//rgya gar skad du/ AR+Ya pra dz+nyA pa ra mi tA sUR+Ya gar+b+ha mahA yA na sU tra/ bod skad du/ 'phags pa shes rab kyi pha rol tu phyin pa nyi ma'i snying po theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das yul ma ga d+ha na chos kyi dgon pa na dge slong gi dge 'dun rab tu mang ba dang / byang chub sems dpa' sangs rgyas kyi zhing mtha' yas pa nas 'dus pa tshad med grangs med pa dang thabs cig tu bzhugs te/ de'i tshe 'khor der byang chub sems dpa' nyi ma rab tu snang pa zhes bya ba 'dug pa de stan las langs te bcom ldan 'das ga la ba der song nas bcom ldan 'das la 'di skad ces gsol to/ /bcom ldan 'das/ bdag de bzhin 261b gshegs pa la zhu ba mchis te/ bcom ldan 'das gnang ba'i skabs dbye bar gsol/ bcom ldan 'das kyis bka' stsal pa/ ci dang ci 'dod pa dris shig dang ngas bshad par bya'o/ / de nas byang chub sems dpa' nyi ma rab tu snang bas bcom ldan 'das la 'di skad ces gsol to/ /bcom ldan 'das/ thabs mkhas pa'i byang chub sems dpas ji ltar shes rab kyi pha rol tu phyin pa la bslab par bgyi/ bcom ldan 'das kyis 'di skad ces bka' stsal to/ /rigs kyi bu/ thabs mkhas pa'i ting nge 'dzin nyi ma zhes bya ba yod pas/ de la byang chub sems dpa' rnams kyis de ltar bslab par bya'o/ /bcom ldan 'das la gsol pa/ ji ltar bslab par bgyi/ bcom ldan 'das kyis bka' stsal pa/ rigs kyi bu/ 'di ltar thabs mkhas pa'i nyi ma'i ting nge 'dzin ni/ rnam pa bdun yod de/ gang zhe na/ dang po ni/ 'di ltar nyi mas myu gu smin par byed pa ltar/ byang chub sems dpa'i ting nge 'dzin nyi ma lta bus sems can rnams la byang chub kyi myu gu smin par mdzad do/ /gnyis pa ni/ nyi ma la dbri bkol med pa ltar/ byang chub sems dpa'i ting nge 'dzin gyi thugs rje ni/ sems can thams cad la snyoms par mdzad do/ /gsum pa ni/ nyi mas nyal nyil sreg pa ltar/ byang chub sems dpa'i lhag mthong gi shes rab kyis nyon mongs pa'i nyal nyil rnams sreg 262a @#/ /par byed do/ /bzhi pa ni/ nyi mas 'khyags pa 'ju ba ltar/ byang chub sems dpa'i ting nge 'dzin gnyen po ye shes dang ldan pas nyon mongs pa 'khyags pa 'ju ba lta bu byed do/ /lnga pa ni/ nyi mas mun pa sel ba ltar/ byang chub sems dpa'i so sor kun tu rtog pa'i ye shes kyis gzung ba dang 'dzin pa'i mun pa sel bar byed do/ /drug pa ni| nyi mas gling bzhi 'khor ba ltar/ byang chub sems dpa'i 'phrin las phun sum tshogs pas sdug bsngal gyi chu bo bzhi las thar par mdzad do/ /bdun pa ni/ nyi mas kun la snyoms par dro ba bzhin du byang chub sems dpa'i spyod pa phun sum tshogs pas sems can thams cad la rab tu dga' bar mdzad pa'i thabs ni/ dro ba'i las lta bu'o/ /gzhan yang rigs kyi bu/ byang chub sems dpa' rnams kyis shes rab kyi pha rol tu phyin pa la bslab par bya ste/ des 'di ltar chos thams cad rang bzhin med pa dang / mtshan ma med pa dang / mtshan ma thams cad dang rab tu bral ba dang / dngos po med pa dang / dngos po thams cad dang bral ba dang / gang zag pa med pa dang / gang zag pa thams cad dang bral ba dang / ngo bo nyid kyis stong pa nyid la bslab par bya'o/ /rigs kyi bu/ chos nyid dang / chos kyi dbyings dang / de bzhin nyid dang / yang dag pa'i mtha' dang / ma nor ba de bzhin nyid dang / gzhan 262b ma yin pa de nyid dang / bden pa dang / de kho na'i don la byang chub sems dpas bslab par bya'o/ /de nas bcom ldan 'das kyis byang chub sems dpa' nyi ma rab tu snang ba la 'di skad ces bka' stsal to/ /rigs kyi bu/ byang chub sems dpas yang chos thams cad mngon par 'du bya ba med pa dang / skye ba med pa la bslab par bya'o/ /rigs kyi bu/ chos thams cad rang bzhin gyis rnam par dag pa la bslab par bya'o/ /gzugs la sogs pa'i chos thams cad kyang rang bzhin gyis stong par shes par bya'o/ /ngo bo nyid kyis dben par shes par bya'o/ /rigs kyi bu| gang dag gis shes rab kyi pha rol tu phyin pa'i mdo 'dzin par byed na/ de las kyi sgrib pa byang bar 'gyur ro/ /de bsod nams kyi tshogs skye bar 'gyur ro/ /shes rab kyi tshogs tshad med pa dang ldan par 'gyur ro/ /dran pa dang ldan pa dang / tshul khrims dang ldan pa dang / ting nge 'dzin dang ldan par 'gyur ro/ /rigs kyi bu/ gzhan yang byang chub sems dpa' rnams kyis shes rab kyi pha rol tu phyin pa la bslab par bya'o/ /de nas bcom ldan 'das kyis de'i tshe tshigs su bcad pa 'di dag gsungs so/ /mang thos dam pa'i chos la brtson/ /sems can kun la byams par ldan/ /brtson 'grus go cha phun sum tshogs/ /bdag dang gzhan gyi don la mos/ /bsam gtan ting 'dzin sgom la brtson/ /bdag dang sems can 263a @#/ /'du shes med/ /yang dag theg pa'i lam du zhugs/ /sngon gyi rgyal sras de ltar spyod/ /mkhas pas ma nor de bzhin slobs/ /bcom ldan 'das kyis de skad ces bka' stsal pa dang / byang chub sems dpa' nyi ma rab tu snang ba dang / lha dang mir bcas pa'i 'jig rten yi rang ste/ bcom ldan 'das kyis gsungs pa la mngon par bstod do/ /'phags pa shes rab kyi pha rol tu phyin pa nyi ma'i snying po theg pa chen po'i mdo rdzogs so// |