H120

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H120</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H120&coll=lhasa">see text in Tibetan script</a></table>388a<br><font size=+1>


//rgya gar skad du/ AR+Ya rat+na ka raN+Da nA ma mahA yA sU tra/ bod skad du/ 'phags pa dkon mchog gi za ma tog ces bya ba theg pa chen po'i mdo/ bam po dang po/ thams cad mkhyen pa la phyag 'tshal lo/ /'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong stong nyis brgya lnga bcu'i dge slong gi dge 'dun chen po dang / byang chub sems dpa' 'khri dang </font><hr>388b<br><font size=+1>


thabs gcig tu bzhugs te/ yang de'i tshe bcom ldan 'das smig ma'i ldum bu'i 'khor gyi khyams na 'khor brgya stong du mas yongs su bskor cing mdun gyis bltas te chos ston to/ /de nas 'jam dpal gzhon nur gyur pa byang chub sems dpa' lnga stong dang lhan cig tu brgya byin dang / tshangs pa dang / 'jig rten skyong pa rnams kyis yongs su bskor cing mdun du bdar te/ smig ma'i ldum bu'i 'khor gyi khyams ga la ba dang / bcom ldan 'das ga la ba der dong ste lhags pa dang / bcom ldan 'das kyi zhabs gnyis la mgo bos phyag btsal nas/ bcom ldan 'das la lan gsum bskor ba byas te byang chub sems dpa' de dag dang / brgya byin dang / tshangs pa dang / 'jig rten skyong ba rnams dang lhan cig tu phyogs gcig tu 'khod do/ /phyogs gcig tu 'khod nas/ bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das/ da ltar ci'i bka' mchid cig mdzad/ bcom ldan 'das/ bka' mchid de nyid kyi rjes rgyun mi 'chad par mdzad du gsol/ de nas sangs rgyas kyi mthus tshe dang ldan pa rab 'byor gyis 'jam dpal gzhon nur gyur pa la 'di skad ces smras so/ /'jam dpal/ da ltar ni nyan thos dang ldan pa'i bka' mchid mdzad na/ 'jam dpal/ bdag gis khyod la bskul gyi/ byang </font><hr>389a<br><font size=+1>


@#/ /chub sems dpa' dang ldan pa'i bka' mchid brtsam par khyod spobs par gyis shig /'jam dpal gyis smras pa/ tshe dang ldan pa rab 'byor/ nyan thos dang / rang sangs rgyas thams cad ni byang chub sems dpa' dang ldan pa'i gtam gyi snod du gyur pa ma yin na/ btsun pa rab 'byor/ byang chub sems dpa' dang ldan pa'i gtam cir dgos/ rab 'byor gyis smras pa/ 'jam dpal/ 'dir gang snod du gyur pa 'byung ba de dag la khyod kyis shod cig /'jam dpal gyis smras pa/ tshe dang ldan pa rab 'byor 'di na snod du gyur pa ni gang dag yin/ snod du ma gyur pa ni gang dag yin shes sam/ rab 'byor gyis smras pa/ 'jam dpal/ bdag ni gzhan gyi sgra'i rjes su 'brang ba yin pas snod dang snod ma yin pa lta ci shes mod kyi/ 'on kyang 'jam dpal khyod byang chub sems dpa' dang ldan pa'i gtam brtsam par spobs par gyis shig /'jam dpal gyis smras pa/ btsun pa rab 'byor/ gang su dag skyon med pa la zhugs pa de dag thams cad ni sangs rgyas kyi chos rnams kyi snod du ma gyur pa'o/ /btsun pa rab 'byor/ gang dag skyon med pa la'ang rtog cing sems can rnams la'ang blta la/ skyon med par yang mi ltung zhing skyon dang yang lhan cig mi gnas pa de dag ni sangs rgyas </font><hr>389b<br><font size=+1>


kyi chos rnams kyi snod du gyur pa'o/ /btsun pa rab 'byor/ gzhan yang gang dag mtshams la gnas par gyur pa/ slob pa dang mi slob pa'i chos la zhugs pa/ sems can thams cad la btang snyoms pa/ srid pa la me 'bar ba lta bur lta ba/ yid yongs su skyo ba/ khams gsum thams cad kyis skrag pa/ skad cig tsam yang srid pa mngon par 'grub par mi dga' ba de dag ni sangs rgyas kyi chos rnams kyi snod du ma gyur pa'o/ /btsun pa rab 'byor/ gang dag phyi ma'i mtha'i bskal pa bye bar go cha bgos pa/ srid pa thams cad kyis mi 'jigs mi dngang ba/ khams gsum spyod yul ba/ dri ma gsum dang bral ba/ 'khor ba la skyed mos tshal dang gzhal med khang du 'du shes pa/ srid pa 'dod cing srid pa thams cad la chags pa dang bral ba de dag ni sangs rgyas kyi chos rnams kyi snod du gyur pa'o/ /btsun pa rab 'byor/ gzhan yang gang dag 'dod chags dang / zhe sdang dang / gti mug dang / bag la nyal ba dang / kun tu dkris te 'dug pa dang / nyon mongs pa dang nye ba'i nyon mongs pa thams cad spangs pa de dag ni sangs rgyas kyi chos rnams kyi snod du ma gyur pa'o/ /btsun pa rab 'byor/ gang dag 'dod chags kyis chags pa'ang ma yin la 'dod chags spyod par yang ston pa/ zhe sdang gis sdang ba'ang ma yin la zhe sdang spyod par yang ston pa/ gti mug </font><hr>390a<br><font size=+1>


@#/ /gis rmongs pa'ang ma yin la gti mug spyod pa'ang ston pa/ nyon mongs pa dang yang bral la khams gsum du'ang snang ba/ sems can thams cad la byams pa/ ma khengs pa/ ma zhum pa/ sems can thams cad kyi khur khyer ba/ de bzhin nyid kyi rjes su song ba/ dkon mchog gsum gyi gdung mi 'chad par bya ba'i phyir zhugs pa/ rig pa gsum dang ldan pa/ rig pa mngon du gyur ba de dag ni sangs rgyas kyi chos rnams kyi snod du gyur pa'o/ /rab 'byor gyis smras pa/ 'jam dpal/ gal te chos kyi dbyings kyang gcig /de bzhin nyid kyang gcig /yang dag pa'i mtha' yang gcig na snod dam snod ma yin pa de ji ltar mngon/ 'jam dpal gyis smras pa/ btsun pa rab 'byor/ 'di lta ste/ dper na/ rdza mkhan gyis 'jim pa'i gong bu gcig las snod rnam pa sna tshogs byas te/ snod de thams cad so gcig tu btang na/ de la kha cig ni 'bru mar dang mar gyi snod du gyur/ kha cig ni sbrang rtsi dang li kha ra'i snod du gyur/ kha cig ni ngan pa mi gtsang ba'i snod du 'gyur te/ 'jim pa'i gong bu de dang so btang ba la ni tha dad pa cung zad kyang med do/ /btsun pa rab 'byor/ de bzhin du chos kyi dbyings kyang gcig /de bzhin nyid kyang gcig /yang dag pa'i mtha' yang gcig mod kyi/ ji ltar las mngon </font><hr>390b<br><font size=+1>


par 'du byas pa bzhin du snod kyi khyad par du 'gyur ro/ /de la sbrang rtsi dang / li kha ra'i snod ji lta ba de bzhin du byang chub sems dpa' thams cad la blta'o/ /'bru mar dang mar gyi snod ji lta ba de bzhin du nyan thos dang rang sangs rgyas thams cad la blta'o/ /ngan pa mi gtsang ba'i snod ji lta ba de bzhin du byis pa so so'i skye bo thams cad la blta'o/ /rab 'byor gyis smras pa/ 'jam dpal/ rnam grangs gang gis gang dag snod du gyur pa de dag snod ma yin par 'gyur pa dang / gang dag snod ma yin pa de dag snod du gyur pa'i rnam grangs yod dam/ 'jam dpal gyis smras pa/ btsun pa rab 'byor/ yod do/ /rab 'byor gyis smras pa/ rnam grangs gang gis na gang dag snod du gyur pa de dag snod ma yin par 'gyur ba dang / gang dag snod ma yin pa de dag snod du gyur pa yin/ 'jam dpal gyis smras pa/ btsun pa rab 'byor/ gang la la nyon mongs pa thams cad kyi snod du gyur pa bag chags kyi mtshams sbyor ba ma bcom pa de dag ni sangs rgyas kyi chos rnams kyi snod du ma gyur pa'o/ /btsun pa rab 'byor/ gang dag nyon mongs pa thams cad kyi snod du ma gyur ba bag chags kyi mtshams sbyor ba bcom pa de dag ni sangs rgyas kyi chos rnams kyi snod du gyur pa'o/ /rab 'byor smras pa/ 'jam dpal/ snod du ci zhig gzhug par bya/ 'jam dpal gyis smras pa/ btsun pa rab </font><hr>391a<br><font size=+1>


@#/ /'byor/ ci'ang ma yin no/ /de ci'i phyir zhe na/ gang gi tshe byang chub sems dpa' gzhug pa med pa dang / dbyung ba med pa la spyod pa de'i tshe snod kyi snying por rig par bya'o/ /gang gi tshe gzhug pa dang / dbyung ba la spyod pa de'i tshe snod chag par rig par bya'o/ /btsun pa rab 'byor/ /'di lta ste/ dper na/ nam mkha' ni rtswa dang / shing gel pa dang| sman dang / nags tshal thams cad kyi snod ces kyang bya la/ gang gi snod kyang ma yin no/ /btsun pa rab 'byor/ de bzhin du byang chub sems dpa' yang sangs rgyas kyi chos thams cad kyi snod ces kyang bya la/ gang gi snod kyang ma yin no/ /btsun pa rab 'byor/ 'di lta ste/ dper na/ sa las skyes pa'i shing rnams ni snod nam mkha' yin pas rnam par skye'o/ /btsun pa rab 'byor/ de bzhin du lhag pa'i bsam pa las skyes pa'i byang chub sems dpa' sems dpa' rnams kyang snod shes rab kyi pha rol tu phyin pa yin pas rnam par skye'o/ / rab 'byor gyis smras pa/ 'jam dpal/ ci byang chub sems dpa' rnam par skye'am/ 'jam dpal gyis smras pa/ btsun pa rab 'byor/ gal te nam mkha' rnam par skye na/ de'i phyir byang chub sems dpa' rnams kyang rnam par skye ba zhig na/ nam mkha' ni rnam par skye ba'am/ yongs su nyams par mi 'gyur te/ btsun pa rab 'byor/ de bzhin du </font><hr>391b<br><font size=+1>


byang chub sems dpa' rnams kyang rnam par skye bar yang mi 'gyur/ yongs su nyams par yang mi 'gyur ro/ /rab 'byor gyis smras pa/ 'jam dpal/ byang chub sems dpa' rnams rnam par skye bar yang mi 'gyur/ yongs su nyams par yang mi 'gyur zhes bya ba ci las bsams te de skad smras/ 'jam dpal gyis smras pa/ nyon mongs pa rnam par skye bar yang mi 'gyur/ sangs rgyas kyi chos rnams las yongs su nyams par yang mi 'gyur ro/ /rab 'byor gyis smras pa/ 'jam dpal/ nyon mongs pa rnams dang / sangs rgyas kyi chos rnams la tha dad du bya ba ci yod/ 'jam dpal gyis smras pa/ btsun pa rab 'byor/ nyon mongs pa rnams dang / sangs rgyas kyi chos rnams la tha dad par bya ba ni cung zad kyang med do| |btsun pa rab 'byor/ 'di lta ste/ dper na/ ri'i rgyal po ri rab kyi 'od kyis reg na gzugs thams cad 'di lta ste/ gser gyi kha dog tu kha dog gcig par 'gyur ro/ /btsun pa rab 'byor/ de bzhin du shes rab dang ye shes kyi snang bar byas pa'i nyon mongs pa rnams kyang 'di lta ste/ sangs rgyas kyi chos rnams kyi kha dog tu kha dog gcig par 'gyur ro/ / btsun pa rab 'byor/ de bas na shes rab dang ye shes kyis snang bar byas pa'i nyon mongs pa rnams dang / sangs rgyas kyi chos rnams la ni tha dad pa cung zad kyang med de/ de bas na </font><hr>392a<br><font size=+1>


@#/ /chos thams cad sangs rgyas kyi chos zhes bya'o/ /rab 'byor gyis smras pa/ 'jam dpal/ ci'i phyir na chos thams cad sangs rgyas kyi chos zhes bya/ 'jam dpal gyis smras pa/ btsun pa rab 'byor/ ji lta ba bzhin du rtogs pa'i phyir ro/ /rab 'byor gyis smras pa/ 'jam dpal/ ji lta ba bzhin zhes bya bas ci zhig bstan par 'gyur/ 'jam dpal gyis smras pa/ thog ma ji lta bar tha mar yang de bzhin du de bzhin nyid las phyir mi ldog pas de'i phyir ji lta ba bzhin zhes bya'o/ /rab 'byor gyis smras pa| 'jam dpal/ thog ma dang tha ma zhes bya bas ci zhig bstan par 'gyur/ 'jam dpal gyis smras pa/ thog ma ni stong pa nyid/ tha ma ni dben pa nyid de de bas na thog ma dang tha ma zhes bya'o/ /rab 'byor gyis smras pa/ 'jam dpal/ stong pa nyid dang / dben pa nyid la tha dad du bya ba ci yod/ 'jam dpal gyis smras pa/ btsun pa rab 'byor/ 'di ji snyam du sems/ gser dang sa le spram la tha dad du bya ba yod dam/ rab 'byor gyis smras pa/ 'jam dpal/ ming du btags pa la ni tha dad pa yod do/ /'jam dpal gyis smras pa/ btsun pa rab 'byor/ de bzhin du 'di lta ste/ stong pa nyid dang / dper pa nyid 'di ni ming dang brda tsam du zad de/ ming dang brda la ni mkhas pa rnams mngon par zhen </font><hr>392b<br><font size=+1>


pa med kyi/ byis pa rnams mngon par zhen to/ /rab 'byor gyis smras pa/ 'jam dpal/ byis pa'i mtshan nyid ni ji lta bu/ mkhas pa zhes bya ba'i mtshan nyid ni ji lta bu yin/ 'jam dpal gyis smras pa/ btsun pa rab 'byor/ bcom ldan 'das kyis byis pa ni las kyi mtshan nyid do/ /mkhas pa ni chos kyi mtshan nyid do zhes gsungs so/ /rab 'byor gyis smras pa/ 'jam dpal/ las kyi mtshan nyid ji lta bu yin/ 'jam dpal gyis smras pa/ btsun pa rab 'byor/ rten cing 'brel bar 'byung ba'i mtshan nyid ni las te/ de la gang dag mngon par 'du byed pa de dag gi ni yod par mngon no/ /gang dag mngon par 'du mi byed pa de dag gi ni med par mngon no/ /de la byis pa rnams ni mngon par 'du byed pas de dag gi ni yod par mngon no/ /mkhas pa rnams ni mngon par 'du mi byed pas de dag gi ni med par mngon te/ de la gang yod pa dang / gang med pa'i dbus de ni 'phags pa rnams kyi spyod yul lo/ /'phags pa'i spyod yul gang yin pa de ni 'phags pa ma yin pa rnams kyi spyod yul ma yin no/ /rab 'byor gyis smras pa/ 'jam dpal/ 'phags pa zhes bya bas ci zhig bstan par 'gyur/ 'jam dpal gyis smras pa/ btsun pa rab 'byor/ 'phags pa zhes bya ba de ni rdul med cing nyon mongs pa med pa la yang dag par 'du ba'i bzhi'o/ / </font><hr>393a<br><font size=+1>


@#/ /rab 'byor gyis smras pa/ 'jam dpal/ rnam grangs gang gis chos thams cad rdul med cing / nyon mongs pa med pa la yang dag par 'du bar 'gyur ba'i rnam grangs yod dam/ 'jam dpal gyis smras pa/ btsun pa rab 'byor/ yod do/ /rab 'byor gyis smras pa/ rnam grangs gang yin/ 'jam dpal gyis smras pa/ btsun pa rab 'byor/ 'di lta ste/ dper na/ rgya mtsho chen por chu thams cad yang dag par 'du ste/ de'ang 'di lta ste/ lan tshwa'i ror ro gcig go /btsun pa rab 'byor/ de bzhin du sangs rgyas kyi chos thams cad kyang rdul med cing nyon mongs pa med pa yang dag par 'du zhing / de'ang 'di lta ste/ rnam par grol ba'i ror ro gcig go /rab 'byor gyis smras pa/ 'jam dpal/ gang las rnam par thar par bya ba'i phyir rnam par grol ba ston/ 'jam dpal gyis smras pa/ btsun pa rab 'byor/ 'di ji snyam du sems/ gang yod na 'ching bar 'gyur/ rab 'byor gyis smras pa/ 'jam dpal/ mi shes pa yod na 'ching bar 'gyur ro/ /'jam dpal gyis smras pa/ btsun pa rab 'byor/ de bas na mi shes pa las rnam par thar par bya ba'i phyir rnam par grol ba bstan to/ /rab 'byor gyis smras pa/ 'jam dpal/ chos thams cad la tha dad par bya ba med na shes </font><hr>393b<br><font size=+1>


pa'am mi shes par ji ltar bstan/ 'jam dpal gyis smras pa/ btsun pa rab 'byor/ 'di lta ste/ dper na/ dpyid kyis bsros pa'i chu la ni dro ba zhes bstan to/ /chu de nyid grang ba'i dus su ni grang ba zhes bstan to/ /chu de la ni tha dad du bya ba cung zad kyang med do/ /btsun pa rab 'byor/ /de bzhin du tshul bzhin ma yin pa'i yid la byed pas bsros ba'i sems la ni mi shes pa zhes bstan to/ /tshul bzhin yid la byed pa la ni shes pa zhes bstan te/ de la nang gi byed pa'i skyes bu de'i shes pa'am/ mi shes par bstan pa ni gang yang med do/ /rab 'byor gyis smras pa/ 'jam dpal/ don de ni rtogs par dka'o/ /'jam dpal gyis smras pa/ btsun pa rab 'byor/ gnyis la spyod pa rnams kyis so| |rab 'byor gyis smras pa/ 'jam dpal/ don de ni mthong bar dka'o/ /'jam dpal gyis smras pa/ btsun pa rab 'byor/ /shes rab kyi mig dang bral ba rnams kyis so/ / rab 'byor gyis smras pa/ 'jam dpal/ don de ni gting dpag dka' ba'o/ /'jam dpal gyis smras pa/ btsun pa rab 'byor/ /gting ma rnyed pa rnams kyis so/ /rab 'byor gyis smras pa/ 'jam dpal/ don de ni shes par dka' ba'o/ /'jam dpal gyis smras pa/ btsun pa rab 'byor/ lhag pa'i nga rgyal can rnams kyis so/ /rab 'byor gyis smras </font><hr>394a<br><font size=+1>


@#/ /pa| 'jam dpal/ don de ni go bar dka' ba'o/ /'jam dpal gyis smras pa/ btsun pa rab 'byor/ byang chub kyi yan lag dang bral ba rnams kyis so| |rab 'byor gyis smras pa/ 'jam dpal/ don de ni mos par dka' ba'o/ /'jam dpal gyis smras pa/ btsun pa rab 'byor/ kun gzhi la dga' ba rnams kyis so/ /rab 'byor gyis smras pa/ 'jam dpal/ don de ni brtag mi nus pa'o/ /'jam dpal gyis smras pa/ 'di ltar der mtshan ma kun tu mi 'byung ngo / /rab 'byor gyis smras pa/ 'jam dpal/ don de ni rtog ge'i spyod pa can ma yin pa'o/ /'jam dpal gyis smras pa/ 'di ltar de la so sor rnam par rig pa med do/ /rab 'byor gyis smras pa/ 'jam dpal/ don de ni mchog tu 'phags pa'o/ /'jam dpal gyis smras pa/ 'di ltar de ni bsngo ba'i 'du shes dang bral ba'o/ /rab 'byor gyis smras pa/ 'jam dpal/ don de ni mkhas pa dang mdzangs pas rig pa'o/ /'jam dpal gyis smras pa/ 'di ltar de ni bdag nyid kyis rig pa'o/ /rab 'byor gyis smras pa/ 'jam dpal/ de bzhin gshegs pas gang don du na don ni don ma yin pa'o zhes de skad bshad pa tshig de'i dgongs pa'i tshig bshad pa ji lta bu yin/ 'jam dpal gyis smras pa/ btsun pa </font><hr>394b<br><font size=+1>


rab 'byor/ don ces bya ba ni brjod du med pa'i don to/ /de la gang dag brjod du yod pa'i don la spyod pa de dag gi don ni don ma yin te/ de bas na bcom ldan 'das kyis don du na don de ni don ma yin pa'o zhes de skad bka' stsal to/ /gzhan yang / btsun pa rab 'byor/ don ces bya ba ni dpen pa'i don to/ /de la gang dag lus dang / ngag dang / sems dang mtshungs bar ldan pa'i don la spyod pa de dag gi don ni don ma yin te/ de bas na bcom ldan 'das kyis kyang don du na don ni don ma yin pa'o zhes de skad ces bka' stsal to/ /rab 'byor gyis smras pa/ 'jam dpal/ chos thams cad chos ma yin pa'o zhes bcom ldan 'das kyis ci las dgongs te de skad bka' stsal/ 'jam dpal gyis smras pa/ btsun pa rab 'byor/ bcom ldan 'das kyis chos kyi rnam grangs gzings dang 'dra bar shes pa rnams kyis chos nyid kyang spang bar bya na chos ma yin pa lta ci smos zhes de skad ces bka' stsal te| gang spang bar bya ba de ni chos dang chos ma yin pa zhes mi bya'o/ /rab 'byor gyis smras pa/ 'jam dpal/ ci sangs rgyas kyi chos rnams kyang chos ma yin nam/ 'jam dpal gyis smras pa/ btsun pa rab 'byor/ sangs rgyas kyi chos rnams la ni yang dag par grub pa gang yang med do/ /gang yang dag par grub pa ma yin pa de ni chos dang chos ma yin pa </font><hr>395a<br><font size=+1>


@#/ /zhes mi bya'o/ /de bas na bcom ldan 'das kyis kyang chos thams cad ni chos ma yin pa'o zhes de skad ces bka' stsal to/ /rab 'byor gyis smras pa/ 'jam dpal/ las dang po pa'i byang chub sems dpa' dag bshad pa 'di thos nas mi skrag mi dngang dngang bar mi 'gyur ba ni ngo mtshar to/ /'jam dpal gyis smras pa/ btsun pa rab 'byor/ 'di ji snyam du sems/ brgya la seng ge'i phrug gu seng ge'i sgra thos nas skrag gam/ dngang ngam/ dngang bar 'gyur ram/ ngang pa'i rgyal po'i phrug gu nam mkha'i dkyil na 'phur ba na ngang pa'i sgra thos nas skrag gam/ dngang ngam/ dngang bar 'gyur ram/ rab 'byor kyis smras pa/ 'jam dpal/ de ni ma yin te/ seng ge'i phrug gu rang gi sgra dang / ngang pa'i rgyal po'i phrug gu rang gi spyod yul gyis mi skrag go /'jam dpal gyis smras pa/ btsun pa rab 'byor/ de bzhin du de bzhin gshegs pa'i rigs dang / gdung las skyes pa'i byang chub sems dpa' de bzhin nyid dang / stong pa nyid las nges par byung pa de rnams ni chos thams cad dang / sgra thams cad dang / bshad pa thams cad kyis mi skrag mi dngang dngang bar mi 'gyur mod kyi/ btsun pa rab 'byor/ 'on kyang gang yod na skrag par 'gyur shes\?\ sam/ rab 'byor gyis smras </font><hr>395b<br><font size=+1>


pa| 'jam dpal/ 'jig tshogs la lta ba yod na skrag par 'gyur ro/ /'jam dpal gyis smras pa/ btsun pa rab 'byor/ 'jig tshogs la lta ba de byang chub sems dpas yongs su shes te/ de bas na chos thams cad kyis mi skrag go /de sgra thams cad dang / bshad pa thams cad kyis mi skrag mi dngang dngang bar mi 'gyur ro/ /rab 'byor gyis smras pa/ 'jam dpal/ gal te byang chub sems dpas 'jig tshogs la lta ba yongs su shes na/ de ji ltar 'bras bu ma thob/ 'jam dpal gyis smras pa/ btsun pa rab 'byor/ byang chub sems dpa' ni 'bras bu thob par 'dod pa'i phyir 'jig tshogs la lta ba yongs su shes pa ma yin gyi/ 'bras bu 'thob pa la btang snyoms su bya ba dang / sangs rgyas kyi chos thob par 'dod pa'i phyir sems can thams cad la snying rje chen pos sbyor ba'i byang chub sems dpa' 'jig tshogs la lta ba yongs su shes te/ de bas na 'bras bu mi 'thob bo/ /rab 'byor gyis smras pa/ 'jam dpal/ byang chub sems dpa'i thabs gang gis byang chub sems dpas 'jig tshogs la lta ba yongs su shes la 'bras bu'ang mi 'thob pa de ni thabs chen po yin no| |'jam dpal gyis smras pa/ btsun pa rab 'byor/ 'di ltar byang chub sems dpa'i ye shes kyi dbyings ni thabs dang shes rab kyis yang dag par zin pa ste/ de bas na byang </font><hr>396a<br><font size=+1>


@#/ /chub sems dpa' de 'jig tshogs la lta ba'ang yongs su shes la 'bras bu'ang mi thob bo/ /btsun pa rab 'byor/ 'di lta ste/ dper na/ skyes bu tshan po che zhig gis mtshon cha rnon pos shing sA la chen po bcad na/ de ril gyis chad bzhin du de nyid na 'dug ste mi 'gyel lo/ /btsun pa rab 'byor/ de bzhin du byang chub sems dpa'i ye shes kyi dbyings kyang thabs dang shes rab kyis yang dag par zin te/ de bas na byang chub sems dpa' de 'jig tshogs la lta ba'ang yongs su shes la 'bras bu'ang mi 'thob bo/ /btsun pa rab 'byor/ gang shing sA la chen po de char pa chen po bab ste gsher cing brlan par gyur na slar yang skye zhing yal ga dang / lo ma dang / me tog dang / 'bras bu dag kyang 'byung la/ gang sems can thams cad kyi nye bar 'tsho bar 'gyur ba de lta bu'i dus dang / de lta bu'i skabs kyang yod do/ /btsun pa rab 'byor| de bzhin du byams pa chen po dang / snying rje chen pos gsher cing brlan pa'i byang chub sems dpa' yang 'jig tshogs la lta ba yongs su shes la khams gsum du'ang skye zhing gang sems can thams cad kyi nye bar 'tsho bar 'gyur ba tshe dang / rigs dang / skye ba'ang ston par byed do/ /btsun pa rab 'byor/ gang shing sA la chen po de </font><hr>396b<br><font size=+1>


rlung chen po'i shugs kyis phul nas la ltung bar 'gyur ba de lta bu'i dus dang / de lta bu'i skabs kyang yod do/ /btsun pa rab 'byor/ de bzhin du ye shes chen po'i rlung gi shugs kyis phul na byang chub sems dpa' byang chub kyi snying po 'gog par ltung ngo / /de nas bcom ldan 'das kyis 'jam dpal gzhon nur gyur pa la legs so zhes bya ba byin te/ 'jam dpal khyod kyis byang chub sems dpa' rnams kyi thabs dang shes rab kyis yang dag par zin pa'i ye shes kyi dbyings dang / byams pa chen po dang / snying rje chen po dang ldan pa'i chos bstan pa de ni legs par bshad de/ legs so/ /legs so/ /'jam dpal/ 'on kyang dpe gang dag bstan pas byang chub sems dpa'i thabs dang shes rab shes par 'gyur pa'i dpe ngas kyang bstan gyi/ nyon cig /'jam dpal/ 'di lta ste/ dper na/ klu'i rgyal po mthu dang ldan pas sems dpa'i dbang gis sprin gyi phung po gcig las char pa'i bdag nyid dang / glog gi phreng ba'ang gtong ngo / /skye bar byed pa'i bdag nyid chu'i rgyun kyang gtong ngo / /'jam dpal/ de bzhin du byang chub sems dpa' yang thabs dang shes rab dang / ye shes kyi sprin gcig las sems can so so'i skye bo rnams yongs su smin par bya ba'i phyir byis pa so so'i skye bo thams cad kyi spyod pa'ang ston to/ /gdul bar bya ba'i sems can rnams </font><hr>397a<br><font size=+1>


@#/ /gdul ba'i phyir 'phags pa thams cad kyi spyod pa'ang ston to/ /'jam dpal/ 'di lta ste/ dper na/ ri'i rgyal po gangs ri la dri'i shing zhig yod de/ de'i rtsa ba'i dri'ang gzhan/ sdong po'i dri'ang gzhan/ yal ga'i dri'ang gzhan/ lo ma'i dri'ang gzhan/ me tog gi dri'ang gzhan/ 'bras bu'i dri'ang gzhan no/ /'jam dpal/ de bzhin du dri'i shing lta bu'i byang chub sems dpa'i lus de'ang sems can rnams ji ltar mos pa bzhin du so so ci rigs par chos kyi dri gtong ste/ snying rje chen po'i rtsa ba'i dri de las kyang mi g.yo'o/ /'jam dpal/ 'di lta ste/ dper na/ brgya byin thogs pa'i nor bu rin po che lha rnams kyi dbang po brgya byin gyi mgul du thogs na/ de la sum cu rtsa gsum gyi gnas thams cad dang / lha rnams kyi dbang po brgya byin gyi dga' ba dang / rtse ba'i tshogs thams cad snang yang nor bu rin po che de ni rnam par mi rtog go /'jam dpal/ de bzhin du nor bu rin po che dag pa lta bu'i byang chub sems dpa'i ye shes kyi dbyings de'ang bya ba thams cad kyang ston la/ thams cad du'ang rnam par mi rtog go /'jam dpal/ 'di lta ste/ dper na| nor bu rin po che yid bzhin du 'gro ba zhes bya ba zhig yod de/ de ni sems can thams cad kyi bsam pa ji lta ba bzhin du yongs su rdzogs par byed kyang nor bu rin po che de ni </font><hr>397b<br><font size=+1>


rnam par mi rtog go /'jam dpal/ de bzhin du nor bu rin po che lta bur lhag pa'i bsam pa dag pa'i byang chub sems dpa' yang sems can thams cad kyi bsam pa ji lta ba bzhin yongs su rdzogs par byed kyang byang chub sems dpa' de ni rnam par mi rtog go /'jam dpal/ 'di lta ste/ dper na/ nam mkha' la me'ang 'bar zhing char pa'ang 'bab mod kyi/ nam mkha' la ni tsha ba'ang med/ grang bar 'gyur ba'ang med do/ /'jam dpal/ de bzhin du thabs mkhas pa'i byang chub sems dpa' yang kun tu 'bar ba'i khams gsum na'ang gnas shing mya ngan las 'das pa'i zhi ba la'ang spyod mod kyi/ tsha ba'ang med/ grang bar 'gyur ba'ang med do/ /'jam dpal/ 'di lta ste/ dper na/ nam mkha' la dug gi shing yang skye/ sman gyi shing yang skye mod kyi/ nam mkha' la ni dug gi shing gis nyon mongs par yang mi 'gyur/ sman gyi shing gis rnam par byang bar yang mi 'gyur ro/ /'jam dpal/ de bzhin du thabs mkhas pa'i byang chub sems dpa' yang dug gi shing lta bu'i phung po'ang 'chang / sman gyi shing lta bu'i dbang po'ang 'chang mod kyi/ phung po'i nyon mongs pas nyon mongs par yang mi 'gyur/ rnam par dag pa'i dbang pos rnam par byang bar yang mi 'gyur la/ gnyis ka'i bya ba'ang byed do/ /'jam dpal/ 'di lta ste/ dper na/ chu'i snod bu gu brgya yod pa la/ </font><hr>398a<br><font size=+1>


@#/ /bu gu gcig bkag na thams cad nas mi 'dzag go /bu gu gcig bye na thams cad nas kyang 'dzag go /'jam dpal/ de bzhin du byang chub sems dpa' mnyam par bzhag pa'i tshe mngon par shes pa chen po la yongs su rdzogs par byed kyi yul la mi 'dzag go /yang langs pa na 'di lta ste/ sems can thams cad la so so ji ltar 'os pa chos bstan pa'i phyir yul thams cad du zag go /'jam dpal/ 'di lta ste/ dper na/ mchog tu mthu dang ldan pa'i rta cang shes ni rta zhon pa la srung bar byed de/ bdag la ni de lta ma yin no| |'jam dpal/ de bzhin du snying rje chen po thob pa'i byang chub sems dpa' mchog tu mthu dang ldan pa dag ni sems can rnams la srung bar byed de/ bdag la ni de lta ma yin no| |'jam dpal/ 'di lta ste/ dper na/ ri dwags kyi rgyal po seng ge ni me 'bar ba ma gtogs par cis kyang mi 'jigs so/ /'jam dpal/ de bzhin du byang chub sems dpa' yang nyan thos dang / rang sangs rgyas kyi sar ltung ba ma gtogs par cis kyang mi 'jigs so/ /'jam dpal/ 'di lta ste/ dper na/ bal glang gi rgyal pos srung gi bu ni dud 'gro'i skye gnas su gtogs mod kyi/ sum cu rtsa gsum pa'i lha rnams dang / lha rnams kyi dbang po brgya byin gyi bsod nams bsags pa'i phyir dga' ba dang rtse ba'i tshogs </font><hr>398b<br><font size=+1>


thams cad so so ci rigs par ston to/ /'jam dpal/ de bzhin du byang chub sems dpa' dud 'gro'i skye gnas su song yang 'di lta ste/ sems can rnams so so ci rigs par yongs su smin par bya ba'i phyir chos kyi tshogs thams cad ston to/ /'jam dpal/ 'di lta ste/ dper na/ gang gtsub\?\ stan las byung ba dang / gang nor bu rin po che las byung ba'i me de gnyis ka'ang tsha ba'i bdag nyid do/ /'jam dpal/ de bzhin du byang chub sems dpa' gang sems dang po bskyed pa dang / gang byang chub kyi snying po la 'dug pa'i sems tha ma bskye pa de gnyis ka'ang sems can rnams kyi nyon mongs pa sreg pa'i bdag nyid do/ /'jam dpal/ 'di lta ste/ dper na/ dri'i shing sna tshogs rnams ni de dag thams cad khams bzhis yongs su bzung ste skye'o/ /'jam dpal/ de bzhin du byang chub sems dpa' rnams kyi dge ba'i rtsa ba sna tshogs kyi tshogs bsags pa de dag thams cad kyang / byang chub kyi sems kyis yongs su bzung zhing thams cad mkhyen pa nyid du bsngos na skye'o/ /'jam dpal/ 'di lta ste/ dper na/ 'khor los bsgyur ba'i rgyal po'i 'khor lo rin po che gang du 'gro ba der 'khor los bsgyur ba'i rgyal po'i dpung gi tshogs thams cad 'dong ngo / /'jam dpal/ de bzhin du byang chub sems dpa'i thabs dang ldan pa'i shes rab kyi pha rol tu </font><hr>399a<br><font size=+1>


@#/ /phyin pa gang du 'gro ba der byang chub sems dpa'i byang chub kyi phyogs kyi chos thams cad 'dong ngo / /'jam dpal/ 'di lta ste/ dper na/ bya'i rgyal po ka la ping+ka'i phrug gu sgo nga'i sbubs na 'dug pa sgo nga mi chag cing sbubs nas ma byung yang 'di lta ste/ sgra yid du 'ong ba ka la ping+ka'i sgra nyid sgrogs so/ /'jam dpal/ de bzhin du byang chub sems dpa' ma rig pa'i sgo nga'i sbubs su zhugs pa/ 'jig tshogs la lta ba ma bcom pa/ khams gsum nas mngon par ma byung yang 'di lta ste/ sgra stong pa nyid dang| mtshan ma med pa dang / smon pa med pa dang / mngon par 'du bya ba med pa dang / sangs rgyas kyi chos kyi sgra nyid sgrogs so/ /'jam dpal/ 'di lta ste/ dper na/ ka la ping+ka rma bya'i nang du song na ka la ping+ka'i sgra mi sgrogs so/ /ka la ping+ka'i nang du song na ni ka la ping+ka'i sgra sgrogs so/ /'jam dpal/ de bzhin du byang chub sems dpa' nyan thos dang / rang sangs rgyas kyi nang du song na sangs rgyas kyi chos bsam gyis mi khyab pa'i sgra mi sgrogs so/ /byang chub sems dpa'i nang du song na ni sangs rgyas kyi chos bsam gyis mi khyab pa'i sgra sgrogs so/ /'jam dpal/ 'di lta ste/ dper na/ rnam par 'thor rlung ni dzam+bu'i gling gi shing ngam/ khang pa'am/ gzhal med khang ngam/ sa </font><hr>399b<br><font size=+1>


phyogs rnams kyis bzod par mi nus so/ /'jam dpal/ de bzhin du sangs rgyas kyi chos bsam gyis mi khyab pa byang chub sems dpa' rnams yongs su sgrogs pa na sangs rgyas kyi byin kyi rlabs kyis byin gyis ma brlabs pa'i nyan thos dang / rang sangs rgyas rnams kyis mos pa'am/ dad par mi nus te/ gang dag sangs rgyas kyis byin gyis brlabs pa de dag ni mos shing yid ches so/ /'jam dpal/ 'di lta ste/ dper na/ nyi ma'i 'od ni gtsang ba dang / mi gtsang ba gnyis ka la 'char mod kyi/ gtsang ba la'ang rjes su chags par mi byed/ mi gtsang ba la'ang khong khro bar mi byed de/ nyi ma'i dkyil 'khor ni gang du'ang brjod par bya ba ma yin no/ /'jam dpal/ de bzhin du byang chub sems dpa'i ye shes kyi 'od zer kyang nyan thos dang / so so'i skye bo la 'char mod kyi/ nyan thos rnams la rjes su chags par yang mi byed/ so so'i skye bo rnams la khong khro bar yang mi byed/ byang chub sems dpa' ni gang du'ang brjod par bya ba ma yin no/ /'jam dpal/ 'di lta ste/ dper na/ nam shing yongs 'dus brtol gyi lo ma lhags par gyur pa de'i tshe sum cu rtsa gsum pa'i lha rnams ring por mi thogs par shing yongs 'du sa brtol 'di me tog dang / 'bras bu dang ldan par 'gyur ro snyam nas yid dga' bar 'gyur ro/ /'jam dpal/ de bzhin du nam byang chub sems </font><hr>400a<br><font size=+1>


@#/ /dpa' bdog pa thams cad yongs su gtong bar gyur pa de'i tshe ring por mi thogs par byang chub sems dpa' 'di ni sems can thams cad la sangs rgyas kyi chos kyi me tog dang / 'bras bu sbyin par 'gyur ro zhes sangs rgyas bcom ldan 'das rnams bstod par 'gyur ro/ /'jam dpal/ 'di lta ste/ dper na/ shing gang dag rlung gis btud/ kun tu btud/ rab tu btud pa de dag 'gyel bar 'jigs pa med do/ /'jam dpal/ de bzhin du byang chub sems dpa' gang dag sems can thams cad la 'dud/ kun tu 'dud/ rab tu 'dud pa de dag nyan thos dang / rang sangs rgyas kyi sar ltung bar 'jigs pa med do/ /'jam dpal/ 'di lta ste/ dper na/ chu ni gang du dma' ba der 'bab bo/ /'jam dpal/ de bzhin du nga rgyal med pa'i byang chub sems dpa' yang thams cad mkhyen pa nyid ga la ba der 'gro'o/ /'jam dpal/ 'di lta ste/ dper na/ nam rgya mtsho chen po dang po gnas pa de'i tshe sa chen po thams cad kyi nang na dma' ba'i sa phyogs der dang por gnas te/ de nas 'bab chu'i rgyun thams cad tshegs chung dus der mngon du 'bab par 'gyur ro/ /'jam dpal/ de bzhin du nga rgyal med pa'i byang chub sems dpa' de la tshegs chung ngus sangs rgyas kyi chos thams cad thams </font><hr>400b<br><font size=+1>


cad du mngon sum du 'gyur ro/ /'jam dpal/ 'di lta ste/ dper na/ nor bu rin po che rdo rjes nor bu rin po che thams cad 'bigs mod kyi/ nor bu rin po che rdo rje de ni de dag gis mi phigs so/ /'jam dpal/ de bzhin du byang chub sems dpa' nyan thos dang / rang sangs rgyas rnams 'dul mod kyi/ de dag gi 'dul ba der yang mi ltung ngo / /'jam dpal/ 'di lta ste/ dper na/ me tog man+dA ra ba rlung gis bskyod na dpag tshad brgya kho ra khor yug tu dris khyab bo/ /'jam dpal/ de bzhin du byang chub sems dpa' 'phags pa'i ye shes kyis bskyod pa'ang sems can thams cad la byams pa chen po dang / snying rje chen po'i dris khyab par byed do/ /'jam dpal/ 'di lta ste/ dper na/ gang dag me tog man+dA ra ba'i dri snom pa de dag ni nad thams cad kyis mi 'debs so/ /'jam dpal/ de bzhin du gang dag byang chub sems dpa'i byams pa chen po dang / snying rje chen po'i dri snom pa de dag nyon mongs pa'i nad thams cad kyis mi tshugs par 'gyur ro/ /'jam dpal/ 'di lta ste/ dper na/ sangs rgyas 'byung ba med na u dum+bA ra'i me tog mi 'byung ngo / /'jam dpal/ de bzhin du byang chub tu sems bskyed pa med na sangs rgyas kyi chos rnams kyi me tog kyang mi 'byung ngo / /'jam dpal/ 'di lta ste/ dper na/ nam klu'i rgyal po ma dros pa char 'beb pa de'i </font><hr>401a<br><font size=+1>


@#/ /tshe/ dzam+bu'i gling thams cad khyab par char 'bebs so/ /'jam dpal/ de bzhin du nam byang chub sems dpa' dam pa'i chos kyi char 'bebs pa de'i tshe sems can thams cad kyi sems kyi rgyud la mnyam par 'bebs so/ /'jam dpal/ 'di lta ste/ dper na/ mtsho chen po ma dros pa las klung gi rgyun bzhi 'bab ste/ rgya mtsho chen po bzhi yongs su 'gengs so/ /'jam dpal/ de bzhin du byang chub sems dpa' yang bsdu ba'i dngos po bzhi 'bab pas ye shes kyi rgya mtsho chen po yongs su rdzogs par byed do/ / 'jam dpal/ 'di lta ste/ dper na/ rgya mtsho chen po med na dzam+bu'i gling gi mi rnams nor bu rin po che la spyod par mi 'gyur ro/ /'jam dpal/ de bzhin du sangs rgyas 'byung ba med na nyan thos dang / rang sangs rgyas thams cad rnam par grol ba'i chos rin po che la spyod par mi 'gyur ro/ /'jam dpal/ 'di lta ste/ dper na/ gzugs gang ci'ang rung ste/ de dag thams cad 'byung ba chen po bzhis yongs su bzung ngo / /'jam dpal/ de bzhin du gang byang chub sems dpa'i chos gang ci'ang rung ste/ de dag thams cad byin gyis rlabs bzhis yongs su bzung ngo / /'jam dpal/ 'di lta ste/ dper na/ g.yang sa nyam nga ba na 'dug pa'i sman gyi shing skye bo mang po'i nye bar 'tsho bar mi </font><hr>401b<br><font size=+1>


'gyur ro/ /'jam dpal/ de bzhin du nyan thos 'khor bas 'jigs pa'i g.yang sa nyam nga bar gnas pa rnams kyi ni skye bo mang pos nye bar 'tsho bar mi 'gyur ro/ /'jam dpal/ 'di lta ste/ dper na/ grong khyer gyi nang na 'dug pa'i sman gyi shing ni skye bo mang po'i nye bar 'tsho bar 'gyur ro/ /'jam dpal/ de bzhin du byams pa chen po dang / snying rje chen po'i nang du song ba'i byang chub sems dpa' ni thams cad mkhyen pa nyid kyi sems bskyed pas sems can thams cad kyi nye bar 'tsho bar 'gyur ro/ /'jam dpal/ 'di lta ste/ dper na/ gang dbyar byung ba'i chu mig de dag ni yun ring du gnas par mi 'gyur ro/ /'jam dpal/ de bzhin du gang nyan thos rnams kyis chos bstan pa de ni yun ring du gnas par mi 'gyur ro/ / 'jam dpal/ 'di lta ste/ dper na/ gang dpyid byung ba'i chu mig de ni yun ring du gnas par 'gyur ro/ /'jam dpal/ de bzhin du gang byang chub sems dpa' rnams kyi chos bstan pa de ni yun ring du gnas par 'gyur ro/ /'jam dpal/ 'di lta ste/ dper na/ ri'i rgyal po gangs ri'i shing gang dag bcad pa de dag ni slar yang myur du skye'o/ /'jam dpal/ de bzhin du nam de bzhin gshegs pas bya ba byas te yongs su mya ngan las 'das kyang dkon mchog gsum gyi gdung rgyun mi 'chad par 'gyur ro/ /de nas bcom ldan </font><hr>402a<br><font size=+1>


@#/ /'das la tshe dang ldan pa rab 'byor gyis 'di skad ces gsol to/ /bcom ldan 'das/ de ltar byang chub sems dpa'i yon tan bsngags pa tshad ma mchis pa dang ldan pa de dag gi yang dag pa'i yon tan bsngags pa 'di lta bu 'di dag de bzhin gshegs pas gsungs pa ngo mtshar to/ /bcom ldan 'das/ byang chub sems dpa' de dag yang dag pa'i yon tan bsngags pa de lta bu de dag thos nas dga' bar mi 'gyur/ rgyags par mi 'gyur ba de'ang mchog tu ngo mtshar to/ /bcom ldan 'das kyis bka' stsal pa/ rab 'byor/ byang chub sems dpa' de dag thams cad ni rtsa ba dag pa ste/ yang dag pa'i yon tan dang bsngags pa brjod pas dga' bar yang mi 'gyur/ rgyags par yang mi 'gyur ro/ /rab 'byor gyis gsol pa/ bcom ldan 'das/ byang chub sems dpa' rnams rtsa ba gang las dag pa lags/ bka' stsal pa/ rab 'byor/ byang chub sems dpa' rnams ni bdag med pa'i rtsa ba dang / sems can med pa dang / srog med pa dang / gso ba med pa dang / gang zag med pa'i rtsa ba dang / 'jig tshogs la lta ba'i rtsa ba dang / ma rig pa dang srid pa'i sred pa'i rtsa ba dang / nga dang nga'i zhes bya ba'i rtsa ba las dag go /gsol pa/ bcom ldan 'das/ dag pa zhes </font><hr>402b<br><font size=+1>


bgyi bas ci zhig bstan pa lags/ bka' stsal pa/ ma bzung / ma btang ba ste/ de bas na dag pa zhes bya'o/ /ma skyes/ ma 'gags/ ma brtags/ rnam par ma brtags/ ma phyung / ma bcug /ma byas/ rnam par ma byas/ mun pa ma yin/ snang ba ma yin/ kun nas nyon mongs pa ma yin/ rnam par byang ba ma yin/ bcings pa ma yin/ thar pa ma yin/ 'khor ba ma yin/ mya ngan las 'das pa ma yin te/ de bas na dag pa zhes bya'o/ /gsol pa/ bcom ldan 'das/ gal te 'khor ba'ang ma lags/ mya ngan las 'das pa'ang ma lags na de la dag pa de gang lags/ bka' stsal pa/ rab 'byor/ gang mya ngan las 'das par yang rlom sems med la 'khor ba la mngon par zhen pa'ang med pa de nyid 'dir dag pa'o| |rab 'byor/ 'di lta ste/ dper na/ nam mkha' dag pa zhes bya'ang nam mkha' ni dag pa'ang ma yin/ kun nas nyon mongs pa'ang ma yin te/ 'on kyang nam mkha' ni dag pa zhes bya'o/ /rab 'byor/ de bzhin du mya ngan las 'das pa dag pa zhes bya'ang mya ngan las 'das pa ni dag pa'ang ma yin/ kun nas nyon mongs pa'ang ma yin te/ 'on kyang mya ngan las 'das pa dag pa zhes bya'o/ /rab 'byor/ 'di ci snyam du sems/ khyod ci dag pa yin mam/ gsol pa/ bcom ldan 'das/ nam kun nas nyon mongs pa ma </font><hr>403a<br><font size=+1>


@#/ /mchis pa de'i tshe bdag dag pa'o/ /bka' stsal pa/ rab 'byor khyod kyi kun nas nyon mongs pa med pa'i rnam par dag pa gang yin/ rab 'byor gyis gsol pa/ bcom ldan 'das/ chos kyi dbyings ni rang bzhin gyis yongs su dag pa ste/ bdag gis de yongs su rtogs pas de'i slad du yongs su dag go /bcom ldan 'das kyis bka' stsal pa/ rab 'byor/ chos kyi dbyings yongs su shes par nus sam/ rab 'byor gyis gsol pa/ bcom ldan 'das/ gal te chos kyi dbyings ma gtogs par chos gzhan 'ga' zhig mchis na ni des chos kyi dbyings yongs su 'tshal bar 'gyur gyi/ chos kyi dbyings nyid kyis ni chos kyi dbyings yongs su mi 'tshal to/ /bcom ldan 'das kyis bka' stsal pa/ rab 'byor/ gal te chos kyi dbyings ma gtogs par gang chos kyi dbyings yongs su shes pa'i chos de'ang med na chos kyi dbyings de khyod kyis ji ltar yongs su shes/ de skad ces bka' stsal pa dang / tshe dang ldan pa rab 'byor cang mi smra bar gyur to// //bam po gnyis pa/ de nas 'jam dpal gzhon nur gyur pas tshe dang ldan pa rab 'byor cang mi smra bar gyur pa la 'di skad ces smras so/ /btsun pa rab 'byor khyod ci'i phyir bcom ldan 'das kyis smras pa'i lan glan pa las </font><hr>403b<br><font size=+1>


'dug par 'gyur/ rab 'byor gyis smras pa/ 'jam dpal/ gang gi tshe sngon bla na med pa yang dag par rdzogs pa'i byang chub tu ma zhugs pa de'i tshe kho bo 'dug go/ /de ci'i phyir zhe na/ nyan thos rnams kyi spobs pa ni thogs pa dang bcas pa/ bar chad dang bcas pa'o/ /byang chub sems dpa' rnams kyi spobs pa ni thogs pa med pa/ bar chad med pa'o/ / 'jam dpal gyis smras pa/ ci btsun pa rab 'byor/ chos kyi dbyings la thogs pa'am/ bar chad pa gang yang dmigs sam/ smras pa/ 'jam dpal/ de ni ma yin te/ chos kyi dbyings la ni thogs pa'am/ bar chad pa mi dmigs so/ /smras pa/ 'on ci'i phyir/ tshe dang ldan pa rab 'byor 'chad pa las bar chad du gyur/ smras pa/ 'jam dpal/ gang gis chos kyi dbyings la yongs su chad pa'i tshul gyis yongs su shes pa de dag ni 'chad pa bar chad pa yin gyi/ gang yang chos kyi dbyings la tshad med pa'i tshul gyis yongs su shes pa de dag ni chad par mi 'chad do/ /smras pa/ btsun pa rab 'byor/ ci chos kyi dbyings la yongs su chad pa gang yang yod dam/ smras pa/ 'jam dpal/ de ni ma yin te/ chos kyi dbyings ni kun gyi sgo ste/ chos kyi dbyings la yongs su chad pa gang yang med de/ smras pa/ 'on ci'i phyir/ btsun pa rab 'byor/ chos kyi dbyings la </font><hr>404a<br><font size=+1>


@#/ /yongs su chad par ston/ smras pa/ 'jam dpal/ nyan thos kyi yul tshad mar byas te chos kyi dbyings yongs su chad par ston to/ /sangs rgyas kyi yul tshad mar byas te/ de ni chos kyi dbyings tshad med par ston to/ /'jam dpal gyis smras pa/ ci btsun pa rab 'byor/ chos kyi dbyings yul las byung ngam/ rab 'byor gyis smras pa/ 'jam dpal/ chos kyi dbyings yul las byung ba ma yin te/ 'jam dpal/ de ci'i phyir zhe na/ chos kyi dbyings ni yul med pa/ yul dang bral ba'o/ /'jam dpal gyis smras pa/ 'o na ci'i phyir/ tshe dang ldan pa rab 'byor/ yul tha dad par ston/ rab 'byor gyis smras pa/ 'jam dpal/ nyan thos rnams kyi spobs pa ni thogs pa dang bcas pa/ bar chad dang bcas pa'o/ /byang chub sems dpa' rnams kyi spobs pa ni thogs pa med pa/ bar chad med pa'o zhes dang po nyid du kho bos ma smras sam/ 'jam dpal gyis smras pa/ btsun pa rab 'byor khyod kyis so so yang dag par rig pa ma thob bam/ rab 'byor gyis smras pa/ 'jam dpal/ kho bos so so yang dag par rig pa thob bo/ /'jam dpal gyis smras pa/ 'o na ci'i phyir/ tshe dang ldan pa rab 'byor/ 'chad ba bar chad/ rab 'byor gyis smras pa/ 'jam dpal/ nyan thos rnams kyi so so yang dag par rig pa </font><hr>404b<br><font size=+1>


ni sems can gyi dbang po mchog dang mchog ma yin pa shes pa dang bral ba ste/ de bas na 'chad pa bar chad do/ /byang chub sems dpa' rnams kyi so so yang dag par rig pa ni/ sems can thams cad kyi dbang po mchog dang mchog ma yin pa shes pas bskyed pa ste/ de bas na 'chad pa bar mi 'chad do/ /'jam dpal gyis smras pa/ ci ye shes kyi dbyings gang gis tshe dang ldan pa rab 'byor gyi so so yang dag par rig pa'i ye shes bskyed pa'i ye shes kyi dbyings de bar chad pa'i mtshan nyid yin nam/ rab 'byor gyis smras pa/ 'jam dpal/ de ni ma yin te/ ye shes kyi dbyings ni thogs pa med pa'i mtshan nyid bar chad pa med pa'i rang bzhin can no/ /'jam dpal gyis smras pa/ tshe dang ldan pa rab 'byor/ gal te ye shes kyi dbyings thogs pa med pa'i mtshan nyid bar chad pa med pa'i rang bzhin can yin na/ 'o na ci'i phyir/ 'chad pa bar chad/ rab 'byor gyis smras pa/ 'jam dpal/ tshe dang ldan pa shA ri'i bu 'di nyan thos rnams kyi nang na shes rab che ba'i mchog tu bcom ldan 'das kyis gsungs kyi/ 'di la dris shig dang / 'di nyid khyod la 'chad par 'gyur ro/ / tshe dang ldan pa shA ri'i bus smras pa/ tshe dang ldan pa rab 'byor nyid kyis shod cig /kho bo ni 'jam dpal gzhon nur gyur pas chos bstan pa nyan par 'dod kyi/ 'chad par ni mi 'dod </font><hr>405a<br><font size=+1>


@#/ /do| |de ci'i phyir zhe na/ 'jam dpal gzhon nur gyur pa 'di sngon sangs rgyas brgya stong phrag mang po'i spyan snga na chos 'chad cing / nyan thos chen po dag kyang cang mi smra bar gzhog pa kho bos mthong ngo / /de nas tshe dang ldan pa rab 'byor/ shar phyogs logs su sangs rgyas kyi zhing brgya stong phrag mang po 'das pa na 'jig rten gyi khams dang ba can zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas 'od kyi tog ces bya ba da ltar bzhugs te 'tsho zhing gzhes la chos kyang ston to/ /de na nyan thos chen po shes rab sgron ma zhes bya ba nyan thos rnams kyi nang na shes rab che ba'i mchog tu bcom ldan 'das des gsungs so/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od kyi tog de nam nang du yang dag 'jog par gyur pa de'i tshe nyan thos chen po shes rab sgron ma de tshangs pa'i 'jig rten man chad du mngon par song ste/ thams cad dang ldan pa'i stong gsum gyi stong chen po'i 'jig rten gyi khams 'dun par byas nas chos ston to/ /kho bo po dang / 'jam dpal gzhon nur gyur pa'ang 'jig rten gyi khams der phyin te/ gzhan yang byang chub sems dpa' brgya stong phrag mang po dang / lha'i bu brgya phrag stong yang chos </font><hr>405b<br><font size=+1>


nyan par 'dod pa'i phyir 'jam dpal gzhon nur gyur pa'i phyir 'brang bar gyur to/ /de nas 'jam dpal gzhon nur gyur pa 'od gsal gyi lha'i rigs su 'dug ste/ mgul bsal ba'i sgra gang gis stong gsum gyi stong chen po'i 'jig rten gyi khams thams cad sgras go bar 'gyur ba dang / bdud kyi gnas thams cad spa gong bar 'gyur ba de lta bu'i mgul bsal ba'i sgra phyung ngo / /de nas nyan thos chen po des mgul bsal ba'i sgra de thos pa dang / mgul bsal ba'i sgra de'i shugs ma bzod pas rnam par 'thor rlung gis bus pa'i bya bzhin du sa la lhung ste/ de dngangs te spu zing zhes byed par gyur nas/ ngo ma tshar du bzung ste/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od kyi tog de ga la ba der song nas phyin pa dang / bcom ldan 'das kyi zhabs la mgo bos phyag btsal nas/ bcom ldan 'das de la 'di skad ces gsol to/ / bcom ldan 'das/ mgul bsal ba'i sgra gang thos pas bdag mgul bsal ba'i sgra'i shugs de ma bzod pas rnam par 'thor rlung gis bus pa'i bya bzhin du dogs la lhung bar gyur pa'i mgul bsal ba'i sgra zab mo 'di lta bu 'di sus bgyis/ bcom ldan 'das des bka' stsal pa/ dge slong 'jam dpal gzhon nur gyur pa zhes bya ba phyir </font><hr>406a<br><font size=+1>


@#/ /mi ldog pa skye ba gcig gis thogs pa'i byang chub sems dpa' de nga la blta ba dang / phyag bya ba dang / bsnyen bkur bya ba dang / yongs su zhu ba dang / yongs su legs par zhu bar bya ba'i phyir chags pa med pa'i rdzu 'phrul gyi stobs kyis rnam par rtse zhing 'jig rten gyi khams 'dir 'ongs te/ 'jam dpal gzhon nur gyur pa de 'od gsal gyi lha'i ris su 'dug nas mgul bsal ba'i sgra gang gis stong gsum gyi stong chen po'i 'jig rten gyi khams thams cad sgras go bar 'gyur ba dang / bdud kyi gnas thams cad spa gong bar 'gyur ba de lta bu'i mgul bsal ba'i sgra phyung ngo / /des gsol pa/ bcom ldan 'das/ skyes bu dam pa de lta bu dag mthong na legs par 'gyur gyi/ 'jam dpal gzhon nur gyur pa de bdag cag gis kyang blta bar bgyi'o/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od kyi tog gis 'jam dpal gzhon nur gyur pa 'ong bar bya ba'i phyir mtshan ma mdzad do/ /de nas 'jam dpal gzhon nur gyur pa byang chub sems dpa' de dag dang / lha'i bu de dag dang lhan cig tu bar snang de las babs nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od kyi </font><hr>406b<br><font size=+1>


tog ga la ba der dong ste lhags pa dang / bcom ldan 'das kyi zhabs la mgo bos phyag btsal te/ bcom ldan 'das la lan gsum bskor nas 'khor dang bcas te ji ltar rang gi smon lam dang / rdzu 'phrul gyi mthus sprul pa'i stan la phyogs gcig tu 'khod do/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od kyi tog gis 'jam dpal gzhon nur gyur pa la 'di skad ces bka' stsal to/ /'jam dpal khyod don gyi dbang ci zhig mthong nas 'jig rten gyi khams dang ba can 'dir 'ongs/ 'jam dpal gyis gsol pa/ bcom ldan 'das la blta ba dang / phyag bgyi ba dang / bsnyen bkur bgyi ba dang / yongs su zhu ba dang / yongs su legs par zhu ba'i slad du'o| /bcom ldan 'das des bka' stsal pa/ 'jam dpal/ ji ltar na de bzhin gshegs pa blta ba shin tu rnam par dag par 'gyur/ ji ltar na de bzhin gshegs pa la phyag byas par 'gyur/ ji ltar na bsnyen bkur byas par 'gyur/ ji ltar na yongs su zhus par 'gyur/ ji ltar na yongs su legs par zhus par 'gyur/ 'jam dpal gyis gsol ba| bcom ldan 'das/ nam chos mthong ba shin tu rnam par dag pa de lta bu ni de bzhin gshegs pa mthong ba shin tu rnam par dag pa lags so/ /bcom ldan 'das/ nam lus </font><hr>407a<br><font size=+1>


@#/ /dang sems kyis 'dud par mi bgyid/ rab tu 'dud par mi bgyid cing bgyid pa ma mchis/ zhum pa ma mchis par gnas pa/ mi g.yo ba thob pa/ sems dben pa'i ngang tshul du spyod pa/ dran pa dang ldan zhing shes bzhin du bgyid pa de lta bus ni de bzhin gshegs pa la phyag bgyis par 'gyur ro/ /bcom ldan 'das/ nam bdag tu sgro 'dogs par mi bgyid/ gzhan du sgro 'dogs par mi bgyid/ mnyam pa nyid la mnyam par mi bgyid/ mi mnyam pa nyid la mi mnyam par mi bgyid cing / bgyid pa ma mchis/ rnam par bgyid pa ma mchis/ sangs rgyas bcom ldan 'das rnams dang yang spyod pa gcig tu gyur pa/ sangs rgyas kyi sku dang / chos kyi sku'i rjes su 'jug pa/ gang gi lus kyang chos kyi dbyings kyi rjes su zhugs par mthong ba/ mthong ba la mthong bar mi mthong ba/ log par mi mthong ba/ gang la'ang ring por mi 'gyur ba/ nye bar mi 'gyur ba de lta bu ni de bzhin gshegs pa la bsnyen bkur bgyis par 'gyur ro/ /bcom ldan 'das/ nam tshul bzhin ma lags par ni ma lags kyi/ nam tshul bzhin du zhu ba/ tshul bzhin ma lags pa/ ci'ang mi mthong ba/ bdag gi tshul bzhin gyis chos thams cad kyi tshul bzhin gyi rjes su mchi ba g.yengs pa'i sems kyis ma lags kyi/ mnyam </font><hr>407b<br><font size=+1>


par bzhag pas zhu ba/ gang zhu ba dang / gang gi slad du zhu ba dang / gang la zhu ba de dus gsum yongs su 'tshol zhing / 'khor gsum yongs su dag pas zhu ba de lta bu ni de bzhin gshegs pa la yongs su zhus par 'gyur ro/ /bcom ldan 'das/ nam zhu ba mchis pa la rtogs par mi bgyid pa/ ji skad gsungs pa'i rjes su mthun par bgyid pa/ de bzhin gshegs pa mnyes par bgyid pa/ 'khor thams cad mgu bar bgyid pa/ yongs su zhu ba la mi chags pa/ yongs su zhu ba des kyang sems can tshad ma mchis pa rnams byang chub tu go cha skon zhing / go cha de'ang nam byang chub kyi snying po la thug gi bar du mi 'dor ba de lta bu ni de bzhin gshegs pa la yongs su legs par zhu ba bgyid par 'gyur ro/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od kyi tog des 'jam dpal gzhon nur gyur pa la legs so zhes bya ba byin te/ 'jam dpal de bzhin gshegs pa la de ltar blta bar bya'o/ /de ltar phyag bya'o/ /de ltar bsnyen bkur bya'o/ /de ltar yongs su zhu bar bya'o/ /de ltar yongs su legs par zhu ba bya'o zhes smras pa de ni khyod kyis legs par bshad de/ legs so/ /legs so/ /de nas 'jam dpal gzhon nur gyur pas nyan thos chen po shes rab sgron ma la 'di skad ces smras so/ /tshe dang </font><hr>408a<br><font size=+1>


@#/ /ldan pas de bzhin gshegs pa la ji ltar mthong / ji ltar phyag 'tshal/ ji ltar bsnyen bkur byed/ ji ltar yongs su zhu/ ji ltar yongs su legs par zhu/ des smras pa/ 'jam dpal/ bstan pa 'di lta bu ni kho bo cag lta bu nyan thos gzhan gyi sgra'i rjes su mos pa rnams kyi yul ma yin no/ /smras pa/ 'o na gang / mngon par rtogs pas tshe dang ldan pa shes rab sgron ma'i sems rnam par grol/ smras pa/ 'jam dpal/ bden pa mngon par rtogs pas sems rnam par grol lo/ /smras pa/ tshe dang ldan pa/ bden pa zhes bya bas ci bstan par 'gyur/ des smras pa/ 'jam dpal/ gnyen po med pas rab tu phye ba ni bden pa'o/ /smras pa/ 'o na ji ltar bden pa mngon par rtogs pas tshe dang ldan pa'i sems rnam par grol/ smras pa/ 'jam dpal/ kun rdzob nye bar bzung ste/ de skad ces ston gyi don dam par ni ma yin no/ /smras pa/ ci kun rdzob don dam par 'du'am/ smras pa/ gal te mi 'dun don dam pa med par 'gyur ro/ /smras pa/ 'o na ji ltar kun rdzob nye bar bzung ste ston gyi/ don dam par ni ma yin/ gal te kun rdzob don dam par 'du na ni 'di lta ste/ don dam pa'i bden pa bden pa gcig pur mi 'gyur ram/ smras pa/ 'jam dpal/ bshad pa 'di thos na las dang po pa'i byang </font><hr>408b<br><font size=+1>


chub sems dpa' rnams skrag par 'gyur ro/ /smras pa/ btsun pa nyid kyang skrag na las dang po pa'i byang chub sems dpa' rnams lta ci smos/ smras pa/ 'jam dpal/ kho po skrag par byed mi nus so/ /smras pa/ tshe dang ldan pa/ ci skrag pa med pa dang / skyo ba med pas nye bar len pa med par zag\?\ pa rnams las sems rnam par grol lam/ smras pa/ 'jam dpal/ nyan thos rnams ni skrag pa med pa dang / skyo ba med par rnam par mi grol lo/ /smras pa/ tshe dang ldan pa/ de bas na sngon skrag\?\ pa de nyid la bsams nas btsun pa nyid kyang skrag na las dang po pa'i byang chub sems dpa' rnams lta ci smos zhes de skad smras so/ /smras pa/ 'jam dpal/ byang chub sems dpa' ji ltar rnam par grol/ smras pa/ btsun pa| byang chub sems dpa' ni skrag pa med pa dang / skyo ba med pas rnam par grol lo/ /smras pa/ 'jam dpal/ ji la bsams te de skad smra/ smras pa/ bdud kyi sde bye ba phrag brgyas mi skrag cing sems can rnams la chos bshad pas mi skyo la/ bsod nams kyi tshogs tshad med pa bsags pas mi skrag cing ye shes kyi tshogs tshad med pa bsags pas mi skye'o/ /de nas 'khor der lha'i bu gang dag 'dus par gyur pa de dag gis me tog sna tshogs kyis 'jam dpal gzhon nur gyur pa la gtor to/ /gang na 'jam dpal gzhon nur </font><hr>409a<br><font size=+1>


@#/ /gyur pa snang ba der ni de bzhin gshegs pa mngon sum du mthong ba yin no/ /'jam dpal gzhon nur gyur pa gang du gnas pa'i sa phyogs de'ang mchod rten du 'gyur ro/ /gang gis 'jam dpal gzhon nur gyur pa'i chos bstan pa kun du shes sam/ kun du shes par 'gyur ba'i sems can de dag gis kyang bsod nams thams cad yongs su bzung ba yin no zhes de skad kyi tshig smras so/ /de nas yang 'jam dpal gzhon nur gyur pas nyan thos chen po shes rab sgron ma la 'di skad ces smras so/ /tshe dang ldan pa/ nyan thos rnams kyi nang na shes rab che ba'i mchog tu bcom ldan 'das kyis gsungs na/ ci shes rab de 'dus byas kyi mtshan nyid dam/ 'on te 'dus ma byas kyi mtshan nyid/ gal te de 'dus byas kyi mtshan nyid yin na ni skye zhing 'jig pa dang ldan par 'gyur ro/ /ji ste 'dus ma byas pa'i mtshan nyid yin na ni mtshan nyid gsum las ldog par 'gyur ro/ /smras pa/ 'jam dpal/ 'phags pa rnams ni 'dus ma byas kyis rab tu phye bar ston to/ /smras pa/ tshe dang ldan pa/ 'dus ma byas pa gdags par nus sam/ smras pa/ 'jam dpal/ de ni ma yin te/ 'dus ma byas la gdags pa gang yang med do/ /smras pa/ 'o na ji ltar 'phags pa rnams 'dus ma byas kyis rab tu phye </font><hr>409b<br><font size=+1>


ba ston/ de skad smras pa dang / nyan thos chen po shes rab sgron ma de cang mi smra bar gyur to/ /de nas de bzhin gshegs pa dgra bcom pa yang dag par rdzogs pa'i sangs rgyas 'od kyi tog des 'jam dpal gzhon nur gyur pa la 'di skad ces bka' stsal to/ /'jam dpal/ chos gang thos pas byang chub sems dpa' sems dpa' chen po bla na med pa yang dag par rdzogs pa'i byang chub las phyir mi ldog par 'gyur ba'i chos kyi sgo 'ga' zhig rtsoms te/ 'khor 'dir khyod kyis ston cig /'jam dpal gyis gsol pa/ bcom ldan 'das/ chos thams cad kyi sgo rnams kyi bstan pa thams cad kyang dben pa'i sgo ste/ dben pa'i sgo de dag dben pa nyid du ston to/ /yang de'i tshe byang chub sems dpa' chos kyi blo gros zhes bya ba 'khor der 'dus par gyur te 'dug pa des 'jam dpal gzhon nur gyur pa la 'di skad ces smras so/ /'jam dpal/ gang de bzhin gshegs pas 'dod chags dang / zhe sdang dang / gti mug bstan pa de dag ci dben pa'i sgo ste/ dben pa'i sgo nyid du ston pa yin nam/ smras pa/ rigs kyi bu/ 'di ji snyam du sems/ 'dod chags dang| zhe sdang dang / gti mug gang nas byung / smras pa/ 'jam dpal/ 'dod chags dang / zhe sdang dang / gti mug ni rtog pa dang / rnam par rtog pa las byung ngo / /smras pa/ rigs </font><hr>410a<br><font size=+1>


@#/ /kyi bu/ rtog pa dang / rnam par rtog pa de'ang gang nas byung / smras pa/ 'jam dpal/ rtog pa dang / rnam par rtog pa ni phyin ci log las byung ngo / /smras pa| rigs kyi bu/ phyin ci log kyang gang nas byung / smras pa/ 'jam dpal/ phyin ci log ni ngar 'dzin pa dang / nga yir 'dzin pa las byung ngo / /smras pa/ rigs kyi bu/ ngar 'dzin pa dang / nga yir 'dzin pa'ang gang nas byung / smras pa/ 'jam dpal/ ngar 'dzin pa dang / nga yir 'dzin pa ni 'jig tshogs la lta ba las byung ngo / /smras pa/ rigs kyi bu/ 'jig tshogs la lta ba'ang gang nas byung / smras pa/ 'jam dpal/ 'jig tshogs la lta ba ni bdag las byung ngo / /smras pa/ rigs kyi bu/ bdag kyang gang nas byung / smras pa/ 'jam dpal/ bdag ni gang nas kyang ma byung ste/ 'byung ba med pa ni bdag 'byung ba'o/ /de ci'i phyir zhe na/ 'di ltar bdag ni phyogs bcur yongs su btsal kyang mi dmigs so| |smras pa/ rigs kyi bu/ chos gang dag phyogs bcur yongs su btsal kyang mi dmigs pa de'i sgo ci zhig yod/ smras pa/ 'jam dpal/ dben pa nyid de'i sgo'o/ / smras pa/ rigs kyi bu/ dben pa'i sgo ci yin/ smras pa/ 'jam dpal/ sgo med pa nyid dben pa'i sgo'o/ /smras pa/ rigs kyi bu/ kho bos de las bsams te/ chos thams </font><hr>410b<br><font size=+1>


cad kyi sgo rnams kyi bstan pa thams cad kyang dben pa'i sgo ste/ de dag dben pa'i sgo nyid du ston to zhes de skad smras so/ /bstan pa 'di bshad pa'i tshe byang chub sems dpa' brgyad brgyas mi skye ba'i chos la bzod pa thob par gyur to/ /de nas 'jam dpal gzhon nur gyur pas der rgya cher chos bstan pa byas nas stan las langs te song ngo / /tshe dang ldan pa rab 'byor rnam grangs des kyang nyan thos sam/ rang sangs rgyas gang gis kyang 'jam dpal gzhon nur gyur pa de'i spobs pa'i rgyun gcod nus pa med na/ skabs ma phye bar bdag cag lta bus 'jam dpal gzhon nur gyur pa dang lhan cig tu smra bar ga la nus/ de nas tshe dang ldan pa rab 'byor gyis tshe dang ldan pa shA ri'i bu la 'di skad ces smras so/ /tshe dang ldan pa shA ri'i bus 'jam dpal gzhon nur gyur pa sangs rgyas kyi zhing du spyad pa spyod pa na rdzu 'phrul gyi stobs dang / cho 'phrul gyi rnam par 'phrul pa ji snyed cig mthong / shA ri'i bus smras pa/ tshe dang ldan pa rab 'byor/ kho bos mngon par shes te/ 'jam dpal gzhon nur gyur pa dang lhan cig sangs rgyas kyi zhing du spyad pa spyod pa na sangs rgyas kyi zhing gang tshig pa de dag ni 'jam dpal gzhon nur gyur pa song ba dang chus yongs su gang zhing / pad+ma mang pos yog par gnas par gyur to/ /gang dag chus yongs su gang ba de dag ni </font><hr>411a<br><font size=+1>


@#/ /mes yongs su gang bar gnas par gyur te/ me de'ang reg na 'di lta ste/ dper na/ tsan+dan sbrul gyi snying po'am/ ka tsa linada'i gos lta bur gyur to| |gang dag stong pa nam mkhar gyur pa de dag ni tshangs pa'i gzhal med khang gis brgyan cing bsam gtan la snyoms par zhugs pa'i byang chub sems dpas yongs su gang bar gnas par gyur to/ /gang dag 'chags pa de dag ni 'jig par snang ngo / /gang dag ngan song gis yongs su gang ba de dag ni ngan song thams cad dang bral bar snang ste/ sems can de dag kyang byang chub kyi yan lag gi rnam pas bskyed pa'i byams pa thob par gyur to/ /byang chub kyi yan lag gi rnam pas bskyed pa'i byams pa gang zhe na/ gang la snyoms par zhugs na bdag bla na med pa yang dag par rdzogs pa'i byang chub mngon par rdzogs par sangs rgyas te/ sems can gang dag nyon mongs pa 'dod chags dang / zhe sdang dang / gti mug gis gzir ba de dag gi 'dod chags dang / zhe sdang dang / gti mug shin tu spang bar bya ba'i phyir chos bstan to snyam sems pa ste/ gang de ltar byams pa'i ting nge 'dzin la snyoms par 'jug pa de ni byang chub kyi yan lag gi rnam pas bskyed pa'i byams pa zhes bya'o/ /tshe dang ldan par ba 'byor/ de'i tshe de'i dus na kho </font><hr>411b<br><font size=+1>


bo'i sems la sems kyi rnam par rtog pa 'jam dpal gzhon nur gyur pa'i rdzu 'phrul gang yin pa dang / bdag gi gang yin pa de gnyis ni mnyam mo snyam du gyur pa dang / 'jam dpal gzhon nur gyur pa'i sems kyis kho bo'i sems kyi rnam par rtog pa de shes nas/ stong gsum gyi stong chen po'i 'jig rten gyi khams 'dir me 'bar ba na 'jig rten gyi bar du 'dug ste kho bo la 'di skad ces zer ro/ /ci tshe dang ldan pa shA ri'i bu'i rdzu 'phrul gyi mthus 'jig rten gyi khams 'di las brgal bar bya'am/ 'on te kho bo'i rdzu 'phrul gyi mthus brgal bar bya/ kho bos de la 'di skad ces smras so/ /kho bo'i rdzu 'phrul gyi mthu'i mgyogs pas 'jig rten gyi khams 'di las brgal bar bya'o zhes/ tshe dang ldan pa rab 'byor/ kho bos rdzu 'phrul gyi mthu'i mgyogs pa'i cho 'phrul thams cad bstan te/ 'dom gang tsam khor yug tu me de zhi bar byas nas 'jam dpal gzhon nur gyur pa dang lhan cig tu nyin zhag bdun gyis 'jig rten gyi khams de brgal to/ /de nas dus gzhan zhig na de bas kyang shin tu rgya che zhing yangs pa'i 'jig rten gyi khams su me 'bar ba na 'jig rten gyi bar du 'jam dpal gzhon nur gyur pa 'dug ste/ kho bo la 'di skad ces zer ro/ /btsun pa shA ri'i bu/ su'i rdzu 'phrul gyi mthus 'jig rten gyi khams 'di las brgal bar bya/ kho bos de la </font><hr>412a<br><font size=+1>


@#/ /'di skad ces smras so/ /'jam dpal khyod kyi rdzu 'phrul gyi mthus 'jig rten gyi khams 'di las brgal bar bya'o/ /de nas 'jam dpal gzhon nur gyur pas mngon par 'du byed pa'i mngon sum gyi rdzu 'phrul sems bskyed pa gcig gis 'jig rten gyi khams de pad+ma'i dra bas g.yogs te brgal bar gyur to/ /brgal nas kho bo la 'di skad ces zer ro/ /btsun pa shA ri'i bu/ bdag cag gnyis las su'i mthu dang ldan pa'i rdzu 'phrul gyi shugs mgyogs/ kho bos de la 'di skad ces smras so/ /'jam dpal/ 'di ji snyam du sems/ bya lang gu li dang / bya'i rgyal po nam mkha' lding gnyis gang gi mthu shin tu mgyogs/ smras pa/ btsun pa shA ri'i bu/ bya'i rgyal po nam mkha' lding gi mthu'i mgyogs pa ni tshad med pa ste/ dpe blang du sla ba ma yin no/ /de la kho bos 'di skad ces smras so/ /'jam dpal/ bya lang gu le'i mgyogs pa lta bur ni kho bo'i rdzu 'phrul gyi mgyogs pa blta bar bya'o/ /ji ltar bya'i rgyal po nam mkha' lding gi mthu'i mgyogs pa de bas kyang brgya stong gis shin tu lhag par khyod kyi rdzu 'phrul mgyogs par blta'o/ /des smras pa/ btsun pa shA ri'i bu khyod kyi sems kyi rnam par rtog par 'jam dpal gzhon nur gyur pa'i rdzu 'phrul gang yin pa dang / bdag gi gang yin pa de gnyis </font><hr>412b<br><font size=+1>


ni mnyam mo snyam du ma gyur tam/ kho bos de la 'di skad ces smras so/ /'jam dpal/ ji skad smras pa bzhin te/ kho bo de snyam du gyur to/ /des smras pa/ de ci'i phyir de snyam du gyur/ kho bos de la 'di skad ces smras so/ /nyan thos rnams ni bag chags kyi mtshams sbyor ba ma bcad pa'i phyir mi mnyam du zin kyang mnyam du bdag nyid kyis shes so/ /des smras pa/ btsun pa shA ri'i bu/ legs so/ /legs so/ /ji skad smras pa de bzhin no/ /de ci'i phyir zhe na/ btsun pa shA ri'i bu/ sngon byung ba 'das pa'i dus na rgya mtsho chen po'i 'gram na drang srong chos 'dod ces bya ba dang / kun byin zhes bya ba gnyis shig 'khod de/ de la chos 'dod ni lnga mngon par shes shing mngon par shes pas rnam par rtse bar gyur to/ /kun byin ni rig pa dang sngags kyi mthus steng gi bar snang la 'gro bar gyur to/ /de nas de gnyis dus dus su spyod pa'i phyir rgya mtsho'i tshu rol nas pha rol tu 'dong ngo / /dong nas slar log cing rang rang gi gnas su 'khod do/ /de nas drang srong kun byin de kho bo'i rdzu 'phrul gang yin pa dang / chos 'dod kyi gang yin pa de gnyis ni mnyam mo snyam du gyur to/ /de nas dus gzhan zhig na rgya mtsho'i tshu ro nas pha rol tu dong ste/ srin mo'i gling du phyin pa dang / der srin mo de dag gis yid du 'ong ba'i rol mo'i sgra byas par gyur pa'ang drang srong kun gyis thos/ </font><hr>413a<br><font size=+1>


@#/ /srin mo de dag kyang mthong nas/ nam mkha'i dkyil nas sa'i steng du lhung ngo\?\/ de'i rig pa dang sngags kyang ma rung bar gyur to/ /de nas drang srong chos 'dod snying rje ba'i sems skyes nas lag pa g.yas pas bzung ste/ slar rang gi gnas su khrid nas bzhag go /btsun pa shA ri'i bu/ de'i tshe de'i dus na drang srong chos 'dod ces bya ba de gzhan zhig yin pa snyam du khyod the tshom mam/ yid gnyis su gyur na de ltar mi blta'o/ /de ci'i phyir zhe na/ kho bo nyid de'i tshe de'i dus na drang srong chos 'dod ces bya bar gyur to/ /btsun pa shA ri'i bu/ de'i tshe de'i dus na drang srong kun byin zhes bya ba de gzhan zhig yin pa snyam du khyod the tshom mam/ yid gnyis su gyur na de ltar mi blta'o/ /de ci'i phyir zhe na/ khyod nyid de'i tshe de'i dus na drang srong kun byin zhes bya bar gyur te/ tshe dang ldan pa shA ri'i bu de'i tshe'ang mi mnyam par bdag dang mnyam pa nyid du bzhag go /de ltar de phyogs gcig pa'i ye shes dang ldan pa'i phyir/ da ltar yang mi mnyam bzhin du bdag dang mnyam par bzhag go /tshe dang ldan pa shA ra dwa ti'i bus/ tshe dang ldan pa rab 'byor la yang 'di skad ces smras so/ /tshe dang ldan pa rab 'byor/ kho bos mngon par shes te/ 'jam dpal gzhon nur gyur pa dang lhan cig tu lho phyogs su sangs rgyas kyi </font><hr>413b<br><font size=+1>


zhing du spyad pa spyod pa'i tshe/ sangs rgyas kyi zhing bye ba khrag khrig brgya stong mang po 'das pa na 'jig rten gyi khams rgyan thams cad kyis klubs pa zhes bya ba na/ bcom ldan 'das de bzhin gshegs pa rin chen srog shing zhes bya ba'i sangs rgyas kyi zhing du bcom ldan 'das de la blta ba dang / phyag bya ba dang / bsnyen bkur bya ba'i phyir phyin te/ de nas yang 'jam dpal gzhon nur gyur pa kho bo la 'di skad ces zer ro/ /btsun pa shA ri'i bu khyod kyis gang bdag cag brgal ba'i sangs rgyas kyi zhing de dag mthong ngam/ kho bos de la 'di skad ces smras so/ / 'jam dpal/ mthong ngo / /des smras pa/ tshe dang ldan pa shA radwa ti'i bu/ sangs rgyas kyi zhing de dag ci 'dra bar mthong / de la kho bos 'di skad ces smras so/ /kha cig ni mes yongs su gang ba'o/ /kha cig ni chus yongs su gang ba'o/ /kha cig ni nam mkhar gyur pa'o/ /kha cig ni 'byor cing rgyas pa'o/ /kha cig ni 'jig pa'o/ /kha cig ni 'chags pa'o/ /kha cig ni ngan song gis yongs su gang ba'o/ /kha cig ni ngan song dang bral ba'o/ /smras pa/ tshe dang ldan pa shA radwa ti'i bu/ sangs rgyas kyi zhing de dag ji ltar blta bar bya/ /de la kho bos 'di skad ces smras so/ /gang dag mes yongs su gang ba de dag ni mes yongs su gang ba nyid du blta bar bya'o/ /gang dag chus yongs su gang ba de dag ni chus yongs su gang ba </font><hr>414a<br><font size=+1>


@#/ /nyid du blta bar bya'o/ /gang dag nam mkhar gyur pa de dag ni nam mkhar gyur pa nyid du blta bar bya'o/ /gang dag 'byor cing rgyas pa de dag ni 'byor cing rgyas pa nyid du blta bar bya'o/ /gang dag 'jig pa de dag ni 'jig pa nyid du blta bar bya'o/ /gang dag chags pa de dag ni 'chags pa nyid du blta bar bya'o/ /gang dag ngan song gis yongs su gang ba de dag ni ngan song gis yongs su gang ba nyid du blta bar bya'o/ /gang dag ngan song dang bral ba de dag ni ngan song dang bral ba nyid du blta bar bya'o/ /des smras pa| tshe dang ldan pa shA radwa ti'i bu'i ye shes kyi yul ji lta ba bshad pa'ang de bzhin no/ /de la kho bos 'di skad ces smras so/ /'jam dpal khyod kyi sangs rgyas kyi zhing de dag ji ltar mthong / des smras pa/ tshe dang ldan pa shA radwa ti'i bu/ sangs rgyas kyi zhing thams cad ni nam mkha'i zhing du mthong ngo / /de ci'i phyir zhe na/ 'di lta ste/ mes yongs su gang ba'am/ chus yongs su gang ba'am/ 'byor pa rgyas pa'am/ 'jig pa'am/ 'chags pa'am/ ngan song gis yongs su gang ba'am/ ngan song dang bral ba de dag ni yang dag pa ma yin pa'o/ /rkyen de dag ni glo bur du byung ba ste/ skye zhing 'jig pa dang ldan pa'o/ /nam mkha' ni rkyen gyis byung ba ma yin te/ rang bzhin du gnas pa nyid do/ /de bzhin </font><hr>414b<br><font size=+1>


du glo bur gyi nye bar nyon mongs pas sems nyon mongs par gyur pa zhes bya ste/ sems kyi rang bzhin ni nam yang nyon mongs par gyur pa med do/ /tshe dang ldan pa shA radwa ti'i bu/ 'di lta ste/ dper na/ 'das pa'i dus na gang+gA'i klung gi bye ma snyed kyi bskal pas bsreg pa byung yang nam mkha' la sngon nam yang tshig pa med do/ /tshe dang ldan pa shA radwa ti'i bu/ de bzhin du sems can re res kyang gang+gA'i klung gi bye ma snyed kyi mi dge ba'i las mngon par 'du byas kyang sems kyi rang bzhin ni nam yang de bzhin du nyon mongs par gyur pa med do/ /tshe dang ldan pa shA radwa ti'i bu/ rigs kyi bu dang / rigs kyi bu mo gang la la rang bzhin gyis yongs su dag pa'i chos kyi dbyings de lta bu la 'jug pa de dag ni kun nas ldang ba'am/ sgrib pa'am/ mngon par 'du byed pas kun nas ldang bar 'gyur ba cung zad kyang med de/ 'di ni kun nas ldang ba med pa'i chos kyi sgo'o/ /chos kyi sgo de la brten nas byang chub sems dpa' sems dpa' chen po rnams chos thams cad kyi rang bzhin yongs su dag par zhugs nas/ nyes pa las 'byung ba la mkhas par shes shing / de'i sems can nam yang sgrib pa'i chos rnams kyis bsgrigs par mi 'gyur ro/ /tshe dang ldan pa rab 'byor/ 'jam dpal gzhon nur gyur pa'i rdzu 'phrul rnam par 'phrul pa dang / chos bstan pa rnam par 'phrul pa las gang </font><hr>415a<br><font size=+1>


@#/ /kho bos phyogs tsam zhig mngon sum du gyur pa ni de lta bu de dag yin no/ /de nas tshe dang ldan pa kun dga' bos tshe dang ldan pa shA ri'i bu la 'di skad ces smras so/ /tshe dang ldan pa shA ri'i bu/ kho bos kyang 'jam dpal gzhon nur gyur pa'i rdzu 'phrul gyi cho 'phrul kha cig mngon sum du gyur to/ /tshe dang ldan pa shA ri'i bu/ kho bos mngon par shes te/ dus gcig cig na bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba 'di nyid na dge slong brgyad brgya'i dge slong gi dge 'dun chen po dang / byang chub sems dpa' khri nyis stong dang thabs gcig tu bzhugs so/ /de'i tshe na mnyan yod du dus ma yin pa'i sprin chen po zhig byung ste/ de la nyin zhag bdun du rgyun ma chad par dus ma yin pa'i char chen po bab bo/ /de na dge slong gang dag rdzu 'phrul che ba/ mthu che ba/ bsam gtan dang / rnam par thar pa dang / ting nge 'dzin dang / snyoms par 'jug pa thob pa de dag ni bsam gtan dang / rnam par thar pa dang / ting nge 'dzin dang / snyoms par 'jug pas dus 'da' bar byas kyi/ gang dag ma thob pa de dag ni nyin zhag bdun du zas chad par gyur to/ /de nas dge slong de dag nyam chung ba dang ldan te/ bcom ldan 'das blta ba'i phyir 'dong yang ma nus nas de la kho </font><hr>415b<br><font size=+1>


bo 'di snyam du gyur te/ e ma'o/ /dge slong 'di dag ni rjud par gyur na bdag bcom ldan 'das kyi drung du song ste/ tshul de dag bcom ldan 'das la gsol lo snyam du gyur nas/ kho bos bcom ldan 'das ga la ba der song ste phyin pa dang / bcom ldan 'das kyi zhabs gnyis la mgo bos phyag btsal nas/ bcom ldan 'das la 'di skad ces gsol to/ /bcom ldan 'das/ e ma'o/ /dge slong 'di dag nyin zhag bdun du 'tshal ma chad de bkres pas nyam chung ba dang ldan nas rjud de/ khri dang khri'u las ldang ba dang / bcom ldan 'das blta ba'i slad du mchi ba'i rdo'ang mi thogs so/ /de nas bcom ldan 'das kyis kho bo la 'di skad ces bka' stsal to/ /kun dga' bo song ste/ 'jam dpal gzhon nur gyur pa la tshul de dag smros shig dang / des dge slong gi dge 'dun rtas par byed par 'gyur ro/ /kho bos bcom ldan 'das kyi ltar mnyan nas/ 'jam dpal gzhon nur gyur pa'i gnas khang ga la ba der song ste phyin pa dang / de'i tshe 'jam dpal gzhon nur gyur pa rang gi gnas khang na brgya byin dang / tshangs pa dang / 'jig rten skyong ba rnams la chos ston pa mthong ngo / /'jam dpal gzhon nur gyur pa des kyang kho bos gnas khang gi nang du 'ongs pa mthong ste/ mthong nas 'di skad ces zer ro/ /btsun pa kun dga' bo khyod ci'i phyir rlung dang char gyi nang na 'dir </font><hr>416a<br><font size=+1>


@#/ /'ongs/ kho bos 'jam dpal gzhon nur gyur pa la tshul de dag smras so/ /de kho bo la kun dga' bo song ste stan thing la/ gdugs tshod bab na gaN+Di rdungs shig ces de skad ces zer nas/ kho bo 'jam dpal gzhon nur gyur pa'i gnas khang nas byung ste/ dge 'dun gyi kun dga' ra bar song nas stan bting ste/ 'jam dpal gzhon nur gyur pa ci gnas khang nas byung ngam zhes 'jam dpal gzhon nur gyur pa'i gnas khang du blta zhing phyogs gcig tu 'dug go /de nas 'jam dpal gzhon nur gyur pas lus thams cad rnam par 'jig pa zhes bya ba'i ting nge 'dzin la snyoms par zhugs nas sprul pa gzhan zhig sprul te/ brgya byin dang / tshangs pa dang / 'jig rten skyong ba de dag la chos ston to/ /de gnas khang nas byung ste mnyan yod kyi grong khyer chen por bsod snyoms kyi phyir zhugs na kho bos ni ma mthong ngo / /de nas bdud sdig can 'di snyam du gyur te/ 'jam dpal gzhon nur gyur pa 'dis seng ge'i sgra bsgrags nas mnyan yod kyi grong khyer chen por bsod snyoms kyi phyir zhugs na bdag gis 'di mig gis mi rtsol bar bya'o snyam du bsams nas/ des de nyid kyi tshe mnyan yod kyi grong khyer chen po'i bram ze dang / khyim bdag dang / grong 'dab dang / yul mi gang gis kyang 'jam dpal </font><hr>416b<br><font size=+1>


gzhon nur gyur pa mi mthong ba dang / gang yang bsur mi 'ong ba dang / su'ang bsod snyoms mi 'bul ba de lta de ltar byin gyis brlabs so/ /de nas 'jam dpal gzhon nur gyur pa gang dang gang du song ba de dag thams cad na sgo dag kyang bcad par snang ste/ gang yang mi bsu bar gyur to/ /de nas 'jam dpal gzhon nur gyur pas bsams na/ e ma'o/ /bram ze dang / khyim bdag 'di dag ni ci nas kyang bdag mi mthong ba dang / gtam mi bya bar bdud kyis byin gyis brlabs so snyam du bsams nas/ des de'i tshe gang bden pa dang / bden pa'i tshig dang / bsod nams dang ye shes kyi tshogs gang dag gis bdag gi spu'i khung bu gcig lus la skyes pa'i bsod nams kyi phung po de'ang gang+gA'i klung gi bye ma snyed kyi 'jig rten gyi khams kyi bdud sdig can rnams la med pa'i bden pa dang / bden pa'i tshig des bdud kyi byin gyi rlabs 'di dag med par gyur cig /bdud sdig can nyid kyang khyim bdag gi tshul du srang dang / sum mdo dang / bzhi mdo dag na 'jam dpal gzhon nur gyur pa la bsod snyoms phul cig /phul cig /'di la phul na 'bras bu che bar 'gyur ro/ /gang gis stong gsum gyi stong chen po'i 'jig rten gyi khams su gtogs pa'i sems can thams cad la lo 'bum du bde ba'i yo byad thams cad kyis rim gror byas/ gus par byas/ phu dud du byas </font><hr>417a<br><font size=+1>


@#/ /pa bas/ gang gis 'jam dpal gzhon nur gyur pa la bsod snyoms sen mo'i rtse mo gang tsam phul na de'i bsod nams kyi phung po ches mang du bskyed par 'gyur ro zhes sgrogs par gyur cig ces bden pa'i byin gyi rlabs byas so/ /'jam dpal gzhon nur gyur pas byin gyi rlabs de byas ma thag tu de nas de nyid kyi tshe sgo thams cad kyang bye bar gyur to/ /skye bo mang po thams cad kyang bsu zhing / 'jam dpal gzhon nur gyur pa/ bde bar 'ongs so zhes kyang brjod do/ /bdud sdig can nyid kyang khyim bdag gi tshul du srang dang / sum mdo dang / bzhi mdo dag na 'jam dpal gzhon nur gyur pa la bsod snyoms phul cig /phul cig /'di la phul na 'bras bu che bar 'gyur ro/ /gang gis stong gsum gyi stong chen po'i 'jig rten gyi khams su gtogs pa'i sems can thams cad la lo 'bum du bde ba'i yo byad thams cad kyis rim gror byas/ gus par byas/ phu dud du byas pa bas/ gang gis 'jam dpal gzhon nur gyur pa la bsod snyoms sen mo gang tsam phul na de'i bsod nams kyi phung po ches mang du bskyed par 'gyur ro zhes sgrogs par gyur to/ /de nas 'jam dpal gzhon nur gyur pas ci nas kyang lhung bzed der bsod pa'i bza' ba dang / bca' ba dang / myang ba phal cher bcug pa de dag thams cad </font><hr>417b<br><font size=+1>


ji ltar snod so sor bcug pa bzhin du bzhin du ma 'dres par 'dug pa dang / gang dge slong brgyad brgya po de dag dang / byang chub sems dpa' khri nyis stong po de dag la kha zas ji tsam gyis chog pa lhung bzed des blangs par 'gyur ba de lta de ltar rang gi lhung bzed de byin gyis brlabs so/ /de nas 'jam dpal gzhon nur gyur pas mnyan yod kyi grong khyer chen por bsod snyoms kyi phyir spyad nas mnyan yod kyi grong khyer gyi phyi rol tu byung ste/ lam las byol nas lhung bzed de sa'i steng du bzhag ste bdud sdig can la 'di skad ces smras so/ /sdig can/ lhung bzed 'di khyer la mdun du song zhig /de nas bdud sdig can gyis lhung bzed de sa de las gdegs par byas na gdegs ma nus nas/ des 'jam dpal gzhon nur gyur pa la 'di skad ces smras so/ /'jam dpal/ lhung bzed 'di sa'i steng nas gdeg par ma nus so/ /smras pa/ sdig can khyod kyang rdzu 'phrul che zhing mthu chen po dang ldan pa yin na rdzu 'phrul gyi stobs kyis lhung bzed 'di sa'i steng nas gdeg par gyis shig /de nas bdud sdig can gyis rdzu 'phrul gyi stobs kyi cho 'phrul thams cad bstan kyang lhung bzed de sa de las tha na skra'i rtse mo'i cha tsam yang gdegs par ma nus nas/ de ngo mtshar du gyur te/ 'jam dpal gzhon nur gyur pa la 'di skad ces smras so/ /'jam dpal/ kho bo ni 'dod na ri </font><hr>418a<br><font size=+1>


@#/ /gshol mda' 'dzin kyang lag mthil du blangs te nam mkha' la 'dor na kho bos lhung bzed chung du 'di lta bu 'di sa 'di'i steng nas gdeg par ma nus na| de ci'i phyir de ltar gyur/ 'jam dpal gyis smras pa/ sems can chen po rnams dang / gang zag chen po rnams kyi stobs drangs pa lhung bzed 'dir bcug ste/ de'i phyir khyod kyis gdeg par ma nus so/ /de nas 'jam dpal gzhon nur gyur pa nyid kyis lhung bzed de sa las blangs nas bdud sdig can la byin te 'di skad ces smras so/ /sdig can/ lhung bzed 'di khyer la mdun du song zhig /de nas bdud sdig can de slob ma bzhin du lhung bzed khyer te 'jam dpal gzhon nur gyur pa'i mdun du song ngo / /de nas lha'i bu dbang sgyur lha'i bu khri nyis stong gis yongs su bskor cing mdun du bdar te 'jam dpal gzhon nur gyur pa ga la ba der dong nas lhags pa dang / 'jam dpal gzhon nur gyur pa'i rkang pa gnyis la mgo bos phyag btsal nas bdud sdig can la 'di skad ces smras so/ /sdig can/ bran bzhin du 'jam dpal gzhon nur gyur pa'i lhung bzed khyer te mdun du 'gro ba 'di ci zhig /bdud kyis smras pa/ lha'i bu mthu dang ldan pa rnams dang 'gran pa ci'ang med do/ /lha'i bus smras so/ /sdig can khyod kyang rdzu 'phrul che ba mthu chen </font><hr>418b<br><font size=+1>


bo dang ldan pa'o/ /de nas 'jam dpal gzhon nur gyur pa'i byin gyi rlabs kyis bdud sdig can gyis lha'i bu dbang sgyur la 'di skad ces smras so/ /lha'i bu/ 'di lta ste/ bdud kyi stobs ni gti mug gi stobs so/ /byang chub sems dpa'i stobs ni shes rab kyi stobs so/ /bdud kyi stobs ni nga rgyal gyi stobs so/ /byang chub sems dpa'i stobs ni ye shes kyi stobs so/ / bdud kyi stobs ni lta ba 'byung ba'i stobs so/ /byang chub sems dpa'i stobs ni stong pa nyid kyi stobs so/ /bdud kyi stobs ni phyin ci log gi stobs so/ /byang chub sems dpa'i stobs ni bden pa'i stobs so/ /bdun gyi stobs ni nga dang nga'i zhes bya ba'i stobs so/ /byang chub sems dpa' stobs ni byams pa chen po dang / snying rje chen po'i stobs so/ /bdud kyi stobs ni 'dod chags dang / zhe sdang dang / gti mug gi stobs so/ /byang chub sems dpa'i stobs ni rnam par thar pa'i sgo gsum gyi stobs so/ /bdud kyi stobs ni skye ba dang / 'chi ba dang / 'byung ba'i stobs so/ /byang chub sems dpa'i stobs ni skye ba med pa dang / 'byung ba med pa'i chos la bzod pa rab tu thob pa'i stobs so/ /bdud sdig can gyis bstan pa 'di bshad pa'i tshe lha'i bu'i 'khor de las lha'i bu lnga brgya bla na med pa yang dag par rdzogs pa'i byang chub tu sems skyes so/ /byang chub sems dpa' nyis brgyas mi skye ba'i </font><hr>419a<br><font size=+1>


@#/ /chos la bzod pa thob par gyur to// //bam po gsum pa/ de nas 'jam dpal gzhon nur gyur pa bdud sdig can dang lhan cig tu lhung bzed de 'khor gyi khyams su bzhag ste song yang kho bos ma mthong ma thos nas/ gdugs tshod la bab par gyur kyang 'jam dpal gzhon nur gyur pa gnas khang de nas byung ba'am zhugs par yang ma mthong nas/ de la kho bo 'di snyam du gyur te/ 'jam dpal gzhon nur gyur pas dge slong gi dge 'dun ma bslus sam/ bdag bcom ldan 'das kyi drung du song ste tshul de dag gsol lo snyam du gyur nas/ kho bo bcom ldan 'das ga la ba der song ste phyin pa dang / bcom ldan 'das kyi zhabs gnyis la mgo bos phyag btsal nas| bcom ldan 'das la 'di skad ces gsol to/ /bcom ldan 'das/ gdugs tshod la bab na 'jam dpal gzhon nur gyur pa ni gnas khang de nas ma byung ngo / /bcom ldan 'das kyis kho bo la 'di skad ces bka' stsal to/ /kun dga' bo khyod kyis 'khor gyi khyams zlum po der ci'ang ma mthong ngam/ bcom ldan 'das la kho bos 'di skad ces gsol to/ /bcom ldan 'das/ de na lhung bzed zas kyis gang ba gcig cig gda'o/ /bcom ldan 'das kyis kho bo la 'di skad ces bka' stsal to/ /kun dga' bo song la/ </font><hr>419b<br><font size=+1>


gaN+Di brdungs te dge slong gi dge 'dun sdus shig /bcom ldan 'das la kho bos 'di skad ces gsol to/ /bcom ldan 'das/ dge slong gi dge 'dun 'di dag mang po zhig mchis na lhung bzed gcig gang ba'i zas kyis ji ltar bgyi/ bcom ldan 'das kyis bka' stsal pa/ kun dga' bo khyod snying las chung bar byos shig /kun dga' bo/ gal te stong gsum gyi stong chen po'i 'jig rten gyi khams su gtogs pa'i sems can thams cad kyis lo 'bum du lhung bzed gcig po de las zos kyang lhung bzed de ni yongs su zad par mi 'gyur ro/ /de ci'i phyir zhe na/ lhung bzed de ni 'jam dpal gzhon nur gyur pas byin gyi rlabs kyis byin gyis brlabs te/ 'jam dpal gzhon nur gyur pa'i sbyin pa'i pha rol tu phyin pa ni zad mi shes pa'i bsod nams las byung pa'o/ /bcom ldan 'das kyi ltar kho bos mnyan nas sems dga' bas gaN+Di brdungs te dge slong gi dge 'dun yang bsags so/ /de nas 'jam dpal gzhon nur gyur pas gaN+Di'i sgra thos nas/ lha'i bu de dag dang / byang chub sems dpa' rnams dang 'grogs te rang gi gnas khang nas byung ste/ khyams zlum por song nas lhung bzed de las bsod pa'i bza' ba dang / bca' ba dang / myang ba dang / ji ltar snod so so na bzhag bzhag pa lta bur phan tshun ma 'dres pa phal cher phung ste/ dge </font><hr>420a<br><font size=+1>


@#/ /slong mang po thams cad kyang brtas par byas so/ /byang chub sems dpa' mang po thams cad kyang tshim par byas kyang zas de ni yongs su zad pa'am gtugs par ma gyur to/ /de nas bdud sdig can gyis 'jam dpal gzhon nur gyur pa la bar chad bya ba'i phyir sham thabs legs par ma bgos ba/ bla gos legs par ma gyon pa/ sha tshugs ma legs pa/ lhung bzed rdol cing chag pa/ gos ngan pa/ sna leb leb po dang / zhar ba dang / theng po dang / zha bo dang / de las kha cig ni ha cang yang ring ba/ kha cig ni ha cang thung ba/ kha cig ni ha cang dkar pa/ kha cig ni ha cang dkar ba/ kha cig ni ha cang skem pa/ kha cig ni ha cang sbom pa/ kha cig ni sgur bo/ kha cig ni mi'u thung ste/ de dag gzhon pa'i mtha' nas phyag 'tshal zhing rgan pa'i mthar 'dug ste/ skye bo mang po'i tshogs gang gis mthong ba'i sems skyo bar 'gyur ba'i dge slong bzhi khri sprul bar gyur te/ de dag la'ang lhung bzed de nas bsod pa'i bza' ba dang / bca' ba dang / myang ba phal cher phung ste byin kyang lhung bzed de zad par ma gyur to/ /de nas bdud sdig can gyis sbrul pa'i dge slong de dag re res kyang 'bras can yul ma ga d+ha'i bre bo bcu bcu zos kyang tshim par ma gyur pa de ltar byin gyis brlabs so/ /de nas rung byed </font><hr>420b<br><font size=+1>


rnams thams cad yongs su skyo bar gyur kyang de dag tshim par byed ma nus so/ /de nas 'jam dpal gzhon nur gyur pas gang dge slong de dag lhung bzed rnams kyang yongs su gang la lag pa na'ang kham thogs shing khar bcug pa'i kham yang mid mi nus la/ de dag mgrin pa btsir ba bzhin du mig log ste sa la lhung ba de ltar byin gyis brlabs so/ /de nas 'jam dpal gzhon nur gyur pas bdud sdig can la 'di skad ces smras so/ /sdig can khyod kyi dge slong 'di dag ci'i phyir zas mi za/ bdud kyis smras pa/ 'jam dpal/ bdag gi dge slong 'di dag ni shi la thug par gyur na khyod kyis dgu dang bsres pa'i zas ma byin grang / 'jam dpal gyis smras pa/ sdig can/ dgu med pa rnams dug sbyin par gal 'gyur gang dag dug srel ba de dag ni dug sbyin par byed kyi/ gang dag dug mi srel ba de dag ni dug sbyin par mi byed do/ /sdig can/ dug ces bya ba ni 'di lta ste/ 'dod chags dang / zhe sdang dang / gti mug ste/ de dag kyang legs par gsungs pa'i chos 'dul ba la med do/ /dug ces bya ba ni ma rig pa dang / srid pa'i sred pa dang / nga dang nga'i zhes bya ba dang / rgyu dang| lta ba dang / ming dang gzugs dang / rjes su chags pa dang / khong khro ba dang / bdag tu lta ba dang / gzhan du lta ba dang / sgrib pa dang / kun nas ldang ba dang / phung po la </font><hr>421a<br><font size=+1>


@#/ /mngon par zhen pa dang / khams la rlom sems su byed pa dang / skye mched la yongs su 'dzin pa dang / yul la chags pa dang / khams gsum la zhen pa dang / bsdus pa dang / g.yengs pa dang / gzhag pa dang / gdeg pa dang / shi 'pho ba dang / skye ba dang / 'ong ba dang / 'gro ba dang / lus la mngon par chags pa dang / srog la zhen pa dang / sdug pa yid la byed pa dang / phyin ci log tu gnas pa dang / rten cing 'brel bar 'byung ba dang mi mthun pa dang / chad par lta ba dang / ther zug tu lta ba dang / 'byung bar lta ba dang / 'jig par lta ba dang / g.yo ba dang / rlom sems dang / rtog pa dang / rnam par rtog pa dang / gsog pa dang / mdud pa dang / kun gzhi dang / nges pa'i gzhi dang / zhen pa dang / khyim gyi gnas la dga' ba dang / len pa dang / 'dor ba dang / stong pa nyid kyis skrag pa dang / mtshan ma med pa la g.yang sar 'du shes pa dang / smon pa med pa la gshed mar 'du shes pa dang / dmigs su med pa la dngos por 'du shes pa dang / nges par 'byung ba'i khams la kha na ma tho bar lta ba dang / chu bo las rgal bar 'du shes pa dang / byang chub kyi phyogs kyi chos la chos ma yin par 'du shes pa dang / yang dag pa'i lta ba la log par lta bar 'du shes pa dang / log par lta ba </font><hr>421b<br><font size=+1>


la yang dag par lta bar 'du shes pa dang / dge ba'i bshes gnyen la sdig pa'i grogs por 'du shes pa dang / sdig pa'i grogs po la dge ba'i bshes gnyen du 'du shes pa dang / sangs rgyas dang mi mthun pa dang / chos spong ba dang / dge 'dun la ma gus pa dang / dgon pa'i gnas la mngon par mi dga' ba dang / nga rgyal dang / lhag pa'i nga rgyal dang / nga'o snyam pa'i nga rgyal ma spangs pa dang / rab tu 'dzin pa dang / rtsod pa 'bar bar byed pa dang / bden pa la rdzun par 'du shes pa dang / rdzun pa la bden par 'du shes pa dang / 'dod pa la yon tan du 'du shes pa dang / 'dus byas la bden par 'du shes pa dang / 'khor ba la phan yon rnam pa bcur 'du shes pa dang / mya ngan las 'das pa la 'jig pa rnam pa bcur 'du shes pa'i chos de lta bu de dag ni dug yin te/ sdig can/ de dag ni legs par gsungs pa'i chos 'dul ba la med do/ /de ci'i phyir zhe na/ sangs rgyas kyi bstan pa ni bdud rtsi bstan pa'o/ /sangs rgyas kyi bstan pa ni bde ba bstan pa'o/ /sangs rgyas kyi bstan pa ni spros pa med pa bstan pa'o/ /sangs rgyas kyi bstan pa ni ma smad pa bstan pa'o/ / sangs rgyas kyi bstan pa ni kun nas ldang ba med pa bstan pa'o/ /sangs rgyas kyi bstan pa ni 'byung ba bstan pa'o/ /sangs rgyas kyi bstan pa ni 'thab pa med pa bstan pa'o/ /sangs </font><hr>422a<br><font size=+1>


@#/ /rgyas kyi bstan pa ni rtsod pa med pa bstan pa'o/ /sangs rgyas kyi bstan pa ni bdag dang gzhan la mi gdung ba bstan pa'o/ /sangs rgyas kyi bstan pa ni byams pa dang ldan pa'i bstan pa'o/ /sangs rgyas kyi bstan pa ni gnas dang / skyabs dang / gling dang / dpung gnyen bstan pa'o /sangs rgyas kyi bstan pa ni dul ba dang / zhi ba dang / rab tu zhi ba dang / nye bar zhi ba bstan pa'o/ /sangs rgyas kyi bstan pa ni dag pa dang / rnam par dag pa dang / yongs su dag pa dang / 'od gsal ba bstan pa'o/ /sangs rgyas kyi bstan pa ni yang dag pa'i nan tan bstan pa'o/ /sangs rgyas kyi bstan pa ni mi dkrug pa bstan pa'o/ /sangs rgyas kyi bstan pa ni shin tu dul ba bstan pa'o/ /sangs rgyas kyi bstan pa ni shin tu rnam par dag pa bstan pa'o/ /sangs rgyas kyi bstan pa ni bstod cing bsngags pa bstan pa'o/ /sangs rgyas kyi bstan pa ni zhi ba dang / rab tu zhi ba dang / shin tu nges par bstan pa'o/ /sangs rgyas kyi bstan pa ni grol ba dang / rnam par grol ba dang / yongs su grol ba bstan pa'o/ /sangs rgyas kyi bstan pa ni phas kyi rgol ba thams cad chos dang mthun pas tshar gcod pa bstan pa'o/ /sangs rgyas kyi bstan pa ni bdud thams cad 'joms pa bstan pa'o/ /sangs rgyas kyi bstan pa ni skye ba dang / shi 'pho dang / 'byung ba </font><hr>422b<br><font size=+1>


las nges par 'byung ba bstan pa'o/ /dran pa nye bar bzhag pas dran pa bstan pa'o/ /sdig pa thams cad mi byed pas yang dag par spong ba bstan pa'o/ /lus dang sems yang bas rdzu 'phrul gyi rkang pa bstan pa'o/ /dad pa sngon du 'gro bas dbang po bstan pa'o/ /nyon mongs pa thams cad kyis mi rdzi bas stobs bstan pa'o/ /mthun par khong du chud pas byang chub kyi yan lag bstan pa'o/ /'byung bas lam bstan pa'o/ /sems zhi bas zhi gnas bstan pa'o/ /rnam par grol ba bskyed pas lhag mthong bstan pa'o/ /slu bar mi byed pas bden pa bstan pa'o/ /don dang / chos dang / nges pa'i tshig dang / spobs pa dang mi 'gal bas so so yang dag par rig pa bstan pa'o/ /'dus byas la smon pas mi rtag pa dang / sdug bsngal ba yongs su brjod pa bstan pa'o/ /ya mtshan can thams cad spong bas bdag med pa bstan pa'o/ /mya ngan las 'da' bar 'gro bas zhi ba bstan pa'o/ / pha rol tu 'gro bas pha rol tu phyin pa bstan pa'o/ /sems can yang dag par sdud pas thabs bstan pa'o/ /zhe 'gras pa'i sems med pas byams pa bstan pa'o/ /'tshe ba med pas snying rje bstan pa'o/ /mi dga' ba sel bas dga' ba bstan pa'o/ /bya ba byas pas btang snyoms bstan pa'o/ /nga rgyal med pas ye shes bstan pa'o/ /byang chub kyi sems </font><hr>423a<br><font size=+1>


@#/ /bskyed pas dkon mchog gsum gyi gdung mi 'chad pa bstan pa'o/ /yang 'byung ba med pas bde ba thams cad dang mthun pa bstan pa'o/ /bstan pa'i bshad pa 'di bstan pa'i tshe gang bdud sdig can dang lhan cig tu lha'i bu gang dag lhags pa de las lha'i bu lnga brgya bla na med pa yang dag par rdzogs pa'i byang chub tu sems skyes te/ de dag gis/ bcom ldan 'das/ bdag cag kyang sangs rgyas kyi bstan pa de lta bu dang mthun par gyur cig ces de skad kyi tshig smras so/ /bcom ldan 'das kyis kyang 'dzum pa mdzad de/ kho bos 'dzum pa'i phyir zhus so/ /zhus nas bcom ldan 'das kyis 'di skad ces bka' stsal to/ /kun dga' bo/ bdud kyi sprul pa'i dge slong 'di dag khyod kyis mthong ngam/ bcom ldan 'das la kho bos 'di skad ces gsol to/ /bcom ldan 'das/ mthong ngo / /bde bar gshegs pa/ mthong ngo / /bcom ldan 'das kyis kho bo la 'di skad ces bka' stsal to/ /kun dga' bo/ phyi ma'i dus phyi ma'i tshe lnga brgya tha ma la dam pa'i chos 'jig pa'i tshe nga'i bstan pa la dge slong dag phal cher 'di bzhin du sham thabs legs par ma gyon pa/ bla gos legs par ma bgos pa/ gos brtul te gyon pa/ lhung bzad chag pa/ shes bzhin med pa/ spyod lam mi sdug pa lag </font><hr>423b<br><font size=+1>


na 'khar ba thogs pa/ sna leb leb po dang / zhar ba dang / 'theng po dang / zha bo dang / lus kyi sha tshugs ma legs pa dang / nad sna tshogs kyi btab pa dag 'byung bar 'gyur ro/ /de ci'i phyir zhe na/ kun dga' bo/ 'di ltar de'i tshe dge slong dag phal cher bsnyen bkur la ched che bar byed pa rnyed pa dang bkur sti la brten pa dang / bya ba sna tshogs kyi mi khom pas brel ba dang| 'dul ba bor ba dang / so sor thar pa 'dral ba dang / mtshams las 'da' ba dang / tshe 'di ched che bar byed pa dang / tshe rabs gzhan ched mi che bar byed par 'gyur te/ de dag 'di lta ste/ chos kyi phyir ni ma yin gyi/ bsnyen bkur gyi phyir zhar ba dang / 'theng po dang / zha bo dang / lus kyi sha tshugs ma legs pa dang / nad sna tshogs kyis btab pa 'ongs shing lhags pa rnams rab tu 'byung bar byed do/ /bsnyen par rdzogs par byed do/ /kun dga' bo/ de'i tshe de'i dus na nga'i bstan pa 'di la ltar mi rung ba dang / mnyan du mi rung bar 'gyur ro/ /lha rnams kyang yid mi dga' bar 'gyur ro/ /bdud rnams yi rangs shing dga' ba dang / btang snyoms su 'gyur ro/ /bcom ldan 'das la kho bos 'di skad ces gsol to/ /bcom ldan 'das/ ci'i slad du na bdud sdig can rnams yi rangs shing dga' ba dang / btang snyoms su 'gyur/ bcom ldan 'das kyis bka' stsal pa/ kun dga' </font><hr>424a<br><font size=+1>


@#/ /bo| 'di ltar skyes bu blun po de dag bdag nyid bdud kyi las byed par 'gyur te/ de la bar chad bya ba'i phyir phyir zhing bdud sdig can brtson par mi 'gyur ro/ /de ci'i phyir zhe na/ bdud sdig can ni mi brtson pa rnams la glags mi tshol gyi/ bdud sdig can ni dge slong gang dag yang 'byung ba med par bya ba'i phyir mgo dang gos la me 'bar ba bzhin du brtson par gnas pa de dag la bdud glags tshol te/ kun dga' bo/ de lta bas na ma thob pa thob par bya ba dang / ma rtogs pa rtogs par bya ba dang| mngon du ma byas pa mngon du bya ba'i phyir sbyor bar byos shig /brtsal bar byos shig /'bad par byos shig /bdud kyi phyogs tshar chod cig /de bzhin gshegs pa'i bstan pa 'bar bar byos shig /dam pa'i chos yongs su gzung zhig /nga la chos kyi mchod pas mchod cig /'di ni khyod la rjes su bstan pa yin no/ /bstan pa 'di bshad pa'i tshe dge slong lnga stong gis tshe'i 'du byed spangs par gyur te/ bdag cag gis bcom ldan 'das kyi dam pa'i chos rnam par 'jig pa mthong bar ma gyur cig ces de skad kyi tshig smras nas/ de dag steng gi bar snang la mngon par 'phags te/ rang gi me'i khams kyis bdag nyid bsregs so/ /lha'i bu 'bum gyis kyang de dag la mchod pa byas </font><hr>424b<br><font size=+1>


bar gyur to/ /dge slong nyis brgya ni chos la chos kyi mig rdul med cing dri ma dang bral ba rnam par dag go /dge slong nyis brgya ni len pa med par zag pa rnams las sems rnam par grol lo/ /byang chub sems dpa' sum khri nyis stong ni mi skye ba'i chos la bzod pa thob par gyur to/ /brgya byin dang / tshangs pa dang / 'jig rten skyong ba dag kyang 'khor dang bcas te bcom ldan 'das kyi spyan snga na thal mo sbyar te/ bcom ldan 'das la 'di skad ces gsol to/ /bcom ldan 'das/ bdag cag gis bcom ldan 'das kyi dam pa'i chos rnam par 'jig pa mi mthong bar bgyi ba dang / bcom ldan 'das/ chos kyi rnam grangs 'di gang dag gi rna lam du grags par gyur pa de dag nam yang sems le lo'i dri mas kun nas mi gnas par bgyi ba dang / de dag bdud kyi las byung zhing byung ba rnams kyi dbang du mi 'gyur bar bcom ldan 'das sku tshe ring du bzhugs shing bskyang bar gsol zhes smras so/ / tshe dang ldan pa shA ri'i bu/ 'jam dpal gzhon nur gyur pa'i rdzu 'phrul rnam par 'phrul pa dang / chos ston pa rnam par 'phrul pa las gang kho bos phyogs tsam zhig mngon sum du gyur pa ni de lta bu de dag yin no/ /de nas tshe dang ldan pa 'od srung chen pos tshe dang ldan pa shA ri'i bu la 'di skad ces smras so/ /tshe dang ldan pa shA ri'i bu/ kho bos kyang 'jam </font><hr>425a<br><font size=+1>


@#/ /dpal gzhon nur gyur pa'i rdzu 'phrul gyi cho 'phrul kha cig mngon sum du gyur to/ /tshe dang ldan pa shA ri'i bu/ kho bos mngon par shes te/ bcom ldan 'das mngon par rdzogs par sangs rgyas nas ring po ma lon pa/ kho bo'ang rab tu byung nas ring po ma lon pa zhig na 'jam dpal gzhon nur gyur pa bcom ldan 'das de bzhin gshegs pa rin chen srog shing gi sangs rgyas kyi zhing nas bcom ldan 'das la blta ba dang / phyag bya ba dang / bsnyen bkur bya ba'i phyir 'jig rten gyi khams 'dir dang po 'ongs par gyur te/ bcom ldan 'das kyi drung na mnyan yod kyi rgyal bu rgyal byed kyi tshal mgon med zas sbyin gyi kun dga' ra ba 'dir dbyar gnas par dam bca' mdzad do/ /'jam dpal gzhon nur gyur pa'ang der dbyar zla ba gsum gnas par dam bcas nas/ bcom ldan 'das kyi spyan snga dang / dge 'dun gyi nang dang / bkad sa dang / gso sbyong dang / phyag 'tshal bI las la kho bo cag gi phyir nam yang ma mthong bar gyur to/ /de nas dbyar zla ba gsum zad de 'das pa dang / gso sbyong dang / dgag dbye'i tshe 'jam dpal gzhon nur gyur pas bzhin bstan to/ /de la kho bos 'di skad ces smras so/ /'jam dpal khyod dbyar gyi zla ba de gsum gyi tshe gang na 'dug 'dug /des smras pa/ btsun pa 'od srung </font><hr>425b<br><font size=+1>


chen po mnyan yod kyi grong khyer chen po 'di nyid na rgyal po gsal rgyal gyi btsun mo'i nang na'o/ /de la kho bo 'di snyam du gyur te/ sems dpa' 'di lta bu ltung ba dang bcas pa dang yongs su dag pa'i dge slong gi dge 'dun dang lhan cig dgag dbye byar mi rung ngo snyam du gyur nas/ kho bo 'khor gyi khyams de nas byung ste/ 'jam dpal gzhon nur gyur pa bskrad pa'i phyir gaN+Di brdungs so/ /der bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal/ gnas brtan 'od srung chen po ci'i phyir gaN+Di brdungs pa soms shig /des gsol pa/ bcom ldan 'das/ bsams na bdag bskrad pa'i slad du'o/ /bcom ldan 'das kyis bka' stsal pa/ 'jam dpal khyod la ma dad pa chen po byed par mi 'gyur par bdag nyid tshangs par byos shig /rang gi spyod yul ston cig /nyan thos chen po rnams mgu bar byos shig /de nas 'jam dpal gzhon nur gyur pas de'i tshe byang chub sems dpa'i ting nge 'dzin sangs rgyas kyi zhing thams cad yang dag par ston pa zhes bya ba la snyoms par zhugs so/ /'jam dpal gzhon nur gyur pas ting nge 'dzin de la snyoms par zhugs ma thag tu de nas de'i tshe phyogs bcu na sangs rgyas kyi zhing sgang+gA'i klung gi bye ma snyed na sbyangs pa'i yon tan smra ba'i dge slong </font><hr>426a<br><font size=+1>


@#/ /'od srung chen po 'dra ba sha stag 'jam dpal gzhon nur gyur pa bskrad pa'i phyir gaN+Di brdung bar snang bar gyur to/ /bcom ldan 'das kyis kho bo la 'di skad ces bka' stsal to/ /'od srung / ci'i phyir gaN+Di brdung / bcom ldan 'das la kho bos 'di skad ces gsol to/ /bcom ldan 'das/ 'jam dpal gzhon nur gyur pa de dbyar zla gsum du btsun mo'i 'khor du gnas nas yongs su dag pa'i dge slong gi dge 'dun dang lhan cig dgag dbye bgyid par 'tshal te/ de bskrad pa'i slad du bdag gaN+Di brdung ngo / / de nas bcom ldan 'das kyis sku thams cad las 'od phyung ste/ kho bo la 'di skad ces bka' stsal to/ /'od srung / phyogs bcu na ci snang ba je ltos shig /kho bos de'i tshe bltas na phyogs bcu na 'jig rten gyi khams tshad med grangs med pa gang+gA'i klung gi bye ma snyed na/ gnas brtan bdag 'dra ba sha stag 'jam dpal gzhon nur gyur pa bskrad pa'i phyir gaN+Di brdung bar mthong ngo / /'jig rten gyi khams de dag thams cad na'ang 'jam dpal gzhon nur gyur pa sangs rgyas bcom ldan 'das de dag gi zhabs kyi drung na 'dug par mthong ngo / /bcom ldan 'das kyis kho bo la 'di skad ces bka' stsal to/ /'od srung chen po khyod ci 'jam dpal gzhon nur gyur pa gang nga'i mdun na 'dug pa 'di 'am/ </font><hr>426b<br><font size=+1>


'on te gang dag phyogs bcu'i 'jig rten gyi khams grangs med tshad med pa na/ sangs rgyas bcom ldan 'das kyi zhabs kyi drung na 'dug pa'am gang bskrad par 'dod/ de'i tshe kho bo ngo tsha ba'i tshul gyis gaN+Di de sa la dor ro snyam na/ dor yang ma nus nas rgyun ma chad par sgra byung ste/ rgyal bu rgyal byed kyi tshal na ji lta ba de bzhin du sangs rgyas kyi zhing thams cad na'ang chad pa med/ lhag pa med/ skyes pa med par de bzhin du byed par snang ngo / /kho bos de'i tshe bcom ldan 'das kyi zhabs gnyis la phyag btsal nas/ bcom ldan 'das la 'di skad ces gsol to/ /bcom ldan 'das/ bdag ni shes pa phyogs gcig pa dang ldan pa ste/ byang chub sems dpa' yul tshad ma mchis pa rnams kyi spyod yul ma 'tshal nas gaN+Di brdungs pa 'jam dpal gzhon nur gyur pa la bzod pa gsol lo/ /bcom ldan 'das kyis kho bo la 'di skad ces bka' stsal to/ /'od srung chen po khyod kyis sangs rgyas kyi zhing na 'jam dpal gzhon nur gyur pa 'di snyed mthong ba thams cad du khyim pa'i khyim du sems can yongs su smin par bya ba'i phyir dbyar zla gsum du gnas so/ /'od srung chen po/ 'jam dpal gzhon nur gyur pa 'di mnyan yod kyi grong khyer chen po 'dir btsun mo'i 'khor du dbyar gnas par dam pa'i bcas pas kyang rgyal po gsal rgyal gyi btsun mo'i 'khor las bud </font><hr>427a<br><font size=+1>


@#/ /med lnga brgya bla na med pa yang dag par rdzogs pa'i byang chub las phyir mi ldog par yongs su smin par byas so/ /skyes pa lnga brgya dang / khye'u lnga brgya dang / bu mo lnga brgya dang / smad 'tshong ma lnga brgya'ang bla na med pa yang dag par rdzogs pa'i byang chub las phyir mi ldog par bzhag go /sems can mang po dag kyang nyan thos kyi theg par brtul te mtho ris su 'gro bar byas so/ /bcom ldan 'das la kho bos 'di skad ces gsol to/ /bcom ldan 'das/ chos ji lta bu zhig bshad pas 'jam dpal gzhon nur gyur bas sems can de snyed cig yongs su smin par bgyis/ bcom ldan 'das kyis bka' stsal pa/ 'od srung chen po/ 'jam dpal gzhon nur gyur pa de nyid la chos ji lta bu zhig bshad pas sems can de snyed yongs su smin par byas zhes khyod kyis bris shig dang / de nyid khyod la lan ldon par 'gyur ro/ /kho bos 'jam dpal gzhon nur gyur pa la 'di skad ces smras so/ /'jam dpal khyod kyis chos kyi ji lta bu zhig bshad pas sems can de snyed yongs su smin par byas/ 'jam dpal gyis smras pa/ btsun pa 'od srung chen po/ sems can de lta bu de dag ni chos bshad pas yongs su smin par mi 'gyur te/ de ci'i phyir zhe na/ btsun pa 'od srung chen po/ sems can gang dag dga' </font><hr>427b<br><font size=+1>


ba'i rtsed mos yongs su smin par 'gyur ba'ang yod/ rab tu gzung ba dang / tshar gcad pa dang / sbyin pa rab tu sbyin pa dang / phong shing dbul ba dang / bkod pa chen po dang / kun brjod pa'i cho 'phrul dang / rjes su bstan pa'i cho 'phrul dang / rdzu 'phrul gyi cho 'phrul dang / brgya byin gyi gzugs dang / tshangs pa'i gzugs dang / 'jig rten skyong ba'i gzugs dang / 'khor los bsgyur ba'i gzugs dang / sangs rgyas kyi sku dang / rang sangs rgyas kyi gzugs dang / nyan thos kyi gzugs dang / 'jigs pas bsdigs pa dang / tshig rtsub po dang / tshig 'jam po dang / phan gdags pas yongs su smin par 'gyur ba'ang yod do/ /de ci'i phyir zhe na/ btsun pa 'od srung chen po/ sems can gyi spyod pa ni sna tshogs pa ste/ de dag bya ba'ang sna tshogs pa nyid kyis yongs su smin par 'gyur te/ btsun pa 'od srung chen po/ de ltar yongs su smin pa'i sems can rnams phyis chos bshad pas shin tu dul bar 'gyur ro/ /de la kho bos 'di skad ces smras so/ /'jam dpal khyod kyis sems can gyi khams ji snyed cig spyod pa 'dis yongs su smin par byas/ des smras pa/ btsun pa 'od srung chen po/ chos kyi dbyings ji snyed pa'o/ /smras pa/ 'jam dpal chos kyi dbyings kyang ji snyed/ smras pa/ nam mkha'i khams ji tsam pa'o/ /smras pa/ nam mkha'i khams kyang </font><hr>428a<br><font size=+1>


@#/ /ji tsam/ smras pa/ sems can gyi khams ji snyed pa ste/ btsun pa 'od srung chen po/ de ltar na chos kyi dbyings dang / nam mkha'i khams dang / sems can gyi khams kyi de ni gnyis su med de gnyis su dbyer med do/ /de la kho bos 'di skad ces smras so/ /'jam dpal/ 'di ltar sems can gang yang yongs su mya ngan las 'das pa med na 'o na sangs rgyas 'byung ba don med par mi 'gyur ram/ des smras pa/ btsun pa 'od srung chen po/ dper na/ skyes bu la la zhig mkhris pa'i rims kyis btab ste/ rnam pa sna tshogs su bla bar gyur pa dang / de la kha cig skyes bu 'di ni gdon gyis btab bo snyam du gyur to/ /de nas sman pa mkhas pa zhig 'ongs te/ skyes bu de la mar blud pa la sogs pa'i bya bas mkhris pa'i rims de zhi bar byas nas/ de phyis rnam pa sna tshogs su mi bla bar gyur na/ btsun pa 'od srung chen po/ 'di ji snyam du sems/ de las lha'am/ klu'am/ gnod sbyin byung bar gyur pa yod dam/ de la kho bos 'di skad ces smras so/ /'jam dpal/ de ni ma yin te/ 'on kyang mar blud pa la sogs pa'i bya bas mkhris pa de zhi bar gyur to/ /'jam dpal gyis smras pa/ btsun pa 'od srung chen po/ skyes bu de la sman pa des phan pa chen po byas pa ma yin nam/ </font><hr>428b<br><font size=+1>


kho bos de la 'di skad ces smras so/ /'jam dpal/ ji skad smras pa de bzhin no/ /des smras pa/ btsun pa 'od srung chen po/ de bzhin du 'jig rten gnas pa phyin ci log gi rims kyis btab pa dag bdag med la bdag tu 'du shes shing bdag med pa la bdag tu mngon par zhen nas 'khor ba na 'khor ro/ /de la sangs rgyas bcom ldan 'das thugs rje chen po dang ldan pa dag 'jig rten du byung ste/ dpe bstan pa de dang de dag dang / chos la gzhug pa'i sgo de dang de dag gis bdag tu 'du shes pa yongs su shes pa dang / phyin ci log spang bar bya pa'i phyir sems can de dag la chos 'chad do/ /de dag chos thos nas 'du shes thams cad dang bral zhing phyi phyir zhing mngon par mi chags te/ de dag bdag tu 'du shes pa spangs nas chu bo las brgal te/ de dag brgal pa dang / pha rol tu phyin pa dang / yongs su mya ngan las 'das pa zhes bya ba'i grangs su 'gro'o/ /btsun pa 'od srung chen po/ 'di ji snyam du sems/ de la bdag gam/ sems can nam/ srog gam/ skye ba po'am/ gang zag gang yongs su mya ngan las 'das par gyur pa yod dam/ kho bos de la smras pa/ 'jam dpal/ de ni ma yin te/ 'on kyang mnyam pa nyid yang dag par bstan pas phyin ci log spong ngo / /'jam dpal gyis smras pa/ btsun pa 'od srung chen po/ 'di lta bu'i phyir sangs rgyas 'byung </font><hr>429a<br><font size=+1>


@#/ /ste/ 'di lta ste/ mnyam pa nyid yang dag par bstan pa'i phyir te/ skye ba'i phyir ma yin/ 'gag pa'i phyir ma yin gyi/ kun nas nyon mongs pa med pa 'ba' zhig rtogs par bya ba'i phyir ro/ /kho bos de la 'di skad smras so/ /'jam dpal/ byang chub sems dpa' gang dag rang bzhin de lta bu'i chos kyi dbyings la'ang rtog cing / sems can thams cad yongs su smin par bya ba'i go cha'ang mi 'dor la/ zhum par mi 'gyur/ rangs par mi 'gyur zhing rang bzhin gyis yongs su mya nga las 'das pa'i sems can rnams kyi phyir go cha bgos pa ni dka' ba byed pa ma yin no/ /des smras pa/ btsun pa 'od srung chen po/ de ltar byang chub sems dpa' sems dpa' chen po ni go cha chen po bgos pa yin no/ /de la kho bos 'di skad ces smras so/ /'jam dpal khyod byang chub sems dpa'i go cha brtsam par spobs par gyis shig /'jam dpal gyis smras pa/ btsun pa 'od srung chen po/ byang chub sems dpa'i go cha chen po ni sum cu rtsa gnyis te/ go cha de dag bgos pa'i byang chub sems dpa' rnams byang chub sems dpa'i spyad pa spyod do/ /sum cu rtsa gnyis gang zhe na/ btsun pa 'od srung chen po/ rmi lam gyi rang bzhin gyi mtshan nyid kyis 'khor ba tshad med pa yongs su 'dzin pa ni byang chub </font><hr>429b<br><font size=+1>


sems dpa'i go cha'o/ /bdag med pa'i mtshan nyid kyis sems can tshad med pa yongs su smin par byed pa ni byang chub sems dpa'i go cha'o/ /chos kyi sku'i mtshan nyid kyis sangs rgyas tshad med pa la mchod pa dang rim gro byed pa ni byang chub sems dpa'i go cha'o/ /brag ca dang mnyam pa nyid kyi mtshan nyid kyis sangs rgyas kyis gsungs pa thams cad nyan cing 'dzin pa ni byang chub sems dpa'i go cha'o/ /chos kyi dbyings su yang dag par 'du ba'i mtshan nyid kyis sangs rgyas kyi chos thams cad srung ba ni byang chub sems dpa'i go cha'o/ /nyon mongs pa thams cad rang bzhin gyis yongs su dag pa'i mtshan nyid kyis bdud thams cad 'dul ba ni byang chub sems dpa'i go cha'o/ /yod pa dang med pa sel ba'i rten cing 'brel par 'byung ba la 'jug pa'i mtshan nyid kyis phas kyi rgol ba thams cad chos dang mthun pas shin tu tshar gcod pa ni byang chub sems dpa'i go cha'o/ /phung po thams cad spong ba'i mtshan nyid kyis bdog pa thams cad yongs su gtong ba ni byang chub sems dpa'i go cha'o/ /mngon par 'du bya ba med pa'i mtshan nyid kyis tshul khrims dang / bslab pa dang / sbyangs pa'i yon tan gyis yo byad bsnyungs pa thams cad yang dag par len pa ni byang chub sems dpa'i go cha'o/ /khong khro ba med pa'i mtshan nyid kyis bzod pa dang / dul ba dang / des pa </font><hr>430a<br><font size=+1>


@#/ /ni byang chub sems dpa'i go cha'o/ /lus dang sems dben pa'i mtshan nyid kyis blang ba med pa dang / dor ba med pa'i brtson 'grus ni byang chub sems dpa'i go cha'o/ /rten thams cad dben pa'i mtshan nyid kyis bsam gtan dang / rnam par thar pa dang / ting nge 'dzin dang / snyoms par 'jug pa thams cad ni byang chub sems dpa'i go cha'o/ /ma rig pa'i gti mug gi lta ba yongs su dag pa'i mtshan nyid kyis thogs pa med pa'i shes rab kyi pha rol tu phyin pa ni byang chub sems dpa'i go cha'o/ / bya ba thams cad ston pa'i mtshan nyid kyis thabs chen po ni byang chub sems dpa'i go cha'o/ /zhe 'gras pa med pa'i mtshan nyid kyis byams pa chen po ni byang chub sems dpa'i go cha'o/ /sor mo lnga dang nam mkha' mnyam pa'i mtshan nyid kyis snying po chen po ni byang chub sems dpa'i go cha'o/ /yongs su mi skyo ba'i mtshan nyid kyis dga' ba chen po ni byang chub sems dpa'i go cha'o/ /bde ba dang sdug bsngal bar mi byed pa'i mtshan nyid kyis btang snyoms chen po ni byang chub sems dpa'i go cha'o/ /rnam par grol ba lag mthil du 'ongs kyang thob par mi byed pa'i mtshan nyid kyis bsam pa thams cad yongs su rdzogs par byed pa'i mtshan nyid ni byang chub sems dpa'i go cha'o/ /skyon med par mi ltung </font><hr>430b<br><font size=+1>


ba'i mtshan nyid kyis thams cad yid la mi byed pa ni byang chub sems dpa'i go cha'o/ /sgyu ma lta bu'i chos legs par shes pa'i mtshan nyid kyis phung po lnga gshed ma lta bur gyur pa yongs su srung ba ni byang chub sems dpa'i go cha'o/ /chos kyi dbyings mnyam pa nyid kyis khams bzhi la sbrul gdug pa lta bur 'dzin pa ni byang chub sems dpa'i go cha'o/ /yul thams cad la mi chags pa'i mtshan nyid kyis skye mched drug la grong stong pa lta bur rtog pa ni byang chub sems dpa'i go cha'o/ /kun gzhi med pa'i mtshan nyid kyis khams gsum dang mi 'dre pa ni byang chub sems dpa'i go cha'o/ /srid pa sel ba'i mtshan nyid kyis ched du srid pa len pa ni byang chub sems dpa'i go cha'o/ /phyir mi ldog pa'i mtshan nyid kyis dpa' ba chen po ni byang chub sems dpa'i go cha'o/ /sems can thams cad la so so ji ltar 'os par chos kyi sman sbyin pa'i mtshan nyid kyis sman pa chen po ni byang chub sems dpa'i go cha'o// theg pa gsum gyi lam ston pa'i mtshan nyid kyis ded dpon chen po ni byang chub sems dpa'i go cha'o/ /sangs rgyas thams cad la byas pa shes shing byas pa gzo ba'i mtshan nyid kyis dkon mchog gsum gyi gdung mi gcod pa ni byang chub sems dpa'i go cha'o/ /mi skye ba'i chos la bzod pa thob pa'i mtshan nyid kyis chos thams cad rang bzhin gyi skye ba </font><hr>431a<br><font size=+1>


@#/ /med pa'i mtshan nyid ni byang chub sems dpa'i go cha'o/ /nyan thos dang / rang sangs rgyas thams cad kyi sa las 'da' ba'i mtshan nyid kyis phyir mi ldog pa'i sa thob pa ni byang chub sems dpa'i go cha'o/ /sems kyi skad cig gcig dang ldan pa'i shes rab kyis sangs rgyas kyi chos thams cad ji lta ba bzhin du rtogs pa'i mtshan nyid kyis byang chub kyi snying po brgyan pa ni byang chub sems dpa'i go cha'o/ /btsun pa 'od srung chen po/ byang chub sems dpa'i go cha chen po sum cu rtsa gnyis ni de dag yin te/ go cha de dag bgos na 'byung ba chen po bzhi ni gzhan du 'gyur yang srid kyi/ byang chub sems dpa' bla na med pa yang dag par rdzogs pa'i byang chub las phyir ldog pa'i 'jigs pa ni med do/ /de la kho bos 'di skad ces smras so/ /'jam dpal/ go cha de dag las 'ga' yang nyan thos dang / rang sangs rgyas rnams la med do/ /des smras pa/ btsun pa 'od srung chen po/ de bas na nyan thos dang / rang sangs rgyas rnams ni go cha chen po ma bgos pa zhes bya'o/ /btsun pa 'od srung chen po/ 'di ji snyam du sems/ go cha gang mthu dang ldan pa'i 'phong gi slob dpon gyis bgo bar bya ba'i go cha de mi phal gyis bgo bar bya'am/ kho bos de la 'di skad ces smras so/ /'jam dpal/ de ni ma yin te/ mi phal </font><hr>431b<br><font size=+1>


gyis go cha de bgo bar mi nus so/ /smras pa/ btsun pa 'od srung chen po/ de bzhin du go cha gang byang chub sems dpas bgo bar bya ba de dag nyan thos dang / rang sangs rgyas thams cad mi gyon no/ /byang chub sems dpa'i go cha 'di bshad pa'i tshe lha'i bu khri nyis stong bla na med pa yang dag par rdzogs pa'i byang chub tu sems skyes so/ /tshe dang ldan pa shA ri'i bu/ 'jam dpal gzhon nur gyur pa'i rdzu 'phrul rnam par 'phrul ba dang / chos ston pa rnam par 'phrul pa gang kho bos phyogs tsam zhig mngon sum du gyur pa ni de lta bu de dag yin no/ /de nas tshe dang ldan pa byams ma'i bu gang pos tshe dang ldan pa shA ri'i bu la 'di skad ces smras so/ /tshe dang ldan pa shA ri'i bu/ kho bos 'jam dpal gzhon nur gyur pa'i rdzu 'phrul gyi cho 'phrul kha cig mngon sum du gyur to/ /tshe dang ldan pa shA ri'i bu/ kho bos mngon par shes pa dus gcig na bcom ldan 'das yangs pa can gyi grong khyer gyi tshal chen po'i khang pa brtsegs pa'i khang pa na/ dge slong lnga brgya tsam gyi dge slong gi dge 'dun chen po dang thabs gcig tu bzhugs so/ /tshe dang ldan pa shA ra dwa ti'i bu/ de'i tshe gcer bu ma'i bu bden pa po zhes bya ba gcer bu pa drug khris yongs su bskor cing mdun gyis bltas te/ bsti stang byas/ bla mar byas/ ri mo byas/ mchod pa byas shing yangs pa can gyi grong khyer na 'dug go/ </font><hr>432a<br><font size=+1>


@#/ /kho bo ting nge 'dzin la snyoms par zhu /sa te/ gzhan mu stegs can de dag gi dge ba'i rtsa ba la bltas nas/ der kho bos sems can mu stegs can gdul bar bya ba brgya phrag mang po mthong nas/ kho bo der song ste de dag la chos bshad do/ /de dag kho bos chos bshad pa la sri zhu mi byed/ rna blags te mi nyan/ kun tu shes par bya ba'i sems kyis mi gnas pa'i steng du kho bo la 'phya smod/ gad mos 'debs shing / tshig rtsub po dag kyang brjod do/ /der kho bos zla ba gsum du sems can de dag las 'ga' yang yongs su smin par bya ma nus te skyo bar gyur to/ /kho bo skyo bar gyur nas slar song ngo / /de la 'jam dpal gzhon nur gyur pas mu stegs can lnga brgya sprul te/ bdag nyid slob dpon du bzhag nas 'khor lnga brgya dang / gcer bu ma'i bu bden pa po gang na ba der dong ste lhags pa dang / gcer bu ma'i bu bden pa po'i rkang pa gnyis la mgo bos phyag btsal nas mdun du 'dug ste/ gcer bu ma'i bu bden pa po la 'di skad ces smras so/ /bdag cag gis 'phags pa'i grags pa'i sgra dang tshigs su bcad pa rgya chen po thos nas ljongs gzhan nas yangs pa can gyi grong khyer 'dir mchis te/ khyod ni kho bo cag gi ston pa'o/ /kho bo cag ni khyod kyi slong ma'o/ /kho bo cag khyod las rjes su bstan pa nod do// </font><hr>432b<br><font size=+1>


ci nas kyang dge sbyong gau ta ma de dang / de'i nyan thos rnams mi mthong ba dang / ci nas kyang de las mi mthun pa'i chos mi thos pa de ltar kho bo cag la mdzod cig /gcer bu ma'i bu bden pa pos smras pa/ skyes bu dam pa dang /legs so/ /legs so/ /dad pa dang ldan pa/ dad pa dang ldan pa khyod ring po mi thogs par nga'i chos bstan pa 'di shes par 'gyur ro/ /de nas gcer bu ma'i bu bden pa pos rang gi 'khor rnams la smras pa/ tshur shog /khyed cag bram ze'i bu lnga brgya po 'di dag dang lhan cig tu kun tu dga' ba dang / mthun pa dang / phan tshun chos la dpyad pa dpyod cing lhan cig tu gnas par gyis shig /'di dag gis gang cung zad ci smras pa deng khyed kyis shin tu legs par gzung zhig /de nas 'jam dpal gzhon nur gyur pa/ 'khor gcer bu pa lnga brgya sprul pa dang / gzhan mu stegs can gyi nyan thos rnams dang lhan cig tu 'dug nas/ de dag gi dka' thub dang / brtul zhugs dang / spyod lam dang / bslab pa'i tshig ji tsam du rgyun mi 'chad pa de bas kyang bdag dang 'khor la lhag par ston to/ /skabs skabs su dkon mchog gsum gyi bsngags pa brjod do/ / skabs skabs ni gcer bu ma'i bu bden pa po'i yang dag pa'i yon tan bsngags pa brjod de/ des de dag yid ches par byas nas dus gzhan dang / tshod gzhan zhig na mu stegs </font><hr>433a<br><font size=+1>


@#/ /can gzhan tshogs pa la 'jam dpal gzhon nur gyur pas 'di skad ces smras so/ /tshe dang ldan pa dag /bdag cag gi bstan bcos pa dang / sngags dang| rig byed dang / gzhung las 'byung ba bzhin dge sbyong gau ta ma de'i yang dag pa'i yon tan bsngags pa yang yod do/ /de ci'i phyir zhe na/ 'di ltar dge sbyong gau ta ma ni rigs phun sum tshogs pa/ pha dang ma dag pa/ 'khor los bsgyur ba'i rgyal po'i rigs su skyes pa/ bsod nams brgya'i mtshan dang ldan pa ste/ btsas pa tsam na brgya byin dang / tshangs bas yongs su blangs shing / stong gsum gyi stong chen po'i 'jig rten gyi khams rnam pa drug tu g.yos/ ma bzung par gom pa bdun por te/ tshig kyang nga ni 'jig rten gyi thu bo ste/ skye ba dang 'chi ba mthar bya'o zhes de skad smra zhing / chu'i rgyun gnyis byung ste/ brgya byin dang / tshangs pa dang / 'jig rten skyong bas khrus byas/ lha'i dang mi'i rol mo dag kyang ma brdungs par sgra byung / des 'od gang gis ngan song thams cad so sor thar pa dang / bdud kyi gnas thams cad zil gyis gnon pa de lta bu'i 'od kyang btang ste/ dbang po nyams pa thams cad kyang dbang po ma nyams par gyur/ yud tsam de la sems can thams cad kyi nyon mongs pa thams cad zhi ste mchog tu bde ba thob par gyur/ bram </font><hr>433b<br><font size=+1>


ze rig byed kyi cho ga shes pa rnams kyis kyang de ste khyim na 'dug na 'khor los bsgyur ba'i rgyal por 'gyur ro/ /de ste nags su song na chos kyi rgyal po sangs rgyas su 'gyur ro zhes bsgo ste/ de'i 'khor los bsgyur ba'i rgyal po bor nas rab tu byung ste/ des byang chub kyi snying por bdud kyi sde bye ba phrag brgya pa btul te byang chub thob/ des 'jig rten na dge sbyong ngam| bram ze'am/ lha'am/ bdud dam/ tshangs pa'am/ sus kyang chos dang mthun par bskor bar mi nus pa'i chos kyi 'khor lo bskor/ de chos kyang ston te/ tshangs par spyod pa/ thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba/ yang dag par rab tu ston to/ /de la de'i nyan thos dag gi thog mar dge ba de ni 'di lta ste/ lus kyi legs par spyod pa dang / ngag gi legs par spyod pa dang / yid kyi legs par spyod pa'o/ /bar du dge ba ni lhag pa'i tshul khrims dang / sems dang / shes rab la bslab par bya'o/ /tha mar dge ba ni rnam par thar pa'i sgo stong pa nyid dang / mtshan ma med pa dang / smon pa med pa'o/ /gzhan yang thog mar dge ba ni 'dun pa dang / brtson 'grus dang / bag yod pa'o/ /bar du dge ba ni dran pa dang / ting nge 'dzin dang / sems rtse gcig </font><hr>434a<br><font size=+1>


@#/ /pa'o/ /tha mar dge ba ni shes rab dang / lhag mthong dang / ye shes so/ /gzhan yang thogs mar dge ba ni sangs rgyas la mi phyed par dad pa'o/ /bar du dge ba ni chos la mi phyed par dad pa'o/ /tha mar dge ba ni dge 'dun la mi phyed par dad pas 'bras bu thob pa'o/ /gzhan yang thog mar dge ba ni gzhan las nyan pa'o/ / bar du dge ba ni tshul bzhin yid la byed pa'o/ /tha mar dge ba ni 'phags pa'i yang dag par lta ba'o/ /gzhan yang thog mar dge ba ni sdug bsngal yongs su shes pa dang / kun 'byung ba spang ba'o/ /bar du dge ba ni lam bsgom pa'o/ /tha mar dge ba ni 'gog pa mngon sum du byed pa ste/ 'di dag ni nyan thos rnams kyi thog mar dge ba dang / bar du dge ba dang / tha mar dge ba'o/ /de la byang chub sems dpa' rnams kyi thog mar dge ba dang / bar du dge ba dang / tha mar dge ba gang zhe na/ de la thog mar dge ba ni byang chub kyi sems mi gtong ba'o/ /bar du dge ba ni theg pa dman pa mi 'dod pa'o/ /tha mar dge ba ni thams cad mkhyen pa nyid du yongs su bsngo ba'o/ /gzhan yang thog mar dge ba ni sems can thams cad la sems snyoms pas byams pa chen po'o/ /bar du dge ba ni sems can thams cad la bya ba ji yod snyam pas snying rje chen po'o/ / </font><hr>434b<br><font size=+1>


tha mar dge ba ni dga' ba dang / btang snyoms mnyam pa'i sems kyis nges par sems pa'o/ /gzhan yang thog mar dge ba ni ser sna'i sems tshar gcod pa dang / 'chal pa'i tshul khrims spong ba dang / gnod sems sel ba dang / le lo spong ba dang / rnam par g.yeng ba kun tu mi spyod pa dang / 'chal pa'i shes rab spong ba'o/ /bar du dge ba ni sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi tshogs yongs su rdzogs par byed pa'o/ /tha mar dge ba ni pha rol tu phyin pa drug yongs su rdzogs pa dang / thams cad mkhyen pa nyid du yongs su bsngo ba'o/ /gzhan yang thog mar dge ba ni bsdu ba'i dngos po bzhis sems can yongs su smin par byed pa'o/ /bar du dge ba ni lus dang srog la mi lta bar dam pa'i chos yongs su 'dzin pa'o/ /tha mar dge ba ni skyon med par ltung ba'i 'jigs pa las srung ba'o/ /gzhan yang thog mar dge ba ni sems dang mtshungs pa mi gtong bas/ byang chub sems dpa'i spyod pa'o/ /bar du dge ba ni 'jug pa dang ldog pa'i shes pas phyir mi ldog pa'i sa'o/ /tha mar dge ba ni dbang thob pas skye ba gcig gis thogs pa ste/ 'di dag ni byang chub sems dpa' rnams kyi thog mar dge ba dang / bar du dge ba dang / tha mar dge ba'o/ /de ltar 'jam dpal gzhon nur gyur pa </font><hr>435a<br><font size=+1>


@#/ /gzhan mu stegs can gyi 'khor de na/ de lta de ltar chos ston te/ gzhan mu stegs can lnga brgya ni chos kyi mig rdul med cing / dri ma dang bral ba rnam par dag go /gzhan mu stegs can brgyad stong ni bla na med pa yang dag par rdzogs pa'i byang chub tu sems skyes so/ /de nas sprul pa lnga brgya po de dag gis yan lag lnga sa la gtugs te phyag btsal nas/ tshig tu'ang sangs rgyas la phyag 'tshal lo/ /sangs rgyas la 'tshal lo zhes brjod do/ /de dag gi rjes su slob pa'i tshul gyis gzhan mu stegs can gyi 'khor de dag thams cad kyis kyang yan lag lnga sa la gtugs te phyag btsal nas/ tshig tu'ang sangs rgyas la phyag 'tshal lo/ /sangs rgyas la phyag 'tshal lo zhes brjod do/ / lha rnams kyi dbang po brgya byin gyis kyang de dag la khyed 'dis bcom ldan 'das la mchod pa byos shig ces me tog man+dA ra ba dag byin no// //bum po bzhi pa ste tha ma| de nas 'jam dpal gzhon nur gyur pa 'khor mang pos yongs su bskor cing mdun du bdar te/ smig ma'i ldum bu'i 'khor gyi khyams ga la ba dang / bcom ldan 'das ga la ba der dong nas lhags pa dang / bcom ldan 'das kyi zhabs gnyis la mgo bos phyag btsal nas phyogs gcig tu 'dug go /gzhan mu stegs can gyi 'khor de dag </font><hr>435b<br><font size=+1>


gis kyang me tog man+dA ra ba de dag gis bcom ldan 'das la mchod pa byas nas bcom ldan 'das la lan gsum bskor ba byas te/ phyogs gcig tu 'khod do/ /de nas 'jam dpal gzhon nur gyur pa'i byin gyi rlabs kyis sprul pa lnga brgya po de dag gis bcom ldan 'das la 'di skad ces gsol to/ /bcom ldan 'das/ de bzhin gshegs pa ni chos kyi sku ste/ bdag cag sangs rgyas la blta ba don du mi gnyer ro/ /bcom ldan 'das chos ni brjod du ma mchis pa ste/ bdag cag bcom ldan 'das kyi chos nyan pa don du mi gnyer ro/ /bcom ldan 'das/ bcom ldan 'das kyi nyan thos kyi dge 'dun ni 'dus ma byas kyis rab tu phye ba ste/ bdag cag dge 'dun la bsnyen bkur bgyid pa don du mi gnyer ro/ /bcom ldan 'das/ chos kyi dbyings ni yon tan dang phan yon ma mchis pa ste/ bdag cag yon tan don du mi gnyer te/ /bcom ldan 'das/ chos thams cad ni shin tu ma byung ba ste/ bdag cag 'byung ba don du mi gnyer ro/ /bcom ldan 'das/ rnam par grol ba ni lo ma dang / me tog dang / 'bras bu dang bral ba ste/ bdag cag thob pa don du mi gnyer ro/ /bcom ldan 'das/ yongs su shes pa ni gnyis dang bral ba ste/ bdag cag sdug bsngal yongs su 'tshal ba don du mi gnyer ro/ /bcom ldan 'das/ chos thams cad ni shin tu ma byung ba ste/ bdag </font><hr>436a<br><font size=+1>


@#/ /cag kun 'byung spong ba don du mi gnyer ro/ /bcom ldan 'das/ chos thams cad ni shin tu 'gags pa ste/ bdag cag 'gog pa mngon du bgyi ba don du mi gnyer ro/ /bcom ldan 'das/ lam ni mchis pa dang / ma mchis pa dang bral ba ste/ bdag cag lam bsgom pa don du mi gnyer ro/ /bcom ldan 'das/ chos thams cad ni gnas na mi gnas pa ste/ bdag cag dran pa nye bar bzhag pa don du mi gnyer ro/ /bcom ldan 'das/ rnam par grol ba ni bsod nams dang / bsod nams ma lags pa dang| mi g.yo ba'i 'du byed dang bral ba ste/ bdag cag yang dag par spong ba don du mi gnyer ro/ /bcom ldan 'das/ gang nas kyang mchi ba ma mchis pa/ gang du'ang mchi ba ma mchis pa tshad mar bgyis te/ bdag cag rdzu 'phrul gyi rkang pa don du mi gnyer ro/ /bcom ldan 'das/ don ni dbang po dang bral ba ste/ bdag cag dbang po don du mi gnyer ro/ / bcom ldan 'das/ chos thams cad ni stobs ma mchis shing nyam chung ba ste/ bdag stobs don du mi gnyer ro/ /bcom ldan 'das/ 'di la don dam par na byang chub pa ni gang yang ma mchis te/ bdag cag byang chub kyi yan lag don du mi gnyer ro/ /bcom ldan 'das/ 'gro bas 'jig rten gyi mthar 'gro ba ma mchis te/ bdag cag lam don du mi </font><hr>436b<br><font size=+1>


gnyer ro/ /bcom ldan 'das/ zhi ba'i dbyings la g.yeng ba ma mchis te/ bdag cag zhi gnas don du mi gnyer ro/ /bcom ldan 'das/ 'jig rten las 'das pa'i shes rab kyis cung zad kyang mi mthong ba ste/ bdag cag lhag mthong don du mi gnyer ro/ /bcom ldan 'das/ de ltar blang ba dang / dor ba shin tu ma mchis te/ bdag cag rtsol ba don du mi gnyer ro/ /bcom ldan 'das/ chos kyi dbyings ni yang dag par sangs ma rgyas pa ste/ bdag cag rnam par grol ba don du mi gnyer ro/ /bcom ldan 'das/ dge sbyong ni chags pa thams cad dang bral ba ste/ bdag cag dge sbyong don du mi gnyer ro/ /bcom ldan 'das/ bram ze ni sdig pa thams cad dang bral ba ste/ bdag cag bram ze don du mi gnyer ro/ /bcom ldan 'das/ chos kyi rang bzhin ni tha mi dad pa ste/ bdag cag dge slong gi dngos po don du mi gnyer ro/ /bcom ldan 'das/ 'di ltar skye mched drug nyid 'gags pa ste/ bdag cag pha rol tu mchi ba don du mi gnyer ro/ /bcom ldan 'das/ 'di ltar 'jig pa ji tsam chung ngu la'ang mi stod pa ste/ bdag cag 'dod pa chung ba ma lags so/ /bcom ldan 'das/ 'di ltar chos gang yang mi 'tshol ba ste/ bdag cag ni chog shes pa ma lags so/ /bcom ldan 'das/ 'di ltar lus dang / sems kyis brjod par mi bgyi ba ste/ bdag cag dben pa ma lags </font><hr>437a<br><font size=+1>


@#/ /so| |bcom ldan 'das/ 'di ltar khams gsum du mi gnas pa ste/ bdag cag zag pa med pa ma lags so/ /bcom ldan 'das/ 'di ltar gnyis po yang dag par rjes su mi mthong ste/ bdag cag ma 'dres pa ma lags so/ /bcom ldan 'das/ 'di ltar khams gsum thams cad ni rnal 'byor pa'i dgon pa ste/ bdag cag dgon pa don du mi gnyer ro/ /bcom ldan 'das/ 'di ltar gnyen po ma mchis pas rtsod pa ma mchis pa ste/ bdag cag nyon mongs pa med par gnas pa ma lags so| |bcom ldan 'das/ 'di ltar bsod snyoms kyi 'du shes spangs pa ste/ bdag cag bsod snyoms pa ma lags so/ /bcom ldan 'das/ 'di ltar 'khor ba nyid yang dag par na mi mthong ste/ bdag cag 'khor bas mi skrag go/ /bcom ldan 'das/ 'di ltar rtog par mi bgyid/ rnam par rtog par mi bgyid de/ bdag cag 'dod chags dang| zhe sdang dang / gti mug spong bar mi bgyid do/ /bcom ldan 'das/ 'di ltar chos rnams kyi rang bzhin nyon mongs pa ma mchis pa ste/ bdag cag nyon mongs pa spong ba la mi brtson no/ /bcom ldan 'das/ 'di ltar rang gi lus ni lus ma lags pa ste/ bdag cag rang gi lus las mi g.ye bar bgyi'o/ /bcom ldan 'das/ 'di ltar de </font><hr>437b<br><font size=+1>


bzhin nyid mi bskyod pa'i mtshan nyid de/ bdag cag lta bas bgyis pa mi bskyod par bgyi'o/ /bcom ldan 'das/ 'di ltar rnam par grol ba ni rtag pa dang / bde ba dang / bdag dang| gtsang ba'i ngo bo nyid de/ bdag cag phyin ci log spong bar mi bgyid do/ /bcom ldan 'das/ 'di ltar tshu rol nas pha rol rjes su mi mthong bas bdag cag chu bo las rgal bar mi bgyid do/ /bcom ldan 'das/ 'di ltar rnam par grol ba ni sgrib pa ma mchis shing rnam par ma brtags pa ste/ bdag cag sgrib pa rnams spong bar mi bgyid do/ /bcom ldan 'das/ 'di ltar yang dag pa'i mtha' ni kun nas ldang ba ma mchis pa ste/ bdag cag kun nas ldang ba rnam par gnon par mi bgyid do/ /bcom ldan 'das/ 'di ltar dge sbyong ni nongs pa ma mchis pa ste/ bdag cag 'gyod pa bsal bar mi bgyid do/ /bcom ldan 'das/ 'di ltar thog ma nas mos shing dad pa ste/ bdag cag the tshom sel bar mi bgyid do/ /bcom ldan 'das/ 'di ltar mos pas rnam par grol ba rtogs pa ste/ bdag cag nem nur sel bar mi bgyid do/ /bcom ldan 'das/ 'di ltar chos thams cad ni shin tu yongs su mya ngan las 'das pa ste/ bdag cag yongs su mya ngan las 'das pa don du mi gnyer ro/ /bstan pa 'di bshad pa'i tshe dge slong nyis brgya ni nye bar len </font><hr>438a<br><font size=+1>


@#/ /pa med par zag pa rnams las sems rnam par grol lo/ /dge slong bsam gtan bzhi thob pa srid pa tham pa/ ma thob pa thob pa'i nga rgyal can nyis brgya ni stan las langs te/ kye ma'o/ /'di dag ni 'jig rten thams cad dang 'gal bar chos 'chad de/ sngon bdag cag gis rjes su mthun par chos 'chad par thos na/ da ltar ni chos ma yin pa/ 'dul ba ma yin pa/ ston pa'i bstan pa ma yin pa 'chad do zhes tshig de skad smras te dong ngo / /tshe dang ldan pa shA ri'i bu/ kho bos 'jam dpal gzhon nur gyur pa la 'di skad ces smras so/ /'jam dpal/ dge slong nyis brgya po 'di dag stan las langs te/ chos bshad pa 'di ni 'jig rten thams cad dang 'gal ba yin no zhes tshig de skad smras te dong ngo / /'jam dpal gyis smras pa/ btsun pa gang bo/ rnam grangs gang gis chos bshad pa 'di 'jig rten thams cad dang 'gal bar 'gyur ba yod do/ /de ci'i phyir zhe na/ btsun pa gang po/ 'jig rten ni phung po dang / khams dang / skye mched la mngon par zhen pa ste/ 'khor ba spangs pas mya ngan las 'das pa 'tshol zhing 'khor ba rang bzhin gyis mi dmigs pa nyid mya ngan las 'das pa yin par de ltar ni mi shes so/ /'di la gang 'khor ba'am mya ngan las 'das pa ni gang yang med de/ gang de lta bu'i </font><hr>438b<br><font size=+1>


bzod pa de ni mi 'gal ba'o/ /bden pa bzhi rnam par bzhag pa bstan pa la mngon par zhen pa de ni 'gal ba'i gnas nyid do/ /don dam pa'i bden pa la ni bden pa bzhi rnam par bzhag pa'ang med de/ de ni mi 'gal ba'o/ /lam gyi rgyu mthun pa dang / 'bras bu thob ces bya ba de ni gnyis te/ gnyis gang yin pa de ni 'gal ba'o/ /lam mnyam pa nyid kyis chos thams cad mnyam pa nyid 'di ni gnyis su med pa ste/ gnyis su med pa gang yin pa de ni mi 'gal ba'o/ /ji srid du ngar 'dzin pa dang / nga yir 'dzin pa la mngon par brtson pa de srid du mngon pa'i nga rgyal lo/ /ji srid du mngon pa'i nga rgyal ba de srid du 'gal ba'o/ /gang yang chad par mi byed/ lhag par mi byed/ mnyam pa nyid dang mnyam par mi byed/ mi mnyam pa nyid dang mi mnyam par mi byed cing / byed pa ma yin/ rnam par byed pa ma yin pa de ni mngon pa'i nga rgyal med pa ste/ gang lhag pa'i nga rgyal med pa de ni mi 'gal ba'o/ /gang mi 'gal ba de ni gnyis su med pa ste/ de la dgongs nas bcom ldan 'das kyis kyang nga ni 'jig rten dang lhan cig tu mi rtsod do/ /'jig rten ni nga dang lhan cig tu rtsod par byed do zhes de skad ces gsungs so/ / de ci'i phyir zhe na/ de bzhin gshegs pas ni rtsod pa'i rtsa ba bcad do/ /rtsod pa'i rtsa ba de bzhin gshegs pas bcad pa gang zhe na/ 'di lta ste/ 'di ni bden pa'o/ /'di ni rdzun pa'o zhes bya'o// </font><hr>439a<br><font size=+1>


@#/ /de la bcom ldan 'das kyis kyang 'di skad ces bka' stsal to/ /bram ze/ bden pa zhes bya ba'i tshig kyang ci/ ci'i phyir na rdzun pa zhes kyang brjod/ gang la mnyam pa dang mi mnyam pa med na/ de la su zhig rtsod pa sbyor bar byed ces gsungs so/ /de nas 'jam dpal gzhon nur gyur pas dge slong de dag la lam gang nas dong ba de thams cad mes yongs su gang bar byin gyis brlabs nas/ de dag phyogs gang dang gang du dong ba de dang de dag thams cad mes yongs su gang bar mthong ste/ me'i phung po de las brgal bar ma nus so/ /de dag rdzu 'phrul gyi stobs kyis steng gi bar snang la dong ba dang / lcags kyi dra bas nam mkha'i dkyil thams cad yog par mthong ngo / /'og tu bltas na'ang chu'i phung po chen po mthong ste/ de dag phyogs bslad cing spu'i khung bu zing zhes byed par gyur nas/ rgyal bu rgyal byed kyi tshal gyi lam du bltas na me tog ut+pa la dang / pad+ma dang / ku mu da dang / pad+ma dkar pos yog cing / lam de nas skye bo'i tshogs mang po dag bcom ldan 'das las chos mnyan pa'i phyir dong ba mthong ngo / /mthong nas de nas de dag kyang phyir log ste/ rgyal bu rgyal byed kyi tshal mgon med zas sbyin gyi kun dga' ra ba ga la ba dang / smig ma'i ldum bu'i 'khor gyi khyams ga la ba dang / bcom ldan 'das ga la ba </font><hr>439b<br><font size=+1>


der dong ste lhags pa dang / bcom ldan 'das kyi zhabs gnyis la mgo bos phyag btsal nas/ bcom ldan 'das la lan gsum bskor ba byas te phyogs gcig tu 'khod do/ /phyogs gcig tu 'khod pa dang / de dag la kho bos 'di skad ces smras so/ /tshe dang ldan pa dag /gar dong dong / gang nas 'ongs/ de dag gis smras pa/ tshe dang ldan pa gang po/ kho bo cag ni dgra bcom pa zag pa zad pa/ bsam gtan thob pa/ rdzu 'phrul gyi rkang pa'i pha rol tu son pa ste/ kho bo cag 'jam dpal gzhon nur gyur pa 'di las mi mthun pa'i chos bshad pa thos nas stan las langs te dong na/ kho bo cag gis sangs rgyas kyi zhing 'di thams cad mes yongs su gang bar mthong ste/ me'i phung po de las brgal bar ma nus so/ /kho bos bcom ldan 'das la zhus pa/ dgra bcom pa zag pa zad pa'i sa de gang lags/ de la bcom ldan 'das kyi kho bo la 'di skad ces bka' stsal to/ /gang po/ gang 'dod chags dang / zhe sdang dang| gti mug gi me la spyod pas me'i phung po las 'da' ba ni gnas ma yin no/ /lta ba'i dra bas bsgribs pas lcags kyi dra ba bcad pa dang / sred pa'i chur zhugs pas chu'i phung po las brgal ba ni gnas ma yin no/ /de ci'i phyir zhe na/ gang po/ 'di ltar dge slong 'di dag 'dod chags dang / zhe sdang dang / gti mug gi me la spyod de/ de dag me'i </font><hr>440a<br><font size=+1>


@#/ /phung po chen po las 'da' bar mi nus so/ /de dag lta ba'i dra bas bsgribs te/ lcags kyi dra ba gcad par mi nus so/ /de dag sred pa'i chu bor zhugs te/ chu'i phung po las rgal bar mi nus so/ /gang po/ 'di lta ste/ dper na/ me'i phung po gang yin pa dang / lcags kyi dra ba gang yin pa dang / chu'i phung po gang yin pa'i chos de dag thams cad gang nas kyang ma 'ongs/ gang du'ang ma song ste/ gzhan du na 'jam dpal gzhon nur gyur pa'i byin gyi rlabs kyis snang ngo / /gang po/ de bzhin du 'dod chags dang| zhe sdang dang / gti mug gang yin pa dang / lta bar byas pa gang yin pa dang / srid pa'i sred pa gang yin pa'i chos de dag gang nas kyang ma 'ongs/ gang du'ang ma song ste/ gzhan du na phyin ci log sngon du 'gro ba'i rtog pa dang / rnam par rtog pa dang / yongs su rtog pa las bdag po med pa/ bdag gi med pa/ yongs su gzung ba med pa'i bdag dang gzhan du sgro 'dogs pa 'byung ngo / /de la rnal 'byor pa rnal 'byor spyod pas rnam par g.yengs ba'i sems rtse gcig tu byed do/ /sems rtse gcig pas zhi gnas sgrub par byed do/ /zhi gnas kyi tshogs kyis bsam gtan skyed par byed do/ /bsam gtan thob pas kyang rlom sems su mi byed/ mngon par zhen par mi byed do/ /bsam gtan las su rung bar </font><hr>440b<br><font size=+1>


byas pa'i sems kyis kyang chos rnams la rnam par lta ste/ chos gang gi rgyu dang / rkyen du 'gyur zhes de so sor rtog pa na yang dag pa ji lta ba bzhin du so sor rtog par byed de/ 'di lta ste/ ma rig pa'i rkyen gyis 'du byed rnams/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung ste/ de ltar na sdug bsngal gyi phung po chen po 'di 'ba' zhig 'byung bar 'gyur te/ 'di ni log par bsgrub pa'i 'du byed kyi lam zhes bya'o/ /ma rig pa 'gags pas 'du byed rnams 'gag /'du byed 'gags pas rnam par shes pa 'gag /rnam par shes pa 'gags pas ming dang gzugs 'gag /ming dang gzugs 'gags pas skye mched drug 'gag /skye mched drug 'gags pas reg pa 'gag /reg pa 'gags pas tshor ba 'gag /tshor ba 'gags pas sred pa 'gag /sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba </font><hr>441a<br><font size=+1>


@#/ /'gag /skye ba 'gags pas rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag ste/ de ltar na sdug bsngal gyi phung po chen po 'di 'ba' zhig 'gag par 'gyur te/ 'di ni yang dag par sgrub pa 'dus ma byas su nges par 'jug pa'o/ /de la ma rig pa 'gags pa ni 'das pa ma yin/ ma 'ongs pa ma yin/ de ltar byung ba ma yin mod kyi/ 'on kyang gang tshul bzhin ma yin mod kyi/ 'on kyang gang tshul bzhin ma yin pa yid la byed pa byung bas ma rig pa 'byung ste/ de tshul bzhin yid la byed pas so sor rtog pa yid la byed na 'byung bar mi 'gyur ro/ /mi 'byung ba de ni shin tu 'gags pa ste/ de bas na ma rig pa 'gag ces bya'o/ /de la tshul bzhin yid la byed pa ni 'byung ba chen po bzhi las byung ba'i lus 'di la 'di lta ste/ lus 'di ni bems po ste/ rtswa dang / shing dang / rtsig pa dang / rdo ltar snang bar so sor rtog go /gang sems sam/ yid dam/ rnam par shes pa zhes bya ba de'ang gzugs med pa/ bstan du med pa/ thogs pa med pa/ rnam par mi rig pa/ sgyu ma dang / rmi lam lta bu ste/ nang dang / phyi dang| gnyis ka ma yin par yang mi dmigs so zhes de ltar tshul bzhin yid la byed pa la brtson pa'i dge slong gis chos thams cad rang bzhin gyis ma skyes par rtogs par </font><hr>441b<br><font size=+1>


'gyur te/ gang ma skyes pa de ni don dam pa'o/ /bstan pa 'di bshad pa'i tshe dge slong nyis brgya po de dag gis nye bar len pa med par zag pa rnams las sems rnam par grol lo/ /de nas gcer bu ma'i bu bden pa po 'khor dmas par gyur te/ g.yog lnga brgya zhig dang spa gong bar gyur cing / rgyal bu rgyal byed kyi tshal mgon med zas sbyin gyi kun dga' ra ba ga la pa dang / smig ma'i tshal ldum bu'i 'khor gyi khyams ga la ba dang / bcom ldan 'das ga la ba der dong ste lhags pa dang / bcom ldan 'das dang lhan cig kun dga' ba dang / mgu bar 'gyur ba dang / dga' bar 'gyur ba'i gtam sna tshogs byas nas bcom ldan 'das la 'di skad ces gsol to/ /kye gau ta ma/ dge sbyong gau ta ma ni gzhan gyi 'khor kha 'dren pa'i sgyus kha 'dren te zhes yang dang yang du thos na/ de da ni mngon sum du gyur te/ 'di ltar 'jam dpal gzhon nur gyur pas kho bo'i 'khor phye ste/ dge sbyong gau ta ma la phul lo/ /dge sbyong gau ta mas kyang log pa'i gzung bas bzung ste/ de dag slar kho bo'i drung du mi 'ong / bsnyen bkur mi byed/ rnam blags te mi nyan/ kun shes par bya ba'i sems nye bar mi 'jog go /de'i tshe kun tu rgyu zla ba can zhes bya ba'i snag gi gnyen mtshams kun tu rgyu rgyal ba'i blo gros zhes bya ba 'khor der 'dus te 'dug par gyur pa des gcer bu ma'i bu bden pa po la 'di skad ces smras so/ /gcer bu ma'i </font><hr>442a<br><font size=+1>


@#/ /bu bden pa po/ bcom ldan 'das dang / bcom ldan 'das kyi nyan thos rnams dang / 'jam dpal gzhon nur gyur pa la ma dad par ma byed cig /khyod la yun ring por don med pa dang / mi phan pa dang / sdug bsngal ba dang / rnam par ltung bar gyur ta re/ gcer bu pa/ 'di lta ste/ ngas dpe bya bar spobs so/ /gcer bu pa/ 'di lta ste/ dper na/ skyes bu byis pa'i rang bzhin can/ shes rab 'chal pa'i rang bzhin can la la zhig mar gyi snying khu 'dod cing mar 'tshol la/ des chu bum pa'i nang du blugs te bsrubs nas de ji tsam na don med pa dang / chad pa'i skal ba can du gyur kyang de'i rgyus mar ram/ mar gyi snying khu ni mi rnyed do/ /gcer bu pa/ de bzhin du 'di las phyi rol gyi ya mtshan can thams cad rnal 'byor dang / sgom pa dang / dka' thub dang / brtul zhugs de dag thams cad ni log par bzung ba ste/ de dag ni chu'i bum pa bsrubs pa lta bu'o zhes nga smra'i steng du de bzhin gshegs pas gsungs pa'i chos 'dul ba la sems gdug pa byas pas sems can dmyal ba'i g.yang sar lhung bar 'gyur ro/ /gcer bu pa/ 'di lta ste/ dper na/ skyes bu mkhas pa'i rang bzhin can/ shes rab dang ldan pa'i rang bzhin can la la zhig mar gyi snying khu 'dod cing mar 'tshol la/ des 'o ma bum </font><hr>442b<br><font size=+1>


pa'i nang du blugs te bsrubs na de tshegs chung ngus mar sar 'byin par 'gyur te/ mar sar las mar ro/ /mar las mar gyi snying khu 'thob bo/ /gcer bu pa/ de bzhin du khyim na gnas par 'gyur ba'am/ rab tu byung ba'ang rung / de bzhin gshegs pas gsung pa'i chos 'dul ba 'di la dad pa dang ldan zhing mos pa mang bas sbyor bar byed/ rtsol bar byed/ 'bad par byed na mar 'dod pa'i 'o ma'i bum pa las mar gyi snying khu thob pa bzhin de dag myur du 'phags pa'i rnam par grol ba thob bo/ /gcer bu pa/ 'di lta ste/ dper na/ skyes bu zhig gis skyes bu gnyis pa'i 'jim pa las byas pa'i snod brgya stong bzhag ste/ de nyid kyi rin po che'i snod byin na/ gcer bu pa/ 'di ji snyam du sems/ ci skyes bu des skyes bu de bslus pa yin nam/ smras pa/ rgyal pa'i blo gros/ de ni ma yin no/ /smras pa/ gcer bu pa/ de bzhin du 'jim pa las byas pa'i snod lta bu'i mu stegs can gyi nyan thos rnams bcom ste/ de bzhin gshegs pa'i bstan pa la chos rin po che'i snod du byed na/ des mu stegs can rnams gang yang bslus par mi 'gyur ro/ /gcer bu pa/ 'di lta ste/ dper na skyes bu ded dpon thabs la mi mkhas pa mngon pa'i nga rgyal can zhig gis 'gron pa mang po lam ngan par btsud pa las/ ded dpon thabs la mkhas pa lam shes pa lam mthong </font><hr>443a<br><font size=+1>


@#/ /ba zhig gis lam ngan pa de nas bzlog ste/ yang dag pa'i lam du btsud pa de bzhin du/ gcer bu pa khyed kyi ston pa drug po thams cad kyang lam mi shes pa/ lam mi mkhas pa ste/ des khyed cag sems can mang po rnams lam ngan par btsud do/ /de bzhin gshegs pa ni lam mkhyen pa/ lam la mkhas pa ste/ des sems can de dag lam ngan pa de las bzlog nas yang dag pa'i lam du 'dzud do/ /gcer bu pa/ de lta mod kyi/ khyod kyi 'khor 'di dag khrid de song zhig /de nas yang gcer bu pa khri nyis stong gcer bu ma'i bu bden pa po dang lhan cig tu dong ngo / /lhag ma rnams ni mngon par shes pa thob nas de dag /bcom ldan 'das kyis dge slong tshur shog /ces bya bas rab tu byung bar gyur to/ /de la bcom ldan 'das kyis kun tu rgyu rgyal ba'i blo gros la 'di skad ces bka' stsal to/ /rgyal ba'i blo gros khyod kyis gang dag gcer bu ma'i bu bden pa po dang lhan cig tu dong ba'i gcer bu khri nyis stong po de dag mthong ngam/ gsol pa/ bcom ldan 'das/ mthong ngo / /bcom ldan 'das kyis bka' stsal pa/ rgyal ba'i blo gros/ de dag thams cad de bzhin gshegs pa byams pa'i 'dus pa dang po'i grangs su gtogs par 'gyur ro/ /de ci'i phyir zhe na/ de ltar de dag gis chos zab mo </font><hr>443b<br><font size=+1>


'di bshad pa thos so/ /gcer bu ma'i bu bden pa po ni 'di lta ste/ dper na/ da ltar nga'i dge slong shA ri'i bu bzhin du/ de bzhin gshegs pa'i byams pa'i bstan pa la nyan thos rnams kyi nang na shes rab che ba'i mchog tu 'gyur ro/ /de ci'i phyir zhe na/ 'di ltar de ni nga la mos pa yod do/ /lhag pa'i nga rgyal gyis ni lta ba yongs su mi gtong ngo / /de nas 'jam dpal gzhon nur gyur pa la kun tu rgyu rgyal pa'i blo gros kyis 'di skad ces smras so/ /'jam dpal/ phyi ma'i dus phyi ma'i tshe lnga brgya pa tha ma la dge slong mngon pa'i nga rgyal can ji snyed cig 'byung bar 'gyur/ 'jam dpal gyis smras pa/ rigs kyi bu/ phyi ma'i dus phyi ma'i tshe lnga brgya pa tha ma la dge slong mngon pa'i nga rgyal can 'byung ba ni dkon no/ /de ci'i phyir zhe na/ rigs kyi bu'am/ bsam gtan bzhi ma bskyed par mngon pa'i nga rgyal du ltung bar mi nus so/ /de ci'i phyir zhe na/ de ltar de'i tshe dge slong de dag sems gnas pa'ang dkon na gang bsam gtan bzhi la snyoms par 'jug pa de dag ci smos/ rigs kyi bu/ de lta bas na phyi ma'i dus phyi ma'i tshe lnga brgya pa tha ma la dge slong mngon pa'i nga rgyal can 'byung ba ni dkon no/ /rigs kyi bu/ 'on kyang 'di gnyis ni mngon pa'i nga rgyal can te/ gnyis gang zhe na/ lta ba la chags pas bsam gtan gyi mngon pa'i nga rgyal can dang / </font><hr>444a<br><font size=+1>


@#/ /rnyed pa dang bkur sti'i phyir 'phags pa'i rigs dang / tshul khrims dang / thos pa dang / sbyangs pa'i yon tan dang / yo byad bsnyungs pa tsam gyis mngon pa'i nga rgyal du ltung ba ste/ de gnyis ni mngon pa'i nga rgyal can no/ /gang yang mngon pa'i nga rgyal can du gyur te/ de bzhin gshegs pas gsungs pa'i chos 'dul ba spong ba de dag ni sems can dmyal ba dang / dud 'gro'i skye gnas dang / gshin rje'i 'jig rten du 'gro bar 'gyur ro/ /smras pa/ 'jam dpal/ pha rol gyi sems mi shes par 'di ni mngon pa'i nga rgyal can no zhes ji ltar shes par bya/ smras pa/ gal te so so'i skye bo rnams mya ngan las 'da' bar 'gyur gyi/ dgra bcom pa rnams ni ma yin no zhes de skad thos nas skrag par gyur na mngon pa'i nga rgyal can du rig par bya'o/ /gal te so so'i skye bo rnams kyis de bzhin gshegs pa mthong gi /dgra bcom pa rnams kyis ni ma yin no zhes de skad thos nas skrag par gyur na mngon pa'i nga rgyal can du rig par bya'o/ /gal te so so'i skye bo rnams kyis sbyin pa yongs su sbyong bar byed kyi/ dgra bcom pa rnams kyis ni ma yin no zhes de skad thos nas skrag par 'gyur na mngon pa'i nga rgyal can du rig par bya'o/ /gal te so so'i skye bo rnams kyis de bzhin gshegs pa mnyes par byed kyi/ dgra bcom pa rnams kyis ni </font><hr>444b<br><font size=+1>


ma yin no zhes de skad thos nas skrag par 'gyur na mngon pa'i nga rgyal can du rig par bya'o/ /gang dag nyon mongs pa thams cad las mi g.yo ba de dag ni mi brten pa'o/ /gang dag mi brten pa de dag ni 'jig rten na sbyin pa'i gnas so/ /gang yang nyon mongs pa las g.yo ba de dag ni brten pa'o/ /gang dag brten pa de dag ni 'jig rten na sbyin pa'i gnas ma yin no/ / de la gang dag rtsod par byed pa de dag ni mngon pa'i nga rgyal can du rig par bya'o/ /chos thams cad ni 'byung ba'o zhes bya ba'i chos zab mo'i tshul 'di gang gis mi rtogs pa de dag ni mngon pa'i nga rgyal can du rig par bya'o/ /chos thams cad yongs su shes par mi bya'o/ /spang bar mi bya'o/ /bsgom par mi bya'o/ /mngon du mi bya'o zhes bya ba'i bden pa'i tshul 'di la gang mi 'jug pa de dag ni mngon pa'i nga rgyal can du rig par bya'o/ /smras pa/ 'jam dpal/ mngon pa'i nga rgyal med pa'i phyag rgya ji lta bu yin/ smras pa/ 'gal ba med pa dang| rtsod pa med pa ni mngon pa'i nga rgyal med pa'o/ /rigs kyi bu/ 'di lta ste/ dper na/ ri dwags kyi rgyal po seng ge ni sgra thams cad kyis mi skrag go /de bzhin du/ rigs kyi bu/ dge slong mngon pa'i nga rgyal med pa ni sgra thams cad kyis mi skrag go /de ci'i phyir zhe na/ 'di ltar des chos thams cad sgra brnyan lta bur rig ste/ sgra brnyan la ni sems med/ yid </font><hr>445a<br><font size=+1>


@#/ /med| rnam par shes pa med kyang de la brten cing sgra 'byung bar 'gyur ro/ /de bzhin du des sems dang yid kyang yang dag pa ji lta ba bzhin du shes te/ de sgra thams cad rkyen la rag las par rtogs nas de sgra thams cad la dga' ba'ang mi skyed do/ /de sangs rgyas kyi sgra la'ang rjes su chags par mi byed/ mu stegs can gyi sgra la'ang khong khro bar mi byed/ rnam par byang ba'i sgra la'ang rjes su chags par mi byed/ nyon mongs pa'i sgra la'ang khong khro bar mi byed cing des sgra thams cad kyi sngon gyi mtha' dang / phyi ma'i mtha' rtogs par gyur pa 'di ni/ rigs kyi bu/ mngon pa'i nga rgyal med pa'i phyag rgya zhes bya ste/ gzhag pa med pa dang / gdeg pa med pa'i phyag rgya'o/ /ji lta ba bzhin gyi phyag rgya'o/ /yang dag par bsgrub pa'i phyag rgya'o/ /rang bzhin gyi mtshan nyid kyi phyag rgya'o/ /tshul gcig tu 'jug pa'i phyag rgya'o/ /chos kyi dbyings su yang dag par 'du ba'i phyag bya'o| |de bzhin nyid tha mi dad pa'i phyag rgya'o/ /yang dag pa'i mtha'i gnas kyi phyag rgya'o/ /don dam pa stong pa nyid kyi phyag rgya'o/ /dus gsum mnyam pa nyid kyi phyag rgya'o/ /bzod ma nas ma skyes pa'i phyag rgya'o/ /rang bzhin la so sor rtog pa'i phyag rgya ste/ rigs kyi bu/ phyag rgya de dag gis btab pa'i chos thams cad mngon pa'i nga rgyal med pa'i dge slong </font><hr>445b<br><font size=+1>


gis thos na nem nur du mi 'gyur/ the tshom du mi 'gyur te/ bdag mi dmigs par rtogs par 'gyur ro/ /de nas bcom ldan 'das la kun tu rgyu rgyal ba'i blo gros kyis 'di skad ces gsol to/ /bcom ldan 'das/ bdag gis sngon yang kun tu rgyu lhag spyod dang / snag gi gnyen mtshams kun tu rgyu zla ba can las theg pa chen po 'di'i yon tan bsngags pa brjod pa kha cig thos par gyur to/ /bcom ldan 'das/ bdag gis de ltar yang 'jam dpal gzhon nur gyur pa las dam pa'i chos bshad pa thos nas bla na med pa yang dag par rdzogs pa'i byang chub tu sems bskyed ngo / /bcom ldan 'das kyis kyang bdag la ci nas kyang bdag gis byang chub kyi phyogs kyi chos rnams bsags te/ myur du bla na med pa yang dag par rdzogs pa'i byang chub mngon par rdzogs par sangs rgyas nas/ sems can tshad ma mchis grangs ma mchis pa rnams kyi don bgyid par 'gyur ba de ltar chos bshad du gsol/ bcom ldan 'das kyis bka' stsal pa/ rgyal pa'i blo gros/ byang chub sems dpa' rnams kyi chos 'di gnyis ni/ myur du bla na med pa yang dag par rdzogs pa'i byang chub mngon par shes par byed pa'o/ /gnyis gang zhe na/ 'di lta ste/ brtson 'grus dang / bag yod pa'o/ /de la brtson 'grus gang zhe na/ gang chos kyis btsal ba'i longs </font><hr>446a<br><font size=+1>


@#/ /spyod pa bdog pa thams cad yongs su gtong ba'o/ /bag yod pa gang zhe na/ gang rnam par smin pa la mi re bas byang chub tu yongs su bsngo ba'o/ /de la brtson 'grus ni gang mi dge ba'i chos thams cad spang ba dang / dge ba'i chos thams cad yongs su rdzogs par bya ba'i phyir yang dag par rtsol ba'o/ /bag yod pa ni tshul khrims yongs su dag cing skye ba thams cad mi 'dod pas byang chub tu yongs su bsngo ba'o/ /de la brtson 'grus ni gang lus dang sems la mi lta bas bzod cing des pa'o/ /bag yod pa ni gang khong khro ba med pa'i sems kyis sems can thams cad kun tu bsrung ba'o/ /de la brtson 'grus ni gang dge ba'i chos yang dag par sgrub pas yongs su mi skyo ba'o/ / bag yod pa ni dge ba'i chos yang dag par bsgrubs pa rnams thams cad mkhyen pa nyid du yongs su bsngo ba'o/ /de la brtson 'grus ni gang bsam gtan gyi yan lag yang dag par bsgrubs pas yongs su mi bsngo ba'o/ /bag yod pa ni gang bsam gtan gyi ro myong bar byed pa las ldog pa'i shes pa'o/ /de la brtson 'grus ni gang mang du thos pa 'tshol bas chog mi shes pa'o/ /bag yod pa ni gang tshul bzhin yid la byed pa la gnas pa'i 'phags pa'i shes rab dang ye shes so/ /de la brtson 'grus ni gang bsdu ba'i dngos po </font><hr>446b<br><font size=+1>


rnams mi 'dor ba'o/ /bag yod pa ni gang sems can yongs su smin par bya ba'i thabs so/ /de la brtson 'grus ni gang lus dang sems rab tu 'dzin pa'o/ /bag yod pa ni gang lus dang sems dben pa'o/ /de la brtson 'grus ni gang sems can la dmigs pa'i byams pas sems can thams cad la sems mnyam pa'o/ /bag yod pa ni gang chos la dmigs pa'i byams pas chos thams cad mi dmigs pa'o/ /de la brtson 'grus ni gang sems can gzhan dang gang zag gzhan dag byang chub kyi sems la sbyor ba'o/ /bag yod pa ni gang sgyu ma lta bu'i chos la so sor rtog pas byang chub kyi sems mi rjed pa'o/ /de la brtson 'grus ni gang mngon par shes pa'i ye shes skyed pa'o/ /bag yod pa ni gang zag pa zad par byas pas kun tu bsrung ba'o/ /de la brtson 'grus ni gang mgo dang gos la me 'bar ba lta bus bden pa 'tshol ba'o/ /bag yod pa ni gang 'gog pa mngon sum du bya bar mi ltung ba'o/ /de la brtson 'grus ni gang mtshan dang dpe byad bzang po yongs su rdzogs par bya ba'i phyir dge ba'i rtsa bas chog mi shes pa'o/ /bag yod pa ni gang chos kyi sku la so sor rtog pa'o/ /de la brtson 'grus ni gang sangs rgyas kyi zhing yongs su dag pa'o/ /bag yod pa ni gang sems can gyi zhing yongs su dag pa'o/ /de la brtson 'grus ni gang byang chub kyi phyogs kyi chos sum cu rtsa </font><hr>447a<br><font size=+1>


@#/ /bdun yongs su rdzogs pa'o/ /bag yod pa ni gang nye bar zhi ba'i rnam par grol bas rnam par grol ba'o/ /rigs kyi bu/ mdor na byang chub sems dpa'i thabs la mkhas pa'i las ji snyed pa de dag thams cad ni brtson 'grus dang ldan par blta bar bya'o/ /shes rab kyi pha rol tu phyin pa'i las ji snyed pa de dag thams cad ni bag yod pa dang ldan par blta ste/ de bas na thabs dang shes rab kyis yongs su zin pa'i byang chub sems dpa' la bla na med pa yang dag par rdzogs pa'i byang chub las phyir ldog pa'i 'jigs pa cung zad kyang med do zhes bya'o/ /bstan pa 'di bshad pa'i tshe/ kun tu rgyu rgyal ba'i blo gros kyis mi skye ba'i chos la bzod pa thob par gyur to/ /de sems dga' ba dang / mgu ba dang / rangs pa de nyid kyis de shing ta la bdun tsam du steng gi bar snang la mngon par 'phags par gyur to/ /stong gsum gyi stong chen po'i 'jig rten gyi khams 'di'ang rnam pa drug tu g.yos so/ /snang ba chen pos kyang 'jig rten khyab par gyur to/ /steng gi bar snang las me tog gi char chen po yang mngon par bab bo/ /sil snyan dang glu dbyangs kyi sgra'ang byung bar gyur to/ /de nas de'i tshe bcom ldan 'das kyis 'dzum pa mdzad do/ /sangs rgyas bcom ldan 'das rnams kyi chos nyid kyis nam 'dzum </font><hr>447b<br><font size=+1>


pa mdzad pa de'i tshe/ bcom ldan 'das kyi zhal gyi sgo nas 'od zer kha dog du ma kha dog sna tshogs pa 'di lta ste/ sngon po dang / ser po dang / dmar po dang / dkar po dang / le brgan dang| shel gyi kha dog dang / dngul gyi kha dog lta bu dag byung ste/ des 'jig rten gyi khams mtha' dang mu med pa dag snang bas khyab par byas nas tshangs pa'i 'jig rten man tshad du mngon par byung zhing nyi ma dang / zla ba'i 'od kyang zil gyis mnan nas yang slar log ste/ bcom ldan 'das la lan gsum bskor ba byas nas/ bcom ldan 'das kyi dpu'i gtsug tu nub bo/ /de nas tshe dang ldan pa kun dga' bo stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud de/ bcom ldan 'das la tshigs su bcad pa'i dbyangs kyis 'dzum pa'i don yongs su zhus pa/ bsod nams ye shes stobs dpal dpe med 'dom gang 'od kyis brgyan/ /mtshan mchog sum cu rtsa gnyis brgyan cing dpe byad dag gis spras/ /seng ge dang mchog 'gying 'gro ltar ni brtson 'grus stobs kyis byung / / ci slad 'dzum mdzad de ni bcom ldan 'das kyis bstan par gsol/ /thub pa dbyar gyi sprin dang rnga sgra seng ge'i sgra bas lhag /ka la ping+ka'i sgra dang dril sgra tshangs pa'i sgra bas lhag / </font><hr>448a<br><font size=+1>


@#/ /lha 'am de bzhin mi yi sgra gang stong gsum dag na snyan/ /de kun char yang mi 'gro bcom ldan thub pa'i gsung mchog go /dgra bcom mchog rab rang rgyal yang dag byang chub sems dpas kyang / /dpe med thub dbang ye shes rmad byung yul ni mi rtogs pa/ /lha mi lha min klu gang thos nas byang chub mchog 'tshal bar/ / ye shes de yi stobs kyis ci phyir 'dzum bstan bshad du gsol/ /mthar 'dzin kun las thugs grol blo bzang dbus su khyod mi chags/ /chags med nyes med spyod pa gnas med nam mkha' tshad med bzhin/ /dpe mchog gang yang med cing 'jig rten mchog 'drar bgrang ba med/ /mkha' 'dra'i blo mnga' sdig med khyod la ci slad 'dzum bstan zhu'o/ /khyod kyi zhal nas 'od zer sna tshogs sngo dang dmar dang dkar/ /dri med gser ltar 'tsher zhing dmar ba gang+gA'i bye snyed byung / /grangs med nam mkha'i khams mnyam phyogs kyi 'jig rten des snang byed/ /thub pa'i 'od kyis reg pa'i ngan song ma lus zhi zhing bde dang ldan/ /gal te 'od zer pus mor nub na dgra bcom khyod lung bstan/ / 'od zer khyod kyi dpung par nub na rang sangs rgyas su bstan/ /deng ni phan mdzad thub khyod gtsug tu dri med 'od nub kyi/ /kun mkhyen mnyam nyid thog par nges par khyod ni lung </font><hr>448b<br><font size=+1>


ston to/ /de bas legs pa lha lhag lhas mchod 'jig rten gsum mchod 'os/ /srog chags mang po gang thos dga' zhing sems kyang mgu 'gyur bar/ /yang dag bden tshig nges par gsung dag de ni rgyal bas shod/ /ci phyir 'dzum mdzad the tshom chod de slob ma mgu bar mdzod/ /de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo/ /rigs kyi bu rgyal ba'i blo gros zhes bya ba bzod pa thob pa steng gi bar snang la ta la bdun tsam na 'dug ste/ thal mo sbyar nas nga la phyag 'tshal ba lha brgya stong dag gis mchod pa 'di khyod kyis mthong ngam/ gsol pa/ bcom ldan 'das/ mthong ngo / /bcom ldan 'das kyis bka' stsal pa/ kun dga' bo/ rigs kyi bu rgyal ba'i blo gros 'dis 'khor los bsgyur ba'i rgyal por gyur pa na sangs rgyas bye ba phrag bdun cu rtsa gnyis las dge ba'i rtsa ba bskyed de/ sangs rgyas bcom ldan 'das de dag thams cad bzhugs pa dang / yongs su mya ngan las 'das pa la yang mchod do/ /sangs rgyas bye ba phrag bdun cu rtsa gnyis las tshangs par spyod pa spyad de/ thams cad du yang dag pa'i chos yongs su bzung ngo / /kun dga' bo/ /rigs kyi bu rgyal ba'i blo gros 'di da phyin chad kyang de bzhin gshegs pa bgrang ba las 'das pa rnams mnyes par byed par 'gyur/ gus </font><hr>449a<br><font size=+1>


@#/ /par byed par 'gyur/ btsun par byed par 'gyur/ phu dud du byed par 'gyur/ mchod pa byed par 'gyur/ tshangs par spyad pa'ang spyod par 'gyur/ sems can tshad med grangs med pa dag kyang byang chub tu yongs su smin par byed par 'gyur ro/ /de phyi ma'i dus na byang chub kyi phyogs kyi chos rnams yang dag par bsgrubs nas bskal pa grangs med pa na bskal pa rin po che gcig bkod pa zhes bya ba la 'jig rten gyi khams blta na sdug pa zhes bya bar de bzhin gshegs pa dgra bcom pa yang dag par rdzogs pa'i sangs rgyas ye shes phung po zhes bya ba rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das su 'jig rten du 'byung bar 'gyur ro/ /kun dga' bo/ 'jig rten gyi khams blta na sdug pa de'i longs spyod ni gzhan 'phrul dbang byed kyi lha'i dang 'dra bar 'gyur ro/ /sems can de dag gi mdun du yul drug las yid du mi 'ong ba'i chos gang yang 'byung bar mi 'gyur ro/ /sems can de dag thams cad gcig gis gcig mthong na dga' ba dang yid bde ba skye bar 'gyur ro/ /sems can de dag thams cad rmi lam du'ang de bzhin gshegs pa ye shes phung po de mthong zhing de dag sangs </font><hr>449b<br><font size=+1>


rgyas rjes su dran pa dang mi 'bral bar 'gyur te/ de bas na 'jig rten gyi khams de blta na sdug ba zhes bya'o/ /bskal pa de la de bzhin gshegs pa de gcig pu 'byung zhing / de bzhin gshegs pa'i tshe'i tshad kyang bskal par thub par 'gyur te/ de bas na bskal pa de'ang rin po che gcig bkod pa zhes bya bar 'gyur ro/ /bcom ldan 'das de'i dge 'dun ni byang chub sems dpa' 'ba' zhig ste/ byang chub sems dpa' bye ba phrag dgu bcu rtsa gnyis su 'gyur ro/ /byang chub sems dpa' sems dpa' chen po thams cad kyang phyir mi ldog pa/ spobs pa thogs pa med pa/ tshig dbye ba la mkhas pa sha stag go /de bzhin gshegs pa ye shes phung po de nam yongs su mya ngan las 'da' ba de'i tshe'ang / byang chub sems dpa' seng ge'i rtsal gyis 'gro ba de la/ rigs kyi bu/ byang chub sems dpa' seng ge'i rtsal gyis 'gro ba 'di nga'i 'og tu de bzhin gshegs pa seng ge'i sgra sgrogs pa zhes bya bar 'gyur ro zhes lung bstan nas yongs su mya ngan las 'da'o/ /de bzhin gshegs pa ye shes kyi phung po de yongs su mya ngan las 'das nas bar gyi bskal pa bcur dam pa'i chos gnas par 'gyur ro/ /bcom ldan 'das de'i sku'ang mi 'jig par 'gyur te/ gang la sems can de dag mchod par byed pa'i mchod rten rin po che las byas pa brgyar dpag tshad drug cu rtsa bzhi pa/ 'phang du dpag tshad brgyad cu </font><hr>450a<br><font size=+1>


@#/ /pa rin po che thams cad kyis spras pa gcig cig yod par 'gyur ro/ /de nas rigs kyi bu rgyal ba'i blo gros bar snang de las babs nas bcom ldan 'das kyi zhabs gnyis la mgo bos phyag btsal te/ bcom ldan 'das la lan gsum bskor ba byas nas/ bcom ldan 'das la chos kyi dbyings dang tha mi dad pa'i tshigs su bcad pa 'di dag gis mngon par bstod do/ /bdag gi dbyings dang sems can dbyings/ /chos kyi dbyings dang de dag mnyam/ /de yi dbyings ldan ye shes dbyings/ /de bas khyod kyis bdag lung bstan/ /chos kyi dbyings dang nyon mongs khams/ /stong pa'i dbyings dang de dag mnyam/ /chos kun de yi dbyings ldan te/ /de bas khyod kyis bdag lung bstan/ / 'dod chags zhe sdang gti mug dang / /gang gzhan khams kyang gsum po dag /nam mkha'i khams dang mnyam pa ste/ /de bas khyod kyis bdag lung bstan/ /'khor ba dang ni mya ngan 'das/ /chos kyi dbyings dang de dag mnyam/ /rlung gi khams dang chu dang me/ /sa rnams de yi khams ldan no/ /phung po'i khams dang mnyam pa ste/ /mig la sogs pa'i khams rnams dang / /yid kyi khams dang chos khams dang / /de dag dbyings kun mnyam pa'o/ /'dus byas dbyings ni gang yin dang / /'dus ma byas dbyings gang yin pa/ /de dag </font><hr>450b<br><font size=+1>


chos dbyings gnyis med de/ /de bas khyod kyis bdag lung bstan/ /phung po rnams ni shes dang bral/ /khams dang skye mched rnams kyang ste/ /ming la med cing gzugs la'ang med/ /nang na med cing phyi na'ang med/ /sgra gang dag gis rig 'gyur ba'i/ /thub pas bdag ni lung bstan pa/ /ji lta bur ni sgra gsungs pa/ /de ltar bdag ni lung bstan to/ /gang gis bdag ni lung bstan pa'i/ /sems ni sangs rgyas mi mnga' ste/ /bdag la'ang yang dag byang chub tu/ /lung bstan rnams shes mi mchis so/ /ji ltar sangs rgyas bdag de bzhin/ /bdag ltar bde gshegs de bzhin te/ /sems can kun kyang de dang 'dra/ /de bas khyod kyis bdag lung bstan/ /lung bstan 'di ni yang dag pa/ /de bzhin nyid dang ldan pa ste/ /yang dag mtha' la gnas pas na/ /chos kyi dbyings la tha dad med/ /chos kyi dbyings las yang dag byung / /nam mkha' lta bur ye shes zab/ /thabs la mkhas shing legs sbyangs pa/ /bcom ldan khyod la bdag phyag 'tshal/ /de nas bcom ldan 'das la rigs kyi bu rgyal ba'i blo gros kyis chos kyi dbyings dang tha mi dad pa tshigs su bcad pa de dag gis mngon par bstod nas/ bcom ldan 'das kyi zhabs gnyis la mgo bos phyag btsal nas/ bcom ldan 'das la lan gsum bskor ba byas te/ phyogs gcig tu 'dug go /tshe dang ldan pa shA ri'i bu/ </font><hr>451a<br><font size=+1>


@#/ /'jam dpal gzhon nur gyur pa'i rdzu 'phrul rnam par 'phrul ba'i chos 'phrul dang / chos ston pa rnam par 'phrul ba'i cho 'phrul las gang kho bos phyogs tsam zhig mngon sum du gyur pa ni de lta bu de dag yin no/ /de bzhin du bcom ldan 'das kyi spyan snga na 'jam dpal gzhon nur gyur pa'i rdzu 'phrul rnam par rtse ba'i cho 'phrul dang chos bstan pa rnam par 'phrul ba'i cho 'phrul ji ltar mngon sum du gyur pa dag phan tshun du brjod do/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ chos kyi rnam grangs 'di gzung zhig/ chongs shig /lhogs shig /kun chub par gyis shig /gzhan dag la yang rgya cher yang dag par shod cig / gsol pa/ bcom ldan 'das/ bdag gis chos kyi rnam grangs 'di bzung na/ bcom ldan 'das/ chos kyi rnam grangs 'di'i ming ci lags/ 'di ji ltar gzung bar bgyi bcom ldan 'das kyis bka' stsal pa/ de bas na/ kun dga' bo/ chos kyi rnam grangs 'di 'jam dpal gzhon nur gyur pa'i byin gyi rlabs rnam par 'phrul pa dang / bdud dang phas kyi rgol ba thams cad chos dang mthun pas 'joms shing tshar gcod pa dang / dkon mchog 'byung gnas bstan pa dang / dkon mchog gi za ma tog </font><hr>451b<br><font size=+1>


ces bya bar gzung zhig/ bcom ldan 'das kyis bka' stsal pa nas/ 'jam dpal gzhon nur gyur pa dang / byang chub sems dpa' rgyal ba'i blo gros dang / tshe dang ldan pa kun dga' bo dang / byang chub sems dpa' de dag dang / nyan thos chen po de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /dkon mchog gi za ma tog ces bya ba theg pa chen po'i mdo rdzogs so// //zhus chen gyi lo tsA ba ban+de rat+na rak+Shi tas zhus te skad gsar bcad kyis kyang bcos nas gtan la phab pa// </font><hr>

</table>