H253

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H253</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H253&coll=lhasa">see text in Tibetan script</a></table>93a<br><font size=+1>


rgya gar skad du/ AR+Ya tsa tush+ka ni ra hA ra nA ma ma hA yA na sU tra/ bod skad du/ 'phags pa bzhi pa sgrub pa zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na dge slong lnga brgya tsam gyi dge slong gi dge 'dun chen po dang / byang chub sems dpa' brgya stong thams cad kyang go cha chen po bgos pa sha stag dang / 'dod pa na spyod pa dang / gzugs na spyod pa'i lha'i bu rnams dang thabs cig tu bzhugs te/ de nas bcom ldan 'das 'khor brgya stong du mas yongs su bskor cing mdun gyis bltas nas chos ston to/ /de nas 'jam dpal gzhon nur gyur pas bcom ldan 'das la mchod pa'i las kyi phyir rin po che'i gdugs dpag tshad bcu'i tshad tsam thogs te bcom ldan 'das kyi dbu'i gtsug tu 'dzin to/ /de nas 'khor de nyid du dga' ldan gyi ris kyi lha'i bu dpal bzang ldan zhes bya ba bla na med pa yang dag </font><hr>93b<br><font size=+1>


par rdzogs pa'i byang chub las phyir mi ldog pa g.yog dang bcas 'khor de nyid du 'dus par gyur nas 'dug pa de stan las langs te bla gos phrag pa gcig tu gzar nas pus mo g.yas pa'i lha nga sa la btsugs te 'jam dpal gzhon nur gyur pa ga la ba de logs su thal mo sbyar ba btud nas 'jam dpal gzhon nur gyur pa la 'di skad ces smras so/ /'jam dpal/ khyod da dung de bzhin gshegs pa la mchod pa'i las mdzad pas ma mchim mam/ 'jam dpal gyis smras pa/ lha'i bu/ 'di ji snyam du sems/ rgya mtsho chen po chu thams cad len pas gzhar yang chog shes sam/ lha'i bus smras pa/ 'jam dpal/ de ni/ ma lags so/ /'jam dpal gyis smras pa/ lha'i bu/ de bzhin du rgya mtsho chen po mtsho gting dpag dka' ba de lta bu'i thams cad mkhyen pa'i ye shes tshad med dpag tu med pa btsal bar bya ste/ byang chub sems dpa' de bzhin gshegs pa la mchod pa'i las kyis gzhar yang tshim par mi bya'o/ /lha'i bus smras pa/ 'jam dpal/ byang chub sems dpas ci la dmigs te de bzhin gshegs pa mchod par bgyi/ 'jam dpal gyis smras pa/ lha'i bu/ byang chub sems dpas dmigs pa bzhis de bzhin gshegs pa la mchod par bya'o/ /bzhi gang zhe na/ 'di lta </font><hr>94a<br><font size=+1>


@#/ /ste| thams cad mkhyen pa nyid la dmigs pa dang / sems can thams cad rab tu dgrol ba la dmigs pa dang / dkon mchog gsum gyi gdung mi 'chad par bya ba la dmigs pa dang / sangs rgyas kyi zhing gi yon tan bkod pa yongs su gzung ba la dmigs pa ste/ lha'i bu/ byang chub sems dpas dmigs pa bzhi po de dag gis de bzhin gshegs pa la mchod par bya'o/ /lha'i bus smras pa/ 'jam dpal/ khyod kyis tshangs pa'i ris kyi lha'i bu'i nang du tshangs pa gtsug phud can la byang chub sems dpa'i lam bzhi pa sgrub pa zhes bgyi ba'i chos kyi rnam grangs bshad pa de/ 'jam dpal/ legs par bshad du gsol/ de la ni/ bdag dang / thams cad dang ldan pa'i 'khor 'di'ang nyan par 'tshal lo/ /'jam dpal/ byang chub sems dpa' rnams la chos kyi ser sna ma mchis/ slob dpon gyi chos kyi dpe mkhyud kyang ma mchis/ /'jam dpal gyis smras pa/ lha'i bu/ de'i phyir legs par rab tu nyon la yid la zungs shig dang / bzhi pa sgrub pa zhes bya ba'i chos kyi rnam grangs de bas khyod la bshad do/ /lha'i bu/ bzhi po 'di dag ni/ byang chub sems dpa' rnams kyi lhag pa'i bsam </font><hr>94b<br><font size=+1>


ba'i sems bskyed par rig par bya'o/ /bzhi gang zhe na/ lha'i bu/ 'di la byang chub sems dpa' sems can dpag tu med pa bsdu ba'i phyir sems bskyed pa dang / sems can dpag tu med pa yongs su smin par bya ba'i phyir sems bskyed pa dang / dge ba'i rtsa ba dpag tu med pa bsag pa'i phyir sems bskyed pa dang / sangs rgyas kyi chos dpag tu med pa mngon par rdzogs par rtogs par bya ba'i phyir sems bskyed pa ste/ lha'i bu/ bzhi po de dag ni/ byang chub sems dpa'i lhag pa'i bsam pa'i sems bskyed par rig par bya'o/ /lha'i bu/ bzhi po 'di dag ni/ byang chub sems dpa' rnams kyi sems bskyed pa brag lta bu yin no/ /bzhi gang zhe na/ slong ba rnams la khong khro ba med pa'i sems dang / log par zhugs pa rnams la snying rje ba'i sems dang / shes rab las mnyams pa'i sems dang / rtsom pa nyams 'og tu chud par byed pa'i sems te/ lha'i bu/ bzhi po de dag ni/ byang chub sems dpa' rnams kyi sems bskyed pa brag lta bu yin no/ /lha'i bu/ bzhi po 'di dag ni/ byang chub sems dpa' rnams kyi sems bskyed pa mngon par 'phags pa yin no/ /bzhi gang zhe na/ tshul khrims mngon par 'phags pa dang / thos pa mngon par 'phags pa dang / byams pa chen </font><hr>95a<br><font size=+1>


@#/ /po mngon par 'phags pa dang / snying rje chen po mngon par 'phags pa ste/ bzhi po de dag go /lha'i bu/ bzhi po 'di dag ni/ byang chub sems dpa' rnams kyi sems bskyed pa brtan pa/ snying po can/ mi phyed pa/ rdo rje lta bu'o/ /bzhi gang zhe na/ bsam pa las mi phyed pa dang / mdza' ba las mi phyed pa dang / nan tan las mi phyed pa dang / theg pa chen po las mi phyed pa ste/ bzhi po de dag go /lha'i bu/ bzhi po 'di dag ni/ byang chub sems dpa' rnams kyi sems bskyed pa bsnyen dka' ba yin no/ /bzhi gang zhe na/ nyon mongs pa dang ma 'dres pa dang / rnyed pa dang / bkur sti dang / tshigs su bcad pa thams cad dang ma 'dres pa dang / theg pa dman pa dang ma 'dres pa dang / skye bo mi bgrungs pa thams cad dang ma 'dres pa ste/ bzhi po de dag go /lha'i bu/ bzhi po 'di dag ni/ byang chub sems dpa' rnams kyi sems bskyed pa bla na med pa'o/ /bzhi gang zhe na/ phangs pa'i dngos po thams cad yongs su gtong ba'i sems dang / byin nas 'gyod pa med pa'i sems dang / rnam par smin pa la re ba med pa'i sems dang / byang chub tu yongs su bsngo ba'i sems te/ bzhi po de dag go /lha'i bu/ bzhi po 'di dag ni/ byang chub sems dpa' rnams kyi spyi bor phyin </font><hr>95b<br><font size=+1>


ba'i chos so/ /bzhi gang zhe na/ shes rab kyi pha rol tu phyin pa dang / thabs la mkhas pa dang / dam pa'i chos yongs su 'dzin pa dang / sems can yongs su smin par byed ba ste| bzhi po de dag go /lha'i bu/ bzhi po 'di dag ni/ byang chub sems dpa' rnams kyi byang chub kyi lam ston par byed pa'o/ /bzhi gang zhe na/ pha rol tu phyin pa rnams la brtson pa dang / bsdu ba'i dngos po rnams kyi rjes su mthun pa dang / tshangs pa'i gnas sgrub pa dang / mngon par shes pas rnam par rtse ba ste/ bzhi po de dag go /lha'i bu/ bzhi po 'di dag ni/ byang chub sems dpa' rnams kyi chos kyi gya nom pa dam pa mchog yin no/ /bzhi gang zhe na/ sems can thams cad la khong khro ba med pa dang / gang dag de dang 'gal bar byed pa de dag nyid la rab tu thar par bya bar sems bskyed pa dang / ci tsam gyi yul rgya chen po zhig 'byor kyang de la bag yod pa dang / ci tsam du dbul bas phongs par gyur kyang chos spyod pa ste/ bzhi po de dag go /lha'i bu/ bzhi po 'di dag ni/ byang chub sems dpa' rnams kyi mos pa'o/ /bzhi gang zhe na/ khyim par gyur na bdag gi longs spyod kyis cho ga shes pa dang / gzhan gyi nor la mngon par 'dod pa med pa dang / rab tu byung nas 'phags pa'i rigs kyis cho ga shes pa dang / sbyangs pa'i yon </font><hr>96a<br><font size=+1>


@#/ /tan dang / yo byad bsnyungs pa ste/ bzhi po de dag go /lha'i bu/ bzhi po 'di dag ni/ byang chub sems dpa' rnams kyi sbyin pa'o/ /bzhi gang zhe na/ chos sbyin pa dang / zang zing sbyin pa dang / shog shog dang / snag tsha dang / smyu gu dang / glegs bam sbyin pa dang / chos smra ba la bsam pa thag pa nas legs so/ /zhes bya ba sbyin pa ste/ bzhi po de dag go /lha'i bu/ bzhi po 'di dag ni/ byang chub sems dpa' rnams kyi snying po nyid do/ /bzhi gang zhe na/ thos pa las nan tan snying po nyid dang / longs spyod rnams las gtong ba snying po nyid dang / lus las bla ma la bsnyen bkur bya ba snying po nyid dang / srog las dge ba'i rtsa ba bskyed pa snying po nyid de/ bzhi po de dag go /lha'i bu/ bzhi po 'di dag ni/ byang chub sems dpa' rnams kyis yongs su gtang bar mi bya ba'o/ /bzhi gang zhe na/ byang chub kyi sems yongs su gtang bar mi bya ba dang / dam pa'i chos yongs su gtang bar mi bya ba dang / sems can yongs su gtang bar mi bya ba dang / dge ba'i rtsa ba'i chos thams cad yongs su btsal ba yongs su gtang bar mi bya ba ste/ bzhi po de dag go /lha'i bu/ bzhi po 'di dag ni/ byang chub sems dpa' rnams kyi skyed mos tshal lo/ /bzhi gang zhe na/ dgon pa la </font><hr>96b<br><font size=+1>


gnas pa dang / dben pa la mngon par dga' ba dang / dge ba'i chos la 'dun pa dang / thabs mkhas pas sems can yongs su smin par byed pa ste/ bzhi po de dag go /lha'i bu/ bzhi po 'di dag ni/ byang chub sems dpa' rnams kyi gzhal med khang ngo / /bzhi gang zhe na/ tshangs pa'i gnas dang / 'bel ba'i gtam gyi chos mnyan pa la dga' ba myong bar byed pa dang / stong pa nyid la nges par sems pa dang / skye bo ris mthun pa dang 'du ba ste/ bzhi po de dag go /lha'i bu/ bzhi po 'di dag ni/ byang chub sems dpa' rnams kyi nor mi zad pa'o/ /bzhi gang zhe na/ thos pa'i nor dang / chos ston pa'i nor dang / sems can dbul po sdud pa'i nor dang / byang chub tu yongs su bsngo ba'i nor te/ bzhi po de dag go /lha'i bu/ bzhi po 'di dag ni/ byang chub sems dpa' rnams kyi gter ro/ /bzhi gang zhe na/ gzungs kyi gter dang / spobs pa'i gter dang / chos kyi gter dang / longs spyod zad mi shes par yongs su bsngo ba'i gter te/ bzhi po de dag go /lha'i bu/ bzhi po 'di dag ni/ byang chub sems dpa' rnams kyi mngon par 'byung ba'o/ /bzhi gang zhe na/ 'du 'dzi las 'byung ba dang / yul thams cad las 'byung ba dang / 'phags pa ma yin pa'i bsam pa las 'byung ba </font><hr>97a<br><font size=+1>


@#/ /dang / khams gsum thams cad las 'byung ba ste/ bzhi po de dag go /lha'i bu/ bzhi po 'di dag ni/ byang chub sems dpa' rnams kyi bde ba'o/ /bzhi gang zhe na/ dngos po thams cad la mi lta ba'i phyir bdag gi ba med cing yongs su 'dzin pa med pa'i bde ba dang / yul spangs pas dben pa'i bde ba dang / nyon mongs pa med pa'i phyir zhi ba'i bde ba dang / sems can thams cad yongs su mi gtong ba'i phyir mya ngan las 'das pa'i bde ba ste/ bzhi po de dag go /lha'i bu/ bzhi po 'di dag ni/ byang chub sems dpa' rnams kyi mchog tu dga' ba'o/ /bzhi gang zhe na/ de bzhin gshegs pa mthong bas mchog tu dga' ba dang / chos thos pas mchog tu dga' ba dang / sbyin pa la 'gyod pa med pas mchog tu dga' ba dang / sems can thams cad la bde ba bskyed pas mchog tu dga' ba ste| bzhi po de dag go /lha'i bu/ bzhi po 'di dag ni/ byang chub sems dpa' rnams kyi mchog tu dga' ba'o/ /bzhi gang zhe na/ byang chub kyi sems mi gtong ba dang / yi dam las mi nyams pa dang / skyabs su song bdag yongs su mi gtong ba dang / ngag bsdams pas tshig thams cad bden pa ste/ bzhi po de dag go /lha'i bu/ bzhi po 'di </font><hr>97b<br><font size=+1>


dag ni| byang chub sems dpa' rnams kyi dge ba'i chos so/ /bzhi gang zhe na/ dge ba'i chos thams cad la lhag pa'i bsam pas sbyor ba dang / ma bslab pa thams cad la mi brnyas pa dang / gsol ba ma btab par sems can thams cad la bshes gnyen du gyur pa dang / yon tan thams cad sgrub pa la phyir bya ba'i re ba med pas lan la mi re ba ste| bzhi po de dag go /lha'i bu/ bzhi po 'di dag ni/ byang chub sems dpa' rnams kyi spyod pa rnam par dag pa'o/ /bzhi gang zhe na/ bdag med pa'i phyir tshul khrims rnam par dag pa dang / sems can med pa'i phyir ting nge 'dzin rnam par dag pa dang / srog med pa'i phyir shes rab rnam par dag pa dang / gang zag med pa'i phyir rnam par grol ba rnam par dag pa ste/ bzhi po de dag go /lha'i bu/ bzhi po 'di dag ni/ byang chub sems dpa' rnams kyi rkang pa'o/ /bzhi gang zhe na/ chos kyi rkang pa dang / don gyi rkang pa dang / sbyangs pa'i yon tan dang / yo byad bsnyungs pas 'jug pa'i rkang pa dang / byang chub kyi lam gyi tshogs gsog pa'i rkang pa ste/ bzhi po de dag go/ lha'i bu/ bzhi po 'di dag ni/ byang chub sems dpa' rnams kyi lag pa'o/ /bzhi gang zhe na/ dad pa'i lag pa dang / tshul khrims kyi lag pa dang / thos pa'i lag pa dang / shes rab kyi lag </font><hr>98a<br><font size=+1>


@#/ /pa ste| bzhi po de dag go /lha'i bu/ bzhi po 'di dag ni/ byang chub sems dpa' rnams kyi mig go/ bzhi gang zhe na/ las legs pa byas pa'i phyir sha'i mig dang / mngon par shes pa las mi nyams pa'i phyir lha'i mig dang / shin tu thos pa'i stobs dang ldan pa'i phyir shes rab kyi mig dang / chos thams cad la nges par sems pa'i phyir chos kyi mig ste/ bzhi po de dag go /lha'i bu/ bzhi po 'di dag ni/ byang chub sems dpa' rnams kyi mi ngoms pa'o/ /bzhi gang zhe na/ sbyin pas mi ngoms pa dang / dgon pa la gnas pas mi ngoms pa dang / chos nyan pas mi ngoms pa dang / dge ba'i chos kyi tshogs thams cad kyis mi ngoms pa ste/ bzhi po de dag go/ lha'i bu/ bzhi po 'di dag ni/ byang chub sems dpa' rnams kyi dka' ba byed pa'o/ /bzhi gang zhe na/ sems can mthu chung ba rnams la bzod cing dang du blang ba dka' ba byed pa dang / dbul po la bdog pa thams cad yongs su btang bar bsam ba dka' ba byed pa dang / yan lag gi mchog mgo slong ba la khong khro ba med pa'i sems dka' ba byed kyi steng du dge ba'i bshes gnyen du sems bskyed pa dang / skye ba la mi rtog pas bsam bzhin du skye </font><hr>98b<br><font size=+1>


bar byed pa'i dka' ba byed pa ste/ bzhi po de dag go/ lha'i bu/ bzhi po 'di dag ni/ byang chub sems dpa' rnams kyi nad med pa'o/ /bzhi gang zhe na/ khams ma nyams pas nad med pa dang / nyon mongs pa'i gdung ba med pas nad med pa dang / sems can thams cad bde bar mnyam par bzhag pas nad med pa dang / chos thams cad la the tshom med pas nad med pa ste/ bzhin po de dag go/ lha'i bu/ bzhi po 'di dag ni/ byang chub sems dpa' rnams kyi bdag gi phyogs so/ /bzhi gang zhe na/ pha rol tu phyin pa'i phyogs dang / byang chub kyi phyogs kyi chos kyi phyogs dang / dge ba'i bshes gnyen yang dag pa'i phyogs dang / sdig pa thams cad mi bya ba'i phyogs te/ bzhi po de dag go/ lha'i bu/ bzhi po 'de dag ni/ byang chub sems dpa' rnams kyi mi bskyod pa'o/ /bzhi gang zhe na/ byang chub kyi sems mi bskyod pas dang / yi dam mi bskyod pa dang / ji skad smras pa de bzhin du byed pa las mi bskyod pa dang / yang dag pa'i nan tan las mi bskyod pa ste/ bzhi po de dag go/ lha'i bu/ bzhi po 'di dag ni| byang chub sems dpa' rnams kyi tshogs so/ /bzhi gang zhe na/ zhi gnas kyi tshogs dang / lhag mthong gi tshogs dang / thos pa'i tshogs dang / dge ba'i rtsa ba </font><hr>99a<br><font size=+1>


@#/ /thams cad kyi tshogs te/ bzhi po de dag go/ lha'i bu/ bzhi ro 'di dag ni/ byang chub sems dpa' rnams kyi chos zung du 'brel bar 'gyur bga'o/ /bzhi gang zhe na/ bsam pa dang sbyor ba zung du 'brel ba dang / gton ba dang bsngo ba zung du 'brel ba dang / byams pa dang snying rje zung du 'brel ba dang / thabs dang shes rab zung du 'brel ba ste/ bzhi po de dag go/ lha'i bu/ bzhi po 'di dag ni/ byang chub sems dpa' rnams kyi sgrib pa'i rgyu mthun pa'i rmi lam mo/ /bzhi gang zhe na| khron pa rdul can mthong zhing de'i gting na'ang zla ba'i dkyil 'khor mthong ba dang / mtshe'u 'am/ rdzing bu'am/ khron pa rnyog ba can mthong zhing de'i gting na'ang zla ba'i dkyil 'khor mthong ba dang / bar snang la sprin chen pos yog cing de la'ang zla ba'i dkyil 'khor mthong ba dang / bar snang la rlung dang / rdul dang / du bas 'khrigs par mthong zhing de la'ang zla ba'i dkyil 'khor mthong ba ste/ bzhi po de dag go/ lha'i bu/ bzhi po 'di dag ni/ byang chub sems dpa' rnams kyi las kyi sgrib pa'i rgyu mthun pa'i rmi lam mo/ /bzhi gang zhe na/ g.yang chen po nas bdag g.yang du lhung bar mthong ba dang / lam mtho dma' can du mthong ba dang / </font><hr>99b<br><font size=+1>


bdag lam srang dog par zhugs par mthong ba dang / rmi lam na phyogs bslad cing 'jigs pa mang po mthong ba ste/ bzhi po de dag go/ lha'i bu/ bzhi po 'di dag ni/ byang chub sems dpa' rnams kyi nyon mongs pa'i sgrib pa'i rgyu mthun pa'i rmi lam mo/ /bzhi gang zhe na/ dug drag pos 'khrugs par mthong ba dang / gcan gzan gtum po phal po che'i sgra thos pa dang / bdag g.yon can gyi nang na gnas par mthong ba dang / bdag gi lus dri ma can dang gos dri ma can du mthong ba ste/ bzhi po de dag go/ lha'i bu| bzhi po 'di dag ni/ byang chub sems dpa' rnams kyi gzungs thob pa'i rgyu mthun pa'i rmi lam mo/ /bzhi gang zhe na/ gter chen po rin po che sna tshogs kyis gang ba mthong ba dang / rdzing bu me tog pad+ma rgyas pas yongs su gang ba mthong ba dang / bdag gos dkar po'i phrug rnyed par mthong ba dang / lha zhig spyi bo'i gtsug na gdugs 'dzin par mthong ba ste/ bzhi po de dag go/ lha'i bu/ bzhi po 'di dag ni/ byang chub sems dpa' rnams kyi ting nge 'dzin thob pa'i rgyu mthun pa'i rmi lam mo| |bzhi gang zhe na/ bu mo bzang mo rgyan bzang pos brgyan pa me tog sil ma 'bul bar mthong ba dang / nam mkha' la bya ngang pa dkar po thal dkar gyi khyu skad 'byin </font><hr>100a<br><font size=+1>


@#/ /cing 'gro bar mthong ba dang / de bzhin gshegs pa 'od mang pos brgyan pa'i phyag spyi bor 'jog pa mthong ba dang / de bzhin gshegs pa me tog pad+ma la bzhugs shing bsam gtan mdzad par mthong ba ste/ bzhi po de dag go /lha'i bu/ bzhi po 'di dag ni/ byang chub sems dpa' rnams kyi de bzhin gshegs pa mthong ba'i rgyu mthun pa'i rmi lam mo/ /bzhi gang zhe na/ zla ba'i dkyil 'khor 'char bar mthong ba dang / nyi ma'i dkyil 'khor 'char bar mthong ba dang / me tog pad+ma kha 'bus par mthong ba dang / tshangs pa'i dbang po rab tu zhi ba'i spyod lam mthong ba ste/ lha'i bu/ bzhi po de dag ni/ byang chub sems dpa' rnams kyi de bzhin gshegs pa mthong ba'i rgyu mthun pa'i rmi lam mo/ /lha'i bu/ bzhi po 'di dag ni/ byang chub sems dpa' rnams kyi rang gi mtshan nyid kyi rgyu mthun pa'i rmi lam mo| |bzhi gang zhe na/ shing sA la chen po 'dab ma dang / me tog dang / 'bras bu sna tshogs kyis gang bar mthong ba dang / khar ba'i snod gser gyis gang bar mthong ba dang / nam mkha'i ngos gdugs dang / rgyal mtshan dang / ba dan gyis gang bar mthong ba dang / 'khor los bsgyur ba'i rgyal po chen po mthong ba ste/ bzhi </font><hr>100b<br><font size=+1>


po de dag go /lha'i bu/ bzhi po 'di dag ni/ byang chub sems dpa' rnams kyi bdud 'dul ba'i rgyu mthun pa'i rmi lam mo/ /bzhi gang zhe na/ gyad chen pos gyad thams cad mnan nas ba dan thogs te 'gro bar mthong ba dang / dpa' bo chen pos g.yul las 'das te 'gro bar mthong ba dang / rgyal po dbang bskur bar mthong ba dang / bdag nyid byang chub kyi snying po la 'dug cing bdud 'dul bar mthong ba ste/ bzhi po de dag go/ lha'i bu/ bzhi po 'di dag ni/ byang chub sems dpa' rnams kyi phyir mi ldog pa'i rtags kyi rgyu mthun pa'i rmi lam mo/ /bzhi gang zhe na/ mgo la thod dkar pos bcings par mthong ba dang / bdag gtan pa med pa'i mchod sbyin byed par mthong ba dang / bdag chos kyi stan chen po la 'dug par mthong ba dang / de bzhin gshegs pa byang chub kyi snying po la bzhugs shing chos ston par mthong ba ste/ bzhi po de dag go /lha'i bu/ bzhi po 'di dag ni/ byang chub sems dpa' rnams kyi byang chub kyi snying po thob pa'i rgyu mthun pa'i rmi lam mo/ /bzhi gang zhe na/ bum pa mthong ba dang / bya tsa shes bskor bar mthong ba dang / gang dang gang du 'gro ba de dang de nyid du shing thams cad dang ldan zhing 'dud la phyag 'tshal bar byed pa dang / gser gyi kha dog lta bu'i snang ba chen po </font><hr>101a<br><font size=+1>


@#/ /mthong ba ste/ lha'i bu/ bzhi po de dag ni/ byang chub sems dpa' rnams kyi byang chub kyi snying po thob pa'i rgyu mthun pa'i rmi lam mo/ /'jam dpal gzhon nur gyur pas bzhi po sgrub pa'i chos kyi rnam grangs 'di bshad pa dang / lha'i bu dpal bzang ldan dga' mgu yid rangs te rab tu dga' zhing dga' ba dang / yid bde ba skyes nas 'khor dang bcas pas 'jam dpal gzhon nur gyur pa la mchod pa'i las bya ba'i phyir lha'i me tog man+dA ra ba dang / ut+pal dang pad+ma dang / ku mu da dang / pad+ma dkar po dag gis thams cad dang ldan pa'i 'khor la gtor to/ /me tog de dag gtor ma thag tu de nas de'i tshe sangs rgyas kyi mthus steng gi bar snang la me tog pad+ma shing rta'i phang lo tsam gyi tshad blta na sdug pa/ bsung dang ldan pa/ yid du 'ong ba dag byung bar gyur to/ /me tog de dag gi dbus kyi snying po la byang chub sems dpa'i lus skyes bu chen po'i mtshan sum cu rtsa gnyis kyis brgyan pa dag byung bar gyur to/ /de nas 'jam dpal gzhon nur gyur pa la lha'i bu dpal bzang ldan gyis 'di skad ces smras so/ /'jam dpal/ byang chub sems dpa' 'di dag gang nas lhags/ 'jam dpal gyis smras pa/ lha'i bu/ </font><hr>101b<br><font size=+1>


me tog 'di dag ga las 'ongs pa nyid nas so/ /lha'i bus smras pa/ 'jam dpal/ me tog 'di dag ni/ sprul pa ste/ bdag gis khyod la mchod pa'i las bgyi ba'i slad du gtor to/ /'jam dpal gyis smras pa/ lha'i bu/ ji ltar me tog 'di dag sprul pa yin pa ltar byang chub sems dpa' de dag gi lus la'ang de bzhin du blta'o/ / de nas de'i tshe bcom ldan 'das 'dzum pa mdzad do/ /'di ni/ sangs rgyas bcom ldan 'das rnams gang gi tshe 'dzam pa mdzad pa'i chos nyid de/ de'i tshe bcom ldan 'das kyi zhal gyis sgo nas 'od zer kha dog sna tshogs kha dog du ma 'di lta ste/ sngon po dang / ser po dang / dmar po dang / dkar po dang / le brgan dang / shel gyi kha dog lta bu dag byung ngo / /de dag gis kyang 'jig rten gyi khams mtha' yas mu med pa snang bas khyab par b+nyas nas steng du tshangs pa'i 'jig rten gyi bar du mngon par byung ste/ gzi brjed kyis nyi ma dang zla ba'i gzi brjid zil gyis mnan nas slar log ste bcom ldan 'das kyi dbu'i gtsug tu nub bo/ /de nas lha'i bu dpal bzang ldan stan las langs te bla gos phrag pa gcig tu gzar nas pos mo g.yas pa'i lha nga sa la btsugs te bcom ldan 'das ga la bdag de logs su thal mo sbyar ba btud </font><hr>102a<br><font size=+1>


@#/ /nas bcom ldan 'das la tshigs su bcad pas bstod pa/ gser bzang dri ma med pa'i 'od kyis gzi brjid ldan/ /skyes chen mtshan mchog sum cu rtsa gnyis sna tshogs mnga'/ /yon tan khrag khrig yod tan gzhal yas gzi brjid can/ /mgon po ci yi slad du 'dzum pa ston pa mdzad/ /sgra snyan 'byin par mdzad cing rab tu gsung 'brel ba/ /tshangs pa'i dbyangs su gsung zhing 'jam pa'i tshig gsung ba/ /nor bdun 'od zer rgya chen bde gshegs blo gros ldan| |ka la pinga'i gsung can ci slad 'dzum pa gsungs/ /mi mchog skyes bu dam pa ngan pa'i tshogs can 'dul/ /bdud kyi stobs ni rtag par mtha' mar 'byin par mdzad/ /lha dang lha min nam mkha' lding gis rtag mchod pa/ /stobs bcu ldan pas ci slad 'dzum pa bstan/ /dri med dri bral dri ma gsum spangs pa/ /zla ba nya ba'i dkyil 'khor lta bur zhal rgyas pa/ /mun pa rab rib sgrib pa'i rdul gyi nyes gcod pa/ /bde dang bde ldan sbyin par mdzad pa 'dzum don gsungs/ /bde bar gshegs pas dang lha yul phan pa mchog /bde dang bde ldan sbyin mdzad yon tan mtha' yas pa/ /mtshungs shing 'brel la legs gsungs gsal ba'i gsung </font><hr>102b<br><font size=+1>


ldan pa| |'dzum bstan 'di yi don ni ji ltar rtogs par bgyi/ /ling tog stug po mun pa rab rib rnam bsal ba/ /shes rab sgron ma 'od kyi gzi brjid ldan pa po/ /glang chen khyu mchog stobs dang / seng+ge'i stan ltar brjid/ /'gro ba'i don mdzad 'dzum pa'i don ni bstan du gsol/ /mi yi dam pa mi ngan tshogs can 'dul mdzad pa/ /zab cing mthong bar dka' la gting tshod dpag dka' ba/ /srid pa'i chu ni skem mdzad mnyam pa med pa can/ /sgyu med stobs bcu ldan gyis 'dzum pa ci slad bstan/ /rga shi zhi bar bgyi ba'i bdud rtsi'i don stsol ba/ /zhabs ni 'jam zhing dra ba dag dang 'khor lor ldan/ /blun pa sbyong mdzad srid pa gsum na mnyam med pa/ /ye shes chen po mnga' bas 'dzum don bstan du gsol/ /de skad ces gsol pa dang / bcom ldan 'das kyis lha'i bu dpal bzang ldan la 'di skad ces bka' stsal to/ /lha'i bu| khyod kyis byang chub sems dpa' steng gi bar snang la seng+ge'i khri la pad+ma'i snying po la 'khod pa 'di dag mthong ngam/ gsol pa/ bcom ldan 'das/ mthong lags so| |bcom ldan 'das kyis bka' stsal pa/ lha'i bu/ byang chub sems dpa' phyogs bcu nas 'dus pa 'di dag thams cad ni/ 'jam dpal gzhon nur gyur pa'i </font><hr>103a<br><font size=+1>


@#/ /drung du chos mnyan pa dang / bzhi pa sgrub pa'i chos kyi rnam grangs 'di nyan pa'i phyir lhags so/ /yang byang chub sems dpa' 'di dag thams cad ni| 'jam dpal gzhon nur gyur pas yongs su smin par byas pa yin no/ /yang byang chub sems dpa' 'di dag thams cad ni/ bla na med pa yang dag par rdzogs pa'i byang chub tu skye ba gcig gis thogs pa yin te/ phyogs bcu'i 'jig rten gyi khams ming sna tshogs kyi sangs rgyas kyi zhing gzhan dang gzhan dag tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /lha'i bus gsol pa/ bcom ldan 'das/ bdag gis byang chub sems dpa' 'di dag gi grangs rtogs par rdo mi thogs na/ ji snyed cig mchis/ de nas bcom ldan 'das kyis tshe dang ldan pa shA ri'i bu la bka' stsal pa| shA ri'i bu/ khyod kyis byang chub sems dpa' 'di dag gi grangs rtogs par nus sam/ gsol pa/ bcom ldan 'das/ bdag gis stong gsum gyi stong chen po'i 'jig rten gyi khams na gang skar ma'i gzugs de dag thams cad ni/ skad cig /thang gcig /yud tsam gcig gis bgrang bar spro'i/ </font><hr>103b<br><font size=+1>


bcom ldan 'das/ bdag gis byang chub sems dpa' 'di dag ni/ lo brgyar yang bgrang bar spro ba ma lags so/ /bcom ldan 'das kyis bka' stsal pa/ shA ri'i bu| gal te dzam+bu'i gling 'di rdul phra rab kyi rdul gyis gang bar gyur kyang rdul phra rab de dag bgrang ba'i tshul gyis mtha' rtogs par nus kyi/ byang chub sems dpa' 'di dag ni| bgrang ba'i tshul gyis mtha' rtogs par mi nus te/ byang chub sems dpa' 'dus pa 'di dag ni/ de tsam du tshad med do/ /gsol pa/ bcom ldan 'das/ byang chub sems dpa' 'di dag gang du byang chub mngon par rdzogs par 'tshang rgya ba'i sangs rgyas kyi zhing de snyed mchis par ga la 'gyur/ bcom ldan 'das kyis bka' stsal pa| shA ri'i bu/ kha rog 'dug /de skad ma smra zhig/ shA ri'i bu/ sangs rgyas kyi zhing tshad med pa dag de bzhin gshegs pas stong ngo / /shA ri'i bu/ yongs su brtags pa bzung na/ gal te de bzhin gshegs pa'i tshe'i tshad bskal pa gang+gA'i klung gi bye ma snyed du gyur la/ nyi ma re re thams cad la'ang chos bshad pa gang+gA'i klung gi bye ma snyed 'jug par gyur cing chos bshad pa thams cad la'ang byang chub sems dpa' gang+gA'i klung gi bye ma snyed lung bstan par gyur la/ gang gis shar phyogs </font><hr>104a<br><font size=+1>


@#/ /su sangs rgyas kyi zhing gang+gA'i klung gi bye ma snyed 'das pa nas byang chub sems dpa' gcig mtshan mar bzhag kyang sangs rgyas kyi zhing rnams de bzhin gshegs pa dag gis de tsam du stong na/ phyogs bcu'i sangs rgyas kyi zhing gang de bzhin gshegs pa'i sha'i spyan tha mal bas gzigs par 'gyur ba'i sangs rgyas kyi zhing de dag tu skyes pa'i sems can de dag gi sems de bzhin gshegs pas mkhyen pa'i de bzhin gshegs pa de dag gis stong pa la lta ci smos| de nas nyan thos chen po de dag dang / thams cad dang ldan pa'i 'khor de ngo mtshar du gyur nas tshig 'di skad du bdag cag gi ston pa de dag de ltar rdzu 'phrul che/ de ltar mthu che/ de ltar ye shes gzigs pa chen po dang ldan te/ bdag cag gis rnyed pa legs bar rnyed do/ /zhes smras so/ /de nas byang chub sems dpa' gang phyogs bcu'i 'jig rten gyi khams nas 'dus pa steng gi bar snang la 'khod pa de dag bar snang de las babs nas bcom ldan 'das dang / 'jam dpal gzhon nur gyur pa'i zhabs la mgo bos phyag 'tshal te bskor nas phyogs bcur dong ngo / /de nas 'jam dpal gzhon nur gyur pa la lha'i bu dpal bzang </font><hr>104b<br><font size=+1>


ldan gyis 'di skad ces smras so/ /'jam dpal/ khyod kyis mdzad pa mdzad cing sems can tshad med pa byang chub tu yongs su smin par mdzad pa legs so legs so/ / 'jam dpal/ khyod kyis byang chub sems dpa' rnams kyi byang chub yongs su smin par bgyid pa'i chos las brtsams te spobs par mdzod cig /'jam dpal gyis smras pa| lha'i bu/ byang chub sems dpa' rnams kyi byang chub yongs su smin par byed pa'i chos ni/ sum cu rtsa lnga'o/ /sum cu rtsa lnga gang zhe na/ 'di lta ste/ dus su skul ba dang / tshod la skul ba dang / ran par skul ba dang / dbang po la skul ba dang / brtan par skul ba dang / pha rol tu phyin pa la skul ba dang / thabs la skul ba dang / lhag pa'i bsam pa la skul ba dang / byams pa chen po la skul ba dang / snying rje chen po la skul ba dang / theg pa chen po la skul ba dang / theg pa dman pa la skul ba dang / bden pa la skul ba dang / de bya ba la skul ba dang / chos srung bar skul ba dang / thos pa bstan par skul ba dang / sems can sna tshogs su mi dbye bar skul ba dang / tshul khrims 'chal pa dang / tshul khrims dang ldan pa la sbyin pa'i gnas su mtshungs par skul ba dang / bdud kyi las bstan par skul ba dang / dam </font><hr>105a<br><font size=+1>


@#/ /bcas pa nyams 'og tu chud par skul ba dang / 'khor bas yongs su mi skyo bar skul pa dang / bdud gdul bar skul ba dang / byas pa shes pa dang / byas pa gzo bar skul ba dang / rgyu zad pa la 'jug par skul ba dang / rnam par thar pa'i sgo la mi 'jigs par skul ba dang / de bzhin gshegs pa la mchod pa dang / rim gro bya bar skul ba dang / sems can thams cad la ci bya snyam pa la spro bar skul ba dang / 'jig rten gyi chos dang ma 'dres par skul ba dang / dgon pa la dga' bar skul ba dang / 'dod pa chung zhing cho ga shes par skul ba dang / 'das pa dang ma 'ongs pa ma grol ba dgrol ba dang / dbugs ma phyin pa dbugs dbyung ba dang / yongs su mya ngan las 'das pa yongs su mya ngan las 'da' bar skul ba dang / dkon mchog gsum gyi gdung mi 'chad par skul ba dang / sangs rgyas kyi zhing gi yon tan bkod pa yongs su dag par blang bar skul ba ste/ lha'i bu/ byang chub sems dpa' rnams kyi byang chub yongs su smin par byed pa'i chos ni/ sum cu rtsa lnga po de dag go /lha'i bu/ de ltar byang chub sems dpa' yongs su smin par byas pa ni/ bla na med pa yang dag par rdzogs </font><hr>105b<br><font size=+1>


pa'i byang chub las bskyod du med pa yin te/ de ni/ phas kyi rgol ba thams cad kyis thul bar mi nus so/ /de ni/ phyin chad kyang byang chub sems dpa'i dregs pa bcus dregs par mi 'gyur ro/ /bcu gang zhe na/ tshul khrims kyis dregs pa dang / thos pas dregs pa dang / spobs pas dregs pa dang / rnyed pa dang bkur sti dang tshigs su bcad pas dregs pa dang / dgon par gnas pas dregs pa dang / sbyangs pa'i yon tan dang / yo byad bsnyungs pas dregs pa dang / gzugs dang / longs spyod dang / dbang phyug dang / g.yog 'khor gyis dregs pa dang / brgya byin dang tshangs pa dang 'jig rten skyong ba bsnyen bkur byed pas dregs pa dang / bsam gtan dang / mngon par shes pas dregs pa dang / sangs rgyas dang chos dang dge 'dun la dang ba'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dag 'dod pa dang / bstod pa dang / bsngags par byed pa des kyang snyems pa med pa yin te/ lha'i bu| byang chub sems dpa'i dregs pa bcu po de dag gis mi snyems/ rab tu mi snyems so/ /de nas 'jam dpal gzhon nur gyur pa la lha'i bu dpal bzang ldan </font><hr>106a<br><font size=+1>


@#/ /gyis 'di skad ces smras so/ /'jam dpal/ khyod phyogs gang na gnas pa dang / chos kyi rnam grangs 'di gang na spyod pa der ni/ sangs rgyas 'byung bar blta'o/ /der ni/ chos kyi 'khor lo bskor bar blta'o/ /bcom ldan 'das kyis bka' stsal pa/ de de bzhin no/ /lha'i bu/ de de bzhin te/ ji skad smras pa bzhin no/ /phyogs gang na 'jam dpal gzhon nur gyur pa gnas pa de ni/ stong pa ma yin par mngon no/ /gang na chos kyi rnam grangs 'di spyod par 'gyur ba de ni/ de bzhin gshegs pa chos kyi bdag po nyid brtson par mdzad do/ /gang chos kyi rnam grangs 'di la nyan par byed/ mos par byed pa'i sems can de dag ni/ nga'i yin par 'gyur ro/ /gang dag chos kyi rnam grangs 'di nyan pa dang / mos pa'i sems can de dag ni/ de bzhin gshegs pas 'dul bar blta'o/ / gang dag chos kyi rnam grangs 'di 'dzin pa dang / de bzhin nyid du nan tan byed pa de dag ni/ bla na med pa yang dag par rdzogs pa'i byang chub las phyir mi ldog pa yin no| |de nas bcom ldan 'das kyis byang chub sems dpa' byams pa dang / gnas brtan 'od srung chen po dang / tshe dang ldan pa kun dga' bo la bka' stsal </font><hr>106b<br><font size=+1>


pa| skyes bu dam pa dag /ji tsam du chos kyi rnam grangs 'di blang ba dang / gzung ba dang / bshad pa dang / kun chub par byed pa'i phyir khyed la gtad do/ /nga ni/ ring por mi thogs par yongs su mya ngan las 'da' bar 'gyur gyi/ de'i phyir khyed kyis sems can thams cad la sangs rgyas kyi bya ba'i chos kyi rnam grangs 'dis gnas par gyis shig /byams pas gsol pa/ bcom ldan 'das/ bdag gis chos kyi rnam grangs 'di gzung lags na/ bcom ldan 'das/ chos kyi rnam grangs 'di'i ming ci lags| 'di ji ltar gzung bar bgyi/ bcom ldan 'das kyis bka' stsal pa/ byams pa/ de'i phyir khyod kyis chos kyi rnam grangs 'di bzhi pa sgrub pa dang / byang chub sems dpa'i lam dang / byang chub sems dpa' yongs su smin par byed pa zhes bya bar zungs shig /bcom ldan 'das kyis de skad ces bka' stsal nas byang chub sems dpa' byams pa dang / tshe dang ldan pa 'od srung chen po dang / tshe dang ldan pa kun dga' bo dang / lha dang / mi dang / lha ma yin dang / dri zar bcas pa'i 'jig rten yi rang ste bcom ldan 'das kyis gsungs pa la mngon par bstod do/ /'phags pa bzhi pa sgrub pa zhes bya ba theg pa chen po'i mdo rdzogs so// // </font><hr>

</table>