H19

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H19</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H19&coll=lhasa">see text in Tibetan script</a></table>236a<br><font size=+1>


@#/ /rgya gar skad du/ AR+Ya pra dz+nyA pa ra mi ta na ya sha ta pany+tsa sha ti ka /bod skad du/ 'phags pa shes rab kyi pha rol tu phyin pa'i tshul brgya lnga bcu pa/ bcom ldan 'das ma shes rab kyi pha rol tu phyin pa la phyag 'tshal lo/ /'di skad bdag gis thos pa dus gcig na bcom ldan 'das de bzhin gshegs pa thams cad kyi mchog dang / mkhyen pa'i bye brag rnam pa tha dad pa dang ldan pa/ de bzhin gshegs pa rin po che thams cad kyi cod pan gyis khams gsum du dbang bskur ba/ de bzhin gshegs pa thams cad mkhyen pa'i ye shes dang ldan pa/ rnal 'byor can chen po'i dbang phug/ de bzhin gshegs pa thams cad kyi phyag rgya thams cad kyi mnyam pa nyid thugs su chud pa/ sna tshogs kyi bya ba mdzad de ma lus pa na sems can gyi khams lus pa med pa thams cad kyi re ba thams cad yongs su skong ba'i las mdzad pa/ thugs rje che ba rnam par snang mdzad chen po rtag pa/ khams gsum gyi mnyam pa nyid la bzhugs pa/ sku dang gsung dang thugs thams cad de bzhin gshegs pa/ lha'i rgyal po gzhan 'phrul dbang byad kyi gnas 'dod pa'i khams thams cad na nor bu rin po che chen pos rab tu spras pa dang / ba dan kha dog sna tshogs dril bu brgyus ba rlung gis bskyod pa dang / me tog gi phreng ba dang / rda ma dang / </font><hr>236b<br><font size=+1>


rgyan phreng dang / chun 'phyang dang / zla ba lta bus mdzes par byas pa/ de bzhin du thams cad bzhugs pa shis pa thams cad bstod pa na byang chub sems dpa' bye ba phrag brgya dang thabs cig tu bzhugs pa la 'di lta ste/ byang chub sems dpa' sems dpa' chen po lag na rdo rje dang / spyan ras gzigs dbang phyug dang / nam mkha'i snying po dang / rdo rje'i khu tshur dang / 'jam dpal dang / sems bskyed ma thag tu chos kyi 'khor lo bskor ba dang / nam mkha'i mdzod dang / byang chub sems dpa' sems dpa' chen po bdud kyi stobs thams cad rab tu 'joms pa dang / de dag la sogs pa byang chub sems dpa' bye ba phrag brgya dang thabs cig ste/ yongs su bskor cing mdun gyis bltas nas chos ston te/ shes rab kyi pha rol tu phyin pa'i tshul chos thams cad kyi ngo bo nyid rnam par dag pa'i sgo zhes bya ba thog mar dge ba/ bar du dge ba/ tha mar dge ba/ don bzang po/ chig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba yang dag par ston te/ 'di ltar/ rab tu dga' ba rnam par dag pa'i gnas de ni/ 'di lta ste/ byang chub sems dpa'i gnas so/ / 'dod chags kyi mtha' rnam par dag pa'i gnas de ni/ 'di lta ste/ byang chub sems dpa'i gnas so/ /reg pa rnam par dag pa'i gnas de ni/ 'di lta ste/ byang chub sems dpa'i </font><hr>237a<br><font size=+1>


@#/ /gnas so/ /sdug pa'i 'ching ba rnam par dag pa'i gnas de ni/ 'di lta ste/ byang chub sems dpa'i gnas so/ /thams cad la dbang phyug dang / dbang po rnam par dag pa'i gnas de ni/ 'di lta ste/ byang chub sems dpa'i gnas so/ /lta ba rnam par dag pa'i gnas de ni/ 'di lta ste/ byang chub sems dpa'i gnas so/ /dga' ba rnam par dag pa'i gnas de ni/ 'di lta ste/ byang chub sems dpa'i gnas so/ /sred pa rnam par dag pa'i gnas de ni/ 'di lta ste/ byang chub sems dpa'i gnas so/ /snyems pa rnam par dag pa'i gnas de ni/ 'di lta ste/ byang chub sems dpa'i gnas so/ /rgyan rnam par dag pa'i gnas de ni/ 'di lta ste/ byang chub sems dpa'i gnas so/ /yid tshim par byed pa rnam par dag pa'i gnas de ni/ 'di lta ste/ byang chub sems dpa'i gnas so/ /snang ba rnam par dag pa'i gnas de ni/ 'di lta ste/ byang chub sems dpa'i gnas so// lus bde ba rnam par dag pa'i gnas de ni/ 'di lta ste/ byang chub sems dpa'i gnas so/ /gzugs rnam par dag pa'i gnas de ni/ 'di lta ste/ byang chub sems dpa'i gnas so/ /sgra rnam par dag pa'i gnas de ni/ 'di lta ste/ byang chub sems dpa'i gnas so/ /dri rnam par dag pa'i gnas de ni/ 'di lta ste/ byang chub sems dpa'i gnas so/ /ro rnam par dag pa'i gnas de ni/ 'di lta ste/ byang chub sems dpa'i </font><hr>237b<br><font size=+1>


gnas so/ /reg rnam par dag pa'i gnas de ni/ 'di lta ste/ byang chub sems dpa'i gnas so/ /de ci'i phyir zhe na/ 'di lta ste/ chos thams cad ni/ ngo bo nyid kyis rnam par dag pa ste/ chos thams cad ngo bo nyid kyis stong pa nyid pas shes rab kyi pha rol tu phyin pa yongs su dag pa'o/ /lag na rdo rje/ su la la chos thams cad kyi ngo bo nyid rnam par dag pa'i sgo sgrub pa/ shes rab kyi pha rol tu phyin pa'i tshul 'di lan gcig thos na yang de byang chub kyi snying po'i bar du sgrib pa thams cad dang / chod pa dang / nyon mongs pa'i sgrib pa dang / chos kyi sgrib pa dang / las kyi sgrib pa chen po bsags kyang sems can dmyal ba la sogs pa ngan song du nam yang skye bar mi 'gyur| sdig pa yang byas ma thag tu sdug bsngal med par 'byad bar 'gyur ro/ /su zhig 'dzin pa dang / nyin re zhig klog pa dang / kha ton byed pa dang / tshul bzhin yid la byed pa de/ tshe 'di nyid la chos thams cad kyi mnyam pa nyid rdo rje'i ting nge 'dzin thob pas chos thams cad la dbang bar 'gyur ro/ /chos thams cad la dga' ba dang / mgu ba dang / mchog tu dga' ba myong bar 'gyur ro/ /byang chub sems dpa' sems dpa' chen po'i tshe bcu drug gis de bzhin gshegs pa 'am rdo rje 'dzin thob bar 'gyur ro/ /de nas bcom ldan 'das la lag na rdo rje de bzhin gshegs pa thams cad pa/ theg pa chen po mngon par rtogs pa/ dkyil 'khor thams cad pa/ rdo rje 'dzin mtha' </font><hr>238a<br><font size=+1>


@#/ /dag gi sems can gyi mchog/ khams gsum ma lus pa mtha' dag na 'jig rten gsum po thams cad las rnam par rgyal ba/ sems can gyi khams lus pa med pa 'dul ba/ don thams cad grub pa/ dam tshig chen po pa/ rdo rje gsang ba'i sems can du mas g.yog byas pa de/ shes rab kyi pha rol tu phyin pa'i tshul gyi don 'di ston te/ bzhin rab tu 'dzum zhing lag pa g.yas pa rdo rje bsgyings te thog ma'i rdo rje chen po gsor nas rang gi snying khar bstod pa'i tshul gyis 'dzin cing / bde ba chen po rdo rje don yod pa'i dam tshig ces bya ba rang gi de kho na nyid kyi snying po 'di smras so/ /hUM/ de nas bcom ldan 'das de bzhin gshegs pa rnam par snang mdzad kyis yang de bzhin gshegs pa thams cad kyi zhi ba'i chos nyid mngon par rdzogs par byang chub par sgrub pa zhes bya ba shes rab kyi pha rol tu phyin pa'i tshul 'di bshad do/ /rdo rje sra ba nyid kyi phyir rdo rje mnyam pa nyid mngon par rdzogs par byang chub pa ni/ byang chub chen po'o/ /don gcig pa'i phyir don gyi mnyam pa nyid mngon par rdzogs par byang chub pa ni/ byang chub chen po'o/ /ngo bo nyid rnam par dag pa'i phyir chos kyi mnyam pa nyid mngon par rdzogs par byang chub ba ni/ byang chub chen po'o/ /thams cad la rnam par mi rtog pa'i phyir thams cad kyi mnyam pa nyid mngon par rdzogs par </font><hr>238b<br><font size=+1>


byang chub pa ni/ byang chub chen po'o/ /lag na rdo rje/ su la la chos mngon par sgrub pa bzhi po 'di dag nyan pa dang / 'dzin pa dang / klog pa dang / sgom pa de sdig pa thams cad spyod kyang byang chub kyi snying po la 'dug gi bar du ngan song thams cad las yang dag par 'das par 'gyur ro/ /myur du bla na med pa yang dag par rdzogs pa'i byang chub mngon par rdzogs par 'tshang rgya bar yang 'gyur ro/ /de nas de skad ces bka' stsal nas bcom ldan 'das ye shes kyi khu tshur yongs su 'dzin pa don gnas 'di nyid rgya cher ston cing / bzhin rab tu 'dzum mul te chos thams cad kyi mnyam pa nyid kyi snying po 'di smras so/ /a/ de nas ma rungs pa thams cad 'dul ba/ bcom ldan 'das de bzhin gshegs pa shAkya thub pas kyang yang chos thams cad kyi mnyam pa nyid kyis rnam par rgyal ba bsdu ba zhes bya ba/ shes rab kyi pha rol tu phyin pa sgrub pa 'di bshad de/ 'dod chags kyi spros pa med pa nyid kyis zhe sdang gi spros pa med pa nyid do/ /zhe sdang gi spros pa med pa nyid kyis gti mug gi spros pa med pa nyid do/ /gti mug gi spros pa med pa nyid kyis chos thams cad kyi spros pa med pa nyid do/ /chos thams cad kyi spros pa med pa nyid kyis shes rab kyi pha rol tu phyin pa spras pa med par rig par bya'o/ /lag na rdo rje/ su la la shes rab kyi pha rol tu phyin pa'i tshul 'di nyan pa dang / 'dzin pa </font><hr>239a<br><font size=+1>


@#/ /dang / klog pa dang / sgom pa des 'dul ba'i dbang gis khams gsum du skyes pa'i sems can thams cad bsad kyang ngan song du 'gro bar mi 'gyur te/ myur du bla na med pa yang dag par rdzogs pa'i byang chub mngon par rdzogs par 'chang rgya bar yang 'gyur ro/ /de nas bcom ldan 'das lag na rdo rje chos nyid 'di'i don rgya cher ston te/ 'jig rten gsum las rnam par rgyal ba'i rdo rje zhes bya ba'i phyag rgya bcings nas khro gnyer dang bcas shing smin ma bteg ste 'bar bar lta la/ pad+ma'i gdong khro zhing rgod de mche ba gtsigs nas rkang pa g.yon pa brkyang ba'i tshul du gnas pas gnas nas rdo rje hUM zhes bya ba'i snying po 'di smras so/ /hUM/ de nas bcom ldan 'das de bzhin gshegs pa ngo bo nyid dag pa'i chos nyid thob pas/ yang chos thams cad kyi mnyam pa nyid spyan ras gzigs dbang phyug gi ye shes kyi phyag rgya zhes bya ba/ shes rab kyi pha rol tu phyin pa'i tshul 'di bshad de/ 'dod chags thams cad rnam par dag pas 'jig rten na zhe sdang thams cad rnam par dag par 'gyur ro/ /dri ma thams cad rnam par dag pas 'jig rten na sdig pa thams cad rnam par dag par 'gyur ro/ /chos thams cad rnam par dag pas 'jig rten na sems can thams cad rnam par dag par </font><hr>239b<br><font size=+1>


'gyur ro/ /shes pa thams cad rnam par dag pas 'jig rten na shes rab kyi pha rol tu phyin pa rnam par dag par 'gyur ro/ /lag na rdo rje/ su la la shes rab kyi pha rol tu phyin pa'i tshul 'di nyan pa dang / 'dzin pa dang / klog pa dang / sgom pa de 'dod chags dang dri ma thams cad kyi nang na 'dug kyang pad+ma lta bur 'dod chags kyi nyes pa rnams dang / dri ma rnams dang / glo bur gyi nyon mongs pa rnams kyis gos par mi 'gyur te/ myur du bla na med pa yang dag par rdzogs pa'i byang chub mngon par rdzogs par 'tshang rgya bar yang 'gyur ro/ /de nas byang chub sems dpa' chen po spyan ras gzigs dbang phyug don gnas 'di nyid rgya cher ston cing bzhin rab tu 'dzum mul te/ pad+ma'i 'dab ma kha 'byed pas 'dod chags la sogs pa'i dri mas mi gos pa la lta zhing / pad+ma gzugs sna tshogs zhes bya ba'i snying po 'di smras so/ /hrIH de nas bcom ldan 'das de bzhin gshegs pa khams gsum thams cad kyi dbang pos yang de bzhin gshegs pa thams cad kyi dbang bskur ba las byung ba'i ye shes kyi snying po zhes bya ba shes rab kyi pha rol tu phyin pa'i tshul 'di bshad de/ dbang bskur ba sbyin pa ni /khams gsum thams cad kyi rgyal srid thob par 'gyur ro/ /nor sbyin pa ni/ re ba thams cad yongs su rdzogs par 'gyur ro/ /chos sbyin pa ni/ chos thams cad kyi mnyam pa nyid thob par 'gyur ro/ / </font><hr>240a<br><font size=+1>


@#/ /zang zing sbyin pa ni/ lus dang ngag dang sems kyi bde ba thams cad thob par 'gyur ro/ /de nas byang chub sems dpa' sems dpa' chen po nam mkha'i snying po bzhin rab tu 'dzum mul te/ rang gi mgo la rdo rje rin po che'i dbang bskur ba'i phreng ba 'ching zhing don 'di nyid rgya cher ston te/ dbang bskur ba thams cad kyi dam tshig rin po che zhes bya ba'i snying po 'di smras so/ /traM/ de nas bcom ldan 'das de bzhin gshegs pa thams cad kyi ye shes kyi phyag rgya thob pa/ de bzhin gshegs pa thams cad kyi khu tshur 'dzin pa/ de bzhin gshegs pa rtag pas yang de bzhin gshegs pa thams cad kyi ye shes kyi phyag rgya'i gnas rdo rje zhes bya ba/ shes rab kyi pha rol tu phyin pa'i tshul 'di bshad de/ de bzhin gshegs pa thams cad kyi sku'i phyag rgya yongs su 'dzin pa ni/ de bzhin gshegs pa nyid du 'gyur ro/ /de bzhin gshegs pa thams cad kyi gsung gi phyag rgya yongs su 'dzin pa ni/ chos thams cad thob par 'gyur ro/ /de bzhin gshegs pa thams cad kyi thugs kyi phyag rgya yongs su 'dzin pa ni/ ting nge 'dzin thams cad thob par 'gyur ro/ /de bzhin gshegs pa thams cad kyi rdo rje'i phyag rgya yongs su 'dzin pa ni/ lus dang ngag dang sems thams cad rdo rjer rdo rje'i dngos grub dam pa thob </font><hr>240b<br><font size=+1>


par 'gyur ro/ /su la la shes rab kyi pha rol tu phyin pa'i tshul 'di nyan pa dang / 'dzin pa dang / 'chang ba dang / klog pa dang / lung 'bogs pa dang / sgom pa des dngos grub thams cad dang / phun sum tshogs pa thams cad dang / shes pa thams cad dang / dgos pa thams cad dang / lus dang / ngag dang / sems thams cad rdo rjer rdo rje'i dngos grub dam pa thob nas myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /de nas byang chub sems dpa' sems dpa' chen po rdo rje khu tshur dam tshig chen po'i rdo rje'i phyag rgya yongs su 'dzin pas don gnas 'di rgya cher bstan te bzhin rab tu 'dzum zhing / rdo rje sra ba'i phyag rgya dngos grub thams cad kyi dam tshig ces bya ba'i snying po 'di smras so/ /AH/ de nas bcom ldan 'das chos thams cad spros pa med pa'i de bzhin gshegs pas yang 'khor lo ltar yi ger bskor ba zhes bya ba/ shes rab kyi pha rol tu phyin pa'i tshul 'di bshad de/ ngo bo nyid med pa'i tshul gyis chos thams cad stong pa'o/ /mtshan ma med pa'i phyir chos thams cad mtshan ma med pa'o/ /smon pa med pa'i tshul gyis chos thams cad smon pa med pa'o/ /shes rab kyi pha rol tu phyin pa yongs su dag bas chos thams cad rang bzhin gyis 'od gsal ba'o/ /de nas bcom ldan 'das </font><hr>241a<br><font size=+1>


@#/ /'jam dpal gzhon nur gyur pa don 'di nyid rgya cher ston te bzhin 'dzum bzhin du ral gri des de bzhin gshegs pa thams cad la 'debs shing / shes rab kyi pha rol tu phyin pa'i snying po mchog 'di smras so/ /a/ de nas bcom ldan 'das de bzhin gshegs pa thams cad kyi 'khor lo 'dus pa'i de bzhin gshegs pas 'khor lo chen po la 'jug pa zhes bya ba/ shes rab kyi pha rol tu phyin pa'i tshul 'di bshad de/ rdo rje'i mnyam pa nyid la 'jug pa ni/ de bzhin gshegs pa thams cad kyi 'khor lo la 'jug par 'gyur ro/ /don gyi mnyam pa nyid la 'jug pa ni/ byang chub sems dpa' chen po'i 'khor lo la 'jug par 'gyur ro/ /chos thams cad kyi mnyam pa nyid la 'jug pa ni/ dam pa'i chos kyi 'khor lo la 'jug par 'gyur ro/ /thams cad kyi mnyam pa nyid la 'jug pa ni/ 'khor lo thams cad la 'jug par 'gyur ro/ / de nas byang chub sems dpa' sems bskyed ma thag tu chos kyi 'khor lo bskor ba chos nyid kyi don 'di rgya cher ston cing bzhin 'dzum nas rdo rje'i 'khor lo bskor zhing rdo rje'i 'khor lo thams cad la 'jug pa zhes bya ba'i snying po 'di smras so/ /hUM/ de nas bcom ldan 'das de bzhin gshegs pa la mchod pa thams cad kyi cho ga rgyas pa'i snod kyis </font><hr>241b<br><font size=+1>


mchod pa thams cad kyi mchog ces bya ba/ shes rab kyi pha rol tu phyin pa'i tshul 'di bshad de/ byang chub kyi sems bskyed pa ni/ de bzhin gshegs pa thams cad la mchod pa'i cho ga rgyas pa'o/ /sems can gyi khams thams cad yongs su skyob pa ni/ de bzhin gshegs pa thams cad la mchod pa'i cho ga rgyas pa'o/ /dam pa'i chos yongs su 'dzin pa ni/ de bzhin gshegs pa thams cad la mchod pa'i cho ga rgyas pa'o/ /shes rab kyi pha rol tu phyin pa 'di yi ger 'bri ba dang / yi ger 'brir 'jug pa dang / 'dzin pa dang / klog pa dang / brjod pa dang / ston pa dang / nyan pa dang / sems pa dang / sgom pa dang / mchod pa byed pa de ni/ de bzhin gshegs pa thams cad la mchod pa'i cho ga rgyas pa'o/ /de nas byang chub sems dpa' sems dpa' chen po nam mkha'i mdzod don de nyid rgya cher ston te/ bzhin rab tu 'dzum zhing las thams cad don yod pa'i dam tshig ces bya ba'i snying po 'di smras so/ /oM/ de nas bcom ldan 'das de bzhin gshegs pa sems can thams cad 'dul nus pas yang ye shes kyi khu tshur yongs su 'dzin pa sems can thams cad 'dul ba shes pa'i snying po zhes bya ba/ shes rab kyi pha rol tu phyin pa'i tshul 'di bshad de/ sems can thams cad mnyam pa nyid pas khro ba mnyam pa nyid do/ /sems can thams cad 'dul ba nyid pas khro ba 'dul ba nyid do/ /sems </font><hr>242a<br><font size=+1>


@#/ /can thams cad chos nyid pas khro ba chos nyid do/ /sems can thams cad rdo rje nyid pas khro ba rdo rje nyid do/ /de ci'i phyir zhe na/ 'di ltar/ sems can thams cad 'dul ba ni/ byang chub po/ /de nas byang chub sems dpa' bdud kyi stobs thams cad rab tu 'joms pa don de nyid rgya cher ston te bzhin rab tu 'dzum zhing rdo rje mche ba'i phyag rgya dang / rdo rje gnod sbyin gyi gzugs kyis rdo rje khro bo'i gad mo zhes bya ba'i snying po 'di smras so/ /ha/ de nas bcom ldan 'das de bzhin gshegs pa chos thams cad kyi mnyam pa nyid la gnas pas yang chos thams cad kyi mchog ces bya ba/ shes rab kyi pha rol tu phyin pa'i tshul 'di bshad de/ thams cad mnyam pa nyid pas shes rab kyi pha rol tu phyin pa mnyam pa nyid do/ /thams cad don nyid pas shes rab kyi pha rol tu phyin pa don nyid do/ /thams cad chos nyid pas shes rab kyi pha rol tu phyin pa chos nyid do/ /thams cad las nyid pas shes rab kyi pha rol tu phyin pa las nyid du rig par bya'o/ /de nas bcom ldan 'das lag na rdo rje de bzhin gshegs pa dang byang chub sems dpa' thams cad kyi don yod pa'i dam tshig gi dkyil 'khor byin gyis rlob pa zhes bya ba'i ting nge 'dzin la snyoms par zhugs nas </font><hr>242b<br><font size=+1>


don yod pa thams cad kyi dam tshig ces bya ba'i snying po 'di smras so/ /hUM/ de nas bcom ldan 'das de bzhin gshegs pa thams cad pa rnam par snang mdzad kyis yang sems can thams cad byin gyis rlob pa zhes bya ba shes rab kyi pha rol tu phyin pa'i tshul 'di bshad de/ byang chub sems dpa' sems dpa' chen po kun tu bzang po thams cad kyi rang bzhin yin pas/ sems can thams cad ni/ de bzhin gshegs pa'i snying po can no/ /thams cad rdo rje'i snying pos dbang bskur ba nyid pas sems can thams cad ni/ rdo rje'i snying po can no| dag thams cad rab tu 'byung bas sems can thams cad ni/ chos kyi snying po can no/ /sems can thams cad kyi bya ba byed pa la sbyor bas sems can thams cad ni/ las kyi snying po can no/ /de nas phyi rol gyi rdo rje'i rigs rnams kyis ca co'i sgra phyung nas chos nyid kyi don rgya cher ston cing snying po phul te/ de nas rdo rje dbang phyug chen pos rang gi de kho na'i snying po 'di phul lo/ /trI/ de nas ma mo thams cad kyis bcom ldan 'das la phyag 'tshal te mgrin gcig tu thams cad dgug pa dang / gzung ba dang / gzhig pa dang / sgrub pa dam tshig ces bya ba rang gi de kho na'i snying po 'di phul lo/ /b+h+yo/ de nas sbrang rtsi byed la sogs pa ming po gsum gyis bcom ldan 'das la phyag 'tshal te mgrin gcig </font><hr>243a<br><font size=+1>


@#/ /tu rang gi de kho na'i snying po 'di smras so/ /swa/ de nas sring mo bzhis bcom ldan 'das la phyag 'chal te rang gi de kho na'i snying po 'di phul lo/ / hA| de nas bcom ldan 'das de bzhin gshegs pa mtha' yas mu med pa la mthar thug cing / mu med pa'i chos dang ldan pas yang cho ga 'di mthar thug par byin gyis brlab par bya ba'i phyir chos thams cad kyi mnyam pa nyid kyi mthar thug pas byin gyis brlabs pa rdo rje zhes bya ba/ shes rab kyi pha rol tu phyin pa'i tshul 'di bshad de/ shes rab kyi pha rol tu phyin pa mtha' yas pa nyid pas de bzhin gshegs pa thams cad mtha' yas pa nyid do/ /shes rab kyi pha rol tu phyin pa mu med pa nyid pas rdo rje thams cad mu med pa nyid do/ /shes rab kyi pha rol tu phyin pa du ma nyid pas chos thams cad du ma nyid do/ /shes rab kyi pha rol tu phyin pa mthar thug pa med pa nyid pas chos thams cad mthar thug pa med pa nyid yin no/ /su la la shes rab kyi pha rol tu phyin pa'i tshul 'di nyan pa dang / 'dzin pa dang / 'chang ba dang / klog pa dang / ston pa dang / brjod pa dang / sgom pa de sangs rgyas dang byang chub sems dpa'i spyod yul thug pa med pa'i mthar phyin te sgrib pa thams cad zad nas de bzhin gshegs pa'am/ rdo rje 'dzin </font><hr>243b<br><font size=+1>


par myur du 'gyur ro/ /de nas de bzhin gshegs pa thams cad 'dus te chos kyi rnam grangs 'di don yod pa dang / thogs pa med par myur du 'grub par bya ba'i phyir lag na rdo rje la legs so/ /zhes bya ba byin no/ /sems can chen po legs so legs/ /bde ba chen po legs so legs/ /theg pa chen po legs so legs/ /blo gros chen po legs so legs/ /cho ga 'di ni legs par smras/ /sangs rgyas rdo rje 'dzin kun gyis/ /'bras bu yod pa 'dul ba'i mchog/ rdo rje mdo sde byin gyis brlabs/ /cho ga'i rgyal po bla na med/ / gang rnams 'di dag 'dzin pa ni/ /bdud la sogs pa thams cad kyis/ /de dag mi sod mi tshugs so/ /sangs rgyas byang chub sems dpa' dang / /dngos grub dam pa thams cad kyang / / sangs rgyas kun gyis gsungs pa bzhin/ /ring por mi thogs thob par 'gyur/ /de skad gsungs nas gsang 'grub phyir/ /rdo rje can gyis bshad pa la/ /kun mchog sangs rgyas mkhas bcas pa/ /thams cad kyis ni mngon par bstod/ /de nas bcom ldan 'das de bzhin gshegs pa rnam par snang mdzad/ de bzhin gshegs pa thams cad kyi gsang ba'i chos nyid brnyes pa/ chos thams cad spros pa med pas yang bde ba chen po rdo rje'i don yod pa'i dam tshig ces bya ba/ rdo rje'i don yod pa'i chos mnyam pa nyid shes rab kyi pha rol tu phyin </font><hr>244a<br><font size=+1>


@#/ /pa'i sgo mchog dang po thog ma dang / tha ma dang / dbus med pa'i dam pa 'di gsungs so/ /byang chub sems dpa' chen po rnams kyi 'dod chags chen po dngos grub dam pa ni de bzhin gshegs pa thams cad kyi bde ba chen po dngos grub dam par 'gyur ro/ /byang chub sems dpa' chen po rnams kyi bde ba chen po dngos grub dam pa ni de bzhin gshegs pa thams cad kyi byang chub chen po dngos grub dam par 'gyur ro/ /byang chub sems dpa' chen po rnams kyi de bzhin gshegs pa thams cad kyi byang chub chen po dngos grub dam pa ni bdud chen po'i stobs thams cad rab tu 'joms pa dngos grub dam par 'gyur ro/ /byang chub sems dpa' chen po rnams kyi bdud chen po'i stobs thams cad rab tu 'joms pa dngos grub dam pa ni khams gsum thams cad kyi dbang phyug chen po dngos grub dam par 'gyur ro/ /byang chub sems dpa' chen po rnams kyi khams gsum thams cad kyi dbang phyug chen po dngos grub dam pa ni 'jig rten gyi khams ma lus pa na sems can gyi khams lus pa med pa yongs su sbyong bar 'dod pa'i rgyu'i phyir 'khor ba la yang chags shing brtson 'grus che ba'i byang chub sems dpa' chen po rnams kyi 'jig rten gyi khams ma lus pa na sems can gyi khams lus pa med pa yongs su bskyab pa dang / </font><hr>244b<br><font size=+1>


sems can thams cad la phan pa dang / bde ba dang / mchog shin tu bde ba chen po dngos grub dam par 'gyur ro/ /de ci'i phyir zhe na/ ji srid 'khor ba'i gnas su ni/ /mkhas mchog 'dug par 'gyur ba'i tshe/ /de srid mtshungs med sems can don/ /mya ngan mi 'da' byed par nus/ /shes rab pha rol phyin thabs dang / /ye shes gnas su bsgrubs pas na/ /chos kun rnam par dag pa'i phyir/ /'khor ba yongs su dag par 'gyur/ /chags la sogs pas 'dul ba ni/ /'khor ba'i bar du rtag par yang / /'jig rten sdig byed de sbyang phyir/ /'khor ba srid du bdag nyid 'bul/ /ji ltar pad+ma rab 'bar yang / /tshon gyi nyes pas mi gos pa/ /de bzhin gnas pa'i nyes pa yis/ /'gro phan rnams la mi gos so/ /'dod chags chen po rnam par dag/ bde ba che zhing nor che la/ /khams gsum dbang phyug thob pas na/ /sems can don rnams brtan par byed/ /lag na rdo rje/ su la la nang par langs nas mchog dang po shes rab kyi pha rol tu phyin pa'i tshul gyi sgo'i chos kyi rnam grangs 'di nyin re zhing 'don pa dang / nyan pa dang / 'dzin pa dang / klog pa dang / sgom pa de yid bde ba dang / bde ba thams cad thob par 'gyur ro/ /bde ba chen po rdo rje don yod pa'i dam tshig dngos grub kyi mchog kyang tshe 'di la thob par 'gyur ro/ /de bzhin gshegs pa thams cad kyi gsang </font><hr>245a<br><font size=+1>


@#/ /ba'i mchog kyang grub ste/ rdo rje 'dzin thams cad kyi chen po'am/ de bzhin gshegs par 'gyur ro/ /de nas bcom ldan 'das kyis gsang ba pa'i bdag po lag na rdo rje la bka' stsal pa/ gsang ba pa'i bdag po/ shes rab kyi pha rol tu phyin pa'i tshul gyi sgo'i sngags kyi tshig ni/ nyi shu rtsa lnga po 'di rnams so/ /oM byang chub kyi sems rdo rje/ oM kun du bzang po'i spyod pa/ oM yid bzhin gyi nor bu/ oM 'gag pa med pa/ oM skye ba bzlog pa/ oM rnam par shes pa thams cad/ oM 'dod chags dang bral ba'i chos nyid chen po/ /oM brtson 'grus kyi go cha/ oM kun tu 'gro ba/ oM rdo rje sra ba'i sems/ hUM oM de bzhin gshegs pa thams cad/ oM ngo bo nyid rnam par dag pa/ oM chos nyid shes pa rnam par dag pa/ oM las rnam par sbyong ba/ hUM oM nges par gnod mdzes rdo rje can/ phaT oM 'dod pa la 'dod chags/ oM spong ba'i rdo rje can| oM hUM thams cad 'dul ba/ oM hrIH oM AH zhes bya ba'i sgo/ oM shes rab kyi pha rol tu phyin pa/ a baM hUM oM a oM de bzhin gshegs pa thams cad kyi sku'i mchog/ oM de bzhin gshegs pa thams cad kyi gsung rnam par dag pa/ oM de bzhin gshegs pa thams cad kyi thugs rdo rje/ oM a sdig pa'i bcing ba thams cad choms shig / </font><hr>245b<br><font size=+1>


ngan song gi rgyud thams cad las thar bar gyis shig/ oM dam tshig thams cad kyi rdo rje/ hUM traT sdig pa thams cad gzhom pa'i phyag rgya dang sngags te/ de bzhin gshegs pa thams cad kyi gsang ba/ dngos grub dam pa/ rdo rje 'dzin chen po dang / de bzhin gshegs par 'gyur ro/ /lag na rdo rje/ 'di ni/ sems can dge ba'i rtsa ba ma bskyed pa rnams kyi rna lam du thos par mi 'gyur ro/ /'di ni/ sems can dge ba'i rtsa ba ma bskyed pa rnams kyis mnyan pa'am/ yi ger 'bri ba'am/ yi ger 'brir gzhug pa'am/ klog pa'am/ 'chang ba'am/ bsgom pa'am/ bsti stang du bya ba'am/ ri mor bya ba'am/ mchod par mi nus so/ /gang dag gis shes rab kyi pha rol tu phyin pa'i tshul gyi chos kyi rnam grangs 'di las tha na yig 'bru gcig tsam thos na yang sems can de dag ni/ gzhan na sangs rgyas mang po la dge ba'i rtsa ba bskyed pa yin na mtha' dag rdzogs pa lta ci smos/ lag na rdo rje/ gang la la dag sangs rgyas bye ba khrag khrig gang+gA'i klung brgyad cu'i bye ma snyed la bkur sti ma byas pa dang / bla mar ma byas pa dang / bsti stang ma byas pa dang / mchod pa ma byas pa de dag gis shes rab kyi pha rol phyin pa'i tshul gyi sgo'i chos kyi rnam grangs 'di thos par mi nus so/ /chos kyi rnam grangs 'di gang na spyod pa'i sa phyogs de mchod rten du 'gyur ro/ /chos kyi rnam grangs 'di gang gi lus la thogs sam/ </font><hr>246a<br><font size=+1>


@#/ /glegs bam la bris te spyod pa'i gang lag \?\ de phyag bya ba'i gnas su 'gyur ro/ /de bskal ba bye ba mang bor skye ba dran par 'gyur ro/ /de la bdud sdig can bar chad byed par mi 'gyur ro/ /rgyal po chen po bzhi dang / lha gzhan rnams kyang de la bsrung ba dang / bskyab pa dang / sba ba'i phyir rtag tu phyi bzhin du 'brang bar 'gyur ro/ /yang ba ma spangs pas 'chi bar mi 'gyur ro/ /sangs rgyas dang byang chub sems dpa' thams cad kyis dgongs par 'gyur ro/ /mdor na sangs rgyas kyi zhing gang dang gang du 'dod pa de dang der skye'o| |de ltar shes rab kyi pha rol tu phyin pa'i tshul gyi sgo'i chos kyi rnam grangs 'di phan yon mang mod kyi/ ngas phyogs tsam zhig brjod do/ /bcom ldan 'das kyis de skad ces bka' stsal nas byang chub sems dpa' sems dpa' chen po lag na rdo rje dang / byang chub sems dpa' de dag dang / thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rang ste bcom ldan 'das kyis gsungs pa la mngon par bstod do/ /'phags pa shes rab kyi pha rol tu phyin pa'i tshul brgya lnga bcu pa rdzogs so// </font><hr>

</table>