H224

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H224</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H224&coll=lhasa">see text in Tibetan script</a></table>208b<br><font size=+1>


/rgya gar skad du/ AR+Ya trA ya s+t+ri ng+sha t+pa ri brta nA ma ma hA yA na sU tra/ bod skad du/ 'phags pa sum cu rtsa gsum pa'i le'u zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das sum cu rtsa gsum pa'i lha'i nang na shing yongs 'du'i drung na ar mo nig lta bu'i rdo leb la bzhugs te/ sku skrun pa'i yum la thugs brtse ba'i phyir dge slong brgyad stong gi dge slong gi dge 'dun chen po thams cad kyang dgra bcom pa/ zag pa zad pa/ rdzu 'phrul che ba/ dbang che bar grags pa/ mthu chen po sha stag dang / byang chub sems dpa' bdun khri </font><hr>209a<br><font size=+1>


@#/ /nyis stong thams cad kyang byang chub sems dpa' mngon par shes pas mngon par shes pa/ bzod pa thob pa/ spobs pa thogs pa med pa phal cher 'jig rten gyi khams tha dad pa nas 'dus pa sha stag dang thabs cig tu dbyar gnas par zhal gyis bzhes nas de na bcom ldan 'das 'khor 'bum phrag du mas yongs su bskor cing mdun gyis bltas te chos ston to/ /de nas de'i tshe lha'i bu zla ba zhes bya ba dang / zla mchog ces bya ba gnyis 'khor de nyid kyi nang du 'dus par gyur te 'dug go /de nas lha'i bu zla ba stan las langs te bla gos phrag pa gcig tu gzar nas bus mo g.yas pa'i lha nga sa la btsugs te bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /gal te zhus nas zhu ba lung bstan pa'i slad du bcom ldan 'das kyis bdag la skabs phye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o/ /de skad ces gsol pa dang / bcom ldan 'das kyis lha'i bu zla ba la 'di skad ces bka' stsal to/ /zla ba/ khyod su'i don du de bzhin gshegs pa la zhu bar 'dod/ de nas bcom ldan 'das la lha'i bu zla bas tshigs su bcad de gsol pa/ gang dag </font><hr>209b<br><font size=+1>


bdag la sman dang sems can gzhan la sman slad zhugs/ /sems can kun la snying rje snying brtse legs par bskyed nas ni/ /byang chub rdul bral bdud rtsi 'tshal zhing don du sgrub bgyid pa/ /shAkya seng+ge bdag ni de dag don du zhu ba zhu/ /gang dag ma zhum sems kyis bskal pa bye bar spyod bgyid cing / /sdug bsngal spong la 'gro ba thams cad kyang ni grol bar bgyid| |gang dag sems can kun la sems snyoms sbyor ba snyoms par bgyid/ /bdag ni mi 'dren de dag don du rgyal la zhu ba lags/ /gang dag sangs rgyas mtshan mchog gsum cu rtsa gnyis rtags rnams kyis/ /sku spras rdul dang bral ba bsod nams zhing chen mthong gyur nas/ /yon tan rgya mtsho gang chen mtsho rnams de dag 'dod bgyid pa/ /gzi brjid chen po de dag don du bdag ni zhu ba lags/ /gang dag rtag tu skyes bu khyu mchog ye shes ma gtogs par/ /gzhan du blo gros mi bskyed gzhan du sems par mi bgyid dang / /gang dag nyan thos rang rgyal dag tu blo gros mi skyed pa/ /rtsal rab brtan pa de dag don du bdag ni zhu ba lags/ /gang dag rnyed dang ma rnyed grags dang ma grags mnyam par sems/ / smad dang bsngags dang bde dang sdug bsngal dag gis skyo mi 'gyur/ /'jig rten chos rnams zil gyis mnan te gnas shing bskyod ma mchis/ /'jigs dang bral ba de dag </font><hr>210a<br><font size=+1>


@#/ /don du bdag ni zhu ba lags/ /gang dag bdag phangs mtshungs 'drar gzhan dag la yang phangs par 'dzin/ /srid pa gsum na tha dad 'byed pa ma mchis sbyor ba mnyam/ /gang dag byams par sems shing tshul 'chos tha ba skyon ma mchis/ /skye bo de dag rnams kyi don du bdag ni zhu ba lags/ /gang dag rtag tu sbyin dang tshul khrims dag cing rnam dag spyod/ /bdag nyid spong bar bgyid kyi tshul khrims phung po gtong mi bgyid/ /gang dag rtag tu lus dang ngag dang yid rnams legs par bsdams/ /bdag ni dri med de dag don du rgyal la zhu ba lags/ /gang dag bzod pa smra zhing legs par bsdams pa'i shes dang ldan/ /sdug bsngal dang ni bsad dang bcings dang brdeg pa rnams kyang bzod/ /kun gyis dkrugs kyang khro ba dang ni bskyed par mi bgyid pa/ /nges par bgyid pa de dag don du bdag ni zhu ba lags/ /gang dag mthu dang brtson 'grus stobs gnas dam pa'i don dang ldan/ /'jig rten don gyi slad du rgyu zhing bdag gi phyir ma lags/ /dkar po'i spyod pa rnams kyis mi ngoms rgya mtsho'i chab dang 'dra/ /yon tan rgya mtsho de dag don du rgyal la zhu ba lags/ /gang dag rnam par rtog pa sna tshogs shas cher mi 'jug pa/ /gang dag nyon mongs sna tshogs pham bgyis 'phags pa'i ye shes </font><hr>210b<br><font size=+1>


ldan| |gang dag bsam gtan mngon shes rnam brtson rdzu 'phrul rkang par ldan/ /bsam gtan gnas pa de dag don du bdag ni zhu ba lags/ /gang dag shes rab pha rol son cing ye shes mtha' yas ldan/ /rtog dang kun rtog bral zhing spros pa ma mchis zhi bar gyur/ /gang gis chos 'di dben zhing ya ma brlar yang rtogs gyur pa/ /gang zag chen po de dag don du bdag ni zhu ba lags/ /gang dag rdzu 'phrul shes la mkhas shing shin tu rab zhi spyod/ /zhing rnams khrag khrig mchi la zhing du 'dzin pa'ang ma mchis dang / / sangs rgyas khrag khrig phyag 'tshal sangs rgyas 'dzin pa'ang ma mchis pa/ /mthong na dga' ba de dag don du rgyal la zhu ba lags/ /gang dag nyon mongs bdud dang bral zhing phung po'i bdud bcom dang / /gang dag 'chi bdag bdud dang bral zhing lha yi bdud bcom dang / /gang dag bdud kun ngas bcom nas ni byang chub reg gyur pa/ /mun dang bral ba de dag don du bdag ni zhu ba lags/ /gang dag nags dang tshal du bcas pa'i sa gzhi bskyod nas kyang / /byang chub rdul med ye shes mchog ni 'tshang rgya dang / /gang dag sems gcig la ni shes pa ci mchis 'byung 'gyur ba/ /rdo rje lta bu de dag don du bdag ni zhu ba lags/ /gang dag ye shes kun mkhas gzi brjid chen pos gzi bskyed </font><hr>211a<br><font size=+1>


@#/ /dang| |gang dag rtag tu sangs rgyas gdung phyir chos spyod rab tu brtan/ /gang dag 'dren pa dang ni dge 'dun mkhas rnams dgyes rgur sbyor/ /de dag don du srid gsum dag na bdag ni zhu ba lags/ /bcom ldan 'das/ ji ltar na byang chub sems dpa' sems dpa' chen po mngon par shes pa chen po dang ye shes kyi khyad par dam pa'i pha rol tu son pa rnams lags/ bcom ldan 'das/ ji ltar na byang chub sems dpa' sems dpa' chen po bsam gyis mi khyab pa'i thabs la mkhas pas yongs su bsngo ba shes pa dang ldan pa rnams lags/ bcom ldan 'das/ ji ltar na byang chub sems dpa' sems dpa' chen po chos thams cad tshul gcig pa dang / ro gcig pa dang / 'jug pa gcig pa dang / bstan pa gcig pa shes pa rjes su 'thob pa rnams lags/ bcom ldan 'das/ ji ltar na byang chub sems dpa' sems dpa' chen po zab mo'i tshul khrims can bag mchis par spyod pa dang / bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba rnams lags/ de skad ces gsol pa dang / bcom ldan 'das kyis lha'i bu zla ba la 'di skad ces bka' stsal to/ /zla ba/ legs so legs so/ /zla ba/ khyod kyis go </font><hr>211b<br><font size=+1>


cha chen po bgos pa rnams dang / 'gron pa phal po che sgrol bar 'dod pa rnams dang / chos kyi sgron ma chen po spar bar 'dod pa rnams dang / chos kyi gru chen po sgrol bar 'dod pa rnams dang / chos kyi 'khor lo chen po bskor bar 'dod pa rnams dang / chos kyi rnga bo che chen po rdung bar 'dod pa rnams dang / chos kyi rgyal mtshan chen po sgreng bar 'dod pa rnams dang / chos kyi tog chen po gzung bar 'dod pa rnams dang / shes rab kyi snang ba chen po bya bar 'dod pa rnams dang / ye shes chen po'i rjes su 'gro bar 'dod pa rnams dang| ye shes chen po yongs su rdzogs par byed 'dod pa de dag dang / de lta bur yon tan tshad med pa dang ldan pa'i sems can de dag gi don du de bzhin gshegs pa la zhu bar byed pa khyod legs so/ /lha'i bu/ de'i phyir legs par rab tu nyon la tshul bzhin du yid la byos shig dang / ji ltar byang chub sems dpa' sems dpa' chen po rnams mngon par shes pa chen po dang / ye shes kyi khyad par dam pa'i pha rol tu son pa yin pa dang / ji ltar byang chub sems dpa' sems dpa' chen po rnams bsam gyis mi khyab pa'i thabs la mkhas pas yongs su bsngo ba shes pa dang ldan pa yin pa dang / ji ltar byang chub sems dpa' sems dpa' chen po rnams chos thams cad tshul gcig pa dang / ro gcig pa dang / </font><hr>212a<br><font size=+1>


@#/ /'jug pa gcig pa dang / bshad pa gcig pa shes pa rjes su 'thob pa yin pa dang / ji ltar byang chub sems dpa' sems dpa' chen po rnams zab mo'i tshul khrims can bag yod par sbyor ba dang / bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba yin pa ngas khyod la bstan to| |bcom ldan 'das/ de ltar 'tshal lo/ /zhes gsol te/ lha'i bu zla bas bcom ldan 'das kyi ltar mnyan pa dang / bcom ldan 'das kyis de la 'di skad ces bka' stsal to| |lha'i bu/ byang chub sems dpa' sems dpa' chen po chos bzhi dang ldan na/ mngon par shes pa chen po dang / ye shes kyi khyad par dam pa'i pha rol tu son pa yin te| bzhi gang zhe na/ lha'i bu 'di la byang chub sems dpa' sems dpa' chen po ni/ chos thams cad shes pa la'ang mkhas la chos thams cad la'ang mngon par zhen pa med do/ /de ni/ chos thams cad nam mkha' dang mnyam par rig pa dang / shes pa dang / thob pa dang / mngon sum du gyur pa'ang yin la chos thams cad kyang chos nyid dang mthun par sbyor te/ chos kyi dbyings la ma gtogs par chos gzhan ci'ang yang dag par mi mthong ngo / /lha'i bu/ de la chos thams cad tshul gcig pa gang zhe na/ sngon </font><hr>212b<br><font size=+1>


gyi mtha' thams cad ji ltar stong pa de kho na bzhin du phyi ma'i mtha' yang stong la/ da ltar byung ba gang yin pa de'ang ngo bo nyid stong pa nyid kyis stong ste/ lha'i bu de ltar na dus gsum stong pa nyid la rnam par mi rtog pa gang yin pa de ni/ ji lta ba bzhin zhes bya'o/ /de la byed pa dang / shes pa dang / ston pa dang / 'dogs pa dang / 'grel pa dang / rnam par 'byed pa dang / gsal bar byed pa dang / 'tshad pa 'di ni/ mkhas pa zhes bya'o/ /de la ji ltar chos thams cad la mngon par zhen pa med ce na/ lha'i bu/ chos thams cad ni/ bdag nyid kyi kun nas slong bas kun nas bslang ba ste/ des chos thams cad dran pa nye bar bzhag pas kun nas bslang par rig nas bdag la mngon par zhen pa med do/ /de bdag la mngon par zhen pa med pas chos gzhan rnams slong bar mi byed do/ /chos gang yang mi shes shing ma bslangs pas na/ de la mngon par zhen par mi nus so/ /de mngon par zhen pa med pas na chos rnam par gzhag par yang byed la chos gang la'ang mngon par zhen par mi 'gyur ro/ /lha'i bu/ de la ji ltar byang chub sems dpa' sems dpa' chen pos chos thams cad nam mkhas dang 'dra bar shes she na/ lha'i bu/ khams gsum pa ni/ sems tsam du zad la sems de'ang gzugs med pa/ bstan du med pa/ thogs pa med pa/ rnam par </font><hr>213a<br><font size=+1>


@#/ /rig par byed pa ma yin pa/ sgyu ma lta bu ste/ sems de'ang sems kyi chos nyid kyis yongs su btsal kyang mi rnyed do/ /sems gang gis sems yongs su btsal ba'i sems de'ang mi rnyed do/ /de sems mi dmigs pas chos thams cad mi dmigs so/ /chos thams cad mi dmigs pas chos gang yang mtshan ma'am rjes su yang dag par mi mthong ste/ chos thams cad la chags par mi 'gyur ro/ /chos thams cad yongs su ma grub pa'i phyir nam mkha' dang 'dra bar shes so/ / lha'i bu| dper na/ nam mkha' ma skyes shing yongs su ma grub pa de bzhin du des chos thams cad shes so/ /ji ltar nam mkha' zhes bya ba de'ang dben pa/ de bzhin du chos thams cad kyang ming tsam du zang de/ de dag kyang dben pa'o/ /ji ltar byang chub sems dpas chos nyid dang mthun par sbyor zhe na/ lha'i bu/ 'di la byang chub sems dpa' sems dpa' chen pos 'di la so sor yang dag par bslab na/ chos 'di dag thams cad gcig gis gcig mi shes shing mi mthong ste/ mig gis kyang rna ba mi shes shing mi mthong la/ rna bas kyang mig mi shes shing mi mthong ngo / /snas kyang lce mi shes shing mi mthong la/ lces kyang sna mi shes shing mi mthong ngo / /lus kyis kyang </font><hr>213b<br><font size=+1>


yid mi shes shing mi mthong la/ yid kyis kyang lus mi shes shing mi mthong ngo / /chos 'di dag thams cad ni/ bem po/ spyod pa med pa/ byed pa med pa'o/ /des de chos kyi dbyings dang 'dra bar shes te/ de lta bu'i shes rab dang ldan pa de ni/ yul drug las chos gang snang bar gyur pa na/ de 'di snyam du sems te/ 'di la ni/ gang phyi rol rig par byed pa'i nang gi chos gang yang med do/ /'di la ni/ gang nang rig par byed pa'i pha rol gyi chos gang yang med do snyam mo/ /des de ltar shes shing de ltar mthong bas chos gang gi'ang skye ba'am| 'gag pa'am/ gnas pa yang dag par mi mthong ngo / /lha'i bu/ gang la skye ba'ang med/ 'gag pa'ang med/ gnas pa'ang med pa de ni/ chos kyi dbyings so/ /lha'i bu| gzhan yang byang chub sems dpa' ni/ 'di snyam du sems te/ chos thams cad ni/ gnas pa ste/ gtan du mi skye bar gnas pa'i phyir ro snyam mo/ /de de ltar chos thams cad la yang dag pa ji lta ba bzhin du so sor rtog pa dang ldan pas na/ chos nyid la ma gtogs pa'i chos gang yang mi mthong la/ chos thams cad kyang chos nyid dang mthun par sbyor te/ lha'i bu/ byang chub sems dpa' sems dpa' chen po chos bzhi po de dag dang ldan na/ mngon par shes pa chen po dang / ye shes kyi khyad par dam pa'i pha rol tu son pa </font><hr>214a<br><font size=+1>


@#/ /yin no/ |lha'i bu/ de la mngon par shes pa gang zhe na/ lha'i bu/ mngon par shes pa zhes bya ba ni/ chos thams cad la gzhan gyi dring mi 'jog pa'i shes pa gang yin pa'o/ /lha'i bu/ ye shes zhes bya ba ni/ chos thams cad la gnyis su mi 'byed pa gang yin pa'o/ /lha'i bu/ gnyis su med pa zhes bya ba ni/ gang la mig dang gzugs 'dogs par mi byed/ rna ba dang sgra 'dogs par mi byed/ sna dang dri 'dogs par mi byed/ lce dang ro 'dogs par mi byed/ lus dang reg bya 'dogs par mi byed/ yid dang chos 'dogs par mi byed pa'o/ /byang chub sems dpa' ye shes de lta bu dang ldan pa ni/ mngon par shes pa lnga thob par 'gyur te/ de'ang bsam pa ji lta ba bzhin du smon lam yongs su rdzogs nas thob par 'gyur ro/ /lha'i bu/ byang chub sems dpa' ye shes de lta bu dang ldan pa ni/ lha'i mig gis phyogs bcur sangs rgyas kyi zhing bye ba khrag khrig 'bum phrag dpag tu med pa dag mthong ngo / /sangs rgyas kyi zhing de dag na sangs rgyas bcom ldan 'das nyan thos kyi dge 'dun dang bcas pa gang dag bzhugs ba de dag kyang mthong ngo / /sangs rgyas bcom ldan 'das de dag chos bstan pa gang dag yin pa de dag kyang lha'i rna ba'i khams kyis thams cad thos so/ /sangs rgyas kyi zhing </font><hr>214b<br><font size=+1>


de dag na sems can rnams kyi bsam pa dang spyod pa tha ma dang / 'bring dang / rab dag gang yin pa de dag thams cad kyang rab tu shes so/ /sangs rgyas kyi zhing de dag thams cad du'ang skad cig de la 'gro'o/ /de bdag nyid kyi sngon gyi gnas shes pa mngon sum du byed pa las kyang brtsams nas chos ston par byed de/ lha'i bu/ byang chub sems dpa' sems dpa' chen po ye shes de lta bu dang ldan pa ni/ thams cad mkhyen pa nyid ma thob par yang sems can rnams la sangs rgyas kyi bya bas nye bar gnas pa yin te/ sangs rgyas kyi chos thams cad kyang myur du yongs su rdzogs nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /de nas bcom ldan 'das kyis de'i tshe tshigs su bcad pa 'di dag bka' stsal to/ /thabs shes pa la mkhas shing gsal ba ni/ /mngon shes chen po yongs su rdzogs par byed/ /rtag tu chos kun nam mkha' lta bur shes/ /de ni zab mo'i tshul khrims ldan pa yin/ /chos rnams thams cad ji bzhin shes pa yi/ /mkhas pa mngon par zhen pa mi byed de/ /rtag tu chos kun nam mkha' lta bu dang / /rtag tu stong pa'i bdag med shes pa yin/ /chos dang chos kyi dbyings la mthun par sbyor/ /chos kyi dbyings la ma gtogs mthong ba med/ /gang gis de mthong de yang lhag par mthong / /de ltar mngon par brtson </font><hr>215a<br><font size=+1>


@#/ /pas mngon shes 'thob/ /sngon gyi chos rnams ji ltar stong pa bzhin/ /ma 'ongs pa rnams de bzhin stong pa dang / /des ni da ltar byung ba'ang de bzhin mthong / /de dag sngon chad ji bzhin brjod pa yin/ /chos rnams thams cad rtag tu dus gsum stong / /mkhas pa mi rtog rnam par rtog mi byed/ /mi rtog rnam par rtog par mi byed na/ |ji bzhin mthong ba la ni 'jigs pa med/ /de nyid shes ldan mkhas la gsal ba ste/ /chos kyang ston la chos kyi 'du shes med/ /rlom sems med pa la ni rten pa'ang med/ /rten pa med pa la ni g.yo ba'ang med/ /chos 'di thams cad bdag las byung ba ste/ /de ni bdag med rang bzhin bdag med de/ /chos 'di thams cad bdag med rtogs nas kyang / /mkhas pa chos gzhan kun nas slong mi byed/ /ma skyes gang yin de ni 'byung mi 'gyur/ /de ni de la mngon par zhen pa med/ /rnam par gzhag pas chos kun ston par byed/ /chos rnams ston kyang bdag la sems pa med/ /srid gsum thams cad sems las 'grub par 'gyur/ /sems de nyid kyang rtag tu bstan du med| |gzugs med lung du ma bstan sgyu ma 'dra/ /mkhas pa de ni sems kyi chos nyid tshol/ /de ni sems kyi chos nyid tshol ba na/ /sems dang sems kyi chos nyid mthong </font><hr>215b<br><font size=+1>


ba med| |sems de sems gang gis ni tshol byed pa/ /sems de yang ni rang bzhin mthong ba med/ /de ni chos rnams kun gyis mi gos te/ /de yi mtshan ma 'dod chags 'jug pa med/ /de ni chos kun ma grub shes nas kyang / /de yis rtag tu nam mkha' lta bur shes/ /ji ltar nam mkha' skyes par ma gyur pa/ /de bzhin de yis chos rnams thams cad shes/ /snying po med pa nam mkha' ming gis byas/ /chos rnams stong pa mig gis rnam par brjod/ /nam yang rna bas mig ni mthong ba med/ /rna ba yis ni nam yang mig ma mthong / /snas kyang lce min lces kyang sna ma yin/ /de dag gcig la gcig ni mthong ba med/ /lus kyis nam yang yid ni mthong mi 'gyur/ /yid kyis nam yang lus ni mthong ba med/ /'di dag phan tshun 'dogs par mi byed de| |de phyir 'di dag rtag tu dben pa yin/ /spyod med byed pa med pa bem po ste/ /chos kyi dbyings la rtag tu mtshungs shing mnyam/ /nang yang phyi rol dag gis mi shes la/ /phyi rol dag kyang nang gis mi shes so/ /de phyir chos rnams 'di dag rab shes pa/ /rtag tu de yi shes pa mtha' yang yas/ /phyogs bcur sangs rgyas bye ba nyan thos bcas/ /mthong du zin kyang rtog bar mi byed do/ /shes rab mtha' yas tshul khrims sar dag pa/ /de dag chos rnams ston pa gang yin pa/ /legs par gsungs pa de dag thams cad thos/ /bzung nas kyang ni yang dag </font><hr>216a<br><font size=+1>


@#/ /'dzin par byed/ /des ni sems can kun gyi sems kyang shes/ /rdzu 'phrul gyis ni zhing rnams bye bar 'gro /bskal pa bye ba bsam gyis mi khyab pa/ / gang+gA'i bye snyed sngon gyi gnas kyang dran/ /de phyir mngon shes lnga po 'di bsgoms na/ /bde gshegs ye shes dang yang nye bar 'gyur/ /mkhas de rtag tu sangs rgyas bye bas gnas/ byang chub ma thob par yang don byed 'gyur/ /gang zhig 'di 'dra'i chos bstan thos nas kyang / /dga' ba rgya chen gtso bo skye 'gyur ba/ /de la bdud kyis tshugs par mi 'gyur te/ / myur du byang chub mchog tu rdzogs 'tshang rgya/ /lha'i bu/ byang chub sems dpa' sems dpa' chen po chos bzhi dang ldan na/ bsam gyis mi khyab pa'i thabs shes pa la mkhas pa yin par rig par bya'o/ /bzhi gang zhe na/ lha'i bu/ 'di la byang chub sems dpa' sems dpa' chen po ni/ thabs la mkhas pa yin te/ de ji lta ji ltar bdag nyid sdug bsngal ba dang / yid mi bde ba dang / 'khrug pa rnams kyis gnod par gyur par mthong ba de lta de ltar sems can rnams kyi sdug bsngal zhi bar bya ba'i phyir brtson 'grus rtsom ste/ des sems can thams cad kyang byang chub kyi sems la nges par 'dogs la chos thams cad kyang byang chub kyi sems la nges par 'dogs so/ /de sems </font><hr>216b<br><font size=+1>


can thams cad kyi dus gsum du yang dag par bsgrubs pa'i bsod nams thams cad kyi phung po la'ang rjes su yi rang bar byed la sangs rgyas thams cad kyi dus gsum du yang dag par bsgrubs pa'i bsod nams kyi phung po la rjes su yi rang bar byed de/ dge ba'i rtsa ba de'ang sems can de dag thams cad nyid la 'dor zhing yongs su gtong bar byed de/ gang rnam pa thams cad mkhyen pa nyid du yongs su mi bsngo ba'i sems bskyed pa'ang med la sems la ma gtogs pa'i byang chub kyang yang dag par ma mthong ngo / /byang chub kyi mtshan nyid gang yin pa sems kyi mtshan nyid kyang de yin par shes nas 'dra bar byed do/ /sems dang byang chub la'ang mngon par zhen pa med la thabs shes pas dge ba'i rtsa ba'ang rnam par 'phel bar byed do/ /des chos kyi dbyings kyang rnam par dag par yang dag par mi mthong la/ bsam gyis mi khyab pa'i chos rnams rtogs pas dge ba'i rtsa ba yang dag par sgrub pa la'ang chog mi shes so/ /sems kyi las dang / dge ba'i sems la'ang mchog tu 'dzin pa med do/ /de sbyin pa'ang sbyin par byed la de la'ang rnam par mi rtog go /tshul khrims kyang srung la de la mchog tu 'dzin pa'ang med do/ /bzod pa'ang sgom la de la'ang mi gnas so/ /brtson 'grus kyang rtsom la de la'ang dben par shes so/ /bsam gtan la'ang snyoms par </font><hr>217a<br><font size=+1>


@#/ /'jug la de la'ang mi rten to/ /shes rab la'ang spyod la de la'ang kun tu mi spyod do/ /sems can rnams kyang yongs su smin par byed la de'ang mi dmigs par spyod do/ /zhing yang yongs su dag par byed la phan gdags pa'i tshul gyis byed do/ /ye shes kyang yongs su tshol la de'ang yongs su tshol ba med pa'i tshul gyis byed do/ /chos kyang ston la de'ang brjod du med pa'i tshul gyis byed de/ lha'i bu/ de ltar spyod pa'i byang chub sems dpa' sems dpa' chen po ni/ dge ba'i rtsa ba ji tsam du chung ba'ang tshad med par byed do/ /lha'i bu/ byang chub sems dpa' sems dpa' chen pos ji ltar dge ba'i rtsa ba ji tsam du chung ba'ang tshad med par byed ce na/ lha'i bu/ 'di la byang chub sems dpa' sems dpa' chen po ni/ chos thams cad la tshad med pa'i 'du shes skyed par byed de/ gang la mur thug pa yod pa de lta bu'i chos ni/ gang yang med do/ /de ci'i phyir zhe na| lha'i bu/ chos thams cad ni/ stong pa dang / mtshan ma med pa dang / smon pa med pa yin la stong pa gang yin pa de ni/ tshad med pa'i phyir ro/ /tshad med par byas pa'i sems kyis chos kyi phyir sbyin pa ji tsam du chung ba'ang thabs la mkhas pas tshad med par byed do/ /de ci'i phyir zhe na/ gang du byang chub kyi sems de yongs su bsngo ba'i byang </font><hr>217b<br><font size=+1>


chub de tshad med pa'i phyir ro/ /des tshad med pa'i spyod pas 'di lta ste/ sangs rgyas bcom ldan 'das rnams kyi byang chub tshad med pa'i chos nyid rtogs par 'gyur ro/ /lha'i bu/ gzhan yang byang chub sems dpa' sems dpa' chen po ni/ sems can gyi spyod pa la 'jug ste/ de thabs la mkhas pas chos ji lta bu la mos pa'i sems can rnams la de lta bu'i mos pas gnas te/ sbyin pa'am/ rab tu sbyin pa'am/ chos bstan pas gnas so/ /lha'i bu/ gzhan yang sbyin pa byin pa'i sgo nas de'i rang bzhin du gnas te/ tshul khrims kyi rang bzhin du ma yin/ bzod pa'i rang bzhin du ma yin/ brtson 'grus kyi rang bzhin du ma yin/ bsam gtan gyi rang bzhin du ma yin/ shes rab kyi rang bzhin du ma yin mod kyi| 'on kyang sbyin pa'ang sbyin par byed cing tshul khrims kyang srung la des kyang rlom sems su mi byed do/ /tshul khrims dang ldan zhing bzod pa'ang phun sum tshogs la/ gzhan dag gis byas pa dang ma byas pa rnams kyang bzod do/ /dkar po'i spyod pa thams cad la'ang brtson 'grus rtsom la bsam gtan la'ang bsam gtan byed cing / shes rab gyis lhag par mthong ba la'ang mkhas so/ /lha'i bu/ gzhan yang byang chub sems dpa' thabs shes pa la mkhas pa ni/ nyan thos rnams dang lhan cig 'khod na'ang de dag la 'dod par yang mi </font><hr>218a<br><font size=+1>


@#/ /byed la de'i snying po gang yin pa des kyang nye bar 'tsho bar byed do/ /rang sangs rgyas kyi byang chub kyi theg pa pa dag dang lhan cig 'khod na'ang de dag la 'dod par yang mi byed la/ de'i snying po gang yin pa des kyang nye bar 'tsho bar byed de/ lha'i bu/ byang chub sems dpa' chos bzhi po de dag dang ldan na/ bsam gyis mi khyab pa'i thabs shes pa la mkhas pa yin no/ /de nas de'i tshe bcom ldan 'das kyis tshigs su bcad pa 'di dag bka' stsal to/ /bdag nyid dang ni gzhan dag gi /gnyis ka'i sdug bsngal rab shes nas/ /bdag gi sdug bsngal zhi byed cing / /gzhan gyi sdug bsngal kun zhi byed/ /sems can thams cad byang chub sems/ /sems de la ni 'dogs par byed| |sems la chos rnams thams cad kyang / /don gcig tu ni 'dogs par byed/ /sems can kun gyi bsod nams gang / /dus gsum gyis na bsdus rnams dang / /sangs rgyas kun gyi bsod nams gang / /de dag kun gyi rjes yi rang / /dge ba de dag thams cad kyang / /sems can kun la sbyin par byed/ /sangs rgyas kyi ni ye shes phyir/ /lhag pa'i bsam pas 'jug par byed/ /sems ni skyes pa thams cad kyang / /byang chub tu ni yongs su bsngo/ /chos nyid ma gtogs sems gzhan nam/ /byang chub dag kyang mthong ba med/ /de ni </font><hr>218b<br><font size=+1>


sems dang byang chub kyang / /rnam pa gnyis su mi mthong ste/ /byang chub de yi mtshan nyid gang / /sems kyang de yi mtshan nyid yin/ /mnyam pa nyid kyi chos rnams mnyam/ /de ni gnas pa yong med de/ /mdzangs pas thabs la mkhas pa ni/ /dkar po'i chos kyis rgyas par 'gyur/ /dbyings de la ni 'phel ba med/ /chos kyi dbyings ni bsam mi khyab/ /sangs rgyas chos rnams tshol ba la/ /rtag tu chog par 'dzin pa med/ /bdag ni dkar pos rgyas so snyam/ /de ni sems gyis bsam mi byed/ /de ni gang du bsngo ba yi/ /byang chub de la'ang mchog mi 'dzin| |sbyin pa'i mi rtog sbyin par byed/ /rlom sems med par tshul khrims srung / /rtag tu bzod pa sgom byed la/ /sems can la yang gnas pa med/ /sems dang lus ni dben pa yis| |rtag tu brtson 'grus rtsom par byed/ /rten med bsam gtan phun sum tshogs/ /shes rab kyi ni pha rol son/ /sems can rnams kyang smin byed la/ /de ni dmigs pas gnas pa med| |zhing yang yongs su sbyong byed la/ /lhag par 'dzin pa'ang yod ma yin/ /de ni sangs rgyas ye shes tshol/ /yi ge rnams la'ang chags pa med/ /de ltar spyod pa de la ni/ /byang chub rnyed par dka' ba med/ /tshad med bsam gyis mi khyab pa'i/ /stong pa nyid dang mtshan med dang / /smon pa med la mos na ni/ /de la tshad kyang med par 'gyur/ /mos pa ji bzhin gzung </font><hr>219a<br><font size=+1>


@#/ /phyir sems can la/ /sbyin pa spyod kyang de bzhin gnas pa med/ /sbyin pa'ang sbyin byed yang na len par byed/ /de dang mthun par chos kyang ston par byed/ /sbyin pa byas kyang de la chags pa med/ /tshul khrims mchog min bzod la chags pa med/ /brtson 'grus mchog min bsam gtan chags pa med/ /shes rab ye shes la ni ser sna med| |sbyin pa sbyin yang de ni tshul khrims spyod/ /bzod pa sgom yang rtag tu brtson 'grus ldan/ /bsam gtan gyis ni rtag tu gnas pa med/ /sbyin byed de ni shes pas nges par 'byung / /rang sangs rgyas dang nyan thos de dag dang / /rtag tu gnas kyang byang chub sems dpa' ni/ /rtag tu snying po ci yod 'tsho byed kyang / /'jigs med de dag la ni 'dod pa med/ /chos 'di dag gis gnas pa rdzogs pa yi/ /byang chub sems dpa' smad du med pa rnams/ /thabs kyis shes pa bsam gyis mi khyab ste/ /de dag sbyin pa chung du'ang mtha' yas 'gyur/ /lha'i bu/ byang chub sems dpa' chos bzhi dang ldan na chos thams cad tshul gcig pa dang / ro gcig pa dang / 'jug pa gcig pa dang / bstan pa gcig par rab tu shes so/ /bzhi gang zhe na/ lha'i bu/ 'di la byang chub sems dpa' ni/ chos kyi dbyings ma 'dres pa'i shes pa la mkhas pa dang / chos thams </font><hr>219b<br><font size=+1>


cad stong pa'i rjes su 'gro ba dang / chos gang la'ang sgro 'dogs par mi byed de/ bdag tu sgro 'dogs pa'am/ gzhan du sgro 'dogs par mi byed pa dang / dben pa'i tshul gyis chos thams cad khong du chud pa ste/ lha'i bu/ byang chub sems dpa' chos bzhi po de dag dang ldan na/ chos thams cad tshul gcig pa dang / ro gcig pa dang / 'jug pa gcig pa dang / bstan pa gcig par rab tu shes so/ /des de ltar shes pas 'jig rten pa dang / 'jig rten las 'das pa'i chos rnams kyis rnam pa gnyis su mi 'jug ste/ kha na ma tho ba dang bcas pa dang / kha na ma tho ba med pa rnams dang / zag pa dang bcas pa dang / zag pa med pa rnams dang / 'dus byas dang / 'dus ma byas kyi chos rnams kyi rnam pa gnyis su mi 'jug go /des ni/ chos gang la'ang mchog gam/ tha mar yang dag par mi mthong ngo / /so so'i skye bo'i chos rnams dang / dgra bcom pa'i chos rnams tha dad par yang dag par mi mthong ste/ so so'i skye bo'i chos rnams kyi rang bzhin gang yin pa de nyid dgra bcom pa'i chos rnams kyi rang bzhin yin no/ /dbrir yang med la bsnan du yang med do/ /tshul gcig pa'ang shes te/ 'di lta ste/ dben pa'i tshul lo/ /chos thams cad kyi rab tu dbye ba'ang ston la chos kyi dbyings chad par yang yang dag par mi mthong ngo / /bzod pa gcig dang yang </font><hr>220a<br><font size=+1>


@#/ /ldan te| 'di lta ste/ stong pa nyid kyi bzod pa'o/ /stong pa nyid dang bzod pa'ang rnam pa gnyis su mi 'byed do/ /'jug pa gcig gis chos thams cad la 'jug ste| 'di lta ste/ mi skye ba'i 'jug pas so/ /lha'i bu/ byang chub sems dpa' de ni/ bla na med pa yang dag par rdzogs pa'i byang chub dang nye ba yin te/ de 'di snyam du bdag nye bar gyur tam/ 'on te nye bar ma gyur cig gu snyam du'ang mi sems so/ /de ci'i phyir zhe na/ des tshul gcig pa las sems can rnams kyang gzhan la byang chub kyang gzhan par yang dag par mi mthong ba'i phyir ro/ /gzhan yang 'di la sems can mi dmigs pa gang yin pa de nyid byang chub yin no/ /de nas bcom ldan 'das kyis don de nyid thugs su chud nas yang rgyas par dpyad de/ de'i tshe tshigs su bcad pa 'di dag bka' stsal to/ /chos kyi dbyings ni 'byed par mi byed de/ /chos kyi dbyings la yang dag dmigs pa med| |chos dbyings ji bzhin chos kun de dang 'dra/ /'dzin pa med cing rdzas kyang ci yang med/ /chos kun stong pa nyid kyi rjes su 'gro/ /nang dang phyi rol 'dus byas gang yin pa'i| |chos kun ya ma bral ste byed pa med/ /chos rnams thams cad tshul gcig yin par shes/ /chos rnams gang la'ang sgro ni 'dogs mi byed/ /bdag gam gzhan la'ang rten </font><hr>220b<br><font size=+1>


par mi byed de/ /bdag dang bdag gi snyam pa bsal byas pa/ /de la nam yang tha dad dbye ba med/ /dben pa spyod cing rab tu dben la gus/ /chos kun stong pa nyid du lta bar byed/ /de ni chos rnams kun la lta ba na/ /dben pa la yang rtog par mi byed do/ /'jig rten 'jig rten 'das pa'i chos bstan la/ /de ni shas cher gnyis su mi 'jug ste/ /kha na ma tho kha na ma tho med/ / zag bcas zag med chos la de mi rlom/ /'dus byas rnams dang 'dus ma byas rnams la/ /gnyis su mi 'byed rtag tu gcig par lta/ /so so'i skye bo'am dgra bcom gang yin pa/ / phan gdags 'os su gyur pa'i chos ma mthong / /so so'i skye bo'i rang bzhin gang bstan pa/ /de dag nyid ni dgra bcom chos rnams yin/ /dbrir yang med la bsnan du'ang ci yang med/ / dben pa'i sgo nas tshul gcig khong du tshud/ /de ni chos kun rab dbye shes mod kyi/ /chos kyi dbyings la 'byed par yong mi byed/ /chos 'di thams cad stong pa ma gtogs pa/ /bzod pa'ang gzhan la 'dod pa'ang gzhan ma yin/ /stong pa nyid la mi rlom som nyi med/ /'di dag skye med rang bzhin 'byung ba med/ /des ni 'jug pa gcig par thams cad shes/ /de ltar spyod pa de la byang chub sla/ /byang chub mtshungs med la ni nye bar gyur/ /bdag dang byang chub la yang sems dpa' med/ /chos rnams 'di dag thams cad bdag ni dmigs/ /des ni dmigs </font><hr>221a<br><font size=+1>


@#/ /su med par byang chub rtogs/ /lha'i bu/ byang chub sems dpa' sems dpa' chen po chos bzhi dang ldan na/ zab mo'i tshul khrims can bag yod par gnas pa zhes bya'o/ /bzhi gang zhe na/ lha'i bu/ 'di la byang chub sems dpa' sems dpa' chen po ni/ 'di snyam du sems te/ tshul khrims zhes bya ba 'di gang yin snyam mo/ /de de ltar tshul bzhin du so sor rtog pa na 'di snyam du sems te/ lus kyis legs par spyod pa dang / ngag gis legs par spyod pa dang / yid kyis legs par spyod pa gang yin pa de ni/ tshul khrims zhes bya ba yin no snyam mo/ /de 'di snyam du sems te/ de la lus kyis legs par spyod pa gang zhe na/ lus kyis srog gcod pa'am/ ma byin par len pa'am/ 'dod pa la log par g.yem pa'i las ma byas pa gang yin pa de ni/ lus kyis legs par spyod pa yin no/ /de la ngag gis legs par spyod pa gang zhe na/ ngag gis rdzun du smra ba'am/ phra ma'am/ ngag rtsub po'am/ tshig kyal pa'i las ma byas pa gang yin pa de ni/ ngag gis legs par spyod pa yin no/ /de la yid kyis legs par spyod pa gang zhe na/ yid kyis brnab sems sam/ gnod sems sam/ log par lta ba'i las ma byas pa gang yin pa de ni/ yid kyis legs par spyod pa yin no snyam </font><hr>221b<br><font size=+1>


mo| |de de ltar tshul bzhin du so sor rtog pa na de 'di snyam du sems te/ lus sam/ ngag gam/ yid kyi las byas pa gang yin pa de ni/ sngon po zhes bya ba'am/ ser po zhes bya ba'am/ dmar po zhes bya ba'am/ dkar po zhes bya ba'am/ btsod ka'am/ shel gyi kha dog lta bu zhes bya bar gdags par mi nus la/ de ni/ mig gis rnam par shes par bya ba'am/ rna bas rnam par shes par bya ba'am/ rnas rnam par shes par bya ba'am/ lces rnam par shes par bya ba'am/ lus kyis rnam par shes par bya ba'am/ yid kyis rnam par shes par bya ba ma yin no/ /de ci'i phyir zhe na/ 'di ltar de ni/ ma skyes pa dang / ma bskyed pa dang / ma bskrun pa dang / ma bkag pa'i phyir ro/ /gang ma skyes pa dang / ma bskyed pa dang / ma bskrun pa dang / ma bkag pa de ni/ chos gang gis kyang rnam par shes par bya ba ma yin pa'i phyir ro snyam mo/ /de 'di snyam du sems te/ gang 'dus ma byas pa de ni/ tshul khrims yin te/ de la ni/ gdags pa ci'ang med do/ /gang gdags su med pa de la ni/ bdag gis kyang mngon par zhen par byar med do snyam ste/ de de ltar spyod pa ni/ tshul khrims de yang dag par mi mthong ngo / /gang du tshul khrims de yongs su bsngos pa de yang dag par ma mthong ste/ de ltar na/ byang chub sems dpa' zab mo'i tshul khrims can </font><hr>222a<br><font size=+1>


@#/ /zhes bya'o/ /lha'i bu/ gzhan yang byang chub sems dpa' sems dpa' chen po ni/ 'jig tshogs la lta ba yongs su shes pa'i shes pa dang ldan pa yin te/ lta ba gang gis tshul khrims dang ldan pa'am/ tshul khrims 'chal pa zhes spros par 'gyur ba'i 'jig tshogs la lta ba slong bar mi byed do/ /lha'i bu/ gzhan yang byang chub sems dpa' sems dpa' chen po ni/ zab mo'i tshul la zhugs pa yin te/ de ni/ lus dang / ngag gi spyod pa dang / spyod yul shes pa bzhin du spyod pas tshul khrims dang ldan pa zhes bya'o/ /de'ang bdag la dmigs pa dang / gzhan la dmigs par spyod par mi byed de/ des na zab mo'i tshul khrims can zhes bya'o/ /lha'i bu/ gzhan yang byang chub sems dpa' sems dpa' chen po ni/ tshul khrims ma nyams pa dang / tshul khrims ma zhig pa yin no/ /lha'i bu/ ji ltar na/ byang chub sems dpa' sems dpa' chen po tshul khrims ma nyams pa dang / tshul khrims ma zhig pa yin zhe na/ lha'i bu/ bdag la dmigs pa ni/ tshul khrims la dmigs par 'gyur ro/ /lha'i bu/ gang dag bdag la mi dmigs pa de ni/ tshul khrims la mi dmigs so/ /gang tshul khrims la mi dmigs pa de ni/ tshul khrims nyams par mi byed cing / de ni/ tshul khrims 'jig </font><hr>222b<br><font size=+1>


bar mi byed do/ /ci'i phyir nyams par mi byed/ 'jig par mi byed ce na/ de ni/ gzhan las chos thams cad shes pa yin te/ gang gzhan las 'gyur ba de la ni/ bdag kyang med/ bdag gi ba'ang med do/ /gang la bdag med pa de la ni/ 'jig par 'gyur ba ci'ang med de/ lha'i bu/ byang chub sems dpa' sems dpa' chen po chos bzhi po de dag dang ldan na/ zab mo'i tshul khrims can bag yod par gnas pa zhes bya'o/ /de nas de'i tshe bcom ldan 'das kyis tshigs su bcad pa 'di dag bka' stsal to/ /lus dag ngag dag yid kyang dag pa gang / /de ni rtag tu dag par spyod pa ste/ /rtag tu legs par bsdams shing gnas pa de/ /byang chub sems dpa' tshul khrims ldan zhes bya/ /las lam bcu po rab dge 'di dag rnams| |byang chub sems dpa' mkhas pa gang srung zhing / /lus dang ngag dang yid kyis gang byas pa/ /de ni mkhas rnams tshul khrims yin zhes brjod/ /ma byas ma bskyed ma skyes gang yin pa/ /de la bsngags pa med cing gnas pa'ang med/ /gang la bsngags pa med cing gnas pa'ang med/ /de la nam yang gdags pa rnyed mi 'gyur/ /rtag tu tshul khrims ma nyams ma zhig gang / /de ni mig gis shes par mi nus la/ /rna bas mi shes sna dang lces ma yin/ /lus dang yid kyis rnam par mi shes so/ /dbang po drug gis mi shes gang </font><hr>223a<br><font size=+1>


@#/ /yin pa| |de la gnas par bya bar mi nus te/ /de nyid tshul khrims yongs su dag par mthong / /nam yang tshul khrims dmigs te gnas pa med/ /de ni tshul khrims tsam des rlom pa med/ /de ni bdag tu 'du shes khrims mi srung / /tshul khrims srung yang tshul khrims 'du shes med/ /dran ldan zab mo'i tshul khrims ldan pa yin/ /'jig tshogs lta ba rnams par gsal byas pa/ /de la ltar byas pas 'byung mi 'gyur/ /gang la lta med lta ba'i gnas med pa/ /de ni tshul khrims tshul khrims 'chal mi rlom/ /zab mo'i chos kyi tshul la zhugs pa ste/ /de yi cho ga brtags pa ma yin la/ shin tu shes bzhin ldan zhing legs par gsungs/ /tshul khrims sgo nas gzhan gyis brnyas mi 'gyur/ / bdag tu dmigs pas tshul khrims dmigs par 'gyur/ /gang la bdag mang de la tshul khrims med/ bdag gam yang tshul khrims rlom pa de/ /mtha' zhes bya ste gnyis ka 'jigs ma yin/ /bdag med smra ba tshul khrims rlom pa med/ /bdag med smra ba tshul khrims rten pa med/ /bdag med smra la tshul khrims rlom pa med/ /bdag med smra la tshul khrims sems pa med/ /tshul khrims ma nyams tshul khrims ma rmongs pa/ /bdag ni tshul khrims ldan zhes bdag mi rlom /gang la bdag dang tshul khrims 'du shes </font><hr>223b<br><font size=+1>


med| |de 'dra 'di ni zab pa zhes kyang brjod/ /gang gi tshul khrims de 'drar 'jigs med pa/ /de la nam yang 'chal pa'i khrims mi 'byung / /chos kun dmigs su med pa gang yin pa| |de 'dra'i tshul khrims 'phags pa rnams kyis bsngags/ /byis pa gang dag bdag tu lta la gnas/ /tshul khrims srung zhing bdag ni khrims ldan snyam/ /tshul khrims bde ba ma lus zad gyur nas/ /de dag ngan 'gro gsum las thar mi 'gyur/ /gang dag bdag tu lta ba mtha' dag bsal/ /de dag 'dir ni bdag dang bdag gi med/ /bdag tu lta med gang de tshul khrims ldan/ /de la phyin chad log par ltung 'jigs med/ /gang zhig tshul khrims rnam pa 'di 'drar shes/ /de la 'chal pa'i tshul khrims lta mi nus/ /bdag dang de bzhin rnam gsum mi mthong na/ /tshul khrims tshul khrims 'chal lta ci zhig smos/ /de skad ces bka' stsal pa dang / bcom ldan 'das la lha'i bu zla bas 'di skad ces gsol to/ /bcom ldan 'das/ sangs rgyas bcom ldan 'das rnams kyi bla na med pa yang dag par rdzogs pa'i byang chub de ji tsam du zab pa ni/ ngo mtshar lags so/ /bcom ldan 'das/ byang chub sems dpa' sems dpa' chen po de ltar mi gnas pa dang / len pa ma mchis pas chos ji lta ba bzhin du gnas la/ rnam par rtog pa thams cad kyi yang dag par chad pa dang / bdag tu 'du </font><hr>224a<br><font size=+1>


@#/ /shes pa dang bral ba dang / bskal pa grangs ma mchis par yang spyod pa dang / sangs rgyas kyi chos thams cad yongs su ma rdzogs kyi bar du nyan thos dang rang sangs rgyas kyi sar yang mi ltung la bar ma dor rnam par byang bar yang mi 'gyur ba'ang ngo mtshar che lags so/ /bcom ldan 'das/ byang chub sems dpa' sems dpa' chen po chos du dang ldan na/ chos zab mo rnams la'ang spyod la/ yang dag pa'i mtha' yang mngon sum du mi bgyid lags/ de skad ces gsol pa dang / bcom ldan 'das kyis lha'i bu zla ba la 'di skad ces bka' stsal to/ /lha'i bu/ byang chub sems dpa' sems dpa' chen po chos bzhi dang ldan na/ chos zab mo rnams la'ang spyod la/ yang dag pa'i mtha' yang mngon sum du mi byed do/ /bzhi gang zhe na/ lha'i bu/ byang chub sems dpa' sems dpa' chen po ni/ thams cad mkhyen pa'i ye shes bsgrub pa'i phyir dam bcas pa la brten pas snying po la gnas pa dang / sems can thams cad yongs su mi gtong bar gnas pa'i phyir zhum pa med pa'i brtson 'grus dang ldan pa dang sangs rgyas kyi gdung rgyun mi 'chad pa la zhugs pa'i phyir snying rje chen po dang ldan pa dang / dge ba'i rtsa ba thams cad yongs su bsngo ba la mkhas pa'i phyir thabs la mkhas </font><hr>224b<br><font size=+1>


pa ste| lha'i bu/ byang chub sems dpa' sems dpa' chen po chos bzhi po de dag dang ldan na/ chos zab mo rnams la'ang spyod la/ bar ma dor yang dag pa'i mtha' mngon sum du'ang mi byed do/ /de nas de'i tshe bcom ldan 'das kyis tshigs su bcad pa 'di dag bka' stsal to/ /mkhas pa rtag tu yi dam bcas la brten/ /sngon chad yi dam bcas pa spong mi byed/ /dpa' bo thams cad mkhyen pa'i ye shes phyir/ /theg pa gzhan la 'dod pa skyed mi byed/ /rtag tu bag dang ldan zhing brtson 'grus rtsom/ /zhum pa med pa'i sems kyis rtag tu spyod/ /de yis sems can gang yang btang ba med/ /de yi sems ni sems can kun la snyoms/ /'jig rten 'di dag kun tu snying rje bas/ /sdug bsngal bzod cing sems kyang zhum pa med/ /ci nas sangs rgyas gdung ni mi 'chad pa/ /de phyir dkon mchog mang po 'byung bar byed/ /mkhas rnams thabs shes pa la legs par bslabs/ /le lo med par dge ba yongs su bsngo/ /'khor ba'i chu bo la ni phan phyir brtson/ /bar ma dor ni zag rnams zad mi byed/ /byang chub sems dpa' 'jigs med gang dag gis/ /chos rnams 'di dag legs par bsdus par gyur/ /de dag zab mo'i chos rnams spyod pa ste/ /nam yang yang dag mtha' la reg mi 'gyur/ /de nas bcom ldan 'das la lha'i bu zla bas 'di skad ces </font><hr>225a<br><font size=+1>


@#/ /gsol to/ /bcom ldan 'das/ ji ltar na/ byang chub sems dpa' sems dpa' chen po zab mo la spyod pa lags/ de skad ces gsol pa dang / bcom ldan 'das kyis lha'i bu zla ba la 'di skad ces bka' stsal to/ /lha'i bu/ 'di la byang chub sems dpa' sems dpa' chen po ni/ so so'i skye bo'i chos bstan pa'i phyir sangs rgyas kyi chos yongs su sgrub pa'ang yongs su tshol bar mi byed la/ so so'i skye bo'i chos rnams gsal bar yang mi byed/ sangs rgyas kyi chos kyang rnam par dag par mi mthong ste/ so so'i skye bo'i chos ma gtogs par sangs rgyas kyi chos 'thob pa yongs su mi tshol lo/ /so so'i skye bo'i chos rnams kyang gzhan la sangs rgyas kyi chos rnams kyang gzhan no/ /zhes de ltar mi spyod de/ /so so'i skye bo'i chos rnams ni/ chung la/ sangs rgyas kyi chos rnams ni/ rgya che'o/ /zhes de ltar mi spyod do/ /so so'i skye bo'i chos rnams ni/ zag pa dang bcas pa yin la/ sangs rgyas kyi chos rnams ni/ zag pa med pa'o/ /zhes de ltar mi spyod do/ /gzhan yang de 'di snyam du sems te/ so so'i skye bo'i chos gang dag yin pa rnams dang / sangs rgyas kyi chos gang dag yin pa rnams ni/ shes pa'am/ mthong ba'am/ nye bar brtag par mi nus so/ /de ci'i phyir zhe na/ 'di ltar de dag ni/ stong pa yin la/ stong pa nyid la ni/ shes </font><hr>225b<br><font size=+1>


pa'am| mthong ba'am/ nye bar rtog pa med de/ 'di lta ste/ rang bzhin gyis bem po yin pa'i phyir ro snyam mo/ /lha'i bu/ 'di ltar chos rnams kyi chos nyid dang / chos kyi ngo bo nyid dang / chos gnas pa nyid dang / chos ji lta ba bzhin pa gang yin pa de la ni/ gnyis po gang gis so so'i skye bo zhes bya ba'am/ nyan thos zhes bya ba'am/ rang sangs rgyas zhes bya ba'am/ yang dag par rdzogs par sangs rgyas zhes bya bar gnyis su dbye ba'i gnyis pa ci'ang med do/ /lha'i bu/ zab mo la spyod pa'i byang chub sems dpa' rnams la ni/ gang sangs rgyas kyi chos ma yin pa de lta bu'i chos gang yang med do/ /de ci'i phyir zhe na/ lha'i bu/ chos rnams kyi chos smra bar bya ba gang yin pa de ni/ smrar med pa gang yin pa de ni/ brjod du med pa'o/ /brjod du med pa gang yin pa de la ni/ yod pa med do/ gang la yod pa med pa de la ni/ 'byung ba med do/ /gang la 'byung ba med pa de la ni/ dngos po'i rnam par rig par med do/ /lha'i bu/ chos thams cad ni/ dngos po med pa'ang yin te/ gang na chos thams cad kyi bgrang ba de las grol ba ni/ sangs rgyas kyi chos rnams yin te/ lha'i bu/ de bas na/ rnam grangs 'dis kyang chos thams cad ni/ rnam par mi rtog pa'i spyod pa'i tshul gyis sangs rgyas kyi chos rnams yin no/ /zhes de ltar rig par bya'o/ /gang rnam par rtog pa la spyod pa de dag la ni/ gnyis </font><hr>226a<br><font size=+1>


@#/ /su 'jug pa'i rnam par shes pa 'byung ba yod de/ de dag ni/ rnam par shes pa'i spyod yul la spyod pa'o/ gang dag sangs rgyas kyi chos zag pa med pa gang dag yin pa de dag la'ang rtog la/ de dag la brtags nas kyang zag pa rnams slong bar byed pa de dag gis ni/ chos kyi dbyings la kun nas nyon mongs pa'am/ rnam par byang ba med par mi shes so/ /chos rnams thams cad kyi rang bzhin shes pa gang yin pa de dag ni/ chos gang la'ang kun nas nyon mongs pa'i chos sam/ rnam par byang ba'i chos su 'dzin pa'ang med na/ kun nas nyon mongs pa'i chos sam/ rnam par byang ba'i chos su dmigs pa lta ga la yod de/ de ni/ gnas med do/ /lha'i bu/ de ltar na/ byang chub sems dpa' sems dpa' chen po zab mo la spyod pa yin te/ gang sangs rgyas kyi chos ma yin pa'i chos gang yang med par mthong la/ gang gis mthong ba de'ang lhag par mthong ba dang / ji ltar mi mthong ba de lta bur mthong ste/ de ltar mthong ba'i byang chub sems dpa' ni/ bdud dam bdud kyi ris kyi lha rnams kyis mi tshugs so/ /de skad ces bka' stsal pa dang / bcom ldan 'das la lha'i bu zla bas 'di skad ces gsol to/ /bcom ldan 'das/ byang chub sems dpa' sems dpa' chen po de ltar 'di lta </font><hr>226b<br><font size=+1>


bu'i chos rnams la'ang nye bar rtog la skye ba'ang rtsom par bgyid de/ skye ba dang / 'gum pa dang / gum nas kyang skye bar 'gyur ba ni/ ngo mtshar lags so/ /bcom ldan 'das kyis bka' stsal pa/ lha'i bu/ dper na/ sgyu ma mkhan gyis sprul pa ni/ 'ong ba dang / 'gro ba dang / 'dug pa dang / nyal ba dang / smra bar yang byed la/ de'ang rnam par mi rtog pa de bzhin du lha'i bu/ gang gis chos thams cad sgyu ma lta bur shes pa de ni/ 'gro ba dang / skye ba thams cad kyang ston la de'ang rnam par mi rtog go /lha'i bu/ byang chub sems dpa' ni/ skye ba dang / 'byung ba'ang rlom sems su mi byed la sngon gyi bar du byin gyi rlabs kyis skye bar 'gyur ro/ /de skad ces bka' stsal pa dang / bcom ldan 'das la lha'i bu zla bas 'di skad ces gsol te/ /bcom ldan 'das kyis gang 'di skad du byang chub sems dpa' ni/ skye ba dang / 'byung ba'ang rlom sems sum byed ces bka' stsal pa de la/ bcom ldan 'das| de bzhin gshegs pa ni/ lha mo sgyu 'phrul las 'khrungs te/ sku skrun pa'i yum la thugs brtse ba'i slad du sum cu rtsa gsum pa'i lha rnams kyi nang du dbyar gnas par zhal gyis bzhes na/ ji ltar de bzhin gshegs pa rlom sems su mi mdzad lags/ bka' stsal pa/ lha'i bu/ de bzhin gshegs pa ni/ lha mo sgyu 'phrul las ma skyes </font><hr>227a<br><font size=+1>


@#/ /so/ /gsol pa/ 'o na de bzhin gshegs pa gang las 'khrungs lags/ bka' stsal pa/ lha'i bu/ de bzhin gshegs pa ni/ shes rab kyi pha rol tu phyin pa las skyes te/ lha'i bu/ gang dag shes rab kyi pha rol tu phyin pa ni/ sangs rgyas bcom ldan 'das rnams skyed pa'i yul yin no/ /zhes smra ba ni/ yang dag par smra ba yin no| |shes rab kyi pha rol tu phyin pa ni/ 'das pa dang / ma 'ongs pa dang / da ltar byung ba'i sangs rgyas bcom ldan 'das rnams skyed pa'i yum yin no/ /zhes smras pa ni/ yang dag par smra ba yin no/ /de ci'i phyir zhe na/ lha'i bu/ skyes bu chen po'i mtshan sum cu rtsa gnyis ni/ lha mo sgyu 'phrul las skyes pa ma yin gyi/ lha'i bu/ skyes bu chen po'i mtshan sum cu rtsa gnyis ni/ shes rab kyi pha rol tu phyin pa la bslabs pas mngon par grub pa yin no/ /lha'i bu/ de bzhin gshegs pa'i stobs bcu po 'di dag ni/ lha mo sgyu 'phrul las skyes pa ma yin gyi/ de bzhin gshegs pa'i stobs bcu ni/ shes rab kyi pha rol tu phyin pa la bslabs pas mngon par grub pa yin no/ /lha'i bu/ de bzhin gshegs pa'i mi 'jigs pas bzhi po 'di dang / lha mo sgyu 'phrul las skyes pa ma yin no/ /sangs rgyas kyi chos ma 'dres pa bco brgyad dang / byams pa chen pa dang / snying rje </font><hr>227b<br><font size=+1>


chen po dang / dga' ba chen po dang / btang snyoms chen po dang / spyi gtsug bltar mi mthong ba dang / gshegs pa don yod pa dang / sangs rgyas kyi spyan dang / sangs rgyas kyi ye shes dang / sangs rgyas kyi so so yang dag pa rig pa dang / pha rol gyi sems shes pa dang / lha'i bu/ mdor bsdu na gang dag gis de bzhin gshegs pa de bzhin gshegs pa zhes bya ba'i grangs su 'gro ba'i sangs rgyas kyi chos de lta bu gang dag yin pa de dag ni/ lha mo sgyu 'phrul las skyes pa ma yin te/ lha'i bu/ de ltar na de bzhin gshegs pa'i sangs rgyas kyi chos dpag tu med pa gang dag gis de bzhin gshegs pa de bzhin gshegs pa zhes bya ba'i grangs su 'gro ba de lta bu de dag ni/ shes rab kyi pha rol tu phyin pa la spyad cing / shes rab kyi pha rol tu phyin pa la bslabs pas mngon par grub pa yin te/ lha'i bu/ khyod kyis rnam grangs 'dis kyang ci nas de bzhin gshegs pa shes rab kyi pha rol tu phyin pa las skyes kyi/ lha mo sgyu 'phrul las ma yin pa de ltar rig par bya'o/ /bam po gnyis pa/ de nas bcom ldan 'das la lha'i bu zla bas 'di skad ces gsol to/ /bcom ldan 'das/ gal te shes rab kyi pha rol tu phyin pa chos gang gi'ang skyed pa ma lags/ skrun pa ma lags/ 'gag par bgyid pa ma lags na/ bcom ldan 'das/ ji ltar shes </font><hr>228a<br><font size=+1>


@#/ /rab kyi pha rol tu phyin pa de bzhin gshegs pa skrun pa lags/ bka' stsal pa/ lha'i bu/ chos gang dag gis de bzhin gshegs pa de bzhin gshegs pa zhes bya ba'i grangs su 'gro ba'i chos de dag ni/ skye ba'ang med/ 'chi 'pho ba'ang med/ 'byung ba'ang med do/ /lha'i bu/ gang skye ba'ang med/ 'chi 'pho ba'ang med/ 'byung ba'ang med pa de lta bu'i ye shes de bskyed pa ni/ shes rab kyi pha rol tu phyin pa ste/ shes rab kyi pha rol tu phyin pa las ni/ gang skye ba med pa dang / 'chi 'pho ba med pa dang / 'byung ba med pa'i de bzhin gshegs pa skyes so/ /lha'i bu/ gang la skye ba'ang med/ 'chi 'pho ba'ang med/ 'byung ba'ang med pa de ni/ shes rab kyi pha rol tu phyin pa yod pa las yang dag par nges par 'byung ba yod mod kyi/ shes rab kyi pha rol tu phyin pa med pa las ni/ nges par 'byung ba med do/ /gsol pa/ bcom ldan 'das/ de ltar shes rab mchis na nges par 'byung ba mchis pa lags na/ ci shes rab la sems pa'am/ 'tshal ba ma mchis sam/ dka' stsal pa/ lha'i bu/ shes rab la ni/ sems pa'am shes pa'ang med do/ /lha'i bu/ gal te shes rab sems pa'am/ shes pa zhig yin par gyur na/ shes rab la rtag tu nges par 'byung ba med par 'gyur ro/ /de ci'i phyir zhe na/ </font><hr>228b<br><font size=+1>


lha'i bu| gang la sems sa ma tshor ba yod na/ de la nges par 'byung ba ci'ang med pa'i phyir ro/ /lha'i bu/ gang gi phyir shes rab kyi pha rol tu phyin pa sems pa med cing shes pa med pa de'i phyir shes rab rtag tu nges par 'byung ba yin no/ /gsol pa/ bcom ldan 'das/ nges par 'byung ba zhes bgyi ba de gang gi tshig bla dwags lags/ bka' stsal pa/ lha'i bu/ spros pa med pa'i tshig bla dwags so/ /gsol pa/ bcom ldan 'das/ spros pa ma mchis pas ci zhig nges par 'byin par bgyid lags/ bka' stsal pa/ lha'i bu/ gang dag spros pa la spyod pa de dag ni/ khams gsum du skye ba mi 'dor ro/ /gang dag spros par mi byed pa de dag ni/ khams gsum du skye ba 'dor bar byed do/ /lha'i bu/ de lta bas na/ gang khyod spros pa med par nges par 'byung bas ci zhig nges par 'byin ces zer ba ni/ khams gsum du skye bas nges par 'byin par byed do/ /gsol pa/ bcom ldan 'das kyis khams gsum las yang dag par 'da' bar bgyi ba'i slad du nyan thos rnams la chos bstan lags sam/ bka' stsal pa/ lha'i bu/ nga ni/ 'dod pa'i khams las kyang brtsams te nyan thos rnams la chos ston la/ de bzhin gshegs pas 'dod pa'i khams kyang ma dmigs so/ /lha'i bu/ nga ni/ gzugs kyi khams las kyang brtsams te nyan thos rnams la chos </font><hr>229a<br><font size=+1>


@#/ /ston la| de bzhin gshegs pas gzugs kyi khams kyang ma dmigs so/ /lha'i bu/ nga ni/ gzugs med pa'i khams las kyang brtsams te nyan thos rnams la chos ston la/ de bzhin gshegs pa gzugs med pa'i khams kyang ma dmigs so/ /lha'i bu/ nga ni/ yang dag par 'da' bar bya ba'i phyir chos ston la| de bzhin gshegs pas gang yang dag par 'da' ba'i chos de yang dag par ma mthong ngo / /lha'i bu/ nga'i nyan thos rnams ni/ 'dod pa'i khams la dmigs nas 'dod pa'i khams las yang dag par 'da' bar mi byed do/ /nga'i nyan thos rnams ni/ gzugs kyi khams la dmigs nas gzugs kyi khams las yang dag par 'da' bar mi byed do| |nga'i nyan thos rnams ni/ gzugs med pa'i khams la dmigs nas gzugs med pa'i khams las yang dag par 'da' bar mi byed do/ /lha'i bu/ gzhan yang nga'i nyan thos rnams ni/ khams gsum pa mi dmigs pas khams gsum pa la mi rten te/ chos rnams stong pa nyid du dmigs pas 'dod pa'i khams su smon lam mi 'debs so/ /gzugs kyi khams su smon lam mi 'debs so/ /gzugs med pa'i khams su smon lam mi 'debs so/ /khams gsum par smon lam mi 'debs pas na/ </font><hr>229b<br><font size=+1>


khams gsum par mi skye'o/ /ma skyes pa de dag gi 'gro ba ni/ gdags su med do/ /kye lha'i bu/ 'on kyang 'phags pa rnams ni/ yang dag par 'da' ba zhes de skad rjod par mdzad do| |'on kyang don dam par na 'di la su yang dag par 'da' ba'ang med/ 'ong ba'ang med do/ /de ci'i phyir zhe na/ lha'i bu/ chos thams cad ni/ yang dag par 'da' bar med pa las blta bar bya'o/ /lha'i bu/ dper na/ nam mkha' ni/ ma skyes pa/ ma byas pa/ mngon par ma grub pa/ 'pho ba med pa/ 'ong ba med pa ste/ chos thams cad kyang de bzhin du blta bar bya'o| |gtam 'di bstan pa na lha'i 'khor de'i nang nas lha'i bu bdun khri nyis stong chos rnams la chos kyi mig rdul med cing dri ma dang bral ba skyes so/ /sngon dge ba'i rtsa ba bskyed ba'i lha'i bu khri drug stong ni/ bla na med pa yang dag par rdzogs pa'i byang chub tu sems skyes so/ /dge ba'i rtsa ba yongs su smin pa'i byang chub sems dpa' brgyad stong ni/ mi skye ba'i chos rnams la bzod pa skyes so/ /de dag gi lag tu bcom ldan 'das kyi mthus sngon ma mthong ba'i me tog gi snod byung bar gyur te/ me tog gi snod de dag nas de bzhin gshegs pa la gtor to/ /me tog de dag gis kyang sum cu rtsa gsum pa'i gnas 'khor khor yug tu khebs par gyur to/ /de nas bcom ldan 'das la lha'i dbang po brgya byin gyis 'di skad </font><hr>230a<br><font size=+1>


@#/ /ces gsol to/ /bcom ldan 'das/ lha'i bu 'di rnams kyis de bzhin gshegs pa la me tog gtor ba gang dag lags pa 'di dag ni/ sngon ma mthong lags so/ /de nas lha'i bu zla bas lha'i dbang po brgya byin la 'di skad ces smras so/ /kau shi ka /da ltar gang la me tog dag gis gtor ba'i de bzhin gshegs pa 'di'ang sngon ma mthong ngo / /de ci'i phyir zhe na/ kau shi ka/ sems gang gis de bzhin gshegs pa mthong ba'i sems de ni/ 'gags shing med par gyur te mthong bar mi nus so| |kau shi ka /de bas ni/ gang ci mthong yang rung ste/ de dag thams cad ni/ sngon ma mthong ba'o/ /gang ci thos kyang rung ste/ de dag thams cad ni/ sngon ma thos pa'o/ / smras pa/ lha'i bu/ khyod kyis de bzhin gshegs pa mthong ngam/ smras pa/ kau shi ka /gal te de bzhin gshegs pa gzugs zhes bya ba yin na ni/ bdag gis de bzhin gshegs pa mthong ngo / /kau shi ka /gal te de bzhin gshegs pa tshor ba dang / 'du shes dang / 'du byed rnams dang / rnam par shes pa zhes bya ba yin na ni/ bdag gis de bzhin gshegs pa mthong na/ kau shi ka /de bzhin gshegs pa ni/ gzugs zhes bya ba'am/ tshor ba dang / 'du shes dang / 'du byed rnams dang / rnam par shes pa zhes </font><hr>230b<br><font size=+1>


bya ba ma yin no/ /kau shi ka /de bzhin gshegs pa ni/ phung po lnga'i chos kyi mtshan nyid kyis rab tu phye ba ma yin te/ de ni/ mthong bar sla ba ma yin no/ kau shi ka /gzhan yang gang khyod 'di skad du lha'i bu/ khyod kyis de bzhin gshegs pa mthong ngam zhes zer ba ni/ ji ltar de bzhin gshegs pas bdag gzigs pa de bzhin du bdag gis de bzhin gshegs pa mthong ngo / /smras pa/ lha'i bu/ khyod kyis de bzhin gshegs pa ji ltar mthong / smras pa/ kau shi ka /de bzhin gshegs pa mdun na bzhugs pa 'di la zhus shig /de nas bcom ldan 'das la lha'i dbang po brgya byin gyis 'di skad ces gsol to/ /bcom ldan 'das/ lha'i bu zla ba ji ltar gzigs pa lags/ bka' stsal pa/ kau shi ka /gzugs su mi mthong ngo / /tshor ba dang / 'du shes dang / 'du byed rnams dang / rnam par shes par mi mthong ngo / /sngon gyi mtha' dang / phyi ma'i mtha' dang / da ltar byung bar mi mthong ngo / /langs pa dang / 'dug pa dang / 'gro ba dang / 'ong ba dang / rgyab dang / glo dang / mdun dang / chos la ma gtogs par mi mthong ngo / /slob par mi mthong ngo / /mi slob par mi mthong ngo / /mi slob pa'i chos dang ldan par mi mthong ngo / /dgra bcom par mi mthong ngo / /dgra bcom pa'i chos dang ldan par mi mthong ngo / /nyan thos kyi sa dang / rang sangs rgyas kyi sa dang / sangs rgyas </font><hr>231a<br><font size=+1>


@#/ /kyi sar mi mthong ste/ kau shi ka /de ltar mthong ngo / /kau shi ka /sus de ltar mthong ba des ni/ yang dag par mthong ste/ log pa de mthong ba ma yin no/ / su yang dag pa mthong ba des ni/ ci'ang mi mthong ngo / /su ci'ang mi mthong ba des ni/ mnyam par mthong ste/ mi mnyam par mi mthong ngo / /kau shi ka /de ltar gzigs pa'i de bzhin gshegs pa ni/ thams cad gzigs pa zhes bya'o/ /kau shi ka /de ltar gzigs pa'i de bzhin gshegs pa ni/ de bzhin gshegs pa zhes bya ste/ 'on kyang de bzhin gshegs pa ni/ chos kyi dbyings 'dres par yang mi mdzad do/ /kau shi ka /'di ji snyam du sems/ de ltar gzigs pa'i de bzhin gshegs pas ci zhig gzigs par 'gyur/ gsol pa/ bcom ldan 'das/ de bzhin gshegs pas ni/ ming gzigs pa ma lags/ gzugs gzigs pa ma lags te/ bcom ldan 'das/ 'di la ni| chos 'ga' tsam yang grangs su bgyis pa ma mchis so/ /bcom ldan 'das/ ci de bzhin gshegs pas ji ltar gzigs pa de bzhin du lha'i bu zla bas kyang de ltar mthong lags sam/ bka' stsal pa/ kau shi ka /mi skye ba'i chos la bzod pa thob pa'i byang chub sems dpa' su'ang rung ba de dag thams cad kyis ni/ chos kyi dbyings </font><hr>231b<br><font size=+1>


kyi lus kyis chos 'ga' tsam yang gzung ba'i phyir chos gang yang mi mthong ngo / /gsol pa/ bcom ldan 'das/ ci lha'i bu zla ba mi skye ba'i chos la bzod pa tho ba lags sam/ bcom ldan 'das kyis bka' stsal pa/ kau shi ka /khyod kyis lha'i bu zla ba 'di nyid la dris shig dang / 'di nyid khyod la lan ldon no/ /de nas lha'i dbang po brgya byin gyis lha'i bu zla pa la 'di skad ces smras so/ /lha'i bu/ khyod mi skye ba'i chos rnams la bzod pa skyes sam/ smras pa/ kau shi ka /ci mi skye ba skye'am/ smras pa/ lha'i bu/ de ni/ ma yin no/ /smras pa/ kau shi ka /gal te mi skye ba skye bar gyur pa na mi skye ba'i chos rnams la su'i bzod pa skye bar 'gyur/ kau shi ka /mi skye ba zhes bya ba de ni/ chos kyi dbyings kyi tshig bla dwags so/ / chos kyi dbyings gang yin pa de la ni/ skye ba'am 'gag pa mi dmigs so/ /de nas lha'i dbang po brgya byin 'di snyam du sems te/ lha'i bu 'di'i bstan pa de 'dra ba las na/ kye ma lha'i bu| 'di ni/ bzod pa thob pa yin te/ bla na med pa yang dag par rdzogs pa'i byang chub dang nye'o snyam mo/ /de nas lha'i bu zla bas lha'i dbang po brgya byin gyi sems kyi yongs su rtog pa sems kyis shes nas lha'i dbang po brgya byin la 'di skad ces smras so/ /kau shi ka /bzod pa thob pa gang dag yin pa de dag ni/ sangs rgyas kyi byang chub dang nye ba ma yin no/ / </font><hr>232a<br><font size=+1>


@#/ /smras pa| lha'i bu/ khyod ci las bsam ste de skad zer/ smras pa/ kau shi ka /thob ces bya ba de ni/ dmigs pa'i tshig bla dwags yin la dmigs pas ni/ byang chub mngon par rdzogs par 'tshang mi rgya'o/ /mi skye ba'i bzod pa zhes bya ba de ni/ mi skye ba'i tshig bla dwags so/ /mi skye ba gang yin pa de nyid ni/ byang chub bo/ /smras pa/ lha'i bu zla ba| byang chub nyid gang las btsal bar bya/ smras pa/ kau shi ka /byang chub ni/ bdag gi ngo bo nyid las btsal bar bya'o/ /smras pa/ bdag gi ngo bo nyid gang las btsal bar bya| smras pa/ chos gang ma skyes/ mi skye/ skye bar mi 'gyur ba de las btsal bar bya'o/ /ci nas kyang tshol ba na gang btsal ba dang / gang gis btsal ba de'ang slong bar mi byed pa de ltar btsal bar bya'o/ /de nas bcom ldan 'das la lha'i dbang po brgya byin gyis 'di skad ces gsol to/ /bcom ldan 'das/ lha'i bu zla ba 'di de ltar zab mo'i shes rab dang ldan pa ngo mtshar lags so/ /bcom ldan 'das/ lha'i bu zla ba 'di gang nas shi 'phos te 'dir mchis pa lags/ de nas lha'i bu zla bas lha'i dbang po brgya byin la 'di skad ces smras so/ /kau shi ka/ sgyu ma mkhan gyis skyes pa'am/ bud med sprul pa gang yin pa de gang nas shi 'phos te 'dir 'ongs/ 'di nas shi 'phos nas gang du 'gro </font><hr>232b<br><font size=+1>


bar 'gyur/ smras pa/ lha'i bu/ sgyu ma sprul pa la ni/ shi 'pho'am skye ba med do/ /de ci'i phyir zhe na/ de ni/ rnam par rtog pa med pa'i phyir ro/ /smras pa/ kau shi ka /khyod 'di skad du sprul pa 'di gang nas shi 'phos te 'dir 'ongs/ 'di nas shi 'phos nas gang du 'gro bar 'gyur zhes zer ba de ci mkhas pa rnams kyis smad par mi 'gyur ram/ smras pa/ lha'i bu/ de de bzhin no| |smras pa/ kau shi ka /bdag ni/ khyod kyi dri ba de la 'di snyam du byed de/ gang khyod kyis lha'i bu 'di gang nas shi 'phos te 'dir mchis/ 'di nas shi 'phos nas gar skye bar 'gyur zhes zhus pa ni/ sgyu ma lta bu'i chos rnams la de skad 'dri bar zad do snyam mo/ /kau shi ka/ 'di ji snyam du sems/ de bzhin gshegs pas sprul pa sprul par mdzad pa gang yin pa de 'ong ngam/ 'chi 'pho'am/ skye'am/ smras pa/ lha'i bu/ de ni/ ma yin no/ /smras pa/ ci bya ba gang gi phyir sprul pa'i bya ba de byed dam/ smras pa/ lha'i bu/ byed do/ /smras pa/ kau shi ka /de bzhin du gang gis chos thams cad sprul pa lta bu dang / sgyu ma lta bu'i rtogs pa de ni/ 'gro ba dang / 'ong ba dang / 'chi 'pho dang / skye ba'ang ston la de ni/ ci la'ang rnam par mi rtog ste/ bya ba de'ang byed do/ /kau shi ka/ 'di ji snyam du sems/ gang rmi lam du gzugs mthong ba'am/ sgra thos pa'am/ dri snom pa'am/ ro myong ba'am/ reg bya la </font><hr>233a<br><font size=+1>


@#/ /reg pa'am/ chos rnam par shes pa de dag ci de na ci'ang yod dam/ /smras pa/ lha'i bu/ de ni/ med do/ /smras pa/ kau shi ka /de bzhin du gang gis chos thams cad rmi lam gyi ngo bo nyid du rtogs pa de ni/ mthong ba dang / thos pa dang / dran pa dang / bye brag phyed pa dang / rnam par shes pa'i chos rnams la chags par mi 'gyur/ rjes su chags par mi 'gyur/ khong khro bar mi 'gyur ro/ /mthong ba dang / thos pa dang / dran pa dang / bye brag phyed pa dang / rnam par shes pa'i chos rnams kyang gzhan dag la rjod par byed la/ rjod pa de la'ang mngon par zhen pa med do/ /de nas bcom ldan 'das la lha'i dbang po brgya byin gyis 'di skad ces gsol to/ /bcom ldan 'das/ lha'i bu zla ba 'di skye ba'ang mi dmigs/ 'chi 'pho'ang mi dmigs lags na/ bcom ldan 'das/ 'dis ji ltar sems can rnams yongs su smin par bgyi ba rtogs shing bgyid par 'gyur lags/ gang la skye ba'ang ma mchis/ 'chi 'pho'ang ma mchis pa de ni/ nyan thos kyi sa lags te/ de ni/ byang chub sems dpa'i sa ma lags so/ /bcom ldan 'das/ byang chub sems dpas ni/ bskal pa stong phrag mang por 'khor bar bgyi 'tshal lags so/ /de skad ces gsol pa dang / bcom ldan 'das kyis lha'i dbang po brgya </font><hr>233b<br><font size=+1>


byin la 'di skad ces bka' stsal to/ /kau shi ka/ byang chub sems dpa' mi skye ba'i chos rnams la bzod pa skyes pa ni/ su'ang rung ste/ de ni/ skye ba la'ang rlom sems med la 'chi 'pho la'ang rlom sems med de/ de ni/ dgra bcom pa yongs su mya ngan las 'das nas lo brgya lon pa ji lta ba de bzhin du gzung bar bya'o/ /de ci'i phyir zhe na/ de la ni/ bdag tu 'du shes dang| gzhan du 'du shes mi 'jug pa'i phyir ro/ /kau shi ka /gzhan yang byang chub sems dpa' gang gtan du yongs su mya ngan las 'das pa'i chos rnams la de ltar skye ba la'ang rlom sems mi byed/ 'chi 'pho la'ang rlom sems mi byed pa dang / bdag tu 'du shes par yang mi byed/ gzhan du 'du shes par yang mi byed la sems can gang chos kyi tshul gyi bzod pa 'di mi shes pa de dag la brda sprad pa'i phyir snying rje chen pos ched du bskal pa bye ba 'bum phrag grangs med par 'khor yang skye ba med pa ni/ mchog tu dka' ba byed pa yin no| |kau shi ka /dper na/ mi la la zhig me ma dag gi dong du lhung nas tshig cing 'dug pa de la mi snying rje chen po dang ldan pa 'ga' zhig gis lus dang srog la'ang ma bltas te/ 'dod pa'i yon tan lnga la dga' zhing 'dug pa las/ dga' zhing rtse ba bor nas me'i phung po de'i nang nas mi de phyung ste/ bdag nyid tshig pa ni dang du blangs na/ kau shi ka /'di ji snyam du </font><hr>234a<br><font size=+1>


@#/ /sems| mi de dka' ba byed pa yin nam/ gsol pa/ bcom ldan 'das/ dka' ba bgyid pa lags so/ /bka' stsal pa/ kau shi ka/ byang chub sems dpa' gang nyon mongs pa thams cad las grol la srid pa len par byed pa ni/ de bas kyang ches dka' ba byed pa yin na/ /kau shi ka /de bas na/ rnam grangs 'dis kyang khyod kyis 'di ltar rig par bya ste/ byang chub sems dpa' sems dpa' chen po ni/ ci nas kyang nyan thos dang / rang sangs rgyas rnams zil gyis mnan nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /kau shi ka /khyod 'di skad du lha'i bu 'di gang nas shi 'phos te 'dir 'ongs zhes zer ba de ngas bshad kyi/ nyon cig /kau shi ka /sangs rgyas kyi zhing 'di nas shar phyogs su sangs rgyas kyi zhing khrag khrig 'bum phrag bdun cu rtsa gnyis 'das pa na 'jig rten gyi khams rin po che'i phung po bkram pa zhes bya ba zhig yod de/ 'jig rten gyi khams de ni/ rin po che du mas brgyan pa'i shing ljon pa rin po che sna tshogs kyi me tog rgyas pa dag dang 'chag sa'i skyed mos tshal gyi khang pa brtsegs pa rin po che sna tshogs kyis spras pa'i zam pa dang ldan pa dag yod do/ /sa gzhi chen po de'ang bai DUR+Ya las grub </font><hr>234b<br><font size=+1>


pa ste| rin po che 'bum phrag mang pos spras so/ /kau shi ka /'jig rten gyi khams rin po che'i phung po bkram pa de na de bzhin gshegs pa dgra bcom pa yang dag par rdzogs pa'i sangs rgyas phyag na rin chen gzi brjid mngon par 'phags pa'i rgyal po zhes bya ba chos ston to/ /de na theg pa gnyis po 'di lta ste/ nyan thos kyi theg pa'am/ rang sangs rgyas kyi theg pa rnam par gzhag pa med de/ sangs rgyas kyi zhing de byang chub sems dpa' sems dpa' chen po 'ba' zhig gis yongs su gang ngo / /kau shi ka /de bzhin gshegs pa dgra bcom pa yang dag par rdzogs pa'i sangs rgyas phyag na rin chen gzi brjid mngon par 'phags pa'i rgyal po de'i chos bstan pa re re la byang chub sems dpa' bye ba khrag khrig phrag sum cu rtsa drug gis bzod pa thob par 'gyur te/ bzod pa thob pa'i mod la byang chub sems dpa' de dag ta la bdun srid tsam gyi nam mkha' la 'phags nas sangs rgyas kyi zhing thams cad rab tu g.yos par byas te/ stong gsum gyi stong chen po'i 'jig rten gyi khams thams cad rin po che'i pad+ma 'dab ma 'bum yod pa sha stag gis pus mo nub tsam du khebs par byas nas de ltar 'khod bzhin du yang dag par rdzogs pa'i sangs rgyas gzhan dag la blta ba dang / phyag 'tshal ba dang / bsnyen bkur bya ba dang / </font><hr>235a<br><font size=+1>


@#/ /chos mnyan pa'i phyir bar snang las sangs rgyas kyi zhing gzhan dag tu 'dod par byed do/ /kau shi ka /sangs rgyas kyi zhing der bzod pa thob pa'i byang chub sems dpa' su'ang mi gnas te/ bzod pa thob pa'i mod la sangs rgyas kyi zhing gzhan du 'dong ngo / /kau shi ka /de bzhin gshegs pa de byung nas bskal pa bcu gnyis kyi bar du nyin gcig bzhin du nyin lan gsum mtshan lan gsum du chos bstan pa 'byung ste/ chos bstan pa re re la byang chub sems dpa' bye ba khrag khrig phrag sum cu rtsa drug gis bzod pa thob par 'gyur te/ bzod pa thob pa'i mod la sangs rgyas kyi zhing gzhan dag tu 'dong ngo / /kau shi ka /byang chub sems dpa' ji snyed bzod pa thob nas sangs rgyas kyi zhing gzhan du 'dong ba de snyed kyi byang chub sems dpa' dag sangs rgyas kyi zhing gzhan dag nas shi 'phos nas sangs rgyas kyi zhing der skye bar 'gyur te| kau shi ka /de lta bu'i tshul gyis sangs rgyas kyi zhing de byang chub sems dpa' bye ba khrag khrig 'bum phrag mang po dag gis mi stongs so/ /kau shi ka/ 'jig rten gyi khams rin po che'i phung po bkram pa de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas phyag na rin chen gzi brjid </font><hr>235b<br><font size=+1>


mngon par 'phags pa'i rgyal po de'i thad nas lha'i bu zla ba 'di mi snang bar gyur te nga la blta ba dang / phyag 'tshal ba dang / bsnyen bkur bya ba dang / zhu ba dang / dri bar bya ba dang / chos kyi rnam grangs 'di'ang skye bo mang po la rgyas par bya ba dang / byang chub sems dpa' gzhan dag gi'ang chos kyi bzod pa 'di yongs su rdzogs par bya ba'i phyir sum cu rtsa gsum gyi gnas 'dir gnas par gyur to/ /kau shi ka /lha'i bu zla ba 'di ni/ nga'i tshe mthas gtugs pa'i bar du dam pa'i chos yongs su bzung nas de bzhin gshegs pa yongs su mya ngan las 'das pa'i 'og tu phyi ma'i tshe phyi ma'i dus dam pa'i chos nub pa'i dus la bab pa na 'di nas shi 'phos nas dzam+bu'i gling du mi rnams dang skal pa mnyam par skye bar 'gyur te/ 'di lta bu'i chos kyi rnam grangs zab mo zab par snang ba 'di dag yongs su 'dzin pa la brtson par 'gyur ro/ /sems can 'bum phrag mang po dag kyang chos kyi bzod pa 'di la 'dod pa bskyed par 'gyur ro/ /de phyi ma'i tshe phyi ma'i dus dam pa'i chos nub pa na mi'i 'jig rten nas shi 'phos nas dga' ldan gyi lha'i ris su skye bar 'gyur te/ dga' ldan gyi gnas na gnas pa'i byang chub sems dpa' sems dpa' chen po byams pa dang lhan cig tu sangs rgyas bcom ldan 'das rnams kyi byang chub </font><hr>236a<br><font size=+1>


@#/ /'di 'dzin du 'jug par 'gyur ro/ /lha'i bu 'bum phrag dpag tu med pa sngon byang chub tu sems ma bskyed pa dag kyang bskyed du 'jug par 'gyur ro/ /gang gi tshe byang chub sems dpa' sems dpa' chen po byams pa bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de'i tshe lha'i bu 'di dzam+bu'i gling 'dir gnas nas lo bcu'i bar du khyim par 'dug cing de bzhin gshegs pa byams pa nyan thos kyi dge 'dun dang bcas pa la bkur sti byed/ bla mar byed par 'gyur ro/ /de de'i 'og tu mi khri bzhi stong dang lhan cig tu khyim nas khyim med par rab tu 'byung bar 'gyur te/ rab tu byung nas kyang de bzhin gshegs pa byams pa'i tshe'i mthas gtugs pa'i bar du dam pa'i chos yongs su 'dzin par 'gyur ro/ /yongs su mya ngan las 'das nas kyang dam pa'i chos ji srid gnas pa de srid du dam pa'i chos yongs su 'dzin par 'gyur ro/ /bskal pa bzang po'i sangs rgyas dgu brgya dgu bcu rtsa drug 'byung bar 'gyur ba gang dag yin pa de dag thams cad ma nyes par byed par 'gyur ro/ /mnyes par byas nas kyang bkur sti byed par 'gyur te/ /sangs rgyas bcom ldan 'das de dag thams cad kyi thad du tshangs par spyad pa spyod par 'gyur ro/ /de </font><hr>236b<br><font size=+1>


de'i 'og tu bskal pa gang+gA'i klung bdun cu'i bye ma snyed 'das pa na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas zla ba'i 'od ces bya bar 'jig rten du 'byung bar 'gyur ro/ /de nas lha'i bu zla ba mchog gis lha'i bu zla ba la 'di skad ces smras so/ /lha'i bu/ khyod bcom ldan 'das kyis bla na med pa yang dag par rdzogs pa'i byang chub tu lung bstan to/ /ci khyod de bzhin gshegs pa la lhag par dga' ba dang / dad pa dang / gus pa skye'am/ de skad ces smras pa dang / lha'i bu zla bas lha'i bu zla mchog la 'di skad ces smras so/ /lha'i bu/ de bzhin gshegs pa ni/ 'dun pa'i dbang du 'gro ba'am/ 'jigs pa'i dbang du 'gro bas lung ston pa cung zad kyang med de/ lha'i bu/ de bzhin gshegs pa ni/ byang chub sems dpa' gang byang chub sems dpa'i bslab pa la slob pa lung ston par zad na/ bdag gis de bzhin gshegs pa la lhag par dga' ba'am/ dad pa'am/ gus pa bskyed du ci zhig yod/ smras pa/ lha'i bu/ dang ba gang las yongs su btsal bar bya/ smras pa/ dang ba sems las yongs su btsal bar bya'o/ /smras pa/ gang sems la sems su 'du shes pa des dang ba gang las btsal </font><hr>237a<br><font size=+1>


@#/ /bar bya| smras pa/ gang la 'dzin pa med pa de la dang ba yod do/ /smras pa/ gang la 'dzin pa med pa de la mchog tu dang ba yod dam/ smras pa/ lha'i bu| de ni/ dang ba yin te/ gang la sdang ba'ang med/ rab tu sdang ba'ang med/ dang ba'ang med pa dang / gang la so so'i skye bo'i dang ba med pa de la ni/ dang ba yod do/ /de ltar dang bar gyur pas de la rang bzhin gyis dang ba'ang med la/ de ni/ de phyin chad kyang sdang bar mi 'gyur ro/ /lha'i bu/ de lta bas na/ dang ba thob par 'dod pas myur du chos lnga la sbyor bar bya ste/ ci nas sbyor ba'ang med/ 'bral ba'ang med pa de ltar sbyor bar bya'o/ /de ci'i phyir zhe na/ chos kyi dbyings la ni/ sbyor ba yang med/ 'bral ba'ang med pa'i phyir ro| |de nas lha'i bu zla mchog gis lha'i bu zla ba la 'di skad ces smras so/ /lha'i bu/ byang chub sems dpa'i bslab pa zhes bya na/ byang chub sems dpa' rnams kyi bslab pa rnams gang yin/ smras pa/ lha'i bu/ gang la lus kyang med/ lus kyi sdom pa'ang med/ ngag kyang med/ ngag gi sdom pa'ang med/ yid kyang med/ yid kyi sdom pa'ang med pa de ni/ byang chub sems dpa' rnams kyi sdom pa'i mchog yin no/ /gang la yid kyang med/ 'dzin pa'ang med/ gsog pa'ang med/ 'bri ba'ang med pa de ni/ lha'i bu/ </font><hr>237b<br><font size=+1>


byang chub sems dpa' rnams kyi bslab pa yin no/ /de nas lha'i bu zla mchog gis lha'i bu zla ba la 'di skad ces smras so/ /lha'i bu/ khyod bslab pa 'di la bslabs pas de bzhin gshegs pas lung bstan tam/ smras pa/ lha'i bu/ bdag ni/ bslab pa 'di la bslabs pas de bzhin gshegs pas lung bstan to/ /de ci'i phyir zhe na/ lha'i bu/ bslab pa 'di la ni/ gang gis shes par 'gyur ba'i bdag gam/ bdag gi zhes bya ba'am/ bdag gi slob bo snyam du 'dzin pa med de/ yang dag par zhugs pa de ni/ bdag slob bo snyam du de ltar mi sems so/ /smras pa/ ji tsam gyis na yang dag par zhugs par 'gyur/ smras pa/ gang mnyam pa nyid la snon par yang mi byed/ 'bri bar yang mi byed/ len par yang mi byed/ 'dor bar yang mi byed pa dang / gang mnyam pa nyid la chos 'di dag ni/ mchog go /chos 'di dag ni/ ngan pa'o/ /zhes gnyis su mi 'byed cing chos 'di la yang dag par so sor shes te/ de ltar zhugs pa gang yin pa de ni/ yang dag par zhugs pa zhes bya'o/ /de nas lha'i bu zla mchog gis lha'i bu zla ba la 'di skad ces smras so| |lha'i bu/ khyod kyis chos gang dag thob pa dang / chos gang dag spangs pa'i phyir de bzhin gshegs pas lung bstan/ smras pa/ lha'i bu/ bdag ni/ so so'i skye bo'i chos </font><hr>238a<br><font size=+1>


@#/ /rnams spangs pa dang / sangs rgyas kyi chos rnams thob pa'i phyir de bzhin gshegs pas lung bstan pa ma yin gyi/ lha'i bu/ bdag ni/ chos 'di dag ma spangs ma thob pa'i phyir de bzhin gshegs pas lung bstan to/ /smras pa/ de lta na ni/ byis pa so so'i skye bo rnams kyang lung bstan par 'gyur ro/ /de ci'i phyir zhe na/ so so'i skye bo rnams ni/ so so'i skye bo'i chos rnams kyang ma spangs la/ sangs rgyas kyi chos rnams kyang ma thob pa'i phyir ro/ /smras pa/ lha'i bu/ so so'i skye bo'i chos rnams kyis ci zhig spros par byed/ smras pa/ stong pa nyid dang / chos nyid spros par byed do/ /smras pa/ sangs rgyas kyi chos de dag gis ci zhig spros par byed/ smras pa/ de bzhin nyid dang / yang dag pa'i mtha' spros par byed do/ /smras pa/ stong pa nyid dang / chos nyid spros par nus sam/ smras pa/ lha'i bu/ de ni/ ma yin no/ /smras pa/ de bzhin nyid dang / yang dag pa'i mtha' spros par nus sam/ smras pa/ de ni/ ma yin no/ /smras pa/ lha'i bu/ bdag gis de las bsam ste so so'i skye bo'i chos rnams ma spangs pa dang / sangs rgyas kyi chos rnams ma thob pa'i phyir de bzhin gshegs pas bdag lung bstan to/ /zhes smra'o/ /smras pa/ ci stong pa nyid dang / chos kyi dbyings dang / de bzhin </font><hr>238b<br><font size=+1>


nyid dang / yang dag pa'i mtha' byang chub tu ji ltar lung bstan pa de bzhin du khyod de bzhin gshegs pas byang chub tu lung bstan tam/ smras pa/ bdag ni/ stong pa nyid dang / chos kyi dbyings dang / de bzhin nyid dang / yang dag pa'i mtha' ji lta ba bzhin du lung bstan to/ /lha'i bu/ chos 'di dag gi de bzhin nyid ji lta ba bzhin du lung bstan pa'ang de bzhin te| gang lung bstan zin pa'ang de bzhin no/ /gang lung ston pa'ang de bzhin no/ /gang mngon par rdzogs par 'tshang rgya bar 'gyur ba'am/ mngon par rdzogs par 'tshang rgya ba'ang de bzhin no/ /de nas bcom ldan 'das la lha'i bu zla mchog gis 'di skad ces gsol to/ /bcom ldan 'das/ lha'i bu zla ba 'di ni/ zab mo'i shes rab dang ldan pa lags so/ / bcom ldan 'das kyis bka' stsal pa/ lha'i bu/ bzod pa thob pa'i byang chub sems dpa' rnams kyi chos nyid ni/ de yin te/ lan ci dang ci 'debs pa de dag thams cad chos kyi dbyings kho nas 'debs la chos kyi dbyings ni/ bstan pa'am/ lan gdab pa'am/ brjod par yang mi nus so/ /de ci'i phyir zhe na/ chos kyi dbyings ni/ brjod du med cing bsnyad du med pa'i phyir ro/ /chos kyi dbyings ji lta ba bzhin du sems can gyi khams kyang de dang 'dra'o/ /sems can gyi khams ji lta ba bzhin du sangs rgyas kyi yul yang </font><hr>239a<br><font size=+1>


@#/ /de dang 'dra'o/ /chos thams cad kyang de dang 'dra'o/ /lha'i bu/ byang chub sems dpa' gang dag de ltar chos kyi dbyings kyi rjes su 'gro ba de dag ni/ gzhan gyi dring mi 'jog pa zhes bya'o/ /gtam 'di brjod pa na tshe dang ldan pa maung+gal gyi bu chen po khang bzang rnam par rgyal byed na 'dug ste/ 'khor chen po la chos ston cing 'dug go /de nas tshe dang ldan pa maung+gal gyi bu chen po stan las langs te 'chag par byed do/ /de nas tshe dang ldan pa maung+gal gyi bu chen po 'di snyam du sems te/ kye ma dzam+bu'i gling 'di ni/ de bzhin gshegs pa dgra bcom pa yang dag par rdzogs pa'i sangs rgyas kyis stongs so/ /sems can dge ba'i bsam pa can dag kyang mang na/ de dag chos mi thos pas yongs su nyams par 'gyur ro snyam mo/ /de nas tshe dang ldan pa maung+gal gyi bu chen pos de nyid kyi phyir lha'i mig gis dzam+bu gling 'dir rnam par bltas na/ des de bzhin gshegs pa dgra bcom pa yang dag par rdzogs pa'i sangs rgyas dge slong stong nyis brgya lnga bcu'i dge slong gi dge 'dun chen po dang thabs cig tu rgyal po'i khab kyi grong khyer chen po na rgyal po gzugs can snying po'i khang pa na bshos gsol pa mthong nas de 'di snyam du sems te/ 'di na bdag dang 'dra ba'i dge slong 'ga' </font><hr>239b<br><font size=+1>


lta yod dam snyam pa dang / des bdag dang 'dra ba'i dge slong zhig bcom ldan 'das kyi g.yon logs na zan za zhing 'dug pa mthong nas des bdag gi lus la brtags so/ /de brtags na de de la cung zad kyang tha dad par ma mthong ste/ bdag nyid kyi chu zheng ci 'dra ba de'i chu zheng yang de kho na dang 'dra la lhag chad med de/ kha dog de dang / rtags de dang / dbyibs de tha dad pa med par mthong nas de 'di snyam du sems te/ de bzhin gshegs pa dzam+bu'i gling du ma gshegs sam snyam mo/ /des shing yongs su 'du'i drung du bltas na de na'ang de bzhin gshegs pa lha'i tshogs kyis bskor te chos ston cing bzhugs la shA ri'i bu'ang g.yas logs na 'dug pa dang / maung+gal gyi bu 'dra ba'i dge slong yang g.yon logs na 'dug pa dang / de ma yin pa'i nyan thos chen po dag kyang de na 'khod par mthong ngo / /de nas tshe dang ldan pa maung+gal gyi bu chen po 'di ltar ngo mtshar che bar gyur te/ sangs rgyas bcom ldan 'das rnams ni/ ngo mtshar che'o/ /sangs rgyas bcom ldan 'das rnams ni/ rdzu 'phrul che'o/ /che bar yang grags so/ /mthu'ang che ste/ 'di ltar dzam+bu'i gling na'ang chos ston pa'i rgyun mi 'chad la/ sum cu rtsa gsum gyi gnas na'ang sum cu rtsa gsum pa'i lha rnams la chos ston to snyam mo/ /de nas tshe dang ldan pa maung+gal gyi bu chen po rgya cher ngo mtshar </font><hr>240a<br><font size=+1>


@#/ /du gyur nas dzam+bu'i gling du rnam par bltas na/ des de bzhin gshegs pa rgyal bu rgyal byed kyi tshal mgon med zas sbyin gyi kun dga' ra ba na 'khor 'bum phrag du mas yongs su bskor cing mdun gyis bltas te chos ston cing bzhugs pa mthong ngo / /de na'ang bdag kho na dang 'dra ba'i dge slong kha dog kyang de dang 'dra/ rtags kyang de dang 'dra/ dbyibs kyang de dang 'dra ba zhig mthong ngo / /shA ri'i bu dang / 'od srung chen po dang / ka t+ya'i bu chen po dang / gang po dang / rab 'byor dang / nam gru dang / rta thul dang ka pi na dang / nyan thos chen po thams cad kyang chu zheng de kho na bzhin du mthong ngo / /rgyal po'i khab na ji lta ba bzhin du rgyal bu rgyal byed kyi tshal na'ang de dang 'dra'o/ /rgyal bu rgyal byed kyi tshal na ji lta ba bzhin du sum cu rtsa gsum pa'i gnas na'ang de dang 'dra'o/ /de nas tshe dang ldan pa maung+gal gyi bu chen po rgya cher ngo mtshar du gyur nas dzam+bu'i gling du rnam par bltas na/ des bcom ldan 'das ser skya'i gnas kyi grong khyer chen po na shing n+ya gro d+ha'i kun dga' ra ba na bzhugs pa dang / ser skya'i grong khyer chen po na bsod snyoms la gshegs pa mthong ste/ der yang maung+gal gyi bu dang 'dra ba'i dge slong dang / de ma yin pa'i nyan thos chen po dag kyang mthong ngo / /de bzhin du de bzhin gshegs pa yangs pa'i </font><hr>240b<br><font size=+1>


grong khyer chen po na li tsa bI gzhon na dri ma med pa'i zla ba'i khyim na bshos gsol zhing bzhugs pa mthong ste/ der yang bdag kho na dang 'dra ba'i dge slong kha dog de 'dra ba dang / rtags de 'dra ba dang / dbyibs de 'dra ba dang / de ma yin pa'i nyan thos chen po dag kyang mthong ngo / /de nas tshe dang ldan pa maung+gal gyi bu chen pos de bzhin gshegs pa wA ra NA si'i grong khyer chen por bsod snyoms la gshegs nas slar gshegs pa mthong ste/ der yang bdag dang 'dra ba'i dge slong kha dog kyang de 'dra/ rtags kyang de 'dra/ dbyibs kyang de 'dra ba dang / de ma yin pa'i nyan thos chen po dag kyang mthong ngo / /de nas tshe dang ldan pa maung+gal gyi bu chen pos dzam+bu'i gling 'dir rnam par bltas na/ de bzhin gshegs pa bzhugs bzhugs pa gang yang rung ste/ gtsug lag khang ngam/ 'chag sa'am/ shing drung ngam/ rdo leb bam/ sa phyogs gang yang rung ba'i sa phyogs ji snyed pa de dag thams cad du de bzhin gshegs pa dge slong gi dge 'dun gyis yongs su bskor cing 'dun gnyis bltas pa spyod lam sna tshogs kyis bzhugs pa mthong ngo / /de nas tshe dang ldan pa maung+gal gyi bu chen po rgya cher ngo mtshar du gyur nas byang gi sgra mi snyan gyi gling du rnam par bltas na de'ang de bzhin gshegs pa dge slong gi dge 'dun chen po dang thabs cig tu byang gi sgra </font><hr>241a<br><font size=+1>


@#/ /mi snyan gyi gling na bsod snyoms la gshegs pa dang / bsod snyoms bzhes nas bshos gsol zhing bzhugs pa mthong ste/ de na'ang bdag nyid dang 'dra ba'i dge slong dang / de ma yin pa'i nyan thos chen po dag kyang mthong ngo / /de nas tshe dang ldan pa maung+gal gyi bu chen pos shar gyi lus 'phags kyi gling du rnam par bltas na/ des der yang de bzhin gshegs pa skye bo'i tshogs chen po'i dbus na chos ston cing bzhugs pa mthong ste/ de na'ang bdag nyid dang 'dra ba'i dge slong dang / de ma yin pa'i nyan thos chen po dag kyang mthong ngo / /de bzhin du nub kyi ba lang spyod kyi gling na'ang de bzhin gshegs pa bsam gtan nang du yang dag 'jog la bzhugs te/ srog chags stong phrag du ma phyag 'tshal zhing 'dug pa dang / nyan thos chen po thams cad me'i khams kyi ting nge 'dzin la snyoms par zhugs pa dag kyang mthong ste/ de na'ang bdag nyid dang 'dra ba'i dge slong zhig mthong ngo / /de nas tshe dang ldan pa maung+gal gyi bu chen po rgya cher ngo mtshar du gyur nas sa bla'i lha rnams kyi gnas su rnam par bltas na/ de na'ang de bzhin gshegs pa dge slong gi dge 'dun dang thabs cig tu chos ston pa mthong ste/ de na'ang bdag nyid dang 'dra ba'i dge slong dang / de ma yin pa'i nyan thos chen po dag kyang mthong ngo / /de </font><hr>241b<br><font size=+1>


bzhin du bar snang gi lha rnams kyi gnas su rnam par bltas na/ de na'ang de bzhin gshegs pa 'khor brgya phrag du ma la chos ston pa mthong ste/ de na'ang bdag nyid dang 'dra ba'i dge slong dang / de ma yin pa'i nyan thos chen po dag kyang mthong ngo / /de bzhin du rgyal chen bzhi'i ris kyi lha rnams dang / sum cu rtsa gsum pa dang / 'thab bral dang / dga' ldan dang / 'phrul dga' dang / gzhan 'phrul dbang byed rnams su'ang de dang 'dra'o/ /de nas tshe dang ldan pa maung+gal gyi bu chen pos tshangs pa'i 'jig rten gyi bar du rnam par bltas na/ tshangs pa'i 'jig rten na'ang de bzhin gshegs pa tshangs pa 'bum phrag du mas yongs su bskor cing mdun gyis bltas nas chos ston pa mthong ste/ de na'ang bdag nyid dang 'dra ba'i dge slong kha dog kyang de 'dra/ rtags kyang de 'dra/ dbyibs kyang de 'dra/ chu zheng yang de kho na dang 'dra ba mthong ngo / /maung+gal gyi bu 'dra ba'i dge slong de dag thams cad kyang rdzu 'phrul gyi cho 'phrul gyis chos ston te/ thams cad kyang maung+gal gyi bu zhes bya bar shes so/ /shA ri'i bu 'dra ba'i dge slong de dag thams cad kyang shes rab kyi snang ba chen pos 'khor gyi mdun na seng+ge'i sgra sgrog ste/ de dag thams cad kyang shA ri'i bu zhes grags te/ de ltar nyan thos chen po de dag rang rang gi stobs bskyed </font><hr>242a<br><font size=+1>


@#/ /bas chos ston to/ /de nas maung+gal gyi bu chen po dga' zhing mgu la spu zing zhes byed nas ngo mtshar du gyur te dga' ba dang / mchog tu dga' ba skyes nas sangs rgyas bcom ldan 'das rnams ni/ ngo mtshar to/ /sangs rgyas bcom ldan 'das rnams ni/ mchog tu ngo mtshar to/ /zhes lan gsum du ched du brjod pa ched du brjod do/ /de nas maung+gal gyi bu chen po sangs rgyas rnams la phyag 'tshal lo/ /sangs rgyas rnams la phyag 'tshal lo/ /zhes tshig tu smra zhing khang bzang rnam par rgyal byed nas shugs chen pos yan lag lngas phyag byas so/ /de'i tshe ca co'i sgra chen po 'jig rten du grags te/ sum cu rtsa gsum pa'i gnas thams cad g.yos so/ /de nas lha'i bu 'bum phrag du ma mi dga' bar gyur te bcom ldan 'das la zhus pa/ bcom ldan 'das/ rgyu gang dang rkyen gang gis ca co'i sgra chen po dang / sa chen po g.yo ba 'jig rten du byung lags/ de skad ces gsol pa dang / bcom ldan 'das kyis lha'i bu de dag la 'di skad ces bka' stsal to/ /lha'i bu dag /dge slong maung+gal gyi bu 'di sangs rgyas la gces par 'dzin pa'i phyir sa chen po'i steng du phyag byas te/ 'di ni/ de'i mthu yin no/ /gsol pa/ bcom ldan 'das/ ci'i slad du dge slong maung+gal gyi bu chen </font><hr>242b<br><font size=+1>


po sa chen po'i steng du phyag 'tshal lags/ bcom ldan 'das kyis bka' stsal pa/ lha'i bu dag /dge slong maung+gal gyi bu de 'ong gi /de la dris shig /de nas gnas brtan maung+gal gyi bu chen po khang bzang rnam par rgyal byed nas langs te shin tu myur ba dang / shin tu rings par bcom ldan 'das ga la ba der song ste phyin nas bcom ldan 'das kyi zhabs la mgo pos phyag 'tshal te bcom ldan 'das la lan gsum bskor ba byas nas bcom ldan 'das kyi spyan sngar 'dug ste sor mo bcu'i thal mo sbyar nas bcom ldan 'das la tshigs su bcad pa dag gis bstod pa/ mgon po mtshungs med mi yi dbang po khyad par brnyes/ /dri ma gsum gyi tha ba spangs pa sems dul ba/ /mi mchog lha dang mi yi mchod pa'i gnas gyur pa/ /rgyal pa'i blo yi spyod pa bsam gyis yongs su mi khyab/ /nyi ma 'bum phrag mang po dag ni shar ba na/ /sems can long ba kun gyis mthong bar mi 'gyur ba/ /de bzhin stobs bcu mnga' ba kun tu 'od zer ldan/ /nyan thos kun gyis shes par sla ba ma lags so/ /nyan thos 'di dag thams cad dmus long 'dra pa ste| |sangs rgyas theg pa zhes ni 'dzin par yong mi bgyid/ /de bzhin gshegs pa la ni dad pas mchi mod kyi/ /rgyal ba dag gis chos nyi kyang ni yong ma 'tshal/ /rgya mtsho </font><hr>243a<br><font size=+1>


@#/ /chen po'i drung na ba rjes lta bu dang / /ri rab rgyal po dang ni yungs 'bru gcig bu dang / /nyi ma'i 'od dang srin bu me khyer 'dra ba ste/ /sangs rgyas spyan sngar nyan thos 'khod rnams de dang 'dra/ /lhun po rnams kyang yungs 'bru dag la 'dod mi bgyid/ /mkha' la nyi ma gnas pa me khyer 'dod mi bgyid/ /rgya mtsho chen po pa rjes chu la 'dod mi bgyid/ /byang chub sems dpa' nyan thos rnams la 'dod mi bgyid/ /dmus long mi dang lha yi mig ldan ci 'dra dang / /phal pa'i mi dang 'khor los bsgyur ba ci 'dra dang / /zla ba'i 'od kyis skar ma rnams ni zil gnon pa/ /sangs rgyas spyan sngar nyan thos 'khor rnams de dang 'dra/ /lha mo sgyur 'phrul la ni thugs brtse don slad du| |lhun po'i rtse mo 'di na rgyal ba bzhugs pa na/ /sangs rgyas dang ni dge slong dge 'dun mi bzhugs pas/ /bdag ni dzam+bu'i gling 'di stong snyam yid la bgyid/ / bcom ldan bdag ni rnam par rgyal byed nang na mchis/ /lha yi bu mo rnams la chos ni ston pa na/ /bdag gis lha yi mig gis dzam+bu'i gling du bltas/ /grong khyer dang ni tshong 'dus brgya phrag brtag pa bgyid/ /brtags pa'i tshe na bdag gis der ni rgyal ba mthong / /rgyal po'i khab dang mthu chen gzugs can snying po'i khang / /grong rdal mi dang </font><hr>243b<br><font size=+1>


'khor gyis mdun gyis bltas pa na/ /nyan thos rnams dang thabs cig tu ni bshos kyang gsol/ /g.yon logs na ni bdag gi kha dog 'dra ba yi/ /maung+gal gyi ni bu mchis pa yang bdag gis mthong / /g.yas logs na ni shA ri'i bu mchis gzhan dag kyang / /rgyal ba yi ni nyan thos thams cad 'khod pa mthong / /lhun po yi ni steng du rgyal ba gshegs snyam bgyid/ /bdag gis brtags na lhun po'i zom na bzhugs pa mthong / /bdag nyid kyang ni rgyal po'i khab na mchis pa dang / /lhun po'i rtse mo de nyid na yang mchis pa mthong / / grong khyer mnyan yod na yang 'jig rten mgon po ni/ /srog chags bye ba mang po dag la chos ston mthong / /de dag na yang bdag dang shA ri'i bu dang ni/ /nyan thos gzhan rnams gang lags de dag mthong bar gyur/ /shAkya dag gi nang du bsod snyoms gshegs pa mthong / /yangs pa nas ni slar gshegs pa'ang mthong bar gyur/ /wA ra NA sir yang ni de bzhin mthong bar gyur/ /thams cad du yang bdag nyid kyi ni lus kyang mthong / /byang gi sgra mi snyan gyi gling na de bzhin du/ /tshogs dang lhan cig bsod snyoms dag la rgyu ba mthong / /ma dros mtsho yi nang dag na yang nyan thos bcas/ /bsod snyoms zhal zas gsol ba bdag gis mthong bar gyur/ /de bzhin nub kyi ba lang spyod kyi gling dag na/ /sems can bye ba khrag </font><hr>244a<br><font size=+1>


@#/ /khrig mang po'i don mdzad mthong / /thams cad du ni maung+gal bu yang rdzu 'phrul gyi/ /stobs kyis 'gro ba rnams ni 'dul bar bgyid pa mthong / /de bzhin du yang shar gyi lus 'phags gling dag na/ /mi rnams la ni chos rnams sna tshogs ston pa mthong / /de na yang ni bdag dang shA ri'i bu dag dang / /gzhan yang nyan thos gang lags de dag bdag gis mthong / /de bzhin sa bla ba yi lha yi gnas rnams dang / /bar snang dag na chos ni ston cing bzhugs pa mthong / /chos kyi mnga' bdag dam pa khyod ni 'jig rten skyong / /bzhi po dag la chos rnams ston cing bzhugs pa mthong / /de bzhin du yang 'thab bral lha rnams nang du mthong / /de nas shAkya seng+ge dga' ldan dag tu mthong / /rab 'phrul dag dang gzhan 'phrul dbang byed dag na yang / /mgon po nyan thos rnams dang bcas pa bdag gis mthong / /tshangs pa'i 'jig rten dag na tshangs pa bye ba la/ /chos rnams ston cing bzhugs pa bdag gis mthong bar gyur/ /thams cad du yang bdag gi lus dang de bzhin du/ /gzhan yang rgyal ba'i nyan thos rnams ni bdag gis mthong / /gtsug lag khang dang 'chag sa shing gi gnas rnams dang / /phug rnams gang na sngon chad sangs rgyas bzhugs bzhugs pa/ /thams cad du'ang shAkya seng+ge ci 'dra ba/ /de 'dra'i chos kyi </font><hr>244b<br><font size=+1>


rgyal po bdag gis mthong bar gyur/ /dpa' bo khyod kyi chos nyid 'di ni bdag gis su/ /mthong nas bdag ni ngo mtshar rmad du 'dzin par gyur/ /sangs rgyas 'od mdzad de dag rnams kyi rdzu 'phrul mchog /'di 'dra de dag ngo mtshar rab tu che ba lags/ /rnam 'dren sum cu gsum na bzhugs par ma bas kyi/ /dzam+bu'i gling na thams cad du yang snang zhing bzhugs/ / grong rnams dang ni yul 'khor grong khyer dag na yang / /kha dog mthun pa yis ni chos rnams ston cing bzhugs/ /'jig rten mgon po khyod ni ji ltar mthong ba bzhin/ /de snyed kyi ni shA ri'i bu dang gsus po che/ /ka pi na dang nam gru kA t+ya na'i bu/ /gang po dang ni rab 'byor 'od srung mthong bar gyur/ /thos pa rgya mtsho lta bus dge ba kun dga' bo/ /kun tu sangs rgyas rnams la zhu ba bdag gis mthong / /thams cad du yang bdag gi lus ni mdog dang rtags/ /mtshungs shing lhag pa ma mchis bdag gis mthong bar gyur/ /sangs rgyas bsam gyis mi khyab rnams la phyag 'tshal zhes/ /bdag gis lhun po'i zom la ched du brjod pa brjod/ /bdag gi spu yang zing zhes bgyid de gus pas gnas/ /yan lag lnga po rnams kyis kyang ni phyag bgyis lags/ /sgra skad chen po dag kyang yongs su grags par gyur/ /stong gsum sa gzhi dag kyang rab tu g.yos par gyur/ /lhun po'i rtse mo 'di yang kun du snang </font><hr>245a<br><font size=+1>


@#/ /bar gyur/ /rgyal ba des pa dag gi mthu ni mthong gyur nas/ /de ltar bdag ni shin tu rings pa'i tshul gyis su/ /mi mchog ga la bzhugs pa der ni bdag mchis te/ /chos kyi rnam par dbye ba mkhas pa khyod la zhu/ /rgyal pa de bzhin gshegs rnams ji ltar rnam par 'phrul/ /dzam+bu'i gling dang lha yi 'jig rten dag dang ni| |lho phyogs dang ni shar phyogs byang gi phyogs rnams dang / /tshangs pa'i 'jig rten dang ni bar snang gnas bzhugs pa/ /rgyal ba rnams kyi de nyid gang lags bdag la gsungs/ /ston pa chen po rdzu 'phrul che ba 'di mthong bas/ /deng ni bdag gis rnyed pa legs par rnyed par gyur/ /de yi 'og tu sangs rgyas theg pa 'di dag lags/ /bdag nyid dman par gyur pa deng du mya ngan bgyid/ /gal te bdag sems rnam par grol bar ma gyur na/ /byang chub tu ni da ltar sems kyang bskyed pa zhig /bcom ldan bdag gi zag pa zad pas bgyir ma mchis/ /bdag ni sangs rgyas ye shes 'di yi snod ma lags/ /ji ltar rgya mtshor rin chen don du song song na/ /kyi hud nor bu rin chen por te mching bu blangs/ /byang chub bor nas nyan thos gyur pa gang lags pa'i/ /sems can rnams kyang nga ni de 'drar mkhyen par mdzod/ /sems can dman pa ngan pa'i lta ba can dag ni/ / </font><hr>245b<br><font size=+1>


rgya chen byang chub tu ni sems kyang skye mi 'gyur/ /brtson 'grus ldan zhing mthu rtsal brtan pa gang lags pa/ /de dag sangs rgyas ye shes la ni 'dun pa skyed/ /mgon po bdag ni thal mo sbyar nas sangs rgyas kyi/ /ye shes mchog zhugs gang lags pa la phyag kyang 'tshal/ /shAkya seng+ge bzhin du de dag rnam par 'phrul/ /bdag ni 'di la yid gnyis mi 'tshal dogs ma mchis// de nas bcom ldan 'das kyis tshe dang ldan pa maung+gal gyi bu chen po la bka' stsal pa/ maung+gal gyi bu/ khyod kyi yul ji lta ba de bzhin du khyod kyis mthong zhing lta bar zad kyi/ maung+gal gyi bu| sangs rgyas bcom ldan 'das rnams kyi sangs rgyas kyi yul bsam gyis mi khyab pa gang yin pa ni/ sems can thams cad rang sangs rgyas su gyur pas kyang kun shes pa'am/ rnam par shes par mi nus na/ nyan thos phyogs gcig pa la spyod cing phyogs gcig gi shes pa dang ldan pa khyod kyis lta ga la shes/ maung+gal gyi bu/ gzhan yang de bzhin gshegs pa dgra bcom pa yang dag par rdzogs pa'i sangs rgyas rdzu 'phrul gyis rnam par 'phrul pa'i cho 'phrul zhes bya ba'i chos kyi rnam grangs ston gyi/ de'i bar du 'khor ma 'ongs pa rnams ni/ 'dus shig /'khor 'dus pa rnams ni/ 'khod du chug cig /bcom ldan 'das/ de ltar 'tshal lo/ /zhes gsol te/ tshe dang ldan pa maung+gal gyi bu chen pos bcom </font><hr>246a<br><font size=+1>


@#/ /ldan 'das kyi ltar mnyan nas lus 'bar zhing 'od zer dag 'gyed bzhin du de'i tshe tshangs pa'i 'jig rten du 'dug nas gling chen po bzhi pa'i 'jig rten gyi khams su skad kyis bsgo ste de'i tshe tshigs su bcad pa 'di dag smras so/ /bskal pa bye ba khrag khrig rnams su yang / /de bzhin gshegs rnams 'byung ba shin tu dkon| |u dum+ba ra'i me tog ji lta ba/ /'dren pa rnams mthong ba yang de dang 'dra/ /'khor los bsgyur ba'i rgyal po rdzu 'phrul che/ /bsod nams stobs dang ldan zhing bu stong dang // rin chen bdun ldan 'dod pa gang yin pa/ /de ni song la sangs rgyas chos nyon cig /brgya byin tshangs par 'gyur bar su 'dod dang / /'dir ni lha mi'i bde ba gzhan dag gis// dga' zhing rtse la rtag tu bde ldan 'dod/ /de ni chos kyi rgyal po ltar song zhig /nyon mongs kun bskams zhi ba mya ngan 'das/ /bdud rtsi reg dang rdzu 'phrul stobs gnas nas// rnam par 'phrul par 'dod pa gang yin pa/ /de ni song la rgyal ba'i chos nyon cig /rang sangs rgyas sam nyan thos 'gyur ba 'am/ /yang na stobs bcas dpung bcas bdud btul nas| |sangs rgyas rkang gnyis mchog 'gyur 'dod pa gang / /de ni chos kyi mnga' bdag bltar song zhig /de nas gnas brtan maung+gal gyi bus bskul ba'i lha bye ba khrag khrig </font><hr>246b<br><font size=+1>


'bum phrag du ma dang / 'dod pa na spyod pa dang / gzugs na spyod pa'i lha'i bu rnams myur ba myur bar shin tu rings par me tog dang / me tog phreng dang / spos dang / phye ma khyer nas bcom ldan 'das ga la ba der dong ste lhags nas bcom ldan 'das la mchod pa byas te bcom ldan 'das kyi zhabs la mgo bos phyag 'tshal nas phyogs gcig tu 'khod do/ / de nas tshe dang ldan pa maung+gal gyi bus rdzu 'phrul de btang nas bcom ldan 'das ga la ba der song ste phyin nas bcom ldan 'das kyi spyan sngar 'dug go/ de nas bcom ldan 'das kyis te dang ldan pa maung+gal gyi bu chen po la bka' stsal pa/ maung+gal gyi bu/ de'i phyir legs par rab tu nyon la yid la zungs shig dang / de bzhin gshegs pa'i sangs rgyas kyi rdzu 'phrul gyis rnam par 'phrul ba'i cho 'phrul zhes bya ba'i chos kyi rnam grangs ngas bshad do/ /bcom ldan 'das/ de ltar 'tshal lo/ /zhes gsol te/ tshe dang ldan pa maung+gal gyi bu bcom ldan 'das kyi ltar nyan pa dang / bcom ldan 'das kyis 'di skad ces bka' stsal to/ /maung+gal gyi bu/ stong gsum gyi stong chen po'i 'jig rten gyi khams 'di ni/ zla ba bye ba phrag brgya dang / nyi ma bye ba phrag brgya dang / rgya mtsho chen po bye ba phrag brgya dang / ri'i rgyal po ri rab bye ba phrag brgya dang / gling chen po bzhi pa'i 'jig rten gyi khams </font><hr>247a<br><font size=+1>


@#/ /bye ba phrag brgya yod de/ stong gsum gyi stong chen po'i 'jig rten gyi khams 'di ni/ sangs rgyas rnams kyi sangs rgyas kyi zhing yin no/ /maung+gal gyi bu/ 'di ji snyam du sems/ gling chen po bzhi pa 'di 'ba' zhig tu nga mngon par rdzogs par sangs rgyas kyi/ gling gzhan du ni/ ma yin no snyam du sems na/ maung+gal gyi bu/ khyod kyis de ltar blta bar mi bya ste/ gling chen po bzhi pa'i 'jig rten gyi khams thams cad du sems can rnams ji ltar yongs su smin pa bzhin du nga chos ston te/ kha cig tu ni/ mngon par rdzogs par sangs rgyas/ kha cig tu ni/ da dung ma'i mngal na gnas/ kha cig tu ni/ dga' ldan gyi gnas na 'dug /kha cig tu ni/ yongs su mya ngan las 'das par ngas yang dag par shes so/ /bam po gsum pa ste tha ma/ maung+gal gyi bu/ stong gsum gyi stong chen po'i 'jig rten gyi khams 'di nyid na gling chen po bzhi pa'i 'jig rten gyi khams 'di nyid kyi shar phyogs su gling chen po bzhi pa'i 'jig rten gyi khams khri nyis stong 'das pa na gling chen po bzhi pa'i 'jig rten gyi khams rdul med ces bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas rdul bral blo gros zhes bya ba da ltar chos ston to/ /maung+gal gyi bu/ gling chen po </font><hr>247b<br><font size=+1>


bzhi pa'i 'jig rten gyi khams de na 'khod pa'i sems can de dag ni/ 'dod chags chung ba dang / zhe sdang chung ba dang / gti mug chung ba dang / byang bzang ba dang / legs par bshad kyis byang bar byed pa yin no/ /de na byang chub sems dpa'i theg pa pa ni/ nyung ba ste/ phal cher nyan thos kyi theg pa pa yin no/ /maung+gal gyi bu/ de bzhin gshegs pa dgra bcom pa yang dag par rdzogs pa'i sangs rgyas rdul bral blo gros des chos bstan pa re re la nyan thos bye ba phrag dgu bcu rtsa dgu dag 'dul bar byed de/ da ltar 'di na rgyun du zhugs pa zhes bya ba dang / lan gcig phyir 'ong ba zhes bya ba dang / phyir mi 'ong ba zhes bya ba bstan pa de lta bu'i dge sbyong gi tshul gyi 'bras bu bzhi rnam par gzhag pa ni/ de na med kyi/ de dag thams cad ni/ stan gcig la 'dug pa sha stag ste/ kha cig ni/ mngon par shes pa mngon sum du byed cing rnam par thar pa brgyad rjes su thob pa dang / ye shes chen po thob nas ta la bdun srid tsam gyi nam mkha' la mngon par 'phags nas rang gi me'i khams kyis rang gi lus mes sreg par byed de/ yongs su mya ngan las 'das pa de dag gi thal ba'i bag tsam yang med do/ /maung+gal gyi bu/ de ltar na de bzhin gshegs pa de rgyun mi 'chad par chos ston cing sems can rnams rnam par grol bar byed la rgyun mi 'chad </font><hr>248a<br><font size=+1>


@#/ /par nyan thos rnams yongs su mya ngan las zlo bar byed do/ /de na sbyin pa'ang med/ len pa'ang med do/ /bza' ba dang / btung ba dang / gos rnams bsam pa tsam gyis 'byung bar 'gyur te/ dper na/ sum cu rtsa gsum pa'i lha rnams kyi dang 'dra'o/ /de na sems can rnams mngal na gnas pa med de/ rdzus te skye'o/ /sa gzhi chen po de'ang gser las grub pa yin no/ /maung+gal gyi bu/ de bzhin gshegs pa rdul bral blo gros de'i 'jig rten gyi khams de na mi de dag gi tshe'i tshad ni/ lo lnga brgya thub ste/ bar ma dor 'chi ba med do/ /maung+gal gyi bu/ 'di ji snyam du sems/ 'jig rten gyi khams de na bzhugs pa'i de bzhin gshegs pa rdul bral blo gros zhes bya ba de gzhan zhig yin snyam du sems na/ maung+gal gyi bu/ khyod kyis de ltar mi blta'o/ /de ci'i phyir zhe na/ nga nyid 'jig rten gyi khams de na ming de skad ces bya bas chos ston to| |maung+gal gyi bu/ 'di'ang sangs rgyas kyi rdzu 'phrul gyis rnam par 'phrul pa'i cho 'phrul yin te/ de la ni/ nyan thos dang / rang sangs rgyas thams cad kyis 'jug par mi nus so| |maung+gal gyi bu/ stong gsum gyi stong chen po'i 'jig rten gyi khams 'di nyid na lho phyogs su gling chen po bzhi pa'i 'jig rten gyi khams khri brgyad stong 'das pa </font><hr>248b<br><font size=+1>


na gling chen po bzhi pa'i 'jig rten gyi khams rin chen 'byung zhes bya ba rin po che sna bzhi 'di lta ste/ gser dang / dngul dang / shel dang / rdo'i snying po las grub pa zhig yod de| de na de bzhin gshegs pa dgra bcom pa yang dag par rdzogs pa'i sangs rgyas rin chen phung po zhes bya ba da ltar chos ston te/ maung+gal gyi bu/ de bzhin gshegs pa de ni/ shas cher rang sangs rgyas kyi theg pa pa rnams las brtsams nas chos ston te/ de na ni/ nyan thos kyi theg pa pa dag kyang nyung ngo / /byang chub sems dpa'i theg pa pa dag kyang nyung ngo / /rang sangs rgyas kyi theg pa pa'i sems can gang dag yin pa de dag 'jig rten gyi khams de nas shi 'phos nas 'jig rten gyi khams gzhan sangs rgyas kyi zhing stong pa dag tu skye bar 'gyur te/ de dag rkyen gnyis kyis rdzogs pa'i byang chub 'thob par 'gyur ro/ /maung+gal gyi bu/ 'di ji snyam du sems/ 'jig rten gyi khams de na bzhugs pa'i de bzhin bzhin gshegs pa rin chen phung po zhes bya ba de gzhan zhig yin snyam du sems na/ maung+gal gyi bu/ khyod kyis de ltar mi blta'o/ /de ci'i phyir zhe na/ nga nyid 'jig rten gyi khams de na ming de skad ces bya bas chos ston to/ /maung+gal gyi bu/ 'di'ang sangs rgyas kyi rdzu 'phrul gyis rnam par 'phrul pa'i cho 'phrul yin te/ de la ni/ nyan thos dang / rang sangs rgyas </font><hr>249a<br><font size=+1>


@#/ /thams cad kyis 'jug par mi nus so/ /maung+gal gyi bu/ stong gsum gyi stong chen po'i 'jig rten gyi khams 'di nyid nas nub phyogs su gling chen po bzhi pa'i 'jig rten gyi khams nyi khri nyis stong 'das pa na gling chen po bzhi pa'i 'jig rten gyi khams rin chen sna tshogs can zhes bya ba rin po che sna bdun gser dang / dngul dang / bai DUR+Ya dang / shel dang / rdo'i snying po dang / mu tig dmar po dang / spug las grub pa zhig yod de/ maung+gal gyi bu/ 'jig rten gyi khams de na rin po che las byas pa'i 'chags dag dang / rin po che las byas pa'i khang pa brtsegs pa dag dang / rin po che'i stegs bus brgyan pa'i rdzing bu dag kyang yod do/ /bza' ba dang / btung ba dang / gos kyang bsam pa tsam gyis 'byung bar 'gyur te/ dper na/ dga' ldan gyi lha rnams kyi nye bar spyod pa dang / longs spyod ji lta ba de bzhin du 'jig rten gyi khams de na 'khod pa'i mi de dag gi nye bar spyod pa dang / longs spyod kyang de dang 'dra'o/ /de na bud med kyi ming yang mi grag go /de na bud med skye ba'ang med do/ /de na sems can de dag 'khrig pa'i chos kun tu spyod pa'ang med do/ /sems can de dag 'dod pa'i rtog pa'ang mi byed/ gnod sems kyi rtog pa'ang mi byed/ rnam par 'tshe ba'i rtog pa'ang mi byed do/ /de na su'ang mngal </font><hr>249b<br><font size=+1>


na gnas pa med de/ sems can de dag brdzus te skye zhing skyil mo krung bcas bzhin du 'byung ngo / /maung+gal gyi bu/ rin chen sna tshogs can gyi 'jig rten gyi khams de na de bzhin gshegs pa dgra bcom pa yang dag par rdzogs pa'i sangs rgyas rin chen 'byung zhes bya ba da ltar chos ston te/ byang chub sems dpa'i ste snod ces bya ba'i chos kyi rnam grangs kyi gzungs kyi rdo rje'i tshig 'khor gsum yongs su chad pa'i pha rol tu phyin pa drug dang ldan pa ma gtogs par gtam gzhan mi gsung ngo / /de na sems can dpag tu med grangs med pa dag bla na med pa yang dag par rdzogs pa'i byang chub tu sems skyed par byed do/ /sems can dpag tu med grangs med pa dag gis mi skye ba'i chos la bzod pa thob bo/ / sems can dpag tu med grangs med pa dag ni/ bla na med pa yang dag par rdzogs pa'i byang chub tu lung ston to/ /de na theg pa gnyis po 'di lta ste/ nyan thos kyi theg pa dang / rang sangs rgyas kyi theg pa rnam par gzhag pa yang med de/ byang chub sems dpa' nyes pa'i dri nga ba med cing 'khrig pa dang bral ba 'ba' zhig gis gling chen po bzhi pa'i 'jig rten gyi khams de yongs su gang ngo / /de bzhin gshegs pa de'i tshe tshad ni/ lo brgyad khri bzhi stong thub bo/ /mi de dag ni/ bar ma dor 'chi 'pho ba yod de/ sems can </font><hr>250a<br><font size=+1>


@#/ /su'ang de nas shi 'phos nas sems can dmyal ba'am/ dud 'gro'i skye gnas sam/ gshin rje'i 'jig rten nam/ mi khom pa rnams su skye ba med do| |byang chub sems dpa' de dag phal cher de nas shi 'phos nas sangs rgyas kyi zhing yongs su dag pa gzhan dag tu skye bar 'gyur te/ de bzhin gshegs pa rnams mngon sum du 'gyur ro/ /gling de dag na lha dang / klu dang / gnod sbyin dang / dri za 'khod pa gang dag yin pa de dag thams cad ni/ 'di lta ste/ thams cad mkhyen pa nyid kyi sems dang / blo gros su blo gros gcig go /lha dang / klu dang / gnod sbyin dang / dri za de dag sangs rgyas kyi chos la dga' ba ma gtogs par gzhan la dga' ba mi skyed do/ /lha dang / klu dang / gnod sbyin dang / dri za dang / mi de dag kyang lha zhes bya ba'am/ klu zhes bya ba'am/ dri za zhes bya ba'am/ mi zhes bya bar ming du gdags pa tsam yod pa ma gtogs par tha dad du dbyer med do/ /maung+gal gyi bu/ 'di ji snyam du sems/ de bzhin gshegs pa dgra bcom pa yang dag par rdzogs pa'i sangs rgyas rin chen 'byung 'jig rten gyi khams de na chos ston pa gang yin pa de gzhan zhig yin snyam du sems na/ maung+gal gyi bu/ khyod kyis de ltar mi blta'o/ /de ci'i phyir zhe na/ nga nyid 'jig rten gyi </font><hr>250b<br><font size=+1>


khams de na ming de skad ces bya bas chos ston to/ /maung+gal gyi bu/ 'di'ang sangs rgyas kyi rdzu 'phrul gyis rnam par 'phrul pa'i cho 'phrul yin te/ de ni/ nyan thos dang / rang sangs rgyas thams cad kyis kun shes par sla ba ma yin no/ /maung+gal gyi bu/ stong gsum gyi stong chen po'i 'jig rten gyi khams 'di nyid nas byang phyogs su gling chen po bzhi ba'i 'jig rten gyi khams sum khri drug stong 'das pa na gling chen po bzhi pa'i 'jig rten gyi khams 'jigs med ces bya ba rin po che sna gnyis te/ gser dang / dngul las grub pa zhig yod de/ de na sems can dmyal ba'i 'jigs pa'ang med/ dud 'gro'i skye gnas kyi 'jigs pa'ang med/ gshin rje'i 'jig rten gyi 'jigs pa'ang med/ mi khom pa'i 'jigs pa'ang med/ ngan 'gro'i 'jigs pa'ang med do/ /de na sems can su'ang tshul khrims nyams pa'am/ lta ba nyams pa'am/ cho ga nyams pa med do/ /de na gzhan du mu stegs can spyod pa ba dang / kun tu rgyu rnams kyi ming du gdags pa yang med do/ /maung+gal gyi bu/ 'jig rten gyi khams 'jigs med de na de bzhin gshegs pa dgra bcom pa yang dag par rdzogs pa'i sangs rgyas 'jigs med sbyin zhes bya ba da ltar chos ston te/ maung+gal gyi bu/ de bzhin gshegs pa de ni/ 'di lta ste/ nyan thos su 'gyur ba </font><hr>251a<br><font size=+1>


@#/ /dang| rang sangs rgyas su 'gyur ba dang / de bzhin gshegs pa dgra bcom pa yang dag par rdzogs pa'i sangs rgyas su 'gyur ba'i theg pa gsum las brtsams nas sems can rnams la chos ston to/ /maung+gal gyi bu/ de bzhin gshegs pa de gang gi tshe byang chub mngon par rdzogs par 'tshang rgya bar bya ba'i phyir byang chub kyi shing drung du 'gro bar 'dod pa dang / byang chub kyi shing drung na 'dug pa de la bdud blo gros bzang po zhes bya ba la sogs pa bdud khrag khrig phrag bdun cu rtsa gnyis 'ong bar 'gyur ro/ /de'i tshe de bzhin gshegs pa byang chub sems dpar gyur pa da dung thams cad mkhyen pa ma thob pa des bdud ji snyed yod pa de snyed kyi byang chub kyi shing sprul par byed do// byang chub kyi shing ji snyed yod pa de snyed kyi byang chub sems dpa' rang rang gi byang chub kyi shing drung na 'dug pa dag sprul te/ der bdud de dag ngo mtshar du gyur nas yang dag pa'i byang chub sems dpa' 'di gang yin/ bdag cag gis gang gi bar chad bya snyam mo/ /de nas sprul pa'i byang chub sems dpa' de dag gis bdud de dag la 'di skad ces smras so/ /grogs po dag /chos thams cad ni/ sgyu ma lta bu yin na 'di ji ltar khyod kyis bar chad bya/ gzhan yang khyed kun gyis gang bla na med pa yang dag par rdzogs pa'i </font><hr>251b<br><font size=+1>


byang chub tu sems bskyed pa'am/ gang yang dag par 'dzud pa de'i bsod nams ji snyed 'phel bar 'gyur ba shes sam/ khyod kyis ni/ de'ang mi rtogs so/ /gal te khyod kyis byang chub sems dpa'i theg pa la zhugs pa'i bar chad byed pa'i bsod nams ma yin pa ji snyed 'phel bar 'gyur ba shes na ni/ khyed par chad byed pa'i phyir brtul bar ma byed cig |de nas bdud rnams kyis smras pa/ gang bla na med pa yang dag par rdzogs pa'i byang chub tu sems bskyed pa'am/ gang gzhan la khong du chud par bgyis te yang dag par 'dzin du 'jug pa de bsod nams ji snyed cig skyed par bgyid/ smras pa/ grogs po dag /gang gis sangs rgyas kyi zhing gang+gA'i klung gi bye ma snyed rin po ches yongs su bkang ste sbyin pa byin pa bas/ gang gis bla na med pa yang dag par rdzogs pa'i byang chub tu sems bskyed na/ de ni/ de bas ches bsod nams mang du skyed par 'gyur ro/ /grogs po dag /gang gis sangs rgyas kyi zhing gang+gA'i klung gi bye ma snyed kyi sems can de dag thams cad la bde ba'i yo byad thams cad kyis bskal pa 'bum gyi bar du bkur sti byas pa \?\ bas| gang gis gzhan la khong du chud par byas te yang dag par 'dzin du gtsug na/ de ni/ de bas ches bsod nams mang du skyed par 'gyur ro/ /de dag gis smras pa/ gang </font><hr>252a<br><font size=+1>


@#/ /gis bla na med pa yang dag par rdzogs pa'i byang chub las byang chub sems dpa'i bar chad bgyis na/ de bsod nams ma lags pa ji snyed cig bskyed par 'gyur/ sprul pa'i byang chub sems dpa' rnams kyis smras pa/ sems can de dag gi mig phyung na/ de bsod nams ma yin pa ji tsam zhig skyes par 'gyur/ de dag gis smras pa/ mang ngo / /smras pa/ bla na med pa yang dag par rdzogs pa'i byang chub las byang chub sems dpa'i bar chad byas pa ni de bas ches bsod nams ma yin pa mang du bskyed par 'gyur ro/ /de nas bdud mang po de dag gdams ngag 'di dag bstan pa dang / cho 'phrul 'di lta bu mthong nas thams cad kyis bla na med pa yang dag par rdzogs pa'i byang chub tu sems bskyed do/ /sprul pa'i byang chub sems dpa' de dag thams cad la'ang lha'i me tog dang / me tog phreng dang / byug pa rnams kyis mngon par gtor to/ /sil snyan brgya stong dag kyang kun tu dkrol te tshig 'di skad du ded dpon chen po khyod myur ba myur bar bla na med pa yang dag par rdzogs pa'i byang chub mngon par rdzogs par sangs rgyas nas de'i 'og tu bdag cag kyang byang chub la dgod du gsol zhes kyang 'dzer to/ /der lha gzhan dag gis kyang sgra phyung ste/ kye ma bdud 'di dag gis </font><hr>252b<br><font size=+1>


bla na med pa yang dag par rdzogs pa'i byang chub tu sems bskyed pa'i phyir 'di rnams ni/ ngan 'gro'i 'jigs pa thams cad las rab tu grol lo/ /kye ma de bzhin gshegs pa 'di ni| 'jigs pa med pa sbyin pa ste/ de bas na/ de bzhin gshegs pa 'di'i mtshan ni/ 'jigs med sbyin 'jigs med sbyin zhes bya'o/ /zhes 'dzer to/ /maung+gal gyi bu / 'di ji snyam du sems/ 'jig rten gyi khams de na sems can de dag la chos ston pa'i de bzhin gshegs pa de gzhan zhig yin snyam du sems na/ maung+gal gyi bu/ khyod kyis de ltar mi blta'o/ /de ci'i phyir zhe na/ nga nyid 'jig rten gyi khams de na ming de skad ces bya bas chos ston to/ /maung+gal gyi bu/ 'di yang sangs rgyas kyi rdzu 'phrul gyis rnam par 'phrul pa'i cho 'phrul yin te/ de la ni/ nyan thos dang / rang sangs rgyas thams cad kyis 'jug par mi nus so/ /maung+gal gyi bu/ stong gsum gyi stong chen po'i 'jig rten gyi khams 'di nyid na shar dang lho'i phyogs mtshams su gling chen po bzhi'i 'jig rten gyi khams brgyad khri bzhi stong 'das pa na gling chen po bzhi pa'i 'jig rten gyi khams kun nas sna tshogs can zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas me tog sna tshogs can zhes bya ba chos ston to/ /maung+gal gyi </font><hr>253a<br><font size=+1>


@#/ /bu| gling chen po bzhi ba'i 'jig rten gyi khams de yang bkra zhing blta na sdug la mig mang ris su 'dug cing rin po che'i dra bas khebs la/ ka tsa lin+di ka ltar reg na bde ba'i rtswa sngon po khrun du sor bzhi tsam gyis kun tu khyab par 'dug go /sa chen po de yang rkang pa bteg na ni/ bar ces byed la/ rkang pa bzhag na ni/ nem zhes byed de/ sa chen po de lag mthil ltar mnyam par 'dug go /maung+gal gyi bu/ kun nas sna tshogs can gyi 'jig rten gyi khams de na grong khyer chen po bzang mchog ces bya ba 'byor cing rgyas la bde ba dang / lo legs pa dang / nyams dga' ba dang / skye bo dang / mi mang pos gang ba zhig yod de/ grong khyer de'i shar phyogs nas nub phyogs kyi chur ni/ dpag tshad sum cu rtsa gnyis yod do/ /lho phyogs nas byang phyogs kyi zheng du ni/ dpag tshad bcu gnyis yod do/ /maung+gal gyi bu/ grong khyer chen po bzang mchog da'i nang na sems can ches mang po dag gnas kyi/ yul ang+ga dang / ma ga ng+ha dang / ku ru 'di dag na ni/ de lta ma yin no/ /maung+gal gyi bu/ de ltar na de bzhin gshegs pa me tog sna tshogs can ni/ grong khyer chen po bzang mchog na gnas shing bzhugs te/ de'i chos bstan pa gcig gis sems can khrag khrig phrag sum cu ni/ dgra bcom pa </font><hr>253b<br><font size=+1>


nyid du btul to/ /khrag khrig phrag sum cu ni/ phyir mi 'ong ba'i 'bras bu la btul lo/ /khrag khrig phrag sum cu ni/ lan gcig phyir 'ong ba'i 'bras bu la btul to/ /khrag khrig phrag sum cu ni/ rgyun du zhugs pa'i 'bras bu la btul to/ /khrag khrig phrag sum cu ni/ rang sangs rgyas kyi byang chub tu yongs su smin par byas so/ /de'i nyis 'gyur ni/ bla na med pa yang dag par rdzogs pa'i byang chub tu sems bskyed do/ /gzhan yang sems can dpag tu med pa dag gi dge ba'i rtsa ba yongs su smin par byas so/ /maung+gal gyi bu/ gling chen po bzhi pa'i 'jig rten gyi khams de na sbrang rtsi 'byung zhes bya ba'i shing ljon pa rtag tu me tog dang ldan pa dang / rtag tu 'bras bu dang ldan pa dag yod de/ me tog dang / 'bras bu de dag gi ro ni/ dper na/ ro brgya dang sbyar ba'i 'bras chan dang 'dra ste/ de las skyes pa'am/ bud med dag gis me tog gcig gam/ 'bras bu gcig zos na/ de nyin mtshan bdun gyi bar du des 'tsho bar 'gyur te/ spro ba dang / mdog kyang nyams par mi 'gyur la/ lus gzi byin dang kha dog dang ldan par yang nyams su tshor bar 'gyur ba dang / zo mdog yang bar 'gyur ro/ /zos nas kyang phyi sa dang gci ba med la/ ngar snabs dang snabs kyang med do/ /'jig rten gyi khams de na zhing rmod pa'ang med/ tshong byed pa'ang med/ </font><hr>254a<br><font size=+1>


@#/ /rtsis byed pa'ang med/ las su bya ba'ang med de/ sems can de dag ni me tog dang / 'bras bu za'o/ /de na phyug po'ang med/ dbul po'ang med de/ sems can de dag longs spyod mnyam mo/ /maung+gal gyi bu de bzhin gshegs pa de'i nyan thos kyi dge 'dun ni 'bum phrag dgu bcu rtsa drug yod do/ /de bzhin gshegs pa de'ang me tog kun tu rgyas pa zhes bya ba'i skyed mos tshal de na bzhugs te/ bcom ldan 'das de nyan thos kyi dge 'dun dang bcas par bzhugs nas gdugs tshod la bab pa na shing ljon pa rnams der 'dud par 'gyur te/ me tog dang 'bras bu de dag bcom ldan 'das dang / dge slong rnams kyi lhung bzed kyi nang du 'brul bar 'gyur la| bshos gsol zin bar rig nas shing ljon pa de dag phyir rangs te snga mkho bzhin du 'dug go /maung+gal gyi bu 'jig rten gyi khams de'i yon tan ni de dag yin te| de bas kyang lhag par yod do/ /maung+gal gyi bu 'di ji snyam du sems/ de bzhin gshegs pa 'jig rten gyi khams de na sems can de dag la chos ston pa de gzhan zhig yin par khyod som nyi'am/ yid gnyis sam/ the tshom za na/ khyod kyis de ltar mi blta'o/ /de ci'i phyir zhe na/ nga nyid 'jig rten gyi khams de na me tog </font><hr>254b<br><font size=+1>


sna tshogs can zhes bya ba'i ming gis chos ston to/ /maung+gal gyi bu 'di yang sangs rgyas kyi rdzu 'phrul gyis rnam par 'phrul pa'i cho 'phrul yin te/ de la ni nyan thos dang / rang sangs rgyas thams cad kyis 'jug par mi nus so/ /maung+gal gyi bu stong gsum gyi stong chen po'i 'jig rten gyi khams 'di nyid na lho dang nub kyi phyogs mtshams su gling chen po bzhi pa'i 'jig rten gyi khams bdun khri 'das pa na gling chen po bzhi pa'i 'jig rten gyi khams rnam par phye ba'i blo gros zhes bya ba zhig yod de/ de na gling gcig na'ang rgyal po brgyad khri yod do/ /gling gcig la'ang grong khyer brgyad khri dang / tshong 'dus brgyad khri yod do/ /grong dang / grong khyer dang / grong rdal dang / yul 'khor dang / tshong 'dus de dag thams cad na'ang mi bye ba phrag 'bum dag gis yongs su gang ngo / /rgyal po de dag thams cad kyang rang rang gi rgyal srid kyis chog par 'dzin to/ /rgyal po de dag thams cad kyang chos dang ldan pa'i rgyal po ste/ chos ma yin pa spangs pa sha stag go /rgyal po de dag thams cad la'ang btsun mo bud med brgyad khri bzhi stong brgyad khri bzhi stong yod de/ bud med de dag thams cad kyang yul gyi bzang mo sha stag go /rgyal po re re la'ang bu lnga brgya lnga brgya yod do/ /rgyal po re re la'ang bu mo khri nyis stong nyis stong yod de/ de dag thams cad kyang yul gyi bzang mo sha stag </font><hr>255a<br><font size=+1>


@#/ /go |rgyal po de dag thams cad kyang chad pa med pa dang / mtshon cha med par rang rang gi 'og tu gtogs pa 'dul bar byed do/ /maung+gal gyi bu/ 'jig rten gyi khams rnam par phye ba'i blo gros de na de bzhin gshegs pa dgra bcom pa yang dag par rdzogs pa'i sangs rgyas 'od zer rab tu 'gyed pa zhes bya ba chos ston te/ maung+gal gyi bu/ de bzhin gshegs pa de ni/ bla na med pa yang dag par rdzogs pa'i byang chub mngon par rdzogs par sangs rgyas nas gling chen po bzhi pa'i 'jig rten gyi khams der ta la bdun srid tsam gyi nam mkha' la mngon par 'phags nas skyil mo krung bcas te skyil mo krung gcig gis gling chen po bzhi ba'i 'jig rten gyi khams khyab par byas nas 'od zer dag rab tu 'gyed pa dang / me tog gi char 'bebs pa dang / sil snyan brgya stong dag dkrol bzhin du sa chen po rnam pa drug tu rab tu bskyod nas tshangs pa'i sgra skad lta bu dge ba'i rtsa ba 'bum phrag du mas yang dag par bsgrubs pa'i gsung gis chos kyi 'khor lo bskor te/ 'di lta ste/ nyon mongs pa thams cad zad par bya ba'i phyir rdul med pa mya ngan las 'das pa yang dag par ston te/ byang chub sems dpa' rnams bsdu ba'i phyir chos ston to/ /des de </font><hr>255b<br><font size=+1>


lta de ltar chos bstan pas gling bzhi pa'i rgyal po brgyad khri bu dang bcas/ chung ma dang bcas/ bu mo dang bcas pa de dag ma gtogs pa'i skyes pa dang / bud med dang / khye'u dang / bu mo de dag chos rnams la chos kyi mig rdul med cing dri ma dang bral ba rnam par dag go /rgyal po de dag bu dang bcas/ chung ma dang bcas/ bu mo dang bcas pas kyang bla na med pa yang dag par rdzogs pa'i byang chub tu sems bskyed de thams cad kyis tshig mthun par de bzhin gshegs pa la rab tu 'byung bar gsol ba 'debs so/ /de dag thams cad kyang de bzhin gshegs pas dge slong tshur shog ces gsungs pas rab tu dbyung ngo / /de ltar thams cad rab tu byung nas so so'i grong khyer dang / grong rdal dang / yul 'khor dang / tshong 'dus dang / rgyal po'i pho brang dag tu gnas pa'i longs spyod kyis gnas so/ /ma rmos ma btab pa'i 'bras sA lu'ang 'byung ngo / /lha rnams kyang de dag la bsnyen bkur byed do/ /de nas de bzhin gshegs pa de'i chos bstan pa gnyis pa la nyan thos kyi theg pa pa thams cad ni/ lan gcig phyir 'ong ba'i 'bras bu la bkod do/ /byang chub sems dpa'i theg pa pa rnams ni/ chos rnams mi skye ba dang mthun pa'i bzod pa la 'god do/ /chos bstan pa gsum pa la ni/ nyan thos kyi theg pa pa rnams ni/ phyir mi </font><hr>256a<br><font size=+1>


@#/ /'ong ba'i 'bras bu la 'god do/ /byang chub sems dpa'i theg pa pa rnams ni/ mngon par shes pa lnga 'thob bo/ /chos bstan pa bzhi pa la ni/ nyan thos kyi theg pa pa thams cad ni/ dgra bcom pa nyid la 'god do/ /byang chub sems dpa'i theg pa pa rnams ni/ chos rnams la mi skye bar bzod pa 'thob bo/ /rgyal po'i btsun mo de dag dang / sras de dag dang / rgyal po'i bu mo de dag ni/ lus de nyid kyis bud med kyi lus las gyur te skyes pa'i lus thob par gyur nas de dag thams cad kyang de bzhin gshegs pa des bla na med pa yang dag par rdzogs pa'i byang chub tu lung bstan to/ /maung+gal gyi bu/ 'di ji snyam du sems/ 'jig rten gyi khams de na de bzhin gshegs pa chos ston pa de gzhan zhig yin snyam du sems na/ maung+gal gyi bu/ khyod kyis de ltar mi blta'o/ /de ci'i phyir zhe na/ nga nyid 'jig rten gyi khams de na ming de skad ces bya bas chos ston to/ /maung+gal gyi bu/ 'di yang sangs rgyas kyi rdzu 'phrul gyis rnam par 'phrul pa'i cho 'phrul yin te/ de la ni/ nyan thos dang / rang sangs rgyas thams cad kyis 'jug par mi nus so/ /maung+gal gyi bu/ stong gsum gyi stong chen po'i 'jig rten gyi khams 'di nyid na nub dang byang gi phyogs mtshams su gling chen po </font><hr>256b<br><font size=+1>


bzhi ba'i 'jig rten gyi khams lnga khri lnga stong 'das pa na gling chen po bzhi pa'i 'jig rten gyi khams spos ldan zhes bya ba zhig yod de/ tsan+dan sprul gyi snying po 'ba' zhig yod la spos de srang gcig la ni/ dzam+bu gling 'di ri'o/ /de na shing ljon pa spos kyi ngad kun nas ldang ba zhes bya ba dag kyang yod de/ shing gcig las kho ra khor yug tu dpag tshad bcur spos kyi ngad ldang ngo / /de na sa chen po las pad+ma shing rta'i phang lo tsam la 'dab ma 'bum phrag du ma dang / kha dog 'bum phrag du ma dang ldan pa/ 'jam zhing ka tsa lin+di ka ltar reg na bde ba/ 'phang du khru bcu pa tsam dag skyes te/ pad+ma re re'i dris kyang gling bzhi pa'i 'jig rten gyi khams de dri bsung zhim par byed do/ /gling bzhi pa'i 'jig rten gyi khams de na tsan+dan gyi khang pa brtsegs pa dang / tsan+dan gyi 'chags pad+ma dang me tog gis gang bar 'dug go/ khang pa brtsegs pa sha stag 'bum phrag du mas 'jig rten gyi khams de khyab par 'dug go /de na grong dang grong khyer gyi yongs su 'dzin pa med de/ dper na/ gzhan 'phrul dbang byed kyi lha rnams kyi nye bar spyad pa dang / longs spyod ji lta ba de bzhin du 'jig rten gyi khams de na mi de dag gi nye bar spyad pa dang / longs spyod kyang de dang 'dra'o/ /maung+gal gyi bu/ 'jig rten gyi khams spos ldan de na de bzhin gshegs pa spos 'gyed </font><hr>257a<br><font size=+1>


@#/ /'od zer can zhes bya ba da ltar chos ston te/ de bzhin gshegs pa de ni/ nyan thos dang / rang sangs rgyas kyi gtam yongs su spangs pa byang chub sems dpa' gtam 'ba' zhig gsung ngo / /gling chen po bzhi pa'i 'jig rten gyi khams de na byang chub sems dpa' sems dpa' chen po thams cad kyang rdzu 'phrul thob pa sha stag gis yongs su gang ngo / /byang chub sems dpa'i 'khor de na byang chub sems dpa' chos thams cad la rnam par 'phrul pa'i rgyal po zhes bya ba bsam gyis mi khyab pa'i 'jug pa dang ldan pa/ bzod pa gnyis pa thob pa/ mngon par shes pa rnams la mkhas pa/ spobs pas rtogs par khong du chud pa/ sangs rgyas 'bum phrag du ma mang po la bsnyen bkur byas pa 'dug ste/ maung+gal gyi bu/ byang chub sems dpa' chos thams cad la rnam par 'phrul ba'i rgyal po de la de bzhin gshegs pa des bskul te skabs phye nas chos ston te/ bcom ldan 'das de'i spyan sngar stan las langs nas de bzhin gshegs pa'i zhabs la phyag btsal te/ de bzhin gshegs pa la lan gsum bskor ba byas nas steng gi bar snang la mngon par 'phags te skyil mo krung gis kho ra khor yug tu dpag tshad bcur khyab par byas nas spu'i khung bu </font><hr>257b<br><font size=+1>


thams cad nas 'od zer dag bkye ste/ 'jig rten gyi khams thams cad 'od kyis khyab par byas nas me tog kha dog sna tshogs 'bum dang ldan pa/ shing rta'i phang lo tsam dag gis sa chen po de dag la mi 'greng tsam du bkram ste/ 'jig rten gyi khams thams cad du lha dang mi'i sil snyan dag gi sgra 'byin to/ /sil snyan de dag las kyang chos kyi phyag rgya'i sgra brgyad brgya 'byung ngo / /chos kyi phyag rgya re re la'ang mdo bye ba phrag brgyad cu rtsa bzhi bsdus so/ /mdo re re'ang tshigs su bcad pa bdun khri nyis stong gis brjod do/ /des skyil mo krung de las ma langs par sems can bye ba khrag khrig 'bum phrag dgu bcu rtsa drug bla na med pa yang dag par rdzogs pa'i byang chub las phyir mi ldog pa la bkod de thams cad kyang chos rnams mi skye bar bzod pa thob par byas so/ /maung+gal gyi bu/ 'jig rten gyi khams de de lta bu'i byang chub sems dpa' dag gis yongs su gang ngo / /de na sems can zhar ba'am| 'theng po'am/ gyol po'am/ 'on pa'am/ dbul po'am/ mdog ngan pa 'ga' yang med de/ sems can de dag thams cad skyes bu chen po'i mtshan sum cu rtsa gnyis dang ldan pa'i byang chub sems dpa' sha stag go/ sems can de dag ni/ chos kyi dga' ba'i dga' ba ma gtogs par gzhan ci la'ang dga' ba med do/ /byang chub sems dpa' sems </font><hr>258a<br><font size=+1>


@#/ /dpa' chen po de dag la ni/ bsam gtan gyi dga' ba'i zas ma gtogs par zas gzhan ci'ang med do/ /de na mi khom par ltung zhing skye ba'ang med do/ / de nas shi 'phos nas kyang de bzhin gshegs pa'i 'gro ba ma gtogs par 'gro ba gzhan du 'gro ba med do/ /maung+gal gyi bu/ 'di ji snyam du sems/ 'jig rten gyi khams de na bzhugs pa'i de bzhin gshegs pa spos 'gyed 'od zer can zhes bya ba de gzhan zhig yin snyam du sems na/ maung+gal gyi bu/ khyod kyis de ltar mi blta'o/ /de ci'i phyir zhe na/ nga nyid 'jig rten gyi khams de na ming 'di skad ces bya bas sems can rnams la chos ston to/ /maung+gal gyi bu/ 'di'ang sangs rgyas kyi rdzu 'phrul gyis rnam par 'phrul ba'i cho 'phrul yin te/ de la ni/ nyan thos dang / rang sangs rgyas thams cad kyis kyang 'jug par mi nus so/ /maung+gal gyi bu/ stong gsum gyi stong chen po'i 'jig rten gyi khams 'di nyid na byang dang shar gyi phyogs mtshams su gling chen po bzhi pa'i 'jig rten gyi khams bzhi khri nyis stong 'das pa na/ gling chen po bzhi pa'i 'jig rten gyi khams mya ngan gyis 'joms pa zhes bya ba zhig yod de/ de na sems can 'khod pa rnams ni/ 'dod chags kyis chags pa dang / zhe sdang gis sdang ba dang / gti mug gis rmongs pa dang / brkam pa dang / </font><hr>258b<br><font size=+1>


brlang ba dang / rgod pa dang / mu cor smra ba dang / dbang po zhan pa dang / ser sna can dang / tshul khrims 'chal ba dang / gnod sems che ba dang / le lo can dang / snyom las can dang / brjed ngas pa dang / shes bzhin med pa dang / bdag tu lta ba dang / sems can dang / srog dang / gang zag tu lta ba dang / shes rab 'chal ba dang / lug ltar lkug pa dang / ngo tsha mi shes pa dang / khrel med pa dang / gus pa med pa dang / sems 'khrul pa sha stag go /sems can de dag ni/ kha dog ngan pa dang / chung bar grags pa dang / byad ngan pa dang / dka' bas 'tsho ba dang / gcig la gcig 'drid pas gnas pa sha stag go /de na zla ba drug tu char mi 'bab ste/ lo tog legs par mi smin to/ /sa chen po de ni/ rtsub pa dang / mkhrang ba dang / tsher ma sna tshogs can dang / g.yang sa dang / ri brag gis gang ngo / /'jig rten gyi khams de na sems can de dag gi chu ni/ 'bru mar gyi snyigs ma dang / dri ma dang 'dra'o/ /sems can de dag ni/ gos dang / chos gos dang / longs spyod dag gis dbul ba dang / bkren pa dang / gzhan gyi nor 'phrog pa sha stag go /'jig rten gyi khams de na rgyal po sdang chags zhes bya ba zhig yod de/ sems can de dag la rgyal srid kyi dbang phyug la dbang byed de/ sems can de dag gi nor dang / 'bru byung ngo cog rgyal po'i mdzod du 'brub par byed do/ /sems can de dag ni/ chad pa dang / brdeg pa 'ba' zhig gis </font><hr>259a<br><font size=+1>


@#/ /gzir ba sha stag go /maung+gal gyi bu/ de dag ni/ 'jig rten gyi khams de na tshe de'i sdug bsngal yin no/ /gang 'chi ba de dag kyang shi nas phal cher sems can dmyal ba rnams dang / dud 'gro'i skye gnas rnams dang / gshin rje'i 'jig rten du skye bar 'gyur ro/ /maung+gal gyi bu/ gling chen po bzhi pa'i 'jig rten gyi khams de na de bzhin gshegs pa dgra bcom pa yang dag par rdzogs pa'i sangs rgyas snying brtse ba dang / snying rje'i sems yid la byed pa zhes bya ba chos ston te/ maung+gal gyi bu/ de bzhin gshegs pa de ni/ cho 'phrul rnam pa bco brgyad kyis chos ston to/ /des lo bdun brgya'i bar du chos bstan kyang sems can gcig gis kyang chos mngon par rtogs par ma gyur la/ de bzhin gshegs pa de'ang skyo ba med pa'i steng du snying rje chen pos chos kyang ston to/ /maung+gal gyi bu/ de ltar na/ de bzhin gshegs pa de grong ngam/ grong khyer ram/ grong rdal du gnas shing bzhugs la sems can de dag gis spyos shing brgyad bkag ste smod cing gshung bar byed kyang der sems can yongs su smin par bya ba'i phyir snying rje chen pos de dag bzod par mdzad do/ /maung+gal gyi bu/ de bzhin gshegs pa des lo bdun brgya bas kyang lhag pas sems can kha cig yongs su smin par mdzad de chos bstan pa lan gcig la sems </font><hr>259b<br><font size=+1>


can khrag khrig phrag brgyad cu rtsa bzhis ni/ dgra bcom pa nyid thob bo/ /khrag khrig phrag brgyad cu rtsa bzhis ni/ phyir mi 'ong ba'i 'bras bu thob bo/ /khrag khrig phrag brgyad cu rtsa bzhis ni/ lan gcig phyir 'ong ba'i 'bras bu thob bo/ /khrag khrig phrag brgyad cu rtsa bzhis ni/ rgyun du zhugs pa'i 'bras bu thob ste/ de dag kyang nyi ma gcig la rab tu byung ba bsnyen par rdzogs so| |slob pa dang mi slob pa de dag thams cad kyang gcig la gcig lung bstan pas nyi ma gcig gis yongs su mya ngan las 'das so/ /de bzhin gshegs pa de ni/ byang chub sems dpa' lnga las kyi sgrib pas der skyes te sdug bsngal gyi tshor ba nyams su myong ba de dag yongs su smin par mdzad pa'i phyir da dung yang bzhugs so/ /de skad ces bka' stsal pa dang / bcom ldan 'das la tshe dang ldan pa maung+gal gyi bu chen pos 'di skad ces gsol to/ /bcom ldan 'das/ las kyi sgrib pa gang gis na byang chub sems dpa' rnams re zhig 'jig rten gyi khams nyon mongs par skye bar 'gyur lags/ bka' stsal pa/ maung+gal gyi bu/ byang chub sems dpa' chos bzhi dang ldan na/ re zhig skye ba ngan pa len par 'gyur ro/ /bzhi gang zhe na/ maung+gal gyi bu/ byang chub sems dpa' byang chub sems dpa'i ming gis rnyed pas 'tsho bar byed la byang chub sems dpa'i bslab pa la mi slob pa dang / maung+gal gyi bu/ </font><hr>260a<br><font size=+1>


@#/ /gzhan yang byang chub sems dpa' dam pa'i chos spong ba yal bar 'dor zhing zlog par mi byed pa dang / maung+gal gyi bu/ gzhan yang byang chub sems dpa' byang chub sems dpa' gzhan dag gi rnyed pa'i bar chad byed cing bsngags pa ma yin pa brjod pa dang / maung+gal gyi bu/ gzhan yang byang chub sems dpa' lus kyi las dang ngag gi las dang / yid kyi las ma bsrungs pa dang ldan pa ste/ maung+gal gyi bu/ byang chub sems dpa' chos bzhi po de dag dang ldan na/ re zhig 'gro ba ngan par 'gro bar 'gyur ro| |maung+gal gyi bu/ 'di ji snyam du sems/ 'jig rten gyi khams de na bzhugs pa'i de bzhin gshegs pa snying brtse ba dang / snying rje'i sems yid la byed pa zhes bya ba de gzhan zhig yin snyam du sems na/ maung+gal gyi bu/ khyod kyis de ltar mi blta'o/ /de ci'i phyir zhe na/ nga nyid 'jig rten gyi khams de na ming de skad ces bya bas sems can rnams la chos ston to/ /maung+gal gyi bu/ 'di yang sangs rgyas kyi rdzu 'phrul gyis rnam par 'phrul pa'i cho 'phrul yin te/ de la ni/ nyan thos dang / rang sangs rgyas thams cad kyis 'jug par mi nus so/ /maung+gal gyi bu/ de ltar na/ de bzhin gshegs pa ni/ stong gsum gyi stong chen po'i 'jig rten gyi khams thams cad du sangs rgyas kyi 'phrin las mdzad de/ de la ni/ ston </font><hr>260b<br><font size=+1>


pas ma bstan pa'i bar du khyed nyan thos rnams kyis 'jug par mi nus so/ /maung+gal gyi bu/ stong gsum gyi stong chen po'i 'jig rten gyi khams 'di na gling chen po bzhi pa'i 'jig rten gyi khams bye ba phrag brgya yod de/ de na de bzhin gshegs pa mos pa ji lta ba bzhin du sems can rnams la chos ston to/ /maung+gal gyi bu/ stong gsum gyi stong chen po'i 'jig rten gyi khams 'di nyid na gling chen po bzhi pa'i 'jig rten gyi khams gang na nga tshangs pa'i gzugs kyis chos ston te/ de bzhin gshegs pa rab tu 'byung ba dang / gos ngur smrig mi ston pa'ang yod do/ / de bzhin du brgya byin gyi gzugs kyis kyang nga chos ston to/ /de bzhin du skye ba thams cad kyis kyang nga chos ston to/ /maung+gal gyi bu/ stong gsum gyi stong chen po'i 'jig rten gyi khams 'di dag thams cad na ji lta bur mos pa'i sems can rnams la ji ltar mos pa bzhin du nga chos ston to/ /sangs rgyas kyi zhing tshad med pa gzhan dang gzhan dag tu'ang nga chos ston te/ de la ni| nyan thos dang / rang sangs rgyas thams cad kyis 'jug par mi nus so/ /maung+gal gyi bu/ dper na/ zla ba'i dkyil 'khor ram/ nyi ma'i dkyil 'khor ni/ gzhal med khang nas kyang mi g.yo la/ grong dang / grong khyer dang / grong rngal dang / yul 'khor dang / rgyal po'i pho brang thams cad du yang dag par snang ngo / /maung+gal gyi bu/ de bzhin du de bzhin gshegs pa dgra </font><hr>261a<br><font size=+1>


@#/ /bcom pa yang dag par rdzogs pa'i sangs rgyas ni/ rang gi sangs rgyas kyi zhing las kyang ma g.yos la sangs rgyas kyi zhing dpag tu med pa dag tu yang dag par snang ste| sems can ji ltar yongs su smin par gyur pa rnams la chos ston to/ /de nas bcom ldan 'das la tshe dang ldan pa maung+gal gyi bu chen pos 'di skad ces gsol to/ / bcom ldan 'das/ gang sum cu rtsa gsum dag na bzhugs pa dang / dzam+bu'i gling dang / lha'i gnas rnams dang / stong gsum gyi stong chen po'i 'jig rten gyi khams 'di na gling chen po bzhi pa'i 'jig rten gyi khams gzhan dang gzhan dag na chos ston cing bzhugs pa la de bzhin gshegs pa yang dag pa gang lags/ gang la yon phul na mthu che bar 'gyur ba'i de bzhin gshegs pa yang dag pa ni/ 'di lags so snyam du bdag gis ji ltar 'tshal bar bgyi/ de skad ces gsol pa dang / bcom ldan 'das kyis tshe dang ldan pa maung+gal gyi bu chen po la 'di skad ces bka' stsal to/ /maung+gal gyi bu/ de'i phyir khyod nyid la phyir dri bar bya'i/ khyod kyis ji ltar bzod pa de bzhin du lan thob cig / maung+gal gyi bu 'di ji snyam du sems/ sgyu ma mkhan gyis sprul pa'i skyes pa'am/ bud med gang yin pa de la yang dag pa gang yin/ gsol pa/ bcom ldan 'das/ de la ni/ yang dag pa ci'ang </font><hr>261b<br><font size=+1>


ma mchis so/ /de ci'i slad du zhe na/ sgyu ma mkhan gyis gsang sngags dang / rig sngags kyi stobs bskyed de sbrul pa sprul bar byas pas na de dag la ni/ khyad par ma mchis so/ /bka' stsal pa| maung+gal gyi bu ci gang gi phyir sprul pa de'i bya ba byed dam/ gsol ba/ bcom ldan 'das/ bgyid lags so/ /bka' stsal pa/ maung+gal gyi bu de bzhin du sgyu ma lta bu'i chos thams cad la ni/ khyad par ram tha dad pa dbye ba med do/ /maung+gal gyi bu/ ji ltar sgyu ma mkhan gyi gsang sngags dang / rig sngags kyi stobs kyis sprul pa mang po sprul la/ de dag kyang mnyam zhing khyad par med pa bzhin du maung+gal gyi bu/ de bzhin gshegs pa'i shes rab dang / rig pa dang / ye shes kyis sangs rgyas kyi zhing thams cad du ston par mdzad la/ de dag kyang mnyam zhing khyad par med pa 'di lta ste/ sangs rgyas kyi 'phrin las kyi bya ba byed de/ de la yon phul ba gang yin pa de dag gi rnam par smin pa'ang mnyam par 'gyur ro/ /maung+gal gyi bu| sangs rgyas bcom ldan 'das rnams ni/ cung zad kyang tha dad du dbyer med do/ /maung+gal gyi bu/ de lta bas na/ yang dag pa ma yin pa dang / sgyu ma lta bur gyur pa'i chos thams cad ni| chos kyi dbyings su khyad par ram tha dad du dbyer med do/ /maung+gal gyi bu/ de bzhin gshegs pa ni/ bzhed na 'jig rten gyi khams gcig tu'ang mtshan sum cu rtsa gnyis dang ldan </font><hr>262a<br><font size=+1>


@#/ /pa'i de bzhin gshegs pa de'i rang bzhin dang chu zheng dang ldan pa gang+gA'i klung gi bye ma snyed sprul par mdzad de/ de dag kyang rnam pa drug cu dang ldan pa'i dag gi las kyis ston to/ /de bzhin gshegs pa de dag thams cad kyis kyang sems can thams cad kyi sems kyi spyod pa mkhyen to/ /de bzhin gshegs pa de dag thams cad kyang ji ltar mos pa'i sems can rnams la mos pa dang / dbang po ji lta ba bzhin du 'jug pa'i shes pa bskyed pa'i phyir chos ston to/ /de bzhin gshegs pa de dag thams cad kyi chos bstan pas sems can sna tshogs nges par 'byung bar 'gyur te/ de ltar sdug bsngal yang dag par zad par bya ba'i phyir de bzhin gshegs pa de dag thams cad cho 'phrul rnam pa bzhis chos ston to/ /de bzhin gshegs pa de dag thams cad ni/ sangs rgyas kyi yon tan thams cad kyang yang dag par ston to/ /maung+gal gyi bu| 'di ji snyam du sems/ de dag las ches khyad par du 'phags pa'am/ ches gzugs dang ldan pa'am/ ches kha dog dang ldan pa'am/ ches spobs pa dang ldan pa'am/ ches ye shes dang ldan pa'am/ ches rdzu 'phrul dang ldan pa'am/ ches chos ston pa dang ldan pa'am/ ches sems can yongs su dgrol ba dang ldan pa gang yin/ gsol pa/ </font><hr>262b<br><font size=+1>


bcom ldan 'das/ de la ni/ tha dad par bstan par mi nus lags so/ /bka' stsal pa/ maung+gal gyi bu/ de lta bas na/ rnam grangs 'dis kyang chos thams cad ni/ sprul pa'i ngo bo nyid de| khyad par yang med/ tha dad du dbyer yang med pa de ltar rig par bya'o/ /maung+gal gyi bu/ chos thams cad sprul pa'i ngo bo nyid du shes pa gang yin pa de dag ni/ so so'i skye bo rnams la tha dad par dbye bar mi 'dod na/ sangs rgyas bcom ldan 'das rnams lta ci smos/ de ci'i phyir zhe na/ maung+gal gyi bu/ chos thams cad ni/ rang bzhin gyis stong pa/ kun tu brtags pa dang / yongs su brtags pa las byung ba ste/ de dag la ji ltar 'dod pa de bzhin du rnam par sgrub mod kyi/ chos kyi dbyings ni/ skye ba'ang med/ 'jig pa'ang med do/ / maung+gal gyi bu/ chos kyi dbyings de ni/ de bzhin gshegs pas de bzhin du thugs su chud de/ de thugs su chud pa'i phyir de bzhin gshegs pas spu'i khung bu gcig nas dzam+bu'i gling gi sems can ji snyed pa de dag thams cad kyi mdun du de bzhin gshegs pa dge slong gi dge 'dun dang bcas pa yang dag par ston la/ de dag kyang gcig gis gcig mi shes so| |maung+gal gyi bu/ dzam+bu'i gling lta zhog gi /gling chen po bzhi pa'i 'jig rten gyi khams kyi sems can lha'am/ mi'am/ de ma yin pa'i skye ba'i gnas na gnas pa ji snyed </font><hr>263a<br><font size=+1>


@#/ /pa'i sems can de dag thams cad kyi mdun du de bzhin gshegs pas spu'i khung bu gcig nas de bzhin gshegs pa dge slong gi dge 'dun dang bcas pa yang dag par ston la/ de dag kyang gcig gis gcig mi shes so/ /maung+gal gyi bu/ gling chen po bzhi pa'i 'jig rten gyi khams kyi sems can rnams lta zhog gi /maung+gal gyi bu| nan gyis dper bya na/ stong gsum gyi stong chen po'i 'jig rten gyi khams kyi sems can du bsdu bar bsdus pa ji snyed pa de dag thams cad snga phyi med par mi'i lus thob par gyur la/ maung+gal gyi bu/ sems can mir gyur pa de dag thams cad kyi mdun du de bzhin gshegs pas spu'i khung bu gcig nas de bzhin gshegs pa dge slong gi dge 'dun dang bcas pa yang dag par ston par mdzad la/ de dag kyang gcig gis gcig mi shes so/ /maung+gal gyi bu/ stong gsum gyi stong chen po'i 'jig rten gyi khams kyi sems can thams cad lta zhog gi /maung+gal gyi bu/ shar phyogs kyi 'jig rten gyi khams gang+gA'i klung gi bye ma snyed dag na sems can du smos pa gang yin pa'i sems can gyi khams ni/ ches mang gi /sa'i khams ni/ de lta ma yin no/ /de bzhin du lho dang / nub dang / byang gi phyogs dang / phyogs mtshams dang / 'og dang / steng gi phyogs </font><hr>263b<br><font size=+1>


bcu'i kho ra khor yug tu phyogs re re yang 'jig rten gyi khams gang+gA'i klung gi bye ma snyed dag na sems can du smos pa gang yin pa'i sems can gyi khams ni/ ches mang gi /sa'i khams ni| de lta ma yin no/ /maung+gal gyi bu/ nan gyis dper bya na/ sems can de dag thams cad kyis snga phyi med par mi'i lus thob par gyur kyang maung+gal gyid bu/ sems can de dag thams cad la yang de bzhin gshegs pas spu'i khung bu gcig nas re re'i mdun du de bzhin gshegs pa dge slong gi dge 'dun dang bcas pa yang dag par ston la sems can de dag kyang gcig gis gcig mi shes so/ /maung+gal gyi bu/ phyogs bcur gang+gA'i klung gi bye ma snyed kyi 'jig rten gyi khams dag na sems can 'khod pa rnams lta zhog gi /maung+gal gyi bu/ de bzhin gshegs pa ni/ gdan 'di la bzhugs bzhin du sangs rgyas kyi spyan sgrib pa med pa dang / thogs pa med pas sangs rgyas kyi zhing ji snyed yod pa rnams gzigs te/ de dag ni| ngas kyang sangs rgyas kyi ye shes ma nyams pas bskal pa 'bum du'ang dper blang ba bgrangs pa'i tshul gyis bstan par sla ba ma yin te/ sangs rgyas kyi zhing de dag ni/ de tsam du dpag tu med do/ /ngags gdan 'di la bzhugs bzhin du gang gzigs pa dang / de bzhin gshegs pas dper blang ba bgrang ba dag gis bstan pa gang yin pa de ni/ </font><hr>264a<br><font size=+1>


@#/ /sems can thams cad rang sangs rgyas dang 'dra bar gyur pas kyang shes pa'am/ gzhal ba'am/ brtag par sla ba ma yin na/ nyan thos rnams kyis lta ci smos te/ de bzhin gshegs pa 'ba' zhig gis sangs rgyas kyi zhing de dag brgya phrag ji snyed yod pa dang / stong phrag ji snyed yod pa dang / 'bum phrag ji snyed yod pa dang / bye ba 'bum phrag ji snyed yod pa dang / gtams phrag ji snyed yod pa dang / dkrigs phrag ji snyed yod pa dang / mi 'khrugs phrag ji snyed yod pa dang / grangs med pa phrag ji snyed yod pa dang / dpag tu med pa phrag ji snyed yod pa dang / gang+gA'i klung gi bye ma snyed phrag ji snyed yod pa dang / stong gsum gyi rdul phra rab kyi rdul yongs su gang ba ji snyed yod pa mkhyen to/ /maung+gal gyi bu/ ngas sangs rgyas kyi spyan sgrib pa med pa dang / thogs pa med pas sangs rgyas kyi zhing ji snyed mthong ba'i sangs rgyas kyi zhing de dag na sems can gang sems can du bsdu bas bsdus shing smos pa'i sems can gyi khams rnams ni/ ches mang gi /sa'i khams ni/ de lta ma yin te/ sems can de dag thams cad kyis snga phyi med par mi'i lus thob par gyur la thob nas kyang 'khor los bsgyur ba'i rgyal por gyur te/ 'khor los bsgyur ba'i rgyal po re re la'ang de snyed kyi 'khor yod par gyur kyang / maung+gal gyi bu/ 'khor los bsgyur </font><hr>264b<br><font size=+1>


ba'i rgyal po 'khor dang bcas pa de dag thams cad la de bzhin gshegs pas spu'i khung bu gcig nas re re'i mdun du de bzhin gshegs pa dge slong gi dge 'dun dang bcas pa yang dag par ston la gcig gis gcig kyang mi shes te/ rang rang gi de bzhin gshegs pa mthong ngo / /de bzhin du spu'i khung bu thams cad nas kyang de bzhin gshegs pa dge slong gi dge 'dun dang bcas pa yang dag par ston kyang de bzhin gshegs pa'i rdzu 'phrul gyis rnam par 'phrul pa'i cho 'phrul gyi brgya'i cha'am/ stong gi cha'am/ 'bum gyi cha'am/ bye ba phrag 'bum gyi cha'am/ grangs sam/ cha'am/ bgrang ba'am/ dpe'am/ rgyu tsam yang yang dag par bstan par mi 'gyur te/ maung+gal gyi bu/ de ltar na/ de bzhin gshegs pa dgra bcom pa yang dag par rdzogs pa'i sangs rgyas ni/ rdzu 'phrul dang ye shes dpag tu med pa dang ldan no/ /maung+gal gyi bu/ 'di ji snyam du sems/ sems can 'khor los bsgyur bar gyur ba de dag gi bsod nams kyi phung po gang gi 'khor los bsgyur ba'i rgyal srid dang / rin po che sna bdun thob pa'i bsod nams kyi phung po mang ngam/ gsol pa/ bcom ldan 'das/ mang lags so/ /bde bar gshegs pa/ dpag tu ma mchis so/ /bka' stsal pa/ maung+gal gyi bu/ khyod mos par bya'o/ /khong du chud par bya'o/ /sems can 'khor los bsgyur bar </font><hr>265a<br><font size=+1>


@#/ /gyur gyur pa de dag thams cad kyi bsod nams kyi phung po de bas ches mang ba'i bsod nams kyi phung pos de bzhin gshegs pa'i spu'i khung bu gcig yongs su 'grub par 'gyur ro/ /de nas bcom ldan 'das la tshe dang ldan pa maung+gal gyi bu chen pos 'di skad ces gsol to/ /bcom ldan 'das/ bdag gi ston pa 'di ltar rdzu 'phrul che ba dang / 'di ltar che bar grags pa dang / 'di ltar mthu che ba ni/ bdag gis rnyed pa legs par rnyed lags so/ /de lta lags kyis kyang bdag ni/ rgyu'i rjes su 'gro ba'i chos thams cad la thogs pa ma mchis pa'i ye shes 'di lta bu las dman par gyur pa lags so/ /bcom ldan 'das/ de bzhin gshegs pa'i sangs rgyas kyi rdzu 'phrul gyis rnam par 'phrul pa'i cho 'phrul 'di thos nas lan gcig sems bskyed pa'i sems can de dag kyang rnyed pa legs par rnyed pa lags na/ gang dag mos par bgyid la mos shing yid ches nas kyang rdzu 'phrul dang ye shes 'di lta bu yongs su rdzogs par bgyi ba'i slad du bla na med pa yang dag par rdzogs pa'i byang chub tu sems bskyed pa lha smos kyang ci 'tshal te/ sems can de dag ni/ lha dang bcas pa'i 'jig rten na phyag bgyi ba'i gnas lags so/ /bka' stsal pa/ maung+gal gyi bu/ de ni/ de bzhin te/ </font><hr>265b<br><font size=+1>


khyod ji skad zer ba bzhin du sems can gang dag de bzhin gshegs pa'i yon tan rnams la yid ches pa de dag gis ni/ rnyed pa legs par rnyed do/ /de dag ni/ log par ltung bar dogs pa med par shes par bya'o/ /de nas lha de dag dang / klu de dag dang / brgya byin de dag dang / tshangs pa de dag gis bcom ldan 'das las sangs rgyas kyi rdzu 'phrul gyis rnam par 'phrul ba'i cho 'phrul 'di thos nas tshig mthun par sangs rgyas bcom ldan 'das rnams la phyag 'tshal lo/ /phyag 'tshal lo/ /sems can gang dag gis ye shes 'di lta bu yongs su rdzogs par bya ba'i phyir sems bskyed pa'am/ skyed par 'gyur ba de dag la yang phyag 'tshal lo/ /ji ltar da lta na de bzhin gshegs pa rnam par 'phrul pa de bzhin du de dag kyang rnam par 'phrul par 'gyur te/ de bas na bdag cag gis 'di la som nyi'am/ yid gnyis sam/ the tshom za bar mi bya'o/ /zhes ched du brjod pa ched du brjod do/ /de nas lha dang / klu dang / gnod sbyin dang / dri za de dag dang / brgya byin de dag dang / tshangs pa de dag gis bcom ldan 'das la mchod pa bya ba dang / chos kyi rnam grangs 'di la gus par bya ba'i phyir sil snyan 'bum \?\ sgra phyung ngo / /lha'i me tog ut+pa la dang / pad+ma dang / ku mu da dang / pad+ma dkar po dag gis sum cu rtsa gsum gyi gnas thams cad la </font><hr>266a<br><font size=+1>


@#/ /mngon par gtor to/ /chos kyi rnam grangs 'di bstan pa na sngon bla na med pa yang dag par rdzogs pa'i byang chub tu sems ma bskyed pa'i lha khrag khrig phrag bdun cu rtsa gnyis kyis sems bskyed de/ tshig 'di skad du ji ltar da ltar na de bzhin gshegs pa seng+ge'i sgra sgrog pa de bzhin du bdag cag kyang ma 'ongs pa'i dus na lha dang bcas pa'i 'jig rten gyi mdun du bla na med pa'i seng+ge'i sgra sgrog par gyur cig ces smras so/ /de nas bcom ldan 'das la lha'i bu zla ba dang / zla mchog gis 'di skad ces gsol to/ /bcom ldan 'das/ rigs kyi bu'am/ rigs kyi bu mo gang chos kyi rnam grangs 'di 'dzin pa dang / 'chang ba dang / klog pa dang / kun chub par bgyid pa dang / gzhan dag la'ang rgya cher yang dag par ston pa de bsod nams ji tsam skyed par 'gyur lags/ de skad ces gsol pa dang / bcom ldan 'das kyis lha'i bu zla ba dang / zla mchog la 'di skad ces bka' stsal to/ /lha'i bu dag /rigs kyi bu'am/ rigs kyi bu mo gang chos kyi rnam grangs 'di bdag nyid kyang 'chad la gzhan dag la'ang ston pa de ni/ dkon mchog gsum rgyun mi gcad pa'i phyir zhugs pa yin no/ /de ci'i phyir zhe na/ lha'i bu/ 'di ltar chos kyi rnam grangs 'di thos na nyan thos kyi sems sam/ rang </font><hr>266b<br><font size=+1>


sangs rgyas kyi sems bskyed par mi 'gyur te/ bla na med pa yang dag par rdzogs pa'i byang chub 'ba' zhig tu sems bskyed par 'gyur ba'i phyir ro/ /de ci'i phyir zhe na/ lha'i bu| rgya chen po la mos pa dbang po rnon po sngon gyi rgyal ba la lhag par bya ba byas pa rnams ni/ chos kyi rnam grangs 'di la dga' ba skye bar 'gyur gyi/ chung du la mos pa rnams ni/ de lta ma yin no/ /lha'i bu/ rnam grangs 'dis na gang dag chos kyi rnam grangs 'di 'chang ba dang / klog pa rnams ni/ ci nas dkon mchog gsum gyi rgyun mi gcad pa'i phyir gnas pa yin par de ltar rig par bya'o/ /lha'i bu/ 'di ji snyam du sems/ gang dkon mchog gsum rgyun mi gcad pa'i phyir gnas pa de'i bsngags pa'i mtha'am/ bsod nams kyi mtha' sangs rgyas 'bum sku tshe'i tshad bskal par zhugs pas kyang bstan pa'am/ bshad par spyod dam/ gsol pa/ bcom ldan 'das| de ni/ ma lags so/ /bka' stsal pa/ lha'i bu/ rnam grangs 'dis kyang gang chos kyi rnam grangs 'di 'chang ba'am/ gzhan dag la ston pa de bsod nams tshad med pa skyed par 'gyur bar mkhas pas de ltar rig par bya'o/ /de nas bcom ldan 'das la byang chub sems dpa' byams pas 'di skad ces </font><hr>267a<br><font size=+1>


@#/ /gsol to/ /bcom ldan 'das/ chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ byams pa/ de'i phyir khyod kyis chos kyi rnam grangs 'di sum cu rtsa gsum pa'i le'u zhes bya bar zungs shig /sangs rgyas kyi rdzu 'phrul gyis rnam par 'phrul pa'i cho 'phrul zhes bya bar yang zungs shig /bcom ldan 'das kyis de skad ces bka' stsal nas lha'i bu zla ba dang / zla mchog dang / byang chub sems dpa' sems dpa' chen po byams pa dang / tshe dang ldan pa maung+gal gyi bu chen po dang / tshangs pa de dag dang / brgya byin de dag dang / lha dang / mi dang / lha ma yin dang / dri zar bcas pa'i 'jig rten yi rang ste bcom ldan 'das kyis gsungs pa la mngon par bstod do/ /'phags pa sum cu rtsa gsum pa'i le'u zhes bya ba theg pa chen po'i mdo rdzogs so// //rgya gar gyi mkhan po pra dz+nyA warma dang / zhu chen gyi lo tsA ba ban+d+he ye shes sde la sogs pas bsgyur cing zhus te gtan la phab pa/ </font><hr>

</table>