@#/ /rgya gar skad du/ Ar+ya su mu khaM nA ma d+hA ra NI/ bod skad du/ 'phags pa sgo bzang po zhes bya ba'i gzungs/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das byang chub kyi shing drung na byang chub kyi snying po'i mchod rten chen po na/ dge slong stong nyis brgya lnga bcu'i dge slong gi dge 'dun chen po 'di lta ste/ tshe dang ldan pa sha ra dwa ti'i bu dang / tshe dang ldan pa mo+od gal gyi bu chen po la sogs pa nyan thos chen po thams cad dang thabs cig tu bzhugs te/ byang chub sems dpa'i dge 'dun chen po 'di lta ste/ byang chub sems dpa' sems dpa' chen po lag na rdo rje dang / byang chub sems dpa' sems dpa' chen po rdo rje'i rgyal mtshan dang / byang chub sems dpa' sems dpa' chen po rdo rje'i snying po dang / byang chub sems dpa' sems dpa' chen po byams pa la sogs pa bskal pa bzang po'i byang chub sems dpa' sems dpa' chen po rnams dang yang thabs cig go/ /de nas byang chub sems dpa' sems dpa' chen po lag na rdo rjes bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis sgo bzang po zhes bgyi ba'i chos kyi rnam grangs bshad du gsol/ gang gis sems can rnams la snang ba bgyi bar 'gyur ba dang / phyir rgol ba dang dgra thams cad kyis gnod pa mi bgyi bar bsrung ba dang / bskyab par 'gyur ba dang / 'di lta ste/ lha'i dbang po rnams dang / klu'i dbang po rnams dang / gnod sbyin gyi dbang po rnams dang / srin po'i dbang po rnams dang / 'byung po'i dbang po rnams kyis 'jigs par mi 'gyur ba dang / sdig pa dang / mtshon dang / dug dang / byad kyis gnod par mi 'gyur ba dang / phar mchi'am/ slar mchi'am/ nyal lam/ 101-1-255b gnyid kyis log gam/ smyos sam/ rab tu smyos kyang rung thams cad du yang skyob par 'gyur pa de dag gi don du de lta bu'i gsang sngags gzhi rnams bshad du gsol/ ji ltar bdag rtag tu de bzhin gshegs pa'i rim gro 'tshal ba dang / rtag tu srung ba dang / yongs su skyob par 'tshal ba dang / de bzhin du sems can thams cad kyi don dang / byang chub sems dpa'i theg pa pa'i rigs kyi bu'am/ rigs kyi bu mo de dag 'thab pa dang / mtshang 'dru ba dang / rtsod pa dang / nad dang / dus ma lags pa'i 'gum pa las bsrung ba dang / yongs su bskyang bar bgyi ba'i slad du de bzhin gshegs pa la gsol ba 'tshal lags so/ /de nas bcom ldan 'das kyis byang chub sems dpa' sems dpa' chen po lag na rdo rjes gsol ba btab par thugs su chud nas de la 'di skad ces bka' stsal to/ /lag na rdo rje khyod sems can thams cad kyi don gyi phyir de bzhin gshegs pa la gsol ba 'debs pa legs so legs so/ /de'i phyir lag na rdo rje khyod legs par rab tu nyon la yid la zung shig dang / sgo bzang po zhes bya ba'i chos kyi rnam grangs bshad par bya'o/ /u gu mu gu ba li ni/ ban d+ha ni/ ba la tsa ma na/ ba hu ba hu ba hu li brtA ya swA hA/ de bzhin gshegs pa'i spyi bo nas dbang bskur ba'i gzungs sngags gzhi rnams bka' stsal to/ /de bzhin gshegs pas kyang gzung bar 'gyur ro/ /byin gyis rlob par 'gyur ro/ /tad+ya thA/ badzrI badzrI badzrI badzrI d+ha ri/ badzrA pA Ni/ badzrI d+ha ri/ tsakra badzrI/ tsakra d+ha ri/ pa Tu d+hi d+hi ri/ b+hi ri/ mu ri/ tsi ri/ a hu ri/ b+ha ga/ b+hi b+hi ri/ shi ri tra/ shi ri/ ru ru tse/ ru ru tse/ tsa ri tsa ri/ da ri tsa le/ tsu ri mu ri paN+Da re/ sdig pa thams cad 'jig par byed pa/ nad thams cad rab tu zhi bar byed pa/ dus ma yin par 'chi ba 'gog pa nas rmi lam ngan 101-1-256a pa'i bar du 'gog par byed pa/ tad+ya thA/ ban+d+hi da/ ga ga ri Ni/ murta ni/ pra mUrta ni/ nA sha ni/ pra nA sha ni/ nad rab tu zhi bar byed pa nas rmi lam ngan pa'i bar du 'gog par byed pa 'di lta ste/ nA shA ni/ nA sha ni/ ban+d+ha ni/ ban+d+ha ni/ ts+tshin+da ni/ ts+tshin+da ni/ tsi re mi re/ ma he ha da ni/ ba ni ba re/ kha re be re/ bi ri bi ri/ bo d+hi bo d+hi/ su Sha Ni/ sha ra Ni/ ba ru ba ri Ni/ bar hU~M ye/ prah+ma tsA ri Ni/ in+d+ra ba ti/ d+hi d+hi rI ya Ni/ na mo ma he shwa ra ya ni/ r-i shi/ b+hany+dza ni bA ba dza ha ni kA la pa ti ni/ b+hu ta ba da ni/ sat+ya ga the/ so ma bA di/ so ma pra b+he swA hA/ tshe ring bar 'gyur/ tad+ya thA/ ha ra ha ra ha ra hA ni swA hA/ tad+ya thA/ i Di ta ga Di ta/ ba di da/ a ye na/ a ri/ bany+dza ni/ ka kIrta ni/ pu tra da da hA ni/ marga a b+hi ro ha ni/ hu sa ba ti/ mu pa ba di/ hi li hi li/ ya thA ba dzu ya/ ya thA ag+ni/ ya thA ba ran tsa ya thA na la ya/ ya thA badzra Na/ ya thA hr-i da ya swA hA/ lag na rdo rje 'di ni sgo bzang po zhes bya ba'i gzungs te/ de bzhin gshegs pa rnams kyi thugs rjes sems can rnams kyi don du bshad do/ /ji ltar sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis gsungs shing byin gyis brlabs pa dang / bden pa'i thugs dam gyis rnam par gzhag bzhin du nga yang 'chad do/ /de nas bcom ldan 'das kyis skyes bu chen po'i mtshan smin mtshams kyi mdzod spu nas 'od zer phyung ste/ sangs rgyas kyi zhing thams cad du 'od zer gyi snang ba byung ngo / /'od zer gyi snang ba des bskul bas rang rang gi sangs rgyas kyi zhing dag nas chas te/ 'jig rten gyi khams mi mjed 'dir byon nas/ bcom ldan 'das shAkya thub pa la legs so zhes bya ba byin te/ shAkya thub pa khyod kyis sems can thams cad kyi don du sgo bzang po zhes bya ba'i chos kyi rnam grangs gzungs sngags gzhi rnams 101-1-256b snang bar byed pa/ mchog tu dga' bar byed pa/ dran par byed pa bshad pa legs so legs so/ /bdag cag gis kyang byin gyis brlab bo/ legs so zhes bya ba byin no/ /rigs kyi bu'am/ rigs kyi bu mo gang la la gzungs sngags gzhi 'di dag 'dzin cing / nang par langs nas klog pa'i rigs kyi bu'am/ rigs kyi bu mo de'i yon tan gyi phan yon nyi shur shes par bya ste/ nyi shu gang zhe na/ 'di lta ste/ sangs rgyas thams cad kyis byin gyis brlabs par 'gyur ba dang / sangs rgyas thams cad kyis dgongs par 'gyur ba dang / ngan song du 'gyur ba'i las kyi sgrib pa thams cad med par 'gyur ba dang / tshe ring bar 'gyur ba dang / ring du 'tsho zhing grags pa dang ldan pa dang / longs spyod dang ldan pa dang / stobs dang ldan pa dang / gzi brjid dang ldan pa dang / rtag tu nad med pa dang ldan pa dang / brtson 'grus dang ldan pa dang / sangs rgyas bcom ldan 'das thams cad dgyes shing thugs su chud par 'gyur ba dang / lha thams cad kyis bsams par 'gyur ba dang / dge bar spyod par 'gyur ba dang / dge ba'i don la rab tu brtson pa dang / snang bar byed par 'gyur ba dang / mchog tu dga' ba dang / dran pa dang ldan par 'gyur ba dang / mtshan phun sum tshogs par 'gyur ba dang / mi 'jigs par 'gyur ba dang / dge ba'i rtsa ba thams cad dang ldan par 'gyur ro/ /lag na rdo rje 'di ni de bzhin gshegs pa dgra bcom pa yang dag par rdzogs pa'i sangs rgyas rnams kyi gsang ba'i gnas kyi gzungs sngags gzhi 'di rnams gsungs shing / sangs rgyas thams cad kyis byin gyis brlabs pa yin no/ /de nas byang chub sems dpa' sems dpa' chen po lag na rdo rjes bcom ldan 'das la 'di skad ces gsol to/ /bcom ldan 'das bdag gis kyang rigs kyi bu'am/ rigs kyi bu mo de la bsrung ba dang / yongs su 101-1-257a bskyang ba'i slad du gzungs sngags gzhi rnams bshad par bgyi'o/ /su zhig sgo bzang po zhes bgyi ba'i chos kyi rnam grangs tshe skyong ba'i rig sngags 'di 'dzin cing / nang par langs nas klog pa de rnam par 'tshe ba thams cad las bsrung bar bgyi'o/ /tad+ya thA/ shi khi shi khi shi khi shi ka/ tsi tsi tsi tsi/ b+ha b+ha b+ha b+ha/ ru ru ru ru/ dzi dzi dzi dzi/ gra gra gra gra/ hri hri hri hri/ ha ha ha ha/ ma ma ma ma/ ha na ha na me/ sarba prat+yaR+thi kA/ da ha da ha me/ sarba sha tra ba/ pa tsa pa tsa me/ sarba a hi te Shi na swA hA/ de nas bcom ldan 'das kyis byang chub sems dpa' sems dpa' chen po lag na rdo rje la legs so zhes bya ba byin te/ lag na rdo rje sems can thams cad kyi don gyi phyir dngos grub dam pa'i gzungs sngags gzhi rnams smras pa legs so legs so/ /byang chub sems dpa' lag na rdo rjes gsol pa/ bcom ldan 'das gang sgo bzang po zhes bgyi ba'i chos kyi rnam grangs tshe skyong ba'i rig sngags 'di 'dzin cing / nang par langs nas klog pa de'i spu'i khung bu rnams su mdangs thams cad stsal bar bgyi bar bshad par bgyi'o/ /tad+ya thA/ hi li mi li tsi li swA hA/ prah+ma swa re swA hA/ prah+ma a ba su gar+b+he/ a ka la be/ pu Sha saM sta re swA hA/ btsun pa bcom ldan 'das 'di ni gang nang par langs nas klog pa'i rigs kyi bu'am/ rigs kyi bu mo de bsrung ba dang / yongs su bskyang ba'i slad du gzungs sngags gzhi rnams lags so/ /de nas bcom ldan 'das la lha'i dbang po brgya byin gyis 'di skad ces gsol to/ /btsun pa bcom ldan 'das bdag gis kyang gang gi tshe skyong ba'i rig sngags 'di dag 'dzin cing / nang par langs nas klog pa'i rigs kyi bu'am/ rigs kyi bu mo bsrung ba dang / yongs su bskyang ba'i slad du sangs rgyas kyi byin gyi brlabs kyis gzungs 101-1-257b sngags gzhi rnams bshad par bgyi'o/ /tad+ya thA/ bo d+hi tsit+te/ pa ra Ni/ da mA raN+De/ dit+ta t+tit+ti go+o ri/ gan+d+ha ri sa ra ma tan+ta/ badzra tu la ni/ dz+wA la mA la li ni/ tsakra bA ka/ sha ba re sha ba re/ sha ma re sha ma re swA hA/ de nas rgyal po chen po rnam thos kyi bu dang / rgyal po chen po yul 'khor srung dang / rgyal po chen po 'phags skyes po dang / rgyal po chen po mig mi bzang gis/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa bcom ldan 'das bdag cag rgyal po chen po bzhis kyang gang sgo bzang po zhes bgyi ba'i chos kyi rnam grangs tshe skyong ba'i rig sngags 'di 'dzin cing nang par langs nas klog pa'i rigs kyi bu'am/ rigs kyi bu mo de la bsrung ba dang yongs su bskyang ba'i slad du gzungs kyi gsang sngags 'di brjod par bya'o/ /tad+ya thA/ puSh+pe su puSh+pe/ bo d+ha ni/ saM sho d+ha ni/ d+hu ma pa ri ha re/ Ar+ya pra sha ste/ shAn+te/ ni ra muk+te/ mang+ga l+ye/ hi ra N+ya gar+b+he/ sta re sta pa ti swA hA/ de nas 'byung po'i ma mo 'phrog mas bcom ldan 'das la 'di skad ces gsol to/ /btsun pa bcom ldan 'das bdag gis kyang gang sgo bzang po'i chos kyi rnam grangs tshe skyong ba'i rig sngags 'di 'dzin cing / nang par langs nas klog pa dang / yid la bgyid pa'i rigs kyi bu'am/ rigs kyi bu mo de la bsrung ba dang / yongs su bskyang ba'i slad du gzungs kyi gsang sngags gzhi rnams brjod par bgyi'o/ /tad+ya thA/ pi li si pa pi li/ si li/ ma hA pi pi li/ si me li si/ gu ru Ne/ gu ru gu ru Ne ma hA gu ru Ne phu swA hA/ de nas gnod sbyin gyi sde dpon chen po lngas rtsen bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa bcom ldan 'das bdag gis kyang gang sgo bzang po 101-1-258a zhes bgyi ba'i chos kyi rnam grangs 'di 'dzin cing / nang par langs nas klog pa'i rigs kyi bu'am/ rigs kyi bu mo de la bsrung bar bgyi'o/ /tad+ya thA/ aT+Te phu/baT+Te phu/ naT+Te phu/ ku naT+Te phu/ ma naT+Te phu/ muN+Da ta ha ke phu/ shri phu b+haM ge phu/ ma~M ge phu swA hA/ de nas bcom ldan 'das la byang chub sems dpa' sems dpa' chen po lag na rdo rjes 'di skad ces gsol to/ /btsun pa bcom ldan 'das bdag gis kyang gang sgo bzang po zhes bgyi ba'i chos kyi rnam grangs 'di 'dzin cing / nang par langs nas klog pa'i rigs kyi bu'am/ rigs kyi bu mo de la bsrung bar bgyi'o/ /yongs su bskyang ba dang / yongs su gzung ba dang / yongs su bskyab pa dang / zhi ba dang / bde legs su 'gyur ba dang / chad pa spang ba dang / dug gzhil bar bgyi'o/ /mtshams gcad par bgyi'o/ /tad+ya thA/ hi badzre/ he badzre/ hI hA/ bi si bi si/ ma hA bi si phu swA hA/ de nas bcom ldan 'das la lha'i bu dbang phyug chen pos 'di skad ces gsol to/ /btsun pa bcom ldan 'das bdag gis kyang gang sgo bzang po zhes bgyi ba'i chos kyi rnam grangs 'di 'dzin cing / nang par langs nas klog pa'i rigs kyi bu'am/ rigs kyi bu mo de la bsrung ba dang / yongs su bskyang ba'i slad du gzungs sngags gzhi rnams brjod par bgyi'o/ /tad+ya thA/ hu lu hu lu/ hu lu hu lu lu/ sarba b+hU ta pra ti She d+ha naM ka ro mi swA hA/ de nas sde dpon gzhon nus bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa bcom ldan 'das bdag gis kyang gang sgo bzang po zhes bgyi ba'i chos kyi rnam grangs gtsang ma 'di 'dzin cing / nang par langs nas klog pa'i rigs kyi bu'am/ rigs kyi bu mo de la bsrung ba dang / yongs su bskyang bar bgyi ba'i slad du gzungs sngags gzhi 'di rnams 101-1-258b brjod par bgyi'o/ /tad+ya thA/ hi li hi li/ hi li hi li/ hi li hi li/ mi li mi li/ tu ru tu ru/ tu ru tu ru/ sarba b+hU ta pra ti She d+ha na~M ka ro mi swA hA/ de nas lha'i bu zla 'od kyis bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa bcom ldan 'das bdag gis kyang gang sgo bzang po zhes bgyi ba'i chos kyi rnam grangs gtsang ma 'di 'dzin cing / nang par langs nas klog pa'i rigs kyi bu'am/ rigs kyi bu mo de la bsrung ba dang yongs su bskyang bar bgyi'o/ /tad+ya thA/ a~M ge/ ba~M ge/ tsa~M ge/ hi ni/ Di Di/ di di tsi tsi phu swA hA/ de nas bcom ldan 'das la byang chub sems dpa' sems dpa' chen po 'phags pa spyan ras gzigs dbang phyug gis 'di skad ces gsol to/ /btsun pa bcom ldan 'das bdag gis kyang gang sgo bzang po zhes bgyi ba'i chos kyi rnam grangs tshe skyong ba'i rig sngags 'di 'dzin cing / nang par langs nas klog pa'i rigs kyi bu'am/ rigs kyi bu mo de la bsrung ba dang yongs su bskyang bar bgyi'o/ /tad+ya thA/ ha te/ bi ha te/ ni ha te/ sarba pra t+ya rI kA/ pra t+yA/ mi tra shud+d+he/ mu k+te/ bi muk+ti/ bi ma le/ ni rma le/ pra b+ha swa re/ pra b+ha ka re phu swA hA/ de nas bcom ldan 'das la byang chub sems dpa' sems dpa' chen po byams pas 'di skad ces gsol to/ /btsun pa bcom ldan 'das bdag gis kyang gang sgo bzang po zhes bgyi ba'i chos kyi rnam grangs tshe skyong ba'i rig sngags 'di 'dzin cing / nang par langs nas klog pa'i rigs kyi bu'am/ rigs kyi bu mo de la bsrung bar bgyi'o/ tad+ya thA/ dz+wa le dz+wa le/ ma hA dz+wa le dz+wa la/ dz+wa le ni uk+ke muk+ke/ sha me pra sha me/ ma hA pra sha me/ sha me sa mAd+he/ ma hA sa mA d+he/ sa mA ba d+he/ dz+wa le ma hA dz+wa le/ dz+wa la ba me phu swA hA/ de nas gnod sbyin gyi sde dpon kha ba can gyis bcom ldan 'das 101-1-259a ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa bcom ldan 'das bdag gis kyang gang sgo bzang po zhes bgyi ba'i chos kyi rnam grangs tshe skyong ba'i rig sngags 'di 'dzin cing / nang par langs nas klog pa'i rigs kyi bu'am/ rigs kyi bu mo de la bsrung ba dang / yongs su bskyang bar bgyi'o/ /tad+ya thA/ u duM ba re/ u duM pe pra duM be/ byA brde/ A na g+he/ sa mA d+he/ ma hA sa mA d+he/ nI le nI le/ nI la ke she ke she ni/ ku le ku le/ ma hA ku le/ nI la ku le/ sid+d+hi/ sid+d+hi/ ma no ha re/ aT+Te/ baT+Te/ naT+Te/ ku naT+Te/ sa ma the/ ba ba la/ ku tse/ dAn+te/ nI la ka she/ ku le/ nI la/ dAn+te dzAM gu le/ hu she/ mU she/ ba laM ku she/ ha la ku she/ pha la mu tse swA hA/ de nas gnod sbyin gyi sde dpon chen po bde ba'i ri gnas kyis bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa bcom ldan 'das bdag gis kyang gang sgo bzang po zhes bgyi ba'i chos kyi rnam grangs tshe skyong ba'i rig sngags 'di 'dzin cing / nang par langs nas klog pa'i rigs kyi bu'am/ rigs kyi bu mo de la bsrung ba dang yongs su bskyang bar bgyi'o/ /tad+ya thA/ a ma le/ bi ma le/ ni ra ma le/ ma~M ga le/ hi ra n+ya gar+b+he/ sarba aR+tha sA d+ha ni/ ka mash+tsi ni yu bi ra dze/ ku Ta ku Ta/ kaM ba le prah+ma/ prah+ma swa re/ prah+ma sid+d+he/ sid+d+hi ma nor the gu swA hA/ de nas lha mo chen mo rdo rje lu gu rgyud kyis bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa bcom ldan 'das bdag gis kyang gang sgo bzang po zhes bgyi ba'i chos kyi rnam grangs tshe skyong ba'i rig sngags 'di 'dzin cing / nang par langs nas klog pa'i rigs kyi 101-1-259b bu'am/ rigs kyi bu mo de la bsrung ba dang / yongs su bskyab pa dang / yongs su gzung ba dang / yongs su bskyang ba'i slad du gzungs sngags gzhi rnams brjod par bgyi'o/ /tad+ya thA/ badzre badzre/ ma hA badzre/ badzra da ni/ bud+d+ha badzre/ bud+d+ha a d+hiSh+Thi te badzre/ su bud+d+he/ ni bud+d+he/ ba hu bud+d+he/ bi shi Sh+Ta bud+d+he/ shud+d+he/ bud+d+he bud+d+he/ nI sha~M grA ma Ni/ dzaM ge le/ a la se/ ti li me/ ti le/ ti li le/ marge/ shAn+ta shAn+ta gA mI ni phu swA hA/ de nas bcom ldan 'das la byang chub sems dpa' sems dpa' chen po rdo rje'i sdes 'di skad ces gsol to/ btsun pa bcom ldan 'das bdag gis kyang gang sgo bzang po zhes bgyi ba'i chos kyi rnam grangs tshe skyong ba'i rig sngags 'di 'dzin cing / nang par langs nas klog pa'i rigs kyi bu'am/ rigs kyi bu mo de la bsrung bar bgyi'o/ /tad+ya thA/ hi le badzre/ he hi badzre/ he he badzra ya ba ki ri ki ri badzra swA hA/ tad+ya thA/ aN+Da re/ paN+Da re/ shwe te/ paN+Da ra ba si ni/ kin+na re/ ka rA de/ ke yU re/ e ha bud+d+he/ ta twa bud+d+he/ b+hU dze b+hU dze/ b+hU dza~M ga me/ b+hU dza pA ba te/ b+ha ye b+ha ye/ b+ha ya a gra ba te/ bi nI bi nI/ shi ra pa the/ shi ba pa the/ A dit+ya pa the/ te dze te dza ba to/ /A kA sha pa the phu swA hA/ de nas rdo rje pho nya mos bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa bcom ldan 'das bdag gis kyang gang sgo bzang po zhes bgyi ba'i chos kyi rnam grangs tshe skyong ba'i rig sngags 'di 'dzin cing / nang par langs nas klog pa'i rigs kyi bu'am/ rigs kyi bu mo de la bsrung ba dang bskyang ba dang sba bar bgyi'o/ /tad+ya thA/ ku Te ku Te/ ku Ti ni/ ku Ta ku Ta re swA hA/ nI li nI le/ nI la ke she swA hA/ pI te pI te/ pI ta ke she swA hA/ lo hi te/ lo hi te/ lo hi ta ke she swA hA/ a ba dA de/ a 101-1-260a ba dA de/ a ba dA ta ke ni swA hA/ many+dziSh+The/ many+dziSh+The/ many+dziSh+The ke she swA hA/ tsakre tsakre/ badzra tsakre swA hA/ de nas bcom ldan 'das kyis phyag g.yas pa gser gyi kha dog can brkyang nas brgya byin dang / tshangs pa dang / 'jig rten skyong ba thams cad la legs so zhes bya ba byin te/ bzhin bzangs dag de bzhin gshegs pa'i byin gyi brlabs kyis lha dang 'jig rten skyong ba khyod kyis sems can thams cad la phan gdags pa dang / bsrung ba'i phyir gzungs sngags gzhi 'di dag legs par brjod pa legs so legs so/ /de nas bcom ldan 'das kyis kyang byang chub sems dpa' lag na rdo rje la bka' stsal pa/ lag na rdo rje rigs kyi bu'am/ rigs kyi bu mo gang la la zhig sgo bzang po zhes bya ba'i chos kyi rnam grangs tshe skyong ba'i rig sngags 'di 'dzin cing / nang par langs nas klog pa de sangs rgyas thams cad kyis byin gyis brlabs par 'gyur/ lha'i dbang po dang / klu'i dbang po dang / gnod sbyin gyi dbang po dang / lha ma yin gyi dbang po dang /nam mkha' lding gi dbang po dang / mi'am ci'i dbang po dang / lto 'phye chen po'i dbang po thams cad kyis bsams par gyur to/ /bcom ldan 'das kyis de skad ces bka' stsal nas/ byang chub sems dpa' lag na rdo rje dang / brgya byin dang / tshangs pa dang / 'jig rten skyong ba thams cad dang thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ / 'phags pa sgo bzang po zhes bya ba'i gzungs rdzogs s+ho// //rgya gar gyi mkhan po dzi na mi tra dang / dA na shI la dang / zhu chen gyi lots+tsha ba ban+de ye shes sdes bsgyur cing zhus te skad gsar chad kyis kyang bcos nas gtan 101-1-260b la phab pa// |