H170

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H170</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H170&coll=lhasa">see text in Tibetan script</a></table>412a<br><font size=+1>


rgya gar skad du/ AR+Ya mahA yA no pa de sha nA ma ma hA yA na sU tra/ bod skad du/ 'phags pa theg pa chen po'i man ngag ces bya ba theg pa chen po'i mdo/ bam po dang po/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab/ de </font><hr>412b<br><font size=+1>


bzhin gshegs pa'i spyod yul rin po che bkod pa'i 'khor gyi khyams/ de bzhin gshegs pa'i gnas/ bsod nams chen po'i rgyan gyi tshogs bsags pa/ spyod pa chen po'i rgyu mthun pa/ sangs rgyas kyi chos thams cad kyi rnam par smin pas mngon par grub pa/ byang chub sems dpa' sems dpa' chen po'i gnas bstan pa mtha' yas pa/ de bzhin gshegs pa'i rnam par 'phrul pas byin gyis brlabs pa/ chags pa med pa'i spyod yul gyi ye shes la 'jug pa dga' ba rgya chen po skyed pa/ dran pa dang / blo gros dang / rtogs pas 'jug pa/ kun nas ma smad pa/ ye shes kyis rnam par dpyod pa de la ma chags par rtogs pas 'jug pa/ bskal pa mu med par mngon par bstod pa| yon tan gyi tshogs thams cad dpag tu med pa na bzhugs te/ bcom ldan 'das chos thams cad ni mnyam pa nyid du mngon par rdzogs par sangs rgyas/ chos kyi 'khor lo ni shin tu bskor/ slob ma shin tu dul ba'i tshogs ni mtha' yas/ chos thams cad la mnga' dbang ni brnyes/ sems can thams cad kyi bsam pa'i tshul ni shin tu mkhyen/ dbang po'i dam pa'i pha rol tu phyin pa ni brnyes/ sems can thams cad kyis nyon mongs pa'i bag chags kyi mtshams sbyor ba kun tu 'joms pa </font><hr>413a<br><font size=+1>


@#/ /la ni mkhas/ sangs rgyas kyi mdzad pa lhun gyis grub pa ni rgyun ma bcad cing / dge slong 'bum phrag drug cu'i dge slong gi dge 'dun chen po dang thabs gcig ste/ thams cad kyang dgra bcom pa/ zag pa zad pa/ nyon mongs pa med pa/ dbang dang ldan par gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba/ sems kyi dbang thams cad kyi dam pa'i pha rol tu son pa/ nyon mongs pa'i bag chags mtshams sbyor ba thams cad kun tu bcom pa/ de bzhin gshegs pa'i chos kyi rgyal po'i sras/ chos zab mo la gnas par mkhas pa/ mi dmigs pa'i chos las byung ba/ spyod lam mdzes pa/ phun sum tshogs pa/ sbyin pa'i gnas chen por gyur pa/ de bzhin gshegs pa'i bka' la shin tu zhugs pa sha stag go /byang chub sems dpa'i tshogs chen po byang chub sems dpa' sems dpa' chen po tshad med/ grangs med/ bsam gyis mi khyab pa/ mtshungs pa med/ gzhal du med/ dpag tu med/ brjod du med </font><hr>413b<br><font size=+1>


pa dang yang thabs gcig ste/ thams cad kyang sems kyi skad cig gcig la sangs rgyas kyi zhing mtha' yas par 'gro ba la mkhas pa/ de bzhin gshegs pa la mchod pa dang / rim gro byed pas nges par 'byung ba dang / chos mnyan cing yang dag par nod pa'i ngoms mi shes pa/ rtag tu rgyun mi 'chad par sems can thams cad yongs su smin par byed pa la mngon par brtson pa/ thabs dang / shes rab dam pa'i pha rol tu son pa'i sgrib pa med pa'i rnam par thar pa la rab tu gnas pa/ rtog pa dang / rnam par rtog pa dang / spros pa thams cad las shin tu 'das pa/ thams cad mkhyen pa'i sa las nye bar gyur pa sha stag la/ 'di lta ste/ byang chub sems dpa' sems dpa' chen po glog lta zhes bya ba dang / g.yul las rnam par rgyal ba dang / rnam par snang mdzad snying po dang / rnam par gnon par dpa' ba dang / yid gnyis kun tu 'joms dang / rnam par bsgrags ldan dang / rnam par lta ba'i mig dang / byang chub sems dpa' sems dpa' chen po mun pa'i phung po dang bral ba zhes bya ba dang / de dag la sogs pa byang chub sems dpa' sems dpa' chen po tshad med grangs med/ bsam gyis mi khyab/ mtshungs pa med/ gzhal du med/ dpag tu med/ brjod du med pa dag thabs gcig ste/ de nas bcom ldan </font><hr>414a<br><font size=+1>


@#/ /'das byang chub sems dpa'i spyod pa la 'jug par nges par 'byung ba/ sgrib pa med pa'i sgo zhes bya ba'i chos kyi rnam grangs byang chub sems dpa'i lam bkod pa la dmigs pa/ sangs rgyas kyis chos zab mo stobs dang / mi 'jigs pa yongs su 'grub pa/ ye shes kyi 'byung gnas/ chos thams cad la dbang byed pa'i gzungs kyi phyag rgya'i sgo la 'jug pa/ so so yang dag par rig pa la rnam par nges pa'i sgo la 'jug pa/ mngon par shes pa chen po'i ye shes la 'jug pa khong du chud pa/ phyir mi ldog pa'i 'khor la mi skye ba'i chos ston pa/ theg pa gcig tu yang dag par 'du ba/ chos kyi dbyings tshul gcig ste/ 'dres pa med pa la 'jug pa/ sems can thams cad kyi bsam pa dang / dbang po la 'jug pa/ ston pa snying po dang ldan pa/ chos rnam par gdon mi za ba/ bdud kyi dkyil 'khor thams cad rnam par 'jig par byed pa/ tshul bzhin gyi chos kyi tshul la 'jug pa khong du chud pa/ nyon mongs pa dang / lta bar song ba thams cad 'dul ba/ shes rab dang ye shes thogs pa med pa'i rjes su 'jug pa/ mnyam pa med cing mtha' yas pa'i yongs su bsngo ba la mkhas pa'i thabs kyi ye shes ston pa/ sangs rgyas kyi chos </font><hr>414b<br><font size=+1>


thams cad mnyam pa nyid du shes pa'i rjes su 'jug pa/ sangs rgyas thams cad kyi ye shes la 'jug pa/ byin gyi rlabs thogs pa med pa'i sgo la 'jug pa/ chos thams cad ji lta ba bzhin du rnam par gdon mi za bar ston pa/ mi rtog rnam par mi rtog la mnyam pa nyid du 'jug pa/ rten cing 'brel bar 'byung ba zab mo khong du chud pa/ bsod nams dang / ye shes kyi tshogs thams cad gsog pa/ sangs rgyas kyi sku dang / gsung dang / thugs mnyam pa nyid kyi rgyun dang ldan pa/ dran pa dang / blo gros dang / mos pa dang / rtogs pa dang / shes rab mi zad pa mngon par sgrub pa/ nyan thos kyi theg pas 'dul ba'i phyir 'phags pa'i bden pa'i tshul 'jug pa/ rang sangs rgyas kyi theg pas 'dul ba'i phyir lus dang / sems rab tu dben par shes pa/ theg pa chen pos 'dul ba'i phyir thams cad mkhyen pa'i ye shes kyi sa ra dbang bskur ba 'thob pa/ de bzhin gshegs pa'i yon tan brjod pa'i phyir chos thams cad la dbang byed pa'i tshul la 'jug pa brjod do/ /ston to/ /rab tu ston to/ /'dzin du 'jug go/ mos par mdzad do/ /len du 'jug go/ shes par mdzad do/ / rnam par shes par mdzad do/ /rab tu shes par mdzad do/ /rab tu 'jug go /rnam par 'grel to/ /rnam par 'byed do/ /gsal bar mdzad do/ /yang dag par rab tu ston </font><hr>415a<br><font size=+1>


@#/ /to| |de nas bcom ldan 'das kyis shin tu rnam par gdon mi za ba'i don gyi chos kyi rnam grangs 'di lta bur rgya cher yang dag par rab tu ston pa na/ 'khor de nyid du bu mo rin chen zhes bya ba zhig 'dus par gyur te 'dug pa de stan las langs te/ lag pa g.yas par mu tig gi se mo do thogs nas/ bcom ldan 'das la 'di skad ces gsol to/ /bcom ldan 'das/ bdag bden pa dang / bden pa'i tshig gang gis sems can chen po 'di dag gis bstan pa'i chos kyi rnam grangs 'dus pa'i le'u 'di bas par chub par 'dzin par 'gyur ba dang / phyogs bcu rnams su'ang rgyas par bgyid par 'gyur ba dang / sems can dpag tu ma mchis pa rnams bla na med pa'i chos dkon mchog gis mthar gyis bla na med pa yang dag par rdzogs pa'i byang chub la 'god par 'byung ba'i bden pa dang / bden pa'i tshig des bdag gis mu tig gi se mo do 'di de bzhin gshegs pa la 'bul lags te/ de de bzhin gshegs pa dang / byang chub sems dpa' thams cad kyi dbu'i gtsug gi mtshams su mu tig gi se mo do'i khang pa brtsegs pa kun tu gnas shing bkod pa ci 'dra bas skyes bu dam pa de dag byang chub mngon par rdzogs par 'tshang rgya ba dang / de dag gis </font><hr>415b<br><font size=+1>


sangs rgyas kyi zhing gi yon tan bkod pa ci 'dra bar 'gyur ba de 'dra ba dag khang pa brtsegs pa de dag las kun tu dga' zhing 'khor thams cad kyis bkod pa 'di mthong nas yi rangs par gyur cig /de nas bu mo rin chen gyis mu tig gi se mo do de bcom ldan 'das ga la ba de logs su bor ro/ /mu tig gi se mo do bor ma thag tu de nas sangs rgyas kyi mthu dang / bu mo rin chen gyi bden pa'i byin gyi rlabs kyis/ bcom ldan 'das kyi dbu'i gtsug gi mtshams dang / byang chub sems dpa' thams cad kyi spyi gtsug gi mtshams su khang pa brtsegs pa chen po shin tu yangs pa/ rgya che ba/ rnam par bkra ba/ \?\ /lta na sdug pa/ ngos mnyam pa/ shin tu rnam par phye ba/ legs par grub pa gnas par gyur te/ byang chub sems dpa' de dag sngon bdag cag gi sangs rgyas kyi zhing gi yon tan bkod pa 'di 'dra bar gyur cig /byang chub kyi snying po 'di 'dra bar gyur cig ces smon lam btab pa'i khyad par ci 'dra ba de lta bu'i bkod pa dag kyang byang chub sems dpa' de dag gis khang pa brtsegs pa de dag las mthong ngo / /mthong nas kyang ngo mtshar du gyur nas/ bcom ldan 'das la 'di skad ces gsol to/ /bcom ldan 'das/ 'di ltar ji tsam du bdag cag gis bskal pa grangs ma mchis par smon lam mngon par 'dus bgyis pa de thams cad bu mo </font><hr>416a<br><font size=+1>


@#/ /rin chen gyi skad cig gcig la bstan pa ni bu mo rin chen 'di bden pa'i byin gyi rlabs kyi stobs can lags te ngo mtshar to/ /bcom ldan 'das kyis bka' stsal pa/ de de bzhin no/ /skyes bu dam pa dag /ji skad smras pa de bzhin te/ bu mo rin chen 'di bden pa'i byin gyi rlabs las nges par byung ba'o/ /skyes bu dam pa dag /bu mo rin chen gyis sangs rgyas bye ba khrag khrig brgya stong phrag dgu bcu rtsa drug las dge ba'i rtsa ba bskrun nas bden pa'i byin gyi rlabs 'di yongs su blangs te| des na bu mo rin chen 'dis ji skad smras pa de ltar kun tu gnas so/ /gal te bu mo rin chen gyis thams cad dang ldan pa'i stong gsum gyi stong chen po'i 'jig rten gyi khams ni me tog gis rab tu gang bar kun tu gnas par gyur cig ces smras na'ang de de bzhin du 'gyur ro/ /de bzhin du spos dang / phreng ba dang / byug pa dang / phye ma dang / gos kyis rab tu gang bar kun tu gnas par gyur cig ce na'ang de de bzhin du 'gyur ro/ /gal te bar snang 'di thams cad gdugs dang / rgyal mtshan dang / ba dan gyis brgyan par kun tu gnas par gyur cig ce na'ang de de bzhin du 'gyur ro/ /chus 'jig pa byung ba la me yis 'jig par gyur cig ce na'ang de de bzhin du </font><hr>416b<br><font size=+1>


'gyur ro/ /gal te me yis 'jig pa byung ba la chu yis 'jig par gyur cig ce na'ang de de bzhin du 'gyur ro/ /thams cad dang ldan pa'i 'khor 'di 'khor los bsgyur ba'i kha dog dang / gzugs su gyur cig ce na'ang de de bzhin du 'gyur ro/ /de bzhin du 'jig rten skyong ba'i kha dog dang / gzugs dang / brgya byin dang / tshangs pa dang / dbang phyug chen po'i kha dog dang / gzugs dang / dge slong dang / dge slong ma dang / dge bsnyen dang / dge bsnyen ma'i kha dog dang / gzugs su gyur cig ce na'ang de de bzhin du 'gyur ro/ /gal te bdud re re la'ang lag na mtshon thogs pa'i bdud kyi sde bye ba phrag brgya lhag pa la bdud dang / bdud kyi ris thams cad kyi ral gri dang / mdung thung dang / mda' bo che dang / mtshon rtse gnyis pa dang / mtshon cha sna tshogs gang yin pa de dag thams cad rin po che sna tshogs kyis spras pa'i mu tig gi sems mo dor kun tu gnas pa dang / sna ma'i me tog dang / ut+pa la dang / pa ri sha ka dang / tsam+pa ka'i lda ldir kun tu gnas par gyur cig ce na'ang de de bzhin du 'gyur ro/ /gal te 'brog dgon par bza' ba dang / btung ba dang / kha zas med pa dag tu khyim bye ba phrag bco brgyad pa'i grong khyer chen po kun tu </font><hr>417a<br><font size=+1>


@#/ /gnas shing bza' ba dang / btung ba dang / kha zas mang po byung bar gyur cig ce na'ang de de bzhin du 'gyur ro/ /stong gsum gyi stong chen po'i 'jig rten gyi khams na gzugs su snang ba de dag de bzhin gshegs pa'i gzugs su kun tu gnas par gyur cig ce na'ang de de bzhin du 'gyur ro/ /'khor 'di thams cad nam mkha' la gnas par gyur cig ce na'ang de de bzhin du 'gyur ro/ /rigs kyi bu dag /gal te bu mo rin chen gyis phyogs bcu'i 'jig rten gyi khams mtha' yas mu med pa dag na sangs rgyas bcom ldan 'das chos ston par 'jug pa ji snyed pa de bar snang 'di las lhag chad med cing mtha' dag rdzogs par rnam pa'i mchog thams cad dang ldan par byung bar gyur cig ce na'ang de de bzhin du 'gyur te/ gang bu mo rin chen gyi las de cung zad kyang don med pa ma yin no/ /de nas bu mo rin chen gyis bden pa'i byin gyi rlabs dang / rdzu 'phrul gyi stobs dang / rnam par 'phrul pa dang / cho 'phrul gyi rnam pa 'di lta bu 'di kun tu bstan nas/ bcom ldan 'das la tshul dang mthun pa'i tshigs su bcad pa 'di dag gis mngon par bstod do/ /rin chen 'byung gnas ye shes rin chen mnga'/ /rin chen </font><hr>417b<br><font size=+1>


mchog ston yon tan mtha' yas pa/ /rgyal po'i rgyal po dgra dang shar gnyer gcod/ /byang chub yan lag rin chen nor bdun sbyin/ /rin chen 'od kyi 'od ni mtha' yas pa/ / nor bu rin chen rnam pa sna tshogs 'od/ /rin chen dam pa rgyal ba rin chen tog /bde gshegs khyod la rin chen rnams kyis mchod/ /rdo yi snying pos snying nor bu gang / /snang 'od dri med snying po nor bu dang / /rin po che dang nyi ma zla ba'i 'od/ /khyod kyi sku yi 'od kyis zil du rlag /thub pa khyod kyi sku tshad brtag par ni/ /sa bcu'i bar la gnas pas mi dmigs so/ /'jig rten gtso khyod sa la bzhugs kyang ngo / /rdzu 'phrul yon tan srid pa'i rtser gnas mthong / /rgyal ba'i 'khor rnams thams cad re res kyang / /rgyal ba rang rang mdun na bzhugs par shes/ /thams cad phyogs nas mngon sum mngon par yang / /kun nas sgo nas mtshungs pa med pa mthong / /la las bzhugs dang mnal dang 'chags pa dang / /'khor rnams la las bde gshegs gsung ba dang / /mi gsung bzhugs shing bsam gtan dgyes pa dang / /mtshungs med khyod kyi spyod lam mtha' yas mthong // khyod kyi ba spu re nas 'od zer mchog /btang ma thag tu phyogs bcu thams cad rgyas/ /rgyal ba'i sku ni pad+ma'i 'byung gnas 'dra/ /bsam pa ji bzhin yid kyang dga' bar </font><hr>418a<br><font size=+1>


@#/ /mdzad/ /bden la gnas shing rtag tu bden la gnas/ /bden pa lhur mdzad cig gsung de bzhin mdzad/ /chos kyi 'byung gnas don dang 'dul la mkhas/ /yon tan kun mthar phyin la phyag 'tshal lo/ /de nas bu mo rin chen gyis bcom ldan 'das la tshul dang mthun pa'i tshigs su bcad pa de dag gis mngon par bstod nas/ bcom ldan 'das la 'di skad ces gsol to/ /bcom ldan 'das/ gal te zhus nas zhu ba lung bstan pa'i slad du bcom ldan 'das kyis bdag la skabs dbye bar gnang na/ bdag 'dus pa'i le'u'i chos kyi rnam grangs la bka' mchid kyi rgyud 'ga' zhig brtsams te zhu'o/ /bcom ldan 'das kyis bka' stsal pa/ bu mo khyod/ de bzhin gshegs pa la ci dang / ci 'dod pa dris shig dang / ngas dris pa dang / de'i lung bstan pas khyod kyi sems rangs par bya'o/ /de nas de bzhin gshegs pas skabs phye ba dang / bu mo rin chen gyis bcom ldan 'das la 'di skad ces gsol to/ /bcom ldan 'das/ ji ltar na byang chub sems dpa' bden pa smra ba rnams gang lags/ de bzhin gshegs pas byang chub sems dpa' rnams la bden par gsungs pa ni gang lags/ bcom ldan 'das/ ji ltar na byang </font><hr>418b<br><font size=+1>


chub sems dpa' chos smra ba rnams gang lags/ de bzhin gshegs pas byang chub sems dpa' rnams la chos su gsungs pa ni gang lags/ bcom ldan 'das/ ji ltar na byang chub sems dpa' don smra ba rnams gang lags/ de bzhin gshegs pas byang chub sems dpa' rnams la don du gsungs pa ni gang lags/ bcom ldan 'das/ ji ltar na byang chub sems dpa' 'dul ba smra ba rnams gang lags/ de bzhin gshegs pas byang chub sems dpa' rnams la 'dul bar gsungs pa ni gang lags/ de nas bcom ldan 'das kyis bu mo rin chen la legs so zhes bya ba gnang ste/ bu mo/ legs so/ /legs so/ /khyod kyi rtogs pa bzang ngo / /dri ba tshul bzhin yin no/ /spobs pa dge'o/ /bu mo rin chen/ legs par shin tu nyon la yid la zungs shig dang ngas khyod la bshad do/ /bu mo rin chen gyis bcom ldan 'das legs so zhes gsol te/ bcom ldan 'das kyi ltar nyan pa dang / bcom ldan 'das kyis 'di skad ces bka' stsal to/ /bu mo/ gsum po 'di dag ni byang chub sems dpa'i bden pa ste/ gsum gang zhe na/ gang sangs rgyas la mi slu ba dang / bdag la mi slu ba dang / sems can thams cad la mi slu ba'o/ /bu mo/ byang chub sems dpa' sangs rgyas dang / bdag dang / sems can </font><hr>419a<br><font size=+1>


@#/ /thams cad la slu ba ji lta bu zhe na/ bu mo/ gal te byang chub sems dpa' bla na med pa yang dag par rdzogs pa'i byang chub tu sems bskyed la nyan thos kyi sa'am/ rang sangs rgyas kyi sa 'dod par byed cing smon te/ mngon par dga' ba de lta bu ni/ bu mo/ byang chub sems dpa' sangs rgyas dang / bdag dang / sems can thams cad la slu ba'o/ /bu mo/ byang chub sems dpa' sangs rgyas dang / bdag dang / sems can thams cad la mi slu ba ci lta bu zhe na/ bu mo/ gang ti tshe byang chub sems dpa' byang chub sems bskyed nas bdud dang / dmigs pa can thams cad kyis ji tsam du tshegs phyung zhing ji tsam du gnod par byas pa dang / phas kyi rgol ba thams cad kyis mtho brtsams shing co dris te 'brel bar byed cing ral gri dang / mdung thung dang / mtshon rtse gnyis pas phug pa dang / ma thob pa dang / ma grags pa dang / smad pa dang / sdug bsngal bas kyang mi g.yo/ mi 'phrul/ rnam par mi 'khrul/ mi zhum/ sgyid lug par mi 'gyur/ kun tu mi skrag /kun tu skrag par mi 'gyur/ yi mug par mi 'gyur/ 'gyod par mi 'gyur ba/ thog ma'i lhag pa'i bsam pa de'ang mi gtong zhing brtan por yang dag </font><hr>419b<br><font size=+1>


par 'dzin la/ byang chub kyi sems rin po che bskyed pa dang / 'jig rten gsum pa thams cad las khyad par du 'phags pa'i sems bskyed pa dang / sems can thams cad kyi skyabs dang / mgon dang / dpung gnyen gyi sems bskyed pa dang / mtshungs pa med cing 'dra ba med pa'i sems bskyed pa de las kyang mi nyams mi nur te/ theg pa gzhan la 'dod pa'i sems lan 'ga' yang mi bskyed par sangs rgyas dran/ chos kyi 'khor lo la rton/ sems can thams cad mngon du byed/ stobs nye bar ston mthu skyed par byed/ rtsal gyis rnam par gnon/ brtson 'grus rtsom ste/ pha rol gyi tshig gis gnod par mi nus pa de lta bu ni/ bu mo/ byang chub sems dpa' sangs rgyas dang / bdag dang / sems can thams cad la mi slu ba'o/ /byang chub sems dpa' sangs rgyas dang / bdag dang / sems can thams cad la mi slu ba gang yin pa 'di ni byang chub sems dpa'i bden pa'i mchog go /de rnam pa bzhis sangs rgyas la mi slu ste/ brtan pa dang / mthu dang / stobs dang / brtson 'grus rtul ba'o/ /de rnam pa bzhis bdag la mi slu ste/ bsam pa dang / lhag pa'i bsam pa dang / g.yo med pa dang / sgyu med pa'o/ /de rnam pa bzhis sems can thams cad mi slu ste/ sbyor ba dang / byams </font><hr>420a<br><font size=+1>


@#/ /pa dang / snying rje dang / sdud pa ste/ bu mo/ gang 'di byang chub sems yongs su mi gtong zhing sngon dam bcas pa las mi nyams pa 'di ni byang chub sems dpa'i bden pa la 'jug pa dang po'o/ /bu mo/ gzhan yang byang chub sems dpa'i bden pa ni gang 'di dag bsdam pa dang / ngag bsrungs pa dang / ngag 'khrul pa med pa dang / tshig bden pa ste/ de gcig bu'ang rung / skye bo mang po'i nang du gnas kyang rung / tshig bden par smra ste/ de rgyal srid kyi phyir yang rdzun gyi tshig mi smra/ stong gsum gyi stong chen po'i 'jig rten gyi khams rin po ches rab tu bkang bas brid kyang rdzun gyi tshig mi smra ba'o/ /bu mo/ de la byang chub sems dpa'i bden pa ni rnam pa sum cu rtsa gnyis yongs su dag pa ste/ rnam pa sum cu rtsa gnyis gang zhe na/ 'di lta ste/ ngo tsha shes pa'i rnam pa dang / yon tan gyi rnam pa dang / khrel yod pa'i rnam pa dang / nges pa'i rnam pa dang / bcos ma ma yin pa'i rnam pa dang / ma smad pa'i rnam pa dang / mi dmigs pa'i rnam pa dang / lhas rnam par rig pa'i rnam pa dang / 'jigs pa med pa'i rnam pa dang / ngan 'gro gcod pa'i rnam pa dang / bde 'gro 'byed pa'i rnam pa dang / 'phags pa'i skye bo mngon par dga' ba'i rnam pa dang / mkhas pas mchod par </font><hr>420b<br><font size=+1>


'os pa'i rnam pa dang / nang dag pa'i rnam pa dang / phyi rol legs par byas pa'i rnam pa dang / gzung bar 'os pa'i tshig gi rnam pa dang / blang bar 'os pa'i tshig gi rnam pa dang / tshig mi brlang ba'i rnam pa dang / 'jam pa'i tshig gi rnam pa dang / khyad par can gyi tshig gi rnam pa dang / kha dri rab tu zhim pa'i tshig gi rnam pa dang / bka' blo bde ba'i rnam pa dang / slu ba med pa'i rnam pa dang / gdung ba med pa'i rnam pa dang / dga' zhing mchog tu dga' ba'i rnam pa dang / bdag la nges par sems pa'i rnam pa dang / gzhan la nges par sems pa'i rnam pa dang / 'khrul pa med pa'i rnam pa dang / kha na ma tho ba med pa'i rnam pa dang / sbyin pa'i gnas kyi sa'i rnam pa dang / sangs rgyas mnyes par byed pa'i rnam pa dang / bden pa'i rjes su mthun pa'i ngag rab tu 'thob pa'i rnam pa ste/ bu mo/ 'di dag ni bden pa'i rnam pa yongs su dag pa sum cu rtsa gnyis so/ /bu mo/ gzhan yang byang chub sems dpa'i bden pa ni gang dam bcas pa yongs su rdzogs pa'o/ /de ci'i phyir zhe na/ byang chub ni byang chub sems dpa' sbyin pa la mos pa dag gi yin gyi ser sna can dag gi ma yin te/ 'di ni de'i dam bcas pa'o/ /gang bdog pa thams cad yongs su gtong bar kun tu snang ba 'di ni de'i bden pa'o/ /byang chub ni byang chub sems </font><hr>421a<br><font size=+1>


@#/ /dpa'i tshul khrims yongs su dag pa dag gi yin gyi/ ngang tshul ngan pa dag gi ma yin te/ 'di ni de'i dam bcas pa'o/ /gang tshul khrims yongs su dag par kun tu snang ba 'di ni de'i bden pa'o/ /byang chub ni byang chub sems dpa' bzod pa'i stobs rab tu 'thob pa dag gi yin gyi/ gnod sems can dag gi ma yin te/ 'di ni de'i dam bcas pa'o/ /gang bzod pa dang / des par kun tu snang ba 'di ni de'i bden pa'o/ /byang chub ni byang chub sems dpa' brtson 'grus brtsams pa dag gi yin gyi| le lo can dag gi ma yin te/ 'di ni de'i dam bcas pa'o/ /gang dge ba'i rtsa ba thams cad rtson par kun tu snang ba 'di ni de'i bden pa'o/ /byang chub ni byang chub sems dpa' bsam gtan la rab tu gnas pa dag gi yin gyi sems g.yeng ba dag gi ma yin te/ 'di ni de'i dam bcas pa'o/ /gang bsam gtan gyi yan lag yang dag par sgrub par kun tu snang ba 'di ni de'i bden pa'o/ /byang chub ni byang chub sems dpa' shes rab dang ldan pa dag gyi yin gyi/ shes rab 'chal bar dag gi ma yin te/ 'di ni de'i dam bcas pa'o/ /gang shes rab dang ye shes kun tu snang ba 'di ni de'i bden pa'o/ /gong ma bzhin du sbyar te/ byang chub kyi phyogs kyi chos thams cad dang / bsdu ba'i dngos po </font><hr>421b<br><font size=+1>


dang / tshangs pa'i gnas pa dang / mngon par shes pa dang / rig pa dang / zhi gnas dang / lhag mthong la'ang de bzhin no/ /byang chub ni byang chub sems dpa' dge ba'i chos thams cad dang ldan pa dag gi yin gyi dge ba'i chos rnam par spangs pa dag gi ma yin te/ 'di ni de'i dam bcas pa'o/ /gang dge ba'i chos thams cad la kun tu snang ba 'di ni de'i bden pa'o/ /bu mo/ gzhan yang / 'phags pa'i rnam pa'i bden pa de la byang chub sems dpas brtson par bya ste/ gang 'di sdug bsngal shes pa dang / kun 'byung ba spong ba dang / 'gog pa shes pa dang / lam sgom pa'o/ /de la sdug bsngal shes pa ni gang phung po rnams la rang bzhin gyis mi skye bar shes pa'o/ /kun 'byung ba spong ba ni srid pa gang gis phung po rnams yang dag par 'grub par 'gyur ba'i sred pa de shin tu mi 'byung zhing chags pa dang bral ba mngon par dga' ba med pa ste/ gang mngon par dga' ba med pa de ni gdod ma nas 'ong ba med pa'o/ /gang gdod ma nas 'ong ba med pa de ni chos nyid ma spangs pa'o/ /gang chos nyid ma spangs pa de ni kun 'byung ba spangs pa'o/ /de la 'gog pa shes pa ni gang mtshan ma dang dmigs pa shin tu zad cing 'gog pa ste/ gang 'gog pa'i tshe dngos po 'jig par 'gyur ba'ang med la/ dngos po yod pa dang / dngos po med pa mtshungs shing mnyam </font><hr>422a<br><font size=+1>


@#/ /par gyur pa'i chos thams cad la gang mnyam par mthong ba ni 'gog pa'i bden pa zhes bya'o/ /de la lam ni gang mnyam par lta zhing mnyam par sbyor ba/ mi rtog pa/ mi mnyam pa'i mtshan nyid ma yin pa/ nyon mongs pa thams cad mi tshol ba/ bdag gi med pa/ yongs su 'dzin pa med pa/ len pa med pa/ ma byas pa| rnam par ma byas pa 'di ni lam zhes bya'o/ /'di la gang bden pa shes pa'i ye shes dang / sems can rnams yang dag par thob par byed kyang bdag mngon sum du mi byed pa 'di'ang byang chub sems dpa'i bden pa zhes bya'o/ /bden pa bstan pa 'di bshad pa na byang chub sems dpa' khrims bden pa shes pa yongs su bsgom pa'i bzod pa rab tu thob bo/ /bu mo/ de la ji ltar byang chub sems dpa' chos smra ba yin zhe na/ gang gi tshe chos la rton par 'gyur ba/ chos smra ba dang / chos sems pa dang / chos bsam pa dang / chos spyod yul ba dang / chos spyod pa dang / chos don du gnyer ba dang / chos 'dod pa dang / chos la dga' bas dga' mos pa dang / chos kyi dpung dang / chos kyi tog dang / chos kyi mtshon cha dang / chos kyi go cha bgos pa dang / chos kyi ya lad bgos pa dang / chos kyi snang ba dang / chos kyi mar me dang / chos kyi dran pa dang / chos kyi blo </font><hr>422b<br><font size=+1>


gros dang / chos rtog pa dang / chos dpyod pa dang / chos la sbyor ba dang / chos spyod par gyur pa dang / chos kyis nyal ba dang / chos kyi spyod lam dang / chos srung ba dang / chos kyi nor dang / chos mi zad pa dang / chos rgya che ba dang / chos kyi bya ba byed pa dang / chos kyi lus dang / chos kyi ngag dang / chos kyi yid la byed pa mi gtong ba ste/ chos spyod pa rnam pa 'di lta bu dang ldan pa de ni chos smra ba yin te/ chos ma yin pa smra ba ma yin no/ /de la chos smra ba gang zhe na/ bden pa gang yin pa de bden par smra ba dang / sangs rgyas la bsngags pa smra ba dang / chos la srung bar smra ba dang / dge 'dun la bla ma dang / sring zhu bya bar smra ba dang / byang chub kyi sems la mos par bya ba bsnyad par smra ba dang / bsam pa mi 'dor ba smra ba dang / lhag pa'i bsam pa la dmigs pa dang / sbyor ba mi nyams par smra ba dang / 'phags pa rnams kyi lta ba smra ba dang / dge ba'i bshes gnyen rnams la bsten pa smra ba dang / nga rgyal med pas gus pa dang / ri mo bya ba smra ba dang / rtag tu bsngags pa smra ba dang / chos nyan pa na bsti steng du byas te mnyam pa smra ba dang / chos kun tu tshol bas mi ngoms pa smra ba dang / chos ston pa la snyoms las med pa smra ba dang / slob dpon chos 'chad pa med pa smra ba dang / byas pa gzo ba dang / byas pa shes pa dang / </font><hr>423a<br><font size=+1>


@#/ /byas pa chud mi gson pa smra ba dang / lan la mi re ba smra ba dang / dgon pa la skrag pa med pa smra ba dang / 'phags pa'i rigs ma nyams pa smra ba dang / sbyangs pa'i yon tan mi gtong ba smra ba dang / dge ba bcu'i las kyi lam la 'jug pa smra ba dang / sbyin pa'i bsngags pa smra ba dang / byang chub tu yongs su bsngo ba smra ba dang / tshul khrims kyi dbye ba smra ba dang / bzod pa'i stobs smra ba dang / brtson 'grus kyi zhum pa med pa smra ba dang / bsam gtan rnams kyi rab tu zhi ba smra ba dang / shes rab kyi khong du chud pa smra ba dang / thabs kyi yongs su gsal bar byed pa smra ba dang / byams pa'i skyabs smra ba dang / snying rje la 'jug pa smra ba dang / dga' ba'i mchog tu dga' ba smra ba dang / btang snyoms kyi gnyis dang bral ba smra ba dang / bden pa rnams kyi rjes su mthun pa smra ba dang / so so yang dag par rig pa bsnyad pa smra ba dang / mngon par shes pa rnams kyi bskyed pa smra ba dang / rton pa rnams kyi chos smra ba dang / chos kyi mdo rnams kyi khong du chud pa smra ba dang / dran pa nye bar bzhag pa rnams kyi dran pa brjed pa med pa smra ba dang / yang dag par spong ba rnams kyi yang dag pa'i nan tan smra ba dang / rdzu 'phrul gyi rkang pa rnams kyi mngon par bskyed pa smra ba dang / dbang po </font><hr>423b<br><font size=+1>


rnams kyi rno ba smra ba dang / stobs rnams kyi mi rdzi ba smra ba dang / byang chub kyi yan lag rnams kyi rjes su rtogs pa smra ba dang / lam gyi grol pa smra ba dang / zhi gnas kyi 'jug pa smra ba dang / lhag mthong gi de kho na shes pa smra ba dang / rig pa dang / rnam par grol ba yongs su gsal bar byed pa smra ba dang / nyan thos kyi theg pa'i sa ji lta ba smra ba dang / rang sangs rgyas kyi theg pa ston pa smra ba dang / theg pa chen po'i yon tan thams cad yongs su bsgrags pa smra ba dang / rten cing 'brel par 'byung ba'i lugs dang mthun pa smra ba dang / stong pa nyid la skrag pa med pa smra ba dang / mtshan ma med pa la bsnyad pa smra ba dang / smon pa med pa la so sor rtog pa smra ba dang / phung po rnams la sgyu mar bstan pa smra ba dang / khams rnams la nam mkha'i khams dang mtshungs pa nyid smra ba dang / skye mched rnams kyi rang bzhin gyis stong pa nyid smra ba dang / nor bdun smra ba dang / rjes su dran pa drug smra ba dang / gus pa dang bcas pa smra ba dang / yang dag par dga' bar bya ba drug smra ba dang / mngon par shes pa drug smra ba dang / pha rol tu phyin pa drug smra ba dang /mig lnga smra ba dang / don dam pa smra ba dang / kun rdzob la 'jug pa smra ba dang / legs par byas pa'i las smra ba dang / sems can thams cad la sems snyoms pa smra ba dang / sangs </font><hr>424a<br><font size=+1>


@#/ /rgyas kyi chos thams cad kyi yon tan dang bsngags pa tshad med pa smra ba'o/ /bu mo/ gzhan yang / byang chub sems dpa' chos smra ba ni bdag tu smra ba ma yin/ sems can du smra ba ma yin/ srog tu smra ba ma yin/ gang zag tu smra ba ma yin/ chad par smra ba ma yin/ rtag par smra ba ma yin/ 'byung bar lta ba smra ba ma yin/ 'jig par lta ba smra ba ma yin/ mtha' khas len pa smra ba ma yin/ dbus la mngon par zhen pa smra ba ma yin/ mi mthun pa smra ba ma yin/ 'gal ba smra ba ma yin/ rtsod pa smra ba ma yin/ phyogs yongs su 'dzin pa smra ba ma yin/ dmigs pa smra ba ma yin/ lta ba kun nas dkris pa dang / the tshom dang / sgrib pa dang / chod pa dang / bag la nyal dang / khong khro ba smra ba ma yin/ chos dang 'gal ba smra ba ma yin/ chos 'jig pa smra ba ma yin/ chos spong ba smra ba ma yin/ chos la mngon par rlom sems su byed pa smra ba ma yin/ chos la log par 'jug par smra ba ma yin te/ chos smra ba'i byang chub sems dpa' ni chos kyi rjes su mthun pa'i chos sgrub pa smra ba dang / yang dag par smra ba dang / chos smra ba dang / phas kyi rgol ba thams cad kyis mi tshugs pa smra ba'o/ /byang chub sems dpa' chos smra ba ni chos thams cad snang ba dang 'brel bas phyir bskyar </font><hr>424b<br><font size=+1>


bar dka' ba yin/ byang chub sems dpa' chos smra ba ni dmigs pa med pa'i spyod yul bas stong pa nyid smra ba yin/ mi 'khrugs pa'i chos can pas mtshan ma med pa'i smra ba yin/ khams gsum dang ma 'dres pas smon pa med pa smra ba yin/ 'dus byas kyi skyon mthong bas mngon par 'du mi byed pa smra ba yin no/ /byang chub sems dpa' chos smra ba ni chos kyi don rang bzhin gyis dben pa'i phyir skye ba med pa dang / 'byung ba med pa smra ba yin no/ /bu mo/ chos zhes bya ba ni brjod du med pa/ yi ge med pa/ bsnyad du med pa/ smrar med pa/ gzugs med pa/ bstan du med pa/ thogs pa med pa/ rnam par rig pa ma yin pa/ rnam par shes par bya ba ma yin pa/ sems dang / yid dang / rnam par shes pa dang bral ba / rdul med pa/ rdul dang bral ba/ 'dod chags dang bral ba/ mun pa med pa/ snang ba med pa/ bdag gi med pa/ yongs su 'dzin pa med pa/ 'dzin pa ma yin pa/ 'dzin pa dang bral ba/ yul med pa/ yul ma yin pa/ yul thams cad dang ma 'dres pa/ zhi ba/ grol ba/ blta dka' ba/ khong du chud par dka' ba/ rtog ge ma yin pa/ rtog ges mi chud pa/ 'phags pa mkhas pas shes shing rtogs pa/ tshor ba med pa/ tshor ba thams cad kyi rgyun bcad pa/ ji lta ba bzhin du dus gsum stong pa/ 'chi 'pho med pa/ 'pho bar </font><hr>425a<br><font size=+1>


@#/ /'gyur ba ma yin pa/ 'pho ba med pa/ skye ba med pa/ phun sum tshogs pa ma yin pa/ rgud pa ma yin pa/ 'byung ba med pa/ 'jig pa med pa/ mi srid pa/ 'byung bar mi 'gyur ba/ 'jig par mi 'gyur ba/ bskyed pa ma yin pa/ gzhig pa ma yin pa/ mi rtogs pa/ kun tu mi rtogs pa/ rnam par mi rtogs pa| mtshan nyid snang ba ma yin pa/ mtshan nyid med par snang ba ma yin pa/ mtshan nyid gcig pa/ mtshan nyid med pa/ kun gzhi med pa/ kun gzhi dang bral ba / 'dre ba med pa/ chags pa med pa/ bcings pa med pa/ grol ba med pa/ bdag gi med pa/ yongs su 'dzin pa med pa/ spyod pa med pa/ zag pa med pa/ 'dra ba med pa| mtshungs pa ma yin pa/ mi mnyam pa dang mnyam pa/ mi bden pa/ mi rdzun pa/ bde ba med pa/ sdug bsngal med pa/ 'du ba med pa/ 'bral ba med pa/ ldan pa med pa/ mi ldan pa med pa/ ming med pa/ gzugs med pa/ sbyar ba med pa/ bsal ba med pa/ snying po med pa/ snying po med pa ma yin pa/ dbyer med pa ma yin pa/ rdo rje ma yin pa/ 'bigs pa'i mtshan nyid ma yin pa/ de kho na de bzhin nyid gzhan ma yin pa nyid/ ring ba ma yin pa/ nye ba ma yin pa/ kha </font><hr>425b<br><font size=+1>


dog med pa/ rtags med pa/ dbyibs med pa/ mtshan ma med pa/ 'di na ma yin pa/ pha bi na ma yin pa/ de las ma yin pa/ gzhan las ma yin pa/ nang ma yin pa / phye ma yin pa/ gnyis ka ma yin pa/ gzhan ma yin pa/ gzhan ma yin pa'ang ma yin pa/ gzhan yang / gzhan ma yin pa'ang ma yin pa/ mthong ba med pa/ thos pa med pa/ dran pa med pa/ brjod pa med pa/ shes pa med pa/ rnam par shes pa med pa/ rnam par shes par bya ba dang / rnam par shes pa dang bral ba/ grangs med pa| grangs med pa ma yin pa/ grangs thams cad dang bral ba ste/ bu mo/ 'di ni chos zhes bya'o/ /gang 'di 'dra ba'i chos skad dang / brda sna tshogs kyis 'chad cing yang dag par rab tu ston pa 'di ni byang chub sems dpa' chos smra ba zhes bya'o/ /gzhan yang / chos smra ba ni smra ba thams cad las rnam par log pa yin no/ /chos smra ba ni su dang yang mi rtsod de/ /chos smra ba ni gzhan la shin tu rlom sems med do/ /chos smra ba ni ma bslabs pa la mi brnyas so/ /chos smra ba ni bslabs pa rnams la mi 'dud pa ma yin no| |bdag bstod pa ma yin no/ /chos nyid dang 'gal bar mi byed do/ /zang zing gis ma sbags pa'i rgyud kyis chos ston to/ /gzhan dag la 'gyod pa mi skyed do/ /gzhan </font><hr>426a<br><font size=+1>


@#/ /gyi ltung ba gleng bar mi byed do/ /chos la khyad du gsod par mi byed do/ /chos kyi bar chad mi byed do/ /chos smra ba ni byang chub kyi phyir mi 'dra bar chos gang yang mi mthong ngo / /stong pa nyid las grol ba'i chos mi ston to/ /mtshan ma med pa dang / smon pa med pa las rnam par grol ba'i chos mi ston to/ /chos kyi dbyings tha dad du mi byed do/ /de bzhin nyid las mi g.yo'o/ /yang dag pa'i mtha' las shin tu mi 'da'o/ /tshig 'bru la rton pa ma yin no/ /rnam par shes pa la rton pa ma yin no/ /drang ba la rton pa ma yin no/ /don dang 'gal ba ma yin no/ /tshig 'bru dang 'gal ba ma yin no/ /ye shes dang 'gal ba ma yin no/ /rnam par shes pa dang 'gal ba ma yin no/ /nges pa'i don dang 'gal ba ma yin no/ /drang ba'i don dang 'gal ba ma yin no/ /chos nyid dang 'gal ba ma yin no/ /gang zag dang 'gal ba ma yin no/ /phyogs yongs su 'dzin par mi byed do/ /rten cing 'brel bar 'byung ba dang 'gal bar mi byed do/ /chos smra ba ni 'jig rten gyi chos gang gis kyang rnam par dag par mi shes so/ /ser sna'i nyon mongs pas bsgribs pa ma yin no/ /tshul khrims las nyams pa ma yin no/ /ngang tshul ngan pa'i sems can </font><hr>426b<br><font size=+1>


'dor ba ma yin no/ /khro ba dang / gnod sems dang / tha ba can ma yin no/ /le lo'i dri ma dang lhan cig gnas pa ma yin no/ /chos smra ba ni byang chub kyi sems brjed pa ma yin no/ /shes rab kyi rtsa ba nyan pa chud gson pa ma yin no/ /gzhan la smod pa ma yin no/ /gang zag la sdang ba dang / chos la sdang bar mi byed do/ /mdo sde dang mdo sde 'gal bar mi byed do/ /'dul ba la 'dul ba ma yin par mi byed do/ /chos nyid dang 'gal bar mi byed do/ /tshul bzhin sbyor ba'i chos gang la'ang chos ma yin par mi mthong ngo / /nga rgyal gyis nga rgyal 'phel bar mi byed ngo / /chos las nyams pa ma yin no/ /byas pa chud gson pa ma yin no/ /bag la nyal mi 'dzin to/ /bsti stang la rjes su chags pa ma yin no/ /bsti stang med pa la khong khro ba ma yin no/ /mdza' ba dang / mi mdza' ba la gnyis su 'du shes mi byed do/ /rgyu dang / 'bras bu chud mi gson to// chos smra ba ni las kyi rnam par smin pa la mi mos pa ma yin no/ /smras pa'i lan mi ster ba ma yin no/ /chos smra ba ni dgra med pa'o/ /'khrul pa mi tshol lo/ /lce gnyis med do/ /lus dang / ngag dang / sems la tshul 'chos pa med do/ /chos smra ba ni gzhan la nye bar bstan pa'i phyir dgon par gnas pa ma yin no/ /'thob par </font><hr>427a<br><font size=+1>


@#/ /'dod pa'i phyir 'dod pa chung ba ltar ston pa ma yin no/ /'dod chen che bas sdig pa ma yin no/ /chos smra ba ni /sangs rgyas kyi byang chub gzhan gyis byas pa mi ston to/ /mi mnyam par len pa mi rtsom mo/ /nor bdun ma rung bar mi byed do/ /sha za ba ma yin no/ /pha'i rigs gcod pa ma yin no/ /gzhan gyi yon tan ma rung bar mi byed do/ /bdag gi yon tan brjod pa ma yin no/ /sangs rgyas kyi chos tshad yod par ston pa ma yin no/ /nga chos smra ba ni theg pa chen po'i bsngags pa brjod pas mi ngoms te/ de'i phyir na chos smra ba zhes bya'o/ /bu mo/ de la ji ltar na byang chub sems dpa' don smra ba yin zhe na/ don zhes bya ba ni bsam pas bcos ma ma yin pa ni don to/ /sbyor bas dge ba'i rtsa ba thams cad yang dag par sgrub pa ni don to/ /lhag pa'i bsam pa'i khyod par ni don to/ /gzhan byang chub kyi sems yang dag par 'dzin du 'jug pa ni don to/ /sbyin pas rnam par smin pa la mi re ba ni don to/ /sems can rnams bde ba myong bar byed pa ni don to/ /tshul khrims las nyams pa med pa ni don to/ /bzod pas ma rmas pa ni don to/ /brtson 'grus kyis dgos pa thams cad mthar 'byin pa ni don to/ /bsam gtan gyis nye bar zhi ba ni don to/ / </font><hr>427b<br><font size=+1>


shes rab kyis the tshom med pa ni don to/ /byams pas sems can thams cad la sems snyoms pa ni don to/ /snying rjes sems can thams cad kyi ci bya ba byed pa ni don to/ / dga' bas chos la dga' zhing mos pa ni don to/ /btang snyoms kyis bde ba dang / sdug bsngal thams cad mi 'byed pa ni don to| /sbyin pas 'gyod pa med pa ni don to/ /snyan par smra bas khong khro ba med pa ni don to/ /don byed pas chos dang ldan pa'i bsam pa yongs su rdzogs par byed pa ni don to/ /don mthun pas sems can rnams theg pa chen po yang dag par 'dzin du 'jug pa ni don to/ /bsdu ba'i dngos po rnams kyis sems can yongs su smin par byed pa ni don to/ /'du byed thams cad mi rtag pa dang / sdug bsngal ba ni don to/ /chos thams cad bdag med pa ni don to/ /nyon mongs pa thams cad zhi ba ni don to/ /tshig 'bru las don la rton pa ni don to/ /rnam par shes pa las ye shes la rton pa ni don to/ /mdo sde thams cad las nges pa'i don gyi mdo sde la rton pa ni don to/ /srog dang / gang zag gi sgra las chos nyid la rton pa ni don to/ /don so so yang dag par rig pas bstan pa mi zad pa ni don to/ /chos so so yang dag par rig pas chos kyis dbyings 'dres pa med pa ni don to/ /nges pa'i tshig so so yang dag par </font><hr>428a<br><font size=+1>


@#/ /rig pas phung po ma lus pa'i ye shes kyi rjes su 'jug pa ni don to/ /spobs pa so so yang dag par rig pas ci rigs par chos ston pa ni don to/ /sbyin pa'i tshogs kyis mi ngoms pa ni don to/ /tshul khrims kyi tshogs las smon lam yongs su rdzogs par byed pa ni don to/ /thos pa'i tshogs las nan tan snying por byed pa ni don to/ /bsod nams kyi tshogs las mtshan yongs su rdzogs par byed pa ni don to/ /ye shes kyi tshogs las sems can thams cad kyi dbang po mchog dang mchog ma yin pa shes pa ni don to/ /zhi gnas kyi tshogs las sems las su rung ba ni don to/ /lhag mthong gi tshogs las rig pa dang rnam par grol ba ni don to// dran pa nye bar bzhag pa rnams kyis dran pa nye bar gnas pa ni don to/ /yang dag par spong ba rnams kyis dge ba'i chos thams cad skyed pa ni don to/ /rdzu 'phrul gyi rkang pa rnams kyis phyogs bcur bgrod pa ni don to/ /dbang po rnams kyis tshig rab tu 'byed pa ni don to/ /stobs rnams kyis nyon mongs pa thams cad 'dul ba ni don to// byang chub kyi yan lag rnams kyis chos thams cad khong du chud pa ni don to/ /lam gyis chos thams cad mi 'khrugs pa ni don to/ /mngon par shes pa rnams las shin </font><hr>428b<br><font size=+1>


tu nyams pa med pa ni don to/ /de ltar na gang chos rnam pa 'di lta bu las don rab tu myong ba de ni 'di ltar don smra ba yin to/ don ma yin pa smra ba ma yin no/ /de ltar na byang chub sems dpa' don smra ba yin no/ /bu mo/ gzhan yang / dmigs par lta ba thams cad rab tu zhi bar bya ba'i phyir stong pa nyid kyi don ni don te/ byang chub sems dpa' stong pa nyid du smra ba ni don smra ba yin no/ /rtog pa dang / rnam par rtog pa thams cad spang ba'i phyir mtshan ma med pa'i don ni don to/ /byang chub sems dpa' mtshan ma med pa smra ba ni don smra ba yin no/ /khams gsum pa thams cad kyi smon lam dang bral ba'i phyir smon pa med pa'i don ni don te/ byang chub sems dpa' smon pa med pa smra ba ni don smra ba yin no/ /de bzhin du bsdus te 'du byed thams cad kyi rgyun bcad pa'i phyir mngon par 'du mi byed pa'i don ni don to/ /skye ba thams cad nye bar zhi bar bya ba'i phyir skye ba med pa'i don ni don to/ / skye ba nye bar len pa'i skye ba thams cad mi skye mi 'byung ba'i don ni don to/ /byang chub sems dpa' mi skye ba smra ba ni don smra ba yin no/ /sdug bsngal dang / kun 'byung ba dang / lam dang / 'gog pa'i don ni don to/ /'gog pa smra ba dang / chos thams cad la gang zag med pa'i don ni don te/ gang dag med pa smra ba dang / skang dang / tshig thams </font><hr>429a<br><font size=+1>


@#/ /cad brjod du med pa'i don ni don to/ /brjod du med pa smra ba dang / brtul zhugs thams cad yongs su rdzogs par bya ba'i phyir bden pa'i don ni don to/ /bden pa smra ba dang / byang chub kyi phyogs kyi chos thams cad la bag yod pa'i don ni don to/ /bag yod pa smra ba dang / thos pa'i don thams cad la nan tan byed pa'i don ni don to/ /nan tan byed pa smra ba dang / theg pa thams cad theg pa chen po'i don ni don to/ /byang chub sems dpa' theg pa chen po smra ba ni don smra ba yin no/ /bu mo/ gzhan yang / dbyer med pa'i don ni don to/ /sems can med pa'i don ni don to/ /ro gcig pa'i don ni don to/ /tha dad pa med pa'i don ni don to// tshul gcig pa'i don ni don to/ /tshig med pa'i don ni don to/ /mi zad pa'i don ni don to/ /mi dge \?\ ba'i don ni don to/ /mi skye mi 'byung ba'i don ni don to/ /'ong ba med pa dang / 'gro ba med pa'i don ni don to/ /mi skye mi 'gag pa'i don ni don to/ /rjes su 'gro ba'i don ni don to/ /gdeg pa med cing gzhag pa med pa'i don ni don to/ /mngon par 'du mi byed pa'i don ni don to/ /'dus ma byas pa'i don ni don to/ /sgro btags pa med pa'i don ni don to/ /rnam par rig pa med pa'i don ni </font><hr>429b<br><font size=+1>


don to/ /'khor gsum yongs su sbyong ba'i don ni don to/ /dus gsum mnyam pa nyid kyi don ni don to/ /'khor gsum yongs su dag pa'i don ni don to/ /'gro ba med pa'i don ni don to/ /'jig pa med pa'i don ni don to/ /thun mong ma yin pa'i don ni don to/ /yongs su gdung ba med pa'i don ni don to/ /nye bar zhi ba'i don ni don to/ /'dri ba med pa'i don ni don to/ /rgyu ba med pa'i don ni don to/ /bzung ba med pa'i don ni don to/ /sngon gyi mtha' dang / phyi ma'i mtha' yongs su mchad pa'i don ni don to/ /mi 'khrugs pa'i don ni don to/ /chos dang chos ma yin pa la rnam par mi tog pa'i don ni don to/ /mtha' dang / mtha' med pa dang / chad pa dang / rtag pa mnyam pa nyid kyi ye shes la 'jug pa'i don ni don to/ /yi ge dang / nges pa'i tshig dang / sgra dang / tshig gi lam thams cad ji lta ba bzhin du nan tan bya ba dang / khong du chud par bya ba'i don ni don to/ /sems dang / yid dang / rnam par shes pa dang / spros pa la mi rgyu ba'i don ni don to/ /'dod chags dang / zhe sdang dang / gti mug gi nyon mongs pa la rnam par mi rtog pa'i don ni don to/ /chos thams cad mnyam pa nyid de tha mi dad cing sna tshogs med pa'i don ni don to/ /stong pa nyid dang / mtshan ma med pa dang / smon pa </font><hr>430a<br><font size=+1>


@#/ /med pa dang / mngon par 'du bya ba med pa'i don ni don to/ /don dam pa'i bden pa'i don ni don to/ /gzhan gyi dring la mi 'jog pa'i don ni don to/ /rnam par rig pa med pa'i mtshan nyid kyi don ni don to/ /shin tu brtags pa'i mtshan nyid kyi don ni don to/ /sdug bsngal ba'i mtshan nyid kyi don ni don to| |dben pa'i mtshan nyid kyi don ni don to/ /gnas med pa'i mtshan nyid kyi don ni don to/ /don bya ba ma rung bar mi byed pa'i don ni don to/ /dbyer med pa'i mtshan nyid kyi don ni don to/ /de kho na dang / de bzhin nyid dang / gzhan ma yin pa de kho na'i mtshan nyid kyi don ni don to/ /shin tu dul ba nges pa'i don gyi mtshan nyid kyi don ni don to/ /phung po sgyu ma'i ngo bo nyid kyi mtshan nyid kyi don ni don to/ /khams chos kyi dbyings kyi mtshan nyid kyi don ni don to/ /skye mched dben pa'i mtshan nyid kyi don ni don to/ /nang nye bar zhi ba'i mtshan nyid kyi don ni don to/ /phyi rol tu rgyu ba med pa'i mtshan nyid kyi don ni don to/ /sbyin pa dang / dul ba dang / nye bar zhi ba'i mtshan nyid kyi don ni don to/ /bden pa yang dag pa slu ba med pa'i mtshan nyid kyi don ni don to/ /nyon mongs pa thams cad ci'ang ma yin pa'i don ni don to/ /rdo rje </font><hr>430b<br><font size=+1>


ltar sra ba mi byed pa'i mtshan nyid kyi don ni don to/ /'jig rten thams cad dang mi 'gal ba'i mtshan nyid kyi don ni don to/ /legs par byas pa shin tu mthar gtugs pa'i mtshan nyid kyi don ni don to/ /thams cad kyi rjes su song ba khong du chud pa'i mtshan nyid kyi don ni don to/ /rnam par thar pa'i sgrib pa med pa'i mtshan nyid kyi don ni don to/ /'gro ba thams cad du yang dag par zhugs shing sangs rgyas kyi chos thams cad kyi rjes su 'jug pa'i mtshan nyid kyi don ni don to/ /mnyam pa dang / mi mnyam pa nyid du yang dag par ston pa'i mtshan nyid kyi don ni don to/ /ting nge 'dzin dang / shes rab las nges par byung ba'i mtshan nyid kyi don ni don to/ /nges pa'i tshig dang / rnam bar grol ba dang / rnam par grol ba'i ye shes mthong ba'i mtshan nyid kyi don ni don to/ /ye shes kyi rgyu mthun pa'i mtshan nyid kyi don ni don to/ /btags pa rnam par rig pa'i mtshan nyid kyi don ni don to/ /yang dag pa'i shes pas lan 'debs pa'i mtshan nyid kyi don ni don to/ /don thams cad yang dag par 'du ba'i mtshan nyid kyi don ni don to/ /byang chub sems dpa' gang don 'di lta bu dang ldan pas don gang bstan pa de dag thams cad ni don bstan pa ste/ de'i phyir don smra ba zhes bya'o/ /bu mo/ </font><hr>431a<br><font size=+1>


@#/ /de la ji ltar na byang chub sems dpa' 'dul ba smra ba yin zhe na/ 'dul ba ni de bzhin gshegs pas gnyis su gsungs te/ gnyis gang zhe na/ ltung ba 'dul ba dang / nyon mongs pa 'dul ba'o/ /de la ltung ba ni gang / ltung ba 'dul ba ni gang zhe na/ ltung ba zhes bya ba ni yongs su rtog pa'i rtsa ba las byung ba/ tshul bzhin ma yin pa'i rtsa ba las byung ba/ ma rig pa'i rtsa ba las byung ba/ phyin ci log gi rtsa ba las byung ba/ yang dag pa ma yin pa'i rtsa ba las byung ba/ yod pa ma yin pa'i rtsa ba las byung ba/ 'jig tshogs kyi rtsa ba las byung ba/ sems can du mngon par zhen pa'i rtsa ba las byung ba/ 'gyod pa'i rtsa ba las byung ba/ 'byung ba ma yin pa'i rtsa ba las byung ba/ the tshom gyi rtsa ba las byung ba/ zhen cing rmongs pa'i rtsa ba las byung ba/ shes rab nyams chung ba'i rtsa ba las byung ba ste/ 'di ni ltung ba zhes bya'o/ /de la ltung ba 'dul ba gang zhe na/ the tshom med pa la rab tu gnas pa'i 'byung ba ste/ ltung ba ni yul na mi gnas pa/ phyogs na mi gnas pa/ phung bor ma gyur pa/ gzung ba med pa/ snang ba med pa'o/ /sems gang gis ltung bar gyur ba de'ang zad pa dang bral ba/ rnam par gyur pa/ yul na mi gnas pa/ phyogs na mi gnas pa/ phung por ma gyur pa/ gzung ba med pa/ </font><hr>431b<br><font size=+1>


snang ba med pa'o/ /sems ji lta bar ltung ba'ang de bzhin no/ /ltung ba ji lta bar chos thams cad kyang de bzhin te/ rtsa ba med pa'o/ /mi gnas pa'o/ /gang sems som nyi med pa dang / rnyog pa med pa dang / yang ba dang / zhi ba dang / yongs su gdung ba med pa dang / gsal pa dang / shin tu byang ba dang / bla ma'i tshig la mos pa dang / gcig tu nges par the tshom med cing gcig tu yid ches pa 'di ni ltung ba 'dul ba zhes bya'o/ /de la nyon mongs pa ni gang / nyon mongs pa 'dul ba ni gang zhe na/ nyon mongs pa zhes bya ba ni 'dod chags dang / zhe sdang dang / gti mug dang / ma rig pa dang / sred pa dang / len pa dang / srid pa'i yan lag bcu gnyis dang / gang dag la 'dus byas 'jug pa 'di ni nyon mongs pa zhes bya'o/ /de la nyon mongs pa 'dul ba gang zhe na/ 'di lta ste/ chos thams cad ni shin tu dul ba'o/ /de ci'i phyir zhe na/ chos thams cad ni stong pa nyid kyis dul ba ste/ de la 'dod chags kun tu rgyu ba med do/ /zhe sdang med do/ /gti mug med do/ /chos thams cad ni mtshan ma med pas dul ba ste/ de la nyon mongs pa thams cad kun tu rgyu ba med do/ /chos thams cad ni smon pa med pas dul ba ste/ de la kun tu rgyu ba thams cad kun tu rgyu ba med do/ /chos thams cad ni mngon par 'du bya ba med pas dul ba ste/ de </font><hr>432a<br><font size=+1>


@#/ /la mngon par 'du byed pa thams cad kun tu rgyu ba med do/ /chos thams cad ni rkyen gyi kha na las pa ste/ de la lta bar song ba thams cad kun tu rgyu ba med do/ /gang rten cing 'brel bar 'byung ba'i chos thams cad la nges pa dang / yang dag pa kho na dang / nyon mongs pa thams cad nyon mongs pa ma yin pa dang / shin tu zhi ba dang / stong pa nyid gang gis byang chub stong pa'i stong pa nyid nges nyon mongs pa thams cad stong par gang de ltar stong pa nyid khong du chud pa 'di ni nyon mongs pa 'dul ba zhes bya ste/ gang 'di skad smra ba 'di ni 'dul ba smra ba yin no/ /bdag 'dul ba'i phyir 'dul zhing gang bdag 'dul ba shes pa de ni nyon mongs pa 'dul ba shes pa'o/ /de la bdag 'dul ba gang zhe na/ gang bdag la bdag med par shes pa dang / bdag gi ngo bo nyid shes pa dang / bdag dben par shes pa dang / bdag ji lta ba bzhin dang / bdag mi 'khrugs pa dang / bdag stong pa nyid dang / bdag dngos po med pa nyid dang / bdag de bzhin nyid dang / bdag mi dmigs pa dang / bdag rgod pa med pa dang / bdag sgro btags pa med pa dang / bdag rtag tu skye ba med par shes pa ste/ gang de ltar bdag shes pa ni nyon mongs </font><hr>432b<br><font size=+1>


pa rnam pa thams cad shes pa'o/ /ji ltar bdag med pa yang dag tu 'du shes phyin ci log pa de bzhin du nyon mongs pa med pa la nyon mongs par 'du shes phyin ci log go /ji ltar bdag rang bzhin gyis bdag med pa de bzhin du nyon mongs pa'ang rang bzhin gyis nyon mongs pa med pa ste/ gang de ltar lhag mthong gis shes pa de ni nyon mongs pa 'dul ba zhes bya'o/ /de la 'das pa'i nyon mongs pa dul ba ma yin/ ma 'ongs pa'ang ma yin/ da ltar byung ba'ang ma yin no/ /de ci'i phyir zhe na/ kun tu rgyu ba med cing yid la byed pa med pa ni nyon mongs pa 'dul ba'o/ /gang kun tu rgyu ba med cing yid la byed pa med pa de ni 'das pa ma yin/ ma 'ongs pa ma yin/ da ltar byung ba ma yin no/ /ji ltar sems gzugs can ma yin te/ nang na ma yin/ phyi rol na ma yin/ gnyis ka med pa la'ang mi dmigs pa de bzhin du nyon mongs pa'ang gzugs can ma yin te/ nang na ma yin/ phyi rol na ma yin/ gnyis pa med pa la'ang mi dmigs so/ /mi dmigs pa'i phyir nyon mongs pa thams cad ni gnod pa med pa'o/ /zhi ba med pa'o/ /bya ba med pa'o| /rnam par bya ba med pa'o/ /byed pa med pa'o/ /rnam par byed pa med pa'o/ /gang de ltar nyon mongs pa rnams 'byung ba dang / 'jig pa med par shes pa 'di'ang nyon </font><hr>433a<br><font size=+1>


@#/ /mongs pa 'dul ba'o/ /bden pa dang / chos dang / don dang / 'dul ba bstan pa 'di bshad pa na/ byang chub sems dpa' khri mi skye ba'i chos la bzod pa skyes so/ /bu mo rin chen ni tshim zhing mgu ste/ yi rangs shing rab tu dga' nas/ dga' ba dang / yid bde ba skyes te/ bcom ldan 'das la 'di skad ces gsol to/ / bcom ldan 'das/ ji tsam du de bzhin gshegs pas bden pa dang / chos dang / don dang / 'dul ba bstan pa 'di legs par gsungs pa ni ngo mtshar to/ /bcom ldan 'das/ byang chub sems dpa' gang 'di ltar smra bar 'gyur ba de dag ni rtsod pa ma mchis pa lhur len pa ste/ sems can thams cad kyi rtsod pa spong ba'i slad du chos ston par 'gyur ro| |bu mo/ byang chub sems dpa' gang 'di ltar nyon mongs pa shin tu 'dul ba de gzhan dag gi nyon mongs pa'ang 'dul ba'i phyir chos ston pas de'i phyir 'dul ba smra ba zhes bya'o/ /bden pa bstan pa'i le'u'o// //bam po gnyis pa/ de nas tshe dang ldan pa shA ri'i bus bu mo rin chen la 'di skad ces smras so/ /bu mo khyod/ ci bden pa dang / chos dang / don dang / 'dul ba smra ba yin nam/ bu mo rin chen gyis smras pa/ btsun pa shA ri'i bu/ bden pa ni bsnyad du med pa'o/ /chos ni 'dod chags dang bral </font><hr>433b<br><font size=+1>


ba'o/ /don ni brjod du med pa'o/ /'dul ba ni lus dang sems dben pa ste/ de ni lan gdab par mi nus so/ /btsun pa shA ri'i bu/ gzhan yang / bden pa ni 'gog pa'i bden pa'o/ /chos ni bden pa'i mtshan nyid do/ /don ni tshig 'bru dang bral ba'o/ /'dul ba ni rnam par grol ba'i mtshan nyid do/ /de ni brjod pas lan gdab par mi nus so/ /btsun pa shA ri'i bu / gzhan yang / bden pa ni de bzhin nyid do/ /chos ni gzhan ma yin pa de bzhin nyid do/ /don ni gnyis su med pa'i don to/ /'dul ba ni bya ba med pa'i don te/ de ni brjod pa med pa bstan du med pa'o/ /tshe dang ldan pa shA ri'i bus yang bu mo rin chen la 'di skad ces smras so/ /bu mo/ khyod kyis rin po che ci 'dra ba zhig blangs nas des khyod rin chen zhes bya/ de skad ces smras pa dang / bu mo rin chen gyis tshe dang ldan pa shA ri'i bu la 'di skad ces smras so/ /btsun pa shA ri'i bu/ sum cu rtsa gnyis po 'di dag ni byang chub sems dpa' rnams kyi mngon du sems bskyed pa rin po che ste/ gang nyan thos dang / rang sangs rgyas thams cad la med pa'o/ /sum cu rtsa gnyis gang zhe na/ 'di lta ste/ 'gro ba thams cad yongs su bskyab pa'i phyir thams cad mkhyen pa'i sems bskyed pa rin po che dang / sangs rgyas kyi gdung so ba pa'i sems bskyed pa rin po che dang / chos kyi </font><hr>434a<br><font size=+1>


@#/ /rigs kun tu 'dzin pa'i sems bskyed pa rin po che dang / dge 'dun gyi rigs yongs su sgrub pa rgyun mi gcod pa'i sems bskyed pa rin po che dang / sems can thams cad 'phags pa'i bden pa la dgod pa'i phyir byams pa chen po'i sems bskyed pa rin po che dang / sems can thams cad kyi nyon mongs pa spang ba'i phyir sdug bsngal thams cad sel ba snying rje chen po'i sems bskyed pa rin po che dang / bdog pa thams cad yongs su gtong zhing sems can ser sna can rnams yongs su smin par bya ba'i phyir nang dang / phyi'i dngos po la mi lta ba'i sems bskyed pa rin po che dang / bdag kyang tshul khrims la gnas pa dang / tshul ngan pa'i sems can yongs su smin par byed pa'i sems bskyed pa rin po che dang / bzod pa'i stobs dang / nges pa dang / bde ba dang / dul ba dang / zhi ba dang / sdom pa dang ldan zhing sems can gnod sems dang / tha ba dang / khro ba dang / nga rgyal dang / rgyags pa dang / 'chab pa dang ldan pa rnams kyi gtso bo dang / mthu dang ldan par gyur kyang lan mi byed cing bzod pa nyid bskyed la/ byang chub sems dpa' sems can la lta ba'i bzod pa'i stobs kyi sems bskyed pa rin po che </font><hr>434b<br><font size=+1>


dang / zhum pa med cing zhan pa med la le lo med de/ brtson 'grus brtan zhing theg pa chen po las phyir mi ldog la tshogs la yongs su mi skyo zhing sems can le lo can yongs su smin par bya ba'i phyir brtson 'grus chen po'i sems bskyed pa rin po che dang / dran pa dang / blo gros dang / rtogs pa dang / byams pa dang / bsam gtan gyi mchog dang / rnam par thar pa dang / ting nge 'dzin dang / snyoms par 'jug pa'i khyad par khong du chud la sems can yongs su smin par bya ba'i phyir 'dod pa'i khams la'ang dmigs shing thabs kyis bsam gtan las phyir mi ldog pa'i sems bskyed pa rin po che dang / shes rab rab tu dbye ba chos thams cad la rab rib med cing ji lta ba bzhin du gnyis su med pa tshul gcig pa la 'jug pa'i phyer shes rab kyis rnam par 'phrul pa'i sems bskyed pa rin po che dang / sems can thams cad la sems snyoms pa zhe 'gras pa med pa'i blo dang ldan pa tha dad pa med cing ro gcig pa thams cad mkhyen pa nyid du yongs su smin par byed pa'i sems bskyed pa rin po che dang / rjes su chags pa dang / khong khro ba dang bral zhing bsti stang byas pa dang / bsti stang ma byas pa mtshungs par gyur cing ma khengs la mdud par legs par gnas pa/ yid g.yo ba med pa / </font><hr>435a<br><font size=+1>


@#/ /bde ba dang / sdug bsngal gyis mi g.yos pa/ sems can rjes su srung ba'i sems bskyed pa rin po che dang / 'jigs shing dngang ba dang / skrag pa dang bral la rten cing 'brel bar 'byung ba zab mo la 'jug pa la mkhas pa mtha' dang / mtha' med par lta ba dang bral ba'i sems bskyed pa rin po che dang / bsod nams kyi tshogs gsog pas ngoms mi shes shing mtshan dang / dpe byad bzang po yongs su rdzogs par byed pa'i sems bskyed pa rin po che dang / sangs rgyags mthong bar 'dod cing sangs rgyas mthong ba dang mi 'bral ba'i sems bskyed pa rin po che dang / chos mnyan pa yongs su tshol la thos pa la dpyod cing don la yongs su 'jal ba'i sems bskyed pa rin po che dang / ji ltar thos pa'i chos ston cing zang zing med pa'i sems bskyed pa rin po che dang / zin pa'i chos la slob dpon 'chab pa med pa'i sems bskyed pa rin po che dang / log par zhugs shing gnas te/ chos dang / tshul khrims las nyams pa rtag tu rjes su 'dzin pa'i sems bskyed pa rin po che dang / ma bslabs pa las dang po pa la brnyas pa med pa'i sems bskyed pa rin po che dang / nga rgyal dang / mngon pa'i nga rgyal dang / log pa'i nga rgyal dang bral zhing nga rgyal med pa/ bka' blo bde ba/ mthun par 'dzin </font><hr>435b<br><font size=+1>


pa| sems can thams cad la 'dud pa'i sems bskyed pa rin po che dang / rlabs po che'i sems dbang po rno ba/ theg pa ngan pa dang bral zhing theg pa chen po la mos pa/ sangs rgyas kyi dgongs pa'i sems bskyed pa rin po che dang / bdud kyi las dang bral zhing nye ba'i nyon mongs pa dag ste/ gtsang zhing dri ma med la rnyog pa med kyang 'dod chags kyi rdul dang / nyon mongs pa dang ldan pa'i 'dus byas la dga' zhing yongs su mi skyo ba'i sems bskyed pa rin po che dang / rtag tu rgyun mi chad par dben par spyod cing dgon pa'i yon tan mthong ste| lus dang / sems dben pa la dben par spyod kyang 'khor ba'i 'du 'dzi dang 'dre ba la mi smod pa snying rje chen po'i sems bskyed pa rin po che dang / lha dang / mi'i bde ba dang / bsam gtan gyi bde ba dang / rang gi bde ba thams cad 'dor zhing sems can sdug bsngal ba rnams yongs su smin par bya ba'i phyir sdug bsngal myong ba'i yongs su mi skye ba'i sems bskyed pa rin po che dang / zag pa med pa'i chos thob pa'i nus pa dang / skal pa dang / dbang po dang / bzod pa dang ldan yang lag mthil du 'ong ba'i rnam par grol ba mi 'dod cing 'dus byas mi spong ste/ sangs rgyas kyi chos yongs su rdzogs par byed pa'i sems bskyed pa rin po che dang / chos rnams la mi rtag pa dang / sdug bsngal ba dang / </font><hr>436a<br><font size=+1>


@#/ /bdag med par yang so sor rtog la skyo ba'ang med/ chags par 'gyur ba'ang med par dga' zhing byang chub kyi phyogs kyi chos yang dag par sgrub pa'i sems bskyed pa rin po che dang / chos thams cad stong pa nyid dang / mtshan ma med pa dang / smon pa med pa dang / mngon par 'du byed pa med par so sor rtog cing sems can la lta'ang chos de mngon sum du'ang mi byed la sems can la lta ba'i sems bskyed pa rin po che dang / 'gro ba thams cad kyis skrag cing mgo'i thod la me 'bar ba lta bu'i brtson 'grus dang ldan zhing thams cad mkhyen pa'i ye shes kyi phyir bskal pa grangs med par 'khor bas yongs su mi skyo ba 'di ni byang chub sems dpa'i sems bskyed pa rin po che'o/ /ji lta ji lta bur byang chub la nye bar 'gyur ba de lta de lta bur de lus dang longs spyod dang / ye shes shin tu rgya cher 'gyur yang de che ba nyid kyi chos de'ang 'dor zhing snying rjes dbul po'i rjes su 'jug ste/ smon pa med cing skyo ba med pa 'di'ang byang chub sems dpa'i sems bskyed pa rin po che'o/ /gang sems can yongs su smin par byed pa de dag thog ma kho nar bdag byang chub par mi 'dod pa la/ lhag pa'i bsam pa brtan pa'i sems bskyed pa rin po che ste/ btsun pa shA radwa ti'i bu/ sum cu rtsa gnyis po de dag ni byang chub </font><hr>436b<br><font size=+1>


sems dpa' rnams kyi sems bskyed pa rin po che ste/ des na byang chub sems dpa' rin po che'i 'byung gnas zhes bya'o/ /de nas bcom ldan 'das kyis bu mo rin chen la legs so zhes bya ba gnang ste/ bu mo/ khyod kyis byang chub sems dpa' dag gi sems bskyed pa rin po che la 'jug pa 'di legs par smras pa ni legs so/ /legs so/ /bu mo/ gang dag bla na med pa yang dag par rdzogs pa'i byang chub tu sems bskyed pa de dag ni skyes bu dam pa yin te/ yon tan bstan pa mtha' yas so/ /de ci'i phyir zhe na/ nyan thos rin po che dang / rang sangs rgyas rin po che las sangs rgyas dkon mchog mi 'byung gi /sangs rgyas dkon mchog las nyan thos dang / rang sangs rgyas rin po che 'byung ngo / /byang chub kyi sems rin po che las sangs rgyas dang / chos dang / dge 'dun dkon mchog 'byung ngo / /de nas bcom ldan 'das la tshe dang ldan pa shA radwa ti'i bus 'di skad ces gsol to/ /bcom ldan 'das/ du mo rin chen gyi shes rab dang / spobs pa bstan pa dang / ji ltar 'di so sor yang dag par rig pa thob pa bstan pa ngo mtshar to/ /bcom ldan 'das kyis bka' stsal pa/ shA radwa ti'i bu/ 'di la ji snyam du sems/ bu mo rin chen gyis so so yang dag par rig pa ma thob bo snyam na de ltar mi lta ste/ bu mo rin chen gyis so so yang dag par rig </font><hr>437a<br><font size=+1>


@#/ /pa dang / spobs pa rgyun mi 'chad pa 'thob bo/ /de nas tshe dang ldan pa shA radwa ti'i bus bu mo rin chen la 'di skad ces smras so/ /bu mo/ khyod kyis so so yang dag par rig pa bstan pa las brtsams te/ spobs par gyis shig /bu mo rin chen gyis smras pa/ btsun pa shA radwa ti'i bu/ so so yang dag par rig pa ni thams cad du chos la dpyod pa dang / ston pa'i las byed de/ btsun pa shA radwa ti'i bu/ byang chub kyi sems zhes bya ba de ni so so yang dag par rig pa bstan pa'i tshig go |de ci'i phyir zhe na/ don thams cad kyis yang dag par bsdus pa'i sems de bskyed pa 'di ni don so so yang dag par rig pa'o/ /chos kyi dbyings su yang dag par 'du ba'i sems de bskyed pa 'di ni chos so so yang dag par rig pa'o/ /de las byung ba'i dpyod pa thams cad dang / nges pa'i tshig thams cad po 'di ni nges pa'i tshig so so yang dag par rig pa'o/ /sems bskyed pa de thogs pa med par ston cing spobs pa rgyun mi 'chad pa 'di ni spobs pa so so yang dag par rig pa'o/ /rgyu ba med cing gnas pa med pa'i don ni don te/ 'di ni don so so yang dag par rig pa'o/ /sgyu ma'i sems kyis chos nyid ni chos so so yang dag rig pa'o/ /rnam par rig pa'i </font><hr>437b<br><font size=+1>


sgo nas nges pa'i tshig ni nges pa'i tshig so so yang dag par rig pa'o/ /yul drug la sems mi chags shing spobs pa thogs pa med pa 'di ni spobs pa so so yang dag par rig pa'o/ /don ni nges pa'i don to/ /chos ni dpen pa la lta ba'o/ /nges pa'i tshig ni sgra tsam mo/ /spobs pa ni sgra rnam par rig pa'o/ /sangs rgyas zhes bya ba de ni khong du chud pa'i don gyi tshig go /de las nges par byung ba ni chos so/ /chos de ni nges pa'i tshig gis rab tu phye ba'o/ /spobs pa bstan pa ni spobs pa so so yang dag par rig pa'o/ / chos kyi don ni don to/ /'dod chags dang bral ba'i chos nyid ni chos so/ /chos la dpyod pa ni nges pa'i tshig go /chos la spobs pa ni spobs pa so so yang dag par rig pa'o/ /dge 'dun gyi don dang / 'dus ma byas pa'i don ni don so so yang dag par rig pa'o/ /dge 'dun dang / don ro gcig pa ni chos so/ /dge 'dun la dpyod pa ni nges pa'i tshig go /gang rab tu ston pa de ni spobs pa so so yang dag par rig pa'o/ /btsun pa shA radwa ti'i bu/ de ltar na chos thams cad kyi tshig bstan pa ni so so yang dag par rig par blta'o/ /de nas bcom ldan 'das la tshe dang ldan pa shA radwa ti'i bus 'di skad ces gsol to/ /bcom ldan 'das/ bu mo rin chen gyis bla na med pa yang dag par </font><hr>438a<br><font size=+1>


@#/ /rdzogs pa'i byang chub tu sems bskyed pa nas ni ji srid cig lags/ de bzhin gshegs pa ni gang gi gsung rab lags/ de skad ces gsol pa dang / bcom ldan 'das kyis tshe dang ldan pa shA radwa ti'i bu la 'di skad ces bka' stsal to/ /shA radwa ti'i bu/ sdon byung ba 'das pa'i dus na bskal pa grangs med pa'i yang ches grangs med par gyur pa de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas rnam par gzigs zhes bya ba/ mkhyen pa dang zhabs su ldan pa / bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang / mi rnams kyi ston pa/ sangs rgyas bcom ldan 'das 'jig rten du 'byung ngo| |shA radwa ti'i bu/ de bzhin gshegs pa dgra bcom pa yang dag par rdzogs pa'i sangs rgyas rnam par gzigs de'i sangs rgyas kyi zhing nas 'jig rten gyi khams shin tu rnam par dag pa zhes bya bar gyur to/ /shA radwa ti'i bu/ 'jig rten gyi khams shin tu rnam par dag pa'i longs spyod ni dga' ldan gyi lha'i longs spyod dang 'dra bar gyur to/ /bcom ldan 'das/ de'i byang chub sems dpa'i dge 'dun ni byang chub sems dpa' dag pa sha stag ste/ byang chub sems dpa' bye ba phrag bdun cu rtsa drug </font><hr>438b<br><font size=+1>


thams cad kyang phyir mi ldog pa gzungs dang| spobs pa las nges par byung ba sha stag go/ shA radwa ti'i bu/ de'i tshe de'i dus na de bzhin gshegs pa rnam par gzigs kyi gsung rab la 'khor los bsgyur ba'i rgyal po stong gsum gyi stong chen po'i 'jig rten gyi khams kyi dbang phyug rin po che'i mdzod mtha' yas pa dang ldan pa/ bsod nams kyi rnam par smin par yongs su dag pa zhes bya ba zhig byung ngo / /shA radwa ti'i bu/ rgyal po bsod nams kyi rnam par smin pa yongs su dag pa la btsun mo'i 'khor gyi bud med stong phrag brgyad khri bzhi stong yod de/ de dag thams cad kyang skye ba bzang mo sha stag go/ de la bu pho khri yod de/ thams cad kyang mthu bo che'i stobs dang ldan pa sha stag go| shA radwa ti'i bu/ de ltar rgyal po bsod nams kyi rnam par smin pa yongs su dag pa'i bcom ldan 'das de bzhin gshegs pa rnam par gzigs byang chub sems dpa'i dge 'dun dang bcas pa de la yid du 'ong ba'i na bza' dang / zhal zas dang / gzims cha dang / snyun gsos kyi rkyen sman dang / yo byad dang / bde bar sbyar ba thams cad kyis lo bye ba phrag sum cu rtsa drug tu bsnyen bkur byas so/ /de nas bcom ldan 'das la tshe dang ldan pa shA radwa ti'i bus 'di skad ces gsol to/ /bcom ldan 'das/ bcom ldan </font><hr>439a<br><font size=+1>


@#/ /'das de bzhin gshegs pa rnam par gzigs de'i sku tshe'i tshad ci tsam/ bcom ldan 'das kyis bka' stsal pa/ shA radwa ti'i bu/ de bzhin gshegs pa rnam par gzigs de'i sku tshe'i tshad ni bar gyi bskal pa bcu thub po/ /shA radwa ti'i bu/ de ltar rgyal po bsod nams kyis rnam par smin pa yongs su dag pa'i de bzhin gshegs pa rnam par gzigs de la mchod pa dpag tu med pa byas na/ btsun mo'i 'khor dang bcas/ bu dang bcas/ g.yog dang bcas te srog chags khrag khrig dgu bcu rtsa gnyis kyis mdun du bdar nas de bzhin gshegs pa rnam par gzigs ga la ba der song ste phyin pa dang / bcom ldan 'das kyi zhabs la mgo bos phyag btsal te/ bye ba brgya stong gis shin tu spras pa'i mu tig gi se mo ngos mngon par bkab nas thal mo sbyar te/ de bzhin gshegs pa rnam par gzigs la 'di skad ces gsol to/ /bcom ldan 'das/ bdag gis bcom ldan 'das la mchod pa thams cad kyis mchod pa bgyis na/ bdag gis de bzhin gshegs pa la mchod pa ma bgyis pa'i mchod pa khyad par du 'phags pa gzhan na la la mchis sam/ de skad ces gsol pa dang / de bzhin gshegs pa rnam par gzigs kyis rgyal po bsod nams kyis rnam pa smin pa yongs su dag pa de la </font><hr>439b<br><font size=+1>


'di skad ces bka' stsal to/ /rgyal po chen po/ gang khyod kyis de bzhin gshegs pa la mchod pa ma byas pa'i mchod pa dam pa/ khyad par can/ gya nom pa/ khyod kyi mchod pa 'dis de'i brgya'i char yang nye bar mi 'gro ba nas rgyu'i bar du'ang mi bzod pa gzhan yod do/ /de'ang gang zhe na/ de nas de bzhin gshegs pa rnam par gzigs des rgyal po 'khor dang bcas pa de'i bsam pa mkhyen nas tshigs su bcad pa 'di dag gsungs so/ /zhing rnams bye ba khrag khrig brgya stong du ma gang+gA'i bye ma snyed/ /gang gis rin chen bkang ste bskal pa bye brgyar rtag rgyun byin pa yi/ /bsod nams des ni gang zhig sems can don phyir snying brtse snying rje bskyed/ /byang chub zhugs pa'i bsod nams de yi grangs cha gang du'ang 'gyur ma yin/ /sangs rgyas bye ba khrag khrig stong phrag du ma gang+gA'i bye snyed la/ /bskal pa bye ba khrag khrig mang por me tog spos kyis mchod pa byas/ /byang chub brtan pa phan byed gang zhig gom pa bdun ni rab bor bas/ /rgyal ba mchod pa 'di ni dam pa gtso bo gya nom mchog gi phul/ /gang zhig byang chub sems bskyed 'jig rten 'dren par 'gyur bar smon gdab pa/ /de ni sbyin pa de bzhin tshul khrims gzhal yas bzod pa'i stobs kyi mchog /de ni brtson 'grus brtan pa ting 'dzin gzhal yas </font><hr>440a<br><font size=+1>


@#/ /shes rab mi g.yos pa/ /de ni mtha' yas bsags pa'i bsod nams lam ste zad par 'gyur ma yin/ /gang zhig bsam pas yid rab dga' zhing thams cad mkhyen la rab 'jug pa/ /bsngags dang brjod dang grags dang gzugs dang g.yog ni shin tu mdzes pa 'thob/ /des ni longs spyod dbang phyug stobs rnams rtag 'thob sems dang dran pa 'phags/ /de ni 'khor los bsgyur rgyal stobs ldan de ltar brgya byin tshangs par 'gyur/ /mi gang la la byang chub rdul dang bral ba tha med zhi 'jug pa/ /de ni ngan song ngan 'gro lam dang mi khom brgyad po thams cad gcod/ /de ni lha dang mi yi lam rnams rab tu 'byed cing rnam par sbyangs/ /long bar mi 'gyur 'on par ma yin dbang po thams cad tshang bar 'gyur/ /gang zhig byang chub 'jug cing blo gros ldan pa sems can skyabs gnyer ba/ /sangs rgyas mthong zhing de dag la yang mchod byed mkhas pa chos kyang nyan/ /shes rab ye shes ldan zhing blo ni shin tu rlabs che chen por 'gyur/ /the tshom nem nur med cing nga rgyal bral ba rtag tu drang por 'gyur/ /gang zhig byang chub sems bskyed 'di 'dra'i dpal gyi byang chub 'jug pa de/ /'dod pa'i dga' la dga' ba rnyed par mi 'gyur chos la dga' </font><hr>440b<br><font size=+1>


ba rnyed/ /de nas 'jig rten dri mas gos par mi 'gyur chu las pad+ma bzhin/ /shes rab ye shes yon tan rnams kyis mi ngoms phyir zhing tshol bar byed/ /byang chub zhugs nas snying rjes mtha' yas gang zhig zad par mi nus pa/ /skyabs dang gling dang dpung gnyen dag dang sems can rnams kyi pha mar 'gyur/ /de nas 'gro ba sman pa slob dpon bla ma ded dpon chen por 'gyur/ /'jig rten dang ni 'jig rten 'das pa'i sman sbyin nad rnams zhi bar byed/ /shA radwa ti'i bu/ de nas rgyal po bsod nams kyis rnam par smin pa yongs su dag pa des de bzhin gshegs pa rnam par gzigs de las byang chub kyi sems kyi yon tan dang / phan yon dang / bsod nams tshad med pa 'di thos nas tshim zhing mgu la yi rangs shing rab tu dga' ste/ dga' ba dang / yid bde ba skyes nas bsam pa thag pa nas bla na med pa yang dag par rdzogs pa'i byang chub tu sems bskyed de/ bud med kyi 'khor de dag dang / bu thu bo dang / blon po dang / mkhar gyi rgyal po dang / skye bo'i tshogs chen po de la tshigs su bcad pa 'di dag smras so/ /sems can dag la snying rje byams bskyed nas/ nga ni byang chub dam pa mchog la zhugs/ /gang zhig nga la dga' ba yid 'ong 'dod/ /de nas byang chub sems brtan yang dag bskyed/ /mi rigs sbyor ba sdug </font><hr>441a<br><font size=+1>


@#/ /bsngal gyur pa yis/ /sngon chad 'khor ba bye ba ma shes kyi/ /byang chub mchog gi lam du zhugs shig dang / /sems can don brtson sdug bsngal bde bar 'gyur/ /gang dag rdzu 'phrul spobs pa ye shes dang / /shes rab 'khor dang de bzhin mchod pa dang / /sangs rgyas rnam gzigs yon tan dpag med pa| |'di dag thams cad mkhyen pa'i sems las byung| /lha mi'i 'jig rten bde ba gang dag dang / /brgya byin tshangs pa 'khor los bsgyur ba dang / /gang dag zag bcas zag pa med pa'i bde/ /'di dag thams cad mkhyen pa'i sems las byung / /bsdu dang bsam gtan de ltar tshad med gang / /de bzhin gang dag pha rol phyin lam dang / /mngon shes rig dang so so yang dag rig /'di dag thams cad mkhyen pa'i sems las byung / /stobs bcu sangs rgyas kha dog bsam yas dang // gang dag de bzhin gshegs pa'i mi 'jigs dang / /gang dag sangs rgyas chos yangs dpag med pa/ /de kun rnam dag sems las nges par byung / /gang zhig zhing rnams bye ba bskyod pa dang / /thams cad dbyangs kyis go bar byed pa dang / /'od dang bkod pas dri med rgyas 'dod pa/ /mkhas pa des ni byang chub sems </font><hr>441b<br><font size=+1>


skyed cig /mkhas pa gang zhig byang chub sems bskyed pa/ /phyogs rnams kun tu mchod pa'i 'os su 'gyur/ /de bzhin gshegs pa rnams kyis bsngags par 'gyur/ gsol ba ma btab 'gro ba'i bshes su 'gyur/ /gal te sangs rgyas thams cad gzigs pa yis/ /bskal pa mang por bsngags pa brjod kyang ngo / /byang chub sems las bsod nams gang byung ba/ /brjod pas zad par 'gyur ba ma yin no/ /rgyal po bsod nams kyis rnam par smin pa yongs su dag pas tshigs su bcad pa de dag smras ma thag tu de nas srog chags khrag khrig phrag dgu bcu rtsa gnyis po de dag dang / rgyal po'i btsun mo'i 'khor de dang / bu khri bo de dag gis bla na med pa yang dag par rdzogs pa'i byang chub tu sems bskyed do/ /stong gsum gyi stong chen po'i 'jig rten gyi khams de'ang rnam pa drug tu rab tu g.yos so/ /lha bye ba phrag bzhi bcus kyang rjes su yi rang ngo zhes sgra byung nas bla na med pa yang dag par rdzogs pa'i byang chub tu sems bskyed do/ /'khor los bsgyur ba'i rgyal po des phyis kyang lo bye \?\ ba \?\ phrag bcur de bzhin gshegs pa rnam par gzigs de la bde bar sbyar ba thams cad kyis bsti stad du byas so/ /bla mar byas so/ /ri mor byas so/ /mchod </font><hr>442a<br><font size=+1>


@#/ /do| |tshangs par spyad pa'i bslab pa'i gnas lnga yongs su blangs so/ /rtag tu rgyun mi 'chad par de bzhin gshegs pa de la chos nyan pa'i phyir g.yog dang bcas te dong nas chos nyan to/ /des phyi zhig na pu thu bo rgyal por bcug nas skra dang / kha sbu bregs te gos dur smig bgos nas yang dag par dad pas khyim nas khyim med par rab tu byung ngo / /de de ltar rab tu byung nas/ 'di lta ste/ bden pa'i tshig dang / chos kyi tshig dang / don gyi tshig dang / 'dul ba'i tshig dang| |tshig mi zad pa bzhi po 'di dag gi yi ge'i mtshams sbyar ba las yongs su 'jal lo/ /de lo bye ba tshangs par spyod pa la mkhas pa'i rjes su song ngo / /rgyal po rab tu byung ba des rjes su bslabs nas/ de na stong gsum gyi stong chen po'i 'jig rten gyi khams kyi sems can bgrang ba las shin tu 'das pa dag de bzhin gshegs pa rnam par gzigs de'i gsung rab la rab tu byung ngo / /shA radwa ti'i bu/ de'i tshe de'i dus na rgyal po bsod nams kyi rnam par smin pa yongs su dag pa zhes bya bar gyur pa de gzhan zhig yin pa snyam du sems na/ de ltar mi lta ste/ bu mo rin chen 'di nyid do/ /de nas de bzhin gshegs pa rnam par gzigs de las bu mo rin </font><hr>442b<br><font size=+1>


chen 'dis byang chub tu sems bskyed do/ /shA radwa ti'i bus gsol pa/ bcom ldan 'das las kyi sgrib pa ji lta bu zhig gis bu mo 'dis bud med kyi dngos po yongs su bzung / bcom ldan 'das kyis bka' stsal pa/ shA radwa ti'i bu/ byang chub sems dpa' dag ni las kyi sgrib pas bud med kyi dngos po yongs su mi 'dzin to/ /de ci'i phyir zhe na/ shA radwa ti'i bu/ byang chub sems dpa' dag ni sems can yongs su smin par bya ba'i phyir mngon par shes pa dang / rig pa dang / ye shes dang / thabs dang / shes rab kyi stobs kyis bud med kyi dngos po yongs su 'dzin to/ /shA radwa ti'i bu/ 'di la ji snyam du sems/ bu mo rin chen 'di bud med do snyam na'ang de ltar mi blta yi/ shA radwa ti'i bu/ 'di ni mngon par shes pa'i stobs can gyi byang chub sems dpar blta ste/ de la ni bud med kyi chos dang / skyes pa'i chos med do/ /bu mo 'di ni dge ba'i chos thams cad dang ldan no/ /'ong ba med do/ /'gro ba med do/ /shA radwa ti'i bu/ bu mo rin chen 'dis ni dzam+bu'i gling 'dir bu mo gzhon nu dgu khri bla na med pa yang dag par rdzogs pa'i byang chub tu yongs su smin par byas so/ /de nas bu mo rin chen gyis tshe dang ldan pa shA radwa ti'i bu la 'di skad ces smras so/ /btsun pa shA radwa ti'i bu/ bud med kyi lus kyis </font><hr>443a<br><font size=+1>


@#/ /sems can rnams la chos ston spyad pa mi spyod dam/ shA radwa ti'i bus smras pa/ bu mo/ bdag ni skyes pa'i lus 'di nyid kyang mi 'dod na bud med kyi lus yongs su gzung ba lta ci smos/ bu mos smras pa/ btsun pa shA radwa ti'i bu/ lus la smod dam/ smras pa/ bu mo/ smod do/ /smras pa/ de bas na/ btsun pa shA radwa ti'i bu/ byang chub sems dpa' ni sems can thams cad las khyad par du 'phags so/ /de ci'i phyir zhe na/ 'di ltar gang nyan thos kyis smad pa de la ni byang chub sems dpa' mi smod do/ /nyan thos kyis smad kyi byang chub sems dpas ma yin pa gang zhe na/ phung po dang / khams dang / skye mched la nyan thos smod kyi byang chub sems dpa' ni ma yin no/ /lus yongs su gzung ba la nyan thos smod kyi byang chub sems dpa' ni ma yin no/ /'khor ba yongs su gzung ba la nyan thos smod kyi/ byang chub sems dpa' ni ma yin no/ /skye ba'i gnas pa la nyan thos smod kyi/ bsam bzhin du skye ba yongs su gzung ba la byang chub sems dpa' ni ma yin no/ /bsod nams mngon par 'du bya ba la nyan thos smod kyi/ bsod nams kyi tshogs gsog pas mi ngoms pa la byang chub sems dpa' ni ma yin no/ /sems can dang 'dre ba la nyan thos smod kyi/ </font><hr>443b<br><font size=+1>


sems can thams cad yongs su smin par bya ba'i phyir 'du 'dzi la byang chub sems dpa' ni ma yin no/ /grong dang / grong khyer du 'jug pa la nyan thos smod kyi/ grong dang / grong khyer dang| grong rdal dang / yul 'khor dang / pho brang 'khor du 'jug pa la byang chub sems dpa' ni ma yin no/ /rang gi nyon mongs pa la nyan thos smod kyi/ sems can thams cad kyi nyon mongs pa la byang chub sems dpa' ni ma yin te/ btsun pa shA radwa ti'i bu/ de ltar na gang dang / gang la nyan thos smod pa de dang / de la byang chub sems dpa' ni ma yin no| |shA radwa ti'i bus smras pa/ bu mo/ stobs gang gis de smod par mi 'gyur ba'i byang chub sems dpa'i stobs gang yin/ bu mos smras pa/ btsun pa shA radwa ti'i bu/ brgyad po 'di dag ni byang chub sems dpa'i stobs te/ des de smod pa mi 'gyur ro/ /brgyad gang zhe na/ khong khro ba med pa'i sems kyis byams pa'i stobs dang / sems can yongs su smin par byed pas snying rje'i stobs dang / bcos ma ma yin pas lhag pa'i bsam pa'i stobs dang / nyon mongs pa dang bral bas shes rab kyi stobs dang / yongs su mi skyo bas thabs kyi stobs dang / zhum pa med pas bsod nams kyi stobs dang / gti mug dang bral ba'i ye shes kyi stobs dang / sngon dam bcas pa nyams 'og tu chud </font><hr>444a<br><font size=+1>

@#/ /de ste dugs khang du khrus byed pa zhig tu gyur na/ nang par sngar langs nas mkhan po/ deng dugs khang du khrus mdzad kyi/ chab gsol zhes bsgo bar bya/ lhan cig spyod bas mkhan po'i phyir dugs khang gi ston dang / khri'u dang / ril ba spyi ring dang / khrus ras dang / dugs khang gi yo byad gzhan gang yang rung ste/ khyer te mkhan po mdun du byas nas dugs khang du 'dong bar bya/ 'ongs nas kyang chos gos phyogs gcig tu bzhag la mkhan po las mi nye mi ring bar 'dug par bya/ nam mkhan po rdul bar gyur na/ de na lhan cig spyod pa des de la rim bzhin rjes su las rnams bya ste/ bkru bar bya'o/ /bkrus nas mdun du bcug ste btsug lag khang du bskyal bar bya/ de'i 'og tu bdag nyid bkru bar bya/ de ste lhan cig spyod pa de mkhan po'i drung nas dge ba'i chos mi 'phel bar gyur na/ mkhan po la/ bdag dge slong ming 'di zhes bgyi ba 'di la gtad du gsol zhes smros shig/ mkhan pos kyang dge slong de la/ dge slong 'di ci 'dra/ de'i 'khor ci 'dra/ de'i rjes su 'brang ba dang / drung na 'dug pa ci 'dra/ 'di'i lung rnams ston tam/ de ste mi ston/ rjes su ston tam/ de ste mi ston brtag par bya/ dpyad par bya/ de bzhin du brtags shing dpyad nas de ste rung ba zhig tu gyur na/ de la gtad par bya/ de ste rung ba ma yin na/ gzhan la gtad par bya'o/ /de ste mkhan </font><hr>444b<br><font size=+1>

po nyid rung ba ma yin la tshul dang mi ldan na/ ma zhus par song yang bla ste/ 'di ni/ lhan cig spyod pa'i bya ba zhes bya'o/ /slob dpon gyi bya ba gang zhen/ slob dpon gyis nye g.yog rnams shes par bya ba nas snga ma bzhin te/ phyogs gang na/ nye g.yog de nyon mongs shing 'dug pa zhig tu gyur na/ phyogs de nas dgug par bya/ dgug tu gzhug par bya ste/ 'di ni/ slob dpon gyi bya ba zhes bya'o/ /nye g.yog gi bya ba gang zhe na/ nye g.yog gis slob dpon la ston pa'o/ /snyam du 'du shes mngon du bzhag la rim gro bya ba nas snga ma bzhin ma zhus kyang 'gro bar bya ba'i bar du ste/ de ni/ nye g.yog gi bya ba zhes bya'o/ /dge tshul gyi bya ba gang zhe na/ dge tshul gyis mkhan po dang / slob dpon la ston pa'o/ /snyam du 'du shes mngon du bzhag la rim gro bya ba nas snga ma bzhin no/ /de ste mkhan po'am/ slob dpon sdig par lta bar gyur na/ rang gis slar gtang bar bya/ yang na gtong du gzhug par bya ste/ de ltar spro ba bskyed na ni/ de bzhin legs/ ma bskyed na/ 'das pa dang bcas par 'gyur ro/ /der yang dge tshul phas ji ltar mkhan po dang / slob dpon la byung zhing gyur pa'i rnams ji ltar gyis shig ces spro ba bskyed par bya ba de bzhin du mkhan po dang / slob dpon gyis kyang dge tshul phal byung zhing gyur pa'i rnams ji ltar bya zhes bya ba bskyed par bya'o/ /de la zhu ba rnams ni/ ma gtogs </font><hr>444c<br><font size=+1>

@#/ /par byed pas brtson 'grus kyi stobs te/ btsun pa shA radwa ti'i bu/ brgyad po de dag ni byang chub sems dpa'i stobs te/ stobs de dag gis de mi smod do/ /gnas brtan gyis smras pa/ ci bu mo khyod/ stobs 'di lta bu dang ldan nam/ bu mos smras pa/ btsun pa shA radwa ti'i bu/ ldan te gang mnyam pa nyid kyis ldan no| |gang mnyam pa nyid kyi sa mnyam par gnas so/ /btsun pa shA radwa ti'i bu/ gang mnyam pa de ni stobs ma yin/ nyam chung ba ma yin te/ de ni mnyam pa nyid do/ / gang mnyam pa nyid de la ni tha dad du bya ba cung zad kyang med do/ /mnyam pa zhes bya ba ni nam mkha' ste/ chos thams cad ni nam mkha' dang mnyam mo/ /ji ltar na nam mkha' snang ba med cing bla gab med pa de bzhin du chos thams cad kyang nam mkha' ltar snang ba med cing bla gab med pa'o/ /gang de ltar mnyam pa de ni nyam chung pa'ang ma yin/ stobs dang ldan pa'ang ma yin mod kyi/ 'on kyang / btsun pa shA radwa ti'i bu/ byang chub sems dpa' gang nyam chung ba de ni stobs dang ldan pa'o| |de ci'i phyir zhe na/ gang nyon mongs pa nyam chung ba de ni ye shes kyi stobs dang ldan pa'o/ /gang ser sna nyam chung ba de ni sbyin pa'i stobs dang ldan pa'o/ /gang dang </font><hr>444d<br><font size=+1>

tshul ngan pa nyam chung ba de ni tshul khrims kyi stobs dang ldan pa'o/ /gang gnod sems nyam chung ba de ni bzod pa'i stobs dang ldan pa'o/ /gang le lo nyam chung ba de ni brtson 'grus kyi stobs dang ldan pa'o/ /gang g.yeng ba nyam chung ba de ni bsam gtan gyi stobs dang ldan pa'o/ /gang 'chal ba'i shes rab nyam chung ba de ni shes rab kyi stobs dang ldan pa'o/ /de bzhin du chos thams cad de gang dang / gang las byang chub sems dpa' mi dge ba nyam chung ba de dang / de las de dge ba'i stobs dang ldan pa'o/ /de nas bcom ldan 'das kyis bu mo rin chen la legs so zhes bya ba gnang ste/ bu mo legs so/ /legs so/ /ji ste bstan pa lta na de ltar bstan par bya'o/ /bstan pa 'di bshad pa na byang chub sems dpa' lnga brgya bzod pa skyes so/ /de nas bcom ldan 'das la bu mo rin chen gyis 'di skad ces gsol to/ /bcom ldan 'das/ gang de bzhin gshegs pa'i stobs bcu po de dag dge ba'i rtsa ba gang gis de bzhin gshegs pa'i stobs bcu dang ldan par 'gyur/ de skad ces gsol pa dang / bcom ldan 'das kyis bu mo rin chen la 'di skad ces bka' stsal to/ /bu mo/ byang chub sems dpa' gang gi phyir byang chub sems dpa'i spyad pa spyod pa na theg pa dman pa 'dod cing bya ba </font><hr>445a<br><font size=+1>


@#/ /ma yin pa byed par 'gyur ba 'di ni gnas ma yin te skabs med do/ /de yi dam la brtan pa'i stobs 'di dang ldan pa'i byang chub kyi snying po mchog dam par song nas gnas dang / gnas ma yin pa mkhyen pa'i stobs thob ste/ gnas la'ang gnas dang / gnas ma yin pa'ang gnas ma yin par yang dag pa ji lta ba bzhin du rab tu shes pa 'di ni de bzhin gshegs pa'i stobs dang po ste/ stobs de thob pas de bzhin gshegs pa 'khor gyi nang du seng ge'i sgra yang dag par sgrog ste/ khyu mchog gi gnas su dam 'cha' zhing dge sbyong ngam/ bram ze'am/ lha'am/ bdud dam/ tshangs pa'am/ gang gis kyang 'jig rten du chos dang mthun par ma bskor ba'i tshangs pa'i 'khor lo rab tu bskor to/ /bu mo/ gzhan yang / byang chub sems dpa' byang chub sems dpa'i spyad pa spyod pa na/ rang gi las las gyur pa/ las kyi rnam par smin pa la rton pa yin te/ de las kyi rnam par smin pa'i stobs 'di dang ldan pas byang chub thob pa nas 'das pa dang / ma 'ongs pa dang / da ltar byung ba'i las dang / las yang dag par blangs pa rnams kyi rnam par smin pa mkhyen pa gnas dang / rgyus yang dag pa ji lta ba bzhin du rab tu shes pa 'di ni de bzhin gshegs pa'i stobs gnyis pa ste/ stobs </font><hr>445b<br><font size=+1>


de thob pas de bzhin gshegs pa 'khor gyi nang du seng ge'i sgra yang dag par sgrog ste/ khyu mchog gi gnas su dam 'cha' zhing / dge sbyong gnam/ bram ze'am/ lha 'am/ bdud dam/ tshangs pa'am/ gang gis kyang 'jig rten du chos dang mthun par ma bskor ba'i tshangs pa'i 'khor lo rab tu bskor to/ /bu mo/ gzhan yang / byang chub sems dpa' byang chub sems dpa'i spyad pa spyod pa na/ sems can rnams kyi dbang po la brtags nas chos ston te/ de dag shes nas dbang po rnams ji lta ba bzhin du 'jug cing dbang po rnams ji lta ba dang ldan te/ de dbang po'i rim pa mkhyen pa'i stobs 'di dang ldan pas byang chub thob pa na sems can gzhan rnams dang / gang zag gzhan dag gi dbang po dang / brtson 'grus kyi rim pa yang dag pa ji lta ba bzhin du rab tu shes te/ bu mo/ de bzhin gshegs pas gang sems can gzhan rnams dang / gang zag gzhan dag gi dbang po dang / brtson 'grus kyi rim pa yang dag pa ji lta ba bzhin du rab tu shes pa 'di ni de bzhin gshegs pa'i stong pa gsum pa'o/ /bu mo gzhan yang / byang chub sems dpa' byang chub sems dpa'i spyad pa spyod pa na sems can rnams kyi khams la 'jug ste/ zhugs nas sems can rnams kyi mos pa ji lta ba dang / khams ji lta ba de bzhin du gnas so/ /de khams </font><hr>446a<br><font size=+1>


@#/ /la 'jug pa'i stobs 'di dang ldan pas byang chub thob pa na khams du ma pa dang / khams sna tshogs pa'i 'jig rten yang dag pa ji lta ba bzhin du rab tu shes pa 'di ni de bzhin gshegs pa'i stobs bzhi pa'o/ /bu mo/ gzhan yang / byang chub sems dpa' byang chub sems dpa'i spyad pa spyod pa na/ sems can mos pa tha dad pa rnams kyi mos pa dang / rnam par grol ba'i ye shes kun tu tshol te/ de ltar mos pa la mi smod do/ /de mos pa'i stobs 'di dang ldan pas byang chub thob pa na sems can gzhan rnams dang / gang zag gzhan dag gi mos pa du ma dang / mos pa sna tshogs yang dag pa ji lta ba bzhin du rab tu shes pa 'di ni de bzhin gshegs pa'i stobs lnga pa'o/ /bu mo/ gzhan yang / byang chub sems dpa' byang chub sems dpa'i spyad pa spyod pa na/ 'dus byas dang / 'dus ma byas dang / nyan thos kyi theg pa dang / rang sangs rgyas kyi theg pa dang / theg pa chen po thams cad du ye shes gtong ngo / /de kun tu 'gro ba mkhyen pas stobs 'di dang ldan pas/ byang chub thob pa na kun tu 'gro ba'i lam yang dag pa ji lta ba bzhin du rab tu shes pa 'di ni de bzhin gshegs pa'i stobs drug pa'o/ /bu mo/ gzhan yang / byang chub sems dpa' byang chub sems dpa'i </font><hr>446b<br><font size=+1>


spyad pa spyod pa na bsam gtan dang / ting nge 'dzin lhur len pa yin te/ sems nges par rtog cing nyon mongs pa dang bral te dul zhing cang shes so/ /de cang shes kyi stobs 'di dang ldan pas byang chub thob pa na sems can gzhan rnams dang / gang zag gzhan dag gi bsam gtan dang / rnam par thar pa dang / ting nge 'dzin dang / snyoms par 'jug pa dang / kun nas nyon mongs pa dang / rnam par byang ba dang ldan pa thams cad mkhyen pa'i stobs yang dag pa ji lta ba bzhin du rab tu shes pa 'di ni de bzhin gshegs pa'i stobs bdun pa'o/ /bu mo/ gzhan yang / byang chub sems dpa' byang chub sems dpa'i spyad pa spyod pa na/ sngon gyi rgyu las byung ba'i dge ba'i rtsa ba chud mi gson te/ bag yod pa yin/ sngon dam bcas pa las mi nyams pa yin no/ /de sngon gyi rgyu las byung ba'i dge ba'i rtsa ba chud mi gson pa'i stobs 'di dang ldan pas byang chub thob pa na/ bdag dang sems can gzhan rnams dang / gang zag gzhan dag gi sngon gyi gnas rnam ba du ma rjes su dran pa mkhyen pa'i stobs yang dag pa ji lta ba bzhin du rab tu shes pa 'di ni de bzhin gshegs pa'i stobs brgyad pa'o/ /bu mo/ gzhan yang / byang chub sems dpa' byang chub sems dpa'i spyad pa spyod pa na sems can gang yang spa 'gong bar mi byed la ma bslabs </font><hr>447a<br><font size=+1>


@#/ /pa la dbang mi za zhing sems can thams cad la snang bar gyur ba yin no/ /de snang ba'i stobs 'di dang ldan pas byang chub thob pa na lha'i mig gi shes pa yang dag pa ji lta ba bzhin du rab tu shes pa 'di ni de bzhin gshegs pa'i stobs dgu pa'o/ /bu mo/ gzhan yang / byang chub sems dpa' byang chub sems dpa'i spyad pa spyod pa na/ sems can gang gi zag pa 'phel ba'i phyir yang gnas pa ma yin gyi/ zag pa zad par bya ba'i phyir sems can rnams la chos ston te/ zag pa 'phel bar bya ba'i phyir ma yin gyi zag pa med pa'i lam gyis sems can rnams la lam nye bar ston to/ /de mos pa zag pa med pa'i stobs 'di dang ldan pas byang chub thob na zag pa thams cad zad pa mkhyen pa yang dag pa ji lta ba bzhin du rab tu shes par di ni de bzhin gshegs pa'i stobs bcu pa'o/ /bu mo/ de dag ni de bzhin gshegs pa'i stobs bcu ste/ byang chub sems dpas de dag rdzogs par byas nas stobs bcu dang ldan pa'i de bzhin gshegs par 'gyur ro/ /bu mo/ de lta bas na byang chub sems dpas de bzhin gshegs pa'i stobs bcu rab tu dbye ba 'di dag thos nas de bzhin gshegs pa'i stobs bcu po 'di dag yongs su rdzogs par bya ba'i phyir ci nas kyang dge ba'i rtsa </font><hr>447b<br><font size=+1>


pa rnams la 'jug par bya'o/ /bcom ldan 'das la bu mo rin chen gyis yang 'di skad ces gsol to/ /bcom ldan 'das/ gang mi 'jigs pa bzhi dang / sangs rgyas kyi chos ma 'dres pa bco brgyad po 'di dag dang ji ltar ldan na byang chub sems dpa' mi 'jigs pa bzhi dang / sangs rgyas kyis chos ma 'dres pa bco brgyad rab tu thob par 'gyur/ bcom ldan 'das kyis bka' stsal pa/ bu mo/ 'di la byang chub sems dpa' byang chub sems dpa'i spyad pa spyod pa na gzhan gyis shes par mi bya'o snyam nas slob dpon nam yang chos 'chab par mi byed de/ sems can thams cad la sems snyoms pa yin/ bdog pa thams cad yongs su gtong zhing chos mnyam pa nyid du mthong ba yin/ tha dad pa'i 'du shes dang bral ba yin te/ de byang chub thob pa na seng ge'i sgra yang dag par sgrog ste/ nga yang dag par rdzogs pa'i sangs rgyas so zhes dam bcas pa la chos 'di lta bu zhig mngon par rdzogs par sangs ma rgyas so zhes 'dir nga la dge sbyong ngam/ bram ze 'am/ lha'am/ bdud dam/ tshangs pa'am/ su'ang rung ste/ 'jig rten na chos dang mthun pas rgol bar 'gyur ba'i mtshan ma yang dag par rjes su mi mthong ngo / /mtshan ma de yang dag par rjes su ma mthong bas de bzhin gshegs pa de bde ba brnyes pa dang / </font><hr>448a<br><font size=+1>


@#/ /'jigs pa med pa brnyes pa dang / mi 'jigs pa brnyes pa yin te/ 'khor gyi nang du seng ge'i sgra yang dag par sgrog cing / khyu mchog gi gnas su dam 'cha' ste/ dge sbyong ngam/ bram ze'am/ lha'am/ bdud dam/ tshangs pa'am/ gang gis kyang 'jig rten du chos dang mthun par ma bskor ba'i tshangs pa'i 'khor lo rab tu bskor ba 'di ni/ bu mo/ de bzhin gshegs pa'i mi 'jigs pa dang po'o/ /bu mo/ gzhan yang / byang chub sems dpa' byang chub sems dpa'i spyad pa spyod pa na/ par du gcod pa la bar du gcod pa'i chos su yang dag pa ji lta ba bzhin du rab tu shes te/ de bar du gcod pa'i chos la mi ston to/ /mi 'jug go /mi spyod do/ /gzhan dag la'ang mi 'chad do/ /mi ston to/ /bar du gcod pa'i chos su shes nas spong ngo / /de byang chub thob pa na seng ge'i sgra sgrog ste/ gang ngas bar du gcod pa'i chos su gsungs pa de dag la ston pa la ni bar du gcod pa ma yin no zhes bya ba'i gnas med de/ 'dir nga la gang yang rgol bar 'gyur ba zhes bya ba ni snga ma bzhin te / 'di ni mi 'jigs pa gnyis pa'o/ /bu mo/ gzhan yang / byang chub sems dpa' byang chub sems dpa'i spyad pa spyod pa na/ rtag tu rgyun mi 'chad par dkar po'i chos </font><hr>448b<br><font size=+1>


la mos pa yin te/ rnam par byang ba'i lam du zhugs shing sems can thams cad la rnam par dag pa'i chos ston te/ yon tan gyi chos nyid mngon sum du gyur pa yin no/ / yan lag gi tshogs gang dag gis rnam par byang bar rnam par dag pa'i lam gnon par 'gyur ba'i yan lag gi tshogs de dag la bdag kyang spyod/ sems can gzhan la'ang ston to/ /de byang chub thob pa na seng ge'i sgra sgrog ste/ gang ngas rnam par byang ba rnam par dag pa'i chos su gsungs pa de dag la sten pa la ni rnam par dag pa ma yin no zhes bya ba'i gnas med de/ 'dir nga la su'ang rung rgol bar 'gyur zhes bya ba ni snga ma bzhin te/ 'di ni mi 'jigs pa gsum pa'o/ /bu mo /gzhan yang / byang chub sems dpa' byang chub sems dpa'i spyad pa spyod pa na/ bdag gis shes shing mthong gi gzhan gyis mi shes mi mthong ngo zhes mngon pa'i nga rgyal du nam du'ang mi ltung ste| rtag tu rgyun mi 'chad par mngon pa'i nga rgyal med cing sdig pa 'byed pa blo sbyangs pa yin no/ /de chos kyi sbyin pa 'di dang ldan pas byang chub thob pa na seng ge'i sgra sgrog ste/ nga zag pa zad do zhes dam bcas pa la zag pa 'di lta bu zhig yongs su ma zad do zhes bya bar de lta bu'i gnas med de/ 'dir nga la su'ang rgol </font><hr>449a<br><font size=+1>


@#/ /bar 'gyur ba zhes bya ba ni snga ma bzhin te 'di ni mi 'jigs pa bzhi pa'o/ /bu mo/ gzhan yang / byang chub sems dpa' byang chub sems dpa'i spyad pa spyod pa ni/ rtag tu rgyun mi 'chad par lam stor ba'i sems can rnams la lam mtshon par byed de/ lam gyi gam yo nas mtho dman mi mnyam pa mnyam par byed do/ /zam pa dang / rdo stegs kyang 'dogs so/ /mtshan mo mun pa mun nag gi nang na de bzhin gshegs pa'i mchod rten la mar me'ang 'bul lo/ /sems can ltung ba'i 'gyod pa la gnas pa rnams kyi ltung ba'i 'gyod pa sel to/ /kun nas ldang ba med par byed do/ /gzhan gyi 'gyod pa mi bskyed do/ /gzhan gyi ltung ba byung ba gleng bar mi byed do/ /chos la dogs pa skyes pa'i sems can rnams la dogs pa thams cad gcad pa'i phyir chos ston to/ /the tshom dang / yid gnyis dang / /nem nur med par byed do/ /chos kyi snang ba sgrub bo/ /shes rab kyi snang ba chen po yang dag par skyed do/ /sangs rgyas dang / byang chub sems dpa' dang / chos smra ba thams cad la chos bstan par gsol ba 'debs te/ chos yang dag par 'dzin cing sgyu med pas legs so zhes bya ba brjod do/ /sems can gang la'ang mi </font><hr>449b<br><font size=+1>


'phya'o/ /'thing slad mi byed do/ /chos la shed mi 'phye ba dang / sdang ba dang / mgo myos pa dang / rmongs par mi byed do/ /skye bo'i nges pa'i tshig la dbang za bar mi byed do| |tshig thams cad sangs rgyas kyi gsung du mos so/ /yi ge gsog dang / yi ge stong pa nyid kyis tshig tu brjod pa thams cad la skyon du lta ba ma yin no/ /'khrul pa'i skabs mi tshol lo/ /de chos yang dag par blangs pa 'di dang ldan pas byang chub thob pa na 'khrul pa med pa zhes bya ste/ dris pa thams cad lung bstan pa ston pa dag la de la de med cing kun tu snang ba'i ting nge 'dzin de shin tu bsgom pa'i phyir sgra skad thams cad du 'jug pa'i gzungs la mkhas pas rtag tu rgyun mi 'chad par de bzhin gshegs pa 'khrul pa med pa'i tshig gis chos ston te/ thams cad du phyed par lung ston pa 'di ni/ bu mo/ de bzhin gshegs pa'i sangs rgyas kyi chos ma 'dres pa dang po'o/ /bu mo/ gzhan yang byang chub sems dpa' byang chub sems dpa'i spyad pa spyod pa na/ tshig gi skyon thams cad spangs pa yin te/ bden pa smra/ chos smra/ don smra/ 'dul ba smra zhing / mu cor mi smra/ byung rgyal du mi smra ste/ 'phags pa ma yin pa'i gtam thams cad spangs nas 'phags pa'i mi smra ba thob cing dge sbyong gi chos kyi bya ba </font><hr>450a<br><font size=+1>


@#/ /rtsod pa med pa la zhugs te/ chos gang nyan cid yongs su tshol ba dang / gzhan la'ang ston pa de dag thams cad bdag dang / gzhan dag zhi ba dang / nye bar zhi bar bya ba'i bsam pas yongs su tshol lo/ /rtsod pa med pa lhur len pa med pa'i phyir de su dang yang mi 'thab/ mi rtsod do/ /dgrar mi tshol lo/ /dgra med pa'i chos la mos pa yin no/ /brjod du med pa'i chos rnams la 'jug go /de bzhin gshegs pa'i ye shes lhun gyis grub pa la mngon par dad do/ /sems can gzhan yang chos nyid 'di yang dag par 'dzin du 'jug go /de chos yang dag par blangs pa 'di dang ldan pas byang chub thob pa na ca co med pa zhes bya ste/ de la de med pa yin no/ /de yi ge 'bru gcig kyang mi brjod cing mi smra la sgra skad thams cad dang / nges pa'i tshig gis bstan pa dag la'ang lhun gyis grub pa nyid du legs par bshad pas 'khor tshim par byed do/ /rnam par 'phrul pa'i rgyal po'i ting nge 'dzin shin tu bsgoms pa dang / sgo mtha' yas sgrub pa'i gzungs la mkhas pas de bzhin gshegs pa'i gnas thams cad dang / mtshan thams cad dang / dpe byad bzang po thams cad dang / spu'i khung bu thams cad nas sangs rgyas kyi chos kyi sgra </font><hr>450b<br><font size=+1>


dbyangs bsam gyis mi khyab pa 'byung ste/ tha na sgra gcig gis kyang 'khor thams cad kyi sems tshim par byed pa'i chos kyi sgo dpag tu med pa bstan pa 'byung zhing sngon gyi smon lam gyi byin gyi rlabs dang / ye shes kyi stobs kyis de na de bzhin gshegs pa rnam par mi rtog cing btang snyoms de lhun gyis grub pa 'di ni/ bu mo/ de bzhin gshegs pa'i sangs rgyas kyi chos ma 'dres pa gnyis pa'o/ /bu mo/ gzhan yang / byang chub sems dpa' byang chub sems dpa'i spyad pa spyod pa na/ 'di lta ste/ sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa'i rjes su dran pa drug po dang mi 'brel ba yin no/ /sems can gzhan yang rjes su dran pa 'di dag yang dag par 'dzin du 'jug go /de chos yang dag par blangs pa 'di dang ldan pas byang chub thob pa na de bzhin gshegs pa la bsnyel ba med pa zhes bya ste/ de la de med pa yin no/ /chos thams cad la dbang sgyur ba'i ting nge 'dzin shin tu bsgom pa dang / chos kyi sgron ma'i gzungs la mkhas pas rtag tu rgyun mi 'chad par de bzhin gshegs pa bsnyel ba med pa'i chos can yin no/ /gal te sems can thams cad kyis bskal </font><hr>451a<br><font size=+1>


@#/ /par bsams te/ snga phyi med par the tshom dri ba tha dad pa de bzhin gshegs pa la yongs su dris kyang de 'di bshad do/ /'di bstan to snyam du mi sems mi rtog la rtag tu rmongs shing dran pa'i dbang pos skad cig thang cig yud tsam gcig la legs par bshad pas sems can thams cad tshim par byed pa 'di ni/ bu mo/ de bzhin gshegs pa'i sangs rgyas kyi chos ma 'dres pa gsum pa'o/ /bu mo/ gzhan yang / byang chub sems dpa' byang chub sems dpa'i spyad pa spyod pa na/ rtag tu rgyun mi 'chad par pha rol gyi sems srung ba yin te/ gzhan gyi sems 'khrugs par mi byed/ sems gdung bar mi byed/ sems la dmigs par mi byed/ dge ba'i rtsa ba'i bar du gcod par mi byed/ chos la dmigs par mi byed cing chos thams cad sgyu ma lta bur mos te/ g.yo ba med/ rlom sems med cing sems can thams cad la sems snyoms pa yin/ chos thams cad mnyam pa nyid du mthong ste/ chos kyi dbyings 'dres pa med cing ro gcig pa la zhugs pa yin no/ /de chos yang dag par blangs pa 'di dang ldan pas byang chub thob pa na sems bskyed pa gcig tsam yang mnyam par ma bzhag pa med pa yin te/ chos thams cad rang bzhin gyis mnyam pa nyid </font><hr>451b<br><font size=+1>


rnam par spros pa med pa'i ting nge 'dzin shin tu bsgoms pa dang / kun nas 'khyil ba'i sgo'i gzungs la mkhas pa'i mnyam par bzhag cing lhun gyis grub pa'i tshul gyis de bzhin gshegs pa'i sangs rgyas kyi mdzad pa la 'jug pa 'di ni/ bu mo/ de bzhin gshegs pa'i sangs rgyas kyi chos ma 'dres pa bzhi pa'o/ /bu mo/ gzhan yang / byang chub sems dpa' byang chub sems dpa'i spyad pa spyod pa na/ phyin ci log gi 'du shes med pa yin te/ sems phyin ci log med/ lta ba phyin ci log med/ med pa la sgro 'dogs pa'i phyin ci log med pa yin/ bdag tu 'du shes pa ma yin/ sems can du 'du shes pa ma yin/ srog tu 'du shes pa ma yin/ gso bar 'du shes pa ma yin/ gang zag tu 'du shes pa ma yin/ shed las skyes par 'du shes pa ma yin/ shed bur 'du shes pa ma yin/ chad par 'du shes pa ma yin/ rtag par 'du shes pa ma yin/ 'byung bar 'du shes pa ma yin/ 'jig par 'du shes pa ma yin/ dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / 'jig rten pa dang / 'jig rten las 'das pa dang / kun nas nyon mongs pa dang / rnam par byang ba dang / 'khor ba dang / </font><hr>452a<br><font size=+1>


@#/ /mya ngan las 'das pa la gnyis su 'du shes pa ma yin la/ 'du shes la chags shing zhen pa'i sems can rnams la 'du shes phyin ci log spong bar ston kyang che ba dang tha dad pa'i 'du shes dang bral ba yin/ mthar lta ba thams cad rnam par spangs te dbu ma'i lam la zhugs pa yin/ chos mnyam pa nyid mthong ba yin no/ /de chos yang dag par blangs pa 'di dang ldan pas byang chub thob pa na de bzhin gshegs pa la tha dad pa'i 'du shes med pa zhes bya ste/ de la de med pa yin no/ / mtshan ma med pa'i ting nge 'dzin shin tu bsgoms pa dang / mi zad pa'i za ma tog gi gzungs la mkhas pas de bzhin gshegs pa'i mtshan ma med pa'i gnas la gnas kyang mtshan ma thams cad la 'du shes kyis 'dzin pa dang / rnam par rtog pa la spyod pa'i sems can rnams la snying rje chen po mi ldog ste/ sems can 'dul ba'i dus la'ang rub cing chos ston pa'i rgyun yang mi gcod pa 'di ni/ bu mo/ de bzhin gshegs pa'i sangs rgyas kyi chos ma 'dres pa lnga pa'o// //bam po gsum pa/ bu mo/ gzhan yang / byang chub sems dpa' byang chub sems dpa'i spyad pa spyod pa na rtag tu rgyun mi 'chad par btang snyoms pa yin te/ 'khor ba </font><hr>452b<br><font size=+1>


na spyod pa nyon mongs shing sdug bsngal ba'i chos thams cad la de btang snyoms pas bde ba dang / yid bde ba thams cad kyi gnas kyi chos la rjes su chags pa'ang med/ sdug bsngal ba dang / yid mi bde ba'i gnas kyi chos thams cad la khong khro ba'ang med de/ de rjes su chags pa dang / khong khro ba dang bral bas don thams cad rnyed cing 'byor kyang khengs par mi 'gyur/ don thams cad yongs su nyams kyang dud par mi 'gyur gyi 'du byed thams cad la mi rtag pa dang / sdug bsngal bar so sor rtog cing bdag med pa dang / mya ngan las 'das pa ni zhi ba'o zhes mos te btang snyoms pa yin no/ /sems can gzhan yang btang snyoms kyi chos nyid de lta bu yang dag par 'dzin du 'jug go |de chos yang dag par blangs pa 'di dang ldan pas byang chub thob pa ni de bzhin gshegs pa la so sor ma brtags pa'i btang snyoms med pa zhes bya ste/ de la btang snyoms de med pa yin no/ /gnyis la chags pa las rnam par grol ba'i ting nge 'dzin shin tu bsgoms pa dang / rgya mtsho'i phyag rgya'i gzungs la mkhas pas de bzhin gshegs pa lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / brgya byin </font><hr>453a<br><font size=+1>


@#/ /dang / tshangs pa dang / 'jig rten skyong ba dang / mi dang / mi ma yin pa thams cad kyis bstod cing bsti stang du byas te/ mchod cing ri mor byas kyang rjes su chags pa med/ bdud dang / gzhan mu stegs can dang / phas kyis rgol ba dang / 'tshe ba can gyi sems can thams cad kyis dkrugs shing gnod par byas kyang khong khro ba med la/ sems mtshungs shing mnyam pa yin te/ phan 'dogs pa dang / gnod par byas pa la sa dang mtshungs pa'i sems dang / chu dang mtshungs pa'i sems dang / me dang mtshungs pa'i sems dang / rlung dang mtshungs pa'i sems kyis khengs par mi 'gyur/ dud par mi 'gyur zhing mi 'khrugs te/ nam mkha' dang mtshungs pa'i sems kyis mnyam pa nyid du sbyor zhing sems can thams cad la btang snyoms par gnas pa yin no/ /de chos nges par sems pa'i btang snyoms 'di dang ldan pas sems can thams cad la snying rje chen po phyir mi ldog ste/ sems can 'dul ba'i dus la'ang rdub cing / ci rigs par chos ston pa'i rgyun yang mi gcod pa 'di ni/ bu mo/ de bzhin gshegs pa'i sangs rgyas kyis chos ma 'dres pa drug pa'o/ /bu mo/ gzhan yang / byang chub sems </font><hr>453b<br><font size=+1>


dpa' byang chub sems dpa'i spyad pa spyod pa na/ rtag tu rgyun mi 'chad par mos pa drag pa yin te/ dge ba'i rtsa ba thams cad yongs su tshol ba la mos pa rlabs po che dang / mos pa chen po dang / mos pa zab mos dge ba'i rtsa ba sna tshogs bskrun par mos so/ /nyan thos dang / rang sangs rgyas kyis yongs su spong bar mos so/ /theg pa chen po las phyir mi ldog par mos so/ /sems can thams cad la snying rje chen po btang ba yid la byed pa mi 'dor bar mos so/ /rang gi rtog cing grub kyi/ gzhan gyi dri nga \?\ la mi 'jog par sangs rgyas kyi chos yang dag par bsgrub par mos te/ bdud dang / gzhan mu stegs can/ dmigs pa can/ lta ba la mngon par zhen pa thams cad dang / sems can thams cad kyis de mos pa de las mos pa dang dbral bar mi nus so/ /de chos yang dag par blangs pa 'di dang ldan pa'i byang chub thob pa ni de bzhin gshegs pa mos pa nyams pa med pa zhes bya ste/ de la de med pa yin no/ /mos pa'i ting nge 'dzin 'du byed kyi ting nge 'dzin shin tu bsgoms pa dang / rdo rje rgyal mtshan gyi gzungs la mkhas pa'i dbang bskur ba'i phyir chos thams cad kyi nang nas gang bstan par bya ba de ston to/ /gang du skad cig thang cig yud tsam gyis dus gang dang / nyi tshod </font><hr>454a<br><font size=+1>


@#/ /gang dang / yul gzhan gang dang / sems can gyi sems kyi rgyud gang dang gang la snod ji lta ba bzhin du ci rigs par chos ston kyang mnyam par bzhag pa'i gnas kyang mi 'dor ba 'di ni/ bu mo/ de bzhin gshegs pa'i sangs rgyas kyi chos ma 'dres pa bdun pa'o/ /bu mo/ gzhan yang / byang chub sems dpa' byang chub sems dpa'i spyad pa spyod pa na/ rtag tu rgyun mi 'chad par brtson 'grus brtsams pa yin te/ de rtag tu brtson pa mi 'dor/ dge ba'i rtsa ba yang dag par sgrub cing sbyor bas ngoms mi myong / byin gyis brlabs pa'i rtsom pa la rtul cing bla ma dang / dge ba'i bshes gnyen dang / chos smra ba dang / sangs rgyas dang / byang chub sems dpa' thams cad kyi gan du 'gro la/ yongs su 'dri ba dang / bsnyen bkur ba dang / mchod pa'i las dang / bskal pa tshad med par 'khor ba yongs su gzung bar bya ba dang / sems can tshad med pa yongs su smin par bya ba dang / sangs rgyas kyi zhing tshad med pa yongs su sbyang ba dang / sangs rgyas tshad med pa la mchod cing rim gro bya ba dang / sangs rgyas kyi chos tshad med pa yang dag par gzung ba dang / sangs rgyas kyi chos tshad med pa mngon par rdzogs par byang chub par bya ba dang / sems can gyi spyod pa tshad med pa la </font><hr>454b<br><font size=+1>


'jug par bya ba dang / sangs rgyas kyi chos tshad med pa bstan pa la mkhas par bya ba'i phyir te/ brtson 'grus de tshad med par byas pa yin no/ /de chos yang dag par blangs pa 'di dang ldan pas byang chub thob pa na de bzhin gshegs pa la brtson 'grus nyams pa med pa zhes bya ste/ de la de med pa yin no/ /brtson 'grus kyi ting nge 'dzin dang / 'du byed kyi ting nge 'dzin shin tu bsgoms pas sems can tshad med pa gzud cing gdul ba'i phyir de bzhin gshegs pa rdzu 'phrul gyi rdzu 'phrul gyi cho 'phrul rnam par 'phrul pa khyu mchog tu gyur pa tshad med pa ston kyang rdzu 'phrul de chags pa med/ sgrib pa med/ thogs pa med par sangs rgyas kyi zhing thams cad du 'gro ste/ mngon par phyogs kyang mngon par 'du byed pa med cing thams cad du rgyu ba nam mkhas klas pa 'di ni/ bu mo/ de bzhin gshegs pa'i sangs rgyas kyi chos ma 'dres pa brgyad pa'o/ /bu mo/ gzhan yang| byang chub sems dpa' byang chub sems dpa'i spyad pa spyod pa na/ rtag tu rgyun mi 'chad par dran pa phun sum tshogs shing / dran pa dang shes bzhin mchog dang ldan pa yin te/ de'i dran pa de brjed pa med pa yin/ 'jig rten pa dang / 'jig rten las 'das pa'i chos thams cad la dran pa nye bar bzhag pa bsgoms pa'i rnal 'byor la </font><hr>455a<br><font size=+1>


@#/ /brtson pa ma yin no/ /de nang gi lus la lus kyi rjes su lta zhing gnas te/ mi rtag pa dang / sdug bsngal ba dang / bdag med pa dang / mi sdug pa'i rnam par yid la byed cing sbyor ro/ /phyi'i lus dang / phyi nang gi lus la lus kyi rjes su lta zhing gnas te/ mi rtag pa dang / sdug bsngal ba dang / bdag med pa dang / mi sdug pa'i rnam par yid la byed cing sbyor ro/ /nang gi tshor ba rnams la tshor ba'i rjes su lta zhing gnas te/ stong pa'i rnam par yid la byed cing sbyor ro/ /de bzhin du phyi'i tshor ba dang / phyi nang gi tshor ba rnams la tshor ba'i rjes su lta zhing gnas te/ stong pa'i rnam par yid la byed cing sbyor ro/ /nang gi sems la sems kyi rjes su lta zhing gnas te/ mtshan ma med pa'i rnam par yid la byed cing sbyor ro/ /phyi'i sems dang / phyi nang gi sems la sems kyi rjes su lta zhing gnas te/ mtshan ma med pa'i rnam par yid la byed cing sbyor ro/ /nang gi chos rnams la chos kyi rjes su lta zhing gnas te/ smon pa med pa'i rnam par yid la byed cing sbyor ro/ /phyi'i chos dang / phyi nang gi chos rnams la chos kyi rjes su lta zhing gnas te/ smon pa med pa'i rnam par yid la byed cing sbyor ro/ /lus la zhugs pa'i dran pa nye bar gzhag pa sgom ste/ </font><hr>455b<br><font size=+1>


mi rtag pa dang / sdug bsngal ba dang / bdag med pa dang / mi sdug pa'i rnam par yid la byed cing sbyor ro/ /yang de bzhin gshegs pa'i sku yongs su bsgrubs pa'i phyir lus kyi las legs par sbyor ba'i rgyun kyang mi gcod do/ /tshor ba la zhugs pa'i dran pa nye bar gzhag pa sgom ste/ stong pa'i rnam par yid la byed cing sbyor yang ngan song thams cad du skyes pa'i sems can rnams la lta bas sdug bsngal gyi tshor ba thams cad rgyun gcad pa'i phyir sems can de dag la snying rje chen po'i rgyun kyang mi gcod do/ /sems la zhugs pa'i dran pa nye bar gzhag pa sgom ste/ mtshan ma med pa'i rnam par yid la byed cing sbyor yang byang chub kyi sems kyang mi brjed la theg pa chen po'i tshogs yang dag par sgrub pa'i rgyun kyang mi gcod do/ /chos la zhugs pa'i dran pa nye bar gzhag pa sgom ste/ smon pa med pa'i rnam par yid la byed cing sbyor yang 'dod chags dang bral ba'i chos nyid kyang mngon sum du mi byed la/ sangs rgyas kyi chos dang yang 'tsham pa yin te/ chos kyi dbyings mtha' dang / dbus med pa la yang dag par 'jug go /de chos yang dag par blangs pa 'di dang ldan pas byang chub thob pa na de bzhin gshegs pa la dran pa nyams pa med pa zhes bya ste/ de la de med pa yin no/ /spong ba'i 'du byed dang ldan pas ting nge 'dzin </font><hr>456a<br><font size=+1>


@#/ /shin tu bsgoms pas de bzhin gshegs pa kun bstan pa'i cho 'phrul gyis sems can thams cad kyi sngon gyi mtha' dang / phyi ma'i mtha' dang| da ltar byung ba'i sems gcig nas gcig tu brgyud pa dang / dbang po dang / khams dang / mos pa gcig nas gcig tu brgyud pa dang / nyon mongs pa spyod pa'i bag chags dang / bsam pa dang / bag la nyal ba dang / kun nas dkris pa dang / dge ba dang / mi dge ba'i las kyi rnam par smin pa gcig nas gcig tu brgyud pa dang / tshe dang / 'chi 'pho dang / skye ba gcig nas gcig tu brgyud pa dang / bskal pa dang / zhing du sangs rgyas gcig nas gcig tu brgyud pa dang / nyan thos 'dus pa dang / byang chub sems dpa'i spyod pa lung bstan pa gcig nas gcig tu brgyud pa dang / pha ma dang / nye du dang / snag gi gnyen mtshams gcig nas gcig tu brgyud pa bstan pa la dran pa'i dbang po thogs pa med cing rmongs pa med pa yin te/ thams cad du khyad par lung ston pa 'di ni/ bu mo/ de bzhin gshegs pa'i sangs rgyas kyi chos ma 'dres pa dgu pa'o/ /bu mo/ gzhan yang byang chub sems dpa' byang chub sems dpa'i spyad pa spyod pa na/ rtag tu rgyun mi 'chad par shes rab </font><hr>456b<br><font size=+1>


spyod pa yin te/ shes rab kyi 'od dang / shes rab kyi snang ba dang / shes rab kyi dpyod pa dang / shes rab kyi dbang po dang / rno ba'i shes rab dang / zab pa'i shes rab dang / nges par rtog pa'i shes rab dang / mi thul ba'i shes rab dang / zil gyis mi non pa'i shes rab dang / nyan thos dang / rang sangs rgyas thams cad kyis gting dpag dka' ba'i shes rab dang / yangs shing rgya che la sems snyoms pa'i shes rab dang / lhag pa'i shes rab dang / bdag tshul bzhin yid la byed kyi lung mnos pa med pa'i shes rab dang / thos pa tshol bas ngoms mi myong ba'i shes rab can te/ thos nas kyang shes rab kyis khong du chud cing rtogs te/ mgo'i thod la me 'bar ba bzhin du bsti stang byed cing thos pa tshol la thos pa snying por byed pa yin/ thos pa bsags pa yin/ chos 'dod cing chos kyi kun dga' bas dga' la mos pa yin/ dam pa'i chos yongs su tshol ba la brtson pa yin te/ de chos 'dod pa des phyi nang gi dngos po gang yang yongs su mi gtong ba med do/ /de bla ma la rim gro bya ba mi byed pa gang yang med do/ /de sdug bsngal gyi phung po mi bzod pa gang yang med do/ /de bde ba'i yo byad mi 'dod pa gang yang med do/ /de chos 'dod pa des tshig bzhi pa'i tshigs su bcad pa gcig nyan pa la </font><hr>457a<br><font size=+1>


@#/ /shin tu dga' ba yin te/ stor gsum gyi stong chen po'i 'jig rten gyi khams rin po ches yongs su bkang ba la ni ma yin no/ /chos kyi chog \?\ gcig la shin tu dga' ba yin te/ 'khor los bsgyur ba'i rgyal po thob pa la ni ma yin no/ /pha rol tu phyin pa'i lam mnyan pa la shin tu dga' ba yin te/ brgya byin dang / tshangs pa thob pa la ni ma yin no/ /tshig bzhi pa'i tshigs su bcad pa gcig gzhan dag la ston par byed pa la shin tu dga' ba yin te/ gang+gA'i klung gi bye ma snyed kyi gtan pa med pa'i mchod sbyin byed pa la ni ma yin no/ /gzhan dag byang chub kyi sems yang dag par 'dzin du 'jug pa la shin tu dga' ba yin te/ 'khor los bsgyur bar rgyal srid gang+gA'i klung gi bye ma snyed thob pa la ni ma yin no/ /gzhan dag la pha rol tu phyin pa dang rab tu ldan pa'i chos kyi gtam rab tu ston pa la dga' ba yin te/ brgya byin dang / tshangs pa gang+gA'i klung gi bye ma snyed thob pa la ni ma yin no/ /de lhag pa'i bsam pa de lta bu la zhugs pas bsti stang du byed cing chos nyan to| |bsti stang du byed cing gzhan la ston to/ /de ltar mngon par brtson pas tshegs chung ngur de lha thams cad kyis yongs su bzung ba yin/ sangs rgyas thams cad </font><hr>457b<br><font size=+1>


gyis dgongs pa yin no/ /de lhas yongs su bzung zhing sangs rgyas kyis dgongs pas 'jig rten dang / 'jig rten las 'das pa'i gtsug lag thams cad bdag nyid la mngon sum du 'gyur ba yin no/ /de shes rab kyi snang ba'i sgo zad mi shes pas snang ba ma yin no/ /de chos kyi snang ba'i sgo 'di dang ldan pas byang chub thob pa na de bzhin gshegs pa la shes rab nyams pa med pa zhes bya ste/ de la de med pa yin no/ /sems can thams cad kyi sems kyi spyod pa shes pa dang / dge ba dang / mi dge ba dang / lung du ma bstan pa dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / 'jig rten pa dang / 'jig rten las 'das pa dang / kun nas nyon mongs pa dang / rnam par byang ba dang / 'khor ba dang / mya ngan las 'das pa dang / chos kyi sgo thams cad khong du chud cing rtogs pa bstan pa shes pa dang / zhing thams cad kyi rdul phra rab thams cad dang mnyam pa'i bskal pa bstan pa shes pa dag la de'i shes rab de thogs pa med cing sgrib pa med pa yin no/ /de'i shes rab de sngon gyi mtha' dang / phyi ma'i mtha' dang / da ltar byung ba'i dus la chags pa med cing sgrib pa med de/ thams cad du thogs pa med do/ /phyi ma'i mthar de bzhin gshegs </font><hr>458a<br><font size=+1>


@#/ /pa rnams la bstan kyang thug pa med do/ /dpyod pa'i 'du byed kyi ting nge 'dzin shin tu bsgoms pas rjes su bstan pa'i cho 'phrul gyis de bzhin gshegs pa'i chos kyi sgo gcig las chos kyi sgo thams cad snang zhing / chos kyi sgo thams cad chos kyi sgo gcig gis yang dag par sgrub pa 'di ni/ bu mo/ de bzhin gshegs pa'i sangs rgyas kyi chos ma 'dres pa bcu pa'o/ /bu mo/ gzhan yang / byang chub sems dpa' byang chub sems dpa'i spyad pa spyod pa na/ rtag tu rgyun mi 'chad par khyim gyi gnas don du mi gnyer ba yin/ 'dod pa don du mi gnyer ba yin te/ de khyim nas 'byung bar dga' zhing rab tu 'byung ba mang ba yin/ dben pa la gzhol/ dben pa la 'bab/ dben pa la bab cing chos zab mo sgom pa'i rnal 'byor la brtson te/ de stong pa nyid dang / mtshan ma med pa dang / smon pa med pa dang / rnam par thar pa'i sgo gsum po 'di dag sgom mo/ /gang phas kyi rgol ba thams cad kyi yul ma yin zhing mi rtogs pa dang / dmigs par lta ba mtshan ma la mngon par dga' ba thams cad kyis rtogs par mi 'gyur ba'i rnam par thar pa'i sgo gsum bo de dag bsgoms pas sgrib pa med pa zhes bya ba'i rnam par thar pa kun tu skye'o/ /chags pa med </font><hr>458b<br><font size=+1>


pa'i ye shes kyi snang ba yang rab tu 'thob bo/ /bdud kyi yul las kyang shin tu 'da'o/ /ye shes kyi yul yang yongs su rdzogs par byed do/ /sgrib pa dang / chod pa dang / kun nas dkris pa dang / lta ba dang / nyon mongs pa dang / mtshan ma thams cad la mi spyod do/ /de sgrib pa med pa'i rnam par thar pa rab tu thob cing rnam par thar pa'i sgo gsum la rnam par rtsen pas chos zab mo ston pa yin no/ /don la rton pa yin gyi tshig 'bru la rton pa ma yin no/ /ye shes la rton pa yin gyi rnam par shes pa la rton pa ma yin no/ /nges pa'i don la rton pa yin gyi drang pa'i don la rton pa ma yin no/ /chos nyid la rton pa yin gyi gang zag la rton pa ma yin no/ /sems can thams cad kyi rten du gyur pa yin te/ yi ge dang / rnam par rtog pa'i chags zhen pa la don la rton pa bstan nas yongs su thar bar byed do/ /rnam par shes pa'i mtshan ma la chags zhen pa la ye shes la rton pa bstan nas yongs su thar bar byed do/ /drang bar sgro btags pa la chags zhen pa la nges pa'i don la rton pa bstan nas yongs su thar bar byed do/ /gang zag la mngon par zhen cing chags zhen pa la chos nyid la rton pa bstan nas yongs su thar bar byed do/ /lta bar song ba drug cu rtsa gnyis la chags zhen pa la rton pa nyid bstan nas </font><hr>459a<br><font size=+1>


@#/ /yongs su thar bar byed do/ /rnam par rtog pa'i sgrib pa thams cad la chags zhen pa la mtshan ma med pa bstan nas yongs su thar bar byed do/ / khams gsum la chags zhen pa la smon pa med pa bstan nas yongs su thar bar byed do/ /'dod chags kyi chags zhen pa la mi sdug pa'i rnam pa bstan nas yongs su thar bar byed do/ /zhe sdang spyod pa la chags zhen pa la byams pa bstan nas yongs su thar bar byed do/ /gti mug spyod pa la chags zhen pa la rten cing 'brel par 'byung ba bstan nas yongs su thar bar byed do/ /ser sna la chags zhen pa la sbyin pa'i pha rol tu phyin pa bstan nas yongs su thar bar byed do/ /ngan pa'i ngang tshul la chags zhen pa la tshul khrims kyi pha rol tu phyin pa bstan nas yongs su thar bar byed do/ /gnod sems la chags zhen pa la bzod pa'i pha rol tu phyin pa bstan nas yongs su thar bar byed do/ / le lo la chags zhen pa la brtson 'grus kyi pha rol tu phyin pa bstan nas yongs su thar bar byed do/ /g.yeng ba la chags zhen pa la bsam gtan gyi pha rol tu phyin pa bstan nas yongs su thar bar byed do/ /'chal ba'i shes rab la chags zhen pa la shes rab kyi pha rol tu phyin pa bstan nas yongs su thar bar byed do/ /so so'i skye bo'i </font><hr>459b<br><font size=+1>


sa la chags zhen pa la 'phags pa'i bden pa bstan nas yongs su thar bar byed do/ /phyin ci log la chags zhen pa la mi rtag pa dang / sdug bsngal ba dang / bdag med pa dang / zhi ba bstan nas yongs su thar bar byed do/ /sgrib pa dang / chod pa dang / kun nas dkris pa dang / lta ba thams cad la chags zhen pa la sgrib pa med pa'i rnam par thar pa bstan nas yongs su thar bar byed do/ /nyon mongs pa can thams cad la chags zhen pa la byang chub kyi phyogs kyi chos bstan nas yongs su thar bar byed do/ /de chos yang dag par blangs pa 'di dang ldan pas byang chub thob pa na de bzhin gshegs pa rnam par grol bar nyams par med pa zhes bya ste/ de la de med pa yin no/ /de'i rnam par grol ba de mi 'khrugs shing shin tu mthar thug ste/ dpa' rlabs med la shin tu bsil ba'i dngos por gyur cing zab ste/ nyan thos dang / rang sangs rgyas thams cad kyi gting dpag dka' ba yin/ sangs rgyas thams cad dang mnyam pa nyid kyi rjes su song ba ste/ dri ma med cing dri ma dang bral te rnyog pa med pa'i shin tu yongs su dag pa yin /zhi gnas dang| lhag mthong gi sa rnams la shin tu yongs su sbyang ba byed pas zad mi shes pa yin/ bstan pa mtha' yas mu med pa yin/ chags pa med cing sgrib pa med pa yin/ nam </font><hr>460a<br><font size=+1>


@#/ /mkha'i dbyings su yang dag par 'du ba yin te/ dri ma med pa'i snying po'i ting nge 'dzin shin tu bsgoms pa dang / chos thams cad snang ba dang ldan pas gzungs la mkhas pas de bzhin gshegs pa thams cad kyis rnam par grol ba'i mtshan nyid kyi chos bstan pa dang rgyu mthun pa yin te/ thams cad las byung zhing chos thams cad kyi snang ba dang ldan pa yin/ mya ngan las 'das pa la gzhol ba yin/ mya ngan las 'das pa la 'bab pa yin/ mya ngan las 'das pa la bab pa yin te/ shin tu mthar thug cing shin tu mthar phyin pa 'di ni/ bu mo/ de bzhin gshegs pa'i sangs rgyas kyi chos ma 'dres pa bcu gcig pa'o| |bu mo /gzhan yang / byang chub sems dpa' byang chub sems dpa'i spyad pa spyod pa na ye shes lhur len pa yin te/ ye shes kyi stobs dang / ye shes la 'bab pa dang / ye shes kyi byin dang ldan pa yin te/ de'i ye shes de ni nyams pa med pa 'gro ba'i mngon par shes pa yongs su sbyang ba byas pa las nges par byung ba'o| |thams cad mkhyen pa'i ye shes kyis rnam par dpyod pa'i blo dang ldan pa yin te/ thams cad mkhyen pa'i ye shes kyis rnam par dpyod pa'i blo dang ldan pas </font><hr>460b<br><font size=+1>


'dod chags dang bcas pa'i sems la'ang 'dod chags dang bcas pa'i sems su yang dag pa ji lta ba bzhin du rab tu shes so/ /'dod chags dang bral ba'i sems la'ang 'dod chags dang bral ba'i sems su yang dag pa ji lta ba bzhin du rab tu shes so/ /de bzhin du zhe sdang dang bcas pa dang / zhe sdang med pa dang / gti mug dang bcas pa dang / gti mug med pa dang / nyon mongs pa dang bcas pa dang / nyon mongs pa med pa dang / 'khor byed dang bcas pa dang / 'khor byed med pa dang / zang zing dang bcas pa dang / zang zing med pa dang / mchog tu 'dzin pa dang / mchog tu 'dzin pa med pa dang / bla ma dang bcas pa dang / bla ma med pa dang / sgrib ba dang bcas pa dang / sgrib pa med pa dang| lung du bstan pa dang / lung du ma bstan pa dang / dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / 'jig rten pa dang / 'jig rten las 'das pa dang / kun nas nyon mongs pa can dang / kun nas nyon mongs pa can ma yin pa dang / rnam par dag pa dang / rnam par ma dag pa dang / chung du dang / cher gyur pa dang / mtha' dang bcas pa dang / mtha' yas pa dang / ser sna dang ldan pa dang / gtong </font><hr>461a<br><font size=+1>


@#/ /ba dang ldan pa dang / ngang tshul ngan pa'i sems dang / tshul khrims la sbyor ba'i sems dang / gnod sems kyi bag la nyal dang / gnod sems med pa dang / le lo dang / brtson 'grus dang ldan pa dang / g.yeng pa dang ldan pa dang / mnyam par bzhag pa dang / 'chal ba'i shes rab dang / shes rab dang ldan pa dang / so so'i skye bo'i sems dang / log pa nyid du nges pa dang / yang dag pa nyid du nges pa dang / nyan thos kyi theg par nges pa dang / rang sangs rgyas kyi theg par nges pa dang / theg pa chen por nges pa'ang yang dag pa ji lta ba bzhin du rab tu shes so/ /'di ni sdug bsngal 'phags pa'i bden pa'o zhes yang dag pa ji lta ba bzhin du rab tu shes so/ /'di ni sdug bsngal kun 'byung ba/ 'di ni sdug bsngal 'gog pa/ 'di ni sdug bsngal 'gog par 'gro ba'i lam mo zhes yang dag pa ji lta ba bzhin du rab tu shes so/ /de mi skye ba shes pa'i sdug bsngal 'phags pa'i bden pa rab tu shes so/ /shin tu kun tu mi rgyu ba'i shes pa'i kun 'byung ba rab tu shes so/ /chad pa med cing rtag pa med pa shin tu skad cig pa/ 'gog pa shes pas 'gog par rab tu shes so/ /thams cad kyi rjes su song ba nam mkha' yang </font><hr>461b<br><font size=+1>


dag par 'du ba bdag gi ba med cing yongs su 'dzin pa med pa/ shin tu rnam par dag pa'i shes pas lam rab tu shes so/ /de 'phags pa'i bden pa bzhi po 'di dag de ltar yang dag pa ji lta ba bzhin du rab tu shes kyang sems can yongs su smin par bya ba'i phyir mngon sum du'ang mi byed la bden pa yongs su shes pa dang / spangs pa dang / bsgoms pa dang / mngon sum du bya ba'i phyir sems can rnams la chos ston to/ /de'i chos bstan pa de bden pa'i rjes su mthun pa yin/ rten cing 'brel bar 'byung ba dang 'gal ba med pa yin/ mthar lta ba thams cad yongs su spangs pa yin/ dbu ma'i lam la zhugs pa yin/ rten pa'i chos mngon sum du gyur pa yin te/ de chos thams cad rgyu dang bcas shing rkyen dang bcas pa'i kha na las kyi/ bdag gi kha na las pa ma yin/ sems can gyi kha na las pa ma yin/ srog gi kha na las pa ma yin/ gso ba'i kha na las pa ma yin/ skyes bu'i kha na las pa ma yin/ gang zag gi kha na las pa ma yin par rab tu shes so/ /de ma rig pa'i rkyen gyis 'du byed rnams su rab tu shes so/ /'du byed kyi rkyen gyis rnam par shes pa dang / rnam par shes pa'i rkyen gyis ming dang / gzugs dang / ming dang / gzugs </font><hr>462a<br><font size=+1>


@#/ /kyi rkyen gyis skye mched drug dang / skye mched drug gi rkyen gyis reg pa dang / reg pa'i rkyen gyis tshor ba dang / tshor ba'i rkyen gyis sred pa dang / sred pa'i rkyen gyis len pa dang / len pa'i rkyen gyis srid pa dang / srid pa'i rkyen gyis skye ba dang / skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung ste/ de ltar na sdug bsngal gyi phung po chen po ma 'dres pa 'di 'byung bar 'gyur bar rab tu shes so/ /de ma rig pa 'gag pa nas rga shi 'gag pa'i bar dang / de ltar sdug bsngal gyi phung po ma 'dres pa 'di 'gag par 'gyur bar rab tu shes so/ /de 'di la yang dag par slob pa na gang ma rig pa'i rkyen las byung ba de ni bdag gi rkyen las byung ba ma yin/ sems can gyi rkyen las byung ba ma yin/ srog dang / gso ba dang / gang zag gi rkyen las byung ba ma yin no/ /gang bdag gi rkyen las byung ba ma yin pa nas/ gang zag gi rkyen las byung ba ma yin pa'i bar de ni stong pa'o/ / stong pa gang yin pa de ni chad pa ma yin/ rtag pa ma yin/ /chad pa ma yin/ rtag pa ma yin pa gang yin pa de ni gdod ma nyid nas ma skyes ma byung ba'o/ /gdod ma </font><hr>462b<br><font size=+1>


nyid nas ma skyes ma byung ba gang yin pa de ni dus gsum du brjod du med do/ /dus gsum brjod du med pa gang yin pa de ni dngos po med pa'i ngo bo nyid do/ /dngos po med pa'i ngo bo nyid gang yin pa de bgrang ba med cing bgrang ba las shin tu 'das pa'o/ /bgrang ba med cing bgrang ba las shin tu 'das pa gang yin pa de ni don dam pa'o/ / don dam pa gang yin pa de ni sangs rgyas kyi bka' yang dag pa'o/ /sangs rgyas kyi bka' yang dag pa gang yin pa de ni 'thab pa med cing rtsod pa med pa'o/ /'thab pa med cing rtsod pa med pa gang yin pa de dag dge sbyong gi chos so/ /dge sbyong gi chos gang yin pa de ni nam mkha' dang mtshungs pa'i rang bzhin du des de ltar shes shing gnas te/ tshul bzhin ma yin pa kun 'byung bas ma rig pa kun 'byung bar rab tu shes so/ /ma rig pa 'gag pa nas/ rga shi 'gag pa'i bar du rab tu shes te/ rgyu dang / rkyen tshogs pa'i shes pas chad par lta bar sbyor ba ma yin gyi/ bdag med pa dang / sems can med pa dang / srog med pa dang / gang zag med pa'i chos kyi rjes su song ba yin te/ mtha' khas mi len/ nye bar mi 'dzin/ mi dmigs so/ /mtha' mi dmigs pas dbus yang dag par rjes su mi mthong ngo / /chos gang la mtha' mi n+d+mig+sa pa de la dbus </font><hr>463a<br><font size=+1>


@#/ /yod par ga la 'gyur te/ de'i mtha' ci 'dra ba zhig snyam nas/ de mtha' dang dbus med pa'i chos rnams la 'jug go /chos kyi dbyings mtha' dang / dbus dang bral bas mtha' dang / dbus med pa'i chos ston pa yin no/ /de chos yang dag par blangs pa 'di dang ldan pas byang chub thob pa ni de bzhin gshegs pa rnam par grol ba'i ye shes mthong ba mnyam pa med pa zhes bya ste/ de la de med pa yin no/ /stobs bkod pa'i ting nge 'dzin shin tu bsgoms pa dang / mtha' yas 'khyil ba'i gzungs la mkhas pas de'i rnam par grol ba ye shes mthong ba de chos kyi dbyings mtha' dang / dbus med par yang dag par 'du ba yin/ gnas dang / gnas ma yin pa bstan pa rnams la nam mkha'i dbyings ltar rgya che zhing rnam par mi rtog la lhun gyis grub pa yin/ 'das pa dang / ma 'ongs pa dang / da ltar byung ba'i las yang dag par blangs pa shes pa bstan pa rnam par smin pa chud mi za bar ston pa yin/ sems can thams cad kyi dbang po dang / brtson 'grus kyi rim pa shes pa bstan pa rnams la mngon sum du gyur pa yin/ khams du ma dang khams sna tshogs pa'i 'jig rten bstan pa rnams la shin tu rnam par gdon mi za bar ston </font><hr>463b<br><font size=+1>


pa yin/ mos pa du ma dang / mos pa sna tshogs shes pa bstan pa rnams la mi zad par ston cing 'jug pa yin/ kun tu 'gro ba'i lam shes pa bstan pa rnams la phyogs kyi dra ba thams cad rnam par dbye ba rgyas par byed cing phung por lung ston pa yin/ bsam gtan dang / rnam par thar pa dang / ting nge 'dzin dang / snyoms par 'jug pa dang| kun nas nyon mongs pa dang / rnam par byang ba dang / ldang ba shes pa bstan pa rnams la chos kyi sgo bsam gyi mi khyab pa rnam par bzhag pa ston pa yin/ sngon gyi gnas rnam pa du ma rjes su dran pa shes pa bstan pa rnams la sems can thams cad kyi 'chi 'pho dang / tshe dang / skye ba rab 'bring tha ma dang / thog ma'i mthar chags pa med cing sgrib pa med pa'i ye shes ston pa yin/ thogs pa med cing sgrib pa med pa'i lha'i mig shes pa bstan pa rnams la kun tu rnam par lta ba thams cad du shin tu yongs su sbyangs pa'i lung bstan pa ston pa yin/ zag pa thams cad zad pa shes pa bstan pa rnams la bag chags kyi mtshams sbyar ba ma lus par spang bar shes pa ston pa yin| mi 'jigs pa shes pa bstan pa rnams la zil gyis mi non pa ston pa yin/ snying rje chen po'i stobs shes pa bstan pa rnams la sangs rgyas kyi mdzad pa thams </font><hr>464a<br><font size=+1>


@#/ /cad du tha dad du bya ba med cing sbyor ba mtshungs pa mnyam pa rgyun mi gcod pa ston pa yin/ so so ci rigs par chos bstan pa rnams la lhun gyis grub pa'i ye shes kyis rnam par 'phrul pa ston pa yin/ sems can thams cad yongs su smin par byed cing 'dul ba'i phyir mi zad pa'i chos kyis 'khor lo rab tu bskor ba'i ye shes kyi yul bstan pa rnams la zab mo dang / sna tshogs dang / snrel zhir rgyu ba dang / shes rab dang / thabs dang / stobs dang / rnam par 'phrul ba'i ye shes ston pa yin/ nyan thos dang / rang sangs rgyas thams cad dang thun mong ma yin pa yin te/ bu mo/ 'di ni de bzhin gshegs pa'i sangs rgyas kyi chos ma 'dres pa bcu gnyis pa'o/ /bu mo/ gzhan yang / byang chub sems dpa' byang chub sems dpa'i spyad pa spyod na ye shes kyis byas pa'i las rnams byed kyi nga rgyal gyis byas pa rnams mi byed de/ de ye shes kyi lus kyis las byed pa ni/ 'di lta ste/ 'khu ba dang / g.yo dang / gya gyu dang / tshul 'chos pa thams cad mi byed do/ /sdang ba med cing chags pa med pa yin/ rtag tu tshangs par spyod cing de lus kyi las kyi brtson 'grus brtsams pas byang chub dang mthun te/ bdag dang / gzhan la gnod pa mi </font><hr>464b<br><font size=+1>


byed pa yin/ pha rol tu phyin pa'i rgyu mthun pa snying rje chen po la sbyor zhing rtag tu sems can gyi don la brtson te/ lus kyi las de lta bu dang ldan pa yin no/ /de chos yang dag par blangs pa 'di dang ldan pas byang chub thob pa na de bzhin gshegs pa'i lus kyi las thams cad sngon du ye shes 'gro zhing ye shes kyi rjes su 'brang ba zhes bya ste/ de la de yod do/ /gzugs thams cad kun tu ston pa'i ting nge 'dzin shin tu bsgoms pa dang / kun nas snang ba'i gzungs la mkhas pas de bzhin gshegs pa kha dog du ma dang / kha dog sna tshogs dang / gzugs dang / dbyibs dang / chu zheng ston pa'i lus kyis lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / brgya byin dang / tshangs pa dang / 'jig rten skyong ba dang / bram ze dang / rgyal rigs dang / rje'u rigs dang / dmangs rigs dang / dge slong dang / dge slong ma dang / dge bsnyen dang / dge bsnyen ma dang / srog chags brgya stong du ma lhags pa'i 'khor 'dus pa thams cad du spyod lam tshad med pa dang / kha dog dang / rtags dang / dbyibs gnas pa/ mchog dam pa/ gtso bo/ gya nom pa'i </font><hr>465a<br><font size=+1>


@#/ /lus bstan nas thams cad dang ldan pas 'khor la chos kyi gtam kun tu ston to/ /yang dag par 'dzin du 'jug go /yang dag par gzengs bstod do| |yang dag par rab tu dga' bar byed do/ /yang dag par bstan/ yang dag par 'dzin du bcug /yang dag par gzengs bstod/ yang dag par dga' bar byas nas mi snang bar byed do/ /mi snang bar gyur kyang song bar shes par yang med do/ /'khor 'dus pa de dag tu 'dus shing 'dug ste/ smra 'am/ cang mi smra'ang rung 'ongs par shes pa'ang med do/ /de la lta bas kyang ngoms mi myong ngo / /des bstan pa la dga' ba dang / mchog tu dga' ba rab tu rgya chen po'ang rnyed do/ /'dod pa la dga' zhing rtse ba dang / yul dang / longs spyod thams cad la mi lta ba yid la byed cing sbyar ro/ /mi snang bar gyur na blta ba dang / mnyan pa'i phyir skom par 'gyur ro/ /de la lta bas skom pa dang / lta 'dod pa dang / chos nyan pa'i skom pa dang / chos nyan 'dod pa de'ang zag pa med pa'i lus kyi las dang / ngag gi las dang / yid kyi las 'thob pa'i rgyur 'gyur te/ bu mo/ 'di ni de bzhin gshegs pa'i sangs rgyas kyi chos ma 'dres pa bcu gsum pa'o/ /bu mo/ gzhan yang / byang chub sems dpa' </font><hr>465b<br><font size=+1>


byang chub sems dpa'i spyad pa spyod pa na ye shes kyis byas pa'i las rnams byed kyi/ nga rgyal gyis byas pa rnams mi byed de/ de ye shes kyi ngag gi las byed pa ni 'khu ba dang / g.yo dang / gya gyu dang / tshul 'chos pa thams cad mi byed de/ bden par smra zhing phra ma dang / ngag rtsub po dang / tshig kyal pa mi smra ba yin/ phan pa'i tshig dang / ran pa'i tshig dang / chos kyi tshig dang / de tshig de dag smra ste/ tshig des bdag dang / gzhan la gdung bar mi 'gyur ro/ /tshig gang sangs rgyas kyis rjes su gnang ba don dang ldan pa'i tshig smra ste/ tshig des sems can thams cad tshim par byed do/ /de mi gshe /mi 'tshig ste/ ye shes dang rab tu ldan pa'i tshig dang ldan pa yin gyi / nga rgyal dang rab tu ldan pa ma yin no/ /de chos yang dag par blangs pa 'di dang ldan pas byang chub thob pa na de bzhin gshegs pa ngag gi las thams cad sngon du ye shes 'gro zhing ye shes kyi rjes su 'brang ba zhes bya ste/ de la de yod do/ /rin po che'i 'byung gnas kyi ting nge 'dzin shin tu bsgoms pa dang / 'khor gsum gyi gzungs la mkhas pas de bzhin gshegs pa ngag gi las ci'ang mi brjod kyang / de skad thams cad la sgra snyan dang / 'khor thams cad kyi sems kyi bsam pa tshim par </font><hr>466a<br><font size=+1>


@#/ /byed pa'i sgra 'byung ngo / /de bzhin gshegs pa de dag thams cad kyi gsung sgra dang / dbyangs ni don dang ldan pa/ chos dang ldan pa / bden pa dang mthun pa/ rten cing 'brel par 'byung ba dang mi 'gal ba/ yid 'byung ba dang / 'dod chags dang bral ba dang mthun pa/ nye bar zhi bar 'gyur ba / 'bras bu yod pa nas mya ngan las 'das pa'i bar gyi rgyur gyur pa yin te/ bu mo/ 'di ni de bzhin gshegs pa'i sangs rgyas kyi chos ma 'dres pa bcu bzhi pa'o// bu mo/ gzhan yang / byang chub sems dpa' byang chub sems dpa'i spyad pa spyod pa na/ rtag tu rgyun mi 'chad par ye shes kyis byas pa'i las rnams byed kyi/ nga rgyal gyis byas pa rnams mi byed de/ de ye shes kyis yid kyi las byed pa ni 'khu ba dang / g.yo dang / gya gyu dang / tshul 'chos pa thams cad mi byed do/ / brnab sems dang / gnod sems dang / log par lta ba dang bral zhing yang dag par lta ba yin/ byams pa dang / snying rje la gnas te/ sems can thams cad sems la snyoms shing byang chub kyi sems brjed pa med pa yin no/ /de ye shes dang rab tu ldan pa'i yid dang ldan pa yin gyi/ nga rgyal dang rab tu </font><hr>466b<br><font size=+1>


ldan pa ma yin no/ /de chos yang dag par blangs pa 'di dang ldan pas byang chub thob pa na de bzhin gshegs pa'i yid kyi las thams cad sngon du ye shes 'gro zhing ye shes kyi rjes su 'brang ba zhes bya ste/ de la de yod do/ /da ltar byung ba'i sangs rgyas mngon sum du bzhugs pa'i ting nge 'dzin shin tu bsgoms pa dang / brnag pa rnyog pa med pa'i gzungs la mkhas pas de bzhin gshegs pa sems gcig gis sems can thams cad kyi sems rab tu shes so/ /sems can thams cad sgyu ma lta bu dang / sems can thams cad rang bzhin gyis 'od gsal ba'i phyir rang gi sems mnyam pa nyid kyis sems can thams cad kyi sems mnyam pa nyid du khong du chud pa yin no/ /sems can thams cad kyi sems mnyam pa nyid kyis rang gi sems mnyam pa nyid du khong du chud pa yin no/ /lus thams cad gzugs brnyan lta bu'i phyir rang gi lus kyi chos nyid kyis sems can thams cad kyi lus kyi chos nyid khong du chud pa yin no/ /sems can thams cad kyi lus kyi chos nyid kyis rang gi lus kyi chos nyid khong du chud pa yin no/ /rang gi lus sems can thams cad kyi lus kyi rjes su 'jug cing yang dag par 'dul ba yin no/ /sems can thams cad </font><hr>467a<br><font size=+1>


@#/ /kyi lus rang gi lus kyi rjes su 'jug cing yang dag par 'dul ba yin no/ /sems can thams cad kyi lus sangs rgyas kyi skur byin gyis rlob bo/ /de'i byin gyi rlabs de ni lha dang bcas pa'i 'jig rten dang / bdud du bcas pa dang / tshangs par bcas pa dang / dge sbyong dang / bram zer bcas pa'i skye dgu dang / lha dang / mi dang / lha ma yin du bcas pa'i 'jig rten gang gis kyang g.yos pa dang / bskyod par mi nus te/ bu mo/ 'di ni de bzhin gshegs pa'i sangs rgyas kyi chos ma 'dres pa bco lnga pa'o/ /bu mo/ gzhan yang / byang chub sems dpa' byang chub sems dpa'i spyad pa spyod pa na 'das pa'i de bzhin gshegs pa rnams kyi ye shes chags pa med pa thos na mos shing yid ches te/ the tshom mi za/ nem nur med cing mi dngang la kun tu mi dngang zhing mi skrag la kun tu skrag par mi 'gyur te/ sangs rgyas kyi yul bsam gyis mi khyab pa la mos pa yin no/ /de bzhin gshegs pa dgra bcom pa yang dag par rdzogs pa'i sangs rgyas de dag gi lus kyi las dang / lus kyi spyod lam yongs su dag pa/ chags pa med cing sgrib pa med pa/ 'jig rten gyi khams rab 'byams thams cad kyi rjes su song ba la </font><hr>467b<br><font size=+1>


mos so/ /'das pa'i de bzhin gshegs pa de dag gi ngag gi las 'jig rten gyi khams thams cad du khyab pa'i dbyangs sgra brjod la chags pa med cing sgrib pa med la bsam gyis mi khyab pa thams cad dang / sangs rgyas kyi sgra skad dang / dbyangs dang / chos kyi sgo tshad med pa bstan pa thams cad kyi rjes su song ba la mos so/ /'das pa'i de bzhin gshegs pa de dag gi sems kyi las dus thams cad dang / zhing thams cad dang / sangs rgyas thams cad dang / chos thams cad dang / sems can thams cad dang / byang chub sems dpa' thams cad dang / nyan thos dang / rang sangs rgyas thams cad dang / 'gro ba thams cad kyi las kyi rnam par smin pa shin tu rnam par phye ba rnam par 'byed pa la mos so/ /'das pa'i de bzhin gshegs pa de dag gi 'od zer gyi dra ba bkod pa chags pa med cing sgrib pa med pa la'ang mos shing yid ches te/ the tshom mi za/ nem nur mi byed cing mi dngang la kun tu mi dngang mi skrag la kun tu skrag par mi 'gyur te/ sangs rgyas kyi yul bsam gyis mi khyab pa la'ang mos so/ /sems can gzhan dag kyang mos pa'i chos nyid rnam pa 'di lta bu yang dag par 'dzin du 'jug go /de chos yang dag par blangs pa 'di </font><hr>468a<br><font size=+1>


@#/ /dang ldan pas byang chub thob pa na 'das pa'i dus la de bzhin gshegs pa'i ye shes mthong ba chags pa med cing thogs pa med pa 'jug pa zhes bya ste/ de la de yod do/ /dpa' bar 'gro ba'i ting nge 'dzin shin tu bsgoms pa dang / gzi brjid dang ldan pa'i gzungs la mkhas pas de bzhin gshegs pa 'das pa'i de bzhin gshegs pa rnams kyi mtshan tha dad pa dang / tshe'i tshad tha dad pa go rims bzhin du brda sprad pa'i mtha' ni mi rtogs so/ /de bzhin du 'das pa'i byang chub sems dpa' rnams dang / nyan thos rnams dang / rang sangs rgyas rnams dang / sems can rnams dang / sems can gyi spyod pa rnams dang / sems can gyi spyod pa byed pa'i las kyi rnam par smin pa so sor myong ba rnams dang / de bzhin du 'das pa'i bskal pa thams cad de/ bskal pa gang dag sangs rgyas dang bcas pa dag dang / bskal pa gang dag la sangs rgyas med pa dag dang / bskal pa gang dag la de bzhin gshegs pa dgra bcom pa yang dag par rdzogs pa'i sangs rgyas ji snyed byung ba'i bskal pa de dag go rims bzhin du brda sprod pa'i mtha' ni mi rtogs so/ /de bzhin du 'das pa'i 'jig rten gyi khams thams </font><hr>468b<br><font size=+1>


cad kyi ming tha dad pa dang / gang dag kun nas nyon mongs pa can dag dang / gang dag rnam par dag pa dag dang / gang dag chung ba dag dang / gang dag cher gyur pa dag dang / gang dag phra ba dag dang / gang dag rags pa dag dang / gang dag rdul phra rab la 'jug pa'i rjes su zhugs pa dag dang / gang dag spyi'u tshugs pa dag dang / gang dag mthun pa dag dang / gang dag phyogs dang / phyogs mtshams rnam par bzhag pa dang / mig 'phrul rnam par dbye ba la 'jug pa'i rjes su zhugs pa 'das pa'i 'jig rten gyi khams de dag thams cad go rims bzhin du brda sprod pa'i mtha' ni mi rtogs so/ /de la de bzhin gshegs pa lung bstan pa thams cad la rmongs pa med de lag mthil dang / sor mo lnga mthong ba'i tshul du de bzhin gshegs pa'i ye shes kyis thams cad shes te/ bu mo/ 'di ni de bzhin gshegs pa'i sangs rgyas kyi chos ma 'dres pa bcu drug pa'o/ /bu mo/ gzhan yang / byang chub sems dpa' byang chub sems dpa'i spyad pa spyod pa na/ ma 'ongs pa'i de bzhin gshegs pa rnams kyi ye shes chags pa med pa thos na mos shing yid ches te/ the tshom mi za/ nem nur med cing mi dngang / mi skrag skrag par mi 'gyur te/ sangs rgyas kyi yul </font><hr>469a<br><font size=+1>


@#/ /bsam gyis mi khyab pa la'ang mos pa yin no/ /ma 'ongs pa'i de bzhin gshegs pa dgra bcom pa yang dag par rdzogs pa'i sangs rgyas de dag gi lus dang / lus kyi las dang / lus kyi spyod lam yongs su dag pa chags pa med cing sgrib pa med pa/ 'jig rten gyi khams rab 'byams thams cad kyi rjes su song ba la mos so/ /ma 'ongs pa'i de bzhin gshegs pa de dag gi ngag gi las 'jig rten gyi khams thams cad du khyab pa'i dbyangs sgra brjod pa chags pa med cing sgrib pa med la bsam gyis mi khyab pa thams cad dang / sangs rgyas kyi sgra skad dang / dbyangs dang / chos kyi sgo tshad med pa bstan pa/ thams cad kyi rjes su song ba la mos so/ /ma 'ongs pa'i de bzhin gshegs pa de dag gi sems kyis las su dus thams cad dang / zhing thams cad dang / sangs rgyas thams cad dang / chos thams cad dang / sems can thams cad dang / byang chub sems dpa' thams cad dang / nyan thos dang / rang sangs rgyas thams cad dang / 'gro ba thams cad kyi las kyi rnam par smin pa shin tu rnam par phye ba rnam par 'byed pa la mos so/ /ma 'ongs pa'i de bzhin gshegs pa de dag gi 'od zer gyi dra ba bkod pa chags pa </font><hr>469b<br><font size=+1>


med cing sgrib pa med pa la'ang mos shing yid ches te/ the tshom mi za/ nem nur med cing mi dngang / mi skrag skrag par mi 'gyur te/ sangs rgyas kyi yul bsam gyis mi khyab pa la mos pa yin no/ /sems can gzhan dag kyang mos pa'i chos nyid rnam pa 'di lta bu yang dag par 'dzin du 'jug go /de chos yang dag par blangs pa 'di dang ldan pas byang chub thob pa na ma 'ongs pa'i dus la de bzhin gshegs pa'i ye shes mthong ba chags pa med cing thogs pa med pa 'jug pa zhes bya ste/ de la de yod do/ /snying rje chen po'i stobs dang / smon lam yang dag par 'phags pa'i ting nge 'dzin shin tu bsgoms pa dang / seng ge rnam par bsgyings pa'i gzungs la mkhas pas de bzhin gshegs pa ma 'ongs pa'i de bzhin gshegs pa thams cad kyi mtshan tha dad pa dang / tshe'i tshad tha dad pa go rims bzhin du brda sprad pa'i mtha' ni mi rtogs so/ /de bzhin du ma 'ongs pa'i byang chub sems dpa' rnams dang / nyan thos rnams dang / rang sangs rgyas rnams dang / sems can rnams dang / sems can gyi spyod pa rnams dang / sems can gyi las rnams dang / sems can gyi rnam par smin pa so sor myong ba rnams dang / de bzhin du ma 'ongs pa'i bskal pa thams cad de/ bskal pa gang dag sangs </font><hr>470a<br><font size=+1>


@#/ /rgyas dang bcas pa dag dang / gang dag sangs rgyas med pa dag dang / bskal pa gang la de bzhin gshegs pa dgra bcom pa yang dag par rdzogs pa'i sangs rgyas ji snyed 'byung bar 'gyur ba'i bskal pa de dag go rims bzhin du brda sprod pa'i mtha' ni mi rtogs so/ /de bzhin du ma 'ongs pa'i 'jig rten gyi khams thams cad kyi ming tha dad pa dang / gang dag kun nas nyon mongs pa can dag dang / gang dag rnam par dag pa dang / gang dag chung ba dag dang / gang dag cher gyur pa dag dang / gang dag phra ba dag dang / gang dag rags pa dag dang / gang dag rdul phra rabs la 'jug pa'i rjes su zhugs pa dag dang / gang dag spyi'u tshugs pa dag dang / gang dag mthun pa dag dang / gang dag phyogs dang / phyogs mtshams rnam par gzhag pa dang / mig 'phrul rnam par dbye ba la 'jug pa'i rjes su zhugs pa ma 'ongs pa'i 'jig rten gyi khams de dag thams cad go rims bzhin du brda sprod pa'i mtha' ni mi rtogs so/ /de la de bzhin gshegs pa lung bstan pa thams cad la rmongs pa med de/ lag mthil dang / sor mo lnga mthong ba'i tshul du de bzhin gshegs pa'i ye shes kyis thams cad shes te/ bu mo/ </font><hr>470b<br><font size=+1>


'di ni de bzhin gshegs pa'i sangs rgyas kyi chos ma 'dres pa bcu bdun pa'o/ /bu mo/ gzhan yang / byang chub sems dpa' byang chub sems dpa'i spyad pa spyod pa na da lta byung ba'i sangs rgyas rnams kyi ye shes chags pa med pa thos na mos shing yid ches te/ the tshom ma mi za/ nem nur med cing mi dngang / mi skrag skrag par mi 'gyur te/ sangs rgyas kyi yul bsam gyis mi khyab pa la'ang mos pa yin no/ /da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas de dag gi lus kyi las dang / lus kyi spyod lam yongs su dag pa chags pa med cing sgrib pa med pa 'jig rten gyi khams rab 'byams pa thams cad kyi rjes su song ba la mos so/ /da ltar byung ba'i de bzhin gshegs pa de dag gi ngag gi las 'jig rten gyi khams thams cad du khyab pa'i dbyangs sgra brjod pa chags pa med cing sgrib pa med la bsam gyis mi khyab pa thams cad dang / sangs rgyas kyi sgra skad dang / dbyangs dang / chos kyi sgo tshad med pa bstan pa thams cad kyi rjes su song ba la mos so/ /da ltar byung ba'i de bzhin gshegs pa de dag gi sems kyi las dus thams cad dang / zhing thams cad dang / chos thams cad dang / sems can thams cad dang / byang chub sems </font><hr>471a<br><font size=+1>


@#/ /dpa' thams cad dang / nyan thos dang / rang sangs rgyas thams cad dang / 'gro ba thams cad kyi las kyi rnam par smin pa shin tu rnam par phye ba| rnam par 'byed pa la mos so/ /da ltar byung ba'i de bzhin gshegs pa de dag gi 'od zer gyi dra ba bkod pa chags pa med cing sgrib pa med pa la'ang mos shing yid ches te/ the tshom mi za/ nem nur med cing mi dngang / mi skrag skrag par mi 'gyur te/ sangs rgyas kyi yul bsam gyis mi khyab pa la'ang mos pa yin no/ /sems can gzhan dag kyang mos pa'i chos nyid rnam pa 'di lta bu yang dag par 'dzin du 'jug go /de chos yang dag par blangs pa 'di dang ldan pas byang chub thob pa na/ da ltar byung ba'i dus la de bzhin gshegs pa'i ye shes mthong ba chags pa med cing thogs pa med pa 'jug pa zhes bya ste/ de la de yod do/ /shin tu dkar ba dri ma med pa'i phyag rgya'i ting nge 'dzin shin tu bsgoms pa dang / rdo rje'i dkyil 'khor gyi gzungs la mkhas pa'i de bzhin gshegs pa da ltar byung ba'i de bzhin gshegs pa thams cad kyi mtshan tha dad pa dang / tshe'i tshad tha dad pa go rims bzhin du brda sprod pa'i mtha' ni mi rtogs so/ /de bzhin du da ltar byung ba'i byang chub </font><hr>471b<br><font size=+1>


sems dpa' rnams dang / nyan thos rnams dang / rang sangs rgyas rnams dang / sems can rnams dang / sems can gyi spyod pa rnams dang / las rnams dang / las kyi rnam par smin pa so sor myong ba rnams go rims bzhin du brda sprod pa'i mtha' ni mi rtogs so/ /de bzhin du da ltar byung ba'i bskal pa thams cad de/ bskal pa gang dag gi sangs rgyas dang bcas pa dag dang / gang dag sangs rgyas med pa dag dang / bskal pa gang la de bzhin gshegs pa dgra bcom pa yang dag par rdzogs pa'i sangs rgyas ji snyed 'byung ba'i bskal pa de dag go rims bzhin du brda sprod pa'i mtha' ni mi rtogs so/ /de bzhin du da ltar byung ba'i 'jig rten gyi khams thams cad kyi ming tha dad pa dang / gang dag kun nas nyon mongs pa can dag dang / gang dag rnam par dag pa dag dang / gang dag chung ba dag dang / gang dag cher gyur pa dag dang / gang dag phra ba dag dang / gang dag rags pa dag dang / gang dag rdul phra rab la rab tu 'jug pa'i rjes su zhugs pa dag dang / gang dag spyi'u tshugs pa dag dang / gang dag mthun pa dag dang / gang dag phyogs dang / phyogs mtshams rnam par gzhag pa dang / mig 'phrul rnam par dbye ba la 'jug </font><hr>472a<br><font size=+1>


@#/ /pa'i rjes su zhugs pa da ltar byung ba'i 'jig rten gyi khams de dag thams cad go rims bzhin du brda sprod pa'i mtha' ni mi rtogs so/ /de la de bzhin gshegs pa lung bstan pa thams cad la rmongs pa med de/ lag mthil dang sor mo lnga mthong ba'i tshul du de bzhin gshegs pa'i ye shes kyis thams cad shes te/ bu mo/ 'di ni de bzhin gshegs pa'i sangs rgyas gyi chos ma 'dres pa bco brgyad pa'o/ /bco brgyad po 'di dag la sogs pa sangs rgyas kyi chos ma 'dres pa thams cad thob ste/ thams cad gang zhe na/ 'di lta ste/ lus tshad med pa dang / thams cad zil gyis gnon cing thams cad du khyad par du 'phags pa'i phyir spyi gtsug bltar mi mthong ba de bzhin gshegs pa'i sangs rgyas kyi chos ma 'dres pa dang / lus rtsi sman dang 'dra ba'i phyir mthong ma thag tu sems can rnams kyi skyon zhi bar byed pa dang / thams cad du kho na ma tho ba med pas 'khor thams cad las mngon par 'phags pa dang / mi 'jigs pa rab tu thob pas bag tsha ba med pa dang / yang dag par sbyor ba'i slob ma bsam pa can dang / gdams ngag can dang rjes su bstan pa dang / mthun pas slob ma mi phyed pa dang / sems can thams </font><hr>472b<br><font size=+1>


cad la mtshungs par gnas pas slob ma shin tu dul ba dang / chos bstan pa la the tshom med pas spobs pa myur ba dang / gleng ba med pas sems can thams cad tshim par byed pa dang / don yod pa'i chos ston pa dang / gdul bya rnams kyi dbang po yongs su smin pas 'khor thams cad rtse gcig tu sems pa la sangs rgyas kyi sgra skad 'byin pa dang / cho 'phrul bsam gyis mi khyab pas 'khor gyi dkyil 'khor thams cad mngon du lta ba dang / de bzhin gshegs pa'i sku bsod nams tshad med pa brtan pa'i phyir blta bas mi ngoms pa dang / yang dag par khong du chud pas 'bras bu yod pa'i chos ston pa dang / spyod lam mi 'khrugs pas glang po'i lta stangs kyis lta ba dang / spro ba che bas seng ge ltar rnam par bsgyings pa dang / lus kyi las ye shes sngon du 'gro bas don yod par rnam par 'gro ba dang / ngag gi las ye shes sngon du 'gro bas ngag la dbang ba dang / yid kyi las ye shes sngon du 'gro bas kun nas mig dang ldan pa dang / spobs pa myur bas gzung bar 'os pa'i tshul dang ldan pa dang / bla na med pa'i sbyin gnas su gyur pa'i rnyed pa'i mchog dang / grags pa'i mchog dang ldan pa dang / chos kyi dbyings kyis klas shing mthas gtugs pas bsod nams zad mi </font><hr>473a<br><font size=+1>


@#/ /shes pa dang / mthu po che chen po'i lus dang / stobs bcu dang / mi 'jigs pa'i mchog thob pas rdzi ba med pa dang / sems can thams cad kyi dbang po mchog dang / mchog ma yin pa shes pas sems can la bde ba bskyed pa las mi ldog cing 'khrugs pa med la brel phongs pa med pa dang / 'jig rten thams cad kyi ston par gyur pas chos dang / gtsug lag mang po shes pa dang / chos kyi sku rab tu phye bas tshe dpag tu med pa dang / shin tu mur thug cing mthas klas pas mthong ba dang / rig pa dang / bsnyen bkur byas pa dang / dran pa dang / thos pa don yod pa dang / dus gsum mnyam pa nyid du khong du chud pas shes rab mi 'khrugs pa dang / chos smra zhing nyes par smra ba med pas gtam rgyun chags pa dang / mi dge ba'i chos thams cad ma lus pa spangs pas bag chags thams cad yang dag par bcom pa dang / sangs rgyas kyi chos byung bas slob dpon med pa dang / sangs rgyas kyi chos ma lus par khong du chud pas rnam pa thams cad shes pa ste| sangs rgyas kyi chos ma 'dres pa 'di dag thams cad rab tu 'thob bo// //bam po bzhi pa ste tha ma/ de nas bcom ldan 'das la bu mo rin chen gyis </font><hr>473b<br><font size=+1>


'di skad ces gsol to/ /bcom ldan 'das/ gang de bzhin gshegs pa'i skyes bu chen po'i mtshan sum cu rtsa gnyis po 'di dag sngon dge ba'i rtsa ba'i tshogs gang dag la zhugs nas de bzhin gshegs pa'i sku la skyes bu chen po'i mtshan sum cu rtsa gnyis mngon par grub/ de skad ces gsol pa dang / bcom ldan 'das kyis bu mo rin chen la 'di skad ces bka' stsal to/ /bu mo/ sngon dge ba'i rtsa ba'i tshogs tshad med grangs med pa dag la zhugs pas de bzhin gshegs pa'i sku la skyes bu chen po'i mtshan sum cu rtsa gnyis mngon par grub ste/ de dag las cung zad tsam zhig bstan par bya'o/ /de bzhin gshegs pa'i skyes bu chen po'i mtshan zhabs shin tu gnas pa 'di ni sngon dam bcas pa la brtan pas mngon par grub bo/ /de bzhin gshegs pa'i skyes bu chen po'i mtshan zhabs kyi mthil 'khor lo'i mtshan dang ldan pa 'di ni sngon sbyin pa sna tshogs bsags pas mngon par grub bo/ /zhabs kyi rting pa yangs shing zhabs byin gyis mtho ba ni sngon sems can gzhan dag khyad du ma bsad pas grub bo/ /sor mo ring ba ni sngon sems can rnams chos kyis bsrung shing bskyabs te sbas pa byas pas grub bo/ /phyag dang / zhabs dra bar 'brel ba ni sngon gzhan gyi g.yog 'khor ma phye bas grub bo/ /phyag </font><hr>474a<br><font size=+1>


@#/ /dang / zhabs gzhon zhing 'jam pa ni sngon bgo ba sna tshogs byin pas grub bo/ /bdun mtho ba ni sngon bza' ba dang / btung ba rgya chen po byin pas grub bo/ /byin pa ri dwags e ne ya'i byin pa lta bu ni sngon sangs rgyas kyi chos yongs su bzung bas grub bo/ /gsang ba'i gnas spubs su nub pa ni sngon gsang ba'i tshig bsrung shing 'khrig pa'i chos spangs pas grub bo/ /ro stong seng ge'i ro stod lta bu ni sngon dge ba'i las rgya chen po mthar gyis spyad pas grub bo/ /thal gong rgyas pa ni sngon dag ba'i chos yang dag par spyad pas grub bo/ /dpung mgo shin tu zlum pa ni sngon mi 'jig pas gzhan dbugs phyung bas grub bo/ /phyag ma btud cing ring ba ni sngon gzhan gyis ci bya'o cog byed pa la spro bas grub bo/ /sku rnam par dag pa ni sngon dge ba bcu'i las kyi lam la ngoms mi myong bar yang dag par spyad pas grub bo/ /mgur dung lta bu ni sngon nad pa rnams la sman sna tshogs byin pas grub bo/ /'gram pa seng ge'i 'gram pa lta bu ni sngon dge ba'i rtsa ba la spyod pa yongs su rdzogs par byas pas grub bo| |tshems bzhi bcur tshang ba ni sngon sems can la bsam pa mnyam par sbyor bas grub bo/ /tshems thags bzang ba ni sngon sems can mi 'dum pa rnams kyi bsdums byas </font><hr>474b<br><font size=+1>


pas grub bo/ /tshems mnyam pa ni sngon yid du 'ong ba'i nor bu byin pas grub bo/ /tshems mche ba dkar ba ni sngon lus dang / ngag dang / yid kyi las shin tu bsrungs bas grub bo/ / ljags shin tu ring ba ni sngon bden pa'i tshig kun tu bsrungs bas grub bo/ /ro bro ba'i mchog dang ldan pa ni sngon bsod nams tshad med pas brtan cing yid du 'ong ba'i ro bro ba byin pas grub bo/ /tshangs pa'i dbyangs dang / ka la ping+ka'i sgra dbyangs dang ldan pa ni sngon sems can la 'jam pa'i tshig smras pa dang / tshig bsdams pa dang / kun dga' ba'i tshig bsgrags pas grub bo/ /spyan mthon mthing dang ldan pa ni sngon byams pa dang ldan zhing thams cad bsrungs pas grub bo/ /spyan gyi rdzim ba'i rdzim lta bu ni sngon bsam pa sgyu med pas grub bo/ /dpral ba'i smin mtshams kyi spu shin tu dkar ba ni sngon bsngags par 'os pa rnams kyi bsngags pa brjod pas grub bo/ /dbu gtsug tor dang ldan pa ni sngon bla ma la gus shing 'dud pas grub bo/ /pags pa srab pa ni sngon chos yang dag par 'gro ba'i sems las su rung bas grub bo/ /pags pa'i mdog gser 'dra ba ni sngon yid du 'ong ba'i gos dang mal stan byin pas grub bo/ /spu'i khung bu nas ba spu re re skyes pa ni sngon 'du 'dzi yongs su spangs pas grub bo/ /spu'i rtse mo g.yas su 'khyil ba ni sngon </font><hr>475a<br><font size=+1>


@#/ /mkhan po dang / slob dpon dang / dge ba'i bshes gnyen gyi gdams ngag mthun par 'dzin pas grub bo/ /dbu skra in+d+ra nI la lta bu ni sngon srog chags thams cad la snying brtse zhing rdo dbyug dang / mtshon cha bor bas grub bo/ /shing n+ya gro d+ha ltar chu zheng gab pa ni sngon bdag dang / sems can gzhan dag kyang ting nge 'dzin la sbyor bas grub bo/ /de bzhin gshegs pa'i skyes bu chen po'i mtshan mthu bo che chen po'i lus kun nas mdzes pa 'di ni sngon de bzhin gshegs pa'i sku gzugs byed pa dang / mchod rten zhig pa bcos pa dang / gzhan 'jigs pa dag dbugs phyung ba dang / sems can mi 'dum pa'i bsdums byas pas grub pa ste/ bu mo/ / sngon dge ba'i rtsa ba'i chos tshad med grangs med pa 'di dag spyad pas de bzhin gshegs pa'i sku la skyes bu chen po'i mtshan sum cu rtsa gnyis mngon par grub bo/ /de nas bcom ldan 'das la bu mo rin chen gyis 'di skad ces gsol to/ /bcom ldan 'das/ ji tsam du de de bzhin gshegs pas sngon gyi rgyu las byung ba'i dge ba'i rtsa ba las brtsams te/ sangs rgyas kyi chos thams cad bka' stsal pa 'di ni ngo mtshar to/ /de skad ces gsol pa dang / bcom ldan 'das kyis bu mo rin chen la </font><hr>475b<br><font size=+1>


'di skad ces bka' stsal to/ /bu mo/ /de de bzhin te/ bu mo/ /de bzhin gshegs pas sangs rgyas kyi chos thams cad bstan pa 'di las bstan to/ /bu mo/ /gang dag de bzhin gshegs pa'i sngon gyi rgyu las byung ba'i dge ba'i rtsa ba las brtsams te/ sangs rgyas kyi chos thams cad bstan pa 'di thos pa thos nas kyang de bzhin nyid du grub pa de dag thams cad sangs rgyas kyi chos thams cad kyis rnam pa'i mchog thams cad dang ldan par 'gyur ba'i byang chub sems dpa' rnyed pa legs par rnyed pa da dag la ltos/ de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa dang / mtshan rab tu dbye ba bstan pa'i chos kyi sgo'i le'u 'di bcom ldan 'das kyis bshad pa na phyogs bcu'i 'jig rten gyi khams thams cad rab tu g.yos te/ snang ba chen pos khyab par gyur nas sems can tshad med grangs med pa ni bla na med pa yang dag par rdzogs pa'i byang chub tu sems bskyed do/ /byang chub sems dpa' nyi khri lnga stong ni mi skye ba'i chos la bzod pa skyes so/ /steng gi bar snang las kyang lha brgya stong gis me tog gi char rab tu phab ste/ sil snyan yang dkrol nas gang de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa dang / mtshan rab tu dbye ba bstan pa'i </font><hr>476a<br><font size=+1>


@#/ /chos kyi sgo'i le'u 'di thos la thos nas kyang mos shing yid ches te/ 'dzin cing de bzhin nyid du sgrub pa'i sems can de dag ni dge ba'i rtsa ba ngan don dang ldan par mi 'gyur te/ de dag ni ji ltar da ltar gyi de bzhin gshegs pa dgra bcom pa yang dag par rdzogs pa'i sangs rgyas bzhin du lhar bcas pa'i 'jig rten gyi mdun du seng ge'i sgra sgrogs par 'gyur ro/ /de ci'i slad du zhe na/ bcom ldan 'das/ chos 'di ni sems can dman pa la mos shing nan tan la mi gnas pa rnams kyi sug par mchi bar mi 'gyur gyi/ bcom ldan 'das/ spyod pa yongs su dag pa rnams kyi sug par mchi bar 'gyur te/ bcom ldan 'das/ yongs su dag par spyod pa dang / chos spyod pa'i sems can rnams ni chos 'di la dga' bar 'gyur te/ yid la 'bab cing mngon par dga' bar yang 'gyur ro zhes ched du brjod pa ched du brjod do/ /de nas bcom ldan 'das la bu mo rin chen gyis 'di skad ces gsol to/ /bcom ldan 'das/ de bzhin gshegs pas sngon gyi rgyu las byung ba'i dge ba'i rtsa ba'i sangs rgyas kyi chos thams cad bka' stsal pa ni ngo mtshar to/ /bcom ldan 'das/ byang chub sems dpa' chos spyod par 'gyur bar chos spyod </font><hr>476b<br><font size=+1>


pa ni ji lta bu lags/ bcom ldan 'das kyis byang chub sems dpa' rnams kyi chos spyod pa legs par bshad du gsol/ de skad ces gsol pa dang / bcom ldan 'das kyis bu mo rin chen la 'di skad ces bka' stsal to/ /bu mo/ /bsam pa rnam par dag pa ni chos spyod pa'o/ /mdza' ba brtan pa dang / byas pa gzo ba dang / byas pa shes pa dang / snying brtse ba dang bcas pa dang / skyabs su song ba yongs su mi gtong ba dang / nyam chung ba la bzod cing dad du len pa dang / gtang bar dka' ba yongs su gtong ba dang / phan pa'i dngos po dang / phan 'dogs pa'i blo dang / ngang tshul ngan pa rjes su srung ba dang / chos nges par sems pa dang / chos kun tu srung ba dang / chos 'dod pa dang / dam pa'i chos srung ba dang / dben pa dang / gcig pur dga' ba dang / dgon pa'i gnas la yongs su mi skyo ba dang / dgon pa'i yon tan la yongs su 'jal ba dang / 'du 'dzi yongs su spong ba dang / sems can rjes su srung ba dang / 'khrul pa la lta ba dang / byams pa la sbyor ba dang / snying rje chen po la 'jug pa dang / dga' bas chos la dga' zhing mchog tu dga' ba dang / btang snyoms la bsam gtan 'cha' ba dang / sems can gzhan dag byang chub sems la sbyor ba dang / theg pa </font><hr>477a<br><font size=+1>


@#/ /chen po'i bsngags pa smra ba dang / khur blangs pa khyer ba dang / sems mi zhum pa dang / rung ba'i tshod shes pa dang / tshor ba med pa dang / sdig pa mi 'dod pa dang / phrag dog med pa dang / 'dod pa'i 'thob pa spong ba dang / 'phags pa'i rigs tshogs shes pa dang / sbyang ba'i yon tan yo byad bsnyungs pa dang / 'thab pa med pa dang / rtsod pa med pa dang / gnod sems med pa dang / khro ba med pa dang / bzod pa dang / des pa dang / rgyu'i byed pa khong du chud pa dang / las kyi rnam par smin pa la yid ches pa dang / dad pa dang / tshul khrims dang / thos pa dang / gtong ba dang / khrel yod pa dang / ngo tsha shes pa dang / shes rab kyi nor gyi rjes su 'jug pa dang / bla ma la gus pa dang / dge ba'i bshes gnyen la bsten pa dang / bka' blo bde ba dang / mthun par 'dzin pa dang / nga rgyal med pa dang / 'dud pa dang / sems dma' ba dang / bdag la mi bstod pa dang / gzhan la mi smod pa dang / rang gi yon tan mi brjod pa dang / gzhan gyi yon tan la mi smod pa dang / 'dod chags kyi rdul 'phyag pa dang / zhe sdang gi tha ba rnam par spong ba dang / gti mug gi mun pa mun nag med pa dang / nga rgyal bcom pa dang / spyod </font><hr>477b<br><font size=+1>


lam dang / spyod pa la nan tan byed pa dang / chos la rim gro byed de dga' zhing dad la mchog tu dga' ba dang / sangs rgyas la mi phyed pa dang / chos la mos pa dang / dge 'dun la ston pa ltar 'dzin pa dang / sbyin pa dang / dul ba dang / sdom pa dang / khyim nas byung ba dang / tshangs par spyod pa la gnas pa dang / rnyed pa dang / ma rnyed pa dang / grags pa dang / ma grags pa dang / bstod pa dang / smad pa dang / bde ba dang / sdug bsngal gyis mi g.yos pa dang / 'jig rten gyi chos las shin tu 'da' ba dang / byams sdang la mtshungs par lta ba dang / 'dor te gsong po smras pa dang / bzhin 'dzum pa dang / khro gnyer med pa dang / tshul 'chos pa med pa dang / kha gsag pa med pa dang / g.yo med pa dang / sgyu med pa dang / bcos ma ma yin pa dang / bsam pa shin tu dag pa dang / sbyin pa dang / snyan par smra ba dang / don byed pa dang / don mthun pa dang / dga' bar 'gyur ba'i chos nyid dang / sangs rgyas rjes su dran pa dang / chos rjes su dran pa dang / dge 'dun rjes su dran pa dang / gtong ba rjes su dran pa dang / tshul khrims rjes su dran pa dang / lha rjes su dran pa dang / sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi phab </font><hr>478a<br><font size=+1>


@#/ /rol tu phyin pa yongs su rdzogs par byed pa dang / thabs mkhas pa mngon par sgrub pa dang / dge ba'i rtsa ba thams cad rnam par dag pa dang / sems can rnams kyi lus dang / ngag dang / sems rnam par dag par byed pa dang / dge ba bcu'i las kyi lam srung ba dang / mi rtag pa dang / sdug bsngal ba dang / bdag med pa dang / sems can med pa dang / srog med pa dang / gso ba med pa dang / gang zag med par mos pa dang / stong pa nyid nges par sems pa dang / mtshan ma med pa la gnas pa dang / smon pa med pa shes pa dang / khams gsum la mi gnas pa dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam la 'jug pa dang / zhi gnas dang / lhag mthong gis so sor rtog pa ni chos spyod pa'o/ /bu mo/ gzhan yang chos spyod pa ni gang na mig la mi spyod pa dang / gzugs la mi spyod pa dang / gzugs kyi mtshan ma la mi spyod pa dang / rna ba la mi spyod pa dang / sgra la mi spyod pa dang / sgra'i mtshan ma la mi spyod pa dang / sna la mi spyod pa dang / dri la mi spyod pa dang / dri'i mtshan ma la mi spyod pa dang / lce la mi spyod </font><hr>478b<br><font size=+1>


pa dang / ro la mi spyod pa dang / ro'i mtshan ma la mi spyod pa dang / lus la mi spyod pa dang / reg pa la mi spyod pa dang / reg pa'i mtshan ma la mi spyod pa dang / yid la mi spyod pa dang / chos la mi spyod pa dang / chos kyi mtshan ma la mi spyod pa ni chos spyod pa'o/ /gzugs la mi spyod pa dang / gzugs kyi mtshan ma la mi spyod pa dang / gzugs kyi mi rtag pa la mi spyod pa dang / gzugs kyi sdug bsngal ba la mi spyod pa dang / gzugs kyi bdag med pa la mi spyod pa dang / gzugs kyi zhi ba la mi spyod pa dang / gzugs kyi stong pa nyid la mi spyod pa dang / gzugs kyi mtshan ma med pa la mi spyod pa dang / gzugs kyi smon pa med pa la mi spyod pa dang / gzugs kyi mngon par 'du bya ba med pa la mi spyod pa dang / gzugs kyi dben pa la mi spyod pa dang / gzugs kyi rang bzhin la mi spyod pa dang / gzugs kyi ji lta ba bzhin la mi spyod pa dang / gzugs kyi ma skyes pa la mi spyod pa dang / gzugs kyi 'byung ba med pa la mi spyod pa dang / gzugs kyi gzhi med pa la mi spyod pa dang / gzugs kyi gnas med pa la mi spyod pa dang / gzugs kyi de bzhin nyid la mi spyod pa ni chos spyod pa'o/ /de bzhin du tshor ba dang / 'du shes dang / 'du byed rnams dang / rnam par shes pa la mi spyod pa ni chos spyod pa'o/ /rnam par shes pa mi rtag pa la mi </font><hr>479a<br><font size=+1>


@#/ /spyod pa dang / rnam par shes pa'i sdug bsngal ba la mi spyod pa dang / rnam par shes pa'i bdag med pa la mi spyod pa dang / rnam par shes pa'i zhi ba la mi spyod pa dang / rnam par shes pa'i stong pa la ma spyod pa dang / rnam par shes pa'i mtshan ma med pa la mi spyod pa dang / rnam par shes pa'i smon pa med pa la mi spyod pa dang / rnam par shes pa'i mngon par 'du bya ba med pa la mi spyod pa dang / rnam par shes pa'i dben pa la mi spyod pa dang / rnam par shes pa'i rang bzhin la mi spyod pa dang / rnam par shes pa'i ji lta ba bzhin la mi spyod pa dang / rnam par shes pa'i ma skyes pa la mi spyod pa dang / rnam par shes pa'i 'byung ba med pa la mi spyod pa dang / rnam par shes pa'i gzhi med pa la mi spyod pa dang / rnam par shes pa'i gnas med pa la mi spyod pa dang / rnam par shes pa'i de bzhin nyid la mi spyod pa ni chos spyod pa'o/ /khams la mi spyod pa dang / skye mched la mi spyod pa dang / 'dod pa dang / gzugs dang / gzugs med pa la mi spyod pa dang / gang spyod pa med cing rab tu spyod pa med pa 'di ni chos spyod pa zhes bya'o/ /gang na spyod pa med cing rnam par spyod pa med pa dang / 'gro ba med pa dang / gnas pa med pa dang / 'jug pa med pa dang / gang na sems dang / yid </font><hr>479b<br><font size=+1>


dang / rnam par shes pa la mi spyod pa dang / mthong ba dang / thos pa dang / bye brag phyed pa dang / rnam par shes pa la mi spyod pa dang / gang na 'dod pa dang / 'du byed la mi spyod pa dang / gang na chos la'ang mi spyod la chos ma yin pa la'ang mi spyod pa dang / gang na gnyis la mi spyod pa dang / sna tshogs la mi spyod pa dang / gang na 'das pa dang / ma 'ongs pa la mi spyod pa dang / da ltar byung ba la mi spyod pa dang / gang na phung po dang / khams dang / skye mched la mi spyod pa 'di ni chos spyod pa'o/ /gang na kun nas nyon mongs pa dang / rnam par byang ba'i rlom sems la mi spyod pa dang / gang na ril po dang / rdzas la mi spyod pa dang / gang na bdag dang / sems can dang / srog dang / gso ba dang / skyes bu dang / gang zag dang / shed las skyes pa dang / shed bur 'dzin pa dang / sgro 'dogs pa la mi spyod pa dang / gang na skye ba dang / 'jig pa dang / gnas pa la mi spyod pa dang / gang na ngar 'dzin pa dang / nga yir 'dzin pa la mi spyod pa dang / gang na rtag pa dang / chad pa la mi spyod pa dang / mthar 'dzin par lta ba la mi spyod pa dang / dbus la mngon par zhen pa la mi spyod pa dang / bdag dang / chos kyi ngo bo nyid kyi gnas dang / gnas med pa'i gnas dang / chos kyi rang bzhin gyi gnas dang / chos thams cad kyi </font><hr>480a<br><font size=+1>


@#/ /gnas dang / stong pa dang / mi stong pa'i gnas dang / shin tu gnas pa'i gnas pa dang / shin tu gnas pa dang / chos thams cad mi g.yo ba dang / mi gnas pa dang / gnas med pa dang / ngo bo nyid med pa dang / rgyu ba med pa dang / spros pa med pa dang / blang ba med pa dang / dor ba med pa dang / khas len pa med pa dang / len pa med pa dang / gang chos 'di la shes la shes pas rlom sems kyang med pa 'di ni yang dag pa dang / de kho na dang / de bzhin nyid dang / chos shes pa zhes bya'o/ /bu mo/ /byang chub sems dpa' gang 'di lta bur chos thams cad khong du chud nas sems can gzhan dag la 'dul ba'i phyir 'khor ba la'ang spyod la/ mya ngan las 'das pa'i chos nyid las kyang mi g.yo ba 'di ni byang chub sems dpa'i spyod pa yang dag phul yin no/ /chos spyod pa bstan pa 'di bshad pa na byang chub sems dpa' brgyad stong ni bzod pa rab tu thob par gyur to/ /bu mo rin chen gyis ni mu tig gi se mo do bye ba brgya stong ri ba bcom ldan 'das la phul nas tshig 'di skad smras so| |bcom ldan 'das/ byang chub sems dpa' gang chos spyod pa 'di la brtson pa 'di ni sangs rgyas kyi chos thams cad la brtson pa lags so/ /de'i lung bstan pa ni 'di </font><hr>480b<br><font size=+1>


lags te/ byang chub kyi snying po la gnas nas bdud dang / phyir rgol ba bcom ste/ phyir mi ldog pa'i phyag rgyas btab par blta'o/ /de nas tshe dang ldan pa shA radwa ti'i bus bu mo rin chen la 'di skad ces smras so/ /bu mo khyod kyis byang chub sems dpa' rnams kyi phyir mi ldog pa'i phyag rgya shes sam/ de nas bu mo rin chen gyis de'i tshe tshe dang ldan pa shA radwa ti'i bu la tshigs su bcad pa 'di dag smras so/ /'di la chos dbyings sems can khams/ /yang dag nyid kyis mnyam rtogs nas/ /gnyis med rtogs pa gang yin pa/ /de ni mi ldog phyag rgya yin/ /gang dag 'das pa'i sangs rgyas dang / /da ltar byung dang ma byon pa/ /thams cad chos kyi dbyings mnyam par/ /rtogs pa de dag phyir mi ldog /gang yang 'dus byas khams rnams dang / /gang yang 'dus ma byas pa'i khams/ /dben pa'i don gyis stong par ni/ khong du chud pa phyir mi ldog /sngon gyi mtha' ni mtha' yas pa/ /de yi tshad ni mi dmigs pa/ /sems kyi skad cig gcig ldan pa/ /khong du de chud phyir mi ldog /'jig rten pa yi chos gang dag /spyod par btags pa'i spyod yul rnams/ /shes rab kyis ni de rtogs pa/ /gang yin de dag phyir mi ldog /bdud kyi yul ni ji snyed pa/ /gang gis sangs rgyas yul rnams dang / /de dag mi gnyis shes pa ni/ /phyag rgya 'di yis btab pa yin/ / </font><hr>481a<br><font size=+1>


@#/ /'dod chags zhe sdang gti mug gang / /nyon mongs gang dag mtha' yas pa/ /rang gis rtog pa'i rtsa ba las/ /byung bar shes pa phyir mi ldog / 'khor ba dang ni mya ngan 'das/ /byang chub zhi bar bstan pa yang / /tha dad ma yin kun mnyam par/ /khong du chud pa phyir mi ldog /phung po ji bzhin byang chub ste/ /phung po byang chub mi gnyis shing / /sgyu ma 'dra bar mnyam shes te/ /rnam rtog med pa de dag mkhas/ /gang yang khams rnams bzhi po dag /nam mkha' mtshungs pa'i khams yin te| |gzung med khong du chud pa ni/ /yang dag phyag rgyas btab pa yin/ /mig ni byang chub byang chub yin/ /sangs rgyas kyis ni stong par gsungs/ /ji ltar mig gzhan byang chub ste| |rtag tu mnyam pa nyid kyis mnyam/ /de ltar skye mched thams cad kyang / /rtag tu stong ste byang chub mnyam/ /tshul 'dir rab tu shes pa dag /phyag rgya de yis btab pa yin| |sems can rnams ni kun gyi sems/ /sems gcig gis ni rab shes pa/ /de ni rdzogs pa'i byang chub las/ /phyir mi ldog par the tshom med/ /sems can kun gyi dbang po ni/ /rab dang 'bring dang tha ma yi/ /pha rol phyin pa gang yin pa/ /de dag phyir mi ldog pa yin/ /thogs pa med pa'i spobs pa yin/ /rgyun mi 'chad pa'i rgyun </font><hr>481b<br><font size=+1>


du yang / /bskal pa bye bar brjod kyang go /de yi bsngags pa de mi zad/ /nam mkha'i khams ni zad 'gyur la/ /rlung ni zhags pas gzung 'gyur srid/ /de yi spobs pa 'jig rten gyi/ / zad par bya bar yod mi nus/ /gang gis sems ni mi rmongs shing / /thos pa'ang chud zar mi 'gyur la/ /chos rnams thams cad 'dzin pa yi/ /gzungs ni de dag spyod yul yin/ / phyogs bcu kun gyi 'dren pa yi/ /dam pa'i chos ni gang bshad pa/ /gzungs thob pas ni de thams cad/ /dran pa dang ni shes pas 'dzin/ /gzungs ni shin tu bslabs pas na/ / sngon gyi bskal pa bye bar ni/ /skyob pa rnams kyi chos thos pa/ /de dag dris nas ston par 'gyur/ /phyir mi ldog pa gang yin pa/ /de dag gzungs ni 'di 'dra ste/ /spobs pa dag kyang 'di 'dra zhing / /de dag ye shes 'di 'dra'o/ /chos rnams phyag rgya stong pa nyid/ /rnam smin med cing bsal med pa/ /stong pa'i phyag rgyas gang btab pa/ /de dag phyir mi ldog par bstan/ /nam mkha'i phyag rgyas btab pa'i chos/ /rang bzhin gyis ni 'byung med par/ /mtha' ni khong du rab chud la/ /phyag rgyas btab pa phyir mi ldog /chos ni rten nas 'byung ba ste| |rgyu med pa yin chos med do/ /chos gang rgyu las byung ba dag /de yi mtshan nyid 'gog pa'o/ /chos rnams kun gyi mtshan nyid ni/ /nam mkha' mnyam pa'i mtshan nyid de/ /mtshan </font><hr>482a<br><font size=+1>


@#/ /nyid phyag rgya de 'dra ba'i/ /phyag rgyas gang btab phyir mi ldog /phyir mi ldog pa gang yin pa/ /sems can kun gyi spyod pa dang / /gzugs dang spyod lam dus rnams dang / /skad cig gcig la rab tu ston/ /sbyin pa'i tshogs ni mtha' yas te/ /bsod nams rtag tu mi zad pa/ /gal te ro gcig 'gyur na ni/ /nam mkha'i khams kyang gang bar 'gyur/ /de dag tshul khrims che ba nyid/ /sangs rgyas tshul khrims 'byung gnas te/ /dpag tu med cing mtha' yas med/ /nam mkha' yi ni dbyings dang 'dra/ /sems can kun dang nyan thos dang / /rgyal ba re re'i tshul khrims ni/ /phyir mi ldog pa'i tshul khrims kyi/ /bcu drug cha yi rin mi chog /de dag bzod pa mi zad de/ /de dag skye ba med pas bskyed/ /bzod pa mi zad phun sum tshogs/ /phyir mi ldog par 'gyur ba yin/ /de dag brtson 'grus che ba nyid/ /yang dag brtson pa dpag tu med/ / rtul ba dpag tu med pa ste/ /sems can thams cad tshim par byed/ /brtan pa rtag tu mnyam par bzhag /g.yeng ba med cing shin tu bsdams/ /bya ba rnams ni kun ston kyang / /mnyam par bzhag las g.yo ba med/ /shes rab kyis ni chags med thob/ /lta ba'i bag chags rnam par sbyang / /sangs rgyas spyod yul rdzogs par thob/ /phun sum </font><hr>482b<br><font size=+1>


tshogs pa'i zhing yang sbyangs/ /sangs rgyas phyag rgyas btab pa de/ /ye shes pha rol phyin pa thob/ /thabs chen dag kyang shin tu bslab/ /byang chub kyi ni spyad pa spyod/ /sems can yongs su smin byed pa/ /de dag spyod yul mtha' yas te/ /spyod pa ci 'dra bsam ci 'dra/ /de dag spyod pa shes pa med/ /dgra bcom dag dang rang rgyal dang / /bdud dang mu stegs gzhan kun gyis/ /de dag spyod yul tshad med pa/ /shes par nus pa ma yin no/ /de dag bsam gtan rdzu 'phrul dang / /rnam 'phrul 'du byed bcas pa min/ /dpa' bo lhun gyis grub par ni/ /bya ba de dag kun la 'jug /tshe dang 'jug dang 'chi 'pho dang / /byang chub kyi ni snying po dang / /chos kyi 'khor lo rab bskor nas/ /sangs rgyas kyi ni gzugs kyang ston| |sangs rgyas kun gyi spyan snga na/ /zhing rnams kun na snang ba ni/ /nyi zla lta bur gsal ba ste/ /de dag nam mkha' mtshungs par ldan/ /theg pa mos pa ci bzhin par/ /mya ngan 'das pa'ang ston mos kyi/ /mi ldog phyag rgya gang yin pa/ /phyag rgya de ni 'dor ma yin/ /nam mkhas ji tsam khyab pa dag /de srid ye shes khyab par byed/ /phyag rgya las ni mi ldog pa/ /sangs rgyas kyis ni de dag mkhyen/ /phyir mi ldog pa'i phyag rgya 'di bshad pa na stong gsum gyi stong chen po'i 'jig rten gyi khams 'di rab tu g.yos so/ /byang chub </font><hr>483a<br><font size=+1>


@#/ /sems dpa' lnga stong ni phyir mi ldog pa'i phyag rgyas lung bstan par gyur to/ /bcom ldan 'das kyis kyang bu mo rin chen la legs so zhes bya ba gnang ste/ bu mo/ khyod kyis byang chub sems dpa' rnams phyir mi ldog par bstan pa 'di legs par smras pa ni legs so/ /legs so/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das/ bu mo rin chen gyi spobs pa 'di 'dra ba las ni de phyir mi ldog pa'i phyag rgyas btab pa lags te// the tshom ma mchis so/ /bcom ldan 'das/ chos 'di mngon sum du ma gyur pa 'di 'dra ba'i bstan pa ston pa nus pa ma mchis so/ /bcom ldan 'das kyis bka' stsal pa/ rab 'byor/ de de bzhin no/ /ji skad smras pa de bzhin te/ bu mo rin chen gyis ni phyir mi ldog pa'i phyag rgyas btab pa/ bzod pa rab tu thob pa/ /theg pa chen po'i gting thob pa'o| |de nas bcom ldan 'das la bu mo rin chen gyis 'di skad ces gsol to/ /bcom ldan 'das/ theg pa chen po theg pa chen po zhes bgyi ba ci'i slad du theg pa chen po zhes bgyi/ de skad ces gsol pa dang / bcom ldan 'das kyis bu mo rin chen la 'di skad ces bka' stsal to/ /bu mo/ theg pa chen po de ni sems can thams cad la skabs </font><hr>483b<br><font size=+1>


'byed pas rgya che ba'o/ /dge ba'i rtsa ba thams cad kun tu ston pas theg pa de ni sgribs pa med pa'o/ /nyon mongs pa'i mun pa mun nag dang bral ba'i theg pa de ni dri ma med pa'o/ / thams cad du rnam par grol ba'i sgo'i mtshan nyid yin pas theg pa de ni kun tu snang ba'o/ /gdod ma nas kun nas nyon mongs pa can ma yin pas theg pa de ni 'od gsal ba'o/ / bag chags dang bral ba'i phyir theg pa de ni yongs su dkar ba'o/ /tshul khrims kyi phung po shin tu bsrungs ba'i phyir theg pa de ni yongs su dag pa'o/ /ting nge 'dzin gyi phung po shin tu brtags pa'i phyir theg pa de ni mnyam par legs par gnas pa'o/ /shes rab kyi phung pos legs par brtags pa'i phyir theg pa de ni zag pa med pa'o/ /rnam par grol ba'i phung po shin tu dkar bar byas pa'i phyir theg pa de ni nges par 'gro ba'o/ /rnam par grol ba'i ye shes mthong ba shin tu rtogs pa'i phyir theg pa de ni chos thams cad mnyam pa nyid du ston pa'o/ /stobs bcus shin tu yongs su zin pas theg pa de ni mi thul ba'o/ /mi 'jigs pa bzhis seng ge'i sgra sgrogs pa'i phyir theg pa de ni 'jigs pa med pa'o/ /sangs rgyas kyi chos ma 'dres pa bco brgyad kyis shin tu yongs su zin pas theg pa de ni byin gyi rlabs thogs pa med par 'gro ba'o/ /sems can thams cad la byams pa'i sems kyi phyir theg </font><hr>484a<br><font size=+1>


@#/ /pa de ni mnyam pa'o/ /chos dang mthun pas bdud dang / phas kyi rgol ba thams cad tshar gcod pa'i phyir theg pa de ni chos dang mthun pas nges par 'joms pa'o/ /bdud kyi phyogs thams cad las rnam par rgyal bas theg pa de ni rnam par 'jig par byed pa'o/ /theg pa de ni nyon mongs pa'i bdud rab tu zhi bar byed pa'o/ / theg pa de ni phung po'i bdud yongs su shes pa'o/ /theg pa de ni 'chi bdag gi bdud dang bral ba'o/ /theg pa de ni lha'i bu'i bdud rnam par spangs pa'o/ /sbyin pa'i pha rol tu phyin pa yongs su rdzogs pas theg pa de ni 'byor pa'o/ /tshul khrims kyi pha rol tu phyin pa yongs su rdzogs pas theg pa de ni yongs su gdung ba med pa'o/ /bzod pa'i pha rol tu phyin pa yongs su rdzogs pas theg pa de ni bdud dang / phyir rgol ba bcom pa'o/ /brtson 'grus kyi pha rol tu phyin pa yongs su rdzogs pas theg pa de ni brtan pa mi phyed pa'o/ /drang po ma yin pa dang / snyoms las thams cad dang bral ba'i theg pa de ni skyon med pa'o/ /bsam gtan gyi pha rol tu phyin pa yongs su rdzogs pas theg pa de ni sems kyi gdung ba'i skyon dang bral ba'o/ /theg pa de ni lam bzang po thams cad kyi gnas su 'gro ba'o/ /shes rab kyi pha rol tu phyin pa yongs su rdzogs pa'i phyir </font><hr>484b<br><font size=+1>


theg pa de ni thams cad la mkhas pa dang / thams cad mkhyen pa'i ye shes dang / 'jig rten pa thams cad dang / 'jig rten las 'das pa'i chos thams cad so so yang dag par rig pa'o/ /thabs la mkhas pa yongs su rdzogs pa'i phyir theg pa de ni theg pa thams cad kyis ci rigs par 'byung ba'o/ /mya ngan las 'das pa'i 'gros kyis theg pa de ni 'ong ba dang / 'gro ba med pa'o/ /'phags pa'i lam yan lag brgyad pa gya nom pas theg pa de ni bde bar 'gro ba'o/ /zhi gnas dang lhag mthong gi rlung gi shugs dang ldan pas theg pa de ni byin gyi rlabs kyis 'gro ba'o/ /phas kyi rgol ba thams cad kyis bltar mi mthong bas theg pa de ni dbang po dang / stobs dang / byang chub kyi yan lag gi kha khyer gyis yongs su bskor ba'o/ /sangs rgyas kyi zhing thams cad bde bar lta ba'i phyir theg pa de ni rdzu 'phrul gyi rkang pa bzhis 'gro ba'o/ /dge ba'i chos thams cad dang ldan pa'i phyir theg pa de ni yang dag par spong ba la mnyam par legs par gnas pa'o/ /bar mi phyed pas theg pa de ni dran pa nye bar gzhag pa shin tu yongs su sbyang ba byas pa'o/ /zag pa med pa'i chos 'ong ba'i phyir theg pa de ni khams gsum las 'byung ba'o/ /'dus byas kyi khams kyi snang ba thob pas theg pa de ni 'dus byas kyi khams </font><hr>485a<br><font size=+1>


@#/ /'dus ma byas pa'o/ /nyan thos dang / rang sangs rgyas thams cad kyi theg pa mi 'dod pas theg pa de ni byang chub kyi sems mi brjed cing kha lo sgyur te legs par khrid pa'o/ /spyi gtsug bltar mi mthong bas theg pa de ni mngon par 'phags pa'o/ /theg pa de ni bsod nams kyi tshogs kyis brgyan pa'o/ /theg pa de ni ye shes kyi tshogs kyis sems kyi bsam pa rab tu shes pa'o/ /gtan pa med pa'i mchod sbyin byed pas theg pa de ni sgo phye pa'o/ /sangs rgyas kyi ye shes mnyam pa'i phyir theg pa de ni ro gcig pa'o/ /grags pa phyogs bcur grags pa'i phyir theg pa de ni bsgrags pa'o/ /legs par byas pa'i las kyi phyir theg pa de ni lha thams cad kyis phyag byas pa'o/ / bsngags pa mtha' yas pas theg pa de ni brgya byin dang / tshangs pa dang / 'jig rten skyong ba thams cad kyis mngon par bstod pa'o/ /sbyin pa sngon du 'gro bas theg pa de ni ser sna can rnams la gtong ba sbyin pa'o/ /snying rje chen pos shin tu zin pas theg pa de ni ngang tshul ngan pa rnams la tshul khrims sbyin pa'o/ /sems can thams cad la khong khro ba'i sems med pas theg pa de ni gnod pa'i sems dang ldan pa rnams la bzod pa sbyin pa'o/ /go cha brtan pa mi 'dor bas theg pa de ni le lo can rnams la brtson 'grus </font><hr>485b<br><font size=+1>


sbyin pa'o/ /sems dul zhing zhi la las su rung bas theg pa de ni sems g.yeng ba rnams la bsam gtan sbyan pa'o/ /sems can thams cad thos pa la sbyor bas theg pa de ni shes rab 'chal ba rnams la shes rab sbyin pa'o/ /sdig pa thams cad mi byed pas theg pa de ni bde ba thams cad sgrub cing sdug bsngal thams cad sel ba'o/ /theg pa de ni chags pa med pa'i ye shes kyis sangs rgyas kyis ye shes dang / chags pa med pa'i ye shes kun tu ston pa/ theg pa thams cad kyi spyi bor phyin pa ste/ de'i phyir theg pa chen po zhes bya'o| |chos kyi rnam grangs 'di bshad pa na srog chags khri nyis stong ni bla na med pa yang dag par rdzogs pa'i byang chub tu sems bskyed nas/ 'di skad ces/ bdag kyang theg pa chen por zhugs te/ sems can tshad ma mchis pa theg pa chen po 'di la dgod par bgyi'o zhes smras so/ /de nas bcom ldan 'das la bu mo rin chen gyis 'di skad ces gsol to| |bcom ldan 'das/ gang gis thams cad mkhyen par myur du nges par mi 'byung ba theg pa chen po'i bar du gcod pa gang lags/ de skad ces gsol pa dang / bcom ldan 'das kyi bu mo rin chen la 'di skad ces bka' stsal to/ /bu mo/ theg pa chen po'i bar du gcod pa sum cu rtsa gnyis te/ bar du gcod pa de dag gis thams cad mkhyen pa myur du nges </font><hr>486a<br><font size=+1>


@#/ /par mi 'byung ngo / /sum cu rtsa gnyis gang zhe na/ 'di lta ste/ nyan thos kyi theg pa 'dod pa dang / rang sangs rgyas kyi theg pa 'dod pa dang / brgya byin dang / tshangs pa nyid mngon par 'dod pa dang / skye ba la gnas te tshangs par spyod pa dang / dge ba'i rtsa ba gcig la chags pa dang / longs spyod bdog pa rnams la ser sna byed pa dang / sems can rnams la mnyam par mi sbyin pa dang / tshul khrims lhod pa dang / byang chub kyi sems mi srung ba dang / gnod sems dang / khong khro ba bag la nyal bar byed pa dang / sems zhum pa dang / brjed ngas pa dang / thos pa don du mi gnyer ba dang / dpyod pa med pa dang / 'phags pa ma yin pa dang / nga rgyal las kyang nga rgyal 'phel ba dang / lus dang / ngag dang / sems kyi las yongs su ma dag pa dang / dam pa'i chos mi srung ba dang / slob dpon chos 'chab pa dang / bsdu ba'i dngos po rnams 'dor ba dang / yang dag par dga' bar 'gyur ba'i chos gtong ba dang / sdig pa'i grogs po ston pa dang / byang chub tu yongs su mi bsngo ste/ phung po gsum pa dang mi mthun pa dang / dge ba'i rtsa ba chung dus rlom sems su byed pa dang / thabs med par lhung ba'i blo dang / phyir zhing dkon mchog </font><hr>486b<br><font size=+1>


gsum gyi bsngags ba mi smra ba dang / byang chub sems dpa' la gnod par sems pa dang / ma thos pa'i chos spong ba dang / bdud kyi las khong du mi chud pa dang / 'jig rten rgyad pa na pa'i gsang tshig 'dzin pa dang / sems can yongs su smin par mi byed pa dang / 'khor bas yongs su skyo ba ste/ sum cu rtsa gnyis po de dag ni theg pa chen po'i bar du gcod pa yang dag phul yin te/ bar du gcod pa de dag gis thams cad mkhyen par myur du nges par mi 'byung ngo / /de ltar mod kyi 'on kyang / bu mo/ theg pa chen po'i yon tan ji tsam ba bar du gcod pa'ang de tsam mo/ /de ci'i phyir zhe na/ 'dus byas kyi skyon ji tsam pa theg pa chen po'i bar du gcod pa'ang de tsam mo/ /mya ngan las 'das pa'i yon tan ji tsam pa theg pa chen po'i yon tan dang / bsngags pa'ang de tsam mo/ /theg pa chen po'i yon tan dang / bsngags pa ji tsam pa de bzhin gshegs pas sems kyi nye ba'i nyon mongs pa rab tu mkhyen pa'ang de tsam ste/ de dag thams cad ni theg pa chen po'i bar du gcod pa'o/ /de bzhin gshegs pas sangs rgyas kyi yon tan rab tu mkhyen pa ji tsam pa theg pa chen po'i bsngags pa dang yon tan yang de tsam mo/ /bu mo/ de lta bas na ci nas kyang byang chub sems dpa' sems dpa' chen pos theg pa chen po'i nyon mongs par gyur pa'i chos yongs su </font><hr>487a<br><font size=+1>


@#/ /spang bar bya'o/ /chos gang dag gis theg pa chen po rnam par dag par 'gyur ba'i chos de dag la bstan par bya/ bsgom par bya/ mang du bya'o/ / de la theg pa chen po rnam par dag par 'gyur ba'i chos de gang zhe na/ bu mo chos sum cu rtsa gnyis po 'di dag ni theg pa chen po rnam par dag par 'gyur ba ste/ sum cu rtsa gnyis gang zhe na/ 'di lta ste/ gsol ba ma btab par sems can thams cad la dge ba'i bshes gnyen du gyur pa dang / gzhan gyis byas pa rnams la mngon par dga' ba med pa dang / dge ba'i rtsa ba'i tshogs thams cad la bsam pa gtan pa dang / bya ba thams cad yongs su grub pa la zhum pa med pa dang / bsam pa dag pas sems rnyog pa med pa dang / spyod lam thams cad du rnam par mi rtog pas lus yongs su dag pa dang / ji skad smras pa de bzhin du byed pas ngag yongs su dag pa dang / byang chub kyi sems mi 'dor bas yongs su dag pa dang / lan la mi re bas sbyin pa yongs su dag pa dang / ngang tshul ngan pa yongs su skyob pas tshul khrims yongs su dag pa dang / lus dang / srog la mi lta bas bzod pa yongs su dag pa dang / stobs bcu dag mi 'jigs pa bzhi yongs su rdzogs par byed pas brtson 'grus yongs su dag pa dang / nyon mongs pa </font><hr>487b<br><font size=+1>


thams cad kyis zil gyis mi non pas bsam gtan yongs su dag pa dang / bag chags thams cad yang dag par 'joms pas shes rab yongs su dag pa dang / bdud kyi las thams cad yongs su spong bas sems dpa' dang / kha 'og tu lus 'khrus par byed pas yi dam la brtan pa dang / sems can yongs su smin par byed pas bsdu ba'i dngos po rnams mi 'dor ba dang / dam pa'i chos yongs su srung bas sangs rgyas la byas pa gzo ba dang / byang chub kyi phyogs kyi chos rab tu rdzogs par byed pas yongs su mi skyo ba dang / shes rab dang / ye shes rab tu rdzogs par bya ba'i phyir thos pas mi ngoms pa dang / gong ma'i khyad par khong du chud pas de la mi chags pa dang / spyi gtsug bltar mi mthong bar bya ba'i phyir nga rgyal med par nyan pa dang / rgyu dang / rkyen tshogs pa shin tu mthong ba'i phyir chos thams cad dang 'gal ba med pa dang / 'phags pa'i nor bdun rab tu thob pa'i phyir dbul ba med pa dang / bdag la dbang bas rang dbang yod de bran ma yin pa dang / bsod nams dang / ye shes kyi tshogs mngon par bsgrubs pa'i mngon par shes pa rnams kyis sems can thams cad kyi nyon mongs pa zhi bar byed pa dang / de bzhin gshegs pa'i rig pa dang / rnam par grol ba bsgrubs pas zhi gnas kyi tshogs dang / lhag mthong gi tshogs dang / stong pa </font><hr>488a<br><font size=+1>


@#/ /nyid dang / mtshan ma med pa dang / smon pa med pa bsgom pa'i phyir rnam par thar pa'i sgo gsum gyi sgo mo kun tu ston pa dang / sems can thams cad snyed kyi ye shes khong du chud pas nad nye bar zhi ba dang / mi skye ba'i chos la bzod pa'i phyir zad pa dang / mi skye ba shes pa dang / chos thams cad la nan tan snying por byed cing gnas pa lung bstan pa ste/ bu mo/ chos sum cu rtsa gnyis po de dag ni theg pa chen po rnam par dag par 'gyur ba'o/ /theg pa chen po rnam par dag pa'i le'u'i chos kyi rnam grangs 'di bshad pa na lha dang / mi'i skye dgu srog chags bdun khri nyis stong ni bla na med pa yang dag par rdzogs pa'i byang chub tu sems bskyed do/ /byang chub sems dpa' khri nyis stong ni mi skye ba'i chos la bzod pa rab tu thob par gyur to/ /steng gi bar snang las kyang lha brgya stong gis ca co dang / gzha'i sgra byung ste me tog kyang gtor/ sil snyan yang dkrol nas gang theg pa chen po'i yon tan dang / bsngags pa bstan pa'i chos kyi sgo'i le'u 'di thos la thos nas kyang mos pa dang / mos nas kyang len cing 'dzin te/ yang dag par nan tan byed pa'i sems can de dag ni sangs rgyas kyi yon tan la nges par gnas par 'gyur ro zhes ched du brjod pa de skad du ched du brjod do/ /de nas bcom </font><hr>488b<br><font size=+1>


ldan 'das la lha'i dbang po brgya byin dang / mi mjed kyi bdag po tshangs pa dang / rgyal po chen po bzhis 'di skad ces gsol te/ bcom ldan 'das/ kye ma'o/ /ji tsam du chos kyi rnam grangs don mang po dang ldan pa/ sgribs pa'i nyon mongs pa zhi bar bgyid pa/ nges pa'i don dang ldan pa/ bdud dang / phyir rgol ba bcom pa/ phas kyi rgol ba thams cad rab tu 'dul ba/ sangs rgyas kyi chos thams cad kun tu 'dzin pa/ shin tu gdon mi 'tshal ba/ zab mo nges pa'i tshig bstan pa 'di bstan pa ngo mtshar to/ /bcom ldan 'das/ bdag cag gis kyang chos kyi rnam grangs 'di blang bar bgyi/ gzung bar bgyi'o/ /chos kyi rnam grangs 'di chos smra ba gang gis sug par mchis pa dang / mdzod du chud pa dang / glegs bam du mchis par 'gyur ba dang / lha dang / klu dang / gnod sbyin dang / dri za gang dag chos kyi rnam grangs 'di la mos pa dang / 'dzin par 'gyur ba de dag yongs su gzung ba'i sug las bgyi'o/ /gang sems sdang bas skabs tshol ba de dag ci nas kyang chos smra ba de dag la 'tshe bar mi 'gyur bar shin tu tshar dgum par bgyi'o/ /de nas bcom ldan 'das kyis lha'i dbang po brgya byin dang / mi mjed kyi bdag po tshangs pa dang / 'jig rten skyong ba bzhi la legs so zhes bya ba gnang ste/ grogs po dag /chos smra ba yongs su gzung ba'i </font><hr>489a<br><font size=+1>


@#/ /phyir dam bcas par gyur pa ni legs so/ /legs so/ /grogs po dag /chos smra ba yongs su gzung bas dam pa'i chos yongs su gzung ba yin no| |dam pa'i chos yongs su gzung bas sems can thams cad yongs su gzung ba byas pa yin no/ /de nas bcom ldan 'das kyis tshe dang ldan pa kun dga' bo la bka' stsal pa| kun dga' bo/ bu mo rin chen gyis dam pa'i chos yongs su dris pa'i chos kyi rnam grangs 'di zungs shig /chongs shig /lhogs shig /gzhan la'ang rgya cher rab tu ston cig /kun dga' bo/ byang chub sems dpa' sbyin pa la mos pa/ dmigs pa la gnas pa'i bzod pas bskal pa brgya stong du sbyin pa byin pas gang yang byang chub sems dpa' gzhan zhig chos kyi rnam grangs 'di la zhugs te/ gzhan dag la'ang rab tu ston cing / sems can rab tu thar bar bya ba la dmigs nas snying rje chen po la gnas pa dang / gang byams pa chen po dang ldan zhing chos nges par sems pa'i bzod pa la rab tu zhugs na/ de de bas bsod nams ches mang du 'phel te/ 'di ltar theg pa chen po la ches myur du nges par 'byung bar 'gyur/ /de skad ces bka' stsal pa dang / tshe dang ldan pa kun dga' bos bcom ldan 'das la 'di skad ces gsol to// </font><hr>489b<br><font size=+1>


bcom ldan 'das/ bdag gis chos kyi rnam grangs 'di gzung lags na/ bcom ldan 'das chos kyi rnam grangs 'di'i ming ci lags/ 'di ci ltar gzung bar bgyi/ bcom ldan 'das kyis bka' stsal pa/ kun dga' bo/ de bas na chos kyi rnam grangs 'di bden pa dang / chos dang / don dang / 'dul ba la mkhas pas sgo'i le'u zhes bya bar zungs shig / yon tan rin po che mtha' yas sems bskyed pa bstan pa zhes bya ba dang / de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa dang / mtshan rab tu dbye ba bstan pa zhes bya ba dang / byang chub sems dpa'i chos spyod pa mtha' dag ces bya ba dang / phyir mi ldog pa'i phyir phyag rgya bsten pa zhes bya ba dang / theg pa chen po'i man ngag ces bya ba dang / 'dul ba'i le'u zhes bya ba dang / bu mo rin chen gyis zhus pa zhes bya bar yang zungs shig /kun dga' bo/ khyod kyis chos kyi sgo'i le'u 'di bzung zhing gzhan dag la'ang bshad na yon tan gyi chos dpag tu med pa la chos kyi snang ba thob par 'gyur ro/ /sems can rnams la sangs rgyas kyi mdzad pas nye bar gnas par 'gyur ro/ /de ci'i phyir zhe na/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyi byang chub ni 'dir 'dus pa'i phyir ro/ /bcom ldan 'das kyis de skad ces bka' stsal pa </font><hr>490a<br><font size=+1>


@#/ /dang / tshe dang ldan pa kun dga' bo dang / bu mo rin chen dang / lha dang / mi dang / lha ma yin dang / dri zar bcas pa'i 'jig rten bcom ldan 'das kyis gsungs pa la yi rangs te mngon par bstod do/ /'phags pa theg pa chen po'i man ngag ces bya ba theg pa chen po'i mdo rdzogs so// //rgya gar gyi mkhan po dzi na mi tra dang / dA na shI la dang / zhus chen gyi lo tsA ba ban+de ye shes sde la sogs pas bsgyur cing zhus te gtan la phab pa// </font><hr>

</table>