H164

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H164</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H164&coll=lhasa">see text in Tibetan script</a></table>227b<br><font size=+1>


//rgya gar skad du/ AR+Ya rat+na dzA lI pa ri pr-its+tshA nA ma ma hA yA na sU tra / bod skad du/ 'phags pa rin chen dra ba can gyis zhus pa zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos ba dus gcig na/ bcom ldan 'das yul yangs pa can na spre'u rdzing gi 'gram na/ khang pa brtsags pa'i gnas na dge slong gi dge 'dun chen po dang thabs gcig tu bzhugs te/ byams pa la sogs pa byang chub sems dpa' skye ba gcig gis thogs pa rnams dang / skye ba gnyis kyis thogs pa rnams dang / skye ba gsum gyis thogs pa rnams </font><hr>228a<br><font size=+1>


@#/ /dang| skye ba bzhis thogs pa rnams dang / skye ba lngas thogs pa rnams dang / skye ba bcus thogs pa rnams dang / sum cu dang / bzhi bcu dang / skye ba stong gi bar rnams kyis thogs pa'i byang chub sems dpa' bye ba phrag bzhi bcu rtsa gnyis dang / dgra bcom pa bye ba phrag drug cu dang / lha bye ba phrag dgu bcu rtsa dgu la 'dod pa na spyod pa dang| gzugs na spyod pa'i lha'i bu rnams dang / rgyal po chen po bzhi dang / lha'i dbang po brgya byin dang / mi mjed kyi bdag po tshangs pa dang / lha'i bu shin tu dpal bzang ldan dang / lha'i bu zla ba'i 'od dang / lha'i bu nyi ma'i 'od dang / lha'i bu grags pa'i tog dang / lha'i bu mngon par dga' ba dang / de dag dang / gzhan yang / lha bye ba phrag dgu bcu rtsa dgu dang / klu'i rgyal po ma dros pa dang / klu'i rgyal po rgya mtsho dang / klu'i rgyal po nor rgyas kyi bu dang / gzi can dang / klu'i rgyal po dga' bo dang / nye dga' bo dang / klu'i rgyal po btang zung dang / klu'i rgyal po btang zung chen po dang / lha ma yin gyi dbang po sgra gcan dang / lha ma yin gyi dbang po thams cad kyi 'khor dang yang thabs gcig go /de'i tshe grong khyer chen po yangs pa can na ded dpon seng ge'i bu li tsa bI stobs mtha' yas zhes bya ba zhig gnas so/ /de'i tshe seng ge'i bu stobs mtha' yas de'i bu gzhon nu li tsa bI rin chen dra ba can zhes bya ba sangs rgyas </font><hr>228b<br><font size=+1>


mang po la bsnyen bkur byas pa/ chos kyi tshul snang ba mtha' yas pa'i sgron ma dang ldan pa yang dag par 'dzin pa/ na tshod lo brgyad lon pa 'dra ba zhig gnyid log ste/ de'i rmi lam du rmis pa| lha'i bu yongs su dga' ldan/ dga' ldan gyi gnas nas babs nas tshigs su bcad pa'i dbyangs kyis bskul te mngon par smras pa/ sems can snying po rgyal ba sangs rgyas kyis/ /stong gsum 'jig rten snang ba mdzad nas bzhugs/ /bsod nams brgya bsags gser gyi mdog 'dra ba/ /bdag nyid chen po gzugs kyi ma lus mdzes/ /dkyil 'khor bye ba rab tshang gang yin pa/ /zla ba stong ngam yang na bye ba yi/ /'od zer dag gi dkyil 'khor de snang byed/ /ji ltar gang+gA'i klung gi bye ma rnyed/ /de 'dra'i dkyil 'khor bye bar tshang ba ni/ /shar phyogs dkyil 'khor mchog ni snang byed cing / /de bzhin lho phyogs de bzhin nub phyogs dang / /de bzhin byang phyogs dkyil 'khor mchog snang byed/ /'jig rten mgon po 'od mdzad spu yi khung| |re re nas ni 'od zer gang dag 'byung / /re re nas ni 'od byung de dag gis/ /zla ba'i dkyil 'khor thams cad mog mog mdzad/ /kun gzigs rnams kyis spu khung re re nas/ /'od zer 'byung zhing spu khung re re nas/ /'od zer byung ba rnams kyis gang+gA'i klung / /drug cu rtsa drug bye snyed rab gsal mdzad/ /de nas li tsa bI gzhon nu rin chen dra ba can de'i mtshan mo 'das </font><hr>229a<br><font size=+1>


@#/ /nas| pha stobs mtha' yas la smras pa/ yab/ mdang sum lha'i bu yongs su dga' ldan dga' ldan gyi gnas nas babs nas bdag la tshigs su bcad pa'i dbyangs kyis bskul ba bgyis par gyur to/ /'di lta ste/ de bzhin gshegs pa la mchod pa bgyi ba'i las brtsam pa'i slad du yab la bdag gsol bar bgyid do/ /de nas li tsa bI gzhon nu rin chen dra ba can gyis/ pha stobs mtha' yas la tshigs su bcad de smras pa/ sems can kun gyi ded dpon rdzogs sangs rgyas/ /'jig rten mkhas pa bsam yas bdag nyid che/ /skyob pa de la khyod kyis mchod don mdzod/ /'dren pa de ni 'jig rten 'byung bar dka'/ /ji ltar u dum bA ra'i me tog ni/ /mdog ldan mdzes shing shin tu dri zhim la/ /dri ngad ldan zhing rdul bcom nyon mongs med/ /de 'dra'i me tog mchog ni rnyed par dka'/ /de phyir bdag gi yab la gsol 'debs pa/ /de ni dgyes pa'i thugs kyis bdag la gnang / /gang zhig 'jig rten mgon po 'od mdzad pa/ /don dam gzigs pa la ni mchod par bgyid/ /li tsa bI stobs mtha' yas sems dga' bas/ li tsa bI seng ge zhes bya ba la smras pa/ ded dpon rgyal ba la ni mchod mdzad de/ /bdag gi gzhon nu bstan la gnas par mdzod/ /'dren pa shAkya seng ge mchod pa dang / /gzhon nu mchog </font><hr>229b<br><font size=+1>


gi spro ba bskyed pa'i phyir/ /khyim pa bye ba drug cu brtson par gyur/ /brgya byin lha mig stong dang ldan pa dang / /tshangs pa dang ni dbang phyug dbang sgyur lha/ /bdud kyi bu po ded dpon bzang po dang / /bye ba sa yi lha dang lhan cig tu/ /yangs pa can gyi dga' bar thams cad zhugs/ /gser las byas dang de bzhin dngul gyi khri/ /bye ba khrag ni stong du tshang ba dag /rin chen bdun gyis de dag mdzes byas pa/ /re re yang ni bye ba stong du tshang / /khri yi g.yas dang g.yon du rin po che/ /rin chen sna bdun rgyal mtshan bzang po btsugs/ /khri re'i tshad ni dpag tshad rangs par yod/ /rgyal mtshan dag kyang dpag tshad phyed par mtho/ /rgyal mtshan rnams kyi g.yas dang g.yon du ni/ /de'i drung dpag tshad pas mtho stegs bu dag /rang bzhin gcig ste nor bu rin po che/ /bye ba las byas dpag tshad mtho bar 'phags/ /khri yi bar bar lha yi ba dan yang / /dpag tshad pas kyang ring ba sha stag dpyangs/ /ba dan lda ldi gser gyi dra ba dag /dril bu g.yer ka dag gis mdzes par byas/ /khri rnams kyi ni 'og tu ka ba yang / /bye ba phrag stong bye ba legs par sbyar/ /gang gis 'di ru khri mchog de dag ni/ brtan par byas pa sgo gtan bcug pa bzhin/ /khri yi steng du gser las byas pa dang / /gser lta bu dang dngul dang bai DUR+Ya/ /de bzhin shel dang spug dang rdo snying dang / /de bzhin rtsa ba </font><hr>230a<br><font size=+1>


@#/ /dang ni khog pa nas/ /byung ba min pa'i mu tig gdugs dag byas/ /tsan+dan shin tu dmar pos dmar bar bskus/ /re re dag ni bye ba stong du tshang / /khri rnams dang ni khri tshul lta bu yi/ /mkha' rten dag kyang byas nas de la ni/ /gser gyi dra ba dang ni gser lta bu/ /dngul dang bai DUR+Ya dang de bzhin shel/ /spug dang de bzhin rdo yi snying po yi// mkha' rten so so byas nas de la ni/ /rin chen dril sgra shin tu snyan pa btags/ /rnam 'dren sgra ni rnam par grags pa yi/ /mchod pa'i don du bdug pa rab tu bzhag /yangs pa can gyi steng gi bar snang la/ /gser gyi skud pa las byas bla re bres/ /gser gyi skud pa re re mchog tu bzang / /rin chen chun 'phyang stong phrag bye ba dpyangs/ /mu tig rgyan 'phreng stong phrag bye ba yang / /re re gser las byas pa'i skud pas brgyus/ /yangs pa'i grong khyer gnas pa'i li tsa bI/ /gang dag gang du 'dong ba der nyams dga'/ /de tshe sa ni skyes bu bdun srid g.yogs/ /grong khyer yangs pa kun tu ras yug bkram/ /dra ba can gyis tsan+dan dmar btags nas/ /ras rnams la ni legs par bsku ba byas/ /bye ba stong phrag bdun cu'i sil snyan dag /rnam pa stong rnams g.yas kyi phyogs nas 'khrol/ /g.yon gyi phyogs su'ang bye ba bdun cu stong / /shAkya seng ge mchod pa'i don du brtson/ /de 'dra'i bkod chen byas </font><hr>230b<br><font size=+1>


nas li tsa bI/ /gzhon nu dra ba can gyis de yi tshe/ /dga' ba'i sems kyis pha ma la smras pa/ /sangs rgyas spyan drangs slad du bdag mchi'o/ /grong khyer mchog nas mkhas pa de byung ste| |rgyal bdag chen po ga la bar song nas/ /yon tan rgya mtsho zhabs la mgo bo yis/ /phyag btsal der ni gzhon nu phyogs gcig 'dug /de nas li tsa bI gzhon nu rin chen dra ba can/ yangs pa'i grong khyer chen po nas byung nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag btsal te phyogs gcig tu 'dug go / phyogs gcig tu 'dug nas li tsa bI gzhon nu rin chen dra ba can de la bcom ldan 'das kyis chos dang ldan pa'i gtam gyis yang dag par dga' bar mdzad/ yang dag par 'dzin du 'jug /yang dag par gzengs bstod/ yang dag par rab tu dga' bar mdzad do/ /de nas li tsa bI gzhon nu rin chen dra ba can gyis bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das/ sang dge slong gi dge 'dun dang thabs gcig tu bdag gi sdum par gdugs tshod gsol bar ci gnang / bcom ldan 'das kyis li tsa bI gzhon nu rin chen dra ba can la thugs brtse ba nye bar </font><hr>231a<br><font size=+1>


@#/ /bzung ste/ cang mi gsung bar gyur pas gnang ngo / /de nas li tsa bI gzhon nu rin chen dra ba can bcom ldan 'das kyis cang mi gsung par gyur pas gnang bar rig nas bcom ldan 'das la lan gsum bskor ba byas te/ bcom ldan 'das kyi thad nas song ngo / /de nas li tsa bI gzhon nu rin chen dra ba can lha'i dbang po brgya byin dang / mi mjed kyi bdag po tshangs pa dang / lha'i bu dpal bzang ldan dang lhan cig tu yangs pa'i grong khyer chen por zhugs so/ /spro ba dang / dga' ba'i gzugs rnams kyis zhal zas ro brgya dang ldan pa'i rnam pa sbyor du bcug go /sbyar nas de'i mtshan mo 'das pa dang / gdan bshams shing yangs pa legs par brgyan nas bcom ldan 'das ga la ba der song ste phyin pa dang / bcom ldan 'das kyi zhabs la mgo bos phyag btsal te phyogs gcig tu 'dug go /phyogs gcig tu 'dug nas/ li tsa bI gzhon nu rin chen dra ba can gyis bcom ldan 'das la 'di skad ces gsol to/ /bcom ldan 'das/ gdugs tshod la bab ste/ de'i dus la dbab par mkhyen na gdugs tshod lags te/ dus la bab lags so| |de nas bcom ldan 'das snga dro'i dus kyi tshe smad g.yogs dang / chos gos gsol/ lhung bzed bsnams te dge slong gi dge 'dun dpag tu med pa dang thabs gcig tu steng </font><hr>231b<br><font size=+1>


gi bar snang la mi bdun gyi srid tsam du mngon par 'phags te yangs pa can gyi grong khyer chen por gshegs so/ /bskyod ma thag tu de bzhin gshegs pa'i byin gyi rlabs kyis stong gsum gyi stong chen po'i 'jig rten gyi khams de thams cad rnam pa drug tu 'gul/ rab tu 'gul/ kun tu rab tu 'gul/ g.yos/ rab tu g.yos/ kun du rab tu g.yos/ ldeg /rab tu ldeg |kun tu rab tu ldeg /'ur 'ur/ rab tu 'ur 'ur/ kun tu rab tu 'ur 'ur/ chem chem/ rab tu chem chem/ kun tu rab tu chem chem ste/ ltas bco brgyad dang ldan pa rnam pa drug tu g.yos so/ /gzhan yang / /cho 'phrul bye ba sa ya brgya phrag stong snyed ston cing yangs pa can du gshegs so/ /de'i tshe lha bye ba sa ya brgya phrag stong du ma lha'i me tog ut+pa la dang / pad+ma dang / ku mu da dang / pad+ma dkar po rnams dang / lha'i rin po che las byas pa'i me tog rnams dang / lha'i a ga ru'i phye ma dang / rin po che'i phye ma dang / dzam+bu chu bo'i gser dang / lha'i rin po che'i phye ma rnams kyis bcom ldan 'das la mngon par gtor/ mngon par rab tu gtor to/ /lha'i sil snyan bye ba khrag khrig phrag 'bum mngon par rab tu dkrol to/ / lha'i rgyan dpag tu med pa rnams kyis brgyan to/ /steng gi bar snang la tsan+dan dmar po shing rta'i srog shing tsam gyi char gyi rgyun phab par gyur to/ /de nas bcom ldan 'das la li tsa bI </font><hr>232a<br><font size=+1>


@#/ /gzhon nu rin chen dra ba can gyi gnas ga la ba der gshegs te/ byon nas gdan bshams pa de la bzhugs te/ dge slong gi dge 'dun dang / dge slong ma'i dge 'dun dang dge bsnyen dang / dge bsnyen ma'i 'khor rnams dang thabs gcig go /de nas li tsa bI gzhon nu rin chen dra ba can bcom ldan 'das bzhugs par rig nas rang gi lag nas bca' ba dang / bza' ba dang / myang ba bzang po rab tu mang pos tshim par byed cing gang bzhed pa stobs par byed do/ /de nas li tsa bI gzhon nu rin chen dra ba can bcom ldan 'das kyis zhal zas gsol lags par rig nas lhung bzed blangs te chab phul nas phyag bcabs so/ /bye ba khrag khrig 'bum ri ba'i chos gos gsum gyis bcom ldan 'das la mngon par gsol to/ /dge slong gi dge 'dun dang / dge slong ma'i dge 'dun dang / dge bsnyen dang / dge bsnyen ma'i 'khor rnams la'ang chos gos gsum gyis mngon par g.yogs te/ de ci'i phyir zhe na/ 'di ltar de ni bcom ldan 'das kyis mthus so/ /de nas li tsa bI gzhon nu rin chen dra ba can gyis bcom ldan 'das la 'di skad ces gsol to/ /gal te zhu ba lung bstan pa'i slad du bcom ldan 'das kyis bdag la skabs phye na/ bcom ldan 'das/ de bzhin gshegs pa la bdag phyogs </font><hr>232b<br><font size=+1>


'ga' zhig zhu'o/ /de nas bcom ldan 'das kyis li tsa bI gzhon nu rin chen dra ba can la 'di skad ces bka' stsal to/ /gzhon nu khyod de bzhin gshegs pa la gang dang / gang som nyi yod pa zhus shig dang / ngas de dang / de'i zhu ba lung bstan pas sems rangs par bya'o/ /de nas li tsa bI gzhon nu rin chen dra ba can gyis/ bcom ldan 'das la 'di skad ces gsol to/ / bcom ldan 'das/ 'jig rten gyi khams gzhan dag na sangs rgyas bcom ldan 'das sngon gyi smon lam dang ldan pa bzhugs shing 'tsho ba gang dag gi mtshan thos pa tsam gyis byang chub sems dpa'i theg pa la yang dag par gnas pa'i rigs kyi bu'am/ rigs kyi bu mo so ma nyi ma mchis shing the tshom ma mchis par 'gyur/ phyir mi ldog cing bla na ma mchis pa yang dag par rdzogs pa'i byang chub tu'ang 'gyur/ tshe rabs dran pa dang yang ldan par 'gyur/ nam du'ang ser sna'i sems dang lhan cig mi gnas/ byang chub sems dpa'i 'khor gyis kyang yongs su bskor bar 'gyur/ nyan thos kyi 'khor dang bral bar 'gyur/ yon tan grangs med pa bye ba khrag khrig phrag 'bum gyis kyang yongs su bzung bar 'gyur/ sangs rgyas thams cad mngon par bgyis pas sems can thams cad yang dag par tshim par bgyid/ bdud thams cad shin tu skrag par bgyid/ sangs rgyas kyi zhing thams cad </font><hr>233a<br><font size=+1>


@#/ /sbyong / sems can thams cad kyi sems kyi bsam pa'i dri ma sel/ sems can thams cad chos dkar po la yang dag par bskul/ lhas kyang yongs su bzung bar 'gyur/ byang chub sems dpas kyang bsam par 'gyur/ de bzhin gshegs pas kyang byin gyis rlob par mdzad/ nam yang sangs rgyas bcom ldan 'das rnams dang 'bral bar mi 'gyur/ rnam pa thams cad kyi mchog dang ldan pas byang chub sems dpa'i spyod pa dag kyang yongs su rdzogs par 'gyur/ sgra dbyangs kyi rnam pa stong phrag brgyad cu rtsa bzhi yongs su rdzogs par thob par 'gyur/ tshangs pa'i dbyangs su 'gyur/ 'jig rten gyi khams thams cad dang mthun pa'i sgra dbyangs dang ldan pa lta bzhugs lags sam/ de skad ces gsol ba dang / bcom ldan 'das kyis li tsa bI gzhon nu rin chen dra ba can la 'di skad ces bka' stsal to/ /gzhon nu/ legs so/ /legs so| |gang khyod de bzhin gshegs pa la don 'di 'dri bar sems dpa' ni spobs pa legs shing dpyod pa bzang ngo / /de'i phyir gzhon nu khyod legs par nyon la yid la zungs shig dang ngas khyod la bshad do/ /bcom ldan 'das/ de ltar 'tshal lo zhes gsol te/ byang chub sems dpa' rin chen dra ba can sems rtse gcig tu bcom ldan </font><hr>233b<br><font size=+1>


'das kyis ltar nyan pa dang / bcom ldan 'das kyis de la 'di skad ces bka' stsal to/ /gzhon nu/ 'di nas shar phyogs logs na 'jig rten gyi khams mu tig can zhes bya ba zhig yod de/ gzhon nu/ 'di lta ste/ srid pa'i rtse mo gang+gA'i klung gi bye ma snyed du gyur la/ de dag thams cad kyang rdul phra mo'i rdul snyed kyis yongs su gang bar gyur cing / de nas skyes bu 'ga' zhig byung bas de dag la rdul phra mo'i rdul cig khyer te/ ji tsam du 'jig rten gyi khams srid pa'i rtse mo'i mthas gtugs pa de dag rdul phra mo'i rdul gyis yongs su gang ba ji snyed pa de snyed kyi sangs rgyas kyi zhing bye ba khrag khrig phrag 'bum 'das nas rdul phra mo'i rdul gcig 'jog na/ gzhon nu/ rnam grangs de dang / grangs de'i gzhis yun ring po 'das pas rdul phra mo'i rdul gyi phung po chen po'i mtha' de dag zad pa'am/ gtugs par 'gyur ram/ gzhon nu/ de ci snyam du sems/ 'jig rten gyi khams gang du skyes bu des rdul phra rab kyi rdul de dag bzhag pa'am/ ma bzhag pa de dag bsam pa'am/ bgrang ba'am/ gzhal ba'am/ nye bar brtag par sla'am/ gsol pa/ bcom ldan 'das/ de ni ma lags te/ bcom ldan 'das de'i slad du gang zhig dpe 'di bshad pa la yang dag pa'i 'du shes bskyed par 'gyur ba'i sems can de dag ni shes pa'i phung po mchog dang </font><hr>234a<br><font size=+1>


@#/ /ldan par 'gyur ba lags so/ /gzhon nu/ 'jig rten gyi khams gang du skyes bu des rdul phra mo'i rdul de dag bzhag gam/ 'on te ma bzhag pa'i 'jig rten gyi khams de dag thams cad kyi 'og gi chu'i phung po nas bzung nas srid pa'i rtse mo la thug gi bar gyi rdul phra mo'i rdul rnams kyis yongs su gang bar gyur la/ skyes bu gnyis pa zhig byung bas de dag las rdul phra mo'i rdul cig khyer te/ ji tsam du 'jig rten gyi khams de dag gi rdul phra mo'i rdul de snyed kyi sangs rgyas kyi zhing bye ba khrag khrig phrag 'bum 'das nas rdul gcig 'jog na/ gzhon nu/ rnam grangs des na yun ring po 'das pas rdul phra mo'i rdul bsags pa'i phung po chen po de 'dor bar 'gyur ro/ /gzhon nu/ rnam grangs des na skyes bu phyi ma des grangs med pa brgya stong dgu bcu rtsa dgur bsgyur ba 'das nas sangs rgyas kyi zhing grangs med pa bye ba khrag khrig phrag 'bum snyed 'das pa na 'jig rten gyi khams mu tig can no/ /de na de bzhin gshegs pa dgra bcom pa yang dag par rdzogs pa'i sangs rgyas rin chen 'od zer zla bas brgyan pa mkhas pa'i gzi brjid dbyangs kyi dbang phyug gi rgyal po zhes bya ba bzhugs te 'tsho zhing gzhes la chos kyang ston to/ /gzhon nu/ byang chub sems dpa'i theg </font><hr>234b<br><font size=+1>


pa la yang dag par gnas pa'i rigs kyi bu'am/ rigs kyi bu mo gang la la zhig de bzhin gshegs pa dgra bcom pa yang dag par rdzogs pa'i sangs rgyas rin chen 'od zer zla bas brgyan pa mkhas pa'i gzi brjid dbyangs kyi dbang phyug rgyal po de'i mtshan la som nyi mi za zhing ngas mthong ba la'ang yid ches na/ de'i tshe 'das pa'i 'og tu 'khor los bsgyur ba'i rgyal srid 'thob par 'gyur ro/ /de'i rgyal srid la'ang sangs rgyas 'byung bar 'gyur zhing de bzhin gshegs pa de mthong nas kyang mchod pa dpag tu med pa byed par 'gyur/ tshangs par spyod par yang 'gyur/ mngon par shes pa lnga'ang rtogs par khong du chud par 'gyur/ de bzhin gshegs pa mthong ma thag tu gzungs brgya 'khyil ba zhes bya ba 'thob par 'gyur/ gang+gA'i klung gi bye ma snyed kyi sangs rgyas dag la bsnyen bkur byed par 'gyur/ de snyed kyi bskal pa bye ba nyid du 'khor ba las phyir phyogs par byed par 'gyur de'i sems shin tu rmongs pa med cing bla na med pa yang dag par rdzogs pa'i byang chub tu 'gyur/ sred med kyi bu'i lus ltar mkhregs pa'i lus su 'gyur/ lus dbyibs gcig la sbi dza bzhi bar 'gyur/ de'i lus kyi mdog gser gyi kha dog 'dra bar 'gyur/ skyes bu chen po'i mtshan sum cu rtsa gnyis kyis lus brgyan cing tshangs pa'i sgra </font><hr>235a<br><font size=+1>


@#/ /dbyangs su'ang 'gyur/ mi khoms pa thams cad kyang spong zhing dal ba phun sum tshogs pa'ang 'thob par 'gyur ro/ /de nas bcom ldan 'das kyis don 'di nyid rgyas par bstan pa'i phyir tshigs su bcad pas bka' stsal pa/ gang zhig 'jig rten mgon po'i mtshan/ /thos nas som nyi mi za zhing / /ngas mthong ba la'ang yid ches pa/ /de ni yon gnas 'os pa yin/ /rtag tu 'khor los bsgyur ba yi/ /rgyal srid 'thob cing sangs rgyas mthong / /mthong nas dpag tu med pa dang / /bsam gyis mi khyab mchod pa byed/ /rtag tu tshangs par spyod pa dang / /mngon par shes rnams rtogs par 'gyur/ /sangs rgyas mthong nas brgya 'khyil ba'i/ /gzungs kyang de yis 'thob par 'gyur/ /ji ltar gang+gA'i bye ma snyed/ /de snyed sangs rgyas mthong bar 'gyur/ de snyed bskal pa bye ba ru/ /'khor ba dag ni spangs par 'gyur/ /gang zhig 'jig rten mgon po'i mtshan/ /tshogs dang dge 'dun dag la brjod/ /de yi sems ni mi rmongs shing / /sangs rgyas byang chub rgyu byed do/ /rtag tu sred med bu 'dra zhing / /lus dbyibs gcig la sbi dza bzhi/ /lus ni gser gyi mdog 'dra zhing / /sum cu rtsa gnyis mtshan 'chang 'gyur/ /gang zhig mtshan ni thos nas su/ /yan lag lnga yis phyag byas </font><hr>235b<br><font size=+1>


na| |rtag tu tshangs pa'i dbyangs ldan zhing / /mi khom pa yang spangs par 'gyur/ /gang zhig 'jig rten mgon po'i mtshan/ /thos nas som nyi mi za ba/ /de ni byang chub la mi 'gong / /de ni nam yang som nyi med/ /gang zhig nyin dang mtshan bdun du/ /tshang bar rgyal ba'i mtshan 'dzin pa/ /sangs rgyas bsngags pa mtha' yas pa'i/ /mig ni rnam par dag par 'gyur/ /mi de yi ni sha yi mig /lha yi mig tu rnam sbyong ste/ /gang+gA'i klung gi bye snyed kyi/ /sangs rgyas mang po mthong bar 'gyur/ /thams cad la ni mchod byed cing / /thams cad las ni thos pa 'dzin/ /mig gis thams cad mthong nas su/ /mi rnams thams cad dbugs 'byin to/ /de bzhin gshegs pa'i mtshan thos pa/ /sngon chad bsam gyis mi khyab pa'i/ /bsnyen bkur sangs rgyas dag la byas/ /de dag thams cad rjes dran 'gyur/ /srog chags gang rnams mdun dag tu/ /mtshan ni bstan par byas gyur na/ /sems can gzhan gyis de mthong zhing / /nges par byang chub 'gyur ba yin/ /sangs rgyas la ni dad bskyed pas/ /mi khom thams cad rnam par spangs/ / rtsod dang 'gyed pa byas pas ni/ /mi khom rnams su skye bar 'gyur/ /thub pa chen po de yi mtshan/ /sems can gcig cig thos byas na/ /rtsod pa dang ni 'gyed pa yang / / </font><hr>236a<br><font size=+1>


@#/ /yid la byed par mi 'gyur ro/ /gal te mnar med pa yi las/ /bskal pa gnas par 'gyur ba dag /klad nad tsam zhig bskyed nas su/ /las kun rnam par smin mi 'gyur/ /de la mes ni mi tshig cing / /chu yi nang du 'chi mi 'gyur/ /de la rgyal po rab khros kyang / /myur ba nyid du zhi bar 'gyur/ /gang zhig thub pa'i mtshan 'dzin pa/ /nam yang long ba zhar ba dang / /'theng dang sgur dang lus nyams dang / /nad ni mang por mi 'gyur ro/ /gnod sbyin dri za yi dwags dang / /grul bum srin po mi rnams ni/ /sdig can ma rungs pa rnams dag /mi de la ni gnod mi byed/ /gang zhig thub pa'i mtshan 'dzin pa/ /'byung po dri za gnod sbyin rnams/ /klu dang lha rnams thams cad kyi/ /yid du 'ong zhing dga' bar 'gyur/ /'dir ni skyob pa'i mtshan thos pa/ /shin tu bsags pa dam pa'i dbyangs/ /ting 'dzin myur du thob par 'gyur// yon tan bye ba rab tu sgrogs/ /gang zhig 'jig rten mgon po'i mtshan/ /thos nas som nyi mi za ba/ /phyi ma'i dus kyi tshe dag tu/ /de yi byang chub 'di 'dzin to/ /thub pa chen po'i mtshan thos pa/ /sangs rgyas mya ngan 'das rnams kyi/ /legs par gsungs pa'i chos kyi tshul/ /'dzin cing yang dag rab tu ston/ /sangs rgyas kun gyis legs </font><hr>236b<br><font size=+1>


gsungs pa'i/ /chos de rnams ni des 'dzin to/ /bkod pa mchog ni nges byed cing / /sangs rgyas kun la bsnyen bkur byed/ /de nas 'chi ba'i dus byas nas/ /sangs rgyas bye ba des myur mthong / /sangs rgyas rnams kyis gsungs pa yi/ /chos rnams de dag 'dzin par byed/ /skyob pa de yi mtshan thos pa/ /srog chags bye ba nan tan gyis/ /'dul bar byed cing rab tu 'god/ /thams cad byang chub phyir 'jog go /nga yis mthong la'ang yid ches pa/ /skyob pa sangs rgyas thams cad kyi/ /rab tu bstan pa 'dzin 'gyur zhing / /sangs rgyas rnams kyang mchod par 'gyur/ /sangs rgyas mkhyen la gang dad pa/ /ngas mthong ba la'ang de yid ches/ /'ching ba rnams las des rnams 'grol/ /klong las brgal cing 'jigs pa med| |gang zhig dam pa'i chos spong ba/ /de ni bdud kyi sde yin no/ /'gro ba lnga ru 'gro ba yi/ /sems can kun gyi ba spu gang / /de ni ston pa'i pus mo yi/ /lha nga gcig gis ba spu ra sdud| |skyob pa 'jig rten mgon po yi/ /ba spu gcig gi khung bu nas/ /ji ltar gang+gA'i bye ma snyed/ /de snyed 'od zer 'byin par mdzad/ /gang zhig 'jig rten mgon 'di yi| |'od zer mtha' yas la yid ches/ /tshe gcig gis ni sangs rgyas rnams/ /sangs rgyas bye ba mthong bar 'gyur/ /chos kyi rgyal po mdo sde 'di/ /bshad pa gang zhig </font><hr>237a<br><font size=+1>


@#/ /thos gyur nas/ /nam yang yid gnyis mi za ba/ /de ni nga dang 'dra bar 'gyur/ /yangs pa can du mdo sde 'di/ /bshad pa'i tshe na sus thos pa/ /de ni phyi ma'i dus su des/ /gzhan la yang dag rab tu ston/ /ji ltar gang+gA'i bye ma dag /mi gang gis ni mang brjod pa/ /de snyed 'jig rten khams rnams su/ /'od zer gcig gis khyab par byed/ /sangs rgyas zhing rnams thams cad dag /bgrang ba'i tshul gyis mi mchod pa/ /gser rnams kyis ni bkang nas su/ /'jig rten mgon la phul ba pas| |'di yi mtshan ni thos nas su/ /dga' ba bzang po skyes gyur te/ /sangs rgyas phyag 'tshal zhes brjod pa/ /de yi bsod nams bsam mi khyab/ /'jig rten mgon ni thams cad la/ /yang dang yang du phyag 'tshal ba/ /de yi bsod nams phung po ni/ /tshad ni bshad par mi nus so/ /gang zhig 'jig rten mgon po'i mtshan/ /thos nas som nyi mi za ba/ /de yi lus ni 'od zer gyis/ /khyab cing rin po che ltar 'gyur/ /gang zhig thub pa'i mtshan 'dzin pa/ /de ni rnam par 'das gyur nas/ /lha yi tsan+dan dmar po yi| |dri zhim kha nas rab tu 'byung / /skyob pa sems can snying po yi/ /sangs rgyas kyi ni mtshan thos pa/ /ba spu'i khung nas 'od zer dag /bkye bas lus kyang mdzes par 'gyur// </font><hr>237b<br><font size=+1>


tshe rabs dag ni thams cad du/ /thos pa mang por 'gyur ba ste/ /kun dga' sangs rgyas ci 'dra ba'i/ /dpag tu med pa'i thos pa'ang 'dzin/ /'jig rten snang byed des mthong nas/ /gzhal gyis mi lang dga' ba 'thob/ /byang chub spyad pa spyod pa na/ /tshe rabs dang ni dran par 'gyur/ /rgyal ba'i thugs sras mthong nas kyang / /gzhal gyis mi lang dga' ba 'thob/ / spos dang me tog byug rnams kyis/ /mchod pa dag ni rgya chen byed/ /'jig rten mgon po de yi mtshan/ /brjod pa 'dzin par mi byed de/ /bdud kyi phyogs dang sngon chad ni/ /mu stegs gyur pa ma gtogs so/ /nga yis tshul 'di bshad pa na/ /sngon ni gang gis 'di thos pa/ /phyi ma'i dus kyi tshe dag tu/ /de yi lag tu mdo sde 'thob/ /nga yi mdo sde dam pa 'di/ bshad pa dag ni sus thos pa/ /sngon ni mchod cing bkur sti byas/ /de yi lag tu 'di 'thob bo/ /gang gis smon lam btab pa ni/ /phyi ma'i dus kyi tshe dag tu/ /chos kyi rgyal pos gsungs pa yi/ /mdo 'di lag tu 'thob par 'gyur/ /gang zhig sems ni rtse gcig gis/ /sangs rgyas grangs med bkur sti bas/ /mdo 'di la ni gang dad pa/ /de bas bsnod nams 'di mang 'gyur/ /rtag tu gzugs bzang bsod nams ldan/ /shin tu 'jigs med longs spyod ldan/ /dran dang ldan zhing mtshan rnams kyis/ /mngon par </font><hr>238a<br><font size=+1>


@#/ /brgyan pa dag tu 'gyur/ /de lta bas na mdo sde 'di/ /thos nas phyi ma'i dus kyi tshe/ /bzung zhing yang dag bstan pa dang / /gzhan dag la yang bstan par gyis/ /gang gis sangs rgyas 'khor los bsgyur/ /'bum phrag dag la bkur byas pas/ /phyi ma yi ni dus dag tu/ /des mthong ba la som nyi med/ /gang gis sngon ni 'jig rten mgon/ /grangs med pa la bsnyen bkur byas/ /de yis 'jig rten mgon 'di yi/ /thos shing mthong la'ang yid ches so/ /gang zhig mtshan 'di thos nas su// sangs rgyas kyi ni gzugs byed pa/ /de ni sangs rgyas thams cad kyi/ /bstan pa dang ni dam chos bsrung / /gang zhig byang chub bstan spangs na/ /bskal pa bye ba dag tu ni/ / lug ltar lkugs cing mig nyams la/ /mig med pa dag tu yang 'gyur/ /gang zhig lag pa gcig gis ni/ /mchod rten grangs med bshig byas pas/ /gang gis mdo sde 'di spangs na/ /khyad ches sdig par 'di 'gyur ro/ /de lta bas na nga smra ba/ /phyi ma'i dus tshe 'di rnyed nas/ /sangs rgyas ye shes bla med la/ /so ma nyi za bar ma byed cig /mdo sde 'di 'dra 'di thos nas/ /me tog spos dang 'phan rnams dang / /gdugs dang phye ma gos rnams kyis/ /gus par byas te mchod par gyis/ /der ni de bzhin gshegs pa </font><hr>238b<br><font size=+1>


yi| |phyag mnyen shin tu 'jam pa yis/ /li tsa bI yi mgo bo la/ /yang dang yang du byug pa mdzad/ /de yi rjes la lha rnams kyis/ /sgra skad chen po phyung gyur cing / /lha yi me tog ku su ma/ |yid 'ong gtor cing zhing 'di bkang / /lha rnams mkha' la 'dug nas su/ /glu dbyangs dpag tu med pa len/ /tshangs pa dag ni bye ba yis/ /tsan+dan dmar po'i char phab po| |de bzhin gshegs pas mdo sde 'di/ /gsungs tshe dra ba can thos te/ /sems ni rangs shing yid dga' nas/ /de bzhin gshegs la tshig gsol pa/ /phyi ma'i dus su bdag gis ni/ /dge slong bgyis la mi 'jigs pa/ /grong dang grong khyer rnams dag tu/ /mdo sde 'di ni bshad par bgyi/ /sangs rgyas bka' bzhin bdag bgyid de/ /rdzogs sangs rgyas la dpal gyis gsungs/ /dpag tshad bye bar mchis nas su/ /'di yi tshul ni bshad par bgyi/ /lha kun dang ni klu rnams dang / /yang na mi'am ci dang ni/ /mi ma yin rnams mgron gnyer te| |chos kyi sbyin pas tshim par bgyi/ /bla na med pa'i mdo sde 'di/ /sangs rgyas kyis ni gsungs pa na/ /lha ma yin tshogs dga' gyur nas/ /me tog dpag tu med pa 'thor// sangs rgyas kyi ni zhing 'di dag /mi mchog shAkya seng ge yi/ /chos kyi rgyal po'i spu gcig gis/ /zhing rnams thams cad snang bar mdzad/ /sems can snying po'i bdag nyid can/ / </font><hr>239a<br><font size=+1>


@#/ /ston pa yi ni ljags phyung nas/ /gang+gA'i bye ma snyed dag gi /zhing rnams bye ba khebs par mdzad/ /de bzhin phyogs bcu'i 'jig rten gyi/ /zhing rnams bye ba khebs mdzad de/ /gzhon nu rin chen dra ba can/ /dpa' bo dang ni li tsa bI/ /bye ba drug cu tsam dag ni/ /lhan cig lhags la bka' stsol cig /de nas der ni ston pa yis| |de dag chos la gzud par mdzad/ /bde ba thams cad sbyin mdzad pa/ /sangs rgyas spyan ni thogs pa med/ /de bzhin gshegs rnams dpag med de/ /sangs rgyas chos la the tshom spong / /sangs rgyas ye shes thogs med de/ /dus gsum rnams la'ang 'jug par mdzad/ /chos rnams kun la mnga' brnyes pas/ /sangs rgyas la ni mi mkhyen med/ /phung po rnams ni med pa'o zhes/ /mi yi 'dren pa ston par mdzad/ /khams bzhi dag ni gsog dang 'dra/ /gang du'ang sgra la chags pa med/ /gzugs dang tshor ba 'du shes dang / /sems pa dang ni 'du byed dang / /rnam shes phung po'i snying po ni/ /med pa dag tu shes par gyis/ /sangs rgyas kyis ni gsungs pa bzhin/ /de ltar phung po rnams phye na/ /myur du gzungs rnams 'thob 'gyur zhing / /shin tu rmongs pa med par 'gyur/ /chos rnams dag ni gsob dang 'dra/ /thams cad stong zhing </font><hr>239b<br><font size=+1>


bdag med de/ /rtsod la med cing rmongs med pa/ /de skad de bzhin gshegs pas gsungs/ /gzhon nu/ lho phyogs logs na gzhon nu dpe snga ma lta bu las nyis 'gyur gyi rdul phra mo'i rdul bgrangs pa'i tshul gyis sangs rgyas kyi zhing bcu gnyis 'das pa na de na zla bas brgyan pa zhes bya ba'i 'jig rten gyi khams yod de/ /de na de bzhin gshegs pa dgra bcom pa yang dag par rdzogs pa'i sangs rgyas me tog gi 'od kyis rnam par rol pa mngon par mkhyen pa zhes bya ba bzhugs te 'tsho zhing gzhes la chos kyang ston to/ /gzhon nu byang chub sems dpa' theg pa la yang dag par gnas pa'i rigs kyi bu'am/ rigs kyi bu mo gang la la zhig bcom ldan 'das de bzhin gshegs pa me tog gi 'od kyis rnam par rol pa mngon par mkhyen pa de'i mtshan thos nas som nyi mi za la ngas mthong ba la'ang yid ches na de tshe 'das pa'i 'og tu 'od zer rab tu gtong ba zhes bya ba'i ting nge 'dzin thob par 'gyur/ ting nge 'dzin gyi sgo bye ba khrag khrig 'bum phrag grangs med pa khrir 'jug par 'thob par 'gyur/ gzungs kyi sgo bye ba khrag khrig 'bum phrag grangs med pa drug cu po rgya mtsho lta bu zhes bya ba'i gzungs la sogs pa nas rin po che'i mdzod kyi gzungs la thug pa'i bar la 'jug pa 'thob cing byang chub kyi mthar thug gi bar </font><hr>240a<br><font size=+1>


@#/ /du de dag la rmongs par yang mi 'gyur ro/ /'chi ba'i dus kyi tshe shar phyogs nas sangs rgyas bye ba gshegs nas zhal ston par mdzad do/ phyogs thams cad nas kyang de dang 'dra'o/ /gang sangs rgyas bcom ldan 'das de dag gis chos gsungs par 'gyur ba de dag thams cad kyang 'dzin par 'gyur/ byang chub ma thob kyi bar du de'i chos kyi tshul de 'jig par mi 'gyur/ las dang po pa'i byang chub sems dpa' nas bzung nas bskal pa lnga brgyar 'khor ba las phyir phyogs par byas nas bla na med pa yang dag par rdzogs pa'i byang chub la reg par 'gyur ro/ /de nas bcom ldan 'das kyis de'i tshe tshigs su bcad pa 'di dag bka' stsal to/ /mi yi dbang po 'jig rten mgon/ /skyob pa yi ni mtshan thos pa/ /bskal pa lnga brgya tham pa yi/ /'khor ba dag ni bzlog par 'gyur/ /'chi ba dag gi dus tshe yang / /sangs rgyas bye ba ston par mdzad/ /mthong nas dbang pos phyag 'tshal te/ /chos kyang nyan cing 'dzin par 'gyur/ /de bzhin gshegs pa'i mtshan thos pa/ /spyad pa dam pa spyod pa na/ /de yis bstan pa'i chos gang dag /bskal pa bye bar chud mi gson/ /sangs rgyas kyi ni mtshan bsgrags pas/ /rin chen zhes bya'i ting nge 'dzin/ /stong phrag bdun cu de tshe 'thob/ /yon </font><hr>240b<br><font size=+1>


tan bye bar sgrogs par 'gyur/ /gang zhig thub pa'i mtshan 'dzin pa/ /ting 'dzin grangs med bye ba dang / /de bzhin sa ya drug cu dag /de la nye bar gnas par 'gyur/ /de bas mnyam gzhag dpa' bo yi/ /byang chub spyad pa spyod pa'i tshe/ /sems can mang po stong rnam dag /byang chub mchog la 'jog par byed/ /byang chub ma rdzogs par du ni/ /nam yang 'dod la ma bsten te/ /sems can gzhan yang sangs rgyas kyi/ /mtshan bstan rnams ni zlog par byed/ /gang zhig sangs rgyas mtshan thos nas/ /srog chags kun la 'di ston pa/ /nam yang mi khom mi 'gyur zhing / /de yi dal ba rnyed mi dka'/ /shin tu bzung ba sangs rgyas dag /'byung ba mnyes par byas pas ni/ /de yi mi khom gang bsten pa// de dag thams cad spangs par 'gyur/ /ji ltar 'dren pa mkhyen pa bzhin/ /gzhon nu gal te khyod shes na/ /ston pa'i mtshan ni bzung nas su/ /phyogs kun tu ni rab tu sgrogs/ / de bas gzhon nu gzhan dag la/ /mtshan 'di rab tu bstan byas na/ /yang dag byang chub 'di bzung zhing / /'jig rten gyi ni mgon du 'gyur/ /gang zhig sangs rgyas mtshan thos nas| |g.yeng ba med par 'di bzung ste/ /song nas gzhan dag la ston pa/ /de ni byang chub mngon du bsrung / /gang zhig mdo sde 'di thos nas/ /gzhan dag la ni rab ston na/ / </font><hr>241a<br><font size=+1>


@#/ /legs par gsungs pa'i chos kyi tshul/ /bstan pa 'di dag srung bar byed/ /gzhon nu/ nub phyogs logs na gzhon nu dpe snga ma lta bu de las sum 'gyur gyi rdul phra mo'i rdul bgrangs pa'i tshul gyis de snyed kyi 'jig rten gyi khams dag 'das pa na/ 'jig rten gyi khams rin chen bkra ba zhes bya ba zhig yod de| de na de bzhin gshegs pa dgra bcom pa yang dag par rdzogs pa'i sangs rgyas me tog rgyas pa sA la'i rgyal po zhes bya ba zhig bzhugs te 'tsho zhing gzhes la chos kyang ston to/ /gzhon nu/ theg pa chen po la yang dag par gnas pa'i rigs kyi bu'am/ rigs kyi bu mo gang la la zhig de bzhin gshegs pa me tog rgyas pa sA la'i rgyal po zhes bya ba de'i mtshan thos nas som nyi mi za la ngas mthong ba la'ang yid ches na de'i tshe 'das pa'i dus 'og tu chos lnga 'dzin par 'gyur te/ lnga gang zhe na/ lus zhig nas sangs rgyas 'byung ba dang / der 'khor los bsgyur ba'i rgyal po nyid dang / mngon par shes pa lnga dang / chos kyi rnam grangs kyi gzungs te/ de'ang stong 'khyil pa'i gzungs dang / byang chub thob kyi bar du skyes bu chen po mtshan sum cu rtsa gnyis po de dag 'thob pa ste/ chos lnga po de dag 'thob par 'gyur ro/ /de nas bcom </font><hr>241b<br><font size=+1>


ldan 'das kyis don 'di nyid tshigs su bcad pas bka' stsal pa/ gang zhig mi yi khyu mchog skyob pa'i mtshan/ /thos nas som nyi med cing dad bskyed nas/ /de yis chos lnga de dag 'dzin 'gyur zhing / /byang chub thob pa'i bar du 'jig mi 'gyur/ /gser gyi mdog 'dra'i gzugs dang ldan 'gyur zhing / /'khor los bsgyur ba'i rgyal po dam mchog mkhas/ /bsod nams ldan pa sred med bu 'dra zhing / /dam chos 'khor lo bar chad med par bskor/ /bsod nams ldan pa bu stong yod 'gyur te/ /dpa' zhing rtul phod pha rol tshogs 'joms la/ /yan lag mchog gi gzugs ldan mtshan gyis brgyan/ /mthu stobs che ba rgyal po gtso nyid 'dra/ /rgyal po'i chung ma gzugs bzang gzugs mdzes pa/ /gser gyi mdog 'dra mang po stong yod 'gyur/ /phyi nas nyal zhing sngar ni ldang byed de/ /rgyal po gtso la nam yang skyo mi byed/ /rgyal phran gang dag de yi yul gnas shing / /gang dag blon po khyim bdag gtso bo kun/ /rgyal po de mthong nam yang skyo mi byed/ /de bas de ni bsod nams dam mchog ldan/ /mkhas mchog lha rnams kyis kyang thub par dka'/ /mi yi 'jig rten dag na gnod sbyin klu/ /de yi yul na sems can gang gnas pa/ /de yis thams cad byang chub snying po 'jog/ </font><hr>242a<br><font size=+1>


@#/ /rgyal srid rgyas shing shin tu lo legs dang / /de yi rgyal srid bde zhing sangs rgyas 'byung / /de dag la ni mchod pa dam pa byed/ /rgyal po bdag yul nam yang sdang sems med/ /sangs rgyas mtshan mchog thos nas mkhas pa gang / /som nyi za zhing mi dga' su zhig yod/ /mdo sde dam pa de ring ngas bshad pa'i// chos mchog 'di yis de la phan 'dogs 'gyur/ /gzhan du gang gis sngon gyi rgyal rnams kyi/ /chos spangs gyur pa'am bdud kyis zin pa'am/ /sems can snying po rgyal ba mchog dag ni/ /sngon chad spyod tshe khyad du bsad ma gtogs/ /gzhon nu gang zhig rgyal po'i pho brang dang / /li tsa'i bkod pa dga' ba 'di dag dang / /shAkya seng ge nga ni ma mthong ba/ /de dag sangs rgyas mtshan thos som nyi za/ /gzhon nu/ byang phyogs logs na sangs rgyas kyi zhing 'di nas gzhon nu dpe snga ma lta bu de las sum gyur gyis sangs rgyas kyi zhing drug cu 'das pa na 'jig rten gyi khams rin chen dra bas g.yogs pa zhes bya ba yod de/ /de na de bzhin gshegs pa dgra bcom pa yang dag par rdzogs pa'i sangs rgyas zla ba'i dkyil 'khor rnam dag ces bya ba bzhugs te/ 'tsho zhing gzhes la chos kyang ston to/ /gzhon nu/ theg pa chen po la </font><hr>242b<br><font size=+1>


yang dag par gnas pa'i rigs kyi bu'am/ rigs kyi bu mo gang la la zhig de bzhin gshegs pa zla ba'i dkyil 'khor rnam dag de'i mtshan thos nas som nyi mi za zhing ngas mthong ba la'ang yid ches na de'i tshe 'das pa'i 'og tu rin chen 'byung gnas zhes bya ba'i ting nge 'dzin thob par 'gyur/ gang+gA'i klung gi bye ma snyed kyis sangs rgyas mthong bar 'gyur/ de snyed bskal pa bye bar 'khor ba las phyir phyogs par 'gyur/ las dang po ba'i byang chub sems dpa' de bla na med pa yang dag par rdzogs pa'i byang chub la reg par 'gyur/ dbyangs snyan ldan zhes bya ba'i ting nge 'dzin kyang thob par 'gyur/ bla na med pa yang dag par rdzogs pa'i byang chub las phyir mi ldog par yang 'gyur ro| |bud med gang la la zhig bcom ldan 'das de bzhin gshegs pa zla ba'i dkyil 'khor rnam dag de'i mtshan thos nas som nyi mi za zhing the tshom mi skye la ngas mthong ba la'ang yid ches na/ de tshe 'das pa'i 'og tu bud med kyi dbang po rnam par spang bar 'gyur zhing skyes pa'i dbang po 'thob par 'gyur/ sems can mang po bla na med pa yang dag par rdzogs pa'i byang chub tu yang dag par 'jog par 'gyur/ dbyangs snyan ldan zhes bya ba'i ting nge 'dzin kyang thob par 'gyur/ bla na med pa yang dag par </font><hr>243a<br><font size=+1>


@#/ /rdzogs pa'i byang chub las phyir mi ldog par yang 'gyur ro/ /de nas bcom ldan 'das kyis de'i tshe tshigs su bcad pa 'di dag bka' stsal to| |gang zhig rkang gnyis dam pa de yi mtshan/ /thos nas nam yang som nyi mi za ba/ /bskal pa bye ba gang+gA'i bye ma snyed/ /des spangs mya ngan med pa'i skyes par 'gyur/ / gang+gA'i bye snyed sangs rgyas du ma dag /mthong nas de dag la ni mchod par byed/ /de snyed sangs rgyas de yi tshe gcig gis/ /sangs rgyas mchod nas rgyal ba mya ngan 'da'// byang chub dam pa spyod mchog spyod pa na/ /gang gis skyes bu khyu mchog mtshan thos nas/ /nam yang som nyi med cing 'dzin byed na/ /de 'dra'i khyad par de yis 'thob par 'gyur/ /gang gis rkang gnyis mtshan mchog gtso bo 'di/ /thos nas nam yang som nyi mi za ba/ /rang byung ye shes sangs rgyas nyid myur zhing / /mkhas pas dbyangs snyan ting 'dzin thob par 'gyur/ /byang chub dam pa spyod mchog spyod pa na/ /dag pa'i bdag nyid skyes pa'i dbang po thob/ /yon tan kun dang ldan zhing mdzes pa ste/ /de 'dra'i khyad par de yis thob par 'gyur/ /phyogs rnams kun ni rab tu snang byed cing / /se ya mtha' yas zhing du song nas su/ /'jig rten spyod pa thub pa che mthong nas/ /mya ngan </font><hr>243b<br><font size=+1>


bral te byang chub phyis rig 'gyur/ /thub dbang chen po de bzhin gshegs pa ni/ /de yi mtshan 'dir thos nas rdzu 'phrul mchog /de 'dra'i khyad par dag ni thob par 'gyur/ / byang chub 'dod pa gzhan yang thob pa ni/ /dri bral byang chub 'dun pa bskyed nas su/ /rgyal ba'i mtshan 'di gzhan la'ang sgrogs par byed/ /zla ba'i dkyil 'khor rab tu gsal ba ltar/ /de yi yon tan dag kyang de 'drar 'gyur/ /sems can mang po du ma bsam mi khyab/ /byang chub mchog la mkhas pa de yi 'jog /zla ba mkha' la gnas pa'i gzhal med khang / /'od zer mang po bsags pas mdzes pa ltar/ /gang zhig de bzhin gshegs pa'i mtshan 'dzin pa/ /de yi lus kyang de 'dra'i rnam pas mdzes/ /mkhas pa gang zhig rgyal ba'i mtshan thos nas/ /som nyi za zhing mi dga' su zhig yod/ /byang chub spyod mchog dam pa spyod pa na/ /chos 'di dag gis de la phan 'dogs 'gyur/ /thub pa chen po 'jig rten spyod mchog pas/ /mkhas pa de ni phongs pa myong mi 'gyur/ /gzhon nu/ 'og gi phyogs na gzhon nu dpe snga ma lta bu'i rnam pa de bzhin du dgu bcu rtsa dgur bsgyur ba 'das nas 'jig rten gyi khams rgyal mtshan mchog gi bdag po zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas rab tu zhi </font><hr>244a<br><font size=+1>


@#/ /ba mkhas pa'i gzi brjid dbyangs kyi dbang phyug gi rgyal po zhes bya ba bzhugs te 'tsho zhing gzhes la chos kyang ston to/ /gzhon nu/ theg pa chen po la yang dag par gnas pa'i rigs kyi bu'am/ rigs kyi bu mo gang la la zhig de bzhin gshegs pa rab tu zhi ba mkhas pa'i gzi brjid dbyangs kyi dbang phyug gi rgyal po de'i mtshan thos nas som nyi mi za la ngas mthong ba la'ang yid ches na de che 'das pa'i 'og tu kun nas 'od zer zhes bya ba'i ting nge 'dzin thob par 'gyur/ 'chi ba'i dus kyi tshe yang sangs rgyas bye ba khrag khrig phrag 'bum du tshang ba dag mthong bar 'gyur/ shar phyogs su ji lta ba bzhin phyogs thams cad du'ang de bzhin du sangs rgyas bye ba khrag khrig phrag 'bum du tshang ba dag mthong bar 'gyur/ sangs rgyas bcom ldan 'das de dag gis gang chos bstan pa de dag thams cad kun tu 'dzin par 'gyur/ /byang chub la thug gi bar du sangs rgyas grangs med pa bye ba khrag khrig phrag 'bum rnams kyis byin gyis brlab par 'gyur/ /las dang po pa'i byang chub sems dpa' de bskal pa bye ba khrag khrig 'bum phrag dgu bcur 'khor ba las phyir phyogs nas bla na med pa yang dag par rdzogs pa'i byang chub tu 'gyur ro/ /de nas bcom ldan 'das kyis don 'di nyid tshigs su </font><hr>244b<br><font size=+1>


bcad pas bka' stsal pa/ gang zhig 'jig rten 'di na sangs rgyas kyi/ /yon tan rgya mtsho'i mtshan mchog thos gyur pa/ /des ni sangs rgyas bye ba khri rnams la/ /myur du mchod pa bla med rab tu byed/ /mtha' yas dri med khyad par mchod byas shing / /srid pa kun tu sangs rgyas che rnams kyi/ /nyi ma mdzad pa'i spyad pa spyod nas su/ /phyis ni byang chub dran dbang des reg 'gyur/ /ji ltar gang+gA'i bye snyed rnam par 'dren/ /mang po dag ni tshe gcig gis mchod de/ /kun nas 'od zer ting nge 'dzin thob nas/ /phyis ni byang chub mya ngan med reg 'gyur/ /byang chub dri med byang chub che thob nas/ /chos kyi 'khor lo dam pa rab tu bskor/ /sems can sangs rgyas byang chub mchog bzhag nas/ /char chus me bsad da ltar ni mya ngan 'da'/ /rkang gnyis 'dren pa mi 'dul kha lo sgyur/ /bsod nams zhing ste bsod nams phung po gcig /de la mi yis dad pa tsam bskyed nas/ /skad cig gis ni mi khom thams cad spong / /gang zhig bde bar gshegs kyi mtshan 'don pa/ /mi lus rnyed pa dal pa gcig thob nas/ /mtha' yas rgya mtsho de bzhin gshegs bzhugs la/ /mi yi mkhas pa bsod nams rab tu byed/ /sangs rgyas mtshan ni stong phrag brgya tsam du/ /goms byed de ni rjes mthun bzod pa thob/ /lha yi mig thob ji ltar nga yis ni/ /sangs rgyas mar </font><hr>245a<br><font size=+1>


@#/ /me mdzad mthong me tog gis/ /gtor ba byas nas bzod pa thob gyur pa/ /de 'dra'i bzod pa dag ni thob par 'gyur/ /'jig rten mgon po 'od mdzad thub pa yi/ /mtshan ni thos nas su zhig lus mi nod/ /gzhan du gang zhig mu stegs can gyur pa'am/ /phrag dog dag gis nyams pa'i mi ma gtogs/ /'dren pa sangs rgyas kyi ni mngon sum du/ /'di 'dra'i mdo sde bshad pa sus thos pa/ /de ni phyi dus dag tu 'di 'dzin cing / /gzhan dag la yang rab tu ston par byed/ /gzhon nu/ steng gi phyogs na sangs rgyas kyi zhing 'di nas gzhon nu dpe snga ma lta bu de las gang+gA'i klung gi bye ma snyed 'das nas 'jig rten gyi khams shin tu rnam par phye ba zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas brtson 'grus grangs med pas yang dag par rab tu gnas pa zhes bya ba zhig bzhugs te 'tsho zhing gzhes la chos kyang ston to/ /gzhon nu/ theg pa chen po la yang dag par gnas pa'i rigs kyi bu'am/ rigs kyi bu mo gang la la zhig de bzhin gshegs pa brtson 'grus grangs med pas yang dag par rab tu gnas pa zhes bya ba de'i mtshan thos nas som nyi mi za la ngas mthong ba la'ang yid ches na/ de'i tshe 'das pa'i </font><hr>245b<br><font size=+1>


'og tu nam yang brtson 'grus dman par mi 'gyur/ nam yang 'dod pa la bsten par mi 'gyur/ nam yang ma'i sdug bsngal gyis gos par mi 'gyur/ pha'i sdug bsngal dang / / gnyen gyi sdug bsngal dang / spun gyi sdug bsngal gyis gos par mi 'gyur/ sring mo'i sdug bsngal gyis gos par mi 'gyur/ nam yang mdza' bo dang / bshes gnyen dang / blon po dang| snag gi gnyen mtshams kyi sdug bsngal gyis gos par mi 'gyur/ nam yang skyes bu chen po'i mtshan sum cu rtsa gnyis kyis lus ma brgyan par mi 'gyur/ nam yang 'dod chags dang / zhe sdang dang / gti mug mang bar mi 'gyur/ nam yang nad mang bar mi 'gyur/ nam yang mya ngan mang bar mi 'gyur/ bde ba mtha' yas pa yongs su bzung bar 'gyur/ byang chub la thug gi bar du yon tan mtha' yas pa bye ba khrag khrig 'bum phrag grangs med pas yongs su bzung bar 'gyur ro/ /de nas bcom ldan 'das kyis don 'di nyid tshigs su bcad pas bka' stsal pa/ gang zhig 'jig rten mgon po'i mtshan/ /thos nas som nyi mi za ba/ /nam yang pha ma gnyen 'dun gyi/ /tshogs kyi sdug bsngal mi mthong ngo| |steng gi phyogs na rkang gnyis mchog /'jig rten snang bar mdzad pa bzhugs/ /srid gsum gsal bar mdzad nas su/ /srog chags rnams la chos ston to/ /rdzogs </font><hr>246a<br><font size=+1>


@#/ /sangs rgyas pa'i mtshan thos nas/ /de na gzhan rnams rab bstan na/ /rtag tu sum cu rtsa gnyis kyi/ /mtshan dag gis ni brgyan par 'gyur/ /gang zhig thub pa'i mtshan 'dzin na/ /de ni shes rab mi nyams shing / /byang chub spyad pa spyod pa'i tshe/ /byang chub sems dpa' la yang mchod/ /sangs rgyas kyi ni mtshan bstan pas// phyis ni byang chub spyod pa na/ /sangs rgyas bye ba bsam mi khyab/ /shes rab can gyis rtag mchod 'gyur/ /sangs rgyas mtshan de gang thos nas/ /gzhan rnams la yang rab ston na/ /de 'dra'i bsod nams phung po yi/ /tshad ni bshad par mi nus so/ /de ltar mtshan 'di thos pa ni/ /phyi dus dag ni mang por yang / /bla med sangs rgyas ye shes la| |der ni som nyi za mi byed/ /gang gis rdzogs sangs rgyas mthong nas/ /bkur sti rim gro byas pa ni/ /phyi ma'i 'dus su mdo sde 'di/ /de yi lag tu 'thob par 'gyur/ / nga ni byang chub sems dpa' yis/ /bskor dang dra ba can sus mthong / /des ni mdo sde 'di thos nas/ /de la som nyi za mi 'gyur/ /de bzhin gshegs pa dpag med de| |sangs rgyas chos la the tshom spangs/ /'di ltar sngon gyi spyod pa ni/ /bskal pa bye ba mang brgyar spyad/ /lag pa rkang pa gtong pa dang / /rna ba sna dang mgo bo dang / /bu </font><hr>246b<br><font size=+1>


pho bu mo yul 'khor dag /byin la yid ni mi dga' med/ /gang zhig mdo sde 'di thos pa/ /phyi ma'i dus na rnyed nas ni/ /gzhan dag la yang ston byed na/ /de ni mchod pa'i 'os su 'gyur/ /sangs rgyas kun gyi spyod yul ba/ /mngon rdzogs byang chub 'dod gang gis/ /nam yang 'jig rten mgon po yi/ /bstan la som nyi ma za cig /de ltar mdo sde 'di thos nas/ /g.yo sgyu med pa'i mis zung la/ /'chag pa dag tu'ang yang dang yang / /mdo sde 'di ni brjod par bgyi/ /brjod byas zla ba gsum dag tu/ /tshang par shin tu yang brjod na/ /chos rnams thams cad 'dzin byed pa'i/ /gzungs kyi ye shes thob par 'gyur/ /de nas li tsa bI gzhon nu rin chen dra ba can bcom ldan 'das kyis legs par gsungs par rig nas rin thang med pa'i ras bcos bu gser gyis brgyan zung cig bcom ldan 'das la mngon par gsol to/ /de nas bcom ldan 'das kyis de'i tshe rdzu 'phrul mngon par 'du mdzad pa ji lta bus bcom ldan 'das kyi sku thams cad kyis ba spu'i khung bu thams cad nas 'od zer dag byung ste/ /shar phyogs kyi 'jig rten gyi khams dpag tu med grangs med pa ji snyed pa de dag thams cad snang bar gyur pa dang / sangs rgyas kyi zhing de dag na sems can gang dag skyes pa de </font><hr>247a<br><font size=+1>


@#/ /dag gis sangs rgyas kyi zhing mthong ba dang / sangs rgyas kyi zhing 'di na de bzhin gshegs pa'i 'khor gyi dkyil 'khor du sems can gang dag 'dus pa de dag gis kyang sangs rgyas kyi zhing de mthong ba dang / de'i tshe gang+gA'i klung gi bye ma snyed dgu bcu rtsa dgu snyed kyi sangs rgyas bcom ldan 'das rnams 'khor bzhi po la snang bar gyur pa de lta bu'i rdzu 'phrul mngon par 'du mdzad pa mngon par 'du mdzad do/ /de nas bcom ldan 'das kyis li tsa bI gzhon nu rin chen dra ba can la bka' stsal pa/ gzhon nu| khyod kyis steng gi phyogs logs na sangs rgyas bcom ldan 'das 'di ltar bsam gyis mi khyab/ 'di ltar gzhal gyis mi lang ba/ 'di ltar thug pa med pa/ 'di ltar tshad med pa/ 'di ltar brjod kyis mi lang ba de dag mthong ngam/ gsol pa/ bcom ldan 'das/ mthong lags so/ /bde bar gshegs pa/ /mthong lags so/ /bka' stsal pa/ rigs kyi bu/ 'di lta ste/ stong gsum gyi stong chen po'i 'jig rten gyi khams na lha dang / mi rnams kyi ming gi tshogs pas ni de bzhin gshegs pa rnams kyi mtshan ches mang ste/ re re la'ang mtshan gyi tshogs grangs med bsam gyis mi khyab pa yod do/ /'di ltar/ shar phyogs na de bzhin gshegs pa legs par rab tu zhi ba'i dpal </font><hr>247b<br><font size=+1>


dbyangs kyi dbang phyug rgyal po zhes bya ba rnams dang / de bzhin du de bzhin gshegs pa zla ba'i dkyil 'khor rnam dag ces bya ba rnams dang / de bzhin du de bzhin gshegs pa me tog gi 'od kyis rnam par rol pa mngon par mkhyen pa'i rgyal po zhes bya ba rnams dang / de bzhin du de bzhin gshegs pa me tog rgyas pa sA la'i rgyal po zhes bya ba rnams dang / de bzhin du de bzhin gshegs pa rin chen 'od zer zla bas brgyan pa mkhas pa'i gzi brjid dbyangs kyi dbang phyug gi rgyal po zhes bya ba rnams te/ de bzhin gshegs pa gcig gi mtshan ji ltar de bzhin gshegs pa so so'i mtshan yang de dang 'dra bar mthong ngam/ gsol pa/ bcom ldan 'das/ mthong lags so/ /bde bar gshegs pa/ mthong lags so/ / de bzhin du lho phyogs dang / nub phyogs dang / byang phyogs dang / de bzhin du 'og gi phyogs dang / de bzhin du steng gi phyogs te/ de ltar phyogs bcu kun gyi phyogs re re na de bzhin gshegs pa'i mtshan gcig pa'ang grangs ma mchis la/ de bzhin gshegs pa'i mtshan tha dad pa'ang bzhugs so/ /bka' stsal pa/ gzhon nu/ khyod kyis 'khor los bsgyur ba'i rgyal srid la gnas pa de bas kyang ches lhag pa'i sangs rgyas bcom ldan 'das dag mthong ngam/ gsol pa/ bcom ldan 'das/ mthong lags so/ /bde bar gshegs </font><hr>248a<br><font size=+1>


@#/ /pa| mthong lags so/ /de nas li tsa bI gzhon nu rin chen dra ba can mgu zhing dga' la yi rangs/ rab tu dga' zhing dga' ba dang / yid ba de ba skyes nas de'i tshe sa chen po g.yos par gyur to/ /sems can thams cad la phan pa dang / bde ba skyed pa dang / sems can thams cad kyi sems rab tu dga' ba dang / dge ba'i rtsa ba skyed pa'i snang ba chen po byung bar gyur te/ lha bye ba khrag khrig 'bum phrag du ma dag nam mkha' la 'khod nas lha'i dzam+bu chu bo'i gser gyi phye ma rnams gtor to// tshangs pa bye ba khrag khrig 'bum phrag du ma dag gis kyang tsan+dan dmar po'i phye ma rnams kyis bcom ldan 'das la gtor/ mngon par gtor/ mngon par rab tu gtor ro| |lha bye ba khrag khrig 'bum phrag du ma dag gis kyang lha'i me tog ut+pa la dang / pad+ma dang / ku mu da dang / pad+ma dkar po dang / man+dA ra ba dang / man+dA ra ba chen pos gtor/ mngon par gtor/ mngon par rab tu gtor to/ /lha bye ba khrag khrig 'bum phrag du ma dag gis kyang rin po che'i gdugs stong phul lo/ /lha bye ba khrag khrig 'bum phrag du ma dag gis kyang bcom ldan 'das kyis zhabs la mgo bos phyag btsal nas dus te/ gnas bye ba khrag khrig 'bum phrag du ma dag rjes su dran no/ /'di lta ste/ sangs rgyas bcom </font><hr>248b<br><font size=+1>


ldan 'das kyi byin gyis rlabs kyis kyang cho 'phrul bye ba khrag khrig 'bum phrag du ma dag rab tu bstan to/ /de la 'di skad ces bya ste/ bye ba brgya phrag du ma yi/ /lha rnams kho ra khor yug nas/ /tsan+dan dmar po zhib mo yis/ /rdzogs sangs rgyas la 'thor bar byed/ /brgya byin bye ba phrag stong dag /mkha' la gnas nas dzam+bu yi/ /chu bo'i gser phye mang po yis/ /de bzhin gshegs la 'thor bar byed/ /tshangs pa bye ba nyer lhags nas/ /tsan+dan dmar po'i phye ma yis/ /rdzogs sangs rgyas la 'thor byed cing / /sgra dbyangs snyan pa kun tu sgrogs/ /dri ma med pa'i 'od rig nas/ /nam mkha' la ni lha 'khong do/ /glu dbyangs dpag tu med pa len/ /mkha' la ras kyis g.yob par byed/ /nam mkha' la ni lha 'khod de/ /pad+ma brgya phrag stong blangs nas/ /'jig rten gsal la ston byed cing / /rgyal mtshan la sogs mchod pa byed/ /zla med rgyal mchog thub dbang la/ /rab tu yid dgas phyag 'tshal zhing / /bstod byed nor bu rin chen dang / /mu tig rgyan phreng 'thor bar byed/ /mi ni bye ba 'bum tham pa/ /rgyal mchog zla med pa la mchod/ /sngon gyi gnas brgya rjes dran zhing / /thub mchog zla med mgos phyag 'tshal/ /de nas 'jig rten snang mdzad pas/ /chos kyi rnga ni rab brdungs te/ /de yi sgras ni zhing rab mang / /bye </font><hr>249a<br><font size=+1>


@#/ /ba dag tu go bar byas/ /de yi tshe na sems can ni/ /bye ba grangs med kun nas lhags/ /de dag rdzogs pa'i sangs rgyas kyis/ /sangs rgyas ye shes bla med bkod/ /de tshe gzhon nu dga' gyur nas/ /tsan+dan sbrul gyi snying po yi/ /gdan 'bul rin chen phye ma yis/ /gzhon nu sangs rgyas gtso la mchod/ /nor bu rin chen 'od gcig ni/ /'jig rten stong du gtong bar byed/ /rin chen gcig las 'od zer ni/ /stong phrag bye bar gtong bar byed/ /de bzhin rin chen ma lus la/ /'od zer dag ni byung bar gyur/ /de dag gis ni de yi tshe/ /yangs pa can yang snang bar byas/ /rin chen rnam pa de snyed kyis/ /sangs rgyas gtso la mchod byed cing / /rin po che yi phung po yang / /thub pa che la 'bul bar byed/ /gdugs ni gang dag mu khyud byas/ /mu tig phreng gis yongs brgyan pa/ /re re la yang mu khyud can/ /stong phrag nyi shu rtsa lnga'o/ /'di 'dra'i lags pa de yi ni/ /thub pa che la mchod pa byas/ /byang chub sems dpa' thams cad la/ /gser thags kyi ni gos phul lo/ /byang chub shing dag sprul nas su/ /de'i drung seng ge'i khri bshams la/ /stong phrag bye ba nyi shu lnga/ /de rnams la ni 'khod gyur pa/ /lo ni bye ba grangs snyed par/ /bgrang ba dag tu mi chod pa'i/ /byang chub sems dpa' thams cad ni// </font><hr>249b<br><font size=+1>


bya ba brgya phrag lhags par gyur/ /shar gyi phyogs nas bzung nas su/ /lho phyogs nub phyogs byang phyogs dang / /'og dang steng dang de bzhin du/ /phyogs dag gi yang mtshams nas lhags/ /ji tsam mig gis mthong ba'i bar/ /de srid 'jig rten khams rnams su/ /skyob pa 'jig rten mgon po yi/ /gser gyi mdog 'dra'i 'od kyis gang / /ston pa gang na bzhugs pa dang / /chos ni gang na 'bar ba der/ /'jig rten khams ni thams cad nas/ /byang chub sems dpa' nye bar lhags/ /de ltar mtha' yas dpag tu med/ /bsam gyi mi khyab mchod pa ni/ /rin chen dra ba li tsa bI/ /gzhon nu de yi tshe na byas/ /de nas bdag nyid chen po pa/ /lha dang klu dang mi rnams kyis/ /mdun du mi mchog shAkya yi/ /seng ges dbugs ni 'byin par mdzad/ /nga yi mdun du 'dug nas su/ /khyod kyis 'di 'dra'i mchod byas pa/ /gang+gA'i bye ma ji snyed pa/ /de snyed mchod pa dag gis mchod/ /rin chen dra ba can gyi phyir| |mdo sde bshad pa sus rig pa/ /byang chub las ni mi ldog ste/ /sangs rgyas smra ba'i mchog tu 'gyur/ /gang zhig mdo sde 'di 'dzin pa'i/ /bsod nams phung po'i tshad dag ni| |'di snyed gsog par 'gyur ro zhes/ /de ltar bshad par mi nus so/ /phyogs bcu'i 'jig rten sa dang chu/ /me dang rlung gi tshad dag ni/ /'di tsam zhes ni bshad par nus// </font><hr>250a<br><font size=+1>


@#/ /bsod nams phung po bshad mi nus/ /dge slong ngam ni dge slong ma/ /dge bsnyen nam ni dge bsnyen ma/ /gang gis mdo sde 'di thos pa/ /lha dang klu dang lto 'phye che/ /sems can thams cad nyer lhags pas/ /de yi gzi brjid mi bzod de/ /me ni bsil bar 'gyur srid kyi/ /de yi gzi brjid nyams pa med/ /mdo sde 'di ni gang 'dzin pa/ /byang chub spyad pa spyod pa'i tshe/ /sems can kun gyis bsten bya zhing / /byang chub sems la'ang mchod pa byed/ /gang zhig stobs dang ldan pa'i mis/ /bye ba stong du bshad pa yi/ /skra rtses stong gi 'jig rten khams/ /bskal pa bye ba bzung ba bas/ /gang zhig phyi ma'i dus dag tu/ /sangs rgyas byang chub gleng gzhi ni/ /'di 'dra'i rnam pas thos nas su/ /gzhan dag la yang ston byed na/ /gang zhig sngar ni rab bsgrags pa/ /'di yi ngo mtshar chen po yi/ /brgya dang grangs dang bgrang ba dang / /dper yang 'gyur ba ma yin no/ /phyi ma yi ni dus dag tu/ /'di 'dra'i rnam pa seng ge'i sgra/ /bstan pa bla med thos gyur kyang / /'gal med don med 'gyur bar 'ong / /'jig rten mgon po rdzogs sangs rgyas/ /'ong mdzad gang gis 'dir mthong ba/ /phyi ma'i dus su nges thos nas/ /zhe sa zhus par byed par 'gyur/ /gal te zhing rnams bye ba na/ /sems </font><hr>250b<br><font size=+1>


can gang dag 'khod de dag /sangs rgyas ye shes ldan gyur la/ /gang+gA yi ni bye ma snyed/ /bskal pa du ma brgya dag tu/ /rim gro dag ni byed pa dang / /ji ltar stong chen gyi ni 'jig rten khams/ /de snyed dag gi gtsug lag khang mchog ni/ /dbul bya lha yi tsan+dan dag las byas/ /lha yi gtsug lag khang mchog re re la'ang / /bye ba phrag stong dag gi khang bzang byas/ /bye ba phrag stong dag gi khang bzang yang / /dbul bya lha yi rin chen dag las byas/ /re re'i khri dag bshams nas rim gro ba/ /bye ba phrag brgya shin tu tshang bar bkod// mkhas pas de ni rin chen dra ba dag /blangs nas de tshe khri de brgyan pa rnams/ /gang+gA'i bye snyed bskal pa bye ba brgyar/ /thub chen 'jig rten spyod pa bzhugs pa yi/ /sangs rgyas gcig la 'bul bya dbul ba dang / /ji ltar gang+gA'i klung gi bye ma snyed/ /yongs su mya ngan 'das kyi mchod rten byas/ /ji ltar stong chen 'jig rten khams rnams su/ /sangs rgyas gcig gi mchod rten byas pa ni/ /rin chen rang bzhin lha yi sgo stong ldan/ /shin tu legs par srid pa'i rtse srid mtho/ /ji ltar gang+gA'i klung gi bye snyed kyi/ /gdugs ni mchod rten gcig la 'bul bar byed/ /de tshe re re gdugs la mu tig gi/ rgyan phreng bya ba rnams kyang shin tu bkram/ /ji ltar gang+gA'i klung gi bye ma snyed/ /bye ba'i 'phan dang rin chen </font><hr>251a<br><font size=+1>


@#/ /sna tshogs kyi/ /rgyal mtshan bye ba phrag brgya gang+gA yi/ /bye snyed mchod rten dag la 'bul bar byed/ /snang ba mdzad pa thams cad mkhyen gcig gi mchod rten gcig la sil snyan bye ba stong / /dkrol cing gus pa'i mi ni sa ya dag /bye ba phrag stong tshang ba 'bul bar byed/ /me tog gdugs brgya du ma mchod rten la 'bul ba// thub pa che la de 'dra'i mchod pa nyin gcig bzhin/ /gang+gA'i bye snyed bskal pa stong du byed pa bas/ /gang zhig mdo sde 'di las tshigs bcad gcig thos nas/ /som nyi med cing 'dun pa skyed byed la/ /rgyal ba'i mtshan 'di dag kyang rjod byed na/ /de bas bsod nams 'di ni bla med mchog /mkhas pa ting nge 'dzin gyi ming thos shing / / tshul khrims skyon med mtshan 'di 'dzin pa dang / /de bzhin sangs rgyas la ni mchod byed pa/ /des ni gang+gA'i bye snyed sangs rgyas mthong / /thub chen rkang gnyis mchog gyur de dag la/ /mchod pa dam pa'ang yid kyis byas nas ni/ /rtag tu myos med chos kyang ston byed cing / /bskal pa bye ba de ni rmongs med 'gyur/ /'jig rten mgon pos mdo mchog rgyal po 'di/ /ston pa'i tshe na gang gis sngon mthong ba/ /rgyal ba mchog las 'di ni thos gyur nas/ /phyi ma'i dus su de ni dga' bas 'dzin/ /dri nga phyi sa'i </font><hr>251b<br><font size=+1>


bum pa mis 'dor ltar/ /'dod pa skyon du bgrang ba spong byed cing / /mkhas pa nges 'byung zhi la mngon dga' ste/ /rtag tu myos med dgon pa sten par byed/ /yangs pa'i grong khyer mchog tu gnas nas su/ /der ni bshad tshe gang gis nga mthong zhing / /dra ba'ang nga la mchod byed mthong ba ni/ /phyi ma'i dus su mdo mchog 'di 'dzin to/ /nga'i bu gang zhig rtag tu rjes 'brang zhing / /byang chub zhi ba spyod mchog spyod pa na/ /sems can rnams ni rtag tu 'dul byed pa/ /phyi ma'i dus su mdo mchog 'di 'dzin to/ /sangs rgyas 'dren pa gzhal med dpag med kyi/ /spyad pa spyod tshe gang gis rim gro dang / /de bzhin mchod pa mchog dag byed pa ni/ /de ni khyi dus rgyal mchog chos 'dzin to/ /gang zhig bskal pa bye bar tshangs spyod cing / /'jig rten mtha' yas don ni sngar spyad pa/ /gang zhig phyi ma'i dus su mdo sde 'di/ /thos pa'i bsod nams grangs su 'gyur ma yin/ /sangs rgyas 'khrug med yang na tshe dpag med/ /sangs rgyas gzhal med dpag med de dag 'dir/ /sems can snying po gang gis mthong 'dod pa/ /mdo sde mdzes pa dpag med gzung bar gyis/ /tshe dpag med dang mi 'khrugs dri med 'od/ /seng ge dang ni tog dang de bzhin du/ /gang zhig sangs rgyas de kun mthong 'dod pa/ /phyi ma'i dus su rgyal </font><hr>252a<br><font size=+1>


@#/ /mchog chos zungs shig /sangs rgyas byams pa dang ni dri med 'od/ /bdag nyid chen po dang ni seng ge tog /rab snang gtso bo de bzhin mthong 'dod pa| |de ni phyi dus rgyal mchog chos zungs shig /'di 'dra'i mdo sde khyad par 'phags mchog dag /rin chen dra ba can la nga yis bshad/ /phyi ma'i dus su de tshe khyod kyis ni// bag med gnas la 'dug par ma byed cig /phyi ma'i dus kyi tshe ru gyur pa na/ /tshul khrims skyon med rtag tu bag byos dang / /de nas khyod ni 'chi ba'i dus byas nas/ /rgyal pa 'od zer mtha' yas can gyi zhing / /rin chen ldan zhes bya ba'i 'jig rten khams/ /steng gi 'jig rten khams su 'gro bar 'gyur/ /de nas khyod ni 'chi ba'i dus byas nas| |myur ba nyid du sangs rgyas byams pa mthong / /bcom ldan 'das kyis de skad ces bka' stsal pa dang / li tsa bI gzhon nu rin chen dra ba can dang / byams pa la sogs pa byang chub sems dpa' bye ba phrag bzhi bcu dang / dgra bcom pa bye ba phrag drug cu dang / lha bye ba phrag dgu bcu rtsa dgu rnams yi rangs te/ bcom ldan 'das kyis gsungs pa la mngon par bstod do/ /'phags pa rin chen dra ba can gyis zhus pa zhes bya ba theg pa chen po'i mdo rdzogs so// //rgya gar gyi mkhan po dz+nyA na gar+b+ha dang / lo </font><hr>252b<br><font size=+1>


tsA ba ban+de ye shes snying pos bsgyur/ zhus chen gyi lo tsA ba ban+de dpal brtsegs kyis zhus te gtan la phab pa// </font><hr>

</table>