//gtsug tor chen po'i bam po dgu pa las bdud kyi le'u nyi tshe phyung ba/ bcom ldan 'das kyis bka' stsal pa/ mtha' yas/ khyod kyis 'di ltar shes par gyis shig /byang chub kyi dkyil 'khor la gnas pa de 'du shes thams cad 'byung bar 'gyur ro/ /de nyid 'du shes spangs pa yin no/ /des na snying po thams cad snang bar 'gyur te/ g.yo ba rnam par dag pas gzhan du tha mi dad/ dran pa brjod pas yang dag pa dang gcig go /de kho na la gnas te ting nge 'dzin du zhugs na/ dper na/ mig snang ba'i mi mun pa chen po'i nang na 'dug pa dang mtshungs te/ byang ba nyid shin tu gtsang mod kyi/ sems la 'od ma byung bas de ni/ gzugs kyi phung po'i khang khyim yin no/ /mig dag gsal bas phyogs bcu thogs pa med par mthong ste mun pa dang mi snang ba med na/ de ni/ gzugs kyi phung po zad 449a @#/ /pas bskal ba'i rnyog pa las rgal to/ /de'i don brtags na mi bde na pa'i sems dam du 'dzin pa las byung ngo / /sems de la sgom pa stong zhi zhing snang gsal bar gyur na/ skad cig tu lus kyi dbang thob ste/ lus gzugs la mi thogs pa thob bro/ /de'i ming ni/ byang ba'i mthu skyes par zad do/ /sems de stong zhing snang gsal na/ bdag gi lus kyi nang na ci 'dug pa kun snang ste/ bdag gi lus la glo bur du srin grol ma byung yang lus ma god ma nyams par mthong ste/ de yang byang snang ba'i mthu skye bar zad do/ /sems de phyi nang stong zhi ba'i phyir nam mkha' stong ba las chos bshad pa'i sgra dang / phyogs bcu na chos zab mo'i ngon bshad pa'i sgra thos te/ de ni/ bral dang / pheg dang / yid dang / mi gtod pa dang / dzin shin rnams lhan cig tu 'dug pa las 'du 'bras du gyur pa las byung bar zad/ sems de snang gsal zhing nang gi 'od byung ba'i phyir phyogs bcu thams cad dzam+bu'i gser gyi kha dog tu gyur/ sems can sems kyi sems mi mthun pa'i rnams kyang sangs rgyas kyi gzugs su gyur/ rnam par snang mdzad lha'i 'od kyi khang pa na bzhugs te sangs rgyas bcus bskor ba dang / yul dang zhing me tog dang bcas pa 'bum phrag brgyad dang / de rnams skad cig tu mthong 449b ste| sems dang bral tshor ba rno bas sems kyi 'od zhib mos 'jig rten de rnams mthon bar zad do/ /sems de stong zhi zhing gsal snang ba la rtog cing dpyod pa la bar chad med pas skad cig glo bur du phyogs bcu'i rin po che sna bdun dang / rgya kha dog tu gyur par mthong ste/ de ni/ sems mnan cing mi gtong ba la bsgoms dregs pa mi gtong ba las byung bar zad/ sems stong zhi zhing snang gsal bar gyur pa'i phyir mtshan mo mun pa'i nang na ci 'dug go cog nyin par bzhin du re zhig glo bur du mthong ste/ de ni/ sems zhi zhing gsal bar gyur pa'i phyir mthong bar zad do/ /sems de stong zhi ba'i phyir bdag gi lus rtswa snying bzhin du mtshon gyis gtubs bcad dam/ mer bsregs kyang mi na mi 'tshig ste/ ni| chen po bzhi'i mtshan nyid phyir 'byung ba yin no/ /sems de gtsang mar gyur pa'i mthus phyogs bcu'i ri dang / rtsang po'i chu bo thams cad dang / sa gzhi thams cad sangs rgyas kyi zhing du gyur te nor bu rin po ches brgyan pa dang / 'od snang ba gar yang khyab pa bye ma snyed kyi sangs rgyas nam mkha' la bzhugs pa dang / nam mkha' la rin po che'i khang khyim dang / mtshams med pa yan chad lha bran gyi gnas man chad bsgribs pa med par mthong ste/ de ni/ skyo ba dang dga' ba'i sems la bsgoms pa yun ring po las gyur par 450a @#/ /zad do| |sems de la zhib tu bsgoms pa yun ring bas re zhig mtshan mo glo bur du rgyang ring po na 'dug pa'i grong du khyab pa la sred pa dang / rdul don du gyur pa dang / de rnams nyid la rtag par 'dzin te/ mu stegs bram ze ka sha ba dang / me la rjed pa dang / chu la rjed pa'i chos la mya ngan las 'das pa'i don tshol te/ mu stegs de rnams kyi sper gyur to/ /byang chub kyi sems ni/ 'tshol/ shes par lta ba ni/ brlag /mu stegs sngar yul yod par 'dzin pa'i chos spyad de/ mi bden pa'i 'bras bu ni| grub/ mya ngan las 'das pa la ni/ rgyab kyis phyogs/ log par lta ba'i rigs su ni/ skye'o/ /yang rigs kyi bu 'du byed thams cad stong par rig nas rnam par shes pa nyid la skye shi'ang 'gog ste/ mi skye mi shi zhi ba 'gog pa'i don la shin tu ma rgyas pas sems stong pa yin par tshor na/ sems de la zhen te phyogs pas lha tshe ring po yod min med min gyi skye mched kyi gnas su skyes te/ byang chub kyi sems ni/ 'tshol/ shes pa mthong ba ni/ brlab /de'i ming ni/ drug ste/ sems la stong par 'dzin pas stong pa'i 'bras bu thob ste mya ngan las 'das pa la ni/ rgyab kyis phyogs/ 'chad cing 'gog pa'i rigs su ni| skye'o/ /yang rigs kyi bu 'du byed thams cad stong par rig nas rnam 450b par shes pa nyed la skye shi'ang 'gog ste/ mi skye mi shi zhi ba la 'gog pa'i don la shin tu ma rgyas pas lus la rtag par 'dzin te/ lus de mi 'chi mi 'chad ces zer to/ sems de la zhen pas brkam pa dang brkam pa ma yin pa a si ta tshe ring po tshol ba'i 'khor du skyes te/ byang chub kyi sems ni/ 'tshol/ shes par lta ba ni/ brlag /de ni/ bdun te/ tshe la chags pa'i mi bden pa'i rgyus lha tshe ring po'i 'bras bu rdzogs te mya ngan las 'das pa la ni/ rgyab kyis phyogs/ mi dben pa'i tshe ring po'i 'khor du skye'o/ /yang rigs kyi bu 'du byed thams cad stong par rig nas rnam par shes pa nyid la skye shi'ang 'gog ste/ mi skye mi shi zhi ba 'gog pa'i don la shin tu ma rgyas pas tshe la thogs pa med pa thob ste mya ngan zad kyis dogs nas pad+mo'i gdan dang / rin po che sna bdun gyi khang khyim mang du brdzus te/ sems ci 'dod pas bzhin du spyad nas de zhen pa'i phyir yang dag pa dang / yang dag pa ma yin pa ta ti ka la'i 'khor du gyur te byang chub kyi sems ni/ 'tshol/ shes pa mthong ba ni/ brlag /de brgyad de/ sems yod pos ni/ rgyu byas/ shin tu rgyas pa'i spyod yul ni/ thob/ mya ngan las 'das pa la ni/ rgyab kyis phyogs/ lha'i bdud kyi rigs su skye'o/ /yang rigs kyi bu 'du byed thams cad stong par rig nas rnam par shes pa nyid la skye shi'ang 'gog ste/ mi skye 451a @#/ /mi shi zhi ba 'gog pa'i don la shin tu ma rgyas pas che snang ba'i nang na spyod yul med par snang ba bsal te/ bden mi dben dang / rgyu dang 'bras bu bsal phod cing yang dag pa'i gtsang gdang ba'i lam la ni/ rgyab kyis phyogs/ nyon mongs pa ni/ thong /'du ba ni/ bcad/ 'gog pa ni/ rig/ lam ni/ bsgoms/ 'gog pa la gnas te/ 'grus 'bogs kyi sems ni/ btang / 'gog pa la ni/ zhen pas yang dag pa'i nyan thos kyi sder 'gyur te/ byang chub kyi sems ni tshol/ shes pa lta ba ni/ brlab /de ni/ dgu ste/ sems zhi ba la gnas pas zhi ba'i 'bras bu ni/ rdzogs/ mya ngan las 'das pa la ni/ rgyab kyis phyogs/ stong par 'dzin pa'i rigs su ni/ skye'o/ /yang rigs kyi bu 'du byed thams cad stong par rig nas rnam par shes pa nyid la skye shi'ang 'gog ste/ mi skye mi shi zhi ba 'gog pa'i don la shin tu ma rgyas pas yang dag pa'i sems la gtsang dang ba snang gsal bar tshor te/ de shin tu brtags pas mya ngan las 'das pa'i don yin par 'dzin te/ 'gog pa'i don la'ang shin tu ma rgyas pas rang gar phyogs pa la phyogs yod par 'dzin te/ rang gi lus dang sems kyang gnas de la byung ngo snyam du the tshom du gyur nas rang gi lus kyang yang dag par rtag pa yin zhes zer te/ 451b sems de la zhen pas rtag ces zer ba dang / mi rtag ces zer ba de la chags te lha mthu po che'i sder gyur te byang chub kyi sems ni/ 'tshol/ shes pa mthong ba ni/ brlab/ de'i ming ni/ gsum sems la gnas pas mi bden pa'i 'bras bu 'byung ba zhes bya ste/ mya ngan las 'das pa la ni/ rgyab kyis phyogs/ log par rgyas pa'i rigs su ni/ gyur/ yang rigs kyi bu 'du byed thams cad ni/ stong par rig nas rnam par shes pa nyid la skye shi'ang 'gog ste/ mi skye mi shi zhi ba 'gog pa'i don la shin tu ma rgyas pas shes pa la shes pa rgyas par tshor nas phyogs bcu'i rtsi shing la'ang sems yod de la mi dang mi 'dra ba med pas mi shin na'ang rtsi shing du gyur par 'dzin te/ de lta bur sems zhen pa'i phyir mu stegs shes pa dang mi shes par 'dzin pas pa ta sa 'di'i sder gyur te byang chub kyi sems ni/ 'tshol/ shes pa mthong ba ni/ brlag /de'i ming ni/ gzhir rgyas par shes pa'i sems kyi mi bden pa'i 'bras bu rdzogs zhes bya ba yin/ mya ngan las 'das pa la ni/ rgyab kyis phyogs/ log par shes pa'i rigs su ni/ skye'o/ /yang rigs kyi bu 'du byed thams cad stong par rig nas rnam par shes pa nyid la skye shi'ang 'gog ste/ mi skye mi shi zhi ba 'gog pa'i don la shin tu ma rgyas pas shin tu zhi ba la dbang po 452a @#/ /nor cing spyad du yod pa la rang dbang thob nas me'i snang ba tshol ba dang / chu gtsang ma la dga' ba dang / rlung kun 'ong 'ga' ni/ gzugs pa yin no/ / zhes zer/ 'or 'ga' ni/ gzugs yod do/ /zhes zer te/ 'or 'ga' ni/ gzugs nga la gtogs zhes zar/ 'or 'ga' ni/ mya ngan dang byang chub so so la gcig la gcig mi gtogs so/ /zhes zer nas byang chub kyi sems 'tshol te/ mur thug phung po lnga'i nang na shi ba'i 'og tu mtshan ma yod ces zer ba'i phyin ci log gi mu stegs kyi snger gyur to/ /yang ting nge 'dzin de'i nang nas rigs kyi bu rnams sems drang po mi g.yo ba'i ting nge 'dzin du zhugs te bdud kyis glags mi thod nas skye ba'i phyi mi la brtags te/ sngar gzugs dang / tshor ba dang / 'du shes 'gog zin pa rnams la brtags nas/ de rnams thams cad 'gog zin pas gzugs yod du ni/ gzugs zad/ sems yod du ni/ 'du shes med/ phyi mo yod du ni/ tshor ba'i phung po zad/ skye ba'i don yod du ni/ zin kyang nga la da ltar gyi phung po'ang med/ rtswa shing dang 'dra na shi ba'i 'og tu rgyu dang 'bras bu'ang med/ mya ngan las 'das pa'i rgyu dang 'bras bu'ang med/ thams cad kyang stong ste/ gyi na ming tsam du yod du zad kyi/ ngo bo'i don med do/ /zhes zer nas 452b byang chub kyi sems 'chol te/ mu stegs bdun phung po lnga'i nang na shi ba'i 'og tu mtshan ma med ces zer ba'i phyin ci log gi mu stegs kyi sder gyur to/ /yang ting nge 'dzin de'i nang nas rigs kyi bu rnams sems drang po mi g.yo ba'i ting nge 'dzin du zhugs te bdud kyis glags mi thod nas skye ba'i phyi mo la brtags te/ tshor ba dang / 'du shes kyi phung po gnyis ka 'gog par mthong nas gcig la gcig gis gzhig cing / shi ba'i 'og tu gnyis ka ma yin zhes zer ba'i mu stegs su gyur te/ gzugs dang / tshor ba dang / 'du shes yod pas log pa'i ting nge 'dzin dang mi phrad de/ rdzogs pa'i ting nge 'dzin gyi 'od snang bar byung nas rdzogs par snang ba la sred de ting nge 'dzin gyis thabs bskams nas lha'i bdud kyis glags rnyed de khar zhugs nas chos 'chad mkhas shing lus kyang sna tshogs par bsgyur/ mun pa'i nang 'od kyang gtong nus te/ yul kha cig tu ni/ mi 'di zhes bya ba zhig sangs rgyas su mngon par grub bo/ /yul 'di ni/ bskal ba rnam gsum ma byung / sangs rgyas kyis gsungs pa'i tshul khrims kyang grol gcig ces bsgo zhing 'dod cing sred pa'i chos sha stag bshad nas 'jungs pa'i 'dre de lus la 'phags ma thag tu slob ma dang bcas te rgyal po'i gyod la yang thogs /mtshams med pa'i dmyal bar yang ltung ngo / /de la tshor na nyes pa med do/ /tshor ba shin tu gsog nas rdzogs 453a @#/ /pa'i ting nge 'dzin gyi snang ba byung ste/ ting nge 'dzin rgod pa la sred de/ lha'i bdud kyis glags rnyed de khong du zhugs nas chos 'chad mkhas rab tu gyur/ bdag gi mya ngan zad do snyam du sems/ chos 'chad pa'i tshe bdag gi lus gser gyi kha dog tu gyur te rin po che'i pad+ma'i steng na 'dug /chos nyan pa'i mi gzhan rnams de bzhin du gyur bar mthong nas bdag gis byang chub thob bo snyam du sems te/ sems g.yeng zhing khrims kyang bshig /nyan pa'i mi la kha cig ni/ dus 'di la sangs rgyas su grub bo/ /zhes lung ston/ la la ni/ yul la gzhan gyi sangs rgyas nga sprul pa yin no/ /zhes zer/ mi'o cog kyang de'i tshig la gus par nyan/ de nas 'dre dang bral ma thag tu slob ma dang bcas te rgyal po'i gyod la yang thogs/ mtshams med pa'i dmyal bar yang 'gro'o/ /de la tshor na nyes pa med do/ /tshor ba shin tu gsog ste rdzogs pa'i ting nge 'dzin snang ba'i 'od byung ba dang / ting nge 'dzin gyi nang nas sems gsal ba la sred pa'i phyir lha'i bdud kyis glags rnyed nas chos yid las skyes pa'i lus la brkam pa'i phyir sems phra mo mi zad pas lha'i bdud kyis glags thod de khar zhugs nas gzhan la chos 'chad cing / bdag la bdud kyis zug par ma tshor nas bdag mya ngan las 453b 'das so snyam du bsam ste gzhan la chos 'chags \?\ pa dang / khrom dgongs brgya'am/ stong du skad cig gis phyin te/ de na ci yod pa blangs nas gzhan la'ang bstan/ bar bar yang khang pa'i nang na rtsig pa'i bar nye ba dag la kha cig drag rab tu 'gror bcug kyang lor yang mi phyin te/ kha cig de la yid ches nas sangs rgyas yin no snyam du the tshom du gyur/ khro ba dag kyang phyogs bcu'i sems can thams cad nga'i bu yin no/ /sangs rgyas thams cad kyang thog mang las skyes/ nga ni/ thog ma'i sangs rgyas te/ 'jig rten las byung ba yin no| |de ltar bsgoms pa'i phyir thu bo yin no/ /zhes kyang bshad de/ de ni/ 'jig rten la gnas pa rang dbang thob pa'i lha'i bdud yin no/ /bdud de lus la bral ma thag tu rgyal po'i gyod la yang thogs/ mtshams med pa'i dmyal bar yang 'gro'o/ /ma tshor na nyes pa med do/ /mtha' yas/ shes par gyis shig /bdud de rnams bcu chos tha ma'i tshe nga'i chos kyi nang na rab tu byung / sgom pa'i tshe na bar bar lus la zhugs/ bar bar lus la bstan te thams cad kyang bla na med par grub bo/ /zhes zer te/ g.yem pa la ni/ bstod/ sangs rgyas kyi tshul khrims ni/ bshig /bdud kyi mkhan po dang / bdud kyi slob ma gcig la gcig g.yem pa'i chos slob cing sems de la tshor te chags na/ nye na ni/ rabs dgu / 454a @#/ /ring na ni/ rabs brgya chos yang dag par spyad pa rnams kyang thams cad tshe 'phos nas thams cad bdud du gyur te yang dag pa'i lam brlags nas mtshams med par 'gro'o/ /mtha' yas/ khyod mya ngan las ma 'das par sems can rnams la don ston pa yin no/ /bdud kyi stobs kyis 'dod chags kyi don bshad de/ sangs rgyas kyi khrims bshig nas rtswa dang / shing rnams la za ste/ chos spyad pa la mi rtag pas 'or 'ga' ci spyad/ 'or 'ga' ci spyad/ bdud de lus la 'phags ma thag tu slob ma dang bcas su rgyal po'i gyod la'ang thogs/ mtshams med pa'i dmyal bar yang 'gro'o/ /de la tshor na ni/ nyes pa med do/ /yang rigs kyi bu tshor ba'i phung po shin tu bsags nas log pa'i ting nge 'dzin dang mi phrad cing / rdzogs pa'i ting nge 'dzin gyi 'od snang bas ting nge 'dzin sgom pa'i tshe sems rdzu 'phrul sna tshogs thogs pa med pa la sred de/ lha'i bdud kyis glags thod nas khar zhugs te chos 'chad pa la mkhas shing / bdag bdud kyis zug par ma tshor nas mya ngan las 'das so snyam du bsam nas chos 'chad pa'i tshe lag pa na me mar 'dzin cing / nyan pa rnams la 'od bcad nas nyan pa rnams kyi spyi bor 'od bgos nas mi de rnams kyi mgo la 'od 'dom du mar mched de 454b song yang tsha ba'am tshig pa med de/ 'or 'ga' chu'i steng na rgyug pa ni/ sa'i steng na rgyug pa dang 'dra'o/ /'or 'ga' nam mkha' la 'phags te mi g.yo bar 'dug /'or 'ga' chab dong gi nang du zhugs te lus sbed/ 'or 'ga' snod sgye'u'i nang du zhugs te lus sbed/ 'or 'ga' skar khung gi nang du byung sta song / 'or 'ga' rtsig pa la thogs pa med par song / mtshon rnams 'ba' zhig la rang dbang ma thob bo/ /bdag gi kha la sangs rgyas su grub zin to/ /zhes zer te/ gos dkar po gyon nas bik+Shu rnams phyag 'tshal du bcug /skur bslad de gzhan la chos 'chad na'ang 'phyon ma'i chos she dag bshad do/ /gnam sa dang / shing rtsi dang / chu klung dang / rig 'dzin shi ba rnams 'drer skyes pa las rgal te bdud du gyur pa yin no| |bdud de nam lus las bral ma thag tu rgyal po'i gyod la'ang thogs/ mtshams med pa'i dmyal bar yang 'gro'o/ /de la tshor na nyes pa med do/ /yang rigs kyi bu tshor ba'i phung po shin tu bsags nas log pa'i ting nge 'dzin dang mi phrad de/ rdzogs pa'i ting nge 'dzin gyi 'od snang bas ting nge 'dzin sgom pa'i tshe shin tu 'gog pa stong pa la sred de/ lha'i bdud kyis glags thod de khar zhugs nas gzhan la chos 'chad pa'i tshe mkhas rab nas bdud kyis bdag la zug par ma tshor te bdag mya ngan las 'das so snyam du bsam nas 455a @#/ /gzhan chos 'drir 'ongs nas chos 'chad pa'i tshe'ang bdag gis lus stong par byas nas gzhan gyis mi mthong bar gyur te/ re zhig stong pa'i nang nas glo bur du byung ste/ byung ba dang / spa ba dang / rang dbang thob par gyur nas bar bar yang lus mching bu bzhin du phyi nang thal bar bstan/ bar bar ni/ rkang lag phyag na tsan+dan bsung / bar bar ni/ gcin dang ngan skyug kyang dpar na sha khar stug po dang 'dra/ tshul khrims la skur/ dge slong la smad/ las ci byas pa'i lan med ces kyang bshad| lus der shi na ye der zad de/ phyi ma'i lus nor du'ang med do/ /zhes zer te/ mi tha mal pa dang 'phags pa dang yang 'dra'o/ /zhes bshad do/ /kho bo dag ni/ phyin ci log tu chags pa dang g.yem pa'ang spyad/ gzhan la chos bshad pa'i tshe slob ma rnams kyang stong pa'i sems kyang thob ces zer te/ bdud de lus las bral ma thag tu rgyal po'i gyod la'ang thogs/ mtshams med pa'i dmyal bar yang 'gro'o/ /de la tshor ba nyes pa med do/ /yang rigs kyi bu tshor ba'i phung po shin tu bsags nas log pa'i ting nge 'dzin dang mi phrad de/ rdzogs pa'i ting nge 'dzin gyi 'od snang bas ting nge 'dzin sgom pa'i tshe sems tshe ring ba dang / chen po bzhi'i lus bor nas 'grus 'gogs 455b btang nas de la zhen te yang dag par sems mi ldog pa'i rang sangs rgyas kyi sder gyur to/ /byang chub kyi sems ni/ 'tshol/ shes pa lta ba ni/ brlag /de bcu ste/ rgyas par tshor ba snyoms pas mi g.yo ba snang ba'i 'bras bu rdzogs/ mya ngan las 'das pa la ni/ rgyab kyis phyogs/ tshor ba rgyas par snang ba gzhan la mi 'chos pa'i rigs su skye'o/ / mtha' yas/ ting nge 'dzin de rnams bcu ni/ mos pa'i rgyur 'gyur te/ mchog pa la chog par rig ste/ de thams cad rnam par shes pa sems mthon dman du gyur pa las byung ste| sems can ma rabs rang gi tshod ma rig nas bdag ci la srid pa bzhin du sems kyi bag chags de la gnas shing 'khor ba ma shes nas yang dag par bdag gis bla na med pa yang dag par rdzogs pa'i byang chub tu 'grub bo snyam du 'dzin pas ni/ rdzun chen por gyur te/ mu stegs dang / bdud dang / log par lta ba'i gnas su ni/ skye'o/ /de rnams kyi las zad nas mtshams med par 'gro'o/ /nga'i don 'di ma 'ongs pa'i sems can la ston la/ de la shin tu bye brag phyed par bgyis te/ bdud rnams kyi las mi byed cing / sems dang lus sangs rgyas kyi shes pa mthong ba'i nang du bcug ste thog ma dang tha ma'i bar du log pa'i lam dang mi phrad par gyis shig /snga ma 'das pa'i sangs rgyas bye ma snyed thams cad 456a @#/ /kyang chos kyi sgo mo 'di bzhin du bsgoms pas bla na med pa'i byang chub tu grub bo/ /rnam par shes pa'i phung po zad na sgo drug bsnor zhing spyad du yod do| |mig gi sgo mo la sgrar thos ro myang gsung yang tshor bar nus so/ /de nas byang chub rdo rje shes rab sgom pa'i gnas su gyur te snang gsal zhing zhi la snang ba byung ba la glo bur du snying rje grangs med pa skyes te/ tha ma grogs mthong na'ang bdag gi bu tsam du sems shing mchi ma mi tshor bar zag go /de la tshor na ni/ nyes pa med de/ ring zhig na rang zhi'o| |ma tshor na ni/ snying rje'i bdud khong du zhugs te mi dag dang phrad na'ang grangs med pa'i mya ngan skyes te yon por lhung ngo / /de ni/ sems btsir cing spyad drags pa las byung ngo / /ting nge 'dzin de'i nang nas gzugs kyi phung po ni/ zhi/ tshor ba'i phung po snang zhing gsal/ dam pa'i ltas ni/ mdun du byung nas sems la pabs pas/ glo bur du brtson 'grus drag po rab tu skyes te/ sangs rgyas rnams kyis bskal pa grangs med pa gsum gyi bar du spyad pa thang gcig tu sgrub nus par gyur te/ de la tshor na ni/ nyes pa med do/ /ring zhig na zhi ma tshor na ni/ smyos pa'i bdud khong du zhugs te phrad do cog la ngom zhing nga rgyal chen po skyes te log par gyur/ de ni/ spyad drags pa las byung bar zad do/ /ting nge 'dzin de'i nang 456b nas gzugs kyi phung po ni/ zhi/ tshor ba'i phung po ni/ snang zhing gsal te/ mdun du gsar du mthong ba ni/ med/ phyi lags na/ rnying pa'i gnas kyang ma rnyed nas cir yang mthong ba med de bar ma dor 'dug pa las glo bur du brkam pa dang / skom pa cher g.yos nas sems bying ste/ brtson 'grus kyi mtshan ma yin no snyam du sems so/ /de ni/ shes rab med pa'i phyir don brlag ste/ de la tshor na ni/ nyes pa med/ ma tshor na ni/ dran pa med pa'i bdud khong du zhugs te/ sems thum bu gcig tu byas nas yon por ltung ngo / /ting nge 'dzin de'i nang nas gzugs kyi phung po ni/ zhi/ tshor ba'i phung po ni/ snang zhing gsal te brtson 'grus cher g.yos nas dam pa'i sems ni/ zhig/ bdag rang bai ro tsa na yin no snyam du the tshom skyes nas cung zhig gis mgu ste/ de ni/ sems spyod pa rtsing pa las byung ngo / /de la tshor na ni/ nyes pa med/ ma tshor na ni/ chog shes pa'i bdud khong du zhugs te yon por ltung ngo / /ting nge 'dzin de'i nang nas gzugs kyi phung po ni/ zhi/ tshor ba'i phung po ni/ snang zhing gsal te/ gsar du thob pa med/ rnying pa ni/ stor nas bar ma don 'dug pa las grang ba'i mya ngan byung ste/ lcags kyi khri tsha ba'i steng na nyal ba dang / dug 'thungs pa tsam du mi dga' nas 'chi 'dod cing gzhan la gsod par 'tshol/ rang gi sha la gcod de/ de ste ma shi na'ang ri dang tshal 457a @#/ /la sogs pa mi gcig dang yang mi phrad pa'i gnas su bros 'dod de/ de la tshor na ni/ nyes pa med/ ma tshor na mya ngan byed pa'i bdud khong du zhugs te/ mtha' mar rang gsod par byed do/ /de ni/ sems bsgoms pa'i thabs stor ba las byung bar zad do/ /ting nge 'dzin de'i nang nas gzugs kyi phung po ni/ zhi bar mthong / tshor ba'i phung po ni/ snang zhing gsal te/ bdag gtsang gdang ba'i nang na 'dug cing bde bar gyur nas glo bur du grangs med pa'i dga' ba skyes te/ de'i ming ni/ sems kyi rang dbang ngo / /de la tshor na ni/ nyes pa med/ ma tshor na ni/ shes rab kyis ma thub pa yin te/ dga' ba'i bdud khong du zhugs nas mi dag dang phrad na rgod cing glu gar la sogs pa byed cing log par ltung ngo / /ting nge 'dzin de'i nang nas gzugs kyi phung po ni/ zhi bar mthong / tshor ba'i phung po ni/ snang zhing gsal te/ glo bur du nga rgyal rnam pa bdun gcig car g.yos nas phyogs bcu'i sangs rgyas la'ang tshod yod par 'dzin/ nyan thos dang / rang sangs rgyas ni/ yod pa mi rtsi ste/ de ni/ lta ba'i nga rgyal te ram mda' med pa'i shes rab yin te/ de la tshor na ni| nyes pa med/ ma tshor na ni/ nga rgyal gyi bdud khong du zhugs te/ sangs rgyas kyi tse ti dang / gzugs la'ang phyag 'tshal du mi btub/ yon bdag la'ang 'di dag ni/ khar ba 457b dang / zangs dang / ras dang / shing shun la sogs pa yin te/ mchod mi dgos/ sha'i gzugs yang dag pa la mchod cig ces bsgos te/ mtshams med pa'i dmyal bar ltung ngo / / ting nge 'dzin de'i nang nas gzugs kyi phung po ni/ zhi bar mthong / tshor ba'i phung po ni/ snang zhing gsal te/ stong zhi zhing snang gsal ba'i nang nas don cher mthong ste/ glo bur du phyogs pa'i sems cher skyes te/ sems la grangs med pa'i rang dbang cher skyes te/ de ni/ shes rab kyi phyir rang dbang cung zad cig thob pa yin te/ tshor na ni/ nyes pa med/ ma tshor na ni/ rang dbang gi bdud khong du zhugs te/ bdag rang chog gang bar sems shing / phyis 'tshol du mi btub ste/ phyis sems g.yos pa dang / skur pa btab na log par ltung ngo / /ting nge 'dzin de'i nang nas gzugs kyi phung po ni/ zhi bar mthong / tshor ba'i phung po ni/ snang zhing gsal te/ snang ba zhi ba thob nas glo bur du rgyu dang 'bras bu med/ stong pa'i don mdun du snang ngo / /de la tshor na ni/ nyes pa med/ ma tshor na stong pa'i bdud khong du zhugs te/ khrims thub pa'i dge slong la ni/ theg pa chung ngu yin zhes zer te/ byang chub sems dpa' stong pa'i don khong du chud nas khrims thub pa dang / bshig pa'i gzugs ga la yod/ yon bdag rnams la sha chang zo/ rgyan po la sogs pa byos shig ces bsgo /'dre gdon gyi stobs kyis ngan 458a @#/ /skyug kyang zas dang 'dra bar za nus par 'gyur ro/ /ting nge 'dzin de'i nang nas gzugs kyi phung po ni/ zhi/ tshor ba'i phung po ni/ snang zhing gsal te/ shi ba'i ro sems dang rus pa'i nang du thal nas glo bur du grangs med pa'i sred pa'i sems g.yos te/ srid pa ches nas smyos te 'dod chags su gyur to/ /de'i ming ni/ ting nge 'dzin gyi yul bde ba la phyogs pa zhes bya ste/ shes rab kyis bdag bsrung ma nus pa'i phyir 'dod chags su gyur te/ de la tshor na ni/ nyes pa med/ mtshor na 'dod chags kyi bdud khong du zhugs te/ 'dod chags 'ba' zhig byang chub kyi lam yin gyi/ mi tshangs par spyod na'ang mnyam par spyod cig ces skye bo rnams la log par 'chad pas/ rgyal po'i gyod la'ang thogs shing / mtshams med par yang ltung ngo / /ting nge 'dzin gyi sems de rnam pa bcu ni/ sems kyi spyod pa mtho na dman du gyur pas tshor ba'i phung po'i don snang bar zad de/ dge ba'i ltas ni/ yin/ 'phags pa'i 'bras bu ni/ ma yin te/ de la chags na ni/ bdud kyis glags thod de log par ltung bar 'gyur/ tshor na ni/ nyes pa med do/ /rigs kyi bu ting nge 'dzin sgom pa de tshor ba'i phung po zad pa dang / zad pa ma zad mod kyi/ sems lus dang bral te/ dper na/ bya rgyas zin pa las thar pa dang 'dra ste/ bdag gi don kyang 458b grub bo| |tha mal pa'i lus de byang chub sems dpa'i gral drug cu kun tu rgyu zhing /yid la skyes pa'i lus thob ste gar 'gro yang thogs pa med de/ dper na/ mi gdol pa dang mtshungs/ shes rab gzhan med mod kyi smra ba'i rigs mi 'khrul te/ ma log par mi kun gyis brda phrad do/ /de'i ming ni/ 'du shes kyi khang khyim zhes bya'o/ /g.yo ba dran pa'i sems zad do/ /mi bden pa'i steng rim zhu zhing byang na snang zhing tshor ba'i sems la dper dri ma dang rdul med par song ba dang 'dra ste/ skye shi'i don mgo 'jug tu rdzogs par snang ste/ de'i ming ni/ 'du shes kyi phung po zad pa yin te/ nyon mongs pa'i rnyog pa las 'das so/ /de ni/ mi bden pa'i sems zhi na thogs pa med pa las byung bar zad do/ /rigs kyi bu des tshor ba'i phung po shin tu gsog pa la yod pa ma yin par lta/ 'du byed ni rtag pa med pa la med pa ma yin par lta/ de de bzhin du kun la brtags te/ shi ba'i 'og tu phyi ma'i rabs med do/ / zhes bltas nas byang chub kyi sems 'chol te mu stegs brgyad po phung po lnga'i nang nas shi ba'i 'og tu gang na'ang ma yin zhes zer ba'i phyir phyin ci log gi sder gyur to/ /yang ting nge 'dzin de'i nang nas rigs kyi bu rnams sems drang po mi g.yo ba'i nyi de 'dzin du zhugs te bdud kyis glags mi thod nas skye ba'i phyi mo'i la brtags te tha ma skye ba med do/ /zhes bsam 459a @#/ /nas de la nor ba'i phyir mu stegs rnam pa bdun chad par lta bar gyur to/ /lus 'gog pa'i 'og tu 'dod pa'ang 'gog/ sdug bsngal yang 'gog / shin tu dga' ba'ang 'gog /shin tu btang snyoms kyang 'gog /yan dman du zhib tu brtags nas shi zin pa'i 'og tu skye ba'ang cang med do/ /zhes zer ro/ /byang chub kyi sems ni| 'chol nas mu stegs dgur phung po lnga'i nang na shi ba'i 'og tu chad par lta ba'i phyin ci log gi mu stegs kyi sder gyur to/ /yang ting nge 'dzin de'i nang nas rigs kyi bu rnams sems drang po mi g.yo ba'i ting nge 'dzin du zhugs te bdud kyis glags mi thod nas skye ba'i phyi mo la brtags te tha ma skye ba yod par 'dzin pa'i mu stegs rnams mya ngan las 'das pa'i sder gyur to/ /'dod pa'i khams la yang dag par gnas 'pho ba'i sa yin par tshor te srid par gyur to/ /bsam gtan dang po la mya ngan med pa'i phyir/ bsam gtan gnyis pa la sdug bsngal med pa'i phyir/ bsam gtan gsum pa la shin tu dga' ba'i phyir/ bsam gtan bzhi pa la bde ba dang / sdug bsngal gnyis ka med de| skye shi med pa 'dzin pa'i phyir zag pa yod pa'i lha rnams la 'dus ma byas mi rtag ces kyang 'dzin/ bzhir ni/ mi de 'du shes kyi phung po ni/ zad par 'dzin/ 'du byed kyi 459b phung po ni/ yod par mthong bas na/ gzugs kyi phung po dang / tshor ba'i phung po dang / 'du shes kyi phung po ni/ mi rtag /'du byed kyi phung po ni/ rtag par 'dzin pa'i phyir byang chub kyi sems ni 'chol te mu stegs gsum cha gcig rtag cha gcig mi rtag pa'i sder gyur to/ /yang ting nge 'dzin de'i nang nas rigs kyi bu rnams sems drang pa mi g.yo ba'i ting nge 'dzin du zhugs te bdud kyis glags mi thod nas skye ba'i phyi mo la brtags na/ sems g.yo zhing 'dug tu mi rung ba'i phyir sems mtha' yod pa dang / mtha' med pa'i sems rnam pa bzhi g.yos so/ /gcig tu skye shi mi 'chad pa'i phyir 'dir skyes pa las shi ba de ni/ mtha' yod pa yin te/ sems la bar chad med pa'i phyir mtha' med pa yin/ gnyis su ni/ mi des bskal pa brgyad khri tshun chad brtags na sems can yod par mthong ba ni/ mtha' sod par 'dzin/ bskal ba brgyad khri phan chad brtags na ci'ang ma mthong ba ni/ mtha' med par 'dzin/ gsum du ni/ mi de ngas thams cad shes so| |zhes 'dzin pa'i phyir nyid mtha' yas par mthong ste/ sems can thams cad nga'i shes pa'i nang nas snang / nga ni/ mi rnams kyi ming dang rus gna' nas kyang mi shes bzhin ni/ mi de 'du byed kyi phung po stong par 'dzin pa'i phyir sems can thams cad kyi lus la phyed ni/ skye bar mthong / phyad ni/ 'gog par mthong / de'i phyir byang chub kyi sems 'chol te mu stegs bzhi 460a @#/ /phyed mtha' yod/ phyed mtha' med pa'i sder gyur to/ /yang ting nge 'dzin de'i nang nas rigs kyi bu rnams sems drang po mi g.yo ba'i ting nges 'dzin du zhugs te bdud kyis glags mi thod nas skye ba'i phyi mo la brtags nas sems g.yo zhing 'dug tu mi btub pa'i phyir shes pa mthong ba'i sems la phyin ci log rnam pa bzhi'i sems g.yos so/ / gcig tu na rdzu 'phrul gyi don mthong ba dang / thams cad mi rtag go /zhes kyang zer/ mtshan ma rgyun mi 'chad par mthong na rtag ces zer/ mthong ba'i gnas mthong na skye'o/ /zhes kyang zer| mthong ba'i gnas ma mthong na 'gog pa zhes kyang zer/ mi chos 'drir 'ongs na skye ba'ang ma yin/ 'gog pa'ang ma yin/ yod pa'ang ma yin/ med pa'ang ma yin/ 'phel pa'ang ma yin/ 'grib pa'ang ma yin zhes de skad sha stag zer te/ tshig tu'ang mi rung ngo / /gnyis su na sems la brtags na sems ma rnyed pa'i phyir mi chos 'drir 'ongs nas gzhan mi 'chad kyi/ med ces zer pa'i tshig 'ba' zhig bshad do/ /gsum du na rang gi sems la brtags pa dang / sems kyi gnas yod pa'i phyir/ mthong ba'i phyir mi de chos 'drir 'ongs na de yin zhes 'chad kyi/ gzhan mi bshad do/ /bzhir ni mi des yod pa'i yul yang mthong / med pa'i yul yang mthong / mi de chos 'drir 'ongs na lan btab pa yod pa'i nang na'ang med 460b pa'o| |med pa'i nang na'ang yod pa'o de skad sha stag zer te/ chos 'dri ba'i kha'ang med nas bdag rang byang chub sems ni/ 'chol/ mu stegs ltar log pa rnam pa bzhi'i sder gyur to/ /yang ting nge 'dzin de'i nang nas rigs kyi bu rnams drang po mi g.yo ba'i ting nge 'dzin du zhugs te/ bdud kyis glags mi thod nas skye ba rnams kyi phyi mo la brtags te/ sems g.yo zhing khong du mi btub nas g.yo ba'i sems mtha' med do/ /zhes 'dzin te/ shi ba'i 'og tu mtshan ma yod do/ /zhes zer ba'i mu steg su gyur cing / khwa'ang yong yang nag /bzhad yang dkar/ bskal pa khri phrag gi bar du bsgyur pa las bltas na rgyu rkyen yang med pa yin no/ /zhes zer te/ byang chub kyi 'bras bu la slu zhing mu stegs dang po'i sder lta bar gyur to/ /mtha' yas/ ting nge 'dzin gyi nang nas rigs kyi bu sems dang zhing gsal te/ ting nge 'dzin mi g.yo nas bdud kyis glags mi thod de skyo ba rnams kyi phyi mo la brtags na/ sems can skye ba dang / shi ba las rgyus rig nas rtag ces zer ba'i sems rnam pa bzhi g.yos so/ /gcig tu na sems brtag go /zhes zer ba dang / gnyis su na chen po bzhi rtag go /zhes zer ba dang / gsum du na sgo drug gi rnam par shes pa dang / yid dang / kun gzhi'ang rtag go /zhes zer ba dang / bzhir 'du shes kyi phung po zad pa'i phyir skye ba'i don med par gyur nas mi skye ba nyid du gyur to/ / 461a @#/ /sems mi skye bar gyur pa'i phyir sems rtag par 'dzin nas de byang chub kyi sems 'chol te mu stegs gnyis rtag ces zer ba'i sder gyur to/ /yang ting nge 'dzin de'i nang nas rigs kyi bu rnams sems 'drang po mi g.yo ba'i ting nge 'dzin du zhugs te/ bdud kyis glags mi thod nas skye ba'i phyi mo la brtags de sems mi rtog par mthong nas phyin ci log rnam bzhi sems g.yos te gcig tu na phyogs bcu na'ang ngas khyab bo/ /zhes zer ba dang / phyogs bcu'i bye ma snyed kyi yul sa brtags te bskal pa byung ba'i yul sa la ni/ mi rtag par bsam/ bskal pa ma byung ba'i yul sa la ni/ rtag par bsam/ gsum du na rang gi sems la brtags te sems rdul tsam du phra bas na nas nga'i sems phyogs bcur gar song yang lus 'gyur mod kyi/ sems mi 'gyur bas na/ nga'i sems rtag go /zhes 'dzin te/ skye shi thams cad nga'i sems las byung bas na khyod dang gnyen bshes la sogs pa ci yod pa'i rnams mthong / de dag ci zer ba'i sgra'ang thos te/ de ni/ bsgoms drags pas sems phyi rol tu byung bas mthong zhing thos par zad do| |sems de la zhib tu rgyun tu bsgoms pas dge ba'i bshes gnyen rnams glo bur du sna tshogs par 'phro zhing 'gyur bar mthong ste/ de ni/ sems yon por song ba dang / gdon 461b bde zhugs pa las gyur/ bar bar glo bur du lha'i bdud khong du zhugs nas chos zab mo thogs pa med par 'chad mkhas par 'gyur te/ de ni/ ma yin par tshor na ni/ rang zhi/ mtshor na ni| log par 'gyur ro/ /ting nge 'dzin de rnam pa bcu ni/ sgom pa'i sems mthon dman du gyur pas gzugs kyi phung po'i don snang bar zad de/ dge ba'i ltas ni/ yin/ 'phags pa'i 'bras bu ni/ ma yin no/ /de la 'phags pa'i 'bras bu ma yin no snyam du bsam na log par 'gyur ro/ /de rnams re zhig glo bur du mthong bar zad de/ de ltar mthong na ni /nyes pa med do| |de la chags na ni/ dgra lta bur 'dzin te bdud kyis glags thod do/ /gzugs kyi phung po zad pa dang / sangs rgyas thams cad kyi sems mthong ba ni/ dper me long snang ba'i nang du gzugs mthong ba dang mtshungs so/ /thob pa yod kyang spyad du med de/ dper bdud kyi ming dang mtshungs te/ rkang lags tshang bar yod kyang mthong ba dang / thos pas mi bslad de/ 'dres non pa dang mtshungs te/ de ni/ tshor ba'i khang khyim yin no/ /de ni 'og tu bdag gzugs kyi nang nas byung ste phyir ngo la lta ba dang / gzugs la phyir gnas ba dang bral te/ 'gro ba la ba gegs med de rang dbang thob par gyur te/ de ni/ tshor ba'i phung po zad pa yin te/ mi de mthong ba'i rnyog pa las rgal nus so/ /de ni/ mi bden pa'i sems 462a @#/ /zhi ba las byung ba yin no/ /ting nge 'dzin de'i nang nas 'od chen po thob ste chos 'chad mkhas rab tu gyur/ chos nyan ba'i mi rnams kyis chos bshad pa'i sngon logs su tshe snga ma'ang dran/ dmyal ba'ang mthong / mi yul gyi legs nyes kun kyang bye brag phyed par 'gyur/ de nas bdag kyang byang chub thob bo snyam du sems te/ sems g.yel bar btang / tshul khrims kyang bshig /'di ni/ sangs rgyas chen po/ /'di ni/ sangs rgyas chung du/ 'di ni/ sngar grub pa'i sangs rgyas/ 'di ni/ phyis grub pa'i sangs rgyas/ 'di ni| po'i sangs rgyas/ 'di ni/ mo'i sangs rgyas/ 'di ni/ pho'i byang chub/ 'di ni/ mo'i byang chub ces de skad 'chad de/ de nas 'dre de lus la 'phags ma thag tu slob ma dang bcas te rgyal po'i gyod la'ang thogs/ mtshams med pa'i dmyal bar yang ltung ngo / /de la tshor na nyes pa med do/ /tshor ba shin tu bsags nas log pa'i ting nge 'dzin dang ni/ bral/ rdzogs pa'i ting nge 'dzin gyi nang nas 'od snang ba byung ste/ chos so cog gi phyi mo tshor ba la sred nas lha'i bdud kyis glags rnyed de khar zhugs nas chos 'chad mkhas rab tu gyur/ bdag gi gzi brjid kyi chos rtan pa'i rnams chos bshad pa'i mdun rdol na kun thul nas khyed cag rnams sangs rgyas mya ngan las 'das so snyam du ma sems 462b shig /nga'i lus 'di nyid sangs rgyas yin no/ /nga'i bu tsha rgyun mi 'chad pa ni/ chos kyi sku rtag pa yin no/ /sangs rgyas kyi yul gtsang ma de las gud na med ces zer zhing / bdag ni/ byang chub thob bo snyam du bsam nas sems g.yel bar bor te 'dod chags kyi chos bshad/ mig la sogs pa dbang po lnga ni/ gtsang ma'i yul yin/ pho mtshan mo mtshan ni/ yang dag par byang chub mya ngan las 'das pa'i gnas yin par 'chad de/ 'dre de lus la 'phags ma thag tu slob ma dang bcas te rgyal po'i gyod la'ang thogs/ mtshams med pa'i dmyal bar yang ltung ngo / /de la tshor na ni/ nyes pa med do/ /tshor ba'i phung po ni/ shin tu bsags nas log pa'i ting nge 'dzin dang ni/ bral/ rdzogs pa'i ting nge 'dzin gyi nang nas 'od snang ba byung bas| chos zab mo 'chad pa la sred par gyur te/ de'i phyir lha'i bdud kyis glags rnyed de khar zhugs nas chos 'chad pa la mkhas rab tu gyur/ bdud yin par ma tshor nas bdag rang mya ngan las 'das so snyam du sems te/ chos nyan pa rnams kyis skad cig tu bdag gi lus mthong ba dang / gnyen bshes lo brgya'am/ stong du ma phrang pa gsar du phrad pa dang 'dra bar sems dga' zhing gtong mi phod do/ sbyin bzhin du 'byar/ bdag rang yang byang chub tu grub bo rnyag hu sems te/ sems g.yel bar por nas 'dod chags kyi chos 'chad de 463a @#/ /nga tshe rabs 'di la yul 'dir skyes te mi 'di grol thar par byas so/ /mi pa'i tshe rabs snga ma la ba'i chung ma chun ma'o/ /mi 'di ni/ nga'i phu nu pa'o/ /nga de'i ched du 'dir 'ongs te khyod dang 'grogs la lha yul 'di shed du 'dong ngo / /zhes zer ro/ /logs shig na 'od cher snang ba'i gnas yod do/ /sangs rgyas thams cad de shed du gnas so/ /zhes zer te/ de nas bdud de lus la 'phags ma thag tu slob ma dang bcas te rgyal po'i gyod la'ang thogs/ mtshams med pa'i dmyal bar yang 'gro'o/ /de la tshor na nyes pa med do/ / rigs kyi bu des tshor ba'i phung po shin tu gsog pa'i phyir log pa'i ting nge 'dzin dang mi phrad do/ /rdzogs pa'i ting nge 'dzin gyi 'od snang ba byung bas rang 'grus 'bogs kyi sems zhi ba la 'grus te lha'i bdud kyis glags thod nas khar zhugs te bdag bdud kyis zug par ma tshor te chos 'chad mkhas rab tu gyur/ chos nyan pa rnams kyang bdag bdag gi las ci las gyur pa shes te/ mi kha cig la khyod da ltar mi yin mod kyi/ khyod ni/ phyugs yin no/ /yid mi ches pa na ngas khyod kyi mjug ma la brdzis dang khyod ldang mi phod kyi zhes bsgo ste/ de bzhin du brdzis nas mi de ldang ma bod nas mi gzhan yang de la yid ches te/ dge slong la ni/ skur/ sangs rgyas kyi khrims ni/ bshig /bdud de mi de'i lus 463b las 'phags ma thag tu slob ma dang bcas te rgyal po'i gyod la'ang thogs/ mtshams med pa'i dmyal bar yang 'gro'o/ /de la tshor na nyes pa med do/ /yang rigs kyi bu tshor ba'i phung po shin tu bsags nas log pa'i ting nge 'dzin dang mi phrad de/ rdzogs pa'i ting nge 'dzin gyi 'od snang bas ting nge 'dzin sgom pa'i tshe sems la shes pa dang / mthong ba dang / snga ma dran par sred de lha'i bdud kyis glags thod nas khar zhugs te bdud kyis zug par ma tshor nas bdag mya ngan las 'das so snyam du bsam nas gzhan la chos 'chad pa'i tshe glo bur du nor bu rin po che thogs te bdud kyi lus phyugs su bsgyur te kha nas nor bu rin po che 'dzin cing 'od snang ba dang / glo bur du rin po che dang / ngo mtshar mi srid pa'i nor yang khyer te 'ongs nas thog ma ni/ nor byin/ tha mar khong bar zhugs te sa'i 'og na nor bu rin po che yod do/ /zhes gzhan la bstan nas sa 'og nas yang thal du 'od snang bar gyur nas kun gyis ngo mtshar du bzung / 'tshal ma ni/ bcad/ sman dpyad kyi kha zas dang / ma yin na khre'am/ nas 'brum bu gcig zos kyang bdud kyi stobs nyams pa zad nas dge slong rnams la skur te/ phyogs bcu'i gter yod pa dang / 'phags pa'i gnas 'di dang / 'di yin no/ /zhes zer te/ phyis bar bar yang 'di bzhin du mthong nas de ni/ ri'am/ tshal lam/ mkhar 464a @#/ /gyi 'dre dgras bsad pa slar yang 'drer skyes pa las gal te bdud du gyur cig dang sangs rgyas la drin gyi lan lon zhes bya ba yin no/ /mtha' yas/ ting nge 'dzin de rnam bcu ni/ 'du shes kyi phung po sems spyod pa mthod man du gyur pas tshor ba'i phung po ni/ don snang bar zad de/ dge ba'i ltas ni/ yin/ 'phags pa'i 'bras bu ni/ ma yin no| |de la 'phags pa'i 'bras bu yin no/ /snyam du bsam na ni/ log par 'gyur/ de rnams re zhig glo bur du mthong bar zad de/ de ltar tshor na ni/ nyes pa med do/ /de ltar ma tshor na log pa'i gnas su ltung ngo / /mtha' yas/ 'du shes kyi phung po zad de/ gnyid log pa dang / sad pa 'dra ste/ sems nam mkha' dang 'dra nas spyod yul gyi gzugs brnyan dang / 'jig rten gyi ri'am/ tshal lam/ chu'am/ ci yod pa thams cad me long la bltas pa bzhin du mthong ngo / /'ongs pa'i sa'ang med/ song ba'i rjes kyang med do/ /de'i ming ni/ 'du shes kyi khang khyim yin no/ /phyi mo nyid kyi sems dper rlabs chad de/ chu dang sa 'dra bar gyur na/ de'i ming ni/ 'du shes kyi phung po zad ces bya'o/ /mi des ni/ sems can gyi rnyog pa las byung ngo / /de'i don brtags na/ phyi mo mi bden pa'i sems shin tu phra zhing mi snang ba las byung ngo / /mtha' yas/ shes par bya ste/ yang dag pa'i ting nge 'dzin thob pa'i rigs kyi 464b bu rnams la lha'i bdud rnam pa bcu po de'ang glags mi thod de/ de nas sems las shin tu bsgoms nas skye ba rnams kyi phyi mo la brtags na/ mig gi dbang po la yon tan brgyad brgya yod pa'i phyir bskal pa brgyad khri tshun chad kyi sems can ji ltar shi /ji ltar skye ba'i don kyang shes so/ /sems can bskal pa brgyad khri tshun chad rgyu med par nga skyes pa yin/ mi'ang mir skye phyugs kyang phyugs su skye/ bya yang byar skyes so/ /zhes bsam ste/ gnas de rnam pa lnga la shin tu gtsang mar mthong / shin tu bde bar mthong / mya ngan las 'das pa'i don yin no/ /zhes zer te byang chub kyi sems ni/ 'chol te mu stegs pa bcur phung po lnga'i nang nas mya ngan las 'das pa'i rnam pa lngar 'dzin pa'i phyin ci log gi snger gyur to/ /mtha' yas/ ting nge 'dzin rnam bcu log par shes pa ni/ de thams cad 'du byed kyi phung po'i sems spyod pa mtho dman du gyur pa'i phyir de lta bur gyur te/ sems can ma rabs bdag gis drod ma zin te ma yin pa la yin par bltas nas 'phags pa'i 'bras bu rdzogs so snyam du bsam nas rdzun chen po yin te/ mtshams med par 'gro'o/ /khyod la sogs pa de bzhin gshegs pa'i bsam pa'i don de khyer la/ ma 'ongs pa'i sems can la bstan te sems kyi bdud mi g.yo bar gyis shig /nyung du thos pa la chog par mi sems shing / tshor ba chen po'i rgyal po byed de/ thams cad gtsang gdang ba'i tshon 465a @#/ /ma gyis shig /mtha' yas/ rigs kyi bu rnams ting nge 'dzin sgom pa 'du byed kyi phung po zad pa ni/ 'jig rten gyi g.yo ba dang 'dra bar gyur te/ dbang po drug shin tu gtsang zhing gsog tu gyur nas sems rgod ba'am/ 'dug tu mi btub pa mad par gyur to/ /phyi nang ting nge 'dzin mi g.yo bar snang gsal bar gyur to/ /'jug na 'jug pa'i gnas kyang med/ phyogs bcu'i sems can gyi rigs kyang rig /phyogs bcu'i yang rigs mthun par mthong / de'i ming ni/ rnam par shes pa phung po'i khang khyim zhes bya'o/ /sgo drug bsnor zhing spyad du rung / phyogs bcu'i khams dang / rang gi lus dang sems mching bu bzhin du gyur te/ phyi nang snang gsal lo/ /de'i ming ni/ rnam par shes pa'i phung po zad ces bya'o/ /mi de tshe'i rnyog pa las 'das so/ /de'i don brtags na/ yang dag pa'i don 'ol byir 'ong ba la mi bden pa'i sems phyin ci log tu gyur pa las byung ngo / /mtha' yas/ shes par gyis shig /rigs kyi bu 'du byed thams cad stong par rig na rnam par shes pa stong pa nyid la skye shi'ang 'gog ste/ mi skye ma shi zhi ba 'gog pa'i don la shin tu ma rgyas pas yang dag pa rgyu rtag go /zhes zer te/ de'i sems zhen pas mu stegs sa phyi la'i snger gyur te byang chub kyi sems mi 'chol/ shes pa mthong ba ni/ brlag /de ni/ dang po sems yod par 'dzin pa'i mu stegs su gyur te/ yang dag 465b pa'i don la rgyab kyis phyogs/ mu stegs rigs su ni/ skye'o/ /mtha' yas/ rigs kyi bu 'du byed thams cad stong par rig nas rnam par shes pa nyid bskyer shi'ang 'gog ste/ mi skye mi shi zhi ba 'gog pa'i don la shin tu ma rgyas pas yang dag pa nyid la nga rang nyid yin no/ /zhes 'dzin te/ nam mkha' dang khams so cog gi sems can rigs bcu gnyis yod pa'ang thams cad nga'i lus las byung ngo / /zhes bsam ste/ de'i sems la zhen pas na mu stegs ma he shor ba'i lugs su gyur to/ /lus grangs med par sprul te 'khor du byas nas byang chub kyi sems ni/ 'chol/ shes pa mthong ba ni/ brlag /de'i ming ni/ dang 'og byed nus pa'i sems dang / don sgrub nus pa'i 'bras bur gyur te/ yang dag par mya ngan las 'das nus pa la ni rgyab kyis phyogs/ nga rgyal chen po'i lhar skye'o/ /yang rigs kyi bu 'du byed thams cad stong par rig nas rnam par shes pa nyid la skye shi'ang 'gog ste/ mi skye mi shi zhi ba'i sems ni/ dbar ma ching bu gtsang ma'i nang na rin po che'i zla ba yod pa dang 'dra'o/ /de bzhin du gyur na byang chub sems dpa'i dad pa bcu/ gnas pa bcu/ sgom pa bcu/ phyogs bcu thob par 'gyur ro/ / byang chub sems dpa'i rdo rje ting nge 'dzin dang / snyoms pa'i tshor ba'i sa las 'das nas de bzhin gshegs pa'i snang ba rgyas pa la zhugs te rgyan gyis brgyan pa'i byang chub kyi mtsho ci'ang 466a @#/ /thob pa med pa'i don thob nas sangs rgyas snga ma 'das pa'i zhi gnas dang / lhag mthong gi nang nas shin tu phra ba'i bdud kyi las dang / bdud du snang ba'i tshe kun shes rig nas sems kyi dri ma bkrus bsal te log par lta ba'i nang du mi lhung zhing phung po'i bdud ni/ zhu byang / lha'i bdud ni/ snyil grugs \?\ che rnams kyi nang du mi skye ste/ thal byung byang chub tu grub kyi bar du mchog pa med do/ /mya ngan las 'das pa chen po'i sems ni/ gsal zhing mi 'chol bar 'gyur ro can gyi dbang po ni/ rtul/ ting nge 'dzin la ni/ sred/ ting nge 'dzin ma rig pa'i phyir na log pa'i gnas su ltung bar 'gyur ro/ /mtha' yas/ khyod kyis nga'i sngags \?\ 'ongs pa'i sems can rnams la ston cig /nga'i sngags 'di kha ton du byed ma nus na/ yi ger bris te lus la btags sam/ ting nge 'dzin sgom pa'i khang bu \?\ na| phyogs bcu'i lha'i bdud la sogs pa thams cad kyang zhu byang ste/ gnod pa byed mi nus so/ /mtha' yas/ de ni/ sems can thams cad kyi phyir khyod ma ba re \?\ gtsug tor chen po'i bam po dgu pa las/ bdud kyi le'u nyi tshe phyung ba rdzogs so// //sngon gyi dkar chag gsum du rgya nag las 'gyur bar du \?\ |