H117

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H117</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H117&coll=lhasa">see text in Tibetan script</a></table>285b<br><font size=+1>


rgya gar skad du/ AR+Ya sarba d+harmA gu Na byU ha rA dza nA ma mahA yA na sU tra/ bod skad du/ 'phags pa chos thams cad kyi yon tan bkod pa'i rgyal po zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa'i dus gcig na/ bcom ldan 'das rgyal po'i khab na 'od ma'i tshal bya ka land ka gnas pa na/ dge slong lnga brgya tham pa'i dge slong gi dge 'dun chen po dang / byang chub sems dpa' stong nyis brgya thams cad kyang gzungs thob pa/ chags pa med pa'i ye shes mthong ba/ spyod yul chags pa med pa/ thabs mkhas pa/ khams gsum thams cad la sems snyoms pa/ phan pa dang snying rje'i lhag pa'i bsam pa la zhugs pa/ de bzhin gshegs pa'i chos kyi 'brel ba'i gtam 'dri ba sha stag la 'di lta ste/ byang chub sems dpa' sems dpa' chen po byams pa dang / byang chub </font><hr>286a<br><font size=+1>


@#/ /sems dpa' sems dpa' chen po rtag tu brtson dang / byang chub sems dpa' sems dpa' chen po mnyam pa nyid la gnas pa dang / byang chub sems dpa' sems dpa' chen po mi g.yo ba dang / byang chub sems dpa' sems dpa' chen po blo gros bzang po dang / byang chub sems dpa' sems dpa' chen po blo gros chen po dang / byang chub sems dpa' sems dpa' chen po spobs pa mtha' yas dang / byang chub sems dpa' sems dpa' chen po rab gnon blo gros dang / byang chub sems dpa' sems dpa' chen po spyan ras gzigs dbang phyug dang / de dag la sogs pa byang chub sems dpa' stong nyis brgya dang / brgya byin dang / tshangs pa dang / 'jig rten skyong ba rnams dang / klu'i rgyal po rnams dang / srin po'i bdag po thams cad dang / gnod sbyin mo sum brgya dang / gzhan mu stegs can spyod pa pa dang| kun tu rgyu dang / gcer bu pa drug stong dang / nam mkha' lding gi rgyal po bdun dang thabs gcig tu bzhugs te/ de dag thams cad kyis de bzhin gshegs pa la bskor ba byas nas/ de bzhin gshegs pa la mchod pa'i las bya ba'i phyir lha'i me tog gi char mngon par phab bo/ /tsan+dan gyi phye ma'i char yang mngon par phab bo/ / </font><hr>286b<br><font size=+1>


lha'i sil snyan dang pheg rdob pa dag kyang de bzhin gshegs pa la mchod pa'i las bya ba'i phyir bsgrags so/ /gang dag de bzhin gshegs pa'i bstan pa la mngon par dad pa de dag thams cad kyis kyang tshig 'di skad ces gsol to/ /bcom ldan 'das/ legs so/ /legs so/ /bcom ldan 'das de bzhin gshegs pa'i bstan pa nyon mongs pa thams cad zad par bgyid pa 'di ni rdzu 'phrul che ste legs so/ /legs so/ /de nas bcom ldan 'das de'i tshe nyon mongs pa thams cad rnam par 'joms pas rdul med pa'i rgyal mtshan zhes bya ba'i ting nge 'dzin la snyoms par zhugs nas/ ting nge 'dzin de'i mthus sa chen po 'di mtho ba dang dma' bar byas te/ 'gul/ rab tu 'gul/ kun tu rab tu 'gul/ g.yos/ rab tu g.yos/ kun tu rab tu g.yos/ ldeg/ rab tu ldeg /kun tu rab tu ldeg /'khrugs/ rab tu 'khrugs/ kun tu rab tu 'khrugs/ 'ur 'ur/ rab tu 'ur 'ur/ kun tu rab tu 'ur 'ur/ chem chem/ rab tu chem chem/ kun tu rab tu chem chem mo/ /lha'i tsan+dan gyi phye ma'i char yang bab bo/ /lha'i me tog gi char yang bab bo/ / lha'i 'od kyi snang ba'ang byung ngo / /stong gsum gyi stong chen po'i 'jig rten gyi khams 'dir sems can gang su dag ngan song du skyes pa de dag thams cad kyang ngan song rnams las </font><hr>287a<br><font size=+1>


@#/ /yongs su grol bar gyur to/ /lha'i dbang po dang / klu'i dbang po dang / gnod sbyin gyi dbang po dang / srin po'i dbang po dang / mi'i dbang po de dag thams cad kyi gnas rnams kyang snang bar gyur to/ /lha'i sil snyan gyi sgra dag kyang grag go /lha'i 'od dag kyang snang bar gyur ro/ /lha'i spos kyi ngad kyang ldang bar gyur to/ /de nas de dag thams cad kyang cho 'phrul chen po de mthong nas ya mtshan du gyur te 'di snyam du sems so/ /gnas 'di dag snang bar gyur pa 'di dang / cho 'phrul chen po snang bar gyur pa 'di dang| sa chen po g.yos pa 'di dang / me tog gi char chen po bab pa 'di su'i mthu yin/ /su'i byin gyi rlabs yin zhig gu snyam nas/ de dag thang cig cang mi zer sems nas| gcig la gcig 'di skad du 'di ni de bzhin gshegs pa'i mthu yin no/ /'di ni de bzhin gshegs pa'i rnam par 'phrul pa yin no zhes smras so/ /de nas rgyal po chen po bzhi 'di snyam du sems te/ bdag cag de bzhin gshegs pa la blta ba dang / phyag bya ba dang / mchod pa dang / chos nyan pa'i phyir bcom ldan 'das ga la ba der 'dong gor ma chag snyam mo/ /de nas lha'i dbang po dang / klu'i dbang po dang / gnod sbyin gyi dbang po dang / srin po'i dbang po rdzu 'phrul che zhing mthu che ba de dag thams </font><hr>287b<br><font size=+1>


cad kyis lha'i me tog ut+pa la dang / pad+ma dang / ku mud dang / pad+ma dkar po dang / dri mchog dang / man+dA ra ba dang / man+dA ra ba chen po dag khyer nas 'od ma'i tshal bya ka lan+ta ka gnas pa ga la pa dang / bcom ldan 'das ga la ba der dong ste lhags nas/ bcom ldan 'das la mngon par mchod de phyag byas so/ /me tog gi char chen po des kyang sa chen po 'di pus mo nub tsam du khyab par 'dug go /de nas byang chub sems dpa' sems dpa' chen po de dag thams cad chos mnyan pa'i phyir bcom ldan 'das la lan gsum bskor ba byas nas phyogs gcig tu 'khod do/ /de nas byang chub sems dpa' sems dpa' chen po lag na rdo rje byang chub sems dpa' bye ba phrag du mas bskor cing / lha bye ba phrag du mas bskor te| rig sngags 'chang brgya phrag du mas mdun du bdar bas rdzu 'phrul dang / mthu chen po dang / bkod pa chen po dang / me tog dang / spos dang / me tog phreng dang / bdug pa dang / rol mo'i sgra dang / sil snyan dang / pheg rdob pa chen pos de bzhin gshegs pa dge slong gi dge 'dun dang / byang chub sems dpa'i tshogs dang bcas pa la mngon par mchod do/ /de nas de'i tshe byang chub sems dpa' bkod pa'i rgyal pos lha'i bkod pa dang / bkod pa'i mthu dang / me tog gi char chen pos de bzhin gshegs pa la mchod </font><hr>288a<br><font size=+1>


@#/ /pa byas so/ /de nas byang chub sems dpa' sems dpa' chen po de dag gis 'dus pa chen po de mthong nas/ chos kyi 'bel pa'i gtam 'dod par gyur to| |de nas bcom ldan 'das kyis byang chub sems dpa' de dag gi sems thugs kyis mkhyen nas/ byang chub sems dpa' bkod pa'i rgyal po de la 'di skad ces bka' stsal to/ rigs kyi bu/ song las chen po 'di ltos shig /de nas byang chub sems dpa' bkod pa'i rgyal pos sa chen po bltas so/ /bltas nas kyang bcom ldan 'das la 'di skad ces gsol to/ /bcom ldan 'das/ bdag gis sa chen po bltas lags te/ bcom ldan 'das/ bcom ldan 'das kyis sems can thams cad la bde ba'i 'dus pa chen po mdzad pa mthong lags so/ /bcom ldan 'das kyis bka' stsal pa/ bkod pa'i rgyal po/ srog chags drug khri bzhi stong bla na med pa yang dag par rdzogs pa'i byang chub tu deng kho na lung bstan par 'gyur ro/ /de nas byang chub sems dpa' sems dpa' chen po lag na rdo rjes bcom ldan 'das kyi zhabs gnyis la gtugs nas/ bcom ldan 'das la 'di skad ces gsol to/ /bcom ldan 'das/ lha dang / klu dang / gnod sbyin dang / srin po dang / mi dang / spyod pa pa dang / kun tu rgyu mang po </font><hr>288b<br><font size=+1>


'dus lags so/ /bde bar gshegs pa/ sems can mang po 'dus lags so/ /bcom ldan 'das/ chos mnyan pa'i dus ni 'di lags so/ /bde bar gshegs pa/ chos mnyan pa'i dus ni 'di lags so/ /de nas bcom ldan 'das cang mi gsung bar gyur nas/ byang chub sems dpa' lag na rdo rjes lan gnyis lan gsum gyi bar du de bzhin gshegs pa la gsol ba btab ste/ bcom ldan 'das/ bstan du gsol/ bde bar gshegs pa/ bstan du gsol/ sems can thams cad kyi bsam pa grub par mdzad du gsol/ bcom ldan 'das/ 'gyod pa bsal ba dang / sems can thams cad la sman pa dang bde ba'i slad du chos thams cad kyi yon tan bkod pa'i rgyal po zhes bgyi ba'i mdo/ nyon mongs pa thams cad zad par bgyid pa/ bdud thams cad yang dag par 'joms pa/ sdig pa thams cad zad par bgyid pa/ sems can ma dad pa rnams dad par bgyid pa/ mu ge'i gnod pa zhi bar bgyid pa/ nad thams cad zhi bar bgyid pa/ dus ma lags par mchi ba thams cad zlog pa/ bdag gis de bzhin gshegs pa glog snang ba las thos nas/ thos pa'i mod la chos thams cad mngon du gyur cing / ngan song thams cad yang dag par chad de/ las kyi sgrib pa thams cad yang dag par chad pa gang </font><hr>289a<br><font size=+1>


@#/ /lags pa de bstan par gsol/ de nas bcom ldan 'das kyis byang chub sems dpa' lag na rdo rje la 'di skad ces bka' stsal to/ /rigs kyi bu/ phyi ma'i dus phyi ma'i tshe sems can nga'i bstan pa la ma dad pa dang / de bzhin gshegs pas gsungs pa'i mdo sde dag la mngon par ma dad cing yid mi ches la/ tshig 'di skad du 'di ni de bzhin gshegs pas gsungs pa'i mdo sde ma yin no/ /'di la ni legs pa byas pa dang / nyes pa byas pa'i las kyi 'bras bu rnam par smin pa ci'ang med do/ / zhes zer ba dag 'byung bar 'gyur te/ de dag ni chags pas zil gyis non nas/ mchod pa'ang mngon par 'du byed par mi 'gyur la/ chos smra ba de dag la'ang mchod pa byed par mi 'gyur te/ de dag ni tshe 'di nyid la yang 'khrug pa mang po 'byung bar 'gyur la/ phyis kyang sems can dmyal ba rnams su btso bar 'gyur te/ rigs kyi bu| 'di ni de bzhin gshegs pa rnams kyi yab yum dang 'dra la/ las thams cad zad par byed pa'i mdo sde'i rgyal po chen po mnyan pa'i dus ma yin te/ gzhan mu stegs can spyod pa pa dang / kun tu rgyu de dag dang / sems can mang po gzhan dag kyang ngan song du 'gro bar 'dod do/ /rigs kyi bu/ de dag ni mdo sde'i rgyal po 'di la dad </font><hr>289b<br><font size=+1>


par mi 'gyur te/ 'dod pas ldongs pa'i yid kyis khyim yongs su skyong bar byed cing / rmo rko dang / tshong dang / g.yul 'gyed pa dang / 'thab pa la sred par 'gyur ro/ /de nas shi 'phos nas kyang sems can dmyal ba chen po brgyad po dag tu btso bar 'gyur ro/ /de nas de'i tshe srog chags brgyad khri stan las langs nas/ bcom ldan 'das kyi zhabs la gtugs te 'di skad ces gsol to/ /bcom ldan 'das/ bdag cag ni dad par bgyid lags so/ /mngon par mchod par bgyid lags so/ /rgyas par yang bgyid lags so/ /'dri ba dang / klog pa dang / nyan du stsal ba dang / 'don pa la spro bar bgyid lags so/ /slad kyis chos ma lags pa'i dus de la bab na/ spyo ba dang / brgyad bkag pa dang / bsdigs pa bzod pa bgyid lags so/ /bcom ldan 'das/ bdag cag ni bka' drin gzo bar bgyid kyi/ bka' drin mi gzo bar mi bgyid de/ bdag cag slad kyis 'gyod par 'gyur bar mi bgyid lags so/ /bcom ldan 'das/ chos thams cad kyi yon tan bkod pa'i rgyal po zhes bgyi ba'i mdo bstan du gsol/ 'di ni slad ma'i dus slad ma'i tshe de bzhin gshegs pa'i 'phrin las bgyid par 'gyur ba lags so/ /de nas bcom ldan 'das la byang chub sems dpa' lag na rdo rjes 'di skad ces gsol to/ / </font><hr>290a<br><font size=+1>


@#/ /bcom ldan 'das/ byang chub sems dpa' sems dpa' chen pos dge ba'i bshes gnyen ji ltar yongs su btsal bar bgyi/ bcom ldan 'das kyis bka' stsal pa/ rigs kyi bu/ 'di la byang chub sems dpa' sems dpa' chen pos rgyun mi 'chad par dge ba'i bshes gnyen la blta bar 'dod pa dang / brtson 'grus brtsams pa dang / bsam pa yongs su dag pa dang / chos 'dod par bya ste/ chos bzhi po de dag dang ldan pa'i byang chub sems dpa' sems dpa' chen pos dge ba'i bshes gnyen yongs su btsal bar bya'o/ /byang chub sems dpa' lag na rdo rjes gsol ba/ bcom ldan 'das/ byang chub sems dpa' dgon pa na gnas pas ji ltar bgyi lags/ bcom ldan 'das kyis bka' stsal pa/ 'di lta ste/ khyim na gnas pa yongs su spangs pa dang / mi dge ba'i bshes gnyen gyi 'du 'dzi yongs su spang ba dang / bdog pa thams cad yongs su gtang bar bya'o/ /de nas bcom ldan 'das la byang chub sems dpa' sems dpa' chen po 'phags pa spyan ras gzigs dbang phyug gis 'di skad ces gsol to/ /bcom ldan 'das/ bdag gis ni gang gis chos kyi rnam grangs 'di thos nas ngan song du mchi bar 'gyur ba </font><hr>290b<br><font size=+1>


de ma mthong ste/ de ni gnas ma mchis so/ /bcom ldan 'das/ gang la la chos kyi rnam grangs 'di nyan pa dang / 'di la phyag 'tshal ba de ni rdzu 'phrul che zhing mthu che ba lags na| gang yi ger 'dri ba dang / yi ger 'drir stsol ba dang / 'chang ba dang / klog pa dang / gdugs dang / rgyal mtshan dang / ba dan rnams kyis mchod pa bgyid pa dang / chos smra ba de la'ang gos dang / rgyan rnams kyis mchod par bgyid pa lta smos kyang ci 'tshal te/ de ni sangs rgyas thams cad kyi byin gyis brlabs pa lags so/ /de ni de bzhin gshegs pas bde ba can gyi 'jig rten gyi khams su lung bstan pa kho na lags so/ /chos smra ba de ni de bzhin gshegs pa dang 'dra ba kho nar lta bar bgyi'o/ /bcom ldan 'das kyis bka' stsal pa/ rigs kyi bu/ de ni de bzhin te/ legs so/ /legs so/ /chos smra ba de la ni ngas kyang mchod pa bya'o/ /'jig rten gyi khams bde ba can du'ang lung bstan par bya'o/ /gang de bzhin gshegs pa la bla ma'i sri zhu byed cing me tog dang / bdug spos dang / spos dang / me tog phreng dang / byug pa dang / gos dang / rgyan rnams dang / gdugs dang / rgyal mtshan dang / ba dan rnams kyis mchod pa byed pa de ni dus ma yin par 'chi bas 'chi bar mi 'gyur ro/ /pha rol gyi dmag tshogs kyi 'jigs </font><hr>291a<br><font size=+1>


@#/ /pa'ang med/ mu ge'i gnod pa'i 'jigs pa'ang med/ bu las gyur pa'i yid mi bde ba'ang med/ chung ma las gyur pa'i yid mi bde ba'ang med la| bsam pa thams cad kyang yongs su rdzogs par 'gyur ro/ /rigs kyi bu/ de bzhin gshegs pa rnams 'byung ba dang / mdo sde'i rgyal po 'di thos pa ni dka'o/ / rigs kyi bu/ grong ngam/ grong khyer ram/ grong rdal lam/ khyim mam/ dgon pa'i gnas gang la lar chos kyi rnam grangs 'di spyod pa'i sa phyogs de ni de bzhin gshegs pas yongs su bzung ba yin no/ /de nas bcom ldan 'das la byang chub sems dpa' lag na rdo rjes 'di skad ces gsol to/ /bcom ldan 'das/ spyan ras gzigs dbang phyug /spyan ras gzigs dbang phyug ces bgyi ba ci'i slad du de skad ces bgyi lags/ bka' stsal pa/ gang gi phyir 'di ltar 'jig rten thams cad la lta bar byed/ rtog par byed/ tshim par byed/ yongs su skyong bar byed/ yang dag par dbugs 'byin par byed cing / snying rje'i sems dang / bde ba'i sems dang| byams pa'i sems dang / snying brtse ba'i sems dang ldan la/ bsam pa thams cad yongs su rdzogs par byed pas na de'i phyir spyan ras gzigs dbang phyug </font><hr>291b<br><font size=+1>


ces bya'o/ /de nas byang chub sems dpa' lag na rdo rjes gsol ba/ bcom ldan 'das/ spyan ras gzigs dbang phyug gi ming tsam la rtog pa gang lags pa de'ang bsam pa thams cad yongs su rdzogs par 'gyur na/ gang dag de bzhin gshegs pa la mngon par mchod pa dang / chos kyi rnam grangs 'di la mngon par dad pa dang / 'chang ba dang / klog pa dang / yi ger 'dri ba dang / yi ger 'drir stsol ba dang / gos dang / rgyan gyi mchod pa chen po dag gis mchod par bgyid pa dang / rgyan gyis brgyan nas yi ger 'dri ba dang / yi ger 'drir stsol ba lta smos kyang ci 'tshal lags/ de nas bcom ldan 'das la byang chub sems dpa' 'phags pa spyan ras gzigs dbang phyug gis 'di skad ces gsol to/ /bcom ldan 'das/ chos kyi rnam grangs 'di ni mthu che ste/ de bzhin gshegs pa'i 'phrin las bgyid pa lags so/ /bcom ldan 'das kyis bka' stsal pa/ rigs kyi bu/ rgyal ba can zhes bya ba'i gzungs yod de/ de ni nga byang chub sems dpar gyur pa na de bzhin gshegs pa rgyal ba'i dbyangs las blangs te/ thos pa'i mod la'ang sa bcu thob par gyur la/ srog chags stong phrag du mas kyang chos la bzod pa thob par gyur to/ /de nas byang chub sems dpa' de dag gis 'di skad ces gsol to/ /bcom </font><hr>292a<br><font size=+1>


@#/ /ldan 'das/ gzungs mthu chen po bstan par gsol/ de nas bcom ldan 'das de bzhin gshegs pa bya ka la ping+ka'i sgra dang gdangs sgrogs pas gzungs 'di bka' stsal pa/ tad+ya thA/ dza ya dza ya/ dza ya ba ha/ dza ya ba ha/ kha ba ha/ hu lu hu lu/ pad+me pe/ a ba ma ma ba me/ sa ra sa ra Ne/ d+hi ri d+hi ri/ d+hi ri d+hi ri/ de ba tA a nu bA lA ni/ yud+d+ha ut+tA re Ne/ ba ra tsa kra ni pa ra Ne/ pU ra ya b+ha ga wA na sarba A shA na/ ma ma sarba karma k+ShA pa ya/ bud+d+ha a d+hiSh+ThA ne na swA hA/ rigs kyi bu/ 'di ni rgyal ba can zhes bya ba'i gzungs yin te/ sdig pa thams cad zad par byed pa/ nor dang / 'bru rnam par 'phel bar byed pa/ pha rol gyi dmag tshogs zlog par byed pa/ mu ge'i gnod pa rab tu zhi bar byed pa/ tshe nur bar byed pa ste/ 'di ni de bzhin gshegs pa rnams kyi yab yum dang 'dra ba'i chos kyi rnam grangs yin no/ /rigs kyi bu la la zhig gis chos kyi rnam grangs 'di dang / gzungs kyi gsang sngags kyi tshig rnams la phyag 'tshal zhing bsam pa yongs su dag pas mchod pa byed de/ yi ger 'dri ba dang / yi ger 'drir 'jug pa dang / mchod pa chen pos chos smra ba de la mchod pa de ni las kyi sgrib pa thams cad zad par 'gyur ro/ /dus ma yin par 'chi bas 'chi bar mi 'gyur ro/ /tshe 'di nyid la'ang </font><hr>292b<br><font size=+1>


bde ba myong bar 'gyur te/ bus yid bde bar 'gyur ba dang / chung mas yid bde bar 'gyur ba dang / khyim gyis yid bde bar 'gyur ba dang / rgyal srid kyis yid bde bar 'gyur la/ bsam pa thams cad kyang yongs su rdzogs par 'gyur ro/ /de nas bcom ldan 'das la byang chub sems dpa' lag na rdo rjes 'di skad ces gsol to/ /bcom ldan 'das chos kyi rnam grangs 'di la phyag 'tshal lo/ /chos smra ba de dag dang / chos kyi rnam grangs 'di yi ger 'dri ba rnams dang / 'chang ba rnams dang / klog pa rnams la'ang mchod par 'tshal lo/ /gang la la chos kyi rnam grangs 'di la mchod pa bgyid pa dang / chos smra ba de dag la'ang gos dang / rgyan rnams dang / gdugs dang / bzhon pa rnams kyis mchod par bgyid pa de dag gis ni/ de bzhin gshegs pa thams cad la mchod pa bgyid pa lags so/ /bcom ldan 'das/ de ni bdag dang byang chub sems dpa' thams cad la'ang mchod pa'i mchog gis mchod pa bgyid pa lags so/ /rgyal srid thams cad la'ang bdag gis bsrung bar bgyi'o/ /bsam pa thams cad kyang yongs su rdzogs par bgyi'o/ /rgyal sred thams cad la'ang mchod par 'gyur bar bgyi'o/ /bcom ldan 'das bdag gis kyang chos nyan pa de dag gi don du </font><hr>293a<br><font size=+1>


@#/ /gzungs kyi gsang sngags kyi tshig rnams rjes su stsal bar 'tshal lo/ /bsam pa thams cad kyang yongs su rdzogs par bgyi'o/ /snying blas su'ang bgyi'o/ /bcom ldan 'das kyis bka' stsal pa/ rigs kyi bu/ sems can rnams kyi don gyi phyir smros shig /de nas byang chub sems dpa' lag na rdo rjes gzungs kyi gsang sngags kyi tshig 'di dag smras so/ /na maH sarba ta thA ga ta nAM/ na mo a mri tA b+hA ya/ ta thA ga tA ya/ na maH sarba bud+d+ha bo d+hi satwA nAM/ na maH sarba mahA ra d+hi ke b+h+yaH tad+ya thA/ hu hu he he/ ma ti ma ti/ mahA ma ti/ badzra ma ti/ dri d+yA badzra ma ti/ ta thA ga ta a nu pa ri pa li te/ sa ra sa ra/ a yo mu khi b+h+r-i ku Ti/ b+h+r-i ku Ta mu khi/ kri be kri bA mu khi/ sa da t+ya ba tsa na/ ma nu sma ra/ b+ha ga wA na badzra pA Ni/ sarba karma a ba ra Na ni k+Sha ba ya/ sarba a sha ya pa ri pU ra ya/ de he me pa ra ma/ bud+d+ha sad t+ye na/ bo d+hi satwa sad t+ye na swAhA/ btsun pa bcom ldan 'das/ gang la la byang chub sems dpa'i sa btsal 'tshal ba dang / de bzhin gshegs pa blta ba dang / sangs rgyas kyi zhing du skye ba dang / rgyal srid dang / longs spyod 'tshal ba dang / yul gru 'tshal ba dang / nor 'tshal ba dang / 'bru 'tshal ba des ni chos kyi rnam grangs 'di dang / chos smra ba de la mchod </font><hr>293b<br><font size=+1>


pa chen pos mchod par bgyi'o/ /gang yi ger 'dri ba dang / 'chang ba dang / klog pa de la'ang spos dang / me tog phreng dang / byug pa dang / mal cha dang / stan dang / gos dang / rgyan rnams dang / gdugs dang / bzhon pa rnams kyis mchod par bgyi ste/ bcom ldan 'das/ de la ni bdag gis bsrung bar bgyi'o/ /rgyal srid thams cad la'ang ches mchod par 'gyur bar bgyi'o/ /ji ltar 'tshal ba bzhin du sems dang / yid bde bar bgyi'o/ /bu gcig pa bzhin du yongs su bskyang bar bgyi'o/ /gang la la bdag mthong bar 'tshal ba dang / stobs kyi 'khor los bsgyur bar 'gyur ba dang / ting nge 'dzin 'thob pa dang / thos pa 'dzin par 'gyur ba dang / khams rnam par smin par 'gyur ba dang / lus mi snang bar 'gyur ba dang / nam mkha' la mchi bar 'tshal ba des ni zla ba yar gyi ngo tshes brgyad la nyin mtshan du smyung ba bgyis la gzugs bgyid du stsal te/ rdo rje 'chang gi gzugs 'dam bu mda' rgyu'i mdog can rgyan thams cad kyis brgyan pa/ zhi ba'i tshul can sku gdung dang ldan par bgyi'o/ /dbus su ni de bzhin gshegs pa shAkya thub pa bzhugs par bgyi'o/ /g.yas logs su ni 'phags pa spyan ras gzigs dbang phyug lag pa bzhi pa rgyan thams cad kyis brgyan pa/ sku gdung dang bcas pa </font><hr>294a<br><font size=+1>


@#/ /bzhag go /g.yas g.yon dag tu ni rgyal po chen po bzhi mchod pa bgyid pa bzhag go /sgrub pa po'i rigs kyi bu des kyang gtsang sbra bgyi ba dang / dus gsum du khrus bgyi ba dang / dus gsum du gos brje bar bgyi'o/ /sems can thams cad la'ang byams pa'i sems su bgyi'o/ /zla ba yar gyi ngo tshes brgyad nas brtsams te/ zla ba phyi ma nya ba tshes bco lnga'i bar du zas su nas kyi 'o thug 'tshal zhing / dus gsum du bzlas brjod bgyi'o/ /bdug pa ni a ga ru dang / tsan+dan dang / ce pog dang / gu gul dbul lo/ /lan sum 'bum gyi bar du bzlas brjod bgyi ste/ de ni sngar bsnyen pa bgyi ba lags so/ /sku gdung dang ldan pa'i mchod rten nam/ dgon pa'i gnas su spos dang / bdug pa dang / me tog sna tshogs dang / ba dan sna tshogs kyis kyang mchod par bgyi'o/ /dkar bag gi lha bshos dag kyang dbul bar bgyi'o/ /chos kyi rnam grangs 'di'ang yi ger 'drir stsal cing / gos dang / rgyan dang / lhab lhub dang / gdugs dang / bzhon pa rnam pa sna tshogs kyis mchod pa bgyi'o/ /de nas zla ba nya ba tshes bco lnga'i bar du sems can thams cad la snying rje'i sems dang ldan pa dang / dus gsum du khrus bgyi ba dang / dus gsum du gos brje bar bgyi ste/ dkyil 'khor gru bzhi pa ba </font><hr>294b<br><font size=+1>


lang gi lci bas bskus la me tog sna tshogs kyis khebs par bgyi ste/ bum pa gang ba bcu drug dang / mar me bcu drug kyang gzhag par bgyi'o/ /gdugs dang / rgyal mtshan dang / ba dan sna tshogs kyis kyang sa phyogs de brgyan par bgyi'o/ /ro sna tshogs sbyar ba'i lha bshos rgya chen po phab la spos chab kyi sa phyogs der chag chag btab nas/ nam sku gzugs dang| sa gzhi 'gul ba dang / bdag nyid kyang dga' bar gyur pa'i bar du bzlas brjod bgyi'o/ /de nas des 'di ni gcig tu nges par 'grub par 'gyur ro snyam du shes par bgyi'o/ /de nas de'i 'og tu bdag gis rmi lam du bstan par bgyi zhing 'bel ba'i gtam bgyi'o/ /bsam pa thams cad kyang yongs su rdzogs par bgyi'o/ /bu gcig pa bzhin du yongs su bskyang bar bgyi'o/ /dam pa ci 'tshal ba'ang stsal bar bgyi ste/ gang chos kyi rnam grangs 'di la ma dad cing spong bar bgyid pa ni ma gtogs so/ /bcom ldan 'das kyis bka' stsal ba/ lag na rdo rje khyod kyis tshig de skad ces smras pa legs so/ /legs so/ /de nas byang chub sems dpa' 'phags pa spyan ras gzigs dbang phyug gis byang chub sems dpa' lag na rdo rje la 'di skad ces smras so/ /rigs kyi bu/ chos kyi rnam grangs 'di ni sems can bsod nams chung ngu rnams kyi yul na spyod par mi 'gyur ro/ /'di </font><hr>295a<br><font size=+1>


@#/ /ni sems can bsod nams chung ngu rnams kyis yi ger 'dri ba'am/ yi ger 'drir 'jug pa'am/ 'chang ba'am/ klog par mi nus te/ de dag la bdud kyis bar chad byed par 'gyur ro/ /rigs kyi bu/ bzhi po 'di dag ni chos kyi rnam grangs 'di yi ger 'dri ba dang / klog pa dang / nyan du 'jug pa'i bdud kyi las yin te/ bzhi gang zhe na/ 'di lta ste/ le lo dang / ma dad pa dang / bla ma la sri zhu med pa dang / chos smra ba'i sems mi brtan pa ste/ rigs kyi bu/ des de la bdud kyi las yin no snyam du shes par bya'o/ /gzhan yang bdud kyi las bzhi yod de/ bzhi gang zhe na/ 'di lta ste/ dge ba'i bshes gnyen la 'dun pa med pa dang / yid la mi byed pa dang / khengs pa'i tshig smra ba dang / 'jig rten 'di la sems pa ste/ 'di snyam du 'jig rten 'di la'ang 'jigs pa med do/ /'jig rten pha rol la'ang 'jigs pa med do/ /sdig pa'i las rnams kyi 'bras bu rnam par smin pa'ang med do/ /bdag la tshig mi gsal ba'ang med do/ /yid rtul ba'ang med do/ /bdag ni mdzes pa yin no| |bdag ni dbang phyug dang ldan no snyam du sems shing / khyim \?\dang bu smad rnams la zhen to/ /de dag ni bskal pa du mar sdug bsngal myong bar 'gyur te/ bzhi po de dag </font><hr>295b<br><font size=+1>


ni de dag gi mi dge ba'i bshes gnyen yin par blta bar bya'o/ /gzhan yang bdud kyi las bzhi mod de/ bzhi gang zhe na/ 'di lta ste/ nor la brkam pa ste/ de dag bskal pa du mar sdug bsngal myong bar 'gyur ba dang / de dag mi dge ba'i bshes gnyen dang rgod cing smra ba dang / chung mas yid bde ba dang / chos nyan pa de dag gi 'dun pa bzlog par byed pa ste/ 'di lta ste/ blon po dang / 'khor rnams 'dus pa de dag gi thad du lhags nas 'di skad du sbyin pa'i rnam par smin pa med do/ /chos smra ba 'di ni sdig pa byed pa dbang phyug gi rgyags pas myos pa 'dod pa la log par g.yem pa/ phra ma la dga' ba yin te/ 'di ni khyod kyi srog gi bar chad byed par 'dod la/ khyod ni chos la gnas pa ste/ khyod kyis chos mang du byas so/ /khyod ni mdo sde klog pa dang / 'drir 'jug pa yin no zhes 'dzer te/ de dag mdo sde 'di yi ger 'drir 'jug par mi byed/ mchod par mi byed de/ de dag la ni tshe 'di nyid la'ang bar chad mang po 'byung bar 'gyur la phyi ma la'ang sems can dmyal bar btso bar 'gyur te/ de'ang rigs kyi bu des bdud kyi las yin par rig par byas la de'i dbang du 'gyur bar mi bya'o/ /bcom ldan 'das kyis bka' stsal pa/ grogs po dag /ngas lan gnyis/ lan gsum du tshig gis bsgo ste/ bag yod par gyis shig/ </font><hr>296a<br><font size=+1>


@#/ /phyis sems can dmyal ba dag tu btso ba na 'gyod par gyur ta re/ de nas bcom ldan 'das kyis de'i tshe tshigs su bcad pa 'di dag bka' stsal to/ / ngas ni mdo sde'i rgyal po mang po bstan/ /byang chub la ni sems can du ma bkod/ /sangs rgyas tshul yang nga yis bstan par gyur/ /de thos nas ni bag kyang yod par gyis/ khyod rnams phyi dus rab tu 'jig pa'i tshe/ /log par ltung bar 'gro bar gyur ta re/ /mdo 'di la ni rtag tu gang dad pa/ /de ni nges par nga yi bu yang yin/ /mdo 'di la ni rtag tu gang mchod pa/ /de ni sangs rgyas zhing du'ang skye bar 'gyur/ /gang phyogs mdo sde'i rgyal po 'di gnas pa/ /der ni 'byung po gnod sbyin srin po dang / /yi dwags grul bum lto 'phye chen po dang / /gshed byed byad stems rnams kyis yongs mi tshugs/ /de ni bsam pa thams cad yongs rdzogs shing / /de ni bde bar byang chub 'tshang yang rgya/ /de'i che rgyal po chen po bzhis tshigs su bcad pa 'di dag thos nas/ chos kyis shugs kyis mchi ma blags te/ lus 'dar bzhin du bcom ldan 'das kyi zhabs la gtugs nas/ bcom ldan 'das la 'di skad ces gsol to/ /bcom ldan 'das/ bdag cag rgyal po chen po bzhis chos smra ba de la mchod pa bgyi'o/ /chos nyan pa de dag la'ang bsrung bar </font><hr>296b<br><font size=+1>


bgyi'o| |bcom ldan 'das/ gang la la chos kyi rnam grangs 'di yi ger 'dri ba dang / yi ger 'drir stsol ba dang / gzungs 'chad pa dang / klog pa dang / kun chub par bgyid pa dang / chos smra ba de la'ang gos dang / rgyan dag gis mchod pa bgyid pa de la'ang bdag cag gis bsrung bar bgyi'o/ /de'i yul yang yongs su bskyang bar bgyi'o/ /nor dang 'bru thams cad kyang stsal bar bgyi'o/ /bu gcig pa bzhin du yongs su bskyang bar bgyi'o/ /g.yul 'gyed pa thams cad du'ang mdun du mchi bar bgyi'o/ /rgyal srid thams cad du'ang ches bkur stir bgyid par 'gyur bar bgyi ste/ bdag cag ni de bzhin gshegs pa la bka' drin gzo bar bgyid kyi bka' drin mi gzo bar mi bgyid lags so/ /bcom ldan 'das| gang la la chos kyi rnam grangs 'di thos nas mchod pa mi bgyid pa dang / chos smra ba de dag la'ang mchod pa mi bgyid pa de la ni bdag cag gis sems mi bde bar bgyi'o// de nas bcom ldan 'das kyis rgyal po chen po bzhi po de dag la legs so zhes bya ba byin te/ rgyal po chen po dag /legs so/ /legs so/ /rgyal po chen po dag /khyod legs kyi rtag tu khyod kyis de ltar gyis shig /de nas dri za'i bdag po chen po yul 'khor srung gis bcom ldan 'das kyi zhabs la gtugs nas bcom ldan 'das la 'di skad ces gsol to/ /bcom </font><hr>297a<br><font size=+1>


@#/ /ldan 'das/ slad ma'i dus slad ma'i tshe sems can mi dge ba'i spyod pa dang / de bzhin gshegs pa la ma dad cing glo bar ma chud pa dag kyang 'byung bar 'gyur te/ de dag ni chos kyi rnam grangs 'di lta bu 'dzin par mi bgyid/ klog par mi bgyid/ yi ger 'drir stsol bar mi bgyid/ sbyin pa sbyin par mi bgyid/ sbyin pa'i 'bras bu rnam par smin pa la yid mi ches shing / 'jig rten 'di'i bde ba la lta bar bgyid de/ sems can de lta bu de dag gi don du de bzhin gshegs pa dang 'dra ba'i mdo sde'i rgyal po chen po 'di bka' stsal to/ /bcom ldan 'das kyis bka' stsal pa/ rigs kyi bu/ chos gnyis kyis sems can dmyal bar ltung bar byed de/ gnyis gang zhe na/ 'dod chags dang / zhe sdang ste/ rigs kyi bu/ chos de gnyis kyis sems can dmyal bar ltung bar byed do/ /rigs kyi bu/ chos 'di bzhis ni bde 'gror 'gro bar byed de/ bzhi gang zhe na/ 'di lta ste/ sems can thams cad la sems snyoms pa dang / bsam pa yongs su dag pa dang / bdog pa thams cad yongs su gtong ba dang / tshangs par spyod pa la gnas pa'o/ /de nas bcom ldan 'das kyis de'i tshe tshigs su bcad pa 'di dag bka' stsal to/ /rgyal chen sbyin pa 'di ni rdzu 'phrul che/ /ngan song ngan 'gro kun </font><hr>297b<br><font size=+1>


las rab grol byed/ /rmongs pa'i sems can rtag tu 'dod la chags/ /chags pa sna tshogs brgya yis de dag myos/ /mdo sde 'di la dad par mi byed cing / /sangs rgyas bstan la sbyin pa sbyin mi byed/ /sems can de 'dra ba dag ngan song sar/ /skyes nas tshor ba dag kyang myong bar 'gyur/ /sems can de dag la ni phan pa'i phyir/ de ltar mdo sde mthu chen rab tu bstan/ /mdo sde 'di la rtag tu dad pa gang / /de la gshed byed med cing sdig byed med/ /'byung po grul bum lto 'phye chen po med/ /rgyal po de la sdig pa byed pa med// legs 'dri nyan du 'jug dang mchod pa dang / /legs par 'dzin pa'i bsod nams gang yin pa/ /sangs rgyas ye shes kyis ni bsngags pa de/ /sems can kun gyis bskal mang brjod mi nus/ /gang dag rtag tu sangs rgyas byang chub rnams/ /rjed cing mchod pa byed pa de dag dang / /la la gzhan 'gas mdo sde 'di nyid las/ /yi ge 'bru gcig tsam yang legs bris na/ /de la bsod nams snga ma de yis ni/ /de yi brgya stong char yang mi phod do/ /de nas bcom ldan 'das la byang chub sems dpa' sems dpa' chen po 'phags pa spyan ras gzigs dbang phyug gis 'di skad ces gsol to/ /bcom ldan 'das/ rigs kyi bu'am/ rigs kyi bu mo gang la la chos kyi rnam grangs 'di la dad de/ me tog dang / </font><hr>298a<br><font size=+1>


@#/ /bdug pa dang / spos dang / me tog phreng dang / byug pa dang / gdugs dang / rgyal mtshan dang / ba dan rnams kyis mngon par mchod pa dang / chos smra ba de dag dang / 'dri ba rnams dang / 'dzin pa rnams la mchod pa chen pos mchod pa bgyid pa de dag ni tshe 'di nyid la yon tan dang phan yon mang po thob par 'gyur te/ de'i lus la mig nad dang / rna ba'i nad dang / sna nad dang / lce nad dang / rims nad dang / dug dang / mtshon dang / mes mi tshugs lags sos/ /de dag la pha mas yid bde ba dang| bu dang chung mas yid bde ba dang / khyim gyis yid bde bar 'byung bar 'gyur lags so/ /g.yul 'gyed pa thams cad du'ang rgyal bar 'gyur ro/ /'gum pa'i tshe'ang de bzhin gshegs pa mi 'khrugs pas yang dag par dbugs 'byin par mdzad de/ kye mi khyod tshur shog /'jig rten gyi khams bde ba can du song zhig /skyes bu chen po khyod ni dge ba'i rtsa ba 'bar ba dang ldan te/ gang du 'dod pa'i gnas rnams su skye bar 'gyur ro zhes gsungs so/ /de nas bcom ldan 'das la byang chub sems dpa' spyan ras gzigs dbang phyug gis 'di skad ces gsol to/ /bcom ldan 'das/ legs so/ /legs so/ /de bzhin gshegs pas 'di dzam+bu gling du bzhag pa ni </font><hr>298b<br><font size=+1>


de bzhin gshegs pa'i 'phrin las bgyid pa lags so/ bcom ldan 'das/ rig sngags chen po 'di ni las thams cad rnam par dag par bgyid pa lags so/ /bcom ldan 'das kyis bka' stsal pa/ rigs kyi bu/ 'di ni sems can bsod nams chung ngu dag gi yul na spyod par mi 'gyur ro/ /sems can bsod nams chung ngu dag gis thos par mi 'gyur/ lag tu 'ong bar mi 'gyur ro/ /sangs rgyas kyi mthus gang gi lag tu 'ongs sam/ de bzhin gshegs pas nyan du bcug na/ des thos pa'i mod kho na la 'dri bar bya/ yi ger 'drir gzhug par bya/ bklag par bya'o/ /rigs kyi bu/ de bzhin gshegs pa dang 'dra ba'i chos kyi rnam grangs 'di'i ming tsam thos na'ang ngan 'gros 'jigs par mi 'gyur ro| |la la zhig gis chos kyi rnam grangs 'di las yig 'bru gcig tsam mam/ ming tsam nyan du bcug gam/ phyogs sam/ yul 'ga' zhig tu lung 'bog par byed na de ni de bzhin gshegs pa dang 'dra bar blta bar bya'o/ /de ni de bzhin gshegs pa dang 'dra ba kho nar mchod par bya'o/ /de ni pha ma dang 'dra bar blta bar bya'o/ /rigs kyi bu/ / chos kyi rnam grangs 'di ni de bzhin gshegs pa bdun po rnams kyis gsungs so/ /byang chub sems dpa' thams cad kyis rjes su yi rang ngo / /lha thams cad kyis rjes su bzung </font><hr>299a<br><font size=+1>


@#/ /ngo| |yongs su bskyangs so/ /chos kyi rnam grangs 'di ni byang chub sems dpa' rnams kyi pha ma lta bu'o/ /de nas bcom ldan 'das la byang chub sems dpa' lag na rdo rjes 'di skad ces gsol to/ /bcom ldan 'das/ slad ma'i dus slad ma'i tshe chos kyi rnam grangs 'di rtag tu rgyun mi 'chad par thams cad rdzogs par gang du spyod par 'gyur lags/ bcom ldan 'das kyis bka' stsal pa/ rigs kyi bu/ chos kyi rnam grangs 'di ni klu'i rgyal po rgya mtsho'i gnas dang / sum cu rtsa gsum pa'i lha rnams kyi gnas su thams cad rdzogs par gnas par 'gyur ro/ /lho phyogs su'ang spyod par 'gyur ro/ /dzam+bu'i gling du ni cung zad tsam gnas par 'gyur te/ gnas kha cig tu ni spyod/ kha cig tu ni mi spyod par 'gyur ro/ /de nas bcom ldan 'das kyis byang chub sems dpa' lag na rdo rje la 'di skad ces bka' stsal to/ /lag na rdo rje/ chos kyi rnam grangs 'di gzung bar bya ba dang / bklag par bya ba dang / mchod par bya ba dang / nyan du gzhug par bya ba'i phyir khyod la gtad do/ /de bzhin gshegs pa dang 'dra ba'i chos kyi rnam grangs 'di nub par gyur ta re/ 'di ni de bzhin gshegs pa'i bya ba byed pa yin no/ /de nas bcom ldan 'das la byang chub sems dpa' lag na rdo rjes 'di </font><hr>299b<br><font size=+1>


skad ces gsol to/ /bcom ldan 'das/ chos kyi rnam grangs 'di gzung bar bgyi pa dang / bklag par bgyi ba dang / mchod par bgyi ba dang / nyan du gzhug par bgyi ba'i slad du bdag gis gzung lags so/ /chos smra ba de dag la'ang mchod par bgyi/ rjed par bgyi'o/ /gang chos kyi rnam grangs 'di dang / chos smra ba de dag la mchod pa bgyid pa de ni bdag la'ang mchod pa bgyid pa lags te/ de ni bdag gis bsrung bar bgyi ste/ yongs su bskyang bar bgyi ste/ bdag ni de bzhin gshegs pa la bka' drin gzo bar bgyid do/ /de nas bcom ldan 'das kyis byang chub sems dpa' lag na rdo rje la legs so zhes bya ba byin te/ lag na rdo rje/ legs so/ /legs so/ khyod kyis de ltar gyis shig /de nas bcom ldan 'das la byang chub sems dpa' 'phags pa spyan ras gzigs dbang phyug gis 'di skad ces gsol to/ /bcom ldan 'das/ chos kyi rnam grangs 'di la phyag 'tshal lo/ /chos nyan pa de dag dang / yi ger 'dri ba rnams dang / 'dzin pa rnams dang / klog pa rnams dang / nyan du 'jug pa rnams la'ang mngon par mchod par bgyi'o/ /bcom ldan 'das gal te sems can bsod nams chung ngu dag gi yul du chos kyi rnam grangs 'di byung ngam/ gal te rgyal po chos dang mi ldan pa'i yul du chos kyi rnam grangs 'di byung ste/ spyod pa na </font><hr>300a<br><font size=+1>


@#/ /chos kyi rnam grangs 'di la rgyal po de mchod par mi bgyid/ dad par mi bgyid la/ chos smra ba de dag dang / yi ger 'dri ba rnams dang / 'dzin pa rnams dang / klog pa rnams dang / nyan du 'jug pa rnams dang / lung 'bog pa rnams la'ang mchod par mi bgyid/ bla ma'i 'du shes skyed par mi bgyid na/ des na chos kyi rnam grangs 'di nub par 'gyur lags so/ /de'i yul du sdig pa'i chos mang po dang / yid mi bde ba mang po 'byung bar 'gyur te/ des na rgyal rigs rgyal po des bdag gi yul du chos nub par gyur to snyam du 'tshal bar bgyi ste/ des chos spyad par bgyi'o/ /bcom ldan 'das kyis bka' stsal pa/ rigs kyi bu/ legs so/ /legs so/ /de ni de bzhin te/ rigs kyi bu| dper na/ rigs kyi bu'am rigs kyi bu mo dad pa can la la zhig gis de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi bye ma snyed la lo brgya'am lo stong gi bar du bla na med pa'i mchod pas mchod pa byed la/ dzam+bu'i gling 'di rin po ches yongs su gang bar byas te/ nyan thos rnams dang / rang sangs rgyas rnams la sbyin pa byin pa dang / bdag nyid yongs su gtong ba gang yin pa dang / chung ma dang / bu dang / bu mo yongs su gtong ba gang yin pa dang / gang gis </font><hr>300b<br><font size=+1>


chos kyi rnam grangs 'di mchod pa'am/ yi ger 'dri'am/ yi ger 'drir 'jug pa'am/ klog pa'am/ me tog dang / bdug pa dang / spos dang / me tog phreng ba rnams kyis mchod de| chos kyi rnam grangs 'di'i phyir zho'i brgyad cha gcig tsam sbyin pa byin na de ni de bas chos bsod nams mang du skyed par 'gyur te/ dge ba'i rtsa ba snga ma shos de ni brgya'i char yang mi phod na/ gang bla ma'i 'du shes bskyed de/ chos kyi rnam grangs 'di la gdugs dang / rgyal mtshan dang / ba dan rnams kyis mchod pa byed cing / chos smra ba de dag la'ang gos sam/ rgyan nam/ gdugs sam/ bzhon pa'am/ grong ngam/ grong khyer ram/ sa gzhi ba lang gi rmig rjes tsam yang chos kyi rnam grangs 'di'i phyir sbyin pa byed la/ lus 'di ni snying po med pa'o snyam du shes shing rmi lam lta bu'o/ /sgyu ma lta bu'o/ /chu'i chu bur lta bu'o snyam du shes te/ lus 'di la ni snying po med do/ /chos thams cad ni mi rtag pa'o snyam du shes na/ de ni de bzhin gshegs pas lung bstan pa kho na yin no/ /de bzhin gshegs pas dbugs phyung ba kho na yin no/ /des ni de bzhin gshegs pa thams cad mchod pa yin no/ / phyis kyang mthar gyis bla na med pa yang dag par rdzogs pa'i byang chub kyi bar du mngon par rdzogs par 'tshang rgya bar 'gyur ro/ /de nas de'i tshe byang chub sems dpa' thams cad </font><hr>301a<br><font size=+1>


@#/ /dang / lha'i dbang po rnams dang / klu'i dbang po rnams dang / gnod sbyin gyi dbang po rnams dang / lha ma yin gyi dbang po rnams dang / nam mkha' lding gi dbang po rnams dang / mi'am ci'i dbang po rnams kyis tshig mthun par bcom ldan 'das la legs so zhes bya ba gsol te/ bcom ldan 'das/ legs so/ /legs so| |'di ni chos kyi 'khor lo lan gnyis bskor bar gyur to/ /bcom ldan 'das/ bdag cag kyang gcig tu mthun par bgyis te/ chos kyi rnam grangs 'di la mchod par bgyi'o| |yul de'ang bskyang bar bgyi'o/ /chos smra ba de la'ang mchod par bgyi/ bsrung bar bgyi/ lung bstan par bgyi/ dbugs dbyung bar bgyi'o/ /gang la la chos smra ba dang / yi ger 'dri ba dang / 'dzin pa dang / klog pa de la bla ma'i 'du shes skyed pa dang / pha'i 'du shes dang / bu'i 'du shes skyed pa de la ni bdag gis kyang pha'i 'du shes bskyed par bgyi'o/ /gal te chos kyi rnam grangs de ma rung bar bgyid na ni de'i yul thams cad du bu dang mchis 'brang dang pha ma yid mi bde bar 'gyur la/ de'i 'og tu sems can dmyal bar skye bar 'gyur ro/ /de nas bcom ldan 'das kyis byang chub sems dpa' de dag dang / lha'i dbang po nas mi'i dbang po'i bar de dag la legs </font><hr>301b<br><font size=+1>


so zhes bya ba byin te/ rigs kyi bu dag /legs so/ /legs so/ /grogs po dag /khyed kyis de ltar gyis shig /chos kyi rnam grangs 'di nyan du gzhug pa dang / mchod par bya ba'i phyir khyod la gtad do/ /de bzhin gshegs pa dang 'dra ba'i chos kyi rnam grangs 'di myur du nub par gyur ta re/ la la zhig gis spangs te/ sems can dmyal bar lhung nga re/ chos kyi rnam grangs 'di ni skye bo mang po la phan pa dang / skye bo mang po la bde bar 'gyur ba'o/ /khyed phyis 'gyod par gyur ta re/ chos kyi rnam grangs 'di bstan pa na/ sa chen po 'di g.yos te| g.yos/ rab tu g.yos so/ /srog chags drug stong ni len pa med par zag pa rnams las sems rnam par grol lo/ /de nas bcom ldan 'das la byang chub sems dpa' 'phags pa spyan ras gzigs dbang phyug gis 'di skad ces gsol to/ /bcom ldan 'das/ gang la la chos kyi rnam grangs 'di yi ger 'dri ba dang / yi ger 'drir stsol ba dang / 'dzin pa dang / klog pa dang / kun chub par bgyid pa dang / gzhan la'ang rgyas par yang dag par ston pa dang / me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan rnams kyis mchod par bgyid na/ bcom ldan 'das rigs kyi bu'am/ rigs kyi bu </font><hr>302a<br><font size=+1>


@#/ /mo de bsod nams ji snyed cig skyed par 'gyur lags/ gang du ni skye bar 'gyur lags/ de nas bcom ldan 'das kyis byang chub sems dpa' 'phags pa spyan ras gzigs dbang phyug la legs so zhes bya ba byin te/ rigs kyi bu/ legs so/ /legs so/ /khyod kyis de bzhin gshegs pa la 'di zhus pa ni legs so/ /rigs kyi bu/ de'i phyir legs par rab tu nyon la yid la gzung zhig dang / ngas khyod la bshad do/ /rigs kyi bu'am rigs kyi bu mo gang la la chos kyi rnam grangs 'di yi ger 'dri ba dang / yi ger 'drir 'jug pa dang / 'dzin pa dang / klog pa dang / kun chub par byed pa dang / gzhan dag la'ang rgya cher yang dag par ston pa dang / me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan rnams kyis mchod pa byed pa de ni 'di nas shi 'phos nas 'jig rten gyi khams bde ba can du skye bar 'gyur ro/ /rigs kyi bu/ gang la las stong gsum gyi stong chen po'i 'jig rten gyi khams 'di rin po ches yongs su gang bar byas te| nyan thos rnams dang / rang sangs rgyas rnams la sbyin pa byin pa bas ni chos kyi rnam grangs 'di 'dzin pa dang / mchod pa dang / yi ger 'dri ba dang / yi ger 'drir 'jug </font><hr>302b<br><font size=+1>


pa dang / chos smra ba de dag la'ang me tog dang / bdug pa dang / spos dang / me tog phreng dang / byug pa la sogs pas mchod pa 'di rigs kyi bu'am/ rigs kyi bu mo de'i bsod nams ches mang du 'phel bar 'gyur gyi/ rigs kyi bu/ snga ma gang yin pa des ni de snyed bsags pa ma yin no/ /rigs kyi bu/ gzhan yang rigs kyi bu'am rigs kyi bu mo gang gis byang chub sems dpa'i spyod pa spyad de/ bu dang / bu mo dang / chung ma yongs su gtong ba dang / lag pa dang / rkang pa dang / mig dang / mgo bo yongs su gtong ba bas ni gang gis chos kyi rnam grangs 'di yi ger 'dri ba'am/ yi ger 'drir 'jug gam/ klog gam/ dad par byed pa 'di bsod nams ches mang du 'phel bar 'gyur gyi/ rigs kyi bu snga ma gang yin pa des ni de snyed bsags pa ma yin no/ /chos smra ba'i rigs kyi bu de ni de bzhin gshegs pa dang 'dra ba kho nar blta bar bya'o/ /de bzhin gshegs pa dang 'dra ba kho nar mchod pa mngon par 'du bya bar bya'o/ /de nas bcom ldan 'das la byang chub sems dpa' sems dpa' chen po 'phags pa spyan ras gzigs dbang phyug gis 'di skad ces gsol to/ / bcom ldan 'das/ chos kyi rnam grangs 'di ni lha dang / mi dang / lha ma yin du bcas pa'i 'jig rten gyis phyag bgyi bar 'os lags so/ /chos smra ba de'ang phyag bgyi ba dang mchod </font><hr>303a<br><font size=+1>


@#/ /par bgyi ba'i 'os lags so/ /bcom ldan 'das/ chos kyi rnam grangs 'di ni rdzu 'phrul che ba lags te/ de bas na rigs kyi bu'am/ rigs kyi bu mo dad pa can gyi chos kyi rnam grangs 'di la gus par gyis te mnyan par bgyi'o/ /gus par bgyis te yid la bgyi'o/ /bcom ldan 'das/ sa phyogs gang na chos kyi rnam grangs 'di spyod pa'i sa phyogs de ni de bzhin gshegs pas byin gyis brlabs pa lags so/ /sa phyogs de ni mchod rten du gyur par blta bar bgyi'o/ /sa phyogs de ni lha dang / mi dang| lha ma yin du bcas pa'i 'jig rten gyis phyag bgyi ba'i gnas lags so/ /bcom ldan 'das kyis bka' stsal pa/ rigs kyi bu/ de de bzhin no/ /de de bzhin te/ rigs kyi bu/ sa phyogs de ni lha dang / mi dang / lha ma yin du bcas pa'i 'jig rten gyis phyag bya ba'i gnas yin no/ /de nas bcom ldan 'das la byang chub sems dpa' 'phags pa spyan ras gzigs dbang phyug gis 'di skad ces gsol to/ /bcom ldan 'das/ gang la la chos kyi rnam grangs 'di la'ang mchod pa bgyid la 'di'i slad du mchod pa dang bkur sti la brtson ba'i sems kyis sbyin pa yungs 'bru tsam stsal na/ de'i mtshams med pa lnga'i las rnams yongs su zad par 'gyur la/ bskal pa dgu </font><hr>303b<br><font size=+1>


khri'i bar du longs spyod che ba'i rigs rnams su skye bar 'gyur ro/ /bskal pa brgyad khri'i bar du 'khor los bsgyur ba'i rgyal por 'gyur ro/ /sangs rgyas kyi zhing yongs su dag pa rnams su skye bar 'gyur ro/ /gshis ngan du 'gum par mi 'gyur ro/ /ngan song du skye bar mi 'gyur/ bsam pa thams cad yongs su rdzogs par 'gyur ro/ /de nas bcom ldan 'das kyis byang chub sems dpa' sems dpa' chen po 'phags pa spyan ras gzigs dbang phyug la 'di skad ces bka' stsal to/ /rigs kyi bu/ sngon byung ba 'das pa'i dus bskal pa bgrang ba las 'das pa na/ de bzhin gshegs pa chos kyi ye shes mtha' yas pa chags pa med cing rdul dang bral ba'i rgyal po'i tog ces bya ba byung ste/ der ngas bram ze'i gzugs kyis chos kyi rnam grangs 'di thos so/ /thos nas kyang sems can rnams la bshad do/ /der ngas rnyed pa'i mod la chos la bzod pa thob ste/ chos rnams la chos kyi mig rnam par dag go /sems can gang dag gis thos pa de dag thams cad kyang ngan song thams cad las yongs su grol te/ nam yang ngan song du mi 'gro bar gyur la/ chos rnams la chos kyi mig rnam par dag ste/ sems can de dag thams cad mthar gyis bla na med pa yang dag par rdzogs pa'i byang chub mngon par rdzogs par sangs rgyas so/ /mngon par rdzogs </font><hr>304a<br><font size=+1>


@#/ /par 'tshang rgya bar 'gyur ro/ /rigs kyi bu/ ngas kyang lo mang po/ lo brgya phrag mang po/ lo stong phrag mang po/ lo 'bum phrag mang por sems can 'dod chags dang / zhe sdang dang / gti mug gis dkris pa rnams kyi phyir nor dang / 'bru dang / 'gron bu dang / gser yongs su gtang pa byas nas/ mthar gyis lag pa dang / rkang pa dang / mig dang / mgo bo dang / sdug pa'i bu dang / chung ma dang / bu mo'i bar du yongs su gtong bar byas so/ /rkang dang / rus pa yongs su gtong ba dang / khyim dang / grong dang / grong khyer dang / grong rdal dang / yul 'khor dang / rgyal po'i pho brang yongs su gtong ba byas so/ /lo 'bum phrag du mar tshangs par spyod pa'ang spyad do/ /khyim pa dang 'dris par ma byas/ rgyal srid la dga' ba dang / nor la dga' ba dang / yul 'khor dang / pho brang 'khor la dga' ba dang / bu dang bu mo la dga' ba dang / chung ma la dga' bar ma byas so/ /gcig tu nges par tshangs par spyod pa la gnas pa brten to/ /gcig tu nges par sbyin pa byin no/ /gcig tu nges par sangs rgyas dang / chos dang / dge 'dun rnams la mchod pa dang / bsnyen bkur\?\ byas so/ /gcig tu nges par ngas chos smra ba rnams la me tog dang / bdug pa dang / spos dang / </font><hr>304b<br><font size=+1>


me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan rnams kyis bkur stir byas/ bla mar byas/ ri mo byas/ mchod pa byas so/ /dge ba'i gshes gnyen mang po'ang ngas bsnyen bkur byas so/ /de'ang ngas 'khor ba la skyo ba'i lugs kyis lus rnams byin la/ mig rnams dang / rang gi sha rnams dang / rkang dang / rus pa rnams dang / rang gi pags pa rnams kyang byin na/ phyi rol gyi dngos po gzhan dag lta ci smos te/ nga 'gyod par gyur pa'ang med do/ /de nas byang chub sems dpa' de dag dang / lha'i dbang po rnams dang / klu'i dbang po rnams dang / gnod sbyin gyi dbang po rnams dang / lha ma yin gyi dbang po rnams dang / mi'i dbang po rnams dang / spyod pa pa dang / kun tu rgyu dang gcer pu pa rnams kyis de bzhin gshegs pa'i sngon gyi tshul 'di thos nas/ chos kyi shugs kyis mchi ma blags te/ de dag thams cad kyis chos la bzod pa thob par gyur to/ /bcom ldan 'das kyis bka' stsal pa/ grogs po dag /chos kyi rnam grangs 'di gzung zhig /'di ni sems can rnams la de bzhin gshegs pa'i bya ba byed pa yin no/ /de nas bcom ldan 'das la byang chub sems dpa' 'phags pa spyan ras gzigs dbang phyug gis 'di skad ces gsol to/ /bcom ldan 'das/ chos kyi </font><hr>305a<br><font size=+1>


@#/ /rnam grangs 'di la dad pa dang / mchod pa bgyid pa dang / 'dzin pa dang / klog pa dang / kun chub par bgyid pa'i sems can de dag ni dkon lags so/ /gang dag gi sug par mchis pa de dag ni sangs rgyas byung ba dang 'dra bar blta bar bgyi'o/ /bcom ldan 'das kyis bka' stsal pa/ rigs kyi bu/ legs so/ / legs so/ /rigs kyi bu/ de de bzhin te/ rigs kyi bu'am rigs kyi bu mo gang chos kyi rnam grangs 'di la mchod pa byed pa dang / yi ger 'dri ba dang / yi gar 'drir 'jug pa dang / 'dzin pa dang / klog pa dang / chos smra ba de dag la'ang me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan rnams kyis mchod pa byed pa de dag ni dkon te/ de dag ni de bzhin gshegs pa dang 'dra ba kho nar blta bar bya'o/ /rigs kyi bu/ sems can gang dag chos kyi rnam grangs 'di la mchod pa mi byed pa dang / 'dzin par mi byed pa dang / klog par mi byed pa dang / sbyin pa mi byed pa dag 'byung bar 'gyur te/ de dag ni bskal pa du ma dang / bskal pa brgya dang / bskal pa stong gi bar du 'khor ba na 'khor bar 'gyur te/ sdug bsngal ba mang po sdug bsngal brgya dag nyams su myong bar 'gyur ro/ /'di </font><hr>305b<br><font size=+1>


lta ste| dper na/ bud med sbrum ma zhig yod la/ bud med sbrum ma de'i lto na bu chags pa de'ang khye'u'am/ bu mo zhig tu gyur na/ bud med de'i bu gang gi tshe zla ba gcig lon nam/ zla ba gnyis lon nam/ zla ba gsum lon nam/ zla ba lnga lon nam/ zla ba tshang ba'i bar du gyur pa de tsam du bud med de'i lus non par 'gyur te/ tshigs kyang 'bye bar 'gyur/ lto'ang chung bar 'gyur/ skad kyi bcom yang chung bar 'gyur te/ tshor ba de dag gis yongs su gzir ba'i lus kyis de tsam du sdug bsngal gyi tshor ba myong bzhin du lus 'dzin par byed de/ bu btsa' ba'i dus kyi bar du sems can dmyal ba'i sdug bsngal myong ngo / /de 'di snyam du sems te/ gang gi tshe bdag gi bu btsa' bar 'gyur te/ bdag bde bar btsas par gyur na de'i tshe tshangs par spyad par bya'o snyam mo/ /de phyis yang 'dod pa'i 'dod chags kyis chags par gyur pa na sdug bsngal de dag phyis mi dran te/ bde ba'i 'du shes skyed par byed do/ /de bzhin du phyi ma'i tshe phyi ma'i dus na sems can 'byung bar 'gyur ba de dag chos kyi rnam grangs 'di la dad par mi byed/ mchod par mi byed/ 'dzin par mi byed/ klog par mi byed de/ de dag sems can dmyal ba dang / dud 'gro'i skye gnas dang / gshin rje'i 'jig rten rnams su skye bar 'gyur ro/ /de dag kyang 'dod chags kyis myos nas/ tshor </font><hr>306a<br><font size=+1>


@#/ /ba de dag bzod par gyur te/ bdag cag gis khyim dang / bu smad yongs su bskyang bar bya'o/ /chung ma dang / bu dang / bu mo yongs su bskyang bar bya'o snyam mo| |gang gi tshe'ang sems can dmyal bar skyes pa de'i tshe ni 'gyod par 'gyur ro/ /gang gi tshe phyir thar bar gyur pa de'i tshe ni 'dod chags kyis chags nas sems can dmyal ba'i sdug bsngal brjed par 'gyur te/ sbyin pa'ang sbyin par mi byed/ tshul khrims kyang srung bar mi byed do/ /'di lta ste/ dper na/ mi chang gis ra ro zhing myos te/ tshabs cher ra ro zhing myos la gtu lum par gyur na/ mi des sems kyis kyang khyim tshol mi nus/ lam yang mi tshol/ pha ma dang / chung ma dang / bu dang / bu mo'i 'du shes kyang med/ sangs rgyas dang / chos dang / dge 'dun yang mi dran te/ de chang gis myos pa'i mthus dur khrod na 'dug na'ang 'jigs pa med la/ 'di snyam du sems te| lha'am/ klu'am/ gnod sbyin nga skrag par byed nus pa su zhig yod snyam mo/ /de bong ba dang / shing dang / rtswa dang / tsher ma'i mal gzhan dag la bde bar 'du shes skyed pa las/ lus sor chud cing ra ro ba de sangs nas gang gi tshe dran pa rnyed par gyur pa de'i tshe 'gyod par byed de/ bdag ni srog la thug kyang bla/ bdag gis chang 'di </font><hr>306b<br><font size=+1>


btung bar mi bya'o snyam mo/ /de bzhin du sems can 'dod chags kyis rgyags pas myos shing / khyim na gnas pas rnam par 'khrul pa nor gyis sems myos pa rnams kyis ni sangs rgyas dang / chos dang / dge 'dun yang yongs su tshol bar mi byed/ sbyin pa'ang mi dran/ mtho ris su skye ba dang / rgyal por 'gyur ba dang / sangs rgyas kyi zhing du skye ba'ang yongs su tshol bar mi byed de/ 'khor ba de nyid na 'khor zhing sems can dmyal ba dang / dud 'gro'i skye gnas dang / gshin rje'i 'jig rten rnams su skyes pa'i sdug bsngal myong bar 'gyur la/ 'di snyam du 'dzin te/ bdag gi lus ni bde ste/ sdug bsngal ba med do snyam mo/ /gang gi tshe sems can dmyal ba dang / dud 'gro'i skye gnas dang / gshin rje'i 'jig rten de dag nas thar te/ brgya la brgya lam na mi'i lus thob par gyur pa de'i tshe mngal na gnas pas lus yongs su gzir cing mun nag gis skye bar gyur pa'i lus la bad kan dang / mkhris pa dang / ljan ljin dang / khrag dang / phyi sas bdas pas skyo bar gyur nas/ 'di snyam du sems te/ bdag cag lo brgya'am/ bskal pa'am/ bskal pa brgya'am/ bskal pa stong ngam/ bskal pa 'bum gyi bar du 'khor ba na 'khor zhing sdug bsngal gyi tshor ba mi bzad cing yid du mi 'ong ba myong la/ gang </font><hr>307a<br><font size=+1>


@#/ /du'ang bdag cag gis skyabs med pa 'di las gang dag gi 'bras bu rnam par smin pa yin zhig gu /bdag cag gis kyang sngon sdig pa mang du byas so snyam ste| de ltar mngal na gnas nas sems can dmyal ba dang 'dra bar 'gyod pa skyed par byed de/ gang gi tshe bdag cag mngal na gnas pa'i sems can dmyal ba 'di las thar par gyur pa de'i tshe sangs rgyas dang / chos dang / dge 'dun la mi phyed pa'i dad pas bsgrub pa dang btsal bar bya ste/ ci nas kyang bdag cag phyin chad mngal gyi sems can dmyal bar gnas par mi 'gyur bar bya'o snyam mo/ /de dag phyis mngal gyi gnas rnams las thar nas bag med par byed de/ de dag yang sems can dmyal ba rnams su sdug bsngal myong bar 'gyur ro/ /de lta bas na nam yang bag med par mi bya'o/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das/ chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo/ de'i phyir chos kyi rnam grangs 'di sems can thams cad kyi skyabs byed pa zhes bya bar gzung zhig /byang chub sems dpas zhus pa zhas bya bar yang gzung </font><hr>307b<br><font size=+1>


zhig /bkod pa'i rgyal po'i rnam par 'phrul pa'i rgyal po zhes bya bar yang gzung zhig /de bzhin gshegs pas mngon par rdzogs par byang chub pa zhes bya bar yang gzung zhig /chos thams cad kyi yon tan bkod pa'i rgyal po zhes bya bar yang gzung zhig /bcom ldan 'das kyis de skad ces bka' stsal nas/ byang chub sems dpa' de dag dang / nyan thos chen po de dag dang / brgya byin dang / tshangs pa dang / 'jig rten skyong ba de dag thams cad dang / thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa chos thams cad kyi yon tan bkod pa'i rgyal po zhes bya ba theg pa chen po'i mdo rdzogs so// //rgya gar gyi mkhan po pradz+nyA warma dang / su ren+d+ra bo d+hi dang / zhu chen gyi lo tsA ba ban+de ye shes sde la sogs pas bsgyur cing zhus te gtan la phab pa// </font><hr>

</table>