yang thob par gyur/ /shin tu rnam dag khyod brten bdag gis ni/ /de ring skyon bral dag pa'i mig thob cing / /go 'phang zhi ba 'phags pa dgyes thob ste/ /sdug bsngal rgya mtsho'i pha rol brgal bar gyur/ /'gro bar lha min mi dang lhas mchod pa/ /skye dang rga dang na 'chi bral ba'o/ /srid pa stong du mthong bar rab dkon pa/ /thub pa de ring khyod mthong 'bras bu mchis/ /bcom ldan 'das kyis chos bstan pa mdzad nas gshegs so/ /khyim bdag bzang sbyin chung ma dang bcas pas gang gi nyin mo bden pa mthong bar byas pa de'i nyin mo de'i chung ma la sems can zhugs par gyur to/ /khyim bdag bzang sbyin gyis kyang bcom ldan 'das nyan thos kyi dge 'dun dang bcas pa khyim gzhan du spyan drangs te bshos gsol nas/ bcom ldan 'das kyis khyim bdag bzang sbyin chung ma dang bcas pa la gang thos nas de gnyis kyis phyir mi 'ong ba'i 'bras bu mngon sum du byas shing / rdzu 'phrul yang mngon par bsgrubs par gyur pa de ltar chos bstan pa mdzad do/ /gang gi nyin mo khyim bdag bzang sbyin chung ma dang bcas pas phyir mi 'ong </font><hr>Nya123a<br><font size=+1>


@#/ /ba'i 'bras bu mngon sum du byas shing / rdzu 'phrul mngon par bsgrubs pa de'i nyin mo de'i chung ma la bu btsas pa las khye'u gzugs bzang ba/ blta na sdug pa/ mdzes pa/ gsal ba/ gser gyi kha dog 'dra ba/ mgo gdugs lta bu dang ldan pa/ lag pa ring ba/ dpral ba'i dbyes che ba/ smin ma 'dzang ba/ sna'i gzengs mtho ba zhig byung ngo / /de'i nye du dag 'dus shing lhags nas nyi ma bdun gsum nyi shu rtsa gcig tu btsas pa'i btsas ston rgya cher byas nas khye'u'i ming cir gdags zhes ming 'dogs par byed do/ /nye du dag gis smras pa/ gang gi phyir khye'u 'di'i ming pha ma gnyis kyi nyi ma gang la phyir mi 'ong ba'i 'bras bu mngon sum du byas shing / rdzu 'phrul mngon par bsgrubs par gyur pa'i nyi ma de la btsas pas/ de'i phyir khye'u'i ming rdzu 'phrul len ces bya'o/ /zhes de'i ming rdzu 'phrul len ces bya bar btags so/ /khye'u rdzu 'phrul len ma ma brgyad po pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'phyi ba'i ma ma gnyis dang / rtsed grogs kyi ma ma gnyis la rjes su gtad do/ /de ma ma brgyad po de dag gis 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi bye brag gtso bo gtso bo dag gis sring bar byed/ skyed par byed cing / rdzing na gnas pa bzhin du myur du skyed par byed do/ /de gang gi tshe chen por gyur pa de'i tshe yi ge dang / grangs dang / rtsis dang / </font><hr>Nya123b<br><font size=+1>


lag rtsis dang / dbyung ba dang / gzhug pa dang / gzhag pa la nye bar zhugs nas de yi ge'i mthar phyin cing / 'byed pa dang / klog pa dang / mkhas pa dang / spyod pa gsal ba dang / brtag pa brgyad po 'di lta ste/ rin po che brtag pa dang / gzhi brtag pa dang / gos brtag pa dang / shing brtag pa dang / glang po che brtag pa dang / rta brtag pa dang / bud med brtag pa dang / skyes pa brtag pa la mkhas par gyur to/ /de ko sa lar byung ba'i rgyal po gsal rgyal gyi btsun mo'i 'khor gyi drung du song ba dang / de'i btsun mo'i 'khor gyis steng gi khang bzang gi gzhir gtogs pa nas de la me tog gi phreng ba 'phangs so/ /'jig rten ni/ mdza' bshes dang / dgra bo dang / tha mal pa yin pas/ ji tsam na gzhan dag gis ko sa lar byung ba'i rgyal po gsal rgyal la smras pa/ lha/ gzhon nu rdzu 'phrul len ni/ lha'i btsun mo'i 'khor don du gnyer ro/ /rgyal po dag ni/ mi rtog par byed pas des blon po rnams la bsgo ba/ shes ldan dag /ngas khyim bdag gi bu gzhon nu rdzu 'phrul len yongs su btang ngo / /blon po rnams kyis de kA ra bI ra'i me tog gi phreng bas mgul pa bcings te gos sngon po gyon pa'i mi dag bkri nas grong khyer gyi dbus nas phyir phyung ste gsad sar phyin nas gsod du bcug go /mnyan yod na gnas pa'i skye bo'i tshogs dang / yul tha dad pa nas lhags pa'i mi dag gis /rgyal po sdig pa can 'di ni/ ma brtags par byed pa ngan pa yin te/ des khyim bdag </font><hr>Nya124a<br><font size=+1>


@#/ /gi bu gzhon nu rdzu 'phrul len 'khon med pa/ 'gran mi tshol ba/ mi 'khu ba bsod do/ /zhes brjod do/ /de bzhin du btsun mo'i 'khor dang / gzhon nu dang / blon po rnams kyis kyang ngan pa des/ khyim bdag gi bu gzhon nu rdzu 'phrul len 'khon med pa/ 'gran mi tshol ba/ mi 'khu ba bsad pa ni/ legs pa ma byas so/ /shin tu ma byas so/ /zhes brjod do/ /khyim bdag bzang sbyin gyis bsam pa/ bdag gis bdog cing bdag dbang ba su la yang yongs su ma btang ba gang yin pa de thams cad ni/ gzhon nu rdzu 'phrul len la ltos pa yin na/ de ni/ sngon gyi las kyi nyes pas rgyal pos ma brtags pa lnga pa nyid du bsgrubs pas da su'i phyir bcang bar bya ste/ dman pa dang / mgon med pa dang / bkren pa dang / sdug 'phongs pa dag la yongs su gtang bar bya'o/ /snyam nas des kaR+sha pa Na gcig zong gi rgyur bzhag nas nor gyi rnam pa gzhan thams cad dman pa dang / mgon med pa dang / bkren pa dang / sdug 'phongs pa dag la yongs su btang ngo / /des kaR+sha pa Na gcig po des zong nyos shing btsongs pas/ des kaR+sha pa Na bzhi rnyed nas des kaR+sha pa Na gcig gis ni/ bcom ldan 'das kyi dri gtsang khang spos kyi byug pas byugs so/ /gnyis pas ni/ g.yog 'khor gyi zan sbyar to/ /gsum pas ni/ dge 'dun gyi phyir dge slong la chos ston byin no/ /bzhi pa ni/ zong gi rgyur bzhag go /de'i khyim na </font><hr>Nya124b<br><font size=+1>


longs spyod bsrabs pa'i phyir sbyin pa ngan pa dag kyang sbyin par byed/ mchog tu ngan pa dag kyang sbyin par byed pas/ de'i ming ngan pa bzang sbyin zhes bya bar gyur to/ /de bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das kyis khyim bdag ngan pa bzang sbyin la 'di skad ces bka' stsal to/ /khyim bdag /ji ltar khyod kyi khyim na sbyin pa dag sbyin nam/ bsod nams dag byed dam/ btsun pa/ de bzhin te/ bdag gi sdum pa na sbyin pa dag kyang stsol cing / bsod nams dag kyang bgyid na/ de dag ni/ ngan pa dag dang / mchog tu ngan pa dag lags so/ /khyim bdag /sbyin pa ngan pa'am/ bzang po sbyin yang rung ste/ de gnyis ka longs spyod kyi rnam par smin pa can yin no/ /khyim bdag /sbyin pa ngan pa'am/ bzang po sbyin yang rung ste/ de yang dad pas ma yin/ gus pas ma yin/ rang gi lag nas ma yin/ dus su ma yin/ gnod pa med pa ma yin/ gang gi tshe de'i rnam par smin pa so sor myong bar 'gyur ba de'i tshe na/ de'i sems khyim gyi longs spyod rgya chen po dag la 'jug par mi 'gyur/ zas kyi longs spyod rgya chen po dag la 'jug par mi 'gyur/ gos kyi longs spyod rgya chen po dag la 'jug par mi 'gyur/ gnas mal gyi longs spyod rgya chen po dag la 'jug par mi 'gyur/ bzhon pa'i longs spyod rgya chen po dag la </font><hr>Nya125a<br><font size=+1>


@#/ /'jug par mi 'gyur/ gzugs dang / sgra dang / dri dang / ro dang / reg bya rgya chen po dag la 'jug par mi 'gyur te/ khyim bdag /sbyin pa de lta bu sbyin pa'i 'bras bu rnam par smin pa ni/ de lta bur 'dod par bya'o/ /khyim bdag /sbyin par ngan pa'am/ bzang po sbyin yang rung ste/ de yang dad pas yin/ gus pas yin/ rang gi lag nas yin/ dus su yin/ gnod pa med pa yin/ gang gi tshe de'i rnam par smin pa so sor myong bar 'gyur ba de'i tshe na/ de'i sems khyim gyi longs spyod rgya chen po dag la 'jug par 'gyur/ zas kyi longs spyod rgya chen po dag la 'jug par 'gyur/ gos kyi longs spyod rgya chen po dag la 'jug par 'gyur/ gnas mal gyi longs spyod rgya chen po dag la 'jug par 'gyur/ bzhon pa'i longs spyod rgya chen po dag la 'jug par 'gyur/ gzugs dang / sgra dang / dri dang / ro dang / reg bya rgya chen po dag la 'jug par 'gyur te/ khyim bdag /sbyin pa de lta bu byin pa'i 'bras bu rnam par smin pa ni/ de lta bur 'dod par bya'o// //'dul ba rnam par 'byed pa/ bam po re dgu pa/ khyim bdag /sngon byung ba bram ze dus dpog ces bya ba/ shing sA la chen po lta bu zhig byung bar gyur te/ des bram ze rnams la sbyin pa 'di lta bu 'di byin te/ glang po che gser gyis brgyan pa/ gser gyis mdzes par byas pa/ gser gyi rgyal mtshan can/ gser gyi dra </font><hr>Nya125b<br><font size=+1>


bas g.yogs pa brgyad khri bzhi stong bram ze rnams la sbyin par byin no /rta gser gyis brgyan pa/ gser gyis mdzes par byas pa/ gser gyi rgyal mtshan can/ gser gyi dra bas g.yogs pa brgyad khri bzhi stong bram ze rnams la sbyin par byin no/ /shing rta rnam bzhi gser las byas pa dang / dngul las byas pa dang / bai DUR+Ya las byas pa dang / shel las byas pa dag/ seng+ge'i pags pas g.yogs pa dang / stag lpags kyis g.yogs pa dang / gung lpags kyis g.yogs pa/ ar mo nig gis bkab pa/ rnam par rgyal byed yid du 'ong ba dang ldan pa'i shing rta brgyad khri bzhi stong bram ze rnams la sbyin par byin no/ /khang pa brtsegs pa rnam bzhi gser las byas pa dang / dngul las byas pa dang / bai DUR+Ya las byas pa dang / shel las byas pa'i khang pa brtsegs pa brgyad khri bzhi stong bram ze rnams la sbyin par byin no/ /khri rnam bzhi gser las byas pa dang / dngul las byas pa dang / bai DUR+Ya las byas pa dang / shel las byas pa shur bus blas pa/ stan sbyar ma bting ba/ stan nang tshangs can bting ba/ stan khra bo bting ba/ stan chen po bting ba/ stan bzang po bting ba/ su mtshan gyi gos kyis steng g.yogs bting ba/ steng nas bgo ba'i gos dang bcas pa/ gnyis su rgyab rten dmar po bzhag pa'i khri brgyad khri bzhi stong bram ze rnams la sbyin par byin no/ /gser gyi snod brgyad khri bzhi stong bram ze rnams la sbyin par byin no/ /dngul gyi snod brgyad khri bzhi stong </font><hr>Nya126a<br><font size=+1>


@#/ /bram ze rnams la sbyin par byin no/ /gser gyi snod dngul phyes gang ba brgyad khri bzhi stong bram ze rnams la sbyin par byin no/ /dngul gyi snod gser phyes gang ba brgyad khri bzhi stong bram ze rnams la sbyin par byin no/ /ras zung rnam bzhi/ ka shi ka'i ras phran dang / zar ma'i ras phran dang / du gu la'i ras phran dang / ko taM pa'i ras phran zung brgyad khri bzhi stong bram ze rnams la sbyin par byin no/ /ba gser gyi rwa can/ rmig pa dngul las byas pa/ be'u mthun pa dang bcas pa/ 'khar ba'i ze ba can/ ras bcos bu phrugs kyis g.yogs pa brgyad khri bzhi stong bram ze rnams la sbyin par byin no/ /bu mo gser gyi dpung rgyan can/ mgul rgyan dang bcas pa/ rgyan bzang pos brgyan pa brgyad khri bzhi stong bram ze rnams la sbyin par byin no/ /zas dang / skom dang / bca' ba dang / bza' ba dang / ldag pa dang / bzhib pa gzhan lta smos kyang ci dgos te/ bram ze rnams la sbyin pa de lta bu de byin no/ /khyim bdag bram ze shing sA la chen po lta bu dus dpog gis bram ze rnams la sbyin pa de lta bu de byin pa dang / gang gis phyi rol pa'i drang srong 'dod pa rnams las 'dod chags dang bral ba brgya la zan byin pa gang yin pa de ni/ sbyin pa de bas sbyin pa 'di ches 'bras bu che'o/ /bram ze shing sA la chen po lta bu dus dpog gis bram ze rnams la sbyin pa de lta bu de byin pa dang / gang gis phyi rol pa'i drang srong </font><hr>Nya126b<br><font size=+1>


'dod pa rnams las 'dod chags dang bral ba brgya la zan byin pa dang / gang gis so so'i skye bo 'dzam bu'i tshal du 'ongs pa gcig la zan byin pa gang yin pa de ni/ sbyin pa de bas sbyin pa 'di ches 'bras bu che'o/ /bram ze shing sA la chen po lta bu dus dpog gis bram ze rnams la sbyin pa de lta bu de byin pa dang / gang gis phyi rol pa'i drang srong 'dod pa rnams las 'dod chags dang bral ba ba rgya la zan byin pa dang / gang gis rgyun du zhugs pa'i 'bras bu mngon sum du bya ba'i phyir zhugs pa gcig la zan byin pa gang yin pa de ni/ sbyin pa de bas sbyin pa 'di ches 'bras bu che'o/ /bram ze shing sA la chen po lta bu dus dpog gis bram ze rnams la sbyin pa de lta bu de byin pa dang / gang gis phyi rol pa'i drang srong 'dod pa rnams las 'dod chags dang bral ba brgya la zan byin pa dang / gang gis rgyun du zhugs pa'i 'bras bu mngon sum du bya ba'i phyir zhugs pa brgya la zan byin pa dang / gang gis rgyun du zhugs pa gcig la zan byin pa gang yin pa de ni/ sbyin pa de bas sbyin pa 'di ches 'bras bu che'o/ /bram ze shing sA la chen po lta bu dus dpog gis bram ze rnams la sbyin pa de lta bu de byin pa dang / gang gis phyi rol pa'i drang srong 'dod pa rnams las 'dod chags dang bral ba brgya la zan byin pa dang / gang gis rgyun du zhugs pa'i 'bras bu mngon sum du bya ba'i phyir zhugs pa brgya la zan byin pa dang / gang gis rgyun du zhugs pa brgya la zan byin pa dang / gang gis lan gcig phyir 'ong ba'i 'bras </font><hr>Nya127a<br><font size=+1>


@#/ /bu mngon sum du bya ba'i phyir zhugs pa gcig la zan byin pa gang yin pa de ni/ sbyin pa de bas sbyin pa 'di ches 'bras bu che'o/ /bram ze shing sA la chen po lta bu dus dpog gis bram ze rnams la sbyin pa de lta bu byin pa dang / gang gis phyi rol pa'i drang srong 'dod pa rnams las 'dod chags dang bral ba brgya la zan byin pa dang / gang gis rgyun du zhugs pa'i 'bras bu mngon sum du bya ba'i phyir zhugs pa brgya la zan byin pa dang / gang gis rgyun du zhugs pa brgya la zan byin pa dang / gang gis lan gcig phyir 'ong ba'i 'bras bu mngon sum du bya ba'i phyir zhugs pa brgya la zan byin pa dang / gang gis lan gcig phyir 'ong ba gcig la zan byin pa gang yin pa ni/ sbyin pa de bas sbyin pa 'di ches 'bras bu che'o/ /bram ze shing sA la chen po lta bu dus dpog gis bram ze rnams la sbyin pa de lta bu de byin pa dang / gang gis phyi rol pa'i drang srong 'dod pa rnams las 'dod chags dang bral ba brgya la zan byin pa dang / gang gis rgyun du zhugs pa'i 'bras bu mngon sum du bya ba'i phyir zhugs pa brgya la zan byin pa dang / gang gis rgyun du zhugs pa brgya la zan byin pa dang / gang gis lan gcig phyir 'ong ba'i 'bras bu mngon sum du bya ba'i phyir zhugs pa brgya la zan byin pa dang / gang gis lan gcig phyir 'ong ba brgya la zan byin pa dang / gang gis phyir mi 'ong ba'i 'bras bu mngon sum du bya ba'i phyir </font><hr>Nya127b<br><font size=+1>


zhugs pa gcig la zan byin pa gang yin pa ni/ sbyin pa de bas sbyin pa 'di ches 'bras bu che'o/ /bram ze shing sA la chen po lta bu dus dpog gis bram ze rnams la sbyin pa de lta bu de byin pa dang / gang gis phyi rol pa'i drang srong 'dod pa rnams las 'dod chags dang bral ba brgya la zan byin pa dang / gang gis rgyun du zhugs pa'i 'bras bu mngon sum du bya ba'i phyir zhugs pa brgya la zan byin pa dang / gang gis rgyun du zhugs pa brgya la zan byin pa dang / gang gis lan gcig phyir 'ong ba'i 'bras bu mngon sum du bya ba'i phyir zhugs pa brgya la zan byin pa dang / gang gis lan gcig phyir 'ong ba brgya la zan byin pa dang / gang gis phyir mi 'ong ba'i 'bras bu mngon sum du bya ba'i phyir zhugs pa brgya la zan byin pa dang / gang gis phyir mi 'ong ba gcig la zan byin pa gang yin pa ni/ sbyin pa de bas sbyin pa 'di ches 'bras bu che'o/ /bram ze shing sA la chen po lta bu dus dpog gis bram ze rnams la sbyin pa de lta bu de byin pa dang / gang gis phyi rol pa'i drang srong 'dod pa rnams las 'dod chags dang bral ba brgya la zan byin pa dang / gang gis rgyun du zhugs pa'i 'bras bu mngon sum du bya ba'i phyir zhugs pa brgya la zan byin pa dang / gang gis rgyun du zhugs pa brgya la zan byin pa dang / gang gis lan gcig phyir 'ong ba'i 'bras bu mngon sum du bya ba'i phyir zhugs pa brgya la zan byin pa dang / gang gis lan gcig phyir 'ong ba brgya la zan byin pa dang / gang gis phyir mi 'ong ba'i 'bras bu mngon sum du bya ba'i </font><hr>Nya128a<br><font size=+1>


@#/ /phyir zhugs pa brgya la zan byin pa dang / gang gis phyir mi 'ong ba brgya la zan byin pa dang / gang gis dgra bcom pa'i 'bras bu mngon sum du bya ba'i zhugs pa gcig la zan byin pa gang yin pa ni/ sbyin pa de bas sbyin pa 'di ches 'bras bu che'o/ /bram ze shing sA la chen po lta bu dus dpog gis bram ze rnams la sbyin pa de lta bu de byin pa dang / gang gis phyi rol pa'i drang srong 'dod pa rnams las 'dod chags dang bral ba brgya la zan byin pa dang / gang gis rgyun du zhugs pa'i 'bras bu mngon sum du bya ba'i phyir zhugs pa brgya la zan byin pa dang / gang gis rgyun du zhugs pa brgya la zan byin pa dang / gang gis lan gcig phyir 'ong ba'i 'bras bu mngon sum du bya ba'i phyir zhugs pa brgya la zan byin pa dang / gang gis lan gcig phyir 'ong ba brgya la zan byin pa dang / gang gis phyir mi 'ong ba'i 'bras bu mngon sum du bya ba'i phyir zhugs pa brgya la zan byin pa dang / gang gis phyir mi 'ong ba brgya la zan byin pa dang / gang gis dgra bcom pa'i 'bras bu mngon sum du bya ba'i phyir zhugs pa brgya la zan byin pa dang / gang gis dgra bcom pa gcig la zan byin pa gang yin pa ni/ sbyin pa de bas sbyin pa 'di ches 'bras bu che'o// bram ze shing sA la chen po lta bu dus dpog gis bram ze rnams la sbyin pa de lta bu de byin pa dang / gang gis phyi rol pa'i drang srong 'dod pa rnams las 'dod chags dang bral ba brgya la </font><hr>Nya128b<br><font size=+1>


zan byin pa dang / gang gis rgyun du zhugs pa'i 'bras bu mngon sum du bya ba'i phyir zhugs pa brgya la zan byin pa dang / gang gis rgyun du zhugs pa brgya la zan byin pa dang / gang gis lan gcig phyir 'ong ba'i 'bras bu mngon sum du bya ba'i phyir zhugs pa brgya la zan byin pa dang / gang gis lan gcig phyir 'ong ba brgya la zan byin pa dang / gang gis phyir mi 'ong ba'i 'bras bu mngon sum du bya ba'i phyir zhugs pa brgya la zan byin pa dang / gang gis phyir mi 'ong ba brgya la zan byin pa dang / gang gis dgra bcom pa'i 'bras bu mngon sum du bya ba'i phyir zhugs pa brgya la zan byin pa dang / gang gis dgra bcom pa brgya la zan byin pa dang / gang gis phyogs bzhi'i dge slong gi dge 'dun la kun dga'i ra ba phul ba gang yin pa ni/ sbyin pa de bas sbyin pa 'di ches 'bras bu che'o/ /bram ze shing sA la chen po lta bu dus dpog gis bram ze rnams la sbyin pa de lta bu de byin pa dang / gang gis phyi rol pa'i drang srong 'dod pa rnams las 'dod chags dang bral ba brgya la zan byin pa dang / gang gis rgyun du zhugs pa'i 'bras bu mngon sum du bya ba'i phyir zhugs pa brgya la zan byin pa dang / gang gis rgyun du zhugs pa brgya la zan byin pa dang / gang gis phyir 'ong ba'i 'bras bu mngon sum du bya ba'i phyir zhugs pa brgya la zan byin pa dang / gang gis lan gcig phyir 'ong ba brgya la zan byin pa dang / gang gis phyir mi 'ong </font><hr>Nya129a<br><font size=+1>


@#/ /ba'i 'bras bu mngon sum du bya ba'i phyir zhugs pa brgya la zan byin pa dang / gang gis phyir mi 'ong ba brgya la zan byin pa dang / gang gis dgra bcom pa'i 'bras bu mngon sum du bya ba'i phyir zhugs pa brgya la zan byin pa dang / gang gis dgra bcom pa brgya la zan byin pa dang / gang gis phyogs bzhi'i dge slong gi dge 'dun la kun dga'i ra ba phul ba dang / gang gis kun dga'i ra ba de nyid du gtsug lag khang rtsig tu bcug pa gang yin pa ni/ sbyin pa de bas sbyin pa 'di ches 'bras bu che'o/ /bram ze shing sA la chen po lta bu dus dpog gis bram ze rnams la sbyin pa de lta bu de byin pa dang / gang gis phyi rol pa'i drang srong 'dod pa rnams las 'dod chags dang bral ba brgya la zan byin pa dang / gang gis rgyun du zhugs pa'i 'bras bu mngon sum du bya ba'i phyir zhugs pa brgya la zan byin pa dang / gang gis rgyun du zhugs pa brgya la zan byin pa dang / gang gis lan gcig phyir 'ong ba'i 'bras bu mngon sum du bya ba'i phyir zhugs pa brgya la zan byin pa dang / gang gis lan gcig phyir 'ong ba brgya la zan byin pa dang / gang gis phyir mi 'ong ba'i 'bras bu mngon sum du bya ba'i phyir zhugs pa brgya la zan byin pa dang / gang gis phyir mi 'ong ba brgya la zan byin pa dang / gang gis dgra bcom pa'i 'bras bu mngon sum du bya ba'i phyir zhugs pa brgya la zan byin pa dang / gang gis dgra bcom pa brgya la zan byin pa </font><hr>Nya129b<br><font size=+1>


dang / gang gis phyogs bzhi'i dge slong gi dge 'dun la kun dga'i ra ba phul ba dang / gang gis kun dga'i ra ba de nyid du gtsug lag khang rtsig tu bcug pa dang / gang gis gtsug lag khang de nyid du gnas mal 'di lta ste/ khri dang / khri'u dang / stan nang tshangs can dang / la ba dang / sngas dang / gor bu dag phul ba gang yin pa ni/ sbyin pa de bas sbyin pa 'di ches 'bras bu che'o/ /bram ze shing sA la chen po lta bu dus dpog gis bram ze rnams la sbyin pa de lta bu de byin pa dang / gang gis phyi rol pa'i drang srong 'dod pa rnams las 'dod chags dang bral ba brgya la zan byin pa dang / gang gis rgyun du zhugs pa'i 'bras bu mngon sum du bya ba'i phyir zhugs pa brgya la zan byin pa dang / gang gis rgyun du zhugs pa brgya la zan byin pa dang / gang gis lan gcig phyir 'ong ba'i 'bras bu mngon sum du bya ba'i phyir zhugs pa brgya la zan byin pa dang / gang gis lan gcig phyir 'ong ba brgya la zan byin pa dang / gang gis phyir mi 'ong ba'i 'bras bu mngon sum du bya ba'i phyir zhugs pa brgya la zan byin pa dang / gang gis phyir mi 'ong ba brgya la zan byin pa dang / gang gis dgra bcom pa'i 'bras bu mngon sum du bya ba'i phyir zhugs pa brgya la zan byin pa dang / gang gis dgra bcom pa brgya la zan byin pa dang / gang gis phyogs bzhi'i dge slong gi dge 'dun la kun dga'i ra ba phul ba dang / gang gis kun dga'i ra ba de nyid du gtsug lag </font><hr>Nya130a<br><font size=+1>


@#/ /khang rtsig tu bcug pa dang / gang gis gtsug lag khang de nyid du gnas mal 'di lta ste/ khri dang / khri'u dang / stan nang tshangs can dang / la ba dang / sngas dang / gor bu dag phul ba dang / gang gis gtsug lag khang de nyid du gtam gyi rkyen ris dang mthun pa'i mchod sbyin phul ba dang / gang sangs rgyas la skyabs su 'gro ba dang / chos la skyabs su 'gro ba dang / dge 'dun la skyabs su 'gro ba dang / bslab pa'i gzhi dag len pa gang yin pa ni/ sbyin pa de bas sbyin pa 'di ches 'bras bu che'o/ /bram ze shing sA la chen po lta bu dus dpog gis bram ze rnams la sbyin pa de lta bu de byin pa dang / gang gis phyi rol pa'i drang srong 'dod pa rnams las 'dod chags dang bral ba brgya la zan byin pa dang / gang gis rgyun du zhugs pa'i 'bras bu mngon sum du bya ba'i phyir zhugs pa brgya la zan byin pa dang / gang gis rgyun du zhugs pa brgya la zan byin pa dang / gang gis lan gcig phyir 'ong ba'i 'bras bu mngon sum du bya ba'i phyir zhugs pa brgya la zan byin pa dang / gang gis lan gcig phyir 'ong ba brgya la zan byin pa dang / gang gis phyir mi 'ong ba'i 'bras bu mngon sum du bya ba'i phyir zhugs pa brgya la zan byin pa dang / gang gis phyir mi 'ong ba brgya la zan byin pa dang / gang gis dgra bcom pa'i 'bras bu mngon sum du bya ba'i phyir zhugs pa brgya la zan byin pa dang / gang gis dgra bcom pa brgya la zan byin pa dang / gang gis phyogs </font><hr>Nya130b<br><font size=+1>


bzhi'i dge slong gi dge 'dun la kun dga'i ra ba phul ba dang / gang gis kun dga'i ra ba de nyid du gtsug lag khang rtsig tu bcug pa dang / gang gis gtsug lag khang de nyid du gnas mal 'di lta ste/ khri dang / khri'u dang / stan dang / stan nang tshangs can dang / la ba dang / sngas dang / gor bu dag phul ba dang / gang gis gtsug lag khang de nyid du gtan gyi rkyen ris dang mthun pa'i mchod sbyin phul ba dang / gang sangs rgyas la skyabs su 'gro ba dang / chos la skyabs su 'gro ba dang / dge 'dun la skyabs su 'gro ba dang / bslab pa'i gzhi dag len pa dang / gang gis sems can srog chags 'byung po thams cad la byams pa'i sems sgom pa gang yin pa ni/ sbyin pa de bas sbyin pa 'di ches 'bras bu che'o/ /khyim bdag/ /bram ze shing sA la chen po lta bu dus dpog gis bram ze rnams la sbyin pa de lta bu de byin pa dang / gang gis phyi rol pa'i drang srong 'dod pa rnams las 'dod chags dang bral ba brgya la zan byin pa dang / gang gis rgyun du zhugs pa'i 'bras bu mngon sum du bya ba'i phyir zhugs pa brgya la zan byin pa dang / gang gis rgyun du zhugs pa brgya la zan byin pa dang / gang gis lan gcig phyir 'ong ba'i 'bras bu mngon sum du bya ba'i phyir zhugs pa brgya la zan byin pa dang / gang gis lan gcig phyir 'ong ba brgya la zan byin pa dang / gang gis phyir mi 'ong ba'i 'bras bu mngon sum du bya ba'i phyir zhugs pa brgya la zan byin pa dang / gang gis phyir mi 'ong ba brgya la zan byin pa dang / gang gis </font><hr>Nya131a<br><font size=+1>


@#/ /dgra bcom pa'i 'bras bu mngon sum du bya ba'i phyir zhugs pa brgya la zan byin pa dang / gang gis dgra bcom pa brgya la zan byin pa dang / gang gis phyogs bzhi'i dge slong gi dge 'dun la kun dga'i ra ba phul ba dang / gang gis kun dga'i ra ba de nyid du gtsug lag khang cig rtsig tu bcug pa dang / gang gis gtsug lag khang de nyid du gnas mal 'di lta ste/ khri dang / khri'u dang / stan dang / stan nang tshangs can dang / la ba dang / sngas dang / khri'u dag phul ba dang / gang gis gtsug lag khang de nyid du gtan gyi rkyen ris dang mthun pa'i mchod sbyin phul ba dang / gang sangs rgyas la skyabs su 'gro ba dang / chos la skyabs su 'gro ba dang / dge 'dun la skyabs su 'gro ba dang / bslab pa'i gzhi dag len pa dang / gang gis sems can srog chags 'byung po thams cad la byams pa'i sems sgom pa dang / gang 'du byed thams cad la mi rtag par rjes su lta zhing gnas pa dang / zad par rjes su lta/ 'dod chags dang bral bar rjes su lta/ 'gog par rjes su lta/ spong bar rjes su lta zhing gnas pa gang yin pa ni/ sbyin pa de bas sbyin pa 'di ches 'bras bu che'o/ /khyim bdag /de lta bas na/ khyod kyis 'di ltar 'du byed thams cad la mi rtag pa rjes su lta zhing gnas par bya ba dang / zad par rjes su lta/ 'dod chags dang bral bar rjes su lta/ 'gog par rjes su lta/ spong bar rjes su </font><hr>Nya131b<br><font size=+1>


lta zhing gnas par bya zhes bslab par bya ste/ khyim bdag /khyod kyis de ltar bslab par bya'o/ /de nas khyim bdag ngan pa bzang sbyin gyis bcom ldan 'das kyis bka' stsal pa la mngon par bstod pa dang / rjes su yi rang ba byas nas bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /de dus gzhan zhig na rang gi khyim na mtshan mo mar me sbar te sangs rgyas kyi bka' klog pa na/ rgyal po'i zho shas 'tsho ba grong khyer nyul ba dag gis sgo gtan gyi bu gu nas de mthong nas de dag gis de la smras pa/ khyim bdag /rgyal pos dril sgrog pa byed du bcug ste mnyan yod du sus kyang mtshan mo me sbar bar mi bya'o/ /gang sbar bar byed pa de kaR+sha pa Na drug cu'i chad pas gcad par bya ba'am/ phyag sbal du bcug ste 'chi bar bya'o/ /zhes bka' btags na/ khyod kyis ci'i phyir mtshan mo me sbar/ des smras pa/ shes ldan dag /'di ni/ me ma yin te/ mar me yin no/ /khyim bdag /ci/ 'dis me'i bya ba byed mi nus sam/ yang na ni/ kaR+sha pa Na drug cu phul cig /yang na ni/ phyag sbal du 'dug cig /shel ldan dag /kho bo la kaR+sha pa Na drug cu'i 'byor pa ga la yod/ phyag sbal du 'dug go /ko sa lar byung ba'i rgyal po gsal rgyal gyi phyag sbal ni/ rim pa gsum yod de/ mi gtso bo gang dag yin pa de dag ni/ steng rim du 'jog par byed/ mi bar ma gang dag yin pa de dag ni/ </font><hr>Nya132a<br><font size=+1>


@#/ /bar du 'jog par byed/ mi ngan pa gang dag yin pa de dag ni/ gting du 'jog par byed pas/ de mi gtso bo yin pa'i phyir de dag gis steng rim du bzhag go /de nas rgyal po chen po bzhi mtshan mo'i thun dang po la khyim bdag ngan pa bzang sbyin ga la ba der song ste phyin nas khyim bdag ngan pa bzang sbyin la 'di skad ces smras so/ /khyim bdag /khyod phyag sbal na 'dug pa tshul dang mthun pa ma yin na/ ci'i phyir khyod phyag sbal na 'dug /des smras pa/ nye dbang dag /kho bo rang dbang gis phyag sbal na 'dug pa ma yin te/ 'di ltar/ rgyal po'i zho shas 'tsho ba dag gis phyag sbal du bcug go /ci'i phyir kaR+sha pa Na drug cu'i phyir te/ kho bo la de dag gi 'byor pa med pas/ de'i phyir phyag sbal na 'dug go / khyim bdag /de'i phyir khyod sems bskyed la tshig rjod cig /khyod kyi khyim mam/ chu'i gnas gang dag dbyig dang / gser gyis dgang bar bya/ nye dbang dag /khyod snying las chung ngur gyis shig dang / bdag la rgyal po dad pas dad pa'i dbang du bya ba byed par 'gyur ro/ /gal te 'dod na 'dug cig dang / khyed la chos bstan par bya'o/ /de dag chos mnyan pa'i phyir de'i mdun du 'dug pa na/ de dag gi lus 'di 'dra ste/ 'di lta ste/ dper na/ me'i phung po chen po bzhi 'bar ba/ rab tu 'bar ba/ kun tu rab tu 'bar ba me lce gcig tu gyur cing sreg pa dang </font><hr>Nya132b<br><font size=+1>


'dra'o/ /ko sa lar byung ba'i rgyal po gsal rgyal gyis mtshan mo'i thun dang po la phyag sbal na me'i phung po bzhi 'bar ba/ rab tu 'bar ba/ kun tu rab tu 'bar ba me lce gcig tu gyur cing sreg pa dag mthong ngo / /de nas lha'i dbang po brgya byin mtshan mo'i gung thun la/ khyim bdag ngan pa bzang sbyin ga la ba der song ste phyin nas khyim bdag ngan pa bzang sbyin la 'di skad ces smras so/ /khyim bdag /khyod phyag sbal na 'dug pa tshul dang mthun pa ma yin na/ ci'i phyir khyod phyag sbal na 'dug /des smras pa/ ko'u shi ka/ kho bo rang dbang gis phyag sbal na 'dug pa ma yin te/ 'di ltar/ rgyal po'i zho shas 'tsho ba dag gis phyag sbal du bcug go /ci'i phyir kaR+sha pa Na drug cu'i phyir te/ kho bo la de dag gi 'byor pa med pas/ de'i phyir phyag sbal na 'dug go /khyim bdag /de'i phyir sems bskyed la tshig rjod cig /khyod kyi khyim mam/ chu'i gnas gang dag dbyig dang / gser gyis dgang bar bya/ ko'u shi ka/ khyod snying las chung ngur gyis shig dang / bdag la rgyal po dad pas dad pa'i dbang du bya ba byed par 'gyur ro/ /gal te 'dod na 'dug cig dang / khyod la chos bstan par bya'o/ /de chos mnyan pa'i phyir de'i mdun du 'dug pa na/ de'i lus 'di 'dra ste/ 'di lta ste/ dper na/ me'i phung po chen po snga ma bzhi 'bar ba/ rab tu 'bar ba/ kun tu rab tu 'bar ba me lce gcig tu gyur cing sreg pa dag pas ches 'phags pa dang / </font><hr>Nya133a<br><font size=+1>


@#/ /ches gya nom pa'i me'i phung po chen po 'bar ba/ rab tu 'bar ba/ kun tu rab tu 'bar ba me lce gcig tu gyur cing sreg pa 'dra'o/ /ko sa lar byung ba'i rgyal po gsal rgyal gyis mtshan mo'i gung thun la phyag sbal na me'i phung po snga ma bzhi 'bar ba/ rab tu 'bar ba/ kun tu rab tu 'bar ba me lce gcig tu gyur cing sreg pa dag pas ches 'phags pa dang / ches gya nom pa'i me'i phung po chen po 'bar ba/ rab tu 'bar ba/ kun tu rab tu 'bar ba me lce gcig tu gyur cing sreg pa mthong ngo / /de nas mi mjed kyi bdag po tshangs pa mtshan mo'i thun tha ma la khyim bdag ngan pa bzang sbyin ga la ba der song ste phyin nas/ khyim bdag ngan pa bzang sbyin la 'di skad ces smras so/ /khyim bdag /khyod phyag sbal na 'dug pa tshul dang mthun pa ma yin na/ ci'i phyir khyod phyag sbal na 'dug /des smras pa/ tshangs pa/ kho bo rang dbang gis phyag sbal na 'dug pa ma yin te/ 'di ltar/ rgyal po zho shas 'tsho ba dag gis phyag sbal du bcug go /ci'i phyir/ kaR+sha pa Na drug cu'i phyir te/ kho bo la de dag gi 'byor pa med pas de'i phyir phyag sbal na 'dug go /khyim bdag /de'i phyir khyod sems bskyed la tshig rjod cig /khyod kyi khyim mam/ chu'i gnas gang dag dbyig dang / gser gyis dgang bar bya/ tshangs pa/ khyod snying las chung ngur gyis shig dang / bdag la rgyal po dad pas dad pa'i dbang du bya ba byed par 'gyur ro/ /gal </font><hr>Nya133b<br><font size=+1>


te 'dod na 'dug cig dang / khyod la chos bstan par bya'o/ /des chos mnyan pa'i phyir de'i mdun du 'dug pa na de'i lus 'di 'dra ste/ 'di lta ste/ dper na/ me'i phung po chen po snga ma bzhi 'bar ba/ rab tu 'bar ba/ kun tu rab tu 'bar ba me lce gcig tu gyur cing sreg pa dag pas ches 'phags pa dang / ches gya nom pa'i me'i phung po chen po 'bar ba/ rab tu 'bar ba/ kun tu rab tu 'bar ba me lce gcig tu gyur cing sreg pa bas kyang ches 'phags pa dang / ches gya nom pa'i me'i phung po chen po 'bar ba/ rab tu 'bar ba/ kun tu rab tu 'bar ba me lce gcig tu gyur cing sreg pa 'dra'o/ / ko sa lar byung ba'i rgyal po gsal rgyal gyis mtshan mo'i thun tha ma la phyag sbal na me'i phung po chen po snga ma bzhi 'bar ba/ rab tu 'bar ba/ kun tu rab tu 'bar ba/ me lce gcig tu gyur cing sreg pa dag pas ches 'phags pa dang / ches gya nom pa'i me'i phung po chen po 'bar ba/ rab tu 'bar ba/ kun tu rab tu 'bar ba me lce gcig tu gyur cing sreg pa bas kyang ches 'phags pa dang / ches gya nom pa'i me'i phung po chen po 'bar ba/ rab tu 'bar ba/ kun tu rab tu 'bar ba me lce gcig tu gyur cing sreg pa mthong ngo / /mthong nas kyang phyag sbal srung ba'i mi mngag pas bkug ste smras pa/ kwa'i nang rje/ das dril sgrog pa byed du bcug ste mnyan yod du sus kyang mtshan mo me sbar bar mi bya'o/ /zhes bsgo na/ nga nyid kyi phyag sbal na mdang mtshan mo tho thag me'i </font><hr>Nya134a<br><font size=+1>


@#/ /phung po chen po sbar ba de ci'i phyir/ des smras pa/ lha/ sus kyang mtshan mo phyag sbal du zhugs ma sbar te/ lhas der ci zhig gzigs ma 'tshal to/ /rgyal pos zho shas 'tsho ba rnams la bsgo ba/ shes ldan dag /dengs la ci/ bden nam rdzun pa phyag sbal rtogs shig /de dag dong ste phyag sbal brtags na/ thal ba yang mi snang nas de dag phyir log ste rgyal po la smras pa/ lha/ bdag cag gis phyag sbal brtags na/ thal ba yang mi gda'o/ /rgyal pos phyag sbal na srung ba'i mi la smras pa/ kwa'i nang rje/ de na mi gtso bo gang 'dug /lha/ khyim bdag ngan pa bzang sbyin mchis so/ /de bos shig /des lha/ bka' bzhin 'tshal zhes de bos pa dang / rgyal pos de la smras pa/ khyim bdag /ngas dril sgrog par byed du bcug ste/ sus kyang mnyan yod du mtshan mo me sbar bar mi bya'o/ /zhes bsgo na/ khyod kyis ci'i phyir phyag sbal du mtshan thog thag me sbar/ des smras pa/ lha/ bdag gis yud tsam yang zhugs ma bltam na/ mtshan thog thag lta ci smos/ khyim bdag /nga nyid kyis mtshan mo'i thun dang po la me'i phung po chen po bzhi 'bar ba/ rab tu 'bar ba/ kun tu rab tu 'bar ba me lce gcig tu gyur cing sreg pa dag dang / mtshan mo'i gung thun la me'i phung po chen po snga ma bzhi 'bar ba/ rab tu 'bar ba/ kun tu rab tu 'bar ba me lce gcig tu gyur cing sreg pa dag </font><hr>Nya134b<br><font size=+1>


pas ches 'phags pa dang / ches gya nom pa'i me'i phung po chen po 'bar ba/ rab tu 'bar ba/ kun tu rab tu 'bar ba me lce gcig tu gyur cing sreg pa dang / mtshan mo'i thun tha ma la me'i phung po chen po snga ma bzhi 'bar ba/ rab tu 'bar ba/ kun tu rab tu 'bar ba me lce gcig tu gyur cing sreg pa dag pas kyang ches 'phags pa dang / ches gya nom pa'i me'i phung po chen po 'bar ba/ rab tu 'bar ba/ kun tu rab tu 'bar ba me lce gcig tu gyur cing sreg pa dag pas kyang ches 'phags pa dang / ches gya nom pa'i me'i phung po chen po 'bar ba/ rab tu 'bar ba/ kun tu rab tu 'bar ba me lce gcig tu gyur cing sreg pa mthong bzhin du/ khyod na re de skad ces/ bdag gis yud tsam yang me ma sbar na/ mtshan thog thag lta ci smos zhes zer na/ de ci yin/ lha/ de ni/ mad de/ bdag gis ni/ mtshan mo zhugs ma sbar mod kyi/ 'di ltar/ mdang mtshan mo'i thun dang po la rgyal po chen po bzhi bdag ga la ba der mchis te phyin nas bdag la 'di skad ces/ khyim bdag /khyod phyag sbal na 'dug pa tshul dang mthun pa ma yin no /ci'i phyir khyod phyag sbal na 'dug ces mchis nas/ bdag gis de dag la 'di skad ces/ nye dbang dag /kho bo rang dbang gis phyag sbal na 'dug pa ma yin te/ 'di ltar/ rgyal po'i zho shas 'tsho ba dag gis phyag sbal na bcug go /zhes bgyis pa dang / de dag bdag la 'di skad ces/ ci'i phyir zhes mchi </font><hr>Nya135a<br><font size=+1>


@#/ /nas bdag gis de dag la 'di skad ces/ kaR+sha pa Na drug cu'i phyir te/ kho bo la de dag gi 'byor pa med pas de'i phyir phyag sbal na 'dug go /zhes bgyis na/ de dag bdag la 'di skad ces/ khyim bdag /de'i phyir khyod sems bskyed la tshig rjod cig /khyod kyi khyim mam/ chu'i gnas gang dag dbyig dang / gser gyis dgang bar bya zhes mchi nas/ bdag gis de dag la 'di skad ces/ nye dbang dag /snying las chung ngur gyis shig /bdag la rgyal po dad pas dad pa'i dbang du bya ba byed par 'gyur ro/ /gal te 'dod na/ 'dug cig dang / khyod la chos bstan par bya'o/ /zhes bgyis pa dang / de dag chos mnyan pa'i slad du bdag gi mdun du mchis pa na/ de dag gi lus 'di 'dra ste/ 'di lta ste/ dper bgyi na/ zhugs kyi phung po bzhi 'bar ba/ rab tu 'bar ba/ kun tu rab tu 'bar ba me lce gcig tu gyur cing sreg pa dag 'dra'o/ /de nas mtshan mo'i gung thun la lha'i dbang po brgya byin bdag ga la ba der mchis te phyin nas bdag la 'di skad ces/ khyim bdag /khyod phyag sbal na 'dug pa tshul dang mthun pa ma yin no/ ci'i phyir khyod phyag sbal na 'dug ces mchi nas bdag gis de la 'di skad ces/ ko'u shi ka/ kho bo rang dbang gis phyag sbal na 'dug pa ma yin te/ 'di ltar/ rgyal po'i zho shas 'tsho ba dag gis phyag sbal du bcug go /zhes bgyis pa dang / de bdag la 'di skad ces/ </font><hr>Nya135b<br><font size=+1>


ci'i phyir zhes mchi nas bdag gis de la 'di skad ces/ kaR+sha pa Na drug cu'i phyir te/ kho bo la de dag gi 'byor pa med pas de'i phyir phyag sbal du bcug go /zhes bgyis na/ de dag bdag la 'di skad ces/ khyim bdag /de'i phyir khyod sems bskyed la tshig rjod cig dang / khyod kyi khyim mam/ chu'i gnas gang dag dbyig dang / gser gyis dgang bar bya zhes mchi na/ bdag gis de la 'di skad ces/ ko'u shi ka /khyod snying las chung ngur gyis shig dang / bdag la rgyal po dad pas dad pa'i dbang du bya ba byed par 'gyur ro/ gal te 'dod na/ 'dug cig dang / khyod la chos bstan par bya'o/ / zhes bgyis pa dang / de chos mnyan pa'i slad du bdag gi mdun du mchis pa na/ de'i lus 'di 'dra ste/ 'di lta ste/ dper bgyi na/ zhugs kyi phung po chen po snga ma bzhi 'bar ba/ rab tu 'bar ba/ kun tu rab tu 'bar ba me lce gcig tu gyur cing sreg pa dag pas ches 'phags pa dang / ches gya nom pa'i zhugs kyi phung po chen po 'bar ba/ rab tu 'bar ba/ kun tu rab tu 'bar ba me lce gcig tu gyur cing sreg pa dag 'dra'o/ /de nas mtshan mo'i thun tha ma la mi mjed kyi bdag po tshangs pa bdag ga la ba der mchis te phyin nas bdag la 'di skad ces/ khyim bdag/ khyod phyag sbal na 'dug pa tshul dang mthun pa ma yin na/ ci'i phyir khyod phyag sbal na 'dug ces mchi nas bdag gis de la 'di skad ces/ tshangs pa/ kho bo rang dbang gis phyag sbal na 'dug pa ma yin te/ 'di ltar/ </font><hr>Nya136a<br><font size=+1>


@#/ /rgyal po'i zho shas 'tsho ba dag gis phyag sbal du bcug go /zhes bgyis pa dang / de bdag la 'di skad ces/ ci'i phyir zhes mchi nas bdag gis de la 'di skad ces/ kaR+sha pa Na drug cu'i phyir te/ kho bo la de dag gi 'byor pa med pas de'i phyir phyag sbal na 'dug go /zhes bgyis na/ de bdag la 'di skad ces/ khyim bdag /de'i phyir khyod sems bskyed la tshig rjod cig /khyod kyi khyim mam/ chu'i gnas gang dag dbyig dang / gser gyis dgang bar bya zhes mchi nas bdag gis de la 'di skad ces/ tshangs pa/ khyod snying las chung ngur gyis shig dang / bdag la rgyal po dad pas dad pa'i dbang du bya ba byed par 'gyur ro/ /gal te 'dod na/ 'dug cig dang / khyod la chos bstan par bya'o/ /zhes bgyis pa dang / de chos mnyan pa'i slad du bdag gi mdun du mchis pa na/ de'i lus 'di 'dra ste/ 'di lta ste/ dper bgyi na/ zhugs kyi phung po chen po snga ma bzhi 'bar ba/ rab tu 'bar ba/ kun tu rab tu 'bar ba me lce gcig tu gyur cing sreg pa dag pas ches 'phags pa dang / ches gya nom pa'i me'i phung po chen po 'bar ba/ rab tu 'bar ba/ kun tu rab tu 'bar ba me lce gcig tu gyur cing sreg pa bas kyang ches 'phags pa dang / ches gya nom pa'i zhugs kyi phung po chen po 'bar ba/ rab tu 'bar ba/ kun tu rab tu 'bar ba me lce gcig tu gyur cing sreg pa 'dra'o/ /rgyal pos smras pa/ </font><hr>Nya136b<br><font size=+1>


khyim bdag /gal te de ltar na/ ngas kyang khyod la dam pa sbyin gyi/ ci 'dod pa smros shig /des smras pa/ lha/ gal te khyod bdag la thugs dad na/ bdag dgung la zhugs mar gyi 'od la sangs rgyas kyi bka' klog par 'tshal lo/ /rgyal pos smras pa/ khyim bdag /khyod 'ba' zhig la gnang bar ma zad kyi/ 'di ltar/ khyod nyid la brten nas gzhan gang dag mtshan mo me mar gyi 'od la sangs rgyas kyi bka' klog par 'dod pa thams cad la yang gnang ngo / /de nas khyim bdag ngan pa bzang sbyin rgyal pos btang bas dga' mgur rab tu dga' ste/ rgyal po'i drung nas song nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /ko sa lar byung ba'i rgyal po gsal rgyal yang / bcom ldan 'das kyi zhabs gnyis la mgo bos phyag 'tshal du rgyal byed kyi tshal du song ngo / /rgyal rigs ni/ mngon pa'i nga rgyal can yin pas/ des rgyal byed kyi tshal gyi sgor bsdad de/ mi dag pa'i mtha' can zhig la smras pa/ kwa'i nang rje/ song la bcom ldan 'das la su dag bsnyen bkur byed pa ltos shig /mi dag pa'i mtha' can des/ lha/ bka' bzhin 'tshal zhes ko sa lar byung ba'i rgyal po gsal rgyal las mnyan nas bcom ldan 'das ga la ba der song ba dang / ji tsam na khyim bdag ngan pa bzang sbyin bcom ldan 'das la bsnyen bkur byed pa mthong ngo / / </font><hr>Nya137a<br><font size=+1>


@#/ /mthong nas kyang ko sa lar byung ba'i rgyal po gsal rgyal ga la ba der song ste phyin nas ko sa lar byung ba'i rgyal po gsal rgyal la 'di skad ces smras so/ /lha/ khyim bdag ngan pa bzang sbyin bcom ldan 'das la bsnyen bkur bgyid cing mchis so/ /rgyal pos bsam pa/ khyim bdag de bdag gi yul na gnas pa yin pas des bdag mthong na/ mngon du ldang bar 'gyur grang snyam nas des bcom ldan 'das ga la ba der song ngo / /khyim bdag ngan pa bzang sbyin gyis ko sa lar byung ba'i rgyal po gsal rgyal thag ring po kho na nas mthong ngo / /mthong nas kyang des bcom ldan 'das la 'di skad ces gsol to/ /btsun pa/ ci lags/ re zhig dam pa'i chos la bsnyen bkur bgyi'am/ 'on te rgyal po la bsnyen bkur bgyi/ bcom ldan 'das kyis bka' stsal pa/ khyim bdag /re zhig dam pa'i chos la bsnyen bkur gyis shig/ sangs rgyas bcom ldan 'das rnams ni/ dam pa'i chos la gus pa mdzad de| dgra bcom pa dag kyang chos bla mar byed do/ /de nas bcom ldan 'das kyis byung ba 'di la tshigs su bcad pa dag bka' stsal pa/ sangs rgyas gang dag 'das pa dang / /sangs rgyas gang dag ma byon dang / /sangs rgyas mya ngan sel mdzad pa/ /da ltar mang po gang bzhugs dag /thams cad dam pa'i chos la ni/ /gus par gnas gyur nas 'gyur zhing / /de bzhin </font><hr>Nya137b<br><font size=+1>


gus par gnas mdzad de/ /de ni sangs rgyas chos nyid yin/ /de phyir bdag la legs 'dod cing / /bdag nyid chen po mngon 'dod pas/ /sangs rgyas bstan pa dran byed na/ /'di la dam chos gus par bya/ /khyim bdag ngan pa bzang sbyin gyis ko sa lar byung ba'i rgyal po gsal rgyal la mngon du ldang ba ma byas pa dang / rgyal po khros te bsam pa/ khyim bdag 'di bdag gi yul na gnas pa yin na/ bdag la mngon du ldang ba mi byed do/ /snyam nas/ de khro bas kun nas dkris bzhin du bcom ldan 'das kyi zhabs gnyis la mgo bos phyag 'tshal te mtha' gcig tu 'dug go |bcom ldan 'das kyis 'di khro bas kun nas dkris so/ /snyam du mkhyen nas bka' mchid gzhan dag mdzad par brtsams te chos ston par mi mdzad pa dang / des gsol pa/ bcom ldan 'das/ chos bstan du gsol/ bde bar gshegs pa/ chos bstan du gsol/ de skad cas gsol pa dang / bcom ldan 'das kyis de la tshigs su bcad pa dag bka' stsal pa/ rab tu dang sems med pa dang / /zhe sdang can dang 'khrugs pa yis/ /yang dag rdzogs sangs bstan pa yi/ /dam chos kun shes bya mi nus/ /gang gis nyes rtsom btul byas shing / /rab dang med pa'i sems bsal te/ /kun nas mnar sems 'dir spong ba/ /des ni legs gsungs shes par 'gyur/ /rgyal pos bsam pa/ khyim bdag 'di la brten nas bcom ldan 'das kyis chos mnyan pa yang </font><hr>Nya138a<br><font size=+1>


@#/ /rgyun bkum mo/ /snyam nas de la rgya cher khro ba'i sems skyes te sdod cig ces byas nas bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /da nas ko sa lar byung ba'i rgyal po gsal rgyal gyis blon po rnams la bsgo ba/ shes ldan dag/ gang gi tshe khyim bdag ngan pa bzang sbyin bcom ldan 'das kyi spyan snga nas phyir byung ba de'i tshe de la khyod nga'i yul nam 'dug cig /ces sgos shig /de nas lha gang khyim bdag ngan pa bzang sbyin la mngon par dad pa des/ srog chags tre ma bu ka dang / tra la ta ka mang po dag btang nas de dag gis rgyal po de kun nas bskor te zin pa na/ de nyam nga bas rang gi khyim du phyin cing der btsun mo'i 'khor dang / gzhon nu dang / blon po dang / khrom gyi ru sna dang / glang po che dang / rta dag kyang kun nas bskor cing zin par gyur/ mnyan yod na gnas pa'i skye bo'i tshogs thams cad kyang kun nas bskor zin par gyur to/ /de nas rgyal po skrag ste myur ba myur bar glang po che la zhon nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go / mtha' gcig tu 'dug nas bcom ldan 'das la ko sa lar byung ba'i rgyal po gsal rgyal gyis 'di skad ces gsol to/ /btsun pa/ re zhig de'i tshe yang klu'i rgyal po dga' bo dang / </font><hr>Nya138b<br><font size=+1>


nye dga' gnyis 'khrugs par gyur na/ da su zhig 'khrugs lags/ rgyal po chen po/ ji ltar gyur/ bcom ldan 'das/ bdag srog chags tra ma bu ka dang / tre la ta ka dag gis kun nas bskor cing zin par gyur/ mchis brang gi 'khor dang / gzhon nu dang / blon po dang / khrom gyi ru sna dang / glang po che dang / rta dag kyang kun nas bskor cing zin par gyur/ mnyan yod na gnas pa'i skye bo'i tshogs thams cad kyang kun nas bskor cing zin par gyur to/ /rgyal po chen po/ khyod kyis khyim bdag ngan pa bzang sbyin la rab tu sdang ba'i sems bskyed do/ /bcom ldan 'das/ ci lags/ khyim bdag de 'khrugs par gyur tam/ rgyal po chen po/ de ni/ phyir mi 'ong ba yin pas 'khrug pa skyed par mi byed de/ 'di ltar/ lha gang de la mngon par dad pa de 'khrugs par gyur to/ /bcom ldan 'das/ bdag gis de la ji ltar bsgrub par bgyi/ rgyal po chen po/ khyod kyis de la bzod par gsol bar bya'o/ /bcom ldan 'das/ ci lags/ bdag gis de'i rkang pa gnyis la gtugs par bgyi'am/ rgyal po chen po/ rkang pa gnyis la gtugs par mi bya ste/ 'di ltar/ mi ma rabs dag gis rkang pa la phyag 'tshal ba gang yin pa de ni/ mi gtso bo dag gis lag pa nas gzung ba yin gyi/ khyod kyis lag pa g.yas pa rkyongs la/ khyim bdag /bzod par gyis shig ces bzod pa gsol cig dang / des bzod par 'gyur ro/ /de nas ko sa lar </font><hr>Nya139a<br><font size=+1>


@#/ /byung ba'i rgyal po gsal rgyal gyis bcom ldan 'das kyis bka' stsal pa la mngon par bstod pa dang / rjes su yi rang ba byas te bcom ldan 'das kyi zhabs gnyis la mgo bos phyag 'tshal nas bcom ldan 'das kyi spyan snga nas song ngo / /mnyan yod na khyim bdag sdum byed dang / tshul khrims tshong dpon zhes bya ba gnyis shig yod de/ de na gtams pa srung ba rnams la ni/ sdum byed drang po yin/ gcig pus che bzhi 'byed pa rnams la ni/ tshul khrims tshong dpon drang po yin la/ de yang ngo tsha dang ldan pas bshang ba'i sar thag ring du 'gro ba yin no/ /mnyan yod na ston zla tha chung gi g.yo can zhes bya ba chom rkun pa dag 'khod pa de dag gi kun tu spyod pa ni/ dgag dbye byas ma thag tu 'dus nas shes ldan dag/ bdag cag gi las ci zhig byas na/ des btsal mi dgos par lo skor du longs spyod cing / bde bar 'khod par 'gyur zhes phan tshun gros byed do/ /de dag las gcig gis smras pa/ shes ldan dag /khyim bdag sdum byed 'di/ gtams pa 'dzin pa yin pas/ 'di la brgal zhing brtag par bya'o/ /gzhan dag gis smras pa/ ma nyes kyi/ de bzhin bya ste/ 'di ltar/ khyim bdag tshul khrims tshong dpon 'di gcig pus che bzhi 'byed pa rnams la drang ba yin la/ de yang ngo tsha dang ldan pas bshang ba'i sar thag ring du 'gro bas/ de bzung ste bsdigs na/ des </font><hr>Nya139b<br><font size=+1>


che bzhi 'byed par 'gyur ro/ /zhes de dag gis de'i bya ra byas te bshang ba'i sar song ba bzung nas bsdigs te smras pa/ khyim bdag/ khyod gson nam/ 'chi/ des smras pa/ shes ldan dag/ khyed kyis ji ltar bsam pa'o/ /de dag gis smras pa/ khyim bdag/ gal te de lta na/ kho bo cag khyim bdag sdum byed la nor brgya'am/ stong gis rgol zhing rtog gi /khyod kyis che bzhi phye zhig /des smras pa/ shes ldan dag /ci/ yang dag pas sam/ yang dag pa ma yin pas/ khyim bdag/ yang dag pa ma yin pas so/ /shes ldan dag /kho bo yang dag pa ma yin pas che bzhi mi 'byed de/ kho bos tshe gcig gi sdug bsngal las thar par bya ba'i don du tshe rabs mang po'i sdug bsngal skyed par mi nus so/ /de dag gis smras pa/ khyim bdag gal te re zhig che bzhi 'byed na/ de lta na legs/ gal te mi 'byed na/ kho bo cag gis khyod mgo drungs nas bcad de sa la bsgyel bar bya'o/ /des tshigs su bcad pa smras pa/ kho bo chos la gnas na myur du shi yang bla/ /chos la rgyab kyis phyogs na gson par ma gyur cig /chos la gnas pa sum cu lha yi bde ba spyod/ /chos las nyams pa mi bzad 'jigs pa'i ngan song ltung / /de nas ston zla tha chung gi g.yon can de dag gis khyim bdag de'i rkang pa gnyis la gtugs te smras pa/ khyim bdag/ bdag cag la mi 'jigs pa stsol cig /des smras </font><hr>Nya140a<br><font size=+1>


@#/ /pa| sbyin no/ /ston zla tha chung gi g.yon can de dag gis de'i rkang pa gnyis la gtugs te gdong ngo / /mnyan yod na ko sa lar byung ba'i rgyal po gsal rgyal gyi nu bo rgyal bu nag po zhes bya ba/ gzugs bzang ba/ blta na sdug pa/ mdzes pa/ dad pa dang ldan zhing bzang la dag ba'i bsam pa can/ sangs rgyas la skyabs su song / chos la skyabs su song / dge 'dun la skyabs su song ba zhig 'dug pa de/ yan lag brgyad dang ldan pa'i gso sbyong la nye bar gnas pa'i gan du bdud kyi ris kyi lha mo zhig 'ongs te rigs pas bskyed pa ma yin pas mgron du gnyer ba na/ des de dang du ma blangs so/ /ji tsam dus gzhan zhig na khyim bdag ngan pa bzang sbyin dang / khyim bdag sdum byed dang| khyim bdag tshul khrims tshong dpon dang / rgyal bu nag po rnams bcom ldan 'das ga la ba der song ste phyin nas bcom ldan 'das kyi zhabs la gnyis la mgo bos phyag 'tshal ste mtha' gcig tu 'khod do/ /ko sa lar byung ba'i rgyal po gsal rgyal yang rgyal po'i 'byor pa chen po dang / rgyal po'i mthu chen pos bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das kyis ko sa lar byung ba'i </font><hr>Nya140b<br><font size=+1>


rgyal po gsal rgyal la 'di skad ces bka' stsal to/ /rgyal po chen po/ khyim bdag ngan pa bzang sbyin ni/ 'di yin no/ /de nas ko sa lar byung ba'i rgyal po gsal rgyal stan las langs te lag pa g.yas pa brkyangs nas smras pa/ khyim bdag /bzod par mdzod cig /khyim bdag gis smras pa/ lha/ bzod par 'tshal lo/ /de nas bcom ldan 'das la ko sa lar byung ba'i rgyal po gsal rgyal gyis 'di skad ces gsol to/ /btsun pa/ bdag ni/ rgyal po rgyal rigs spyi bor dbang bskur ba lags na/ bdag gis bdag gi yul na gnas pa'i 'bangs la bzod par gsol ba gang lags pa de/ ngo mtshar mi che'am/ bcom ldan 'das kyis bka' stsal pa/ rgyal po chen po/ rje dpon gyis bzod pa gsol ba ngo mtshar che'o/ /de nas bcom ldan 'das la khyim bdag ngan pa bzang sbyin gyis 'di skad ces gsol to/ /btsun pa/ bdag la kaR+sha pa Na gcig mchis pa des/ bdag gis zong 'jal cing btsongs nas de las kaR+sha pa Na bzhi grub cing / de dag las gcig gis ni/ bcom ldan 'das kyi dri gtsang khang du spos kyi byug pas byugs/ gnyis pas ni/ dge 'dun gyi slad du dge slong mchod ston stsal/ gsum pas ni/ g.yog 'khor gyi 'tsho ba sbyar/ bzhi pa ni/ zong gi rin du bzhag ste/ btsun pa/ bdag gi nor ma mchis pa'i sbyin pa gang lags pa de/ ngo mtshar mi </font><hr>Nya141a<br><font size=+1>


@#/ /che'am/ bcom ldan 'das kyis bka' stsal pa/ khyim bdag/ nor med pa'i sbyin pa ngo mtshar che'o/ /de nas bcom ldan 'das la khyim bdag tshul khrims tshong dpon gyis 'di skad ces gsol to/ /btsun pa/ bdag slad rol tu mchis pa dang / ston zla tha chung gi g.yon can dag gis bzung nas bsdigs te de dag bdag la 'di skad ces/ khyim bdag /ci/ khyod gson nam/ 'chi zhes mchi nas bdag gis de dag la 'di skad ces/ shes ldan dag /khyed kyis ji ltar bsam pa'o/ /zhes bgyis pa dang / de dag bdag la 'di skad ces/ khyim bdag /gal te de lta na/ khe bo cag khyim bdag sdum byed la nor brgya'am/ stong gis rgol zhing rtog gi/ khyed kyis che bzhi phye zhig ces mchi nas bdag gis de dag la 'di skad ces/ shes ldan dag /ci/ yang dag pas sam/ yang dag pa ma yin pas zhes bgyis na/ de dag bdag la 'di skad ces/ khyim bdag /yang dag pa ma yin pas so| |zhes mchi nas bdag gis de dag la 'di skad ces/ shes ldan dag /kho bo yang dag pa ma yin pas che bzhi mi 'byed de/ kho bos tshe gcig gi sdug bsngal las thar par bya ba'i don du tshe rabs mang po'i sdug bsngal skyed par mi nus so/ /zhes bgyis pa dang / de dag bdag la 'di skad ces/ gal te khyim bdag /gal te re zhig che bzhi 'byed na/ de lta na legs/ </font><hr>Nya141b<br><font size=+1>


gal te mi 'byed na/ kho bo cag gis khyod mgo drungs nas bcad de sa la bsgyel bar bya'o/ /zhes mchi nas bdag gis tshigs su bcad pa 'di skad ces/ kho bo chos la gnas na myur du shi yang bla| |chos la rgyab kyis phyogs na gson par ma gyur cig /chos la gnas pa sum cu lha yi bde ba spyod/ /chos las nyams pa mi bzad 'jigs pa'i ngan song ltung / /zhas smras pa dang / de dag gis bdag gi rkang pa gnyis la gtugs te bdag la 'di skad ces/ khyim bdag /bdag cag la mi 'jigs pa stsol cig ces mchi nas bdag gis de dag la 'di skad ces/ sbyin no/ /zhes bgyis te| btsun pa/ bdag phongs par gyur pas kyang chos yongs su ma btang ste/ bdag gis phongs par gyur pa na chos spyad pa de/ ngo mtshar mi che'am/ bcom ldan 'das kyis bka' stsal pa/ khyim bdag /phongs par gyur pa na chos spyad pa ngo mtshar che'o/ /de nas bcom ldan 'das la rgyal bu nag pos 'di skad ces gsol to/ /btsun pa/ bdag yan lag brgyad dang ldan pa'i gso sbyong la nye bar gnas pa'i gan du bdud kyi ris kyi lha mo zhig mchis nas rigs pas bskyed pa ma lags pas mgron du gnyer ba na/ bdag gis de dang du ma blangs te/ bcom ldan 'das/ bdag nor mngal 'dod pa dag las dben pa de/ ngo mtshar mi che'am/ bcom ldan 'das kyis bka' stsal pa/ gzhon nu nor mang la 'dod pa dag las dben pa ngo mtshar che'o/ /de nas bcom </font><hr>Nya142a<br><font size=+1>


@#/ /ldan 'das kyis byung ba 'di la tshigs su bcad pa bka' stsal pa/ rje dpon bzod gsol nor med sbyin pa dang / /phongs par gyur pa chos spyod byed pa dang / nor mang 'dod pa dag las dben byed pa/ /bzhi po de dag shin tu bya dka' yin/ /de nas khyim bdag ngan pa bzang sbyin dang / khyim bdag sdum byed dang / khyim bdag tshul khrims tshong dpon dang / rgyal bu nag po rnams kyis bcom ldan 'das la chos mngon pa dang / 'dul ba mngon pa'i zhu ba zhus nas bcom ldan 'das kyis de dag la gong nas gong du bka' lan stsal pa dang / ko sa lar byung ba'i rgyal po gsal rgyal yang de dag gi gdong du blta zhing 'dug ste/ des yud tsam zhig chos dang ldan pa'i gtam mnyan nas bcom ldan 'das kyi zhabs gnyis la mgo bos phyag 'tshal te stan las langs nas song ste/ de btsun mo'i 'khor gyi nang du zhugs nas btsun mo phreng ldan ma la smras pa/ phreng ldan ma/ deng khyim bdag ngan pa bzang sbyin dang / khyim bdag sdum byed dang / khyim bdag tshul khrims tshong dpon dang / rgyal bu nag po rnams kyis bcom ldan 'das la chos mngon pa dang / 'dul ba mngon pa'i zhu ba zhus nas bcom ldan 'das kyis kyang de dag la gong nas gong du bka' lan stsal pa dang / nga yang de dag gi gdong du blta zhing kha rog par 'dug 'dug nas langs te song ngo / /phreng ldan </font><hr>Nya142b<br><font size=+1>


mas smras pa/ lha/ khyod kyis kyang ci'i slad du bcom ldan 'das la ma zhus/ phreng ldan ma/ nga ni/ thos pa nyung ba yin la/ de dag ni/ thos pa mang ba yin pas/ ngas ci zhig zhur yod/ lha| khyod kyang ci'i slad du sangs rgyas kyi bka' klog par mi mdzad/ phreng ldan ma/ nga rgyal po'i bya ba dang / rgyal po'i byed pa dag la rtag tu brel bas ji ltar bklag /gal te khyod 'ga' zhig las sangs rgyas kyi bka' klog na/ ngas mtshan mo khyod las bklag par bya'o/ /lha/ de ltar bgyi'o/ /rgyal pos btsun mo rgyal rigs dbyar tshul ma la smras pa/ khyod su las klog /des smras pa/ lha/ 'phags pa shA ri'i bu las so/ /btsun mo phreng ldan ma la smras pa/ khyod su las klog /des smras pa/ lha/ 'phags pa 'char ka las so/ /de nas ko sa lar byung ba'i rgyal po gsal rgyal tshe dang ldan pa shA ri'i bu ga la ba der song ste phyin nas tshe dang ldan pa shA ri'i bu'i rkang pa gnyis la mgo bos phyag 'tshal te tshe dang ldan pa shA ri'i bu la 'di skad ces smras so/ /'phags pa| rgyal rigs dbyar tshul ma 'phags pa las sangs rgyas kyi bka' klag par 'tshal na/ klog tu stsal bar gsol/ des smras pa/ lha/ bcom ldan 'das la zhu'o/ /zhes de nas tshe dang ldan pa shA ri'i bu bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan </font><hr>Nya143a<br><font size=+1>


@#/ /'das la tshe dang ldan pa shA ri'i bus 'di skad ces gsol to/ /btsun pa/ ka sa lar byung ba'i rgyal po gsal rgyal 'di skad ces/ rgyal rigs dbyar tshul ma klog tu stsol cig /ces mchi na/ bdag gis de la ji skad brjod par bgyi/ bcom ldan 'das kyis bka' stsal pa/ shA ri'i bu/ klog tu chug cig /tshe dang ldan pa shA ri'i bus ko sa lar byung ba'i rgyal po gsal rgyal la/ lha/ bka' klog tu stsal to/ /zhes khas blangs so/ /rgyal pos de'i rkang pa gnyis la mgo bos phyag 'tshal te/ tshe dang ldan pa 'char ka ga la ba der song ste phyin nas tshe dang ldan pa 'char ka'i rkang pa gnyis la mgo bos phyag 'tshal te mtha' gcig tu 'dug go /mtha' gcig tu 'dug nas ko sa lar byung ba'i rgyal po gsal rgyal gyis tshe dang ldan pa 'char ka la 'di skad ces smras so/ /'phags pa/ phreng ldan ma 'phags pa las sangs rgyas kyi bka' klog par 'tshal na/ klog tu stsal bar gsol/ des smras pa/ lha/ bcom ldan 'das la zhu'o/ /zhes de nas tshe dang ldan pa 'char ka bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ mtha' gcig tu 'dug nas bcom ldan 'das la tshe dang ldan pa 'char kas 'di skad ces gsol to/ /btsun pa/ ko sa lar byung ba'i rgyal po </font><hr>Nya143b<br><font size=+1>


gsal rgyal 'di skad ces/ phreng ldan ma klog tu gsol cig ces mchi na/ bdag gis de la ji skad brjod par bgyi/ bcom ldan 'das kyis bka' stsal pa/ 'char ka klog tu chug cig /tshe dang ldan pa 'char kas ko sa lar byung ba'i rgyal po gsal rgyal la/ lha/ klog tu stsal to/ /zhes khas blangs nas rgyal po de'i rkang pa la phyag 'tshal te song ngo // // 'dul ba rnam par 'byed pa/ bam po bdun cu pa/ tshe dang ldan pa shA ri'i bu ni/ dus shes pa dang / dus rig pa yin pas/ de dus su song nas rgyal rigs dbyar tshul ma klog tu 'jug gi / dus ma yin par mi 'gro'o/ /tshe dang ldan pa 'char ka ni/ dus mi shes pa dang / dus mi rig pa yin pas dus su yang song ste/ phreng ldan ma klog tu 'jug la/ dus ma yin par yang 'gro'o/ / ji tsam dus gzhan zhig na ko sa lar byung ba'i rgyal po gsal rgyal ri brag gzhan zhig tu bya ba cung zhig byung nas de'i mtshan mo nyid du langs te der 'phags pa dang / tshe dang ldan pa 'char ka glang po che'i sgra dang / rta'i sgra dang / dung gi sgras sad nas des bsam pa/ btsun mo phreng ldan ma la bzlas pa sbyin du 'gro'o/ /snyam nas de rgyal po'i pho brang gi sgor song ba dang sgo bas smras pa/ 'phags pa/ dus ma lags par rgyal po'i pho brang du ma 'jug par re zhig gzhes la slad kyis zhugs shig /de khros te smras pa/ bkren pa/ ji srid du gsus po che 'di </font><hr>Nya144a<br><font size=+1>


@#/ /gson pa de srid du kho bo 'dir dus su yang 'jug la/ dus ma yin par yang 'jug go /'di shi na/ 'dir gdol pa dag dang / chom rkun pa dag 'jug par 'gyur zhing / 'di mi gtsang ba'i ra ba dang / btson ra dang / wa lam can du 'gyur ro/ /sgo ba skrag nas cang mi smra bar 'dug pa dang / tshe dang ldan pa 'char ka nang du zhugs pa na/ btsun mo phreng ldan ma gnyid log cing 'dug nas/ des se gol gyi sgras de bslang ba dang / des de'i rkang pa gnyis la phyag 'tshal te mdun du 'dug go /btsun mo phreng ldan ma btsun mo'i 'khor la 'os pa'i gos dag gyon nas tshe dang ldan pa 'char ka dbang po rnams bsdus te 'dug pa dang / btsun mo phreng ldan mas bsam pa/ ci'i phyir 'phags pa 'char ka dbang po rnams bsdus te 'dug snyam nas des yang bsam pa/ bdag gi btsun mo'i 'khor la 'os pa'i gos dag gyon pas de'i phyir 'phags pa 'char ka dbang po rnams bsdus te 'dug go /snyam du rig nas/ de nas gnas khang du zhugs te gos sdug po dag gyon nas phyir byung ba dang / tshe dang ldan pa 'char kas de la bzlas pa byin nas lung gzhan yang phog pa dang / btsun mo phreng ldan mas smras pa/ 'phags pa/ ci lags/ deng dge 'dun spyan drangs sam/ 'on te bsod snyoms mdzad/ des smras pa/ bsod snyoms bgyid do/ /btsun mo phreng ldan mas smras pa/ 'phags pa/ gal te bsod snyoms mdzad na/ </font><hr>Nya144b<br><font size=+1>


bdag las lhag par bsod pa 'bul ba su zhig mchis te/ bdag nyid kyis 'bul lo/ /zhes de bca' ba dang / bza' ba gtsang zhing bsod pas lhung bzed bkang ste de la phul lo/ /tshe dang ldan pa 'char kas de blangs te phyir phyung ba dang / tshe dang ldan pa shA ri'i bu nang du 'jug pa dang 'phrad nas des smras pa/ don nyung ngu khyod kyis brtson 'grus 'di lta bus zag pa zad par byas sam/ ci na/ khyod da gzod 'ong / kho bos ni/ bzlas pa byin nas lung gzhan yang phog ste/ kho bos bca' ba dang / bza' ba gtsang zhing bsod pas lhung bzed gang ba 'di yang thob bo/ /tshe dang ldan pa shA ri'i bus smras pa/ de'i phyir khyod drug sde yin no/ /dge slong don nyung ngu dag gis thos nas ci'i phyir dge slong dag nam ma langs/ skya rengs ma shar/ rin po che dag gam/ rin po cher smos pa dag ma bsdus par rgyal po rgyal rigs spyi bor dbang bskur ba'i sgo gtan nam/ sgo gtan gyi nye 'khor las 'da' bar byed ces smod par byed/ 'phyar kha gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste/ zhes bya ba la sogs pa yang snga ma bzhin te/ sangs rgyas bcom ldan 'das kyis tshe dang ldan pa 'char </font><hr>Nya145a<br><font size=+1>


@#/ /ka la smras pa/ 'char ka/ khyod nam ma langs/ skya rengs ma shar/ rin po che dag gam/ rin po cher smos pa dag ma bsdus par rgyal po rgyal rigs spyi bor dbang bskur ba'i sgo gtan nam/ sgo gtan gyi nye 'khor las 'da' ba bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa| rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /ci'i phyir zhe na/ dge slong dag /rgyal po'i pho brang du 'gro ba la nyes dmigs bcu po 'di dag yod pa'i phyir te/ bcu gang zhe na/ dge slong dag /'di la rgyal po btsun mo dang lhan cig 'dug cing / dge slong yang rgyal po'i pho brang du 'gro la/ de nas btsun mos dge slong mthong nas 'dzum 'byin par byed na/ de la rgyal po 'di snyam du/ 'di ltar/ btsun mos dge slong mthong nas 'dzum 'byin par byed pa las na/ dge slong gis dben par sdig pa'i las byas pa'am/ sdig pa'i las 'ga' zhig bya bar sems par mi 'gyur ram snyam du sems par 'gyur te/ de ni/ rgyal po'i pho brang du 'gro ba'i nyes dmigs dang po yin no/ /gzhan yang rgyal po btsun mo'i gan du song ba brjed dam/ sbrum pa btsun mo'i 'khor ni nang du zhugs par gyur la/ dge slong yang rgyal po'i pho brang du 'gro na/ de la rgyal po 'di snyam du dge slong rgyal po'i pho brang </font><hr>Nya145b<br><font size=+1>


'dir 'gro ba las na/ de'i las ma yin nam snyam du sems par 'gyur te/ de ni/ rgyal po'i pho brang du 'gro ba'i nyes dmigs gnyis pa yin no/ /gzhan yang rgyal po'i pho brang nas rin po che'am/ rin po cher smos pa stor bar gyur la/ dge slong yang rgyal po'i pho brang du 'gro na/ de la rgyal po 'di snyam du dge slong rgyal po'i pho brang 'dir 'gro ba las na/ de'i las ma yin nam snyam du sems par 'gyur te/ de ni/ rgyal po'i pho brang du 'gro ba'i nyes dmigs gsum pa yin no/ /gzhan yang rgyal po'i pho brang nas gsang tshig phyi rol tu 'phel bar gyur la/ dge slong yang rgyal po'i pho brang du 'gro na/ de la rgyal po 'di snyam du dge slong rgyal po'i pho brang 'dir 'gro ba las na/ de'i las ma yin nam snyam du sems par 'gyur te/ de ni/ rgyal po'i pho brang du 'gro ba'i nyes dmigs bzhi pa yin no/ /gzhan yang rgyal po gzhon nu rnams la gsod par sems la/ dge slong yang rgyal po'i pho brang du 'gro na/ de na gang dag yid mi dga' ba de dag 'di snyam du dge slong rgyal po'i pho brang 'dir 'gro ba las na/ de'i las ma yin nam snyam du sems par 'gyur te/ de ni/ rgyal po'i pho brang du 'gro ba'i nyes dmigs lnga pa yin no/ /gzhan yang gzhon nu rnams rgyal po gsod par sems shing / dge slong yang rgyal po'i pho brang du 'gro na/ de na gang dag yid mi dga' ba de dag 'di snyam du dge slong rgyal po'i pho brang 'dir 'gro ba las na/ </font><hr>Nya146a<br><font size=+1>


@#/ /de'i las ma yin nam snyam du sems par 'gyur te/ de ni/ rgyal po'i pho brang du 'gro ba'i nyes dmigs drug pa yin no/ /gzhan yang rgyal pos blon po gnas mthon po dag gnas dma' bar 'jog par byed cing / dge slong yang rgyal po'i pho brang du 'gro na/ de na gang dag yid mi dga' ba de dag 'di snyam du dge slong rgyal po'i pho brang 'dir 'gro ba las na/ de'i las ma yin nam snyam du sems par 'gyur te/ de ni/ rgyal po'i pho brang du 'gro ba'i nyes dmigs bdun pa yin no/ /gzhan yang rgyal pos blon po dma' ba dag gnas mthon por 'jog par byed cing / dge slong yang rgyal po'i pho brang du 'gro na/ de na gang dag yid mi dga' ba de dag 'di snyam du dge slong rgyal po'i pho brang 'dir 'gro ba las na/ de'i las ma yin nam snyam du sems par 'gyur te/ de ni/ rgyal po'i pho brang du 'gro ba'i nyes dmigs brgyad pa yin no/ /gzhan yang rgyal po'i dpung gi tshogs yan lag bzhi pa/ gang po che'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs go bskon te ljongs dag tu 'gro ba dang / ldog par byed cing / dge slong yang rgyal po'i pho brang du 'gro na/ de na gang dag yid mi dga' ba de dag 'di snyam du dge slong rgyal po'i pho brang 'dir 'gro ba las ni/ de'i las ma yin nam snyam du sems par 'gyur </font><hr>Nya146b<br><font size=+1>


te| de ni/ rgyal po'i pho brang du 'gro ba'i nyes dmigs dgu pa yin no/ /gzhan yang rgyal po ma phebs pa 'bebs par byed cing phebs pa gnas par byed la thob rgyal du bsgrags nas de'i 'og tu chad pa chen pos rjes su ston par byed cing / dge slong yang rgyal po'i pho brang du 'gro na/ de na gang dag yid mi dga' ba de dag 'di snyam du dge slong rgyal po'i pho brang du 'dir 'gro ba las na/ de'i las ma yin nam snyam du sems par 'gyur te/ de ni/ rgyal po'i pho brang du 'gro ba'i nyes dmigs bcu pa yin no/ /dge slong dag /de ltar na/ rgyal po'i pho brang du 'gro ba ni/ glang po che'i gnod pa dang / rta'i gnod pa dang / shing rta'i gnod pa dang / dpung bu chung gi gnod pa 'byung bar 'gyur te/ dge slong dag /rgyal po'i pho brang du 'gro ba ni/ rung ba ma yin pa/ tshul dang mthun pa ma yin pa/ dge slong gi tshul dang mi mthun pa yin no/ /zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag /de lta bas na phan yon bcu yang dag par gzigs pas/ 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang nam ma nangs/ skya rengs ma shar/ rin po che dag gam/ rin po cher smos pa dag ma bsdus par rgyal </font><hr>Nya147a<br><font size=+1>


@#/ /po rgyal rigs spyi bor dbang bskur ba'i sgo gtan nam/ sgo gtan gyi nye 'khor nas 'da' na/ ltung byed do/ /zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad do/ /sangs rgyas bcom ldan 'das rgyal po'i khab na 'od ma'i tshal ka land ka'i gnas na bzhugs so/ /de'i tshe na '+dzam+bu'i gling na grong khyer chen po rgyal po'i khab dang / sgra sgrog ces bya ba gnyis yod de/ gang gi tshe rgyal po'i khab rgud pa de'i tshe na ni/ sgra sgrog 'byor par 'gyur la/ gang gi tshe sgra sgrog rgud pa de'i tshe na ni/ rgyal po'i khab 'byor par 'gyur ro/ /grong khyer chen po sgra sgrog na rgyal po u tra ya na bya bas rgyal srid 'byor pa rgyas pa/ bde ba/ lo legs pa/ skye bo dang mi mang pos gang ba/ 'thab mo dang / 'thab pa dang / phyi dgra dang / nang 'khrug rab tu zhi ba/ chom rkun dang / mu ge dang / nad dang bral ba/ 'bras sA lu dang / bu ram shing gi phreng ba dang / ba lang dang / ma he phun sum tshogs pa byed du bcug ste| chos dang ldan pa/ chos kyi rgyal pos chos kyi rgyal srid byed du bcug go /de na shing ljon pa dag kyang rtag tu me tog dang 'bras bu 'chags pa yin zhing / lhas kyang dus dang dus su char gyi rgyun legs par 'bebs pas lo tog shin tu phun sum tshogs par gyur to/ /de la btsun mo zla 'od ces bya ba/ gzugs bzang ba/ blta na sdug pa/ mdzes pa/ yan lag dang nying lag thams </font><hr>Nya147b<br><font size=+1>


cad dang ldan pa dang / bu rgyal tshab gtsug phud can zhes bya ba dang / blon po'i mchog he ru ka dang / b+hi ru ka zhes bya ba gnyis yod do/ /grong khyer rgyal po'i khab na/ ma ga d+har byung ba'i rgyal po bzo sbyangs gzugs can snying pos rgyal srid 'byor pa rgyas pa/ bde ba/ lo legs pa/ skye bo dang mi mang pos gang ba/ 'thab mo dang / 'thab pa dang / phyi dgra dang / nang 'khrug rab tu zhi ba/ chom rkun dang / mu ge dang / nad dang bral ba/ sA lu dang / bu ram shing gi phreng ba dang / ba lang dang / ma he phun sum tshogs pa byed du bcug ste/ chos dang ldan pa/ chos kyi rgyal pos chos kyi rgyal srid byed du bcug go /de na yang shing ljon pa dag kyang rtag tu me tog dang / 'bras bu 'chags shing / lhas kyang dus dang dus su char gyi rgyun legs par 'bebs pas lo tog shin tu phun sum tshogs par gyur to/ /de la btsun mo lus 'phags ma zhes bya ba/ gzugs bzang ba/ blta na sdug pa/ mdzes pa/ yan lag dang nying lag thams cad dang ldan pa dang / bu rgyal tshab ma skyes dgra zhes bya ba dang / blon po'i mchog ma ga d+ha'i sna chen po la gtogs pa bram ze dbyar tshul zhes bya ba yod do/ /ji tsam dus gzhan zhig na rgyal po'i khab na tshong pa dag zong thogs te yul gzhan du 'phags nas de dag mthar gyis grong dang / grong rdal dang / yul 'khor dang / rgyal po'i pho brang dag tu tshong 'dus dag la rnam par lta ba na grong khyer chen po sgra sgrog tu phyin to/ /ji tsam na rgyal po u tra </font><hr>Nya148a<br><font size=+1>


@#/ /ya na blon po'i tshogs kyis yongs su bskor te don gyi gnas na 'dug pa na tshong pa de dag skyes thogs te rgyal po u tra ya na'i gan du dong ba dang / rgyal po u tra ya nas de dag la 'ongs pa legs so/ /zhes bya ba'i tshig gis kun tu spyad de gnas ji lta ba bzhin du 'khod do/ /rgyal po u tra ya nas de dag mthong nas blon po rnams la smras pa/ shes ldan dag /yul 'byor pa rgyas pa/ bde ba/ lo legs pa/ skye bo dang mi mang pos gang ba 'di lta bu dang / shing ljon pa rtag tu me tog dang 'bras bu 'chags pa 'di lta bu dang / lhas dus dang dus su char gyi rgyun legs par 'bebs shing / lo thog shin tu phun sum tshogs pa dang ldan pa'i rgyal po gzhan 'ga' zhig yod dam/ tshong pa de dag gis smras pa/ lha/ mchis te/ shar gyi yul na grong khyer rgyal po'i khab ces bgyi ba de na rgyal po gzugs can snying po zhes bgyi bas rgyal srid 'byor pa rgyas pa/ bde ba/ lo legs pa/ skye bo dang mi mang pos gang ba bgyid du stsol ba de na yang shing ljon pa dag kyang rtag tu me tog dang 'bras bu 'chags shing / lhas kyang dus dang dus su char gyi rgyun legs par 'bebs pas/ lo thog shin tu phun sum tshogs pa lags so| |rgyal po u tra ya na de la rjes su chags pa skyes nas des smras pa/ shes ldan dag /rgyal po de'i yul na ci zhig dkon/ blon po rnams kyis smras pa/ lha ni/ rin po che'i mnga' bdag lags </font><hr>Nya148b<br><font size=+1>


la| rgyal po de ni/ gos kyi bdag po lags pas/ de la rin po che dag dkon no/ /rgyal pos smras pa/ shes ldan dag /gal te de ltar na/ rin po che rtog pa dag bos shig /ces rgyal pos rin po che dag brtags shing brtags shing sgrom bkang nas/ tshong pa de dag gi lag tu skyes su bskur zhing / 'phrin yig kyang / shed mthun dgyes pa/ khyod bdag gis ma mthong ba'i grogs lags kyi/ gal te grong khyer sgra sgrog tu khyod la bgyi ba cung zad mchis na/ bdag la 'phrin yig skur cig dang / thams cad bsgrub bo/ /zhes bris te bskur ro/ /de nas tshong pa de dag gis skyes dang / 'phrin yig dang / zong rin khyer te rgyal po'i khab tu 'phags nas mthar gyis rgyal po'i khab tu phyin to/ /de nas lam gyis dub pa'i ngal bsos nas rin po che'i sgrom dang / 'phrin yig de dag khyer te/ rgyal po gzugs can snying po'i gan du dong nas rkang pa gnyis la gtugs te sgrom dang 'phrin yig dag phul nas smras pa/ lha/ grong khyer sgra sgrog na rgyal po u tra ya na zhes bgyi ba des/ lha la skyes dang / 'phrin yig 'di dag bskur ro/ /rgyal po gzugs can snying pos 'phrin yig bklags te smras pa/ shes ldan dag /rgyal po de'i yul na ci zhig dkon/ blon po rnams kyis smras pa| lha/ gos kyi mnga' bdag lags/ rgyal po de ni/ rin po che'i bdag po lags pas de la gos dag dkon no/ /de nas rgyal po gzugs can snying pos gos rin po che dag gis </font><hr>Nya149a<br><font size=+1>


@#/ /sgrom bkang ste skyes su bkur zhing 'phrin yig kyang / shed mthun dgyes pa/ khyod kyis 'phrin springs pa des 'jal te/ khyod kyang bdag gis ma mthong ba'i grogs lags kyi/ rgyal po'i khab tu khyod la yang bgyi ba cung zad mchis na/ bdag la 'phrin yig springs shig dang / thams cad bsgrub bo/ /zhes bris te/ blon po rnams la bsgo ba/ skyes dang / 'phrin yig 'di khyer la/ pho nya dag la skur cig /blon po rnams kyis pho nya dag la bskur ba dang / de dag gis skyes dang / 'phrin yig de khyer te sgra sgrog tu 'phags nas mthar gyis sgra sgrog tu phyin to/ /de nas lam gyis dub pa'i ngal bsos te gos kyi sgrom dang / 'phrin yig de dag khyer nas rgyal po u tra ya na'i gan du song ste rkang pa gnyis la gtugs nas sgrom dang / 'phrin yig dag phul te smras pa/ lha/ rgyal po gzugs can snying pos lha la skyes 'di dang / 'phrin yig 'di bskur ro/ /rgyal po u tra ya nas 'phrin yig bklags te smras pa/ shes ldan dag /rgyal po de ni/ chu zheng ci 'dra/ de dag gis smras pa/ lha'i ci 'dra ba kho na lta bu'o/ /blon po rnams kyis smras pa/ lha/ de lta bu lags mod kyi/ 'on kyang rgyal po de rang gis mtshon 'debs pa/ nye 'khor gyi mkhar gyi rgyal po rnams dang lhan cig rang gis g.yul 'gyed cing g.yul 'gyed du stsol ba lags so/ /rgyal po u tra ya na la nor bu'i </font><hr>Nya149b<br><font size=+1>


khrab yan lag lnga po dus tshigs su reg pa bde ba dang / gcad dka' ba dang / dbug dka' ba dang / dug 'jil ba dang / snang ba'i bdag nyid dang ldan pa zhig yod nas rgyal po u tra ya nas blon po rnams la smras pa/ shes ldan dang / rgyal po de gal te rang gis mtshon 'debs pa/ nye 'khor gyi mkhar gyi rgyal po rnams dang lhan cig g.yul 'gyed cing g.yul 'gyed du 'jug pa yin na/ de la nor bu'i khrab 'di bskur gyi/ pho nya dag sta gon gyis shig /de dag gis pho nya dag sta gon byas nas rgyal po u tra ya nas rin po che'i khrab de dang / 'phrin yig kyang 'di skad ces/ shed mthun dgyes pa/ khyod la bdag gis nor bu'i khrab 'di skyes su bskur te/ 'di yang yon tan lnga po dus tshigs su reg pa bde ba dang / gcad dka' ba dang / dbug dka' ba dang / dug 'jil ba dang / snang ba'i bdag nyid dang ldan pa lags kyi/ khyod 'di bdag dang rkyen pas rang nyid kyis bcang bar bgyi zhing / su la yang stsal bar mi bgyi'o/ /zhes bris te bskur ro/ /pho nya rnams kyis skyes de dang / 'phrin yig khyer te rgyal po'i khab tu 'phags nas mthar gyis rgyal po'i khab tu phyin to/ /de nas lam gyis dub pa'i ngal bsos nas nor bu'i khrab de dang / 'phrin yig khyer te rgyal po gzugs can snying po'i gan du dong nas rkang pa gnyis la gtugs te nor bu'i khrab dang / 'phrin yig phul nas smras pa/ rgyal po u tra ya nas lha la skyes </font><hr>Nya150a<br><font size=+1>


@#/ /'di dang / 'phrin yig 'di bskur ro/ /rgyal po gzugs can snying pos 'phrin yig bklags te nor bu'i khrab de mthong nas mchog tu ya mtshan skyes te/ blon po rnams la smras pa/ shes ldan dag /rin po che rtog pa dag bos shig /de dag gis rin po che rtog pa dag bos nas rgyal pos smras pa/ shes ldan dag /rin po che 'di'i rin thang chod cig /rin po che rtog pa dag gis nor bu'i khrab dang ldan pa'i rin po che re re nas brtag par brtsams na/ rin po che re re yang rin thang med par mthong nas de dag rgyal po la smras pa/ lha/ 'di la nor bu rin po che re rer yang rin thang ma mchis pa lags so/ /chos nyid kyis na/ rin po che gang gis rin thang gdab par mi nus pa de'i rin thang bye bar 'debs so/ /rgyal po gzugs can snying pos rin po che dag bgrang nas bdag gis de la skyes lan ci zhig bskur bar bya snyam du nyam nga bar gyur nas lag pa la 'gram pa gtad de sems khong du chud cing 'dug nas blon po rnams la smras pa/ shes ldan dag/ rgyal po u tra ya nas nga la skyes 'di lta bu bskur na/ ngas de la skyes lan ci zhig bskur bar bya/ ma ga d+ha'i sna chen po la gtogs pa bram ze dbyar tshul gyis smras pa/ lha/ khyod kyi yul du yang 'jig rten gsum las ches khyad par du 'phags pa'i rin po che byung ba 'di lta ste/ de bzhin gshegs pa dgra bcom pa yang dag par rdzogs pa'i sangs rgyas lags kyi/ khyod kyis kyang ras la sangs rgyas </font><hr>Nya150b<br><font size=+1>


kyi sku gzugs 'brir stsol la skyes lan du bskur bar gsol/ rgyal pos smras pa/ gal te de lta na/ bcom ldan 'das la zhu'o/ /zhes de nas rgyal po gzugs can snying po bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das la rgyal po gzugs can snying pos 'di skad ces gsol to/ /btsun pa/ grong khyer sgra sgrog na rgyal po u tra ya na zhes bgyi ba bdag gi mthong ba'i grogs shig mchis pa des/ bdag la nor bu'i khrab yan lag lnga dang ldan pa zhig skyes su bskur te/ de'i slad du gal te bcom ldan 'das kyis gnang na/ bdag gis kyang ras la bcom ldan 'das kyi sku gzugs 'brir stsal te de la skyes lan du bskur bar bgyi'o/ /bcom ldan 'das kyis bka' stsal pa/ rgyal po chen po gnang gi /skur cig /khyod kyis sems bskyed pa bzang ste/ rgyal po u tra ya nas mthong ma thag kho nar dad pa skye bar 'gyur zhing / bden pa mthong bar byed par 'gyur ro| |rgyal po gzugs can snying pos bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /des yul thams cad na gnas pa'i ri mo mkhan dag bkug ste smras pa/ shes ldan dag /bcom ldan 'das kyi sku gzugs ras la bris shig /de dag gis smras pa/ lha/ 'bri bar 'tshal lo/ /de dag gis bcom ldan 'das kyi mtshan ma gzung ba </font><hr>Nya151a<br><font size=+1>


@#/ /brtsams pa dang / sangs rgyas bcom ldan 'das rnams ni/ blta bas chog mi shes pa yin pas/ de dag gis bcom ldan 'das kyi mtshan ma gzung bar ma nus nas de dag yi chad de rgyal po'i gan du song ste smras pa/ lha/ bdag cag gis bcom ldan 'das kyi mtshan ma gzung bar rngo ma thogs te/ gal te lhas bcom ldan 'das pho brang gzhan du spyan drangs te gdugs tshod gsol na/ de lta na bdag cag gis bcom ldan 'das kyi mtshan ma gzung bar rngo thogs so/ /rgyal po gzugs can snying pos bcom ldan 'das pho brang gzhan du spyan drangs kyang sangs rgyas bcom ldan 'das rnams ni/ blta bas chog mi shes pa yin pas/ 'di ltar/ de dag gis bcom ldan 'das kyi sku mthong ba na/ de dang de la blta bas ngoms par gyur nas de lta na yang bcom ldan 'das kyi mtshan ma gzung bar ma nus nas bcom ldan 'das kyis bka' stsal pa/ rgyal po chen po/ ri mo mkhan rnams kyis de bzhin gshegs pa'i mtshan ma gzung bar mi nus kyi/ yi chad par ma byed par ras de 'on cig dang / ngas grib ma gtang bar bya'o/ /rgyal pos ras phul ba dang / bcom ldan 'das kyis der grib ma btang ste ri mo mkhan rnams la bka' stsal pa/ shes ldan dag /grib ma 'dir tshon sna tshogs kyis khongs shig /rgyal po la yang bka' stsal pa/ rgyal po chen po/ /sku gzugs byas zin nas 'og </font><hr>Nya151b<br><font size=+1>


tu skyabs su 'gro ba dang / bslab pa'i gzhi dag dang / rten cing 'brel bar 'byung ba'i yan lag bcu gnyis lugs su 'byung ba dang / lugs las ldog pa dag bri bar bya'o/ /steng du tshigs su bcad pa gnyis po/ brtsam par bya zhing 'byung bar bya/ /sangs rgyas bstan la 'jug par bya/ /'dam bu'i khyim la glang chen bzhin/ /'chi bdag sde ni gzhom par bya/ /gang zhig rab tu bag yod par/ /chos 'dul 'di la spyod 'gyur ba/ /skye ba'i 'khor ba rab spangs nas/ /sdug bsngal tha mar byed par 'gyur/ /zhes bya ba dag bri bar bya'o/ /pho nya dag la 'phrin du phyogs go skabs yangs par bkur sti chen pos sku gzugs dbye bar bya ste/ gal te 'di ci yin zhes 'dri na/ 'di ni/ 'jig rten gsum las ches khyad par 'phags pa sangs rgyas bcom ldan 'das kyi sku gzugs yin no/ /zhes brjod par bya'o/ /gal te 'og tu bris pa 'di ci yin zhes 'dri na/ 'di ni/ khas len pa'o/ /'di ni/ bslab pa'i gzhi dag go /'di ni/ 'jig rten gyi 'byung ba dang / ldog pa zhes brjod par bya'o/ /gal te steng du bris pa 'di ci yin zhes 'dri na/ 'di ni/ mngon par spro bar bya ba'o/ /zhes brjod par bya'o/ /zhes sgos shig /rgyal pos thams cad bris shing 'brir bcu ga nas dri sna tshogs kyis bsgos te legs par dril nas gser gyi dong bur bcug ste/ gser gyi dong bu yang dngul gyi dong bu bcug /dngul gyi dong bu yang zangs kyi dong bur bcug /zangs kyi dong bu yang dri sna tshogs kyis bsgos </font><hr>Nya152a<br><font size=+1>


@#/ /pa'i gos dag gis dkris te glang po che'i rgyab tu bkal nas grong khyer mdzes pa dang / lam mdzes pa chen pos grong khyer nas phyung ste rgyal po u tra ya na la 'phrin yig 'di skad ces/ shed mthun dgyes pa/ khyod la bdag gis 'jig rten gsum las ches khyad par du 'phags pa'i skyes 'di bskur gyi/ khyed kyis 'di dpag tshad phyed dang gsum du grong khyer mdzes pa dang / lam mdzes par bya zhing / bdag nyid dpung gi tshogs yan lag bzhi dang ldan pas bsu bar bya ste/ sa phyogs go skabs yangs par mchod pa dang bkur sti chen po byas te dbye bar bya'o/ / de nas khyod kyis bsod nams chen po thob par 'gyur ro/ /zhes bris te bskur ro/ /pho nya rnams la yang khyod kyis 'di dang 'di skad ces brjod par bya'o/ /zhes bsgos nas de dag gis sku gzugs dang / 'phrin yig de khyer te sgra sgrog tu 'phags so/ /de dag mthar gyis sgra sgrog gi 'dabs su phyin nas de dag gis lam gar bsdad de rgyal po u tra ya na la 'phrin yig bskur ro// rgyal po u tra ya nas 'phrin yig bklags nas khro bas kun nas dkris par gyur te blon po rnams la smras pa/ shes ldan dag /des nga la 'phrin yig 'di skad spring ba la nyon cig /des nga la skyes ji lta bu zhig bskur na/ de'i phyir ngas dpag tshad phyed dang gsum du grong khyer mdzes pa dang / lam mdzes par bya zhing / bdag nyid dpung gi tshogs yan lag bzhi dang ldan pas bsu bar bya'o/ / </font><hr>Nya152b<br><font size=+1>


zhes zer/ dpung gi tshogs yan lag bzhi pa sta gon gyis shig dang / nga song la de'i yul 'khor gzhom par bya'o/ /blon po rnams kyis smras pa/ lha/ rgyal po de ni bdag nyid chen po zhig lags zhes gda' bas| des lha'i zhal sngar skyes ngan ngon zhig bskur bar rngo mi thogs pas je brtag par bgyis te/ gal te lha'i thugs mnyes na de lta na lags/ gal te ma mnyes na bdag cag gis de la dus 'tshal bar bgyi'o/ /de dag gis dpag tshad phyed dang gsum tshun chad du lam mdzes par byed du bcug ste/ grong khyer sgra sgrog kyang rdo ba dang / gseg ma dang / gyo mo med par rnam par bzhag nas tsan+dan gyi chus chag chag btab cing bdug spos kyi dri zhim po'i snod dag dngar te dar gyi chun po'i phreng ba dpyangs shing gdugs dang / rgyal mtshan bsgrengs te me tog sna tshogs bkram zhing / lha'i skyed mos tshal dga' ba'i tshal zhes bya ba ltar dga' bar 'gyur bar byas nas rgyal po bdag nyid dpung gi tshogs yan lag bzhi dang ldan pas bsu nas grong khyer gyi nang du 'jug tu bcug go /de nas srog chags bye ba 'bum phrag du ma dag kyang der 'dus par gyur/ nam mkha'i dkyil 'khor du yang lha 'bum phrag du ma dag 'dus par gyur nas sa phyogs go skabs yangs par de dag gi nang du mchod pa chen po byas te sku gzugs de phye ba dang / yul dbus nas tshong pa mang po zong thogs te grong khyer sgra sgrog tu lhags pa de dag gis sangs rgyas kyi sku gzugs de mthong nas sangs rgyas la phyag 'tshal lo/ /sangs rgyas la phyag 'tshal lo/ /zhes thams </font><hr>Nya153a<br><font size=+1>


@#/ /cad kyis skad gcig tu sgra byung ngo / /rgyal po u tra ya nas sangs rgyas zhes bya ba'i sgra sngon ma thos pa thos nas spu'i khung bu thams cad zing zhes byed par gyur nas ya mtshan skyes te yun ring mo zhig tu mig tshugs su brtags nas smras pa/ shes ldan dag /sangs rgyas zhes bya ba de/ su yin/ de dag gis smras pa/ lha/ yul dbus na gangs kyi ri ngos dang nye ba/ chu klung skal ldan shing rta'i 'gram/ drang srong ser skya'i bsti gnas dang ha cang mi ring bar shAkya rnams kyi gzhon nu byung ste/ de bram ze ltas pa dang / mtshan mkhan dag gis/ gal te gzhon nu de pho brang gi nang na bzhugs par gyur na/ 'khor los bsgyur ba'i rgyal po mtha' bzhir rgyal ba/ chos kyi rgyal po/ chos dang ldan pa/ rin po che sna bdun dang ldan par 'gyur te/ de'i rin po che sna bdun po de dag ni/ 'di lta bur 'gyur te/ 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / dmag dpon rin po che nyid ni/ bdun pa yin no/ /'di la bu dpa' ba/ rtul phod pa/ yan lag mchog gi gzugs dang ldan pa/ pha rol gyi sde rab tu 'joms pa stong tshang pa yod par 'gyur ro/ /de rgya mtsho la thug pa'i sa chen po ma lus par gnod par bsdo ba med cing 'tshe ba med pa 'di nyid chad pa med cing mtshon gyis bda' ba med la/ chos dang mthun zhing snyoms pas legs </font><hr>Nya153b<br><font size=+1>


par phab ste gnas par 'gyur ro/ /gal te skra dang kha spu bregs te gos ngur smrig ngag bgos nas yang dag pa kho nar dad pas khyim nas khyim med par rab tu byung na ni/ de bzhin gshegs pa dgra bcom pa yang dag par rdzogs pa'i sangs rgyas 'jig rten du rnam par grags pa'i sgra dang ldan par 'gyur ro/ /zhas lung bstan te/ lha/ 'di ni/ de'i sku gzugs lags so/ /rgyal po rgya cher yid dga' nas smras pa/ shes ldan dag /de ni/ shes kyi/ 'di 'dri'o/ /'og tu bris pa 'di ci yin/ lha/ 'di ni/ khas len pa lags so/ /'di ni/ bslab pa'i gzhi dag lags so/ /'di ni/ 'jig rten gyi dbyung ba dang / ldog pa dag lags so/ /shes ldan dag /de yang shes kyi/ 'di 'di'o/ /steng du bris pa 'di ci yin/ lha/ 'di ni/ mngon par spro ba bgyi ba lags so/ /rgyal po u tra ya nas rten cing 'brel par 'byung ba'i yan lag bcu gnyis lugs su 'byung ba dang / lugs las ldog pa yang bzlas nas legs par bzung bar byas te des mtshan mo nam ma nangs pa'i tshe don thams cad dang / las kyi mtha' thams cad bag yangs su byas te 'dug nas skyil mo krung bcas te lus drang por bsrang nas dran pa phyogs par bzhag ste rten cing 'brel bar 'byung ba'i yan lag bcu gnyis lugs su 'byung ba dang / lugs las ldog pa las rnam par lta bar byed de/ 'di lta ste/ 'di yod pas 'di 'byung la/ 'di skyes pa'i phyir 'di skye ba ste/ 'di lta ste/ ma rig pa'i rkyen gyis 'du byed rnams/ 'du byed kyi </font><hr>Nya154a<br><font size=+1>


@#/ /rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung bar 'gyur te/ de ltar na/ sdug bsngal gyi phung po chen po 'ba' zhig po 'di 'byung bar 'gyur ro/ /'di lta ste/ 'di med pas 'di mi 'byung la/ 'di ma skyes pa'i phyir 'di mi skye ba ste/ 'di lta ste/ ma rig pa 'gags pas 'du byed rnams 'gag /'du byed 'gags pas rnam par shes pa 'gag /rnam par shes pa 'gags pas ming dang gzugs 'gag /ming dang gzugs 'gags pas skye mched drug 'gag /skye mched drug 'gags pas reg pa 'gag /reg pa 'gags pas tshor ba 'gag /tshor ba 'gags pas sred pa 'gag /sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba 'gag /skye ba 'gags pas rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag par 'gyur te/ de ltar na sdug bsngal gyi phung po chen po 'ba' zhig po 'di 'gag par 'gyur ro/ /zhes </font><hr>Nya154b<br><font size=+1>


rnam par ltar bar byed de des rten cing 'brel bar 'byung ba'i yan lag bcu gnyis lugs su 'byung ba dang / lugs las ldog pa la rnam par lta ba na/ 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras bu mngon sum du byas so/ /des bden pa mthong nas tshigs su bcad pa smras pa/ ring na bzhugs pa'i sangs rgyas kyis/ shes rab mig ni rnam par sbyangs// gang la de 'dra'i gso mnga' ba/ /sman pa'i mchog la phyag 'tshal lo/ /des shes nas dad pa dang ldan pas rgyal po gzugs can snying po la 'phrin yig 'di skad ces/ shed mthun dgyes pa/ khyod la brten nas bdag gis sems can dmyal ba dang / dud 'gro dang / yi dwags dag nas ni/ rkang pa phyung / lha dang / mi rnams kyi nang du ni/ bzhag /'khor ba ni/ mthar byas/ khrag dang / mchi ma'i rgya mtsho ni/ bskams/ rus pa'i ri dag las ni/ bsgral/ ngan song gi sgo dag ni/ bcad/ mtho ris dang / thar pa'i sgo dag ni/ phye/ thog ma med pa'i dus nas bsags pa'i 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras bu ni/ mngon sum du byas te/ bdag dge slong mthong bar 'dod kyi/ khyod kyis dge slong 'ga' zhig gtang ba'i rigs so/ /zhes bris te spring ngo / /rgyal po gzugs can snying pos 'phrin yig de bklags nas/ bcom ldan 'das ga la ba der song ste phyin nas bcom ldan 'das kyi zhabs gnyis </font><hr>Nya155a<br><font size=+1>


@#/ /la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das la rgyal po gzugs can snying pos 'di skad ces gsol to/ /btsun pa/ rgyal po u tra ya nas bden pa dag mthong nas des bdag la 'phrin yig bskur te/ dge slong mthong bar 'tshal gyi/ dge slong 'ga' zhig gtang ba'i rigs so/ /zhes mchi na/ de'i slad du 'di la ji ltar bsgrub par bgyi/ bcom ldan 'das kyis dgongs pa/ rgyal po u tra ya na 'khor dang bcas pa dang / grong khyer sgra sgrog na gnas pa'i skye bo'i tshogs dge slong gang gi gdul ba yin snyam du dgongs na/ dge slong kA t+yA ya na chen po'i gdul ba yin par gzigs nas de nas bcom ldan 'das kyis tshe dang ldan pa kA t+yA na chen po la bka' stsal pa/ kA t+yA ya na/ grong khyer sgra sgrog na rgyal po u tra ya na 'khor dang bcas pa dang / sgra sgrog na gnas pa'i skye bo'i tshogs la sems shig /tshe dang ldan pa kA t+yA ya na chen pos/ btsun pa/ bka' bzhin 'tshal zhes bcom ldan 'das las mnyan nas bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /de nas tshe dang ldan pa kA t+yA ya na chen po de nyid kyi mtshan mo 'das nas snga dro sham thabs bgos/ lhung bzed dang chos gos thogs te rgyal po'i khab tu bsod </font><hr>Nya155b<br><font size=+1>


snyoms la zhugs so/ /rgyal po'i khab tu bsod snyoms rgyus nas zas kyi bya ba byas te/ phyi ma'i zas kyi bsod snyoms las phyir log pas ji ltar longs spyod pa'i gnas mal mkhos su phab ste/ lhung bzed dang chos gos thogs nas 'khor lnga brgya dang grong khyer sgra sgrog ga la ba der dong ngo / /rgyal po gzugs can snying pos kyang rgyal po u tra ya nas 'phrin yig /shed mthun dgyes pa/ khyod kyi phyir bdag gi dge slong ston pa dang 'dra ba 'di 'khor lnga brgya dang btang gi /khyod kyis dpag tshad phyed dang gsum du lam mdzes pa dang / grong khyer mdzes pa bya zhing / bdag nyid dpung gi tshogs yan lag bzhi dang ldan pas bsu bar bya ste/ grong khyer gyi phyi rol tu gtsug lag khang lnga brgya byed du gzhug cing / khri dang / khri'u dang / stan nang tshangs can dang / la ba dang / sngas dang / gor bu lnga brgya yang sbyin par bya/ bsod snyoms lnga brgya yang sbyor du gzhug bar bya ste/ des na khyod kyis bsod nams chen po thob par 'gyur ro/ /zhes bris te bskur ro/ /rgyal po u tra ya nas 'phrin yig bklags nas dga' ba dang / mchog tu dga' ba skyes te/ des dpag tshad phyed dang gsum du lam dang / grong khyer mdzes par byed du bcug nas bdag nyid dpung gi tshogs yan lag bzhi pa dang / skye bo 'bum phrag du ma'i 'khor dang bcas pas bsu nas bkur sti chen pos grong khyer sgra sgrog tu 'jug tu bcug cing / grong khyer gyi phyi rol du gtsug lag khang lnga brgya yang byed du bcug /khri dang / khri'u </font><hr>Nya156a<br><font size=+1>


@#/ /dang / stan nang tshangs can dang / la ba dang / sngas dang / gor bu lnga brgya yang 'bul du bcug /bsod snyoms lnga brgya yang sbyor du bcug ste/ sa phyogs go skabs yangs par stan shom du bcug go /tshe dang ldan pa kA t+yA ya na chen po dge slong gi dge 'dun gyi gong du stan bshams pa nyid la 'dug go /srog chags 'bum phrag du ma dag kyang kha cig ni/ ltad mo skyes pa na/ kha cig ni/ sngon gyi dge ba'i rtsa ba dag gis bskul ba na der 'dus par gyur to/ /de nas tshe dang ldan pa kA t+yA ya na chen pos 'khor de'i bsam pa dang / bag la nyal dang / khams dang / rang bzhin khong du chud nas srog chags 'bum phrag du ma dag gis gang thos nas khyad par chen po rtogs par gyur pa de lta bu'i chos bstan par byas te/ kha cig gis ni/ rgyun du zhugs pa'i 'bras bu mngon sum du byas/ kha cig gis ni/ lan gcig phyir 'ong ba'i 'bras bu mngon sum du byas/ kha cig gis ni/ phyir mi 'ong ba'i 'bras bu mngon sum du byas/ kha cig gis ni/ rab tu byung ste nyon mongs pa thams cad spangs pas dgra bcom pa nyid mngon sum du byas so/ /kha cig gis ni/ nyan thos kyi byang chub tu sems bskyed/ kha cig gis ni/ rang byang chub tu sems bskyed/ kha cig gis ni/ bla na med pa yang dag par rdzogs pa'i byang chub tu sems bskyed do/ /'khor phal cher ni/ sangs rgyas la gzhol ba dang / chos la 'bab pa dang / dge 'dun la bab par bkod do/ /grong khyer sgra sgrog na/ khyim bdag rgyal dang / skar rgyal zhes bya ba </font><hr>Nya156b<br><font size=+1>


gnyis shig 'khod pa de gnyis che dang ldan pa kA t+yA ya na chen po ga la ba der song ste phyin nas tshe dang ldan pa kA t+yA ya na chen po'i rkang pa gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas khyim bdag rgyal dang / skar rgyal gnyis kyis tshe dang ldan pa kA t+yA ya na chen po la 'di skad ces smras so/ /'phags pa kA t+yA ya na chen po/ bdag cag gnyis legs par gsungs pa'i chos 'dul ba la rab tu 'byung ba dang / rdzogs par bsnyen pa'i dge slong gi dngos po dang / bdag cag gnyis kyis 'phags pa kA t+yA ya na chen po'i drung du tshangs par spyod pa spyad pa thob bam/ tshe dang ldan pa kA t+yA ya na chen pos de gnyis rab tu phyung / rdzogs par bsnyen par byas te gdams ngag dang / rjes su bstan pa byin nas de gnyis kyis spro ba dang / 'bad pa dang / brtsal pa byas pas gong nas gong du yid la byed pa'i khyad par thob nas 'khor ba'i 'khor lo cha lnga pa g.yo ba dang / mi g.yo ba de nyid rig ste 'du byed kyi rnam pa thams cad nyams pa dang / ltung ba dang / rnam par 'thor ba dang / rnam par 'jig pa'i chos nyid kyis zil gyis mnan nas nyon mongs pa thams cad spangs pas rigs kyi bu dag gang gi phyir skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu 'byung bar byed pa tshangs par spyod pa'i mtha' bla na med pa de/ tshe de nyid la rang gi mngon par shes pas mngon sum du byas te bsgrubs nas bdag gi skye ba zad do/ /tshangs par spyod pa spyad do/ /bya </font><hr>Nya157a<br><font size=+1>


@#/ /ba byas so/ /srid pa 'di las gzhan mi shes so zhes go bar byed cing / dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan dan bzhag pa lta bu/ rig pas sgo nga'i spubs dral bar gyur cing / rig pa dang / mngon par shes pa dang / so so yang dag par rig pa thob pa/ srid pa dang / 'dod pa'i rnyed pa dang bkur sti la rgyab kyis phyogs pa/ dbang po dang / nye dbang dang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur to/ /de gnyis kyis 'bar ba dang / gsal ba dang / char 'bab pa dang / klog 'byin pa'i tsha 'phrul dag byas nas phung po lhag ma med pa'i mya ngan las 'das pa'i dbyings su yongs su mya ngan las 'das so/ /de gnyis kyi nye du dag gis lus la lus kyi mchod pa byas nas mchod rten gnyis byed du bcug ste/ gcig ni/ rgyal gyi'o/ /cig shos ni/ skar rgyal gyi'o/ /rgyal po u tra ya na nyin re nyin re zhing tshe dang ldan pa kA t+yA ya na chen po'i drung du song nas chos mnyan te btsun mo'i 'khor la/ 'phags pa kA t+yA ya na chen pos mngar ba dang mngar ba ston par byed de/ sbrang bu sbrang rtsi 'byin pa bzhin no/ /zhes brjod par byed do/ /de dag gis smras pa/ lha/ sangs rgyas 'byung ba ni/ 'bras bu dang bcas pa lags so/ /ji ltar/ gang gi slad du khyod chos gsan pas so/ /gal te de lta na/ khyed cag </font><hr>Nya157b<br><font size=+1>


kyang ci'i phyir chos mi nyan/ lha/ bdag cag ni/ ngo tsha dang ldan pa lags pas/ ji ltar der mchis te chos mnyan par bgyi/ gal te 'phags pa kA t+yA ya na chen po 'di nyid du mchis te/ chos ston par bgyi na/ de lta na/ bdag cag kyang chos nyan to/ /rgyal po u tra ya nas tshe dang ldan pa kA t+yA ya na chen po la smras pa/ 'phags pa/ btsun mo'i 'khor chos nyan par 'tshal lo/ /des smras pa/ rgyal po chen po/ dge slong dag ni/ btsun mo'i 'khor gyi nang du zhugs shing chos mi ston to/ /bcom ldan 'das kyis btsun mo'i 'khor gyi nang du 'jug pa bkag go/ /'phags pa/ 'o na su zhig btsun mo'i 'khor la chos ston par bgyid/ rgyal po chen po/ dge slong ma'o/ /rgyal po u tra ya nas rgyal po gzugs can snying po la phrin yig 'di skad ces/ shed mthun dgyes pa/ bdag gi btsun mo'i 'khor chos nyan par 'tshal na/ de'i slad du dge slong ma 'ga' zhig gtang ba'i rigs so/ /zhes bris te bskur ro/ /rgyal po gzugs can snying pos phrin yig de bklags nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la rgyal po gzugs can snying pos 'di skad ces gsol to/ /btsun pa/ rgyal po u tra ya nas phrin yig spring ste btsun mo'i 'khor chos nyan par 'tshal gyi/ de'i slad du dge slong ma 'ga' zhig gtang ba'i rigs so/ /zhes mchi na/ de'i slad du 'di la ji ltar bsgrub par/ </font><hr>Nya158a<br><font size=+1>


@#/ /bgyi/ bcom ldan 'das kyis dgongs pa/ rgyal po u tra ya na'i btsun mo'i 'khor gyi bud med dang / grong khyer sgra sgrog na gnas pa'i bud med rnams dge slong ma gang gi gdul ba yin snyam du dgongs na/ dge slong ma ri ma'i gdul ba yin par gzigs nas/ de nas bcom ldan 'das kyis dge slong ma ri ma la bka' stsal ba/ ri ma/ grong khyer sgra sgrog na rgyal po u tra ya na'i btsun mo'i 'khor gyi bud med dang / sgra sgrog na gnas pa'i bud med rnams la soms shig /dge slong ma ri mas/ btsun pa/ bka' bzhin 'tshal zhes bcom ldan 'das las mnyan nas bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /de nas dge slong ma ri ma de nyid kyi mtshan mo 'das nas snga dro sham thabs bgos/ lhung bzed dang chos gos thogs te rgyal po'i khab tu bsod snyoms la zhugs so/ /rgyal po'i khab tu bsod snyoms rgyus nas zas kyi bya ba byas te phyi ma'i zas kyi bsod snyoms las phyir log pas ji ltar longs spyod pa'i gnas mal mkhos su phab ste lhung bzed dang chos gos thogs nas 'khor lnga brgya dang grong khyer sgra sgrog ga la ba der song ngo / /rgyal po gzugs can snying pos kyang rgyal po u tra ya na la 'phrin yig 'di skad ces/ shed mthun dgyes pa/ khyod kyi phyir bdag gis nyan thos ma chen mo ston pas bsngags pa 'di 'khor lnga brgya dang btang gi /khyod </font><hr>Nya158b<br><font size=+1>


kyis kyang dpag tshad phyed dang gsum du lam dang / grong khyer mdzes par bya zhing / bdag nyid dpung gi tshogs yan lag bzhi dang ldan pas bsu bar bya ste/ grong khyer gyi nang du dbyar khang lnga brgya yang byed du gzhug par bya/ khri dang / khri'u dang / stan nang tshangs can dang / la ba dang / sngas dang / gor bu lnga brgya yang dbul bar bya/ bsod snyoms lnga brgya yang sbyor du gzhug par bya ste/ des na khyod kyis bsod nams chen po thob par 'gyur ro/ /zhes bris te bskur ro/ /rgyal po u tra ya nas 'phrin yig de bklags nas dga' ba dang / mchog tu dga' ba skyes te des dpag tshad phyed dang gsum du lam dang / grong khyer mdzes par byed du bcug nas bdag nyid dpung gi tshogs yan lag bzhi pa dang / skye bo 'bum phrag du ma'i 'khor dang bcas pas bsus nas bkur sti chen pos grong khyer du 'jug tu bcug cing / grong khyer gyi nang du dbyar khang lnga brgya byed du bcug ste/ khri dang / khri'u dang / stan nang tshangs can dang / la ba dang / sngas dang / gor bu lnga brgya yang 'bul du bcug /bsod snyoms lnga brgya yang sbyor du bcug go /dge slong ma ri ma nyin re zhing rgyal po u tra ya na'i btsun mo'i 'khor dang / grong khyer sgra sgrog na gnas pa'i bud med rnams kyi nang du zhugs te chos ston par byed do/ /rgyal po u tra ya na ni/ pi wang mkhas pa yin la/ btsun mo zla 'od ni/ gar mkhas pa yin pas/ ji tsam dus gzhan zhig na rgyal po u tra ya nas pi wang sbrengs te btsun mo zla 'od gar byed do/ /des de </font><hr>Nya159a<br><font size=+1>


@#/ /gar byed pa na chud za ba'i mtshan ma mthong nas des de la mgo mjug tu brtags te bsam na/ zhag bdun 'das na 'di dus byed par 'gyur ro/ /snyam nas de'i lag nas pi wang shor te sa la lhung ba dang / btsun mo zla 'od kyis smras pa/ lha/ bdag gi gar ma legs sam/ ci nongs/ zla 'od/ khyod kyis gar ma legs pa ma yin te/ 'di ltar/ ngas khyod gar byed pa na chud za ba'i mtshan ma mthong bas nyi ma bdun pa la khyod dus byed par 'gyur ro/ /btsun mo zla 'od kyis rgyal po'i rkang pa gnyis la gtugs te smras pa/ lha/ gal te de lta na/ bdag gis lha la bsnyen bkur ni/ bgyis lags na/ gal te lhas gnang na/ bdag rab tu 'byung ngo / /rgyal pos smras pa/ zla 'od/ dus yin gyi/ gnang ngo / /gal te khyod rab tu byung nas nyon mongs pa thams cad spangs pas dgra bcom pa nyid mngon du byed na ni/ de khyod kyi sdug bsngal gyi mtha' yin no/ /gal te kun tu sbyor ba lhag ma dang bcas pas dus byas te lha rnams kyi nang du skyes par gyur na ni/ khyod lhar gyur pas nga la blta bar bya'o/ /des smras pa/ lha/ bka' bzhin 'tshal/ rgyal po u tra ya nas btsun mo zla 'od dge slong ma rim la gtad de smras pa/ 'phags ma/ btsun mo zla 'od legs par gsungs pa'i chos 'dul ba la rab tu 'byung ba dang / rdzogs par bsnyen pa dge slong ma'i dngos po 'tshal gyi/ de'i slad du 'phags mas 'di rab tu 'byung ba dang / rdzogs </font><hr>Nya159b<br><font size=+1>


par bsnyen par mdzad pa'i rigs so/ /dge slong ma ri mas smras pa/ de ltar bgyi'o/ /zhes des rab tu phyung zhing rdzogs par bsnyen par byas so/ /dge slong ma ri mas bsam pas de la 'chi ba'i 'du shes sgoms shig ces gdams ngag byin no/ /btsun mo zla 'od kyis 'chi ba'i 'du shes sgom par brtsams nas de nyi ma bdun pa la dus la bab nas rgyal chen bzhi'i ris kyi lha rnams kyi nang du skyes so/ /lha'i bu'am/ lha'i bu mo'i chos nyid ni/ skyes nas ring po ma lon pa la sems gsum skye ste/ gang nas shi 'phos pa dang / gang du skyes pa dang / las gang gis skyes pa'o/ /lha'i bu mo zla 'od kyis bsam pa/ bdag gang nas shi 'phos snyam na/ mi rnams kyi nang nas shi 'phos pa dang / gang du skyes snyam na/ rgyal chen bzhi pa'i lha rnams kyi nang du skyes pa dang / las gang gis snyam snyam na/ bcom ldan 'das kyi bstan pa la tshangs par spyod pa spyad pa nyid kyis skyes par mthong ngo / /de nas lha'i bu mo zla 'od 'di snyam du sems te/ gang gi phyir bdag yongs su gnas pa bsten te bcom ldan 'das la blta ba dang / bsnyen bkur bya ba'i phyir nye bar 'gro ba ni/ bdag gi tshul dang mthun pa ma yin gyi/ bdag yongs su gnas pa ma bsten pa kho nar bcom ldan 'das la blta ba dang / bsnyen bkur bya ba'i phyir nye bar 'gro'o/ /snyam mo/ /de nas lha'i bu mo zla 'od rna cha gdub kor g.yo zhing / dri ma med pa thogs te do shal dang / se mo dos brgyan pa'i lus kyis/ lha'i ut+pal dang / pad+ma dang / </font><hr>Nya160a<br><font size=+1>


@#/ /ku mu da dang / pad+ma dkar po dag gis thu ba bkang ste kha dog shin tu 'das pas mtshan mo la bab pa dang bcom ldan 'das ga la ba der song ste phyin nas bcom ldan 'das la me tog dag gis mngon par gtor te/ bcom ldan 'das kyi zhabs gnyis la mgo bos phyag 'tshal nas mtha' gcig tu 'dug pa dang / 'di ltar/ lha'i bu mo zla 'od kyi kha dog gi mthus 'od ma'i tshal ka land ka'i gnas thams cad snang ba rgya chen pos khyab par gyur to/ /de nas bcom ldan 'das kyis lha'i bu mo zla 'od kyi bsam pa dang bag la nyal dang / khams dang / rang bzhin thugs su chud nas/ gang thos na lha'i bu mo zla 'od kyis stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun tu zhugs pa'i 'bras bu mngon sum du byas pa de lta bur 'phags pa'i bden pa bzhi yang dag par so sor rtogs par byed pa'i chos bstan pa mdzad do/ /des bden pa mthong nas btsun pa/ bcom ldan 'das kyis bdag la gang mdzad pa 'di lta bu ni/ bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang / bram ze dag gis kyang ma bgyis/ khams pa dang / mdza' bshes dang / rtsa lag gi tshogs kyis kyang ma bgyis te/ khrag dang / mchi ma'i rgya mtsho ni/ bskams/ rus pa'i ri dag las ni/ bsgral/ ngan song gi sgo dag ni/ bkum/ mtho </font><hr>Nya160b<br><font size=+1>


ris dang thar pa'i sgo dag ni/ phye/ sems can dmyal ba dang / dud 'gro dang / yi dwags dag nas ni/ rkang pa phyung / lha dang / mi rnams kyi nang du ni bzhag go /zhes lan gsum ched du brjod pa ched du brjod do/ /yang smras pa/ khyod mthus rab drag nyes pa mang ldan pa'i/ /ngan song shul bkag bsod nams rab ldan pa'i/ /mtho ris 'gro ba phye zhing bdag gis ni/ /mya ngan 'das pa'i shul yang thob par 'gyur/ /shin tu rnam dag khyod brten bdag gis ni/ /de ring skyon bral dag pa'i mig thob cing / /go 'phang zhi ba 'phags pa dgyes thob ste/ /sdug bsngal rgya mtsho'i pha rol brgal bar 'gyur/ / 'gro bar lha mi na mi dang lhas mchod pa/ /skye dang rga dang na 'chi bral pa po/ /srid ba stong du mthong ba rab dkon pa/ /thub pa de ring khyod mthong 'bras bu mchis/ /de nas 'dud byas do shal rab 'chang bas/ /zhabs la phyag 'tshal rangs pa skyes gyur nas/ /dgra thul g.yas nas yongs su bskor byas te/ /lha yi 'jig mngon phyogs mkha' la song / /de nas lha'i bu mo zla 'od tshong pa khe spogs rnyed pa lta bu dang / zhing ba lo thog 'byor ba lta bu dang / dpa' bo g.yul las rnam par rgyal ba lta bu dang / nad pa nad thams cad las yongs su thar pa lta bur gyur te/ cha lugs gang gis bcom ldan 'das kyi spyan sngar 'ongs pa'i cha lugs de nyid kyis rang gi gnas su song ngo / /de 'di snyam du sems te/ bdag gis rgyal po u tra ya na la khas blangs pas da de lta ba'i dus yin no/ /snyam nas/ de nas lha'i </font><hr>Nya161a<br><font size=+1>


@#/ /bu mo zla 'od/ rgyal po u tra ya na ga la ba der song ngo / /de'i tshe na rgyal po u tra ya na gcig pu steng gi khang bzang gi gzhir gtogs pa na nyal zhing 'dug nas des de snang ba rgya chen pos khyab par byas te se gol gyi sgras bslang ba dang / de gnyid kyis non pa'i mig dang / rnam par shes pa mi gsal bas smras pa/ khyod su/ des smras pa/ bdag zla 'od do/ /rgyal pos smras pa/ tshur shog /dga' mgur spyad par bya'o/ /des smras pa/ lha/ bdag shi zhing dus la bab nas rgyal chen bzhi'i ris kyi lha rnams kyi nang du skyes te/ gal te bdag dang lhan cig mjal bzhed na/ bcom ldan 'das kyi spyan sngar rab tu byung zhig dang / gal te tshe 'di nyid la nyon mongs pa thams cad spangs pas/ dgra bcom pa nyid mngon sum du mdzad na ni/ de nyid khyod kyi sdug bsngal gyi mtha' lags so/ /gal te kun tu sbyor ba lhag ma dang bcas pas dus bgyis te rgyal chen bzhi'i ris kyi lha rnams kyi nang du skyes par gyur na ni/ der khyod bdag dang mjal bar 'gyur ro/ /zhes smras te/ de nyid du mi snang bar gyur to// //'dul ba rnam par 'byed pa/ bam po don gcig pa/ rgyal po u tra ya nas mtshan thog thag tu rab tu 'byung ba rjes su bsam nas nang par langs te blon po rnams la smras pa/ shes ldan dag /bcun mo zla 'od ga la 'dug /ltos shig /de dag gis smras pa/ lha/ dus la bab bo/ /rgyal po u tra ya nas bsam pa/ gang gi phyir bdag </font><hr>Nya161b<br><font size=+1>


la lha mos bskul nas bdag khyim pa khyim gyi nang na gnas shing gsog 'jog gi longs spyod dang / 'dod pa la yongs su spyod pa ni/ bdag gi tshul dang mthun pa ma yin gyi/ bdag gis gzhon nu gtsug phud can rgyal srid la dbang bskur te bdag skra dang / kha spu bregs nas gos ngur smrig dag bgos te yang dag pa kho nar dad pas khyim nas khyim med par rab tu 'byung ngo / /snyam nas/ des blon po'i mchog he ru dang / b+hi ru ka gnyis mngag pas bos te smras pa/ shes ldan gnyis/ bu gzhon nu gtsug phud can nga la ci 'dra ba de kho na bzhin du khyed gnyis la yang de 'dra ba yin gyi/ khyed gnyis kyis de gnod pa las bzlog par bya zhing / phan pa la nges par sbyar bar gyis shig /nga ni/ legs par gsungs pa'i chos 'dul ba la rab tu 'byung ngo / /de gnyis kyis thos nas mchi mas brnangs te 'khod do/ /rgyal pos gzhon nu gtsug phud can la smras pa/ bu/ khyod ji ltar nga'i tshig mnyan pa dang / bya bar sems pa de bzhin du khyod kyis blon po'i mchog he ru ka dang / b+hi ru ka 'di gnyis kyi tshig mnyan pa dang / bya bar soms shig nga ni/ legs par gsungs pa'i chos 'dul ba la rab tu 'byung ngo / /des kyang thos nas mchi mas brnangs te 'dug go /de nas rgyal po u tra ya na grong khyer sgra sgrog tu dril sgrog pa byed du bcug ste/ grong khyer sgra sgrog na gnas pa dag dang / pho brang 'khor gyi mi dag dang / yul tha dad pa nas lhags pa'i skye bo'i tshogs rnams la/ shes ldan dag nyon cig /nga ni/ skra dang / kha spu bregs te gos ngur </font><hr>Nya162a<br><font size=+1>


@#/ /smrig dag bgos nas yang dag pa kho nar dad pas khyim nas khyim med par rab tu 'byung gi /ngas rgyal srid byed du bcug pa na/ gang la gnod pa cung zad ci byas pa de bzod par gyis shig ces bsgo'o/ /grong khyer sgra sgrog na gnas pa rnams dang / pho brang 'khor gyi mi rnams dang / yul tha dad pa nas lhags pa'i skye bo'i tshogs rnams rgyal po la rjes su chags pa yin pas de dag gis thos nas thams cad mchi mas brnangs te 'khod do/ /de nas rgyal po u tra ya nas gzhon nu gtsug phud can rgyal srid la bzhag nas rtsa lag gi skye bo rnams la bzod par gsol te/ dge sbyong dang / bram ze dang / bkren pa dang / sdug phongs pa rnams la sbyin pa dag byin/ bsod nams dag byas te mi bsnyen bkur ba gcig dang / rgyal po'i khab logs su phyogs der 'phags so| |de nas rgyal po gtsug phud can btsun mo'i 'khor dang / gzhon nu dang / blon po dang / pho brang 'khor gyi mi dang bcas pa dang / gzhan yang yul tha dad pa nas lhags pa'i skye bo'i tshogs rnams phyi bzhin phyi bzhin du 'brangs te srog chags 'bum phrag du ma dag gis bskyal bzhin du grong khyer sgra sgrog nas phyir byung ste skyed mos tshal shing ljon pa'i tshal sna tshogs kyis brgyan pa/ me tog dang / 'bras bu dang / chu rgyun sna tshogs dang ldan pa/ ngang pa dang / khrung khrung dang / rma bya dang / ne tso dang / ri skegs dang / khu byug dang / shang shang te'u sgra 'byin pa zhig tu yud tsam </font><hr>Nya162b<br><font size=+1>


zhig bsdad nas grong khyer sgra sgrog logs su rnam par bltas te rgyal po gtsug phud can la smras pa/ bu/ ngas chos kyi rgyal srid byed du bcug pas/ de'i phyir srog chags 'bum phrag 'di snyed nga'i phyi bzhin 'brang bar gyur gyi/ khyod kyis kyang chos kyi rgyal srid byed du gzhug par bya'o/ /skye bo'i tshogs de la yang bag phab ste smras pa/ shes ldan dag /ngas khyed kyi rgyal por 'di bskos kyi/ phyir dengs la bde bar sgrubs shig /ces smras te song ngo / /rgyal po gtsug phud can btsun mo'i 'khor dang / gzhon nu dang / blon po dang / pho brang 'khor gyi mi dang bcas pa dang / gzhan yang yul tha dad pa nas lhags pa'i skye bo'i tshogs rnams mchi mas dkrugs pa'i mig gis yud tsam yud tsam phyi bzhin rtog cing grong khyer sgra sgrog tu phyir log go /de nas rgyal po u tra ya nas mthar gyis grong khyer rgyal po'i khab tu phyin nas des skyed mos tshal du bsdad de/ mi de la smras pa/ kwa'e nang rje/ rgyal po gzugs can snying po'i gan du song la rgyal po u tra ya na skyed mos tshal na sdod do/ /zhes sbron cig /mi de song ste rgyal po gzugs can snying po la/ lha/ rgyal po u tra ya na skyed mos tshal na sdod do/ /zhes sbran to/ /des thos nas 'phral kho na la langs te zho shas 'tsho ba rnams la smras pa/ shes ldan dag rgyal po de dpung chen po ngang ldan pa yin/ des ma sbran pa kho nar 'ongs pa khyed cag sus kyang ma shes so/ /des smras pa/ lha/ de la dpung ga la mchis te/ dpon g.yog gnyis po zhig mchis so/ /rgyal </font><hr>Nya163a<br><font size=+1>


@#/ /po gzugs can snying pos bsam pa/ gang gi phyir bdag gi rgyal po rgyal rigs spyi bor dbang bskur ba bgyi na/ de bzhin du grong khyer du 'jug tu gzhag pa ni/ bdag gi tshul dang mthun pa ma yin gyi/ bdag gis bkur sti chen pos 'jug tu gzhug go /snyam du rig nas lam mdzes pa dang / grong khyer mdzes par byed du bcug nas dpung gi tshogs yan lag bzhi pas bsu'o/ / de nas gnya' ba sprad de glang po che'i rgyab tu zhon nas grong khyer rgyal po'i khab tu 'jug tu bcug ste/ spos sna tshogs dang sbyar ba'i chus khrus byed du bcug nas rgyal po la 'os pa'i gos dag dang / spos dang / phreng ba rgyu dang byug pa sna tshogs dag gis legs par brgyan nas zan byin te lam gyis dub pa'i ngal bsos nas smras pa/ shed mthun dgyes pas rgyal srid rgyas pa dang / btsun mo'i 'khor dang / gzhon nu dang / blon po dang / pho brang 'khor gyi mi rnams spangs te 'dir ci la byon/ sa gzhan gyi rgyal po 'ga' zhig gis yul 'khor gzhom par bgyis pa'am/ gzhon nu rgyal srid la mngon par dga' ba/ blon po skyon chags pas bslus pa 'ga' zhig gis bslus pa'am/ gcig tu ma gyur tam/ des smras pa/ shed mthun dgyes pa/ de ltar ma gyur te/ bdag legs par gsungs pa'i chos 'dul ba la rab tu 'byung ba dang / rdzogs par bsnyen pa dge slong gi dngos po 'tshal lo/ /rgyal po gzugs can snying pos thos nas yid dga' zhing / dga' </font><hr>Nya163b<br><font size=+1>


ste ro stod bsrang nas lag pa g.yas pa brkyangs te/ kye ma sangs rgyas/ kye ma chos/ kye ma dge 'dun/ kye ma chos kyi legs par gsungs pa nyid/ 'di ltar/ skyes bu gtso bo 'di lta bu dag gis rgyal srid rgyas pa dang / btsun mo'i 'khor rgyas pa dang / mdza' bshes dang / rtsa lag gi tshogs rgya chen po dang / mdzod dang / bang ba dang / khyim rgya chen po dag spangs te legs par gsungs pa'i chos 'dul ba la rab tu 'byung ba dang / rdzogs par bsnyen pa dge slong gi dngos po 'dod pa ngo mtshar che'o/ /zhes lan gsum ched du brjod pa ched du brjod pa smras nas rgyal po u tra ya na khrid de bcom ldan 'das ga la ba der song ngo / /de'i tshe na bcom ldan 'das 'khor 'bum phrag du ma'i gong na bzhugs shing chos ston par mdzad do/ /bcom ldan 'das kyis ma ga d+har byung ba'i rgyal po gzo sbyangs gzugs can snying po thag ring po kho na nas gzigs so/ /gzigs nas kyang dge slong rnams la bka' stsal pa/ dge slong dag /'di ni/ rgyal po gzugs can snying po yin te/ de skyes dang bcas pas nga'i gan du 'ong ngo / /de bzhin gshegs pa'i skyes ni/ 'di lta ste/ gdul ba'i skyes lta bu gzhan med do/ /zhes bka' stsal nas cang mi gsung bar bzhugs so/ /rgyal po gzugs can snying pos/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das la rgyal po gzugs can snying </font><hr>Nya164a<br><font size=+1>


@#/ /pos 'di skad ces gsol to/ /btsun pa/ rgyal po u tra ya na 'di/ legs par gsungs pa'i chos 'dul ba la rab tu 'byung ba dang / rdzogs par bsnyen pa dge slong gi dngos po 'tshal na/ bcom ldan 'das kyis thugs brtse ba'i slad du 'di rab tu 'byung du gsol/ rdzogs par bsnyen par mdzad du gsol/ bcom ldan 'das kyis de la dge slong tshur shog ces pas rab tu phyung zhing / dge slong tshur shog /tshangs par spyad pa spyod cig ces bka' stsal pa dang / de bcom ldan 'das kyi bka'i mjug kho nar skra byi ba dang / snam sbyar gyon par gyur te/ skra dang / kha spu zhag bdun skyes pa tsam dang / lag pa lhung bzed dang / bya ma bum gyis 'brel ba dang / dge slong rdzogs par bsnyen nas lo brgya lon pa'i spyod lam lta bur gnas par gyur to/ /yang smras pa de bzhin gshegs pas tshur shog bka' stsal pas/ /skra byi snam sbyar gyon pa'i lus ldan zhing / /mod la dbang po rab zhir gnas gyur te/ /sangs rgyas dgongs pas lus gzugs bkab par gyur/ /de nas tshe dang ldan pa u tra ya na snga dro sham thabs bgos/ lhung bzed dang / chos gos thogs te rgyal po'i khab tu bsod snyoms la zhugs so/ /de skye bo phal po che'i tshogs kyis mthong nas grong khyer rgyal po'i khab thams cad du bcom ldan 'das kyis rgyal po u tra ya na rab tu phyung / rdzogs par bsnyen par mdzad nas de bsod snyoms la rgyal po'i khab tu zhugs so/ / </font><hr>Nya164b<br><font size=+1>


zhes de lta bu'i sgra sgrog par gyur to/ /de skad thos nas srog chags 'bum phrag du ma dag 'dus par gyur cing / khyim gyi nang na gnas pa'i bud med dag kyang skar khung dang / skar khung dra ba can dang / lan kan dag gi drung du 'khod de lta bar byed do/ /rgyal po gzugs can snying po la blon po rnams kyis smras pa/ lha/ rgyal po u tra ya na rgyal po'i khab tu bsod snyoms la zhugs te srog chags 'bum phrag du ma dag gis bskor cing mchis so/ /rgyal po gzugs can snying pos de thos nas dge slong u tra ya na ga la ba der song ste phyin nas/ dge slong u tra ya na la tshigs su bcad pa 'di skad ces smras so/ /mi dbang grong khyer stong dang ni/ /sgra sgrog kyang ni spyad byas nas/ /bor ba'i bsod snyoms tshol byed pa/ /ji ltar yongs su mi gdung ngam/ /gser dang de bzhin dngul gyi snod/ /srang tshad brgya pa spyad byas nas/ /sa yi lhung bzed spyod byed pa/ /ji ltar yongs su mi gdung ngam/ /sA lu'i 'bras chan gtsang ma dag /sha yis brlan pa spyad byas nas/ /zan dron khengs pa spyod byed pa/ /ji ltar yongs su mi gdung ngam/ /srin bal ras bal zar ma dang / /ko ta ma ka shi'i gos spangs nas/ /phyag dar khrod dag bsrel byed pa/ /ji ltar yongs su mi gdung ngam/ /rlung med sgo gtan bsdams pa yi/ /khang pa brtsegs par khyod nyal na/ /shing ljon drung du gnas gyur pa/ /ji ltar yongs su mi gdung ngam/ /'jam zhing ras bal 'dra ba yi/ /mal khri dag la khyod nyal nas/ /rtswa yi stan la nyal gyur pa/ /ji ltar </font><hr>Nya165a<br><font size=+1>


@#/ /yongs su mi gdung ngam/ /btsun mo mtshungs pa yid 'ong ba/ /gus par nyal cing snyan smra ba/ /du ma khyod kyis rnam spangs pa/ /ji ltar yongs su mi gdung ngam/ /glang chen gnya' dang shing rta dang / /rta yi bzhon pas khyod song nas/ /rkang pas sa la rgyu byed pa/ /ji ltar yongs su mi gdung ngam/ /nor mang ldan pa'i mdzod dang ni/ /bang ba dag kyang rnam spangs te/ /ci yang med pa thob gyur pa/ /ji ltar yongs su mi gdung ngam/ /u tra ya nas smras pa/ rgyal po gal te gdul dka' ba/ /gzhan gyi zas kyis 'tsho byed na/ /ma grub pas ni de 'dul te/ / gnya' shing ba lang 'dul ba bzhin/ /rgyal po gzugs can snying pos smras pa/ /rgyal po khyod yid mi bde'am/ /ci'i phyir dman pa bzhin du smra/ /rgyal srid phyed ni sbyin bya yi/ /khyod ni sngon bzhin longs spyod gyis/ /rgyal po khyod yid mi bde'am/ /ci'i phyir dman pa bzhin du smra/ /yid kyis gang dang gang 'dod pa'i/ /longs spyod rab mchog sbyin par bya/ /u tra ya nas smras pa/ rgyal po gang zhig 'jig rten na/ /lus kyi chos reg bkren pa min/ /de ni nges par lha nyid dang / /yang na mya ngan 'da' bar 'gyur/ /mi dbang gang zhig chos spong zhing / /'di la chos min dga' byed pa/ /rgyal po de bkren shes par bya/ /mun nas mun par 'gro bar 'gyur/ /khyod la chos ni bstan bya yi/ /rgyal po chen po bdag la nyon/ /chos thos 'og tu rgyal po ni/ /gang du 'dod par </font><hr>Nya165b<br><font size=+1>


'gro bar 'gyur/ /yon tan med pa'i lus la ni/ /gcig nyid yon tan chen po ste/ /ji lta ji ltar bzung byas pa/ /de lta de ltar rjes 'jug 'gyur/ /rgyal po bcu pa'i bcu po 'di/ /skyes bu'i tsher ni brjod par bya/ /bu dang chung ma nor de la/ /rtsed mo dga' ba ci zhig yod/ /bu yis dga' ba ston byed de/ /chung mas khengs pa rjod par byed/ /chom rkun nor ni sgrub byed de/ /rgyal po bdag ni bcings las grol/ /mthar byed pa las sman dag dang / /nor dang nye dus skyo ba mi nus/ /rig sngags kun dang dpung dag dang / /dpa' rtul gyis kyang skyob nus min/ /'di na mthu chen gnas mthol/ /gnas pa'i lha tshe ring po yang / /de yang tshe zad nyams 'gyur bas/ /'chi las de ring su zhig mthar/ /mthu chen nor ldan grags 'bar ba/ /rgyal srid byas pa khyab 'jug dang / /mun byed sgra ngan skya seng bu/ /des kyang 'chi ba zlog ma nus/ /rgyal po sdom brtson dka' thub dang / /las dang brtson 'grus brtul ba dang / /'khor tshogs rgya chen nor dag gis/ /'chi las ji ltar thar mi nus/ /bar snang rgya mtsho'i nang dang ni/ / ri yi sul du zhugs pa'am/ /gang du gnas na 'chi bdag gis/ /mi tshugs 'gyur ba'i sa phyogs med/ /bar snang rgya mtsho'i nang dang ni/ /ri yi sul du zhugs pa'am/ /gang du gnas na las rnams kyis/ / mi tshugs 'gyur ba'i sa phyogs med/ /rus pa thi ba'i mdog 'dra ba/ /bor zhing phyogs phyogs rnam 'thor ba/ /gang dang gang yin de dag ni/ /mthong na 'di la su zhig dga'/ /thod pa dung gi mdog 'dra ba// </font><hr>Nya166a<br><font size=+1>


@#/ /bor zhing ku ba lhung lta bu/ /gang dang gang yin de dag ni/ /mthong na de la su zhig dga'/ /rgyal po tsha na sgrib byed cing / /grang la g.yogs par byed pa yi/ /khyod kyi bdag nyid ces bya ba/ /gang yin de yang 'chi bas 'joms/ /mi yis ji tsam zas zos shing / /gyon nam yang na byin pa de/ /de yi rang gi shes bya ste/ /gzhan ni bor te 'gro bar 'gyur/ /mi yi rkun pos mi 'phrog dang / /gzhan dang thun mong ma yin pa'i/ /gter ni sbyin pa'am yang na ni/ /legs byas gzhan gyis sba par bya/ /stag gis ri dwags bsad 'dren ltar/ /na rga 'chi bas khyod myur 'dren// mdza' bshes blon tshogs kun 'dus pas/ /khyod kyi nad ni sel mi nus/ /de la spyad lhag nor 'bru dang / /gser dngul gang dag yod pa la/ /bu dang chung ma 'khor bcas dag /bgo skal nyid du sems par byed/ /gal te pha shi bu lon chags/ /bu sdug de la me mi 'khyer/ /shi na phyi bzhin mi ngu zhing / /bdag gi pha'am rjer mi smra/ /phyug shes bdag gi pha zer zhing / /skra bshig mchi ma'i bzhin gyis du| |me yang mdun du 'khyer byed cing / /kye ma 'di ni lhar gyur zer/ /gos kyis bkab bzhin 'khyer byed cing / /me btang de nas sreg par byed/ /nye du du zhing gos gcig gis/ /de bsregs spangs te longs spyod byed/ /de gcig skye zhing skye tshe gcig /de bzhin gcig 'chi 'chi tshe gcig /skye 'dir gcig pus sdug bsngal myong / /'khor bar 'gyur la grogs med do/ /de mthong 'di la dam pa </font><hr>Nya166b<br><font size=+1>


rnams/ /rab byung khyim na 'dug mi byed/ /de dag chags pa kun bral nas/ /phyin cad mngal na 'jug mi 'gyur/ /de nas rgyal po gzugs can snying po/ /dge slong u tra ya nas gong du nas gong du spobs pas lan glan pas cang mi smra zhing spobs pa med par gyur te song ngo / /de nas rgyal po gtsug phud can gyis re zhig ji srid du chos kyi rgyal srid byed du bcug nas chos ma yin pas rgyal srid byed du gzhug par brtsams pa dang / de la blon po'i mchog he ru ka dang / b+he ru ka gnyis kyis smras pa/ lha/ chos kyis rgyal srid bgyid du stsol la/ chos ma lags pas bgyid du ma stsal cig /de ci'i slad du zhe na/ lha/ yul gyi mi dag ni/ me tog gi shing ljon pa dang / 'bras bu'i shing ljon pa dag dang 'dra ba'i slad du ste/ lha/ 'di lta ste/ dper bgyi na/ me tog gi shing ljon pa dang / 'bras bu'i shing ljon pa dag ni/ dus dang dus su legs par yongs su bskyangs na/ bar chad ma mchis pa'i sbyor bas dus ji lta ba bzhin du me tog dang / 'bras bu dag 'byin par bgyid do/ /lha/ de bzhin du yul gyi mi dag kyang / dus dang dus su legs par yongs su bskyangs pa na/ bar chad ma mchis pa'i sbyor bas dus ji lta ba bzhin du dpya dang / lo thang dag 'bul bar bgyid do/ /de de gnyis kyis bzlog pa na/ re zhig ji srid du chos kyis rgyal srid byed du bcug nas yang chos ma yin pas rgyal srid byed du gzhug par brtsams pa dang / de la de gnyis kyis lan gsum gyi bar du yang </font><hr>Nya167a<br><font size=+1>


@#/ /smras na/ sred pa 'phros pa dang ldan pas bzlog kyang mi sdod de/ de khros nas blon po gzhan dag la smras pa/ shes ldan dag /gang gi rgyal po rgyal rigs spyi bor dbang bskur ba'i bka' lan gsum gyi bar du yang gcog pa de'i chad pa ji lta bu yin/ de na blon po skyon chags pa kha cig gis smras pa/ lha/ 'di la rma ci 'tshal te/ de'i chad pa ni/ dgum pa lags so/ / tshigs su bcad pa dag kyang smras pa/ blon po skyon ni chags pa dang / /'gul bar gyur pa'i so dang ni/ /zas la skyon ni chags pa dag /phyung ba 'ba' zhig bde bar 'gyur/ /blon po blo dang ldan gyur cing / / shes rab dang ni 'dul la mkhas/ /mdzod nas go 'phang gnas pa ni/ /gang gis mi gsod des gsod 'gyur/ /rgyal po gtsug phud can gyis smras pa/ shes ldan dag /'di gnyis ni/ nga'i yab kyis bskos pa yin pas/ nga 'di gnyis gsod par mi byed do/ /'di ltar 'di gnyis kyis nga'i mig sngar 'dug par mi bya'o/ /zhes de gnyis kyi go bzlog nas skyon chags pa gzhan gnyis shig blon por bskos pa dang / de gnyis kyis smras pa/ lha/ til ma brdungs pa dang ma brtsal pa dang / ma bsros pa dang / ma btsir ba dag gis til mar mi 'byin te/ mi'i dbang po/ skye bo dag kyang de dang 'dra'o/ /rgyal pos smras pa/ khyed gnyis kyis byas pa gang yin pa de ni/ mchog tu brtson pa yin no/ /de gnyis kyis yul gyi mi rnams la gnod pa bya bar brtsams so/ /ji tsam dus gzhan zhig na tshong pa zhig zong </font><hr>Nya167b<br><font size=+1>


thogs te grong khyer sgra sgrog nas rgyal po'i khab tu phyin pa dang / tshe dang ldan pa u tra ya nas de mthong nas ngo shes te smras pa/ ji ltar sgra sgrog dag na gtsug phud can/ /'khor dang tshogs bcas stobs ldan nad med dam/ /de la phas kyi bsngo ba 'ga' med cing / /rang gi rgyal srid chos kyis byed 'jug gam/ /des smras pa/ lha/ de bzhin sgra sgrog dag na gtsug phud can/ /'khor dang tshogs bcas stobs ldan bro ma 'tshal/ /de la phas kyi bsdo ba ma mchis te/ /rgyal srid rtag tu chos ma lags pas bgyid/ /de nas tshe dang ldan pa u tra ya nas mthar gyis dri bar brtsams pa/ de na blon po gang ni/ gtso bo yin/ gang ni/ gtso bo ma yin/ gang gi dbang gis gtsug phud can yul gyi mi dag la gnod par byed/ des smras pa/ lha/ blon po'i mchog he ru ka dang / b+he ru ka gnyis kyi go ni/ bzlog /skyon chags pa gzhan gnyis shig ni/ blon por bskos te/ de gnyis kyi dbang gis gtsug phud can yul gyi mi dag la gnod par bgyid do/ /u tra ya nas smras pa/ kwa'i nang rje/ khyod song la sgra sgrog na gnas pa'i skye bo'i tshogs legs par dbugs phyung zhig dang / nga yang der ldog tu 'ong ste/ nga nyid kyis gtsug phud can ci nas kyang yul gyi mi rnams la gnod par mi byed pa de ltar gnod pa las ldog par bya zhing / phan pa la nges par sbyar bar bya'o/ /tshong pa des zong bsgyur te zong rin khyer nas 'phags te mthar gyis sgra sgrog tu phyin nas des nyed du rnams la gsang ste smras pa/ shes ldan dag /kho </font><hr>Nya168a<br><font size=+1>


@#/ /bo zong thogs te rgyal po'i khab tu son nas/ kho bos der rgyal po bgres po mthong nas de'i zhal nas/ kwa'i nang rje/ khyod song la sgra sgrog na gnas pa'i skye bo'i tshogs legs par dbugs phyung zhig dang / nga yang der ldog tu 'ong ste/ nga nyid kyis gtsug phud can ci nas kyang yul gyi mi rnams la gnod par mi byed pa de ltar gnod pa las ldog par bya zhing / phan pa la nges par sbyar bar bya'o/ /zhes byung ngo / /de dag gis kyang gzhan dag la brjod cing / de dag gis kyang gzhan dag la brjod pas/ de ltar sgra de rna ba gcig nas gcig tu brgyud pas blon po skyon chags pa de gnyis kyi rna bar son nas de gnyis kyis bsam pa/ gal te rgyal po rgan po 'ong bar gyur na des gdon mi za bar he ru ka dang / b+hi ru ka gnyis/ yang blon po'i mchog tu bsko zhing / bdag cag gnyis la gnod pa byed par 'gyur gyi/ de'i phyir gang gis de lam gar gsod du 'jug par 'gyur ba'i thabs kyi rnam pa zhig bya'o/ /snyam nas de gnyis kyis rgyal po gtsug phud can la smras pa/ lha/ rgyal po bgres po 'byon par 'gyur zhes gda'o/ /des smras pa/ de rab tu byung bas/ de ci'i phyir 'dir 'ong bar 'gyur/ de gnyis kyis smras pa/ lha/ gang gis gdugs gcig rgyal srid bgyid du stsal ba de ni/ lha/ rgyal srid ma mchis pas dga' bar ga la 'gyur te/ da yang rgyal srid bgyid du stsol bar 'tshal lo/ /gtsug phud can gyis smras pa/ gal </font><hr>Nya168b<br><font size=+1>


te de rgyal por gyur na/ nga nyid kyis gzhon nu bya ste/ 'di la 'gal ba ci yod/ de gnyis kyis smras pa/ lha/ de ni/ tshul dang mthun pa ma lags te/ gzhon nu dang / blon po dang / pho brang 'khor gyi mi dang / yul gyi mi dag gis thal mo stong dag gis phyag bgyis pas rgyal srid bgyid du stsal nas/ yang ji ltar gzhon nu'i gnas su gnas par mdzad/ yul yongs su gtang ba ni/ mi bsdo yi/ gzhon nu'i gnas su gnas pa ni/ mi rung ste/ 'di lta ste/ dper bgyi na/ mi zhig glang po che'i gnya' bar mchis nas rta'i rgyab tu mchi ba dang / rta'i rgyab tu mchis nas shing rtas mchi ba dang / shing rtas mchis nas rkang pa gnyis kho nas mchi ba bzhin du/ rgyal srid bgyid du stsal nas/ yang gzhon nu'i gnas na gnas pa yang / de dang 'dra'o/ /de gnyis kyis bslus nas des smras pa/ 'o na 'di la gang rigs / 'di la ji ltar bsgrub par bya/ de gnyis kyis smras pa/ lha/ de 'gum du stsal bar bgyi'o/ /gal te 'gum du ma stsal na/ gor ma bkum par blon po skyon chags pa dag dang bsdongs te lha nyid dgrongs par bgyid do/ /de skad ces smras pa dang / de bzhin gyur cing nyams te yud tsam zhig cang mi smra bar 'dug nas mchi mas brnangs pa'i snying gis snying rje zhing zhum pa dang thogs pa'i yid dag gis smras pa/ shes ldan gnyis/ ji ltar yab bgrongs su rung / de gnyis kyis smras pa/ lhas/ pha'am yang na spun dag gam/ /rang las skyes pa'i bu yang rung / /gal te dgra khrod zhugs gyur na/ /sa phung </font><hr>Nya169a<br><font size=+1>


@#/ /'phel ba nyid du bya/ /zhes bgyi ba ma gsan tam/ yang smras pa/ lhas/ gang la bu pho stong bdog cing / /thams cad gru gcig zhugs gyur la/ /der ni dgra bo gcig byung na// de yi don du de nub bya/ /zhes bgyi ba yang ma gsan tam/ /lhas gzhan dag nas/ khyim gyi phyir ni gcig gtang bya/ /grong phyir khyim ni gtang bar bya/ /ljongs phyir grong ni gtang bya ste/ /bdag nyid phyir ni sa gtang bya/ /zhes 'byung ba yang ma gsan tam/ /lha/ 'di la dgongs par bgyi ba ci yang ma mchis te/ de ni/ dgum par bgyi lags pas/ 'gum du stsal bar bgyi'o/ /gal te lha 'di la phyi bshol mdzad nas lha la rjes su chags pa'i gzhon nu dang / blon po dang / pho brang 'khor gyi mi dang / yul gyi mi gang dag lags pa de dag 'khrugs par gyur na/ gor ma bkum par lha la gnod pa bgyid par 'gyur ro/ /'dod pa dag la brten pas ni/ sdig pa'i las mi bya ba ci yang med pas des de ltar gyis shig ces khas blangs so/ /de nas blon po skyon chags pa de gnyis dga' ba dang / mgu ba dang / mchog tu dga' ba skyes nas mi gshed ma pa dag la smras pa/ shes ldan dag /dengs la rgyal po rgan po sod cig dang / khyed cag la longs spyod dag gi bgo bsha' bya'o/ /rgyal po de la pho brang 'khor mi dang / yul gyi mi thams cad rjes su chags pas de gsod par spro ba 'ga' yang med do/ /de gnyis kyis de dag la lan gsum gyi bar du yang dbyig dang / gser dang / grong sbyin pa la sogs pas </font><hr>Nya169b<br><font size=+1>


spro bar byas na/ spro ba 'ga' yang ma byung nas/ de nas de gnyis khro bos kun nas dkris pas phyag sbal srung nga rnams la bsgo ba/ shes ldan dag /dengs la mi de dag bu dang / chung ma dang / rtsa lag dang mdza' bshes dang / nye du'i tshogs dang bcas pa chings la phyag sbal du chug cig /de dag gis thos nas skrag par gyur te smras pa/ lha nyag mi bzhes su gsol/ bdag cag ni/ phyag rjed bka' nyan pa dag lags kyi mchi'o/ /zhes de dag gis ral gri rnon po mchan du bcug ste 'phags so/ /tshe dang ldan pa u tra ya na dbyar gyi zla ba gsum po dag 'das nas chos gos byas pa dang ldan/ chos gos zin pa dang ldan pas/ lhung bzed dang chos gos thogs nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te bcom ldan 'das la 'di skad ces gsol to/ /btsun pa/ bdag grong khyer sgra sgrog tu ljongs rgyu zhing mchi bar 'tshal lo/ /bcom ldan 'das kyis bka' stsal pa/ u tra ya na/ song la khyod kyis las bdag gir bya ba yid la bya'o/ /de nas tshe dang ldan pa u tra ya nas bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /de nas tshe dang ldan pa u tra ya na de nyid kyi mtshan mo 'das nas snga dro sham thabs bgos/ lhung bzed dang chos gos thogs te rgyal po'i khab tu bsod snyoms la zhugs so/ /rgyal po'i khab tu bsod snyoms la rgyus nas zas kyi bya ba byas te phyi ma'i zas kyi </font><hr>Nya170a<br><font size=+1>


@#/ /bsod snyoms las phyir log pas/ ji ltar longs spyod pa'i gnas mal mkhos su phab ste lhung bzed dang chos gos thogs nas las kyis bdas te song ngo / /las kyis ring du 'dren byed de/ /ring nas las kyis 'dren par byed/ /gang du las rnams smin 'gyur ba/ /der ni las kyis rab tu 'drin/ /de grong khyer sgra sgrog ga la ba der song nas mthar gyis rgyu zhing 'gro ba na/ lam gar ri brag cig yod pa der bsod snyoms la zhugs nas de de nas bsod snyoms rgyus te song ba dang / mi gshed ma de dag dang phrad nas de dag gis de mthong ngo / /des kyang de dag ngo shes nas de de dag dang lhan cig skyed mos tshal zhig tu mtshan mo gnas par khas blangs nas des de dag la dri bar brtsams pa/ ji ltar sgra sgrog dag na gtsug phud can/ /'khor dang tshogs bcas stobs ldan nad med dam/ /de la phas kyi bsdo ba 'ga' med cing / /rang gi rgyal srid chos kyis byed 'jug gam/ de dag gis smras pa/ lha/ de bzhin sgra sgrog dag na gtsug phud can/ /'khor dang tshogs bcas stobs ldan bro ma 'tshal/ /de la phas kyi bsngo ba ma mchis te/ /rgyal srid rtag tu chos ma lags pas bgyid/ /mi mchod khyod kyi tshul dang mthun pa yi/ /'phags dngos mngon rtogs gang lags khyod kyis mdzod/ /zhi ba de mi tshul mthun gang lags pa/ /de ni de ring nye bar gzigs par gyur/ /tshe dang ldan pa u tra ya nas smras pa/ shes ldan dag /ci/ de nga der 'ongs pa la </font><hr>Nya170b<br><font size=+1>


mngon par mi dga' 'am/ de dag gis smras pa/ lha/ mngon par mi dga'o/ /des smras pa/ shes ldan dag/ gal te de lta na mi 'gro'i/ phyir ldog par bya'o/ /de dag gis tshigs su bcad pa smras pa/ skyes bu pa khyod slar ni gang du gshegs/ /sras ni khyod gson mngon par mi dga' ste/ /bdag cag byur ngan rgyal pos bsgos rnams kyis/ /'dir ni khyod bgrongs slad du mchis kyis 'tshal/ /tshe dang ldan pa u tra ya nas smras pa/ shes ldan dag/ khyed cag nga gsod pa'i gshed ma pa dag yin nam/ lha/ bdag cag khyod bgrongs pa'i gshed ma pa dag lags so/ /tshe dang ldan pa u tra ya nas bsam pa/ bcom ldan 'das kyis bdag la u tra ya na/ song la khyod kyis las bdag gir bya ba yid la bya'o/ /zhes bka' stsal pa gang yin pa de ni/ 'di yin pa lta ste/ 'khor ba ni/ rnam pa thams cad du ngan pa/ snying po med pa/ 'jigs pa'i chos can yin no/ /snyam du rig nas de dag la smras pa/ bzhin bzang dang / nga don gang gi phyir rab tu byung ba'i don de/ ngas da dung ma thob kyi/ re zhig nga rang gi don rjes su sgrub kyi bar du yud tsam zhig sdod cig /de dag gis phan tshun gros byas te smras pa/ lha/ de ltar mdzod cig/ de nas tshe dang ldan pa u tra ya nas shing ljon pa zhig gi drung du brten nas brang 'gro'i rgyal po gnyid log pa'i lus bskyil ba ltar skyil mo krung bcas te spyod lam zhi bas 'dug go /bcom ldan 'das kyis mang du thos pa la phan yon lnga yod de/ phung po la mkhas pa dang / </font><hr>Nya171a<br><font size=+1>


@#/ /khams la mkhas pa dang / skye mched la mkhas pa dang / rten cing 'brel par 'byung ba la mkhas pa dang / de'i gdams ngag dang rjes su bstan pa gzhan la rag ma las pa yin no/ /zhes gsungs pas/ des brtson 'grus brtsams pas 'khor ba'i 'khor lo cha lnga pa g.yo ba dang / mi g.yo ba 'di nyid rig ste/ 'du byed kyi rnam pa thams cad nyams pa dang / ltung ba dang / rnam par 'thor ba dang / rnam par 'jig pa'i chos nyid kyi zil gyis mnan nas nyon mongs pa thams cad spangs pas/ rigs kyi bu dag gang gi phyir skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu 'byung bar byed pa tshangs par spyod pa'i mtha' bla na med pa de/ tshe 'di nyid la rang gi mngon par shes pas mngon sum du byas te bsgrubs nas bdag gi skye ba zad do/ /tshangs par spyod pa spyad do/ /bya ba byas so/ /srid pa 'di las gzhan mi shes so/ /zhes go bar byed cing / dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan+dan bzhag pa lta bu rig pas sgo nga'i spubs dral bar gyur cing / rig pa dang / mngon par shes pa dang / so so yang dag par rig pa thob pa/ srid pa dang 'dod pa'i rnyed pa dang bkur sti la rgyab kyis phyogs pa/ dbang po dang / nye dbang dang bcas pa'i lha rnams kyis </font><hr>Nya171b<br><font size=+1>


mchod par bya ba dang / rjed par bya ba dang / mngon du smra bar bya bar gyur to/ /de nas tshe dang ldan pa u tra ya nas dgra bcom pa nyid thob nas rnam par grol ba'i dga' ba dang / bde ba so sor yang dag par rig pa na/ de'i tshe tshigs su bcad pa smras pa/ dge slong u tra ya na ni/ /mdud pa'i sbyor ba zug rngu dang / /de bzhin sgrib las thar gyur kyang / /rgyal po'i chos las deng mthar/ /ces smras nas mi gshed ma de dag la smras pa/ bzhin bzang dag /ngas thob par bya ba gang yin pa de thob zin gyi/ da ni/ khyed cag don gang gi phyir 'ongs pa'i don de thob par bya'o/ /de dag gis smras pa/ lha/ gal te rgyal po gtsug phud can bdag cag la rgyal po rgan pos 'chi ba'i dus kyi tshe ci zhig smras zhes rmed na/ bdag cag gis de la ji skad brjod par bgyi/ bzhin bzang dag/ de la 'di skad ces/ rgyal srid phyir ni pha bsad pas/ /bsod nams ma yin mang po bskyed/ /nga ni yongs su mya ngan 'da'/ /khyod ni mnar med 'gro bar 'gyur/ /zhes brjod par bya'o/ /gzhan yang 'di skad ces/ khyod kyis mtshams med pa gnyis byas te/ pha srog dang bral ba gang yin pa dang / dge slong dgra bcom pa zag pa zad pa srog dang bral ba gang yin pa de gnyis kyis khyod yun ring por sems can dmyal ba chen po mnar med par gnas par bya dgos kyi/ sdig pa sna tshogs las shogs shig dang / de ltar na/ las bsrabs pa nyid dang / yongs su mthar thug par 'gyur ro/ /zhes brjod par bya'o/ / </font><hr>Nya172a<br><font size=+1>


@#/ /tshe dang ldan pa u tra ya nas yang bsam pa/ sems can de sems can dmyal ba chen po la gzhol bar gyur na/ mi rung gi /rdzu 'phrul gyis 'gro'o/ /snyam nas des rdzu 'phrul gyi thabs gang dang gang yin brtsams na/ de'i las kyis non pas rdzu zhes bya ba tsam yang snang bar ma gyur na/ rdzu 'phrul lta smos kyang ci dgos/ de nas mi gshed ma pa de dag las/ mi snying rje med pa'i sems dang ldan pa/ 'jig rten pha rol btang ba zhig gis ral gri shubs nas phyung ste de'i mgo drungs nas bcad nas sa la bsgyel to/ /de nas bcom ldan 'das 'dzum pa mdzad do/ /chos nyid kyis na/ gang gi tshe sangs rgyas bcom ldan 'das rnams 'dzum pa mdzad pa de'i tshe na zhal nas 'od zer sngon po dang / ser po dang / dmar po dang / dkar po dang / btsod kha dang / shel dang / dngul gyi kha dog lta bu dag byung nas/ kha cig ni/ 'og logs su 'dong / kha cig ni/ steng logs su 'dong bas/ gang dag 'og logs su 'dong ba de dag ni/ sems can dmyal ba yang sos dang / thig nag dang / bsdus gzhom dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa dang / chu bur can dang / chu bur rdol ba dang / so thams thams pa dang / kyi hud zer ba dang / a chu zer ba dang / ut+pal ltar gas pa dang / pad+ma ltar gas pa dang / pad+ma ltar gas pa chen por dong ste/ sems can dmyal ba </font><hr>Nya172b<br><font size=+1>


tsha ba gang dag yin pa de dag tu ni/ bsil bar gyur te 'bab par byed la/ sems can dmyal ba grang ba gang dag yin pa de dag tu ni/ dro bar gyur te 'bab par byed do/ /des sems can de dag gi gnod pa'i bye brag dag rgyun gcod par byed cing / de dag 'di snyam du shes ldan dag /ci/ bdag cag 'di nas shi 'phos sam/ 'on te gzhan du skyes snyam du sems so/ /de dag dad pa bskyed par bya ba'i phyir bcom ldan 'das kyis sprul pa gtong bar mdzad de/ de dag gis sprul pa mthong nas 'di snyam du/ shes ldan dag /bdag cag 'di nas shi 'phos pa yang ma yin la/ gzhan du skyes pa yang ma yin te/ 'di ltar/ sems can sngon ma mthong ba 'di'i mthus bdag cag gis gnod pa'i bye brag dag rgyun chad par gyur to/ /snyam du sems so/ /de dag sprul pa la sems mngon par dad par gyur nas sems can dmyal ba myong bar 'gyur ba'i las de zad par byas nas gang du bden pa dag gi snod du gyur par 'gyur ba'i lha dang mi rnams kyi nang du nyid mtshams sbyor ba len par byed do/ /gang dag steng logs su 'dong ba de dag ni/ rgyal chen bzhi pa dang / sum cu rtsa gsum pa dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che ba dang / mi </font><hr>Nya173a<br><font size=+1>


@#/ /che ba dang / mi gdung ba dang / gya nom snang dang / shin tu mthong dang / 'og min gyi lha rnams kyi nang du dong nas mi rtag pa dang / sdug bsngal ba dang / stong pa dang / bdag med pa zhes bya ba'i sgra sgrog par byed cing / tshigs su bcad pa gnyis po/ /brtsam par bya zhing dbyung bar bya/ /sangs rgyas bstan la 'jug par bya/ /'dam bu'i khyim la glang chen bzhin/ / 'chi bdag sde ni gzhom par bya/ /gang zhig rab tu bag yod pas/ /chos 'dul 'di la spyod 'gyur ba/ /skye ba'i 'khor ba rab spangs nas/ /sdug bsngal tha mar byed par 'gyur/ /zhes bya ba yang smras so| /de nas 'od zer de dag gis stong gsum gyi stong chen po'i 'jig rten gyi khams byul nas bcom ldan 'das nyid kyi slad bzhin slad bzhin du rjes su 'dong ste/ de la gal te bcom ldan 'das 'das pa'i las lung ston par bzhed na ni/ bcom ldan 'das kyi snam logs su nub par 'gyur ro/ /ma 'ongs pa'i las lung ston par bzhed na ni/ mdun logs su nub par 'gyur/ sems can dmyal bar skye bar lung ston par bzhed na ni/ zhabs kyi mthil du nub par 'gyur/ dud 'gror skye bar lung ston par bzhed na ni/ zhabs kyi long bur nub par 'gyur/ yi dwags su skye bar lung ston par bzhed na ni/ zhabs kyi mthe bor nub par 'gyur/ mir skye bar lung ston par bzhed na ni/ bus mor nub par 'gyur/ stobs kyi 'khor los bsgyur ba'i rgyal srid lung ston par bzhed na ni/ phyag mthil </font><hr>Nya173b<br><font size=+1>


g.yon par nub par 'gyur/ 'khor los bsgyur ba'i rgyal srid lung ston par bzhed na ni/ phyag mthil g.yas par nub par 'gyur/ lhar skye bar lung ston par bzhed na ni/ lte bar nub par 'gyur/ nyan thos kyi byang chub lung ston par bzhed na ni/ zhal du nub par 'gyur/ rang sangs rgyas kyi byang chub lung ston par bzhed na ni/ mdzod spur nub par 'gyur/ bla na med pa yang dag par rdzogs pa'i byang chub lung ston par bzhed na ni/ gtsug tor du nub par 'gyur ro/ /de nas 'od zer de dag gis bcom ldan 'das la lan gsum bskor ba byas te bcom ldan 'das kyi zhabs kyi mthil du nub bo/ / de nas tshe dang ldan pa kun dga' bos thal mo sbyar te bcom ldan 'das la zhus pa/ kha dog sna tshogs stong gis bkra ba yi/ /tshogs rnams zhal gyi sgo nas byung gyur te/ /de yis phyogs rnams thams cad snang bgyis pa/ /nyi gdugs bdal bar gyur pa ji bzhin no/ /yang tshigs su bcad pa smras pa/ rgod bral zhum dang rgyags pa rab spangs pa/ /sangs rgyas 'gro ba mchog gi rgyur gyur pa/ /rgyal ba dgra thul byed rgyu ma mchis par/ /rtsa lag dung ltar dkar 'dzum ston mi mdzad/ /de slad brtan pa rang blos dus mkhyen nas/ /thub pa khyu mchog dge sbyong skye dbang po/ /nyan pa'i skye bo som nyi ldan rnams la/ /the tshom skyes pa gsung tshig brtan pa dang / /dam pa dge ba dag gis bsal du gsol/ /tsha chu ri rgyal lta bu brtan pa yi/ /sangs rgyas mgon rnams glo bur 'dzum mi ston/ /brtan rnams ci </font><hr>Nya174a<br><font size=+1>


@#/ /slad 'dzum pa ston mdzad pa/ /skye bo'i tshogs rnams de ni nyan par 'tshal/ /bcom ldan 'das kyis bka' stsal pa/ kun dga' bo/ de de bzhin no/ /de de bzhin te/ kun dga' bo/ de bzhin gshegs pa dag bcom pa yang dag par rdzogs pa'i sangs rgyas rnams ni/ rgyu med rkyen med par 'dzum pa mi mdzad de/ kun dga' bo/ 'di ltar/ dge slong u tra yan ni| |mdud pa sbyor ba zug rngu dang / /de bzhin sgrib las thar gyur kyang / /rgyal po'i chos las deng ma thar/ /kun dga' bo/ grong khyer sgra sgrog na gnas pa'i rgyal po gtsug phud can sdig pa'i grogs pos bskor bas/ dge slong u tra ya na dgra bcom pa nyid thob pa srog dang bral bar byas te/ des pha dgra bcom pa srog dang bral bar byas pas/ nges par sems can dmyal ba chen po mnar med par skye bar 'gyur ro/ /btsun pa/ tshe dang ldan pa u tra ya na dgra bcom pa nyid thob cing / srog dang bral bar gyur tam/ kun dga' bo/ u tra ya na dgra bcom pa nyid thob cing srog dang bral bar gyur to/ /tshe dang ldan pa kun dga' bos de thos nas mchims brnangs te 'dug go /de nas gshed ma pa mi de dag gis tshe dang ldan pa u tra ya na'i lhung bzed dang / chos gos dang / mkhar gsil khyer te grong khyer sgra sgrog tu phyin nas de dag gis blon po skyon chags pa de gnyis la smras pa/ rgyal po rgan po bsad do/ /de gnyis kyis thos nas dga' ba dang / mchog tu dga' ba </font><hr>Nya174b<br><font size=+1>


skyes te rgyal po gtsug phud can ga la ba der dong nas smras pa/ lha dgyes pa skyed cig /da ni/ lha'i rgyal srid la tsher ma mchis so/ /ji ltar gyur/ lha'i dgra gang lags pa de bkum mo/ /nga'i dgra gang yin/ lha/ rgyal po rgan po'o/ /de bsad pa ji ltar shes/ de gnyis kyis mi gshed ma pa dag bstan te smras pa/ lha/ mi 'di dag ni/ gshed ma pa lags te/ 'di dag gis de bkum mo/ / rgyal po gtsug phud can gyis de dag mthong nas smras pa/ shes ldan dag /rgyal po rgan po la dpung ji tsam yod/ lha/ de la dpung ga la mchis te/ lhung bzed dang / chos gos dang / mkhar gsil 'di lags so/ /rgyal po gtsug phud can gyis de mthong nas brgyal te sa la 'gyel nas chus btab ste dbugs phyir byung nas smras pa/ shes ldan dag /rgyal po rgan pos 'chi ba'i tshe ci smras/ lha| rgyal po rgyan po srog dang bral khar 'di skad ces/ rgyal srid phyir ni pha bsad pas/ /bsod nams ma yin mang po bskyed/ /nga ni yongs su mya ngan 'da'/ /khyod ni mnar med 'gro bar 'gyur/ / zhes mchi'o/ /gzhan yang 'di skad ces/ khyod kyis mtshams med pa'i las gnyis byas te/ pha srog dang bral ba gang yin pa dang / dge slong dgra bcom pa zag pa zad pa srog dang bral ba gang yin pa des/ khyod yun ring por dmyal bar gnas par bya dgos kyi sdig pa sdig pa las shogs shig dang / de ltar na/ las bsrabs pa nyid dang yongs su zad pa dang / yongs su gtugs par 'gyur ro/ /zhes </font><hr>Nya175a<br><font size=+1>


@#/ /mchi'o/ /de mya ngan gyi zug rngus gzir bas/ 'dam bu sngon por brngas pa bzhin du rnyid par gyur nas des blon po'i mchog he ru ka dang / b+hi ru ka gnyis pos te smras pa shas ldan gnyis/ khyed gnyis kyis nga las de lta bu byed pa las ma bzlog go /de gnyis kyis smras pa/ lhas bdag cag gnyis spyan lam du ma bzhag na/ ji ltar bzlog par bgyi/ des blon po skyon chags pa de gnyis mig lam du mi snang bar bzhag nas he ru ka dang / b+he ru ka gnyis phyir blon po'i mchog tu bskos pa dang / blon po skyon chags pa de gnyis kyis gsang ste tshe dang ldan pa rgyal dang skar rgyal gyi mchod rten gnyis la khung bu gnyis bskos nas der byi la'i phrug gu gnyis bzhag ste/ de gnyis kyis nyi ma re re zhing sha sri re re byin nas 'di skad ces/ rgyal dang / skar rgyal gnyis bden pa dang / bden pa'i tshig gang gis khyed gnyis kyi sgyu mas 'jig rten bslus te dad pas sbyin par bya ba chud gzan pas byi la'i gnas ngan par skyes pa'i bden pa dang bden pa'i tshig des/ sha sri longs la rang rang gi mchod rten la bskor ba bgyis te rang rang gi khung du zhugs shig /ces slob par byed do/ /gang gi tshe de gnyis legs par lobs par gyur pa de'i tshe/ blon po skyon chags pa de gnyis u tra ya na'i btsun mo'i gan du song ste smras pa/ lha mo/ khyod kyis sras rid pa dang / nyam chung ba dang / rke ba dang / lus ma thob par gyur na/ ci'i slad du khyod btang snyoms mdzad/ des </font><hr>Nya175b<br><font size=+1>


smras pa/ khyed gnyis nyid kyis de las de lta bu byed du bcug na/ da kho mos ji ltar bya/ de gnyis kyis smras pa/ lha mo/ ci/ gang du bum pa ltung ba der dpyang thag kyang ltung bar bgyi'am/ des smras pa/ des shes te/ re zhig de'i pha bsad pa ni/ kho mos gsang bar bya na/ dgra bcom pa bsad pa sus gsang bar 'gyur/ de gnyis kyis smras pa/ lha mo/ dgra bcom pa bsad pa bdag cag gnyis kyis gsang bar bgyi'o/ /des smras pa/ gal te de lta na/ legs so/ /zhes de'i gan du song ste smras pa/ sras/ ci'i slad du khyod skya bo seng seng po rid pa dang / nyam chung ba dang / rka ba dang / lus ma thob par gyur/ des smras pa/ yum/ khyod kyang de skad ces/ ci'i phyir khyod skya bo seng seng po rid pa dang / nyam chung ba dang / rke ba dang lus ma thob par gyur cis gsung ngam/ gang gi slad du bdag blon po skyon chags pa gnyis kyis bslus pas mtshams med pa'i las gnyis bgyis te/ yab srog dang bral ba gang lags pa dang / dge slong dgra bcom pa zag pa zad pa srog dang bral ba gang lags pa des bdag yun ring por sems can dmyal ba chen po mnar med par gnas par bgyi 'tshal na/ bdag ji ltar skya bo seng seng po rid pa dang / nyam chung ba dang / rke ba dang / lus ma thob par mi 'gyur du rung / des smras pa/ sras/ je mi 'jigs pa stsol cig dang / gang mad pa de bka' mchid bgyi'o/ /des smras pa/ yum/ gsol gyi/ ji ltar lags pa gsungs shig /sras/ de ni/ khyod kyi yab ma lags te/ 'di ltar/ bdag gi zla mtshan </font><hr>Nya176a<br><font size=+1>


@#/ /bkru ba'i slad du skyes pa gzhan dag dang lhan cig dga' mgur spyad pa de las khyod 'khrungs so/ /des bsam pa/ de ltar na pha bsad par ma gyur to/ /snyam du rig nas smras pa| yum/ gal te de ltar na/ pha bsad pa ni/ ma mchis na/ dgra bcom pa bsad pa mchis pa de/ ji ltar mthar thug par bgyi/ des smras pa/ sras/ 'di la shes pa la mkhas pa dag rma bar bgyi ste| de dag gis de mthar thug par bgyid par 'gyur ro/ /zhes smras te song nas des blon po skyon chags pa de gnyis pos te smras pa/ kho mos de'i pha bsad pa ni/ bsal zin gyi/ da khyed gnyis kyis dgra bcom pa bsad pa sol cig /rgyal po gtsug phud can gyis blon po rnams la bsgo ba/ blon po gang dag /shes pa la mkhas pa thams cad sdus shig /de dag gis blon po skyon chags pa gang dag shes pa la mkhas pa thams cad bsdus pa dang / blon po skyon chags pa de gnyis kyang der 'dus par gyur to/ /de nas rgyal po gtsug phud can gyis de dag la smras pa/ shes ldan dag /ngas dgra bcom pa bsad pa gang yin pa de/ ji ltar mthar thug par bya/ de na rgyal pos nye bar 'tsho ba'i mi thams cad kyis ni/ mi mthun par smra bar brtsams te/ de na kha cig gis smras pa/ lha/ des dgra bcom pa nyid mngon sum du bgyis par sus mthong / kha cig gis smras pa/ lha/ dgra bcom pa dag ni/ thams cad mkhyen pa dang 'dra ste/ nam mkha' la mchi'o/ /blon po skyon chags pa </font><hr>Nya176b<br><font size=+1>


de gnyis kyis smras pa/ lha/ 'di la thugs ngan bgyir ci mchis/ des smras pa/ khyed gnyis kyang de skad ces/ 'di la mya ngan byar ci yod ces zer ram/ khyed gnyis nyid na re/ dgra bcom pa gsod du bcug go |zhes mi zer ram/ de gnyis kyis smras pa/ lha/ dgra bcom pa dag ma mchis na/ dgra bcom pa dag bkum par mchis re skan/ des smras pa/ ngas mngon sum kho nar dgra bcom pa rgyal dang / skar rgyal gnyis kyis 'bar ba dang / gsal ba dang / char 'bab pa dang / klog 'byin pa'i cho 'phrul dag byas te phung po'i lhag ma med pa'i mya ngan las 'das pa'i dbyings su yongs su mya ngan las 'das pa mthong bzhin du khyed gnyis kyis de skad ces/ dgra bcom pa dag med na/ dgra bcom pa bsad pa yod re skan zhes zer ram/ de gnyis kyis smras pa/ lha/ ji ltar de gnyis kyis sgyu mas 'jig rten bslus te dad pas sbyin par bgyi ba chud gzan pas byi la'i skye gnas ngan par skyes te/ deng sang nyid du yang rang rang gi mchod rten na mchis pa/ lha'i mngon sum du bgyi'o/ /rgyal pos blon po rnams la smras pa/ shes ldan dag /gal te de ltar na tshur shog dang / ci/ yang dag pa'am/ yang dag pa ma yin pa bltar 'dong ngo / /grong khyer sgra sgrog thams cad du ji ltar rgyal dang / skar rgyal gnyis byi la'i skye gnas su skyes te rang rang gi mchod rten na 'dug nas rgyal po bltar song ngo / /zhes bya ba'i sgra des khyab par gyur nas srog chags 'bum phrag du ma dag ltad mo skyes nas rgyal po'i phyi bzhin du 'brang ngo / /de nas blon po </font><hr>Nya177a<br><font size=+1>


@#/ /skyon chags pa de gnyis kyis rgyal po dang bcas pa'i 'khor 'bum phrag du ma'i mdun du smras pa/ rgyal dang / skar rgyal gnyis nyon cig /bden pa dang bden pa'i tshig gang gis khyed gnyis kyis sgyu mas 'jig rten bslus te dad pas sbyin par bya ba chud gsan pas byi la'i skye gnas ngan par skyes te rang rang gi mchod rten na 'dug pa'i bden pa dang / bden pa'i tshig des/ sha sri 'di longs la rang rang gi mchod rten la bskor ba bgyis te rang rang gi khung du zhugs shig /de skad smras pa dang / de gnyis kyis rang rang gi khungs nas byung ste sha sri blangs nas rang rang gi mchod rten la bskor ba byas nas rang rang gi khung du zhugs pa/ srog chags 'bum phrag du ma dag gis mthong nas blon po skyon chags pa de gnyis kyis smras pa/ lha/ gzigs sam/ des smras pa/ mthong ngo // de gnyis kyis smras pa/ lha/ de ltar na/ 'jig rten na dgra bcom pa dag ma mchis te/ de ni/ skye bo'i bka' mchid 'ba' zhig tu bas so/ /de nas rgyal po de la 'jig rten na dgra bcom pa dag yod do/ / snyam pa'i lta ba yod pa gang yin pa de med par gyur to/ /de nas gang dag ma dad pa de dag la ni/ med par lta ba skyes par gyur to/ /gang dag bar mar gnas pa de dag ni/ yid gnyis za bar gyur to| |gang dag dad pa de dag ni/ gnong zhing mi dga' ba dang / mi 'jigs pa med par gyur to/ /de nas rgyal po gtsug phud can gyis bsam pa/ gal te 'jig rten na dgra bcom pa dag med na/ </font><hr>Nya177b<br><font size=+1>


bdag gis ci'i phyir 'phags pa kA t+yA ya na chen po 'khor lnga brgya dang ldan pa/ dge slong ma ri ma 'khor lnga brgya dang ldan pa la bsod snyoms dbul snyam nas/ des dge slong rnams dang / dge slong ma rnams kyi bsod snyoms bcad nas dge slong rnams dang / dge slong ma rnams kyang grong khyer sgra sgrog nas dong ngo / /tshe dang ldan pa kA t+yA ya na chen po dang / dge slong ma ri ma ni/ gdul ba la ltos pas de nyid na 'khod do| |ji tsam dus gzhan zhig na rgyal po gtsug phud can grong khyer sgra sgrog nas phyir byung ba na tshe dang ldan pa kA t+yA ya na chen po grong khyer sgra sgrog tu bsod snyoms la zhugs pa dang / des rgyal po mthong nas 'di mi dga' bar sems par gyur na mi rung ngo / /snyam nas mtha' gcig tu song ste sdod do/ /rgyal po gtsug phud can gyis de mtha' gcig na sdod pa mthong ngo / /mthong nas kyang blon po rnams la smras pa/ shes ldan dag /ci'i phyir 'phags pa kA t+yA ya na chen po 'di/ nga mthong nas mtha' gcig tu song nas sdod/ de'i phyi bzhin blon po'i mchog he ru ka dang / b+hi ru ka gnyis 'gro ba de gnyis kyis smras pa/ lha/ 'phags pa kA t+yA ya na chan po'i thugs lam na lha gshed du gzigs mo dang dge mtshan la gshegs pas mi dgyes par dgongs par gyur na mi rung ngo / /snyam pa dang / tshon gyi las bgyi ba dka' bas chos gos dag rdul gyis phog par gyur na mi rung ngo / /snyam du dgongs so/ /rgyal po cang mi smra bar song ngo / /tshe dang ldan pa kA t+yA ya na chen pos grong khyer sgra sgrog tu bsod snyoms </font><hr>Nya178a<br><font size=+1>


@#/ /rgyus te phyir byung ba na/ rgyal po gtsug phud can nang du 'jug nas tshe dang ldan pa kA t+yA ya na chen po de bzhin du mtha' gcig tu song ste sdod do/ /rgyal po gtsug phud can gyis de mtha' gcig na sdod pa mthong ngo / /mthong nas kyang blon po rnams la smras pa/ shes ldan dag /'phags pa kA t+yA na chen po 'dis sngar nga mthong nas mtha' gcig tu sdod pa'i rgyu ni/ de yin na/ da ltar yang mtha' gcig tu song ste sdod pa'i rgyu ci yin/ de'i phyi bzhin blon po skyon chags pa gnyis 'gro ba de gnyis kyis smras pa/ lha/ 'di'i mchid nas kho bo pha gsod pa 'di'i rdul gyis mi reg par bya'o/ / zhes mchi'o/ /rgyal po de ni/ yongs su mi rtog pa yin pas/ de skad thos nas khro bas kun nas dkris par gyur te/ 'khor thams cad la smras pa/ shes ldan dag /khyed cag las/ gang dang gang nga la dga' ba de dang des dge sbyong mgo reg 'di'i steng du sa sbar mo re re gtor cig /skye bo'i tshogs thams cad kyis sa sbar mo re res gtor to/ /rgyal po de dpung che ba yin pas re res sa sbar mo re tshe dang ldan pa kA t+yA ya na chen po'i steng du gtor ba dang / de'i steng du sa phung chen po rnam par gnas par gyur to/ /tshe dang ldan pa kA t+yA ya na chen pos kyang de'i dbus su lo ma ma yin pa'i spyil bu mngon par sprul te 'dug go /de dag de la 'thor ba na/ ba lang rdzi dang / phyugs rdzi dag gis mthong nas de dag smod bzhin du mtha' 'khor zhing sdod pa na blon po'i mchog he ru ka dang b+hi ru ka gnyis phyi bzhin du </font><hr>Nya178b<br><font size=+1>


'brang zhing 'ong ba phyogs der phyin nas de gnyis kyis dris pa/ shes ldan dag /'di ci yin/ de dag gis smras pa/ rgyal po 'thab krol can pha gsod pa des/ 'phags pa kA t+yA ya na chen po nyes pa med pa/ gnod pa mi byed pa sas bkab bo/ /de gnyis mchi mas brnangs te ngu ba'i bzhin gyis ba lang rdzi dang / phyugs rdzi dag dang lhan cig sa phyags par brtsams pa dang / tshe dang ldan pa kA t+yA ya na chen po byung nas de gnyis kyis rkang gnyis la gtugs te dris pa/ 'phags pa/ 'di ci lags/ des smras pa/ las dag yin mod/ gzhan ci zhig 'byung bar 'gyur// //'dul ba rnam par 'byed pa/ bam po don gnyis pa/ de gnyis kyis smras pa/ 'phags pa/ gtsug phud can skye bo phal po che dang bcas pas las 'di lta bu bgyis pa gang lags pa de'i rnam par smin pa cir 'gyur des smras pa/ deng nas nyi ma bdun na grong khyer sgra sgrog sas non par 'gyur ro/ /'phags pa/ rim pa ji lta bur 'gyur/ tshe dang ldan pa gnyis/ re zhig nyi ma dang po la rlung mo che byung nas grong khyer sgra sgrog rdo ba dang / gseg ma dang / gyo mo med par rnam par 'jog par 'gyur ro/ /nyi ma gnyis pa la me tog gi char 'bab par 'gyur ro/ /nyi ma gsum pa la gos kyi char 'bab par 'gyur ro/ /nyi ma bzhi pa la dngul gyi char 'bab par 'gyur ro/ /nyi ma lnga pa la gser gyi char 'bab par 'gyur ro/ /de'i 'og tu grong khyer sgra sgrog gi nye 'khor na gnas pa gang dag gis las mthun par byas pa de dag grong khyer sgra sgrog tu 'jug par </font><hr>Nya179a<br><font size=+1>


@#/ /'gyur zhing / de dag zhugs pa na nyi ma drug pa la rin po che'i char 'bab par 'gyur ro/ /nyi ma bdun pa la sa'i char 'bab par 'gyur ro/ /de gnyis kyis smras pa 'phags pa| ci lags/ bdag cag gnyis kyang las de'i cha can lags sam/ bzhin bzang gnyis/ khyed gnyis ni/ las de'i cha can ma yin no/ /'phags pa/ gal te de ltar na/ bdag cag gnyis kyis grong khyer 'di nas ji ltar 'byung bar bgyi/ des smras pa/ bzhin bzang gnyis/ khyed gnyis kyis rang gi khyim nas chu klung gi bar du phug rkor chug la khyim drung du gru bzhag ste sdod la gang gi tshe rin po che'i char 'bab pa de'i tshe na rin po che dag gis gru 'gongs su chug la bros shig /de gnyis de'i rkang pa gnyis la gtugs te grong khyer sgra sgrog tu zhugs nas de gnyis kyis rgyal po'i gan du song ste smras pa/ lhas 'phags pa kA t+yA ya na chen po la cung zhig bgyis sam/ ci na dog sas bkab/ des smras pa/ shes ldan gnyis/ de gson nam/ lha/ gson no/ /ci zer/ lha/ de 'di skad ces deng nas gdugs bdun na glong khyer sgra sgrog dog sas non par 'gyur zhes mchi'o/ /rim pa ji ltar 'gyur/ de gnyis kyis smras pa/ lha/ de 'di skad ces/ re zhig nye ma dang po la rlung mo che byung nas grong khyer sgra sgrog rdo ba dang / gseg ma dang / gyo mo med par rnam par 'jog par 'gyur ro/ /nyi ma gnyis pa la me tog gi char 'bab par 'gyur ro/ /nyi ma gsum pa la </font><hr>Nya179b<br><font size=+1>


gos kyi char 'bab par 'gyur ro/ /nyi ma bzhi pa la dngul gyi char 'bab par 'gyur ro/ /nyi ma lnga pa la gser gyi char 'bab par 'gyur ro/ /de'i 'og tu grong khyer sgra sgrog gi nye 'khor na gnas pa gang dag gis las mthun par byas pa de dag grong khyer sgra sgrog tu 'jug par 'gyur zhing de dag zhugs pa na nyi ma drug pa la rin po che'i char 'bab par 'gyur ro/ /nyi ma bdun pa la sa'i char 'bab par 'gyur ro/ /zhes mchi'o/ /blon po skyon chags pa de gnyis kyis smras pa/ lha/ bram ze gang la slong mo stsal nas yang bcad na/ de legs pa ci zhig sems te/ lhas de 'khor lnga brgya dang ldan pa la bsod snyoms stsal nas bcad cing / sas kyang g.yogs pas de 'di skad mchi pa las/ gzhan pa ches shis pa'i tshig smra bar ga la 'gyur/ rgyal po gtsug phud can gyis bsam pa/ de bden no/ / snyam pa dang / blon po'i mchog he ru ka dang / b+hi ru ka gnyis kyis bzhin bsgyur cing lag pa gnyis yongs su dril te dong ngo / /de na he ru ka la bu sngo bsangs zhes bya ba khye'u zhig yod la/ b+hi ru ka la yang bu mo sngo bsangs can zhes bya ba bu mo zhig yod nas/ he ru kas khye'u sngo bsangs tshe dang ldan pa kA t+yA ya na chen po la phul te smras pa/ 'phags pa/ gal te 'di la dge ba'i rtsa ba 'ga' zhig mchis na/ rab tu dbyung du gsol/ gal te ma mchis na/ 'di khyod nyid kyi zham 'bring ba lags so/ /b+hi ru kas kyang bu mo sngo bsangs can dge slong ma ri ma la phul te smras pa/ 'phags ma/ gal te 'di la dge </font><hr>Nya180a<br><font size=+1>


@#/ /ba'i rtsa ba 'ga' zhig mchis na/ rab tu dbyung du gsol/ gal te ma mchis na/ ko'u sham+b+hi na khyim bdag gdangs can zhes bgyi ba bdag gi chung po grogs shig mchis pa de la gtad du gsol/ des khas blangs so/ /de nas dge slong ma ri ma bu mo sngo bsangs can khrid de rdzu 'phrul gyis grong khyer sgra sgrog nas song nas/ des bu mo de ko'u sham+b+hir khyim bdag gdangs can la gtad nas 'phrin ji skad spring pa yang bzlas so/ /tshe dang ldan pa kA t+yA ya na chen po ni/ de nyid na 'dug po/ /blon po'i mchog he ru ka dang / b+hi ru ka gnyis kyis khyim nas chu klung gi bar du phug rkor bcug ste/ khyim drung du gru bzhag nas bsdad do/ /ji tsam na nyi ma de la rlung mo che byung nas des grong khyer sgra sgrog de rdo ba dang / gseg ma dang / gyo mo med par rnam par bzhag go /nyi ma gnyis pa la me tog gi char bab pa dang / blon po skyon chags pa de gnyis kyis smras pa/ lha/ rgyal po nga las nu la dgung bdun du dbyig gi char bab ces gda' bas/ lha la yang me tog gi char 'di bab pas/ ring po mi thogs par gos kyi char 'bab par 'gyur ro/ /nyi ma gsum pa la gos kyi char 'bab pa dang / blon po skyon chags pa de gnyis kyis smras pa/ lha la gos kyi char 'di bab pas/ ring po mi thogs par dngul gyi char 'bab par 'gyur ro/ /nyi ma bzhi pa la dngul gyi char bab pa dang / blon po skyon chags pa de gnyis kyis smras pa/ lha la dngul gyi char bab pas/ ring po mi thogs </font><hr>Nya180b<br><font size=+1>


par gser gyi char 'bab par 'gyur ro/ /nyi ma lnga pa la gser gyi char bab pa dang / blon po skyon chags pa de gnyis kyis smras pa/ lha gser gyi char 'di bab pas/ ring po mi thogs par rin po che'i char 'bab par 'gyur ro/ /de'i 'og tu grong khyer sgra sgrog gi nye 'khor na gnas pa gang dag gis las mthun par byas pa de dag grong khyer sgra sgrog tu zhugs shing de dag zhugs pa na/ nyi ma drug pa la rin po che'i char bab pa dang / blon po'i mchog he re ka dang / b+hi ru ka gnyis kyis rin po che de dag gis gru 'gengs su bcug ste bros so/ /de na he re kas ni/ phyogs gzhan zhig tu he ru ka'i tshal zhes bya ba'i grong khyer rtsig tu bcug nas de'i ming ni/ he ru ka'i tshal/ he ru ka'i tshal ces bya bar gyur to/ /b+hi ru kas kyang phyogs gzhan zhig tu b+hi ru ka'i tshal ces bya ba'i grong khyer rtsig tu bcug nas de'i ming b+hi ru ka'i tshal/ b+hi ru ka'i tshal ces bya bar gyur to/ /nyi ma bdun pa la sa'i char 'bab par brtsams pa dang / grong khyer sgra sgrog tu sgra mthon po dang / sgra chen po byung nas rgyal pos smras pa/ shes ldan dag /sgra mthon po dang / sgra chen po de ci/ blon po rnams kyis smras pa/ lha sa'i char bab bo/ /rgyal pos smras pa/ shes ldan dag /gal te de ltar na/ blon po'i mchog he ru ka dang / b+hi ru ka ga la 'dug tshol cig /de dag gis btsal bar brtsams pa dang / ji tsam na de gnyis bros par tshor nas de dag gis rgyal po la smras pa/ lha/ de gnyis bros te/ ma mchis so/ /de nas rgyal po gtsug </font><hr>Nya181a<br><font size=+1>


@#/ /phud can 'bros par brtsams pa dang / mi ma yin dag gis sgo bcad do/ /khye'u sngo bsangs kyis smras pa/ 'phags pa/ grong khyer du sgra mthon po dang / sgra chen po byung ba 'di ci lags/ tshe dang ldan pa kA t+yA yan chen pos smras pa/ bu/ skar khung nas kham phor phyir phyung zhig/ de skar khung nas kham por phyir byung ba dang / sas phyed tsam gang bar gyur nas/ tshe dang ldan pa kA t+yA ya na chen pos bsam pa/ da dung spyod yul lhag ma dang bcas pa yin snyam mo/ /ji tsam na yang kham phor phyi rol tu phyung ba dang / byur bur gang bar gyur nas/ tshe dang ldan pa kA t+yA ya na chen pos bsam pa/ da ni/ spyod yul med par gyur gyi/ 'gro'o/ /snyam mo/ /de nas grong khyer sgra sgrog na gnyug mar gnas pa'i lha mo gang yin pa de/ tshe dang ldan pa kA t+yA ya na chen po ga la ba der song ste phyin nas rkang pa gnyis la phyag 'tshal te smras pa/ 'phags pa/ bdag kyang mchi ste/ 'phags pa'i bsnyen bkur bgyi'o/ /des dang du blangs so/ /tshe dang ldan pa kA t+yA ya na chen pos sngo bsangs la smras pa/ bu/ chos gos kyi grwa nas zungs shig dang / 'dong ngo / /des chos gos kyi grwa nas bzung ba dang / des khye'u sngo bsangs khrid de rdzu 'phrul gyis steng gi nam mkha' las song ngo / /sgra sgrog na gnyug mar gnas pa'i lha mo yang rang gi rdzu 'phrul gyis de'i phyi bzhin song ba dang / grong khyer sgra sgrog kyang sas non par gyur to/ /de dag mthar gyis khar pan zhes bya </font><hr>Nya181b<br><font size=+1>


ba'i ri brag tu phyin nas de dag de na g.yul gyi gzhi na 'khod do/ /tshe dang ldan pa kA t+yA ya na chen pos khye'u sngo bsangs g.yul gyi bzhir bzhag ste bsod snyoms la zhugs pa dang / lha mo de'i mthus g.yul gyi gzhi der 'bru 'phel bar gyur nas/ de na mi gang 'dug pa des khye'u de mthong nas de'i gan du song ste smras pa/ kye khye'u/ khyod kyi mthus g.yul gyi gzhir 'bru 'phel bar gyur to/ /des smras pa/ kho bo'i mthus g.yul gyi gzhir 'bru 'phel bar gyur pa ma yin te/ 'di ltar/ grong khyer sgra sgrog na gnyug mar gnas pa'i lha mo 'dir 'ongs te/ phyogs ga ge mo zhig na 'dug pa de'i mthus g.yul gyi gzhir 'bru 'phel bar gyur to/ /de de'i gan du song ste rkang pa gnyis la gtugs nas smras pa/ lha mo/ bdag grong du mchis te mchi ba'i bar du re zhig lde mig dang / lde mig kyog po 'di bzung zhing khyod kyis bdag ma lags pa gzhan su la yang mi stsal bar gsol/ des blangs pa dang / mi de yang ri brag tu song nas ri brag na gnas pa'i skye bo'i tshogs bsdus te smras pa/ shes ldan dag /grong khyer sgra sgrog na gnyug mar gnas pa'i lha mo 'dir 'ongs te/ g.yul gyi gzhi na 'dug pas de'i mthus g.yul gyi gzhir 'bru 'phel bar gyur nas/ bdag gis de'i lag tu lde mig dang / lde mig kyog po byin te bdag gi de la bdag grong du mchis te slar mchi ba'i bar du lde mig dang / lde mig kyog po 'di bzung zhing / khyod kyis bdag ma gtogs pa gzhan su la yang stsal bar mi bgyi'o// </font><hr>Nya182a<br><font size=+1>


@#/ /zhes smras kyi/ de'i phyir grong mi rnams la gal te bdag gi bu gtso bor dbang bskur na/ kho bo bdag nyid srog dang 'bral bar gsol ba 'debs te/ de ltar na/ lha mo bdag cag gi gnas nas gar yang 'gro bar mi 'gyur bas/ khyed cag longs spyod dag gis mngon par 'phel bar 'gyur zhing / yams kyi nad thams cad kyang nye bar zhi bar 'gyur ro/ /de dag gis de'i bu gtso bor dbang bskur nas des kyang bdag nyid srog dang bral bar byas so/ /de nas de dag gis gnas de thams cad spos dang / me tog gis mdzes par byas shing / gdugs dang / rgyal mtshan gyis brgyan te gtor ma thogs nas lha mo de ga la ba der dong ste phyin nas rkang pa gnyis la gtugs te smras pa/ lha mo/ khyod 'di nyid la bzhugs par gsol/ des smras pa/ kho mo ni/ 'phags pa kA t+yA ya na chen po la bsnyen bkur byed pa yin pas/ 'di na kho mo'i gnas med do/ /tshe dang ldan pa kA t+yA ya na chen pos smras pa/ lha mo/ khyod kyis gang las lde mig dang / lde mig kyog po blangs pa soms shig /des bsam pa la zhug pa dang / ji tsam na mi de dus la bab par mthong nas/ des gnas de na gnas pa'i skye bo'i tshogs la smras pa/ shes ldan dag/ kho mo'i dam tshig gis gnas par bya ste/ gal te kho mo'i gnas gzhi ji lta bu byad du bcug pa de lta bur 'phags pa'i gnas gzhi yang byed du 'jug na/ kho mo 'dug go /de dag gis khas blangs nas </font><hr>Nya182b<br><font size=+1>


de dag gis lha mo de'i gnas ji lta bu byed du bcug pa de lta bur tshe dang ldan pa kA t+yA ya na chen po'i gnas kyang byed du bcug go /lha mo de'i gnas su mar me btsugs pa gang yin pa de/ des khyer te tshe dang ldan pa kA t+yA ya na chen po'i gnas su 'dzugs par byed do/ /de mar me khyer te 'gro ba rtsig drung na 'dug pa'i mi zhig gis mthong nas des bsam pa/ lha mo 'di 'phags pa kA t+yA ya na chen po'i gan du 'dod pas 'gro'o/ /snyam pa dang / des de'i sems shes nas khros te ri brag 'di na gnas pa'i skye bo'i tshogs 'di ni/ sdig pa'i sems kun tu spyod pa yin te/ 'phags pa kA t+yA ya na chen po 'dod pa'i dri nga ba med pa la rdzun gyis skur pa 'debs par byed do/ /snyam nas des ri brag der mi ngas phyung ste skye bo phal po che shi bar gyur nas skye bo shi ba'i ro phyir 'byin pa na/ khri dang / khri'u dag 'dom par gyur to/ /gnas de na gnas pa'i skye bo'i tshogs kyis ltas pa dag bcug ste dris pa/ 'di ci las gyur/ de dag gis smras pa/ lha mo 'khrugs so/ /de dag gis de la bzod pa gsol bar brtsams pa dang / des smras pa / khyed cag 'phags pa kA t+yA ya na chen po 'dod pa'i dri nga ba med pa la rdzun gyis skur pa 'debs par byed do/ /de dag gis yang smras pa/ lha mo/ bzod pa mdzod cig dang / 'ga' yang bsnyen bkur ma lags ba bgyid par mi 'gyur ro/ /des smras pa/ dam tshig gis bzod par bya ste/ gal te khyed cag kho mo la ji ltar bsnyen bkur byed pa de ltar 'phags pa kA t+yA ya na chen po la yang byed na/ bzod par bya'o/ /de </font><hr>Nya183a<br><font size=+1>


@#/ /dag gis smras pa/ lha mo/ ches khyad par du 'phags par bgyi yi/ bzod par mdzod cig /des de dag la bzod par byas so/ /de dag gis kyang tshe dang ldan pa kA t+yA ya na chen po la ches khyad par du 'phags pa'i bsnyen bkur byas so/ /tshe dang ldan pa kA t+yA ya na chen pos de nyid du dbyar gnas par khas blangs nas khye'u sngo bsangs khrid de lha mo la smras nas 'phags pa dang / lha mos smras pa/ 'phags pa/ bdag la mtshan ma cung zhig stsol cig dang / bdag de la mchod pa bgyid cing mchis so/ /des de la kham phor byin nas des de khas phub ste mchod rten du byas nas dus ston byed du bcug nas kham phor gyi dus ston zhes bya ba'i ming du gyur te/ deng sang yang dge slong mchod rten la phyag 'tshal ba dag phyag 'tshal bar byed do/ /khye'u sngo bsangs tshe dang ldan pa kA t+yA ya na chen po'i chos gos kyi grwa nas 'jus te de 'phyang zhing 'gro ba na/ ba lang rdzi dang / phyugs rdzi dag gis mthong nas de dag gis 'phyang ngo / /'phyang ngo / /zhes bya ba'i sgra chen po byung bas/ yul de'i mi rnams kyi ming 'phyang ba pa/ 'phyang ba pa zhes bya ba'i ming du gyur to/ /tshe dang ldan pa kA t+yA ya na chen po ri brag cig tu phyin nas der khye'u sngo bsangs shing ljon pa'i drung du bzhag ste bsod snyoms la zhugs so// ri brag de na rgyal po bu med par dus la bab nas pho brang 'khor gyi mi dang / blon po dang / yul mi dag 'dus te smras pa/ shes ldan dag /gang zhig rgyal por dbang bskur bar bya/ de na kha cig gis </font><hr>Nya183b<br><font size=+1>


smras pa/ gang bsod nams dang / dbang che bar grags pa'o/ /kha cig gis smras pa/ de ji ltar shes par bya/ kha cig gis smras pa/ rtog pa dag bsgo bar bya'o/ /de dag gis rtog pa dag bskos nas/ de dag gis phan tshun bcal bar brtsams pa dang / de dag gis khye'u de shing ljon pa'i drung na gnyid log par mthong nas de dag gis de'i mtshan ma bzung bar brtsams pa dang / ji tsam na shing ljon pa gzhan dag gi grib ma shar phyogs su gzhol ba dang / shar phyogs su 'bab pa dang / shar phyogs su bab par gyur na/ shing ljon pa de'i grib mas khye'u de'i lus mi gtong bar mthong ngo / /mthong nas kyang gros bya bar brtsams pa| shes ldan dag /khye'u 'di bsod nams dang / dbang che bar grags pa yin gyi/ 'di dbang bskur bar bya'o/ /de dag gis de sad par byas te smras pa/ khye'u/ rgyal srid longs shig /khye'us smras pa/ kho bo rgyal srid don du gnyer ba ma yin te/ kho bo ni/ 'phags pa kA t+yA ya na chen po'i bsnyen bkur ba yin no/ /tshe dang ldan pa kA t+yA ya na chen pos thos nas/ ci/ khye'u 'di la rgyal srid du 'gyur ba'i las dag yod dam/ med snyam du bsam nas/ yod par mthong nas des smras pa/ bu/ rgyal srid longs la 'di ltar khyod kyis chos kyis byed du chug cig /des mnos te/ de dag gis de dbang bskur nas khye'u sngo bsangs kyis der rgyal srid byed du bcug pas/ sngo bsangs kyi rgyal srid/ sngo bsangs kyi rgyal srid ces bya ba'i ming du gyur to/ /tshe dang ldan pa kA t+yA ya na chen po yul bog ka nar phyin nas/ tshe dang </font><hr>Nya184a<br><font size=+1>


@#/ /ldan pa kA t+yA ya na chen po'i ma bog ka nar skyes pa des/ tshe dang ldan pa kA t+yA ya na chen po mthong nas smras pa/ bu/ khyod yun ring zhig nas mthong ngo / /bu/ khyod yun ring zhig lon nas mthong ngo / /de'i nu ma gnyis las kyang 'o ma'i rgyun 'dzag go /tshe dang ldan pa ka t+ya ya na chen pos de la yum yum zhes khag phab pa dang / des tshe dang ldan pa kA t+yA ya na chen por zan byin nas tshe dang ldan pa kA t+yA ya na chen pos de'i bsam pa dang / bag la nyal dang / khams dang / rang bzhin khong du chud nas gang thos nas des stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon sum du byas pa de lta bur 'phags pa'i bden pa bzhi yang dag par so sor rtogs par byed pa'i chos bstan par byas so/ /des bden pa mthong nas/ btsun pas bdag la gang mdzad pa 'di lta bu ni/ bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang / bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang / mchi ma'i rgya mtsho ni/ bskams/ rus pa'i ri dag las ni/ bsgral/ ngan song gi sgo dag ni/ bkum/ mtho ris dang / thar pa'i sgo dag ni/ phye/ sems can dmyal ba dang / dud 'gro dang / yi dwags dag nas ni/ rkang pa phyung / lha dang mi rnams kyi nang du ni/ bzhag go /zhes </font><hr>Nya184b<br><font size=+1>


lan gsum ched du brjod pa ched du brjod do/ /yang smras pa/ dka' ba byed pa'i ma la ni/ /phu pho bzang pos gang bya ba/ /de ni khyod kyis bdag la bgyis/ /sems ni mtho ris gzhol bar gyur/ /ngan song dag nas legs phyung zhing / /khyod kyis mtho ris thar pa la/ /rab tu 'bad pas bdag bzhag ste/ /khyod kyis dka' ba legs par mjed/ /tshong pas khe spogs rnyed pa ltar/ /mtho ris rnyed pa bdag gis rnyed/ /dge ba'i bshes gnyen rnams la ni/ /nye bar brten pa bzang ba lags/ /de nas tshe dang ldan pa kA t+yA ya na chen pos bu mo bzang mo de bden pa dag la bzhag nas smras pa/ yum/ bltas lags kyi/ bdag mchi'o/ /des smras pa/ bu/ gal te de lta na/ bdag la mtshan ma cung zhig stsol cig dang / bdag de la mchod pa bgyid cing mchis so/ /des de la 'khar ba byin nas des mchod rten byas te/ der de btsugs nas 'khar ba'i mchod rten/ 'khar ba'i mchod rten zhes bya ba'i ming du gyur te/ deng sang yang dge slong mchod rten la phyag 'tshal ba dag phyag 'tshal bar byed do/ /tshe dang ldan pa kA t+yA ya na chen po yul dbus su 'gro 'dod nas yul si nur phyin pa dang / de nas byang lam na gnas pa'i lha mo gang yin pa des/ tshe dang ldan pa kA t+yA ya na chen po la 'di skad ces smras so/ /'phags pa/ bdag la yang mtshan ma cung zhig stsol cig dang / bdag de la mchod pa bgyid cing mchis so| /des bsam pa/ bcom ldan 'das kyis yul dbus su lham sgrog gu can bcang bar mi bya'o/ /zhes bka' stsal pas/ 'di de la sbyin no/ /snyam nas/ des lham sgrog gu can de de la byin pa dang / des gnas </font><hr>Nya185a<br><font size=+1>


@#/ /gzhi byed du bcug ste der bzhag pa dang / kha cig gis ni/ lham gyi dbang phyug ces bya bar shes so/ kha cig gis ni/ lham gyi gzhi zhes bya bar shes so/ /tshe dang ldan pa kA t+yA ya na chen po mthar gyis mnyan yod du phyin nas dge slong rnams kyis mthong nas smras pa/ tshe dang ldan pa 'ongs pa legs so /'ongs pa legs so/ /ji ltar bde bar rgyus sam/ des smras pa/ tshe dang ldan pa dag /cung zad bde bar yang rgyus/ cung zad sdug bsngal bar yang rgyus so/ /dge slong rnams kyis smras pa/ ji ltar bde bar rgyus/ ji ltar sdug bsngal bar rgyus/ des smras pa/ sems can gyi bya ba byas pa gang yin pa de dag ni/ bde bar rgyus pa yin no/ /rgyal po gtsug phud can dang / grong khyer sgra sgrog na gnas pa'i skye bo'i tshogs kyis bdag sas mnan pa gang yin pa dang / blon po'i mchod he ru ka dang / b+hi ru ka gnyis tshegs chen pos bros pa gang yin pa de ni/ sdug bsngal bar rgyus pa yin no/ /dge slong don nyung ngu dag gis smad de smras pa/ de ni/ pha gsod pa yin te/ des tshe dang ldan pa u tra ya na dgra bcom pa nyid thob pa/ nyes pa med pa/ gnod pa mi byed pa bsad de/ 'di ni/ de'i me tog tsam yin gyi/ 'bras bu ni/ gzhan 'byung bar 'gyur ro/ /dge slong rnams the tshom skyes nas the tshom thams cad gcod pa/ sangs rgyas bcom ldan 'das la zhus pa/ btsun pa/ tshe dang ldan pa u tra ya nas las ci bgyis na/ des phyug pa/ nor mang la longs spyod che ba'i khyim du skyes shing / bcom ldan 'das kyi bstan </font><hr>Nya185b<br><font size=+1>


pa la rab tu byung nas nyon mongs pa thams cad spangs pas dgra bcom pa nyid mngon du bgyis nas mtshon gyis pa bkum par gyur/ bcom ldan 'das kyis bka' stsal pa/ dge slong dag /dge slong u tra ya na nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas/ u tra ya na nyid kyis las byas shing bsags pa dag gzhan su zhig gis so sor myong bar 'gyur/ dge slong dag /las byas shing bsags pa dag ni/ phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar/ las dge ba dang / mi dge ba byas shing bsags pa dag ni/ zin pa'i phung po dang / khams dang / skye mched dag la rnam par smin par 'gyur te/ las rnams bskal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag /sngon byung ba 'das pa'i dus na sangs rgyas rnams 'byung ba med pa'i tshe/ rang sangs rgyas dman pa dang / bkren pa la rjes su snying brtse ba/ bas mtha'i gnas mal la dga' ba/ bse ru lta bu gcig pu 'jig rten gyi yon gnas su gyur pa dag 'jig rten du byung ngo / /ji tsam na ri brag cig tu rngon pa zhig 'dug ste/ ri brag de dang ha cang mi ring ba zhig na ri dwags dang / bya mang po dag gi rten du gyur pa/ mtshe'u zhig yod pa der rngon pa de nyi ma re re zhing ri dwags dang / bya mang po dag drung dbyung ba'i phyir dang / nyams par </font><hr>Nya186a<br><font size=+1>


@#/ /bya ba'i phyir dang / tshul ma yin pas sdug bsngal bar bya ba'i phyir rngon spyad dang / rnyi dang / rnyong mang po dag 'dzugs par byed do/ /de'i rngon spyad dang / rnyi dang / rnyong de dag kyang don yod pa yin no/ /ji tsam dus gzhan zhig na rang sangs rgyas shig ljongs rgyu zhing song ba na ri brag der phyin nas lha'i gnas shig tu mtshan mo gnas par khas blangs nas de snga dro sham thabs bgos/ lhung bzed dang chos gos thogs te ri brag der bsod snyoms la zhugs so/ /der bsod snyoms rgyus nas bsam pa/ lha'i gnas 'di nyin mo rgyun lugs mang ba yin gyi/ ri brag gi phyi rol gyi gnas zhi ba zhig tu bsod snyoms bza'o/ /snyam nas de ri brag nas byung ste/ 'di ni/ zhi ba'o/ /'di ni/ zhi ba'o/ /zhes mtshe'u de ga la ba der song ste phyin nas lhung bzed dang chu tshags mtha' gcig tu bzhag ste rkang pa gnyis bkrus nas lag pa gnyis bsnyal te chu btsags nas lo ma lhags pa dag blangs te 'dug nas zas kyi bya ba byas te lag pa gnyis bsnyal nas kha bkrus te lhung bzed dang / chu tshags gnas ji lta ba bzhin du bzhag nas rkang pa gnyis bkrus te shing drung zhig tu brten nas brang 'gro'i rgyal po nyal ba'i lus bskyil ba ltar skyil mo krung bcas te spyod lam zhi bar 'dug pa dang / de'i nyin mo mi'i dris ri dwags gcig kyang ma zin to/ /de nas rngon pa de nang par sngar langs te mtshe'u de ga la ba der song nas/ de rngon spyad dang / rnyi dang / rnyong de dag byul bar brtsams pa dang / ri dwags gcig kyang ma mthong nas/ de 'di snyam </font><hr>Nya186b<br><font size=+1>


du sems te/ bdag gi rngon spyad dang / rnyi dang / rnyong 'di dag don yod pa yin na/ gang gi phyir der ri dwags gcig kyang ma zin pa 'di'i rgyu gang yin snyam nas/ des mtshe'u de'i than kor byul bar brtsams pa dang / mi'i rjes mthong nas/ de rjes de'i phyi bzhin du song ba dang / rang sangs rgyas spyod lam zhi bar 'dug pa de mthong nas des bsam pa/ rab tu byung ba sems zhi ba 'di dag /gnas 'di lta bu dag tu mngon par dga' bar byed pas/ gal te bdag gis 'di'i srog bcad pa ma byas na/ 'di dag gis nges par bdag gi 'tsho ba gcod par byed kyi/ rnam pa thams cad du 'di gsad par bya'o/ /snyam nas snying rje med pa'i sems dang ldan pa/ 'jig rten pha rol btang ba des mda' dug can gyis gzhu rnga'i dbyibs 'dra ba rna drung du thug par bkang ste/ rang sangs rgyas de'i gnad du bsnun to/ /rang sangs rgyas bdag nyid chen po des bsam pa/ rngon pa nyon mongs pa 'di/ ha cang rmas pa dang / nyams par gyur na mi rung gi /'di la la gnas drang ba sbyin no/ /snyam nas des ngang pa'i rgyal po 'dab ma brkyang ba ltar steng gi nam mkha' la mngon par 'phags nas 'bar ba dang / gsal ba dang / char 'bebs pa dang / glog 'byin pa'i cho 'phrul dag bya bar brtsams so/ /so so'i skye bo ni/ rdzu 'phrul la myur du sems gtod par byed pa yin pas/ rngon pa de shing ljon pa rtsa ba nas bcad pa bzhin du rang sangs rgyas de'i rkang pa gnyis kyi drung du bsgyel nas smras pa/ yon gnas yang dag par gyur pa mar gshegs su gsol/ mar gshegs su gsol/ nyon mongs pa'i 'dam du bying ba bdag </font><hr>Nya187a<br><font size=+1>


@#/ /gi sug ba nas drang ba stsal du gsol/ rang sangs rgyas de rngon pa de la rjes su snying rje ba'i phyir steng gi nam mkha' las shod du babs so/ /de nas rngon pa des zug rngu med par byas te rma lhan gyis glan nas smras pa/ 'phags pa/ sdum par gshegs su gsol/ gal te 'dir gser gyi lhan pas glan par mdzad nas/ de yang bdag gis sbyar bar bgyi'o/ /rang sangs rgyas kyis bsam pa/ bdag gis rnag gi lus 'dis thob par bya ba gang yin pa thob zin pas/ de'i phyir da ni/ phung po lhag ma med pa'i mya ngan las 'das pa'i dbyings su 'jug par bya'o/ /snyam nas/ de rngon pa de nyid kyi mdun du'ang nam mkha'i dkyil du 'phags te/ cho 'phrul rnam pa sna tshogs dag rnam par bstan nas phung po'i lhag ma med pa'i mya ngan las 'das pa'i dbyings su yongs su mya ngan las 'das so/ /rngon pa de/ nor dang ldan pa yin pas/ des spos kyi shing thams cad kyis phung por bcer te bsregs nas phung po de 'o mas zhi bar byas te/ rus pa de dag gser gyi bum par bcug nas lam po che'i bzhi mdor lus kyi mchod rten rtsig tu bcug ste/ gdugs dang / rgyal mtshan dang / ba dan dag bsgreng zhing / dri dang / phreng ba rgyu dang / bdug spos dang / phye ma dang / sil snyan dag gis mchod pa byas nas rkang pa gnyis la phyag 'tshal te smon lam 'di skad ces/ bdag yon gnas yang dag par gyur pa 'di lta bu la gnod pa byas pa gang yin pa'i las de'i cha dang mthun par mi 'gyur bar </font><hr>Nya187b<br><font size=+1>


mchod pa byas pa gang yin pa'i dge ba'i rtsa ba 'dis/ bdag phyug pa/ nor mang ba/ longs spyod che bar skye zhing / 'di las ches khyad par du 'phags pa'i ston pa mnyes par byed cing / thugs byung bar mi byed pa'i yon tan gyi rnam pa de lta bu thob par gyur cig /ces btab bo/ /dge slong dag /de la de'i tshe de'i dus na rngon pa gang yin pa de ni/ dge slong u tra ya na yin te/ des rang sangs rgyas kyi gnad du mda' dug can gyis bsnun pa gang yin pa'i las de'i rnam par smin pas/ bskal par sems can dmyal ba chen po mnar med par gdungs nas las de nyid kyi lhag mas tshe rabs lnga brgyar mtshe'u de nyid du ri dwags su gyur nas mda' dug can gyis gnad du bsnun cing dus la bab ste/ da ltar gyi bar du'ang dgra bcom pa thob kyang / de mtshon gyis yongs su mya ngan las 'das so/ /mchod pa byas nas smon lam btab pa gang yin pa des ni/ da ltar phyug pa/ nor mang ba/ longs spyod che bar skyes shing / nga'i bstan pa la rab tu byung nas nyon mongs pa thams cad spangs pas dgra bcom pa nyid mngon sum du byas shing / 'dis rang sangs rgyas bye ba phrag 'bum pas ches khyad par du 'phags pa'i ston pa nga mnyes par byas shing thugs byung bar ma byas so/ /dge slong dag /de ltar na/ las gcig tu nag pa rnams kyi rnam par smin pa ni/ gcig tu nag pa yin la/ las gcig tu dkar ba rnams kyi rnam par smin pa'ang gcig tu dkar ba yin la/ las 'dren ma rnams kyi rnam par smin pa'ang 'dren ma yin no/ /dge </font><hr>Nya188a<br><font size=+1>


@#/ /slong dag /de lta bas na/ las gcig tu nag pa rnams dang / 'dren ma rnams spangs te/ las gcig tu dkar ba rnams la brtsal bar bya ste/ dge slong dag /khyed kyis de ltar bslab par bya'o/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa/ rgyal po gtsug phud can dang / grong khyer sgra sgrog na gnas pa'i skye bo'i tshogs dang / tshe dang ldan pa kA t+yA ya na chen pos las ci bgyis na/ des dog sas non par gyur nas/ blon po'i mchog he ru ka dang / b+hi ru ka gnyis kyis las ci zhig bgyis na/ bros par gyur/ bcom ldan 'das kyis bka' stsal pa/ dge slong dag /de dag nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas/ de dag nyid kyis las byas shing bsags pa dag gzhan su zhig gis so sor myong bar 'gyur/ dge slong dag / las byas shing bsags pa dag ni/ phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar/ las dge ba dang / mi dge ba byas shing bsags pa dag ni/ zin pa'i phung po dang / khams dang / skye mched dag la rnam par smin par 'gyur te/ las rnams bskal pa brgyar yang ni// </font><hr>Nya188b<br><font size=+1>


chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag /sngon byung ba ri brag cig na/ khyim bdag cig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod par byed pa de la bu khye'u zhig byung ngo| |yang rtse bar byed/ dga' bar byed/ dga' mgur spyod par byed pa de la bu mo zhig byung nas de gnyis bsrings shing bskyed de chen por gyur to/ /bu mo de dang na mnyam pa'i bu mo dag slong ba 'ongs na/ bu mo de la slong ba 'ga' yang ma 'ongs so/ /sangs rgyas rnams 'byung ba med pa'i tshe rang sangs rgyas dman pa dang / dkren pa la rjes su snying brtse ba/ bas mtha'i gnas mal la dga' ba/ bse ru lta bu gcig pu 'jig rten gyi yon gnas su gyur pa dag 'jig rten du byung ngo / /ji tsam na rang sangs rgyas shig ljongs rgyu zhing song ba na/ ri brag der phyin nas bu mo des khyim phyags nas phyag dar rib ma'i steng nas bor ba de/ rang sangs rgyas bsod snyoms la rgyu ba de'i mgor phog go /bu mo des der phog pa mthong nas 'gyod pa'i sems kyang ma skyes la/ stes dbang gis de nyid kyi nyin mo de slong ba 'ongs nas/ ming pos de la dris pa/ deng khyod kyis ci byas na/ des na/ khyod slong ba 'ongs so/ /des smras pa/ bdag gis deng rab tu byung ba'i steng du phyag dar bor </font><hr>Nya189a<br><font size=+1>


@#/ /ro| |des 'dzum phyung ba dang / bu mo des bu mo gzhan dag la sbran cing des kyang gzhan dag la sbran nas/ 'jig rten la bu mo gang dang gang slong ba mi 'ong ba des/ rang sangs rgyas kyi steng du phyag dar bor na/ de la slong ba 'ong ngo / /zhes sdig pa can gyi lta ba'i rnam pa de lta bu byung ngo / /bdag nyid chen po rnams ni/ bsnyen bkur ma yin pas 'jigs pas/ rang sangs rgyas de ri brag de nas song ba dang / drang srong mngon par shes pa lnga dang ldan pa rnams kyi steng du dor bar brtsams nas de dag kyang dong ba dang / pha ma dag gi steng du dor bar brtsams so/ /ri brag de na khyim bdag dge ba'i chos can gnyis shig 'khod pa de gnyis kyis smras pa/ shes ldan dag /dam pa ma yin pa'i chos 'phel ba 'di bzlog par bya'o/ /zhes de gnyis kyis bzlog cing spangs so/ /dge slong dag /de'i tshe de'i dus na/ bu mo gang gis rang sangs rgyas kyi steng du phyag dar bor ba de ni/ rgyal po gtsug phud can 'di yin no/ /ri brag de na gnas pa'i skye bo'i tshogs gang yin pa de ni/ grong khyer sgra sgrog na gnas pa'i skye bo'i tshogs 'di dag yin te/ 'di dag gis rang sangs rgyas dang / drang srong dang / pha ma dag gi steng du phyag dar bor ba gang yin pa de'i las kyi rnam par smin pas sas non par gyur to/ /khyim bdag gnyis kyis bzlog pa gang yin pa de ni/ blon po'i mchog he ru ka dang / b+hi ru ka </font><hr>Nya189b<br><font size=+1>


gnyis yin te/ las de'i rnam par smin pas bros par gyur to/ /bu mo'i ming po gang gis 'dzum phyung ba de ni/ dge slong kA t+yA ya na chen po yin te/ des 'dzum phyung ba gang yin pa'i las de'i rnam par smin pas sas g.yogs te/ gal te dge slong kA t+yA ya na chen pos yon tan gyi tshogs 'di lta bu rtogs par ma gyur du zin na/ dge slong kA t+yA ya na chen po sas non cing tshul ma yin pas sdug bsngal bar 'gyur ro/ /dge slong dag /de lta na/ las gcig tu nag pa rnams kyi rnam par smin pa ni/ gcig tu nag pa yin la/ las gcig tu dkar ba rnams kyi rnam par smin pa yang gcig tu dkar ba yin/ las 'dren ma rnams kyi rnam par smin pa yang 'dren ma yin no/ /dge slong dag /de lta bas na/ las gcig tu nag pa dang / 'dren ma rnams spangs te/ las gcig tu dkar ba rnams la brtsal bar bya ste/ dge slong dag /khyed kyis de ltar bslab par bya'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /ko'u sham+b+hi na khyim bdag nor bzang zhes bya ba| phyug pa/ nor mang ba/ longs spyod che ba zhig 'dug pa de'i khyim rgyal po shar pa'i drung na 'dug cing / de nang par sngar langs te las kyi mtha' dag la rtog tu 'gro'o/ /de dbyig gi gdangs can yin pas/ rgyal po shar pas sgra'i gdangs las de la gser bzhag pa 'bum yod par shes so/ /ji tsam dus gzhan zhig na/ rgyal po shar pa don gyi gnas na 'dug pas blon po rnams la smras pa/ shes ldan dag </font><hr>Nya190a<br><font size=+1>


@#/ /khyim bdag nor bzang / nyi ma re re zhing nang par sngar langs te rang nyid las kyi mtha' dag la rtog tu 'gro ste/ 'di gser bzhag pa 'bum yod ces grag na/ ci'i phyir na/ bdag nyid ngal bar byed/ blon po rnams kyis smras pa/ lha/ 'di la gser bzhag pa 'bum ga la mchis te/ gal te 'di la gser bzhag pa 'bum mchis na/ ci'i slad du bdag nyid dam bar bgyid/ rgyal pos smras pa/ shes ldan dag /gal te khyed cag yid mi ches na/ khyim bdag nor bzang pos shig dang dri'o/ /de dag gis khyim bdag nor bzang pos nas/ rgyal pos dris pa/ khyim bdag khyod la gser bzhag pa 'bum yod dam/ lha/ mchis te/ gal te bzhes na/ bzhes su gsol/ khyim bdag/ nga ni/ gser don du gnyer ba ma yin gyi/ 'di ltar/ ngas khyod la ci yod dam med ces dris par zad do/ /lha/ mchis te/ lhas ji ltar mkhyen pa de zhu'o/ /rgyal pos smras pa/ khyim bdag /khyod dbyig gi gdangs can yin pas ngas sgra'i gdangs las shes so/ /khyim bdag nor bzang rgyal pos gdangs las shes pas/ de'i ming khyim bdag gdangs can/ khyim bdag gdangs can zhes bya bar gyur to/ /rgyal pos de la smras pa/ khyim bdag /khyod phyug por gyur pa yin na/ ci'i phyir khyod rang gis zhal ta byas te las kyi mtha' dag byed du 'jug /des smras pa/ lha/ gal te bdag gis rang gi zhal ta bgyis te las kyi mtha' dag bgyid du ma stsal na/ bdag gi longs spyod dag 'phel zhing rgyas pa dang / yangs par yang mi 'gyur </font><hr>Nya190b<br><font size=+1>


la lhas kyang bdag dbyig gi gdangs can legs par mkhyen par mi 'gyur ro/ /rgyal pos smras pa/ khyim bdag /khyod ci'i phyir glang po che dang / rta dag gis mi 'gro/ lha/ bdag khyim khol lags pas/ glang po che dang / rta dag gis mchi ba bdag gi tshul dang mthun pa ma lags so/ /rgyal pos bsam pa/ grogs 'di lta bus rgyal srid byed du gzhug par nus kyi/ 'di blon po kho nar gzhug go /snyam du rig nas smras pa/ khyim bdag/ blon po gyis shig dang / lhan cig tu rgyal srid byed du gzhug go /des smras pa/ lha/ de skad ces bka' stsal pa mi rigs te/ bdag ni/ khyim khol lags pas bdag zhing las kyi mtha' rjes su sgrub par rigs kyi| blon por mi rigs so/ /rgyal pos de lta de ltar nan gyis mnan na/ ci nas kyang gdon mi za bar khas len par shes te/ nan gyis mnan nas des kyang khas blangs so/ /de nas rgyal pos de blon por bcug nas khyim bdag gdangs can gyis chos dang rigs pas/ rgyal po'i bya ba dang / rgyal po'i byed pa dag bya bar brtsams nas des blon po thams cad zil gyis mnan pa dang / de dag phrag dog skyes te nyid mi bde bar gyur nas 'dus te smras pa/ shes ldan dag /bdag cag 'di ltar khyim bdag gdangs can gyis zil gyis mnan par gyur na/ 'di la ji ltar bsgrub par bya/ de na kha cig gis smras pa/ 'di la ci'i phyir sgrub tu med/ 'di ji srid du gtan du gting tshugs par ma gyur pa de srid du 'di la rgyal pos chang pas gcod du gzhug par bya'o/ /kha cig gis smras pa/ ma nyes kyi/ de ltar bya'o/ /zhes de dag thams cad 'dus te rgyal pos gan du dong nas </font><hr>Nya191a<br><font size=+1>


@#/ /smras pa/ lha/ rgyal po su lags/ /des smras pa/ khyed cag gi las the tshom za/ rgyal por nga yin mod/ gzhan su zhig yin/ de dag gis smras pa/ lha/ gdangs can rgyal po lags kyi/ khyod ni/ ma lags te/ gal te de 'tshal par gyur na/ lha bkrongs te rang nyid cod pan bcings nas rgyal srid kyi dbang phyug gi bdag po bgyid du stsol bar 'gyur ro| |rgyal pos smras pa/ shes ldan dag /ci'i phyir de de ltar 'gyur te/ de ni/ chos gtso bor byed pa yin pas/ ji ltar de ltar byed par 'gyur/ de dag gis smras pa/ bdag cag gi lha'i mngon sum du 'gyur bar bgyi'o/ /ji tsam dus gzhan zhig na khyim bdag gdangs can rgyal pos nye bar 'tsho ba'i rgol ba dang / phyir rgol ba dag gis yongs su bskor cing rgyal po'i pho brang du zhugs nas rgyal po'i pho brang du thams cad skye bo'i tshogs kyis gang bar des rgyal po bya ba dang / rgyal po'i byed pa dag byas nas rgyal po'i pho brang nas phyir byung ba dang / rgyal pos nye bar 'tsho ba sngon 'khod pa dag kyang de dang lhan cig phyir byung ste/ rgyal po'i tshogs med par 'dug pa dang / blon po de dag gis rgyal po la smras pa/ lha gzigs sam/ bdag cag gis gsol ba gang lags pa de ni/ 'di lags te/ gal te 'di 'tshal bar gyur na/ lha bkrongs te rang nyid cod pan bcings nas rgyal srid kyi dbang phyug gi bdag po bgyid du stsal </font><hr>Nya191b<br><font size=+1>


bar 'gyur ro/ /rgyal pos bsam pa/ re zhig 'di brtag par bya'o/ /snyam nas des de rgyu ba dang / gnas pa las brtag par brtsams pa dang / ji tsam na byang lam nas ded dpon gyis zong rta ded de ko'u sham+b+hir phyin nas rgyal pos gdangs can la bsgo ba/ gser 'bum gyis rta dag nyos shig /des gser 'bum gyis rta dag nyos pa dang / rgyal pos gdangs can la bsgo ba/ 'bum gyi phyed byin la 'di skad ces/ bdag gis 'bum tshang bar byin zin to/ /zhes byos shig/ des smras pa/ lha/ de mi rigs te/ gal te de ltar bgyis na/ slan chad 'dir chibs rta 'tshong pa dang / gzhan 'ga' yang mchi bar mi 'gyur gyi/ 'di ltar lha'i dkor las 'bum phyed stsol cig dang / bdag gis 'bum phyed stsal to/ /rgyal pos smras pa/ khyim bdag/ nga'i tshig de bzhin smras na/ 'di la ci 'gal/ des smras pa/ lha/ bdag gis tshe gcig gi sdug bsngal gyi don du tshe rabs mang po'i sdug bsngal skyed par rngo mi thogs so/ /rgyal pos de la lan gsum gyi bar du smras na yang de ma btub nas/ de nas rgyal pos blon po rnams la smras pa/ shes ldan dag/ gang gis rgyal po rgyal rigs spyi bor dbang bskur ba'i bka' lan gsum gyi bar du bcag pa de'i chad pa ci yin/ blon po rnams kyis smras pa/ lha| de'i chad pa ni/ dgum pa lags so/ /des smras pa/ shes ldan dag /gal te de ltar na/ ngas khyim bdag gdangs can yongs su btang ngo / /blon po rnams kyis mi gshed ma dag la bsgo ba/ </font><hr>Nya192a<br><font size=+1>


@#/ /shes ldan dag/ lhas bka' stsal pa/ khyim bdag gdangs can sod cig ces byung ngo / /rgyal pos mi gshed ma pa de dag la gsang ste bsgo ba/ khyod kyis khyim bdag gdangs can gsad par mi bya bar 'di ltar bsdigs par bya'o/ /de dag gis de'i mgrin par kA ra bI ra'i phreng ba btags te grong khyer gyi dbus nas gsod sar khrid pa dang / de'i nye du dag dong ste smras pa/ khyim bdag/ 'di la lhas bka' ci stsal ba de ltar gyis la bdag nyid gsod du ma gzhug cig/ des smras pa/ kho bos lha'i bka' chos dang ldan pa bcag gam/ ci/ gal te lhas kho bo nyes pa med pa/ gnod pa mi byed pa gsod na/ gsod du zad/ kho bos tshe gcig gi sdug bsngal gyi phyir tshe rabs mang po'i sdug bsngal skyed par mi nus so/ /mi gshed ma pa de dag gis de gsod sar khrid de smras pa/ khyim bdag/ lhas bka' ci stsal ba de ltar gyis la bdag nyid gsod du ma gzhug cig/ des smras pa/ kho bos lha'i bka' chos dang ldan pa bcag gam/ ci/ gal te lhas kho bo nyes pa med pa/ gnod pa mi byed pa gsod na/ gsod du zad/ kho bos tshe gcig gi sdug bsngal gyi phyir tshe rabs mang po'i sdug bsngal skyed par mi nus so/ /mi gshed ma pa de dag gis de rgyal po'i gan du khrid de smras pa/ lha/ khyim bdag gdangs can de 'di skad ces mchi'o/ /rgyal pos smras pa/ khyim bdag/ nga khyod </font><hr>Nya192b<br><font size=+1>


gsod par 'dod pa ma yin te/ 'di ltar brtag par 'dod do/ /des smras pa/ lhas bdag brtag pa'i dgongs pas gnas skabs 'di lta bu stsal na/ gal te bkyon na/ ji ltar bgyis par 'gyur/ 'di ltar/ gal te lha bdag la dgyes na/ bdag sbyin pa dag stsol cing / bsod nams dag bgyid par ci gnang / rgyal pos smras pa/ khyim bdag/ gal te de ltar na/ gnang gi/ ci dgar sbyin pa dag byin cig/ bsod nams dag gyis shig/ de nas khyim bdag gdangs can gyis/ sbyin pa'i khang pa rtsig tu bcug ste sbyin pa'i zhal ta pa'i mi dag bskos nas smras pa/ shes ldan dag/ gal te 'dir sngon ma byung ba'i rtags dang / cha lugs can gyi dge sbyong ngam/ bram ze'am/ gzhan dag 'ongs par gyur na/ kho bo la spron cig/ ji tsam na lho lam nas drang srong lnga brgya tsam yul dbus su 'phags pa de dag mthar gyis lam du 'dong ba na/ dgon pa'i lam du phyin nas de dag dgon pa'i nang du son pa na/ chu zad nas de dag chu dang bral ba'i skom gyis gdungs nas/ dgon pa'i lam der phan tshun byul bar brtsams pa dang / de phan tshun nyul ba de dag gis ha cang thag mi ring ba na gsing ma sngon mo'i phyogs na/ shing ljon pa zhig mthong nas/ de na kha cig gis smras pa/ shes ldan dag gsing ma sngon po'i phyogs 'di na shing ljon pa zhig snang gi/ tshur shog dang / 'di na chu yod par 'gyur gyi/ bltar 'dong ngo / /gzhan dag gis smras pa/ </font><hr>Nya193a<br><font size=+1>


@#/ /legs kyi/ de bzhin bya'o/ /zhes de dag der dong ba dang / ji tsam na chu med par mthong nas de dag gis gsol pa gdab par brtsams te/ shes ldan dag /sa phyogs dang| shing ljon pa 'di la lha'am/ klu'am/ gnod sbyin nam/ nam mkha' lding ngam/ dri za'am/ mi 'am ci'am/ lto 'phye chen po gang gnas pa des/ bdag cag drang srong lnga brgya skom gyis gdungs pa rnams la chu byin cig/ ces smras so/ /ji tsam na shing ljon pa de las lag pa rgyan thams cad kyis brgyan pa zhig gser gyi ril ba b+hing gar thogs te byung nas drang srong rnams kyis snyim pa bzed de chu btung bar brtsams nas ji tsam na myangs na/ chu yan lag brgyad dang ldan pa yin te/ bsil pa dang / mngar ba dang / yang ba dang / 'jam pa dang / gsal ba dang / dri nga ba med pa dang / 'thungs pa na mgul la mi gnod pa dang / 'thungs pa na lto mi na ba yin te/ de dag tshim par gyur nas ril ba bkang ste shis pa brjod nas 'phags te dong ba dang / de dag la blo skyes pa/ shes ldan dag/ bdag cag gis de lta bu'i ya mtshan mthong nas de la khyod su yin/ las gang gis 'dir skyes zhes ma dris pa ni/ bdag cag nyams pa yin gyi/ tshur shog / phyir log la dri'o/ /snyam nas/ de dag thams cad 'dus te phyir log nas shing ljon pa de'i drung du 'khod de smras pa/ shing ljon pa 'di la lha'am/ klu'am/ gnod sbyin nam/ nam mkha' </font><hr>Nya193b<br><font size=+1>


lding ngam/ dri za'am/ mi'am ma ci'am/ lto 'phye chen po gang gnas pa gang gis/ bdag cag dgon pa'i lam du song ba/ gnod pa dang / nyam nga ba dang / mi bde bar gyur cing / 'chi ba'i dbang du gyur pa rnams la chu yan lag brgyad dang ldan pas tshim par byas pa des/ bdag gang yin pa dang / las gang gis 'dir skyes pa smros shig/ ji tsam na shing ljon pa de las tshig byung ba/ shes ldan dag/ dzam+bu'i gling pa'i mi rnams ni/ yid ches par dka' ba yin pas/ kho bo su yin pa dang / las gang gis 'dir skyes pa yid ches par mi 'gyur bas/ ji ltar smra bar bya/ drang srong rnams kyis smras pa/ kye/ bdag cag gis mngon sum kho nar mthong na/ ji ltar yid ches par mi 'gyur/ the tshom ma za bar smros shig/ des smras pa/ shes ldan dag/ gal te de ltar na/ nyon cig dang / kho bo gang yin pa dang / las gang gis 'dir skyes pa smra bar bya'o/ /yul ko sa la dag na grong khyer mnyan yod ces bya ba de na/ khyim bdag mgon med zas sbyin zhes bya ba 'dug pa de'i khyim drung na/ kho bo bzang mkhan byed cing 'dug 'dug ste/ de mgon med pa rnams la zas sbyin par byed pas/ yul tha dad pa na gnas pa'i slong mo pa dag lhags shing lhags shing kho bo la khyim bdag mgon med zas sbyin gyi khyim gang yin pa zhes 'dri nas kho bos lag pa g.yas pa brkyang ste de dag la khyim bdag mgon med zas sbyin gyi khyim 'di yin no/ /zhes smras pa dang / de dag gis de nas lag pa gang ba dang / snod </font><hr>Nya194a<br><font size=+1>


@#/ /gang ba dang / 'byor pa thob pa dang / rnyed pa thob cing 'dong ba de dag kho bos mthong nas mchog tu dga' ba skyed par byed de/ kho bo las des rgyal chen bzhi'i ris kyi lha rnams kyi nang du skyes shing / shing ljon pa 'di la gnas te/ de phyir kho bo'i lag pa g.yas pa shin tu lham me/ lhan ne/ lhang nger gyur to/ /de dag gis shis pa brjod pas bstod de dong ngo| |ji tsam na phyogs gzhan zhig tu phyin nas bza' ba dang btung ba zad de/ de dag bkres pas gdungs shing / skom pas gdungs nas kun tu brtag par brtsams pa dang / ji tsam na ha cang thag mi ring ba zhig na/ shing ljon pa chen po lo ma sngo zhing snun pa zhig snang nas de dag gis smras pa/ shes ldan dag/ shing ljon pa chen po lo ma sngo zhing snum pa 'di lta bu snang ste/ sngar yang bdag cag gis shing ljon pa 'di lta bu kho na las chu grub kyi/ 'dir 'dong dang / gal te na cung zad 'grub par 'gyur ro/ /zhes de dag der dong ste gsol ba gdab bar brtsams pa/ shes ldan dag /sa phyogs dang / shing ljon pa 'di la lha'am/ klu'am/ gnod sbyin nam/ nam mkha' lding ngam/ dri za'am/ mi'am ci'am/ lto 'phye chen po gang gnas pa des/ bdag cag drang srong lnga brgya bkres pas gdungs pa dang / skom pas gdungs pa rnams la zas dang skom byin cig/ ces smras so/ /ji tsam na shing ljon pa de las tshig byung ba/ shes ldan dag/ dengs </font><hr>Nya194b<br><font size=+1>


shig dang 'di nas ha cang mi ring ba na rdzing bu zhig yod pa de'i 'gram na/ shing ljon pa zhig yod pa de'i drung na 'bras chan bre po gang zhig 'dug pa de las zos shing 'thungs nas bza' ba dang / btung ba ci 'dod pa khyer cig/ de dag dong ba dang / ji tsam na rdzing bu bya ngang pa dang / kA raN+Da pa dang / ngur pas mdzes par byas pa zhig 'dug pa de'i 'gram na/ shing ljon pa zhig 'dug pa de'i drung na 'bras chan tshod ma sna tshogs dang bcas pas gang ba zhig 'dug pa mthong nas/ de dag gis der khrus byas te zos shing chu 'thung nas ril ba chus bkang ste bza' ba dang / btung ba ci 'dod pa khyer nas shis pa brjod de dong ba dang / de dag la blo skyes pa/ shes ldan dag/ bdag cag gis de lta bu'i ya mtshan mthong nas de la khyod su yin/ las gang gis 'dir skyes zhes ma dris pa ni/ bdag cag nyams pa yin gyi/ tshur shog/ phyir log la dri'o/ /snyam nas/ de dag thams cad 'dus te phyir log nas shing ljon pa de'i drung du 'khod de smras pa/ shing ljon pa 'di la lha'am/ klu'am/ gnod sbyin nam/ nam mkha' lding ngam/ dri za'am/ mi'am ci'am/ lto 'phye chen po gang gnas pa gang gis/ bdag cag dgon pa'i lam du song ba/ gnod pa dang / nyam nga dang / mi bde bar gyur cing / 'chi ba'i dbang du gyur pa rnams la chu yan lag brgyad dang ldan pa dang / zas kyis tshim par byas pa des/ bdag gang yin pa dang / las gang gis 'dir skyes </font><hr>Nya195a<br><font size=+1>


@#/ /pa smros shig/ ji tsam na shing ljon pa de las tshig byung ba/ shes ldan dag/ dzam+bu'i gling pa'i mi rnams ni/ yid ches par dka' ba yin pas/ kho bo su yin pa dang / las gang gis 'dir skyes pa yid ches par mi 'gyur bas/ ji ltar smra bar bya/ drang srong rnams kyis smras pa/ kye/ bdag cag gis mngon sum kho nar mthong na/ ji ltar yid ches par mi 'gyur/ the tsom ma za bar smros shig/ des smras pa/ shes ldan dag/ gal te de ltar na/ nyon cig dang / kho bo gang yin pa dang / las gang gis 'dir skyes pa smra bar bya'o/ /yul ko sa la dag na grong khyer mnyan yod ces bya ba de na/ khyim bdag mgon med zas sbyin zhes bya ba zhig 'dug pa de mgon med pa rnams la zas sbyin par byed nas ri brag cig na bram ze zhig 'dug pa longs spyod bsrabs nas des bsam pa/ mnyan yod na khyim bdag mgon med zas sbyin 'dug pa de mgon med pa rnams la zas sbyin par byed kyi/ de'i gan du song na/ de las cung zad 'grub par 'gyur ro/ / snyam nas de de'i gan du song ba dang / khyim bdag mgon med zas sbyin yang / sangs rgyas la sogs pa dge slong gi dge 'dun bshos gsol bar 'dong nas/ rgyal byed kyi tshal du 'phags pa na| des de mthong nas smras pa/ khyim bdag/ bdag la zas kyi mgron gyis shig/ des de la smras pa/ bram ze/ tshur shog/ rgyal byed kyi tshal du 'dong la der zo zhig/ da de dang lhan </font><hr>Nya195b<br><font size=+1>


cig 'phags pa dang / ji tsam na khyim bdag mgon med zas sbyin gyis lam gar zho'i bum pa zhig rnyed nas des de bram ze de la byin nas smras pa/ bram ze/ zho'i bum pa 'di dge 'dun la brims shig/ khyim bdag mgon med zas sbyin gyis sangs rgyas la sogs pa dge slong gi dge 'dun zhal zas bsod pas tshim par byas pa dang / bram ze des kyang zho'i bum pa de dge 'dun la brims so/ /khyim bdag mgon med zas sbyin gyis sangs rgyas la sogs pa dge slong gi dge 'dun gdugs tshod gsol nas khyim pa dag la zan sbyin par brtsams te/ des khyim pa gzhan dag la ni/ zas bsod pa byin/ bram ze de la ni/ ngan pa byin pa dang / des de la smras pa/ khyim bdag/ rab tu byung ba rnams ni/ bslab pa yang dag par blangs pa yin pas/ re zhig 'di dag la ni/ bsod pa sbyin par rig na/ bdag cag khyim pa bslab pa yang dag par ma blangs par 'dra na/ ci'i phyir khyim pa gzhan dag la ni/ zas bsod pa byin la/ bdag la ni/ zas ngan pa sbyin/ des de la smras pa/ bram ze/ khyim pa 'di dag kyang bslab pa yang dag par blangs pa yin te/ 'di dag gis kyang yan lag brgyad dang ldan pa'i gso sbyong blangs so/ /des de la smras pa/ khyim bdag/ gal te bdag gis kyang yan lag brgyad dang ldan pa'i gso sbyong len na/ bdag la yang zas bsod pa sbyin nam/ des de la smras pa/ sbyin no/ /des yan lag brgyad dang ldan pa'i gso sbyong blangs pa dang / de nas khyim bdag </font><hr>Nya196a<br><font size=+1>


@#/ /mgon med zas sbyin gyis de zas bsod pas tshim par byas nas/ des zos te 'phags pa dang / khyim bdag mgon med zas sbyin gyis smras pa/ bram ze/ yud tsam zhig sdod cig dang / skom 'ongs par 'gyur ro/ /des skom 'thungs te song ba dang / nyi ma nub pa'i dus la bab nas mnyan yod dang ha cang mi ring ba na ri brag cig yod pa der bram ze'i khyim zhig tu gnas pa dang / bram ze des de la smras pa/ bram ze/ zan zo zhig /des smras pa/ kho bos zan mi za'o/ /des smras pa/ ci'i phyir/ des smras pa/ kho bos dge sbyong go'u ta ma la yan lag brgyad dang ldan pa'i gso sbyong blangs so/ /des de la smras pa/ bram ze/ gal te re zhig za na/ de lta na legs/ gal te mi za na/ kho bo'i khyim du gnas par mi bya'o/ /des dus ma yin par zos nas gso sbyong ral lo/ /ri brag na gnas pa'i bram ze gang yin pa gang gis yan lag brgyad dang ldan pa'i gso sbyong blangs nas dral ba de ni/ kho bo yin te/ kho bos yan lag brgyad dang ldan pa'i gso sbyong blangs te thams cad ma dral na/ kho bo sum cu rtsa gsum pa'i lha rnams kyi nang du skye bar 'gyur ba zhig na/ kho bos yan lag brgyad dang ldan pa'i gso sbyong blangs nas dus ma yin par zos te gso sbyong dral bas/ kho bo rgyal chen bzhi'i lha rnams kyi nang du skyes te/ shing ljon pa 'di la gnas shing / de'i phyir kho bo la rgyal chen bzhi'i ris kyi lha rnams kyis/ lha'i </font><hr>Nya196b<br><font size=+1>


bu rdzu 'phrul che ba/ mthu che ba/ gso sbyong ral zhes bya bar shes so// //'dul ba rnam par 'byed pa/ bam po don gsum pa/ drang srong de dag mchog tu ngo mtshar skyes te smras pa/ shes ldan dag /bdag cag drang srong rnams kyis dus 'di srid du brtul zhugs la gnas pas kyang / 'di'i 'bras bu cir 'gyur mi shes na/ lha'i bu gso sbyong ral ba 'dis/ bram zer gyur pa na yan lag brgyad dang ldan pa'i gso sbyong blangs shing / de bral na yang 'di rgyal chen bzhi'i ris kyi lha rnams kyi nang du skyes kyi/ bdag cag kyang gang du 'dis yan lag brgyad dang ldan pa'i gso sbyong blangs pa der 'dong ngo / /de ltar bya'o/ /zhes de dag gis gros byas te mnyan yod du 'phags nas ji tsam na mthar gyis ko'u sham+b+hir phyin pa dang / khyim bdag gdangs can gyi sbyin pa'i zhal ta byed pa'i mi rnams kyis de dag mthong nas de dag gis khyim bdag gdangs can la sbran pa/ khyim bdag/ khyod kyis bdag cag la bsgo ba/ sngon ma byung ba'i rtags dang / cha lugs can dag mthong na/ kho bo la sbron cig /ces byung ba de dag lhags te sgo na sdod do/ /des smras pa/ 'jug tu chug cig /de dag gis 'jug tu bcug pa dang / khyim bdag gdangs can gyis de dag mthong nas dris pa/ shes ldan dag /khyed cag gang nas 'ongs/ de dag gis smras pa/ khyim bdag /lho lam nas so/ /des smras pa/ shes ldan dag /khyod kyis lho lam du ngo mtshar mthong ba dang / thos pa ci yod/ de </font><hr>Nya197a<br><font size=+1>


@#/ /dag gis smras pa/ khyim bdag /re zhig bdag cag gis sngar mthong ba dang / thos pa'i ngo mtshar gzhan dag lta zhog gi /te bor mthong ba dang / thos pa'i ngo mtshar gang yin pa dag smra bar bya'i/ nyon cig /des smras pa/ shes ldan dag /smros shig dang kho bo ngo mtshar de dag nyan to/ /de dag gis khyim bdag gdangs can la ji ltar gyur pa rgyas par brjod pa dang / khyim bdag gdangs can gyis thos nas mchog tu ngo mtshar skyes te/ de dag la zan byin nas smras pa/ shes ldan dag /gang du 'dong / de dag gis smras pa/ khyim bdag mnyan yod du 'dong ngo / /shes ldan dag /de na ci yod/ khyim bdag /lha'i bu gso sbyong ral gyis gang la brten te yan lag brgyad dang ldan pa'i gso sbyong blangs pa'i khyim bdag mgon med zas sbyin yod do| |des smras pa/ shes ldan dag /gal te de ltar na/ de kho bo'i yang ma mthong ba'i grogs yin gyi/ 'di nyid du dbyar gyi mtshan mo gyis la dbyar 'das nas kho bo dang lhan cig 'dong ngo / /de dag de nyid du dbyar gyi mtshan mo gnas te dbyar 'das nas mnyan yod du 'phags pa dang / khyim bdag gdangs can gyis bad sa'i rgyal po shar pa la smras pa/ lha/ bdag mnyan yod du bgyi ba cung zhig mchis na/ gal te lhas gnang na/ der mchi'o/ /rgyal pos smras pa/ khyim bdag /gal te de ltar na/ song la khyod kyis don sgrub pa byas nas myur du phyir shog cig /de </font><hr>Nya197b<br><font size=+1>


rgyal pos gnang nas drang srong lnga brgya po de dag dang lhan cig 'phags te mthar gyis mnyan yod du phyin nas skyed mos tshal na sdod cing 'dug go /khyim bdag mgon med zas sbyin gyis khyim bdag gdangs can 'dir 'ongs te skyed mos tshal na sdod cing 'dug go /zhes thos so/ /thos nas kyang des bsam pa/ bdag gis khyim bdag gdangs can ma tshor ba kho nar gnas su 'jug tu gzhug pa ni/ bdag gi tshul dang mthun pa ma yin gyi/ bkur sti chen pos 'jug tu gzhug go /snyam nas/ des de bkur sti chen pos 'jug tu bcug ste lam gyis dub pa'i ngal bsos nas zan byin no/ /de nas drang srong de dag lhags nas khyim bdag mgon med zas sbyin gyis 'ongs pa legs so/ /zhes bya ba'i tshig gis kun tu spyad de smras pa/ shes ldan dag /khyed cag gi las 'ongs/ 'dir ci la 'ongs/ de dag gis smras pa khyim bdag /khyod kyis lha'i bu gso sbyong ral la gang byin pa de bdag cag la yang byin cig /des smras pa/ shes ldan dag /mi dran no/ /khyim bdag /bdag cag gis khyod la dran par bya'o/ /shes ldan dag/ legs so/ /de dag gis dran par byas nas des smras pa/ shes ldan dag /ci/ kho bo las len tam/ 'on te bcom ldan 'das las len/ khyim bdag /khyod kyis su las blangs/ shes ldan dag /bcom ldan 'das las so/ /khyim bdag /gal te de ltar na/ bdag cag kyang de kho na las len to/ /shes ldan dag /legs kyi/ de ltar gyis shig /ces des de dag khrid de </font><hr>Nya198a<br><font size=+1>


@#/ /bcom ldan 'das ga la ba der song ngo / /de'i tshe na bcom ldan 'das dge slong gi 'khor brgya phrag du ma'i mdun na chos ston cing bzhugs so/ /bcom ldan 'das kyis khyim bdag mgon med zas sbyin thag ring po kho na nas gzigs so/ /gzigs nas kyang dge slong rnams la bka' stsal pa/ dge slong dag /khyim bdag mgon med zas sbyin thag ring po kho na nas 'ong ba mthong ngam/ btsun pa/ mthong ngo / /dge slong dag /khyim bdag mgon med zas sbyin 'di skyes dang bcas pas 'ongs te/ de bzhin gshegs pa'i skyes ni/ 'di ltar/ gdul ba'i skyes lta bu gzhan med do/ /de nas khyim bdag mgon med zas sbyin drang srong lnga brgya'i 'khor dang bcas pa/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das la khyim bdag mgon med zas sbyin gyis 'di skad ces gsol to/ /btsun pa/ drang srong lnga brgya po 'di dag bcom ldan 'das las yan lag brgyad dang ldan pa'i gso sbyong len par 'tshal na/ de'i slad du bcom ldan 'das kyis 'di dag ci nas kyang sangs rgyas dang / chos dang / dge 'dun la skyabs su mchi ba dang / dge bsnyen nyid du 'tshal bar 'gyur ba de ltar chos bstan du gsol/ /de nas bcom ldan 'das kyis drang srong lnga brgya po de dag gis bsam pa dang / bag la nyal dang / khams dang / rang bzhin thugs su chud nas </font><hr>Nya198b<br><font size=+1>


gang thos nas drang srong lnga brgya po de dag gis phyir mi 'ong ba'i 'bras bu mngon sum du byas pa de lta bur 'phags pa'i bden pa bzhi yang dag par so sor rtogs par byed pa'i chos bstan par mdzad do/ /de dag gis bden pa mthong nas bcom ldan 'das kyi zhabs gnyis la gtugs te gsol ba/ btsun pa/ bdag cag legs par gsungs pa'i chos 'dul ba la rab tu 'byung ba dang / rdzogs par bsnyen pa dge slong gi dngos po 'thob cing / bcom ldan 'das kyi spyan sngar tshangs par spyad pa spyod do/ /bcom ldan 'das kyis de dag la dge slong tshur shog ces pas rab tu dbyung gi /dge slong dag /tshur shog tshangs par spyad pa spyod cig /ces bka' stsal pa dang / de dag bcom ldan 'das kyi bka'i 'jug kho nar skra byi ba dang / snam sbyar gyon par gyur te/ skra dang kha spu zhag bdun skyes pa tsam dang / lag pa lhung bzed dang / bya ba bum gyis 'brel ba dang / dge slong rdzogs par bsnyen nas lo brgya lon pa'i spyod lam lta bur gnas par gyur to/ /yang smras pa/ de bzhin gshegs pas tshur shog bka' stsal pas/ /skra byi snam sbyar gyon pa'i lus ldan zhing / /mod la dbang po rab zhir gnas gyur te/ /sangs rgyas dgongs pas lus gzugs bkab par gyur/ /bcom ldan 'das kyis de dag la gdams ngag byin nas de dag gis spro ba dang / 'bad pa dang / brtsal ba dag gis nyon mongs pa thams cad spangs pas/ dgra bcom pa nyid mngon sum du byas shing / dgra bcom pa khams gsum pa las 'dod chags </font><hr>Nya199a<br><font size=+1>


@#/ /dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan+dan bzhag pa lta bu rig pas sgo nga'i sbubs dral bar gyur cing / rig pa dang / mngon par shes pa dang / so so yang dag par rig pa thob pa dang / srid pa dang / 'dod pa'i rnyed pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur to/ /de nas khyim bdag gdangs can bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te/ mtha' gcig tu 'dug go /mtha' gcig tu 'dug nas bcom ldan 'das khyim bdag gdangs can la chos dang ldan pa'i bka' mchid kyis yang dag par ston par mdzad/ yang dag par 'dzin du 'jug par mdzad/ yang dag par gzengs bstod par mdzad/ yang dag par rab tu dga' bar mdzad cing / sangs rgyas bcom ldan 'das rnams kyi dus sngar mdzad pa'i chos dang ldan pa'i bka' mchid gang yin pa 'di lta ste/ sbyin pa'i bka' mchid dang / tshul khrims kyi bka' chid dang / mtho ris kyi bka' mchid dang / 'dod pa rnams kyi ro myang ba'i nyes dmigs dang / kun nas nyon mongs pa dang / rnam par byang ba dang / nges par 'byung ba dang / rab tu dben pa'i phan yon dang / rnam par byang ba'i </font><hr>Nya199b<br><font size=+1>


phyogs dang mthun pa'i chos dag rgya cher ston par mdzad do/ /gang gi tshe bcom ldan 'das kyis sems rangs pa dang / sems nyams bde ba dang / sems dga' ba dang / sems la sgrib pa med pa dang / yang dag phul gyi chos bstan ba kun shes pa'i skal pa dang ldan zhing mthu yod par gzigs pa de'i tshe na/ sangs rgyas bcom ldan 'das rnams kyis yang dag phul gyi chos bstan pa gang yin pa 'di lta ste/ 'phags pa'i bden pa bzhi po/ /sdug bsngal dang / kun 'byung ba dang / 'gog pa dang / lam dag rgya cher ston par mdzad do/ /'di lta ste/ dper na/ gos dag pa/ nag nog med pa/ kha bsgyur du rung ba| tshon du bcug na/ tshon legs par 'dzin par 'gyur ba de bzhin du/ khyim bdag gdangs can gyis kyang stan de nyid la 'dug bzhin du 'phags pa'i bden pa bzhi po 'di lta ste/ sdug bsngal dang / kun 'byung ba dang / 'gog pa dang / lam mngon par rtogs par gyur ro/ /de nas khyim bdag gdangs can chos mthong ba dang / chos thos pa dang / chos rig pa dang / chos kyi gting sleb pa dang / som nyi las brgal ba dang / the tshom las brgal ba dang / ston pa'i bstan pa la gzhan gyi dring mi 'jog pa dang / gzhan gyis mi bkri zhing chos rnams la mi 'jigs pa thong nas stan las langs te bla gos phrag pa gcig tu byas nas bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa/ bdag ni/ mngon par zhugs pa lags so/ / </font><hr>Nya200a<br><font size=+1>


@#/ /btsun pa/ bdag ni/ mngon par zhugs pa lags te/ btsun pa/ bdag bcom ldan 'das dang / chos dang / dge slong gi dge 'dun la skyabs su mchi yi/ bdag dge bsnyen du gzung du gsol/ deng slan chad ji srid 'tsho'i bar du glo ba thag pa nas mngon par dad pas skyabs su mchi'o/ /de nas bcom ldan 'das kyis khyim bdag gdangs can la bka' stsal pa/ khyim bdag /khyod kyi ming ci/ btsun pa/ bdag nor bzang zhes bgyi ba las/ rgyal po shar pas bdag gdangs las btsal ba las/ de'i slad du bdag skye bo dag gis khyim bdag gdangs can zhes bgyi bar 'tshal to/ /bcom ldan 'das ko'u sham+b+hir gshegs par gsol/ bdag gis bcom ldan 'das dge slong gi dge 'dun dang bcas pa la ji srid 'tsho'i bar du na bza' dang / bsod snyoms dang / gnas mal dang / snyung ba'i rkyen dang / sman gyi yo byad dag gis bsnyen bkur 'tshal lo/ /khyim bdag /ko'u sham+b+hi na/ gtsug lag khang yod dam/ btsun pa/ ma mchis so/ /khyim bdag /dge slong dag ni/ gang na gtsug lag khang yod pa der bgrod pa dang / 'gro ba dang / gnas par sems so/ /bcom ldan 'das gshegs su gsol dang / bdag gis ji ltar ko'u sham+b+hi na| gtsug lag khang mchis par 'gyur ba dang / dge slong rnams kyang bgrod pa dang / mchi ba dang / gnas par sems par 'gyur ba de ltar bgyi'o/ /bcom ldan 'das kyis khyim bdag gdangs </font><hr>Nya200b<br><font size=+1>


can la cang mi gsung bas gnang ngo / /de nas khyim bdag gdangs can gyis bcom ldan 'das kyis cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song nas de la mnyan yod na bya ba'am/ byed pa ci yod pa de thams cad byas shing / bsgrubs nas yang bcom ldan 'das ga la ba der song ste phyin nas bcom ldan 'das kyis zhabs gnyis la mgo bos phyag 'tshal te bcom ldan 'das la 'di skad ces gsol to/ /bcom ldan 'das kyis bdag la grogs dge slong 'ga' zhig stsol cig dang / bdag gis de dang lhan cig bcom ldan 'das kyi slad du gtsug lag khang rtsig tu stsal bar bgyi'o/ /bcom ldan 'das kyis khyim bdag gdangs can 'khor dang bcas pa dang / ko'u sham+b+hi na gnas pa'i skye bo'i tshogs dag /dge slong gang gi gdul ba yin snyam du dgongs na/ dge slong skul byed chen po'i gdul ba yin par gzigs nas de nas bcom ldan 'das kyis tshe dang ldan pa skul byed chen po la bka' stsal pa/ skul byed/ khyim bdag gdangs can 'khor dang bcas pa dang / ko'u sham+b+hi na gnas pa'i skye bo'i tshogs la soms shig /tshe dang ldan pa skul byed chen pos bcom ldan 'das las cang mi smra pas dang du blangs so/ /de nas tshe dang ldan pa skul byed chen po de nyid kyi mtshan mo 'das nas snga dro sham thabs bgos/ lhung bzed dang chos gos thogs te mnyan yod du bsod snyoms la zhugs so/ /mnyan yod du bsod snyoms la </font><hr>Nya201a<br><font size=+1>


@#/ /rgyus nas zas kyi bya ba byas te phyi ma'i zas kyi bsod snyoms las phyir log pas ji ltar longs spyod pa'i gnas mal mkhos su phab ste lhung bzed dang chos gos thogs nas khyim bdag gdangs can dang 'grogs te ko'u sham+b+hi ga la ba de logs su song nas mthar gyis rgyu zhing 'gro ba na/ ko'u sham+b+hir phyin to/ /de nas khyim bdag gdangs can ko'u sham+b+hir ma zhugs pa kho nar kun dga' ra ba nas kun dga'i ra bar dang / skyed mos tshal nas skyed mos tshal du dang / tshal nas tshal du dang / gol bar song ste/ gang du bdag gis bcom ldan 'das kyi phyir gtsug lag khang rtsig tu gzhug ba'i sa phyogs/ ko'u sham+b+hi nas ha cang yang mi ring / ha cang yang mi nye ba/ nyin mo rgyun lugs nyung zhing blag cor chung ba/ mtshan mo sgra chung zhing 'ur sgra chung ba/ sha sbrang dang / sbrang bu dang / rlung dang nyi ma dang / sdig sbrul gyi reg pa nyung ba de lta bu ci yod ces btsal na/ khyim bdag gdangs can gyis rang gi kun dga' ra ba ko'u sham+b+hi nas ha cang yang mi ring / ha cang yang mi nye ba/ nyin mo rgyun lugs nyung zhing blag cor chung ba/ mtshan mo sgra chung zhing 'ur sgra chung ba/ sha sbrang dang / sbrang bu dang / rlung dang / nyi ma dang / sdig sbrul gyi rag pa nyung bar mthong ngo / /mthong nas kyang 'di snyam du sems te/ sa phyogs 'di bzang gi/ 'dir bcom ldan 'das kyi phyir gtsug lag khang rtsig tu gzhug go /snyam mo/ /de nas khyim bdag gdangs can dang / tshe dang ldan pa skul byed chen </font><hr>Nya201b<br><font size=+1>


pos skyed mos tshal der/ bcom ldan 'das kyi phyir gtsug lag khang rta babs mthon po dang ldan pa/ skar khung dang / skar khung zlum po dang / lan kan gyis brgyan pa zhig rtsig tu bcug go /de nas gtsug lag khang byas shing zin nas khyim bdag gdangs can gyis/ tshe dang ldan pa skul byed chen po la 'di skad ces smras so/ /'phags pa/ bcom ldan 'das shul du gshegs pa'i dgongs kyi tshad ji tsam/ khyim bdag /'di lta ste/ dper na/ 'khor los bsgyur ba'i rgyal po dang 'dra'o/ /'phags pa/ 'khor los bsgyur ba'i rgyal po'i ji tsam/ khyim bdag /'khor los bsgyur ba'i rgyal po lam du 'gro ba'i dgongs mal ni/ rgyang grags bcu'o/ /khyim bdag gdangs can gyis rgyang grags bcu bcur gshegs dgongs dag gshom du bcug nas bcom ldan 'das kyi spyan sngar pho nya btang ste/ bcom ldan 'das ko'u sham+b+hir gshegs su gsol/ bdag gis bcom ldan 'das dge slong gi dge 'dun dang bcas pa ji srid 'tsho'i bar du na bza' dang / bsod snyoms dang / gnas mal dang / snyung ba'i rkyen dang / sman gyi yo byad dag gis bsnyen bkur bgyi'o/ /zhes gsol to/ /pho nyas kyang bcom ldan 'das kyi spyan sngar song ste gsol to/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ song la dge slong rnams la/ dge slong dag /bcom ldan 'das bad sa dag tu ljongs rgyur gshegs kyi/ khyed cag las gang de bzhin gshegs </font><hr>Nya202a<br><font size=+1>


@#/ /pa dang thabs cig tu bad sa dag tu ljongs rgyur 'gro bar spro ba des/ chos gos dag longs shig /ces sgos shig /tshe dang ldan pa kun dga' bos/ btsun pa/ bka' bzhin 'tshal zhes bcom ldan 'das las mnyan nas dge slong rnams la/ tshe dang ldan pa dag /bcom ldan 'das bad sa dag tu ljongs rgyur gshegs kyi/ khyed cag las gang de bzhin gshegs pa dang thabs cig bad sa dag tu ljongs rgyur 'gro bar spro ba des chos gos dag longs shig /ces bsgo'o/ /de nas bcom ldan 'das dul ba 'khor dul ba dang ldan pa/ zhi ba 'khor zhi ba dang ldan pa/ grol ba 'khor grol ba dang ldan pa/ dbugs phyin pa 'khor dbugs phyin pa dang ldan pa/ thul ba 'khor thul ba dang ldan pa/ dgra bcom pa 'khor dgra bcom pa dang ldan pa/ 'dod chags dang bral ba 'khor 'dod chags dang bral ba dang ldan pa/ mdzes pa 'khor mdzes pa dang ldan pa/ khyu mchog ltar ba lang gi tshogs kyis yongs su bskor ba/ glang po che ltar glang po che'i phru gu'i tshogs kyis yongs su bskor ba/ seng+ge ltar mche ba can gyis tshogs kyis yongs su bskor ba/ ngang pa'i rgyal po ltar ngang pa'i tshogs kyis yongs su bskor ba/ nam mkha' lding ltar bya'i tshogs kyis yongs su bskor ba/ bram ze ltar slob ma'i tshogs kyis yongs su bskor ba/ sman pa mkhas pa ltar nad pa'i tshogs kyis yongs su bskor ba/ dpa' bo ltar ru ba'i tshogs </font><hr>Nya202b<br><font size=+1>


kyis yongs su bskor ba/ sa mkhan ltar lam du zhugs pa'i tshogs kyis yongs su bskor ba/ ded dpon ltar tshong pa'i tshogs kyis yongs su bskor ba/ tshong pa ltar 'khor gyi tshogs kyis yongs su bskor ba| mkhar gyi rgyal po ltar blon po'i tshogs kyis yongs su bskor ba/ 'khor los bsgyur ba ltar bu stong gi tshogs kyis yongs su bskor ba/ zla ba ltar rgyu skar gyi tshogs kyis yongs su bskor ba/ nyi ma ltar 'od zer stong gi tshogs kyis yongs su bskor ba/ yul 'khor srung ltar dri za'i tshogs kyis yongs su bskor ba/ 'phags skyes po ltar grul bum gyi tshogs kyis yongs su bskor ba/ mig mi bzang ltar klu'i tshogs kyis yongs su bskor ba/ gnod sbyin ltar gnod sbyin gyi tshogs kyis yongs su bskor ba/ thag bzang ris ltar lha ma yin gyi tshogs kyis yongs su bskor ba/ brgya byin ltar sum cu pa'i tshogs kyis yongs su bskor ba/ tshangs pa ltar tshangs ris kyi tshogs kyis yongs su bskor ba/ dbang po rnams shin tu dul ba/ spyod lam dang spyod pa ma 'khrugs pa/ chu gter ltar ting nge ba/ sprin ltar chu dang bcas pa/ glang po che'i rgyal po ltar dregs pa dang bral ba/ skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus sku rnam par mdzes pa/ 'od 'dom gang gis gzugs can brgyan pa/ nyi ma stong bas lhag pa'i 'od dang ldan pa/ rin po che'i ri bo 'gro ba ltar kun tu bzang ba/ stobs bcu dang / mi 'jigs pa bzhi dang / ma 'dres pa'i dran pa nye </font><hr>Nya203a<br><font size=+1>


@#/ /bar gzhag pa gsum dang / thugs rje chen po dang ldan pa/ kun shes kauN+Di n+ya dang / rlangs pa dang / ming chen dang / ma 'gag pa dang / shA ri'i bu dang / mo'u 'gal gyi bu dang / 'od srung dang / kun dga' bo dang / nam gru la sogs pa nyan thos chen po dag dang / gzhan yang dge slong gi dge 'dun mang pos bskor te/ ko'u sham+b+hi ga la ba der rgyu zhing gshegs nas mthar gyis rgyu zhing gshegs pa na ko'u sham+b+hir byon to/ /de nas khyim pa dag gdangs can gyis/ gtsug lag khang yo byad thams cad dang ldan pa de/ bcom ldan 'das nyan thos kyi dge 'dun dang bcas pa la phul nas/ 'di ltar/ gnas brtan dag gis kyang / bcom ldan 'das ko'u sham+b+hi na gdangs can gyi kun dga' ra ba na bzhugs so/ /zhes mdo sde'i mtha' nye bar sbyar to/ /de nas khyim bdag gdangs can bcom ldan 'das nyan thos kyi dge 'dun dang bcas pa la gtsug lag khang phul nas dga' ba dang / mchog tu dga' ba skyes te rang gi khyim du song ngo / /de nas tshe dang ldan pa skul byed chen po bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das la tshe dang ldan pa skul byed chen pos 'di skad ces gsol to/ /btsun pa/ gang dang ldan na/ rigs kyi bu'am/ rigs kyi bu mo dad pa dang </font><hr>Nya203b<br><font size=+1>


ldan pa rgyu ba'am/ gnas pa'am/ nyal ba'am/ mi nyal ba las rtag tu rgyun mi 'chad par bsod nams 'ba' zhig mngon par 'phel ba dang / bsod nams 'ba' zhig nye bar skye ba/ rdzas las byung ba'i bsod nams bya ba'i gzhi shin tu 'bras bu che ba/ phan yon che ba/ snang ba che ba/ rgyas pa che bar gdags su rung ngam/ bcom ldan 'das kyis de la bka' stsal pa/ skul byed/ rung ste/ skul byed/ bdun po 'di dag ni/ gang dag dang ldan na/ rigs kyi bu'am/ rigs kyi bu mo dad pa dang ldan pa rgyu ba'am/ gnas pa'am/ nyal ba'am/ mi nyal ba las rtag tu rgyun mi 'chad par bsod nams 'ba' zhig mngon par 'phel ba dang / bsod nams 'ba' zhig nye bar skye ba/ rdzas las byung ba'i bsod nams bya ba'i gzhi shin tu 'bras bu che ba/ phan yon che ba/ snang ba che ba/ rgyas pa che ba dag yin te/ bdun gang zhe na/ skul byed/ 'di la rigs kyi bu'am/ rigs kyi bu mo dad pa dang ldan pas phyogs bzhi'i dge slong gi dge 'dun la kun dga'i ra ba 'bul bar byed pa 'di ni/ skul byed/ gang dang ldan na/ rigs kyi bu'am/ rigs kyi bu mo dad pa dang ldan pa rgyu ba'am/ gnas pa'am/ nyal ba'am/ mi nyal ba las rtag tu rgyun mi 'chad par bsod nams 'ba' zhig mngon par 'phel ba dang / bsod nams 'ba' zhig nye bar skye ba/ rdzas las byung ba'i bsod nams bya ba'i gzhi shin tu 'bras bu che ba/ phan yon che ba/ rgyas pa </font><hr>Nya204a<br><font size=+1>


@#/ /che ba dang po yin no/ /skul byed/ gzhan yang rigs kyi bu'am/ rigs kyi bu mo dad pa dang ldan pas/ kun dga'i ra ba de nyid du gtsug lag khang rtsig tu 'jug pa 'di ni/ skul byed/ gang dang ldan na/ rigs kyi bu'am/ rigs kyi bu mo dad pa dang ldan pa rgyu ba'am/ gnas pa'am/ nyal ba'am/ mi nyal ba las rtag tu rgyun mi 'chad par bsod nams 'ba' zhig mngon par 'phel ba dang / bsod nams 'ba' zhig nye bar skye ba/ rdzas las byung ba'i bsod nams bya ba'i gzhi shin tu 'bras bu che ba/ phan yon che ba/ snang ba che ba/ rgyas pa che ba gnyis pa yin no/ /skul byed/ gzhan yang rigs kyi bu'am/ rigs kyi bu mo dad pa dang ldan pas/ gtsug lag khang de nyid du gnas mal 'di lta ste/ khri dang / khri'u dang / stan nang tshangs can dang / la ba dang / sngas dang / gor bu dag 'bul bar byed pa 'di ni/ skul byed/ gang dang ldan na/ rigs kyi bu'am/ rigs kyi bu mo dad pa dang ldan pa rgyu ba'am/ gnas pa'am/ nyal ba'am/ mi nyal ba las rtag tu rgyun mi 'chad par bsod nams 'ba' zhig mngon par 'phel ba dang / bsod nams 'ba' zhig nye bar skye ba/ rdzas las byung ba'i bsod nams bya ba'i gzhi shin tu 'bras bu che ba/ phan yon che ba/ snang ba che ba/ rgyas pa che ba gsum pa yin no/ /skul byed/ gzhan yang rigs kyi bu'am/ rigs kyi bu mo dad pa dang ldan pas/ gtsug lag khang de nyid du </font><hr>Nya204b<br><font size=+1>


gtan gyi rkyen ris rjes su mthun pa'i mchong sbyin 'bul bar byed pa 'di ni/ skul byed/ gang dang ldan na/ rigs kyi bu'am/ rigs kyi bu mo dad pa dang ldan pa rgyu ba'am/ gnas pa'am/ nyal ba'am/ mi nyal ba las rtag tu rgyun mi 'chad par bsod nams 'ba' zhig mngon par 'phel ba dang / bsod nams 'ba' zhig nye bar skye ba/ rdzas las byung ba'i bsod nams bya ba'i gzhi shin tu 'bras bu che ba/ phan yon che ba/ snang ba che ba/ rgyas pa che ba bzhi pa yin no/ /skul byed/ gzhan yang rigs kyi bu'am/ rigs kyi bu mo dad pa dang ldan pas/ glo bur du 'ongs pa dang / 'gro bar chas pa/ sbyin pa sbyin par byed pa 'di ni/ skul byed/ gang dang ldan na/ rigs kyi bu'am/ rigs kyi bu mo dad pa dang ldan pa rgyu ba'am/ nyal ba'am/ mi nyal ba las rtag tu rgyun mi 'chad par bsod nams 'ba' zhig mngon par 'phel ba dang / bsod nams 'ba' zhig nye bar skye ba/ rdzas las byung ba'i bsod nams bya ba'i gzhi shin tu 'bras bu che ba/ phan yon che ba/ snang ba che ba/ rgyas pa che ba lnga pa yin no/ / skul byed/ gzhan yang rigs kyi bu'am/ rigs kyi bu mo dad pa dang ldan pas/ nad pa dang nad g.yog la sbyin pa sbyin par byed pa 'di ni/ skul byed/ gang dang ldan na/ rigs kyi bu'am/ rigs kyi bu mo dad pa dang ldan pa rgyu ba'am/ gnas pa'am/ nyal ba'am/ mi nyal ba las rtag tu rgyun mi 'chad par bsod nams 'ba' zhig mngon par 'phel ba dang / bsod nams 'ba' zhig nye bar </font><hr>Nya205a<br><font size=+1>


@#/ /skye ba/ rdzas las byung ba'i bsod nams bya ba'i gzhi shin tu 'bras bu che ba/ phan yon che ba/ snang ba che ba/ rgyas pa che ba drug pa yin no/ /skul byed/ gzhan yang rigs kyi bu'am/ rigs kyi bu mo dad pa dang ldan pas/ rlung langs pa'am/ yul ngan byung ba'am/ char bab pa'am/ lhags pa byung ba gang dag yin pa de lta bu'i rlung langs pa'am/ yul ngan byung ba'am/ char bab pa'am/ lhags pa byung ba'i tshe dge 'dun la 'bras can dag gam/ skyo ma dag gam/ thug pa'i btung ba dag bskyal te/ 'dis 'phags pa 'di dag lus mi brlan pa dang / chos gos mi gsher ba dang / longs spyod na bde ba la reg par 'gyur ro/ /snyam pas 'bul bar byed pa 'di ni/ skul byed/ gang dang ldan na/ rigs kyi bu'am/ rigs kyi bu mo dad pa dang ldan pa rgyu ba'am/ gnas pa'am/ nyal ba'am/ mi nyal ba las rtag tu rgyun mi 'chad par bsod nams 'ba' zhig mngon par 'phel ba dang / bsod nams 'ba' zhig nye bar skye ba/ rdzas las byung ba'i bsod nams bya ba'i gzhi shin tu 'bras bu che ba/ phan yon che ba/ snang ba che ba/ rgyas pa che ba bdun pa yin no/ /skul byed/ rigs kyi bu'am/ rigs kyi bu mo dad pa dang ldan pa rdzas las byung ba'i bsod nams bya ba'i gzhi bdun po 'di dag dang ldan pa'i bsod nams sam/ bsod nams kyi 'bras bu'am/ bsod nams kyi 'bras bu rnam par smin pa 'di tsam mo/ /zhes </font><hr>Nya205b<br><font size=+1>


bsod nams kyi tshad gzung bar mi nus te/ 'di ltar/ bsod nams mang ba'i phyir bsod nams kyi phung po chen po zhes bya ba'i grangs su 'gro'o/ /skul byed/ 'di lta ste/ dper na/ gang du chu klung chen po lnga po 'di lta ste/ gang+gA dang / ya mun dang / sa ra yu dang / gnas can dang / ma hi zhes bya ba tha mi dad par 'bab par 'gyur ba de la ni/ chu'am/ chu'i bum pa'am/ chu'i bum pa brgya phrag gam/ chu'i bum pa stong phrag gam/ chu'i bum pa 'bum phrag 'di snyed yod do/ /zhes chu'i tshad gzung bar mi nus so/ /skul byed/ de bzhin du rigs kyi bu'am/ rigs kyi bu mo dad pa dang ldan pa rdzas las byung ba'i bsod nams bya ba'i gzhi bdun po 'di dag dang ldan pa'i bsod nams sam/ bsod nams kyi 'bras bu'am/ bsod nams kyi 'bras bu rnam par smin pa yang 'di tsam mo/ /zhes bsod nams kyi tshad gzung bar mi nus te/ 'di ltar/ bsod nams mang ba'i phyir bsod nams kyi phung po chen po zhes bya ba'i grangs su 'gro'o/ /de skad ces bka' stsal pa dang / bcom ldan 'das la tshe dang ldan pa skul byed chen pos 'di skad ces gsol to/ /btsun pa/ gang dang ldan na/ rigs kyi bu'am/ rigs kyi bu mo dad pa dang ldan pa rgyu ba'am/ gnas pa'am/ nyal ba'am/ mi nyal ba las rtag tu rgyun mi 'chad par bsod nams 'ba' zhig mngon par 'phel ba dang / bsod nams 'ba' zhig nye bar skye ba/ rdzas las byung ba ma lags pa'i bsod nams bya ba'i gzhi shin </font><hr>Nya206a<br><font size=+1>


@#/ /tu 'bras bu che ba/ phan yon che ba/ snang ba che ba/ rgyas pa che ba gdags su rung ngam/ bcom ldan 'das kyis de la bka' stsal pa/ skul byed/ rung ste/ skul byed/ bdun po 'di dag ni/ gang dang ldan na/ rigs kyi bu'am/ rigs kyi bu mo dad pa dang ldan pa rgyu ba'am/ gnas pa'am/ nyal ba'am/ mi nyal ba las rtag tu rgyun mi 'chad par bsod nams 'ba' zhig mngon par 'phel ba dang / bsod nams 'ba' zhig nye bar skye ba/ rdzas las byung ba ma yin pa'i bsod nams bya ba'i gzhi shin tu 'bras bu che ba/ phan yon che ba/ snang ba che ba/ rgyas pa che ba dag yin te/ bdun gang zhe na/ skul byed/ 'di la rigs kyi bu'am/ rigs kyi bu mo dad pa dang ldan pas/ de bzhin gshegs pa'am/ de bzhin gshegs pa'i nyan thos grong tshigs ga ge mo zhig na nye bar brten cing bzhugs pa thos shing / thos nas kyang dga' ba dang / mchog tu dga' ba rgya chen po/ /dge ba/ nges par 'byung ba dang ldan pa thob par byed pa 'di ni/ skul byed/ gang dang ldan na/ rigs kyi bu'am/ rigs kyi bu mo dad pa dang ldan pa rgyu ba'am/ gnas pa'am/ nyal ba'am/ mi nyal ba las rtag tu rgyun mi 'chad par bsod nams 'ba' zhig mngon par 'phel ba dang / bsod nams 'ba' zhig nye bar skye ba/ rdzas las byung ba ma yin pa'i bsod nams bya ba'i gzhi shin tu 'bras bu che ba/ phan yon che ba/ snang ba che ba/ rgyas pa che ba </font><hr>Nya206b<br><font size=+1>


dang po yin no/ /skul byed/ gzhan yang rigs kyi bu'am/ rigs kyi bu mo dad pa dang ldan pas/ de bzhin gshegs pa'am/ de bzhin gshegs pa'i nyan thos de nyid tshur gshegs par rtsol bar thos shing / thos nas kyang dga' ba dang / mchog tu dga' ba rgya chen po/ /dge ba/ nges par 'byung ba dang ldan pa thob par byed pa 'di ni/ skul byed/ gang dang ldan na/ rigs kyi bu'am/ rigs kyi bu mo dad pa dang ldan pa rgyu ba'am/ gnas pa'am/ nyal ba'am/ mi nyal ba las rtag tu rgyun mi 'chad par bsod nams 'ba' zhig mngon par 'phel ba dang / bsod nams 'ba' zhig nye bar skye ba/ rdzas las byung ba ma yin pa'i bsod nams bya ba'i gzhi shin tu 'bras bu che ba/ phan yon che ba/ snang ba che ba/ rgyas pa che ba gnyis pa yin no/ /skul byed/ gzhan yang rigs kyi bu'am/ rigs kyi bu mo dad pa dang ldan pas/ de bzhin gshegs pa'am/ de bzhin gshegs pa'i nyan thos de nyid shul du zhugs pa thos shing / thos nas kyang dga' ba dang / mchog tu dga' ba rgya chen po/ /dge ba| nges par 'byung ba dang ldan pa thob par byed pa 'di ni/ skul byed/ gang dang ldan na/ rigs kyi bu'am/ rigs kyi bu mo dad pa dang ldan pa rgyu ba'am/ gnas pa'am/ nyal ba'am/ mi nyal ba las rtag tu rgyun mi 'chad par bsod nams 'ba' zhig mngon par 'phel ba dang / bsod nams 'ba' zhig nye bar skye ba/ rdzas las byung ba ma yin pa'i bsod nams bya ba'i gzhi shin tu </font><hr>Nya207a<br><font size=+1>


@#/ /'bras bu che ba/ phan yon che ba/ snang ba che ba/ rgyas pa che ba gsum pa yin no/ /skul byed/ gzhan yang rigs kyi bu'am/ rigs kyi bu mo dad pa dang ldan pas/ de bzhin gshegs pa'am/ de bzhin gshegs pa'i nyan thos de nyid grong tshigs de nyid du byon par thos shing / thos nas kyang dga' ba dang / mchog tu dga' ba chen po/ /dge ba/ nges par 'byung ba dang ldan pa thob par byed pa 'di ni/ skul byed/ gang dang ldan na/ rigs kyi bu'am/ rigs kyi bu mo dad pa dang ldan pa rgyu ba'am/ gnas pa'am/ nyal ba'am/ mi nyal ba las rtag tu rgyun mi 'chad par bsod nams 'ba' zhig mngon par 'phel ba dang / bsod nams 'ba' zhig nye bar skye ba/ rdzas las byung ba ma yin pa'i bsod nams bya ba'i gzhi shin tu 'bras bu che ba/ phan yon che ba/ snang ba che ba/ rgyas pa che ba bzhi pa yin no/ /skul byed/ gzhan yang rigs kyi bu'am/ rigs kyi bu mo dad pa dang ldan pas/ de bzhin gshegs pa'am/ de bzhin gshegs pa'i nyan thos de nyid la blta ba dang / bsnyen bkur bya ba'i phyir 'gro zhing / mthong nas kyang dga' ba dang / mchog tu dga' ba rgya chen po/ /dge ba/ nges par 'byung ba dang ldan pa thob par byed pa 'di ni/ skul byed/ gang dang ldan na/ rigs kyi bu'am/ rigs kyi bu mo dad pa dang ldan pa rgyu ba'am/ gnas pa'am/ nyal ba'am/ mi nyal ba las rtag tu rgyun mi 'chad par bsod nams 'ba' </font><hr>Nya207b<br><font size=+1>


zhig mngon par 'phel ba dang / bsod nams 'ba' zhig nye bar skye ba/ rdzas las byung ba ma yin pa'i bsod nams bya ba'i gzhi shin tu 'bras bu che ba/ phan yon che ba/ snang ba che ba/ rgyas pa che ba lnga pa yin no| |skul byed/ gzhan yang rigs kyi bu'am/ rigs kyi bu mo dad pa dang ldan pas/ de bzhin gshegs pa'am/ de bzhin gshegs pa'i nyan thos de nyid kyi drung nas chos tshangs par spyod pa/ thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba/ yang dag par rab tu ston pa nyan cing thos nas kyang dga' ba dang / mchog tu dga' ba rgya chen po/ dge ba/ nges par 'byung ba dang ldan pa thob par 'di ni/ skul byed/ gang dang ldan na/ rigs kyi bu'am/ rigs kyi bu mo dad pa dang ldan pa rgyu ba'am/ gnas pa'am/ nyal ba'am/ mi nyal ba las rtag tu rgyun mi 'chad par bsod nams 'ba' zhig mngon par 'phel ba dang / bsod nams 'ba' zhig nye bar skye ba/ rdzas las byung ba ma yin pa'i bsod nams bya ba'i gzhi shin tu 'bras bu che ba/ phan yon che ba/ snang ba che ba/ rgyas pa che ba drug pa yin no/ /skul byed/ gzhan yang rigs kyi bu'am/ rigs kyang bu mo dad pa dang ldan pas/ de bzhin gshegs pa'am/ de bzhin gshegs pa'i nyan thos de nyad kyi drung nas chos thos nas sangs rgyas la skyabs su 'gro/ chos dang dge 'dun la skyabs su 'gro zhing / bslab ba'i </font><hr>Nya208a<br><font size=+1>


@#/ /gzhi dag len par byed pa 'di ni/ skul byed/ rigs kyi bu'am/ rigs kyi bu mo dad pa dang ldan pa rgyu ba'am/ gnas pa'am/ nyal ba'am/ mi nyal ba las rtag tu rgyun mi 'chad par bsod nams 'ba' zhig mngon par 'phel ba dang / bsod nams 'ba' zhig nye bar skye ba/ rdzas las byung ba ma yin pa'i bsod nams bya ba'i gzhi shin tu 'bras bu che ba/ phan yon che ba/ snang ba che ba/ rgyas pa che ba bdun pa yin no/ /skul byed/ rdzas las byung ba ma yin pa'i bsod nams bya ba'i gzhi bdun po 'di dag dang ldan pa'i rigs kyi bu'am/ rigs kyi bu mo dad pa dang ldan pa'i bsod nams sam/ bsod nams kyi 'bras bu'am/ bsod nams kyi 'bras bu rnam par smin pa ni/ 'di tsam mo/ /zhes bsod nams kyi tshad gzung bar mi nus te/ 'di ltar/ bsod nams mang ba'i phyir bsod nams kyi phung po chen po zhes bya ba'i grangs su 'gro'o/ /skul byed/ 'di lta ste/ dper na/ gang du chu klung chen po lnga po 'di lta ste/ gang+gA dang / ya mu na dang / sa ra yu dang / gnas can dang / ma hi zhes bya ba dag tha mi dad par 'bab par 'gyur ba de la ni/ chu'am/ chu'i bum pa'am/ chu'i bum pa brgya phrag gam/ chu'i bum pa stong phrag gam/ chu'i bum pa 'bum phrag 'di snyed cig yod do/ zhes chu'i tshad gzung bar mi nus te/ 'di ltar/ chu mang ba'i phyir chu'i phung po chen po zhes bya ba'i grangs su 'gro'o/ /skul byed/ </font><hr>Nya208b<br><font size=+1>


de bzhin du rdzas las byung ba ma yin pa'i bsod nams bya ba'i gzhi bdun po 'di dag dang ldan pa'i rigs kyi bu'am/ rigs kyi bu mo dad pa dang ldan pa'i bsod nams sam/ bsod nams kyi 'bras bu'am/ bsod nams kyi 'bras bu rnam par smin pa yang 'di tsam mo/ /zhes tshad gzung bar mi nus te/ 'di ltar/ bsod nams mang ba'i phyir bsod nams kyi phung po chen po zhes bya ba'i grangs su 'gro'o/ /bcom ldan 'das kyis de skad ces bka' stsal te bde bar gshegs pas de skad gsungs nas/ ston pas gzhan yang 'di skad ces bka' stsal to/ /mi dang ri dwags tshogs kyis bsten pa yi/ /chu klung tha dad 'bab par gyur pa dag /mtsho mchog bkra shis gtsang ma ngogs bde ba/ /rin chen 'byung gnas rgya mtshor 'bab pa ltar/ /de bzhin bsod nams rgyun kyang rnam kun tu/ /sbyin bdag gos sbyin zas skom sbyin pa dang / /mal cha stan dang gding sbyin mi la 'bab/ /chu klung chu 'bab rgya mtshor ji bzhin no/ /bcom ldan 'das kyis de skad ces bka' stsal nas tshe dang ldan pa skul byed chen po bcom ldan 'das kyis gsungs pa la yi rang ste mngon par bstod do/ /de nas khyim bdag gdangs can ni/ dad pa dang ldan la/ de'i 'khor ni/ ma dad nas des bsam pa/ bdag gi 'khor 'di ma dad na/ bdag gi gtsug lag khang du ji ltar spyod pa byed brtag go /snyam nas/ des cha lugs mi mngon par byas te sham thabs dma' bar bgos nas gtsug lag khang du song ste tshigs </font><hr>Nya209a<br><font size=+1>


@#/ /su bcad pa'i dbyangs kyis mchod rten la phyag 'tshal nas gtsug lag khang du 'jug par brtsams pa dang / rgan zhugs shig sgo khang na 'dug nas des de'i rkang pa la phyag 'tshal te smras pa/ 'phags pa/ gtsug lag khang snying dang / mig 'phrog par bgyid pa/ mtho ris kyi them skas su gyur pa 'di su'i lags/ des smras pa/ khyim bdag gdangs can gyi'o/ /'phags pa| ci/ 'di gtsug lag khang lags sam/ 'on te phongs pa lags/ bzhin bzang / gtsug lag khang ni/ ji lta bu/ phongs pa ni/ ji lta bu/ 'phags pa/ gang na yo byad phun sum tshogs pa ni/ gtsug lag khang lags la/ gang na yo byad ma mchis pa ni/ phongs pa lags so/ /bzhin bzang / 'di phongs pa yin no/ /ji ltar gyur/ khyim bdag de ni/ dad pa dang ldan pa yin na/ de'i 'khor ma dad pas mkho ba mi stob bo/ /'di ltar/ khyim bdag de la bu mo mngag gzhug ma mgu byed ces bya ba/ dad pa dang ldan zhing bzang la dge ba'i bsam pa can zhig yod na/ 'on kyang de khyim de na dbang med de/ gal te de la dbang yod par gyur na/ de dge slong rnams la mkho ba stob par byed pas 'di gtsug lag khang du 'gyur ro/ /khyim bdag gdangs can gyis bsam pa/ da ltar bdag gson pa nyid na yang bdag gi gtsug lag khang na dge slong rnams kyi gnas skabs 'di 'dra na/ bdag shi na ci 'dra bar 'gyur snyam du rig nas dge slong de'i rkang pa la phyag </font><hr>Nya209b<br><font size=+1>


'tshal te rang gi khyim du song nas nang mi rnams la smras pa/ khyed cag las/ gang sangs rgyas la sogs pa dge slong gi dge 'dun la bsnyen bkur byed par spro ba des tshul bzhin longs shig /de'i tshe na mgu byed bum pa thogs te chu bcu ba'i phyir byung ba dang / des der ras ma zhig rnyed nas bcom ldan 'das kyang de la phan gdags pa'i slad du phyogs der gshegs pa dang / des bcom ldan 'das la brtag par brtsams so/ /bcom ldan 'das kyis rdzu 'phrul gyis na bza' chos gos kyi gra rdol bar de la bstan pa dang / des bsam pa/ gal te bcom ldan 'das kyis bdag gi ras ma 'di bzhes su gnang na/ bdag gis 'di bcom ldan 'das la dbul lo/ /snyam mo/ /bcom ldan 'das kyis de'i sems thugs kyis mkhyen nas bka' stsal pa/ mgu byed/ gal te khyod kyis yongs su btang na/ phul cig /des bcom ldan 'das la sems mngon par dad par byas nas gus pa bskyed de phul lo/ /bcom ldan 'das kyis de de nyid kyi mdun du na bza' chos gos kyi gra glan te btsems pa dang kha dog mthun par gyur to/ /de dad pa skyes nas zhabs gnyis la gtugs te smon lam btab pa/ dge ba'i rtsa ba 'dis bdag bran mor ma gyur cig /dbul bar ma gyur cig / ces smras nas bum ba chus bkang ste khyim du song ngo / /khyim bdag gdangs can gyis nang mi la tshul bzhin brims pa dang / mgu byed kyis smras pa/ khyim bdag /'di ci lags/ gdangs </font><hr>Nya210a<br><font size=+1>


@#/ /can gyis smras pa/ mgu byed/ khyed cag las/ gang sangs rgyas la sogs pa dge slong gi dge 'dun la bsnyen bkur byed par spro ba des tshul shing longs shig dang / kho bo la longs spyod rgya chen po dag yod do/ /des myur ba myur bar chu'i bum pa bzhag ste tshul shing blangs nas smras pa/ bdag sangs rgyas la sogs pa dge slong gi dge 'dun la bsnyen bkur bgyid par spro ste/ bdag gis bcom ldan 'das nyan thos kyi dge 'dun dang bcas pa la yo byad thams cad kyis bsnyen bkur bgyi yi/ khyod thugs las chung ngur mdzod cig /ces des sangs rgyas la sogs pa dge slong gi dge 'dun la yo byad thams cad kyis bstabs te gus par bsnyen bkur bya bar brtsams so/ /khyim bdag gdangs can gyis yang cha lugs mi mngon par byas te sham thabs dma' bar bgos nas gtsug lag khang du song ste tshigs su bcad pa'i dbyangs kyis mchod rten la phyag 'tshal nas gtsug lag khang du 'jug par brtsams pa dang / yang rgan zhugs gzhan zhig sgo khang na 'dug nas des de'i rkang pa la phyag 'tshal te smras pa/ 'phags pa/ gtsug lag khang snying dang / mig 'phrog par bgyid pa/ mtho ris kyi them skas su gyur pa 'di su'i lags/ des smras pa/ khyim bdag gdangs can gyi'o/ /'phags pa/ ci/ 'di gtsug lag khang lags sam/ 'on te phongs pa lags/ bzhin bzang / gtsug lag </font><hr>Nya210b<br><font size=+1>


khang ni/ ji lta bu/ phongs pa ni/ ji lta bu/ 'phags pa/ gang na yo byad phun sum tshogs pa ni/ gtsug lag khang lags la/ gang na yo byad ma mchis pa ni/ phongs pa lags so/ /bzhin bzang / 'di sngon ni/ phongs par gyur pa las/ da ni/ gtsug lag khang du gyur to/ /ji ltar gyur/ bzhin bzang / khyim bdag gdangs can la bu mo mngag gzhug ma mgu byed ces bya ba/ dad pa dang ldan zhing bzang la dge ba'i bsam pa can zhig yod pa de khyim bdag des 'dir las su bskos te/ sangs rgyas la sogs pa dge slong gi dge 'dun la yo byad thams cad kyis stobs shig ces bsgo nas/ da ltar de sangs rgyas la sogs pa dge slong gi dge 'dun la yo byad thams cad kyis bsnyen bkur byed pas/ des na/ 'di gtsug lag khang yin te/ phongs pa ma yin no/ /khyim bdag gdangs can gyis thos nas shin tu dga' ste khyim du song nas/ des bu mo mgu byed kyi lag tu lde mig dang / lde mig kyog po gtad nas nang mi rnams la smras pa/ khyed cag mgu byed kyis ci byin pa des gnas par gyis shig /ko'u sham+b+hi na gnas pa'i skye bo'i tshogs rnams kyang bsdus te smras pa/ shes ldan dag /kho bos bu mo mgu byed 'di/ bran mo las phyung ste khyim gyi bdag mor bcug go| zhes bsgrags so/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa/ khyim bdag gdangs can rgyal po shar bas gdangs </font><hr>Nya211a<br><font size=+1>


@#/ /las 'tshal ba la gzigs/ bcom ldan 'das kyis bka' stsal pa/ dge slong dag /da ltar du ma zad de/ 'di ltar/ 'das pa'i dus na yang khyim bdag gdangs can 'di rgyal po shar pas gdangs las shes par gyur te/ nyon cig /dge slong dag /sngon byung ba grong khyer wA ra NA si na/ rgyal po tshangs byin zhes bya bas rgyal srid 'byor pa rgyas pa/ bde ba/ lo legs pa/ skye bo dang / mi mang pos gang ba/ 'thab mo dang / 'thab pa dang / phyi dgra dang / nang 'khrug rab tu zhi ba/ chom rkun dang / mu ge dang / nad dang bral ba/ sA lu dang / bu ram shing gi phreng ba dang / ba lang dang / ma he phun sum tshogs pa byed du bcug ste/ chos dang ldan pa/ chos kyi rgyal pos chos kyi rgyal srid byed du bcug go /ji tsam dus gzhan zhig na ltas pa dag gis lo bcu gnyis su char mi 'bab par lung bstan nas rgyal po tshangs byin gyis rang gi yul du dril sgrog pa byed du bcug ste phyogs su bsgo ba/ nga'i yul na gnas pa dang / pho brang 'khor gyi mi dag nyon cig /ltas pa dag gis lo bcu gnyis su char mi 'bab par lung bstan gyi/ de'i phyir khyed cag las/ gang dag la lo bcu gnyis kyi zan bdog pa de dag gis ni/ 'khod par bya'o/ /gang dag la mi bdog pa de dag gis ni/ gzhan du 'dong bar bya zhing / lo bcu gnyis 'das nas phyir 'ong bar bya'o/ /de'i tshe na wA na NA si na khyim bdag gzungs byed ces bya ba phyug pa/ nor </font><hr>Nya211b<br><font size=+1>


mang ba/ longs spyod che ba/ yongs su bzung ba yangs shing rgya che ba zhig 'dug pa des mdzod pa bos te smras pa/ kwa'i nang rje mdzod pa/ kho bo 'khor dang bcas pa'i lo bcu gnyis kyi zan yod dam/ des smras pa/ jo bo/ mchis so/ /sangs rgyas rnams 'byung ba med pa'i tshe rang sangs rgyas dman pa dang / bkren pa la rjes su snying brtse ba/ bas mtha'i gnas mal la dga' ba/ bse ru lta bu gcig pu 'jig rten gyi yon tan gnas su gyur pa dag 'jig rten du byung ngo / /ji tsam na rang sangs rgyas lnga brgya ljongs rgyu zhing 'dong ba na/ wA ra NA sir phyin nas de dag khyim bdag gzungs byed kyi gan du dong du phyin nas smras pa/ khyim bdag /khyod kyis kho bo cag rab tu byung ba lnga brgya la lo bcu gnyis su mkho ba stob par nus sam/ des smras pa/ 'phags pa dag /je mdzod pa la rmas te slad kyis gsol lo| |zhes des mdzod pa pos te smras pa/ kwa'i nang rje mdzod pa/ kho bo 'khor dang bcas pa dang / rab tu byung ba lnga brgya po 'di dag gi lo bcu gnyis kyi zan yod dam/ des smras pa/ jo bo/ mchis so/ /khyim bdag gzungs byed kyis rang sangs rgyas lnga brgya po de dag la smras pa/ 'phags pa dag /mchis kyi/ bzhugs shig dang gsol lo/ /de dag der 'khod do/ /ji tsam na rang sangs rgyas gzhan lnga brgya ljongs rgyu zhing 'dong ba na/ wA ra NA sir phyin nas de dag kyang khyim bdag gzungs byed kyi gan du dong ste phyin nas smras pa/ khyim bdag /khyod kyis kho bo cag rab tu byung ba lnga brgya la lo bcu </font><hr>Nya212a<br><font size=+1>


@#/ /gnyis su mkho ba stob par nus sam/ des smras pa/ 'phags pa dag/ khyed la gsol lags na/ ci'i slad du yang sgrub par mdzad/ khyim bdag/ de dag kyang gzhan la/ kho bo cag kyang gzhan no/ /'phags pa dag/ je mdzod pa la rmas te slad kyis gsol lo/ /zhes des mdzod pa bos te smras pa/ kwa'i nang rje mdzod pa/ kho bo 'khor dang bcas pa dang / rab tu byung ba stong gi lo bcu gnyis kyi zan yod dam/ des smras pa/ jo bo/ mchis so/ /khyim bdag gzungs byed kyis rang sangs rgyas lnga brgya po de dag la smras pa/ 'phags pa dag/ mchis kyi/ bzhugs shig dang gsol lo/ /de dag kyang deng 'khod do/ /khyim bdag gzungs byed kyis sbyin pa'i khang pa rtsig tu bcug ste/ sbyin pa'i zhal ta ba'i mi dag dang spyan 'dren bskos nas/ spyan 'dren des nyi ma re re zhing song ste gdugs tshod la 'bod par byed do/ /spyan 'dren des khyi zhig gsos pa de/ nyi ma re re zhing spyan 'dren de dang lhan cig 'gro bar byed do/ /ji tsam dus gzhan zhig na spyan 'dren de la brel ba zhig byung nas/ de je 'di bsgrubs te phyis spyan drang bar bya'o/ /snyam nas de gzhan du song ba dang khyi des de ma rnyed nas sngon goms pas rang sangs rgyas rnams kyi gan du song ba dang / der yang de ma mthong nas des skad phyung ngo / /rang sangs rgyas de dag gi dge 'dun gyi gnas brtan gang yin pa des smras pa/ tshe dang ldan pa dag /spyan 'dren dus las </font><hr>Nya212b<br><font size=+1>


yol nas khyi 'dis spyan drangs kyi/ tshur spyon/ bzhud do/ /de ltar bgyi'o/ /zhes de dag 'phags pa dang / spyan 'dren 'ongs te khyi des de mthong nas skad de byung bar brtsams pa dang / spyan 'dren gyis bsam pa/ 'dis 'di dag spyan drangs pas/ des na bdag nyid chen po 'di dag byon gor ma chag snyam du rig nas smras pa/ 'phags bdag/ khyed sus spyan drangs/ de dag gis smras pa/ bzhin bzang / khyi 'dis so/ /des smras pa/ 'phags pa dag /ma nongs kyi/ slad kyis kyang gang gi tshe bdag la brel ba 'ga' zhig byung ba de'i tshe na 'di nyid khyed spyan 'dren par 'gyur gyi/ khyed cag gshegs su gsol/ dge slong dag/ de'i tshe de'i dus na khyim bdag gzungs byed gang yin pa de ni/ nga nyid yin no/ /de'i tshe de'i dus na mdzod pa gang yin pa de ni/ khyim bdag mgon med zas sbyin yin no/ /de'i tshe de'i dus na spyan 'dren pa gang yin pa de ni/ bad sa'i rgyal po shar pa yin no/ /de'i tshe de'i dus na/ khyi gang yin pa de ni/ khyim bdag gdangs can yin te/ khyim bdag gdangs can 'di/ de'i tshe yang rgyal po shar pas gdangs las shes par gyur la/ da ltar yang 'di des gdangs las shes so/ /rgyal po gzugs can snying po'i gan du mi stong thub cig 'ongs nas/ rgyal pos de la smras pa/ kwa'i nang rje/ khyod su yin/ des smras pa/ lha/ bdag stong thub lags so/ /rgyal pos blon po rnams la bsgo ba/ shes ldan dag /stong thub la 'tsho ba byin cig/ de dag gis de la 'tsho ba byin </font><hr>Nya213a<br><font size=+1>


@#/ /no| |gang gi tshe bcom ldan 'das kyis ma ga d+har byung ba'i rgyal po bzo sbyangs gzugs can snying po lha brgyad khri dang / ma ga d+ha ba'i bram ze dang / khyim bdag 'bum phrag du ma dang lhan cig bden pa dag la bzhag pa de'i tshe na/ des rgyal po'i khab tu dril sgrog pa byed du bcug ste bsgo ba/ rgyal po'i khab na gnas pa dang / pho brang 'khor gyi mi dang / yul tha dad pa nas lhags pa'i skye bo'i tshogs shes ldan dag nyon cig /nga'i yul du sus kyang rkun po mi bya'o/ /nga'i yul du gang rkun po byed pa de/ ngas yul med par bya zhing / brkus pa rnams kyi nor ni/ nga rang gi mdzod dang / bang ba nas sbyin no/ /zhes bsgo'o/ /gang gi tshe bcom ldan 'das kyis ko sa lar byung ba'i rgyal po gsal rgyal gzhon nu'i dpe'i mdos btul ba de'i tshe na/ des kyang mnyan yod du dril sgrog pa byed du bcug ste bsgo ba/ nga'i yul du sus kyang rkun po mi bya'o/ /nga'i yul du rkun po byed pa de ngas gsad par bya zhing / brkus pa rnams kyi nor ni/ nga rang gi mdzod dang / bang ba nas sbyin no/ /zhes bsgo'o/ /bar du yul ma ga d+ha na gnas pa'i chom rkun pa gang dag yin pa dang / yul ko sa la na gnas pa'i chom rkun pa gang dag yin pa de dag mtshams kyi bar du dong ste 'khod cing / yul ma ga d+ha nas don mthun pa gang dag 'ong ba de dag kyang 'joms par byed/ yul ko sa la nas don mthun pa gang dag 'ong ba de dag kyang 'joms par byed nas/ thams </font><hr>Nya213b<br><font size=+1>


cad du yul ma ga d+ha na 'khod pa'i chom rkun pa gang dag yin pa dang / yul ko sa la na 'khod pa'i chom rkun pa gang dag yin pa de dag mtshams kyi bar du dong ste 'khod cing / don mthun 'joms par byed pas/ don mthun 'gro ba dang 'ong ba rgyun chad de rgyal po'i dpya dang / lo thang mi 'du'o/ /zhes bya ba de lta bu'i sgra grags par gyur to/ /rgyal po gzugs can snying pos de thos nas/ ru gcig btang na| de bcom zhing rab tu bcom te phyir 'ongs so/ /de bzhin du ru gnyis pa dang / ru gsum pa btang na/ de yang bcom zhing rab tu bcom ste phyir 'ongs so/ /ji tsam na yul ma ga d+ha nas don mthun yul ko sa lar 'phags pa de/ chom rkun pas 'jigs pas rgyal po'i khab tu zhugs te sel ba tshol par byed nas blon po rnams kyis rgyal po la smras pa/ lha/ stong thub 'di lha'i 'tsho bas 'tsho na/ ci'i slad du don mthun gyi sel mi bgyid/ rgyal pos smras pa/ de 'gro la rag gi/ thongs shig/ blon po rnams kyis de bos te smras pa/ kwa'i nang rje/ khyod rgyal po'i 'tsho bas 'tsho na/ ci'i phyir rgyal po'i bka' bzhin mi byed/ des smras pa/ khyed kyis bsgo ba gang zhig kho bos ma byas nas de skad du spyo bar byed/ de dag gis smras pa/ don mthun 'di yul ko sa lar 'gro'o/ /'di'i sel gyis shig/ des smras pa/ ma nyes kyi/ de ltar bya'o/ /zhes des mda' lnga brgya pa'i dong pa gnyis thogs te shing rtar zhugs nas don mthun gyi mdun du 'phags so/ /chom rkun pa rnams kyis/ </font><hr>Nya214a<br><font size=+1>


@#/ /de don mthun gyi mdun nas 'ong ba thag ring po kho na nas mthong nas de la pho nya btang ste bsgo ba/ chom rkun pa'i dmag dpon na re/ shing rta phyir zlog cig /gnod pa thob par gyur ta re zhes zer ro/ /des smras pa/ dpa' bo la dpa' bos yongs su spang ba byin cig /chom rkun pa'i pho nyas smras pa/ ci/ khyod gcig pu dpa' bo yin nam/ kho bo cag kyang dpa' bo yin gyi/ phyir log cig/ de nas phan tshun mda' khar dgye bar brtsams nas des chom rkun pa'i pho nya'i gnad du bsnun nas de phyir log go/ de bzhin du chom rkun pa gnyis dang / bzhi dang / brgyad dang / bcu drug dang / sum cu rtsa gnyis dang / drug cu rtsa bzhi nas chom rkun pa lnga brgya'i bar dag lhags nas/ des de dag gi gnad du bsnun nas de dag phyir log go/ de bzhin du chom rkun pa gzhan lnga brgya lhags nas des de dag la smras pa/ ngas khyod kyi chom rkun pa lnga brgya bsad na/ khyed cag kyang srog gis 'gebs par mi 'dod dam/ phyir log cig /chom rkun pa rnams kyis smras pa| nged kyis gcig kyang ma sod na/ ci'i phyir nged phyir ldog /khyod kyang rung / nged kyang rung ngo / /des smras pa/ gal te khyed cag yid mi ches na/ gang dag ngas bsnun pa de dag gi go phud cig /de dag gis go 'bud par brtsams pa dang / gang gis ji ltar go phud pa de/ de ltar dus la bab nas/ chom rkun pa de dag/ mi 'di ni/ gnod sbyin zhig go/ zhes byer te dong </font><hr>Nya214b<br><font size=+1>


ngo| |stong thub mtshams kyi bar na 'dug cing / de don mthun yul ko sa la nas 'ong ba gang yin pa de'i sel yang byed/ yum ma ga d+ha nas 'ong ba gang yin pa de'i sel yang byed do/ /des bsam pa| bdag gis ci'i phyir phar 'gro tshur 'gro bya/ 'di nyid du 'dug par bya'o/ /snyam nas des khyim brtsigs te 'dug nas don mthun gnyi ga'i bsti gnas su'ang gyur te/ 'brog na gnas pa yin pas/ 'brog gnas/ 'brog gnas zhes bya ba'i ming du gyur to// //'dul ba rnam par 'byed pa/ bam po don bzhi pa/ 'brog gnas su don mthun dag lhags nas kha cig gis ni/ 'bras btsong bar brtsams so/ /kha cig gis ni/ phye btsong bar brtsams/ kha cig gis ni/ be reg /kha cig gis ni/ khu ba/ kha cig gis ni/ ri lu btsong bar brtsams so/ /chang tshong dag gis kyang chang btsong bar brtsams te/ de nyid du 'khod nas der tshong 'dus chags par gyur to/ /'brog gnas kyis rgyal po gzugs can snying po la 'phrin yig/ lha/ bdag gis 'dir tshong 'dus btsugs kyi| lhas 'dir zhal lta ba gtang ba'i rigs so/ /zhes spring ngo / /rgyal pos bsam pa/ gang du bdag gi ru gsum bcom zhing rab tu bcom zhing 'ongs pa der des tshong 'dus btsugs pas/ de ni/ de nyid kyir gyur cig/ snyam nas/ des de la 'phrin yig/ ngas tshong 'dus de khyod la byin gyi/ der dpya dang lo thang ci 'du ba de dag khyod nyid ci dgar spyod cig /ces spring ngo / /'brog gnas su tshong 'dus </font><hr>Nya215a<br><font size=+1>


@#/ /btsugs nas 'brog gnas/ 'brog gnas zhes bya ba'i ming du gyur to/ /'brog gnas na gnas pa'i skye bo'i tshogs rnams kyis bsam pa/ shes ldan dag / bdag cag gang cung zad bde bar gnas pa gang yin pa de thams cad 'brog gnas kyi mthu yin pas/ bdag cag gis 'di la phan pa cung zad bya gor ma chag go/ snyam mo/ /de na kha cig gis smras pa/ ma nyes kyi/ de bzhin bya'o/ /ci zhig bya/ de na kha cig gis smras pa/ bdag cag las/ gang su yang rung ba bag ma gtong ba'am/ bag ma len pa des/ de 'khor dang bcas pa la zan sbyin zhing / gos phrugs re yang bskon par bya'o/ /ma nyes kyi/ de ltar bya'o/ /zhes de dag las/ gang bag ma gtong ba'am/ bag ma len pa des/ 'brog gnas 'khor dang bcas pa la zan sbyin zhing / gos phrugs re skon par byed do/ /ji tsam na mi dbul po zhig bag ma len du nye nas de 'di snyam du sems te/ bdag la 'brog gnas 'khor dang bcas pa la zan sbyin zhing / gos phrugs re bskon pa'i 'byor pa ga la yod kyi/ 'di ltar/ bdag gis bag ma de blangs nas dang po kho nar 'brog gnas la dga' mgur spyod du phul la/ des dga' mgur spyad nas de'i 'og tu bdag gis spyad par bya'o/ /snyam du rig nas/ de 'brog gnas kyi gan du song ste mgo bos phyag 'tshal nas smras pa/ grong dpon/ bdag bag ma len du nye na/ bdag la khyod 'khor dang bcas pa </font><hr>Nya215b<br><font size=+1>


la bshos gsol zhing / na bza' phrugs re gsol ba'i 'byor pa ma mchis kyi/ 'di ltar/ bdag gis bag ma de blangs nas dang po kho nar khyod la dga' mgur spyod du 'bul gyi/ khyod kyis dga' mgur spyad nas de'i 'og tu bdag gis spyad par bgyi'o/ /'brog gnas kyis smras pa/ kwa'i nang rje/ gang yang rung ba bag ma len pa'am/ bag ma gtong ba de thams cad kyis kho bo 'khor dang bcas pa la zan sbyin zhing gos phrugs re skon mi dgos kyi/ khyod song la bag yangs su bag ma longs shig/ grong dpon/ de lta lags mod kyi/ 'on kyang bdag 'di ltar dga'i/ dang du bzhes shig /bud med kyi yul ni| dbang po rnams 'phrog cing don du gnyer bar 'gyur ba yin pas/ 'brog gnas kyis dang du blangs so/ /des kyang bag ma blangs nas dang po kho nar 'brog gnas la phul nas des kyang dga' mgur spyad do/ /'brog gnas 'dod pa la 'dod chags kyis lhag par chags pas/ mi de la byams par bya bar brtsams so/ /gzhan zhig gis de la smras pa/ kwa'i nang rje/ khyod la 'brog gnas te bor byams par gyur pa 'di la rgyu ci yod/ des ji ltar gyur pa smras pa dang / des kyang de bzhin bya bar brtsams so/ /gzhan zhig gis de la dris pa dang / des kyang de la ji ltar gyur pa brjod pa dang / des kyang de bzhin bya bar brtsams so/ /gzhan zhig gis kyang de la dris pa dang / des kyang de la ji ltar gyur pa brjod pa nas des kyang de bzhin bya bar brtsams te/ de lta bu'i tshul gyis don dam pa ma yin pa'i chos </font><hr>Nya216a<br><font size=+1>


@#/ /'phel bar gyur to/ /'brog gnas kyis tshong 'dus der lha khang rtsig tu bcug nas de na gang yang rung bas bag ma blangs pa des bu mo de lha khang de bskor du bcug nas 'brog gnas kyi gan du gtong zhing / 'brog gnas kyis de dang por dga' mgur spyod par byed do/ /ji tsam dus gzhan zhig na gzhon nu ma chen po zhig bag mar 'gror nye nas des bsam pa/ bdag la yang dang por 'brog gnas dga' mgur spyod par 'gyur zhing / phyis khyim thab spyod par 'gyur na mi rung gi /ci nas kyang 'brog gnas 'di gsad par 'gyur ba de lta bu'i thabs kyi rnam pa zhig bya'o/ /snyam nas| des ji tsam na phyogs shig tu skye bo phal po che'i tshogs 'dug cing mthun par gyur pa de logs su kha bltas te sgron mor byung nas gcin rgyang byas pa dang / skye bo phal po che'i tshogs kyis de mthong nas de dag mi dga' bar sems par gyur te smras pa/ bu mo ngo tsha dang khrel med pa/ skye bo phal po che'i tshogs la mdun gyis phyogs te sgron mor byung nas gcig rgyang byed pa 'di/ su'i yin/ bu mo des de thos nas smras pa/ khyed cag kyang pho yin nam/ 'o na/ nged cag ci yin/ khyed cag pho ma yin gyi/ 'brog gnas 'ba' zhig pho yin pas/ des khyed kyis chung ma blangs so cog dang por dga' mgur spyad de/ khyed cag phyis de'i mi gtsang ba 'khru bar byed do/ /de dag gis smras pa/ shes ldan dag /'dis bdag cag gnas su spyod na/ 'di la bdag cag gis ji ltar bsgrub par </font><hr>Nya216b<br><font size=+1>


bya| de na kha cig gis smras pa/ 'di la gzhan sgrub tu ci yod/ 'brog gnas gsad par bya'o/ /gzhan dag gis smras pa/ de ji ltar gsad par bya ba dpyad par bya'o/ /zhes de dag de ltar gros byed pa na/ khyim bdag gzhan zhig gis rdzing bu 'bul ba nye bar gyur nas de dag gis smras pa/ shes ldan dag /khyim bdag che ge mo zhig gis rdzing bu 'bul bar nye bar gyur pas/ der de mgron du bos pa'i tshe gsad par bya'o/ /ji tsam na khyim bdag des rdzing bu 'bul ba'i tshe mgron du bos pa dang / des kyang dang du blangs so/ /rgyal po gzugs can snying pos dril sgrog pa byed du bcug ste phyogs su bsgo ba/ nga'i yul du dge slong gang la la zhig 'ong bar gyur na/ de gal te nga'i mdzod dang / khyim na bza' ba dang / btung ba yod na/ zan sbyin par bya'o/ /gal te med na/ sus mthong ba rang gis byin cig dang / phyis skyin pa nyis 'gyur du sbyin no/ /zhes rtsig yig tu yang bris te bzhag go /bar du tshe dang ldan pa shA ri'i bu dang / mo'u dgal gyi bu chen po gnyis ma ga d+ha dag tu ljongs rgyu zhing 'dong ba na/ 'brog gnas su phyin te/ tshong dpon 'brog gnas kyis tshe dang ldan pa shA ri'i bu dang / mo'u dgal gyi bu chen po gnyis ma ga d+ha dag tu rgyu zhing 'dong ba na/ 'brog gnas su phyin ces thos so/ /thos nas kyang de 'di snyam du sems te/ rgyal po gzugs can snying po de bsod nams dag gis ngoms mi myong bas sbyin pa dag sbyin/ bsod nams dag byed na/ bdag gis kyang ci'i phyir sbyin pa dag mi sbyin/ bsod nams dag </font><hr>Nya217a<br><font size=+1>


@#/ /mi bya snyam du rig nas/ tshe dang ldan pa shA ri'i bu dang / mo'u dgal gyi bu chen po gnyis ga la ba der song ste phyin nas rkang pa gnyis la mgo bos phyag 'tshal te chos mnyan pa'i phyir mdun du 'dug go /de gnyis kyis de la chos bstan nas/ des de gnyis bsod snyoms la bos te zan byin no/ /khyim bdag des/ 'brog gnas g.yar 'dren gyis bos pa dang / des yon bshad pa ma mnyan pa kho nar rdzing bu 'bul bar song ngo / /'brog gnas na gnas pa'i skye bo'i tshogs kyis kyang brda byas te mtshon thogs nas der dong ste de dag gis 'brog gnas rdzing bur zhugs pa dang / skra bkru'o/ /zhes 'gyur byed tsha ba mgor blugs nas mig chu 'dzag par gyur te cung zad kyang mi mthong ba dang / de nas de'i steng du 'khor lo dang / rdo rje rtse gcig dang / mda' bo dang / mtshon rtse gcig pa la sogs pa'i mtshon dag 'phang bar brtsams te/ de gsod par bshams pa na/ des smras pa/ shes ldan dag /kho bos khyed la nyes pa ci byas/ de dag gis smras pa/ khyod kyis kho bo cag gi bag ma dang por dga' dgur spyad cing / phyis kho bo cag gis spyad do/ /des smras pa/ khyed cag nyid kyis dam pa ma yin pa'i chos 'di phyung bas 'di la kho bos ci nyes/ ma gsad par thong zhig/ de dag gis de ltar shags 'debs bzhin du gsad par brtsams pa dang / des srog dang 'bral khar gnad 'chad ka dang / tshigs 'grol kar sems bskyed de smon lam btab pa/ bdag gis </font><hr>Nya217b<br><font size=+1>


'phags pa shA ri'i bu dang / mo'u 'gal gyi bu chen po lha dang mis mchod pa gnyis la bsod snyoms phul ba'i dge ba'i rtsa ba des/ bdag gang du 'di dag gsod par 'gyur pa der skye bar gyur cig/ ces btab bo/ /chos nyid kyis na mar 'bri ba'i dus kyi tshe na/ smon lam log pa btab pa de ni/ myur du 'grub pa yin pas des smon lam log pa btab ste shi zhing dus la bab nas gnod sbyin gdug pa rnams kyi nang du skyes so/ /de nas de gnas 'dod pas rgyal po chen po rnam thos kyi bu'i gan du song ste smras pa/ bzod ldan/ bdag la gnas stsol cig /des smras pa/ 'brog gnas/ khyod kyi gnas 'brog gnas de nyid yin gyi/ song zhig /de 'brog gnas su 'ongs nas mi ngas phyung ste/ skye bo mang po shi bar gyur nas khri dang / khrir 'dom par byas so/ /'brog gnas na gnas pa'i skye bo'i tshogs kyis ltas pa dag bkug ste bris pa/ shes ldan dag /gang gi phyir 'di lta bu'i yams byung bar gyur pa 'di la rgyu ci yod/ de dag gis smras pa/ shes ldan dag /khyed kyis 'brog gnas bsad pa gang yin pa des smon lam btab pas/ gnod sbyin gdug pa rnams kyi nang du skyes te/ des 'di lta bu'i yams phyung ngo / /de dag gis shing rta dang bcas te 'bros par brtsams pa dang / des kyang 'jigs pa dang / 'jigs su rung ba chen por bdag nyid mngon par sprul nas 'brog gnas na gnas pa'i skye bo'i tshogs 'bros pa'i mdun du 'dug ste smras pa/ gar 'dong / deng khyed thams cad bza'o/ /de dag kun tu skrag </font><hr>Nya218a<br><font size=+1>


@#/ /par gyur te smras pa/ grong dpon/ bdag cag sdig pa byed pa rnams la bzod pa mdzod cig /des smras pa/ dam tshig gis bzod par bya ste/ gal te nga la nyi ma re re zhing mi stong stong 'bul na/ bzod do/ /de dag gis smras pa/ grong dpon/ gal te khyod la nyi ma re re bzhin mi stong stong phul na/ ring por mi thogs par 'brog gnas 'di mi snang bar 'gyur gyi/ dngan dus 'di thong la bdag cag phyag 'tshal ba rnams la bzod pa mdzod cig /des smras pa/ shes ldan dag /kho bo yun ring po nas smon pa/ kye ma/ 'brog gnas 'di mi snang bar gyur cig snyam mod kyi/ 'on kyang kho bo la nyi ma re re zhing mi lnga brgya lnga brgya phul cig dang / bzod par bya'o/ /de dag gis yang de bzhin gsol nas des kyang mi nyis brgya lnga bcu dang brgya'i bar du phul cig ces smras/ /de dag gis smras pa/ grong dpon/ de lta na yang bdag cag nyams par 'gyur gyi/ mang pos ci bya/ bdag cag gis khyod la nyi ma re re zhing ba lang drug dang ldan pa'i shing rta zas kyis bkang ba dang / de khrid pa'i mi gcig dbul gyi/ bzod par mdzod cig /des smras pa/ de rung gi/ 'di ltar/ khyed kyis du ba dag gis dbul bar mi bya bar bro dang / glu dang / sil snyan gyi sgras dbul bar bya'o/ /de dag gis kyang khas blangs so/ /de nas 'brog na gnas pa'i skye bo'i tshogs thams cad 'dus te gros byas par brtsams pa/ shes ldan dag /gnod sbyin gyi bdag </font><hr>Nya218b<br><font size=+1>


cag gnas skabs de ltar byas na/ 'di la ji ltar bsgrub par bya/ de na kha cig gis smras pa/ res kyis res kyis dbul bar bya'o/ /kha cig gis smras pa/ gang la res bab par gyur pa de la brjod pa na/ 'khrug pa skye bar 'gyur gyi/ 'di ltar/ khyim byang bris te rdza mar bcug la/ gang gi khyim byang byung ba da 'gro bar bya ste/ des kyang mi tshab ma dag mi gtang bar bdag nyid 'gro bar bya ba'am/ bu gtang bar bya'o/ /gang la brel ba byung ste ma 'dus pa de la bab na/ de'i khyim du khyim byang dpyang ste gzhag go /de'i tshe na 'brog gnas na khyim bdag cig 'dug pa de la bu med nas yun ring po nas kye ma/ bdag la bu yod par gyur cig ces smon nas/ stes dbang gis de'i chung ma la sems can zhugs par gyur to/ /chung ma de btsa' ba'i dus kyi tshe khyim bdag de bya ba zhig la phyi rol tu byung ba dang / de'i nyin mo de la gnod sbyin la gtor ma sbyin pa'i khyim byang byung nas/ des res sbron par bskos pa'i mi dag gis de'i khyim sgor dbyangs te bzhag go /skabs der chung ma de btsas pa las khye'u zhig byung ngo / /ji tsam na khyim bdag de phyir 'ongs pa dang / des khyim du 'jug khar khyim byang des de mthong nas de sdug bsngal zhing yid mi bde bar gyur te khyim du zhugs nas cang mi smra bar 'dug go /chung mas de la smras pa/ rje'i sras/ dgyes pa skyad cig /khyod kyi sras bltams so/ /de lta na yang cang mi smra ba kho nar 'dug go /chung mas de la lan gsum gyi bar du de skad smras kyang cang mi smra ba kho nar 'dug nas/ yang chung </font><hr>Nya219a<br><font size=+1>


@#/ /mas smras pa/ rje'i sras/ khyod yun ring po nas kye ma/ bdag la bu yod par gyur cig ces smon pa gang lags pa de/ da btsas na/ ci'i slad du cang mi gsung bar bzhugs/ mchog tu dgyes pa skyed cig /des smras pa/ bzang mo/ 'di ni/ skyes na/ kho bo ni/ ma skyes so/ /rje'i sras/ ci nongs/ bzang mo/ gnod sbyin la gtor ma dbul ba'i phyir khyim byang 'ongs so/ / rje'i sras/ gal te de lta na/ khyod kyi sras 'chi bar bas mod/ skol cag yang mjal na/ khyod la sras mchis par 'gyur ro/ /bzang mo/ 'di ni/ khrag gi thigs pa yin pas 'di ji ltar gtang bar bya/ rje'i sras/ tshogs pas khrims su bgyi ba rnam par bzhag pa las bdag nyid 'gro bar bya ba'am/ bu gtang bar bya'o/ /zhes mi 'byung ngam/ 'di khyod kyi sras lags pas/ bdag nyid dang mnyam pa'i sdug pa gzhan ma mchis kyi/ sras 'di thong zhig /des gal te khyod dga' na/ song zhig ces dang du blangs so/ /de nas khyim bdag gi chung ma des mtshan mo mig lam chad pa dang / mar me dang / bdug spos dang / phreng ba rgyu dang / me tog dag gis mchod pa byas nas kha shar phyogs su bltas te gsol ba gdab par brtsams pa/ 'jig rten dge dul zhi ba dang / /dbang thul rnams kyis mi stong pas/ /bu yi don du der 'dud kyi/ /bdag gi byis pa bskyab tu gsol/ /de'i skabs su sangs rgyas bcom ldan 'das rnams la ni/ mi mkhyen pa dang / </font><hr>Nya219b<br><font size=+1>


ma gzigs pa dang / ma rig pa dang / rnam par mi mkhyen pa cung zad kyang mi mnga' bas/ thugs rje chen po dang ldan pa/ 'jig rten la phan par bzhugs pa/ srung pa gcig pu pa/ nyag cig dpa' ba/ gnyis pa med pa/ gnyis su mi gsung pa/ zhi gnas dang lhag mthong gis bzhugs pa/ rig pa gsum gsal bar mdzad pa/ bslab pa gsum la legs par bslab pa/ dul ba'i gnas gsum gyi gzhi la mkhas pa/ chu bo bzhi las brgal ba/ rdzu 'phrul gyi rkang pa bzhis spyod pa'i gzhi la legs par gnas pa/ bsu ba'i dngos po bzhi la yun ring po nas yongs su sbyang ba mdzad pa/ mi 'jigs pa bzhis bsnyengs pa mi mnga' ba/ yan lag lnga spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas pa drug gis gnas pa/ byang chub kyi yan lag bdun gyi me tog gis phyug pa/ lam gyi yan lag brgyad ston pa/ mthar gyis snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur snyan pas yang dag par rgyas pa/ brgya phrag bcur dbang bsgyur ba las khyad par du 'phags pa rnams kyi chos nyid ni/ nyin lan gsum/ mtshan lan gsum sangs rgyas kyi spyan gyis 'jig rten la rnam par gzigs nas gang ni/ nyams par gyur/ gang ni/ 'phel bar gyur/ /gang ni/ gnod par gyur/ gang ni/ nyam nga bar gyur/ gang ni/ mi bde bar gyur/ gang ni/ gnod pa dang / nyam </font><hr>Nya220a<br><font size=+1>


@#/ /nga ba dang / mi bde bar gyur/ gang ni/ ngan song la gzhol/ gang ni/ ngan song la 'bab/ gang ni/ ngan song la bab/ gang ni/ ngan song gi lam nas bslang ste mtho ris dang / thar pa dang / 'bras bu la gzhag par bya/ 'dod pa'i 'dam du bying ba gang gi lag nas ni/ drang bar bya/ 'phags pa'i nor gyi dbyig dang bral ba gang ni/ 'phags pa'i nor gyi dbang phyug la gzhag par bya/ gang gi sangs rgyas 'byung bas brgyan pa'i 'jig rten ni/ 'bras bu dang bcas par bya/ gang gi dge ba'i rtsa ba dag ma bskyed pa ni/ bskyed par bya/ gang gi dge ba'i rtsa ba dag bskyed pa ni/ yongs su smin par bya/ yongs su smin pa gang ni/ rnam par grol bar bya zhes mkhyen pa dang / gzigs pa 'jug go /smras pa/ chu srin gnas kyi dug can pa/ /dus las 'da' bar 'gyur srid kyi/ /sangs rgyas gdul la byams pa ni/ /dus las 'da' bar mi 'gyur ro/ /ji ltar ma ni bu sdug gcig pu la/ /rtog cing de srog srung bar byed pa ltar/ /de bzhin gshegs pa'ang 'dul ba'i skye bo la/ /rtog par mdzad cing de srog srung bar mdzad/ /kun mkhyen rgyud la lnga ba'i thugs rje yi/ /bzhon ma 'dul ba'i be'u tshol mi skyo ste/ /srid dang ngan 'gros nyams la byams pa ni/ /rab nyams be'u la byams pa'i ba bzhin no/ /bcom ldan 'das kyis dgongs pa/ khye'u de ni/ sngon gyi sangs rgyas rnams la bya ba lhag par byas pa yin pas/ de la </font><hr>Nya220b<br><font size=+1>


phan gdags par bya zhing / gnod sbyin 'brog gnas kyang gdul bar bya'o/ /snyam du rig nas ma ga d+ha dag tu ljongs rgyu zhing gshegs nas 'brog gnas su byon te 'brog gnas na gnod sbyin 'brog gnas kyi gnas su mtshan mo gnas par zhal gyis bzhes so/ /de'i tshe na gnod sbyin 'brog gnas gnod sbyin rnams kyi gnod sbyin 'du bar song bar gyur to/ /gnod sbyin bong bu pas/ bcom ldan 'das gnod sbyin 'brog gnas kyi gnas su mtshan mo gnas par zhal gyis bzhes par mthong ngo / /mthong nas kyang gnod sbyin 'brog gnas ga la ba der song ste phyin nas gnod sbyin 'brog gnas la 'di skad ces smras so/ /grong dpon/ khyed kyi gnas su bcom ldan 'das mtshan mo gnas par zhal gyis bzhes pa gang yin pa de ni/ khyod kyis rnyed pa legs par rnyed do/ /grong dpon/ mi gyur pa yang bdag gi gnas su mtshan mo gnas par khas len tam/ grong dpon/ de de bzhin no/ /de de bzhin te/ 'di lta ste/ de bzhin gshegs pa dgra bcom pa yang dag par rdzogs pa'i sangs rgyas so/ /grong dpon/ de de bzhin gshegs pa dgra bcom pa yang dag par rdzogs pa'i sangs rgyas yin nam/ 'on te ma yin pa shes par bya'o/ /de nas gnod sbyin 'brog gnas kyis gnod sbyin rnams kyi gnod sbyin 'du ba zil gyis mnan nas/ rang gi gnas ga la ba der song ste phyin nas bcom ldan 'das la 'di skad ces sol to/ /dge sbyong / phyir phyung zhig /bcom ldan 'das kyis 'di ni/ </font><hr>Nya221a<br><font size=+1>


@#/ /gzhan gyis yongs su bzung ba'o/ /snyam du dgongs nas slar byung ngo / /dge sbyong / zhugs shig /bcom ldan 'das rgyags pa dang / nga rgyal nges par bcom pa'i phyir zhugs so| |gnod sbyin 'brog gnas kyis lan gnyis su yang bcom ldan 'das la 'di skad ces gsol to/ /dge sbyong / phyir phyung zhig/ bcom ldan 'das kyis 'di ni/ gzhan gyis yongs su bzung ba'o| |snyam du dgongs nas slar byung ngo / /dge sbyong / zhugs shig /bcom ldan 'das rgyags pa dang / nga rgyal nges par bcom pa'i phyir zhugs so/ /gnod sbyin 'brog gnas kyis lan gsum du yang bcom ldan 'das la 'di skad ces gsol to/ /dge sbyong / phyir phyung zhig /bcom ldan 'das kyis 'di ni/ gzhan gyis yongs su bzung ba'o/ /snyam du dgongs nas slar byung / / dge sbyong / /zhugs shig /bcom ldan 'das rgyags pa dang / nga rgyal nges par bcom pa'i phyir zhugs so/ /gnod sbyin 'brog gnas kyis yang bcom ldan 'das la 'di skad ces gsol to/ / dge sbyong / phyir phyung zhig /de nas bcom ldan 'das kyis gnod sbyin 'brog gnas la 'di skad ces bka' stsal to/ /grong dpon/ khyod kyis nga lan gsum gyi bar du gnas su spyan drangs pas/ da ni/ mi 'byung ngo / /dge sbyong / /de'i phyir khyod la dri ba dri'o/ /dri ba lan gdab pa des gal te kho bo'i sems rangs par byed na/ de lta na legs/ gal te sems rangs par mi byed na/ khyod kyi </font><hr>Nya221b<br><font size=+1>


sems g.yeng ba'am/ snying dgas pa'am/ kha nas khrag tsha ba skyug pa'am/ lag pa gnyis nas bzung ste chu klung skal ldan shing rta pa'i pha rol gyi 'gram du 'phang bar bya'o/ /bcom ldan 'das kyis bka' stsal pa/ grong dpon/ ngas 'jig rten lha dang bcas pa/ bdud dang bcas pa/ tshangs pa dang bcas pa/ dge sbyong dang / bram ze'i skye rgu dang bcas pa/ lha dang / mi dang bcas pa'i nang na/ gang gis de bzhin gshegs pa dgra bcom pa yang dag par rdzogs pa'i sangs rgyas kyi sems g.yeng ba'am/ thugs dgas pa'am/ zhal nas khrag tsha ba skyug pa'am/ phyag gnyis nas bzung ste chu klung skal ldan shing rta pa'i pha rol gyi 'gram du 'phen pa yang dag par rjes su ma mthong gi/ grong dpon/ 'di ltar/ ci dang ci 'dod pa zhus shig /de nas gnod sbyin 'brog gnas kyis de'i tshe tshigs su bcad pa gsol ba/ bar sdom la/ gang dang ji ltar du dang ni/ gang zhig rgal dang ci yis rgal/ /'di ni skyes pa'i nor mchog gang / /ci zhig legs spyod bde spyod 'gyur/ /ro rnams nang na mngar mchog ci/ / ji ltar 'tsho na 'tsho mchog bstan/ /bcom ldan 'das kyis bka' stsal pa/ dad pa skyes bu'i nor mchog yin/ /chos la legs spyod pa de spyod 'gyur/ /bden pa'i ro rnams mngar mchog yin/ shes pas 'tsho na mtsho mchog bstan/ /gnod sbyin gyis gsol pa/ ji ltar grags dang ldan par 'gyur/ /longs spyod ldan par ji ltar 'gyur/ /ji ltar snyan pa thob 'gyur zhing / /mdza' bshes ji ltar rnyed </font><hr>Nya222a<br><font size=+1>


@#/ /par 'gyur/ /bcom ldan 'das kyis bka' stsal pa/ tshul khrims kyis ni grags ldan 'gyur/ /sbyin pas longs spyod ldan par 'gyur/ /bden pas snyan pa thob par 'gyur// snying rjes mdza' bshes rnyed par 'gyur/ /gnod sbyin gyis gsol pa/ du zhig gis ni 'jig rten 'byung / /du yis 'dris pa thob par 'gyur/ /du zhig gis ni 'jig rten bkur/ /du yis 'jig rten zil gnon 'gyur/ /bcom ldan 'das kyis bka' stsal pa/ drug gis 'jig rten 'byung 'gyur te/ /drug gis 'dris pa 'thob par 'gyur/ /drug gis 'jig rten bkur 'gyur te/ /drug gis 'jig rten zil non 'gyur/ /gnod sbyin gyis gsol pa/ gdugs mtshan g.yel ba ma mchis pa/ /gang zhig 'dod pa 'di las brgal/ /dmigs med rten pa ma mchis pa/ /zab mo gang zhig 'bying mi 'gyur/ /bcom ldan 'das kyis bka' stsal pa/ rnam kun tshul khrims ldan pa dang / /legs mnyam bzhag cing shes rab ldan/ /nang du sems shing dran ldan pa/ /shin tu brgal dka' 'di las brgal/ /'dod pa'i 'du shes chags bral zhing / /gzugs kyi kun sbyor mthar gyur pa/ /de ni dmigs med rten med pa'i/ /zab mor 'bying bar mi 'gyur ro// gnod sbyin gyis gsol pa/ ci yis 'od pa rgal bar 'gyur/ /ci zhig gis ni rgya mtsho rgal/ /ci yis sdug bsngal spong bar 'gyur/ /ci zhig gis ni yongs dag 'gyur/ /bcom ldan 'das kyis </font><hr>Nya222b<br><font size=+1>


bka' stsal pa/ dad pas 'od pa rgal bar 'gyur/ /bag yod pas ni rgya mtsho rgal/ /brtson pas sdug bsngal spong 'gyur te/ /shes rab kyis ni yongs dag 'gyur/ /bden dul gtong ba ma gtogs pa'i| |chos gzhan 'ga' zhig yod dam zhes/ /dge sbyong bram ze so so la/ /gzhan dang gzhan du khyod dris shig /gnod sbyin gyis gsol pa/ dge sbyong bram ze so so la/ /ci slad gzhan du bdag 'dri bgyid/ /'di ltar dpa' chen khyod kyis ni/ /chos 'di legs par rab tu bshad/ /kye ma gnod sbyin bong bu pa/ /gang gis ded dpon bla na med/ /sangs rgyas bdag la bstan gyur pa/ /khyod la kho bos byas pa gzo/ /'di nas kho bo grong nas grong / /khyim nas khyim du rdzogs sangs dang / /chos kyi chos nyid bzang po la/ /'dud bzhin du ni spyad par bya/ /de nas bcom ldan 'das kyis gnod sbyin 'brog gnas la 'di skad ces bka' stsal to/ /bzhin bzang / khyod kyis dge slong shA ri'i bu dang / mo'u 'gal gyi bu gnyis la zan byin pas/ sum cu rtsa gsum pa'i lha rnams kyi nang du skye bar bya ba las/ khyod kyis smon lam log par btab pas/ gnod sbyin gdug pa rnams kyi nang du skyes te/ da ltar drag shul can/ lag pa khrag gis gos pa/ nyams pa dang rab tu nyams pa la zhen pa/ gzhan gyi srog 'phrog pa/ gzhan gyi srog spyod pas 'tsho bar byed de/ 'di nas shi 'phos na/ khyod kyi 'gro ba ni/ cir 'gyur/ skye ba ni/ cir 'gyur/ tshe phyi ma ni/ </font><hr>Nya223a<br><font size=+1>


@#/ /cir 'gyur/ des gsol pa/ bcom ldan 'das/ bdag gis ci bgyi ba bka' stsal du gsol/ bzhin bzang / tshur shog /khyod nga'i spyan sngar skyabs su 'gro ba dang / bslab pa'i gzhi dag longs la 'brog gnas na gnas pa'i skye bo'i tshogs la mi 'jigs pa byin cig /btsun pa/ bdag bcom ldan 'das kyi spyan sngar skyabs su mchi ba dang / bslab pa'i gzhi dag len cing / deng slan chad 'brog gnas na gnas pa'i skye bo'i tshogs la mi 'jigs pa stsol to/ /des bcom ldan 'das kyi spyan sngar skyabs su 'gro ba dang / bslab pa'i gzhi dag blangs te/ des bslab pa'i gzhi dag blangs nas tshigs su bcad pa smras pa/ kye ma ston pa bdag don du/ /sdum par yang dag gshegs gyur te/ /bdag gis de ring phyi ma yi/ /don ni rab tu shes par gyur/ /de nas khyim bdag des ba lang drug dang ldan pa'i shing rta zas kyis bkang ste/ khye'u de yang shing rtar bcug nas bro dang / glu dang / rol mo'i sgras gnod sbyin gyi drung du 'phags pa dang / bram ze dang / khyim bdag kha cig gis thos nas smras pa/ shes ldan dag/ bro dang / glu dang / rol mo'i sgra 'di ci yin/ kha cig gis smras pa/ khyod kyis mi shes sam/ 'di ni/ khrag gi thigs pa de gnod sbyin gyi gan du khyer ba yin no/ /skye bo phal po che'i tshogs 'dus te smras pa/ shes ldan dag/ khrag gi thigs pa 'dis gnod sbyin mi mgu bas/ gal te 'di ma ldog na/ gdon mi za bar </font><hr>Nya223b<br><font size=+1>


gnod sbyin 'khrugs par 'gyur zhing / bdag cag thams cad la gnod pa byed par 'gyur gyi/ 'di ldog par bya'o/ /zhes de dag gis de ldog par brtsams pa dang / des smras pa/ shes ldan dag /tshogs kyis khrims su bya ba bcas pa las/ bdag nyid 'gro bar bya ba'am/ bu gtang bar bya'i zhes byung bas/ 'di kho bo'i bu yin na/ ci'i phyir ldog par byed/ mi ldog par 'gro'o/ /de dag cang mi smra bar 'khod do| |bcom ldan 'das kyis gro dang / glu dang / rol mo'i sgra de gsan to/ /gsan nas kyang gnod sbyin 'brog gnas la bka' stsal pa/ grong dpon/ gro dang / glu dang / rol mo'i sgra 'di ci yin/ btsun pa/ bdag dam pa ma lags pa'i chos sdig pa de las slar log kyang / skye bo dag gis da dung de bzhin du 'dzin par bgyid na/ ji ltar bsgrub par bgyi ma 'tshal to/ /bcom ldan 'das kyis bka' stsal pa/ grong dpon/ 'di ci yin/ des ji ltar gyur pa gsol pa dang / bcom ldan 'das kyis bka' stsal pa/ grong dpon/ deng zas dang / skom longs la mi yang ma len/ glang yang ma len cig /des bsam pa/ 'ongs kyang rung gi/ bdag gi zan tha ma 'di bcom ldan 'das la bsod snyoms dbul lo/ /snyam mo/ /khyim bdag des khye'u de shing rta nas phyung ste gnod sbyin la byin no/ /gnod sbyin gyis kyang bcom ldan 'das la phul lo/ /bcom ldan 'das kyis kyang pha la stsal to/ /de nas phas gsol pa/ bcom ldan 'das/ khye'u 'di'i ming cir gdags/ bcom ldan 'das kyis tshigs su bcad pa'i </font><hr>Nya224a<br><font size=+1>


@#/ /dbyangs kyis bka' stsal pa/ byis pa gang tshe gnod sbyin gyi/ lag nas nga yi lag tu thob/ /nga yi lag nas pha yi lag/ de yi phyir na lag brgyud yin/ /de'i ming lag brgyud ces bya bar btags so/ /khyim bdag des de khyer te 'brog gnas su song ba dang / skye bo'i tshogs kyis mthong nas smras pa/ shes ldan dag /'di 'di ltar gyur cing / khrag gi thigs pa de khyer te 'ongs pa las na/ gor ma chag par 'dis gnod sbyin 'khrugs par byas so/ /des smras pa/ shes ldan dag /gnod sbyin ga la 'khrugs te/ bcom ldan 'das khye'u 'di la thugs brtse ba'i slad du de'i gnas su mtshan mo gnas par zhal gyis bzhes nas/ bcom ldan 'das kyis de btul te skyabs su 'gro ba dang / bslab pa'i gzhi dag la bzhag nas des 'brog gnas na gnas pa'i skye bo'i tshogs la mi 'jigs pa byin gyi/ 'tsher 'grib med par gyis shig /de dag shin tu dga' ste smras pa/ khye'u 'di skyes ma thag tu gnod sbyin 'brog gnas btul bas/ khye'u 'di'i ming lag brgyud 'brog gnas zhes bya'o/ /zhes de'i ming lag brgyud 'brog gnas zhes bya bar btags so/ /de chen por gyur nas yi ge dang / yig 'bru dag dang / sgyu rtsal gzhan dag la yang shin tu mkhas par gyur to/ /gang gi tshe sngo sangs can mgo bsgyur ran par gyur pa de'i tshe na de slong ba rgyal po dag dang / nor can dag dang / tshong dpon dag </font><hr>Nya224b<br><font size=+1>


dang / ded dpon dag dang / shAkya dag dang / ko'u d+ya dag dang / li tsa byi dag dang / gzhan yang mang po dag lhags par gyur nas khyim bdag gdangs can 'di snyam du mang po dag sngo bsangs can slong ste/ gang dag la ma byin pa de dag bdag gi dgra bor 'gyur ro/ /snyam nas lag pa la 'gram pa gtad de sems khong du chud cing 'dug go/ sngo bsangs can gyis de mthong nas smras pa/ yab/ khyod ci'i slad du phyag la zhal gtad de sems khong du chud cing bzhugs/ des smras pa/ bu mo/ khyod slong ba rgyal po dag dang / nor can dag dang / tshong dpon dag dang / ded dpon dag dang / shAkya dag dang / ko'u d+ya dag dang / li tsa byi dag dang / gzhan yang mang po dag lhags pas/ gang dag la khyod ma byin pa de dag nga'i dgrar 'gyur na/ kho bo ji ltar lag pa la 'gram pa gtad de sems khong du chud cing mi 'dug tu rung / des smras pa/ yab/ gal te de lta na mi dgyes par ma mdzad cig dang / deng nas gdugs bdun na ngan bu rang gis gnas btsal bar bgyi'o/ /des smras pa/ bu mo/ de ltar gyis shig /'on kyang re zhig lha la zhu bar bya'o/ /zhes de bad sa'i rgyal po shar pa'i gan du song ste smras pa/ lha/ deng nas gdugs bdun na sngo bsangs can rang gis gnas tshol bar 'gyur gyi/ lhas gnang bar mdzod cig /rgyal pos bsam pa/ des nga ma gtogs pa gzhan su zhig la gnas tshol bar 'gyur snyam nas gnang ngo / /des gnang nas </font><hr>Nya225a<br><font size=+1>


@#/ /blon po rnams la bsgo ba/ shes ldan dag /grong khyer mdzes par byed du chug la 'di skad ces/ deng nas nyi ma bdun na sngo sangs can rang gis gnas tshol bar 'gyur ro/ /zhes dril sgrogs shig/ blon po rnams kyis grong khyer de rdo ba dang / gseg ma dang / gyo mo med par rnam par bzhag nas tsan+dan gyi chus chag chag btab ste bdug spos dri zhim po'i snod nye bar bzhag nas dar gyi chun po dpyangs te rgyal mtshan dang / ba dan bsgrengs nas me tog sna tshogs bkram ste lha'i skyed mos tshal dga' ba'i tshal ltar dga' bar 'gyur bar byas nas dril sgrog pa byed du bcug ste 'di skad ces/ ko'u sham+b+hi na gnas pa dang / pho brang 'khor gyi mi dang yul tha dad pa dag gnas lhags pa'i skye bo'i tshogs shes ldan dag nyon cig /deng nas nyi ma bdun na sngo bsangs can rang gis gnas 'tshol bar 'gyur gyi/ de'i phyir khyed cag gis 'byor pa ji lta ba bzhin 'du bar bya'o/ /zhes bsgo'o/ /de nas srog chags 'bum phrag du ma dag 'dus par gyur pa na/ nyi ma bdun pa la sngo bsangs can rgyan thams cad kyis klubs te shing rta la zhon nas me tog phreng gi chun po thogs te phyir byung nas skye bo phal po che'i tshogs la brtags par brtsams pa dang / bad sa'i rgyal po shar ba 'di snyam du 'dis gor ma chag par bdag gi steng du me tog phreng gi chun po 'phen par 'gyur ro/ /snyam </font><hr>Nya225b<br><font size=+1>


nas sems bsdus te bag yod par rtog cing 'dug go /sngo bsangs can gyis kun tu skye bo'i tshogs la rnam par bltas nas dris pa/ shes ldan dag /glang po che'i rgyab tu zhon pa 'di dag gang gang yin/ de dag gis smras pa/ 'di ni/ rgyal po gzugs can snying po'o/ /'di ni/ rgyal po gsal rgyal lo/ /'di ni/ rgyal po tshangs byin no/ /'di ni/ bad sa'i rgyal po shar pa'o/ /de bzhin du nor can dag dang / tshong dpon dag dang / ded dpon dag dang / ko'u d+ya dag dang / shAkya dag dang / li tsa byi dag dang / gzhan yang mang po thams cad so sor dris nas de'i 'og tu smras pa/ shes ldan dag/ lag brgyud 'brog gnas zhes bya ba gang yin pa/ bcom ldan 'das kyis gnod sbyin las thar par byas pa de 'dir shog cig/ skye bo'i tshogs kyis smras pa/ de ma 'ongs so/ /de phyogs gang na 'dug /ga ge mo zhig na'o/ /des de'i phyogs su kha bltas te/ de bdag gi khyim thab yin no/ /zhes me tog phreng gi chun po 'phangs pa dang / rgyal po dag dang / nor can dag dang / tshong dpon dag dang / ded dpon dag dang / ko'u d+ya dag dang / shAkya dag dang / li tsa byi dag dang / gzhan yang mang po 'dus pa dag phyir phyogs te rang rang gi yul du dong ngo| |khyim bdag gdangs can bag tsha zhing yid mi bde nas sngo bsangs can la smras pa/ bu mo/ gal te khyod kyis lag brgyud 'dam pas kho bo la rgyal po dag gnod pa byed par gyur </font><hr>Nya226a<br><font size=+1>


@#/ /na mi rung gi /myur du song zhig /des smras pa/ yab/ ma nongs kyi/ de bzhin bgyi'o/ /khyim bdag gdangs can gyis de bzhin pa bzang po sbyar te rgyan rnam pa sna tshogs kyis brgyan nas 'khor dang bcas te 'brog gnas su btang ngo / /de'i skabs su sangs rgyas bcom ldan 'das rnams la mi mkhyen pa dang / ma gzigs pa dang / ma rig pa dang / rnam par mi mkhyen pa cung zad kyang mi mnga' bas thugs rje chen po dang ldan pa/ 'jig rten la phan par zhugs pa/ srung ba gcig bu pa/ nyag gcig dpa' ba/ gnyis pa med pa/ gnyis su mi gsung ba/ zhi gnas dang lhag mthong gis bzhugs pa/ rig pa gsum gsal bar mdzad pa/ bslab pa gsum la legs par bslab pa/ dul ba'i gnas gsum gyi gzhi la mkhas pa| chu bo bzhi las brgal ba/ rdzu 'phrul gyi rkang pa bzhis spyod pa'i gzhi la legs par gnas pa/ bsdu ba'i dngos po bzhi la yun ring po nas yongs su sbyang ba mdzad pa/ mi 'jigs pa bzhis bsnyengs pa mi mnga' ba/ yan lag lnga spangs pa/ 'gro ba lnga las yang dag par 'das pa yan lag drug dang ldan pa/ pha rol tu phyin pa drug yongs su rdzogs pa/ rtag tu gnas pa drug gis gnas pa/ byang chub kyi yan lag bdun gyi me tog gis phyug pa/ lam gyi yan lag brgyad ston pa/ mthar gyis gnas pa'i snyoms par 'jug pa dgu la mkhas </font><hr>Nya226b<br><font size=+1>


pa| stobs bcu'i stobs dang ldan pa/ phyogs bcur snyan pas yang dag par rgyas pa/ brgya phrag bcur dbang bsgyur ba las khyad par du 'phags pa rnams kyi chos nyid ni/ nyin lan gsum/ mtshan lan gsum sangs rgyas kyi spyan gyis 'jig rten la rnam par gzigs nas gang ni/ nyams par gyur/ gang ni/ 'phel bar gyur/ gang ni/ gnod par gyur/ gang ni/ nyam nga bar 'gyur/ gang ni/ mi bde bar gyur/ gang ni/ gnod pa dang / nyam nga ba dang / mi bde bar gyur/ gang ni/ ngan song la gzhol/ gang ni/ ngan song la 'bab/ gang ni/ ngan song la bab/ ngas gang ni/ ngan song gi lam nas bslang ste mtho ris dang thar pa dang / 'bras bu la gzhag par bya/ 'dod pa'i 'dam du bying ba gang gi lag nas ni/ drang bar bya/ 'phags pa'i nor gyi dbyig dang bral ba gang ni/ 'phags pa'i nor gyi dbang phyug la gzhag par bya/ gang gis sangs rgyas 'byung bas brgyan pa'i 'jig rten ni/ 'bras bu dang bcas par bya/ gang gi dge ba'i rtsa ba dag ma bskyed pa ni/ bskyed par bya/ gang gi dge ba'i rtsa ba dag bskyed pa ni/ yongs su smin par bya/ yongs su smin pa gang ni/ rnam par grol bar bya zhes mkhyen pa dang / gzigs pa 'jug go /smras pa/ chu srin gnas kyi dug can pa| |dus las 'da' bar 'gyur srid kyi/ /sangs rgyas gdul la byams pa ni/ /dus las 'da' bar mi 'gyur ro/ /ji ltar ma ni bu sdug gcig pu la/ /rtog cing de srog srung bar byed pa ltar/ / </font><hr>Nya227a<br><font size=+1>


@#/ /de bzhin gshegs pa'ang gdul ba'i skye bo la/ /rtog par mdzad cing de srog srung bar mdzad/ /kun mkhyen rgyud la mnga' ba'i thugs rje yi/ bzhon ma 'dul ba'i be'u tshol mi skyo ste/ /srid dang ngan 'gros nyams la byams pa ni/ /rab nyams be'u la byams pa'i ba bzhin no/ /bcom ldan 'das kyis dgongs pa/ gal te lag brgyud 'brog gnas kyis bden pa ma mthong bar sngo bsangs can mthong bar gyur na/ bden pa dag gi gnod du mi 'gyur gyi/ de la phan gdags pa'i phyir 'brog gnas su 'gro'o/ /snyam du rig nas/ ma ga d+ha dag tu ljongs rgyu zhing gshegs pa na/ 'brog gnas su byon nas 'brog gnas su mtshan mo ba lang gi lam du rtswa bting ba la gnas par zhal gyis bzhes so/ /ba lang rdzi dag dang / phyugs rdzi dag dang / rtswa 'thun dag dang / shing 'thun dag dang / lam gyis 'tsho ba dag dang / lam gol bas 'tsho ba'i mi dag gis/ bcom ldan 'das mtshan mo ba lang gi lam na rtswa bting ba la gnas par zhal gyis bzhes pa mthong ngo / /mthong nas kyang myur ba myur bar lag brgyud 'brog gnas gyi gan du dong ste smras pa/ khyim bdag /gang gis khyod gnod sbyin las thar par mdzad pa'i bcom ldan 'das de 'brog gnas su byon nas mtshan mo ba lang gi lam na rtswa bting ba la gnas par zhal gyis bzhes so/ /lag brgyud 'brog gnas kyis bsam pa/ gal te sangs 'gro bar bya </font><hr>Nya227b<br><font size=+1>


na| bcom ldan 'das gzhan du gshegs par 'gyur ba gang yin pa de lta bu'i gnas yod par 'gyur gyi/ deng nyid du 'gro'o/ /snyam du rig nas myur ba myur bar 'phags pa dang / ji tsam na sgo chod do| |de'i skabs su sngo bsangs can yang sgo drung du phyin pa dang / des kyang nang du ma chud de sgo drung du mtshan mo gnas par khas blangs so/ /nam nangs nas lag brgyud 'brog gnas myur ba myur bar kho nar shing rta la zhon te 'brog gnas nas phyir byung ba dang / sngo bsangs can yang shing rta la zhon te/ nang du 'jug pa na lag brgyud 'brog gnas kyis smras pa/ shing rta zur cig /sngo bsangs can gyis kyang smras pa/ khyod kyi shing rta zur cig /des kyang ma bzur/ gcig shos kyis kyang ma bzur nas/ sngo bsangs can gyis brtags te smras pa/ khyod lag brgyud 'brog gnas yin nam/ des smras pa/ kho bo skye bo dag gis de ltar shes so/ /lag brgyud 'brog gnas kyis kyang smras pa/ khyod kyang sngo bsangs can yin nam/ des kyang smras pa/ bdag skye bo dag gis de ltar shes so/ / lag brgyud 'brog gnas kyis smras pa/ kho bo bcom ldan 'das kyi spyan sngar 'gro'i/ /shing rta zur cig /khyod kyang re zhig khyim du song zhig /sngo bsangs can gyis smras pa/ skyes bu dam pa'i gan du song zhig /ces sngo bsangs can gyi shing rta mtha' gcig tu bzur to/ /lag brgyud 'brog gnas kyang bcom ldan 'das ga la ba der song ste phyin nas bcom ldan 'das la khyim bdag </font><hr>Nya228a<br><font size=+1>


@#/ /gis so sor kun dga' bar bya bas/ bcom ldan 'das ji ltar bde bar gzims sam zhes so sor kun dga' bar byas so/ /de nas bcom ldan 'das kyis lag brgyud 'brog gnas la 'di skad ces bka' stsal to/ /lag brgyud/ 'jig rten na gang dag bde bar nyal bar byed pa de dag gi nang na nga yang 'ga' zhig yin no/ /btsun pa/ dog sa sra zhing ba lang gi rtsid pa'i gzhi can du ras srab mo'i gdan bshams shing dgun smad kyi dus kyi tshe tshes brgyad kyi bar la 'od ma 'gas pa'i bser ma dag ldang la/ khyod kyi na bza' ngur smig 'di dag ni/ srab pas sku yongs su gdung bar bgyid kyang bcom ldan 'das/ de skad ces/ 'jig rten na/ gang dag bde bar nyal bar byed pa de dag gi nang na nga yang 'ga' zhig yin no/ /zhes gsungs sam/ lag brgyud/ de'i phyir khyod nyid la dri'i/ khyod kyis ji ltar bzod pa de ltar lan thob cig /lag brgyud/ 'di lta ste/ dper na/ 'di na khyim bdag gam/ khyim bdag gi bu phyug pa| nor mang ba/ longs spyod che ba 'ga' zhig yod par gyur la/ de'i don du khang bzang rtsig tu bcug cing / khang bzang der khang pa brtsegs pa de rtsig tu bcug la/ khang pa brtsegs pa der khri shur bus blas pa/ stan sbyar ba bting ba/ stan nang tshangs can bting ba/ stan khra bo bting ba/ stan chen po bting ba/ stan bzang po bting ba/ su mtshan gyi gos kyi steng g.yogs bting ba/ </font><hr>Nya228b<br><font size=+1>


steng nas bgo ba'i gos dang bcas pa/ gnyis su rgyab rten dmar por bzhag pa bshams shing / til mar gyi mar me mtshan thub btsugs nas chung ma yid du 'ong ba zhig 'di lta ste/ dga' mgur spyad par bya pa'i phyir nye bar bzhag na/ lag brgyud/ 'di ji snyam du sems/ mi de'i mal bcas pa bde ba'am/ sdug bsngal ba yin snyam/ btsun pa/ bdag 'di snyam bgyid de/ 'jig rten na gang dag bde bar mchis nyal ba de dag gi nang na mi de 'ga' zhig lags snyam bgyid do/ /lag brgyud/ 'di ji snyam du sems/ 'di ltar/ mi de lta bu'i bde ba dang / de lta bu'i yid du 'ong ba dang ldan pa de la 'dod pa las skyes pa'i yongs su gdung ba dang / zhe sdang las skyes pa dang / gti mug las skyes pa'i yongs su gdung ba dag skye zhing / yongs su gdung ba de dag gis yongs su gdungs pa na/ mi de sdug bsngal bar nyam zhing bde bar mi nyal ba'i 'dod pa las skyes pa'i yongs su gdung ba dang / zhe sdang dang / gti mug las skyes pa'i yongs su gdung ba de dag de bzhin gshegs pas yongs su mkhyen cing rtsa ba nas bcad de ta la'i mgo bzhin du mi snang ba dang / gzhi med pa dang / phyis kyang mi skye ba'i chos nyid du mdzad pas de'i phyir nga de skad ces 'jig rten na/ gang dag bde bar nyal ba de dag gi nang na nga yang 'ga' zhig yin no/ /zhes zer ro/ /de nas bcom ldan 'das kyis de'i tshe tshigs su bcad pa dag bka' stsal pa/ bram ze mya ngan yongs 'das pa/ /gang zhig 'dod pas ma gos shing / /phung po dag las rnam </font><hr>Nya229a<br><font size=+1>


@#/ /grol ba/ /rnam kun bde bar nyal ba yin/ /'di la 'dod pa kun bcad cing / /snying gi rim nad bsal gyur ba/ /nyer zhi zhi ba thob pa yi/ /sems kyis bde bar nyal ba yin/ /de nas bcom ldan 'das lag brgyud 'brog gnas la chos dang ldan pa'i bka' mchid kyis yang dag par ston par mdzad/ yang dag par 'dzin du 'jug par mdzad/ /yang dag par gzengs bstod par mdzad/ yang dag par rab tu dga' bar mdzad cing / sangs rgyas bcom ldan 'das rnams kyi dus sngar mdzad pa'i chos dang ldan pa'i bka' mchid gang yin pa 'di lta ste/ sbyin pa'i bka' mchid dang / tshul khrims kyi bka' mchid dang / mtho ris kyi bka' mchid dang / 'dod pa rnams kyi ro myang ba'i nyes dmigs dang / kun nas nyon mongs pa dang / rnam par byang ba dang / nges par 'byung ba dang / rab tu dben pa'i phan yon dang / rnam par byang ba'i phyogs dang mthun pa'i chos dag rgya cher ston par mdzad do/ /gang gi tshe bcom ldan 'das kyis de sems rangs pa dang / sems nyams bde ba dang / sems dga' ba dang / sems la sgrib pa med pa dang / yang dag phul gyi chos bstan pa kun shes pa'i skal ba dang ldan zhing mthu yod par gzigs pa de'i tshe na/ sangs rgyas bcom ldan 'das kyis yang dag phul gyi chos bstan pa gang yin pa 'di lta ste/ 'phags pa'i bden pa bzhi po sdug bsngal dang / kun 'byung dang / 'gog pa dang / lam dag rgya cher ston pa mdzad do/ /'di lta ste/ dper na/ gos dag pa/ nag nog med pa/ bsgyur du rung ba tshon du bcug na/ </font><hr>Nya229b<br><font size=+1>


tshon legs par 'dzin par 'gyur ba de bzhin du lag brgyud 'brog gnas kyis kyang stan de nyid la 'dug bzhin du 'phags pa'i bden pa bzhi po 'di lta ste/ sdug bsngal dang / kun 'byung ba dang / 'gog pa dang / lam mngon par rtogs par gyur to/ /de nas lag brgyud 'brog gnas chos mthong ba dang / chos thos pa dang / chos rig pa dang / chos kyi gting sleb pa dang / so ma nyi las brgal ba dang / the tsom las brgal ba dang / ston pa'i bstan pa la gzhan gyi dring mi 'jog pa dang / gzhan gyis mi bkri zhing chos rnams la mi 'jigs pa thob nas stan las langs te bla gos phrag pa gcig tu byas nas bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /btsun pa/ bdag ni/ mngon par zhugs pa lags so/ /btsun pa/ bdag ni/ mngon par zhugs pa lags te/ btsun pa/ bdag bcom ldan 'das dang / chos dang dge slong gi dge 'dun la skyabs su mchi yi/ /bdag dge bsnyen du gzung du gsol/ /deng slan chad ji srid 'tsho'i bar du glo ba thag pa nas mngon par dad pas skyabs su mchi'o/ /de nas lag brgyud 'brog gnas kyis/ bcom ldan 'das kyi spyan snga nas skyabs su 'gro ba dang / bslab pa'i gzhi dag blangs nas phyir mi 'ong ba'i 'bras bu thob ste bcom ldan 'das la 'di skad ces gsol to/ /btsun pa/ bdag deng kho na sngo bsangs can gyis btsal cing / bdag gis deng kho na phyir mi 'ong ba'i 'bras bu mngon sum du bgyis na/ 'di la ji ltar bsgrub par gyi/ bcom ldan 'das kyis bka' stsal pa/ lag brgyud song zhig /khyod kyi bslab pa ni/ 'di yin no/ /sdo bsangs can yang ji ltar </font><hr>Nya230a<br><font size=+1>


@#/ /khas blangs pa bzhin zas dang / gos kyis mkho ba stobs shig /de ni/ 'jig rten gyi chos nyid yin no/ /de nas lag brgyud 'brog gnas kyis/ bcom ldan 'das kyi zhabs gnyis la mgo bos phyag 'tshal te rang gi khyim du song nas des sngo bsangs can la smras pa/ kho bo deng kho na khyod kyis btsal na/ kho bos kyang deng kho na bcom ldan 'das kyis spyan snga nas skyabs su 'gro ba dang / bslab pa'i gzhi dag blangs shing / phyir mi 'ong ba'i 'bras bu thob par gyur gyi/ de'i phyir gal te khyod 'dod na/ pha'i khyim du song zhig /gal te mi 'dod na/ 'di nyid du 'dug cig dang / zas dang gos kyi mkho ba bstab par bya'o| |des bsam pa/ gal te song bar gyur na/ skye bo dag lag brgyud kyis 'di bkra mi shis par rig nas ma blangs so/ /zhes zer gyi/ 'di ni/ sangs rgyas kyi sras yin pas/ 'di nyid la bsnyen bkur byed cing 'dir 'dug go/ snyam nas de de nyid du 'dug go/ lag brgyud 'brog nas kyis kyang yo byad thams cad dang ldan pa'i gtsug lag khang rtsig tu bcug ste/ bcom ldan 'das nyan thos kyi dge 'dun dang bcas pa la phul nas 'di ltar gnas brtan dag gis kyang / bcom ldan 'das 'brog gnas na 'brog gi nags mchog na bzhugs so/ /zhes mdo sde'i mtha' nye bar sbyar bar byas so// //'dul ba rnam par 'byed pa/ bam po don lnga pa/ de nas dus gzhan zhig na lag brgyud 'brog gnas nad kyis btab ste sdug bsngal zhing / nad tshabs che bar gyur nas/ de nas lag brgyud 'brog gnas nad de nyid kyis dus la bab </font><hr>Nya230b<br><font size=+1>


bo| |de dus la bab ma thag tu mi gdung ba'i lha'i ris su skyes so/ /de nas lha'i bu lag brgyud 'brog gnas 'di snyam sems te/ gang gi phyir bdag yongs su gnas pa bsten te bcom ldan 'das la blta ba dang / bsnyen bkur bya ba'i phyir nye bar 'gro ba ni/ bdag gi tshul dang mthun pa ma yin gyi/ bdag yongs su gnas pa ma bsten pa kho nar bcom ldan 'das la blta ba dang / bsnyen bkur bya ba'i phyir nye bar 'gro'o/ /snyam mo/ /de nas lha'i bu lag brgyud 'brog gnas 'di lta ste/ dper na/ skyes bu stobs dang ldan pa'i lag pa bskums pa las brkyangs pa dang / brkyangs pa las bskum pa tsam gyis mi gdung ba'i lha'i ris nas mi snang bar gyur te/ bcom ldan 'das kyi spyan sngar 'dug pa dang / 'di ltar/ lha'i bu lag brgyud 'brog gnas kyi lus sa la mi thogs shing thim par gyur te| 'di lta ste/ dper na/ zhun mar ram/ 'bru mar phye ma 'am/ thal ba'i steng du blugs pa mi thogs shing thim par 'gyur ba bzhin no/ /de nas bcom ldan 'das kyis lha'i bu lag brgyud 'brog gnas la bka' stsal pa/ lag brgyud/ re zhig lus rags par mngon par sprul la/ sa'i 'du shes bskyed de 'dug pa'i mtshan ma yid la gyis shig /de nas lha'i bu lag brgyud 'brog gnas kyis lus rags par mngon par sprul te/ sa'i 'du shes bskyed cing 'dug pa'i mtshan ma yid la byas nas bcom ldan 'das ga la ba der song ste phyin nas bcom ldan 'das kyi zhabs </font><hr>Nya231a<br><font size=+1>


@#/ /gnyis la mgo bos phyag 'tshal te mtha' gcig tu 'dug pa dang / 'di ltar/ lha'i bu lag brgyud 'brog gnas kyi kha dog gi mthus/ 'brog gi nags mchog thams cad snang ba rgya chen pos khyab par gyur to/ /mtha' gcig tu 'dug nas bcom ldan 'das kyis lha'i bu lag brgyud 'brog gnas la 'di skad ces bka' stsal to/ /lha'i bu/ ji ltar khyod sngon mir gyur pa na chos gang dag ston cing lobs pa de dag /da ltar lobs sam/ btsun pa/ bdag sngon mir gyur pa na chos gang dag ston cing lobs pa de dag /da ltar te por lobs te/ btsun pa/ bdag sngon mir gyur pa na chos gang dag bton cing ma lobs pa de dag kyang da ltar lobs par gyur te/ 'di ltar/ bcom ldan 'das kyis legs par gsungs pa'i chos ni/ bde bar gyur pas mngon par brjod par bgyid do/ /ji ltar bcom ldan 'das '+dzam+bu'i gling na 'khor bzhi po dge slong dang / dge slong ma dang / dge bsnyen dang / dge bsnyen ma rnams kyis bskor cing bzhugs pa na/ bcom ldan 'das bdag cag la chos gang dang gang ston par 'gyur ba'i chos de dang de bdag cag gis mnyan nas de lta de ltar bsgrub par bya ste/ de ni/ bdag cag la yun ring po'i don dang / phan pa dang / bde bar 'gyur ro/ /snyam pa de bzhin du/ btsun pa/ bdag kyang mi gdung ba'i lha'i ris na mi gdung ba'i lha'i ris kyi lha rnams kyis yongs su </font><hr>Nya231b<br><font size=+1>


bskor cing mchis pa na/ lha'i bu lag brgyud 'brog gnas bdag cag la chos gang dang gang ston par 'gyur ba'i chos de dang de bdag cag gis mnyan nas de lta de ltar bsgrub par bya ste/ de ni/ bdag cag la yun ring po'i don dang / phan pa dang / bde bar 'gyur snyam du sems so/ /lag brgyud/ khyod chos du dag gis ma ngoms shing phyir ma spangs pas/ lus zhig nas mi gdung ba'i lha'i ris su skyes par gyur/ btsun pa/ bdag chos gsum gyis ma ngoms shing slar ma spangs pas/ lus zhig nas mi gdung ba'i lha'i ris su skyes te/ gsum gang lags she na/ btsun pa/ bdag bcom ldan 'das la blta bas ma ngoms shing slar ma spangs pas/ lus zhig nas mi gdung ba'i lha'i ris su skyes so/ /btsun pa/ bdag chos mnyan pas ma ngoms shing slar ma spangs pas/ lus zhig nas mi gdung ba'i lha'i ris su skyes so/ /btsun pa/ bdag dge 'dun la bsnyen bkur bgyi bas ma ngoms shing slar ma spangs pas/ lus zhig nas mi gdung ba'i lha'i ris su skyes so/ /de nas lha'i bu lag brgyud 'brog gnas kyis de'i tshe tshigs su bcad pa dag smras pa/ bdag ni bcom ldan blta ba dang / /dam chos nyan dang dge 'dun la/ /bsnyen bkur bgyid pas lan 'ga' yang / ngoms shing phyir spong ma myong ngo / /'phags pa'i chos rnams yang dag blangs/ /ser sna 'dul la brtson gyur cing / /chos gsum chog mi shes pa yis/ /lag brgyud mi gdung skyes par gyur/ / </font><hr>Nya232a<br><font size=+1>


@#/ /de nas lha'i bu lag brgyud 'brog gnas kyis bcom ldan 'das kyis bka' stsal pa la mngon par dga' ba dang / rjes su yi rang ba byas te bcom ldan 'das kyi zhabs gnyis la mgo bos phyag 'chal te bcom ldan 'das la lan gsum bskor ba byas nas de nyid du mi snang bar gyur to/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa/ bcom ldan 'das kyis gnod sbyin 'brog gnas las dri ma can dang phral te skyabs su mchi ba dang / bslab pa'i gzhi dag la bkod pa la gzigs/ bcom ldan 'das kyis bka' stsal pa/ dge slong dag /da ltar nga 'dod chags dang bral ba/ zhe sdang dang bral ba/ gti mug dang bral ba/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dag las yongs su grol zhing / thams cad mkhyen pa/ thams cad gzigs pa/ mkhyen pa dang shes bya thams cad la mnga' brnyes pas gnod sbyin 'brog gnas las dri ma can dang phral te skyabs su 'gro ba dang / bslab pa'i gzhi dag la bzhag pa 'di la ngo mtshar ci che/ nga 'das pa'i dus na 'dod chags dang bcas pa/ zhe sdang dang bcas pa/ gti mug dang bcas pa/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dag </font><hr>Nya232b<br><font size=+1>


dag las yongs su ma grol bas kyang gnod sbyin 'brog gnas las dri ma can dang phral te skyabs su 'gro ba dang / bslab pa'i gzhi dag la bzhag ste/ de nyon cig /dge slong dag /sngon byung ba grong khyer wA ra NI si na ded dpon dpa' chen zhes bya ba phyug pa/ nor mang ba/ longs spyod che ba/ yongs su bzung ba yangs shing rgya che ba/ rnam thos kyi bu'i nor dang ldan pa/ rnam thos kyi bu la nor gyis 'gran pa zhig byung bar gyur te/ de dus gzhan zhig na tshong pa lnga brgya dang lhan cig dgon pa'i lam du zhugs pa dang / lam de srin po spu ral can gyis bsdigs shing bgags par gyur nas ded dpon dpa' chen don mthun gyi mdun du 'gro bar brtsams pa dang / ji tsam na srin po spu ral can de bram ze'i cha lugs su mngon par sprul nas lam kar 'dug ste ded dpon dpa' chen la smras pa/ ded dpon/ lam 'di srin po spu ral can gyis bsdigs shing bgags nas kho bo yang tshogs chen pos 'ongs kyi/ lam gzhan du song zhig /des smras pa/ bram ze/ snying las chung ngur gyis shig /des kho bo la byar ci yod/ 'gro'o/ /de skad ces smras pa dang / srin po spu ral can de 'khrugs nas bzhin bsgyur te lag pa gnyis brkyang nas ral pa sa la blags te mig dmar por byas nas mig gnyis bgrad de smras pa/ ded dpon/ je kho bo la rgol la phyis song zhig /de nas ded dpon dpa' chen gyis shin tu 'jigs su rung ba de mthong nas gzhu rna drung du thug par bkang ste mda' dag 'phang bar brtsams pa dang / de dag thams cad ral </font><hr>Nya233a<br><font size=+1>


@#/ /pa dag la thogs so/ /gzhu 'phangs pa dang / de yang thogs so/ /de bzhin du shing dang / bong ba la sogs pa dag 'phangs na/ de dag kyang ral pa dag la thogs so/ / de nas tsham tshom med par mthus pa brgal ba dang lus thams cad ral pa dag la thogs nas srin pos tshigs su bcad pa smras pa/ khyod kyi lag gnyis rkang gnyis dang / lnga pa mgo yang thogs gyur cing / /lus kyang nga yi lus la thogs/ /phyin ma thogs ci zhig yod/ /ded dpon gyis kyang tshigs su bcad pa dag smras pa/ nga yi lag gnyis rkang gnyis dang / lnga pa mgo yang thogs gyur cing / /lus kyang khyod kyi lus la thogs/ /phyin ma thogs sems yod do/ /gsang ba ji srid kho bo yi/ /sems dang brtson 'grus ma nyams pa/ /de srid khyod kyang dgyes bya ste/ /brtan byas nga la mi gnod do/ /srin pos kyang tshigs su bcad pa dag smras pa/ gang gi brtson pa 'di 'dra ba/ /dpa' chen khyod la phyag 'tshal lo/ /khyod kyi brtson 'grus 'di 'dra bas/ /sdug bsngal kun las 'bros par nus/ /dpa' chen khyod dang 'dra ba yi/ /gang zag med par bdag gis shes/ /khyod kyi mthu yis tshong ba dag/ bde legs su ni 'dong la rag/ 'byung po kun la snying brtse ba/ /ded dpon khyod la phyag 'tshal lo/ /khyod kyi mthu yis tshong pa dag /zhi ba nyid du 'dong la rag /de ltar de na ded dpon dpa' chen gyis/ srin po spu ral can la gang thos nas srin </font><hr>Nya233b<br><font size=+1>


po spu ral can las dri ma can dang phral te brtul zhugs lnga po dag la bzhag pa de 'dra ba'i chos bstan par byas so/ /dge slong dag /de'i tshe de'i dus na/ ded dpon dpa' chen gang yin pa de ni/ nga nyid yin no/ / de'i tshe de'i dus na srin po spu ral can gang yin pa de ni/ gnod sbyin 'brog gnas yin te/ de'i tshe yang ngas 'di las dri ma can dang phral te brtul zhugs lnga la bzhag la/ da ltar yang ngas 'di las dri ma can dang phral te skyabs su 'gro ba dang / bslab pa'i gzhi dag la bzhag go /yang dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa/ lag brgyud 'brog gnas kyis las ci bgyis na/ des skyes ma thag tu gnod sbyin gyi gtor mar stsal cing / bcom ldan 'das de thar par bgyi ba'i slad du brtson par gyur/ bcom ldan 'das kyis bka' stsal pa/ dge slong dag /lag brgyud 'brog gnas nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas/ lag brgyud 'brog gnas kyis las byas shing bsags pa dag /gzhan su zhig gis so sor myong bar 'gyur/ dge slong dag las byas shing bsags pa dag ni/ phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur te/ 'di ltar/ las </font><hr>Nya234a<br><font size=+1>


@#/ /dge ba dang / mi dge ba byas shing bsags pa dag ni/ zin pa'i phung po dang / khams dang / skye mched dag kho na la rnam par smin par 'gyur ro/ /las rnams bskal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag /sngon byung ba bskal ba chen po bzang po 'di nyid la skye rgu'i tshe lo nyi khri thub pa na/ ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo bsgyur ba bla na med pa/ lha dang mi rnams kyi ston pa sangs rgyas bcom ldan 'das 'od srung 'jig rten du byung ste/ de wA ra NA si na drang srong smra ba ri dwags kyi nags na nye bar brten cing bzhugs so/ /de'i bstan pa la 'di dge bsnyen du gyur to/ /ri brag cig na rgyal po zhig 'dug pa de/ shin tu bya gag la dga' nas gang yang rung ba la rgyal po'i pho brang du bya ba cung zad byung na/ de gsug tu bya gag thogs te rgyal po'i gan du 'gro'o/ /ji tsam dus gzhan zhig na dge bsnyen dag rgyal po'i pho brang du bya ba cung zhig byung nas de de bzhin song ba dang / rgyal po des de'i dgos pa ma bsgrubs nas gzhan dag gis de la smras pa/ rgyal po 'di bya gag la dga' bas/ gal te khyod la dgos pa 'grub dgos na/ de la </font><hr>Nya234b<br><font size=+1>


bya gag phul cig /des rgyal po la bya gag cig phul ba dang / rgyal pos de phyag tshang gi tshang bang du gtad nas dge bsnyen de'i dgos pa yang bsgrubs so/ /dge bsnyen des bsam pa/ bdag gis bya gag phul ba ma legs pa byas kyi/ song la rin gyis blu'o/ /snyam nas/ des phyag tshang gi lag par rin byin te bya gag thar bar byas nas smon lam btab pa/ bdag gis rnyed pa 'dod pa'i phyir rgyal po la bya gag phul ba gang yin pa'i las de'i cha dang mthun par mi 'gyur bar bdag gis bya gag phongs par gyur pa thar par byas pa'i dge ba'i rtsa ba 'dis/ bdag phongs par gyur pa thar par bya ba'i phyir bcom ldan 'das brtson par gyur cig /ces btab bo/ /dge slong dag /de'i tshe de'i dus na dge bsnyen gang yin pa de ni/ lag brgyud 'brog gnas 'di yin te/ des rnyed pa 'dod pa'i phyir rgyal po la bya gag phul ba gang yin pa'i las de'i rnam par smin pas gnod sbyin gyi gtor mar byin no/ /phyis 'gyod pa skyes nas thar par byas shing smon lam btab pa gang yin pa'i las de'i rnam par smin pas/ nga 'di thar par bya ba'i phyir brtson par gyur cing / ngas 'di gnod sbyin las thar par byas so/ /yang dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa/ bcom ldan 'das kyis lag brgyud 'brog gnas/ sngo bsangs can las thar pa mdzad </font><hr>Nya235a<br><font size=+1>


@#/ /nas phyir mi 'ong ba'i 'bras bu la bzhag pa la gzigs/ bcom ldan 'das kyis bka' stsal pa/ dge slong dag /da ltar du ma zad de/ 'di ltar 'das pa'i dus na yang ngas 'di gzugs can ma las thar bar byas nas/ mngon par shes pa lnga la bzhag ste/ de nyon cig /dge slong dag /sngon byung ba wA ra NA si na rgyal po tshangs byin zhes bya bas rgyal srid 'byor pa rgyas pa/ bde ba/ lo legs pa/ skye bo dang / mi mang pos gang ba/ 'thab mo dang / 'thab pa dang / phyi dgra dang / nang 'khrug rab tu zhi ba/ chom rkun dang / mu ge dang / nad dang bral ba/ sA lu dang / bu ram shing gi phreng ba dang / ba lang dang / ma he phun sum tshogs pa byed du bcug ste chos dang ldan pa'i chos kyi rgyal pos chos kyi rgyal srid byed du bcug go /de'i mdun na 'don des rigs mnyam pa las chung ma blangs nas/ de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod par byed pa de'i chung ma la dus gzhan zhig na sems can zhugs par gyur nas/ de zla ba brgyad dam dgu 'das te btsas pa las/ khye'u rkang lag dra bas 'brel ba zhig byung ngo / /de'i nye du dag 'dus shing lhags nas nyi ma bdun gsum nyi shu rtsa gcig tu btsas pa'i btsas ston rgya cher byas nas khye'u ming cir gdags zhes des ming 'dogs par byed do/ /de dag 'di snyam du sems te/ gang gi </font><hr>Nya235b<br><font size=+1>


phyir khye'u 'di rkang lag dra bas 'brel ba de'i phyir khye'u'i ming rkang lag dra ba can zhes bya'o/ /zhes de'i ming rkang lag dra ba can zhes bya bar btags so/ /yang de rtse bar byed/ dga' bar byed/ dga' mgur spyod par byed pa de'i chung ma la dus gzhan zhig na sems can zhugs par gyur nas/ de zla ba brgyad dam dgu 'das te btsas pa las khye'u rkang lag dra bas ma 'brel ba zhig byung ngo / /de'i nye du dag 'dus shing lhags nas nyi ma bdun gsum nyi shu rtsa gcig tu btsas pa'i btsas ston rgyas par byas nas khye'u'i ming cir gdags zhes ming 'dogs par byed do/ /de dag 'di snyam du sems te/ gang gi phyir khye'u 'di rkang lag dra bas 'brel pa med pa de'i phyir khye'u'i ming rkang lag dra ba med ces bya'o/ /zhes de'i ming rkang lag dra ba med ces bya bar btags so/ /de gnyis bsrings shing bsring bskyed de chen por gyur to/ /ji tsam na bu thu bo rkang lag dra ba can gyis pha chos dang chos ma yin pas mdun na 'don byed du 'jug pa mthong nas des bsam pa/ bdag 'di 'das nas mdun na 'don du gyur na/ bdag kyang chos dang chos ma yin pas mdun na 'don byed du 'jug par 'gyur na/ bdag chos dang chos ma yin pas mdun na 'don byed du bcug nas sems can dmyal ba la gzhol bar gyur na mi rung gi /rnam pa thams cad du rab tu 'byung ngo / /snyam nas/ de pha'i gan du song ste smras pa/ yab /bdag rab tu 'byung bar ci gnang / phas smras pa/ bu/ gang gi phyir mchod sbyin </font><hr>Nya236a<br><font size=+1>


@#/ /sbyin par byed/ sbyin sreg sreg par byed/ dka' thub kyis gdung bar byed pa'i mdun na 'don de khyod kyi lag mthil du 'ongs na/ ci'i phyir rab tu 'byung bar byed/ des tshigs su bcad de smras pa/ nags na shing shun shun pa'i gos gyon 'bras bu za/ /ri dwags sdug pa rnams dang lhan cig gnas pa bla'i/ /mkhas pa 'jig rten pha rol 'jigs pas rgyal srid phyir/ /gsad dang bcing dang brdeg pa'i las dag byar mi rung / /phas de dus kyis 'chu bar shes nas gnang ba dang / de drang srong rnams kyi gan du song ste rab tu byung nas des spro ba dang / 'bad pa dang / brtsal bar byas pas mngon par shes pa lnga bskyed par gyur to/ /bu gnyis pa rkang lag dra ba med ni/ gsang tshig gi phyir gsang tshig tshol du yul gzhan du song ngo / /lho lam na ri brag cig na/ bram ze zhig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed/ rtse bar byed/ dga' bar byed/ dga' mgur spyod par byed pa de'i chung ma las bu mo zhig btsas nas des bsam pa/ bdag gi bu mo 'di rigs kyi phyir yang mi sbyin/ nor gyi phyir yang mi sbyin gyi/ rig byed bzhi klog pa la sbyin par bya ste/ gang gis bdag gi drung nas rig byed bzhi bklags pa de la bdag gis bu mo zhig sbyin no/ /snyam mo/ /ji tsam na bram ze'i khye'u rkang lag dra ba med de phan </font><hr>Nya236b<br><font size=+1>


tshun 'khor ba na/ lho lam du phyin nas des phyogs gzhan zhig tu lam gyis dub pa ngal bsos te thos pa gcig nas gcig tu brgyud pas bram ze de thos nas de'i gan du song ste mngon du smra ba byas nas smras pa/ bdag mkhan po'i zhabs la bsnyen bkur bgyid par 'tshal lo/ /ci'i phyir/ rig byed bklag pa'i slad du'o/ /bu/ de bzhin gyis shig /des de'i gan du rig byed klog par brtsams pa dang / de spyod pa gsal bas de'i drung nas dus cung zad cig gis rig byed bzhi lhogs so/ /lhogs nas bram ze des de la bu mo byin no/ /bram ze'i khye'u de de dang lhan cig khang thog na nyal ba'i tshe ji tsam na bu mo de'i bsil yab shod du lhung ba dang / des lag pa glang po che'i sna lta bu brkyang ste de blangs pa dang / des de mthong nas sdangs par gyur to/ /yang mar me shi la thug pa dang / des lag pa glang po che'i sna lta bu brkyang ste de gsos so/ /de yang des mthong nas yang rgya cher sdangs par gyur te/ de dang lhan cig bag yangs su dga' mgur spyod par mi byed do/ /bu mos smras pa/ rje'i sras/ khyod ci'i phyir bdag mthong na/ dbang po rnams sdud cing bdag dang lhan cig bag yangs su gcugs par mi byed/ khye'us smras pa/ khyod kyis 'chi bdag dang lhan cig gcugs par byed pa 'ga' mthong ngam/ bu mos smras pa/ rje'i sras/ ma 'jigs shig /kho mo khyim thab la 'khu ba'i sems mi bskyed do/ /khye'us smras pa/ 'di la kho bos dus </font><hr>Nya237a<br><font size=+1>


@#/ /shes par bya'o/ /bu mo de skyengs nas de gnyid log pa la sdod cing 'dug go /khye'u des gnyid ma log bzhin du gnyid log pa'i cha lugs su byas te 'dug pa dang / bu mo des de gnyid log par rig nas gzugs can ma rnams kyi nang du song ngo / /khye'u de yang dal bus langs te de'i rjes bzhin du song ba dang / ji tsam gzugs can ma de dag thams cad sgren mor byung zhing skra bshig ste 'jigs 'jigs ltar 'dug pa dag mthong nas de shin tu sdangs shing skrag nas phyir log go /de yang de'i rjes bzhin du 'ongs pa dang / des smras pa/ bzang mo/ kho bo 'dug mi phod kyi/ 'gro'o/ /des de gdon mi za bar dus kyis 'chu bar shes nas smras pa/ rje'i sras/ gal te nges pa kho nar 'gro 'dod na/ song la su la yang ma zer cig /de yang ma zer bar bram ze de'i gan du song ste smras pa/ mkhan po/ khyod bltas kyis mchi'o/ /des smras pa/ gal te de ltar na/ bu mo yang khrid la song zhig /mkhan po/ bdag de nyid kyis 'jigs pas mchi'o/ /bu/ ci'i phyir khyod des 'jigs/ mkhan po/ de gzugs can ma lags so/ /bu/ ci'i phyir de de ltar 'gyur/ de cang mi smra bar song ngo / /bram ze des bu mo la smras pa/ bu mo/ khyod khyim thab kyang rjes su mi srung ngam/ yab/ de ji skad mchi/ bu de na re/ khyod gzugs </font><hr>Nya237b<br><font size=+1>


can ma yin zhes zer ro/ /yab/ bdag gzugs can ma ma lags te/ des bdag la sho bes skur ba btab ste mchis so/ /de cang mi smra bar 'dug go /gzugs can ma de yang kun nas dkris pa drag pos kun nas dkris par gyur nas rkang lag dang mig bsgyur te lam gar song nas de'i mdun du 'dug ste smras pa/ bu zan ma'i bu/ khyod la kho mos su la yang ma zer cig /ces byas na/ khyod kyis kho mo'i pha nyid la byas kyi/ da ni/ khyod la mtshams chen po gcad par bya'o/ /zhes des de la gnod pa bya bar brtsams pa dang / de skrag pas sgra chen po byung ste/ 'phags pa rkang lag dra ba can la phyag 'tshal lo/ /'phags pa rkang lag dra ba can la phyag 'tshal lo/ /phyag 'tshal lo/ /zhes brjod pa dang / de nas rkang lag dra ba can la mngon par dga' ba'i lha mo gang yin pa de myur ba myur bar song ste rkang lag dra ba can la smras pa/ 'phags pa/ khyod kyi gcung po gnod pa dang / nyam nga ba dang / mi bde bar gyur gyi/ de la dgongs su gsol/ de rdzu 'phrul gyis de'i gan du song ste smras pa/ bu mo/ 'di la gnod par ma byed cig /'dis khyod la ci nyes/ bdag gis 'di bzlog na/ 'dis bdag gi pha la bdag gzugs can ma lags so/ /zhes bgyis kyi/ bdag gis 'di bza'i/ khyod bzhud cig /des smras pa/ sring mo/ 'di ni/ bkren pa yin pas 'khrug pas chog gi /thong zhig /des smras pa/ 'phags pa/ dam tshig gis gtang bar bgyi ste/ gal te rab tu 'byung na'o/ / </font><hr>Nya238a<br><font size=+1>


@#/ /des smras pa/ sring mo/ thong zhig dang rab tu 'byung ngo / /des de btang nas des kyang de rab tu phyung ste/ gdams ngag byin nas des spro ba dang / 'bad pa dang / brtsal ba byas pas mngon par shes pa lnga bsgrubs par gyur to/ /dge slong dag /de'i tshe de'i dus na mdun na 'don gyi bu thu bo rkang lag dra ba can gang yin pa de ni/ nga nyid yin no/ /de'i tshe de'i dus na de'i nu bo rkang lag dra ba med pa gang yin pa de ni/ lag brgyud 'brog gnas 'di yin no/ /de'i tshe de'i dus na gzugs can ma gang yin pa de ni/ sngo bsangs can 'di yin te/ ngas de'i tshe yang lag brgyud 'brog gnas 'di/ gzugs can ma las thar par byas te mngon par shes pa lnga la bzhag la/ da ltar yang ngas 'di sngo bsangs can las thar par byas te phyir mi ldog pa'i 'bras bu la bzhag go /gang gi tshe lag brgyud 'brog gnas dus la bab pa de'i tshe na sngo bsangs can ko'u sham+b+hir song nas ko'u sham+b+hi'i tshogs kyis/ gang gi nyin mo sngo bsangs can gyis lag brgyud 'brog gnas btsal ba de'i nyin mo lag brgyud 'brog gnas kyis phyir mi 'ong ba'i 'bras bu thob pas/ bu mo des ma rmas pa kho nar 'dir 'ongs so/ /zhes thos nas/ thos pa gcig nas gcig tu brgyud pas bad sa'i rgyal po shar pas thos pa dang / des khyim bdag gdangs can pos te smras pa/ khyim bdag /gang gi nyin mo sngo bsangs can gyis lag </font><hr>Nya238b<br><font size=+1>


brgyud 'brog gnas btsal ba de'i nyin mo/ lag brgyud 'brog gnas kyis phyir mi 'ong ba'i 'bras bu thob nas bu mo de ma rmas pa kho nar 'dir 'ongs zhes grag na/ ci/ de bden nam/ 'on te rdzun/ des smras pa/ lha/ mad do/ /gal te de lta na/ ci'i phyir nga la mi sbyin/ lha/ gsol lo/ /rgyal pos btsun mo'i 'khor gyi nang du bcug ste bsnyen bkur ma lnga brgya yang byin/ nyi ma re re zhing dri dang phreng ba rgyu'i rin kaR+sha pa Na stong stong yang byin/ khang bzang me tog gi so zhes bya ba yang byin no/ /de la bu mo mngag gzhug ma sgur mchog ces bya ba zhig yod pa de nyi ma re re zhing kaR+sha pa Na stong stong gis dri dang phreng ba rgyu dag nyo bar byed do/ /de dus gzhan zhig na spos tshong gi khye'u zhig dang lhan cig bstan par gyur nas des kaR+sha pa Na lnga brgyas ni/ dri dang / me tog phreng dag nyo bar byed/ lnga brgya ni/ de dang lhan cig za bar byed do/ /spos tshong gi khye'u de dad pa can yin pas des sangs rgyas la sogs pa dge slong gi dge 'dun khyim gzhan du gdugs tshod la spyan drangs nas des sgur mchog la smras pa/ kho bo sangs rgyas la sogs pa dge slong gi dge 'dun khyim gzhan du gdugs tshod la spyan drangs kyi/ khyod kyang shog la brims shig /des de'i mtshan mo bca' ba dang / /bza' ba gtsang zhing bsod pa sta gon byas nas nang par sngar langs te gdan bshams nas chu ra bzhag ste spyan 'dren btang nas bcom ldan 'das la/ btsun pa/ gdugs tshod g.yar dgongs 'tshal na/ </font><hr>Nya239a<br><font size=+1>


@#/ /bcom ldan 'das kyis de de'i dus la bab par dgongs su gsol zhes spyan drangs so/ /de nas bcom ldan 'das sham thabs gsol/ lhung bzed dang chos gos bsnams te dge slong gi tshogs kyis yongs su bskor cing / dge slong gi dge 'dun gyi mdun du bdar te spos tshong gi khye'u'i bkad sa ga la ba der gshegs nas dge slong gi dge 'dun gyi gong du gdan bshams pa nyid la bzhugs so/ /de nas spos tshong gi khye'u sgur mchog dang bcas pas sangs rgyas la sogs pa dge slong gi dge 'dun bde bar bzhugs par rig nas rang gi lag nas bca' ba dang / bza' ba gtsang zhing bsod pas tshim par byed/ stob par byed do/ /rnam grangs du mar bca' ba dang / bza' ba gtsang zhing bsod pas rang gi lag nas tshim par byas shing bstabs nas/ sangs rgyas la sogs pa dge slong gi dge 'dun gdugs tshod gsol zhing phyag bcabs/ lhung bzed bzhag par rig nas stan ches dma' ba zhig blangs te chos mnyan pa'i phyir bcom ldan 'das kyi spyan sngar 'dug go/ bcom ldan 'das kyis sgur mchog gi bsam pa dang / bag la nyal dang / khams dang / rang bzhin thugs su chud nas gang thos nas sgur mchog gis stan de nyid la 'dug bzhin du 'jigs tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras bu </font><hr>Nya239b<br><font size=+1>


mngon sum du byas pa de ltar 'phags pa'i bden pa bzhi yang dag par so sor rtogs par byed pa'i chos bstan pa mdzad do/ /des bden pa mthong nas gsol pa/ btsun pa/ bdag gis dge ba'i bshes gnyen bcom ldan 'das la brten nas bcom ldan 'das kyis bdag la gang mdzad pa 'di lta bu ni/ bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang / bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang / mchi ma'i rgya mtsho ni/ bskams/ rus pa'i ri dag las ni/ bsgral/ ngan song gi sgo dag ni/ bkum/ mtho ris dang / thar pa'i sgo dag ni/ phye/ sems can dmyal ba dang / dud 'gro dang / yi dwags dag nas ni/ rkang pa phyung / lha dang / mi rnams kyi nang du ni/ bzhag /'khor ba ni/ mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba/ ye shes kyis rdo rjes bcom ste rgyun du zhugs pa'i 'bras bu ni/ thob ste/ btsun pa/ bdag ni/ mngon par zhugs pa lags so/ /btsun pa/ bdag ni/ mngon par zhugs pa lags te/ btsun pa/ bdag bcom ldan 'das dang / chos dang / dge slong gi dge 'dun la skyabs su mchi yi/ bdag dge bsnyen mar gzung du gsol/ deng slan chad </font><hr>Nya240a<br><font size=+1>


@#/ /nas ji srid 'tsho'i bar du glo ba thag pa nas rab tu dang bas skyabs su mchi'o/ /de nas bcom ldan 'das kyis de gnyis la chos bstan pa mdzad nas gshegs so// sgur mchog gis spos tshong gi khye'u de la smras pa/ rje'i sras/ da ni/ bdag gis gzhan gyi til gyi phub ma yang ma byin par len pa'i rdo mi thogs kyi/ kaR+sha pa Na stong gi yo byad dag stsol cig /des smras pa/ ma nyes kyi zhes des de la kaR+sha pa Na stong gi yo byad dag byin no/ /des de khyer te sngo bsangs can gyi gan du song ba dang / des smras pa/ sgur mchog/ khyod kyis deng 'dir mgo phyir bstan te nyal ba gang las thob/ des smras pa/ jo mo/ /sngon ni/ bdag gis brkus kyi/ da ni/ bdag gis slan chad nyon mongs pa de lta bu dag kun tu spyod par mi 'gyur ba'i yon tan gyi rnam pa de lta bu rtogs so/ /khyod kyis deng ci byas/ de thos pa 'dzin pa yin pas/ skabs de rgyas par smras pa dang / des smras pa/ sgur mchog /khyod kyis bcom ldan 'das kyi spyan snga nas chos mnyan nas kho mo la smos shig /khyod kyi las ni/ de yin no/ /des smras pa/ ma nongs kyi/ de ltar bgyi'o/ /de nas sgur mchog gis/ bcom ldan 'das kyi spyan snga nas chos mnyan nas de la brjod do/ /bcom ldan 'das kyis sgur mchog la rmas pa/ sgur mchog/ khyod btsun mo'i 'khor la chos ston tam/ bcom ldan 'das/ ston to/ ji ltar ston/ bcom </font><hr>Nya240b<br><font size=+1>


ldan 'das/ bdag ni/ 'greng ste ston la/ de dag ni/ mchis te nyan to/ /bka' stsal pa/ gal te de dag sgur mchog /chos ston cig ces zer na/ mi ston to/ /zhes brjod par bya'o/ /ci'i phyir zhes zer na/ 'di ltar/ bcom ldan 'das kyis bskal pa grangs med pa gsum gyis dka' ba spyod pa 'bum phrag du ma dag gis pha rol tu phyin pa drug yongs su rdzogs par mdzad nas bla na med pa'i mkhyen pa thugs su chud pa yin/ bdag khyed cag gus pa med pa/ rjes med pa/ stan chos mthon po la 'khod pa rnams la ga la ston ces brjod par bya'o/ /ji tsam dus gzhan zhig na sgur mchog gis bcom ldan 'das kyi spyan snga nas chos mnyan nas btsun mo'i 'khor gyi nang du song ba dang / de dag gis de la smras pa/ sgur mchog/ chos ston cig /des smras pa/ mi ston to/ /ci'i phyir/ 'di ltar bcom ldan 'das kyis bskal pa grangs med pa gsum gyis dka' ba spyad pa 'bum phrag du ma dag gis pha rol tu phyin pa drug yongs su rdzogs par mdzad nas bla na med pa'i mkhyen pa thugs su chud na/ bdag khyed cag gus pa med pa dang / rje sa med pa/ stan ches mthon po la 'khod pa rnams la ga la ston/ sngo bsangs can gyis thos nas seng+ge'i khri btsugs so/ /gzhan dag gis kyang stan nang tshangs can bting ngo / /gzhan dag gis kyang bteg ste der bzhag nas sgur mchog seng+ge'i khri la 'dug ste/ de dag la gang </font><hr>Nya241a<br><font size=+1>


@#/ /gang thos nas sngo bsangs can la sogs pa bud med lnga brgyas khyad par chen po rtogs te/ kha cig gis ni/ rgyun du zhugs pa'i 'bras bu mngon sum du byas/ kha cig gis ni/ lan gcig phyir 'ong ba'i 'bras bu/ kha cig gis ni/ phyir mi 'ong ba'i 'bras bu mngon sum du byas pa de ltar chos bstan par byas so/ /de dag sgur mchog la chos kyi rgyu las byung ba'i dad pa skyes nas de dag gis bad sa'i rgyal po shar pa la smras pa/ lha/ bdag cag sangs rgyas mthong bar 'tshal lo/ /des smras pa/ de ltar bya ste/ bcom ldan 'das kyi spyan sngar je 'gro'o/ /zhes de bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das la bad sa'i rgyal po shar pas 'di skad ces gsol to/ /bcom ldan 'das/ mchis brang gi 'khor bcom ldan 'das mthong bar 'tshal lo/ /bcom ldan 'das kyis bka' stsal pa/ rgyal po chen po/ de bzhin gshegs pa dgra bcom pa yang dag par rdzogs pa'i sangs rgyas rnams ni/ btsun mo'i 'khor gyi nang du mi 'jug go /des song ste de dag la smras pa dang / sngo bsangs can gyis smras pa/ lha/ gal te bcom ldan 'das btsun mo'i 'khor gyi nang du mi gshegs na/ khang bzang me tog gi so la skar khung mang po dag gdod </font><hr>Nya241b<br><font size=+1>


cing / bdag cag skar khung dag nas bcom ldan 'das la lta bar ci gnang / rgyal pos khang bzang me tog gi so la skar khung lnga brgya btod do/ /gang gi tshe bcom ldan 'das phyogs der gshegs pa de'i tshe na/ btsun mo'i 'khor de dag gis bcom ldan 'das skar khung nas mthong nas mchod pa dang / bsnyen bkur byed cing / me tog dag dang / spos dag dang / na bza' dag dang / me tog phreng gi chun po dag kyang 'thong bar byed do/ /sna tshogs gdul na kun tu rgyu ma du zhes bya ba de la/ chung ma bur ma zhes bya ba zhig yod pa de las/ bu mo gzugs bzang ba/ blta na sdug pa/ mdzes pa/ yan lag dang / nying lag thams cad dang ldan pa zhig btsas nas de'i rus pa dag phra zhing shin tu phra la dpe bya bar mi nus so/ /de'i nye du dag 'dus shing lhags nas zhag bdun gsum nyi shu rtsa gcig tu btsas pa'i btsas ston rgya cher byas nas bu mo'i ming cir yang gdags zhes de'i ming 'dogs par byed do/ /nye du rnams kyis smras pa/ bu mo gzugs bzang ba/ blta na sdug pa/ mdzes pa/ yan lag dang / nying lag thams cad dang ldan zhing / 'di'i rus pa dag phra zhing shin tu phra la dpe bya bar mi nus pas/ bu mo 'di la dpe med pas 'di'i ming dpe med ma zhes bya bar gdags so/ /zhes de'i ming dpe med ma zhes bya bar btags so/ /de bsrings bskyed nas chen por gyur to/ /ma dus bsam pa/ bdag gi bu mo 'di su la yang rigs kyi phyir yang mi sbyin/ nor gyi phyir yang mi sbyin / </font><hr>Nya242a<br><font size=+1>


@#/ /thos pa'i phyir yang mi sbyin gyi/ bdag gis gang 'di dang gzugs mnyam pa'am/ lhag pa de la sbyin no/ /snyam mo/ /de'i skabs su bcom ldan 'das sgra mi snyan dag tu ljongs rgyu zhing gshegs pa na sna tshogs gdul du byon nas sna tshogs gdul na sgra mi snyan gyi grong rdal na bzhugs so/ /de nas bcom ldan 'das snga dro sham thabs gsol/ lhung bzed dang chos gos bsnams te sna tshogs gdul du bsod snyoms la zhugs so/ /sna tshogs gdul du bsod snyoms rgyus nas zas kyi bya ba mdzad de/ phyi ma'i zas kyi bsod snyoms las slar log pas ji ltar longs spyad pa'i gnas mal mkhos su phab ste/ shing ljon pa zhig gi drung du brten nas brang 'gro'i rgyal po nyal ba'i lus bskyil ba ltar skyil mo krung bcas te bzhugs so/ /de'i tshe na kun tu rgyu ma du me tog dang / yam bsreg shing gi phyir phyi rol tu byung ba dang / kun tu rgyu ma dus thag ring po kho na nas bcom ldan 'das shing ljon pa zhig gi drung na brten cing brang 'gro'i rgyal po nyal ba'i lus bskyil ba ltar skyil mo klung bcas te bzhugs pa/ mdzes pa/ dad par 'gyur ba/ dbang po zhi ba/ thugs zhi ba/ mchog tu sems dul ba/ nye bar zhi ba dang ldan pa/ gser gyi mchog sdong ltar 'bar ba mthong ngo / /mthong nas dga' ba dang / mchog tu dga' pha skyes te bsam pa/ dge sbyong mdzes pa/ dad par bya ba 'di lta bu 'di ni/ dzam+bu'i gling mtha' dag gi </font><hr>Nya242b<br><font size=+1>


bdag por 'os pa yin na/ dpe med ma'i bdag por lta smos kyang ci dgos te/ bdag gis mag pa rnyed do/ /snyam du rig nas/ rang gi khyim ga la ba der song ste phyin nas chung ma la smras pa/ bzang mo/ shes par gyis shig /ngas bu mo'i mag pa rnyed kyi/ rgyan byos shig dang / dpe med pa sbyin no/ /des smras pa/ su la sbyin/ des smras pa/ dge sbyong go'u ta ma la'o/ des smras pa/ /je bltar 'dong ngo| |zhes de ma du dang lhan cig 'phags pa dang / lam gar de la dran pa skyes nas des tshigs su bcad pa smras pa/ bram ze bdag gis drang srong chen po de/ sna tshogs gdul du bsod snyoms zhugs mthong nas/ /des mnan sa phyogs mthon po dmar 'gyur zhing / bteg na dma' ba'ang mthon po nyid du 'gyur/ /khyim thab de ni gzhon nu mi sten gyi/ /phyir log rang gi sdum pa nyid du 'dong / /des kyang tshigs su bcad pa smras pa/ kye ma bur ma bkra mi shis pa khyod/ /bkra shis dus su bkra shis ma yin smra/ /gal te brtul zhugs thabs kyis blangs gyur na/ /de ni phyir yang 'dod yon bsten par 'gyur/ /des dpe med ma gos dang / rgyan dag gis brgyan te 'phags pa dang / bcom ldan 'das kyang nags khrod de nas nags khrod gzhan du gshegs so/ /kun tu rgyu ma dus bcom ldan 'das kyis gdan ran bting ba mthong ngo / /mthong nas kyang chung ma la smras pa/ bzang mo/ shes par gyis shig/ 'di ni/ bu mo'i mag pa'i stan rtswa bting ba yin no/ /des tshigs su bcad pa smras </font><hr>Nya243a<br><font size=+1>


@#/ /pa| chags par gyur pa'i mal ni 'khrugs par 'gyur/ /sdang ba'i mal ni gya tshom bur mar 'gyur/ /rmongs pa'i mal ni rkang pa'i mthar 'gror 'gyur/ /'di ni shin tu chags bral gnas yin te/ khyim thab de ni gzhon nu mi sten gyi/ /phyir log rang gi sdum pa nyid du 'dong / /des kyang tshigs su bcad pa smras pa/ kye ma bur ma bkra mi shis pa khyod/ /bkra shis dus su bkra shis ma yin smra/ /gal te brtul zhugs thabs kyis blangs gyur na/ /de ni phyir yang 'dod yon bsten par 'gyur/ /kun tu rgyu ma dus bcom ldan 'das kyi zhabs kyi rjes dag mthong ngo / /mthong nas kyang chung ma la smras pa/ bzang mo/ 'di ni/ bu mo 'di'i mag pa'i rjes dag yin no/ /des tshigs su bcad de smras pa/ skyes bu chags pa'i rjes ni gsal mi 'gyur/ zhe sdang ldan pa'i rjes ni zab pa yin/ /rmongs par gyur pa'i rjes ni nog par 'gyur/ /shin tu chags bral rjes ni 'di 'dra ste/ /khyim thab de ni gzhon nu mi sten gyi/ /phyir log rang gi sdum pa nyid du 'dong / /des kyang tshigs su bcad de smras pa/ kye ma bur ma bkra mi shes pa khyod/ /bkra shis dus su bkra shis ma yin smra/ /gal te brtul zhugs thabs kyis blangs gyur na/ /de ni phyir yang 'dod yon bsten par 'gyur/ /bcom ldan 'das kyis gsung bsal ba'i sgra mdzad pa dang kun tu rgyu ma dus/ bcom ldan 'das kyis gsung bsal ba'i sgra </font><hr>Nya243b<br><font size=+1>


thos so/ /thos nas kyang chung ma la smras pa/ bzang mo/ 'di ni/ bu mo'i mag pa'i skad bsal ba'i sgra grag pa yin no/ /des tshigs su bcad pa smras pa/ chags pa'i mi yi skad ni 'dar 'dar po/ /sdang ba'i mi yi skad ni rtsub pa yin/ /rmongs pa'i mi yi skad ni 'khrugs par 'gyur/ /tshangs pa'i rnga sgra 'di ni sangs rgyas te/ /khyim thab de ni gzhon nu mi sten gyi/ /phyir log rang gi sdum pa nyid du 'dong / / des kyang tshigs su bcad pa smras pa/ kye ma bur ma bkra mi shis pa khyod/ /bkra shis dus su bkra shis ma yin smra /gal te brtul zhugs thabs kyis blangs gyur na/ /de ni phyir yang 'dod yon bsten par 'gyur/ /bcom ldan 'das kyis thag ring po kho na nas kun tu rgyu ma du la gzigs pa dang / kun tu rgyu ma dus bcom ldan 'das gzigs pa mthong ngo / /mthong nas kyang chung ma la smras pa/ bzang mo/ 'di ni/ bu mo'i mag pa lta ba yin no/ /des kyang tshigs su bcad de smras pa/ chags pa'i mi ni rig rig lta bar byed/ /sdang ba'i mi ni dug drag sbrul bzhin lta/ /rmongs pa'i mi ni mun khrod rtog bzhin lta/ /shin tu chags bral gnya' shing tsam du lta/ khyim thab de ni gzhon nu mi sten gyi/ phyir log rang gi sdum pa nyid du 'dong / /des kyang tshigs su bcad pa smras pa/ kye ma bur ma bkra mi shis pa khyod/ /bkra shis dus su bkra shis ma yin smra/ /gal te brtul zhugs thabs kyis blangs gyur na/ /de ni phyir yang 'dod yon bsten par 'gyur/ /bcom ldan 'das 'chag par mdzad pa dang kun </font><hr>Nya244a<br><font size=+1>


@#/ /tu rgyu ma dus/ bcom ldan 'das 'chag pa mthong ngo / /mthong nas kyang chung ma la smras/ /bzang mo/ 'di ni/ bu mo'i mag pa 'chag pa yin no/ /des tshigs su bcad pa smras pa/ ji ltar 'di spyan ji ltar gzigs pa dang / /ji ltar 'di sku brtan par gshegs pa dang / ji ltar 'di yi sgros dang zhal dag ni/ /rdul dang bral ba nyid du snang ba las/ /khyim thab de ni gzhon nu mi sten gyi/ /phyir log rang gi sdum pa nyid du 'dong / /des kyang tshigs su bcad pa dag smras pa/ kye ma bur ma bkra mi shis pa khyod/ /bkra shis dus su bkra shis ma yin smra/ / gal te brtul zhugs thabs kyis blangs gyur na/ /de ni phyir yang 'dod yon bsten par 'gyur/ /gnas 'jog gser mdog o ta la dag kyang / /bu yi don du 'dod pas rmongs gyur te/ /'di ni chos bzhin phul bas thub rnams kyis/ /rtag par rgyun tu bu dag bskyed par 'gyur/ /de nas kun tu rgyu ma dus bcom ldan 'das ga la ba der song ste phyin nas bcom ldan 'das la 'di skad ces gsol to/ /bdag gi bu mo dam pa gzugs ldan zhing / /dar bab brgyan pa 'dod pa don gnyer ba/ /khyod la 'bul ba 'di la khyod gzigs shing / /mkha' la dgung zla smin drug mjal ba ltar/ /'di dang lhan cig legs par khyod dgyes mdzod/ /bcom ldan 'das kyis dgongs pa/ /gal te ngas dpe med ma la rjes su chags pa'i tshig brjod na/ dpe med ma 'dod chags kyis </font><hr>Nya244b<br><font size=+1>


gdungs te dus byed par 'gyur pa gang yin pa de lta bu'i gnas yod par 'gyur gyi/ bdag gis 'di la khong khro ba'i tshig brjod par bya'o/ /snyam du rig nas tshigs su bcad pa bka' stsal pa/ bram ze nga yi bdud kyi bu mo ni/ /sred ma dga' byed de bzhin dga' mo dag/ pham byas 'dod pa dag la lan 'ga' yang / /nga yis 'dun pa'i sems bskyed ma gyur pas/ /bshang dang gci bas gang ba 'di la ni/ /rkang pas reg par spro ba'ang mi bskyed do/ /ma dus tshigs su bcad pa gsol pa/ bdag gi bu mo yan lag nyams gyur cing / /'dod ldan yon tan bral bar gzigs sam ci/ /ji slad 'dod spyod yid 'ong gzugs dag la/ /'dun drag bgyid ltar 'di la khyod mi mdzad/ /bcom ldan 'das kyis kyang tshigs su bcad pa dag bka' stsal pa/ bram ze rmongs pa gang zhig yul 'dod pa| |de ni khyod kyi bu mo 'di sgrub cing / /yul la chags shing khro bar zhugs gyur pa/ /'di la rab rmongs skye bo chags bral min/ /nga ni sangs rgyas thub gtso mnga' bdag ste/ /nga yis byang chub bla med zhi ba rnyed/ /ji ltar pad+ma chus mi chags pa ltar/ /chags pa med pa nyid du 'jig rten rgyu/ /ut+pa la sngon po rdzab dang chu nang na/ /rdzab dang chu yis gos pa med pa ltar/ /bram ze de bzhin nga yang 'jig rten na/ /'dod pa dag la rnam grol sems kyis spyod/ /de nas dpe med ma/ bcom ldan 'das kyi bshang pa dang / gci ba zhes bya ba'i tshig gis kun tu spyad pas 'dus pa </font><hr>Nya245a<br><font size=+1>


@#/ /dang bral te yid mi bde bar gyur nas de'i 'dod chags kyi kun nas dkris pa gang yin pa de med par gyur cing / zhe sdang gi kun nas dkris pa skyes pas/ rus pa dag sbom por gyur cing / mig gnyis kyang mching bu lta bur gyur to/ /de'i tshe na rgan zhugs shig /bcom ldan 'das kyi snam logs na 'dug par gyur to/ /de nas bcom ldan 'das la rgan zhugs des 'di skad ces gsol to/ /kun tu gzigs pa bud med blang mdzad de/ /bcom ldan 'das de ni bdag la stsal du gsol/ /dpa' bo bdag gis dregs pas brgyan pa 'di/ ci nas rjes su mthun par spyad par bgyi/ /de skad ces gsol pa dang / bcom ldan 'das kyis rgan zhugs de la 'di skad ces bka' stsal to/ /mi gti mug can nga'i mdun na ma 'dug par phar song zhig /des khros te tshigs su bcad pa smras pa/ khyod kyi lhung bzed 'di dang chos gos 'di/ /'khar ba ril ba 'di yang zad gyur cig/ bslab pa 'di yang ji ltar ma ma yi/ /phang par gzhon nu 'dzin ltar rang srel cig /rgan zhugs des/ de skad ces smras nas bslab pa phul te nyams pa'i phyir zhugs nas kun tu rgyu ma du ga la ba der song ste phyin nas kun tu rgyu ma du la 'di skad ces smras so| |ma du/ dpe med ma kho bo la byin cig /de khros te smras pa/ rgan zhugs/ khyod la blta ba yang mi sbyin na/ reg pa lta smos kyang ci dgos/ de skad ces smras pa dang / rgan zhugs de kun tu </font><hr>Nya245b<br><font size=+1>


rgyu ma du la 'di lta bu'i kun nas dkris pa skyes te/ des khrag tsha ba skyugs nas dus la bab ste sems can dmyal ba rnams su skyes so// //'dul ba rnam par 'byed pa/ bam po don drug pa| dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ bcom ldan 'das kyis dpe med ma rnyed pa na/ ma bzhes pa la gzigs/ / bcom ldan 'das kyis bka' stsal pa/ dge slong dag/ da ltar du ma zad de/ 'di ltar/ 'das pa'i dus na yang ngas 'di rnyed pa na/ ma blangs te/ de nyon cig /dge slong dag/ sngon byung ba ri brag cig na/ lcags mgar zhig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ rtse bar byed/ dga' bar byed/ dga' mgur spyod par byed pa de'i chung ma la dus gzhan zhig na sems can zhugs par gyur nas de zla ba brgyad dam dgu 'das te btsas pa las/ bu mo gzugs bzang ba/ blta na sdug pa/ mdzes pa zhig byung nas des bsrings shing bskyed de chen mor gyur to/ /lcags mgar des bsam pa/ bdag gis bu mo 'di su la yang rigs kyi phyir yang mi sbyin/ gzugs kyi phyir yang mi sbyin nor gyi phyir yang mi sbyin gyi/ 'di ltar/ gang bdag dang bzo mnyam pa'am/ lhag pa de la bdag gis 'di sbyin par bya'o/ /snyam mo/ /ji tsam na bram ze'i khye'u zhig slong mo'i don du de'i khyim du zhugs </font><hr>Nya246a<br><font size=+1>


@#/ /pa dang / bu mo des zas khyer te phyir byung ba na/ bram ze'i khye'u des mthong nas smras pa/ bu mo/ khyod 'ga' zhig la byin nam/ 'on te ma byin/ des smras pa/ bdag gis pha ji skad zer ba dang sbyar na/ des bdag su la yang sbyin par dka'o/ /khyod kyi pha ji skad zer/ bdag gi bu mo 'di su la yang rigs kyi phyir yang mi sbyin/ gzugs kyi phyir yang mi sbyin/ nor gyi phyir yang mi sbyin gyi/ 'di ltar gang bdag dang bzo mnyam pa'am/ lhag pa de la bdag gis 'di sbyin par bya'o/ /zhes zer ro/ /khyod kyi phas bzo ji lta bu shes/ khab gang chu'i steng na 'phyo ba de lta bu shes so/ /bram ze'i khye'u des bsam pa/ 'di ltar/ bdag 'di don du mi gnyer mod kyi/ 'di'i nga rgyal bcag par bya'o/ /snyam nas de mkhas pa yin pas/ des bzo'i gnas dang / las kyi gnas de dag nas lcags mgar gyi mgar spyad dag brnyes te/ khab gang dag chu'i steng na 'phyo ba de lta bu dag brdungs shing khab sbom po gcig brdungs nas de'i mig tu khab phra mo bdun bcug na de dang lhan cig chu'i steng na 'phyo ba brdungs so/ /de de dag brdungs nas lcags mgar de'i khyim du 'ongs te smras pa/ khab su nyo/ khab su nyo zhes byas pa dang / bu mo des mthong nas des tshigs su bcad de smras pa/ grogs po khyod ni smyos pa'am/ /'on te sems med gyur pa yin/ /gang phyir lcags mgar khyim du khyod/ /khab dag tshong du 'ongs par gyur/ /des kyang tshigs su bcad pa dag </font><hr>Nya246b<br><font size=+1>


smras pa/ bzang mo kho bo smyos pa min/ /sems med gyur pa'ang ma yin te/ /nga rgyal bcag par bya ba'i phyir/ /kho bos bzo dag nye bar bsgrubs/ /gal te kho bo'i bzo 'dra ba/ /khyod kyi pha yis shes gyur na/ /khyod dang nor gyi rnam pa ni/ /mang po gzhan yang sbyin par gyis/ /des smras pa/ khyod kyis bzo ji lta bu shes/ khab gang dag chu'i steng na 'phyo ba de lta bu dag shes so/ / des ma la sbran pa/ yum/ bzo bo'i bu zhig mchis so/ /des smras pa/ 'jug tu chug cig /des 'jug tu bcug pa dang / lcags mgar gyi chung mas smras pa/ khyod bzo bo ji lta bu shes/ des smras pa dang / khyim thab la sbran pa/ rje'i sras/ bzo bo'i khye'u 'di bzo 'di lta bu 'tshal to/ /des smras pa/ gal te de ltar na/ chu 'on cig dang blta'o/ /des chus snod bkang ste phul ba dang / des khab cig bcug na/ de 'phyo bar brtsams so/ /de bzhin du khab gnyis pa dang / gsum pa nas bdun pa'i bar du bcug na/ de yang 'phyo bar brtsams so/ /des khab sbom po de bcug na| de yang 'phyo bar brtsams so/ /yang der khab gcig bcug ste bcug na/ de lta na yang 'phyo bar brtsams so/ /de bzhin du khab gnyis pa dang / gsum pa nas bdun pa'i bar dag bcug ste bcug na| de lta na yang 'phyo bar brtsams so/ /lcags mgar gyis bsam pa/ 'di bdag pas bzo ches lhag pa yin gyi/ 'di la bu mo sbyin no/ /snyam du rig nas bu mo de rgyan thams cad kyis klubs te </font><hr>Nya247a<br><font size=+1>


@#/ /lag pa g.yon pas bzung nas lag pa g.yas pas ril ba b+hing gar thogs te bram ze'i khye'u de'i mdun du 'dug nas smras pa/ bram ze'i khye'u/ khyod la kho bos bu mo 'di chung mar sbyin no/ /des smras pa/ kho bo 'di don du mi gnyer te/ 'di ltar ro/ /kho bo khyod kyi nga rgyal bcag par bya ba'i phyir bzo nye bar bstan to/ /dge slong dag /de'i tshe de'i dus na bram ze'i khye'u gang yin pa de ni/ nga nyid yin no/ /de'i tshe de'i dus na lcags mgar gang yin pa de ni/ kun tu rgyu ma du 'di yin no/ /de'i tshe de'i dus na lcags mgar gyi chung ma gang yin pa de ni/ bur ma 'di yin no| |de'i tshe de'i dus na lcags mgar gyi bu mo gang yin pa de ni/ dpe med ma 'di yin te/ de'i tshe yang ngas dpe med ma 'di rnyed pa na/ ma blangs la/ da ltar yang ngas 'di rnyed pa na/ ma blangs so| |yang dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa/ rgan zhugs 'di dpe med ma la brten nas tshul ma lags pas sdug bsngal par gyur pa la gzigs/ bcom ldan 'das kyis bka' stsal pa/ dge slong dag /da ltar du ma zad de/ 'di ltar 'das pa'i dus na yang 'di dpe med ma la brten nas btsun mo'i 'khor dang bcas pa tshul ma yin pas sdug bsngal bar gyur te/ de nyon cig /dge slong dag /sngon byung ba rgyal po'i pho brang seng+ge lta bu na rgyal po seng+ge'i ral pa can gyis/ rgyal srid 'byor </font><hr>Nya247b<br><font size=+1>


pa rgyas pa/ bde ba/ lo legs pa/ skye bo dang mi mang pos gang ba/ 'thab mo dang / 'thab pa dang / phyi dgra dang / nang 'khrug rab tu zhi ba/ chom rkun dang / mu ge dang / nad dang bral ba/ sA lu dang / bu ram shing gi phreng ba dang / ba lang dang / ma he phun sum tshogs pa byed du bcug ste/ chos dang ldan pa chos kyi rgyal pos chos kyi rgyal srid byed du bcug go /de'i tshe na rgyal po'i pho brang seng+ge lta bu na/ ded dpon seng+ge zhes bya ba phyug pa/ nor mang ba/ longs spyod che ba/ yongs su bzung ba yangs shing rgya che ba/ rnam thos kyi bu'i nor dang ldan pa/ rnam thos kyi bu la nor gyis 'gran pa zhig 'dug pa des/ rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod pa de'i chung ma la sems can zhugs par gyur to/ /bud med kyi yul mkhas pa'i rang bzhin can la la ma 'dres pa'i chos lnga yod do/ /lnga gang zhe na/ skyes pa chags par gyur pa shes shing chags pa dang bral ba shes pa dang / dus shes shing zla mtshan shes pa dang / mngal na gnas pa zhugs pa shes pa dang / gang las mngal na gnas pa de zhugs pa shes pa dang / khye'u shes shing bu mo shes pa ste/ gal te khye'u yin na/ dku g.yas par brten cing 'dug la/ gal te bu mo yin na/ dku g.yon par brten cing 'dug pa'o/ /de yid dga' zhing yid dga' nas/ </font><hr>Nya248a<br><font size=+1>


@#/ /khyim thab la smras pa/ rje'i sras/ mkhyen par mdzod cig /bdag la sems can zhugs par gyur pa ni/ 'di ltar/ bdag gi dku g.yas par brten cing mchis pas/ nges par khye'ur 'gyur ro/ /de yang yid dga' zhing yid dga' nas 'di skad ces/ kho bo yun ring nas mngon par 'dod pa/ bu'i ngo mthong ba dang / kho bo dang mthun par skye zhing mi mthun par mi skye ba dang / kho bo'i bya ba dag byed pa dang / gsos pas phyir gso ba dang / bgo skal la spyod pa dang / kho bo'i rigs rgyud yun ring du gnas par 'gyur ba dang / bdag cag shi zhing dus la bab pa dag la nyung ngu'am/ mang po yang rung ba'i sbyin pa dag byin zhing / bsod nams dag byas nas 'di de gnyis gang du skyes bar 'gro zhing rjes su 'gro bar gyur cig /ces ming gi yon bshad pa byed par gyur cig /ces ched du brjod pa ched du rjod par byed do/ /de la sems can zhugs par rig nas 'di lta ste/ mngal na gnas pa yongs su smin par bya ba'i phyir steng gi khang bzang gi gzhir gtogs par grang pa na grang ba'i yo byad dag dang / dro ba na dro ba'i yo byad dag dang / sman pas bcas pa'i zas ha cang mi kha ba dang / ha cang mi skyur ba dang / ha cang lan tshwa mi che ba dang / ha cang mi mngar ba dang / ha cang mi tsha ba dang / ha cang mi bska ba dang / kha ba dang / skyur ba dang / lan tshwa dang / mngar ba dang / tsha ba dang / bska ba rnam par spangs pa'i zas dag </font><hr>Nya248b<br><font size=+1>


dang / do shal dang / se mo do dang / rgyan gyis klubs pa'i lus lha'i bu mo dga' ba'i tshal na rnam par spyod pa lta bu dang / khri nas khrir dang / khri'u nas khri'ur dang / shod kyis gzhir ma 'bab pa dang de sgra yid du mi 'ong ba cung zad kyang mi thos par gnod pa med pa nyid du rim gro byed du 'jug go /de zla ba brgyad dam dgu 'das te btsas pa las khye'u gzugs bzang ba/ blta na sdug pa/ mdzes pa/ gsal ba/ gser gyi mdog 'dra ba/ mgo gdugs lta bu dang ldan pa/ lag pa ring ba/ dpral ba'i dbyes che ba/ smin ma 'dzar ba/ sna'i gzengs mtho ba zhig byung ngo / /de'i nye du dag 'dus shing lhags nas nyi ma bdun gsum nyi shu rtsa gcig tu btsas pa'i btsas ston rgya cher byas nas khye'u'i ming cir gdags zhes ming 'dogs par byed do/ /de'i nye du dag gis smras pa/ gang gi phyir khye'u 'di/ ded dpon seng+ge'i bu yin pa de'i phyir khye'u'i ming sing+ga la zhes bya'o/ /zhes de'i ming sing+ga la zhes bya bar btags so/ /khye'u sing+ga la ma ma brgyad po bang na 'tsho ba'i ma ma gnyis dang / nu ma snun pa'i ma ma gnyis dang / dri ma 'phyi ba'i ma ma gnyis dang / rtsed grogs kyi ma ma gnyis la rjes su gtad do/ /de ma ma brgyad po dag gis 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi bye brag gtso bo gtso bo dag gis sring bar byed/ skyed par byed cing / rdzing na gnas pa'i pad+ma bzhin du myur du skyed par byed do/ /gang gi tshe chen por gyur pa </font><hr>Nya249a<br><font size=+1>


@#/ /de'i tshe yi ge dang / grangs dang / rtsis dang / lag rtsis dang / dbyung ba dang / gzhug pa dang / gzhag pa la nye bar zhugs nas de yi ge'i mthar phyin cing / 'byed pa dang / klog pa dang / mkhas pa dang / spyod pa gsal ba dang / brtag pa brgyad po 'di lta ste/ rin po che brtag pa dang / gzhi brtag pa dang / gos brtag pa dang / shing rta brtag pa dang / glang po che brtag pa dang / rta brtag pa dang / bud med brtag pa dang / skyes pa brtag pa la mkhas par gyur to/ /phas de'i chung ma'i 'khor gsum po rab dang / 'bring dang / tha ma dag rnam par bzhag go/ 'dug pa'i gnas gsum po dgun gyi dang / dpyid kyi dang| dbyar kyi dag byed du bcug go /skyed mos tshal gsum po dgun gyi dang / dpyid kyi dang / dbyar gyi dag byed du bcug go /de steng gi khang bzang gi gzhir gtogs pa na/ skyes pa med par sil snyan gyis rtse bar byed/ dga' bar byed/ dga' mgur spyod par byed do/ /des dus gzhan zhig na pha la smras pa/ yab/ bdag rgya mtsho chen por 'jug par ci gnang / des smras pa/ bu/ re zhig kho bo la nor gyi rnam pa mang du yod de/ gal te khyod til dang / 'bras dang / rgya shug dang / rgya sran la sogs pa la spyod pa bzhin du rin po che dag la spyod par byed kyang de ltar na yang kho bo'i longs spyod srab pa nyid dang / yongs su zad pa dang / yongs su gtugs par mi 'gyur gyi/ de'i phyir ji srid du kho bo gson pa de srid du khyod rtse bar gyis/ dga' bar gyis/ dga' mgur spyod par gyis la kho bo 'das pa </font><hr>Nya249b<br><font size=+1>


pa dang / nor sgrub par gyis shig /de yang dang yang du smras pa/ yab/ bdag rgya mtsho chen por 'jug par ci gnang / des gdon mi za bar dus kyis 'chu bar shes nas smras pa/ bu/ de ltar gyis shig /ji ltar khyod kyis 'jigs pa dang / 'jigs su rung ba dag bzod par bya'o/ /des rgyal po'i pho brang seng+ge lta bur dril sgrog pa byed du bcug ste/ rgyal po'i pho brang seng+ge lta bu na gnas pa dang / yul tha dad pa nas lhags pa'i tshong pa shes ldan dag nyon cig /ded dpon sing+ga la rgya mtsho chen por 'jug par 'gyur gyi/ khyed cag las gang ded dpon sing+ga la dang lhan cig sho gam med pa dang / la gcan med pa dang / gru btsas med par rgya mtsho chen por 'jug par 'dod pa des rgya mtsho chen por 'gro ba'i zong sta gon gyis shig /ces bsgo'o/ /tshong pa lnga brgyas rgya mtsho chen por 'gro ba'i zong sta gon byas so/ /de nas ded dpon sing+ga las pha ma dang / gzhan yang snying du sdug cing 'brel ba'i rtsa lag dag la bltas nas nyi ma dang / tshes grangs dang / yud tsam dang sbyor bas/ dge mtshan dang / bkra shis dang / bde legs su 'gyur ba byas nas shing rta dag dang / khur dag dang / gle ba dag dang / spyad dag dang / rnga mo dag dang / ba lang dag dang / bong bu mang po dag gis rgya mtsho chen por 'gro ba'i zong khyer te tshong pa lnga brgya'i 'khor dang lhan cig 'phags so| |de mthar gyis grong dang / grong khyer dang / grong rdal dang / yul 'khor dang / rgyal po'i pho brang dag tu tshong rdal dag la rnam par lta zhing 'gro ba na/ rgya mtsho chen po'i 'gram du phyin to/ /des snying </font><hr>Nya250a<br><font size=+1>


@#/ /pa lnga brgyas gru sbyar nas zho shas 'tsho ba lnga po stob par byed pa dang / sel bar byed pa dang / gru ba dang / rgyal chen po dang / rlung yor thogs pa dag khrid de/ lan gsum dril sgrog pa byas te rgya mtsho chen por 'jug par brtsams so/ /de nas tshong pa de dag 'di snyam du sems te/ shes ldan dag /bdag cag rgya mtsho chen po'i nang du dong ba rnams la 'di lta ste/ phan tshun bde ba nyid kyis nges par rgal ba shes par dka'i/ bdag cag nor sgrub pa dag gis so so so so dag nas phongs pa'i don du chur rkyal ba dag thogs te rgya mtsho chen por 'jug par bya'i/ /bdag cag las/ kha cig gis ni/ shal ma la'i spang leb dag bkur/ kha cig gis ni/ sngas shing bal can dag bkur/ kha cig gis ni/ ku ba'i gzings dag bkur/ kha cig gis ni/ ra rkyal dag bkur ro/ /snyam nas/ de nas nor sgrub pa de dag gis de ltar so sor brtags nas/ so so so so dag nas phongs pa'i don du chur rkyal pa kha cig gis ni/ shal ma la'i spang leb dag /kha cig gis ni/ sngas shing bal can dag kha cig gis ni/ ku ba'i gzings dag /kha cig gis ni/ ra rkyal dag khyer te rgya mtsho chen por zhugs so/ /de dag rgya mtsho chen po'i nang du dong ba na chu srin nya'i rigs kyis rgya mtsho'i gru bcag go/ de dag rgya mtsho'i gru bcag pa na/ so so so so dag nas phongs pa'i don du chur rkyal ba khyer te 'ongs pa dag la zhon te 'di lta ste/ kha cig gis ni/ shal ma'i spang leb dag la zhon/ /kha cig gis ni/ </font><hr>Nya250b<br><font size=+1>


sngas shing bal can dag la zhon/ kha cig gis ni/ ku ba'i gzings dag la zhon/ kha cig gis ni/ ra rkyal dag la zhon te chu'i steng na 'phyo'o/ /de dag gi las kyi rnam par smin pas byang phyogs nas rlung langs nas/ des de dag lho phyogs kyi lam du bdas pa dang / zangs gling na srin mo khrung khrung gzhon nu ma zhes bya ba dag 'khod pa de dag tshong pa gru chag pa rnams la gtam snyan pa dang / / dga' ba'i tshul gyis slu bar byed do/ /de dag la rgyal mtshan dga' ba'i gnas dang mthun pa dang / phongs pa'i gnas dang mthun pa gnyis yod de/ ji tsam na dga' ba'i gnas dang mthun pa'i rgyal mtshan g.yo bar brtsams pa dang / de dag gis smras pa/ phu nu mo dag /dga' ba'i gnas dang mthun pa'i rgyal mtshan g.yos pas/ dzam+bu'i gling pa'i tshong pa dag gis rgya mtsho'i gru chu srin nya'i rigs kyis gru bcag ste 'ong gor ma bcag gi/ btsal lo/ /zhes de dag gis rgya mtsho'i 'gram du btsal bar brtsams pa dang / ji tsam na skye bo phal po che'i tshogs chur rkyal ba sna tshogs dag gis rkyal zhing 'ong ba mthong ngo / /mthong nas kyang bdag nyid gzugs bzang mor mngon par sprul nas rgyan sna tshogs kyis brgyan te lha'i gos dang / phreng ba rgyus klubs nas rgya mtsho'i 'gram nas 'bod par brtsabs pa/ jo bo dag tshur spyon/ bzhin bzang dag tshur spyon/ bdag cag khyim thab ma mchis pa rnams kyi khyim thab mdzod cig /bdag po ma mchis pa rnams kyi bdag po mdzod cig /gnas ma mchis pa rnams </font><hr>Nya251a<br><font size=+1>


@#/ /kyi gnas mdzod cig/ gling ma mchis pa rnams kyi gling mdzod cig /skyob pa ma mchis pa rnams kyi skyob pa mdzod ci /skyabs ma mchis pa rnams kyi skyabs mdzod cig / dpung gnyen ma mchis pa rnams kyi dpung gnyen mdzod cig /'di dag ni/ khyed kyi zas kyi gnas dag dang / skom gyi gnas dag dang / gos kyi gnas dag dang / gnas mal gyi gnas dag dang / kun dga' ra ba dga' bar 'gyur ba dag dang / nags tshal dga' bar 'gyur pa dag dang / rdzing bu dga' bar 'gyur ba dag dang / dzam+bu'i gling pa'i rin po che mang po 'di lta ste/ nor bu dang / mu tig dag dang / bai DUR+Ya dag dang / man shel dkar po dag dang / byi ru dag dang / dngul dag dang / gser dag dang / rdo'i snying po dag dang / spug dag dang / dmar po dag dang / g.yas su 'khyil ba dag lags kyi/ khyed cag tshur spyon/ bdag cag dang lhan cig rtse ba dang / dga' ba dang / dga' mgur spyod par mdzod cig /khyed cag las 'ga' yang shin tu myos par gyur kyang / lho lam du 'gro bar mi bya'o/ /zhes zer ro/ /bcom ldan 'das kyis dge slong dag /ngas 'di lta ste/ skyes pa la bud med kyi gzugs ji ltar chags par 'gyur ba dang / rgyags par 'gyur ba dang 'dod par 'gyur ba dang / sdug par 'gyur ba dang / byams par 'gyur ba dang / rngon par 'gyur ba dang / rgyal bar 'gyur ba dang / 'ching bar 'gyur ba dang / sgrub par 'gyur ba dang / kun </font><hr>Nya251b<br><font size=+1>


tu sbyor bar 'gyur ba de lta bu'i gzugs gzhan gcig kyang yang dag par rjes su ma mthong ngo / /zhes gsungs pas/ de dag srin mo de dag gis brjod pa na/ rgya mtsho chen po las brgal te de dag dang lhan cig rtse bar byed/ dga' bar byed/ dga' mgur spyod par byed do/ /de dag de dag dang lhan cig rtse bar byed/ dga' bar byed/ dga' mgur spyod par byed pa dag la brten pa'i rgyu las bu dang bu mo dag kyang byung ngo / /de nas ded dpon sing+ga la 'di snyam du sems te/ ci'i phyir bud med 'di dag lho lam shin tu srung bar sems/ bdag bud med 'di dang lhan cig nyal zhing / de gnyid log pa dang lam du zhugs par rig nas khad kyis dal bu dal bus mal chen po las babs te/ ral gri rnon po mchan du bcug nas lho lam du 'gro'o/ /snyam mo/ /de nas ded dpon sing+ga la bud med gang dang lhan cig nyal ba de gnyid log cing mal du zhugs par rig nas khad kyis dal bu dal bus mal chen po nas babs te/ ral gri rnon po mchan du bcug nas lho lam du song ba dang / des de na skye bo phal po che smre sngags 'don pa'i sgra/ kyi hud pha/ kyi hud ma/ kyi hud phu nu/ kyi hud bu sring / kyi hud dzam+bu'i gling dga' bar 'gyur ba sna tshogs/ dzam+bu'i gling dga' bar 'gyur ba khyod kyis bdag cag spangs sam zhes zer ba thos so/ /thos nas kyang de 'jigs pa dang / skrag pa dang / sdangs pa dang / spu zing zhes byed par gyur to/ /de nas ded dpon sing+ga la yud tsam zhig cang mi smra bar 'dug ste/ 'jigs pa dang / skrag pa dang / sdangs pa dang / spu </font><hr>Nya252a<br><font size=+1>


@#/ /zing zhes byed pa de dag bsal nas lho lam de nyid du song ba dang / des de na lcags kyi grong khyer chen po 'phang mtho ba/ tha gru che ba zhig mthong nas/ de grong khyer de la sge'u chung 'ga' zhig yod dam snyam nas/ kho ra khor yug tu byul na/ des grong khyer de'i khor khor yug tu byul ba na grong khyer de la tha na byi la 'dzul ba tsam gyi sge'u chung yang ma rnyed do/ /de'i byang phyogs kyi ngos na shing ljon pa shi ri sha chen po 'phang mtho ba/ tha gru che ba dag yod nas de shing ljon pa shi ri sha chen po 'phang mtho ba/ tha gru che ba de la 'dzegs te skye bo phal po che'i tshogs de la 'di skad ces smras so| |shes ldan dag/ khyed ci'i phyir kyi hud pha/ kyi hud ma/ kyi hud phu nu/ kyi hud bu sring / kyi hud dzam+bu'i gling dga' bar 'gyur pa sna tshogs/ dzam+bu'i gling dga' bar 'gyur ba khyod kyis bdag cag spangs sam zhes shin tu smre sngags 'don par byed/ de dag gis smras pa/ bzod ldan/ kho bo cag ni/ dzam+bu'i gling pa'i tshong pa nor sgrub pa rgya mtsho'i gru bsgrubs te rgya mtsho chen por 'jug 'dod nas kho bo cag 'di snyam du sems te/ shes ldan dag/ bdag cag rgya mtsho chen po'i nang du dong ba rnams la 'di lta ste/ phan tshun bde ba nyid kyis nges par rgal bar shes par dka'i/ bdag cag nor sgrub pa dag gis so so so so dag nas phongs pa'i don du chur rkyal pa thogs te rgya mtsho chen por 'jug par bya'i/ bdag cag las/ kha cig gis ni/ shal ma la'i spang leb dag bkur/ kha cig </font><hr>Nya252b<br><font size=+1>


gis ni/ sngas shing bal can dag bkur/ kha cig gis ni/ ku ba'i gzings dag bkur/ kha cig gis ni/ ra rkyal dag bkur ro/ /snyam nas/ de nas nor sgrub pa bdag cag gis de ltar so sor brtags nas so so dag nas phongs pa'i don du chu rkyal pa kha cig gis ni/ shal ma la'i spang leb dag /kha cig gis ni/ sngas shing bal can dag /kha cig gis ni/ ku ba'i gzings dag/ kha cig gis ni/ ra rkyal dag khyer nas rgya mtsho chen por zhugs so/ /bdag cag rgya mtsho chen po'i nang du dong ba na chu srin nya'i rigs kyis rgya mtsho'i gru bcag go /bdag cag rgya mtsho'i gru bcag pa na so so so so dag nas phongs pa'i don du chur rkyal pa khyer te 'ongs pa dag la zhon te 'di lta ste/ kha cig gis ni/ shal ma la'i spang leb dag la zhon/ kha cig gis ni/ sngas shing bal can dag la zhon/ kha cig gis ni/ ku ba'i gzings dag la zhon/ kha cig gis ni/ ra rkyal dag la zhon te chu'i steng na 'phyo'o/ /bdag cag gi las kyi rnam par smin pas byang phyogs nas rlung langs nas/ des bdag cag lho phyogs kyi 'gram du bdas pa dang / zangs gling 'di na srin mo khrung khrung gzhon nu ma zhes bya ba 'khod pa de dag bdag cag tshong pa gru chag pa rnams la gtam snyan pa dang / dga' ba'i tshul gyis slu bar byed do/ / de dag la rgyal mtshan dga' ba'i gnas dang mthun pa dang / phongs pa'i gnas dang mthun pa gnyis yod de/ ji tsam na dga' ba'i gnas dang mthun pa'i rgyal mtshan g.yo bar brtsams pa dang / de dag </font><hr>Nya253a<br><font size=+1>


@#/ /gis smras pa/ phu nu mo dag/ dga' ba'i gnas dang mthun pa'i rgyan mtshan g.yos pas/ dzam+bu'i gling pa'i tshong pa dag gis rgya mtsho'i gru chu srin nya'i rigs kyis bcag te 'ong gor ma chag gi/ btsal lo/ /zhes de dag gis rgya mtsho'i 'gram du btsal bar brtsams pa dang / ji tsam na bdag cag tshong pa phal po che'i tshogs chur rkyal pa sna tshogs dag gis rkyal zhing 'ong ba mthong ngo / /mthong nas kyang bdag nyid gzugs bzang mor mngon par sprul nas rgyan sna tshogs kyis brgyan te lha'i gos dang / phreng ba rgyus klubs nas rgya mtsho'i 'gram nas 'bod par brtsams pa/ jo bo dag tshur spyon/ bzhin bzang dag tshur spyon/ bdag cag khyim thab ma mchis pa rnams kyi khyim thab mdzod cig /bdag po ma mchis pa rnams kyi bdag po mdzod cig / gnas ma mchis pa rnams kyi gnas mdzod cig /gling ma mchis pa rnams kyi gling mdzod cig /skyob pa ma mchis pa rnams kyi skyob pa mdzod cig /skyabs ma mchis pa rnams kyi skyabs mdzod cig /dpung gnyen ma mchis pa rnams kyi dpung gnyen mdzod cig /'di dag ni/ khyed kyi zas kyi gnas dag dang / skom gyi gnas dag dang / gos kyi gnas dag dang / gnas mal gyi gnas dag dang / kun dga' ra ba dga' bar 'gyur ba dag dang / nags tshal dga' bar 'gyur ba dag dang / rdzing bu dga' bar 'gyur ba dag dang / dzam+bu'i gling pa'i rin po </font><hr>Nya253b<br><font size=+1>


che mang po 'di lta ste/ nor bu dag dang / mu tig dag dang / bai DUR+Ya dag dang / man shel dkar po dag dang / byi ru dag dang / dngul dag dang / gser dag dang / rdo'i snying po dag dang / sbug dag dang dmar po dag dang / g.yas su 'khyil ba dag lags kyi/ khyed cag tshur spyon/ bdag cag dang lhan cig rtse ba dang / dga' ba dang / dga' mgur spyod par mdzod cig /khyed cag las/ 'ga' yang shin tu myos par gyur kyang lho lam du 'gro bar mi bya'o/ /zhes zer ro/ /bdag cag srin mo de dag gis brjod pa na/ rgya mtsho chen po las brgal te de dag dang lhan cig rtse bar byed/ dga' bar byed/ dga' mgur spyod par byed do/ /bdag cag de dag dang / lhan cig rtse bar byed/ dga' bar byed/ dga' mgur spyod par byed pa dag la brten pa'i rgyu las bu dang bu mo dag kyang byung ngo / / bud med de dag bdag cag dang lhan cig rtse bar byed/ dga' bar byed/ dga' mgur spyod par byed na/ ji srid du dzam+bu'i gling pa'i tshong pa mang po gzhan dag chu srin nya'i rigs kyis rgya mtsho'i gru bcag ste 'ong bar ma thos kyi bar du de dag bdag cag dang lhan cig rtse bar byed/ dga' bar byed/ dga' mgur spyod par byed do/ /gang gi tshe de dag gis dzam+bu'i gling pa'i tshong pa mang po gzhan dag chu srin nya'i rigs kyis rgya mtsho'i gru bcag ste 'ong bar thos pa de'i tshe na/ de dag bdag cag gi gan du 'ongs shing bdag las gzhan dag zos nas 'di ltas skyes bu za ba na/ skra dang / </font><hr>Nya254a<br><font size=+1>


@#/ /sbu dang / sen mo dang / so'i lhag ma gang dag yin pa de dag kyang ma lus par za bar byed cing / de dag skyes bu za ba na khrag dron mo'i thigs pa sa la lhung ba gang dag yin pa de dag kyang sor mo'i rtse mos byogs shing byogs shing dang bcas bzhin du khar 'dzud par byed do/ /ma zos pa de dag gi lhag ma ni/ kho bo cag yin te/ lcags kyi mkhar chen po 'dir bcug ste/ bzod ldan/ bud med de dag ni/ srin mo yin gyi/ bzod ldan/ khyod kyang bdag nyid srungs shig/ sing+ga las smras pa/ shes ldan dag/ gang gis khyed cag dang / kho bo cag bde legs dang / bde ba dag tu dzam+bu'i gling du phyin par 'gyur ba'i thabs 'ga' yod dam/ de dag gis smras pa/ bzod ldan/ kho bo cag la ni/ gang gis bde legs dang / bde ba dag tu dzam+bu'i gling du phyin par 'gyur ba'i thabs 'ga' yang med do/ /de ci'i phyir zhe na/ bdag cag gis gal te 'di snyam du/ kye ma/ bdag cag lcags kyi grong khyer 'di'i 'og brtol te 'bros so/ / snyam na de 'og nyis 'gyur sum 'gyur du skye la/ gal te 'di snyam du/ kye ma/ bdag cag lcags kyi grong khyer 'di'i steng nas brgal te 'bros so/ /snyam nas/ de'i steng nyis 'gyur sum 'gyur du skye ba'i phyir te/ bzod ldan/ de'i phyir kho bo cag la gang gis bde legs dang / bde ba dag tu dzam+bu'i gling du phyin par 'gyur ba'i thabs 'ga' yang med do/ /khyed cag la ni/ gang gis </font><hr>Nya254b<br><font size=+1>


bde legs dang / bde ba dag tu dzam+bu'i gling du phyin par 'gyur ba'i thabs yod do/ /shes ldan dag/ gang gis kho bo cag bde legs dang / bde ba dag tu dzam+bu'i gling du phyin par 'gyur ba'i thabs de gang yin/ bzod ldan/ 'di na bdag cag gi steng na lha dag rnam par rgyu ba'i sgra thos pas/ kye dzam+bu gling pa'i tshong pa byis pa dang / 'di nyid kyi gso sbyong bco lnga pa la byang lam du dengs shig dang / de na rta'i rgyal po sprin gyi shugs can zhes bya ba/ ma rmos ma btab pa'i 'bras sA lu'i 'bru zos nas bde ba dang / nad med pa dang / stobs dang ldan pa dang / dbang po tshim pas ngo stod bsrang ste pha rol tu su 'gro/ pha rol tu su 'gro/ su zhig pha rol tu bkur bar bya/ su zhig bde legs dang / bde ba dag tu dzam+bu'i gling du phyin par bya zhes lan gsum ched du brjod pa ched du rjod par byed kyi| khyed cag de'i gan du song la 'di skad ces/ bdag cag pha rol tu 'gro'o/ /bdag cag pha rol tu 'gro'o/ /bdag cag pha rol tu khyer cig /bdag cag bde legs dang / bde ba dag tu dzam+bu'i gling du phyin par gyis shig/ ces brjod par bya'o/ /zhes zer ba thos kyi/ bzod ldan/ gang gis khyed cag bde legs dang / bde ba dag tu dzam+bu'i gling du phyin par gyur pa'i thabs ni| de yin no/ /de nas ded dpon sing+ga la skye bo phal po che'i tshogs kyis smras pa'i tshig de legs par shin tu bzung ste kun chub par byas nas khad kyis dal bu dal bus shing ljon pa shi ri </font><hr>Nya255a<br><font size=+1>


@#/ /sha chen po de las babs nas yang mal de nyid du song ngo / /de nas ded dpon sing+ga las bud med gang dang lhan cig nyal ba de gnyid log cing mal du zhugs par rig nas khad kyis dal bu dal bus nyal lo/ /de nas ded dpon sing+ga la nang par sngar langs te dzam+bu'i gling pa'i tshong pa rab tu mang po ga la ba der song ste phyin nas dzam+bu'i gling pa'i tshong pa rab tu mang po la 'di skad ces smras so/ /shes ldan dag /tshur shog /skyed mos tshal dben pa zhig yod pa der kho bo khyed cag dang phag tu gsang ste smra ba cung zhig yod kyi/ khyed cag las gang gis kyang shin tu myos par gyur na yang khye'u dang bu mo dag khrid de ma 'ongs shig/ de nas dzam+bu'i gling pa'i tshong pa rab tu mang po nang par sngar langs nas skyed mos tshal dben pa ga la ba der song ngo / /de nas ded dpon sing+ga las dzam+bu'i gling pa'i tshong pa rab tu mang po la skye bo phal po che'i tshogs de dang bar skabs su gtam ci byas pa de dag thams cad rgyas par brjod nas smras pa/ shes ldan dag / 'di dag ni/ bud med ma yin gyi/ 'di dag ni/ srin mo yin pas bdag nyid srung shig /de nas dzam+bu'i gling pa'i tshong pa rab tu mang po dag de nyid kyi gso sbyong bco lnga pa la byang lam du dong ngo / /de'i tshe na rta'i rgyal po sprin gyi shugs can ma rmos ma btab pa'i 'bras sA lu'i 'bru za zhing 'dug go/ tshong pa brtag pa'i rang bzhin can zhig gis/ rta'i rgyal po sprin gyi shugs can ma rmos ma </font><hr>Nya255b<br><font size=+1>


btab pa'i 'bras sA lu'i 'bru za zhing 'dug pa mthong ngo / /mthong nas kyang dzam+bu'i gling pa'i tshong pa rab tu mang po la 'di skad ces smras so/ /shes ldan dag/ rta'i rgyal po sprin gyi shugs can 'di ma rmos ma btab pa'i 'bras sA lu'i 'bru za zhing 'dug gi/ 'di'i gan du song la 'di skad ces/ bdag cag pha rol tu 'gro'o/ /bdag cag pha rol tu 'gro'o/ /bdag cag pha rol tu khyer cig/ bdag cag bde legs dang / bde ba dag tu dzam+bu'i gling du phyin par gyis shig/ ces brjod par bya'o/ /de nas ded dpon sing+ga las dzam+bu'i gling pa'i tshong pa rab tu mang po la 'di skad ces smras so/ /shes ldan dag/ kho bos skye bo phal po che'i tshogs des smras pa'i don shes pas/ da dung bdag cag rta'i rgyal po sprin gyi shugs can gyi gan du song ste 'di skad ces/ bdag cag pha rol tu 'gro'o/ /bdag cag pha rol du 'gro'o/ /bdag cag pha rol tu khyer cig/ bdag cag bde legs dang / bde ba dag tu dzam+bu'i gling du phyin par gyis shig /ces brjod par bya ba'i dus la ma bab bo/ /'di ltar kho bo phal po che'i tshogs des smras pa'i don shes te/ gang gi tshe rta'i rgyal po sprin gyi shugs can ma rmos ma btab pa'i 'bras sA lu'i 'bru zos nas bde ba dang / nad med pa dang / stobs dang ldan pa dang / dbang po tshim pas ro stod bsrang ste/ pha rol tu su 'gro/ pha rol tu su 'gro/ su zhig pha rol du bkur bar bya/ su zhig bde legs dang / bde ba dag tu dzam+bu'i gling du phyin par bya zhes lan gsum ched </font><hr>Nya256a<br><font size=+1>


@#/ /du brjod pa ched du rjod par byed pa de'i tshe na/ bdag cag rta'i rgyal po sprin gyi shugs can gyi gan du song ste 'di skad ces/ bdag cag pha rol tu 'gro'o/ /bdag cag pha rol tu 'gro'o/ /bdag cag pha rol tu khyer cig /bdag cag bde legs dang / bde ba dag tu dzam+bu'i gling du phyin par gyis shig /ces brjod par bya'o/ /de nas rta'i rgyal po sprin gyi shugs can gyis ma rmos ma btab pa'i 'bras sA lu'i 'bru zos nas bde ba dang / nad med pa dang / stobs dang ldan pa dang / dbang po tshim pas ro stod bsrang ste/ pha rol tu su 'gro/ pha rol tu su 'gro/ su zhig pha rol tu bkur bar bya/ su zhig bde legs dang / bde ba dag tu dzam+bu'i gling du phyin par bya zhes lan gsum ched du brjod pa ched du rjod par byed do/ /de nas dzam+bu'i gling pa'i tshong pa rab tu mang po rta'i rgyal po sprin gyi shugs can ga la ba der dong ste phyin nas bla gos phrag pa gcig tu byas te pus mo g.yas pa'i lha nga sa la btsugs te rta'i rgyal po sprin gyi shugs can ga la ba de logs su thal mo sbyar ba btud nas rta'i rgyal po sprin gyi shugs can la 'di skad ces smras so/ /bdag cag pha rol tu 'gro'o/ /bdag cag pha rol tu 'gro'o/ /bdag cag pha rol tu khyer cig /bdag cag bde legs dang / bde ba dag tu '+dzam+bu'i gling du phyin par gyis shig /de nas rta'i rgyal po sprin gyi shugs can gyis dzam+bu'i gling pa'i tshong pa rab tu mang po la shes ldan dag /bud med de dag ches gzugs </font><hr>Nya256b<br><font size=+1>


bzang ba dang / ches blta na sdug pa dang / ches mdzes par bsgyur pa na khye'u dang bu mo dag thogs te 'di skad ces/ jo bo dag tshur spyon/ bzhin bzang dag tshur spyon/ bdag cag khyim thab ma mchis pa rnams kyi khyim thab mdzod cig /bdag po ma mchis pa rnams kyi bdag po mdzod cig /gnas ma mchis pa rnams kyi gnas mdzod cig /gling ma mchis pa rnams kyi gling mdzod cig /skyob pa ma mchis pa rnams kyi skyob pa mdzod cig /skyabs ma mchis pa rnams kyi skyabs mdzod cig /dpung gnyen ma mchis pa rnams kyi dpung gnyen mdzod cig /'di dag ni/ khyed kyi zas kyi gnas dag dang / skom gyi gnas dag dang / gos kyi gnas dag dang / gnas mal gyi gnas dag dang / kun dga' ra ba dga' bar 'gyur ba dag dang / nags tshal dga' bar 'gyur ba dag dang / rdzing bu dga' bar 'gyur ba dag dang / dzam+bu'i gling pa'i rin po che mang po 'di lta ste/ nor bu dag dang / mu tig dag dang / bai DUR+Ya dag dang / man shel dkar po dag dang / byi ru dag dang / dngul dag dang / gser dag dang / rdo'i snying po dag dang / spug dag dang / dmar po dag dang / g.yas su 'khyil ba dag lags kyi/ tshur spyon/ khyed cag bdag cag dang lhan cig rtse ba dang / dga' ba dang / dga' mgur spyod par mdzod cig /gal te khye gcag las su yang bdag cag don du mi gnyer na/ re zhig rang rang gi khye'u dang / bu mo 'di dag bsnams te bzhud cig/ ces zer bar 'gyur gyi/ de la khyed cag las gang dag 'di snyam du </font><hr>Nya257a<br><font size=+1>


@#/ /bdag gi chung ma'am/ bu'am/ bu mo'am/ zas kyi gnas dag gam/ skom gyi gnas dag gam/ gos kyi gnas dag gam/ gnas mal gyi gnas dag gam/ kun dga' ra ba dga' bar 'gyur ba dag gam/ nags tshal dga' bar 'gyur ba dag gam/ rdzing bu dga' bar 'gyur ba dag gam/ dzam+bu'i gling pa'i rin po che mang po 'di lta ste/ nor bu dag dang / mu tig dag dang / bai DUR+Ya dag dang / man shel dkar po dag dang / byi ru dag dang / dngul dag dang / gser dag dang / rdo'i rnying po dag dang / spug dag dang / dmar po dag dang / g.yas su 'khyil ba dag yin no/ /snyam du sems pa de dag ni/ nga'i shul lam/ rgyab tu zhon par gyur tu zin kyang de dag shing thog smin pa rtsa ba dag las 'brul ba bzhin du ltung bar 'gyur zhing / bud med de dag 'ongs shing 'ongs shing za bar 'gyur te/ 'di ltar skyes bu za ba na/ skra dang / spu dang / sen mo dang / so'i lhag ma gang dag yin pa de dag kyang ma lus par za bar 'gyur la/ de dag skyes bu za ba na khrag dron mo'i thigs pa sa la ltung ba gang dag yin pa de dag kyang sor mo'i rtse mos byogs shing byogs shing sa dang bcas par khar 'jug par 'gyur ro/ /de la khyed cag las gang dag 'di snyam du/ bdag gi chung ma'am/ bu'am/ bu mo'am/ zas kyi gnas dag gam/ skom gyi gnas dag gam/ gos kyi gnas dag gam/ gnas mal gyi gnas dag gam/ kun dga' ra </font><hr>Nya257b<br><font size=+1>


ba dga' bar 'gyur ba dag gam/ nags tshal dga' bar 'gyur ba dag gam/ rdzing bu dga' bar 'gyur ba dag gam/ dzam+bu'i gling ba'i rin po che mang po 'di lta ste/ nor bu dang / mu tig dag dang / bai DUR+Ya dag dang / man shel dkar po dag dang / byi ru dag dang / dngul dag dang / gser dag dang / rdo'i snying po dag dang / sbug dang / dmar po dag dang / g.yas su 'khyil ba dag yin no/ / snyam du mi sems pa de dag ni/ nga'i sbu dag la 'jus par gyur tu zin kyang de dag /bde legs dang / bde ba dag tu dzam+bu'i gling du phyin par 'gyur ro/ /zhes legs par shin tu yang dag par bsgo/ yang dag par bstan to/ /de nas rta'i rgyal po sprin gyi shugs can gyis dzam+bu'i gling pa'i tshong pa rab tu mang po la legs par shin tu yang dag par bsgo/ yang dag par bstan nas rgyab bzed pa dang / de nas dzam+bu'i gling pa'i tshong pa rab tu mang po dag las/ kha cig ni/ rta'i rgyal po sprin gyi shugs can gyi rgyab tu zhon/ kha cig ni/ shul du zhon/ kha cig ni/ spu dag la 'jus so/ /de nas rta'i rgyal po'i sprin gyi shugs can gyis mthar gyis lus mthu dang stobs bskyed nas de'i 'og tu steng gi nam mkha' la song ngo / /srin mo de dag phongs pa'i gnas dang mthun pa'i rgyal mtshan g.yo bar brtsams pa dang / de dag gis bsam pa/ 'di ltar/ bdag cag gi phongs pa'i gnas dang mthun pa'i rgyal mtshan g.yos pa las na/ dzam+bu'i gling pa'i tshong pa rab tu mang po </font><hr>Nya258a<br><font size=+1>


@#/ /dag byer bar gyur gor ma chag snyam nas de dag de nas ches gzugs bzang ba dang / ches blta na sdug pa dang / ches mdzes par bsgyur nas khye'u dang bu mo dag thogs te 'di skad ces/ jo bo dag tshur spyon/ bzhin bzang dag tshur spyon/ bdag cag khyim thab ma mchis pa rnams kyi khyim thab mdzod cig /bdag po ma yin pas rnams kyi bdag po mdzod cig /gnas ma mchis pa rnams kyi gnas mdzod cig /gling ma mchis pa rnams kyi gling mdzod cig /skyob pa ma mchis pa rnams kyi skyob pa mdzod cig /skyabs ma mchis pa rnams kyi skyabs mdzod cig /dpung gnyen ma mchis pa rnams kyi dpung gnyen mdzod cig /'di dag ni/ khyod kyi zas kyi gnas dag dang / skom gyi gnas dag dang / gos kyi gnas dag dang / gnas mal gyi gnas dag dang / kun dga' ra ba dga' bar 'gyur ba dag dang / nags tshal dga' bar 'gyur ba dag dang / rdzing bu dga' bar 'gyur ba dag dang / dzam+bu'i gling pa'i rin po che mang po 'di lta ste/ nor bu dag dang / mu tig dag dang / bai DUR+Ya dag dang / man shel dkar po dag dang / byi ru dag dang / dngul dag dang / gser dag dang / rdo'i snying po dag dang / spug dag dang / dmar po dag dang / g.yas su 'khyil ba dag lags kyi/ tshur spyon/ khyed cag bdag cag dang lhan cig rtse ba dang / dga' ba dang / dga' mgur spyad pa mdzod cig / </font><hr>Nya258b<br><font size=+1>


gal te khyed cag las su yang bdag don du mi gnyer na/ re zhig rang rang gi khye'u dang bu mo 'di dag bsnams te bzhud cig /ces zer ro/ /de la de dag las/ gang dag 'di snyam du/ bdag gi chung ma'am/ bu'am/ bu mo'am/ gos kyi gnas dag gam/ gnas mal gyi gnas dag gam/ kun dga' ra ba dga' bar 'gyur ba dag gam/ nags tshal dga' bar 'gyur ba dag gam/ rdzing bu dga' bar 'gyur pa dag gam/ dzam+bu'i gling pa'i rin po che mang po 'di lta ste/ nor bu dag dang / mu tig dag dang / bai DUR+Ya dag dang / man shel dkar po dag dang / byi ru dag dang / dngul dag dang / gser dag dang / rdo'i snying po dag dang / spug dag dang / dmar po dag dang / g.yas su 'khyil ba dag yin no/ /snyam du sems pa de dag ni/ de'i shul lam/ rgyab tu zhon par gyur tu zin kyang de dag shing thog smin pa rtsa ba dag las 'brul ba bzhin du ltung bar gyur cing / bud med de dag 'ongs shing 'ongs shing zos par gyur te/ 'di ltar/ skyes bu za ba na skra dang / spu dang / sen mo dang / so'i lhag ma gang dag yin pa de dag kyang ma lus par zos par gyur la/ de dag skyes bu za ba na/ khrag dron mo'i thigs pa sa la ltung ba gang dag yin pa de dag kyang sor mo'i rtse mos byogs shing byogs shing sa dang bcas par khar 'jug par gyur to/ /de la de dag las/ gang dag 'di snyam du/ bdag gi chung ma'am/ bu'am/ bu mo'am/ zas kyi </font><hr>Nya259a<br><font size=+1>


@#/ /gnas dag gam/ skom gyi gnas dag gam/ gos kyi gnas dag gam/ gnas mal gyi gnas dag gam/ kun dga' ra ba dga' bar 'gyur ba dag gam/ nags tshal dga' bar 'gyur ba dag gam/ rdzing bu dga' bar 'gyur pa dag gam/ /dzam+bu gling pa'i rin po che mang po 'di lta ste/ nor bu dag dang / mu tig dag dang / bai DUR+Ya dag dang / man shel dkar po dag dang / byi ru dag dang / dngul dag dang / gser dag dang / rdo'i snying po dag dang / spug dag dang / dmar po dag dang / g.yas su 'khyil ba dag yin no/ /snyam du mi sems pa de dag ni/ de'i spu dag la 'jus par gyur tu zin kyang de dag bde legs dang / bde ba dag tu dzam+bu'i gling du phyin par gyur to/ /dge slong de dag /de bzhin du khyed cag las/ gang dag bdag mig go /bdag gi mig go |bdag rna ba'i/ /sna'o/ /lce'o/ /luso/ yid do/ bdag gi yid do/ /bdag gzugs so/ /bdag gi gzugs so/ /bdag sgra'o/ /dri'o/ ro'o/ reg bya'o/ chos so/ /bdag gis chos so/ / bdag sa'i khams so/ /bdag gi sa'i khams so/ /bdag chu'i khams so/ /me'i khams so/ /rlung gi khams so/ /nam mkha'i khams so/ /rnam par shes pa'i khams so/ /bdag gi rnam par shes pa'i khams so/ /bdag gzugs kyi phung po'o/ /bdag gi gzugs kyi phung po'o/ /bdag tshor ba'i phung po'o/ /'du shes kyi phung po'o/ /'du byed kyi phung po'o/ /rnam par shes pa'i phung po'o </font><hr>Nya259b<br><font size=+1>


po'o/ /bdag gi rnam par shes pa'i phung po'o/ /snyam du sems pa de dag ni/ srin mo rnams kyi tshong pa dag sdug bsngal bar 'gyur ba ji bzhin no/ /dge slong dag /khyed cag las/ gang dag bdag mig go /bdag gi mig go /bdag rna ba'o/ /sna'o/ /lce'o/ lus so/ yid do/ /bdag gi yid do/ /bdag gzugs so/ /bdag gi gzugs so/ /bdag sgra'o/ dri'o/ /ro'o/ reg bya'o/ chos so/ /bdag gi chos so| |bdag sa'i khams so/ /bdag gi sa'i khams so/ /bdag chu'i khams so/ /me'i khams so/ /rlung gi khams so/ /nam mkha'i khams so/ /rnam par shes pa'i khams so/ /bdag gi rnam par shes pa'i khams so/ /bdag gzugs kyi phung po'o/ /bdag gi gzugs kyi phung po'o/ /bdag tshor ba'i phung po'o/ 'du shes kyi phung po'o/ /'du byed kyi phung po'o/ /rnam par shes pa'i phung po'o/ / bdag gi rnam par shes pa'i phung po'o/ /snyam du mi sems pa de dag ni/ sprin shugs can gyi tshong pa dag /bde legs pha rol 'gro ba bzhin/ /mi gang byis pa 'dra ba dag/ sangs rgyas bstan la ma dad pa/ /srin mo rnams kyi tshong pa dag /sdug bsngal 'gyur ba ji bzhin no/ /mi gang shes rab ldan pa dag /sangs rgyas bstan la dad byed pa/ /sprin shugs can gyi tshong ba dag /bde legs pha rol 'gro ba bzhin/ tshong pa de dag thams cad rta'i rgyal po sprin gyi shugs can las lhung nas srin mo de dag gis zos so/ /ded dpon sing+ga la 'ba' zhig bde legs dang / bde ba dag tu </font><hr>Nya260a<br><font size=+1>


@#/ /dzam+bu'i gling du phyin to// //'dul ba rnam par 'byed pa/ bam po don bdun pa/ ded dpon sing+ga la'i chung ma srin mo de la srin mo gzhan dag gis smras pa/ kho mo cag gis ni/ /rang rang gi khyim thab dag zos na/ khyod kyis rang gi khyim thab btang gi/ gal te je khrid de 'ongs na/ de lta na legs/ gal te mi 'ong na/ khyod nyid bza' bar bya'o/ /de skrag nas smras pa/ gal te khyed cag de ltar dang na dus byed na/ mi rings par sdod cig dang / khrid de 'ong ngo / /de dag gis smras pa/ mnyes kyi/ de bzhin gyis shig /de mchog tu 'jigs su rung ba'i gzugs su sprul nas myur ba myur ba kho nar song ste ded dpon sing+ga la'i mdun du 'dug pa dang / ded dpon sing+ga las ral gri shubs nas phyung ste bsdigs pa dang / de skrag ste bros so/ /ji tsam na yul dbus nas don mthun 'ongs pa dang| srin mo de ded dpon gyi rkang pa gnyis la gtugs te smras pa/ ded dpon/ bdag ni/ zangs gling gi rgyal po'i bu mo ded dpon sing+ga la'i mchis brang du stsal ba lags na/ de rgya mtsho chen po'i nang du mchis pa'i gru chu srin nya'i rigs kyis bcag nas des bdag bkra mi shis so/ /zhes bor na/ de'i slad du bdag la thugs brtse bas bzod pa bgyid du stsal bar cig gnang / des bzod pa byed du gzhug go /zhes dang du glangs so/ /de de'i gan du song nas bag dbab pa'i gtam brjod pas yud tsam zhig bsdad de smras pa/ shed mthun/ khyod kyis zangs gling gi rgyal po'i bu mo blangs pa de </font><hr>Nya260b<br><font size=+1>


gnas ma yin par yongs su ma dor bar bzod pa gyis shig /des smras pa/ shed mthun/ de ni/ rgyal po'i bu mo ma yin te/ zangs gling nas 'ongs pa'i srin mo yin no/ /'o na 'dir ji ltar 'ongs/ des ji ltar gyur pa brjod pa dang / de cang mi smra bar 'dug go /ded dpon sing+ga la mthar gyis rang gi khyim du phyin pa dang / srin mo de yang bu thogs te rgyal po'i pho brang seng+ge lta bur phyin nas ded dpon sing+ga la'i khyim gyi sgo drung na sdod do/ /skye bo'i tshogs kyis khye'u de mthong nas bzhin gzugs las ngo shes nas de dag gis smras pa/ shes ldan dag/ khye'u 'di ni/ ded dpon sing+ga la'i bu yin par shes so/ /srin mos smras pa/ shes ldan dag/ khyod kyis shes te/ 'di ni/ de'i bu yin no/ /de dag gis smras pa/ srin mo/ khyod ga las 'ongs/ khyod su'i yin/ des smras pa/ shes ldan dag/ bdag ni/ zangs gling gi rgyal po'i bu mo ded dpon sing+ga la'i chung mar byin pa yin na/ de rgya mtsho chen por song ba'i gru chu srin nya'i rigs kyis bcag nas des bdag bkra mi shis so/ /zhes gnas ma yin par bor nas 'dir ji lta zhig tu phyin te/ bu chung ngu dang / bdag la ded dpon sing+ga bzod pa bgyid du stsal pa'i rigs so/ /de dag gis de'i pha ma gnyis la sbran pa dang / /de gnyis kyis de la smras pa/ bu/ rgyal po'i bu mo de ma dor bar bu chung ngu dang / nyon mongs ma 'di la bzod pa gyis shig /yab yum gnyis/ 'di ni/ rgyal po'i bu mo ma lags te/ 'di ni/ zangs gling nas mchis pa'i srin mo lags so/ /de gnyis kyis smras pa/ bu/ bud med lta zhig </font><hr>Nya261a<br><font size=+1>


@#/ /thams cad kyang srin mo yin gyi/ bzod pa gyis shig /des smras pa/ yab yum gnyis/ gal te khyed cag 'di la dgyes na/ 'di khyim du srel cig /bdag ni/ gzhan du mchi'o/ /de gnyis kyis smras pa/ bu/ nged kyis khyod kyi don du 'di shin tu bsrel ba yin na/ gal te khyod 'di mi 'dod na/ nged kyis 'di ci'i phyir mi bskrad ces de gnyis kyis de bskrad do/ /de nas srin mo de rgyal po seng+ge ral pa can gyi gan du song ba dang / blon po rnams kyis rgyal po la sbran pa/ lha/ bud med gzugs 'di lta bu lang tsho la bab pa zhig rgyal po'i chab sgo na sdod do/ /rgyal pos smras pa/ blta'i/ 'jug tu chug cig /de dag gis de 'jug tu bcug go /bud med kyi gzugs ni/ dbang po rnams 'phrog pa yin pas/ rgyal pos de mthong nas 'dod chags kyis gzir bas 'ongs pa legs so/ /zhes bya ba'i kun tu spyad pas de la kun tu spyad nas smras pa/ bzang mo/ khyod ga las 'dir 'ongs/ khyod su'i yin/ des rkang pa gnyis la gtugs te smras pa/ lha/ bdag ni| zangs gling gi rgyal po'i bu mo ded dpon sing+ga la'i mchis brang du stsal pa lags na/ de rgya mtsho chen po'i nang du mchis pa'i gru chu srin nya'i rigs kyis bcag nas des bdag bkra mi shes so/ /zhes gnas ma lags par por te ji lta zhig tu 'dir mchis na/ lhas bu chung ngu dang / bdag la ded dpon sing+ga la bzod pa bgyid du stsal par ci gnang / rgyal pos de'i bag phab nas blon po rnams la bsgo ba/ </font><hr>Nya261b<br><font size=+1>


shes ldan dag /dengs la ded dpon sing+ga la bos shig /de dag gis de bos pa dang / rgyal pos de la smras pa/ sing+ga la/ rgyal po'i bu mo 'di ma dor bar bu chung du dang / 'di la bzod pa gyis shig /des smras pa/ lha/ 'di ni/ rgyal po'i bu mo ma lags te/ 'di ni/ zangs gling nas mchis pa'i srin mo lags so/ /rgyal pos smras pa/ ded dpon/ bud med lta zhig thams cad kyang srin mo yin gyi/ 'di la bzod pa gyis shig /'on te khyod mi 'dod na ni/ nga la byin cig /des smras pa/ lha/ 'di ni/ srin mo lags pas bdag mi dbul/ mi bzlog go /rgyal pos de btsun mo'i 'khor gyi nang du bcug nas des rgyal po dbang du byas so/ /ji tsam dus gzhan zhig na des rgyal po'i btsun mo'i 'khor dang bcas pa nyid log par byas nas zangs gling du srin mo de dag gi gan du song ste smras pa/ phu nu mo dag /khyed la ded dpon sing+ga las ci bya/ kho mos rgyal po seng+ga ral pa can btsun mo'i 'khor dang bcas pa gnyid log par byas kyi/ tshur shog /de bza' bar bya'o/ /de dag gi rkang lag dang / mig bsgyur te bdag nyid 'jigs pa dang / 'jigs su rung ba chen mor mngon par sprul nas mtshan mo rgyal po'i pho brang seng+ge lta bur lhags te/ de dag gi rgyal po seng+ge ral pa can 'khor dang bcas pa zos so/ /mtshan mo nam nangs pa na rgyal po'i pho brang gi sgo 'byed pa med de ma phyed pa na/ rgyal po'i pho brang gi steng nas mi ro za ba'i bya mang po dag rgyu bar brtsams so/ /blon po dang / khrom gyi ru </font><hr>Nya262a<br><font size=+1>


@#/ /sna dang / grong rdal gyi mi dag kyang rgyal po'i pho brang gi sgo na sdod do/ /rgyal po'i pho brang seng+ge lta bu kun tu sgra 'di skad ces/ rgyal po'i pho brang gi sgo 'byed pa med de ma phyed pa na/ rgyal po'i pho brang gi steng nas mi ro za ba'i bya mang po dag rgyu zhing / blon po dang / khrom gyi ru sna dang / grong rdal gyi mi dang / yul gyi mi dag kyang rgyal po'i pho brang gi sgo na sdod cing 'khod do// zhes bya ba de lta bu grags par gyur to/ /ded dpon sing+ga las de thos nas de myur ba myur ba kho nar ral gri mtshan du bcug ste song nas smras pa/ shes ldan dag /srin mo des rgyal po zos kyi/ thabs soms shig /blon po rnams kyis smras pa/ 'di la ji ltar bsgrub par bya/ ya gad 'on cig dang / 'dzegs te blta bar bya'o/ /zhes de dag gis khyer te 'ongs pa dang / ded dpon sing+ga la ral gri thogs te 'dzegs nas des de dag bsdigs pa dang / srin mo de dag kha cig ni/ mi'i rkang lag dag thogs te byer/ kha cig ni/ mgo dag thogs te byer ro/ /de nas ded dpon sing+ga las rgyal po'i pho brang gi sgo dag phye nas/ blon po rnams kyis rgyal po'i pho brang byi dor byas nas pho brang 'khor gyi mi dang / blon po dang / yul mi dag bsdus te smras pa/ shes ldan dag /rgyal po btsun mo'i 'khor dang bcas pa srin mos zos te gzhon nu yang med na/ su zhig rgyal por dbang bskur bar bya/ de nas kha cig gis smras pa/ gang stobs can shes rab dang ldan pa'o/ /kha cig </font><hr>Nya262b<br><font size=+1>


gis smras pa/ ded dpon sing+ga la las snying stobs can shes rab dang ldan pa su zhig yod kyi/ ded dpon sing+ga la rgyal por bskur bar bya'o/ /de ltar bya'o/ /zhes de dag gis ded dpon sing+ga la la smras pa/ ded dpon/ rgyal srid longs shig /des smras pa/ kho bo ni/ tshong pa'i tha snyad kyis 'tsho ba yin pas/ kho bo la rgyal srid kyis ci bya/ de dag gis smras pa/ ded dpon gzhan gyis rgyal srid byed du 'jug mi nus kyi longs shig /des smras pa/ dam tshig gis blang bar bya ste/ gal te khyed cag kho bo'i tshig bzhin byed na'o/ /de dag gis smras pa/ byed kyi/ longs shig/ ma nyes so/ /de dag gis grong khyer mdzes par byas nas ded dpon sing+ga la bkur sti chen pos rgyal srid la dbang bskur to/ rgyal po sing+ga las yul tha dad pa na gnas pa'i rig sngags smra ba dag bos te rig sngags rgya cher slob tu bcug go/ de bzhin du yul tha dad pa na gnas pa'i 'phong gi slob dpon dag kyang pos te rgya cher 'phong slob tu bcug nas blon po rnams la bsgo ba/ shes ldan dag /dpung gi tshogs yan lag bzhi pa go skon cig /srin mo de dag zangs gling nas skrod du 'dong ngo / /blon po rnams kyis dpung gi tshogs yan lag bzhi pa go bskon nas rgyal po sing+ga las dpung gi tshogs yan lag bzhi pa glang po che ba'i tshogs dang / rta ba'i tshogs dang / shing rta ba'i tshogs dang / dpung bu chung gi tshogs grur btsud de zangs gling du 'phags so/ /mthar gyis rgya mtsho'i 'gram du phyin pa dang / srin mo de dag gis phongs pa'i gnas dang mthun pa'i rgyal mtshan g.yo bar brtsams </font><hr>Nya263a<br><font size=+1>


@#/ /nas de dag gis gros bya bar brtsams pa/ phu nu mo dag /phongs pa'i gnas dang mthun pa'i rgyal mtshan g.yos pa las na/ dzam+bu'i gling pa'i mi g.yul 'gyed par 'dod pa dag lhags gor ma chag gi/ blta'o/ /zhes de dag rgya mtsho'i 'gram du dong ba dang / ji tsam na gru bo che ba du ma dag rgya mtsho'i 'gram du phyin pa mthong ngo / /mthong nas srin mo de dag gis kyang g.yul bshams pa dang / de nas rig sngags smra ba dag gis rig sngags dag gis phab nas 'phong gi slob dpon dag gis phal cher bsad do/ /lhag ma rnams kyis rgyal po sing+ga la'i rkang pa gnyis la gtugs te smras pa/ lha/ bzod par gsol/ des smras pa/ dam tshig gis bzod par bya ste/ gal te khyed cag gi grong khyer 'di phyung ste gzhan du 'dong zhing / nga'i yul du gnod pa 'ga' yang mi byed na/ bzod do/ /de dag gis smras pa/ de ltar bgyi'o/ /mnyes so/ /de dag gis grong khyer de dag phyung nas gzhan du dong ste 'khod do/ /rgyal po sing+ga las kyang der grong khyer brtsigs nas rgyal po sing+ga las gnas bcas pas/ sing+ga la'i gling / sing+ga la'i gling zhes bya ba'i ming du gyur to/ /dge slong dag/ de'i tshe de'i dus na ded dpon sing+ga la gang yin pa de ni/ nga nyid yin no/ /de'i tshe de'i dus na rgyal po seng+ge ral pa can gang yin pa de ni/ rgan zhugs 'di nyid yin no/ /de'i tshe de'i dus na srin mo gang yin pa de ni/ dpe med ma 'di yin te/ de'i tshe yang dpe med ma 'dis 'di'i btsun mo 'khor dang </font><hr>Nya263b<br><font size=+1>


bcas pa tshul ma yin pas sdug bsngal bar byas la/ da ltar yang 'dis 'di tshul ma yin pas sdug bsngal bar byas so/ /kun tu rgyu ma dus dpe med ma khrid de ko'u sham+b+hir 'ongs nas skyed mos tshal zhig na 'dug go/ /skyed mos tshal srung ba'i mis rgyal po shar pa la sbran pa/ lha/ bud med gzugs bzang ba/ blta na sdug pa/ mdzes pa zhig skyed mos tshal na mchis te/ de ni/ lha la 'os pa lags so/ /rgyal pos thos nas skyed mos tshal du song ba dang / des mthong ngo / /bud med kyi yul ni/ dbang po rnams 'phrog pa yin pas/ mthong ma thag tu chags par gyur nas des kun tu rgyu ma du la smras pa/ ma du/ 'di su'i bu mo yin/ lha/ bdag gi bu mo lags so/ /su la byin/ lha/ su la yang ma stsal to/ /nga la ci'i phyir mi sbyin/ lha/ gsol lo/ /rgyal pos bag mar blangs te btsun mo'i 'khor gyi nang du bcug nas de la khang bzang me tog gi so'i phyed kyang byin/ bsnyen bkur ma lnga brgya yang byin/ nyi ma re re zhing dri dang phreng ba rgyu'i rin kaR+sha pa Ni lnga brgya lnga brgya yang byin no/ /kun tu rgyu ma du yang blon po'i mchog tu bcug go /de'i tshe na bad sa'i rgyal po shar pa la blon po'i mchog gsum yod de/ sbyor ba 'dzin dang / gdangs can dang / ma du'o/ /ji tsam dus gzhan zhig na bad sa'i rgyal po shar ba'i gan du mi zhig 'ongs nas rgyal pos dris pa/ khyod su yin/ des smras pa/ lha/ bdag snyan smra lags so/ /rgyal pos blon po rnams la bsgo ba/ shes ldan dag /snyan smra la 'tsho ba byin cig /de dag gis de la 'tsho ba byin no/ /ji tsam </font><hr>Nya264a<br><font size=+1>


@#/ /na yang rgyal po'i gan du mi zhig 'ongs nas/ rgyal pos de la dris pa/ khyod su yin/ des smras pa/ lha/ bdag mi snyan smra lags so/ /rgyal pos blon po rnams la bsgo ba/ shes ldan dag /mi snyan smra la 'tsho ba byin cig /de dag gis smras pa/ lha/ gal te na lhas mi snyan pa gsan par 'gyur yang dag pas 'di la 'tsho ba mi stsal lo/ /rgyal pos smras pa/ shes ldan dag/ rgyal po'i bya ba dag ni/ rgya che'i/ byin cig /de dag gis de la yang 'tsho ba byin no/ /ji tsam dus gzhan zhig na/ bad sa'i rgyal po shar ba btsun mo sngo bsangs can dang / dpe med ma dang lhan cig 'dug pa na/ de na rgyal po sbrid pa byung ba dang / sngo bsangs can gyis sangs rgyas la phyag 'tshal lo/ /zhes smras pa dang / dpe med mas lha la phyag 'tshal lo/ /zhes byas te smras pa/ lha/ sngo bsangs can/ lha'i 'tshal ma 'tshal zhing / dge sbyong go'u ta ma la phyag 'tshal ba la gzigs/ rgyal pos smras pa/ dpe med ma/ 'di la nyes pa med de/ sngo bsangs can dge bsnyen ma yin pas/ los kyang dge sbyong go'u ta ma la phyag 'tshal/ de cang mi smra bar 'dug go/ des bu mo mngag gzhug ma la smras pa/ bu mo/ gang gi tshe lha sngo bsangs can dang / kho mo dang lhan cig dben pa na zhugs pa de'i tshe na/ khyod kyis them skas nas khar phor rbab tu thong zhig /des jo mo/ bka' bzhin 'tshal zhes gang gi tshe de dag lhan cig 'dug pa de'i tshe na/ them skas nas khar phor rbab tu btab pa na/ </font><hr>Nya264b<br><font size=+1>


sngo bsangs can gyis sangs rgyas la phyag 'tshal lo/ /zhes smras pa dang / dpe med mas lha la phyag 'tshal lo/ /zhes byas te smras pa/ lha/ sngo bsangs can/ lha'i 'tshal ma 'tshal zhing / dge sbyong go'u ta ma la phyag 'tshal ba la gzigs/ rgyal pos smras pa/ dpe med ma/ thong zhig /nyes rtsom ma byed cig /'di la nyes pa med de/ sngo bsangs can dge bsnyen ma yin pas/ los kyang dge sbyong go'u ta ma la phyag 'tshal/ de cang mi smra bar 'dug go /rgyal po shar pa nyi ma gcig na/ sngo bsangs can gyi gan du zan za la/ nyi ma gnyis pa la ni/ dpe med ma'i gan du zan za'o/ /dpe med mas bya ba la bsgo ba/ gang gi nyin mo lha sngo bsangs can gyi gan du bshos gsol ba'i res bab pa de'i nyin mo gong ma sreg gson po dbul bar bya'o/ /bya bas gang gi nyin mo rgyal po sngo bsangs can gyi gan du zan za ba de'i nyin mo rgyal po la gong ma sreg gson po phul ba dang / rgyal pos smras pa/ dpe med ma la gtod cig /dpe med mas thos nas des smras pa/ lha/ bdag gi res ma lags te/ sngo bsangs can gyi res lags so/ /rgyal pos smras pa/ kwa'i bya ba/ song la sngo bsangs can la gtod cig /des sngo bsangs can la phul te smras pa/ lha'i don du g.yos mdzod cig /des smras pa/ ci/ kho mo bya ba mo'am/ kho mo srog gcod par mi byed kyi/ song zhig /des rgyal po'i gan du song ste smras pa/ lha/ sngo bsangs can gyi mchid nas ci/ kho mo bya pa mo'am/ kho mo srog gcod par mi byed kyi/ song zhig </font><hr>Nya265a<br><font size=+1>


@#/ /ces mchi'o/ /dpe med mas mthong nas smras pa/ lha/ gal te de la dge sbyong go'u ta ma'i slad du g.yos gyis shig /ces bgyis na ni/ da tsam 'khor dang bcas te g.yos bgyid par 'gyur ro/ /rgyal pos bsam pa/ de ltar 'gyur ba snyam zhes mi de la smras pa/ kwa'i bya ba/ song la 'di skad ces/ bcom ldan 'das kyi phyir g.yos gyis shig /ces byos shig /de 'phags pa dang / dpe med mas lkog tu sod la phul cig ces bsgo nas/ des bsad de sngo bsangs can la phul nas smras pa/ lha'i zhal nas bcom ldan 'das kyi phyir g.yos gyis shig ces byung ngo / /sngo bsangs can 'khor dang bcas pas g.yos bya bar brtsams so/ /bya bas song ste rgyal po la smras pa/ lha/ sngo bsangs can 'khor dang bcas pas g.yos bgyi bar brtsams so/ /dpe med mas smras pa| lhas gsan tam/ gal te srog gcod par mi bgyid na ni/ dge sbyong go'u ta ma'i slad du yang mi bgyid la/ lha'i slad du yang mi bgyid pa'i rigs na/ dge sbyong go'u ta ma'i slad du ni/ bgyid la lha'i slad du ni/ mi bgyid pa de ji lta bu zhig /rgyal po khros par gyur nas gzhu bkang ste 'phags so/ /'jig rten ni/ mdza' bshes dang / dgra bo dang / tha mal pa yin pas/ kha cig gis ni/ sngo sangs can la smras pa/ lha shin tu khros nas gzhu bkang ste 'ong gi/ thabs soms shig /des rang gi 'khor la smras pa/ nu mo dag /khyed cag thams cad byams pa la snyoms par zhugs shig /de dag thams </font><hr>Nya265b<br><font size=+1>


cad byams pa la snyoms par zhugs so/ /rgyal pos gzhu rna drung du thug par bkang ste mda' 'phangs pa dang / de la ma phyed du ltung ngo / /mda' gnyis pa 'phangs pa dang / de phyir log ste rgyal po'i drung du ltung ngo / / mda' gsum pa 'phang bar brtsams pa dang / sngo bsangs can gyis smras pa/ lha/ ma 'phen cig /khyod thams cad kyi thams cad du ma mchis par 'gyur ba ma mdzad cig /rgyal po skrag ste smras pa/ khyod lha mo'am/ klu mo'am/ gnod sbyin mo'am/ dri za mo'am/ nam mkha' lding mo'am/ mi'am ci mo'am/ lto 'phye chen mo'am/ su yin/ des smras pa/ lha/ bdag ni/ lha mo yang ma lags/ klu mo yang ma lags gnod sbyin mo yang ma lags/ dri za mo yang ma lags/ mi'am ci mo yang ma lags/ lto 'phye chen mo yang ma lags so/ /'o na khyod su yin/ lha/ bdag ni/ bcom ldan 'das kyi nyan thos ma phyir mi 'ong ba ste/ bdag gis bcom ldan 'das kyi drung nas phyir mi 'ong ba'i 'bras bu mngon sum du bgyis so/ /bud med lnga brgya po 'di dag gis kyang bden pa dag mthong ngo / /rgyal po mngon par dad par gyur nas smras pa/ khyod la dam pa ci zhig sbyin par bya ba smros shig /des smras pa/ gal te lha bdag la mngon par dad na/ gang gi tshe lta btsun mo'i 'khor gyi nang du gshegs pa de'i tshe na/ bdag la sring mo'i 'du shes nye bar zhog cig /rgyal pos smras pa/ ma nyes kyi/ de bzhin bya'o/ /rgyal po de dpe med ma dang lhan cig rtse ba dang / dga' ba dang / dga' mgur spyod par byed pa nyams su myong bar byed do/ /sngo bsangs </font><hr>Nya266a<br><font size=+1>


@#/ /can la chos kyi rgyu las byung ba'i dad pa skyed par byed cing / de la lo thog gsar pa dang / 'bras bu gsar pa dang / dus tshigs gsar pa gang dag 'grub pa de dag ni/ dang po kho nar sngo bsangs can la 'bul bar byed do/ bud med kyi yul ni/ phrag dog gi rang bzhin can yin pas/ dpe med mas bsam pa/ rgyal po 'di/ bdag dang lhan cig rtse ba dang / dga' ba dang / dga' mgur spyod par byed pa nyams su myong bar byed la/ 'di la lo thog gsar pa dang / 'bras bu gsar pa dang / dus tshigs gsar pa gang dag 'grub pa de dag ni/ dang po kho nar sngo bsangs can la 'bul bar byed pas/ gang gis sngo bsangs can 'di gsod par 'gyur ba de lta bu'i thabs kyi rnam pa zhig bya'o/ /snyam nas de gsad pa'i phyir klan ka tshol zhing de lhur len zhing 'dug go /ji tsam na dus gzhan zhig na bad sa'i rgyal po shar pa'i ri brag pa zhig log nas/ des der ru gcig btang na/ de bcom zhing rab tu bcom ste 'ongs so/ /de bzhin du ru gnyis pa dang / gsum pa btang na/ de yang bcom zhing rab tu bcom ste 'ongs nas blon po rnams kyis smras pa/ lha'i dpung ni/ nyams shing ri brag pa'i dpung ni/ skyes te/ gal te lha rang nyid ma gshegs na/ de phebs dka' bar 'gyur ba gang lags pa de lta bu'i gnas mchis par 'gyur ro/ /des ko'u sham+b+hir dril sgrog pa byed du bcug ste/ nga'i yul na gang dag mtshon chas 'tsho ba ji snyed 'khod pa de dag thams cad kyis 'dong bar bya'o/ /zhes bsgos te de nas </font><hr>Nya266b<br><font size=+1>


'phags so/ /rgyal pos sbyor ba 'dzin la smras pa/ khyod sngo bsangs can la mkho ba stob cing 'di nyid na 'dug cig /des smras pa/ lha/ de ltar mi rung ste/ bdag kyang lha nyid dang thabs cig mchi'o/ /rgyal pos gdangs can la smras pa/ khyod sngo bsangs can la mkho ba stob cing 'di nyid na 'dug cig /des kyang smras pa/ lha/ de ltar mi rung ste/ bdag kyang lha nyid dang thabs cig mchi'o/ /rgyal pos ma du bzhag ste smras pa/ khyod sngo bsangs can la mkho ba stob cing 'di nyid na 'dug cig /ces bsgos te 'phags pa dang / des kyang phyi bzhin skyel bzhin du lha/ de ltar mi rung ste/ bdag kyang lha nyid dang thabs cig mchi'o/ /zhes lan gsum gyi bar du gsol kyang rgyal pos ma gnang nas des khas blangs so/ /ma du dpe med ma'i gan du song ba dang / des dris pa/ yab/ lhas 'dir su bzhag /bdag bzhag go /des bsam pa/ ma nyes kyi/ grogs 'dis 'khon gyi sha glan par nus so/ /snyam du rig nas smras pa/ yab/ sngo bsangs can bdag gi cir 'ong mkhyen tam/ bu mo/ 'tshal te/ chen ma'o/ /yab/ bud med kyi yul la chos gang shin tu gnod pa mkhyen tam/ bu mo/ /'tshal te/ phrag dog dang / ser sna'o/ /yab/ gal te de lta na/ sngo bsangs can khum zhig /bu mo/ ci/ bdag la mgo gnyis mchis sam/ rgyal pos lan gsum gyi bar du sngo bsangs can la mkho ba stobs shig ces bka' stsal gyi/ khyod kyi ming yang ma smros so/ /des smras pa/ yab/ khyod 'di ltar glan nam/ bu mo'i don du pha la cung zad 'tshol ba su yod de/ rgyu med par yang de la byams </font><hr>Nya267a<br><font size=+1>


@#/ /par byed do/ /de'i phyir gal te je de gsod na/ de lta na legs/ gal te mi gsod na/ kho mos khyod sngon gyi gnas nyid du gzhag par bya'o/ /de skrag ste bsam pa/ rgyal po de bud med kyi dbang du song ba yin pas de ltar 'gyur ro/ /snyam du rig nas smras pa/ bu mo/ /gyi na de bzhin du gsad par mi nus te/ 'di ltar/ thabs kyi rnam pa zhig bya'o/ /des smras pa/ ma nyes kyi/ de bzhin gyis shig / des sngo bsangs can la smras pa/ lha mo/ ci bgyi ba bka' stsal cig /des smras pa/ ma du/ bya ba cung zad kyang med de/ 'di ltar/ bu mo 'di dag mtshan mo me mar la sangs rgyas kyi bka' klog pas der gro ba dang / 'bru mar dang / snag tsha dang / snyug gu dang / shing bal dgos so/ /des smras pa/ lha mo/ ma nongs kyi/ sbyor du stsal to/ /zhes des mang po sbyor du bcug ste nang du bskyal nas sgo khang du phung por bcer te bzhag go /sngo bsangs can gyis smras pa/ ma du/ chog gi thong zhig /ma dus smras pa/ lha mo/ 'jug tu stsal te/ slan chad yang dang yang du 'jug tu mi stsal bar bgyi'o/ /zhes des 'jug tu bcug nas gro ba'i khur phyi mar me bcug ste 'jug tu bcug pa dang / me 'bar ba des sgo khang la mched nas ko'u sham+b+hi na gnas pa'i skye bo'i tshogs kyis me gsod du rgyugs pa dang / ma dus/ ral gri shubs nas phyung ste khyed cag ci'i phyir rgyal po'i btsun mo'i 'khor gyi nang du 'jug par 'dod/ sdod cig /ces skye bo'i tshogs phyir bzlog par brtsams so/ /'khrul 'khor gyi sgyu rtsal gyi slob dpon gyis smras </font><hr>Nya267b<br><font size=+1>


pa| kho bos sgo khang la me mched pa 'di 'khrul 'khor gyis gnas gzhan du spo bar bya'o/ /ma dus de yang de ji bzhin du phyir bzlog go/ /sngo bsangs can rdzu 'phrul gyis nam mkha' la gyen du 'phags te smras pa/ nu mo dag /bdag cag gis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas/ bdag cag gis las byas shing bsags pa dag gzhan su zhig gis so sor myong bar 'gyur/ bcom ldan 'das kyis kyang / bar snang rgya mtsho'i nang dang ni/ /ri yi sul du zhugs gyur tam/ /gang du gnas na las rnams kyis/ /mi tshugs 'gyur ba'i sa phyogs med/ /ces gsungs pas bdag cag la las de gzhol bar 'gyur ro/ /zhes smras nas/ tshigs su bcad pa smras pa/ bdag gis rtsig dos dkar khung nas/ /bcom ldan 'das ni mthong gyur te/ /sangs rgyas kyi ni bstan pa la/ /bden pa dag na kun shes byas/ /de dag phye ma leb bzhin du gyen du mchong zhing mchong zhing mer lhung bar gyur to| |de na sngo bsangs can la sogs pa bud med lnga brgya ni/ tshig go /sgur mchog ni/ chu'i stor khung nas bros so/ /ma dus bud med lnga brgya po de dag gi ro dur khrod du bor nas rgyal po'i pho brang nang dang phyi rol dang bcas pa'i phyir dor byas te ko'u sham+b+hi na gnas pa dang / yul tha dad pa nas lhags pa'i skye bo'i tshogs du ma dag bzlog go /de nas dge slong rab tu mang po dag /snga dro sham thabs </font><hr>Nya268a<br><font size=+1>


@#/ /bgos/ lhung bzed dang chos gos thogs te ko'u sham+b+hi ra bsod snyoms la zhugs pa dang / dge slong rab tu mang po dag ko'u sham+b+hir bsod snyoms la rgyu bas/ bad sa'i rgyal po shar pa ljongs su song ba'i btsun mo'i 'khor sngo bsangs can la sogs pa bud med lnga brgya tsam mes tshig ces thos so/ /thos nas kyang ko'u sham+b+hir bsod snyoms rgyus nas zas kyi bya ba byas te phyi ma'i zas kyi bsod snyoms las phyir log pas ji ltar longs spyod pa'i gnas mkhos su phab ste rkang pa gnyis bkrus nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te/ mtha' gcig tu 'khod do/ /mtha' gcig tu 'dug nas bcom ldan 'das la dge slong rab tu mang po dag gis 'di skad ces gsol to/ /btsun pa/ 'di na bdag cag dge slong rab tu mang po dag /snga dro sham thabs 'tshal/ lhung bzed dang chos gos thogs te ko'u sham+b+hir bsod snyoms la zhugs na/ btsun pa/ bdag cag dge slong rab tu mang po ko'u sham+b+hir bsod snyoms la rgyu ba dag gis bad sa'i rgyal po shar pa ljongs su mchis pa'i mchis brang gi 'khor sngo bsangs can la sogs pa bud med lnga brgya tsam zhugs kyis dral ces thos so/ /dge slong dag /gang gis bad sa'i rgyal po shar pa ljongs su song ba'i btsun mo'i 'khor sngo bsangs can la sogs pa bud med lnga brgya tsam mes bsregs pa'i mi </font><hr>Nya268b<br><font size=+1>


gti mug can des bsod nams ma yin pa mang po bskyed do/ /dge slong dag /'di ltar/ mi gti mug can des bsod nams ma yin pa mang po bskyed mod kyi/ bud med de dag ni/ 'bras bu med par dus la bab pa ma yin no/ de ci'i phyir zhe na/ btsun mo'i 'khor de na bud med gang dag gis tha ma'i cha dang mthun pa'i kun tu sbyor ba lnga spangs pas rdzus te skyes shing der yongs su mya ngan las 'da' ba/ phyir mi 'ong ba/ yang 'jig rten 'dir phyir mi ldog pa'i chos can de lta bu'i bud med dag btsun mo'i 'khor de na yod pa dang / btsun mo'i 'khor de na bud med gang dag gis kun tu sbyor ba gsum spangs pas/ 'dod chags dang / zhe sdang dang gti mug bsrabs pa'i phyir lan gcig phyir 'ong ba/ lan gcig 'jig rten 'dir 'ongs nas sdug bsngal mthar byed par 'gyur ba de lta bu'i bud med dag kyang btsun mo'i 'khor de na yod pa dang / btsun mo'i 'khor de na bud med gang dag gis kun tu sbyor ba gsum spangs pas rgyun tu zhugs pa log par mi ltung ba'i chos can/ rdzogs pa'i byang chub la nges par gzhol ba/ re ltar thogs na srid pa lan bdun pa lan bdun lha dang mi rnams su mtshams sbyar nas sdug bsngal mthar byed par 'gyur ba de lta bu'i bud med dag kyang btsun mo'i 'khor de na yod pa dang / btsun mo'i 'khor de na bud med gang dag rang gi srog gi phyir yang bslab pa dag las 'da' bar mi byed pa de lta bu'i bud med dag kyang btsun mo'i 'khor de na yod pa dang / btsun mo'i 'khor de na bud med gang dag nga la sems dad pas dus </font><hr>Nya269a<br><font size=+1>


@#/ /byas shing lus zhig nas bde 'gro mtho ris kyi 'jig rten lha rnams kyi nang du skye ba de lta bu'i bud med dag kyang btsun mo'i 'khor de la yod pa'i phyir ro/ /dge slong dag /tshur shog /sngo bsangs can la sogs pa bud med lnga brgya po dag gis ro ga la ba der 'dong ngo / /dge slong rnams kyis/ btsun pa/ bka' bzhin 'tshal zhes bcom ldan 'das las mnyan to/ /de nas bcom ldan 'das dge slong rab tu mang po dag dang thabs cig bud med lnga brgya po de dag gi ro ga la ba der gshegs te byon nas dge slong rnams la bka' stsal pa/ dge slong dag /bud med lnga brgya'i ro 'di dag ni/ gang la bad sa'i rgyal po shar pa chags pa dang / zhen pa dang / 'chums pa dang / mdud pa bor ba dang / brgyal pa dang / lhag par chags pa dang / lhag par chags shing 'dug pa dag yin na/ da ni/ 'di dag la rkang pa dag gis reg par yang su zhig byed/ tshigs su bcad pa yang bka' stsal pa/ 'jig rten snying po med brel la/ /skal ldan gzugs bzhin lta bar byed/ /byis pa nyon mongs bcings gyur cing / /mun pas yongs su bskor ba dag /dam pa min la dam par lta/ /mthong ba rnams la ci yang med/ /dge slong dag/ de lta bas na/ khyed kyis 'di ltar bslab par bya ste/ ka ba tshig pa gang yin pa la yang sems rab tu sdang bar mi bya na/ rnam par shes pa dang bcas pa'i lus la lta smos kyang ci dgos te/ dge </font><hr>Nya269b<br><font size=+1>


slong dag /khyed kyis de ltar bslab par bya'o/ /ko'u sham+b+hi na gnas pa/ pho brang 'khor gyi mi dag 'dus te gros bya bar btsams pa/ shes ldan dag /rgyal po la gnod pa 'di lta bu byung na/ bdag cag las gang gis rgyal po la brjod par bya/ de na kha cig gis smras pa/ mi snyan smra gang yin pa de brjod du gzhug gi /'bod do/ /gzhan dag gis smras pa/ ma nyes kyi/ de ltar bya'o/ /zhes de dag gis de bos te smras pa/ lha la mi snyan pa 'di go rim bzhin du gsol cig /des smras pa/ de'i tshe khyed cag na re/ ci phyir mi snyan smra la 'tsho ba sbyin par bya zhes zer na/ nga de'i dus 'di yin gyi/ khyed cag nyid kyis gsol cig /de dag gis smras pa/ de'i don nyid du khyod la 'tsho ba byin pa yin na/ gzhan su zhig gsol bar byed/ khyod kyis gsol cig /des smras pa/ dam tshig gis gsol bar bya ste/ kho bo ci zer ba de bzhin gyis shig dang / gsol bar bya'o/ /smros shig dang / de bzhin bya'o/ /go rim 'di ltar gsol bar bya ste/ kho bo la glang po che lnga brgya dang / bal glang mo lnga brgya dang / rta lnga brgya dang / rgod ma lnga brgya dang / gzhon nu lnga brgya dang / gzhon nu ma lnga brgya dang / gser 'bum dang / ras la ko'u sham+b+hi'i gnas dang / khang bzang me tog so dang / ji ltar ma dus gro ba dang / 'bru mar dang / snag che dang / smyu gu dang / shing bal bskyas shing / gro ba'i khur phyi ma'i nang du me bcug par dang / ji ltar sgo khang la me mched pa dang / ji ltar ko'u sham+b+hi na gnas pa'i skye po'i tshogs kyis me gsod du rgyugs pa dang / ma </font><hr>Nya270a<br><font size=+1>


@#/ /dus ral gri shubs nas phyung ste phyir bzlog pa dang / ji ltar 'khrul 'khor gyi sgyu rtsal gyis slob dpon gyis sgo khang la me mched pa 'khrul 'khor gyis gnas gzhan du spo'o// zhes zer ba na/ ma dus de bzhin du phyir bzlog pa dang / ji ltar sngo bsangs can la sogs pa bud med lnga brgya phye ma leb bzhin du gyen du mchong zhing mchong zhing mer ltung ba dag ri mor bris te byin cig /de dag gis smras pa/ de ltar bya'o/ /zhes de dag gis de la glang po che lnga brgya dang / bal glang po lnga brgya dang / rta lnga brgya dang / rgod ma lnga brgya dang / gzhon nu lnga brgya dang / gzhon nu ma lnga brgya dang / gser 'bum dang / ras la ko'u sham+b+hi'i gnas dang / khang bzang me tog gi so dang / ji ltar ma dus gro ba dang / 'bru mar dang / snag tsha dang / smyu gu dang / shing bal bskyas shing / gro ba'i khur phyi ma'i nang du me bcug pa dang / ji ltar sgo khang la me mched pa dang / ji ltar ko'u sham+b+hi na gnas pa'i skye bo'i tshogs kyis me gsod du rgyugs pan/ ma dus ral gri shubs nas phyung ste phyir bzlog pa dang / ji ltar 'khrul 'khor gyi sgyu rtsal gyi slob dpon gyi sgo khang la me mched pa 'khrul 'khor gyis gnas gzhan du spo'o/ /zhes zer ba na/ ma dus de bzhin du phyir bzlog pa dang / ji ltar sdo bsangs can la sogs pa bud med lnga brgya phye ma leb bzhin gyen du mchong zhing mchong zhing mer ltung ba dag ri mor bris te byin no/ /de nas mi snyan smras blon po rnams la yi ge spring </font><hr>Nya270b<br><font size=+1>


ste| rgyal po la gnod pa 'di lta bu byung ba/ kho bos thabs 'dis brjod par bya'o/ /khyod kyis grogs kyi shig /ces byas so/ /des de dag la yi ge spring nas dpung gi tshogs yan lag bzhi pa go bskon te phyogs gzhan zhig tu song nas der bsdad de/ rgyal po shar pa la 'phrin yig 'di skad ces/ lha/ bdag ni/ yul ga ge mo zhig gi rgyal po ste/ bdag gi bu 'chi bdag gis 'phrog nas de'i phyir bdag de dang lhan cig g.yul sprod par byed de/ gal te re zhig g.yul sprad pas de pham par nus na/ de lta na legs/ gal te ma nus na/ glang po che lnga brgya dang / bal glang mo lnga brgya dang / rta lnga brgya dang / rgod ma lnga brgya dang / gzhon nu lnga brgya dang / gzhon nu ma lnga brgya dang / gser 'bum phul nas ba blangs te 'ong ngo / /zhes bris te bskur ro/ /rgyal po shar pa'i ri brag pa de dpung dang ldan pas ma phebs nas/ des blon po rnams la smras pa/ shes ldan dag /rgyal po de 'di ltar blun pa la ltos/ 'chi bdag gi bu 'phrog pa phyir khugs par nus pa 'ga' yang yod re skan/ de ni/ 'jal gyi| de la 'phrin yig 'di skad ces/ kho bo'i ri brag pa zhig log pa ma phebs kyi/ khyod kyis je kho bo'i grogs gyis shig dang / kho bos kyang phyis khyod kyi grogs bya'o/ /zhes bris te skur cig/ blon po rnams kyis de la 'phrin yig de skad ces bris te bskur ba dang / des 'phrin yig bklags nas bklags ma thag tu ri brag der 'ongs te de dag thag mi ring ba zhig na 'dug pa dang / ri brag pa dag gis </font><hr>Nya271a<br><font size=+1>


@#/ /thos nas bsam pa/ bdag cag rgyal po dag gis phyogs bcu dag nas bskor bar chad de/ rgyal po gnyis pa 'di yang nye bar 'ongs kyi/ yul ni/ rnam pa thams cad du phyir thob par yang rung gi/ srog ni/ phyir thob par mi rung gi/ phyir 'byung ngo / /snyam nas de dag ral gri mgul nas phog ste phyir byung nas rgyal po shar pa'i rkang pa gnyis la gtugs pa dang / rgyal po shar pas de dag lo thang dang / dpya 'jal du bcug go /de nas mi snyan smra rgyal po'i yo lang gis rgyal po shar ba'i gan du song ste smras pa/ lha /bdag gi bu 'chi bdag gis 'phrog ste/ lhas bdag gi grogs gyis shig dang / bdag de dang lhan cig g.yul sprod par byed do/ /gal te re zhig g.yul sprad pas de pham par nus na/ de lta na legs/ gal te ma nus na/ de la glang po che lnga brgya dang / bal glang mo lnga brgya dang / rta lnga brgya dang / rgod ma lnga brgya dang / gzhon nu lnga brgya dang / gzhon nu ma lnga brgya dang / gser 'bum phul te bu blang bar bya'o/ /rgyal po shar pas smras pa/ shed mthun/ khyod glen pa zhig ste/ 'chi bdag las phyir len par nus pa 'ga' yang yod re skan/ des smras pa/ lha/ mi nus sam/ mi nus so/ /gal te de lta na/ ri mo 'di ltos shig /des ri mo brkyang ste rgyal pos ri mo brtags nas gnad du bsnun pa dang 'dra bar gdung bzhin du smras pa/ kye/ ji skad sngo bsangs can la sogs pa bud med lnga brgya mes tshig ces zer ram/ des </font><hr>Nya271b<br><font size=+1>


cod pan dang / thor tshugs phog ste tshigs su bcad pa smras pa/ bdag ni rgyal po ma lags rgyal srid min/ /lha khyod zham 'bring zhabs kyis 'tsho ba ste/ /mi snyan don 'di khyod la gsol slad du/ /bdag 'dir khyod kyi zhabs kyi drung du mchis/ /rgyal pos shin tu brtags nas 'di ni/ ko'u sham+b+hi'o/ /'di ni/ rgyal po'i pho brang ngo / /'di ni/ khang bzang me tog gi so'o/ /'di ni/ ma du'o/ /'di ni/ gro/ ba la sogs pa'i sbyor bas sreg pa'o/ /'di dag ni/ sngo bsangs can la sogs pa bud med lnga brgya phye ma leb bzhin gyen du mchong zhing mchong zhing mer ltung ba dag go /zhes rnam par dpyod par byed do/ /rnam par dpyad nas smras pa/ kwa'i nang rje/ ji skad sngo bsangs can la sogs pa bud med lnga brgya mes tshig ces zer ram/ lha/ bdag de skad mi mchi'i/ /'di ltar/ lha nyid de skad gsung ngo| |kwa'i nang rje/ khyod kyis ngal thabs kyi sa gsol bar zad kyi/ gzhan du na/ ngas khyod kyi mgo drungs nas bcad de sa la bsgyel bar 'gyur ro/ /zhes smras nas rgyal po sa la bsgyel to/ /de nas chus btab pas dbugs phyir byung nas smras pa/ shes ldan dag /dpung gi tshogs yan lag bzhi pa go skon cig /ko'u sham+b+hi ra 'dong ngo / /blon po rnams kyis dpung gi tshogs yan lag bzhi pa go bskon nas rgyal po ko'u sham+b+hir 'phags te mthar gyis ko'u sham+b+hir phyin pa dang / des pho brang 'khor gyi mi rnams kyi nang na/ ches rgyus mkhas pa thams cad la rmas so/ /de nas blon po'i mchog </font><hr>Nya272a<br><font size=+1>


@#/ /sbyor ba 'dzin la bsgo ba/ sbyor ba 'dzin/ song la ma du rgya skyegs kyi khang par chug la sregs shig /dpe med ma yang rte'u ma thul ba'i rkang pa la thogs la 'or cig /sbyor ba 'dzin gyis ma du rgya skyegs kyi khang par bcug ste bsregs so/ /de nas bsam pa/ dpe med ma ni/ gal te rgyal pos bsam nas dpe med ma 'on cig /ces zer na/ bdag gis ji ltar bya'i/ re zhig sdod cig snyam nas/ des dpe med ma sa khang du bcug ste bzhag go /rgyal po nyi ma bdun pa la mya ngan sangs nas/ des mya ngan sangs pas smras pa/ sbyor ba 'dzin/ dpe med ma ga re/ des/ lha/ bdag gis rte'u ma thul ba'i rkang pa la btags te bor ro/ /rgyal pos smras pa/ ma nyes so/ /ma dus ni/ sngo bsangs can bsad na/ khyod kyis kyang dpe med ma bsad kyi/ da nga rab tu dbyung bar bya'o/ /sbyor ba 'dzin gyis smras pa/ lha/ de nyid kyi slad du bdag gis dpe med mas khang du stsal te bzhag go /gal te gson na/ blta'o/ /des de sa khang nas phyung ba dang / gnas skabs de kho na bzhin du nyon mongs pa can ma yin pa dang / lus ma rnying par 'dug go /rgyal pos mthong nas bsam pa/ ji ltar 'di gnas skabs de kho na bzhin du nyon mongs pa can ma yin pa dang / lus ma rnying par 'dug la/ na yang min/ zas kyang mi za ba las na/ gor ma chag par skyes pa gzhan dang lhan cig dga' mgur spyad do/ /snyam du rig nas smras pa/ dpe </font><hr>Nya272b<br><font size=+1>


med ma/ khyod kyis 'khrul pa byas so/ /des smras pa/ lha/ sdig pa ci zhig/ bdag de lta mi bgyid do/ /ci mngon/ lha/ khyod bcom ldan 'das la mngon par dad dam/ rgyal pos smras pa/ de ni/ 'jal te/ khyod de'i tshe na ni/ dge sbyong go'u ta ma zhes zer la/ da ni/ bcom ldan 'das zhes zer mod/ 'di ltar nga / ro dang 'dra ba khyod kyi phyir bcom ldan 'das la mi zhu'i/ sngo bsangs can gyi don du bcom ldan 'das la zhu'o/ /zhes de bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das la bad sa'i rgyal po shar pas 'di skad ces gsol to/ /btsun pa/ sngo bsangs can la sogs pa bud med lnga brgyas las ci bgyis na/ des zhugs kyis dral cing / sgur mchog ni/ chab kyi gtor khung nas bros par gyur/ bcom ldan 'das kyis bka' stsal pa/ rgyal po chen po/ de dag nyid kyis las tshogs rnyed pa/ rkyen yongs su bsgyur pa/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas/ de dag nyid kyis las byas shing bsags pa de dag gzhan su zhig gis so sor myong bar 'gyur/ rgyal po chen po/ las byas shing bsags pa dag ni/ phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar </font><hr>Nya273a<br><font size=+1>


@#/ /las dge ba dang mi dge ba byas shing bsags pa dag ni/ zin pa'i phung po dang / khams dang / skye mched dag la rnam par smin par 'gyur te/ las rnams bskal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /rgyal po chen po/ sngon byung ba grong khyer wA ra NA si na/ rgyal po tshangs byin zhes bya bas rgyal srid 'byor pa rgyas pa/ bde ba/ lo legs pa/ skye bo dang / mi mang pos gang ba/ 'thab mo dang / 'thab pa dang / phyi dgra dang / nang 'khrug rab tu zhi ba/ chom rkun dang / mu ge dang| nad dang bral ba/ sA lu dang / bu ram shing gi phreng ba dang / ba lang dang / ma he phun sum tshogs pa byed du bcug ste/ chos dang ldan pa/ chos kyi rgyal po/ chos kyi rgyal srid byed du bcug go /sangs rgyas rnams 'byung ba med pa'i tshe rang sangs rgyas dman pa dang / bkren pa la rjes su snying brtse ba/ bas mtha'i gnas mal la dga' ba/ bse ru lta bu gcig pu 'jig rten gyi yon gnas su gyur pa dag 'jig rten du byung ngo / /ji tsam na rang sangs rgyas shig ljongs rgyu zhing 'gro ba na wA ra NA sir phyin nas skyed mos tshal zhig na spyil bu na gnas so/ /rgyal po tshangs byin gyi btsun mo'i 'khor lnga brgya skyed mos tshal der byung nas/ btsun mo'i 'khor de dag rtse mo'i rdzing du khrus byas nas grang bas sprebs nas/ de na btsun mo dam pas bu mo mngag gzhug ma </font><hr>Nya273b<br><font size=+1>


la smras pa/ bu mo/ shin tu grang bas sbrebs kyi/ song la spyil bu 'di la me thong zhig /des sgron me sbar te song ba dang / rang sangs rgyas de mthong nas des btsun mo'i mchog la smras pa/ lha mo/ 'di na rab tu byung ba zhig mchis so/ /des smras pa/ rab tu byung ba 'dug kyang rung / gzhan 'dug kyang rung gi/ me thong zhig/ des ma btang bar bros pa dang / de nas btsun mo'i mchog de 'khrugs nas de rang gis me btang ba dang| rang sangs rgyas de phyir byung ngo / /btsun mo'i 'khor gzhan dag gis kyang / lha mo/ khyod kyis zhugs btang ba legs pa bgyis te/ bdag cag thams cad zhugs bde'o/ /zhes rjes su yi rang ba byas so| |rang sangs rgyas bdag nyid chen po des bsam pa/ btsun mo'i 'khor nyon mongs ma 'di dag ha cang rmas pa dang / nyams par gyur na mi rung gi/ 'di dag la lag nas drang ba sbyin no/ /snyam nas des dang pa'i rgyal po 'dab ma brkyang pa ltar steng gi nam mkha' la mngon par 'phags nas 'bar pa dang / gsal ba dang / char 'bebs pa dang / glog 'byin pa'i cho 'phrul dag bya bar brtsams so| |so so'i skye bo ni/ rdzu 'phrul la myur du sems gtod par byed pa yin pas/ btsun mo'i 'khor de dag shing ljon pa rtsa ba nas bcad pa bzhin rang sangs rgyas de'i rkang pa'i drung du 'gyel nas smras pa/ yon gnas yang dag par gyur pa mar gshegs su gsol/ mar gshegs su gsol/ nyon mongs pa'i 'dam du bying ba bdag cag gi sug pa nas drang ba stsal du gsol/ rang sangs rgyas de btsun </font><hr>Nya274a<br><font size=+1>


@#/ /mo'i 'khor de dag la rjes su snying brtse ba'i phyir steng gi nam mkha' las shod du babs so/ /de dag gis de la mchod pa byas nas rkang pa gnyis la phyag 'tshal te smon lam 'di skad ces/ bdag cag yon gnas yang dag par gyur pa 'di lta bu la gnod pa byas pa gang yin pa'i las de'i cha dang mthun par ma gyur par mchod pa byas pa gang yin pa'i dge ba'i rtsa ba 'dis bdag cag 'di bas ches khyad par du 'phags pa'i ston pa mnyes par byed cing / thugs byung bar mi byed pa'i yon tan gyi rnam pa de lta bu thob par gyur cig /ces btab bo/ /rgyal po chen po/ de'i tshe de'i dus na rgyal po tshangs byin gyi btsun mo dam pa gang yin pa de ni/ sngo bsangs can 'di yin no/ /de'i tshe de'i dus na bud med gzhan bzhi brgya dgu bcu rtsa dgu po gang dag yin pa de dag ni/ bud med gzhan bzhi brgya dgu bcu rtsa dgu po 'di dag yin no/ /de'i tshe de'i dus na bu mo mngag gzhug ma gang yin pa de ni/ sgur mchog 'di yin no/ /de dag gis rang sangs rgyas kyi spyil bu bsregs shing / rjes su yi rang ba byas pa gang yin pa'i las de'i rnam par smin pas lo mang po dag tu sems can dmyal ba chen po rnams su bsregs nas da ltar bden pa mthong gi bar du yang mes tshig par gyur to| |sgur mchog me gtong du ma btub pas ni/ da ltar chu'i stor khung nas bros par gyur to/ /de dag gis rang sangs rgyas la mchod pa byas nas smon lam btab pa gang yin pa des ni/ da </font><hr>Nya274b<br><font size=+1>


ltar nga'i drung du bden pa mthong bar byas shing / de dag gis rang sangs rgyas bye ba phrag 'bum pas ches khyad par du 'phags pa'i ston pa nga mnyes par byas shing thugs byung bar ma byas so/ /rgyal po chen po/ de ltar na/ las gcig tu nag pa rnams kyi rnam par smin pa ni/ gcig tu nag pa yin la/ las gcig tu dkar ba rnams kyi rnam par smin pa yang gcig tu dkar ba yin/ las 'dren ma rnams kyi rnam par smrin pa yang 'dren ma yin no/ /rgyal po chen po/ de lta bas na/ las gcig tu nag pa rnams dang / 'dren ma rnams spangs nas las gcig tu dkar ba rnams la brtsal bar bya ste| rgyal po chen po/ khyod kyis de ltar bslab par bya'o/ /de nas bad sa'i rgyal po shar pas bcom ldan 'das kyis bka' stsal pa la mngon par dga' ba dang rjes su yi rang ba byas nas bcom ldan 'das kyis zhabs gnyis la mgo bos phyag 'tshal te bcom ldan 'das kyi spyan snga nas song ngo // //'dul ba rnam par 'byed pa/ bam po don brgyad pa/ dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa/ sgur mchog gis las ci bgyis na/ des na sgur bar gyur/ bcom ldan 'das kyis bka' stsal pa/ dge slong dag /sgur mchog nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas/ de nyid kyis </font><hr>Nya275a<br><font size=+1>


@#/ /las byas shing bsags pa dag gzhan su zhig gis so sor myong bar 'gyur/ dge slong dag /las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar/ las dge ba dang / mi dge ba byas shing bsags pa dag ni zin pa'i phung po dang / khams dang / skye mched dag la rnam par smin par 'gyur te/ las rnams bskal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag /sngon byung ba grong khyer wA ra NA si na/ rgyal po tshangs byin zhes bya bas/ rgyal srid 'byor pa rgyas pa/ bde ba/ lo legs pa/ skye bo dang / mi mang pos gang ba/ 'thab mo dang / 'thab pa dang / phyi dgra dang / nang 'khrug rab tu zhi ba/ chom rkun dang / mu ge dang / nad dang bral ba/ sA lu dang / bu ram shing gi phreng ba dang / ba lang dang / ma he phun sum tshogs pa byed du bcug ste/ chos dang ldan pa/ chos kyi rgyal pos chos kyi rgyal srid byed du bcug go /ji tsam dus gzhan zhig na ltas pa dag gis lo bcu gnyis su char mi 'bab par lung bstan nas/ rgyal po tshangs byin gyis wA ra NA sir dril sgrog par byed du bcug ste 'di skad ces/ gang la lo bcu gnyis kyi zan yod pa de ni gnas par bya'o/ /gang la med pa de </font><hr>Nya275b<br><font size=+1>


ni| gzhan du 'gro bar bya zhing / lo bcu gnyis 'das nas phyir yang 'ong bar bya'o/ /zhes bsgo'o/ /de'i tshe wA ra NA si na khyim bdag gzungs byed ces bya ba phyug pa/ nor mang ba/ longs spyod che ba/ yongs su bzung ba yangs shing rgya che ba/ rnam thos kyi bu'i nor dang ldan pa/ rnam thos kyi bu la nor gyis 'gran pa zhig 'dug pa des mdzod pa bos te smras pa/ kwa'i nang rje mdzod pa/ kho bo 'khor dang bcas pa'i lo bcu gnyis kyi zan yod dam/ des smras pa/ jo bo/ /mchis so/ /sangs rgyas rnams 'byung ba med pa'i tshe rang sangs rgyas dman pa dang / bkren pa la rjes su snying brtse ba/ bas mtha'i gnas mal la dga' ba/ bse ru lta bu gcig pu 'jig rten gyi yon gnas su gyur pa dag 'jig rten du byung ngo / /ji tsam na rang sangs rgyas lnga brgya ljongs rgyu zhing 'dong ba na wA ra NA sir phyin nas de dag khyim bdag gzungs byed kyi gan du dong ste phyin nas smras pa/ khyim bdag /khyod kyis kho bo cag rab tu byung ba lnga brgya la lo bcu gnyis su mkho ba stob par nus sam/ des smras pa/ 'phags pa dag /je mdzod pa la rmas te slad kyis gsol lo/ /zhes des mdzod pa bos te smras pa/ kwa'i nang rje mdzod pa/ kho bo 'khor dang bcas pa dang / rab tu byung ba lnga brgya po 'di dag gi lo bcu gnyis kyi zan yod dam/ des smras pa/ jo bo/ mchis so/ /khyim bdag gzungs byed kyis rang sangs rgyas lnga brgya po de dag la smras pa/ 'phags pa dag /mchis kyi </font><hr>Nya276a<br><font size=+1>


@#/ /bzhugs shig dang gsol lo/ /de dag de nyid du 'khod do/ /ji tsam na rang sangs rgyas gzhan lnga brgya ljongs rgyu zhing 'dong ba na wA ra NA sir phyin nas de dag kyang khyim bdag gzungs byed kyi gan du dong ste phyin nas smras pa/ khyim bdag/ khyod kyis kho bo cag rab tu byung ba lnga brgya la lo bcu gnyis su mkho ba stob par nus sam/ des smras pa/ 'phags pa dag/ khyed cag la gsol lags na/ ci'i slad du yang sgrub par mdzad/ khyim bdag /de dag kyang gzhan la/ kho bo cag kyang gzhan no/ /'phags pa dag/ je mdzod pa la rmas te slad kyis gsol lo/ /zhes des mdzod pa bos te smras pa/ kwa'i nang rje mdzod pa/ kho bo 'khor dang bcas pa dang / rab tu byung ba stong po 'di dag gi lo bcu gnyis kyi zan yod dam/ des smras pa| jo bo/ /mchis so/ /des rab tu byung ba gzhan lnga brgya po de dag la smras pa/ 'phags pa dag /mchis kyi/ bzhugs shig dang gsol lo/ /de dag kyang de na 'khod do/ /des sbyin pa'i khang pa rtsig tu bcug ste des sbyin pa'i zhal ta pa'i mi dang / spyan 'dren yang bskos so/ /der nyi ma re re zhing rang sangs rgyas stong stong zan za'o/ /de nas rang sangs rgyas gcig na bar gyur nas de de'i nyin mo ma 'ongs pa dang / khyim bdag gzungs byed la bu mos smras pa/ yab/ deng rab tu byung ba gcig ma mchis so/ /des smras pa/ bu mo/ ji lta bu zhig/ des rgyab btud </font><hr>Nya276b<br><font size=+1>


de smras pa/ yab/ 'di lta bu zhig go /dge slong dag /de'i tshe de'i dus na/ khyim bdag gzungs byed kyi bu mo gang yin pa de ni/ sgur mchog 'di yin te/ 'dis rang sangs rgyas la mtho brtsams pa gang yin pa'i las de'i rnam par smin pas sgur por gyur to/ /yang dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa/ sgur mchog gis las ci bgyis na/ des na thos pa 'dzin par gyur/ bcom ldan 'das kyis bka' stsal pa/ dge slong dag /sgur mchog nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas/ de nyid kyis las byas shing bsags pa dag gzhan su zhig gis so sor myong bar 'gyur/ dge slong dag /las byas shing bsags pa dag ni/ phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar/ las dge ba dang mi dge ba byas shing bsags pa dag ni/ zin pa'i phung po dang / khams dang / skye mched dag la rnam par smin par 'gyur te/ las rnam bskal pa brgyar yang ni| |chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag /khyim bdag gzungs byed kyis sbyin gnas rang sangs rgyas stong po de dag </font><hr>Nya277a<br><font size=+1>


@#/ /nyid kyi dge 'dun gyi gnas brtan gang yin pa de/ rlung nad can yin pas/ de lag pa 'dar pas zan za ba na/ lhung bzed mgul nas gzungs byed kyi bu mo des/ rang gi lag pa las gdu bu rgyan can phud de/ rang sangs rgyas de la phul te smras pa/ 'phags pa/ 'di'i steng du lhung bzed gzhag tu gsol/ des de'i steng du lhung bzed bzhag pa dang mi g.yo ba nyid du 'dug nas/ des de'i rkang pa gnyis la gtugs te smon lam btab pa/ ji ltar lhung bzed 'di mi g.yo bar 'dug pa de bzhin du bdag gi rgyud la chos gang dag zhugs pa de dag kyang mi g.yo ba nyid du gyur cig /ces btab bo/ /las de'i rnam par smin pas 'di da ltar thos pa 'dzin par gyur to/ /yang dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa/ sgur mchog gis las ci bgyis na/ des bran mor gyur/ bcom ldan 'das kyis bka' stsal pa/ dge slong dag/ sgur mchog nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas/ de nyid kyis las byas shing bsags pa dag gzhan su zhig gis so sor myong bar 'gyur/ dge slong dag /las byas shing bsags pa dag ni/ phyi rol gyi sa'i khams la rnam par smin par mi 'gyur/ </font><hr>Nya277b<br><font size=+1>


chu'i khams la mi 'gyur/ me'i khams la mi 'gyur/ rlung gi khams la mi 'gyur/ 'di ltar/ las dge ba dang / mi dge ba byas shing bsags pa dag ni/ zin pa'i phung po dang / khams dang / skye mched dag la rnam par smin par 'gyur te/ las rnams bskal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag /de nyid na 'di dbang phyug gi dregs pas rgyags pas/ 'khor gyi mi rnams la bran gyi tshig gis kun tu spyad pas las de'i rnam par smin pas da ltar bran mor gyur to/ / yang dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa/ dpe med mas las ci bgyis na/ des gdugs bdun du zan ma mchis par sa khang du stsal cing nyon mongs pa can ma lags pa dang / lus ma rnying par phyung bar gyur/ bcom ldan 'das kyis bka' stsal pa/ dge slong dag /dpe med ma nyid kyis las tshogs rnyed pa| rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas/ de nyid kyis las byas shing bsags pa dag gzhan su zhig gis so sor myong bar 'gyur/ dge slong dag /las byas shing bsags pa dag ni/ phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi </font><hr>Nya278a<br><font size=+1>


@#/ /'gyur/ rlung gi khams la mi 'gyur/ 'di ltar/ las dge ba dang / mi dge ba byas shing bsags pa dag ni/ zin pa'i phung po dang / khams dang / skye mched dag kho na la rnam par smin par 'gyur te/ las rnams bskal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag /sngon byung ba ri brag cig na/ rgyal rigs kyi bu mo zhig dang / bram ze'i bu mo phan tshun bshes pa gnyis shig 'khod do/ /sangs rgyas rnams 'byung ba med pa'i tshe rang sangs rgyas dman pa dang / bkres pa la rjes su snying brtse ba/ bas mtha'i gnas mal la dga' ba/ bse ru lta bu gcig pu/ 'jig rten gyi yon gnas su gyur pa dag 'jig rten du byung ngo / /ji tsam na rang sangs rgyas shig sa phyogs zhi ba zhig tu mtshan mo gnas par khas blangs nas phyi de nyin par snga dro sham thabs bgos/ lhung bzed dang chos gos thogs te/ ri brag der bsod snyoms la zhugs pa dang / rgyal rigs kyi bu mo des de'i nyin mo de la bsod snyoms byin no/ /de bzhin du nyi ma gnyis pa dang / gsum pa dang / nyin gcig mi 'chad par yang de la bsod snyoms sbyin par brtsams so/ /rgyal rigs kyi bu mo de dus gzhan zhig na/ bram ze'i bu mo des mgron du bos nas de'i khyim du song ba dang / rang sangs rgyas de yang bsod </font><hr>Nya278b<br><font size=+1>


snyoms/ la rgyu zhing rgyal rigs kyi bu mo de'i khyim du zhugs pa na/ de med nas mthar gyis bram ze'i bu mo de'i khyim du zhugs pa dang / rgyal rigs kyi bu mo des mthong nas/ des bram ze'i bu mo de la smras pa/ bu mo/ 'phags pa 'di la bsod snyoms phul cig /des smras pa/ ji srid du lha dang / bram ze dang / snying du sdug cing 'brel ba'i rtsa lag dag la ma phul gyi bar du dge sbyong mgo reg 'di la ga la sbyin/ des smras pa/ bu mo/ gal te de lta na/ kho mo re zhig 'di la bsod snyoms 'bul du 'gro'i/ /phul nas phyis 'ong ngo / /des smras pa/ che zhe/ gal te de lta na/ 'dug cig dang / bdag gis 'di la bsod snyoms dbul lo/ /des de la bsod snyoms phul nas smon lam log pa btab ste/ bdag gis dge sbyong mgo reg 'di la bsod snyoms phul ba gang yin pa 'di bdag la 'jig rten 'dir yang rnam par smin par ma gyur la/ 'jig rten pha rol yang rnam par smin par ma gyur cig/ ces btab bo/ /dge slong dag/ de'i tshe de'i dus na bram ze'i bu mo gang yin pa de ni/ dpe med ma 'di yin te/ 'dis rang sangs rgyas la bsod snyoms phul nas smon lam log pa 'di skad ces/ bdag gis dge sbyong mgo reg 'di la bsod snyoms phul ba gang yin pa 'di 'jig rten 'dir yang rnam par smin par ma gyur la/ 'jig rten pha rol tu yang rnam par smin par ma gyur cig /ces btab pa gang yin pa'i </font><hr>Nya279a<br><font size=+1>


@#/ /las de'i rnam par smin pas 'di nyi ma bdun du zan med par sa khang du bcug cing / nyon mongs pa can ma yin pa dang / lus ma rnying par phyung ngo / /dus gzhan zhig na mgu byed rgyas par gyur nas des 'chi ba'i dus kyi tshe smon lam btab pa/ bdag gis dge slong gi dge 'dun la ji srid 'tsho'i bar du bsnyen bkur byas pa'i dge ba'i rtsa ba 'dis bdag khyim bdag gdangs can gyi chung ma'i mchog gi mngal du skye zhing sngo bsangs can gyi chu zheng ci 'dra ba de lta bur bdag kyang gyur te/ bad sa'i rgyal po shar pa bdag gi khyim thab tu gyur cig ces btab bo/ /de shi zhing dus la bab nas khyim bdag gdangs can gyi chung ma'i mchog gi mngal du skyes so/ /gang gi nyin mo skyes pa de nyid kyi nyin mo khyim de dpal dag gis snang bar gyur to/ /de zla ba brgyad dam/ dgu 'das te btsas pa las bu mo gzugs bzang ba/ blta na sdug pa/ mdzes pa zhig byung ngo / /byung ma thag tu yang des pha'i khyim rgya cher dpal dag gis snang bar gyur to/ /de'i nye du dag 'dus shing lhags nas nyi ma bdun gsum nyi shu rtsa gcig tu btsas pa'i btsas ston rgya cher byas nas bu mo 'di'i ming cir gdags zhes ming 'dogs par byed do/ /nye du rnams kyis smras pa/ gang gi phyir bu mo 'di gang gi nyin mo ma'i mngal du zhugs pa de nyid kyi nyin mo khyim de dpal dag </font><hr>Nya279b<br><font size=+1>


gis snang bar gyur la/ btsas pa na yang 'dis pha'i khyim rgya cher dpal dag gis snang bar gyur pa de'i phyir bu mo 'di'i ming dpal ldan du gdags so/ /zhes de'i ming dpal ldan zhes bya bar btags so/ /gang gi tshe de smra shes par gyur pa de'i tshe na/ dge slong gang dag khyim der bsod snyoms la zhugs pa de dag gi gan du song ste rkang pa gnyis la phyag 'tshal nas snyun gsol bar byed do/ /ji tsam na tshe dang ldan pa kun dga' bo der bsod snyoms la zhugs pa dang / de de'i gan du song ste rkang pa gnyis la phyag 'tshal nas smras pa/ btsun pa kun dga' bo/ /ji ltar bcom ldan 'das pa dang / dge slong gnas brtan gnas brtan che ge mo dag gnod pa chung ngam/ nyam nga ba chung ngam/ bskyod pa yang ngam/ 'tsho'am/ stobs dang ldan nam/ bde'am/ kha na ma tho ba me mchis sam/ bde ba la reg par gnas sam/ des smras pa/ sring mo/ bcom ldan 'das dang / dge slong gnas brtan gnas brtan che ge mo dag gnod pa chung / nyam nga ba nyung / bskyod pa yang / 'tsho/ stobs dang ldan/ bde/ kha na ma tho ba med/ bde ba la reg par gnas so/ / des smra ba'i tshig thos nas khyim bdag gdangs can gyi nang mi dag mchog tu ngo mtshar skyes par gyur to/ /de nas tshe dang ldan pa kun dga' bos/ a rog khya zhes byas te song nas bcom </font><hr>Nya280a<br><font size=+1>


@#/ /ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te gsol pa/ bcom ldan 'das/ khyim bdag gdangs can gyi byis pa zhig/ bcom ldan 'das dang / dge slong gnas brtan gnas brtan dag la snyun gsol zhing / khyim bdag gdangs can gyi nang mi dag gis de thos nas mchog tu ngo mtshar skyes par gyur to/ /bcom ldan 'das kyis bka' stsal pa/ kun dga' bo/ khyod kyis bu mo de mi shes sam/ bcom ldan 'das/ ma 'tshal to/ /kun dga' bo/ de ni/ mgu byed yin te / smon lam gyi dbang gis khyim bdag gdangs can gyi chung ma'i mchog gi mngal du skyes te/ da ltar bu mo dpal ldan zhes bya'o/ /gang gi tshe dpal ldan pa chen mor gyur pa de'i tshe na de slong ba| rgyal po dag dang / nor can dag dang / tshong dpon dag dang / ded dpon dag dang / ko'u d+ya dag dang / shAkya dag dang / li tsa byi dag dang / gzhan yang mang po dag 'ong bar brtsams so| |khyim bdag gdangs can 'di snyam du/ dpal ldan slong ba mang po dag 'ong ste/ gang dag la ma byin pa de dag bdag gi dgrar 'gyur ro/ /snyam nas de lag pa la 'gram pa gtad de sems khong du chud cing 'dug go /dpal ldan gyis de mthong nas smras pa/ yab/ khyod ci'i slad du phyag la zhal gtad de sems khong du chud cing bzhugs/ des smras pa/ bu mo/ khyod slong </font><hr>Nya280b<br><font size=+1>


ba rgyal po dag dang / nor can dag dang / tshong dpon dag dang / ko'u d+ya dag dang / shAkya dag dang / li tsa byi dag dang / gzhan yang mang po dag 'ong ste/ gang dag la ma byin pa de dag bdag gi dgrar 'gyur na| ji ltar lag pa la 'gram pa gtad de sems khong du chud cing mi 'dug tu rung / des smras pa/ yab/ thugs ngan ma mdzad cig/ bdag gis khyim thab 'tshal lags so/ /bu mo/ gang / yab bad sa'i rgyal po shar pa'o/ /bu mo/ gal te de ltar na/ je go rim bya'o/ /yab/ go rim ji lta bu lags/ bu mo/ kho bos bad sa'i rgyal po shar pa 'di nyid du spyan drang gi/ gang gi tshe des bshos gsol ba de'i tshe na khyod steng gi khang bzang gi gzhi na 'dug pas pho long 'phang par bya'o/ /yab/ ma nongs kyi/ de bzhin bgyi'o/ /des bad sa'i rgyal po shar pa khyim gzhan du mgron du bos te zan zos pa dang / dpal ldan steng gi khang bzang gi gzhi na 'dug pas pho long 'phangs so/ /rgyal pos steng du brtag par brtsams pa dang / rgyal pos de mthong nas smras pa/ gdangs can khyod na re sngo bsangs can dus la bab zer na/ 'di na 'dug pa ni/ ma yin nam/ lha/ 'di ni/ sngo bsangs can ma lags so/ /'o na 'di ci'i ming / lha/ 'di ni/ sngo bsangs can gyi nu mo dpal ldan zhes bgyi'o/ /ci/ 'ga' zhig la byin nam/ lha/ su la yang ma stsal to/ /gal te de lta na/ nga la ci'i phyir mi sbyin/ lha gsol lo/ /khyim bdag gdangs can gyis byin nas pad sa'i rgyal po </font><hr>Nya281a<br><font size=+1>


@#/ /shar pas dpal gyi 'byor pas bag mar blangs te btsun mo'i 'khor gyi nang du bcug go /dus gzhan zhig na des rgyal po la smras pa/ lha/ bdag dge slong mthong bar 'tshal lo/ /rgyal pos smras pa/ khyod 'dod mod kyi/ dge slong dag rgyal po'i pho brang du mi 'jug go/ lha/ de ltar na/ bdag rnam pa thams cad du btson rar stsal du bas mod/ gal te dge slong mthong bar ma gnang na/ deng slan chad 'tshal ma yang mi 'tshal/ phyag kyang mi 'tshal lo/ /des zan gcad pa la zhugs pa dang / rgyal pos khyim bdag gdangs can la smras pa/ khyim bdag/ khyod so sor mi rtog gam/ lha/ ci lags/ dpal ldan zan gcad pa la zhugs so/ /lha/ ci'i slad du/ dge slong mthong bar 'dod na/ dge slong dag rgyal po'i pho brang du mi 'jug go| lha/ 'o na 'di la ji ltar bsgrub par bgyi/ khyim bdag/ de'i phyir khyod kyis bdag nyid kyi ming gis ra bar dge slong gi dge 'dun spyan drangs te bar du sgo thod la bshos gsol cig / khyim bdag gdangs can gyi khyim rgyal po dang 'dab chags su 'dug pas des ra ba'i bar du sgo btod nas sa'i byi dor byed du bcug go/ de nas de bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ mtha' gcig tu 'dug nas bcom ldan 'das khyim bdag gdangs can la chos dang ldan pa'i </font><hr>Nya281b<br><font size=+1>


bka' mchid kyis yang dag par ston par mdzad/ yang dag par 'dzin du 'jug par mdzad/ yang dag par gzengs bstod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas cang mi gsung ngo| |de nas khyim bdag gdangs can gyis/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das dge slong gi dge 'dun dang bcas pas/ sang bdag gi sdum par gdugs tshod gsol bar ci gnang / bcom ldan 'das kyis khyim bdag gdangs can la cang mi gsung bas gnang ngo / /de nas khyim bdag gdangs can gyis/ bcom ldan 'das kyis cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo| |de nas khyim bdag gdangs can gyis de nyid kyi mtshan mo bza' ba dang / bca' ba gtsang zhing bsod pa dag sta gon byas nas nang par sngar langs te gdan bshams nas chu ra bzhag ste bcom ldan 'das la spyan 'dren gyis/ btsun pa/ gdugs tshod g.yar dgongs 'tshal na/ bcom ldan 'das/ da de'i dus la bab par dgongs su gsol zhes spyan drangs pa dang / </font><hr>Nya282a<br><font size=+1>


@#/ /tshe dang ldan pa shA ri'i bu la sogs pa dge slong gi dge 'dun ni/ zhugs so/ /bcom ldan 'das ni/ rdzas las byung ba na bzhugs shing bsod snyoms mngon par bsgrubs so/ /sangs rgyas bcom ldan 'das rnams ni/ rgyu lngas rdzas las byung ba na bzhugs shing / bsod snyoms mngon par sgrub par mdzad de/ lnga gang zhe na/ nang du yang dag 'jog bzhed pa dang / lha rnams la chos ston par bzhed pa dang / nad pa la lta bar bzhed pa dang / gnas mal la rtog par bzhed pa dang / 'dul ba la nyan thos rnams kyi bslab pa'i gzhi bca' bar bzhed pa'o/ /don 'dir ni/ bcom ldan 'das 'dul ba la nyan thos rnams kyi bslab pa'i gzhi bca' bar bzhed pas/ rdzas las byung ba na bzhugs shing bsod snyoms mngon par sgrub par mdzad do/ /tshe dang ldan pa shA ri'i bu 'jug pa na/ rgyal po btsun mo'i 'khor dang bcas pa 'dug nas de'i phyir ldog par brtsams pa dang / rgyal pos mthong nas smras pa/ 'phags pa shA ri'i bu/ gshegs su gsol/ de nas tshe dang ldan pa shA ri'i bus dge slong rnams la smras pa/ tshe dang ldan pa dag /bzhi po dag gi tshig ni/ mi bcag pa yin te/ de bzhin gshegs pa dgra bcom pa yang dag par rdzogs pa'i sangs rgyas kyi bka' dang / dge slong dgra bcom pa zag pa zad pa'i tshig dang / dge bskos </font><hr>Nya282b<br><font size=+1>


kyi tshig dang / rgyal po rgyal rigs spyi bor dbang bskur ba'i tshig yin gyi/ tshe dang ldan pa dag /dran pa nye bar zhog cig dang 'jug par bya'o/ /zhes de zhugs nas dge slong gi dge 'dun gyi gong du gdan bshams pa nyid la 'dug go /de nas btsun mo dpal ldan gyis/ tshe dang ldan pa shA ri'i bu la sogs pa dge slong gi dge 'dun bde bar 'khod par rig nas rang gi lag nas bca' ba dang / bza' ba gtsang zhing bsod pas tshim pa stob par byed do/ /rnam grangs du mar rang gi lag nas bza' ba dang / bca' ba gtsang zhing bsod pas tshim par byas shing bstabs nas tshe dang ldan pa shA ri'i bu la sogs pa dge slong gi dge 'dun gdugs tshod gsol cing phyag bcabs/ lhung bzed bzhag par rig nas stan ches dma' ba zhig blangs te chos mnyan pa'i phyir tshe dang ldan pa shA ri'i bu mdun du 'dug go /de nas tshe dang ldan pa shA ri'i bu btsun mo dpal ldan la chos dang ldan pa'i gtam gyis yang dag par ston par byed/ yang dag par 'dzin du 'jug par byed/ yang dag par gzengs bstod par byed/ yang dag par rab tu dga' bar byed do/ /rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug / yang dag par gzengs bstod/ yang dag par rab tu dga' bar byas nas des bden pa dag ma mthong ngo / tshe dang ldan pa shA ri'i bus bsam pa/ ci/ 'di la dge ba'i rtsa ba dag yod dam/ 'on </font><hr>Nya283a<br><font size=+1>


@#/ /te med snyam na/ yod par mthong ngo / /su la rag las snyam na/ bdag nyid la rag las par mthong nas/ de de la chos ston cing rnam par spyod pa na/ nyi ma nub pa'i dus la bab nas dge slong rnams stan las langs te dong ngo / /tshe dang ldan pa shA ri'i bus bsam pa/ 'di ltar/ bcom ldan 'das kyis ma gnang mod kyi/ 'di nyid rkyen du mdzad nas gnang bar 'gyur ba gang yin pa de lta bu'i gnas yod par 'gyur ro/ /snyam nas de gdul ba la ltos pas de nyid du 'dug go /tshe dang ldan pa shA ri'i bus btsun mo dpal ldan gyi bsam pa dang / bag la nyal dang / khams dang / rang bzhin khong du chud nas/ gang thos nas btsun mo dpal ldan gyis stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras bu mngon sum du byas pa de ltar chos bstan par byas so/ /des bden pa mthong nas smras pa/ 'phags pa/ bdag gis dge ba'i bshes gnyen 'phags pa shA ri'i bu la brten nas 'phags pas bdag la gang mdzad pa 'di lta bu ni/ bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang bram ze dag gis kyang ma bgyis/ byams pa dang / mdza' bshes dang / rtsa lag gi tshogs dag gis kyang ma bgyis te </font><hr>Nya283b<br><font size=+1>


khrag dang / mchi ma'i rgya mtsho ni/ bskams/ rus pa'i ri dag las ni/ bsgral/ ngan song gi sgo dag ni/ bkum/ mtho ris dang / thar pa'i sgo dag ni/ phye/ sems can dmyal ba dang / dud 'gro dang| yi dwags dag nas ni/ rkang pa phyung / lha dang mi rnams kyi nang du ni/ bzhag /'khor ba ni/ mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste rgyun du zhugs pa'i 'bras bu ni/ thob ste/ btsun pa/ bdag ni/ mngon par zhugs pa lags so/ /btsun pa/ bdag mngon par zhugs pa lags te btsun pa/ bdag bcom ldan 'das dang / chos dang / dge slong gi dge 'dun la skyabs su mchi'i/ bdag dge bsnyen mar gzung du gsol/ deng slan chad nas ji srid 'tsho'i bar du glo ba thag pa nas rab tu dad pas skyabs su mchi'o/ /de nas tshe dang ldan pa shA ri'i bus btsun mo dpal ldan bden pa dag la bzhag ste song nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas tshe dang ldan pa shA ri'i bus skabs de/ bcom ldan 'das la rgyas par gsol pa dang / bcom ldan 'das kyis bka' stsal pa/ shA ri'i bu/ legs so/ /legs so/ /bdun po dag gi tshig ni/ mi bcag pa yin te/ de bzhin gshegs pa dgra </font><hr>Nya284a<br><font size=+1>


@#/ /bcom pa yang dag par rdzogs pa'i sangs rgyas kyi bka' dang / dge slong dgra bcom pa zag pa zad pa'i tshig dang / dge 'dun gyi gnas brtan gyi tshig dang / dge ba skos kyi tshig dang / mkhan po'i tshig dang / slob dpon gyi tshig dang / rgyal po rgyal rigs spyi bor dbang bskur ba'i tshig go /de nas bcom ldan 'das kyis bslab pa 'dod pa dang| bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang mthun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag /de lta bas na/ snga ma ni/ bcas pa yin la/ 'di ni/ rjes su gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong dag/ nam ma langs/ skya rengs ma shar/ rin po che dag gam/ rin po cher smos pa dag ma bsdus par rgyal po rgyal rigs spyi bor dbang bskur ba'i sgo gtan nam/ sgo gtan gyi nye kor las 'da' na/ de 'dra ba'i rkyen ma gtogs te/ ltung byed do/ /yang dge slong gang zhes bya ba ni/ 'char ka'am/ gzhan yang de lta bu gang yin pa'o/ /nam ma langs zhes bya ba ni/ nam nangs par ma gyur pa'o/ /skya rengs gsum po skya rengs dang po dang / skya rengs </font><hr>Nya284b<br><font size=+1>


bar ma dang / skya rengs tha ma'o/ /skya rengs dang po ni/ sngon por snang ba'o/ /skya rengs bar ma ni/ ser por snang ba'o/ /skya rengs tha ma ni/ dmar por snang ba ste/ 'dir ni/ skya rengs tha ma yin par dgongs so/ /ma shar zhes bya ba ni/ ma byung ba'o/ /rin po che dag ces bya ba la/ rin po che dag ces bya ba ni/ nor bu dag dang / mu tig dag dang / bai DUR+Ya dag dang / man shel dkar po dag dang / byi ru dag dang / gser dag dang / dngul dag dang / rdo'i snying po dag dang / spug dag dang / dmar po dag dang / g.yas su 'khyil bdag go /rin po cher smos pa dag ces bya ba la/ rin po cher smos pa dag ces bya ba ni/ g.yul ngor spyad pa'i mtshon cha thams cad dang / rol mor spyad pa'i cha spyad thams cad do/ /ma bsdus par zhes bya ni/ ma brtul bar ro/ /rgyal po rgyal rigs spyi bor dbang bskur ba'i zhes bya ba ni/ 'di lta ste/ bud med rgyal srid la dbang bskur bar gyur na/ de yang rgyal po rgyal rigs spyi bor dbang bskur ba yin la/ rgyal rigs dang / bram ze dang / rje'u rigs dang / dmangs rigs rgyal po de la dbang bskur bas dbang bskur bar gyur na/ de yang rgyal po rgyal rigs spyi bor dbang bskur ba yin no/ /sgo gtan nam zhes bya ba ni/ sgo gtan rnam pa gsum ste/ grong khyer gyi sgo gtan dang / rgyal po'i pho brang gi sgo gtan dang / btsun mo'i 'khor gyi sgo gtan no/ /sgo gtan gyi nyen kor las zhes bya ba ni/ de'i drung las so/ / </font><hr>Nya285a<br><font size=+1>


@#/ /'da' na zhes bya ba ni 'gro na'o/ /de 'dra ba'i rkyen ma gtogs te zhes bya ba ni de 'dra ba'i rkyen bzhag ste'o/ /ltung byed do/ /zhes bya ba ni sems can dmyal ba dang / dud 'gro dang / yi dwags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na/ dge ba'i chos rnams la sgrib par byed pa ste/ des na ltung byed do/ /zhes gsungs so/ /de la ltung bar ji ltar 'gyur zhe na/ dge slong gis nam ma langs pa la nam ma langs par 'du shes pas grong khyer gyi sgo gtan las 'da' na/ nyes byas su 'gyur ro/ /nam ma nangs pa la yid gnyis za bas grong khyer gyi sgo gtan las 'da' na/ nyes byas su 'gyur ro| |nam ma langs pa la nam ma nangs par 'du shes pas grong khyer gyi sgo gtan las 'da' na/ nyes byas su 'gyur ro/ /nam langs pa la yid gnyis za bas grong khyer gyi sgo gtan las 'da' na/ nyes byas su 'gyur ro/ /dge slong gis nam ma nangs pa la nam ma nangs par 'du shes pas rgyal po'i pho brang gi sgo gtan las 'da' na/ ltung byed du 'gyur ro/ /nam ma nangs pa la yid gnyis za bas rgyal po'i pho brang gi sgo gtan las 'da' na/ ltung byed du 'gyur ro/ /nam nangs pa la nam ma nangs par 'du shes pas/ </font><hr>Nya285b<br><font size=+1>


rgyal po'i pho brang gi sgo gtan las 'da' na/ nyes byas su 'gyur ro/ /nam nangs pa la yid gnyis za bas rgyal po'i sgo gtan las 'da' na/ nyes byas su 'gyur ro/ /dge slong gis nam ma nangs pa la nam ma nangs par 'du shes pas btsun mo'i 'khor gyi sgo gtan las 'da' na/ ltung byed du 'gyur ro/ /nam ma nangs pa la yid gnyis pas btsun mo'i 'khor gyi sgo gtan las 'da' na/ ltung byed du 'gyur ro/ /nam nangs pa la ma nangs par 'du shes pas btsun mo'i 'khor gyi sgo gtan las 'da' na/ nyes byas su 'gyur ro/ /nam langs pa la yid gnyis za bas btsun mo'i 'khor gyi sgo gtan las 'da' na/ nyes byas su 'gyur ro/ /rgyal po dang / btsun mo dang / gzhon nu dang / blon po dag gis bos pa dang / bar chad brgyad po rgyal po dang / chom rkun dang / mi dang / mi ma yin pa dang / gdug pa dang / me dang / chu dang / rlung dag nye bar gnas pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /rgyal po'i pho brang du nub mo 'gro ba'i ltung byed de/ brgyad cu gnyis pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis zla ba phyed phyed cing so sor thar pa'i mdo 'don pa gdon par bya'o/ /zhes </font><hr>Nya286a<br><font size=+1>


@#/ /bka' stsal nas zla ba phyed phyed cing so sor thar pa'i mdo gdon pa bton pa'i tshe drug sde dag gus par byas te chos nyan par mi byed/ bla mar byas te mi byed/ ru shing ltar byas te mi byed/ yid la byas te mi byed/ sems rtse gcig tu mi byed/ rna blags te mi byed/ sems thams cad kyis bsam ste chos nyan par mi byed cing / dge slong rnams la yang 'di skad ces/ tshe dang ldan pa dag /'di ltar chos 'di yang mdo'i nang du gtogs/ mdo'i nang du 'dus par bdag cag gis da gdod shes so/ /zhes zer nas/ dge slong rnams kyis de dag la smras pa/ tshe dang ldan pa dag gis so sor thar pa'i mdo gdon pa 'don pa gdon thos sam/ ci na gang gi phyir de skad zer/ de dag gis smras pa/ tshe dang ldan pa dag /ci/ kho bo cag la las de tsam 'ba' zhig tu zad dam/ 'dod pa'i rnam par rtog pa la yang rnam par brtag dgos so/ /gnod sems kyi rnam par rtog pa dang / rnam par 'tshe ba'i rnam par rtog pa la yang rnam par brtag dgos so/ /dge slong don nyung ngu dag /ci'i phyir dge slong dag zla ba phyed phyed cing so sor thar pa'i mdo gdon pa 'don pa'i tshe gus par byas te chos nyan par mi byed/ bla mar byas te mi byed/ ru shing ltar byas te mi byed/ yid la byas te mi byed/ sems rtse gcig tu mi byed/ rna blags te mi byed/ sems thams cad </font><hr>Nya286b<br><font size=+1>


kyis bsam ste chos nyan par mi byed cing / dge slong rnams la yang 'di skad ces/ tshe dang ldan pa dag /'di ltar chos 'di yang mdo'i nang du gtogs/ mdo'i nang du 'dus par bdag cag gis da gzod shes so/ /zhes zer nas smod par byed/ 'phyar kha gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la/ dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste/ zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la rmas pa/ dge slong dag /khyed zla ba phyed phyed cing so sor thar pa'i mdo gdon pa 'don pa'i tshe gus par byas te chos nyan par mi byed/ bla mar byas te mi byed/ ru shing ltar byas te mi byed/ yid la byas te mi byed/ sems rtse gcig tu mi byed/ rna blags te mi byed/ sems thams cad kyis bsam ste chos nyan par mi byed cing / dge slong rnams la yang 'di skad ces/ tshe dang ldan pa dag /'di ltar chos 'di yang mdo'i nang du gtogs mdo'i nang du 'dus par bdag cag gis da gdod shes so/ /zhes zer ba bden nam/ bcun pa/ mad do/ /sangs rgyas bcom ldan 'das kyis/ dge sbyong gi tshul ma yin pa/ rjes su mthun </font><hr>Nya287a<br><font size=+1>


@#/ /pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin na/ zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang zla ba phyed phyed cing so sor thar pa'i mdo gdon pa 'don pa'i tshe 'di skad ces/ tshe dang ldan pa dag /'di ltar chos 'di yang mdo'i nang du gtogs/ mdo'i nang du 'dus par bdag gis da gdod shes so/ /zhe zer la/ de la gal te dge slong rnams kyis kyang / tshe dang ldan pa 'di sngon gso sbyong gi las gnyis sam gsum gyi tshe 'dug par shes shing la mang du lta ci smos na/ tshe dang ldan pa de mi shes pas mi 'grol bas/ de ltung ba gang byung ba de chos bzhin du byed du gzhug gi /steng du khyod zla ba phyed phyed cing so sor thar pa'i mdo gdon pa 'don pa'i tshe/ gus par byas te chos nyan par mi byed/ bla mar byas te mi byed/ ru shing ltar byas te mi byed/ yid la byas te mi byed/ sems rtse gcig tu mi byed/ rna blags te mi byed/ sems thams </font><hr>Nya287b<br><font size=+1>


cad kyis bsam ste chos mnyan par mi byed pas/ tshe dang ldan pa/ khyod kyis ma rnyed de/ rnyed pa ma yin zhing nyes pa rnyed de/ legs pa rnyed pa ma yin no/ /zhes 'gyod par bya'o/ /tshe dang ldan pa/ de la 'gyod par bya ba ni/ de yin te/ ltung byed do/ /yang dge slong gang zhes bya ba ni/ drug sde'am/ gzhan yang de lta bu gang yin pa'o/ /zla ba phyed phyed cing zhes bya ba ni/ zla ba phyed phyed cing ngo / /so sor thar pa'i zhes bya ba la/ so sor thar pa zhes bya ba ni/ pham par 'gyur ba'i chos bzhi dang / dge 'dun lhag ma'i chos bcu gsum dang / ma nges pa'i chos gnyis dang / spang ba'i ltung byed kyi chos sum cu dang / ltung byed kyi chos dgu bcu dang / so sor bshags par bya ba'i chos bzhi dang / bslab pa'i chos mang po dang / rtsod pa zhi bar bya ba'i chos bdun po dag go /mdo gdon pa zhes bya ba la/ mdo gdon pa zhes bya ba ni/ yang dag par sbyor ba'o/ /'don pa'i tshe zhes bya ba ni/ rab tu ston pa'i tshe'o/ /'di skad ces bya ba ni/ 'di skad ces zer na'o/ /tshe dang ldan pa dag / 'di ltar chos 'di yang mdo'i nang du gtogs/ mdo'i nang du 'dus par bdag gis da gdod shes so/ /zhes zer la zhes bya ba ni/ bcom ldan 'das kyis gsungs pa'i chos 'di yang ngo / de la gal te dge slong rnams kyis kyang zhes bya ba ni/ de na dge slong gang dag 'khod pa rnams kyis kyang ngo / /tshe dang ldan pa 'di zhes bya ba ni/ dge slong gang yin pa 'di'o/ /sngon gso </font><hr>Nya288a<br><font size=+1>


@#/ /sbyong gi las gnyis sam gsum gyi tshe 'dug par shes shing zhes bya ba ni/ 'dis so sor thar pa lan gnyis sam gsum thas par shes shing ngo / /lan mang du lta ci smos na zhes bya ba ni/ lan mang du 'dug par shes pa lta ci smos na'o/ /tshe dang ldan pa de mi shes pas mi 'grol bas zhes bya ba ni/ de des ltung ba las mi 'grol bas/ de ltung ba dang bcas pa nyid yin pa'o/ /de ltung ba gang byung ba zhes bya ba ni/ ltung byed do/ /des chos bzhin du byed du gzhug ces bya ba ni/ 'chags su gzhug pa'o/ /steng du khyod zla ba phyed phyed cing so sor thar pa'i mdo gdon pa gdon pa'i tshe gus par byas te chos nyan par mi byed/ bla mar byas te mi byed/ ru shing ltar byas te mi byed/ yid la byas te mi byed/ sems rtse gcig tu mi byed/ rna blags te mi byed/ sems thams cad kyi bsam ste chos nyan par mi byed pas/ tshe dang ldan pa/ khyod kyis ma rnyed de/ rnyed pa ma yin zhing / nyes pa rnyed de/ legs pa rnyed pa ma yin no/ /zhes 'gyod par bya'o zhes bya ba ni/ 'gyod du gzhug par bya ba'o/ /tshe dang ldan pa/ de la 'gyod par bya ba ni/ de yin te zhes bya ba ni/ de ltar 'gyod par bya ba'o/ ltung byed do/ /zhes bya ba ni/ sems can dmyal ba dang / dud 'gro dang / yi dwags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du </font><hr>Nya288b<br><font size=+1>


ltung ba de ma bshags shing / so sor ma bshags na/ dge ba'i chos rnams la sgrib par byed pa ste/ des na ltung byed do/ /zhes gsungs so/ /de la ltung bar ji ltar 'gyur zhe na/ dge slong gis ji tsam cung zad pham par 'gyur ba'i chos bzhi dang / dge 'dun lhag ma'i chos bcu gsum dang / ma nges pa'i chos gnyis dang / spang ba'i ltung byed kyi chos sum cu dang / ltung byed kyi chos dgu bcu dang / so sor bshags pa'i chos bzhi dang / bslab pa'i chos mang po dang / rtsod pa zhi bar bya ba'i chos bdun po dag gdon pa dag 'don pa'i tshe/ gus par byas te chos nyan par mi byed/ bla mar byas te mi byed/ ru shing ltar byas te mi byed/ yid la byas te mi byed/ sems rtse gcig tu mi byed/ rna blags te mi byed/ sems thams cad kyis bsam ste chos nyan par mi byed cing / 'di skad ces/ tshe dang ldan pa dag /'di ltar chos 'di yang mdo'i nang du gtogs/ mdo'i nang du 'dus par bdag gis da gdod shes so/ /zhes zer na/ thams cad du ltung byed du 'gyur ro/ /lam gol bar rgas par gyur cing yang dag pa kho nar mi shes na/ ltung ba med pa'o/ las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ bslab pa'i gzhi'i dngos po la khyad du gsod pa'i ltung byed de/ brgyad cu gsum pa rdzogs so// //'dul ba rnam par 'byed pa/ bam po don dgu pa/ sangs rgyas bcom ldan 'das mnyan yod na </font><hr>Nya289a<br><font size=+1>


@#/ /rgyal byed kyi chal mgon med zas sbyin gyi kun dga' ra ba na bzhugs so/ /mnyan yod na gcer bu ba'i nyan thos chos zhes bya ba/ ba so mkhan zhig 'dug pa de/ gcir bu pa dag la shin tu mngon par dad do/ /de dus gzhan zhig na dge slong bsod snyoms pa zhig gis chos bstan pas btul nas/ des kyang de las skyabs su 'gro ba dang / bslab pa'i gzhi dag blangs so/ /yang bsod snyoms pa des/ de la rdzas las byung ba'i bsod nams bya ba'i gzhi bdun gyi bsngags pa rgya cher brjod pa dang / de mngon par dad par gyur nas smras ba/ 'phags ba| bdag gis kyang rdzas las byung ba'i bsod nams bya ba'i gzhi cung zad cig yang dag par blangs te 'jug par bgyi'o/ /bzhin bzang / ci zhig byed/ 'phags pa/ dge slong gi dge 'dun la rang gi bzos bsnyen bkur bgyi'o/ /ma nyes kyi/ de bzhin gyis shig /bsod snyoms pas gtsug lag khang du song ste dge slong rnams la smras pa/ tshe dang ldan pa dag /bdag gis gcer bu ba'i nyan thos chos zhes bya ba/ ba so mkhan de skyabs su 'gro ba dang / bslab pa'i gzhi dag la bzhag nas/ des dge slong gi dge 'dun la rang gi bzos bsnyen bkur byed kyi/ su ci 'dod pa des de byed du chug cig /ji tsam na khab ral med pas/ de de'i gan du song ste smras pa/ bzhin bzang / kho bo khab ral med kyi/ de gyis shig /'phags pa </font><hr>Nya289b<br><font size=+1>


ji lta bu zhig bgyi/ /gang bzang ba'o/ /'phags pa/ ba so las bgyis pa bzang ngo / /bzhin bzang / ba so las byas bgyis shig /de de'i khab ral ba so las byas pa byas te byin no/ /dge slong des de dge slong rnams la bstan pa dang / dge slong gzhan gyis kyang de lta bu byed du bcug cing / gzhan gyis kyang byed du bcug /gzhan gyis kyang byed du bcug pas/ de'i ba so zad par gyur to/ /dge slong gzhan zhig kyang 'ongs te smras pa/ bzhin bzang / kho bo'i khab ral gyis shig /'phags pa/ ji lta bu zhig bgyi/ gang bzang ba'o/ /'phags pa/ ba so las bgyis pa bzang na/ ba so de ni/ bas so/ /gal te bzhed na/ rus pa las bgyis pa bgyi'o/ /bzhin bzang / ma nyes kyi/ gyis shig /des de'i khab ral rus pa las byas pa byas te byin no/ /dge slong des de dge slong rnams la bstan pa dang / dge slong gzhan gyis kyang de lta bu byed du bcug cing / gzhan gyis kyang byed du bcug /gzhan gyis kyang byed du bcug pas de'i rus pa yang zad par gyur to/ /dge slong gzhan zhig kyang 'ongs te smras pa/ bzhin bzang / kho bo'i khab ral gyis shig /'phags pa/ ji lta bu zhig bgyi/ gang bzang ba'o/ /'phags pa/ ba so las bgyis pa bzang na/ ba so de ni/ bas so/ bzhin bzang / gal te de lta na/ rus pa las byas pa gyis shig /'phags pa/ rus pa yang bas so/ /gal te bzhed na/ rwa las bgyis pa </font><hr>Nya290a<br><font size=+1>


@#/ /bgyi'o/ /bzhin bzang / ma nyes kyi/ gyis shig /de de'i khab ral rwa las byas pa byas te byin no/ /dge slong des de dge slong rnams la bstan pa dang / dge slong gzhan gyis kyang de lta bu byed du bcug cing / gzhan gyis kyang de lta bu byed du bcug /gzhan gyis kyang de lta bu byed du bcug pas de'i rwa yang zad par gyur to/ /de rang gi zan dang / rang gi yo byad dag gis dge slong rnams kyi las byed pa na dbul por gyur to/ /gcer pu pa dag /chos 'di gang gis tshe kho bo cag la mngon par dad par gyur pa de tshe na/ 'di thams cad phun sum tshogs par gyur na/ 'di da ltar shAkya'i bu'i dge sbyong rnams la mngon par dad pas/ zan yang slong bar byed do/ /zhes 'phya ba la zhugs pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ zhes bya ba sogs pa snga ma bzhin no/ /sangs rgyas bcom ldan 'das rnams ni/ mkhyen bzhin rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong rnams la rmas pa/ dge slong dag /khyed ba so las byas pa dang / rus pa las byas pa dang / rwa las byas pa'i khab ral byed du bcug pa bden nam/ bcug </font><hr>Nya290b<br><font size=+1>


pa| mad do/ /sangs rgyas bcom ldan 'das kyis 'dod pa che ba dang / chog mi shes pa dang / gso dka' ba dang / dgang dka' ba rnam par smad pa mdzad do/ /de nas bcom ldan 'das kyis 'dod pa chung ba dang / chog shes pa dang / gso sla ba dang / dgang sla ba dang / phri ba dang / yo byad bsnyungs pa dang / sbyangs pa'i yon tan dang / mdzes pa dang / drod rig pa nyid kyi bsngags pa brjod pa mdzad nas dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas/ 'dul ba nyan thos rnams kyi bslab pa'i gzhi bca' bar bya ste/ zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang ba so'am/ rus pa'am/ rwa'i khab ral byed du bcug na/ bcag nas ltung byed do/ /yang dge slong gang zhes bya ba ni/ chos 'di pa'o/ /ba so'am zhes bya ba ni/ ba so nyid do/ /rus pa'am zhes bya ba yang rus pa nyid do/ /rwa'i zhes bya ba yang rwa nyid kyi'o/ / khab ral zhes bya ba ni/ khab ral gnyis te/ sbub bu can dang / chang ba lta bu'o/ /don 'dir ni/ gnyis gang yin par dgongs so/ /byed du 'jug na zhes bya ba ni/ rang gis sam gzhan no/ / bcag nas ltung byed do/ /zhes bya ba ni/ dngos po de bcag nas ltung byed kyi ltung ba bshags par bya'o/ /ltung byed do/ /zhes bya ba ni/ sems can dmyal ba dang / dud 'gro dang / yi dwags </font><hr>Nya291a<br><font size=+1>


@#/ /ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing / so sor ma bshags na/ dge ba'i chos rnams la sgrib par byed pa ste/ des na ltung byed do/ /zhes gsungs so/ /de la ltung bar ji ltar 'gyur zhe na/ dge slong gis ji tsam cung zad pa so'am/ rus pa'am/ rwa'i khab ral byed dam/ byed du 'jug na/ thams cad du ltung byed du 'gyur ro/ /gang gi mdun du 'chags par byed pa des/ khyod kyis dngos po de bcag gam zhes dri bar bya'o/ /ma dris par 'chags pa dang du len na/ nyes byas su 'gyur ro/ /ltung ba de yang bshags pa ma yin pas yang bshags par bya'o/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /khab ral 'chos pa'i ltung byed de/ brgyad cu rtsa bzhi pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong zhig ljongs rgyu zhing 'gro ba na/ mnyan yod du phyin nas mnyan yod du lam gyis dub pa'i ngal bsos te rgyal byed kyi tshal du song nas/ de sgo khang du 'dug go /des khrid dma' ba zhig rnyed nas/ des de nyid kyi mdun du rkang pa gnyis bkrus nas </font><hr>Nya291b<br><font size=+1>


skyil mo krung bcas te 'dug go /sos ka'i tsha ba'i dus la bab pas sbrul dug myur du khyab par byed pa tsha bas gdungs pas bsil pa 'dod pa zhig phyogs der bskyil te nyal ba dang / /ji tsam na dge slong de lam gyis dub pas yur bar brtsams nas/ de'i lus yud tsam yud tsam zhing 'chog pas khri yang sgra rtseg rtseg zer ro/ /sbrul dug myur du khyab par byed pa des bsam pa/ 'di bdag la 'tshe'o snyam nas/ des gdengs ka byas te 'dug go /ji tsam na yang de lus 'chog cing khri sgra rtseg rtseg zer nas/ des de'i dpral bar bzung ste spyod lam de nyid kyis shi zhing dus la bab nas sum cu rtsa gsum pa'i lha'i ris bzang po rnams kyi nang du skyes so/ /de'i gan du lha'i bu mo dag lhags pa dang / des se gol gyi sgras de dag phyir bzlog nas de dag lha'i dbang po brgya byin gyi gan du dong ste smras pa/ lha/ 'di na lha'i bu skyes nas ring po ma lags pa zhig skyil mo krung bcas te mchis nas bdag cag de'i drung du mchis pa dang / des se gol gyi sgras bdag cag slar bzlog go /brgya byin gyis smras pa/ lha mo dag /de ni/ sngon dge slong yin gyi/ de'i mdun du me long zungs shig dang dran pa rnyed par 'gyur ro/ /de dag gis de'i mdun du me long bzung ba dang / des bdag nyid dpung rgyan dang / rna cha gdub kor dang / phreng ba rgyu dang / rgyan sna tshogs kyis brgyan par mthong nas/ des dran pa rnyed do/ /de nas des de dag 'dod par </font><hr>Nya292a<br><font size=+1>


@#/ /brtsams pa dang / de dag gis smras pa/ bzod ldan/ bdag cag de bzhin du bsnyen bkur mi byed de/ gang lha'i dbang po brgya byin la phyag 'tshal ba de la bdag cag bsnyen bkur byed do/ /des bsam pa/ bdag gis bcom ldan 'das 'dod pa'i dri nga ba med pa la phyag byas nas/ da ji ltar lha'i dbang po brgya byin 'dod pa'i longs spyod can la phyag 'tshal snyam du rig nas smras pa/ sring mo dag /gang gis lha'i dbang po brgya byin la phyag 'tshal bar mi byed pa de lta bu'i thabs 'ga' yod dam/ bzod ldan/ yod de/ gang na lha'i drang srong dag tshangs par spyad pa spyod cing 'khod pa de dag gi nang du gang tshangs par spyad pa spyod par byed pa ni/ lha'i dbang po brgya byin la phyag mi 'tshal te/ lha'i dbang po brgya byin nyid de la phyag 'tshal lo/ /de dag gi nang du zhugs pa dang / lha'i dbang po brgya byin gyis/ ji ltar de lha'i drang srong gi nang du zhugs te tshangs par spyad pa spyod pa thos nas lha'i dbang po brgya byin de'i gan du song ste phyin nas rkang pa la phyag 'tshal de song ngo / /de nas sngon dge slong lha'i bu de 'di snyam du sems te/ gang gi phyir bdag yongs su gnas pa bsten te/ bcom ldan 'das la blta ba dang / bsnyen bkur bya ba'i phyir nye bar 'gro ba ni/ bdag gi tshul dang mthun pa ma yin gyi/ bdag yongs su gnas pa ma bsten pa kho nar bcom ldan 'das la blta ba dang / </font><hr>Nya292b<br><font size=+1>


bsnyen bkur bya ba'i phyir nye bar 'gro'o/ /snyam mo/ /de nas sngon dge slong lha'i bu rna cha gdub kor g.yo zhing dri ma med pa thogs te do shal dang / sen mo dos brgyan pa'i lus kyis lha'i ut+pa la dang| pad+ma dang / ku mud dang / pad+ma dkar po dag gis thub bkang ste kha dog shin tu 'das pas/ mtshan mo la bab pa dang / bcom ldan 'das ga la ba der song ste phyin nas bcom ldan 'das la me tog dag gis mngon par gtor te/ bcom ldan 'das kyi zhabs gnyis la mgo bos phyag 'tshal nas mtha' gcig tu 'dug pa dang / 'di ltar sngon dge slong lha'i bu'i kha dog gi mthus rgyal byed kyi tshal thams cad snang ba rgya chen pos khyab par gyur to/ /de nas sngon dge slong lha'i bus bcom ldan 'das la tshigs su bcad pa'i dbyangs kyis zhu ba zhus pa/ rmongs pa zhes bgyi tshal de ni/ /lha mo'i tshogs kyis kun bsgrags shing / /sha za mo bzhin yongs bskor ba/ /ji ltar 'chi ba 'byung bar 'gyur/ /bcom ldan 'das kyis bka' stsal pa/ drang po zhes bya'i lam de nas/ /'jigs med phyogs zhes bya ba der/ /sgra med ces bya'i shing rta ni/ /chos kyi rtogs pas bskyod gyur pa/ /de yi dmigs pa ngo tsha shes/ /dran pa de yi 'khor yin te/ /kha lo sgyur ba shes rab yin/ /sna 'dren yang dag lta zhes bya/ /skyes pa'am bud med gang la'ang rung / /bzhon pa 'di 'dra yod gyur cing / /de 'dra'i bzhon pa zhon gyur na/ /de ni 'jigs med phyogs su </font><hr>Nya293a<br><font size=+1>


@#/ /'gro /de nas bcom ldan 'das kyis sngon dge slong lha'i bu'i bsam pa dang / bag la nyal dang / khams dang / rang bzhin thugs su chud nas gang thos nas dge slong lha'i bus stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun tu zhugs pa'i 'bras bu mngon sum du byas pa de lta bur 'phags pa'i bden pa bzhi yang dag par so sor rtog par byed pa'i chos bstan pa mdzad do/ /des bden pa mthong nas btsun pa/ bcom ldan 'das kyis bdag la gang mdzad pa 'di lta bu ni/ bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ /sngon gyi pha mes dag gis kyang ma bgyis/ dge sbyong dang bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang mchi ma'i rgya mtsho ni/ bskams/ rus pa'i ri dag las ni/ bsgral/ ngan song gi sgo dag ni/ bkum/ mtho ris dang thar pa'i sgo dag ni/ phye/ sems can dmyal ba dang / dud 'gro dang / yi dwags dag nas ni/ rkang pa phyung / lha dang mi rnams kyi nang du ni bzhag go /zhes lan gsum ched du brjod pa ched du brjod do/ /yang smras pa/ khyod mthus rab drag nyes pa mang ldan pa'i/ /ngan song shul bkag bsod nams rab ldan pa'i/ /mtho ris 'gro ba phye zhing bdag gis ni/ /mya ngan 'das pa'i shul yang </font><hr>Nya293b<br><font size=+1>


thob par gyur/ /shin tu rnam dag khyod brten bdag gis ni/ /de ring skyon bral dag pa'i mig thob cing / /go 'phang zhi ba 'phags pa dgyes thob ste/ /sdug bsngal rgya mtsho'i pha rol brgal bar gyur/ /'gro ba lha min mi dang lhas mchod pa/ /skye dang rga dang na 'chi bral ba po/ /srid pa stong du mthong ba rab dkon pa/ /thub pa de ring khyod mthong 'bras bu mchis/ /de nas 'dud byas do shal rab 'phyang bas/ /zhabs la phyag 'tshal rangs pa skyes gyur nas/ /dgra thul g.yas nas yongs su bskor byas te/ /lha yi 'jig rten mngon phyogs mkha' la song / /de nas sngon dge slong lha'i bu/ tshong pa khe spogs rnyed pa lta bu dang / zhing pa lo thog 'byor pa lta bu dang / dpa' bo g.yul las rnam par rgyal ba lta bu dang / nad pa nad thams cad las yongs su thar pa lta bur gyur te/ cha lugs gang gis bcom ldan 'das kyi spyan sngar 'ongs pa'i cha lugs de nyid kyis rang gi gnas su song ngo / /ji tsam na mtshan mo nam nangs nas khang skyong gis sgo phye ste phyags ma thogs nas sgo khang phyag par brtsams pa dang / skyil mo krung gis 'dug pa mthong nas/ des smras pa/ tshe dang ldan pa/ longs shig /ci/ khyod kyang sngar bsam gtan byed pa yin nam/ de tshig mi smra nas/ des de'i lag pa gnyis nas bzung ste bsgul bar brtsams pa dang / ji tsam na dus la bab par mthong ngo / /des 'di ci zhig gis dus la bab ces brtag par brtsams pa dang / ji tsam </font><hr>Nya294a<br><font size=+1>


@#/ /na khri 'og na sbrul dug myur du khyab par byed pa 'dug pa mthong nas des sdangs te dge slong rnams kyi gan du song ste smras pa/ tshe dang ldan pa dag /dge slong sgo khang du nyal pa gang yin pa de/ sbrul dug myur du khyab par byed pas bzung ste dus la bab po/ /dge slong rnams kyis de dur khrod du bskyal te bsregs nas phyir lhags pa'i skabs de/ dge slong rnams kyis bcom ldan 'das la gsol to/ /bcom ldan 'das kyis dgongs pa/ nyes dmigs gang cung zad ci byung ba de thams cad dge slong dag khri dma' ba la mal 'cha' zhing de'i mdun du rkang pa gnyis 'khru ba las gyur pa yin no/ /snyam du dgongs nas bka' stsal pa/ de lta bas na/ dge slong gis khri dma' ba la mal bca' bar mi bya zhing / khri'i mdun du rkang pa gnyis bkru bar mi bya'o/ /bcom ldan 'das kyis dge slong gis khri dma' ba la mal bca' bar mi bya zhing khri'i mdun du rkang pa gnyis bkru bar mi bya'o/ /zhes bka' stsal nas dge slong gzhan dag la mchil lham mi bdog pa de dag la gnod par gyur nas bcom ldan 'das kyis bka' stsal pa/ gang dag mchil lham mi bdog pa de dag gis mgo logs dang rkang pa'i logs su rkang pa gnyis bkru bar bya ste/ 'di la 'gyod par mi bya'o/ /drug sde dag gis dge slong khri dma' ba la nyal ba sbrul dug myur du khyab par byed pas zin te </font><hr>Nya294b<br><font size=+1>


dus la bab nas bcom ldan 'das kyis dge slong gis khri dma' ba la mal bca' bar mi bya'o/ /zhes bkag pa thos nas de dag gis khri rkang pa khru bcu gnyis pa bcas te ya ga da mthon por btsugs pa dang / dge slong rnams kyis de dag la smras pa/ tshe dang ldan pa dag /ci/ khyed cag bya ra byed dam/ de dag gis smras pa/ su zhig bya ra byed/ khyed kyis dge slong sbrul dug myur du khyab bar byed pas zin te dus la bab pa ma mthong ngam/ ci/ khyod drug sde dag kyang sbrul dug myur du khyab par byed pas bzung ste dus la bab cing / kho bo cag shi ba'i yo byad dag 'ged par 'dod dam/ dge slong don nyung ngu dag /ci'i phyir dge slong rnams kyis bzlog pa na de dang de skad zer zhes smod par byed/ 'phyar kha gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs ba snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la rmas pa/ dge slong dag /khyod dge slong rnams kyis bzlog pa na/ de dang de skad zer ba bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ </font><hr>Nya295a<br><font size=+1>


@#/ /rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas/ 'dul ba la nyan thos rnams kyis bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis dge 'dun gyi khri'am khri'u byed du 'jug na/ rtsa ba bde bar gshegs pa'i sor brgyad kyi tshad du gzhug par bya'o/ /de las lhag pa byed du 'jug na/ bcad nas ltung byed do/ /zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad do/ /tshe dang ldan pa 'char ka tshad las shin tu 'das pa yin pas/ de'i pus mo gnyis kos ko la reg pa'i skabs de/ dge sbyong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ bu gar gzhug pa ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang mthun pa dang / de'i shas che ba dang / de dang 'tsham </font><hr>Nya295b<br><font size=+1>


bu'i chos dang ldan pa'i bka' mchid mdzad nas dge slong rnams la bka' stsal pa/ dge slong dag /de lta bas na/ snga ma ni/ bcas pa yin la/ 'di ni/ rjes su gnang ba yin te/ nga'i nyan thos rnams kyis bslab pa'i gzhi 'di ltar gdon par bya ste/ dge slong gis dge 'dun gyi khri'am khri'u byed du 'jug na/ rtsa ba bu gar gzhug pa ma gtogs par bde bar gshegs pa'i sor brgyad kyi tshad du byed du gzhug par bya'o/ /de las lhag pa byed du 'jug na/ bcad nas ltung byed do/ /dge slong gis zhes bya ba ni/ chos 'di pas so/ /dge 'dun gyi zhes bya ba ni/ de bzhin gshegs pa'i nyan thos kyi dge 'dun gyi'o/ /khri'am zhes bya ba ni/ khri nyid kyi'o/ /khri'u zhes bya ba yang khri'u nyid do/ /byed du 'jug na zhes bya ba ni/ bdag nyid kyis sam/ gzhan no| |rtse ba bu gar gzhug pa ma gtogs par zhes bya ba ni/ rtsa ba bu gar gzhug pa bzhag ste'o/ /bde bar gshegs pa'i sor brgyad kyi tshad du byed du gzhug par bya'o/ /zhes bya ba la/ bde bar gshegs pa zhes bya ba ni/ ston pa'o/ /de'i sor brgyad gang dag yin pa de la ni/ tshad dang ldan pa'i khru gang ngo / /de las lhag par byed du 'jug na zhes bya ba ni/ de las gong ma'o// bcad nas ltung byed do/ /zhes bya ba ni/ dngos po de bcad nas ltung byed kyi ltung ba bshags par bya ba'o/ /ltung byed do/ /zhes bya ba ni/ sems can dmyal ba dang / dud 'gro dang / yi </font><hr>Nya296a<br><font size=+1>


@#/ /dwags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing / so sor ma bshags na/ dge ba'i chos rnams la sgrib par byed pa ste/ des na/ ltung byed do/ /zhes gsungs so/ /de la ltung bar ji ltar 'gyur zhe na/ dge slong gis ji tsam cung zad dge 'dun gyi khri'u rtsa ba bu gar gzhug pa ma gtogs par bde bar gshegs pa'i sor brgyad kyi tshad las lhag pa byed du 'jug na/ thams cad du ltung byed du 'gyur ro/ /gang gi mdun du 'chags par byed pa des/ khyod kyis dngos po de bcad dam zhes dri bar bya'o/ /ma dris par 'chags pa dang du len par byed na/ nyes byas su 'gyur ro/ /ltung ba de yang ma bshags pa yin pas yang bshags par bya'o/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /khri rkang pa 'chos pa'i ltung byed de| brgyad cu rtsa lnga pa rdzogs so// //sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' ra ba na bzhugs so/ /nye dga' gsar bu yin pas de'i khri thob bo cog ches rgan pas 'phrog cing gnas mal bsgo ba'i dus la yang bab nas des bsam pa/ gang gis bdag gi khri mi 'phrog pa'i thabs de lta bu </font><hr>Nya296b<br><font size=+1>


ci yod snyam pa dang / des bya ba 'ga' zhig gi phyir shing bal dag kyang blangs nas de la blo skyes pa/ shing bal gyis bdal te gzhag go /snyam nas des khri'i steng du shing bal bdal te bzhag go /ji tsam na dge slong ches rgan pa zhig 'ongs nas des smras pa/ tshe dang ldan pa/ 'di su'i/ nye dgas smras pa/ kho bo'i shing bal lo/ /de na dge slong zhig 'dug pa des smras pa/ nye dga' ji skad zer ba de bzhin te/ shing bal ni/ nye dga'i yin no/ /'di ltar khri ni/ dge 'dun gyi yin no/ /de skad ces smras pa dang / nye dga' khros nas des shing bal khyer te/ khri da'i steng du shing bal cung zad bdal te bzhag go /dge slong des so sor ma brtags pa nyid du der nyal nas/ mtshan mo nam nangs te langs pa dang gos thams cad shing bal gyis skya bor gyur nas dge slong rnams kyis de la smras pa| ci/ khyod g.yul gyi gzhir nyal lam/ des ji ltar gyur pa brjod pa dang / dge slong don nyung ngu dag /ci'i phyir dge slong dag/ dge 'dun gyi khri'am/ khri'u la shing bal bdal te 'jog par byed ces smod par byed/ 'phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya </font><hr>Nya297a<br><font size=+1>


@#/ /ba la sogs pa snga ma bzhin te/ sangs rgyas bcom ldan 'das kyis tshe dang ldan pa nye dga' la rmas pa/ nye dga'/ khyod dge 'dun gyi khri la shing bal bdal te 'jog pa bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung pa ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag/ de lta bas na/ phan yon bcu yang dag par gzigs pas/ 'dul ba la nyan thos rnams kyis bslab pa'i gzhi bca' bar bya ste zhes bya ba la sogs pa snga ma bzhin no/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge 'dun gyi khri'am/ khri'u la shing bal bdal lam/ bdal du 'jug na/ bsdus nas ltung byed do/ /yang dge slong gang zhes bya ba ni/ shAkya'i bu nye dga'am/ gzhan yang de lta bu gang yin pa'o/ /dge 'dun gyi zhes bya ba ni/ de bzhin gshegs pa'i nyan thos kyi dge 'dun gyi'o/ /khri 'am zhes bya ba ni/ khri nyid do/ /khri'u la zhes bya ba ni/ yang khri'u nyid la'o/ /shing bal zhes bya ba ni/ lnga po/ shal ma li'i dang / arka'i dang / ka sha'i dang / bu </font><hr>Nya297b<br><font size=+1>


ka'i dang / e ra ka'i shing bal dag las gang yang rung ba'o/ /bdal lam zhes bya ba ni/ bdag nyid kyis so/ /bdal du 'jug na zhes bya ba ni/ gzhan no/ /bsdus nas ltung byed do/ /zhes bya ba ni/ dngos po de bsdus nas ltung byed kyi ltung ba bshags par bya ba'o/ /ltung byed do/ /zhes bya ba ni/ sems can dmyal ba dang / dud 'gro dang / yi dwags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing / so sor ma bshags na/ dge ba'i chos rnams la sgrib par byed pa ste| des na ltung byed do/ /zhes gsungs so/ /de la ltung bar ji ltar 'gyur zhe na/ dge slong gis ji tsam cung zad dge 'dun gyi khri'am/ khri'u la shing bal bdal lam/ bdal du 'jug na/ thams cad du ltung byed du 'gyur ro/ /gang gi mdun du 'chags par byed pa des/ khyod kyis dngos po de bsdus sam zhes dri bar bya'o/ /ma dris par 'chags pa dang du len par byed na/ nyes byas su 'gyur ro/ /ltung ba de yang bshags pa ma yin pas/ yang bshags par bya'o/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /shing bal gyis gos bar byed pa'i ltung byed de/ brgyad cu rtsa drug pa rdzogs so// //sangs rgyas bcom ldan 'das mnyan yod na rgyal byed kyi tshal mgon med </font><hr>Nya298a<br><font size=+1>


@#/ /zas sbyin gyi kun dga' ra ba na bzhugs so/ /bcom ldan 'das kyis dge slong gis gding ba byed du gzhug go /zhes bka' stsal nas/ dge slong dag tshad las ha cang lhag par byed du 'jug nas/ dge slong don nyung ngu dag/ bcom ldan 'das kyis dge slong gis gding ba byed du gzhug go /zhes bka' stsal na/ ci'i phyir dge slong dag /tshad las ha cang lhag par byed du 'jug ces smod par byed/ 'phyar kha gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong rnams la rmas pa/ dge slong dag /ngas dge slong gis gding ba byed du gzhug go /zhes bka' stsal na/ khyed cag tshad las ha cang lhag pa byed du 'jug pa bden nam/ btsun pa/ mad do/ /sangs rgyas bcom ldan 'das kyis 'dod pa che ba dang / chog mi shes pa dang / gso dka' ba dang / dgang dka' ba rnam par smad pa mdzad do/ /de nas bcom ldan 'das kyis 'dod pa chung ba dang / chog shes pa dang / gso sla ba dang / dgang sla </font><hr>Nya298b<br><font size=+1>


ba dang / phri pa dang / yo byad bsnyungs pa dang / sbyangs pa'i yon tan dang / mdzes pa dang / drod rig pa nyid kyi bsngags pa brjod nas dge slong rnams la bka' stsal pa/ dge slong dag / de lta bas na/ phan yon bcu yang dag par gzigs pas 'dul ba la nyan thos rnams kyis bslab pa'i gzhi bca' bar bya ste/ zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis gding ba byed du 'jug na/ tshad bzhin du byed du chug cig /de la gding ba'i tshad ni/ 'di yin te/ srid du bde bar gshegs pa'i mtho'i mtho do/ /zheng du mtho phyed dang do'o/ /de las lhag pa byed du 'jug na/ bcad nas ltung byed do/ /zhes bcom ldan 'das kyis 'dul ba la nyan thos rnams kyis bslab pa'i gzhi de ltar bca' ba mdzad do/ /tshe dang ldan pa 'char ka lus ha cang lhag pas de'i gding ba des mi chog nas/ des gnas mal bsrung ba'i phyir rkang pa'i mtha' logs su lo ma'i chun po dag bzhag go /sangs rgyas bcom ldan 'das 'tsho zhing bzhugs la/ gson zhing bzhes pa rnams kyi chos nyid ni/ gdul bar gyur pa'i skye bo la rjes su brtse bas/ dus dang dus su sems can dmyal ba rgyur gshegs pa dang / dud 'gro rgyu ba dang / yi dwags rgyu ba dang / lha rgyu ba dang / ljongs rgyu ba dang / chu klung rgyu ba dang / ri rgyu ba dang / dur khrod </font><hr>Nya299a<br><font size=+1>


@#/ /rgyu ba dang / gtsug lag khang rgyur gshegs pas/ don 'dir ni/ sangs rgyas bcom ldan 'das gtsug lag khang rgyur gshegs par bzhed nas bcom ldan 'das tshe dang ldan pa 'char ka'i gtsug lag khang ga la der gshegs so/ /bcom ldan 'das kyis tshe dang ldan pa 'char ka'i rkang pa'i mtha' logs na lo ma'i chun po dag bzhag pa gzigs so// gzigs nas kyang tshe dang ldan pa kun dga' bo la bka' stsal pa/ kun dga' bo/ 'di su'i mal/ btsun pa/ tshe dang ldan pa 'char ka'i 'o/ 'o na/ ci'i phyir rkang pa'i mtha' logs su lo ma'i chun po dag bzhag /btsun pa/ bcom ldan 'das kyis dge slong gis gding ba byed du 'jug na/ tshad bzhin du byed du chug cig /de la gding ba'i tshad ni/ 'di yin te/ srid du bde bar gshegs pa'i mtho'i mtho do/ /zheng du mtho phyed dang do'o/ /de las lhag pa byed du 'jug na/ bcad nas ltung byed do/ /zhes 'dul ba la nyan thos rnams kyi bslab pa'i gzhi de ltar bca' bar mdzad nas tshe dang ldan pa 'char ka tshad las ha cang lhag pas de'i gding ba des mi 'tshal nas/ des gnas mal bsrung ba'i slad du sug pa'i mtha' logs su lo ma'i chun po dag bzhag go /kun dga' bo/ de lta bas na/ srid du mtho gang gis srings shig /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad </font><hr>Nya299b<br><font size=+1>


bsnyungs pa'i ba sngags pa brjod nas dge slong rnams la de dang mthun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa| dge slong dag /de lta bas na/ snga ma ni/ bcas pa yin la/ 'di ni/ rjes su gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis gding ba byed du 'jug na/ tshad bzhin du byed du chug cig /de la gding ba'i tshad ni/ 'di yin te/ srid du bde bar gshegs pa'i mtho'i mtho do/ /zheng du mtho phyed dang do'o/ /srid du mtho gang srings shig| de las lhag pa byed du 'jug na/ bcad nas ltung byed do/ /dge slong gis zhes bya ba ni/ chos 'di pas so/ /gding ba zhes bya ba ni/ steng rim du gding ba'o/ /byed du 'jug na zhes bya ba ni/ bdag nyid kyis sam/ gzhan no/ /tshad bzhin du byed du chug cig ces bya ba ni/ gding ba'i tshad gang yin pa de bzhin du'o/ /de la gding ba'i tshad ni/ 'di yin te/ srid du bde bar gshegs pa'i mtho'i mtho do/ /zheng du mtho phyed dang do zhes bya ba la/ srid du zhes bya ba ni/ chu'o/ /bde bar gshegs pa zhes bya ba ni/ ston pa'o/ /de'i mtho'i mtho do gang yin pa de ni/ tshe dang ldan pa'i khru gsum mo/ /zheng du zhes bya ba ni/ rgyar ro/ /mtho phyed dang do zhes bya ba la/ bde bar gshegs pa'i mtho phyed dang do gang yin pa de la ni/ tshad dang ldan pa'i khru do dang / sor drug go /srid du </font><hr>Nya300a<br><font size=+1>


@#/ /mtho gang gis srings shig /ces bya ba ni/ mi chog na/ srid du bde bar gshegs pa'i mtho gang gis bsrings ste bde bar gshegs pa'i mtho gang gang yin pa de la ni/ tshad dang ldan pa'i khru phyed dang do ste/ des na gding ba'i srid kyi tshad ni/ tshad dang ldan pa'i khru phyed dang lnga'o/ /de las lhag pa byed du 'jug na zhes bya ba ni/ de las gong ma'o/ /bcad nas ltung byed do/ /zhes bya ba ni/ dngos po de bcad nas ltung byed kyi ltung ba bshags par bya ba'o/ /ltung byed do/ /zhes bya ba ni/ sems can dmyal ba dang / dud 'gro dang / yi dwags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ltung ba de ma bshags shing / so sor ma bshags na/ dge ba'i chos rnams la sgrib par byed pa ste/ des na ltung byed do/ /zhes gsungs so/ /de la ltung bar ji ltar 'gyur zhe na/ dge slong gis ji tsam cung zad gding ba srid du khru phyed dang lnga/ zheng du khru do dang sor drug las lhag pa byed du 'jug na/ thams cad du ltung byed du 'gyur ro/ /gang gi mdun du 'chags par byed pa des khyod kyi dngos po de bcad dam zhes dri bar bya'o/ /ma dris par 'chags pa dang du len par byed na/ nyes byas su 'gyur ro/ /ltung ba de yang ma bshags pa yin pas/ /yang bshags pa bya'o/ /las dang po pa dang / smyos pa dang / sems 'khrugs pa dang / tshor </font><hr>Nya300b<br><font size=+1>


ba dag gis nyen pa la ltung ba med do/ /gding ba las gyur pa'i ltung byed de/ brgyad cu rtsa bdun pa rdzogs so// //sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis dge slong gis g.yan pa dgab pa byed du gzhug go /zhes bka' stsal pa/ dge slong dag tshad las ha cang lhag par byed du 'jug nas/ dge slong don nyung ngu dag /bcom ldan 'das kyis dge slong gis g.yan pa dgab pa byed du gzhug go /zhes bka' stsal nas/ dge slong dag/ /ci'i phyir tshad las ha cang lhag pa byed du 'jug ces smod par byed/ 'phyar kha gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong rnams la rmas pa/ dge slong dag /ngas dge slong gis g.yon pa dgab pa byed du gzhug go /zhes bka' stsal na/ khyed cag tshad las ha cang lhag pa byed du 'jug pa bden nam/ btsun pa mad do/ /sangs rgyas bcom ldan 'das kyis 'dod pa che ba dang / chog mi shes </font><hr>Nya301a<br><font size=+1>


@#/ /pa dang / gso dka' ba dang / dgang dka' ba rnam par smad pa mdzad do/ /de nas bcom ldan 'das kyis 'dod pa chung ba dang / chog shes pa dang / gso sla ba dang / dgang sla ba dang / phri ba dang / yo byad bsnyungs pa dang / sbyangs pa'i yon tan dang / mdzes pa dang / drod rig pa nyid kyi bsngags pa brjod nas dge slong rnams la bka' stsal pa/ dge slong dag/ de lta bas na/ phan yon bcu yang dag par gzigs pas/ 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis g.yan pa dgab pa byed du 'jug na/ tshad bzhin du byed du chug cig /de la g.yan pa dag pa'i tshad ni/ 'di yin te/ srid du bde bar gshegs pa'i mtho'i mtho bzhi/ zheng du mtho do'o/ /de las lhag pa byed du 'jug na/ bcad nas ltung byed do/ /dge slong gis zhes bya ba ni/ chos 'di pas so// g.yan pa dgab pa zhes bya ba ni/ na ba'i gos so/ /byed du 'jug na zhes bya ba ni/ bdag nyid kyis bsam bzhin no/ /tshad bzhin du byed du chug cig /ces bya ba ni/ g.yan pa dag pa pa'i tshad gang yin pa de bzhin du'o/ /de la g.yan pa dgab pa'i tshad ni/ 'di yin te/ srid du bde bar gshegs pa'i mtho'i mtho bzhi/ zheng du mtho do'o zhes bya ba la srid du zhes bya ba la/ </font><hr>Nya301b<br><font size=+1>


srid du zhes bya ba ni/ chur ro/ /bde bar gshegs pa zhes bya ba ni/ ston pa'o/ /de'i mtho'i mtho bzhi gang yin pa de ni/ tshad dang ldan pa'i khru drug go/ zheng du zhes bya ba ni/ rgyar ro/ /mtho do'i zhes bya ba la/ bde bar gshegs pa'i mtho do gang yin pa de la ni/ tshad dang ldan pa'i khru gsum mo/ /de las lhag pa byed du 'jug na zhes bya ba ni/ de las gong ma'o/ /bcad nas ltung byed do/ /zhes bya ba ni/ dngos po de bcad nas ltung byed kyi ltung ba bshags par bya ba'o/ /ltung byed do/ /zhes bya ba ni/ sems can dmyal ba dang / dud 'gro dang / yi dwags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na/ dge ba'i chos rnams la sgrib par byed pa ste| des na ltung byed do/ /zhes gsungs so/ /de la ltung bar ji ltar 'gyur zhe na/ dge slong gis ji tsam cung zad g.yan pa dgab pa srid du khru drug/ zheng du khru gsum las lhag pa byed du 'jug na| thams cad du ltung byed du 'gyur ro/ /gang gi mdun du 'chags par byed pa des khyod kyis dngos po de bcad dam zhes dri bar bya'o/ /ma dris par 'chags pa dang du len par byed na/ nyes byas su 'gyur ro/ /ltung ba de yang bshags pa ma yin pas/ yang bshags par bya'o/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba </font><hr>Nya302a<br><font size=+1>


@#/ /med do/ /g.yan pa dgab pa las gyur pa'i ltung byed de/ brgyad cu rtsa brgyad pa rdzogs so// //sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis dge slong gis dbyar gyi gos ras chen byed du gzhug go /zhes bka' stsal nas/ dge slong dag ha cang tshad las lhag pa byed du bcug nas dge slong don nyung ngu dag /bcom ldan 'das kyis dge slong gi dbyar gyi gos ras chen byed du gzhug go /zhes bka' stsal na/ ci'i phyir dge slong dag ha cang tshad las lhag pa byed du 'jug ces smod par byed/ 'phyar kha gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis dge slong rnams la rmas pa/ dge slong dag /ngas dge slong gis dbyar gyi gos ras chen byed du gzhug go/ zhes bka' stsal na/ khyed tshad las ha cang lhag pa byed du 'jug pa bden nam/ btsun pa/ mad do/ /sangs rgyas </font><hr>Nya302b<br><font size=+1>


bcom ldan 'das kyis 'dod pa che ba dang / chog mi shes pa dang / gso dka' ba dang / dgang dka' ba rnam par smad pa mdzad do/ /de nas bcom ldan 'das kyis 'dod pa chung ba dang / chog shes pa dang / gso sla ba dang / dgang sla ba dang / phri ba dang / yo byad bsnyungs pa dang / sbyangs pa'i yon tan dang / mdzes pa dang / drod rig pa nyid kyi bsngags pa brjod nas dge slong rnams la bka' stsal pa/ dge slong dag/ de lta bas na/ phan yon bcu yang dag par gzigs pas/ 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ / nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis dbyar gyi gos ras chen byed du 'jug na/ tshad bzhin du byed du chug cig /de la dbyar gyi gos ras chen gyi tshad ni/ 'di yin te/ srid du bde bar gshegs pa'i mtho'i mtho drug/ zheng du mtho phyed dang gsum mo/ /de las lhag pa byed du 'jug na/ bcad nas ltung byed do/ /dge slong gis zhes bya ba ni/ chos 'di pas so/ /dbyar gyi gos ras chen zhes bya ba ni/ char pa skyob pa'i gos so/ /byed du 'jug na zhes bya ba ni/ bdag nyid kyis sam/ gzhan no/ /tshad bzhin du byed du chug cig ces bya ba ni/ dbyar gyi gos ras chen gyi tshad gang yin pa de bzhin du'o/ /de la dbyar gyi gos ras chen gyi tshad ni/ 'di yin te/ srid du bde bar gshegs pa'i mtho'i mtho drug </font><hr>Nya303a<br><font size=+1>


@#/ /zheng du mtho phyed dang gsum mo zhes bya ba la/ srid du zhes pa ni/ chur ro/ /bde bar gshegs pa zhes bya ba ni/ ston pa'o/ /de'i mtho'i mtho drug gang yin pa de la ni/ tshad dang ldan pa'i khru dgu'o/ /zheng du zhes bya ba ni/ rgyar ro/ /mtho phyed dang gsum mo/ /zhes bya ba la/ bde bar gshegs pa'i mtho phyed dang gsum gang yin pa de la ni/ tshad dang ldan pa'i khru gsum dang / sor bco brgyad do/ /de las lhag pa byed du 'jug na zhes bya ba ni/ de las gong ma'o/ /bcad nas ltung byed do/ /zhes bya ba ni/ dngos po de bcad nas ltung byed kyi ltung ba bshags par bya ba'o// ltung byed do/ /zhes bya ba ni/ sems can dmyal ba dang / dud 'gro dang / yi dwags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o// gzhan yang ji srid du ltung ba de ma bshags shing so sor ma bshags na/ dge ba'i chos rnams la sgrib par byed pa ste/ des na ltung byed do/ /zhes gsungs so/ /de la ltung bar ji ltar 'gyur zhe na/ dge slong gis ji tsam cung zad dbyar gyi gos ras chen gyi srid du khru dgu dang / zheng du khru gsum dang sor bco brgyad las lhag pa byed du 'jug na/ thams cad du ltung byed du 'gyur ro/ /gang gi mdun du 'chags par byed pa des/ khyod kyis dngos po de bcad dam/ dri bar bya'o/ /ma dris par 'chags pa dang du len par byed na/ nyes byas su 'gyur ro/ /ltung ba de </font><hr>Nya303b<br><font size=+1>


yang ma bshags pa yin pas/ yang bshags par bya'o/ /las dang po pa dang / spyos pa dang / sems 'khrugs pa dang / tshor ba dag gis nyen pa la ltung ba med do/ /dbyar gyi ras chen las gyur pa'i ltung byed de/ brgyad cu rtsa dgu pa rdzogs so// //sangs rgyas bcom ldan 'das mnyan yod na/ rgyal byed kyi chal mgon med zas sbyin gyi kun dga' ra ba na bzhugs so/ /tshe dang ldan pa nye dga' bzo mkhan gyi gan du song ste yud tsam zhig gtam 'dri bas 'dug nas smras pa/ bzhin bzang / bde bar gshegs pa'i chos gos kyi tshad kyi chos gos 'tshem nus sam/ des smras pa/ 'phags pa/ khyod la bde bar gshegs pa'i chos gos kyi tshad kyi chos gos kyis ci bya/ des smras pa/ bkran pa/ khyod la 'dir ci god/ gal te gla 'dod na/ 'tshems shig /des bsam pa/ 'di zer ba mnyes te/ bdag la 'dir ci god/ bdag la gla dgos kyi/ btsem mo/ /snyam du rig nas smras pa/ 'phags pa/ btsem mo/ /des de la ras dang gla byin pa dang / des de btsems so/ /nye dgas cung zhig gyon te/ lhag ma phrag pas khyer te 'phags pa dang / de dge slong zhig gis mthong nas des smras pa/ gnas brtan/ gtur bu gzigs shig dang / ngal gsor gzhug go /nye dgas smras pa| tshe dang ldan pa/ 'di gtur bu ma yin no/ /'on ci lags/ bde bar gshegs pa'i chos gos so/ /gnas brtan/ khyod bde bar gshegs pa'i chos gos gyon du rung ngam/ dgra bo dag </font><hr>Nya304a<br><font size=+1>


@#/ /gi gnya' ba rdog pas mnan nas rung ngo / /gnas brtan la yang dgra bo dag yod dam/ je dang por khyod kho bo'i dgra bo yin te/ des na/ kho bo bde bar gshegs pa'i chos gos gyon pa mi bzod do/ /dge slong don nyung ngu dag /ci'i phyir dge slong dag bde bar gshegs pa'i chos gos kyi tshad kyis chos gos 'chang bar byed ces smod par byed/ 'phyar kha gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis nye dga' la rmas pa/ nye dga'/ khyod bde bar gshegs pa'i chos gos kyi tshad kyi chos gos byed du 'jug pa bden nam/ btsun pa/ mad do| |sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag /de lta bas na/ phan yon bcu yang </font><hr>Nya304b<br><font size=+1>


dag par gzigs pas/ 'dul ba la nyan thos rnams kyi bslab pa'i gzhi bca' bar bya ste/ zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang bde bar gshegs pa'i chos gos kyi tshad kyi chos gos byed du 'jug na/ ltung byed do/ /zhes bcom ldan 'das kyis/ 'dul ba la nyan thos rnams kyi bslab pa'i gzhi de ltar bca' ba mdzad do/ /bcom ldan 'das kyis yang dge slong gang bde bar gshegs pa'i chos gos byed du 'jug na/ ltung byed do/ /zhes 'dul ba la nyan thos rnams kyi bslab pa'i gzhi de ltar bca' ba mdzad pa dang / tshe dang ldan pa nye dgas lhag pa byed du bcug nas/ dge slong don nyung ngu dag /bcom ldan 'das kyis yang dge slong gang bde bar gshegs pa'i chos gos kyi tshad kyi chos gos byed du 'jug na/ ltung byed do/ /zhes 'dul ba la nyan thos rnams kyi bslab pa'i gzhi de ltar bca' ba mdzad na/ ci'i phyir dge slong dag /de bas lhag pa byed du 'jug ces smod par byed/ 'phyar kha gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa| dge slong dag /de lta bas na/ snga ma ni/ bcas pa yin la/ 'di ni/ rjes su gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge </font><hr>Nya305a<br><font size=+1>


@#/ /slong gang bde bar gshegs pa'i chos gos kyi tshad kyi chos gos byed du 'jug gam/ bde bar gshegs pa'i chos gos las lhag par byed du 'jug na/ ltung byed do// de la bde bar gshegs pa'i chos gos kyi tshad ni/ 'di yin te/ srid du bde bar gshegs pa'i mtho bcu/ zheng du mtho drug ste/ da la 'di ni/ bde bar gshegs pa'i chos gos kyi tshad do/ /yang dge slong gang zhes bya ba ni/ shAkya'i bu nye dga'am/ /gzhan yang de lta bu gang yin pa'o/ /bde bar gshegs pa zhes bya ba ni/ ston pa'o/ /de'i chos gos kyi tshad kyi zhes bya ba ni/ bde bar gshegs pa'i chos gos kyi tshad gang yin pa de'i'o/ /chos gos zhes bya ba ni/ bdun po bal gos dang / sha na'i gos dang / zar ma'i gos dang / ko'u tam pa'i gos dang / du gu la'i gos dang / ras bal gyi gos dang / nyi 'og gi gos dag las gang yang rung ba'o/ /byed du 'jug na zhes bya ba ni/ bdag nyid kyis sam/ gzhan no/ /bde bar gshegs pa'i chos gos las lhag pa byed du 'jug na zhes bya ba ni/ de'i gong ma'o/ /ltung byed do/ /zhes bya ba ni/ sems can dmyal ba dang / dud 'gro dang / yi dwags ngan song dang / ngan 'gro dang / log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na/ dge ba'i chos rnams </font><hr>Nya305b<br><font size=+1>


la sgrib par byed pa ste/ des na ltung byed do/ /zhes gsungs so/ /de la bde bar gshegs pa'i chos gos kyi tshad ni/ 'di yin te/ srid du bde bar gshegs pa'i mtho bcu/ zheng du mtho drug ste| de la 'di ni/ bde bar gshegs pa'i chos gros kyi tshad do/ /zhes bya ba la/ bde bar gshegs pa'i mtho bcu gang yin pa de la ni/ tshad dang ldan pa'i khru bco lnga'o/ /bde bar gshegs pa'i mtho drug gang yin pa de la ni/ chad dang ldan pa'i khru dgu'o/ /de la ltung bar ji ltar 'gyur zhe na/ dge slong gis ji tsam cung zad bde bar gshegs pa'i chos gos kyi tshad kyi chos gos sam| bde bar gshegs pa'i chos gos las lhag pa'i chos gos byed du 'jug na/ thams cad du ltung byed du 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bde bar gshegs pa'i chos gos kyi tshad las gyur pa'i ltung byed de/ dgu bcu pa rdzogs so/ /ltung byed 'ba' zhig tu gyur pa rnams rdzogs so// // 'dul ba rnal par 'byed pa/ bam po brgyad cu pa/ sdom la/ grong dang khyim gzhan nyid dang ni/ /bslab pa rnams dang dgon pa ni/ /sangs rgyas phan pa gsungs pa yis/ /so sor bshags par bya bar gsungs/ /sangs rgyas bcom ldan 'das 'od ma'i tshal/ ka land ka'i gnas na bzhugs so/ /rdo 'jog na khyim bdag phyug pa nor mang ba/ langs spyod che ba/ yongs su </font><hr>Nya306a<br><font size=+1>


@#/ /bzung ba yangs shing rgya che ba/ rnam thos kyi bu'i nor dang ldan pa/ rnam thos kyi bu la nor gyis 'gran pa zhig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod par byed pa de'i chung ma la dus gzhan zhig na sems can zhugs par gyur nas de zla ba brgyad dam dgu 'das te btsas pa las/ bu mo gzugs bzang ba/ blta na sdug pa/ mdzes pa/ mig ut+pa la 'dra ba/ ut+pa la'i dri dang ldan pa/ ut+pa la'i ze 'bru'i mdog 'dra ba zhig byung ngo / /de'i nye du dag 'dus shing lhags nas zhag bdun gsum nyi shu rtsa gcig tu btsas pa'i btsas ston rgya cher byas nas bu mo 'di'i ming cir gdags zhes de'i ming 'dogs par byed do/ /nye du dag gis smras pa/ gang gi phyir bu mo 'di mig ut+pa la 'dra la/ ut+pa la'i dri dang ldan pa/ ut+pa la'i ze 'bru'i mdog 'dra ba de'i phyir bu mo 'di'i ming / ut+pa la'i mdog ces bya bar gdags so/ /zhes de'i ming ut+pa la'i mdog ces bya bar btags so/ /de bsrings shing bskyed nas chen mor gyur to/ /de'i pha la bu med nas des bsam pa/ bdag gi bu mo 'di su la yang rigs kyi phyir yang mi sbyin/ nor gyi phyir yang mi sbyin/ gzugs kyi phyir yang mi sbyin gyi/ 'di ltar gang bdag gi khyim na </font><hr>Nya306b<br><font size=+1>


'dug pa'i mag par 'dug pa de la bdag gis sbyin par bya'o/ /snyam mo/ /rdo 'jog na khyim bdag gzhan zhig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /rtse bar byed/ dga' bar byed/ dga' mgur spyod par byed pa de'i chung ma la dus gzhan zhig na sems can zhugs par gyur nas de zla ba brgyad dam| dgu 'das te btsas pa las khye'u zhig byung nas de yang rigs dang mthun pa'i ming btags nas de bsrings shing bskyed de chen por gyur to/ /dus gzhan zhig na/ de'i pha ma gnyis dus la bab nas/ de phan tshun 'khyams pa na stes dbang gis khyim bdag de'i khyim du phyin pa dang / khyim bdag des smras pa/ bu/ khyod su'i/ /khyim bdag che ge mo zhig gi'o/ /bu/ khyod kyi pha ga re/ dus la bab bo/ /bu/ khyod kyi ma ga re/ de yang dus la bab bo/ /bu/ gal te de lta na/ kho bos khyod la bu mo sbyin gyi/ khyod kho bo'i khyim na 'dug pa'i mag pa gyis shig /yab/ ma nongs te/ bdag kyang pha ma gnyis dang bral nas phan tshun 'khyams shing yid chad par gyur na/ khyod de skad gsungs pa ma nongs kyi/ de bzhin bgyi'o/ /khyim bdag des de la ut+pa la'i mdog byin nas nyi ma dang / tshes grangs dang / yud tsam gyi sbyor bas bag mar btang nas khye'u des kyang khyim der 'dug par brtsams so/ /ji tsam dus gzhan zhig na ut+pa la'i pha dus la bab nas de'i ma ci dga' mgur </font><hr>Nya307a<br><font size=+1>


@#/ /gnas pa dang / rgyu ba'i sbyor bas zas dang / gos bzang po dag gis brtas pas nyon mongs pa dag gis gnod par brtsams pa dang / des bsam pa/ gal te bdag gis 'dir skyes pa gzhan bkug na/ bdag gi mag pa 'dis shes par 'gyur gyi/ bdag 'di nyid dang lhan cig rtse ba dang / dga' ba dang / dga' mgur spyad ba nyams su myong bar bya'o/ /snyam nas des de la mtshan ma bstan to/ /bud med kyi yul ni/ dbang po dag 'phrog cing / don du gnyer 'dod par 'gyur ba yin pas/ des de la brtags par gyur to/ /yang des de la mtshan ma bstan pa dang / de de dang lhan cig bsten par gyur to/ /de'i tshe na ut+pa la'i mdog la sems can zhugs par gyur cing de btsa' ba'i dus la bab nas/ des bu mo mngag gzhug ma la smras pa/ bu mo/ /song la yum bos shig /de song ba dang ji tsam na de mag pa dang lhan cig dben pa na 'dug pa mthong nas des yud tsam zhig rtog cing der bsdad pa dang / ji tsam na de phyir byung nas des smras pa/ ut+pa la'i mdog khyod la 'bod kyi/ bzhud do/ /de der song ba dang / ji tsam na bu mo zhig btsas nas ut+pa la'i mdog gis bu mo mngag gzhug ma la smras pa/ bu mo/ khyod ci thogs/ des smras pa/ khyod kyi yum dang khyim thab nad med par gyur cig /des smras pa/ des </font><hr>Nya307b<br><font size=+1>


ci nyes/ de ji ltar gyur pa brjod pa dang / des smras pa/ bu mo/ khyod kho mo'i ma dang / khyim thab la skur pa 'debs sam/ des smras pa/ jo mo/ khyod thugs mi ches na/ bdag gis khyod kyi mngon sum du 'gyur bar bgyi'o/ /zhes de de gnyis kyi skabs btsal ba de lhur len cing 'dug pa dang / ji tsam na de gnyis dben par 'dug par gyur nas des myur ba myur bar song ste ut+pa la'i mdog la smras pa/ tshur spyon/ da gzigs shig /de yang myur ba myur bar song ste bltas pa dang / de gnyis bsten pa mthong nas ut+pa la'i mdog gis bsam pa/ skal chad ma 'dis/ rdo 'jog na skyes pa gzhan ma mthong ngam/ ci na/ gang gi phyir mag pa dang lhan cig sten par byed/ skal chad pa 'dis kyang rdo 'jog na bud med gzhan ma mthong ngam/ ci na/ gang gi phyir sgyug mo dang lhan cig sten par byed/ snyam du rig nas mi bzod pa skyes nas des khyim bdag la/ skal chad pa/ khyod da phyin chad 'di dang lhan cig dga' mgur spyod cig ces bu mo de pha'i gan du 'phangs pa dang / de pha'i lus las 'dril nas sgo'i them par lhung ste klad pa zhom mo/ /ut+pa la'i mdog mgo g.yogs te khyim nas byung ba dang / ji tsam na don mthun bcom brlag tu 'phags pa mthong nas de dang lhan cig 'phags pa dang / ded dpon gyis mthong nas/ de de'i gzugs </font><hr>Nya308a<br><font size=+1>


@#/ /dang lang tsho mdzes pa la chags nas des smras pa/ sru/ khyod su'i/ ded dpon/ kho mo la zas dang / gos sbyin pa de'i 'o/ /ded dpon des de chung mar byas nas don mthun mthar gyis bcom brlag tu phyin pa dang / des de de nyid du bzhag go /de nas ded dpon des zong bsgyur nas zong gi rin khyer te phyir rdo 'jog tu 'ongs pa dang / de na tshong pa de dag phan tshun khyim gzhan du mgron du bos te ston mo byed pa na/ ded dpon des 'ga' yang zan ma byin nas tshong pa dag gis smras pa/ ded dpon/ khyod kyis 'ga' yang g.yar drangs te 'tshal ma ma stsal to/ /des smras pa/ khyod cag ni/ khyim mi mo dag bdog pas/ des na ston mo byed mod/ kho bo la ni/ gang bsnyen bkur byed pa 'ga' yang med pas kho bos ji ltar zan sbyin/ de dag gis smras pa/ gal te de ltar na/ ci'i slad du bu mo mi tshol/ des smras pa/ kho bo'i chung ma dang 'dra ba'i bu mo 'ga' zhig yod na/ de bag mar blang ngo / /de dag gis smras pa/ je khyed kyi btsun mo ci 'dra ba blta'i/ gsungs shig /des ut+pa la'i mdog gi gzugs dang lang tsho mdzes pa brjod pa dang / de dag gis smras pa/ ded dpon/ de ni/ bud med rin po che zhig ste/ 'on kyang de lta bu gzhan 'ga' mchis kyang gnas </font><hr>Nya308b<br><font size=+1>


btsal lo/ /zhes de dag gis btsal bar brtsams pa dang / ji tsam na ut+pa la'i mdog nyid kyi bu mo de de dang 'dra bar mthong nas de dag gis bu mo slong ngo / /zhes de bslangs pa dang / de dag gis smras pa/ su'i phyir/ ded dpon che ge mo zhig yod pa de'i phyir ro/ /shes ldan dag /bdag cag gis ni/ sbyin pa la rag na/ 'di ltar khyed la skyon yod de/ khyed kyis bag ma blangs nas bor te 'dong ngo / /mi 'dor ro/ /gal te de lta na/ sbyin no/ /de dag gis de bslangs nas ded dpon gyi bag mar blangs so/ /de nas tshong pa de dag gi zong bsgyur te zong rin khyer nas yang bcom brlag tu 'phags pa dang / ji tsam na mthar gyis bcom brlag dang ha cang mi ring ba na ri brag cig yod pa/ der phyin to/ /ded dpon des zong de dang bu mo de ri brag der bzhag nas nyung shas shig dang bcom brlag tu song ba dang / ut+pa la'i mdog gis byon pa legs so/ /zhes bya ba'i tshig gis kun tu spyad de smras pa/ ded dpon/ bde bar byon tam/ des smras pa/ bzang mo/ ga la bde bar 'ongs/ kho bo bcom mo/ /rje'i sras/ khyod gson por byon pa dgyes mod/ nor lta slad kyis kyang mchis par 'gyur ro/ /de dus cung zad cig 'dug nas smras pa/ bzang mo/ kho bo bcom pa'i rdzas tshol du 'gro'o/ /des smras pa/ ma nongs kyi/ bzhud cig /de song ma thag kho nar de'i shed mthun 'ongs te/ ut+pa la'i mdog la dris pa/ </font><hr>Nya309a<br><font size=+1>


@#/ /shad mthun mo/ /ded dpon gar song / des smras pa/ bcom pa'i rdzas tshol du song ngo / /de gang du sus bcom/ bdag kyang mi shes te/ de na re/ kho bo bcom gyi/ bcom pa'i rdzas tshol du 'gro'o/ /zhes zer ro/ /des smras pa/ de da ltar phun sum tshogs shing 'ongs pa de ltar sngon 'ga' yang phun sum tshogs shing ma 'ongs pas des khyod brid do/ /shed mthun/ gtam byos shig /gtam gzhan ci zhig bya/ des rdo 'jog nas sa 'dzin ma 'di lta bu zhig khrid de 'ongs pas/ khyod de'i rkang pa gnyis 'khru bar yang mi rung ngo / /shed mthun/ de bden nam/ bden no/ /des sdod cig ces byas te cang mi smra bar 'dug go /ji tsam na ded dpon de 'ongs nas/ des brnyas thabs sngon du btang ste smras pa/ rje'i sras/ khyod kyis bcom pa'i rdzas btsal tam/ bzang mo/ /btsal to/ /rje'i sras/ khyod kyis kho mo brid de/ khyod gang du sus kyang ma bcom gyi/ kho mos ji ltar khyod kyis rdo 'jog nas sa 'dzin ma zhig khrid de 'ongs zhes thos kyi/ de 'di nyid du khrid de spyon cig /gang gi gnas gnyis su 'god par 'gyur ba de'i longs spyod dag ni/ bsrab pas nyid dang / yongs su zad pa dang / yongs su mthar thug par 'gyur ro| |bzang mo/ /gal te de lta yin du zin kyang khyod kyis gang gi khyim na chung ma gnyis yod pa des lan 'ga' yang skyo ma grang mo mi 'thung zhing / 'thab mo dang / mtshang 'dru ba dang / rtsod pa </font><hr>Nya309b<br><font size=+1>


dang / 'gyed par 'gyur ro/ /zhes bya ba ma thos sam/ /rje'i sras/ de zhi bar gyur cig /de ltar mi 'gyur gyi/ de khrid de spyon cig /gal te nu mo tsam zhig na/ nu mo'i 'du shes nye bar bzhag par bgyi'o/ / gal te bu mo tsam zhig na/ bu mo'i 'du shes nye bar gzhag par bgyi'o/ /des smras pa/ bzang mo/ gal te de ltar na/ ma nyes kyi/ khrid de 'ong ngo / /zhes des de khrid de 'ongs pa dang / des de mthong nas rjes su chags pa skyes so/ /dus gzhan zhig na ut+pa la'i mdog gis/ bu mo de'i skra bla bar brtsams pa dang / mgo la sgros yod par mthong ngo / /mthong nas kyang dris pa/ bu mo/ 'di ci nyes| des smras pa/ bdag gis kyang ma 'tshal te/ bdag gi phyi mo'i mchid nas/ khyod kyi ma pha la khros pas khyod 'phangs pas sgo'i them par lhung ste/ der sgros 'di byung ngo / /zhes mchi'o/ /khyod kyi phyi mo ci/ ming che ge mo zhig go /khyod kyi ma ci ming / ut+pa la'i mdog go /des bsam pa/ bdag der ni/ ma dang chen chun du gyur la/ 'dir ni/ bu mo dang chen chun du gyur gyi/ rnam pa thams cad du 'gro bar bya'o/ /snyam nas de mgo g.yogs te khyim nas byung ba dang / ji tsam na don mthun yul yangs pa can du 'phags pa mthong nas de yang de dang lhan cig 'phags pa dang / de tshong pa dag dang lhan cig dga' mgur spyod cing yangs pa can du song ngo / /yangs pa can na gnas pa'i tshogs can ma dag gis smras pa/ bcom brlag pa'i tshong pa 'di </font><hr>Nya310a<br><font size=+1>


@#/ /dag bag cag dang lhan cig rtsed mo dang / dga' mgur spyod pa nyams su myong bar mi byed do/ /de na tshogs can ma gcig gis smras pa/ de dag gis sa 'dzin ma 'di lta bu zhig khrid de 'ongs pas bdag cag de'i rkang pa gnyis 'khru bar yang mi nus pas/ ci'i phyir de dag bdag cag dang lhan cig rtse ba dang / dga' ba dang / dga' mgur spyod pa nyams su myong par byed/ tshogs can ma de dag 'dus te/ ut+pa la'i mdog gi gan du dong nas smras pa/ sa 'dzin ma/ khyod kho mo cag gi 'tsho bas 'tsho bar byed na ci'i phyir kho mo cag gi nang du mi 'jug /des mgo g.yogs pa bshus te smras pa/ bdag deng phyin chad khyed cag gi nang du 'jug go/ /zhes de de dag gi gan du zhugs so/ /ji tsam dus gzhan zhig na/ tshogs can ma de dag chang gral du tshogs shing gtam zer ba na/ smras pa/ bdag cag las gang gis tshong pa gang nor ji tsam dang bral bar byas/ de na gcig gis smras pa/ kho mos ni/ tshong pa che ge mo zhig nor 'di tsam dang bral bar byas so/ /gzhan dag gis smras pa/ kho mo cag gis ni/ tshong pa che ge mo dag nor 'di tsam dang bral bar byas so/ /yang gzhan dag gis smras pa/ kho mo cag gis kyang tshong pa che ge mo dag nor 'di tsam dang bral bar byas so/ /yangs pa can na spos tshong gi khye'u mi sdug pa thob pa zhig 'dug pa de/ tshogs can ma 'gas </font><hr>Nya310b<br><font size=+1>


kyang rjes su 'jug par ma byas nas tshogs can ma de dag gis smras pa/ bdag cag las gang gis spos tshong gi khye'u che ge mo zhig rjes su 'jug par byed nus pa'i bud med de ni/ bud med kyi yon tan dang ldan par bdag cag smra'o/ /ut+pa la'i mdog gis smras pa/ ci/ de skyes pa skyes pa'i dbang po dang ldan pa yin nam/ 'on te ma yin/ de dag gis smras pa/ de skyes pa skyes pa'i dbang po dang ldan pa yin no/ /gal te kho mos de rjes su 'jug par byas na/ khyod kyis kho mo thu mo'i gnas su gzhag gam/ gzhag go /gal te khyed kyis de rjes su 'jug par mi nus na/ khyod ji ltar bya/ kho mos khyed la kaR+sha pa Na drug cu gzhal lo/ /ma nyes kyi/ de ltar gyis shig /ut+pa la'i mdog gi khyim spos tshong gi khye'u de'i drung du glas blangs pas/ des bu mo mngag gzhug ma la slob tu bcug ste/ bu mo/ khyod kyis spos tshong gi khye'u che ge mo zhig las/ nyi ma re re zhing spos nyo bar bya'o/ /gal te su'i gan du 'khyer zhes zer na/ ut+pa la'i mdog gi gan du rigs kyi bu zhig 'ongs pa de'i gan du 'khyer ro/ /zhes brjod par bya'o/ /bu mo mngag gzhug ma de spos tshong gi khye'u de las nyi ma re re zhing spos nyo bar byed do/ /des de la smras pa/ bu mo/ khyod nyi ma re re zhing su'i gan du spos 'khyer bar byed/ des smras pa/ ut+pa la'i mdog gi gan du rigs kyi bu zhig 'ongs pa de'i gan du 'khyer ro/ /yang ut+pa la'i mdog gis bu mo mngag </font><hr>Nya311a<br><font size=+1>


@#/ /gzhug ma de la smras pa/ bu mo/ spos tshong gi khye'u de las sman bska ba dang / kha ba dang / tsha ba dag nyo bar bya'o/ /gal te su'i gan du 'khyer zhes zer na/ rigs kyi bu de na bas de'i sman gyi phyir 'khyer ro/ /zhes brjod par bya'o/ /gal te dbyig su'i yin zhes zer na/ ut+pa la'i mdog gi yin no/ /zhes brjod par bya'o/ /bu mo mngag gzhug ma de kaR+sha pa Na dag khyer te spos tshong gi khye'u de'i gan du song nas smras pa/ sman bska ba dang / kha ba dang / tsha ba dag byin cig /des smras pa/ su'i gan du 'khyer/ des smras pa/ rigs kyi bu de na bas na/ de'i sman gyi phyir 'khyer ro/ /des smras pa/ dbyig su'i yin/ /des smras pa/ ut+pa la'i mdog gi'o/ /des bsam pa/ de ni/ na chung chen mo zhig ste/ rang gi sman gyis bsnyen bkur byed do/ /snyam nas de de la rjes su chags pa skyes nas des bu mo de la smras pa/ bu mo/ ut+pa la'i mdog la spos tshong gi khye'u de khyod lta bar 'dod do/ /zhes gyis shig/ bu mo des ut+pa la'i mdog la brjod pa dang / des smras pa/ bu mo/ song la 'di skad ces/ da dung rigs kyi bu de ma sos so/ /zhes gyis shig /de song ste de la de skad brjod pa dang / de yang dang yang du bu mo de la nyi ma gang la 'ong bar bya zhes 'dri'o/ /des ut+pa la'i mdog la brjod pa dang / des bsam pa/ de lhag par chags par gyur gyi/ thabs kyi rnam </font><hr>Nya311b<br><font size=+1>


pa lags pa zhig bya'o/ /snyam nas des rtswa mi zhig byas te khri'i steng du bzhag nas dur khrod du 'khyer te bsregs nas de'i 'og tu skra bshig cing du ba'i bzhin gyis spos tshong gi khye'u de'i tshong khang dang ha cang thag mi ring ba nas 'gro bar brtsams pa dang / spos tshong gi khye'u des de mthong ngo / /bcom ldan 'das kyis/ bud med kyis skyes pa rnam pa brgyad kyis 'ching bar byed de/ gar dang / glu dang / rol mo dang / gad mo dang / ngu ba dang / lta ba dang / reg pa dang / rma 'byed pas so/ /zhes gsungs pas/ spos tshong gi khye'u de de la shin tu chags par gyur nas bu mo de la yang smras pa/ bu mo/ da 'ong ngo / /des ut+pa la'i mdog la brjod pa dang / des smras pa/ bu mo song la 'di skad ces/ rigs kyi bu de der dus la bab ste/ da dung mya ngan ma sangs pas mthong bar ga la 'gyur zhes byos shig /ut+pa la'i mdog gis ji lta ji ltar bsgyangs pa de lta de ltar spos tshong gi khye'u de chags pa dang bcas pas mthong 'dod par gyur nas ut+pa la'i mdog gis de la sdum par ma byon par skyed mos tshal ga ge mo zhig tu spyon cig ces phrin spring pa dang / spos tshong gi khye'u de bza' ba dang / btung ba dang / gos dang / phreng ba rgyu mang po thogs te skyed mos tshal der 'ongs nas des ut+pa la'i mdog dang lhan cig re zhig zos shing 'thungs pa dang / ji tsam na der ro zhing chang gi dbang gis bdag nyid mi </font><hr>Nya312a<br><font size=+1>


@#/ /dran par gyur nas ut+pa la'i mdog gis bsam pa/ da ni/ 'di skye bo mang pos tshor bar bya'o/ /snyam nas des de'i mgo la phreng ba btags te gnya' ba bsgril nas khyim du khrid pa dang / tshogs can ma de dag gis de mthong nas de dag mchog tu ngo mtshar skyes te smras pa/ sa 'dzin ma 'dis spos tshong gi khye'u mi sdug pa thob pa/ rjes su 'jug par byas pa legs so/ /zhes de dag gis de thu mo'i gnas su bzhag go /de de dang lhan cig rtse bar byed/ dga' bar byed/ dga' mgur spyod par byed pa las/ ji tsam dus gzhan zhig na| de la sems can zhugs par gyur to/ /yangs pa can na sgo ba gnyis yod de/ shar kyi dang / nub kyi'o/ /de gnyis phan tshun bshes par gyur nas de na gcig gis smras pa/ shed mthun/ gang gis bdag cag gnyis shi zhing dus la bab kyang bshes pa'i rgyun mi 'chad par 'gyur ba de lta bu'i thabs ci yod/ gcig shos kyis smras pa/ shed mthun bdag cag gnyis kyi bu mo phan tshun sha klag bya ste/ gal te kho bo la bu yod la khyod la bu mo yod na/ khyod kyi bu mo kho bo'i bu la sbyin par bya'o/ /gal te khyod la bu yod la kho bo la bu mo yod na kho bo'i bu mo khyod kyi bu la sbyin par bya ste/ des na bdag cag gnyis shi zhing dus la bab na yang bshes rgyun mi 'chad par 'gyur ro/ /ma nyes kyi/ de ltar bya'o/ / </font><hr>Nya312b<br><font size=+1>


ut+pa la'i mdog zla ba dgu 'das te btsas pa las/ khye'u zhig byung nas des bsam pa/ bud med gang la bu chung ngu yod pa de skyes pa dag gis 'di yongs su spang ngo / /zhes yongs su spong bar rig nas des bu mo mngag gzhug ma la smras pa/ bu mo/ khye'u 'di dang mar me khyer la lam po cher song ste/ der gnas gcig tu khye'u bzhag ste mar me tshugs la 'ga' zhig gis blangs kyi bar du mtha' gcig tu sdod cig /des de khyer te shar gyi sgo ba dang ha cang thag mi ring ba'i gnas shig tu bzhag ste mar me btsugs nas mtha' gcig tu bsdad pa dang / shar gyi sgo ba des mar me mthong nas the tshom za zhing der song ba dang / ji tsam na khye'u de mthong nas des de blangs te chung ma'i gan du song nas smras pa/ bzang mo/ khyod kyi bu 'di re/ de rab tu dga' bas blangs so/ /de nas mtshan mo nam nangs pa dang / kun dga' bar 'gyur ba byas so/ /khyim tshes kyi skye bo dag gis phan tshun smras pa/ shes ldan dag /shar gyi sgo ba 'di'i khyim na ci zhig gis kun dga' bar 'gyur ba byung / de na kha cig gis smras pa/ 'di'i bu byung ngo / /kha cig gis smras pa/ 'di'i chung ma mi sbrum na/ 'di'i bu ga la sa byung / kha cig gis smras pa/ shes ldan dag /bud med kha cig gi mngal na gnas pa mi mngon pa yang yod do/ / </font><hr>Nya313a<br><font size=+1>


@#/ /nub kyi sgo bas thos nas des bsam pa/ de'i bu byung bas gal te bdag la bu mo yong bar gyur na/ de bdag gi mag par 'gyur ro/ /snyam nas/ de de la gos dang / rgyan dag bskur ro/ /de bsrings shing bskyed de chen por gyur nas ji tsam na de dga' 'dun gyi nang du zhugs so/ /ji tsam dus gzhan zhig na yang / ut+pa la'i mdog la sems can zhugs par gyur nas de zla ba dgu 'das te bcas pa las/ bu mo zhig byung nas des yang bsam pa/ bud med gang la bu mo chung ngu yod pa de skyes pa dag gis 'di yongs su spang ngo / /zhes yongs su spong bar rig nas bu mo mngag gzhug ma la smras pa/ bu mo/ bu mo 'di dang mar me khyer la lam po cher song ste der gnas gcig tu bu mo bzhag ste mar me tshugs la 'ga' zhig gis blangs kyi bar du mtha' gcig na sdod cig /des de khyer te nub kyi sgo ba dang ha cang thag mi ring ba'i gnas shig tu bzhag ste/ mar me btsugs nas mtha' gcig tu bsdad pa dang / nub kyi sgo ba des mar me mthong nas the tshom za zhing der song ba dang / ji tsam na bu mo de mthong nas/ des de blangs te chung ma'i gan du song nas smras pa/ bzang mo/ khyod kyi bu mo 'di re/ de rab tu dga' bas blangs so/ /de nas mtshan mo nam nangs pa dang kun dga' bar 'gyur pa byas so/ /khyim tshes kyi skye bo dag gis phan tshun smras pa/ shes ldan dag /nub kyi sgo ba 'di'i khyim na/ ci zhig gis kun dga' bar 'gyur ba </font><hr>Nya313b<br><font size=+1>


byung| |de na kha cig gis smras pa/ 'di'i bu mo byung ngo / /kha cig gis smras pa/ 'di'i chung ma mi sbrum na/ 'di'i bu mo ga las byung / /kha cig gis smras pa/ shes ldan dag /bud med kha cig gi mngal na gnas pa mi mngon pa yang yod do/ /shar gyi sgo bas thos nas des bsam pa/ de'i bu mo byung bas/ de bdag gis mna' mar 'gyur ro/ /snyam nas/ des de la gos dang rgyan dag bskur ro/ /de bsrings shing bskyed de chen por gyur nas ji tsam na de yang dga' 'dun ma'i nang du zhugs so/ /ji tsam dus gzhan zhig na/ dga' 'dun lnga brgya skyed mos tshal du 'phags pa dang / de dag gis gros bya bar brtsams pa| bdag cag gyi na de bzhin du skyed mos tshal du dong ste ci rung / 'jud mthun ma 'ga' zhig bkri'i/ de ltar bya'o/ /gang bkri/ sa 'dzin ma'o/ /ma nyes kyi/ 'di ltar khrims su bya ba bca' ste/ bdag cag las gang de dang lhan cig dga' mgur spyod par mi byed pa de la dga' 'dun dag gis kaR+sha pa Na drug cu dbab bo/ /de dag gis sa 'dzin ma ut+pa la'i mdog kaR+sha pa Na lnga brgyas glas te skyed mos tshal du khrod nas dga' 'dun de dag thams cad kyis res kyis de dang lhan cig dga' mgur spyod do/ /shar gyi sgo ba'i bu de dga' mgur spyod par mi 'dod nas ut+pa la'i mdog gis de la smras pa/ rje'i sras/ dga' mgur spyod cig /gzhan du na 'di dag gis khyod la kaR+sha pa Na drug cu phab par 'gyur ro/ /des chad pas 'jigs pas dga' mgur spyad pa dang / de ut+pa la'i mdog la rjes su chags pa skyes nas des </font><hr>Nya314a<br><font size=+1>


@#/ /de gcig pus chung ma khud par byas so/ /li tsa byi dag khros nas shar gyi sgo ba'i bu des/ tshogs kyis spyad par bya ba'i bud med de gcig pus chung ma khud par byas kyi/ de gsod du 'dong ngo / /zhes zer ro/ /'jig rten na/ mdza' bshes dang / dgra bo dang / tha mal pa yin pas gzhan zhig shar gyi sgo ba de'i gan du song ste/ ji ltar gyur pa smras pa dang / shar gyi sgo ba de skrag nas li tsa byi rnams kyi gan du song ste/ rkang pa gnyis la gtugs nas smras pa/ bu'i slong mo stsol cig /de dag gis smras pa/ ka'i nang rje/ des ci nyes/ des de dag la rgyas par brjod pa dang / de na kha cig gis smras pa/ shes ldan dag /shar gyi sgo ba 'di bdag la yun ring po nas phan pa byed byed pa yin gyi/ gal te 'di'i bu tshogs can ma 'dod na/ sbyin no/ / gzhan dag gis smras pa/ ma nyes kyi/ de bzhin bya'o/ /zhes de dag gis de la ut+pa la'i mdog byin no/ /shar gyi sgo ba'i bu des tshogs las thob pas/ bag tsha ba med par ut+pa la'i mdog chung mar blangs so/ /de nas de'i phas nub kyi sgo ba la smras pa/ shed mthun khye'u la bu mo bag mar thong zhig /des smras pa/ shed mthun/ khyod kyi bus chung ma blangs zin na/ bag ma gzhan gyis ci bya/ des smras pa/ shed mthun/ sngar 'thams zin gyi/ de byin cig dang / gal te kho bo la 'byor pa yod par gyur na/ kho bo bu'i chung ma'i 'khor rnam par 'jog par byed </font><hr>Nya314b<br><font size=+1>


do| |nub kyi sgo bas sngar 'thams pa'i phyir shar gyi sgo ba'i bu la bu mo byin no/ /shar gyi sgo ba'i bu des kyang / nyi ma dang / tshes grangs dang / yud tsam gyi sbyor bas de bag mar blangs so/ /de'i tshe na tshe dang ldan pa mo'u 'gal gyi bu chen po shar gyi sgo ba de'i khyim du 'gro ba des bu mo de la smras pa/ bu mo/ khyod kyi chen ma gang yin pa 'di ni/ khyod kyi ma'o/ /khyod kyi khyim thab gang yin pa 'di ni/ khyod kyi ming po yin gyi/ ma la rab tu sdang ba'i sems ma skyed cig /sems can dmyal ba la gzhol bar 'gyur bar ma byed cig /ut+pa la'i mdog de dang lhan cig rtse bar byed/ dga' bar byed/ dga' mgur spyod par byed pa las/ bu byung nas bu mo des khye'u de sgo khang gi phyi rol du rtser gzhug par brtsams pa dang / ji tsam na bram ze zhig lam de nas 'gro ba des mthong nas des tshigs su bcad pa smras pa/ mi rnams nang na mchog gi rab kyi mchog / mtshungs med rgyal ba skyob pa'i nyan thos ma/ me tog man dA ra ka rab 'dra ba/ /sring mo khye'u 'di khyod kyi ci zhig yin/ /des kyang tshigs su bcad pa smras pa/ bram ze 'di ni bdag gi ming po dang / ming po'i bu dang bu dang skud po yin/ /'di yi pha de bdag gi pha yin te/ /ming por gyur nas da ltar khyo 'di yin/ ut+pa la'i mdog gis thos nas des bu mo mngag gzhug ma la smras pa/ bu mo/ 'di gnyis ci zer/ des smras pa/ 'di gnyis mang po mchi'o/ /sho be mi mchi'o/ /'di la ci bden/ khyod kyi bu bdag gis shar sgor bor ba gang lags pa de ni/ da ltar khyod kyi khyim thab 'di lags so/ /khyod kyi bu mo bdag gis nub </font><hr>Nya315a<br><font size=+1>


@#/ /sgor bor ba gang lags pa de ni/ da ltar khyod kyi chun ma 'di lags so/ /ut+pa la'i mdog gis bsam pa/ sngon ni/ bdag ma dang chen chun du gyur nas/ yang bu mo dang chen chun du gyur/ da yang bdag bu mo deng chen chun du gyur cing / bu khyim thab tu gyur gyi/ rnam pa thams cad du 'gro bar bya'o/ /snyam nas de mgo g.yogs te khyim nas byung ba dang / ji tsam na don mthun rgyal po'i khab tu 'phags pa mthong nas de de dang lhan cig rgyal po'i khab tu song ngo / /de yang 'jud mthun ma'i 'tsho bas 'tsho bar byed do/ /ji tsam na dga' 'dun lnga brgya skyed mos tshal du 'phags nas de dag gis gros bya bar brtsams pa/ shes ldan dag /bdag cag gyi na de bzhin du skyed mos tshal du dong ste ci rung / 'jud mthun ma 'ga' zhig bkri'o/ /de ltar bya'o/ /gang bkri/ sa 'dzin ma'o/ /ma nyes so/ /zhes de dag gis sa 'dzin ma ut+pa la'i mdog /kaR+sha pa Na lnga brgyas glas te skyed mos tshal du khrid do/ /de dag zos shing 'thungs nas de dang lhan cig rtse bar byed/ dga' bar byed/ dga' mgur spyod par byed do/ /tshe dang ldan pa mo'u 'gal gyi bu chen po ut+pa la'i mdog gdul ba'i dus shes nas de dag dang ha cang thag mi ring ba na shing ljon pa zhig gi drung na 'chag cing 'dug go /de na dga' 'dun gcig gis smras pa/ 'phags pa mo'u 'gal gyi bu chen po 'di ni/ nyon mongs pa'i 'ching ba 'di lta bu las grol ba yin gyi/ bdag cag ni/ 'dod </font><hr>Nya315b<br><font size=+1>


pa'i dam du bying ba yin no/ /ut+pa la'i mdog gis smras pa/ bdag gis yangs pa can du spos tshong gi khye'u mi sdug pa thob pa rjes su 'jug par byas so/ /dga' 'dun des smras pa/ de'i don ci/ 'di yang rjes su 'jug par byed 'dod dam/ des smras pa/ ci/ 'di skyes pa skyes pa'i dbang po dang stan pa yin nam/ 'di skyes pa skyes pa'i dbang po dang ldan pa yin no/ /kho mos gal te 'di rjes su 'jug par bya na/ khyod la ci dbab/ kaR+sha pa Na lnga brgya'o/ /gal te khyod kyis 'di rjes su 'jug par ma nus na/ khyod la ci dbab/ khyod gcig pu'i chung ma khud pa'o/ /ma nyes kyi/ de ltar gyis shig |ut+pa la'i mdog gis khas blangs nas tshe dang ldan pa mo'u 'gal gyi bu chen po ga la ba der song ste phyin nas bud med kyi g.yo dag dang / bud med kyi gya gyu dag dang / bud med kyi ya yo dag dang / bud med kyi sgyu gang dag yin pa de dag nye bar bstan par brtsams pa dang / tshe dang ldan pa mo'u 'gal gyi bu chen po dbang po bag phab ste 'dug go /des bsam pa/ bud med kyi yul gyi reg pa ni/ dug yin pas/ bdag gis 'khyud na/ 'di dag gi dbang du 'gyur ro/ /snyam nas des 'khyud par brtsams pa dang / tshe dang ldan pa mo'u 'gal gyi bu chen po ngang pa'i rgyal po 'dab ma brkyang ba ltar steng gi nam mkha' la mngon par 'phags nas tshigs su bcad pa dgra smras pa/ rus pa'i 'khrul 'khor spyil bu la/ /chu bas yongs su dkris gyur cing / /mi gtsang rul ba dri nga ba/ /gzhan la sten cing </font><hr>Nya316a<br><font size=+1>


@#/ /bdag gir byed/ /rtsog pas gang ba'i rkyal pa khyod/ /gsong ldong phol mig ngal skyen ldan/ /rgyun lam dgu nas rtag tu ni/ /mi gtsang rab tu 'dzag pa yin/ /ji ltar kho bos khyod shes ltar/ /skye bos khyod ni shes gyur na/ /dbyar dus phyi sa'i gnas bzhin du/ /thag ring rnam par spong bar 'gyur/ /gang phyir byis pa gti mug gi /mun pas bsgribs pa mi shes pa/ /de phyir rdzab la glang rgan bzhin/ /de dag khyod la chags par byed/ /ut+pa la'i mdog gis kyang tshigs su bcad pa dag smras pa/ skal pa chen po de lta lags/ /'phags pas ji skad gsungs pa bzhin/ /rus pa'i 'khrul 'khor spyil bu la/ /chu bas yongs su dkris gyur cing / /mi gtsang rus pa dri nga ba/ /gzhan la sten cing bdag gir bgyid/ /rtsog pas gtams pa'i rkyal pa bdag /gsong ldong phol mig ngal skyen ldan/ /rgyun lam dgu nas rtag tu ni/ /mi gtsang rab tu 'dzag pa lags/ /ji ltar 'phags pas bdag mkhyen ltar/ /skye bos bdag ni 'tshal gyur na/ /dbyar dus slad sa'i gnas bzhin du/ /thag ring rnam par spong bar 'gyur/ /gang phyir byis pa gti mug gi /mun pas bsgribs pas ma 'tshal ba/ /de phyir rdzab la glang rgan bzhin/ /de dag bdag la chags par bgyid/ /skal pa chen po mar gshegs te/ 'phags pa chos ni bstan du gsol/ /shes rab mchog gi bstan pa la/ /bdag gis khyod kyi </font><hr>Nya316b<br><font size=+1>


nyan thos bgyi/ /de nas tshe dang ldan pa mo'u 'gal gyi bu chen po steng gi nam mkha'i dkyil nas babs nas des de'i bsam pa dang / bag la nyal dang / khams dang / rang bzhin khong du chud nas/ 'di ltar ut+pa la'i mdog gis stan de nyid la 'dug bzhin du 'jigs tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon sum du byas pa de ltar 'phags pa'i bden pa bzhi yang dag par so sor rtogs par byed pa'i chos bstan par byas so/ /des bden pa mthong nas smras pa/ 'phags pa/ bdag gis dge ba'i bshes gnyen 'phags pa la brten nas 'phags pas bdag la gang mdzad pa 'di lta bu ni/ bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang bram ze dag gis kyang ma bgyis/ byams pa dang / mdza' bshes dang / rtsa lag gi tshogs kyis kyang ma bgyis te/ khrag dang mchi ma'i rgya mtsho ni/ bskams/ rus pa'i ri dag las ni/ bsgral/ ngan song gi sgo dag ni/ bkum/ mtho ris dang thar pa'i sgo dag ni/ phye/ sems can dmyal ba dang / dud 'gro dang / yi dwags dag nas ni/ rkang pa phyung / lha dang mi rnams kyi nang du ni/ bzhag /thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba/ ye shes kyi rdo rjes bcom ste </font><hr>Nya317a<br><font size=+1>


@#/ /rgyun du zhugs pa'i 'bras bu ni/ thob ste/ 'phags pa/ bdag ni/ mngon par zhugs pa lags so/ /'phags pa/ bdag ni/ mngon par zhugs pa lags te/ 'phags pa/ bdag ni/ bcom ldan 'das dang / chos dang / dge slong gi dge 'dun la skyabs su mchi yi/ bdag dge bsnyen mar gzung du gsol/ /deng slan chad nas ji srid 'tsho'i bar glo ba thag pa nas rab tu dang bas skyabs su mchi'o/ /de nas rigs kyi bu mo ut+pa la'i mdog gis tshe dang ldan pa mo'u 'gal gyi bu chen po'i rkang pa gnyis la gtugs te smras pa| btsun pa/ mo'u 'gal gyi bu chen po/ bdag legs par gsungs pa'i chos 'dul ba la rab tu byung ba dang / rdzogs par bsnyen pa dge slong ma'i dngos po 'thob na/ bdag bcom ldan 'das kyi spyan sngar tshangs par spyad pa spyod do/ /des smras pa/ sring mo/ song la khyim thab dag la gsol cig /de de dag gis gan du song ste smras pa/ rje'i sras dag /bdag rab tu 'byung bar ci gnang / de dag gis smras pa/ sa 'dzin ma/ ci'i phyir kho bo cag la co 'dri bar byed/ des smras pa/ mad par rab tu 'byung ste/ co 'dri bar mi bgyid do/ /de dag gis smras pa/ gal te de ltar na/ rab tu byung zhig /de de dag gi gnang nas tshe dang ldan pa mo'u 'gal gyi bu chen po ga la ba der song ba dang / des de khrid nas bcom ldan 'das </font><hr>Nya317b<br><font size=+1>


ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das la tshe dang ldan pa mo'u 'gal gyi bu chen pos 'di skad ces gsol to/ /btsun pa/ ut+pa la'i mdog 'di/ legs par gsungs pa'i chos 'dul ba la rab tu 'byung ba dang / rdzogs par bsnyen pa dge slong ma'i dngos po 'tshal lo/ /bcom ldan 'das kyis bka' stsal pa/ ma nyes kyi/ rab tu 'byung ba legs so/ /zhes bka' stsal nas rang nyid kyis skye rgu'i bdag mo chen mo la 'phrin yig bri bar brtsams so/ /bcom ldan 'das 'phrin yig mdzad pa na/ rgyal po gzugs can snying pos 'ongs te gsol ba/ bcom ldan 'das/ 'jud mthun ma 'di ci'i slad du 'dir mchis/ bcom ldan 'das kyis bka' stsal pa/ rgyal po chen po/ de skad ma zer cig /khyod kyi chos kyi sring mo 'di/ legs par gsungs pa'i chos 'dul ba la rab tu byung ba dang / rdzogs par bsnyen pa dge slong ma'i dngos po 'dod do/ /bcom ldan 'das/ gang du 'phrin yig mdzad/ rgyal po chen po/ mnyan yod du skye rgu'i bdag mo chen mo la'o/ /bcom ldan 'das/ bdag gis kyang 'di la sel ba stsal bar bgyi'o/ /rgyal po chen po/ ma nyes so/ /rgyal pos de'i sel ba bskos so/ /ut+pa la'i mdog gis 'phrin yig ma nos te mnyan yod du song ba dang / skye rgu'i bdag </font><hr>Nya318a<br><font size=+1>


@#/ /mo chen mo go'u ta mis de rab tu phyung / rdzogs par bsnyen par byas te gdams ngag byin nas de gcig tu dben pa/ bag yod pa/ rtun pa dang ldan pa/ bdag nyid btang bar gnas pa na/ 'khor ba'i 'khor lo cha lnga pa g.yo ba dang mi g.yo ba 'di nyid rig ste 'du byed kyi rnam pa thams cad nyams pa dang / ltung ba dang / rnam par 'thor ba dang / rnam par 'jig pa'i chos nyid kyis zil gyis mnan nas nyon mongs pa thams cad spangs pas rigs kyi bu mo dag gang gi phyir skra bregs te gos ngur smrig dag bgos nas yang dag pa kho nar dad pas khyim nas khyim med par rab tu 'byung bar byed pa tshangs par spyod pa'i mtha' bla na med pa de/ tshe de nyid la rang gi mngon par shes pas mngon sum du byas te bsgrubs nas bdag gi skye ba zad do/ /tshangs par spyod pa spyad do/ /bya ba byas so/ /srid pa 'di las gzhan mi shes so/ /zhes go bar byed cing / dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan+dan bzhag pa lta bu rig pas sgo nga'i sbubs dral bar gyur cing rig pa dang / mngon par shes pa dang / so sor yang dag par rig pa thob pa/ srid pa dang / 'dod pa'i rnyed pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyi mchod par bya ba dang / rjed par bya ba </font><hr>Nya318b<br><font size=+1>


dang| mngon du smra bar bya bar gyur to/ /de nas bcom ldan 'das kyis dge slong rnams la bka' stsal pa/ dge slong dag /nga'i nyan thos ma rdzu 'phrul che ba rnams kyi nang na 'di lta ste/ dge slong ma ut+pa la'i mdog 'di mchog yin no/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa/ ut+pa la'i mdog gis las ci zhig bgyis na/ des mig ut+pa la 'dra ba/ ut+pa la'i dri dang ldan pa/ ut+pa la'i ze 'bru'i mdog 'dra bar gyur/ las ci zhig bgyis na/ des skyes pa dag gis phongs pa ma mchis par gyur cing / bcom ldan 'das kyis bstan pa la rab tu byung nas nyon mongs pa thams cad spangs pas dgra bcom pa nyid mngon sum du bgyis/ las ci zhig bgyis na/ des nyan thos ma rdzu 'phrul che ba/ mthu che ba rnams kyi mchog tu bstan/ bcom ldan 'das kyis bka' stsal pa/ dge slong dag /ut+pa la'i mdog nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur pa dag byas shing bsags pas/ ut+pa la'i mdog nyid kyis las byas shing bsags pa dag gzhan su zhig gis so sor myong bar 'gyur/ dge slong dag /las byas shing bsags pa dag ni/ phyi rol gyi sa'i khams la rnam par smin pa mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur </font><hr>Nya319a<br><font size=+1>


@#/ /gyi/ 'di ltar las dge ba dang mi dge ba byas shing bsags pa dag ni/ zin pa'i phung po dang / khams dang / skye mched dag la rnam par smin par 'gyur te| las rnams skal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ dge slong dag /sngon byung ba ri brag cig na| khyim bdag cig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /de dus gzhan zhig na/ zong thogs te yul gzhan zhig tu song ngo / /de'i chung ma gos dang zas bzang bas nyon mongs pa dag gis gnod par gyur nas de dang ha cang thag mi ring ba dang / 'jud mthun ma'i khyim zhig 'dug pa der skyes pa gzhan dag 'jug cing gzhan dag 'byung ba mthong nas des bsam pas/ bud med 'di'i bsod nams byas pa yin pas/ 'di skyes pa dag gis phongs pa med pa yin na/ bdag kyang gang gis skyes pa dag gis phongs pa med par 'gyur ba de lta bu'i thabs ci yod snyam nas/ de de ltar sems pa na/ der gcer bu pa'i nyan thos ma zhig 'ongs nas des de la smras pa/ phu nu mo/ gang gis gang sems pa dang / gang sgrub pa de thams cad 'grub par 'gyur ba de lta bu'i thabs ci yod/ des smras pa/ nu mo/ kho mo'i ming po rab tu byung ba brtul </font><hr>Nya319b<br><font size=+1>


zhugs grub pa bdag nyid chen po zhig yod pa de zan byin la smon lam thob cig dang / khyod gang sems pa dang / sgrub pa de thams cad 'grub par 'gyur ro/ /des smras pa/ phu nu mo/ gal te de lta na/ song la bdag nyid chen po de kho mo'i khyim du zan la bos shig /des de zan la bos so/ /khyim bdag gi chung ma des kyang zan sbyar cing / ut+pa la dag gis lag pa sta gon byas so/ / gcer bu pa dag ni/ dus su yang zan za la/ dus ma yin par yang za bas de yun ring zhig thogs so/ /sangs rgyas rnams 'byung ba med pa'i tshe rang sangs rgyas dman pa dang bkren pa la rjes su snying brtse ba/ bas mtha'i gnas mal la dga' ba/ bse ru lta bu gcig pu/ 'jig rten gyi yon gnas su gyur pa dag 'jig rten du byung ngo / /ji tsam na rang sangs rgyas shig ljongs rgyu ba na ri brag der phyin nas der snga dro sham thabs bgos/ lhung bzed dang chos gos thogs te bsod snyoms la rgyu ba na/ khyim der zhugs pa dang / khyim bdag gi chung ma des lus mdzes pa/ sems mdzes pa de mthong nas des bsam pa/ 'di ni/ brtul zhugs grub pa/ bdag nyid chen po de yin gyi/ zan sbyin no/ /snyam nas/ des de zan bsod pas tshim par byas shing de la ut+pa la dag gis kyang mchod pa byas so/ /bdag nyid chen po de dag ni/ lus kyis chos ston gyi/ tshig gis chos mi ston pas rang sangs rgyas de zas kyi bya ba byas nas de la snying brtse ba'i phyir ngang </font><hr>Nya320a<br><font size=+1>


@#/ /pa'i rgyal po 'dab ma brkyang pa ltar steng gi nam mkha' la mngon par 'phags nas 'bar ba dang / gsal ba dang / char 'bebs pa dang / glog 'byin pa'i cho 'phrul dag bya bar brtsams so/ /so so'i skye bo ni/ rdzu 'phrul la myur du sems gtod par byed pa yin pas/ khyim bdag gi chung ma des gus par sgrim pa dang bcas pas de'i rkang pa gnyis la phyag 'tshal te smon lam btab pa/ bdag gis yon gnas yang dag par gyur pa 'di lta bu la mchod pa byas pa gang yin pa'i dge ba'i rtsa ba 'dis bdag skyes pa dag gis phongs pa med par 'gyur zhing 'di bas ches khyad par du 'phags pa'i ston pa mnyes par byed cing / thugs byung bar mi byed pa'i yon tan gyi rnam pa de lta bu dag kyang thob par gyur cig /ces btab bo/ /dge slong dag /de tshe de'i dus na khyim bdag gi chung ma gang yin pa de ni/ ut+pa la'i mdog 'di yin te/ 'dis rang sangs rgyas la zan byin te| ut+pa la dag gis mchod pa byas pa gang yin pa'i las de'i rnam par smin pas ni/ de ltar mig ut+pa la 'dra ba/ ut+pa la'i dri dang ldan pa/ ut+pa la'i ze 'bru'i mdog 'dra bar gyur to/ /bdag gis yon gnas yang dag par gyur pa 'di lta bu la mchod pa byas pa gang yin pa'i dge ba'i rtsa ba 'dis bdag skyes pa dag gis phongs pa med par 'gyur </font><hr>Nya320b<br><font size=+1>


zhing 'di bas ches khyad par du 'phags pa'i ston pa mnyes par byed cing thugs byung bar mi byed pa'i yon tan gyi rnam pa de lta bu dag kyang thob par gyur cig /ces smon lam btab pa des ni/ skyes pa dag gis phongs pa med par gyur cing / nga'i bstan la rab tu byung nas nyon mongs pa thams cad spangs pas dgra bcom pa nyid mngon sum du byas shing / 'dis rang sangs rgyas bye ba phrag 'bum pas ches khyad par du 'phags pa'i ston pa nga la mnyes par lhag par byas shing thugs byung bar ma byas so/ /nyan thos ma rdzu 'phru che ba/ mthu che ba rnams kyi mchog tu bstan pa gang yin pa de ni/ smon lam gyi dbang gis te/ gang du smon lam btab ce na/ dge slong dag/ sngon byung ba bskal pa chen po bzang po 'di nyid la skye rgyu'i che lo nyi khri thub pa na/ ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das 'od srung 'jig rten du byung ste/ de wA ra NA si na drang srong smra ba ri dwags kyi nags na nye bar brten cing bzhugs so| |de'i bstan sa la 'di rab tu byung nas dge slong ma gang gis de rab tu phyung ba'i dge slong ma de/ de bzhin gshegs pa dgra bcom pa yang dag par rdzogs pa'i sangs rgyas 'od srung gi </font><hr>Nya321a<br><font size=+1>


@#/ /nyan thos ma rdzu 'phrul che ba/ mthu che ba rnams kyi mchog tu bstan to/ /de na 'dis tshe ji srid par tshangs par spyod pa spyad na/ yon tan gyi tshogs 'ga' yang ma thob nas de'i 'og tu 'chi ba'i tshe smon lam 'di skad ces/ bdag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yon gnas bla na med pa 'od srung la tshe ji srid par tshangs par spyod par spyad na/ yon tan gyi tshogs 'ga' yang ma thob ste/ bdag gis tshe ji srid par tshangs par spyod pa spyad pa'i dge ba'i rtsa ba 'dis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od srung gis bram ze'i khye'u bla ma la bram ze'i khye'u khyod ma 'ongs pa'i dus na skye rgu'i tshe lo brgya thub pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das shAkya thub pa zhes bya bar 'gyur ro/ /zhes lung bstan pa de'i bstan pa la rab tu byung nas nyon mongs pa thams cad spangs pas dgra bcom pa nyid mngon du byed cing / ji ltar mkhan mo 'di/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od srung gis </font><hr>Nya321b<br><font size=+1>


nyan thos ma rdzu 'phrul che ba/ mthu che ba rnams kyi mchog tu bstan pa de bzhin du/ bdag kyang bcom ldan 'das shAkya thub pa/ shAkya seng+ge/ shAkya'i rgyal po'i gtso bo des nyan thos ma rdzu 'phrul che ba/ mthu che ba rnams kyi mchog tu bstan par gyur cig /ces gdab par brtsams pas/ smon lam de'i dbang gis da ltar de bzhin gshegs pas nyan thos ma rdzu 'phrul che ba/ mthu che ba rnams kyi mchog tu bstan to/ /yang dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa/ ut+pa la'i mdog gis las ci byas na/ de 'chol bar gyur/ bcom ldan 'das kyis bka' stsal pa/ dge slong dag /ut+pa la'i mdog nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur pa dag byas shing bsags pas/ ut+pa la'i mdog nyid kyis las byas shing bsags pa dag gzhan su zhig gis so sor myong bar 'gyur/ dge slong dag / las byas shing bsags pa dag ni/ phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang mi dge ba byas shing bsags pa dag ni/ zin pa'i phung po dang / khams dang / skye mched dag la rnam par smin par 'gyur te/ las rnams bskal pa brgyar yang ni/ / </font><hr>Nya322a<br><font size=+1>


@#/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag /sngon byung ba ri brag cig na/ 'di bud med smyan byed pa zhig tu gyur nas de na 'dis bu mang po dag ma lta bu dag dang lhan cig bsdus shing / ming po lta bu mang po dag kyang sring mo lta bu dag dang lhan cig bsdus pas las de'i rnam par smin pas de ltar 'chol bar gyur te/ dge slong dag /de ltar na/ las gcig tu na ga pa rnams kyi rnam par smin pa ni/ gcig tu nag pa yin la/ las gcig tu dkar pa rnams kyi rnam par smin pa yang gcig tu dkar ba yin la/ las 'dren ma rnams kyi rnam par smin pa yang 'dren ma yin no/ /dge slong dag /de lta bas na/ las gcig tu nag pa rnams dang / 'dren ma rnams spangs nas las gcig tu dkar ba rnams la brtsal bar bya ste/ dge slong dag /khyed kyis de ltar bslab par bya'o/ /ut+pa la'i mdog gi kun tu spyad pa ni/ bsod snyoms rgyas nas bsod snyoms kyi phud dang por dge 'dun la 'bul zhing / phyis gzhan du rgyus te bdag nyid za bar byed do/ /ji tsam dus gzhan zhig na de bsod snyoms la zhugs nas des bsod snyoms kyi phud dge 'dun la phul nas de'i 'og tu bdag nyid kyi don du rgyus pa dang / dge slong glo bur du 'ongs pa zhig bsod snyoms la zhugs pa na/ de spyod </font><hr>Nya322b<br><font size=+1>


yul la mi mkhas pas ci yang ma rnyed pa de/ ut+pa la'i mdog gis mthong nas smras pa/ 'phags pa/ ci yang ma rnyed dam/ 'phags ma/ ci yang ma rnyed do/ /des bdag nyid kyis bsod snyoms de/ bsod snyoms pa de la phul nas de'i zan chad par gyur to/ /nye dgas de mthong nas des bsam pa/ sring mo 'di ni/ dge 'dun la mngon par dad pa 'ba' zhig tu ma zad kyi/ gang zag la yang mngon par dad pa 'dra na/ 'di bgam par bya'o/ /snyam nas phyi de nyin par ut+pa la'i mdog bsod snyoms la zhugs nas des bsod snyoms kyi phud dge 'dun la phul nas bdag nyid kyi don du gnyis pa bsgrubs pa dang / nye dga' yang 'ongs nas smras pa/ 'phags ma/ rnyed pa cung zad yod dam/ des smras pa/ 'phags pa/ mchis na/ gsol na bzhed dam/ lha'i gnas kyi lha ji lta ba bzhin no/ /'phags pa/ gal te de lta na/ lhung bzed bzed du gsol/ des lhung bzed bzed pa dang / des bsod snyoms de de'i lhung bzed du phul lo/ /ut+pa la'i mdog nyi ma gnyis su zan chad pas nyam chung ba'i sbyor bas brgyal te sa la bsgyel ba dang ma dad pa dag gi glags rnyed nas shes ldan dag ut+pa la'i mdog 'di 'dod chags dang bral lo/ /zhes grag na/ shAkya gzhon nu gzugs bzang ba 'di mthong nas 'dod chags kyis brgyal te sa la bskyel bar gyur pa de ji lta bu zhes smod pa la zhugs pa'i skabs de/ dge slong rnams kyis bcom </font><hr>Nya323a<br><font size=+1>


@#/ /ldan 'das la gsol to/ /de nas bcom ldan 'das kyis byung ba 'di dang / gleng gzhi dang / skabs 'di la dge slong dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis nye dga' la rmas pa/ nye dga'/ khyod dge slong ma nye du ma yin pa lam po che na 'dug pa bsod snyoms kyi phyir grong du 'gro ba las bca' ba dang / bza' ba rang gi lag gis blangs te 'cha' zhing za ba bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste/ zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong ma nye du ma yin pa lam po </font><hr>Nya323b<br><font size=+1>


che na 'dug pas bsod snyoms kyi phyir grong du 'gro ba las bca' ba dang / bza' ba rang gi lag gis blangs te 'cha' 'am za na/ dge slong des phyi rol kun dga' ra bar song ste/ dge slong rnams la tshe dang ldan pa dag /bdag la smad pa'i gnas mi rigs pa so sor bshags par bya ba byung gi /chos de so sor 'chags so/ /zhes so sor bshags par bya ste/ chos 'di ni/ so sor bshags par bya ba'o/ /yang dge slong gang zhes bya ba ni/ shAkya'i bu nye dga'am/ gzhan yang de lta bu gang yin pa'o/ /dge slong ma zhes bya ba ni/ chos 'di pa'o/ /nye du ma yin pa zhes bya ba ni/ phyi mo dang / mes po dang / phrugs la brten pa'i bdun pa tshun chad ni/ nye du yin la/ de phan chad ni/ nye du ma yin no/ /lam po che na 'dug pa zhes bya ba ni/ srang du song ba'o/ /bsod snyoms kyi phyir grong du 'gro ba zhes bya ba la/ grong zhes bya ba ni/ gang na lam po che dang / srang dang / bzhi mdo dang / sum mdo dag yod pa'o/ /las zhes bya ba ni/ gan nas so/ /bca' ba dang / bza' ba zhes bya ba ni/ bca' ba lnga dang / bza' ba lnga'o/ /rang gi lag gis zhes bya ba ni/ lag gis lag tu'o/ /blangs te zhes bya ba ni/ byin len stobs su bcug ste'o/ /'cha' 'am za na zhes bya ba ni/ mgul du mid na'o/ /dge slong des zhes bya ba ni/ dge slong gang yin pa des so/ /phyi rol kun dga' ra bar song ste zhes bya ba ni/ grong gi </font><hr>Nya324a<br><font size=+1>


@#/ /phyi rol gtsug lag khang du song ste'o/ /dge slong rnams la zhes bya ba ni/ de na dge slong gang dag 'khod pa la'o/ /tshe dang ldan pa/ bdag la smad pa'i gnas zhes bya ba ni/ smad par bya ba'o/ /mi rigs pa zhes bya ba ni/ tshul dang mi mthun pa'o/ /so sor bshags par bya ba zhes bya ba ni/ mthol bar bya ba'o/ /byung gi zhes bya ba ni/ ltung ba byung gi'o/ /chos de zhes bya ba ni/ chos ma yin pa chos kyi sgrar gsungs pa de'o/ /so sor 'chags so/ /zhes bya ba ni/ mthol lo zhes so/ /so sor bshags par bya ste zhes bya ba ni/ mthol bar bya ste'o/ /chos 'di ni/ so sor bshags par bya'o zhes bya ba ni/ chos 'di ni/ mthol bar bya ba ste/ des na so sor bshags par bya ba'o/ /zhes gsungs so// //de la ltung bar ji ltar 'gyur zhe na/ dge slong gis dge slong ma nye du ma yin pa lam po che na 'dug pa bsod snyoms kyi phyir grong du 'gro ba las nye du ma yin par 'du shes pas bca' ba dang / bza' ba rang gi lag gis blangs te 'cha' 'am za na/ so sor bshags par bya bar 'gyur ro/ /nye du ma yin pa la yid gnyis za bas bca' ba dang / bza' ba rang gi lag gis blangs te 'cha' 'am za na/ so sor bshags par bya bar 'gyur ro/ /dge slong gis dge slong ma nye du lam po che na 'dug pa bsod snyoms kyi phyir grong du 'gro ba </font><hr>Nya324b<br><font size=+1>


las nye du ma yin par 'du shes par bca' ba dang / bza' ba rang gi lag gis blangs te 'cha' 'am za na/ nyes byas su 'gyur ro/ /nye du la yid gnyis za bas bca' ba dang / bza' ba rang gi lag gis blangs te 'cha' 'am za na/ nyes byas su 'gyur ro/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /dge slong ma las zas len pa'i so sor bshags par bya ba ste/ dang po rdzogs so// //'dul ba rnam par 'byed pa/ bam po gya gcig pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na mu ge nyam nga ba dgon pa slong mo pas zas rnyed par dka' zhing / pha ma dag kyang rang gi bu dag la zas sbyin pa dang bya bar sems pa dka' na/ slong mo pa dag la lta smos kyang ci dgos pa byung ngo / /drug sde dag /snga dro sham thabs bgos/ lhung bzed dang chos gos thogs te mnyan yod du bsod snyoms la zhugs pa dang / la la nas thob/ la la nas ma thob nas de dag bkres pas nyen nas bcu gnyis sde dag gis gan du dong ba dad de dag gis/ 'phags pa dag /bzhugs su gsol zhes stan dag bshams so/ /de dag 'khod pa dang / bcu gnyis sde dag gis rkang pa la phyag 'tshal te/ mdun du 'khong nas smras pa/ 'phags pa dag </font><hr>Nya325a<br><font size=+1>


@#/ /'tsho 'am/ sring mo dag /'di na ji ltar 'tsho/ kho bo cag bkres pas nyen to/ /'phags pa dag /gal te de lta nas sang spyon cig dang / zhal tshus gsol lo/ /sring mo dag /sang khyed kyis sbyin na/ gnangs su sbyin/ 'phags pa dag /bdag cag nyid kyis gsol lo/ /sring mo dag /de ltar 'tsho bar mi nus kyi/ 'di ltar sangs rgyas la sogs pa dge slong gi dge 'dun gang du spyan drangs pa der khyed cag gi zhal ta gyis la kho bo cag la yang dang yang du byin cig dang / de lta na kho bo cag 'tsho bar 'gyur ro/ /sbom dga' mos smras pa/ 'phags pa dag /de ltar bgyir rung ngam/ sring mo dag /legs par rung ngo / /shin tu rung ngo / /sus bkang / gang du bkag /des smras pa/ 'phags pa dag /gal te rung na/ ma nongs kyi/ de bzhin bgyi'o/ /de dag gis a rog gya zhes byas te dong ngo / /ji tsam na khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs pa dang / dge slong gi dge 'dun ni/ zhugs so/ /bcom ldan 'das ni/ rdzas las byung ba na bzhugs shing bsod snyoms mngon par bsgrubs so/ /sangs rgyas bcom ldan 'das rnams ni/ rgyu lngas rdzas las byung ba na bzhugs shing bsod snyoms mngon par sgrub par mdzad de/ lnga gang zhe na/ nang du yang dag </font><hr>Nya325b<br><font size=+1>


'jog bzhed pa dang / lha rnams la chos ston par bzhed pa dang / nad pa la lta bar bzhed pa dang / gnas mal la rtog par bzhed pa dang / 'dul ba la nyan thos rnams kyi bslab pa'i gzhi bca' par bzhed pa'o/ /don 'dir ni/ sangs rgyas bcom ldan 'das 'dul ba la nyan thos rnams kyi bslab pa'i gzhi bca' bar bzhed pas/ rdzas las byung ba na bzhugs shing bsod snyoms mngon par sgrub par mdzad do/ /khyim bdag de nang mi dang bcas pas dge slong gi dge 'dun la brim par brtsams pa dang / sbom dga' mo rgan pa'i mtha' logs su 'dug ste smras pa/ khyim bdag/ 'di ni/ 'phags pa dga' bo ste/ shAkya las rab tu byung ba/ sde snod gsum dang ldan pa/ chos sgrog pa/ rig pa dang grol ba'i spobs pa can yin gyi/ 'di la yang yang gsol cig /'di ni/ 'phags pa nye dga' bo/ 'di ni/ 'gro mgyogs so/ /'di ni/ nab so'o/ /'di ni/ 'dun pa ste/ 'di dag kyang / shAkya las rab tu byung ba/ sde snod gsum dang ldan pa/ chos sgrog pa/ rig pa dang grol ba'i spobs pa can yin gyi/ 'di dag la yang yang gsol cig /'di ni/ 'phags pa 'char ka ste/ bram ze'i 'dun na 'don gyi bu rab tu byung ba/ sde snod gsum dang ldan pa/ chos sgrog pa/ rig pa dang grol ba'i spobs pa can yin gyi/ 'di la yang yang gsol cig /khyim bdag des de bzhin du de dag la yang dang yang du byin no/ /de bzhin du sbom dga' mo 'brim </font><hr>Nya326a<br><font size=+1>


@#/ /mkhan dag la yang smras nas/ de dag gis kyang de bzhin du de dag la yang dang yang du byin no/ /de na dge slong kha cig la ni/ 'bras chan chad/ kha cig la ni/ tshod ma chad/ kha cig la ni/ bca' ba chad/ kha cig la ni/ bza' ba chad/ kha cig gis ni/ zan cung zad thob nas zan chad par gyur/ kha cig gis ni/ zan ma thob par zan chad par gyur to/ /de na dge slong gang dag 'ching ba mtha' dag yod pa de dag gis khyim bdag de la mtho brtsams pa/ khyim bdag /gal te khyod la 'byor pa med na/ ci'i phyir sangs rgyas la sogs pa dge slong gi dge 'dun spyan 'dren par byed/ des smras pa/ 'phags pa dag /bdag gis zhal zas mang po sta gon bgyis na/ sbom dga' mo bgres pa'i mtha' logs su mchis pas/ bgres pa'i mtha' logs 'ba' zhig tu yang dang yang du stob tu stsal pas/ de la bdag gis ji ltar bgyi zhes zer ba'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das rnams ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag </font><hr>Nya326b<br><font size=+1>


la rmas pa/ dge slong dag/ khyed kyis mi mdzes pa de lta bu de byas pa bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste/ zhes bya ba la sogs pa snga ma bzhin no/ nga'i nyan thos rnams kyi 'dul ba la bslab pa'i gzhi 'di ltar gdon par bya ste/ dge slong rab tu mang po khyim rnams su mgron du bos nas zan za ba'i tshe/ de na gal te dge slong ma zhig 'di la ni/ bca' ba byin cig /'di la ni/ 'bras chan byin cig /'di la ni/ sran tshod byin cig /'di la ni/ yang byin cig ces bsgo zhing 'dug na/ dge slong ma de la dge slong de rnams kyis 'di skad ces/ sring mo/ /khyod dge slong rnams zan za ba'i bar du re zhig sdod cig /ces bsgo bar bya'o/ /gal te dge slong gcig gis kyang dge slong ma de la de skad smra ma spobs na/ dge slong de dag thams cad kyis phyi rol kun dga' ra bar dong ste/ dge slong rnams la tshe dang ldan pa dag /bdag cag la smad pa'i gnas mi rigs pa </font><hr>Nya327a<br><font size=+1>


@#/ /so sor bshags par bya ba byung gi /chos de so sor 'chags so/ /zhes so sor bshags par bya ste/ chos 'di yang so sor bshags par bya ba'o/ /dge slong rab tu mang po zhes bya ba ni/ /gnyis las lhag pa ni/ rab tu mang po'o/ /khyim rnams su zhes bya ba ni/ bram ze dang / khyim bdag gi khyim rnams su'o/ /mgron du bos nas zhes bya ba ni/ zan gyi phyir ro/ /zan za ba'i tshe zhes bya ba ni/ bca' ba lnga dang / bza' ba lnga dag go /de na gal te dge slong ma zhig ces bya ba ni/ sbom dga' mo'am/ gzhan yang de lta bu gang yin pa'o/ /dge slong ma de la zhes bya ba ni/ sbom dga' mo'am/ gzhan yang de lta bu gang yin pa la'o/ /dge slong de rnams kyis zhes bya ba ni/ de na dge slong gang dag 'khod pa rnams kyis so/ /'di skad ces zhes bya ba ni/ 'di skad bsgo bar bya ba'o/ /sring mo/ khyod dge slong rnams zan za ba'i bar du re zhig sdod ces bsgo bar bya'o/ /zhes bya ba ni/ sring mo/ khyod dge slong rnams zan za ba'i bar du re zhig yud tsam zhig kha rog par sdod cig ces brjod par bya ba'o/ /gal te dge slong gcig gis kyang dge slong ma de la de skad smra ma spobs na zhes bya ba ni/ gal te dge slong gcig gis kyang dge slong ma de la de skad ma smras na'o/ /dge slong de dag thams cad kyis zhes bya ba ni/ de na dge slong gang dag 'khod pa de dag thams cad kyis </font><hr>Nya327b<br><font size=+1>


so/ /phyi rol kun dga' ra bar dong ste zhes bya ba ni/ grong gi phyi rol tu gtsug lag khang du dong ste'o/ /dge slong rnams la tshe dang ldan pa dag /bdag cag la smad pa'i gnas zhes bya ba ni/ smad par bya ba'o/ /mi rigs pa zhes bya ba ni/ tshul dang mi mthun pa'o/ /so sor bshags par bya ba ni/ mthol bar bya ba'o/ /byung gi zhes bya ba ni/ ltung ba byung gi'o/ /chos de zhes bya ba ni/ chos ma yin pa chos kyi sgrar gsungs pa de'o/ /so sor 'chags so/ /zhes bya ba ni/ mthol lo/ /zhes bya ba'o/ /so sor bshags par bya ste zhes bya ba ni/ mthol bar bya ste'o/ /chos 'di yang so sor bshags par bya ba'o/ /zhes bya ba ni/ chos 'di yang mthol bar bya ba ste/ des na so sor bshags par bya ba'o/ /zhes gsungs so/ /de la ltung bar ji ltar 'gyur zhe na/ dge slong rnams khang thog na zan za zhing gzhan dag par khang na zan za ba'i tshe/ de na gal te dge slong ma zhig bsgo zhing 'dug na/ dge slong de dag gis dge slong ma la bsgo bar bya'o/ /ma bsgo bar za na/ so sor bshags par bya bar 'gyur ro/ /gang dag par khang na za ba de dag gis dge slong ma de la bsgo'am zhes dri bar bya'o/ /ma dris par za na/ nyes byas su 'gyur ro/ /dge slong rnams 'og khang na zan za zhing gzhan dag sgo khang na zan za ba'i tshe/ de na gal te dge slong ma zhig bsgo zhing 'dug na/ dge slong de dag gis dge slong ma de la bsgo bar bya'o/ /ma bsgo bar za </font><hr>Nya328a<br><font size=+1>


@#/ /na| so sor bshags par bya bar 'gyur ro/ /gang dag sgo khang na za ba de dag gis dge slong ma de la bsgo'am zhes dri bar bya'o/ /ma dris par zos na/ nyes byas su 'gyur ro/ /dge slong kha cig zos te phyir phyung zhing gzhan dag nang du 'jug na/ de na gang dag nang du 'jug pa de dag gis dge slong ma de la bsgo'am zhes dri bar bya'o/ ma dris par za na/ nyes byas su 'gyur ro/ /de'i ngor mgron du bos pa dang / yang dag par 'dzin du 'jug pa la ltung ba med do/ /byug ris ston pa dang ma byin pa la sbyin du 'jug pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /gral rim du ma phebs par 'brim du 'jug pa ma bzlog par za ba'i so sor bshags par bya ba ste/ gnyis pa rdzogs so// //sangs rgyas bcom ldan 'das yangs pa can na spre'u rdzing gi 'gram khang pa brtsegs pa'i khang bzang na bzhugs so/ /gang gi tshe dmag dpon seng ges bcom ldan 'das kyis spyan snga nas bden pa dag mthong ba de'i tshe des cha gcig bzung nas 'di ltar khyu mchog rlabs po che'i tshig smras shing / 'khor gyi nang du seng ge'i sgra yang dag par bsgrags te deng phyin chad gcer bu pa dag dang / gcer bu ma dag dang / gcer bu pa'i nyan thos dag dang / gcer bu pa'i </font><hr>Nya328b<br><font size=+1>


nyan thos ma dag gi sgo ni/ bcad do/ /bcom ldan 'das kyi nyan thos dge slong dag dang / dge slong ma dag dang / dge bsnyen dag dang / dge bsnyen ma dag gi sgo ni/ phye'o/ /zhes bsgrags shing / zhing las kyi mtha' dag kyang kha na ma tho ba dang bcas pa yin no zhes yongs su btang ngo / /de dad pa dang ldan zhing bzang la dge ba'i bsam pa can te/ des sangs rgyas sam/ chos sam/ dge 'dun nam/ yid du 'thad pa'i dge slong rnams la ma phul ba'am/ yongs su ma btang ba ci yang med de/ des de ltar phul zhing yongs su btang bas/ longs spyod bsrabs shing yongs su zad de/ yongs su mthar thug par gyur to/ de'i skabs su tshe dang ldan pa shA ri'i bu dang / mo'u 'gal gyi bu chen po gnyis ljongs rgyu zhing 'dong ba na yangs pa can du phyin nas dmag dpon seng ges de gnyis khyim gzhan du zan la mgron du bos nas de de gnyis kyi zan sbyar ba'i phyir bdag nyid srang du song ba dang / gcer bu bdag gis mthong nas/ de dag shes ldan dag /gang gi tshe dmag dpon seng ges bdag cag la mngon par dad pa de'i tshe na/ 'di'i thams cad phun sum tshogs par gyur na/ de ltar shAkya'i bu'i dge sbyong dag la mngon par dad pas 'di la bcar med| bzar yang med de/ bdag nyid khyim gyi las byed do/ /zhes smod pa la zhugs pa'i skabs de/ dge slong rnams kyis bcom ldan 'das la gsol pa dang / bcom ldan </font><hr>Nya329a<br><font size=+1>


@#/ /'das kyis bka' stsal pa/ dge slong dag /khyed kyis dmag dpon seng ge dang / gzhan yang de lta bu gang yin pa la bslab pa'i sdom pa byin cig /'di ltar sbyin par bya ste/ gnas mal bshams pa byas nas gaN+DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa la dge slong gcig gis gsol ba 'ba' zhig gi las bya ste/ dge 'dun btsun pa rnams gsan du gsol/ dmag dpon seng+ge ni/ dad pa dang ldan zhing bzang la dge ba'i bsam pa can te/ des sangs rgyas sam/ chos sam/ dge 'dun nam/ yid du 'thad pa'i dge slong rnams la ma phul ba'am/ yongs su ma btang ba ci yang ma mchis te/ des de ltar phul zhing yongs su btang bas/ longs spyod bsrabs shing yongs su bas te yongs su mthar thug na/ gal te dge 'dun gyis dus la bab cing bzod na/ dge 'dun gyis gnang bar mdzod cig dang / dge 'dun gyis dmag dpon seng ge la bslab pa'i sdom pa stsal to/ /'di ni/ gsol ba'o/ /dge 'dun gyis gang la bslab pa'i sdom pa byin pa der/ dge slong gis khyim du 'gro bar mi bya/ stan la longs spyod par mi bya/ bsod snyoms bza' bar mi bya/ chos bstan par mi bya'o/ /bcom ldan 'das kyis gang la dge 'dun gyis bslab pa'i sdom pa byin </font><hr>Nya329b<br><font size=+1>


pa der dge slong gis khyim du 'gro bar mi bya/ stan la longs spyad par mi bya/ bsod snyoms bza' bar mi bya/ chos bstan par mi bya'o/ /zhes bka' stsal nas tshe dang ldan pa shA ri'i bu dang / mo'u dgal gyi bu gnyis sngar mgron du bos pa yang de'i khyim du ma dong ngo / /de na dmag dpon seng+ges kha zas sta gon byas nas tshe dang ldan pa shA ri'i bu dang / mo'u dgal gyi bu chen po gnyis ga la ba der song ste phyin nas tshe dang ldan pa shA ri'i bu dang / mo'u dgal gyi bu gnyis kyi rkang pa la mgo bos phyag 'tshal te 'di skad ces smras so/ /'phags pa gnyis/ gdugs tshod g.yar dgongs 'tshal na| da de'i dus la bab par dgongs su gsol/ de gnyis kyis smras pa/ khyim bdag /khyod la dge 'dun gyis bslab pa'i sdom pa byin gyi/ mi 'gro'o/ /des smras pa/ 'phags pa gnyis/ bdag gis khyed gnyis sngar spyan drangs kyi/ gshegs su gsol/ de gnyis kyis smras pa/ khyim bdag /'o na bcom ldan 'das la zhu'o/ /zhes de gnyis kyis skabs de/ bcom ldan 'das la rgyas par gsol ba dang / bcom ldan 'das kyis bka' stsal pa/ sngar mgron du bos pa gang yin pa des bza' bar bya ste/ 'di la 'gyod par mi bya'o/ /de gnyis dmag dpon seng+ge'i khyim du 'phags pa dang drug sde dag gis de gnyis mthong nas de dag gis smras pa/ khyed gnyis gar bzhud/ dmag dpon seng+ge'i khyim du'o/ /de la dge 'dun gyis bslab pa'i sdom pa </font><hr>Nya330a<br><font size=+1>


@#/ /ma byin nam/ gang la byin pa de la byin gyi/ kho bo cag gnyis sngar mgron du bos so/ /gal te de lta na kho bo cag ches sngar mgron du bos te/ gang gi tshe dmag dpon seng+ge'i bcom ldan 'das kyi spyan snga nas bden pa dag mthong ba de'i tshe na/ des cha gcig bzung nas 'di ltar khyu mchog rlabs po che'i tshig smras shing / 'khor gyi nang du seng+ge'i sgra yang dag par bsgrags te/ deng phyin chad gcer pu pa dag dang / gcer bu ma dag dang / gcer bu pa'i nyan thos dag dang / gcer bu ma'i nyan thos ma dag gi sgo ni/ bcad do/ /bcom ldan 'das kyi nyan thos dge slong dag dang / dge slong ma dag dang / dge bsnyen dag dang / dge bsnyen ma dag gi sgo ni/ phye'o/ /zhes bsgrags pas de'i phyir kho po cag ches sngar mgron du bos so/ /de gnyis cang mi smra bar dong ba dang / de dag kyang de gnyis kyi phyi bzhin du 'brang ba na/ dmag dpon seng ges dge slong rab tu mang po dag 'ong ba mthong nas mchog tu dga' ba bskyed de khyim mi la dgos pa gang dag yin pa de dag kyang dge slong rnams la brims so/ /de dag gis zos te dong ba dang / de'i bu dag gis zas bslang bar brtsams pa na/ des smras pa/ bu/ bdag gis khyim mi la dgos pa gang yin pa de dag kyang dge slong rnams la brims kyi/ gzhan sgrub kyi bar du re zhig sdod cig /de </font><hr>Nya330b<br><font size=+1>


dag gis du bar brtsams pa thos nas dge slong don nyung ba dag /ci'i phyir dge slong dag slob pa dag gi khyim gang dag dge 'dun gyi bslab pa'i sdom pas bsdams pa dag tu sngar mgron du ma bos par dong ste rang gis lag gis bca' ba dang / bza' ba blangs nas 'cha' bar byed/ za bar byed ces smod par byed/ 'phyar kha gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng bzhi 'di dang / skabs 'di la dge slong gi dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das ni/ khyim bzhin du rmed par mdzad pa ste/ zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la rmas pa/ dge slong dag /khyed slob pa dag gi khyim gang dag dge 'dun gyi bslab pa'i sdom pas bsdams pa de dag tu sngar mgron du ma bos par dong ste rang gi lag gis bca' ba dang / bza' ba blangs nas 'cha' zhing za ba bden nam/ btsun pa/ med do/ /sangs rgyas bcom ldan 'das kyis dge sbyong gi tshal ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' </font><hr>Nya331a<br><font size=+1>


@#/ /stsal pa/ dge slong dag /de lta bas na/ phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste/ zhes bya ba la sogs pa snga ma bzhin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ slob pa dag gi khyim gang dag dge 'dun gyi bslab pa'i sdom pas bsdams par gyur la/ yang dge slong gang slob pa dag gi khyim gang dag dge 'dun gyi bslab pa'i sdom pas bsdams pa de lta bu dag tu sngar mgron du ma bos par song ste rang gi lag gis bca' ba dang / bza' ba blangs nas 'cha' 'am za na/ dge slong de phyi rol kun dga' ra bar song ste dge slong rnams la tshe dang ldan pa dag /bdag la smad pa'i gnas/ mi rigs pa/ so sor bshags par bya ba byung gi /chos de so sor 'chags so/ /zhes so sor bshags par bya ste/ chos 'di yang so sor bshags par bya ba'o/ /gang gi tshe bcom ldan 'das kyis 'dul ba la nyan thos rnams kyi bslab pa'i gzhi 'di ltar bca' ba mdzad pa de'i tshe na/ dge slong 'ga' yang dmag dpon seng+ge'i khyim du mi 'gro'o/ /de nas dmag dpon seng+ge'i chung mas dmag dpon seng+ge la 'di skad ces smras so/ /rje'i sras/ mkhyen par mdzod cig /dge 'dun gyis skol cag la bslab pa'i sdom pa stsal nas dge slong 'ga' yang mi mchi bas/ don gyis dge 'dun </font><hr>Nya331b<br><font size=+1>


gyis tshul shing gis bkol gyi/ dge slong rnams kyi bshos shin tu bkag kyang gdan gyi longs spyod dang / chos ston pa la nongs pa ci mchis zhes zer ba'i skabs de/ dge slong rnams kyi bcom ldan 'das la gsol pa dang / bcom ldan 'das kyis bka' stsal pa/ de lta bas na/ dge slong dag gis dmag dpon seng ge'i khyim du 'gro bar bya/ stan la longs spyod par bya/ chos ston par bya zhing / bsod snyoms blang pa ni/ mi bya'o/ /dge slong dag /lhung bzed stong pa kho nas dang por de'i khyim du 'jug cing byung nas dmag dpon seng ge'i chung mas de mthong ba dang / sngon ni/ 'phags pa 'di dag lhung bzed stong pa kho nas dang por bdag gi khyim du zhugs nas lhung bzed gang ba dang / lag pa gang ba dag gis 'byung na/ da ni/ lhung bzed stong pa dang / lag pa stong pa dag gis 'byung ngo / /zhes ngu bar brtsams pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ dge slong dag gis lhung bzed stong pa kho nas dang por de'i khyim du 'jug par mi bya'o/ /dge slong dag gis bsod snyoms rgyus nas lhung bzed gang bas de'i khyim du 'jug par brtsams pa dang / de'i bu byis pa khye'u dag bca' ba dag slong ba na/ dge slong rnams kyis ma byin nas bcom ldan 'das kyis bka' stsal pa/ sbyin par bya'o/ /dge slong dag gis ril po sbyin </font><hr>Nya332a<br><font size=+1>


@#/ /par brtsams pa dang / byis pa khye'u dag gis blangs nas 'cha' zhing phyir byung ba gcer bu pa dag gis mthong nas dris pa/ khye'u dag /khyed cag gis bca' ba ga las rnyed/ 'phags pa dag gis byin no/ /ma nyes so/ /bum pas bum pa 'gengs te/ khyod kyang de dag la sbyin la de dag kyang khyod la sbyin no/ /zhes zer ba'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ dge slong dag gis bca' ba ril por mi sbyin par dum bur byas te sbyin par bya'o/ /ji tsam dus gzhan zhig na dmag dpon seng ge'i chung mas dge slong 'ongs pa rnams la ga gon dang la phug la sogs pa 'bras bu dang / rtsa ba dag dang / ldam ldum la sogs pas tshod ma dag phul ba dang / dge slong dag mi len nas des smras pa/ 'phags pa dag /'di dag gis bdag cag gis mdzod dang / bang ba dag bas par 'gyur ram ci/ bzhes shig /ces zer ba'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ dge slong dag gis ga gon dang la phug la sogs pa 'bras bu dang / rtsa ba dang / ldam ldum la sogs pa tshod ma khyim nas 'byung ba blang bar bya'o/ /de'i tshe na yangs pa can gyi li tsa byi dag dpong sa'i khang </font><hr>Nya332b<br><font size=+1>


pa na gtam 'dre zhing 'khod pa de dag gis dge slong de dag dmag dpon seng ge'i khyim nas 'byung ba mthong nas de na gang dag ma dad pa de dag gis smras pa/ shes ldan dag /gang gi tshe dmag dpon seng ge dge sbyong go'u ta ma la mngon par dad par gyur pa de tshun chad nas de'i longs spyod dag bsrabs pa dang / yongs su zad pa dang / yongs su gtugs par gyur to/ /dad pa can dag gis smras pa/ shes ldan dag /gang bcom ldan 'das la mngon par dad pa de'i longs spyod dag bsrabs pa dang / yongs su zad pa dang / yongs su gtugs par ga la 'gyur/ 'di ltar dmag dpon seng ges ni/ bcom ldan 'das kyi spyan snga nas bden pa dag mthong nas des zhing las kyi mtha' dag kha na ma tho ba dang bcas pa yin no/ /zhes rgyun bcad pas des na/ de'i longs spyod bsrabs pa dang / yongs su zad pa dang / yongs su gtugs par gyur to/ /yangs pa can gyi li tsa byi dag gis gros byas nas dmag dpon seng ge'i zhing pa dag la smras pa/ shes ldan dag /khyed ci'i phyir dmag dpon seng ge'i zhing las kyi mtha' dag mi byed/ gla ma thob bam ci/ de dag gis smras pa/ shes ldan dag /gla ma thob pa ma yin te/ dmag dpon gyis bdag cag bkag na/ ji ltar bya/ khyed cag la tshogs kyis bsko'i/ dengs la dmag dpon gyi zhing las kyi mtha' dag gyis shig /de dag gis yangs pa can gyi li tsa byi </font><hr>Nya333a<br><font size=+1>


@#/ /dag gi tshogs kyis dmag dpon seng ge'i zhing las kyi mtha' dag bya bar brtsams pa dang / lhas dus su char gyi rgyun legs par phab nas lo tog gi 'byor pa chen po skyes par gyur to/ /dmag dpon seng ge yang longs spyod dag gis mtho bar gyur nas de bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go /mtha' gcig tu 'dug nas bcom ldan 'das la dmag dpon seng ges 'di skad ces gsol to/ /btsun pa/ sngon bdag gis longs spyod dag bsrabs pa dang / yongs su bas pa dang / yongs su gtugs par gyur pas dge 'dun don bzhed pa/ phan pa bzhed pas bdag la bslab pa'i sdom pa stsal na/ da ni/ yangs pa can gyi li tsa byi'i tshogs kyis bdag gi longs spyod bsgrubs nas longs spyod dag 'phel bar gyur na/ bcom ldan 'das kyis thugs brtse ba'i slad du bdag la bslab pa'i sdom pa gzhig pa mdzad na legs so/ /bcom ldan 'das kyis dmag dpon seng ge la cang mi gsung bas gnang ngo / /de nas dmag dpon seng ges/ bcom ldan 'das kyis cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /de nas </font><hr>Nya333b<br><font size=+1>


bcom ldan 'das kyis dge slong rnams la bka' stsal pa/ dge slong dag /dmag dpon seng ge dang / gzhan yang de lta bu gang yin pa'i bslab pa'i sdom pa gzhig par bya'o/ / 'di ltar gzhig par bya ste/ gnas mal bshams pa byas nas gan+DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa na/ dmag dpon seng ges phyag byas te rgan pa'i mtha' logs su tsog tsog por 'dug nas thal mo sbyar te 'di skad ces brjod par bya'o/ /dge 'dun btsun pa rnams gsan du gsol/ bdag dmag dpon seng ge dad pa dang ldan zhing bzang la dge ba'i bsam pa can te/ bdag gis 'di lta ste/ sangs rgyas sam/ chos sam/ dge 'dun nam/ yid du 'thad pa'i dge slong rnams la ma phul ba'am/ yongs su ma btang ba ci yang ma mchis te/ bdag gis de ltar yongs su btang bas longs spyod bsrabs shing yongs su bas te/ yongs su mthar thug nas dge 'dun don bzhed pa/ phan pa bzhed pas bdag la bslab pa'i sdom pa stsal ba las/ bdag dmag dpon seng ges yang longs spyod 'phel nas dmag dpon seng ges bslab pa'i sdom pa stsal pa/ bslab pa'i sdom pa gzhig par gsol na/ thugs brtse ba can dge 'dun btsun pa rnams kyis thugs brtse ba'i slad du bdag la bslab pa'i sdom pa gzhig </font><hr>Nya334a<br><font size=+1>


@#/ /bstsal du gsol/ de skad lan gnyis lan gsum du bzlas so/ /de nas dmag dpon seng ge thos pa'i nye 'khor nas bkar te mthong ba'i nye 'khor du bzhag nas/ dge slong gcig gis gsol ba 'ba' zhig gi las bya'o/ /dge 'dun btsun pa rnams gsan du gsol/ dmag dpon seng ge de ni/ dad pa dang ldan zhing bzang la dge ba'i bsam pa can te/ des sangs rgyas sam/ chos sam/ dge 'dun nam/ yid du 'thad pa'i dge slong rnams la ma phul ba'am/ yongs su ma btang ba ci yang ma mchis te/ des de ltar phul zhing yongs su btang bas longs spyod bsrabs shing yongs su bas te/ yongs su mthar thug nas de la dge 'dun don bzhed pa/ phan pa bzhed pas bslab pa'i sdom pa stsal pa las/ dmag dpon seng ge de yang longs spyod 'phel te/ dmag dpon seng+ges bslab pa'i sdom pa stsal pa/ dge 'dun las sdom pa gzhig pa gsol na/ gal te dge 'dun gyis dus la bab cing bzod na/ dge 'dun gyis gnang bar mdzod cig dang / dge 'dun dmag dpon seng ge la bslab pa'i sdom pa gzhig par mdzad do/ /'di ni/ gsol ba'o/ /dge 'dun gyis gang la bslab pa'i sdom pa gzhig pa der dge slong rnams kyis 'gro bar bya/ stan la longs spyod par bya/ bsod snyoms </font><hr>Nya334b<br><font size=+1>


blang bar bya/ chos bstan par bya'o/ /slob pa dag gi zhes bya ba la/ slob pa dag ces bya ba ni/ rgyun tu zhugs pa dag dang / lan gcig phyir 'ong ba dag dang / phyir mi 'ong ba dag go /khyim gang dag ces bya ba ni/ bram ze dang / khyim bdag gi khyim dag go /dge 'dun gyi zhes bya ba ni/ de bzhin gshegs pa'i nyan thos kyi dge 'dun gyi'o/ /bslab pa'i sdom pas bsdams par gyur la zhes bya ba ni/ gsol ba'i las kyis so/ /yang dge slong gang zhes bya ba ni/ drug sde'am/ gzhan yang de lta bu gang yin pa'o/ /slob pa dag gi khyim gang dag dge 'dun gyis bslab pa'i sdom pas bsdams pa de lta bu dag tu zhes bya ba ni/ ji skad bstan pa lta bu dag tu'o/ /sngar mgron du ma bos par zhes bya ba ni/ sngar ma bsdams par ro/ /song ste zhes bya ba ni/ song nas so/ /rang gi lag gis zhes bya ba ni/ lag pas lag par ro/ /bca' ba dang / bza' ba zhes bya ba ni/ bca' ba lnga dang / bza' ba lnga'o/ /blang zhes bya ba ni/ byin len stob tu bcug nas so/ /'cha' 'am za na zhes bya ba ni/ mgul du mid na'o/ /dge slong des zhes bya ba ni/ dge slong gang yin pa des so/ /phyi rol kun dga' ra bar song ste zhes bya ba ni/ gong gi phyi rol gtsug lag khang du song ste'o/ /dge slong rnams la zhes bya ba ni/ de na dge slong gang dag 'khod pa rnams so/ /tshe dang ldan pa dag /bdag la smad pa'i gnas zhes bya ba </font><hr>Nya335a<br><font size=+1>


@#/ /ni smad par bya ba'o/ /mi rigs pa zhes bya ba ni tshul dang mi mthun pa'o/ /so sor bshags par bya ba zhes bya ba ni mthol bar bya ba'o/ /byung gi zhes bya ba ni ltung ba byung gi'o/ /chos de zhes bya ba ni chos ma yin pa chos kyi sgrar gsungs pa de'o/ /so sor 'chags so/ /zhes bya ba ni mthol lo/ /zhes so/ /so sor bshags par bya ba ste zhes bya ba ni mthol bar bya ste'o/ /chos 'di yang so sor bshags par bya ba'o/ /zhes bya ba ni chos 'di yang mthol bar bya ba ste/ des na so sor bshags par bya ba'o/ /zhes gsungs so/ /de la ltung bar ji ltar 'gyur zhe na/ dge slong gis ji tsam cung zad slob pa dag gi khyim gang dag dge 'dun gyis bslab pa'i sdom pas bsdams pa de lta bu dag tu sngar mgron du ma bos par song ste rang gi lag gis bca' ba dang / bza' ba blangs nas 'cha'am za na/ thams cad du so sor bshags par bya bar 'gyur ro/ /sngar mgron du bos pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab pa dral te khyim du 'jug pa'i so sor bshags par bya ba ste/ gsum pa rdzogs so// //sangs rgyas bcom ldan 'das ser skya'i gnas na/ ser skya'i gnas kyi nags su dbyar gnas </font><hr>Nya335b<br><font size=+1>


par zhal gyis bzhes so/ /bcom ldan 'das kyis dge slong rnams kyis zhag bdun nam brgyad na dgag dbye 'byung bar 'gyur na spyod yul gyi grong du zhag 'di snyed na dgag dbye 'byung bar 'gyur zhes brjod par bya'o/ /zhes bka' stsal nas dge slong rnams kyis dong ste brjod do/ /de nas ser skya'i gnas na gnas pa'i shAkya dag /de nyid kyi dgag dbye bco lnga pa la bcom ldan 'das ga la ba der dong ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas bcom ldan 'das ser skya'i gnas na gnas pa'i shAkya rnams la chos dang ldan pa'i bka' mchid kyis yang dag par ston par mdzad/ yang dag par 'dzin du 'jug par mdzad/ yang dag par gzengs bstod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas cang mi gsung ngo / /de nas ser skya'i gnas na gnas pa'i shAkya rnams bcom ldan 'das kyis bka' stsal pa la mngon par dga' ba dang / rjes su yi rang ba byas nas bcom ldan 'das la 'di skad ces gsol to/ /bcom ldan 'das dge slong gi dge 'dun dang bcas pas sang 'di nyid du bdag cag gi gdugs tshod gsol bar ci gnang / sang dge slong 'gas kyang bsod snyoms la 'jug par mi bgyi ste/ bdag cag </font><hr>Nya336a<br><font size=+1>


@#/ /bsod snyoms 'tshal te mchi zhing / bcom ldan 'das nyan thos kyi dge 'dun dang bcas pa la rang gi sug pa nas tshim zhing stob par bgyid do/ /bcom ldan 'das kyis ser skya'i gnas na gnas pa'i shAkya rnams la cang mi gsung bas gnang ngo / /de nas ser skya'i gnas na gnas pa'i shAkya rnams kyis bcom ldan 'das kyis cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas dong ngo / /de dag gis ser skya'i gnas su dong ste de nyid kyi mtshan mo bca' ba dang / bza' ba gtsang zhing bsod pa dag sta gon byas nas/ de nas nang par sngar langs te bca' ba dang / bza' ba dag gis shing rta dag bkang nas shAkya mo rnams la smras pa| khyed cag je shing rta dag zhon la dengs shig dang / kho bo dag kyang phyi bzhin 'ong ngo / /de dag rgyan thams cad kyis brgyan te shing rta dag la zhon nas 'phags so/ /ser skya'i gnas kyi nye 'khor thibs po yin pas/ de dag lam kar chom rkun pa dag gis mthong nas de dag gis smras pa/ shes ldan dag /shAkya mo dag rgyan thams cad kyis brgyan pa 'di dag 'dong gi/ tshur shog /gzhom mo/ /chom rkun pa'i dmag dpon gyis smras pa/ shes ldan dag /'dong du zad mod/ khyed cag la 'di dag bcom pas ci bya/ shAkya gdug pa pha rol gnon pa </font><hr>Nya336b<br><font size=+1>


dag gnod par byed par 'gyur gyi/ thong zhig /de dag gis smras pa/ dmag dpon/ zla ba'i rgyab sus mthong / gzhom mo/ /zhes de dag gis de'i tshig tshig ma yin par byas te de dag bcom nas gos dang / rgyan thams cad 'phrog ste dong ngo / /shAkya mo de dag kyang 'jigs shing skrag nas sgren mor tshang tshing dang / nags ma dag gi nang du yib ste 'khod do/ /shing rta 'ded pa dag kyang skrag nas byer ro/ /glang dag kyang chu thag bcad nas ci dgar yan cing 'khod do/ /shing rta dag kyang shing rta'i mnga' dang bral te 'dug go /drug sde dag gis phan tshun gros bya bar brtsams pa/ dga' bo nye dga'/ shAkya bag med pa dag yun ring du thogs pas bdag cag gis zan gcad par bya'am ci/ bsod snyoms la 'dong ngo / /de ltar bya'o/ /zhes de dag lhung bzed dang chos gos thogs te/ 'phags pa dang / ji tsam na lam ga na shing rta bca' ba dang / bza' bas gang ba shing rta'i mda' dang bral ba dag 'dug pa dang / glang dag chu thag bcad de/ ci dgar yan cing 'khod pa dag mthong nas de dag gis phan tshun rnam par bltas nas 'bod par brtsams pa/ shes ldan dag /'di na su 'khod/ de dag gis skad phyung ba dang / drug sde dag gis smras pa/ khyed cag su yin/ 'phags pa dag /bdag cag shAkya mo dag go /tshur shog /kho bo cag la brims shig /'phags pa dag /bdag cag </font><hr>Nya337a<br><font size=+1>


@#/ /chom rkun pa dag gis bcom ste sgren mor mchis so/ /kho bo cag gdugs tshod yol gyi/ tshur sheg /khyed cag gi yan lag dang / nying lag dag las kho bo cag gi sngon ma mthong ba gang yod tshur sheg /de dag lo ma dag gis g.yogs te byung nas brim par brtsams pa dang / drug sde dag gis smras pa/ dga' bo nye dga'/ ltos shig /ltos shig /shAkya mo 'di dag mig ci 'dra/ sna ci 'dra/ mchu ci 'dra/ nu ma ci 'dra/ lag pa ci 'dra/ rked pa ci 'dra/ rkang pa ci 'dra ltos shig /de dag de ltar gtses pa na ngo tsha nas tshang tshing dang / nags ma de dag nyid kyi nang du yib ste 'khod do/ /sel ba dag gis kyang shAkya rnams la shAkya mo rnams bcom mo/ /zhes sbran pa dang / de nas shAkya dag mda' gzhu lag na thogs shing mtshon bzas pa dag gis lam kar dong ste lam bgags nas de dag gis chom rkun pa de dag bzung ngo / /de nas kha cig gis smras pa/ 'di dag la btang snyoms byar ci yod/ gsad do/ /kha cig gis smras pa/ re zhig der khrid la shAkya mo rnams la dris te/ gang la yan lag gang gis nyes pa byas pa de'i de gcad par bya'o/ /de dag gis de dag khrid nas shAkya mo rnams kyi gan du dong ste smras pa/ tshur sheg /chom rkun pa 'di dag las gang gis khyed cag la yan lag gang gis nyes pa byas </font><hr>Nya337b<br><font size=+1>


pa smros shig /de dag gis smras pa/ chom rkun pa'i dmag dpon 'di ni/ nyes pa med pa/ gnod pa mi byed pa yin te/ 'dis de dag bzlog na/ de dag ma btub pas 'di ni/ thong zhig /de dag gis de btang ngo / /de srog de'u chad pa las phyir thob nas des de dag gi rkang pa la gtugs te smras pa/ shes ldan dag /khyed cag dad pa skyes te sangs rgyas la sogs pa dge slong gi dge 'dun la gdugs tshod gsol du 'gro ba yin na/ 'di dag bsad pas khyod la ci bya/ nyes pa 'di dag kyang gtang bar gsol/ de dag las bcom pa'i rdzas dag phyir bkug ste btang ngo / /de nas shAkya de dag gis shAkya mo de dag gos bskon cing rgyan thogs su bcug nas shing rta dag kyang chu thag btags te/ shing rta la zhon nas bcom ldan 'das kyi spyan sngar dong ngo / /bcom ldan 'das dge slong gi dge 'dun gyi gong du gdan bshams pa nyid la bzhugs pa dang / shAkya dang / shAkya mo rnams kyis sangs rgyas la sogs pa dge slong gi dge 'dun la brim par brtsams so/ /shAkya mo rnams drug sde dag la zas mi sbyin nas shAkya rnams kyis smras pa/ ci'i phyir 'phags pa dag la zhal zas mi gsol/ de dag gis smras pa/ 'di dag gis zos zin to/ /gang du gsol/ de nyid du'o/ /sus brims/ kho mo cag gis so/ /khyed cag sgren mo dag gis ji ltar brims/ de'i phyir 'di dag gis kho mo cag mtho btsams te ji ltar kho mo cag lo ma dag gis g.yogs te </font><hr>Nya338a<br><font size=+1>


@#/ /tshang tshing dang / nags ma dag gi nang nas byung ste brim par brtsams pa dang / 'di dag gis mtho btsams te 'di ltar brjod par bya ba mang du yod do/ /de ni/ 'jal gyi/ 'di dag ni/ gnas ngan len kun tu spyod pa yin gyi/ 'di dag la zas mi sbyin no/ /de dag cang mi smra bar 'khod do/ /de nas de dag gis dge slong gi dge 'dun la brims nas smras pa/ 'phags pa dag /kye ma khyod kyis lam 'di 'jigs pa dang bcas pa yin no/ /zhes bka' stsal na/ bdag cag bag bgyid cing mchi'o/ /zhes zer ba'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ dge slong nags nyul ba bsko bar bya ste/ dge slong nags nyul ba chos lnga dang ldan pa ni/ ma bskos pa yang bsko bar mi bya la/ bskos pa yang dbyung bar bya ste/ lnga gang zhe na/ 'dun pas 'gro ba dang / zhe sdang gis 'gro ba dang / gti mug gis 'gro ba dang / 'jigs pas 'gro ba dang / nags byul ba dang ma byul ba mi shes pa'o/ /nags nyul ba chos lnga dang ldan pa ni/ ma bskos pa yang bsko bar bya ba la/ bskos pa yang dbyung bar mi bya'o/ /lnga gang zhe na/ 'dun pas mi 'gro ba dang / zhe sdang gis mi 'gro ba dang / gti mug gis mi 'gro ba dang / 'jigs pas mi </font><hr>Nya338b<br><font size=+1>


'gro ba dang / nags byul ba dang ma byul ba shes pa'o/ /'di ltar bsko bar bya ste/ gnas mal bshams pa byas nas gan+DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pas de dang por spro bar bya ste/ ming 'di zhes bya ba khyod dge 'dun gyi nags nyul bar spro'am/ gal te spro na /des spro'o/ /zhes brjod par bya'o/ / de nas dge slong gcig gis gsol ba byas te las bya'o/ /dge 'dun btsun pa rnams gsan du gsol/ dge slong ming 'di zhes bgyi ba 'di/ dge 'dun gyi nags nyul bar spro na/ gal te dge 'dun gyis dus la bab cing bzod na/ dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba dge 'dun gyis nags nyul bar bsko ste/ dge slong nags nyul ba ming 'di zhes bgyi ba 'di/ dge 'dun gyi nags nyul lo/ /'di ni/ gsol ba'o/ /las ni/ 'di ltar bya ste/ dge 'dun btsun pa rnams gsan du gsol/ dge slong ming 'di zhes bgyi ba 'di/ dge 'dun gyi nags nyul bar spro na/ de'i slad du dge 'dun gyis ming 'di zhes bgyi ba nags nyul bar bskos te/ ming 'di zhes bgyi ba 'di/ dge 'dun gyi nags nyul na/ tshe dang ldan pa gang dag ming 'di zhes bgyi ba nags nyul bar bsko bar bzod pa de dag ni/ cang ma gsungs shig /gang dag mi bzod pa dag ni/ gsungs shig /dge 'dun gyis bzod cing gnang </font><hr>Nya339a<br><font size=+1>


@#/ /nas dge 'dun gyis dge slong ming 'di zhes bgyi ba nags nyul bar bskos lags/ ming 'di zhes bgyi ba 'di/ dge 'dun gyi nags nyul te/ 'di ltar cang mi gsung bas de de bzhin du 'dzin to/ /ngas dge slong nags nyul ba'i kun tu spyod pa'i chos dag bca' bar bya ste/ dge slong nags nyul bas dpag tshad phyed nas bzung ste/ khor khor yug tu nags byul bar bya'o/ /bcom ldan 'das kyis dge slong nags nyul bas dpag tshad phyed nas bzung ste khor khor yug tu nags byul bar bya'o/ /zhes bka' stsal nas/ de lam gyis dub cing gcig pu 'jigs par gyur nas bcom ldan 'das kyis bka' stsal pa/ de gal te 'dod na/ khye'u sus sbyin par bya zhing / grogs kyang sbyin par bya'o/ /gal te nags 'jigs pa dang bcas pa nyid yin na/ des dung brda gtul bar bya'o/ /ba dan sngon po bsgreng bar bya'o/ /'dab ma'i chang bu dag lam gar gzhag par bya'o/ /gal te nags 'jigs pa med pa nyid yin na/ ba dan dkar po bsgreng bar bya'o/ /dge slong nags nyul bas kun tu spyod pa'i chos ji ltar bcas pa yang dag par blangs te 'jug par mi byed na/ 'gal tshabs can du 'gyur ro/ /dge slong don nyung ngu dag /ci'i phyir dge slong nags sngar ma byul bar kun dga' ra ba'i phyi rol du bca' ba dang / bza' ba blangs te 'cha' zhing za zhes smod </font><hr>Nya339b<br><font size=+1>


par byed/ 'phyar kha gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong ge dge 'dun bsdu ba mdzad do/ /zhes bya ba la sogs pa snga ma bzhin no/ /sangs rgyas bcom ldan 'das ni/ mkhyen bzhin du rmed par mdzad pa ste zhes bya ba la sogs pa yang snga ma bzhin te/ sangs rgyas bcom ldan 'das kyis drug sde dag la rmas pa/ dge slong dag /khyed sngar nags ma byul bar kun dga' ra ba'i phyi rol du bca' ba dang / bza' ba blangs te 'cha' zhing za ba bden nam/ btsun pa/ mad do/ /sangs rgyas bcom ldan 'das kyis dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no/ /zhes rnam par smad pa mdzad do/ /de nas bcom ldan 'das kyis rnam grangs du mas rnam par smad nas dge slong rnams la bka' stsal pa/ dge slong dag /de lta bas na/ phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' bar bya ste zhes bya ba la sogs pa snga ma bzhin no/ /nga'i nyan thos rnams kyi 'dul ba la bslab pa'i gzhi 'di ltar gdon par bya ste/ dge 'dun gyi gnas mal dgon pa gang dag dogs pa dang bcas par grags pa/ 'jigs pa tha dad pas 'jigs su rung ba dang </font><hr>Nya340a<br><font size=+1>


@#/ /bcas par grags par gyur la/ yang dge slong gang dge 'dun gyi gnas mal dgon pa gang dag dogs pa dang bcas par grags pa/ 'jigs pa dang bcas par grags pa/ 'jigs pa tha dad pas 'jigs su rung ba dang bcas par grags pa de lta bu dag tu sngar ma byul bar kun dga' ra ba'i phyi rol tu bca' ba dang / bza' ba blangs te 'cha'am za na/ dge slong des phyi rol kun dga' ra bar song ste/ dge slong rnams la tshe dang ldan pa dag /bdag la smad pa'i gnas/ mi rigs pa/ so sor bshags par bya ba byung gi /chos de so sor 'chags so| |zhes so sor bshags par bya ste/ chos 'di yang so sor bshags par bya ba'o/ /dge 'dun gyi zhes bya ba ni/ de bzhin gshegs pa'i nyan thos kyi dge 'dun gyi'o/ /gnas mal dgon pa gang dag ces bya ba la/ dgon pa zhes bya ba ni/ rdul phra rab drug la rdul phra mo gcig go /rdul phra mo drug la chu rdul gcig go /chu rdul drug la lcags rdul gcig go /lcags rdul drug la ri bong rdul gcig go /ri bong rdul drug la lug rdul gcig go/ /lug rdul drug la glang rdul gcig go /glang rdul drug la nyi zer gyi rdul gcig go /nyi zer gyi rdul drug la sro ma gcig go /sro ma drug la shig gcig go /shig drug la nas gcig go /nas drug la sor gcig go /sor drug la khru gang ngo / /khru phyed dang bzhi la mi srid do/ /khru bzhi la </font><hr>Nya340b<br><font size=+1>


gzhu'o/ /gzhu lnga brgya la rgyang grags gcig ste/ grong nas rgyang grags gcig ni/ dgon pa ste/ de na gtsug lag khang gang yod pa 'di ni/ gnas mal dgon pa yin no/ /dogs pa dang bcas par grags pa zhes bya ba ni/ chom rkun pa dang / g.yon can gyis 'jigs par grags pa'o/ /'jigs pa dang bcas par grags pa zhes bya ba ni/ seng ge dang / stag dang / gung gis 'jigs par grags pa'o/ /'jigs pa tha dad pas 'jigs su rung ba dang bcas par grags par gyur la zhes bya ba ni/ sha sbrang dang / sbrang bu mchu ring dang / rlung dang / nyi ma dang / sdig sbrul gyis 'jigs pa tha dad pas 'jigs su rung ba dang bcas par grags par gyur pa'o/ /yang dge slong gang zhes bya ba ni/ drug sde'am/ gzhan yang de lta bu gang zhes pa'o/ /dge 'dun gyi gnas mal dgon pa gang dag dogs pa dang bcas par grags pa/ 'jigs pa dang bcas par grags pa/ 'jigs pa tha dad pas 'jigs su rung ba dang bcas par grags pa de lta bu dag tu zhes bya ba ni/ ji skad bstan pa lta bu dag tu'o/ /sngar ma byul bar zhes bya ba ni/ nags nyul bas sngar ma byul bar ro/ /kun dga' ra ba'i phyi rol du zhes bya ba ni/ gtsug lag khang gi phyi rol du'o/ /bca' ba dang / bza' ba zhes bya ba ni/ bca' ba lnga dang / bza' ba lnga'o/ /blangs te zhes bya ba ni/ byin len stob tu bcug ste'o/ /'cha'am zan zhes bya ba ni/ </font><hr>Nya341a<br><font size=+1>


@#/ /mgul du mid na'o/ /dge slong des zhes bya ba ni/ dge slong gang yin pa des so/ /phyi rol kun dga' ra bar song ste zhes bya ba ni/ grong gi phyi rol gtsug lag khang du song ste'o/ /dge slong rnams la zhes bya ba ni/ de na dge slong gang dag yod pa rnams la'o/ /tshe dang ldan pa dag /bdag la smad pa'i gnas zhes bya ba ni/ smad par bya ba'o/ /mi rigs pa zhes bya ba ni/ tshul dang mi mthun pa'o/ /so sor bshags par bya ba zhes bya ba ni/ mthol bar bya ba'o/ /byung gi zhes bya ba ni/ ltung ba byung gi'o/ / chos de zhes bya ba ni/ chos ma yin pa chos kyi sgrar gsungs pa de'o/ /so sor 'chags zhes bya ba ni/ mthol lo/ /zhes pa'o/ /so sor bshags par bya ba ste zhes bya ba ni/ mthol bar bya ste'o/ /chos 'di yang so sor bshags par bya'o/ /zhes bya ba ni/ chos 'di yang mthol bar bya ba ste/ des na so sor bshags par bya ba'o/ /zhes gsungs so/ /de la ltung bar ji ltar 'gyur zhe na/ dge slong gis nags ma byul ba la ma byul bar 'du shes pas kun dga' ra ba'i phyi rol du bca' ba dang / bza' ba blangs te 'cha' 'am za na/ so sor bshags par bya bar 'gyur ro/ /nags ma byul ba la yid gnyis za bas kun dga' ra ba'i phyi rol du bca' ba dang / bza' ba blangs te 'cha' 'am za na/ so sor bshags par </font><hr>Nya341b<br><font size=+1>


bya bar 'gyur ro/ /dge slong gis nags byul ba la ma byul bar 'du shes pas kun dga' ra ba'i phyi rol du bca' ba dang / bza' ba blangs te 'cha' 'am za na/ nyes byas su 'gyur ro/ /nags byul ba la yid gnyis za bas kun dga' ra ba'i phyi rol du bca' ba dang / bza' ba blangs te 'cha' 'am za na/ nyes byas su 'gyur ro/ /nags nyul ba shi'am bros na/ ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /nags brtags pa las gyur ba'i so sor bshags par bya ba ste/ bzhi pa rdzogs so/ /so sor bshags pa rnams rdzogs so// //'dul ba rnam par 'byed pa/ bam po gya gnyis pa/ spyi sdom la/ sham thabs zlum dang chos gos zlum/ /mgo mi g.yogs dang mi mchong dang / /mig mi bsgyur dang ma bsgo dang / /legs blangs legs bza' tsug tsug dang / /'bru nas tha dad lag mi ldag /'phya dang lhung bzed 'dug pa dang / /mgo g.yogs do ker glang chen zhon/ /'khar ba dang ni 'greng ba dang / /shing la 'dzeg par mi bya ba/ /bslab pa brgya po bsdus pa yin/ /sangs rgyas bcom ldan 'das wA ra NA si na/ drang srong smra ba ri dwags kyi nags na bzhugs so/ /gang gi tshe bcom ldan 'das kyis lnga po dag skyon med pa la 'jug pas dge slong nyid la bkod pa de'i tshe na/ de dag sngon goms pa'i sbyor bas sham thabs khyim pa bzhin </font><hr>Nya342a<br><font size=+1>


@#/ /du gyon par byed nas bram ze dang / khyim bdag dad pa can dag gis mthong nas smras pa/ 'phags pa dag /ji ltar khyed sham thabs gsol ba 'di ltar nor can dag dang / tshong dpon dag dang / ded dpon dag 'tshal bar bgyid do/ /zhes zer ba'i skabs de/ dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim bdag zer ba bden gyi/ sngon gyi yang dag par rdzogs pa'i sangs rgyas rnams kyi nyan thos dag sham thabs ji ltar gyon par gyur pa bsam mo/ /snyam du dgongs pa dang / lha rnams kyis bcom ldan 'das la gsol pa/ btsun pa/ 'di lta ste/ gnas gtsang ma'i ris kyi lha rnams ji lta ba bzhin no/ /bcom ldan 'das nyid la yang 'di lta ste/ gnas gtsang ma'i ris kyi lha rnams lta bu mkhyen pa dang / gzigs pa byung ngo / /de nas bcom ldan 'das kyis dge slong rnams la bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ sham thabs zlum por bgo bar bslab par bya'o/ /bcom ldan 'das kyis sham thabs zlum por bgo bar bslab par bya'o| |zhes bka' stsal nas/ dge slong lnga po dag gis sham thabs zlum por bgo bar brtsams so/ /de bzhin du nye sde lnga dag dang / mngon par mtho ba lnga bcu dang / bzang sde'i tshogs </font><hr>Nya342b<br><font size=+1>


drug cu dang / gzhan yang bcom ldan 'das kyis brgyud pa'i dge slong dag gis rab tu byung ba gang dag yin pa de dag gis kyang sham thabs zlum por bgo bar brtsams so/ /gang gi tshe drug sde dag rab tu byung ba de'i tshe na de dag gis sham thabs ha cang rtsengs par bgo bar brtsams pa dang / bram ze dang / khyim bdag dad pa can dag gis mthong nas smod par byed de/ 'phags pa dag /dwa dag dang / rgyan po dag dang / nal gyi bu dag sham thabs 'di ltar 'tshal bas/ 'di ni/ tshul dang mthun pa ma lags kyi/ sham thabs ha cang rtsengs par ma gsol cig /de dag gis smras pa/ shes ldan dag /'di la dgos pa yod do/ /'phags pa dag /dgos pa gang lags/ je dang por khyed cag nyid mi shes pa dang bral ba dang / bslab par gyur pa'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol ba dang / bcom ldan 'das kyis dgongs pa/ khyim pa dag zer ba bden no/ /snyam nas bka' stsal pa/ dge slong dag /de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ sham thabs ha cang rtsengs pa ma yin par bgo bar bslab par bya'o/ /bcom ldan 'das kyis sham thabs ha cang rtsengs pa ma yin par bgo bar bslab par bya'o/ /zhes bka' stsal nas drug sde dag gis ha cang 'jol bar bgo bar brtsams </font><hr>Nya343a<br><font size=+1>


@#/ /pa dang / bram ze dang / khyim bdag dad pa can dag gis mthong nas smod par byed do/ /'phags pa dag /tag ka'i yul na gnas pa'i bud med dag dang / rigs kyi mna' ma dag /sham thabs 'di ltar 'tshal bas/ 'di ni/ tshul dang mthun pa ma lags kyi/ sham thabs ha cang 'jol bar ma gsol cig /de dag gis smras pa/ shes ldan dag /'di la dgos pa yod do/ /'phags pa dag /dgos pa gang lags/ je dang por khyed cag nyid mi shes pa dang bral ba dang / bslab par gyur ba'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol ba dang / bcom ldan 'das kyis dgongs pa/ khyim pa dag zer ba bden no/ /snyam nas bka' stsal pa/ dge slong dag /de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ sham thabs ha cang 'jol ba ma yin par bgo bar bslab par bya'o/ /drug sde dag sham thabs gyon pa na mdun 'phyang bar byed nas bram ze dang / khyim bdag dad pa can dag smod par byed de/ 'phags pa dag /byis pa khye'u dag dang| chang gis ra ro ba dag dang / 'byung po dang / sha zas brlams pa dag sham thabs 'di ltar 'chal bas/ 'di ni/ tshul dang mthun pa ma lags kyi/ sham thabs 'di ltar ma </font><hr>Nya343b<br><font size=+1>


gsol cig /de dag gis smras pa/ shes ldan dag /'di la dgos pa yod do/ /'phags pa ba dag /dgos pa gang lags/ je dang por khyed cag mi shes pa dang bral ba dang / bslab par gyur pa'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol ba dang / bcom ldan 'das kyis dgongs pa/ khyim pa dag zer ba bden no/ /snyam nas bka' stsal pa/ dge slong dag /de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ sham thabs glang po che'i sna ltar ma yin par bgo bar bslab par bya'o/ /drug sde dag sham thabs gyon pa na/ glo dag tu lteb par byed nas bram ze dang / khyim bdag dad pa can dag smod par byed de/ 'phags pa dag / gar mkhan dag tshogs kyi nang du sham thabs 'di ltar 'tshal bas/ 'di ni/ tshul dang mthun pa ma lags kyi/ sham thabs 'di ltar ma gsol cig /de dag gis smras pa/ shes ldan dag / 'di la dgos pa yod do/ /'phags pa dag /dgos pa gang lags/ je dang por khyed cag nyid mi shes pa dang bral ba dang / bslab par gyur ba'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol ba dang / bcom ldan 'das kyis dgongs pa/ khyim pa dag zer ba bden no/ /snyam nas bka' stsal pa/ dge slong dag / </font><hr>Nya344a<br><font size=+1>


@#/ /de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ sham thabs ta la'i lo ma ltar bltab par ma yin par bslab par bya'o/ /drug sde dag sham thabs gyon pa na glor blta ba ste phur ma ltar 'jog par byed nas bram ze dang / khyim bdag dad pa can dag smod par byed de/ 'phags pa dag /nor can dag dang / tshong dpon dag dang / ded dpon dag dang / bud med dag sham thabs 'di ltar 'tshal bas/ 'di ni/ tshul dang mthun pa ma lags kyi/ sham thabs 'di ltar ma gsol cig |de dag gis smras pa/ shes ldan dag /'di la dgos pa yod do/ /'phags pa dag /dgos pa gang lags/ je dang por khyed cag nyid mi shes pa dang bral ba dang / bslab par gyur pa'o| |de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim bdag zer ba bden no| |snyam nas bka' stsal pa/ dge slong dag /de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ sham thabs 'bru'i phur ma lta bu ma yin par bgo bar bslab par bya'o/ /drug sde dag sham thabs gyon pa na lte ba'i 'og tu sbrul mgo'i gdengs ka ltar byed nas bram ze dang / khyim bdag dad pa can dag smod par byed de/ 'phags </font><hr>Nya344b<br><font size=+1>


pa dag /rgyan po bgyid pa dag sham thabs 'di ltar 'tshal bas/ 'di ni/ tshul dang mthun pa ma lags kyi/ sham thabs 'di ltar ma gsol cig /de dag gis smras pa/ shes ldan dag /'di la dgos pa yod do/ /'phags pa dag /dgos pa gang lags/ je dang por khyed cag nyid mi shes pa dang bral ba dang / bslab par gyur pa'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no/ /snyam nas bka' stsal pa/ dge slong dag /de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ sham thabs sbrul mgo'i gdengs ka ltar ma yin par bgo bar bslab par bya'o/ /bslab pa bsdu ba'i mdo ni/ sham thabs zlum por bgo bar bslab par bya/ sham thabs ha cang rtsangs pa ma yin pa dang / ha cang 'jol ba ma yin pa dang / glang po che'i sna ltar ma yin pa dang / ta la'i lo ma ltar bltab pa ma pa dang| 'bru'i phur ma ltar ma yin pa dang / sbrul mgo'i gdengs ka ltar ma yin par bgo bar bslab par bya'o/ /bcom ldan 'das kyis dge slong gis sham thabs zlum por bgo bar bslab par bya/ sham thabs ha cang rtsengs pa ma yin pa dang / ha cang 'jol ba ma yin pa dang / glang po che'i sna ltar ma yin pa dang / ta la'i lo ma ltar bltab pa ma yin pa dang / 'bru'i phur </font><hr>Nya345a<br><font size=+1>


@#/ /ma ltar ma yin pa dang / sbrul mgo'i gdengs ka ltar ma yin par bgo bar bslab par bya'o/ /zhes bka' stsal nas dge slong dag chos gos gyon pa na/ ji ltar bgo ba mi shes nas bcom ldan 'das kyis bka' stsal pa/ de lta bas na/ dge slong rnams kyis chos gos zlum por bgo bar bslab par bya'o/ /bcom ldan 'das kyis chos gos zlum por bgo bar bslab bar bya'o/ /zhes bka' stsal nas drug sde dag chos gos ha cang rtsengs par gyon par byed nas bram ze dang / khyim bdag dad pa can dag smod par byed de| 'phags pa dag /dwa dag dang / rgyan po pa dag dang / nal gyi bu dag stod g.yogs 'di ltar 'tshal bas/ 'di ni/ tshul dang mthun pa ma lags kyi/ chos gos 'di ltar ma gsol cig /de dag gis smras pa/ shes ldan dag /'di la dgos pa yod do/ /'phags pa dag /dgos pa gang lags/ je dang por khyed cag nyid mi shes pa dang bral ba dang / bslab par gyur pa'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no/ /snyam nas bka' stsal pa/ dge slong dag /de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ chos gos </font><hr>Nya345b<br><font size=+1>


ha cang rtsengs ba ma yin par bgo bar bslab par bya'o/ /bcom ldan 'das kyis chos gos ha cang rtsengs pa ma yin par bgo bar bslab par bya'o/ /zhes bka' stsal nas drug sde dag ha cang 'jol bar gyon par byed nas bram ze dang / khyim bdag dad pa can dag smod par byed de/ 'phags pa dag /tag ka'i yul na gnas pa'i mi dag dang / rigs kyi mna' ma dag stod g.yogs 'di ltar 'tshal bas/ 'di ni/ tshul dang mthun pa ma lags kyi/ chos gos 'di ltar ma gsol cig /de dag gis smras pa/ shes ldan dag /'di la dgos pa yod do/ / 'phags pa dag /dgos pa gang lags/ je dang por khyed cag nyi mi shes pa dang bral ba dang / bslab pa gyur pa'o/ de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol pa dang // bcom ldan 'das kyis dgongs pa/ khyim pa dag zer ba bden no/ snyam nas bka' stsal pa/ dge slong dag/ de lta bas ba/ nga'i nyan thos rnams/ kyis 'dul ba la bslab pa'i gzhi 'di ltar gdon par bya ste/ chos gos ha cang 'jol ba ma yin par bgo bar bslab par bya'o/ /drug sde dag /lag pa dang / rkang pa rkyong bar byed cing khyim gzhan du 'dong nas bram ze dang / khyim bdag dad pa can dag smod par byed de/ 'phags pa dag /byis pa khye'u dag dang / chang gis ra ro ba dag dang / 'byung po dang / sha zas brlams pa </font><hr>Nya346a<br><font size=+1>


@#/ /dag lag pa dang / rkang pa 'di ltar rkyong bar bgyid cing mchi bas/ 'di ni/ tshul dang mthun pa ma lags kyi/ 'di ltar ma bzhud cig /de dag gis smras pa/ shes ldan dag /'di la dgos pa yod do/ /'phags pa dag /dgos pa gang lags/ je dang por khyed cag nyid mi shes pa dang bral ba dang / bslab par gyur pa'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol ba dang / bcom ldan 'das kyis dgongs pa/ khyim pa dag zer ba bden no/ / snyam nas bka' stsal pa/ dge slong dag /de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ shin tu bsdams shing khyim gzhan du 'gro ba bslab par bya'o/ /drug sde dag chos gos bsdus shing phrag pa la gzar ste khyim gzhan du 'gro bar byed nas bram ze dang / khyim bdag dad pa can dag smod par byed de/ 'phags pa dag /gyad 'gyed par mchi ba dag stod g.yogs 'di ltar 'tshal bas/ 'di ni/ tshul dang mthun pa ma lags kyi/ chos gos 'di ltar ma gsol cig /de dag gis smras pa/ shes ldan dag /'di la dgos pa yod do/ /'phags pa dag /dgos pa gang lags/ je dang por khyed cag nyid mi shes pa dang bral ba dang / bslab par gyur ba'o/ /de dag rgya cher smod pa </font><hr>Nya346b<br><font size=+1>


la zhugs pa thos nas skad de/ dge slong rnams kyis bcom ldan 'das la gsol ba dang / bcom ldan 'das kyis dgongs pa/ khyim pa dag zer ba bden no/ /snyam nas bka' stsal pa/ dge slong dag /de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ legs par bgos shing khyim gzhan du 'gro bar bslab par bya'o/ /drug sde dag byung rgyal smra bas sgra 'byin cing khyim gzhan du 'dong nas bram ze dang / khyim bdag dad pa can dag smod par byed de/ 'phags pa dag /byis pa khye'u dag dang / chang gis ra ro ba dag dang / 'byung po dang / sha zas brlams pa dag 'di ltar byung rgyal smra bas sgra 'byin cing mchi bas/ 'di ni/ tshul dang mthun pa ma lags kyi/ 'di ltar sgra 'byin cing ma bzhud cig /de dag gis smras pa/ shes ldan dag /'di la dgos pa yod do/ /'phags pa dag /dgos pa gang lags/ je dang por khyed cag nyid mi shes pa dang bral ba dang / bslab par gyur pa'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no/ /snyam nas bka' stsal pa/ dge slong dag /de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ sgra bskyung zhing tshig nyung </font><hr>Nya347a<br><font size=+1>


@#/ /ngus khyim gzhan du 'gro bar bslab par bya'o/ /drug sde dag mig yengs shing khyim gzhan du 'gro ba na/ de dag glang po che 'khrul pa dang lhan cig 'dom pa dang / rta 'khrul pa dang / shing rta 'khrul pa dang / rkang thang 'khrul pa dang 'dom zhing / de dag gis brdos shing phul ba na/ mi gtsang ba dang / rdzab kyi khung dang / phyag dar gyi khrod du bsgyel nas bram ze dang / khyim bdag dad pa can dag smod par byed de/ 'phags pa dag /skar ma la rtog pa dag dang / mig btsums pa dag bzhin ci'i phyir gzigs/ sa la gzigs na/ ci nongs/ 'di ni/ tshul dang mthun pa ma lags kyi/ 'di ltar yengs shing ma bzhud cig /de dag gis smras pa/ shes ldan dag /'di la dgos pa yod do/ / 'phags pa dag /dgos pa gang lags/ je dang por khyed cag nyid mi shes pa dang bral ba dang / bslab par gyur pa'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no/ /snyam nas bka' stsal pa/ dge slong dag /de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mig g.yeng bar mi bya zhing khyim gzhan du 'gro bar bslab par bya'o/ /drug sde dag </font><hr>Nya347b<br><font size=+1>


mig rgyang ring por lta zhing khyim gzhan du 'dong ba na/ de dag spyod lam nyams shing lam shor ba la sogs par gyur nas bram ze dang / khyim bdag dad pa can dag smod par byed de/ 'phags pa dag /skar ma la rtog pa dang / bya ra ba dag 'di ltar lta bar bgyid pas/ 'di ni/ tshul dang mthun pa ma lags kyi/ 'di ltar gzigs shing ma bzhud cig /de dag gis smras pa/ shes ldan dag /'di la dgos pa yod do/ /'phags pa dag /dgos pa gang lags/ je dang por khyed cag nyid mi shes pa dang bral ba dang / bslab par gyur pa'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no/ /snyam nas bka' stsal pa/ dge slong dag /de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ gnya' shing gang tsam du blta zhing khyim gzhan du 'gro bar bslab bar bya'o/ /bslab pa'i bsdu ba'i mdo ni/ chos gos zlum por bgo bar bslab par bya'o/ /chos gos ha cang rtsengs pa ma yin pa dang / ha cang 'jol ba ma yin pa bgo bar bslab par bya'o/ / shin tu bsdams pa dang / legs par bgos pa dang / sgra bskyung ba dang / mig g.yeng bar mi bya ba dang / gnya' shing gang tsam du blta zhing khyim gzhan du 'gro bar bslab par bya'o/ /drug </font><hr>Nya348a<br><font size=+1>


@#/ /sde dag mgo g.yogs shing khyim gzhan du 'dong bar byed nas bram ze dang / khyim bdag dad pa can dag smod par byed de/ 'phags pa dag /rigs kyi mna' ma dag dang / mig na ba dag dang / sbrang rtsi'i sbrang bus 'jigs pa dag 'di ltar bgyid pas/ 'di ni/ tshul dang mthun pa ma lags kyi/ 'di ltar ma g.yogs shig /de dag gis smras pa| shes ldan dag /'di la dgos pa yod do/ /'phags pa dag /dgos pa gang lags/ je dang por khyed cag nyid mi shes pa dang bral ba dang / bslab par gyur pa'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no/ /snyam nas bka' stsal pa/ dge slong dag /de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mgo mi g.yogs par khyim gzhan du 'gro bar bslab par bya'o/ /drug sde dag sham thabs brdzes te khyim gzhan du 'dong bar byed nas bram ze dang / khyim bdag dad pa can dag smod par byed de/ 'phags pa dag /bshang ba dang gci ba bgyid pa'i mi dag 'di ltar bgyid pa dang / 'di ni/ tshul dang mthun pa ma lags kyi/ 'di ltar ma brdze zhig /de dag gis smras pa/ shes ldan dag /'di la dgos pa </font><hr>Nya348b<br><font size=+1>


yod do/ /'phags pa dag /dgos pa gang lags/ je dang por khyed cag nyid mi shes pa dang bral ba dang / bslab par gyur pa'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no/ /snyam nas bka' stsal pa/ dge slong dag /de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi brdze bar khyim gzhan du 'gro bar bslab par bya'o/ /drug sde dag chos gos phrag pa la gzar te khyim gzhan du 'dong bar byed nas bram ze dang / khyim bdag dad pa can dag smod par byed de/ 'phags pa dag /dwa dag dang / rgyan po pa dag dang / nal gyi bu dag 'di ltar bgyid pas/ 'di ni/ tshul dang mthun pa ma lags kyi/ 'di ltar ma gzar cig /de dag gis smras pa/ shes ldan dag /'di la dgos pa yod do/ /'phags pa dag /dgos pa gang lags/ je dang por khyed cag nyid mi shes pa dang bral ba dang / bslab par gyur pa'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no/ /snyam nas bka' stsal pa/ dge slong dag /de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ </font><hr>Nya349a<br><font size=+1>


@#/ /mi gzar bar khyim gzhan du 'gro bar bslab par bya'o/ /drug sde dag lag pa gnya' gong du bsnol te khyim gzhan du 'dong bar byed nas bram ze dang / khyim bdag dad pa can dag smod par byed de/ 'phags pa dag /dwa dag dang / rgyan po pa dag dang / nal gyi bu dag 'di ltar bgyid pas/ 'di ni/ tshul dang mthun pa ma lags kyi/ 'di ltar gnya' gong du ma snol cig /de dag gis smras pa/ shes ldan dag /'di la dgos pa yod do/ /'phags pa dag /dgos pa gang lags/ je dang por khyed cag nyid mi shes pa dang bral ba dang / bslab par gyur pa'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no/ /snyam nas bka' stsal pa/ dge slong dag /de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste| gnya' gong du mi bsnol bar khyim gzhan du 'gro bar bslab par bya'o/ /drug sde dag lag pa ltag par bsnol te/ de dag khyim gzhan du 'dong bar byed nas bram ze dang / khyim bdag dad pa can dag smod par byed de/ 'phags pa dag /g.yog dag 'di ltar bgyid pas/ 'di ni/ tshul dang mthun pa ma lags kyi/ 'di ltar ltag par ma snol cig /de </font><hr>Nya349b<br><font size=+1>


dag gis smras pa/ shes ldan dag /'di la dgos pa yod do/ /'phags pa dag /dgos pa gang lags/ je dang por khyed cag nyid mi shes pa dang bral ba dang / bslab par gyur pa'o/ / de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no/ / snyam nas bka' stsal pa/ dge slong dag /de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ ltag par mi bsnol bar khyim gzhan du 'gro bar bslab par bya'o/ /bslab pa bsdu ba'i mdo ni/ mgo mi g.yogs pa dang / mi brdze ba dang / mi gzar ba dang / gnya' gong du mi bsnol ba dang / ltag par mi bsnol bar khyim gzhan du 'gro bar bslab par bya'o/ /drug sde dag rib ma la mchong zhing khyim gzhan du 'dong nas bram ze dang / khyim bdag dad pa can dag smod par byed de/ 'phags pa dag /'jigs pas skrag cing 'bros pa dag 'di ltar bgyid pas/ 'di ni/ tshul dang mthun pa ma lags kyi/ 'di ltar ma mchong zhig /de dag gis smras pa/ shes ldan dag /'di la dgos pa yod do/ / 'phags pa dag /dgos pa gang lags/ je dang por khyed cag nyid mi shes pa dang bral ba dang / bslab par gyur pa'o/ /de dag rgya cher smod pa la zhugs pa thos nas skabs de/ dge slong </font><hr>Nya350a<br><font size=+1>


@#/ /rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no/ /snyam nas bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi mchod par khyim gzhan du 'gro bar bslab par bya'o/ /drug sde dag gom pa ha cang chen po dag gis khyim gzhan du 'dong nas bram ze dang / khyim bdag dad pa can dag smod par byed de/ 'phags pa dag /chang gis ra ro ba dag dang / 'byung po dang / sha zas brlams pa dag 'di ltar bgyid pas/ 'di ni/ tshul dang mthun pa ma lags kyi/ 'di ltar ma bzhud cig /de dag gis smras pa/ shes ldan dag /'di la dgos pa yod do/ /'phags pa dag /dgos pa gang lags/ je dang por khyed cag nyid mi shes pa dang bral ba dang / bslab par gyur pa'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no/ /snyam nas bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi brkyang bar khyim gzhan du 'gro bar bslab par bya'o/ /drug sde dag tsog pus khyim gzhan du 'dong nas bram ze </font><hr>Nya350b<br><font size=+1>


dang / khyim bdag dad pa can dag smod par byed de/ 'phags pa dag /'gros nyams pa dag dang / rkang bam can dag dang / byis pa khye'u dag 'di ltar bgyid pas/ 'di ni/ tshul dang mthun pa ma lags kyi/ 'di ltar ma mdzad cig /de dag gis smras pa/ shes ldan dag /'di la dgos pa yod do/ /'phags pa dag /dgos pa gang lags/ je dang por khyed cag nyid mi shes pa dang bral ba dang / bslab par gyur pa'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no/ /snyam nas bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ tsog bus ma yin par khyim gzhan du 'gro bar bslab par bya'o/ /drug sde dag rkang pa'i brang ba dag gis khyim gzhan du 'dong bar byed nas bram ze dang / khyim bdag dad pa can dag smod par byed de/ 'phags pa dag /byis pa khye'u smig ma bzhin du rtse ba dag dang / rkang mthil rmas pa dag 'di ltar bgyid pas/ 'di ni/ tshul dang mthun pa ma lags kyi/ 'di ltar ma bzhud cig /de dag gis smras pa/ shes ldan dag /'di la dgos pa yod do/ /'phags pa dag /dgos pa gang lags/ je dang por khyed cag nyid mi shes pa dang bral ba dang / bslab </font><hr>Nya351a<br><font size=+1>


@#/ /bar gyur ba'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol ba dang / bcom ldan 'das kyis dgongs pa/ khyim pa dag zer ba bden no/ /snyam nas bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ brang bas ma yin par khyim gzhan du 'gro bar bslab par bya'o/ /drug sde dag lag pa gnyis dkur brten te khyim gzhan du 'dong bar byed nas bram ze dang / khyim bdag dad pa can dag smod par byed de/ 'phags pa dag /nor can dag dang / tshong dpon dag 'di ltar bgyid pas/ 'di ni/ tshul dang mthun pa ma lags kyi/ 'di ltar ma bzhud cig /de dag gis smras pa/ shes ldan dag /'di la dgos pa yod do/ /'phags pa dag /dgos pa gang lags/ je dang por khyed cag nyid mi shes pa dang bral ba dang / bslab par gyur pa'o/ / de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol ba dang / bcom ldan 'das kyis dgongs pa/ khyim pa dag zer ba bden no/ /snyam nas bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dkur mi brten par khyim gzhan du 'gro </font><hr>Nya351b<br><font size=+1>


par bslab par bya'o/ /bslab pa bsdu ba'i mdo ni/ mi mchong ba dang / mi brkyang ba dang / tsog pus ma yin pa dang / brang bas ma yin pa dang / dkur mi brten par khyim gzhan du 'gro bar bslab par bya'o/ /drug sde dag lus sgyur zhing khyim gzhan du 'dong nas bram ze dang / khyim bdag dad pa can dag smod par byed de/ 'phags pa dag /gzugs 'tsho ba dag dang| glang po che dag dang / bal glang mo dag 'di ltar mchi bas/ 'di ni/ tshul dang mthun pa ma lags kyi/ 'di ltar ma bzhud cig /de dag gis smras pa/ shes ldan dag/ 'di la dgos pa yod do/ /'phags pa dag /dgos pa gang lags/ je dang por khyed cag nyid mi shes pa dang bral ba dang / bslab par gyur ba'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol ba dang / bcom ldan 'das kyis dgongs pa/ khyim pa dag zer ba bden no/ /snyam nas bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ lus mi sgyur bar khyim gzhan du 'gro bar bslab par bya'o/ /drug sde dag lag pa dkyog cing khyim gzhan du 'dong bar byed nas bram ze dang / khyim bdag dad pa can dag smod par byed do/ /'phags pa dag /dwa dag dang / rgyan po pa dag dang / nal gyi bu dag 'di ltar mchi bas/ 'di ni/ tshul dang </font><hr>Nya352a<br><font size=+1>


@#/ /mthun pa ma lags kyi/ 'di ltar ma bzhud cig /de dag gis smras pa/ shes ldan dag /'di la dgos pa yod do/ /'phags pa dag /dgos pa gang lags je dang por khyed cag nyid mi shes pa dang bral ba dang / bslab par gyur ba'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol pa dang| bcom ldan 'das kyis dgongs pa/ khyim pa dag zer ba bden no/ /snyam nas bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ lag pa mi dkyog par khyim gzhan du 'gro bar bslab par bya'o/ /drug sde dag mgo sgyur zhing khyim gzhan du 'dong bar byed nas bram ze dang / khyim bdag dad pa can dag smod par byed de/ 'phags pa dag /glang po che dag dang / srog chags rtsengs pa dag 'di ltar mchi bas/ 'di ni/ tshul dang mthun pa ma lags kyi/ 'di ltar ma bzhud cig /de dag gis smras pa/ shes ldan dag /'di la dgos pa yod do/ /'phags pa dag /dgos pa gang lags/ de dang por khyed cag nyid mi shes pa dang bral ba dang / bslab par gyur pa'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol ba dang / bcom ldan 'das kyis dgongs pa/ khyim pa dag </font><hr>Nya352b<br><font size=+1>


zer ba bden no/ /snyam nas bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mgo mi sgyur bar khyim gzhan du 'gro bar bslab par bya'o/ /drug sde dag phrag pa sprod cig khyim gzhan du 'dong ba dang / ji tsam na mi zhig spos dang me tog gis brgyan te 'jig rten la bu tsam du sems shing 'gro nas drug sde dag gis smras pa/ dga' bo nye dga'/ bkren pa 'di 'jig rten la bu tsam du sems shing 'gro na/ ci/ 'di'i snying lam na drug sde dag gis sngon lan 'ga' yang dri dang / me tog thogs ma myong snyam pa 'dra'i/ tshur shog /'di mi dga' bar bya'o/ /de ltar bya'o/ /zhes de na de dag gcig dang gcig phrag pa sprad cing / gzhan dang gzhan yang phrag pa sprad de/ de phul ba dang sa la bsgyel nas des smras pa/ bdag gis khyed cag la nongs pa ci zhig bgyis/ bkren pa/ khyod kyi snying lam na/ drug sde dag gis sngon lan 'ga' yang spos dang / me tog thogs ma myong snyam pas/ khyod de ltar mi dga' bar byas so/ /de smod par byed/ 'phyar kha gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa de dag gnas su smod par byed do/ /snyam nas bka' stsal pa/ de lta bas na/ nga'i nyan thos rnams kyis 'dul ba la </font><hr>Nya353a<br><font size=+1>


@#/ /bslab pa'i gzhi 'di ltar gdon par bya ste/ phrag pa mi sprad par khyim gzhan du 'gro bar bslab par bya'o/ /drug sde dag lag pa sbrel cing khyim gzhan du 'dong ba na/ ji tsam na mi zhig spos dang / me tog gis brgyan te 'jig rten la bu tsam du sems shing 'gro nas/ drug sde dag gis smras pa/ dga' bo nye dga'/ bkren pa 'di 'jig rten la bu tsam du sems shing 'gro na/ ci/ 'di'i snying lam na drug sde dag gis sngon lan 'ga' yang dri dang / me tog thogs ma myong snyam pa 'dra'i/ tshur shog /'di mi dga' bar bya'o/ / de ltar bya'o/ /zhes de na de dag gcig dang gcig lag pa sbrel cing / gzhan dang gzhan yang lag pa sbrel te phul ba dang / sa la bsgyel nas des smras pa/ bdag gis khyed cag la nongs pa ci bgyis/ bkren pa/ khyod kyi snying lam na drug sde dag gis sngon lan 'ga' yang spos dang / me tog thogs ma myong snyam pas/ khyod de ltar mi dga' bar byas so/ /de smod par byed/ 'phyar kha gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol ba dang / bcom ldan 'das kyis dgongs pa/ khyim pa dag de gnas su smod par byed do/ /snyam nas bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ lag pa mi sbrel </font><hr>Nya353b<br><font size=+1>


bar khyim gzhan du 'gro bar bslab par bya'o/ /bslab pa bsdu ba'i mdo ni/ lus mi bsgyur ba dang / lag pa mi dkyog pa dang / mgo mi bsgyur ba dang / phrag pa mi sprad pa dang / lag pa mi sprel bas khyim gzhan du 'gro bar bslab par ba'o/ /sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' ra ba na bzhugs so/ / mnyan yod na bram ze gtsang sbra 'dod pa zhig 'dug pa des sgo khang du mal bshams nas de na bu mo zhig bsil yab thogs te sbrang ma skyob cing 'dug go /tshe dang ldan pa nye dga' de'i khyim du bsod snyoms la bzhugs nas des smras pa/ bu mo/ bram ze'i gan du song la nye dga' sgo na sdod do/ /zhes gyis shig /des smras pa/ 'phags pa/ bdag 'di na sbrang ma skyob cing mchis pas mi mchi'o/ /des smras pa/ bu mo/ gal te de lta na/ kho bos re zhig srung gi /khyod song la smros shig /de song ba dang nye dga' rkang pa dang bcas par 'dzegs te mal de'i steng du 'dug go/ /bram ze de phyir byung ba dang / nye dga' rkang pa dang bcas par mal gyi steng du 'dzegs te 'dug par mthong ngo / /mthong nas kyang smras pa/ 'jig rten gyi gtsang sbra ni/ tha dad pa yin/ ci'i phyir khyod 'dir rkang pa dang bcas pas 'dzegs te 'dug /des smras pa/ bram ze/ dge slong gis mal la longs spyod pa gang yin pa ni/ khyod kyi khyim bdun ba tshun chad la phan btags pa yin no/ /de smod par </font><hr>Nya354a<br><font size=+1>


@#/ /byed| 'phyar kha gtong bar byed/ kha zer bar byed pa thos nas skabs de/ dge slong rnams kyis bcom ldan 'das la gsol ba dang / bcom ldan 'das kyis dgongs pa/ bram ze de gnas su smod do/ /snyam nas bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ ma bsgo bar khyim gzhan du stan la mi 'dug par bslab par bya'o/ /gang gi tshe tshe dang ldan pa 'char kas gtum mo btul ba de'i tshe na/ des drang srong gi stan bshams nas tshe dang ldan pa 'char kas longs spyod cing spyad cing 'gro'o/ /ji tsam dus gzhan zhig na/ des gtum mo la smras pa/ sring mo/ khyod bltas kyi/ ljongs rgyur 'gro'o/ /des smras pa/ 'phags pa/ myur du slar spyon cig /gdod skyo ba skyed par ma mdzad cig /des smras pa/ sring mo/ ma nyes kyi/ de bzhin bya'o/ /des de bltas te rgyal byed tshal du song ba dang / bcom ldan 'das kyis tshe dang ldan pa kun dga' bo la bka' stsal pa/ kun dga' bo/ song la dge slong rnams la bcom ldan 'das nyi ma bdun pa la ljongs rgyur gshegs kyi/ khyed cag las gang bcom ldan 'das dang thabs cig ljongs rgyur 'gro bar spro ba des chos gos kyi las gyis shig ces sgos shig /tshe dang ldan pa kun dga' bos/ btsun pa/ bka' bzhin 'tshal zhes bcom ldan 'das las mnyan </font><hr>Nya354b<br><font size=+1>


nas dge slong rnams la tshe dang ldan pa dag /bcom ldan 'das nyi ma bdun pa la ljongs rgyur gshegs kyi/ khyed cag las gang bcom ldan 'das dang thabs cig ljongs rgyur 'gro bar spro ba des| chos gos kyi las gyis shig ces bsgo'o/ /tshe dang ldan pa 'char kas bsam pa/ sangs rgyas ljongs rgyur gshegs pa la phan yon bco brgyad yod kyi/ bcom ldan 'das nyid dang thabs cig 'gro'o/ /snyam nas des 'phags so/ /de'i tshe na gtum mo'i khyim na khye'u btsas nas ring po ma lon pa zhig yod nas/ des bu mo la smras pa/ bu mo/ khye'u 'di drang srong gi gdan la snyol cig dang / yun ring du 'tsho zhing tshe ring du skyong bar 'gyur ro/ /des de gos dkar po bskon te bsnyal ba dang / tshe dang ldan pa 'char ka mnyan yod du bsod snyoms la zhugs nas des bsam pa/ je gtum mo'i khyim du stan la longs spyod du 'gro zhing / phyis bsod snyoms rgyus te 'gro'o/ /snyam nas/ der song ngo / /dgra bcom pa dag ni/ ma bsam par shes pa dang / mthong ba mi 'jug pas de stan de nyid la gya tshom du 'dug pa dang / nang mi brtad pa dang bcas pas/ 'phags pa/ khye'u khye'u zhes smras pa dang / de myur ba myur bar langs nas ji tsam na| de dag gis dus la bab par mthong nas de dag ngu bar brtsams pa dang / des smras pa/ sring mo dag /'di la ci ngu / 'du byed thams cad kyi chos nyid 'di lta bu yin no/ /'on kyang kho </font><hr>Nya355a<br><font size=+1>


@#/ /bo la brten te bcom ldan 'das 'dul ba la nyan thos rnams kyis bslab pa'i gzhi 'cha' bar 'gyur bas/ 'di la kho bos mdud par bya ba yin no/ / 'khor ba na sems can rnams nye du la byams pa ni/ thog ma med pa'i dus nas goms pa yin pas de dag de bzhin du ngu zhing mi sdod pa thos nas dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ stan la ma brtags par khyim gzhan du stan la 'dug par mi bya bar bslab par bya'o/ /gang gi tshe bcom ldan 'das mngon par byung nas lo bcu gnyis lon zhing / rdzogs par sangs rgyas nas lo drug lon nas ser skya'i gnas su byon pa de'i tshe na/ nyi ma gcig ni/ yab kyi gan du gdugs tshod gsol/ nyi ma gnyis pa la ni/ rang gi btsun mo'i 'khor du gdugs tshod gsol ba na/ tshe dang ldan pa 'char kas btsun mo grags 'dzin bshos 'brim pa la/ rkang pas rkang pa la phul ba dang / de stobs dang ldan pas 'gyel nas des btsun mo sa 'tsho ma la smras pa/ sa 'tsho ma / 'phags pa 'char kas bdag sangs rgyas la sogs pa dge slong gi dge 'dun gyi spyan sngar mtho btsams so/ /ci byas/ des ji ltar gyur pa brjod pa </font><hr>Nya355b<br><font size=+1>


dang / des smras pa/ de ci nas kyang phyin chad de ltar byed par mi 'gyur ba de ltar mi dga' bar bya'o/ /ji tsam nyi ma gzhan zhig la btsun mo grags 'dzin gyis khri'u ma brgyus pa zhig ras kyis g.yogs nas bu mo mngag gzhug ma la smras pa/ bu mo/ song la re zhig rgyal po'i pho grang gi sgor sdod la/ gang gi tshe 'phags pa 'char ka 'ong ba de'i tshe na/ khyod kyis 'di skad ces| bram ze bram ze zhes brjod par bya'o/ /gal te bram zes ci bya zhes zer ba de la btsun mo'i 'khor du 'bod do/ /zhes brjod par bya'o/ /bu mo de byung ba dang tshe dag ldan pa 'char ka yang 'ongs nas/ der bram zer bram ze zhes 'bod par brtsams pa dang / des smras pa/ bu mo/ bram zes ci bya/ 'phags pa/ btsun mo'i 'khor du 'bod do/ /des bsam pa/ der gor ma chag par sbyin par byed kyi/ 'gro'o/ /snyam nas der myur ba myur bar song ba dang / btsun mo grags 'dzin gyis bu mo la smras pa/ bu mo/ kho mos khyod la bram ze bos shig ces bsgos na/ khyod kyis ci'i phyir dge sbyong mgo reg bos/ de cang mi smra bar 'dug go /tshe dang ldan pa 'char kas smras pa/ gal te kho bo khyod kyi khyim thab kyi gan du rab tu byung zhes te/ kho bo'i bram ze yang nyams snyam mam/ ci/ gal te bram ze na ni/ oM b+hu ra b+hu ba swa zhes zer la/ 'on te rab tu byung na ni/ /sdig pa thams cad mi bya ste/ /dge ba phun sum tshogs par </font><hr>Nya356a<br><font size=+1>


@#/ /bya| |rang gi sems ni yongs su 'dul/ /'di ni sangs rgyas bstan pa yin/ /zhes zer ro/ /des smras pa/ khyod bram ze yang rung / dge sbyong yang rung ste/ kho mos ni/ bcom ldan 'das dka' ba spyod pa na/ gal te bcom ldan 'das ser skya'i gnas su gshegs na/ de'i phyir bdag gis bram ze la 'di dang 'di sbyin par bya'o/ /zhes gsol ba byas so/ / des smras pa/ bcom ldan 'das kyis srog chags 'bum phrag du ma dag lta ba'i rnam pa dang bral bar mdzad na/ khyod ni/ 'di lta ba'i rnam pa dang bral bar ma mdzad do/ /des smras pa/ 'phags pa| bud med kyi yul ni/ dbral dka' ba lags pas/ ji ltar bgyi/ des smras pa/ de ni/ 'jal gyi/ de slong mo pa dag la ci zhig sbyin pa de blta'o/ /'phags pa/ zho'i kham phor 'di dang| phye'i kham phor 'di 'greng ste longs la khri'u 'di la bzhugs shig /ci/ khri'u 'di yang kho bo la sbyin nam/ 'phags pa/ khri'u 'di ni/ mi gsol lo/ /des bsam pa/ gal te khri'u mi ster na/ khri'u 'di bcag par bya'o/ /snyam du rig nas/ des khri'u de nyid la lus thams cad kyis ljid kyis phab ste 'dug pa dang bsgyel nas zho'i kham phor dang / phye'i kham phor de de'i mgor bo ba dang / de dag gis rta gad kyis btab ste/ lag pa dang rkang pa dag nas bzung nas byang chub sems dpa' rol pa'i rdzing du 'phangs so/ /de langs te gos dag 'tshir ba de/ dge </font><hr>Nya356b<br><font size=+1>


slong rnams kyis mthong nas smras pa/ tshe dang ldan pa 'char ka/ 'di ci nyes/ des smras pa/ kho bos ku re chung zhig byas nas nyes dmigs 'di lta bu 'di byung ngo / /de dag smod par byed/ 'phyar kha gtong bar byed/ kha zer bar byed pa thos nas skabs de/ dge slong rnams kyis bcom ldan 'das la gsol pa dang / bcom ldan 'das kyis dgongs pa/ de dag gnas su smod do/ /snyam nas bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ lus thams cad ljid kyis mi dbab par khyim gzhan du stan la 'dug par bslab par bya'o/ /drug sde dag gnas su khyim gzhan du rkang pa bsnol te 'dug par byed nas bram ze dang / khyim bdag dad pa can dag smod par byed de/ 'phags pa dang / dwa dag dang / rgyan po pa dag dang / nal gyi bu dag 'di ltar mchis pas/ 'di ni/ tshul dang mthun pa ma lags kyi/ 'di ltar ma bzhugs shig /de dag gis smras pa/ shes ldan dag /'di la dgos pa yod do/ / 'phags pa dag /dgos pa gang lags/ je dang por khyed cag nyid mi shes pa dang bral ba dang / bslab par gyur pa'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no/ /snyam nas bka' stsal pa/ de lta bas na/ nga'i nyan thos rnams kyis 'dul ba </font><hr>Nya357a<br><font size=+1>


@#/ /la bslab pa'i gzhi 'di ltar gdon par bya ste/ rkang pa mi bsnol bar khyim gzhan du stan la 'dug par bslab par bya'o/ /drug sde dag khyim gzhan du brla bsnol te 'dug par byed nas bram ze dang / khyim bdag dad pa can dag smod par byed de/ 'phags pa dag /dwa dag dang / rgyan po pa dag dang / nal gyi bu dag 'di ltar mchis pas/ 'di ni/ tshul dang mthun pa ma lags kyi/ 'di ltar ma bzhugs shig /de dag gis smras pa/ shes ldan dag /'di la dgos pa yod do/ /'phags pa dag /dgos pa gang lags je dang por khyed cag nyid mi shes pa dang bral ba dang / bslab par gyur pa'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no/ /snyam nas bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ brla mi bsnol bar khyim gzhan du stan la 'dug par bslab par bya'o/ /drug sde dag long bu'i steng du long bu bzhag ste khyim gzhan du 'dug par byed nas bram ze dang / khyim bdag dad pa can dag smod par byed de/ 'phags pa dag /dwa dag dang / rgyan po pa dag dang / nal gyi bu dag 'di ltar mchis par bgyid pas/ 'di ni/ tshul </font><hr>Nya357b<br><font size=+1>


dang mthun pa ma lags kyi/ 'di ltar ma bzhugs shig /de dag gis smras pa/ shes ldan dag /'di la dgos pa yod do/ /'phags pa dag /dgos pa gang lags/ je dang por khyed cag nyid mi shes pa dang bral ba dang / bslab par gyur pa'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no/ /snyam nas bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ long bu'i steng du long bu mi bzhag par khyim gzhan du stan la 'dug par bslab par bya'o/ /drug sde dag rkang pa bkug ste khyim gzhan du 'dug par byed nas dge bsnyen ma dag lhags te phyag 'tshal ba na| de de dag a rog gya mi zer nas de dag gis smras pa/ 'phags pa dag /ci'i slad du a rog gya mi gsung / de dag gis smras pa/ khyed cag gis kho bo cag gi rkang pa la phyag ma byas so/ / de dag de dag gi rkang pa la phyag 'tshal ba na/ rkub tshos 'jal bar byed cing / dga' bo nye dga'/ 'di dag gi rkub tshos che khyad la ltos shig smras pa dang / de dag ngo tsha nas cang mi smra bar 'khod pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab </font><hr>Nya358a<br><font size=+1>


@#/ /pa'i gzhi 'di ltar gdon par bya ste/ rkang pa mi dgug par khyim gzhan du stan la 'dug par bslab par bya'o/ /drug sde dag rkang pa gdangs te khyim gzhan du 'dug par byed nas dge bsnyen ma dag lhags te phyag 'tshal ba na/ de dag a rog gya lhag ma dang bcas par zer nas de dag gis smras pa/ 'phags pa dag /ci'i slad du a rog gya lhag ma dang bcas par gsung / de dag gis smras pa/ khyed cag gis kho bo cag gi rkang pa la phyag ma byas so/ /de dag gis de dag gi rkang pa la phyag 'tshal ba na/ rkub tshos 'jal bar byed cing / dga' bo nye dga'/ 'di dag gis rkub tshos che khyad la ltos shig smras pa dang / de dag ngo tsha nas cang mi smra bar 'khod pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ rkang pa mi gdangs par khyim gzhan du stan la 'dug par bslab par bya'o/ /drug sde dag mdoms snang bar stan la 'khod cing sgren mor snang nas bram ze dang / khyim bdag dad pa can dag smod par byed de/ 'phags pa dag /byis pa khye'u dag dang / chang gis ra ro ba dag dang / 'byung po dang / sha zas brlams pa dag 'di ltar mchis pas/ 'di ni/ tshul dang mthun pa ma lags kyi/ 'di ltar ma </font><hr>Nya358b<br><font size=+1>


bzhugs shig /de dag gis smras pa/ shes ldan dag /'di la dgos pa yod do/ /'phags pa dag /dgos pa gang lags/ je dang por khyed cag nyid mi shes pa dang bral ba dang / bslab par gyur pa'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no| |snyam nas bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mdoms mi snang bar khyim gzhan du stan la 'dug par bslab par bya'o/ /bslab pa bsdu ba'i mdo ni/ ma bsgo bar khyim gzhan du stan la mi 'dug par bslab par bya/ stan la ma brtags pa dang / lus thams cad kyi ljid kyis mi dbab pa dang / rkang pa mi bsnol ba dang / brla mi bsnol ba dang / long bu'i steng du long bu mi gzhag pa dang / rkang pa mi dgug pa dang / rkang pa mi gdang ba dang / mdoms mi snang bar khyim gzhan du stan la 'dug par bslab par bya'o/ /sangs rgyas bcom ldan 'das chu srin byis pa gsod kyi 'jigs rung gi tshal ri dwags kyi nags na bzhugs so/ /rgyal bu rtog ldan gyis khang bzang pad+ma can tshon brgya rtsa gcig gis bres pa der/ dge slong gi dge 'dun spyan drangs te bshos gsol ba na/ rgyal bu rtog ldan ni/ dad pa dang ldan pa yin la/ 'khor ni/ ma dad pas/ 'brim mkhan </font><hr>Nya359a<br><font size=+1>


@#/ /rnams kyis la du dag gis dge slong rnams kyis lhung bzed dag gcog par byed nas drug sde dag gis gros byas pa/ 'di dag mi dga' bar bya'o/ /zhes de dag 'bras chan dang / tshod ma 'brim pa dang / drug sde dag gis lhung bzed phyir bskyed pa dang / de dag gis sa la bo nas de dag gis smras pa/ 'phags pa dag /rgyal bu rtog ldan gyi khang bzang pad+ma can tshon brgya rtsa gcig gis bris pa'i sa gzhi khyed kyis ma rungs par byas so/ /de dag gis smras pa/ bkren pa dag /khyed cag sa gzhi ma rungs pa na mi dga' bar byed na/ dge slong gang dag gis lhung bzed dag chag pa de dag ji ltar byed ces zer ba thos nas skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ legs par zas blang bar bslab par bya'o/ /drug sde dag rgyal bu rtog ldan gyi khyim du bsod snyoms la zhugs nas de dag dang por 'bras chan ji tsam gyis lhung bzed gang ba de tsam len par byed pa na/ bsod snyoms 'bul ba dag gis smras pa/ 'phags pa dag /skyu rum gang du stsal/ de dag gis smras pa/ 'di nyid du lugs shig /de dag gis der blugs pa dang / de steng du lud de sa la bo nas de </font><hr>Nya359b<br><font size=+1>


dag gis smras pa/ 'phags pa dag /rgyal bu rtog ldan gyi khang bzang pad+ma can tshon brgya rtsa gcig gis bris pa'i sa gzhi khyod kyis ma rungs par byas so/ /de dag gis smras pa/ bkren pa dag |re zhig rgyal bu rtog ldan gyis 'di la lhag par chags par byas nas gang du skye bar 'gyur ba ni/ mi shes kyi/ khyed cag ni/ 'di la lhag par chags par byas nas yi dwags wa ba can rnams kyi nang du skye bar 'gyur ro/ /zhes zer ba'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mu dang kha da chad du ma yin par zas blang bar bslab par bya'o/ /drug sde dag rgyal bu rtog ldan gyi khyim du bsod snyoms la zhugs nas de dag dang por tshod ma ji tsam gyis lhung bzed gang ba de tsam len par byed pa na/ bsod snyoms 'bul ba dag gis smras pa/ 'phags pa dag /'bras chan gang du stsal| de dag gis smras pa/ 'di nyid du lugs shig /de dag gis der blugs pa dang / de steng du lud de bo nas de dag gis smras pa/ 'phags pa dag /rgyal bu rtog ldan gyi khang bzang pad+ma can tshon brgya rtsa gcig gis bris pa'i sa gzhi khyed kyis ma rungs par byas so/ /de dag gis smras pa/ bkren pa dag /re zhig rgyal bu rtog ldan gyis 'di la lhag par chags </font><hr>Nya360a<br><font size=+1>


@#/ /par byas nas gang du skye bar 'gyur ba ni/ ma shes kyi/ khyed cag ni/ 'di la lhag par chags par byas nas yi dwags wa ba can rnams kyi nang du skye bar 'gyur ro/ / zhes zer ba'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ tshod ma dang mnyam par ma yin par zas blang bar bslab par bya'o/ /drug sde dag /zan za ba na/ tshod ma mi len par phyis thag ring du song ba dang 'bod par byed nas 'brim mkhan dag brel bar gyur pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mthar chags su zas blang ba la bslab par bya'o/ /mnyan yod na khyim bdag cig 'dug pa des sangs rgyas la sogs pa dge slong gi dge 'dun khyim gzhan du gdugs tshod la spyan drangs nas des zhal zas bsod pa sta gon byas nas de dang por zan brim par brtsams pa dang / dge slong rnams kyis mang du blang bar brtsams pa na/ des smras pa/ 'phags pa dag /bdag gis zhal zas bsod pa sta gyon bgyis kyi/ mang du ma bzhes shig /drug sde dag gis smras pa/ dga' bo nye </font><hr>Nya360b<br><font size=+1>


dga'/ khyim bdag bkren pa 'dis zan yang 'gog par byed kyi/ mang du blang ngo / /zhes de dag gis mang du blangs so/ /ji tsam na rgan pa'i mtha' logs su bca' ba bsod pa dag 'brim pa drug sde dag gis mthong nas de dag gi 'og na dge slong rgan zhugs shig 'dug pa de rgan pa'i mtha' logs su rnam par blta ba'i tshe drug sde dag gis de'i lhung bzed zan gyi chang bus bkang ngo / /khyim bdag des bca' ba brims pa na/ rgan zhugs de la bca' ba byin pa dang / de lhung bzed kyi gzhir lhung nas/ des khyim bdag gi gdong du lta bar brtsams pa dang / des smras pa/ 'phags pa dag /ci'i slad du khyod kyis zan mang po dag blangs/ khyim bdag /bdag gis ma blangs so/ /'o na 'di dag ga las mchis/ ma shes so/ /drug sde dag gis smras pa/ khyim bdag /rgyal po nga las nu la nyi ma bdun du dbyig gi char bab ces grags pa/ rgan zhugs 'di la yang de dang 'dra bar zan gyi chang bu'i char bab bo/ /de cang mi smra bar 'dug pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ lhung bzed la blta zhing zlas blang bar bslab par bya'o/ /drug sde dag bsod snyoms la zhugs pa na/ ji srid du bsod snyoms mi sbyin pa de srid du lhung bzed bzed de sdod nas bram ze dang / khyim </font><hr>Nya361a<br><font size=+1>


@#/ /bdag dad pa can dag smod par byed de/ 'phags pa dag /ci'i slad du bca' ba dang / bza' ba ma mchis par lhung bzed bzed de gzhes bar mdzad/ 'di ni| tshul dang mthun pa ma lags kyi/ 'di ltar ma mdzad cig /de dag gis smras pa/ shes ldan dag /'di la dgos pa yod do/ /de dag gis smras pa/ 'phags pa dag /dgos pa gang lags/ je dang por khyed cag nyid mi shes pa dang bral ba dang / bslab par gyur pa'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol ba dang / bcom ldan 'das kyis dgongs pa/ khyim pa dag zer ba bden no/ /snyam nas bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ bca' ba dang / bza' ba ma 'ongs par lhung bzed mi bzed par bslab par bya'o/ /mnyan yod na khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs nas khyim bdag de la 'bras chan ni/ mang / tshod ma ni/ nyung nas drug sde dag gis 'bras chan gyis tshod ma bkab pa dang / khyim bdag des 'bras chan mthong nas smras pa/ 'phags pa dag /skyu rum ma mchis sam ci/ de dag gis smras pa/ khyim bdag /'dir ltos shig /des </font><hr>Nya361b<br><font size=+1>


tshod ma gzhan yang byin no/ /dge slong rnams gtsug lag khang du song ste smras pa/ tshe dang ldan pa dag /khyim bdag de 'bras chan bzang po byas nas 'di ltar tshod ma nyung ngo / /drug sde dag gis smras pa/ kho bo cag gis ni/ tshod ma mang du thob bo/ /ji ltar/ de dag gis ji ltar gyur pa brjod pa dang / dge slong rnams kyis smras pa/ khyed cag de ltar byar rung ngam/ rung yang srid| mi rung yang srid de/ kho bo cag gis ni/ de ltar byas so/ /zhes zer ba'i skabs de/ dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ de lta bas na/ dge slong gis 'bras chan gyis tshod ma mi dgab par bslab par bya'o/ /mnyan yod na khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs nas khyim bdag de la tshod ma ni/ mang / 'bras chan ni/ nyung nas drug sde dag gis tshod mas 'bras chan bkab pa dang / khyim bdag des 'bras chan ma mthong nas smras pa/ 'phags pa dag /'bras chan ma mchis sam ci/ de dag gis smras pa/ khyim bdag /'dir ltos shig /des 'bras chan gzhan yang byin no/ / dge slong rnams gtsug lag khang du dong ste smras pa/ tshe dang ldan pa dag /khyim bdag des tshod ma bzang po byas nas 'di ltar 'bras chan nyung ngo / /drug sde dag gis smras pa/ kho bo </font><hr>Nya362a<br><font size=+1>


@#/ /cag gis ni/ 'bras chan mang du thob bo/ /ji ltar/ de dag gis ji ltar gyur pa brjod pa dang / dge slong rnams kyis smras pa/ khyed cag de ltar byar rung ngam/ rung yang srid/ mi rung yang srid de/ kho bo cag gis ni/ de ltar byas so/ /zhes zer ba'i skabs de/ dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ de lta bas na/ dge slong gis tshod mas 'bras chan mi dgab par bslab par bya'o/ /mnyan yod na dge slong bsod snyoms ba zhig bsod snyoms la rgyu ba na/ des 'bras chan dang tshod ma thob nas yang tshod ma dang 'bras chan thob pa dang / de bdag gis 'bras chan gyis tshod ma bkab cing / tshod mas 'bras chan bkab par ma gyur tam snyam du 'gyod pa skyes pa'i skabs de/ dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ dge slong dag /'di la ni/ nyes pa med de/ /de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang 'dod pa'i phyir 'bras chan gyis tshod ma mi dgab/ tshod mas 'bras chan mi dgab par bslab par bya'o/ /drug sde dag bca' ba dang / bza' ba'i steng du lhung bzed 'dzin par byed nas bram ze dang / khyim bdag dad pa can dag smod par byed de/ 'phags pa dag /gtsang sbra </font><hr>Nya362b<br><font size=+1>


ni| tha dad pa lags na/ ci'i slad du bca' ba dang / bza' ba'i steng du lhung bzed 'dzin par mdzad/ 'di ni/ tshul dang mthun pa ma lags kyi/ 'di ltar ma mdzad cig /de dag gis smras pa/ shes ldan dag /'di la dgos pa yod do/ /de dag gis smras pa/ 'phags pa dag /dgos pa gang lags/ je dang por khyed cag nyid mi shes pa dang bral ba dang / bslab par gyur pa'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol ba dang / bcom ldan 'das kyis dgongs pa/ khyim pa dag zer ba bden no/ /snyam nas bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ bca' ba dang / bza' ba'i steng du lhung bzed mi gzung bar bslab par bya'o/ /bslab pa bsdu ba'i mdo ni/ legs par kha zas blang bar bslab par bya/ mu dang kha da chad du ma yin pa dang / tshod ma dang mnyam par ma yin pa dang / mthar chags su dang / lhung bzed la lta ba dang / bca' ba dang bza' ba ma 'ongs par lhung bzed mi bzed pa dang / yang 'dod pa'i phyir 'bras chan gyis tshod ma mi dgab/ tshod mas 'bras chan mi dgab pa dang / bca' ba dang bca' ba'i steng du lhung bzed mi gzung bar bslab par bya'o// //'dul ba rnam par 'byed pa/ bam po gya gsum pa/ drug sde </font><hr>Nya363a<br><font size=+1>


@#/ /dag rnam par 'gyur pa dag gis zas za bar byed nas bram ze dang / khyim bdag dad pa can dag smod par byed de/ 'phags pa dag /byis pa khye'u dag dang / gzugs 'tsho ma dag 'di ltar 'tshal bar bgyid pas/ 'di ni/ tshul dang mthun pa ma lags kyi/ 'di ltar ma gsol cig /de dag gis smras pa/ shes ldan dag /'di la dgos pa yod do/ /'phags pa dag /dgos pa gang lags/ je dang por khyed cag nyid mi shes pa dang bral ba dang / bslab par gyur pa'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol ba dang / bcom ldan 'das kyis dgongs pa/ khyim pa dag zer ba bden no/ /snyam nas bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ legs par zas bza' bar bslab par bya'o/ /drug sde dag khyim gzhan du zan za ba na kham ha cang chung ngur za bar byed nas bram ze dang / khyim bdag dad pa can dag smod par byed de/ 'phags pa dag /byis pa khye'u dag dang / rigs kyi mna' ma dag dang / gzugs 'tsho ma dag 'di ltar 'tshal bas/ 'di ni/ tshul dang mthun pa ma lags kyi/ 'di ltar ma gsol cig /de dag gis smras pa/ shes ldan dag /'di la dgos pa yod do/ /'phags </font><hr>Nya363b<br><font size=+1>


pa dag /dgos pa gang lags/ je dang por khyed cag nyid mi shes pa dang bral ba dang / bslab par gyur pa'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no/ /snyam nas bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ kham ha cang chung ba ma yin par zas bza' bar bslab par bya'o/ /drug sde dag khyim gzhan du zan bza' ba na kham ha cang chen por zan za bar byed nas bram ze dang / khyim bdag dad pa can dag smod par byed de/ 'phags pa dag /mu lto ba dag 'di ltar 'tshal bas/ 'di ni/ tshul dang mthun pa ma lags kyi/ 'di ltar ma gsol cig /de dag gis smras pa/ shes ldan dag /'di la dgos pa yod do/ /'phags pa dag /dgos pa gang lags/ je dang por khyed cag nyid mi shes pa dang bral ba dang| bslab par gyur ba'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol ba dang / bcom ldan 'das kyis dgongs pa| khyim pa dag zer ba bden no/ /snyam nas bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar/ don par bya ste/ kha ha cang </font><hr>Nya364a<br><font size=+1>


@#/ /chen po ma yin par zas bza' bar bslab par bya'o/ /drug sde dag khyim gzhan du zan za ba na khams ran pa ma yin par za nas bram ze dang / khyim bdag dad pa can dag smod par byed de/ 'phags pa dag /byis pa khye'u dag dang / mu lto ba dag 'di ltar 'tshal bas/ 'di ni/ tshul dang mthun pa ma lags kyi/ 'di ltar ma gsol cig / de dag gis smras pa/ shes ldan dag /'di la dgos pa yod do/ /'phags pa dag /dgos pa gang lags/ je dang por khyed cag nyid mi shes pa dang bral ba dang / bslab par gyur pa'o| |de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol ba dang / bcom ldan 'das kyis dgongs pa/ khyim pa dag zer ba bden no/ /snyam nas bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ kham ran par zas bza' bar bslab par bya'o/ /mnyan yod na khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs pa dang / ji tsam na drug sde dag gis 'og na dge slong rgan zhugs shig 'dug pa de kha gdangs te rgan pa'i mtha' logs su lta bar byed pa dang / nye dgas de'i khar bong ba bcug ste je 'di zo zhig ces smras pa thos nas </font><hr>Nya364b<br><font size=+1>


skabs de/ dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ kham ma bzas par kha mi gdangs par bslab par bya'o/ /drug sde dag kha kham gyis bkang ste smra bar byed pa na skad nyams par gyur pa'i skabs de/ dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste| kha kham gyis bkang ste mi smra bar bslab par bya'o/ /bslab pa bsdu ba'i mdo ni/ legs par zas bza' bar bslab par bya/ /kham ha cang chung bar ma yin pa dang / kham ha cang chen po ma yin pa dang / kham ran pa dang / kham ma bzas par kha mi gdangs pa dang / kha kham gyis bkang ste mi smra bar bslab par bya'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs nas/ des tshod ma te por mngar ba dag sta gon byas pa dang / drug sde dag gis khas sgra phyung ste smras pa/ dga' bo nye dga'/ tshod ma dag te por skyur ro/ /khyim bdag des thos </font><hr>Nya365a<br><font size=+1>


@#/ /nas skyengs te cang mi smra bar 'dug pa'i skabs de/ dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ tsug tsug mi bya bar zas bza' bar bslab par bya'o/ /mnyan yod na khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs nas/ des tshod ma te por skyur ba dag sta gon byas pa dang / drug sde dag gis khas sgra phyung ste smras pa/ dga' bo nye dga'/ tshod ma te por mngar ro/ /khyim bdag des thos nas de skyengs te cang mi smra bar 'dug pa'i skabs de/ dge slong rnams kyi bcom ldan 'das la gsol ba dang / bcom ldan 'das kyis bka' stsal pa/ de lta bas na/ nga'i nyan thos rnams kyi 'dul ba la bslab pa'i gzhi 'di ltar gdon par bya ste/ cag cag mi bya bar zas bza' bar bslab par bya'o/ /mnyan yod na khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs nas khyim bdag de la snod spyad med pas des 'bras chan btsos te sgrom du blugs pa dang de tsha nas drug sde dag gis khas sgra phyung ste smras pa/ dga' bo nye dga'/ 'bras chan 'di te por grang </font><hr>Nya365b<br><font size=+1>


gi |kha'i dbugs kyis bsros te bza'o/ /khyim bdag des thos nas de skyengs te cang mi smra bar 'dug pa'i skabs de/ dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ hu hu mi bya bar zas bza' bar bslab par bya'o/ / mnyan yod na khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs nas des 'bras chan btsos te re lder bdal ba dang / de grang bar gyur nas drug sde dag gis khas sgra phyung ste smras pa/ dga' bo nye dga'/ 'bras chan 'di te por tsha bas kha'i dbugs kyis bsgrangs te bza'o/ /khyim bdag des thos nas de skyengs te cang mi smra bar 'dug pa'i skabs de/ dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ phu phu mi bya bar zas bza' bar bslab par bya'o/ /drug sde dag khyim gzhan du zan za ba na lce phyung ste blta zhing mchu gnyis la ldag par byed nas dge slong rnams kyis de dag la smras pa/ tshe dang ldan pa dag /ci'i phyir lce phyung ste blta/ de dag gis smras pa/ tshe dang ldan pa dag /ma bzas par mid na/ mi rung bas de ltar ro/ /de </font><hr>Nya366a<br><font size=+1>


@#/ /dag smod par byed pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ lce phyung ste zas mi bza' bar bslab par bya'o/ /bslab pa bsdu ba'i mdo ni/ tsug tsug mi bya ba dang / cag cag mi bya ba dang / hu hu mi bya ba dang / phu phu mi bya ba dang / lce phyung ste zas mi bza' bar bslab par bya'o/ /drug sde dag khyim gzhan du zan za ba na 'bras chan 'bru re re nas 'thu zhing za nas bram ze dang / khyim bdag dad pa can dag smod par byed de/ 'phags pa dag /byis pa khye'u dag dang / dwa dag dang / rgyan po pa dag dang / nal gyi bu dag 'di ltar 'tshal bas/ 'di ni/ tshul dang mthun pa ma lags kyi/ 'di ltar ma gsol cig /de dag gis smras pa/ shes ldan dag /'di la dgos pa yod de/ 'phags pa/ dgos pa gang lags je dang por khyed cag nyid mi shes pa dang bral ba dang / bslab par gyur pa'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no/ /snyam nas bka' stsal pa/ de lta bas na/ nga'i nyan thos rnams kyis 'dul ba la bslab </font><hr>Nya366b<br><font size=+1>


pa'i gzhi 'di ltar gdon par bya ste/ 'bru nas tha dad du mi bya bar zas bza' bar bslab pa bya'o/ /drug sde dag khyim gzhan du zan za ba na/ dga' bo nye dga'/ tshod ma 'di dag ha cang kha'o// ha cang skur ro/ /zhes zer ba'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa dang / de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ 'phyas mi gdags par zas bza' bar bslab par bya'o/ /drug sde dag khyim gzhan du zas za ba na 'khur ba nas 'khur bar kham spo zhing za bar byed nas bram ze dang / khyim bdag dad pa can dag smod par byed de/ 'phags pa dag /byis pa khye'u dag dang / mu lto ba dag 'di ltar 'tshal bas/ 'di ni| tshul dang mthun pa ma lags kyi/ 'di ltar ma gsol cig /de dag gis smras pa/ shes ldan dag /'di la dgos pa yod do/ /'phags pa dag /dgos pa gang lags/ je dang por khyed cag nyid mi shes pa dang bral ba dang / bslab par gyur pa'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol pa dang| bcom ldan 'das kyis dgongs pa/ khyim pa dag zer ba bden no/ /snyam nas bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar </font><hr>Nya367a<br><font size=+1>


@#/ /gdon par bya ste/ mkhur ba mi spo bar zas bza' bar bslab par bya'o/ /drug sde dag khyim gzhan du zan za ba na rkan sgra gtog par byed nas bram ze dang / khyim bdag dad pa can dag smod par byed de/ 'phags pa dag /byis pa khye'u dag dang / mu lto ba dag 'di ltar 'tshal bas/ 'di ni/ tshul dang mthun pa ma lags kyi/ 'di ltar ma gsol cig /de dag gis smras pa/ bzhin bzang dag /'di la dgos pa yod do/ /'phags pa dag /dgos pa gang lags/ je dang por khyed cag nyid mi shes pa dang bral ba dang / bslab par gyur pa'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no/ /snyam nas bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ rkan mi gtog par zas bza' bar bslab par bya'o/ /drug sde dag khyim gzhan du zas za ba na/ kham blangs nas phyed khar 'jug cing / phyed lhung bzed du lhung bar byed nas bram ze dang / khyim bdag dad pa can dag smod par byed de/ 'phags pa dag /byis pa khye'u dag dang / mu lto ba dag 'di ltar 'tshal bas/ 'di ni/ tshul dang mthun pa ma lags kyi/ 'di ltar ma gsol </font><hr>Nya367b<br><font size=+1>


cig |de dag gis smras pa/ bzhin bzang dag /'di la dgos pa yod do/ /'phags pa dag /dgos pa gang lags/ je dang por khyed cag nyid mi shes pa dang bral ba dang / bslab par gyur pa'o/ /de dag rgya cher smod pa la zhugs pa thos nas skabs de/ dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer pa bden no/ /snyam nas bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ kham 'phror mi gcad par zas bza' bar bslab par bya'o/ /bslab pa bsdu ba'i mdo ni/ 'bru nas tha dad du mi bya ba dang / 'phyas mi gdags pa dang / mkhur ba mi spo ba dang / rkan mi gtog pa dang / kham 'phror mi gcad par zas bza' bar bslab par bya'o/ /drug sde dag khyim gzhan du zan za ba na lag pa ldag par byed nas dge slong rnams kyis smras pa/ tshe dang ldan pa dag /ci'i phyir mi mdzes pa 'di lta bu byed/ de dag gis smras pa/ tshe dang ldan pa dag /snying po gang yin pa de 'di la chags so/ /de dag smod par byed pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ lag pa mi ldag </font><hr>Nya368a<br><font size=+1>


@#/ /par zas bza' bar bslab par bya'o/ /drug sde dag khyim gzhan du zan za ba na lhung bzed 'byog par byed nas dge slong rnams kyis smras pa/ tshe dang ldan pa dag /ci'i phyir mi mdzes pa 'di lta bu byed/ de dag gis smras pa/ tshe dang ldan pa dag /snying po gang yin pa dag 'di la chags so/ /de dag smod par byed pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ lhung bzed mi 'byog par zas bza' bar bslab par bya'o/ /drug sde dag khyim gzhan du zan za ba na lag pa sprug par byed pas dge slong rnams la lag pa'i chus phog nas de dag smod par byed pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ lag pa mi sprug par zas bza' bar bslab par bya'o/ /drug sde dag khyim gzhan du zan za ba na de dag gi 'og na dge slong rnam sbyar dmar ser can zhig 'dug nas drug sde dag gis smras pa/ dga' bo nye dga'/ bkren pa 'di'i snying lam </font><hr>Nya368b<br><font size=+1>


na yu bu cag gis sngon lan 'ga' yang snam sbyar 'di lta bu gyon ma myong snyam gyi/ 'di mi dga' bar bya'o/ /zhes de dag gis lhung bzed bskyams pa dang / dge slong de'i snam sbyar lhung bzed kyi chus ma rungs par gyur nas de smod pa la zhugs pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa| de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ lhung bzed mi bskyam par zas bza' bar bslab par bya'o/ /mnyan yod na khyim bdag cig 'dug pa de gcer bu pa dag la mngon par dad do/ /de dus gzhan zhig na bcom ldan 'das la mngon par dad par gyur nas des dge slong gi dge 'dun khyim gzhan du gdugs tshod la spyan drangs nas der phye dag brims pa dang / drug sde dag gis de dag spus te mchod rten 'dra bar rnam par bzhag go /la phug gi phyed tshal dag brims pa dang / de yang de nyid la btsugs te srog shing 'dra bar rnam par bzhag go /'khur ba dag brims pa dang / de yang la phug de nyid kyi steng du gdugs 'dra bar rnam par bzhag go / de nas smras pa/ dga' bo nye dga' dag /mchod rten 'di ni/ ngan 'gro rdzogs par byed pa rdzogs byed kyi yin no/ /zhes zer ro/ /yang bcom ste za zhing smras pa/ dga' bo nye dga'/ </font><hr>Nya369a<br><font size=+1>


@#/ /ngan 'gro rdzogs par byed pa rdzogs byed kyi mchod rten rdib bo/ /zhes zer ro/ /khyim bdag des mthong nas des smras pa/ 'phags pa dag /bdag ni| sdig pa can gyi lta ba'i rnam pa de lta bu bral ba lags na/ khyed cag da dung yang zhe sdang dang ma bral lo/ /de dag cang mi smra bar 'khod pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mchod rten 'dra ba bcom ste zas mi bza' bar bslab par bya'o/ /bslab pa bsdu ba'i mdo ni/ lag pa mi ldag pa dang / lhung bzed mi 'byog pa dang / lag pa mi sprug pa dang / lhung bzed mi bskyams pa dang / mchod rten 'dra ba bcom ste zas mi bza' bar bslab par bya'o/ /drug sde dag khyim gzhan du zan za ba na/ de dag gi drung na 'dug pa'i dge slong mang du za ba dang / drug sde dag 'phyas 'dogs shing / dga' bo nye dga'/ rgan zhugs 'di/ mang po 'di snyed za ba la ltos zhes zer ba'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ drung na </font><hr>Nya369b<br><font size=+1>


'dug pa'i dge slong gi lhung bzed la 'phyas gdags pa'i phyir mi blta bar bslab par bya'o/ /drug sde dag khyim gzhan du zan za ba na/ lag pa zas dang 'bags pas chu snod la 'dzin par byed nas ma dad pa dag /shAkya'i dge sbyong dag ni/ lag pa zas dang 'bags pas chu snod la 'dzin pas gtsang sbra med pa yin no/ /zhes co 'dri bar byed pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste| lag pa zas dang 'bags pas chu snod la mi gzung bar bslab par bya'o/ /drug sde dag khyim gzhan du zan za ba na de dag gi 'og na dge slong snam sbyar dmar ser can zhig 'dug nas drug sde dag gis smras pa/ dga' bo nye dga'/ bkren pa 'di'i snying lam na yu bu cag gis sngon lan 'ga' yang snam sbyar 'di lta bu gyon ma myong snyam gyi/ 'di mi dga' bar bya'o| |zhes de dag gis zas dang 'bags pa'i chus gtor ba dang / dge slong de'i snam sbyar zas dang 'bags pa'i chus ma rungs par gyur nas de smod pa la zhugs pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon </font><hr>Nya370a<br><font size=+1>


@#/ /par bya ste/ drung na 'dug pa'i dge slong la zas dang 'bags pa'i chus mi gtor bar bya'o/ /sangs rgyas bcom ldan 'das chu srin byis pa gsod kyi ri la 'jigs rung gi nags ri dwags kyi tshal na bzhugs so/ /rgyal bu rtog ldan gyis khang bzang pad+ma can tshon brgya rtsa gcig gis bris pa der dge slong gi dge 'dun spyan drangs te bshos gsol pa na/ drug sde dag gis lhung bzed kyi chu de nyid du pho ba dang / 'brim mkhan/ 'phags pa dag /rgyal bu rtog ldan gyi khang bzang pad+ma can tshon brgya rtsa gcig gis bris pa'i sa gzhi khyed kyis ma rungs par byas so/ /zhes smod par byed pa dang / drug sde dag gis smras pa/ rgyal bu rtog ldan gyis re zhig 'di la chags par byas nas gang du skye bar 'gyur ba ni/ ma shes kyi/ khyed cag ni/ 'di la chags par byas nas yi dwags lnga pa can rnams kyi nang du skye bar 'gyur ro/ /de dag smod pa la zhugs pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ chu zas dang 'bags pa khyim gzhan du mi dbo par bslab par bya'o/ /mnyan yod na khyim bdag cig gis khyim rtsig tu bcug nas dge slong gi dge 'dun gdugs tshod la spyan drangs te bshos gsol pa na/ dge slong </font><hr>Nya370b<br><font size=+1>


rnams chu zas dang 'bags pa khyim gyi phyi rol tu 'bo bar byed nas khyim bdag des smras pa/ 'phags pa dag /'di nyid du pho zhig dang / bdag gi khyim gyi spyad par 'gyur ro/ / zhes zer ba'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gal te khyim pa na re pho zhig ces zer na/ dbo bar bya'o| |gzhan du dbo bar mi bya'o/ /de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ khyim pa 'dug pa la ma dris par chu zas dang / 'bags pa khyim gzhan du mi dbo bar bslab par bya'o/ /bslab pa bsdu ba'i mdo ni/ drung na 'dug pa'i dge slong gi lhung bzed la 'phyas gdags pa'i phyir mi blta bar bslab par bya| lag pa zas dang 'bags pas chu snod la mi gzung bar bslab par bya/ drung na 'dug pa'i dge slong la zas dang 'bags pa'i chus mi gtor bslab par bya/ khyim pa 'dug pa la ma dris bar chu zas dang 'bags pa khyim gzhan du mi dbo bar bslab par bya'o/ /mnyan yod na bram ze zhig 'dug pa de'i bu na bar gyur nas de sman pa'i gan du song ste smras pa/ bzhin bzang / kho bo'i bu na bas sman ston cig /sman pa de dad can zhig yin pas des smras pa/ bram ze/ 'phags pa rnams kyi lhung bzed kyi chus khrus </font><hr>Nya371a<br><font size=+1>


@#/ /gyis shig /de rgyal byed kyi tshal du song ba dang / drug sde dag las gang yang rung bas rgyal byed kyi sgo stong bar mi 'jog pas/ tshe dang ldan pa nye dga' rgyal byed kyi tshal gyi sgo na 'chag cing 'dug nas bram ze des de'i rkang pa la phyag 'tshal te/ des smras pa/ 'phags pa/ bdag gi bu spro 'tshal te/ de la 'bags pa dag gi lhung bzed kyi chab cig 'tshal na/ stsal du gsol/ des smras pa/ bram ze/ 'di nyid du re zhig sdod cig dang / lhung bzed kyi chu khyer te 'ong ngo / /des gtsug lag khang du song ste lhung bzed du phye nyung shas shig dang / 'bras chan nyung shas shig dang / 'khur ba nyung shas shig dang / sha nyung shas shig dang / rus pa nyung shas shig blugs te chus blugs nas phyir phyung ste smras pa/ bram ze/ longs shig /bram ze des mthong nas smras pa/ 'phags pa/ khyed kyi lhung bzed kyi chab 'di lta bu'am/ bram ze/ 'di lta bu'o/ /'phags pa/ bdag gi bu gum pa ni/ legs kyi/ 'di lta bu'i mi gtsang bas bkru ba ni/ mi rung ngo / /zhes zer ba'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ lhung bzed kyi nang du zas kyi lhag ma blugs te mi dor bar bslab par bya'o/ /'di ltar </font><hr>Nya371b<br><font size=+1>


gang lhung bzed kyi chu slong ba de la/ lhung bzed lan gsum bkrus te gtsug lag khang gi tshigs su bcad pa dag gis bzlas brjod byas pa'i lhung bzed kyi chu sbyin par bya'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /dge slong dag /'og gzhi med pa'i sa phyogs su lhung bzed 'jog par byed nas de btsas zos pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ 'og gzhi med pa'i sa phyogs su lhung bzed mi gzhag par bslab par bya'o/ /dge slong dag /lhung bzed gad khar 'jog par byed nas de 'dril te chag pa'i skabs de| dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ gad kha ma yin par lhung bzed gzhag par bya'o/ /dge slong dag /lhung bzed g.yang sar 'jog par byed nas de 'dril te chag pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ g.yang sa </font><hr>Nya372a<br><font size=+1>


@#/ /ma yin par lhung bzed gzhag par bslab par bya'o/ /dge slong dag /lhung bzed dkan gzar por 'jog par byed nas de 'dril te chag pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dkan gzar po ma yin par lhung bzed gzhag par bslab par bya'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so| |dge slong zhig 'greng ste lhung bzed 'khru nas dge slong rnams kyis de la smras pa/ tshe dang ldan pa dag /'greng zhing lhung bzed ma 'khru zhig /des smras pa/ ci 'gyur/ shor te chag par 'gyur ro/ /gzhan ci zhig tu 'gyur/ de dag gis bzlog pa na ma btub nas lhung bzed de shor te chag pa'i skabs de/ dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ 'greng ste lhung bzed mi bkru bar bslab par bya'o| |dge slong dag /lhung bzed gad khar 'khru bar byed nas de shor te 'dril nas chag pa'i skabs de/ dge slong rnams kyis bcom ldan 'das la gsol pa dang / bcom ldan </font><hr>Nya372b<br><font size=+1>


'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ gang kha ma yin par lhung bzed bkru bar bslab par bya'o/ / dge slong dag /lhung bzed g.yang sar 'khru bar byed nas de shor te 'dril nas chag pa'i skabs de/ dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ g.yang sa ma yin par lhung bzed bkru bar bslab par bya'o/ /dge slong dag /lhung bzed dkan gzar por 'khru bar byed nas de shor te 'dril ba'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dkan gzar po ma yin par lhung bzed bkru bar bslab par bya'o/ /dge slong dag / 'bab chu drag po'i rgyun las ldog ste lhung bzed kyis chu 'chu bar byed nas de shor te chus khyer ba'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ 'bab chu drag po'i rgyun las ldog ste lhung bzed kyis chu mi bcu bar </font><hr>Nya373a<br><font size=+1>


@#/ /bslab par bya'o/ /bslab pa bsdu ba'i mdo ni/ lhung bzed kyi nang du lhag ma blugs te mi dor bar bslab par bya'o/ /'og gzhi med pa'i sa phyogs su lhung bzed mi gzhag par bslab par bya/ gad kha ma yin pa dang / g.yang sa ma yin pa dang / dkan gzar po ma yin par lhung bzed gzhag par bslab par bya/ 'greng ste lhung bzed mi bkru bar bslab par bya/ gad kha ma yin pa dang / g.yang sa ma yin pa dang / dkan gzar po ma yin par lhung bzed bkru bar bslab par bya/ 'bab chu drag po'i rgyun las ldog ste lhung bzed kyis chu mi bcu par bslab par bya'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /drug sde dag mi na bar 'dug pa la 'greng ste chos 'chad par byed nas bram ze dang / khyim bdag dad pa can dag /bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pas 'dug pa la 'greng ste chos 'chad par byed dam/ zhes smod par byed nas de dag cang mi smra bar 'khod pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan </font><hr>Nya373b<br><font size=+1>


thos rnams kyis 'dul ba la bslab pa'i gzhi 'di ltar gdon par bya ste/ mi na bar 'dug pa la 'greng ste chos mi bshad par bslab par bya'o/ /drug sde dag mi na bar nyal ba la 'dug ste chos 'chad par byed nas bram ze dang / khyim bdag dad pa can dag /'phags pa dag /bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i ye shes brnyes na/ khyed cag rjes med pa dang / gus pa med pas nyal ba rnams la 'dug ste chos 'chad par byed dam zhes smod par byed nas de dag cang mi smra bar 'khod pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar nyal ba la 'dug ste chos mi bshad par bslab par bya'o/ /drug sde dag mi na bar stan mthon po la 'dug pa la stan dma' ba la 'dug ste chos 'chad par byed nas bram ze dang / khyim bdag dad pa can dag /'phags pa dag /bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i ye shes brnyes na/ khyed cag rjes med pa dang / gus pa med pa stan mthon po la 'dug </font><hr>Nya374a<br><font size=+1>


@#/ /pa rnams la stan dma' ba la 'dug ste chos 'chad par byed dam zhes smod par byed nas de dag cang mi smra bar 'khod pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na par stan mthon po la 'dug pa la stan dma' ba la 'dug ste chos mi bshad par bslab par bya'o/ /drug sde dag mi na bar mdun du 'gro ba la phyi nas 'gro zhing chos 'chad par byed nas bram ze dang| khyim bdag dad pa can dag /'phags pa dag /bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa mdun du 'gro ba rnams la phyi nas 'gro zhing chos 'chad par byed dam zhes smod par byed nas de dag cang mi smra bar 'khod pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar mdun du 'gro ba la phyi nas 'gro zhing chos mi bshad par bslab par bya'o/ /drug sde dag mi na bar </font><hr>Nya374b<br><font size=+1>


lam nas 'gro ba la lam gyi 'gram nas 'gro zhing chos 'chad par byed nas bram ze dang / khyim bdag dad pa can dag /'phags pa dag /bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa lam nas 'gro ba rnams la lam gyi 'gram nas 'gro zhing chos 'chad par byed dam zhes smod par byed nas de dag cang mi smra bar 'khod pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar lam nas 'gro ba la lam gyi 'gram nas 'gro zhing chos mi bshad par bslab par bya'o/ /bslab pa bsdu ba'i mdo ni/ mi na bar 'dug pa la 'greng ste chos mi bshad par bslab par bya/ mi na bar nyal ba la 'dug ste chos mi bshad par bslab par bya/ mi na bar stan mthon po la 'dug pa la stan dma' ba la 'dug ste chos mi bshad par bslab par bya/ mi na bar mdun du 'gro ba la phyi nas 'gro zhing chos mi bshad par bslab par bya/ mi na bar lam nas 'gro ba la lam gyi 'gram nas 'gro zhing chos mi bshad par bslab par bya'o/ /drug sde dag mi na bar mgo </font><hr>Nya375a<br><font size=+1>


@#/ /g.yogs pa la chos 'chad par byed nas bram ze dang / khyim bdag dad pa can dag /'phags pa dag /bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa mgo g.yogs pa rnams la chos 'chad par byed dam zhes smod par byed nas de dag cang mi smra bar 'khod pa'i skabs de/ dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar mgo g.yogs pa la chos mi bshad par bslab par bya'o/ /drug sde dag mi na bar brdzes pa la chos 'chad par byed nas bram ze dang / khyim bdag dad pa can dag /'phags pa dag /bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa brdzes pa rnams la chos 'chad par byed dam zhes smod par byed nas de dag cang mi smra bar 'khod pa'i skabs de/ dge slong rnams kyis </font><hr>Nya375b<br><font size=+1>


bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar brdzes pa la chos mi bshad par bslab par bya'o/ /drug sde dag mi na bar gzar ba la chos 'chad par byed nas bram ze dang / khyim bdag dad pa can dag /'phags pa dag /bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa gzar ba rnams la chos 'chad par byed dam zhes smod par byed nas de dag cang mi smra bar 'khod pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar gzar ba la chos mi bshad par bslab par bya'o/ /drug sde dag mi na bar gnya' gong du bsnol ba la chos 'chad par byed nas bram ze dang / khyim bdag dad pa can dag /'phags pa dag /bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i </font><hr>Nya376a<br><font size=+1>


@#/ /ye shes brnyes na/ khyed cag rje sa med pa dang / gus pa med pa gnya' gong du bsnol ba rnams la chos 'chad par byed dam zhes smod par byed nas de dag cang mi smra bar 'khod pa'i skabs de/ dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar gnya' gong du bsnol ba la chos mi bshad par bslab par bya'o/ /drug sde dag mi na bar ltag par bsnol ba la chos 'chad par byed nas bram ze dang / khyim bdag dad pa can dag /'phags pa dag /bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i ye shes brnyes na/ khyed cag rjes med pa dang / gus pa med pa ltag par bsnol ba rnams la chos 'chad par byed dam zhes smod par byed nas de dag cang mi smra bar 'khod pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ ltag bar bsnol ba la chos mi bshad par bslab par bya'o/ / </font><hr>Nya376b<br><font size=+1>


bslab pa bsdu ba'i mdo ni/ mi na bar mgo g.yogs pa dang / brdzes pa dang / gzar ba dang / gnya' gong du bsnol ba dang / ltag par bsnol ba la chos mi bshad par bslab par bya'o/ / drug sde dag mi na bar skra do ker can la chos 'chad par byed nas bram ze dang / khyim bdag dad pa can dag /'phags pa dag /bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i ye shes brnyes na/ khyed cag rjes med pa dang / gus pa med pa skra do ker can rnams la chos 'chad par byed dam zhes smod par byed nas de dag cang mi smra bar 'khod pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar skra do ker can la chos mi bshad par bslab par bya'o/ /drug sde dag mi na bar zhwa gyon pa la chos 'chad par byed nas bram ze dang / khyim bdag dad pa can dag /'phags pa dag /bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa zhwa </font><hr>Nya377a<br><font size=+1>


@#/ /gyon pa rnams la chos 'chad par byed dam zhes smod par byed nas de dag cang mi smra bar 'khod pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar zhwa gyon pa la chos mi bshad par bslab par bya'o/ /drug sde dag mi na bar mgo cod pan can la chos 'chad par byed nas bram ze dang / khyim bdag dad pa can dag /'phags pa dag /bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa mgo cod pan can rnams la chos 'chad par byed dam zhes smod par byed nas de dag cang mi smra bar 'khod pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar mgo cod pan can la chos mi bshad par bslab par bya'o/ /drug sde dag mi na bar mgo phreng ba can la chos 'chad par byed nas bram ze dang / khyim bdag dad </font><hr>Nya377b<br><font size=+1>


pa can dag /'phags pa dag /bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa mgo phreng ba can rnams la chos 'chad par byed dam zhes smod par byas nas de dag cang mi smra bar 'khod pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar mgo phreng ba can la chos mi bshad par bslab par bya'o/ /drug sde dag mi na bar mgo dkris pa rnams la chos 'chad par byed nas bram ze dang / khyim bdag dad pa can dag /'phags pa dag /bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa mgo dkris pa rnams la chos 'chad par byed dam zhes smod par byed nas de dag cang mi smra bar 'khod pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis </font><hr>Nya378a<br><font size=+1>


@#/ /'dul ba la bslab pa'i gzhi 'di ltar gdon par bya ste/ mi na bar mgo dkris pa la chos mi bshad par bslab par bya'o/ /bslab pa bsdu ba'i mdo ni/ mi na bar skra do ker can dang / zhwa gyon pa dang / mgo cod pan can dang / mgo phreng ba can dang / mgo dkris pa la chos mi bshad par bslab par bya'o/ /drug sde dag mi na bar glang po che zhon pa rnams la chos 'chad par byed nas bram ze dang / khyim bdag dad pa can dag /'phags pa dag /bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa glang po che zhon pa rnams la chos 'chad par byed dam zhes smod par byed nas/ de dag cang mi smra bar 'khod pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar glang po che zhon pa rnams la chos mi bshad par bslab par bya'o/ /drug sde dag mi na bar rta zhon pa rnams la chos 'chad par byed </font><hr>Nya378b<br><font size=+1>


nas bram ze dang / khyim bdag dad pa can dag /'phags pa dag /bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa rta zhon pa rnams la chos 'chad par byed dam zhes smod par byed nas de dag cang mi smra bar 'khod pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar rta zhon pa la chos mi bshad par bslab par bya'o/ /drug sde dag mi na bar khyogs na 'dug pa rnams la chos 'chad par byed nas bram ze dang / khyim bdag dad pa can dag /'phags pa dag /bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa khyogs na 'dug pa rnams la chos 'chad dam zhes smod par byed nas de dag cang mi smra bar 'khod pa'i skabs de/ </font><hr>Nya379a<br><font size=+1>


@#/ /dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar khyogs na 'dug pa la chos mi bshad par bslab par bya'o/ /drug sde dag mi na bar bzhon pa'i steng na 'dug pa rnams la chos 'chad par byed nas bram ze dang / khyim bdag dad pa can dag /'phags pa dag /bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa bzhon pa'i steng na 'dug pa rnams la chos 'chad dam zhes smod par byed nas de dag cang mi smra bar 'khod pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar bzhon pa'i steng na 'dug pa la chos mi bshad par bslab par bya'o/ /drug sde dag mi na bar mchil lham gyon pa rnams la chos </font><hr>Nya379b<br><font size=+1>


'chad par byed nas bram ze dang / khyim bdag dad pa can dag /'phags pa dag /bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i ye shes brnyes na/ khyed cag rjes med pa dang / gus pa med pa mchil lham gyon pa rnams la chos 'chad dam zhes smod par byed nas de dag cang mi smra bar 'khod pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar mchil lham gyon pa la chos mi bshad par bslab par bya'o/ /bslab pa bsdu ba'i mdo ni/ mi na bar glang po che zhon pa dang / rta zhon pa dang / khyogs la 'dug pa dang / bzhon pa'i steng na 'dug pa dang / mchil lham gyon pa la chos mi bshad par bslab par bya'o/ /drug sde dag mi na bar lag na 'khar ba thogs pa rnams la chos 'chad par byed nas bram ze dang / khyim bdag dad pa can dag 'phags pa dag /bcom ldan 'das kyis bskal pa grangs med pa gsum gyis dga' ba spyad pa brgya stong phrag du ma dag gis pha rol tu phyin pa drug yongs su rdzogs par </font><hr>Nya380a<br><font size=+1>


@#/ /mdzad nas bla na med pa'i ye shes brnyes na/ khyed cag rje sa med pa dang / gus pa med pa lag na 'khar ba thogs pa la chos 'chad dam zhes smod par byed nas de dag cang mi smra bar 'khod pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar lag na 'khar ba thogs pa la chos mi bshad par bslab par bya'o| |drug sde dag mi na bar lag na gdugs thogs pa rnams la chos 'chad par byed nas bram ze dang / khyim bdag dad pa can dag /'phags pa dag /bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa lag na gdugs thogs pa rnams la chos 'chad dam zhes smod par byed nas de dag cang mi smra bar 'khod pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams </font><hr>Nya380b<br><font size=+1>


kyis 'dul ba la bslab pa'i gzhi 'di ltar gdon par bya ste/ mi na bar lag na gdugs thogs pa la chos mi bshad par bslab par bya'o/ /drug sde dag mi na bar lag na mtshon thogs pa rnams la chos 'chad par byed nas bram ze dang / khyim bdag dad pa can dag /'phags pa dag /bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa lag na mtshon thogs pa rnams la chos 'chad dam zhes smod par byed nas de dag cang mi smra bar 'khod pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar lag na mtshon thogs pa la chos mi bshad par bslab par bya'o/ /drug sde dag mi na bar lag na ral gri thogs pa rnams la chos 'chad par byed nas bram ze dang / khyim bdag dad pa can dag /'phags pa dag /bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su </font><hr>Nya381a<br><font size=+1>


@#/ /rdzogs par mdzad nas bla na med pa'i ye shes brnyes na/ khyed cag rjes med pa dang / gus pa med pa lag na ral gri thogs pa rnams la chos 'chad par byed dam zhes smod par byed nas de dag cang mi smra bar 'khod pa'i skabs de/ dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar lag na ral gri thogs pa la chos mi bshad par bslab par bya'o/ /drug sde dag mi na bar lag na dgra cha thogs pa rnams la chos 'chad par byed nas bram ze dang / khyim bdag dad pa can dag /'phags pa dag /bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i ye shes brnyes na/ khyed cag rjes med pa dang / gus pa med pa lag na dgra cha thogs pa rnams la chos 'chad par byed dam zhes smod par byed nas de dag cang mi smra bar 'khod pa'i skabs de/ dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la </font><hr>Nya381b<br><font size=+1>


bslab pa'i gzhi 'di ltar gdon par bya ste/ mi na bar lag na dgra cha thogs pa la chos mi bshad par bslab par bya'o/ /drug sde dag mi na bar go cha gyon pa rnams la chos 'chad par byed nas bram ze dang / khyim bdag dad pa can dag /'phags pa dag /bcom ldan 'das kyis bskal pa grangs med pa gsum gyis dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i ye shes brnyes na/ khyed cag rje sa med pa dang / gus pa med pa go cha gyon pa rnams la chos 'chad dam zhes smod par byed nas de dag cang mi smra bar 'khod pa'i skabs de/ dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar go cha gyon pa la chos mi bshad par bslab par bya'o/ /bslab pa bsdu ba'i mdo ni/ mi na bar lag na 'khar ba thogs pa dang / lag na gdugs thogs pa dang / lag na mtshon thogs pa dang / lag na ral gri thogs pa dang / lag na dgra cha thogs pa dang / go cha gyon pa la chos mi bshad par bslab par bya'o/ /sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' ra ba na bzhugs so/ /tshe dang </font><hr>Nya382a<br><font size=+1>


@#/ /ldan pa nye dga' 'greng bzhin du bshang gci byed nas bram ze dang / khyim bdag dad pa can dag smod par byed de/ 'phags pa dag /ston pa'i nyan thos ni/ ngo tsha dang ldan pa lags na/ ngo tsha dang / khel med pa 'di 'greng bzhin du bshang gci bgyid pa ga la gda' zhes zer ba'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste| mi na bar 'greng ste bshang gci mi bya bar bslab par bya'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /tshe dang ldan pa nye dga' btso blag mkhan gyi gan du song ste smras pa/ bzhin bzang / gos 'di khrus te byin cig /des smras pa/ 'phags pa/ khyod kyis sngon ni/ bdag cag srung ba byas par gyur na/ deng sang mi byed pas ci'i phyir khyod kyi gos bkrus te sbyin/ des sdod cig ces byas te song nas des bsam pa/ bkren pa de mi dga' bar bya'o/ /snyam nas de bkru sman zos te mi gtsang bas gyo mo bkang nas btso blag mkhan de'i bkru bshal sar blugs so/ /de nas btso blag mkhan de nang </font><hr>Nya382b<br><font size=+1>


par sngar langs te gos dag bkru bar brtsams pa dang / ji tsam na mi gtsang ba'i dri dro nas lag pa 'gram pa la gtad de sems khong du chud cing 'dug pa dang / nye dgas ched du bsam ste phyogs der song nas des smras pa/ bzhin bzang / khyod ci'i phyir sems khong du chud cing 'dug /des smras pa/ 'phags pa/ bkru bshal sa 'dir gcig gis mi gtsang ba blugs te las bgyir ma mchis pas/ da ji ltar 'tsho ba sbyar bar bgyi ba ma 'tshal to/ /nye dgas smras pa/ bkren pa/ khyod de ltar mi dga' bar bya'o/ /de smod pa la zhugs pa'i skabs de| dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar chu'i nang du bshang gci mi bya bar bslab par bya'o/ /thams cad chus gang ste go skabs med pa ni/ ma gtogs so/ /bshang gci ji lta ba bzhin du chu'i nang du mchil ma dang / snabs dang / skyug pa dang / rlug pa ma dor bar bslab par bya ba yang de bzhin no/ /sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so/ /tshe dang ldan pa nye dgas ldum pa'i gan du song ste smras pa/ bzhin bzang / ldum chung zhig byin cig /des smras pa/ 'phags pa/ khyod kyis sngon ni/ bdag cag srung </font><hr>Nya383a<br><font size=+1>


@#/ /ba byas par gyur na/ deng sang mi byed pas ci'i phyir khyod la ldum sbyin/ des sdod cig byas te song nas des bsam pa/ bkren pa de mi dga' bar bya'o/ /snyam nas des bkru sman zos te mi gtsang bas gyo mo bkang nas phyags ma thogs te ldum zhing gi steng thams cad du mi gtsang bas gtor nas ldum thams cad ma rungs par byas so/ /mi gtsang ba'i dris der wa dag 'dus nas de dag gis kyang ldum thams cad ma rungs par byas so/ /de nas ldum pa de ldum btsong pa'i phyir nang par sngar langs te ldum rar song ba dang / ji tsam na ldum thams cad mi gtsang bas gtor cing was kyang zos te zong du ma rungs par mthong nas de lag pa 'gram pa la gtad de sems khong du chud cing 'dug /des smras pa/ 'phags pa/ ldum zhing 'dir gcig gis mi gtsang bas gtor te zong du ma rungs pas de ji ltar 'tsho ba sbyar bar bgyi ba ma 'tshal to/ /nye dgas smras pa/ bkren pa/ khyod de ltar mi dga' bar bya'o| |de smod pa la zhugs pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ min par rtswa sngon po yod pa'i sa phyogs su bshang gci mi bya bar bslab par bya'o/ /thams cad sngos gang ste go skabs </font><hr>Nya383b<br><font size=+1>


med pa ni/ ma gtogs so/ /bshang gci ji lta ba bzhin rtswa sngon po yod pa'i sa phyogs su mchil ma dang / snabs dang / skyug pa dang / rlug pa mi dor bar bslab par bya ba yang de bzhin no/ /bslab pa bsdu ba'i mdo ni/ mi na bar 'greng ste bshang gci mi bya bar bslab par bya/ mi na bar chu'i nang du bshang gci dang / mchil ma dang / snabs dang / skyug pa dang / rlug pa mi dor bar bslab par bya/ mi na bar rtswa sngon po yod pa'i sa phyogs su bshang gci dang / mchil ma dang / snabs dang / skyug pa dang / rlug pa mi dor bar bslab par bya'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig gis sangs rgyas la sogs pa'i dge slong gi dge 'dun khyim gzhan du gdugs tshod la spyan drangs pa na/ tshe dang ldan pa nye dga' la dge bskos kyi bsod snyoms nod pa'i res bab nas des bsam pa/ gang gis dge bskos 'di zan gcad par bya ba de lta bu'i thabs ci yod snyam nas de 'di snyam du sems te gal te bdag la 'ga' zhig mnyan yod nas rgyal byed kyi tshal thag ji srid cig yod ces 'dri na/ bdag gis de la ji skad brjod par bya'i/ /rnam pa thams cad du gom pa dag gis sa gzhi gzhal bar bya'o/ /snyam nas de gom pa dag gis sa gzhi 'jal zhing dal bus 'ongs pa na/ dge bskos kyis bsam pa/ de yun </font><hr>Nya384a<br><font size=+1>


@#/ /ring du thogs pas bdag zan chad na mi rung gi /blta'o/ /snyam nas shing ljon pa zhig la 'dzeg ste blta bar brtsams pa dang / ji tsam na tshe dang ldan pa nye dga' dal bu dal bus 'ong ba mthong nas des bsam pa/ 'di ji ltar 'ong ba'i stangs las na/ 'dis bdag zan gcod par byed do/ /snyam du rig nas de shing ljon pa de las bab ste 'dug go /tshe dang ldan pa nye dga' yang 'ongs pa dang / de tsam na gdugs tshod yol nas des smras pa/ tshe dang ldan pa/ khyod 'gros de ltar 'ong ba las na/ don gyis na/ khyod kyis ched du bsam ste kho bo'i zan gcod du bcug go /khyod kyis kho bo ji ltar mthong / kho bos shing ljon pa la 'dzeg ste bltas so/ /khyod shing ljon pa la 'dzeg tu rung ngam/ /rung yang srid/ /mi rung yang srid/ /kho bos ni/ 'dzeg go /zhes zer ba'i skabs de/ dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ de lta bas na/ dge slong gis shing la mi 'dzeg par bslab par bya'o/ /bcom ldan 'das kyis dge slong gis shing la mi 'dzeg par bya'o/ /zhes bka' stsal nas dge slong dag tshon rtsi'i las byed par 'dod pas/ gzar thag gar du gdags pa mi shes nas bcom ldan 'das kyis bka' stsal pa/ shing la mi gang tsam du 'dzeg par bya ste/ de lta bas na/ dge slong gis shing la mi gang tsam las mthor mi </font><hr>Nya384b<br><font size=+1>


'dzeg par bslab par bya'o/ /bcom ldan 'das kyis/ dge slong gis shing la mi gang tsam las mthor mi 'dzeg par bslab par bya'o/ /zhes bka' stsal pas/ dge slong zhig don mthun dang lhan cig ljongs rgyur 'phags pa dang / don mthun dgon pa'i lam du mtshan mo btab pa na/ der stag gi 'jigs pa byung nas don mthun pa dag ni/ shing ljon pa la mthor 'dzeg ste 'khod do/ /dge slong de shing ljon pa la mi gang tsam du 'dzeg ste 'dug pa dang / ji tsam na stag 'ongs nas don mthun rnams kyis smras pa/ 'phags pa/ stag mchis kyi/ myur du mthor 'dzeg cig /des bsam pa/ bcom ldan 'das kyis shing la mi gang tsam las mthor 'dzeg par ma gnang bas/ ji ltar mthor 'dzeg snyam nas de de nyid du 'dug pa dang / stag gis mchong pa byas te bsad pa'i skabs de/ dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ gnod pa byung ba ma gtogs par shing la mi gang tsam las mthor mi 'dzeg par bslab par bya'o/ /bslab pa'i chos mang po rnams rdzogs so// //sdom la/ mngon sum dran pa ma myos pa/ /de bzhin gang mang ngo bo nyid/ /rtswa rnams bkram pa lta bu dang / khas blangs par yang ba ba'o/ /mngon sum du 'dul bar 'os pa la/ mngon sum du 'dul ba sbyin </font><hr>Nya385a<br><font size=+1>


@#/ /no| |dran pas 'dul bar 'os pa la dran pas 'dul ba sbyin no/ /ma smyos pas 'dul bar 'os pa la ma smyos pas 'dul ba sbyin no/ /gang tshul shing mang po sbyin par 'os pa la tshul shing mang po sbyin no/ /de'i ngo bo nyid tshol du gzhug par 'os pa la de'i ngo bo nyid btsal ba sbyin no/ /rtswa bkram pa lta bur 'os pa la rtswa bkram pa lta bu sbyin no/ /gang khas blang par 'os pa la khas blang par bya'o/ /rtsod pa byung bar gyur pa rnams rtsod pa zhi bar bya ba'i chos bdun po 'di dag gis chos dang / 'dul ba dang / ston pa'i bstan pa bzhin du dul bar bya/ zhi bar bya/ rnam par zhi bar bya'o/ /rtsod pa zhi bar bya ba'i chos bdun rdzogs so// //bzod pa dka' thub dam pa bzod pa ni/ /mya ngan 'das pa mchog ces sangs rgyas gsung / /rab tu byung ba gzhan la gnod pa dang / /gzhan la 'tshe ba dge sbyong ma yin no/ /mig ldan 'gro ba yod pa yi/ /nyam nga ba dag ji bzhin du/ /mkhas pa 'tsho ba'i 'jig rten 'dir/ /sdig pa dag ni yongs su spong / /skur pa mi gdab gnod mi bya/ /so sor thar pa'ang bsdam par bya/ /zas kyi tshod kyang rig par bya/ /bas mtha'i gnas su gnas par bya/ /lhag pa'i sems la yang dag sbyor/ /'di ni sangs rgyas bstan pa yin/ /ji ltar bung ba me tog las/ /kha dog dri la mi gnod par/ /khu ba bzhibs nas 'phur ba ltar/ /de bzhin thub pa grong du </font><hr>Nya385b<br><font size=+1>


rgyu| |bdag gi rigs dang mi rigs la/ /brtag par bya ste gzhan rnams kyi/ /mi mthun pa dang gzhan dag gi/ byas dang ma byas rnams la min/ /lhag pa'i sems la bag bya ste/ /thub pa'i thub gzhi rnams la bslab/ /nyer zhi rtag tu dran ldan pa'i/ /skyob pa mya ngan med pa yin/ /sbyin pas bsod nams rab tu 'phel/ /legs bsdams dgra sogs mi 'gyur ro/ /dge dang ldan pas sdig pa spongs/ /nyon mongs zad pas mya ngan 'da'/ /sdig pa thams cad mi bya ste/ /dge ba phun sum tshogs par bya/ /rang gi sems ni yongs su 'dul/ /'di ni sangs rgyas bstan pa yin/ / lus kyi sdom pa legs pa ste/ /ngag gi sdom pa'ang legs pa yin/ /yid kyi sdom pa'ang legs pa ste/ /thams cad du ni sdom pa legs/ /kun tu bsdams pa'i dge sbyong ni/ /sdug bsngal kun las rab tu grol/ /ngag rnams bsrungs shing yid kyis rab bsdams te/ /lus kyis mi dge ba dag mi byed cing / /las lam gsum po 'di dag rab sbyangs na/ /drang srong gsungs pa'i lam ni thob par 'gyur/ /sangs rgyas rnam gzigs gtsug tor thams cad skyob/ /'khor ba 'jig dang gser thub 'od srung dang / /shAkya thub pa go'u ta ma lha yi lha/ /mi 'dul kha lo sgyur ba bla na med/ /'jig rten mgon po skyob pa mchog /sangs rgyas dpa' bo bdun po dag /grags ldan rnams kyis so sor thar/ /'di ni rab tu rgyas par bstan/ /'di la sangs rgyas </font><hr>Nya386a<br><font size=+1>


@#/ /rnams dang gang / /sangs rgyas nyan thos rnams kyang gus/ /'di la gus dang bcas gyur pas/ /'dus ma byas pa thob par gyis/ /brtsam par bya zhing dbyung bar bya/ /sangs rgyas bstan la 'jug par bya/ /'dam bu'i khyim du glang chen bzhin/ /'chi bdag sde ni gzhom par byed/ /gang zhig rab tu bag yod par/ /chos 'dul 'di la spyod 'gyur ba/ /skye ba'i 'khor ba rab spangs nas/ /sdug bsngal tha mar byed par 'gyur/ /'dul ba rnam par 'byed pa rdzogs so// //dbang phyug dam pa'i mnga' bdag dpal lha btsan po'i bka' lung gis/ 'phags pa gzhi thams cad yod par smra ba'i 'dul ba 'dzin pa kha che'i bye brag tu smra ba'i slob dpon dzi na mi tra dang / zhu chen gyi lo ts+tsha ba ban+d+he klu'i rgyal mtshan gyis bsgyur cing zhus te gtan la phab pa/ 'di la sho lo ka ni/ nyi khri lnga stong yod/ bam po ni/ brgyad cu rtsa gsum du byas so// //mang ga laM// // </font><hr>

</table>