H220

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H220</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H220&coll=lhasa">see text in Tibetan script</a></table>461a<br><font size=+1>


//rgya gar skad du/ AR+Ya karma A wa ra na pra ti pra sra bi ti nA ma mahA yA na sU tra/ bod skad du/ 'phags pa las kyi sgrib pa rgyun gcod pa zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong stong nyis brgya lnga bcu'i dge slong gi dge 'dun chen po dang / byang chub sems dpa' bdun khri dang thabs gcig tu bzhugs te/ de nas sangs rgyas kyi mthus tshe dang ldan pa shA ri'i bu stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das/ rigs kyi bu'am/ rigs kyi bu mo nyan thos kyi theg pa la yang dag par zhugs pa'am/ rang sangs rgyas kyi theg pa la yang dag par zhugs pa'am/ theg pa chen po la yang dag par zhugs pa'am/ sems can gzhan dag kyang rung ste/ bla na </font><hr>461b<br><font size=+1>


med pa yang dag par rdzogs pa'i byang chub mngon par rdzogs par 'tshang rgya bar 'tshal bas las kyi sgrib pa rnams ji ltar so sor bshags par bgyi/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu/ 'di la rigs kyi bu'am/ rigs kyi bu mo nyan thos kyi theg pa la yang dag par zhugs pa'am/ rang sangs rgyas kyi theg pa la yang dag par zhugs pa'am/ theg pa chen po la yang dag par zhugs pa'am/ sems can gzhan dag kyang rung ste/ bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas nyin lan gsum/ mtshan lan gsum du bla gos phrag pa gcig tu gzar la bus mo g.yas pa'i lha nga sa la btsugs te/ thal mo sbyar ba btud nas/ tshig 'di skad du/ skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang / mi rnams kyi don dang / sman pa dang / bde ba'i slad du sangs rgyas bcom ldan 'das gang dag da ltar phyogs bcu'i 'jig rten na bla na med pa yang dag par rdzogs pa'i byang chub mngon par rdzogs par sangs rgyas nas chos kyi 'khor lo rab tu skor ba/ chos kyi 'khor lo rab tu ston pa/ chos kyi tshul rab tu 'dzin pa dang / chos kyi sbyin pa mdzad </font><hr>462a<br><font size=+1>


@#/ /pa| chos kyi sgron me 'bar bar mdzad pa/ chos kyi char rab tu 'bebs pa/ chos kyi rnga rab tu rdung ba/ chos kyi rnga bo che rab tu rdung ba/ chos kyi dung rab tu 'bud pa/ chos kyi srog shing sgreng ba/ sems can thams cad la chos kyi sbyin pas tshim par mdzad pa/ nyam bag tu spyod du 'dzud pa'i sangs rgyas bcom ldan 'das de dag la phyag 'tshal lo/ /sangs rgyas bcom ldan 'das mchod pa'i gnas/ phyag bgyi ba'i gnas/ ri mo bgyi ba'i gnas/ mkhyen par gyur pa/ spyan du gyur pa/ dpang du gyur pa/ tshad mar gyur pa/ mkhyen pa dang ldan pa/ gzigs pa dang ldan pa/ de dag la bdag lus dang / ngag dang / yid kyis phyag 'tshal lo/ /thog ma dang / tha ma ma mchis pa'i 'khor ba na 'khor ba'i tshe/ bdag 'dod chags kyis gzir ba'am/ zhe sdang gis gzir ba'am/ gti mug gis gzir ba'am/ lus dang / ngag dang / yid kyi las kyi sgrib pa gang mngon par 'dus bgyis pa/ sangs rgyas su ma 'tshal ba dang / chos su ma 'tshal ba dang / dge 'dun du ma 'tshal ba dang / dge ba dang / mi dge bar ma 'tshal ba dang| de bzhin gshegs pa la ngan sems kyis khrag phyung ba dang / chos spangs pa dang / dge 'dun gyi dbyen bgyis pa dang / dge slong dgra bcom pa bkum pa dang / pha ma </font><hr>462b<br><font size=+1>


bkum pa dang / lus kyi rnam gsum/ ngag gi rnam bzhi/ yid kyi rnam gsum ste/ mi dge ba bcu'i las kyi lam bgyis pa dang / bgyid du stsal ba dang / bgyid pa la rjes su yi rang ba dang / sems can kha cig la ngag rtsub smras pa dang / skur pa btab pa dang / srang la g.yo bgyis pa dang / gzhal ba la g.yo bgyis pa dang / 'gro ba drug tu 'khor bar 'khor ba na pha ma mi dga' bar bgyis pa dang / gang zag gi 'am/ mchod rten gyi 'am/ dge 'dun gyi 'am/ phyogs bzhi'i dge slong gi dge 'dun gyi nor brkus pa dang / ci ltar bslab pa'i gzhi bcas pa rnams kyi 'dul ba dang 'gal bar bgyis pa dang / mkhan po dang / slob dpon gyis bsgo ba ma mnyan pa dang / nyan thos kyi theg pa la yang dag par zhugs pa'am/ rang sangs rgyas kyi theg pa la yang dag par zhugs pa'am/ theg pa chen po la yang dag par zhugs pa'am/ de las gzhan pa'i sems can rnams la mi snyan par bgyis pa dang / spyos pa dang / brdegs pa dang / de dag la tha ba dang / zhe sdang bskyed pa dang / phrag dog dang / ser sna las byung ba'i sems kyis sangs rgyas bcom ldan 'das rnams la tshig rtsub po smras pa dang / chos la chos ma lags zhes bgyis pa dang / chos ma lags pa la chos lags zhes bgyis pa de dag sangs rgyas </font><hr>463a<br><font size=+1>


@#/ /bcom ldan 'das mkhyen par gyur pa/ spyan du gyur pa/ dpang du gyur pa/ tshad mar gyur pa/ mkhyen pa dang ldan pa/ gzigs pa dang ldan pa de dag gi spyan sngar so sor 'chags so/ /mthol lo/ mi 'chab bo/ slad chad mi bgyid do/ /bdag las kyi sgrib pa gang gis bsgribs te/ sems can dmyal ba dang / dud 'gro'i skye gnas dang / yi dwags kyi yul dang / lha ma yin gyi tshogs kyi nang du mchi bar 'gyur ba dang / sangs rgyas dang / chos dang / dge 'dun mnyes par bgyid par mi 'gyur ba dang / mi khom pa rnams su skye bar 'gyur ba'i las de lus 'di nyid la rnam par smin te gzhan du mi myong bar shog cig /de 'ang sangs rgyas bcom ldan 'das mkhyen par gyur pa/ spyan du gyur pa/ dbang du gyur pa/ tshad mar gyur pa/ mkhyen pa dang ldan pa/ gzigs pa dang ldan pa de dag gi spyan sngar so sor 'chags so/ /mthol lo| |mi 'chab bo/ slan chad kyang mi bgyid do/ /ji ltar sngon gyi byang chub sems dpa' sems dpa' chen po de dag sngon byang chub kyi phyir spyod pa na las kyi sgrib pa rnams so sor bshags pa dang / ma bcabs pa de bzhin du bdag kyang las kyi sgrib pa rnams so sor 'chags so/ /mthol lo/ /mi 'chab bo/ slan chad kyang mi bgyid do// </font><hr>463b<br><font size=+1>


ji ltar ma 'ongs pa'i dus kyi byang chub sems dpa' sems dpa' chen po de dag byang chub sems dpa'i spyad pa spyod pa na las kyi sgrib pa rnams so sor 'chags par 'gyur ba dang / mi 'chab par 'gyur ba de bzhin du bdag kyang las kyi sgrib pa rnams so sor 'chags so/ /mthol lo/ mi 'chab bo/ /slan chad mi bgyid do/ /ji ltar da ltar phyogs bcu'i 'jig rten na byang chub sems dpa' sems dpa' chen po dag byang chub kyi phyir spyod pa na las kyi sgrib pa rnams so sor 'chags pa dang / mi 'chab pa de bzhin du bdag kyang las kyi sgrib pa rnams so sor 'chags so/ /mthol lo/ /mi 'chab bo/ /slan chad mi bgyid do/ /ji ltar 'das pa dang / ma 'ongs pa dang / da ltar byung ba'i byang chub sems dpa' sems dpa' chen po dag byang chub sems dpa'i spyad pa spyod pa na las kyi sgrib pa rnams so sor bshags pa dang / so sor 'chags pa dang / so sor 'chags par 'gyur ba de bzhin du bdag kyang las kyi sgrib pa rnams so sor 'chags so/ /mthol lo/ /mi 'chab bo/ /slan chad mi bgyid do zhes brjod par bya'o/ /shA ri'i bu| de lta bas na rigs kyi bu'am/ rigs kyi bu mo chos thams cad la sgrib pa med pa rnam par dag pa thob par 'dod pas 'di bzhin du las kyi sgrib pa rnams so sor bshags </font><hr>464a<br><font size=+1>


@#/ /par bya'o/ /mi bcab par bya'o/ /phyin chad kyang mi bya'o/ /su rgyal rigs kyi rigs shing sA la chen po lta bu phyug pa/ nor che ba/ longs spyod che ba/ sa le sbram dang / nor dang / yo byad mang ba/ shin tu skyid pa/ bzhon pa chen po la zhon pa rnams kyi nang du skye bar 'dod pa des kyang 'di bzhin du las kyi sgrib pa rnams so sor bshags par bya'o/ /mi bcab par bya'o/ /phyin chad kyang mi bya'o/ /su bram ze'i rigs shing sA la chen po lta bu rnams dang / khyim bdag gi rigs shing sA la chen po lta bu phyug pa/ nor che ba/ longs spyod che ba/ sa le sbram dang / nor dang / yo byad mang ba/ shin tu skyid pa/ bzhon pa chen po la zhon pa rnams kyi nang du skye bar 'dod pa des kyang 'di bzhin du las kyi sgrib pa rnams so sor bshags par bya'o/ /mi bcab par bya'o/ /phyin chad kyang mi bya'o/ /su rgyal chen bzhi'i ris lha rnams kyi brtul zhugs dang mtshungs pa skye bar 'dod pa des kyang 'di bzhin du las kyi sgrib pa rnams so sor bshags par bya'o/ /mi bcab par bya'o/ /phyin chad kyang mi bya'o/ /su sum cu rtsa gsum pa'i lha rnams kyi brtul zhugs dang mtshungs pa skye bar 'dod pa des kyang 'di bzhin du las kyi sgrib pa rnams so sor bshags par bya'o/ /mi bcab par bya'o/ / </font><hr>464b<br><font size=+1>


phyin chad kyang mi bya'o/ /de bzhin du su 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs 'khor dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che dang / sems can 'du shes med pa dang / gya nom snang ba dang / shin tu mthong ba dang / mi che ba dang / mi gdung ba dang / 'og min gyi lha rnams kyis brtul zhugs dang mtshungs par skye bar 'dod pa des kyang 'di bzhin du las kyi sgrib pa rnams so sor bshags par bya'o/ /mi bcab par bya'o/ /phyin chad kyang mi bya'o/ / su gzugs med pa nam mkha' mtha' yas skye mched du nye bar 'gro ba rnams dang / rnam shes mtha' yas skye mched du nye bar 'gro ba rnams dang / ci 'ang med pa'i skye mched du nye bar 'gro ba rnams dang / 'du shes med 'du shes med min skye mched du nye bar 'gro ba'i lha rnams kyi brtul zhugs dang mtshungs par skye bar 'dod pa des kyang 'di bzhin du las kyi sgrib pa rnams so sor bshags par bya'o/ /mi bcab par bya'o/ /phyin chad kyang mi bya'o/ /su rgyun du zhugs pa'i 'bras bu dang / lan gcig phyir 'ong ba'i </font><hr>465a<br><font size=+1>


@#/ /'bras bu dang / phyir mi 'ong ba'i 'bras bu dang / dgra bcom pa nyid mngon sum du byed par 'dod pa des kyang 'di bzhin du las kyi sgrib rnams so sor bshags par bya'o/ /mi bcab par bya'o/ /phyin chad kyang mi bya'o/ /su rig pa gsum mam/ mngon par shes pa drug gam/ stobs rnams sam/ dbang po rnams sam| nyan thos kyi pha rol tu phyin pa'am/ nyan thos dbang che bar grags pa'am/ rang byang chub mngon sum du byed par 'dod pa des kyang 'di bzhin du las kyi sgrib pa rnams so sor bshags par bya'o/ /mi bcab par bya'o/ /phyin chad kyang mi bya'o/ /su thams cad mkhyen pa'i ye shes dang / rnam par dag pa'i ye shes dang / bsam gyis mi khyab pa'i ye shes dang / mtshungs pa med pa'i ye shes dang / yang dag par rdzogs pa'i sangs rgyas kyi ye shes mngon par bsgrub par 'dod pa des kyang 'di bzhin du las kyi sgrib pa rnams so sor bshags par bya'o/ /mi bcab par bya'o/ /phyin chad kyang mi bya'o/ /de ci'i phyir zhe na/ shA ri'i bu/ de bzhin gshegs pas chos thams cad ni rten cing 'brel bar 'byung ba'o zhes gsungs pa'i phyir te/ rgyu dang / rkyen gzhan dang / gzhan gyis gzhan skye'o/ /gzhan 'gag go /de la 'das pa'i chos gang yin pa de dag </font><hr>465b<br><font size=+1>


ni 'gags pa/ zad pa/ bral ba/ rnam par gyur pa ste/ de dag la'ang las kyi sgrib pa cung zad kyang med do/ /de ltar na 'du byed pa gang yin pa rnams kyang med pa las byung ba ste/ de dag la'ang las kyi sgrib pa cung zad kyang med do/ /de ci'i phyir zhe na/ shA ri'i bu/ de bzhin gshegs pas chos thams cad ni stong pa/ sems can med pa/ srog med pa/ gang zag med pa/ ma skyes pa/ ma 'gags pa/ 'dus ma byas pa zhes gsungs pa'i phyir ro/ /shA ri'i bu/ chos thams cad bdag las byung yang bdag kyang yod pa ma yin no/ /shA ri'i bu/ rigs kyi bu'am/ rigs kyi bu mo gang la la zhig /'di lta ste/ sems can med pa'i mtha'i chos kyi tshul 'di la 'jug pa 'di ni las kyi sgrib pa rgyun gcod pa zhes bya ste/ shA ri'i bu/ 'di ni so sor bshags pa'o/ /de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das/ rigs kyi bu'am/ rigs kyi bu mo nyan thos kyi theg pa la yang dag par zhugs pa'am/ rang sangs rgyas kyi theg pa yang dag par zhugs pa'am/ theg pa chen po la yang dag par zhugs pa'am/ sems can gzhan dag kyang rung ste/ bla na med pa yang dag par rdzogs pa'i byang chub mngon par rdzogs par 'tshang rgya bar 'tshal bas ji ltar dge ba'i rtsa ba rnams </font><hr>466a<br><font size=+1>


@#/ /la rjes su yi rang bar bgyi/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu| 'di la rigs kyi bu'am/ rigs kyi bu mos nyin lan gsum/ mtshan lan gsum du bla gos phrag pa gcig tu gzar nas pus mo g.yas pa'i lha nga sa la btsugs te| thal mo sbyar nas/ tshig 'di skad du/ phyogs bcu'i 'jig rten na sems can gang su dag sbyin pa las byung ba'i bsod nams bgyi ba'i dngos po dang / tshul khrims las byung ba dang / bsgom pa las byung ba'i bsod nams bgyi ba'i dngos po mngon par 'dus bgyis pa de dag thams cad la'ang rjes su yi rang ba'i mchog gis rjes su yi rang ngo| rjes su yi rang ba dam pa dang / gtso bo dang / khyad par can dang / rab dang / phul dang / gya nom pa dang / bla ma dang / bla na med pa dang / ltag na med pa dang / mnyam pa med pa dang / mi mnyam pa dang mnyam pas rjes su yi rang ngo / /phyogs bcu'i 'jig rten na sems can gang su dag sbyin pa las byung ba'i bsod nams bgyi ba'i dngos po dang / tshul khrims las byung ba dang / bsgom pa las byung ba'i bsod nams bgyi ba'i dngos po mngon par 'du bgyid par 'gyur pa de dag thams cad la'ang rjes su yi </font><hr>466b<br><font size=+1>


rang ba'i mchog gis rjes su yi rang ba nas rjes su yi rang ba mi mnyam pa dang mnyam pa'i bar gyis rjes su yi rang ngo / /phyogs bcu'i 'jig rten na sems can gang su dag sbyin pa las byung ba'i bsod nams bgyi ba'i dngos po dang / tshul khrims las byung ba dang / bsgom pa las byung ba'i bsod nams bgyi ba'i dngos po mngon par 'du bgyid pa de/ / thams cad la'ang rjes su yi rang ba'i mchog gis rjes su yi rang ba nas rjes su yi rang ba mi mnyam pa dang mnyam pa'i bar gyis rjes su yi rang ngo / /byang chub sems dpa' gang dag da ltar na sems dang po bskyed pa de dag gi dang po byang chub tu sems bskyed pa dang ldan pa'i dge ba'i rtsa ba gang lags pa dang / byang chub sems dpa' bskal pa brgyas byung ba rnams kyi bsod nams kyi phung po gang lags pa dang / byang chub sems dpa' mi skye ba'i chos la bzod pa thob pa rnams kyi bsod nams kyi phung po gang lags pa dang / phyir mi ldog pa rnams kyi bsod nams kyi phung po gang lags pa dang / byang chub sems dpa' skye ba gcig gis thogs pa rnams kyi bsod nams kyi phung po gang lags pa de dag thams cad la'ang rjes su yi rang ba'i mchog gis rjes su yi rang ba nas rjes su yi rang ba mi mnyam pa dang mnyam pa'i bar gyis rjes su yi rang ngo / /byang chub sems dpa' sems </font><hr>467a<br><font size=+1>


@#/ /dpa' chen po de dag sngon byang chub sems dpa'i spyad pa spyod pa na pha rol tu phyin pa drug dang ldan pa'i dge ba'i rtsa ba mngon par 'dus bgyis pa gang lags pa de dag thams cad la'ang rjes su yi rang ba'i mchog gis rjes su yi rang ngo / /rjes su yi rang ba'i dam pa dang / gtso bo dang / khyad par can dang / rab dang / phul dang / gya nom pa dang / bla ma dang / bla na med pa dang / ltag na med pa dang / mnyam pa med pa dang / mi mnyam pa dang mnyam pas rjes su yi rang ngo / /ma 'ongs pa'i dus kyi byang chub sems dpa' sems dpa' chen po de dag byang chub kyi phyir spyod pa na pha rol tu phyin pa drug dang ldan pa'i bsod nams kyi phung po mngon par 'du bgyis par 'gyur ba gang lags pa de dag thams cad la'ang rjes su yi rang ba'i mchog gis rjes su yi rang ngo / /rjes su yi rang ba dam pa dang / gtso bo dang / khyad par can dang / rab dang / phul dang / gya nom pa dang / bla ma dang / bla na med pa dang / ltag na med pa dang / mnyam pa med pa dang / mi mnyam pa dang mnyam pas rjes su yi rang ngo / /byang chub sems dpa' sems dpa' chen po gang dag da ltar phyogs bcu'i 'jig rten na byang chub kyi phyir spyod de dag pha rol tu phyin pa drug dang ldan pa'i bsod nams kyi phung po mngon </font><hr>467b<br><font size=+1>


par 'du bgyid pa gang lags pa de dag thams cad la'ang rjes su yi rang ba'i mchog gis rjes su yi rang ngo / /rjes su yi rang ba dam pa dang / gtso bo dang / khyad par can dang / rab dang / phul dang / gya nom pa dang / bla ma dang / bla na med pa dang / ltag na med pa dang / mnyam pa med pa dang / mi mnyam pa dang mnyam pas rjes su yi rang ngo / /skye bo mang po la smon pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang / mi rnams kyi don dang / sman pa dang / bde ba'i slad du sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis bla na med pa yang dag par rdzogs pa'i byang chub mngon par rdzogs par sangs rgyas nas chos kyi 'khor lo rab tu bskor ba/ chos kyi 'khor lo rab tu bstan pa/ chos kyi tshul rab tu bzung ba/ chos kyi char rab tu phab pa/ chos kyi char rab tu btang ba/ chos kyi rnga rab tu brdungs pa/ chos kyi rnga bo che brdungs pa/ chos kyi dung bud pa/ chos kyi srog shing bsgreng ba/ chos kyi sgron ma 'bar bar mdzad pa/ sems can thams cad la chos kyi sbyin pas tshim par mdzad pa/ nyam bag tu spyod du btsud pa gang lags pa dang / de la nyan thos kyi theg pa pa'am/ rang sangs rgyas kyi theg pa pa'am/ byang chub sems dpa'i </font><hr>468a<br><font size=+1>


@#/ /theg pa pa'am/ de las gzhan pa'i sems can rnams kyis dge ba'i rtsa ba bskyed pa gang lags pa de dag thams cad la'ang rjes su yi rang ba'i mchog gis rjes su yi rang ba nas/ rjes su yi rang ba mi mnyam pa dang mnyam pa'i bar gyis rjes su yi rang ngo / /skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang / mi rnams kyi don dang / sman pa dang / bde ba'i slad du ma 'ongs pa'i dus kyi sangs rgyas bcom ldan 'das de dag bla na med pa yang dag par rdzogs pa'i byang chub mngon par rdzogs par sangs rgyas nas chos kyi 'khor lo bskor bar 'gyur ba'i bar dag gang lags pa dang / de la nyan thos kyi theg pa pa'am/ rang sangs rgyas kyi theg pa pa'am/ byang chub sems dpa'i theg pa pa'am/ de las gzhan pa'i sems can dag dge ba'i rtsa ba bskyed par 'gyur ba gang lags pa de dag thams cad la'ang rjes su yi rang ba mchog gis rjes su yi rang ba nas rjes su yi rang ba mi mnyam pa dang mnyam pa'i bar gyis rjes su yi rang ngo / /skye po mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang / mi rnams kyi don dang / sman pa dang / bde ba'i slad du da </font><hr>468b<br><font size=+1>


ltar na phyogs bcu'i 'jig rten na sangs rgyas bcom ldan 'das rnams bla na med pa yang dag par rdzogs pa'i byang chub mngon par rdzogs par sangs rgyas nas chos kyi 'khor lo rab tu bskor ba/ chos kyi 'khor lo rab tu ston pa/ chos kyi tshul rab tu 'dzin pa/ chos kyi char rab tu 'bebs pa/ chos kyi char rab tu gtong ba/ chos kyi sbyin pa mdzad pa / chos kyi sgron ma 'bar bar mdzad pa/ chos kyi rnga rdung ba/ chos kyi rnga bo che rdung ba/ chos kyi dung 'bud pa/ chos kyi srog shing sgreng ba/ sems can thams cad la chos kyi sbyin pas tshim par mdzad pa/ nyam bag tu spyod du 'dzud pa gang lags pa dang / de la nyan thos kyi theg pa pa'am/ rang sangs rgyas kyi theg pa pa'am/ byang chub sems dpa'i theg pa pa'am/ de las gzhan pa'i sems can dag dge ba'i rtsa ba bskyed pa gang lags pa de dag thams cad la'ang rjes su yi rang ba mchog gis rjes su yi rang ba nas rjes su yi rang ba mi mnyam pa dang mnyam pa'i bar gyis rjes su yi rang ngo zhes brjod par bya'o/ /shA ri'i bu/ 'di ni rjes su yi rang ba'i bsod nams kyi phung po'o/ /rigs kyi bu'am/ rigs kyi bu mo rjes su yi rang ba'i bsod nams kyi phung po 'dis rjes su yi rang na bsod nams kyi phung po mang po grangs med/ dpag tu med pa skyed do/ /shA ri'i bu/ stong gsum gyi stong chen </font><hr>469a<br><font size=+1>


@#/ /po'i 'jig rten gyi khams kyi sems can nas/ 'jig rten gyi khams gang+gA'i klung gi bye ma snyed kyi sems can ji snyed pa de dag thams cad dgra bcom pa zag pa zad par gyur la/ rigs kyi bu'am/ rigs kyi bu mo gang la la zhig gis de dag la ji srid 'tsho'i bar du gos dang / zas dang / na ba'i gsos sman dang / yo byad rnams kyis bsnyen bkur byas pa bas gang zhig rjes su yi rang ba 'dis rjes su yi rang na de ni de bas bsod nams ches mang du grangs med dpag tu med pa skyed do| |shA ri'i bu/ de bas na rigs kyi bu'am/ rigs kyi bu mo bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas rjes su yi rang bar bya'o/ /bud med skyes pa'i dbang po thob par 'dod cing bud med kyi dbang po rjes par 'dod pas kyang rjes su yi rang ba 'dis rjes su yi rang bar bya'o/ /de skad ces bka' stsal pa dang / bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das/ ma 'ongs pa'i byang chub sems dpa' sems dpa' chen po rnams la snang ba bgyis par 'gyur ba dang / da ltar byung ba'i byang chub sems dpa' rnams kyi mos pa bskyed par 'gyur ba'i bskul ba'i phung po bshad du gsol/ de </font><hr>469b<br><font size=+1>


skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu/ 'di la rigs kyi bu'am/ rigs kyi bu mo nyan thos kyi theg pa la yang dag par zhugs pa'am/ rang sangs rgyas kyi theg pa la yang dag par zhugs pa'am/ theg pa chen po la yang dag par zhugs pa'am/ sems can gzhan dag kyang rung ste/ bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas nyin lan gsum/ mtshan lan gsum du bla gos phrag pa gcig tu gzar la bus mo g.yas pa'i lha nga sa la btsugs te/ thal mo sbyar nas/ tshig 'di skad du/ sangs rgyas bcom ldan 'das gang dag da ltar na phyogs bcu'i 'jig rten gyi khams na bla na med pa yang dag par rdzogs pa'i byang chub mngon par rdzogs par sangs rgyas pa de dag la phyag 'tshal lo/ /sangs rgyas bcom ldan 'das de dag la phyag btsal nas chos kyi 'khor lo rab tu bskor bar bskul gyi/ sangs rgyas bcom ldan 'das de dag gis skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang / mi rnams kyi don dang / sman pa dang / bde ba'i slad du chos kyi 'khor lo rab tu bskor du gsol/ chos kyi 'khor </font><hr>470a<br><font size=+1>


@#/ /lo rab tu bstan du gsol/ chos kyi tshul rab tu gzung du gsol/ chos kyi sbyin pa mdzad pa gzung du gsol/ chos kyi sgron ma 'bar bar mdzad du gsol/ chos kyi char dbab tu gsol/ chos kyi rnga bdung du gsol/ chos kyi rnga bo che ba rdung du gsol/ chos kyi dung 'bud du gsol/ chos kyi srog shing bsgreng du gsol zhes brjod par bya'o/ /shA ri'i bu/ gzhan yang / rigs kyi bu'am/ rigs kyi bu mo nyan thos kyi theg pa la yang dag par zhugs pa'am/ rang sangs rgyas kyi theg pa la yang dag par zhugs pa'am/ theg pa chen po la yang dag par zhugs pa'am/ sems can gzhan dag kyang rung ste/ nyin lan gsum/ mtshan lan gsum du bla gos phrag pa gcig tu gzar la bus mo g.yas pa'i lha nga sa la btsugs te/ thal mo sbyar nas/ tshig 'di skad du/ sangs rgyas bcom ldan 'das gang dag da ltar na phyogs bcu'i 'jig rten na tshe'i 'du byed gtong ba'i sangs rgyas bcom ldan 'das de dag la phyag 'tshal lo/ /sangs rgyas bcom ldan 'das de dag la bdag phyag btsal nas gsol ba 'debs kyi/ sangs rgyas bcom ldan 'das de dag skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha </font><hr>470b<br><font size=+1>


dang| mi rnams kyi don dang / sman pa dang / bde ba'i slad du chos kyi 'khor lo ni rab tu bskor/ chos kyi sgron me ni 'bar bar mdzad/ chos kyi char ni rab tu 'bebs/ chos kyi char ni rab tu gtong / chos kyi rnga ni rab tu rdung / chos kyi rnga bo che ni rab tu rdung / chos kyi dung ni rab tu 'bud/ chos kyi srog shing ni rab tu sgreng / chos kyi sgron ma ni mched par mdzad/ sems can thams cad la chos kyi sbyin pas ni tshim par mdzad/ nyam bdag tu spyod du ni 'dzud cing re zhig bzhugs su gsol/ gsol ba btab pa'i phung po 'di'ang bla na med pa yang dag par rdzogs pa'i byang chub tu yongs su bsngo ste/ ji ltar na bla na med pa yang dag par rdzogs pa'i byang chub tu yongs su bsngo ba de bzhin du 'di yongs su bsngo'o zhes brjod par bya'o/ /shA ri'i bu/ 'di ni gsol ba gdab pa'i phung po ste/ rigs kyi bu'am/ rigs kyi bu mo gsol ba btab pa'i phung po 'dis gsol ba 'debs na/ bsod nams mang po grangs med dpag tu med pa skyed do/ /shA ri'i bu/ rigs kyi bu'am/ rigs kyi bu mo gang la la zhig gis stong gsum gyi stong chen po'i 'jig rten gyi khams ji snyed pa de dag rin po che sna bdun gyis bkang ste/ de bzhin gshegs pa rnams la dbul ba phul ba bas/ gang gis de bzhin gshegs pa de dag la </font><hr>471a<br><font size=+1>


@#/ /chos kyi 'khor lo skor bar bskul na de ni de bas bsod nams ches mang du grangs med dpag tu med pa skyed do/ /shA ri'i bu/ stong gsum gyi stong chen po'i 'jig rten gyi khams lta zhog ste/ shA ri'i bu/ 'jig rten gyi khams gang+gA'i klung gi bye ma dang mnyam pa ji snyed pa de dag rigs kyi bu'am/ rigs kyi bu mo la la zhig gis rin po sna bdun gyis bkang ste/ de bzhin gshegs pa rnams la dbul ba phul ba bas/ gang gis de bzhin gshegs pa de dag la gsol ba btab na de ni de bas bsod nams ches mang du grangs med dpag tu med pa skyed do/ /de ci'i phyir zhe na/ shA ri'i bu/ ngas sngon byang chub sems dpa' spyad pa spyod pa na de bzhin gshegs pa rnams la chos kyi 'khor lo skor bar gsol ba btab ste/ dge ba'i rtsa ba des na nga la lha'i dbang po brgya byin dang / mi mjed kyi bdag po tshangs pas/ bcom ldan 'das/ skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang / mi rnams kyi don dang / sman pa dang| bde ba'i slad du chos kyi 'khor lo rab tu bskor bar gsol zhes chos kyi 'khor lo rab tu bskor bar gsol ba btab bo/ /shA ri'i bu/ ngas sngon byang chub kyi phyir </font><hr>471b<br><font size=+1>


spyod pa na de bzhin gshegs pa rnams la ring du bzhugs par gsol te/ dge ba'i rtsa ba des na nga mi 'jigs pa bzhi dang / de bzhin gshegs pa'i stobs bcu dang / sangs rgyas kyi chos ma 'dres pa bco brgyad dang / so so yang dag par rig pa bzhi dang / byams pa chen po dang / snying rje chen po dang / yongs su mya ngan las 'das pa thob ste/ nga'i dam pa'i chos kyang yun ring du gnas par 'gyur ro/ /de skad ces bka' stsal pa dang / bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das/ rigs kyi bu'am/ rigs kyi bu mo nyan thos kyi theg pa la yang dag par zhugs pa'am/ rang sangs rgyas kyi theg pa la yang dag par zhugs pa'am/ theg pa chen po la yang dag par zhugs pa'am/ sems can gzhan dag kyang rung ste/ bla na med pa yang dag par rdzogs pa'i byang chub mngon par rdzogs par 'tshang rgya bar 'tshal bas thams cad mkhyen pa nyid du 'gyur par bgyi ba'i slad du dge ba'i rtsa ba rnams ji ltar yongs su bsngo bar bgyi/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu/ 'di la rigs kyi bu'am/ rigs kyi bu mo nyan thos kyi theg pa la yang dag par zhugs pa'am/ rang sangs rgyas kyi theg pa la </font><hr>472a<br><font size=+1>


@#/ /yang dag par zhugs pa'am/ theg pa chen po la yang dag par zhugs pa'am/ sems can gzhan dag kyang rung ste/ bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas nyin lan gsum du mtshan lan gsum du tshig 'di skad ces/ thog ma dang / tha ma ma mchis pa'i 'khor ba na 'khor ba'i tshe bdag gis dge ba'i rtsa ba mngon par 'dus bgyis par gyur pa/ sangs rgyas sam/ chos sam/ dge 'dun nam/ gang zag gam/ tha na dud 'gro'i skye gnas su song ba rnams sam/ sems can gzhan dag la'ang rung ste/ zan chang gcig tsam stsal bar gyur pa gang lags pa dang / 'chags pa gang lags pa dang / gsol ba gdab pa gang lags pa dang / skyabs su mchi ba gang lags pa dang / bslab pa'i gzhi dang ldan pa'i dge ba'i rtsa ba gang lags pa dang / so sor 'chags pa dang ldan pa'i dge ba'i rtsa ba gang lags pa dang / rjes su yi rang ba dang ldan pa'i bsod nams bgyi ba'i dngos po gang lags pa dang / gsol pa gdab pa dang ldan pa'i dge ba'i rtsa ba gang lags pa de dag thams cad gcig tu bsdus gzhal bzlums te/ sems dul zhing rnam par grol ba dang / gzung ba ma mchis pas sems can thams cad la stsal to/ /ji ltar dge </font><hr>472b<br><font size=+1>


ba'i rtsa ba rnams sems can thams cad la gtang bar bgyi ba sangs rgyas bcom ldan 'das rnams kyis sangs rgyas kyi ye shes chags pa mi mnga' bas ji ltar mkhyen pa de lta bus bdag gis dge ba'i rtsa ba de btang ngo / /sems can thams cad lag na rin po che dang ldan par gyur cig /nam mkha'i mdzod dang / longs spyod zad mi shes pa dang / bsod nams zad mi shes pa dang / chos zad mi shes pa dang / ye shes zad mi shes pa dang / spobs pa zad mi shes pa dang / bla na med pa yang dag par rdzogs pa'i byang chub mngon par rdzogs par byang chub pa dang / thams cad mkhyen pa'i ye shes thob par gyur cig /bdag gi dge ba'i rtsa ba sems can thams cad la stsal pa las byung ba'i bsod nams gang yin pa de dag thams cad gcig tu bsdus gzhal bzlums te/ bla na med pa yang dag par rdzogs pa'i byang chub tu yongs su bsngo'o/ /dge ba'i rtsa ba 'dis bdag dang / sems can thams cad bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /thams cad mkhyen pa'i ye shes kyang thob par gyur cig /ji ltar sngon gyi byang chub sems dpa' sems dpa' chen po de dag gis byang chub kyi phyir spyod pa na thams cad mkhyen pa nyid du 'gyur bar bgyi ba'i slad du dge ba'i rtsa ba rnams yongs su bsngos pa de bzhin du </font><hr>473a<br><font size=+1>


@#/ /bdag gis kyang thams cad mkhyen pa nyid du 'gyur bar bgyi ba'i slad du dge ba'i rtsa ba rnams yongs su bsngo'o/ /dge ba'i rtsa ba 'dis bdag dang / sems can thams cad bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /thams cad mkhyen pa'i ye shes kyang thob par gyur cig/ ji ltar ma 'ongs pa'i dus kyi byang chub sems dpa' sems dpa' chen po de dag byang chub kyi phyir spyod pa na thams cad mkhyen pa nyid du 'gyur bar bgyi ba'i slad du dge ba'i rtsa ba rnams yongs su bsngo bar 'gyur ba de bzhin du bdag gis kyang thams cad mkhyen pa nyid du 'gyur bar bgyi ba'i slad du dge ba'i rtsa ba rnams yongs su bsngo'o/ /dge ba'i rtsa ba 'dis bdag dang / sems can thams cad bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /thams cad mkhyen pa'i ye shes kyang thob par gyur cig /ji ltar de lta na da ltar byung ba'i byang chub sems dpa' sems dpa' chen po de dag kyang byang chub kyi phyir spyod pa na thams cad mkhyen pa nyid du 'gyur bar bgyi ba'i slad du dge ba'i rtsa ba rnams yongs su bsngo ba de bzhin du bdag gis kyang thams cad mkhyen pa nyid du 'gyur bar bgyi ba'i slad du dge ba'i rtsa ba rnams yongs su bsngo'o/ /dge </font><hr>473b<br><font size=+1>


ba'i rtsa ba 'dis bdag dang / sems can thams cad bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /thams cad mkhyen pa'i ye shes kyang thob par gyur cig /ji ltar bcom ldan 'das de bzhin gshegs pa shAkya thub pa des byang chub kyi snying po la bzhugs te/ sangs rgyas kyi ting nge 'dzin bsam gyis mi khyab pa dri ma med pa shin tu dkar ba la bzhugs nas bdud sdig can bcom ste/ shes par bgyi ba dang / blta bar bgyi ba dang / rtogs par bgyi ba dang / mngon par rdzogs par byang chub par bgyi ba gang ci'ang rung ste/ de thams cad nam gyi tho rangs skya rengs 'char kar skad cig gcig dang ldan pa'i shes rab kyis bdud rtsi brnyes te/ 'chi ba med par 'gro ba'i lam mngon par rdzogs par sangs rgyas pa de bzhin du bdag dang / sems can thams cad kyang bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /thams cad mkhyen pa'i ye shes kyang thob par gyur cig /ji ltar bcom ldan 'das de bzhin gshegs pa 'od dpag med dang / 'od mchog dang / 'od dge dang / bsod nams 'od dang / mi 'khrugs pa dang / seng ge dang / 'od zer brgya pa dang / 'od zer mtho dang / 'od dra ba can dang / rin chen 'od 'phro dang / 'od 'bar dang / snang </font><hr>474a<br><font size=+1>


@#/ /ba'i rgyal po dang / shin tu brgyan dang / rin chen tog dang / chos kyi rgyal mtshan dang / yan lag mchog de bzhin gshegs pa dgra bcom pa yang dag par rdzogs pa'i sangs rgyas de dag dang / sangs rgyas bcom ldan 'das gzhan dag gis bla na med pa yang dag par rdzogs pa'i byang chub mngon par rdzogs par sangs rgyas nas ji tsam du skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang / mi rnams kyi don dang / sman pa dang| bde ba'i slad du chos kyi 'khor lo rab tu bskor ba de bzhin du bdag dang / sems can thams cad kyang bla na med pa yang dag par rdzogs pa'i byang chub mngon par rdzogs par sangs rgyas nas skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang / mi rnams kyi don dang / sman pa dang / bde ba'i slad du chos kyi 'khor lo rab tu bskor bar shog cig ces brjod par bya'o/ /shA ri'i bu/ 'di ni yongs su bsngo ba'i phung po ste/ bsod nams kyi phung po snga mas yongs su bsngo ba'i phung po 'di'i brgya'i char yang nye bar mi 'gro ba nas dpe'i bar du'ang nye bar mi bzod do/ /shA ri'i bu/ rigs kyi bu'am/ rigs kyi bu mo gang la la zhig mdo 'di len tam/ kun </font><hr>474b<br><font size=+1>


chung par byed dam/ 'dzin tam/ klog gam/ gzhan dag la'ang rgya cher yang dag par rab tu ston na de ni bsod nams kyi phung po de bas ches mang du grangs med dpag tu med pa skyed do| |shA ri'i bu/ stong gsum gyi stong chen po'i 'jig rten gyi khams kyi sems can ji snyed pa de dag thams cad snga phyi med par mi'i lus thob par gyur la/ snga phyi med par mi'i lus thob nas kyang rang byang chub thob par gyur te/ de dag la rigs kyi bu'am/ rigs kyi bu mo gang la la zhig gis bsti stang dang / phu dud du bya ba'i phyir gos dang / zas dang / mal cha dang / na ba'i gsos sman dang / yo byad rnams kyis ji srid 'tsho'i bar du bsnyen bkur byas te/ rim gro bya ba lan gcig cing yang rin po che'i phung po ri rab tsam gyi rin po che rnams yongs su zad par byas la/ yongs su mya ngan las 'das nas kyang de dag gi mchod rten rin po che sna bdun te/ gser dang / dngul dang / mu tig dang / bai DUR+Ya dang / shel dang / spug dang / mu tig dmar po las 'phang du dpag tshad bcu pa byas te/ de dag la gdugs dang / rgyal mtshan dang / ba dan dang / ba dan phra mo rnams kyis mchod pa byas na/ shA ri'i bu/ 'di ji snyam du sems/ rigs kyi bu'am/ rigs kyi bu mo gzhi de las bsod nams mang du skyed dam/ gsol pa/ bcom ldan 'das/ mang lags so/ /bde bar gshegs pa/ mang lags </font><hr>475a<br><font size=+1>


@#/ /so| |bcom ldan 'das kyis bka' stsal pa/ shA ri'i bu/ rigs kyi bu'am/ rigs kyi bu mo gang mdo 'di 'dzin tam/ kun chub par byed dam/ 'don par byed dam| klog gam/ skye bo mang po la yang dag par rab tu ston tam/ bla na med pa yang dag par rdzogs pa'i byang chub tu smon lam 'debs na de ni de bas bsod nams ches mang du bskyed do/ /bsod nams kyi phung po snga mas bsod nams kyi phung po 'di'i brgya'i char yang nye bar mi 'gro ba nas dpe'i bar du'ang mi bzod do/ /de ci'i phyir zhe na/ shA ri'i bu/ 'di ltar rigs kyi bu'am/ rigs kyi bu mo sgrub pa 'di la gnas nas phyogs bcu'i 'jig rten gyi khams kyi sangs rgyas bcom ldan 'das rnams la chos kyi 'khor lo bskor bar bskul ba'i phyir ro/ /shA ri'i bu/ sbyin pa rnams kyi nang na ni/ 'di lta ste/ chos kyi sbyin pa ni mchog ces ngas bshad do/ /de nas 'khor de las srog chags khri stan las langs te| so so nas bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das/ bdag cag gis mdo sde 'di gzung bar bgyi'o/ /gzhan dag la'ang rgya char yang dag par bstan par bgyi'o/ / </font><hr>475b<br><font size=+1>


bsgrubs pa la gnas par bgyi'o/ /de ci'i slad du zhe na/ bcom ldan 'das/ bdag cag ni dge ba'i chos de lta bu dag gis bla na med pa yang dag par rdzogs pa'i byang chub tu mngon par rdzogs par 'tshang rgya bar 'tshal zhing don du gnyer ba lags so/ /de nas lha'i dbang po brgya byin gyis bcom ldan 'das dang / chos kyi rnam grangs 'di la lha'i me tog man dA ra bas mngon par gtor to/ /mngon par gtor nas kyang / tshig 'di skad ces/ bcom ldan 'das/ chos kyi rnam grangs 'di ni byang chub sems dpa' rnams kyi dge ba'i rtsa ba bskrun pa dang / las kyi sgrib pa rgyun gcod pa'i gces spras bgyid pa lags so/ /bcom ldan 'das kyis bka' stsal pa/ de de bzhin no/ /kau shi ka /de de bzhin te/ de ci'i phyir zhe na/ lha'i dbang po/ ngas mngon par shes te/ 'di nas bskal pa grangs med pa'i yang ches grangs med par gyur pa na/ bcom ldan 'das/ de bzhin gshegs pa/ dgra bcom pa/ yang dag par rdzogs pa'i sangs rgyas 'od zer gyi phung po chen po zhes bya ba/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang / mi rnams kyi ston pa/ sangs rgyas bcom ldan 'das 'jig rten du byung ngo / /lha'i dbang po/ de bzhin gshegs pa dgra </font><hr>476a<br><font size=+1>


@#/ /bcom pa yang dag par rdzogs pa'i sangs rgyas 'od zer gyi phung po chen po de'i tshe'i tshad ni lo bye ba phrag drug cu thub par gyur to/ /de'i nyan thos thog mar 'dus pa ni bye ba phrag 'bum yod de/ thams cad kyang dgra bcom pa zag pa zad pa sha stag go /de'i nyan thos 'dus pa gnyis pa ni bye ba brgya stong phrag dgu bcu rtsa brgyad yod de/ thams cad kyang dgra bcom pa zag pa zad pa sha stag go /de'i nyan thos 'dus pa gsum pa ni bye ba brgya stong phrag dgu bcu rtsa dgu yod de/ thams cad kyang dgra bcom pa zag pa zad pa sha stag go /lha'i dbang po/ de nas de bzhin gshegs pa dgra bcom pa yang dag par rdzogs pa'i sangs rgyas 'od zer gyi phung po chen po de lha dang bcas pa'i 'jig rten dang / tshangs pa dang bcas pa dang / dge sbyong dang / bram zer bcas pa'i skye dgu'i don gyi phyir rgyu'o/ /lha'i dbang po/ de'i tshe bud med gang+gA'i lha mo zhes bya ba zhig 'khor 'dus pa de nyid kyi nang du 'dus par gyur te/ 'dug pa des chos kyi rnam grangs 'di bcom ldan 'das de bzhin gshegs pa 'od zer gyi phung po chen po las mngon sum du bzung / kun chub par byas/ blangs nas skye bo mang po la yang dag par bstan te/ bla na med pa yang dag par rdzogs pa'i byang </font><hr>476b<br><font size=+1>


chub pa yang dag par zhugs par gyur to/ /de de nas shi 'phos nas bud med kyi lus spangs te/ skyes pa'i dbang po thob nas/ rtag par rgyun du lha dang / mi rnams kyi nang du skyes te/ lan brgyad khri bzhi stong du 'khor los bsgyur ba'i rgyal po byas nas de bzhin gshegs pa rin chen 'od 'phro zhes bya bar gyur te/ kau shi ka /'di nas shar phyogs na sangs rgyas kyi zhing bye ba stong phrag brgya na chos ston te/ ngas da ltar na 'ang mthong ngo / /kau shi ka /su dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen 'od 'phro de'i ming thos pa de dag thams cad yongs su mya ngan las 'das par nges par 'gyur ro/ /bud med gang la la zhig gis de bzhin gshegs pa dgra bcom pa yang dag par rdzogs pa'i sangs rgyas rin chen 'od 'phro de'i ming thos sam/ 'chi kar yang mngon sum du byed na de nyid de'i bud med kyi lus kyi tha ma yin no/ /lha'i dbang po/ de ltar chos kyi rnam grangs 'di byang chub sems dpa' sems dpa' chen po rnams kyi dge ba'i rtsa ba sgrub pa dang / las kyi sgrib pa rgyun gcod pa'i gces spras byed pa yin no/ /de nas bcom ldan 'das la lha'i dbang po brgya byin gyis 'di skad ces gsol to/ /bcom ldan 'das/ chos kyi rnam grangs 'di'i ming ci </font><hr>477a<br><font size=+1>


@#/ /lags| 'di ji ltar gzung bar bgyi/ de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to| |kau shi ka /de'i phyir chos kyi rnam grangs 'di las kyi sgrib pa rgyun gcod pa zhes bya bar yang zungs shig /'di ni byang chub sems dpa'i sde snod ces bya bar yang zungs shig /'di som nyi gcod pa zhes bya bar yang zungs shig /bcom ldan 'das kyis de skad ces bka' stsal nas/ lha'i dbang po brgya byin dang / tshe dang ldan pa shA ri'i bu dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa las kyi sgrib pa rgyun gcod pa zhes bya ba theg pa chen po'i mdo rdzogs so// //rgya gar gyi mkhan po dzi na mi tra dang / dA na shI la dang / zhus chen gyi lo tsA ba ban de ye shes sdes bsgyur cing zhus te/ skad gsar bcad kyis kyang bcos shing gtan la phab pa// // </font><hr>

</table>