H208

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H208</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H208&coll=lhasa">see text in Tibetan script</a></table>147a<br><font size=+1>


rgya gar skad du/ ha sti kak+Sh+ya nA ma ma hA yA na sU tra/ bod skad du/ glang po'i rtsal zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa'i dus gcig na/ bcom ldan 'das bya rgod kyi phung po'i ri la dge slong lnga brgya tsam gyi dge slong gi dge 'dun chen po dang / byang chub sems dpa' mngon par grags pas mngon par grags pa/ gzungs thob pa/ spobs pa thogs pa med pa/ gnyis su med pa'i chos 'chad pa/ rdzu 'phrul rnam par 'phrul pa bsam gyis mi khyab pa dang ldan pa drug khri dang yang thabs gcig tu bzhugs te/ 'di lta ste/ byang chub sems dpa' sems dpa' chen po brtson 'grus dpe med blo </font><hr>147b<br><font size=+1>


gros dang / mngon par gnon pa'i sgra sgrogs gzi brjid snying po dang / byang chub sems dpa' rin po che bzhi'i me tog rgyas pa dang / glog chen sgron ma dang / mtha' yas par lta zhing yul thams cad las 'das pa dang / ri rab brtsegs pa ltar mngon par 'phags pa dang / mngon par dga' bas mgu ba bskyed pa dang / dpung pa dri ma med pas 'od zer bcom pa dang / sems can gyi bsam pa nges pa'i don gyi pha rol tu bgrod par dong ba dang / rdo rje lta bur brtan pa thob pa dang / sgrar brjod pa bdang / dbyangs dang / nga ro thams cad las 'das pa dang / tshangs pa'i sgra gzi brjid mngon par 'phags pa dang / grags pa'i sgras 'jigs pa bcom pa dang / dge ba'i rtsa ba rin po che thams cad bsags pa dang / byang chub sems dpa' sems dpa' chen po 'jam dpal gzhon nur gyur pa dang / de la sogs pa byang chub sems dpa' drug khri rnams dang thabs gcig go /de nas tshe dang ldan pa shA radwa ti'i bu phyi dro'i dus na nang du yang dag pa 'jog las langs te bcom ldan 'das ga la ba der song ngo / /yang de'i tshe bcom ldan 'das shing gzhan zhig gi drung na rab tu zhi ba sgrub pa zhes bya ba'i ting nge 'dzin na la mnyam par bzhag ste bzhugs so/ /de nas tshe dang ldan pa shA radwa ti'i bus rgyang ring po nas bcom ldan 'das spyod lam rab tu zhi ba mthong ba dang / myur du rtswa bsdus nas </font><hr>148a<br><font size=+1>


@#/ /phyogs gcig tu skyil mo krung bcas lus bsrang ste/ dran pa mngon du byas nas 'dug go/ de der 'dug ma thag tu/ e ma'o/ de bzhin gshegs pa'i spyod lam rab tu zhi ba 'di dang / bde ba dang / yid bde ba 'di ngo mtshar to/ /sems can gang dag chos thams cad rang bzhin gyis mnyam par bzhag par rab tu shes pa de dag ni bde ba dang ldan pa yin no snyam du sems la sems kyi rtog pa de lta bu skyes so/ /de nas bcom ldan 'das dgongs shing mkhyen bzhin du ting nge 'dzin de las bzhengs te mgur bsal ba'i sgra byung ngo / / de nas tshe dang ldan pa shA radwa ti'i bus bcom ldan 'das kyi mgur bsal ba'i sgra thos pa dang dga' mgu yi rangs par gyur nas/ bcom ldan 'das ga la ba der song ste phyin pa dang / bcom ldan 'das kyi spyan sngar 'dug ste/ bcom ldan 'das la phyag btsal nas ngo mtshar du gyur te/ de'i tshe tshigs su bcad pa 'di dag smras so/ /stong pa'i chos la ji ltar bdag bzod bzhin/ /gang dag sems can yang dag mi rtog cing / /chos la'ang nam yang rtog par mi byed pa/ /'jig rten na ni de dag mnyam par bzhag/ sems can 'khrul la nam yang mi lta zhing / /chos rnams nam mkha' bzhin du bsam byas nas/ /gang dag sgyu ma'i ngo bo nyid mos pa/ /gang dag bdag tu lta med de dag bde/ /'di dag sems can </font><hr>148b<br><font size=+1>


yin nam ma yin zhes/ /'du shes thams cad la ni mi dmigs pa/ /sems can kun la 'du shes med pa dang / /gang dag sems can lta med de dag bde/ /ril por 'du shes nam yang gang ma chags/ /nam yang dngos po'i 'du shes rmongs pa med/ /ldang bar mi byed 'dug par byed pa'ang med/ /gang dag srog tu blta med de dag bde/ /sems can tha dad mi byed mkhas pa gang / /chos kyi dbyings dang 'gal bar mi 'gyur la/ /gang zag 'du shes thams cad rnam par bshig/ gang dag tha dad blo med de dag bde/ /gang dag sbyin dang tshul khrims rtag tu gnas/ /'jungs pa'i bsam par nam yang ma gyur cing / /gong bu'i chos la'ang yang dag mi gnas pa/ /gang dag tshul khrims rlom med de dag bde/ /gang dag bzod dang des pa'i yon tan 'phags/ /gang dag 'thab mo dag la'ang mi lta zhing / /brtson 'grus ldan min le lo can yang min/ /gang dag bzod pa'i 'du shes med pa de dag bde| |gang dag bsam gtan byed cing brtan pa mi gnas pa/ /de yang g.yeng ba rnam par mi sems pa/ /mnyam par bzhag pa'i chos rnams rab tu shes/ /gang dag bsam gtan 'du shes med pa de dag bde/ /gang dag 'du shes med cing 'di la shes rab med/ /mi shes dbang du 'gro ba'ang ma yin la/ /mkhas pa'ang ma yin rmongs pa'ang </font><hr>149a<br><font size=+1>


@#/ /yod ma yin/ /gang dag shes rab 'du shes med dag bde/ /ji ltar dgon pa de bzhin grong na gnas/ /gnyis kar 'du shes mtshungs shing mnyam par 'jug/ grong gi spyod yul smod par mi byed cing / /gang dag dgon pas mi rlom de dag bde/ /gang dag bsod snyoms khyim dang bcas par spyod/ /de dag bsod snyoms de yi 'du shes med// bsod snyoms spyod pa bdag yin snyam mi sems/ /gang dag bsod snyoms 'du shes med dag bde/ /gang dag bor ba'i phyag dar khrod pa rnams/ /blangs nas bdag gis lus la 'chang bar byed/ /bdag ni gos ngan snyam du de mi sems/ /gang dag gzhan la mi smod de dag bde/ /sangs rgyas gnang zhing bde gshegs bsngags pa yi/ /chos gos gsum las lhag par mi 'chang zhing / /bdag ni 'jigs med yin par mi rtog pa/ /gang dag nga rgyal med pa de dag bde/ /gang na bdag med sems can yod min pa'i/ /gang dag chos mchog dam pa 'chad byed pa/ /bdag ni 'chad mkhan yin par sems pa'ang med/ /gang dag med par ma gyur de dag bde/ /dkar po kun la yang dag 'du shes med/ /snying po dang ni rdzas \?\ su 'du shes med/ /dkar dang gnag par gang dag mi sems pa/ /gang dag gnyis su mi spyod de dag bde/ /gang dag langs la langs par 'du shes med/ /'dug </font><hr>149b<br><font size=+1>


kyang 'dug par 'du shes yod ma yin/ /nyin mtshan khyad par 'chag cing brtson 'grus rtsom/ /gang dag spros pa med pa de dag bde/ /gang dag gnas min gnas par mi rtog cing / /khyad par shes pa zhi bar mi rtog la/ /de bzhin gshegs dang mu stegs khyad par med/ /gang dag mchog tu rlom sems med pa de dag bde/ /gang la grangs dang bgrang ba'ang yod ma yin/ /nam mkha'i dbyings ltar mnyam nyid mi gtong la/ /bdag dang sems can tha dad mi sems pa/ /gang dag khyad par thob med de dag bde/ /gang dag sgyu mar gyur cing rmi lam spyod/ /rab tu ma rmongs mig yor lta bur gyur/ /'jig rten dag na chu zla bzhin du spyod/ /gang dag kun tu mi brtson de dag bde/ /sems can gang dag mkhas la don dam lta/ /brda dang tha snyad snying po med par shes/ /rab tu zhi ba'i chos rnams rjes su rtogs/ /gang dag mtshan ma'i spyod yul ma yin de dag bde'o/ /de nas bcom ldan 'das kyis tshe dang ldan pa shA radwa ti'i bu la legs so zhes bya ba byin te/ shA radwa ti'i bu/ 'di ltar shes rab zab pa la spyod pa'i chos la mchog tu gyur pa de legs so/ /legs so/ /shA ri'i bu/ de bas na bya rgod kyi phung po'i ri 'di la dge slong dang / byang chub sems dpa' ji snyed nang du yang dag 'jog la zhugs pa de dag thams cad khyod kyis sdus shig/ shA ri'i bus gsol pa/ bcom ldan 'das/ bdag ni mi </font><hr>150a<br><font size=+1>


@#/ /spro'o/ /de ci'i slad du zhe na/ glang po chen po dag ni mgu bar dka' ba'i slad du'o/ /de nas bcom ldan 'das kyis de'i tshe nyid kyi sku las 'od zer phyung nas des 'jig rten gyi khams mtha' yas mu med pa na gnas pa'i byang chub sems dpa' rnams la bskul ba dang / bya rgod kyi phung po'i ri gang na ba dang / bcom ldan 'das gang na ba der lhags nas bar snang gi nam mkha' la gnas par gyur to/ /dge slong dang / byang chub sems dpa' sems dpa' chen po gang dag nang du yang dag 'jog la zhugs pa de dag thams cad kyang bcom ldan 'das gang na ba der lhags par gyur to/ /rgyal po'i khab kyi grong khyer chen po nas kyang srog chags brgya stong du ma bcom ldan 'das ga la ba der lhags par gyur to/ /de nas bcom ldan 'das kyis thams cad yod pa'i 'khor 'dus par mkhyen nas 'jam dpal gzhon nur gyur pa'i bzhin la gzigs so/ /gzigs nas kyang 'dzum pa mdzad do/ /de nas de nyid kyi tshe 'jam dpal gzhon nur gyur pa stan las langs te/ bla gos phrag pa gcig la gzar nas pus ma g.yas pa'i lha nga sa la btsugs te/ bcom ldan 'das ga na ba de logs su thal mo sbyar bas btud nas bcom ldan 'das la 'di skad ces gsol to/ /de bzhin gshegs pa dgra bcom pa yang </font><hr>150b<br><font size=+1>


dag par rdzogs pa'i sangs rgyas rgyu dang / rkyen ma mchis par 'dzum pa mi mdzad na/ bcom ldan 'das/ 'dzum pa mdzad pa'i rgyu gang / rkyen gang lags/ de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal/ sangs rgyas khri rnams kyis bya rgod kyi phung po'i ri 'di la grang po'i rtsal lta bu zhes bya ba'i chos kyi rnam grangs bshad do/ /de nas tshe dang ldan pa kun dga' bo bcom ldan 'das kyis bka' stsal pa thos pa dang / myur pa myur bar rings pa'i tshul du stan las langs te/ chos gos phrag pa gcig la gzar nas pus mo g.yas pa'i lha nga sa la btsugs te/ bcom ldan 'das gang na ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das/ da yang glang po'i rtsal lta bu zhes bgyi ba'i chos kyi rnam grangs bdag la bshad na legs so/ /bde bar gshegs pa/ bdag la bstan na legs so/ /gang bcom ldan 'das kyis 'jam dpal gzhon nur gyur pa'i bzhin la gzigs nas 'dzum pa mdzad pa'i chos kyi rnam grangs de deng sang thos par dkon la/ chos kyi rnam grangs de ngo mtshar du 'gyur zhing zab la zab par snang ba lags so/ /bcom ldan 'das kyis bka' stsal pa/ kun dga' bo/ 'di ltar khyod lhag mthong la mkhas shing dpyod pa </font><hr>151a<br><font size=+1>


@#/ /legs so/ /legs so/ /de bas na kun dga' bo/ khyod legs par shin tu nyon la yid la zungs shig dang ngas bshad do/ /bcom ldan 'das/ legs so zhes tshe dang ldan pa kun dga' bo bcom ldan 'das kyi ltar nyan to/ /de nas bcom ldan 'das kyis chos kyi rnam grangs 'di 'drir gzhug pa'i phyir 'jam dpal gzhon nur gyur pa la de lta bu'i mtshan ma mdzad nas/ de'i phyir gang bdag gis de bzhin gshegs pa la de lta bu'i zab mo zab pa gang nyan thos dang / rang sangs rgyas rnams dang / mtshan mar lhung ba'i byang chub sems dpa' rnams kyis ma yin pa zhu ba zhu'o snyam du sems par gyur to/ /'jam dpal gzhon nur gyur pas de ltar yid la byas nas bcom ldan 'das la 'di skad ces gsol to/ /gal te zhus nas zhu ba lung bstan pa'i slad du bcom ldan 'das kyis bdag la skabs phye na bdag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o/ /bcom ldan 'das kyis bka' stsal pa/ thams cad dang ldan pa'i 'khor 'di dag kyang 'dus kyi/ 'jam dpal/ khyod gang dang / gang 'dod pa zhus shig/ 'jam dpal gyis gsol pa/ bcom ldan 'das/ ji ltar na byang chub sems dpa' yon tan thams cad la gnas shing </font><hr>151b<br><font size=+1>


byang chub sems dpa'i spyod pa thams cad la'ang gda' ba lags/ sems can tshad ma mchis grangs ma mchis pa rnams kyang yongs su smin par bgyid cing sangs rgyas kyi zhing thams cad na'ang chu'i zla ba lta bur gda' ba lags/ de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal/ khyod kyis mdor don chen po zhu ba zhus pa legs so/ /legs so/ /de'i rnam par dbye ba rgya cher legs par shin tu nyon la yid la zungs shig dang ngas khyod la bshad do/ /bcom ldan 'das/ de bzhin 'tshal lo zhes 'jam dpal gzhon nur gyur pa bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to/ /'jam dpal/ 'di la byang chub sems dpa' chos drug dang ldan na bya ba de dag kyang yongs su rdzogs par byed cing yon tan gyi chos thams cad la'ang gnas par 'gyur ro/ /drug gang zhe na/ 'di la byang chub sems dpa' sbyin pa byed pa na/ sbyin pa'i bdag po bdog pa thams cad yongs su gtong ba yin mod kyi/ bdag ser sna spyod pa las rnam par log par mi mthong ngo / / tshul khrims la gnas pa yin mod kyi/ bdag tshul khrims ngan pa las 'das pa yin par mi shes so/ /bzod pa dang nges par ldan pa yin mod kyi/ bdag gnod sems kyi spyod pa </font><hr>152a<br><font size=+1>


@#/ /dang bral bar mi mthong ngo / /brtson 'grus brtsams pa yin mod kyi/ lus dang / sems kyis brtson pa ma yin no/ /bsam gtan dang / rnam par thar pa dang / ting nge 'dzin dang / snyoms par 'jug pa thams cad la mkhas pa yin mod kyi/ sems rtse gcig tu gnas par gyur pa'ang ma yin no| |spyod yul shes rab la gnas pa yin mod kyi/ bdag 'gro ba thams cad las yongs su ma grol bar mthong ngo / /'jam dpal/ byang chub sems dpa' chos 'di drug dang ldan na bya ba de dag yongs su rdzogs par byed cing yon tan gyi chos thams cad la'ang gnas pa yin no/ /'jam dpal/ gzhan yang / chos drug dang ldan na/ byang chub sems dpa' bya ba de dag yongs su rdzogs par byed cing yon tan gyi chos thams cad la'ang gnas pa yin no/ / drug gang zhe na/ 'di la byang chub sems dpa' sems can dmyal ba'i gnas yongs su gzung ba'ang yongs su 'dzin la mtho ris kyi chos kyang myong bar byed pa dang / dud 'gro 'gro ba'i gnas kyang yongs su 'dzin la mi'i chos rgya chen po'ang myong bar byed pa dang / rigs dma' bar skye ba </font><hr>152b<br><font size=+1>


yongs su 'dzin la 'khor los bsgyur ba'i rgyal srid kyi bde ba'ang myong bar byed pa dang / skye ba thams cad gtogs par yang ston la 'gro ba'i khyad par gyi bya ba rnams kyang myong bar byed pa dang / sangs rgyas kyi zhing thams cad du 'gro ba la mkhas pa'ang yin la gnas nas kyang mi 'pho/ 'gro ba'ang med/ 'ong ba'ang med cing sangs rgyas kyi zhing thams cad du'ang chu'i zla ba bzhin du snang ba dang / sgra skad thams cad kyang 'byin la phan tshun 'dres par yang mi byed pa yin te/ 'jam dpal/ byang chub sems dpa' chos de drug dang ldan na bya ba de dag ston cing yon tan gyi chos thams cad la'ang gnas pa yin no/ /de skad ces bka' stsal pa dang / bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das/ ji ltar na byang chub sems dpa' sems can dmyal ba'i gnas yongs su gzung ba'ang yongs su 'dzin la mtho ris kyi chos kyang myong ba lags/ bcom ldan 'das kyis bka' stsal pa/ 'jam dpal/ 'di la byang chub sems dpa' sems dpa' chen pos pad ma chen po zhes bya ba'i ting nge 'dzin la snyoms par zhugs nas sems can dmyal ba'i gnas yongs su gzung ba'ang yongs su 'dzin te/ de lha'i bde ba gang cung zad yod pa de dag thams cad de na myong bar byed do/ /sems can de </font><hr>153a<br><font size=+1>


@#/ /dag gis kyang de dmyal bas dmyal bar mthong ste/ de cha lugs des sems can dmyal ba pa'i sems can de dag dmyal ba dang bral bar gyur pa la chos 'chad do| |de sems can stong phrag du ma sems can dmyal ba las rab tu thar bar byed do/ /'jam dpal/ de ltar na byang chub sems dpa' sems can dmyal ba'i gnas yongs su gzung ba'ang yongs su 'dzin la mtho ris kyi chos kyang myong bar byed pa yin no/ /'jam dpal gyis gsol pa/ bcom ldan 'das/ ji ltar na byang chub sems dpa' dud 'gro'i gnas kyang yongs su 'dzin la mi'i chos rgya chen po'ang myong bar bgyid pa lags/ bcom ldan 'das kyis bka' stsal pa/ 'jam dpal/ 'di la byang chub sems dpa' nye bar zhi ba la 'jug pa zhes bya ba'i ting nge 'dzin la snyoms par zhugs nas dud 'gro'i gnas yongs su 'dzin cing sems nyams pa med par mi'i chos rgya chen po myong bar byed do/ /de cha lugs des dud 'gror gyur ba'i sems can rnams la chos 'chad de/ de sems can stong phrag mang po chos la 'jog go/ 'jam dpal/ de ltar na byang chub sems dpa' dud 'gro'i gnas kyang yongs su 'dzin la mi'i chos rgya chen po'ang myong bar byed pa yin no/ /'jam dpal gyis gsol pa/ bcom ldan 'das/ ji ltar na byang chub sems dpa' </font><hr>153b<br><font size=+1>


rigs dma' bar skye ba yongs su gzung ba'ang yongs su 'dzin la 'khor los bsgyur ba'i rgyal srid kyi bde ba'ang myong bar bgyid pa lags/ bcom ldan 'das kyis bka' stsal pa/ 'jam dpal/ 'di la byang chub sems dpa' mngon par gnon cing rnam par gsal ba zhes bya ba'i ting nge 'dzin la snyoms par zhugs te/ de ting nge 'dzin de mngon par gnon pa dang / rnam par gsal bas rigs dma' bar skye ba yongs su bzung ba'ang yongs su 'dzin la 'khor los bsgyur ba'i rgyal srid kyi bde ba'ang myong bar byed de/ thabs des kyang sems can stong phrag du ma chos la 'jog go/ 'jam dpal/ de ltar na byang chub sems dpa' rigs dma' bar skye ba yongs su gzung ba'ang yongs su 'dzin la 'khor los bsgyur ba'i rgyal srid kyi bde ba'ang myong bar byed pa yin no/ /'jam dpal gyis gsol pa/ bcom ldan 'das/ ji ltar na byang chub sems dpa' 'gro ba thams cad du gtogs par yang ston la/ 'gro ba'i khyad par bgyid pa'ang myong ba lags/ bcom ldan 'das kyis bka' stsal pa/ 'jam dpal/ 'di la byang chub sems dpa' spyod pa thams cad la btang ba snang ba'i khyad par ston pa zhes bya ba'i ting nge 'dzin la snyoms par 'jug go/ de ting nge 'dzin de la gnas nas 'gro ba thams cad du gtogs par yang ston cing 'gro ba'i khyad par gyi byed pa'ang myong </font><hr>154a<br><font size=+1>


@#/ /bar byed de/ 'jam dpal/ de ltar na byang chub sems dpa' 'gro ba thams cad du gtogs par yang ston la 'gro ba'i khyad par yang myong bar byed pa yin no// 'jam dpal gyis gsol pa/ bcom ldan 'das/ ji ltar na byang chub sems dpa' sangs rgyas kyi zhing thams cad du 'gro ba la mkhas shing gnas nas kyang mi g.yo/ 'gro ba'ang ma mchis/ 'ong ba'ang ma mchis la/ sangs rgyas kyi zhing thams cad du'ang chu'i zla ba ltar gda' ba lags/ bcom ldan 'das kyis bka' stsal pa/ 'jam dpal/ 'di la byang chub sems dpa' gzugs thams cad rnam par gnon pa zhes bya ba'i ting nge 'dzin la snyoms par 'jug ste/ de ting nge 'dzin de la gnas pa na phyogs bcu'i 'jig rten gyi khams rnams su bdag gi lus gcig car snang bar byed la gnas nas kyang mi g.yo/ /'gro ba'ang med/ 'od ba'ang med de/ snyoms par zhugs pa nyid kyis sangs rgyas bcom 'das mthong zhing chos kyang nyan te/ 'jam dpal/ de ltar na byang chub sems dpa' sangs rgyas kyi zhing thams cad du 'gro ba la mkhas pa'ang yin la gnas nas kyang mi g.yo/ 'gro ba'ang med/ 'ong ba'ang med de/ sangs rgyas kyi zhing thams cad du'ang chu'i zla ba bzhin du snang ba yin no/ /'jam dpal gyis gsol pa/ bcom ldan 'das/ ji </font><hr>154b<br><font size=+1>


ltar na byang chub sems dpa' sgra skad thams cad kyang 'byin par bgyid la phan tshun 'dres par yang mi bgyid pa lags/ bcom ldan 'das kyis bka' stsal pa/ 'jam dpal/ 'di la byang chub sems dpa' mtha' yas par 'khyil ba zhes bya ba'i gzungs thob nas sems can gyi sems kyi bsam pa mtha' yas pa la 'jug cing sgra bshad pa mtha' yas pa rnams shes/ bdag gis tshul mtha' yas pa rnams kyang rab tu shes te/ de gzungs de thob pas sgra skad thams cad kyang 'byin la phan tshun 'dres par yang mi byed de/ 'jam dpal/ de ltar na byang chub sems dpa' sgra skad thams cad kyang 'byin la phan tshun 'dres par yang mi byed pa yin no/ /'jam dpal gyis gsol ba/ bcom ldan 'das/ byang chub sems dpa' sems kyis thabs mkhas pa ni mngon par 'byung bar dka'o/ /bcom ldan 'das/ 'on kyang chos kyi rnam grangs 'di rtogs par 'tshal ba'i byang chub sems dpa' chos kyi rnam grangs ji lta bur rtogs par bgyi/ bcom ldan 'das kyis bka' stsal pa/ 'jam dpal/ chos kyi rnam grangs 'di rtogs par 'dod pa'i byang chub sems dpas nam mkha'i tshul rtogs par bya'o/ /gsol pa/ bcom ldan 'das/ nam mkha'i tshul ji lta bu lags/ bcom ldan 'das kyis bka' stsal pa/ 'jam dpal/ 'di lta ste/ dper na/ nam </font><hr>155a<br><font size=+1>


@#/ /mkha' ni chags pa ma yin/ zhe sdang ba ma yin/ rmongs pa ma yin no/ /de bzhin du chos thams cad kyang chags pa ma yin/ zhe sdang ba ma yin/ rmongs pa ma yin no| |'di lta ste/ dper na/ nam mkha' ni sbyin pa phun sum tshogs pa ma yin pa nas shes rab kyi bar du phun sum tshogs pa ma yin no/ /de bzhin du chos thams cad kyang sbyin pa phun sum tshogs pa ma yin pa nas shes rab kyi bar du phun sum tshogs pa ma yin no| |de 'di lta ste/ dper na/ nam mkha' ni yongs su shes par bya ba ma yin/ spang bar bya ba ma yin no| |de bzhin du chos thams cad kyang yongs su shes par bya ba ma yin/ spang bar bya ba ma yin no/ /'di lta ste/ dper na/ nam mkha' ni bsgom par bya ba ma yin/ mngon du bya ba ma yin no/ /de bzhin du chos thams cad kyang bsgom par bya ba ma yin/ mngon du bya ba ma yin no/ /'di lta ste/ dper na/ nam mkha' ni mun pa ma yin/ snang ba ma yin no/ /de bzhin du chos thams cad kyang mun pa ma yin/ snang ba ma yin no/ /'di lta ste/ dper na/ nam mkha' ni kun tu gzung bar bya ba ma yin no/ /de bzhin du chos thams cad kyang kun tu gzung bar bya ba ma yin no/ /'di lta ste/ dper na/ nam mkha' ni lam gyis yang dag par zhugs pa ma yin/ lam ngan pas ma yin no/ /de bzhin du chos thams cad </font><hr>155b<br><font size=+1>


kyang lam gyis yang dag par zhugs pa ma yin/ lam ngan pas ma yin no/ /'di lta ste/ dper na/ nam mkha' ni nyan thos kyi theg pas yang dag par zhugs pa ma yin/ rang sangs rgyas kyi theg pas ma yin/ theg pa chen pos yang dag par zhugs pa ma yin no/ /de bzhin du chos thams cad kyang nyan thos kyi theg pas yang dag par zhugs pa ma yin/ rang sangs rgyas kyi theg pas ma yin/ theg pa chen pos yang dag par zhugs pa ma yin no/ /'di lta ste/ dper na/ nam mkha' ni sems par byed pa ma yin/ shes pa ma yin no/ /de bzhin du chos thams cad kyang sems par byed pa ma yin/ shes par byed pa ma yin no/ /'di lta ste/ dper na/ nam mkha' ni len par byed pa ma yin/ 'dor bar byed pa ma yin/ blang bar bya ba ma yin/ dor bar bya ba ma yin no/ /de bzhin du chos thams cad kyang len par byed pa ma yin/ 'dor bar byed pa ma yin/ blang bar bya ba ma yin/ dor bar bya ba ma yin no/ /'di lta ste/ dper na/ nam mkha' ni gang gis kyang nyon mongs par bya mi nus so/ /de bzhin du mya ngan las 'das pa'i mthar gtogs pa'i chos thams cad kun nas nyon mongs pa ma yin te/ de dag zhi bar yang mi 'gyur/ nye bar zhi bar yang mi 'gyur ro/ /'di lta ste/ dper na/ nam mkha' ni mi gnas pa'i phyir gnas ma yin/ gnas pa ma yin/ g.yo bar mi byed/ 'gul bar mi byed do// </font><hr>156a<br><font size=+1>


@#/ /byang chub sems dpas de bzhin du chos thams cad mi gnas pa la gnas par blta'o/ /de dag yang dag pa thob pas mi 'gul/ mi g.yo /mi gnas/ gnas par mi byed do/ /de la 'jam dpal chos thams cad kyi ngo bo nyid de lta bu la gang de bzhin gshegs pa lta bar 'dod pa de dag ni log par lta ba'o/ /gang log par lta ba de dag ni yang dag par zhugs pa'o/ /gang yang dag par zhugs pa de dag la byin pa ni 'bras bu che ba ma yin/ phan yon che ba ma yin no/ /gang dag la byin na 'bras bu che ba ma yin/ phan yon che ba ma yin pa de dag ni 'jig rten gyi sbyin gnas so/ /gang 'jig rten gyi sbyin gnas yin pa de dag la sbyin pa'i rnam par smin pa med do/ /gang la sbyin pa'i rnam par smin pa med pa de dag gis 'du shes med pa yongs su rdzogs par byas so/ /gang gi 'du shes med pa yongs su rdzogs par byas pa de dag myur du mi skye ba'i chos la bzod pa thob par 'gyur ro/ /de nas 'khor de'i nang nas dge slong lhag pa'i nga rgyal can drug cu bstan pa 'di thos pa dang 'di snyam du gyur te/ mun nag gi lam du gyur la de bzhin gshegs pa'ang mun nag gi lam du ston to/ /'di lta ste/ mu stegs can gzhan dag kyang de skad ston/ de bzhin gshegs pa'ang de skad ston pas de bzhin gshegs pa dang / mu </font><hr>156b<br><font size=+1>


stegs can gzhan gang 'od srung dang / ma ska ri 'ga' ba ya la dang / mi dkar ba skra'i la ba can dang / kun rgyal 'be'i ra ti'i bu dang / dbon po kA t+yA ya na dang / gcer bu pa nye du'i bu rnams kyi tshig mtshungs so snyam mo/ /de nas bcom ldan 'das kyi thugs kyis dge slong lhag pa'i nga rgyal can de rnams kyi sems kyi rtog pa mkhyen nas 'jam dpal gzhon nur gyur pa la bka' stsal pa/ 'jam dpal/ de de bzhin te/ gang ngas chos bshad pa 'di mu stegs can gzhan rnams dang mtshungs na/ mu stegs can gzhan rnams kyis ni de bzhin gshegs pas chos bshad pa mi shes so/ /de skad ces bka' stsal pa dang / dge slong lhag pa'i nga rgyal can rnams lhag par sdug bsngal/ mi dga'/ ma mgu/ ma rangs/ chos bshad pa 'di'ang ma shes nas stan las langs te dong ngo / /de nas tshe dang ldan pa shA ri'i bus dge slong de dag la 'di skad ces smras so/ /tshe dang ldan pa/ khyed gar 'dong / de dag gis de la 'di skad ces smras so/ /btsun pa shA ri'i bu/ chos bshad pa 'di bdag cag gis ma 'tshal to/ /des de dag la 'di skad ces smras so/ /tshe dang ldan pa dag /de bzhin gshegs pa'i dgongs te bstan pa yin par shes par bya'o/ /de'i phyir bcom ldan 'das kyis ci las dgongs te/ de skad bstan pa de bzhin gshegs pa la zhu ba'i bar du re zhig sdod </font><hr>157a<br><font size=+1>


@#/ /cig/ de nas dge slong de dag tshe dang ldan pa shA ri'i bu'i tshig thos nas so so'i stan la slar 'khod do/ /de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das/ dge slong 'di dag gis the tshom bsal ba'i slad du de bzhin gshegs pas ci la dgongs te 'di skad bstan pa bcom ldan 'das kyis bshad du gsol/ bcom ldan 'das kyis bka' stsal pa/ shA ri'i bu/ de ji snyam du sems/ dge slong gang nye bar len pa med par zag pa las sems rnam par grol ba de sgra gang gis kyang dngang ba dang / skrag pa dang / kun tu skrag par 'gyur ram/ gsol ba/ bcom ldan 'das/ ma lags so/ /dge slong bden pa mthong ba'ang sgra thams cad kyis mi dngang / mi skrag/ kun tu skrag par mi 'gyur na dge slong gang nye bar len pa ma mchis par zag pa las sems rnam par grol ba lta ci smos/ bcom ldan 'das kyis bka' stsal pa/ shA ri'i bu/ 'di la skyes bu blun po kha cig yang dag pa ma yin pa'i chos rnams brtags nas lhag pa'i nga rgyal du gyur cing gnas so/ /shA ri'i bus gsol pa/ gang thos nas 'khor thams cad the tshom ma mchis par 'gyur ba'i tshig bshad pa de dag bcom ldan 'das kyis bka' stsal du gsol/ bcom ldan 'das kyis bka' stsal </font><hr>157b<br><font size=+1>


pa| shA ri'i bu/ gang gis de bzhin gshegs pa rmi lam dang mtshungs/ sgyu ma dang mtshungs par mthong ba des yang dag pa mthong ngo / /gang yang dag pa mthong ba de dag de bzhin gshegs pa la yang dag par 'du shes mi byed/ snying por 'du shes dang / rdzas su 'du shes dang / dngos por 'du shes dang / ril por 'du shes mi byed/ gang de bzhin gshegs pa la yang dag par 'du shes pa ma yin/ snying po dang / rdzas dang / dngos po dang / ril por 'du shes pa ma yin pa de dag gis 'du byed thams cad rdzun par mthong ngo / /gang gis 'du byed thams cad rdzun par mthong ba de dag gis chos thams cad log par shes so/ /gang gis chos thams cad log par shes pa'i de dag thams cad de bzhin gshegs pas log par lta ba yongs su rdzogs pa yin par bstan to/ /de dag gis lta bar gyur pa thams cad log par yin par yang shes te/ de'i phyir yang de dag log par lta ba zhes bya'o/ /shA ri'i bu/ rnam grangs des gang de bzhin gshegs pa lta bar 'dod pa de dag log par lta ba zhes bya'o/ /shA ri'i bu/ de dag ni de bzhin gshegs pa'i sku ma 'khrugs par lta ba'o/ /gang de bzhin gshegs pa'i sku log pa yin par rtog pa de dag ni de bzhin gshegs pa'i 'du shes med pa'o/ /shA ri'i bu/ gang 'di ltar log par shes pa de ni de </font><hr>158a<br><font size=+1>


@#/ /bzhin gshegs pa mthong ba'o/ /gsol pa/ bcom ldan 'das/ ji ltar na gang log par lta ba de dag yang dag par zhugs pa lags/ bcom ldan 'das kyis bka' stsal pa/ shA ri'i bu/ gang so so'i skye bo rnams rtog pa dang / rnam par rtog pa dang / dpyod pa dang / rnam par dpyod pa dang / ldang bar byed pa dang / kun tu ldang bar byed pa dang / rten pa dang / gnas pa dang / len pa dang / 'dor ba dang / bdag dang / sems can dang / srog dang / gang zag tu lta ba nye bar len pa dang / bdag tu 'dzin pa la mngon par zhen pa dang / bdag gir 'dzin pa la chags pa de dag gi spyod pa dang / shes pa dang / g.yo ba dang / spros pa de lta bu dag de dag gis shes te/ de dag ji lta bur yod pa ma yin pa de lta bu nyid du shes so/ /shA ri'i bu/ med pa zhes bya ba de ni yang dag pa ma yin pa'i tshig bla dwags so/ /yang dag pa ma yin pa zhes bya ba de ni rdzun pa'o/ /rdzun pa zhes bya ba de ni log pa'i tshig bla dwags so/ /de ltar gang tshul 'di lta bu yang dag pa ma yin par 'dzin pa dag log par mthong ba de'i phyir de dag yang dag par zhugs pa zhes bya'o/ /shA ri'i bu/ rnam grangs de nyid kyis gang log par lta ba de dag yang dag par zhugs pa'o/ /gsol pa/ bcom ldan 'das/ ji ltar </font><hr>158b<br><font size=+1>


na gang yang dag par zhugs pa de dag stsal na 'bras bu che ba ma lags/ phan yon che ba ma lags/ bcom ldan 'das kyis bka' stsal pa/ shA ri'i bu/ gang tshul 'di lta bus yang dag par zhugs pa dang ldan par gyur pa de dag la sbyin pa ni mya ngan las 'da' ba la gzhol/ mya ngan las 'da' ba la 'bab/ mya ngan las 'da' ba la bab/ mya ngan las 'da' ba'i mthar thug par 'gyur te/ mya ngan las 'da' ba'ang 'bras bu chung ba'ang ma yin/ 'bras bu che ba'ang ma yin/ phan yon chung ba'ang ma yin/ phan yon che ba'ang ma yin no// de ci'i phyir zhe na/ mya ngan las 'das pa ni 'bras bu thams cad dang bral zhing btags pa ma yin/ gdags par bya ba ma yin pa'i phyir ro/ /gsol pa/ bcom ldan 'das/ 'on de bzhin gshegs pas mya ngan las 'das pa/ gdags su ma mchis pa la ji ltar yon tan mtha' yas pa'i sman yon gyi bye brag bstan/ bcom ldan 'das kyis bka' stsal pa/ shA ri'i bu/ skye ba'i spyod yul can gyi sems can bdag dang / sems can dang / srog dang / gang zag tu smra ba rnams mos pa bskyed pa'i phyir mya ngan las 'das pa gdags su med pa la'ang de bzhin gshegs pas yon tan mtha' yas pa'i phan yon gyi bye brag bstan to/ /shA ri'i bu/ 'on kyang 'phags pa rnams ni sbyin pa la 'jug par mi </font><hr>159a<br><font size=+1>


@#/ /blta yi/ 'phags pa rnams 'dod chags dang bral ba dang / sbyin pa las ldog par blta'o/ /shA ri'i bu/ 'di lta ste/ dper na/ zhing pa dag zhing la nas kyi sa bon btab ste/ de'i nas de nyid la brten nas sred dang / rtswa dang / sngo rnams skye na/ shA ri'i bu/ de ji snyam du sems/ sred dang / rtswa dang / sngo de dag zhing pa de'i las byas pa'i 'bras bu yin nam/ gsol pa/ bcom ldan 'das/ ma lags so/ /bcom ldan 'das kyis bka' stsal pa/ shA ri'i bu/ 'di lta ste/ dper na/ zhing pas nas kyi sa bon btab pa de'i nas de dag nyid la brten nas sred rnams 'byung ba dang / rtswa dang / sngo rnams skye bar 'gyur te/ nas kyi snye ma gzhan rnams kyang 'byung ngo / /de bzhin du 'phags pa rnams la sbyin pa byin pa ni tshegs chung ngus longs spyod chen por 'gyur la/ gzhan yang zag pa zad pa sred pa'i 'bras bu thams cad skem par byed do/ / 'di lta ste/ dper na/ nas 'dod pa dag 'di ni nas kyi sa bon de'i 'bras bu ma yin/ /'di ni nas kyi sa bon de'i snye ma ma yin no snyam nas sre das mgu bar mi 'gyur zhing / rtswa dang / sngos rangs par mi 'gyur ba de bzhin du 'dus ma byas pa'i zhing la sbyin pa byin pa 'dus byas kyi 'bras bu yin par bstan par mi bya'o/ /shA ri'i bu/ rnam </font><hr>159b<br><font size=+1>


grangs des gang yang dag par zhugs pa de dag la byin pa 'bras bu che ba ma yin/ phan yon che ba ma yin no/ /gsol pa/ bcom ldan 'das/ gang dag la stsal na 'bras bu che ba ma lags shing sman yon che ba ma lags pa de dag ji ltar 'jig rten gyi sbyin gnas lags/ bcom ldan 'das kyis bka' stsal pa/ shA ri'i bu/ gang 'bras bu che bar 'du shes ba'ang ma yin/ 'bras bu chung bar 'du shes pa'ang ma yin pa de dag sbyin pa skye bar mi 'gyur ro/ /gang sbyin pa skye bar mi 'gyur ba de dag ni lha dang bcas pa'i 'jig rten gyi sbyin gnas su 'gyur ro/ /shA ri'i bu/ de la zad mi shes pa'i zhing la sbyin pa byin pa ni me tog kyang mi 'chags/ 'bras bur yang mi 'gyur ro/ /shA ri'i bu/ rnam grangs 'dis gang la byin na 'bras bu che ba'ang ma yin/ phan yon che ba'ang ma yin pa de dag 'jig rten gyi sbyin gnas yin no/ /gsol pa/ bcom ldan 'das/ ji ltar na gang 'jig rten gyi sbyin gnas de dag la byin pa rnam par smin pa ma mchis pa lags/ bcom ldan 'das kyis bka' stsal pa/ shA ri'i bu/ de ji snyam du sems/ sbyin pa gang mya ngan las 'da' ba'i mthar thug par 'gyur ba de rnam par smin pa'i chos can yin nam/ gsol pa/ bcom ldan 'das/ ma lags so/ /bcom ldan 'das/ sbyin pa mya ngan las 'das pa'i </font><hr>160a<br><font size=+1>


@#/ /mtha' thug pa de ji ste sbyin pa'i chos can lags na/ 'phags pa'i gang zag rnams 'dus ma byas pas rab tu phye bar mi 'gyur ro/ /bcom ldan 'das kyis bka' stsal pa/ shA ri'i bu/ legs so/ /legs so/ /rnam grangs 'dis gang 'jig rten gyi sbyin gnas yin pa de dag la byin pa rnam par smin pa med pa yin no/ /gsol pa| bcom ldan 'das/ ji ltar na gang sbyin pa'i rnam par smin pa ma mchis pa de dag gis 'du shes ma mchis pa yongs su rdzogs par bgyis pa lags/ bcom ldan 'das kyis bka' stsal pa/ shA ri'i bu/ de ji snyam du sems/ gang chos rnams kyi ngo bo nyid shes pa de yod dam/ 'on te med/ gsol pa/ bcom ldan 'das/ gang chos thams cad kyi ngo bo nyid 'tshal ba de sgyu ma'i ngo bo nyid 'tshal ba lags te/ bcom ldan 'das/ de ni ma mchis pa lags te/ mchis pa ma lags so/ /de ci'i slad du zhe na/ bcom ldan 'das/ chos thams cad ni bcom ldan 'das kyis sgyu ma'i ngo bo nyid du bstan to/ /sgyu ma lta bu gang lags pa de'ang ma mchis pa'o/ /gang chos thams cad kyi ngo bo nyid 'tshal ba 'di ni 'du shes ma mchis pa'o/ /de ci'i slad du zhe na/ 'di la gang yang dag par gyur ba'i chos gang yang mi dmigs so/ /bcom ldan 'das kyis </font><hr>160b<br><font size=+1>


bka' stsal pa/ shA ri'i bu/ legs so/ /legs so/ de de bzhin te/ shA ri'i bu/ 'di la chos 'ga' zhig rdzas sam/ yang dag par yod par gyur na sems can rnams phyis kyang mya ngan las 'da' bar mi 'gyur ro/ /shA ri'i bu/ gang gi phyir chos thams cad yang dag pa ma yin/ yod pa ma yin/ rdzas ma yin pa de'i phyir sems can gang+gA'i klung gi bye ma snyed mya ngan las 'das kyang sems can med pa'i phyir sems can rnams las gang yang zad par mi mngon no/ /shA ri'i bu/ de lta bas na gang sems can thams cad med pa'i 'du shes dang / de dag kyang mi dmigs pa 'di ni 'du shes med pa yongs su rdzogs pa'o/ /shA ri'i bu/ rnam grangs des gang dag la byin pa rnam par smin pa med pa de dag gis 'du shes med pa yongs su rdzogs par byas pa yin no/ /gsol pa/ bcom ldan 'das/ ji ltar na gang dag gis 'du shes med pa yongs su rdzogs par bgyid pa'i ye shes des myur du mi skye ba'i chos la bzod pa thob par 'gyur/ bcom ldan 'das kyis bka' stsal pa/ shA ri'i bu/ gang gis med pa mngon sum du byas pa de dag ni shes pa'o/ /med pa'ang gang zhe na/ med pa zhes bya ba ni bdag tu lta ba dang / sems can du lta ba dang / srog tu lta ba dang / gang zag tu lta ba dang / chad par lta ba dang / rtag par lta ba'o/ /med pa zhes bya ba ni sangs rgyas </font><hr>161a<br><font size=+1>


@#/ /su 'du shes pa dang / chos su 'du shes pa dang / dge 'dun du 'du shes pa dang / mya ngan las 'da' bar 'du shes pa dang / ji tsam du sems kyi sbyor ba dang / spyod pa dang / shes pa dang / g.yo ba dang / spros pa de dag thams cad med pa'o/ /shA ri'i bu/ de bas na tshul de lta bur yang dag pa ma yin par 'dzin pa de dag las yongs su grol ba de dag ni shes pa'o/ /shA ri'i bu/ rnam grangs des gang gis 'du shes med pa yongs su rdzogs par byas pa de dag myur du mi skye ba'i chos la bzod pa thob par 'gyur ro/ /dgongs te gsungs pa'i bstan pa 'di bstan pa'i tshe/ byang chub sems dpa' bzhi khri nyis stong gis mi skye ba'i chos la bzod pa thob par gyur to/ /dge bsnyen drug stong gis bla na med pa yang dag par rdzogs pa'i byang chub tu sems bskyed do/ /lha'i bu sum khri drug stong rnams kyis ye shes mngon par rtogs par gyur to/ /dge slong lhag pa'i nga rgyal can drug cu po de dag rnams kyang nye bar len pa med par zag pa rnams las sems rnam par grol lo/ /de dag sems can rnam par grol nas mgrin gcig tu tshig smras pa/ bcom ldan 'das bdag cag ni deng slan chad ston pa drug rnams kyi rjes su rab tu byung ngo / /deng slan chad bdag cag gi ston pa sangs rgyas ma lags/ chos la mi rten/ dge 'dun la mi rten to/ / </font><hr>161b<br><font size=+1>


deng phan chad bdag cag bya ba ma mchis par smra ba/ rgyu ma mchis par smra ba/ las ma mchis par smra ba/ rnam par smin pa ma mchis par smra ba/ 'dul ba ma lags par smra ba'o/ /de'i tshe 'khor de na srog chags stong phrag mang po rnams 'di snyam du gyur te/ 'di ltar dge slong 'di dag 'di lta bu yang dag par ma yin pa'i tshig smra ba las na/ bcom ldan 'das kyis bslab pa phul nas mu stegs can gyi mtshan ma 'dzin par mi 'gyur ram snyam du gyur to/ /de nas tshe dang ldan pa shA ri'i bu'i sems kyis 'khor de dag gi sems kyi rtog pa shes nas dge slong de dag la smras pa/ tshe dang ldan pa dag /ci las bsams te/ deng phan chad bdag cag ston pa drug gi rjes su rab tu byung ngo zhes de skad smra/ de dag gis smras pa/ tshe dang ldan pa shA ri'i bu/ deng phan chad bdag cag gis ston pa thams cad ston pa drug dang mnyam zhing mtshan nyid gcig cing bye brag med par rnam par rig go /bdag cag gis ston pa thams cad tha dad pa med par rig nas rnam par mi rtog par rab tu byung ba'i rjes su rab tu byung ngo / /smras pa/ ci las bsams nas deng phan chad bdag cag gi ston pa sangs rgyas ma yin no zhes de skad smra/ de dag gis smras pa/ deng phan chad bdag cag bdag la rten gyi gzhan la mi rten/ bdag la skyabs su dong gi gzhan la skyabs su dong ba ma yin/ bdag ston pa yin gyi ston </font><hr>162a<br><font size=+1>


@#/ /pa gzhan ma yin no/ /de bas na deng phan chad bdag cag gi ston pa sangs rgyas ma yin no/ /de ci'i phyir zhe na/ bdag ma gtogs par sangs rgyas med/ sangs rgyas ma gtogs par bdag med do/ /smras pa/ ci las bsams nas deng phan chad bdag cag chos la mi rten/ dge 'dun la mi rten ces de skad smra/ de dag gis smras pa| deng phan chad bdag cag gis gang la brten pa dang / gang dang lhan cig 'gro ba'i chos gang yang ma dmigs so/ /de bas na bdag cag deng phan chad chos la mi rten/ dge 'dun la mi rten to/ /smras pa/ ci las bsams te bdag cag deng phan chad bya ba med par smra'o zhes de skad ces zer/ de dag gis smras pa/ bdag cag gis deng phan chad chos thams cad ma byas par shes te/ gang na byas pa'ang med/ 'gyur ba'ang med pa'i chos de bdag cag gis mngon du byas so/ /de bas na deng phan chad bdag cag bya ba med par smra'o/ /smras pa/ ci las bsams te deng phan chad bdag cag rgyu med par smra'o zhes de skad zer/ de dag gis smras pa/ bdag cag srid pa thams cad du 'gro bar skye ba'i rgyu deng zad de/ gang na rgyu'ang med rkyen yang med pa'i chos de mngon du byas so/ /de'i phyir deng phan chad bdag cag rgyu med par smra'o/ /smras pa/ ci las </font><hr>162b<br><font size=+1>


bsams te deng phan chad bdag cag rnam par smin pa med par smra'o zhes de skad zer/ de dag gis smras pa/ deng phan chad bdag cag gis gang na las kyang med/ las kyi rnam par smin pa'ang med cing / chos thams cad shin tu yongs su mya ngan las 'das par yongs su shes so/ /de'i phyir bdag cag deng phan chad las kyi rnam par smin pa med par smra'o/ /smras pa| tshe dang ldan pa dag/ ci las bsams te deng phan chad bdag cag 'dul ba ma yin par smra'o zhes de skad zer/ de dag gis smras pa/ tshe dang ldan pa shA ri'i bu/ deng phan chad bdag cag gis gang na 'dul ba'ang med/ 'dul ba ma yin pa'ang med cing chos thams cad shin tu dul bar yongs su shes te/ de'i y+ph+yir bdag cag deng phan chad 'dul ba ma yin par smra'o/ /de nas dge slong de dag gi lhag pa'i nga rgyal bstan pa 'di lta bu thos nas dge slong sum stong drug brgya rnams nye bar len pa med par zag pa las sems rab tu rnam par grol lo/ /de nas bcom ldan 'das kyis dge slong de dag la legs so zhes bya ba byin te/ dge slong dag /gang na chos gang yang 
 pa med pa de ni yang dag pa thob pa yin gyi legs so/ /legs so/ /de nas bcom ldan 'das la 'jam dpal gzhon nur sgyur pas 'di skad ces gsol to/ /bcom ldan 'das/ rtogs pa/ rtogs pa zhes bgyi ba'i rtogs </font><hr>163a<br><font size=+1>


@#/ /pa de chos gang gi tshig bla dwags lags/ bcom ldan 'das kyis bka' stsal pa/ 'jam dpal/ rtogs pa/ rtogs pa zhes bya ba de ni skye ba med pa'i chos la bzod pa'i tshig bla dwags so/ /gsol ba/ skye ba ma mchis pa'i chos la bzod pa thob par 'tshal ba'i byang chub sems dpas ji ltar bslab par bgyi/ ji ltar spyad par de'i ji ltar rnal 'byor du 'jug par bgyi/ de nas bcom ldan 'das kyis 'jam dpal gzhon nur gyur pa mi skye ba'i chos la bzod pa bslab pa shes par bya ba'i phyir de'i tshe tshigs su bcad pa 'di skad gsungs so/ /thams cad mkhyen pa bla med pa'i/ /sangs rgyas ye shes thob 'dod pas/ /chos rnams gang yang mi gzung zhing / /chos rnams gang yang mi 'dor ro/ /gang zhig skye bar 'gyur ba yi/ /chos ni gang yang mi rnyed de/ /chos rnams 'byung ba med pa la/ /byis pa dag ni 'byung bar 'dod/ /chos rnams shes par bya ba dang / /spang bar bya bar srog chags 'chad/ /byis pa skye ba'i spyod yul can/ /skye ba med la dad mi 'gyur/ /byang chub lam ni dam pa dang / /lam gyi chos rnams btang byas te/ /byis pa gnyis la chags pa ste/ /gnyis su med pa mi shes so/ /sgyu ma sna tshogs gyur pa la/ /byis pa rnams kyis tha dad mthong / /'di la tha dad yod ma </font><hr>163b<br><font size=+1>


yin| |de dag thams cad mtshan nyid gcig /so so'i skye bor gang brjod dang / /'jig rten sangs rgyas mkhas pa dag /mi gnyis gnyis su dbyer med de/ /de dag sgyu ma'i tshul du mnyam/ /byis pa kha cig smra ba ni/ /nam zhig bdag cag 'dod chags zad/ /zhe sdang gti mug zhi bar 'gyur/ /nam zhig nyon mongs med par 'gyur/ /med la yod par 'du shes pa'i/ /'dod chags zhe sdang gzhig pa'i phyir/ /gang dag stong pa nyid ston pa/ /de dag chad pa mya ngan 'das/ /zad pa med cing skye med par/ /mya ngan 'das pa yang dag bstan/ /zad cing skye med gang brtson pa/ /de dag nga yi bstan las ring / /sbyin dang tshul khrims 'du shes dang / /gang dag byang chub 'du shes dga'/ /de dag mtshan ma'i spyod yul bas/ /nga yi byang chub des mi rtogs/ /byis pa med pas rmongs pa dag /chos rnams gsog tu mi shes te/ /chos rnams mtshan nyid gcig pa la/ /de dag tha dad 'byed par byed/ /gang gis chos 'di shes pa ni/ /ngo bo nyid kyis mtshan med pa/ /sor mo lnga yi lag pa bzhin/ /de dag byang chub rnyed mi dka'/ /byang chub gang dang yang mi ring / /gang dang yang ni nye ba med/ / rtog dang rnam rtog gang ldan pa/ /de dag byang chub rab tu ring / /byis pa phan tshun spyod pa dag /gcig la gcig ni smod byed pa/ /'di ni tshul khrims ldan ma yin/ /tshul khrims mi </font><hr>164a<br><font size=+1>


@#/ /ldan 'di mi srung / /chos rnams rmi lam lta bu ste/ /'dus byas thams cad yang dag min/ /sgyu ma bzhin du skye mthong nas/ /mkhas pa snying por mi 'dzin to/ /bden par 'di la tshul khrims med/ /tshul khrims mi ldan bden par med/ /chos rnams brten te byung bas na/ /'di la bdag ni yod ma yin/ /bskal pa bye ba stong dag tu/ /snyoms las med par sbyin pa byin/ /tshul khrims dag ni mchog bsrungs kyang / /'dren pas nga ni lung ma bstan/ /gang tshe nga ni 'du shes bral/ /sbyin pa'i 'du shes ma lus dang / /rnam par rtog pa kun spangs pa/ /de tshe byang chub lung bstan to/ /sbyin pas longs spyod 'gyur bar bstan/ /tshul khrims kyis ni mtho ris bstan/ /gang na cung zad mi dmigs pa/ /de ni byang chub bla med do/ /byis pa dmigs par gnas pa dag /mi skye 'dus ma byas pa yi/ /bzod pa bdag gis thob bo zhes/ /mi mkhas pa dag rtog par byed/ /chos rnams skye ba med pa la/ / gang dag skye bar sems pa ni/ /bskal pa bye ba stong du yang / /de yi bzod pa rnyed par dka'/ /chos rnams ming gis lung bstan te/ /chos rnams la ni byed pa med/ /rtsa ba med cing gnas med de/ /thams cad nam mkha'i mtshan nyid do/ /sangs rgyas bye ba mang po yis/ /'dod chags zhe sdang spang ba'i phyir/ /chos mchog dag kyang bshad mod kyi/ /chos rnams </font><hr>164b<br><font size=+1>


zad pa'ang yong med do/ /gal te chos de yang dag na/ /thams cad yang dag zad par 'gyur/ /gang phyir de dag yang dag min/ /de bas mtha' ni mi rnyed do/ /'dod chags zhe sdang mtha' yas te/ /gti mug gi ni mtha' yang med/ /gang dag gi ni mtha' med pa/ /de dag gi ni rtsa ba med/ /sa bon myu gu med na ni/ /'dab ma 'bras bu ga la 'byung / /'dab ma med pa gang yin pa/ /de la me tog yod ma yin/ /chos rnams skye ba med pa la/ /sems can sa bon mi rnyed do/ /sems can sa bon med pa'i phyir/ /skye med mya ngan 'da' ba med/ /ji ltar bud med mo gsham dag /de la bu ni yod ma yin/ /de la bu ni yod min na/ /bu yi mya ngan byed pa med/ /chos rnams thams cad ma skyes par/ /de ltar rig cing mthong nas ni/ /'khor ba dag tu 'khor ba na/ /sdug bsngal 'jigs pa de la med/ /byis pa med pas rmongs pa dag /rmongs pas chos nyid mi shes te/ /nam mkha' khur du thogs byas te/ /mi mkhas pa dag skyo bar 'gyur/ /med cing mtha' yang med pa dang / /grangs med pa dang tshad med par/ /gang gis chos 'di shes pa ni/ /de dag la ni skyo ba med/ /ji ltar thog ma'i mtha' dag ni/ /med pa dag tu pas bstan pa/ /de bzhin phyi ma'i mtha' dag dang / /dbus kyang mtshan nyid gcig pa yin/ /rtog pa'i mtha' ni mtha' med de/ /mtha' ni gsob dang med pa yin/ /don rnams </font><hr>165a<br><font size=+1>


@#/ /de ltar shes byas na/ /dngos po gnyis su mi 'gyur ro/ /mtha' ni nam mkha'i mtshan nyid de/ /sems can mtha' ni bsam mi khyab/ /mtha' ni mig yor lta bu ste/ /de bas ye shes shes mi 'gyur/ /rnam par rtog la spyod pa na/ /sdig pa ji ltar zad par 'gyur/ /nam zhig sangs rgyas bdag 'gyur zhes/ /sems ni de ltar 'jug par 'gyur/ /sangs rgyas dag ni ma skyes pas/ /de dag 'byung ba gang yang med/ /'byung ba med pa'i chos rnams la/ /byis pa rnams ni 'byung bar 'dod/ /nam mkha' la ni rten pa dang // gnas dang gnas par bya mi nus/ /nam mkha' la ni gnas med de/ /thogs pa med cing dngos po med/ /ji ltar nam mkha' dngos med pa/ /de ltar byang chub shes par byos/ /ji ltar byang chub shes bya ba/ /de ltar sems can shes par byos/ /nam mkha'i dbyings dang byang chub dang / /sems can khams rnams de dag mnyam/ /gang gis de dag mnyam shes pa/ /de yis byang chub rnyed mi dka'/ /gang dag byang chub mi brtson zhing / /tshul bzhin du yang sems mi byed/ /chos rnams 'tshol bar mi byed pa/ /de yis byang chub rnyed mi dka'/ /byang chub btsal du med pa ste/ /ji ltar 'tshol ba thams cad ltar/ /sems kyi thob pa rnams kyis ni/ /bla med byang chub rtogs mi nus/ /sbyin pas byang chub </font><hr>165b<br><font size=+1>


thob snyam nas/ /sbyin pa'i sems pa gang sems pa/ /byang chub thob pa gang yang med/ /ma thob pa ni byang chub mchog / tshul khrims sems la gang chags dang / /brtson 'grus yang dag nyid rtog cing / /gang dag 'du shes 'jug par byed/ /nga yi bstan la de mi sbyor/ /chos kun sbyor ba med pa la/ /nga yis sbyor ba nye bstan te/ /cung zad rtsom pa gang med pa/ /de ni sbyor ba bla med pa'o/ /chos 'di rnams ni zag pa med/ /chos 'di zag dang bcas pa zhes/ /gang la 'du shes de yod pa/ /de yi sems ni tshul bzhin min/ /gang gis chos rnams bsam yas pa/ / nam mkha' 'dra ba mthong ba dang / /ma bcings pa dang ma grol ba/ /de yi shes rab bla na med/ /gang zhig tshul khrims ldan par rtog /tshul khrims mi ldan rnam rtog pa/ /gnyis ni tshul khrims ngan par bshad/ /gnyis su med pa tshul khrims mchog / chos rnams tha dad bya ba med/ /khyad par med cing mtshan med par/ /gang gis mthong zhing shes pa dag /de dag nga yi bstan pa 'dzin/ /gang gis sems ni nam mkha' ltar/ /ma chags bzhin du phyogs su 'gro/ /de ltar ye shes chags med pa/ /de yi dge sbyong yang dag nyid/ /gang gis cung zad ma brtags shing / /thams cad tu yang sems pa med/ /sems can med cing chos med pa/ /de dag byang chub rnyed mi dka'/ /'dod chags mtha' la gang mi gnas/ /'dod </font><hr>166a<br><font size=+1>


@#/ /chags dang yang bral ma gyur/ /'dod chags las kyang rgyal mi byed/ /de ni byang chub mi dkon no/ /gang dag bskal par mi skyo zhing / /mthas kyang 'jig par mi 'gyur la/ /'khor bas skrag par mi 'gyur ba/ /des ni byang chub rnyed mi dka'/ /de nas bcom ldan 'das kyis tshigs su bcad pa 'di dag gsungs nas/ /'jam dpal gzhon nur gyur pa la 'di skad ces bka' stsal to/ /'jam dpal/ gang chos kyi rnam grangs 'di la mos par byed/ the tshom du mi byed/ nem nur du mi byed/ lung sbyin par byed/ 'dzin par byed/ klog par byed/ kun chub par byed/ gzhan la'ang rgya cher yang dag par ston pa de'i phan yon bsngags pa nyi shu yod par rig par bya'o/ /nyi shu gang zhe na/ lhas bsrungs par 'gyur/ klus bsrungs par 'gyur/ gnod sbyin gyis bsrungs par 'gyur/ sems g.yengs par mi 'gyur/ tshe brjes \?\ nas kyang tshe rabs dran par 'gyur/ mngon par shes pa lnga thob par 'gyur/ tshe brjes ma thag tu byang chub sems dpa' byams pa mthong bar 'gyur/ de ste chos kyi rnam grangs 'di sems mi g.yeng bar yid la byed cing gnyid kyi snyom pa sel na/ de'i rmi lam du sangs rgyas mthong bar 'gyur te/ byang chub sems dpa' mthong ba'ang re bar bya'o/ /de chos kyi rnam grangs 'di la mos na rjes </font><hr>166b<br><font size=+1>


su mthun pa'i chos rnams la bzod pa re bar bya'o/ /chos kyi rnam grangs 'di sems na tshe 'di nyid la gnod sems med par re bar bya'o/ /dug myur ba'i nang na 'dug na'ang chos kyi rnam grangs 'di yid la byed na 'jigs pa med par re bar bya'o/ /slar rgol ba tshar bcad par re bar bya'o/ /kun tu snang ba'i ting nge 'dzin kyang thob par re bar bya'o/ /chos kyi rnam grangs 'di rtogs par byed pa'i tshe las kyi sgrib pa thams cad byang bar re bar bya'o/ /chos kyi rnam grangs 'chad pa na'ang chos kyi sgo brgya stong du ma thob par re bar bya'o/ /byang chub kyi sems mi brjed pa dang / mtha' yas 'khyil ba'i gzungs thob par yang re bar bya'o/ /chos kyi rnam grangs 'di yid la byed pa na'ang bdud kyis bskor ba med par re bar bya'o/ /sangs rgyas mngon du bzhugs par yang skye bar re bar bya'o/ /smon lam thams cad grub par yang re bar bya'o/ /srog chags kyi rigs rkang pa med pa dang / rkang gnyis pa dang / rkang bzhi pa dang / rkang pa mang po dug can rnams las bsrungs par re bar bya'o/ /de la mi'i rgyal po 'khrug pa'i 'jigs pa med par re bar bya ste/ 'jam dpal/ gang sems la the tshom med pa dang / nem nur med par chos kyi rnam grangs 'di 'dzin par byed/ 'chang bar byed/ klog par byed/ kun chub par byed/ gzhan la'ang rgyas par yang dag par ston pa'i chos smra ba de la yon tan bsngags pa </font><hr>167a<br><font size=+1>


@#/ /nyi shu po 'di rnams yod par re bar bya'o/ /de nas bcom ldan 'das la 'jam dpal gzhon nur gyur pas 'di skad gsol to/ /bcom ldan 'das/ 'di lta ste/ dper na/ sman gyi shing thams cad ni sems can rnams kyi nad thams cad zhi bar bgyid do/ /de bzhin du chos kyi rnam grangs 'di'ang nad thams cad rab tu zhi bar bgyid par blta bar bgyi'o/ /bcom ldan 'das kyis bka' stsal pa/ de de bzhin no/ /'jam dpal/ de de bzhin te/ khyod kyis tshig 'di legs par smras so/ /chos kyi rnam grangs 'di nad thams cad rab tu zhi bar byed pa'o/ /de ci'i phyir zhe na/ 'jam dpal/ sngon 'das pa'i dus bskal pa grangs med cing shin tu grangs med pa de'i tshe de'i dus na/ gang de bzhin gshegs pa dgra bcom pa yang dag par rdzogs pa'i sangs rgyas seng ge'i stabs su 'gro ba zhes bya ba zhig 'jig rten du byung bar gyur te/ des srog chags stong phrag du ma rnams la rgyang ring po nas chos kyi rnam grangs 'di bshad do/ /de'i tshe 'khor der byang chub sems dpa' rdo rje'i rgyal mtshan zhes bya ba 'dus te 'dug par gyur to/ /des de bzhin gshegs pa de las chos kyi rnam grangs 'di mnyan to/ /des sems g.yeng ba med pa dang / the tshom med pa dang / nem nur med pas chos kyi rnam grangs </font><hr>167b<br><font size=+1>


'di yon tan bsngags pa dang bcas par bzung zhing kun chub par byas te/ kun chub par byas nas kyang mos pa'i mthu dang ldan par gyur te/ grong dang / grong khyer dang / ljongs dang / yul dang / yul 'khor dang / pho brang 'khor du 'ongs nas bdag ni sman pa'o/ /bdag ni sman pa'o zhes bdag nyid khas 'che'o/ /de nas de ma thag tu srog chags nad sna tshogs kyis gzir ba stong phrag du ma srog gi skyabs kyi phyir byang chub sems dpa' rdo rje'i rgyal mtshan ga la ba der lhags so/ /de nas byang chub sems dpa' rdo rje'i rgyal mtshan mos pa'i mthu la gnas pa'i sems kyis sems can de dag la chos kyi gzhung 'dis brims so/ /chos kyi rnam grangs 'di las gang rig sngags 'byung ba de dag gis kyang bsrung ba dang / bskyabs pa dang / yongs su bzung bar byas so/ /'jam dpal/ de la rig sngags kyi tshig de dag kyang gang zhe na/ tad+ya thA/ a la ta/ bi tA la/ bi b+h+ri na/ a tir+tha/ a b+h+ri de/ a nu Da/ bi bram+ha/ na hi kha ga ru da/ mA yA su kha/ A nan ta/ dzA la da/ na da mi tra/ a mi tra/ dzo tra hi ta/ sarba da tra la/ aM ga maM ga ar+tha yu ta| sa brA mA i sha/ rig sngags kyi tshig 'di rnams kyis sems can de dag bsrung ba byas so/ /des gal te gdug pas zos pa'am/ gal te mi ma yin pas gtses </font><hr>168a<br><font size=+1>


@#/ /pa'am/ srog chags kyi rigs dug can gang yang rung pa 'ga' zhig gis zin pa'am/ gal te nad skem pa dang / mdze byung ba'am/ gal te rlung dang / mkhris pa dang / bad kan dang / 'dus pa'i nad kyis btab pa/ nad sna tshogs kyis rab tu gzir ba'i sems can de dag nad de dang / de dag las rab tu thar bar byas so/ /'jam dpal/ de ltar na byang chub sems dpa' rdo rje'i rgyal mtshan gyis chos kyi rnam grangs 'di la gnas nas sems can de rnams nad las rab tu thar bar byas so/ /'jam dpal/ khyod ji snyam du sems/ de'i tshe de'i dus na byang chub sems dpa' rdo rje'i rgyal mtshan zhes bya ba de gzhan yin snyam du sems na de de ltar mi blta'o/ /de ci'i phyir zhe na/ de'i tshe de'i dus na nga nyid byang chub sems dpa' rdo rje'i rgyal mtshan zhes bya bar gyur te/ ngas chos kyi rnam grangs 'di la mos nas sems can de snyed kyi don byas so/ /'jam dpal/ rnam grangs des kyang khyod kyis 'di ltar rig par bya ste/ sman thams cad kyi kha ba ji lta ba de bzhin du chos kyi rnam grangs 'di la blta bar bya'o/ /'jam dpal gyis gsol pa / bcom ldan 'das/ byang chub sems dpa' rig sngags kyi tshig 'di rnams 'dzin cing 'chang ba dang / kun chub par bgyid pas ji lta bur kun tu spyad par bgyi/ bcom </font><hr>168b<br><font size=+1>


ldan 'das kyis bka' stsal pa/ 'jam dpal/ rig sngags 'di dag 'don pa'i byang chub sems dpas gtsang sbra bya ba dang / sha mi bza' bar kun tu spyad par bya'o/ /des rkang pa gnyis kyang mi bsku'o/ /'du 'dzi'i nad na gnas par mi bya'o/ /sems can thams cad la'ang phyi phyir zhing byams pa'i sems su bya'o/ /gang dag las 'tshe ba 'ong bar 'gyur ba de dag la sems gdug par mi bya'o/ /chos kyi rnam grangs 'di'ang gtsang sbra ma phyed pas kha ton mi bya'o/ /sa phyogs mi gtsang bar gzhag par mi bya'o/ /'jam dpal gyis gsol pa| bcom ldan 'das/ bdag ni 'di snyam bgyid de/ chos kyi rnam grangs 'di ston pa'i byang chub sems dpa' bdag gi lus dang / srog la mi lta bar bgyi'o snyam du sems so// bcom ldan 'das kyis bka' stsal pa/ 'jam dpal/ de de bzhin no/ /de de bzhin te/ khyod ji skad zer ba de bzhin no/ /de nas bcom ldan 'das kyis tshe dang ldan pa kun dga' bo la bka' stsal pa/ chos kyi rnam grangs 'di skye bo mang po'i don byed par 'gyur gyi/ kun dga' bo khyod kyis zungs shig /kun dga' bo/ sems can gang chos kyi rnam grangs 'di la mos pa de dag glang po'i rtsal dang / glang po chen po'i rtsal gyis gnon par 'gyur/ kun dga' bo/ gang chos kyi rnam grangs 'di la mos pa de dag seng ge'i 'gros dang / </font><hr>169a<br><font size=+1>


@#/ /khyu mchog gi 'gros su 'gro bar 'gyur ro/ /kun dga' bo/ chos kyi rnam grangs 'di byang chub sems dpa' rnams rab tu dga' ba dang / byang chub sems dpa' 'byung bar byed par 'gyur ro/ /nga 'das pa'i phyin byang chub sems dpa'i lag tu 'ong bar 'gyur ro/ /byang chub sems dpa'i glegs bam du 'ong ba dang / byang chub sems dpa'i sgrom du 'ong bar 'gyur ro/ /byang chub sems dpa' gdol pa rnams kyi lag tu 'ong bar mi 'gyur/ glegs bam du 'ong ba dang / sgrom du 'ong bar mi 'gyur ro/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das/ chos kyi rnam grangs 'di de bzhin gshegs pas ji skad bshad pa bzhin du bdag gis gzung ngo / /bcom ldan 'das kyis bka' stsal pa/ kun dga' bo/ chos kyi rnam grangs 'di ji ltar zin pa bzhin du gang dag la byin pa'i sems can de dag la khyod ston pa'i bya ba byed pa legs so/ /legs so/ /bcom ldan 'das kyis de skad ces bka' stsal pa dang / che dang ldan pa kun dga' bo dang / tshe dang ldan pa shA ri'i bu dang / 'jam dpal gzhon nur gyur pa dang / lha dang / mi dang / lha ma yin dang / dri zar bcas pa'i 'jig rten rnams </font><hr>169b<br><font size=+1>


yid dga' ste/ bcom ldan 'das kyis bka' stsal pa la mngon par bstod do/ /glang po'i rtsal zhes bya ba theg pa chen po'i mdo rdzogs so// </font><hr>

</table>