H169

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H169</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H169&coll=lhasa">see text in Tibetan script</a></table>333b<br><font size=+1>


//rgya gar skad du/ bi ma la bra b+ha ba pa ri pr-i ts+tshA/ bod skad du/ dri ma med pa'i 'od kyis zhus pa/ bam po dang po/ thams cad mkhyen pa la phyag 'tshal lo/ /gang gi tshe sangs rgyas bcom ldan 'das kyis zla ba'i snying po zhes bya ba'i mdo bshad pa'i tshe dzam+bu'i gling gi yul thams cad srung ma rnams kyi lag tu so sor gtad pa na/ bcom ldan 'das/ bya rgod phung po'i ri la bzhugs nas lha thams cad bsdu pa'i phyir 'od zer btang ngo / /de nas bcom ldan 'das </font><hr>334a<br><font size=+1>


@#/ /kyi dgongs pa bskyed ma thag tu lha'i rgyal po thams cad 'khor dang bcas pa bcom ldan 'das kyis spyan sngar 'dug go /de'i tshe bcom ldan 'das kyis rgyal po chen po rnam thos kyi bu dang / gnod sbyin gyi dbang po kun tu rgyal la bos te bka' stsal pa/ rgyal po chen po dag /nga'i bka' chos dang ldan pa bzhin gyis la rim gro byos shig /nga yongs su mya ngan las 'das nas lo brgya lon pa na li yul zhes bya ba zhig 'byung bar 'gyur te/ de yongs su bskyad pa'i phyir ngas khyed kyi lag tu gtad do// rgyal po rnam thos bu khyod dang / /rdzu 'phrul chen po kun tu rgyal/ /klu yi rgyal po ma dros dang / /blo rab brtan pa'i lha yi bu/ /nga yi tshig ni mnyan par gyis/ /yul 'di rgyal ba'i dbang po yis/ /'dul ba yin gyi gzhan gyis min/ /gang dag ngas ni ma btul ba'i/ /sems can de dag li yul 'khor/ /sangs rgyas lung bstan grong khyer du/ /so sor skye ba len par 'gyur/ /nga yi sangs rgyas byang chub phyir/ /sdug bsngal chen po myong ba dang / /smon lam chen po rab mang ba/ /btab par gyur ba gang yin pa'i/ /bsod nams kyi ni tshogs de yis/ /yul 'di nga yi phyag mtshan gyur/ /zhi bar mya ngan 'das na/ /khyed rnams la ni gtang bar bya/ /gang tshe nga yi byams pa'i sa/ /li yul 'di </font><hr>334b<br><font size=+1>


ni byung ba ni/ /'gu ma ti ri gnas mdzes der/ /chos kyi rgyal po'i mchod rten du/ /bskal pa bzang po'i sangs rgyas rnams/ /de tshe 'dir ni 'dul bar 'gyur/ /yul 'di yongs su bskyang ba'i phyir/ /nga yis khyed la byin pa yin/ /de nas rgyal po rnam thos bus/ /bcom ldan 'das la gsol ba ni/ 'dren pa sangs rgyas rnams kyi bka'/ /gcig tu rung ba ma lags te/ /mchog rab rgyal ba'i bka' stsal pa/ /las 'di shin tu dka' ba lags/ /ston pa bcom ldan bzhugs bzhin du/ /yul dang ljongs rnams 'khrug pa mchis/ /khyod kyis dam chos bshad na yang / /yongs su srung bar dkon lags na/ /ston pa mya ngan 'das pa'i tshe/ /lha yis bor ba'i yul dag tu/ / lha la sogs pa srung ba rnams/ /bka' bzhin mi nyan ji zhig smos/ /bdag cag rnams la thugs rjes mdzod/ /gang zhig thos na lha rnams kun/ /khyod kyi bka' bzhin bgyid 'gyur ba/ /de 'dra'i chos ni bshad par gsol/ /sangs rgyas dpa' bo rnams kyi bka'/ /de ni sa steng cig tu med/ /skye bo gang du ma byung ba'i/ /las ni shin tu dka' lags na/ /bcom ldan der ni bdag cag gis/ /ji ltar yongs su bsrung bar bgyi/ /sangs rgyas rnams ni dus gsum gzigs/ /kun mkhyen </font><hr>335a<br><font size=+1>


@#/ /ye shes spyan dang ldan/ /rgyal ba skyes mchog de yi phyir/ /las 'di bdag cag mchis kyis 'tshal/ /de phyir gtad pa mnod par bgyi/ /rgyal bas sngar ni bka' stsal pa'i/ /las ni ji ltar bgyid 'gyur ba/ /de ltar byin gyis brlab par gsol/ /rgyal bas lung bstan grong khyer du/ /rgyal bas sngon ni lung bstan pa'i/ /byang chub sems dpa' rnams dang ni/ /gzugs bzang sdom pa 'dzin pa yi/ /dge slong brgya phrag bcu gsum dang / /dge slong ma ni nyis brgya 'byung / /sdig pa'i las rnams gang dag gis/ /sngon ni smon lam btab gyur cing / /sdig byed phyogs ni lnga brgya po/ /de dag rnams kyang 'byung 'gyur te/ /dge byed la ni bgegs bya'i phyir/ /yul 'di dag tu skye bar 'gyur/ /dge byed mdza' bo de dag kyang / /li yul dag tu skye ba len/ /rgyal bas lung bstan yul dag tu/ /legs pa rnams ni byed par 'gyur/ /ji ltar yul 'dir bdag cag rnams/ /legs par 'gyur dang bdag cag gis/ /ci nas gzung ba'i thabs 'tshal bar/ /bcom ldan bdag cag dam pa gsol/ /de la bcom ldan gsungs pa ni/ /dam pa'i mchog ni sbyin par byas/ /gnod sbyin dbang po dus kun tu/ /yul ni yongs su bsrung ba'i phyir/ /byang chub sems dpa'i gnas bzang </font><hr>335b<br><font size=+1>


'di/ /nga yi tshig gis gzung bar gyis/ /yul de 'byung bar 'gyur ba ni/ /lha yis skyed mos tshal mchog bzhin/ /dge 'dun kun dga' ra bas rgyas/ /dri gtsang khang gis mdzes par byas/ /der ni dgon pa'i gnas rnams kyang / /bde ba can dang 'dra bar 'gyur/ /dge slong dge slong ma yis gang / /de dag theg pa mchog kyang ston/ /byang chub sems dpa'i gnas bzang der/ /mi rnams skyes pa gang yin pa/ /dge ba yi ni las byed cing / /byang chub phyir ni bsngo bar byed/ /ji srid thub pa'i dbang po yis/ /bstan pa yul der gnas pa dang / /mchod par byed pa de srid du/ /yul dag kyang ni gnas par 'gyur/ /bstan pa dag la ma mchod na/ /srung ma rnams ni 'khrug par 'gyur/ /yul yang yal bar 'dor ba dang / /'khrug pa'i sems kyis 'gro bar 'gyur/ /srung ma dag ni song ba dang / /yul ni lha yis bor ba der/ /nad dang mu ges nyen pa dang / /rgyal po dag kyang tshe thung 'gyur/ /srung ma kun tu khros pa yis/ /dpung rnams kyang ni med par byed/ /rgyal ba dam pa mchog gis lha rnams la de skad ces bka' stsal nas/ de'i 'og tu bcom ldan 'das dpal 'od zer lta bu zhes bya ba'i ting nge 'dzin la snyoms par zhugs te/ smin mtshams kyi gseb nas de bzhin gshegs pa'i rnam pa zhes bya ba'i </font><hr>336a<br><font size=+1>


@#/ /'od zer rnams byung ngo / /'od zer de dag las kyang 'od zer tshad med grangs med pa 'byung bar 'gyur te/ sangs rgyas kyi zhing thams cad du song nas sangs rgyas kyi zhing gang dang / gang na sangs rgyas bcom ldan 'das bzhugs pa der tshig tu brjod pa 'di skad ces 'byung ste/ /lha'i lha sangs rgyas bcom ldan 'das shAkya thub pa/ gnod pa nyung ngam/ bskyod pa yang ngam zhes bya ba'i bar du 'dri'o/ /'di skad ces smras te/ sangs rgyas nyid kyi phyir ngas bskal pa mang por dka' ba byas so| |dam pa'i chos bsdu ba'i phyir lus grangs med pa yongs su btang ba byas te/ sbyin pa mang po byin no/ /sdug bsngal shin tu mang po byang chub sems dpa' gzhan dag gis ma myong ba dag nyams su myong ste/ des bla na med pa yang dag par rdzogs pa'i byang chub rjes su thob par gyur to/ /da ni nga yongs su mya ngan 'da' ba'i dus dang skabs su bab nas dzam+bu'i gling thams cad kyi yul rnams yongs su bskyang ba'i phyir srung ma rnams kyi lag tu byin no/ /lha rnams mya ngan nga 'das na/ /lo brgya lon pa de yi tshe/ /ming ni li yul zhes bya ba/ /rab tu 'byor ba 'byung bar 'gyur/ /bskal pa bzang po'i sangs rgyas dang / /byang chub sems dpa' skyob rnams kyi/ /'dul </font><hr>336b<br><font size=+1>


pa'i phyir ni ched kyi ste/ /rtog ge ba dang bral ba yin/ /bskal pa bzang po'i rgyal sras rnams/ /li yul 'khor gyi grong khyer der/ /skye ba dag kyang len 'gyur zhing / /mig dang 'dra bar snang bar 'gyur/ /sems can rnams ni smin bya dang / /chos kyang mnyan par bya ba'i phyir/ /byang chub spyod pa bzang po dag /de tshe de kun spyod par 'gyur/ /sangs rgyas rnams kyis bdag la dgongs/ /nyi ma'i snying po mdo sde che/ /mdo sde mchog ni bshad pa na/ /snying rjes non pa'i sems kyis su/ /yul der bsrung bar bya ba'i phyir/ /gzungs sngags rnams dang 'od zer dag /ji ltar sngon ni bkur ba bzhin/ /sangs rgyas zhing ni thams cad nas/ /yul 'khor 'dir ni skyes kyi rnams/ /rgyal mchog rnams kyis bkur ba mdzod/ /bstan pa bsrung bar bya ba'i phyir/ /bdag la dgyes pas bkur bar mdzod/ /skyob pa shAkya seng+ge yis/ /'od zer de dag btang ba na/ /sangs rgyas zhing rnams song nas ni/ /de nyid du ni slar yang 'ongs/ /de nas de ma thag tu sangs rgyas kyi zhing thams cad na bzhugs pa'i sangs rgyas bcom ldan 'das rnams kyis/ bcom ldan 'das shAkya thub pa li yul yongs su bskyang bar bzhed pa'i bstan pa'i nga du gnas par bya ba'i phyir skyes su 'od zer dag kyang btang / gzungs sngags dag kyang bskur te / </font><hr>337a<br><font size=+1>


@#/ /'di skad ces kyang gsungs so/ /sangs rgyas bcom ldan 'das gang dag gis 'od zer dag kyang gtong / gzungs sngags dag kyang byang chub sems dpa' rnams kyi lag tu bskur ba de dag mtshan ni 'di zhes bya/ byang chub sems dpa' de dag gi ming yang 'di zhes bya'o/ /de bzhin gshegs pa mu stegs thams cad 'dzud pa la dpa' ba la phyag 'tshal lo/ /byang chub sems dpa' tshig gsang ba la phyag 'tshal lo/ /gzungs sngags ni 'di yin te/ tad+ya thA/ ba ra ba ra/ kA sha a ra/ tsakra ko Sha| gu ya ka bA re swAhA/ gzungs sngags 'dis li yul gyi lha dang mi rnams la lha rnams dam pa sbyin par 'gyur ro/ /de bzhin gshegs pa dga' ba'i chos la dpa' ba la phyag 'tshal lo/ /byang chub sems dpa' chos kyi dbang phyug la phyag 'tshal lo/ /tad+ya thA/ pa ra tri ka pu li/ sha si ri ba hA re bA re swAhA/ gzungs sngags 'dis ni tshe rabs dran par 'gyur ro/ /de bzhin gshegs pa chos la zhugs pa shin tu 'phags pa'i tog gi bsrung la phyag 'tshal lo/ /byang chub sems dpa' 'jig rten dbang phyug la phyag 'tshal lo/ /byang chub sems dpa' rang gi yid la gsal ba'i tshig la phyag 'tshal lo/ /de bzhin gshegs pa mngon par 'phags </font><hr>337b<br><font size=+1>


pa'i rgyal po la phyag 'tshal lo/ /byang chub sems dpa' nam mkha'i chig la phyag 'tshal lo/ /tad+ya thA/ hwA kyar te/ hau hau hau hau/ phA rur ra/ a bi ba ra/ ma bi ba ra/ Na ru he swAhA/ gzungs sngags 'di su 'dzin pa ni ngan song ngan 'gror 'gro bar mi 'gyur la sems can rnams kyi 'gro ba sngon gyi che rabs su ji lta bur gyur pa dang / tshe rabs phyi ma la cir 'gyur ba'ang shes par 'gyur ro/ /de bzhin gshegs pa bu sdug rgyal ba'i chos 'phel ba la phyag 'tshal lo/ /byang chub sems dpa' lha dang / mi'i chos kyi dbang phyug la phyag 'tshal lo/ /tad+ya thA/ d+ha ra s+thi ta/ ta tha tA badzri bi sa re ta tha tA swAhA/ gzungs sngags 'dis ni gzungs thob par gyur to/ /de bzhin gshegs pa mi 'khrugs pa la phyag 'tshal lo/ /byang chub sems dpa' dri ma med pa'i dbang phyug la phyag 'tshal lo/ /tad+ya thA/ a ba hi/ sarba ta thA ga ta b+hU ta ko tri b+hati b+ha ti/ pa Di ra Ti swAhA/ gzungs sngags 'dis ni de bzhin gshegs pa'i byang chub kyi shing drung du byang chub thob par gyur to/ /de bzhin gshegs pa rnga sgra'i rgyal po la phyag 'tshal lo/ /byang chub sems dpa' dpal rgyan la phyag 'tshal lo/ /tad+ya thA/ ta thA tA su De dra pa ne/ sarbi sa ra D+ri/ gu h+ya man+t+ra ta tha tA d+ha na swAhA/ gzungs sngags </font><hr>338a<br><font size=+1>


@#/ /'dis ni byang chub sems dpa' dka' ba chen po mdzad par 'gyur zhing sems can rnams kyang sdug bsngal dang / nad rnams las yongs su thar bar 'gyur ro/ /de bzhin gshegs pa 'od dpag med la phyag 'tshal lo/ /byang chub sems dpa' snang gsal la phyag 'tshal lo/ /tad+ya thA/ rad dA ga te/ pha gri ba ti ta Di b+hi ta tsa n+t+re swAhA/ gzungs sngags 'dis ni byang chub sems dpa' sangs rgyas kyi zhing rnams yongs su sbyong bar byed de/ su 'di 'dzin pa'i lus dang / sems kyi sdug bsngal rnams zad par 'gyur ro/ /de bzhin gshegs pa shAkya thub pa la phyag 'tshal lo/ /byang chub sems dpa' 'jam dpal gzhon nur gyur pa la phyag 'tshal lo/ /byang chub sems dpa' kun tu bzang po la phyag 'tshal lo/ /tad+ya thA/ b+hi na re ri bi/ sa ma sa tsa ga ba/ daR+sha na ra sh+mi/ sa man+t+ra daR+sha ra ni swAhA/ gzungs sngags 'dis ni byang chub sems dpas bya ba thams cad shes par gyur to/ /'dis ni de bzhin gshegs pa shAkya thub pas kyang rgyu chen po rnams mdzad do/ /sangs rgyas bcom ldan 'das 'di dag gis gzungs sngags 'di dag yul kun tu bsrung ba'i phyir bcom ldan 'das shAkya thub pa la skyes su bskur </font><hr>338b<br><font size=+1>


ro| |de'i tshe sangs rgyas bcom ldan 'das dpa' bar 'gro ba'i ting nge 'dzin la snyoms par zhugs nas dang po thugs bskyed pa nas/ byang chub kyi snying po'i mthar thug pa'i bar gyi byang chub sems dpa'i spyod pa thams cad dang / chos la gus par yang dag par rjes su dgongs so/ /de nas rang gi don dang / lha la sogs pa'i don gyi phyir de dag la yul gtams shing gtad do/ /tshangs pa la sogs pa'i lha rnams dang / lha thams cad kyi gzungs sngags 'di'ang brjod par bya'o/ /na mo brah+ma ne/ na maH sarba de bA nA na/ tad+ya thA/ brah+ma na in+d+re/ de ba tA pra tiSh+Thi te/ a shwa s+thA ne/ pa ra i na dre/ swa ba ra ba ri/ ha rak+shi ma ma ba in+d+re/ sa na ta thA sma ra ba ra ha re/ am+b+ha kum+b+ha ka krI grI shrI/ a lang kA ra/ sarba de ba/ grA ma swAhA/ gzungs sngags 'dis lha dang / mi rnams rgyal ba thob par 'gyur zhing / dgras kyang de la gnod par mi byed la/ dbang phyug thams cad kyi bdag por 'gyur ro/ /li yul du gang la la rgyal por 'gyur ba de/ 'di snyam du/ li yul 'di ni skye bo dang / mi dang / mi mang pos gang zhing nor dang / 'bru mang po rgyas pa yin te/ yul thams cad kyi mchog dam pa yin pas gzhan gyi dmag tshogs 'ong bar mi nus so snyam du sems par 'gyur ro/ /de'i tshe rgyal po des dgon pa dang / dge 'dun gyi kun dga' ra ba dang / grong khyer </font><hr>339a<br><font size=+1>


@#/ /dang / grong rdal dang / yul 'khor dang / rgyal po'i pho brang 'khor thams cad du dge slong dang / dge slong ma dang / dge bsnyen dang / dge bsnyen ma rnams dang / yul gyi mi thams cad sngar bshad pa'i gzungs kyi gsang sngags kyi tshig rnams klog tu gzhug par bya'o/ /'dzin du gzhug pa dang / kun chub par byed du gzhug go /dge slong dang / dge slong ma dang / dge bsnyen dang / dge bsnyen ma de dag dang / yul na gnas pa'i mi de dag la'ang phye ma dang / gos dang / gdugs dang / rgyal mtshan dang / ba dan rnams dang / kha zas dang / btung ba sna tshogs dang / mchod pa'i las sna tshogs dang / yo byad thams cad kyis rim gror bya'o/ /btsun par bya'o/ /bsti stang du bya'o/ /mchod par bya'o/ /de ltar byas na li yul de gnod pa thams cad med pa dang / phyir rgol ba'i rgyal po thams cad kyi dpung gis rgyal po de'i li yul gzhig par mi nus so/ /de nas yang phyogs bcu'i sangs rgyas kyi zhing dag nas/ sangs rgyas bcom ldan 'das rnams kyis rang rang gi mtshan dang / 'od zer dang / gzungs kyi gsang sngags kyi tshig rnams bskur ro/ /brgya byin dang / tshangs pa la sogs pa lha'i rgyal po sum cu rtsa gnyis po de dag dang / 'jig rten </font><hr>339b<br><font size=+1>


skyong ba bzhi dang / lha'i bu kun tu rgyal ba la sogs pa gnod sbyin gyi sde'i bdag po chen po nyi shu rtsa brgyad dang / byang chub sems dpa' dri ma med pa'i 'od de dang / go ma sa la gan+d+ha'i mchod rten mchod pa'i byang chub sems dpa' nyi khri po de dag dang / klu'i rgyal po gdon la snyems pa la sogs pa khri brgyad stong po gang yin pa de dag gi lag tu bcom ldan 'das shAkya thub pas/ bskal pa bzang po'i byang chub sems dpa' thams cad kyi gnas/ bskal pa bzang po'i sangs rgyas bcom ldan 'das thams cad kyi phyag mtshan du gyur pa li yul dang / thub pa drang srong chen po'i gnas su gyur pa go ma sa la gan+d+ha'i mchod rten de dang / dge slong dang / dge slong ma'i dge 'dun de dag la bsrung ba dang / yongs su bskyang ba dang / 'tshe ba med par bya ba dang / 'bye bar mi 'gyur ba dang / sangs rgyas kyi bstan pa li yul na gnas pa de yun ring du gnas par bya ba'i phyir gtad do/ /sangs rgyas kyi mtshan 'di dag dang / 'od zer 'di dag dang / gzungs kyi gsang sngags kyi tshig 'di dag snying rjes non pa'i thugs dang ldan pa dang / gsol ba chen po btab pas skyes su bskur nas/ de bzhin du sangs rgyas bcom ldan 'das de dag gi bka' mnyan te/ brgya byin dang / tshangs pa la sogs pa lha'i rgyal po sum cu </font><hr>340a<br><font size=+1>


@#/ /rtsa gnyis po de dag dang / 'jig rten skyong ba de dag dang / gnod sbyin gyi sde'i bdag po de dag dang / klu'i rgyal po de dag dang / dri ma med pa'i 'od la sogs pa byang chub sems dpa' de dag dang / 'khor de dag thams cad kyis thal mo sbyar te/ li yul de dang / thub pa'i drang srong chen po'i gnas go ma sa la gan+d+ha'i mchod rten de dang / sangs rgyas kyi bstan pa de dag bsrung ba'i phyir ma nos so/ /sangs rgyas kyi mtshan de dag dang / 'od zer de dag dang / gzungs kyi gsang sngags kyi tshig de dag kyang yul bsrung ba'i phyir mnos so/ /'od zer de dag kyang byang chub sems dpa' dri ma med pa'i 'od kyi lus la gnas par gyur to/ /de bzhin gshegs pa tshul khrims la rab tu gnas pa la phyag 'tshal lo/ /de bzhin gshegs pa zhi bas rol pa la phyag 'tshal lo/ /de bzhin gshegs pa zhi ba'i rgyal po la phyag 'tshal lo/ /de bzhin gshegs pa zhi ba'i bla ma la phyag 'tshal lo/ /de bzhin gshegs pa nam mkha' la rab tu gnas pa la phyag 'tshal lo/ /de bzhin gshegs pa mtshon cha rab tu 'jil ba la phyag 'tshal lo/ /de bzhin gshegs pa spyan brgya pa la phyag 'tshal lo/ /de bzhin gshegs pa 'od zer bzang po la phyag </font><hr>340b<br><font size=+1>


'tshal lo/ /de bzhin gshegs pa dbang po'i rnam pa la phyag 'tshal lo/ /de bzhin gshegs pa nyi ma'i rnam pa la phyag 'tshal lo/ /dbang po'i rgyal mtshan zhes bya ba'i 'od zer dang / bdud rtsi'i lo ma zhes bya ba'i 'od zer dang / /zhi bar 'gyur ba zhes bya ba'i 'od zer dang / lo ma dang bral ba zhes bya ba'i 'od zer dang / /ka zhes bya ba'i 'od zer dang / me zhes bya ba'i 'od zer dang / gnas pa zhes bya ba'i 'od zer dang / mi g.yo ba zhes bya ba'i 'od zer dang / /g.yo ba dang / mi g.yo ba zhes bya ba'i 'od zer dang / thogs med sbyin zhes bya ba'i 'od zer dang / yid dang 'thad pa zhes bya ba'i 'od zer dang / bar chad med pa zhes bya ba'i 'od zer dang / rims med rgyal mtshan bye ba zhes bya ba'i 'od zer dang / 'khrugs med gnas zhes bya ba'i 'od zer dang / tog gi blo gros zhes bya ba'i 'od zer dang / grong khyer du 'bab pa zhes bya ba'i 'od zer dang / 'khor lo snang ba zhes bya ba'i 'od zer dang / dpa' ba'i tog ces bya ba'i 'od zer dang / rdo rje'i rnam pa zhes bya ba'i 'od zer dang / bsod nams kyi tog ces bya ba'i 'od zer dang / bsam gtan gyi tog ces bya ba'i 'od zer dang / me lce dang ldan pa zhes bya ba'i 'od zer dang / kun tu snang ba zhes bya ba'i 'od zer dang / byang chub kyi yan lag ces bya </font><hr>341a<br><font size=+1>


@#/ /ba'i 'od zer dang / zhi gnas kyi 'od ces bya ba'i 'od zer dang / mtha' yas pa zhes bya ba'i 'od zer dang / nor bu snang ba zhes bya ba'i 'od zer dang / dpa' bo'i rin chen zhes bya ba'i 'od zer dang / zla ba snang ba zhes bya ba'i 'od zer dang / nyi ma snang ba zhes bya ba'i 'od zer dang / ye shes 'gro ba zhes bya ba'i 'od zer dang / snang ba'i rin po che zhes bya ba'i 'od zer dang / dbang po'i rgyal mtshan zhes bya ba'i 'od zer dang / 'jig rten snang ba zhes bya ba'i 'od zer dang / snying rje'i rnam pa zhes bya ba'i 'od zer dang / rgyal ba dam pa zhes bya ba'i 'od zer dang / shes rab kyi snang ba zhes bya ba'i 'od zer dang / me zhes bya ba'i 'od zer dang / 'jig rten gyi sgron ma zhes bya ba'i 'od zer dang / rab rib kyi rnam pa rab tu zhi bar byed pa zhes bya ba'i 'od zer dang / rgyal ba mchog ces bya ba'i 'od zer dang / 'jig rten gyi rnam pa zhes bya ba'i 'od zer dang / 'od chen po zhes bya ba'i 'od zer dang / /ko ka ra zhes bya ba'i 'od zer dang / a'i tshul du byed pa zhes bya ba'i 'od zer dang / dzad tsha ra ya zhes bya ba'i 'od zer dang / dpa' bo byed pa'i dpa' bo'i rgyal mtshan zhes bya ba'i 'od zer dang / 'od chen po zhes bya ba'i 'od zer dang / 'od mtha' yas pa zhes bya ba'i 'od zer </font><hr>341b<br><font size=+1>


dang / mi bskyod pa zhes bya ba'i 'od zer dang / rgyal mtshan blo gros zhes bya ba'i 'od zer dang / 'bad pa mtho ba zhes bya ba'i 'od zer dang / bden pa can zhes bya ba'i 'od zer dang / mgu bar byed pa zhes bya ba'i 'od zer dang / rab sgrogs zhes bya ba'i 'od zer dang / 'od byed pa zhes bya ba'i 'od zer dang / rdo rje blo gros zhes bya ba'i 'od zer dang / stong pa'i rnam pa zhes bya ba'i 'od zer dang / 'dzin pa zhes bya ba'i 'od zer dang / dpa' ba'i rgyal mo zhes bya ba'i 'od zer dang / g.yo ba zhes bya ba'i 'od zer dang / mtho ris su 'gro ba zhes bya ba'i 'od zer dang / zhi ba'i rnam pa zhes bya ba'i 'od zer dang / zhi ba'i tog ces bya ba'i 'od zer dang / bsam gtan gyi rgyal mtshan zhes bya ba'i 'od zer dang / dga' ba'i tog ces bya ba'i 'od zer dang / 'dam bu lta bu'i 'od ces bya ba'i 'od zer dang / mig snang ba zhes bya ba'i 'od zer dang / klu 'byung ba zhes bya ba'i 'od zer dang / klung gi 'od ces bya ba'i 'od zer dang / skyes bu'i rnam pa zhes bya ba'i 'od zer dang / 'bar ba can zhes bya ba'i 'od zer dang / me zhes bya ba'i 'od zer dang / pad+ma'i 'od ces bya ba'i 'od zer dang / dbang po'i rnam pa zhes bya ba'i 'od zer dang / 'dri ba'i tshul zhes bya ba'i 'od zer dang / bskyod pa zhes bya ba'i 'od zer dang / dbang po la </font><hr>342a<br><font size=+1>


@#/ /gnas pa zhes bya ba'i 'od zer dang / 'khrug pa zhes bya ba'i 'od zer dang / sa'i rgyal mtshan ston pa zhes bya ba'i 'od zer dang / bden pa'i tog ces bya ba'i 'od zer dang / snang bar byed pa zhes bya ba'i 'od zer dang / dngar ba'i rnam pa zhes bya ba'i 'od zer dang / dbang po la brten pa zhes bya ba'i 'od zer dang / yid la 'gro ba zhes bya ba'i 'od zer dang / rab tu 'gro mdzes zhes bya ba'i 'od zer dang / 'phral ba'i rnam pa zhes bya ba'i 'od zer dang / legs 'bar zhes bya ba'i 'od zer dang / 'dri bar byed pa zhes bya ba'i 'od zer dang / nyi ma 'khor ba zhes bya ba'i 'od zer dang / nye bar gnas pa zhes bya ba'i 'od zer dang / ye shes kyi chu zhes bya ba'i 'od zer dang / rgyal ba'i blo gros zhes bya ba'i 'od zer dang / rnam par bsgyings pa zhes bya ba'i 'od zer dang / bden pa snang ba zhes bya ba'i 'od zer dang / sangs rgyas kyi rnam pa zhes bya ba'i 'od zer dang / gtsug tor zhes bya ba'i 'od zer dang / rdo rje rgyal mtshan zhes bya ba'i 'od zer dang / rdo rje la gnas pa zhes bya ba'i 'od zer dang / bsod nams kyi rgyal mtshan zhes bya ba'i 'od zer dang / lce'i tog ces bya ba'i 'od zer dang / yid dang bar byed pa zhes bya ba'i 'od zer dang / </font><hr>342b<br><font size=+1>


'di dag ni sangs rgyas kyi 'od zer yin no/ /tad+ya thA/ lo ka hA ra/ shud+d+hA ka ru s+thi ti pu Sh+ya ba/ ka ru le swAhA/ sdig pa gcod par byed pa zhes bya'o/ /tad+ya thA/ shu da d+ha ma ti/ ad tsam b+he pu lo tsa re/ a kra ma te/ tsu ra ka re pu swAhA/ dga' byed snying rje zhes bya'o/ /tad+ya thA/ in+d+ra/ in+d+ri/ ba dre/ ba de bi su re swAhA/ rdo rje blo gros zhes bya'o/ /tad+ya thA/ Tha ke ba ke /dzA dza ma b+he/ b+h+ra ma dz+wa re swAhA/ pad+ma 'dul zhes bya'o/ /tad+ya thA/ shu ra/ ra re be a lo ke /ko sha gA re swAhA/ bye bar byed pa zhes bya'o/ /tad+ya thA/ tsa le pi ta thA/ a n+yo n+ya/ pradz+nyA kA re swAhA/ sbyor ba med pa zhes bya'o/ /tad+ya thA/ dzi dzi re/ hA rA hA le/ le la pradz+nyA kA re swAhA/ 'gog pa med pa zhes bya'o/ /tad+ya thA/ badzre shrI ka re/ sa ra sa ra/ a dz+nyA mA dz+nyA+e/ na ri re kI/ sang ngid dz+wA kA re phu swAhA/ gzhan gyis mi tshugs pa zhes bya'o/ /tad+ya thA/ a pu rI bi ba y+re/ sa da re/ ma kha ka re swAhA/ bden pa la gnas pa zhes bya'o/ /tad+ya thA/ dz+yo ti dz+yo ti/ badzre a/ ak+Sha man+t+ra be/ pra ga A be/ badzri mA ba/ ka ka su re swAhA/ gzungs sngags kyi dbang phyug gi rgyal mo zhes bya ste/ gzungs sngags 'di ni/ pha rol gyi dmag tshogs zhi bar byed pa dang / dge ba'i tshogs yongs su rdzogs par byed pa'o/ /tad+ya thA/ di shA ka re/ s+tha kA re/ in+d+ra ba te/ ba prA tau sa prA u s+thA </font><hr>343a<br><font size=+1>


@#/ /te swAhA/ gzungs sngags 'di ni mu ge med par byed pa dang / dbul ba med par byed pa'o/ /dam pa gang 'dod pa thams cad kyang thob par 'gyur te/ zhag nyi shu rtsa gcig gi bar du nyin lan bzhi mtshan lan bzhi ste/ dus brgyad du lan nyi shu rtsa re re bzlas brjod byas na gter ram/ yang nor gang sa'i 'og tu sbas pa bzhin thob par 'gyur ro/ /tad+ya thA/ oM he mo he dza ma b+ha ya/ ma sha man+t+ra kA/ da ma kA re la b+hA kA re/ la b+hA ka re/ bi kA re sa di dz+nyA kA re/ da ka di a d+hA ka/ pra sha ma na phu a ka na pra ma ne phu swAhA/ nad thams cad zhi bar byed pa dang / bud med du skye ba las thar bar byed pa dang / bud med rnams kyi bud med kyi nad rab tu zhi bar byed pa ste/ brtul zhugs bya mi dgos par ji ltar 'dod pa de bzhin du dus gsum du bzlas brjod bya'o/ /bud med gang la la mo mtshan gyi nang yod pa de la nyin gcig bzhin du/ lan bdun bdun du bzlas brjod bya'o/ /tad+ya thA/ ka ka ko sha phu ma ma/ ra ra ra ra/ sta re phu/ sa ka re phu swAhA/ gzungs sngags 'di ni gnod pa 'byung ba dang / sdug bsngal thams cad med par byed par bshad de/ brtul zhugs bya mi dgos so/ /sangs rgyas bcom ldan 'das gang dag gi mtshan sngar smos pa dang / gang dag gis gzungs </font><hr>343b<br><font size=+1>


sngags bshad pa de dag ni/ bcom ldan 'das shAkya thub pa byang chub sems dpa'i spyad pa spyod pa na/ grogs su 'gyur ba sha stag go /sangs rgyas de dag gi mi mjed kyi 'jig rten gyi khams dang / bcom ldan 'das shAkya thub pa'i phyag mtshan li yul 'dir/ skye bo mang po la phan pa'i phyir/ bskal pa bzang po'i byang chub sems dpa' rnams kyi skye ba blangs te/ sngar smos pa'i sangs rgyas bcom ldan 'das de dang / de dag gis/ bcom ldan 'das shAkya thub pa'i li yul yun ring du gnas par bya ba'i phyir/ gzungs sngags de dag dang / sangs rgyas kyi 'od zer de dag dang / sangs rgyas kyi mtshan de dag skyes su bskur te/ sangs rgyas kyi sras rnams kyis zhus nas byang chub sems dpa' 'phags pa spyan ras gzigs dbang phyug gis sems can thams cad kyi don gyi phyir dang / li yul yongs su bskyang ba dang / bstan pa yun ring du gnas par bya ba'i phyir/ sangs rgyas bcom ldan 'das rnams las skyes de dag blangs nas 'dir khyer te 'ongs so/ /sangs rgyas kyi zhing sna tshogs na gnas pa'i byang chub sems dpa' mang po dag kyang sangs rgyas kyis lung bstan pa'i yul 'di ci nas 'jig par mi 'gyur ba dang / bstan pa'ang yun ring du gnas </font><hr>344a<br><font size=+1>


@#/ /par bya ba'i phyir 'dir lhags nas skye ba blangs so/ /gang gi tshe yul der gnod pa 'byung na de'i tshe/ sangs rgyas kyi mtshan de dag dang / gzungs sngags de dag dang / 'od zer sngar bshad pa de dag bris te grong khyer gyi sgo rnams su btsugs la/ dmag gi ru mtshon la'ang bris te bzhag nas/ mi rnams kyang klog tu bcug cing 'chang du bcug na pha rol gyi dmag tshogs kyis 'jig pa dang / mu ges 'jigs pa dang / las 'byang bar bya ba dang / dge ba'i phyogs yongs su rdzogs par bya ba dang / sems can rnams kyis ji lta bur bsam pa bzhin du phan 'dogs par 'gyur ro/ /sems can nad pa rnams la'ang skyabs byed par 'gyur ro| |gang la sdig pa'i las shin tu lci ba dag yod na'ang / des zhag nyi shu rtsa gcig gi bar du sangs rgyas kyi mtshan dang / gzungs sngags dang / 'od zer rnams bzlas brjod bya zhing / phyogs bcu'i sangs rgyas bcom ldan 'das rnams dran par bya'o/ /gang na sku gdung dang ldan pa'i mchod rten nam/ sangs rgyas kyi sku gzugs bzhugs pa de'i spyan sngar dus gsum du bzlas brjod byas na dge ba'i phyogs las gang 'dod pa de myur du yongs su rdzogs par 'gyur te/ 'od zer de dag kyang de'i steng du gnas </font><hr>344b<br><font size=+1>


par 'gyur ro/ /pha rol gyi dmag tshogs 'od na'ang bzlas brjod bya'o/ /yang na zhag bdun gyi bar du bklag par bya'o/ /su'ang rung ste/ gnod pa byung ba'am/ nad pa'am/ ji lta bur 'dod pa las bzlas brjod bya ba'am/ yang na bklag par bya'o/ /ci ste klog mi nus na de'i tshe skud pa la lan bdun bzlas brjod bya ste/ mdud pa byas nas btags na gnod pa thams cad las thar bar 'gyur ro/ /grong khyer gang gi sgo dag tu sangs rgyas kyi mtshan dang / gzungs sngags dang / 'od zer rnams bris te bzhag na grong khyer de gzhan gyi dmag tshogs kyis gzhom par mi nus so/ /rtag tu bzlas brjod byed pa la ni sha spang mi dgos so/ /dngos po gzhan yang spang mi dgos so/ /de nas rigs kyi bu gang dag sangs rgyas kyi rjes su rab tu byung ba de dag shin tu dgongs shing bag tsha bar gyur pa de dag la/ byang chub sems dpa' 'phags pa spyan ras gzigs dbang phyug gis 'di skad ces smras so/ /bu dag/ bag tsha bar ma byed cig /khyod kyi don gyi phyir dge 'dun gyi kun dga' ra ba mang po dang / chos kyi rgyal pos byas pa'i dri gtsang khang la sogs pa sku gdung dang ldan pa'i mchod rten yul der 'byung bar 'gyur te/ ji srid du yul de na sangs rgyas bcom ldan 'das kyi bstan pa gnas kyi bar du </font><hr>345a<br><font size=+1>


@#/ /yul de ma lus par gzhig nus pa'i rgyal po 'byung bar mi 'gyur ro/ /'di lta ste/ dngar ldan zhes bya ba yid du 'ong ba dang / phag gis mtshon pa'i grong khyer dang / grong khyer rnying pa de dag gsum yang ji srid du sangs rgyas kyi bstan pa gnas shing dge 'dun thams cad la mchod pa dang / sangs rgyas kyi mchod rten ka bi la na yod kyi bar du de dag 'jig par mi 'gyur ro/ /de nas byang chub sems dpa' 'phags pa spyan ras gzigs dbang phyug gis rgyal ba'i sras thams cad la bos te bsgo ba/ kye grogs po dag /byang chub sems dpa' rnams dang / lha la sogs pa yul de yongs su skyong ba gang yin pa de dag gis chos dang mi ldan pa'i rgyal pos yul de gzhig pa na yal bar ma dor cig /la la zhig gis sangs rgyas kyi bka' ma mnyan te 'jig pa'i tshe yul btang bar gyur na bla na med pa yang dag par rdzogs pa'i byang chub las bskal pa mang por bar chad du 'gyur ro/ /de nas gzungs sngags 'di bshad do/ /tad+ya thA/ kA le/ a kA le/ ni shakra me b+ha pra be shA/ A kA li kra me/ a ni shakra me/ a pra be shA/ pa re sa me pa ri sa mi ti/ sa sa se/ a sa sa se/ sa ku te/ ba ru re/ ba ru re/ a ga me/ a sa ma mo te/ si da </font><hr>345b<br><font size=+1>


b+hi sid+d+ha ya/ na mo bai ro tsa nA ya swAhA/ phaT De Ne swa te/ A sA te/ su ma na ne/ sa ru ste/ si da d+he sid d+ha ya swAhA/ de nas byang chub sems dpa' 'phags pa spyan ras dbang phyug gis li yul gyi rgyal por gyur pa la dris nas/ 'di ni khyed kyi skyes yin no/ /ji ltar khyod kyis byas pa dang / khyod kyis dkon mchog gsum gyi phyir lus dang srog btang bar byas pa gang yin pa de ni sangs rgyas kyi sras rnams kyi las de lta bu yin te/ khyod kyis legs par byas pa yin no/ /gang gi tshe yul du dgra chen po'i 'jigs pa byung bar gyur na de'i tshe mdo sde 'di bklag par bya'o/ /bcang bar bya'o/ /mchod par bya'o/ /'on te 'jigs pa thams cad zhi bar 'gyur te/ sa ha pa ti yang grogs byed par 'gyur ro/ /yul bsrung ba'i phyir mdo 'di cho ga bzhin du bris te rgyal po'i pho brang du bcang bar bya'o/ /rgyal po'i pho brang gi phyi rol dang / grong khyer gyi sgo rnams su'ang de bzhin du bris te gzhag par bya'o/ /lam po che dang / srang dang / bzhi mdo dang / sum mdo rnams dang / khyim bdag rnams kyi khyim du'ang gzhag par bya'o/ /gang gi tshe mang du bklags sam/ bslabs sam/ bcangs na de'i tshe yul der yams kyi nad dang / gnod pa rnams las thar bar 'gyur ro/ /byang chub sems </font><hr>346a<br><font size=+1>


@#/ /dpa' 'phags pa spyan ras gzigs dbang phyug gis de skad ces smras pa na/ bar snang la gnas pa'i lha rnams kyis lha'i me tog gi char ni phab/ lha'i sil snyan rnams ni dkrol/ lha'i rnga bo che rnams ni brdungs te/ byang chub sems dpa' dang / lha dang / klu'i rgyal po thams cad kyis tshig 'di skad ces brjod do| /gang gi tshe yul der gzungs sngags de dag dang / 'od zer de dag dang / sangs rgyas kyi mtshan de dag 'ong bar gyur pa de'i tshe bdag cag kyang ji ltar sngon bcom ldan 'das shAkya thub pa'i thad du 'ongs pa bzhin 'ong bar bya'o/ /rgyal po de la yul bsrung ba'i phyir bdag cag gis gzungs sngags sbyin par bya ste/ dam pa ci slong ba de bzhin du sbyin par bya'o/ /de nas byang chub sems dpa' zhig bud med kyi gzugs kyis 'jig rten gyi khams rnam par snang mdzad kyi 'od zer gyis so sor brgyan pa zhes bya ba na 'dug pas/ de bzhin gshegs pa pad+ma'i 'dab ma dri ma med pa'i rgyu skar gyi rgyal po mngon par shes pa'i me tog kun tu rgyas pa'i mngon sum du smon lam btab ste/ ci nas kyang bdag mi mjed kyi 'jig rten gyi khams bcom ldan 'das shAkya thub pa'i sangs rgyas kyi zhing du mchis la/ der bcom ldan 'das de las dam pa'i chos pad+ma dkar </font><hr>346b<br><font size=+1>


bo zhes bgyi ba'i chos kyi rnam grangs thos par gyur cig /der bdag gis sems can thams cad la phan pa dang / bde ba dang / nad las thar bar bgyid par gyur cig /ces de skad du smon lam btab nas/ byang chub sems dpa' de sangs rgyas kyi zhing de nas shi 'phos nas mi mjed kyi 'jig rten gyi khams su rgyal po ma skyes dgra'i pho brang du btsun mo dam pa'i bu mor skyes te dri ma med pa'i 'od ces bya bar gyur to/ /de nas rgyal po ma skyes dgra'i bu mor gyur pa dri ma med pa'i 'od ces bya ba de nyid 'khor de'i nang na 'dus par gyur te 'dug pa des bcom ldan 'das la 'di skad ces gsol to/ /bcom ldan 'das yongs su mya ngan las 'das nas lo brgya lags pa na li yul yongs su bskyang ba'i slad du bdag gis kyang bkas gtad pa ma nod par 'tshal lo/ /sangs rgyas bcom ldan 'das kyis sngar gsungs pa'i 'od zer btang ba rnams gang gi tshe bdag gi steng du gnas par 'gyur ba na/ gzungs gang gis gzungs thams cad rtogs par 'gyur ba'i gzungs de'ang bdag gis bud med kyi gzugs kyis thob par gyur cig /gang gi tshe li yul du 'jigs pa chen po byung bar gyur pa na de'i tshe yul yongs su bsrung ba dang / bstan pa'ang yun ring du gnas par bgyi ba'i slad du/ bdag la sangs </font><hr>347a<br><font size=+1>


@#/ /rgyas bcom ldan 'das rnams kyis dgongs par gyur cig /thabs kyang ston par gyur cig /lha rnams kyang dam pa stsol bar gyur cig /de bzhin du bdag der mi'i bud med gzhan 'dra bar bud med de tha mal pa'i gzugs su snang bar gyur cig /sangs rgyas kyi 'od zer de dag gi steng du gnas pa'ang thob par gyur cig /sems can gnod pas nyen pa rnams dang / nad kyis thebs pa rnams dang / sdug bsngal bar gyur pa de dag sdug bsngal thams cad las thar bar bgyi ba'i slad du gzungs sngags de dag kyang bdag gis thob par gyur cig /gang gi tshe rgyal po chen po de dag phan tshun 'thab pa dang / gang gi tshe gdong dmar gyi li yul gyi yul 'khor khyer ba na'ang der bdag bud med kyi skye ba len par gyur cig /sangs rgyas bcom ldan 'das rnams kyis theg pa chen po'i mdo sde dam pa'i chos pad+ma dkar po gsungs pa gang lags pa de'ang bdag 'dzin par gyur cig /mdo sde 'di las gzungs sngags 'byung ba rnams kyang rtogs par gyur cig /sems can 'dul ba'i slad du sgra thams cad la rtogs pa'i ting nge 'dzin yang rtogs par gyur cig /dam pa'i chos pad+ma dkar po'i chos kyi rnam grangs kyis sems can thams cad la phan 'dogs par gyur cig / </font><hr>347b<br><font size=+1>


li yul gyi srung ma gang lags pa'i lha rnams la'ang chos kyi sbyin pa dang / mchod pa'i las bgyid par gyur cig /theg pa chen po'i mdo sde dam pa'i chos pad+ma dkar po 'di dang / lha gang dag gis mdo sde 'di bstan cing mnos pa de dag kyang bdag gi dbang du gyur cig /de nas srung ma rnam thos kyi bu dang / srin mo la ma dkon ti srin mo thams cad dang / grogs mo dang bcas pa dang / 'phrog ma bu dang 'khor du bcas pa de dag gis bcom ldan 'das dang / lha mo dri ma med pa'i 'od kyi tshig thos nas/ stan las langs te thal mo sbyar nas 'di skad ces gsol to/ /gang gi tshe lha mo 'di li yul du skye ba len par gyur pa de'i tshe bdag cag kyang grogs bgyid pa'i slad du srung ma bgyid cing theg pa chen po'i mdo sde dam pa'i chos pad+ma dkar po dang / li yul gyi yul 'khor sangs rgyas bcom ldan 'das kyis gtad pa khyod kyis mnos so zhes dran par bgyi'o/ /de'i tshe lha'i rgyal po sum cu rtsa gnyis kyis lha mo de'i dam bcas pa 'di thos nas 'di skad ces gsol to/ /gang gi tshe lha mo 'di li yul bsrung ba'i slad du skye ba len par gyur pa de'i tshe bdag cag 'khor dang bcas pas kyang yul bsrung ba dang / bsams pa bzhin du 'byor par bgyid pa'i slad du grogs bgyi'o// </font><hr>348a<br><font size=+1>


@#/ /de'i tshe lha mo dri ma med pa'i 'od stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ thal mo sbyar nas bcom ldan 'das la dam pa gsol zhing / bcom ldan 'das kyi spyan sngar smon lam btab pa/ bcom ldan 'das/ bdag sems can thams cad la bu gcig pa bzhin du sems par gyur cig /brtson 'grus gang ci rtsom pa de thams cad grub par gyur cig /lus brtan pa dang / sems brtan pa dang / sems can gyi don bgyid pa dang / bsam pa yongs su rdzogs par bgyid pa dang / yul gyi slad du sems mngon par brtson par gyur cig /dam pa'i chos pad+ma dkar po'i mdo sdes sems can rnams la phan 'dogs pa dang / ting nge 'dzin yang thob par gyur cig ces smras so/ /lha mos bcom ldan 'das kyi spyan sngar de skad ces smras pa de'i tshe bcom ldan 'das dang / lha mo dri ma med pa'i 'od kyi steng du lha'i me tog gi char bab bo/ /de'i tshe lha mo dri med 'od/ /byang chub sems dpa'i gnas mdzes pa/ /li yul du ni skyes shig ces/ /rgyal ba'i spyan sngar smon lam btab/ /skyob pa shAkya seng+ge yi/ /bstan pa ji srid gnas pa'i bar/ /de srid par du bdag kyang </font><hr>348b<br><font size=+1>


der/ /rtag tu skye ba 'dzin gyur cig /rgyal ba'i spyan sngar gang gi tshe/ /lha mos smon lam btab pa na/ /sangs rgyas zhing bzhugs rgyal rnams kyis/ /de tshe legs zhes bya ba byin// lha mo yul gyi srung ma la/ /rgyal ba rnams kyis legs byin pa/ /rnam thos bu dang gnod sbyin dbang / /kun tu rgyal gyis de bzhin thos/ /de tshe rnam thos bu la sogs/ /lha rnams gang dag der 'dus pa'i/ /bcom ldan 'das la tshig gis gsol/ /li yul yongs su bsrung ba'i phyir/ /lhar ba dam pa mthun gyur pa/ /bdag cag gis ni yul yang bzung / /gang tshe gser gyi rigs dag dang / /skar rdo'i yul ni mdzes gyur pa/ /li ni dbang bar gyur pa na/ /gser gyi dpya ni 'jal bar 'gyur/ /de tshe lha mos gsol pa ni/ /skar rdo dang ni gser gyi rigs/ /lha rnams kyis ni bsrung ba'i phyir/ /rgyal ba skyes mchog stsol bar mdzod/ /sa 'dir sngon gyi tshe rabs su/ /gang tshe bdag ni dgo bsnyen ma/ /ming ni hu shar gyur pa na/ /yul 'di gnyis ni bdag gi lags/ /de yi 'khor du rgyal byung ba/ /u rgyan bdag po dbang phyug go /rgyal po stan las langs nas kyang / /pus mo gnyis ni sa la btsugs/ /bcom ldan 'das la gsol ba ni/ /gang gi tshe ni la yul zhes/ /bya ba de ni 'byung 'gyur zhing / /yongs su rgyas shing skyo bo gang / / </font><hr>349a<br><font size=+1>


@#/ /de tshe skar rdo'i yul dag tu/ /stobs chen rgyal por bdag gyur nas/ /der ni li yi bdag po dang / /rtag tu gnyen ni bgyid pa dang / /bdag gi yul de bsrung ba'i phyir/ /bdag nyid kyang ni dbul bar bgyi/ /de yi tshe ni dri med 'od/ /lha mos smon lam 'di skad btab/ /gang tshe yul gyi dang po 'dir/ /sum pa mang po 'ong ba dang / /gang tshe yul 'dir rgya dang ni/ /'a zha dang ni sum pa rnams/ /'phags skyes po yi dmag bzhin du/ /yul der 'ong bar gyur pa na/ /de tshe yul 'dir skye bo'i phyir/ /bdag gis skye ba blang bar bgyi/ /bdag gis skye ba der blangs pas/ /sum pa la sogs ldog gyur cig /li yul na ni gnas rnams kyis/ / sngon ni gang du las bgyis pa/ /der ni bdag kyang dga' bzhin du/ /bdag gis su ni las rnams bgyis/ /der ni sngon gyi rgyal po gang / /blon po khyim bdag yul mi dang / /bdag la sdug par gyur pa dang / /de dag dang ni bral bar 'gyur/ /de tshe bdag ni gcig pu sdug /mi gtsang ting 'dzin thob gyur nas/ /der ni skye bar gyur pa na| |sngon gyi smon lam dran gyur cig /de tshe de yi 'khor du ni/ /ka spa ra yi bdag po rgyal/ /des ni lha mo dri med 'od/ /smras pa thos par gyur nas kyang / /rgyal </font><hr>349b<br><font size=+1>


po stan las langs nas ni/ /'di skad kyi ni tshig kyang smras/ /bdag ni tshe rabs snga mar ni/ /mi bzad las byas gang yin pas/ /shAkya rnams ni brlag pa'i phyir/ /bdag ni rgyal po 'phags skyes dang / /mdzes pa'i yul du lhan cig dang / /las 'di rnam smin mi bzad pa/ /tshe 'di la ni mi myong bar/ /bdag ni 'di skad smon lam 'debs// gang gi tshe na sum pa dang / /'a zha dag der dong ba dang / /bdag gis sngon shAkya'i yul du 'phags skyes po'i g.yul ngor las byas pa gang yin pa de/ gang gi tshe lha mo 'di skyo ba chen por gyur pa na de'i tshe bdag 'di'i phar gyur la/ bdag gi phyir 'di skyo bar gyur cing dang por gzungs thob pa bzhin du/ des bdag kyang sdug bsngal thams cad las grol bar gyur cig ces byas so/ /rgyal po de'i btsun mo dam pa 'khor de nyid kyi nang na 'dug pa des smon lam btab pa de'i tshe bdag kyang lha mo dri ma med pa'i 'od kyi mar gyur la bdag gis 'phags skyes po'i dmag slar ldog la sdig pa'i las chen po 'di lta bu byas te ci bya zhes gyod btab pa'i dge ba'i sems bskyed pa gang yin pa des na li yul der bdag 'chi ba'i dus la ma bab kyi bar du/ bdag gis li yul de nyid du mi rtag pa nyid mthong nas/ gang gi tshe yul der 'a zha dang / sum pa 'ong ba de'i tshe </font><hr>350a<br><font size=+1>


@#/ /bdag 'chi ba'i dus byas nas 'jig rten gyi khams bde ba can du skye bar gyur cig ces byas so/ /lha mo dri ma med pa'i 'od de'i ming po rgyal po ma skyes dgra'i bu gang yin pa de'ang shin tu nga rgyal che zhing rgyags pas g.yul 'gyed pa blta ba'i phyir shAkya'i g.yul der rgyal po 'phags skyes po'i dmag gi zla la 'ongs nas/ des kyang g.yul der mi bsad pa la sogs pa'i sdig byas te/ gang gi tshe der sems can mang po shi ba mthong ba de'i tshe/ des sangs rgyas mthong nas 'gyod pa chen po dang skyo bar gyur cing / de'i tshe des lha mo dri ma med pa'i 'od la smras pa/ da ni khyod kyi ming po shin tu sdug pa yin pas ngas dmag de'i nang du sdig pa'i las byas pa khyod kyis thos nas rjes su yi rangs par gyur te/ khyod kyi yid kyis mi dge ba thob par gyur pa gang yin pa'i las kyi rnam par smin pa des na khyod kyi yul du sum pa'i dmag 'ong bar gyur te/ de'i tshe'ang da ltar ji lta ba bzhin du der nga khyod kyi sdug pa'i ming por gyur la/ khyod kyis gcig pu lung med par mi gtsang ba'i ting nge 'dzin thob par 'gyur ba dang / khyod kyis thog ma kho nar gzungs thob par gyur pa bzhin du/ de'i tshe nga'ang khyod kyi mthus sems can dmyal ba dang / dud 'gro'i sdug bsngal rnams </font><hr>350b<br><font size=+1>


las thar bar gyur nas gnod sbyin gyi dbang po rnam thos kyi bu'i g.yog byed pa'i gnod sbyin A dzu la zhes bya bar gyur la des rtag tu khyod bsrung zhing ngas rnam thos kyi bu la sogs pa de dag dang / gnod sbyin gzhan de dag dang / lha'i pho brang sum cu rtsa gnyis dag tu lha'i rgyal po de dag la dran par bskul te/ gang gi tshe khyod la dgongs pa de'i tshe 'ongs nas ci 'dod pa sgrub bar gyur cig ces smras so/ /der lha mo de nyid kyi bu mo tha chung rgyal po ma skyes dgra'i bu mor gyur pa des smon lam btab pa/ bdag gi ming po 'phags skyes po'i dmag gi zla la sdig pa'i las byas pa bdag gis thos nas dga' bar gyur pa'i las des na der yang khyod kyi bu mor gyur la gang gi tshe las de'i rnam par smin pas bdag mya ngan gyis 'chi ba'i dus byed par 'gyur ba de'i tshe khyod de ltar bur skyo bar gyur pas na/ bdag gis dge ba'i bshes gnyen rnyed nas chos gang gis 'bras bu dang po thob ste| sdug bsngal mthar byed par 'gyur ba'i de lta bu'i chos thos nas de'i tshe sngon dang / phyi ma'i las rnams dran par gyur cig ces byas so/ /der lha mo de'i ming po tha chung du gyur cing / /dge bsnyen ma hu sha zhes bya bar gyur pa phyin chad de'i ming por gyur pa de'i sngon gyi las kyis sems can rnams skrag par byed pa des sring mo bcom ldan </font><hr>351a<br><font size=+1>


@#/ /'das kyis spyan sngar smon lam 'debs pa'ang mthong la/ bcom ldan 'das kyi spyan sngar smon lam btab nas li yul gyi yul 'khor yongs su bskyang ba'i phyir mnos pa'ang mthong ngo / /de nas lha mo dri ma med pa'i 'od kyi ming po tha chung rgyal po ma skyes dgra'i bus bcom ldan 'das ga na ba de logs su thal mo sbyar ba btud nas 'di skad ces gsol to/ /sngon bdag gis sangs rgyas bcom ldan 'das mang po la bsnyen bkur byas te/ dus thams cad du skyes par gyur nas rgyal srid kyi bgyi ba mang po'ang bgyis so/ /bdag gi sring mo 'di'ang bud med kyi gzugs kyis byang chub sems dpa'i spyad pa spyod pa lags te/ 'dis li yul yongs su bskyang ba'i slad du sug par blangs pa de ni las chen po mchis kyi 'tshal ba lags te/ bud med kyi bsam pa ni sangs rgyas bcom ldan 'das nyid kyis mkhyen par bas so/ /bcom ldan 'das/ ci nas kyang bdag gi steng du 'od zer rnams btang ba de lta bur bdag la byin gyis brlab par gsol/ /ci nas kyang yul bsrung ba'i slad du grogs bgyid par 'gyur ba dang / bdag gi rigs kyis yun ring por li yul du yul 'dzin par 'gyur ba de lta bu'i gzungs kyang stsal </font><hr>351b<br><font size=+1>


bar gsol/ skye ba blangs te 'bras bu thob nas gum pa'i 'og tu lha rnams kyi nang du skye bar gyur cig /gang gi tshe li yul du sum pa'am/ gdong dmar rnams 'ong bar 'gyur ba de'i tshe bdag skar rdo'i yul gyi rgyal por gyur te/ lha mo dri ma med pa'i 'od de'i ming por byung la/ li yul dar bar bgyi ba'i slad du bdag de'i grogs bgyid par gyur cig ces byas so/ /gang gi tshe gzhon nu des de skad ces gsol nas/ smon lam yang btab/ de'i tshe bcom ldan 'das bdud las rnam par rgyal ba zhes bya ba'i ting nge 'dzin la snyoms par zhugs so/ /lha rnams kyis kyang lha'i me tog gi char phab ste/ lha'i sil snyan rnams dkrol lo/ /bcom ldan 'das ting nge 'dzin de las bzhengs nas bka' stsal pa/ ngas thog ma sems bskyed pa nas byang chub kyi snying po la 'dug gi bar du/ bsod nams dang dge ba'i rtsa ba bsags pa de dag dang / de bzhin gshegs pa mang po gzhan dag ji lta ba bzhin du sangs rgyas kyi phrin las mang po mdzad mdzad pa'i bsod nams kyi phung po chen po de dag dang / cho 'phrul de dag ngas dus gcig tu bsdus te brtul bas ma 'ongs pa'i dus su lha mo dri ma med pa'i 'od 'dis yongs su bskyang ba'i phyir lag tu blangs pa'i li yul gyi yul 'khor rab tu gnas par bya'o/ /de </font><hr>352a<br><font size=+1>


@#/ /nas bcom ldan 'das bya rgod kyi phung po'i ri las mi snang bar gyur te/ phyogs gang du li yul dang / thub pa'i drang srong chen po'i gnas go ma sa la gan+d+ha'i mchod rten 'byung bar 'gyur ba'i phyogs der bzhugs so/ /bcom ldan 'das der bzhugs bzhin du dpal thams cad kyis brgyan pa zhes bya ba'i ting nge 'dzin la snyoms par zhugs nas/ ye shes sgron ma zhes bya ba'i 'od zer btang ngo / /bya rgod kyi phung po'i ri la gnas pa'i 'khor de dag thams cad kyis kyang gnas gcig na 'khod bzhin du bcom ldan 'das gang du li yul 'byung bar 'gyur ba'i phyogs de na skyil mo krung bcas te bzhugs par mthong ngo / /thub pa'i drang srong chen po'i gnas ri glang ru zhes bya ba de la gnas pa'i byang chub sems dpa' sngon bcom ldan 'das shAkya thub pa byang chub sems dpa'i spyad pa spyod pa na grogs su gyur ba gang yin pa de dag gis kyang 'od zer de dag btab ste/ bcom ldan 'das nyid ni gang du go ma sa la gan+d+he'i mchod rten gyi chos kyi 'khor lo 'byung bar 'gyur ba de'i bar snang la bzhugs so/ /byang chub sems dpa' rnams ni gang dang / gang dag tu dge 'dun gyi kun dga' ra ba dang / dgon pa'i gnas </font><hr>352b<br><font size=+1>


dang / dri gtsang khang dang / mchod rten chen po rnams 'byung bar 'gyur ba'i chu'i nang gi pad+ma'i steng de dang / de dag la 'khod do/ /de nas der sangs rgyas bcom ldan 'das kyis gzungs sngags gang gis sangs rgyas bcom ldan 'das rnams kyi chos thams cad thugs su chud par 'gyur ba'i gzungs sngags kyi spyi bo zhes bya ba 'di bshad do/ / tad+ya thA/ ba ba ra/ pra t+ya ba ba ra/ pradz+nyA ba ba ra/ bud+d+ha ba ba ra/ sad d+ha rma ba ba ra/ shu rA ba ba ra/ sarba d+harma skan d+ha ba ba ra/ badzra pA Ni ba ba ra/ tiSh+Tha te ba ba ra swAhA/ gang gi tshe sangs rgyas bcom ldan 'das kyis gzungs sngags 'di bshad pa'i tshe bya rgod kyi phung po'i ri la gnas pa'i 'khor thams cad kyis thos so/ /ri glang ru'i zom na bcom ldan 'das byang chub sems dpa' thams cad kyi tshogs dang / thabs gcig tu bzhugs pa'ang mthong ngo / /de nas bcom ldan 'das kyis lha mo dri ma med pa'i 'od dang / gzhon nu rdo rje sde la bka' stsal pa/ khyod kyis gzungs sngags 'dis nga'i las gyis la/ li yul gyi yul 'khor khyod la gtad pas yongs su bsrung bar gyis shig /de'i tshe lha mo dri ma med pa'i 'od dang / byang chub sems dpa'i rdo rje sdes 'di skad ces gsol to/ /bcom ldan 'das/ li yul gtad pa 'di bdag cag gis nod par 'tshal lo// // </font><hr>353a<br><font size=+1>


@#/ /dri ma med pa'i 'od kyis zhus pa/ bam po gnyis pa/ de'i tshe bcom ldan 'das kyis dri ma med pa'i 'od dang / gzhon nu rdo rje sde'i don gyi phyir gzungs sngags gzhan bshad pa/ tad+ya thA/ ni rdzi te/ brdzi te/ brdzi te/ b+ha Thi te d+harma skan d+ha a pa ra dzi te/ in+d+ra brdzi te/ phu swAhA/ de'i tshe sangs rgyas bcom ldan 'das rin chen snying po la sogs pa gang dag la lha mo dri ma med pa'i 'od kyis sngon sangs rgyas nyid du thog ma sems bskyed pa de dag kyang der gshegs so/ /gzhon nu rdo rje sdes kyang yon phul lo/ /sangs rgyas bcom ldan 'das de bzhin gshegs pa kun tu gzigs pa de las sngon sangs rgyas nyid du lung bstan pa thob bo/ /dri ma med pa'i 'od kyis sangs rgyas kyi zhing 'od kyi rgyal po zhes bya ba der byang chub thob par 'gyur te/ de bzhin gshegs pa zla ba'i rgyal mtshan shin tu 'phags pa'i 'od zer gyi 'od kyi rgyal po zhes bya bar 'gyur ro/ /gnas pa zhes bya ba'i bskal pa la 'jig rten gyi khams bud med du grags pa zhes bya bar de bzhin gshegs pa chos kyi sgra sgrogs phyag na rin chen mdzod bsnams zhes bya bar 'gyur ro/ /gang gi tshe lha mo de la de ltar sangs rgyas bcom ldan 'das kyis lung bstan pa de'i tshe/ de lung bstan pa'i phyir </font><hr>353b<br><font size=+1>


sangs rgyas bcom ldan 'das kyis 'od zer btang ste/ gang gi tshe lha mo dri ma med pa'i 'od kyis lung bstan pa de thob pa de'i tshe der byang chub sems dpa' sems kyi tshig ces bya bar gyur te/ de phyin chad sangs rgyas kyi zhing thams cad na gnas pa'i sangs rgyas bcom ldan 'das rnams kyis kyang lung bstan to/ /bskal pa bzang po'i byang chub sems dpa' rnams kyis kyang byang chub gang la khyod gnas pa de ni shin tu dkon pa yin no zhes smras so/ /sangs rgyas bcom ldan 'das gang dag sngon sangs rgyas bcom ldan 'das shAkya thub pa'i thad du 'od zer gtong ba'i sangs rgyas bcom ldan 'das de dag gis kyang gsung gcig tu mthun par gzungs sngags bshad pa/ tad+ya thA/ tA thA tA/ lo kA gra/ ta thA ga ta/ ka ba pa bi/ ka ra dzi/ b+hu ta ko Ti/ bi bi dra dra kha sha ra/ sa sa sa sa sa sa sa sa/ b+ha d+ha pra b+ha/ ba pa da ka ra nas/ ba ra na ba ba ba ba/ a sa tsa ru na na/ tsa pa pa ra Na na/ ka ka ko Ta rA dzA na/ bya ka ra Na sa b+ha dra/ ka ra Na swAhA/ gzungs sngags 'di ni lung ston pa zhes bya ste/ gzungs sngags 'dis sangs rgyas bcom ldan 'das rnams kyis byang chub sems dpa' rnams bla na med pa yang dag par rdzogs pa'i byang chub tu lung ston par mdzad de/ mtshan lan gsum/ nyin lan gsum du bzlas brjod byas na </font><hr>354a<br><font size=+1>


@#/ /phyir mi ldog par 'gyur te/ sangs rgyas kyi byang chub tu lung bstan pa'ang thob par 'gyur ro/ /gang gi tshe lha mo dri ma med pa'i 'od kyis sangs rgyas nyid du lung bstan pa thob pa de'i tshe des bzod pa chen po thob par gyur te/ de'i tshe des smon lam btab pa/ ji srid du li yul du 'jigs pa chen po 'byung bar 'gyur ba de srid du bdag bud med kyi gzugs su snang bar gyur te/ smon lam btab pa des na de'i tshe bdag skar rdo'i rgyal po'i bu mor skye ba len par gyur cig ces byas so/ /de bzhin gshegs pa zla ba'i rgyal mtshan shin tu 'phags pa'i 'od zer gyi 'od kyi rgyal po la phyag 'tshal lo/ /de bzhin gshegs pa chos kyi sgra sgrogs phyag na rin chen mdzod bsnams la phyag 'tshal lo zhes sangs rgyas kyi mtshan 'di gnyis su brjod pa ni bud med du skye ba las thar bar 'gyur te/ 'jig rten gyi khams der skye bar 'gyur ro/ /chos dang ldan pa'i dam pa ji lta bu 'dod pa de bzhin du 'grub par 'gyur ro/ /sems can dmyal bar skye ba'i las rnams kyang bshags par 'gyur ro/ /bla na med pa yang dag par rdzogs pa'i byang chub las kyang phyir mi ldog par 'gyur ro/ /sad+ya thi dan/ da da da da/ pradz+nyA ke sa/ pradz+nyA ke </font><hr>354b<br><font size=+1>


re| pa ra pra dz+nyA/ pra ti ha ta swAhA/ gzungs sngags 'di ni byang chub kyi yan lag gi me tog ces bya ste/ chos ji lta bu 'dod pa de lta bu 'thob par 'gyur ro/ /bdud kyi rigs kyi lha rnams kyis kyang sangs rgyas su bsgrub pa la bar chad byed mi nus shing glags rnyed par mi 'gyur ro/ /dran pa dang yang ldan par 'gyur ro/ /sems kyang phyin ci log tu mi 'gyur ro/ /gang gi tshe sangs rgyas bcom ldan 'das kyis gzungs sngags 'di bshad pa de'i tshe lha mo dri ma med pa'i 'od kyis smon lam btab pa/ bdag gis der skye ba blangs te skar rdo'i rgyal po'i bu mor gyur nas gser gyi yul gang du bdag gi pha ma gum pa'i sdug bsngal gyis bdag skyo bar gyur pa der bdag 'go bar gyur cig ces byas so| |de'i tshe 'khor de'i nang na rgyal po ma skyes dgra'i grong khyer skyong ba'i rigs kyi bu gzhan zhig 'dug pa des 'di skad ces smras so/ /bdag khyed kyi khyim thab tu gyur la bdag gi khyim na khyod bud med kyi lus kyis las de dag byed cing bdag gis kyang der bar chad byed par mi 'gyur ba dang / khyod kyi yul gyi phyir dang / sangs rgyas nyid bsgrub pa'i bar gyi las ci byed pa de dag thams cad bdag gi khyim du byed cing dka' ba'i las de dag thams cad kyang dran par gyur cig ces byas so/ /de na grong khyer </font><hr>355a<br><font size=+1>


@#/ /skyong ba de'i bur gyur pa zhig yod pa des smras pa/ gang gi tshe sngon khyod dge bsnyen ma hu sha zhes bya bar gyur pa de'i tshe bdag khyod kyi bur gyur cig ces bdag gis smon lam btab nas/ de phyin chad tshe rabs thams cad du khyod ni bdag gi mar gyur la/ bdag ni khyod kyi bur gyur to/ /gang gi tshe khyod gser gyi yul du smon lam chen po'i dbang gis las byed par 'gyur ba dang / gang gi tshe yul der gnod pa chen po byung ba de'i tshe/ yang ci nas kyang bdag der sems can thams cad gnod pa las thar bar bya ba'i phyir grogs su 'gyur ba dang / yul de na rgyal po med par yang bdag gis chos bzhin du skyong ba dang / bdag gzhan gyis bkol bar mi 'gyur ba dang / sangs rgyas nyid du gyur gyi bar du bdag khyod kyi bur 'gyur zhing khyod kyang bdag gi mar gyur cig ces byas so/ / de'i tshe 'khor de'i nang na lha mo dri ma med pa'i 'od de'i phyi bzhin du 'brang ba'i rigs dang ldan pa'i bud med cig 'dug pa nga rgyal gyis shin tu khengs shing rgyags la 'dod chags kyi sems dang shin tu ldan pa des smon lam btab pa/ bdag kyang khyod kyi nu mor gyur te/ gzhon nu'i tshe bdag gis skyes bu mang po dag dang </font><hr>355b<br><font size=+1>


'dod pa'i 'dod chags kyi phyir bgad pa dang / rtses pa gang yin pa'i bdag gi las de dag thams cad byang bar gyur cig ces byas so/ /'khor de'i nang na skyes pa gzhan zhig sangs rgyas bcom ldan 'das kyi spyan sngar 'dug pa des rigs dang ldan pa'i bud med de la smras pa/ gang khyod kyis nga'i phyir gsang ba'i don gyis dam bcas pa de ni ngas mi gtong zhes byas nas/ de'i tshe mi des smon lam btab pa/ gang gi tshe ma 'ongs pa na rigs dang ldan pa'i bud med 'di lha mo dri ma med pa'i 'od dang lhan cig tu li yul na gnas shing las chen po byed par 'gyur ba de'i tshe bdag gis las 'di gshegs te 'khor ba nas 'byung ba 'thob par gyur cig ces byas so/ /de'i tshe lha mo dri ma med pa'i ming po byang chub sems dpa' rdo rje sdes bcom ldan 'das kyi spyan sngar pus mo'i lha nga sa la btsugs te/ thal mo sbyar nas 'di skad ces gsol to/ /btsun pa bcom ldan 'das/ bdag gser gyi rigs su chos dang ldan pa'i rgyal por gyur te/ yul brtas par bgyi ba'i slad du lha mo dri ma med pa'i 'od kyi grogs su gyur la/ li yul gyi yul 'khor brtas par bgyi ba'i slad du gser gyi yul gang du dge bsnyen ma hu sha zhes bya bar gnas par gyur pa der nor sa'i 'og tu bzhag pa dang / mi shi </font><hr>356a<br><font size=+1>


@#/ /ba rnams kyi dur khrod na yod pa gang yin pa dang / dge bsnyen ma hu sha'i nor du gyur pa gang yin pa de dag thams cad bdag gis btsal te/ gser la sogs pa nor mang po rnams stsal bar bgyi'o/ /lha mo dri ma med pa'i 'od 'di'ang sangs rgyas bcom ldan 'das kyi spyan sngar li yul gyi slad du nor rnams dbul bar bgyid do/ /gang gi tshe yul der gnod pa 'byung ba de'i tshe yang lha'am/ klu'am/ gnod sbyin nam/ 'byung po gang su dag nor de la bgegs byed par mi 'gyur ro/ /yul de'i srung mar gyur pa gang yin pa de dag thams cad kyang ci nas nor de rnyed par 'gyur bar rang nyid grogs byed par 'gyur ro/ /sngon gyi gser gyi ri gang du dge bsnyen ma hu sha byung bar gyur pa der bud med gzhan zhig byung ste/ des sbyin pa mang po byin la tshul khrims ni des ma bsrungs te/ des 'di skad du/ bdag gis sbyin pa dag byin pa'i bsod nams bsags pa gang yin pa des bdag gser gyi rigs kyi rgyal po'i btsun mo dam par gyur la/ ci nas kyang li yul de brtas bar bya ba'i phyir nor sbyin pa byed pa de lta bur bdag grogs su gyur cig ces byas so/ de'i tshe lha mo dri ma med pa'i 'od kyi ming po gzhon nu rdo rje sdes 'di skad ces gsol to// </font><hr>356b<br><font size=+1>


gang gi tshe dmag gi dpung chen po de dag phan tshun 'gyed par 'gyur ba de'i tshe bdag skar rdo'i rgyal por gyur nas/ gang gi tshe gdong dmar dag dmag 'dren pa de'i tshe/ bdag gi gser gyi rigs kyi rgyal po las nor blangs te/ li yul brtas par bgyi ba'i slad du chos bzhin du stsol bar gyur cig ces byas so/ /de'i tshe na rigs dang ldan pa'i bud med gzhan zhig lha mo de'i grogs mor gyur ba sa dang po thob pa gang yin pa de'i 'khor der 'dus par gyur te 'dus pa des smon lam btab pa/ bdag li yul du tshe rabs bdun gyi bar du rgyal po'i btsun mo dam par gyur cig /gang gi tshe dmag gi dpung chen po gang yin pa de dag li yul du g.yul 'gyed pa'i dus la bab pa de'i tshe ni bdag rgya yul du skye ba len par gyur cig /gang gi tshe gzhon nu rdo rje sde 'di li'i rgyal por gyur pa de'i tshe na bdag de'i btsun mo dam par gyur nas/ bdag cag gnyis kas li yul slar brtas par bgyi ba dang / dge 'dun gyi kun dga' ra ba rnams dang / dgon pa'i gnas rnams dang / mchod rten chen po dang / dri gtsang khang dang / gdong dmar rnams kyis bsregs pa gang yin pa de dag kyang bdag cag gnyis kyis slar gsar du bgyid par gyur cig ces byas so/ /gang gi tshe de dag gis 'khor gyi nang du smon lam </font><hr>357a<br><font size=+1>


@#/ /btab pa de'i tshe bcom ldan 'das rdo rje rgyal mtshan zhes bya ba'i ting nge 'dzin la snyoms par zhugs so/ /rgyal po chen po rnam thos kyi bu dang / gnod sbyin kun tu rgyal dang / klu'i rgyal po ma dros pa dang / lha'i bu blo gros rab tu brtan pa dang / lha mo 'phrog ma bu dang bcas pa dang / lha mo dri ma med pa'i 'od rnams kyang de'i tshe sangs rgyas yid la byed pa zhes bya ba'i ting nge 'dzin la snyoms par zhugs so/ /de nas ting nge 'dzin las langs te/ bcom ldan 'das kyi spyan sngar bus me'i lha nga sa la btsugs nas 'di skad ces gsol to/ /bcom ldan 'das/ bdag cag gis ma 'ongs pa'i dus su li yul de bsrung ba'i slad du mnod par 'tshal te/ ji ltar bcom ldan 'das kyis bka' stsal pa de bzhin du sug las thams cad 'tshal lo/ /de nas 'khor der 'dus pa gang yin pa'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa de dag thams cad kyis bcom ldan 'das kyi steng gi nam mkha' la me tog gi char phab nas rol mo'i sgra rnam pa sna tshogs ji lta bus sangs rgyas bcom ldan 'das la mchod par 'os pa rnams </font><hr>357b<br><font size=+1>


kyang bsgrags so/ /de'i tshe 'khor de'i nang na rnam thos kyi bu dang / kun tu rgyal la sogs pa gang dag gi lag tu yul de bsrung ba'i phyir gtad pa de dag la 'di skad ces bka' stsal to/ /yul bsrung ba'i phyir khyod kyi lag tu yang dang / yang du gtad do/ /gang gi tshe gdong dmar dag gis yul bzung ste/ dge 'dun gyi kun dga' ra ba dang / dri gtsang khang dang / mchod rten chen po rnams 'jig par byed cing sreg par byed de/ de dag gis ci nas kyang nga'i bstan pa gzhig par bya ba'i phyir smon lam log par btab pas ring por mi thogs par der dmag sde gnyis po de dag phan tshun 'gyed par 'gyur ba de'i tshe lha mo dri ma med pa'i 'od kyi ming po gzhon nu rdo rje sde nyid gser gyi rigs kyi yul der song nas/ gser gyi rigs kyi rgyal po la 'di skad ces smras te/ dri ma med pa'i 'od kyis zhus pa'i mdo bcom ldan 'das shAkya thub pas bka' stsal pa yod de/ li yul nas 'ongs pa 'di ni sangs rgyas bcom ldan 'das dang / lha rnams kyis gsungs pa yin te/ sangs rgyas bcom ldan 'das rnams dang / lha rnams kyi bka' ni gcog tu rung ba ma yin no/ /gdong dmar gyis li yul gyi yul 'khor khyer ba'i dus la ni da bab pa ste rgya ni gser gyi </font><hr>358a<br><font size=+1>


@#/ /rigs kyi yul du 'ong bar 'dod do/ /gang gi tshe phan tshun g.yul 'gyed par byed par de ni 'jigs pa chen po yin te/ gang gi tshe gdong dmar rnams skrag par gyur pa de'i tshe/ gser gyi rigs kyi yul du 'gro bar chas so/ /de la bcom ldan 'das kyis bstan pa ni 'di yin te/ gang gi tshe gser gyi rigs kyi yul gdong dmar mi gtong la/ rgyang la gnod pa byed du mi 'ong ba de'i tshe/ gser gyi rigs kyi yul du mdo 'di phrin yig tu khyer la gser gyi rigs kyi rgyal po la/ 'di skad du/ 'di ni sangs rgyas bcom ldan 'das dang / lha rnams kyis bka' stsal pa yin te/ lha dang / mi rnams kyis 'gal bar bya ba mi rung ba yin gyi/ bdag gis li yul gyi glung sbyin pa dang / skar rdo'i don gyi phyir nga la nor mang po byin cig ces smras la/ gang gi tshe nor thob par gyur pa de'i tshe thog mar li yul du nor rdzongs la gdong dmar la skur cig /li yul pa rnams la'ang nger sbyin par bya ste/ gang gi tshe li yul du skyes bskur ba na der thog mar skar rdor yang bskur bar byas nas li'i yul chos bzhin du bya'o/ /de'i tshe/ 'di skad du/ nga ni gdong dmar rnams kyi bran mi byed de/ ngas li yul gzung gi nga la nor byin cig dang / de dag gis dmag gi dpung chen </font><hr>358b<br><font size=+1>


po'ang der 'ong bar mi nus so zhes smros shig /gang gi tshe de'i dmag li yul du 'ong na der ma 'ongs shig dang yul de ci ri ba'i rin ngas sbyin no/ /ci ste yul blu ba'i phyir/ phrin yig 'di bzhin du byed par 'gyur na bdag cag gis li yul thams cad bsdus te 'dum par bya'o zhes byas na rdzi bar mi nus te 'di la the tshom mi bya'o// gang gi tshe sangs rgyas bcom ldan 'das kyis lha mo dri ma med pa'i 'od dang / byang chub sems dpa' rdo rje sde la de skad ces bstan nas/ sangs rgyas bcom ldan 'das rnams 'od zer rnams gtong zhing byang chub sems dpa' rnams gtong ba gang yin pa de dag dang / lha la sogs pa 'khor der 'dus pa gang yin pa de dag gis 'di skad ces gsungs so| |bdag cag gis kyang lha mo dri ma med pa'i 'od de la gang gi tshe yul der gnod pa 'byung bar 'gyur ba de'i tshe dran par 'gyur ba'i gzungs sngags dang / gzungs sngags gang yid la byas na gzungs sngags chen mo gzhan rnams rtogs par 'gyur ba de sbyin par bya'o/ /'on kyang sangs rgyas yid la byed pa zhes bya ba'i ting nge 'dzin thob par 'gyur te/ de la gnas pa'i sangs rgyas kyi zhing thams cad na sangs rgyas bcom ldan 'das rnams bzhugs pa rnams mthong zhing de dag gis chos bshad pa'ang thos par 'gyur la lha rnams kyang dam pa sbyin par </font><hr>359a<br><font size=+1>


@#/ /'gyur ro/ /de nas bcom ldan 'das sngon 'od zer gtong ba gang yin pa de dag thams cad kyis lha mo dri ma med pa'i 'od la legs so zhes bya ba byin te 'di skad ces gsungs so/ /khyod kyis yongs su bskyang ba'i phyir/ /li yul mnos pa gang yin pa/ /rgyal mchog gis ni bka' stsal bzhin/ /shes rab chen pos de bzhin byos/ /sa steng gzhan gyis mi tshugs pas/ /gsang sngags kyang ni sbyin par bya/ /gang gi tshe na li yul der/ /gnod 'byung dus la bab pa na/ /de tshe nged kyis dgongs par bya/ /de 'dra'i shes rab dag kyang sbyin/ /de tshe tshangs pa la sogs lha/ /sa steng dbang phyug sum cu gnyis/ /mgrin gcig mthun par smras pa ni/ /klu rnams dang ni gnod sbyin dang / /de bzhin 'byung po lha ma yin/ /mi ma yin dang mi rnams kyis/ /'tshe bar mi 'gyur gang yin pa'i/ /gzungs sngags nged kyis sbyin par bya/ /tad+ya thA/ in+d+ra dad ta tri shu la ha sha sarba pA sha b+han+d+ha ne/ ni tsind ne/ dra dra dra dra/ dza dza dza dza/ bud tI ra/ tsi ni n+de/ tA la hi li/ a shwas+thA ne/ ni ni ni ni/ pu pu pu pu/ in+d+ra mu \?\ gi na/ bi sha bi sha bi sha bi sha swAhA/ 'di ni rta gnas zhes bya ba'i gzungs sngags yin te/ gzungs sngags 'dis ni rengs byed kyi srin po rnams thub la/ srid sgrub kyis kyang sgra mi snyan pa rnams </font><hr>359b<br><font size=+1>


thub par gyur to/ /de nas tshangs pa la sogs pa lha rnams dang / 'khor de dag thams cad kyis 'di skad ces smras so/ /rig sngags 'di rgyal mtshan gyi rtse mo la btags sam/ rta'i mgo la btags sam/ rang gi mgul du btags kyang rung ste/ gang dang / gang du g.yul 'gyed du 'gro ba de gzhan gyis mi thub par 'gyur zhing thams cad du rgyal bar 'gyur te| lha la bya ba bzhin du gtsang mas gcad bar bya'o/ /li yul gyi bdag po rgyal po des kyang ras la 'dus pa chen po'i ri mo bris te/ rgyal po'i pho brang gtsang mar byas te/ thams cad du gdugs dang / rgyal mtshan dang / ba dan gyis brgyan nas bdug pa sna tshogs kyi snod kyis bdugs te/ me tog sna tshogs bklam zhing me tog gi phreng ba sna tshogs kyis mdzes par byas la/ der g.yog gi bya ba byed pa gang yin pa de dag gis kyang ji ltar rgyal po btsun mo'i 'khor dang bcas pa rnams spangs pa bzhin du spang bar bya zhing gtsang mas gos dang / zas dang / skom gtsang mar byas te/ 'dus pa chen po'i ri mo'i gzugs rgyal po'i gdan la bzhugs nas de'i mdun du sa gzhi skyang nul gyis legs par byug pa la dkyil 'khor bya'o/ /bdag nyid kyang khrus legs par byas shing gos gtsang ma bgos la/ g.yog de rnams kyang de bzhin du byed du gzhug go /gang gi tshes gzhi dag par byed pa de'i </font><hr>360a<br><font size=+1>


@#/ /tshe| thog mar ba'i rnam lngas rgyal po'i pho brang thams cad chag chag gdab bo/ /yang na spos thams cad kyi chus gdab bo/ /de nas dkyil 'khor khru bcu drug pa gru bzhi lha ma par byas la/ der kha zas ro sum brgya pa dang / 'bru mar dri zhim pos bsgos pa'i mar me sum brgya drug cu dang / gdugs stong nyis brgya sum cu dang / ba dan stong nyis brgya sum cu dang / bum pa sum cu rtsa gnyis dang / bum pa chen po bzhi dang / rnga bo che bzhi gzhag par bya'o/ /gzungs sngags 'di'ang dkyil 'khor de'i dbus su gzhag par bya'o/ /sil snyan mang po dkrol zhing rol mo'i sgra mang po'ang bsgrag par bya'o/ /de nas sgrub pa pos tshangs pa la sogs pa lha rnams la bstod pa gdon cing gzungs sngags 'di'ang bzlas brjod bya ste/ sgrub pa po ngas sgrub pa'i zla gang lha thams cad kyi bstod pa sna tshogs shes pa gzhag par bya'o/ /las 'di zhag bdun gyi bar du byas nas mjug rtul te zhag bdun pa'i nyin bar khrus bya'o/ /las 'di ni ji ltar sngar smos pa de bzhin du tshes lnga la bya'o/ /sgrub pa po nyid kyang dkyil 'khor gyi drung du 'dug par bya'o/ /me'i thab khung ni gnyis te/ gcig ni sgrub pa po'i phyir bya'o/ /gcig ni sgrub pa'i zla'i phyir byas la/ der las kyis sbyin sreg </font><hr>360b<br><font size=+1>


lan brgya rtsa brgyad bya'o/ /rta gnas kyi gzungs sngags kyang lan brgya rtsa brgyad bzlas brjod bya'o/ /rtswa dUr ba'i sbyin sreg kyang lan brgya rtsa brgyad bya'o/ /gur gum gyi chus dkyil 'khor gser gyi kha dog bzhin du gyur gyi bar du chag chag mang du gdab bar bya'o/ /sbyin sreg gi mar ni dri zhim pos bsgos pas sbyin sreg bya'o/ /dkyil 'khor skyang nul gyis mdzes par byugs la/ gang gi tshe bzlas brjod rtsom pa na rnga bo che brdungs shing rol mo'i sgra rnams bsgrags te/ dkon mchog gsum la mchod pa byas la thog ma tshes lnga'i nyi ma nub ka'i dus skabs su las 'di brtsam zhing gsang sngags bzlas brjod bya'o/ /yang na tshes drug gam/ bdun la brtsam par bya'o/ /nang par gyi dus skabs su thog mar me lha spyan drangs la/ ji ltar sngar bstan bzhin du rtswa dUr ba'i sbyin sreg bya'o/ /ro'i kha zas de dag kyang phyir phyung la gsar ba gzhan gzhag par bya ste/ zhag gsum ma ma/ zhag bdun gyi bar du sbyin sreg zin pa'i rjes la ro'i kha zas gsar pa rnams gzhag par bya'o/ /dkyil 'khor de'i dbus su sangs rgyas kyi sku gzugs dang / dam pa'i chos dang / sku gdung yang gzhag par bya'o/ /dkyil 'khor der gdugs bcu dang / rgyal mtshan bcu dang / ba dan bcu dang / rnga bo che bcu dang / dril bu bcu dang / me tog </font><hr>361a<br><font size=+1>


@#/ /gi phreng ba sum brgya drug cu dang / mar me sum brgya drug cu rnams gzhag par bya'o/ /las de ltar byas pa'i rjes la dkyil 'khor de nyid du tshes brgyad la brtsams te/ tshes bco lnga'i bar du 'phags pa spyan ras gzigs dbang phyug gi cho ga rgyas par brtsam zhing bzlas brjod bya'o/ /gang gi tshe rta gnas kyi gzungs sngags kyi las de dag gis las chen po rtsom mam/ yang na g.yul chen po'i nang du 'gro bar 'dod dam/ yang na rgyal po chen po'i dbang phyug gi bdag po thob par 'dod na rta gnas kyi gzungs sngags 'di ji ltar 'di las cho ga rgyas pa sngar smos pa de bzhin du bzlas brjod byas nas/ de'i tshe lha rnams dam pa dang / dbang bskur ba sbyin par byed do/ /gang gi tshe 'phags pa spyan ras gzigs dbang phyug gi cho ga rgyas pas bzlas brjod bya bar rtsom na dkyil 'khor de nyid du snga ma'i lugs bzhin du byas na/ de'i tshe sangs rgyas bcom ldan 'das sngon 'od zer btang zhing gzungs sngags bskur ba gang yin pa de dag gi thugs las skyes pas sku byang chub sems dpa' 'phags pa spyan ras gzigs dbang phyug dang / lha mang po dang thabs gcig tu der gshegs nas dam pa'ang stsol bar mdzad de/ lam 'di ni ji ltar 'dod pa </font><hr>361b<br><font size=+1>


de bzhin du 'grub pa yin no/ /gzungs sngags 'di'i las 'di dag cho ga rgyas pa 'di'i las rnams ni gang gi tshe las chen po rtsom mam/ yang na dgra mthong nas g.yul du 'gro ba de'i tshe bzlas brjod byas te/ la la da la bzlas brjod byas na bdag nyid bsrung bar 'gyur ro/ /dgra sta la bzlas brjod byas sam/ gzhu la bzlas brjod byas sam/ mda' la bzlas brjod byas te/ dkyil 'khor der gur gum la lan brgya rtsa brgyad bzlas brjod byas nas dmag mi thams cad dang / rta thams cad kyi dpral bar thig le byas la grong khyer gyi sgo rnams sam/ rgyal po'i pho brang ngam/ rgyal po'i khab kyi sgo rnams su gur gum des bsrus na thams cad du rgyal bar 'gyur te/ 'jig pa thams cad las yongs su thar bar 'gyur ro/ /de nas yang lha rnams kyis gzungs sngags gzhan byin te/ na mo brah+ma ma ne/ na ma sarba de ba nAn/ tad+ya thA/ brah+ma ma na/ in+d+ri de ba nAn/ pra tiSh+Thi te/ a shwas+thA ne/ pa ra in+d+re sa ta ba pa sma ba/ ha ra/ A ma b+ha ku pa ga ga kri shrI lang ka ra/ sa tha de ba grA bA swAhA/ 'di ni tshol ba'i gzungs sngags yin te/ ji ltar 'dod pa bzhin du dkyil 'khor der bzlas brjod bya'o/ /gur gum la lan bdun bzlas brjod byas na rta gnas kyi gzungs sngags kyi skabs su sngar bshad pa'i las de dag </font><hr>362a<br><font size=+1>


@#/ /thams cad kyang byed par 'gyur te/ lan bdun bzlas brjod byed pa'i mchod pa'i cho ga ni sngar bshad pa yin no/ /gang gi tshe dmag gi nang du 'gro ba na de'i tshe gsang sngags 'di dang / rta gnas kyi gsang sngags lan bdun bdun bzlas brjod byas na sngar bshad pa'i 'od zer dang / gzungs sngags rnams dang bcas par dmag dpon gyi rgyal mtshan gyi rtse mo la gdags shing lus la yang bcang bar bya'o/ /gang gi tshe rta gnas kyi rig sngags kyi bzlas brjod rtsom pa de'i tshe/ zhag bdun gyi bar du lha'i gnas su 'gro ba bzhin du gtsang sbra byas te/ spong ba rnams 'di ltar bya'o/ /tshes bcu gsum la rtsom na ni kun spang bar bya'o/ /tshes bcu bzhi la rtsom na ni sha bza' bar mi bya'o/ /tshes lnga la rtsom na ni 'bras chan 'o ma dang sbyar ba'am/ 'bras kyi 'o thug gam/ 'bras chan dang mar bza' bar bya ste/ chu btung bar mi bya'o/ /de nas yang sangs rgyas bcom ldan 'das kyis gzungs sngags 'di byin no/ /na ma shrI su warno ta ta ma pra wa b+ha sa s+ya/ ta thA ga ta s+ya/ tad+ya thA/ bud+d+ha d+harme/ a sang+ga pra ti/ ba se/ bo d+hi bo d+hi/ dra be shrI sa re sa re/ bi sarba duH kha shrI lang ka ra sarba dur pra b+ha se ba ra khri tiSh+Thi ti swAhA/ gzungs sngags 'di gang du rta gnas kyi rig sngags bzlas </font><hr>362b<br><font size=+1>


brjod byed pa der brjod par bya ste/ dngos grub gang 'dod pa dang / las gzhan gang byed kyang rung / yang na gter 'dod na'ang gzungs sngags 'di lan sum cu rtsa gsum bzlas brjod bya'o/ /de nas 'jig rten skyong ba bzhi la sogs pa rgyal chen bzhi'i rigs kyi lha thams cad kyis thal mo sbyar te 'di skad ces gsol to/ /gnod sbyin nam/ 'byung po ji snyed mchis pa de dag bzlog pa'i slad du bdag cag gis gzungs sngags 'di bshad par 'tshal te/ 'byung po dang / rims dang / nad thams cad zhi bar bgyid pa dang / gzhan yang skyes pa'am/ byis pa rnams kyi nad gang ci'ang rung ba dag la lan gsum bsrung bar bgyi'o/ /yang na mdud pa gsum bgyis te btags na 'byung pos btang ba'i nad rnams zhi bar 'gyur ro/ /gang gi bu btsas nas mi 'tsho ba des ni bdag nyid kyis bsgrub par bya ste/ bu rnams kyang bsrung bar bya'o/ /de nas rgyal po chen po bzhis bcom ldan 'das la 'di skad ces gsol to/ /bcom ldan 'das kyis kyang grub pa stsal par gsol/ de'i tshe sangs rgyas bcom ldan 'das rdo rje rgyal mtshan gyis gzungs sngags 'di gsungs so| |tad+ya thA/ bad ku dre/ ba dza la phu swAhA/ gzungs sngags 'di bcom ldan 'das shAkya thub pa dang / rdo rje rgyal mtshan gyis rgyal chen bzhi'i ris kyi lha rnams dang / byang </font><hr>363a<br><font size=+1>


@#/ /chub sems dpa' spyan ras gzigs dbang phyug 'grub par bya ba'i phyir gsungs te/ gang gi sna nas khrag 'byung ba dang / gang gi lus la rma byung ba dang / yang na gzhi gzhan las gyur te/ bud med rnams kyi lus las khrag 'dzag cing 'byung ba la skud pa dmar po la sngags la spyi bor gdags par byas te/ rma la ni byug par yang bya'o/ /ji ste rims sam/ 'byung pos btang ba'i nad dam/ skrangs par gyur na de la skud pa la sngags nas mdud pa bcu byas te mgul du gdags so| |gang la 'khru ba'am/ mkhris pa las gyur pa'i 'khru ba yod pa de la ni skud pa ser po la mdud pa bcu byas te rked pa la gdags so/ /de'i tshe byang chub sems dpa' spyan ras gzigs dbang phyug gis gzungs sngags 'di bshad do/ /na mo rat+na tra yA ya/ na mo AR+YA wa lo ki te shwa rA ya/ bo d+nyi satwa ya/ ma hA satwa ya/ tad+ya thA/ sa re sa re/ bi sa re bi sa re/ bi shan sha ni ye swAhA/ 'byung pos btang ba'i nad thams cad dang / rims nad thams cad rab tu zhi bar byed pa ste/ gang gi tshe nad pa shi la thug par gyur te/ mdangs phrog pas srog gi phyed 'phrogs pa de la gzungs sngags 'di brjod par bya'o/ /tad+ya thA/ bo d+ha bo d+ha/ AR+YA wa lo ki te shwa ra/ rash+mi pra b+ha se b+hu ta dza ma b+he/ phu phu </font><hr>363b<br><font size=+1>


phu phu/ ka ru le phu swAhA/ gzungs sngags 'di rims nad thams cad dang / 'byung po'i gdon thams cad zhi bar bya ba la lan gsum brjod la skud pa la mdud pa gsum bor te gdags so/ /bzlas brjod ni za na zos pa'i 'og tu bya'o/ /gzungs 'di ni sangs rgyas thams cad dang / spyan ras gzigs dbang phyug gis gsungs so/ /na mo asti ka rA dza ka ri bud+d+ha s+ya/ ta thA ga ta s+ya/ tad+ya thA/ ang ga re/ mang ga re phu ba tsa ga re/ phu badzra/ phu bud+d+ha ra dza phu h+ya re te phu dri ba re phu swAhA/ dug gi gsang sngags yin te/ gang gis dug 'thungs sam/ phol mig byung ngam/ rma rengs pa la kha zas sam/ yang na chu'am/ sman nam/ sa la lan bdun bzlas brjod byas na thams cad zhi bar 'gyur ro/ /de'i tshe rgyal chen bzhi'i ris kyi lha rnams kyis gzungs sngags bshad de/ sngar gang gi yon tan gsungs pa de dag gi mtshan mas bshad pa'i gzungs sngags bdag cag gis stsal bar bgyi'o/ /tad+ya thA/ shA na ta mu khi bi mu khi bi ma le/ bi ma khe/ Da D+ha kha mu la swAhA/ gzungs sngags 'di ni 'byung po'i rims thams cad dang / nad bzhi'i rims rnams dang / nad 'go ba zhi bar bgyid pa ste/ gzungs sngags 'di ni 'byung po rnams kyis 'gal ba bgyir mi rung ba lags so/ /gang gi tshe rta gnas kyi rig sngags bzlas brjod bgyid pa na </font><hr>364a<br><font size=+1>


@#/ /thog mar gsang sngags 'di dag gis skud pa gdags par bgyi'o/ /dkyil 'khor gyi nang du mchi ba'i tshe'ang der mtshams 'dzin pa 'di dag gzhag par bgyi ste/ gzungs sngags re re'ang lan gsum gsum brjod la mdud pa gsum bor te/ sangs rgyas kyi spyan sngar bdug pa thams cad kyis bdug par bya'o// dkyil 'khor gyi mdun der byang chub sems dpa' spyan ras gzigs dbang phyug gi ri mo'i gzugs bris pa bzhag la du ru ka'am/ a ka ru nag po'i bdug pa bsreg par bgyi'o/ /lha rnams la ni sra rtsi pog dang / gu gul gyi bdug pa bsreg par bya ste/ de'i tshe 'di skad smon lam gdab par bgyi'o/ /ji ltar bdag sangs rgyas bcom ldan 'das rnams kyi yul gyi yul 'khor bsrung ba'i phyir las su bka' stsal pa dang / ji ltar lha rnams kyis bdag gi grogs su bgyi'o zhes dam bcas pa dang / sangs rgyas rnams kyis bka' stsal pa dang / lha rnams kyis dam bcas pa bzhin du bdag gi las 'di de bzhin du des grub cing mthar phyin par gyur cig ces bgyi'o/ /de'i tshe sangs rgyas bcom ldan 'das thams cad dang / byang chub sems dpa' lag na rdo rjes de bzhin gshegs pa rnams kyi mtshan 'di dag </font><hr>364b<br><font size=+1>


bshad do/ /de bzhin gshegs pa gser mchog la phyag 'tshal lo/ /de bzhin gshegs pa kun tu gzigs pa la phyag 'tshal lo/ /de bzhin gshegs pa dri ma med par snang ba la phyag 'tshal lo/ /de bzhin gshegs pa dgongs pa thams cad yongs su rdzogs pa la phyag 'tshal lo/ /de bzhin gshegs pa rab tu 'jigs shing bag tsha ba dang bral ba drang srong chen por grags pa la phyag 'tshal lo/ /tad+ya thA/ ka ra ba ra/ i ri ba ra/ sa su ra sa ma ra/ ba ba ra/ bud+d+ha a d+hiSh+Thi te/ d+harma a d+hiSh+Thi te/ sang+ga a d+hi Sh+Thi te| brah+ma a d+hiSh+Thi te/ sha kra a d+hiSh+Thi te/ badzra pA Ni gu h+ya ga a d+hiSh+Thi te/ bi da t+yA d+hiSh+Thi te/ sarba de ba a d+hiSh+Thi te swAhA/ gzungs sngags 'di ni lag na rdo rje'i gsang ba'i ye shes chen po'i mdo las gsungs te/ nad thams cad dang / 'jigs pa thams cad rab tu zhi bar byed pa yin no/ /de bzhin gshegs pa gnod pa thams cad gcod pa la phyag 'tshal lo/ /de bzhin gshegs pa shAkya thub pa la phyag 'tshal lo/ /tad+ya thA/ badzra ka ra/ da ra ma ra/ sa ra ba ta R+Ya/ a Sha Sha/ bi bi su kha ka rA swAhA/ gzungs sngags 'di ni dbang bskur ba'i phyir sangs rgyas bcom ldan 'das kyis gsungs so/ /s+yad+ya the da na/ de ba tsa ra pa da mA ra/ maN+Dal sa mA se de ba nA na/ bud+d+ha de ba nA na/ pur+N+yA ka ra/ sarba </font><hr>365a<br><font size=+1>


@#/ /paR+Sha kaR+Ya pradz+nyA nA na/ A ha ra mi ka ra sid+d+ha na swAhA/ dbang bskur ba'i phyir 'khor thams cad kyis smras so/ /tad+ya thA/ tshad tsa ra tsa ra tsa ra/ ka ra hu ru ra| k+She ho ra ra/ da da da da/ ka ra k+Sha swAhA/ ji ltar bdud kyi dpung gis sangs rgyas bcom ldan 'das rdo rje'i gdan las bskyod ma nus pa de bzhin du gsang sngags 'dis gzhon nu rdo rje sde nyid kyis dam bcas pa las sus kyang bskyod pa'am/ bzlog par mi nus so/ /de nas 'khor de'i nang nas dmod pas phog pa'i lha mo dang / bud med 'khod pa gang yin pa de dag thams cad kyis lha mo dri ma med pa'i 'od la 'di skad ces smras so/ /khyod kyis bud med du skye ba las thar bar 'gyur ba'i gzungs sngags bcom ldan 'das las mnos la bdag cag la byin cig dang / bdag cag gis khyod las gzungs sngags gzung bar bya'o/ /de nas de'i tshe lha mo dri ma med pa'i 'od kyis sangs rgyas bcom ldan 'das la gzungs sngags gsol nas byin no/ /tad+ya thA/ dza lo ka ma na ta pa/ sarba b+hu ya sra ka ra swAhA/ gzungs sngags 'di ci sus brjod pa ni bud med du skye ba las thar bar 'gyur ro/ /tad+ya thA/ sarba b+hu d+ha nA na/ sarba de ga ma ra/ ga na pa sha ra ra swAhA/ sangs rgyas thams cad dang / lha thams cad kyis </font><hr>365b<br><font size=+1>


gzungs sngags 'di bshad de/ 'dis ni bar chad byed par mi nus so/ /de'i tshe lha mo dri ma med pa'i 'od kyis sangs rgyas bcom ldan 'das rnams dang / lha rnams la 'di skad ces gsol to/ /gzungs sngags gang gis shes rab 'thob par 'gyur ba dang / gang gis sangs rgyas bcom ldan 'das rnams kyis bka' stsal pa de bzhin du sug las de dag bgyid nus par 'gyur ba dang / bdag cag la bar chad bgyid mi nus pa dang / bdag gi bar chad bgyid par smon lam 'debs pa de dag gis kyang bdag la gtse bar mi nus pa dang / bdag gis rim gyis sangs rgyas kyi 'phrin las bgyid par 'gyur ba dang / sems can thams cad kyi chos dang ldan pa'i bsam pa yongs su rdzogs par bgyid par 'gyur ba'i gzungs sngags de bdag la stsal du gsol/ de'i tshe sangs rgyas bcom ldan 'das rnams dang / lha rnams kyis 'di skad ces gsungs so/ /sus kyang sems 'khrug par byed mi nus par nged kyis grogs bya'o/ de bzhin gshegs pa chos mngon pa'i dbang phyug la phyag 'tshal lo/ /sangs rgyas la phyag 'tshal lo/ /chos la phyag 'tshal lo/ /dge 'dun la phyag 'tshal lo/ /de bzhin gshegs pa shAkya thub pa la phyag 'tshal lo/ /tad+ya thA/ a b+hi She kya/ bid </font><hr>366a<br><font size=+1>


@#/ /da b+hi/ a ra bi R+Ya dza par/ ku ma sa sarba a ba pri ya da swA hA/ gzungs sngags 'di sangs rgyas thams cad kyis dri ma med pa'i 'od kyi phyir gsungs so/ /tad+ya thA/ brah+ma shakra tsa sa ba hi/ pu ra mra ga ga ma na/ ku sa ma na dza nA dA nu/ pa ra ma dzi na na dz+wa ra dza ra ni/ dzi na bi ba na ka ra/ kar+thA da ra swAhA/ gzungs sngags 'di sangs rgyas bcom ldan 'das rnams kyis dri ma med pa'i 'od la sdang ba rnams kyis ci nas kyang sdig pa'i las byed mi nus par bya ba'i phyir gsungs te skud pa la mdud pa bdun por la mgul du btags na bar chad byed pa'am/ pham par byed mi nus so/ /tad+ya thA/ ha de b+hI hA te/ ya ku na ma swAhA/ 'phags pa spyan ras gzigs dbang phyug gis lha mo dri ma med pa'i 'od kyi sdig pa bsal ba'i phyir bshad do/ /bsrung ba'i phyir skud pa la mdud pa bdun por nas mgul du btags te zan zos pa'i 'og tu brjod par bya'o/ /de'i tshe lha mo dri ma med pa'i 'od kyis 'di skad ces gsol to/ /gzungs gang gis mig nad zhi bar 'gyur ba de'ang bdag la stsal du gsol/ de bzhin gshegs pa mig nad rnam par sbyong ba la phyag 'tshal lo/ /de bzhin gshegs pa mig gi rab rib kyi mun pa zhi bar mdzad pa la phyag 'tshal lo/ /de bzhin gshegs </font><hr>366b<br><font size=+1>


pa chos kyi spyan la gnas pa la phyag 'tshal lo/ /tad+ya thA/ ta ta tsak+Shu ra ma la ba/ ma b+hi sa ra ma ma tsak+ShuH/ shro da tra/ pra b+ha ka sa ka ra swAhA/ gzungs sngags 'di sangs rgyas bcom ldan rnams kyi spyan sngar lan brgya rtsa brgyad bzlas brjod byas nas nyin gcig bzhin du chu la lan bdun bzlas brjod byas te mig la phyi bar bya'o/ /mig sman la lan lnga bzlas brjod byas te byug par bya'o/ /na mo badzra d+ha ra s+ya/ ta thA ga ta s+ya/ tad+ya thA/ i na Ti ni i Ti ni/ ni ga ra a ga re/ ba kha re phu/ ka kha khA re phu swAhA/ gzungs sngags 'di ni 'jigs pa thams cad bsal ba dang / grong khyer bsrung ba'i phyir bya ba yin no/ /sangs rgyas bcom ldan 'das kyis lha mo dri ma med pa'i 'od dang / byang chub sems dpa' rdo rje sde la de skad ces bka' stsal nas/ de'i tshe rgyal po ma skyes dgra'i bu gzhon nu rdo rje sde gang gi tshe btsas pa de'i tshe bdag gi bu sa phyir rgyal srid kyi dbang phyug ci nas kyang thob par bya ba'i phyir de'i nu bo rgyal po'i bu gzhon nu rgyal po ma skyes dgra'i nu bo'i mthe bong bu phos gcod du bcug pa'i rgyal po'i bu gzhon nu 'khor de'i nang na 'dug pa des smon lam 'di skad ces btab bo/ /gang gi tshe gzhon nu rdo rje sde skar rdo'i rgyal srid 'dzin par 'gyur ba de'i tshe bdag li yul gyi rgyal por gyur te/ yul gnyis ka gzung ba'i phyir bdag </font><hr>367a<br><font size=+1>


@#/ /de'i grogs su gyur la/ de phyin chad gcig la gcig dgra byed pa med par gyur cig ces byas so/ /de'i tshe bram ze kauN+Di n+yA sa slob ma bram ze'i bu zhig yod pa las des bram ze sangs rgyas la ma dad pa gzhan zhig gi slob mar byin nas/ bram ze de'ang rab tu byung ba ma yin te/ 'khor de'i nang na 'dug pa des sangs rgyas bcom ldan 'das dpa' bar 'gro ba'i ting nge 'dzin la snyoms par zhugs pa mthong ngo / /de nas smon lam btab pa/ bdag dpa' bar 'gro ba'i ting nge 'dzin nges pa kho nar bslabs te/ rtogs par byas la lha mo dri ma med pa'i 'od de la rta gnas kyi gzungs sngags sbyin par gyur cig ces byas so/ /gang gis sangs rgyas bcom ldan 'das rnams bdud kyi dpung las rgyal bar 'gyur ba'i gzungs sngags 'dis gzhon nu rdo rje sde rgyal srid kyi bya ba chos bzhin du yongs su rtogs par byed par 'gyur ro| |de bzhin gshegs pa shAkya thub pa la phyag 'tshal lo/ /de bzhin gshegs pa rigs mchog kun tu dpal la phyag 'tshal lo/ /tad+ya thA/ sarba ka ra Ni/ sarba ma ra ha ra Ne/ dza li dza tsa li/ ma ra ba ra sa pa ba ra swAhA/ bdud kyis mi thub pa'i gzungs sngags 'di zan zos pa'i 'og tu lan bdun brjod par bya ste/ ji ltar sangs rgyas </font><hr>367b<br><font size=+1>


bcom ldan 'das rnams kyis bdud bcom pa de bzhin du gzhon nu rdo rje sde rgyal bar 'gyur zhing mtshams kyang gcod par 'gyur ro/ /rta gnas kyi rig sngags ji lta ba de bzhin du las thams cad byed par 'gyur ro/ /gur gum la bsngags te thig le byas sam/ skud pa la mdud pa bdun por te/ dkyil 'khor gyi steng du bzhag la/ nam dmag gi nang du 'gro ba de'i tshe lus la btags te bcangs na rgyal ba 'thob par 'gyur te/ gzungs sngags snga ma rnams ji lta ba de bzhin du bzlas brjod bya'o/ /gang gi tshe sangs rgyas bcom ldan 'das rnams kyis rta gnas zhes bya ba'i gzungs sngags gsungs pa de'i tshe/ bcom ldan 'das kyis lha rnams dang / 'khor de dag thams cad la bka' stsal pa/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa 'dir 'dus pa gang yin pa khyod kyis ji ltar lha mo dri ma med pa'i 'od dang / gzhon nu rdo rje sde la rta gnas zhes bya ba'i gzungs sngags byin pa bzhin du ngas kyang khyed la gsang sngags sbyin par bya ste/ gang gis dgra thams cad dang bar 'gyur ba dang / gang gis bdag nyid shin tu byin dang ldan zhing gzi brjid dang rab tu ldan par 'gyur ba dang / gzhal med khang </font><hr>368a<br><font size=+1>


@#/ /dang / khyim gyi nang na gnas pa gang yin pa dag la bde legs su 'gyur ba dang / 'thab pa dang / g.yul 'gyed pa gang yin pa rnams med par 'gyur ba'i gzungs sngags 'di lha mo dri ma med pa'i 'od dang / gzhon nu rdo rje sde dang / li yul gyi don gyi phyir 'khor bzhi po khyed rnams la sbyin par bya ste/ ci nas kyang gzungs sngags 'dis khyed byin dang ldan pa dang / gzi brjid dang ldan par 'gyur ba dang / de bzhin du gzhon nu rdo rje sde gnod pa thams cad las thar bar bya'o/ /de nas de'i tshe sa'i dbang phyug sum cu rtsa gnyis po de dag dang / 'jig rten skyong ba bzhi dang / gnod sbyin gyi dbang po kun tu rgyal dang / klu'i rgyal po ma dros pa dang / 'phrog ma bu dang 'khor du bcas pa dang / li yul gyi srung ma gang yin pa de dag thams cad stan las langs te/ bcom ldan 'das la 'di skad ces gsol to/ /bcom ldan 'das/ bdag cag gis li yul sug par blang bar 'tshal te/ gang gi tshe dri ma med pa'i 'od dang / rdo rje sde der skye ba len par 'gyur ba dang / gang gi tshe sangs rgyas bcom ldan 'das rnams kyis de gnyis kyi steng du 'od zer gtong zhing dam pa stsol bar mdzad pa na der bdag cag mchi zhing dam pa'ang stsal bar 'tshal na/ </font><hr>368b<br><font size=+1>


bcom ldan 'das/ bdag cag la gzungs sngags bshad du gsol/ bdag cag gis gzung bar 'tshal lo/ /de'i tshe sangs rgyas bcom ldan 'das shAkya thub pa dang / sangs rgyas bcom ldan 'das 'od zer gtong ba gang yin pa de dag dang / de bzhin gshegs pa tshig gi brjod pa gtong ba gang yin pa de dag gis gzungs sngags 'di gsungs te/ de bzhin gshegs pa spong ba'i rgyal srid la gnas pa la phyag 'tshal lo/ /de bzhin gshegs pa shin tu 'phags pa sangs rgyas kyi rgyal srid la gnas/ pa la phyag 'tshal lo/ /de bzhin gshegs pa seng+ge'i chos kyi rgyal srid la gnas pa la phyag 'tshal lo/ /de bzhin gshegs pa byang chub kyi yan lag gi me tog mnyam pa nyid kyi rgyal srid la gnas pa la phyag 'tshal lo/ /de bzhin gshegs pa rnam par snang byed rgyal po la phyag 'tshal lo/ /de bzhin gshegs pa rnam par snang byed snying rje'i rgyal po la phyag 'tshal lo/ /de bzhin gshegs pa rnam par snang byed 'od kyi rgyal po la phyag 'tshal lo/ /de bzhin gshegs pa rnam par snang byed yon tan bsngags pa dpal gyis brgyan pa'i 'od kyi rgyal po la phyag 'tshal lo/ /tad+ya thA/ ba ra in+d+re/ pa ra a pa ra/ in+d+re re nu ma b+he/ a kA sha ka pa ke/ in+d+re/ sta skra ba ka ra Ta/ ba da kra ba b+he/ Sha ba su ra </font><hr>369a<br><font size=+1>


@#/ /pra te/ ta tha tha ta na du ru in+d+ra du swAhA/ gzungs sngags 'di ni rnam par snang byed ces bya ste/ gzungs sngags 'dis mi dang / mi ma yin pa thams cad kyi snying du sdug par 'gyur te/ gzi brjid dang ldan par 'gyur ro/ /sems can rnams kyi ngag mnyan par 'gyur zhing bsgo ba mi gcog par 'gyur ro/ /mar yang 'dis btso bar bya ste sra rtsi pog dang / tsan+dan sna gsum dang / dza ma ka dang / pha bong gi dreg pa dang / 'bu sug hang dang / kar ko ta dang / shug pa dang / sug smel dang / pi pi ling dang / rma shing dang / a ba yag dang / pu shel tse dang / sna ma dkar po'i me tog rnams las sman gzhan rnams bsdoms pa'i tshad ji tsam yod pa sna ma dkar po'i me tog kyang de tsam du byas te/ de rnams mar dang / chu'i nang du btsos la/ gzungs sngags 'di dang / dkyil 'khor 'dir sngar bshad pa'i rta gnas kyi rig sngags kyis btab par bya'o/ /de ltar byas na legs par sgrub pa yin te/ gang gi tshe de tshos par gyur pa na lan sum cu rtsa gsum bzlas brjod byas te 'thungs na/ nad kyi 'jigs pa thams cad las thar bar 'gyur te/ de'i tshe lha rnams la bstod pa brjod par bya'o/ /rnam par snang byed ces bya ba'i mar 'di dang / rnam par snang byed ces bya ba'i gzungs </font><hr>369b<br><font size=+1>


sngags 'di ni lha dang / mi rnams dga' bar byed pa yin no/ /gang gi tshe gzungs sngags 'di brjod pa de'i tshe lha rnams kyi dga' ba'i skyed mos tshal shin tu mdzes par gyur ta/ sems dang zhing dga' bar gyur nas de'i tshe lha de dag gis sangs rgyas kyi bka' dran par gyur te/ lha mo dri ma med pa'i 'od gang na 'dug pa der lhags nas de dag gis/ 'di skad du/ gang gi tshe khyod kyis rnam par snang byed kyi gzungs sngags brjod pa de'i tshe kho bo cag gi dga' ba'i skyed mos tshal shin tu mdzes par 'gyur te/ shin tu lhag par brtsegs kyis gang bdag cag gis gzhon nu rdo rje sde'i phyir sngon bcom ldan 'das la gsol pa bzhin du khyod ci 'dod pa'i dam pa thams cad khyod la byin no zhes zer ro/ /gang gi tshe gzhon nu rdo rje sde dang / lha mo dri ma med pa'i 'od kyis bcom ldan 'das dang / lha rnams kyi tshig de dag thos pa de'i tshe pus mo'i lha nga sa la btsugs te thal mo sbyar nas 'di skad ces gsol to/ /bcom ldan 'das kyis bdag cag la gang bka' stsal ba'i sug las 'di ni shin tu che ba lags te/ ci nas bcom ldan 'das dang / lha rnams kyis grogs mdzad na/ li yul gyi yul 'khor bdag cag gis sug par blang bar 'tshal lo/ /de'i tshe dri ma med pa'i 'od kyis smras pa/ gang gi tshe yul de bsrung ba'i </font><hr>370a<br><font size=+1>


@#/ /dus la bab pa de'i tshe sangs rgyas bcom ldan 'das nyid kyis bdag gi steng du 'od zer gtong bar gyur cig /ci nas kyang bdag gi gzungs rtogs par gyur pa'i bzod pa de'ang thob par gyur cig /de nas de'i tshe sangs rgyas bcom ldan 'das shAkya thub pa dang / sangs rgyas bcom ldan 'das sngon 'od zer gtong ba gang yin pa dang / 'od zer dag las tshig rnams gsungs pa gang yin pa de dag gis 'di skad ces bka' stsal to/ /dri ma med pa'i 'od/ legs so/ /legs so| |gang gi dus la bab na/ de'i tshe khyod 'di lta bur mya ngan byed cing skyo bar gyur pa yod de/ gang gi tshe sngon gyi dge byed dang / sdig byed kyi grogs po gang yin pa de dag yul 'gyed par cha ba de'i tshe khyod ming po gzhon nu rdo rje sde 'byung bar 'gyur la yul de'i nang du gtogs par 'gyur te/ de'i tshe khyod mya ngan byed cing skyo bar gyur pa de na 'di snyam du bdag ni shi'ang sla'o snyam du sems par gyur te/ de'i tshe khyod gnas gcig tu 'dug nas de bzhin gshegs pa 'od dpag med kyi gzungs sngags bdud rtsi rda dbyangs zhes bya ba brjod cing / der bcom ldan 'das la gsol ba 'debs te/ 'di skad du yid la bsam pa sna gsum las gcig ma grub kyi bar du bdag mya </font><hr>370b<br><font size=+1>


ngan gyi khang bu nas mi 'byung ste/ yang na ni ming po dang phrad par gyur cig /yang na ni bdag 'chi bar gyur cig /yang na ni 'khor ba las mthar byed par gyur cig ces zer bar 'gyur ro/ /de'i tshe sangs rgyas bcom ldan 'das rnams kyis 'di skad ces bka' stsal to/ /khyod kyi mya ngan gyi khang bu der gang gis gzungs sngags rtogs par 'gyur ba'i bzod pa thob par 'gyur te/ de'i tshe sangs rgyas bcom ldan 'das de dag gis khyod kyi steng du 'od zer gtong bar 'gyur te/ lha'i rol mo'i sgra'ang thos par 'gyur ro/ /lha'i 'khor gyi sgra'ang thos par 'gyur ro/ /lha'i rnga sgra'ang thos par 'gyur te/ de'i tshe sangs rgyas bcom ldan 'das rnams dang / lha rnams kyis legs so zhes bya ba byin par 'gyur ro/ /phyir mi ldog pa'i 'khor lo'i gzungs sngags kyang rtogs par 'gyur te/ de nas gang gis khyod sems can rnams la phan 'dogs par 'gyur ba'i gzungs de dag kyang thob par 'gyur ro// //dri ma med pa'i 'od kyis zhus pa/ bam bo gsum pa/ sangs rgyas bcom ldan 'das kyis byang chub sems dpa' 'phags pa spyan ras gzigs dbang phyug la bka' stsal pa/ sdug pa'i nu bo/ dus 'di dran par gyis shig /gang gi tshe sangs rgyas bcom ldan 'das rin chen snying po </font><hr>371a<br><font size=+1>


@#/ /grong khyer gyi nang du gshegs pa de'i tshe/ 'u bu cag gnyis kyis lung bstan pa thos nas de na 'dug ste/ khyod kyis smon lam chen po btab pa/ bdag sems can 'jigs shing skrag pa ji snyed yod pa de dag thams cad thar par byed par gyur cig ces byas kyi/ khyod kyis nga'i li yul dang / lha mo dri ma med pa'i 'od dang / gzhon nu rdo rje sde skyongs shig ces lag tu gtad nas/ de nas de'i tshe bcom ldan 'das kyis byang chub sems dpa' kun tu bzang po dang / 'jam dpal gzhon nu dang / nam mkha'i snying po dang / mthu chen po thob pa dang / sman gyi rgyal po dang / rab tu sbyin pa la dpa' ba dang / sa'i snying po dang / byang chub sems dpa' spyan ras gzigs dbang phyug la bka' stsal pa/ sngon mdza' bo dang / spun du gyur pa gang yin pa dang / gang dag bdag cag 'grogs par 'gyur ba dbang phyug gi lha dang / ljon shing gi dbang phyug rgyal po dang / snying rje tha skar dbang phyug dang / gcod pa'i dbang phyug dang / dri'i dbang phyug dang / tshogs kyi dbang phyug dang / 'jig rten dbang phyug dang / 'od kyi dbang phyug dang / skye ba'i dbang phyug dang / thams cad kyi lha dang / 'di dag ni byang chub sems dpa' 'phags pa spyan ras gzigs </font><hr>371b<br><font size=+1>


dbang phyug gi grogs yin te/ byang chub sems dpa' de dag thams cad kyi lag tu sangs rgyas bcom ldan 'das kyis li yul srung ba bzhin du gzhon nu rdo rje sde dang / lha mo dri ma med pa'i 'od la gtad de/ de nas byang chub sems dpa' 'jam dpal gyis 'di skad ces gsol to/ /bdag ni sangs rgyas bcom ldan 'das sngon byung ba gang lags pa rnams dang / phyis 'byung ba de dag gis sangs rgyas kyi byang chub thob par bgyi ba'i slad du grogs su gyur pa lags te/ chos kyang mnyan/ bdag gis kyang li yul yongs su srung ba'i slad du mnod par 'tshal te/ der skye ba blangs nas ring bsrel bgo bar bgyi'o/ /lha mo 'di la'ang gzungs sngags gang gis tshe rabs dran par 'gyur ba dang / sangs rgyas bcom ldan 'das las chos ci thos pa de dag thams cad dran par 'gyur ba'i gzungs sngags stsal bar bgyi'o/ /de bzhin gshegs pa snang ba la phyag 'tshal lo/ /byang chub sems dpa' glang po che byed pa la phyag 'tshal lo/ /byang chub sems dpa' 'jam dpal gzhon nu la phyag 'tshal lo/ /tad+ya thA/ bu sa d+ha re/ b+ha sha da tse/ bA dza rash+mi swAhA/ 'di nyin lan gsum mtshan lan gsum bzlas brjod byas na tshe rabs dran par 'gyur te/ sngon chos ci thos pa de thams </font><hr>372a<br><font size=+1>


@#/ /cad dran par 'gyur/ de nas yang byang chub sems dpa' 'jam dpal gyis gzungs sngags 'di bshad do/ /tad+ya thA/ pra t+yu da na ru re/ pra t+yu da sa rA kA ra na ri k+Sha ni swAhA/ gang gi tshe rnal 'byor spyod pa la phyogs gcig tu 'dug pa de'i tshe bzlas brjod byas na rnam par rtog pa rnams kyang byang bar 'gyur la dge ba'i phyogs rnams 'phel bar 'gyur ro/ /gang gi tshe rta gnas kyi rig sngags kyis las byed pa de'i tshe yang lan gsum bzlas brjod bya'o/ /de'i tshe byang chub sems dpa' kun tu bzang pos 'di skad ces gsol to/ /gang gi tshe lha mo 'dis thog mar gzungs sngags rtogs par 'gyur ba de'i tshe/ bdag gis grogs bgyis te/ ci nas yang dag pa ji lta ba bzhin du rtogs pa dang / gang gis sems can thams cad kyi las bgyid pa dam pa'i chos pad+ma dkar po'i chos kyi rnam grangs las klong 'khyil ba zhes bya ba'i gzungs sngags thob nas rtogs par 'gyur ba dang / gang gi che gzungs sngags rtogs nas sems can thams cad la sbyin par bya ba dang / ci nas gzhon nu rdo rje sde la sangs rgyas kyi bka' dran par bgyid pa dang / gzungs sngags 'di dag gis chos dran par bya ste/ sangs rgyas bcom ldan 'das rnams kyis da ltar ci </font><hr>372b<br><font size=+1>


gsung ba'i sangs rgyas kyi gsung de dag thams cad dran par 'gyur ba dang / der 'dod chags zad par 'gyur bar bgyis so/ /de nas de'i tshe sangs rgyas bcom ldan 'das kyis byang chub sems dpa' spyan ras gzigs dbang phyug la bos te 'di skad ces bka' stsal to/ /sdug pa'i nu bo/ dus 'di dran par gyis shig /gang gi tshe sangs rgyas bcom ldan 'das rin chen snying po grong khyer du gshegs pa'i tshe grong khyer gyi sgo drung de na bud med long ma/ 'theng mo/ mdze nad kyis shin tu gzir ba zhig 'dug ste/ de nas bud med long ma'i dmigs bu byed pa'i khye'u zhig kyang 'dug ste/ gang gi tshe bcom ldan 'das rin chen snying po grong khyer du gshegs par chas pa de'i tshe sems can rnams bcom ldan 'das la mchod pa bgyi ba'i phyir myur zhig tu yan man du rgyug pas bud med de shin tu 'jigs shing skrag nas/ 'di snyam du/ ci grong khyer 'dir dmag gi dpung chen po 'ongs sam/ yang na ri dwags dang / glang po che dang / seng ge dang / stag la sogs pa mang po zhig rab tu rgyug pa zhig 'ongs snyam du sems te/ de'i tshe smras pa/ snying rje'i bdag nyid can su la la zhig mchis pa bdag la smros te/ bdag ni rab tu 'jigs te/ dmag gi dpung gis gsod du 'ongs sam/ yang na ni gcan gzan dag bdag la </font><hr>373a<br><font size=+1>


@#/ /brdzis su 'ongs so zhes byas so/ /de'i tshe na spyan ras gzigs dbang phyug khyod bram ze rgad po zhig tu gyur te/ khyod kyis bud med nad pa de la 'di skad du/ khyod ma 'jigs shig /grong khyer 'di na dmag gi dpung gi 'jigs pa'am/ gcan gzan mang po'i 'jigs pa'am/ gzhan ci'ang med kyi bcom ldan 'das rin po che snying po grong khyer du gshegs pa de la mchod pa bya ba'i phyir skye bo mang po dag phan tshun du rab tu rgyug pa yin no zhes smras so/ /de nas bud med des khye'u de la smras pa/ bu nga'i lag nas drong sa la mdun du song ste gang na bcom ldan 'das bzhugs pa der khrid cig ces byas so/ /byis pa de'ang sangs rgyas kyi 'od zer gyi mthus ma dang lhan cig tu grong khyer gyi sgo der phyin to/ /gang gi tshe bcom ldan 'das grong khyer du gshegs pa'i tshe de na sems can nad pa dang / long ba dang / 'on pa dang / 'theng po dang / sgur pa dang / smyon pa la sogs pa 'dug pa de dag thams cad sos par gyur to/ /gang gi tshe bud med de gang du bram ze chen po rgya mtsho'i rdul zhes bya bas smon lam btab pa dang / gang du byang chub sems dpa' mang po dag gis bla na med pa yang dag par rdzogs pa'i byang chub tu lung bstan pa thob pa der phyin pa de'i tshe bud med de'ang sos </font><hr>373b<br><font size=+1>


par gyur te/ der sangs rgyas nyid du smon lam btab pa gang gi tshe bram ze rgya mtsho'i rdul 'di 'tshang rgya bar 'gyur ba de'i tshe bdag de'i bstan pa la gnas te/ gang gis bdag skyes pa'i phung po blangs te/ sangs rgyas bstan pa'i phyir khrid pa'i bram ze de ji ltar lung bstan pa bzhin/ bdag gis kyang der sangs rgyas nyid du lung bstan pa thob par gyur cig ces byas nas/ bud med de la sangs rgyas legs par ston pa'i bram ze gang yin pa des/ 'di skad du bdag sems can 'jigs shing skrag pa ji snyed yod pa de dag thams cad kyi skyabs su gyur cig ces smon lam btab pa de'i tshe bud med des kyang / 'di skad du /khyod sems can 'jigs shing skrag pa ji snyed yod pa gang dag gi skyabs su gyur pa de'i tshe nga dran par gyis shig /'on tang bdag gis kyang grogs bgyi'o zhes smras nas/ de'i tshe bud med kyis der sangs rgyas nyid du smon lam btab pa| gang gi tshe lha mo dri ma med pa'i 'od kyis sangs rgyas bcom ldan 'das las sngon skyes pa'i rgyud thos pa de'i tshe smon lam chen po btab nas 'di skad ces smras so/ de ltar byang chub sems dpa' de dag thams cad sangs rgyas par gyur la/ bdag ni da dung du bud med kyi gzugs su snang ba ni bdag shin tu ngo tsha mod kyi/ 'on kyang </font><hr>374a<br><font size=+1>


@#/ /bcom ldan 'das kyis las chen po/ ji skad du/ bka' stsal pa ni gzhan du mi 'gyur te/ bdag gis bud med du skye ba ma blangs na/ bcom ldan 'das kyis bka' stsal pa'i las de dag kyang ji ltar byed par 'gyur/ de bas na 'dod chags dang / zhe sdang dang / gti mug dang ldan pa'i bud med gzhan dag ji lta ba bzhin du der bdag bud med kyi gzugs su snang bar byas la/ gang gi tshe bdag gi sangs rgyas kyi 'phrin las thams cad dang / smon lam rnams dran par 'gyur ba de'i dus la bab pa na gzhon nu 'di dang lhan cig tu li yul du skye ba blangs te/ bcom ldan 'das kyis ji skad bka' stsal pa de bzhin du gyur cig / gang gi tshe li yul du gnod pa byung bar gyur pa na der bdag cag sgrol ba por gyur cig /de nas thams cad mi mjed kyi 'jig rten gyi khams 'dir 'ongs nas lha dang / mi'i nang du bud med kyi skye ba len pa na bdag gang du song yang rung ste thams cad du tshe rabs dran par gyur cig /gang gi tshe sangs rgyas kyis bka' stsal pa 'di byas te| 'chi ba'i dus byas nas kyang gang na bud med kyi ming yang med pa'i 'jig rten gyi khams bde ba can du skye bar gyur cig/ der yang ring por mi thogs par phyir 'dir </font><hr>374b<br><font size=+1>


'ongs nas 'gro ba lngar gtogs pa'i sems can sdug bsngal ba rnams yongs su grol bar byed par gyur cig/ gang gi che byams pa 'dir gshegs pa'i tshe yang byang chub sems dpa' nam mkha'i tshig ji lta ba bzhin du tshul bzhin du blta ba'i phyir 'gro bar gyur cig /tshe rabs thams cad du sems can ji snyed kyis bdag dang lhan cig tu bsod nams bgyis pa'am/ bgyid par 'gyur ba'am/ yang na mthong ba'am/ ming thos kyang rung ste/ de dag thams cad bdag gis yongs su grol bar byed par gyur cig ces smon lam btab bo/ /gang gi tshe lha mo dri ma med pa'i 'od kyis de skad smras pa de'i tshe bcom ldan 'das kyis 'di skad ces bka' stsal to/ /sngon gyi tshe bram ze rgya mtsho'i rdul zhes bya bar gyur pa gang yin pa de ni/ bcom ldan 'das shAkya thub pa nga yin no/ /gang gis bud med de sangs rgyas bcom ldan 'das bstan pa'i bram ze rgad por gyur pa gang yin pa de ni byang chub sems dpa' 'phags pa spyan ras gzigs dbang phyug 'di yin no/ /bud med nad par gyur pa gang yin pa de ni rgyal po ma skyes dgra'i bu mo lha mo dri ma med pa'i 'od 'di yin no/ /de'i bu khye'ur gyur pa gang yin pa de ni gzhon nu rdo rje sde 'di yin no/ /phyir 'byung ba gang yin pa de dag kyang bshad par bya ste/ skar rdo rnams </font><hr>375a<br><font size=+1>


@#/ /dang / gser gyi rigs kyi nang na ni/ thog ma kho nar dge bsnyen ma hu sha las zug ste/ mi'i rgyud chags par gyur nas/ dge bsnyen ma hu sha gser gyi rigs kyi yul de na gnas par gyur to/ /dge bsnyen ma hu sha de ni lha'i rigs yin te/ lha rnams kyi nang nas lha mo zhig la skyon byung bar gyur nas/ de chad pas gcad de gser gyi ri la btang ngo / /dmod pa'ang bor te khyod der mi la za ba'i srin mor gyur cig ces byas so/ /de nas tshong pa mang po gser 'dod pa'i phyir gser gyi rigs kyi ri der song pa gang yin pa rnams la bsten te/ srin mo der tshong pa de dag dang lhan cig tu 'dod pa'i bde ba nyams su myong ngo / /gang gi tshe dus gzhan zhig na mgron po gzhan dag der lhags par gyur pa na sngar 'ongs pa gang dag dang lhan cig tu 'dod pa'i bde ba nyams su myong bar gyur pa de dag ni zos so/ /lhas dmod pa bor ba'i srin mo de'ang srin mo gzhan gang dag dang mgron du mgron pa de dag dang 'dod pa'i bde ba nyams su myong ba lnga brgya po dag dang grogs mor gyur to/ /de na byang chub sems dpa' 'og pag can zhes bya ba zhig ded dpon du gyur to/ /gang gi tshe lha rnams kyis de nyes pa las tshangs par byed pa de'i dus la bab pa na de'i tshe de las </font><hr>375b<br><font size=+1>


bu mo zhig btsas te hu sha zhes bya bar ming btags so/ /hu sha de'ang sngon de bzhin gshegs pa pad+ma'i 'dab ma dri ma med pa'i rgyu skar gyi rgyal po mngon par shes pa'i me tog kun tu rgyas pa'i sangs rgyas kyi zhing na gnas pa las/ 'di skad du/ sngon lha las gyur pa'i srin mo 'di ni tshe rabs mang por bdag gi mar gyur pa yin na/ da ltar byang chub sems dpa' 'og pag can bza' bar chas kyi/ bdag 'di'i bu mor gyur la de'i sdig pa'i las dgag par bya'o zhes snying rje rje skad du zlos par byed do/ /de'i tshe mgron pa gzhan dag der lhags so/ /de nas 'og pag can 'khor dang bcas pa'i sgo rnams bcad nas/ bza' bar chas so/ /gsar du lhags pa rnams dang ni 'dus so/ /de nas 'og pag can de dang / srin mor 'dus par gyur pa hu sha zhes bya ba bu mo chung du des pha 'og pag can la 'di skad du/ pha jo bo/ ci nas bdag cag srin mo 'di dag gis ma zos par bros te bzhud do zhes smras so/ /de'i tshe 'og pag can de rang gi bu mo des thar par byas so/ /'og pag can gyis kyang mgron po lnga brgya po thams cad thar bar byas te kun tu lhan cig tu bros so/ /de'i tshe srin mo de der song nas 'og pag can de ma rnyed nas/ der gsar du lhags pa'i mgron pa gang yin pa de dag bor te/ </font><hr>376a<br><font size=+1>


@#/ /'og pag can la sogs pa mgron pa rnams tshol ba'i phyir rgyug go /de sngon lha'i 'jig rten na gnas pa'i tshe phyi la phyin pas de'i phyir chad pas bcad de/ lha rnams kyi rna ba bcad nas gser gyi rigs kyi ri la bzhag ste/ de la lha rnams kyis/ 'di skad du/ dmod pa bor te/ gang gis khyod la/ 'di skad du/ khyod kyi rna ba sus bcad ces the tshom 'dri bar 'gyur ro/ /des khyod dmod pa las thar bar gyur te/ phyir lha'i 'jig rten du song nas sngon bzhin du lhar 'gyur ro zhes byas so/ / de nas de'i tshe lha'i 'jig rten du phyir 'gro ba'i dus la bab ste/ de mgron po mang po dag tshol ba'i phyir rgyug pa na/ zhab ma ring po bgos pa bsnyil nas de sngon ri dwags kyi spu las gos byas pa gang yin pa gyon te/ skra spyi bor bcings nas/ gang gi tshe tshong pa bros pa de dag gi phyi bzhin du 'ongs pa de'i tshe/ ded dpon 'og pag can de dang / tshong pa lnga brgya po de dag bzung nas zhab ma'i nang du brubs te phrag pa la bkal lo/ /de'i tshe 'og pag can gyis bgad pa dang / srin mo des dris pa/ mi'i bu/ khyod ci'i phyir dgod/ ji ste drang por ma smras na khyod kyi khrag sa la pho ste btang ngo / /de nas ded dpon 'og pag can gyis de la/ 'di skad du/ 'di ltar mthu che ba khyod </font><hr>376b<br><font size=+1>


kyi rna ba mi sus ji ltar bcad ces smras pa na/ de'i tshe des mgron pa de dag btang nas bar snang la gnas te/ 'di skad du/ yul 'di'i ming ni rna ba'i phyir gser gyi rigs zhes bya bar 'gyur ro zhes smras nas/ rna ba sngam kho na bzhin du byung bar gyur te/ lha'i 'jig rten du song nas phyir lhar gyur to/ /ded dpon 'og pag can de'ang mgron pa de dag dang lhan cig phyir gser gyi rigs kyi ri la log ste/ de na bu mo de gso zhing 'dug go /srin mo de dag thams cad kyang sbrum par gyur te/ de dag gi nang na gang dang lhan cig tu 'dod pa'i dga' ba nyams su myong nas de'i 'og tu sems can de nyid mi gsod pa ni 'ga' yang med do/ /de nas srin mo de dag thams cad ngo tsha bar gyur nas bu de rnams gsos te/ hu shAng lha bzhin du mchod pa'i gnas su byas so/ /der de ngag gi bu gzhon nu thog mar btsas pa de ni hu sha'i khyim thab tu gyur te/ de phyin tshad gser gyi rigs kyi mi'i rgyud byung bar gyur to/ /mgron po de dag gi bu byung ngo cog dang lhan cig tu 'dod pa'i dga' ba byas kyang de dag thams cad mgu bar byed ma nus te/ de ltar ngas de'i tshe 'dod pa'i bde ba dam bcas pa las thams cad mgu bar byed ma nus pas de'i las kyis rtag tu bud med du skye bar gyur to/ /hu sha las bu gcig byung nas </font><hr>377a<br><font size=+1>


@#/ /dge bsnyen ma hu shar gyur te/ hu sha de'i bur gyur pa gang yin pa de der rgyal por gyur te/ de phyin chad mi'i rgyud chags par gyur nas/ dge bsnyen ma hu sha gser gyi rigs kyi ri de la lha'i gzhal med khang gi nang na gnas shing lha dang / mi rnams dang / srin mo rnams la chos ston to/ /gang gi tshe hu sha 'chi ba'i dus byed pa na srin mo lnga brgya po gang yin pa de dag dang / lha dang / srin mo de las chos thos pa gang yin pa de dag da ltar gser gyi rigs kyi yul gyi srung mar gyur to| |de'i tshe na dge bsnyen ma hu shar gyur pa gang yin pa de ni da ltar dri ma med pa'i 'od 'di yin no/ /u rgyan gyi rgyal por gyur pa gang yin pa de ni li yul gyi rgyal po thog mar byung ba dang gnyen byed cing bdag nyid dang / yul 'bul bar byed pa gang yin pa skar rdo'i rgyal por gyur pa 'di yin no/ /kas pa ra'i rgyal por gyur pa gang gis bcom ldan 'das kyi spyan sngar bdag ni phar gyur cig ces smras pa gang yin pa de ni skar rdo'i rgyal po dbang phyug go cha zhes bya ba dri ma med pa'i 'od kyi phar 'gyur ro/ /kas pa ra'i rgyal po'i btsun mor gyur bas/ 'di skad du/ bdag ni mar gyur cig ces smras pa gang yin pa 'di ni rgyal po dbang phyug go cha de'i </font><hr>377b<br><font size=+1>


btsun mo dam par 'gyur ro/ /lha mo de'i ming por gyur pa gang gis bdag ni sdug pa'i ming por gyur te/ gang gi phyir skyo ba chen po thob nas skyo ba de la mi gtsang ba'i ting nge 'dzin thob par gyur cig ces smon lam 'debs pa gang yin pa 'di ni ming por 'gyur ro/ /nu mo tha chung du gyur pa gang gis/ 'di skad du/ gang gi tshe/ mya ngan gyi 'chi bar 'gyur ba de'i tshe khyod dge ba'i bshes gnyen dge slong gi thad du song nas der 'khor ba las grol bar gyur cig ces smon lam 'debs pa gang yin pa 'di ni nu mo tha chung du 'gyur ro/ /rdo rje sde'i nu bo tha chung gang gis li yul gyi phyir de dang lhan cig tu smon lam btab pa gang yin pa 'di ni ming por gyur te/ skar rdo'i rgyal por 'gyur ro| |rgyal po ma skyes dgra'i grong khyer skyong ba gang yin pa 'di ni gser gyi rigs kyi rgyal por 'gyur ro/ /bud med gang gis sbyin pa ni byin la tshul khrims ni ma bsrung ba gang yin pa 'di na rgyal po de'i btsun mor 'gyur ro/ /de nas de'i tshe sangs rgyas bcom ldan 'das kyi sa lha rnams la bka' stsal pa/ gang gi lha mo 'di li yul du dang por skye ba'i dus la bab pa na byang chub sems dpa' byams pa dga' ldan na gnas pa lha dang bcas pas bskul te/ sngon rdo rje sde las gyur pa'i lha gang yin pa </font><hr>378a<br><font size=+1>


@#/ /de dang / sngon dri ma med pa'i 'od las gyur pa'i lha mo gang yin pa de dang / grogs mor gyur pas thob pa gang dang lhan cig tu smon lam btab par gyur pa gang yin pa de la lha de dag gis bskul te/ lha'i skye ba bor la mi'i skye ba longs shig ces thams cad la dran par byed do/ /rgyal po ma skyes dgra'i grong khyer skyong bar gyur pa gang yin pa de dang / grong khyer skyong ba de'i bur gyur pa la'ang lha'i 'jig rten nas lha rnams kyis skul bar byed do/ /pha dang / mar gyur pa gang yin pa dang lhan cig tu smon lam 'debs 'debs pa gang yin pa rnams la'ang de'i tshe lha rnams kyis bskul te/ sangs rgyas kyis bka' stsal pa gang yin pa dang / smon lam btab pa gang yin pa rnams kyi dus ni da bab kyi/ li yul du skye ba longs shig ces dran par byed do/ /de la byang chub sems dpa'i rdo rje sde zhes bya ba'i lha gang yin pa de ni li yul gyi rgyal por 'gyur ro/ /sa thob pa'i rigs kyi bud med gang yin pa de ni tshe rabs lnga'i bar du li yul gyi rgyal mor 'gyur ro/ /li yul du ni tshe rabs drug tu skye ba len te/ rgyal po byang chub sems dpa'i btsun mor 'gyur ro/ /gang gi tshe 'phags skyes po'i phyogs byas pa'i las de'i dus la bab pa na de'i rgyud du gyur pa ji snyed pa rnams sum </font><hr>378b<br><font size=+1>


par 'gyur ro/ /gang gi tshe li yul du thog mar sum pa 'ongs pa de'i tshe lha mo 'di lha'i nang nas shi 'phos nas skar rdo'i rgyal po'i bu mor 'gyur ro/ /gang gi tshe 'a zha dang / sum pa 'ong ba'i dus la bab pa'i tshe lha mo dri ma med pa'i 'od 'dis rgyal po ma skyes dgra'i grong khyer skyong ba khyim thab tu gyur pa 'di khrid nas gser gyi yul du khrid de 'ong bar 'gyur ro/ /de'i tshe der dmag gi dpung de dag 'ongs nas de'i pha skar rdo'i rgyal po de dang / ming po rab gnyis g.yul der 'chi bar 'gyur te/ de'i tshe dri ma med pa'i 'od mya ngan gyis gzir nas mya ngan gyi khang bur zhugs te/ gzhan la dri mi dgos par mi gtsang ba'i ting nge 'dzin thob par 'gyur ro/ /gang gi tshe gdong dmar rnams kyis li yul gyi bran du 'gyur ba'i dus la bab pa na/ rgyal po rnam par rgyal ba'i rtsal de yul der gsod par 'gyur ro/ /de'i bu rgyal po rnam par rgyal ba'i grags pa zhes bya ba zhig 'byung bar 'gyur ro/ /skar rdo'i rgyal po dbang phyug go cha zhes bya ba ni bu dang bcas te/ li'i rgyal po dang lhan cig tu g.yul gyi nang du 'chi bar 'gyur ro/ /de ltar gyi rdo rje sde 'di ni de'i bu rnam par rgyal ba'i go cha zhes bya bar 'gyur te/ skar rdo'i rgyal por 'gyur ro/ /nges kyang lo gcig rgyal srid thob par 'gyur te/ de la rnam </font><hr>379a<br><font size=+1>


@#/ /par rgyal ba'i grags pa ni li yul du 'byung ngo / /rnam par rgyal ba'i go cha ni skar rdo'i 'byung ngo / /gang gi tshe dri ma med pa'i 'od la sangs rgyas bcom ldan 'das rnams kyis 'od zer btang ste/ bzod pa thob par 'gyur ba de'i dus la bab pa de'i tshe dge byed kyi phyogs dang / sdig byed kyi phyogs de dag kyang so sor sder 'cha' bar 'gyur ro/ /de'i tshe dge byed dang / sdig byed gnyis kyi pha sngon chom rkun pa lnga brgya sbyug par byed pa gang yin pa de rgyal por 'gyur te/ blon po chen po ni gnyis 'byung bar 'gyur ro/ /rgyal po'i bu rnam par rgyal ba'i grags pa zhes bya ba ni li yul gyi rgyal por 'gyur ro/ /rnam par rgyal ba'i go cha zhes bya ba ni skar rdo'i rgyal por 'gyur ro/ /gzhon nu de gnyis las dge byed ni blon po chen po gtso bo shos kyis gsos so/ /gcig shos ni sdig byed gyis gsos so/ /gang gi tshe dge byed btsas pa de'i tshe tshong pa lnga brgya 'ongs te/ li yul du skyes nas yul de na dge ba byed do/ /gang gi tshe sdig byed btsas pa na chom rkun lnga brgya sbyugs pa de dag li yul du skyes te sdig pa byed do/ /gang gi tshe gzhon nu sdig byed btsas pa na chom po lnga brgya po de dag rgyal po'i pha'i thad du btang ngo de nas de'i tshe gzhan dag cig la bya ba gang yin </font><hr>379b<br><font size=+1>


ba 'di khyod kyis byos shig ces bsgo nas blon po chen po de'i gtso bo de'i lag pa bcad do/ /cig shos ni bsad do/ /de'ang sngon gang gi che sdig byed kyis dge byed kyi mig phyung ba de'i tshe blon po chen po de dag phan tshun khon byung nas de phyin chad tshe rabs thams cad du gcig gi dgrar gcig gyur to/ /de la blon po chen po gtso bo ni skar rdo'i rgyal bor 'gyur ro/ /gcig shos ni li yul gyi rgyal por 'gyur ro/ /de gnyis kyang phyis phan tshun 'thab par 'gyur ro/ /sdig byed kyi phyogs sngon dge byed kyi mig 'byin pa gang yin pa de dag gis li'i rgyal po gsod par 'gyur te/ gang gi tshe gdong dmar rnams li yul 'dzin par 'gyur ba'i dus la bab pa de'i tshe de gnyis phan tshun 'thab par 'gyur ro/ /de'i tshe lha mo dri ma med pa'i 'od kyi ming po da ltar rdo rje sde zhes bya ba 'di skar rdo'i rgyal po rnam par rgyal ba'i go cha zhes bya bar gyur te/ ming po de'i phyir mya ngan gyis gzir bar 'gyur ro/ /gang gi tshe sangs rgyas kyi 'od zer de'i steng du gnas par 'gyur ba'i dus la bab pa na de'i skar rdo'i rgyal po pham par 'gyur ro/ /ci ste bsod nams dang mi ldan na ni dri gtsang khang dang dge 'dun gyi kun dga' ra ba gshig par bya'o zhes sangs rgyas bcom ldan 'das la smon lam 'debs 'debs </font><hr>380a<br><font size=+1>


@#/ /pa gang yin pa de rnams kyang de dag gi grogs byed par mi 'gyur ro/ /gang gi tshe gdong dmar dag gi grogs byed cing li yul 'dzin par 'gyur la| dge 'dun gyi kun dga' ra ba dang / dri gtsang khang rnams 'jig par byed pa de'i tshe skar rdo'i rgyal po pham par 'gyur ro/ /gang gi tshe ring por mi thogs par gdong dmar rnams 'od ba'i dus la bab pa de'i tshe dri ma med pa'i 'od shin tu mya ngan skye bar 'gyur te/ de'i tshe sangs rgyas bcom ldan 'das de dag dang / li yul gyi srung ma'i lha gang yin pa de dag gis dgongs par 'gyur ro/ /de na dri ma med pa'i 'od gcig pu mya ngan gyi khang bu'i nang na 'dug cing sangs rgyas rnams la gsol ba 'debs so/ /bdud rtsi rnga sgra zhes bya ba'i gzungs sngags kyang brjod nas/ de bzhin gshegs pa 'od dpag med la gsol ba 'debs te/ 'di skad du/ yang na ni ming po dang mjal bar gyur cig /yang na ni 'gum par gyur cig /yang na ni 'khor ba las mthar phyin par gyur cig ces zer ro/ /de nas nang par gyi dus su sangs rgyas bcom ldan 'das de dag gis de'i steng du 'od zer btang ste/ gzungs sngags dang / bzod pa'ang thob par 'gyur ro/ /de'i tshe sangs rgyas rnams dang / lha rnams </font><hr>380b<br><font size=+1>


kyis legs so zhes bya ba byin te/ lha'i bu rnams dril bu'i sgra sgrogs shing rnga bo che dang / rol mo'i sgra rnams sgrogs te/ 'di skad du/ phyir mi ldog pa'i byang chub sems dpa' las chen po byas so zhes zer ro/ /de'i tshe 'di snyam du pha ma la drin du gzo bar byas pas na bdag la mchod pa byed snyam du bdag nyid kyis shes nas las dang po byed par 'gyur te/ sngon gang gi tshe dge byed kyis yid bzhin gyi nor bu rin po che las rin po che'i char phab pa na/ blon po chen po dang / dge byed kyi phyir thog ma smon lam btab pa de'i tshe gzhan dag cig gis/ 'di skad du/ gang gi tshe bdag cag smon lam btab pa de dag thams cad las ldog par ma gyur na/ phyis ci nas bstan pa cung zad kyang 'jig par mi 'gyur bar grogs bgyi'o/ /gzhon nu rnam par rgyal ba'i go cha zhes bya ba skar rdo'i rgyal por 'gyur ba des kyang grogs byed par 'gyur ro/ /sdig byed kyi phyogs gang dag gi blon po chen po dang / dge byed kyi phyir smon lam btab pa'ang phyis ldog par 'gyur ro/ /gang gi tshe bcom ldan 'das kyis tshig de skad ces bka' stsal pa de'i tshe spyan ras gzigs dbang phyug gis 'di skad ces gsol to/ /bdag gis kyang de'i tshe bskul bar bgyi'o/ /de dag thams cad la bdag gis chos </font><hr>381a<br><font size=+1>


@#/ /kyang bshad par bya ste/ ci nas thams cad 'dzin par 'gyur zhing gzhan dag la'ang 'chad par 'gyur ba de ltar bgyi'o/ /bdag gi sring mo 'di'ang bdag dang lhan cig tu byang chub kyi spyad pa lhan cig tu spyod spyod pa lags so/ /de nas de'i tshe lha thams cad langs te/ 'di skad du/ bdag cag kyang der mchi bar 'tshal lo zhes gsol to/ /de'i tshe sangs rgyas bcom ldan 'das kyi steng du lha'i me tog gi char bab bo/ /lha'i sil snyan rnams kyang dkrol lo/ /de nas sangs rgyas bcom ldan 'das kyis 'di skad ces bka' stsal to/ /sangs rgyas bcom ldan 'das de dag gis de'i steng du 'od zer rnams btang ste/ 'od zer de dag las dgos pa'i don ji lta ba bzhin du tshig brjod pa rnams byung ste/ ci nas gzungs sngags kyi tshig thob par 'gyur ba dang / gang gi tshe ming po rnam par rgyal ba'i go cha g.yul las pham pa de'i don gyi phyir gzungs sngags thob par 'gyur ba dang / gzungs sngags de dag thob pas gzhan rnams kyang thob par 'gyur ba dang / gang gis bcom ldan 'das kyis li yul gyi don du bka' stsal ba'i las de dag byed par 'gyur ba'i phyir mya ngan gyi khang bu gang na zhum zhing 'dug pa der sangs rgyas bcom ldan 'das de dag las gzungs sngags </font><hr>381b<br><font size=+1>


thob par 'gyur ro/ /de bzhin gshegs pa dgra bcom pa yang dag par rdzogs pa'i sangs rgyas mi gnas pa'i blo'i rgyal po gnod pa zhi bar mdzad pa la phyag 'tshal lo/ /de bzhin gshegs pa dgra bcom pa yang dag par rdzogs pa'i sangs rgyas shes pa'i blo can rab rib kyi mun pa rab tu zhi bar mdzad pa la phyag 'tshal lo/ /de bzhin gshegs pa dgra bcom pa yang dag par rdzogs pa'i sangs rgyas glang po che'i bdag po la phyag 'tshal lo/ /de bzhin gshegs pa dgra bcom pa yang dag par rdzogs pa'i sangs rgyas rdo rje ltar gcod pa la phyag 'tshal lo/ /de bzhin gshegs pa lha'i rgyal po la phyag 'tshal lo/ /de bzhin gshegs pa mu stegs thams cad las shin tu 'phags pa'i rgyal po la phyag 'tshal lo/ /de bzhin gshegs pa ting nge 'dzin gyi mchog la phyag 'tshal lo/ /de bzhin gshegs pa mtshan gyi rgyal po la phyag 'tshal lo/ /de bzhin gshegs snang bas snang bar mdzad pa la phyag 'tshal lo/ /de bzhin gshegs pa mu stegs thams cad kyi rgyal po la phyag 'tshal lo/ /de bzhin gshegs pa sbyin byed kyi rgyal po la phyag 'tshal lo/ /de bzhin gshegs pa rdo rje ltar 'gro ba yon tan gyi dbang phyug rgyal po la phyag 'tshal lo/ /de bzhin gshegs pa ye shes la 'jug pa la phyag 'tshal </font><hr>382a<br><font size=+1>


@#/ /lo| |de bzhin gshegs pa ta la ltar rab tu brtan pa la phyag 'tshal lo/ /sangs rgyas bcom ldan 'das de dag gi mtshan rnams 'dzin pa gang yin pa de ni sdug bsngal las yongs su thar bar 'gyur ro/ /sngon byas pa'i sdig pa rnams kyang bshags par 'gyur ro/ /tshe 'di la'ang phyug por 'gyur ro// mu ge'i nang du skye bar mi 'gyur ro/ /gnod pa thams cad las yongs su thar bar 'gyur ro/ /tad+ya thA/ tArke/ tArke rke/ te rkA tsakre/ tarka ba hu le/ tarkA tiSh+Thi te swAhA/ gzungs sngags 'di ni phyir mi ldog pa'i 'khor lo zhes bya ste/ su 'di brjod pa ni phyir mi ldog par 'gyur ro/ /sgrub pa'i thabs ni 'di yin te/ kha zas mi za bar g.yeng ba med pa'i sems kyis 'chag bzhin du nyin mtshan du bzlas brjod byas na rnam par rtog pa 'byang bar 'gyur zhing dran pa dang ldan par 'gyur te/ bslab pa'i gzhi 'dzin pas bzlas brjod bya'o/ /tad+ya thA/ o ha ni o ha ni/ mo ha ni/ hu hu re/ hu hu re/ nu ba te/ dzam+b+ha ni/ stam+b+ha ni swAhA/ gzungs sngags 'dis ni skye ba med pa'i bzod pa thob par 'gyur te| zhag gsum gyi bar du bslab pa 'dzin pas g.yeng ba med pa'i sems kyis 'chag bzhin du bzlas brjod byas na tshe 'di la ma grub na'ang tshe phyi ma la nges par </font><hr>382b<br><font size=+1>


'grub par 'gyur ro/ /tad+ya thA/ tsa re tsa re/ yak+She yak+She/ yak+Sha yak+Sha/ nud d+hiSh+Thi te/ kA la pa/ a tiSh+Thi te/ lo ka a d+hi Sh+Thi te/ bud+d+ha a d+hiSh+Thi te swAhA/ satwa a d+hiSh+Tha te swAhA/ gzungs sngags 'dis ni sdig pa thams cad bshags par 'gyur te/ zla ba bdun gyi bar du nyin lan gsum/ mtshan lan gsum bzlas brjod bya'o/ /tad+ya thA/ mai tre/ mai tre/ rag tre rag trai/ mug tre/ mug tre/ k+Sha ye k+Sha ye/ mu ba te/ mai tre/ bud+d+ha a d+hiSh+Thi te swAhA/ gzungs sngags 'dis ni mthun pa'i bzod pa thob par 'gyur ro/ /sgrub pa'i thabs ni 'di yin te/ nang gsum bzlas brjod byas na/ lan gcig kyang stong stong bya'o/ /rtag tu gnyid mi log pa dang / khrus bya ba dang / gtsang ba dang / gos gtsang ma gyon pas zan zos pa'i 'og tu sku gdung dang ldan pa'i mchod rten dang / sangs rgyas kyi sku gzugs kyi spyan sngar g.yeng ba med pa'i sems kyis bzlas brjod byas te/ du ru ka'i 'dug pa bsregs na nad chen po rnams zhi bar 'gyur ro/ /gsang sngags de dag gis mar la lan stong bzlas brjod byas te/ nad pa la blud pa dang / lus la bsku bar bya'o// 'di las sman grags pa ji lta bu'ang rung ba de dag la nad pas nang gsum du nyin gcig bzhin du lan stong stong bzlas brjod bya ste/ sra rtsi pog sreg cing / dri chu dang / dri </font><hr>383a<br><font size=+1>


@#/ /zhim pos bsgos pa'i 'bru mar gyi mar me dang / ro sna gcig dbul bar bya'o/ /gang gi tshe cho ga 'di bzhin du bzlas brjod byas na/ nang tsha bas chen po rnams kyang med par 'gyur te/ tad+ya thA/ shud+d+he bud+d+he/ A ra dze/ A ra dze/ a nu ba de/ sang+ga la be/ me tre bud+d+ha a d+hi Sh+Thi te swAhA/ nang bdun gyi bar du nyin gcig bzhin du lan stong stong bzlas brjod byas te/ sems zhi bar byas na mthun pa'i bzod pa 'thob par 'gyur te/ bslab pa 'dzin pas bzlas brjod bya'o/ /tad+ya thA/ sa sa sa sa/ mi mi mi mi/ gi ra a d+hi Sh+Thi te/ dzam+b+ha ko ti/ a pa ra dzi te/ ka la pa ba ti/ dzam+b+ha ko Ti/ ka kA mi le/ pa na dzi ni bi ti ni/ sa na sa ra/ ki Ti badzra le/ pa lA tai/ ma mu she sa ka lA bai nau dza re/ a yi Sh+Tha ka ka le swA hA/ gzungs sngags 'di ni me gnas zhes bya ste/ 'dis sa thob par 'gyur ro/ /sgrub pa'i thabs ni 'di yin te/ gtsang zhing khrus byas pa dang / gos gsar pa gyon cing bslab pa 'dzin pas/ sku gdung dang ldan pa'i mchod rten nam/ sangs rgyas kyi sku gzugs kyi spyan sngar bzlas brjod byas na rgyal po'i 'jigs pa dang / 'jigs pa gzhan thams cad las thar bar 'gyur te/ kha zas mi za bar lan stong bzlas brjod bya'o/ /de la dri ni 'di yin te/ a ga ru dang / </font><hr>383b<br><font size=+1>


'bug su gtang dang / ga bur dang / shug pa dang / tsan+dan rnams so/ /bdug pa'ang 'di dag las sbyar bar bya ste/ der bdug par bya'o/ /mar me'ang de dag gi phye ma dang sbyar ro/ /yang na de dag gi dris kyang bsnyen bkur bya zhing chu dang sbyar te/ des gtong bar bya'o/ /ro sna gcig kyang der gzhag par bya ste/ des bsgos pa'i chu la bzlas brjod byas pas steng du gtor bar bya'o/ /gang gis cho ga 'di bzhin du byas na nyes pa sna tshogs las grol bar 'gyur zhing 'jigs pa thams cad las thar bar 'gyur te/ 'jigs pa de las thar bar ma gyur gyi bar du snga dro zhing lan sum cu gsum gsum bzlas brjod bya'o/ /cho ga 'di bzhin du bzlas brjod byas pa gang yin pa de ni 'jigs pa'am/ gnod pa gang las kyang grol bar mi 'gyur ba med do/ /ci ste bsgrubs na las gang brtsams kyang rung ste mi 'grub pa med do/ /gang zhig sgrub pa'am/ yang na skud pa 'dogs sam/ yang na bris te 'chang na gnod pa thams cad las thar bar 'gyur te/ mi bsod nams dang ldan pa zhig ni tshe 'di nyid la 'thob par 'gyur ro/ /ji ste des thob par ma gyur na'ang tshe phyi ma la gdon mi za bar 'thob par 'gyur ro/ /tad+ya thA/ ka pi li/ ka pi li/ pin Te b+hU na dza ra stu/ mi la ta la mi la ta la/ ad dwa re swA hA/ gzungs </font><hr>384a<br><font size=+1>


@#/ /sngags 'di bzlas brjod byed pa gang yin pa des ni sems can thams cad la byams par bya'o/ /sgrub pa'i thabs ni 'di yin te/ khrus legs par byas shing gos gtsang ma bgos pa kha zas mi bza' bar/ sku gdung dang ldan pa'i mchod rten nam/ sangs rgyas kyi sku gzungs kyi spyan sngar lan sum stong bzlas brjod bya'o/ /'di la bdug pa ni 'di yin te/ 'bug sug hang dang / ga pur dang / du ru ka dang / kA la nu sa ri dang / sha'i le ya ka rnams kyis bdug ste/ gang gis cho ga de bzhin du bzlas brjod byas pa la ni khro zhing sdang ba thams cad dang bar 'gyur ro/ /tsan+dan dang / gur gum dang / shing mngar dang / kar ko ti dang / shug pa dang / sman 'di rnams gsog pa la gzungs sngags 'di lan sum stong bzlas brjod byas te/ lus la btags na de la byad stems kyis tshugs par mi nus la/ byas zin pa'ang 'jig par 'gyur te/ byams pa'i sems dang ldan pa dang / bslab pa 'dzin pas bzlas brjod bya'o/ /tad+ya thA/ ra re ra rA phu phan Ne le bi li pha ba kA rA mug te mun d+ha re swA hA/ gzungs sngags 'di ni ting nge 'dzin yongs su rdzogs par byed pa ste/ mdzod ji lta bu dang / ting nge 'dzin </font><hr>384b<br><font size=+1>


gyi rnam pa ji lta bu 'dod pa de lta bu 'thob par 'gyur te/ bsam pa thams cad yongs su rdzogs par byed pa yin no/ /sgrub pa'i thabs ni 'di yin te/ gtsang ba dang / khrus byas pa dang / gos gtsang ma gyon pa dang / bslab pa 'dzin pas sku gdung dang ldan pa'i mchod rten nam/ sangs rgyas kyi sku gzugs kyi spyan sngar bzlas brjod bya ste/ phyogs bcu'i sangs rgyas rnams kyi mtshan phyogs re rer lan sum cu rtsa gsum gsum brjod par bya'o/ /phyogs re rer gzungs sngags lan brgya rtsa brgyad bzlas brjod bya'o/ /'di la bdug pa ni 'bug sug hang dang / ga pu ra dang / ka la nu sa ri dang / sha'i le ya ka dang / du ru ka rnams bsreg par bya zhing de dag gis bsgos pa'i mar me sbar bar bya'o/ /sman de dag dang sbyar ba'i chu bzhag ste/ ro sna gcig kyang bzhag nas yid la gang 'dod pa de sangs rgyas rnams la gsol na ji ltar 'dod pa de bzhin du 'gyur ro/ /tad+ya thA/ ti li ga dze shwa ra shA ra/ A ti ba ti ShA ba tA rA ke le Shi ba ta gu le swA hA/ gzungs sngags 'dis lha'i mig 'thob par 'gyur ro/ / mig nad kyang med par 'gyur ro/ /sgrub pa'i thabs ni 'di yin te/ gos gtsang ma bgos la sku gdung dang ldan pa'i mchod rten nam/ sangs rgyas kyi sku gzungs </font><hr>385a<br><font size=+1>


@#/ /kyi spyan sngar lan brgya rtsa brgyad bzlas brjod byas nas/ mig sman 'di'ang sbyor bar bya ste/ gur gum dang / ka ra dkar po sbrang rtsi dang sbyar te mig tu bskus na mig ma rung bar mi 'gyur ro/ /mig nad thams cad kyang med par 'gyur ro/ /bdug pa ni sbyar ba bsreg go /mig sman de la ni lan brgya rtsa brgyad bzlas brjod bya'o/ /nyin gcig bzhin du chu la lan bdun bzlas brjod byas te mig bkru bar bya'o/ /tad+ya thA/ ba rad tse/ bi rad tse/ ku tha le/ mig tre le/ ai lai mai lai/ Tad gA Tad gu le swA hA/ gzungs sngags 'di ni sangs rgyas rjes su dran par bya ba yin no/ /sgrub pa'i thabs ni 'di yin te/ bslab pa 'dzin pa dang / gtsang mas sangs rgyas kyi sku gzugs kyi spyan sngar lan dgu brgya bzlas brjod bya ste/ bdug pa sbyar/ bsreg cing dri zhim pos bsgos pa'i 'bru mar gyi mar me dang / pog phor dang / dri zhim pos bsgos pa'i chu dang / ro sna gcig gzhag par bya ste/ mar la bzlas brjod byas nas mgo bo dang khar bskus na mgo bo'i nad thams cad las thar bar 'gyur ro/ /'thungs na dran pa skye bar 'gyur ro/ /chos slob par 'dod pas mar de 'thungs na dbang po rnon por 'gyur ro/ /gzungs sngags gang bsgrubs kyang rung </font><hr>385b<br><font size=+1>


ste| 'di las smos pa bzhin du yongs su rdzogs par bzlas brjod bya ste/ gzung sngags thams cad dang / sangs rgyas kyi mtshan rnams phyogs bcu'i phyogs re rer lan sum cu rtsa gsum gsum brjod par bya'o/ /gang gi tshe gzungs sngags brjod pa na nyin lan gsum mtshan lan gsum du phyogs bcur tshe dpag med kyi snying po'i gzungs sngags brjod par bya'o/ /sangs rgyas bcom ldan 'das de dag gi mtshan phyogs re rer brjod par bya'o/ /sangs rgyas thams cad kyi snying po zhes bya ba'i gzungs sngags 'di dag ni yid bzhin gyi nor bu rin po che ji ltar chos dang ldan pa'i dam pa ji lta bur 'dod pa bzhin du thams cad thob par byed pa de bzhin du sus brjod pa des/ sangs rgyas nyid kyang 'thob par 'gyur la sdug bsngal thams cad las thar par 'gyur ro/ /des 'di skad du bdag gis gang gi tshe sangs rgyas kyi byang chub thob nas dgrol bar bya'o zhes byas so/ /de'i tshe lha mo dri ma med pa'i 'od kyis/ 'di skad du/ ji ltar bdag gis gzungs sngags 'di dag gis ming po thar par byas pa de bzhin du sems can thams cad kyang gzungs sngags 'di dag gis yongs su thar bar byed par shog cig ces byas so/ /nam zhig na sum pa rnams der 'ong ba dang / gdong dmar gyis yul </font><hr>386a<br><font size=+1>


@#/ /'dzin par 'gyur ba'i dus 'ong bar 'gyur te/ de'ang las 'di lta bu las 'gyur ro/ /gang gi tshe gzhon nu sdig can byung ba na mi rgod byung ba de dag rgyal po'i thad du btang ste/ blon po chen po gtso bo'i khyim du song nas nor rnams khyer ro/ /de nas de'i mdzod sgo na de'i chung ma bud med cig nyal ba de dag sang shor gyis dogs pa'i phyir khrid de bsad do/ /de nas mi rgod de dag bzung nas blon po dag gi lag tu byin no/ /mi rgod de dag gi bu dang / chung ma dang / nor rnams kyang blon po chen po de dag gi mdun du bzhag go /de nas blon po chen po gtso bo de khong dge ba zhig ste/ bdag gi nor nyi tshe'i ngo blangs so/ /de nas blon po chen po gtso bo de'i sring mo mtshan mo mi nyal bar 'chags na 'chags pas der mi rgod 'ongs pa tshor nas/ rgyal po'i gan du khrid pa'ang des mthong ngo / /de nas de dag bu dang / chung ma rnams ni blon po chen po gcig shos kyis khyer ro/ /nor rnams ni rgyal po'i dkor du bsdus nas/ blon po chen po gcig shos kyis bu dang / chung ma khyer ba de'ang rgyal pos ma rmas so/ / de nas blon po chen po gcig shos kyi nu bo dang / bu la mi rgod gtso bo'i chung ma byin nas chen po gcig gis de'i bu dang / chung ma rnams kyang mi rgod de dag gis mtshan mo </font><hr>386b<br><font size=+1>


brkus te rang gi bu dang / chung ma ni phyir ma thob bo/ /de nas de'i tshe de dag gis smon lam btab pa/ gang gi tshe khyod kyis mi'i lus thob par gyur ba de'i tshe/ nged kyis khyed kyi chung ma 'phrog par gyur cig ces byas so/ /mi rgod kyi gtso bo gang gis mdzod kyi sgo nas bud med khrid de song ba des smon lam btab pa/ bdag blon po chen po khyed kyi 'khor du skyes te gang gi tshe khyod las byed pa de'i tshe/ ngas khyod kyi sems dkrug cing gtam ngan chen po sgrogs par gyur cig ces byas so/ /de nas rigs dang ldan pa'i bud med gang gis mi rgod 'ong ba tshor ba de la dris pa/ ngas tshor ro zhes khyod kyis bya ste/ ci bya zhes des smras pa rdzun du smra bar gyur gyis dogs pa dang / de'i sdig pa dag gi lus kyis myong bar 'gyur du dogs pa'i phyir ro zhes byas so/ /de na mi rgod kyi gtso bo des smon lam 'di skad ces btab ste/ dus thams cad du bdag blon po chen po de'i mdza' bo'i tshul du 'dug cing dgar byed par gyur cig ces byas so/ /de la blon po chen po gtso bo de ni skar rdo'i rgyal por 'gyur ro/ /gcig shos ni li yul gyi rgyal por 'gyur ro/ /blon po chen po gcig shos kyi nu bo ni shad ku la zhes bya bar 'gyur ro/ /bur gyur pa de ni bsod nams 'phel zhes bya bar 'gyur ro/ /mi rgod kyi gtso bor gyur pa de ni sa bi te ku la zhes bya bar 'gyur ro/ /blon po </font><hr>387a<br><font size=+1>


@#/ /chen po de'i chung ma gsod gsod pa'i mi de gnyis las gcig ni a kun zhes bya bar 'gyur ro/ /gcig ni tu pa la zhes bya bar 'gyur ro/ /de'i chung ma smon lam 'debs pa gnyis las gcig ni mya ngan dang bral ba zhes bya bar 'gyur ro/ /gcig ni rab sdug ces bya bar 'gyur ro/ /blon po chen po de'i chung ma mdzod kyi sgo na nyal nyal ba de ni pi da ku la'i chung ma las skar rdo'i rgyal pos khyer ba yin no/ /mi rgod rnams kyi mar gyur pa de ni mi rgod 'dzin pa rnams kyi mar gyur te/ de'ang de'i grogs su 'gyur ro/ /rgyal po gsod pa des ni smon lam 'di skad ces btab ste/ ci nas bdag pag mar btang nas khyod la gsod par gyur cig ces byas so/ /de'i phyir na li'i rgyal pos mya ngan med pa'i a kun la byin no/ /skar rdo'i rgyal pos kyang pid ku la'i chung ma khyer bar 'gyur te/ de phyin chad gcig la gcig dgrar 'gyur ro/ / dge byed kyi phyogs gang yin pa de dag ni li yul na dge ba byed par 'gyur ro/ /mi rgod du gyur pa de dag ni li yul du sdig byed par 'gyur ro/ /chung ma 'phrog par byed pa'i mi rgod de dag gis kyang blon po chen po de la 'di skad ces smras te smon lam bdab ba/ /khyod kyis chos bzhin du byas te yus yod bzhin du btang nas rang gi nor nyi </font><hr>387b<br><font size=+1>


tshe'i ngo blangs pas na khyod dge ba ci rtsom yang rung ste/ der bdag cag khyod kyi grogs su gyur cig ces byas so/ /sngon du pa la li'i rgyal ba'i mir gyur pa'i tshe smon lam btab pas na skar rdo'i rgyal po'i grogs su gyur te/ nam de'i dus la bab pa na skar rdo'i rgyal po'i pid ku li'i chung ma khyer bar 'gyur te/ de'i tshe pid ku las gtam ngan chen po bsgrags nas mi de'i bsams pa las na lus 'di ci zhig bya snyam nas de'i tshe skyo ba chen po skye bar 'gyur ro/ /de'i tshe sngon gyi dge ba'i rtsa ba dran par 'gyur te/ 'di ni bud med du skye ba'i tha ma yin te/ sangs rgyas kyi bka' 'di dran par bya'o snyam mo/ /de nas nam 'tsho'i bar du dge bsnyen ma'i bslab pa'i gzhi 'dzin par 'gyur te/ de'i tshe kun tu dga' ba zhes bya ba'i gzungs sngags brjod nas/ der gang gis tshe rabs dran par gyur pa'i ting nge 'dzin dang / bzod pa 'thob par 'gyur ro/ /de nas ring po mi thogs par \?\ dpal \?\ de gdong dmar rnams 'dzin par 'gyur te/ de dag thog 
 li yul du 'gro 'dod pa de'i tshe sangs rgyas bcom ldan 'das 'das de dag dang / li yul gyi srung ma'i lha de dag dang khrul po chen po bzhi dang / gnod sbyin kun tu rgyal dang / 'phrog ma bu dang bcas pa dang / byang chub sems dpa' spyan ras gzigs dbang phyug rnams ka pi la na'i </font><hr>388a<br><font size=+1>


@#/ /mchod rten du thams cad 'ong bar 'gyur te/ der bcom ldan 'das kyi spyan sngar gzungs sngags bshad do/ /de'i tshe der mchod rten de nyid las 'di ltar byang phyogs pa la sogs pa'i dmag 'ong bar 'gyur te/ shin tu mi bzad pa yin no zhes sgra rang 'byung bar 'gyur ro/ /de'i tshe byang chub sems dpa' spyan ras gzigs dbang phyug dang / lha rnams dang / 'phrog ma bu dang bcas pa de dag thams cad mya ngan gyi go bgos nas/ der 'ongs te/ 'di skad du/ gdong dmar rnams kyi dmag 'ongs te| dri gtsang khang dang / mchod rten dang / dge 'dun gyi kun dga' ra ba rnams kyang 'jig par byed kyi/ ci nas yul kun 'jig par mi 'gyur bar grogs gyis shig ces zer ro/ /de nas de'i tshe na dri ma med pa'i 'od kyis 'di skad ces smras so/ /bdag gis bgyi ba gang lags pa de bka' stsol cig dang / yul gyi phyir ci ste bdag gi srog yal du zin kyang de la chags pa med do/ /de nas lha rnams kyis 'di skad ces smras so/ /'di la thabs gcig kho na zhig yod de/ ci nas yul gyi mi thams cad kyis theg pa chen po'i mdo dam pa'i chos pad+ma dkar po'i mdo nyi shu rtsa gcig bris la dam pa'i chos pad+ma dkar po chos kyi rnam grangs kyi srung ma'i lha de dag dang / mdo de las ming smos </font><hr>388b<br><font size=+1>


pa'i srin po dang / srin mo gang yin pa de dag la chos kyi sbyin pa bya ba'i phyir a shwa dam pa'i mchod rten chen po bklag par bya ste/ ro dang ldan pa'i zas rnams kyang gzhag par bya'o// mar me de dag kyang sbyar bar bya'o/ /de nas dri ma med pa'i 'od kyis 'di skad ces smras so/ /bdag gis yul gyi phyir thams cad la 'drir gzhug pa dang / klog tu gzhug par bsgo ba'i mthu de lta bu bdag la med kyi/ yul gyi phyir bdag nyid kyis klog cing ro dang ldan pa'i zas rnams kyang gzhag go /mar me de dag kyang sbyar ro/ /gang gi tshe dri ma med pa'i 'od kyis dam pa'i chos pad+ma dkar po klog pa dang / ro dang ldan pa'i zas rnams gzhag par rtsom pa de'i tshe gdong dmar de dag lo dang po la li yul du 'gro bar rtsom par 'gyur ro// de nas lo gsum pa'i tshe 'gro nus par 'gyur ro/ /de'i tshe sdig byed kyi grogs por gyur pa'i mi rgod lnga brgya po gang yin pa de dag kyang de'i tshe mi rgod kyis 'dzin par 'gyur ro/ / de'i tshe dri ma med pa'i 'od g.yengs par 'gyur te/ dam pa'i chos pad+ma dkar po dag kyang klog par mi byed/ ro dang ldan pa'i zas rnams kyang 'grems par mi byed do/ /de nas gdong dmar rnams rang gi yul nas 'phags te ston zla ra ba la li yul du 'gro bar chas so/ /de'i tshe li'i rgyal po srin mo dri ma med pa'i 'od la mi dga'o/ /du ba la dang / a kun </font><hr>389a<br><font size=+1>


@#/ /gnyis kyang de'i tshe g.yengs par 'gyur te/ klog par mi byed/ ro dang ldan pa'i zas rnams kyang 'grems par mi byed/ mar me'ang sbyar bar mi byed do// de nas lha rnams tsar min d+ha'i yul du g.yul 'gyed de pham par 'gyur ro/ /de'i tshe dri ma med pa'i 'od kyis dgag dbye'i tshes bcu bzhi la gzungs sngags brjod nas der lha rnams kyis yid du mi 'ong ba'i tshig smras pa/ khyod kyis dam pa'i chos pad+ma dkar po'i chos kyi rnam grangs bdag gis nyin gcig bzhin du cho ga bzhin bklag par bya'o zhes gang smras pa de khyod kyis ma bklags pa'i phyir kho bo cag pham par gyur pas sum pa rnams 'dir 'ong bar 'gyur ro zhes zer ro// //dri ma med pa'i 'od kyis zhus pa| bam po bzhi pa ste tha ma/ de nas de'i tshe lha mo dri ma med pa'i 'od kyis bcom ldan 'das la 'di skad ces gsol to/ /bcom ldan 'das/ sngon 'byung ba gang lags pa dang / slad kyis ji ltar 'gyur ba dang / ci nas bdag gis ji ltar dran par 'gyur ba bshad du gsol/ de nas bcom ldan 'das kyis 'di skad ces bka' stsal to/ /ma 'ongs pa'i dus na yul 'dir 'di lta bu 'byung bar 'gyur te/ de la 'di skad ces bya'o/ /li yul gyi rgyal srid sum pas 'dzin par 'gyur te/ de na'ang gang gi tshe rgyal po 'phags </font><hr>389b<br><font size=+1>


skyes pos shAkya'i yul du dmag drangs pa de'i tshe shAkya'i yul gyis rgyal po'i 'khor du gyur pa zhig shAkya dag gi zla la g.yul bkye nas/ de'i phyi bzhin du mi gzhan zhig byung ba des der| 'di skad du/ khyod kyis shAkya thams cad la bslab pa 'dzin du bcug nas/ de dag gi yul du dag byung na'ang 'thab mo ma byas pas na ma 'ongs pa'i dus su gang du khyod kyi sku gdung dang / bstan pa 'byung pa der ngas dge 'dun gyi kun dga' ra ba rnams dang / mchod rten chen po rnams ci nas kyang gzhig par bya'o zhes smon lam btab bo/ /de nas bcom ldan 'das kyis spyan ras gzigs dbang phyug la pos te bka' stsal pa/ nu sdug /gang gi tshe bcom ldan 'das rin chen snying po grong khyer du gshegs pa der 'u bu cag gnyis kyis lhan cig tu sangs rgyas su lung bstan pa thob pa dran pa gyis shig /de nas yang bcom ldan 'das kyis spyan ras gzigs dbang phyug la bka' stsal pa/ nu sdug /li yul der de lta bu 'ong ba'i dus la bab pa na ji ltar yang yul de cung zad kyang 'jig par mi 'gyur ro/ /de nas de'i tshe bcom ldan 'das kyis nor bu bzang la 'di skad ces bka' stsal to/ /byang chub sems dpa' spyan ras gzigs dbang phyug dang / ngas dgongs te/ u rgyan gyi yul der lung ji ltar bsgo ba de bzhin du 'di'ang zungs shig /de nas gang gi tshe bcom ldan </font><hr>390a<br><font size=+1>


@#/ /'das kyis li yul du sum pa 'ongs pa de ltar thugs su chud pa de'i tshe spyan ras gzigs dbang phyug la 'di skad ces bka' stsal to/ /nu sdug/ khyod kyis li yul 'di lta bur 'gyur ba'i dus la bab pa de'i che skabs phye zhig /de nas de'i tshe spyan ras gzigs dbang phyug gi cha lugs kyi gzugs byas nas dge slong zhig la byin te/ des li yul der khyer te 'ong bar 'gyur ro/ /de'i tshe byang chub sems dpa' 'phags pa spyan ras gzigs dbang phyug gis li yul dang / dmag gi dpung 'dzin pa'i lha gang yin pa de dag la skul bar byed do/ /dge slong de'ang phyis gser gyi yul du skye bar 'gyur te/ bsod nams la dga' ba zhes bya bar 'gyur ro/ /gang gi tshe shi 'pho bar 'gyur ba de'i tshe yang sangs rgyas kyi zhing yongs su dag par 'gro bar 'gyur ro/ /gang gi tshe sum pa 'ong bar 'gyur ba de'i tshe dgun zla tha chung tshes bco lnga nya'i nam phyed na de dag gis dri ma med pa'i 'od de la bos te/ 'di lta ste/ kye rab nges/ li yul du dmag 'ongs so/ /rgyal po'ang phyir byung ste/ yul yang shin tu mi bzad pa'i dus la bab po zhes zer ro/ /gnod sbyin ser skyas kyang / 'di skad du/ khyod dang lhan cig tu li yul bsrung ba'i phyir lag tu mnos pa'i lha dang / gnod sbyin gang ji snyed yod pa de </font><hr>390b<br><font size=+1>


dag la ci nas gser gyi yul srung ba dang / ci nas sum pa dag gis gshig pa mi 'gyur ba de lta bur bsgo zhig ces zer ro/ /de dag kyang / 'di skad du /bdag cag gis yid bzhin gyi nor bu rin po che gang gis khyod las byed nus par 'gyur ba dang / ci nas sum pa rnams phyir ldog par 'gyur ba dang / rgyal po'ang phyir rang gi yul du 'ong bar 'gyur ba de lta bu sbyin par bya'o zhes zer ro/ /de'i tshe ci nas sangs rgyas de dag gi chos bshad pa thams cad der yongs su shes par 'gyur ba'i gzungs sngags de'ang byin no/ /tad+ya thA/ u ka se mu ka se/ u ku ru mu ku phu ru swAhA/ tad+ya thA/ ni dzi te bi rdzi te/ b+ha shi te/ d+harma skan d+ha/ a pa ra dzi ta/ in+d+ra brdzi te phuH swAhA/ 'di skad du /gzungs sngags 'di dag zla ba gcig gi bar du phye ma red kyi dus su lan brgya rtsa brgyad brgyad rjod cig dang / ji ltar 'gyur ba bdag gis khyod la bstan par bya ste/ gzungs sngags de dag bstan par bya'o zhes kyang zer ro/ /gang gi tshe rabs nges kyis zla ba gcig gi bar du gzungs sngags bzlas brjod nas de'i dbyid zla ra ba tshes bcu bzhi la lha rnams kyis brjod du bcug pa'i gzungs sngags gang yin pa de brjod na de'i tshe bsam gtan gyi mdun khang gi steng khang du de bzhin gshegs pa shAkya thub pa dang / de bzhin gshegs pa mi 'khrugs pa dang / de bzhin gshegs pa rin po che'i tog dang / de bzhin </font><hr>391a<br><font size=+1>


@#/ /gshegs pa 'od dpag med dang / de bzhin gshegs pa rnga sgra dang / sangs rgyas bcom ldan 'das ji snyed der 'dug par 'gyur ba'i sangs rgyas bcom ldan 'das de dag thams cad thabs gcig tu chos bgro ba mdzad mdzad pa der sangs rgyas bcom ldan 'das chos kyi 'byung gnas zhes bya ba gang+gA'i klung gi bye ma snyed gshegs so/ /lha'i rgyal po sum cu rtsa gnyis kyang der 'ongs te/ dri ma med pa'i 'od las rab nges zhes bya bar 'gyur ba de'i thad du tshes bcu bzhi'i nyin par 'ong bar 'gyur te/ ba lang ba sum pa rnams dpyid zla tha chung la nges par phyir ldog par 'gyur ro/ /de'i tshe gzungs sngags gang gis sum pa rnams phyir ldog par 'gyur ba dang / mu ge'ang 'byung bar mi 'gyur ba dang / de bzhin gshegs pa chos kyis 'byung gnas zhes bya ba de dag gshegs par 'gyur ba'i gzungs sngags de dag kyang byin no/ /de bzhin gshegs pa chos 'dzin la phyag 'tshal lo/ /de bzhin gshegs pa chos dpa' ba'i rigs la phyag 'tshal lo/ /de bzhin gshegs pa chos snang la phyag 'tshal lo/ /de bzhin gshegs pa chos dgyes la phyag 'tshal lo/ /de bzhin gshegs pa chos gnas la phyag 'tshal lo/ /de bzhin gshegs pa chos kyi tog la phyag </font><hr>391b<br><font size=+1>


'tshal lo/ /de bzhin gshegs pa chos kyi gzi brjid la phyag 'tshal lo/ /de bzhin gshegs pa chos dbang la phyag 'tshal lo/ /de bzhin gshegs pa chos brtan la phyag 'tshal lo/ /de bzhin gshegs pa chos brtsegs la phyag 'tshal lo/ /tad+ya thA/ bu bu bu bu/ d+ha rma a d+hi Sh+Thi te phuH/ a a a a/ da ku la a d+hi Sh+Thi te/ ba na dza rai phug tsa rai phuH/ bi bi bi bi phuH/ sa sa sa sa phuH/ kau kau kau kau phuH/ hA hA hA hA phuH swAhA/ gzungs sngags 'di ni sa 'dzin pa zhes bya ste/ bab col la zhugs pa'i sems can gang yin pa des lan brgya rtsa brgyad bzlas brjod byas na de las thar bar 'gyur ro/ /gang gi tshe dmag byung na de'i tshe yang bzlas brjod bya'o/ /de nas de'i tshe sangs rgyas bcom ldan 'das rnams kyis gzhon nu rdo rje sde dang / lha mo rab des zhes bya bar 'gyur ba gang yin pa de'i don gyi phyir der tshes bcu bzhi'i nyin par skar rngo'i rgyal po rnam par rgyal ba'i go cha la dam pa stsol bar mdzad do/ /gang gi tshe der rgya dang / sum pa 'ong bar 'gyur ba de'i tshe de li yul du rgyal srid 'dzin par 'gyur te/ yul gyi phyir blus 'jal bar 'gyur ro/ /dri gtsang khang dang / dge 'dun gyi kun dga' ra ba dang / mchod rten rnams gdong dmar dag gis bsregs pa'ang phyir 'chos par byed do/ /lo du mar mul bde ba dang / lo legs pa </font><hr>392a<br><font size=+1>


@#/ /dang / yid du 'ong bar gnas par 'gyur te/ de'i tshe gzungs 'di'ang stsol bar mdzad do/ /na mo d+harma tsin ta ku la s+ya/ ta thA ga ta s+ya/ ta d+ya thA/ tsa tsa tsa tsa| A A nga A/ ru tsa na gan+d+he/ pa ru ra gan+d+he/ ro d+ha nA tiSh+Thi te ku la a d+hiSh+Thi te swAhA/ gter rnyed par 'dod pa'am/ yang na nor mang po rnyed par 'dod na kha zas mi za bar gzungs sngags 'di lan brgya rtsa brgyad bzlas brjod bya'o/ /sgrub pa'i thabs ni 'di yin te/ zhag bdun gyi bar du bslab pa bzung la sha mi bza' bar 'o thug gam/ 'bras chan bza' bar bya'o/ /zhag bdun pa'i nyin par ni kha zas mi bza' bar nang par khrus byas la gzungs sngags 'di'ang bzlas brjod byas te/ ri'i rtse mor 'phags pa spyan ras gzigs dbang phyug gi mdun du lan stong bzlas brjod bya'o/ /pad+ma stong gi steng du gser gyi pad+ma bdun bzhag ste/ byang chub sems dpa'i mdun du gur gum gyis dkyil 'khor byas la ro dang ldan pa'i zas sna brgyad gur gum gyis bsgos pa dang / gur gum gyis chus bkang ba'i snod bzhi bzhag ste/ der sbyin sreg 'di'ang bya ste/ a ga ru nag po dang / tsan+dan dkar po dang / tsan+dan dmar po dang / tsan+dan ser po rnams kyi yam sreg shing dang / 'bras ma drus pa dang / sha ri ba rnams bsreg par bya'o/ /cho ga ni 'di ltar bya ste/ dkyil </font><hr>392b<br><font size=+1>


'khor dus su rnga yab stong la lan re bzlas brjod bya ste sbyin sreg bya'o/ /a ga ru dang / rgya spos dang / ka li ya ka dang / ga pur dang / shi li ya ka dang / gur gum dang / du ru ka rnams kyi bdug pas kyang der bdug par bya'o/ /de'i tshe gzungs sngags 'di'ang ji ltar rta gnas kyi rig sngags bshad pa'i cho ga rgyas pa bzhin du bzlas brjod bya'o/ /gnas der ri'ang 'dri bar bya'o/ /yang na ri'i steng du bzlas brjod bya'o/ /de nas de'i tshe bcom ldan 'das kyis byang chub sems dpa' spyan ras gzigs dbang phyug la 'di skad ces bka' stsal to| /de'i tshe khyod kyis rab nges de la dran par gyis la cho ga rgyas par 'di'ang shod cig dang / sangs rgyas kyi bka' bzhin du byed pa gang yin pa'i byang chub sems dpa' spyan ras gzigs dbang phyug dang / dbang phyug gi lha dang / ljon pa'i dbang phyug rgyal po dang / snying rje'i dbang phyug dang / spong ba'i 'od kyi dbang phyug dang / dri za'i dbang phyug dang / tshogs kyi dbang phyug dang / 'jig rten dbang phyug dang / 'od kyi dbang phyug dang / rigs kyi dbang phyug dang / chos kyi dbang phyug dang / byang chub sems dpa' de dag der 'ong bar 'gyur ro// gsang sngags 'di'ang bshad de/ rab nges/ gsang sngags 'di brjod cig zer ro/ /sangs rgyas la phyag 'tshal lo/ /chos la phyag 'tshal lo/ /dge 'dun la phyag 'tshal </font><hr>393a<br><font size=+1>


@#/ /lo| |byang chub sems dpa' sems dpa' chen po 'phags pa spyan ras gzigs dbang phyug la phyag 'tshal lo/ /sngon gyi tshe na bsam pa yi/ /gsang sngags rab tu bshad pa 'di/ /sems can rnams la snying brtse'i phyir/ /cho ga 'di ni bshad par bya/ /byang chub sems dpa' sems dpa' chen po 'phags pa spyan ras gzigs dbang phyug snying rje chen po dang ldan pa la phyag 'tshal lo/ /bcing ba thams cad tshar gcod par mdzad pa la phyag 'tshal lo/ /'jigs pa thams cad rab tu zhi bar mdzad pa la phyag 'tshal lo/ /sems can thams cad la byams par sems pa la phyag 'tshal lo/ /sems can thams cad bde byed pa'i/ /rig sngags 'di ni rab tu bshad/ /tad+ya thA/ tsa ra tsa ra Ni/ sa ra sa ra te/ sa ra bi sa ra/ bud+d+ha bud+d+ha/ bo d+ha ya bo d+ha ya/ sarba satwa hi ta/ a nu ka ma bi/ bo d+ha ya bo d+ha ya/ mi te AR+YA ba lo ke te shwa rA ya/ sma ra sma ra sa ma ya na/ sarba satwa nAn/ mai tre tsi da tA nAn/ ya sa sarba satwa nAn/ mor sha ra/ ki ri ki ri ki ri ki /ki ri ki ri ki ri/ ki ki ri ki ri/ tu ru tu ru tu ru tu ru/ bo d+hi ya bo d+ha yA mai tre/ hu ru hu ru/ mu ru mu ru/ shIg+h+ran+na a gats+tsha/ a gats+tsha/ sarba satwa hi ta/ ru ka ma bI sarba sid d+he Shu ma hA ka ru Ni ka /daR+sha yu ru pa na/ sA d+ha ya sA d+ha ya/ bi d+h+ya na de hi/ de hi </font><hr>393b<br><font size=+1>


me bar na/ d+ha nan/ g+ha nan g+ha nan/ su ru mi su ru mi/ mahA su ru me swAhA| na mo AR+YA ba lo ke te shwa rA ya/ bo d+hi satwA ya/ mahA satwA ya/ si da d+h+ya na tu man+t+ra pa da swAhA/ na mo rat+na tra yA ya/ na mo AR+Ya ba lo ke te sha ra ya/ bo d+hi satwA ya/ mahA satwA ya/ tad+ya thA/ d+hu ru d+hu ru/ i si li mi li ni/ hu hu ma ma li ni/ du du be na ma na mA swAhA/ na mo rat+na tra yA ya/ na mo AR+YA ba lo ki te shwa rA ya/ bo d+hi satwa ya/ mahA satwa ya/ tad+ya thA/ mug te bi mug te/ ts+tshe da ni ts+tshe da ni/ bid ts+tshe da ni bid ts+tshe da ni/ nir ma le/ mang+ga l+ye/ su mu/ khe bi mu khai/ 'jigs pa thams cad las rnam par thar bar byed pa/ gnod pa thams cad las rnam par thar bar byed pa ni rgyal po'i 'jigs pa dang / chom rkun gyi 'jigs pa dang / 'chi ba'i 'jigs pa dang / mi mdza' ba'i 'jigs pa dang / dug gi 'jigs pa dang / mtshon gyi 'jigs pa dang / me'i 'jigs pa dang / chu'i 'jigs pa dang / pha rol gyi dmag tshogs kyi 'jigs pa dang / dmag gi nang na 'dug pa dang / chom rkun gyi nang na 'dug pa dang / seng+ge'i nang na 'dug pa dang / stag gi nang na 'dug pa dang / dom gyi nang na 'dug pa dang / gzig gi nang na 'dug pa dang / gcan gzan khro bo'i nang na 'dug pa dang / sprul nag po'i nang na 'dug pa dang / lcags sgrog tu bcug pa dang / shing sgrog tu </font><hr>394a<br><font size=+1>


@#/ /bcug pa dang / ko drar bcug pa dang / sprul po che'i nang na 'dug pa dang / glang po che'i nang na 'dug pa dang / rgya mtsho'i nang na 'dug pa dang / dus kyi zhags pas zin pa dang / sdug bsngal thams cad las thar par 'gyur zhing gnod pa thams cad las thar bar 'gyur ro/ /'phags pa spyan ras gzigs dbang phyug bdag la bsrung du gsol/ bsrung du gsol/ ha te bi ha te/ ha re bi ha re/ sarba bi d+ha na sa ya pra t+yAr+tha ka ma mok+sha Ni bIR+Ya Ni swAhA/ dkon mchog gsum la phyag 'tshal lo| |byang chub sems dpa' sems dpa' chen po 'phags pa spyan ras gzigs dbang phyug snying rje chen po dang ldan pa sems can thams cad la snying brtse ba la phyag 'tshal lo/ /sems can thams cad la byams par sems pa la phyag 'tshal lo/ /sems can thams cad sdug bsngal las rab tu thar bar mdzad pa la phyag 'tshal lo| |bcings pa thams cad gcod par bya mdzad pa la phyag 'tshal lo/ /'jigs pa thams cad rab tu zhi bar mdzad pa la phyag 'tshal lo/ /de la phyag 'tshal nas 'phags pa spyan ras gzigs dbang phyug gi snying po las dang / don thams cad sgrub pa/ nad thams cad las rnam par thar bar byed pa 'di brjod par bya'o/ /tad+ya </font><hr>394b<br><font size=+1>


thA| su ru su ru su ru/ tu ru tu ru/ hi li mi li/ si li si li/ di si li/ dzA le dzA le nai/ u khai mu khe/ puk+ka si gau ri gan+d+ha ri/ Dom+bi ni ma tang gi pug ka se/ d+hu re d+hu re d+hu re d+hu re/ d+harme d+harme/ d+harmi ne/ shAn+te shAn+ta ni mA se mug te/ bi mug tai/ dza ye bi dza ye/ hi li hi li mi ha li mahA li me/ hi li mi li/ su ba ne su ma ne/ su ra se/ a pri ta sA d+ha ni/ na d+he na d+he mu khai/ tsan+d+re tsan+d+re mu khe/ pad+me pad+ma mu khe/ shud+d+ha kan The/ sUR+Ya pra b+he sUR+Ya rash+mI sa tri shi bram she brah+ma swA re in+d+ri/ an+d+ra kra mai/ b+ha ya a ra dze/ a mr-i ta ma hA pra b+he dun+du b+hi swA re/ ma d+hu re swA re/ sarba satwa/ a nu kam b+ha ya/ sA d+ha ya sA d+ha ya/ bud+d+ha ma nu sma rA hI/ d+harma ma nu sma rA hI/ sang+ga ma nu sma rA hI/ bud+d+h+ya bud+d+h+ya/ hr-i da ya ma nu sma ra/ bo d+ha ya bo d+ha ya/ bo d+hi satwa me karma sA d+ha ya/ bar satwA ya swAhA/ kA ru ni kA ya swAhA/ karma me sa d+hA ya swAhA/ na mo AR+YA wa lo ki te shwa rA ya/ sid+d+h+yan du man+t+ra pa daiH swAhA/ gang gi tshe 'di dag lan brgya rtsa brgyad bzlas brjod byas na/ pad+ma'i sbyin sreg byas par 'gyur te/ de'i tshe gsang sngags 'di dag bzlas brjod bya'o/ /na mo rat+na tra yA ya/ na mo AR+YA ba lo ki te shwa rA ya/ bo d+hi satwA ya| mahA satwA ya/ tad+ya thA/ khi ri khi ri/ tsi ri tsi ri/ su ru su ru/ gats+tsha gats+tsha/ ya thA su khan/ AR+YA ba lo ke te shwa rA ya swAhA/ lan gsum brjod par bya'o/ /me tog dang / bdug </font><hr>395a<br><font size=+1>


@#/ /pa la'ang lan gsum bzlas brjod bya ste/ a ga ru'i bdug pa bsregs la 'phags pa spyan ras gzigs dbang phyug la slar gtang bar bya'o/ / 'di'i cho gar bya ba thams cad ni sngar bshad pa'i cho ga rgyas pa'i nang du 'dus so/ /rta gnas kyi rig sngags kyi dkyil 'khor las bzlas brjod ji ltar bya ba bzhin du 'phags pa spyan ras gzigs dbang phyug gi cho ga 'di'ang de bzhin du bzlas brjod bya ste/ cho ga de nyid dang 'dra'o/ /de'i tshe gzungs sngags 'di'ang gser gyi pad+ma'i cho ga mchod pa'i skabs su bshad pa de bzhin du brjod par bya'o/ /de'i tshe mdo 'di'ang gser gyi rigs kyi yul du bskur bar bya'o/ /de'i tshe sangs rgyas bcom ldan 'das de dag gis 'di skad ces gsungs so/ /bcom ldan 'das shAkya thub pa'i phyag mtshan li'i yul 'khor der mi ji snyed skye bar 'gyur ba de dag thams cad ni/ bla na med pa yang dag par rdzogs pa'i byang chub tu nges par gyur pa dang / phyir mi ldog pa sha stag ste/ der rgan po dang / byis pa rnams kyis bsod nams ji snyed byed pa thams cad kyang bla na med pa yang dag par rdzogs pa'i byang chub tu yongs su bsngo bar byed do/ /de la li'i yul 'khor de ci'i phyir yang dang yang du gzhig par 'dod la/ gzhig nus </font><hr>395b<br><font size=+1>


par yang mi 'gyur zhes the tshom 'byung ste/ des na sangs rgyas bcom ldan 'das kyis bla na med pa yang dag par rdzogs pa'i byang chub tu lung bstan pa'i byang chub sems dpa' lnga brgya sangs rgyas kyi bstan pa ji srid gnas kyi bar du rtag tu yul der skye ba len par 'gyur te/ sum brgya ni dge slong dang / dge slong ma'i tshul du gnas so/ / nyis brgya ni dge bsnyen dang / dge bsnyen ma dang / rgyal po'i 'khor dang / skyes pa dang / bud med dang / rgan po dang / byis pa'i tshul du gnas te/ byang chub sems dpa' de dag li yul 'khor der sems can la phan pa dang / bstan pa yongs su bsrung ba'i phyir li yul du gnas so/ /gang gis bcom ldan 'das la theg pa chen po'i mdo sde shes rab kyi pha rol tu phyin pa'i mdo zhu bar byed pa'i gnas brtan rab 'byor 'di ni dge slong brtson 'grus las byung ba de yin par rig par bya'o/ /de'i tshe ci'i phyir li yul de 'jig par mi 'gyur zhe na/ de bzhin gshegs pa shAkya thub pa dang / de bzhin gshegs pa chos kyi 'byung gnas de dag dang / byang chub sems dpa' spyan ras gzigs dbang phyug gis ci nas der bdag cag sum pa rnams kyi mchod rten dang / dri gtsang khang dang / dge 'dun gyi kun dga' ra ba rnams 'jig </font><hr>396a<br><font size=+1>


@#/ /par mi 'gyur bar yul de byin gyis brlabs pa'i phyir ro/ /de bzhin gshegs pa shAkya thub pas ka pi la na'i mchod rten la bzhugs pa'i de bzhin gshegs pa'i dri ma med pa'i dpal tsan+dan gyi snying po dang thabs gcig tu sangs rgyas kyi 'phrin las mdzad do zhes de ltar mkhyen to/ /de'i tshe grong khyer der mir gyur pa dge slong dang / rgyal po'i 'khor dang / gzhan yang / skye bo mang po 'byung ba de dag sum pa rnams kyis sangs rgyas kyi mchod rten dang / dge 'dun gyi kun dga' ra ba rnams gzhig tu 'ong ngo snyam ste shin tu yid mi bde bar 'gyur ro/ /de nas sangs rgyas bcom ldan 'das de dag gis ka pi la na'i mchod rten de'i srung ma'i mir 'gyur ba gang yin pa de dag 'di snyam du bdag cag gis sangs rgyas bcom ldan 'das grong khyer du gshegs par bya'o snyam du sems kyi rtog pa skyes par mdzad do/ /gang gi tshe sangs rgyas bcom ldan 'das grong khyer gyi nang du gshegs pa de'i tshe ka pi la na'i mchod rten du sangs rgyas bcom ldan 'das chos kyi 'byung gnas rnams gshegs par 'gyur te/ lha rnams kyi mya ngan bsal ba'i phyir 'dul bar mdzad do/ /de'i tshe de'i nub mo dri ma med pa'i 'od las rab </font><hr>396b<br><font size=+1>


nges zhes bya bar gyur pa lha rnams du ba'i sgra thos so/ /du ba'i sgra thos nas grong khyer 'dir sdig can gyi mi 'ong slar snyam nas 'jigs shing skrag par gyur te gzungs sngags brjod do| |de nas bcom ldan 'das rnams kyis 'di skad ces gsungs so/ /sangs rgyas bcom ldan 'das chos bzhin du grong khyer du gshegs su gsol cig /de nas bcom ldan 'das mngon sum du bzhugs pa ji lta ba bzhin du grong khyer gyi sgo nas gshegs su gsol bar byed do/ /gang gi tshe sangs rgyas bcom ldan 'das grong khyer du gshegs par gyur pa de na sangs rgyas bcom ldan 'das gang dag gis 'od zer btang ba dang / de dag las tshig de dag 'byung ba de dag gis rab nges de la khyod ma 'ongs pa'i dus na 'jig rten gyi khams bud med du grags pa zhes bya bar sangs rgyas bcom ldan 'das chos rnam par sgrogs pa phyag na rin chen mdzod bsnams zhes bya bar 'gyur ro zhes lung bstan pa thob par 'gyur ro/ /de'i tshe rab nges zhes bya bar gyur pa dang / ka bi la na'i mchod rten gyi drung du sangs rgyas bcom ldan 'das 'od zer gtong ba de dag gser gyi yul gyi dge slong gi dge 'dun rnams dang thabs gcig tu 'ongs par 'gyur te/ ci nas sum pa rnams kyi phran byed pa de las thar bar bya ba'i phyir de sngon gyi ma byin pa len pa </font><hr>397a<br><font size=+1>


@#/ /las grol bar mdzad do/ /de nas gtam de grags par gyur nas sum pa rnams phyir ni ldog par 'gyur ro/ /de nas de'i tshe der rab nges des phyis 'khor du 'gyur ba gang yin pa'i sems can phal po che rnams 'dul bar 'gyur ro/ /de nas sangs rgyas bcom ldan 'das kyis 'di skad ces bka' stsal to/ /khyed rnams/ ma 'ongs pa na ci'i phyir na bdag sum pas li'i yul du dri gtsang khang dang / dge 'dun gyi kun dga' rab rnams gshig par 'gyur snyam du the tshom za bar gyur tam / yang na sum pa 'di dag la ci'i phyir bdag ces bya zhes na/ 'das pa'i dus na rgyal po tshangs pas byin zhes bya ba zhig byung ste/ de'i yul du kun tu rgyu byang chub ces bya ba zhig byung ste/ rgyal po tshangs byin des yul nas bskrad nas rgyal po gzhan zhig gi yul du phyin te/ bdag 'dir phan tshun du rtsa ba dang 'bras bu bza'o snyam ste/ der lo ma'i spyil po zhig byas nas 'dug go /de nas bud med gzhan zhig jo bo'i ba 'tsho zhing 'dug pa des kun tu rgyu de mthong nas sems dang ba thob ste/ nyin gcig bzhin du bdag gi kha zas la longs spyod cig ces kha zas la mgron du gnyer to/ /ba de dag bud med de nyid dbang ba ma yin te/ ngo bo'i yin pas na kun tu rgyu la kha zas byin pa gang yin </font><hr>397b<br><font size=+1>


pa de ni der sbyar bar gyur to/ /bdag mi dbang ba'i 'o ma kun tu rgyu la byin pa gang yin pa de ni ma byin par blang bar gyur to/ /de nas ba lang de dag gi bdag por gyur pa'i mi gang yin pa de ni shAkya'i yul du skye ba blangs te/ des 'di skad du/ ma 'ongs pa'i dus na bcom ldan 'das khyod kyi bstan pa bdag gis gshig par gyur cig ces smon lam btab ste/ de'ang gzhan yin par mi lta yi/ sum pa'i rgyal po gang li yul 'jig par byed pa de yin no/ /kun tu rgyur gyur pa gang yin pa de ni bcom ldan 'das shAkya thub pa nga yin no| |bud med gang gis kun tu rgyu la 'o ma byin pa de ni rigs dang ldan pa'i bud med gang gis sangs rgyas dka' ba spyod pa spyad nas bzhengs pa la thog mar zhal zas 'bul ba 'di yin no/ /de nas de'i tshe sangs rgyas bcom ldan 'das kyis 'di skad ces bka' stsal to/ /nga'i yul der sum pa dang / gdong dmar dag 'ong ba de'i rgyu ni 'di yin te/ rgyal po gzugs can snying po zhes bya ba zhig byung ste/ de'i tshe rgyal po nga'i yul na bud med gzhan zhig la bu zhig yod pa de zhing rmo ba'i phyir phyi rol tu byung ngo / /der mi gzhan zhig gis kyang de'i 'dab tu zhing rmos so/ /de nas bud med de'i bus mi de'i rkyal pa dang / shing gzhong dang / phye dang / zong dag cig brkus te/ phye dang / zong la sogs </font><hr>398a<br><font size=+1>


@#/ /pa brkus pa'i phyir/ ba bdag sum pa dang / gdong dmar rnams li yul du 'ong bar 'gyur ro/ /bud med de'i bu gang gis phye dang / rkyal pa dang / shing gzhong dang / zong khyer ba de ni li'i rgyal por 'gyur ro/ /mi gang gis rkyal pa la sogs pa rdzas phrogs pa de ni de'i tshe gdong dmar gyi rgyal por 'gyur ro/ /ba de dag ni de'i tshe dmag mir 'gyur ro/ /mi de'i mar gyur pa'i bud med de ni de'i tshe li yul gyi rgyal po'i mar 'gyur ro/ /ma byin par len pa byed pa'i mi de'i mas ni phye de blangs te / sangs rgyas kyi nyan thos kyi dge slong grong khyer mdzes zhes bya ba la bsod snyoms su phul te/ dge ba'i rtsa ba des na'ang mir skye ba thob par 'gyur ro/ /mi de ni ma la phye byin pa dang / mas kyang dge slong grong khyer mdzes la phul ba de de'i bsod nams bsags pas ma 'ongs pa'i dus na li yul du dpa' sbyed ces bya bar 'gyur te/ rgyu des na rnam par rgyal ba'i go cha zhes bya bar yang gyur nas rgyal srid thob par gyur te/ skar rdor g.yul 'gyed par 'gyur ro/ /phye sbyin par byed pa de ni rgyu des na mir skye ba thob par 'gyur te/ mi des lam gyi 'gram na 'bras rmos so/ /der mi gang dag gis 'bras chan chud gzan par byas pa de dag ni de'i tshe dge slong du 'gyur te/ des na de dag </font><hr>398b<br><font size=+1>


gis dge 'dun gyi nor yul gyi glud du 'jal bar 'gyur ro/ /der bya sna tshogs kyis 'bras zos pa gang yin pa de dag ni de'i tshe li'i rgyal po'i bran du 'gyur ro/ /de'i tshe bcom ldan 'das kyis 'di skad ces bka' stsal to/ /'di ltar/ li yul du mi rgod mang po 'byung bar 'gyur te/ de dag gis ni gang gi tshe gzhon nu dge byed skyes pa de la phan 'dogs par 'gyur ro/ /gang gi tshe sdig byed skyes pa na de la gnod pa byed par 'gyur te/ de'i tshe mi rgod lnga brgya po de dag rgyal po yab kyi thad du gtong bar 'gyur ro/ /mi rgod de dag kyang li yul der skye ba len par 'gyur te/ dge 'dun gyi nor dang / mchod rten gyi nor chud gzon par byed do/ /mi rgod de dag kyang sngon ma byin par len pa byed byed pa'i phyir yan lag bcang nas bsad pa des na de dag gis kyang li'i rgyal po rnam par rgyal ba'i grags pa gsod par 'gyur ro/ /ma 'ongs pa'i dus su mi rgod de dag 'khor ba las grol bar byed pa'i dge slong zla ba dag pa zhes bya ba zhig kyang 'byung bar 'gyur te/ de'ang byang chub sems dpa' 'jam dpal sngon gyi sangs rgyas rnams kyi yab kyi bya ba byed byed pa 'di yin te/ de bzhin du byang chub sems dpa' 'jam dpal 'di ni ma 'ongs pa'i dus na sangs rgyas bcom ldan 'das rnams 'byung bar 'gyur ba'i bskal </font><hr>399a<br><font size=+1>


@#/ /pa bzang po'i sangs rgyas de dag gi sku gdung yang 'dzin par 'gyur ro/ /gang gi tshe sangs rgyas bcom ldan 'das yongs su mya ngan las 'das pa de'i tshe'ang byang chub sems dpa' 'jam dpal bram ze dro na sa go tra zhes bya ba chos dang ldan pa zhig tu 'gyur ro/ /gang gi tshe rgyal po rnams phan tshun du g.yul 'gyed par chas pa de'i tshe bram ze dro na sa go tras bum pa bzang po blangs nas sku gdung bged par byed do/ /gang gi tshe li yul du byang chub sems dpa' phal po che ma byung ba dang / mchod rten phal po che dang / sangs rgyas kyi sku gzugs dang / dge 'dun gyi kun dga' ra ba mdzes pa dag ma byung ba de'i tshe byang chub sems dpa' 'jam dpal grong khyer du 'byung bar 'gyur te/ rigs dang ldan pa'i bud med du 'gyur ro/ /byang chub sems dpa' 'jam dpal gyi spyod pa ji lta bu zhe na/ tham cad du 'dod dgur sgyur ba'i gzugs can yin te/ byang chub sems dpa'i rang bzhin ji lta ba bzhin du'ang snang / rgyal po ji lta ba bzhin du'ang snang / rgyal mo ji lta ba dang / dge sbyong dang / bram ze'i gzugs ji lta bu dang / 'dod pa'i khams su gtogs pa'i sems can rnams kyi bar du thams cad du 'jug par 'gyur te/ rol mo mkhan rol mo'i gnas la mkhas </font><hr>399b<br><font size=+1>


pa gzugs rnam pa sna tshogs thams cad ston pa bzhin no/ /chags pa'i sems dang ldan pa'i sems can gyi thad du'ang shin tu lhag par ston to/ /ci'i phyir byang chub sems dpa' 'jam dpal bud med kyi gzugs su ston ce na/ gang gi phyir bud med lhag par 'dod pa'i 'dod chags la chags pa'i sems dang ldan pa ni shin tu glen zhing shin tu ser sna che bas na de'i phyir byang chub sems dpa' 'jam dpal lhag par bud med du ston to/ /bud med byang chub kyi spyad pa spyod pa dag kyang yod pas na de'i phyir yang byang chub sems dpa' 'jam dpal de lta bur byed do/ /bud med du skyes nas snying rje chen po thob par 'gyur ba'i dus kyang yod do/ /bud med rnams kyang 'dzem par 'gyur ba dang / 'khor ba'i skyon rtogs par 'gyur ba dang / skyes pa gzhan spong bar 'gyur ba dag kyang yod do/ /gang gi tshe bdag sum pa der 'ongs te/ mchod rten chen po rnams dang / dri gtsang khang mang po dang / dge 'dun gyi kun dga' ra ba bzang po rnams bsreg par 'gyur bar lha mo dri ma med pa'i 'od kyis rtogs pa de'i tshe byang chub sems dpa' spyan ras gzigs dbang phyug gis lha mo de la 'di skad ces smras te/ sring mo sdug pa/ gang gi tshe bcom ldan 'das rin chen snying po grong khyer du gshegs pa de ni nga </font><hr>400a<br><font size=+1>


@#/ /khyod kyi dge ba'i bshes gnyen du gyur te/ der 'u bu cag gnyis kyis byang chub kyi phyir dang / sems can 'jigs shing skrag pa ji snyed yod pa de dag thams cad bdag gis yongs su bskyang bar bya'o zhes smon lam btab pa'i dus de dran par gyis shig /sring mo sdug pa/ ji ltar dri ma med pa'i 'od ces bya bar gyur pa'i tshe| rdo rje sde dang gnyis kyis bcom ldan 'das kyis bka' mnos pa dran par gyis shig /gzungs sngags de dag dang / sangs rgyas kyi mtshan de dag dang / 'od zer gang dag khyod kyis byang chub sems dpa'i spyad pa spyod pa'i tshe 'dir mthong ba de dag sangs rgyas par bshad kyi/ khyod kyis gzung la bris te/ de ming po'i thad du khyer cig /mi mjed kyi 'jig rten gyi khams su sangs rgyas de dag gis 'od zer btang ba'ang / li yul 'di bcom ldan 'das shAkya thub pa'i phyag mtshan yin la bskal pa bzang po'i byang chub sems dpa' de dag sems can rnams la phan pa'i phyir der skye ba len par 'gyur ba'i phyir ro/ /chos kyi rgyal po'i mchod rten de dag la sangs rgyas bcom ldan 'das phal po che de dag gi sku gdung mang po gnas pa de dag lha mo de'i lag tu 'ong bar 'gyur te/ mchod pa'i phyir sems can de dag la bged par byed do/ /yul der lha </font><hr>400b<br><font size=+1>


mo de snying rje skye bar 'gyur te/ ci nas mchod pa'i gnas su 'gyur bar byed do/ /de nas grong khyer gyi nang du khang pa shin tu mdzes par bya ste/ grong khyer de na mi ji snyed gnas pa de dag der ci nas bsod nams byed par 'gyur zhing 'dzin pa dang / mchod pa dang / rtse bar byed par 'gyur ba dang / ci nas spyod pa de la 'jug par 'gyur bar bya'o/ /ci'i phyir sangs rgyas bcom ldan 'das rnams kyis li yul gyi phyir chos yang dag par bgro ba mdzad ce na/ li yul bcom ldan 'das shAkya thub pa'i phyag mtshan yin pa dang / bskal pa bzang po'i sangs rgyas bcom ldan 'das ji snyed pa de dag thams cad kyi phyag mtshan yin pa dang / ri glang mgo dang / go ma sa la gan d+ha'i mchod rten du bskal pa bzang po'i sangs rgyas thams cad 'du bar 'gyur ba dang / li yul byang chub sems dpa'i gnas su 'gyur ba'i phyir ro/ /de nas sangs rgyas bcom ldan 'das kyis byang chub sems dpa' 'phags pa spyan ras gzigs dbang phyug la bka' stsal pa/ gang gi tshe gdong dmar dang rgya 'thab pa'i dus la bab pa de'i tshe nu bo khyod kyis bya ba'i dus la bab bo/ /rab nges kyang sems can la phan pa'i phyir shes bzhin du'ang skye ba len par 'gyur ro/ /sangs rgyas bcom ldan 'das de dag gis 'dir 'od zer btang nas/ bcom ldan 'das shAkya thub pa la </font><hr>401a<br><font size=+1>


@#/ /skyes bskur te/ skyes de dag kyang byang chub sems dpa' spyan ras gzigs dbang phyug gis 'dir khyer te 'ongs nas/ sems can 'jigs shing skrag pa rnams kyi don gyi phyir snying rjes sangs rgyas kyi zhing rnams kyang byung ngo / /gzungs sngags de dag dang / 'od zer de dag kyang li yul gyi don du sangs rgyas kyis bzhes nas de dag gi grogs su 'gyur ro/ /byang chub sems dpa' dag kyang ci nas li yul de 'jig par mi 'gyur bar bya ba'i phyir sangs rgyas kyi zhing sna tshogs nas shi 'phos nas der skye ba len par 'gyur ro/ /gang gi tshe li yul du gnod pa byung na de'i tshe sangs rgyas de dag gi mtshan dang / gzungs sngags de dag dang / 'od zer gyi ming de dag bris te/ grong khyer gyi sgo rnams su bzhag la/ dmag gi nang du'ang bris te/ rgyal mtshan la gdegs so/ /yang na ming de dag 'dzin du gzhug cing bklag pa dang bcang bar bya'o/ /pha rol gyi dmag tshogs dang / mu ge rab tu zhi bar bya ba dang / dge ba'i phyogs 'phel bar bya ba dang / sdig pa 'byang bar bya ba dang / nad las thar bar bya ba rnams la'ang phan par byed pa yin no/ /gang la sdig pa lci ba yod na des zhag nyi shu rtsa gcig gi bar du phyogs bcu'i sangs rgyas rnams la rim gro byas </font><hr>401b<br><font size=+1>


te| sku gdung dang ldan pa'i mchod rten nam/ sangs rgyas kyi sku gzugs kyi spyan sdang dus gsum du bzlas brjod byas na dge ba'i phyogs las gang 'dod pa myur du thob par 'gyur te/ 'od zer de dag kyang de'i steng du gnas par 'gyur ro/ /pha rol gyi dmag tshogs 'ong ba la'ang bzlas brjod bya'o/ /yang na nyin gcig bzhin du lan bdun bdun bklag par bya'o/ /gang sdug bsngal bar gyur pa'am/ nad pa'am/ yang na ji lta bur 'dod kyang rung ste bzlas brjod bya'o/ /yang na bklag par bya'o/ /ci ste mi klog na'ang skud pa la mdud pa bdun bor te lan bdun bdun bzlas brjod byas nas btags na sdug bsngal las thar bar 'gyur ro/ /grong khyer gang gi sgo la btags na grong khyer der dgra 'ong mi nus par 'gyur ro/ /de nas bcom ldan 'das kyis 'di skad ces bka' stsal to/ /gang gi tshe gdong dmar dang / rgya 'thab pa'i dus la bab pa de'i tshe gzhon nu rdo rje sde bcom ldan 'das kyis las su bskos pa de rnam par rgyal ba'i go cha zhes bya bar gyur pa na phrin yig 'di gser gyi rigs kyi yul du khyer la phrin yig 'di gser gyi rigs kyi rgyal po la bstan par bya ste/ mi mang po'i mig sngar ni bstan par mi bya'o/ /yul de'i glung kyang khyer la kha cig ni der bskur bar bya'o/ /kha cig ni skar rdor gzhag par bya'o/ /gang gi </font><hr>402a<br><font size=+1>


@#/ /tshe sangs rgyas bcom ldan 'das kyis/ 'di skad du/ sngon byung ba ni 'di lta bu'o/ /ma 'ongs pa'i dus na ni 'di ltar 'gyur ro zhes bka' stsal pa/ de'i tshe bcom ldan 'das rdo rje'i dkyil 'khor zhes bya ba'i ting nge 'dzin la snyoms par zhugs so/ /zla ba'i tog ces bya ba'i ting nge 'dzin dang / dri ma med pa'i 'od ces bya ba'i ting nge 'dzin dang / mi g.yo ba zhes bya ba'i ting nge 'dzin dang / rnam pa thams cad med pa zhes bya ba'i ting nge 'dzin dang / dga' ba'i dbang bskur ba zhes bya ba'i ting nge 'dzin dang / thams cad kyi rgyan ces bya ba'i ting nge 'dzin dang / dpa' ba'i rgyal mtshan zhes bya ba'i ting nge 'dzin dang / 'od chen po zhes bya ba'i ting nge 'dzin dang / dpa' bar 'gro ba zhes bya ba'i ting nge 'dzin dang / ting nge 'dzin bcu po 'di dag sangs rgyas bcom ldan 'das snyoms par zhugs nas smin mtshams kyi gseb nas snang ba chen po zhes bya ba'i 'od zer byung ngo / /'od zer de las kyang 'od zer bcu byung nas sangs rgyas kyi zhing thams cad du song ngo / /song nas kyang sangs rgyas kyi zhing grangs med par 'phros so/ /sangs rgyas bcom ldan 'das rnams kyi sangs rgyas kyi zhing ji snyed yod pa'i zhing de dag thams cad du ji ltar li yul du rdo rje gzhon nu rdo rje sde dang / lha mo dri ma med pa'i 'od kyi </font><hr>402b<br><font size=+1>


phyir sngar bshad pa bzhin du tshig tu brjod pa de dag byung ngo / /de nas de'i tshe sangs rgyas bcom ldan 'das de dag dang / bcom ldan 'das shAkya thub pas dgongs pa mthun par rdo rje'i dkyil 'khor zhes bya ba'i gzungs sngags 'di gsungs so/ /tad+ya thA/ bo d+hi bo d+hi/ sarba a lang kA ra ba ra ga ta/ d+ha rma tsakra ba ra ga ta/ ma ra sai n+ya pa ra ga ta/ a bI Sha ya ba ra gA tA/ a bid+yA pra t+yA ya/ saM ska ra pra t+yA ya/ nA ma ru pa pra t+yA ya/ b+ha ba pra t+yA ya/ ni rud d+ha pra t+yA ya/ ta thA ga ta/ ma ra Na ha ra/ bud d+h+ya sad t+ye na/ de ba sad t+ye na/ nA ga sad t+ye na/ rA k+Sha sa sad t+ye na/ a su ra sad t+ye na/ sarba ba ra sad t+ye na/ rdo rje'i dkyil 'khor zhes bya ba'i gzungs sngags 'di ni sangs rgyas thams cad kyis gsungs te/ gang gi tshe lha mo dri ma med pa'i 'od kyis thos pa de'i mod la rdo rje'i dkyil 'khor gyi gzungs sngags rtogs par 'gyur ro/ /gang gi tshe li yul gyi don gyi phyir sangs rgyas rnams kyis chos 'di gsungs pa de'i tshe/ lha mo dri ma med pa'i 'od kyis thal mo sbyar te 'di skad ces gsol to/ /bdag ni sangs rgyas bcom ldan 'das nyid kyis mkhyen pa lags te/ bdag sangs rgyas kyis zhing yongs su dag pa/ rnam par snang mdzad kyi 'od zer gyis so sor brgyan pa'i 'jig rten gyi khams sangs rgyas bcom ldan 'das pad+ma'i 'dab ma </font><hr>403a<br><font size=+1>


@#/ /dri ma med pa'i rgyu skar gyi rgyal po mngon par shes pa'i me tog kun tu rgyas pa'i sangs rgyas kyi zhing nas/ mi mjed kyi 'jig rten gyi khams 'dir ma'i don bgyi ba dang / dam pa'i chos pad+ma dkar po don du gnyer ba dang / de bzhin gshegs pa shAkya thub pa'i drung du smon lam gdab pa'i slad du mchis te/ dge bsnyen ma hu sha zhes bya bar gyur nas bram ze rgya mtsho'i rdul dang mjal ba slan chad lung bstan pa thob ste/ de'i tshe der smon lam btab pas/ gang du khyod sangs rgyas su 'gyur ba'i 'jig rten gyi khams der bdag byang chub kyi spyad pa spyod par gyur cig ces bgyis nas/ 'jig rten gyi khams rnam par snang mdzad kyi 'od zer gyis so sor brgyan pa zhes bgyi ba de bzhin gshegs pa pad+ma'i 'dab ma dri ma med pa rgyu skar gyi rgyal po mngon par shes pa'i me tog kun tu rgyas pa'i sangs rgyas kyi zhing de nas/ mi mjed kyi 'jig rten gyi khams 'dir bcom ldan 'das shAkya thub pa'i thad du mchis nas/ bcom ldan 'das kyis bka' stsal pa/ mi mjed kyi 'jig rten gyi khams kyi mi rnams ni chags shing zhen la sdang zhing nga rgyal gyis khengs pa dang / 'gying ba ste/ de dag gi don du byang chub sems dpa' rnams phan tshun las chen po nyams su len par byed de/ de dag gi </font><hr>403b<br><font size=+1>


sdig pa rnams tshe rabs kun tu sel bar byed do zhes gsungs so/ /de'i tshe bdag gis smon lam btab pa ji lta bu'i tshul dang thabs kyis der gzhan dag ma chi ba de bzhin du bdag kyang mchi bar gyur cig ces bgyis nas/ de'i tshe tshe rabs snga ma la bdag gi mar gyur pa de'i don bgyi ba dang / ci nas ngan song du ma mchi bar bgyi ba'i slad du skye ba blangs so| |sngon gyi mi mjed kyi 'jig rten gyi khams su dge bsnyen ma hu sha zhes bya bar gyur pa dang / gzhon nu nor bzang gis rnam par thar pa bdag la dris pa slan chad bdag gis mi'i nang du mi'i skye ba blangs te/ bdag gis sems can dag dang 'dod chags spyad nas mi gzhan gyis bdag la kho mo'ang glen mar mthong ngo / /sems can rnams yongs su grol ba'i slad du bud med kyi nang du mi bzad pa'i skye ba mang po blangs te/ rgyal mo dang / rgyal po'i bu mo dang / bud med phal dang / smad 'tshong ma dang / sdug phongs pa dang / bud med dbul mo dag tu gyur te/ bud med du skyes pa rnams kyi don bgyid pa dang / bud med rnams yongs su grol bar bgyid do/ /rang gi las kyi dbang gris ji ltar 'dod pa'i 'dod chags spyad kyang sems can de dag mgu bar ma nus te/ tshe rabs du mar mi mjed kyi 'jig rten gyi khams 'dir sems can gyi don gyi </font><hr>404a<br><font size=+1>


@#/ /slad du sdug bsngal mang po nyams su myong ste/ bud med du skye bas shin tu skyo bar gyur na 'on kyang bcom ldan 'das kyis sug las chen por bka' stsal te/ tshe rabs grangs ma mchis par bdag gis sdug bsngal bzod par bgyi 'tshal te/ bcom ldan 'das shAkya thub pa mnyes par bgyi ba dang / sangs rgyas nyid bsgrub pa'i slad du bdag gis smon lam chen po btab pa/ sems can thams cad la phan pa'i slad du tshe rabs gzhan dag tu bdag la sdug bsngal 'byung bar 'gyur ba thams cad bdag gis bzod par bgyi'o/ /yul de srungs shig ces bcom ldan 'das kyis bdag la bka' stsal pa gang lags pa de nad dung mi'ang ma mchis/ yul yang ma byung mod kyi sangs rgyas bcom ldan 'das de dag dang / 'khor der 'dus pa lha dang / klu dang / gnod sbyin dang / lha ma yin dang / nam mkha' lding dang / dri za dang / mi'am ci dang / lto 'phye chen po dang / srin po dang / mi dang / mi ma yin pa thams cad las dam pa blang bar bgyi'o/ /ji srid du bdag tshe rabs de dag tu skye ba na bdag la 'dod chags dang / zhe sdang gi gzhir mthong na'ang bdag la sdig par ma gyur cig /ci rigs par skye ba'i dus 'tshal bar gyur la 'di lta bu yongs su </font><hr>404b<br><font size=+1>


'dzin par gyur cig /gang gi tshe li yul thog mar byung ba'i dus la bab pa na/ de'i tshe yul bgyid pa'i slad du der bdag thog mar rgyal por gyur cig /li yul du nam rgyal po de dag gi ming chags shing rgyal rabs thog mar byung ba na tshe rabs bdun du rgyal po byed par gyur cig /grong khyer dngar ldan zhes bgyi ba'ang bgyi'o/ /bal po se'u tshal du ni sangs rgyas kyi mchod rten chen po bgyi'o/ /yul rta mjug tu ni chos dang ldan pa'i rgyal po'i mchod rten bgyi'o/ /'gum ti rar ni dge 'dun gyi kun dga' ra ba chen po bgyi'o/ / rtsa rma pa nar yang dge 'dun gyi kun dga' ra ba chen po bgyi'o/ /pa ya di kar ni dri gtsang khang chen po dang / mchod rten chen po bgyi ste/ ji srid du bdag rgyal srid la gnas pa de srid du las chen po dag bgyi'o/ /gang gi tshe rgyal po shi 'phos par gyur na'ang byang chub sems dpa' byams pa gang na bzhugs pa'i lha'i nang du skye bar gyur te/ bdag de na mchis pa'i ting nge 'dzin rnams dran par gyur cig /de nas slar yang li yul 'dir skye ba len cing ji ltar bcom ldan 'das kyis bka' stsal pa bzhin du bud med kyi gzugs su gyur te/ yang skar rdo'i rgyal po'i bu mo rab nges zhes bya bar gyur nas/ sangs rgyas bcom ldan 'das rnams kyis gzungs sngags ji snyed gsungs pa dang / </font><hr>405a<br><font size=+1>


@#/ /bdag gis rtogs pa gang lags pa'i gzungs sngags de dag thams cad de'i tshe bdag gis dran par gyur cig /mdo sde 'di'ang shin tu dran par gyur te/ ci nas thams cad rgyas par gyur cig /gang gi tshe dmag sde gnyis 'thab par 'gyur ba dang / li yul gyi don gyi phyir las su bya ba yod par gyur pa dang / gang gi tshe gzhon nu rdo rje sde skar rdo'i rgyal po rnam par rgyal ba'i go cha zhes bya bar gyur nas li yul gyi phyir glud 'jal ba'i dus la bab pa de'i tshe bdag rab nges zhes bya bar gyur pas sangs rgyas bcom ldan 'das de dag thams cad dang / 'khor de'i nang du ji snyed 'dus par gyur pa'i lha de dag thams cad grogs su gyur te/ mdo 'di dang / gzungs sngags rnams bshad pa'i gzungs sngags de dag thams cad dang / ting nge 'dzin thams cad bdag gis tshe rabs thams cad du dran par gyur cig ces byas so| |gang gi tshe lha mo dri ma med pa'i 'od kyis tshig de skad ces smras pa de'i tshe/ des ting nge 'dzin rnams thob ste/ ci nas mdo 'di la sus kyang gnod pa byed mi nus par 'gyur ba'i ting nge 'dzin theg pa chen po'i mdo dam pa'i chos pad+ma dkar po'i klong 'khyil ba zhes bya ba thob ste/ de'i tshe sangs rgyas thams cad kyis legs so zhes </font><hr>405b<br><font size=+1>


bya ba byin te 'di skad ces bka' stsal to/ /gang gi tshe khyod las rtsom pa de'i tshe 'od zer de dag steng du gnas par gyur te/ de'i tshe gang gis mdo 'di dran par 'gyur zhing shin tu nyams su len par 'gyur ba'i ting nge 'dzin sangs rgyas yid la byed pa zhes bya ba rtogs par 'gyur ro/ /sangs rgyas bcom ldan 'das rnams kyis rdo rje'i dkyil 'khor zhes bya ba'i gzungs sngags gsungs pa de'i rang bzhin gang gis gzungs sngags rtogs par 'gyur ba dang / ting nge 'dzin sbyong ba dang / sngon sangs rgyas bcom ldan 'das rnams las chos thos pa de dag thams cad kyang dran par byed do/ /lha mo dri ma med pa'i 'od des kyang byang chub sems dpa' dag gis ting nge 'dzin dang / gzungs sngags ji ltar rtogs pa de bzhin du rtogs par byed do/ /rnam par rgyal ba'i go cha zhes bya bas kyang rgyal srid thob par 'gyur te/ gzhan gyis bar chad byed mi nus so/ / de dag gi las ni lan bdun bzlas brjod byas la rta gnas kyi rig sngags gang gis sdig pa rnams 'byang bar 'gyur ba'ang brjod par bya ste/ nyin lan gsum mtshan lan gsum brjod na lo bdun gyis rdo rje'i dkyil 'khor gyi gzungs sngags rtogs par 'gyur ro/ /sangs rgyas bcom ldan 'das kyis rdo rje'i dkyil 'khor gyis gzungs </font><hr>406a<br><font size=+1>


@#/ /sngags 'di bshad pa de'i tshe bcom ldan 'das kyi steng du lha rnams kyis lha'i me tog gi char phab ste/ lha'i rol mo'i sgra sgrags nas 'di skad ces smras so/ /bdag cag gis kyang sngon sangs rgyas bcom ldan 'das rnams las thos pa'i gzungs sngags rnams stsal bar bgyi'o/ /na maH sarba a t+yu da ga ta/ badzra maN+Da lo da ta ma s+ya/ ta thA ga ta s+ya/ ka na kA b+ha/ sad t+ya s+ya/ bo d+hi sa twa s+ya/ tad+ya thA/ bud+d+ha sad t+ye na/ da sa pi ri/ de na ha ya ri/ kurtsi ru pra ti pa da ri pa b+ha ba tu/ ci tu ma tu ga la ra ya ka da ma ba tu/ sa pa dza ma sa ra ta swAhA/ gzungs sngags 'di ni lha rnams chad pas gcod pa'i gzungs sngags zhes bya ste/ lan brgya rtsa brgyad bzlas brjod byas la rtswa dUr ba brgya rtsa brgyad spyin sreg byas na gang ci byed kyang rung ste lha rnams kyis gzhigs par mi nus so/ /dkyil 'khor zlum por byas te/ lan brgya rtsa brgyad bzlas brjod byas la mdud pa brgya rtsa brgyad bor nas gang du brjod pa der 'byung pos gnod pa byed mi nus so/ /byad stems byed par yang mi nus so/ /de nas de'i tshe 'khor de dag thams cad kyis gzungs sngags 'di bshad do/ /tad+ya thA/ sarba de ba nan/ sarba baR+Sha nan/ nirdzi ta brdzi te/ skan d+ha na tsa pa na/ nad ta ma na pa na ga sa ra/ da da tsa tsa pa pa/ tsa da mi ma </font><hr>406b<br><font size=+1>


b+ha s+thi ma/ dan Ta ka ra na ha ra/ sa pa ra/ de ba ma ra swAhA/ sa da ba baR+Sha ka ra na swAhA/ 'khor thams cad kyis bshad pa'i gzungs sngags 'di lan brgya rtsa brgyad bzlas brjod bya ste| mdud pa brgya rtsa brgyad byas nas skud pa de bsregs na khyim der byad stems kyis mi tshugs la 'byung po'i nad rnams kyang med par 'gyur ro/ /tad+ya thA/ rA ti thA ka ra/ de ba bar phu dzi dzi ri phu dzi da ti phu swAhA/ gzungs sngags 'di lkog ma na ba la lan bdun bzlas brjod byas nas g.yag rnga la mdud pa bdun por te gdags par bya'o/ /tad+ya thA| sarba bud+d+ha da ma ba Sha ka ra ba ba ra tsa tsa ra sa sa ra swAhA/ gzungs sngags 'di lus la nad byung ba thams cad la lan bdun bzlas brjod byas nas skud pa la mdud pa bdun por te gdags so/ /de nas de'i tshe 'khor de dag thams cad kyis pus mo'i lha nga sa la btsugs te 'di skad ces gsol to/ /gang gi tshe gzhon nu rdo rje sde yul skar rdo nas li yul du mchi ba de'i tshe gzungs sngags gang gis shul du dpa' bo'i las bgyid par 'gyur ba'i gzungs sngags bdag cag gis stsal par 'tshal lo/ /tad+ya thA/ de bu bu de de bi bi sa sa/ ban+d+ha ba ba ra ti ka ra swAhA/ tad+ya thA/ sha ra ka ra bA/ dz+wa da tshe ba ra/ shad tra tra na dzi swAhA/ gzungs sngags 'di 'gron du 'gro ba rnams kyis lan bdun </font><hr>407a<br><font size=+1>


@#/ /bzlas brjod byas te khrus byas la lag par blugs nas lan bdun bzlas brjod byas te/ phyogs bzhir 'thor ram/ bdag nyid kyis 'thungs na de la dgras gnod pa byed par mi nus te/ dpa' bo'i las kyang byed par 'gyur ro/ /de nas de bzhin gshegs pa rdo rje rgyal mtshan gyis 'di skad ces bka' stsal te/ de bzhin du rnam thos kyi bu dang / dbang phyug chen po dang / kun tu rgyal dang / 'phrog ma bu dang bcas pa rnams kyis kyang 'di skad ces smras so/ /bdag cag gis kyang gzhon nu rdo rje sde de la ci nas dgra rnams kyis gnod pa byed mi nus par gzungs sngags 'di dag sbyin no/ /na mo badzra d+h+wa dza s+ya/ ta thA ga ta h+ya/ tad+ya thA/ badzra bi bi bi bi ma ma sa ka su ma te/ ad+d+ha re ad+d+ha re/ ad dz+wa la/ bA da ni swAhA/ na mo ma he shwa ra s+ya/ na mo bi shwa ra ma Na s+ya/ na maH san tsa ya s+ya/ na mo ha ri ta yi ba su pu tra/ ba ri bA rA ya/ tad+ya thA/ sa sa sa sa/ hA hA hA hA/ pri ya pri ya pri ya pri ya/ pud tra pud tra pud tra pud tra/ ba ra dad ta ka ra/ ts+tshan+d+ha mu le bid twe shan kA rA swAhA/ dbang phyug chen po dang / rnam thos kyi bu dang / kun tu rgyal dang / 'phrog ma bu dang bcas pa rnams kyis gzungs sngags 'di bshad pa nas 'di skad ces gsol to/ /ji ltar bcom ldan 'das kyis bdag </font><hr>407b<br><font size=+1>


cag su ga las chen por bskos pa'i gzungs sngags gzhan gyis mi tshugs pa de dag kyang bdag cag gis bshad par 'tshal lo/ /lha mo dri ma med pa'i 'od de dang / gzhon nu rdo rje sde skar rdo'i rgyal po rnam par rgyal ba'i go char 'gyur ba gang lags pa des chad pas bcad par bgyi ba de'ang bdag cag gis bshad par bgyi'o/ /gang gi tshe dgra'am/ su'ang rung ba dag sdig pa'i las rtsom pa na gzungs sngags bshad pa 'di gnyis lan bdun bzlas brjod bya ste/ skud pa sngon po la mdud pa bdun por nas bsregs te sra rtsi pog gi bdug pas bsreg la mi de'i ming nas brjod na gnod pa byed mi nus so/ /bdag cag gis yid dam dang por bcas pa bzhin du ste gzhon nu rdo rje sde dang / lha mo dri ma med pa'i 'od kyis bsam pa yongs su rdzogs par ma bgyis na dus gsum du gshegs pa'i sangs rgyas bcom ldan 'das thams cad kyi sku bslus par gyur cig ces byas so/ /de nas 'khor der ji snyed 'dus pa'i lha dang / klu dang / gnod sbyin dang / lha ma yin dang / nam mkha' lding dang / dri za dang / mi'am ci dang / lto 'phye chen po dang / mi dang / mi ma yin pa de dag thams cad kyis kyang y+'+di skad ces gsol to/ /byang chub sems dpa' rnams kyis ji ltar dam bcas pa bzhin du bdag cag </font><hr>408a<br><font size=+1>


@#/ /thams cad kyis kyang dam bcas te/ de ltar ma bgyis na bdag cag gis dus gsum gyi sangs rgyas bcom ldan 'das thams cad kyi sku bslus par gyur cig /bdag cag thams cad kyis rnam par rgyal ba'i go cha ci nas kyang li yul gyi rgyal por 'gyur bar thams cad sems mthun pas lhan cig tu dbang bskur bar bgyi'o/ /gang gi tshe gdong dmar dang / rgya 'thab par 'gyur ba de'i tshe/ ci nas li yul 'jig par mi 'gyur ba dang / gang gi tshe yul gzhan nas li yul du rab tu byung ba rnams 'ongs pa na der ci nas rim gro med par mi 'gyur ba dang / yul gzhan nas der sems can bros pa de dag der gnas 'thob par 'gyur zhing gdong dmar gyis bsregs pa gang yin pa'i mchod rten chen po de dag dang / dge 'dun gyi kun dga' ra ba dag 'chos ba'i grogs byed par 'gyur bar bya ba'i phyir li yul gyi glus 'jal ba dang / rgya dang / phan tshun du bag ma gtong ba dang len par byed do/ /de nas sangs rgyas bcom ldan 'das kyis de'i tshe lha mo dri ma med pa'i 'od dang / gzhon nu rdo rje sde gnyis la li yul gtad nas/ de'i tshe sangs rgyas bcom ldan 'das kyis gzhon nu rdo rje sde la 'di skad ces bka' stsal to/ /khyod </font><hr>408b<br><font size=+1>


li yul gyi rgyal po byed pa dang / lha mo dri ma med pa'i 'od kyis grogs byed par 'gyur gyi/ mdo 'di las ji skad bshad pa bzhin du khyod kyis thams cad kyis shig /gang gi tshe khyod gser gyi rigs kyi yul du phyir log pa de'i tshe rgya'i dmag li yul du 'ongs so zhis de skad thos pa dang / the tshom ma byed par li yul du song la der po nya btang na der 'ong bar mi 'gyur te/ li yul dang / gu zan gyi yul du 'gro bar 'gyur ro/ /nga la phrin yig ni nga dang gnyen du byos la yul nga la byin cig ces springs shig /de nas de'i tshe khyod ni li yul gyi rgyal por 'gyur ro/ /dbang po'i go cha ni skar rdo'i rgyal po byed par 'gyur te/ de'ang khyod ci nas li yul gyi rgyal por 'gyur ba'i grogs byed par 'gyur ro/ /skar rdo'i yul du gnod pa 'byung ba de'i tshe khyod kyis ji nas kyang gnod pa byed du ma bzhug cig /dbang po'i go cha dang yang thog mar dum par gyis shig /las 'di dag byed pa'i grogs su 'gyur ro/ /skar rdo ba ji snyed yod pa thams cad kyang grogs byed par 'gyur ro/ /a kun zhes bya ba dpa' bo zhig yod de/ de sngon ye shes grags zhes bya bar gyur pa na des dar ma ti ra zhes bya ba'i gtsug lag khang byas so/ /de nas khyod kyis a ku na tshol zhig dang yul gzung ba'i phyir grogs byed par 'gyur ro/ /de ci'i phyir zhe na/ de </font><hr>409a<br><font size=+1>


@#/ /dang khyod sngon smon lam lhan cig tu btab pa'i phyir te/ a kun zhes bya ba'i mi de ni sngon rgyal por gyur te/ mi rgod rnams kyis chung ma brkus te / phyir ma rnyed pa yin no/ /khyod ni rgyal po'i blon po chen po yin te/ dga' byed kyi phar gyur pa yin no/ /de nas de'i tshe sangs rgyas bcom ldan 'das kyis gzhon nu rdo rje sde la 'di skad ces bka' stsal to/ /gzhon nu rdo rje sde/ khyod ni li yul 'khor du rnam par rgyal pa'i go cha zhes bya ba'i rgyal por gyur te/ lo sum cu'i bar du rgyal srid 'dzin par 'gyur la/ dge bsnyen du gyur nas li yul gyi phyir lus yongs su gtong ba'i 'bras bus thob par 'gyur ro/ /de nas de'i tshe bcom ldan 'das kyis lha mo dri ma med pa'i 'od la 'di skad ces bka' stsal to/ /khyod li yul du rab nges zhes bya bar gyur pa'i tshe mdo 'di zungs shig /'di la 'jug par gyis shig /rgyas par gyis shig /skar rdo'i yul du'ang ming po la skur cig dang / khyod kyi steng du 'od zer rnams gnas par 'gyur ro/ /gang gi tshe khyod kyis gzungs sngags rnams rtogs par gyur pa de'i tshe khyed la sangs rgyas bcom ldan 'das nyid gsung bar 'gyur zhing lha rnams kyang ji nas khyod kyis las byed nus par 'gyur ba de lta bu rgyas par smra bar 'gyur ro/ /de nas de'i tshe </font><hr>409b<br><font size=+1>


sangs rgyas bcom ldan 'das kyis byang chub sems dpa' spyan ras gzigs dbang phyug la 'di skad ces bka' stsal to/ /nu sdug /ji ltar bcom ldan 'das rin chen snying po grong khyer du gshegs pa'i tshe 'u du cag gnyis sangs rgyas nyid du lung bstan pa thob nas/ der de skad du phyogs bcu na sems can 'jigs shing skrag pa ji snyed yod pa de dag thams cad bdag gis skyabs byed par gyur cig /de skad ces smon lam btang pa'i dus la de dran par gyis la/ da nga'i li yul 'di dang / lha mo dri ma med pa'i 'od dang / gzhon nu rdo rje sde gtad pa 'di khyod kyis longs shig /de nas bcom ldan 'das kyis byang chub sems dpa' kun tu bzang po dang / 'jam dpal dang / nam mkha'i snying po dang / mthu chen thob dang / sman gyi rgyal po dang / rab sbyin dpa' bo dang / sa'i snying po dang / byams pa dang / byang chub sems dpa' spyan ras gzigs dbang phyug la 'di skad ces bka' stsal to/ /sngon 'di'i phu bo dang / grogs su gyur pa dang / rtag tu 'grogs 'grogs pa ni 'di dag yin te/ sna tshogs kyi lha dang / dbang phyug gi lha dang / ljon shing gi dbang phyug gi rgyal po dang / snying rje'i dbang phyug dang / gzungs kyi dbang phyug dang / spong ba'i dbang phyug dang / 'od kyi dbang phyug dang / dri'i dbang phyug </font><hr>410a<br><font size=+1>


@#/ /dang / tshogs kyi dbang phyug dang / 'jig rten gyi dbang phyug dang / 'od gsal dang / rigs kyi dbang phyug rnams so/ /de nas bcom ldan 'das kyis byang chub sems dpa' kun tu bzang po la sogs pa byang chub sems dpa' de dag thams cad la bos te bka' stsal to/ /rigs kyi bu dag /khyed nga'i theg pa chen po'i mdo 'di dang / gzhon nu rdo rje sde dang / lha mo dri ma med pa'i 'od yongs su zungs shig /de nas gsang ba'i bdag po lag na rdo rje la bos te 'di skad ces bka' stsal to/ / khyod rtag tu nga'i phyi bzhin du 'brang ba yin gyi/ mdo 'di dang / gzhon nu rdo rje sde dang / lha mo dri ma med pa'i 'od khyod la gtad do/ /gnod sbyin dbang po rnam thos kyi bu dang / gnod sbyin kun tu rgyal dang / lha'i bu blo gros bstan pa dang / klu'i rgyal po ma dros pa dang / 'phrog ma bu dang bcas pa dang / lha'i pho brang sum cu rtsa gnyis kyi lha'i rgyal po rnams dang / 'khor der 'dus pa thams cad dang / sangs rgyas bcom ldan 'das 'od zer gtong ba de dag dang / phyogs bcu nas 'dus pa'i byang chub sems dpa' de dag thams cad la mdo 'di dang / li yul dang / gzhon nu rdo rje sde dang / lha mo dri ma med pa'i 'od gtad de/ yongs su gtad pa'i dam pas yongs su gtad do/ /de nas </font><hr>410b<br><font size=+1>


yang de dag thams cad la 'di skad ces bka' stsal to/ /ngas ji skad bshad pa dang / khyod kyis ji ltar dam bcas pa bzhin du grogs gyis la ngas dgongs pa kun thams cad nas thams cad du mthar phyin par gyis la/ ci nas yod par ma 'gyur ba de ltar gyis shig /ngas bskal pa mang por 'khor ba na dka' las shin tu mang po dang ldan pa dag byas pa lta bu ni byang chub sems dpa' gzhan dag gis kyang ma byas so/ /nga'i li yul 'khor der sems can ngas yongs su smin par ma byas pa de gang yin pa de dag phyis li yul 'khor du gnas par gyur te/ nga'i chos kyis yongs su grol bar 'gyur ro/ /de nas bcom ldan 'das kyis bskal pa bzang po'i byang chub sems dpa' rnams la bos te 'di skad ces bka' stsal to/ /khyed thams cad la mdo 'di dang / li yul dang / gzhon nu rdo rje sde dang / lha mo dri ma med pa'i 'od gtad do/ / gang gi tshe sangs rgyas bcom ldan 'das kyis sangs rgyas thams cad dang / byang chub sems dpa' thams cad dang / lha thams cad la mdo 'di dang / li yul dang / gzhon nu rdo rje sde dang / lha mo dri ma med pa'i 'od gtad pa de'i tshe sangs rgyas bcom ldan 'das shAkya thub pa'i steng du lha'i me tog gi char phab bo/ /lha rnams kyis lha'i </font><hr>411a<br><font size=+1>


@#/ /rol mo'i sgra bsgrags so/ /lha'i rgyan gyi char yang phab bo/ /de bzhin du 'khor de dag thams cad kyis kyang bcom ldan 'das la ji ltar 'os pa'i mchod pas bcom ldan 'das la mchod par byas so/ /sangs rgyas bcom ldan 'das de dag gis kyang mi mjed kyi 'jig rten gyi khams 'dir 'od zer shin tu mang po btang ngo / /mi mjed kyi 'jig rten gyi khams 'di na gnas pa'i sems can rnams kyis kyang sangs rgyas bcom ldan 'das de dag 'khor gyi dkyil 'khor dang bcas pa mthong ngo / /de na gnas pa rnams kyis kyang de bzhin gshegs pa shAkya thub pa 'khor gyi dkyil 'khor dang bcas pa dang / mi mjed kyi 'jig rten gyi khams mthong ste/ 'khor thams cad dang / lha dang / mi rnams gcig gis gcig mthong bar gyur to/ /de nas de'i tshe dge slong kun dga' bo stan las langs te thal mo sbyar nas bcom ldan 'das la zhus pa/ bcom ldan 'das/ ma 'ongs pa'i dus na su la mdo 'di klog pa dang / sems pa dang / nyan pa dang / kun chub par bgyid pa dang / 'dri ba dang / 'drir 'jug pa de'i bsod nams kyi phung po ji tsam du 'phel bar 'gyur/ bcom ldan 'das kyis bka' stsal pa/ sangs rgyas kyi </font><hr>411b<br><font size=+1>


zhing brgyad khri bzhi stong gi nang na skye bo ji snyed gnas pa rnams la sbyin pa byin pa pas ni/ su mdo 'di 'chang ba'am/ kha ton du byed pa'am/ klog pa de'i bsod nams kyi phung po ches mang bar 'gyur ro/ /mdor na/ ji ltar 'bras bu gsum pa rtogs pa de'i bsod nams kyi phung po ji snyed 'phel bar 'gyur ro zhes nga smra 'o/ /de nas lha dang klu dang / gnod sbyin dang / lha ma yin dang / nam mkha' lding dang / dri za dang / mi'am ci dang / lto 'phye chen po dang / srin po dang / 'khor de dag thams cad kyis 'di skad ces gsol to/ /bdag cag 'khor 'dir 'dus pa ji snyed mchis pa rnams gang du mdo 'di brjod pa der ma mchis sam/ gzhon nu rdo rje sde dang / lha mo dri ma med pa'i 'od la gzungs sngags ma stsal tam/ dam bcas pa 'di bskyud par gyur na bdag cag gis dus gsum du gshigs pa'i sangs rgyas bcom ldan 'das rnams kyi sku bslus par gyur cig /mtshams ma mchis pa'i las bgyis pa'i sdig pa ji tsam mchis pa bdag cag gis bgyis par gyur cig /de nas 'od zer de dag las tshig tu brjod pa 'di skad ces 'byung ste/ gang na mdo 'di brjod pa der bdag cag 'ong ngo zhes sgra sgrogs par 'gyur ro/ /de nas kun dga' bo dang / 'khor de dag thams cad kyis zhus </font><hr>412a<br><font size=+1>


@#/ /pa| bcom ldan 'das chos kyi rnam grangs 'di'i ming ci lags/ ci ltar gzung bar bgyi/ bka' stsal pa/ mdo 'di'i ming ni chos kyi spyi bo zhes kyang bya/ sangs rgyas thams cad kyi chos kyi snying po zhes kyang bya/ dri ma med pa'i 'od kyis zhus pa zhes kyang bya'o/ /de nas bcom ldan 'das shAkya thub pas 'di skad ces bka' stsal to/ /ngas chos gang bshad pa de dag thams cad ni mdo 'di nyid kyi nang du 'dus so/ /bcom ldan 'das kyis de skad ces bka' stsal nas/ byang chub sems dpa' de dag dang / tshe dang ldan pa kun dga' bo dang / 'khor de dag thams cad dang / lha dang / mi dang / lha ma yin du bcas pa'i 'jig rten yi rangs te| bcom ldan 'das kyis gsungs pa la mngon par bstod do/ /theg pa chen po'i mdo dri ma med pa'i 'od kyis zhus pa zhes bya ba rdzogs so// // </font><hr>

</table>