H138

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H138</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H138&coll=lhasa">see text in Tibetan script</a></table>241a<br><font size=+1>


bod skad du/ rdo rje'i ting nge 'dzin gyi chos kyi yi ge /bam po bla ma/ rdo rje'i ting nge 'dzin gyi chos kyi yi ge le'u gcig ste/ mgo mnan gleng gzhi'i le'u'o// //'di bzhin bdag gis thos pa dus gcig na/ sangs rgyas rgyal po'i mo mkhar ri la dge slong gi dge 'dun chen po khri phrag gcig dang lhan cig ste/ kun kyang dgra bcom pa'i lam thob pa de'i ming la shA ri'i bu dang / maung+gal gyi bu dang / rab 'byor dang / de lta bu la sogs pa dang / yang dgra bcom pa dang / byang chub sems dpa' sems dpa' chen po mi nyis stong dang lhan cig ste/ de'i ming la grol thar dang / byang chub sems dpa' sems kyi rgyal po dang / byang chub sems </font><hr>241b<br><font size=+1>


dpa' chags med dang / byang chub sems dpa' de lta bu la sogs pa'i byang chub sems dpa' dang / yang ya rabs kyi mi brgyad khri yod pa dang lhan cig ste/ de'i ming la ya rabs tshangs par spyod pa dang / ya rabs tshangs par spyod pa chen po ya rabs zhu te dang / de lta bu la sogs pa dang yang lhan cig /lha dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa la sogs pa 'bum khri phrag drug cu yod de/ de'i btsun mo phal mang pos 'khor bar bskor nas phal mang po rnams la theg pa chen po'i chos kyi ming ro gcig pa/ yang dag pa'i bden pa/ mtshan ma med pa/ skye ba med pa/ bden pa mi 'gyur ba'i dbyings phyi mo'i tshor ba spyod pa bshad do/ /la la zhig gis yi ge 'di thos te tshig bzhi le'u gcig pa yan chad mnos te gzungs su bzung ba'i mi des sangs rgyas kyi ye shes kyi sar chud ces bya'o/ /thabs spyad de sems can la bstan bslab nas sems can gyi dge ba'i bshes gnyen chen po bya nus so/ /sangs rgyas kyi yi ge bshad zin nas skyil mo krung du bzhugs nas mod bzhin rdo rje'i ting nge 'dzin du bzhugs te lus dang / sems mi g.yo/ de'i tshe phal mang po'i nang na dge slong ming a gasta zhes bya ba zhig yod pa 'dug pa las langs te thal mo sbyar pus mo </font><hr>242a<br><font size=+1>


@#/ /sa la btsugs nas yid kyi gzhung bzlas par byas te le'u tshigs su bcad pa bshad do/ /byams pa chen po mchog tu btsun/ /shes rab spyod pas thogs pa med| |sems can rgya chen bsgral ba'i phyir/ /bden pa gcig gis gzhung spyad pa/ /spyad pa kun kyang ro gcig lam/ /mtha' ru theg chung mi spyod pa/ /bshad pa kun kyang gzhung ro gcig /mi bden thams cad kun dang bral/ /sangs rgyas ye shes sa la bzhugs/ /mi 'gyur yang dag bden pa'i dbyings/ /chos kun 'jig rten khams las byung / /ma grol ma thar yong ye med/ /grangs med byang chub sems dpa' rnams/ /thams cad kun kyang sems can grol/ /phal phyir yangs shing zab pa dris/ /stong pa zhi ba'i chos mtshan rig /mi 'gyur gnas pa'i de ru rig /yang dag gshegs pa'i ye shes thabs/ /de phyir mngon bzhugs bden pa 'chang / /kun kyang theg pa gcig bzhin 'brang / /go bdun rnams kyi ro bro med/ /dpe ru char gcig rlan gyis su/ /rtswa rnams thams cad kun rgyas na/ /so so'i rang bzhin tha dad do/ /chos ro gcig gis bangs pa ni/ / thams cad kun tu khyab par gang / /dpe ru char des bangs dang 'dra/ /kun kyang byang chub myu gu skye/ /rdo rje rdo 'dra de ru zhugs/ /yang dag bden thub chos bshad de/ /'gyur dogs </font><hr>242b<br><font size=+1>


pa yi 'gyod pa bcad/ /tshogs gcig rgyas btab kun kyang 'grub/ /rdo rje'i ting nge 'dzin gyi chos kyi yi ge'i le'u gnyis te mtshan ma med pa'i chos kyi le'u'o// // de nas btsun pa ting nge 'dzin las bzhengs nas 'di skad ces gsungs so/ /sangs rgyas ye shes kyis ni/ yang dag pa'i chos kyi mtshan mar zhugs te/ ngo bo nyid mi 'gyur ba'i phyir ro| |thabs kyi rdzu 'phrul kun kyang mtshan ma'ang med/ phan pa'ang med/ tshogs pa gcig gis gzhung rtogs pas ni/ shes par yang dka'/ chud par yang dka' ste/ theg pa gnyis mthong ba dang / shes pa ni/ gnas ma yin no/ /sangs rgyas dang / byang chub sems dpa' 'ba' zhig shes par nus so/ /sems can bsgral du rung ba rnams la ro gcig pu bshad do| |de'i tshe grol thar byang chub sems dpa' 'dug pa las langs nas thal mo sbyar pus mo btsugs te sangs rgyas la gsol pa/ btsun pa/ sangs rgyas 'das te gshegs pa'i slad na| drang po'i chos ni/ 'jig rten nas 'das gzugs kyi chos 'jig rten na spyod de/ bskal pa tha ma'i tshe rnyog pa lnga'i sems can ngan pa'i las rnams mang pos khams gsum la 'khor lo bzhin du bskor te/ 'byung ba'i dus ma mchis pa'i tshe sangs rgyas byams pa'i thugs rjes sems can phyi ma'i slad du mi 'gyur ba yang dag pa'i bden pa'i chos kyi ro gcig </font><hr>243a<br><font size=+1>


@#/ /pa bshad de sems can de dag la sogs pa mthun par grol thar par bgyir smon to/ /sangs rgyas kyis gsungs pa/ pho skyes bu dge ba/ khyod nga la 'jig rten nas 'byung ba'i rgyu 'di 'dra ba dris te/ sems can la bstan la sems can de dag 'jig rten las byung ba'i 'bras bu thob par bya ba ni/ don chen po zhig yin te/ bsam gyis mi khyab bo/ /byams pa chen po spyad/ snying rje chen po spyad pa'i phyir ngas ma bshad na/ ser sna dang brkam pa'i nang du ltung ngo / /khyed la sogs pa sems gcig tu rtog par nyon cig dang khyod la dgrol zhing bshad do/ /skyes bu pho dge ba/ sems can la ston slob pa ni/ ston pa'i sems skye ba'ang med/ mi ston pa'i sems skye ba'ang med na/ de ni| ston pa chen po zhes bya ste/ de ni/ sems can kun nga'i sems dang bral ba'o/ /nga'i sems thams cad phyi mo nas stong pa mi g.yo ba ste/ stong pa'i sems thob nas sems sgyu mar sprul pa med do/ /sgyu ma'ang med do/ /sprul pa'ang med na/ gdod skye ba med pa thob bo/ /skye ba med pa'i sems ni/ sprul pa med par gnas so/ /grol thar byang chub sems dpas sangs rgyas la gsol pa/ btsun pa/ sems can gyi sems kyi ngo bo nyid phyi mo nas stong zhing mi g.yo'o/ /stong zhing mi g.yo ba'i sems ni/ yid la </font><hr>243b<br><font size=+1>


gzugs dang mtshan ma mchis na/ ji ltar spyad sbyangs na phyi mo'i sems stong pa thob par rung ba sangs rgyas kyi byams pa'i thugs dang bdag la dgrol zhing bshad par bstan to/ /sangs rgyas kyis gsungs pa/ byang chub sems dpa' sems so cog gi mtshan ma ni/ phyi mo nas phyi mo med do/ /phyi mo nas phyi mo'i gnas med de/ stong zhing mi g.yo la skye ba med do/ /sems la skye ba med na/ gdod stong pa mi g.yo bar zhugs pa'o/ /stong pa mi g.yo ba'i sems kyis ni/ skyes bu med bzhin sems stong pa thob bo/ /pho dge ba/ mtshan ma med pa'i sems la ni| sems kyang med/ nga yang med/ chos so cog gi mtshan ma ni/ de dang mtshungs so/ /grol thar byang chub sems dpas sangs rgyas la gsol pa/ btsun pa/ sems thams cad la nga yod pa dang / sems yod pa chos gang spyad pas tshor te/ sems can de dag bcings pa 'di las 'byung zhing 'bral bar bgyi/ sangs rgyas kyis gsungs pa/ skyes bu pho dge ba| nga yod pa ni/ rgyu rkyen bcu gnyis la brtag tu bcug na/ rgyu rkyen bcu gnyis ni/ thog ma dang / rgyu dang / 'bras bu las byung ngo / /rgyu dang / 'bras bu'i g.yo ba ni/ sems kyi spyod pa las langs te sems kyang med na/ lus med pa lta smos kyang ci dgos/ nga yod na ni/ mthong ba yod pa'ang zhi bar bya'o/ /nga med na ni/ mthong ba med pa'ang zhi bar bya'o/ / </font><hr>244a<br><font size=+1>


@#/ /sems skyes na ni/ zhi ba'i rang bzhin yang zhi bar bya'o/ /sems zhi na ni/ skye ba'i rang bzhin yang zhi bar bya'o/ /mthong ba'i rang bzhin de zhi na/ gdod yang dag pa'i dbyings su zhugs so/ /de ci'i phyir zhe na/ phyi mo nas skye ba ma zhi'o/ /ma zhi ma skyes na/ mi skye mi zhi ste/ chos so cog kyang de bzhin no/ /grol thar byang chub sems dpas yang sangs rgyas la gsol pa/ btsun pa/ sems can la las chos skye bar mthong ba'i tshe mthong ba gang zhi bar bgyi/ sangs rgyas kyis bka' stsal pa/ byang chub sems dpa' la las chos skye bar mthong ba'i tshe yod par mthong ba'ang zhi bar bya'o/ /chos zhi bar bya ba mthong ba'i tshe yod par mthong ba'ang zhi bar bya'o/ /mthong ba zhi na/ med pa yang dag pa'i chos thob ste/ mi 'gyur ba'i ngo bo nyid du zhugs nas mi 'gyur ba la skye ba med do/ /grol thar byang chub sems dpas sangs rgyas la gsol pa/ btsun pa/ sems can de dag gar skye ba ma mchis pa la gnas par bgyis na/ de de'i skye ba ma mchis pa lags sam/ sangs rgyas kyis bka' stsal pa/ skye ba med pa gnas pa nyid ni/ skye ba ma yin no| |de ci'i phyir zhe na/ gnas pa'ang med/ skye ba'ang med na/ gdod skye ba med pa yin no/ /byang chub sems dpa' skye ba dang / skye ba med pa skye ba spyad pas skye ba'i sems </font><hr>244b<br><font size=+1>


bsal to/ /skye ba dang / zhi bar gcig car btsal na/ nga skye ba'i phyi mo mi skye ste/ sems rtag par stong zhing mi g.yo'o/ /stong zhing mi g.yo ba la chags pa med na/ sems la chags pa med de| gdod skye ba med pa yin no/ /grol thar byang chub sems dpas yang sangs rgyas la gsol pa/ btsun pa/ sems la chags pa med na/ bslab cing spyad pa ci mchis/ 'on kyang bslab pa ci mchis sam/ sangs rgyas kyis bka' stsal pa/ byang chub sems dpa' skye ba med pa'i sems las byung ba dang / 'jug pa'i sems med de phyi mo yang dag par gshegs pa'i mdzod de/ ngo bo nyid stong zhing mi g.yo bas bslab pa yod pa'ang ma yin/ bslab pa med pa'ang ma yin no/ /bslab pa yod pa dang / bslab pa med pa dang / med pa'ang med na/ de ni| bslab pa'ang med pa'o/ /bslab pa med pa'ang ma yin pa de ni/ ming bslab pa'o/ /grol thar byang chub sems dpas sangs rgyas la gsol pa/ btsun pa/ ji lta bur na yang dag par gshegs pa'i mdzod kyi ngo bo nyid stong zhing mi g.yo ba zhes bgyi/ sangs rgyas kyis gsungs pa/ yang dag par gshegs pa'i mdzod ni/ ldang dub kyi sems kyi mdzod de/ ngo bo nyid stong pa ste/ mi g.yo ba'o/ /mtshan ma shes par bya na gzhung 'khyims te mi mngon no/ /yang dag par gshegs pa'i mdzod ni/ ngo bo nyid stong pa ste/ mi g.yo'o/ / </font><hr>245a<br><font size=+1>


@#/ /grol thar byang chub sems dpas sangs rgyas la gsol pa/ btsun pa/ ji lta bur na ldang dub kyi sems kyis mtshan mar shes par rung / sangs rgyas kyis bka' stsal pa| byang chub sems dpa' gzhung la ni/ rung ba dang / mi rung ba'ang med do/ /rung ba dang / mi rung ba'ang yod du zin na ni/ sems so cog skyes nas stong zhing khri'i bsam pa g.yos te/ de ni/ ldang dub kyi gzugs yin no/ /byang chub sems dpas phyi mo'i ngo bo nyid kyi mtshan ma la brtags na/ gzhung rang gang rgyas so/ /stong bsam khri mnos kyang lam gyi gzhung la mi phan te/ g.yos shing dkrugs pas sems kyi phyi mo bdag po stor bar gyur to/ /bsam zhing mno ba med na/ ldang dub kyang mi skye ste/ yang dag pa bzhin du mi g.yo'o/ /rnam par shes pa rnams bde zhing stong na/ 'bab cing 'khor bar mi skye ste/ gtsang ma'i chos lnga thob bo/ /de ni/ theg pa chen po yin te/ byang chub sems dpa'i chos gtsang ma lngar zhugs na/ sems la mi bden pa med do/ /mi bden pa med na/ gdod yang dag par gshegs pa'i rang gis tshor ba'i 'phags pa'i ye shes kyi sar chud do/ /ye shes kyi sar chud pa ni/ thams cad phyi mo nas mi skye bar mkhas par rig par bya ste/ phyi mo nas mi skye bar rig na/ gdod mi bden pa'i sems </font><hr>245b<br><font size=+1>


med do| |grol thar byang chub sems dpas sangs rgyas la gsol ba/ btsun pa/ mi bden pa'i sems can ma mchis na/ btang zhing dgag pa'ang ma mchis pa'i rigs so/ / sangs rgyas kyis gsungs pa/ byang chub sems dpa' mi bden pa'i phyi mo nas mi skye na/ mi bden pa dpag tu med do/ /sems la sems med par rig na/ sems gtang du med do| |bye brag med/ dbye ba med na/ 'phral gyi rnam par shes pa skye ba med pas skye ba gtang du med do/ /de ni/ gtang du med pa yin te/ med pa'ang med do/ /de ci'i phyir zhe na/ gtang ba dang / btang ba med pa'i phyir ro/ /grol thar byang chub sems dpas sangs rgyas la gsol pa/ btsun pa/ gtang ba med pa'i btang ba de nyid kyang skye ba lags na/ ji ltar na skye ba ma mchis zhes bgyi/ sangs rgyas kyis gsungs pa/ byang chub sems dpas skye ba de btang na/ btang zin pa dang gtang ba'ang med de/ gtang ba med pa la'ang mi chags pa/ chags pa med pa'ang mi chags na/ ji lta bur skye ba yin zhes bya/ grol thar byang chub sems dpas sangs rgyas la gsol pa/ btsun pa/ skye ba med pa'i sems la blang ba dang / gtang ba ci mchis/ chos kyi mtshan ma gang lags/ sangs rgyas kyis gsungs pa/ skye ba med pa'i chos la blang ba'ang med/ btang ba'ang med de/ sems med pa la gnas te/ chos med </font><hr>246a<br><font size=+1>


@#/ /pa la gnas so/ /grol thar byang chub sems dpas sangs rgyas la gsol pa/ btsun pa/ ji lta bur na sems ma mchis pa la gnas/ chos ma mchis pa la gnas zhes bgyi/ sangs rgyas kyis gsungs pa/ sems ma skyes na/ sems med pa la gnas pa yin no/ /pho dge ba/ sems kyi chos ma skyes na/ gnas shing rten pa'ang med do| |spyod pa'o cog la ma chags na/ sems rtag par stong zhing mi g.yo ste/ tha dad pa'i sems med do/ /dper na/ nam mkha' dang mtshungs te/ g.yo ba dang 'dug pa med/ sdang ba med/ bya ba med/ phan tshun med de/ stong pa'i sems kyi mig thob/ stong pa'i chos kyi lus thob pas lnga phung dang / zhugs pa drug kun stong zhing mi g.yo ba'o/ /pho dge ba/ stong pa'i chos spyod pa ni/ khams gsum la mi rten/ tshul khrims kyi mtshan ma la'ang mi chags la/ gtsang dag la sems med pas bsdu ba'ang med/ gtang ba'ang med de/ ngo bo nyid rdo rje dang mtshungs pas dkon mchog gsum mi zhig ste/ stong pa'i chos rnams mi g.yo bas pha rol tu phyin pa drug dang ldan no/ /grol thar byang chub sems dpas sangs rgyas la gsol pa/ btsun pa/ pha rol tu phyin pa drug ni/ kun kyang mtshan ma ma mchis pa lags na/ mtshan ma ma mchis pa'i chos kyis 'jig rten las phyin par nus </font><hr>246b<br><font size=+1>


lags sam/ sangs rgyas kyis gsungs pa/ pho dge ba/ ngas bshad pa'i pha rol tu phyin pa drug ni/ mtshan ma'ang med/ bya ba'ang med do/ /de ci'i phyir zhe na/ 'dod dang bral bar 'jug pa mkhas pas sems rtag par gtsang dag ste/ bden pa'i tshig gis thabs spyad pas bdag la'ang phan/ gzhan la'ang phan te/ de ni/ sbyin pa'i pha rol tu phyin pa yin no| |sems dag pa nas sran thub cing sems rtag par gnas pa med la/ gtsang gdang la gos pa med cing khams gsum la ma chags na/ de ni/ tshul khrims kyi pha rol tu phyin pa yin no/ /stong pa spyad de mdud pa bcad la yod pa rnams la mi rten na/ las gsum stong mi g.yo ste/ lus dang sems la'ang mi chags na/ de ni/ bzod pa'i pha rol tu phyin pa yin no| |ming gis bgrang ba yongs su bral la stong pa dang / yod par mthong ba bcad de/ phung po'i stong par zab tu zhugs pa de ni/ brtson 'grus kyi pha rol tu phyin pa yin no/ /stong pa dang / mi g.yo ba gnyis kha dog dang bral la stong pa'o cog la ma chags te/ sems 'jug pa med pa'i stong pa chen po la gnas pa de ni/ bsam gtan gyi pha rol tu phyin pa yin no| |sems la sems kyi 'du shes med do/ /stong pa la mi chags/ spyod do cog la mi skye/ stong zhing zhi bar yang mi gnas/ sems la 'byung 'jug kyang med do/ /ngo bo </font><hr>247a<br><font size=+1>


@#/ /nyid rtag par btang snyoms pas chos rnams kyi yang dag pa'i dbyings mi 'gyur ba'i ngo bo nyid rnams la'ang mi gnas/ shes rab la'ang mi chags pa de ni / shes rab kyi pha rol tu phyin pa yin no/ /pho dge ba/ de lta bu pha rol tu phyin pa drug gis ni/ phyi mo'i bzod pa thob ste/ yang dag par mi 'gyur ba'i ngo bo nyid du chud pas 'jig rten nas 'phags te byung la rtogs pa grol thar to/ /pho dge ba/ de lta bu'i grol thar pa'i chos kyi mtshan ma ni/ mtshan mar spyod pa ste/ grol ba dang ma chags pa'ang med pa de'i ming grol thar pa'o/ /ji ltar zhe na/ grol thar pa'i mtshan ma la ni/ mtshan ma'ang med/ spyod pa'ang med/ g.yo ba'ang med/ 'khrug pa'ang med de/ stong pa mi g.yo ba'i mya ngan las 'das pa na mya ngan las 'das pa'i mtshan ma la'ang ma chags na/ grol thar byang chub sems dpas tshig 'di skad thos nas yod ma myong ba thob pas sems la shin tu dga' ste/ de'i yid bslab par byas nas tshigs su bcad pas bshad do/ /tshon chen gang rgyas btsun pas su/ /mang po phal phyir ches drangs pa/ /kun kyang theg pa gcig bshad de/ /theg pa gsum gyi lam yang med/ /ro gcig mtshan med phan bsod pa/ /dpe ru stong pa chen po bzhin/ /ci yang mi bzhugs med shong med/ /so so'i rang </font><hr>247b<br><font size=+1>


bzhin tha dad de/ /kun gyis phyi mo'i gnas thob bo/ /sems dang nga ru bral bas su/ /chos gcig gi ni gzhung grub po/ /mthun dang tha dad spyod pa'i rnams/ /kun gyis phyi mo'i bsod rnams thob/ /mtshan gnyis thob pa gags bcad pas/ /stong pa mi g.yo mya ngan 'das/ /blangs dang rigs pa ma chags pas/ /gang dag thub pa'i gnas su zhugs/ /mtshan ma med cing spyod pa'ang med/ /stong sems mi g.yo zhi ba yis/ /stong pa zhi ste sems mi skye/ /rdo rje ngo bo nyid dang mtshungs/ /dkon mchog gsum ni yong mi zhig/ pha rol phyin pa drug ldan pas/ /sems can thams cad rab bsgral te/ /khams gsum gnas su byung zhing 'das/ /kun kyang theg pa gcig mi spyod/ /ro gcig chos kyis rgyas btab ste/ /theg pa gcig po 'byor 'grub bo/ /de nas phal mang pos gzhung 'di bshad pa thos sems la shin tu dga' ste/ sems dang nga ru bral ba thob pas stong pa mtshan ma med pa la zhugs te/ shin tu rgya che zhing yangs pas kun gyis yang dag par mdud pa chod pa dang / zag pa zad pa thob bo/ /rdo rje'i ting nge 'dzin gyi chos kyi yi ge le'u gsum ste/ skye ba med pa spyod pa'i le'u'o// //de'i tshe sems kyi rgyal po byang chub sems dpas sangs rgyas kyis khams gsum gyi phyi logs su byung ba'i chos bsam gyis mi khyab </font><hr>248a<br><font size=+1>


@#/ /pa bshad pa thos nas 'dug pa las langs te sor mo bsnol thal mo sbyar nas tshigs su bcad pas dris pa/ yang dag gshegs pas gzhung bshad pas| |'jig rten 'byung ba'i gzugs ma mchis/ /skye ba thams cad zad par bgyis/ /bag yod zad pa thob lags sam/ /bdud dang stong pa sems pa 'chang / /de ni skye ba ma mchis lags/ /ji ltar skye ba ma mchis la/ /skye ba med pa'i mnags pa mchis/ /de nas sangs rgyas kyis sems kyi rgyal po byang chub sems dpa' la bka' stsal pa| pho dge ba/ skye ba med pa'i chos kyi mnags pa ni/ chos la phyi mo nas skye ba med do/ /spyod do cog skye ba med de/ skye ba med pa spyod pa yang med na/ skye ba med pa'i mnags pa thob pa ni/ sgyu ma mi bden pa yin no/ /sems kyi rgyal po byang chub sems dpas gsol pa/ btsun pa/ bskyed pa'i mnags pa thob pa sgyu ma mi bden pa lags na thob pa'ang ma mchis/ mnags pa'ang ma mchis na/ sgyu ma mi bden pa lags pa'i rigs so/ /sangs rgyas kyis gsungs pa/ yin no/ /ji lta zhe na/ thob pa'ang med| mnags pa'ang med na/ de ni/ thob pa yod pa yin no/ /thob pa yod/ chags pa yod na/ de ni/ skye ba yod pa yin no/ /skye ba yod la thob pa yod na/ thob pa yod pa'i </font><hr>248b<br><font size=+1>


chos te| kun kyang sgyu ma mi bden pa yin no/ /sems kyi rgyal po byang chub sems dpas gsol pa/ btsun pa/ ji lta bur na mnags pa ma mchis/ skye ba ma mchis pa'i sems sgyu ma mi bden pa lags zhes bgyi/ sangs rgyas kyis gsungs pa/ mnags pa med/ skye ba med pa'i sems zhes bya ba ni/ sems la gzung ba dang / mtshan ma med de/ dper na/ me'i rang bzhin dang mtshungs te/ shing gi nang na 'dug mod kyi/ yal ga la 'dug pa'i gnas med do/ /rang bzhin mi 'gyur yang dag na/ ming dang mkhan yod du zad kyi/ rang bzhin btsal du mi rnyed do/ /de'i gzhung brjod pa'i phyir ming brnyan ma bshad na/ ming rnyed par mi rung nas sems kyi mtshan ma'ang de bzhin te/ gnas mi mthong ngo / /sems de lta bu yin par rig na/ gdod skye ba'i sems med do/ /pho dge ba'i sems de'i rang bzhin gyi mtshan ma ni/ shing tog a ma li ka dang mtshungs te/ phyi mo rang las kyang ma skyes/ gzhan las kyang ma skyes/ phyi las kyang ma skyes/ rgyu rkyen mched las skyes pa'ang ma yin/ skye ba'ang med/ ji lta zhe na/ rkyen brjes shing 'das pa'i phyir ro/ /rkyen g.yos pa'ang skye ba med| rkyen 'das pa la zhi ba med de/ mngon pa dang / mi mngon pa'i mtshan ma med do/ /phyi mo gzhung stong zhing zhi ste/ c+med pa'i gnas na 'dug pas 'dug pa'i gnas su mi </font><hr>249a<br><font size=+1>


@#/ /mthong ste/ ngo bo nyid yang dag par mi 'gyur bas yang dag par mi 'gyur ba'i ngo bo nyid ni/ gcig kyang mi gcig/ tha dad mi dad/ mi rtag mi chad/ mi zhugs mi 'byung / mi skye mi shi ste/ skur ba dang gzhi dang bral la/ smra ba'i tshig gi lam bcad do/ /skye ba med pa'i sems kyi ngo bo nyid kyang de dang mtshungs na/ ji lta bur skye ba med/ skye ba dang / mnags pa yod pa dang / mnags pa med pa bshad na/ la la zhig sems la thob pa yod/ gnas dang gtong ba yod ces bshad na/ des na bla na med pa yang dag par rdzogs pa'i shes rab mi thob ste/ de ni/ khor bor mtshan mo sems kyi ngo bo nyid mngon par bye brag phyed la sems kyi ngo bo nyid de ltar yin par rig na/ ngo bo nyid kyang de dang mtshungs te/ skye ba spyod pa med do/ /sems kyi rgyal po byang chub sems dpas gsol pa/ btsun pa/ sems phyi nas mi g.yon/ spyod pa skye ba ma mchis so/ /spyod pa rnams mi skye na| skye ba mi spyod pa mi skye'o/ /spyod pa med pa'ang mi skye na/ gdod skye ba med do/ /sangs rgyas kyis gsungs pa/ pho dge ba/ khyod kyis skye ba med pa spyad na/ skye ba med pa spyad par rig gam/ sems kyi rgyal po byang chub sems dpas gsol pa/ ma lags so/ /ji lta zhe na/ skye ba spyod pa ma mchis na/ ngo bo nyid kyi mtshan ma stong zhing mi g.yo </font><hr>249b<br><font size=+1>


ste| mthong ba'ang ma mchis/ thos pa'ang ma mchis/ stor ba'ang ma mchis/ btang ba'ang ma mchis na/ ji lta bur rig pa blang zhes bgyi/ rig tu lags na/ de ni/ rtsod cing brjod pa'o rtsod pa ma mchis/ brjod pa ma mchis na/ gdod skye ba spyod pa ma mchis so/ /sangs rgyas kyis gsungs pa/ khyod kyis bla na med pa yang dag par rdzogs pa'i byang chub thob bam/ sems kyi rgyal po byang chub sems dpas gsol pa/ bdag gis bla na med pa yang dag par rdzogs pa'i byang chub thob bo/ /de ci'i phyir zhes bgyis na/ byang chub kyi ngo bo nyid kyi nang na thob pa'ang ma mchis/ stor ba'ang ma mchis/ tshor ba'ang ma mchis/ shes pa'ang ma mchis/ rnam par brtags pa'ang ma mchis te/ rnam par brtags pa ma mchis pa'i nang na gtsang dag pa'i ngo bo nyid do/ /ngo bo nyid la ni/ bar chad kyang ma mchis/ 'dres pa'ang ma mchis/ tshig gi bshad pa'ang ma mchis/ yod pa'ang ma mchis/ med pa'ang ma mchis/ shes pa'ang ma mchis/ mi shes pa'ang ma mchis te/ spyad du rung ba'i chos rnams kyang ma mchis na/ de ci'i phyir zhes bgyis na/ chos spyod do cog gi gnas mal mi mthong ngo / /ngo bo nyid yang dag par mi 'gyur bas phyi mo nas thob pa dang / mi thob pa ma mchis na/ ji lta bur bla na med pa yang dag par rdzogs pa'i byang chub thob bam zhes bgyi/ sangs rgyas kyis </font><hr>250a<br><font size=+1>


@#/ /gsungs pa/ de yin no/ /khyod zer ba bzhin te/ sems kyi spyad pa thams cad ni/ mtshan ma med pa las mi 'da'o/ /ngo bo nyid stong pa ste/ skye ba med do/ / yod par rung ba'i rnam par shes pa rnams kyang de dang mtshungs so/ /ji lta zhe na/ mig dang mig gi reg pa kun nas stong pa mi g.yo ba ste/ rnam par shes pa'ang stong zhing mi g.yo'o| |mi g.yo ba'i mtshan ma'ang med /nang logs na blangs pa gsum yang med do/ /blangs pa gsum stong zhi'o/ /rna ba dang / sna dang / lce dang / lus dang / sems yid dang / yid kyi rnam par shes pa dang / nga'i rnam par shes pa dang / kun gzhi rnam par shes pa dang / de dang mtshungs te/ stong pa zhi ba'i sems dang / skye ba med pa'i sems kun kyang mi skye'o/ /stong pa zhi ba'i sems dang / skye ba med pa'i sems skyes su zin na/ de ni/ skye ba spyod pa yod pa yin te/ skye ba spyod pa med pa ma yin no/ /nang logs su blangs pa gsum dang / spyod pa gsum dang / tshul khrims gsum skye bas stong zhing zhi ste ma skyes na/ sems mi skye zhing sems rtag par stong zhing zhi ste/ don yang med/ spyod pa'ang med pas stong zhing zhi ba'i mtshan ma'ang mi rigs te/ reg pa med pa la mi chags so/ /gnas pa med par 'jug ste mtshan ma med pa'i don mdo bzung na/ gdod blangs pa </font><hr>250b<br><font size=+1>


gsum med de/ kun stong zhing gnas gtsang dag ste/ chags pa med nas ting nge 'dzin du'ang mi 'jug /bsam gtan la'ang mi 'jug /skye ba'ang med/ spyod pa'ang med do/ /sems kyi rgyal po byang chub sems dpas gsol pa/ bsam gtan gyis g.yo ba bsdu ba dang / sgyu ma 'khrugs pa rnams thub par nus na/ ci'i slad nas bsam gtan mi bgyid/ sangs rgyas kyis gsungs pa/ byang chub sems dpa'i bsam gtan ni/ g.yo ba yin no/ /mi g.yo no/ bsam gtan ma yin te/ skye ba med pa'i bsam gtan yin no/ /bsam gtan gyi ngo bo nyid skye ba med do/ /bsam gtan skye ba'i mtshan ma dang bral lo/ /bsam gtan gyi ngo bo nyid la chags pa med de/ bsam gtan g.yo ba'i chags pa dang bral na/ bsam gtan gyi ngo bo nyid la g.yo ba dang / mi g.yo ba med par rig pas skye ba med pa thob bo/ /skye ba med pa'i shes rab ni/ skye ba la'ang mi gnas te/ sems kyang mi g.yo'o/ /de lta bu'i shes rab spyad pas na/ skye ba med pa'i shes rab kyi pha rol tu phyin pa thob bo/ /sems kyi rgyal po byang chub sems dpas gsol pa/ btsun pa/ skye ba ma mchis pa'i shes rab ni| gnas thams cad la chags pa'ang ma mchis/ gnas thams cad dang bral ba'ang ma mchis te/ sems la 'dug pa yod pa'i gnas ma mchis/ gnas la sems 'dug </font><hr>251a<br><font size=+1>


@#/ /pa'i gnas ma mchis/ 'dug pa'ang ma mchis/ sems kyang ma mchis/ sems la skye ba dang / 'dug pa ma mchis te/ de lta bur 'dug pa'i sems ni/ skye ba dang / 'dug pa ma mchis lags so/ /btsun pa/ sems la skye ba spyod pa ma mchis pa ni/ bsam gyis mi khyab bo/ /bsam gyis mi khyab pa'i nang ni/ bshad kyis mi lang ngo / /sangs rgyas kyis gsungs pa/ de yin no/ /byang chub sems dpa' sems kyi rgyal po byang chub sems dpas tshig de lta bu thos nas yod ma myong zhes bstod de/ tshigs su bcad pa bshad pa/ ye shes chen po gang rgyas btsun/ /skye ba spyod chos rgya cher bshad/ /thos ma myong ba thos par bgyis/ /ma bshad pa ni da bshad do/ /dpe ru zil mngar gtsang ma bzhin/ /bar bar gdod gcig lan 'ga' 'byung / /phrad par dka' zhing bsam par dka'/ /thos pa yang ni shin tu dka'/ /bla na med pa'i dpal zhing gshin/ /nang gi mchog gi dam pa sman/ /sems can rnams kun bsgral ba'i phyir/ /de ni kun kyang dgrol bshad do/ /de nas phal mang po'i nang du de skad bshad pa thos nas kun gyis skye ba med pa dang / ma skyes pa'i shes rab thob bo/ /rdo rje'i ting nge 'dzin gyi chos kyi yi ge le'u bzhi ste phyi mo'i tshor ba'i phan bsod kyi le'u'o// // </font><hr>251b<br><font size=+1>


de'i tshe chags med byang chub sems dpas sangs rgyas kyi ro gcig gi yang dag par bden pa bsam gyis mi khyab par bshad pa thos nas thag ring po nas nye bar 'ongs te yang dag par gshegs pa bzhugs par bsnyen te sems gcig tu brtags par nyan te dkar gtsang ma'i gnas su zhugs nas lus dang sems mi g.yo/ /de nas sangs rgyas kyis chags med byang chub sems dpa' la bka' stsal pa/ khyod thog ma ga las 'ongs/ /da ga nas gar phyin/ chags med byang chub sems dpas gsol pa/ btsun pa/ bdag thog ma'i phyi mo ma mchis pa nas mchis so/ /da phyi mo ma mchis pa'i gnas su phyin te/ sangs rgyas kyis gsungs pa/ khyod phyi mo nas 'ongs pa'ang med do/ /da phyin pa'i gnas kyang med de/ khyod kyis phyi mo bsod nams thob ste/ bsam gyis mi khyab bo/ /de nas byang chub sems dpa' sems dpa' chen po des mod bzhin 'od chen po btang ste/ khams gsum khyab par snang nas tshigs su bcad pa bshad do/ /shin tu che ba'i chang thub rnams/ /kun kyang shes rab gang zhing rgyas/ /rtag par phyi mo bsod nams spyad/ /sems can rnams la phan zhing bsod/ /chog rnam pa bzhi spyad do/ /rtag par phyi mo bsod nams gnas/ /mang po phal rnams kun drangs te/ /song zhing 'ongs pa yang med do/ /de nas chags med </font><hr>252a<br><font size=+1>


@#/ /byang chub sems dpas sangs rgyas la gsol pa/ btsun pa/ phan pa ci spyad de bsgyur la/ sems can gyi sems yid thams cad bsgyur te gtsang dag pa'i shes par chud/ sangs rgyas kyis gsungs pa/ yang dag par gshegs pa'i sangs rgyas rnams kyis ni/ rtag par tshor ba gcig spyad de/ rnam par shes pa bsgyur bas gtsang dag pa'i shes par chud do/ /ji lta zhe na/ sems can thams cad phyi mo nas tshor bas na/ rtag par tshor ba gcig spyad de/ sems can gyi rnams tshor bar byas so/ /sems can de dag phyi mo'i tshor ba thob par byas te/ sems yid rnams tshor bas stong zhing mi g.yo la skye ba med do/ /ji lta zhe na/ phyi mo'i ngo bo nyid yang dag par mi 'gyur bas na/ phyi mo nas g.yo ba med do/ /chags med byang chub sems dpas gsol pa/ rnam par shes pa kun rkyen gyi khams las langs nas gcig pu ji lta bur mi g.yo bar rung / sangs rgyas kyis gsungs pa/ khams gsum thams cad kyang phyi mo nas stong / rnam par shes pa thams cad kyang phyi mo nas stong pa la rkyen gyi rang bzhin med na/ ji lta bur rkyen las langs zhes bya/ chags med byang chub sems dpas gsol pa/ khams so cog stong pa ji lta bur mthong / sangs rgyas kyis gsungs pa/ mthong ba nyid mi bden pa yin </font><hr>252b<br><font size=+1>


no| |ji lta zhes bya na/ yod do cog thams cad kyang skye ba med/ mtshan ma'ang med de/ phyi mo nas rang gi ming med pas kun kyang stong pa mi g.yo ste/ chos so cog gi mtshan ma'ang de dang mtshungs so/ /sems can thams cad kyi lus kyang de dang mtshungs te/ lus kyang med na ji ltar mthong zhes bya/ chags med byang chub sems dpas gsol pa/ khams thams cad kyang stong lus thams cad kyang stong / rnam par shes pa thams cad kyang stong na/ tshor ba'ang stong pa'i rigs so/ /sangs rgyas kyis gsungs pa/ tshor ba gcig po zhes bya ba ni/ mi zhigs mi dngos te/ yang dag par mi 'gyur ba'i ngo bo nyid ni/ stong pa'ang ma yin/ mi stong pa'ang ma yin/ stong pa'ang med/ mi stong pa'ang med do/ /chags med byang chub sems dpas gsol pa| khams kyi rnams kyang de bzhin te/ stong pa'i mtshan ma'ang ma mchis/ stong pa'i mtshan ma mchis pa'ang ma mchis so/ /sangs rgyas kyis gsungs pa/ ma yin no/ /khams zhes bya ba ni| phyi mo'i ngo bo nyid yang dag par mi 'gyur bas yang dag par mi 'gyur ba'i phyi mo'i ngo bo nyid la gnas mal med do/ /chags med byang chub sems dpas gsol pa/ tshor ba'ang de dang mtshungs te/ gnas mal ma mchis so/ /sangs rgyas kyis gsungs pa/ de yin no/ /tshor ba la gnas mal med pas na/ gtsang gdang ngo / /gtsang gdang ba </font><hr>253a<br><font size=+1>


@#/ /la tshor ba'ang med do/ /ci'ang gnas med pas na/ gtsang gdang ste/ gtsang gdang ba la kha dog med do/ /chags med byang chub sems dpas gsol pa/ sems dang / mig dang / rnam par shes pa'ang de dang mtshungs te/ bsam gyis mi khyab bo/ /sangs rgyas kyis gsungs pa/ sems dang / mig dang / rnam par shes pa'ang de dang mtshungs te/ bsam gyis mi khyab bo/ /ji lta zhes bya na/ kha dog la gnas mal med pas gtsang gdang ste/ mthong ba med pas phyi sogs \?\ su mi 'byung ngo / /sems la gnas mal med pas gtsang gdang ste/ 'gag pa med de/ ldang ba'i gnas med do/ /rnam par shes pa la gnas mal med de/ gtsang dag pas g.yo ba med do/ /rkyen gyis dbye ba med na/ ngo bo nyid stong pa nyid mi g.yo ste/ ngo bo nyid la tshor ba med na/ tshor bas tshor ba med do/ /pho dge bas tshor bas tshor ba med par rig na/ rnam par shes pa rnams zhu'o/ /de ci'i phyir zhe na| rdo rje ye shes kyi sar chud do/ /grol thar gyi lam chad do/ /chad na/ chags pa med pa'i sar chud de/ 'byung 'jug med do/ /sems la 'dug pa med pa la gnas na/ yang dag par mi 'gyur ba'i ngo bo nyid kyis te/ sa ni/ gtsang gdang ste/ bai DUR+Ya gtsang ma dang mtshungs so/ /ngo bo nyid rnam par mnyam snyoms pa ni/ sa chen po dang mtshungs so/ /ye </font><hr>253b<br><font size=+1>


shes der chud pa ni/ sangs rgyas kyi sar chud pa yin no/ /ye shes kyi sar chud na/ rnam par shes pa rnams mi skye'o/ /chags med byang chub sems dpas gsol pa/ yang dag par gshegs pas bshad do/ /'tshal ni/ tshor ba gcig gi 'phrul stobs te/ rgyal po chen po bzhi'i ye shes kyi sa'o/ /sems can thams cad kyi rtsa ba'i phan bsod do/ /ji lta zhes bgyis na/ sems can thams cad kyi lus kyi nang na phyi mo nas gang bar rgyas so/ /sangs rgyas kyis gsungs pa/ de yin no/ /ji lta zhe na/ sems can thams cad ni/ phyi nas zag pa med de| dge ba rnams kyis phan pa'i phyi mo ni/ 'dod pa'i phan pa yod pa ni/ ma khums ma thul pa'i phyir ro/ /chags med byang chub sems dpas gsol pa/ sems can la la phyi mo'i phan pa ma thob tshor zhing sdud pa ma mchis na/ ji ltar gdul dka' ba bas dang bcing gdul/ sangs rgyas kyis gsungs pa/ 'dug kyang rung / 'ba' zhig 'gro'ang rung / rnam par rtog pa dang gos pa'ang rung / yid bsgyur te phung bar 'dug na khugs shing thul ba/ dad \?\ pa'i khugs thul pa/ bdud kyis bcings pa las grol \?\ thar nas sangs zhes byed de/ sa thang yangs pa la 'dug pa dang mtshungs nas rnam par shes pa dang / phung po mya ngan las 'das so/ /chags med byang chub sems dpas gsol ba/ sems kyis mya ngan las </font><hr>254a<br><font size=+1>


@#/ /'das pa thob ste/ gcig pu grogs ma mchis na/ rtag par mya ngan las 'das pa la gnas pas grol thar pa'i rigs so/ /sangs rgyas kyis gsungs pa/ mya ngan las 'das pa la 'dug na/ mya ngan las 'das bas bcings pa yin no/ /de ci'i phyir zhe na/ mya ngan las 'das pa ni/ phyi mo tshor ba la phan pa ste/ phyi mo nas phan pa ni/ mya ngan las 'das pa'o/ /mya ngan las 'das pa'i tshor ba'i shas nyid phyi mo tshor ba'i shas yin te/ tshor ba'i ngo bo nyid kyang tha dad pa med/ mya ngan las 'das pa'ang tha dad pa med do/ / tshor ba'i phyi mo'ang zad pa med/ mya ngan las 'das pa'ang zad pa med do/ /mya ngan las 'das pa'i phyi mo bas na/ mya ngan las 'das pa thob pa med do/ /mya ngan las 'das pa thob pa med na/ ji lta bur 'dug pa yod ces bya/ pho dge ba'i tshor ba ni/ mya ngan las 'das pa'ang mi chags so/ /de ci'i phyir zhe na/ tshor ba ni/ phyi mo nas skye ba med de/ sems can dri ma dang bral lo/ /de lta bu'i sar 'dug pas sems la 'dug pa'i gnas med de/ 'byung 'jug med pas gtsang gdang pa'i shes par chud do/ /chags med byang chub sems dpas gsol pa/ gtsang dag pa'i shes pa la chud pa'i gnas mchis sam/ gnas thob pa mchis sam/ des chos thob bam/ sangs rgyas kyis gsungs pa/ yin </font><hr>254b<br><font size=+1>


no| |ji lta zhe na/ bu bslab pa dang mtshungs te/ lag pa na gser gyi dong tse thogs pa na yod par ma shes te/ phyogs bcu bgrod pa nas lnga bcu lon te dbul rgyang zhing shin tu nyon mongs nas slong mo 'ba' zhig gis lus gsos kyang mi gang mi chog nas de'i phas de lta bu yod par mthong nas bu la smras pa/ khye'u/ gser gyi dong tse khyer ba ci'i phyir na blangs te ma spyad la/ yid la ci dgos pa chog par mi bya/ bu des dran nas gser gyi dong tse rnyed de sems la shin tu dga' nas dong tse rnyed ces zer ro/ /phas bu bslab pa la smras pa/ khyod dgar ma byed cig / gser gyi dong tse rnyed pa ni/ khyod nyid kyi nor yin te/ khyod kyis gung nas rnyed pa ma yin na/ ji lta bur dgar rung / pho dge ba/ gtsang dag pa'i shes pa'ang de dang mtshungs te/ phyi mo nas 'byung ba'i mtshan ma med/ da gdod zhugs pa ma yin no/ /sngon bslab pa'i phyir gyi med pa ma yin no/ /da tshor ba'i yin gyi gdod zhugs pa yin no/ /chags med byang chub sems dpas gsol pa/ pha des bu bslab par rig nas ci bslab nas lo lnga bcu lon gyi bar du phyogs bcur bgrong de dbul rgyang la shin tu nyon mongs nas gdod bsgo/ /sangs rgyas kyis gsungs pa/ lo lnga bcu lon zhes bya ba ni/ yud tsam zhig bsam pas sems g.yos pa'o/ /phyogs bcur bgrod pa ni/ ring por song ste khyab par chags so/ /chags med </font><hr>255a<br><font size=+1>


@#/ /byang chub sems dpas gsol pa/ ji lta bur na yud tsam bsam pas sems g.yo zhes bgyi/ sangs rgyas kyis gsungs pa/ yud tsam bsam pas sems g.yos pas ni| lnga phung gcig car skyes so/ /lnga phung skyes pa'i nang na ngan pa lnga bcu tshang ngo / /chags med byang chub sems dpas gsol pa/ ring por song ste khyab par chags pa dang / phyogs bcur bgrod pa dang / yud tsam bsam ste sems skyes pas ngan pa lnga bcu tshang na/ ji lta bur sems can de dag yud tsam sems pa mi skye bar bgyi/ sangs rgyas kyis gsungs pa/ sems can de dag sems pa bden par 'dug par bya ste/ rdo rje sa la gnas pa dang sems mi g.yo ste/ ldang ba med pas sems rtag par bde zhing yongs pas yud tsam bsam pa med do/ /chags med byang chub sems dpas gsol pa/ bsam gyis mi khyab bo/ /tshor ba'i sems ma skyes na/ de'i sems bde yangs te/ phyi mo'i tshor ba'i bzod pa lags so/ /bzod pa la g.yo ba ma mchis pas rtag par mchis te ma mchis pa ma lags so/ /ma mchis pa'ang mchis/ tshor ba ma mchis pa'ang ma lags/ tshor bas tshor ba ma mchis par rig na/ phyi mo'i bsod pa dang / phyi mo'i tshor ba'o/ /tshor ba gtsang dang ba la gos pa ma mchis pas mi 'gyur mi ldog ste/ ngo bo nyid yang dag </font><hr>255b<br><font size=+1>


par mi 'gyur pas na/ bsam gyis mi khyab bo/ /sangs rgyas kyis gsungs pa/ de yin no/ /chags med byang chub sems dpas tshig de skad thos pa dang yod ma myong ba thos te tshigs su bcad pa bshad do/ /btsun pa tshor chen btsun pa yis/ /bsam pa med pa'i chos skye bshad/ /sems skye med cing bsam pa med/ /sems rtag skye zhing zhi ba med/ /gcig tshor phyi mo tshor ba bsod/ /gser gyi dong rtse rnyed dang mtshungs/ /rnyed pa nyid ni rnyed ma yin/ /de nas phal mang pos tshig de bshad pa thos nas kun gyis phyi mo'i tshor ba'i bsod pa shes rab kyi pha rol tu phyin pa thob bo/ /rdo rje'i ting nge 'dzin gyi chos kyi yi ge le'u lnga ste yang dag pa bden pa'i dbyings su 'jug pa'i le'u'o// //de nas yang dag par gshegs pas tshig 'di skad du gsungs so/ /bskal du rung ba'i sems can phyin chad dus gzhan gyi tshe'ang chos 'di bzhin bshad pa'i rigs so/ /dus dang bzod pa lhan mi cig go /'gal ba dang mi 'gal bar bshad pa mthun pa'ang med/ tha dad pa'ang med de/ mtshan ma'ang de bzhin bshad pa'i rigs so/ /thams cad kyi yid kyis shes rab drangs la/ thams cad mkhyen pa'i ye shes kyi mtshor chud par phab ste rung ba rnams stong pa'i rlung la brlabs pa bzhin ma byas par phal de dag kun ro gcig pa'i 'phrul gyi'o/ /ma thob par byos shig/ </font><hr>256a<br><font size=+1>


@#/ /'jig rten dang / 'jig rten med pa la 'dug pa dang / 'dug pa'i gnas med pa stong pa lnga la 'byung bar 'jug pa dang / blang zhing btang ba med do/ /ji lta zhe na| chos rnams ni/ mtshan ma stong pa ste/ chos kyi ngo bo nyid med pa med do/ /med pa med pa'ang ma yin no/ /med pa ma yin na/ yod kyang med do/ /yang dag pa'i mi 'gyur ba'i ngo bo nyid ni/ yod med la mi chags te/ yod med de'ang med do/ /phal tha mal ba dang / 'phrul gyi shes rab kyis ni/ phyi mo mngon par dpag nus so/ /byang chub sems dpa' rnams la sogs pas de lta bu'i bsod pa rig na/ gdod byang chub thob bo/ /de'i tshe phal gyi nang na byang chub sems dpa' ming mthu chen zhes bya ba zhig yod pa 'dug pa las langs te mngon du sangs rgyas la gsol pa/ btsun pa/ yang dag par gshegs pa la stong pa lnga la 'byung 'jug dang / blang ba dang btang ba ma mchis/ sangs rgyas kyis gsungs pa/ byang chub stong pa lnga zhes bya ba ni/ yod pa gsum stong pa yin no/ /lam drug gi sgrib pa stong pa yin no/ /chos kyi mtshan ma stong pa yin no/ /ming dang gzugs stong pa yin no/ /sems kyi rnam shes pa'i gzhung stong pa yin no/ /byang chub sems dpa' de lta bu la sogs pa'i stong pa stong pa la mi gnas te/ stong pa la stong pa'i </font><hr>256b<br><font size=+1>


gzugs med do/ /gzugs med pa'i chos la blang ba dang / btang ba ci yod/ blang ba med pa'i sar chud na/ gdong stong pa nyid du chud do/ /mthu chen byang chub sems dpas gsol pa/ ji lta bur na stong pa gsum zhes bgyi/ sangs rgyas kyis gsungs pa/ stong pa gsum zhes bya ba ni/ stong pa'i mtshan ma'ang stong pa/ stong pa'i stong pa'ang stong pa/ stong pa'i gnas kyang stong pa ste/ de lta bu la sogs pa'i mtshan ma gsum la mi chags pas na/ yang dag pa'i bden pa med pa ma yin no/ /yi ge dang / tshig gi lam chad de/ bsam gyis mi khyab bo/ /mthu chen byang chub sems dpas gsol pa/ yang dag par bden pa ma mchis pa ma lags na/ de'i mtshan ma mchis pa'i rigs so/ /sangs rgyas kyis gsungs pa/ med pa ni/ med pa la mi chags so/ /med pa'ang ma yin/ yod pa'ang ma yin te/ yod pa ma yin pa'i chos la med pa la mi chags so/ /med pa ma yin pa'i mtshan ma ni/ yod pa la mi chags so/ /yod med la gzhung bshad pa ni/ thob par mi rung ngo / /byang chub sems dpa' ming med pa'i gzhung gi mtshan ma ni/ bsam gyis mi khyab bo/ /ji lta zhe na/ ming med pa'i ming ni ming med pa'ang ma yin no/ /gzhung med pa'i gzhung ni/ gzhung med pa'ang ma yin no/ /mthu chen byang chub sems dpas gsol pa/ de lta bu'i ming dang / gzhung yang dag pa'i bden pa mi g.yo ba'i mtshan ma lags </font><hr>257a<br><font size=+1>


@#/ /so| |yang dag par gshegs pa'i mi g.yo ba'i mtshan ma mi g.yo ba la mi chags so/ /mi g.yo ba la mi g.yo ba'i mtshan ma ma mchis so/ /mi g.yo ba la mtshan ma mchis na/ yang dag par gshegs pa ma lags sam/ sems can gyi sems kyi mtshan ma yang dag par gshegs pa'i mtshan ma ma lags te/ sems can gyi sems kyang khams tha dad pa ma mchis pa'i rigs so/ /sangs rgyas kyis gsungs pa/ de yin no/ /sems can gyi sems ni/ bden par tha dad pa med do/ /ji lta zhe na/ sems can gyi phyi mo gtsang ba'i phyir ro/ /yang dag pa la skye ba med na/ rdul gyis gos pa'i ming khams gsum zhes bya'o/ /khams gsum gyi sems ni/ ming tha dad pa'i khams zhes bya ste| khams de ni/ sgyu ma mi bden pa yin te/ sems lus su gyur pas skyes so/ /sems las mi bden pa med na/ tha dad pa'i khams kyang med do/ /mthu chen byang chub sems dpas gsol pa/ sems gtsang dang na/ khams kyi rnams mi skye'o/ /sems de dang na/ khams gsum mchis pa'i rigs so/ /sangs rgyas kyis gsungs pa/ de yin no| |byang chub sems dpa' sems la ni/ khams mi skye'o/ /khams las sems mi skye'o/ /ji lta zhe na/ khams mthong ngo cog ni/ sems 'ba' zhig mthong ste/ sems las </font><hr>257b<br><font size=+1>


sgyu ma ma brdzus na/ ci'ang mthong ba med do/ /byang chub sems dpas nang na logs na sems can med do/ /rang bzhin gsum stong zhing mi g.yo ba na/ gdod bdag cag ces bya ba'ang med| kha dog ces bya ba'ang med de/ zhugs pa gnyis zhes bya ba yan chad kyi sems kyang mi skyed na/ de lta bu bgrod pa'i thob pas gdod khams gsum yang med do/ /mthu chen byang chub sems dpas gsol pa/ ji lta bur na zhugs pa gnyis sems las ma skyes zhes bgyi/ sems kyi phyi mo nas mi skye na/ ji lta bur zhugs pa yod ces bgyi/ sangs rgyas kyis gsungs pa/ zhugs pa gnyis zhes bya ba gcig ni/ gzhung zhugs pa'o/ /gnyis ni/ spyod pa zhugs pa'o/ /gzhung zhugs zhes bya ba ni/ sems can rnams kyi yang dag par ngo bo nyid tha mi dad par rab tu yid ches pa'o/ /gcig kyang mi gcig/ mthun pa'ang mi mthun na/ phyi logs kyi rdul gyis bsgribs shing chod do/ /ma song ma 'ongs te tshor zhugs pa la ting nge 'dzin gnas nas sangs rgyas kyi ngo bo nyid la rtogs par brtags na/ yod pa'ang med/ med pa'ang med de/ bdag kyang med/ gzhan yang med/ tha mal pa dang / 'phrul rnam gnyis kyang med de/ rdo rje'i sems kyi sar sran thub par gnas te mi 'gyur na/ stong pa mi g.yo zhing byang ba med de/ mtshan ma 'dus pa las kyang ma grub/ 'ba' zhig las </font><hr>258a<br><font size=+1>


@#/ /kyang ma grub/ 'ba' zhig kyang ma lags/ ma 'dus/ ma gyes/ ma skyes/ ma shi/ 'ongs pa dang / song ba dang / 'dus pa'i mtshan ma'ang ma mchis te/ bsam gyis mi khyab bo/ /sangs rgyas kyis gsungs pa/ de yin no/ /bsam gyis mi khyab bo/ /bsam gyis mi khyab pa'i sems kyang de bzhin no/ /ji lta zhe na/ mi g.yo ba'i sems la tha dad pa med de/ sems kyi phyi mo nas mi g.yo bas na/ sems can gyi ngo bo nyid dang / sangs rgyas kyi ngo bo nyid gcig kyang mi gcig/ tha'ang mi dad de/ sems kyi ngo bo nyid phyi mo nas skye shi med do/ /skye shi ngo bo nyid kyi phyi mo mya ngan las 'das pa ste/ ngo bo nyid kyi phyi mo nas mi g.yo ste/ mi g.yo ba la g.yo ba med pas na/ chos so cog gi mtshan ma ni/ rkyen las langs pa med do/ /langs pa'i mtshan ma'i ngo bo nyid ni/ mi g.yo'o/ /mi g.yo la ci'ang g.yo ba med de/ rkyen gyi ngo bo nyid kyi mtshan ma phyi mo nas stong ste med na/ rkyen gyi rkyen dang / stong pa'i stong pa las rkyen ldang ba med do/ /rkyen gyi chos so cog ni/ bslad pa'i sems kyis mi bden pa'i mtshan ma mthong ngo / /mngon par na phyi mo nas mi skye'o/ /rkyen gyis phyi mo nas med pas na/ sems mi g.yo ba'i chos kyi gzhung ni/ rang gi ngo bo nyid stong pa med pa'o/ /stong pa'i rgyal po dang mtshungs te/ phyi mo nas 'dug </font><hr>258b<br><font size=+1>


pa'i gnas med na/ tha mal ba'i sems kyi bden pa'i rnam par brtags pas mthong ngo / /yang dag pa'i mi g.yo ba'i mtshan ma la phyi mo nas yod med do/ /yod med kyi mtshan ma ni| sems kyi rnam par shes pa 'ba' zhig gis mthong ngo / /byang chub sems dpa' mi g.yo ba'i sems kyi chos ni/ rang gi ngo bo nyid med pa la ma yin/ rang gi ngo bo nyid yod pa'ang ma yin te/ mi yong mi byed do/ /byang chub sems dpa' med pa dang / mi byed pa'i mtshan ma ni/ tshig gis bshad pa'i sa med do/ /ji lta zhe na/ yang dag pa'i mi g.yo ba'i chos ni| stong pa yangs pa ste/ mtshan ma ni/ med pas gnyis kyis shes pa ma yin no/ /stong pa'i khams la ni/ phyi nang dag gis mi rig ste/ drug spyod pa'i dri mas na/ gdod rig par nus so/ /mthu chen byang chub sems dpas gsol pa/ ji lta bur na drug spyod pa zhes bgyi bshad par smon to/ /sangs rgyas kyis gsungs pa/ gcig ni/ yid ches pa bcu spyod pa'o| |gnyis ni/ gnas bcu spyod pa'o/ /gsum ni/ spyad pa bcu spyod pa'o/ /bzhi ni/ bcu bsgyur cing phyogs pa spyod pa'o/ /lnga ni/ bcus pa'o/ /drug ni/ snyoms par tshor ba spyod pa ste| skad cig bsam pas sems dang na yang dag par mi 'gyur bas na/ snang dkar te/ rdo rje shes rab kyi stobs kyis tshe gcig gis thogs pas sems can thar par bsgral </font><hr>259a<br><font size=+1>


@#/ /te byams pa dang / snying rje zab pa med do/ /mthu chen byang chub sems dpas gsol pa/ de lta bu'i mis tshul khrims zhig kyang mi gzung bar rigs te/ dge slong dag kyang ri mo mi gus pa'i rigs so/ /sangs rgyas kyis gsungs pa/ mi dge ba dang / le lo dang / sems kyi mtsho'i dpa' rlabs bzhin pa la ni/ tshul khrims bshad do// sems kyi rgyan gyi shes pa'i mtsho ni dang gu'i shes pa ni/ gtsang mar bab/ rlung gis ni/ g.yo bar mi nus/ rlabs dang / dba' yang mi ldang bas ni/ tshul khrims kyi ngo bo nyid stong pa dang mtshungs pas 'dzin pa rnams bslad cing phyin ci log ste/ de lta bu'i ming ni/ bdun dang drug ni/ mi skye/ 'dus pa rnams ni/ bgag cing thub pas/ sangs rgyas gsum las ma bral te/ byang chub g.yos nas mtshan ma med pa gsum la sems bzhin du rab tu zhugs pas dkon mchog gsum la shin tu gus te cho ga ma stor bas dge sbyong dag la ri mo gsum pa med pa yin no/ /byang chub sems dpa' dra ma de ni/ 'jig rten gyi g.yo mi g.yo'i chos la mi chags te/ stong pa gsum gyi phung por zhugs pas yod pa gsum gyi sems zhi'o/ /mthu chen byang chub sems dpas gsol pa/ dra ma des ni/ 'bras bu'o cog tshang bas yang dag par gshegs pa'i sangs rgyas kyi mdzod thob ste/ </font><hr>259b<br><font size=+1>


sangs rgyas kyi byad dang / gzugs kyis sangs rgyas dang / de lta bu'i sangs rgyas kyi gnas nas byang chub g.yos pas gsum 'dus pa'i tshul khrims chud de/ de'i mtshan ma la mi chags pas khams gsum gyi sems zhi'o/ /stong pa'i sa la'ang mi chags mi gnas na phal rung ba ma btang ste/ gdul ba med pa'i sar zhugs pa bsam gyis mi khyab bo/ /de nas shA ri'i bu 'dug pa langs te mdun du tshigs su bcad pa bshad do/ /shes rab mtshon ni chog cing tshang / /mya ngan 'das mkhas mi chags te/ /dam pa'i me tog pad+mo bzhin/ /spos don la ni byung ma yin/ /sangs rgyas bskal pa grangs med du/ /mya ngan 'khrugs pa kun ma btang / /'jig rten bsgral nas gdod thob ste/ /pad+mo rdzab las byung dang mtshungs/ /drug spyod pa yis de ni/ /byang chub sems dpa'i spyod pa'o/ /stong pa gsum gyi phung po de/ /byang chub kyi ni drang po'i lam/ /ngan su chags med 'khod par byas/ /sangs rgyas kyis su bshad pa bzhin/ /'ongs pa yang ni slar yang 'ongs/ /chog cing gang nas gdod 'byung ngo / /sems can rnam pa thams cad kyang / /de bzhin gcig ste gnyis min byas/ /slar 'ongs pa dang phyis 'ongs pa/ /kun kyang drang ba tshor 'dzeg byas/ /de nas sangs rgyas kyis shA ri'i bu la bka' stsal pa/ bsam gyis mi khyab bo/ /khyod kyis phyis byang chub kyi </font><hr>260a<br><font size=+1>


@#/ /lam grub na/ grangs med pa'i sems can shi ba'i sdug bsngal gyi mtsho las sgrol cig/ de nas phal mang po kun gyis byang chub tshor nas theg pa chung ngu rnams kyis kyang stong pa lnga'i mtshor chud do/ /rdo rje'i ting nge 'dzin gyi chos kyi yi ge'i le'u drug ste yang dag pa'i ngo bo nyid stong pa'i le'u'o// //rdo rje'i ting nge 'dzin gyi chos kyi yi ge bam po gnyis pa ste tha ma/ de'i tshe shA ri'i bus sangs rgyas la gsol pa/ btsun pa/ byang chub lam spyad de/ ming dang gzugs ma mchis/ tshul khrims gsum gyi cho ga'ang ma mchis/ ji lta bur na bsdus blangs te sems la bshad pa/ sangs rgyas byams shing thugs brtse bas bdag la bkrol bshad par smon to/ /sangs rgyas kyis gsungs pa/ pho dge ba/ brtags par nyon cig dang / khyod la bkrol bshad do/ /pho dge ba/ mi dge ba'i chos ni/ sems las gyur te skyes so/ /khams thams cad ni/ yid dang tshig gis bye brag phye'o/ /gnas gcig tu bgags rkyen mang po chod cing med de/ ji ltar zhes byas na/ pho dge ba/ phyi mo gcig ma g.yos na/ spyad pa gsum spyad du med do/ /mi g.yo ba'i gzhung la 'dug na/ lam drug gi sgo bkag go /rkyen bzhin ma gal na/ tshul khrims gsum po chog tshang ngo / /shA ri'i bus gsol pa/ ji lta bur na </font><hr>260b<br><font size=+1>


rkyen bzhin du ma gal na/ tshul khrims gsum po chog tshang zhes bgyi/ sangs rgyas kyis gsungs pa/ rkyen bzhi zhes bya ba gcig ni/ gtams te stsal ba/ byams pa'i stobs kyi rkyen gyis tshul khrims kyi cho ga'i lugs bsdus so/ /gnyis ni/ phyi mo nas bzod pa'i gtsang ma rtsa ba rno ba'i bzod pa'i stobs kyis sbyangs so cog gi rkyen g.yos pas dge ba'i chos kyi tshul de lta bu spyod pas na/ gdong rig par nus so/ /mthu chen byang chub sems dpas gsol pa/ yang dag pa'i dbyings kyi tshor ba'i bsod pa las 'byung 'jug ma mchis na| gang la sogs pa'i chos ni/ sems kyis yang dag pa'i dbyings su chud par rung / sangs rgyas kyis gsungs pa/ dbyings kyi chos ni/ dbyings med de/ dbyings med pa'i sems kyis na| gdod yang dag pa'i dbyings su chud do/ /mthu chen byang chub sems dpas gsol pa/ dbyings med pa'i sems kyi ye shes ni/ 'gra ma med do/ /'gram med pa'i sems kyis sems rang dbang thob ste/ rang dbang gi ye shes kyis na/ yang dag pa'i dbyings su chud par rung ngo / /dper na/ mi tha mal pa sems zhan pa de lta bu'i sems la dbugs rgyu ba mang na chos gang spyad de thul na sran thub pa'i sems par bgyis la/ yang dag pa'i dbyings su chud par rung / sangs rgyas kyis gsungs pa/ byang chub sems dpa' de'i </font><hr>261a<br><font size=+1>


@#/ /sems kyi dbugs ni/ phyi nang spyad pas mngags te/ mngags pa bzhin du 'bab cing rgyu bas thigs pas mtshor longs te/ gnam gyi rlung gis dpa' bskyod pas klu chen po dngangs 'drogs so/ /dngangs 'drogs pa'i sems kyis na/ dbugs rgyu ba mang par byas so/ /byang chub sems dpa' sems can des gsum ma nyams shing gcig bsrungs par byas na yang dag par gshegs pa'i bsam gtan du chud de/ bsam gtan gyi bsam gtan thub par spyad pas na/ sems la dbugs med do/ / mthu chen byang chub sems dpas gsol pa/ ji lta bur na gsum ma nyams la gcig bsrungs na/ yang dag par gshegs pa'i bsam gtan du chud ces bgyi/ sangs rgyas kyis gsungs pa/ gsum ma nyams zhes bya ba ni/ grol thar gsum ma nyams pa/ gcig bsrungs pa ni/ sems mi g.yo ba gcig bsrungs so/ /yang dag par gshegs pa'i bsam gtan du chud ces bya ba ni/ gzhung la btags rtag pa de lta bu'i sems kyis ni/ yang dag pa'i dbyings su chud do/ /mthu chen byang chub sems dpas gsol pa| grol thar gsum gyi chos ni/ gang la sogs pa'i don lags/ gzhung gis btags pa'i ting nge 'dzin ni/ chos gang la 'jug /sangs rgyas kyis gsungs pa/ grol </font><hr>261b<br><font size=+1>


thar gsum zhes bya ba ni/ stong pa'i grol thar/ rdo rje'i grol thar/ shes rab kyi grol thar to/ /gzhung la btags rtag ces bya ba ni/ sems gtsang / gzhung gtsang na/ sems med ces byar rung ngam/ mthu chen byang chub sems dpas gsol pa/ ji lta bur na ma nyams par spyad/ ji lta bur na brtag /sangs rgyas kyis gsungs pa/ sems rnams gnyis su med na| de'i ma nyams pa spyod pa'i nang logs na spyod pa phyi logs su byung ba gnyis su med par zhugs te/ gcig gi mtshan ma la'ang mi chags na/ thob pa gtong ba med de/ gcig dang gcig gis zhes bya ba med nas so so tha dad pa'i khrims bzung ba ma ldan la/ pho shi tar ma zhugs mod kyi/ rang gi sems spyad nus/ bya ba med par rang sangs par 'phrul gyi 'bras bu thob ste/ theg pa gnyis la mi gnas nas byang chub kyi lam du chud de/ phyis gang rgyas pa'i sangs rgyas kyis byang chub grub ngo / /mthu chen byang chub sems dpas gsol pa/ bsam gyis mi khyab bo/ /de lta bu'i mi ni/ khyim nas byung ba'ang ma lags/ ma byung ba'ang ma lags so/ /ji lta zhes bgyis na/ mya ngan las 'das pa'i khyim du zhugs pa'o/ /yang dag par gshegs pa'i chos gos gyon pa'o/ /byang chub sems dpa'i bstan pa la 'dug pa ste/ de lta bu'i mi la ni/ dge sbyong man chad kyis kyang gus </font><hr>262a<br><font size=+1>


@#/ /par yon dbul ba'i rigs so/ /sangs rgyas kyis gsungs pa/ de yin no/ /ji lta zhe na/ mya ngan las 'das pa'i khyim du zhugs pas ni/ sems khams gsum las 'das so/ /yang dag par gshegs pa'i gos gyon pas ni/ chos kyi stong pa'i gnas su chud do/ /byang chub kyi bstan la 'dug pas ni/ drang po'i tshor ba'i sar 'dzeg go /de lta bu'i mi'i sems ni/ nga gnyis las 'das na/ dge slong gis gus par yon gsol ba lta smos kyang ci dgos/ mthu chen byang chub sems dpas gsol pa/ de'i sa gcig dang stong pa'i mtsho theg pa gnyis kyi mis mi mthong lags sam/ sangs rgyas kyis gsungs pa/ de yin no/ /theg pa gnyis kyi mi de ni/ ting nge 'dzin gyi lus thub ste| stong pa'i mtsho dang / sa gcig la ni/ rang nad rnyed pa dang mtshungs so/ /ra ro ste myos pa sangs kyang bskal pa bgrang gi bar du 'on kyang mi tshor ro/ /chang zhu na/ gdod tshor te/ des gdod spyong ba 'di spyad pas phyis sangs rgyas kyi lus thob bo/ /dper mi des log sred btang la spyod pa drug tu zhugs te/ spyod pa'i sa nas khrims bsdu'o| |gsum ni/ phyi ma shes rab kyi snying rje chen po'i stobs kyi rkyen gyis sems can gyi tshul khrims bsdus so/ /bzhi ni/ gcig tshor ba spyad pa'i shes rab kyi </font><hr>262b<br><font size=+1>


stobs kyi rkyen gyis de bzhin du mi g.yo bar 'dug pa ste/ de ni/ rkyen bzhi zhes bya'o/ /pho dge ba/ de lta bu rkyen chen po bzhi'i stobs kyis don gyi mtshan ma la mi chags na/ ngo bo med pa yin te/ gnas gcig dang bral bas btsal du mi rnyed do/ /pho dge ba/ de lta bu don gcig gis ni/ spyad pa drug spyad par bsdus te sangs rgyas kyi byang chub ye shes kyi mtsho yin no/ /shA ri'i bus gsol pa/ don gyi mtshan ma la ma chags na/ ngo so med pa lags te/ chos kyi yang dag pa'i rtag skyid nga gtsang lags/ nga gnyis las 'das te mya ngan las 'das pa chen po lags pas sems ci la'ang ma chags te/ mthu chen po lags so/ /zhugs pa de'i tshor ba'i nang na lam gyi le'u chos sum cu rtsa bdun dang ldan pa'i rigs so/ /sangs rgyas kyis gsungs pa/ de yin no/ /lam gyi le'u'i chos sum cu rtsa bdun dang ldan no/ /bzhi bsam pa'i gnas dang / drang po'i 'grus pa bzhi dang / yid kyi rkang pa bzhi dang / rtsa ba lnga dang / stobs lnga dang / tshor ba bdun gyi shas dang / drang po brgyad kyi lam la sogs pa ste/ ming mang la gzhung gcig pas gcig kyang mi gcig / tha'ang mi dad do/ /ming gis bgrangs pas na/ ming dang mkhan du zad mod kyi/ chos thos par rung ngo / /chos thob par mi rung ba'i chos ni/ gzhung gcig la yi ge med do/ /yi </font><hr>263a<br><font size=+1>


@#/ /ge mtshan ma med pa'i gzhung ni/ yang dag pa'i bden pa'i stong pa'i ngo bo nyid do/ /stong pa'i ngo bo nyid kyi gzhung ni/ yang dag pa'i bden pa mi g.yo ba yin no/ / yang dag pa'i mi g.yo ba'i gzhung ni/ chos so cog ldan no/ /pho dge ba/ yang dag pa'i gzhung la 'dug pa ni/ sdug bsngal gsum gyi mtsho las 'das so/ /shA ri'i bus gsol pa/ chos so cog thams cad ni/ tshig kun dang / yi ge lags so/ /tshig dang yi ge'i gzugs ni/ gzhud ma mchis pa lags so/ /yang dag pa'i bden pa'i gzhung ni| tshig gis bshad du mi rung na/ yang dag par gshegs par ji ltar chos bshad/ sangs rgyas kyis gsungs pa/ ngas chos bshad pa ni/ khyed sems can gyi rnams bshad pa'i khar lus pas na/ bshad du mi rung ba bshad do/ /de lta bas na/ bshad ces bya'o/ /ngas bshad do cog ni/ gzhung gi tshig ste/ yi ge med do/ /sems can gyis bshad pa ni| yi ge'i tshig ste/ gzhung med do/ /gzhung med pa'i tshig ni/ kun stong pa'o/ /med pa'i stong pa'i chos ni/ gzhung med pa'i tshig go /gzhung bzhin gyi tshig ni/ bden pa'i stong pa ste/ mi stong pa'o/ /stong pa dang bden pa yang dag par med de/ mtshan ma gnyis dang bral la/ bar ma dang / bar ma med pa'ang med de/ bar ma med pa'i chos </font><hr>263b<br><font size=+1>


ni| mtshan ma gsum dang bral te gnas kyang mi mthong ngo / /yang dag pa'i mi g.yo ba bzhin du bshad do/ /mi g.yo ba la yod med kyang med do/ /med pa'ang med do/ /mi g.yo ba la yod med med do/ /yod med dang / yod pa dang / med pa gnas med do/ /gnas med pa bshad pas na/ mi g.yo ba la gnas so/ /mi g.yo ba la'ang mi g.yo ba med na/ mi g.yo ba med par ma bshad do/ /shA ri'i bus gsol pa/ sems can thams cad dang / log sred kyi gral gang la sogs par gnang na/ yang dag par gshegs pa dang / yang dag par gshegs pa'i bden pa'i mtshan ma phyin pa thob/ sangs rgyas kyis gsungs pa/ log sred kyi sems nas yang dag par gshegs pa dang / yang dag par gshegs pa'i bden pa'i mtshan mar phyi na pa ni/ gral rnam pa lnga la gnas te/ gcig ni/ yid ches pa'i gral yin te/ lus 'di'i nang gi yang dag pa'i mi g.yo ba'i sa bon mi bden par bsgribs par yid ches te/ mi bden pa'i sems btang bral na/ dang ba'i sems dkar gtsang ste/ khams kyi rnams yid dang tshig gis bye brag phyed par rig go / gnyis ni/ bsam pa'i gral te/ bsam pa ni/ gral rnams las brtags na yid dang tshig 'ba' zhig ste/ yid dang tshig gis bye brag phyed nas yid bzhin mngon par snang na </font><hr>264a<br><font size=+1>


@#/ /khams mthong ngo cog kun bdag gi phyi mo'i shes pa ma yin no/ /phyi mo'i shes pa 'di la ni/ chos kyang med/ gzhung yang med/ blang ngo cog blang nus pa med par rig go /gsum ni/ spyod pa'i gral te/ rtag par g.yo nus pa g.yos na/ g.yo ba mthun pa'i tshe sngar shes rabs kyis drangs te bsgribs pa dang bgegs kyi rnams bsal nas bkab pa dang / dkris pa las byung bral lo/ /bzhi ni/ spyad pa'i gral te/ spyad pa'i sa rnams dang bral la/ sems la blang ba dang btang ba med de shin tu dag pa las rtsa ba rnos te sems mi g.yo bas na/ yang dag par mi 'gyur ba'i bden pa'i dbyings mya ngan las 'das pa chen po ste/ ngo bo nyid stong pa chen po 'ba' zhig go /lnga ni/ btang snyoms kyi grol te/ btang snyoms ni/ ngo bo nyid stong pa'i drang po'i shes rab la'ang mi gnas te/ snying rje chen po la 'bab cing 'khor kyang mtshan ma mi g.yo'o| |mtshan ma ni/ mi g.yo ba la'ang ma chags te/ yang dag par rdzogs pa'i byang chub kyi stong pa'i sems kyang thob pa med/ sems la mu med mtha' med de/ gnas kyang mi mthong ba de ni/ yang dag par gshegs pa'i phyin pa'o/ /pho dge ba/ gral lnga ni/ tshor ba gcig phyi mo bsod pa nas zhugs te/ sems can bstan pa ni/ phyi </font><hr>264b<br><font size=+1>


mo'i gnas nas so/ /shA ri'i bus gsol pa/ ji ltar na phyi mo'i gnas zhes bgyi/ sangs rgyas kyis gsungs pa/ phyi mo nas phyi mo'i gnas med na gnas med pa'i phyi mo'i mu nas bde bar zhugs te byang chub spyod na/ 'phrul gyi lam gang zhig grub bo/ /ji lta zhes byas na/ pho dge ba/ lag pas stong pa la bzung ba dang mtshungs pas mtho ba ste/ ma khyab pa'ang me do| |shA ri'i bus gsol pa/ btsun pas bshad pa bzhin te/ don gyi sngon logs su phyi mo'i bzod pa spyad de/ blang ba/ stong pa/ zhi ba/ bsam pa yin no/ /stong pa zhi ba ni/ mi g.yo ba yin te/ legs so cog gi mdo bsdus shing bzung bas na/ chos so cog kun 'dus pas rdzogs chub ste/ gnyis su med do/ /bsam gyis mi khyab bo/ /shes par byos shi chos de ni/ shes rab chen pos pha rol tu phyin pa yin no/ /lha chen po'i sngags yin no/ /snang ba chen po'i sngags yin no/ /bla na med pa'i sngags yin no/ /bsgrub tu med pa'i sngags yin no/ /sangs rgyas kyis gsungs pa/ de yin no/ /yang dag par mi g.yo ba'i stong pa'i ngo bo nyid kyis stong pa'i shes rab kyi mes mdud pa rnams bsregs te med nas mnyam snyoms so/ /mnyam snyoms pa'i snyoms pa tshor ba gsum dang / dam pa'i tshor ba'i lus gsum gyis dgu shes pa'i nang sangs der snang zhing gtsang zhing gtsang dag la grib </font><hr>265a<br><font size=+1>


@#/ /ma rnams med do/ /pho dge ba/ de chos de ni/ rgyu yang med rkyen yang med de/ shes rab rang spyod pa'o/ /g.yo ba'ang med mi g.yo ba'ang med de/ spyod pa'i ngo bo nyid kyis stong pa'o/ /gzhung la yod med do/ /stong pa'i mtshan ma'ang stong pa'o/ /pho dge ba ni/ sems can de dag gzhung de la rtogs par chud par gyis shig /gzhung de chud na| yang dag par gshegs pa mthong ba yin no/ /shA ri'i bus gsol pa/ yang dag par gshegs pa'i gzhung brtag pa ni/ 'bab pa rnams la chags te/ bsam gtan bzhi dang bral nas spyi yod las 'das so/ /sangs rgyas kyis gsungs pa/ de yin no/ /ji lta zhe na/ chos so cog gi ming gi rnam grangs te/ bsam gtan bzhi de'ang de dang mtshungs so/ /yang dag par gshegs pa mthong na/ yang dag par gshegs pa'i sems rang dbang pas rtag par med pa zhi bar gnas so/ /'byung yang mi 'byung / 'jug kyang mi 'jug ste/ phyi nang mnyam snyoms so/ /pho dge ba/ de bsam gtan de rnams kyis brtags na/ 'du shes kun thob ste/ mi g.yo ba med pas phan tshun med do/ /de ci'i phyir zhe na/ mi g.yo ba'i phyir ro/ /mi g.yo ba spyad de mi g.yo ba'i yang dag pa la brtags na/ mi g.yo ba'i mtshan ma la rtogs pa mi mthong bas mtshan ma rnams stong zhing </font><hr>265b<br><font size=+1>


zhi'o| |stong zhing zhin/ mi g.yo ba'i gzhung yin no/ /de lta bu'i 'du shes bsam gtan thub pa yin te/ bsam gtan nyid ma yin no/ /de ci'i phyir zhe na/ bsam gtan gyi ngo bo nyid g.yo ba'i rnam grangs dang bral te/ gos pa'ang med/ bsgo ba'ang med/ chos kyang med/ 'grib pa'ang med de/ rnam par rtog pa'i rnam grangs dang bral bas phyi mo'i gzhung gis gzhung bzhin no/ /pho dge ba/ de lta bur rtogs te thub na/ gzod ming bsam gtan zhes bya'o/ /shA ri'i bus gsol pa/ bsam gyis mi khyab bo/ /yang dag par gshegs pas rtag par mi g.yo pa'i yang dag pa spyod de/ sems can bstan pa de lta bu'i yang dag pa'i gzhung la yi ge'i 'bru mang la gzhung gi rgya che ste/ rtsa ba rno ba'i sems can gyis gdod spyad nus kyi/ rtsa ba rtul ba'i sems can gyis yid gzhag dka'o/ /ji lta bu'i thabs kyis rtsa ba rtul ba de bden pa chud par bgyir rung / sangs rgyas kyis gsungs pa/ rtsa ba rtul ba de'i tshig bzhi le'u gcig ma nos te gzungs su 'dzin tu bcug na/ yang dag pa'i bden par chud de/ sangs rgyas kyi chos so cog ni/ le'u gcig gi nang du 'dus so/ /shA ri'i bus gsol pa| ji lta bur na tshig bzhi le'u gcig ces bgyi ba bshad par smon to/ /de nas btsun pas le'u bshad de gsungs pa/ rgyu dang rkyen las skyes pa'i gzhung / /gzhung de yod med </font><hr>266a<br><font size=+1>


@#/ /skye ba med/ /skye dang shi rnams gzhung med na/ /gzhung de skye de shi ba med/ /de nas phal mang pos le'u bshad pa thos nas thams cad kun shin tu dga' ste| kun skye shi med par byas pa thos nas shes rab kyis ngo bo nyid stong pa'i ye shes kyi chos skyes so/ /rdo rje'i ting nge 'dzin gyi chos kyi yi ge'i le'u bdun te yang dag par gshegs pa'i mdzod kyi le'u'o// //de'i ya rabs tshangs par spyod pa sngon gyi gnas nas langs te sangs rgyas la gsol pa/ btsun pa/ skye ba'i gzhung ni/ ma bkag /shi ba'i gzhung ni/ mi skye/ de lta bu mi g.yo ba'i gzhung ni/ sangs rgyas kyi byang chub lags so/ /byang chub kyi ngo bo nyid la ni/ rnam par rtog pa ma mchis/ rnam par rtog pa'i shes rab ma mchis so/ /rnam par rtog pa'i grangs ma mchis pa'i mtshan ma ni/ rnam par rtog pa 'ba' zhig gis bkab bo/ /de lta bu'i gzhung gi mtshan ma ni/ bsam gyis mi khyab bo/ /bsam gyis mi khyab pa'i nang na rnam par rtog pa ma mchis na/ btsun pa/ chos so cog grangs ni/ dpag tu ma mchis/ mu ma mchis pa'i chos kyi mtshan ma ni/ yang dag pa gcig gi gzhung gi ngo bo nyid de/ ngo bo nyid gcig 'ba' zhig la gnas pa de'i don ji lta bu/ sangs rgyas kyis gsungs pa/ ya rabs bsam </font><hr>266b<br><font size=+1>


gyis mi khyab pa ni/ ngas chos rnams la bshad pa la bslad pa rnams kyi phyir thabs kyi lam spyod do/ /chos so cog gi mtshan ma ni/ yang dag pa gcig gi gzhung gi shes rab bo/ / ji lta zhe na/ dper tshong dus gcig la sgo chen po bzhi phye ba dang mtshungs te/ sgo chen po bzhi kun ni/ tshong dus gcig la 'dus te/ phal mang po de rnams yid bzhin du 'jug go / chos rnams kyi ro bro ba'ang de dang mtshungs so/ /ya rabs tshangs par spyod pas gsol pa/ chos de lta bu lags na/ bdag gis chos gcig ro bro ba la gnas na/ chos so 'tshal gyi ro bro ba 'dus pa'i rigs so/ /sangs rgyas kyis gsungs pa/ de yin no/ /ji lta zhe na/ gcig gi yang dag pa'i gzhung gi ro ni/ mtsho chen po gcig dang mtshungs te/ thams cad mang po 'bab pa der mi 'jug pa med do/ /ya rabs chos so cog gi ro bro ba'ang mang po 'bab pa de dang mtshungs so/ /ming grangs tha dad mod kyi/ chur mi tshugs pa med do/ /mtsho chen po la gnas na mang po 'bab pa 'dus te/ ro bro ba gcig la gnas pas ni/ ro bro ba kun 'dus so/ /ya rabs tshangs par spyod pas gsol pa/ chos la ro gcig pu ni/ ji lta bur theg pa gsum gyi lam ste/ de'i shes rab mtshungs zhes bgyi/ sangs rgyas kyis gsungs pa/ ya rabs/ dper na/ chu bo gang+gA dang / ha dang / ho he dang / mtsho dang mtshungs te/ </font><hr>267a<br><font size=+1>


@#/ /che chung tha dad do/ /ming mkhan tha dad do/ /chu de gong gi nang na 'dug pa na/ ming gong gi chu zhes bya'o/ /'o yi nang na 'dug na/ 'o yi chu zhes bya'o/ /ha'i nang na 'dug na/ ha'i chu zhes bya'o/ /kun lhan cig mtsho'i nang na 'dug na/ ming mtsho chu zhes bya'o/ /chos kyang de dang mtshungs/ de kun yang dag pa'i mi g.yo ba la 'dug ste/ ming sangs rgyas kyi lam 'ba' zhig go /yang ya rabs/ sangs rgyas kyi lam gcig pu la gnas na/ spyad pa gsum spyad pa ma yin no/ /ya rabs tshangs par spyod pas gsol pa| ji lta bur na spyad pa gsum zhes bgyi/ sangs rgyas kyis gsungs pa/ gcig ni/ don bzhin du spyod pa blangs pa'o/ /gsum ni/ mi g.yo ba bzhin du blangs te spyod pa'o/ / ya rabs/ de lta bu spyod pa gsum gyis sgo mang po'i mdo bsdus te/ chos thams cad kyi sgo mo 'dir mi 'jug pa med do/ /spyod pa 'dir zhugs pa ni/ stong pa'i mtshan ma mi skye'o| |de ltar zhugs pa ni/ yang dag par gshegs par zhugs zhes byar rung ngo / /yang dag par gshegs par zhugs pa ni/ zhugs zhugs na ma zhugs so/ /ya rabs tshangs par spyod pas gsol pa/ bsam gyis mi khyab par yang dag par gshegs pa'i mdzod du 'jug pa ljang bu las 'bur rnyed pa dang mtshungs te/ 'jug pa'i </font><hr>267b<br><font size=+1>


gnas med do/ /phyi mo rtsa ba rno ba'i grub ste phyi mo thob na/ phyi mo bden pa'i mu thob pa de'i shes rab du mchis/ sangs rgyas kyis gsungs pa/ shes rab de la grangs med de/ mdo tsam zhig bshad na shes rab de la bzhi yod do/ /bzhi gang zhes byas na/ gcig ni/ thub pa'i shes rab ste/ 'di ni/ mi g.yo ba bzhin no/ /gnyis ni/ 'gyur ba'i shes rab ste/ de ni/ thabs kyis ni/ bshig pa'o/ /gsum ni/ mya ngan las 'das pa'i shes rab ste/ de ni/ glog gi tshor ba bsal ba'o/ /bzhi ni/ mtha' yun gyi shes rab ste/ yang dag pa'i cho ga tshang ba'i lam du 'jug pa'o/ /ya rabs/ de lta bu'i don chen po bzhi ni/ snga ma 'das pa'i sangs rgyas rnams kyis bshad pa ste/ zab mo chen po yin no/ /sems can bstan na/ shes rab 'di spyad pa'i rigs ya rabs tshangs par spyod pa chen po yin no/ /yang don chen po rnam gsum yod de/ ting nge 'dzin gsum phyi nang du gcig la gcig mi gnod do/ /gnyis ni| gzhung chen po 'khor la lam bzhin du brdabs te bsal ba'o/ /gsum ni/ mi g.yo ba'i shes rab thub pas snying rje dang gnyis ka rno ba'o/ /de lta bu'i don gsum gyi byang chub 'byor 'grub bo/ /de lta bu'i don ma spyad na shes rab de bzhin du 'bab mi nus te/ bdud chen po rnams kyis glags rnyed par 'ong ngo / /ya rabs/ khyod la sogs pa mang pos sangs </font><hr>268a<br><font size=+1>


@#/ /rgyas grub kyi bar du rtag par spyod pa sbyangs te skad cig kyang stong pa ma byed cig /ya rabs tshangs par spyod pas gsol pa/ ji lta bur na ting nge 'dzin gsum zhes bgyi/ sangs rgyas kyis gsungs pa/ ting nge 'dzin gsum zhes bya ba de ni/ stong pa'i ting nge 'dzin dang / mtshan ma med pa'i ting nge 'dzin dang / bya ba med pa'i ting nge 'dzin dang / de lta bu'i ting nge 'dzin to/ /ya rabs tshangs par spyod pas gsol pa/ ji lta bur na 'khor gzhung chen po 'khor zhes bgyi/ sangs rgyas kyis gsungs pa/ chen po bzhi'i gzhung ste/ phung po dang / khams dang / zhugs pa la sogs pa'i 'khor to/ /phyi mo'i rnam par shes pas gzhung chen po'i 'khor yin no/ /ya rabs tshangs par spyod pas gsol pa/ bsam gyis mi khyab pa de lta bu'i shes rab kyi don ni/ bdag la'ang lan/ gzhan la'ang phan te/ khams kyi sa las 'das nas mya ngan 'das pa la'ang mi chags te| byang chub kyi lam du chud do/ /de lta bu'i chos kyi mtshan ma ni/ skye shi'i chos yin te/ rnam par rtog pa dang bral na chos ni/ ma zhi ba'o/ /de nas yang dag par gshegs pas gzhung 'di bslab pa'i tshigs su bcad pas bshad pa/ chos ni rnam par rtog las skyes/ /slar yang rnam par rtog la bkag /rnam par rtog pa'i chos bkag na/ /chos de </font><hr>268b<br><font size=+1>


skye shi zhi ba med/ /de nas ya rabs tshangs par spyod pas le'u bshad pa thos nas yid shin tu dga' ste gzhung 'di bslab par tshigs su bcad pa bshad do/ /chos rnams stong pa phyi mo zhi| |stong pa zhi ba skye ba med/ /chos gzhan skyes shing shi ba yin/ /chos 'di skye ba med pa med/ /de dang 'di ni mi mthun te/ /chad dang rtag dang yod phyir ro/ /'di ni gnyis dang bral ba ste/ /tshig gcig la yang mi 'jug go /chos gcig yod ces bshad pa ni/ /de'i gzugs spu yi 'khor lo bzhin/ /smig rgyus chu ru bslad dang mtshungs/ /sgyu ma mi bden rnam phyir ro/ /chos la med par mthong ba ni/ /chos stong par ni mthun pa yin/ /dmus long gnyid med long ba bzhin/ /chos rnams rus sbal spu dang mtshungs/ /bdag nga sangs rgyas bshad pa thos/ /chos la gnyis mthong med par rig /dbu ma la yang mi chags so/ /de lta bas na chags blangs te/ /yang dag gshegs pas chos bshad pa/ /kun kyang ma chags med las byung / /bdag ni chags pa med gnas nas/ /yang dag gshegs la phyag 'tshal lo/ /yang dag gshegs la gus phyag 'tshal/ /ye shes mi g.yo stong pa bzhin/ /chags med pa la'ang mi chags te/ /chags med lus la gus phyag 'tshal/ /bdag ni gnas kun thams cad na/ /rtag par yang dag gshegs rnams mthong / /yang dag gshegs pa rnams </font><hr>269a<br><font size=+1>


@#/ /mthong gi/ bdag la rtag chos bshad par smon/ /de nas yang dag par gshegs pas tshig 'di gsungs so/ /pho dge ba rnams/ khyod la sogs pa brtags par nyon cig /khyed mang po la sogs pa la brtag pa'i chos bshad do/ /pho dge ba/ brtag pa'i chos dang / brtag pa med pa'i chos la bshad pa'ang med/ yi ge 'bru'ang med/ bden pa'ang med/ grol thar yang med/ med pa'ang med/ khams kyang med/ mi bden pa'i chad pa'i mu rnams dang bral te/ chos 'di rtag pa med pa med de/ rtag pa dang / chad pa mtho ba rnams dang bral bas shes pa rtag pa yin par mngon par mthong ngo / /shes pa ni/ rtag par stong zhi ste/ stong zhi ba'ang stong zhi'o/ /pho dge ba/ stong zhi bar rig na mi stong / mi zhing sems rtag par stong zhi'o/ /stong zhi ba thob na sems rtag par yang dag par zhugs te ming dang kha dog gi rnams rig na/ gti mug gi sems 'ba' zhig yin no/ /gti mug gi sems kyis rnam par brtags te chos rnams bye brag phye na/ tha dad pa gzhan med kyi/ ming dang kha dog las byung ngo / /chos de lta bu yin par rig na/ yi ge'i 'bru dang / tshig las mi 'brangs te/ sems dang sems kyi gzhung gis nga la rnam par mi rtog go /nga sgyu ma'i mi yin par rig na/ gdod stong pa zhi ba thob bo/ /stong pa zhi ba thob na/ gdod bla </font><hr>269b<br><font size=+1>


na med pa yang dag par rdzogs pa'i byang chub bo/ /de nas tshangs pa ya rabs spyod kyis tshig de skad bshad pa thos nas tshigs su bcad pa bshad do/ /ming dang gzugs las rnam par brtags/ /chos kyi ming dang gsum zhes bya/ /yang dag mi g.yo drang shes rab/ /de dang bsdoms na lngar 'gyur ro/ /bdag de chos de bshad pas su/ /chad dang rtag pa bcings brtags te/ /skye dang shi ba'i lam du zhugs/ /chad pa de ni rtag ma yin/ /yang dag gshegs pas stong chos spyad/ /chad dang rtag pas yong bral lo/ /rgyu rkyen med pa mi skye ste/ / mi skye bas ni mi shi 'o/ /rgyu rkyen yod par 'dzin pa ni/ /stong pa'i me tog 'thu ba bzhin/ /dpe ru me tog 'thu ba bzhin/ /mtha' ru thob par yong mi 'gyur/ /rgyu rkyen blangs pa rnams dang bral| |gzhan las zhi ba'ang ma yin te/ /bdag gi gzhung yang ma yin no/ /mi g.yo rten pas bde ba thob/ /de ni yang dag bden pa'i chos/ /rtag par rang dbang mi g.yo bzhin/ /chos rnams zad par kun shes pa/ /las su 'phrul bas sprul pa yin/ /shes rab bral na chos nyid stong / /de bas stong pa'i gnas las bshad/ /skye dang shi ba'i chos bkab ste/ /mya ngan las su 'das par gnas/ /thugs rje chen pos bsdus pas su/ /mya ngan 'das la mi chags so/ /bsgyur bas blang bar nus pa ste/ /yang dag gshegs pa'i mdzod du tshud/ /de </font><hr>270a<br><font size=+1>


@#/ /nas phal mang po'i gzhung de skad bshad pa thos nas kun gyis dang po'i srog theb ste yang dag par gshegs par chud de yang dag par gshegs pa'i mdzod kyis mchi'o/ /rdo rje'i ting nge 'dzin gyi chos kyi yi ge le'u brgyad de mdo 'dzin pa'i le'u'o// //de'i tshe byang chub sems dpa' sa'i snying pos phal mang po'i nang nas langs nas sangs rgyas kyi mdun du phyin nas thal mo sbyar ba dang / pus mo btsugs te sangs rgyas la gsol pa/ btsun pa/ bdag gis phal brtags na sems can la dogs pa mchis te da dung ma thul to/ /yang dag par gshegs pas dogs pa bsal bar bgyid na/ bdag gis phal mang po'i slad du dogs pa bzhin du dri bar 'tshal na/ sangs rgyas byams pas thugs rjes gzigs te gnang bar smon to/ /sangs rgyas kyis gsungs pa/ byang chub sems dpa' sems dpa' chen po khyod kyis de lta bur sems can gyi ra mda' bya zhing bsgral nus na/ de lta bu'i snying rje chen po ni/ bsam gyis mi khyab bo/ /khyod kyis rgya chen po dris shig dang / khyod la dgrol bshad do/ /byang chub sems dpa' sa'i snying pos gsol pa/ chos so cog thams cad ji ltar na/ rkyen las ma skyes/ de nas yang dag par gshegs pas gzhung 'di bshad par dgongs nas tshigs su bcad pas </font><hr>270b<br><font size=+1>


bshad do/ /chos rkyen las su skyes na ni/ /chos rkyen bral na chos med dam/ /ji lta bur na chos nyid med/ /rkyen gyis su ni chos skyes sam/ /de nas byang chub sems dpa' sa'i snying pos gsol pa/ chos la skye ba ma mchis su lags na/ ji lta bur na bshad pa la sems las byung zhes bgyi/ de nas btsun pas tshigs su bcad pa 'di gsungs pa/ sems las skyes pa'i chos kyis ni/ /chos des blang ba blang nus te/ /dpe ru ra ro mig gis su/ /stong pa'i me tog mthong dang mtshungs/ /chos 'di ngo bo nyid bshad pa/ /de dag dang ni mtshungs ma yin/ / de nas byang chub sems dpa' sa'i snying pos gsol pa/ chos de lta bu lags su lags na/ chos la sdod pa ma mchis te/ sdod pa ma mchis na/ chos rab grub pa'i rigs so/ /de nas btsun pas tshigs su bcad pa bshad do/ /chos kyi phyi mo yong ye med/ /bdag dang gzhan yang de bzhin no/ /thog ma med cing tha ma'ang med/ /grub dang gzhi la'ang mi chags so/ / de nas byang chub sems dpa' sa'i snying pos gsol pa/ chos so cog gi mtshan ma ni/ phyi mo nas mya ngan las 'das te/ mya ngan las 'das pa dang / stong pa'i mtshan ma'ang de bzhin no| |de lta bu la sogs pa'i chos med pa ni/ chos mi g.yo ba dang mthun no/ /sangs rgyas kyis gsungs pa/ de lta bu'i chos med pa chos de ni/ mi g.yo ba yin no/ /byang chub sems </font><hr>271a<br><font size=+1>


@#/ /dpa' sa'i snying pos gsol pa/ bsam gyis mi khyab bo/ /de lta bu'i mi g.yo ba'i mtshan ma ni/ mthun pa'ang ma mchis/ mi mthun pa'ang ma mchis te/ yid kyis blangs pa dang / g.yo ba yin te/ yid kyis blangs pa dang / las kyis blangs pa kun stong pa mi g.yo ba'o/ /stong pa mi g.yo ba'i sems kyis chos dang lhan cig pa dang / mi gcig pa blang du rung ba dang / stong pa zhi ba'i rigs so/ /de nas btsun pas tshigs su bcad pas bshad do/ /stong pa mi g.yo chos rnams ni/ /chos dang mi g.yo mi stong ngo / / sems de mi g.yo ba yi tshe/ /des su sems ni thob pa med/ /byang chub sems dpa' sa'i snying pos gsol pa/ chos de la bden pa ma mchis pas kha dog stong pa'i sems kyang zhi'o/ chos de phyi mo nas zhi bas chos de zhi ba lags pa'i rigs so/ /de nas zhi ba'ang ma mchis na/ ji lta bur gcig ces bgyi/ de nas btsun pas tshigs su bcad pas bshad pa/ chos ni gnas mal med la 'jug /gzugs dang grangs ni stong zhing med/ /ming dang bshad pa chos rnam gnyis/ /de ni blang ba nus ma yin/ /de nas byang chub sems dpa' sa'i snying pos gsol pa/ chos so cog gi mtshan ma ni/ 'gram gnyis la mi chags te/ dbus ma'i 'bab pa la'ang mi chags so/ /sems kyi rnam par shes pa'ang de dang mtshungs </font><hr>271b<br><font size=+1>


na| ji lta bur khams kyi rnams rnam par shes pa las skyes zhes bgyi/ rnam par shes pa skye ba yod du lags na/ rnam par shes pa de'ang skye ba las byung ba ji lta bur rnam par shes pa skye ba med la/ skye ba yod pa kun skye bar nus zhes bgyi/ de nas btsun pas tshigs su bcad pas bshad do/ /skye ba dang ni skye nus gnyis/ /de gnyis kyis su rkyen bya nus/ /phyi mo nas su gnyis ka med/ /stong rgyu me tog len dang mtshungs/ /rnam par shes pa ma skyes te/ /khams kyang de tshe skyes ma yin/ /khams rnams ma skyes pa yi tshe/ /de tshe rnam par shes pa zhi'o/ / de nas phyi mo nas mu med/ /yod dang med dang gnyis ka'ang med/ /skye ba med pa'i shes pa'ang med/ /ji ltar de las khams yod rung / /de nas byang chub sems dpa' sa'i snying pos gsol pa/ chos kyi mtshan ma de lta lags te phyi nang gnyis ka stong na/ khams dang shes rab gnyis kyang phyi mo nas stong pa zhi ba ste/ yang dag par gshegs pas bshad pa la bden pa'i mtshan ma ni/ yang dag par stong pa ste/ de lta bu'i chos ni/ 'dus pa ma lags so/ /sangs rgyas kyis gsungs pa/ de lta bu'i mi g.yo ba yang dag pa'i chos ni/ gzugs kyang med/ chags pa'ang med de/ ci yang 'du ba med/ 'dus nus pa'ang med/ gzhung yang med/ chen po'ang med/ phyi mo gcig gi 'khor gyi chos te/ legs pa'i don zab </font><hr>272a<br><font size=+1>


@#/ /mo'i phung po'o/ /byang chub sems dpa' sa'i snying pos gsol pa/ bsam gyis mi khyab pa'i phung po la bdun dang lnga ni/ mi skye/ brgyad dang drug gi stong par zhi ste| dgu ni/ mtshan ma'ang stong pa med do/ /med pa'i stong pa'ang med do/ /btsun pas bshad pa bzhin te/ chos kyi gzhung kun stong pa'o/ /stong par zhugs na spyad pa med de/ las kyi rnams ma stor bas nga dang nga'i gnas dang / nus pa'i gnas dang / lus kyi mthong ba dang / phyi nang 'dud pas mngags te brtsad par kun stong zhing mi g.yo ba de lta bu'i gzhung dag pa dang / shes rab dang yang dag pa'i mi g.yo ba bstan par smon to/ /btsun pas rtag tu de lta bu bden pa mi g.yo ba'i stong pa'i chos bstan pa sman bzang po lags so/ /sangs rgyas kyis gsungs pa/ de yin no/ /de ci'i phyir zhe na/ stong pa'i phyir ro/ /stong pa'i ngo bo nyid la skye ba med do/ /sems la rtag par skye ba med do/ /stong pa'i ngo bo nyid la zhi ba med de/ sems la'ang bya ba'ang med do/ /stong pa'i las 'byung 'jug med de/ thob pa dang stong pa'i rnams dang bral bas phung po dang / khams dang / zhugs pa la sogs pa kun kyang med do/ /sems mi g.yo mi chags pa de dang mtshungs so/ /byang chub sems dpa'i stong pa'i rnams bshad pa ni/ yod pa'i bshig pa'i </font><hr>272b<br><font size=+1>


phyir ro| /byang chub sems dpa' sa'i snying pos gsol pa/ btsun pa/ yod pa btsal na bden pa ma mchis te/ smig rgyu dang / chu dang mtshungs bden par rig ste/ med pa ma lags na| me'i rang bzhin dang mtshungs so/ /de lta bur rtog pa ni/ mi mdzangs pa lags so/ /sangs rgyas kyis gsungs pa/ de yin no/ /ji ltar mi des yang dag pa la brtags te stong pa zhi ba gcig pu'i mtshan ma brtags na/ mtshan ma med pa dang mtshungs so/ /stong pa spyad de blangs nas stong pa spyad pas na/ sangs rgyas mthong ba ma stor to/ /sangs rgyas mthong ba spyad pa na 'bab pa gsum dang bral te/ theg pa chen po'i chos kyi nang na grol thar gsum gyi lam mdo gcig ste/ ngo bo nyid med do/ /de'i ngo bo nyid med pas na/ stong ngo / /stong pas na| mtshan ma med do/ /mtshan ma med pas na/ bya ba med do/ /bya ba med pas na/ btsal ba med do/ /btsal ba med pas na/ smon lam med do/ /de lta bu'i las spyad pas na/ sems gtsang ngo / /sems gtsang bas na/ sangs rgyas mthong ngo / /sangs rgyas mthong bas na/ yul gcang mar skye'o/ /byang chub sems dpa' de lta bu'i zab mo'i chos bstan bas gsum 'grub par spyad de shes rab dang thub pa grub na/ gdod khams gsum las 'das so/ /byang chub sems dpa' sa'i snying pos gsol pa/ yang dag par gshegs </font><hr>273a<br><font size=+1>


@#/ /pas bshad pa la skye ba'ang med/ zhi ba'ang med na/ rtag par med pa yin te/ skye shi bkag na stong zhi ba bkag pa lags so/ /rtag pas ni/ mi chad de/ mi chad pa'i chos de khams gsum mi g.yo ba'i chos rnams dang bral te/ bya ba yod pa'i chos la ni/ me'i ngo las yol ba dang mtshungs so/ /gang la sogs pa'i chos la brten te bdag gis bdag spyod pa la sgo mo de gcig pur 'jug /sangs rgyas kyis gsungs pa/ byang chub sems dpas don chen po gsum la rang gi sems spyod de/ bden pa chen po gsum gyi spyod pa der 'jug go /byang chub sems dpa' sa'i snying pos gsol pa/ ji lta bur don gsum la bdag gi sems spyod/ ji lta bur na bden pa gsum gyi spyod pa gcig tu 'jug /sangs rgyas kyis gsungs pa/ don chen po gsum zhes bgyi ba ni/ gcig ni/ rgyu'o/ /gnyis ni/ 'bras bu'o/ /gsum ni/ rnam par shes pa'o/ /de lta bu'i don gsum phyi mo nas stong pa med pa ste/ nga dang yang dag pa'i nga med na ji lta bur de la sred cing chags pa skye/ don gsum la brtags na bcings pa khyer te/ khyer bas sdug bsngal gyi ma tshor 'bab bo/ /de bas na rtag par bdag spyod/ bden pa gsum zhes bya ba ni/ gcig byang chub kyi lam ste/ mnyams nyoms pa'i bden pa yin gyi/ mi </font><hr>273b<br><font size=+1>


snyoms pa'i bden pa ma yin no/ /gnyis ni/ tshor ba chen po'i drang po'i ye shes thob pa'i bden pa yin no/ /gsum ni/ shes rab dang mthun pa dang / tha dad pa spyad pa med pa'i zhugs pa'i bden pa ste/ go bdun spyang bas zhugs pas bden pas ma yin no/ /bden pa 'di gsum spyad de/ sangs rgyas kyi lam spyad na/ de lta bu'i chos su chud de drang po'i tshor ba mi thob pa med do/ /drang po'i tshor ba'i ye shes thob na/ shin tu byams pa chen por 'bab ste/ bdag dang gzhan gnyis ka la phan pas sangs rgyas kyi byang chub grub bo/ /byang chub sems dpa' sa'i snying pos gsol pa/ btsun pa/ de lta bu'i chos la rgyu rkyen med do/ /rkyen la rkyen med na/ chos kyi rgyu mi ldang ngo / /ji lta bur mi g.yo ba'i chos kyis yang dag par gshegs par chud/ de nas yang dag par gshegs pas gzhung 'di dgrol bar dgongs te tshigs su bcad pas bshad do/ /chos rnams kun gyi mtshan ma ni/ /chos de'i tshe na g.yo ba med// chos la tha dad dus kyang med/ /de yi tshe na g.yo ba med/ /chos la tha dad dus kyang med/ /tha dad dus las ma langs so/ /chos la g.yo med mi g.yo'o/ /ngo bo stong pa mi g.yo zhing // ngo bo stong zhing zhi ba'i tshe/ /chos de de yi tshe na byung / /mtshan ma bral bas stong par gnas/ /stong par gnas pas dmigs pa med/ /rkyen las ldang ba'i chos kyi rnams/ /chos de </font><hr>274a<br><font size=+1>


@#/ /las ni rkyen mi skye/ /rgyu dang rkyen dang skye ba med/ /skye ba'i stong pa'i ngo bo stong / /rkyen gyi rang bzhin rkyen bya nus/ /rkyen de'i phyi mo rkyen las g.yos/ /chos g.yos/ pas ni rkyen kyang med/ /rkyen med na ni g.yo ba'ang med/ /rgyu rkyen las su skyes pa'i chos/ /chos nyid de ni rgyu rkyen yin/ /rgyu rkyen gyi ni skye shi gzugs/ /de la skye dang shi ba'ang med| |de ni yang dag bden gzugs bzhin/ /phyi mo nus su 'byung nus med/ /chos rnams de yi tshe na ni/ /'byung zhing nub par rang las skyes/ /shin tu gtsang ma'i phyi mo nyid| |phyi mo'i rgyu yi stobs ma yin/ /phyin chad de yi gnas thob pa/ /thob pa'i phyi mo'i gtsang ma thob/ /de nas byang chub sems dpa' sa'i snying pos sangs rgyas kyis bshad do cog thos nas sems tshim ste/ de'i phal mang po rnams dogs pa med de/ phal mang po rnams shes zin nas tshigs su bcad pa bshad do/ /bdag gis phal gyi sems dogs rig /da lta bas na brtul bar dris/ /yang dag gshegs pa dge byams che/ /bye brag phye ste lus pa med/ /rnam gnyis kyis ni phal mang po/ /kun gyis gnang zhing mngon par thob/ /bdag gis da ni zin nas kyis/ /sems can thams cad khyab par bstan/ /yang dag gshegs pas thugs rjes su/ /phyi mo'i smon lam yong ma btab/ /de bas </font><hr>274b<br><font size=+1>


bu gcig sa gnas su/ /'jig rten mya ngan khams su gnas/ /de nas yang dag par gshegs pas phal mang po la bka' stsal pa/ byang chub sems dpa' 'di bsam gyis mi khyab ste/ khor mor byams pa chen po spyad de sems can sdug bsngal las byung ngo / /sems can la la zhig yi ge 'di'i chos gzungs su 'dzin cing byang chub sems dpa' de'i ming dang gzugs su 'dzin na/ las ngan par mi ltung ste/ sgrib pa'i bgegs thams cad kun bsal te med do/ /sems can la la zhig go bdun gzhan bsam pa med par mi g.yo ba'i 'od byang chub thob par byas so/ /de'i tshe byang chub sems dpas rtag par lus sprul te chos bshad nas mi de'i mgon skyabs byas te mthar skad cig kyang mi gtong zhing mi de la sogs pa smyur te bla na med pa yang dag par rdzogs pa'i byang chub thob par byas so/ /khyed la sogs pa byang chub sems dpa' sems can la ston cing slob na/ ji lta bur theg pa chen po gzhung mi 'gyur ba bye brag phyed pa kun spyod sbyor du chug cig /de nas dga' bos 'dug pa stan las langs te mdun du sangs rgyas la gsol pa/ yang dag par gshegs pas theg pa chen po'i bsod nams kyi phung po yang dag par mdud pa gcod pa/ skye ba med pa'i tshor ba bsod pa bshad pa bsam gyis mi khyab pa de lta bu'i chos kyi ming ci zhes </font><hr>275a<br><font size=+1>


@#/ /bgyi| chos kyi gzhung de nos te gzungs su bzung na/ bsod nams ji tsam zhig thob \?\/ sangs rgyas kyi byams pa'i thugs rjes bdag la bkrol bshad par smon to| |sangs rgyas kyis gsungs pa/ pho dge ba/ chos kyi yi ge 'di'i ming ni/ bsam gyis mi khyab ste/ snga ma 'das pa'i sangs rgyas rnams kyis 'or bar dgongs pas yang dag par gshegs pa'i ye shes kyi mtshor chud par gsungs so/ /sems can la la zhig gis chos kyi yi ge 'di gzungs su 'dzin pa gcig yod na/ chos kyi yi ge thams cad la ci'ang re zhing btsal ba med/ chos kyi yi ge 'dis ni/ chos kun gyi mdo btus te/ chos so cog gi gces pa bsdus so/ /chos kyi yi ge rnams kyi phyi mo'i bsam pa ste/ chos kyi yi ge 'di'i ming ni/ theg pa chen po bsdus so/ /yang ming rdo rje'i ting nge 'dzin ces kyang bya'o/ /yang ming dpag tu med pa'i gzhung gi phyi mo zhes kyang bya ste/ mi la la zhig gis chos kyi yi ge 'di nos te gzungs su 'dzin pa zhig yod na/ de brgya stong gis sangs rgyas gzungs su 'dzin pa ste/ de lta bu'i legs pa'i don ni/ dper nam mkha' dang mtshungs mu mtha' med de/ bsam gyis mi khyab pa'i chos kyi yi ge 'di gtams bcol to/ /dga' bos gsol pa/ ji lta bu'i sems spyod pa dang / ji lta bu'i mis chos </font><hr>275b<br><font size=+1>


kyi yi ge nos shing gzungs su 'dzin/ sangs rgyas kyis gsungs pa/ pho dge ba/ chos kyi yi ge 'di nos shing gzungs su 'dzin pa'i mi de ni/ sems thob pa dang / stor ba med la rtag tu tshangs par spyod pa spyad de/ 'gran tor brjod pa la'ang rtag par mi g.yo ba'i sems la dad de/ grong khyim du zhugs pa'ang sems rtag par thub pa la 'dug go /khyim du 'dug na'ang yod pa gsum la ma chags pa de lta bu'i da ltar gyi tshe'i dus la dpal yon rnam pa lnga yod de/ gcig ni/ phal gyis btsun zhing gus pa'o/ /gnyis ni/ lus ye 'drog tu mi 'chi ba'o/ /gsum ni/ yon po chad pa yid myur du lan lon pa'o/ /bzhi ni/ sems can bsgral ba la sred pa'o/ /lnga ni/ 'phrul gyi lam du 'jug nus pa ste/ de lta bu'i mis ni/ chos kyi yi ge 'di nos shing gzungs su 'dzin to/ /dga' bos gsol pa/ de lta bu'i mis ni/ sems can rnams bsal la yon blang du rung ngam mi rung / sangs rgyas kyis gsungs pa/ de lta bu'i mis ni/ sems can rnams kyi phyir dpal zhing chen po byas nas rtag par shes rab chen po spyad de/ dpal gyi rang bzhin bden pa gnyis ka gnas/ dge 'dun gyi gzhi rten pa yin te/ yon rnams la mgo dang / mig dang / rkang pa dang / klad pa de kun kyang blang du rung na/ gos dang kha zas blang du rung ba lta smos kyang ci dgos/ pho dge </font><hr>276a<br><font size=+1>


@#/ /ba| de lta bu'i mi ni/ khyod kyi dge ba'i bshes gnyen yin/ khyod kyi zam pa yin na/ mi tha mal pa lta smos kyang ci dgos na yon mi 'bul/ dga' bos gsol pa/ mi de la chos kyi yi ge nos te gzungs su bzung ba yon phul na/ mi des dpal yon ji tsam thob/ sangs rgyas kyis gsungs pa/ yang mi la la zhig gis mkhar gang ba'i gser dngul khyer te sbyar bar byas pas mi des chos kyi yi ge bshad zin nas de'i tshe dga' bo dang / byang chub sems dpa' dang / phal sde bzhin kun shin tu dga' ste/ sems kyis yang dag pa'i mir gyur pa thob nas sangs rgyas kyi zhabs la spyi bos phyag btsal te dga' nas gus par spyod do/ /rdo rje'i ting nge 'dzin gyi chos kyi yi ge rdzogs so// // </font><hr>

</table>