H186

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H186</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H186&coll=lhasa">see text in Tibetan script</a></table>167a<br><font size=+1>


//rgya gar skad du/ AR+Ya ta thA ga ta gu Na dz+nyA na a tsin t+ya bi Sha ya a ba tA ra ni rde sha nA ma ma hA yA na sU tra/ bod skad du/ 'phags pa de bzhin gshegs pa'i yon tan dang / ye shes bsam gyis mi khyab pa'i yul la 'jug pa bstan pa zhes bya ba theg chen po'i mdo/ bam po dang po/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das yul ma ga d+hA na chos kyi dbye dgon pa na byang chub kyi snying po kun tu 'od kyi khang bzang / bsod nams kyi rgyan gyi tshogs chen po bsags pa/ dga' ba chen po skye ba/ kun nas ma smad pa/ yon tan gyi tshogs dpag tu med pa dang ldan pa na bzhugs te/ bcom ldan 'das chos thams cad mnyam pa nyid du mngon par rdzogs par sangs rgyas pa/ legs par thugs su chud pa'i blo dang ldan pa/ </font><hr>167b<br><font size=+1>


kun tu spyod pa gnyis mi mnga' ba/ mtshan nyid med pa'i chos la mchog tu gzhol bar mdzad pa/ sangs rgyas kyi gnas pas gnas pa/ sangs rgyas thams cad dang mnyam pa nyid brnyes pa/ sgrib pa med pa'i rtog pa brnyes pa/ phyir mi ldog pa'i chos dang ldan pa/ spyod yul gyis mi 'phrogs pa/ sangs rgyas kyi mdzad pa mtha' yas pa rgyun mi gcod pa/ bsam gyis mi khyab rnam par 'jog pa/ mtshan nyid med pa'i pha rol tu byon pa/ dus gsum la mnyam pa nyid tshar phyin pa/ 'jig rten gyi khams thams cad du zhugs pa'i sku dang ldan pa/ chos thams cad la the tshom med pa'i mkhyen pa mnga' ba/ spyod pa thams cad dang ldan pa'i blo mnga' ba/ chos mkhyen pa la nem nur mi mnga' ba/ rnam par ma brtags pa'i sku mnga' ba/ byang chub sems dpa' thams cad kyis ye shes yang dag par blangs pa/ sangs rgyas kyi gnas pa gnyis su med pa dam pa'i pha rol tu byon pa/ de bzhin gshegs pa'i ma 'dres pa rnam par thar par mdzad pa'i ye shes kyi mthar phyin pa/ mtha' dang / dbus med pa'i sangs rgyas kyis mnyam pa nyid thugs su chud pa/ chos kyi dbyings dam pa can/ nam mkha'i khams kyi mthas gtugs pa/ phyi ma'i mtha'i mur thug par bskal pa bgrangs pa thams cad du chos kyi 'khor lo bskor ba </font><hr>168a<br><font size=+1>


@#/ /rgyun mi gcod pa'i sku mnga' ba/ pad+ma'i snying po can gyi seng ge'i khri la bzhugs te/ dge slong 'bum phrag drug cu rtsa gnyis dang thabs gcig pa la 'di lta ste/ tshe dang ldan pa shA ri'i bu dang / maung+gal gyi bu chen po dang / 'od srung chen po dang / ma 'gags pa dang / rab 'byor dang / kA t+yA'i bu dang / ka pi na chen po dang / nag pa dang / dga' bo dang / chu klung 'od srung dang / ga yA 'od srung dang / lteng rgyas 'od srung dang / byams ma'i bu gang po dang / ba lang bdag dang / lam phran bstan dang / gyad bu nor dang / seng ldeng nags pa dang / skul byed dang / gsus po che chen po dang / sgra gcan zin dang / kun dga' bo dang / de dag la sogs pa dge slong 'bum phrag drug cu rtsa gnyis po de dag thams cad kyang chos gcig la yang dag par gzhol ba/ 'phags pa'i spyod yul la gnas pa sha stag go /thams cad kyang chos thams cad kyi ngo bo nyid kyi tshul la zhugs pa sha stag go /thams cad kyang gzhi med pa nam mkha'i spyod yul ba sha stag go /thams cad kyang mi rten par gnas pa sha stag go /thams cad kyang nyon mongs pa'i sgrib pa kun nas ldang ba thams cad dang bral ba sha stag go /thams cad kyang thams cad mkhyen pa'i ye shes kyi yul dang / spyod yul la zhugs </font><hr>168b<br><font size=+1>


pa'i shes pa dang ldan pa sha stag go /thams cad kyang byang chub sems dpa'i bya ba la zhugs pa sha stag go /thams cad kyang de bzhin gshegs pa thams cad kyi chos kyi dbyings snang ba'i tshul la zhugs pa sha stag go /thams cad kyang chos kyi tshul gcig la yang dag par gzhol ba sha stag go /thams cad kyang thams cad mkhyen pa nyid la mngon du phyogs pa sha stag go /thams cad kyang thams cad mkhyen pa nyid kyi lam rgyun ma bcad pa sha stag go /thams cad kyang thams cad mkhyen pa nyid las yid phyir ma log pa sha stag go /thams cad kyang shes rab dang / ye shes mngon par grub pa'i yid dang ldan pa sha stag go /thams cad kyang thams cad mkhyen pa'i ye shes dang / lhag mthong dam pa'i pha rol tu phyin pa sha stag go /thams cad kyang thabs kyi yul dang / spyod yul las nges par byung ba sha stag go /dge slong ma skye dgu'i bdag mo chen mo dang| dge slong ma grags 'dzin la sogs pa dge slong ma 'bum phrag drug cu rtsa gnyis dang yang thabs gcig ste/ thams cad kyang dkar po'i chos shin tu yongs su bsdus pa sha stag go /thams cad kyang thams cad mkhyen pa'i ye shes la nye bar gyur pa sha stag go /thams cad kyang thams cad mkhyen pa nyid kyi snang ba'i tshul la </font><hr>169a<br><font size=+1>


@#/ /zhugs pa sha stag go /thams cad kyang chos thams cad dngos po med par rab tu rtogs pa sha stag go /chos thams cad la mtshan nyid med par zhugs pa/ chos thams cad yang dag pa'i mthar rig pa/ chos thams cad ma skyes pa dang / ma 'gags pa dang / gnyen po med par mos pa/ bsam gyis mi khyab pa'i rnam par thar pa dang / ting nge 'dzin la rab tu gnas pa sha stag go /thams cad kyang 'dul ba'i sems can ji lta ba de bzhin du rnam par mi rtog cing lhun gyis grub par gzugs dang| lus dang / kha dog dang / spyod lam shin tu ston pa sha stag go /byang chub sems dpa' sems dpa' chen po sangs rgyas kyi zhing brjod du med pa bye ba khrag khrig 'bum phrag bcu'i rdul phra rab kyi rdul snyed kyi byang chub sems dpa'i dge 'dun chen po dang yang thabs gcig pa la/ 'di lta ste/ byang chub sems dpa' sems dpa' chen po kun tu bzang po dang / kun nas 'dren dang / kun tu sprul dang / kun tu shes rab dang / kun tu mig dang / kun tu 'od dang / kun tu snang ba dang / kun tu 'od zer dang / kun tu rtog dang / byang chub sems dpa' sems dpa' chen po kun tu blo dang / shugs chen dang / shugs chen 'dzin dang / rnam par 'phrul pa chen po dang / rnam par 'phrul pa </font><hr>169b<br><font size=+1>


chen po'i rgyal po dang / brtson 'grus chen pos rnam par gnon dang / rtsal chen dpa' ba dang / cher bsgyings dang / bsgyings pa chen po'i stobs dang / tshogs kyi dbang po chen po dang / spos kyi bal glang glang po che chen po dang / byang chub sems dpa' sems dpa' chen po zla ba chen po dang / zla ba bzang dang / yon tan zla ba dang / rin chen zla ba dang / kun tu snang ba'i zla ba dang / /chos dri ma med pa'i zla ba dang / rnam par snang byed zla ba dang / rnam par bsgrags pa'i zla ba dang / 'od zer rab tu gtong ba'i zla ba dang / byang chub sems dpa' sems dpa' chen po zla gang dang / tshangs pa'i dbyangs dang / tshangs pa'i dbang pos bsgrags pa'i dbyangs dang / sa'i sgra dbyangs dang / chos kyi dbyings kyi sgra dbyangs dang / bdud kyi dkyil 'khor thams cad rnam par 'joms pa'i dbyangs dang / chos kyi rnga chen sgra dbyangs dang / kun tu go bar byed pa'i dbyangs dang / mi rtog rnam par mi rtog dbyangs dang / sa steng sgra dbyangs dang / byang chub sems dpa' sems dpa' chen po dbyangs kyi yan lag thams cad zil gyis gnon pa'i dbyangs dang / kun nas snying po dang| kun tu dri ma med pa'i snying po dang / yon tan snying po dang / rnam par snang mdzad snying po dang / rin chen snying po dang / zla ba'i snying po dang / nyi ma'i snying po dang / snang byed </font><hr>170a<br><font size=+1>


@#/ /snying po dang / /pad+ma'i dpal gyi snying po dang / rdo rje'i snying po dang / blo gros bzang po dang / blo gros chen po dang / khyad par blo gros dang / rnam grags blo gros dang / rgyal chen blo gros dang / bla ma'i blo gros dang / 'phel ba'i blo gros dang / mtha' yas blo gros dang / yangs pa'i blo gros dang / sangs rgyas blo gros dang / blo gros mi zad pa dang / byang chub sems dpa' sems dpa' chen po blo gros rgya mtsho dang / brtan pa'i blo gros dang / rdo rje blo gros dang / sangs rgyas mngon sum blo gros dang / ri rab mar me dang / mar me chen po dang / chos kyi sgron ma'i mar me dang / phyogs thams cad du khyab pa'i mar me dang / kun tu mar me dang / mun pa thams cad sel ba'i mar me dang / 'gro ba thams cad la snang ba'i mar me dang / gcig tu snang ba'i mar me dang / zla ba'i mar me dang / byang chub sems dpa' sems dpa' chen po nyi ma'i mar me dang / 'jam dpal gzhon nur gyur pa dang / lag na rin chen gzhon nur gyur pa dang / lag na phyag rgya rin chen gzhon nur gyur pa dang / rin chen 'od zer gzhon nur gyur pa dang / nam mkha' mdzod gzhon nur gyur pa dang / sems bskyed ma thag tu chos kyi 'khor lo skor ba gzhon nur gyur pa dang / dra ba can gyi 'od gzhon nur gyur </font><hr>170b<br><font size=+1>


pa dang / rnam par sel ba gzhon nur gyur pa dang / bdog pa thams cad yongs su gtong ba gzhon nur gyur pa dang / dpal gyi snying po gzhon nur gyur pa dang / seng ge gzhon nur gyur pa dang / zla 'od gzhon nur gyur pa dang / zla ba'i 'od zer gzhon nur gyur pa dang / mchog gi blo gros gzhon nur gyur pa dang / rgyan bkod pa gzhon nur gyur pa dang / lag na pad+ma dang / lag na rdo rje dang / nyi 'od dang / nor bu dang / glog dang / nyi ma dang / zla ba dang / brgya byin dang / tshangs pa thams cad zil gyis gnon pa'i 'od dang / sgrib pa thams cad rnam par sel ba dang / mya ngan dang / mun pa thams cad 'joms pa'i blo gros dang / byang chub sems dpa' sems dpa' chen po yul thams cad las nges par 'byung ba'i blo gros dang / rdul med rnam par gnon dang / rnam dag rnam par gnon dang / phung po rnam par gnon dang / skye mched rnam par gnon dang / khams rnam par gnon dang / stong pa nyid rnam par gnon dang / mtshan ma med pa rnam par gnon dang / smon pa med pa rnam par gnon dang / skye ba med pa rnam par gnon dang / 'gag pa med pa rnam par gnon dang / 'gro ba med pa rnam par gnon dang / 'ong ba med pa rnam par gnon dang / 'chi 'pho med pa rnam par gnon dang / mi skye ba rnam par </font><hr>171a<br><font size=+1>


@#/ /gnon dang / rang bzhin 'od gsal rnam par gnon dang / 'jig rten gsum rnam par gnon dang / mtha' yas rnam par gnon dang / 'jig rten gyi khams thams cad rnam par gnon dang / chos thams cad rnam par gnon dang / rnam par thar pa dang / ting nge 'dzin dang / snyoms par 'jug pa thams cad rnam par gnon dang / mngon par shes pa dang / rig pa rnam par gnon dang / sems can thams cad kyi sems kyi spyod pa rnam par gnon dang / yang dag pa'i mtha' rnam par gnon dang / de bzhin gshegs pas rnam par gnon dang / mnyam pa nyid rnam par gnon dang / byang chub sems dpa' sems dpa' chen po chos dbyings rnam par gnon dang / bdud yul mi gos dang / bdud las rgyal dang / bdud las rgyal chen po dang / gtsug na rin po che dang / 'od zer stong gi 'od 'phro dang / mngon par 'byung dka' dang / rab tu thub dka' dang / rtogs dka' dang / bsnyen par dka' ba'i blo dang / ngan 'gro skem dang / bzang skyong dang / dkon mchog 'byung gnas dang / ded dpon bzang po dang / mis byin dang / chu lha'i lha dang / zla ba'i lha dang / dri ma med kyis byin dang / dri ma med par grags pa dang / byang chub sems dpa' sems dpa' </font><hr>171b<br><font size=+1>


chen po byams pa dang / de dag la sogs pa byang chub sems dpa' sems dpa' chen po sangs rgyas kyi zhing brjod du med pa bye ba khrag khrig 'bum phrag bcu'i rdul phra rab kyi rdul rnyed thams cad kyang skye ba gcig gis thogs pa/ 'jig rten gyis khams gzhan dang / gzhan dag nas 'dus pa sha stag go /thams cad kyang sems can kyi khams thams cad yongs su smin par bya ba la dpyod pa dang / thabs dang / tshul dang / 'dul ba dang / byang chub sems dpa'i chos la 'god pa la mkhas pa sha stag go /thams cad kyang 'jig rten gyi khams rab 'byams thams cad la dpyod pa'i tshul shes pa rab 'byams la zhugs pa sha stag go /thams cad kyang mya ngan las 'das pa'i sa'i spyod yul shes pa la dpyod cing so sor rtog pa la mkhas pa sha stag go /thams cad kyang spros pa thams cad shin tu chad cing spyod pa len pa rnam par chad de sems can gyi khams thams cad sdud pa la mkhas pa sha stag go /thams cad kyang mtha' dang / dpus med pa'i chos kyi tshul la 'jug pa la shin tu mkhas pa sha stag go /thams cad kyang sems can thams cad kyi las kyi rnam par smin pa chud mi za ba mi dmigs par dpyod cing so sor rtog pa la mkhas pa sha stag go /thams cad kyang sems can gyi khams thams cad kyi </font><hr>172a<br><font size=+1>


@#/ /bsam pa dang / bag la nyal dang / dbang po dang / rtsom pa dang / sbyor ba la shin tu dpyod cing so sor rtog pa la mkhas pa sha stag go /thams cad kyang 'das pa dang / ma 'ongs pa dang / da ltar byung ba'i de bzhin gshegs pa thams cad kyis gsungs pa'i don dang / tshig dang / yi ge gzung ba dang / blang ba shes pa yang dag par 'dzin cing rtog pa la mkhas pa sha stag go /thams cad kyang 'jig rten pa dang / 'jig rten las 'das pa dang / mtha' dang / dbus med pa'i chos kyi tshul la 'jug pa sha stag go /thams cad kyang 'dus byas dang / 'dus ma byas dang / dus dang / rim pa'i tshul la so sor rtog pa la mkhas pa sha stag go /thams cad kyang 'das pa dang / ma 'ongs pa dang / da ltar byung ba'i de bzhin gshegs pa thams cad kyi ye shes kyi dkyil 'khor skad cig gcig gis de ma thag tu thob par gnas pa sha stag go/ thams cad kyang sems kyi skad cig sems kyi skad cig la 'chi 'pho dang / 'byung ba dang / skye ba dang / mngon par 'byung ba dang / dka' ba spyad par sbyor ba dang / byang chub kyi snying por 'gro ba dang / bdud 'dul ba dang / mngon par rdzogs par 'tshang rgya ba dang / chos kyi 'khor lo skor ba dang / yongs su mya ngan las 'das pa chen po </font><hr>172b<br><font size=+1>


kun tu ston pa la mkhas pa sha stag go /thams cad kyang sems can thams cad kyi phyir sems bskyed cing byang chub rnam par 'tshang rgya ba dang ma bral ba sha stag go /thams cad kyang sems can gcig gi sems kyi dmigs pa la 'jug pas sems can ma lus pa thams cad kyi sems kyi dmigs pa la mkhas pa dang ldan pa sha stag go /thams cad kyang rang byung gi ye shes kyi sa las mi bskyod pa'i byang chub sems dpa'i lus dang ldan pa sha stag go /thams cad kyang thams cad mkhyen pa nyid kyi sa thob par spyod pa las phyir mi ldog pa sha stag go /thams cad kyang byang chub sems dpa'i mngon par 'du byed pa'i stobs rgyun mi gcod cing mngon par 'du mi byed pa shes pa'i tshul la zhugs pa sha stag go /thams cad kyang sems can gcig gi bya ba la bskal pa mtha' yas par spyod pa kun tu 'dzin par byin gyis rlob pa la mkhas pa sha stag go /thams cad kyang khyad par chos kyi 'khor lo skor bar byin gyis rlob cing gdul bya'i khams 'gro ba thams cad 'dzud pa la mkhas pa sha stag go /thams cad kyang 'das pa dang / ma 'ongs pa dang / da ltar byung ba'i de bzhin gshegs pa thams cad kyi rnam par dag pa'i gnas la 'jug pa dang / spyod pa'i stobs kyi khyad par dang / smon lam phun sum tshogs pa sha stag go/ </font><hr>173a<br><font size=+1>


@#/ /thams cad kyang kun tu bzang po'i spyod pa'i smon lam gyi khyad par gyi bsam pa phun sum tshogs pa sha stag go /thams cad kyang sangs rgyas 'byung ba thams cad kyi thad du 'gro zhing skul ba la mkhas pa sha stag go /thams cad kyang de bzhin gshegs pa thams cad kyi chos kyi tshul kun tu 'dzin pa la mkhas pa sha stag go /thams cad kyang sangs rgyas thams cad kyi rigs rgyun mi gcod par byed pa sha stag go /thams cad kyang sangs rgyas med pa'i 'jig rten gyi khams su sangs rgyas 'byung ba kun tu ston par byed pa sha stag go /thams cad kyang kun nas nyon mongs pa can gyi 'jig rten gyi khams yongs su sbyong bar byed pa sha stag go /thams cad kyang byang chub sems dpa' thams cad kyi las kyi sgrib pa rgyun gcod par byed pa sha stag go /thams cad kyang chos kyi dbyings sgrib pa med pa la zhugs pa sha stag go / thams cad kyang nam mkha'i khams ltar tshad med pa'i chos dang ldan pa sha stag go /thams cad kyang chos kyi dbyings la 'jug pa mnyam pa nyid dang ldan pa sha stag go / thams cad kyang yang dag pa'i mtha' dang / chos kyi dbyings mnyam pa nyid dang ldan pa sha stag go /thams cad kyang las kyis kun nas bslang ba ji lta ba bzhin du rnam par smin </font><hr>173b<br><font size=+1>


pa la mos pa sha stag go /thams cad kyang rgyus kun bslang ba ji lta ba bzhin du 'bras bu la mos pa sha stag go /thams cad kyang rgya'i 'bur kun tu 'byung ba lta bur chos thams cad mnyam pa nyid du shes pa dang ldan pa sha stag go /thams cad kyang mig yor dang / gzugs brnyan ltar ston pa'i chos mnyam pa nyid dang ldan pa sha stag go /thams cad kyang chos thams cad kyi sgra dbyangs kyi rnam par rig pa brag ca dang mtshungs pa dang ldan pa sha stag go /thams cad kyang rnam par thar pa dang / ting nge 'dzin bsam gyis mi khyab pa la gnas pa sha stag go /thams cad kyang dpa' bar 'gro ba'i ting nge 'dzin gyis rnam par rtsen pa sha stag go /thams cad kyang sangs rgyas kyi sku mtha' yas pa'i mdog yongs su 'grub pa sgrub pa'i gzungs la gnas pa sha stag go /thams cad kyang skra tsam gyi khyon gcig la 'jig rten gyi khams thams cad kun tu ston pa la mkhas pa sha stag go /thams cad kyang phyogs bcu dag tu skra tsam gyi khyon gcig la 'chi 'pho dang / 'byung ba dang / skye ba dang / mngon par 'byung ba dang / dka' ba spyad par sbyor ba dang / byang chub kyi snying por 'gro ba dang / bdud 'dul ba dang / mngon par byang chub pa dang / chos kyi 'khor lo skor ba dang / yongs su mya </font><hr>174a<br><font size=+1>


@#/ /ngan las 'das pa chen po kun tu ston pa la mkhas pa sha stag go /thams cad kyang skyil mo krung gcig gis phyogs bcu dag gi 'jig rten gyi khams thams cad kyi nam mkha' rgyas par 'gengs par shes pa dang ldan pa sha stag go /thams cad kyang zhing thams cad kyi rgyan zhing gcig tu ston pa la mkhas pa sha stag go /thams cad kyang zhing gcig gi rgyan bkod pa zhing thams cad du kun tu ston pa la mkhas pa sha stag go /thams cad kyang phyogs bcu dag gi 'jig rten gyi khams rab 'byams thams cad kyi de bzhin gshegs pa thams cad kyi 'khor gang dag yin pa de dag de bzhin gshegs pa gcig gi 'khor du ston pa la mkhas pa sha stag go /de bzhin gshegs pa gcig gi 'khor gang yin pa de phyogs bcu dag gi 'jig rten gyi khams thams cad kyi de bzhin gshegs pa thams cad kyi 'khor du kun tu ston pa la mkhas pa sha stag go /thams cad kyang chos thams cad mtha' dang dbus med par ston pa la mkhas pa sha stag go /thams cad kyang sems can thams cad kyi lus rang gi lus su kun tu ston pa la mkhas pa sha stag go /thams cad kyang sangs rgyas thams cad kyi sku sangs rgyas gcig gi skur zhugs par kun tu ston </font><hr>174b<br><font size=+1>


pa la mkhas pa sha stag go /thams cad kyang sangs rgyas gcig gi sku sangs rgyas thams cad kyi skur zhugs par kun tu ston pa la mkhas pa sha stag go /thams cad kyang phyogs bcu'i 'jig rten gyi khams thams cad rang gi lus su chud par kun tu ston pa la mkhas pa sha stag go /thams cad kyang sems can gcig gi lus la dus gsum gyi sems can rnams kun tu ston pa la mkhas pa sha stag go /thams cad kyang 'das pa'i dus la ma 'ongs pa dang / da ltar byung ba'i dus dang / ma 'ongs pa'i dus la 'das pa dang / da ltar byung ba'i dus dang / da ltar byung ba'i dus la 'das pa dang / ma 'ongs pa'i dus kun tu ston pa la mkhas pa sha stag go /thams cad kyang lus gcig gis ting nge 'dzin la snyoms par zhugs la lus dpag tu med grangs med pa las ldang ba la mkhas pa sha stag go /lus dpag tu med cing grangs med pa dag gis ting nge 'dzin la snyoms par zhugs la/ lus gcig las ldang bar kun tu ston pa la mkhas pa sha stag go /thams cad kyang sems can thams cad kyis lus snyed kyi mngon par byang chub pa kun tu ston pa la mkhas pa sha stag go /thams cad kyang sems can thams cad kyi lus la sems can gcig gi lus kun tu ston pa la mkhas pa sha stag go /sems can gcig gi lus la sems </font><hr>175a<br><font size=+1>


@#/ /can thams cad kyi lus kun tu ston pa la mkhas pa sha stag go /thams cad kyang sems can thams cad kyis lus las sangs rgyas kyi sku kun tu ston pa la mkhas pa sha stag go /thams cad kyang sangs rgyas kyi sku las sems can gyi lus kun tu ston pa la mkhas pa sha stag go /thams cad kyang sems can gyi lus chos kyi skur kun tu ston pa la mkhas pa sha stag go /thams cad kyang zhing thams cad kyi rgyan bkod pa de dag zhing gcig tu kun tu ston pa la mkhas pa sha stag go /zhing gcig gi rgyan bkod pa de dag zhing thams cad du kun tu ston pa la mkhas pa sha stag go /thams cad kyang chos kyi sku sems can gyi lus su kun tu ston pa la mkhas pa sha stag go /thams cad kyang spu'i khung bu gcig tu phyogs bcu'i 'jig rten gyi khams thams cad 'jug par byed pa kun tu ston pa la mkhas pa sha stag go /thams cad kyang sangs rgyas thams cad kyi mngon par rdzogs par byang chub pa'i smon lam gyi stobs kyi gnas mngon par rdzogs par byang chub par kun tu ston pa la mkhas pa sha stag go /thams cad kyang phyogs bcu'i 'jig rten gyi khams rab 'byams thams cad na gdul bya'i sems can yongs su smin pa ji lta ba de bzhin du bla na med </font><hr>175b<br><font size=+1>


pa yang dag par rdzogs pa'i byang chub kun tu ston pa la mkhas pa sha stag go /thams cad kyang bskal pa bgrang ba thams cad du 'jig rten gyi khams gcig tu byang chub sems dpa'i spyad pa spyod pa rgyun mi gcod pa'i lus kun tu ston pa la mkhas pa sha stag go /thams cad kyang sems bskyed pa gcig gis phyogs bcu'i 'jig rten gyi khams rab 'byams thams cad kyi 'jig rten gyi khams re re na sgong las skyes pa dang / mngal nas skyes pa dang / drod gsher las skyes pa dang / rdzus te skyes pa dang / gzugs can dang / gzugs can ma yin pa dang / 'du shes can dang / 'du shes can ma yin pa dang / rkang gnyis pa dang / rkang bzhi pa dang / rkang mang dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / brgya byin dang / tshangs pa dang / 'jig rten skyong ba dang / mi dang / mi ma yin pa sems can gdul bya yongs su smin pa thams cad ji lta bzhin du lhun gyis grub cing rnam par mi rtog par spyod pa dang / spyod lam dang / bya ba la 'jug pa'i gnas kun tu ston pa la mkhas pa sha stag go /thams cad kyang rdul phra rab kyi rdul re re la 'jig rten gyi khams dpag tu med/ grangs med/ bsam gyis mi khyab/ mtshungs pa med/ gzhal du med/ tshad </font><hr>176a<br><font size=+1>


@#/ /med/ brjod du med pa'i yang brjod du med pa dag 'jug par byed kyang sems can la gnod pa med pa la mkhas pa sha stag go /thams cad kyang bskal pa dpag tu med/ grangs med/ bsam gyis mi khyab/ mtshungs pa med/ gzhal du med/ brjod du med pa'i yang brjod du med pa dag yud tsam gcig tu byin gyis rlob pa kun tu ston pa la mkhas pa sha stag go /yud tsam gcig bskal pa dpag tu med/ grangs med/ bsam gyis mi khyab/ mtshungs pa med/ gzhal du med/ brjod du med pa'i yang brjod du med pa dag tu byin gyis rlob pa la mkhas pa sha stag go /thams cad kyang spyod lam ji lta bus sems can rnams yongs su smin par 'gyur ba de lta de ltar lhun gyis grub cing rnam par mi rtog par gzugs kyi lus kyi kha dog dang / spyod lam kun tu ston pa la mkhas pa sha stag ste/ byang chub sems dpa' sems dpa' chen po de dag dang / gzhan dag thams cad kyang yon tan bye ba khrag khrig 'bum phrag dpag tu med grangs med pa dag dang ldan pa sha stag go /sangs rgyas kyi zhing tha dad pa nas 'dus pa'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / brgya byin dang / </font><hr>176b<br><font size=+1>


tshangs pa dang / 'jig rten skyong ba dpag tu med/ grangs med/ bsam gyis mi khyab/ mtshungs pa med/ gzhal du med/ tshad med/ brjod du med pa'i yang brjod du med pa sha stag dang yang thabs gcig go /'jig rten gyi khams 'di nas kyang rgyal chen bzhi'i ris kyi lha bye ba phrag brgya re re'ang g.yog 'khor mang po dang ldan pa dag bcom ldan 'das la blta ba'i phyir dang / phyag bya ba'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la ba der lhags so/ /brgya byin bye ba phrag brgya dang / lha'i rgyal po rab 'thab bral bye ba phrag brgya dang / lha'i rgyal po yongs su dga' ldan bye ba phrag brgya dang / lha'i rgyal po rab 'phrul bye ba phrag brgya dang / lha'i rgyal po gzhan 'phrul dbang byed bye ba phrag brgya la lha'i rgyal po re re'ang g.yog 'khor mang po dang ldan pa dag bcom ldan 'das la blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la ba der lhags so/ /ded dpon la sogs pa bdud kyi ris kyi lha bye ba phrag mang po dag bcom ldan 'das la blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir bcom </font><hr>177a<br><font size=+1>


@#/ /ldan 'das ga la ba der lhags so/ /srin po'i rgyal po 'bum phrag bco brgyad dang / 'byung po'i rgyal po 'bum phrag sum cu rtsa brgyad dang / lha ma yin gyi rgyal po 'bum phrag brgyad cu dang / rig sngags 'chang gi rgyal po 'bum phrag drug cu rtsa lnga dang / drang srong 'bum phrag dgu bcu rtsa dgu thams cad kyang mngon par shes pa lnga dang ldan pa sha stag dang / rlung gi rgyal po chen po rnam par 'thor rlung dang / rnam par 'thor rlung chen po g.yog 'khor mang po dang ldan pa dag dang / tshangs pa bye ba phrag brgya dang / tshangs pa chen po bye ba phrag brgya dang / 'od chung bye ba phrag brgya dang / tshad med 'od bye ba phrag brgya dang / 'od gsal bye ba phrag brgya dang / dge chung bye ba phrag brgya dang / tshad med dge bye ba phrag brgya dang / dge rgyas bye ba phrag brgya dang / sprin med bye ba phrag brgya dang / 'bras bu che bye ba phrag brgya dang / bsod nams skyes bye ba phrag brgya dang / gya nom snang bye ba phrag brgya dang / shin tu mthong bye ba phrag brgya dang / mi che ba bye ba phrag brgya dang / mi gdung ba bye ba phrag brgya dang / 'og min gyi lha bye ba phrag brgya dag la tshangs pa chen po re re'ang g.yog 'khor mang po dang ldan pa dag bcom ldan 'das la blta ba'i phyir dang / phyag bya ba'i phyir dang / </font><hr>177b<br><font size=+1>


mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la ba der lhags so/ /lha'i bu dbang phyug chen po la sogs pa gnas gtsang ma'i ris kyi lha bye ba phrag brgya dag kyang bcom ldan 'das la blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la ba der lhags so/ /klu'i dbang po bye ba phrag brgya dang / gnod sbyin gyi dbang po bye ba phrag brgya dang / dri za'i dbang po bye ba phrag brgya dang / lha ma yin gyi dbang po bye ba phrag brgya dang / nam mkha' lding gi dbang po bye ba phrag brgyad na/ mi'am ci'i dbang po bye ba phrag brgya dang / lto 'phye chen po'i dbang po bye ba phrag brgya re re'ang g.yog 'khor mang po dang ldan pa dag bcom ldan 'das la blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la ba der lhags so/ /mi dang / mi ma yin pa dpag tu med grangs med pa dag kyang bcom ldan 'das la blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la ba der lhags so/ /dge bsnyen dang / dge bsnyen ma bye ba khrag khrig 'bum phrag </font><hr>178a<br><font size=+1>


@#/ /mang po dag kyang bcom ldan 'das la blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la ba der lhags so/ /rtswa dang / shing gel pa dang / sman dang / nags tshal gyi lha gang dag yin pa dag dang / lhun po dang / lhun po chen po dang / btang bzung dang / btang bzung chen po dang / gangs ri dang / khor yug dang / khor yug chen po la sogs pa ri rnams kyi lha gang dag yin pa de dag thams cad gnas dang bcas te/ bcom ldan 'das la blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la ba der lhags so/ /rgya mtsho dang / rgya mtsho chen po dang / chu klung dang / chu bran dang / mtsho bran dang / mtshe'u dang / chu mig dang / 'bab chu rnams kyi lha gang dag yin pa de dag thams cad kyang gnas dang bcas te/ bcom ldan 'das la blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la ba der lhags so/ /grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor </font><hr>178b<br><font size=+1>


dang| 'or rnams kyi lha gang dag yin pa de dag kyang rang gi gnas dang lhan cig tu bcom ldan 'das la blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la ba der lhags so/ /klu dang / gnod sbyin dang / dri za dang / lha ma yin dang / nam mkha' lding dang| mi'am ci dang / lto 'phye chen po'i gnas rnams kyi lha gang dag yin pa de dag kyang rang rang gi gnas su zhugs te/ bcom ldan 'das la blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la ba der lhags te/ bcom ldan 'das kyis mthus sems can 'ga' la'ang gnod pa med cing sgrib pa med do/ /zla ba bye ba phrag brgya dang / nyi ma bye ba phrag brgya dang / rgya mtsho bye ba phrag brgya re re'ang g.yog 'khor mang po dang ldan pa dag bcom ldan 'das la blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la ba der lhags so/ /klu'i rgyal po chen po ma dros pa'ang 'khor dang bcas te bcom ldan 'das la blta ba'i phyir dang / phyag bya ba'i phyir dang / mchod pa'i phyir dang / </font><hr>179a<br><font size=+1>


@#/ /bsnyen bkur bya ba'i phyir dang / chos mnyan pa'i phyir bcom ldan 'das ga la ba der lhags so/ /dud 'gro'i skye gnas su song ba'i sems can thams cad kyang bcom ldan 'das la blta ba'i phyir dang / phyag bya ba'i phyir dang / mchod pa'i phyir dang / bsnyen bkur bya ba'i phyir dang / chos mnyan pa'i phyir bcom ldan 'das ga la ba der lhags so/ /dud 'gro'i skye gnas su song ba'i sems can de dag thams cad kyang theg pa chen po la mos pa/ theg pa chen po la gzhol ba/ thams cad mkhyen pa nyid kyi ye shes 'dod pa sha stag go /de'i tshe bcom ldan 'das kyis kha dog dang / gzugs dang / gzi brjid dang / 'od kyis 'khor thams cad kyang zil gyis mnan te/ lham me/ lhan ne/ lhang nge'o/ /'di lta ste/ dper na/ nyi mas 'od zer bye ba khrag khrig 'bum phrag grangs med pa phyung ste srin bu me khyer thams cad zil gyis mnan nas lham me/ lhan ne/ lhang nge'o/ /de bzhin du bcom ldan 'das kyang brgya byin dang / tshangs pa dang / 'jig rten skyong ba thams cad zil gyis mnan te lham me/ lhan ne/ lhang nge'o/ /'di lta ste/ dper na/ zla ba yar gyi ngo tshes bco lnga la zla ba'i dkyil 'khor sprin gyi dra ba las grol ba ni skar ma'i tshogs thams </font><hr>179b<br><font size=+1>


cad zil gyis mnan nas lham me/ lhan ne/ lhang nge'o/ /de bzhin du bcom ldan 'das kyang brgya byin dang / tshangs ba dang / 'jig rten skyong ba thams cad spa bkong ste zil gyis mnan nas lham me/ lhan ne/ lhang nge ste/ ri'i rgyal po ri rab ltar dpal gyis rab tu 'bar te/ sku mi g.yo/ mi 'gyur/ mi 'gul bar lham me/ lhan ne/ lhang nge'o/ /de nas 'jam dpal gzhon nur gyur pas byang chub sems dpa' sems dpa' chen po sgrib pa thams cad rnam par sel ba la 'di skad ces smras so/ /kye rgyal ba'i sras/ de bzhin du de bzhin gshegs pa 'di ni sku mi g.yo/ mi 'gyur/ mi 'gul bar bzhugs so/ /de skad ces smras pa dang / byang chub sems dpa' sems dpa' chen po sgrib pa thams cad rnam par sel bas 'jam dpal gzhon nur gyur pa la 'di skad ces smras so/ /'jam dpal/ de bzhin gshegs pa 'di la 'khor 'di nyid kyi nang nas kha cig gis ni rab tu 'byung bar mngon du phyogs shing khyim nas mngon par 'byung bar shes so/ /kha cig gis ni rab tu byung zhing dka' ba spyod pa la gnas par shes so/ /'khor 'di nyid kyi nang nas kha cig gis ni byang chub kyi snying por gshegs par shes so/ /kha cig gis ni byang chub kyi snying po la bzhugs par shes so/ /'khor 'di nyid kyi nang </font><hr>180a<br><font size=+1>


@#/ /nas kha cig gis ni bdud 'khor grangs med dpag tu med pas bskor ba bcom par shes so/ kha cig gis ni lha dang / klu dang / gnod sbyin dang| dri za dang / lha ma yin dang / nam mkha' lding dang / mi'am ci dang / lto 'phye chen po dang / brgya byin dang / tshangs pa dang / 'jig rten skyong ba dpag tu med grangs med pa dag gis/ ded dpon chen po rgyal lo/ /rgyal lo zhes spros bar byed par shes so/ kha cig gis ni mngon par rdzogs par sangs rgyas nas brgya byin rnams gsol ba 'debs par shes so/ kha cig gis ni tshangs pa rnams la gsol ba 'debs par shes so/ /'khor 'di nyid kyi nang nas kha cig gis ni 'jig rten skyong ba rnams bcom ldan 'das la gsol ba 'debs par shes so/ kha cig gis ni bcom ldan 'das bdag cag la sbyin pa'i gtam ston par shes so/ /'khor 'di nyid kyi nang nas kha cig gis bcom ldan 'das bdag cag la tshul khrims kyi gtam ston par shes so/ /kha cig gis ni bzod pa'i gtam/ kha cig gis ni brtson 'grus kyi gtam/ kha cig gis ni bsam gtan gyi gtam/ kha cig gis ni shes rab kyi gtam/ bcom ldan 'das bdag cag la ston par shes so/ kha cig gis ni thabs la mkhas pa'i gtam </font><hr>180b<br><font size=+1>


kha cig gis ni rdzu 'phrul gyi gtam/ kha cig gis ni smon lam gyi gtam/ kha cig gis ni ye shes kyi gtam bcom ldan 'das bdag cag la ston par shes so/ kha cig gis ni nyan thos kyi theg pa'i gtam/ kha cig gis ni rang sangs rgyas kyi theg pa'i gtam/ kha cig gis ni theg pa chen po'i gtam/ bcom ldan 'das bdag cag la ston par shes so/ kha cig gis ni sems can dmyal bar skye ba'i chos rnams bcom ldan 'das bdag cag la ston par shes so/ kha cig gis ni dud 'gror skye ba'i chos rnams bcom ldan 'das bdag cag la ston par shes so/ kha cig gis ni yi dwags su skye ba'i chos rnams bcom ldan 'das bdag cag la ston par shes so/ kha cig gis ni gshin rje'i 'jig rten du skye ba'i chos rnams bcom ldan 'das bdag cag la ston par shes so/ kha cig gis ni rgyal chen bzhi'i ris kyi lha'i nang du skye ba'i chos rnams bcom ldan 'das bdag cag la ston par shes so/ kha cig gis ni sum cu rtsa gsum gyi gnas su skye ba dang / kha cig gis ni 'thab bral gyi gnas su skye ba'i chos rnams bcom ldan 'das bdag cag la ston par shes so/ kha cig gis ni dga' ldan gyi gnas su skye ba dang / kha cig gis ni 'phrul dga'i gnas su skye ba dang / kha cig gis ni gzhan 'phrul dbang byed kyi gnas </font><hr>181a<br><font size=+1>


@#/ /su skye ba dang / kha cig gis ni bdud kyi gnas su skye ba dang / kha cig gis ni tshangs pa'i gnas su skye ba'i chos rnams bcom ldan 'das bdag cag la ston par shes so/ /de bzhin du tshangs pa'i mdun na 'don dang / tshangs 'khor dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che dang / mi che ba dang / mi gdung ba dang / gya nom snang dang / shin tu mthong dang / 'og min dang / nam mkha' mtha' yas skye mched dang / rnam shes mtha' yas skye mched dang / ci'ang med pa'i skye mched dang / 'du shes med 'du shes med min skye mched du skye ba'i chos rnams bcom ldan 'das bdag cag la ston par shes so/ /'jam dpal/ 'khor 'di nyid kyi nang nas kha cig gis ni mir skye ba'i chos rnams/ kha cig gis ni 'khor los bsgyur ba'i rgyal por 'gyur ba'i chos rnams/ kha cig gis ni gling gnyis dang / gsum dang / bzhi pa'i 'khor los bsgyur ba dang / stong gnyis dang / stong gsum gyi stong chen po dang / stong gsum gyi stong chen po'i 'jig rten gyi khams gang+gA'i klung gi bye ma snyed dag gi 'khor los bsgyur ba'i rgyal por 'gyur ba'i chos rnams </font><hr>181b<br><font size=+1>


bcom ldan 'das bdag cag la ston par shes so/ /'jam dpal/ 'khor 'di nyid kyi nang nas kha cig gis ni de bzhin gshegs pa'i sku 'dom do tsam du 'phags par shes so/ /kha cig gis ni rgyang grags tsam du 'phags/ kha cig gis ni rgyang grags gnyis tsam du 'phags/ kha cig gis ni de bzhin gshegs pa'i sku dpag tshad tsam du 'phags par shes so/ /kha cig gis ni de bzhin gshegs pa'i sku dpag tshad gnyis tsam du 'phags par shes so/ /kha cig gis ni de bzhin gshegs pa'i sku dpag tshad bcu tsam du 'phags par shes so/ /'khor 'di nyid kyi nang nas kha cig gis ni de bzhin gshegs pa'i sku dpag tshad stong du shes so/ /kha cig gis ni de bzhin gshegs pa'i sku dpag tshad stong phrag bcu dang / nyi shu dang / sum cu dang / bzhi bcu dang / lnga bcu par shes so/ /kha cig gis ni dpag tshad 'bum dang / kha cig gis ni de bzhin gshegs pa'i sku dpag tshad 'bum phrag bcu dang / nyi shu dang / sum cu dang / bzhi bcu dang / lnga bcu par shes so/ /kha cig gis ni de bzhin gshegs pa'i sku da pag tshad 'bum phrag brgyad khri bzhi stong par shes so/ /'khor 'di nyid kyi nang nas kha cig gis ni de bzhin gshegs pa'i sku dpag tshad 'bum phrag bgrang ba las 'das </font><hr>182a<br><font size=+1>


@#/ /par shes so/ /'khor 'di nyid kyi nang nas kha cig gis ni de bzhin gshegs pa'i sku gser gyi kha dog tu mthong ngo / /kha cig gis ni nor bu rin po che bai DUR+Ya'i kha dog tu/ kha cig gis ni nor bu rin po che chen po an+d+ra rnyil gyi kha dog tu/ kha cig gis ni nor bu rin po che mthon ka chen po'i kha dog tu/ kha cig gis ni nor bu rin po che skar 'od kyi kha dog tu/ kha cig gis ni nor bu rin po che pad+ma rA ga'i kha dog tu/ kha cig gis ni nor bu rin po che brgya byin thogs pa'i kha dog tu/ kha cig gis ni nor bu rin po che rdo rje snang ba'i kha dog tu/ kha cig gis ni nor bu rin po che lha thams cad snang ba'i kha dog tu/ kha cig gis ni nor bu rin po che nyi zla snang ba'i kha dog tu/ kha cig gis ni nor bu rin po che chu 'dang gi kha dog tu/ kha cig gis ni de bzhin gshegs pa'i sku nor bu rin po che shel gyi kha dog tu shes so/ /kha cig gis ni nor bu rin po che dbang gi rgyal po'i kha dog tu/ kha cig gis ni nor bu rin po che 'od thams cad bsdus pa'i kha dog tu/ kha cig gis ni nor bu rin po che ri dwags kyi rgyal po seng ge ral pa can gyi kha dog tu/ kha cig gis ni nor bu rin po che seng ge'i rgyal mtshan gyi rtse mo'i kha dog tu/ kha cig gis ni nor </font><hr>182b<br><font size=+1>


bu rin po che rgya mtsho'i gnas rnam par dag pa rin po che bkod pa kun nas 'od zer snang ba'i kha dog tu shes so/ /'jam dpal/ 'khor 'di nyid kyi nang nas kha cig gis ni de bzhin gshegs pas yid bzhin gyi nor bu rin po che'i kha dog tu shes so/ /'jam dpal/ kha dog dang / spyod lam dang / dbyibs gang dang / gang kho nas sems can rnams 'dul bar 'gyur ba/ 'jam dpal/ de bzhin gshegs pa kha dog dang / spyod lam dang / dbyibs de dang / de kho nar sems can rnams kyis mthong ngo / / 'jam dpal/ chos bstan pa gang dang / gang gis sems can rnams yongs su smin par 'gyur ba'i chos de dang / de nyid de bzhin gshegs pa ston par sems can rnams kyis shes so/ /'jam dpal/ spyod pa gang dang / gang gis sems can rnams de bzhin gshegs pa'i bstan pa la 'dzud cing 'dul bar 'gyur ba'i spyod pa de dang / de la de bzhin gshegs pa bzhugs par sems can rnams kyis shes so/ /'jam dpal/ gal te shar phyogs kyi 'jig rten gyi khams dpag tu med/ grangs med/ bsam gyis mi khyab/ mtshungs pa med/ gzhal du med/ tshad med/ brjod du med pa'i yang brjod du med pa dag lha dang / klu dang / gnod sbyin dang / dri za dang / lha ma </font><hr>183a<br><font size=+1>


@#/ /yin dang / nam mkha' lding dang / mi'am ci dang / lto 'phye chen po dang / brgya byin dang / tshangs pa dang / 'jig rten skyong ba dang / mi dang / mi ma yin pa rnams kyis yongs su gang bar gyur la/ shar phyogs su ji lta ba de bzhin du lho dang / de bzhin du nub dang / de bzhin du byang dang / de bzhin du shar lho dang / de bzhin du lho nub dang / de bzhin du nub byang dang / de bzhin du byang shar dang / de bzhin du steng dang / de bzhin du 'og gi phyogs kyi 'jig rten gyi khams dpag tu med/ grangs med/ bsam gyis mi khyab/ mtshungs pa med/ gzhal du med/ tshad med/ brjod du med pa'i yang brjod du med pa dag lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / brgya byin dang / tshangs pa dang / 'jig rten skyong ba dang / mi dang / mi ma yin pa dag gis/ dper na/ 'dam bu'i tshal lam/ bu ram shing gi tshal lam/ til gyi zhing bzhin du yongs su gang bar gyur pa'i sems can de dag /'jam dpal/ gal te de bzhin gshegs pa mthong bas 'dul ba yin na/ sems can de dang / de dag gis de bzhin gshegs pa'i spyan sngar 'dom gang tsam na 'khod par shes so/ /'jam </font><hr>183b<br><font size=+1>


dpal/ kha dog dang / spyod lam dang / gnas gang dang / gang gis sems can de dag 'dul bar 'gyur ba de dang / de kho nar de bzhin gshegs pa mdun na bzhugs par sems can de dag gis mthong ngo / /'jam dpal/ chos bstan pa gang dang / gang gis sems can rnams yongs su min par 'gyur pa de dang / de nyid kyi chos ston par thos so/ /'jam dpal spyod pa gang gis sems can de dag de bzhin gshegs pa'i bstan pa la 'jug par 'gyur ba'i spyod pa de dang / de la de bzhin gshegs pa bzhugs te/ de bzhin gshegs pa'i mdzad pa thams cad lhun gyis grub cing rnam par mi rtog par 'gyur ro/ /'jam dpal/ 'di lta ste/ dper na/ zla ba yar gyi ngo'i dkyil 'khor nam phyed kyi dus na dzam+bu'i gling gi sems can thams cad kyis so so'i mdun na zla ba'i dkyil 'khor 'dug par shes kyang zla ba'i dkyil 'khor ni sems can de dag gis bdag ci'i phyir zla ba'i dkyil 'khor du shes par 'gyur bar bdag sems can de dag gi mdun na 'dug par bya'o/ /snyam du mi rtog /rnam par mi rtog mod kyi 'on kyang / 'jam dpal/ zla ba'i dkyil 'khor ni ma 'dres pa'i chos dang ldan pas lhun gyis grub cing rnam par mi rtog par de lta bu'i bya ba 'di 'byung ngo / /'jam dpal/ de bzhin du de </font><hr>184a<br><font size=+1>


@#/ /bzhin gshegs pa dgra bcom pa yang dag par rdzogs pa'i sangs rgyas kyang 'khor dpag tu med/ grangs med/ bsam gyis mi khyab/ mtshungs pa med| gzhal du med/ tshad med/ brjod du med pa'i yang brjod du med pa'i dbus na bzhugs na de dag thams cad kyis kyang de bzhin gshegs pa mdun na bzhugs par mthong mod kyi/ 'jam dpal/ de bzhin gshegs pa ni sems can de dag gis de bzhin gshegs pa mdun na bzhugs pa shes par 'gyur bar sems can de dag gis mdun du 'dug par bya'o snyam du mi rtog /rnam par mi rtog ste/ 'on kyang sems can rnams ji lta bus 'dul ba de bzhin du de bzhin gshegs pa mdun na bzhugs par shes so/ /de ci'i phyir zhe na/ ma 'dres pa'i chos dang ldan pa'i phyir ro/ /'jam dpal/ dper na/ sems can rnams kyi las tha ma dang / 'bring dang / rab kyi rnam par smin pa'i dbang gis sems can rnams kyi 'du byed tha ma dang / 'bring dang / rab rnams 'byung bar 'du byed rnams ni mi rtog /rnam par mi rtog ste/ 'on kyang 'du byed de dag lhun gyis grub cing rnam par mi rtog par tha ma dang / 'bring dang / rab rnams kyi bya ba dag la 'jug go /'jam dpal/ de bzhin gshegs pa dgra bcom pa yang dag </font><hr>184b<br><font size=+1>


dag par rdzogs pa'i sangs rgyas kyang sems can rnams kyi las kyi rnam par smin pa tha ma dang / 'bring dang / rab kyi dbang gis de bzhin gshegs pa tha ma dang / 'bring dang / rab tu sems can rnams kyis mthong yang / 'jam dpal/ de bzhin gshegs pa ni mi rtog /rnam par mi rtog ste/ 'on kyang de bzhin gshegs pa de'i mdzad pa de lta bus de lhun gyis grub par 'byung ngo / /'jam dpal/ dper na/ nor bu rin po che bai DUR+Ya rigs la ni ras tha dad pa nyid kyi dbang gis kha dog tha dad pa nyid du 'gyur te/ 'jam dpal / gal te nor bu rin po che bai DUR+Ya ras ser po'i steng du bzhag na ni nor bu rin po che bai DUR+Ya kha dog ser por 'gyur/ gal te ras dmar po'i steng du bzhag na ni nor bu rin po che bai DUR+Ya kha dog dmar por 'gyur/ gal te ras sngon po'i steng du bzhag na ni nor bu rin po che bai DUR+Ya kha dog sngon por 'gyur te/ de ltar ras kha dog ci dang / ci 'dra ba'i steng du bzhag pa de dang / de nyid kyi kha dog kho nar 'gyur yang / 'jam dpal/ nor bu rin po che bai DUR+Ya ni mi rtog /rnam par mi rtog ste/ 'on kyang lhun gyis grub cing rnam par mi rtog par de'i bya ba de lta bu de 'byung ngo / /'jam dpal/ de bzhin du de bzhin gshegs pa'ang sems can tha dad pa nyid kyi dbang gis kha dog tha dad pa nyid du 'gyur te/ </font><hr>185a<br><font size=+1>


@#/ /'jam dpal/ gal te sems can rnams de bzhin gshegs pa'i sku gser gyi kha dog tu mthong bas gdul bar bya ba yin na ni de dag gis ni de bzhin gshegs pa'i sku gser gyi kha dog tu mthong ngo / /gal te sems can rnams nor bu rin po che bai DUR+Ya'i kha dog lta bus gdul bar bya ba yin na ni de dag gis kyang de bzhin gshegs pa'i sku nor bu rin po che bai DUR+Ya'i kha dog tu mthong ngo / /gal te sems can rnams mu tig gi kha dog lta bus gdul bar bya ba yin na ni de dag gis kyang de bzhin gshegs pa'i sku mu tig gi kha dog tu mthong ngo / /gal te sems can rnams nor bu rin po che and rnyil gyi kha dog lta bus gdul bar bya ba yin na ni de dag gis kyang de bzhin gshegs pa'i sku nor bu rin po che and rnyil gyi kha dog tu mthong ngo / /'jam dpal/ gal te sems can rnams nor bu rin po che mthon ka chen po'i kha dog lta bus gdul bar bya ba yin na ni de dag gis kyang de bzhin gshegs pa'i sku nor bu rin po che mthon ka chen po'i kha dog tu mthong ngo / /gal te sems can rnams nor bu rin po che 'od thams cad bsdus pa'i kha dog lta bus gdul bar bya ba yin na ni de dag gis kyang de bzhin gshegs pa'i sku nor bu rin po che 'od thams cad bsdus pa'i kha dog tu mthong ngo // </font><hr>185b<br><font size=+1>


gal te sems can rnams nor bu rin po che dbang gi rgyal po'i kha dog lta bus gdul bar bya ba yin na ni de dag gis kyang de bzhin gshegs pa'i sku nor bu rin po che dbang gi rgyal po'i kha dog tu mthong ngo / /gal te sems can rnams nor bu rin po che rgya mtsho'i gnas rnam par dag pa rin po che bkod pa kun nas 'od zer snang ba'i kha dog lta bus gdul bar bya ba yin na ni de dag gis kyang de bzhin gshegs pa'i sku nor bu rin po che rgya mtsho'i gnas rnam par dag pa rin po che bkod pa kun nas 'od zer snang ba'i kha dog tu mthong ngo / /gal te sems can rnams nor bu rin po che'i rgyal po seng ge ral pa can gyi kha dog lta bus gdul bar bya ba yin na ni de dag gis kyang de bzhin gshegs pa'i sku nor bu rin po che'i rgyal po seng ge ral pa can gyi kha dog tu mthong ngo / /gal te sems can rnams nor bu rin po che seng ge'i rgyal mtshan gyi rtse mo'i kha dog lta bus gdul bar bya ba yin na ni/ de dag gis kyang de bzhin gshegs pa'i sku nor bu rin po che seng ge'i rgyal mtshan gyi rtse mo'i kha dog tu mthong ngo / /'jam dpal/ gal te sems can rnams nor bu rin po che glog gi sgron ma'i kha dog lta bus gdul bar bya ba yin na ni de dag gis kyang de bzhin gshegs pa'i sku nor bu rin po che glog gi sgron ma'i kha dog tu mthong </font><hr>186a<br><font size=+1>


@#/ /ngo| |gal te sems can rnams nor bu rin po che chu 'dang gi kha dog lta bus gdul bar bya ba yin na ni de dag gis kyang de bzhin gshegs pa'i sku nor bu rin po che chu 'dang gi kha dog tu mthong ngo / /de bzhin du sems can rnams de bzhin gshegs pa'i sku brgya byin dang / tshangs pa dang / 'jig rten skyong ba'i kha dog tu mthong bas gdul bar bya ba'ang yin na ni de dag gis kyang de bzhin gshegs pa'i sku brgya byin dang / tshangs pa dang / 'jig rten skyong ba'i kha dog tu mthong ngo / /de bzhin du sbyar te sems can rnams sems can dmyal ba dang / dud 'gro dang / yi dwags dang / gshin rje'i 'jig rten du skyes pa'i bar gyi kha dog gis gdul bar bya ba yin na ni de dag gis kyang de bzhin gshegs pa'i sku sems can dmyal ba dang / dud 'gro dang / yi dwags dang / gshin rje'i 'jig rten du skyes pa'i bar gyi kha dog tu mthong ngo / /gzugs med par skyes pa'i bar gyi gzugs dang / lus dang / kha dog dang / spyod lam gang dang / gang gis sems can rnams 'dul bar 'gyur ba'i gzugs dang| lus dang / kha dog dang / spyod lam de dang / de lta bu de bzhin gshegs pa mthong ngo / /de bzhin du sgo nga las skyes pa dang / mngal nas skyes pa dang / drod gsher </font><hr>186b<br><font size=+1>


las skyes pa dang / rdzus te skyes pa dang / gzugs can dang / gzugs can ma yin pa dang / 'du shes can dang / 'du shes can ma yin pa dang / 'du shes med 'du shes med min gyi sems can rnams kyi gzugs dang / lus dang / kha dog dang / spyod lam gang dang / gang gis 'dul bar 'gyur ba'i gzugs dang / lus dang / kha dog dang / spyod lam de dang / der de bzhin gshegs pa mthong yang de bzhin gshegs pa ni sems can 'di dag gis gser gyi kha dog mthong bar gyur la/ nor bu rin po che bai DUR+Ya'i kha dog tu mthong bar ni ma gyur cig /sems can 'di dag gis ni nor bu rin po che bai DUR+Ya'i kha dog tu mthong bar gyur la/ nor bu rin po che and rnyil gyi kha dog tu mthong bar ni ma gyur cig /sems can 'di dag gis ni nor bu rin po che and rnyil gyi kha dog tu mthong bar gyur la/ nor bu rin po che mthon ka chen po'i kha dog tu mthong bar ni ma gyur cig |sems can 'di dag gis ni nor bu rin po che mthon ka chen po'i kha dog tu mthong bar gyur la/ nor bu rin po che 'od thams cad bsdus pa'i kha dog tu mthong bar ni ma gyur cig /sems can 'di dag gis ni nor bu rin po che 'od thams cad bsdus pa'i kha dog tu mthong bar gyur la/ nor bu rin po che dbang gi rgyal po'i kha dog tu mthong </font><hr>187a<br><font size=+1>


@#/ /bar ni ma gyur cig /sems can 'di dag gis ni nor bu rin po che dbang gi rgyal po'i kha dog tu mthong bar gyur la/ nor bu rin po che rgya mtsho'i gnas rnam par dag pa rin po che bkod pa kun nas 'od zer snang ba'i kha dog tu mthong bar ni ma gyur cig /sems can 'di dag gis ni nor bu rin po che rgya mtsho'i gnas rnam par dag pa rin po che bkod pa kun nas 'od zer snang ba'i kha dog tu mthong bar gyur la/ nor bu rin po che'i rgyal po seng ge ral pa can gyi kha dog tu mthong bar ni ma gyur cig /sems can 'di dag gis ni nor bu rin po che'i rgyal po seng ge ral pa can gyi kha dog tu mthong bar gyur la/ nor bu rin po che seng ge'i rgyal mtshan gyi rtse mo'i kha dog tu mthong bar ni ma gyur cig /sems can 'di dag gis ni nor bu rin po che seng ge'i rgyal mtshan gyi rtse mo'i kha dog tu mthong bar gyur la/ nor bu rin po che rgya byin thogs pa'i kha dog tu mthong bar ni ma gyur cig /sems can 'di dag gis ni nor bu rin po che brgya byin thogs pa'i kha dog tu mthong bar gyur la/ nor bu rin po che rdo rje snang ba'i kha dog tu mthong bar ni ma gyur cig /sems can 'di dag gis ni nor bu rin po che rdo rje snang ba'i kha dog tu mthong bar gyur la/ nor bu rin po che lha thams cad snang ba'i </font><hr>187b<br><font size=+1>


kha dog tu mthong bar ni ma gyur cig /sems can 'di dag gis ni nor bu rin po che lha thams cad snang ba'i kha dog tu mthong bar gyur la/ nor bu rin po che nyi zla snang ba'i kha dog tu mthong bar ni ma gyur cig /sems can 'di dag gis ni nor bu rin po che nyi zla snang ba'i kha dog tu mthong bar gyur la/ nor bu rin po che glog gi sgron ma'i kha dog tu mthong bar ni ma gyur cig /sems can 'di dag gis ni nor bu rin po che glog gi sgron ma'i kha dog tu mthong bar gyur la/ nor bu rin po che'i rgyal po yid bzhin gyi kha dog tu mthong bar ni ma gyur cig ces mi rtog /rnam par mi rtog go /de bzhin du sbyar te/ 'gro ba thams cad du skyes pa'i sems can rnams la'ang brjod par bya ste/ 'jam dpal/ de bzhin gshegs pa ni mi rtog /rnam par mi rtog mod kyi / 'on kyang lhun gyis grub cing rnam par mi rtog par de'i mdzad pa de lta bu de 'byung ngo // //bam po gnyis pa/ 'jam dpal/ dper na/ nor bu rin po che dbang gi rgyal po gang du 'byung ba der lcags dang / lcags las byas pa'i yo byad rnams mi 'byung mod kyi/ 'jam dpal/ 'on kyang nor bu rin po che dbang gi rgyal po ni mi rtog /rnam par mi rtog ste/ 'di snyam du bdag gang du 'byung ba der lcags dang / lcags las byas pa'i yo byad rnams 'byung bar ma </font><hr>188a<br><font size=+1>


@#/ /gyur cig snyam du mi sems mod kyi/ 'on kyang lhun gyis grub cing rnam par mi rtog par de'i bya ba de lta bu de 'byung ngo / /'jam dpal/ de bzhin du sangs rgyas kyi zhing gang du de bzhin gshegs pa byung ba der mu stegs can spyod pa pa dang / kun tu rgyu dang / gcer bu pa la sogs pa mu stegs can gyi gnas thams cad mi 'byung / der lta bar gyur pa thams cad mi 'byung / der 'khrug pa thams cad mi 'byung / der mtshams med pa lnga po dag mi 'byung / der mi dge ba bcu'i las kyi lam rnams mi 'byung / der rgyal po'i bka' lung dang / chos gces pa 'dor ba mi 'byung / der nyi zla'i 'od dag mi 'byung / der brgya byin dang / tshangs pa dang / 'jig rten skyong ba dag dang lha thams cad kyi 'od dag mi 'byung / der nor bu rin po che'i 'od rnams dang / me'i 'od rnams dang / glog gi 'od rnams mi 'byung / der yud tsam dang / yud tsam phyed dang / zla ba dang / zla ba phyed dang / lor bgrang ba rnams mi 'byung ste/ 'jam dpal/ gzhan dun sems can yongs su smin par bya ba'i phyir de bzhin gshegs pa'i byin gyi rlabs ni ma gtogs so/ /'jam dpal/ de bzhin gshegs pa ni mi rtog /rnam par mi rtog ste/ 'on kyang sems can gyi dbang gis </font><hr>188b<br><font size=+1>


lhun gyis grub cing rnam par mi rtog par de'i mdzad pa de lta bu de 'byung ngo / /'jam dpal/ dper na/ nor bu rin po che mthong ka chen po'i 'od kyis reg pa de dag thams cad nor bu rin po che mthon ka chen po'i kha dog tu 'gyur yang nor bu rin po cha mthon ka chen po ni mi rtog /rnam par mi rtog ste/ 'on kyang lhun gyis grub cing rnam par mi rtog par de'i bya ba de lta bu de 'byung ngo / /'jam dpal/ de bzhin du gang dag de bzhin gshegs pa la dmigs pa'i yid la byed pa'i 'od kyis reg pa de dag thams cad thams cad mkhyen pa nyid kyi kha dog tu 'gyur yang de bzhin gshegs pa ni mi rtog /rnam par mi rtog ste/ 'on kyang 'jam dpal lhun gyis grub cing rnam par mi rtog par de bzhin gshegs pa'i mdzad pa de lta bu de 'byung ngo / /'jam dpal/ dper na/ nor bu rin po che chen po bai DUR+Ya byi dor legs par byas pa mgo'i rgyan nam /mgul ba'i rgyan nam/ lag pa'i rgyan nam/ rkang pa'i rgyan yang rung ste/ gang dang / gang gis logs na rgyan du 'dug pa de dang / der rgyan du shin tu lam me/ lhan ne/ lhang nge'o/ /nor bu rin po che bai DUR+Ya de nyid kyi mthus rgyan de dag kyang shin tu lam me/ lhan ne/ lhang nger 'dug kyang nor bu rin po che chen po bai DUR+Ya mi rtog /rnam par mi rtog ste/ 'on kyang lhun </font><hr>189a<br><font size=+1>


@#/ /kyis grub cing rnam par mi rtog par de'i bya ba de lta bu de 'byung ngo / /'jam dpal/ de bzhin du de bzhin gshegs pa dgra bcom pa yang dag par rdzogs pa'i sangs rgyas kyang spyod lam gyi gnas gang dang / gang gis nyan thos kyi spyod pa'am/ rang sangs rgyas kyi spyod pa'am/ byang chub sems dpa'i spyod pa 'am| de bzhin gshegs pa'i spyod pa'am/ spyod pa po dang / kun tu rgyu dang / gcer bu pa'i spyod pa'am/ dud 'gro dang / yi dwags dang / gshin rje'i 'jig rten dang / sha za dang / grul bum dang / srin po'i spyod pa'am/ lha dang / klu dang / gnod sbyin dang / dri za'i spyod pa'am/ spyod pa gang dang / gang la gnas pa'i spyod pa de dang / de nyid shin tu lam me/ lhan ne/ lhang nge'o/ /de bzhin gshegs pa de nyid kyi mthus spyod pa de shin tu lam me/ lhan ne/ lhang nger rnam par mdzes kyang 'jam dpal/ de bzhin gshegs pa ni mi rtog /rnam par mi rtog ste/ 'on kyang lhun gyis grub cing rnam par mi rtog par de'i mdzad pa de lta bu de 'byung ngo / /'jam dpal/ dper na/ sa la gnas/ sa la brten nas sa bon thams cad dang / rtswa dang / shing gel pa dang / sman dang / nags tshal rnams skye zhing 'phel la shin tu </font><hr>189b<br><font size=+1>


rgyas pa nyid du 'gyur yang / 'jam dpal/ sa ni mi rtog /rnam par mi rtog ste/ 'on kyang lhun gyis grub cing rnam par mi rtog par de'i bya ba de lta bu de 'byung ngo / / 'jam dpal/ de bzhin du de bzhin gshegs pa la gnas/ de bzhin gshegs pa la brten nas sems can thams cad kyi dge ba'i rtsa ba thams cad skye zhing 'phel te/ shin tu rgyas pa nyid du 'gyur yang de bzhin gshegs pa ni mi rtog /rnam par mi rtog ste/ 'on kyang lhun gyis grub cing rnam par mi rtog par de'i mdzad pa de lta bu de 'byung ngo / /'jam dpal/ dper na/ sprin chen pos dzam+bu'i gling thams cad khebs par byas nas rtswa dang / shing gel ba dang / sman dang / nags tshal rnam pa tha dad pa rnams su char pa chen po rab tu bab ste/ ro gcig pa'i chu'i rgyun des rtswa dang / shing gel ba dang / sman dang / nags tshal rnam pa tha dad pa rnams skye bar byed cing gnas rnam pa tha dad pa rnams su chu de ro tha dad pa dang / kha dog tha dad par yang gnas la/ 'jam dpal/ sprin ni mi rtog/ rnam par mi rtog ste/ 'on kyang lhun gyis grub cing rnam par mi rtog par bya ba tha dad pa rnams 'byung ngo / /'jam dpal/ de bzhin du de bzhin gshegs pa dgra bcom pa yang dag par rdzogs pa'i </font><hr>190a<br><font size=+1>


@#/ /sangs rgyas kyang phyogs bcu'i 'jig rten gyi khams rab 'byams thams cad sangs rgyas kyi sku'i sprin gyis khyab par mdzad de/ sems can dge ba'i rtsa ba sna tshogs bsags pa/ smon lam dang / lhag pa'i bsam pa dang / mos pa tha dad cing mos pa tha dad pa la gnas pa/ thams cad la chos kyi char chen po mngon par phab ste/ 'jam dpal/ chos kyi char de'ang ro gcig pa yin mod kyi/ 'jam dpal/ sems can dge ba'i rtsa ba sna tshogs bsags pa/ smon lam dang / lhag pa'i bsam pa dang / mos pa tha dad cing mos pa tha dad pa la gnas pa/ dge ba'i rtsa ba dang / smon lam dang / lhag pa'i bsam pa dang / mos pa tha dad pa la zhugs pa rnams la rnam pa tha dad pa nyid kyi chos tha dad pa kho na'i char bas nus pa ji lta ba dang / mthu ji lta ba bzhin du dge ba'i rtsa ba bskyed kyang / 'jam dpal/ de bzhin gshegs pa ni mi rtog /rnam par mi rtog ste/ 'di lta ste/ sems can 'di dag la ni nyan thos kyi ye shes su 'gyur ba'i dge ba'i rtsa ba dag rnam par bskyed par bya'o/ /sems can 'di dag la ni sangs rgyas kyi ye shes su 'gyur ba'i dge ba'i rtsa ba dag rnam par bskyed pa bya'o/ /sems can 'di dag la ni sangs </font><hr>190b<br><font size=+1>


rgyas kyi ye shes su 'gyur ba'i dge ba'i rtsa ba dag rnam par bskyed par bya'o/ /sems can 'di dag la ni rgyal chen bzhi pa'i lha'i gnas su skye ba'i dge ba'i rtsa ba dag rnam par bskyed par bya'o/ /sems can 'di dag la ni sum cu rtsa gsum gyi gnas su skye ba'i dge ba'i rtsa ba dag rnam par bskyed par bya'o/ /de bzhin du sbyar te 'thab bral rnams dang / dga' ldan rnams dang / 'phrul dga' rnams dang / gzhan 'phrul dbang byed rnams dang / de bzhin du tshangs pa rnams dang / tshangs chen rnams dang / tshangs pa'i mdun na 'don rnams dang / 'od chung rnams dang / tshad med 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che ba rnams dang / mi che ba rnams dang / mi gdung ba rnams dang / gya nom snang rnams dang| shin tu mthong rnams dang / gnas gtsang ma'i ris rnams dang / 'og min rnams kyi dge ba'i rtsa ba dag rnam par bskyed par bya'o/ /bdud kyi ris kyi lha rnams kyi dge ba'i rtsa ba dag rnam par bskyed par bya'o snyam du/ 'jam dpal/ de bzhin gshegs pa ni mi rtog /rnam par mi rtog go /sems can 'di dag la ni rgyal por skye ba'i </font><hr>191a<br><font size=+1>


@#/ /dge ba'i rtsa ba sna tshogs dag rnam par bskyed par bya'o/ /sems can 'di dag la ni mir skye ba'i dge ba'i rtsa ba sna tshogs dag rnam par bskyed par bya'o/ /sems can 'di dag la ni dbang phyug tu 'gyur ba'i dge ba'i rtsa ba sna tshogs dag rnam par bskyed par bya'o snyam du/ 'jam dpal/ de bzhin gshegs pa ni mi rtog /rnam par mi rtog ste/ 'on kyang de bzhin gshegs pa ni lhun gyis grub cing rnam par mi rtog par sems can smon lam dang / lhag pa'i bsam pa dang / mos pa ji lta ba dang / dge ba'i rtsa ba ji ltar bsags pa bzhin du mdzad pa de lta bu de 'byung ste/ de bzhin gshegs pa ni thams cad du btang snyoms su bzhugs shing btang snyoms la rnam par mi rtog go /'jam dpal/ dper na/ nyi ma'i dkyil 'khor shar ma thag tu 'od zer bye ba khrag khrig 'bum phrag grangs med pa btang bas dzam+bu'i gling gi mun pa mun nag thams cad med par 'gyur yang nyi ma'i dkyil 'khor ni mi rtog /rnam par mi rtog ste/ 'on kyang lhun gyis grub cing rnam par mi rtog par bya ba de lta bu da 'byung ngo / /'jam dpal/ de bzhin du de bzhin gshegs pa'i nyi ma'i dkyil 'khor shar ma thag tu ye shes kyi 'od zer bye ba khrag khrig 'bum phrag </font><hr>191b<br><font size=+1>


grangs med pa btang bas sems can rnams kyi lta bar 'gyur ba'i mun pa thams cad med par gyur te/ sems can yongs su smin par bya ba'i phyir de bzhin gshegs pa'i byin gyi rlabs kyis 'jig rten gyi khams su lta bar gyur pa 'byung ba ni ma gtogs so/ /'jam dpal/ de bzhin gshegs pa ni ngas sems can rnams kyi lta bar gyur pa bsal la snyam mam/ bsal bar bya'o snyam du mi rtog /rnam par mi rtog mod kyi 'on kyang / 'jam dpal/ lhun gyis grub cing rnam par mi rtog par de bzhin gshegs pa'i mdzad pa de lta bu de 'byung ste/ 'jam dpal/ de bzhin gshegs pa ni thams cad du rnam par mi rtog cing mnyam ste btang snyoms pa'o/ /'jam dpal/ dper na/ sgyu ma sprul pa ni sgyu ma mkhan gyi dbang gis bya ba rnam pa sna tshogs dang / lus tha dad pa sna tshogs ston kyang / 'jam dpal/ sgyu ma sprul pa de ni brjod du med pa| ma skyes pa/ ma 'gags pa/ yi ge med pa/ sgra med pa/ yul med pa/ dngos po med pa/ bsam gyis mi khyab pa/ mtshan nyid med pa/ gnyis su med pa/ kun tu spyod pa med pa/ chos kyi dbyings dang mnyam zhing gnyen po med pa yin yang / 'jam dpal/ sgyu ma sprul pa ni sgyu ma mkhan gyi dbang gis lhun gyis grub cing rnam par mi rtog par </font><hr>192a<br><font size=+1>


@#/ /bya ba sna tshogs ston to/ /'jam dpal/ de bzhin du de bzhin gshegs pa dgra bcom pa yang dag par rdzogs pa'i sangs rgyas kyang sems can gyi dbang gis 'khor gyi nang na gzugs kyi sku dang / kha dog dang / sbyod pa dang / spyod lam dang / bya ba la 'jug pa'i gnas sna tshogs 'byung mod kyi/ 'jam dpal/ de bzhin gshegs pa de ni brjod du med pa/ ma skyes pa/ ma 'gags pa/ yi ge med pa/ sgra med pa/ yul med pa/ dngos po med pa/ bsam gyis mi khyab pa/ mtshan nyid med pa/ gnyis su med pa/ kun tu spyod pa med pa/ chos kyi dbyings dang mtshungs shing gnyen po med pa/ khams gsum las yang dag par 'das pa ste/ 'on kyang 'jam dpal de bzhin gshegs pa ni lhun gyis grub cing rnam par mi rtog par sems can gyi dbang gis mdzad pa sna tshogs dag ston to/ 'jam dpal/ dper na/ nyi ma ni gcig kho na yin na ri'i rgyal po ri rab kyi dbang gis gling bzhi rnams su sems can rnams kyis rnam pa mang po la mthong ste/ kha cig gis ni de 'char bar mthong / kha cig gis ni shar zin par mthong / kha cig gis bag dros pa tsam du mthong / kha cig gis ni dros chen tsam du shes/ kha </font><hr>192b<br><font size=+1>


cig gis ni nam phyed/ kha cig gis ni nyi ma phyed/ kha cig gis ni nyi ma mel tshe thun gcig tsam du shar bar shes/ kha cig gis ni nyi ma phyed yol tsam du shes/ kha cig gis ni nyi ma snur tsam du shes/ kha cig gis ni tho rangs tsam du shes te/ nyi ma'i dkyil 'khor gcig yin mod kyi/ 'on kyang gling bzhi dag tu sems can rnams kyi gzhan dang / gzhan dag tu mthong yang nyi ma'i dkyil 'khor ni mi rtog /rnam par mi rtog ste/ lhun gyis grub cing rnam par mi rtog bzhin du ri rab kyi dbang gis gling bzhi pa'i 'jig rten gyi khams su bya ba sna tshogs ston to/ /'jam dpal/ de bzhin du de bzhin gshegs pa dgra bcom yang dag par rdzogs pa'i sangs rgyas kyang sems can gyi dbang gis 'khor gcig kho na'i nang nas kyang sems can kha cig gis ni de bzhin gshegs pa mngon par rdzogs par 'tshang rgya bar shes/ kha cig gis ni yongs su mya ngan las 'da' bar shes/ kha cig gis ni bcom ldan 'das mngon par rdzogs par sangs rgyas par shes so/ /'khor de nyid kyi nang nas kha cig gis ni bcom ldan 'das yongs su mya ngan las 'das bar shes/ kha cig gis ni de bzhin gshegs pa bcom ldan 'das mngon par rdzogs par sangs rgyas nas lo bcu lon </font><hr>193a<br><font size=+1>


@#/ /par shes/ kha cig gis ni de bzhin gshegs pa yongs su mya ngan las 'das nas lo bcu lon par shes/ kha cig gis ni bcom ldan 'das kyis bstan pa snying por gyur par shes/ kha cig gis ni bcom ldan 'das kyis bstan pa nub par shes/ kha cig gis ni bcom ldan 'das kyis chos bstan nas lo bcu dang / nyi shu dang / sum cu dang / bzhi bcu dang / lnga bcu lon par shes/ kha cig gis ni bcom ldan 'das yongs su mya ngan las 'das nas lo bcu dang| nyi shu dang / sum cu dang / bzhi bcu dang / lnga bcu lon par shes/ kha cig gis ni bcom ldan 'das mngon par rdzogs par sangs rgyas nas lo brgya dang / lo stong lon par shes/ kha cig gis ni bcom ldan 'das yongs su mya ngan las 'das nas lo brgya dang / lo stong lon par shes/ kha cig gis ni bcom ldan 'das mngon par rdzogs par sangs rgyas nas lo stong phrag bcu dang / nyi shu dang / sum cu dang / bzhi bcu dang / lnga bcu lon par shes/ kha cig gis ni bcom ldan 'das yongs su mya ngan las 'das nas lo stong phrag bcu dang / nyi shu dang / sum cu dang / bzhi bcu dang / lnga bcu lon par shes/ kha cig gis ni bcom ldan 'das mngon par rdzogs </font><hr>193b<br><font size=+1>


par sangs rgyas nas bskal pa bye ba khrag khrig 'bum phrag bcu dang / nyi shu dang / sum cu dang / bzhi bcu dang / lnga bcu lon par shes/ kha cig gis ni bcom ldan 'das yongs su mya ngan las 'das nas bskal pa bye ba khrag khrig 'bum phrag bcu dang / nyi shu dang / sum cu dang / bzhi bcu dang / lnga bcu lon par shes so/ /'jam dpal/ 'khor 'di nyid kyi nang nas lha dang / mi kha cig gis ni bcom ldan 'das shAkya thub pa mngon par rdzogs par sangs rgyas nas bskal pa brjod du med pa'i yang brjod du med pa lon par shes/ 'jam dpal/ 'khor 'di nyid kyi nang nas lha dang / mi kha cig gis ni bcom ldan 'das shAkya thub pa yongs su mya ngan las 'das nas bskal pa brjod du med pa'i yang brjod du med pa lon par shes kyang / 'jam dpal/ de bzhin gshegs pa ni mi rtog /rnam par mi rtog ste/ 'on kyang lhun gyis grub cing rnam par mi rtog bzhin du sems can gyi dbang gis de bzhin gshegs pa'i mdzad pa de lta bu de 'byung ngo / /'jam dpal/ dper na/ dzam+bu'i gling du rlung gi dkyil 'khor chen po langs pas rtswa dang / shing gel pa dang / sman dang / nags tshal dang / lo ma thams cad g.yo/ rab tu g.yo/ kun tu rab tu g.yo/ /'gul/ rab tu 'gul/ kun tu rab 'gul/ 'ur 'ur/ rab tu </font><hr>194a<br><font size=+1>


@#/ /'ur 'ur/ kun tu rab tu 'ur 'ur/ 'khrugs/ rab tu 'khrugs/ kun tu rab tu 'khrugs shing lo ma kha cig ni shar phyogs su dma' la nub phyogs su mtho/ kha cig ni nub phyogs su dma' la shar phyogs su mtho/ lo ma kha cig ni mtha' dma' la dbus su mtho/ /kha cig ni byang phyogs dma' la lho phyogs su mtho'ang rtswa dang / shing gel pa dang / sman dang / nags tshal dang / lo ma rnams mi rtog /rnam par mi rtog ste/ 'on kyang / 'jam dpal/ rlung gi dkyil 'khor gyi dbang gis bya ba sna tshogs ston to/ /'jam dpal/ de bzhin du de bzhin gshegs pa dgra bcom pa yang dag par rdzogs pa'i sangs rgyas kyang mi rtog /rnam par mi rtog ste/ 'on kyang sems can gyi dbang gis rtag tu skad cig skad cig la gzugs kyi sku dang / kha dog dang / spyod pa dang / smon lam dang / bya ba la 'jug pa'i gnas grangs med pa dag phyogs bcu'i 'jig rten gyi khams mtha' yas mu med pa rnams su 'byung ngo / /'jam dpal/ sems can rnams kyi de bzhin gshegs pa la dmigs pa yid la byed pa ji snyed 'byung ba de snyed kyi bskal par sems can dmyal ba dang / dud 'gro dang / yi dwags dang / gshin rje'i </font><hr>194b<br><font size=+1>


'jig rten du skye ba'i rgyun chad cing ldog ste/ 'jam dpal/ de ltar de bzhin gshegs pa dgra bcom pa yang dag par rdzogs pa'i sangs rgyas ni yon tan tshad med pa dang ldan te/ de bzhin gshegs pa gcig la dmigs pa'i yon tan gyi mtha' yang byang chub sems dpa' sems dpa' chen po rnam par thar pa dang / ting nge 'dzin bsam gyis mi khyab pa la gnas pa rnams kyis kyang bskal pa bye ba khrag khrig 'bum phrag dpag tu med pa grangs med pa dag gis kyang rtogs par mi nus so/ /'jam dpal/ stong gsum gyi stong chen po'i 'jig rten gyi khams kyi lha rnams dang / mi rnams ni ches nyung gi phyi rol gyi drang srong mngon par shes pa lnga dang ldan pa 'dod pa dag la 'dod chags dang bral ba rnams kyis lha'i mig gis shing rta'i phang lo'i tshad tsam gyi sa phyogs gcig na sems can dag mthong ba ni ches mang ngo / /'jam dpal/ phyi rol gyi drang srong mngon par shes pa lnga dang ldan pa 'dod pa dag la 'dod chags dang bral ba rnams kyis lha'i mig gis stong gsum gyi stong chen po'i 'jig rten gyi khams na sems can dag mthong ba ni ches nyung gi /de bzhin gshegs pa'i nyan thos dgra bcom pa/ zag pa zad pa/ rnam par thar pa brgyad la bsam gtan </font><hr>195a<br><font size=+1>


@#/ /pas lha'i mig gis shing rta'i phang lo'i tshad tsam gyi sa phyogs gcig na sems can dag mthong ba ni ches mang ngo / /'jam dpal/ de bzhin gshegs pa'i nyan thos dgra bcom pa/ zag pa zad pa/ rnam par thar pa brgyad la bsam gtan pas lha'i mig gis stong gsum gyi stong chen po'i 'jig rten gyi khams na sems can ji snyed mthong ba de bas ni/ 'jam dpal/ rang sangs rgyas kyis lha'i mig gis shing rta'i phang lo'i tshad tsam gyi sa phyogs gcig na sems can dag mthong ba ni ches mang ngo / /'jam dpal/ rang sangs rgyas kyis lha'i mig gis stong gsum gyi stong chen po'i 'jig rten gyi khams na/ sems can ji snyed mthong ba de bas ni/ 'jam dpal/ byang chub sems dpa' rnam par thar pa dang / ting nge 'dzin bsam gyis mi khyab pa la gnas pas lha'i mig gis shing rta'i phang lo'i tshad tsam gyi sa phyogs gcig na sems can dag mthong ba ni ches mang ngo / /'jam dpal/ byang chub sems dpa' rnam par thar pa dang / ting nge 'dzin bsam gyis mi khyab pa la gnas pas lha'i mig gis stong gsum gyi stong chen po'i 'jig rten gyi khams na sems can ji snyed mthong ba de bas ni/ 'jam dpal/ de bzhin gshegs pas </font><hr>195b<br><font size=+1>


lha'i sbyan gyis shing rta'i phang lo'i tshad tsam gyi sa phyogs gcig na sems can dag gzigs pa ni chos grangs med do/ /'jam dpal/ de bzhin du phyogs bcu'i 'jig rten gyi khams rab 'byams thams cad na shing rta'i phang lo'i tshad tsam gyi sa phyogs thams cad na gnas pa'i sems can re re'i sems dang / sems las byung ba'i chos byung ba dang / 'byung ba dang / 'byung bar 'gyur ba gang dag gzigs pa de dag ni byang chub sems dpa' rnam par thar pa dang ting nge 'dzin bsam gyis mi khyab pa la gnas pa rnams kyis kyang bskal pa gang+gA'i klung gi bye ma snyed du'ang bgrang ba'am/ bsam pa'am/ grangs su bya bar sla ba ma yin te/ 'jam dpal/ sems can 'das pa dang / ma 'ongs pa dang / da ltar byung ba de dag gis sems dang sems las byung ba de dag ni de bzhin gshegs pa dgra bcom pa yang dag par rdzogs pa'i sangs rgyas kyis lhun gyis grub par skad cig thang cig yud tsam cig la rab tu mkhyen to/ /'jam dpal/ phyogs bcu'i 'jig rten gyi khams thams cad du gtogs pa'i sems can thams cad kyi sems dang sems las 'byung ba rnams rgyu gang dang / dmigs pa gang dang / rkyen gang gis ji ltar byung ba dang / 'byung ba dang / 'byung bar 'gyur </font><hr>196a<br><font size=+1>


@#/ /ba dang / sems can de dag gi spyod pa dang / spyod lam dang / bya ba la 'jug pa'i gnas gang dag byung ba dang / 'byung ba dang / 'byung bar 'gyur ba de dag de bzhin gshegs pas lhun gyis grub pa'i ye shes kyis rnam par mi rtog par skad cig thang cig yud tsam cig la yang dag pa ji lta ba bzhin du rab tu mkhyen to/ /'jam dpal/ sems can de dag ji ltar bla na med pa yang dag par rdzogs pa'i byang chub tu 'dul ba'ang lhun gyis grub pa'i ye shes kyi rnam par mi rtog par skad cig thang cig yud tsam cig la rab tu mkhyen to/ /'jam dpal/ sems can re re'i ma rig pa'i gnas kyi sa'i nyon mongs pa gang+gA'i klung gi bye ma bas mang ba de dag kyang de bzhin gshegs pas lhun gyis grub pa'i ye shes kyis rnam par mi rtog par skad cig thang cig yud tsam cig la rab tu mkhyen to/ /'jam dpal/ rgyu gang dang / dmigs pa gang dang / rkyen gang gis nyon mongs pa de dag ji ltar 'byung ba dang / thabs kyi shes pa gang gis sems can de dag gis nyon mongs pa ji ltar zhi bar 'gyur ba de dag kyang lhun gyis grub pa'i ye shes kyis rnam par mi rtog par skad cig thang cig yud tsam cig la rab tu mkhyen to/ /'jam dpal/ de ltar </font><hr>196b<br><font size=+1>


na de bzhin gshegs pa dgra bcom pa yang dag par rdzogs pa'i sangs rgyas rnams ni ye shes bsam gyis mi khyab pa dang ldan no/ /'jam dpal/ dper na/ zla ba'i dkyil 'khor ni nyi ma'i dbang gis dzam+bu'i gling du gzugs dang / kha dog dang / gzi brjid dang / 'od rab 'bring tha mar snang yang zla ba'i dkyil 'khor ni 'bri ba dang / 'phel ba'ang med de/ 'on kyang sems can rnams kyi las kyi rnam par smin pas nyi ma bgrang ba dang / yud tsam dang / yud tsam phyed kyi grangs brtsi bar bya ba de lta bu de 'ang 'byung la| 'jam dpal/ zla ba'i dkyil 'khor ni mi rtog /rnam par mi rtog ste/ 'on kyang lhun gyis grub cing rnam par mi rtog par de'i bya ba de lta bu de 'byung ngo / /'jam dpal/ de bzhin du de bzhin gshegs pa dgra bcom pa yang dag par rdzogs pa'i sangs rgyas kyang phyogs bcu'i 'jig rten gyi khams rab 'byams thams cad du bsam pa rab 'bring tha mas sems can rnams kyis de bzhin gshegs pa gzugs dang / kha dog dang / gzi brjid dang / 'od rab 'bring tha mar mthong yang / 'jam dpal| sems can gang gi dge ba'i rtsa ba dang / spyod pa dang / mos pa dang / smon lam gyi stobs dang / byin gyi rlabs ci 'dra ba yin pa de 'dra bar de bzhin gshegs pa </font><hr>197a<br><font size=+1>


@#/ /mthong ste/ 'jam dpal/ de bzhin gshegs pa la ni rab 'bring tha ma med do/ /de ci'i phyir zhe na/ 'jam dpal/ de bzhin gshegs pa dgra bcom pa yang dag par rdzogs pa'i sangs rgyas ni chos kyi sku ste/ shin tu ma skyes pa/ ma byung ba/ ma 'gags pa yin na/ 'jam dpal/ 'on kyang sems can rnams kyi bsam pa rab 'bring tha mas de bzhin gshegs pa rab 'bring tha mar mthong yang / 'jam dpal/ de bzhin gshegs pa ni mi rtog /rnam par mi rtog ste/ 'on kyang lhun gyis grub cing rnam par mi rtog par de'i bya ba de lta bu de 'byung ngo / /'jam dpal/ stong gsum gyi stong chen po'i 'jig rten gyi khams 'di na lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / brgya byin dang / tshangs pa dang / 'jig rten skyong ba dang / mi dang / mi ma yin pa rnams dang / tha na dud 'gro'i skye gnas su song ba'i sems can gang dag de bzhin gshegs pa la bshos gsol ba dang / gang dag bshos mi gsol ba dang / gang dag mthong ba dang / gang dag mi mthong ba dang / gang dag stong pa dang / gang dag mi stong pa dang / gang dag gshe ba dang / gang dag mi gshe ba dang / gang </font><hr>197b<br><font size=+1>


dag reg pa dang / gang dag mi reg pa de dag thams cad kyi bya ba de lta bu rnams kyang sangs rgyas kyi mthus lhun gyis grub cing rnam par mi rtog par 'byung ngo / /'jam dpal/ dper na| gang dag gis nor bu rin po che mthon ka chen po mthong ba dang / reg pa dang / spyod yul du gnas pa de dag thams cad ni nor bu rin po che mthon ka chen po'i kha dog tu 'gyur yang nor bu rin po che mthon ka chen po ni mi rtog /rnam par mi rtog go /'jam dpal/ de bzhin du sems can gang dag gis de bzhin gshegs pa tha na ri mor bris pa dang / gzugs su byas pa mthong ba dang / reg pa dang / de'i spyod yul yang shes pa de dag thams cad ni gzugs dang / kha dog bsam gyis mi khyab pa yongs su 'grub pa thob par 'gyur yang de bzhin gshegs pa ni mi rtog go /rnam par mi rtog /'jam dpal/ dper na rtsi'i rgyal po legs par mthong zhes bya ba sems can gnod sems kyi sems dang ldan pa'am/ dang ba'i sems dang ldan pa'ang rung / gang dag gis mthong ba de dag gi mig rnam par dag par 'gyur/ gnod sems kyi sems dang ldan pa'am/ dang ba'i sems dang ldan pa'ang rung / gang dag gis rna bas de rlung gis bskyed pa'i sgra thos pa de dag gis rna ba rnam par dag par 'gyur/ gnod sems kyi sems dang ldan pa'am/ dang ba'i sems dang ldan pa'ang rung </font><hr>198a<br><font size=+1>


@#/ /gang dag gis dri tshor ba de dag gi sna rnam par dag par 'gyur/ gnod sems kyi sems dang ldan pa'am/ dad pa'i sems dang ldan pa'ang rung| gang dag gi lces de'i ro myong ba de dag gi lce'i dbang po rnam par dag par 'gyur/ /gnod sems kyi sems dang ldan pa'am/ dang ba'i sems dang ldan pa'ang rung / gang dag lus kyis reg pa de dag gi lus rnam par dag par 'gyur yang / 'jam dpal/ rtsi'i rgyal po legs par mthong ba ni mi rtog /rnam par mi rtog ste/ 'on kyang lhun gyis grub cing rnam par mi rtog par de'i bya ba de lta bu de 'byung ngo / 'jam dpal/ de bzhin du gnod sems kyi sems dang ldan pa'am/ dad pa'i sems dang ldan pa'ang rung / gang dag gis de bzhin gshegs pa than ri mor bris pa dang / gzugs su byas pa mthong ba de dag gi dge ba'i rtsa ba des mig rnam par dag par 'gyur/ tha na dud 'gro'i skye gnas su song ba'ang rung ste/ gnod sems kyi sems dang ldan pa'am/ dang ba'i sems dang ldan pa'ang rung / gang dag gis de la sangs rgyas zhes bya ba'am/ de bzhin gshegs pa zhes bya ba'am/ 'jig rten mgon po zhes bya ba'am/ thams cad mkhyen pa zhes bya ba'i sgra thos pa de dag dge ba'i rtsa ba des rna ba'i dbang po rnam par dag </font><hr>198b<br><font size=+1>


par 'gyur/ gnod sems kyi sems dang ldan pa'am/ dang ba'i sems dang ldan pa'ang rung / gang dag gis de'i yon tan gyi dri tshor ba de dag dge ba'i rtsa ba des sna rnam par dag par 'gyur/ gnod sems kyi sems dang ldan pa'am/ dang ba'i sems dang ldan pa'ang rung / gang dag gis de'i chos kyi ro myong ba de dag dge ba'i rtsa ba des lce rnam par dag par 'gyur/ gnod sems kyi sems dang ldan pa'am/ dang ba'i sems dang ldan pa'ang rung / gang dag gis lus kyi reg pa de dag dge ba'i rtsa ba des lus rnam par dag par 'gyur yang / 'jam dpal/ de bzhin gshegs pa ni mi rtog /rnam par mi rtog ste/ ma 'dres pa'i chos dang ldan pa'i phyir lhun gyis grub cing rnam par mi rtog par de'i bya ba de lta bu de 'byung ngo / /'jam dpal/ dper na/ rtsi'i rgyal po 'bral ba zhes bya bas bskus pa'i rnga sgra sems can zug rdus zug pa dang bcas pa/ dug dang bcas pa gang dag gis thos pa de dag gis zug rdu thams cad 'byung zhing dug kyang mi gdug par 'gyur yang / 'jam dpal/ rtsi'i rgyal po 'bral ba ni mi rtog /rnam par mi rtog ste/ 'on kyang sems can rnams kyi las kyi rnam par smin pa'i dbang dang / rgyu rkyen tshogs pas lhun gyis grub cing rnam par mi rtog par rtsi'i rgyal po 'bral ba'i bya ba </font><hr>199a<br><font size=+1>


@#/ /de lta bu de 'byung ngo / /'jam dpal/ de bzhin du de bzhin gshegs pa'i mtshan thos ma thag tu sems can rnams kyi lta bar gyur pa'i zug rdu dag 'byung zhing 'dod chags dang / zhe sdang dang / gti mug gi dug kyang mi gdug par 'gyur yang / 'jam dpal/ de bzhin gshegs pa ni mi rtog /rnam par mi rtog ste/ 'on kyang / 'jam dpal/ lhun gyis grub cing rnam par mi rtog par de bzhin gshegs pa'i mdzad pa de lta bu de 'byung ngo / /de ci'i phyir zhe na/ ma 'dres ba'i chos dang ldan pa'i phyir ro/ /'jam dpal/ stong gsum gyi stong chen po'i 'jig rten gyi khams gyi rdul phra rab kyi rdul rnams ni ches nyung gi /bcom ldan 'das shAkya thub pas sngon byang chub sems dpa'i spyad pa spyod pa na phyogs bcu'i 'jig rten gyi khams gang+gA'i klung gi bye ma snyed dag tu 'jig rten gyi khams re rer yang rdul phra rab kyi rdul re re la bsdu ba'i dngos po bzhi po dag gis sems can yongs su smin par mdzad pa dag ni ches mang ngo / /'jam dpal/ phyogs bcu'i 'jig rten gyi khams gang+gA'i klung gi bye ma snyed dag gi rdul phra rab kyi rdul rnams ni ches nyung gi /bcom ldan 'das shAkya thub pas rgyun mi gcod par lhun gyis grub cing rnam </font><hr>199b<br><font size=+1>


par mi rtog par phyogs bcu'i 'jig rten gyi khams mtha' yas mu med pa dag tu rdul phra rab kyi rdul re re la sems can bla na med pa yang dag par rdzogs pa'i byang chub tu yongs su smin par mdzad zin pa dang / yongs su smin par mdzad pa dang / yongs su smin par mdzad par 'gyur ba dag ni ches mang ste/ 'jam dpal/ de ltar de bzhin gshegs pa dgra bcom pa yang dag par rdzogs pa'i sangs rgyas ni sems can yongs su smin par mdzad pa bsam gyis mi khyab pa dang ldan no/ /'jam dpal/ dper na/ zla ba'i dkyil 'khor ni nyi ma'i dbang gis 'bri ba dang / skye ba dang / mi snang bar 'gyur bar yang snang la/ zla ba'i dkyil 'khor la ni 'bri ba dang / mi snang ba dang / skye ba med de/ 'on kyang sems can rnams kyi sngon gyi dge ba'i las kyi rnam par smin pas nyi ma'i grangs dang / yud tsam dang / yud tsam phyed dang / zla ba phyed dang / zla ba dang / lo bgrang ba'i grangs bzhag pa'i phyir/ de bzhin gshegs pa'i byin gyi rlabs kyi sa bya ba de lta bu dag 'byung yang / 'jam dpal/ zla ba'i dkyil 'khor la ni 'bri ba'am/ 'phel ba'am/ mi snang bar 'gyur ba med de/ 'on kyang / 'jam dpal/ sems can rnams kyi sdon gyi dge ba'i las kyi rnam par smin pa dang / nyi ma'i dbang gis lhun </font><hr>200a<br><font size=+1>


@#/ /gyis grub cing rnam par mi rtog par zla ba'i dkyil 'khor gyi bya ba de lta bu de 'byung ngo / /'jam dpal/ de bzhin du de bzhin gshegs pa dgra bcom pa yang dag par rdzogs pa'i sangs rgyas kyang sngon dge ba'i rtsa ba'i tshogs bsags pa'i sems can rnams kyi nga rgyal dang / rgyags pa dang / dregs pa yang dag par gzhom pa'i phyir dang / sngon gyi dge ba'i rtsa ba'i tshogs rnams yongs su smin par bya ba'i phyir dang / de bzhin gshegs pa'i bstan pa la gzud pa'i phyir de bzhin gshegs pa'i dam pa'i chos 'grib pa dang nub par kun tu ston te/ 'jam dpal/ sems can gyi dbang gis de bzhin gshegs pa'i dam pa'i chos nub pa dang / 'grib pa dang / 'phel bar 'gyur mod kyi/ 'on kyang 'jam dpal sems can gyi dbang gis lhun gyis grub cing rnam par mi rtog par de bzhin gshegs pa'i mdzad pa de lta bu de 'byung ngo / 'jam dpal/ dper na/ nam mkha' la gnas/ nam mkha' la brten nas sems can thams cad kyi bya ba sna tshogs dag 'byung yang nam mkha' ni ma skyes pa/ ma 'gags pa/ 'dus ma byas pa/ yi ge med pa/ sgra med pa/ brjod du med pa/ brjod par bya ba ma yin nam/ gnyis su med pa/ gnyen </font><hr>200b<br><font size=+1>


po med pa ste/ 'on kyang lhun gyis grub cing rnam par mi rtog par de'i bya ba sna tshogs dag 'byung ngo / /'jam dpal/ de bzhin du de bzhin gshegs pa dgra bcom pa yang dag par rdzogs pa'i sangs rgyas la gnas/ de bzhin gshegs pa dgra bcom pa yang dag par rdzogs pa'i sangs rgyas la brten nas sems can thams cad kyi bya ba thams cad 'byung yang / 'jam dpal/ de bzhin gshegs pa ni mi skye mi 'gags te/ 'jam dpal/ de bzhin gshegs pa ni 'dus ma byas pa/ yi ge med pa/ sgra med pa/ brjod du med pa/ brjod par bya ba ma yin pa/ gnyis su med pa/ gnyen po med pa ste/ 'on kyang sngon gyi dge ba'i rtsa ba dang / spyod pa dang / smon lam gyi stobs dang / byin gyi rlabs kyis lhun gyis grub cing rnam par mi rtog par sems can rnams la de'i chos kyi mdzad pa sna tshogs dag kyang 'byung ngo / /'jam dpal/ theg pa chen po la mos pa'i byang chub sems dpa' sangs rgyas la dmigs pa'i yid la bya ba gcig gis kyang phyogs bcu'i 'jig rten gyis khams grangs med dpag tu med pa dag tu rdul phra rab kyi rdul re re la sems can dpag tu med grangs med pa dag ni bla na med pa'i ye shes rtogs par 'gyur bar byed/ sems can dpag tu med grangs med pa dag ni nyan thos dang / </font><hr>201a<br><font size=+1>


@#/ /rang sangs rgyas nyid du 'gyur bar byed/ sems can dpag tu med grangs med pa dag ni tshangs pa thob par byed/ sems can dpag tu med grangs med pa dag ni gzhan 'phrul dbang byed kyi lha'i 'jig rten du skye ba thob par byed/ sems can dpag tu med grangs med pa dag ni 'phrul dga'i lha'i 'jig rten du skye ba thob par byed/ sems can dpag tu med grangs med pa dag ni dga' ldan gyi lha'i 'jig rten du skye ba thob par byed/ sems can dpag tu med grangs med pa dag ni 'thab bral gyi lha'i gnas su skye ba thob par byed/ sems can dpag tu med grangs med pa dag ni sum cu rtsa gsum lha'i gnas su skye ba thob par byed/ sems can dpag tu med grangs med bdag ni rgyal chen bzhi pa'i lha'i gnas su skye ba thob par byed/ sems can dpag tu med grangs med pa dag ni lha'i rgyal po thob par byed/ sems can dpag tu med grangs med pa dag ni 'khor los bsgyur ba'i rgyal po thob par byed/ sems can dpag tu med grangs med pa dag ni stobs kyi 'khor los bsgyur ba'i rgyal po thob par byed/ sems can dpag tu med grangs med pa dag ni klu'i dbang po thob par byed/ sems can dpag tu med grangs med pa dag ni gnod sbyin gyi dbang po thob par byed/ sems can </font><hr>201b<br><font size=+1>


dpag tu med grangs med pa dag ni dri \?\ pa'i \?\ dbang po thob par byed/ sems can dpag tu med grangs med pa dag ni lha ma yin gyi dbang po thob par byed/ sems can dpag tu med grangs med pa dag ni mi'am ci'i dbang po thob par byed/ sems can dpag tu med grangs med pa dag ni lto 'phye chen po'i dbang po thob par byed/ sems can dpag tu med grangs med pa dag ni mi'i dbang \?\ po thob par byed/ sems can dpag tu med grangs med pa dag ni mir skye ba thob par byed/ sems can dpag tu med grangs med pa dag ni rigs chen por skye ba thob par byed na thal mo sbyor ba lta ci smos/ bdug pa phul ba lta ci smos/ de bzhin du mar me phul ba lta ci smos/ spos phul ba lta ci smos/ me tog phul ba lta ci smos/ mchod pa rnam pa mang po gzhan phul ba lta ci smos/ tshigs su bcad pa gcig tsam yang nyan pa dang / klog pa dang / 'dzin pa lta ci smos/ dam pa'i chos rnam pa mang po yongs su 'dzin pa lta ci smos te/ de bas chos grangs med pa'i sangs rgyas kyi mdzad pas nye bar gnas par 'gyur ro/ /'jam dpal/ byang chub sems dpa' bskal pa'am/ bskal pa brgya'am/ bskal pa dpag tu med grangs med par sems can dmyal ba dang / dud 'gro dang / yi dwags dang / gshin rje'i 'jig rten du skye ba </font><hr>202a<br><font size=+1>


@#/ /thob pa ni sla yi/ byang chub sems dpa' sangs rgyas mnyes par ma byas/ chos dang / dge 'dun mnyes par ma byas pa ni de lta ma yin no/ /'jam dpal/ de las sangs rgyas mi mnyes par byed pa dang / chos dang / dge 'dun mi mnyes par byed pa ni tha na bdag gi chung ma la mi tshangs par spyod pa las byung ba'i tshul bzhin ma yin pa yid la byed pa dang / byang chub sems dpa' la rnam par zhe sdang ba dang / byang chub sems dpa' la brnyas pa dang / byang chub sems dpa' la khyad du gsod pa dang / chos spong ba dang / chos 'dor ba dang / byang chub sems dpa' la gus par mi byed pa dang / dge ba'i bshes gnyen la bsnyen bkur mi byed pa dang / sems can yongs su smin par byed pa 'dor ba dang / bla ma dang / sbyin pa'i gnas dang / slob dpon dang / pha ma dang / dge sbyong dang / bram ze yang dag par song ba dang / yang dag par zhugs pa la gus par mi byed pa dang / chos smra ba/ chos khyad par can rtogs pa/ chos rgya chen po ston pa theg pa chen po la yang dag par gnas pa/ mya ngan las 'das pa'i lam gyi bya ba shes pa/ gzungs dang / mdo sde'i rgyal po thob pa rnams la mi 'dud cing brjid byed pa dang / khengs </font><hr>202b<br><font size=+1>


pa yin/ chos dang / chos smra ba la mi gus pa skyed pa dang / sri zhu dang / rim gro mi byed pa dang / chos rgya mtsho chen po bsgrags pa byung na la la zhig dad par gyur na mi rung ngo snyam nas chos smra
 
 gang zag la legs so zhes bya ba sbyin par mi byed pa dang / bdag shes pa la mi 'jug pa dang / chos la nges par sems pa mi skyed pa dang / mngon pa'i nga rgyal bskyed de bsngags par 'os pa'i gang zag rnams kyi bsngags pa bcabs shing mi snyan pa brjod pa dang / pha rol gyi yon tan dang / bsngags pa la mi dga' ba yin/ gang zag la zhe sdang bas chos la zhe sdang bar byed cing chos spong ba dang / gzhan dag kyang rtsod du 'jug pa dang / stan mthon po 'dod cing thabs tshol ba dang / gzhan las rim gror bya ba bdag gis byed cing mngon par dga' ba dang / gnas brtan rgan zhing yun ring du tshangs par spyad pa rnams la rim gro mi byed cing bsu bar mi byed la bzhin khro gnyer can yin/ rtag tu sems rtsub cing klan ka tshol ba dang / glags lta ba dang / nga rgyal bskyed nas mkhas pa'i gan du mi 'gro /mi ste na/ snyen par mi byed/ bkur sti mi byed cing dag ba ni gang / mi dge ba ni gang / bya ba ni gang / mi bya ba ni gang / bya ba ma yin pa ni gang / ci zhig </font><hr>203a<br><font size=+1>


@#/ /byas na yun ring po'i don dang / phan pa dang / bde bar 'gyur zhes mi 'dri ba dang / nges par 'byung bar mi lta zhing rtsod pa mang ba yin te/ 'jam dpal/ de ltar na sangs rgyas dang / chos dang / dge 'dun mi mnyes par byed pa yin no/ /'jam dpal/ dge ba'i bshes gnyen gyis yongs su zin pa'i byang chub sems dpa' ni dbang skur bar 'gyur ba'i gzungs thob par 'gyur/ rgya mtsho dam pa'i snying po dri ma med par snang ba 'od gsal ba'i gzungs thob par 'gyur ro/ /'jam dpal/ dge ba'i bshes gnyen gyis yongs su zin pa'i byang chub sems dpa' ni bskal ba bye ba khrag khrig 'bum phrag dpag tu med grangs med pa dag tu sems can dmyal ba dang / dud 'gro dang / yi dwags dang / gshin rje'i 'jig rten du gnas par 'gyur ba'i las rnams tshe 'di la rnam par smin par 'gyur te/ klad pa tsha bas sam / rims tsha bas sam/ rtsi ba logs na bas sam/ rgyal srid 'khrugs pas sam/ kla klo 'khrugs pas sam/ mu ge'i 'khrugs pas sam/ lus la gnod pa dang / yid la gnod pa gang yang rung bas brgyad bkag pas kyang tshe gcig la byang bar 'gyur te/ tha na rmi lam tsam gyis kyang byang bar 'gyur ro/ /'jam dpal/ dge ba'i bshes </font><hr>203b<br><font size=+1>


gnyen gyis yongs su zin pa'i byang chub sems dpa' ni sangs rgyas bye ba khrag khrig 'bum phrag dpag tu med pa dag las dge ba'i rtsa ba bskyed pa/ sbyin pa las byung ba dang / mchod pa las byung ba dang / de dag gi thad nas bslab pa bzung ba las byung ba rnams snga dro gcig gis zil gyis gnon te/ de ltar dge ba'i bshes gnyen la bsnyen bkur bya ba ni yon tan bsam gyis mi khyab bo/ /'jam dpal/ dge ba'i bshes gnyen gyis yongs su zin pa'i byang chub sems dpa' ni gter bcu rnyed par 'gyur te/ bcu gang zhe na/ sangs rgyas kyi chos thams cad la bgrang bar sbyor pa'i gter dang / sangs rgyas kyi chos thams cad la nges par sems pa'i gter dang / sangs rgyas kyi chos thams cad la gzungs snang ba'i gter dang / sangs rgyas kyi chos thams cad la so so yang dag par rig pa rab tu ston pa'i gter dang / sangs rgyas kyi chos thams cad la brjod du med pa'i tshul la mkhas pa rtogs par byed pa'i gter dang / sangs rgyas kyi rnam par 'phrul pa dang / cho 'phrul thams cad mngon sum du mthong ba'i gter dang / sangs rgyas kyi chos thams cad la mnyam pa nyid du sgrub pa la mkhas pa'i gter dang / sangs rgyas thams cad mthong ba dang mi 'bral </font><hr>204a<br><font size=+1>


@#/ /ba'i gter dang / sgyu mar gyur pa'i bskal pa bsam gyis mi khyab pa yongs su 'grub par 'jug pa la mkhas pa'i gter dang / sangs rgyas dang / byang chub sems dpa' thams cad la dga' ba dang / mchog tu dga' ba dang / dang ba chen po 'thob pa'i gter ro/ /'jam dpal/ dge ba'i bshes gnyen gyis yongs su zin pa'i byang chub sems dpa' ni dbang bcu thob par 'gyur te/ bcu gang zhe na/ 'di lta ste/ tshe'i tshad bskal pa brjod du med pa'i yang brjod du med pa dag tu byin gyis rlob pa'i phyir tshe la dbang ba dang / ting nge 'dzin dpag tu med grangs med pa dag la nges par sems pa'i ye shes la 'jug pa'i phyir sems la dbang ba dang / 'jig rten gyi khams thams cad bkod pa dang / rgyan du mas brgyan pa'i byin gyi rlabs kun tu ston pa'i phyir yo byad la dbang pa dang / 'jig rten gyi khams thams cad du skye ba kun tu ston pa'i phyir skye ba la dbang ba dang / dus ji lta ba bzhin du las kyi rnam par smin pa byin gyis rlob pa kun tu ston pa'i phyir las la dbang ba dang / 'jig rten gyi khams thams cad sangs rgyas kyis gang bar byin gyis rlob pa kun tu ston pa'i phyir mos pa la dbang ba dang / dus gang dang / gang gi tshe byang chub mngon </font><hr>204b<br><font size=+1>


par rdzogs par 'tshang rgya bar 'dod pa'i dus de dang / der byang chub mngon par rdzogs par 'tshang rgya ba dang / sangs rgyas kyi zhing gang dang / gang du 'dod pa'i sangs rgyas kyi zhing de dang| der byang chub mngon par rdzogs par 'tshang rgya ba'i phyir smon lam la dbang ba dang / sangs rgyas kyi zhing thams cad rdzu 'phrul dang / rnam par 'phrul pa kun tu ston pa'i phyir rdzu 'phrul la dbang ba dang mtha' dang / dbus med pa'i chos kyi sgo snang ba kun tu ston pa'i phyir chos la dbang ba dang / de bzhin gshegs pa'i stobs bcu dang / mi 'jigs pa dang / mtshan dang / dpe byad bzang po rnams dang / rdzogs pa'i byang chub kun tu ston pa'i phyir ye shes la dbang ba'o/ /'jam dpal/ dge ba'i bshes gnyen gyis yongs su zin pa'i byang chub sems dpa' ni skra'i khyon tsam gcig la phyogs bcu'i nam mkha' mthas klas pa'i 'jig rten gyi khams rnams 'jug par byed kyang sems can gang la'ang gnod pa dang / sgrib pa med de/ sngon ji lta bar phyis kyang de bzhin no/ /bskal pa dpag tu med grangs med/ /bsam gyis mi khyab/ mtshungs pa med pa rnams yud tsam gcig tu byin gyis rlob cing yud tsam gcig ni bskal pa dpag tu med grangs med/ bsam gyis mi khyab par byin gyis rlob ste/ bskal pa re re </font><hr>205a<br><font size=+1>


@#/ /la'ang mes 'jig pa dang / chus 'jig pa dang / rlung gis 'jig pa byin gyis rlob kyang sems can gang la'ang yo byad cis kyang phongs par mi 'gyur zhing lus la gnod pa'am/ sems la mi bde ba'ang mi 'byung la/ sems can gang ji ltar yongs su smin par 'gyur ba des bya ba de lta bu'ang shes so/ /'jam dpal/ dge ba'i bshes gnyen gyis yongs su zin pa'i byang chub sems dpa' ni 'dod na phyogs bcu'i phyogs re re'ang sangs rgyas kyi yul gyi mtha' klas pa'i bar gyi 'jig rten gyi khams rnams su/ 'jig rten gyi khams re re na rdul phra rab kyi rdul re re la sangs rgyas kyi yul gyi mtha' klas pa'i lus rnams kyis lus re res kyang dga' ldan gyi gnas nas shi 'phos pa dang / skye ba dang / mngon par 'byung ba dang / dka' ba spyod par sbyor ba dang / byang chub kyi snying por 'gro ba dang / bdud 'dul ba ston pa dang / mngon par rdzogs par byang chub pa dang / chos kyi 'khor lo bskor bar bskul ba dang / yongs su mya ngan las 'das pa chen po'ang ston to/ /'jam dpal| dge ba'i bshes gnyen gyis yongs su zin pa'i byang chub sems dpa' ni 'dod na phyogs bcu'i 'jig rten gyi khams re rer rdul phra rab kyi rdul re re la </font><hr>205b<br><font size=+1>


sangs rgyas kyi yul gyi mtha' klas pa'i sangs rgyas kyi zhing rnams 'jug par byed cing / phyogs bcu'i sangs rgyas kyi zhing thams cad kyi rgyan gyi yon tan bkod pa gang dag yin pa de dag zhing gcig tu ston par byed/ zhing gcig gi rgyan gyi yon tan bkod pa gang dag yin pa de dag zhing thams cad du ston par byed/ sangs rgyas kyi zhing thams cad du de bzhin gshegs pa thams cad kyi 'khor gyi nang na'ang snang la gnas nas kyang mi g.yo'o/ /'jam dpal/ dge ba'i bshes gnyen gyis yongs su zin pa'i byang chub sems dpa' ni 'dod na phyogs bcu'i 'jig rten gyi khams thams cad kyi sems can thams cad kyi lus sems can gcig gi lus su ston te/ sems can gcig gi lus sems can thams cad kyi lus su ston kyang lus 'dres par yang mi byed de/ sems can gang la'ang gnod par mi 'gyur zhing bya ba de lta bu de'ang ston te/ lhun gyis grub cing rnam par mi rtog par sems can rnams kyang yongs su smin par byed do/ /'jig rten gyi khams rab 'byams thams cad kyi sangs rgyas thams cad sangs rgyas gcig tu byin gyis rlob cing / de bzhin gshegs pa gcig kyang sangs rgyas kyi yul gyi mthas klas pa'i de bzhin gshegs pa thams cad du byin gyis rlob la de bzhin gshegs pa </font><hr>206a<br><font size=+1>


@#/ /rnams 'dres par yang mi 'gyur te/ lhun gyis grub cing rnam par mi rtog par bya ba de lta bu thams cad kyang ston to/ /lus gcig gis mnyam par 'jog la/ lus dpag tu med grangs med pa dag gis ldang zhing lus dpag tu med grangs med pa dag gis mnyam par bzhag la lus gcig gis ldang ngo // // bam po gsum pa ste tha ma/ 'jam dpal/ dge ba'i bshes gnyen gyis yongs su zin pa'i byang chub sems dpa' ni chos kyi dbyings la spyod yul ba'ang yin la sems can gyi khams la spyod yul bar yang snang ngo / /sangs rgyas kyi spyod yul la mngon par dga' ba'ang yin la bdud kyi spyod yul bar yang rnam par snang ngo / /mya ngan las 'das pa'i spyod yul ba'ang yin la 'khor ba'i spyod yul bar yang snang ngo / /thams cad mkhyen pa'i ye shes spyod yul pa'ang yin la byang chub sems dpa'i spyod yul bar yang snang ngo / /zhi ba'i spyod yul ba yang yin la ma zhi ba dang / rab tu ma zhi ba dang / nye bar ma zhi ba'i spyod yul ba'ang snang ste/ sems can rnams kyang 'dul lo/ /blang ba med pa dang / dor ba med pa dang / spros pa med pa dang / ma spros pa dang / mtshan ma med pa dang / dngos po med pa dang / shes par bya ba med pa dang / bar snang dang mtshungs </font><hr>206b<br><font size=+1>


pa spyod yul ba'ang yin la spros pa dang / mtshan ma dang / dmigs pa spyod yul ba'i sems can thams cad kyi nang na'ang snang ngo / /stobs bkod pa'i spyod yul ba'ang yin la gzugs bzang po'i spyod yul bar yang snang ngo / /chos thams cad skye ba med pa dang / 'gag pa med pas gnyen po spyod yul pa'ang yin la sems can yongs su smin par skyed pa'i spyod yul bar yang snang ngo / /ye shes dang / rnam par thar pa dang / mngon par shes pa dang / rig pa dang / rnam par grol ba'i spyod yul ba'ang yin la phyogs bcu'i 'jig rten gyi khams rab 'byams thams cad kyi lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten skyong ba dang / srin po dang / 'byung po dang / yi dwags dang / sha za dang / grul bum dang / srul po dang / lus srul po dang / sems can dmyal ba dang / dud 'gro'i skye gnas dang / gshin rje'i 'jig rten du skyes pa dang / sgo nga las skyes pa dang / mngal nas skyes pa dang / drod gsher las skyes pa dang / rdzus te skyes pa dang / gzugs can dang / gzugs can ma yin pa dang / 'du shes can dang / 'du shes can ma yin pa dang / 'du shes med 'du shes med min nas gzugs med </font><hr>207a<br><font size=+1>


@#/ /pa'i bar gyi sems can rnams yongs su smin par byed par yang snang ngo / /de bzhin gshegs pa'i spyod pa dang / mngon par rdzogs par byang chub pa dang / sangs rgyas kyi bkod pa thams cad kyi spyod yul thob pa'ang yin la nyan thos dang / rang sangs rgyas thams cad kyi cho ga dang / spyod lam yang kun tu ston to/ /'jam dpal/ dge ba'i bshes gnyen gyis yongs su zin pa'i byang chub sems dpa' ni sems can thams cad kyi sgra sems can gcig gi sgrar 'jug par byed la/ sems can gcig gi sgra sems can thams cad kyi sgrar 'jug par byed cing / sgra rnams 'dres par yang mi 'gyur sems can gang gi sgra la'ang sgrib par mi 'gyur ro/ /'jam dpal/ dge ba'i bshes gnyen gyis yongs su zin pa'i byang chub sems dpa' ni lhun gyis grub cing rnam par mi rtog par phyogs bcu'i 'jig rten gyi khams rab 'byams thams cad du rang gi lus sa'i khams dang / chu'i khams dang / me'i khams dang / rlung gi khams su byin gyis rlob bo/ /'jam dpal/ dge ba'i bshes gnyen gyis yongs su zin pa'i byang chub sems dpa' ni sems can gyi lus la zhing gi lus kun tu ston kyang sems can gyi lus dang 'dres par yang mi byed/ zhing gi lus la sems </font><hr>207b<br><font size=+1>


can gyi lus kun tu ston kyang zhing gi lus dang 'dres par yang mi byed do/ /sangs rgyas kyi sku la nyan thos dang / rang sangs rgyas kyi lus su kun tu ston kyang sangs rgyas kyi sku dman par yang mi byed do/ /nyan thos dang / rang sangs rgyas kyi lus la sangs rgyas kyi sku kun tu ston kyang nyan thos dang / rang sangs rgyas kyi lus rgya chen por yang mi byed do/ /spyod pa'i lus la mngon par rdzogs par byang chub pa'i sku kun tu ston kyang spyod pa'i rgyun chad par yang mi byed do/ /mngon par rdzogs par byang chub pa'i sku la spyod pa'i lus kun tu ston kyang mngon par rdzogs par byang chub pa'i sku nyams par yang mi byed do/ /mya ngan las 'das pa 'khor ba'i rgyun du ston kyang mya ngan las 'das pa la mngon par zhen pa 'ang mi skyed do/ / 'khor ba mya ngan las 'das pa kun tu ston kyang gtan du yongs su mya ngan las 'da' bas yongs su mya ngan las 'da' bar yang mi byed do/ /mnyam par yang bzhag la bya ba thams cad kyang ston te/ 'di lta ste/ 'ong ba dang / 'gro ba dang / 'greng ba dang / nyal bar byed do/ /spyod lam thams cad kyang kun tu ston la ting nge 'dzin rnam par 'khrug par mi byed do/ /de bzhin gshegs pa gcig gi zhabs kyi drung na chos nyan par yang snang la/ phyogs bcu'i 'jig rten gyi khams rab 'byams thams cad na de bzhin gshegs pa thams </font><hr>208a<br><font size=+1>


@#/ /cad kyi 'khor gyi dkyil 'khor dag na gzugs dang / lus dang / kha dog yongs su 'grub pa gzhan dang / gzhan dag gis kyang chos nyan la ting nge 'dzin tha dad par yang mi byed cing / chos kyang len la 'dzin te/ 'don cing kun chub par yang byed la sangs rgyas de dag las chos nyan pa'i rgyun chad par yang mi byed do/ /phyogs bcu'i 'jig rten gyi khams rab 'byams thams cad du gzugs dang / lus dang / kha dog yongs su 'grub pa tha dad pas sems can rnams yongs su smin par yang byed la lus tha dad par yang mi byed cing gnas nas kyang mi g.yo'o/ /phyogs bcu'i 'jig rten gyi khams rab 'byams thams cad du bya ba thams cad kun tu ston kyang ting nge 'dzin tha dad par yang mi byed do/ /sems kyi skad cig sems kyi skad cig la ting nge 'dzin bye ba khrag khrig 'bum phrag dpag tu med grangs med pa dag kyang mngon par sgrub la ting nge 'dzin tha dad par yang mi byed de/ 'jam dpal/ rnam grangs des na rnam par thar pa dang / ting nge 'dzin bsam gyis mi khyab pa la gnas pa'i byang chub sems dpa' sangs rgyas kyi zhing gi mthas klas pa'i bskal par ting nge 'dzin gyi sgo bskyab pa mngon par sgrub kyang byang chub sems dpa'i ting nge 'dzin gyi sgo bsgrub pa rnams kyi mthar thug par mi 'gyur ro/ / </font><hr>208b<br><font size=+1>


'jam dpal/ byang chub sems dpa'i ting nge 'dzin phun sum tshogs pa de thams cad ni dge ba'i bshes gnyen las nges par byung ngo / /'jam dpal/ de bzhin du gzungs kyi sgo brjod du med pa/ mngon par bsgrub pa/ mtha' yas dpag tu med grangs med/ bsam gyis mi khyab/ mtshungs pa med/ gzhal du med/ tshad med pa dag dang / gzungs thob pa phun sum tshogs pa de dag thams cad kyang dge ba'i bshes gnyen las nges par byung ngo / /stobs dang / mi 'jigs pa dang / sangs rgyas kyi chos ma 'dres pa dpag tu med/ grangs med/ bsam gyis mi khyab/ mtshungs pa med/ gzhal du med/ tshad med/ brjod du med pa phun sum tshogs pa rnams kyang de bzhin no/ /'jam dpal/ mdor bsdu na de ltar byang chub sems dpa'i sangs rgyas kyi chos bsgrub pa mtha' yas pa thams cad dang / sangs rgyas kyi chos phun sum tshogs pa thams cad ni dge ba'i bshes gnyen las nges par byung ba yin no| |'jam dpal/ dge ba'i bshes gnyen gyis yongs su zin pa'i byang chub sems dpa' ni chos kyi dbyings mtha' yas pa'i sgo la 'jug pa sems can la kun tu ston pa'i yul dang / 'jig rten gyi khams thams cad kyi rgyan sna tshogs du ma mngon par sgrub pa 'gro ba thams cad shes par byed pa'i yul dang / 'jig rten gyi khams thams cad du sprul </font><hr>209a<br><font size=+1>


@#/ /pa mngon par bsgrub pa'i yul dang / de bzhin gshegs pa'i sku byang chub sems dpa'i lus su mngon par bsgrub pa dang / byang chub sems dpa'i lus de bzhin gshegs pa'i skur mngon par bsgrub pa'i yul dang / nam mkha'i khams 'jig rten gyi khams su mngon par bsgrub pa dang / 'jig rten gyi khams nam mkha'i khams su mngon par bsgrub pa'i yul dang / 'khor ba mya ngan las 'das par mngon par bsgrub pa dang / mya ngan las 'das pa 'khor bar mngon par bsgrub pa'i yul dang / sems can gyi skad brjod pa gcig gis sangs rgyas kyi chos thams cad bstan pa'i yul dang / gdong dang / lus mtha' yas pa kun tu bstan pa lus gcig tu byin gyis brlab cing lus kyi rim pa thams cad mngon par bsgrub pa'i yul dang / lus gcig gis chos kyi dbyings rgyas par 'gengs pa'i yul dang / sems can gcig gis sems bskyed pa rnams la sems kyi skad cig sems kyi skad cig re re la'ang sgo mtha' yas pas bsgrub pa'i byang chub rnam par mi rtog pa'i yul dang / 'jam dpal/ de la sogs pa yul bye ba khrag khrig 'bum phrag dpag tu med/ grangs med/ bsam gyis mi khyab pa de dag byang chub sems dpa' la yang dag par 'grub bo/ /'jam dpal/ dge ba'i bshes </font><hr>209b<br><font size=+1>


gnyen gyis yongs su zin pa'i byang chub sems dpa' ni 'jig rten gyi khams thams cad 'jig rten gyi khams gcig tu mos shing 'jug go /'jig rten gyi khams gcig 'jig rten gyi khams thams cad du mos shing 'jug go /'jig rten gyi khams thams cad pad+ma'i gdan gcig dang / de bzhin gshegs pa'i sku gcig gis yongs su khyab par mos shing 'jug go /'jig rten gyi khams thams cad nam mkha'i ngo bo nyid du kun tu ston par mos shing 'jug go /'jig rten gyi khams thams cad sangs rgyas kyi rgyan du mos shing 'jug go /'jig rten gyi khams thams cad byang chub sems dpa'i lus kyis yongs su khyab par mos shing 'jug go /'jig rten gyi khams thams cad skra tsam gyi khyon gcig la 'jog par mos shing 'jug go /'jig rten gyi khams thams cad lus gcig tu 'jug pa dang ldan par mos shing 'jug go /'jig rten gyi khams thams cad de bzhin gshegs pa gcig gi byang chub kyi shing dang / byang chub kyi snying pos yongs su khyab par mos shing 'jug go /'jig rten gyi khams thams cad sgra skad gcig gis go bar byed cing sems can gyi khams sna tshogs kyi sgra la 'jug pas tshim par byed par mos shing 'jug go /sems can thams cad kyi ngo bo nyid dang / lus su mos shing 'jug go /sems can gyi khams thams </font><hr>210a<br><font size=+1>


@#/ /cad sems can gcig gi lus la 'jug pa dang ldan par mos shing 'jug go /sems can gyi khams thams cad byang chub sems dpa'i khong du song bar mos shing 'jug go /sems can gyi khams thams cad de bzhin gshegs pa'i khong du zhugs par mos shing 'jug go /sems can gyi khams thams cad sems can gcig gi lus la brten par mos shing 'jug go /sems can gyi khams thams cad sangs rgyas kyi chos kyi snod du mos shing 'jug go/ sems can gyi khams thams cad brgya byin dang| tshangs pa dang / 'jig rten skyong ba gang 'dod pa dang / mos pa'i gzugs dang / lus dang / kha dog dang / rtags la mngon du phyogs pa ston par mos shing 'jug go/ / sems can gyi khams thams cad nyan thos dang / rang sangs rgyas kyi gzugs dang / lus dang / kha dog dang / rtags dang / tshul du ston par mos shing 'jug go /sems can gyi khams thams cad byang chub sems dpa'i yon tan gyi sa legs par brgyan pa'i byin gyi rlas kun tu ston par mos shing 'jug go /sems can gyi khams thams cad de bzhin gshegs pa'i gzugs dang / mtshan dang / dpe byad bzang po dang / gzugs dang / lus dang / kha dog sna tshogs dang / spyod lam dang / spyod pa kun tu </font><hr>210b<br><font size=+1>


ston pa gzhan shes par byed par mos shing 'jug go /'jam dpal/ dge ba'i bshes gnyen gyis yongs su zin pa'i byang chub sems dpa' ni 'dod pa'i khams nas kyang mi g.yo la/ gzugs dang / gzugs med pa na spyod pa'i bsam gtan dang / rnam par thar pa dang / ting nge 'dzin la snyoms par 'jug pa rnams la'ang snyoms par 'jug cing de dag gi dbang gis kyang mi skye'o/ /nyan thos kyi lam mngon du shes pa la zhugs pa'ang yin la snying rje chen po'i stobs kyang rgyun mi gcod do/ /rang sangs rgyas kyi lam mngon du shes shing mthong ba la mkhas pa'ang yin la snying rje chen po'i stobs kyang rgyun mi gcod do/ /g.yog 'khor mang pos yongs su bskor ba'ang yin la/ lha dang / mi'i g.yog 'khor mang po rnam par dag pa dang yang ldan no/ /lha'i bu mo 'bum dag glu dbyangs rjes su sgrogs shing sil snyan 'bum dag sil khrol 'byin pa dang yang ldan la byang chub sems dpa'i lam dang ldan pa'i bsam gtan dang / ting nge 'dzin dang / snyoms par 'jug pa rnams kyang mi 'dor ro/ /'gro ba'i dga' ba dang / rtse ba dang / bzhad gang dang / 'jo sgeg thams cad dang| sems can brkam chags pa'i 'du 'ji thams cad kyi nang na gnas pa'ang yin la sems kyi skad cig gcig la'ang byang chub kyi sems kyi mnyam pa nyid kyang mi 'dor ro/ / </font><hr>211a<br><font size=+1>


@#/ /'jig rten las 'das pa'ang yin te/ 'jig rten thams cad dang ma 'dras la pha rol tu 'gro ba'i lam la slob par yang snang zhing las dang / nyon mongs par bying ba'i sems can rnams yongs su smin par yang byed do/ /lam la gnas shing lam la ji lta ba bzhin du shes pa mthong ba la zhugs pa'ang yin la/ lam ngan par lhung ba'i sems can yongs su smin par bya ba'i phyir la ma ngan pa na'ang snang zhing lam de la snying por 'du shes pa'ang ma yin la des dag par 'dod pa'ang ma yin no/ /lus dang / ngag dang / yid kyi las kyi mtha' kha na ma tho ba med pa'ang yin te/ rtag tu tshul khrims legs par bsrung zhing de bzhin gshegs pa'i tshul khrims rnam par dag pa la'ang gzhol la sems can tshul khrims 'chal pa yongs su smin par bya ba'i phyir byis pa so so'i skye bo phal po'i spyod yul ba la'ang kun tu snang ngo / /bsod nams dang / ye shes kyi tshogs bsags shing byang chub sems dpa'i 'gro ba la'ang gzhol la ngan 'gror skyes pa'i sems can yongs su smin par bya ba'i phyir sems can dmyal ba dang / dud 'gro'i skye gnas dang / gshin rje'i 'jig rten dang / mi khom pa dang / dbul po'i khyim du skye ba'i 'gro ba'ang kun tu ston la 'gro ba der yang dag par gzhol ba'ang ma </font><hr>211b<br><font size=+1>


yin no/ /ye shes dang / spobs pa thogs pa med pa'i sangs rgyas kyi chos la zhugs pas gzhan gyi dring la mi 'jog pa'i ye shes la mkhas pa'ang yin no/ /de bzhin gshegs pa thams cad kyi byin gyi rlabs kyis byin gyis brlabs pa dang / sangs rgyas thams cad kyi sku dang / lus gzugs gcig tu gyur ba dang / sems can thams cad dang thun mong ma yin pa'i chos kyi tshul dang / dgongs pa snang ba rtogs pa dang / theg pa thams cad mnyam pa nyid kyis byin gyis brlabs pa dang / sangs rgyas thams cad kyi spyod yul la mngon du phyogs pa dang / 'gro ba thams cad kyis bsngags par 'os pa dang / sems can gyi khams thams cad kyis gdong du lta ba dang / 'gro ba thams cad kyi slob dpon du gyur pa dang / zab cing brtan pa'i rgya mtsho'i chu'i dus rlabs lta bu'i ting nge 'dzin gyis rnam par rtse ba dang / sangs rgyas kyi sku dang / kha dog mtha' yas pa yongs su 'grub pa sgrub pa'i gzungs thob pa'ang yin la chos yongs su tshol ba'i rgyun yang mi gcod do/ /lha dang / mi dang / lha ma yin dang / dri zar bcas pa'i 'jig rten gyi slob dpon dam pa'ang yin la/ tsog tsog por 'dug ste thal mo sbyar nas mkhan po dang / slob dpon las chos len par yang kun tu ston cing gus par bya ba thams cad kyi nye bar gnas par yang snang ste/ byang chub sems dpa'i </font><hr>212a<br><font size=+1>


@#/ /lam la gnas nas thabs gang dang / gang gis sems can rnams yongs su smin pa'am/ 'dul bar 'gyur ba'i thabs de dang / de nyid sems can rnams la ston to/ /dge ba'i rtsa ba thams cad shin tu bsdus pa dang / byang chub sems dpa'i spyod pa thams cad kyi rtse mor phyin pa dang / de bzhin gshegs pa thams cad kyis dbang bskur bas dbang bskur ba dang / chos kyi dbang phyug gi bdag po dam pa'i mchog thob pa dang / chos kyi cod pan thogs pa med cing dri ma med pas bcings pa dang / 'jig rten gyi khams thams cad du thogs pa med par de bzhin gshegs pa'i sku kun tu ston pa dang / thogs pa med par chos kyi 'khor lo skor ba'i byin gyi rlabs dang / ldan pa dang / lus gzugs 'jig rten gyi khams thams cad du zhugs pa dang ldan pa dang / chos thams cad kyi dbang phyug dam pa'i mchog thob pa dang ldan pa dang / byang chub sems dpa'i dbang thams cad thob pa dang / 'gro ba'i zhing thams cad du skye ba ston pa'i shes pa dang ldan pa dang / 'das pa dang / ma 'ongs pa dang / da ltar byung ba'i de bzhin gshegs pa thams cad dang yul gcig tu gyur pa'ang yin la byang chub sems dpa'i spyad pa'i rgyun yang mi gcod/ byang chub sems dpa' mngon par 'du bya ba'i </font><hr>212b<br><font size=+1>


stobs las kyang yongs mi nyams/ byang chub sems dpa'i spyod pa'i byin gyi rlabs las kyang thag ring du mi 'gyur/ byang chub sems dpa'i chos nyid kyang mi 'dor/ byang chub sems dpa'i las kyi mtha' las kyang mi 'da'/ byang chub sems dpa'i lam las kyang phyir mi ldog /byang chub sems dpa'i bya ba la zhum par yang mi byed do/ /'jam dpal/ dge ba'i bshes gnyen gyis yongs su zin pa'i byang chub sems dpa' ni chos thams cad la blang ba med pa dang / dor ba med pa dang / 'degs pa med pa dang / 'jog pa med pa dang / sgyu ma dang / smig rgyu dang / rmi lam dang / mi ga yor dang / gzugs brnyan dang / chu zla dang / stong pa nyid dang / mtshan ma mang po dang / smon pa med pa dang / mngon par 'du bya ba med pa dang / brjod du med pa dang / smrar med pa dang / bsnyad du med pa dang / de bzhin nyid dang / yang dag pa'i mtha' dang / rnam par 'jig pa med pa dang / mnyam pa nyid dang / dbyer med pa dang / gnyis su med pa zhes bya ba de ni de'i dmigs pa yin te/ chos thams cad ni gnyen po med pa'i phyir ro/ /chos thams cad ces bya ba de ni de'i dmigs pa ste| 'du shes pa 'dzin pa'i phyir dmigs pa'o/ /de ci'i phyir zhe na/ sems med pa la sems su dmigs pa ni 'du shes phyin ci log yin pa'i phyir te/ sems phyin ci </font><hr>213a<br><font size=+1>


@#/ /log tu gyur na sems myos par 'gyur ro/ /sems myos na sems bslad par 'gyur ro/ /sems bslad pa las sems skrag par 'gyur ro/ / sems skrag pa las byang chub kyi sems nyams par 'gyur ro/ /'jam dpal/ de lta bas na byang chub sems dpas sems la sems kyi rjes su blta bar bya'o/ /'jam dpal/ dge ba'i bshes gnyen gyis yongs su zin pa'i byang chub sems dpa' ni dbang bcu thob par 'gyur te/ bcu gang zhe na/ 'di lta ste/ tshe la dbang ba dang / sems la dbang ba dang / yo byad la dbang ba dang / las la dbang ba dang / skye ba la dbang ba dang / mos pa la dbang ba dang / smon lam la dbang ba dang / rdzu 'phrul la dbang ba dang / chos la dbang ba dang / ye shes la dbang ba'o/ /rnam par sprul pa bcu'ang thob ste/ bcu gang zhe na/ 'di lta ste/ sems can rnam par sprul pa dang / zhing rnam par sprul pa dang / / chos rnam par sprul pa dang / lus rnam par sprul pa dang / smon lam rnam par sprul pa dang / spyod yul rnam par sprul pa dang / ye shes rnam par sprul pa dang / mngon par shes pa rnam par sprul pa dang / rdzu 'phrul rnam par sprul pa dang / stobs rnam par sprul pa'o/ /'jam dpal/ dge ba'i bshes gnyen gyis yongs su zin pa'i byang chub </font><hr>213b<br><font size=+1>


sems dpa' ni sems can gyi khams thams cad kyi mos pa la 'jug pa dang / sangs rgyas kyi zhing tha dad pa nyid la 'jug pa dang / phyogs thams cad kyi dri ba rnam par 'byed pa la 'jug pa dang / 'jig rten gyi khams steng g.yogs med cing gzhi phyal ba'i rgyud thams cad la 'jug pa dang / chos thams cad gcig pa dang / tha dad pa nyid rab 'byams rnam par bzhag pa la mkhas pa la 'jug pa dang / las thams cad bsgyur bar gzhug pa la 'jug pa dang / 'du shes phyin ci log gis phyin ci log tu gyur pa'i 'jig rten gnas pa tha dad pa nyid kyi 'du shes can tha dad pa nyid la 'jug pa dang / chos thams cad bsgyur ba la 'jug pa'i mtha' nges par 'byung ba gcig la 'jug pa dang / chos kyi dbyings thams cad de bzhin gshegs pa'i rnam par sprul par byin gyis rlob pa la 'jug pa dang / 'gro ba thams cad dus gsum la 'jug pa dang / sangs rgyas thams cad kyi gdung rgyun mi chad pa la bzhugs pa'i ye shes mngon par sgrub bo/ /'jam dpal/ dge ba'i bshes gnyen gyis yongs su zin pa'i byang chub sems dpa' ni sangs rgyas bye ba khrag khrig 'bum phrag dpag tu med grangs med pa dag las dge ba'i rtsa ba bskyed pa sbyin pa las byung ba dang / mchod pa las byung ba dang / de dag gi thad nas bslab pa bzung ba </font><hr>214a<br><font size=+1>


@#/ /las byung ba rnams snga dro gcig gis zil gyis gnon te/ 'jam dpal/ de ltar dge ba'i bshes gnyen ni yon tan bsam gyis mi khyab pa dang ldan no| |'jam dpal/ dge ba'i bshes gnyen gyis yongs su zin pa'i byang chub sems dpa' rnams ni bla na med pa yang dag par rdzogs pa'i byang chub mngon par rdzogs par 'tshang rgya ste de dag phyogs bcu'i 'jig rten gyi khams mtha' yas pa mu med pa dag tu 'jig rten gyi khams re re na'ang rdul phra rab kyi rdul re re la dus gsum la 'jug cing bskal ba'i phyi ma'i mtha'i mur thug par bskal par byin gyis brlabs te/ dus gsum la 'jug pa'i chos ston to/ /de ci'i phyir zhe na/ 'jam dpal/ de bzhin gshegs pa dgra bcom pa yang dag par rdzogs pa'i sangs rgyas rnams ni rtag pa/ brtan pa/ ther zug pa yin pa'i phyir ro/ /'jam dpal/ dge ba'i bshes gnyen gyis yongs su zin pa'i byang chub sems dpa' rnams kyi 'du shes phyin ci log tu mi 'gyur ro/ /'jam dpal/ 'du shes phyin ci log gis sems phyin ci log tu gyur pa'i sems can rnams 'di dag ni sangs rgyas kyi chos so/ /'di dag ni sangs rgyas kyi chos ma yin no zhes mngon par zhen nas chos spong bar byed do/ /mi dge ba'i las sna tshogs kyang byed do/ / </font><hr>214b<br><font size=+1>


'jam dpal/ sangs rgyas kyi chos rnams ni skye ba'am/ 'gag pa med de/ 'jam dpal/ sangs rgyas kyi chos rnams ni ma skyes pa/ ma 'gags pa/ yi ge med pa/ sgra med pa| gnyis su med pa/ gnyen po med pa/ sgra las yang dag par 'das pa'o/ /de ci'i phyir zhe na/ gnyen po med pa'i phyir ro/ /'jam dpal/ 'di dag ni sangs rgyas kyi chos so/ / 'jam dpal/ 'di dag ni sangs rgyas kyi chos ma yin no/ /zhes bya ba 'di gnyis ni mtha' ste/ 'jam dpal/ mtha' gang yin pa de ni sangs rgyas kyi chos ma yin te/ 'jam dpal/ sangs rgyas kyi chos ni mtha' med pa'i ngo bo nyid do/ /'jam dpal/ mtha' med pa'i ngo bo nyid ni mi skye mi 'gag go /'jam dpal/ mi skye mi 'gag pa gang yin pa de ni mtha' dang / mtha' med pa yongs su spangs pa ste/ yi ge med pa dang / sgra med pa/ sgra las yang dag par 'das pa/ gdags par bya ba ma yin pa/ gnyis su med pa/ gnyen po med pa'o/ /'jam dpal/ gang \?\ gnyen po med pa de ni mi skye mi 'gag go /gang mi skye mi 'gag pa de ni sangs rgyas kyi bka' yin no/ /de ci'i phyir zhe na/ 'jam dpal/ de bzhin gshegs pa ni chos kyi sku ste/ shin tu ma skyes pa/ ma byung ba/ ma 'gags pa'o/ /de la ni tshigs med mod kyi sngon gyi dge ba'i rtsa ba dang / spyod pa dang / smon lam </font><hr>215a<br><font size=+1>


@#/ /gyi stobs bskyed pa'i byin gyi rlabs kyis sems can dag gis de bzhin gshegs pa mthong ngo / /'jam dpal/ dper na/ nor bu rin po che chu 'dang bar byed pa chu'i nang du bcug ma thag tu 'dam rdzab dang / rnyog pa thams cad 'dang bar byed kyang / 'jam dpal/ nor bu rin po che chu 'dang bar byed pa ni mi rtog /rnam par mi rtog ste| 'on kyang lhun gyis grub cing rnam par mi rtog par de'i bya ba de 'byung ngo / /'jam dpal/ de bzhin du de bzhin gshegs pa byung ma thag tu phyogs bcu'i 'jig rten gyi khams rab 'byams thams cad kyi sems can thams cad kyi nyon mongs pa'i 'dam rdza ba dang / rnyog pa thams cad dang bar byed kyang de bzhin gshegs pa ni mi rtog /rnam par mi rtog ste/ 'on kyang lhun gyis grub cing rnam par mi rtog par de'i bya ba de lta bu de 'byung ngo / /'jam dpal/ dper na/ rdza mkhan gyi 'khor lo shin tu myur zhing stobs kyi shugs kyis 'phangs pa ni rdza mkhan gyi dbang gis snod spyad sna tshogs mngon par 'du byed kyang / 'jam dpal/ rdza mkhan gyi 'khor lo ni mi rtog /rnam par mi rtog ste / 'on kyang lhun gyis grub cing rnam par mi rtog par de'i bya ba de lta bu de 'byung ngo / /'jam dpal/ de bzhin du de bzhin gshegs pa dgra bcom pa yang dag par rdzogs pa'i </font><hr>215b<br><font size=+1>


sangs rgyas kyang sngon gyi dge ba'i rtsa ba dang / spyod pa dang / smon lam gyi stobs kyi byin gyi rlabs kyi shugs kyis sems can gyi dbang gis sems can rnams la dge ba'i rtsa ba sna tshogs mngon par 'du mdzad kyang de bzhin gshegs pa ni mi rtog /rnam par mi rtog ste/ 'on kyang lhun gyis grub cing rnam par mi rtog par de'i bya ba de lta bu de 'byung ste| sangs rgyas kyi chos ma 'dres pa dang ldan pa'i phyir ro/ /'jam dpal/ sems can gang dag de bzhin gshegs pa la bshos gsol ba dang / gang dag bshos mi gsol ba dang / gang dag gis mthong ba dang / gang dag gis ma mthong ba dang / gang dag gis bstod pa dang / gang dag mi bstod pa dang / gang dag gshe ba dang / gang dag mi gshe ba dang / gang dag zhu ba byed pa dang / gang dag zhu ba mi byed pa de dag thams cad kyi bya ba rnams kyang sangs rgyas kyi byin gyi rlabs kyis lhun gyis grub cing rnam par mi rtog par 'byung ngo / /'jam dpal/ de bzhin gshegs pa'i khyu mchog tu gyur pa thams cad kyang dge ba'i bshes gnyen gyis yongs su zin pa las 'byung ngo / /'jam dpal/ dge ba'i bshes gnyen gyis yongs su zin pa'i byang chub sems dpas sangs rgyas kyi sku dang / kha dog mtha' yas pa yongs su 'grub pa grub pa'i gzungs thob ste/ gzungs de </font><hr>216a<br><font size=+1>


@#/ /thob pas phyogs bcu'i 'jig rten gyi khams thams cad sangs rgyas kyi skus khyab par byed do/ /'jig rten gyi khams re rer yang mngon par rdzogs par byang chub pa'i sku ston to/ /lhun gyis grub cing rnam par mi rtog par chos kyi 'khor lo bskor ba grangs med pa dang / chos tha dad pa nyid grangs med pa ston te gnas nas kyang mi g.yo'o/ /'jam dpal/ de ltar na dge ba'i bshes gnyen rnams ni yon tan bsam gyis mi khyab pa dang ldan pa yin no/ /'jam dpal/ de lta bas na byang chub sems dpas de bzhin gshegs pa la bya ba bzhin du dge ba'i bshes gnyen rnams la bsten par bya'o/ /bsnyen par bya'o/ /bsnyen bkur bya'o/ /'jam dpal/ mi dge ba'i bshes gnyen rnams ni brag gi bya skyibs rab tu 'bar ba bzhin du yongs su spang bar bya'o/ /de ci'i phyir zhe na/ 'jam dpal/ mi dge ba'i bshes gnyen la bsten na byang chub sems dpa'i sems dang / 'du shes phyin ci log tu 'gyur ro/ /sems phyin ci log tu gyur na kun tu 'khrul bar 'gyur ro/ /sems kun tu 'khrul bar gyur na rnam par rmongs par 'gyur ro/ /sems rnam par rmongs na skrag par 'gyur ro/ /sems skrag par gyur na byang chub kyi sems 'dor bar 'gyur ro/ /byang chub kyi sems bor na lha yongs su gtong </font><hr>216b<br><font size=+1>


bar 'gyur ro/ /lha yongs su gtong na lha rnams kyang de la bsngags pa ma yin pa smra bar 'gyur ro/ /klu rnams dang / gnod sbyin rnams dang / dri za rnams dang / mi 'am ci rnams dang / lto 'phye chen po rnams dang / mi rnams dang / mi ma yin pa rnams nas sangs rgyas kyi bar dag kyang de la bsngags pa ma yin pa smra bar 'gyur ro/ /'jam dpal/ de lta bas na byang chub sems dpas dge ba'i bshes gnyen rnams la bsten par bya'o/ /bsnyen par bya'o/ /bsnyen bkur bya'o/ /'jam dpal/ dper na/ skyabs zhes bya ba'i sman ni gnod sems kyi sems dang ldan pa'am/ dang ba'i sems dang ldan pas mthong yang rung ste/ tha na dud 'gro'i skye gnas su song ba de dag gi nad thams cad med par 'gyur yang skyabs zhes bya ba'i sman ni mi rtog /rnam par mi rtog ste/ ma 'dres pa'i chos dang ldan pa'i phyir lhun gyis grub cing rnam par mi rtog par de'i bya ba de lta bu de 'byung ngo / /'jam dpal/ de bzhin du gnod sems kyi sems dang ldan pa'am/ dang ba'i sems dang ldan pa gang gis de bzhin gshegs pa'i sku ri mor bris pa'am/ gzugs su byas pa mthong na tha na dud 'gro'i skye gnas su song ba'ang rung ste / de dag gi nyon mongs pa'i nad thams cad med par 'gyur yang de bzhin gshegs pa ni mi rtog /rnam par mi rtog ste/ ma 'dres pa'i chos dang </font><hr>217a<br><font size=+1>


@#/ /ldan pa'i phyir lhun gyis grub cing rnam par mi rtog par bya ba de lta bu de 'byung ngo / /'jam dpal/ dper na/ nyi ma'i dkyil 'khor rgya mtsho chen po las mngon par 'phags te/ nam mkha'i spyod yul la gnas nas 'od zer bye ba khrag khrig 'bum phrag grangs med pa btang bas grong dang / grong khyer dang / grong rdal dang / ljongs dang| yul 'khor dang / rgyal po'i pho brang 'khor thams cad du mthong ba sbyin par byed cing mun pa sel bar byed/ 'dam rdzab dang / rnyog pa thams cad skam par byed/ pad+ma rnams kyang kha 'bye bar byed do/ /rtswa dang / shing gel ba dang / sman dang / nags tshal thams cad kyang skyed par byed/ sman thams cad kyang yongs su smin par byed/ las kyi gnas thams cad ni gnas par byed la/ chu klung dang / mtshe'u dang / mtsho bran thams cad la'ang dus gcig tu snang ba thob par 'gyur yang gnas las kyang mi g.yo zhing / 'jam dpal/ nyi ma'i dkyil 'khor ni mi rtog /rnam par mi rtog ste/ 'on kyang ma 'dres pa'i chos dang ldan pa'i phyir lhun gyis grub cing rnam par mi rtog par de'i bya ba de lta bu de rtag tu 'byung ngo // 'jam dpal/ de bzhin du de bzhin gshegs pa dgra bcom pa yang dag par rdzogs pa'i sangs rgyas kyang srid pa'i rgya mtsho las mngon par 'phags te/ chos kyi dbyings kyi </font><hr>217b<br><font size=+1>


nam mkha'i spyod yul la gnas nas ye shes kyi 'od zer bye ba khrag khrig grangs med pa btang bas phyogs bcu'i 'jig rten gyi khams rab 'byams thams cad du snang ba sbyin par mdzad cing sems can thams cad kyi ma rig pa'i mun pa mun nag dang / rab rib dang / ling tog rnams rnam par sel bar mdzad/ nyon mongs pa'i 'dam rdzab dang / rnyog pa thams cad skem par mdzad/ yun ring po nas gnyid kyis log pa'i sems can gyi khams ni sad par mdzad/ sems can thams cad kyi dge ba'i rtsa ba thams cad ni skye bar mdzad/ sems can thams cad kyi dge ba'i rtsa ba'i tshogs thams cad ni yongs su smin par mdzad/ dge ba'i rtsa ba'i sgo thams cad ni rab tu 'jog par mdzad de/ dus gcig tu de'i mdzad pa thams cad 'byung yang gnas nas kyang mi g.yo zhing / 'jam dpal/ de bzhin gshegs pa ni mi rtog/ rnam par mi rtog ste/ 'on kyang ma 'dres pa'i chos dang ldan pa'i phyir lhun gyis grub cing rnam par mi rtog par de'i mdzad pa de lta bu de 'byung ngo / /'jam dpal/ de ltar de bzhin gshegs pa'i lhun gyis grub cing rnam par mi rtog par sems can yongs su smin par mdzad pa'i gnas kyang dge ba'i bshes gnyen gyis yongs su zin pa las 'byung ngo / /'jam dpal/ dge ba'i bshes gnyen gyis yongs su zin pa'i byang chub sems dpa' ni </font><hr>218a<br><font size=+1>


@#/ /chos rab tu rnam par 'byed cing dpyod pa la mkhas par 'gyur te/ de chos rnams la 'di ltar dpyod do/ /mig ni gzugs kyi dmigs pa'i rgyu ma yin| gzugs kyang mig dmigs pa'i rgyu ma yin la dmigs pa'i rgyu rkyen nyid kyis kyang rnam par shes pa 'byung ste/ rnam par shes pa de'ang mig las kyang ma byung / gzugs las kyang ma byung zhing rnam par shes pa de ni byung nas zhig la zhu zhing mi gnas pa'o/ /rna ba dang / sna dang / lce dang / lus kyang de bzhin no/ /yid kyang chos kyi rkyen ma yin zhing chos kyang yid kyi rkyen ma yin la dmigs pa'i rgyu rkyen nyid kyis kyang rnam par shes pa 'byung ste/ rnam par shes pa de ni yid las kyang ma byung / chos rnams las kyang ma byung zhing yid kyi rnam par shes pa de ni byung nas zhig la zhu zhing mi gnas pa'o/ /de bzhin du dge ba'i rtsa ba'ang byang chub kyi rkyen ma yin/ byang chub kyang dge ba'i rtsa ba'i rkyen ma yin mod kyi/ dge ba'i rtsa ba de'ang byang chub kyi rkyen la dmigs pa las sems skye ba rnams kyi sa skye ste/ de dag kyang skyes nas zhig cing zhu la mi gnas pa'o/ /de la sems gang gis dge ba'i rtsa ba mngon par 'dus byas pa dang / sems gang gis byang chub tu yongs su bsngos pa de gnyis ni phan tshun mi sbyor ro/ /dper na/ me ni gang nas </font><hr>218b<br><font size=+1>


kyang mi 'ong / gang du mi 'gro ste/ 'on kyang rgyu dang / rkyen gyis 'bar ro/ /'jam dpal/ de bzhin du byang chub sems dpa'i shes rab kyi me 'bar ba'ang gang nas kyang mi 'ong / gang du'ang mi 'gro ste/ 'on kyang dge ba'i rtsa ba'i rgyu la brten nas byang chub sems dpa'i shes rab kyi me 'bar te/ shes pa de lta bu dang ldan pa de ni myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /'jam dpal/ de ltar na dge ba'i bshes gnyen rnams ni yon tan rgya mtsho tshad med pa yin no/ /'jam dpal/ rigs kyi bu'am/ rigs kyi bu mo gang la la zhig gis phyogs bcu'i 'jig rten gyi khams thams cad kyi rdul snyed kyi sangs rgyas bcom ldan 'das byang chub sems dpa' dang bcas/ nyan thos dang bcas pa rnams la rtag par nyin gcig bzhin du zhal zas ro brgya dang ldan pa dang / lha'i na bza' dag phul la/ de ltar 'bul ba bskal pa gang+gA'i klung gi bye ma snyed dag tu phul zhing de bzhin gshegs pa de dag yongs su mya ngan las 'das nas de bzhin gshegs pa re re'i phyir yang phyogs bcu'i 'jig rten gyi khams rab 'byams thams cad du 'jig rten gyi khams re rer yang mchod rten dzam+bu'i chu bo'i gser las byas pa/ nor bu rin po che glog gi sgron mas spras pa/ nor bu rin po che 'od thams cad bsdus pa'i </font><hr>219a<br><font size=+1>


@#/ /stegs bus yongs su bskor ba/ nor bu dang / mu tig dang / rin po che'i phreng bas mdzes par byas pa/ gdugs dang / rgyal mtshan dang / ba dan bsgreng ba/ dril bu g.yer ka'i dra ba'i bla bre bres pa/ tsan+dan sprul gyi snying po'i byug pas byug pa/ nor bu rin po che dbang gi rgyal po'i dra bas khebs par byas pa/ phyogs bcu'i 'jig rten gyi khams thams cad kyi rdul snyed dag byas te/ mchod rten de dag la stong gsum gyi stong chen po'i tshad tsam gyi lha'i na bza' dag dang / gdugs kyi sprin dag dang / rgyal mtshan gyi sprin dag dang / ba dan gyi sprin dag dang / me tog gi sprin dag dang / spos kyi sprin dag dang / nor bu rin po che dbang gi rgyal po'i sprin dag dang / yid bzhin gyi nor bu rin po che'i sprin dag gis gtor/ mngon par gtor la nyin gcig bzhin/ de ltar mchod cing bskal pa gang+gA'i klung gi bye ma snyed du mchod la/ sems can gzhan dpag tu med grangs med pa dag kyang mchod pa de nyid la 'god pa bas/ 'jam dpal/ rigs kyi bu'am/ rigs kyi bu mo gzhan gang gis de bzhin gshegs pa'i yon tan dang / ye shes bsam gyis mi khyab pa'i yul la 'jug pa bstan pa'i chos kyi rnam grangs 'di la tha na mos par byed na 'di nyid de bas bsod nams ches grangs </font><hr>219b<br><font size=+1>


med par bskyed do/ /'jam dpal/ chos kyi rnam grangs 'di la mos pa'i byang chub sems dpa' ni pha rol tu phyin pa bye ba khrag khrig 'bum phrag dpag tu med grangs med pa dag yongs su rdzogs par byed do/ /sa bye ba khrag khrig 'bum phrag dpag tu med grangs med pa dag gnon to/ /bskal pa bye ba khrag khrig 'bum phrag dpag tu med grangs med pa dag phyir snyil bar byed do/ /sangs rgyas kyi rnam par rol pa bye ba khrag khrig 'bum phrag dpag tu med grangs med pa dag rab tu shes so/ /nga rgyal gyi ri dpag tu med grangs med pa dag rnam par 'jig par byed do/ /phrag dog dang / ser sna'i rgyal mtshan dpag tu med grangs med pa dag snyol bar byed do/ /srid pa'i chu klung dpag tu med grangs med pa dag skem bar byed do/ /skye ba'i rgya mtsho dpag tu med grangs med pa dag las rgal bar byed do/ /bdud kyi zhags pa dpag tu med grangs med pa dag gcod do/ /nyi zla rnams dang / brgya byin dang / tshangs pa dang / 'jig rten skyong ba rnams kyi gzi brjid zil gyis mnan te 'dug go /sangs rgyas kyi zhing nas sangs rgyas kyi zhing du 'gro'o/ /sems can dmyal pa dang / dud 'gro'i skye gnas dang / yi dwags dang / gshin rje'i 'jig rten du skyes pa'i sems can rnams kyi skyabs su 'gyur ro/ /sangs rgyas rnams dang / byang chub sems dpa' </font><hr>220a<br><font size=+1>


@#/ /rnams dang yang phrad par 'gyur ro/ /rgya mtsho'i phyag rgya zhes bya ba'i ting nge 'dzin kyang 'thob bo/ /chos thams cad yang dag par 'du ba zhes bya ba'i ting nge 'dzin kyang 'thob bo/ /chos thams cad la dbang byed pa zhes bya ba'i ting nge 'dzin kyang 'thob bo/ /rnam par bkod pa zhes bya ba'i ting nge 'dzin kyang 'thob bo/ /rin po che 'byung ba zhes bya ba'i ting nge 'dzin kyang 'thob bo/ /dga' bar byed pa zhes bya ba'i ting nge 'dzin kyang 'thob bo/ /pad+ma bkod pa zhes bya ba'i ting nge 'dzin kyang 'thob bo/ / nam mkha' mdzod ces bya ba'i ting nge 'dzin kyang 'thob bo/ /'jig rten thams cad kyi rjes su song ba zhes bya ba'i ting nge 'dzin kyang 'thob bo/ /dam pa'i chos pad+ma dkar po zhes bya ba'i ting nge 'dzin kyang 'thob bo/ /yul la dbang byed pa zhes bya ba'i ting nge 'dzin kyang 'thob bo/ /cher bsgyings zhes bya ba'i ting nge 'dzin kyang 'thob bo/ /rnam pa dang / sems la dbang byed pa zhes bya ba'i ting nge 'dzin kyang 'thob bo/ /seng ge bsgyings pa zhes bya ba'i ting nge 'dzin kyang 'thob bo/ /nyi ma'i sgron ma zhes bya ba'i ting nge 'dzin kyang 'thob bo/ /mtha' yas 'khyil ba zhes bya ba'i ting nge 'dzin kyang 'thob bo/ /rab tu g.yo ba'i rjes su song ba zhes bya ba'i ting nge 'dzin kyang 'thob bo/ /rdo rje'i dkyil 'khor </font><hr>220b<br><font size=+1>


zhes bya ba'i ting nge 'dzin kyang 'thob bo/ /rdo rje'i rgyal mtshan zhes bya ba'i ting nge 'dzin kyang 'thob bo/ /rdo rje lta bu zhes bya ba'i ting nge 'dzin kyang 'thob bo/ /rdo rje lte ba zhes bya ba'i ting nge 'dzin kyang 'thob bo/ /sa 'dzin zhes bya ba'i ting nge 'dzin kyang 'thob bo/ /lhun po sgron ma zhes bya ba'i ting nge 'dzin kyang 'thob bo/ /lhun po rgyal mtshan zhes bya ba'i ting nge 'dzin kyang 'thob bo/ /rin po che'i mdzod ces bya ba'i ting nge 'dzin kyang 'thob bo/ /sems la dbang byed pa zhes bya ba'i ting nge 'dzin kyang 'thob bo/ /sems can thams cad kyi sems la dbang byed pa zhes bya ba'i ting nge 'dzin kyang 'thob bo/ /spyod pa thams cad kyi yul las nges par 'byung ba zhes bya ba'i ting nge 'dzin kyang 'thob bo/ /sbyor ba zab cing gsang ba zhes bya ba'i ting nge 'dzin kyang 'thob bo/ /sna tshogs snang ba'i spobs pa zhes bya ba'i ting nge 'dzin kyang 'thob bo/ /bltar mi mthong ba zhes bya ba'i ting nge 'dzin kyang 'thob bo/ /chos thams cad la rnam par lta ba zhes bya ba'i ting nge 'dzin kyang 'thob bo/ /rnam par rol pa zhes bya ba'i ting nge 'dzin kyang 'thob bo/ /mngon par shes pa thams cad las nges par skyes pa zhes bya ba'i ting nge 'dzin kyang 'thob bo/ /bdud kyi dkyil 'khor rnam par 'joms pa zhes bya ba'i ting nge 'dzin kyang 'thob bo/ /gzugs thams cad kun tu ston pa zhes bya ba'i ting nge 'dzin </font><hr>221a<br><font size=+1>


@#/ /kyang 'thob bo/ /gzugs thams cad kyi khyad par zhes bya ba'i ting nge 'dzin kyang 'thob bo/ /lus rnam par 'jig pa zhes bya ba'i ting nge 'dzin kyang 'thob bo/ /spyod pa thams cad la 'jug pa zhes bya ba'i ting nge 'dzin kyang 'thob bo/ /shes rab sgron ma zhes bya ba'i ting nge 'dzin kyang 'thob bo/ /mngon sum du byang chub snang ba zhes bya ba'i ting nge 'dzin kyang 'thob bo/ /so so yang dag par rig pa rin po che bstan pa zhes bya ba'i ting nge 'dzin kyang 'thob bo/ /yon tan gyi rnam pa thams cad la 'jug pa zhes bya ba'i ting nge 'dzin kyang 'thob bo/ /chos thams cad 'dul bar rnam par nges par bstan pa zhes bya ba'i ting nge 'dzin kyang 'thob bo/ /rab tu zhi ba rnam par nges pa'i cho 'phrul zhes bya ba'i ting nge 'dzin kyang 'thob bo/ /dpa' bar 'gro ba zhes bya ba'i ting nge 'dzin kyang 'thob bo/ /zab cing brtan pa'i rgya mtsho'i chu'i dus rlabs zhes bya ba'i ting nge 'dzin kyang 'thob ste/ de dag la sogs pa'i ting nge 'dzin bye ba khrag khrig 'bum phrag grangs med pa dag 'thob bo/ /sangs rgyas kyi sku dang / kha dog mtha' yas pa yongs su 'grub pa sgrub pa'i gzungs kyang 'thob bo/ /ye shes dang ldan pa zhes bya ba'i gzungs kyang 'thob bo/ /sgra dbyangs rnam par dag pa zhes bya ba'i gzungs kyang 'thob bo/ /mi zad pa'i za </font><hr>221b<br><font size=+1>


ma tog ces bya ba'i gzungs kyang 'thob bo/ /mtha' yas 'khyil ba zhes bya ba'i gzungs kyang 'thob bo/ /rgya mtsho'i phyag rgya zhes bya ba'i gzungs kyang 'thob bo/ /pad+ma bkod pa zhes bya ba'i gzungs kyang 'thob bo/ /chags pa med pa'i sgor 'jug pa zhes bya ba'i gzungs kyang 'thob bo/ /so so yang dag par rig pa rnam par nges pa la 'jug pa zhes bya ba'i gzungs kyang 'thob bo/ /sangs rgyas kyi rgyan gyis byin gyis brlabs pa zhes bya ba'i gzungs kyang 'thob bo/ /sangs rgyas kyi sku dang / kha dog mtha' yas pa yongs su 'grub pa zhes bya ba'i gzungs kyang 'thob ste/ de dag la sogs pa gzungs bye ba khrag khrig 'bum phrag grangs med pa dag kyang 'thob bo/ /chos thams cad la spyod pa'i khyad par nyid kyang 'thob bo/ /chos thams cad la gzhan la rag ma las pa'i shes pa'ang 'thob bo/ /chos thams cad la som nyi gcod pa nyid kyang 'thob bo/ /sangs rgyas kyi rnam par rol pa stong phrag grangs med pa dag kyang 'thob bo/ /sems can thams cad kyi spyod pa'i bye brag la mkhas pa'ang 'thob bo/ /'jam dpal/ dper na/ ri'i rgyal po ri rab ni ri thams cad zil gyis mnan nas lam me/ lhan ne/ lhang nge'o/ /'jam dpal/ de bzhin du chos kyi rnam grangs 'di la mos pa'i byang chub sems dpa' yang sems can thams cad kyi dge ba'i rtsa ba thams cad </font><hr>222a<br><font size=+1>


@#/ /zil gyis mnan nas lam me/ lhan ne/ lhang nge'o/ /de nas 'jam dpal gzhon nur gyur pas byang chub sems dpa' sems dpa' chen po sgrib pa thams cad rnam par sel ba la 'di skad ces smras so/ /kye rgyal ba'i sras/ byang chub sems dpas gang dag la mos pas yon tan gyi khyad par 'di dag dang / gzhan dag kyang 'thob pa'i chos kyi bye brag gzhan dag kyang yod dam/ de skad ces smras pa dang / byang chub sems dpa' sgrib pa thams cad rnam par sel bas 'jam dpal gzhon nur gyur pa la 'di skad ces smras so/ /'jam dpal/ byang chub sems dpas gang dag la mos na/ yon tan gyi khyad par 'di dag dang / gzhan dpag tu med pa dag kyang 'thob pa'i chos lnga po 'di dag ste/ lnga gang zhe na/ chos thams cad gnyen po med pa dang / ma skyes pa dang / ma 'gags pa dang / brjod du med par mos pa dang / rtag tu rgyun mi 'chad par skad cig skad cig la de bzhin gshegs pa'i spyod pa dang / spyod lam la 'jug pa'i gnas dzam+bu'i gling gi rdul phra rab kyi rdul las kyang lhag pa dag la lhun gyis grub cing rnam par mi rtog par 'jug par mos pa dang / seng ge bran bzang gi bu'i rtogs pa brjod pas sems can yongs su smin par byas pa de bcom ldan </font><hr>222b<br><font size=+1>


'das shAkya thub pas/ bskal pa gang+gA'i klung gi bye ma snyed nas mngon par rdzogs par sangs rgyas te mdzad par mos pa dang / mar me mdzad kyis lung bstan pa nas bzung ste mngon par rdzogs par byang chub pa'i bar der/ bcom ldan 'das shAkya thub pa'i byang chub sems dpa'i spyod pa gang yin pa de thams cad sangs rgyas kyi yul gyi mtha' klas pa'i bskal pa nas mngon par rdzogs par sangs rgyas nas bstan pa yin par mos pa dang / shAkya thub pas bstan pas sems can yongs su smin par byas pa gang yin pa de sangs rgyas kyi yul gyis mthas klas pa'i bskal pa nas bcom ldan 'das shAkya thub pa mngon par rdzogs par sangs rgyas nas mdzad pa yin par mos pa ste/ 'jam dpal/ lnga po de dag ni byang chub sems dpas gang dag la mos pas yon tan gyi khyad par 'di dag dang gzhan dpag tu med pa dag kyang thob pa yin no/ /'jam dpal/ rigs kyi bu'am/ rigs kyi bu mo gang la la zhig gis 'jig rten gyi khams thams cad kyi rdul snyed kyi dgra bcom pa mngon par shes pa drug dang ldan pa/ rnam par thar pa brgyad la bsam gtan pa rnams la nyin gcig bzhin du lha'i zas ro brgya dang ldan pa dang / lha'i gos dag byin te/ de ltar byin pa bskal pa gang+gA'i klung gi bye ma snyed dag tu byin pa bas/ 'jam dpal/ rigs </font><hr>223a<br><font size=+1>


@#/ /kyi bu'am/ rigs kyi bu mo gzhan gang zhig gis rang sangs rgyas gcig la nyi ma gcig zas byin na de ni de bas bsod nams ches grangs med par bskyed de/ /'jam dpal/ rigs kyi bu'am/ rigs kyi bu mo gang la la zhig gis 'jig rten gyi khams re rer yang gtsug lag khang dzam+bu'i chu bo'i gser las byas pa/ nor rin po che glog gi sgron mas spras pa/ nor bu rin po che 'od thams cad bsdus pa'i stegs bus yongs su bskor ba/ nor bu dang / mu tig dang / rin po che'i phreng bas mdzes par byas pa/ gdugs dang / rgyal mtshan dang / ba dan bsgreng ba/ dril bu g.yer ka'i dra ba'i bla bre bres pa/ tsan+dan sprul gyi snying po'i byug pas byugs pa/ nor bu rin po che dbang gi rgyal pos khebs par byas pa/ rgya mtsho na gnas pa'i rin po che rnam par dag pa bkod pa kun nas 'od zer snang ba'i nor bu rin po che'i ka ba mang pos dkrigs pa| nor bu rin po che'i seng ge ral pa zhes bya ba'i spang leb bres pa/ nor bu rin po che seng ge rgyal mtshan gyi rtse mo las byas pa'i sgo khang dang / rta babs dang / skar khung gis brgyan pa/ dar gyi lda ldi mang pos bres pa/ phyogs bcu'i 'jig rten gyi khams thams cad kyi rdul snyed dag byas te/ rang sangs rgyas kyi gnas stong phrag grangs med pa </font><hr>223b<br><font size=+1>


dag dang / rang sangs rgyas de dag la nyin gcig bzhin lha'i zas ro brgya dang ldan pa dang / lha'i gos dag kyang byin zhing de ltar byin pa bskal pa gang+gA'i klung gi bye ma snyed dag tu byin pa bas/ 'jam dpal/ rigs kyi bu'am/ rigs kyi bu mo gzhan gang zhig gis sangs rgyas she'am/ 'jig rten gyi mgon po zhe'am/ de bzhin gshegs pa zhe'am/ thams cad mkhyen pa zhes bya ba'i sgra thos na 'di ni de bas ches bsod nams grangs med par skyed na gang gis de bzhin gshegs pa'i sku ri mor bris pa'am/ gzugs su byas pa mthong ba lta ci smos te/ 'di nyid de bas ches bsod nams grangs med par skyed do/ /gang gis mar me phul ba'am/ bdug pa'am/ spos sam/ me tog dag gam/ rol mo'i sgra'am/ mchod pa sna tshogs gzhan dag byed pa lta ci smos te/ 'di nyid de bas ches bsod nams grangs med par bskyed do/ /gang gis de bzhin gshegs pa'i phyir nyi ma gcig bslab pa gcig srung ba lta ci smos te/ 'di ni de bas ches bsod nams grangs med par skyed do/ /'jam dpal/ rigs kyi bu'am/ rigs kyi bu mo gang la la zhig gis de bzhin gshegs pa byang chub sems dpa' dang bcas pa/ nyan thos dang bcas pa phyogs bcu'i 'jig rten gyi khams thams cad kyi rdul phra rab snyed rnams la nyin </font><hr>224a<br><font size=+1>


@#/ /gcig bzhin du lha'i zas ro brgya dang ldan pa dang / lha'i na bza' dag kyang 'bul la/ de ltar 'bul ba bskal pa gang+gA'i klung gi bye ma snyed dag tu 'bul zhing sangs rgyas bcom ldan 'das de dag yongs su mya ngan las 'das nas kyang de bzhin gshegs pa re re'i phyir mchod rten tshad gling bzhi pa tsam/ rnam pa thams cad kyi mchog dang ldan pa/ yon tan thams cad yongs su rdzogs pa dang ldan pa dang / dzam+bu'i chu bo'i gser las byas pa/ nor bu rin po che glog gi sgron mas spras pa/ nor bu rin po che 'od thams cad bsdus pa'i stegs bus yongs su bskor ba/ nor bu dang / mu tig dang / rin po che'i phreng bas mdzes par byas pa/ gdugs dang / rgyal mtshan dang| ba dan bsgreng ba/ dril bu g.yer ka'i dra ba'i bla bre bres pa/ tsan+dan na sprul gyi snying po'i byug pas byugs pa/ nor bu rin po che dbang gi rgyal po'i dra bas g.yogs pa / phyogs bcu'i 'jig rten gyi khams thams cad kyi rdul snyed dag byas te/ mchod rten de dag la nyin gcig bzhin du stong gsum gyi stong chen po'i tshad tsam gyi lha'i gos dag dang| gdugs kyi sprin dag dang / rgyal mtshan gyi sprin dag dang / ba dan gyi sprin dag dang / me tog gi sprin dag dang / spos kyi sprin dag dang / rin po che'i sprin dag dang / </font><hr>224b<br><font size=+1>


dang| rol mo'i sgra'i sprin dag dang / rgyan gyi sprin dag dang / seng ge rgyal mtshan gyi rtse mo'i zla ba'i sprin dag dang / lha'i sil snyan dang / pheg rdob pa dang / glu dbyangs kyi sgra'i sprin rnams kyis gtor/ mngon par gtor la chos kyi rnam grangs 'di la mos pa bas/ 'jam dpal/ rigs kyi bu'am/ rigs kyi bu mo gzhan gang zhig de bzhin gshegs pa'i yon tan dang / ye shes bsam gyis mi khyab pa'i yul la 'jug pa bstan pa'i chos kyi rnam grangs 'di la mos shing tha na dud 'gro'i skye gnas su song ba'i sems can gcig la zan kham gcig byin na 'di nyid de bas ches bsod nams grangs med par skyed do/ /'jam dpal/ mdo sde 'di la mos pa'i byang chub sems dpa' gang la la zhig gis mdo 'di las ji skad smos pa'i de bzhin gshegs pa rnams la mchod pa byed pa bas/ byang chub sems dpa' mdo 'di nyid la mos pa gzhan gang zhig gis mdo 'di nyid la mos pa'i byang chub sems dpa' gzhan zhig mthong nas byang chub sems dpa' 'di ni mdo 'di nyid la mos pa'o snyam ste dga' ba dang / mchog tu dga' ba chen po rnyed la/ de sems dad pas langs te/ de la thal mo sbyar nas phyag btsal te ci nus ci lcogs su de la yongs su bzung ba byas na/ 'di nyid de bas ches sangs rgyas kyi ye shes thob </font><hr>225a<br><font size=+1>


@#/ /par 'gyur ba'i bsod nams grangs med pa skyed do/ /'jam dpal/ de lta bas na sangs rgyas kyi ye shes 'dod pa'i byang chub sems dpas chos kyi rnam grangs 'di mnyan pa'i phyir 'jig rten gyi khams mes yongs su gang ba gang+gA'i klung gi bye ma snyed dag kyang brgal te 'gro bar bya'o/ /'jam dpal/ byang chub sems dpa' gang la la zhig gis bskal pa bye ba stong phrag brgyad du pha rol tu phyin pa lnga la spyad pa bas/ 'jam dpal/ byang chub sems dpa' gzhan gang zhig de bzhin gshegs pa ni rtag pa'o snyam du mos par byed na 'di ni de bas ches bsod nams grangs med par skyed do/ /'jam dpal/ byang chub sems dpa' gang la la zhig gis sangs rgyas phyogs bcu'i 'jig rten gyi khams thams cad kyi rdul phra rab kyi rdul snyed dag la lha'i zas ro brgya dang ldan pa dang / lha'i na bza' dag nyin gcig bzhin du 'bul zhing / de ltar 'bul ba bskal pa gang+gA'i klung gi bye ma snyed dag tu 'bul ba bas/ 'jam dpal/ byang chub sems dpa' gzhan gang zhig de bzhin gshegs pa'i yon tan dang / ye shes bsam gyis mi khyab pa'i yul la 'jug pa bstan pa'i chos kyi rnam grangs 'di la mos pa'i byang chub sems dpa' la ngo mtshar du 'dzin par gyur nas khyod chos kyi </font><hr>225b<br><font size=+1>


rnam grangs 'di la mos pa legs so/ /legs so/ /khyod ni lha dang bcas pa'i 'jig rten gyis phyag bya ba'i 'os yin no/ /zhes bsam pa thag pa nas legs so zhes bya ba byin la/ khyod de bzhin gshegs pa thams cad kyi gsang ba'i gnas rnams su zhugs la chos kyi 'khor lo skor cig ces byas nas/ 'jam dpal/ byang chub sems dpa' de ni de bas ches bsod nams grangs med par 'phel te/ bsod nams mngon par 'du bya ba 'di la sbyin pa las byung ba'i bsod nams snga ma des brgya'i char yang nye bar mi 'gro /stong gi cha dang / 'bum gyi cha dang / bye ba'i cha dang / bye ba brgya'i cha dang / bye ba stong gi cha dang / bye ba 'bum gyi cha dang / bye ba khrag khrig phrag 'bum gyi cha dang / grangs dang| cha dang / bgrang ba dang / dpe dang / zla dang / rgyur yang mi bzod do/ /bcom ldan 'das kyis gnang ste/ byang chub sems dpa' sgrib pa thams cad rnam par sel bas de skad ces smras nas/ byang chub sems dpa' 'jam dpal gzhon nur gyur pa dang / byang chub sems dpa' de dag dang / nyan thos chen po de dag dang / lha dang / mi dang| lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa de bzhin gshegs pa'i yon tan </font><hr>226a<br><font size=+1>


@#/ /dang| ye shes bsam gyis mi khyab pa'i yul la 'jug pa bstan pa zhes bya ba theg pa chen po'i mdo rdzogs so// //rgya gar gyi mkhan po dz+nyA na gar+b+ha dang / zhus chen gyi lo tsA ba ban+de ye shes sdes bsgyur cing zhus te gtan la phab pa'o// </font><hr>

</table>