H205

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H205</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H205&coll=lhasa">see text in Tibetan script</a></table>125a<br><font size=+1>


//rgya gar skad du/ AR+Ya pra dI pa dA nI yaM nA ma ma hA yA na sU tra/ bod skad du/ 'phags pa mar me 'bul ba zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de nas bcom ldan 'das kyis tshe dang ldan pa shA ri'i bu la bka' stsal pa/ shA ri'i bu/ dpag tu med pa bzhi po 'di dag ni legs par yongs su sbyangs pa'i chos rnams dang ldan pa/ rnam par smin pa dpag tu med pa/ snang ba dpag tu med pa/ bsod nams la yang dag par gzhol ba dpag tu med pa/ gzugs dpag tu med pa/ bde ba la yang dag par gzhol ba dpag tu med pa dag ste/ de dag ni tshul khrims la 'jug pa dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba la 'jug pa dang / so so yang dag par rig pa la </font><hr>125b<br><font size=+1>


'jug pa dang / len pa med par zag pa zad par 'gyur ba dag go /bzhi gang zhe na/ shA ri'i bu/ 'di lta ste/ de bzhin gshegs pa dgra bcom pa yang dag par rdzogs pa'i sangs rgyas tshul khrims kyi pha rol tu phyin pa brnyes pas bsam gtan par gyur ba/ shes rab kyi pha rol tu phyin pa brnyes pas shes rab dpag tu med pa dang ldan pa/ shes rab yangs pa dang ldan pa/ nges par 'byed pa'i shes rab dang ldan pa/ ji lta ba bzhin gyi shes rab dang ldan pa/ grangs med pa'i shes rab dang ldan pa/ rnam par nges pa'i shes rab dang ldan pa/ rnam par nges pa gzigs pa/ mchog tu rnam par grol zhing shin tu rnam par grol ba'i thugs dang ldan pa/ g.yo ba med pa'i thugs dang ldan pa/ 'khrug pa med pa'i thugs dang ldan pa/ 'phrin las legs par mdzad pa'i thugs dang ldan pa dang / shA ri'i bu/ de bzhin gshegs pa dgra bcom pa yang dag par rdzogs pa'i sangs rgyas ni mi dge ba'i chos thams cad spangs pa/ dge ba'i chos thams cad dang ldan pa/ spyod pa phun sum tshogs pa/ yid la mdzad pa dang ma bral ba/ bden pa ston pa/ bden pa gzigs pa/ snang bar gyur pa/ dpag tu med pa/ tshogs dpag tu med pa/ zil gyis gnon pa/ zil gyis mi gnon pa'i tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes gzigs </font><hr>126a<br><font size=+1>


@#/ /pa'i stobs bskyed pa brnyes pa/ stobs bcu'i stobs bskyed pa brnyes pa/ mi 'jigs pa'i stobs bskyed pa brnyes pa/ sangs rgyas kyi chos kyi stobs bskyed pa brnyes pa/ byams pa chen po dang / snying rje chen po'i stobs bskyed pa brnyes pa/ so so yang dag par rig pa'i stobs bskyed pa brnyes pa/ sngon gyi bsam pa phun sum tshogs pa/ sngon yongs su sbyong ba mdzad pa/ shes rab rin po che dang ldan pa/ brtson pa ma bor ba/ brtson 'grus dpag tu med pa/ mya ngan dang / gnod pa dang bral ba/ yongs su 'dzin pa mi mnga' ba/ thams cad gzigs pa/ thams cad mkhyen pa/ glang po chen po/ dpag tu med pa/ phung po mi mnga' ba/ bsod nams kyi zhing bla na med pa dang / shA ri'i bu/ de la de bzhin gshegs pa dgra bcom pa yang dag par rdzogs pa'i sangs rgyas bskal pa bye ba khrag khrig 'bum phrag du mar dge ba'i rtsa ba yang dag par bsgrubs pa/ rig pa gsum dang ldan pa/ bsod nams kyi zhing gi de bzhin gshegs pa'i mchod rten la dge slong ngam/ dge slong ma'am/ dge bsnyen nam| dge bsnyen ma sems dang ba/ bsod nams don du gnyer ba/ bsod nams la dmigs pa/ bsod nams yo byad du byed pa/ bsod nams 'dod pa/ rnal </font><hr>126b<br><font size=+1>


'byor dang mthun pa'i rjes su dran pa yid la byed pa/ sngon gyi sbyor ba phun sum tshogs pas tha na mar me'i snying po chung du'am/ ngan pa zhig 'bru mar gyis bskus sam/ mar gyis bskus te 'bul lam/ nges par 'bul lam/ yongs su 'bul lam/ 'jog par byed pa dang / dge ba don du gnyer bas de bzhin gshegs pa dgra bcom pa yang dag par rdzogs pa'i sangs rgyas bcom ldan 'das phyi ma'i mtha'i skye ba'i 'khor ba spangs pa/ da ltar byung ba na tshul khrims dang / ting nge 'dzin dang / shes rab dang / rnam par grol ba dang| rnam par grol ba'i ye shes gzigs pas bzung ba nyid yid la byed dam/ de las yon tan gang yang rung ba zhig yid la byed dam/ de bzhin gshegs pa'i phyir dang / gzhi de las de bzhin gshegs pa yid la byed cing / de bzhin gshegs pa dgra bcom pa yang dag par rdzogs pa'i sangs rgyas nyid kyi phyir de bzhin gshegs pa la mchod pa bya bar sems bskyed de/ mar me 'di 'bar bar bya/ rab tu 'bar bar bya/ dbul bar bya/ yongs su dbul bar bya/ rab tu gzhag par bya'o snyam pa'am/ sems kyi rgyud dang bar gyur bas tshul khrims yongs su dag pa/ mi mnyam pa dang mnyam pa'i tshul khrims dang ldan pa/ de bzhin gshegs pa dgra bcom pa yang dag par rdzogs </font><hr>127a<br><font size=+1>


@#/ /pa'i sangs rgyas dpag tu med pa/ bsod nams mang po mnga' ba'i de bzhin gshegs pa'i mchod rten la bsnyen bkur byed de de tsam mam/ cung zad tsam mam/ chung du zhig gam/ ngan ngon tsam zhig gam/ gsog tsam zhig gam/ tha na glog gi rgyun tsam zhig kyang snang bar byed dam/ tha na them skas kyi gzhi gcig snang bar byed na'ang / shA ri'i bu/ de'i rnam par smin pa ni nyan thos rnams kyis sam/ rang sangs rgyas rnams kyi bstan par mi nus so/ /shA ri'i bu/ gzhan yang / lan la ni mi re zhing dad pa dang / dga' ba dang / dang bas yongs su btang ba'i rnam par smin pa bsod nams kyi rnam par smin pa de ni de bzhin gshegs pas ston par spyad do/ / shA ri'i bu/ gzhan yang / dad pa dang ldan la gus par gnas shing g.yo med la sgyu med pa sangs rgyas kyi yon tan la nges par sems pa'i rigs kyi bu'am/ rigs kyi bu mo dge ba'i bsam pa skyes nas mar me cung zad tsam mam/ chung du tsam zhig kyang snang bar byas te mar me snang bar byas pa gang gis de bzhin gshegs pa'i mchod rten de tha na them skas tsam snang ngam/ bskor sa tsam snang ngam/ smad dam/ gdugs sam/ thams cad snang ngam/ tha na bar skabs gang yang rung ba zhig snang ba'i </font><hr>127b<br><font size=+1>


mar me de mod la myur du shi ste rlung gi skyod pas sam/ char pas sam/ mar zad pas sam/ snying po zad pas shi la/ shA ri'i bu/ 'di lta ste/ dper na klus dkrugs pa na sprin stug po'i dra ba 'khrigs pa las nam mkha' las glog byung nas nub na/ shA ri'i bu/ myur du 'byung ba'i rjes su 'brang ba de mthong bas sems can rnams kyi mig thibs zhes byed pa de tsam du/ shA ri'i bu/ de bzhin gshegs pa'i mchod rten la mar me 'bul ba'i dge slong ngam/ dge slong ma'am/ dge bsnyen nam/ dge bsnyen ma'am/ de las gzhan pa sems can bslab pa'i gzhi ma blangs pa/ dge ba'i rtsa ba don du gnyer ba/ sangs rgyas dang / chos dang / dge 'dun la mngon par dad pa/ bdag nyid bskyab par bya ba la gnas pa/ bsod nams 'dod pa rnams kyis ji tsam du chung ba'i mar me phul ba'i bsod nams kyi phung po ji tsam du dpag tu med pa yongs su bzung bar 'gyur ba'i rnam par smin pa ni de bzhin gshegs pas mkhyen to/ /shA ri'i bu/ mar me 'bul ba cung zad cig phul ba'i mar me phul ba las mngon par grub pa'i bsod nams kyi phung po de rnam par smin pa ni/ shA ri'i bu/ de bzhin gshegs pa dgra bcom pa yang dag par rdzogs pa'i sangs rgyas ma gtogs par lha dang bcas/ tshangs pa dang bcas pa'i 'jig </font><hr>128a<br><font size=+1>


@#/ /rten dang / dge sbyong dang / bram zer bcas pa'i skye dgus bstan par mi nus so/ /shA ri'i bu/ sangs rgyas bcom ldan 'das rnams kyi yul ni bsam gyis mi khyab ste/ shA ri'i bu/ mar me 'bul ba yongs su phul ba des bsod nams kyi phung po ji tsam du dpag tu med grangs med pa yongs su bzung bar gyur pa'i don de ni de bzhin gshegs pas mkhyen te/ shA ri'i bu/ mar me de tsam du chung du phul ba'i rnam par smin pa'ang dpag tu med na/ gang gis de bzhin gshegs pa yongs su mya ngan las 'das pa'i de bzhin gshegs pa'i mchod rten la mchod pa khyad par can byed dam/ byed du 'jug ste/ spos sam/ me tog phreng ngam/ gdugs sam/ ba dan rnams sam/ gang yang rung ba'i mar me'i phreng ba rnam pa mang pos mchod pa khyad par can byed dam/ byed du 'jug pa lta ci smos kyang ci dgos/ shA ri'i bu/ gzhan yang / chos 'di bzhi ni dad pas rtogs par bya ba yin te/ bzhi gang zhe na/ sangs rgyas kyi chos rnams ni dpag tu med do snyam du dad pas rtogs par bya ba dang / dge ba'i rtsa ba ji ltar chung du'i rnam par smin pa'ang dpag tu med par 'gyur ba dad pas rtogs par bya ba dang / dkon mchog gsum la dad pa'i las mngon par 'du byed pa'i rnam par smin pa gang yin pa de ston pa mthong ba/ nyan thos khyed kyis kyang rnam pa </font><hr>128b<br><font size=+1>


thams cad du bsam pa'am/ yongs su bsam par mi nus na/ 'phags pa'i rigs la mi gnas pa gzhan rnams kyis las kyi rnam par smin pa mngon sum du shes pa'am/ khong du chud par nus pa lta ci smos te de ni gnas med do/ /gzhan du na/ de ni dad pas rtogs par bya ba yin pa dang / shA ri'i bu/ nyan thos rnams kyis sems can thams cad kyi las kyi rnam par smin pa bsam pa'am/ shes par mi nus te/ shA ri'i bu/ khyed rnams gnas 'di la bsam pa dang bral bar gyis shig /de ci'i phyir zhe na/ shA ri'i bu/ sems can rnams kyi las/ kyi rnam par smin pa bsam gyis mi khyab bo zhes de bzhin gshegs pas gsungs pa'i phyir ro/ /shA ri'i bu/ sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis kyang sems can rnams kyi las kyi rnam par smin pa bsam gyis mi khyab bo zhes gsungs so/ /shA ri'i bu/ ma 'ongs pa'i de bzhin gshegs pa dgra bcom pa yang dag par rdzogs pa'i sangs rgyas rnams kyang sems can rnams kyi las kyi rnam par smin pa bsam gyis mi khyab pa nyid do zhes ston par 'gyur ro/ /shA ri'i bu/ sems can gyi bsam pa dang / sems dang / lhag mthong yang bsam gyis mi khyab ste/ dad pas rtogs par bya ba yin no/ /shA ri'i bu/ 'phags pa'i rigs la gnas pa khyed cag </font><hr>129a<br><font size=+1>


@#/ /nyid kyang sems can thams cad kyi shes pa de la mig dang / mkhas pa la shes pa mi 'jug na/ sems ma dul ba tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba dang bral ba/ brjed ngas pa/ ma rig pa'i mun pas mig bsgribs pa gzhan gang dag bdag ci zhig /bdag su zhig /bdag ci 'dra ba zhig /bdag gang nas/ bdag ci tsam zhig /bdag ji lta bu zhig /bdag ldan pa'i ngang tshul can nam/ bdag mi ldan pa'i ngang tshul can nam/ bdag brjed ngas pa'am/ bdag dran pa nye bar gnas pa'am/ bdag mkhas pa'i las byed pa'am/ bdag byis pa'i las byed pa'am/ bdag gang nas 'ongs/ bdag gang du 'gro zhes rang gi chos la shes pa 'jug pa'ang med pa rnams lta ci smos/ shA ri'i bu/ byis pa so so'i skye bo ni bdag la shes pa 'jug pa'ang med na phyin ci log gi lta ba can de las kyi rnam par smin pa shes par lta ga la 'gyur te de ni gnas med do/ /shA ri'i bu/ de bzhin gshegs pa ni tshul khrims dang bral ba ma yin/ ting nge 'dzin dang bral ba ma yin/ shes rab dang bral ba ma yin/ rnam par grol ba dang bral ba ma yin/ rnam par grol ba'i ye shes mthong ba dang bral ba ma yin/ rig pa dang bral ba ma yin no/ /shA ri'i bu </font><hr>129b<br><font size=+1>


de bzhin gshegs pa dgra bcom pa yang dag par rdzogs pa'i sangs rgyas ni tshul khrims dpag tu med pa'o/ /tshul khrims chags pa med pa'o/ /tshul khrims bsam gyis mi khyab pa'o/ /tshul khrims gzhal du med pa'o/ /tshul khrims rdzogs pa'o/ /tshul khrims rnam par dag pa'o/ /de la las dang / las kyi rnam par smin pa yang dag pa ji lta ba bzhin du rab tu mkhyen to/ /shA ri'i bu/ ji ltar na de bzhin gshegs pa las dang / las kyi rnam par smin pa yang dag pa ji lta ba bzhin du rab tu mkhyen ce na/ shA ri'i bu/ 'di la de bzhin gshegs pas 'di ltar rab tu mkhyen te/ sems can 'di ni dge ba'i chos rnams yongs su zad cing mi dge ba'i chos rnams kyis gang ba'o/ /sems can 'di ni dge ba'i chos rnams 'byung bar 'gyur zhing mi dge ba'i chos rnams 'gag par 'gyur ba'o/ /sems can 'di ni mi dge ba'i chos rnams skye bar 'gyur zhing dge ba'i chos rnams 'gag par 'gyur ba'o zhes/ shA ri'i bu/ 'jug pa 'dis de bzhin gshegs pa sems can de dang / de dag gi las dang / las kyi rnam par smin pa sna tshogs rjes su 'jug pa rab tu mkhyen to/ /shA ri'i bu/ de la sems can rnams mun pa yod cing mkhas pa med de mkhyen pa de lta bu dang ldan pa/ mkhas </font><hr>130a<br><font size=+1>


@#/ /pa de lta bu dang ldan pa des sems can rnams kyi las kyi rnam par smin pa bsam gyis mi khyab pa lung ston to/ /shA ri'i bu/ de la gang dag dad pa de dag ni yid ches par 'gyur la gang dag ma dad cing bstan pa 'di las nyams pa de dag ni smad par 'gyur zhing rtsod par 'gyur te/ de ni de dag la yun ring por mi phan pa dang / don med pa dang / sdug bsngal ba dang / log par ltung bar 'gyur ba'o/ /shA ri'i bu/ de la sems can gang de bzhin gshegs pa'i mchod rten la mar me 'bul ba des mar me 'bul ba yongs su phul ba dang / nges par phul ba dang / dge ba'i rtsa ba bsags pa'i las mngon par 'dus byas pa dang / rnam par smin pa'i 'bras bu bde ba 'dod pa dang / dga' ba dang / mchog tu dga' ba dang ldan pa dang / dad pas yongs su phul ba bsags pas tshe 'di nyid la sems kyi nges par sems pa gsum 'thob ste/ gsum gang zhe na/ de 'di snyam du sems te/ bdag gis de bzhin gshegs pa dgra bcom pa yang dag par rdzogs pa'i sangs rgyas la mchod pa byas te/ lus thob pa snying po dang / snying po ma yin pa'i lus shes par byas la snying po sbyin par bya'o snyam </font><hr>130b<br><font size=+1>


nas longs spyod rnams la nyes dmigs can du shes te/ snying po med pa'i longs spyod rnams la snying po sbyin par byed pa 'di ni/ shA ri'i bu/ de bzhin gshegs pa'i mchod rten la mchod pa byas pa'i sems kyi nges par sems pa dang po'o/ /shA ri'i bu/ gzhan yang / de 'di snyam du sems te/ bdag gis bsod nams kyi zhing bla na med pa'i yon gnas kyi sbyin pa mchog len pa bo la mchod pa byas pas bdag la sems can dmyal ba'i 'jigs pa'am/ dud 'gro'i skye gnas kyi 'jigs pa'am/ gshin rje'i 'jig rten gyi 'jigs pa med do/ /bdag gi 'gro ba bde ba ni lnga ste/ mtho ris 'thob pa'am/ mi 'thob pa'am/ gzugs 'thob pa'am/ longs spyod 'thob pa'am/ byang chub 'thob bo snyam pa de ni/ shA ri'i bu/ de bzhin gshegs pa'i mchod rten la mchod pa bya ba'i sems kyi nges par sems pa 'thob pa gnyis pa'o/ /shA ri'i bu| gzhan yang / de bzhin gshegs pa'i mchod rten la mar me 'bul ba yongs su phul ba la yang dag par gnas pa yin te/ gal te bdag gis sbyin pa byin no/ /bdag gis bsod nams dag kyang byas so/ /bdag gis ser sna spangs so snyam du shes shing de 'di snyam du sems te/ bdag ni sbyin pa po yin la bdag gis kyang sbyin pa byin no snyam du de </font><hr>131a<br><font size=+1>


@#/ /ltar sems shing gtong ba la yongs su gdung ba med/ brnyes pa med de/ shA ri'i bu/ de ni de bzhin gshegs pa'i mchod rten la mchod pa byas pa'i sems kyi nges par sems pa 'thob pa gsum pa'o/ /shA ri'i bu/ rigs kyi bu'am/ rigs kyi bu mo de bzhin gshegs pa'i mchod rten la mar me 'bul ba phul bas 'chi ba'i dus kyi tshe snang ba gsum thob ste/ gsum gang zhe na/ dge legs byas pa sa bon du 'gyur te dran pa 'thob cing dge ba rnams brjod par mi 'gyur te/ shA ri'i bu/ 'di ltar 'chi ba'i dus kyi tshe de bzhin gshegs pa la dge ba'i rtsa ba bskyed pa rnams rjes su dran pa 'di ni snang ba dang po'o/ /shA ri'i bu/ gzhan yang / de bzhin gshegs pa'i mchod rten la mchod pa byas pa'i sems can de 'chi ba'i dus kyi tshe dran par 'gyur te/ bdag gis sangs rgyas la mchod pa byas so zhes mchog tu dga' ba 'thob ste/ shA ri'i bu/ 'di ltar sangs rgyas rjes su dran pa dang bcas pa'i sems bskyed pa 'di ni snang ba gnyis pa'o/ /shA ri'i bu/ gzhan yang / sems can de 'chi ba'i dus kyi tshe sems can gzhan sbyin pa gtong ba mthong na de 'di snyam du sems te/ bdag gis mar me 'bul ba phul lo/ /phyis kyang sbyin pa byin no snyam du de stong pa'i sems </font><hr>131b<br><font size=+1>


skyes shing sdug bsngal gyi tshor ba rnams kyis mi 'phrogs la de la chos rjes su dran pa de lta bu 'byung ste/ shA ri'i bu/ 'di ltar dge ba'i rtsa ba ji lta bu bzhin du yid la byed pa 'di ni snang ba thob pa gsum pa yin no/ /shA ri'i bu/ gzhan yang / rigs kyi bu'am/ rigs kyi bu mo de bzhin gshegs pa'i mchod rten la mar me dbul ba phul ba de 'chi ba'i dus kyi tshe snang ba bzhi 'thob ste/ bzhi gang zhe na/ mdun na nyi ma'i dkyil 'khor 'char ba mthong ba dang / mdun na zla ba nya ba'i dkyil 'khor 'char ba mthong ba dang / lha'i 'khor gnas pa mthong ba dang / de bzhin gshegs pa dgra bcom pa yang dag par rdzogs pa'i sangs rgyas byang chub kyi snying po la bzhugs shing byang chub mngon par rdzogs par sangs rgyas pa mthong ste/ de la bdag nyid gus par byed pa la gnas shing thal mo sbyar bar byas par mthong ba ste/ shA ri'i bu/ de bzhin gshegs pa'i mchod rten la mar me dbul ba phul bas 'chi ba'i tshe snang ba 'di bzhi 'thob par 'gyur ro/ /bcom ldan 'das kyis de skad bka' stsal te/ bde bar gshegs pas de skad gsungs nas de bzhin du ston pas/ gzhan yang / 'di skad ces bka' stsal to/ /mtha' yas chos bdag drang srong chen po yi/ /mchod rten rnams la mkhas pa gang zhig gis/ /mar me phul ba byas pa'i las de yis/ /bde dang don dang </font><hr>132a<br><font size=+1>


@#/ /rnyed pa mtha' yas 'thob/ /de ni 'chi khar dran pa nyams mi 'gyur/ /mar me phul ba'ang bdag nyid mthong bar 'gyur/ /zang zing med pa'i dga' ba bzhi yang 'thob/ /'chi ba'i dus tshe rmongs pa med par 'gyur/ /kun nas snang ba dag kyang der gyes te/ /nyi ma dang ni zla ba'ang mthong bar 'gyur/ /bye ba khrag khrig lha rnams des mthong 'gyur/ /rmongs pa med par sangs rgyas chos kyang smra/ /de la pha ma bu dang rtsa lag dang / /'khor rnams kun gyis bskor nas du na yang / /de rnams la ni mngon du de mi phyogs/ /de tshe nam yang dran pa nyams mi 'gyur/ /de yi mdun na gzhal med khang mchog mthong / /'jigs med lha yi bu mo rnams kyang mthong / /skyed mos tshal bzhi shin tu brgyan sdug cing / /'dod pa'i yon tan lnga ldan mthong bar 'gyur/ /thub pa'i skyes mchog rnams la mchod byas pas/ /des ni byang chub snying por bde gshegs dang / /des ni bdag kyang thal mo sbyar byas shing / /lha klu lha mi rnams kyis mdun bdar mthong / /gus dang bcas pas 'jig rten 'dren pa mthong / / de der phyin te bde bar gshegs mthong nas/ /dga' bas de tshe spyan yang 'dren par byed/ /de yis gdugs tshod sbyar ba gnas par mdzad/ /so so rnyed pa'i bde bas </font><hr>132b<br><font size=+1>


chim gyur nas/ /'chi dus byas tshe sdug bsngal des mi myong / /byang chub dam pa mchog la sems kyang dga'/ /de la 'chi ba'i 'jigs chen 'byung mi 'gyur/ /mar me phul ba'i rnam smin 'di yin te/ /'chi dus byed tshe dran pa nyams mi 'gyur/ /de la phyogs rnams snang bar gyur bar 'gyur/ /sngon chad ma mthong gzugs bzang rnams kyang mthong / /de ni shi nas mtho ris nges 'gro zhing / /lha yi stan la de lus 'dug par shes/ /rgyal ba la ni mchod pa byed pa'i tshe/ /des ni kun nas lha mo rnams kyang mthong / /shA ri'i bu/ gzhan yang / de bzhin gshegs pa'i mchod rten la mar med dbul ba phul bas sum cu rtsa gsum du skyes nas/ lha'i bu de rnam pa lnga yongs su dag pa dang ldan par 'gyur ro| |shA ri'i bu/ lha'i bu de rnam pa lnga yongs su dag pa dang ldan pa ji lta bu zhe na/ de'i lus yongs su dag par 'gyur ba dang / de lha'i mthu rgya chen po dang ldan par 'gyur ba dang / de'i dran pa dang / shes rab yongs su dag par 'gyur ba dang / de'i rna bar sgra snyan pa thos par 'gyur ba dang / de'i 'khor yid bde ba mang ba dang ldan par 'gyur ba'o/ / bcom ldan 'das kyis de skad ces bka' stsal te/ bde bar gshegs pas de skad gsungs nas de bzhin du ston pas/ gzhan yang / 'di skad ces bka' stsal to/ /drang srong mchod </font><hr>133a<br><font size=+1>


@#/ /rten mar me phul bas ni/ /de yi lus ni rab tu 'od gsal zhing / /gzhan gyis mi tshugs dpal dang ldan pa dang / /lha stong gi ni gtso bor de 'gyur ro| |lha yi sgra dbyangs snyan cing yid 'ong thos/ /ji ltar lha gzhan de bzhin 'di yang mchog /dran dang blo mchog dang ni ldan pa dang / /'khor mchog phun sum tshogs pa'ang 'thob par 'gyur/ /gang du lha bu de ni 'gro ba der/ /de 'gro ba na lha kun 'dong bar byed/ /gang gis de lus 'di ltar 'od 'bar ba/ /sngon gyi las kyi 'bras bu de 'dra'o/ /skyed mos tshal gyi gzhin shing gi ming / /zla mchog ces bya gzhal med khang gis brgyan/ /zla ba ji ltar kun nas gsal ba ltar/ /de yi shing rnams de bzhin gsal ba yin/ / mar me rab 'bar ji bzhin rnam gsal la/ /yid 'ong dri ngad phyogs rnams gtong byed la/ /me tog gsal ba 'di ni ming ci zhes/ /lha rnams ngo mtshar stong snyed 'dzin par 'gyur/ /de yi 'khor tshogs me tog de dag gis/ /brgyan pa byas pas de dag mdzes par 'gyur/ /bye ba khrag khrig lha yi nang na de/ /nyi ma shar bzhin du rnam par mdzes/ /shA ri'i bu/ de bzhin gshegs pa'i mchod rten la mar me dbul ba phul bas sum cu rtsa gsum gyi lha'i nang du skyes nas/ lha'i bu de dag yun ji srid cig na </font><hr>133b<br><font size=+1>


'chi 'pho ba'i chos su 'gyur ba bdag nyid kyis shes te/ lha'i bu des 'chi ba na rang gi 'khor dang / lha'i bu gzhan dag kyang chos kyi gtam gyis yang dag par dga' bar byas/ yang dag par 'dzin du bcug nas gnas de nas shi 'phos te/ shi 'phos nas kyang log par ltung bar 'gro bar mi 'gyur te/ mi'i 'jig rten du skyes na'ang rigs mchog tu btsun pa/ dad pa dang ldan pa/ sangs rgyas 'byung ba dang ldan par skye bar 'gyur ro/ /gal te sangs rgyas mi 'byung ba zhig la bab na'ang de sdig pa'i lta ba can ma yin zhing ya mtshan du 'dzin pa dang bral ba'i rigs su skye bar 'gyur ro/ /bcom ldan 'das kyis de skad ces bka' stsal te/ bde bar gshegs pas de skad gsungs nas/ de bzhin du ston pas/ gzhan yang / 'di skad ces bka' stsal to/ /lha yi srid par bdag ni yun ring du/ /gnas par 'gyur zhes de yi shes 'di 'jug /lha gtso de yis de yang rab tu shes/ / gang tshe 'chi ba'i dus ni 'bab 'gyur ba/ /de tshe mtshan ma lnga dag 'byung 'gyur te/ /bye ba phrag mang lha dag der 'du zhing / /de dag mngon sum du ni chos kyang ston/ /bdag ni 'di nas ring por mi thogs 'chi/ /srid pa thams cad mi rtag bde ba med/ /gzhan dag 'chi zhing gzhan dag skye bar 'gyur/ /kye ma bdag ni 'chi bar 'gyur ro zhes/ /de ni dbus </font><hr>134a<br><font size=+1>


@#/ /'dug shin tu mi bzad smra/ /de yi mngag gzhug rnams kyang de bzhin du/ /lha gzhan du ma sdug bsngal nyam thag go /de ni bdag gi ltas ni lnga mthong nas| |de ni rang gi stan la dga' mi 'thob/ /gnas de nas ni langs te 'gro bar byed/ /gzhal med khang gi gnas su'ang dga' mi skye/ /bdag cag 'di mthong tha ma 'di yin zhes/ /de bzhin lha mang du ma mya ngan byed/ /de yi stan mchog dam pa gang yin pa/ /de ni lha yi bu mos blangs te 'bul/ /stan de mthong nas de ni rang stan la/ /dga' ba thob par ma gyur de nas shi/ /lha yi dbang po lha gnas shi 'phos nas/ /mi yi 'jig rten du ni mngon par 'gro /de yi rang la yod pa'i dran mi nyams/ /der yang bde bar 'gyur gyi sdug bsngal min/ /skyes nas tshe rabs rab tu dran gyur te/ /skyes ma thag tu sngon gyi srid pa shes/ /nyon mongs rnams kyis bdag la gnod 'gyur zhes/ /shin tu sdug bsngal der yang dga' ba med/ /lha yi 'jig rten thob pa'i dpal dran nas/ /mi yi 'jig rten la ni bde mi rnyed/ /mtho ris sdug bsngal mi yul smos ci dgos/ /srid pa thams cad snying po med cing g.yo/ /gang dang gang tshe lus stobs nyams gyur pa/ /de tshe de ni rab tu 'byung bar nges/ /'di yang de yi rnam smin 'gyur ba ste/ /rnam rtog spyod </font><hr>134b<br><font size=+1>


par nam yang mi 'gyur ro/ /de ni de yi mar me phul ba'i 'bras/ /de dang der ni tshe rabs des dran 'gyur/ /bya ba'i 'od min las ni de mi spyod/ /gdon mi za bar de ni khyim nas 'byung / long bar mi 'gyur zha bor mi 'gyur zhing / /de yi mig ni med par 'gyur ma yin/ /nad can ma yin 'jigs rung sgra ldan min/ /blun por mi 'gyur mi shes mi 'gyur ro/ /mig med par ni nam yang mi 'gyur zhing / /de yi mig ni na bar 'gyur ma yin/ /mig gcig ma yin khog long mig ma yin/ /de yi mig la mi gsal med par 'gyur/ /mig ni ring zhing dkar gnag rnam par gsal/ /srid par de yi mig ni dag par 'gyur/ /nor bu 'od bzang ltar ni don zhib rtogs/ /bskal pa grangs med dag tu nam yang de'i/ /sha yi mig ni yongs su nyams mi 'gyur/ /de la mig nad dag ni mi 'byung ste/ /mar me phul ba'i rnam smin de yin no/ /de bzhin lag rtsis gzugs dang rtog ge rnams/ /rtog par khong chud bzod ldan 'jigs pa med/ /de ni mdzangs la blo dang ldan par 'gyur/ /blo ni shin tu cha phra don dam mthong / /srid pa dag la byed pa med par lta/ /rgyal ba'i bstan la snang ba thob par 'gyur/ /de bzhin 'jig rten 'dren pa sangs rgyas mthong / /mthong nas dad pas mchod pa rab tu byed/ /gzugs kyi dngos po bzang dang mdzes par 'gyur/ / </font><hr>135a<br><font size=+1>


@#/ /mdza' bshes dang ni rtsa lag skye bo 'ga'/ /phyug cing stobs ldan nor ni mang bar 'gyur/ /mi phyed 'khor ni phun sum tshogs pa 'thob/ /ji ltar mar mes mun pa bsal nas su/ /kun la 'od kyis snang ba khyab pa ltar/ /de bzhin kun snang byas nas lhang nge'o/ /mun pa'i dbang du nges par de mi 'gro /sangs rgyas mchod rten la ni mi gang gis/ /sems ni dad pa'i mar me'i phreng ba 'bul/ /mar me phul ba'i sems ni rnam dag cing / /de ni 'jig rten rig pa'i mchog tu 'gyur/ /blta na sdug cing rab tu mdzes par 'gyur/ /'jig rten kun gyi dga' ba skye bar 'gyur/ /ltad mo mi 'dod bkra shis 'dod ma yin/ /g.yon phyogs lam la de ni rten mi 'gyur/ / de ni 'jig rten log lta gang dag dang / /lam gol gang dag yin pa der mi mos/ /rgyal phran tsam gyis chog par de 'dzin cing / /su dang yang ni 'thab tu 'gro mi byed/ / tshegs 'byung med cing mya ngan med par 'gyur/ /de yi sems la yongs su yi chad med/ /de la yid mi ches par mi 'gyur la/ /bsam pa ngan dang gnod pa byed pa med// rgyal po'i pho brang gang du de smra ba/ /rgyal po dang ni rgyal 'khor grags par 'gyur/ /skya rbab nad kyis nam yang de mi thebs/ /za mar mi 'gyur ma ning 'gyur ma yin/ / </font><hr>135b<br><font size=+1>


legs par gnas shing bde dang ldan 'gyur la/ /de yi lus la nad rnams 'byung mi 'gyur/ /rmi lam du ni sdig pa mi rmi la/ /des ni ji ltar ston pa de tshe shes/ /des na yang dang yang du gter rnyed de/ /bde gshegs mchod rten mchod pas de ltar 'gyur/ /de bzhin gshegs pa'i mchod rten la mar me dbul ba phul bas sems can de ni 'dun pa bzhi 'thob ste/ bzhi gang zhe na/ lus kyi 'dun pa dang / longs spyod kyi 'dun pa dang / rigs btsun par skye ba'i 'dun pa dang / shes rab 'thob pa ste/ shA ri'i bu/ de bzhin gshegs pa'i mchod rten la mar me dbul ba phul bas 'dun pa bzhi po de dag thob par 'gyur ro/ /bcom ldan 'das kyis de skad ces bka' stsal te/ bde bar gshegs pas de skad gsungs nas/ de bzhin du ston pas/ gzhan yang / 'di skad ces bka' stsal to/ /drang srong chen po'i mchod rten mar me phul/ /de yi lus rdzogs pa dang stobs cher 'gyur/ /de ni nam yang rtsod pa sten mi byed/ /dbang phyug tshugs pa med pa phyogs bcur spyod/ /drang srong chen po'i mchod rten mar me phul/ /rnam par grags pa'i longs spyod ldan pa dang / /yon tan mchog ldan rab mchog khyim du skye/ /skyes nas tshe rabs dran pa nyid du 'gyur/ /g.yog 'khor phun sum tshogs pa mchog ldan 'gyur/ / </font><hr>136a<br><font size=+1>


@#/ /srog chags rnams la rtag tu snying brtse byed/ /rtag tu mi 'tshe shin tu nges par 'gyur/ /rnam ltung 'gro ba'i khyim du de mi skye/ /shA ri'i bu/ de bzhin gshegs pa'i mchod rten la mar me dbul ba phul bas yongs su dag pa bzhi 'thob pa ste/ bzhi gang zhe na/ lus yongs su dag pa dang / ngag yongs su dag pa dang| yid yongs su dag pa dang / mdza' bshes yongs su dag pa'o/ /shA ri'i bu/ rigs kyi bu'am/ rigs kyi bu mo de skye ba'i gnas de dang / de dag tu skyes pa na srog gcod pa spong bar 'gyur te/ de srog gcod par mi byed do/ /ma byin par mi len to/ /'dod pas log par g.yem pa spong bar 'gyur te/ rang gi chung ma la'ang log par mi sten to/ /'bru'i chang dang / btsos pa'i chang btung ba spong bar byed do/ /sems can gang la'ang dbyug pa'am/ mtshon nam/ bong ba'am/ khu tshur ram/ mtshon char gyur pa gang yang rung bas rnam par 'tshe bar mi byed cing de sdig pa mi dge ba'i chos rnams las zlog par 'gyur te/ shA ri'i bu/ de dag ni lus kyi yongs su dag pa zhes bya'o/ /de la ngag gi yongs su dag pa gang zhe na/ de brdzun du smra ba spangs pa yin te/ de ma mthong ba'am/ ma thos pa brjod par mi byed la/ mthong ba </font><hr>136b<br><font size=+1>


dang| thos pa dris pa'ang dus ma yin par smra bar mi byed de/ de mthong ba'am/ thos pa dris na yang dag par smra bar byed de/ de bdag gi don nam/ gzhan gyi don du'ang rung ste log par mi smra'o/ /gzhan dag gis brdzun du smra ba bcol ba'i tshe yang dag par shes na bden pa srung bar byed de/ ngag gi yongs su ma dag pa de dag spong bar byed do/ /de de dag dbye ba'i phyir 'di nas thos pa pha gir mi snyod/ de dag dbye ba'i phyir pha gi nas thos pa 'dir mi snyod de/ mthun pa rnams ni gcugs par byed cing bye ba rnams la ni sdums byed do/ /de ngag rtsub po spangs pa yin te/ ngag gang zher 'debs pa/ brlang ba/ gzhan la rtsub pa/ gzhan la mi bde ba/ mi sdug pa/ mi 'dod pa/ mi dga' ba| yid du mi 'ong ba/ gzhan la gnod pa/ 'khon du 'dzin pa'i ngag de lta bu spangs nas ngag mnyan pa/ 'jam pa/ yid du 'ong ba/ bden pa/ rnar snyan pa/ snying du sdug pa/ mdza' bar gyur pa/ skye bo mang po mgu ba/ skye bo mang po 'dod pa/ dga' ba/ yid du 'ong ba/ dgra thams cad rab tu zhi bar byed pa de lta bu'i ngag smra'o/ /de tshig kyal pa spangs pa yin te/ de spang bar bya ba gzhan dang mi smra ba yin/ de gzhan gyi lag rtsis dang / brda sbed par byed do/ /de mang du smra bar mi byed/ dus ma yin par smra bar mi byed </font><hr>137a<br><font size=+1>


@#/ /la| mya ngan las 'das pa dang mi ldan pa'i tshig mi smra ste/ de ltar de dag gi las yongs su ma dag pa spong ba 'di ni/ shA ri'i bu/ ngag gi las yongs su dag pa zhes bya'o/ /de yid kyi las yongs su ma dag pa spong ba yin te/ de brnab sems su mi byed cing de gzhan gyi nor dang / gzhan gyi rdzas dang / gzhan gyi yo byad dag la brnab sems mi skyed do/ /de gnod sems mi byed de/ gnod sems spong ba yin no/ /log par lta ba'ang spong ste/ sdig pa'i lta ba can ma yin no/ /de ltar yid kyi las yongs su ma dag pa spong ba 'di ni yid kyi las yongs su dag pa zhes bya'o/ /mdza' bshes yongs su dag pa'ang 'thob ste/ gang dag brdzun du smra ba dang / 'bru'i chang dang / bcos pa'i chang btung ba spong ba dang / mi rtsub pa dang / mi brlang ba dang / legs par sdom pa dang / yang dag pa'i lta ba can de dag la sten cing gong du'ang sangs rgyas bcom ldan 'das rnams dang / byang chub sems dpa' rnams dang / rang sangs rgyas dang / nyan thos rnams la'ang sten cing snyen la bsnyen bkur byed de/ shA ri'i bu/ 'di ni yongs su dag pa bzhi pa ste mdza' bshes yongs su dag pa zhes bya'o/ /shA ri'i bu/ de bzhin gshegs pa'i mchod rten la mar me dbul </font><hr>137b<br><font size=+1>


ba phul bas yongs su dag pa bzhi po de dag thob par 'gyur ro/ /bcom ldan 'das kyis de skad ces bka' stsal te/ bde bar gshegs pas de skad gsungs nas/ de bzhin du ston pas/ gzhan yang / 'di skad ces bka' stsal to/ /rnam par sbyad phyir bde gshegs gsungs pa la/ /lus dang ngag dang yid kyis shin tu bsdams/ /lta ba ma rnyed tshul khrims rnam par dag /de yi mig ni yid las byung ba yin/ /nyi bzhin phyogs rnams su ni shin tu gsal/ /de yis zag pa zad pa myur du shes/ /de yi blo ni rdzu 'phrul che bar 'gyur/ /lha mig rdul dang bral zhing zag pa med/ /blo ldan de yis 'jig rten sems rnams dang / /lha yi mngon shes so so rig pa shes/ /'dod na nyan thos byang chub rnyed mi dka'/ /mar me phul ba'i rnam smin de yin no/ /drang srong chen po'i mchod rten mar me phul/ /gal te sangs rgyas byang chub 'dod na'ang bla/ /blo ldan pa la gsum char nyams pa med/ /shes rab mig ldan longs spyod chen por 'gyur/ /shA ri'i bu/ theg pa chen po la yang dag par zhugs pa'i rigs kyi bu'am/ rigs kyi bu mos de bzhin gshegs pa'i mchod rten la mar me dbul ba phul na skye ba'i gnas de dang / de dag tu 'dun par 'gyur ba'i chos kyi mchog brgyad 'thob ste/ brgyad gang zhe na/ sha'i </font><hr>138a<br><font size=+1>


@#/ /mig mchog 'thob pa dang / dran pa spyi gtsug bltar mi mthong ba 'thob pa dang / bsgom pa yongs su rdzogs par nges par byed pa'i cha dang mthun pa'i lha'i mig mchog 'thob pa dang / shes rab yongs su rdzogs pas tshul khrims nyams pa med pa 'thob pa dang / sngon bsod nams byas pas mtho ris thob pa dang / bsod nams legs par byas pas dal ba phun sum tshogs pa 'thob pa dang / sems can thams cad kyi mig tu gyur pas sangs rgyas 'byung ba mnyes par byed pa dang / shA ri'i bu/ rigs kyi bu'am/ rigs kyi bu mos mar me phul ba'i dge ba'i rtsa ba des 'khor los bsgyur ba'i rgyal srid 'thob ste/ de la'ang zhe 'gras pa med pa'i yid dang ldan zhing mchog tu blta na sdug pa'am/ lha'i dbang po brgya byin rdzu 'phrul chen po thob cing mig stong dang ldan par 'thob par 'gyur pa'am/ tshangs pa'i gnas la mkhas pa'i tshangs par 'gyur te grags pa'i bsam gtan 'thob par 'gyur ba ste/ dge ba'i rtsa ba byang chub tu yongs su bsngos pas 'dun par 'gyur ba'i chos kyi mchog brgyad po de dag 'thob bo/ /gzhan yang / chos brgyad 'thob ste/ brgyad gang zhe na/ sangs rgyas kyi spyan dpag tu med pa 'thob pa dang / sangs rgyas kyi spobs pa dpag tu med pa 'thob pa </font><hr>138b<br><font size=+1>


dang| sangs rgyas kyi rdzu 'phrul dpag tu med pa dang / sangs rgyas kyi tshul khrims dpag tu med pa dang / sangs rgyas kyi ting nge 'dzin dpag tu med pa dang / sangs rgyas kyi shes rab dpag tu med pa dang / sangs rgyas kyi rnam par grol ba dpag tu med pa dang / sems can gyi sems dang / bsam pa dpag tu med pa la 'jug pa 'thob ste/ shA ri'i bu/ mar me phul bas de ltar rnam par smin pa dpag tu med pa yongs su bzung ba yin no/ /shA ri'i bu/ gzhan yang / sems can gang dag de bzhin gshegs pa chos 'chad pa na/ kye e ma ho/ chos 'chad do/ /kye e ma ho/ chos rab tu ston to zhes mar me dbul ba phul ba'i mar me de til gyi mar mer rjes su bzung nas chos kyi mar me rjes su 'dzin par byed do// de mar me phul ba'i dge ba'i rtsa ba des tshogs dpag tu med pa brgyad 'thob ste/ brgyad gang zhe na/ dran pa'i tshogs dpag tu med pa 'thob pa dang / de bzhin du sbyar te/ blo gros kyi tshogs dang / dad pa'i tshogs dang / brtson 'grus kyi tshogs dang / shes rab kyi tshogs dang / ting nge 'dzin gyi tshogs dang / spobs pa'i tshogs dang / bsod nams kyi tshogs dpag tu med pa 'thob ste/ tshogs dpag tu med pa brgyad po da dag 'thob par 'gyur ro/ /so so yang dag par rig pa bzhi'ang 'thob ste/ rim gyis thams cad mkhyen </font><hr>139a<br><font size=+1>


@#/ /pa'i ye shes kyi bar du 'thob par 'gyur ro/ /shA ri'i bu/ gzhan yang / da bzhin gshegs pa dgra bcom pa yang dag par rdzogs pa'i sangs rgyas la/ de dang ba'i sems kyis thal mo sbyar ba byas pa'i dge ba'i rtsa ba des chos mchog tu byung ba brgyad 'thob ste/ brgyad gang zhe na/ gzugs mchog tu byung ba 'thob pa dang / g.yog 'khor mchog tu byung ba thob pa dang / tshul khrims mchog tu byung ba dang / lha dang / mi rnams su skye ba mchog tu byung ba dang / dad pa mchog tu byung ba dang / spobs pa mchog tu byung ba dang / kun nas nyon mongs pa med pa'i 'phags pa'i lam thob pa dang / bla na med pa yang dag par rdzogs pa'i byang chub mngon par rdzogs par 'tshang rgya ba'o/ /shA ri'i bu/ de ci'i phyir dpag tu med pa zhes bya zhe na/ de bzhin gshegs pa la des mchod pa'i 'bras bu dpag tu med pa'i phyir te/ phan yon dpag tu med pa yin no/ /de nas de'i tshe bcom ldan 'das kyis/ 'di skad du/ brtsam byos mngon par 'byung bar bgyi/ /sangs rgyas bstan la brtson par byos/ /'dam bu'i khyim la glang chen bzhin/ /'chi bdag sde rnams gzhom par byos/ /zhes ched du brjod pa ched du brjod pa mdzad do/ /de nas bcom ldan 'das kyis tshe dang ldan pa shA ri'i bu la bka' stsal pa/ shA ri'i bu/ chos lnga </font><hr>139b<br><font size=+1>


po 'di dag ni mchog tu rnyed pa dka' ba ste/ lnga gang zhe na/ mir skye ba 'thob pa dang / de bzhin gshegs pa'i bstan pa la rab tu 'byung ba dang / de la mngon par dga' ba dang / tshul khrims yongs su rdzogs pa dang / zag pa zad pa ste/ shA ri'i bu/ chos lnga po de dag ni sems can thams cad kyis mchog tu rnyed par dka' ba yin te/ de dag ni khyed rnams kyis thob zin no/ /bcom ldan 'das kyis de skad ces bka' stsal te/ bde bar gshegs pas de skad gsungs nas/ de bzhin du ston pas gzhan yang 'di skad ces bka' stsal to/ /byang chub don phyir sems can phan 'dogs pas/ /bde gshegs mchod rten dbul ba 'dir phul bas/ /mkhas pa de yis byas pa'i las des ni/ /tshe rabs kun tu khyad par can du 'gyur/ /'di nas shi 'phos lha mis bsngags pa yi/ /yang srid dam pa de ni thob par 'gyur/ /ri rab bzhin du de ni mi g.yo la/ /'od zer dag gis phyogs kun snang zhing mdzes/ /lha tshogs rnams kyis mthong nas gus dang bcas/ /mchog tu gus pas de la dga' ba bskyed/ /ston pa byed cing de la mchog pa byed/ /yang dang yang du lta bas ngoms pa med/ /bsod nams mtshan byas de ni lhas mchod 'os/ /tshangs pa'i gnas na tshangs pa mdzes pa 'dra/ /ci yi las shig nges par des bstan na/ /gang gis de </font><hr>140a<br><font size=+1>


@#/ /yi lus ni shin tu mdzes/ /'di ni bsod nams mi 'dod su zhig yod/ /'phags pa'i tshul khrims mkhas pa su mi sten/ /thub pa mthong na lta bas mi ngoms te/ /chos thos nas ni su zhig bag mi byed/ /mi yi 'jig rten gnas tshe de yis ni/ /bde gshegs pa mchod rten mar me phul byas shing / /bde bar gshegs kyi bstan la gnas byas pas/ /'di ni lha mchog rnyed pa legs par rnyed/ /mi yi lus ni bdag gis thob gyur cig /rgyal ba'i bstan la dad pa mchog thob shog /gal te bag med gyur na lus 'dor gyi/ /chos kyi dam pa 'dor bar yod ma gyur/ /mi lus rnyed par dka' ba thob gyur nas/ /blun rnams ci phyir rang gi don mi byed/ /bde gshegs bstan la gnod byed sems ldan na/ /shi nas g.yang sa chen por ltung bar 'gyur/ /de yis 'byor pa rgya chen lhas thos nas/ /skyo ba skyes te smon lam 'debs byed pa/ /mi yi lus ni bdag gis thob gyur cig /legs don gyur nas tshangs spyod bdag ston shog /'chi ba'i dus byed tshe yang de bzhin du/ /chos la phan zhing sems la gsal gyur cing / /lha stong bye ba lha mo rnams bcas pas/ /de ni bdag gi yin zhes dga' bar byed/ /lha yi bu mo yid 'ong brgyan pa rnams/ /skyed mos tshal bzhir de ni rtse byed 'jug/ yid du 'ong ba'i spos ngad </font><hr>140b<br><font size=+1>


kun nas ldang / /glu dbyangs snyan pa'i sgra yang thos par 'gyur/ /bsngags pa'i lha de ga las gar 'gro ba/ /de dang der ni gzugs bzang rnams kyang mthong / /mi sdug gzugs ngan nam yang mi mthong ste/ /rgyal ba'i mchod rten mar me phul bas 'gyur/ /de nas shi 'phos mi yi srid pa 'dir/ /dran dang ldan bzhin ma yi mngal na gnas/ /btsas nas gang nas shi 'phos tshe rabs dran/ /'phags pa'i ye shes stobs las nyams mi 'gyur/ /bde gshegs mchod rten mar me phul byas pas/ /de yis las byas pa ni de nyid kyis/ /'khor los bsgyur ba mi bdag stobs chen ldan/ /yid 'ong gzugs bzang lta na dga' bar 'gyur/ /de yis las byas pa des tshe ring 'gyur/ /gcig tu dag pa nyid kyi bde dang ldan/ /de yis lus ni nad kyis nyon mi mongs/ /mar me phul ba'i rnam smin de yin no/ /bde bar gshegs la mar mes mchod byas pas/ /rkun po'i gnod med rgyal po'i chad pa med/ /gshed ma med cing chung ma byi bo med/ /de ni las kyis nam yang gtse mi 'gyur/ /bde zhing lo legs gang du'ang 'jigs pa med/ /rtag tu 'byor cing legs 'byor nor 'bru ldan/ /de yi skyed mos tshal mchog phreng ba dang / /tshal dang shing phran lo ma sna tshogs brgyan/ /de yis 'jig rten gtso bo sangs rgyas mthong / /mthong nas kyang ni mchog tu dga' bar 'gyur/ / </font><hr>141a<br><font size=+1>


@#/ /de dag rnams la gus par de mchod byed/ /rgyal srid spangs nas dge slong nyid la sten/ /bsngags pa mtha' yas gzigs pa mtha' yas shing / /mtha' yas blo ldan bde gshegs mchod rten la/ /mar me phul bas mtha' yas blo ldan 'gyur/ /mar me bzhin du phyogs rnams kun tu gsal/ /mar me chen pos skyes mchog thub pa yi| |mchod rten gsal byas rnam dag mig gis ni/ /byang chub rdul bral zag pa med thob nas/ /de phyogs kun tu mar me bzhin du gsal/ /bde gshegs mchod rten mar me phul bas na/ /rnam grol blo mnga' stobs bcu rnams ldan zhing / /de bzhin ma 'dres chos kyi pha rol byon/ /kun nas spyan ldan bde bar gshegs par 'gyur/ /phyogs rnams dag na bgrang byas 'jig rten khams/ /gang dag ci snyed yod pa ma lus pa/ /mar me lta bur me yi rgyu yi ni/ /ma lus pa dag rtag tu snang byas 'gyur/ /bdag nyid che la ma ra me phul ba las/ /mthu 'byung gang yin de ni de yin no/ /mar me 'dra ba dag la sems can kun/ /lhag byas gal te mthu chen don dam mthong / /rang rgyal rnams su gyur la de mchod phyir| |gcig 'gas mar me 'bar bar byas gyur la/ /mar me snying po ri rab tsam byas shing / /de yis 'jig rten ma lus snang byas la/ /rnam pa de 'dras mtha' </font><hr>141b<br><font size=+1>


yas phyogs kun tu/ /gal te mar me 'bul bar byed gyur la/ /rang rgyal byang chub tu ni smon sems kyis/ /bskal pa brgya phrag mtha' yas 'bar byed las/ /gang zhig byang chub phyir ni smon sems kyis/ /mchod rten mchog la rtswa mes gsal byed na/ /de bas de mchog 'bras bu ches che zhes/ /don dam gzigs pa sangs rgyas rnams gsung ngo| |phyogs bcu'i skye bo gang dag dpag med pa/ /rang sangs rgyas nyid mngon par 'dod pa'i phyir/ /re res de bzhin mar me rnams phul zhing / /bskal pa grangs med de dga' bar byed la/ /'jig rten ched du bde gshegs nyid 'dod cing / /gang zhig 'jig rten dam pa'i mchod rten la/ /mar me 'bul lam lan gcig phyag btsal na// de bas 'di bsod 'bras bu khyad par 'phags/ /sangs rgyas spyod yul mthong dka' bas ma mi khyab/ /thos nas dad dang dga' ba skyed par byed/ /dad med chos mchog mthob byis pa rnams/ /zhum zhum por ni shin tu byed par 'gyur/ /de phyir 'jig rten kun mgon gang yin pa/ /dag chos spyod yul can rnams rnyed dka' bas/ /thub rnams spyan sngar shin tu dad sems kyis/ /sangs rgyas nyid kyi ched du smon lam thob/ /bcom ldan 'das kyis de skad ces bka' stsal nas tshe dang ldan pa shA ri'i bu dang / </font><hr>142a<br><font size=+1>


@#/ /thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ 'phags pa mar me dbul ba zhes bya ba theg pa chen po'i mdo rdzogs so// //rgya gar gyi mkhan po pradz+nyA warma dang| zhus chen gyi lo tsA ba ban+de ye shes sde la sogs pas bsgyur cing zhus te gtan la phab pa'o// </font><hr>

</table>